ဆွမ်ဆီးကို အနိုင်ယူပြီး ဒုတိယနေရာကို ထိန်းသိမ်းခဲ့တဲ့ မန်ယူ

Photo: Reuters
Photo: Reuters
Photo: Reuters

ပရီးမီးယားလိဂ် ပွဲစဉ်(၃၂) စနေည (၈း၃၀) ပွဲတွေကို ယှဉ်ပြိုင်ကစားခဲ့ရာမှာ မန်ယူအသင်းက ဆွမ်ဆီးအသင်းကို (၂-၀)ဂိုးနဲ့ အနိုင်ရပြီး ဒုတိယနေရာကို ထိန်းသိမ်းခဲ့ပါတယ်။

မန်ယူအသင်းဟာ တိုက်စစ်မှူး လူကာကူကို အထောင်ထားပြီး ဆန်းချက်ဇ်၊ လင်ဂတ်၊ မာတာ၊ ပေါ့ဘာ၊ မာတစ်တို့နဲ့ ပွဲထွက်လာပါတယ်။

တန်းဆင်းအန္တရာယ်ရှိနေတဲ့ ဆွမ်ဆီးအသင်းက အိုးလ်ထရက်ဖို့ဒ်မှာ မန်ယူအသင်းကို ခံကစားဖို့ ၃-၅-၂ နဲ့ ပွဲထွက်လာပေမယ့် ပွဲအစပိုင်းမှာပဲ ဂိုးတွေခွင့်ပြုရပြီး ရှုံးပွဲတွေ့ဖို့ ဖြစ်ပါတယ်။

မန်ယူအသင်းအတွက် ဦးဆောင်ဂိုးကို လူကာကူက ပွဲချိန်(၅)မိနစ်မှာ ဆန်းချက်ဇ်ရဲ့ ဖန်တီးမှုကတစ်ဆင့် သွင်းယူခဲ့ပြီး မိနစ် (၂၀)မှာတော့ ဆန်းချက်ဇ် ကိုယ်တိုင်သွင်းယူခဲ့တာပါ။

ဆန်းချက်ဇ်ဟာ ပရီးမီးယားလိဂ်မှာ တစ်ပွဲအတွင်း ဂိုးသွင်းပြီး ဖန်တီးမှုပါ ပြုလုပ်နိုင်တာ (၁၁)ကြိမ်မြောက် ဖြစ်ခဲ့ပြီး သူ ပရီးမီးယားလိဂ်ကို ပြောင်းရွှေ့လာပြီး နောက်ပိုင်းမှာဆိုရင် လူကာကူနဲ့ ဖေမီနို (၁၂ ကြိမ်စီ)တို့သာ ပိုမိုစွမ်းဆောင်နိုင်ခဲ့တာပါ။

လူကာကူကလည်း ဒီနေ့သွင်းဂိုးက သူ့အတွက် ပရီးမီးယားလိဂ် ရာပြည့်ဂိုးဖြစ်ခဲ့ပြီး ဒီဂိုးကို သွင်းယူနိုင်ချိန်မှာ (၂၄)နှစ်၊ (၃၂၂)ရက်သာ ရှိသေးတာကြောင့် ပဉ္စမမြောက် အသက်အငယ်ဆုံး ဂိုး(၁၀၀) ပြည့်မြောက်သူလည်း ဖြစ်ခဲ့ပါတယ်။

မန်ယူအသင်းက ဒုတိယပိုင်းမှာ ကစားအားချလိုက်ပြီး ခံစစ်စိတ်ယိုင်လာတာကြောင့် ဆွမ်ဆီး အခွင့်အရေးတွေရလာပေမယ့် မန်ယူဂိုးသမား ဒီဂီယာက လက်စွမ်းပြ ကာကွယ်သွားခဲ့ပြီး အနိုင်ဂိုးတွေကို ထိန်းသိမ်းသွားခဲ့ပါတယ်။

အခြားပွဲတွေမှာတော့ ၀က်စ်ဟမ်း၊ နယူးကာဆယ်အသင်းတို့ အိမ်ကွင်းမှာ ဂိုးပြတ်နိုင်ခဲ့ကြပြီး လက်စတာ၊ ဘန်လေတို့ကတော့ အဝေးကွင်းမှာ နိုင်ပွဲကိုယ်စီရခဲ့ကြပါတယ်။ ၀က်ဖို့ဒ်နဲ့ ဘုန်းမောက်တို့ကတော့ အပြန်အလှန်သွင်းဂိုးတွေနဲ့ သရေကျခဲ့ကြပါတယ်။

■ ပရီးမီးယားလိဂ်ရလဒ်များ
ခရစ္စတယ်ပဲလေ့စ် ၁-၂ လီဗာပူးလ်
ဝက်စ်ဟမ်း ၃-၀ ဆောက်သမ်တန်
ဘရိုက်တန် ၀-၂ လက်စတာ
မန်ယူ ၂-၀ ဆွမ်ဆီး
နယူးကာဆယ် ၁-၀ ဟတ်ဒါဖီးလ်
ဝက်ဖို့ဒ် ၂-၂ ဘုန်းမောက်
ဝက်စ်ဘရွန်း ၁-၂ ဘန်လေ

■ လာလီဂါရလဒ်များ
ဟီရိုနာ ၁-၁ လီဗန်တေး

■ စီးရီးအေရလဒ်များ
ဘိုလော့ဂ်နာ ၁-၁ ရိုးမား
လာဇီယို ၆-၂ ဘင်နီဗန်တို
ဖီအိုရင်တီးနား ၂-၀ ခရိုတိုနီ
အင်တာမီလန် ၃-၀ ဗီရိုနာ
ဂျီနိုအာ ၁-၁ SPAL
ကာဂလီယာရီ ၀-၄ တိုရီနို
အတ္တလန်တာ ၂-၀ အူဒီးနီးစ်

■ ဘွန်ဒစ်လီဂါရလဒ်များ
ဟော်ဖန်ဟင်မ် ၆-၀ ကိုလုံး
ရှော်လ်ကေး ၂-၀ ဖရိုင်းဘတ်
လေဗာကူဆင် ၀-၀ အော့စ်ဘတ်
ဟန်နိုဗာ ၂-၃ လိုက်ပ်ဇစ်
စတုဂတ် ၁-၁ ဟမ်းဘတ်

■ လိဂ်ချန်ပီယံရှစ်ရလဒ်များ
ဘာမင်ဂမ် ၁-၀ အစ်ဝစ်ခ်ျ

မြောက်ဥက္ကလာပဆေးရုံကြီး၌ အသစ်တည်ဆောက်နေသည့် သားဖွားမီးယပ်ဆောင်တွင် အသုံးပြုရန် မီးယပ်ဆိုင်ရာ ဆီးလမ်းကြောင်းရောဂါ ခွဲစိတ်ပစ္စည်းများနှင့် စမ်းသပ်ပစ္စည်းများ ဖြည့်ဆည်းထားရှိမည်

ထိုင်ဝမ်နိုင်ငံ Cao Zlaong Zhi Foundation က စက်ပစ္စည်းများ လှူဒါန်းနေသည်ကို တွေ့ရစဉ်

မြောက်ဥက္ကလာပဆေးရုံကြီး၌ အသစ်တည်ဆောက်နေသည့် သားဖွားမီးယပ်ဆောင်တွင် အသုံးပြုရန် ထိုင်ဝမ်နိုင်ငံမှ လှူဒါန်းထားသည့် မီးယပ်ဆိုင်ရာ ဆီးလမ်းကြောင်းရောဂါ ခွဲစိတ်စက်ပစ္စည်းကိရိယာများနှင့် စမ်းသပ်ပစ္စည်းကိရိယာများ ဖြည့်ဆည်းထားရှိကာ လူနာများအား ခွဲစိတ်ကုသမည်ဖြစ်ကြောင်း မြောက်ဥက္ကလာပဆေးရုံကြီးမှ သိရသည်။

အဆိုပါစက်ပစ္စည်းများသည် ထိုင်ဝမ်နိုင်ငံ Cao Zlaong Zhi Foundation က လှူဒါန်းထားသည့် စက်ပစ္စည်းကိရိယာများဖြစ်ပြီး ခွဲစိတ်ကုသရမည့် လူနာများအတွက် ပိုမိုထိရောက်စွာ ကုသနိုင်မည်ဖြစ်ကြောင်း မြောက်ဥက္ကလာပဆေးရုံကြီး၊ သားဖွားမီးယပ်ပညာဌာနမှ ပါမောက္ခဌာနမှူး ပါမောက္ခဒေါက်တာ ကြည်ကြည်ညွန့်က ဆိုသည်။

“ဒီစက်တွေရောက်လာပြီဆိုရင် မီးယပ်ဆိုင်ရာ ဆီးလမ်းကြောင်းရောဂါတွေကို ပိုပြီးအသေးစိတ်သိရှိလာမယ်။ ဘာကြောင့်ဖြစ်တာလဲ၊ ဘယ်နေရာမှာဖြစ်တာလဲ၊ ဒါသည် လေ့ကျင့်ခန်းနဲ့ပဲ ပြီးသွားမှာလား၊ ဆေးနဲ့ကုသရမှာလား၊ ဒါသည် ခွဲစိတ်လို့ရသလားဆိုတာကို အသေးစိတ်သိလာမယ်။ ဒါတွေသည် အမြင်အားဖြင့် ကြည့်မယ်ဆို အသက်ချက်ချင်းသေလောက်အောင် ရောဂါမဟုတ်ပေမယ့် အမျိုးသမီးတွေ နေ့စဉ်ခံစားနေတဲ့ရောဂါဖြစ်ပါတယ်” ဟု ပါမောက္ခဒေါက်တာ ကြည်ကြည်ညွန့်က ပြောကြားသည်။

၎င်းက ဆက်လက်၍ “ဒီစက်ပစ္စည်းတွေက အင်မတန်မှ ဈေးကြီးပါတယ်။ သားအိမ်ကျွံနေတဲ့လူတွေ၊ မွေးလမ်းကြောင်းကျွံတဲ့သူတွေ၊ ဆီးသွားရခက်ခဲတဲ့သူတွေ၊ ဆီးမထိန်းနိုင်တဲ့သူတွေကို ဆေးနဲ့ကုသတဲ့အပြင် ခွဲစိတ်ကုသရင် ပျောက်ကင်းမလား။ ဘယ်နည်းလမ်းနဲ့ ကုသရင် ပျောက်ကင်းနိုင်မလဲဆိုတာကို စက်ပစ္စည်းကိရိယာတွေနဲ့ စမ်းလို့ရတယ်။ ခွဲစိတ်ကုသမယ်ဆို ခွဲစိတ်မှုပေးနိုင်မယ်ပေါ့” ဟု ၎င်းက ပြောကြားသည်။

လက်ရှိ မြောက်ဥက္ကလာပဆေးရုံကြီးတွင် သားဖွားမီးယပ်ဌာန ခြောက်ထပ်ဆောင် အဆောက်အအုံဆောက်လုပ်နေပြီး ယင်းအဆောက်အအုံသည် ယခုနှစ်ကုန်တွင် ပြီးစီးမည်ဖြစ်ကြောင်း သိရသည်။

အဆိုပါ စက်ပစ္စည်းကိရိယာများကို မတ် ၃၀ ရက်တွင် မြောက်ဥက္ကလာပဆေးရုံကြီး၌ ထိုင်ဝမ်နိုင်ငံ Cao Zlaong Zhi Foundation မှ ပထဆုံးအကြိမ် လာရောက်လှူဒါန်းခြင်းဖြစ်ကြောင်း သိရသည်။ ဆေးတက္ကသိုလ် (၁) ရန်ကုန်၊ ဆေးတက္ကသိုလ်မန္တလေး၊ ဗဟိုအမျိုးသမီးဆေးရုံကြီး (ရန်ကုန်) နှင့် ဗဟိုအမျိုးသမီးဆေးရုံကြီး (မန္တလေး) တို့၌လည်း ဂျပန်နိုင်ငံမှ လှူဒါန်းထားသည့် သားဖွားမီးယပ်ဆိုင်ရာ ခွဲစိတ်ပစ္စည်းများထားရှိကြောင်း သိရသည်။

နိုင်ငံရေးသမားနှင့် သမာဓိတည်ကြည်ခြင်း

ရိုးသားမှုရှိခြင်း၊ ခိုင်မာသော ကိုယ့်ကျင့်တရားဆိုင်ရာ စည်းမျဉ်းများ သို့မဟုတ် ကိုယ့်ကျင့်တရားဆိုင်ရာ ဖြောင့်မတ်မှုရှိခြင်း အရည်အချင်းကို သမာဓိတည်ကြည်ခြင်း ဟုခေါ်သည်။ ယင်းသည် ကိုယ်ကျင့်တရားဆိုင်ရာနှင့် ကျင့်ဝတ်ဆိုင်ရာ စံသတ်မှတ်ချက်များကို ခိုင်မြဲအောင်ထိန်းသိမ်းသည့် ပုဂ္ဂိုလ်ရေးဆိုင်ရာ ရွေးချယ်မှုတစ်ရပ်လည်းဖြစ်သည်။

သမာဓိတည်ကြည်ခြင်းသည် နိုင်ငံရေးသမားများအတွက် အရေးကြီးသည်။ အဘယ့်ကြောင့်ဆိုသော် ၎င်းတို့သည် လူ့အဖွဲ့အစည်းကို ထမ်းဆောင်ရန် ရွေးချယ် သို့မဟုတ် ခန့်အပ် သို့မဟုတ် ရွေးကောက်တင်မြှောက်ခံရသောကြောင့်ဖြစ်သည်။ လူ့အဖွဲ့အစည်းအတွက် ထမ်းဆောင်နိုင်စွမ်းရှိရန် ၎င်းတို့အား မူဝါဒများကိုချမှတ်နိုင်၊ ကျင့်သုံးနိုင်၊ ထိန်းချုပ်နိုင်သော အာဏာကို ပေးထားရသည်။ ၎င်းတို့၌ တစ်စုံတစ်ဦး သို့မဟုတ် တစ်စုံတစ်ရာအပေါ် သြဇာလွှမ်းမိုးနိုင်သော အာဏာရှိသည်။ သို့သော် နိုင်ငံရေးသမားအနေဖြင့် ယင်းအာဏာကို လူ့အဖွဲ့အစည်းအတွက် ထမ်းဆောင်ရာ၌ အသုံးမပြုမည့် အန္တရာယ်တစ်ရပ်ရှိနေသည်။ အုပ်ချုပ်သူများသည် အာဏာရှိသောကြောင့် ယင်းအာဏာကို ပုဂ္ဂိုလ်ရေးအကျိုးအမြတ်အတွက် အသုံးပြုအောင် ဖြားယောင်းခံရလိမ့်မည်ဟု အရစ္စတိုတယ်က ဆိုသည်။ ယင်းဖြားယောင်းမှုကို ကြံ့ကြံ့ခံနိုင်ရန် နိုင်ငံရေးသမားများအတွက် အရေးကြီးသည်။ ထို့ကြောင့် နိုင်ငံရေးသမားများအနေဖြင့် သမာဓိတည်ကြည်ခြင်း လိုအပ်သည်။

The Servant of the People စာအုပ်တွင် Muel Kaptein က သမာဓိတည်ကြည်ခြင်းသည် ၎င်းတို့၏အနေအထားနှင့် ဆက်နွှယ်နေသောကြောင့် နိုင်ငံရေးသမားများသည် ၎င်းတို့အနေအထား၌ ပါဝင်သည်များကိုသိရှိခြင်းဖြင့် သမာဓိကို စတင်ရမည်ဖြစ်ကြောင်း ဖော်ပြခဲ့သည်။ သမာဓိတည်ကြည်ခြင်းသည် ရေးသားထားသည်ဖြစ်စေ၊ ရေးသားထားခြင်းမရှိသည်ဖြစ်စေ လိုက်နာရမည့် စည်းမျဉ်းစည်းကမ်းများနှင့်ပတ်သက်၍ စာအရသာမက စိတ်ထားအရပါ ကိုက်ညီရန်နှင့် အသိဥာဏ်ဗဟုသုတရှိရန်လည်း တောင်းဆိုသည်။ သမာဓိတည်ကြည်ခြင်းသည် ကိုယ်ကျင့်တရားဟု အထွေထွေသဘောအရ လက်ခံထားသည်များနှင့် တွေးခေါ်ထားသည့် အခြားအရာများသာမက အခြေခံအရကျင့်ဝတ်ဟု သတ်မှတ်ထားသောအရာများနှင့်လည်း ကိုက်ညီအောင် ဆောင်ရွက်သည်။ နိုင်ငံရေးသမားများ လုပ်သင့်လုပ်ထိုက်သည့်အရာများသည် ဆင်ခြင်တုံတရားနှင့်လျော်ညီသော အကျိုးသင့်အကြောင်းသင့် အချက်များပေါ်၌ အခြေခံသင့်သည်။

၎င်းအပြင် သမာဓိတည်ကြည်ခြင်းသည် နိုင်ငံရေးသမားတစ်ဦးအနေဖြင့် နည်းလမ်းတစ်ရပ်အတိုင်း ပြုမူဆောင်ရွက်ပုံအကြောင်းသာမကဘဲ နိုင်ငံရေးသမားသည် မည်ကဲ့သို့သောလူမျိုးဖြစ်သည်ဟူသည့် အကြောင်းလည်းဖြစ်သည်။ လူတစ်ဦး၏ သမာဓိတည်ကြည်ခြင်းနှင့် ပတ်သက်သော မေးခွန်းများသည် သူ၏ရည်ရွယ်ချက်များအပေါ်သာမက ယင်းရည်ရွယ်ချက်များ၏ ရင်းမြစ်များနှင့် ထိုသူ၏ စရိုက်လက္ခဏာအပေါ်သို့ပါ သံသယများကို ဖြစ်စေသည်။ ထို့ကြောင့် သမာဓိတည်ကြည်ခြင်းဟူသည် အပြုအမူပုံစံတစ်ရပ်အတွင်း မြင်သာလာသည့် မှန်ကန်သည့် ကျင့်ဝတ်ဆိုင်ရာ အလေ့အထကောင်းများရှိခြင်း အကြောင်းဖြစ်သည်။ နိုင်ငံရေးသမားများအတွက် အရေးကြီးသော အလေ့အထကောင်းများမှာ သစ္စာရှိခြင်း၊ နှိမ့်ချခြင်းနှင့် တာဝန်ယူမှုရှိခြင်းဖြစ်သည်။ ၎င်းအပြင် နိုင်ငံရေးသမားသည် စစ်မှန်မှုရှိရမည်ဖြစ်ပြီး စံပြုပုဂ္ဂိုလ်တစ်ဦးဖြစ်သင့်သည်။

မည်သို့ပင်ဆိုစေကာမူ နိုင်ငံရေးသမားတစ်ဦးသည် လူ့အဖွဲ့အစည်းအတွက် ထမ်းဆောင်ပေးရန် အာဏာပေးအပ်ခံထားရသူ တစ်ဦးဖြစ်သောကြောင့် သမာဓိတည်ကြည်ခြင်းရှိရန် အရေးကြီးပါကြောင်း The Daily Eleven သတင်းစာက ရေးသားအပ်ပါသည်။

ဧပြီ (၁) ထုတ် The Daily Eleven သတင်းစာ အယ်ဒီတာ့အာဘော်

တပ်မတော်နှင့် KNU တွေ့ဆုံရန်စီစဉ်ထားရာတွင် KNU တပ်မဟာ (၅) တပ်မဟာမှူးမပါသဖြင့် ရွှေ့ဆိုင်းလိုက်ခြင်းအပေါ် စေ့စပ်ညှိနှိုင်းရေးအဖွဲ့တွင် တပ်မဟာ (၅) မှူးသည် မူလကတည်းက မပါဝင်ခြင်းဖြစ်ပြီး နားလည်မှုလွဲခြင်းဖြစ်နိုင်ကြောင်း KNU ဒုတိယဥက္ကဋ္ဌ ပြောကြား

KNU အရပ်သားကိုယ်စားလှယ်အဖွဲ့ မတ်လအတွင်း တပ်မဟာ (၅) ဌာနချုပ် ဖာပွန်ခရိုင် ဒေ့ဘိုနို့ရွာသို့ သွားရောက်ခဲ့စဉ် (ဓာတ်ပုံ-JMC-U)

တပ်မတော်နှင့် ကရင်အမျိုးသားအစည်းအရုံး (KNU) တို့တွေ့ဆုံရန် စီစဉ်ထားရာတွင် KNU တပ်မဟာ (၅) တပ်မဟာမှူးမပါသဖြင့် ရွှေ့ဆိုင်းလိုက်ခြင်းအပေါ် စေ့စပ်ညှိနှိုင်းရေးအဖွဲ့တွင် တပ်မဟာ (၅) မှူးသည် မူလကတည်းက မပါဝင်ခြင်းဖြစ်ပြီး နားလည်မှုလွဲခြင်းဖြစ်နိုင်ကြောင်း KNU ဒုတိယဥက္ကဋ္ဌ ပဒိုစောကွယ်ထူးဝင်းက မတ် ၃၁ ရက်တွင် ပြောကြားသည်။

ကရင်ပြည်နယ် ဖာပွန်ခရိုင်တွင် ဖြစ်ပွားခဲ့သည့် ထိတွေ့မှုနှင့်ပတ်သက်၍ တပ်မတော်နှင့် KNU မှ ထိပ်ပိုင်းခေါင်းဆောင်များသည် မတ် ၂၉ ရက် (သို့မဟုတ်) ၃၀ ရက်တွင် ပဲခူးတိုင်းဒေသကြီး ကျောက်ကြီးမြို့၌ တွေ့ဆုံညှိနှိုင်းရန် (၁၅) ကြိမ်မြောက် JMC-U အစည်းအဝေးတွင် ဆုံးဖြတ်ချက်ချထားသည်။

သို့ရာတွင် KNU တပ်မဟာ (၅) မှူး ကျန်းမာရေးမကောင်းသည့်အတွက် တွေ့ဆုံပွဲအား ရွှေ့ဆိုင်းထားကြောင်း ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC-U) အတွင်းရေးမှူး (၂) တပ်မတော်သား ကိုယ်စားလှယ် ဗိုလ်မှူးကြီးဝဏ္ဏအောင်က ပြောကြားသည်။

“တပ်မဟာ (၅) တပ်မဟာမှူးပေါ့နော်။ ကျော်မူဟဲကတော့ သူကမျက်လုံးခွဲတာနဲ့ ကြုံနေလို့ဆိုပြီးတော့ ကျန်းမာရေးမကောင်းလို့ဆိုပြီးတော့ သူတို့ဘက်ကနေပြီး ဒီလိုပြောလာတာတော့ ရှိပါတယ်။ တွေ့ဆုံဖို့အတွက် ဆက်လက်ညှိနှိုင်းနေပါတယ်။ ကိုယ်တို့ တပ်မတော်ဘက်က တွေ့ဖို့အဆင်သင့်ရှိပါတယ်။ ကိုယ်တို့ပြောထားပါတယ်။ မျက်လုံးခွဲပြီးကောင်းတာနဲ့ ပြန်လည်တွေ့ကြဖို့ဆိုပြီးတော့ သူတို့ကိုလည်း ပြောထားပါတယ်” ဟု ဗိုလ်မှူးကြီးဝဏ္ဏအောင်က ပြောကြားသည်။

အလားတူ JMC-U အတွင်းရေးမှူး (၁) ဒေါက်တာရွှေခါးရ်ကလည်း KNU ၏ တပ်မဟာ (၅) တပ်မဟာမှူး ကျန်းမာရေးကောင်းလာသည့်အချိန်တွင် ပြန်လည်တွေ့ဆုံညှိနှိုင်းမည်ဖြစ်ကြောင်း ပြောကြားသည်။

KNU ဒုတိယဥက္ကဋ္ဌ ပဒိုစောကွယ်ထူးဝင်းက “သူတို့ဆီက Report လည်းမရဘူးဆိုတော့ ကျွန်တော် ရှင်းရှင်းလင်းလင်းပြောဖို့ခက်တယ်။ ဒါပေမဲ့ သိရသလောက်ကတော့ အဲဒီအခင်းဖြစ်တဲ့ဒေသရဲ့ သက်ဆိုင်ရာတပ်မဟာမှူး မပါတဲ့အတွက်ကြောင့် သူတို့ရွှေ့ဆိုင်းထားတဲ့သဘောဖြစ်တယ်။ ဖျက်သိမ်းတဲ့သဘောတော့ မဟုတ်ဘူးပေါ့နော်။ ဒါက ကျွန်တော်တို့ ပြန်ညှိရမှာပေါ့။ ကျွန်တော်တို့ရဲ့ စေ့စပ်ညှိနှိုင်းရေးရာအဖွဲ့မှာ တပ်မဟာ (၅) မှူးကမပါဘူး။ အဲဒီအဖွဲ့မှာ။ မူလကတည်းက မပါတဲ့အတွက်ကြောင့် အဲဒီညှိနှိုင်းရေးအဖွဲ့မှာ သူပါမသွားတာဖြစ်တယ်။ တစ်ဖက်က နားလည်မှုလွဲသလားတော့ မသိဘူးပေါ့နော်။ ကျွန်တော်တို့ဘက်က အဖွဲ့အစည်းနဲ့ သူတို့ဘက်က သက်ဆိုင်ရာတပ်မတော်ဘက်က ခေါင်းဆောင်တွေနဲ့ တွေ့ဆုံညှိနှိုင်းဖို့အတွက် တာဝန်ပေးတာဖြစ်တယ်။ ဒါပေမဲ့ အဲဒီမှာပါမယ့်အဖွဲ့တွေရဲ့ အစီရင်ခံမှုမရတော့ ကျွန်တော်လည်း တိတိကျကျ သူတို့နောက်ဆုံးအခြေအနေတော့ မသိဘူးပေါ့” ဟုပြောကြားသည်။

တပ်မတော်နှင့် KNU တို့တွေ့ဆုံရာတွင် တပ်မတော်ဘက်မှ အကြီးအကဲများ၊ KNU ဘက်မှ ဗဟိုအဆင့်ခေါင်းဆောင်များ၊ တပ်မဟာ (၅) ခေါင်းဆောင်များပါဝင်မည်ဖြစ်ကြောင်း သဘောတူညီမှုရရှိခဲ့သည်ဟု မတ် ၂၂ ရက်တွင်ပြုလုပ်သည့် JMC-U သတင်းစာရှင်းလင်းပွဲတွင် JMC-U အတွင်းရေးမှူးများက ပြောကြားထားသည်။

“JMC မှာ ညှိနှိုင်းတုန်းက ကျွန်တော်တို့နားလည်တာက သက်ဆိုင်ရာတာဝန်ရှိတဲ့ ခေါင်းဆောင်များပါဝင်ဖို့ပဲဖြစ်တယ်။ ဒါမှမဟုတ် သက်ဆိုင်ရာဒေသမှာရှိတဲ့ တာဝန်ရှိတဲ့ပုဂ္ဂိုလ်က အဖွဲ့အစည်းကတာဝန်ပေးတဲ့ ပုဂ္ဂိုလ်တော့ပါတာပေါ့။ သို့သော်လည်းပဲ အဲဒီလို တပ်မဟာမှူးပါရမယ်ဆိုတဲ့ သဘောတော့ တိတိကျကျ သဘောတူထားတာမရှိဘူး။ ရေးသားထားတာလည်း မရှိဘူး။ နားလည်မှု တစ်ခုခုလွဲတာလည်း ဖြစ်နိုင်တယ်လေ” ဟု KNU ဒုတိယဥက္ကဋ္ဌ ပဒိုစောကွယ်ထူးဝင်းက ပြောကြားသည်။

တောင်ပိုင်းတိုင်းစစ်ဌာနချုပ်နှင့် KNU တပ်မဟာ (၅) တို့အကြား ဖာပွန်ခရိုင်တွင် ထိတွေ့မှုဖြစ်စဉ်နှင့်ပတ်သက်၍ ဖြစ်စဉ်အခြေအနေများနှင့် အမြင်သဘောထားများကို သိရှိနိုင်စေရန်အတွက် JMC-U ၏ တာဝန်ပေးချက်အရ JMC အရပ်သားကိုယ်စားလှယ်အဖွဲ့သည် မတ် ၁၉ ရက်မှ ၂၁ ရက်အထိ တပ်မဟာ (၅) ဌာနချုပ်ရှိရာ ဖာပွန်ခရိုင်ဒေ့ဘိုနို့ရွာသို့ သွားရောက်ခဲ့ကြောင်း JMC-U က သတင်းထုတ်ပြန်ထားသည်။

အမှတ်တံဆိပ်တုပမှုနှင့် ကုန်ပစ္စည်းအတုများ ဈေးကွက်သို့ ၀င်ရောက်လာမှုကို ဟန့်တားနိုင်ရန် ရည်ရွယ်ရေးဆွဲထားသည့် ကုန်အမှတ်တံဆိပ် မူပိုင်ခွင့်ဥပဒေကြမ်းနှင့် ပတ်သက်၍ ပြည်သူ့လွှတ်တော် ဒုတိယဥက္ကဋ္ဌ ဦးဆောင်ပြီး အစည်းအဝေးပြုလုပ်

အမှတ်တံဆိပ်တုပမှုနှင့် ကုန်ပစ္စည်းအတုများ ဈေးကွက်သို့ ၀င်ရောက်လာမှုကို ဟန့်တားနိုင်ရန်ရည်ရွယ်ကာ ရေးဆွဲထားသည့် ကုန်အမှတ်တံဆိပ် မူပိုင်ခွင့်ဥပဒေကြမ်းနှင့် ပတ်သက်၍ ပြည်သူ့လွှတ်တော် ဒုတိယဥက္ကဋ္ဌ ဦးထွန်းထွန်းဟိန် ဦးဆောင်ကာ အစည်းအဝေးပြုလုပ်ခဲ့ကြောင်း သတင်းရရှိသည်။

ကုန်အမှတ်တံဆိပ် မူပိုင်ခွင့်ဥပဒေကြမ်းနှင့် ပတ်သက်၍ ပြည်သူ့လွှတ်တော် ဒုတိယဥက္ကဋ္ဌ ဦးထွန်းထွန်းဟိန်နှင့် ဥပဒေကြမ်းကော်မတီအဖွဲ့ဝင်များသည် ပညာရေးဝန်ကြီးဌာနမှ တာဝန်ရှိသူများနှင့် မတ် ၃၁ ရက်တွင် လွှတ်တော်ဝင်းအတွင်းရှိ ဥပဒေကြမ်းကော်မတီ အစည်းအဝေးခန်းမ၌ ဆွေးနွေးခဲ့ကြကြောင်း ဥပဒေကြမ်းကော်မတီက သတင်းထုတ်ပြန်ထားသည်။

“ဟုတ်ပါတယ်။ အဲဒါဒီလိုပါ သက်ဆိုင်ရာပညာရေးဝန်ကြီးဌာနက တာဝန်ရှိတဲ့ ကုန်အမှတ်တံဆိပ် department က ကုန်အမှတ်တံဆိပ်နဲ့ပတ်သက်လို့ ကျွန်တော်တို့ကို လာပြီးတော့ ရှင်းလင်းဆွေးနွေးတာပါ။ ဆွေးနွေးပြီးတော့ ကျွန်တော်တို့က သိတဲ့အချက်တွေရယ်။ ဥပဒေရေးဆွဲရင် လုပ်ငန်းအကောင်အထည်ဖော်နိုင်ခြင်းရှိ၊ မရှိပေါ့။ အပြန်အလှန် ဆွေးနွေးတာပေါ့။ ပြောရရင်တော့ hearing ပေါ့ဗျာ” ဟု ပြည်သူ့လွှတ်တော်ဥပဒေကြမ်းကော်မတီအဖွဲ့ဝင် ဦးနေမျိုးထွန်းက ပြောကြားသည်။

အဆိုပါ ကုန်အမှတ်တံဆိပ် မူပိုင်ခွင့်ဥပဒေကြမ်းကို အမှတ်တံဆိပ်ကို အကာအကွယ်ပေးခြင်းအားဖြင့် ကုန်သွယ်ရေးနှင့် ကူးသန်းရောင်းဝယ်ရေးလုပ်ငန်းများ ပိုမိုဖွံ့ဖြိုးတိုးတက်လာစေရန်၊ အမှတ်တံဆိပ်ပိုင်ရှင်နှင့် အခွင့်အရေးရရှိသူတို့၏ အကျိုးစီးပွားကို အကာအကွယ်ပေးနိုင်ရန်၊ အမှတ်တံဆိပ်တုပမှုနှင့် ကုန်ပစ္စည်းအတုများ ဈေးကွက်သို့ ၀င်ရောက်လာမှုကို ဟန့်တားနိုင်ခြင်းအားဖြင့် မျှတသောဈေးကွက်ယှဉ်ပြိုင်မှုစနစ်ကို တည်ဆောက်ရန်နှင့် သုံးစွဲသူများအတွက် ဘေးကင်းလုံခြုံသော ပတ်ဝန်းကျင်တစ်ရပ်ကို ဖန်တီးနိုင်ရန် ရည်ရွယ်ကာ ရေးဆွဲထားခြင်းဖြစ်သည်။

“အဓိကတော့ ကုန်အမှတ်တံဆိပ်ပြုလုပ်တာတွေကို ဟန့်တားနိုင်ဖို့ပေါ့လေ။ ဒီလိုဟန့်တားနိုင်မှ နိုင်ငံခြားရင်းနှီးမြှုပ်နှံမှုတွေက လာမယ်။ ကျွန်တော်တို့ အိမ်နီးချင်းနိုင်ငံတွေကို ပြောရရင်တော့ ကျွန်တော်တို့ ဒီမှာတခြားနိုင်ငံက ပေါက်ထားတဲ့ brand တွေ အတုအပလုပ်ပြီး လာတဲ့အတွက်ကို ဒီမှာတကယ်လို့ လာပြီးတော့ product လာပြီးလုပ်မယ့်လူတွေက အဲဒီလိုအတုအပရဲ့ အန္တရာယ်ကိုကာကွယ်ဖို့ဆိုရင် ဒီကုန်အမှတ်တံဆိပ်တို့ ဘာတို့ရှိထားမှလေ။ အဲဒီလိုဥပဒေအရ အကာအကွယ်ပေးထားမှသာလျှင် ရင်းနှီးမြှုပ်နှံရဲမှာလေ။ ဒီဥပဒေကတော့ တိုင်းပြည်ရဲ့ လိုအပ်ချက်အရ တကယ်လိုအပ်နေတဲ့ဥပဒေပါ” ဟု ပြည်သူ့လွှတ်တော်ဥပဒေကြမ်းကော်မတီမှ ဦးနေမျိုးထွန်းက ပြောကြားသည်။

ကုန်အမှတ်တံဆိပ် မူပိုင်ခွင့်ဥပဒေကြမ်းကို အမျိုးသားလွှတ်တော်က အတည်ပြုထားပြီး ပြည်သူ့လွှတ်တော်သို့ ပေးပို့ထားခြင်းဖြစ်ကြောင်း ဥပဒေကြမ်းကော်မတီအဖွဲ့ဝင် ဦးနေမျိုးထွန်းက ဆိုသည်။

နိုင်ငံတော်သမ္မတအဖြစ် ရွေးချယ်တင်မြှောက်ခံရသည့်အတွက် ဂုဏ်ယူဝမ်းမြောက်ကြောင်း သမ္မတဦးဝင်းမြင့်ထံ UWSP ဥက္ကဋ္ဌ ဦးပေါက်ယူချန် သ၀ဏ်လွှာပေးပို့

နိုင်ငံတော်သမ္မတအဖြစ် ရွေးချယ်တင်မြှောက်ခံရသည့်အတွက် ဂုဏ်ယူဝမ်းမြောက်ကြောင်း သမ္မတဦးဝင်းမြင့်ထံ “၀” သွေးစည်းညီညွတ်ရေးပါတီ (UWSP/UWSA) ဥက္ကဋ္ဌ ဦးပေါက်ယူချန်က မတ် ၃၀ ရက် ရက်စွဲဖြင့် သ၀ဏ်လွှာပေးပို့ထားသည်။

အဆိုပါသ၀ဏ်လွှာတွင် ဦးပေါက်ယူချန်အား အထူးဒေသ (၂) “၀” ပြည်နယ် ပြည်သူ့အစိုးရဥက္ကဋ္ဌဟု ဖော်ပြထားသည်။

သ၀ဏ်လွှာ၌ သမ္မတရွေးကောက်ပွဲတွင် အဆွေတော်သည် မဲအရေအတွက်အများဆုံးဖြင့် သမ္မတအဖြစ် ရွေးချယ်တင်မြှောက်ခံရသည်ဟု ကြားသိရသဖြင့် များစွာဝမ်းမြောက်ဂုဏ်ယူကြောင်းကို အထူးဒေသ (၂) “၀” ပြည်နယ်အစိုးရနှင့် တိုင်းရင်းသားပေါင်းစုံကိုယ်စား မိမိအနေဖြင့် လှိုက်လှိုက်လှဲလှဲ ဂုဏ်ပြုအပ်ကြောင်း၊ အဆွေတော်အနေဖြင့် တာဝန်ထမ်းဆောင်နေစဉ်ကာလအတွင်း နိုင်ငံတော်၏ငြိမ်းချမ်းရေး၊ စစ်မှန်သောဒီမိုကရေစီဖော်ဆောင်ရေး၊ အမျိုးသားပြန်လည်သင့်မြတ်ရေး တိုင်းရင်းသားအားလုံး စည်းလုံးညီညွတ်စွာနေထိုင်ရေး၊ စီးပွားရေးသာယာဖွံ့ဖြိုးတိုးတက်ရေး၊ ပြည်သူပြည်သားများအားလုံး ဘေးကင်းတည်ငြိမ်အေးချမ်းစွာ နေထိုင်နိုင်ရေး၊ စီးပွားရေးသာယာဖွံ့ဖြိုးတိုးတက်ရေး၊ ပြည်သူပြည်သားများအားလုံး ဘေးကင်းတည်ငြိမ်အေးချမ်းစွာ နေထိုင်နိုင်ရေး စသည်တို့အတွက် စွမ်းဆောင်မှုအသစ်များ သယ်ပိုးဆောင်ရွက်နိုင်ပါစေကြောင်း ဆုမွန်ကောင်းတောင်းအပ်ကြောင်း ဖော်ပြထားသည်။

NLD ပါတီဝင် မြင်းခြံမြို့နယ် ပြည်သူ့လွှတ်တော်ကိုယ်စားလှယ် ဦးပေါခင် ကွယ်လွန်

အမျိုးသားဒီမိုကရေစီအဖွဲ့ချုပ်ပါတီဝင် မြင်းခြံမြို့နယ် ပြည်သူ့လွှတ်တော်ကိုယ်စားလှယ် ဦးသက်လွင် (ခ) ဦးပေါခင်သည် မတ် ၃၁ ရက်တွင် မန္တလေးပြည်သူ့ဆေးရုံကြီးတွင် ကွယ်လွန်သွားကြောင်း သတင်းရရှိသည်။

ဦးပေါခင်သည် နှလုံးမကောင်းသဖြင့် နှလုံးအတွင်း Stent ထည့်ထားရသောကြောင့် နှလုံးရောဂါအခံရှိကာ ရုတ်တရက်လဲကျသဖြင့် ဆေးရုံတက်ရောက်ကုသစဉ် ကွယ်လွန်သွားခြင်းဖြစ်ကြောင်း ပုလဲမဲဆန္ဒနယ် ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင်က ပြောကြားသည်။

“သူက အင်ဂျင်နီယာတစ်ယောက်ပါ။ အန်တီတို့နဲ့တော့ ၁၉၉၀ ရွေးကောက်ပွဲတုန်းကတည်းက ဆောင်ရွက်လာတာ။ သူက သူ့ရဲ့တာဝန်ကျတဲ့ မြို့နယ်တွေမှာပဲ အားလုံးတက်တက်ကြွကြွဆောင်ရွက်ခဲ့တယ်။ ပါတီအကျပ်အတည်းကာလ၊ အန်တီတို့ပါတီ ဒုက္ခရောက်နေတဲ့အချိန်တွေမှာလည်း ဒီပါတီနဲ့ပဲ လက်တွဲပြီးတော့မှ ဆောင်ရွက်ခဲ့တယ်” ဟု ဒေါ်ခင်စန်းလှိုင်က ပြောကြားသည်။

ဦးပေါခင်သည် ၁၉၉၀ အထွေထွေရွေးကောက်ပွဲတွင် မြင်းခြံပြည်သူ့လွှတ်တော်ကိုယ်စားလှယ်အဖြစ် ရွေးကောက်ခံခဲ့ရပြီး ၂၀၁၂ ခုနှစ် ကြားဖြတ်ရွေးကောက်ပွဲတွင် နွားထိုးကြီးမဲဆန္ဒနယ် ပြည်သူ့ကိုယ်စားလှယ်အဖြစ် ရွေးချယ်ခံရကာ ၂၀၁၅ ခုနှစ် အထွေထွေရွေးကောက်ပွဲတွင်လည်း မြင်းခြံမြို့နယ် ပြည်သူ့လွှတ်တော် ကိုယ်စားလှယ်အဖြစ် ထပ်မံရွေးချယ်ခံခဲ့ရပြီး ပြည်သူ့လွှတ်တော်ရင်းနှီးမြှုပ်နှံမှုနှင့် စက်မှုလက်မှုဖွံ့ဖြိုးတိုးတက်ရေး ကော်မတီအတွင်းရေးမှူး တာဝန်ထမ်းဆောင်ခဲ့သည်။

“ဦးပေါခင်က အင်မတန် စိတ်သဘောထားကောင်းတယ်။ စိတ်သဘောကောင်းတယ်ဆိုပေမဲ့ စိတ်ပျော့ပျောင်းတာမဟုတ်ဘူး။ သူက ပါတီနဲ့ပတ်သက်လာရင်၊ နိုင်ငံရေးနဲ့ပတ်သက်လာရင်၊ သူရဲ့ယုံကြည်ချက်နဲ့ ပတ်သက်လာရင်၊ ခံယူချက်နဲ့ ပတ်သက်လာရင် အင်မတန်မှကို စိတ်ဓာတ်ခိုင်မာတဲ့သူဖြစ်တယ်။ အခုလည်း နှလုံးမှာ Stent ထည့်ထားပြီးတော့မှ အဲဒီအချိန်တုန်းက ကျန်းမာရေးတော်တော်ကို ဆိုးဆိုးရွားရွားဖြစ်တဲ့ အချိန်တုန်းကတောင်မှ စိတ်လည်းမလျှော့ဘူး။ နေကောင်းတာနဲ့တစ်ပြိုင်နက် လွှတ်တော်ပြန်တက်တယ်။ တက်ခဲ့ပြီးတဲ့နောက်မှာ အန်တီတို့နဲ့ တောက်လျှောက်လက်တွဲပြီး ဆောင်ရွက်နေတာပေါ့။ ဒီနှစ်နှစ်ကျော်ကာလအတွင်းမှာပေါ့။ ပြောမယ်ဆိုရင် ရောဂါရဲ့အခြေအနေအရ ဒီလိုဖြစ်သွားတာပေါ့။ အန်တီတို့ပါတီအတွက်တော့ ၀ါရင့်နိုင်ငံရေးသမားတစ်ယောက်၊ ပါတီပေါ်မှာ သစ္စာရှိပြီး ရိုးသားဖြူစင်တဲ့တစ်ယောက် ဆုံးရှုံးရတဲ့အတွက် ၀မ်းနည်းပါတယ်။ စိတ်မကောင်းဖြစ်ရပါတယ်” ဟု ဒေါ်ခင်စန်းလှိုင်က ပြောကြားသည်။

ဦးပေါခင်ကို ၁၉၄၇ ခုနှစ်တွင် မြင်းခြံမြို့နယ် ဂေါင်းကွဲကျေးရွာတွင် မွေးဖွားခဲ့ခြင်းဖြစ်ပြီး ဇနီးသည်မှာ ကုန်သည်တစ်ဦးဖြစ်ကာ သားသမီးသုံးဦးထွန်းကားခဲ့ပြီး ကွယ်လွန်ချိန်တွင် အသက် (၇၂) နှစ် အရွယ်ရှိပြီဖြစ်သည်။

ထင်ရှားသည့် လူ့အခွင့်အရေးဆိုင်ရာရှေ့နေ အေမယ်ကလူးနေးက ရိုက်တာသတင်းထောက်နှစ်ဦး၏ ရှေ့နေအဖွဲ့သို့ ပူးပေါင်းပါဝင်

ထင်ရှားသည့် လူ့အခွင့်အရေးဆိုင်ရာ အမျိုးသမီးရှေ့နေ အေမယ်ကလူးနေးသည် မြန်မာနိုင်ငံ၌ ဖမ်းဆီးထိန်းသိမ်းခံထားရသော ရိုက်တာသတင်းထောက်နှစ်ဦးကို ကိုယ်စားပြုသည့် ရှေ့နေအဖွဲ့၌ ပူးပေါင်းပါဝင်လိုက်ကြောင်း သိရသည်။

ရိုက်တာသတင်းထောက်နှစ်ဦးဖြစ်သော ၀လုံး (၃၁ နှစ်) နှင့် ကျော်စိုးဦး (၂၈ နှစ်) တို့အား ကိုလိုနီခေတ်ကဥပဒေဖြစ်သော အစိုးရလျှို့ဝှက်ချက်အက်ဥပဒေဖြင့် တရားစွဲဆိုသင့် မသင့် ဆုံးဖြတ်ရန် ရန်ကုန်မြို့ရှိ တရားရုံးတစ်ခုက ဇန်န၀ါရီလကတည်းက အကြိုကြားနာစစ်ဆေးမှုများကို ပြုလုပ်ခဲ့သည်။ အဆိုပါဥပဒေအရ ပြစ်မှုထင်ရှားပါက အမြင့်ဆုံးပြစ်ဒဏ်အဖြစ် ထောင်ဒဏ် ၁၄ နှစ်အထိ အပြစ်ပေးနိုင်သည်။

အစိုးရ၏ လျှို့ဝှက်စာရွက်စာတမ်းများကို လက်ဝယ်ရှိကြောင်း စွပ်စွဲခံရသည့် သတင်းထောက်များကို ချက်ချင်းလွှတ်ပေးသင့်သည်ဟု ကလူးနေးက ပြောကြားခဲ့သည်။

သြဂုတ်လတွင် စတင်သည့် တပ်မတော်စစ်ဆင်ရေးတစ်ရပ်အတွင်း ရခိုင်ပြည်နယ်တွင် မွတ်စလင် ၁၀ ဦးကို သတ်ဖြတ်ခဲ့မှုအား ရိုက်တာသတင်းဌာန၏ စုံစမ်းမှု၌ ၎င်းတို့နှစ်ဦးက ပါဝင်လုပ်ဆောင်ခဲ့ခြင်းဖြစ်သည်။

သတင်းထောက်နှစ်ဦး၏ ရှေ့နေများက ၎င်းတို့နှစ်ဦးအား တရားစွဲဆိုရန် လုံလောက်သော အထောက်အထားများမရှိဟု ပြောကြားလျက် အမှုကိုပယ်ချရန် တရားရုံးသို့ မတ် ၂၈ ရက်တွင် တောင်းဆိုခဲ့သည်။

နာမည်ကြီး ဟောလိဝုဒ်ရုပ်ရှင်မင်းသား ဂျော့ကလူးနေး၏ ဇနီးဖြစ်သူ အေမယ်ကလူးနေးက “၀လုံးနဲ့ ကျော်စိုးဦးတို့နှစ်ဦးဟာ သတင်းအစီရင်ခံမှုကြောင့် တရားစွဲဆိုခံရတာပါပဲ။ ကျွန်မအမှုတွဲကို သုံးသပ်ပြီးပါပြီ။ ဂျာနယ်လစ်နှစ်ဦးမှာ အပြစ်မရှိဘဲ ချက်ချင်းလွှတ်ပေးသင့်တယ်ဆိုတာ သံသယအဆင့်ကို ကျော်လွန်လောက်အောင် ရှင်းနေတာပါပဲ။ ဒီအမှုရဲ့ ရလဒ်က မြန်မာနိုင်ငံရဲ့ တရားဥပဒေစိုးမိုးရေးကို ကျင့်သုံးမှုအကြောင်းနဲ့ လွတ်လပ်စွာ ပြောဆိုခွင့်အကြောင်း ကျွန်မတို့ကို အများကြီးပြောပြပါလိမ့်မယ်” ဟု သူ၏ ရုံးမှထုတ်ပြန်ချက်တစ်ရပ်တွင် ပြောကြားထားသည်။

အပြန်အလှန်ဆက်ဆံရေးကို မြှင့်တင်ရန် အသင့်ရှိကြောင်း တရုတ်သမ္မတက မြန်မာသမ္မတသစ်အား ပြောကြား

မတ် ၅ ရက်က ပေကျင်းမြို့၌ ပြည်သူ့အမျိုးသားကွန်ဂရက် ဖွင့်ပွဲအတွင်း ရှီကျင်ပင်း လက်ခုပ်တီးနေစဉ် (Photo: AFP)

တရုတ်သမ္မတ ရှီကျင်ပင်းက မြန်မာနိုင်ငံ၏ သမ္မတသစ်အဖြစ် တင်မြှောက်ခံရခြင်းအတွက် ဦးဝင်းမြင့်အား ဂုဏ်ယူဝမ်းမြောက်ကြောင်း မတ် ၃၁ ရက်တွင် ပြောကြားခဲ့သည်။ တရုတ်နိုင်ငံသည် ပြီးပြည့်စုံပြီး မဟာဗျူဟာမြောက်သည့် အပြန်အလှန်ပူးပေါင်းဆောင်ရွက်မှုကို မြင့်မားသည့် အဆင့်တစ်ဆင့်သို့ မြှင့်တင်သွားလိုကြောင်းလည်း ၎င်းက ပြောကြားခဲ့သည်။

ရှီကျင်ပင်းက တရုတ်နိုင်ငံနှင့် မြန်မာနိုင်ငံတို့သည် အစဉ်အလာအရ ရင်းနှီးသောအိမ်နီးချင်းများဖြစ်ပြီး မကြာသေးမီနှစ်များအတွင်း အဆင့်မြင့်အဆင့်ဖလှယ်မှုများကို မြင်တွေ့ခဲ့ရကြောင်း ပြောကြားခဲ့သည်။

တရုတ်နှင့် မြန်မာတို့သည် လက်တွေ့ပူးပေါင်းဆောင်ရွက်မှုများကို ချဲ့ထွင်ခဲ့ကြောင်း၊ လူထုမှ လူထုသို့ ဖလှယ်မှုများကို မြှင့်တင်ခဲ့ကြောင်း၊ ဘက်ပေါင်းစုံဆက်ဆံရေးများကို အချိုးညီညီ ပူးပေါင်းဆောင်ရွက်ခဲ့ကြောင်းနှင့် ဒေသတွင်း ငြိမ်းချမ်းရေးနှင့် ကြွယ်ဝရေး၌ ပါဝင်ခဲ့ကြောင်း ရှီကျင်ပင်းက ပြောကြားခဲ့သည်။

တရုတ်နိုင်ငံသည် အပြန်အလှန်ဆက်ဆံရေးများ ဖွံ့ဖြိုးမှုအပေါ် အထူးဂရုပြုထားကြောင်းလည်း ရှီကျင်ပင်းက အလေးအနက် ပြောကြားခဲ့သည်။

အစဉ်အလာရင်းနှီးမှုခိုင်မြဲရန်၊ အကျိုးတူပူးပေါင်းဆောင်ရွက်မှု နက်ရှိုင်းစေရန်၊ နှစ်နိုင်ငံနှင့် နှစ်နိုင်ငံပြည်သူများ ပို၍အကျိုးရှိစေရန် မြင့်မားသည့်အဆင့်တစ်ဆင့်သို့ ပြီးပြည့်စုံပြီး မဟာဗျူဟာမြောက်သည့် ပူးပေါင်းဆောင်ရွက်ရေးကို မြှင့်တင်ရန် တရုတ်နိုင်ငံက မြန်မာနိုင်ငံနှင့်အတူ ပူးပေါင်းဆောင်ရွက်ရန် လိုလားကြောင်း ရှီကျင်ပင်းက ပြောကြားခဲ့သည်။

 

နေပြည်တော်တွင် အချိန်အခါမဟုတ် လေပြင်းတိုက်၍ မိုးရွာသွန်းခဲ့

အချိန်အခါမဟုတ် မိုးရွာသွန်းမှုကြောင့် နေပြည်တော် မြို့မဈေးအနီးရှိ ဈေးဆိုင်ခန်းများ လဲပြိုနေသည်ကို မတ် ၃၁ ရက် ညနေပိုင်းက တွေ့ရစဉ် (ဓာတ်ပုံ – မျိုးဟိန်းထက်)

မတ်လ ၃၁ ရက် ၅ နာရီ ၄၅ မိနစ်အချိန်ခန့်က နေပြည်တော်တွင် အချိန်အခါမဟုတ် လေပြင်းတိုက်၍ မိုးများ ရွာသွန်းခဲ့ကြောင်း သတင်းရရှိသည်။

အဆိုပါ အချိန်အခါမဟုတ် ရွာသွန်းသော မိုးကြောင့် နေပြည်တော် ဝန်ထမ်းအိမ်ယာများအနီး သစ်ပင်အချို့ပြိုလဲခဲ့ပြီး ဓာတ်တိုင်များလဲကာ လျှပ်စစ်မီးများလည်း ပြတ်တောက်ခဲ့ကြောင်း သိရသည်။

အချိန်အခါမဟုတ် မိုးရွာသွန်းမှုကြောင့် နေပြည်တော် မြို့မဈေးအနီးရှိ ဈေးဆိုင်ခန်းများ လဲပြိုနေသည်ကို မတ် ၃၁ ရက် ညနေပိုင်းက တွေ့ရစဉ် (ဓာတ်ပုံ – မျိုးဟိန်းထက်)

“မိုးထက် လေကပိုများလို့ သစ်ပင်လဲတာ ဝန်ထမ်းအိမ်ယာဘက်တွေက အကာအကွယ်မရှိတော့ ပိုဆိုးတာပေါ့ အခုဆို မီးက မလာတော့ ပိုဆိုးတာပေါ့”ဟု ဝန်ထမ်းတစ်ဦးက ဆိုသည်။

အချိန်အခါမဟုတ် မိုးရွာသွန်းခြင်းနှင့် လေပြင်းတိုက်ခိုက်မူကြောင့် နေပြည်တော်နှင့် အနီးတစ်ဝိုက်ရှိ ပျဉ်းမနားမြို့တွင် ဓာတ်မီးတိုင်များ ကျိုးခြင်းကြောင့် လျှပ်စစ်မီးပြတ်တောက်မူများ ဖြစ်နေကြောင်း ပျဉ်းမနားမြို့ လျှပ်စစ်ရုံးခွဲ တာဝန်ရှိသူတစ်ဦးထံက သိရသည်။