ဆေးပညာမဟာသိပံ္ပ၀င်ခွင့်နှင့် ပညာရပ်ဆိုင်ရာ လွတ်လပ်ခွင့်

ပညာရပ်ဆိုင်ရာ လွတ်လပ်ခွင့်ဟူသည် တက္ကသိုလ်တစ်ခု၏ ဌာနမှ ဆရာ၊ ဆရာမ များအနေဖြင့် တက္ကသိုလ်၏ ပညာသင်ကြားရေး လုပ်ငန်းစဉ်များကိုသာမက ပညာသင်ကြားရေး အ၀န်းအ၀ိုင်းအတွင်းမှ သဘောထားစည်းမျဉ်းများကို လွတ်လပ်စွာ စူးစမ်းရှာဖွေပိုင်ခွင့်သည် မရှိမဖြစ်အရေးပါသည်ဟု ဆုံးဖြတ်ခြင်းနှင့် ပညာရှင်များအနေဖြင့် (ပြင်ပနိုင်ငံရေးအဖွဲ့များ သို့မဟုတ် အာဏာပိုင်များ မကြိုက်သည့် သဘောထားများ၊ အချက်အလက်များ အပါအ၀င်) မည်သည့် သဘောထားများကိုမဆို၊ မည်သည့်အချက်အလက်များကိုမဆို ပစ်မှတ်ထားဖိနှိပ်ခံရခြင်း၊ အလုပ်မှ ထုတ်ပယ်ခံရခြင်းနှင့် ထောင်ဒဏ်အပြစ်ပေးခံရခြင်းတို့ မရှိဘဲ သင်ကြားနိုင်ခြင်း ဖြစ်သည်။ ထို့အတူ ပညာရပ်ဆိုင်ရာ ကိစ္စများတွင် သက်ဆိုင်ရာ တက္ကသိုလ်များအလိုက် သက်ဆိုင်ရာ ပညာရပ်ဌာနများအလိုက် ပြင်ပနိုင်ငံရေးအဖွဲ့များ သို့မဟုတ် အာဏာပိုင်များ၏ သြဇာသက်ရောက်မှုမပါဘဲ လွတ်လပ်စွာ ဆုံးဖြတ်ပိုင်ခွင့်ရှိသည်။

ဆေးပညာမဟာသိပ္ပံဝင်ခွင့် အောင်စာရင်းနှင့်ပတ်သက်ပြီး ကျန်းမာရေးနှင့် အားကစားဝန်ကြီးဌာန၏ လုပ်ရပ်များကို ရှုတ်ချကြောင်း ဆေးတက္ကသိုလ် ကျောင်းသားသမဂ္ဂ သုံးခုက သဘောထား ထုတ်ပြန်ချက်တစ်ခုကို ထုတ်ပြန်ခဲ့ကြောင်း သိရသည်။ အဆိုပါ သဘောထားထုတ်ပြန်ချက်ကို နိုဝင်ဘာ ၂၉ ရက်တွင် ဆေးတက္ကသိုလ် မန္တလေးကျောင်းသားများသမဂ္ဂ၊ ဆေးတက္ကသိုလ် (၁) ရန်ကုန်ကျောင်းသားများသမဂ္ဂ၊ ဆေးတက္ကသိုလ် (၂) ရန်ကုန်ကျောင်းသားများသမဂ္ဂတို့က ပူးပေါင်းကာ ထုတ်ပြန်ခဲ့ခြင်း ဖြစ်သည်။ ဆေးပညာ မဟာသိပ္ပံဝင်ခွင့်ဖြေဆိုသည့် ဆရာဝန်များသည် နိုင်ငံတော်မှ နေရာချပေးထားသော ဌာနအသီးသီးတွင် တာဝန်ထမ်းဆောင်နေသူများဖြစ်ကြောင်း၊ နိုင်ငံ့ဝန်ထမ်း ဆရာဝန်များ ဖြေဆိုသည့် ဆေးပညာမဟာသိပ္ပံဝင်ခွင့် စာမေးပွဲအောင်စာရင်းတွင် တရားမျှတမှုနှင့် ပွင့်လင်းမြင်သာမှုမရှိကြောင်း ထုတ်ပြန်ချက်တွင် ရေးသားထားသည်။ အဆိုပါ သမဂ္ဂများက တရားမျှတမှုနှင့် ပွင့်လင်းမြင်သာမှုမရှိခြင်းကို အချက်နှစ်ချက်ဖြင့် ဝေဖန်ထောက်ပြထားသည်ကို ယင်းကြေညာချက်တွင် တွေ့ရသည်။ အဆိုပါ အချက်နှစ်ချက်မှာ ဆေးပညာ မဟာသိပ္ပံဝင်ခွင့် အောင်စာရင်းများ ထုတ်ပြန်ရာတွင် သက်ဆိုင်ရာ တက္ကသိုလ်များ၏ ပါမောက္ခချုပ်များနှင့် ပါမောက္ခဌာနမှူးများ လွတ်လပ်စွာ ဆုံးဖြတ်ပိုင်ခွင့်မရရှိခြင်း၊ ကျန်းမာရေးနှင့် အားကစားဝန်ကြီးဌာနက ပွင့်လင်းမြင်သာမှုမရှိသော ဗဟိုချုပ်ကိုင်မှု အာဏာရှင်စနစ်ကို အသုံးပြု၍ ဆေးပညာမဟာသိပ္ပံဝင်ခွင့် အောင်စာရင်းကို ထုတ်ပြန်ခဲ့ခြင်းဟူ၍ သုံးသပ်ရေးသားထားသည်။

ယင်းအချက်အလက်များကြောင့် ၀င်ခွင့်အောင်စာရင်းနှင့် ပတ်သက်၍ ကျန်းမာရေးဝန်ကြီးဌာန၏ လုပ်ရပ်များကို ရှုတ်ချကြောင်း၊ ယင်းလုပ်ရပ်များသည် ဆေးပညာသင်ကြားနေသော ကျောင်းသားကျောင်းသူများ၏ နိုင်ငံ့ဝန်ထမ်းကောင်းအဖြစ် တာဝန်ထမ်းဆောင်လိုသည့် ရည်မှန်းချက်များကို မှေးမှိန်စိတ်ပျက်စေကြောင်း၊ နောင်တွင်ထုတ်ပြန်မည့် ဆေးပညာမဟာသိပ္ပံဝင်ခွင့် အောင်စာရင်းနှင့်ပတ်သက်၍ သက်ဆိုင်ရာတက္ကသိုလ် အသီးသီးကို လွတ်လပ်စွာ ဆုံးဖြတ်ပိုင်ခွင့် အပြည့်အ၀ပေးရန် အလေးအနက် တောင်းဆိုကြောင်း သဘောထား ကြေညာချက်တွင် ဖော်ပြထားသည်။ နိုဝင်ဘာ ၂၈ ရက်တွင် ကျန်းမာရေးနှင့် အားကစားဝန်ကြီးဌာနက ထုတ်ပြန်သည့် ဆေးပညာမဟာသိပ္ပံဝင်ခွင့်နှင့် ပတ်သက်၍ မြန်မာနိုင်ငံဆေးပညာလောကတွင် ဝေဖန်မှုများ မြင့်တက်လျက်ရှိသည်။ “နှစ်ပေါင်းများစွာ လွဲခဲ့တဲ့အလွဲတွေက မြန်မာပြည်မှာဆရာဝန်ဖြစ်ပြီး အစိုးရအလုပ်မလုပ်ရင် ဆေးပညာဆက်သင်ခွင့် မရှိတော့ဘူးဆိုတဲ့ မူဝါဒအလွဲကြီးက နှစ်ပေါင်းများစွာ ကြာခဲ့ပါပြီ။ အစိုးရအလုပ်လုပ်ပြန်တော့ ဝေးလံတဲ့နေရာအပို့ခံရ၊ လစာက မလောက်၊ မြို့ကြီးတွေပြန်ရောက်ပြီး ဘ၀အဆင်ပြေဖို့ ဘွဲ့လွန်တက်နိုင်မှ။ ပြောရင်တော့ ဆုံးမှာမဟုတ်ပါဘူး။ ရွေးချယ်တဲ့စနစ် ပွင့်လင်းမြင်သာမှု မရှိတာက အဓိကပဲ။ အဲဒီလောက်ပဲ ပြောချင်တယ်” ဟု ရန်ကုန်ပြည်သူ့ဆေးရုံကြီးတွင် တာဝန်ထမ်းဆောင်လျက်ရှိသည့် ဆရာဝန်တစ်ဦးက အွန်လိုင်းမှတစ်ဆင့် ဆက်သွယ်ပြောကြားသည်။

မည်သို့ပင်ဆိုစေကာမူ ပညာရပ်ဆိုင်ရာ လွတ်လပ်ခွင့်သည် စစ်မှန်သည့် အသိပညာ အတတ်ပညာများ ထုတ်လုပ်ဖြန့်ဖြူးနိုင်ရန်အတွက် အခြေခံအကျဆုံး လိုအပ်ချက်တစ်ရပ် ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

(ဒီဇင်ဘာ ၁ ရက်နေ့ထုတ် The Daily Eleven သတင်းစာ အယ်ဒီတာ အာဘေ်ာ)

စီးပွားရေး လုပ်ကိုင်ရလွယ်ကူမှု ညွှန်းကိန်းတွင် လျှပ်စစ်အညွှန်းကိန်း တိုးတက်လာစေရန်အတွက် ရန်ကုန်တိုင်းဒေသကြီးတွင် မီးပြတ်တောက်မှုမရှိစေရန် အဓိကထားကြိုးစားမည်ဟု ဆို

နေပြည်တော်တွင် ပြုလုပ်သော ကုန်သွယ်ရေးနှင့် စီးပွားရေးလုပ်ငန်းများ မြှင့်တင်ရေးအထူးလုပ်ငန်းအဖွဲ့ (Ease of Doing Business) ဆိုင်ရာ ကိစ္စရပ်များ ညှိနှိုင်းအစည်းအဝေးကို တွေ့ရစဉ်

စီးပွားရေး လုပ်ကိုင်ရလွယ်ကူမှု ညွှန်းကိန်း (Ease of Doing Business Index) တွင် လျှပ်စစ်အညွှန်းကိန်း တိုးတက်လာစေရန်အတွက် ရန်ကုန်တိုင်းဒေသကြီးအား မီးပြတ်တောက်မှုမရှိစေရန် အဓိကထား ကြိုးစားသွားမည်ဖြစ်ကြောင်း လျှပ်စစ်ဓာတ်အား ဖြန့်ဖြူးရေးလုပ်ငန်းမှ ဦးသာစိုးက ပြောကြားသည်။

နိုဝင်ဘာ ၃၀ ရက်က စီးပွားရေးနှင့် ကူးသန်းရောင်းဝယ်ရေးဝန်ကြီးဌာနတွင် ပြုလုပ်သည့် ကုန်သွယ်ရေးနှင့် စီးပွားရေးလုပ်ငန်းများ မြှင့်တင်ရေးအထူးလုပ်ငန်းအဖွဲ့ (Ease of Doing Business) ဆိုင်ရာကိစ္စရပ်များ ညှိနှိုင်းအစည်းအဝေးတွင် ဦးသာစိုးက အထက်ပါအတိုင်း ပြောကြားခဲ့ခြင်း ဖြစ်သည်။

ကမ္ဘာ့ဘဏ်အုပ်စုက ရန်ကုန်တိုင်းဒေသကြီးအား အဓိကထားကောက်ယူသည့် လျှပ်စစ်ညွှန်းကိန်းမှာ ယခင်နှစ်က ၁၄၉ အဆင့်ရှိခဲ့သော်လည်း ယခုနှစ်တွင် ၁၅၁ အဆင့် ကျဆင်းသွားသည့်အတွက် ရန်ကုန်တိုင်းဒေသကြီးအား မီးပြတ်တောက်မှုမရှိစေရန် အဓိကထား ကြိုးစားဆောင်ရွက်သွားမည်ဖြစ် ကြောင်း သိရသည်။

လျှပ်စစ်ဓာတ်အား ဖြန့်ဖြူးရေးလုပ်ငန်းမှ ဦးသာစိုးက “အခုတိုင်းတာတဲ့ အညွှန်းကိန်းတွေအရ ရန်ကုန်တိုင်းဒေသကြီးဧရိယာကို အဓိကထားပြီး တိုင်းထားတဲ့ အညွှန်းကိန်းဖြစ်တယ်။ ရန်ကုန်တိုင်းကိုလည်းပဲ အဓိက အားစိုက်ပြီးတော့ ကျွန်တော်တို့ ဓာတ်အားပြတ်တောက်မှုတစ်ကြိမ်မျှ မပျက်အောင်ကြိုးစားနေတယ်။ အရင်တုန်းကထက်တော့ လျော့သွားပြီ။ ရန်ကုန်တိုင်းဒေသကြီးမှာရှိတဲ့ မြို့နယ်အသီးသီးမှာ လျှပ်စစ်ဓာတ်အားပြတ်တောက်မှု မဖြစ်စေရေးဆိုပြီးတော့ အဲဒီအချက်ကိုသွားပြီးတော့ ဆောင်ရွက်နိုင်မှာဖြစ်ပါတယ်။ ရန်ကုန်တိုင်းဒေသကြီးအတွင်းမှာ လျှပ်စစ်ဓာတ်အား Power Outage အရေအတွက် လျော့နည်းသွားပြီဆိုလို့ရှိရင် ကျွန်တော်တို့အမှတ်က တိုးတက်သွားမှာ ဖြစ်ပါတယ်” ဟု ပြောကြားသည်။

ထို့ပြင် တစ်နိုင်ငံလုံးရှိမြို့နယ်အားလုံးနှင့် ရပ်ကွက်၊ ကျေးရွာများတွင် မီးပြတ်တောက်မှု အနည်းငယ်သာရှိပြီး ဓာတ်အားပြတ်တောက်မှု လုံးဝမရှိစေရန်အတွက် လုပ်ဆောင်လျက်ရှိကြောင်း၊ တစ်နိုင်ငံလုံးအတိုင်းအတာဖြင့် မဟာဓာတ်အားစနစ် ပြတ်တောက်မှုသည် ၂၀၀၆ ခုနှစ်က ၁၂ ကြိမ်ရှိခဲ့ပြီး ယခု ၂၀၁၇ ခုနှစ်တွင် တစ်ကြိမ်သာ ပြတ်တောက်မှုရှိကြောင်း  ဦးသာစိုးက ဆက်လက်ပြောကြားသည်။

လက်ရှိတွင် ထရန်စဖော်မာအသစ် တပ်ဆင်ရန်အတွက် လျှောက်ထားမှုအပေါ် ယခင်ကနှစ်လ အချိန်သတ်မှတ်ထားသော်လည်း လက်ရှိတွင် တစ်လအတွင်း တပ်ဆင်ပေးသွားမည်ဖြစ်ကြောင်း ဦးသာစိုးက ဆိုသည်။

၎င်းက “လျှောက်တဲ့အချိန်ကနေစပြီး ဓာတ်အားရရှိတဲ့အချိန်အထိ ထက်ဝက်လောက်လျှော့ချတယ်။ အဲဒါကတော့ ထူးခြားချက်ပဲ။ အရင်နှစ်နဲ့မတူဘူး။ ဒါ့ထက်မကမြန်အောင်လည်း လိုင်းတိုရင်တိုသလိုပေ ၃၀၀ လောက်ဆိုရင်တော့ ချက်ချင်းတောင်လုပ်ရင် လုပ်မယ်။ တစ်ပတ်အတွင်းတောင် ပြီးနိုင်မယ်။ သုံးမိုင်၊ လေးမိုင်လောက် လိုင်းရှည်ရင်တော့ နည်းနည်းကြာတာပေါ့။ ထရန်စဖော်မာ တပ်ဆင်တည်ဆောက်တဲ့ဟာကို ကျွန်တော်တို့ ဖြေလျှော့ပေးတာပါ” ဟု ပြောကြားသည်။

မြန်မာ-ဘင်္ဂလားဒေ့ရ်ှနယ်စပ် နတ်မြစ်အတွင်း ဘင်္ဂလားဒေ့ရ်ှနိုင်ငံသို့ လှော်ခတ်နေသော လှေတစ်စင်းပေါ်မှ WY နှင့် R စာတန်းပါ စိတ်ကြွဆေးပြား ခြောက်သိန်းကျော် ဖမ်းဆီးရမိ

မြန်မာ-ဘင်္ဂလားဒေ့ရ်ှနယ်စပ် နတ်မြစ်အတွင်း ဘင်္ဂလားဒေ့ရ်ှနိုင်ငံသို့ လှော်ခတ်နေသော လှေတစ်စင်းပေါ်မှ WY နှင့် R စာတန်းပါ စိတ်ကြွဆေးပြား ခြောက်သိန်းကျော်ကို နိုဝင်ဘာ ၃၀ ရက် နံနက်ပိုင်းက ဖမ်းဆီးရမိခဲ့ကြောင်း သိရသည်။

ဖြစ်စဉ်မှာ နိုဝင်ဘာ ၃၀ နံနက် ၆ နာရီခန့်တွင် မောင်တောမြို့နယ် မြောက်ပိုင်း ရွက်ညိုတောင်ချောင်းဝ အနောက်ဘက် ၀ ဒသမ ၅ မိုင်အကွာ ဦးစောလှကျွန်း မြောက်ဘက် ထိပ်အနီးတွင် မသင်္ကာဖွယ် လှေတစ်စင်းအား စစ်ဆေးရာမှ စိတ်ကြွမူးယစ်ဆေးပြား ၆၅၅ç၅၀၀ ဖမ်းမိခဲ့ကြောင်း သိရသည်။

နိုဝင်ဘာ ၃၀ နံနက် ၆ နာရီခန့်တွင် မောင်တောမြို့နယ် ဓည၀တီရေတပ်စခန်း ဌာနချုပ်မှ လုံခြုံရေးတပ်ဖွဲ့ဝင်များ နတ်မြစ်အတွင်း လှည့်ကင်းလှည့်လည် ဆောင်ရွက်နေစဉ် မောင်တောမြို့နယ် မြောက်ပိုင်း ရွက်ညိုတောင်ချောင်းဝ အနောက်ဘက် ၀ ဒသမ ၅ မိုင်အကွာ ဦးစောလှကျွန်းမြောက်ဘက် ထိပ်အနီးတွင် ဘင်္ဂလားဒေ့ရ်ှနိုင်ငံသို့ လှော်ခတ်နေသော မသင်္ကာဖွယ် စက်လှေတစ်စင်းအား မီးအချက်ပြ ခေါ်ယူစဉ် လာရောက်ခြင်းမရှိဘဲ ထွက်ပြေးသဖြင့် လိုက်လံဖမ်းဆီးရာ ဦးစောလှကျွန်းမြောက်ဘက်ထိပ် အနီးတွင် ၎င်းလှေအား ဖမ်းဆီးရမိခဲ့ပြီး လှေပေါ်မှ ဆာလာအိတ်ဖြင့် ထုပ်ပိုးထားသော မူးယစ်ဆေးပြား ၆၅၅ç၅၀၀ပြား၊ ကာလတန်ဖိုး ကျပ် ၁,၃၁၁, ၀၀၀,၀၀၀ ကို ဖမ်းဆီးရမိခဲ့ခြင်းဖြစ်ကြောင်း သိရသည်။

ဖမ်းဆီးရမိသော တရားခံ မောင်တောမြို့နယ် သရက်အုပ်ကျေးရွာမှ မော်နိုအား စစ်ဆေးမေးမြန်းရာမှ လှေပိုင်ရှင်မှာ သရက်အုပ်ကျေးရွာမှ မော်ဘူလာဖြစ်ကြောင်း၊ ၎င်းက တစ်ဖက်နိုင်ငံသို့ ပို့ဆောင်ရန် ကျပ်တစ်သိန်းငါးသောင်းပေး၍ ခိုင်းစေခြင်းဖြစ်ကြောင်း စစ်ဆေးပေါ်ပေါက်ခဲ့ကြောင်း၊ ဖမ်းဆီးရမိသော မူးယစ်ဆေးဝါးများ၏ပိုင်ရှင်အား ဆက်လက်အရေးယူသွားနိုင်ရန် တရားခံအား ဖမ်းမိရေးအတွက် ဆက်လက် စုံစမ်းနေကြောင်း သိရသည်။

နိုဝင်ဘာ၂၉ ရက်က မောင်တောမြို့နယ်နှင့် ဘူးသီးတောင်မြို့တွင် ကျပ်သိန်းပေါင်း နှစ်သောင်းခြောက်ထောင်ကျော် တန်ဖိုးရှိ စိတ်ကြွရူးသွပ်ဆေးပြား ၁၂ သိန်းကျော် တစ်ရက်အတွင်း ဖမ်းဆီးရမိခဲ့ကြောင်း မောင်တောခရိုင် ရဲတပ်ဖွဲ့မှ သိရသည်။

စိတ်ကြွဆေးပြားများကို မောင်တောမြို့နယ် ဇူလကျေးရွာအနီးရှိ လယ်ကွင်းများအနီးနှင့် ဘူးသီးတောင်မြို့ပေါ်ရှိ ဓမ္မာရုံဟောင်းတစ်ခုတွင် တွေ့ရှိခဲ့ခြင်းဖြစ်ကြောင်း သိရသည်။

မော်တော်ယာဉ် တင်သွင်းမှုဆိုင်ရာမူဝါဒ ပြောင်းလဲပြီးနောက် မြ၀တီနယ်စပ်မှ တရားဝင်ကားတင်သွင်းသူအချို့ လုပ်ငန်းရပ်နား

၂၀၁၇ နှစ်ဆန်းပိုင်းက တရားဝင် ကားတင်သွင်းစဉ်

မော်တော်ယာဉ် တင်သွင်းမှုဆိုင်ရာ မူဝါဒအပြောင်းအလဲ ဖြစ်ပြီးနောက်  မြ၀တီနယ်စပ်မှ မော်တော်ယာဉ်တင်သွားမှု မရှိသလောက် နည်းပါးလာပြီး တရားဝင်ကား တင်သွင်းသူအချို့ လုပ်ငန်းရပ်နားသွားကြပြီဖြစ်ကြောင်းနှင့် လယ်ယာလုပ်ငန်းသုံးယာဉ်နှင့် စက်ယန္တရားများမှာလည်း တင်သွင်းမှု လျော့နည်းလာခဲ့ကြောင်း သိရသည်။

“အခုလက်ရှိမှာ လုံးဝရပ်ထားပါတယ်။ ထို့အတူပဲ ၂၀၁၈ မူဝါဒအရ နယ်စပ်မှ ကားတင်သွင်းမှုဆိုတာ မရှိတော့ပါဘူး။ လယ်ယာသုံးထွန်စက်တွေနဲ့ စက်ယန္တရားတွေလောက်ပဲ တင်သွင်းမှုရှိနေမှာပါ” ဟု မြ၀တီနယ်စပ်မှ မော်တော်ယာဉ် တရားဝင်တင်သွင်းသူ ကိုဇော်မော်ထွန်းက ပြောကြားသည်။

၂၀၁၇ မူဝါဒအပြောင်းအလဲမှာ ကုန်တင်ယာဉ်အုပ်စုဖြစ်သော Light Truck , Hijet , Deliberyvan များကို ဘယ်ညာမခွဲ တင်သွင်းခွင့်ရှိခဲ့သည့်အတွက် နယ်စပ်မှ ကားတင်သွင်းမှု လုပ်ငန်းအသက်ငွေ့ငွေ့ ရှင်သန်စေခဲ့သော်လည်း အခွန်တိုးမြင့်လိုက်သည့် ကြေညာချက် ထွက်ပေါ်လာပြီးနောက် ကားတင်သွင်းမှု လျော့ကျလာခဲ့ခြင်း ဖြစ်သည်။ သို့သော်လည်း အမိန့်ကြော်ငြာစာ အမှတ် ၁/ ၂၀၁၇ အရ လူစီးမော်တော်ယာဉ်များ၊ ကုန်တင်ယာဉ်များ၊ ခရီးသည်တင်ယာဉ်များ (Mini Bus ၊ City Bus ၊ Express Bus) များကို ဘယ်မောင်းများသာ တင်သွင်းခွင့် ရရှိတော့မည်ဖြစ်၍ နယ်စပ်မှ ကားတင်သွင်းမှု လုပ်ငန်းများအနေဖြင့် ၂၀၁၈ နှစ်တွင် ရပ်ဆိုင်းသွားတော့မည်ဖြစ်ကြောင်း သိရသည်။

ထို့အတူ ထိုင်းနိုင်ငံအစိုးရ၏ မူဝါဒအပြောင်းအလဲကြောင့် နှစ်ပေါင်း ၂၀ ကျော် ရောင်းချနေသော ဂျပန်တစ်ပတ်ရစ်ကားများမှာလည်း ထိုင်းနိုင်ငံ သောင်ရင်းကမ်းစပ်တွင် ရောင်းချနေကြရာမှ နိုဝင်ဘာ ၁၃ ရက်မှစ၍ ကားကုန်သည်များက မြန်မာဘက်သို့ ကမ်းကူးပြီး ရောင်းချနေကြသော်လည်း မြန်မာ့ဝယ်လက်များက စိတ်ဝင်စားမှု နည်းပါလျက်ရှိကာ ကားဈေးများမှာ ယခင်လများထက် ဈေးမြင့်တက်လျက်ရှိကြောင်း သိရသည်။

ဂျပန်တစ်ပတ်ရစ်ကားဈေးကွက် မြန်မာဘက်ကမ်းသို့ အပြောင်းအရွှေ့လာပြီးနောက် ထိုင်းဘက်ကမ်းရှိ မြန်မာလုပ်သား ၁၀၀၀ ကျော်မှာ အလုပ်လက်မဲ့ဖြစ်ကာ ကြုံရာကျ ပန်းဝင်လုပ်သူနှင့် နေရပ်သို့ ပြန်သွားသူများလည်းရှိသည်ဟု ကားဝယ်ရောင်း လုပ်သူများထံမှ သိရသည်။

“ကွန်တိန်နာ ကားတစ်စီးတလေ ၀င်ရောက်လာတယ်။ ထိုင်းဘက်မှာ ကားသိုလှောင်မထားရဘူး။ မြန်မာဘက်သို့ ချက်ချင်းကူးရတယ်။ ဒါပေမဲ့ ၀ယ်လက်ကတော့ အရင်လိုမလာတော့ဘူး။ ကားဝယ်သူတွေက ထိုင်းဘက်မှာ ၀ယ်ရတာကိုပဲ စိတ်အားထက်သန်ကြတယ်။ ဒီကားတင်သွင်း ရောင်းဝယ်မှု လုပ်ငန်းကို အမှီပြုနေတဲ့ အလုပ်သမားတွေကတော့ လောလောဆယ် အလုပ်လက်မဲ့ဖြစ်နေပါတယ်” ဟု နယ်စပ်မှ ကားဝယ်ရောင်းလုပ်သူတစ်ဦးက ပြောကြားသည်။

“အခုအနေထားအရ ကားဝယ်ရောင်း လုပ်နေတဲ့ ကုန်သည်ကြီးတွေ၊ ပါကစ္စတန်တွေကတော့ ဘာမှဖြစ်မှာ မဟုတ်ပါဘူး။ ဒီကားဝယ်ရောင်းလုပ်ငန်းဈေးကွက်မှာ အလုပ်လုပ်နေကြတဲ့ အလုပ်သမားတွေ၊ ကယ်ရီသမားတွေ၊ ပွဲစားတွေ၊ တစ်နိုင်တစ်ပိုင် ကုန်သယ်ဝယ်ရောင်း လုပ်သူတွေ အောက်ခြေအလုပ်သမားတွေ နစ်နာပါမယ်။ အလုပ်လက်မဲ့တွေ ဖြစ်လာမယ်။ မြ၀တီနယ်စပ်မှာ အလုပ်လာလုပ်တာ အလုပ်အကိုင် အခွင့်အလမ်းတွေ ပွားများလို့ပါ။ အလုပ်လက်မဲ့ ပြဿနာဖြစ်လာရင် လူတွေစီးပွားရေး နိမ့်ကျလာမယ်။ သူတို့နောက်မှာ မိသားစုတွေရှိတယ်။ စားဝတ်နေရေးတွေ ခက်ခဲလာမယ်။ အလုပ်အကိုင် အခွင့်အလမ်းတွေ ဆုံးရှုံးလာရင် လူတွေဟာ လမ်းကြောင်းသွေဖည်လာနိုင်ပါတယ်” ဟု ကားဝယ်ရောင်းလုပ်သူတစ်ဦးက ပြောကြားသည်။

ကားဝင်းအတွင်း ၀ယ်ရောင်းလုပ်နေသူတစ်ဦးက “ကားတွေ ဈေးတက်သွားပါတယ်။ ယခင်က ဘတ် ၁၅၀,၀၀၀ ဈေးရှိတဲ့ ကလူဂါ CLUGAR တွေ  ယခု ဘတ် ၁၇၀,၀၀၀ အထိ မြင့်သွားပါတယ်။ မြန်မာငွေနဲ့ဆို ကားတစ်စီး ကျပ် ၈၀၀,၀၀၀ ကျော် မြင့်တက်သွားတယ်။ အနိမ့်ဆုံး Honda Fit လေးတွေတောင် ယခု ဘတ် ၆၀၀၀၀ ၀န်းကျင် ကျပ် ၄၀၀၀၀၀ ခန့် မြင့်တက်သွားပါတယ်။ ဈေးသာ မြင့်တက်သွားပေမဲ့ အရောင်းအ၀ယ်ကတော့ အေးပါတယ်။ လက်ရှိမှာ အရောင်းအ၀ယ် အေးနေသလို ပြည်တွင်းမှာ အဖမ်းအဆီးတွေ ရှိလာမယ်ဆိုရင်လည်း ဈေးပြန်ကျသွားနိုင်ပါတယ်” ဟု ပြောကြားသည်။

မြန်မာ့လက်ရွေးစင်တိုက်စစ်မှူး အောင်သူနှင့် Police Tero အသင်း အပြီးသတ်စာချုပ် ချုပ်ဆို

Photo: AT-9 Futsal Complex Facebook

ထိုင်းလိဂ်-၁ ကလပ် Police Tero အသင်းသို့ ပြောင်းရွှေ့မည့် ရတနာပုံအသင်း၏ မြန်မာ့လက်ရွေးစင်တိုက်စစ်မှူး အောင်သူသည် နိုဝင်ဘာ ၃၀ ရက်က အပြီးသတ်စာချုပ် ချုပ်ဆိုခဲ့ကြောင်း သိရသည်။ အောင်သူသည် စာချုပ်ချုပ်ဆိုအပြီးတွင် Police Tero အသင်း၏ အိမ်ကွင်းအား သွားရောက်လေ့လာခဲ့ပြီး အမှတ်တရအရောင်းဆိုင်အား ကြည့်ရှုလေ့လာခဲ့သည်။

အောင်သူသည် အပြီးသတ်စာချုပ် ချုပ်ဆိုရန် နိုဝင်ဘာ ၂၉ ရက်တွင် ထိုင်းနိုင်ငံ ဘန်ကောက်မြို့သို့ သွားရောက်ခဲ့ပြီး နိုဝင်ဘာ ၃၀ ရက်တွင် Police Tero အသင်းပိုင်ရှင် ဘရိုင်ယန်မာကာနှင့် တွေ့ဆုံကာ တစ်ရာသီ အငှားစာချုပ် ချုပ်ဆိုခဲ့ခြင်း ဖြစ်သည်။ အောင်သူသည် ထိုင်းနိုင်ငံ၏ အဆင့်မြင့်ဆုံးလိဂ် ပြိုင်ပွဲဖြစ်သော ထိုင်းလိဂ်-၁ (ယခင် ထိုင်းပရီးမီးယားလိဂ်) ကလပ် Police Tero အသင်းသို့ အငှားစာချုပ်ဖြင့် ပြောင်းရွှေ့ခဲ့ခြင်းဖြစ်ပြီး လစာအဖြစ် တစ်လလျှင် ဒေါ်လာ ၇၀၀၀ ရရှိမည် ဖြစ်သည်။ Police Tero အသင်းသည် အောင်သူအား လစာအပြင် အခြားခံစားခွင့်များ ထည့်သွင်းထားပြီး နေထိုင်ရန် အိမ်တစ်လုံးနှင့် သွားလာရလွယ်ကူစေရန် ကားတစ်စီး စီစဉ်ပေးထားကြောင်း သိရသည်။ အောင်သူ၏ စာချုပ်သက်တမ်းမှာ ၂၀၁၇ ခုနှစ် ဒီဇင်ဘာမှ ၂၀၁၈ ခုနှစ် ဒီဇင်ဘာအထိဖြစ်ပြီး စာချုပ်သက်တမ်းကုန်ဆုံးပါက ၎င်း၏ ခြေစွမ်း ပေါ်မူတည်၍ စာချုပ်သက်တမ်းတိုးမြှင့်မည် ဖြစ်သည်။

Photo: AT-9 Futsal Complex Facebook

ရတနာပုံအသင်းမှာလည်း ကစားသမား၏ ခြေစွမ်းပိုမိုတိုးတက်လာစေရန်အတွက် Police Tero အသင်းသို့ အငှားချခဲ့ခြင်းဖြစ်ပြီး အငှားစာချုပ်ပြီးဆုံးပါက ကစားသမားနှင့် စာချုပ်ကိစ္စအတွက် ပြန်လည်ဆွေးနွေးမည် ဖြစ်သည်။ Police Tero အသင်းဝက်ဘ်ဆိုက်နှင့် Facebook တွင် မြန်မာစံတော်ချိန် ဒီဇင်ဘာ ၁ ရက် နံနက် ၁ နာရီ အထိ အောင်သူ၏ စာချုပ်ချုပ်ဆိုမှုနှင့်ပတ်သက်၍ သတင်းထုတ်ပြန်ခြင်း မရှိသေးဘဲ ကာယကံရှင် Facebook မှသာ စာချုပ်ချုပ်ဆိုပြီးစီးကြောင်း ထုတ်ပြန်ထားခြင်း ဖြစ်သည်။ အောင်သူသည် ဒီဇင်ဘာဒုတိယပတ်တွင် Police Tero အသင်းနှင့် ပူးပေါင်းမည်ဖြစ်ပြီး ရာသီကြိုလေ့ကျင့်ပြင်ဆင်မှုများ ပြုလုပ်မည် ဖြစ်သည်။ အောင်သူပါဝင်ကစားမည့် ထိုင်းလိဂ်-၁ မှာ ၂၀၁၈ ခုနှစ် ဖေဖော်ဝါရီတွင် စတင်ကျင်းပမည် ဖြစ်သည်။ အောင်သူသည် မြန်မာကစားသမားများအနက် လစာငွေ အများဆုံးရရှိမည့် ကစားသမားတစ်ဦးဖြစ်လာခဲ့ပြီး ၎င်းအနေဖြင့် အာရှထိပ်သီးလိဂ်များသို့ ပြောင်းရွှေ့ကစားခွင့်ရရန် ကြိုးပမ်းမည်ဖြစ်ကြောင်း ထုတ်ဖော်ပြောကြားထားသည်။

Facebook တွင် ပျံ့နှံခဲ့သည့် ထောက်ကြန့်မြို့နယ်ရှိ စားသောက်ဆိုင်အတွင်း သံဃာတစ်ပါးကို ရိုက်နှက်ခဲ့သော အမျိုးသားနှစ်ဦးအား အမှုဖွင့်

လူမှုကွန်ရက် Facebook စာမျက်နှာတွင် ပျံ့နှံ့နေသည့် ထောက်ကြန့်မြို့နယ်ရှိ စားသောက်ဆိုင်အတွင်း ဘုန်းကြီးတစ်ပါးကို ရိုက်နှက်ခဲ့သည့် အမျိုးသားနှစ်ဦးအား အမှုဖွင့်ထားကြောင်း နိုဝင်ဘာ ၃၀ ရက်တွင် မြောက်ပိုင်းခရိုင် ရဲတပ်ဖွဲ့မှ သိရသည်။

ပျံ့နှံ့နေသည့် ဗီဒီယိုဖိုင်တွင် မင်္ဂလာဒုံမြို့နယ် ထောက်ကြန့်မြို့ရှိ လမင်းသာစားသောက်ဆိုင်အတွင်း၌ နိုဝင်ဘာ ၂၈ ရက် မွန်း လွဲ ၂ နာရီခန့်တွင် ဖြစ်ပွားခဲ့ခြင်း ဖြစ်သည်။

အဆိုပါ ဗီဒီယိုဖိုင်မှာ ယင်းနေ့ညပိုင်းမှာပင် လူမှုကွန်ရက် Facebook တွင် ပျံ့နှံ့ခဲ့ခြင်းဖြစ်ပြီး ဗီဒီယိုဖိုင်နှင့် ပတ်သက်၍ ဝေဖန်မှုအများအပြား ဖြစ်ပွားခဲ့သည်။

ယင်းအမျိုးသားနှစ်ဦးအနက် တစ်ဦးမှာ အဆိုပါဆိုင်မှ ပိုင်ရှင်ဖြစ်ပြီး ၎င်းအား လက်ရှိအချိန်တွင် ထောက်ကြန့် နယ်မြေရဲစခန်းမှ ဖမ်းဆီးထိန်းသိမ်းထားပြီး ဘုန်းကြီးအား ရိုက်နှက်ရာတွင် ဆိုင်ပိုင်ရှင်နှင့်အတူ ပါဝင်ခဲ့သည့်  အမျိုးသားမှာ လွတ်မြောက်နေကြောင်း  မြောက်ပိုင်းခရိုင် ရဲတပ်ဖွဲ့မှ ရဲအရာရှိတစ်ဦးက ပြောကြားသည်။

ဆိုင်ပိုင်ရှင်နှင့် အခြားအမျိုးသားတစ်ဦးအား ထောက်ကြန့်နယ်မြေရဲစခန်းက (ပ)၁၂၅၆/ ၂၀၁၇၊ ရာဇသတ်ကြီးပုဒ်မ၂၉၅/ ၃၂၃ / ၁၁၄ဖြင့် အမှုဖွင့်ထားကြောင်း မြောက်ပိုင်းခရိုင် ရဲတပ်ဖွဲ့မှ ရဲအရာရှိတစ်ဦးက ပြောကြားသည်။

ဖြစ်စဉ်နှင့်ပတ်သက်၍ မင်္ဂလာဒုံမြို့နယ်ရှိ လွှတ်တော်ကိုယ်စားလှယ်တစ်ဦးက “ကျွန်တော် ကြားတာက ဘုန်းကြီးက ဆိုင်ထဲဝင်တဲ့အချိန်မှာ ဆိုင်ထဲကလူတွေနဲ့ စကားများတာလို့ သိရတယ်။ ရိုက်ခံရတဲ့ဘုန်းကြီးက လှည်းကူးမြို့နယ် ဘုရားသုံးဆူကျေးရွာမှာ သတင်းသုံးတာ။ သက်တော်က  ၆၄၊ ၀ါတော် က ၄၄ ရှိပြီလို့ သိရပါတယ်။ အမှုဖွင့်တာကတော့ ရိုက်က်ခံရတဲ့ ဘုန်းကြီးကဖွင့်တာ မဟုတ်ပါဘူး။ ထောက်ကြန့်မှာနေတဲ့ လူတစ်ယောက်က ရဲစခန်းသွားအမှုဖွင့်တာလို့ သိရပါတယ်” ဟု ပြောကြားသည်။

ယင်းဖြစ်စဉ်တွင် ဘုန်းကြီးမှ စားသောက်ဆိုင်တွင် အရက်လာဝယ်သဖြင့် စတင်ဖြစ်ပွားခဲ့သော်လည်း ဘုန်းကြီးအား ရိုက်နှက်ခဲ့သည်မှာလည်း ဆိုင်ပိုင်ရှင်ဘက်မှ မှားခဲ့ကြောင်း မင်္ဂလာဒုံမြို့နယ် သံဃနာယအကျိုးတော်ဆောင် ဆရာတော် ဦးစန္ဒောဘာသက မိန့်ကြားသည်။

“ဖြစ်စဉ်က ဘုန်းကြီးတစ်ပါးက အရက်လာဝယ်တယ်။ ဆိုင်က မရောင်းပေးနိုင်ဘူးဆိုလို့ အဲဒီမှာပြဿနာက စဖြစ်ရော။ စဖြစ်တော့ ဦးဇင်းတို့ဆီကို အကြောင်းကြားတယ်။ မြို့နယ် သံဃနာယကအဖွဲ့က စည်းကမ်း ထိန်းသိမ်းရေးမှူးတွေ ဖြစ်တဲ့နေရာကို ရောက်တဲ့အချိန်မှာ ပြဿနာက ဖြစ်ပြီးနေပြီ။ ပြီးတော့ မြို့နယ်သံဃနာယက ကျောင်းကိုခေါ်လာတယ်။ ကျောင်းရောက်တော့ အရိုက်ခံရတဲ့ ဘုန်းကြီးကို မေးတယ်။ နှစ်ဖက်စလုံးက ကျေနပ်တော့ မြို့နယ်သံဃနာယကအဖွဲ့က နေပြီးတော့ ဒီကိစ္စနဲ့ပတ်သက်ပြီး နောက်မဖြစ်ဖို့ သံဃနာယကအဖွဲ့ကနေ တာဝန်ယူပြီး အရိုက်ခံရတဲ့ဘုန်းကြီးကို ခံဝန်ထိုးခိုင်းတယ်” ဟု မင်္ဂလာဒုံမြို့နယ်သံဃနာယ အကျိုးတော်ဆောင်ဆရာတော် ဦးစန္ဒောဘာသက မိန့်ကြားသည်။

ဆိုင်ပိုင်ရှင်အား သက်ဆိုင်ရာရဲစခန်းမှ ဖမ်းဆီးသွားကြောင်း၊ ရဲတပ်ဖွဲ့၏ အရေးယူမှုပိုင်းအား မသိရှိကြောင်း  ဆရာတော် ဦးစန္ဒောဘာသက မိန့်ကြားသည်။

YBS ဘတ်စ်ကားများတွင် ကတ်စနစ်ဖြင့် စီးနင်းနိုင်ရန်အတွက် ကတ်စနစ်ကို တင်ဒါတင်သွင်းသည့်အဆင့် ရောက်ရှိနေပြီဖြစ်ကြောင်း သိရ

ရန်ကုန်မြို့တွင်း ပြေးဆွဲနေသည့် YBS ယာဉ်တစ်စီးအား တွေ့ရစဉ် (ဓာတ်ပုံ- ကြည်နိုင်)

YBS ဘတ်စ်ကားများတွင် ကတ်စနစ်ဖြင့် စီးနင်းနိုင်ရန် ကတ်စနစ်ကို တင်ဒါတင်သွင်းသည့်အဆင့်သို့ ရောက်ရှိနေပြီဖြစ်ကြောင်း လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က နိုဝင်ဘာ ၃၀ ရက်က ပြုလုပ်သည့် ဒုတိယအကြိမ် ရန်ကုန်တိုင်းဒေသကြီး လွှတ်တော်ပဉ္စမပုံမှန်အစည်းအဝေး ၁၉ ရက်မြောက်နေ့တွင် ပြောကြားခဲ့သည်။

လှိုင်သာယာမြို့နယ်၊ မဲဆန္ဒနယ် အမှတ် (၁)တိုင်းဒေသကြီး လွှတ်တော်ကိုယ်စားလှယ် ဦးဝင်းမောင်(ခ) ဦးဦးဝင်းမောင်၏ ရန်ကုန်တိုင်းဒေသကြီးအတွင်း ပြည်သူလူထုလက်ထဲတွင် ငွေစက္ကူအကြွေများ တဖြည်းဖြည်းရှားပါးလာနေသဖြင့် ၎င်းအခက်အခဲကို ရေရှည်ပြေလည်စေရန် အစီအစဉ်များ ချမှတ်ထားခြင်း ရှိ၊ မရှိ၊ YBS ယာဉ်လိုင်းများတွင် ယာဉ်စီးခမှရရှိသော ငွေစက္ကူအကြွေများကို အမြန်ဆုံး ပြန်လည်ရောက်ရှိ လည်ပတ်နိုင်ရန် ယခုထက် ပိုမိုကျယ်ပြန့်စွာ အကြွေလဲလှယ်ပေးနိုင်သော အစီအစဉ်ချမှတ်ထားခြင်း ရှိ၊ မရှိကို မေးမြန်းခဲ့သည်။

“YBS ကားတွေကို စီးနင်းတဲ့အခါမှာ ကတ်စနစ်နဲ့ စီးနင်းနိုင်ရန်အတွက် ကတ်စနစ်ကို တင်ဒါတင်သွင်းတဲ့အဆင့်ကို ရောက်နေပါပြီ။ ဆက်လက်ပြီးတော့ ဆောင်ရွက်သွားမှာ ဖြစ်ပါတယ်။ သို့သော်လည်း နိုင်ငံတကာမှာ ကတ်စနစ်နဲ့ စီးနင်းသလိုပဲ အချို့သောလူတွေက ငွေအကြွေ သို့မဟုတ် ငွေစက္ကူနဲ့ စီးနင်းဆဲ အကြောင်းကြောင်းကြောင့် ရှိနေသေးတဲ့အတွက် ဆက်လက်ပြီးတော့ ငွေစက္ကူ၊ ငွေအကြွေ လက်ခံတဲ့ကိစ္စရှိနေမှာ ဖြစ်ပါတယ်” ဟု ဒေါ်နီလာကျော်က ပြောကြားသည်။

၂၀၁၈ ခုနှစ် ဖေဖော်ဝါရီလမှစတင်၍ YBS ယာဉ်များတွင် ကတ်စနစ်ဖြင့် ငွေပေးချေးခြင်းကို စတင်အသုံးပြုနိုင်မည်ဖြစ်ကြောင်း သြဂုတ် ၁၅ ရက်က တင်ဒါသွင်းမည့် ကုမ္ပဏီများအား ရှင်းလင်းသည့် အခမ်းအနားတွင် ရန်ကုန်တိုင်းဒေသကြီး အစိုးရအဖွဲ့ဝင် ၀န်ကြီးတစ်ဦးက ပြောကြားထားသည်။

“YBS စီးနင်းရာတွင် ယာဉ်စီးခအကြွေကို Cash Box ထဲ ထည့်ရတဲ့ကိစ္စရပ်မှ စတင်ပြီး အကြွေအခက်အခဲဖြစ်လာသော ပြဿနာသည် ရန်ကုန်တိုင်းဒေသကြီးအတွင်း အခြားအခြားသော ကဏ္ဍပေါင်းများစွာသို့ အကျိုးဆက်များ ဆက်နွယ်လျက်ရှိပါတယ်။ Cash Box မှ ငွေသိမ်းဌာန၊ ထိုမှတစ်ဆင့် ငွေလုံးငွေရင်းဖြင့် ငွေလဲလှယ်သူ၊ ထိုမှပြည်သူတစ်ဦးချင်းဆီသို့ ပြန်လည်စီးဆင်းရသည့်အတွက် ငွေကြေးစီးဆင်းမှု နှေးကွေးခဲ့ရပါတယ်။ အဆိုပါအခြေအနေကြောင့် ကုန်စိမ်းဆိုင်၊ ကွမ်းယာဆိုင်၊ လက်ဖက်ရည်ဆိုင်အပါအ၀င် အိမ်ရှင်မများ၏ မနက်ဈေးဝယ်ရသော ပြဿနာများအထိ အကြွေပြဿနာ ပေါ်ပေါက်လာရပါတယ်” ဟု တိုင်းဒေသကြီး လွှတ်တော်ကိုယ်စားလှယ် ဦးဝင်းမောင်(ခ) ဦးဦးဝင်းမောင်က ပြောကြားသည်။

ဆေးပညာမဟာသိပ္ပံဝင်ခွင့် အောင်စာရင်းနှင့်ပတ်သက်၍ သဘောထားထုတ်ပြန်ချက်အပေါ် ကျန်းမာရေးဝန်ကြီးဌာနဘက်မှ အကြောင်းတစ်စုံတစ်ရာ တုံ့ပြန်မှုမရှိသေးဟု ဆို

နိုဝင်ဘာ၂၉ရက်က ဆေးပညာမဟာသိပ္ပံဝင်ခွင့် အောင်စာရင်းနှင့် ပတ်သက်၍ ကျန်းမာရေးနှင့် အားကစားဝန်ကြီးဌာန၏ လုပ်ရပ်များကို ရှုတ်ချကြောင်း ဆေးတက္ကသိုလ် ကျောင်းသားသမဂ္ဂသုံးခုက သဘောထားထုတ်ပြန်ခဲ့ရာ ယင်းထုတ်ပြန်ချက်အပေါ် ကျန်းမာရေးနှင့် အားကစားဝန်ကြီးဌာနဘက်မှ အကျိုးအကြောင်းတစ်စုံတစ်ရာ တုံ့ပြန်မှု မရှိသေးကြောင်း ဆေးတက္ကသိုလ်(၂)ကျောင်းသားသမဂ္ဂမှ သိရသည်။

အဆိုပါထုတ်ပြန်ချက်ကို နိုဝင်ဘာ ၂၉ ရက်တွင် ဆေးတက္ကသိုလ် မန္တလေး၊ ကျောင်းသားများသမဂ္ဂ၊ ဆေးတက္ကသိုလ်(၁) ရန်ကုန်ကျောင်းသားများသမဂ္ဂ၊ ဆေးတက္ကသိုလ် (၂) ရန်ကုန်ကျောင်းသားများ သမဂ္ဂတို့က ပူးပေါင်းကာ ထုတ်ပြန်ခဲ့ခြင်း ဖြစ်သည်။

“ကျွန်တော်တို့ ဆေးတက္ကသိုလ်ကျောင်းသားသမဂ္ဂတွေ ပေါင်းထုတ်ထားတဲ့ သဘောထား ထုတ်ပြန်ချက်နဲ့ပတ်သက်ပြီး လောလောဆယ် ၀န်ကြီးဌာနဘက်က ဘာမှပြောကြားလာတာမျိုး မရှိသေးပါဘူး။ ဒီကိစ္စကို ကျန်းမာရေးဝန်ကြီးဌာနဘက်က ဘယ်လိုဖြေရှင်းပေးမလဲဆိုတာမျိုးကို ကျွန်တော်တို့ ကျောင်းသားသမဂ္ဂတွေ စောင့်နေပါတယ်။အခုချိန်ထိတော့ အကျိုးအကြောင်း တစ်စုံတစ်ရာ ပြောကြားတာမျိုး မရှိသေးတဲ့အတွက် ဘာဆက်လုပ်မလဲဆိုတာတော့ မပြောရသေးပါဘူး။ လောလောဆယ် ကျောင်းသုံးကျောင်းဖြစ်နေတယ်။ ၀န်ကြီးဌာနဘက်က တုံ့ပြန်မှုအပေါ်မူတည်ပြီး ကျွန်တော်တို့ ဘာဆက်လုပ်မလဲ ဆိုတာတွေလည်း ပူးပေါင်းဆွေးနွေး လုပ်ဆောင်သွားဖို့ရှိပါတယ်။ အချိန်အတိုင်းအတာတစ်ခုထိ ကျွန်တော်တို့ စောင့်ပါမယ်။ တစ်စုံတစ်ရာ ပြန်ဖြေရှင်းမှုမရှိဘူး၊ တာဝန်ယူမှု ၊ တာဝန်ခံမှုမရှိဘူးဆိုရင်တော့ ကျွန်တော်တို့အားလုံး တိုင်ပင်ပြီးတော့ အဆင်ပြေအောင် ဆွေးနွေးလုပ်ဆောင်သွားဖို့ ရှိပါတယ်” ဟု ဆေးတက္ကသိုလ်  (၂)ကျောင်းသားများသမဂ္ဂမှ တာဝန်ရှိသူတစ်ဦးက ဆိုသည်။

ဆေးပညာမဟာသိပ္ပံဝင်ခွင့် ဖြေဆိုသည့် ဆရာဝန်များမှာ နိုင်ငံတော်မှ နေရာချပေးထားသောဌာန အသီးသီးတွင် တာဝန်ထမ်းဆောင်နေသူများဖြစ်ကြောင်း၊ နိုင်ငံ့ဝန်ထမ်း ဆရာဝန်များ ဖြေဆိုသည့် ဆေးပညာမဟာသိပ္ပံဝင်ခွင့် စာမေးပွဲအောင်စာရင်းတွင်  တရားမျှတမှုနှင့် ပွင့်လင်းမြင်သာမှုမရှိကြောင်း ထုတ်ပြန်ချက်တွင် ရေးသားထားသည်။

အတည်မပြုနိုင်သေးသည့် သတင်းများအရ ဒီဇင်ဘာ ၂ ရက်တွင် ဘွဲ့လွန်နှင့်ပတ်သက်၍ အစည်းအဝေးတစ်ရပ် ပြုလုပ်သွားရန်ရှိပြီး နောက်ဆက်တွဲအောင် စာရင်းထုတ်ပြန်ခြင်း(သို့မဟုတ်)ရှင်းလင်းချက် ထုတ်ပြန်ခြင်းများ ပြုလုပ်သွားရန်ရှိကြောင်း သိရသည်။

လှည်းကူးမြို့နယ်တွင် ထရန်စဖော်မာ ပြုပြင်ရာမှ လျှပ်စစ်ဝန်ထမ်းတစ်ဦး ဓာတ်လိုက်သေဆုံး

လှည်းကူးမြို့နယ်တွင် ထရန်စဖော်မာ ပြုပြင်ရာမှ လျှပ်စစ်ဝန်ထမ်းတစ်ဦး ဓာတ်လိုက်သေဆုံးမှု နိုဝင်ဘာ ၂၉ ရက် ညနေ ၄ နာရီ ၄၅ မိနစ်ခန့်က ဖြစ်ပွားခဲ့ကြောင်း ရန်ကုန်တိုင်းဒေသကြီးရဲတပ်ဖွဲ့မှ သိရသည်။

ဓာတ်လိုက်သေဆုံးသူမှာ လှည်းကူးမြို့နယ်၊ မင်းကုန်းကျေးရွာအုပ်စုတွင် နေထိုင်သည့် လျှပ်စစ်ဝန်ထမ်းတစ်ဦးဖြစ်သူ ကို…. (၂၂ နှစ်)ဖြစ်ပြီး ၎င်းသည် အခြားလျှပ်စစ်ဝန် ထမ်းတစ်ဦးနှင့်အတူ ဖောင်ကြီးအရှေ့ကျေးရွာအုပ်စု၊ ထန်းပင်ကွက်သစ်ရပ်ကွက်၊ မြို့ရိုးဘုန်းတော်ကြီးကျောင်းအနီးရှိ  ထရန်စဖော်မာအား ပြုပြင်ရာမှ ဓာတ်လိုက်ကာ သေဆုံးခဲ့ခြင်းဖြစ်ကြောင်း သိရသည်။

“ထရန်စဖော်မာပျက်နေလို့ ပြင်တာပါ။ ဖျူ့စ်ကိုမဖြုတ်မိဘဲ ထရန်စဖော်မာမှာရှိတဲ့ ဓာတ်ကြိုးတစ်ကြိုးကို ကိုင်မိရာက ဓာတ်လိုက်သေဆုံးခဲ့တယ်လို့ သိရတယ်။ ပြင်ပဒဏ်ရာ မရှိဘဲ သေဆုံးခဲ့တာ ဖြစ်ပါတယ်။ ခုဆေးစစ်ချက် အဖြေထွက်လာတဲ့အခါမှာ နှလုံးကွဲပြီး သေဆုံးခဲ့တယ်လို့ အဖြေထွက်လာပါတယ်” ဟု ဖောင်ကြီးနယ်မြေရဲစခန်းမှ ရဲအရာရှိတစ်ဦးက ပြောကြားသည်။

ယင်းဓာတ်လိုက်သေဆုံးသည့် ဖြစ်စဉ်ကို ဖောင်ကြီးနယ်မြေရဲစခန်းမှ သေမှုသေခင်း အမှတ်စဉ် (၈/ ၂၀၁၇) ဖြင့်အမှုဖွင့်ထားပြီး စစ်ဆေးဆောင်ရွက်လျက်ရှိကြောင်း သိရသည်။

မြန်မာနိုင်ငံတွင် လျှပ်စစ်ဓာတ်လိုက်မှုကြောင့် သေဆုံးလျက်ရှိသူများမှာ နှစ်စဉ်များပြားလျက်ရှိကြောင်း သိရပြီး အထူးသဖြင့် မိုးရာသီကာလများတွင် အများဆုံးဖြစ်ပွားကြောင်း သိရသည်။

ယာဉ်ကြောကျပ်တည်းမှုများ ဖြေလျှော့နိုင်ရန်အတွက် ပုဇွန်တောင်မြို့နယ်အတွင်းရှိ လမ်း ၁၅ လမ်းကို တစ်လမ်းမောင်းအဖြစ် သတ်မှတ်မည်

တစ်လမ်းမောင်းအဖြစ် သတ်မှတ်မည့် လမ်း ၁၅ လမ်းတွင် ပါဝင်သော ပုဇွန်တောင်မြို့နယ် ရေကျော်လမ်းမကြီးအား နိုဝင်ဘာ ၃၀ ရက် ညနေ ၆ နာရီခွဲခန့်က တွေ့ရစဉ် (ဓာတ်ပုံ-မျိုးထက်ပိုင်)

ယာဉ်ကြောကျပ်တည်းမှုများကို ဖြေလျှော့နိုင်ရန်အတွက် ပုဇွန်တောင်မြို့နယ်အတွင်းရှိ လမ်း ၁၅ ခုအား တစ်လမ်းမောင်းအဖြစ် သတ်မှတ်သွားမည်ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့ လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က နိုဝင်ဘာ ၃၀ ရက်တွင် ပြုလုပ်သည့် ဒုတိယအကြိမ် ရန်ကုန်တိုင်းဒေသကြီးလွှတ်တော်၊ ပဉ္စမပုံမှန်အစည်းအဝေး ၁၉ ရက်မြောက်နေ့တွင် ပြောကြားခဲ့သည်။

ပုဇွန်တောင်မြို့နယ်၊ မဲဆန္ဒနယ်အမှတ် (၁)မှ တိုင်းဒေသကြီး လွှတ်တော်ကိုယ်စားလှယ် ဦးခင်မောင်ဝင်းက ပုဇွန်တောင်မြို့နယ် အတွင်းရှိ နှစ်လမ်းမောင်းလမ်းများအား တစ်လမ်းမောင်းစနစ်ဖြင့် ပြောင်းလဲဆောင်ရွက် ပေးရန် အစီအစဉ် ရှိ၊မရှိ၊ ရှိပါက မည်သည့်အချိန်ကာလတွင် ဆောင်ရွက်ပေးမည်၊ မရှိပါက အဘယ့်ကြောင့်ဖြစ်သည်ကို သိရှိလိုကြောင်း မေးခွန်းနှင့်ပတ်သက်ပြီးဝန်ကြီး ဒေါ်နီလာကျော်က ပြန်လည်ဖြေကြားရာတွင် ထည့်သွင်းပြောကြားခဲ့ခြင်း ဖြစ်သည်။

“အင်ဂျင်နီယာဌာန လမ်းတံတား၊ ရန်ကုန်မြို့တော် စည်ပင်သာယာရေးကော်မတီ၊ ပုဇွန်တောင်မြို့နယ် စည်ပင်သာယာအုပ်ချုပ်ရေးရုံး၊ ပုဇွန်တောင်မြို့နယ် အထွေထွေအုပ်ချုပ်ရေးဦးစီးဌာန ဒုဦးစီးမှူး၊ အမှတ်(၂၊ ၇၊ ၈၊ ၉၊ ၁၀) အုပ်ချုပ်ရေးမှူးများနှင့် ကွင်းဆင်းကြည့်ရှုစစ်ဆေးရာမှာ ရေကျော်လမ်းမကြီးအား ယာဉ်ကြောကျပ်တည်းပိတ်ဆို့သဖြင့် အထက်ပုဇွန်တောင်လမ်းမမှ ဗိုလ်ချုပ်အောင်ဆန်းလမ်းသို့ တစ်လမ်းမောင်း ပေးသင့်ကြောင်း ဆုံးဖြတ်ခဲ့ပါတယ်။ အမှတ်(၂)ရပ်ကွက်၊ ၅၃ လမ်းနဲ့ ၅၄ လမ်းကို အနော်ရထာလမ်းမှ အ၀င်တစ်လမ်းမောင်းသတ်မှတ်၍ ၅၅ လမ်း နဲ့ ၅၆ လမ်းအား မဟာဗန္ဓုလလမ်းမှ အ၀င်သတ်မှတ်သင့်ကြောင်း ဆုံးဖြတ်ပါတယ်။  အမှတ်(၉) ရပ်ကွက်တွင် ဇီဇ၀ါလမ်း၊ ဒေါနလမ်း၊ ယုဇနလမ်းတို့အား ရေကျော်လမ်းမှ အ၀င်တစ်လမ်းမောင်း သတ်မှတ်ပြီး မြစ်ကြောင်းလမ်းအား ရေကျော်လမ်းသို့ အထွက်တစ်လမ်းမောင်းအဖြစ် သတ်မှတ်ခဲ့ပါတယ်။ မြောင်းကြီးလမ်းအား မြောင်းကြီး၏ ၀ဲယာတစ်လမ်း မောင်းသတ်မှတ်ရန် ဆုံးဖြတ်ခဲ့ပါတယ်” ဟု ၀န်ကြီးဒေါ်နီလာကျော်က ပြောကြားသည်။

အမှတ်(၇)ရပ်ကွက် ရွှေဘုန်းပွင့်ဘုရားရှေ့၊ ဦးရွှေဘုန်းလမ်းအား ရေကျော်လမ်းမကြီးမှ အ၀င်လမ်းအဖြစ် ဆောင်ရွက်သင့်ကြောင်း၊ အမှတ် ၁၀ ရပ်ကွက်ရှိ ၄၉လမ်းနှင့် လမ်း ၅၀ အား အနော်ရထာလမ်းမှ အ၀င်တစ်လမ်းမောင်းသတ်မှတ်ပြီး  ၅၁ လမ်းနှင့် ၅၂ လမ်းအား ဗိုလ်ချုပ်အောင်ဆန်းလမ်းမှ အ၀င်တစ်လမ်းအဖြစ် ဆောင်ရွက်ရန် သတ်မှတ်သင့်သည်ဟု ဆုံးဖြတ်ထားကြောင်း ၀န်ကြီးဒေါ်နီလာကျော်က ဆက်လက်ပြောကြားသည်။

“ကွင်းဆင်းစစ်ဆေးမှုများအရ အထက်ဖော်ပြပါလမ်းတွေကို တစ်လမ်းမောင်းအဖြစ် ပြောင်းလဲဆောင်ရွက်ပြီးပါက လက်ရှိယာဉ် သွားလာကျပ်တည်းမှုကို ဖြေလျှော့နိုင်မှုအတွက် သို့မဟုတ် ပိုမိုကျပ်တည်းလာမှုများအပေါ် မူတည်ပြီး ပြုပြင်သင့်သည်များကို ပြုပြင်ဆောင်ရွက်ဖို့ အစီအစဉ်ရှိပါတယ်။ ဒါကြောင့် ရန်ကုန်တိုင်းဒေသကြီး အစိုးရအဖွဲ့ရဲ့ အစည်းအဝေးဆုံးဖြတ်ချက်အရ  ရန်ကုန်မြို့တော် စည်ပင်သာယာရေးကော်မတီ၊ အင်ဂျင်နီယာဌာန လမ်းတံတားမှ လိုအပ်သော လမ်းညွှန်ဆိုင်းဘုတ်များကို စိုက်ထူပေးသွားမှာ ဖြစ်ပါတယ်” ဟု ၀န်ကြီးဒေါ်နီလာကျော်က ပြောကြားသည်။