လွှတ်တော်ကို မတင်ဘဲ စီမံကိန်းတွေ လုပ်ဆောင်လို့ ရသလား

လှည်းကူးမြို့နယ်အတွင်း ယခု တည်ဆောက်မည့် Eco Green City အိမ်ရာစီမံကိန်းမြေနေရာသည် ယခင်က ကျူးကျော်ဟုဆိုကာ နေအိမ်များကို သက်ဆိုင်ရာက ဇွန် ၁၂ ရက် ဖြိုဖျက်စဉ်က မြင်ကွင်း (ဓာတ်ပုံ – အောင်မျိုးသန့်)

ဒီဇင်ဘာ ၂၃ ရက်တွင် ရန်ကုန်တိုင်းဒေသကြီး အစိုးရအဖွဲ့က အမြန်လမ်းမကြီး သုံးမိုင် တစ်ဖာလုံ လှည်းကူးမြို့နယ်ရှိ ဧက ၁၄၀၀ ကျော်တွင် အိမ်ရာစီမံကိန်းတစ်ခု လုပ်ဆောင်မည်ဟုဆိုကာ အုတ်မြစ်ချ အခမ်းအနားတစ်ခု ပြုလုပ်ခဲ့သည်။ အဆိုပါ စီမံကိန်းမှာ Eco Green City ဟု အမည်ပေးထားပြီး Alliancestar Group of Company က အကောင်အထည်ဖော် ဆောင်ရွက်မည်ဟု ရန်ကုန်တိုင်းဒေသကြီး အစိုးရအဖွဲ့က ထုတ်ပြန်ကြေညာထားသည်။
ယင်းစီမံကိန်းအား ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဝင်းခိုင် တက်ရောက်ခဲ့ပြီး ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းလည်း တက်ရောက်ခဲ့သည်။ သို့သော် တန်ဖိုးကို အသေးစိတ်ထုတ်ပြန်ခြင်း မရှိသည့် ယင်းစီမံကိန်းအား ရန်ကုန်တိုင်းဒေသကြီး လွှတ်တော် ကိုယ်စားလှယ်အများစု သိရှိခဲ့ခြင်းမရှိပေ။ ယင်းစီမံကိန်းအား မီဒီယာများတွင် ဖော်ပြထားမှုအရသာ သိရှိခဲ့ခြင်းဖြစ်ပြီး အစိုးရအဖွဲ့က လွှတ်တော်တွင် လာရောက်တင်ပြ ရှင်းလင်းခြင်း မရှိကြောင်း ရန်ကုန်တိုင်းဒေသကြီး လွှတ်တော်ကိုယ်စားလှယ်များက ပြောကြားသည်။

“လှည်းကူးက စီမံကိန်းဆိုရင် လွှတ်တော်ကိုယ်စားလှယ်တွေ တစ်ယောက်မှ မသိလိုက်ဘူး။ တိုင်းလွှတ်တော်တင် မကဘူး။ ပြည်သူ့လွှတ်တော်မှာလည်း မသိရဘူး။ အဲဒီက လုပ်ဖော်ကိုင်ဖက်တွေကို မေးကြည့်တော့။ လွှတ်တော်က အဲဒီစီမံကိန်းနဲ့ ပတ်သက်ပြီး လုပ်နေတယ်ဆိုတာကို ဂျာနယ်တွေမှာ ဖွင့်ပွဲပါမှ သိရတယ်” ဟု ဒဂုံမြို့နယ် မဲဆန္ဒနယ်မှ တိုင်းဒေသကြီး လွှတ်တော်ကိုယ်စားလှယ် ဦးကျော်ဇေယျက ပြောကြားသည်။

အလားတူ သင်္ဃန်းကျွန်းမြို့နယ် မဲဆန္ဒနယ်အမှတ် (၁) မှ ဦးနေဘုန်းလတ်ကလည်း ယင်းစီမံကိန်းမှာ လွှတ်တော်တွင် လာရောက် ပြောဆို ရှင်းလင်းတင်ပြထားသည့် စီမံကိန်း မဟုတ်ကြောင်း၊ ပန္နက်ချအခမ်းအနား ပြုလုပ်ကြောင်း မီဒီယာများတွင် ဖော်ပြမှသာ သိရှိခဲ့ခြင်းဖြစ်သည်ဟု ပြောကြားသည်။

အဆိုပါ စီမံကိန်းမှာ ရွှေသံလွင်ကုမ္ပဏီ လက်အောက်ရှိ Alliance star ကုမ္ပဏီက တာဝန်ယူ အကောင်အထည်ဖော်မည် ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့မှ ထုတ်ပြန်ကြေညာခဲ့ပြီး စီမံကိန်း အသေးစိတ် အခြေအနေများနှင့် ပတ်သက်၍ ဒီဇင်ဘာ ၃၀ ရက်အထိ ထုတ်ပြန်ထားခြင်း မရှိပေ။

ယင်းစီမံကိန်းမှာ ယခင်အစိုးရ လက်ထက်က ခွင့်ပြုပေးထားခြင်း ဖြစ်သည်ဟု လှည်းကူးမြို့နယ် ပြည်သူ့လွှတ်တော်ကိုယ်စားလှယ် ဦးသိန်းနိုင်က ပြောကြားထားပြီး စီမံကိန်း အသေးစိတ်နှင့်ပတ်သက်ပြီး တိတိကျကျ မသိသေးကြောင်း သိရသည်။

“ဒီစီမံကိန်းက ပြည်ထောင်စုအဆင့် မဟုတ်တဲ့အတွက် အသေးစိတ် မသိရဘူး။ အခမ်းအနားတုန်းက ရှင်းပြတာလောက်ပဲ သိတယ်။ ပိုပြီးတော့ မသိသေးဘူး။ ဒါက တိုင်းဒေသကြီးက လုပ်တဲ့ စီမံကိန်းပါ။ သူတို့ဟာနဲ့ ဘယ်လိုလုပ်ခဲ့လဲ မသိရဘူး” ဟု လှည်းကူးမြို့နယ် ပြည်သူ့လွှတ်တော်ကိုယ်စားလှယ် ဦးသိန်းနိုင်က ပြောကြားသည်။

အဆိုပါ လှည်းကူးအိမ်ရာ စီမံကိန်းနှင့် ပတ်သက်ပြီး ရန်ကုန်တိုင်းဒေသကြီး လွှတ်တော်တွင် မေးခွန်းများ မေးမြန်းသွားမည်ဖြစ်ပြီး အစိုးရအဖွဲ့၏ ဖြေကြားမှုအပေါ် မူတည်၍ အဆိုအဖြစ် ပြောင်းလဲသင့်ပါက အဆိုအဖြစ် ပြောင်းလဲသွားမည်ဖြစ်ကြောင်း ဒဂုံမြို့နယ် မဲဆန္ဒနယ်အမှတ် (၁) တိုင်းဒေသကြီး လွှတ်တော်ကိုယ်စားလှယ်၊ ဘဏ္ဍာရေး၊ စီမံကိန်းနှင့် စီးပွားရေးကော်မတီ အတွင်းရေးမှူး ဦးကျော်ဇေယျက ပြောကြားသည်။

“အန်ကယ်တို့အနေနဲ့တော့ ပြန်စမယ့် လွှတ်တော်မှာ မေးခွန်းမေးမယ်။ အဲဒီပေါ်မှာ ပြန်ဖြေတဲ့အပေါ် မူတည်ပြီးတော့ အဆိုအဖြစ် ပြောင်းရင်ပြောင်းမယ်။ ကြားဖြတ်မေးခွန်းအပေါ်မှာ အစိုးရအဖွဲ့က ဘယ်လိုတုံ့ပြန်မလဲ ဆိုတာ မသိသေးဘူး။ အဲဒီအပေါ်မှာ အဆိုအနေနဲ့ တင်သင့်ရင် တင်မယ်လို့ စီစဉ်ထားတယ်” ဟု ဦးကျော်ဇေယျက ပြောကြားသည်။

အဆိုပါ စီမံကိန်းမှာ ဒုတိယအကြိမ် ရန်ကုန်တိုင်းဒေသကြီး လွှတ်တော် စတုတ္ထပုံမှန် အစည်းအဝေးတွင် ရန်ကုန်မြို့ပြ မဟာဗျူဟာစီမံကိန်း နောက်ဆက်တွဲအဖြစ် လွှတ်တော်သို့ တင်ပြခဲ့ပြီး လွှတ်တော်ကိုယ်စားလှယ်များက သီးခြားစီမံကိန်းအဖြစ် တင်ပြရန် အကြောင်းပြန်ခဲ့ကြောင်း၊ စီမံကိန်းအသေးစိတ် အချက်အလက်များကို လွှတ်တော်သို့ တင်ပြခဲ့ခြင်း မရှိဘဲ စီမံကိန်းကို အကောင်အထည်ဖော်ခြင်း ဖြစ်သည်ဟု တိုင်းဒေသကြီး လွှတ်တော် ကိုယ်စားလှယ်များက ပြောကြားသည်။

ပြည်သူ့လွှတ်တော်ဥက္ကဋ္ဌ ဦးဝင်းမြင့် အမျိုးသားဒီမိုကရေစီအဖွဲ့ချုပ်၏ ရန်ကုန်တိုင်းပါတီဝင်များနှင့် တွေ့ဆုံရာတွင် စီမံကိန်းမှန်သမျှ လွှတ်တော်သို့ တင်ပြပြီးမှသာ လုပ်ဆောင်ရမည်ဟု ပြောကြားထားသည်။ သို့သော် လက်ရှိ လုပ်ကိုင်မည့် လှည်းကူးစီမံကိန်းမှာ လွှတ်တော်ကိုယ်စားလှယ်များ သိရှိခဲ့ခြင်းမရှိပေ။

“အန်ကယ်တို့ ပြည်သူ့လွှတ်တော် ဥက္ကဋ္ဌကြီးက ပြောထားတာ ရှိတယ်။ အဲဒါ ပါတီဌာနချုပ်မှာပဲ ပါတီဝင်တွေလည်း အများကြီးရှိတယ်။ ရန်ကုန်အစိုးရအဖွဲ့လည်း ပါတယ်။ စီမံကိန်းတွေက လွှတ်တော်ကို မဖြတ်ဘဲနဲ့တော့ မိုးပေါ်ကတောင် ပျံလို့မရဘူးဆိုပြီး ပြောထားတယ်။ ၂၀၀၈ အခြေခံ ဥပဒေထဲမှာလည်း ရှိပြီးသား။ တိုင်းဒေသကြီးအစိုးရက စီမံကိန်းတွေကို လွှတ်တော်ကို တင်ပြရမယ်ဆိုတာ ပြဋ္ဌာန်းထားပြီးသား” ဟု ဦးကျော်ဇေယျက ပြောကြားသည်။

စီမံကိန်းများနှင့် ပတ်သက်ပြီး ဒီမိုကရေစီစနစ်တွင် လွှတ်တော်သို့ လာရောက်ရှင်းပြကာ တာဝန်ယူမှု၊ တာဝန်ခံမှုများဖြင့်သာ ဆောင်ရွက်ရမည် ဖြစ်ကြောင်း၊ သို့သော် ဥပဒေ၏ အားနည်းချက်အဖြစ် မှတ်ယူရမည့် မည်သည့် လုပ်ငန်းအမျိုးအစားအား စီမံကိန်းအဖြစ် သတ်မှတ်မည်၊ မည်သည့် လုပ်ငန်းအား လုပ်ငန်းအသေးအဖြစ် သတ်မှတ်မည်ဆိုသည့် အဓိပ္ပာယ်ဖွင့်ဆိုချက် မရှိကြောင်း၊ လှည်းကူးတွင် အကောင်အထည်ဖော်မည့် လုပ်ငန်းမှာ စီမံကိန်းအမျိုးအစားတွင် ပါဝင်ကြောင်း သင်္ဃန်းကျွန်း မဲဆန္ဒနယ်အမှတ် (၁) မှ တိုင်းဒေသကြီး လွှတ်တော်ကိုယ်စားလှယ် ဦးနေဘုန်းလတ်က ပြောကြားသည်။

“ဥပဒေထဲမှာတော့ စီမံကိန်း လုပ်မယ်ဆိုရင် လွှတ်တော်ရဲ့သဘောတူညီချက်ကို ယူရမယ်လို့ကို ဖော်ပြထားတယ်။ ဒါပေမဲ့ ပြဿနာက ဘာလဲဆိုတော့ စီမံကိန်းဆိုတာက ဘာကိုပြောတာလဲ။ တချို့ဟာတွေဆိုရင် အစိုးရလုပ်ပိုင်ခွင့်နဲ့ လုပ်တာတွေ ရှိတယ်။ ဒါပေမဲ့ နည်းနည်းကြီးသွားပြီဆိုရင် လွှတ်တော်ကို ခွင့်ပြုချက်ယူရမှာပေါ့။ အဲဒီမှာ ပြဿနာက စီမံကိန်းက ဘာကိုပြောတာလဲ။ လုပ်ငန်းသေးလေးတွေက ဘာကိုပြောတာလဲ။ ဥပဒေမှာ အဓိပ္ပာယ်ဖွင့်ထားတာ မရှိဘူး။ အဲဒါက ဥပဒေရဲ့ဟာကွက်။ လှည်းကူးကိစ္စဆိုရင် စီမံကိန်းကြီးဗျာ။ အမှန်မှာ စလို့ကို မရဘူး။ ဘာမှ လုပ်လို့မရဘူး။ အစိုးရအဖွဲ့မှာ လုပ်ပိုင်ခွင့် မရှိဘူး။ လွှတ်တော်ကိုတင်၊ သဘောတူရင်လုပ်ပေါ့။ ဒါက ဥပဒေကိုကျော်လွန်တဲ့ သဘောမှာရှိတယ်။ ဒါပေမဲ့ ပြန်ညွှန်းလို့ရတာက ဒါကြီးက စီမံကိန်းမဟုတ်ဘူးလို့ ပြောရင် ဘယ်လိုလုပ်မလဲ။ ဒါက ဥပဒေရဲ့ ဟာကွက်ဖြစ်တာလေ” ဟု ဦးနေဘုန်းလတ်က ပြောကြားသည်။

ယင်းအခြေအနေများကြောင့် စီမံကိန်းများဟု သတ်မှတ်ရန် ဥပဒေပြဋ္ဌာန်းမှုများ ပြုလုပ်ရန် လိုအပ်ကြောင်း၊ သို့မှသာ လုပ်ငန်းများ အဆင်ပြေချောမွေ့မည် ဖြစ်ကြောင်း ဦးနေဘုန်းလတ်က သူ၏အမြင်ကို ပြောကြားသည်။

လှည်းကူးအိမ်ရာစီမံကိန်း ကဲ့သို့သော လုပ်ငန်းများမှာ လွှတ်တော်သို့ တင်သွင်းပြီး အတည်ပြုချက် ရယူပြီးမှသာ လုပ်ဆောင်ရမည့် စီမံကိန်းအမျိုးအစားဖြစ်ကြောင်း လွှတ်တော်ကိုယ်စားလှယ်များက ဆိုသည်။

“လှည်းကူးလို စီမံကိန်းတွေ၊ YBS လို စီမံကိန်းတွေက လွှတ်တော်ကို ဖြတ်ကိုဖြတ်ရမယ်။ အန်ကယ်တို့ အနေနဲ့ကလည်း ကိုယ့်အစိုးရဆိုတော့ သိပ်မပြောကြတာ။ သူတို့ကလည်း အထက်ကပဲ ခိုင်းတယ်။ လာပြောတာတွေက ရှိတယ်။ အန်ကယ်တို့ ကော်မတီအနေနဲ့ကတော့ အဲဒီလိုမျိုးကို သဘောမတူဘူး။ လွှတ်တော်ကို ပွင့်လင်းမြင်သာမှုရှိစွာ ချပြရမယ်” ဟု ဦးကျော်ဇေယျက ပြောကြားသည်။

■ လှည်းကူးစီမံကိန်းက အရင်အစိုးရ သတ်မှတ်ခဲ့တဲ့ စီမံကိန်းလား

လှည်းကူးစီမံကိန်းမှာ ယခင်အစိုးရ လက်ထက်တွင် သတ်မှတ်ခဲ့သည့် မေးခွန်းအား တိုင်းဒေသကြီး လွှတ်တော် ကိုယ်စားလှယ်များကို မေးမြန်းရာတွင် တိကျသော အဖြေအား မရရှိခဲ့ပေ။ ထို့ပြင် ရန်ကုန်တိုင်းဒေသကြီး အစိုးရအဖွဲ့က လွှတ်တော်သို့ တင်ပြခဲ့သည့် မြို့သစ်စီမံကိန်းများတွင် အဆိုပါ လှည်းကူးစီမံကိန်းမှာ နောက်ဆက်တွဲအဖြစ်သာ တင်သွင်းခဲ့သည့် စီမံကိန်းတစ်ခု ဖြစ်သည်။

အဆိုပါ အခြေအနေနှင့် ပတ်သက်ပြီး လွှတ်တော်မှ အသေးစိတ်တင်ပြရန် ပြောကြားခဲ့သော်လည်း လွှတ်တော် ပြီးဆုံးချိန်အထိ ရန်ကုန်တိုင်းဒေသကြီး အစိုးရအဖွဲ့မှ တင်ပြနိုင်ခဲ့ခြင်း မရှိကြောင်း လွှတ်တော်ကိုယ်စားလှယ်များက ပြောကြားသည်။

“စီမံကိန်းဥပဒေ အကြံပြုတုန်းကတော့ လုပ်မယ်ဆိုတာကို တစ်ခါ ရှင်းပြဖူးတယ်။ အပြင်မှာ တစ်ခေါက်ပေါ့။ ရန်ကုန်မဟာဗျူဟာ စီမံကိန်းကို ရှင်းပြတာပါတယ်။ ဒါပေမဲ့ အသေးစိတ်တော့ မဟုတ်ဘူး။ ၀န်ကြီးချုပ်ကိုယ်တိုင် လာရှင်းပြတယ်။ စတုတ္ထအကြိမ် လွှတ်တော်မှာ နောက်ဆက်တွဲဆိုပြီး ထည့်တယ်။ ကိုယ်စားလှယ်တွေက စီမံကိန်းအနေနဲ့ တင်ပြပါဆိုပြီး ပြောခဲ့တာ” ဟု လှိုင်မြို့နယ် မဲဆန္ဒနယ်အမှတ် (၁) တိုင်းဒေသကြီးလွှတ်တော် ကိုယ်စားလှယ် ဦးကျော်ကျော်ထွန်းက ပြောကြားသည်။

ထိုသို့ နောက်ဆက်တွဲ အနေဖြင့် တင်ပြမှုအား လွှတ်တော်က လက်မခံခြင်းကြောင့် အသေးစိတ်တင်ပြရန် ပြန်လည် အကြောင်းကြားခဲ့သော်လည်း ပဉ္စမအကြိမ်လွှတ်တော် ပြီးဆုံးချိန်အထိ လာရောက်တင်ပြခြင်း မရှိခဲ့ကြောင်း ဦးကျော်ဇေယျက ပြောကြားသည်။

“သို့သော်လည်းပဲ လွှတ်တော်မှာ နောက်ဆက်တွဲ အနေနဲ့ တင်ပြတာ လက်မခံပါဘူးဆိုပြီး လွှတ်တော်ကိုယ်စားလှယ်တွေက ထကန့်ကွက်ကြတော့ လွှတ်တော်သာ ပြီးသွားတယ်။ အဲဒီဟာက ပြန်မတက်လာတော့ဘူး။ အန်ကယ်တို့ကတော့ စောင့်ကြည့်နေတာ။ ဘာထပ်လာဦးမလဲ ဆိုပြီးတော့။ ဒါပေမဲ့ ပြန်မလာတော့ဘူး” ဟု ဦးကျော်ဇေယျက ပြောကြားသည်။

ယခင်အစိုးရက ရန်ကုန်တိုင်းဒေသကြီး နှင့် ပတ်သက်သည့် မြို့သစ်စီမံကိန်းများ ပြုလုပ်မည်ဆိုသည့် နေရာများမှာ ကြည့်မြင်တိုင်မြို့နယ်ရှိ လယ်မြေ ၁၅၄၅ ဧက၊ ဆိပ်ကြီး ခနောင်တိုမြို့နယ်ရှိ လယ်မြေ ၈၇ ဧက၊ တွံတေးမြို့နယ်ရှိ လယ်မြေ ၁၆၇၈၉ ဧကတွင် အကောင်အထည်ဖော်မည်ဟု သတ်မှတ်ထားခဲ့သည်။

ယင်းစီမံကိန်းအတွက် အကောင်အထည်ဖော်မည့် ကုမ္ပဏီအဖြစ် ရန်ကုန်အနောက်တောင်ဒေသဖွံ့ဖြိုးရေး အများနှင့်သက်ဆိုင်သောကုမ္ပဏီ၊ Business Capital City Development Ltd ၊ ရွှေပုပ္ပားအပြည်ပြည်ဆိုင်ရာ ဆောက်လုပ်ရေး ကုမ္ပဏီတို့ စုပေါင်းဖွဲ့စည်းထားသော Consortium အား Developer အဖြစ် သတ်မှတ်ထားခဲ့သည်။

ယခုအစိုးရ လက်ထက်တွင် မူလစာချုပ် ချုပ်ဆိုခဲ့သည့် ကုမ္ပဏီသုံးခုကို ခေါ်ယူညှိနှိုင်းခဲ့သည်။ ညှိနှိုင်းခဲ့သည့် အကြောင်းရင်းမှာ အကောင်အထည်ဖော်မည့် စီမံကိန်းပမာဏ ကြီးမားခြင်း၊ ပြည်သူလူထူ၏ ဘ၀လူနေမှု မြင့်မားစေမည့် စီမံကိန်းဖြစ်ခြင်း၊ မဟာရန်ကုန်၏ အနာဂတ်ရည်မှန်းချက် ဖြစ်သော ဖွံ့ဖြိုးတိုးတက်မှု နောက်ကျလျက်ရှိသော ဒေသများကို တစ်ပြေးညီ တိုးတက်ဖွံ့ဖြိုးလာစေရေး၊ အလုပ်အကိုင် အခွင့်အလမ်းများ တိုးတက်လာစေရေး၊ ကုမ္ပဏီအနည်းငယ်မှ လက်ဝါးကြီးအုပ် လုပ်ကိုင်မည့်အစား နိုင်ငံသားလုပ်ငန်းရှင်များ ပါဝင်လုပ်ကိုင်ခွင့် ရရှိစေရေးတို့ကို ရှေးရှုပြီး ခေါ်ယူညှိနှိုင်းခဲ့ခြင်းဖြစ်ပြီး ယင်းတွေ့ဆုံ ညှိနှိုင်းမှုများအရ ယခင်အစိုးရနှင့် ချုပ်ဆိုခဲ့သော စာချုပ်အား ပြန်လည် ဖျက်သိမ်းခဲ့သည်။

သို့သော် ယခုလုပ်ကိုင်မည့် လှည်းကူးစီမံကိန်းနှင့် ပတ်သက်ပြီး လွှတ်တော်သို့ အကြမ်းဖျင်း တင်သွင်းမှုသာရှိခဲ့ပြီး တိကျရေရာသော အဖြေများမရှိခြင်းကြောင့် မေးခွန်းထုတ်ရန် များစွာကျန်ရှိနေသေးကြောင်း ဦးကျော်ဇေယျက ပြောကြားသည်။

ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းကမူ အဆိုပါ လှည်းကူးတွင် ပြုလုပ်မည့် Eco Green City အိမ်ရာစီမံကိန်း ပန္နက်တင်မင်္ဂလာနှင့် စီမံကိန်းဆိုင်ရာ ရှင်းလင်းပွဲတွင် ယခုစီမံကိန်းမှာ လှည်းကူးမြို့၏ အလားအလာကောင်းပေါင်း များစွာရှိနေသည့် မြို့တစ်မြို့ဖြစ်ပြီး အစိုးရအဖွဲ့သစ်၏ ပထမဆုံးဦးဆုံး တည်ဆောက်မည့် အကြီးမားဆုံး စီမံကိန်းကြီးတစ်ခု ဖြစ်ကြောင်း၊ လှည်းကူးမြို့နယ်တွင် ယင်းကဲ့သို့ စီမံကိန်းကြီးတစ်ရပ်ကို တည်ဆောက်နိုင်သည့်အတွက် မြို့၏ ဖွံ့ဖြိုးတိုးတက်မှုများကို များစွာ အထောက်အကူပြုနိုင်ပြီး ရန်ကုန်မြို့၏ ဖွံ့ဖြိုးတိုးတက်မှုအတွက်လည်း များစွာအရေးပါကြောင်း၊ စီမံကိန်းအား တိုင်းဒေသကြီးအစိုးရအဖွဲ့မှ အနီးကပ်ကြီးကြပ် ကွပ်ကဲသွားမည် ဖြစ်ကြောင်း ပြောကြားထားသည်။

■ လွှတ်တော်ကို မတင်ပြဘဲ လုပ်ကိုင်ခဲ့တဲ့ စီမံကိန်းတွေ ရှိသလား

လွှတ်တော်သို့ တင်ပြခြင်းမရှိဘဲ အကောင်အထည်ဖော် ဆောင်ရွက်ခဲ့သည့် စီမံကိန်းများလည်း ရှိပြီး အထင်သာဆုံး ဥပမာအဖြစ် အဆိုပါ လှည်းကူးစီမံကိန်းမှာ လတ်တလော လုပ်ကိုင်ခဲ့သည့် စီမံကိန်းတစ်ခုသာ ဖြစ်ကြောင်း လွှတ်တော်ကိုယ်စားလှယ်အချို့ က တညီတညွတ်တည်း ပြောကြားသည်။

အချို့သော လုပ်ငန်းများမှာ တိုင်းဒေသကြီး အစိုးရအဖွဲ့၏ အခွင့်အာဏာဖြင့် လုပ်ကိုင်ဆောင်ရွက်နိုင်သည့် လုပ်ငန်းများရှိသော်လည်း စီးပွားရေးအရ ကြီးမားကျယ်ပြန့်သည့် စီမံကိန်းများဖြစ်ပါက လွှတ်တော်သို့ တင်သွင်းရမည် ဖြစ်ကြောင်း ကျောက်တံတား မဲဆန္ဒနယ်အမှတ် (၁) မှ တိုင်းဒေသကြီး လွှတ်တော်ကိုယ်စားလှယ် ဒေါ်ကြည်ပြာက ပြောကြားသည်။

“စီမံကိန်းတွေ အားလုံးကတော့ တိုင်းလွှတ်တော်ကို တင်စရာမလိုတာတွေ ရှိတယ်။ သို့ပေမဲ့ ရန်ကုန်တစ်တိုင်းလုံးနဲ့ သက်ဆိုင်တဲ့ဟာမျိုးတွေ ဆိုရင်တော့ တင်ရတယ်။ ဥပမာ စတုတ္ထအကြိမ် လွှတ်တော်တုန်းကဆိုရင် မြို့သစ်စီမံကိန်းဆိုပြီး တင်တယ်။ အဲဒါမျိုးက သေချာတယ်။ လွှတ်တော်ကိုဖြတ်ဖို့ လိုတယ်။ ဆိုတော့ အဲဒီတုန်းက လွှတ်တော်က သေသေချာချာ ပြည့်ပြည့်စုံစုံလေး တင်ပြပေးပါဆိုပြီး ပြောလိုက်တယ်လေ။ အဲဒီတုန်းက စီမံကိန်းကို လွှတ်တော်က အတည်မပြုလိုက်ဘူး။ အဲဒီလိုလေးတွေ ရှိတယ်။ ဆိုတော့ များသောအားဖြင့်ကတော့ အခုလည်း စီမံကိန်းတွေ ကြားရတယ်။ တိုင်းအစိုးရက လုပ်တယ်။ သေချာတာကတော့ လွှတ်တော်ကတော့ မသိတာတွေ များတယ်။ ကိစ္စတိုင်းတော့ မဟုတ်ဘူးပေါ့။ လွှတ်တော်ကိုဖြတ်ဖို့ လိုတယ်ဆိုရင်တော့ လွှတ်တော်ကိုဖြတ်ဖို့ လိုကိုလိုအပ်တယ်။ တချို့ဟာတွေကတော့ တိုင်းအစိုးရ အာဏာနဲ့ပဲ သွားလို့ရတာတွေလည်း ရှိပါတယ်။ မြို့သစ်စီမံကိန်းလို ဟာမျိုးတွေဆိုရင် ဖြတ်ကို ဖြတ်ရမယ့် ဟာတွေ။ ဒါတွေက စီးပွားရေးအရလည်း အရမ်းကို ကြီးထွားတဲ့လုပ်ငန်းတွေ။ ဒါဆိုရင် လွှတ်တော်ကို ဖြတ်ရမယ်”ဟု ဒေါ် ကြည်ပြာက ပြောကြားသည်။

အချို့သော လုပ်ငန်းများမှာ လွှတ်တော်သို့ တင်ပြစရာမလိုသည့် လုပ်ငန်းများ ရှိသော်လည်း သက်ဆိုင်ရာ နယ်မြေခံလွှတ်တော် ကိုယ်စားလှယ်အား အသိပေး အကြောင်းကြားသင့်ကြောင်း ဒေါ်ကြည်ပြာက ပြောကြားသည်။

“ကိုယ့်အစိုးရ ကိုယ့်လွှတ်တော် ဖြစ်နေတဲ့အခါကျတော့ တချို့ကိစ္စလေးတွေက လွှတ်တော်ကို ဖြတ်စရာမလိုပေမယ့် သူ့မြို့နယ်နဲ့ သက်ဆိုင်တဲ့ ဟာမျိုးလေးတွေဆိုရင် မြို့နယ်ဆိုင်ရာ ကိုယ်စားလှယ်တွေကို ပေးသိထားရင် ကောင်းတာပေါ့။ မြို့နယ်ဆိုင်ရာ ကိုယ်စားလှယ်တွေ အနည်းဆုံးတော့ သိထားရင် စီမံဆောင်ရွက်ရတာ အဆင်ပြေမယ်။ တချို့ကိုယ်စားလှယ်တွေဆိုရင် ကိုယ့်မြို့နယ်ကို ၀န်ကြီးလာသွားတယ် ဆိုတာတောင် မသိလိုက်ဘူး။ ထွေအုပ်ပဲသိတဲ့ အဖြစ်တွေရှိတယ်။ ဘက်ညီညီနဲ့ အလုပ်လုပ်နိုင်ဖို့ မျှော်လင့်တယ်။ အစိုးရအဖွဲ့က မပြောမဆိုဘဲနဲ့ လုပ်နေတာတွေတော့ မဟုတ်ဘူး။ တချို့ကိစ္စလေးတွေမှာ ဟနေတာတွေတော့ ရှိတယ်”ဟု ဒေါ်ကြည်ပြာက ဆိုသည်။

ထို့ပြင် လွှတ်တော်သို့ တင်ပြခဲ့သော်လည်း တက်သုတ်ရိုက် တင်သွင်းခဲ့သည့် လုပ်ငန်းများလည်း ရှိကြောင်း၊ ထိုသို့ တက်သုတ်ရိုက် တင်သွင်းခဲ့သဖြင့် လုပ်ငန်း၏ အားသာချက်၊ အားနည်းချက်များကို လွှတ်တော်တွင်း တင်သွင်းဆွေးနွေးနိုင်ရန် အချိန်လုံလောက်မှု မရှိကြောင်း၊ တိုင်းဒေသကြီး အစိုးရအဖွဲ့အနေဖြင့် လုပ်ငန်းများ လုပ်ဆောင်ရာတွင် တိကျသေချာသော မူဝါဒများချမှတ်ရန် လိုအပ်ကြောင်း တိုင်းဒေသကြီး လွှတ်တော်ကိုယ်စားလှယ် ဦးကျော်ဇေယျက အကြံပြုပြောကြားသည်။

“တချို့စီမံကိန်းတွေဆိုရင် ကပ်ပြီးတော့ လုပ်တယ်။ အထင်သာဆုံးကတော့ YBS ပေါ့။ အဲဒါကိုထားလိုက်ဦး။ အန်ကယ်တို့လည်း မေးခဲ့တယ်။ ကားတွေကို G to G ၀ယ်တာတွေ ဘာတွေကိုပေါ့။ အဲဒီအချိန် ကျောင်းကားဆိုပြီး ပေါ်လာတယ်။ ဘယ်သူမှ မသိကြဘူး။ ကျောင်းအုပ်ဆရာကြီးတွေဆိုရင် ကျောင်းဖွင့်ခါနီးမှ သိခဲ့တယ်။ အဲဒါက အစပိုင်းမှာ တော်တော်လေးကို လှုပ်ခတ်သွားတယ်။ အဲဒါကျောင်းအုပ်တွေကို ခေါ်ပြောတယ်။ အဲဒါနဲ့ သူတို့ အခက်အခဲကို ပြောတယ်။ အဲဒီလိုပြောတော့ ကိုယ်တွေမှာလည်း အဖြေမရှိဘူး။ အဲဒါနဲ့ ဒေါ်နီလာကျော်နဲ့ တွေ့တယ်။ အစ်မ အဲဒီကိစ္စ ဒီလိုလားဆိုပြီး မေးရတယ်။ အဲဒါနဲ့ လွှတ်တော်ထဲမှာ ဆွေးနွေးရတယ်။ အဲဒီလိုမျိုးတွေချည်းပဲ။ အဲဒီမှာ အခက်အခဲတွေကို ဆွေးနွေးပြောပြတော့မှ အခုကျောင်းဖွင့်ရာသီမှာတော့ သိပ်မလုပ်ပါဘူး။ သူတို့မှာထားတဲ့ ကားတွေကလည်း မရောက်သေးတော့ နောက်ပွင့်ကားတွေကိစ္စက ပြန်ငြိမ်သွားတယ်။ ကားတွေ ရောက်လာတော့ နောက်ပွင့်ကားတွေနဲ့ ကျောင်းကား မလုပ်ရဘူး ဖြစ်ပြန်ရော။ အဲဒီမှာ ကားတွေက ဈေးများတော့ ဘယ်ကျောင်းမှ မ၀ယ်နိုင်ဘူး။ ကားပိုင်ရှင်တွေကလည်း မ၀ယ်နိုင်ဘူး။ အဲဒါ နဲ့ ကျောင်းသုံးကျောင်းကို ပိုင်းလော့အနေနဲ့ စမ်းမယ်ဖြစ်ပြန်ရော။ အခုတော့ နောက်ပွင့်ကားတွေနဲ့တော့ မပြေးတော့ဘူး။ ဒါပေမဲ့ သူတို့ကားတွေကလည်း ဈေးကို မတတ်နိုင်တော့ ဘယ်သူမှလည်း မ၀ယ်နိုင်သေးဘူး။ အခုလည်း ပြေးနေတဲ့ ကျောင်းကားတွေကို YRTA သတ်မှတ်ချက်နဲ့ ကိုက်မကိုက် စစ်ဆေးဦးမယ်။ ဒါပေမဲ့ စဉ်းစားစရာက ဘယ်လိုစစ်မှာလဲ။ YRTA က ဥပဒေတောင် မထွက်သေးဘူး။ အဲဒါကလည်း ပြဿနာတွေ လာဦးမယ်။ အန်ကယ်တို့က ကန့်လန့်တိုက်တာ မဟုတ်ဘူး။ စနစ်တကျ လုပ်စေချင်တာ။ ဥပမာ တစ်ခုဆိုရင် ကျောင်းကားကို အရစ်ကျနဲ့ ရောင်းပေးမယ်တဲ့ဆိုပြီး ပြောထားတာ ရှိတယ်။ ယာဉ်ပိုင်ရှင်တွေက ကိုယ်စားလှယ်တွေကို မေးတာပေါ့။ အဲဒီတော့ ကျွန်တော်ကလည်း မေးတာပေါ့။ အစ်မကြီး ဘယ်လိုပုံစံမျိုးနဲ့လဲ။ အရစ်ကျက ဘယ်နှနှစ်လဲ။ ဘယ်လို ငွေသွင်းရမလဲ ဆိုတာကိုမေးတော့ အဲဒါကိုလည်း ရေရေရာရာ မပြောနိုင်ဘူး။ မူဝါဒမရှိဘူး ဖြစ်နေတယ်။ အစိုးရအဖွဲ့က လုပ်သာလုပ်တယ် အောက်ခြေမသိမ်းဘူး။ အဝေးကြီး ကြည့်စရာမလိုဘူး။ YBS ဆို တစ်နေ့တော့ အောင်မြင်မှာပါ။ ဒါပေမဲ့ ဆုံးရှုံးမှုများများနဲ့ ပေးဆပ်မှုများများနဲ့ အောင်မြင်တာတော့ သိပ်သဘာဝမကျဘူး။ အန်ကယ်တို့က ပြောင်းတာကို ကန့်ကွက်တာ မဟုတ်ဘူး။ စနစ်တကျ လေးလုပ်ဖို့ပဲ ပြောတာ”ဟု ဦးကျော်ဇေယျက ပြောကြားသည်။

အစိုးရအဖွဲ့နေဖြင့် စီမံခန့်ခွဲမှု အပိုင်းများတွင် လုပ်ကိုင် ဆောင်ရွက်နိုင်သော်လည်း စီမံကိန်းအဖြစ် အကောင်အထည်ဖော်မည် ဆိုပါက လုပ်ချင်တိုင်းလုပ်ရန် အခွင့်မရှိကြောင်း၊ လွှတ်တော်၏ တာဝန်မှာ အစိုးရအဖွဲ့ လုပ်ကိုင်ဆောင်ရွက်မည့် စီမံကိန်းများကို အပြုသဘောဆောင်သည့် အကြံပြုချက်များ ပေးရမည့်တာဝန် ရှိကြောင်း ဦးနေဘုန်းလတ်က ပြောကြားသည်။

“စီမံခန့်ခွဲမှုကတော့ အစိုးရက လုပ်လို့ရတယ်။ စီမံကိန်း ဖြစ်သွားရင်တော့ အစိုးရက လုပ်ချင်တိုင်း လုပ်လို့မရဘူး။ တံတားတစ်စင်း ဆောက်ရင်တောင် ကျွန်တော်တို့ဆီမှာ ဘတ်ဂျက်တောင်းရတယ်။ YBS တုန်းကဆိုရင် ဘတ်ဂျက်တော့ တောင်းလိုက်တယ်။ အဲဒါကို ဘယ်မှာသုံးမလဲ ဆိုတာကို သေချာရှင်းပြထားခြင်း မရှိတော့ ကျွန်တော်တို့မှာ လုပ်ရကိုင်ရတာ နည်းနည်းခက်တယ်”ဟု ဦးနေဘုန်းလတ် က ပြောကြားသည်။

စီမံကိန်းများ၊ ရှေ့ဆက်လုပ်ကိုင်မည့် လုပ်ငန်းစဉ်များကို လွှတ်တော်ကိုယ်စားလှယ်များအား ပြောကြားထားခြင်း မရှိခြင်း၊ တိကျ သေချာသော မူဝါဒချမှတ်ထားခြင်း မရှိသောကြောင့် လူထုနှင့်တွေ့ဆုံရာတွင် များစွာအခက်အခဲ ရှိကြောင်း ဘုရင့်နောင်ဈေး ပြောင်းရွှေ့မည့်ကိစ္စကို ဥပမာပေးကာ ဦးကျော်ဇေယျ က ပြောကြားသည်။

“ဘုရင့်နောင်ဈေးကိစ္စဆိုရင် မနေ့က (ဒီဇင်ဘာ ၂၉ ရက်) မှ သွားလေ့လာ မေးမြန်းတာ။ အဲဒီက လွှတ်တော်ကိုယ်စားလှယ်လည်း ပါတယ်။ လုပ်ငန်းရှင်တွေက ဆိုင်ခန်းကို ငှားချင်တယ်။ ပြင်ချင်တယ်။ ဒါပေမဲ့ သေချာတဲ့ ဆုံးဖြတ်ချက်က မကျတော့ လုပ်ငန်းရှင်တွေက မလုပ်ရဲဘူး။ အန်ကယ်တို့ သွားစစ်တော့ မပြတ်မသားပြောထားတော့ သူတို့မှာ ဘာဆက်လုပ်ရမှန်း မသိဘူး။ အဲဒါတွေကို ၀န်ကြီးချုပ်က ပြတ်ပြတ်သားသား ပြောသင့်တယ်။ အဲဒီကိစ္စကို လွှတ်တော်ကလည်း မသိ၊ လုပ်ငန်းရှင်တွေကလည်း ပြတ်ပြတ်သားသား မသိတော့ သူတို့က ဘယ်သူ့ အားကိုးရမလဲ မသိဘူး။ ဒါကလည်း စီမံကိန်းတစ်ခုပဲ။ ပြတ်ပြတ်သားသား ရှိရမယ်။ အကောင်အထည်ဖော်တာကို လုပ်ငန်းရှင်တွေကသိမှ သူတို့ ဘယ်လိုလုပ်ရမလဲ ဆိုတာသိမှာ။ နောက်ပြီးတော့ ကားတွေကိုလည်း ဒီအတိုင်းပဲ။ အဲဒီမှာရှိတဲ့ ကုန်ကားတွေကိုလည်း အာဆီယံပုံစံ လုပ်မယ်ပြောထားတယ်။ အဲဒါမှ မဆုံးသေးဘူး။ ယာဉ်ကြော ကျပ်တည်းလို့ မင်းတို့ကားတွေ မသုံးတော့ဘူး။ တစ်ခါ ရေလမ်းကြောင်းကနေ ကုန်တွေ ပို့ရမယ်ဆိုပြီး လုပ်ပြန်ရော။ ကုန်းလမ်းကြောင်းတောင်မှ မပြီးသေးဘူး။ အကောင်အထည်လည်း မပေါ်သေးဘူး။ ရေလမ်းကြောင်းက လုပ်မယ်ဆိုပြီး ပြောထားသေးတယ်။ ရေလမ်းကြောက လုပ်မယ်ဆိုပြီး ပြောထားတဲ့ စီမံကိန်းကလည်း ဘယ်လိုလုပ်မှာလဲ ဘာလဲဆိုတာလည်း မသိရသေးဘူး။ အဲဒါတွေက ၀န်ကြီးချုပ်က ပြောသွားတော့ ၀န်ကြီးချုပ် ဆိုတာကလည်း ရိုးရိုးကိုယ်စားလှယ်နဲ့ မတူဘူးလေ။ ရိုးရိုးကိုယ်စားလှယ်က ပြောတာနဲ့ ၀န်ကြီးချုပ်ကပြောတဲ့ဟာ ပိုလေးနက်တယ်။ သူပြောတဲ့စကားပေါ်မှာ အခြေပြုပြီး စီးပွားရေးသမားတွေက စောင့်ပြီး နားစွင့်မှာပဲ။ အန်ကယ်လည်း စီးပွားရေးသမားဆို ၀န်ကြီးချုပ်ပြောတဲ့ စကားကို နားစွင့်မှာပဲ။ သူက ပြတ်ပြတ်သားသားပြော။ ခင်ဗျားတို့ ကားတွေ ဘယ်နေ့နောက်ဆုံး သယ်စရာမလိုတော့ဘူး။ ရေလမ်းကြောင်းကနေ အကောင်အထည်ဖော်မယ်။ အဲဒီလိုလည်း မဟုတ်ဘူး။ အလုပ်လုပ်မယ့် သူတွေက ဘာလုပ်လို့ ဘာကိုင်ရမလဲ မသိဘူးဖြစ်နေတယ်။ အဲဒီတော့ လွှတ်တော် ကိုယ်စားလှယ်တွေဆီကို လာတယ်။ မေးတယ်။ အန်ကယ်တို့မှာလည်း သူတို့ကို ပြန်ဖြေရမယ့် အဖြေမရှိဘူး။ တချို့ဟာတွေက သူတို့ ( အစိုးရအဖွဲ့) ပြောထားပြီး အကောင်အထည် မဖော်တာတွေ ရှိတယ်။အဲဒါတွေဆိုရင် ဘယ်သူမှလည်း မသိလိုက်ဘူး။ ကြည့်မြင်တိုင်မှာဆိုရင် မြို့သစ်စီမံကိန်း လုပ်မယ်ဆိုပြီး ပြောထားတာ ရှိတယ်။ မိုးကုန်ရင် အကောင်အထည်ဖော်မယ်ဆိုပြီး ပြောထားတာ။ အဲဒါက လွှတ်တော်မှာလည်း လိပ်ခဲတည်းလည်း ဖြစ်နေတုန်း။ မြို့သစ်က ဒလဘက်ကို ပြောင်းသွားတယ်။ အဲဒီမှာ တချို့ ဒေသခံတွေကလည်း သဘောကျတာ ရှိသလို သဘောမကျတာလည်း ရှိတယ်။ သို့သော်လည်းပဲ အစိုးရအဖွဲ့က ၀န်ကြီးချုပ်ကိုယ်တိုင် လုပ်ရမယ့်အဆင့် မဟုတ်သေးဘူး။ သူ ဒီစီမံကိန်းတွေ လုပ်ချင်တယ်။ လွှတ်တော်ကိုပြောမယ်။ ဒေသခံ ကိုယ်စားလှယ်ကလည်း ဆွေးနွေးမယ်။ အန်ကယ်တို့ စီမံကိန်းကော်မတီကလည်း ကြည့်မယ်။ အပြန်အလှန် ဆွေးနွေးမယ်ဆိုရင် လုပ်ငန်းတွေ ချောမွေ့တာပေါ့” ဟု ဦးကျော်ဇေယျက ပြောကြားသည်။

■ လွှတ်တော်က အစိုးရကို ထိန်းကျောင်းမှု အားနည်းနေပြီလား

သက်တမ်း နှစ်နှစ်ကျော်လာပြီ ဖြစ်သည့် ရန်ကုန်တိုင်းဒေသကြီး အစိုးရအဖွဲ့အား ရန်ကုန်တိုင်းဒေသကြီး လွှတ်တော်အနေဖြင့် ထိန်းကျောင်း တည့်မတ်နိုင်ပြီလား ဆိုသည့် မေးမြန်းမှုအပေါ် တိုင်းဒေသကြီးလွှတ်တော် ကိုယ်စားလှယ် ဦးနေဘုန်းလတ်က “လွှတ်တော်က အစိုးရကို ထိန်းကျောင်းနိုင်ပြီလို့ မယူဆဘူး။ ကျွန်တော်တို့ လွှတ်တော်က မေးခွန်းတွေ မေးတယ်။ အဆိုတွေ တင်တယ်။ အတိုင်းအတာ တစ်ခုအထိတော့ ဘတ်ဂျက်တွေ စိစစ်ဖြတ်တောက်တာ ရှိတယ်။ လိုအပ်တဲ့ မေးခွန်းတွေလည်း မေးနေတာပဲ။ ဒါပေမဲ့ အဲဒီအပေါ်မှာ အစိုးရအနေနဲ့ တာဝန်ယူ ဆောင်ရွက်မှုပေါ့။ နောက်တစ်ခုကတော့ လေးစားမှုပေါ့။ အဲဒါကတော့ အခုထိတော့ အားရစရာမရှိဘူး။ အထူးသဖြင့် ထောက်ပြချင်တာက လွှတ်တော်က အဆိုတစ်ခုကို အတည်ပြုလိုက်တယ်ပေါ့။ တကယ်တမ်း လွှတ်တော်မှာ အဆိုတစ်ခု အတည်ပြုလိုက်ပြီဆိုရင် အစိုးရအနေနဲ့ တော်တော်လေးကို အလေးအနက်ထားပြီးတော့ လုပ်ငန်းစဉ်တွေ လိုက်ရမှာ။ ဒါပေမဲ့ အခုတော့ အဲဒီလိုလိုက်တာ မရှိဘူး။ အဆိုတင်တယ်။ အတည်ပြုတာပဲ အဖတ်တင်တယ်။ ထိထိရောက်ရောက် မရှိဘူး။ ကျွန်တော်မြင်တာကတော့ လွှတ်တော်က အစိုးရကို ထိန်းကျောင်းနိုင်တယ် ဆိုတာထက် လွှတ် တော်ရဲ့မေးခွန်းတွေ၊ အဆိုတွေကို အစိုးရအနေနဲ့ တာဝန်ယူဆောင်ရွက်မှု အားနည်းတယ်” ဟု ဦးနေဘုန်းလတ်က ပြောကြားသည်။

အချို့သော အခြေအနေများတွင် ရန်ကုန်တိုင်းဒေသကြီး အစိုးရအဖွဲ့နှင့် လွှတ်တော်ကိုယ်စားလှယ်များ ပူးပေါင်းဆောင်ရွက်မှုကြောင့် လုပ်ငန်းများ အကောင်အထည် ပေါ်ခဲ့သော်လည်း အဆင်မပြေမှုများလည်း ရှိကြောင်း တိုင်းဒေသကြီး လွှတ်တော်ကိုယ်စားလှယ် ဒေါ်ကြည်ပြာက ပြောကြားသည်။

“ညဈေးလို ဟာမျိုးဆိုရင် အစ်မကလည်း အဆိုတင်တယ်။ ဒါပေမဲ့ ညဈေး ဖွင့်ဖို့ လုပ်ဖို့ ပြောတာ မဟုတ်ဘူး။ မြို့ထဲမှာက လမ်းဘေးဈေးသည်ကိစ္စတွေနဲ့ တော်တော်အဆင်မပြေဘူး။ အဲဒါကြောင့် ဒါတွေနဲ့ပတ်သက်ပြီး စီမံပေးပါဆိုပြီး တင်လိုက်တာ။ သူတို့ကလည်း ညဈေးလုပ်ဖို့ အစီအစဉ်ကလည်း ရှိနေတော့ ညဈေးဆိုပြီး ဖြစ်သွားတာ။ အဲဒီအထိက အဆင်ပြေသေးတယ်။ ပြဿနာက ဘာရှိလဲဆိုတော့ ညဈေးလုပ်မယ်ဆိုတော့ အစ်မတို့ ကိုယ်စားလှယ်တွေက လိုက်ကူညီကြတယ်။ ဒါပေမဲ့ ပွင့်ပွင့်လင်းလင်းပြောရရင် တကယ်စီမံတာက စည်ပင်။ အဲဒီအချိန်မှာ အဆင်မပြေတာလေးတွေ တွေ့လာတယ်။ တကယ်တမ်းပြောရရင်လည်း ညဈေးက မအောင်မြင်ဘူးလို့ ပြောရမယ်” ဟု ဒေါ်ကြည်ပြာက ပြောကြားသည်။

အစိုးရအဖွဲ့၏ လုပ်ဆောင်ချက်များ၊ ဆက်လက် လုပ်ဆောင်ရမည့် အခြေအနေများနှင့် ပတ်သက်ပြီး ရန်ကုန်တိုင်းဒေသကြီး လွှတ်တော်တွင် တိုင်းဒေသကြီးအစိုးရ၏ ကတိက၀တ် အာမခံချက်များနှင့် လွှတ်တော် အခွင့်အရေးကော်မတီကို ဖွဲ့စည်းထားပြီး အဆိုပါကော်မတီ၏ ဥက္ကဋ္ဌဖြစ်သူ ပုဇွန်တောင်မဲဆန္ဒနယ် အမှတ် (၁) မှ တိုင်းဒေသကြီး လွှတ်တော်ကိုယ်စားလှယ် ဦးခင်မောင်ဝင်းက အစိုးရအနေဖြင့် လွှတ်တော်နှင့် ပူးပေါင်း ဆောင်ရွက်မှုများကို ယခုထက်ပိုမို လုပ်ကိုင်မည်ဆိုပါက ပြုပြင်ပြောင်းလဲမှုများ လျင်မြန်မည်ဖြစ်ကြောင်း ပြောကြားသည်။

“အခုလည်း ပူးပေါင်း ဆောင်ရွက်နေတယ်။ သူတို့ရဲ့ ကတိက၀တ်တွေ။ အာမခံချက်တွေ၊ လွှတ်တော်က အဆိုတွေကို အကောင်အထည်ဖော်တယ်။ ဒီထက်ပို လက်တွဲလုပ်ကိုင်ရင် ပိုမြန်တာပေါ့။ အခုလည်း တိုင်းဒေသကြီး အစိုးရအဖွဲ့က လက်တွဲ လုပ်ဆောင်နေပါတယ်” ဟု ပုဇွန်တောင်မဲဆန္ဒနယ်မှ တိုင်းဒေသကြီး လွှတ်တော်ကိုယ်စားလှယ် ဦးခင်မောင်ဝင်းက ပြောကြားသည်။

ဒီမိုကရေစီစနစ်တွင် မဏ္ဍိုင်သုံးရပ် အနေဖြင့် အပြန်အလှန် ထိန်းကျောင်းမှု အားကောင်းရန် လိုအပ်ပြီး ယင်းသို့ အားကောင်းမှသာ ဒီမိုကရေစီ အလေ့အကျင့်များ ရှင်သန်နိုင်မည် ဖြစ်ကြောင်း လွှတ်တော် ကိုယ်စားလှယ်များက တညီတညွတ်တည်း ပြောကြားသည်။

“ဒီမိုကရေစီနိုင်ငံတွေမှာတော့ အုပ်ချုပ်ရေးမဏ္ဍိုင်ရော၊ ဥပဒေပြုရေးမဏ္ဍိုင်ရော အပြန်အလှန် ထိန်းကျောင်းမှု အားကောင်းဖို့ လိုအပ်တယ်။ ပွင့်ပွင့်လင်းလင်း ပြောရရင် ကိုယ့်အစိုးရ ကိုယ့်လွှတ်တော် ထိန်းကျောင်းစရာက သိပ်မလိုဘူး။ ဒါပေမဲ့လည်း ပွင့်လင်းမြင်သာမှုရှိစွာ လွှတ်တော်အနေနဲ့လည်း လွှတ်တော်ကိုယ်စားလှယ်တွေက မြေပြင် အခြေအနေတွေကို အနီးစပ်ဆုံးဖြစ်တဲ့ သူတွေဖြစ်တော့ အစိုးရအဖွဲ့ကို တိုက်တွန်းတာတွေ၊ တောင်းဆိုတာတွေ ရှိတယ်ပေါ့။ အဲဒီလိုအခါမျိုးမှာ တစ်ယောက်နဲ့ တစ်ယောက် လွှတ်တော်ကိုယ်စားလှယ်ကလည်း မြေပြင်မှာ တကယ်ထိတွေ့နေရတဲ့ အခြေအနေဆိုတော့ သူတို့တောင်းဆိုတာကိုလည်း အစိုးရက လုပ်ပေးစေချင်တယ်။ သူတို့မှာက လုပ်ဆောင်နိုင်တဲ့ မက်ဂနက်ဇင်ကြီး ရှိတယ်။ လုပ်ပေးနိုင်တာတွေ ရှိတယ်။ အဲဒီလိုမျိုးလေး ဖြစ်စေချင်တာ။ အခုကတော့ နည်းနည်း လိုအပ်နေတယ်။ အခုကကျတော့ အစိုးရအနေနဲ့လည်း လုပ်ဆောင်ရတာတွေ များတာက မှန်ပါတယ်။ အဲဒါကိုလည်း နားလည်ပါတယ်။ ကိုယ်စားလှယ်တွေကလည်း မြေပြင်မှာ တကယ်ထိ တွေ့နေရတဲ့ သူတွေဖြစ်နေတော့ လုပ်ပေးစေချင်တဲ့ အနေအထားလေးတွေကိုလည်း ဂရုစိုက်စေချင်တယ်။ အဆိုတွေ၊ မေးခွန်းတွေကိုပေါ့” ဟု တိုင်းဒေသကြီး လွှတ်တော်ကိုယ်စားလှယ် ဒေါ်ကြည်ပြာက ပြောကြားသည်။

လွှတ်တော် ကိုယ်စားလှယ်များအနေဖြင့် လွှတ်တော်ဘက်မှ ရပ်တည်၍ ပြောနေုခြင်း မဟုတ်ကြောင်း၊ ဒီမိုကရေစီစနစ်၏ မူအရသာ လုပ်ကိုင်ဆောင်ရွက်နေခြင်း ဖြစ်ကြောင်း၊ အပြန်အလှန် လေးစားမှုမရှိပါက ဒီမိုကရေစီ ပုံဖျက်ခံရနိုင်ကြောင်း တိုင်းဒေသကြီး လွှတ်တော်ကိုယ်စားလှယ် ဦးနေဘုန်းလတ်က ပြောကြားသည်။

“ဒီမိုကရေစီစနစ်ကို ခိုင်မာစေချင်တယ် ဆိုရင်တော့ အစိုးရအနေနဲ့ လွှတ်တော်ကို ဒီထက်ပို အလေးထားသင့်တယ်။ အုပ်ချုပ်ရေး အာဏာကို ပေးလိုက်တယ်ဆိုတာ လုပ်ချင်တာလုပ်ဖို့ ပေးလိုက်တာ မဟုတ်ဘူး။ အားလုံးနဲ့ တိုင်ပင်ဆွေးနွေးပြီး လုပ်သင့်လုပ်ထိုက်တာကို လုပ်ဖို့ လူထုက ပေးအပ်လိုက်တာ။ မဏ္ဍိုင်သုံးရပ်က အပြန်အလှန် လေးစားမှုတစ်ခုနဲ့ ဖြတ်သန်းသင့်တယ်။ နို့မို့ဆိုရင်တော့ ဒီမိုကရေစီကို ပုံဖျက်တဲ့ သဘောပဲ။ လိုတဲ့ ပိုက်ဆံတော့ လွှတ်တော်မှာ လာလာတောင်းတယ်။ ဘာတွေလုပ်မယ် ဆိုတာတော့ ဘာတွေလဲဆိုတာ ရှင်းရှင်းလင်းလင်း မသိရဘူး။ လွှတ်တော်ကိုယ်စားလှယ်မို့လို့ လွှတ်တော်ဘက်က ပြောနေတာလည်း မဟုတ်ဘူး။ ဒီမိုကရေစီစနစ် ရှင်သန်အားကောင်းဖို့ဆိုရင် မဏ္ဍိုင်တစ်ခုနဲ့တစ်ခု လေးစားမှုရှိဖို့ လိုအပ်တယ်။ ဒါတွေက ဒီမိုကရေစီရဲ့ မူပဲ” ဟု ဦးနေဘုန်းလတ်က ပြောကြားသည်။

အီရန်ဆန္ဒပြပွဲများနှင့် ပတ်သက်သော မေးခွန်းများ

ဒီဇင်ဘာ ၃၀ ရက်က တီဟီရန်တွင် ဆန္ဒပြပွဲများ ပြုလုပ်စဉ်အတွင်း တီဟီရန်တက္ကသိုလ်၌ အီရန်ကျောင်းသားများနှင့် ရဲတပ်ဖွဲ့ဝင်များ ရုန်းရင်းဆန်ခတ် ဖြစ်ပွားနေစဉ်

အီရန်နိုင်ငံတွင် ၂၀၀၉ ခုနှစ် အစိမ်းရောင်လှုပ်ရှားမှုနောက်ပိုင်း အကြီးမားဆုံး လူထုမကျေနပ်မှုကြီး ဖြစ်ပေါ်လာမှုက အမေရိကန်သမ္မတ ဒေါ်နယ်ထရန့်ထံမှ Twitter ပို့စ်များ အတွဲလိုက် တက်လာစေပြီး အီရန်အစိုးရ၏ နှိမ်နင်းမှုကို ခံရသည်။ လွန်ခဲ့သည့် ၁၀ နှစ်ခန့်က တွေးကြည့်ရန်ပင် ခက်ခဲသော မြင်ကွင်းတစ်ရပ်အဖြစ် ဆန္ဒပြသူများက ဘာသာရေးဥသျှောင် အယာတိုလာခါမေနီ၏ အုပ်စိုးမှုကို စိန်ခေါ်ကြသည်။

ဒါတွေ ဘာ့ကြောင့်ဖြစ်တာလဲ

ဒီဇင်ဘာ ၂၈ ရက်မှာ စတင်တဲ့ ဆန္ဒပြမှုတွေဟာ အထစ်ထစ် အငေါ့ငေါ့ ဖြစ်လာတဲ့ စီးပွားရေးနဲ့ ထူပြောနေတဲ့ ခြစားမှုတွေအပြင် လောင်စာဆီနဲ့ စားသောက်ကုန်ဈေးနှုန်းတွေ မြင့်တက်လာမှုတွေအပေါ် တုံ့ပြန်မှုဖြစ်ပါတယ်။ ဒါပေမဲ့ တကယ်က အဲဒီထက်ပိုပြီး ကျယ်ပြန့်တဲ့ တစ်စုံတစ်ရာ ရှိနေပါတယ်။

အီရန်နိုင်ငံရဲ့ နျူကလီးယား စီမံကိန်းနဲ့ ပတ်သက်ပြီး ၂၀၁၅ ခုနှစ်မှာ P5+1 (လုံခြုံရေးကောင်စီ အမြဲတမ်းအဖွဲ့ဝင် ငါးနိုင်ငံ+ ဂျာမနီ) နဲ့ အီရန်နိုင်ငံတို့အကြား သဘောတူညီချက်တစ်ရပ် ရရှိပြီးတဲ့နောက် ပြင်းထန်တဲ့ ပိတ်ဆို့မှုတွေကို ရုပ်သိမ်းပေးလိုက်တဲ့အခါ အီရန်နိုင်ငံသားတွေအနေနဲ့ သူတို့ရဲ့ဘ၀ဟာ ပိုပြီးကောင်းလာတော့မယ်လို့ မျှော်လင့်ထားကြတာကြောင့် အခု အီရန်နိုင်ငံသားတွေ ဒေါသထွက်ကြတာလို့ ကျွမ်းကျင်သူတွေက ဆိုပါတယ်။

ဘဏ္ဍာရေး၊ စွမ်းအင်နဲ့ သယ်ယူပို့ဆောင်ရေးကဏ္ဍတွေမှာ ပိတ်ဆို့ထားမှုတွေကို ဖယ်ရှားပေးလိုက်ပေမယ့် အီရန်က ကုမ္ပဏီတွေနဲ့ လူပုဂ္ဂိုလ်တွေကို အမည်မည်းစာရင်းကနေ ဖြုတ်မပေးခဲ့ပါဘူး။ ပြီးတော့ အမေရိကန်ဟာ ပြီးခဲ့တဲ့ နွေရာသီက ဒုံးပျံလွှတ်တင်မှုတစ်ရပ် အပါအ၀င် တခြားချိုးဖောက်မှုတွေနဲ့ ပတ်သက်ပြီး အီရန်နိုင်ငံအပေါ် ပိတ်ဆို့မှုအသစ်တွေ ဖန်တီးခဲ့ပါသေးတယ်။

အမျိုးသား အီရန်-အမေရိကန်ကောင်စီ ဥက္ကဋ္ဌ ထရီတာပါဆီနဲ့ တခြားကျွမ်းကျင်သူတွေက ကြီးမားတဲ့ စီးပွားရေးဆိုင်ရာ စီမံမှုအလွဲတွေနဲ့ ခြစားမှုတွေဟာ အီရန်နိုင်ငံသားတွေကို စိတ်ပျက်စေခဲ့တာလို့ ဆိုကြပါတယ်။

အစိုးရ မူဝါဒတွေက အလုပ်လက်မဲ့ဖြစ်မှုနဲ့ ငွေကြေးဖောင်းပွမှုတွေကို ပိုမိုမြင့်မားစေခဲ့ပါတယ်။ ခိုင်မာတဲ့ နိုင်ငံတကာ ရင်းနှီးမြှုပ်နှံမှု မရှိဘူးလို့လည်း ပါဆီက ဆိုပါတယ်။

“နျူကလီးယား သဘောတူညီချက်ကို အီရန်လူထုက အကြီးအကျယ် ထောက်ခံကြပါတယ်။ အဲဒီသဘောတူညီချက်ကနေ စီးပွားရေးပိုမိုဖွံ့ဖြိုးလာလိမ့်မယ်လို့ မျှော်လင့်ထားတာပါ” လို့ ပါဆီက ပြောပြပါတယ်။

ဒါဆို ဒီကိစ္စက ပေါင်မုန့်နဲ့ လောင်စာဆီ ဈေးတက်တာကြောင့်ပဲလား

မဟုတ်ပါဘူး။ နှစ်တွေချီပြီး ကြာလာခဲ့တဲ့ နိုင်ငံရေး၊ စီးပွားရေးနဲ့ လူမှုရေးနာကျည်းချက်တွေက ၂၀၀၉ ခုနှစ်နောက်ပိုင်း အကြီးမားဆုံး လမ်းပေါ်ဆန္ဒပြမှုတွေဖြစ်အောင် ပြည်သူတွေကို တွန်းပို့ခဲ့ပါတယ်လို့ အမျိုးသား အီရန်-အမေရိကန်ကောင်စီက ညွှန်ကြားရေးမှူး ရေဇာမာရာရှီက ပြောပါတယ်။

“စီးပွားရေးပိတ်ဆို့မှုတွေက အီရန်ကို အခြေပြုတဲ့ စီးပွားရေးပြဿနာတွေ အားလုံးကို အလွန်အမင်း ကြီးထွားသွားစေပါတယ်။ ခင်ဗျားတို့အနေနဲ့ စီးပွားရေးကို နိုင်ငံရေးကနေ သီးခြားခွဲထုတ်နိုင်မယ်လို့ ကျွန်တော် မထင်ပါဘူး” လို့ မာရာရှီက ဆိုပါတယ်။

“ထုတ်ဖော်ပြသလိုက်တဲ့ တရားဝင် နာကျည်းချက်တွေကို ကိုင်တွယ်ဆောင်ရွက်ပေးဖို့ အစိုးရမှာ အခွင့်အလမ်းနဲ့ တာဝန်ရှိပါတယ်” လို့လည်း သူက ဆိုပါတယ်။

နိုင်ငံတကာ ငြိမ်းချမ်းရေးဆိုင်ရာ ကာနက်ဂီ ထောက်ပံ့ရေးအဖွဲ့ အကြီးတန်းအရာရှိ ကာရင်ဆက်ဂျက်ပါက အမျိုးသမီးတွေအတွက် တန်းတူညီမျှ အခွင့်အရေးရရှိရေးကလည်း နိုင်ငံသားတွေကြားမှာ တွန်းအားဖြစ်နေပါတယ်လို့ ဆိုပါတယ်။

အီရန်ဒုတိယသမ္မတက စီးပွားရေး အခက်အခဲတွေကို ဖြေရှင်းဖို့ အစိုးရဟာ အလုပ်ကို ပိုပြီးပြင်းပြင်းထန်ထန် လုပ်မယ်လို့ ဒီဇင်ဘာ ၃၀ ရက်က ပြောပါတယ်။

အခုဆန္ဒပြပွဲတွေက ၂၀၀၉ ခုနှစ်က ဆန္ဒပြပွဲတွေနဲ့ အတူတူပဲလား

အခု ဆန္ဒပြပွဲတွေက တော်လှန်ရေးတစ်ရပ်ထက်စာရင် အရပ်သားအခွင့်အရေးဆိုင်ရာ လှုပ်ရှားမှုနဲ့ပဲ ပိုပြီးတူတယ်လို့ မာရာရှီက ဆိုပါတယ်။ သူက ၂၀၀၉ ခုနှစ်နဲ့ တခြားကွဲပြား ခြားနားတဲ့ အချက်တွေလည်း ရှိသေးတယ်လို့ ဆိုပါတယ်။ ၂၀၀၉ ခုနှစ်က ဆန္ဒပြပွဲတွေဟာ အဓိကအားဖြင့်တော့ တီဟီရန်မြို့မှာပဲ ဖြစ်ပါတယ်။ ဒီအပတ် ဆန္ဒပြပွဲတွေကတော့ အစိုးရရဲ့ အမာခံနယ်မြေတွေဖြစ်ပြီး ခိုင်မာတဲ့ ဘာသာရေးဗဟိုချက်တွေလို့ ထင်ရှားတဲ့ ကွန်နဲ့ မာရ်ှဟက်မြို့တွေမှာ ဖြစ်ခဲ့ပါတယ်။

ပြီးတော့ အခုဆန္ဒပြပွဲတွေက ဘာသာရေးဥသျှောင်ရဲ့အုပ်စိုးမှုကို တိုက်ရိုက်စိန်ခေါ်တာမျိုးလည်း ဖြစ်နေပါတယ်။

“ဒါဟာ ၂၀၀၉ ခုနှစ်မှာ မဖြစ်ခဲ့ဖူးတဲ့ တစ်စုံတစ်ရာ ဖြစ်ပါတယ်။ ဒါဟာ အီရန်မှာ ဖြစ်ပွားတဲ့ ဧရာမအရာကြီးတစ်ခုပါ။ လူတွေ လမ်းပေါ်မှာ လူသိရှင်ကြား မပြောကြတဲ့အရာပါ” လို့ CNN သတင်းဌာနရဲ့ နိုင်ငံတကာ သံတမန်ရေးရာ အယ်ဒီတာ နစ်ရောဘတ်ဆန်က ဆိုပါတယ်။

တီဟီရန်တက္ကသိုလ်အနီးမှာ ခါမေနီရဲ့ ရုပ်ပုံ ပိုစတာတစ်ခုကို ဆန္ဒပြသူတစ်ဦးက စုတ်ဖြဲပစ်လိုက်တာ မြင်တယ်လို့ ဒေသခံ မျက်မြင်သက်သေတစ်ဦးက ပြောပြပါတယ်။

ထရန့်ရဲ့ Twitter ပို့စ်တွေက အကူအညီဖြစ်စေတာလား၊ ထိခိုက်စေတာလား

ကျွမ်းကျင်သူတွေ တညီတညွတ်တည်း သဘောတူကြတာကတော့ ထရန့်ရဲ့ပို့စ်တွေက အကူအညီမဖြစ်စေဘူး ဆိုတာပါပဲ။ အဲဒီအစား ကမ္ဘာကြီးအနေနဲ့ လွတ်လပ်စွာ ဖော်ထုတ်ပြသခွင့်ကို ထောက်ခံပြီး အီရန်လူထုနဲ့ တစ်သားတည်းရှိကြောင်း ပြသသင့်တယ်လို့ သူတို့က ဆိုကြပါတယ်။

ထရန့်က Twitter မှာ “ကမ္ဘာကြီးက စောင့်ကြည့်နေတယ်။ ဖိနှိပ်တဲ့ အစိုးရတွေဟာ ကြာကြာမခံနိုင်ဘူး” လို့ ရေးခဲ့ပါတယ်။ ထရန့်က အီရန်နိုင်ငံရဲ့ ခေါင်းဆောင်မှုဟာ နေရာအနှံ့က အကြမ်းဖက်မှုတွေကို ရန်ပုံငွေပေးဖို့ ချမ်းသာကြွယ်ဝမှုတွေကို ဖြုန်းတီးနေတာပါလို့လည်း ပြောပါသေးတယ်။

မာရာရှီက ဒီဆန္ဒပြလှုပ်ရှားမှုဟာ အီရန်မှာအခြေခံပြီး အီရန်မှာပဲ အဆုံးသတ်ရမယ်လို့ ဆိုပါတယ်။

ပါဆီကလည်း “ဒီဆန္ဒပြမှုတွေဟာ အမေရိကန်ရဲ့ကိစ္စမဟုတ်ဘူး၊ ဒါက ထရန့်အကြောင်းလည်း မဟုတ်ဘူး။ ဒီကိစ္စထဲ ထရန့်ဝင်လာတာဟာ မလိုအပ်ဘူး၊ အထောက်အကူလည်း မဖြစ်ဘူး။ ဘာဖြစ်လို့လဲဆိုတော့ သူ့အနေနဲ့ အီရန်မှာ ယုံကြည်မှုရရှိအောင် လုပ်နိုင်မှာ မဟုတ်လို့ပဲ” လို့ ဆိုပါတယ်။

အီရန်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဘာရမ်ကက်ဆီမီက အီရန်လူထုဟာ ထရန့် ဒါမှမဟုတ် သူ့အစိုးရအဖွဲ့ရဲ့ အချောင်နာမည်ဝင်ယူတဲ့ မှတ်ချက်တွေကို ယုံကြည်လက်ခံမှာမဟုတ်ဘူးလို့ ဆိုပါတယ်။

နောက်ပြီး ဘာတွေဖြစ်လာမှာလဲ

၂၀၀၉ ခုနှစ် အစိမ်းရောင်လှုပ်ရှားမှုဟာ လနဲ့ချီပြီးကြာပါတယ်။ အခုဆန္ဒပြပွဲတွေက ရက်ပိုင်းလေးပဲ ရှိပါသေးတယ်။ အစိုးရအနေနဲ့ သူ့ကို အတိုက်အခံလုပ်တာကို ဘယ်လောက်အတိုင်းအတာအထိ ခွင့်ပြုမလဲဆိုတာ မရေရာပါဘူး။

“၁၉၇၉ ခုနှစ်မှာ အီရန်နိုင်ငံသားတွေဟာ ဒီမိုကရေစီမပါတဲ့ တော်လှန်ရေးတစ်ရပ်ကို တွေ့ကြုံရပါတယ်။ ဒီကနေ့မှာတော့ သူတို့ဟာ တော်လှန်ရေးတစ်ရပ်မပါတဲ့ ဒီမိုကရေစီကို ဆန္ဒပြင်းပြနေကြပါတယ်” လို့ ဆက်ဂျက်ပေါက ဆိုပါတယ်။

သူက “အီရန်လူငယ်တွေဟာ ပိုပြီးလစ်ဘရယ်ကျတဲ့ တိုးတက်တဲ့ နိုင်ငံတစ်နိုင်ငံဖြစ်အောင် ကြိုးပမ်းနေတာဖြစ်ပေမယ့် လက်နက်ကိုင်ဖွယ်မရှိဘူး၊ ကိုင်ဖို့ဆိုတာလည်း မဖြစ်နိုင်ဘူး၊ အာဏာကို ဆက်ထိန်းထားနိုင်ဖို့ အင်အားသုံးဖို့သာ လိုလားတယ်လို့ သူတို့သိထားတဲ့ အစိုးရတစ်ရပ်ကို သူတို့ ဆန့်ကျင်နေတာပါ” လို့လည်း ဆိုပါတယ်။

“အီရန်နိုင်ငံသား အများအပြားဟာ တော်လှန်ရေး အဆုံးသတ်တွေကို ကြုံခဲ့ဖူးမှာ ဖြစ်ပေမယ့် ဆီးရီးယား ဒါမှမဟုတ် အီဂျစ် ဒါမှမဟုတ် အရှေ့အလယ်ပိုင်းက လွန်ခဲ့တဲ့ ငါးနှစ်ကို ဖြတ်သန်းခဲ့ရတဲ့ တခြားနိုင်ငံတွေကို နမူနာယူပြီး တော်လှန်ရေးလမ်းကြောင်းကိုလိုက်ဖို့ ဆန္ဒရှိလိမ့်မယ်လို့ ကျွန်တော်မထင်ဘူး” လို့လည်း သူကဆိုပါတယ်။

ဒါပေမဲ့ “ဆန္ဒပြပွဲတွေ သူခန့်မှန်းထားသလို နှိမ်နင်းခံလိုက်ရမယ်ဆိုရင်တောင် ဒါက အဆုံးသတ်မဟုတ်သေးပါဘူး။ အစိုးရအပေါ် မကျေနပ်မှုတွေက ကျန်နေဦးမှာဖြစ်ပြီး အနာဂတ်မှာ အခါအားလျော်စွာ ပြန်ပေါ်လာဦးမှာပဲ” လို့ ဆက်ဂျက်ပေါက ဒီဇင်ဘာ ၂၉ ရက်မှာ သူ့ Twitter ပေါ်ရေးထားပါတယ်။

မန်စီးတီးအသင်းရဲ့ (၁၈)ပွဲဆက်နိုင်ပွဲကို ရပ်တန့်ခဲ့တဲ့ ပဲလေ့စ်

ပရီးမီးယားလိဂ်ပွဲစဉ် (၂၁) တနင်္ဂနွေနေ့အစောပိုင်းပွဲဖြစ်တဲ့ ခရစ္စတယ်ပဲလေ့စ်-
မန်စီးတီးပွဲမှာတော့ တန်းဆင်းဇုန်နားရောက်နေတဲ့ ခရစ္စတယ်ပဲလေ့စ်အသင်းက
မန်စီးတီးဆီက သရေတစ်မှတ်ခွဲယူခဲ့ပြီး မန်စီးတီးအသင်းရဲ့ (၁၈)ပွဲဆက် နိုင်ပွဲမှတ်တမ်း
ကိုလည်း ရပ်တန့်နိုင်ခဲ့ပါတယ်။

မန်စီးတီးအသင်းဟာ ဘောလုံးပိုင်ဆိုင်မှုအသာ၊ ဂိုးသွင်းခွင့်အသာနဲ့ ထိုးဖောက်ကစားခဲ့ပြီး
ခရစ္စတယ်ပဲလေ့စ်အသင်းကလည် ကြံ့ကြံ့ခံ တုံ့ပြန်ခဲ့တယ်။ ပထမပိုင်း(၂၃)မိနစ်မှာ ဂျေးဆူ
ဒဏ်ရာရခဲ့လို့ အဂွဲရိုးဝင်ကစားခဲ့ပြီး ဂိုးသွင်းခွင့်တစ်ကြိမ်ရခဲ့ပေမယ့် တိုင်ထိသွားခဲ့တယ်။ ပဲ
လေ့စ်အသင်းကလည်း အပိုင်ဂိုးသွင်းခွင့်ရခဲ့ပြီး တောင်ဆန် ကန်သွင်းခွင့်ရခဲ့ပေမယ့် လွဲချော်
ခဲ့လို့ နစ်နာခဲ့တယ်။ ပွဲပြီးခါနီး နာကျင်အချိန်ပို(၂)မိနစ်မှာ ခရစ္စတယ်ပဲလေ့စ်အသင်းအတွက်
ကြီးမားတဲ့အခွင့်အရေးအဖြစ် ပယ်နယ်တီကန်ခွင့်ရခဲ့ပါတယ်။ အဲဒီ ပယ်နယ်တီကို ကွင်းလယ်
လူ မီလီဗိုယီဗစ် ကန်သွင်းခဲ့ပေမယ့် မန်စီးတီးဂိုးသမားအီဒါဆန် ကာကွယ်ခဲ့လို့ အိမ်ရှင်အသင်း
(၃)မှတ်ရနိုင်မယ့်အခွင့်အရေးနဲ့ လွဲချော်ခဲ့ပြီး မန်စီးတီးအသင်းလည်း ပထမဆုံးရှုံးပွဲတွေ့မယ့်
အခြေအနေကို ရှောင်လွှဲနိုင်ခဲ့တယ်။ အခုပွဲသရေကျခဲ့ပေမယ့် မန်စီးတီးအသင်းဟာ ဒုတိယနေရာ
ရောက်လာတဲ့ ချယ်လ်ဆီးအသင်းနဲ့ (၁၄)မှတ်အထိ ကွာဟနေဆဲဖြစ်ပါတယ်။

ပဲလေ့စ် ၀-၀ မန်စီးတီး

ခရစ္စမတ်ရာသီနှင့် နှစ်သစ်ကူးရက်အတွင်း ကရင်ပြည်နယ် သံတောင်ကြီးမြို့နယ်ရှိ ထင်ရှားသော နော်ဘူဘောဆုတောင်းတောင်နှင့် ကရင်နှစ်သစ်ကူးတောင်များသို့ လည်ပတ်သူများပြား

ကရင်ပြည်နယ် သံတောင်ကြီးမြို့နယ်ရှိ နော်ဘူဘောဆုတောင်းတောင်သို့ လာရောက်လည်ပတ်ကြသူများအား တွေ့ရစဉ်

ခရစ္စမတ်ရာသီနှင့် နှစ်သစ်ကူးရက်အတွင်း ကရင်ပြည်နယ် သံတောင်ကြီးမြို့နယ်ရှိ ထင်ရှားသော နော်ဘူဘောဆုတောင်းတောင်နှင့် ကရင်နှစ်သစ်ကူးတောင်များသို့ လာရောက်လည်ပတ်သူ များပြားလျက်ရှိကြောင်း သိရသည်။

အဆိုပါ သံတောင်ကြီးတောင်စခန်းမြို့ဟု နာမည်ကြီးထင်ရှားသည့် ခရစ်ယာန်ဘာသာဝင်တို့၏ သန့်ရှင်းမွန်မြတ်လှသော ဆုတောင်းတောင်တစ်ခုဖြစ်သည့် နော်ဘူဘောဆုတောင်းတောင်နှင့် ကရင်နှစ်သစ်ကူး တောင်တို့သို့ ဒီဇင်ဘာလအတွင်း ဆုတောင်းဝတ်ပြုသူ ဘာသာဝင်များအပြင် အခြားလာရောက် လည်ပတ်သူ များလျက်ရှိပြီး ခရစ္စမတ်ကာလမှ နှစ်သစ်ကူးရက်အထိ လည်ပတ်မှု ပိုိများကြောင်း သိရသည်။

“လာလည်ကြတာကတော့ အခုနောက်ပိုင်း သတင်းတွေပြန့်ပြီး ပိုလာတယ်။ အခု ဒီဇင်ဘာမှာလည်း ပိုလာတယ်။ ဒီနေ့ကိုပဲ အများကြီးလာနေတယ်။ ဧည်သည်မှတ်တမ်း စာအုပ်ရှိပေမယ့် လက်မှတ်ထိုးသူလည်းရှိ၊ မထိုးသူကလည်းများတော့ သေချာအတိအကျတော့ မပြောနိုင်ပေမယ့် ဒီရက်တွေထဲမှာ တစ်ရက်ကို ထောင်ကျော်အထိ လာရောက်တယ်။ မနေ့ကတောင် နိုင်ငံခြားသားတွေ တော်တော်များများ လာကြတယ်။ နိုင်ဂျီးရီးယား၊ ဟော်လန်၊ ပြင်သစ်၊ အီတလီ တော်တော်များများ လာကြတယ်။ ကူညီထောက်ပံ့ပေးတဲ့ နိုင်ငံခြားသားတွေလည်း လာကြတာပဲ။ ဒီမှာရှိတဲ့ ကလေး ပြောရမယ်ဆိုရင်တော့ ကျွန်တော်တို့က တောင်ပေါ်ဒေသဖြစ်တဲ့အတွက် အများအားဖြင့် ကလေးတွေ ပညာဗဟုသုတ အဖြစ်နည်းတာပေါ့။ အသိအမြင် နည်းတာပေါ့။ အခု ဒီတောင်ရှိပြီးနောက်ပိုင်း ခွန်အားပေးတယ်၊ ထောက်ပံ့တယ်၊ ပညာရေးပိုင်း သင်ပေးတယ်။ ဒီလိုလုပ်တော့ ဒီမှာရှိတဲ့ လူငယ်တွေ တော်တော်များများကို မြေတောင်မြှောက်ပေးတဲ့ အခါကျတော့ ကလေးတွေ အသိအမြင် ကျယ်လာတယ်” ဟု တောင်တော်တာဝန်ခံ ကိုဖိုးချိုက ပြောကြားသည်။

သံတောင်ကြီး တောင်စခန်းမြို့တွင် အခြားလည်ပတ်စရာ နာမည်ကြီးတောင်များအပြင် ရေတံခွန်၊ လက်ဖက်စိုက်ခင်း၊ တပ်မတော် လက်ဖက်ခြောက်စက်ရုံ၊ ကိုလိုနီခေတ် အဆောက်အအုံများနှင့် ဒေသခံတိုင်းရင်းသားများ၏ နေထိုင်မှု ဓလေ့စရိုက်များမှာလည်း စိတ်ဝင်စားစရာကောင်းကြောင်း ခရီးသွားများက ဆိုသည်။

“ကျွန်မတို့ အခု နော်ဘူဘော်ဆိုတဲ့ တောင်မှာပေါ့နော်။ ၀တ်ပြုဆုတောင်းခန်းတွေရှိတယ်။ ကျွန်မတို့ယုံကြည်တာက ဆုတောင်းမယ်။ သီးသန့်ထားထားတဲ့ နေရာလည်းဖြစ်တယ်။ နော်ဘူဘော်ဆိုတဲ့ အမျိုးသမီးတစ်ယောက်။ သူ့ရဲ့ရာဇ၀င်နဲ့ ကျွန်မတို့ ကရင်တစ်မျိုးသားလုံးနဲ့ ပတ်သက်ပြီးတော့ပေါ့ ဆုတောင်းတောင်လေး သီးသီးသန့်သန့် လုပ်ထားတယ်။ ကျွန်မတို့က ဟိုးနယ်ဝေးက နေလာပြီး ဆုလာတောင်းကြမယ်။ ဆုတောင်းခန်းတွေထားတဲ့ နေရာဖြစ်တဲ့အတွက် ဆုလာတောင်းကြတယ်။ ခရစ်ယာန်အများစုကတော့ သိကြတယ်” ဟု မနော်အဲအဲဆော့က ပြောကြားသည်။

မှိုင်းတိုက်ခြင်းနှင့် ရေကြောင်းကျပ်ခြင်းကြောင့် ချင်းတွင်းမြစ်အတွင်း ရေယာဉ်အချို့သောင်တင်၍ ခရီးသည်များ ဆင်းတွန်းရ

ခန္တီးမြို့နယ်​ စိန်​နန်း​ကျေးရွာအနီးတွင်​ ခရီးသည်​တင်​ ရှော်​တယ်​အမြန်​ယာဉ်​ ​သောင်​တင်​​နေ၍ ခရီးသည်​များ ဆင်းတွန်း​နေစဉ်​

မှိုင်းတိုက်ခြင်းနှင့် ရေကြောင်းကျပ်ခြင်းတို့ကြောင့် ချင်းတွင်းမြစ်အတွင်း သွားလာနေသည့် ရေယာဉ်များ သွားလာရခက်ခဲလာပြီး ရေယာဉ်အချို့သောင်တင်ကာ ခရီးသည်များ ရေထဲဆင်းတွန်းခဲ့ကြရသည်ဟု ခရီးသွားများနှင့် ဒေသခံများထံမှ သိရသည်။

“ရေကြောင်းက ကောင်းတဲ့နေရာကောင်းတာပေါ့။ မကောင်းတဲ့နေရာ မကောင်းပေါ့။ ဒီနေ့မနက် ခန္တီးကနေ ထွက်လာတော့ ခန္တီး ပတ်ဝန်းကျင်နားလေးက ရေကြောင်းက အတော်ကျပ်တယ်။ ခန္တီးကနေ မနက် ၆ နာရီ ၄၀ မိနစ် ထွက်တယ်။ ၇ နာရီကျော်လောက်ကျတော့ သောင်တင်ပြီ။ မှိုင်းတွေကလည်း တအားတိုက်တယ်။ ရှော်တယ်ကို ၀ိုင်းတွန်းချ ပြီးတော့ ၈ နာရီခွဲလောက်ကျတော့ ပြန်ထွက်ရလာတယ်။ ထမံသီ ထမင်းစားရပ်နားစခန်းမှာလည်း ခဏပဲရပ်တယ်။ ထမင်းထုပ်ထုပ်ခိုင်းပြီ ပြန်ထွက်ခဲ့ပါတယ်။ ရေကြောင်းအကျပ်ဆုံးနေရာတွေက ခန္တီးနားလေးဆိုရင် ခန္တီး အထွက်လည်း ကျပ်တယ်။ ဆင်သေရွာ၊ စိန်နန်းကျေးရွာ၊ ငုတ်တစ်ထောင်တို့မှာ ကျပ်တယ်။ တခြားနေရာတွေက ရေကြောင်းကျပ်တယ်ဆိုပေမယ့် ငယ်လမ်းကြောင်းလေးတွေက ကောင်းလာတယ်။ ထမံသီအောက်ရောက်တော့ နန်းဦးတီးတို့၊ သာယာကုန်းတို့ မှာကျပ်တယ်။ မှိုင်းကလည်း မနက် ၁၀ နာရီလောက်မှကွဲတယ်။ ကျွန်တော်တို့ သောင်တင်ပြီး ပြန်ထွက်လာခါနီး ၈ နာရီလောက် နေပြန်ထွက်လာပြီးတော့ မှိုင်းပြန်တိုက်တာ။ မှိုင်းတွေနဲ့ဆိုတော့ ရေကြောင်းကြည့်ရတာ မကောင်းဘူး။ မြစ်ကြောင်းဆိုတော့ မှိုင်းပိုတိုက်တယ်” ဟု ဒီဇင်ဘာ ၃၁ ရက်တွင် ခန္တီးမြို့မှ စုန်ဆင်းလာသူ ဦးဘကြိုင်က ဆိုသည်။

ချင်းတွင်းမြစ်သည် ရေကျဆင်းနေမှုကြောင့် အချို့နေရာများတွင် ရေကြောင်းကျပ်ခြင်းများ ဖြစ်ပေါ်လျက်ရှိပြီး မော်လိုက်မြို့ ၀န်းကျင်နေရာတွင်လည်း ရေကြောင်းကျပ်နေမှုကြောင့် ရေယာဉ်သွားလာရန် ခက်ခဲနေပြီး မြစ်ရေကို အသုံးပြုလျက်ရှိသော မော်လိုက်မြို့ လူထုသည်လည်း ရေသုံးစွဲရန် အခက်အခဲများ ဖြစ်ပေါ်နေသည်ဟု သိရသည်။

“မော်လိုက်ကို ၀င်မယ်ဆိုရင် သောင်ပြင်က ပိတ်တယ်။ ပိတ်သွားတော့ ရှော်တယ်တွေ ဆိုက်ရတဲ့အခါ သောင်ပြင်ကိုကွေ့ဝိုက်ပြီး ၀င်ရတော့ အဆင်မပြေဘူး။ မြို့တည့်တည့်မှာ သောင်ပြင်က ခံသွားတာကိုး။ စွယ်တော်ဘက် အခြမ်းကနေ ၀င်ရတာ။ စွယ်တော်ဆိုတာ မော်လိုက်မြို့ မြောက်ဘက်ခြမ်းကနေ လှည့်ပတ်ဝင်ရတာ။ ပြန်ထွက်ရင်လည်း အဲဒီကကွေ့ပြီး ပြန်ထွက်ရတယ်။ အခုတော့ သောင်ပြင်ထွန်းတာကို ရေလမ်းကို အကြံပြုကြတယ်။ ရပ်ကွက်ကလူတွေ တင်ပြကြတယ်။ သူတို့လုပ်တာ နောက်ကြတယ်။ ရေအီမှလုပ်တော့ ရေလာမြောင်းပေးမဖြစ်ဘူး။ အခုတော့ ရေနည်းနည်းအီသွားပြီ။ (ရေမစီးတော့ဘူး) ဒါကို မလုပ်နိုင်ရင်တော့ သုံးရေ၊ ချိုးရေတွေ အဆင်မပြေဘူး။ ကျောင်းမြောက်၊ ကျောင်း တောင်ရပ်ကွက်တွေက အဲဒီရေကို အားထားရတယ်။ လောလောဆယ် ဖောက်ပေးလို့ ရေစီးသွားရင် အဆင်ပြေမှာပါ။ အခုတိုင်းထွာနေကြတယ်။ အခုလို ဖြစ်တာက အစုန်သမားတွေ ဒုက္ခရောက်တာပါ။ ကွေ့ပတ်ပြီး လှည့်ဝေနေရတယ်။ လိုင်းသမား (မော်လိုက်နှင့် ချင်းတွင်း မြစ်ဘေးကျေးရွာများ ပြေးဆွဲသော ရေယာဉ်လိုင်း) တွေ အဆင်မပြေဘူး။ ခ၀ဲလိုင်း၊ ပန်းသာလိုင်း၊ ကင်းတပ်လိုင်းပေါ့။ အဲဒီလိုင်းတွေက မော်တော်အခွံကြီးတာကိုး။ သောင်ပြင်က ပိုကျယ်လာပြီး မြို့ကိုပိတ်သွားတာ” ဟု မော်လိုက်မြို့မှ ကိုစည်သူက ပြောကြားသည်။

ပဲခူးတိုင်းဒေသကြီး ပြည်မြို့တွင် ဆန်ပွဲရုံတစ်ရုံအတွင်းမှ ကျပ်သိန်း ၈၇၀ ကျော် ခိုးယူခံရမှုဖြစ်ပွား

ပဲခူးတိုင်းဒေသကြီး အနောက်ပိုင်း ပြည်မြို့တွင် ဆန်ပွဲရုံ နေအိမ်အတွင်း သိမ်းဆည်းထားသည့် ကျပ် သိန်း ၈၇၀ ကျော် ခိုးယူခံရမှု ဖြစ်ပွားခဲ့ကြောင်း သိရသည်။

ဖြစ်စဉ်မှာ ပြည်မြို့ ဆွေးနွေးဘုရားလမ်းရှိ ရွှေဖလားဆန်ရောင်းဝယ်ရေးပွဲရုံ ပိုင်ရှင်များမှာ ဒီဇင်ဘာ ၂၉ ရက် နံနက်ပိုင်းက ပေါင်းတည်မြို့ရှိ နာရေးအိမ်သို့သွားရန် ပွဲရုံအား ပိတ်သွားခဲ့ပြီး ဒီဇင်ဘာ ၃၀ ရက် ညနေက ပွဲရုံသံပန်းတံခါးများ ပွင့်နေကြောင်း ပွဲရုံတွင် အလုပ်လုပ်ခဲ့ဖူးသူက ဖုန်းဆက်အကြောင်းကြားခဲ့ရာက နေအိမ်သို့ပြန်လာခဲ့ပြီး တိုင်ကြားစစ်ဆေးခဲ့ရာက ခိုးယူခံရခြင်းကို သိရှိခဲ့ခြင်းဖြစ်ကြောင်း ပြည်ခရိုင် ရဲတပ်ဖွဲ့ရုံးမှ သိရသည်။

“ဆန်ပွဲရုံပိုင်ရှင်ဦးရဲနိုင်က ပေါင်းတည်မှာရှိတဲ့ နာရေးကို သူ့ဆန်ပွဲရုံပိတ်ပြီးသွားတယ်။ မနေ့က ညနေ ၅ နာရီလောက်မှာ သူ့ရဲ့ဆန်ပွဲရုံအပေါ်ထပ်က သံပန်းတံခါးတွေ ပွင့်နေတာကို သူ့ရဲ့ ဆန်ပွဲရုံမှာ လုပ်ခဲ့တဲ့ အလုပ်သမားတစ်ယောက်က သူ့ကိုဆက်သွယ်တယ်။ သူ့ညီကိုသွားကြည့်ခိုင်းတော့ ဟုတ်တယ်။ ပွင့်နေတာကိုတွေ့တော့ သူပြန်လာတယ်။ ပြန်လာတော့ မနေ့က ၇ နာရီ ၁၀ မိနစ်လောက် ပြန်ရောက်လာပြီး ရဲစခန်းကိုလည်း အကြောင်းကြားတော့ သက်သေတွေနဲ့ ၀င်စစ်ဆေးတဲ့အခါမှာ သူ့အခန်းထဲမှာ အလူမီနီယံ ရှိုးကေ့စ်နဲ့ထားတဲ့ အပေါ်မှာ လွယ်လင့်တကူပဲ ယူလို့ရတဲ့ ကြွပ်ကြွပ်အိတ်နဲ့ ထည့်ထားတဲ့ငွေတွေ ပျောက်ဆုံးသွားတယ်ဆိုတဲ့ ဖြစ်စဉ်ပဲ ဖြစ်ပါတယ်” ဟု ပြည်ခရိုင် ရဲတပ်ဖွဲ့မှူးရုံး ဒုရဲမှူးပြုံးလွင်က ပြောကြားသည်။

ခိုးယူခံရမှုအတွက် မူလတိုင်ချက်တွင် ကျပ်သိန်း ၁၁၂,၃၃၈,၀၀၀ ဖြစ်ပြီး မီးခံသေတ္တာအတွင်း ကျပ်သိန်း ၂၅၀ ပြန်လည်တွေ့ရှိသဖြင့် ခိုးယူခံရသည့် ငွေပေါင်း ကျပ် ၈၇,၃၃၈,၀၀၀ ဖြစ်ကြောင်း သိရသည်။

ယင်းဖြစ်စဉ်နှင့်ပတ်သက်၍ “ဒီနေရာမှာ လူမရှိတာကိုသိလို့ တက်ရှာရင်း ငွေထုပ်ကိုတွေ့တာလား။ ဒါမှမဟုတ် ဒီအိမ်မှာဒီနေရာမှာ ငွေထားတာကိုသိတဲ့လူ၊ ပြောရရင်တော့ အတွင်းလူပေါ့။ အဲဒီလိုမျိုး နှစ်ပိုင်းထည့် စဉ်းစားရတယ်။ အဲဒါတွေကတော့ မနေ့က ခရိုင်ရဲတပ်ဖွဲ့မှူးကိုယ်တိုင် စီစဉ်ပါတယ်။ ဆက်လက်ပြောပြီးတော့ ထောင်လွတ် အကျဉ်းသားတွေထဲမှာ အရင်တုန်းက ခိုးမှု၊ ဖောက်ထွင်းမှုနဲ့ပတ်သက်ပြီး လွတ်မြောက်လာတာတဲ့သူတွေ ရှိ မရှိပေါ့။ အဲဒီလူတွေ သွားလာလှုပ်ရှားမှု အခြေအနေတွေ ကျန်တဲ့စခန်းတွေနဲ့ ချိတ်ဆက်ဆောင်ရွက်နေတာ ရှိတယ်။ အခြားနယ်က လာကျူးလွန်တဲ့ သူခိုးတွေ လာရောက်တည်းခိုရာ နေအိမ်ရပ်ကွက် မင်္သကာတွေကို စစ်ဆေးခိုင်းနေတာမျိုးတွေ ရှိပါတယ်” ဟု ဒုရဲမှူးပြုံးလွင်က ပြောကြားသည်။

လယ်ယာမြေ အခြားနည်း အသုံးပြုခွင့် ရရှိခြင်းမရှိဘဲ ငါးမွေးမြူရေးလုပ်နေသူများအား တစ်ဧကလျှင် ဒဏ်ကြေး ၁၀ သိန်း ပေးဆောင်ရန် မတ္တရာငါးလုပ်ငန်းဦးစီးဌာန ထုတ်ပြန်

မန္တလေးတိုင်းဒေသကြီး မတ္တရာမြို့နယ်အတွင်း လယ်ယာမြေ အခြားနည်း အသုံးပြုခွင့် ရရှိခြင်းမရှိဘဲ ငါးမွေးမြူရေးလုပ်နေသူများအား တစ်ဧကလျှင် ဒဏ်ကြေး ၁၀ သိန်းပေးဆောင်ရန် မတ္တရာငါးလုပ်ငန်းဦးစီးဌာနက ထုတ်ပြန်လိုက်ကြောင်း သတင်းရရှိသည်။

တိုင်းဒေသကြီးအစိုးရအဖွဲ့ အစည်းအဝေး အမှတ်စဉ် ၁၅/၂၀၁၇။ ဆုံးဖြတ်ချက် အပိုဒ် ၅၁(က) အရ လယ်ယာမြေအား အခြားနည်း အသုံးပြုခွင့်ရရှိခြင်းမရှိဘဲ ငါးမွေးမြူရေး လုပ်ကိုင်နေသူများအနေဖြင့် တစ်ဧကလျှင် ဒဏ်ကြေး ၁၀ သိန်း ပေးဆောင်ကာ လယ်ယာမြေ အခြားနည်းအသုံးပြုခွင့် ဆက်လက်လျှောက်ထားရမည်ဖြစ်ပြီး လယ်ယာမြေအခြားနည်း အသုံးပြုခွင့်ရယူပြီးမှသာ ၂၀၁၈-၂၀၁၉ ဘဏ္ဍာနှစ်အတွက် ငါးမွေးကန်လိုင်စင် အခွန်အခများကို ကောက်ခံ ဆောင်ရွက်သွားရမည်ဟု ညွှန်ကြားထားသည့်အတွက် မတ္တရာမြို့နယ်အတွင်းရှိ ငါးမွေးကန်ပိုင်ရှင်များအနေဖြင့် မြို့နယ်လယ်ယာမြေ စီမံခန့်ခွဲမှုအဖွဲ့ထံသို့ လယ်ယာမြေ အခြားနည်း အသုံးပြုခွင့်များကို အမြန်ဆုံး လျှောက်ထားရယူ ဆောင်ရွက်ကြရန် အသိပေးအပ်ကြောင်း အဆိုပါ ထုတ်ပြန်စာတွင် ဖော်ပြထားသည်။

လယ်ယာမြေအား အခြားနည်းသုံးစွဲခွင့် ရရှိရန် မိမိတို့ အကြိမ်ကြိမ် လျှောက်ထားသော်လည်း ချပေးခြင်းမရှိကြောင်း၊ မတ္တရာမြို့နယ်တွင် ငါးမွေးကန် ဧက ၄၀၀၀ ကျော်ရှိပြီး ယင်း ဧက ၄၀၀၀ ကျော်အနက် အခြားနည်းသုံးစွဲခွင့်ရသည့် ဧကမှာ ရာဂဏန်းခန့်သာ ရှိနိုင်ကြောင်း ငါးမွေးကန်လုပ်ငန်းရှင်များထံမှ သိရသည်။

“တစ်ဧကကို ၁၀ သိန်းဆိုတာကတော့ အရမ်းများလွန်းတာမို့ ဒဏ်ကြေးလျှော့ချပေးဖို့ စုပေါင်းတောင်းဆိုသွားမှာပါ။ လယ်ယာမြေ အခြားနည်းသုံးစွဲခွင့်ကို အကြိမ်ကြိမ် လျှောက်ထားပေမယ့် ဘာလို့မချပေးတာလဲဆိုတာကိုလည်း တာဝန်ရှိသူ လူကြီးမင်းတွေ အောက်ခြေထိ ဆင်းလေ့လာစေချင်ပါတယ်။ ပြည်ပကို ရောင်းဖို့မွေးတာ မဟုတ်ပါဘူး။ ဒေသတွင်း ဈေးကွက်အတွက်ပဲ မွေးနေတာဖြစ်ပါတယ်” ဟု ငါးလုပ်ငန်းရှင်တစ်ဦးက ဆိုသည်။

တကောင်းနီကယ်စက်ရုံနှင့် အလုပ်သမားများအကြား သဘောတူညီချက် ၁၁ ချက် ရရှိခဲ့သော်လည်း ကုမ္ပဏီဘက်မှ ချိုးဖောက်နေသည့်အတွက် အလုပ်သမားဝန်ကြီးဌာနသို့ တိုင်ကြားမည်ဟုဆို

ထီးချိုင့်မြို့နယ်ရှိ တကောင်းနီကယ်စက်ရုံအား တွေ့ရစဉ်

စစ်ကိုင်းတိုင်းဒေသကြီး ကသာခရိုင် ထီးချိုင့်မြို့နယ်ရှိ တကောင်းနီကယ်စက်ရုံနှင့် အလုပ်သမားများအကြား သဘောတူညီချက် ၁၁ ချက် ရရှိခဲ့သော်လည်း ကုမ္ပဏီဘက်မှ ချိုးဖောက်မှုများ ရှိနေသည့်အတွက် အလုပ်သမားဝန်ကြီးဌာနသို့ ဆက်လက် တိုင်ကြားသွားမည်ဖြစ်ကြောင်း အလုပ်သမားများ၏ ပြောပြချက်အရ သိရသည်။

ထီးချိုင့်မြို့နယ်ရှိ နီကယ်စက်ရုံ၌ အလုပ်လုပ်ကိုင်နေသည့် အလုပ်သမားများသည် ၂၀၁၆ ခုနှစ်အတွင်းက စက်ရုံအား ဆန္ဒပြပြီးနောက် ကုမ္ပဏီနှင့် အလုပ်သမားများကြား သဘောတူချက် ၁၁ ချက် ထွက်ရှိလာခြင်းဖြစ်ကြောင်း၊ အဆိုပါ သဘောတူညီချက်ထဲတွင် လုပ်ခလစာနှင့် ပက်သက်သော အခွင့်အရေးများ မရရှိခဲ့ကြောင်း သိရသည်။

“သဘောတူညီချက် ရရှိပေမဲ့ အဆင်မပြေပါဘူး။ ကုမ္ပဏီဘက်က အခုအချိန်အထိ ချိုးဖောက်မှုတွေ ရှိနေဆဲပါ။ ကျွန်တော်တို့ တောင်းတာကအချက် ၁၃ ချက်ကို တောင်းဆိုခဲ့တာပါ။ ၁၁ ချက်ထဲပဲ ရပါသေးတယ်။ လုပ်ခလစာကိစ္စကတော့ ဆက်လက်ပြီး တောင်းဆိုသွားမှာပါ။ လူမှုဖူလုံရေးဆိုရင် အခုအထိမရသေးဘူး။ အပေါ်ယံသဘော တူညီချက်ပဲရတာ။ တကယ်တမ်းကျတော့ အတိအကျမလုပ်ဘူး။ တကယ်တမ်းလုပ်တာကတော့ ညှိနှိုင်းရေးအဖွဲ့ဖွဲ့တာပဲရှိတယ်။ သဘောတူညီချက်တွေ ချိုးဖောက်နေတာတွေလည်းများတယ်။ ကျွန်တော်တို့က သဘောတူညီချက်ကအရ အလုပ်သမားတွေက တောင်းဆိုတဲ့အခါမှာ စာအရပဲ ရှိနေပြီး ဖြစ်ပေါ်လာတဲ့ အလုပ်သမား အဖွဲ့အစည်းတွေကို သူတို့ အသိအမှတ်မပြုဘူး။ လက်ခံဆွေးနွေးခြင်း မရှိဘူး” ဟု တကောင်းနီကယ်စက်ရုံမှ အလုပ်သမားခေါင်းဆောင် ဦးထွန်းဝင်းက ဆိုသည်။

ထီးချိုင့်မြို့နယ်ရှိ တကောင်းနီကယ် စက်ရုံဘက်မှ အလုပ်သမားအဖွဲ့အစည်းများနှင့် အလုပ်သမားရေး ဆောင်ရွက်သူများအား ဖိအားပေးမှုများ ရှိနေသေးကြောင်း၊ ယင်းကိစ္စနှင့်ပက်သက်၍ သက်ဆိုင်ရာဌာနအား အရေးယူပေးရန်အတွက် အလုပ်သမားများက တိုင်ကြားခဲ့သော်လည်း ထိရောက်သည့် အရေးယူမှုမရှိခဲ့ကြောင်း ၎င်းက ဆိုသည်။

“ကျွန်တော်တို့ကတော့ အဲဒီသဘောတူညီချက် ၁၁ ချက်ကို ကုမ္ပဏီဘက်က တိတိကျကျ အကောင်အထည် ဖော်ပေးစေချင်ပါတယ်။ တကောင်းနီကယ်စက်ရုံမှာ အလုပ်လုပ်နေကြတဲ့ အလုပ်သမားတွေရဲ့ လစာငွေဟာဆိုရင် ကျပ်တစ်သိန်းကနေ ကျပ်တစ်သိန်းခွဲဝန်းကျင်သာ ရရှိပါတယ်။ သဘောတူညီချက်တွေကို ကုမ္ပဏီဘက်က ဥပဒေချိုးဖောက်နေတဲ့အတွက် သက်ဆိုင်ရာ အလုပ်သမားရေးရာ ဆက်ဆံရေးရုံးကနေ တရားစွဲဖို့ အလုပ်သမားတွေကို အလုပ်ကနေ ထုတ်ပယ်နေတဲ့အတွက် အလုပ်သမားဝန်ကြီးဌာနကို တိုင်ကြားသွားဖို့ အစီအစဉ် ရှိပါတယ်” ဟု ဦးထွန်းဝင်းက ပြောကြားသည်။

တကောင်းနီကယ်စက်ရုံတွင် မြန်မာအလုပ်သမား ၁၅၀၀ ကျော်နီးပါးရှိကြောင်း၊ အဆိုပါစက်ရုံအား ဒေသခံများနှင့် ကုမ္ပဏီတွင် အလုပ်လုပ်နေသည့် အလုပ်သမားမှ ဆန္ဒပြမှုများလည်း အကြိမ်ကြိမ် ရှိခဲ့ဖူးသည့် စက်ရုံတစ်ခုဖြစ်ကြောင်း သိရသည်။

အမ်းစစ်ဆေးရေးဂိတ်တွင် မှတ်ပုံတင်အတုဖြင့် ခေါ်လာသည့် ဘင်္ဂါလီအမျိုးသမီးတစ်ဦးနှင့် ပို့ဆောင်သူအား ဖမ်းမိ

ရခိုင်ပြည်နယ် အမ်းစစ်ဆေးရေးဂိတ်တွင် မှတ်ပုံတင်အတုဖြင့် ခေါ်ဆောင်လာသူ ဘင်္ဂါလီအမျိုးသမီးတစ်ဦးနှင့် ပို့ဆောင်သူတို့အား ဒီဇင်ဘာ ၃၀ ရက် ညနေပိုင်းက ဖမ်းမိခဲ့ကြောင်း သိရသည်။

အဆိုပါ လိုက်ပါပို့ဆောင်သူမှာ စစ်တွေမြို့နယ် မောင်နီပြင်ကျေးရွာမှ အောင်ကျော်မိုး (၂၈ နှစ်) (ဘ) ဦးအောင်ကြီးဖြစ်ပြီး စစ်တွေမြို့နယ် သဲချောင်းကျေးရွာနေ (ပြင်ဖြူမော်ဇာတိ) ဘင်္ဂါလီအမျိုးသမီး မဇွေနောက်ချေ (၁၇ နှစ်) (ဘ) အဒူရှုကူရ်ဖြစ်ကြောင်း၊ အခကြေးငွေယူကာ အောင်ကျော်မိုး၏ဇနီး မှတ်ပုံတင်ဖြင့် မဇွေနောက်ချေအား ကားဖြင့် ရန်ကုန်မြို့သို့ လိုက်ပါပို့ဆောင်ခဲ့ခြင်းဖြစ်ကာ အမ်းမြို့နယ် ပဲပဒုမ္မာစစ်ဆေးရေးဂိတ်တွင် စစ်ဆေး ဖမ်းဆီးရရှိခဲ့ခြင်းဖြစ်သည်။

ယင်းနှင့်ပတ်သက်ပြီး အမ်းမြို့နယ် လ၀ကရုံးက “အောင်ကျော်မိုးဆိုတဲ့ လူက သူ့မိန်းမရဲ့ မှတ်ပုံတင်နဲ့ ဘင်္ဂါလီမလေးကို ခေါ်လာတယ်။ သူ့မိန်းမဆိုတဲ့ စာရွက်စာတမ်းနဲ့ ဖြည့်စွက်ပြီးတော့ ခေါ်လာတာပေါ့။ ကျွန်တော်တို့က စစ်ဆေးပေါ်ပေါက်တဲ့အတွက် အောင်ကျော်မိုးကိုတော့ ရဲလုပ်ထုံးလုပ်နည်းနဲ့ လုပ်နိုင်ဖို့အတွက် စခန်းကို အပ်လိုက်တယ်။ ဘင်္ဂါလီမလေးကိုတော့ ကျွန်တော်တို့က ၆ (၂)၊ ၆ (၃) နဲ့ တရားစွဲဆိုသွားဖို့အတွက် စိစစ် ဆောင်ရွက်နေပါတယ်” ဟု ပြောကြားသည်။

ရခိုင်ပြည်နယ်အတွင်းမှ ဘင်္ဂါလီများအား အခကြေးငွေယူဆောင်ကာ လိုက်ပါပို့ဆောင်မှုများကို ဖမ်းဆီးရရှိမှုများစွာရှိခဲ့ပြီး မကြာမီရက်ပိုင်းကလည်း ကြေးမုံသတင်းထောက်တစ်ဦးက ကျောက်ဖြူမြို့နယ်မှ ဘင်္ဂါလီများကို ကားဖြင့်ခေါ်ယူ ပို့ဆောင်ခြင်းအား ဖမ်းဆီးရရှိခဲ့ကြောင်း သိရသည်။

အီဂျစ်တရားရုံးက သမ္မတဟောင်း မော်စီကို ထောင်ဒဏ် သုံးနှစ်ချမှတ်

၂၀၁၂ ခုနှစ် ဇွန် ၂၉ ရက်က ကိုင်ရိုရှိ တာရီရာရင်ပြင်၌ ထောင်နှင့်ချီသောလူများအား မိန့်ခွန်းပြောနေသော အီဂျစ်သမ္မတဟောင်း မော်စီ (Photo: AFP)

ရာထူးမှ ထုတ်ပယ်ခံခဲ့ရသည့် အစ္စလာမ္မစ်သမ္မတ မိုဟာမက်မော်စီကို တရားစီရင်ရေးအား စော်ကားမှုဖြင့် အီဂျစ်တရားရုံးက ဒီဇင်ဘာ ၃၀ ရက်တွင် ထောင်ဒဏ်သုံးနှစ် ချမှတ်ခဲ့သည်ဟု ၎င်း၏ ရှေ့နေက ပြောကြားခဲ့သည်။

မော်စီနှင့်အတူ အခြား ၁၉ ဦးကိုလည်း ယင်းပြစ်မှုဖြင့် ထောင်ဒဏ်နှင့် ဒဏ်ငွေများ ချမှတ်ခဲ့သည်။ ပြစ်ဒဏ်ချမှတ်ခံရသူများထဲတွင် လွှတ်တော်အဖွဲ့ဝင်ဟောင်း၊ တက်ကြွလှုပ်ရှားသူများနှင့် ဂျာနယ်လစ်သုံးဦးလည်း ပါဝင်သည်။

ထောင်ချခံထားရသော တက်ကြွလှုပ်ရှားသူ အလာအဗ္ဗဒယ်ဖာတာ အပါအ၀င် နောက်ထပ်တရားခံငါးဦးသည် ဒဏ်ငွေ ဒေါ်လာ ၁,၆၈၀ (အီဂျစ်ပေါင် ၃၀,၀၀၀) စီ ချမှတ်ခံခဲ့ရသည်။

မော်စီသည်လည်း တရားသူကြီးများအဖွဲ့၏ ဥက္ကဋ္ဌနှင့် နောက်ထပ်တရားသူကြီး တစ်ဦးကို အီဂျစ်ပေါင်နှစ်သန်းပေးဆောင်ရန် အမိန့်ချခံခဲ့ရသည်။ နောက်ထပ် တရားခံ ၂၂ ဦးသည်လည်း တရားသူကြီးများအဖွဲ့၏ဥက္ကဋ္ဌကို အီဂျစ်ပေါင်တစ်သန်းစီ ပေးဆောင်ရန် အမိန့်ချမှတ်ခံခဲ့ရသည်။

မော်စီသည် ဂျူရီအဖွဲ့၏ အဆုံးအဖြတ်ကို အယူခံဝင်မည်ဟု ၎င်း၏ရှေ့နေ အဗ္ဗဒယ် မိုနိမ်းအဗ္ဗဒယ်မက်ဆွက်က ပြောကြားခဲ့သည်။

မော်စီသည် ၂၀၁၃ ခုနှစ်တွင် ရာထူးမှ ဖြုတ်ချခံခဲ့ရပြီးနောက် အခြားသော ရုံးတင်စစ်ဆေးမှုနှစ်ခုတွင်လည်း စုစုပေါင်း ထောင်ဒဏ် ၄၅ နှစ် ချမှတ်ခံခဲ့သည်။

မော်စီကိုနုတ်ထွက်ရန် တောင်းဆိုသည့် ဧရာမဆန္ဒပြမှုများဖြစ်ပွားခဲ့ပြီး စစ်တပ်က သဘောထားကွဲလွဲသည့် မော်စီကို ရာထူးမှ ဖြုတ်ချခဲ့ပြီးနောက် ၎င်းကို ထောက်ခံသည့် ထောင်နှင့်ချီသော အစ္စလာမ္မစ်များကို ဖမ်းဆီးပြီး ရုံးတင်စစ်ဆေးခဲ့သည်။

နှိမ်နင်းမှုတွင် ယင်းအချိန်က စစ်ဦးစီးချုပ် (လက်ရှိသမ္မတ) အယ်လ်စီစီ၏ အခြားပြိုင်ဘက်များအထိ ပါဝင်ပတ်သက်ခဲ့သည်။ စီစီသည် မော်စီရာထူးမှဖြုတ်ချခံရပြီး တစ်နှစ်အကြာတွင် သမ္မတအဖြစ် ရွေးချယ်တင်မြှောက်ခံခဲ့ရသည်။

Ref: AFP