■ စံချိန်တင်ကြေးဖြင့် အာဆင်နယ်သို့ အူဘာမီယန်းရောက်ရှိ အာဆင်နယ်မှ ဂျရူးက ချယ်လ်ဆီး၊ ချယ်လ်ဆီးမှ ဘတ်ရှူအာယီကဒေါ့မွန်သို့ ပြောင်းရွှေ့ပြီး (၃)သင်းပတ်လည် အပြောင်းအရွှေ့ဖြစ်ပေါ်

Photo: Arsenal FC,Twitter

အာဆင်နယ်အသင်းသည် ဒေါ့မွန်အသင်းထံမှ ဂါဘွန်တိုက်စစ်မှူး အူဘာမီယန်းကို ကလပ် စံချိန်တင်ပြောင်းရွှေ့ကြေး ပေါင်(၅၆)သန်းဖြင့်ခေါ်ယူခဲ့ကြောင်း သိရှိရသည်။

အာဆင်နယ်အသင်းသည် အူဘာမီယန်း ကို (၃)နှစ်ခွဲစာချုပ်ချုပ်ဆိုခဲ့ပြီး ပြီးခဲ့သည့်ဇန်န၀ါရီ (၃၁)ရက်နေ့က အာဆင်နယ်အသင်းဝတ်စုံဖြင့် အူဘာမီယန်း၏ဓာတ်ပုံများကို ကလပ်အသင်း ၀က်ဘ်ဆိုက်တွင် ဖော်ပြခဲ့သည်။ အာဆင်နယ်အသင်းတွင် အရင်က ပြောင်းရွှေ့ကြေးစံချိန်တင်ထား သူမှာ ပြင်သစ်တိုက်စစ်မှူး လာကာဇက်ဖြစ်ပြီး လိုင်ယွန်အသင်းမှ ပြောင်းရွှေ့ကြေး ပေါင်(၅၂.၇)သန်းဖြင့် ရောက်ရှိလာခဲ့ခြင်းဖြစ်သည်။ ယခု အူ ဘာမီယန်းက သူ၏စံချိန်ကို ကျော်ဖြတ်ခဲ့ခြင်းဖြစ်သည်။ အူဘာမီယန်းသည် ဒေါ့မွန်အသင်းတွင် (၄)နှစ်ခွဲကြာကစားခဲ့ပြီး ပြိုင်ပွဲစုံ(၂၁၃)ပွဲကစားရာ၌ (၁၄၁)ဂိုးသွင်းယူပေးခဲ့သည်။

အာဆင်နယ်အသင်းက အူဘာမီယန်းအား ခေါ်ယူခဲ့ပြီးနောက် အသင်း၏ ပြင်သစ်တိုက်စစ်မှူး ဂျရူးကို မြို့ခံပြိုင်ဘက် ချယ်လ်ဆီးအသင်းသို့ ပြောင်းရွှေ့ကြေး ပေါင်(၁၈)သန်းဖြင့် ရောင်းချခဲ့ကြောင်း သိရှိရသည်။ မူလက အသက်(၃၁)နှစ်အရွယ် ဂျရူးကို ချယ်လ်ဆီးအသင်းက အငှားစာချုပ်ဖြင့်သာခေါ်ယူရန် စီစဉ်ခဲ့သော်လည်း အပြောင်းအရွှေ့နောက်ဆုံးနေ့ရက်တွင် ပေါင်(၁၈)သန်းဖြင့် သဘောတူညီမှုရခဲ့ကြောင်း ဗြိတိန်သတင်းစာများ က ဖော်ပြခဲ့ကြသည်။

ချယ်လ်ဆီးအသင်းကလည်း ၎င်းင်းတို့၏ ဘယ်လ်ဂျီယံတိုက်စစ်မှူး ဘတ်ရှူအာယီကို ဒေါ့မွန်အသင်းထံသို့ အငှားစာချုပ်ဖြင့် ပြောင်းရွှေ့ခွင့်ပြုခဲ့ကြောင်း သိရှိရသည်။ သို့ဖြစ်ရာ အပြောင်းအရွှေ့ေ နာက်ဆုံးနေ့ရက်ဖြစ် သည့် ဇန်န၀ါရီ(၃၁)ရက်နေ့တွင် အာဆင်နယ်-ချယ်လ်ဆီး -ဒေါ့မွန်အသင်းများ၏ (၃)ပွင့်ဆိုင်ကစားသမားအပြောင်းအရွှေ့အဖြစ် အူဘာမီယန်း-ဂျရူး-ဘတ်ရှူ အာယီတို့၏ အပြောင်းအရွှေ့များဖြစ်ပေါ်ခဲ့ခြင်း ဖြစ်သည်။

အာဆင်နယ်အသင်းသည် ဒေါ့မွန်ကစားသမားဟောင်းဖြစ်သည့် မစ်ခီတာရီယန်ကို မန်ယူအသင်းထံမှခေါ်ယူထားရာ အူဘာမီယန်းသည် သူ၏ အသင်းဖော်ဟောင်းနှင့် ပြန်လည်ဆုံတွေ့ရမည်ဖြစ်သည်။ အာဆင်နယ်အသင်းနှင့် စာချုပ်ချုပ်ဆိုပြီး နောက် အူဘာမီယန်းက” နောက်ဆုံးမှာတော့ ကျွန်တော် ဒီအသင်းကိုရောက်ရှိလာတဲ့အတွက် အလွန်ပဲ ၀မ်းသာမိပါတယ်။ ကျွန်တော် မီကီ(မစ်ခီတာရီယန်)နဲ့ ဒီအသင်းမှာ ပြန်တွေ့တော့မှာပါ။ ဒီလိုကြီးကျယ်ခမ်းနားတဲ့အသင်းတစ်သင်းမှာ ကစားခွင့်ရမယ့်အတွက် ကျွန်တော်ပျော်ရွှင်မိပါတယ်။ ဒီအသင်းဟာ ကြီးမားတဲ့သမိုင်းကြောင်းရှိပြီး တိုက်စစ်မှူးတိုင်း စံနမူနာထားရမယ့် အွန်နရီလို ဂန္ထ၀င်ကစားသမားတွေ ကစားခဲ့တဲ့အသင်းပါ” ဟု ပြောကြားခဲ့သည်။

 

မြောက်ဦးမြို့နယ် အုပ်ချုပ်ရေးမှူးဟောင်း ဦးဘိုဘိုမင်းသိုက်အား သတ်ဖြတ်သည်ဟု သံသယရှိသူ လေးဦးအား ရန်ကုန်တိုင်းဒေသကြီး မြို့နယ်နှစ်ခုတွင် ဖမ်းဆီးစစ်ဆေးနေ

Photo: Ministry of Home Affairs, Myanmar

မြောက်ဦးမြို့နယ် အုပ်ချုပ်ရေးမှူးဟောင်း ဦးဘိုဘိုမင်းသိုက်အား သတ်ဖြတ်သည်ဟု သံသယရှိသူ လေးဦးအား ရန်ကုန်တိုင်းဒေသကြီး မြို့နယ်နှစ်ခုတွင် ဖမ်းဆီးရမိကြောင်းနှင့် ၎င်းတို့အား စစ်ဆေးနေကြောင်း ရန်ကုန်တိုင်းဒေသကြီးရဲတပ်ဖွဲ့မှ သိရသည်။

မြောက်ဦးမြို့နယ် အုပ်ချုပ်ရေးမှူးဟောင်း ဦးဘိုဘိုမင်းသိုက်မှာ ဇန်န၀ါရီ ၃၀ ရက် ညနေ ၄ နာရီခွဲခန့်တွင် မြောက်ဦး- စစ်တွေကားလမ်းပေါ်ရှိ ကျောက်တော်နှင့် ပုဏ္ဏားကျွန်းအကြား သရက်ချိုကျေးရွာအနီးတွင် လုပ်ကြံ သတ်ဖြတ်ခံရခြင်းဖြစ်သည်။

ဦးဘိုဘိုမင်းသိုက်အား သတ်ဖြတ်သွားသည်ဟု သံသယရှိသူများကို ဇန်န၀ါရီ ၃၁ ရက် ညနေပိုင်းတွင် ရန်ကုန်တိုင်းဒေသကြီး မရမ်းကုန်းမြို့နယ်နှင့် သန်လျင်မြို့နယ်တို့တွင် ဖမ်းဆီးရမိခဲ့ခြင်းဖြစ်ကြောင်း ရန်ကုန်တိုင်းဒေသကြီး ရဲတပ်ဖွဲ့မှ သိရသည်။

ဇန်န၀ါရီ ၃၁ ရက် မွန်းလွဲ ၁၂ နာရီခွဲခန့်တွင် ရန်ကုန်တိုင်းဒေသကြီး မရမ်းကုန်းမြို့နယ် (၆)ရပ်ကွက် ကျိုက်ဝိုင်းဘုရားလမ်း စူရတီစန္ဒီဗလီရှေ့တွင် Hilux Surf စီးနင်းလာသူ မြောက်ဦးမြို့နယ် တိမ်ညိုကျေးရွာနေ မင်းသန်းဌေး (၂၀ နှစ်) အား သတင်းအရ စစ်ဆေးခဲ့ကြောင်း ရန်ကုန်တိုင်းဒေသကြီးရဲတပ်ဖွဲ့မှ သိရသည်။

၎င်း၏ ထွက်ဆိုချက်များအရ သန်လျင်မြို့နယ် လက်ယက်စမ်းကျေးရွာ ကွက်သစ် (၃) ရှိ မေတ္တာဂုဏ်ရည် သီလရှင်ကျောင်းတွင်နေထိုင်နေသည့် ၎င်းနှင့် ဆွေမျိုးတော်စပ်သည့် လူသတ်မှုမှ သံသယရှိသူ ကျော်မြင့်၊ ၎င်း၏ ဇနီး ကြည်ကြည်ဝင်းနှင့် အမျိုးသမီးတစ်ဦး (စိစစ်ဆဲ) တို့အား ဖမ်းဆီးရမိခဲ့ကြောင်း သိရသည်။

မယ်သီလရှင်ကျောင်းတွင်းရှိနေသည့် သံသယရှိသူများအား ၀င်ရောက်ဖမ်းဆီးခဲ့ရာတွင် ရဲတပ်ဖွဲ့ဝင်အင်အား အများအပြားနှင့်အတူ သာသနာရေးဝန်ကြီးဌာနမှ တာဝန်ရှိသူများ၊ ရပ်မိရပ်ဖများလည်း ပါဝင်ဖမ်းဆီးခဲ့ရပြီး ၎င်းတို့အား လက်ရှိတွင် ရန်ကုန်တိုင်းဒေသကြီး ရဲတပ်ဖွဲ့မှူးရုံးတွင် ဖမ်းဆီးစစ်ဆေးလျက်ရှိကြောင်း ရန်ကုန်တိုင်းဒေသကြီးရဲတပ်ဖွဲ့မှ သိရသည်။

သံသယရှိသူများနှင့်အတူ ဖမ်းဆီးရမိခဲ့သည့် Hilux Surf အမျိုးအစားယာဉ်အား သိမ်းဆည်းထားကြောင်း သိရသည်။

Photo: Ministry of Home Affairs, Myanmar

ထို့ပြင် ရခိုင်ပြည်နယ်တွင်လည်း မြောက်ဦးမြို့နယ် အုပ်ချုပ်ရေးမှူးဟောင်း ဦးဘိုဘိုမင်းသိုက် အသတ်ခံရမှုနှင့် ပတ်သက်ပြီး ရခိုင်ပြည်နယ်ရဲတပ်ဖွဲ့က ခေါ်ယူမေးမြန်းမှုများ ပြုလုပ်လျက်ရှိကြောင်း ဒေသခံများထံမှ သိရသည်။

“ကျွန်တော်တို့ရွာဘက်က လေးငါးယောက်ကို ပြည်နယ်ရဲတပ်ဖွဲ့က ခေါ်ယူမေးမြန်းနေတယ်။ တစ်ယောက်ချင်းစီမေး နေပါတယ်။ အတင်းအဓမ္မမေးတာမျိုးတော့မဟုတ်ဘူး။ ဘယ်လိုမြင်မိတာရှိလဲ၊ ဘာတွေသိထားလဲ လောက်သာမေးတာပါ။ ကျွန်တော်တို့ကလည်းဖြစ်ပြီးမှ ကားနဲ့လူကိုတွေ့တာပါလို့ဖြေခဲ့တယ်။ သာမန် မေးရုံမေးတာပါ၊ ကျွန်တော်တို့သိထားတာလောက်ကိုမေးတာပါ”ဟု ယိုးငူကျေးရွာအုပ်ချုပ်ရေးမှူး ဦးအောင်သိန်းရွှေက ပြောကြားသည်။

မြောက်ဦးမြို့နယ် အုပ်ချုပ်ရေးမှူးဟောင်း ဦးဘိုဘိုမင်းသိုက်မှာ မြောက်ဦးပဋ္ဋိပက္ခဖြစ်စဉ်ပြီးနောက် သုံးရက်အကြာ ဇန်န၀ါရီ ၁၉ ရက်တွင် ရခိုင်ပြည်နယ်အစိုးရအဖွဲ့ရုံးသို့ လက်ထောက်ညွှန်ကြားရေးမှူးရာထူးဖြင့် ပြောင်းရွှေ့ခံထားရပြီးနောက် ယင်းကဲ့သို့ လုပ်ကြံခံခဲ့ရခြင်း ဖြစ်သည်။

ဦးဘိုဘိုမင်းသိုက်မှာ မြောက်ဦးပဋ္ဋိပက္ခဖြစ်စဉ်ဖြစ်ပွားချိန်တွင် မြို့နယ်အုပ်ချုပ်ရေးမှူး တာဝန်ထမ်းဆောင်နေသူလည်းဖြစ်ရာ ယခုကဲ့သိုလုပ်ကြံခံခဲ့ရမှုမှာ မြောက်ဦးအရေးနှင့်ပတ်သက်ပြီး ပိုမိုစိတ်ဝင်စားဖွယ်ဖြစ်စေခဲ့သည်။

ဦးဘိုဘိုမင်းသိုက်နှင့်အတူ အခင်းမဖြစ်မီ ယာဉ်ပေါ်တွင် အမျိုးသား သုံး ဦးလည်းအတူပါရှိခဲ့သည်ဟုသိရပြီး လုပ်ကြံပြီးချိန်တွင် ယင်းတို့မှာ ထွက်ပြေးလွတ်မြောက်သွားခဲ့ကြောင်း စုံစမ်းသိရှိရသည်။

၎င်းတို့လိုက်ပါလာသောယာဉ်ကို ပတ်ဝန်းကျင်မှ တွေ့ရှိသောအချိန်တွင် တိမ်းမှောက်နေကြောင်း သိရသော်လည်း ဦးဘိုဘိုမင်းသိုက်မှာ ထိုးသွင်းဒဏ်ရာများကြောင့် သေဆုံးခဲ့ခြင်းဖြစ်ကြောင်း သိရသည်။

ထို့ပြင် ဦးဘိုဘိုမင်းသိုက် လိုက်ပါစီးနင်းလာသော မော်တော်ယာဉ်မှာ ရဲတပ်ဖွဲ့နှင့် တာဝန်ရှိသူများ၏ မှုခင်းဖြစ်စဉ်အပေါ် စစ်ဆေးချက်များရယူအပြီး ပြန်သွားချိန်တွင် ည ၈ နာရီခန့်က မီးရှို့ဖျက်ဆီးခံခဲ့ရကြောင်းလည်း သိရသည်။

ဇန်န၀ါရီ ၁၆ ရက်က ဖြစ်ပွားခဲ့သော မြောက်ဦးပဋ္ဋိပက္ခဖြစ်စဉ်အတွင်း ရဲတပ်ဖွဲ့က သေနတ်ဖြင့် ပစ်ခတ်နှိမ်နင်းမှုကြောင့် ဒေသခံ ခုနစ်ဦးသေဆုံးကာ ၁၂ ဦးဒဏ်ရာရရှိခဲ့ပြီး ယင်းဖြစ်စဉ်နှင့်ပတ်သက်၍ ရခိုင်ပြည်နယ်လွှတ်တော်မှ သီးခြားစုံစမ်းရေးကော်မတီတစ်ရပ် ဖွဲ့စည်းခြင်းကို ဇန်န၀ါရီ ၂၉ ရက်က မဲခွဲဆုံးဖြတ်အတည်ပြုခဲ့သည်။ ယင်းကဲ့သို့ ပြည်နယ်လွှတ်တော်မှ မြောက်ဦးဖြစ်စဉ်စုံစမ်းရေးအဖွဲ့ကို အတည်ပြုဖွဲ့စည်းပြီး တစ်ရက်အကြာတွင် မြောက်ဦးပဋ္ဋိပက္ခဖြစ်ပွားစဉ်အတွင်း မြောက်ဦးအုပ်ချုပ်ရေးမှူးတာဝန်ယူခဲ့သူ ဦးဘိုဘိုမင်းသိုက် လုပ်ကြံခံခဲ့ရခြင်းမှာ လူအများအကြား စိတ်ဝင်စားမှုမြင့်တက်လာစေခဲ့သည်။

■ ဟာဇက်အား ပြိုင်ဘက် မန်စီးတီးထံ အေဘရာမိုဗစ်ခ်ျ ရောင်းမည်မဟုတ်

 

Photos: Sports Mole

ချယ်လ်ဆီးအသင်းပိုင်ရှင် အေဘရာမိုဗစ်ခ်ျသည် အသင်း၏ ဘယ်လ်ဂျီယံတောင်ပံကစားသမား ဟာဇက်အား ပရီးမီးယားလိဂ်ပြိုင်ဘက် မန်စီးတီးအသင်းထံ ရောင်းချသွားမည်မဟုတ်ကြောင်း ဗြိတိန်သတင်းစာများက ဖော်ပြခဲ့သည်။

ပြီးခဲ့သည့်ရက်ပိုင်းကထွက်ပေါ်ခဲ့သောသတင်းများတွင် မန်စီးတီးအသင်းသည် လာမည့်ဇန်န၀ါရီအပြောင်းအရွှေ့ကာလ၌ ဟာဇက်အား ပေါင်သန်း(၁၅၀)ဖြင့်ခေါ်ယူရန် စီစဉ်နေသည်ဟု ဖော်ပြခဲ့သည်။ ဟာဇက်အား စပိန်ကလပ် ရီးယဲလ်မက်ဒရစ်အသင်းကလည်း ခေါ်ယူရန်ပစ်မှတ်ထားနေပြီး မန်စီးတီးအသင်းက ရီးယဲလ်အသင်းထက် လက်ဦးမှုရယူသွားမည်ဟု ယင်းသတင်းများတွင် ဖော်ပြခဲ့သည်။

ဟာဇက်သည် ချယ်လ်ဆီးအသင်းနှင့် ၂၀၂၀ ခုနှစ်အထိ သက်တမ်းရှိသည့်ကစားသမားတစ်ဦးဖြစ်ပြီး ချယ်လ်ဆီးအသင်းပိုင်ရှင် အေဘရာမိုဗစ်ခ်ျသည် ဟာဇက်အား ပရီးမီးယားလိဂ်ပြိုင်ဘက်အသင်းများထံ ရောင်း ချရန်ဆန္ဒမရှိဘဲ အကယ်၍ မဖြစ်မနေ ရောင်းချရမည်ဆိုပါက ပြည်ပကလပ်အသင်းတစ်သင်းသင်းထံ ရောင်းချသွားမည်ဖြစ်ကြောင်း သိရှိရသည်။

ဟာဇက်သည် ၂၀၁၂ နွေရာသီတွင် ပြင်သစ်ကလပ် လိုင်လီအသင်းမှ ချယ်လ်ဆီးအသင်းသို့ ရောက်ရှိလာပြီး အသင်းအတွက် ပြိုင်ပွဲစုံ(၂၈၁)ပွဲ ကစားကာ (၈၄)ဂိုးသွင်းယူပေးထားသည်။

လွှတ်တော်နှစ်ရပ် သဘောကွဲလွဲသည့် မြန်မာနိုင်ငံ လွှတ်တော်အဖွဲ့ဥပဒေကြမ်းအား ပြည်ထောင်စုလွှတ်တော် အတည်ပြု

ဇန်န၀ါရီ ၃၁ ရက်ကပြုလုပ်သော ဒုတိယအကြိမ် ပြည်ထောင်စုလွှတ်တော် သတ္တမပုံမှန်အစည်းအဝေး ဆဋ္ဌမနေ့ မကျင်းပမီမြင်ကွင်း

လွှတ်တော်နှစ်ရပ် သဘောကွဲလွဲသည့် မြန်မာနိုင်ငံ လွှတ်တော်အဖွဲ့ဥပဒေကြမ်းအား ပြည်ထောင်စုလွှတ်တော်က ဇန်န၀ါရီ ၃၁ ရက်တွင် တစ်ပိုဒ်ချင်းစီအလိုက် အတည်ပြုခဲ့သည်။

ပြည်သူ့လွှတ်တော်က ပြင်ဆင်ချက်များဖြင့် ပေးပို့လာသည့် မြန်မာနိုင်ငံလွှတ်တော်အဖွဲ့ ဥပဒေကြမ်းအား အမျိုးသားလွှတ်တော်က ပြင်ဆင်ချက်များဖြင့် နိုဝင်ဘာ ၈ ရက်ကအတည်ပြုခဲ့ပြီး လွှတ်တော်နှစ်ရပ် သဘောကွဲလွဲသည့်အတွက် ဇန်န၀ါရီ ၂၄ ရက်ကပြုလုပ်သည့် ပြည်ထောင်စုလွှတ်တော် အစည်းအဝေးတွင် ဥပဒေကြမ်းပူးပေါင်းကော်မတီက အစီရင်ခံစာတင်သွင်းခဲ့သည်။

ဥပဒေကြမ်း၏ ပုဒ်မ ၇ (စ) တွင် ဥပဒေကြမ်း ပူးပေါင်းကော်မတီ၏ ပြင်ဆင်ချက်ဖြစ်သည့် အစည်းအဝေးအထမြောက်ခြင်းမရှိပါက ဥက္ကဋ္ဌသည် အဖွဲ့ဝင်များ၏ တင်ပြချက်များနှင့် အကြံပြုချက်များကို စာဖြင့်ပေးပို့ရန် တောင်းယူနိုင်သည်ဟု ပြင်ဆင်ချက်ကို ပြည်ထောင်စုလွှတ်တော်က အတည်ပြုခဲ့သည်။

ဥပဒေကြမ်း၏ ပုဒ်မ ၁၄ တွင် ပြည်သူ့လွှတ်တော်၏ ပြင်ဆင်ချက်ဖြစ်သည့် လွှတ်တော်အဖွဲ့အတွင်းရေးမှူးသည် လွှတ်တော်အဖွဲ့၏ ဆောင်ရွက်မှုအစီရင်ခံစာကို ပြည်ထောင်စုလွှတ်တော်တွင် တင်ပြရမည့်အပြင် သက်ဆိုင်ရာလွှတ်တော်များသို့လည်း ပေးပို့ရမည်ဟု ပြင်ဆင်ချက်ကို ပြည်ထောင်စုလွှတ်တော်က အတည်ပြုခဲ့သည်။

အဆိုပါလွှတ်တော်အဖွဲ့တွင် ပြည်ထောင်စုလွှတ်တော် နာယကသည် ဥက္ကဋ္ဌ၊ ပြည်ထောင်စုလွှတ်တော် ဒုတိယနာယကမှာ အတွင်းရေးမှူး၊ ဒုတိယဥက္ကဋ္ဌများအဖြစ် ပြည်သူ့လွှတ်တော်နှင့် အမျိုးသားလွှတ်တော်ဥက္ကဋ္ဌ၊ အဖွဲ့ဝင်များအဖြစ် တိုင်းဒေသကြီးနှင့် ပြည်နယ်လွှတ်တော်ဥက္ကဋ္ဌများဖြင့် ဖွဲ့စည်းရန် အတည်ပြုခဲ့သည်။

ထို့ပြင် မြန်မာနိုင်ငံလွှတ်တော်အဖွဲ့၏ သက်တမ်းအား ပြည်ထောင်စုလွှတ်တော်၏ သက်တမ်းဖြစ်ကြောင်း၊ ပြည်ထောင်စုလွှတ်တော် ညွှန်ကြားရေးမှူးချုပ်သည် လွှတ်တော်အဖွဲ့ရုံး၏ ရုံးအဖွဲ့မှူးဖြစ်ကာ အစည်းအဝေးကို တစ်နှစ်လျှင် အနည်းဆုံးတစ်ကြိမ် ကျင်းပရမည်ဖြစ်ကြောင်း အတည်ပြုခဲ့သည်။

ဥပဒေကြမ်း၏အခန်း ၄ တွင် လွှတ်တော်အဖွဲ့၏ လုပ်ငန်းတာဝန်များအဖြစ် အခန်း ၄ ပုဒ်မ ၈ (ခ) တွင် ဖွဲ့စည်းပုံအခြေခံဥပဒေပါ ပြဋ္ဌာန်းချက်များ၊ လွှတ်တော်ဆိုင်ရာဥပဒေများနှင့် ဆန့်ကျင်ခြင်းမရှိစေဘဲ ဥပဒေပြုခြင်းဆိုင်ရာ ကိစ္စရပ်များနှင့်စပ်လျဉ်းပြီး ညှိနှိုင်းဆောင်ရွက်ခြင်း၊ (ဂ) ပြည်ထောင်စုနှင့် တိုင်းဒေသကြီး သို့မဟုတ် ပြည်နယ်များ ဆက်နွှယ်အကျုံးဝင်သော ကိစ္စရပ်များနှင့်စပ်လျဉ်း၍ ညှိနှိုင်းဆောင်ရွက်ခြင်း၊ (ဃ) လွှတ်တော်အဖွဲ့၏ လုပ်ငန်းများဖွံ့ဖြိုးတိုးတက်ရေး၊ လွှတ်တော်ကိုယ်စားလှယ်များ၏ စွမ်းရည်မြှင့်တင်ရေးနှင့် လွှတ်တော်ဝန်ထမ်းများ၏ လုပ်ငန်းစွမ်းဆောင်ရည်မြှင့်တင်ရေးတို့အတွက် ဆွေးနွေးဆောင်ရွက်ခြင်း၊ ပြည်တွင်းပြည်ပသင်တန်းများ၊ အလုပ်ရုံဆွေးနွေးပွဲများ၊ အစည်းအဝေးများ၊ ညီလာခံများနှင့် လေ့လာရေးခရီးစဉ်များ စေလွှတ်ခြင်း စသည်ဖြင့်အတည်ပြုခဲ့သည်။

အောက်တိုဘာ ၂၆ ရက်ကပြုလုပ်သည့် အမျိုးသားလွှတ်တော်အစည်းအဝေးတွင် ယင်းဥပဒေကြမ်းနှင့်ပတ်သက်ပြီး ရခိုင်အမျိုးသားပါတီမှ ကိုယ်စားလှယ်သုံးဦး၊ အမျိုးသားဒီမိုကရေစီအဖွဲ့ချုပ်ပါတီမှနှစ်ဦး၊ တပ်မတော်သားကိုယ်စားလှယ် နှစ်ဦး၊ တစ်သီးပုဂ္ဂလကိုယ်စားလှယ် တစ်ဦးတို့ ဆွေးနွေးခဲ့သည်။ အမျိုးသားဒီမိုကရေစီအဖွဲ့ချုပ်ပါတီမှ ကိုယ်စားလှယ်နှစ်ဦး ထောက်ခံဆွေးနွေးခဲ့ပြီး တပ်မတော်သားကိုယ်စားလှယ်၊ ရခိုင်အမျိုးသားပါတီကိုယ်စားလှယ်၊ တစ်သီးပုဂ္ဂလကိုယ်စားလှယ်တို့က ပြဋ္ဌာန်းရန်မသင့်ကြောင်း ဆွေးနွေးခဲ့သည်။

■ ဒဏ်ရာရသည့် ဆာနေး (၆)ပတ် အနားယူရမည်ဟု ဂွါဒီယိုလာ အတည်ပြု

 

 

 

မန်စီးတီးအသင်း၏ ဂျာမန်တောင်ပံကစားသမား ဆာနေးသည် ပြီးခဲ့သည့် FA ဖလားပွဲစဉ် ကာဒစ်ဖ်နှင့်ပွဲတွင်ရရှိခဲ့သည့်ဒဏ်ရာကြောင့် ရက်သတ္တပတ်(၆)ပတ်ခန့် အနားယူရမည်ဖြစ်ကြောင်း မန်စီးတီးအသင်းနည်းပြ ဂွါဒီ ယိုလာက အတည်ပြုပြောကြားခဲ့သည်။

ဆာနေးသည် ခြေချင်းဝတ်အရွတ်ဒဏ်ရာရရှိသွားခဲ့ခြင်းဖြစ်ပြီး အနားယူရမည့်ရက်ကို အတိအကျမပြောနိုင်သော်လည်း အများဆုံး (၆)ပတ်ခန့်ဖြစ်နိုင်ကြောင်း မန်စီးတီးအသင်းကလည်း ကြေညာချက်ထုတ်ပြန်ခဲ့သည်။

ဆာနေးအနေဖြင့် ချန်ပီယံလိဂ်ရှုံးထွက်(၁၆)သင်းအဆင့်ပွဲစဉ်အဖြစ် ဘေဆယ်အသင်းနှင့်ကစားမည့်(၂)ပွဲစလုံးကို လွဲချော်ဖွယ်ရှိနေကြောင်း သိရှိရသည်။

အမျိုးသမီးငယ်များအပေါ် လိင်အကြမ်းဖက်မှုမှ အကာအကွယ်

“ရှင်က ထောင်ရဲ့အပြင်ဘက်ကို နောက်ထပ်တစ်ကြိမ် လမ်းလျှောက်ထွက်လာဖို့တောင် မထိုက်တန်ဘူး။ ရှင်က အမျိုးသမီးတွေအတွက် အန္တရာယ်ရှိတဲ့သူဖြစ်ပြီး သွားသမျှနေရာတိုင်းမှာ အားနည်းသူတွေကို အခုလိုဖျက်ဆီးနေဦးမှာပဲ။ အန္တရာယ်အခြေအနေကနေ လွတ်မြောက်ခဲ့တဲ့ ညီအစ်မတွေကို ကြားနာစစ်ဆေးခွင့်ရတာ၊ ရှင့်ကို အပြစ်ဒဏ်ချခွင့်ရတာ ကျွန်မအတွက်တော့ ဆုလာဘ်တစ်ခုပဲ။ ရှင့်ကို သေဒဏ်ပေးဖို့ ကျွန်မလက်မှတ်ထိုးလိုက်ပြီ” ဟု အမေရိကန်နိုင်ငံ မစ်ရှီဂန်ပြည်နယ်ရှိ လန်ဆင်းမြို့တရားသူကြီး အကီလီနီက ကမ္ဘာကျော်အမှုတစ်ခုကို စီရင်စဉ်အတွင်း ပြောကြားခဲ့သည့်စကားများဖြစ်သည်။

အမျိုးသမီးငယ်များစွာကို လိင်ပိုင်းဆိုင်ရာ ကျူးလွန်ခဲ့သည့် အမေရိကန်ကျွမ်းဘားအသင်း ဆရာဝန်ဟောင်း လယ်ရီနာဆာကို ဇန်န၀ါရီ ၂၄ ရက်က အမေရိကန်၏ တရားစီရင်မှုသမိုင်းတွင် မှတ်တမ်းဖြစ်စေမည့် စီရင်ချက်တစ်ခုကို တရားသူကြီးဖြစ်သူ အကီလီနီက ချမှတ်လိုက်သည်။ အသက် ၅၄ နှစ်ရှိ လယ်ရီနာဆာသည် အမေရိကန်ကျွမ်းဘား အသင်းဆရာဝန်နှင့် မစ်ရှီဂန်ပြည်နယ်တက္ကသိုလ်၏ ဆရာဝန်အဖြစ် ဆယ်စုနှစ်သုံးခုကြာ ဆောင်ရွက်ခဲ့သူဖြစ်ပြီး အိုလံပစ်ချန်ပီယံ အမျိုးသမီးကစားသမားများအပါအ၀င် အမျိုးသမီးငယ် ၁၅၀ ကျော်ကို လိင်ပိုင်းဆိုင်ရာ ကျူးလွန်မှုတစ်ရပ် စစ်ဆေးပေါ်ပေါက်ခဲ့သည်။ နာဆာသည် အသက်မပြည့်သေးသူများအား ညစ်ညမ်းရုပ်ရှင်ရိုက်ကူးမှုအတွက်လည်း ပြီးခဲ့သည့် ဒီဇင်ဘာလအတွင်းက ထောင်ဒဏ်နှစ် ၆၀ ချမှတ်ခံခဲ့ရသည့်အပြင် ဇန်န၀ါရီ ၂၄ ရက်က အမိန့်ချမှတ်မှုတွင် စွဲချက် ၁၀ ခုအနက် ခုနစ်ခုအတွက် ထောင်ဒဏ်နှစ် ၄၀ မှ ၁၇၅ နှစ်အထိကျခံစေရန် အမိန့်ချမှတ်ခံခဲ့ရသည်။

အမိန့်မချမီတွင် အမျိုးသမီး ၁၆၀ ခန့်က သက်သေထွက်ဆိုခဲ့ကြပြီး ယင်းသက်သေများတွင် အိုလံပစ်ရွှေတံဆိပ်ရှင် စီမြူနီဘိုင်းလ်၊ ရေးစ်မန်းနှင့် မာရိုနေးတို့လည်း ပါဝင်ခဲ့သည်။ လယ်ရီနာဆာ၏အမှုမှာ အမေရိကန်တွင်သာမက ကမ္ဘာ့မီဒီယာများတွင်ပါ ကျယ်ကျယ်ပြန့်ပြန့် ဖော်ပြခံရပြီး ၎င်းကိုစီရင်ချက်ချချိန်တွင် အချို့မီဒီယာများက တိုက်ရိုက်ထုတ်လွှင့်မှုများ ပြုလုပ်ခဲ့သည်။ အမျိုးသမီးငယ်များအပေါ် လိင်ပိုင်းဆိုင်ရာအနိုင်ကျင့် စော်ကားမှုများ စစ်ဆေးပေါ်ပေါက်ပြီးနောက် နာဆာ၏ကျူးလွန်မှုပြဿနာများအပေါ် ကိုင်တွယ်ဖြေရှင်းနိုင်ခြင်းမရှိသည့် အမေရိကန်ကျွမ်းဘားအဖွဲ့ချုပ် ဘုတ်အဖွဲ့ဝင်အားလုံးကို ဇန်န၀ါရီ ၃၁ ရက်နောက်ဆုံးထား၍ နုတ်ထွက်ရန် အမေရိကန် အိုလံပစ်ကော်မတီက ကြေညာခဲ့သည်။ နာဆာသည် ၎င်းအား အပြီးသတ်အမိန့်မချမီ လိင်ပိုင်းဆိုင်ရာကျူးလွန်မှုများ၌ ဓားစာခံဖြစ်ခဲ့ရသူများအား မျက်ရည်များဖြင့် တောင်းပန်ခဲ့သည်။ သို့သော်လည်း နာဆာ၏တောင်းပန်မှုမှာ ၎င်းလုပ်ရပ်အတွင်း Victims သားကောင်ဖြစ်ခဲ့ရသူများ၏ နာကျင်ခံစားခဲ့ရခြင်းကြောင့် ကျရသည့်မျက်ရည်များအပေါ် ကျေနပ်မှုပေးစွမ်းနိုင်စေမည် မဟုတ်ပါ။

ယနေ့ကမ္ဘာတွင် အမျိုးသမီးများအပေါ် Sexual Harassment လိင်အကြမ်းဖက်မှု၊ လိင်ပိုင်းဆိုင်ရာကျူးလွန်ဖြစ်စဉ်များ များပြားလာခဲ့သည်။ ဆင်းရဲသောနိုင်ငံများတွင် အမျိုးသမီးများအပေါ် လိင်ပိုင်းဆိုင်ရာအမြတ်ထုတ်မှု၊ အကြမ်းဖက်စော်ကားမှု ဖြစ်စဉ်များတွင် အာဏာပိုင်များအနေဖြင့် အမျိုးသမီးများအပေါ် အကာအကွယ်ပေးနိုင်မှု လျော့ရဲသည်။ အမျိုးသမီးတို့၏ အခွင့်အရေးဆိုင်ရာ အကာအကွယ်စောင့်ရှောက်မှုပေးသော အဖွဲ့အစည်းများမှာ လိင်ပိုင်းဆိုင်ရာ အမြတ်ထုတ်ခံရမှုများ၊ အနိုင်ကျင့်စော်ကားမှုများအတွက် တရားဥပဒေဖြင့် ထိရောက်စွာ အကာအကွယ်ပေးနိုင်ရန် အာဏာပိုင်များကို တောင်းဆိုမှုများ၊ အမျိုးသမီးငယ်များအကြား ပညာပေးလှုံ့ဆော်မှုများ ပြုလုပ်လာကြသည်။ မြန်မာနိုင်ငံတွင်လည်း အမျိုးသမီးအဖွဲ့အစည်းများစွာက အမျိုးသမီးငယ်များ လိင်ပိုင်းဆိုင်ရာ အကြမ်းဖက်ခံရမှုများအပေါ် ကာကွယ်စောင့်ရှောက်နိုင်ရန် အသိပညာပေးပြုလုပ်သည့် ကမ်ပိန်းများစွာ လုပ်ဆောင်လာကြသည်။

မကြာသေးမီက ရန်ကုန်မြို့တွင် FDA မှ ဒုကြီးကြပ်ရေးမှူး မရွှေရည်ဝင်းရက်စက်စွာ အဓမ္မပြုကျင့်အသတ်ခံခဲ့ရမှုကြောင့် လူထုကြားတွင် များစွာတုန်လှုပ်စေခဲ့သည်။ အထူးသဖြင့် မရွှေရည်ဝင်း၏ဖြစ်စဉ်မှာ အမျိုးသမီးငယ်များ၏ လုံခြုံရေးအာမခံချက်နှင့် တရားဥပဒေစိုးမိုးရေးအတွက် အချက်ပေးခေါင်းလောင်းသံလည်းဖြစ်ခဲ့သည်။ ရန်ကုန်မြို့တွင် ဖြစ်ပွားခဲ့သော မှုခင်းစာရင်းများ၏ ၂၀၁၆ နှင့်၂၀၁၇ နှစ်နှစ်တာ နှိုင်းယှဉ်ချက်ကိုကြည့်လျှင် မုဒိမ်းမှုအရေအတွက် ၂၂၉ မှ ၂၇၀ သို့ တိုးမြှင့်သွားခဲ့သည်ကို တွေ့ရသည်။ သို့ဖြစ်ရာ အမျိုးသမီးများအပေါ် လိင်ပိုင်းဆိုင်ရာအနိုင်ကျင့်မှု တစ်နှစ်ထက်တစ်နှစ် တိုးပွားလာခြင်းကို အာဏာပိုင်များအနေဖြင့် ဆန်းစစ်ပြီး အမျိုးသမီးငယ်များ လိင်အကြမ်းဖက်မှု၏ သားကောင်များမဖြစ်စေရန် အဘက်ဘက်မှ ကြိုတင်စီမံကာကွယ်မှုများ လုပ်ဆောင်သင့်ပါကြောင်း The Daily Eleven သတင်းစာက တိုက်တွန်းရေးသားအပ်ပါသည်။

ဖေဖော်ဝါရီ (၁) ထုတ် The Daily Eleven သတင်းစာ အယ်ဒီတာ့အာဘော်

နယူးယောက်စီးတီးမှ ဂျက်ဟာရီဆင်အား မန်စီးတီး ခေါ်ယူ

 

Photo: Twitter

 

မန်စီးတီးအသင်းသည် မေဂျာလိဂ်ကလပ် နယူးယောက်စီးတီးအသင်းမှ အင်္ဂလန်တောင်ပံကစားသမား ဂျက်ဟာရီဆင်(၂၁ နှစ်)အား (၃)နှစ်ခွဲစာချုပ်ဖြင့် ခေါ်ယူလိုက်ကြောင်း သိရှိရသည်။

မန်စီးတီးအသင်းသည် ၎င်းအားခေါ်ယူပြီးနောက် လိဂ်ချန်ပီယံရှစ်ကလပ် မစ်ဒယ်ဘရော့အသင်းသို့ အငှားချခဲ့ကြောင်း သိရှိရသည်။

ဂျက်ဟာရီဆင်သည် မန်ယူအကယ်ဒမီကစားသမားဟောင်းတစ်ဦးဖြစ်ပြီး အသက်(၁၄)နှစ်အရွယ်တွင် အမေရိကန်နိုင်ငံသို့ ပညာသင်ကြားရန်ထွက်ခွာသွားခဲ့သည်။ သူသည် နယူးယောက်စီးတီးအသင်းတွင် ၂၀၁၆၊ ဇန်န၀ါရီမှစတင်၍ ကစားခဲ့ပြီး (၂)ရာသီအတွင်း (၅၉)ပွဲကစားကာ (၁၄)ဂိုးသွင်းယူပေးခဲ့သည်။

အီးစီးကရက် သောက်သုံးခြင်းက ကင်ဆာဖြစ်နိုင်ခြေကို မြင့်တက်စေနိုင်

၂၀၁၃ ခုနှစ် မတ် ၅ ရက်က ပါရီတွင် အီးစီးကရက်သောက်နေသူတစ်ဦးကို တွေ့ရစဉ် (Photo: AFP)

အီးစီးကရက်မှအငွေ့သည် ဆေးရွက်ကြီးအငွေ့ထက် ကင်ဆာဖြစ်နိုင်သော ကာစီနိုဂျင်ပါဝင်မှုနည်းသော်လည်း အီးစီးကရက်သောက်သုံးခြင်းသည် ဒီအန်အေပျက်စီးခြင်းကို ဦးတည်စေသဖြင့် ကင်ဆာဖြစ်နိုင်ခြေကို မြင့်တက်စေနိုင်သည်ဟု အမေရိကန်လေ့လာမှုတစ်ခုက တွေ့ရှိခဲ့သည်။

သို့သော် အမျိုးသားသိပ္ပံအကယ်ဒမီမှထုတ်ပြန်သည့် ထိုလေ့လာမှုတွင် အီးစီးကရက်ကြောင့် ကင်ဆာဖြစ်နိုင်ခြေနှင့်သာ မန်စီးကရက်တို့၏ ကင်ဆာဖြစ်နိုင်ခြေတို့ကိုမူ နှိုင်းယှဉ်ပြထားခြင်းမရှိခဲ့ပေ။

ဓာတ်ခွဲခန်းထဲတွင် ကြွက်များကို စမ်းသပ်ချက်အရ အီးစီးကရက်မီးခိုးနှင့်ထိတွေ့ခဲ့သော ကြွက်တို့သည် စစ်ထုတ်ထားသည့် လေကိုရှူရှိုက်ထားသည့် ကြွက်တို့ထက် နှလုံး၊ အဆုတ်၊ ဆီးအိမ်တို့၌ ဒီအန်အေပျက်စီးမှု ပိုမိုများပြားသည်ကို တွေ့ရှိခဲ့ရသည်။

လူ၏ အဆုတ်နှင့်ဆီးအိမ်မှဆဲလ်များသည်လည်း နီကိုတင်းဓာတ်၊ နီကိုတင်းမှ ဆင်းသက်လာသည့် nitrosamineketone (NNK) တို့နှင့်ထိတွေ့ပါက အလားတူရလဒ်များထွက်ပေါ်သည်ကို တွေ့ရသည်။ ထိုဓာတ်များနှင့် ထိတွေ့ထားသည့် ဆဲလ်များသည် ပုံမှန်ဆဲများထက် ပိုမိုပြောင်းလဲနိုင်ခြေရှိကာ ကင်ဆာဖြစ်နိုင်ကြောင်း သိရသည်။

“အီးစီးကရက်ရဲ့အငွေ့ဟာ ဆေးရွက်ကြီးအငွေ့ထက် ကင်ဆာဖြစ်နိုင်ခြေနည်းပါတယ်။ ဒါပေမဲ့ အီးစီးကရက်သောက်သူတွေဟာ မသောက်သူတွေနဲ့ နှိုင်းယှဉ်လိုက်ရင်တော့ အဆုတ်နဲ့ ဆီးအိမ်ကင်ဆာ၊ နှလုံးရောဂါဖြစ်ပွားနိုင်ခြေဟာ ပိုပြီးမြင့်တက်နေပါတယ်” ဟု နယူးယောက်တက္ကသိုလ်၏ သဘာဝပတ်ဝန်းကျင်းဆိုင်ရာ ဆေးဝါးအင်စတီကျူမှ မွန်းရှောင်တန်ဦးဆောင်သည့် လေ့လာမှုအရသိရသည်။

ပြင်ပမှကျွမ်းကျင်သူများကမူ အီးစီးကရက်သောက်သုံးခြင်း၏ အန္တရာယ်ဖြစ်နိုင်မှုအစစ်အမှန်တို့ကို ဖော်ထုတ်ရေးအတွက် လုပ်ဆောင်ရန် အများကြီးလိုအပ်နေသေးသည်ဟု ဆိုကြသည်။

အီးစီးကရက်သောက်သုံးခြင်းသည် စီးကရက်သောက်သုံးမှုထက် အန္တရာယ်နည်းသော်လည်း လူငယ်များတွင် စွဲလမ်းမှုကို ဖြစ်ပေါ်စေနိုင်သည်ဟု ယခုလအစောပိုင်းက အမေရိကန်အမျိုးသားသိပ္ပံအကယ်ဒမီကပင် ထုတ်ပြန်သည့် ကျယ်ပြန့်ပြည့်စုံသည့် သုံးသပ်ချက်တစ်ခုတွင် ဖော်ပြထားသေးသည်။

မည်သို့ပင်ဖြစ်စေ အီးစီးကရက်သောက်သုံးခြင်း အလေ့အထ၏ အန္တရာယ်ဖြစ်စေနိုင်မှုကို ယခုတိုင် တိတိကျကျမသိရသေးပေ။ နီကိုတင်းအရည်ပါဝင်သည့် ဘတ်ထရီအသုံးပြုသော ကိရိယာဖြစ်သော အီးစီးကရက်ကို သောက်သုံးနေသည့် အမေရိကန် ၁၈ သန်းရှိနေကြောင်း သိရသည်။

ဗီယက်နမ်တွင် ထင်ရှားသောတက်ထိုးစစ်ဆင်နွှဲမှု အနှစ် ၅၀ ပြည့်အခမ်းအနား ကျင်းပ

 

ဇန်န၀ါရီ ၃၁ ရက်က ဟိုချီမင်းမြို့တွင် တက်ထိုးစစ်ဆင်မှု အနှစ် ၅၀ ပြည့် အခမ်းအနားသို့ တက်ရောက်လာသည့် စစ်ပြန်များ (Photo: AFP)

ဗီယက်နမ်စစ်ပွဲအား အလှည့်အပြောင်းဖြစ်စေခဲ့သော ထင်ရှားသည့်တက်ထိုးစစ်ဆင်နွှဲမှု အနှစ် (၅၀) ပြည့်အခမ်းအနားအား ဗီယက်နမ်တွင် ဇန်န၀ါရီ ၃၁ ရက်၌ကျင်းပခဲ့ကြသည်။

၁၉၆၈ ခုနှစ်တွင် တက်နှစ်သစ်ကူးမတိုင်မီ ကွန်မြူနစ်မြောက်ဗီယက်နမ်တပ်ဖွဲ့ဝင်များသည် အံ့အားသင့်ဖွယ် ထိုးစစ်ဆင်နွှဲခဲ့ပြီး တောင်ဗီယက်နမ်ရှိ မြို့နှင့်စခန်းပေါင်း ၁၀၀ ကျော်အား ပစ်မှတ်ထားတိုက်ခိုက်ခဲ့ခြင်းဖြစ်သည်။ ယင်းထိုးစစ်သည် နောက်ဆုံးတွင် အမေရိကန်ကို အကျအဆုံးများသော ယင်းစစ်ပွဲမှ ရုပ်သိမ်းစေရန်ဖြစ်စေခဲ့သည်။ ယင်းအချိန်ကမူ ဟနွိုင်းအတွက် စစ်ဘက်ဆိုင်ရာ ကပ်ဘေးတစ်ခုဖြစ်ခဲ့ပြီး ခန့်မှန်းခြေတပ်ဖွဲ့ဝင် ၅၈၀၀၀ သေဆုံးခဲ့ရသည်။

ဇန်န၀ါရီ ၃၁ ရက်က ဟိုချီမင်းမြို့၌  ကျင်းပခဲ့သောအခမ်းအနားတစ်ခုတွင် စစ်သားများနှင့် လယ်သမားများပုံစံဝတ်ဆင်ထားသော ဖျော်ဖြေသူများက ဖြေဖျော်ခဲ့ကြပြီး အလံလွှမ်းထားသည့် ကချေသည်များနှင့် အနီနှင့်ရွှေရောင်ဝတ်ထားသည့် ကိုယ်ခံပညာသရုပ်ပြသူများက ဖျော်ဖြေမှုမျိုးစုံ ပြုလုပ်ခဲ့ကြသည်။ ရဲဘော်ရဲဘက်များ ဆုံးရှုံးခဲ့ရပြီးနောက် ပြင်းပြင်းထန်ထန်တိုက်ခိုက်ခဲ့ရသည့် ယင်းတိုက်ပွဲအား ပြန်ပြောင်းအောက်မေ့သော အခမ်းအနားသို့ စစ်ပြန်တချို့ကလည်း တက်ရောက်ခဲ့ကြသည်။

အသက် ၇၅ နှစ်ရှိ စစ်ပြန်တစ်ဦးဖြစ်သူ ငုယင်ဗန်ဒူက ၎င်းတို့သည် ရန်သူများအား ကျည်ကုန်သည်အထိ ခုခံခဲ့ကြကြောင်း၊ သေနတ်များအားထားခဲ့ပြီး ဆုတ်ခွာခဲ့ကြကြောင်း၊ တိုက်ပွဲတွင်သေဆုံးခဲ့သော ရဲဘော်ရဲဘက်ရှစ်ဦး၏ အလောင်းများကို မတွေ့ရတော့ကြောင်း ပြောကြားခဲ့သည်။

တက်ထိုးစစ်ဆင်မှုအား အမှတ်ရမှုသည် ဗီယက်နမ်တွင် ခံစားမှုရောထွေးနေကြပြီး အထူးသဖြင့် တောင်ဗီယက်နမ်စစ်သားဟောင်းများက မြို့တော်ဟနွိုင်းတွင် ကျင်းပသောအခမ်းအနားများကို သဘောမတူကြပေ။ သို့သော် တာဝန်ရှိသူများကမူ ဇန်န၀ါရီ ၃၁ ရက်အခမ်းအနား၌ ယင်းစစ်ပွဲ၏အမှောင်ခြမ်းများအား ဖော့ပြောထားပြီး သူရဲကောင်းဆန်သောစွန့်လွှတ်မှုကို အမှတ်ရမှုအဖြစ်သာ ပုံဖော်ခဲ့သည်။

၁၉၆၈ ခုနှစ် ဇန်န၀ါရီတွင် မြောက်ဗီယက်နမ်စစ်သား ၈၀၀၀၀ ကျော်နှင့် ဗီယက်ကောင်းတိုက်ခိုက်ရေးသမားများသည် တောင်ဗီယက်နမ်မြို့တော်ဟောင်း ဆိုင်ဂုံ၊ ဟူနှင့် ဟိုချီမင်းမြို့ စသည့်အဓိကမြို့များ အပါအ၀င် နေရာအများအပြားကို တစ်ပြိုင်နက်တည်း တိုက်ခိုက်ခဲ့ကြခြင်းဖြစ်သည်။ အမေရိကန်နှင့် ၎င်း၏မဟာမိတ် တောင်ဗီယက်နမ်က ကွန်မြူနစ်ရန်သူများအား နောက်ဆုံးတွင် ပြန်လည်တိုက်ထုတ်နိုင်ခဲ့သော်လည်း ယင်းထိုးစစ်ကြောင့် အမေရိကန်တွင် စစ်ဆန့်ကျင်ရေးလှုပ်ရှားမှုအား အရှိန်အားကောင်းစေပြီး နောက်နှစ်အနည်းငယ်အကြာတွင် ယင်းစစ်ပွဲမှနုတ်ထွက်ရန် နိုင်ငံရေးသမားများကို ဆွဲဆောင်နိုင်ခဲ့သည်။

ဗီယက်နမ်တို့အကြား အမေရိကန်စစ်ပွဲဟု လူသိများသော ဗီယက်နမ်စစ်ပွဲတွင် ခန့်မှန်းခြေ အရပ်သားသုံးသန်းခန့်နှင့်အတူ မြောက်ဗီယက်နမ်တိုက်ခိုက်ရေးသမား ၂ ဒသမ ၅ သန်း၊ အမေရိကန်တပ်ဖွဲ့ဝင် ၅၈၀၀၀ ခန့် သေဆုံးခဲ့ရသည်။ ခန့်မှန်းခြေ ဗီယက်နမ်စစ်သား ၃၀၀၀၀၀ ၏အလောင်းများ ပျောက်ဆုံးနေဆဲဖြစ်သည်။

ရှားပါးလကြတ်မှုကြောင့် နီပြာစူပါမွန်းဖြစ်စဉ်ကို မြင်တွေ့ခဲ့ရ

ဇန်န၀ါရီ ၃၁ ရက်က မနီလာတောင်ဘက် လီဂတ်ပီမြို့တွင် လထွက်လာမှုကို ရိုက်ကူးထားသော ဓာတ်ပုံ (Photo: AFP)

အပြာရောင်လ၊ စူပါမွန်းနှင့်လအပြည့်ကြတ်ခြင်းတို့ ပေါင်းစပ်ထားသော ရှားပါးလဖြစ်စဉ်သုံးခုကြောင့် ကမ္ဘာ့နေရာအများအပြား၌ ဧရာမကြက်သွေးရောင်သန်းနေသောလကို ဇန်န၀ါရီ ၃၁ ရက်တွင် မြင်တွေ့ခဲ့ကြရသည်။

လသည် ကမ္ဘာ၏အရိပ်အောက်သို့ ဖြတ်သန်းသွားပြီး အနီရောင်ပြောင်းသွားချိန်တွင် ‘နီပြာစူပါမွန်း’ ဟု နာဆာကစကားလုံးထွင် လိုက်သည့်မြင်ကွင်းသည် အမေရိကန်ပြည်ထောင်စု အနောက်ပိုင်းတွင် အရုဏ်ဦးကောင်းကင်ကို လှပစေလိမ့်မည်ဖြစ်သည်။

“မိုးလေ၀သကောင်းရင်တော့ အနောက်ကမ်းရိုးတန်း၊ အလက်စကာနဲ့ ဟာဝိုင်ယီတို့ဟာ လှပတဲ့လအပြည့်ကြတ်တဲ့မြင်ကွင်းကို အစအဆုံးမြင်တွေ့ကြရပါလိမ့်မယ်’ ဟု နာဆာရှိ လကျွမ်းကျင်ပညာရှင် ဂေါ်ဒန်ဂျွန်ဆင်က ပြောကြားသည်။

လသည်ကမ္ဘာ့အနောက်ခြမ်းတွင် ထွက်ပေါ်လာချိန် သြစတြေးလျနှင့်အာရှတို့အပါအ၀င် ကမ္ဘာ၏အခြားသောနေရာဒေသများကလည်း ညဘက်တွင်လကြတ်ခြင်းကို မြင်တွေ့ကြရမည်ဖြစ်သည်။

လတစ်လ၏ ဒုတိယမြောက်လပြည့်တွင် နောက်ဆုံးအကြိမ် လအပြည့်ကြတ်မှုသည် ၁၉၈၂ ခုနှစ်ဒီဇင်ဘာ ၃၀ ရက်တွင်ဖြစ်ပေါ်ခဲ့သည်။ ယင်းအချိန်က လအပြည့်ကြတ်သည့် ဖြစ်စဉ်ကို ဥရောပ၊ အနောက်အာရှနှင့် အာဖရိကတို့တွင် ဒေသစံတော်ချိန်အတိုင်း မြင်တွေ့ခဲ့ကြရသည်။

အမေရိကန်နှင့်မြောက်အမေရိကတို့က မြင်တွေ့ရသည့်နောက်ဆုံးအကြိမ် လပြာအပြည့်ကြတ်မှုဖြစ်စဉ်သည် ၁၈၆၆ ခုနှစ် မတ် ၃၁ ရက်တွင်ဖြစ်ပျက်ခဲ့သည်။