အမှန်တကယ် ငြိမ်းချမ်းရေးကို အိပ်မက်မက်နေသည်ဆိုပါက ငြိမ်းချမ်းရေးအိပ်မက်ကို အကောင်အထည်ဖော်နိုင်သည့် အစွမ်းရှိဖို့လိုအပ်ကြောင်း နိုင်ငံတော်၏အတိုင်ပင်ခံပုဂ္ဂိုလ် ပြောကြား

နေပြည်တော်ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) တွင် ဖေဖော်ဝါရီ ၂၈ ရက်က ပြုလုပ်သော JICM အစည်းအဝေးကို တွေ့ရစဉ် (ဓာတ်ပုံ-ကျော်မျိုး)

အမှန်တကယ် ငြိမ်းချမ်းရေးကို အိပ်မက်မက်နေသည်ဆိုပါက ငြိမ်းချမ်းရေးအိပ်မက်ကို အကောင်အထည်ဖော်နိုင်သည့် အစွမ်းရှိဖို့လိုအပ်ကြောင်း နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

“ကျွန်မတို့အားလုံးဟာ တကယ်ပဲ ငြိမ်းချမ်းရေးကို အိပ်မက်မက်နေတယ်ဆိုရင် ငြိမ်းချမ်းရေးအိပ်မက်ကို အကောင်အထည်ဖော်နိုင်တဲ့ အစွမ်းရှိဖို့လိုပါတယ်။ အစွမ်းဆိုတာဟာ NCA လက်မှတ်ထိုးပွဲမှာပြောခဲ့သလို စေတနာ၊ ပညာ၊ သတ္တိ သုံးခုစလုံးရှိမှ စွမ်းနိုင်မှာပါ။ ကိုယ်လုပ်ပေးချင်တဲ့ စေတနာရှိရမယ်။ လုပ်ပေးချင်တဲ့ စေတနာမရှိဘဲနဲ့တော့ ဘာကိုမှဖြစ်မြောက်အောင် မလုပ်နိုင်ပါဘူး” ဟု နိုင်ငံတော်၏အတိုင်ပင်ခံပုဂ္ဂိုလ်က ပြောကြားသည်။

နေပြည်တော်ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) တွင် ဖေဖော်ဝါရီ ၂၈ ရက်က ပြုလုပ်သော JICM အစည်းအဝေးတွင် ယင်းသို့ပြောကြားခဲ့ခြင်းဖြစ်သည်။

ငြိမ်းချမ်းရေးထက် ကောင်းမွန်သည့်အခြေအနေ ဘာမှမရှိကြောင်း၊ ဖွံ့ဖြိုးတိုးတက်ရေးကို တိုက်ယူ၍မရဘဲ တည်ဆောက်ယူရကြောင်း၊ တည်ဆောက်ရန်အတွက် ငြိမ်းချမ်းရေးလိုအပ်ကြောင်း၊ ထို့အတွက် မိမိတို့လိုချင်သည့် နောင်လာနောက်သားများအတွက် လိုချင်သည့် နိုင်ငံတစ်ခုတည်ဆောက်ရန် အချင်းချင်းညှိနှိုင်းရာတွင် အိပ်မက်လည်း မက်တတ်ရမည်ဖြစ်ပြီး အိပ်မက်ကိုလည်း အကောင်အထည်ဖော်တတ်ရမည်ဟု ပြောချင်ကြောင်း ဒေါ်အောင်ဆန်းစုကြည်က ပြောကြားသည်။

“ကျွန်မတို့ဟာ ဖော်ဆောင်နိုင်မယ့် အိပ်မက်တွေကို မက်ကြရမယ်။ မက်သင့်တဲ့ အိပ်မက်တွေကိုမက်ရမယ်။ တချို့က အိပ်မက်မမက်နေနဲ့လို့ဆိုပေမဲ့လည်း ပြန်ပြီးပြောနိုင်တာက အိပ်မက်မမက်တတ်လို့ရှိရင် အိပ်မက်တွေ အကောင်အထည်ဖော်နိုင်တဲ့ အခြေအနေကို မရောက်နိုင်ဘူး။ ဒါကြောင့် ကျွန်မတို့အိပ်မက်မက်တတ်ရမယ်။ ကျွန်မတို့ ငြိမ်းချမ်းတဲ့ပြည်ထောင်စုကြီး အိပ်မက်ကိုမက်တတ်ရမယ်။ အိပ်မက်ကို အကောင်အထည်ဖော်နိုင်ရမယ်” ဟု နိုင်ငံတော်၏အတိုင်ပင်ခံပုဂ္ဂိုလ်က ပြောကြားသည်။

ငြိမ်းချမ်းရေးဖြစ်စဉ်ထဲတွင် ပါဝင်နေသည့်အဖွဲ့များမှ အချို့က ဒီမိုကရေစီ ဖက်ဒရယ်ပြည်ထောင်စုဆိုသည်ကို အစိုးရက ယုံကြည်ရဲ့လား၊ ငြိမ်းချမ်းရေးဖြစ်စဉ်ထဲတွင် ပါဝင်နေသည့်အစုအဖွဲ့များအားလုံးက ယုံကြည်ရဲ့လားဆိုသည်ကို မေးကြသည်များမှာ အစီအစဉ်မကျဟု ယူဆကြောင်း၊ ဆွေးနွေးမှုများ မပြုလုပ်ရသေးခင် ဒီမိုကရေစီဖက်ဒရယ်ပြည်ထောင်စုအား တကယ်လိုချင်ရဲ့လားဟု မေးနေခြင်းများသည် အထောက်အကူမဖြစ်ကြောင်း၊ အားလုံးလက်ခံနိုင်သည့် ဒီမိုကရေစီဖက်ဒရယ်နိုင်ငံတော်ကို ငြိမ်းချမ်းရေးဆွေးနွေးပွဲတွင်ပါဝင်ပြီး သေသေချာချာ ဆွေးနွေးဆုံးဖြတ်ရမည်ဖြစ်ကြောင်း ၎င်းက ပြောကြားသည်။

“ကျွန်မတို့အားလုံးပါဝင်ပြီးတော့ ငြိမ်းချမ်းရေးဆွေးနွေးပွဲထဲမှာ ပါဝင်ပြီးတော့ ဘာကိုဆိုလိုတာလဲ။ ဒီမိုကရေစီဆိုတာ ဘာကိုဆိုလိုတာလဲ။ ဖက်ဒရယ်ဆိုတာ ဘာကိုဆိုလိုတာလဲ။ ဒီမိုကရေစီဖက်ဒရယ်နိုင်ငံတော်ကြီးဆိုတာ ဘာကိုဆိုလိုတာလဲ။ အဲဒါကို ကျွန်မတို့ သေသေချာချာဆွေးနွေးရမယ်။ ဆွေးနွေးပြီးတော့မှ ဒါကို အားလုံးလက်ခံနိုင်မလား။ အားလုံးလက်ခံနိုင်အောင်လို့ ဘယ်လိုဟာလေးတွေကိုပြင်မလဲ။ ဘယ်နေရာတွေမှာ အပေးအယူလုပ်မလဲဆိုတာကို ကျွန်မတို့ဆုံးဖြတ်ရမှာပါ။ ဒါကြောင့်မို့လို့ မစခင်ကတည်းက စစ်မထွက်ခင်ကတည်းက မြားကုန်နေလို့မဖြစ်ပါဘူး” ဟု နိုင်ငံတော်၏အတိုင်ပင်ခံပုဂ္ဂိုလ်က ပြောကြားသည်။

ငြိမ်းချမ်းရေးဖြစ်စဉ်တွင် ပါဝင်သူများအကြား ညှိနှိုင်းဆွေးနွေးမှုများရှိရဲ့လား။ အထူးသဖြင့် အစိုးရကနေ ညှိနှိုင်းပေးချင်ရဲ့လား။ တပ်မတော်နှင့် တိုင်းရင်းသားလက်နက်ကိုင်အဖွဲ့များအကြားတွင် ညှိနှိုင်းပေးချင်ရဲ့လားဟု တချို့ကမေးမြန်းကြကြောင်း၊ မိမိတို့အနေဖြင့် လူတိုင်းအကြားတွင် ညှိနှိုင်းပေးလိုကြောင်း နိုင်ငံတော်၏အတိုင်ပင်ခံပုဂ္ဂိုလ်က ပြောကြားသည်။

“ကျွန်မတို့ တစ်ယောက်နဲ့တစ်ယောက်ကြားထဲမှာ ညှိနှိုင်းဆွေးနွေးမှုတွေရှိရဲ့လား။ အထူးသဖြင့် အစိုးရကနေ ညှိနှိုင်းပေးချင်ရဲ့လား။ တပ်မတော်နဲ့ ဒီတိုင်းရင်းသားလက်နက်ကိုင်အဖွဲ့တွေကြားထဲမှာ ညှိနှိုင်းပေးချင်ရဲ့လားဆိုပြီး တချို့ကလည်း မေးကြပါတယ်။ ကျွန်မတို့ကတော့ လူတိုင်းကြားထဲမှာ ညှိနှိုင်းပေးချင်တာပဲ။ သို့သော်ငြားလည်း ညှိနှိုင်းခံရမယ့်လူတွေကလည်း ညှိနှိုင်းခံချင်မှရတာ။ ပြောတယ် လက်ခုပ်ဆိုတာ နှစ်ဖက်တီးတာ။ သုံးဖက်တီးတော့ ပိုပြီးတော့ခက်ပါတယ်။ အဲဒါကြောင့်မို့လို့ ကျွန်မကနေလုပ်ကြည့်မှပဲသိမှာပါ။ လုပ်ကြည့်ရမယ်။ ကြိုးစားကြည့်ရမယ်။ နောက်ပြီးတော့ ကျွန်မတို့ကို ညှိနှိုင်းပေးစေချင်လို့ရှိရင် ကျွန်မတို့စကားကိုနားထောင်ရမှာပဲ။ နားမထောင်ဘဲနဲ့ ညှိနှိုင်းပေးပါဆို ဘယ်လိုလုပ်ညှိနှိုင်းပေးမလဲ။ အဲဒါကြောင့်မို့လို့ ကျွန်မတို့ ဒီလိုအစည်းအဝေးဖြစ်တိုင်းဖြစ်တိုင်း တစ်ယောက်အကြောင်းတစ်ယောက် နည်းနည်းတော့ပိုပြီးတော့ နားလည်လာနိုင်မယ့် အခွင့်အရေးတော့ ကျွန်မတို့ရပါတယ်။ ဒီအခွင့်အရေးကိုယူပါ။ တစ်ယောက်နဲ့တစ်ယောက်ကြားမှာ ပိုပြီးတော့နားလည်လာနိုင်မှ ကျွန်မတို့တွေက အတူလက်တွဲပြီးတော့ ကိုယ်လိုချင်တဲ့ နိုင်ငံတော်ကြီးတစ်ခုကို ထူထောင်လာနိုင်မှာပါ” ဟု နိုင်ငံတော်၏အတိုင်ပင်ခံပုဂ္ဂိုလ်က ပြောကြားသည်။

ငွေဆောင်မြို့နယ်ရှိ မြေသိမ်းခံပြည်သူခုနစ်ဦး၏ ဘိုးဘွားပိုင်မြေများကို သိမ်းဆည်းခဲ့သူနှစ်ဦးနှင့် အသိမ်းခံမြေများကိစ္စ ကန့်ကွက်နေသည့်ကြားမှ လယ (၃၀) ထုတ်ပေးခဲ့သူ ယခင် တိုင်းအစိုးရအဖွဲ့ အတွင်းရေးမှူးနှင့် မြေစာရင်းဦးစီးမှူးအား တိုင်းဒေသကြီး တရားလွှတ်တော်တွင် တရားစွဲဆိုရန် လျှောက်ထား

ငွေဆောင်မြို့နယ်ရှိ မြေသိမ်းခံပြည်သူ ခုနစ်ဦး၏ တို့ဘိုးဘွားပိုင်မြေများကို လာရောက်ကျူးကျော် ခြံခတ်သိမ်းဆည်းခဲ့သည်ဟုဆိုသော လုပ်ငန်းရှင်နှစ်ဦးနှင့် အသိမ်းခံမြေများကိစ္စကန့်ကွက်ခြင်း၊ တရားရင်ဆိုင်ခြင်းများ ပြုလုပ်နေစဉ်မှာပင် လယ (၃၀) ပုံစံထုတ်ပေးခဲ့သည့် ယခင်ဧရာဝတီတိုင်းဒေသကြီး အစိုးရအဖွဲ့ အတွင်းရေးမှူးနှင့် မြေစာရင်းဦးစီးမှူးတစ်ဦးအား တရားစွဲဆိုရန်အတွက် ဖေဖော်ဝါရီ ၂၈ ရက်က ဧရာဝတီတိုင်းဒေသကြီး တရားလွှတ်တော်သို့ လာရောက်လျှောက်ထားခဲ့ကြကြောင်း သတင်းရရှိသည်။

ဖြစ်စဉ်မှာ ငွေဆောင်မြို့နယ်ရှိ ဦးအေးမြင့်၊ ဦးအုန်းမြင့်၊ ဒေါ်မေရီမြင့်၊ ဒေါ်ငွေစု၊ ဦးခင်အောင်၊ ဦးဖိုးဝတုတ်၊ ဦးမြတ်ကျော်ဦး ပိုင်ဆိုင်သော နှစ်ပေါင်း ၄၀ ကျော် မြေခွန်ပြေစာများ ပေးဆောင်ထားသည့် ဘိုးဘွားပိုင်မြေ သုံးဧကကျော်အား ၂၀၁၂ ခုနှစ် အောက်တိုဘာတွင် လုပ်ငန်းရှင်နှစ်ဦးဖြစ်သည့် ဦးဇော်ဝင်းနှင့် ဦးသန်းဝင်းအောင်ဆိုသူနှစ်ဦးက လာရောက်ခြံစည်းရိုးခတ်ခဲ့ကြောင်း၊ ယင်းသို့ ခြံစည်းရိုးလာခတ်သည်ကို မူလမြေပိုင်ရှင်ခုနစ်ဦးက နိုင်ငံတော်သမ္မတနှင့် အခြားသော သက်ဆိုင်ရာဌာနများကို တိုင်ကြားပြီး တရားစွဲဆိုမှုများ ပြုလုပ်ခဲ့ကြောင်း၊ သိမ်းဆည်းခံမြေယာများနှင့် ပတ်သက်၍ အငြင်းပွားနေစဉ်မှာပင် လာရောက်ခြံစည်းရိုးခတ်ခဲ့သူ ဦးဇော်ဝင်းနှင့် ဦးသန်းဝင်းအောင်တို့အား ဧရာဝတီတိုင်းဒေသကြီး အစိုးရအဖွဲ့ အတွင်းရေးမှူး ဦးအေးကျော်က ၂၀၁၅ ခုနှစ် စက်တင်ဘာ ၂ ရက်တွင် လယဥပဒေပုဒ်မ ၂၉/၃၀ အရဆိုကာ ဥယျာဉ်ခြံမြေအား အခြားနည်းအသုံးပြုခွင့်အမိန့်ပုံစံ ၁၅ (က) ထုတ်ပေးခဲ့ကြောင်း၊ ယင်းသို့ လယ (၃၀) ပုံစံထုတ်ပေးမှုကြောင့် မူလပိုင်ရှင် မြေပိုင်ရှင်များက ဘိုးဘွားပိုင်မြေများအား ခြံစည်းရိုးခတ် သိမ်းဆည်းခဲ့သည့် ဦးဇော်ဝင်း၊ ဦးသန်းဝင်းအောင်အပါအ၀င် လယ်ယာမြေအား အခြားနည်းသုံးစွဲ လယ (၃၀) ထုတ်ပေးခဲ့သည့် ယခင်တိုင်းအစိုးရအဖွဲ့ အတွင်းရေးမှူး ဦးအေးကျော်နှင့် မြေစာရင်းဦးစီးမှူး ဦးစန်းထွန်းတို့အား တရားမသီးခြားဥပဒေပုဒ်မ ၃၉ အရ တရားစွဲဆိုနိုင်ရန် တိုင်းဒေသကြီး တရားလွှတ်တော်သို့ လျှောက်ထားခဲ့ကြကြောင်း၊ မူလပိုင်ရှင် တောင်သူခုနစ်ဦး၏ တရားစွဲဆိုရန် လျှောက်ထားမှုမှာ သက်ဆိုင်ရာတရားသူကြီးတစ်ဦး နိုင်ငံခြားသို့ခရီးသွားနေသောကြောင့် တိုင်းတရားလွှတ်တော်က လက်ခံထားခြင်းမရှိသေးဘဲ မတ် ၃၀ ရက်တွင် ထပ်မံလျှောက်ထားရန် တင်ပြခဲ့ကြကြောင်း တရားစွဲဆိုရန် လာရောက်လျှောက်ထားသည့် မူလမြေပိုင်ရှင် ခုနစ်ဦးထံမှ သိရသည်။

“အခုလို တရားစွဲဆိုဖို့ဖြစ်လာတဲ့ အမှုဖြစ်စဉ်က ကျွန်တော်တို့ ဘိုးဘွားပိုင်မြေကြီးတွေကို ၂၀၁၂ ခုနှစ် ၁၀ လပိုင်းလောက်မှာ ပုသိမ်ဟိုတယ်က မန်နေဂျာ ဦးဇော်ဝင်းကနေပြီးတော့ ခြံခတ်ပြီးတော့ ကျူးကျော်လိုက်တယ်။ ကျူးကျော်လိုက်တဲ့အခါ ကျွန်တော်တို့က ဥပဒေအရ တရားရုံးမှာ ကျွန်တော်တို့ခုနစ်ဦးက တရားစွဲတယ်။ အဲဒီလိုတရားစွဲပြီးတော့ ကိုးလလောက်ဆိုရင် တရားရုံးကို ဘာရောက်လာလဲဆိုတော့ သူတို့က သူတို့ရဲ့ပိုင်ဆိုင်မှု လန (၃၉) ရှိပါတယ်ဆိုပြီးတော့ တရားရုံးကို တင်လာတယ်။ တင်လာတဲ့အခါကျတော့ ဦးဇော်ဝင်း တစ်ယောက်တည်းမဟုတ်ဘူး။ ဦးသန်းဝင်းအောင်နဲ့ နှစ်ယောက်တွဲပြီးတော့ တက်လာတယ်။ တရားရုံးမှာ ကျွန်တော်တို့က ကျွန်တော်တို့အစဉ်အဆက် နှစ်ပေါင်း ၄၀ ကျော်ဆောင်လာတဲ့ ပြေစာနဲ့ခုခံတယ်။ သူတို့က ကျွန်တော်တို့ဆီက ၀ယ်ထားပါတယ်ဆိုတဲ့ ဆက်စပ်စာချုပ်ကြီးတွေနဲ့ တရားရုံးမှဖြစ်တယ်။ အဲဒီစာချုပ်တွေကို တရားရုံးကလက်မခံဘူး။ လယ ၃၀ ကြီးကတော့ တရားရုံးမှာ တည်မြဲနေတဲ့အတွက်မို့ ဒီလယ ၃၀ မပျက်ရင် ကျွန်တော်တို့အတွက် တအားနစ်နာဆုံးရှုံးတယ်။ အဲဒီတော့ ဒီလယ ၃၀ ကို ပယ်ဖျက်ဖို့အတွက် ထုတ်ပေးခဲ့တဲ့ ဦးအေးကျော်နဲ့ မြေစာရင်းဦးစီး ဦးဆန်းထွန်းကို တရားစွဲခြင်းဖြစ်ပါတယ်။ ဒီနေ့တရားရုံးမှာ တရားစွဲတော့ တရားရုံးကဘာခေါ်မလဲ။ တရားသူကြီးတစ်ဦးပေါ့။ နိုင်ငံခြားကိုရောက်နေလို့ သူစစ်ပြီးမှ အခုနှစ်ဦးကတော့ စစ်ပြီးပြီ။ အမှုတွဲကို သူပြန်ရောက်တော့မှ ဒီအမှုကို လက်ခံသင့်မခံသင့် ဆုံးဖြတ်ပေးမယ်ပေါ့။ မတ် ၃၀ ရက်လောက်ကို ပြန်ချိန်းထားတယ်” ဟု တရားစွဲဆိုရန် လာရောက်သူ တစ်ဦးဖြစ်သူ ဦးအေးမြင့်က ပြောကြားသည်။

မြေသိမ်းခံ ပြည်သူခုနစ်ဦးက ၎င်းတို့ဘိုးဘွားပိုင်မြေများကို လာရောက်ကျူးကျော်ခြံခတ်သည့် ကိစ္စနှင့်ပတ်သက်၍ နိုင်ငံတော်သမ္မတနှင့် အခြားသောသက်ဆိုင်ရာဌာနအသီးသီးကို တိုင်ကြားခဲ့ပြီး တိုင်ကြားစာများကို လက်ခံရရှိကြောင်း ပြန်လည်အသိပေးသည့် အကြောင်းပြန်စာများကိုပါ လက်ခံရရှိထားကြောင်း၊ မြေယာအငြင်းပွားမှုကို တိုင်းဒေသကြီးအစိုးရမှလည်း တရားရုံး၏ ဆုံးဖြတ်ချက်အတိုင်းသာ ဆောင်ရွက်ရန် ညွှန်ကြားမှုကြောင့် ယခုကဲ့သို့ တရားစွဲဆိုရခြင်းဖြစ်ကြောင်း သိရသည်။

မိမိ၏ ဆန္ဒစွဲ၊ ဒေသစွဲ၊ လူမျိုးစွဲအရ သမိုင်းကြောင်းအရဆိုကာ နောက်ပြန်လည်နေမည့်ကိစ္စများဖြင့် တ၀ဲဝဲလည်ဖြစ်နေပါက ငြိမ်းချမ်းရေးလမ်းကြောင်းနှင့်သွားရမည့် နိုင်ငံရေးရည်မှန်းချက်သည် ပေါက်မြောက်မည်မဟုတ်ဟု ဒုတိယတပ်မတော်ကာကွယ်ရေးဦးစီးချုပ် ပြောကြား

ငြိမ်းချမ်းရေးအတွက် ဆောင်ရွက်ရာတွင် မိမိ၏ဆန္ဒစွဲ၊ ဒေသစွဲ၊ လူမျိုးစွဲအရ သမိုင်းကြောင်းအရဆိုကာ နောက်ပြန်လည်နေမည့်ကိစ္စများဖြင့် တ၀ဲဝဲလည်ဖြစ်နေပါက ငြိမ်းချမ်းရေးလမ်းကြောင်းနှင့် သွားရမည့် နိုင်ငံရေးရည်မှန်းချက်သည် ပေါက်မြောက်မည်မဟုတ်ကြောင်း ဒုတိယတပ်မတော်ကာကွယ်ရေးဦးစီးချုပ် ဒုတိယဗိုလ်ချုပ်မှူးကြီးစိုးဝင်းက ပြောကြားသည်။

“ကျွန်တော်တို့သည် ငြိမ်းချမ်းရေးနဲ့ပတ်သက်လို့ ရင်ထဲအသည်းထဲကနေ ကိုယ်စီအဖွဲ့အစည်းအသီးသီးကနေ လက်ခံပြီးဆောင်ရွက်လို့ ဒီနေ့ဒီအချိန်အထိ ရောက်လာပြီဖြစ်ပါတယ်။ ဒီလိုရောက်လာတဲ့အခါ ယုံကြည်ချက် ခံယူချက်တွေနဲ့သွားမယ်။ သွားတဲ့အခါမှာလည်း ကိုယ်ဖြစ်ချင်တဲ့ဟာကို ဖြစ်သင့်ဖြစ်ထိုက်တဲ့အတိုင်းအတာ၊ ရသင့်ရထိုက်တဲ့အတိုင်းအတာ၊ လိုချင်သင့်လိုချင်တဲ့ အတိုင်းအတာအတွင်းက ဆောင်ရွက်သွားမယ်ဆိုရင် နှစ်ဖက်စလုံးက ဘာမှပြဿနာတက်စရာ အကြောင်းမရှိဘူးလို့မြင်ပါတယ်။ တချို့နေရာတွေမှာ ကိုယ့်ရဲ့ဆန္ဒစွဲ၊ တခြားသောဒေသစွဲ လူမျိုးစွဲအရ သမိုင်းကြောင်းအရဆိုပြီးနောက် ပြန်လည်နေမယ့်ကိစ္စတွေနဲ့ တ၀ဲဝဲလည်ဖြစ်နေမယ်ဆိုရင် ကျွန်တော်တို့ရဲ့ ငြိမ်းချမ်းရေးလမ်းကြောင်းသည် သွားရမယ့် နိုင်ငံရေးရည်မှန်းချက်သည် ပေါက်မြောက်မှာမဟုတ်ဘူး ဖြစ်ပါတယ်” ဟု ဒုတိယတပ်မတော်ကာကွယ်ရေးဦးစီးချုပ် ဒုတိယဗိုလ်ချုပ်မှူးကြီးစိုးဝင်းက ပြောကြားသည်။

နေပြည်တော်ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန NRPC တွင် ဖေဖော်ဝါရီ ၂၈ ရက်က ပြုလုပ်သော JICM အစည်းအဝေးတွင် ယင်းကဲ့သို့ ပြောကြားခဲ့ခြင်းဖြစ်သည်။

“JICM အစည်းအဝေးက အတည်ပြုပြီးကိစ္စ၊ ဆုံဖြတ်ပြီးသားကိစ္စ၊ ဆောင်ရွက်ရန်ကိစ္စတွေသည် ဒီသုံးလတာကာလအတွင်းမှာ တတ်နိုင်သလောက် ဆုံးဖြတ်ချက်အတိုင်း ဆောင်ရွက်ရမယ့်အတိုင်း လုပ်သွားဖို့ကိုလည်း တိုက်တွန်းလိုပါတယ်။ ဘာဖြစ်လို့လဲဆိုရင် ဥပမာပါ။ ပြီးခဲ့တဲ့ ခြောက်ကြိမ်မြောက်အစည်းအဝေးနဲ့ RCSS နဲ့ပတ်သက်ပြီး ဆုံးဖြတ်ပါတယ်။ ဘာလဲဆိုရင် လင်းခေးမှာ အမျိုးသားအဆင့် နိုင်ငံရေးဆွေးနွေးပွဲလုပ်ဖို့ဆိုပြီးတော့ နိုင်ငံတော်အတိုင်ပင်ခံပုဂ္ဂိုလ်က ကြားထဲက ဆုံးဖြတ်ပြီး ဆုံးဖြတ်ချက်ကိုလည်း တရားဝင်ထုတ်ပြန်ထားပြီးဖြစ်ပါတယ်။ သို့သော်လည်း ဒီကြားထဲမှာ တစ်ဖက်နဲ့တစ်ဖက် နားလည်မှုလွဲမှားပြီး အကြိုဆွေးနွေးပွဲကိစ္စတွေ၊ အစည်းအဝေးဆုံးဖြတ်ချက်ထဲမှာ မပါတဲ့ကိစ္စတွေပါ ထပ်ပေါ်ပေါက်လာတဲ့အခါမှာ သွားရတဲ့လုပ်ငန်းစဉ်က ရှေ့ကိုမရောက်ဘဲနဲ့ ဒီမှာတင် တ၀ဲဝဲလည်ဖြစ်နေတာဖြစ်ပါတယ်” ဟု ဒုတိယတပ်မတော်ကာကွယ်ရေးဦးစီးချုပ် ဒုတိယဗိုလ်ချုပ်မှူးကြီးစိုးဝင်းက ပြောကြားသည်။

ငြိမ်းချမ်းရေးလုပ်ငန်းစဉ်များ ဆောင်ရွက်ရာတွင် အချိန်ကာလအတိုင်းအတာ သတ်မှတ်ဆောင်ရွက်သင့်ကြောင်း၊ တိုင်းရင်းသားလက်နက်ကိုင် အဖွဲ့အစည်းများနှင့် ပတ်သက်သည့် ပြန်လည်ပေါင်းစည်းရေးဆိုင်ရာ ကိစ္စများအတွက် ပြင်ဆင်ထားသင့်ကြောင်းလည်း ၎င်းကပြောကြားသည်။

၂၀၁၇ မြန်မာ့ကျောက်မျက်ရတနာ ဥပဒေကြမ်းအား ကန့်ကွက်ကြောင်း ကချင်ပြည်နယ် မြစ်ကြီးနားမြို့တွင် ဆန္ဒထုတ်ဖော်

၂၀၁၇ မြန်မာ့ကျောက်မျက်ရတနာ ဥပဒေကြမ်းအား ကန့်ကွက်ကြောင်း ဆန္ဒပြပွဲကို ကချင်ပြည်နယ် မြစ်ကြီးနားမြို့တွင် ဖေဖော်ဝါရီ ၂၈ ရက်က ပြုလုပ်ခဲ့ကြောင်း သိရသည်။

အဆိုပါဆန္ဒပြပွဲကို ကချင်နိုင်ငံရေးပါတီ သုံးပါတီ၊ KNC၊ KDP၊ KSDP တို့က ဦးဆောင်ကျင်းပခြင်းဖြစ်ပြီး မြစ်ကြီးနားမြို့ မနောကွင်းမှစ၍ လူဦးရေ ၁၀၀ ခန့်ဖြင့် မြစ်ကြီးနားမြို့အတွင်း စီတန်းလှည့်လည်ဆန္ဒပြခဲ့ကြောင်း သိရသည်။

“အဓိကတော့ ၂၀၁၇ မြန်မာ့ကျောက်မျက်ရတနာ ဥပဒေမူကြမ်းပေါ့။ ဥပဒေမူကြမ်းကို ကျွန်တော်တို့ဖတ်ကြည့်တဲ့အခါမှာ ဌာနေတိုင်းရင်းသားတွေ၊ ပြည်နယ်သူ ပြည်နယ်သားတွေအတွက်တော့ တန်းတူအခွင့်အရေးတွေ အရမ်းနည်းလွန်းတာကို ကျွန်တော်တို့ ဖတ်ရှုရတာပေါ့။ ကျွန်တော်တို့ ကချင်နိုင်ငံရေးပါတီများအနေဖြင့် မြစ်ကြီးနားမှာရှိတဲ့ စာပေနှင့် ရိုးရာယဉ်ကျေးမှုကော်မတီ၊ ဥပဒေပညာရှင်၊ လုပ်ငန်းရှင်များနဲ့ မြစ်ကြီးနားမှာရှိတဲ့ ကျောက်မျက်အသင်းတွေကိုခေါ်ပြီး ၂၀၁၇ ကျောက်မျက်ဥပဒေကြမ်းနဲ့ပတ်သက်ပြီး အကြိမ်ကြိမ်ဆွေးနွေးတယ်။ အစိုးရကလည်း ၂၀၁၇ သတင်းစာထဲမှာ သူတို့ရေးထားတာ။ ပြည်သူလူထုနားလည်ရန်၊ အကြံပြုရန်ဆိုပြီးမှ ပါရှိတယ်။ အဲဒါကြောင့်မို့ ပြည်သူ့လွှတ်တော်ကို ကျွန်တော်တို့ အကြံပြုချက်ခြောက်ချက် တင်သွင်းခဲ့တယ်။ ကျွန်တော်တို့ အကြံပြုချက် တင်ပြတဲ့အခါမှာ ပြည်သူ့လွှတ်တော်ကနေပြီး ဆွေးနွေးရအောင်ဆိုပြီး ၂၀၁၇ မေ ၁၆ ရက်မှာခေါ်တယ်။ ကျွန်တော်တို့သွားတဲ့အခါကျတော့ ဘာမှဆုံးဖြတ်ပိုင်ခွင့်မရှိဘူး။ ကြားနာရုံသက်သက်ပဲ။ ဆုံးဖြတ်ဖို့က လွှတ်တော်ကိုယ်စားလှယ်တွေနဲ့ပဲ ဆုံးဖြတ်မယ်ဆိုပြီး ပြောလာတယ်။ နောက်တစ်ခေါက် သြဂုတ်လမှာ ပြန်ခေါ်တယ်။ ပြည်သူ့လွှတ်တော် အတွင်းရေးမှူး၊ ကော်မတီတွေနဲ့သွားတွေ့တယ်။ အဲဒီမှာလည်း ဘာမှဆုံးဖြတ်ပိုင်ခွင့်မရှိဘူး။ ဒါပေမဲ့ သူတို့လုပ်လာတာကျတော့ သြဂုတ် ၃ ရက်မှာတော့ ကချင်နိုင်ငံရေးပါတီများနဲ့ ပူးပေါင်းညှိနှိုင်းပြီးမှ အတည်ပြုသလိုလိုနဲ့ မှားယွင်းမှုကို သတင်းစာထဲမှာ ဖော်ပြလာတယ်။ ပြည်သူလူထုနဲ့ ကချင်နိုင်ငံရေးပါတီကြားမှာ အထင်လွဲမှားစေပြီးမှ ရန်တိုက်ပေးသလို ဖြစ်သွားတဲ့အခါကျတော့ ကျွန်တော်တို့က တစ်ခါထုတ်ပြန် ကြေညာချက်ထုတ်ပြန်ရတယ်။ ပြောချင်တာက ကျွန်တော်တို့က အကြိမ်ကြိမ်အခါခါ အကြံပြုတယ်။ သတင်းစာမှာက အကြံပြုဖို့ရေးထားတယ်။ အကြံပြုချက်တွေကိုလည်း ပြည်သူ့လွှတ်တော်က တစ်ခုမှအကောင်ထည်ဖော်တာ မတွေ့ရသေးဘူး။ ကျွန်တော်တို့ အချက်ခြောက်ချက် သွားတင်တဲ့အခါမှာ အသေးစား၊ အလတ်စား၊ လက်လုပ်လက်စားဆိုပြီး တင်ခဲ့တယ်။ အကြီးစားမပါဘူး။ အခုကျတော့ အကြီးစား ဧက ၅၀ နှစ်က ၁၀ ဆိုပြီးပေးလိုက်တယ်။ ကန့်ကွက်နေတဲ့ကြားက၊ အကြံပြုနေတဲ့ကြားက လုပ်ကွက်အကြီးစားတွေ သူတို့ကထုတ်ပေးလိုက်တယ်။ ဒါကြောင့်မို့ ဒီကနေ့ လမ်းပေါ်ထွက်ပြီး ဆန္ဒပြရခြင်းဖြစ်တယ်” ဟု ကချင်နိုင်ငံရေးပါတီ ပူးပေါင်းညှိနှိုင်းရေးကော်မတီ လူထုဆက်ဆံရေးတာဝန်ခံ ဦးဘရန်အောင်က ပြောကြားသည်။

အဆိုပါဆန္ဒပြပွဲတွင် ၂၀၁၇ ကျောက်မျက်ဥပဒေမူကြမ်းကို ကန့်ကွက်ကြောင်း ဗီနိုင်း၊ ပိုစတာကိုင်ဆောင်ပြီး “ကချင်ပြည်နယ် ကျောက်စိမ်း ကချင်နှင့် နိုင်ငံသားတိုင်းရင်းသားလက်ထဲ ရှိရေး ဒို့အရေး၊ အကြီးစားလုပ်ကွက် အလိုမရှိ၊ စက်ယန္တရားကန့်သတ်ရေး အမြန်လုပ်ပေးရေး ဒို့အရေး၊ ကျောက်ဥပဒေ အမြန်ပြဋ္ဌာန်းပေးရေး ဒို့အရေး၊ ကချင်လူမျိုးများနှင့် နိုင်ငံသားတိုင်းရင်းသားများ ကျောက်မျက်ထုတ်လုပ်ရေးကဏ္ဍ တန်းတူအခွင့်အရေးရရှိရေး ဒို့အရေး” စသည့် ကြွေးကြော်သံများဖြင့် ကြွေးကြော်ခဲ့ကြောင်း သိရသည်။

၂၀၁၇ မြန်မာ့ကျောက်မျက်ရတနာ ဥပဒေကြမ်းအား ပြင်ဆင်ခြင်းမရှိသေးသရွေ့ ဆက်လက်ဆန္ဒပြသွားမည်ဖြစ်ကြောင်းနှင့် မတ် ၁ ရက်တွင် ဖားကန့်မြို့၌ ဆက်လက်ပြုလုပ်မည်ဖြစ်ကြောင်း သိရသည်။

ဖြိုးကိုကိုတင့်ဆန်းနှင့် ပါဝင်ပတ်သက်သူများအား ကိုးကြိမ်မြောက် ဆက်လက်ရုံးထုတ်ပြီး မူးယစ်မှု၊ လက်နက်မှု၊ ဆက်သွယ်ရေးမှုနှင့် အစိုးရလျှို့ဝှက်မှုတို့မှ တရားလိုပြသက်သေတစ်ဦးအား စစ်ဆေး

ဖြိုးကိုကိုတင့်ဆန်းနှင့် ပါဝင်ပတ်သက်သူများအား ကိုးကြိမ်မြောက် ဆက်လက်ရုံးထုတ်ပြီး မူးယစ်မှု၊ လက်နက်မှု၊ ဆက်သွယ်ရေးမှုနှင့် အစိုးရလျှို့ဝှက်မှုတို့မှ တရားလိုပြသက်သေ ရဲအုပ်စိုင်းအောင်စိုးကို စစ်ဆေးခဲ့ကြောင်း သိရသည်။

အဆိုပါရုံးချိန်းတွင် တရားလိုပြသက်သေ လေးဦးစစ်ဆေးရန် ချိန်းဆိုထားသော်လည်း ရဲအုပ်စိုင်းအောင်စိုးတစ်ဦးသာ လာရောက်သည့်အတွက် ၎င်းနှင့်သက်ဆိုင်သည့် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာပုဒ်မ၊ လက်နက်အက်ဥပဒေပုဒ်မ၊ ဆက်သွယ်ရေးဥပဒေပုဒ်မနှင့် မြန်မာနိုင်ငံအစိုးရ လျှို့ဝှက်ချက်အက်ဥပဒေပုဒ်မတို့အား စစ်ဆေးခဲ့ခြင်းဖြစ်သည်။

လာမည့် ဖေဖော်ဝါရီ ၉ ရက်ရုံးချိန်းတွင် တရားလိုပြသက်သေများဖြစ်သည့် ဒုရဲအုပ်ဝေယံအောင်၊ ရဲအုပ်စိုးလွင်ဦး၊ ဗိုလ်ကြီးစိုးဇင်နှင့် ရဲအုပ်ကျော်စိုးဝင်းတို့အား စစ်ဆေးရန်ချိန်းဆိုခဲ့ကြောင်း သိရသည်။

ဖြိုးကိုကိုတင့်ဆန်းနှင့် ပါဝင်ပတ်သက်သူများ ရုံးထုတ်တွင် တရားလိုပြသက်သေတစ်ဦးသာ လာရောက်သည့်အတွက် လာမည့်ရုံးချိန်းများတွင် ချိန်းဆိုထားသည့် သက်သေများ လာရောက်ရန် ဒက္ခိဏခရိုင်တရားသူကြီးက ရှစ်ကြိမ်မြောက်ရုံးချိန်းတွင် ရဲတပ်ဖွဲ့ဝင်များအား ညွှန်ကြားခဲ့သည်။

ဖြိုးကိုကိုတင့်ဆန်းနှင့် ပါဝင်ပတ်သက်သူများကို ဖေဖော်ဝါရီ ၂၁ ရက် ရုံးထုတ်ရာတွင် တရားလိုပြသက်သေလေးဦးအား ဆင့်ခေါ်ထားသော်လည်း သက်သေတစ်ဦးသာ လာရောက်သည့်အတွက် လာမည့်ရုံးချိန်းများတွင် ချိန်းဆိုထားသည့်သက်သေများ လာရောက်နိုင်ခြင်းမရှိပါက အစားထိုးသက်သေတင်နိုင်ကြောင်း၊ အဆိုပါအမှုများအတွက် သက်သေအများအပြား စစ်ဆေးရမည်ဖြစ်ကြောင်း ခရိုင်တရားသူကြီး ဦးလှဝင်းက တရားခွင်တွင် ပြောကြားသည်။

ဖြိုးကိုကိုတင့်ဆန်းနှင့် အပေါင်းပါများအား ဒက္ခိဏသီရိမြို့နယ်နှင့် လယ်ဝေးမြို့နယ် ရဲစခန်းများက လက်နက်အက်ဥပဒေပုဒ်မ ၁၉ (စ)၊ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေပုဒ်မ ၁၅/၁၆ (ဂ)/၂၀၊ လက်နက်အက်ဥပဒေပုဒ်မ ၁၉-က/၁၉ (စ)၊ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေ ပုဒ်မ ၁၅/၁၉(က)/၂၁၊ နိုင်ငံတော်အထိမ်းအမှတ်တံဆိပ် ၇၊ လက်နက်အက်ဥပဒေ ၉ (စ)/၁၉ (က) နှင့် တရားခံပြေးမှုတို့ဖြင့် ဒီဇင်ဘာ ၂၁ ရက် ပထမဆုံးရုံးထုတ်စဉ်က တရားစွဲဆိုထားသည်။

ဒုတိယအကြိမ် ရုံးထုတ်စစ်ဆေးရာတွင် ဖြိုးကိုကိုတင့်ဆန်းပါ သုံးဦးအား ဆက်သွယ်ရေးဥပဒေပုဒ်မ ၆၇၊ ဖြိုးကိုကိုတင့်ဆန်း တစ်ဦးတည်းကို ပို့ကုန်သွင်းကုန်ဥပဒေပုဒ်မ ၈ နှင့် ဆက်သွယ်ရေးဥပဒေပုဒ်မ ၆၇ ဖြင့် ဆက်လက်တရားစွဲဆိုထားသည်။

လွိုင်ကော်-ရှားတော ကားလမ်းမနံဘေး လျှိုထဲတွင် မီးရှို့အလောင်းဖျောက်ထားသော လူသတ်မှုဖြစ်စဉ်မှ ပါဝင်သည်ဟုယူဆရသူအား ဖမ်းဆီးရမိ

မီးရှို့အလောင်းဖျောက်ထားသော လူသတ်မှုဖြစ်စဉ်မှ ပါဝင်သူဟု ယူဆရသူအား ဖမ်းဆီးခေါ်ဆောင်လာစဉ်

လွိုင်ကော်မြို့နှင့် ၁၁ မိုင်ကျော်ခန့်ဝေးသော ပါလောင်းကျေးရွာအနီးရှိ လွိုင်ကော်- ရှားတော လမ်းမနံဘေးလျှိုထဲတွင် မီးရှို့အလောင်းဖျောက်ထားသော လူသတ်မှုဖြစ်စဉ်မှ ပါဝင်သူဟု ယူဆရသူတစ်ဦးအား ဖမ်းဆီးရမိကြောင်း သိရသည်။

သံသယတရားခံဖြစ်သော သေဆုံးသူ မဇင်မာထွေး၏ခင်ပွန်း ဖိုးလပြည့် (ခ) သပြေအောင်၏ညီအရင်း မောင်ကောင်း (ခ) အောင်ကောင်းစံဝင်းဆိုသူအား ၎င်းနေထိုင်ရာ ဧရာဝတီတိုင်း မြန်အောင်မြို့နယ် ဇလုတ်ကြီးကျေးရွာတွင် လွိုင်ကော်ခရိုင် မှုခင်းနှိမ်နင်းရေးအဖွဲ့က သွားရောက်ဖမ်းဆီး၍ လွိုင်ကော်မြို့မရဲစခန်းသို့ ခေါ်ယူစစ်ဆေးခဲ့ကြောင်း သိရသည်။

မောင်ကောင်း၏ ထွက်ဆိုချက်အရ ဖေဖော်ဝါရီ ၅ ရက်တွင် အစ်ကိုဖြစ်သူ သပြေအောင်က လွိုင်ကော်တွင် အရေးကြီးကိစ္စရှိသဖြင့် ဖုန်းဆက်ခေါ်ရာ ဖေဖော်ဝါရီ ၇ ရက်နံနက်တွင် လွိုင်ကော်သို့ရောက်ရှိခဲ့ကြောင်း သိရသည်။

ထို့နောက် မောင်ကောင်းအား အစ်ကိုဖြစ်သူက သင်္ဂဟဟိုတယ်တွင် တည်းခိုနေထိုင်စေပြီး ဖေဖော်ဝါရီ ၈ ရက်နံနက်တွင် ၎င်းကဗိုက်ဆာသဖြင့် အပြင်ထွက်မည်ဟု အစ်ကိုဖြစ်သူအား ဖုန်းဆက်ရာ အပြင်သို့မထွက်ရန် အစ်ကိုဖြစ်သူက ပြောဆိုခဲ့ကြောင်း၊ နံနက် ၁၁ နာရီခွဲခန့်တွင် အစ်ကိုဖြစ်သူက ထမင်းဟင်းများ ယူဆောင်ပေးလာသဖြင့် တည်းခိုရာအိပ်ခန်းအတွင်း စားသောက်ခဲ့ရကြောင်း၊ လိုအပ်လျှင် ဖုန်းခေါ်မည်ဟုပြောကာ ပြန်ထွက်သွားကြောင်း သိရသည်။

ထိုနေ့ မွန်းလွဲ ၁ နာရီခန့်တွင် အစ်ကိုဖြစ်သူက တည်းခိုခန်းသို့ရောက်လာပြီး မောင်ကောင်းအား မောင်းနှင်လာသော ကားအဖြူ၏ အနောက်ခန်းတွင် လဲလျောင်းလိုက်ပါရန်ပြောဆိုပြီး အနက်ရောင်ကူရှင်ဖြင့်အုပ်၍ လိုက်ပါခဲ့ရကြောင်း၊ အစ်ကိုဖြစ်သူနေအိမ်သို့ရောက်ရာ မရီးဖြစ်သူ မဇင်မာထွေးအား မေးမြန်းရာမရှိကြောင်း ပြောဆိုပြီး အိပ်ခန်းတွင်းသို့ အရေးကြီးသည်ဟု ပြောဆိုခေါ်ဆောင်ခဲ့သဖြင့် ခုတင်ကြားရှိ တိပ်ပတ်ထားသော ပလတ်စတစ်အပြာရောင်ပုံးတစ်ပုံးနှင့် အဖြူရောင်ဆာလာအိတ်နှစ်လုံးကိုတွေ့ရာ အစ်ကိုဖြစ်သူမှ ဆာလာအိတ်များအား ကားပေါ်တင်စဉ် မောင်ကောင်းမှ ညှီစို့စို့အပုပ်နံ့ရသဖြင့် အခန်းတွင်း လူသေထားတာရှိသလားဟုမေးရာ နောင်မှအကြောင်းစုံ ပြောပြမည်ဟု ပြောဆိုကြောင်း၊ မီးဖိုချောင်ရှိ ဓာတ်ဆီနံ့ရ အ၀ါရောင်ပုံးနှစ်ပုံးကိုလည်း ကားပေါ်တင်ဆောင်လာရကြောင်း သိရသည်။

ညနေ ၃ နာရီခန့်တွင် မြို့အပြင် လမ်းမကြီးဘက်သို့ ကားမောင်းထွက်လာရာ ချောက်ကမ်းပါးရှိသော နေရာတစ်နေရာအရောက်တွင် အစ်ကိုဖြစ်သူနှင့် မောင်ကောင်းတို့က ဓာတ်ဆီပုံးတစ်ပုံးစီ သယ်ဆောင်၍ ချောက်ကမ်းပါးနားချထားကြောင်း၊ ထို့နောက် ကားနောက်ခန်းအတွင်းရှိ ပလတ်စတစ်အပြာရောင်ပုံးအား သယ်ဆောင်လာပြီး မြေပြင်သို့ပစ်ချရာ အမျိုးသမီးတစ်ဦး၏ အလောင်းအားတွေ့ရှိခဲ့ကြောင်း၊ အလောင်းမှာ အစ်ကိုဖြစ်သူ၏ဇနီး မဇင်မာထွေးဖြစ်နေသဖြင့် မေးမြန်းရာ အစ်ကိုဖြစ်သူက နောက်မှပြောပြမည်ဟုဆိုကြောင်း ထွက်ဆိုထားသည်ဟု သိရသည်။

ထို့နောက် အလောင်းအား ယူဆောင်သွားသော ဓာတ်ဆီများဖြင့်လောင်းပြီး မီးရှို့ဖျောက်ဖျက်၍ ညီအစ်ကိုနှစ်ဦးမှာ လွိုင်ကော်မြို့သို့ ပြန်လာပြီးနောက် ညီဖြစ်သူ မောင်ကောင်းက နေရပ်သို့ပြန်နေစဉ် ဖမ်းဆီးခံရခြင်းဖြစ်ကြောင်း သိရသည်။

လူသတ်အလောင်း မီးရှို့ဖျောက်ဖျက်သူ မဇင်မာထွေး၏ ခင်ပွန်းဖြစ်သူ အောင်သပြေအား ဖမ်းဆီးရမိရန်အတွက် ၎င်းသွားလာတတ်သောနေရာများရှိ ရဲစခန်းများနှင့် ချိတ်ဆက်ဆောင်ရွက်ထားကြောင်း သိရသည်။

၎င်း၏ ထွက်ဆိုချက်များနှင့် ပတ်သက်ပြီး ဖေဖော်ဝါရီ ၂၈ ရက်တွင် သက်သေအတည်ပြုနိုင်ရန် ကျူးလွန်ခဲ့သည့်နေရာများကို မှတ်တမ်းများရယူခဲ့ကြောင်း သိရသည်။ အသတ်ခံရပြီး မီးရှို့အလောင်းဖျောက်ထားသည့် အမျိုးသမီး၏အလောင်းကို ဖေဖော်ဝါရီ ၁၇ ရက်တွင် တွေ့ရှိခဲ့ခြင်းဖြစ်သည်။

ရန်ကုန်မြို့ရှိ ဘတ်စ်ကားမှတ်တိုင် ၅၀၀ အား တင်ဒါအောင်ကုမ္ပဏီက အဆင့်မြှင့်မည်ဖြစ်ပြီး ကျန်ရှိသည်များကို စည်ပင်ဆောင်ရွက်မည်

ရန်ကုန်မြို့တွင်းရှိ ဘတ်စ်ကားမှတ်တိုင် ၅၀၀ အား တင်ဒါအောင်မြင်ထားသည့် ကုမ္ပဏီမှ မကြာမီအချိန်တွင် အဆင့်မြှင့်တင်မည်ဖြစ်ပြီး အဆင့်မြှင့်တင်ရန် ကျန်ရှိသည့် မှတ်တိုင်များကို ရန်ကုန်မြို့တော် စည်ပင်သာယာရေးကော်မတီက စီမံဆောင်ရွက်လျက်ရှိကြောင်း ဖေဖော်ဝါရီ ၂၈ ရက်တွင် ပြုလုပ်သည့် ဒုတိယအကြိမ် ရန်ကုန်တိုင်းဒေသကြီး လွှတ်တော်ဆဋ္ဌမပုံမှန်အစည်းအဝေး (န၀မနေ့)တွင် ရန်ကုန်တိုင်းဒေသကြီး အစိုးရအဖွဲ့ လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ပြောကြားသည်။

အဆိုပါကိစ္စအား လှိုင်မြို့နယ်၊ မဲဆန္ဒနယ်အမှတ် (၁)မှ လွှတ်တော်ကိုယ်စားလှယ် ဦးကျော်ကျော်ထွန်းက လှိုင်မြို့နယ်အတွင်း အင်းစိန်လမ်းမပေါ်နှင့် ဗဟိုလမ်းမပေါ်ရှိ ကားမှတ်တိုင်များတွင် အမိုးအကာနှင့် ထိုင်စရာပါရှိသောမှတ်တိုင်များ အမြန်ဆုံးပြုလုပ်ပေးပါရန် အစီအစဉ်ရှိ၊ မရှိ သိရှိလိုကြောင်း မေးခွန်းအား ၀န်ကြီးဒေါ်နီလာကျော်က ပြန်လည်ဖြေကြားရာတွင် ထည့်သွင်းပြောကြားခဲ့ခြင်းဖြစ်သည်။

“ရန်ကုန်မြို့မှာရှိတဲ့ မှတ်တိုင်များအဆင့်မြှင့်တင် တည်ဆောက်ရန်အတွက် ကမ်းနားလမ်း၊ ဘုရင့်နောင်လမ်း၊ လှိုင်မြစ်လမ်း၊ လမ်းသစ်လမ်း၊ ပြည်လမ်းအတိုင်း ရှစ်မိုင်၊ ကမ္ဘာအေးဘုရားလမ်း၊ ပါရမီလမ်း၊ သံသုမာလမ်း၊ ကမ်းနားလမ်းဧရိယာအတွင်းရှိ မှတ်တိုင်ပေါင်း ၅၀၀ အား အဆင့်မြှင့်တင်နိုင်ရန်အတွက် JCDecaux Company မှ တင်ဒါအောင်မြင်ထားပြီးဖြစ်ပြီး အကောင်အထည်ဖော်ရန် စီမံဆောင်ရွက်လျက်ရှိပါတယ်။ ထိုမှတ်တိုင်များမှာမပါရှိတဲ့ ကျန်ရှိသောယာဉ်ရပ် မှတ်တိုင်များကိုလည်း ခရီးသွားပြည်သူများ အထောက်အကူပြုရန် ခေတ်မီမှတ်တိုင်များအဖြစ် ပြောင်းလဲတည်ဆောက်ရေးအတွက် ရန်ကုန်မြို့တော် စည်ပင်သာယာရေးကော်မတီမှ စီမံဆောင်ရွက်သွားမှာ ဖြစ်ပါတယ်။ ရန်ကုန်မြို့တော်အတွင်း ယာဉ်ရပ်မှတ်တိုင် အတော်များများမှာ အမိုးအကာ၊ ထိုင်စရာအခက်အခဲများရှိပါတယ်။ သို့သော်လည်း ပလက်ဖောင်းတွေရဲ့ အကျယ်အ၀န်းရဲ့ မှတ်တိုင်လုပ်ပေးရမယ့် နေရာအကျယ်အ၀န်းတွေကို လေ့လာစိစစ်ပြီး အဆင့်မြှင့်တင် ဆောင်ရွက်ရေးအတွက် စီမံဆောင်ရွက်သွားမှာဖြစ်ပါတယ်” ဟု ၀န်ကြီးဒေါ်နီလာကျော်က ပြောကြားသည်။

ရန်ကုန်တိုင်းဒေသကြီး အစိုးရအဖွဲ့အနေဖြင့် အများပြည်သူသယ်ယူပို့ဆောင်ရေးလုပ်ငန်းဖြစ်သော ရန်ကုန်ဘတ်စ်ကားဝန်ဆောင်မှုကို ပြောင်းလဲဖော်ဆောင်ချိန်တွင် ယာဉ်ရပ်နားစခန်းများ၊ ယာဉ်ရပ်မှတ်တိုင်များ၊ လမ်းများ စသည့်အခြေခံအဆောက်အအုံများ ဖွံ့ဖြိုးတိုးတက်ရေးကို စီမံဆောင်ရွက်လျက်ရှိကြောင်း ၎င်းက ဆက်လက်ပြောကြားသည်။

လက်ရှိတွင် ရန်ကုန်မြို့တွင်း သယ်ယူပို့ဆောင်ရေးစနစ်အား ပြောင်းလဲခဲ့သည်မှာ တစ်နှစ်ကျော်ကာလသို့ ရောက်ရှိလာပြီဖြစ်သော်လည်း တိုးတက်မှုမှာ အနည်းငယ်သာရှိသေးကြောင်း ရန်ကုန်မြို့တွင်း ခရီးသွားလာသူများ၏ ပြောကြားချက်အရ သိရသည်။

ရိုက်တာသတင်းဌာနမှ မြန်မာသတင်းထောက်နှစ်ဦးကို (၈) ကြိမ်မြောက်ရုံးထုတ်ခဲ့ပြီး တရားလိုပြသက်သေ စားသောက်ဆိုင်ပိုင်ရှင်နှင့် ဖမ်းဆီးရာတွင်ပါဝင်သည့် ရာအိမ်မှူးတို့အား စစ်ဆေး

ရိုက်တာသတင်းဌာနမှ ဖမ်းဆီးခံထားရသော မြန်မာသတင်းထောက်နှစ်ဦးကို မြောက်ပိုင်းခရိုင်တရားရုံးတွင် ဖေဖော်ဝါရီ ၂၈ ရက်က (၈) ကြိမ်မြောက်ရုံးထုတ်ခဲ့ပြီး ရုံးချိန်းတွင် တရားလိုပြသက်သေ စားသောက်ဆိုင်ပိုင်ရှင်နှင့် ရှာဖွေဖမ်းဆီးရာတွင် ပါဝင်သည့် ရာအိမ်မှူးတို့အား စစ်ဆေးခဲ့ကြောင်း သိရသည်။

သတင်းထောက် ကိုသက်ဦးမောင် (ခ) ၀လုံးနှင့် ကိုကျော်စိုးဦး (ခ) မိုးအောင်တို့မှာ ရဲအရာရှိနှစ်ဦးနှင့်ထိုင်ခဲ့သည့် မင်္ဂလာဒုံမြို့နယ်မှ စားသောက်ဆိုင်ပိုင်ရှင် ဒေါ်မြင့်မြင့်ဌေးနှင့် ရှာဖွေဖမ်းဆီးရာတွင် သက်သေအဖြစ်ပါဝင်သော ရာအိမ်မှူးဦးကျော်ရှိန် တို့ကို စစ်မေးခြင်းဖြစ်ပြီး ယခင်သက်သေများနှင့်မတူသော ကွဲလွဲချက်အချို့ ထွက်ဆိုခဲ့ကြောင်း စွပ်စွဲခံရသူသတင်းထောက်နှစ်ဦး ရှေ့နေဦးသန်းဇော်အောင်က ပြောကြားသည်။

“ဒီနေ့စစ်တာက ၀လုံးတို့ထိုင်ခဲ့တယ်ဆိုတဲ့ စားသောက်ဆိုင်ပိုင်ရှင်နဲ့ ရှာဖွေတဲ့နေရာမှာပါတယ်ဆိုတဲ့ ရာအိမ်မှူး ဦးကျော်ရှိန်ကိုစစ်တယ်။ စစ်တဲ့အထဲမှာ အရင်သက်သေတွေနဲ့မတူတဲ့ ကွဲလွဲချက်တွေထွက်လာတယ်။ သက်သေဦးကျော်ရှိန်က ပြောသွားတာက သတင်းထောက်တွေက ဘယ်ဘက်လာသလဲဆိုရင် နီလာလမ်းအတွင်းလမ်းကနေ အမှတ် (၃) ဘက်ကို လျှောက်လာတယ်ဆိုတဲ့ ထွက်ဆိုချက်မျိုး ထွက်သွားတယ်။ နောက်တစ်ခါ သတင်းထောက်တွေကို ဖမ်းတဲ့အခါမှာ အရပ်ဝတ်ရဲတွေ ၁၀ ယောက်လောက် ပါတယ်ဆိုတဲ့ဟာကို ထွက်ဆိုသွားတယ်။ နောက်တစ်ခုအရေးကြီးတဲ့ဟာက ဒုတပ်ကြပ်နိုင်လင်းက စားသောက်ဆိုင်ထဲက ထွက်တာဘယ်အချိန်မှာသိလဲဆိုရင် ၉ နာရီလောက်မှာ သူသိတဲ့ဟာကို ထွက်သွားတယ်။ ဒီဟာကိုကြည့်ခြင်းအားဖြင့် ဖမ်းဆီးရေးအဖွဲ့က ဒီစာရွက်စာတမ်းပေးသွားတယ်ဆိုတဲ့ ဒုတပ်ကြပ်နိုင်လင်းနဲ့ အချိတ်အဆက်ရှိထားတယ်။ ဆိုင်ကနေ ဘယ်အချိန်ထွက်မယ်၊ ဘယ်အချိန်မှာ ဖမ်းမယ်ဆိုတာ ကြိုသိထားတဲ့သဘောတွေ ပါတာပေါ့နော်” ဟု ရှေ့နေဦးသန်းဇော်အောင်က ပြောကြားသည်။

ယင်းကဲ့သို့ တရားလိုပြသက်သေ ရာအိမ်မှူးအနေဖြင့် တရားရုံးသို့ လာရောက်ထွက်ဆိုရာတွင် အချက်အလက်အချို့ကို လက်ဖ၀ါးတွင်ရေးသား၍ ထွက်ဆိုခဲ့ပြီး ၎င်းထွက်ဆိုသော အရပ်ဝတ်များဖြင့် ဖမ်းဆီးခဲ့သည်ဆိုသည့်အချက်သည် ယခင်သက်သေများထွက်ဆိုခဲ့သော ရဲတပ်ဖွဲ့ဝတ်စုံများဖြင့် ဖမ်းဆီးသည်ဟုအချက်နှင့် ကွဲလွဲကြောင်း၊ အရပ်ဝတ်များဖြင့် ဖမ်းဆီးသည်ဟူသောအချက်သည် သတင်းထောက်ကိုဝလုံး၊ ကိုမိုးအောင်တို့ ပြောကြားချက်နှင့်လည်း တူညီကြောင်း ရှေ့နေဦးသန်းဇော်အောင်က ပြောကြားသည်။

ဖမ်းဆီးခံသတင်းထောက် ကိုသက်ဦးမောင် (ခ) ၀လုံးက “တိုင်းပြည်မှာဖြစ်နေတဲ့ ပြဿာနာတွေကို ဖြေရှင်းဖို့ဆိုရင် ကျွန်တော်တို့အဓိကယုံကြည်တာက အစိုးရအနေနဲ့ သတင်းအချက်အလက်တွေ မှန်မှန်ကန်ကန်ရဖို့လိုပါတယ်။ အဲဒီတော့ တကယ်ပဋိပက္ခဖြစ်တဲ့ ရခိုင်ပြည်နယ်အပါအ၀င် အခြားဘယ်နေရာမှာပဲဖြစ်ဖြစ် ကျွန်တော်တို့မီဒီယာသမားတွေ လွတ်လွတ်လပ်လပ် သွားခွင့်လာခွင့်၊ သတင်းရယူခွင့်၊ ရေးသားဖော်ပြခွင့်တွေ အများကြီးလိုအပ်တယ်လို့ ယုံကြည်ပါတယ်။ ဒီလိုရင်ဆိုင်နေရတဲ့အချိန်မှာ ကျွန်တော်တို့ အချိန်တွေအများကြီး အကျဉ်းထောင်ထဲမှာ ဖြုန်းတီးနေရပါတယ်” ဟု တရားရုံးချိန်းအပြီးတွင် မီဒီယာများသို့ ပြောကြားသည်။

အမှုနှင့်ပတ်သက်ပြီး ရုံးချိန်းကို မတ် ၇ ရက်သို့ချိန်းဆိုခဲ့ပြီး တရားလိုပြသက်သေများ ဆက်လက်စစ်ဆေးမည်ဖြစ်ကြောင်း၊ စစ်ဆေးပြီးသော တရားလိုပြသက်သေ ရှစ်ဦးရှိပြီဖြစ်ကြောင်းနှင့် စစ်ဆေးရမည့် တရားလိုပြသက်သေ ၂၅ ဦးရှိကြောင်း သိရသည်။

ရိုက်​တာသတင်းဌာနမှ သတင်းထောက်​များဖြစ်သည့် ကိုသက်ဦးမောင် (ခ) ၀လုံးနှင့် ကို​ကျော်​စိုးဦး (ခ) မိုး​အောင်​တို့ကို ရန်​ကုန်​တိုင်း​ဒေသကြီးရဲတပ်ဖွဲ့မှ ဒုတိယရဲမှူးကြီးယုနိုင်​က တရားလိုပြုလုပ်​၍ ​မြန်​မာနိုင်​ငံအစိုးရ လျှို့ဝှက်​ချက်​အက်​ဥပ​ဒေ ပုဒ်မ-၃ (၁) (ဂ)ဖြင့်​ တရားစွဲဆိုထားခြင်းဖြစ်ကြောင်း သိရသည်။

အခွန်ဆောင်ရင် ၂၅ ရာခိုင်နှုန်း၊ အခွန်ရှောင်ရင် သုံးရာခိုင်နှုန်း ကျောမွဲတွေကို ဆင်းရဲတွင်းနက်စေမယ့် ငွေမည်းလျှော်ဖွပ်တဲ့ ဥပဒေကြမ်းကို ဥပဒေကြမ်းပူးပေါင်းကော်မတီ အစီရင်ခံစာနဲ့ ဇွတ်အတင်း အတည်ပြုတော့မှာလား …

ရန်ကုန်မြို့ ပြည်လမ်းဝန်းကျင်ရှိ နေအိမ်တိုက်တာရုံးခန်းများကို တွေ့ရစဉ်

ငွေမည်းများကို လျှော်ဖွပ်စေသည့်ပုဒ်မဟု အဝေဖန်ခံနေရသော ၂၀၁၈ ခုနှစ် ပြည်ထောင်စု၏ အခွန်အကောက်ဥပဒေကြမ်း ပုဒ်မ ၂၅ နှင့်ပတ်သက်ပြီး စည်းကြပ်မှုမှ လွတ်ကင်းနေသော ၀င်ငွေနှင့် ပိုင်ဆိုင်မှုများအတွက် ၂၀၁၉ ခုနှစ် မတ် ၃၁ ရက်အထိ ပထမခြောက်လကာလအတွင်း သုံးရာခိုင်နှုန်း၊ ဒုတိယခြောက်လကာလအတွင်း ငါးရာခိုင်နှုန်း စသည်ဖြင့် ကန့်သတ်ချက်များဖြင့် ၀င်ငွေခွန်ကျသင့်စေရမည်ဟု မူလအတိုင်း ရာခိုင်နှုန်းပြောင်းလဲခြင်းမရှိဘဲ ဥပဒေကြမ်းပူးပေါင်းကော်မတီက ဖေဖော်ဝါရီ ၂၈ ရက်တွင် ကျင်းပသည့် ပြည်ထောင်စုလွှတ်တော် အစည်းအဝေး၌ ဥပဒေကြမ်းပူးပေါင်းကော်မတီ၏ လေ့လာတွေ့ရှိချက်နှင့် သဘောထားမှတ်ချက် အစီရင်ခံစာကို ပြည်ထောင်စုလွှတ်တော်သို့ တင်သွင်းမှုအရ သိရသည်။

ဥပဒေကြမ်း၏ အခန်း (၈) အဖြစ် ကန့်သတ်ချက်ဖြင့် အခွန်သက်သာခွင့်ပြုခြင်း အခန်းတွင် မြန်မာနိုင်ငံသားများ၏ ပြည်တွင်း၊ ပြည်ပရှိ ပိုင်ဆိုင်မှုများဖော်ထုတ်ခြင်း၊ ပြန်လည်လွှဲပြောင်းခြင်းဖြင့် ဈေးကွက်အတွင်း ငွေကြေးလည်ပတ်မှုတိုးမြှင့်၍ ရင်းနှီးမြှုပ်နှံမှုများ တိုးတက်လာစေရန်အတွက်လည်းကောင်း၊ နိုင်ငံတော်၏စီးပွားရေး ပြန်လည်တည်ဆောက်ရေးနှင့် ဖွံ့ဖြိုးတိုးတက်ရေးကို အရှိန်အဟုန်မြှင့်တင်စေရန်လည်းကောင်း၊ တရားမျှတမှုကိုအခြေခံသော အခွန်စနစ်တစ်ခု ဖော်ဆောင်ရန်အတွက် ပြုပြင်ပြောင်းလဲမှုများ ဆောင်ရွက်ရာတွင် နိုင်ငံသားများ ကျယ်ကျယ်ပြန့်ပြန့် ပူးပေါင်းပါဝင်ဆောင်ရွက်နိုင်စေရန် အတွက်လည်းကောင်း ပုဒ်မ ၂၅ တွင် မည်သို့ပင်ပြဋ္ဌာန်းထားစေကာမူ ပုဒ်မ ၃၄ ပါ စည်းကြပ်မှုမှ လွတ်ကင်းနေသောဝင်ငွေနှင့် ပိုင်ဆိုင်မှုများအတွက် ဤဥပဒေအကျိုးသက်ရောက်သည့်နေ့မှစ၍ ၀င်ငွေခွန်ဥပဒေပုဒ်မ ၆ နှင့် ၆-က တို့အရ သက်သာခွင့်များ နုတ်ပယ်ခွင့်မပြုဘဲ ၂၀၁၉ ခုနှစ် မတ် ၃၁ ရက်အထိ အောက်ပါကာလအလိုက် သတ်မှတ်ထားသည့် အခွန်နှုန်းများအတိုင်း ကန့်သတ်ချက်ဖြင့် ၀င်ငွေခွန်ကျသင့်စေရမည် (က) ပထမခြောက်လကာလအတွင်း သတ်မှတ်ဝင်ငွေ ကြေညာလွှာပုံစံဖြင့် တင်ပြလာသော ပုဒ်မ ၃၄၊ ပုဒ်မခွဲ (က) ပါ ကိစ္စရပ်အတွက် သုံးရာခိုင်နှုန်း၊ ပုဒ်မ ၃၄ (ခ) ပါ ကိစ္စရပ်အတွက် ငါးရာခိုင်နှုန်း၊ ပုဒ်မ ၃၄ (ဂ) ပါကိစ္စရပ်အတွက် ခုနစ်ရာခိုင်နှုန်း၊ (ခ) ပထမခြောက်လ ကုန်ဆုံးပြီးနောက် ဒုတိယခြောက်လကာလအတွင်း သတ်မှတ်ဝင်ငွေ ကြေညာလွှာပုံစံဖြင့် တင်ပြလာသော ပုဒ်မ ၃၄ (က) ပါ ကိစ္စရပ်အတွက် ငါးရာခိုင်နှုန်း၊ ပုဒ်မ ၃၄ (ခ) ပါ ကိစ္စရပ်အတွက် ခုနစ်ရာခိုင်နှုန်း၊ ပုဒ်မ ၃၄ (ဂ) ပါ ကိစ္စရပ်အတွက် ၁၀ ရာခိုင်နှုန်းဟု ပူးပေါင်းကော်မတီက ပြင်ဆင်ထားကြောင်း အစီရင်ခံစာ တင်သွင်းခဲ့သည်။

ထို့ပြင် ပုဒ်မ ၃၃ အရ ကန့်သတ်ချက်ဖြင့် အခွန်ကျသင့်စေရမည့် ၀င်ငွေနှင့်ပိုင်ဆိုင်မှုများမှာ အောက်ပါအတိုင်းဖြစ်သည်။ (က) ပြည်တွင်းနေနိုင်ငံသားနှင့် ပြည်ပနေနိုင်ငံသား၏ ပြည်ပမှဝင်ငွေရလမ်းတစ်ခုခု သို့မဟုတ် စီးပွားရေးလုပ်ငန်းတစ်ခုခုကို ဆောင်ရွက်ခဲ့သော်လည်း အကြောင်းအမျိုးမျိုးကြောင့် အခွန်ပေးဆောင်ရန် လစ်ဟင်းခဲ့သော သို့မဟုတ် လျော့နည်းပေးဆောင်ခဲ့သော ၀င်ငွေများ၊ (ခ) ဘဏ်၌အပ်နှံထားရှိသည့် ငွေကြေး၊ အစုရှယ်ယာထည့်ဝင်သည့် ငွေကြေး၊ (ဂ) နှစ်တစ်နှစ်အတွင်း ပြည်တွင်း၌ မြေ၊ အဆောက်အအုံနှင့် ယင်းအဆောက်အအုံ၏ အဓိကအစိတ်အပိုင်းများ အပါအ၀င်ဖြစ်သော မရွှေ့မပြောင်းနိုင်သောပစ္စည်း သို့မဟုတ် ရွှေနှင့်အဖိုးတန်ပစ္စည်းများ အပါအ၀င် ယာဉ်ကဲ့သို့သော ရွှေ့ပြောင်းနိုင်သောပစ္စည်းများ၊ ထိတွေ့ကိုင်တွယ်၍ရသော ပစ္စည်းများ၊ ထိတွေ့ကိုင်တွယ်၍မရသော ပစ္စည်းများကိုဝယ်ယူခြင်း၊ တည်ဆောက်ခြင်း၊ ရယူခြင်း၊ ရင်းနှီးမြှုပ်နှံခြင်းတို့အတွက် အသုံးပြုသည့်ငွေကြေးများနှင့် လက်ဝယ်ရှိငွေကြေး၊ ပုဒ်မ ၃၅ တွင် ပုဒ်မ ၃၄ ပါ ပြဋ္ဌာန်းချက်များသည် တရားမ၀င်သော နည်းလမ်းဖြင့် ရရှိသည့်ပစ္စည်းများပိုင်ဆိုင်ခြင်း၊ ရောင်းဝယ်ခြင်းကို အရေးယူသည့် ဥပဒေအရလည်းကောင်း၊ ငွေကြေးခ၀ါချမှု တိုက်ဖျက်ရေးဥပဒေအရလည်းကောင်း အရေးယူခြင်းအား ထိခိုက်မှုမရှိစေရဟု ပြင်ဆင်သင့်ကြောင်း ဥပဒေကြမ်း ပူးပေါင်းကော်မတီက သဘောထားမှတ်ချက်ပြုခဲ့သည်။

ဥပဒေကြမ်း၏ ပုဒ်မ ၃၆ တွင် ပုဒ်မ ၃၄ ပါဝင်ငွေများနှင့် ပိုင်ဆိုင်မှုပစ္စည်းများနှင့်စပ်လျဉ်းပြီး အခွန်ပေးဆောင်လိုသူသည် အောက်ပါအတိုင်းဆောင်ရွက်ရမည်။ (က)-(၁)ပိုင်ဆိုင်ပစ္စည်းအတွက် ဖော်ထုတ်တင်သွင်းခြင်းဖြစ်ပါက အခြေပစ္စည်းတည်ရှိရာ မြို့နယ်အခွန်ဦးစီးမှူးရုံး၊ အခြားကိစ္စရပ်များအတွက် ဖော်ထုတ်တင်သွင်းခြင်းဖြစ်ပါက အခွန်ထမ်းနေထိုင်ရာမြို့နယ်ရှိ သက်ဆိုင်ရာမြို့နယ် အခွန်ဦးစီးဌာနမှူးရုံး၊ (ခ) ကြေညာလွှာတွင် ဖော်ပြရမည့်အခြေပစ္စည်း၊ ပစ္စည်းတန်ဖိုးနှင့်စပ်လျဉ်းပြီး မိမိဆန္ဒအလျောက် မိမိအမှန်သုံးစွဲခဲ့ရသည့် တန်ဖိုးကိုဖော်ပြရမည်။ ငွေသားကြေညာခြင်းနှင့် စပ်လျဉ်း၍ မိမိအမှန်တကယ်ပိုင်ဆိုင်သည့် လက်ဝယ်ရှိငွေကြေးနှင့် ဘဏ်တွင်အပ်နှံထားသည့် တန်ဖိုးပမာဏကိုဖော်ပြရမည်။ (ဂ) ကြေညာထားသည့် ငွေသား၊ အခြေပစ္စည်း၊ ပစ္စည်းတန်ဖိုးအပေါ် သက်ဆိုင်ရာကာလအလိုက် သတ်မှတ်ထားသည့် အခွန်နှုန်းများအတိုင်း သတ်မှတ်ကာလအတွင်း အကျေအလည်ပေးသွင်းရမည်။ အကျေအလည် ပေးသွင်းခြင်းမရှိပါက တင်သွင်းခဲ့သည့် ကြေညာလွှာကို ပျက်ပြယ်ပြီးဖြစ်သည်ဟု မှတ်ယူရမည်။ (ဃ) ဆန္ဒအလျောက်ကြေညာလွှာ တင်သွင်းခြင်းအတွက် အယူခံခွင့်၊ ပြန်အမ်းငွေ တောင်းခံပိုင်ခွင့်မရှိစေရ။ အပိုဒ် ၃၈ ဤအခန်းပါ ပြဋ္ဌာန်းချက်များသည် (က) ကန့်သတ်ချက်ဖြင့် အခွန်သက်သာခွင့်ပြုခြင်း ဖြစ်သဖြင့် ၀င်ငွေခွန်ဥပဒေပါ ပြဋ္ဌာန်းချက်တစ်ရပ်ရပ်အရ ဒဏ်တပ်ရိုက်ခြင်း၊ တရားစွဲဆိုခြင်းမပြု။ (ခ) ၂၀၁၈ ခုနှစ် ဧပြီ ၁ ရက်မှ ၂၀၁၉ ခုနှစ် မတ် ၃၁ ရက်အထိသာ အကျိုးသက်ရောက်စေရမည်ဟု ဥပဒေကြမ်းပူးပေါင်းကော်မတီက ပြင်ဆင်ထားသည်။

ဥပဒေကြမ်း၏ ပုဒ်မ ၂၅ တွင် ပြည်တွင်းနေနိုင်ငံသားနှင့် ပြည်ပနေနိုင်ငံသား၏ ပြည်ပမှဝင်ငွေရလမ်းတစ်ခုခု သို့မဟုတ် စီးပွားရေးလုပ်ငန်းတစ်ခုခုကို ဆောင်ရွက်ခဲ့သော်လည်း အကြောင်းအမျိုးမျိုးကြောင့် အခွန်ပေးဆောင်ရန် လစ်ဟင်းခဲ့သော သို့မဟုတ် လျော့နည်းပေးဆောင်ခဲ့သော ၀င်ငွေများ၊ နှစ်တစ်နှစ်အတွင်း ပြည်တွင်း၌ မြေ၊ အဆောက်အအုံနှင့် ယင်းအဆောက်အအုံ၏ အဓိကအစိတ်အပိုင်းများ အပါအ၀င်ဖြစ်သော မရွှေ့မပြောင်းနိုင်သောပစ္စည်း သို့မဟုတ် ရွှေနှင့်အဖိုးတန်ပစ္စည်းများ အပါအ၀င် ယာဉ်ကဲ့သို့သော ရွှေ့ပြောင်းနိုင်သောပစ္စည်းများ၊ ထိတွေ့ကိုင်တွယ်၍ရသောပစ္စည်းများ၊ ထိတွေ့ကိုင်တွယ်၍မရသော ပစ္စည်းများကိုဝယ်ယူခြင်း၊ တည်ဆောက်ခြင်း၊ ရယူခြင်း၊ ရင်းနှီးမြှုပ်နှံခြင်း၊ အစုရှယ်ထည့်ဝင်ခြင်း စသည်တို့အတွက် အသုံးပြုသည့်ငွေကြေးများ၊ လက်ဝယ်ရှိ ငွေကြေးတို့နှင့်ပတ်သက်၍ အောက်ပါအခွန်နှုန်းများအတိုင်း အခွန်ကျသင့်စေရမည်။ ၀င်ငွေခွန်ဥပဒေအရ ဒဏ်ငွေတပ်ရိုက်ခြင်းမပြုရ။ သို့ရာတွင် တရားမ၀င်ရရှိသည့် ပစ္စည်းများပိုင်ဆိုင်ခြင်း၊ ရောင်းဝယ်ခြင်းတို့နှင့် လည်းကောင်း၊ ငွေကြေးခ၀ါချမှုတိုက်ဖျက်ရေး ဥပဒေအရ အရေးယူခြင်းကိစ္စရပ်များနှင့်လည်းကောင်း သက်ဆိုင်ခြင်းမရှိစေရ။ (က) ဤဥပဒေ အကျိုးသက်ရောက်နေ့မှစ၍ ပထမခြောက်လကာလအတွင်း သတ်မှတ်ထားသောပုံစံများဖြင့် တင်ပြလာသောကိစ္စရပ်များအတွက် သုံးရာခိုင်နှုန်း၊ (ခ) ပထမခြောက်လ ကုန်ဆုံးပြီးနောက် ဒုတိယခြောက်လကာလအတွင်း သတ်မှတ်ထားသောပုံစံများဖြင့် တင်ပြလာသော ကိစ္စရပ်များအတွက် ငါးရာခိုင်နှုန်းဟု မူလဥပဒေကြမ်းတွင် ပြဋ္ဌာန်းထားသည်။

ပြည်သူ့ငွေစာရင်းပူးပေါင်းကော်မတီ ဒုတိယဥက္ကဋ္ဌ ဦးအောင်မင်းက “အကြမ်းဖျင်းအားဖြင့် ပြောရမယ်ဆိုရင် နိုင်ငံသားအားလုံး ပြည်တွင်းမှာနေနေ၊ ပြည်ပမှာနေနေ ပြည်ပရှိတဲ့လုပ်ငန်းတွေက လုပ်ခဲ့တဲ့ငွေတစ်ခုခု၊ ပြည်တွင်းမှာရှိတဲ့ စီးပွားရေးလုပ်ငန်းတွေကနေ ရတဲ့ဝင်ငွေ။ ဒီဝင်ငွေတွေနဲ့ ပတ်သက်လာလို့ရှိရင် ပထမခြောက်လမှာ ကြေညာမယ်ဆိုရင် သုံးရာခိုင်နှုန်း၊ ဒုတိယခြောက်လမှာ ကြေညာမယ်ဆိုရင်….။ ဒုတိယတစ်ခုက ဘဏ်မှာရှိတဲ့ငွေကြေးတွေရယ် ရှယ်ယာမှာထည့်ထားတဲ့ ငွေကြေးတွေရယ် ဒီလိုငွေကြေးတွေကျလို့ရှိရင် ပထမခြောက်လမှာ ငါးရာခိုင်နှုန်းနဲ့ ကောက်ခံမှာဖြစ်သလို၊ ဒုတိယခြောက်လမှာ ကြေညာမယ်ဆိုရင် ခုနစ်ရာခိုင်နှုန်းကောက်ခံဖို့ ကော်မတီက အဆိုပြုတင်ပြထားတာ ဖြစ်ပါတယ်။ တတိယအဆင့်ကတော့ အခြေခံအားဖြင့် မရွှေ့ပြောင်းနိုင်တဲ့ပစ္စည်းတွေ၊ ရွှေ့ပြောင်းနိုင်တဲ့ပစ္စည်းတွေ၊ နောက်တစ်ခုက ရွှေငွေလက်ဝတ်ရတနာတွေ၊ လက်ဝယ်မှာရှိတဲ့ ငွေကြေးတွေ၊ ရင်းနှီးမြှုပ်နှံထားတဲ့ ငွေကြေးတွေ၊ ဒီငွေကြေးတွေနဲ့ ပတ်သက်လာလို့ရှိရင် ပထမခြောက်လမှာ ခုနစ်ရာခိုင်နှုန်း၊ ဒုတိယခြောက်လမှ ကြေညာမယ်ဆိုရင် ၁၀ ရာခိုင်နှုန်း။ ဒီလိုသုံးခုခွဲတဲ့အချိန်မှာ ပထမတစ်ခုက အခုမှဖြစ်တဲ့ ငွေကြေးတွေကို ဆိုလိုခြင်းပဲဖြစ်ပါတယ်။ ဒါတွေဟာ ရင်းနှီးမြှုပ်နှံမှုတွေထဲကို စီးဝင်လာနိုင်လာမယ့် မျှော်မှန်းရတဲ့ငွေကြေးတွေ ဖြစ်တဲ့အတွက် သူ့ကို အနိမ့်ဆုံးနှုန်း သုံးရာခိုင်နှုန်း၊ ငါးရာခိုင်နှုန်း သတ်မှတ်ခြင်းဖြစ်ပါတယ်။ ဒုတိယဖြစ်တဲ့ ဘဏ်မှာရှိတဲ့ငွေကြေးတွေ၊ ရှယ်ယာမှာထည့်ထားတဲ့ ငွေကြေးတွေကတော့ နိုင်ငံတော်ရဲ့ လည်ပတ်တဲ့ငွေမှာပါပြီး ဖြစ်နေတယ်။ ပါပြီးသားဖြစ်နေတဲ့အတွက် ဒုတိယအဆင့်အနေနဲ့ သတ်မှတ်ပြီးတော့ ငါးရာခိုင်နှုန်း၊ ခုနစ်ရာခိုင်နှုန်း သတ်မှတ်ခြင်းဖြစ်ပါတယ်။ တတိယတစ်ခုကတော့ ၀ယ်ပြီးတဲ့ ရယူပြီးတဲ့ ပုံသေပိုင်ဆိုင်ပစ္စည်းတွေ၊ ရွှေငွေရတနာတွေ၊ ရှယ်ယာတွေ၊ နောက်တစ်ခုက လက်ဝယ်မှာရှိတဲ့ ငွေကြေးတွေ။ လက်ဝယ်မှာရှိတဲ့ ငွေကြေးတွေဟာ စီးပွားရေးလုပ်ငန်းတွေထဲမှာ လည်ပတ်နေတဲ့ ငွေကြေးလို့ပြောလို့မရဘူး။ အဲဒီလိုငွေတွေ၊ ၀ယ်ပြီးတဲ့ ပုံသေပိုင်ဆိုင်ပစ္စည်းတွေ၊ ရွှေ့ပြောင်းနိုင်သော မရွှေ့ပြောင်းနိုင်သော ပစ္စည်းအားလုံးအတွက်ဆိုရင်တော့ ခုနစ်ရာခိုင်နှုန်းနဲ့ ၁၀ ရာခိုင်နှုန်းဆိုပြီးမှ အမျိုးအစားသုံးခုခွဲပြီးတော့ ပြည်ထောင်စုလွှတ်တော်က အဆိုပြုတင်ပြထားတာဖြစ်ပါတယ်။ ဒါက အတည်ဖြစ်မယ်၊ မဖြစ်ဘူးဆိုတာကတော့ ပြည်ထောင်စုလွှတ်တော် ကိုယ်စားလှယ်တွေရဲ့ ဆွေးနွေးချက်အပေါ်မှာ မူတည်တယ်။ လိုအပ်လို့ရှိရင် ဆွေးနွေးချက်တွေရှိလာမယ်။ မဲခွဲသင့်ရင်လည်း ခွဲပြီးတော့မှ နောက်ဆုံး ပြည်ထောင်စုလွှတ်တော်ကနေ အတည်ပြုလိုက်ပြီးမှသာလျှင် ဒီနှုန်းထားအတိုင်း အတည်ပြုသွားမှာဖြစ်ပါတယ်။ တကယ့်တကယ်ကတော့ စည်းကြပ်မှုက လွတ်ကင်းနေတဲ့ဝင်ငွေဆိုတာဟာ တစ်ကမ္ဘာလုံးနဲ့ကြည့်မယ်ဆိုရင် ဘယ်နိုင်ငံရဲ့ အခွန်ဥပဒေမှာမှမရှိဘူး။ ကျွန်တော်ရဲ့ ၀င်ငွေဥပဒေမှာဆိုရင် နံပါတ်တစ်လစာဝင်ငွေရှိတယ်။ နံပါတ်နှစ်စီးပွားရေးလုပ်ငန်းက ၀င်ငွေရှိတယ်။ အသက်မွေးဝမ်းကျောင်း ၀င်ငွေရှိတယ်။နောက်တစ်ခါ အခြေပစ္စည်းမှ မြတ်စွန်းတဲ့ဝင်ငွေတွေရှိတယ်။ နောက်တစ်ခုက အခြားရလမ်းကနေရတဲ့ဝင်ငွေ ခုနက အသက်မွေးဝမ်းကျောင်းလည်း မဟုတ်ဘူး။ စီးပွားရေးမဟုတ်ဘူး။ လစာလည်းမဟုတ်၊ အခြေပစ္စည်းလည်း မဟုတ်ဘဲရတဲ့ငွေဆိုပြီး ကျွန်တော်တို့မှာ ရှိသေးတယ်။ အဲဒီရဲ့နောက် ဘာရှိသေးလဲဆိုရင် စည်းကြပ်မှုမှ လွတ်ကင်းနေသောငွေဆိုပြီး ရှိသေးတယ်။ ဒါက ပြန်ကြည့်မယ်ဆိုရင် ဟိုတည်းကစည်းကြပ်မှုက လွတ်ကင်းနေသောငွေဆိုပြီး ခေါင်းစဉ်ပြောင်းလာကတည်းက ပွင့်ပွင့်လင်းလင်းပြောမယ်ဆိုရင် မည်မည်ရရမရှိတဲ့ ငွေတွေအတွက် ခွင့်ပြုရတာပဲ။ တကယ် မည်မည်ရရရှိတဲ့ ငွေတွေဆိုရင် စကတည်းက စီးပွားရေးဆိုလည်း စီးပွားရေးခေါင်းစဉ်နဲ့ ၀င်ငွေခွန်ဆောင်မယ်။ အသက်မွေးဝမ်းကျောင်းဆိုလည်း အသက်မွေးဝမ်းကျောင်း ခေါင်းစဉ်နဲ့ ၀င်ငွေခွန်ဆောင်မယ်။ လစာဆိုရင် လစာဝင်ငွေခွန်ကိုဆောင်ကြရမှာပဲ။ တစ်ကမ္ဘာလုံးမှာကြည့်မယ်ဆိုရင် စည်းကြပ်မှုမှ လွတ်ကင်းနေသော ၀င်ငွေဆိုတာမရှိခဲ့ဘူး။ ဒါကို အစီရင်ခံစာထဲမှာလည်း ပါပါတယ်။ ၁၉၉၀ တုန်းက တစ်ကြိမ်၊ ၁၉၉၄ မှာ တစ်ကြိမ်၊ နောက်တစ်ခုက ၂၀၀၇ ကနေ ၂၀၁၂ လောက်အထိကိုလည်း တစ်ကြိမ် သက်သာခွင့်တွေ လျှော့ပေါ့ခွင့်တွေ အများကြီးပေးခဲ့ကြပြီးပြီ။ နောက်တစ်ခါ ၂၀၁၄၊ ၂၀၁၅၊ ၂၀၁၆၊ ၂၀၁၇ ပြည်ထောင်စုရဲ့ အခွန်အကောက်ဥပဒေမှာလည်း သက်သာခွင့်တွေ ပေးခဲ့ပြီးပြီ။ အမျိုးမျိုးပေးခဲ့ပြီးပြီ။ ဒါပေမဲ့ ရေရှည်မှာ ပြန်စဉ်းစားလိုက်လို့ရှိရင် ကျွန်တော်တို့ အခွန်နဲ့ပတ်သက်ပြီးတော့ ပြုပြင်ပြောင်းလဲရေးတွေလုပ်တဲ့အခါမှာ ကျွန်တော်တို့ရဲ့ အခွန်နှုန်းဟာ နိုင်ငံတကာမှာကောက်ခံနေတဲ့ အခွန်နှုန်းတွေပဲဖြစ်ရတော့မယ်။ ကျွန်တော်သိထားသလောက်က အသစ်တင်မယ့် အသစ်ပြဋ္ဌာန်းမယ့် ၀င်ငွေခွန်ဥပဒေမှာဆိုရင်တော့ ၀င်ငွေခွန်ဟာ သုံးမျိုးပဲရှိတော့မယ်။ နံပါတ်တစ် လစာဝင်ငွေ၊ နံပါတ်နှစ် စီးပွားရေးဝင်ငွေ ဒီမှာ အသက်မွေးဝမ်းကျောင်းလည်း ၀င်သွားလိမ့်မယ်။ နံပါတ်သုံးက အခြေပစ္စည်းတွေရောင်းဝယ်ချိန်မှာ ရတဲ့အမြတ်ဒီသုံးခုပဲ။ တစ်ကမ္ဘာလုံးမှာပဲ ဒီသုံးခုပဲကောက်တယ်။ ဒီသုံးခုပဲကောက်တော့မယ့် အနေအထားမှာ စည်းကြပ်မှုမှ လွတ်ကင်းနေသောငွေဟာ ဘယ်ခေါင်းစဉ်ထဲမှာ သွားထည့်တော့မလဲ။ လုံးဝထည့်စရာ ခေါင်းစဉ်မရှိတော့ဘူး။ မရှိတော့ ဒါက နိုင်ငံတော်အနေနဲ့လည်း ခုနက ပြန်စဉ်းစားတယ်ပေါ့နော်။ ဒုန်းဆိုဖြတ်လိုက်မယ့်အစား နောက်ဆုံးတစ်နှစ်အနေနဲ့ ကင်းလွတ်ခွင့်ပေးခြင်းပဲ ဖြစ်ပါတယ်။ ကျွန်တော်တို့က ၂၀၁၈ ထဲမှာပဲ ၀င်ငွေခွန်ဥပဒေသစ်ကို ပြဋ္ဌာန်းနိုင်ဖို့ ဆောင်ရွက်နေပါတယ်။ အဲဒီလိုဆောင်ရွက်သွားတဲ့အခါမှာ ၀င်ငွေခွန်ဥပဒေပြဋ္ဌာန်းပြီးရင် ဒီစည်းကြပ်လွတ်နေသော ၀င်ငွေဆိုတာ မရှိတော့ဘူး။ အဲဒါကြောင့် ၀င်ငွေနဲ့ပတ်သက်ရင် သုံးမျိုးပဲရှိတော့မှာဖြစ်တဲ့အတွက် နောက်ဆုံးအခွင့်အရေးအနေနဲ့ စည်းကြပ်မှုမှ လွတ်ကင်းနေသောဝင်ငွေဆိုပြီး တစ်နှစ်ပေါ့။ ဒါတောင်မှ ကာလကန့်သတ်ချက်၊ ကန့်သတ်ချက်တွေ အများကြီးပေးထားရပါတယ်။ အကြောင်းအရာသုံးမျိုး ခွဲထားတယ်။ နှုန်းထားနဲ့ကန့်သတ်ထားတယ်။ နောက်တစ်ခါ ကာလနဲ့ကန့်သတ်ထားတယ်။ ကန့်သတ်ချက်တွေနဲ့ပဲ သက်သာခွင့်ပေးခြင်းပဲဖြစ်ပါတယ်” ဟု သတင်းထောက်များအား ပြောကြားသည်။

ဘင်္ဂလားဒေ့ရ်ှမှ မြန်မာနိုင်ငံသို့ပြန်လာရန် လူဦးရေ ၈၀၀၀ စာရင်းပေးထားကြောင်း UEHRD ၏ ညှိနှိုင်းရေးမှူးချုပ် ပြောကြား

ဖေဖော်ဝါရီ ၂၈ ရက်က UEHRD အစည်းအဝေးကျင်းပနေသည်ကို တွေ့ရစဉ် (ဓာတ်ပုံ-နီလာ)

ဘင်္ဂလားဒေ့ရ်ှနိုင်ငံမှ မြန်မာနိုင်ငံသို့ ပြန်လာရန် လူဦးရေ ၈၀၀၀ စာရင်းပေးထားကြောင်း UEHRD ၏ ညှိနှိုင်းရေးမှူးချုပ် ပါမောက္ခဒေါက်တာ အောင်ထွန်းသက်က ဖေဖော်ဝါရီ ၂၈ ရက်တွင် ရန်ကုန်မြို့ရှိ ကုန်သည်စက်မှုအသင်းချုပ်၌ ကျင်းပသည့် ဆွေးနွေးပွဲတွင် ပြောကြားသည်။

“အခုစာရင်းပေါက်နေတဲ့ ၈၀၀၀ ကို ကျွန်တော်တို့မှာ အာရုံစိုက်နေရပါတယ်။ စာရင်းတွေမပြီးသေးပါဘူး။ စိစစ်ဖို့အင်မတန် အရေးကြီးပါတယ်။ တကယ်တမ်းတော့ တော်တော်လေးကို နိုင်ငံတော်က လျှော့ပေါ့ပါတယ်။ ရခိုင်ပြည်နယ်မှာနေတယ်ဆိုတဲ့ သက်သေအထောက်အထားတစ်ခုခု ပြနိုင်ရင် လက်ခံမယ်လို့ အကြမ်းဖျင်းပြောထားပါတယ်။ အတင်းအကျပ်လုပ်တဲ့ပုံစံ လုံးဝကျွန်တော်တို့မရှိပါဘူး။ ဒါလေးကိုတော့ သတိပေးချင်ပါတယ်” ဟု ပါမောက္ခဒေါက်တာ အောင်ထွန်းသက်က ပြောကြားသည်။

“အားလုံးလည်း သတင်းစာတွေထဲမှာပါတဲ့အတွက် သိပြီးသားပါ။ သို့သော်လည်း ပြန်လာမယ်လို့ စာရင်းပေါက်နေတာ ၈၀၀၀ ရှိပါတယ်။ အဲဒီတော့ ပြန်လက်ခံဖို့ နိုင်ငံတော်အစိုးရအနေနဲ့ တစ်ဖက်နိုင်ငံနဲ့သဘောတူထားတာ မူသုံးခုရှိပါတယ်။ အဲဒီမူသုံးခုကိုသိမှ UE ရဲ့တာဝန်ကိုသိမှာပါ။ မူသုံးခုက နံပါတ် (၁) က သူတို့ပြန်လာတဲ့သူ အားလုံးသည် ကိုယ့်သဘောကိုယ့်ဆန္ဒနဲ့ ဘယ်သူ့ဖိအားမှမပါတဲ့ဆိုတာကို ပြောပါတယ်။ နံပါတ် (၂) ကတော့ လုံခြုံရမယ်လို့ နိုင်ငံတကာအဖွဲ့အစည်းတွေ လက်ခံထားတဲ့စံနှုန်းပါ။ ဒါကလည်း အားလုံးသိတဲ့အတိုင်းပဲ Safe ဆိုတာ UEHRD က တတ်နိုင်တဲ့ကိစ္စမဟုတ်ပါဘူး။ ဒါကြောင့်မို့ ရှိတဲ့သူတွေ နယ်မြေမှာရှိတဲ့ လုံခြုံရေးတပ်ဖွဲ့တွေ ရဲရော၊ တပ်မတော်ရောက တာဝန်ယူရမယ့်ကိစ္စပါ” ဟု ပါမောက္ခဒေါက်တာ အောင်ထွန်းသက်က ပြောကြားသည်။

နောက်ဆုံးကိစ္စသည် UEHRD နှင့်သက်ဆိုင်ကြောင်း၊ ပြန်လာသည့်သူများ သိက္ခာရှိရှိပြန်လာနိုင်ရေး လုပ်ပေးရမည်ဖြစ်ကြောင်း သိရသည်။

ရခိုင်ပြည်နယ်အတွင်း လူသားချင်းစာနာမှု အကူအညီအထောက်အပံ့ပေးရေး၊ ပြန်လည်နေရာချထားရေး၊ ဖွံ့ဖြိုးရေးစီမံကိန်း (UEHRD) ၏ ပုဂ္ဂလိကလုပ်ငန်း အဖွဲ့ကိုးဖွဲ့ ဖွဲ့စည်းထားသည်။

အဆိုပါလုပ်ငန်းကိုးဖွဲ့မှာ ဆောက်လုပ်ရေးနှင့် အခြေခံအဆောက်အအုံ တည်ဆောက်ရေးလုပ်ငန်းအဖွဲ့၊ စိုက်ပျိုးရေးနှင့် မွေးမြူရေးလုပ်ငန်းအဖွဲ့၊ စီးပွားရေးဇုန်များ ဖွံ့ဖြိုးရေးလုပ်ငန်းအဖွဲ့၊ ပြန်ကြားရေးနှင့် ပြည်သူ့ဆက်ဆံရေးလုပ်ငန်းအဖွဲ့၊ အလုပ်အကိုင်ဖန်တီးရေးနှင့် အသက်မွေးဝမ်းကျောင်းသင်တန်းများ စီစဉ်ဖွင့်လှစ်ရေးလုပ်ငန်းအဖွဲ့၊ ကျန်းမာရေးစောင့်ရှောက်မှုလုပ်ငန်းအဖွဲ့၊ အသေးစားငွေကြေးထောက်ပံ့မှုလုပ်ငန်းအဖွဲ့၊ ဘဏ္ဍာငွေစုဆောင်းရေး (Crowd Funging) လုပ်ငန်းအဖွဲ့တို့ဖြစ်ပြီး လက်ရှိအချိန်၌မူ ယင်းအဖွဲ့များအပြင် အဖွဲ့အသစ်များ ထပ်မံတိုးလာပြီဖြစ်ကြောင်း ဖေဖော်ဝါရီ ၂၈ ရက်က သိရသည်။

လုပ်ငန်းအဖွဲ့များအနေဖြင့် အခြေခံအဆောက်အအုံများ တည်ဆောက်ပြင်ဆင်ပြီးပါက ပညာရေးနှင့်ကျွမ်းကျင်မှုများ ဖြည့်ဆည်းပေးရန် ဒေသခံများအတွက် အသက်မွေးဝမ်းကျောင်းပညာရေး (Vocational Training) သင်တန်းများကိုလည်း စီစဉ်လျက်ရှိနေကြောင်း သိရသည်။