ရခိုင်အရေး ဖိအားပေးမှုများနှင့် မြန်မာနိုင်ငံအတွက် အရေးအကြီးဆုံးအချိန်

ကုလသမဂ္ဂလုံခြုံရေးကောင်စီမှ အဖွဲ့တစ်ဖွဲ့သည် မြန်မာ-ဘင်္ဂလားဒေ့ရှ် နယ်စပ်ဒေသတစ်လျှောက်၌ နေထိုင်နေကြသော ဘင်္ဂါလီ မွတ်စလင်ဒုက္ခသည်များထံသို့ ဧပြီ ၂၉ ရက်က သွားရောက်ခဲ့သည်။ ထိုခရီးစဉ်အတွင်း ကုလသမဂ္ဂကိုယ်စားလှယ်များသည် ဒုက္ခသည်များကို မေးမြန်းမှုများ ပြုလုပ်ခဲ့သည်။ ယင်းနောက် အဆိုပါအဖွဲ့သည် မြန်မာနိုင်ငံသို့ ဆက်လက်သွားရောက်ပြီး အရပ်သား အစိုးရအဖွဲ့ခေါင်းဆောင် ဒေါ်အောင်ဆန်းစုကြည်နှင့် တွေ့ဆုံမည်ဖြစ်သည်။ ယခု ရောက်လာသည့်အဖွဲ့၌ ကုလသမဂ္ဂလုံခြုံရေးကောင်စီအဖွဲ့ဝင် ၁၅ နိုင်ငံမှ သံတမန် ၂၆ ဦး ပါဝင်သည်။ ကုလသမဂ္ဂလုံခြုံရေးကောင်စီ (UNSC) ကိုယ်စားလှယ်အဖွဲ့သည် ဒုက္ခသည်အမျိုးသမီးအချို့နှင့် တွေ့ဆုံလျက် စကားပြောဆိုခဲ့ပြီး ဘင်္ဂါလီခေါင်းဆောင် အချို့နှင့်လည်း တွေ့ဆုံခဲ့သည်။ ဘင်္ဂါလီဒုက္ခ သည်များက ရခိုင်ပြည်နယ်သို့ ပြန်ပို့မည့် အရေးနှင့်ပတ်သက်ပြီး တောင်းဆိုချက် ၁၄ ချက်ကို ယခု ကုလသမဂ္ဂကိုယ်စားလှယ်အဖွဲ့သို့ တင်ပြခဲ့ကြောင်း သိရသည်။

ယခုအခါ ကုလသမဂ္ဂ၊ အနောက်အုပ်စု နိုင်ငံများနှင့် ဘင်္ဂလားဒေ့ရ်ှနိုင်ငံတို့၏ ရခိုင်အရေးနှင့်ပတ်သက်၍ ကြိုးပမ်းမှုအချို့သည် ဒုက္ခသည်များ ပြန်ပို့ရေးနှင့် ပြဿနာဖြေရှင်းရေးကို ကျော်လွန်လျက် နိုင်ငံသားပြုမှု၊ ၈၂ နိုင်ငံသားဥပဒေစသည့် နိုင်ငံ၏အချုပ်အခြာ အာဏာပိုင်မှုနှင့် နယ်မြေတည်တံ့မှုတို့ကို ၀င်ရောက်စွက်ဖက်ရာကျလာသည်။ ဒုက္ခသည်များ ဂုဏ်သိက္ခာရှိစွာ ပြန်လာရေးဟုဆိုရာ၌ အတိုင်းအတာရှိသည်ကို သတိပြုဖွယ် ရှိနေသည်။ ၈၂ နိုင်ငံသားဥပဒေသည် နိုင်ငံ၏ အချုပ်အခြာအာဏာပိုင်မှုဖြစ်သောကြောင့် ၀င်ရောက်စွက်ဖက်ရန် မသင့်သော ကိစ္စဟု ဆိုရမည်ဖြစ်သည်။ ကုလသမဂ္ဂလုံခြုံရေးကောင်စီ အဖွဲ့ဝင်နိုင်ငံများတွင်လည်း  လက်ရှိအနေအထားအရ တရုတ်နှင့် ရုရှားကဲ့သို့ မြန်မာနိုင်ငံဘက်မှ နားလည်ရပ်တည်ပေးမည့် နိုင်ငံအနည်းငယ်သာရှိသည်။ ယင်းကဲ့သို့သော အနေအထားတွင် အပြည်ပြည်ဆိုင်ရာ ရာဇ၀တ်ခုံရုံး (ICC) နှင့်လည်းကောင်း၊ R2P နှင့်လည်းကောင်း ခြိမ်းခြောက်မှုများကိုလည်း မြင်တွေ့လာရသည်။

ယင်းကို သုံးသပ်လျှင်  မြန်မာနိုင်ငံ၏ အလားအလာသည် မည်သည့်အနေအထားအထိ ရောက်ရှိသွားနိုင်မည်နည်းဟူသည်ကို စဉ်းစားကြည့်ရန် လိုလာသည်။ ဒုက္ခသည်များ ပြန်ပို့ရေးကိစ္စကို ကျော်လွန်လျက်တောင်းဆို မှုများအပြင် အထူးသဖြင့် မလိုလားအပ်ဘဲ တပ်မတော်အပေါ် အလွန်အကျွံ ဖိအားပေးမှုများက ယူဂိုဆလားဗီးယားစစ်ပွဲအတွင်း ယူဂိုဆလားဗီးယားတပ်မတော်ကို ဖိအားပေးမှုများနှင့် အလားသဏ္ဌာန်တူနေသည်ကိုလည်း တွေ့ရှိရသည်။ နိုင်ငံမတည်မငြိမ် ဖြစ်ရုံမျှမက အစိပ်စိပ်အမွှာမွှာ ပြိုကွဲသွားနိုင်သည်ကို သတိပြုရမည်။ ယင်းသည် မြန်မာနိုင်ငံ၌ စစ်မီးကြီး ဟုန်းဟုန်းတောက်လာ မည့်ဆီဦးတည်သွားနိုင်၊ ဒီမိုကရေစီနောက် ပြန်လှည့်သွားနိုင်သည့် အန္တရာယ်များလည်း ရှိသည်။ ဆီးရီးယားနှင့် အာဖဂန်နစ္စတန်ကဲ့သို့ စစ်မြေပြင်ဖြစ်သွားနိုင်သည့် အန္တရာယ်မျိုးကိုလည်း ဂရုပြုရမည် ဖြစ်သည်။

အမှန်တကယ်၌ အလျှော့ပေးခြင်းနှင့် အထပ်ထပ် လိုက်လျောခြင်းတို့သည်လည်း ပြဿနာ ဖြေရှင်းနည်း မဟုတ်ပါ။ တောင်းဆိုမှုများကို အလျှော့ပေးလိုက်လျောသည့်တိုင် ပြဿနာက ရပ်တန့်သွားဦးမည် မဟုတ်ပါ။ ၀ံပုလွေနှင့် သိုးငယ်ပုံပြင်ကဲ့သို့ မတရားသဖြင့် အပြစ်ရှာသည့်ပုံစံမျိုးကိုလည်း သတိပြုရမည် ဖြစ်သည်။ ရခိုင်ပြည်နယ်အရေးကို ဒီမိုကရေစီ စံနှုန်းများနှင့်အညီ နှစ်ရှည်လများ စိတ်အေးအေးထားလျက် ဖြေရှင်းရမည့်အစား အလျင်စလိုဖြေရှင်းရန် မတရားဖိအားပေးတောင်းဆိုမှုများ ပြုလုပ်လာပုံမျိုးနှင့် ပတ်သက်၍ အင်္ဂလိပ်-မြန်မာ တတိယစစ်ပွဲ ဖြစ်ပေါ်ခဲ့သည့် အနေအထားကို ပြန်လည်သုံးသပ်ရန်လိုသည်။

အင်္ဂလိပ်-မြန်မာ တတိယစစ်ပွဲ၏ နောက်ခံအကြောင်းအရာမှာ မြန်မာ့သစ်တောနှင့် ဘုံဘေဘားမား ကုမ္ပဏီကိစ္စ ဖြစ်သည်။ ဘုံဘေဘားမားကုမ္ပဏီ၏ သစ်ခိုးထုတ်မှုကို မြန်မာလွှတ်တော်က ငွေနှစ်သန်း သုံးသိန်းကျော် ဒဏ်ငွေဆောင်ရန် စီရင်ချက်ချလိုက်သည်။ ဘုံဘေဘားမားကုမ္ပဏီက ယင်းစီရင်ချက်ကို မကျေနပ်သောကြောင့် အိန္ဒိယဘုရင်ခံချုပ်ထံသို့ တိုင်ကြားသည်။ ဘုရင်ခံချုပ်က အိန္ဒိယမှ အရာရှိတစ်ဦးကို ခုံအဖြစ် ရန်ကုန်သို့ စေလွှတ်မည်ဟု မဟာမင်းကြီးအား အကြောင်းကြား၏။ မြန်မာလွှတ်တော်သို့လည်း ဤသို့ပင် အကြောင်းကြားစာပေးပို့သည်။ မြန်မာလွှတ်တော်က ယင်းအမှုနှင့်ပတ်သက်၍ ကြားမဟာမိတ်နိုင်ငံတစ်ခုခုကသာ ခုံအဖြစ် ပါဝင်ဆုံးဖြတ်သင့်ကြောင်း ပြန်စာပေးပို့သည်။  သို့သော် အကြောင်းရှာနေသော ဗြိတိသျှတို့သည် မြန်မာတို့ဘက်မှ တင်ပြသမျှကို နားမထောင်ဘဲ တစ်ချက်လွှတ်အကြောင်းကြားစာကို မြန်မာလွှတ်တော်သို့ ပေးပို့သည်။ အဆိုပါစာ၌ တောင်းဆိုချက် ငါးချက်ပါဝင်သည်။

ယင်းတောင်းဆိုချက်များသည် အမှန်တကယ်၌ မဖြစ်နိုင်သည့် တောင်းဆိုချက်များသာ ဖြစ်သည်။ တောင်းဆိုချက်များကို လေ့လာပြီးနောက် မြန်မာလွှတ်တော်က ဒဏ်ငွေများကို လျှော်ပစ်မည်ဖြစ်ကြောင်းနှင့် မြန်မာ့နိုင်ငံခြားဆက်ဆံရေးနှင့် ပတ်သက်၍မူ အခြားနိုင်ငံတစ်နိုင်ငံကသာ ဆုံးဖြတ်ပေးသည်ကို လိုလားပါကြောင်း လိုက်လိုက်လျောလျောပင် အလျှော့ပေးရန် ဆုံးဖြတ်ပြီးနောက် ဘုရင်ခံချုပ်ထံသို့ ပြန်ကြားခဲ့သည်။ သို့သော် ဗြိတိသျှတို့သည် ဤသို့ အလျှော့ပေး ပြန်ကြားသည်ကိုပင် လက်မခံဘဲ စစ်ပွဲကို ဖန်တီးခြင်း ဖြစ်သည်။

အမေရိကန်နှင့် ဗြိတိန်ဦးဆောင်သော အနောက်အုပ်စုက အဓိကထားသည့် အချက်တွင် အိန္ဒိယသမုဒ္ဒရာသို့ ထွက်ပေါက်ဖြစ်သည့် ရခိုင်ပြည်နယ်၌ တရုတ်နိုင်ငံအား ပိတ်ဆို့လိုမှု ပါဝင်ပုံရသည်။ မြန်မာနိုင်ငံအနေဖြင့် မိမိဘက်က မှန်မှန်ကန်ကန် ပြုမူသော်လည်း ဖိအားပေးခံရခြင်းမျိုးတွင် လိုက်လျောမှုများနှင့် အလျှော့ပေးမှုများ မည်မျှပြုစေကာမူ ပြဿနာက ပြေလည်နိုင်မည် မဟုတ်ပါ။ ဖိအားပေးမှုတိုင်းကို လိုက်လျောခြင်း မပြုဘဲ ရပ်တည်ချက် ခိုင်မာစွာနှင့် ကြံ့ကြံ့ခံ ဖြေရှင်းနိုင်ရန်လိုသည်။ မြန်မာနိုင်ငံသားတို့ ဂုဏ်သိက္ခာကျဆင်းအောင် ပြုလုပ်နေမှုများ ရပ်တန့်သွားရန်လည်း လိုအပ်သည်။ တစ်ဖက်တွင်လည်း မြန်မာနိုင်ငံအနေဖြင့် ရခိုင်အရေး ၌ ဒီမိုကရေစီ၊ လူ့အခွင့်အရေးစံနှုန်းများကို လေးစားလိုက်နာကာ မီဒီယာလွတ်လပ်ခွင့်နှင့် ပတ်သက်၍လည်း ပွင့်လင်းမြင်သာမှုများရှိရန် လိုအပ်သည်။

အာဆီယံနိုင်ငံများ၊ အထူးသဖြင့် တရုတ်ကဲ့သို့ အိမ်နီးချင်းနိုင်ငံများနှင့် ပိုမိုပူးပေါင်း ဆောင်ရွက်ရန် လိုအပ်မည်ဖြစ်သည်။ တရုတ်နိုင်ငံနှင့် နိုင်ငံရေးနှင့် စီးပွားရေးအရ ပူးပေါင်းဆောင်ရွက်ရုံသာမက စစ်ရေးအရပါ ပူးပေါင်းဆောင်ရွက်ရန်  လိုလာမည်ဖြစ်သည်။ လိုအပ်ပါက စစ်ရေးစာချုပ်များ ချုပ်ဆိုရန်ပင် ဖြစ်လာနိုင်သည်။ ထို့ကြောင့် ယခုအချိန်သည် မြန်မာနိုင်ငံအတွက် အရေးအကြီးဆုံး အချိန်ကာလဖြစ်ပြီး နိုင်ငံသား ဖြစ်မှုအပါအ၀င် နိုင်ငံ၏အချုပ်အခြာအာဏာနှင့် ပတ်သက်လာပါက အလျှော့ပေးမှုများ ပြုလုပ်ရန် မလိုဘဲ မည်သည့်ဖိအားမျိုး၊ မည်သည့် စိန်ခေါ်မှုမျိုးကိုမဆို ရဲရဲရင့်ရင့် ရင်ဆိုင်လျက် သက်ဆိုင်သူများအားလုံး ညီညွတ်စွာ ပူးပေါင်းဖြေရှင်းသွားကြရန် လိုအပ်ပါကြောင်း The Daily Eleven သတင်းစာက ရေးသားအပ်ပါသည်။

(မေလ ၁ ရက်နေ့ထုတ် The Daily Eleven သတင်းစာ အယ်ဒီတာ အာဘေ်ာ)

မင်းကွန်းဒေသတွင် လေပြင်းတိုက်ခတ်မှုကြောင့် နေအိမ်သုံးလုံးပေါ်သစ်ပင်ပြိုလဲကာ တစ်ဦး ထိခိုက်ဒဏ်ရာရ

ဧပြီ ၂၉ ရက်က လေပြင်းတိုက်၍ ပြိုလဲခဲ့သည့် သစ်ပင်ကြီးတစ်ပင်အား ရှင်းလင်းနေသည်ကို စစ်ကိုင်းမြို့နယ် မင်းကွန်းယဉ်ကျေးမှုဒေသတွင် တွေ့ရစဉ်

စစ်ကိုင်းမြို့နယ် မင်းကွန်းယဉ်ကျေးမှုဒေသတွင် ဧပြီ ၂၉ ရက် ည ၈ နာရီခွဲခန့်က မိုးသက်လေပြင်းကျရောက်၍ လူနေအိမ်သုံးလုံးပေါ် သစ်ပင်ပြိုလဲကာ တစ်ဦးထိခိုက်ဒဏ်ရာရရှိခဲ့ကြောင်း မင်းကွန်းအုပ်ချုပ်ရေးမှူးထံမှ သိရသည်။

“မင်းကွန်းမှာ မနေ့ညက လေပြင်းတိုက်ခတ်ခဲ့ပါတယ်။ လေပြင်းတိုက်မှုကြောင့် လုံးပတ် ရှစ်ပေ၊ ပေ ၅၀ ရှည်တဲ့ ယင်းမာပင် အမြစ်ကျွတ်ထွက်ပြီး လူနေအိမ်သုံးလုံးပေါ် ပြိုလဲခဲ့တယ်။ အသက် ၃၀ အရွယ်အမျိုးသားတစ်ဦး ထိခိုက်ဒဏ်ရာရခဲ့ပါတယ်။ စစ်ကိုင်းခုတင် ၂၀၀ ပြည်သူ့ဆေးရုံကို ပို့ထားပါတယ်” ဟု မင်းကွန်းအုပ်ချုပ်ရေးမှူး ဦးမျိုးမြတ်ထွန်းက ပြောကြားသည်။

ထို့ပြင် မင်းကွန်းဘိုးဘွားရိပ်သာအတွင်းရှိ အဆောက်အအုံတစ်လုံးပေါ်သို့ သစ်ပင်ကိုင်းပြတ်ကျခြင်း၊ ရှားတော၊ ဈေးဆိပ်၊ ရွာသစ်ရွာများတွင်လည်း သစ်ကိုင်းများ ကျိုးကျခြင်း၊ နေအိမ်များ အမိုးပျက်စီးခြင်း၊ အမိုးလန်ခြင်းနှင့် မင်းကွန်း ခြင်္သေ့နှစ်ကောင်အနီးရှိ ကုက္ကိုပင်ကြီးတစ်ပင် ပြိုလဲကျမှု ဖြစ်ပွားခဲ့ကြောင်း သိရသည်။

မိုးသက်လေပြင်းတိုက်ခတ်မှုကြောင့် ဖြစ်ပေါ်ခဲ့သည့် သစ်ပင်များမှာ လူနေအိမ်များ အပေါ်သို့ ပြိုလဲကျသဖြင့် စစ်ကိုင်းခရိုင် မီးသတ်ဦးစီးဌာန၊ စစ်ကိုင်းမြို့နယ်မီးသတ် ဦးစီးဌာနတို့မှ တပ်ဖွဲ့ဝင်များ၊ တပ်မတော်သားများ နှင့် ရေကြောင်းရဲတပ်ဖွဲ့မှ တပ်ဖွဲ့ဝင်များ၊ နယ်မြေခံရဲကင်းမှ ရဲတပ်ဖွဲ့ဝင်များ၊ ဒေသခံ ပြည်သူများမှ ဧပြီ ၃၀ နံနက်ပိုင်းက စတင်၍ ရှင်းလင်းမှုများ ပြုလုပ်ဆောင်ရွက်ပေးလျက်ရှိကြောင်း သိရသည်။

 

၂၁ ရာစု ပင်လုံတတိယ အစည်းအဝေးမတိုင်မီ အစိုးရနှင့် NCA ရေးထိုးထားသည့် တိုင်းရင်းသားလက်နက်ကိုင်အဖွဲ့များ အလွတ်သဘောတွေ့ဆုံပွဲ ထပ်မံပြုလုပ်မည်

လုံခြုံရေးကဏ္ဍဆိုင်ရာ အလွတ်သဘောဆွေးနွေးရေး အစည်းအဝေးကို နေပြည်တော်ရှိ NRPC တွင် ဧပြီ ၂၁ ရက်က ပြုလုပ်နေစဉ်

ပြည်ထောင်စုငြိမ်းချမ်းရေး ညီလာခံ -၂၁ ရာစု ပင်လုံတတိယ အစည်းအဝေးမတိုင်မီ အစိုးရနှင့် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA) ရေးထိုးထားသည့် တိုင်းရင်းသားလက်နက်ကိုင် အဖွဲ့များ အလွတ်သဘောတွေ့ဆုံပွဲ ထပ်မံပြုလုပ်မည်ဖြစ်ကြောင်း ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO) နာယက ဗိုလ်မှူးကြီး ခွန်ဥက္ကာက ပြောကြားသည်။

၂၁ ရာစုပင်လုံ တတိယအစည်းအဝေးအား မေလကုန်တွင်ကျင်းပရန်စီစဉ်ထားသဖြင့် အဆိုပါအစည်းအဝေးမတိုင်မီ အစိုးရနှင့် ထပ်မံတွေ့ဆုံရန်ရှိ မရှိမေးမြန်းမှုအပေါ် ၎င်းက ပြောကြားခြင်း ဖြစ်သည်။

“တွေ့တာကတော့ အထပ်ထပ်ပဲဗျ။ ၁၀ ရက်နဲ့ ၁၅ ရက်ကြားမှာ လုံခြုံရေးရော၊ နိုင်ငံရေးရော အလွတ်သဘောတွေ့မယ်။ ပြီးတာနဲ့ အတွင်းရေးမှူးအဖွဲ့ရှိတယ်။ UPDJC အတွင်းရေးမှူးအဖွဲ့ တစ်ခါတည်းဆက်တွေ့မယ်။ UPDJC အတွင်းရေးမှူးပြီးတာနဲ့ UPDJC ကဖွဲ့ထားပေးတဲ့ လုပ်ငန်းကော်မတီ ဆက်တွေ့မယ်။ လုပ်ငန်းကော်မတီပြီးတာနဲ့ UPDJC ။ UPDJC ပြီးတာနဲ့ ၂၁ ရာစု ပင်လုံပေါ့။ အဲဒါ မေလတစ်လလုံးကတော့ ခပ်သုတ်သုတ်လေးလုပ်နိုင်မှ ဆုံးဖြတ်ချက်နဲ့အမီ အချိန်မီမယ်ဗျ” ဟု ဗိုလ်မှူးကြီး ခွန်ဥက္ကာက ပြောကြားသည်။

အစိုးရနှင့် NCA ရေးထိုးထားသည့် တိုင်းရင်းသား လက်နက်ကိုင်အဖွဲ့များအကြား ဧပြီ ၂၀ ရက်နှင့် ၂၁ ရက်က နေပြည်တော်၌ အလွတ်သဘော ဆွေးနွေးပွဲပြုလုပ်ထားသည်။

အဆိုပါ အလွတ်သဘောတွေ့ဆုံပွဲ၌ နိုင်ငံရေးကဏ္ဍဆိုင်ရာ ကိစ္စများဆွေးနွေးရာတွင် တစ်ဆို့မှုများကို ကျော်ဖြတ်နိုင်ခဲ့ကြောင်း ဗိုလ်မှူးကြီး ခွန်ဥက္ကာက ပြောကြားထားသည်။

သို့ရာတွင် လုံခြုံရေးကဏ္ဍဆိုင်ရာ ကိစ္စရပ်များကို ဆွေးနွေးရာတွင် အခြေအနေကောင်းသော်လည်း နှစ်ဖက်သဘောတူညီမှု အရဟုဆိုကာ ဆွေးနွေးမှုအကြောင်းအရာများအား ထုတ်ဖော်ပြောကြားခြင်း မရှိခဲ့ပေ။

၂၁ ရာစုပင်လုံတတိယအကြိမ် အစည်းအဝေးကို မူလက ၂၀၁၈ ခုနှစ် ဇန်န၀ါရီ နောက်ဆုံးပတ်တွင် ကျင်းပရန်စီစဉ်ထားသော်လည်း ရှမ်းပြည်ပြန်လည်ထူထောင်ရေးကောင်စီ (RCSS) နှင့် ရခိုင်ပြည်လွတ်မြောက်ရေးပါတီ (ALP) တို့၏ အမျိုးသားအဆင့် နိုင်ငံရေးဆွေးနွေးပွဲများကို ကျင်းပနိုင်ခြင်း မရှိသေးသည့် အခြေအနေအပါအ၀င် အကြောင်းအမျိုးမျိုးကြောင့် ဧပြီလကုန် မေလဆန်းတွင်ပြုလုပ်ရန် NCA အကောင်အထည်ဖော်မှုဆိုင်ရာ ညှိနှိုင်းအစည်းအဝေး (JICM) ထပ်မံဆုံးဖြတ်ထားသော်လည်း လက်ရှိအခြေအနေများအရလည်း မေလဆန်းတွင် ကျင်းပနိုင်ခြင်းမရှိပေ။

RCSS/SSA က ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ ကျင်းပခွင့်ရရှိထားသော်လည်း အကြိုလူထုတွေ့ဆုံပွဲ ကိစ္စရပ်ကြောင့် ရှမ်းလူမျိုးအလိုက် အမျိုးသားအဆင့်နိုင်ငံရေးဆွေးနွေးပွဲအား ပြုလုပ်ခြင်းမရှိဘဲ ယာယီရွှေ့ဆိုင်းထားပြီး လက်ရှိတွင် ဆွေးနွေးပွဲကျင်းပနိုင်ရန် အစိုးရဘက်မှ RCSS/SSA သို့ ရွေးချယ်နိုင်ရန် နည်းလမ်းများ ကမ်းလှမ်းထားသည်။

သို့ရာတွင် RCSS အနေဖြင့် ၂၁ ရာစု ပင်လုံတတိယအစည်းအဝေးအမီ ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲကျင်းပရန်ရှိ မရှိအား RCSS တာဝန်ရှိသူများထံ ဆက်သွယ်မေးမြန်းခဲ့သော်လည်း ဆက်သွယ်မှုမရရှိသဖြင့် ကွဲကွဲပြားပြား မသိရပေ။

NCA စာချုပ်တွင် ထပ်မံရေးထိုးထားသည့် မွန်ပြည်သစ်ပါတီအနေဖြင့် ၂၁ ရာစု ပင်လုံတတိယအစည်းအဝေးသို့ တက်ရောက်ဆွေးနွေးနိုင်ရန် မွန်လူမျိုးအလိုက်အမျိုးသားအဆင့် နိုင်ငံရေးဆွေးနွေးကို မေ ၅ ရက်မှစတင်ကာ မွန်ပြည်နယ်ရေးမြို့၌ ပြုလုပ်မည် ဖြစ်သည်။

မွန်ပြည်သစ်ပါတီနှင့်အတူ NCA ရေးထိုးခဲ့သည့် လားဟူဒီမိုကရက်တစ်အစည်းအရုံး (LDU) သည် NCA မရေးထိုးမီ အစိုးရနှင့် နှစ်ဖက်သဘောတူစာချုပ်များမရှိသဖြင့် အမျိုးသားအဆင့် နိုင်ငံရေးဆွေးနွေးပွဲ ကျင်းပခွင့်မရှိကြောင်း သိရသည်။

ရခိုင်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲအား ရခိုင်ပြည်နယ် နိုင်ငံရေးအခြေအနေအရ အစိုးရဘက်မှ ပြုလုပ်ခွင့်မပေးသေးသဖြင့် NCA ရေးထိုးထားသည့် ရခိုင်ပြည်လွတ်မြောက်ရေးပါတီ (ALP) က လည်း အမျိုးသားအဆင့် နိုင်ငံရေးဆွေးနွေးပွဲ ကျင်းပရေးကော်မတီဖွဲ့စည်းထားမှုကိုပင် ပြန်လည်ဖျက်သိမ်းခဲ့ပြီး Policy Development စာတမ်းပုံစံဖြင့်  ညီလာခံသို့ ၎င်းတို့၏ သဘောထားအား တင်သွင်းဖွယ်ရှိနေကြောင်း သိရသည်။

NCA စာချုပ်အား ကနဦးရေးထိုးခဲ့သည့် တိုင်းရင်းသားလက်နက်ကိုင်ရှစ်ဖွဲ့၏ ငြိမ်းချမ်းရေးလုပ်ငန်းစဉ် ဦးဆောင်အဖွဲ့ (PPST) က ၂၁ ရာစု ပင်လုံတတိယအစည်းအဝေးကို နိုင်ငံရေးဆွေးနွေးပွဲဆိုင်ရာ လုပ်ငန်းစဉ်အဆင့်ဆင့်ကို အကောင်ထည်ဖော် ဆောင်ရွက်ပြီးမှသာ ဆက်လက်ပြုလုပ်မည်ဟု တရားဝင်ကြေညာထာသည်။

သို့ရာတွင် လာမည့်မေလဆန်းတွင် PPST အစည်းအဝေးပြုလုပ်ရန်ရှိပြီး အဆိုပါအစည်းအဝေးတွင် ငြိမ်းချမ်းရေးလုပ်ငန်းစဉ်အား အစိုးရနှင့် ပူးတွဲလုပ်ငန်းစဉ် အကောင်အထည်ဖော်မှု အခြေအနေများအပါအ၀င် ၂၁ ရာစု ပင်လုံတတိယအစည်းအဝေး ကျင်းပနိုင်ရေးကိစ္စရပ်များ ဆွေးနွေးမည်ဖြစ်ကြောင်း ABSDF ဒုတိယဥက္ကဋ္ဌ ရဲဘော်မျိုးဝင်းက ပြောကြားထားသည်။

ကချင်ပြည်နယ်အတွင်း တိုက်ပွဲများကြောင့် ဧပြီလဆန်းမှစတင်၍ နေရပ်စွန့်ခွာတိမ်းရှောင်သူ ၅၀၀၀ ကျော်ရှိကြောင်း UNOCHA ခန့်မှန်း

ကချင်ပြည်နယ်အတွင်း တိုက်ပွဲများကြောင့် ဧပြီလဆန်းမှစတင်၍ နေရပ်စွန့်ခွာ တိမ်းရှောင်သူ ၅၀၀၀ ကျော်ရှိဟု ခန့်မှန်းကြောင်း United Nations OCHA Myanmar က ဧပြီ ၃၀ ရက်တွင် ထုတ်ပြန်ထားသည်။

United Nations OCHA Myanmar ၏ ထုတ်ပြန်ချက်တွင် တပ်မတော်နှင့် KIA တို့အကြား ဖြစ်ပွားခဲ့သည့် ပြင်းထန်သော တိုက်ပွဲများကြောင့် ဧပြီလဆန်းပိုင်းမှစတင်၍ ကချင်ပြည်နယ်တွင် လူဦးရေ ၅၀၀၀ ကျော်မှာ အသစ်ထပ်မံ နေရပ်စွန့်ခွာ တိမ်းရှောင်ခဲ့ရသည်ဟု ခန့်မှန်းကြောင်း၊ ပဋိပက္ခကြောင့် ထိခိုက်မှုရှိသော ဒေသများတွင် တနိုင်း၊ ဖားကန့်၊ မိုးမောက်၊ မိုးကောင်း၊ အင်ဂျာယန်၊ ချီဖွေမြို့နယ်များနှင့် လိုင်ဇာဒေသတို့ပါဝင်ကြောင်း ရေးသားထားသည်။

ထို့ပြင် အချို့နေရာများတွင် တိုက်ပွဲများ ရပ်တန့်သွားပြီဖြစ်သော်လည်း အင်ဂျန်းယန်နှင့် ချီဖွေဒေသတို့တွင်မူ ဧပြီ ၂၉ ရက်အထိ တိုက်ပွဲများ ဆက်လက်ဖြစ်ပွားလျက်ရှိကြောင်း သိရှိကြောင်း၊ အရပ်သားများမှာ တနိုင်း၊ ဖားကန့်နှင့် အင်ဂျန်းယန်မြို့နယ်များတွင် ပဋိပက္ခ ဖြစ်ပွားနေရာနေရာများမှ ထွက်ခွာနိုင်ခြင်းမရှိသေးကြောင်း အစီရင်ခံမှုများလည်း ရှိနေကြောင်း UNOCHA ၏ ထုတ်ပြန်မှုအရ သိရသည်။

ထို့အတူ တိုက်ပွဲများကြောင့် ဘေးလွတ်ရာသို့ တိမ်းရှောင်လာကြသူများမှာ ဒေသတွင်းရှိ ခရစ်ယာန်ဘုရားကျောင်းများ၊ မူလရှိနှင့်နေပြီးသော နေရာစွန့်ခွာတိမ်းရှောင်သူ စခန်းနေရာများ သို့မဟုတ် လက်ခံမိသားစုများနှင့်အတူ နေထိုင်ရလျက်ရှိပြီး အစိုးရနှင့် ဒေသတွင်းအဖွဲ့အစည်းများမှ ကနဦး လူသားချင်းစာနာမှုဆိုင်ရာ အကူအညီများကို ပံ့ပိုးပေးထားကြောင်းနှင့် ယခုထုတ်ပြန်သည့် သတင်းအချက်အလက် အရင်းအမြစ်မှာ လူသားချင်းစာနာမှုဆိုင်ရာ ညှိနှိုင်းရေးရုံး၊ ဒေသတွင်း လူသားချင်းစာနာမှုဆိုင်ရာ အကူအညီပေးရေးအဖွဲ့အစည်းများ၊ အထွေထွေအုပ်ချုပ်ရေးဌာနတို့ဖြစ်ကြောင်း UNOCHA ၏ ထုတ်ပြန်ချက်တွင် ပါရှိသည်။

ယင်းကဲ့သို့ တိုက်ပွဲများဖြစ်ပွားနေသောကြောင့် တောထဲတွင် ပိတ်မိနေသော ဒေသခံများအား အကူအညီများရရှိရေး ဆောင်ရွက်ပေးရန် အရပ်ဘက်အဖွဲ့အစည်း ၂၅၀ ကျော်က နိုင်ငံတော်သမ္မတ ဦးဝင်းမြင့်ထံ စာပေးပို့ တောင်းဆိုထားသည့်အပြင် ဧပြီ ၃၀ ရက်က ကချင်ပြည်နယ် မြစ်ကြီးနားမြို့တွင် ကချင်တိုင်းရင်းသားများက ဆန္ဒထုတ်ဖော်မှုများ ပြုလုပ်ခဲ့ကြသည်။

ရခိုင်တစ်မျိုးသားလုံးဆိုင်ရာ ရခိုင်လူငယ်ညီလာခံကို ရခိုင်ပြည်နယ် တောင်ကုတ်မြို့၌ ယနေ့ စတင်ပြုလုပ်မည်

လုံခြုံရေးအခြေအနေအရ ကမန်နှင့် မာရမာကြီး လူမျိုးစုများတက်ရောက်ခွင့်မရသည့် ရခိုင်တစ်မျိုးသားလုံးဆိုင်ရာ ရခိုင်လူငယ်ညီလာခံကို တောင်ကုတ်မြို့တွင် ယနေ့ (မေ ၁ ရက်) တွင် စတင်ပြုလုပ်မည်ဖြစ်ကြောင်း သတင်းရရှိသည်။

နှစ်ပေါင်း ၇၀ ကျော်ကြာပြီးနောက်ပိုင်း ပထမဆုံးအကြိမ် စတင်ပြုလုပ်မည့် ရခိုင်တစ်မျိုးသားလုံးဆိုင်ရာ ရခိုင်လူငယ်ညီလာခံကို တောင်ကုတ်မြို့တွင် မေ ၁ ရက်မှ ၅ ရက်အထိ ငါးရက်ကြာ ကျင်းပမည်ဖြစ်ကြောင်း သိရသည်။

ရခိုင်လူငယ်ညီလာခံသို့ ကမန်နှင့် မာရမာကြီးလူမျိုးများ တက်ရောက်ခွင့်မရခြင်း အဓိကအကြောင်းရင်းသည် လုံခြုံရေး အခြေအနေအရဖြစ်ပြီး ၂၀၁၆ ခုနှစ် ဒီဇင်ဘာတွင် ပြုလုပ်ခဲ့သည့် အကြိုညီလာခံတွင် ဆိုင်းငံ့ခဲ့ခြင်းဖြစ်ကြောင်း ရခိုင်လူငယ်ညီလာခံ ဖြစ်မြောက်ရေး ပြန်ကြားရေးကော်မတီဝင် ကိုမျိုး ဆန်းအောင်က ပြောကြားသည်။

“ကျွန်တော်တို့ ၂၀၁၆ ခုနှစ် ဒီဇင်ဘာမှာ ပြုလုပ်တဲ့ အကြိုညီလာခံမှာ မြို့နယ် ၁၇ မြို့ နယ် တက်ရောက်ဆွေးနွေးကြတဲ့အထဲမှာ ဆုံးဖြတ်ချက်ချလာခဲ့တာပေါ့။ ဘာဖြစ်လို့လဲဆိုတော့ မြို့က တောင်ကုတ်လည်း ဖြစ်နေတယ်။ တခြားဘက်မှာလည်း လက်ရှိရခိုင် ပြည်နယ်ရဲ့ နိုင်ငံရေးအခြေအနေ၊ ယုံကြည်မှုအနေအထားတွေနောက်ပြီး အဓိက,ကတော့ လုံခြုံရေးပေါ့။ အဲဒီလုံခြုံရေးကို အဓိကထားပြီးတော့ ဆိုင်းငံ့ထားခဲ့တာပါ။ အဲဒီအတွက် အခုကမန်နဲ့ မာရမာကြီးလူမျိုးတွေက တက်ခွင့်မရခဲ့တာပါ။ ဒါပေမဲ့ သူတို့ဆီက သ၀ဏ်လွှာတွေ၊ စာတမ်းတို့ကျတော့ ကျွန်တော်တို့ ဖိတ်ခေါ်ထားပါတယ်” ဟု ကိုမျိုးဆန်းအောင်က ပြောကြားသည်။

သို့သော် ကမန်တိုင်းရင်းသားမျိုးနွယ်စုများက ဧပြီ ၃၀ ရက်တွင် ရခိုင်လူငယ်ညီလာခံသို့ သ၀ဏ်လွှာပေးပို့ခဲ့ပြီး အဆိုပါသ၀ဏ်လွှာတွင် ရခိုင်လူငယ်ညီလာခံမှ ရခိုင်ပြည်နယ်ဒေသတွင်း တည်ငြိမ်အေးချမ်းရေး၊ ဖွံ့ဖြိုးတိုးတက်ရေး၊ တိုင်းရင်းသားမျိုးနွယ်စုများအတွင်း သဟဇာတဖြစ်ရေးတို့ကို ဖော်ဆောင်ပေးနိုင်လိမ့်မည်ဟု မျှော်လင့်ကြောင်း၊ ကမန်မျိုးနွယ်စုထံသို့ ရခိုင်လူငယ်ညီလာခံမှ ပေးပို့သော ဖိတ်စာကို ရရှိချိန်နောက်ကျခဲ့သည့်အတွက် အကြံပြုစာတမ်းအဖြစ် မပေးပို့နိုင်ခဲ့ကြောင်း၊ နောက်နောင်ပြုလုပ်မည့် ရခိုင်ညီလာခံများတွင် မျိုးနွယ်စု ခုနစ်စု စုံစုံညီညီပါဝင်သော ညီလာခံတစ်ခုအဖြစ် ဖော်ဆောင်ကျင်းပနိုင်ပါစေကြောင်း ဆုမွန်ကောင်းတောင်းလျက် သ၀ဏ်လွှာပေးပို့ထားသည်ကို တွေ့ရသည်။

တောင်ကုတ်မြို့တွင်ပြုလုပ်မည့် ရခိုင်လူငယ်ညီလာခံသို့ ရခိုင်ပြည်နယ်အတွင်းရှိ မြို့နယ်အားလုံးမှ ကိုယ်စားလှယ်များအပြင် ပလက်ဝ၊ ဖားကန့်၊ မန္တလေး၊ ရန်ကုန်၊ ဧရာဝတီ စသည့်ဒေသများမှ ရခိုင်လူငယ်များနှင့် ပြည်ပသို့ရောက်ရှိနေသည့် ရခိုင်လူငယ်များကိုလည်း ဖိတ်ကြားထားကြောင်း သိရသည်။

ရခိုင်လူငယ်ညီလာခံတွင် လူငယ်နှင့် နိုင်ငံရေး၊ လူငယ်နှင့် ပညာရေး၊ လူငယ်နှင့်အလုပ်အကိုင်အခွင့်အလမ်း၊ လူငယ်နှင့် မူးယစ်ဆေးဝါး စသည့်ကဏ္ဍကြီးလေးခုကို အဓိက ကျောရိုးအဖြစ် ဆွေးနွေးသွားမည်ဖြစ်ကြောင်း သိရသည်။

“လက်ရှိရခိုင်ပြည်မှာ ရခိုင်လူငယ်တွေ လုပ်တယ်ဆိုတာက သမိုင်းမှာ နှစ်ပေါင်း ၇၀ ကျော်ပြီးမှ ဒုတိယအကြိမ်မြောက် လုပ်ဖြစ်တာဆိုတော့ ကျွန်တော်တို့ လူငယ်တွေအတွင်းမှာ အားနည်းချက်တွေ၊ အားသာချက်တွေ ရှိပါတယ်။ အဲဒီအတွက် ရခိုင်လူငယ်တွေအပြင် တခြားသော တိုင်းရင်းသားလူငယ်တွေ၊ အဖွဲ့အစည်းအတွေ အကုန်လုံးက ရခိုင်ညီလာခံ ဖြစ်မြောက်သွားအောင်၊ ညီလာခံပြီးတဲ့အချိန်မှာလည်း ဆက်ပြီးတော့ ကျွန်တော်တို့ လုပ်ဆောင်မယ့်အလုပ်တွေကို ပံ့ပိုးပြီးတော့ ၀ိုင်းဝန်းကူညီကြပါလို့ ပြောချင်ပါတယ်” ဟု ကိုမျိုးဆန်းအောင်က ပြောကြားထားသည်။

ရခိုင်လူငယ်ညီလာခံ ကျင်းပနိုင်ရေးအတွက် ရန်ကုန်ရောက် ရခိုင်လူငယ်များက ဦးဆောင်၍ ရခိုင်လူငယ်ညီလာခံအစပြု ကော်မတီတစ်ရပ်ကို ၂၀၁၆ ခုနှစ် မတ် ၁၃ ရက်ကတည်းက စတင်ဖွဲ့စည်းကာ ဆောင်ရွက်ခဲ့ခြင်းဖြစ်ပြီး ပထမအဆင့်လုပ်ငန်းစဉ်အဖြစ် ဒေသအသီးသီးရှိ ရခိုင်လူငယ်များထံ သွားရောက်စည်းရုံးခြင်း၊ ဒုတိယအဆင့် လုပ်ငန်းစဉ်အဖြစ် ၂၀၁၆ ခုနှစ် ဒီဇင်ဘာလအတွင်းက အကြိုညီလာခံတစ်ရပ်ပြုလုပ်ခြင်း စသည်တို့ကိုဆောင်ရွက်ခဲ့ပြီး နောက်ဆုံးအဆင့်အဖြစ် ရခိုင်လူငယ်ညီလာခံကြီးကို ကျင်းပနိုင်ခြင်း ဖြစ်သည်။

ဘင်္ဂါလီအရေးနှင့်ပတ်သက်ပြီး မြန်မာနိုင်ငံသို့လာရောက်သည့် ကုလသမဂ္ဂလုံခြုံရေးကောင်စီ အထူးကိုယ်စားလှယ်အဖွဲ့အား နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နေပြည်တော်၌ လက်ခံတွေ့ဆုံ

ဧပြီ ၃၀ ရက်က ရောက်ရှိလာသော ကုလသမဂ္ဂလုံခြုံရေးကောင်စီ အထူးကိုယ်စားလှယ်အဖွဲ့အား နေပြည်တော်တွင် နိုင်ငံတော်၏အတိုင်ပင်ခံပုဂ္ဂိုလ်က လက်ခံတွေ့ဆုံစဉ် (Photo – AFP)

ရခိုင်ပြည်နယ် ဘင်္ဂါလီအရေးကိစ္စနှင့် ပတ်သက်ပြီး မြန်မာနိုင်ငံသို့ ဧပြီ ၃၀ ရက်မွန်း လွဲပိုင်းတွင်ရောက်ရှိလာသည့် ကုလသမဂ္ဂ လုံခြုံရေးကောင်စီ (UNSC) အထူးကိုယ်စားလှယ်အဖွဲ့အား နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် နေပြည်တော်၌ လက်ခံတွေ့ဆုံခဲ့ကြောင်း သတင်းရရှိသည်။

UNSC ကိုယ်စားလှယ်အဖွဲ့တွင် ကုလသမဂ္ဂလုံခြုံရေးကောင်စီ အမြဲတမ်းအဖွဲ့ဝင် ငါးနိုင်ငံနှင့် အလှည့်ကျအဖွဲ့ဝင် ၁၀ နိုင်ငံမှ သံတမန် ၂၆ ဦးပါဝင်ကြောင်း သိရသည်။

ထို့ပြင် ကုလသမဂ္ဂလုံခြုံရေးကောင်စီ အထူးကိုယ်စားလှယ်အဖွဲ့သည် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် တွေ့ဆုံရန်ရှိသော်လည်း ဧပြီ ၃၀ ရက် ည ၇ နာရီအထိ ရရှိသောသတင်းများအရ တွေ့ဆုံခြင်း ရှိ မရှိ မသိရပေ။

ကုလသမဂ္ဂလုံခြုံရေးကောင်စီ အထူးကိုယ်စားလှယ်အဖွဲ့သည် မေ ၁ ရက်တွင် ရခိုင်ပြည်နယ်သို့ သွားရောက်လေ့လာမည်ဖြစ်ပြီး မေ ၁ ရက် ညပိုင်းတွင် မြန်မာနိုင်ငံက ပြန်လည်ထွက်ခွာမည် ဖြစ်သည်။

ရခိုင်ပြည်နယ်သို့ရောက်ရှိစဉ် ကုလသမဂ္ဂ လုံခြုံရေးကောင်စီ အထူးကိုယ်စားလှယ်အဖွဲ့သည် ရခိုင်ပြည်နယ်အစိုးရနှင့် အရပ်ဘက်အဖွဲ့အစည်းများကိုလည်း တွေ့ဆုံမည်ဖြစ်ကြောင်း သိရသည်။

အဆိုပါကိုယ်စားလှယ်အဖွဲ့သည့် မြန်မာနိုင်ငံသို့မလာရောက်မီ ဧပြီ ၂၉ ရက်က ဘင်္ဂလားဒေ့ရ်ှနိုင်ငံသို့ သွားရောက်ခဲ့ပြီး မြန်မာ- ဘင်္ဂလားဒေ့ရ်ှနယ်စပ်တွင် နေထိုင်နေကြသည့် ဘင်္ဂါလီဒုက္ခသည်များထံ သွားရောက်ခဲ့ကြောင်း သိရသည်။

ယခုခရီးစဉ်သည် မြန်မာနိုင်ငံကို နာမည်တပ်ကာ အရှက်ရစေရန် ရည်ရွယ်ခြင်း မဟုတ်သော်လည်း နိုင်ငံတကာအသိုင်းအ၀ိုင်းက အခြေအနေများအား စောင့်ကြည့်နေသည့်အကြောင်း မြန်မာတို့ကို ရှင်းရှင်းလင်းလင်း သိစေရန်အတွက်ဖြစ်သည်ဟု ကိုယ်စားလှယ်အဖွဲ့တွင်ပါဝင်သည့် ကူဝိတ်သံတမန် မန်ဆာအယ်အိုတိုင်ဘီက ဘင်္ဂလားဒေ့ရ်ှနိုင်ငံ သို့ရောက်ရှိစဉ်ပြောကြားကြောင်း AFP သတင်းတွင် ဖော်ပြထားသည်။

ကုလသမဂ္ဂလုံခြုံရေးကောင်စီ အထူးကိုယ်စားလှယ်အဖွဲ့သည် ဧပြီ ၃၀ ရက် အစောပိုင်းတွင် ဘင်္ဂလားဒေ့ရ်ှဝန်ကြီးချုပ် ရှိတ်ဟာစီနာနှင့် တွေ့ဆုံခဲ့ပြီးနောက် မြန်မာနိုင်ငံသို့ ထွက်ခွာခဲ့ခြင်းဖြစ်ကြောင်း သိရသည်။

ကုလသမဂ္ဂ လုံခြုံရေးကောင်စီအဖွဲ့ဝင် နိုင်ငံ ၁၅ နိုင်ငံမှ သံတမန်များက ဘင်္ဂလားဒေ့ရ်ှရှိ ဒုက္ခသည်စခန်းများအား သွားရောက်လေ့လာခဲ့ပြီးနောက် ခရီးစဉ်အပြီး ဘင်္ဂလားဒေ့ရ်ှနိုင်ငံတွင်ပြုလုပ်သည့် သတင်းစာရှင်းလင်းပွဲတွင် ကူဝိတ်သံအမတ်က လုံခြုံရေး ကောင်စီသည် ဘင်္ဂါလီ (မူရင်းတွင် ရိုဟင်ဂျာဟု ဖော်ပြ) မွတ်စလင်များအား နေရပ်သို့ ဘေးကင်းစွာနှင့် လွတ်လပ်စွာ ပြန်ခွင့်ရနိုင်ရန်အတွက် မြန်မာကိုဖိအားပေးသွားမည်ဖြစ်ကြောင်း ပြောကြားခဲ့သည်ဟု AFP သတင်းဖော်ပြချက်အရ သိရသည်။

ကူဝိတ်သံအမတ် မန်ဆာအယ်အိုတိုင်ဘီက “ဒါက လူသားချင်းစာနာမှုဆိုင်ရာ အကျပ်အတည်းနဲ့ လူ့အခွင့်အရေးအကြောင်း အရာတစ်ခုပါ” ဟု ဘင်္ဂလားဒေ့ရ်ှရှိ သတင်းထောက်များအား ပြောကြားခဲ့သည်။

ကုလလုံခြုံရေးကောင်စီသည် ဘင်္ဂလားဒေ့ရ်ှနှင့် မြန်မာတို့အကြား လက်မှတ်ထိုးခဲ့သော ပြန်လည်လွှဲပြောင်းပေးရေး သဘောတူညီချက်အား အလျင်အမြန်အကောင်အထည်ဖော်နိုင်ရေးအတွက် နည်းလမ်းများနှင့် လမ်းစဉ်များကို ရှာဖွေနိုင်ရန် ကြိုးပမ်းသွားမည်ဖြစ်ကြောင်း ထိုခရီးစဉ်အား စီစဉ်ပေးခဲ့သော ကူဝိတ်နိုင်ငံမှ သံအမတ်အယ်အိုတိုင်ဘီက ပြောကြားခဲ့သည်ဟု AFP သတင်း ဖော်ပြချက်အရ သိရသည်။

ကုလသမဂ္ဂလုံခြုံရေးကောင်စီ၏ အမြဲတမ်းအဖွဲ့ဝင်နိုင်ငံများမှာ အမေရိကန်၊ ရုရှား၊ ပြင်သစ်၊ အင်္ဂလန်နှင့် တရုတ်တို့ဖြစ်ပြီး အလှည့်ကျအဖွဲ့ဝင်နိုင်ငံများမှာ ဘိုလစ်ဗီးယား၊ အိုင်ဗရီကို့စ်၊ အီကွေတိုရီရယ်ဂီနီရာ၊ အီသီယိုးပီးယား၊ ကာဇက်စတန်၊ ကူဝိတ်၊ နယ်သာလန်၊ ပီရူး၊ ပိုလန်နှင့် ဆွီဒင်နိုင်ငံတို့ ဖြစ်သည်။

ဘင်္ဂါလီများ ဘေးကင်းစွာနှင့် လွတ်လပ်စွာ ပြန်နိုင်ရန် မြန်မာကို လုံခြုံရေးကောင်စီက ဖိအားပေးမည်ဟု ဘင်္ဂလားဒေ့ရ်ှသို့ရောက်ရှိစဉ် ကုလသမဂ္ဂ အထူးကိုယ်စားလှယ် ပြောကြား

ဧပြီ ၃၀ ရက်က ဒါကာရှိ အပြည်ပြည်ဆိုင်ရာလေဆိပ်၌ ကူဝိတ်သံအမတ် အယ်အိုတိုင်ဘီ (လယ်) က သတင်းစာရှင်းလင်းပွဲပြုလုပ်နေစဉ် (Photo – AFP)

ကုလသမဂ္ဂ လုံခြုံရေးကောင်စီ အဖွဲ့ဝင်  နိုင်ငံ ၁၅ နိုင်ငံမှ သံတမန်များက ဘင်္ဂလားဒေ့ရ်ှရှိ ဒုက္ခသည်စခန်းများအား သွားရောက်လေ့လာခဲ့ပြီးနောက် လုံခြုံရေးကောင်စီသည် ဘင်္ဂါလီ (မူရင်းတွင် ရိုဟင်ဂျာဟု ဖော်ပြ။) မွတ်စလင်များအား နေရပ်သို့ ဘေးကင်းစွာနှင့် လွတ်လပ်စွာ ပြန်ခွင့်ရနိုင်ရန်အတွက် မြန်မာကို ဖိအားပေးသွားမည်ဖြစ်ကြောင်း ကုလသမဂ္ဂဆိုင်ရာ ကူဝိတ်သံအမတ်က ဧပြီ ၃၀ ရက်တွင် ပြောကြားခဲ့သည်။

ထိုကိုယ်စားလှယ်အဖွဲ့က ဘင်္ဂလားဒေ့ရ်ှသို့ သုံးရက်ကြာခရီးစဉ်ပြီးဆုံးပြီး မြန်မာနိုင်ငံသို့ ထွက်ခွာလာစဉ် ကူဝိတ်သံအမတ် မန်ဆာအယ်အိုတိုင်ဘီက “ဒါက လူသားချင်းစာနာမှုဆိုင်ရာ အကျပ်အတည်းနဲ့ လူ့အခွင့်အရေး အကြောင်းအရာတစ်ခုပါ” ဟု သတင်းထောက်များအား ပြောကြားခဲ့သည်။

မြန်မာတပ်မတော်က ပြီးခဲ့သောနှစ် သြဂုတ်တွင် ရခိုင်ပြည်နယ်၌ နယ်မြေရှင်းလင်းရေး လုပ်ဆောင်ခဲ့ပြီးနောက်ပိုင်း ထွက်ပြေးလာသည့် ဘင်္ဂါလီမွတ်စလင် ၇၀၀၀၀၀ ခန့် ရောက်ရှိနေသည့် ဘင်္ဂလားဒေ့ရ်ှနိုင်ငံ ကော့ဘဇားရှိ ဒုက္ခသည်စခန်းများကို ဧပြီ ၂၉ ရက်တွင် လုံခြုံရေးကောင်စီ အဖွဲ့ဝင်နိုင်ငံများမှ သံတမန်များက သွားရောက်လေ့လာခဲ့ကြသည်။ ထိုသံတမန်များသည် ဧပြီ ၃၀ ရက်အစောပိုင်းတွင် ဘင်္ဂလားဒေ့ရ်ှဝန်ကြီးချုပ် ရှိတ်ဟာစီနာနှင့်တွေ့ဆုံခဲ့ပြီးနောက် မြန်မာနိုင်ငံသို့ ထွက်ခွာခဲ့ကြသည်။ မြန်မာနိုင်ငံတွင် ၎င်းတို့သည် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တွေ့ဆုံမည်ဖြစ်ပြီး ရခိုင်ပြည်နယ်တွင် ပဋိပက္ခအတွင်း မီးရှို့ခံခဲ့ရသောရွာများကို ရဟတ်ယာဉ်ပေါ်မှတစ်ဆင့် ကြည့်ရှုလေ့လာကြမည် ဖြစ်သည်။

ကုလလုံခြုံရေးကောင်စီသည် ဘင်္ဂလားဒေ့ရ်ှနှင့် မြန်မာတို့အကြား လက်မှတ်ထိုးခဲ့သော ပြန်လည်လွှဲပြောင်းပေးရေး သဘောတူညီချက်အား အလျင်အမြန်အကောင်အထည်ဖော်နိုင်ရေးအတွက် နည်းလမ်းများနှင့် လမ်းစဉ်များကို ရှာဖွေနိုင်ရန် ကြိုးပမ်းသွားမည်ဖြစ်ကြောင်း ထိုခရီးစဉ်အား စီစဉ်ပေးခဲ့သော ကူဝိတ်နိုင်ငံမှ သံအမတ်အယ်အိုတိုင်ဘီက ပြောကြားခဲ့သည်။

ဘင်္ဂလားဒေ့ရ်ှနှင့်မြန်မာတို့သည် ပြီးခဲ့သောနှစ် နိုဝင်ဘာတွင် ထိုသဘောတူညီချက်ကို လက်မှတ်ထိုးခဲ့သော်လည်း ဒုက္ခသည်တစ်ဦးကိုမျှ ပြန်မပို့သေးပေ။ ဘင်္ဂလားဒေ့ရှ် တာဝန်ရှိသူများက စိတ်ပျက်နေသော်လည်း သံတမန်အများအပြားကမူ ပြန်လည်လွှဲပြောင်းမှုသည် ဖြစ်နိုင်ခြေမရှိကြောင်း ပြောကြားခဲ့ကြသည်။ မြန်မာအား ထောက်ခံသော ရုရှားမှ ဒုတိယသံအမတ် ဒီမီထရီပိုလီယန်စကီးက လုံခြုံရေးကောင်စီသည် ကမ္ဘာ့အဆိုးရွားဆုံး ဒုက္ခသည်အကျပ်အတည်းတစ်ခုကို ဖြေရှင်းနိုင်ရန် မှော်ကြိမ်လုံးမရှိကြောင်း ဧပြီ ၂၉ ရက်တွင် သတိပေးခဲ့သည်။

Ref ; AFP

သမိုင်းဝင်ကိုရီးယား ထိပ်သီးအပြီး တရုတ်နိုင်ငံခြားရေးဝန်ကြီးက မြောက်ကိုရီးယားသို့ မကြာမီ သွားရောက်မည်

ဧပြီ ၂၅ ရက်က ပေကျင်းရှိ နိုင်ငံခြားရေးဝန်ကြီးဌာနတွင် ကာဂျစ္စတန်နိုင်ငံခြားရေးဝန်ကြီးနှင့် တွေ့ဆုံနေသော တရုတ်နိုင်ငံခြားရေးဝန်ကြီး ၀မ်ယီ (ယာ-ဒုတိယမြောက်) ကို တွေ့ရစဉ် (Photo – AFP)

သမိုင်းဝင် ကိုရီးယားထိပ်သီး ကျင်းပနိုင်ခဲ့အပြီး ရက်ပိုင်းအကြာတွင် ပေကျင်းက ပြုံယမ်းနှင့် ဆက်ဆံရေးတိုးတက်စေရန် ကြိုးပမ်းနေစဉ် တရုတ်နိုင်ငံခြားရေးဝန်ကြီးက မြောက်ကိုရီးယားသို့ ယခုသီတင်းပတ်အတွင်း သွားရောက်မည်ဟု ၎င်း၏ရုံးက ဧပြီ ၃၀ ရက်တွင် ကြေညာခဲ့ရာ နှစ်များစွာအတွင်း မြောက်ကိုရီးယားသို့ ရာထူးအမြင့်ဆုံး တရုတ်တာဝန်ရှိသူတစ်ဦး၏ သွားရောက်မှုဖြစ်လာမည် ဖြစ်သည်။

နိုင်ငံခြားရေးဝန်ကြီးဝမ်ယီသည် မြောက်ကိုရီးယား နိုင်ငံခြားရေးဝန်ကြီးရီယုံဟို၏ ဖိတ်ကြားမှုဖြင့် မေ ၂ ရက်နှင့် ၃ ရက်တို့တွင် မြောက်ကိုရီးယားသို့သွားရောက်မည်ဟု တရုတ်နိုင်ငံခြားရေးဝန်ကြီးဌာနက ထုတ်ပြန်ခဲ့သည်။ မြောက်ကိုရီးယားခေါင်းဆောင် ကင်ဂျုံအွန်က ၂၀၁၁ ခုနှစ်တွင် ကွယ်လွန်သူဖခင် ကင်ဂျုံအီထံမှ အာဏာဆက်ခံခဲ့ပြီးနောက်ပိုင်း ပထမဆုံးအကြိမ်တွေ့ဆုံမှုအဖြစ်ကင်က ပေကျင်းသို့သွားရောက်ပြီး တရုတ်သမ္မတရှီကျင်ပင်းနှင့် တွေ့ဆုံဆွေးနွေးခဲ့ပြီးနောက် ရက်ပိုင်းအကြာ ဧပြီအစောပိုင်းတွင် ၀မ်ယီနှင့် ရီယုံဟိုတို့က ပေကျင်း၌ တွေ့ဆုံခဲ့ကြသည်။

ဝမ်သည် ၂၀၀၇ ခုနှစ်နောက်ပိုင်း  မြောက်ကိုရီးယားသို့သွားရောက်သည့် ပထမဆုံး တရုတ်နိုင်ငံခြားရေးဝန်ကြီးဖြစ်လာမည် ဖြစ်သည်။ ၂၀၀၉ ခုနှစ်တွင် ယင်းအချိန်က ၀န်ကြီးချုပ်ဝမ်ကျားပေါင်က ပြုံယမ်းသို့သွား ရောက်ခဲ့သည်။ မြောက်ကိုရီးယားအား ၎င်းတို့၏ နျူကလီးယား လက်နက်စီမံကိန်းများအတွက် ကုလသမဂ္ဂ၏ ပိတ်ဆို့အရေးယူမှု တသီတတန်းကို တရုတ်က ထောက်ခံခဲ့သည်။ သို့သော် ဧပြီ ၂၇ ရက်တွင် တောင်နှင့်မြောက် ကိုရီးယားခေါင်းဆောင်များ၏ သမိုင်းဝင်ထိပ်သီးကို ဦးတည်စေခဲ့သော သံတမန်ရေးရာကြိုးပမ်းမှုများတွင် ဖယ်ထုတ်မခံရစေရန် ပေကျင်းက အလွန်အမင်းစိတ်အား ထက်သန်နေသည်။

ကင်နှင့် အမေရိကန်သမ္မတဒေါ်နယ် ထရန့်တို့သည်လည်း လာမည့်သီတင်းပတ်များတွင် တွေ့ဆုံရန်စီစဉ်ထားပြီး အချိန်နှင့် နေရာကိုမူ မသတ်မှတ်ရသေးပေ။ ကင်က တရုတ်သမ္မတရှီကို ပြုံယမ်းသို့ဖိတ်ကြားခဲ့သော်လည်း ရက်မသတ်မှတ်ရသေးပေ။

ထရန့်နှင့်တွေ့ဆုံမှုအတွက် ကင်၏ အစီအစဉ်များကို တရုတ်က နားထောင်လိုမှုမှာ သံသယ၀င်စရာမလိုကြောင်း၊ ပြုံယမ်းသို့ ၀မ်ယီသွားရောက်မှုသည် မြောက်ကိုရီးယားသို့ ရှီက သွားရောက်ရန်အတွက် ကြိုတင်စီစဉ်ရန် ဖြစ်နိုင်ကြောင်း ၀ါရှင်တန် အခြေစိုက် မဟာဗျူဟာနှင့် အပြည်ပြည်ဆိုင်ရာ လေ့လာရေးစင်တာမှ တရုတ်ကျွမ်းကျင် ပညာရှင် ဘွန်နီဂလေဇာက သုံးသပ်ခဲ့သည်။ ပြုံယမ်းတွင် ကင်နှင့်ရှီတွေ့ဆုံမှုသည် ကင်နှင့် ထရန့်ထိပ်သီးမတိုင်မီ ဖြစ်နိုင်ခြေရှိသည်ဟုလည်း ၎င်းက ပြောကြားခဲ့သည်။

နောက်ဆုံးသံတမန်ရေးရာ ကြေညာချက်အဖြစ် ပြုံယမ်းသည် နျူကလီးယားစမ်းသပ်သည့် နေရာအား လာမည့်သီတင်းပတ်များအတွင်း ဖျက်သိမ်းရန် ကတိပြုခဲ့ပြီး ထိုပိတ်သိမ်းမှုအား လာရောက်စစ်ဆေးရန် အမေရိကန်လက်နက်ကျွမ်းကျင် ပညာရှင်များကို ဖိတ်ခေါ်ခဲ့ကြောင်း ဆိုးလ်က ဧပြီ ၂၉ ရက်တွင် ထုတ်ပြန်ခဲ့သည်။ မြောက်ကိုရီးယားက ၎င်း၏ နျူကလီးယားနှင့် ဒုံးစမ်းသပ်မှုများအား ရပ်ဆိုင်းပြီး အပြန်အလှန်အနေဖြင့် အမေရိကန်နှင့်တောင်ကိုရီးယားတို့က ပူးတွဲစစ်ရေးလေ့ကျင့်မှုများအား ရပ်ဆိုင်းရန် တရုတ်က အကြိမ်ကြိမ်အဆိုပြုခဲ့သည်။ သို့သော် ကင်သည် တရုတ်၏အဆိုပြုချက်အား လျစ်လျူပြုပြီး အမေရိကန်စစ်ရေး လေ့ကျင့်မှုများကို ရပ်ဆိုင်းရန် တောင်းဆိုခြင်းမရှိဘဲ ၎င်း၏ နျူကလီးယားစမ်းသပ်မှုများအား ဆိုင်းငံ့မည်ဟု ကမ်းလှမ်းခဲ့ခြင်းကြောင့် တရုတ်က ဒေါသထွက်ခဲ့ခြေရှိဟု ဂလေဇာက သုံးသပ်ခဲ့သည်။ ထို့ပြင် တရုတ်က နောက်ဆုံးတွင် လုံးဝနီးပါး မျှော်လင့်ထားသော ကိုရီးယားမှအမေရိကန်တပ်ဖွဲ့ဝင်များကို ရုပ်သိမ်းရန်အတွက် ကင်က ဘာမျှမပြောခဲ့ကြောင်း ဂလေဇာက ပြောကြားခဲ့သည်။

Ref ; AFP

အမေရိကန်နိုင်ငံခြားရေးဝန်ကြီး ပွန်ပီယိုက ပါလက်စတိုင်းအား ငြိမ်းချမ်းရေးဆွေးနွေးပွဲသို့ ပြန်လာရန် တိုက်တွန်း

ဧပြီ ၂၉ ရက်က တဲအဗစ်တွင် အစ္စရေးဝန်ကြီးချုပ် နေတန်ယာဟု (ယာ)နှင့်
အမေရိကန်နိုင်ငံခြားရေးဝန်ကြီး ပွန်ပီယို တို့တွေ့ဆုံနေစဉ် (Photo – AFP)

အမေရိကန်နိုင်ငံခြားရေးဝန်ကြီးသစ် မိုက်ပွန်ပီယိုသည် ဧပြီ ၃၀ ရက်တွင် ၎င်း၏ သုံးရက်ကြာ အရှေ့အလယ်ပိုင်းခရီးစဉ်ကို အဆုံးသတ်ခဲ့သည်။ ထိုခရီးစဉ်တွင် ပါလက်စတိုင်းများနှင့် တွေ့ဆုံခဲ့ခြင်းမရှိသော်လည်း ပွန်ပီယိုက ငြိမ်းချမ်းရေးဆွေးနွေးပွဲသို့ ပြန်လာရန် ပါလက်စတိုင်းခေါင်းဆောင်များကို တိုက်တွန်းခဲ့သည်။

အစ္စရေးနှင့်ပါလက်စတိုင်းတို့အကြား တင်းမာမှု တစ်ဖန်မြင့်တက်လာသော်လည်း အမေရိကန်နိုင်ငံခြားရေးဝန်ကြီးသစ်သည် ရီယာ့ဒ်၊ တဲအဗစ်နှင့် အမ္မန်တို့တွင် နွေးထွေးစွာ ကြိုဆိုခံခဲ့ရပြီး ဒေသတွင်း၌ အီရန်၏ ၀င်ရောက်စွက်ဖက်မှုများကို အဓိကထားဆွေးနွေးခဲ့ကြသည်။

မတ် ၃၀ ရက်တွင် Great March of Return ဟု အမည်ပြောင်ပေးထားသည့် ဆန္ဒပြမှုများအား စတင်ခဲ့ပြီးနောက်ပိုင်း ဂါဇာနယ်စပ်တွင် အစ္စရေး၏ပစ်ခတ်မှုများကြောင့် သေဆုံးသူပါလက်စတိုင်း ၄၅ ဦးအထိရှိလာခဲ့ပြီး လူ ၁၅၀၀ ကျော် ဒဏ်ရာရခဲ့သည်။

သို့သော် ဧပြီ ၂၉ ရက်တွင် အစ္စရေးစစ်ဌာနချုပ်၌ အစ္စရေးဝန်ကြီးချုပ်ဘင်ဂျမင်နေ တန်ယာဟုနှင့် တွေ့ဆုံခဲ့သော ပွန်ပီယိုက အစ္စရေး၏ အင်အားသုံးနှိမ်နင်းမှုအား ဝေဖန်ရန် ငြင်းဆိုခဲ့ပြီး အစ္စရေးသည် ကိုယ့်ကိုယ်ကိုယ် ကာကွယ်ရန်အတွက် ခုခံပိုင်ခွင့်ရှိသည်ဟု ယုံကြည်ကြောင်း ၎င်းက ပြောကြားခဲ့သည်။ ဧပြီ ၂၆ ရက်တွင် နိုင်ငံခြားရေးဝန်ကြီးသစ်အဖြစ် ကျမ်းသစ္စာကျိန်ဆိုခဲ့ပြီးနောက် ဘရပ်ဆဲလ်တွင် နေတိုးနိုင်ငံခြားရေးဝန်ကြီးများ၏ အစည်းအဝေးကို ချက်ချင်းတက်ရောက်ခဲ့သည့် ပွန်ပီယိုသည် ၎င်း၏ ပထမဆုံးသံတ မန်ရေးရာခရီးစဉ်၏ နောက်ဆုံးနေ့၌ အစ္စရေး၏ အိမ်နီးချင်း ဂျော်ဒန်နိုင်ငံမြို့တော် အမ္မန်သို့ သွားရောက်ခဲ့သည်။

၎င်းနှင့်တွေ့ဆုံခဲ့သော ဂျော်ဒန်နိုင်ငံခြားရေးဝန်ကြီး အိုင်မန်ဆာဖာဒီက အစ္စရေး- ပါလက်စတိုင်းပဋိပက္ခသည် ဒေသတွင်း၌ မတည်ငြိမ်မှု၏ အဓိကအကြောင်းရင်းဖြစ်သည်ဟု ဂျော်ဒန်က ယုံကြည်ပြီး နှစ်နိုင်ငံ ယှဉ်တွဲနေထိုင်ရန် ဖြေရှင်းမှုသည် ငြိမ်းချမ်းရေးအတွက် တစ်ခုတည်းသောလမ်းကြောင်းဖြစ်ကြောင်း ပြောကြားခဲ့သည်။ အမေရိကန်သမ္မတ ဒေါ်နယ်ထရန့်၏အစိုးရက အနာဂတ်၌ တစ်ချိန်ချိန်တွင် ပါလက်စတိုင်းနိုင်ငံ ထူထောင်မှုကို မပယ်ချခဲ့သော်လည်း ယင်းကဲ့သို့ ရလဒ်သည် ၎င်း၏ မဟာမိတ်အစ္စရေးကို သက်ရောက်စေမည်မဟုတ်ကြောင်း အလေးထားပြောကြားခဲ့သည်။

ဂျေရုစလင်အား အစ္စရေး၏မြို့တော်အဖြစ် အသိအမှတ်ပြုရန် ထရန့်၏ဆုံးဖြတ်ချက်နှင့် အမေရိကန်သံရုံးအား လာမည့်လတွင် ဂျေရုစလင်သို့ ရွှေ့ပြောင်းရန် စီစဉ်မှုတို့သည် ပါလက်စတိုင်းတို့ကို အလွန်အမင်း ဒေါသထွက်စေခဲ့ပြီး အမေရိကန်ထိပ်တန်း တာဝန်ရှိသူများနှင့် ဆက်သွယ်မှုများကို ၎င်းတို့က သပိတ်မှောက်ခဲ့ကြသည်။ သို့သော် ငြိမ်းချမ်းရေးဆွေးနွေးပွဲသို့ပြန်လာရန် ပွန်ပီယိုက ပါလက်စတိုင်းအား တိုက်တွန်းခဲ့သည်။ နှစ်နိုင်ငံ ယှဉ်တွဲနေထိုင်မှုဖြေရှင်းနည်းသည် ဖြစ်နိုင်ခြေရှိသောရလဒ်ဖြစ်ကြောင်း၊ အစ္စရေးနှင့် ပါလက်စတိုင်းတို့သည် နိုင်ငံရေးဆိုင်ရာ ညှိနှိုင်းမှုများပြုလုပ်ရန် လိုအပ်သည်ဟု ယုံကြည်ကြောင်းလည်း ပွန်ပီယိုက ပြောကြားခဲ့သည်။

Ref ;AFP

ဘာစီလိုနာတိုက်စစ်မှူး မက်ဆီ ဥရောပဂိုးသွင်းဘုရင်ဆုအတွက် ပြိုင်ဆိုင်မှုတွင် ဦးဆောင်

Photo: AFP

ဘာစီလိုနာတိုက်စစ်မှူး မက်ဆီသည် ယခုတစ်ပတ်လာလီဂါပွဲစဉ်တွင် ဟက်ထရစ်ဂိုး သွင်းယူခဲ့ပြီးနောက် ဥရောပဂိုးသွင်းဘုရင်ဆုအတွက် ပြိုင်ဆိုင်မှုတွင် လီဗာပူးလ်တိုက်စစ်မှူး ဆာလာကို ကျော်တက်ကာ ထိပ်ဆုံး၌ ဦးဆောင်နိုင်ခဲ့ကြောင်း သိရှိရသည်။

မက်ဆီသည် ဘာစီလိုနာအသင်း လာလီဂါချန်ပီယံအဖြစ် အဖြေထွက်ခဲ့သည့် ဒီပို့တီဗိုနှင့်ပွဲတွင် ဟက်ထရစ်သွင်းယူနိုင်ခဲ့ခြင်းဖြစ်ပြီး စုစုပေါင်းသွင်းဂိုး (၃၂)ဂိုးရှိသွားသည့်အတွက် (၃၁)ဂိုးသွင်းယူထားသည့်ဆာလာကို ကျော်လွှားနိုင်ခဲ့ခြင်းလည်းဖြစ်သည်။

မက်ဆီသည် ယင်းပွဲတွင် လာလီဂါပြိုင်ပွဲ၏ ဂိုးသွင်းစံချိန်သစ်တစ်ခုကိုလည်း ပိုင်ဆိုင်ခဲ့သည်။ ယင်းစံချိန်မှာ လာလီဂါပြိုင်ပွဲ၌ ဂိုး(၃၀)နှင့်အထက် (၇) ရာသီသွင်းယူနိုင်သော ပထမဆုံးကစားသမားဟူသည့်စံချိန်မှတ်တမ်းဖြစ်သည်။

မက်ဆီသည် ဘာစီလိုနာအသင်းအတွက် ၂၀၀၉-၁၀ ရာသီတွင် ပထမဆုံးအကြိမ် ဂိုး(၃၀)နှင့်အထက် သွင်းယူနိုင်ခဲ့ပြီး ယင်းနောက်ပိုင်း ယှဉ်ပြိုင်ကစားခဲ့သည့်(၈)ရာသီတွင် ဂိုး(၃၀)အောက်ကျရောက်သည်မှာ (၂)ရာသီသာ ရှိခဲ့ ကြောင်းလည်း သိရှိရသည်။

မက်ဆီသည် ယခုရာသီ လာလီဂါပြိုင်ပွဲ၌ ဟက်ထရစ်(၄)ကြိမ်အထိ သွင်းယူကာ ဂိုးသွင်းခြေစွမ်းပြသခဲ့ပြီး ဒုတိယနေရာမှ စီရော်နယ်လ်ဒိုကိုလည်း (၈)ဂိုးဖြတ်ထားနိုင်ခဲ့ပြီဖြစ်သည်။

ထို့ကြောင့် လာလီဂါဂိုးသွင်းဘုရင်ဆုကို ရယူနိုင်ရန် အလားအလာကောင်းနေသလို၊ ဥရောပဂိုးသွင်းဘုရင်ဆုအတွက် ပြိုင်ဆိုင်မှုတွင်လည်း လာလီဂါ(၄)ပွဲ ယှဉ်ပြိုင်ကစားရန် ကျန်ရှိနေပြီး ဆာလာမှာ ပရီးမီးယားလိဂ်(၂)ပွဲသာ ကျန်ရှိတော့သည့်အတွက် အခြေအနေကောင်းနေပြီဖြစ်သည်။

■ ဥရောပဂိုးသွင်းဘုရင်ဆုအတွက် အပြိုင်ဖြစ်နေသူများ

မက်ဆီ(ဘာစီလိုနာ) ၃၂ ဂိုး
ဆာလာ(လီဗာပူးလ်) ၃၁ ဂိုး
အီမိုဘီလီ(လာဇီယို) ၂၉ ဂိုး
လီဝန်ဒေါစကီး(ဘိုင်ယန်မြူးနစ်) ၂၈ ဂိုး
အီကာဒီ(အင်တာမီလန်) ၂၇ ဂိုး
ကာဗာနီ(PSG) ၂၇ ဂိုး
ဟာရီကိန်း(စပါး) ၂၆ ဂိုး