အီရန်ဆန္ဒပြပွဲများထဲ၌ လူသေဆုံးမှုများရှိလာပြီး အစိုးရက မိုဘိုင်းဖုန်းနှင့် အင်တာနက်လိုင်းများကို ယာယီဖြတ်တောက်

စီးပွားရေး ပြဿနာများကြောင့် ဒေါသတကြီး ဆန္ဒပြမှုများ ဖြစ်ပေါ်နေသည့် အီရန်နိုင်ငံတွင် မြို့တော်တီဟီရန်မှ တက္ကသိုလ်ကျောင်းသားများ ဆန္ဒပြနေကြသည်ကို တွေ့ရစဉ် (Photo: AFP)

အီရန်နိုင်ငံထဲမှ ဆန္ဒပြမှုများသည် တတိယမြောက်ညထဲသို့ ၀င်လာပြီဖြစ်ချိန်တွင် အစိုးရက ဆန္ဒပြသူများအား တန်ဖိုးပေးရမည်ဖြစ်ကြောင်း သတိပေးကာ မိုဘိုင်းဖုန်းနှင့် အင်တာနက်လိုင်းများကို ယာယီဖြတ်တောက်ခဲ့သည်။

နိုင်ငံအနောက်ပိုင်းရှိ ဒိုရတ်မြို့တွင် ဖြစ်ပေါ်ခဲ့သည့် ဆန္ဒပြပွဲအတွင်း လူနှစ်ဦးသေဆုံးခဲ့ကြောင်းကို ပြည်နယ်ဒုတိယအုပ်ချုပ်ရေးမှူးက ဒီဇင်ဘာ ၃၁ ရက်တွင် အတည်ပြုပေးခဲ့သည်။ သေဆုံးရသည့် အကြောင်းရင်းကို မထုတ်ပြန်သော်လည်း လုံခြုံရေးတပ်ဖွဲ့များက လူအုပ်ထဲသို့ သေနတ်ဖြင့် ပစ်ခတ်ခဲ့ခြင်းမရှိဟု ဆိုသည်။

နိုင်ငံမြောက်ပိုင်းရှိ ခေါ်ရာမာဘတ်၊ ဇင်ဂျန်၊ အာဗက်ဇ်မြို့များတွင် ထောင်နှင့်ချီသောလူများ ချီတက်နေကြပုံကို လူမှုမီဒီယာများတွင် ပျံနှံ့နေသည့် အတည်မပြုနိုင်သော ဗီဒီယိုများထဲတွင် တွေ့ကြရသည်။

ပျံ့နှံ့နေသည့် ကောလာဟလများ၊ ခရီးသွားလာမှု ကန့်သတ်ပိတ်ပင်ခြင်းများ၊ မီဒီယာများကို အလုံးစုံနီးပါး အမှောင်ချထားခြင်းတို့ကြောင့် သတင်းများအား အတည်ပြုရန် ခက်ခဲလျက်ရှိသည်။

လူကြိုက်များသည့် သတင်းလိုင်းတစ်လိုင်းဖြစ်သော Amadnews သည် လက်နက်ကိုင်အုံကြွမှုဖြစ်စေရန် တွန်းအားပေးနေသည်ဟု ဆက်သွယ်ရေးဝန်ကြီး မိုဟာမက်ဂျာဗက် အဇာရီက စွပ်စွဲခဲ့ပြီးနောက် အီရန်နိုင်ငံထဲ၌ အထင်ရှားဆုံး လူမှုမီဒီယာဝန်ဆောင်မှု Telegram မှာလည်း မကြာမီ ပိတ်ခံရဖွယ်ရှိသည်ဟု အီရန်သတင်းအေဂျင်စီအချို့က သတိပေးနေကြသည်။

ကွန်ဆာဗေးတစ် Mehr သတင်းအေဂျင်စီကမူ မြို့တော်တီဟီရန်အလယ်ပိုင်းရှိ မြို့တော်ခန်းမကို ဆန္ဒပြသူများက ဖျက်ဆီးနေပုံ၊ ရဲကားများကို ပက်လက်လန်စေရန် လုပ်ဆောင်နေပုံ၊ အီရန်အလံအား မီးရှို့နေပုံ ဗီဒီယိုများကို တင်ခဲ့သည်။

တီဟီရန်တက္ကသိုလ်တွင် ကျောင်းသား ဆန္ဒပြမှုများ ရှိနေသော်လည်း ကျောင်းဝင်ပေါက်ကိုမူ တန်ပြန်ဆန္ဒပြသူများက ကြီးစိုးထားပြီး “နိုင်ငံတော်အကြည်ညိုပျက်အောင် လုပ်သူတွေသေကြ” ဟု သံပြိုင်ဟစ်ကြွေးနေကြသည်။

“ပြည်သူပိုင်ပစ္စည်းတွေကို ဖျက်ဆီးသူတွေ၊ ဥပဒေကိုမနာခံဘဲ ချိုးဖောက်သူတွေဟာ သူတို့ရဲ့ အပြုအမူတွေအတွက် တာဝန်ရှိပြီး တန်ဖိုးပေးရမှာဖြစ်ပါတယ်” ဟု ပြည်ထဲရေးဝန်ကြီး အဗ္ဗဒေါ်ရာမန်ရာမာနီ ဖာဇလီက ဒီဇင်ဘာ ၃၁ ရက် နံနက်တွင် အစိုးရရုပ်သံမှ တစ်ဆင့် သတိပေးခဲ့ခြင်းဖြစ်သည်။

ကြံစည်မှုအသစ်

အီရန်နိုင်ငံ၏ ဒုတိယမြို့တော်မက်ရ်ှဟတ်တွင် ဒီဇင်ဘာ ၂၈ ရက်က လူနေထိုင်မှု စရိတ်ကြီးမြင့်ခြင်းနှင့် ပတ်သက်၍ ဆန္ဒပြပွဲများ စတင်ဖြစ်ပေါ်ခဲ့ခြင်းဖြစ်ပြီး ထိုမှတစ်ဆင့် အစ္စလာမ္မစ် အီရန်တစ်နိုင်ငံလုံးသို့ ဆန္ဒပြမှုများ ပျံ့နှံ့သွားခြင်းဖြစ်သည်။

ထိုဆန္ဒပြပွဲများထဲတွင် ပြည်တွင်းပြဿနာများကို ဗဟိုပြုခြင်းထက် ၁၉၇၉ ခုနှစ်အစ္စ လာမ္မစ်တော်လှန်ရေးအတွင်း ဖြုတ်ချခံရသော ဘုရင်စနစ်ကို ထောက်ခံကြောင်း ဟစ်ကြွေးနေကြသူများ၊ ပါလက်စတိုင်းတို့ကို အစိုးရက ထောက်ခံသည့်အပေါ် ဝေဖန်ကြသူများဖြင့် အကြောင်းအရာ အမျိုးမျိုး ကွဲပြားနေသည်။

“ရန်သူဟာ နိုင်ငံတော်အကြည်ညိုပျက်စေဖို့ အကြောင်းအရာသစ်တစ်ခု လှုံ့ဆော်ပေးရေးအတွက် လူမှုမီဒီယာနဲ့ စီးပွားရေးကိစ္စတွေကိုသုံးပြီး ကြံစည်နေပါတယ်” ဟု ထင်ရှားသော ဘာသာရေးခေါင်းဆောင် အယာတို လာမိုဆန်အရာကီက မြို့တော်ထဲမှ လူအုပ်ကြီးကို ပြောကြားခဲ့သည်။

လူမှုမီဒီယာပေါ်မှ သတင်းအများစုသည် ဒေသတွင်းပြိုင်ဘက် ဆော်ဒီနှင့် ဥရောပအခြေစိုက် ပြည်ပြေးအဖွဲ့များမှ စတင်ထွက်ပေါ်လာခြင်းဖြစ်သည်ဟု အီရန်အာဏာပိုင်တို့က ဆိုကြသည်။ ထို့နောက် အာဏာပိုင်များသည် မိုဘိုင်းဖုန်းနှင့် အင်တာနက်လိုင်းများကို ဖြတ်တောက်ခဲ့သော်လည်း နောက်ပိုင်းတွင် အင်တာနက်လိုင်းများအားလုံး ပြန်ရခဲ့သည်ဟု သိရသည်။

“လူထုမှာ ဆန္ဒပြပိုင်ခွင့်ရှိတယ် ဆိုပေမယ့် ဆန္ဒပြသူတွေဟာ သူတို့ဘယ်လိုညွှန်ကြားခံနေရတယ်ဆိုတာ သိရပါမယ်” ဟု အမျိုးသမီးရေးရာ ဒုတိယဥက္ကဋ္ဌဖြစ်သူက Twitter တွင် ရေးခဲ့သည်။

ယင်းနောက်မကြာမီမှာပင် အမေရိကန် သမ္မတဒေါ်နယ်ထရန့်က “အီရန်ပြည်သူများသည် အပြောင်းအလဲကို လိုလားနေကြပြီး ဖိနှိပ်သည့်အစိုးရကို တစ်သက်လုံး သည်းညည်းခံနေကြမှာ မဟုတ်ကြောင်း” Twitter ပေါ်တွင် ရေးသားခဲ့သည်။

အီရန်နိုင်ငံခြားရေးဝန်ကြီးဌာနမှ ပြောခွင့်ရပုဂ္ဂိုလ်ကမူ ထရန့်၏ မှတ်ချက်များကို အခွင့်အရေးဝင်ယူသည်ဟု သဘောထားပြီး ပယ်ချကြောင်း ပြောခဲ့သည်။

ပြင်းထန်သည့် စိန်ခေါ်မှုများ

အီရန်အစိုးရအရာရှိအချို့ကလည်း လက်ရှိဖြစ်ပေါ်နေသည့် ပြည်သူတို့၏ဒေါသများကို မပယ်ရှားကြရန် သတိပေးနေကြသည်။

“အလုပ်လက်မဲ့ဖြစ်တာတွေ၊ ကုန်ဈေးနှုန်းကြီးတာတွေ၊ ခြစားမှုနဲ့ ရေပြတ်လပ်တာတွေ၊ လူမှုအတန်းအစား ကွာဟတာတွေ၊ ဘတ်ဂျက်မညီမျှတာတွေ အစရှိတဲ့ ပြင်းထန်တဲ့ စိန်ခေါ်မှုတွေနဲ့ နိုင်ငံဟာ ရင်ဆိုင်နေရပါတယ်။ ပြည်သူတွေဟာ သူတို့ရဲ့အသံကို ကြားအောင်လုပ်ဖို့ အခွင့်အရေး ရှိပါတယ်” ဟု သမ္မတဟတ်ဆန်ရိုဟာနီ၏ ယဉ်ကျေးမှုရေးရာ အကြံပေးဖြစ်သူ ဟီဆာမူဒင်အာဟီနာက Twitter တွင် ရေးသားခဲ့သည်။

၂၀၀၉ ခုနှစ်က အီရန်ဆန္ဒပြပွဲများမှာ တော်လှန်ရေးတပ်များ၏ ရက်ရက်စက်စက် နှိမ်နင်းခြင်းကိုခံခဲ့ရပြီးနောက်ပိုင်းတွင် အီရန် လူလတ်တန်းစား အများအပြားမှာ အပြောင်းအလဲဖြစ်ပေါ်ရန် လမ်းပေါ်ထွက် ဆန္ဒပြရန် နည်းလမ်းကို စွန့်လွှတ်ခဲ့ကြခြင်းဖြစ်သည်။

သို့သော် လုပ်ခမပေးမှု၊ လုပ်ငန်းခွင် အခြေအနေ နိမ့်ကျမှု အစရှိသည်တို့အတွက် အသေးစားဆန္ဒပြမှုများမှာမူ ဆက်လက်ဖြစ်ပေါ်နေဆဲဖြစ်သည်။

Ref: AFP

သြစတြေးလျ၏ သတင်းပေးကူညီမှုကြောင့် ရုရှား-ထရန့် စုံစမ်းစစ်ဆေးမှုများ အစပျိုးခဲ့

၂၀၁၇ ခုနှစ် ဇူလိုင်လက ကျင်းပခဲ့သော ဂျာမနီ ဂျီ ၂၀ အစည်းအဝေးတွင် တွေ့ရသော အမေရိကန်သမ္မတထရန့်နှင့် ရုရှားသမ္မတ ဗလာဒီမာပူတင်တို့အား တွေ့ရစဉ် (Photo – AFP)

အမေရိကန်ရွေးကောက်ပွဲကို နှောင့်ယှက်ရန်၊ ဒေါ်နယ်ထရန့်၏ မဲဆွယ်စည်းရုံး ရေးအဖွဲ့နှင့် ပေါင်းကြံရန် ရုရှား၏ ကြိုးပမ်းမှုများအပေါ် FBI ၏ စုံစမ်းစစ်ဆေးမှု စတင်ရေးအတွက် သြစတြေးလျက ဝေမျှပေးခဲ့သည့် သတင်းအချက်အလက်များက အကူအညီဖြစ်ခဲ့ကြောင်း New Youk Times တွင် ဒီဇင်ဘာ ၃၀ ရက်က ဖော်ပြခဲ့သည်။

ရုရှားထံတွင် ဟီလာရီကလင်တန်နှင့် ပတ်သက်သော မကောင်းသတင်းများရှိနေသည်ဟု ထရန့်မဲဆွယ်စည်းရုံးရေးအဖွဲ့ထဲမှ နိုင်ငံခြားမူဝါဒရေးရာ အကြံပေးဟောင်းဖြစ်သူ ဂျော့ခ်ျပါပါဒိုပေါလိုသည် သြစတြေးလျက နိုင်ငံခြားရေးဝန်ကြီးဟောင်း အလက်ဇန္ဒား ဒေါင်နာကို ပြောခဲ့ဖူးသည်ဟု Times တွင် ဖော်ပြခဲ့ခြင်းဖြစ်သည်။ ပါပါဒိုပေါလိုသည် FBI ကို လိမ်လည်မိခဲ့ကြောင်း ၀န်ခံခဲ့သူဖြစ်သည်။

ယင်းနောက်ပိုင်းတွင် သြစတြေးလျသည် ၎င်း၏ ရင်းနှီးသော မဟာမိတ် အမေရိကန်ထံသို့ ထိုအကြောင်းအရာကို ပြန်လည်လွှဲပြောင်းပေးခဲ့သည်ဟု သိရသည်။

ထိုစဉ်က သြစတြေးလျ၏ ဗြိတိန်ဆိုင်ရာ ကော်မရှင်မင်းကြီးအဖြစ် တာဝန်ထမ်းဆောင်နေခဲ့သော ဒေါင်နာနှင့် ပါပါဒိုပေါလိုတို့သည် ထိုအကြောင်းကို၂၀၁၆ ခုနှစ် မေလက လန်ဒန်ရှိ အဆင့်မြင့်ဘားတစ်ခုတွင် ပြောခဲ့ခြင်းဖြစ်သည်ဟု Times တွင် ဖော်ပြခဲ့သည်။ ထို့ပြင် ဒီမိုကရက်တစ် သမ္မတကိုယ်စားလှယ်လောင်း ဟီလာရီကလင်တန်ကို အရှက်တကွဲ ဖြစ်စေမည့် အီမေးလ်ထောင်ပေါင်းများစွာ ရုရှားတွင်ရှိနေကြောင်းလည်း ပါပါဒိုပေါလိုက ပြောခဲ့သည်ဟု သိရသည်။

“ဒီမိုကရက်တစ် အီးမေးလ်တွေ အွန်လိုင်းပေါ်မှာ ထွက်ပေါ်လာပြီး နှစ်လအကြာမှာ သြစတြေးလျအစိုးရအရာရှိတွေဟာ မစ္စတာပါပါဒိုပေါလိုအကြောင်းကို အမေရိကန်အစိုးရအရာရှိ တွေထံလွှဲပြောင်းပေးခဲ့ခြင်း ဖြစ်ပါတယ်” ဟု သြစတြေးလျ၏ အခန်းကဏ္ဍနှင့်ပတ်သက်၍ တိုက်ရိုက်သိရှိကြသည့် အမေရိကန်နှင့် နိုင်ငံခြားအစိုးရအရာရှိ လေးဦး၏ ပြောကြားမှုကိုကိုးကားပြီးTimes တွင် ဖော်ပြခဲ့ခြင်းသည်။  “ဒါဟာ အမေရိကန်ရဲ့ အနီးကပ်ဆုံး ထောက်လှမ်းရေးမဟာမိတ် တစ်ဦးထံကရရှိတဲ့ ကိုယ်တွေ့သတင်းတစ်ခု ဖြစ်ပါတယ်။ ဒါဟာ FBI အတွက် တပ်လှန့်မှုတစ်ခုလည်း ဖြစ်လာသလို စုံစမ်းစစ်ဆေးမှု အစပျိုးဖို့ ကူညီမှုလည်း ဖြစ်လာပါတယ်” ဟု Times တွင် ဖော်ပြခဲ့သည်။

သို့သော် သြစတြေးလျအစိုးရသည် FBI သို့ သတင်းပို့ရန် အဘယ်ကြောင့် နှစ်လကြာအောင် စောင့်ခဲ့သနည်းဆိုသည်ကိုမူ ရှင်းရှင်းလင်းလင်း မသိရသေးပေ။

FBI ၏ စုံစမ်းစစ်ဆေးမှုအတွက် ဗြိတိန်၊ နယ်သာလန်အစိုးရတို့အပါအ၀င် အခြားမဟာမိတ်များထံမှ ထောက်လှမ်းရေး သတင်းအချက်အလက်များကလည်း ပံ့ပိုးကူညီခဲ့သည်ဟု သိရသည်။

Ref ; AFP

မြန်မာနိုင်ငံစက်မှုလက်မှုနှင့် ၀န်ဆောင်မှုလုပ်ငန်းပေါင်းစုံ အလုပ်သမားသမဂ္ဂများအဖွဲ့ချုပ် ဒုတိယဥက္ကဋ္ဌ ဦးနော်အောင်နှင့် ဆက်သွယ်မေးမြန်းခြင်း

“၄၀၀၀ နဲ့ ၄၈၀၀ ကြားဆိုတဲ့ဟာကို တောက်လျှောက်လိုင်းတင်လာခဲ့တာ။ အဲဒီကိန်းဂဏန်းကနေပြီးတော့မှ ၄၈၀၀ ဆိုတဲ့ အမြင့်ဆုံးကိန်းဂဏန်းကို တည်သွားခဲ့တာကတော့ ကျွန်တော်တို့ အစွမ်းကုန် ကြိုးစားခဲ့ပါတယ်။ ဒါပေမဲ့ အလုပ်သမားတွေ ကျေနပ်မှာမဟုတ်ပါဘူး”

ပြီးခဲ့တဲ့ ဒီဇင်ဘာ ၂၉ ရက်က နေပြည်တော်မှာ ကျင်းပတဲ့ အနည်းဆုံး အခကြေးငွေသတ်မှတ်ရေးဆိုင်ရာ အမျိုးသားကော်မတီ အစည်းအဝေးမှာ အနည်းဆုံး အခကြေးငွေတစ်ရက် ၄၈၀၀ အဖြစ် အဆိုပြုဖို့ ဆုံးဖြတ်ခဲ့ပါတယ်။ ဒီလိုအဆိုပြုရာမှာ အလုပ်ရှင်ကိုယ်စားလှယ်တွေနဲ့ အလုပ်သမား ကိုယ်စားလှယ်တွေက တရားဝင် ကန့်ကွက်မှုတွေရှိခဲ့ပါတယ်။ အလုပ်ရှင်တွေဘက်က ကုန်ထုတ်လုပ်မှုစရိတ်တွေ မြင့်မားနေတဲ့အတွက် ၄၀၀၀ သာပေးချင်သလို အလုပ်သမားတွေဘက်ကလည်း လူနေမှုကုန်ကျစရိတ် မြင့်တက်လာတာကြောင့် တောင်းဆိုထားတဲ့ ၅၆၀၀ ကို လိုချင်ကြပါတယ်။ အမျိုးသားကော်မတီကနေ အနည်းဆုံး အခကြေးငွေနှုန်းထားကို အဆိုပြုထားပေမဲ့ အတည်မဖြစ်သေးပါဘူး။ ရက်ပေါင်း ၆၀ အတွင်း ကျေနပ်မှုမရှိတဲ့ အလုပ်ရှင်နဲ့ အလုပ်သမားတွေက ကန့်ကွက်ပိုင်ခွင့် ရှိနေပါသေးတယ်။ ဒီလိုအခြေအနေတွေနဲ့ ပတ်သက်လို့ မြန်မာနိုင်ငံစက်မှုလက်မှုနှင့် ၀န်ဆောင်မှုလုပ်ငန်းပေါင်းစုံ အလုပ်သမားသမဂ္ဂများအဖွဲ့ချုပ်မှ ဒုတိယဥက္ကဋ္ဌလည်းဖြစ် အနည်းဆုံးအခကြေး ငွေသတ်မှတ်ရေးဆိုင်ရာ အမျိုးသားကော်မတီအဖွဲ့ဝင် အလုပ်သမား ကိုယ်စားလှယ်လည်းဖြစ်သူ ဦးနော်အောင်နဲ့ မေးမြန်းခဲ့တာတွေထဲက တချို့ကို ကောက်နုတ် ဖော်ပြလိုက်ရပါတယ်။

■ မေး – အမျိုးသားကော်မတီကနေ အနည်းဆုံးအခကြေးငွေ ၄၈၀၀ အဆိုပြုလိုက်တာနဲ့ ပတ်သက်လို့ ဆရာ့အမြင်လေးကို သိချင်ပါတယ်။

ဖြေ – ၄၈၀၀ က ကျွန်တော်တို့ဘက်က အားမတန်လို့ မာန်လျှော့လိုက်ရတာမျိုး ဖြစ်သွားတာပါ။ အလုပ်ရှင်တွေကလည်း ခါးခါးသီးသီး ငြင်းဆန်တယ်။ အစိုးရအနေနဲ့ကလည်း သူတို့စဉ်းစားရမယ့်ဟာတွေက အများကြီးလို့ ပြောတာကိုး။ အများကြီး သတ်မှတ်လိုက်လို့ရှိရင် ဖြစ်လာမယ့် ဆိုးကျိုးတွေကိုလည်း စဉ်းစားရမယ်လို့ ပြောလာတဲ့အပေါ်မှာ နောက်ဆုံး ကျွန်တော်တို့ အလုပ်သမားကိုယ်စားလှယ်တွေက အားမတန်မာန်လျှော့တဲ့ အနေနဲ့ ၄၈၀၀ ကို လက်ခံခဲ့ရတဲ့ သဘောမျိုးပေါ့။

■ မေး – အလုပ်သမားတွေဘက်က အနည်းဆုံး အခကြေးငွေ တောင်းဆိုတာနဲ့ ပတ်သက်လို့ များတယ်ဆိုပြီး ဝေဖန်မှုတွေရှိနေပါတယ်။ ဒီအပေါ်မှာ ဆရာ့အနေနဲ့ ဘာများပြောချင်ပါသလဲ။

ဖြေ – ကျွန်တော်တို့ အဖွဲ့ချုပ်က ၅၆၀၀ တောင်းထားတယ်ဆိုတာ လက်လွတ်စပယ်တောင်းထားတာ မဟုတ်ဘူး။ အလုပ်သမားတွေရဲ့ အခြေခံလူနေမှု ကုန်ကျစရိတ်နဲ့ တွက်ချက်ပြီးတော့မှ ကျွန်တော်တို့က တောင်းဆိုထားတာပါ။ ၄၈၀၀ သတ်မှတ်လိုက်မှုက ကျွန်တော်တို့ တောင်းဆိုထားတာနဲ့ ကွာဟမှုရှိနေတာပေါ့။ ဒီလို ကွာဟမှု ရှိနေတဲ့အတွက်ကြောင့် တကယ်လို့သာ ၄၈၀၀ ကို ကျင့်သုံးရင်တောင်မှ ကျွန်တော်တို့ တောင်းဆိုထားတာကို ပြည့်မီအောင် ဘယ်လိုပေးမလဲဆိုတာကို အလုပ်ရှင်ရော၊ အစိုးရရော စဉ်းစားထားဖို့ လိုပါတယ်။ ကျွန်တော်တို့ တောင်းဆိုထားတာပြည့်မီမှ အလုပ်သမားတွေကလည်း တည်တည်ငြိမ်ငြိမ်နဲ့ အေးအေးချမ်းချမ်းနဲ့ လုပ်ငန်းခွင်မှာ ပျော်ပျော်ရွှင်ရွှင်နဲ့ လုပ်နိုင်မှာပေါ့။ တကယ်လို့သာ ၄၈၀၀ ကို ၃၆၀၀ တုန်းကလိုပဲ ဒါကိုအနည်းဆုံး အခကြေးငွေဆိုပြီးတော့ သတ်မှတ်ပေမဲ့လည်း အများဆုံးအခကြေးငွေသဘောမျိုး လုပ်နေခဲ့ရင်တော့ ပြဿနာက ရှိတယ်။

■ မေး – မြန်မာနိုင်ငံမှာ အနည်းဆုံးအခကြေးငွေ သတ်မှတ်ထားပေမဲ့ တကယ့်လုပ်ငန်းခွင်တွေထဲမှာတော့ အများဆုံး အခကြေးငွေလိုမျိုးဖြစ်နေတဲ့ အပေါ်မှာ ဆရာတို့အနေနဲ့ ဘယ်လိုမျိုးလုပ်ဆောင်မှုတွေ ရှိပါသလဲ။

ဖြေ – အလုပ်သင်ရယ်၊ အစမ်းခန့်ဆိုပြီး ရှိတာပေါ့။ ကျွန်တော်တို့ အလုပ်သမား ကိုယ်စားလှယ်တွေ အကုန်လုံးက အတိအလင်း အမျိုးသားကော်မတီမှာ တောက်လျှောက်ဆွေးနွေးနေတာက အစမ်းခန့်ပဲဖြစ်ဖြစ်၊ အလုပ်သင်ပဲဖြစ်ဖြစ် သုံးလအချိန်ပဲ ရှိရမယ်။ သူတို့ အရင်တုန်းကကျင့်သုံးတဲ့ ခြောက်လပုံစံကြီးမရဘူးဆိုတာကို ကျွန်တော်တို့အတိအလင်း ဆွေးနွေးထားပါတယ်။ အဲဒီအပေါ်မှာလည်း အစိုးရကိုယ်စားလှယ်တွေ အနေနဲ့ သဘောတူညီမှု ရှိထားတယ်။ နောက်ဆိုရင်တော့ သုံးလဆိုတဲ့ အကန့်အသတ်ပဲ ရှိတော့မှာပါ။ ခြောက်လဆိုတဲ့ အကန့်အသတ် မရှိတော့ဘူးပေါ့။ နောက်တစ်ခုကျွန်တော်တို့ ထပ်ပြီးဆွေးနွေးနေတာက အလုပ်သင်ဆို ၇၅ ရာခိုင်နှုန်းပေါ့။ အလုပ်သင်က သူက ဘာမှမသိတာကိုး။ အစမ်းခန့်ကျတော့ သူက ကျွမ်းကျင်ပြီး ၀င်လာတဲ့အတွက် အစမ်းခန့်တာလေ။ အဲဒီဟာကို အကန့်အသတ်ထဲမှာ မပါသင့်ဘူးလို့ ဆွေးနွေးထားတယ်။

■ မေး – ဒီဇင်ဘာ ၂၉ ရက်က ကျင်းပခဲ့တဲ့ အမျိုးသားကော်မတီ အစည်းအဝေးမှာ ဆရာ့အနေနဲ့ အချက်နှစ်ချက်ကို အဆိုတင်သွင်းခဲ့တယ်လို့ သိရပါတယ်။ ဘယ်အချက်တွေကို တင်သွင်းခဲ့တယ်ဆိုတာလည်း သိချင်ပါတယ်။

ဖြေ – အမျိုးသားကော်မတီမှာ ကျွန်တော်အဆိုတင်သွင်းထားတာ အချက်နှစ်ချက် ရှိပါတယ်။ ပထမတစ်ချက်က နှစ်တိုးကြေးပါ။ လုပ်သက်ကြေးလို့လည်း ခေါ်ပါတယ်။ အဲဒါကို ကျွန်တော်က ကိန်းဂဏန်းနဲ့ပြောတာ မဟုတ်ဘဲနဲ့ ရာခိုင်နှုန်းနဲ့ပဲ ကျွန်တော်ပြောခဲ့ပါတယ်။ လုပ်ခလစာ ဘယ်လောက်ပဲရရ တစ်နှစ်ပြည့်လို့ရှိရင် တစ်နှစ်လုပ်သက်ရှိတဲ့ လူတစ်ယောက်ကို လစာရဲ့ ငါးရာခိုင်နှုန်း တိုးပေးရမယ်ဆိုပြီး ကျွန်တော်အဆို တင်သွင်းထားပါတယ်။ နောက်တစ်ချက်ကတော့ ကျွမ်းကျင်ကြေးပေါ့။ ကျွမ်းကျင်ကြေးကတော့ စက်ရုံတစ်ရုံနဲ့တစ်ရုံ မတူတဲ့အတွက် စက်ရုံအလုပ်ရှင်နဲ့ အလုပ်သမားညှိနှိုင်းပြီးတော့မှ သတ်မှတ်သင့်တယ်ပေါ့။

■ မေး – ဆရာတို့ရဲ့ မြန်မာနိုင်ငံ စက်မှုလက်မှုနှင့် ၀န်ဆောင်မှုလုပ်ငန်းပေါင်းစုံ အလုပ်သမားသမဂ္ဂများအဖွဲ့ချုပ် (MICS) ကနေ သဘောထား ထုတ်ပြန်ချက်ထဲမှာ အမျိုးသား ကော်မတီက ဆုံးဖြတ်လိုက်တဲ့ အလုပ်သမား ၁၀ ဦးနဲ့အထက် အကျုံးဝင်တယ်ဆိုတာနဲ့ ပတ်သက်လို့ ဥပဒေနဲ့မညီဘူးလို့ ဝေဖန်ထားတာ ရှိပါတယ်။ ဒါနဲ့ပတ်သက်လို့ ဘယ်လိုအကြောင်းတွေကြောင့် အမျိုးသားကော်မတီရဲ့ လုပ်ဆောင်ချက်တွေက ဥပဒေနဲ့မညီရတာလဲဆိုတာ သိချင်ပါတယ်။

ဖြေ – မနေ့က အစည်းအဝေးမှာ ဘာတစ်ခုကြုံသွားသလဲဆိုတော့ စက်မှုဝန်ကြီးဌာနက ညွှန်ချုပ်ပြောတာက အသေးစားစက်မှုလုပ်ငန်းရှင်လို့ သတ်မှတ်ထားတဲ့ သူတို့ရဲ့ ဥပဒေမှာ ၁၀ ဦးနဲ့ အထက်လို့ ပြဋ္ဌာန်းထားတယ်။ နောက်ပြီးတော့ လယ်ယာစိုက်ပျိုးရေးနဲ့ ဆည်မြောင်းဝန်ကြီးဌာနက အမြဲတမ်းအတွင်းဝန်က သူတို့ လယ်ယာစိုက်ပျိုးရေးမှာ အသေးစားဆိုပြီး သတ်မှတ်ထားတာက ခုနစ်ဦးတဲ့။ အဲဒါကို ကြည့်ရင် ဘာဖြစ်နေလဲဆိုတော့ ဥပဒေတစ်ခု ထုတ်တာက တခြားဥပဒေတွေနဲ့ ဆက်စပ်စဉ်းစားပြီးတော့မှ ထုတ်တဲ့ပုံစံမျိုးမဟုတ်ဘူးဆိုတာ တွေ့ရတယ်။ ဟိုဥပဒေနဲ့ ကြည်ရင် မှန်သလိုလို၊ ဒီဥပဒေနဲ့ ကြည့်ရင် မှားသလိုလိုတွေ ဖြစ်နေတယ်။ ပြည်နယ်နဲ့တိုင်းကော်မတီဥက္ကဋ္ဌတွေကလည်း SME လုပ်ငန်းတွေအတွက် စဉ်းစားပေးသင့်တယ်ဆိုတဲ့ အကြောင်းကို အကြောင်းပြပြီးတော့မှ ၁၀ ဦးနဲ့အထက်ကို အကုန်လုံးက လက်ခံကြတယ်။

■ မေး – အဆိုပြုလိုက်တဲ့ ၄၈၀၀ အပေါ်မှာ ဆရာတို့အနေနဲ့ ကန့်ကွက်သွားဖို့ ရှိလား။

ဖြေ – ကျွန်တော်ကတော့ အမျိုးသား ကော်မတီကိုယ်စားလှယ်ဖြစ်တဲ့အတွက် ကျွန်တော့်အနေနဲ့ကတော့ ကန့်ကွက်ဖို့ မရှိဘူး။ ကျွန်တော်တို့ အဖွဲ့ချုပ်အနေနဲ့ကတော့ ကန့်ကွက်သွားဖို့ရှိမယ်လို့ ထင်တာပဲ။ အဖွဲ့ချုပ်က သဘောထား ကြေညာချက်လည်း ထုတ်ပြန်ထားပြီဆိုတော့လေ။ အဖွဲ့ချုပ်အနေနဲ့တော့ ကန့်ကွက်သွားမယ်လို့ ထင်တာပဲ။

■ မေး – အလုပ်သမားတွေ တောင်းဆိုထားတဲ့ ၅၆၀၀ မရဘဲ ၄၈၀၀ သာ အတည်ဖြစ်ခဲ့ရင် အလုပ်သမားတွေဘက်က ဘာတွေတုံ့ပြန်လာနိုင်ပါသလဲ။

ဖြေ – အမျိုးသားကော်မတီမှာ ကျွန်တော်လည်း ပြောပြီးသားပါ။ အလုပ်သမားတွေက နောက်ဆုံး ၅၂၀၀ အထိတော့ လက်ခံပေးလို့ ရတယ်။ ၅၂၀၀ ထက် လျော့နည်းရင်တော့ ဖြစ်လာတဲ့အပြောင်းပေါ့။ အမျိုးသားကော်မတီက ခံရလိမ့်မယ်လို့ ကျွန်တော်ပြောထားပါတယ်။ ဘာတွေဖြစ်လာနိုင်မလဲဆိုတာထက် ဒီ ၄၈၀၀ သတ်မှတ်ထားတဲ့အပေါ်မှာ သဘာဝကျအောင် ဘယ်လိုပြန်လုပ်မလဲဆိုတာ ပိုပြီးတော့အရေးကြီးတယ်။ ဘာတွေတုံ့ပြန်ကြမလဲဆိုတာကတော့ ကျွန်တော်တို့ရဲ့ မိခင်အဖွဲ့ချုပ်ရယ်၊ CTUM အဖွဲ့ချုပ်ရယ်၊ အနည်းဆုံး အခကြေးငွေ ပူးပေါင်းဆောင်ရွက်ရေး ကော်မတီ အစရှိတဲ့ အဖွဲ့တွေရဲ့ တုံ့ပြန်မှုအပေါ်မှာ မူတည်မှာပါ။ ဒါပေမဲ့တစ်ခုရှိတာက အမျိုးသားကော်မတီအနေနဲ့ ဘာတွေလုပ်သင့်သလဲဆိုတာတော့ ၄၈၀၀ နည်းတယ်။ Living Rage နဲ့ မကိုက်ညီဘူး။ Living Rage နဲ့ ကိုက်ညီအောင် ဘယ်လိုမျိုး ကျွန်တော်တို့ ကုစားသွားမလဲဆိုတဲ့ဟာကို အမျိုးသားကော်မတီ တာဝန်ရှိသူတွေအနေနဲ့ကတော့ စဉ်းစားထားဖို့ လိုအပ်ပါတယ်။

■ မေး – အလုပ်ရှင်ဘက်က ကိုယ်စားလှယ်တွေ အမျိုးသားကော်မတီအစည်းအဝေးမှာ တရားဝင်ကန့်ကွက်တာနဲ့ ပတ်သက်လို့ ဆရာ ဘာများပြောချင်ပါသလဲ။

ဖြေ- အလုပ်ရှင်တွေဘက်ကလည်း ၄၈၀၀ ဆိုတာကို ဘ၀င်ကျပုံမရဘူး။ မနေ့တုန်းက ဒေါ်ခိုင်ခိုင်နွယ်ဆိုရင် ဒါကို အမျိုးသားကော်မတီ အစည်းအဝေးမှာ ပြတ်ပြတ်သားသား ငြင်းဆိုတာတွေ့ရတယ်။ အလုပ်ရှင်တွေ အနေနဲ့လည်း ကန့်ကွက်သွားဖို့ ရှိလိမ့်မယ်လို့ ထင်တယ်။ မနေ့က ဒေါ်ခိုင်ခိုင်နွယ် ဖြေထားတာကို ကြည့်ခြင်းအားဖြင့် ၄၈၀၀ နှုန်းထားထက် အစိုးရက သူတို့အပေါ်မှာ ဖြေလျှော့ပေးရမယ့်ဟာတွေက ပိုများနေတယ်။

■ မေး – ကော်မတီတွေ လုပ်ဆောင်နေတဲ့ အပေါ်မှာ ဆရာ့အနေနဲ့ အားရကျေနပ်မှုရှိရဲ့လား။

ဖြေ- အမျိုးသားကော်မတီပဲဖြစ်ဖြစ်၊ တိုင်းဒေသကြီးကော်မတီပဲဖြစ်ဖြစ် ပြည်ထောင်စုအစိုးရက ဘတ်ဂျက်ချပေးပြီးတော့ စဉ်ဆက်မပြတ်လုပ်ဖို့ ၂၉ ရက် အစည်းအဝေးမှာ ကျွန်တော် ပြောခဲ့တယ်။ အနားနီးကာမှ ဖုတ်ပူ မီးတိုက်လုပ်တဲ့ အလုပ်မျိုးတွေမလုပ်ဖို့ မနေ့တုန်းက အမျိုးသားကော်မတီမှာလည်း ဒါကိုပဲ ကျွန်တော် ဆက်လက်ပြီးတော့မှ အဆိုတင်ခဲ့တယ်။ ပြည်ထောင်စုဝန်ကြီးကလည်း ဒါကို အလေးအနက် စဉ်းစားပြီးတော့မှ စဉ်ဆက်မပြတ် လုပ်နိုင်အောင် ကြိုးစားသွားမယ်လို့ ပြောသွားပါတယ်။

■ မေး – ဆရာ့အနေနဲ့ မေးခဲ့တဲ့အပေါ်မှာ ဘာများဖြည့်စွက် ပြောချင်တာများ ရှိပါသေးသလဲ။

ဖြေ – အလုပ်သမားတွေ လိုချင်တဲ့ နှုန်းထားတော့ မဟုတ်ခဲ့ဘူး။ ကျွန် တော်တို့အနေနဲ့ ဒါကို ထန်ကုန်ကြိုးစားခဲ့တာပါလို့ ၄၀၀၀ နဲ့ ၄၈၀၀ ကြားဆိုတဲ့ဟာကို တောက်လျှောက်လိုင်းတင်လာခဲ့တာ။ အဲဒီကိန်းဂဏန်းကနေပြီးတော့မှ ၄၈၀၀ ဆိုတဲ့ အမြင့်ဆုံးကိန်းဂဏန်းကို တည်သွားခဲ့တာကတော့ ကျွန်တော်တို့ အစွမ်းကုန် ကြိုးစားခဲ့ပါတယ်။ ဒါပေမဲ့ အလုပ်သမားတွေ ကျေနပ်မှာမဟုတ်ပါဘူး။ ကျေးဇူးတင်ပါတယ်။

တရုတ်နိုင်ငံတွင် ဆင်စွယ်ရောင်းဝယ်ခြင်းအား အလုံးစုံပိတ်ပင်မှု စတင်အသက်ဝင်

၂၀၁၅ ခုနှစ် မေ ၂၉ ရက်က ပေကျင်းတွင် ဖမ်းဆီးမိသည့် ဆင်စွယ်ထုတ်ကုန်များကို မဖျက်ဆီးမီ ကြည့်ရှုစစ်ဆေးနေသော အစိုးရ၀န်ထမ်းများ (Photo – AFP)

တရုတ်အစိုးရ၏ ဆင်စွယ်ရောင်းဝယ်မှု အလုံးစုံပိတ်ပင်ခြင်းသည် ဒီဇင်ဘာ ၃၁ ရက်က စတင်အသက်ဝင်ခဲ့ပြီဟု အစိုးရအရာရှိများက ပြောကြားခဲ့သည်။ ယင်းသည် တစ်ချိန်က ကမ္ဘာအကြီးဆုံး ဆင်စွယ်မှောင်ခိုဈေးကွက် ကြီးဖြစ်ခဲ့သော တရုတ်နိုင်ငံကိုထိန်းချုပ်ရန် တရုတ်အစိုးရ၏ ကြိုးပမ်းအားထုတ်မှုများထဲမှ အဓိကခြေလှမ်းကြီးတစ်ရပ် ဖြစ်လာခဲ့သည်။

“ဒီနေ့ကစပြီး မည်သည့် ဈေး၊ ဆိုင်ကမဆို ဆင်စွယ်၊ ဆင်စွယ်နဲ့လုပ်ထားတဲ့ ပစ္စည်းတွေကို ၀ယ်ယူ၊ ရောင်းချတာဟာ ဥပဒေကို ဆန့်ကျင်တဲ့လုပ်ရပ်ဖြစ်သွားပါပြီ” ဟု သစ်တောဝန်ကြီးဌာနက တရုတ်လူမှုမီဒီယာ Weibo ပေါ်ရှိ ယင်း၏ တရားဝင်အကောင့်တွင် ရေးသားထုတ်ပြန်ခဲ့သည်။

“အခုအချိန်ကစပြီး ကုန်သည်တစ်ယောက်ယောက်က သူဟာ အစိုးရခွင့်ပြုတဲ့ ဆင်စွယ်ရောင်းဝယ်သူတစ်ယောက် ဖြစ်တယ်လို့ လာပြောပြီဆိုရင်သူဟာ ဥပဒေနဲ့ မညီတာကို သိသိကြီးနဲ့ သင့်ကိုလိမ်လည်နေတာ ဖြစ်သွားပါပြီ” ဟု ဆက်လက်ရေးသားထားခဲ့သည်။

ယခုပိတ်ပင်မှုသည် အွန်လိုင်းပေါ်မှ ရောင်းဝယ်မှုများ၊ ပြည်ပမှ အမှတ်တရပစ္စည်း ၀ယ်ယူမှုများအပေါ်တွင်လည်း သက်ရောက်မှုရှိသည်ဟု ၀န်ကြီးဌာန၏ ထုတ်ပြန်ချက်ထဲတွင် ဖော်ပြခဲ့သည်။

ယခုကဲ့သို့ အလုံးစုံမပိတ်မီ တစ်စိတ်တစ်ပိုင်း ပိတ်ထားစဉ်ကတည်းက တရုတ်နိုင်ငံထဲသို့ ဆင်စွယ်ဝင်ရောက်မှု အများအပြား ကျဆင်းခဲ့ခြင်းဖြစ်သည်ဟု နိုင်ငံပိုင်သတင်းဌာန ဆင်ဟွာတွင် ဖော်ပြခဲ့သည်။ ပြည်တွင်းမှ ဆင်စွယ်အကြမ်းထည်များ၏ ဈေးနှုန်းမှာလည်း ၆၅ ရာခိုင်နှုန်း ကျဆင်းသွားသည်ဟုလည်း ဖော်ပြခဲ့သည်။

တရုတ်နိုင်ငံတွင် ဆင်စွယ်ကုန်သွယ်ရေးကို အလုံးစုံပိတ်ပင်မည့်အကြောင်းကို ယမန်နှစ်ကုန်ကတည်းက ကြေညာခဲ့ခြင်း ဖြစ်သည်။ ၂၀၁၇ ခုနှစ် မတ်လကဆင်ဟွာ သတင်းတစ်ပုဒ်ထဲ၌ တရုတ်ဆင်စွယ် ရောင်းဝယ်မှုထဲတွင်ပါဝင်သော စက်ရုံနှင့် ဈေးဆိုင် ၆၇ ခု ပိတ်သိမ်းလိုက်ရပြီဟု ဖော်ပြခဲ့သည်။ ကျန်ရှိနေသေးသော ၁၀၅ ဆိုင်မှာမူ ဒီဇင်ဘာ ၃၁ ရက်တွင် ပိတ်လိမ့်မည်ဟု မျှော်လင့်ရသည်။

ဆင်ကောင်ရေ ထောင်ပေါင်းများစွာ နှစ်စဉ်သတ်ဖြတ်ခံနေရသောကြောင့် ဆင်စွယ်ကုန်သွယ်မှုကို ပိတ်ပင်ပေးရန် ဖိအားများနှင့် ရင်ဆိုင်ခဲ့ရသည့် တရုတ်အစိုးရသည် ၁၉၇၅ ခုနှစ်မတိုင်မီက ပြည်ပမှ တင်သွင်းသော ဆင်စွယ်နှင့် ဆင်စွယ်ထုတ်ကုန်များ အားလုံးကိုပိတ်ပင်ကြောင်း ထုတ်ပြန်ခဲ့ဖူးသည်။

ဆင်စွယ်အား အဆင့်အတန်းသင်္ကေတတစ်ခု အဖြစ်ရှုမြင်သော တရုတ်နိုင်ငံထဲတွင် အာဖရိကဆင်စွယ်များကို အ၀ယ်များကြသည်။ ထို့ကြောင့် တရုတ်နိုင်ငံထဲ၌ ဆင်စွယ်တစ်ကီလိုလျှင် ဒေါ်လာ ၁,၁၀၀ အထိ ပေါက်ဈေးရှိသည်။

ထိုစဉ် အာဖရိက၌ ဆင်များဖမ်းဆီးသတ် ဖြတ်ခံနေရသည့်အတွက် ပြီးခဲ့သည့် ၁၀ နှစ်အတွင်းက အာဖရိကဆင်ကောင်ရေ ၁၁၀,၀၀၀ လျော့ကျသွားကာ ၄၁၅,၀၀၀ ကောင်သာ ကျန်တော့သည်ဟု နိုင်ငံတကာ သဘာဝပတ်ဝန်းကျင် ထိန်းသိမ်းရေးသမဂ္ဂမှ အချက်အလက်များအရ သိရသည်။

လက်ရှိတွင် ဆင်သတ်ဖြတ်ခံရမှုနှုန်းထားမှာ ယေဘူယျအားဖြင့် ကျဆင်းလာသော်လည်း တရားမ၀င် သတ်ဖြတ်မှုများ ဆက်ရှိသေးသည့်အတွက် ဆင်ကောင်ရေမှာ ဆက်လက်လျော့ကျနေဆဲဖြစ်သည်ဟု မျိုးသုဉ်းမည့်အန္တရာယ်နှင့် ရင်ဆိုင်နေရသည့် မျိုးစိတ်များ နိုင်ငံတကာကုန်သွယ်မှုဆိုင်ရာ ညီလာခံ၏ ယခုနှစ် အစီရင်ခံစာထဲတွင် ဖော်ပြခဲ့သည်။

Ref ; AFP

နိုင်ငံတော်သမ္မတ အထူးရန်ပုံငွေဖြင့် ပြုပြင်ထိန်းသိမ်းသော ဖောင်းပြင်-ပင်လည်ဘူးလမ်းပိုင်း ၂၉ မိုင် (လမ်းသစ်) ပြီးစီးရန် သတ်မှတ်ချိန်ထက် ခြောက်လနောက်ကျပြီး ဇန်န၀ါရီလကုန်မှသာ အပြီးသတ်နိုင်မည်

ဖောင်းပြင်-ပင်လည်ဘူးလမ်းပိုင်းတွင် သွားလာနေသော ကားများကို ဒီဇင်ဘာလဆန်းက တွေ့ရစဉ်

နိုင်ငံတော်သမ္မတ အထူးရန်ပုံငွေဖြင့် ပြုပြင်ထိန်းသိမ်းသော ဖောင်းပြင်-ပင်လည်ဘူးလမ်းပိုင်း ၂၉ မိုင် (လမ်းသစ်) ပြီးစီးရန် သတ်မှတ်ချိန်ထက် ခြောက်လနောက်ကျပြီး ဇန်န၀ါရီလလယ်ခန့်မှသာ အပြီးသတ်နိုင်မည်ဖြစ်ကြောင်း သိရသည်။

ထိုလမ်းပြုပြင် ထိန်းသိမ်းခြင်းကို ၂၀၁၇ ခုနှစ် မတ် ၃၁ ရက်မှ စတင်လုပ်ဆောင်ခဲ့ပြီး အမာခံ ကျောက်ခင်းလမ်းခင်းခြင်း လုပ်ငန်းကို ဇွန်ဒုတိယပတ်တွင် လည်းကောင်း၊ ကွန်ကရစ်ခင်းခြင်းလုပ်ငန်းကို ဇွန်တတိယပတ်တွင်လည်းကောင်း လုပ်ငန်းများ ပြီးစီးအောင် ဆောင်ရွက်ရမည်ဖြစ်ပြီး ဇွန်လအတွင်း သတ်မှတ်စံချိန်စံညွှန်းနှင့်အညီ ပြီးစီးရန် သတ်မှတ်ခဲ့သော်လည်း မိုးများပြီး ရာသီဥတုဆိုးရွားမှုကြောင့် လုပ်ငန်းများ နှောင့်နှေးကြန့်ကြာခဲ့ရာ ဇန်န၀ါရီလကုန်မှသာ အပြီးသတ်နိုင်မည်ဖြစ်ကြောင်း စစ်ကိုင်းတိုင်းဒေသကြီး လျှပ်စစ်၊ စက်မှုနှင့် လမ်းပန်းဆက်သွယ်ရေးဝန်ကြီး ဦးသန်းညွန့်ဝင်းက ပြောကြားသည်။

“ပြည်ထောင်စုဝန်ကြီးလည်း လာကြည့်သွားပါတယ်။ ညွှန်ကြားသွားပါတယ်။ မိုးကလည်း သိတဲ့အတိုင်း ဒီလအစောပိုင်းအထိ ရွာနေတုန်းလေ။ မိုးရွာတော့ ဘာမှလုပ်မရဘူး။ ဒီအတိုင်း ထိုင်ပြီးတော့ပဲ ကြည့်နေရတယ်။ ကုမ္ပဏီတွေက မလုပ်တာမဟုတ်ဘူး။ မိုးရွာလို့မလုပ်နိုင်လို့ နောက်ကျတာကိုတော့ နိုင်ငံတော်ကလည်း အသိအမှတ်ပြုပါတယ်။ မိုးရွာထဲမှာ လုပ်ရင်လည်း ရေရှည်မခံနိုင်ဘူးလေ။ ချက်ချင်း ပြန်ပျက်မှာပေါ့။ လမ်းပိုင်း ၂၉ မိုင်မှာ မြေသားလမ်းလည်းပါတယ်။ ကျောက်ချောလမ်းလည်းပါတယ်။ မြေသားလမ်းဆိုတာက မူလလမ်းအူကြောင်း ရှိပြီးသားကို တအားမြင့်တဲ့ တောင်တက်တောင်ဆင်းတွေကို ဖြေချလိုက်တာပေါ့။ အဲဒါက မြေသားလုပ်ငန်းပါ။ အဲဒါက ပြီးပါပြီ။ အဲဒီအပေါ်မှာ ကျောက်ချောလမ်း ခင်းပါတယ်။ ကျောက်ချောလမ်းလည်း ကုမ္ပဏီတွေက အကုန်လုံး ခင်းပြီးပါပြီ။ ကုမ္ပဏီတစ်ခုကပဲ လက်စသတ်ဖို့ ကျန်တာပါ။ ဒီတော့ မြေသားလမ်းပြီးပြီ။ ကျောက်ချောလမ်းလည်းပြီးပြီ။ ကွန်ကရစ်က ငါးမိုင်လေးဖာလုံ ခင်းရမယ့်အထဲမှာ သုံးမိုင်ကပြီးပြီ။ နှစ်မိုင်လေးဖာလုံ ကျန်တယ်။ ကုမ္ပဏီတစ်ခုက တော်တော်လေးကျန်နေတာပေါ့။ ကျန်တဲ့ ကုမ္ပဏီတွေက အများအားဖြင့် ပြီးပါပြီ။ ကျန်နေတဲ့ ကုမ္ပဏီကို တွန်းအားပေးပြီး နောက်ဆုံး Warning ပေးပြီးခိုင်းထားပါတယ်။ ဒီလကုန်ပြီးမယ်လို့ သူ အာမခံပါတယ်” ဟု ၀န်ကြီး ဦးသန်းညွန့်ဝင်းက ပြောကြားသည်။

ဖောင်းပြင်-ပင်လည်ဘူးလမ်းပိုင်း ၂၉ မိုင် (လမ်းသစ်) အား အထူးပြင်ဆင် ထိန်းသိမ်းရန်အတွက် လိုအပ်သောငွေ ကျပ်သန်း ၅၅၇၅ သန်းကို အထူးကိစ္စရပ်အဖြစ် သီးသန့်ရန်ပုံငွေမှ ကျခံသုံးစွဲရန် ၂၀၁၇ ခုနှစ် မတ် ၉ ရက်က ပြုလုပ်သည့် ပြည်ထောင်စုအစိုးရအဖွဲ့ အစည်းအဝေး အမှတ်စဉ် (၅/၂၀၁၇) တွင် ခွင့်ပြုခဲ့ခြင်းဖြစ်ပြီး လမ်းပိုင်း ၂၉ မိုင်တွင် မြေသားလမ်း၊ ကျောက်ချောလမ်းနှင့် ကွန်ကရစ်လမ်းဟု သုံးမျိုး ပြုပြင် ထိန်းသိမ်းခြင်းဖြစ်ကြောင်း သိရသည်။

“လမ်းသစ် ၂၉ မိုင်မှာ လမ်းတစ်လျှောက်လုံးတော့ ကွန်ကရစ် မခင်းနိုင်သေးဘူး။ နောက်ပိုင်းတော့ဖြစ်မှာပေါ့။ လောလောဆယ်တော့ အကုန်လုံးကို ကွန်ကရစ်မခင်းနိုင်သေးဘူး။ ဒါကြောင့် လောလောဆယ်ရတဲ့ ရန်ပုံငွေနဲ့ တချို့နေရာတွေမှာ မြေသားလမ်း၊ တချို့နေရာတွေမှာ ကျောက်ချောလမ်း တချို့နေရာတွေမှာတော့ ကွန်ကရစ်ခင်းလိုက်တာပေါ့။ ၂၉ မိုင်ကို ကွန်ကရစ်ခင်းဖို့ဆိုရင် နှစ်စဉ် ဘတ်ဂျက်တွေ လျာထားပြီး ဆက်လုပ်ရဦးမှာပါ။ ဒီဘက် ဒေသက ရေလမ်းပဲ အားကိုးနေရတော့ ရာသီမရွေးသွားလာနိုင်တဲ့ လမ်းဖြစ်အောင် ပဏာမလုပ်ပါလို့ သမ္မတကြီးက ညွှန်ကြားထားတော့ အဲဒီအတိုင်း ကြိုးစားတာပေါ့။ ကွန်ကရစ်လမ်းကတော့ အဓိကတောင် တက်တောင်ဆင်းတွေမှာ မချော်အောင်၊ နောက်ပြန်မကျအောင် စသဖြင့် လုပ်တာပါ။ ကျောက်ချော လမ်းကလည်း ပြီးခါနီးပြီဆိုတော့ ကျောက်လမ်းပြီးသွားရင် ဗွက်နစ်တာတို့၊ တောင်ပေါ်မှာ လမ်းချောတာတို့ မဖြစ်တော့ဘဲ သွားလာရတာ အဆင်ပြေသွားမှာပါ။ အခုလောလောဆယ်ကိုပဲ ဟုမ္မလင်း-ဖောင်းပြင်-နန်တောဘက်ကနေ မန္တလေးဘက်ကိုသွားတဲ့ ကားလေးတွေ တစ်ရက်ကို ၁၆ စီးလောက် ပုံမှန်သွားနေပါပြီ” ဟု ၀န်ကြီးဦးသန်းညွန့်ဝင်းက ပြောကြားသည်။

အဆိုပါ ဖောင်းပြင်-ပင်လည် ဘူးလမ်းပိုင်း ၂၉ မိုင်အား ပြင်ဆင်ထိန်းသိမ်းမှု ပြုလုပ်ရာတွင် ကုမ္ပဏီတစ်ခုတည်းကို လုပ်ကိုင်ခွင့်ပေးခဲ့ခြင်းမဟုတ်ဘဲ လုပ်ငန်းအစုအဖွဲ့ ကိုးဖွဲ့ခွဲပြီး ကုမ္ပဏီရှစ်ခုအား လုပ်ကိုင်ခွင့်ပေးခဲ့ခြင်းဖြစ်သည်ဟု သိရသည်။

ဒီဇင်ဘာလဆန်းက ဖောင်းပြင်-ပင်လည်ဘူးဒေသတွင် မိုးရွာသွန်းခဲ့ပြီး ခင်းထားသောလမ်းပိုင်းအချို့ ပျက်စီးကာ သွားလာရခက်ခဲပြီး ထိုလမ်းပိုင်းများကိုလည်း ပြန်လည်ပြင်ဆင်နေကြာင်း သိရသည်။

“ပထမဆုံးအကြိမ် ခင်းတဲ့အခါကျတော့ အောက်ကတချို့မြေသားတွေက အသားမသေသေးတော့ မိုးရွာရင် ဗွက်ထပြီး အပေါ်က Land Slide ဖြစ်တာပေါ့။ အပေါ်က တောင်က မြေတွေပြိုကျလာတယ်။ အဲဒီအခါမှာ ရေတွေနဲ့နှောပြီး ခင်းထားတဲ့ လမ်းပေါ်မှာကျတယ်။ အဲဒီအခါမှာ အဲဒီအပေါ်ကနေ ကားတွေဖြတ်မောင်းတော့ ကျောက်တွေက ဘေးကိုစင်သွားတယ်။ အဲဒီလိုဖြစ်တာပေါ့။ အဲဒါကို တချို့ကျတော့ အကြိမ်ကြိမ် ပြန်ပြန်ပြင်ရမယ်။ ချက်ချင်း တစ်ခါတည်း တောက်လျှောက်မပြီးဘူး။ အခု ဒါဆိုရင် ကုမ္ပဏီတွေက ဒုတိယအကြိမ် အရှုံးခံပြီး ပြန်ခင်းပေးနေပါတယ်။ ကျွန်တော်တို့လည်း သွားကြီးကြပ်ပြီး သတ်မှတ်ချက် အရည်အသွေးမီအောင် လုပ်ခိုင်းထားပါတယ်။ ကျွန်တော်တို့ကလည်း အမြဲတမ်း ကြီးကြပ်ပြီး ညွှန်ကြားနေတယ်လေ။ ပရောဂျက်ဒါရိုက်တာကလည်း အနီးကပ်ကြီးကြပ်ပြီး ညွှန်ကြားနေတယ်။ လက်ရှိခင်းပြီးတဲ့ လမ်းရဲ့ အရည်အသွေးကိုလည်း စစ်နေပါတယ်။ နေပြည်တော်က QC အဖွဲ့တွေရှိတယ်။ သက်ဆိုင်ရာ လမ်းဦးစီးက တာဝန်ရှိပုဂ္ဂိုလ်တွေရော၊ သက်ဆိုင်ရာ မြို့နယ်စီခန့်တို့၊ လွှတ်တော်ကိုယ်စားလှယ်တို့လည်း အခါအားလျော်စွာ လာပြီးစစ်တာ ရှိပါတယ်။ အရည်အသွေးမပြည့်မီရင်တော့ လုံးဝလက်မခံပါဘူး။ ပိုက်ဆံကို ထိုက်ထိုက်တန်တန် ပေးထားတာပဲလေ။ ကိုယ့်တိုင်းပြည်အတွက် အကောင်းဆုံးဖြစ်အောင်လုပ်နေတဲ့ ကိစ္စမှာ ဒီလိုဘတ်ဂျက်ကို အလေအလွင့်ခံပြီး လုပ်တာကို လုံးဝ လက်မခံပါဘူး” ဟု ၀န်ကြီးဦးသန်းညွန့်ဝင်းက ဆက်လက် ပြောကြားသည်။

မူဆယ် ၁၀၅ မိုင် ကုန်သွယ်ရေးဇုန် ယာဉ်ငယ် စစ်ဆေးရေးဂိတ်အနီး အဝေးထိန်းမိုင်း တစ်လုံးတွေ့ရှိ

ရှမ်းပြည်နယ်မြောက်ပိုင်း မူဆယ်ခရိုင် မူဆယ်မြို့နယ် ၁၀၅ မိုင် ကုန်သွယ်ရေးဇုန် ယာဉ်ငယ်စစ်ဆေးရေးဂိတ်အနီး အမည်မသိအဖွဲ့မှ ထောင်ထားသော အဝေးထိန်းမိုင်းတစ်လုံး ဒီဇင်ဘာ ၃၁ ရက် နံနက်ပိုင်းက တွေ့ရှိခဲ့ကြောင်း ၁၀၅ မိုင် မေတ္တာရောင်စဉ်ပရဟိတအဖွဲ့ထံမှ သိရသည်။

“မနက် ၉ နာရီ ၄၅ မိနစ်လောက်က ယာဉ်ငယ်စစ်ဆေးရေးဂိတ်က ၀န်ထမ်းတွေ အပေါ့အပါးသွားရင်းနဲ့ တွေ့တာ။ ၂၄ ရက်နေ့က မိုင်းတွေ့ခဲ့တဲ့နေရာနဲ့ သိပ်မကွာဘူး။ တပ်မ (၈၈) က တပ်မတော်သားတွေ လာရောက်ပြီး သက်မဲ့ဖြစ်အောင် ဖယ်ရှားရှင်းလင်းခဲ့ပါတယ်။ အဝေးထိန်းမိုင်းလို့ သိရတယ်။ ယမ်းအား တော်တော်ပြင်းတယ်လို့ သိရတယ်”ဟု မေတ္တာရောင်စဉ်ပရဟိတအဖွဲ့မှ ကိုသိန်းဇော်ဦးက ပြောကြားသည်။

ဒီဇင်ဘာ ၂၄ ရက် နံနက်ပိုင်းတွင်လည်း ၁၀၅ မိုင် ကုန်သွယ်ရေးဇုန် ပြည်ထောင်စုလမ်းမကြီးဘေး ကတ္တားဟောင်းအနီး အဝေးထိန်းမိုင်း တစ်လုံးတွေ့ရှိခဲ့ပြီး တပ်မ (၈၈) လက်အောက်ခံ ခမရ (၄၁၅) မှ တပ်မတော်သားများမှ မိုင်းအား သက်မဲ့ဖြစ်အောင် ပြုလုပ်ပြီး ဖယ်ရှားရှင်းလင်းခဲ့ကြောင်း သိရသည်။

ဒီဇင်ဘာ ၂၃ ညနေ ၄ နာရီ ၁၅ မိနစ်၊၂၅ မိနစ်အချိန်များတွင် မူဆယ် ၁၀၅ မိုင် ကုန်သွယ်ရေးဇုန်သို့ အမည်မသိ လက်နက်ကိုင်တစ်စု လက်နက်ကြီးများဖြင့် လာရောက်ပစ်ခတ်ခဲ့ကာကာ ၁၂ နှစ်အရွယ် ကလေးတစ်ဦး သေဆုံးပြီး ကလေးတစ်ဦးနှင့် အမျိုးသားတစ်ဦး ထိခိုက်ဒဏ်ရာရှိခဲ့ကြောင်း သိရသည်။

ရန်ကုန်တိုင်းဒေသကြီး သုံးခွမြို့နယ် အဇတ်ဝကျေးရွာမှ ပဲစိုက်တောင်သူ ကိုမြင့်အောင်နှင့် တွေ့ဆုံမေးမြန်းခြင်း

မြန်မာနိုင်ငံတွင် နှစ်စဉ်ပဲမျိုးစုံစိုက်ဧက ၁၁ သန်းကျော်ရှိရာ မတ်ပဲ ၂၅  ရာခိုင်နှုန်း၊ ပဲတီစိမ်း ၂၆  ရာခိုင်နှုန်း၊  ပဲစင်းငုံ ၁၅ ရာခိုင်နှုန်း၊  ကုလားပဲ ရှစ်ရာခိုင်နှုန်း  စိုက်ပျိုးလျက်ရှိသည်။ မြန်မာနိုင်ငံမှ ပဲမျိုးစုံသီးနှံအများဆုံး ၀ယ်ယူလျက်ရှိသည့် အိန္ဒိယနိုင်ငံက ၂၀၁၇ ခုနှစ် သြဂုတ်လအတွင်း ပဲစင်းငုံ၊ မတ်ပဲနှင့် ပဲတီစိမ်းသီးနှံများအား ကန့်သတ်ကုန်စည်အမျိုးအစားအဖြစ် သတ်မှတ်ကာ ပဲတင်သွင်းမှုမူဝါဒ ပြောင်းလဲလိုက်သည်။ အိန္ဒိယနိုင်ငံက ၂၀၁၇ ခုနှစ် သြဂုတ် ၅ ရက် မှ ၂၀၁၈ ခုနှစ် မတ် ၃၁ ရက်အထိ ပဲစင်းငုံတင်သွင်းမှုကို တစ်နှစ်လျှင် တန်ချိန်နှစ်သိန်း၊၂၀၁၇ ခုနှစ် သြဂုတ်၂၁  ရက်မှ ၂၀၁၈ ခုနှစ် မတ် ၃၁ ရက်အထိ မတ်ပဲနှင့် ပဲတီစိမ်းတင်သွင်းမှုကို တစ်နှစ်လျှင် တန်ချိန်သုံးသိန်သတ်မှတ်ခဲ့ခြင်းကြောင့် မြန်မာ့ဈေးကွက်အတွင်း ပဲဈေးနှုန်းများ ထိုးဆင်းခဲ့သည်။ လတ်တလောတွင် ဈေးကွက်ပျောက်နေသော ပဲများအစား အခြားဈေးကွက်ဝင်သီးနှံများ ပြောင်းလဲစိုက်ပျိုးရန် အသိပေးလျက်ရှိသော်လည်း ပဲစိုက်တောင်သူအများစု မတ်ပဲ၊ ပဲတီစိမ်းတို့ကိုသာ ဆက်လက်စိုက်ပျိုးနေဆဲ ဖြစ်သည်။ ရန်ကုန်တိုင်းဒေသကြီး၊ သုံးခွမြို့နယ်အတွင်းမှ ပဲစိုက်တောင်သူများနှင့်တွေ့ဆုံခိုက် ပဲစိုက်ဧက လျော့နည်းသွားခြင်းမရှိဘဲ ယခင်နှစ်များအတိုင်း စိုက်ပျိုးထားမှုအခြေအနေများကို မေးမြန်းထားသည်ကို ပြန်လည်ဖော်ပြလိုက်ပါသည်။

‘ကျွန်တော်တို့ တွက်ခြေကိုက်တဲ့ဈေးတော့ ရမယ်မထင်ဘူး။ ဒါပေမဲ့ စိုက်ထားတဲ့ အရင်းကျေမယ့်ဈေးတော့ ရမယ်မျှော်လင့်ပါတယ်။ အရင်းရတယ်ဆိုရင်ပဲ ဒီလယ်ကို ပစ်မထားနိုင်ဘူး။ မစိုက်ဘဲထားလို့မရဘူး’

 

■ မေး ။ သုံးခွမြို့နယ်ထဲမှာ ပဲတီစိမ်းစိုက်ပျိုးတဲ့ အခြေအနေက စပြီးပြောပြပေးပါ။

■ ဖြေ ။  ကျွန်တော်တို့ရွာမှာ ပဲတီစိမ်းကို အဓိကစိုက်ပျိုးပါတယ်။ ကျွန်တော်တို့ တစ်နယ်လုံး ပဲတီစိမ်းကိုပဲ အားထားစိုက်တယ်၊  ခါတိုင်းနှစ်တွေစိုက်ဧကအတိုင်း ဒီနှစ်လည်း စိုက်ကြပါတယ်။

■ မေး ။ ပဲအထွက်နှုန်းကရော။

■ ဖြေ ။ ပြီးခဲ့တဲ့နှစ်တွေမှာ အထွက်နှုန်းတွေက နဲနဲပါတယ်။ ဘာကြောင့်လဲဆိုတော့ ရိတ်စက်တွေနဲ့ရိတ်တော့ ပဲအထွက်နှုန်းတော့ နည်းနည်းလျော့သွားတယ်။ စက်တွေသုံးပြီး ရိတ်တဲ့အခါ  ပဲအထွက်နှုန်း နည်းနည်းလျော့တယ်။

လက်ရှိ ကျွန်တော်လုပ်ကိုင်နေတာက ၁၂ ဧကခွဲရှိပေမယ့် ကျွန်တော်တို့အဇတ်ဝ ကျေးရွာမှာတင် တောင်သူက ၁၉၈ ဦး၊ စိုက်  ၁၅၉၁ ဧကရှိတယ်။ ဒါက စပါးစိုက်တာ၊ စပါးစိုက်သမျှတွေမှာ ပဲအကုန်စိုက်ပါတယ်။ ကျန်တောင်နည်းနည်းပါးပါးပဲ။ ဆိုတော့ ဧက ၁၅၀၀ လောက်စိုက်တယ်။ တချို့တောင်သူတွေဆို  တစ်ဦးထဲ ဧက ၅၀၊ ၅၀ အထက်လုပ်ကိုင်နေတဲ့ တောင်သူတွေလည်း ရှိပါတယ်။

ပဲအထွက်နှုန်းက ရိတ်စက်နဲ့ရိတ်တဲ့အခါ နဲနဲဆုတ်လာတယ်။ ပထမနှစ်မှာ တစ်ဧကကို ၂၀ လောက် သီးရင် နောက်နှစ်မှာ ၁၇ တင်း၊ ၁၈ တင်းပေါ့။ ၁၇၊ ၁၈ တင်းလောက် ကနေ ၁၆ တင်းလောက်ပဲ ထွက်တယ်။ ဒီနှစ် အတိုင်းအတာမှာ ဘယ်လောက်လျော့ဦးမလဲ မသိသေးဘူး။ ဒါက ရိတ်စက်တွေကြောင့် အလေအလွင့်တွေကနေ ဖြစ်တယ်။ စပါးရိတ် လိုက်တဲ့အခါ ရိတ်စက်ရဲ့ ဘီးရာတွေကြောင့် ပဲပင်ကပေါက်တော့ ပေါက်တယ်၊ အသီးမသီးနိုင်တော့ဘူး။ အပင်ကတော့ ဒီလောက်ကြီး မဆိုးလှပါဘူး။ ရိတ်စက်နဲ့ရိတ်တာက စပါးမှည့်တယ်ဆိုရင် အခုက ပွဲစားကလည်း စပါးဝယ်တာမှာ စိမ်းစိမ်းစိုစို ၀ယ်တာပဲ။ ၀ယ်တဲ့ အခါ မိုးရေထဲမှာ ရိတ်တဲ့အခါ ဘီးရာက အများကြီးထင်ကျန်တာပေါ့။ ထင်သွားတဲ့အခါ သိပ်သည်းမှုက ပိုများပြီး ပဲစိုက်တဲ့အခါ ပဲပင်က ပိုဆိုးသွားတာပေါ့။

■ မေး ။ ပဲတစ်ဧကစိုက်ရင် ကုန်ကျစရိတ်က အကြမ်းဖျင်းဘယ်လောက်ရှိမလဲ။

■ ဖြေ ။  ပဲတစ်တင်းရဲ့ မျိုးစေ့ဖိုးက ငါးသောင်းပဲထားလိုက်တော့၊ ထွန်စက်ခက လေးသောင်းကျတယ်၊  ဆေးဖိုးက အနည်းဆုံး ငါးသောင်းလောက်ကုန်တယ်။ ဒါတောင် အလုပ်သမား ဆေးဖျန်းခ မပါသေးဘူး။ အလုပ်သမားခက နေ့ပြတ်နဲ့ ပေးရတာ။ ဆေးက ရှစ်ကြိမ်လောက် ဖျန်းရတယ်၊ အခုကျွန်တော်တို့ လယ်တွေ တစ်ရက်တစ်မွန်းတည့်ဖျန်းရတယ်။ နောက်ပိုင်းတွေကျတော့  အပင်နည်းနည်းကြီးလာရင် နှစ်ရက်ကနေ နှစ်ရက်ခွဲ၊ နှစ်ရက်ခွဲကနေ သုံးရက်ပေါ့။ အဲဒီလောက်အထိ ကူးရတယ်။ ဆိုတော့ ဖျန်းရတဲ့အကြိမ်က ရှစ်ကြိမ်လောက် ဖျန်းရတယ်။ ဆိုတော့ ရက် ၂၀ လောက်ရှိတယ်။ အလုပ်သမားခက တစ်နေ့ကို ၇၀၀၀ ကျပ်၊ ရက် ၂၀ ဆိုတော့  ၁၄၀၀၀၀ လောက်ကုန်တယ်။ ဆိုတော့ ဆေးဖျန်းခချည်းပဲ နှစ်သိန်းခွဲလောက်ကျတယ်။ ဒါက ကျွန်တော့် ၁၂ ဧကခွဲမှာ တစ်ရာသီစာမှာ ကုန်ကျစရိတ်ကို ပြောတာ။

■ မေး ။ လက်ရှိ ပဲဈေးအခြေအနေက ဘယ်လိုရှိလဲ။ အမြင့်ဆုံးဈေးကောင်း ရခဲ့တဲ့နှစ်က ဘယ်တုန်းကဖြစ်မလဲ။

■ ဖြေ ။  ၂၀၁၅ လောက်က ဈေးကောင်းရခဲ့တယ်။ ၆၅၀၀၀ ကျပ်ဈေးနဲ့ ရောင်းခဲ့ရတယ်။ လက်ရှိပဲဈေး အခြေအနေကတော့ ဘာသံမှ မကြားသေးပါဘူး။

■ မေး ။ မြန်မာနိုင်ငံကပဲကို အိန္ဒိယကို အဓိက တင်ပို့ခဲ့တာပါ။ အိန္ဒိယဘက်က မတ်ပဲ၊ ပဲတီစိမ်း၊ ပဲစင်းငုံတွေကို သူတို့ဆီကို တင်သွင်းခွင့် ကန့်သတ်ထားတယ်။ ဆိုတော့ ဒီနှစ် ပဲဈေးကတောင် သူတွက်ခြေကိုက်တဲ့ ဈေးနှုန်းဖြစ်ပါ့မလား။ တစ်ဖက်ကလည်း ပဲဈေးကောင်းလာမလားမကောင်း ဘူးဆိုတဲ့အခြေအနေမှာ အရင်နှစ်တွေအတိုင်း အပြည့်အ၀ စိုက်ထားတယ်ဆိုတဲ့ အခြေအနေကိုလည်း ပြောပြပေးပါ။

■ ဖြေ ။  ဈေးအနေနဲ့ဆိုရင်တော့ ခုနက  ကျွန်တော်ပြောသလို တစ်တင်းကို လေးသောင်းလောက်ရမှ အဆင်ပြေရုံပဲ ရှိသေးတယ်။ အမြတ်အစွန်းမပါသေးဘူး။ လေးသောင်းထက် ဈေးနည်းနည်း အေးသွားတာမျိုး ရှိခဲ့ဖူးတယ်။

အခုချိန်မှာ Export အခြေအနေက ဘာမှန်းမသိနိုင်သေးဘူး။ ပြည်ပကိုသွားမှလည်း ကျွန်တော်တို့ ပဲဈေးကကောင်းမှာပေါ့နော်။ ကျွန်တော် သတင်းတွေထဲမှာ ဖတ်ရသိရပါတယ်။ တကယ်လို့ နိုင်ငံခြားက မ၀ယ်ဘူးဆိုရင် မြန်မာနိုင်ငံက ၀ယ်ပေးပါ့မယ်တဲ့။ အစိုးရအနေနဲ့ ၀ယ်ပေးမယ်လို့ သိရပါတယ်။

ပြောရရင် ကျွန်တော်တို့ တွက်ခြေကိုက်တဲ့ဈေးတော့ ရမယ်မထင်ဘူး။ ဒါပေမဲ့ စိုက်ထားတဲ့အရင်းကျေမယ့် ဈေးတော့ရမယ် မျှော်လင့်ပါတယ်။ အရင်းရတယ်ဆိုရင်ပဲ ဒီလယ်ကို ပစ်မထားနိုင်ဘူး။ မစိုက်ဘဲထား လို့မရဘူး။ ဒီအတိုင်းပစ်ထားရင် နောက်နှစ်ကျလယ်က အရိုင်းဖြစ်သွားမယ်၊ အဲဒါကြောင့်မို့ ကျွန်တော်တို့ ပဲတီစိမ်းကို ဆက်စိုက်ထားပါတယ်။ ဈေးကောင်းကိုအရမ်း မမျှော်လင့်ပေမဲ့ ကိုယ်လယ်တွေ အရိုင်းဖြစ်သွားမှာစိုးလို့  ပဲတီစိမ်းကို ဆက်ပြီး စိုက်ထားရတာပါ။

■ မေး ။ ပဲဈေးကွက်အလားအလာက ဘာမှန်းမသိသေးတော့ အဓိကပဲစိုက်ဒေသတွေမှာ ပဲအစား အခြားဈေးကွက်ဝင် သီးနှံတွေအစားထိုး  စိုက်ပျိုးကြပါဆိုတာမျိုးတွေ  ပြောလာကြတယ်။

■ ဖြေ ။  ကျွန်တော်တို့ဆီမှာတော့ ဘာမှလာပြီး မပြောကြပါဘူး။ တီဗွီမှာလွှင့်တာတော့ ကြားရပါတယ်။ ဒါပေမဲ့ ကျွန်တော်တို့ဆီကို ကွင်းဆင်းပြီးပြောတာမျိုးတော့ မတွေ့မိပါဘူး။ ကျွန်တော်တို့ ၀န်းကျင်မှာတော့ ကိုယ်စိုက်နေကျ ပဲတွေပဲ ဆက်လက်စိုက်ပျိုးနေကြပါတယ်။ ကျွန်တော်တို့ဒေသက ပဲအဓိကထွက်တဲ့ နေရာထဲမှာ ပါပါတယ်။ ရန်ကုန်တိုင်းအနေနဲ့ပြောရင် သုံးခွမြို့နယ်က ပဲလည်းအထွက်ဆုံး၊ ပဲအရည်အသွေးလည်း အကောင်းဆုံးလို့ သိရပါတယ်။

■ မေး ။ ပဲကို ပြည်ပတင်ပို့တဲ့အခါ ကုန်ကြမ်းအတိုင်း တင်ပို့တာပေါ့နော်။ တချို့ပဲတွေမှာ ဆေးတွေအရမ်းသုံးထားလို့ ဓာတုဓာတ်ကြွင်းတွေ တွေ့ရှိတယ်ဆိုပြီး တကယ့်ဈေးကောင်းရတဲ့ အီးယူ၊ ဂျပန်ဈေးကွက်တွေ ပို့တဲ့အခါမှာ ပြဿနာရှိတာတွေ ကြားရပါတယ်။ ဒီပြဿနာကို ဘယ်လိုဖြေရှင်းသင့်တယ်လို့ မြင်ပါသလဲ။

■ ဖြေ ။ အမှန်က ဆေးသုံးတယ်ဆိုတာ  ကုန်သည်ကြီးတွေ သူတို့ဂိုဒေါင်တွေမှာ ပဲသိုလှောင်ဖို့ ဆေးဖျန်းတယ်။ ပဲအပင်တွေကို ဖျန်းတဲ့ဆေးက ပဲမခူးခင် အပင်မှာတင် အာနိသင်ကုန်သွားတယ်။ အဆီဖိတ်ပိုးသတ် ဆေးဆိုရင် သူ့သက်တမ်းဆေးရဲ့ အာနိသင်က ၂၂ရက်ကြာတယ်။ ပဲခူးခါနီး ၁၅ ရက်ပဲ ကျန်တော့တယ်ဆိုရင် အဆီပိတ်ဆေးကို မဖျန်းပါနဲ့တော့ဆိုပြီး ပြောတာတွေရှိတယ်။ စောစောက ကျွန်တော်ပြောပြခဲ့တဲ့ ပဲဖျန်းတာက ရှစ်ကြိမ်ရှိတယ်ဆိုတာမှာ အပင်လေးတွေ စထွက်လာပြီး ၁၅ ရက်သားမှာ ပိုးသတ်ဆေးစဖျန်းတယ်။ ငါးရက်အကြာ ခြောက်ရက်အကြာမှာ တစ်ခါထပ်ဖျန်းတယ်။ သူ့ရက်နဲ့သူပေါ့။ နောက်ရက်တွေမှာ တချို့လယ်သမားက အားဆေးမထည့်ဘူး၊ မြေဆီနဲ့ပိုးသတ်ဆေးရော ဖြန်းတယ်။ တချို့လယ်သမားက အားဆေးနဲ့ ပိုးသတ်ဆေးရောဖြန်းတယ်။ ပထမအသုတ်တွေမှာ မှိုဆေးတွေ ထည့်ဖျန်းတယ်။ မှိုစွဲရင် အသီးအားနည်းလို့ မှိုဆေးထည့်ဖျန်းတာ။ နောက်ဆုံးအကြိမ်က နောက် ၁၅ ရက်ကြာရင် ပဲခူးတော့မယ်ဆိုရင် ဆေးကိုဖြတ်လိုက်ပြီ။ ဘာဆေးမှထပ် မဖျန်းတော့ဘူး။ အမှန်တကယ်က လယ်သမားဆီက ဆေးက ပါခဲပါတယ်။ ကုန်သည်တွေက သိုလှောင်ရုံမှာ ဆေးပြားတွေထည့်တယ်၊ ဆေးတွေဖျန်းထားတယ်။ သိုလှောင်ထားတဲ့ပဲကို ဆေးမထည့်ထားရင်လည်း ပိုးကိုက် သွားမှာလေ၊ အဲဒါကြောင့် ဆေးထည့်ထားရတာပေါ့။ တောင်သူတွေကြောင့် တစ်ခုတည်းနဲ့တော့ ဒီဓာတုဓာတ်ကြွင်းပြဿနာရှိတာ မဟုတ်ပါဘူး။ သိုလှောင်ရုံတွေမှာ ဆေးဖြန်းတဲ့ကိစ္စတွေလည်း ရှိပါတယ်။

■ မေး ။ ပဲလုပ်ငန်းခွင်မှာ တခြားကြုံတွေ့နေရတဲ့ အခက်အခဲက ဘာတွေရှိဦးမလဲ။

■ ဖြေ ။ အဲဒါက အလုပ်သမားပြဿနာပဲ။ လုပ်သားရှားတယ်။ ငှားချင်တိုင်းငှားမရဘူး။ မိန်းကလေးဆိုရင်လည်း အထည်ချုပ်ကို သွားတယ်။ ယောက်ျားလေးတွေက ထိုင်းကိုသွားတယ်။ ပြည်ပထွက်ပြီး အလုပ်လုပ်နေကြတယ်။ ဒီလိုဖြစ်နေတာ နှစ်နှစ်ကျော်ပြီ၊ အလုပ်သမားရှားတော့ အလုပ်သမားတစ် ယောက်ကိုတစ်နေ့ ထမင်းသုံးနပ်ကျွေးပြီး တစ်နေ့ကို ၇၀၀၀ ကျပ်ပေးတာကိုတောင် ငှားချင်တိုင်းငှားမရဘူး။

■ မေး ။ ထပ်မံဖြည့်စွက်ပြောချင်တာများရှိရင် ပြောပြပေးပါ။

■ ဖြေ ။ ကျွန်တော်တို့ကတော့ ပဲဈေးကောင်းချင်တယ်။ ကျွန်တော်တို့က စပါးထက်ပဲကို ပိုပြီးအားထားစိုက်တယ်။ ပဲကဈေးကွက်တစ်ခုတည်း အားကိုးပြီးပို့နေရတာဆိုတော့ အဲဒီဈေးကွက်ကလည်း မ၀ယ်ရော  အကုန်တိုင်ပတ်ကုန်ရော။ ဈေးကောင်းရမယ့်နိုင်ငံတွေ ကိုပို့ဖို့၊ ပဲဈေးကွက်ပြန်ကောင်းလာဖို့ ကျွန်တော်တို့ ပဲတောင်သူတွေကို လို အပ်တဲ့နည်းပညာတွေ မျိုးကောင်းမျိုးသန့်တွေ ပံ့ပိုးပေးစေချင်ပါတယ်။ ဘာလို့လဲဆိုရင် အခုကျွန်တော်တို့သုံးနေတာက ကိုယ့်မျိုးနဲ့ကိုယ် ပြန်စိုက်နေတာဖြစ်ပါတယ်။ စောစောကပြောတဲ့ ဓာတုဓာတ်ကြွင်းပြဿနာကလည်း ကျွန်တော်တို့ ပဲစိုက်တောင်သူကနေ ကုန်သည်အဆုံး အားလုံးဝိုင်းလုပ်ရမယ့်ကိစ္စ ဖြစ်တယ်ဆိုတာကို ပြောချင်ပါတယ်။

အခုလိုဖြေကြားပေးတာ ကျေးဇူးတင်ပါတယ်။

ကာလရှည်လာသည့်အတွက် မြိုင်ကြီးငူစစ်ဘေးဒုက္ခသည်များ၏ စားနပ်ရိက္ခာ ပိုမိုကျပ်တည်းလာပြီး ရေရှည်တွင် ဆိုးရွားလာဖွယ်ရှိနိုင်ကြောင်း မြိုင်ကြီးငူဒေသခံများ ပြောကြား

မြိုင်ကြီးငူ စစ်ဘေးဒုက္ခသည်စခန်းတွင် စစ်ဘေးခိုလှုံသူများ စားသောက်နေကြသည့် မြင်ကွင်း

ကာလရှည်ကြာလာသည့်အလျောက် မြိုင်ကြီးငူစစ်ဘေးဒုက္ခသည်များ၏ စားနပ်ရိက္ခာမှာ ပိုမိုကျပ်တည်းလာပြီး ရေရှည်ကာလများတွင် ဆိုးရွားလာဖွယ် အခြေအနေရှိကြောင်း မြိုင်ကြီးငူဒေသခံများက ပြောကြားသည်။

၂၀၁၆ ခုနှစ် စက်တင်ဘာလဆန်းပိုင်းမှစ၍ နယ်ခြားစောင့်တပ် (BGF)၊ တပ်မတော်ပူးပေါင်းတပ်ဖွဲ့နှင့် ခွဲထွက် DKBA တို့၏ တိုက်ပွဲဖြစ်စဉ်ကြောင့် ကရင်ပြည်နယ် လှိုင်းဘွဲ့မြို့နယ် မြိုင်ကြီးငူဒေသသို့ ကျေးရွာ ၃၃ ရွာမှ ဒေသခံပြည်သူ အိမ်ထောင်စု ၁၀၀၇ စု၊ ကျား ၂၇၆၇ ဦး၊ မ ၂၇၆၈ ဦး စုစုပေါင်း ၅၅၃၅ ဦး စစ်ရှောင်ခိုလှုံခဲ့ပြီး ယနေ့အထိ နေရပ်သို့ မပြန်နိုင်သေးဘဲ စားနပ်ရိက္ခာ ကျပ်တည်းမှုကို ခံစားနေရကြောင်း သိရသည်။

“တစ်နေ့ကို ဆန်အိတ် ၅၀ နီးပါး ချက်ပြုတ်ပေးနေရတော့ ရေရှည်အတွက် စိုးရိမ်စရာ အခြေအနေ ရှိပါတယ်။ ဒီမှာ ဆန်ပြတ်လပ်ပြီး အလှူရှင်မပေါ်ပေါက်ရင် သူတို့အတွက် အခြေအနေ ဆိုးရွားလာနိုင်တယ်။ အသက်သတ်လွတ် နယ်မြေဖြစ်တော့ ဖြစ်သလို၊ ကြုံသလို စားသောက်နေရတယ်။ နေ့စဉ်တော့ ရိုးရာတာလပေါ့ဟင်းနဲ့ နှမ်းထောင်း ငါးပိရည်နဲ့ နှစ်ပါးသွားရတာလေ။ လက်ရှိမှာ ဆန်၊ ဆီ၊ ဆား စတဲ့ရိက္ခာတွေ အမြန်လိုအပ်နေတယ်” ဟု မြိုင်ကြီးငူဒေသခံ ကိုစောလင်းကြည်က ပြောကြားသည်။

“ဒီမှာ နေသားကျနေပြီဆိုပေမဲ့ မပျော်ပါဘူး။ ရွာကိုပဲ ပြန်သွားချင်ပါတယ်။ ကိုယ့်လူမျိုးအချင်းချင်း အခဲမကြေတိုက်ပွဲက ဒီကနေ့အထိ ကြိုကြားကြိုကြား ဖြစ်နေတုန်းဆိုတော့ ရွာကို ဘယ်ပြန်ရဲမှာလဲ။ ကိုယ့်အရှေ့မှာတင် ရွာကိုအရဲစွန့်ပြန်သူတွေ မိုင်းနင်းမိလို့ သေကုန်ကြတာ တွေ့ရတော့ ဒီမှာပဲ စိတ်ဒုန်းဒုန်းချပြီး နေရတာပေါ့” ဟု မြိုင်ကြီးငူ မြတ်ပန်းဝတ်မှုံခန်းမဆောင်တွင် စစ်ဘေးရှောင်ခိုလှုံသူ ထီးတောဖလော် ရွာသားတစ်ဦးက ပြောကြားသည်။

မြိုင်ကြီးငူဒေသတွင် လှိုင်းဘွဲ့၊ ဖာပွန်မြို့နယ်များမှ ကျောက်တောင်၊ မယ်တော်ကြိုး၊ ထီးတောဖလော်၊ တမိုဖိုး၊ ထီးနော့ထ၊ ထီးသာထ၊ မဲသဝေါ၊ ထီးတာဒို့၊ ထီးယက်ကလိုး၊ မယ်ပလိုစီး၊ လဲပယ်ဒဲ၊ ကလော်ကွီး၊ ထီးကနဲထ၊ ရင်းပိုင်းချောင်းဝ၊ ပလဲဝေါ်၊ ရင်းပိုင်းချောင်းမ၊ ကလောဒေး၊ ဒါဘောဘော၊ တောင်ကြား၊ ယောခုခီ၊ ပိုင်လာကြီး၊ မယ်သဝေါမုဒ်ဝ၊ ၀ဘွေးတု၊ တဒေါကြိုးဘိုး၊ ကျုံထော်၊ ကလောတယ်ထ စသည့်ကျေးရွာများမှ စစ်ဘေးဒုက္ခသည် ၅၀၀၀ ကျော် ယနေ့အထိ ခိုလှုံနေရဆဲဖြစ်ကြောင်း သိရသည်။

ကရင်ပြည်နယ် လိူင်းဘွဲ့မြို့နယ် မြိုင်ကြီးငူဒေသသို့ရောက်ရှိ ခိုလှုံနေသူ စစ်ဘေးရှောင်ဒုက္ခသည် ၅၀၀၀ ကျော်မှာ ယနေ့အချိန်တွင် ရိက္ခာပြတ်လပ်မှုကြုံနေရသဖြင့် မည်သူမဆို မြိုင်ကြီးငူဒေသသို့ လာရောက်လှူဒါန်းပါရန် ဒေသခံပြည်သူများက မျှော်လင့်လျက်ရှိပြီး ကာလရှည်ကြာလာပါက အခြေအနေ ဆိုးရွာလာဖွယ်ရှိကြောင်း မြိုင်ကြီးငူဒေသခံများက ပြောကြားသည်။ စိုးစိုး (ဘားအံ)

စတော့အိတ်ချိန်းအတွက် ရွေးချယ်ခံထားရသည် MAPCO မှ အကျိုးစီးပွားသက်ဆိုင်သူများ၏ ကျင့်ဝတ်၊ အစုရှယ်ယာထည့်ဝင်သူများ၊ လယ်ယာကဏ္ဍနှင့် သက်ဆိုင်သူများအပေါ် တာဝန်ယူတာဝန်ခံမှု၊ အလွဲသုံးစားမှုများနှင့် ကိုယ်ကျိုးစီးပွားရှာဖွေမှုများအတွက် အမည်မဖော်ဘဲတိုင်ကြားနိုင်မှု ယနေ့စတင်မည်ဟု MAPCO ထုတ်ပြန်

MAPCO မှ နေပြည်တော်တွင် တည်ဆောက်နေသော စပါးခွံမှ လျှပ်စစ်ထုတ်ယူရေးစက်ရုံ၊ စွန့်ပစ်ပစ္စည်းမှ လျှပ်စစ်စွမ်းအင် ထုတ်လုပ်ရေးစက်ရုံစီမံကိန်းကို တွေ့ရစဉ် (Photo – MAPCO)

ရန်ကုန်စတော့အိတ်ချိန်းတွင် စာရင်းဝင်ကုမ္ပဏီအဖြစ် ရွေးချယ်ခံထားရသည့် မြန်မာနိုင်ငံ လယ်ယာစီးပွားရေးအများပိုင် ကော်ပိုရေးရှင်းလီမိတက် (MAPCO ) ၏၀န်ထမ်းများ၊ အကျိုးစီးပွားသက်ဆိုင်သူများ၏ ကျင့်ဝတ်ပိုင်းဆိုင်ရာကောင်းမွန်မှု၊ အစုရှယ်ယာ ထည့်ဝင်သူများ၊ လယ်ယာကဏ္ဍနှင့် သက်ဆိုင်သူများအပေါ် တာဝန်ယူတာဝန်ခံမှု၊ အလွဲသုံးစားမှုများနှင့် ကိုယ်ကျိုးစီးပွားရှာဖွေမှုများအတွက် အမည်မဖော်ဘဲတိုင်ကြားနိုင်မှု  (Whistle Blowing) ကို ၂၀၁၈ ခုနှစ် ဇန်န၀ါရီ ၁ ရက်တွင် စတင်မည်ဖြစ်ကြောင်း MAPCO က သတင်းထုတ်ပြန်သည်။

MAPCO အနေဖြင့် ရုံးတွင်းပိုင်းစီမံခန့်ခွဲမှုနှင့် ထိန်းကွပ်မှု (Internal Control and Structure) ၊ ဒါရိုက်တာဘုတ်အဖွဲ့ဝင်များ အပါအ၀င် အကြီးတန်း၊ အငယ်တန်းဝန်ထမ်းအားလုံးကို နိုင်ငံတကာနှင့် ပြည်တွင်းတွင် လက်ခံကျင့်သုံးနေသော အကျင့်စာရိတ္တပိုင်းဆိုင်ရာ စံနှုန်းများနှင့်အညီ သိက္ခာ၊ သမာဓိရှိစွာဖြင့် ဖြောင့်မှန်စွာ ပြုမူကျင့်ကြံရန် မူဝါဒချမှတ်ထားသည်။

MAPCO ၏ တာဝန်ရှိသူများ၊ ၀န်ထမ်းများအားလုံးသည် မြန်မာနိုင်ငံတွင် ထုတ်ပြန်ထားသော တည်ဆဲဥပဒေများ၊ ကုမ္ပဏီမှ လက်ခံကျင့်သုံးလျက်ရှိပြီး အဖွဲ့ဝင်အဖြစ် ပါဝင်ဆောင်ရွက်နေသော UN Global Compact ဆိုင်ရာ စည်းကမ်းချက်များကို တိကျစွာလိုက်နာရန် တာဝန်ရှိသဖြင့် Whistle Blowing မူဝါဒကို သိရှိလိုက်နာနိုင်ရန် ထုတ်ပြန်ခြင်း ဖြစ်သည်။

MAPCO တွင် တာဝန်ထမ်းဆောင်နေသော တစ်စုံတစ်ယောက်၊ အဖွဲ့တစ်ဖွဲ့ဖွဲ့သည် တည်ဆဲဥပဒေများ၊ MAPCO မှ ချမှတ်ထားသော မူဝါဒများ၊ စည်းကမ်းချက်များ၊ အကျင့် စာရိတ္တပိုင်းဆိုင်ရာ ချိုးဖောက်မှုများ၊ အလွဲသုံးစားမှုများနှင့် MAPCO ၏ အကျိုးစီးပွား မဟုတ်ဘဲ ကိုယ်ကျိုးစီးပွားကို ရှေ့တန်းတင် ဆောင်ရွက်မှုများကို ပြုလုပ်ကြောင်းသိရှိခြင်း နှင့် ပြုလုပ်ကြောင်း သံသယရှိသဖြင့် ယင်းကိစ္စကို စုံစမ်းဖော်ထုတ်ရန် လိုအပ်ပါက၊ ဥက္ကဋ္ဌ၊ အုပ်ချုပ်မှုဒါရိုက်တာနှင့် အမှုဆောင် မဟုတ်သော ဒါရိုက်တာ (Nonexecutive Director) ထံ တင်ပြသတင်းပေးနိုင်မည် ဖြစ်သည်။

ယခုကဲ့သို့ မူဝါဒချမှတ်ဆောင်ရွက်ခြင်းသည် ၀န်ထမ်းများအပါဝင် MAPCO နှင့် သက်ဆိုင်သူများ၏ ကျင့်ဝတ်ပိုင်းဆိုင်ရာ ကောင်းမွန်မှုနှင့် အစုရှယ်ယာထည့်ဝင်သူများ၊ လယ်ယာကဏ္ဍနှင့် သက်ဆိုင်သူများ အပေါ် တာဝန်ယူမှု၊ တာဝန်ခံမှု အတွက်ဖြစ်သည်။ ထို့ပြင် ၀န်ထမ်းများ၏ ရပိုင်ခွင့်များ၊ အကြံပြုချက်များကို ပေးပို့နိုင်ရန်စီစဉ်ပေးမှုလည်း ဖြစ်သည်။ ရာထူးအလိုက်အဆင့်ဆင့် အုပ်ချုပ်မှုကြောင့် အောက်ခြေမှ အထက်သို့ တင်ပြအကြံပြုနိုင်မှု အားနည်းပြီးအပြစ်ပေးခံရမည်ကို စိုးရိမ်ခြင်း (သို့မဟုတ်) ဖွင့်ဟတင်ပြနိုင်ရန် အခြေအနေမပေး၍ ကြိတ်မှိတ်မြိုသိပ်ထားရခြင်းမှ ကာကွယ်ပေးရန်လည်း ဖြစ်သည်။

တိုင်ကြားအသိပေးမှုများကို စနစ်တကျ စုံစမ်းဖော်ထုတ်ပြီး တာဝန်ယူမှု၊ တာဝန်ခံမှုရှိစွာဖြင့် ကိုင်တွယ်ဖြေရှင်းပေးရန် ဒါရိုက်တာအဖွဲ့မှ အပြည့်အ၀ တာဝန်ယူမည် ဖြစ်သည်။ ထို့ပြင် တင်ပြတိုင်ကြားသည့် ကိစ္စနှင့်ပတ်သက်၍ လုံခြုံစွာဖြင့် လျှို့ဝှက်ထားရန်နှင့် တိုင်ကြားသူကို အပြည့်အ၀ အကာအကွယ်ပေးရန် ဒါရိုက်တာအဖွဲ့နှင့် ကုမ္ပဏီမှ တာဝန်ယူမည်ဖြစ်ပြီး တိုင်ကြားမှုများကို အမည်ဖော်ပြတိုင်ကြားခြင်း (သို့မဟုတ်) အမည် ဖော်ပြခြင်းမပြုဘဲ တိုင်ကြားခြင်း (Whistle Blowing) စသည်ဖြင့် တင်ပြ သတင်းပို့နိုင်ပြီး ထိုသို့ ထုတ်ဖော်တိုင်ကြားမှုပြုလုပ်ခြင်းကြောင့် တိုက်ရိုက်၍သော်လည်းကောင်း၊ အငြိုးထားပြီး သွယ်ဝိုက်အားဖြင့်သော်လည်းကောင်း ပြစ်ဒဏ်ခတ်ခံရနိုင်သည့် အန္တရာယ်မရှိစေဘဲ အပြည့်အ၀ကာကွယ်ပေးမည် ဖြစ်သည်။ တိုင်ကြားခံရသူများအတွက်ကိုလည်း ပြန်လည်ရှင်းလင်းချေပနိုင်မည့် အခွင့်အလမ်းကိုပေးမည်ဖြစ်ပြီး ဘက်လိုက်မှုကင်းစွာဖြင့် စုံစမ်းဖော်ထုတ်ခြင်းကို နည်းမှန်၊ လမ်းမှန် စီမံခန့်ခွဲဆောင်ရွက်ရန် ကုမ္ပဏီမှအပြည့်အ၀ တာဝန်ယူကြောင်း ထုတ်ပြန်ချက်တွင် ဖော်ပြထားသည်။

ရခိုင်ပြည်နယ်တွင် ပုဂ္ဂလိကပိုင် ရခိုင်မုန့်တီခြောက်လုပ်ငန်း လုပ်ကိုင်သူများလာ

လက်ရှိလုပ်ကိုင်လျက်ရှိသည့် ရခိုင်မုန့်တီခြောက်လုပ်ငန်းခွင်ကို တွေ့ရစဉ်

ရခိုင်ပြည်နယ်တွင် ရခိုင်အမျိုးသားပုဂ္ဂလိကပိုင် ရခိုင်မုန့်တီခြောက်လုပ်ငန်း အရှိန်အဟုန်ဖြင့် တိုးတက် မြင့်မားလာကြောင်း ရမ်းဗြဲမြို့နယ် အခြေစိုက် ရွှေရခိုင်အဆင့်မြင့် သဘာဝမုန့်တီခြောက်လုပ်ငန်းရှင်ထံမှ သိရသည်။

အချိန်တိုအတွင်း ယခုကဲ့သို့ ဖြန့်ဖြူးမှု အားကောင်းလာရခြင်းမှာ ရခိုင်မုန့်တီကို ရခိုင်လူမျိုးတိုင်း မဖြစ်မနေ စားသုံးလေ့ရှိခြင်း၊ ရခိုင်ဒေသထွက် ဆန်များကောင်းမွန်ခြင်း၊ ဈေးနှုန်းချိုသာခြင်းတို့ကြောင့် ပြည်ပနှင့် ပြည်မမှတင်သွင်းသော မုန့်တီခြောက်များထက် ရခိုင်မုန့်တီခြောက်များကို စားသုံးသူများ ကြိုက်နှစ်သက်သောကြောင့်ဖြစ်သည်ဟု ရွှေရခိုင်မုန့်တီ စက်ရုံပိုင်ရှင် ဦးကျော်ကျော်နိုင်က ပြောကြားသည်။

“ကျွန်တော်တို့ ရခိုင်ပြည်နယ် အတွင်းမှာ ရခိုင်လူမျိုးတွေ အဓိက စားသုံးတဲ့ ရခိုင်မုန့်တီခြောက်ကို ကျွန်တော် စက်ရုံဖွင့်တဲ့ တစ်နှစ်အတွင်းမှာပဲ တောင်ကုတ်၊ ကျောက်ဖြူ၊ အမ်း၊ ရမ်းဗြဲမြို့နယ်တို့မှာ ရခိုင်မုန့်တီကို အချိန်တိုတိုအတွင်းမှာ ဖြန့်ဖြူး ရောင်းချလျက်ရှိပါတယ်။ နောက်ပြီးတော့ လမ်းပန်းဆက်သွယ်ရေးတွေ ကောင်းလာမယ်ဆိုလို့ရှိရင် ရခိုင်ပြည်နယ် တစ်ပြည်နယ်လုံးသို့ ရခိုင်မုန့်တီခြောက်ကို တွင်တွင်ကျယ်ကျယ် ဖြန့်ဖြူးရောင်းချသွားဖို့ အစီအစဉ် ရှိပါတယ်။ အခုကျွန်တော်တို့ ရမ်းဗြဲရွှေ ရခိုင်မုန့်တီခြောက်လုပ်ငန်း စက်ရုံမှာဆိုလို့ရှိရင် နန်းကြီး၊ နန်းသေး နှစ်မျိုးထုတ်လုပ်ပါတယ်” ဟု ရွှေရခိုင်အဆင့်မြင့် သဘာဝမုန့်တီခြောက်စက်ရုံပိုင်ရှင် ဦးကျော်ကျော်နိုင်က ပြောကြားသည်။

ရမ်းဗြဲဒေသခံများက ပြည်မကလာသော မုန့်တီခြောက်များထက် ရွှေရခိုင်မုန့်တီခြောက်များကို ပို၍နှစ်သက်ကြကြောင်း ရမ်းဗြဲမြို့ အမှတ် (၂) ရပ်ကွက်မှ မုန့်တီခြောက်ရောင်းချသူ မဇာခြည်ဝင်းက ပြောကြားသည်။

“ရမ်းဗြဲအတိုင်းအတာနဲ့ ကြိုက်ကြပါတယ်။ နယ်တွေကလည်း လာဝယ်ကြတယ်။ ရွှေရခိုင်ကတော့ ရောင်းရပါတယ်။ စားတဲ့လူတွေကလည်း ရွှေရခိုင်မုန့်တီ ကြိုက်ကြပါတယ်။ အရင်ကတော့ ဗမာပြည်က မုန့်ကိုရောင်းရပါတယ်။ အခုကတော့ နောက်ပိုင်းမှာ ရွှေရခိုင်မုန့်တီ ကို ပိုပြီးအကြိုက်တွေ့ စားလာကြပါတယ်” ဟု ရမ်ဗြဲမြို့ ကုန်စုံဆိုင်ပိုင်ရှင် မဇာခြည်ဝင်းက ပြောကြားသည်။

ပြည်မမှလာသော မုန့်တီခြောက်နှင့် ရခိုင်မုန့်တီခြောက်တို့ ကွဲပြားပုံနှင့်ပတ်သက်၍ ရမ်းဗြဲမြို့ အမှတ် (၃) ရပ်ကွက်မှ မုန့်တီခြောက်အရောင်း ဆိုင်ပိုင်ရှင် ဦးတင်မောင်ရီက “သယ်ယူခတွေကိုတော့ သူတို့ဟာသူတို့ ကျခံပါတယ်။ ကျွန်တော်တို့ကို အိမ်တိုင်ရာ ရောက်ပို့ပေးတယ်။ ကျွန်တော်တို့က နီးနီးနားနားဆိုတော့ ကိုယ်တိုင်သွားယူရင်လည်း ရတယ်။ ကျွန်တော်တို့ကတော့ လွယ်ကူသလို တွေ့တယ်။ ဟိုတုန်းကတော့ ဒီလိုမုန့်တီခြောက်တွေ အများကြီး ရောင်းဖူးတယ်။ ဒါပေမဲ့ လေလွင့်မှုတွေများတယ်။ ၀န်ဆောင်မှုတွေများ ပါတယ်။ စားသုံးသူတွေအတွက်လည်း မလတ်ဆတ်။ ဟိုကပုံးနဲ့တင် လာလို့ရှိရင် ရေစိုလာတဲ့အခါ ဒီမုန့်တွေက အားလုံးမည်းပြီးတော့ ဆားငန်တွေ ပေါက်သွားတယ်။ လောလောဆယ်ကတော့ ကျွန်တော်တို့ တာရှည်မထားဘူး။ အလွန်ဆုံး တစ်ပတ်။ ၁၀ အိတ်လောက်ကို အစွန်းကုန် နှစ်ပတ်ပေါ့” ဟု ရမ်းဗြဲမြို့ ရွှေမုန့်တီခြောက် အရောင်းဆိုင်ပိုင်ရှင် ဦးတင်မောင်ရီက ပြောကြားသည်။

လက်ရှိ ရခိုင်ပြည်နယ်တွင် ရခိုင်မုန့်တီခြောက်များကို မြောက်ဦး၊ မင်းပြား၊ အမ်းမြို့နယ် တပ်တောင်နှင့် ရမ်းဗြဲမြို့နယ်တို့တွင် တစ်နိုင်တစ်ပိုင် ထုတ်လုပ်ဖြန့်ဖြူးလျက်ရှိရာ ရမ်းဗြဲမြို့နယ်မှ ထုပ်လုပ်လျက်ရှိသော ရွှေရခိုင်မုန့်တီခြောက် ဖြန့်ဖြူးမှုမှာ အားအကောင်းဆုံးဖြစ်နေသည်။

ရွှေရခိုင်မုန့်တီခြောက် ထုတ်လုပ်သည့်စက်ရုံကို ရမ်းဗြဲမြို့နယ် လက်ပန်အ၀ကျေးရွာအနီးတွင် ၂၀၁၆ ခုနှစ်အတွင်းက စတင်တည်ထောင်ခဲ့ပြီး ရခိုင်ပြည်နယ်တစ်ခုလုံးနှင့် ပြည်မအထိ ရခိုင်မုန့်တီခြောက်များ ဖြန့်ဖြူးရန် ကြိုးပမ်းလျက်ရှိကြောင်း ရွှေရခိုင်မုန့်တီလုပ်ငန်းမှ သိရသည်။