ဒီးမော့ဆိုမြို့နယ် ၀ါသောခူကျေးရွာအုပ်စုအတွင်း ထုံးကျောက်စက်မှုတွင်းထွက်ကုန်ကြမ်း စမ်းသပ်တိုင်းတာရေးနှင့် ဘိလပ်မြေစက်ရုံ တည်ဆောက်မည့်ကိစ္စ သတင်းစာရှင်းလင်း

ထုံးကျောက်စက်မှုတွင်းထွက် ကုန်ကြမ်းစမ်းသပ်တိုင်းတာရေးနှင့် ဘိလပ်မြေစက်ရုံတည်ဆောက်ရန် ကိစ္စနှင့်ပတ်သက်၍ သတင်းစာရှင်းလင်းစဉ်

ဒီးမော့ဆိုမြို့နယ် ၀ါသောခူကျေးရွာအုပ်စုအတွင်း ထုံးကျောက်စက်မှုတွင်းထွက်ကုန်ကြမ်း စမ်းသပ်တိုင်းတာရေးနှင့် ဘိလပ်မြေစက်ရုံ တည်ဆောက်ရန် ကိစ္စနှင့်ပတ်သက်၍ သတင်းစာရှင်းလင်းပွဲကို ဖေဖော်ဝါရီ ၂၈ ရက်တွင် လွိုင်ကော်မြို့နယ် ထေးငှားလျားကျေးရွာရှိ ကရင်နီပြည် ဘလူငယ်များသမဂ္ဂ (UKSY) ရုံးခန်းတွင် ကျင်းပသည်ဟု သိရသည်။

ရှင်းလင်းရာတွင် ဘိလပ်မြေစက်ရုံစီမံကိန်းကြောင့် ဌာနေတိုင်းရင်းသားပြည်သူများနှင့် တိုင်းရင်းသားလက်နက်ကိုင်အဖွဲ့အစည်းမှ သြဇာကြီးသူများအား ရန်တိုက်ပေးသကဲ့သို့ဖြစ်နေကြောင်း ဒေသခံတစ်ဦးဖြစ်သော ကရင်နီပြည်နယ် MATA တာဝန်ခံ ခွန်းအန်ဂျလိုပျံက ဆိုသည်။

“တွေ့ဆုံညှိနှိုင်းခြင်းမရှိဘူး။ တစ်ဆင့်ခံဘဲ တိုင်းရင်းသားလက်နက်ကိုင်နဲ့ပဲ ၀င်ခိုင်းတဲ့အခါကျတော့။ ကျွန်တော်တို့အချင်းချင်း ပြန်တိုက်ရုံပဲရှိမယ်။ ကျွန်တော်တို့တွေ့ချင်တာက ကုမ္ပဏီကိုတွေ့ချင်တာ။ ကြားခံလက်နက်ကိုင်အဖွဲ့နဲ့ပဲ တွေ့နေရတော့ ကျွန်တော်တို့ပြည်သူတွေလည်း စိုးရိမ်မှုတွေလည်း အများကြီးရှိတယ်။ လက်နက်ရှိနေမှတော့ တော်ရုံကျွန်တော်တို့ပြည်သူတွေက စကားမပြောရဲတော့ဘူး။ ဒါကြောင့် သူတို့က လက်နက်ကိုင်အားကိုးနဲ့ ၀င်လာတယ်လို့ပဲ ကျွန်တော်တို့မြင်တယ်” ဟု ခွန်းအန်ဂျလိုပျံက ပြောကြားသည်။

ထို့ပြင် တက်ရောက်လာသော ဒေသခံရွာသားများကလည်း ပွင့်လင်းမြင်သာမှုမရှိသော စီမံကိန်းအားအလိုမရှိရခြင်း အကြောင်းရင်းများနှင့် စီမံကိန်းကြောင့် သဘာ၀၀န်းကျင်ထိခိုက်မည်ကို စိုးရိမ်နေကြရကြောင်းများ အသီးသီးတင်ပြကြသည်ဟု သိရသည်။

အစိုးရတာဝန်ရှိသူများမှလည်း ဒေသခံများမှ စီမံကိန်းအား သဘောတူကြောင်း လက်မှတ် ၁၄၇ ခုရှိသည်ကို စုံစမ်းရာတွင် ကွယ်လွန်ပြီးသူများနှင့် နိုင်ငံရပ်ခြားတွင် သွားရောက်နေထိုင်သူများနှင့် ရွာတွင်နေထိုင်ခြင်းမရှိသူများ ပါဝင်ကြောင်း။ MATA မှ ကန့်ကွက်ကြောင်း လက်မှတ်ကောက်ခံရာတွင် လူဦးရေ ၇၀၀၀ ကျော်ရှိနေပြီးဖြစ်ကြောင်း သတင်းစာရှင်းလင်းပွဲမှ သိရသည်။

ပွင့်လင်းမြင်သာမှုမရှိသော တစ်နေ့လျှင် တန် ၄၀၀၀ ထွက်ရှိမည့် ဘိလပ်မြေစက်ရုံများ တည်ဆောက်မည့် ရှမ်းကယားနယ်စပ် လီဝိုးကျေးရွာအနီး ကျောက်မီးသွေးထုတ်မည်ဟု သတ်မှတ်ထားသောနေရာတွင် ဘိလပ်မြေစက်ရုံအလိုမရှိ ဆိုင်းဘုတ်များအား ဖေဖော်ဝါရီ ၁၁ ရက်တွင် ဒေသခံများနှင့် အရပ်ဘက်အဖွဲ့များ စုပေါင်းစိုက်ထူခဲ့ကြသည်ဟု သိရသည်။

ဒေသခံများ၊ အရပ်ဘက်အဖွဲ့များ၊ ကရင်နီပြည်လူငယ်များ သမဂ္ဂအဖွဲ့ဝင်များက ဘိလပ်မြေစက်ရုံအလိုမရှိ၊ သင့်ကြောင့် ငါတို့တောင်မပျက်စီးပါစေနှင့် စသည့်စာတန်းပါဆိုင်းဘုတ်များကို သွားရောက်စိုက်ထူကြကြောင်း သိရသည်။ ဒေသခံများအနေဖြင့် ဓလေ့ထုံးတမ်း တောင်ယာမြေစနစ်ကို အသိအမှတ်မပြုဘဲ မြေလွတ်မြေရိုင်းဟုဆိုကာ စက်ရုံစီမံကိန်းလျာထားသည်ကို အောက်ခြေထိဆင်းကြည့်ပြီး ဘိုးဘွားပိုင်တောင်ယာများလက်ရှိ စိုက်ပျိုးလုပ်ကိုင်နေသည်ကို တာဝန်ရှိသူများ ကွင်းဆင်းစေလိုကြောင်း ဒေသခံများထံမှသိရသည်။ ဒီးမော့ဆိုမြို့နယ် ဒေါကမီးကျေးရွာတွင် ရွာ ၄၂ ရွာမှ စုပေါင်း၍ ဖေဖော်ဝါရီ ၅ ရက်တွင် ညှိနှိုင်းဆွေးနွေးပြီး တတိယအကြိမ် သဘောမတူကြောင်းတွင် လက်မှတ်ထိုးခဲ့ကြပြီး လွိုင်ကော်၊ ဒီးမော့ဆို၊ ဖယ်ခုံမြို့နယ် ကျေးရွာကိုယ်စားလှယ်များက ထိုသို့ကန့်ကွက်လက်မှတ်ရေးထိုးကြပြီး သက်ဆိုင်ရာသို့ တင်ပြသွားကြမည်ဖြစ်ကြောင်း သိရသည်။

စက်ရုံဆောက်မည့်နေရာနှင့် အနီးဆုံးတွင် ဌာနေတိုင်းရင်းသားများ နေထိုင်သည့်ကျေးရွာများဖြစ်ပြီး တောင်ယာလုပ်ငန်းကိုသာ အဓိကထားလုပ်ကိုင်နေသဖြင့် မြေယာများဆုံးရှုံးမည်ကို စိုးရိမ်နေကြရပြီး ဘိလပ်မြေစက်ရုံတည်ဆောက်ပါက ဆိုးကျိုးကောင်းကျိုးများအား မည်သူမျှ လာရောက်ရှင်းပြခြင်းမရှိကြောင်း၊ တစ်နေ့လျှင် တန်ချိန်မည်မျှ ထုတ်လုပ်မည်ကိုလည်း မသိရှိရကြောင်း၊ မည်သူ့ခွင့်ပြုချက်ဖြင့် လာရောက်စမ်းသပ်မည်ကို မသိရှိရကြောင်း ဒေသခံများထံမှ သိရသည်။

မန်းရွှေစက်တော်ပွဲတော်သို့ နွားလှည်းများဖြင့် လာရောက်သည့်ဓလေ့ ပျောက်ကွယ်လုနီးဖြစ်လာပြီး လက်ကျန်ကျေးရွာတစ်ရွာ အစဉ်အလာမပျက် လာရောက်

မင်းလှကျင်းကျေးရွာမှ မန်းရွှေစက်တော် ဘုရားပွဲတော်သို့ နွားလှည်းများဖြင့် ထွက်ခွာလာကြစဉ်

မကွေးတိုင်းဒေသကြီး မင်းဘူးမြို့နယ်အတွင်းရှိ မန်းရွှေစက်တော်ပွဲတော်သို့ နွားလှည်းများဖြင့် လာရောက်သည့်ဓလေ့ ပျောက်ကွယ်လုနီးဖြစ်လာပြီး လက်ကျန်ကျေးရွာတစ်ရွာတည်းက တပေါင်းလပြည့်ရက်ဝန်းကျင်တွင် အစဉ်အလာမပျက် လာရောက်၍ ရက်ရှည်နေထိုင် ဘုရားဖူးလေ့ရှိကြောင်း သိရသည်။

မြန်မာနိုင်ငံတစ်ဝန်း ဘုရားပွဲတော်များသို့ နွားလှည်းများဖြင့် အုပ်စုဖွဲ့လာရောက်သည့် ဓလေ့တစ်နှစ်ထက်တစ်နှစ် သိသာစွာလျော့နည်းလာကြောင်း မန်းရွှေစက်တော်ပွဲတော်သို့လည်း လွန်ခဲ့သည့်ဆယ်စုနှစ်တစ်ခုကျော်ကအထိ မင်းဘူး၊ ပွင့်ဖြူ၊ ငဖဲ၊ စေတုတ္တရာမြို့နယ်များမှ နွားလှည်းများဖြင့် လာရောက်ကြ၍ ရက်ရှည်နေထိုင်လေ့ရှိခဲ့ကြောင်း ယခုနှစ်ပိုင်းများတွင် မင်းဘူးမြို့နယ် မင်းလှကျင်းကျေးရွာ တစ်ရွာတည်းကသာ ရွာလုံးကျွတ်နီးပါး နွားလှည်းများဖြင့် လာရောက်လေ့ရှိတော့ကြောင်း သိရသည်။

မင်းလှကျင်းကျေးရွာမှ မန်းရွှေစက်တော်ဘုရားသို့ နွားလှည်းဖြင့် လာရောက်ကြသူများသည် နှစ်စဉ် တပေါင်းလဆန်း ၁၂ ရက်နေ့တွင် ကျေးရွာမှထွက်ခွာလေ့ရှိပြီး တပေါင်းလပြည့်ကျော် တစ်ရက်နေ့အထိ ပွဲတော်တွင်းနေထိုင်၍ ဘုရားဖူးလေ့ရှိကြောင်း၊ မင်းလှကျင်းကျေးရွာမှ မန်းရွှေစက်တော်ဘုရားပွဲတော်သို့ ၁၀ မိုင်အကွာအဝေးရှိပြီး လူငယ်အချို့က နွားလှည်းများနှင့်အတူ ခြေကျင်လျှောက်၍ သွားလေ့ရှိကြောင်း၊ ယခုနှစ်တွင် ဖေဖော်ဝါရီ ၂၆ ရက်က ကျေးရွာမှ စတင်ထွက်ခွာ၍ အထက်စက်တော်ရာဘုရား၏ အရှေ့တောင်ဘက် လှေတင်တံတားအောက်ဘက် မန်းချောင်းသောင်ပြင်တွင် စတည်းချလျက်ရှိကြောင်း သိရသည်။

“ဟိုးတုန်းကတော့ တပေါင်းလလာဖို့အရေးကို ပြာသိုတပို့တွဲကနေပြီးတော့ နွားစာကိုလည်း တစ်နေ့စာနွားကျွေးဖို့ထက်ကို ပိုပိုစင်းပြီးစုကြတယ်။ ဒီမှာကျွေးဖို့ရာ ပိုရအောင်ပါ။ တစ်ခါလူတွေ စားဖို့သောက်ဖို့ကြတော့လည်း ပဲစေ့ပဲဆန်တွေ မောင်းနဲ့ခွဲရတယ်။ စပါးတွေထောင်းရတယ်။ ဆန်တွေဖွပ်ပြီး စုရတယ်။ လာပြီဆိုလည်း တစ်တင်းခွဲတစ်တင်း ပါအောင်ယူတယ်။ ဒီလှည်းဝိုင်းမှာကြ ဆွေမျိုးဟုတ်ဟုတ် မဟုတ်ဟုတ် ကျွေးကြတယ်။ အလှူခံတွေလာရင် လှူကြတယ်။ စတုဒိတာလိုပဲကျွေးကြတယ်။ ဒီနေရာမှာ လှူကြရတာမြတ်တယ်လို့ အတွေးနဲ့လှူကြတယ်” ဟု ငယ်စဉ်ကတည်းက မန်းရွှေစက်တော်ဘုရားပွဲသို့ နွားလှည်းဖြင့် လာရောက်လေ့ရှိသူ အသက် ၆၄ နှစ်ရှ်ိ ဒေါ်စမ်းမြက ပြောကြားသည်။

အသက် ၄၈ နှစ်ရှိ ဦးဖိုးရည်က “လှည်းဝိုင်းက ပျောက်ပျက်မယ့်အခြေအနေတော့ မရှိဘူး။ မသွားနိုင်လည်း သွားနိုင်အောင်ကြိုးစားပြီး လာကြမှာပါ။ ဒီကိုလာရတဲ့ ပျော်ရွှင်မှုကတော့ လူကြီးတွေအဖို့က ဘုရားဖူးရတာပါ။ ကလေးတွေကလည်း ပျော်လည်းပျော် ဘုရားလည်းဖူးရတာပါ” ဟုပြောကြားသည်။

မင်းလှကျင်းကျေးရွာမှ နွားလှည်းဖြင့် လာရောက်ကြသူများအား မန်းရွှေစက်တော်ပွဲတော်တွင်း လုပ်ငန်းရှင်များက သောက်ရေသန့်နှင့် စားသောက်ဖွယ်ရာများ လှူဒါန်းလေ့ရှိကြောင်း လှည်းများဖြင့် စခန်းချသည့်နေရာ (လှည်းဝိုင်း) တွင် ယာယီသန့်စင်ခန်းများ တည်ဆောက်ပေးသင့်သည်ဟု ဝေဖန်မှုများရှိနေကြောင်း လှည်းဝိုင်းစတင်လာရောက်သည့်နေ့တွင် ရန်ကုန်၊ မန္တလေးမြို့များက အထိဓာတ်ပုံဆရာနှင့် ပန်းချီဆရာများ လာရောက်မှတ်တမ်းတင်လေ့ရှိကြောင်း ပြည်တွင်းခရီးသွားများကပင် ထိုလှည်းဝိုင်းယဉ်ကျေးမှုကို စိတ်ဝင်စားကြသောကြောင့် ကမ္ဘာလှည့်ခရီးသွားများကို ဆွဲဆောင်နိုင်သည်အထိ ထိန်းသိမ်းမြှင့်တင်ပေးနိုင်ရန် ဝေဖန်မှုများရှိနေကြောင်း သိရသည်။

မြ၀တီမြို့တွင်ပြုလုပ်သည့် တရားဥပဒေစိုးမိုးမှုမြှင့်တင်ရေး စီမံကိန်း၊ လုံခြုံစိတ်ချရသော ရွှေ့ပြောင်းသွားလာခြင်းနှင့် လူကုန်ကူးမှု တိုက်ဖျက်ရေးဆိုင်ရာဖိုရမ်တွင် အချက်ငါးချက်ကို ဦးတည်ဆွေးနွေး

တရားဥပဒေစိုးမိုးမှု မြှင့်တင်ရေးစီမံကိန်း အကောင်အထည်ဖော်ဆောင်နိုင်ရေး၊ လုံခြုံစိတ်ချရသော ရွှေ့ပြောင်းသွားလာခြင်းနှင့် လူကုန်ကူးမှုတိုက်ဖျက်ရေးဆိုင်ရာ ဖိုရမ်ကို မြ၀တီမြို့ အမှတ် (၄) ရပ်ကွက်၊ ချစ်ကြည်ရေးလမ်းရှိ အောင်ဇမ္ဗူလင်း ဟိုတယ်ခန်းမတွင် ဖေဖော်ဝါရီ ၂၇ ရက်မှ ၂၈ ရက်အထိ နှစ်ရက်ပြုလုပ်ခဲ့ကြောင်း သိရသည်။

အဆိုပါဖိုရမ်အား လူထုအခြေပြု ဖွံ့ဖြိုးတိုးတက်ရေး ကွန်ရက်၊ (TCDN) နှင့် မြ၀တီမြို့ အခြေစိုက်ကလေးသူငယ် ပြုစုစောင့်ရှောက်ရေးဖောင်ဒေးရှင်း (CCF) တို့က ပူးပေါင်းကျင်းပခဲ့ခြင်းဖြစ်ပြီး အချက်ငါးချက်ကိုဦးတည်ပြီး ယင်းအချက်အောက်မှ ခေါင်းစဉ်ငယ်များထုတ်ကာ ဆွေးနွေးခဲ့ကြသည်။

ဖိုရမ်သို့ တက်ရောက်လာသူများက လူကုန်ကူးမှု လျော့ကျလာစေရေး၊ ကလေးသူငယ်များနှင့် အမျိုးသမီးအခွင့်အရေး၊ ရွှေ့ပြောင်းလုပ်သားများ၏ လုံခြုံရေး၊ ရွှေ့ပြောင်းအလုပ်သမားများ၏ ကလေးများအတွက် ကျန်းမာရေးနှင့်ပညာရေး၊ မူးယစ်ဆေးဝါးနှင့် လောင်းကစားကြောင့် လူငယ်လူရွယ်များ ဘ၀ပျက်သုဉ်းလာခြင်းမှ ကာကွယ်ရေးတို့ကို ဆွေးနွေးခဲ့ကြသည်။

ရွှေ့ပြောင်းအလုပ်သမားများ၏ ကလေးများအတွက် ကျန်းမာရေးနှင့် ပညာရေးကဏ္ဍတွင် ပါဝင်ဆွေးနွေးခဲ့သော မြ၀တီမြို့နယ် သင်္ဃန်းညီနောင်၊ ပညာရောင်ခြည် ကျောင်းတိုက်ဆရာတော် အရှင်ပညာဇောတက “မြန်မာနိုင်ငံနဲ့ နယ်စပ်၊ အိမ်နီးချင်းနိုင်ငံများသို့ ရွှေ့ပြောင်းသွားလာ အလုပ်လုပ်ကိုင်ကြတဲ့ မိဘတွေ၊ ယင်းမိဘတွေရဲ့ ကလေးတွေပညာရေးကို ဦးဇင်းကစိတ်ဝင်စားတယ်။ သံဃာတစ်ပါးဖြစ်တဲ့အတွက် တရားဥပဒေစိုးမိုးရေးအပိုင်းကိုတော့ ဆွေးနွေးလို့သိပ်မရပါဘူး။ ကိုယ့်နိုင်ငံမှာ အဆင်မပြေလို့ သူများနိုင်ငံမှာ သွားလုပ်ကြရတယ်။ မည်သည့်နိုင်ငံမှာမဆို တရားဥပဒေစိုးမိုးမှုမရှိဘဲနဲ့တော့ ဘယ်နေရာမှာမှ ငြိမ်းအေးမှုမရနိုင်ပါဘူး။ တရားဥပဒေစိုးမိုးမှုဆိုတာ မည်သည့်နိုင်ငံမှာမဆို အလွန်တရာမှ အရေးကြီးပါတယ်။ တရားဥပဒေစိုးမိုးမှု မြှင့်တင်ရေး ခေါင်းစဉ်အောက်မှာ ရွှေ့ပြောင်းလုပ်သမားများ၏ ကလေးများအတွက် ကျန်းမာရေးနှင့် ပညာရေးကဏ္ဍအပါအ၀င် အခြားကဏ္ဍတွေမှာလည်း ပါဝင်ဆွေးနွေးကြတဲ့အတွက် တစ်ဦးနဲ့တစ်ဦး အမြင်တိုးတက်လာမယ်။ သက်ဆိုင်ရာကလည်း ဒီအကြောင်းအရာတွေကို နားထောင်ခဲ့ရရင် သူတို့အတွက် အထောက်အပံ့ဖြစ်သွားမှာဖြစ်သလို ပြည်သူတွေအတွက်လည်း အများကြီးလုပ်ပေးနိုင်မယ်လို့ မျှော်လင့်ပါတယ်” ဟုမိန့်ကြားသည်။

ထိုင်းနိုင်ငံအတွင်း အလုပ်သွားရောက်လုပ်ကိုင်ပြီး လူကုန်ကူးခံရသူ မြန်မာနိုင်ငံသားများအား မြ၀တီမြို့သို့ ပြန်လည်လွှဲပြောင်း

လူကုန်ကူးခံရသည့် မြန်မာ့ရွှေ့ပြောင်းလုပ်သားများအား ပြန်လည်ပို့ဆောင်ရန် ဆောင်ရွက်နေစဉ်

ထိုင်းနိုင်ငံအတွင်း အလုပ်သွားရောက်လုပ်ကိုင်ပြီး လူကုန်ကူးခံရသူ မြန်မာနိုင်ငံသား အလုပ်သမား ကျား ၁၄ ဦး၊ မနှစ်ဦး၊ စုစုပေါင်း ၁၆ ဦးအား ထိုင်းနိုင်ငံမှတာဝန်ရှိသူများက မြန်မာနိုင်ငံ မြတီမြို့သို့ ဖေဖော်ဝါရီ ၂၈ ရက်က ပြန်လည်လွှဲပြောင်းပေးခဲ့ကြောင်း သိရသည်။

ထိုင်းနိုင်ငံ လူမှုဖွံ့ဖြိုးတိုးတက်ရေးနှင့် လူသားလုံခြုံရေးဝန်ကြီးဌာန လက်အောက်ရှိ ဂေဟာများတွင် လက်ခံစောင့်ရှောက်ထားသော လူကုန်ကူးခံရသူ အမျိုးသား အမျိုးသမီး ၁၆ ဦးတို့ကို ထိုင်းတာဝန်ရှိသူများက လာရောက်လွှဲပြောင်းပေးပြီး မြန်မာနိုင်ငံဘက်မှ တာဝန်ရှိသူများက အမှတ် (၄) ရပ်ကွက်၊ ဓိဋ္ဌာန်အောင်ဘုရားလမ်းရှိ ပြန်လည်စောင့်ရှောက်ရေးဂေဟာတွင် လက်ခံခဲ့ခြင်းဖြစ်ကြောင်း သိရသည်။

ယင်းကဲ့သို့ ထိုင်းနိုင်ငံဘက်မှ လာရောက်လွှဲပြောင်းပေးသည့် လူကုန်ကူးခံရသူ မြန်မာနိုင်ငံသား ၁၆ ဦးတို့အား မွန်ပြည်နယ် လူမှုဝန်ထမ်းဦးစီးဌာနမှ ညွှန်ကြားရေးမှူး ဦးကိုကိုနိုင်က လာရောက်ကြိုဆိုပြီး မော်လမြိုင်သို့ ခေါ်ဆောင်သွားခဲ့ကြောင်း သိရသည်။

မွန်ပြည်နယ် လူမှုဝန်ထမ်းဦးစီးဌာနမှ ညွှန်ကြားရေးမှူး ဦးကိုကိုနိုင်က “ထိုင်းနိုင်ငံအတွင်းမှာ လူကုန်ကူးခံရတဲ့ မြန်မာအလုပ်သမား ၁၆ ဦးကို ထိုင်းကတာဝန်ရှိသူတွေက ဒီနေ့လာရောက်လွှဲပြောင်းပေးအပ်တာပါ။ စုစုပေါင်း ၁၆ ဦးပေါ့။ သူတို့ကို မော်လမြိုင်ကိုခေါ်သွားပြီး လူငယ်စောင့်ရှောက်ရေးဂေဟာမှာ သုံးရက်ထားမယ်။ စစ်ဆေးဆောင်ရွက်မှုတွေကို သက်ဆိုင်ရာက စိစစ်ဆောင်ရွက်ပါမယ်။ ပြီးရင်တော့ သူတို့ရဲ့နေရပ်ကို ချောမောစွာရောက်ရှိအောင် အခမဲ့ပို့ဆောင်ပေးသွားမှာပါ” ဟုဆိုသည်။

ပြန်လည်ရောက်ရှိလာသူများမှာ ရခိုင်ပြည်နယ် ကျောက်တော်မြို့နယ်နှင့် မြေပုံမြို့နယ်တို့မှ အများဆုံးဖြစ်ပြီး ရေလုပ်ငန်းစက်လေများသို လူကုန်ကူးခံရသူများဖြစ်သည်ဟု သိရသည်။

ထိုင်းနိုင်ငံသို့ အလုပ်လုပ်ရင်း ငါးဖမ်းစက်လှေတွင် လူကုန်ကူးခံခဲ့ရသူ ကိုမောင်ချေက “ကျွန်တော်တို့ ထိုင်းကိုပွဲစားခ ဘတ် ၂၂၀၀၀ ပေးပြီး ကော့သောင်းဘက်ကနေ ၀င်ရောက်ခဲ့ပါတယ်။ ပြီးတော့ ထိုင်းငါးဖမ်းစက်လှေပေါ်မှာ တင်ပေးလိုက်ပြီး လှေပေါ်မှာ နေ့စဉ်ငါးပိုက်ဆွဲရပါတယ်။ တစ်လလောက်မှာတော့ မလေးရေလက်ကြားဘက် ငါးဖမ်းလှေအရောက်မှာ ဘယ်လိုသတင်းကြားတယ်မသိရဘူး။ ထိုင်းရေတပ်သင်္ဘောရောက်လာပြီး တာဝန်ရှိသူတွေနဲ့အတူ ကျွန်တော်တို့ကို ထိုင်းငါးဖမ်းစက်လှေပေါ်ကနေ ခေါ်ဆောင်သွားပြီး ထိုင်းနိုင်ငံက စောင့်ရှောက်ရေးဂေဟာကို ရောက်ခဲ့ရတာဖြစ်ပါတယ်” ဟုပြောကြားသည်။

အဆိုပါအလုပ်သမားများမှာ ဂေဟာများတွင် ခြောက်လကြာနေခဲ့ရသူ၊ တစ်လကျော်ကြာ နေထိုင်စောင့်ရှောက်ထားပြီးမှ မြ၀တီမြို့ကို ပြန်လည်ရောက်ရှိခဲ့ခြင်းဖြစ်ကာ ငါးဖမ်းစက်လှေများသို့ ရောင်းစားခံခဲ့ရခြင်း၊ လူကုန်ကူးခံခဲ့ရခြင်းကိုနောက်ပိုင်းမှသာ သိရှိခဲ့ရသည်ဟုဆိုသည်။

အဆိုပါ လွှဲပြောင်းပေးအပ်ပွဲအခမ်းအနားတွင် ထိုင်းနိုင်ငံ၌ နှစ်ပေါင်း ၂၀ ခန့် နေထိုင်ခဲ့ကြသည့် ဘန်ကောက်မြို့အနီး ပြောင်းစက်ရုံတွင်အလုပ်လုပ်ရင်း ယာဘက်လက်တစ်ဖက်ဆုံးရှုံးခဲ့သူ ပဲခူးမြို့မှ ရန်မျိုးအောင် (၅၀ နှစ်) အား ထိုင်းအလုပ်ရှင်မှ နစ်နာကြေး ဘတ်ငွေ ၆၀၀၀၀၀ ကိုလည်းကောင်း၊ ၎င်း၏ဇနီးဖြစ်သူ မတီပိုး (၄၆ နှစ်) အား ထိခိုက်နာကျင်မှု နစ်နာကြေး ဘတ်ငွေ ၃၀၀၀၀၀ ကိုလည်းကောင်း ထိုင်းမှတာဝန်ရှိသူများကိုယ်စား ပေးအပ်ခဲ့သည်။

လူကုန်ကူးခံရသည့် မြန်မာ့ရွှေ့ပြောင်းလုပ်သားများအား ပြန်လည်ပို့ဆောင်ခြင်းနှင့် ထိခိုက်နာကျင်မှုအတွက် နစ်နာကြေးပေးအပ်သည့် အခမ်းအနားသို့ ထိုင်းနိုင်ငံရဲတပ်ဖွဲ့ ဒုတိယရဲချုပ် မစ္စတာဓ၀ိချာလာရဓနှင့် တာဝန်ရှိသူများ မြန်မာနိုင်ငံ ပြန်လည်ထူထောင်ရေးဦးစီးဌာနမှ ညွှန်ကြားရေးမှူးချုပ် ဦးဝင်းနိုင်ထွန်း၊ မွန်ပြည်နယ် လူမှုဝန်ထမ်းဦးစီးဌာန ညွှန်ကြားရေးမှူး ဦးကိုကိုနိုင်နှင့် တာဝန်ရှိသူများ၊ မြ၀တီခရိုင်မှ တာဝန်ရှိသူများနှင့် လူမှုရေးအသင်းအဖွဲ့များ တက်ရောက်ခဲ့သည်။

ပေါင်းတည်မြို့နယ် မှတ်တိုင်နယ်မြေတွင် ၁၃ နှစ်သမီးအား ပထွေးဖြစ်သူက ဓားဖြင့်ခြိမ်းခြောက်ကာ သားမယားပြုကျင့်မှုဖြစ်ပွား

ပဲခူးတိုင်းဒေသကြီး (အနောက်ပိုင်း)၊ ပြည်ခရိုင် ပေါင်းတည်မြို့တွင် ၁၃ နှစ်သမီးအား ပထွေးဖြစ်သူက ဓားဖြင့်ခြိမ်းခြောက်ကာ သားမယားပြုကျင့်မှု ဖြစ်ပွားခဲ့ကြောင်း သိရသည်။

အဆိုပါ ပေါင်းတည်မြို့နယ် ပျံချီတက်အုပ်စု၊ ညောင်နီပင်ရွာတွင် မ—-(၃၃ နှစ်) သမီးဖြစ်သူမ (၁၃ နှစ်)၊ သမီးအငယ် (၁၁ နှစ်) နှင့် နောက်အိမ်ထောင်ဖြစ်သူ နိုင်နိုင်စိုး (ခ) ဘီးချဲတို့မှာ ဖေဖော်ဝါရီ ၂၆ ရက် ည ၁၀ နာရီခန့်က နေအိမ်တွင် အိပ်နေကြစဉ် ပထွေးဖြစ်သူ ဘီးချဲက အရက်မူးယစ်ကာ သမီးဖြစ်သူ (၁၃ နှစ်) အား ၎င်းနားတွင်လာအိပ်ရန် ပြောဆိုခဲ့ရာ မ—-(၃၃ နှစ်) က သွားမအိပ်ရန် ပြောဆိုခဲ့သော်လည်း အတင်းအကျပ် ခိုင်းစေသောကြောင့် သွားရောက်အိပ်ခဲ့ရကြောင်း၊ နာရီဝက်ခန့်အကြာတွင် ဘီးချဲဖြစ်သူမှာ သမီးဖြစ်သူ မ —– (၁၃ နှစ်) အား သားမယားအဖြစ် ပြုကျင့်ခဲ့ကြောင်း ရဲမှတ်တမ်းများအရ သိရသည်။

သားမယားအဖြစ် ပြုကျင့်နေကြောင်းသိ၍ မိခင်ဖြစ်သူမှာ တားမြစ်သော်လည်း ပထွေးဖြစ်သူမှာ ဓားဦးချွန်ကိုဘေးတွင်ချကာ အရှက်မကွဲချင်ရင် မအော်နဲ့၊ အော်လျှင် ဓားဖြင့်ထိုးမည်ဟုပြောဆိုကာ သားမယားအဖြစ် ဆက်လက်ပြုကျင့်နေခဲ့၍ ရဲစခန်းတွင် လာရောက်အမှုဖွင့် တိုင်တန်းခဲ့ခြင်းဖြစ်ကြောင်း သိရသည်။

အဆိုပါ သားမယားအဖြစ်ပြုကျင့်ခဲ့သူအား မှတ်တိုင်နယ်မြေရဲစခန်းတွင် (ပ) ၂၂/ ၂၀၁၈၊ ရာဇသတ်ကြီးပုဒ်မ ၃၇၆ ဖြင့် အမှုဖွင့် ဖမ်းဆီးအရေးယူ ဆောင်ရွက်လျက်ရှိကြောင်း သိရသည်။

ပုသိမ်မြို့ ရွှေတွင်းတူးကျေးရွာတွင် ကျင်းပသော မြတ်ဒီပါရုံဘုရားပွဲတွင် လူငယ်တစ်စုရန်ဖြစ်နေသည်ကို သွားရောက်ဖျန်ဖြေသည့် ရဲတပ်ဖွဲ့ဝင်များအား ပြန်လည်ရန်ပြုမှုကြောင့် သေနတ်ပစ်ဖောက် လူစုခွဲခဲ့ရ

ပုသိမ်မြို့နယ် မဲဇလီကျေးရွာအုပ်စု ရွှေတွင်းတူးကျေးရွာတွင် ကျင်းပနေသော မြတ်ဒီပါရုံဘုရားပွဲတွင် ဖေဖော်ဝါရီ ၂၇ ရက် နံနက် ၁ နာရီခန့်က လူငယ်တစ်စု ရန်ဖြစ်နေသည်ကို သွားရောက်ဖျန်ဖြေသည့် လုံခြုံရေးတာဝန်ထမ်းဆောင်နေသော ရဲတပ်ဖွဲ့ဝင်များအား ရန်ဖြစ်နေသည့် လူငယ်များက ပြန်လည်ရန်ပြုမှုကြောင့် ရဲတပ်ဖွဲ့ဝင်များက မိုးပေါ်သို့ သေနတ်သုံးချက်ပစ်ဖောက်ကာ လူစုခွဲခဲ့ရကြောင်း သတင်းရရှိသည်။

ဖြစ်စဉ်မှာအဆိုပါနေ့တွင် မြတ်ဒီပါရုံဘုရားပွဲတွင် ကပြလျက်ရှိသော ဖိုးချစ်နိုင်ဇာတ်ရုံရှေ့တွင် အမည်မသိလူငယ် ၂၀ ခန့်မှာ အရက်သေစာများ သောက်စားလျက် စကားများရန်ဖြစ်နေသောကြောင့် ဘုရားပွဲတော် လုံခြုံရေးဆောင်ရွက်လျက်ရှိသော ရဲအုပ်စောတာမားစေး ဦးဆောင်သည့် ရဲတပ်ဖွဲ့ဝင်ကိုးဦး သွားရောက်ဖျန်ဖြေခဲ့ကြောင်း၊ ယင်းသို့သွားရောက်ဖျန်ဖြေရာတွင် ရန်ဖြစ်နေကြသည့် အမည်မသိလူငယ် ၂၀ အနက်မှ ခြောက်ဦးခန့်မှာ ထွက်ခွာသွားသော်လည်း ကျန်ရှိသည့်လူငယ်များက လာရောက်ဖျန်ဖြေသည့် ရဲတပ်ဖွဲ့ဝင်များကို ရန်ပြုတိုက်ခိုက်ခဲ့ကြကြောင်း၊ ယင်းသို့ ရန်ပြုတိုက်ခိုက်မှုကြောင့် ရဲတပ်သားတစ်ဦး ထိခိုက်ဒဏ်ရာများရရှိခဲ့ပြီး လုံခြုံရေးတာဝန်ရယူထားသည့် ရဲတပ်ဖွဲ့ဝင်များက သေနတ်အား မိုးပေါ်သို့ချိန်ကာ သုံးချက်တိတိ ပစ်ဖောက်လူစုခွဲခဲ့ရကြောင်း သိရသည်။

ယင်းဖြစ်စဉ်နှင့်ပတ်သက်၍ မြင်းကကွင်းနယ်မြေရဲစခန်းက (ပ) ၉/၂၀၁၈ ရာဇသတ်ကြီးပုဒ်မ ၃၃၂/၁၁၄ ဖြင့် အမှုဖွင့်အရေးယူဆောင်ရွက်ထားပြီး ဘုရားပွဲတော်တွင် မူးယစ်ရန်ဖြစ်ကာ ရဲတပ်ဖွဲ့ဝင်များကိုပါ ပြန်လည်ရန်ပြုခဲ့သည့် ကိုဖိုးကွာစိ၊ ကိုပိစိ၊ ကိုသန်းကို၊ ကိုမိုးကျော်တို့အား ဖမ်းဆီးစစ်ဆေးလျက်ရှိကာ ပူးပေါင်းပါဝင်ခဲ့သော ကျန်ရှိသူများကိုပါ ဆက်လက်ဖမ်းဆီးစစ်ဆေးနိုင်ရေး ဆောင်ရွက်နေကြောင်း သိရသည်။

အင်းတော်ကြီးဘုရားပွဲ ကာလအတွင်း စက်လှေတိမ်းမှောက်မှုဖြစ်စဉ်ကို သင်ခန်းစာယူ၍ နောင်နှစ်များတွင် ကြပ်မတ်ဆောင်ရွက်သွားရမည်ဖြစ်ကြောင်း ပြည်နယ်လွှတ်တော်ကိုယ်စားလှယ် ပြောကြား

အင်းတော်ကြီးဘုရားပွဲတော် ကာလအတွင်း ဘုရားဖူးလာရောက်ကြသူများအား တွေ့ ရစဉ်

အင်းတော်ကြီးဘုရားပွဲကာလအတွင်း စက်လှေတိမ်းမှောက်မှုဖြစ်ပွားခဲ့သည့် ဖြစ်စဉ်ကို သင်ခန်းစာယူကာ နောင်နှစ်များတွင် ထိုသို့မဖြစ်ပွားရန် ကြပ်မတ်ဆောင်ရွက်သွားရမည်ဖြစ်ကြောင်း မိုးညှင်းမဲဆန္ဒနယ်မှ ကချင်ပြည်နယ် လွှတ်တော်ကိုယ်စားလှယ် ဦးကျော်ကျော်ဝင်းက ပြောကြားသည်။

တပေါင်းလဆန်း ၈ ရက်မှ တပေါင်းလပြည့်နေ့အထိ ကျင်းပလျက်ရှိသည့် ယခုနှစ် အင်းတော်ကြီးဘုရားပွဲတော်တွင် လိုအပ်ချက်များရှိနေခဲ့ပြီး ဘုရားပွဲတော်ကာလအတွင်း တရားဝင်ပြေးဆွဲလျက်ရှိသည့် စက်လှေများတွင် အသက်ကယ်အင်္ကျီမပါရှိခြင်း၊ လှေနှင့်ဝန်မမျှဘဲတင်ဆောင်ခြင်း အစရှိသည့် ဘုရားဖူးများ ဘေးအန္တရာယ်ကင်းရှင်းရေးအပိုင်းတွင် အားနည်းမှုများရှိခဲ့ကြောင်း ဦးကျော်ကျော်ဝင်းက ပြောကြားသည်။

“အဓိကကတော့ စက်လှေတွေဟာ လှေနဲ့ဝန်မမျှဘဲ တင်တာပါပဲ။ စက်လှေက သေးသေး လူကများများ အဲ့ဒီလိုမတန်တဆတင်တဲ့ ကိစ္စဖြစ်ပါတယ်။ အခုသေဆုံးသွားတဲ့ ကလေးတွေဆိုရင် အင်းဘေးနားက ကလေးတွေဖြစ်တဲ့အတွက် သူတို့တွေဟာ အနည်းဆုံး ရေကူးတတ်တဲ့ကလေးတွေချည်းပဲ။ လှိုင်းနဲ့လေနဲ့ကြောင့်မို့လို့ အဲဒီလိုဖြစ်သွားတဲ့ သဘောရှိပါတယ်။ ရုတ်တရက်ဆိုတော့ ဘယ်လိုလုပ်ရမှန်းမသိတော့ဘူးပေါ့နော်။ ဧည့်သည်တွေအတွက်ဆိုရင် လိုက်ဖ်ဂျတ်ကတ်တွေရှိဖို့ လိုပါတယ်။ တချို့စက်လှေတွေမှာတော့ ရှိတာပေါ့နော်။ အဲဒါတွေလည်းပဲ စက်လှေတိုင်းမှာ ရှိဖို့လိုတယ်ဆိုတဲ့ အဓိပ္ပာယ်တော့ရပြီ။ ရေကူးတတ်ခြင်း၊ မကူးတတ်ခြင်းနဲ့မဆိုင်ဘူး။ အဲဒီလို လိုက်ဖ်ဂျက်ကတ်တွေ စက်လှေတိုင်းမှာ ရှိဖို့လိုတယ်။ နောက်တစ်ချက်က လှေနဲ့ဝန်မျှအောင်တင်ရမယ်။ ပိုပြီးတင်တဲ့အခါကျတော့ လှိုင်းနဲ့လေနဲ့ဖြစ်တဲ့အခါမှာ မှောက်နိုင်တယ်လေ။ အဲ့ဒီမှာ လူမှုကူညီရေးအသင်းတွေ၊ ကားတွေ၊ လူတွေလည်း အရန်သင့်ရှိပါတယ်။ ရှိပေမယ့်လည်း ပွဲခင်းလောက်မှာပဲ ရှိပါတယ်။ ကျန်တဲ့နေရာဖြစ်ခဲ့ရင် အင်းကလည်း အကျယ်ကြီးဆိုတော့ နည်းနည်းတော့ ခက်ခဲတာပေါ့။ ဒီအားနည်းချက်တွေနဲ့ ပတ်သက်ပြီး အဓိကတာဝန်ရှိတာကတော့ ပွဲတော်ကျင်းပရေးကော်မတီပေါ့ဗျာ။ နောက်ဆိုရင် အဲဒီကော်မတီအောက်မှာ ဘေးအန္တရာယ်ကင်းရှင်းရေး ဆပ်ကော်မတီတစ်ခုလောက် ဒီလိုစီမံဖို့လိုပါတယ်။ နောက်နှစ်တွေဆိုရင်တော့ ဒီလိုမဖြစ်အောင် ကြပ်မတ်သွားဖို့ရှိပါတယ်။ ဒီနှစ်မှာလည်း ကြိုတင်ပြီးတော့မှ အစည်းအဝေးတော့ လုပ်ခဲ့ပါတယ်။ လုပ်ခဲ့ပေမယ့်လို့ စည်းကမ်းကြပ်မတ်မှုအပိုင်းမှာ လိုသွားတဲ့အပိုင်းတွေ ရှိတာပေါ့ဗျာ။ နောက်နှစ်မှာတော့ ဒါကသင်ခန်းစာပဲလေ။ နောက်နှစ်မှာတော့ ဒါမျိုးကို ကျွန်တော်တို့ ကောင်းကောင်းကြပ်မတ်ရမယ်။ စက်လှေအဖွဲ့ကို လိုအပ်တဲ့စစ်ဆေးမှုတွေ လုပ်ပါမယ်” ဟု မိုးညှင်းမဲဆန္ဒနယ်မှ ကချင်ပြည်နယ် လွှတ်တော်ကိုယ်စားလှယ် ဦးကျော်ကျော်ဝင်းက ပြောကြားသည်။

ကချင်ပြည်နယ် မိုးညှင်းခရိုင်အင်းတော်ကြီးဒေသတွင် ဖေဖော်ဝါရီ ၂၅ ရက်ညနေပိုင်းက လုံးစန့်ကျေးရွာ အထက (ခွဲ) မှ ဆရာမနှင့် ကျောင်းသားကျောင်းသူများပါဝင်သည့် ဘုရားဖူးစက်လှေတစ်စင်းမှာ အင်းတော်ကြီး ရွှေမဉ္ဇူရေလယ်ဘုရားသို့ ဘုရားဖူးပြီး နန့်မီးလောင်ဘုရားမှ ကျေးရွာဘက်သို့အပြန်တွင် အင်းလယ်အတွင်း လေထန်လာမှုကြောင့် ကမ်းဘက်သို့ ပြန်လှည့်စဉ် စက်လှေအတွင်းရေ၀င်ကာ တိမ်းမှောက်မှုဖြစ်ပွားခဲ့ပြီး အဋ္ဌမတန်းကျောင်းသားကျောင်းသူ ရှစ်ဦးနှင့် စက်လှေဆရာ၏ သမီးတစ်ဦး ရေနစ်သေဆုံးခဲ့ကြောင်း သိရသည်။

“အင်းတော်ကြီးဘုရားပွဲဆိုတာ နှစ်စဉ် နှစ်တိုင်း ကျင်းပနေတာပါ။ နိုင်ငံအနှံ့အပြားက ဘုရားဖူးတွေက တစ်နှစ်ထက်တစ်နှစ် များပြားပါတယ်။ ရေပြင်ကျယ်အင်းကြီးဖြစ်တာနဲ့အညီ မိသားစုလိုက်၊ အုပ်စုလိုက် စက်လှေအပျော်စီးကြတာ ဘုရားဖူးကြတာရှိပါတယ်။ ဒါပေမဲ့ ဒီလိုစက်လှေစီးတဲ့အခါမှာ လိုက်ဖ်ဂျက်ကတ် အသက်ကယ်ဝတ်စုံတွေမရှိတာ၊ လူဦးရေကန့်သတ်မထားတာတွေ တွေ့ရပါတယ်။ ဘုရားဖူးခရီးသည်တွေ သွားလာနေထိုင်တဲ့အခါ အန္တရာယ်ကင်းရှင်းဖို့၊ မီးဘေး၊ ရေဘေးကြုံတဲ့အခါ အချိန်နဲ့တစ်ပြေးညီ ကယ်ဆယ်ရေးတွေလုပ်နိုင်ဖို့ ကြိုတင်အစီအမံတွေ ဆောင်ရွက်ထားတာ အင်မတန်အားနည်းပါတယ်။ ပွဲတော်ကျင်းပရေးကော်မတီအနေနဲ့ အမြော်အမြင်ကြီးကြီးနဲ့ ကြိုတင်ကာကွယ်ရေးအစီအမံတွေ ဆောင်ရွက်သင့်ပါတယ်” ဟု ဘုရားဖူးခရီးသည်တစ်ဦးက ပြောကြားသည်။

ဟုမ္မလင်းမြို့နယ်ရှိ သက်တမ်း ၂၀၀၀ ကျော် ရှေးဟောင်း ကင်းစေတီတော်ဘုရားပွဲ စတင်ကျင်းပ

ရှေးဟောင်း ကင်းစေတီတော်ကို ဖူးမြော်ရစဉ်

စစ်ကိုင်းဒေသကြီး ဟုမ္မလင်းမြို့နယ် နောင်ပိုအောင်ကျေးရွာရှိ သက်တမ်း ၂၀၀၀ ကျော် ရှေးဟောင်း ကင်းစေတီတော်ဘုရားပွဲ စတင်ကျင်းပနေကြောင်း သိရသည်။

ဖေဖော်ဝါရီ ၂၇ ရက် (တပေါင်းလဆန်း ၁၃ ရက်နေ့) မှ စတင်ကျင်းပခဲ့ခြင်းဖြစ်ပြီး ၂၉ ရက် (တပေါင်းလပြည့်နေ့) အထိ ကျင်းပသွားမည်ဖြစ်ကြောင်း သိရသည်။

ကင်းစေတီတော်ကို သီရိဓမ္မာသောက မင်းကြီးလက်ထက် အရှင်မဟာသောဘဏမထေရ်မှ စတင်တည်ထားခဲ့သည်ဟု စေတီတော်သမိုင်းကျောက်စာတွင် ဖော်ပြထားပြီး မိုးကောင်းမင်းလက်ထက်တွင် ကသည်းလူမျိုးများအား တိုက်ထုတ်ရန် တည်ထားခဲ့သော ကင်းရွာများအားအစွဲပြု၍ ကင်းစေတီတော်ဟု အမည်တွင်ခဲ့ခြင်းဖြစ်ကြောင်း ကင်းစေတီတော်ဂေါပက ဥက္ကဋ္ဌ ဦးစိုင်းတင့်လွင်က ပြောကြားသည်။

“ဒီဒေသခံ ရှမ်းနီလူမျိုးတွေက သာကီဝင်မင်းမျိုးတွေကို ပျူယမ်းယံလို့ခေါ်ကြတယ်။ ဆရာတော် အရှင်မဟာသောဘဏမထေရ်နဲ့ သာကီဝင်မင်းမျိုး ဦးဆောင်ပြီးတည်ခဲ့တဲ့ စေတီတော်ဖြစ်လို့ ပျူကမ်းယံစေတီလို့ ခေါ်ခဲ့ကြတယ်။ ကမ်းစေတီပေါ့။ နောက်ပိုင်းတော့ မိုးကောင်းမင်းကြီးလက်ထက်မှာ မဏိပူရအာသံဘက်က ကသည်းလူမျိုးတွေက ဒီဘက်နယ်မြေတွေကို ကျူးကျော်လာတဲ့အခါ သူတို့ကိုပြန်တိုက်ဖို့ ဒီနယ်မြေမှာအုပ်ချုပ်တဲ့ စော်ဘွားတွေက တောင်ကင်း မြောက်ကင်းတွေ လာချကြတယ်။ ဥရုမြစ်ဘေး ၀ဲယာတစ်လျှောက်က ရွာတွေက မြောက်ကင်းအုပ်စုတွေဖြစ်တယ်။ အဲဒီကင်းရွာတွေကိုအစွဲပြုပြီး ကမ်းစေတီကနေ တဖြည်းဖြည်း ကင်းစေတီဖြစ်လာတယ်” ဟု ဦးစိုင်းတင့်လွင်က ပြောကြားသည်။

ကင်းစေတီတော်တွင် ရှေးယခင်က စေတီအရံအဆူပေါင်း ၃၂၅ ဆူရှိခဲ့ကြောင်းနှင့် နှစ်ကာလကြာမြင့်မှုကြောင့် အချို့စေတီတော်များ ပျက်စီးသွားသဖြင့် ယခုအခါ အရံစေတီပေါင်း ၂၆၃ ဆူသာကျန်ရှိတော့ကြောင်း သိရသည်။

ကင်းစေတီတော်ပွဲတော်ကို ခေတ်အခြေအနေများအရ မကျင်းပနိုင်ခဲ့သည်မှာ ၂၇ နှစ်ကြာမြင့်ခဲ့ပြီး ယခုနှစ်မှ ပြန်လည်စတင်ကျင်းပနိုင်ခဲ့ခြင်းဖြစ်ကာ နောက်နှစ်များတွင်လည်း ဆက်လက်ကျင်းပသွားမည်ဖြစ်ကြောင်း သိရသည်။

မန္တလေးစည်ပင်မှ အရပ်ရပ်ဆိုင်ရာ လုပ်ငန်းလိုင်စင်များ၏ ကြမ်းခင်းတင်ဒါကြေးကို ၁၀ ရာခိုင်နှုန်း တိုးမည်

မန္တလေးစည်ပင်မှ အရပ်ရပ်ဆိုင်ရာ လုပ်ငန်းလိုင်စင်များ၏ ကြမ်းခင်းတင်ဒါကြေးကို ၁၀ ရာခိုင်နှုန်း တိုးမည်ဖြစ်ကြောင်း စည်ပင်သာယာရေးကော်မတီမှ သတင်းရရှိသည်။

ယခုနှစ် ၂၀၁၈-၂၀၁၉ ဘဏ္ဍာနှစ်အတွက် လုပ်ငန်းလိုင်စင် ကြမ်းခင်းတင်ဒါ ချထားပေးမည်ဖြစ်ရာ ယခင်နှစ်များက တင်ဒါကြမ်းခင်းဈေးထက် ၁၀ ရာခိုင်နှုန်း တိုးမြှင့်မည်ဖြစ်ကြောင်း သိရသည်။

“မန္တလေးမြို့အတွက် ဆောင်ရွက်ပေးစရာတွေ ပိုများလာတဲ့အခါ ဒါတွေဆောင်ရွက်နိုင်ဖို့ ငွေကြေးလိုပါတယ်။ ဒါကြောင့် အခုလို ဖြည်းဖြည်းချင်းလုပ်ငန်းလိုင်စင် ချထားပေးမှုတွေမှာ တိုးမြှင့်ရခြင်းဖြစ်ပါတယ်။ ကျွန်တော်တို့ စတင်တာဝန်ယူရစဉ်ကာလမှာ အခက်အခဲတွေ အများကြီးကြုံတွေ့ရပါတယ်။ လုပ်ငန်းရှင်အချို့ရဲ့ စည်းကမ်းဖောက်ဖျက်မှုတွေ၊ တင်ဒါချိုးတာတွေ ပြုလုပ်တဲ့အတွက် နစ်နာမှုတွေရှိပါတယ်။ ဒါကြောင့် စည်ပင်သာယာလုပ်ငန်းတွေမှာ လုပ်ငန်းရှင်အသစ်တွေ ၀င်ရောက်လုပ်ကိုင်ဖို့ ဖိတ်ခေါ်ချင်ပါတယ်” ဟု စည်ပင်သာယာရေးကော်မတီဝင် ဦးကျော်ဇောအောင်က ပြောကြားသည်။

မန္တလေးမြို့တော် စည်ပင်သာယာရေးကော်မတီမှ ပြန်လည်ချထားပေးမည့် လုပ်ငန်းအမျိုးအစားပေါင်း ၁၅ မျိုးရှိပြီး ၂၀၁၇-၂၀၁၈ ဘဏ္ဍာနှစ်တွင် လုပ်ငန်းစုစုပေါင်း ၄၄၇ ခုချထားပေးခဲ့ကာ တင်ဒါကြေး ကျပ်သန်းပေါင်း တစ်သောင်းရှစ်ထောင်ကျော် (၁၈၃၂၉၄၈၈၃၀၆) ရရှိခဲ့ကြောင်း သိရသည်။

ဝက်သားဆိုင်၊ အမဲသားဆိုင်၊ ဆိတ်သားဆိုင်၊ ရေချိုးရုံ/အိမ်သာ၊ ယာဉ်အပ်နှံခ၊ အပေါင်ဆိုင်၊ ယာဉ်ရပ်နား (ကန့်သတ်)၊ ဈေးကောက်၊ မိကျောင်းတက်ကူးကို့၊ ဆိပ်ကမ်းဈေးကောက်နှင့် ယာဉ်ရပ်နား၊ တည်းခိုခန်း၊ ပြည်ကြီးမင်္ဂလာဂိုဒေါင်၊ ဒိုဘီကန် မြေနေရာငှားရမ်းခနှင့် လမ်းအသုံးပြုခ စသည်တို့ကို လုပ်ကိုင်ခွင့် လေလံရောင်းချမည်ဖြစ်သည်။

အညာဒေသ၏ ထင်ရှားသည့်ပွဲတော်များအနက် တစ်ခုအပါအ၀င်ဖြစ်သည့် သမိုင်းဝင်ရွှေစာရံဘုရား ဗုဒ္ဓပူဇနိယပွဲတော် ယနေ့စတင်မည်

ယခုနှစ် ရွှေစာရံဘုရားပွဲတော် မကျင်းပမီမြင်ကွင်း

အထက်အညာဒေသ၏ ထင်ရှားသည့် ဘုရားပွဲတော်များအနက် တစ်ခုအပါအ၀င်ဖြစ်သည့် သမိုင်းဝင်ရွှေစာရံဘုရား ဗုဒ္ဓပူဇနိယပွဲတော်ကို တပေါင်းလပြည့်နေ့ (ယနေ့) မှစတင်ကာ တပေါင်းလပြည့်ကျော် ၉ ရက် (မတ် ၁၀) ရက်အထိ ကျင်းပမည်ဖြစ်ကြောင်း သိရသည်။

မန္တလေးတိုင်းဒေသကြီး ပုသိမ်ကြီးမြို့နယ် ရွှေစာရံကျေးရွာရှိ သမိုင်းဝင်ရွှေစာရံဘုရား ဗုဒ္ဓပူဇနိယပွဲတော်ကို နှစ်စဉ်တပေါင်းလပြည့်နေ့မှစတင်ကာ တပေါင်းလပြည့်ကျော် ၉ ရက်အထိ ပွဲတော်ကို ၁၀ ရက်ကြာ အစဉ်အလာမပျက် ကျင်းပလေ့ရှိကြောင်း သိရသည်။ အဆိုပါ ရွှေစာရံဘုရားပွဲတော်မစတင်မီ ရက်ပိုင်းအတွင်းကပင် ရွှေစာရံဘုရားပွဲတော် အထိမ်းအမှတ်ပစ္စည်းများအနက် တစ်ခုအပါအ၀င်ဖြစ်သည့် ထန်းရွက်ပုတီးရောင်းချသည့် ဈေးသည်များ၊ ရှမ်းပြည်နယ်မြောက်ပိုင်း ဒေသထွက်ပစ္စည်းရောင်းချသည့် ဈေးသည်များ၊ တောင်သူသုံးပစ္စည်း အရောင်းဆိုင်များ၊ ဘုရားဖူးလာဧည့်သည်များဖြင့် စည်ကားလေ့ရှိကြောင်း သိရသည်။

“ကျွန်တော်တို့ကတော့ ဘုရားပွဲမစခင် တစ်ပတ်လောက်အလိုကတည်းက ကြိုပြီးတော့ အရောက်လာရတယ်။ နှစ်စဉ်ဘုရားပွဲရက်တွေမှာ မိုးလေမဆော့ဘူးဆိုရင်တော့ ဈေးရောင်းရတာ အဆင်ပြေပါတယ်။ ရွှေစာရံဘုရားပွဲကလည်း စည်ကားတဲ့ပွဲတော်တစ်ခု ဖြစ်တာလည်းပါတာပေါ့။ ဒီနှစ်မှာလည်း ဘုရားပွဲမစခင်ကတည်းက စည်ကားနေပြီ။ အထူးသဖြင့် ရုံးပိတ်ရက်တွေမှာ လာရောက်သူတွေ များပါတယ်” ဟု ညောင်ဝန်းကျေးရွာမှ ထန်းရွက်ပုတီးနှင့် ထန်းရွက်ဖြင့်ပြုလုပ်သည့် ရိုးရာလက်မှုပစ္စည်းများကို လာရောက်ရောင်းချသူ ကိုဇော်ဝင်းထွန်းက ပြောကြားသည်။

ရွှေစာရံဘုရားပွဲတော် အထိမ်းအမှတ်ပစ္စည်းတစ်ခုဖြစ်သည့် ထန်းရွက်ပုတီးနှင့် ထန်းရွက်ဖြင့်ပြုလုပ်သည့် ရိုးရာလက်မှုပစ္စည်းများ လာရောက်ရောင်းချနေသည့် ဈေးသည်များမှာ ကုန်ကြမ်းပစ္စည်းရှားပါးလာသဖြင့် ထန်းရွက်ပုတီးလုပ်ကိုင်ရာတွင် အခက်အခဲများရှိကြောင်း ထန်းရွက်ပုတီး ပြုလုပ်ရောင်းချနေသည့် ဈေးသည်များထံမှ သိရသည်။ သမိုင်းဝင် ရွှေစာရံဘုရားပွဲတော်သို့ လာရောက်ရောင်းချနေသည့် ထန်းရွက်ပုတီးအပါအ၀င် ထန်းရွက်နှင့်ပြုလုပ်သည့် လက်မှုပစ္စည်းများကို ကျောက်ဆည်မြို့နယ်အတွင်းရှိ ညောင်ဝန်းကျေးရွာတွင် အဓိကပြုလုပ်ကြပြီးနောက် ဘုရားပွဲတော်သို့ လာရောက်ရောင်းချခြင်းဖြစ်ကြောင်း သိရသည်။

သမိုင်းဝင်ရွှေစာရံဘုရားပွဲတော်သို့ ထန်းရွက်ပုတီးနှင့် ထန်းရွက်ဖြင့် ပြုလုပ်ရောင်းချသည့် လက်မှုပစ္စည်းများ၊ ရှမ်းပြည်နယ်မြောက်ပိုင်းထွက် ပစ္စည်းများဖြစ်သည့် ဆေးနှင့်ဆေးရွက်များ၊ ဒေသထွက်မုန့်နှင့် ထုတ်ကုန်ပစ္စည်းများ၊ အညာဒေသ ထုတ်ကုန်ပစ္စည်းများ၊ တောင်သူသုံးပစ္စည်းများ အစရှိသည့် ကုန်ပစ္စည်းမျိုးစုံ လာရောက်ရောင်းချကြကြောင်း သိရသည်။ ရွှေစာရံဘုရားပွဲတော်သို့ လာရောက်လည်ပတ်ကြသူများမှာ ပွဲတော်အတွင်း ခင်းကျင်းရောင်းချသည့် ထန်းရွက်ပုတီးများ ၀ယ်ယူခြင်း၊ ဒုဌ၀တီမြစ်အတွင်း ရေချိုးခြင်း၊ အပျော်စက်လှေစီး၍ လည်ပတ်ခြင်းများ ပြုလုပ်ကြကြောင်း သိရသည်။

သမိုင်းဝင်ရွှေစာရံဘုရားကို ပုဂံခေတ် အနော်ရထာမင်း၏ မိဖုရားစောမွန်လှက ၎င်း၏နေရပ်ဒေသဖြစ်သည့် ရှမ်းပြည်နယ်မြောက်ပိုင်းသို့ အပြန်လမ်းခရီးတွင် သစ္စာအဓိဋ္ဌာန်ပြု၍ တည်ထားကိုးကွယ်ခဲ့သည့် သမိုင်းဝင်စေတီတစ်ဆူဖြစ်ကြောင်း သိရသည်။