မြေသိမ်းဥပဒေကြမ်းနှင့် မြေယာကိစ္စ

မြန်မာနိုင်ငံ၏ လူဦးရေအများစုနေထိုင်ရာ ကျေးလက်ဒေသများတွင် လူနေမှုဘ၀ မြင့်မားလာရေးနှင့် ဆင်းရဲမွဲတေမှုလျှော့ချရန် လိုအပ်လျက်ရှိရာ မြေယာပြဿနာသည်လည်း အခက်အခဲတစ်ရပ်အဖြစ် မြင်တွေ့နေရသည်။ စိုက်ပျိုးမြေ၊ လယ်ယာမြေပိုင်ဆိုင်မှုဆိုင်ရာ အခြေအနေနှင့် စီးပွားရေးဆိုင်ရာ ပြုပြင်ပြောင်းလဲမှုများအကြား မှန်ကန်မျှတသည့် ဥပဒေစည်းကမ်းစည်းမျဉ်းများနှင့် ဖြေရှင်းမှုများမှာ များစွာအရေးပါလျက်ရှိနေသည်။ စိုက်ပျိုးရေးဆိုင်ရာ ကိစ္စများအပါအ၀င် လယ်ယာမြေပိုင်ဆိုင်မှုများအား ဥပဒေနှင့်အညီဖြစ်ရန်နှင့် ဥပဒေမဲ့ဆုံးရှုံးနစ်နာရမှုများ မဖြစ်စေရေး ထိုက်တန်သည့်လျော်ကြေး သို့မဟုတ် နစ်နာကြေးရရှိနိုင်ရန်အတွက်လည်း ခိုင်မာသည့် ဥပဒေစည်းမျဉ်းစည်းကမ်းများ လိုအပ်မည်ဖြစ်သည်။ ထို့ကြောင့် လယ်ယာမြေသိမ်းဆည်းမှုဆိုင်ရာ ဥပဒေကြမ်းတစ်ရပ်ကို လွှတ်တော်တွင် ဆောင်ရွက်လျက်ရှိနေပြီဖြစ်သည်။

၂၀၁၇ ခုနှစ် မြေသိမ်းဥပဒေကြမ်းတွင် သိမ်းဆည်းခံရသူများအတွက် နစ်နာကြေး၊ ပြန်လည်ထူထောင်ရေး၊ ပြန်လည်နေရာချထားရေးကိစ္စရပ်များကို ထည့်သွင်းထားကြောင်း၊ လက်ရှိ တည်ဆဲဥပဒေသည် ဗြိတိသျှလက်ထက်က ရေးဆွဲထားသည့် ဥပဒေဖြစ်ကြောင်း၊ ဗြိတိသျှခေတ်က ကုမ္ပဏီများ၊ အစိုးရအတွက် အကျိုးစီးပွားဖြစ်ရန် အဓိကရည်ရွယ်သော်လည်း လက်ရှိအချိန်တွင် အများပြည်သူအကျိုးစီးပွားအတွက် နိုင်ငံ၏စီးပွားရေး ဖွံ့ဖြိုးတိုးတက်ရေးအတွက် နိုင်ငံ၏စီမံကိန်းများအတွက်လည်း မြေသိမ်းရန် လိုအပ်လာသည့်အခါတွင် တရားမျှတစွာမြေသိမ်းရန်၊ တရားမျှတစွာဖြင့် နစ်နာသူများကို လျော်ကြေးငွေများပေးနိုင်ရန် ရည်ရွယ်သည့်အပြင် ၎င်းတို့၏ ပြန်လည်ထူထောင်ရေး၊ မြေသိမ်းခံရမှုကြောင့် နစ်နာဆုံးရှုံးမှုများ၊ မြေယာပိုင်ဆိုင်သည့် သူများအားလုံးအတွက် ပြန်လည်နေရာချထားရေး၊ ဆုံးရှုံးခဲ့သည့် လူမှုဘ၀များကိုပါ ထည့်သွင်းစဉ်းစားထားသည့် အချက်များပါဝင်ကြောင်း အမျိုးသားလွှတ်တော် တောင်သူလယ်သမားရေးရာ ကော်မတီဥက္ကဋ္ဌက ပြောကြားထားသည်။

၂၀၁၇ ခုနှစ် မြေသိမ်းဥပဒေကြမ်းတွင် ဤဥပဒေအရ မြေသိမ်းဆည်းခြင်းပြုရာတွင် မြေရှင်များနှင့် လျော်ကြေးငွေတောင်းဆိုခွင့်ရှိသူများ၊ သိမ်းဆည်းမြေတွင် သီးစားအဖြစ်ဖြင့်ဖြစ်စေ၊ အကျိုးတူအဖြစ်ဖြင့်ဖြစ်စေ၊ ငှားရမ်း၍ဖြစ်စေ လုပ်ကိုင်နေသူများဟု မြေတွင် အကျိုးစီးပွားသက်ဆိုင်သူများဆိုရာတွင် ပါဝင်သူများဟု သတ်မှတ်ထားသလို ထိခိုက်နစ်နာသူ မိသားစုဟုဆိုရာတွင် ယင်းတို့၏မြေ သို့မဟုတ် အခြားမရွှေ့မပြောင်းနိုင်သောပစ္စည်းကို သိမ်းယူခြင်းခံရသည့် မိသားစု၊ မြေတစ်ရပ်ရပ်ကို ပိုင်ဆိုင်မှုမရှိသော်လည်း မိသားစုဝင်တစ်ဦး သို့မဟုတ် အများသည် လယ်ယာလုပ်သားအဖြစ်ဖြင့်ဖြစ်စေ၊ လက်ခစားအဖြစ်ဖြင့်ဖြစ်စေ၊ ထိခိုက်နစ်နာသည့် အရပ်ဒေသအတွင်း မြေကိုသိမ်းဆည်းခြင်း မပြုမီကာလတွင် အစဉ်အဆက်လုပ်ကိုင်ခဲ့ပြီးလျှင် မြေကိုသိမ်းဆည်းမှုကြောင့် ယင်းတို့၏ စားဝတ်နေရေးထိခိုက်မှု ဖြစ်ပွားရသည့်မိသားစု၊ သိမ်းဆည်းမြေကို အကြောင်းပြု၍ စားဝတ်နေရေး ထိခိုက်နစ်နာရသူများဟု အဆိုပါဥပဒေကြမ်းတွင် ဖော်ပြထားသည်။

သို့ပါ၍ ကာလရှည်ကြာပေါ်ပေါက်ခဲ့သော ပြဿနာများအနက် ရှုပ်ထွေးမှုများရှိနေသည့် မြေယာကိစ္စရပ်အပေါ် ကိုင်တွယ်ဖြေရှင်းရာတွင် မည်သူမျှနစ်နာမှုမရှိစေရန် ဥပဒေ၊ နည်းဥပဒေများ၏ မှန်ကန်မျှတမှု၊ ပကတိအခြေအနေမှန်နှင့် ပြဿနာ၏ အရင်းအမြစ်များကို မှန်မှန်ကန်ကန်ဖော်ထုတ်၍ အဖြေရှာ ဖြေရှင်းနိုင်မှုများမှာ အဓိကအရေးပါသည့် အချက်များဖြစ်ပါကြောင်း The Daily Eleven သတင်းစာက ရေးသားအပ်ပါသည်။

နိုဝင်ဘာ (၁) ထုတ် The Daily Eleven သတင်းစာ အယ်ဒီတာ့အာဘော်

၂၀၁၈ ပညာသင်နှစ်အတွက် အွန်လိုင်းဖြင့်ပို့ချသည့် ဥပဒေပညာဘွဲ့ (Online LL.B) ပထမနှစ်သင်တန်းကို အွန်လိုင်းမှ စတင်လျှောက်ထားနိုင်

ဥပဒေပညာဘွဲ့ (Online LL.B) သင်တန်းများကို အွန်လိုင်းမှတစ်ဆင့် ပို့ချပေးလျက်ရှိသည့် ရန်ကုန်အဝေးသင်တက္ကသိုလ်အား တွေ့ရစဉ်

၂၀၁၈ ပညာသင်နှစ်အတွက် အွန်လိုင်းဖြင့်ပို့ချသည့် ဥပဒေပညာဘွဲ့ (Online LL.B) ပထမနှစ်သင်တန်းကို အွန်လိုင်းမှတစ်ဆင့် စတင်လျှောက်ထားနိုင်ပြီဖြစ်ပြီး www.ynou.edu.mm website မှတစ်ဆင့် Online Registration ပြုလုပ်၍ လျှောက်ထားနိုင်ပြီဖြစ်ကြောင်း သိရသည်။

အဆိုပါသင်တန်းကို ဥပဒေပညာရပ် လေ့လာသင်ယူလိုသူများအတွက် ရည်ရွယ်ပြီး ရန်ကုန်အဝေးသင်တက္ကသိုလ် လူ့စွမ်းအားအရင်းအမြစ်ဖွံ့ဖြိုးမှုဌာန အစီအစဉ်ဖြင့် ရန်ကုန်အဝေးသင်တက္ကသိုလ်၊ ဥပဒေပညာဌာနမှ ဦးစီးဖွင့်လှစ်ခြင်းဖြစ်ကာ ဥပဒေပညာဘွဲ့ (LL.B) သင်တန်းကို Web-Based Teching System (WBTS) အသုံးပြုသင်ကြားခြင်းဖြစ်ကြောင်း သိရသည်။

“သင်တန်းက ဘွဲ့ကြိုသင်တန်းအမျိုးအစားဖြစ်တဲ့အတွက် ၀င်ခွင့်လျှောက်ထားတဲ့သူတွေက ပညာရေးဆိုင်ရာ အထောက်အထားတွေကို အခိုင်အမာပြပေးဖို့ လိုအပ်ပါတယ်။ သင်တန်းကာလကလည်း ငါးနှစ်ကြာမြင့်မှာဖြစ်ပါတယ်။ အွန်လိုင်းက သင်ကြားတယ်ဆိုပေမယ့်လည်း ဥပဒေပညာကို အမှန်တကယ် တတ်ကျွမ်းနားလည်အောင် သင်ကြားပေးတာမျိုးဖြစ်တဲ့အတွက် အောင်ချက်ရာခိုင်နှုန်းက နည်းနေပါသေးတယ်။ ဒါကလည်း အရည်အသွေးကို ထိန်းထားတဲ့သဘောပါ” ဟု ပညာရေးဝန်ကြီးဌာန၊ အဆင့်မြင့်ပညာဦးစီးဌာနမှ တာဝန်ရှိသူတစ်ဦးက ပြောကြားသည်။

သင်တန်းသို့ တက္ကသိုလ်ဝင်တန်း အောင်မြင်သည့် အမှတ်စုစုပေါင်း ၃၅၀ နှင့်အထက်ရရှိ၍ အင်္ဂလိပ်စာ ၅၀ မှတ်နှင့်အထက်ရရှိသူ သို့မဟုတ် ဥပဒေပညာဘွဲ့မှအပ အခြားဘွဲ့တစ်ခုခုရရှိပြီးသူများ လျှောက်ထားနိုင်ပြီဖြစ်ပြီး လျှောက်လွှာများကို ၂၀၁၇ ခုနှစ် နိုဝင်ဘာ ၂၀ ရက်တွင် နောက်ဆုံးထား လျှောက်ထားရမည်ဖြစ်သည်။ သင်တန်းသားဦးရေ ကန့်သတ်ထားပြီး သင်တန်းဝင်ခွင့် လျှောက်ထားသူများအနေဖြင့် တက္ကသိုလ်ဝင်စာမေးပွဲ အောင်လက်မှတ်မူရင်း၊ အမှတ်စာရင်းမူရင်းတို့ ပူးတွဲ၍လည်းကောင်း၊ ဘွဲ့တစ်ခုခုရရှိပြီး သူများအတွက် ဘွဲ့လက်မှတ်မူရင်းနှင့်အတူ ပူးတွဲ၍လည်းကောင်း၊ ရန်ကုန်အဝေးသင်တက္ကသိုလ်၊ သင်တန်းရေးရာဌာနတွင် သင်တန်းဝင်ခွင့်မှတ်ပုံတင်ခြင်းပြုလုပ်ရမည်ဖြစ်ပြီး ၀င်ခွင့်မှတ်ပုံတင်ပြီးချိန်တွင် သင်တန်းသားတစ်ဦးစီအတွက် Student ID နှင့် Password တို့ ထုတ်ပေးမည်ဖြစ်ကြောင်း သိရသည်။

ယင်းသင်တန်းကို ၂၀၁၇ ခုနှစ်၊ ဒီဇင်ဘာ ၁ ရက် စတင်ဖွင့်လှစ်မည်ဖြစ်ပြီး အမြန်ဆုံးစာရင်းပေးသွင်း လျှောက်ထားနိုင်ကြောင်း သိရသည်။ အွန်လိုင်းဖြင့်ပို့ချသည့် ဥပဒေပညာဘွဲ့သင်တန်းကို ၂၀၁၄ ပညာသင်နှစ်မှ စတင်ခဲ့ခြင်းဖြစ်ပြီး ပညာသင်နှစ် တစ်နှစ်လျှင် သင်တန်းသားဦးရေ ၂၀၀ လက်ခံသင်ကြားပေးခြင်းဖြစ်သည်။ အရည်အသွေးပိုင်း ထိန်းသိမ်းထားသည့်အတွက် အဆိုပါအွန်လိုင်း ဥပဒေပညာဘွဲ့သင်တန်းသည် တစ်နှစ်လျှင်အောင်ချက်ရာခိုင်နှုန်း ၅၀ ၀န်းကျင်သာရှိနေကြောင်း သိရသည်။

မင်္ဂလာဒုံမြို့နယ် စက်မှုဇုန်တိုးချဲ့ (၁) လမ်းရှိ နေအိမ် ၅၀ ခန့်အား ဇေကမ္ဘာကုမ္ပဏီက နိုဝင်ဘာ ဒုတိယပတ်အတွင်း ထပ်မံဖယ်ရှားမည်

နိုဝင်ဘာလအတွင်း ဇေကမ္ဘာကုမ္ပဏီက ဖျက်သိမ်းမည့် နေအိမ်များကို တွေ့ရစဉ်

မင်္ဂလာဒုံမြို့နယ် စက်မှုဇုန်တိုးချဲ့ (၁) လမ်းရှိ နေအိမ် ၅၀ ခန့်အား ဇေကမ္ဘာကုမ္ပဏီက  နိုဝင်ဘာ ဒုတိယပတ်အတွင်း ထပ်မံဖယ် ရှားမည်ဖြစ်ကြောင်း ဇေကမ္ဘာကုမ္ပဏီမှ တာဝန်ရှိသူတစ်ဦး၏ ပြောကြားချက်အရ သိရသည်။

“၃၁ ရက်မှာ မြောက်ပိုင်းခရိုင်တရားရုံးကို ဘီလစ်အရာရှိက အပ်ဝရမ်း ပြန်အပ်ရမယ်။ ၀ရမ်းပြန်အပ်တဲ့အခါမှာ ဘိလစ်အရာရှိက အကုန်လုံးကို မဖယ်နိုင်ဘူး။ ဒုတိယအကြိမ် ၀ရမ်းပြန်ကပ်မယ်။ နိုဝင်ဘာ ၁၃၊ ၁၄ လောက်တော့ ခန့်မှန်းတယ်။ ဒီကြားထဲမှာ ဘာမှမလုပ်ပါဘူး။ လာမယ့် နိုဝင်ဘာ ၁၃၊ ၁၄ ရက်မှာ ဦးကံထွန်းရဲ့ မြေဧကတွေပေါ်မှာ အိမ်မြေ ၅၀ ရှိပါတယ်။ အဲဒီအိမ်တွေကို ဖယ်ရှားသွားမှာပါ” ဟု ဇေကမ္ဘာကုမ္ပဏီမှ တာဝန်ရှိသူ တစ်ဦးဖြစ်သည့် ဦးမြင့်ဇော်က ပြောကြားသည်။

ရန်ကုန်တိုင်းဒေသကြီး မင်္ဂလာဒုံမြို့နယ် အောင်မင်္ဂလာ (၁) လမ်းနှင့် စက်မှုဇုံတိုးချဲ့  (၁) လမ်းကြားရှိ မြေဧက ၁၁ ဧကကျော်နှင့် ပတ်သက်ပြီး ဇေကမ္ဘာကုမ္ပဏီနှင့် လယ်သမား များအကြား ၂၀၁၂ ခုနှစ်ကတည်းက အမှုရင်ဆိုင် ခဲ့ခြင်းဖြစ်ပြီး ခြောက်နှစ်ကျော် အမှုရင် ဆိုင်ပြီးနောက် လယ်သမားများဘက်က ရှုံးနိမ့်ခဲ့ကြောင်း သိရသည်။

ယင်းသို့ အမှုရင်ဆိုင်ရာတွင် လယ်သမားများဘက်က အမှုရှုံးနိမ့်ခဲ့သည့်အတွက် အောက်တိုဘာ ၃၀ ရက်တွင် စက်မှုဇုံတိုးချဲ့ (၁) လမ်းရှိ လယ်သမားဟုဆိုသူ ဦးလှဌေး၏ နေအိမ်နှစ်လုံးအား ဇေကမ္ဘာကုမ္ပဏီမှ အနီရောင်အ၀တ်များ ၀တ်ဆင်ထားသည့် အလုပ်သမား ၁၅၀ ခန့် လာရောက်ဖယ်ရှားခဲ့ပြီး သွပ်ပြားများဖြင့် ခြံစည်းရိုး ကာရံခဲ့ကြောင်း သိရသည်။

ထို့ပြင် ဇေကမ္ဘာကုမ္ပဏီဘက်က နိုဝင်ဘာလ ဒုတိယပတ်တွင် လယ်သမားဟုဆိုသူ ဦးကံထွန်း အငှားချထားသည့် နေအိမ် ၅၀ ခန့်အား လာရောက် ဖယ်ရှားမည်ဖြစ်ကြောင်း သိရသည်။

နိုဝင်ဘာ ဒုတိယပတ်အတွင်း နေအိမ်များ ဖယ်ရှားမည်ဆိုခြင်းနှင့် ပတ်သက်၍ ဦးကံထွန်း၏ မြေကွက်ပေါ်တွင် ငှားရမ်းနေထိုင်သူများက နေစရာမရှိသည့် အခက်အခဲများ ဖြစ်ပေါ်လာမည်ကို စိုးရိမ်နေကြကြောင်း သိရသည်။

“အစ်မအိမ်မှာ ကျောင်းတက်နေတဲ့ ကလေးက လေးတန်းတစ်ယောက်နဲ့ တစ်တန်းတစ်ယောက်ရှိတယ်။ နောက်တစ်ခေါက် သူတို့လာဖျက်ရင် ကလေးတွေကို အခြားကျောင်း အပ်ဖို့အတွက်က စာသင်နှစ်ပြီးတော့ မှာဆိုတော့ ဘယ်ကျောင်းကမှ လက်ခံတော့မှာ မဟုတ်ဘူး။ စားဖို့တောင် အနိုင်နိုင်ဖြစ်နေတော့ ရွှေ့ဖို့ပြောင်းဖို့က မလွယ်ဘူး။ ကလေးတွေ ကျောင်းလေးပြီးမှပဲ လာဖျက်ပါလို့ မေတ္တာရပ်ခံချင်ပါတယ်” ဟု ဦးကံထွန်း မြေကွက်ပေါ်တွင် မြေကွက်ငှားရမ်းနေထိုင်သည့် မတင်တင်အေးက ပြောကြားသည်။

ဇေကမ္ဘာကုမ္ပဏီက ဖယ်ရှားမည့် မြေနေရာများပေါ်တွင် နေအိမ် ၅၀ ခန့်ရှိပြီး စာသင်ကြားနေသည့် ကလေး ၅၀ ကျော်နှင့် သက်ကြီးရွယ်အိုများလည်း ရှိကြောင်း သိရသည်။

“လာဖျက်ရင် အခြားဘယ်မှာ သွားနေရမလဲမသိဘူး။ မစီစဉ်ရသေးဘူး။ ဦးကံထွန်းဆီမှာ ငှားနေတဲ့ အိမ်တွေထဲမှာ သက်ကြီးရွယ်အိုက ၁၅ ယောက်လောက်ရှိတယ်။ ကလေးတွေလည်းရှိတယ်။ လာဖျက်ရင် ကလေးတွေ ပညာရေးလည်း ဒုက္ခရောက်ပြီပေါ့” ဟု ဒေါ်သန်းရီက ပြောကြားသည်။

“သူတို့ဖျက်ရင်တော့ မတတ်နိုင်ဘူး။ ကိုယ့်ဘက်က တတ်နိုင်သလောက် ရှင်းရမှာပဲ။ တရားရေးနဲ့ စီစဉ်တော့ တရားရေးနဲ့ပဲ လိုက်ရမှာပါ။ ဒီမြေကွက်ပေါ် နေထိုင်တဲ့သူတွေ အတွက်တော့ ဘာမှမစဉ်းစား နိုင်သေးဘူး။ သူတို့က အဓမ္မဆိုတော့ ကိုယ့်ကလည်း ဒါတွေ တားမြစ်တာပဲလေ။ မနေ့ကလည်း တားမြစ်ထားတဲ့ ကြားထဲကပဲ စာမထုတ်ဘာမထုတ်နဲ့ အဓမ္မ၀င်ဖျက်တာ။ မြေတိုင်းတာ လွဲသွားလို့သာ ပြန်သွားတာ” ဟု ဦးကံထွန်းက ဆိုသည်။

အဆိုပါ မြေနေရာများအား ဇေကမ္ဘာကုမ္ပဏီမှ အောက်တိုဘာ ၃၀ ရက် နံနက်မှ စတင်ကာ ဖျက်သိမ်းခြင်းများကို လုပ်ဆောင်ခဲ့ပြီး ယင်းနေ့တွင် နေအိမ်နှစ်လုံးအား ဖျက်သိမ်းခဲ့ကြောင်း၊ ကျန်ရှိသည့် နေအိမ်များအား မြေတိုင်းတာရန် ရှိသဖြင့် ဖျက်သိမ်းခြင်း မပြုသေးခြင်းဖြစ်ကြောင်း သိရသည်။

 

အိန္ဒိယ-မြန်မာ နယ်စပ်တွင် အိန္ဒိယနိုင်ငံဘက်မှ အမှိုက်စွန့်ပစ်ခြင်းနှင့် မြေစာများစုပုံခြင်း၊ ၀က်ခြံပြုလုပ်ထားခြင်းတို့ကို မြန်မာနိုင်ငံဘက်မှ အကြိမ်ကြိမ်ကန့်ကွက်ခဲ့ပြီး နှစ်နိုင်ငံဒေသဆိုင်ရာ အာဏာပိုင်များ အမြန်ဆုံးညှိနှိုင်းဆောင်ရွက်ရန် သဘောတူထားဟုဆို

မြန်မာ-အိန္ဒိယနယ်စပ်တွင် အိန္ဒိယဘက်မှ အမှိုက်များပစ်ထားသည်ကို တွေ့ရစဉ်

အိန္ဒိယ-မြန်မာနယ်စပ်တွင် အိန္ဒိယ နိုင်ငံဖက်မှ အမှိုက်များစွန့်ပြစ်ခြင်းနှင့် မြေစာများစုပုံခြင်း ၊ ၀က်ခြံပြုလုပ်ထားခြင်းတို့ ပြုလုပ်နေခြင်းကို မြန်မာနိုင်ငံဘက်မှ အကြိမ်ကြိမ် ကန့်ကွက်ခဲ့ပြီး နှစ်နိုင်ငံဒေသဆိုင်ရာ အာဏာပိုင်းများမှ အမြန်ဆုံးညှိနှိုင်း ဆောင်ရွက်ရန် သဘောတူထားသည်ဟု သိရသည်။

“အဓိကမေးတာက BP 78 ဆိုတာက မဟူရာချောင်းရဲ့ အထက်ဘက်မြို့ ရေပေးဝေရေးနားမှာ မြေစာပုံပုံတယ်။ အမှိုက်ပစ်တယ်။ အဲဒီချောင်းရေကိုတစ်မြို့လုံးအတွက် သုံးနေတာဆိုတော့ တစ်မြို့လုံးကျန်းမာရေး ထိခိုက်လာမှာ ဖြစ်တဲ့အတွက်ပါ။ နောက်တစ်ခုက အဲဒီနားလေးမှာ BP 77 နယ်ခြားမှတ်တိုင်ရှိတယ်။ အဲဒီမှာမြေစာပုံတွေ ပုံတယ်။ အမှိုက်တွေ ပို့လာမယ်ဆိုရင် နယ်နိမိတ်တွေက ရေရှည်မှာ ပြောင်းလဲသွားနိုင်တဲ့အတွက် ကြိုပြီးမှ ကန့်ကွက်တာပါ။ ဒါနဲ့ ပတ်သက်ပြီးမှ ဒေသဆိုင်ရာ အုပ်ချုပ်ရေးကကန့်ကွက်တာ ရှိပေမယ့် မထိရောက်ဖူး ဖြစ်နေတယ်။ ဒါ့ကြောင့် လွှတ်တော်ကနေတင်လိုက်တော့ နိုင်ငံခြားရေးဝန်ကြီးဌာနက တောက်လျှောက် ဒီအပေါ်မှာဆွေးနွေးတယ် ။ အကိုကြားတာကတော့ တရားဝင်တော့ မဟုတ်သေးဘူး။ ဒီမြေစာပုံကို အိန္ဒိယဘက်က ပြန်သယ်ပေးသွားမယ်ဆိုတာလို့တော့ ကြားထားတယ်။ ဒီမြေစာပုံတွေကို ဒေသအာဏာပိုင် အချင်းချင်း ညှိပြီးဆောင်ရွက်မယ်လို့ ပြောပါတယ်။ အခုဟာကနယ်နိမိတ် ပြဿနာပါ ရှင်းရမယ့် အနေအထား။ ရှင်းပြီး ခြံစည်းရိုးတွေ ခတ်နိုင်မှ တစ်ဖက်နိုင်ငံက အမှိုက်ပြစ်တဲ့ ပြဿနာနဲ့ အဆောက်အအုံတွေ တိုးချဲ့ခြင်း ပြဿနာတွေ ပြေလည်သွားမှာပါ။ အဲဒီအဆင့်ရောက်အောင်က ပြည်ထောင်စုအဆင့်ခြင်း နှစ်နိုင်ငံ ချိတ်ဆက်လုပ်နေကြပါတယ်။ အကိုတို့ကတော့ နယ်နိမိတ်ပြဿနာက နှစ်ပေါင်းများစွာကြာပြီ မပြီးပြတ်ခဲ့ဘူး။ ဒါက ပြဿနာကြီးတစ်ခု မဖြေရှင်းနိုင်သေးတာပေါ့ ။ အခုအကိုတို့ အစိုးရလက်ထက်မှာ ချစ်ကြည်ရေး ရွှေလမ်းငွေလမ်း ဖောက်နေတဲ့ အချိန်ဆိုတော့ ပြီးပြတ်သွားအောင်လုပ်ချင်ပါတယ်” ဟု တမူးမြို့ ပြည်သူ့လွှတ်တော်ကိုယ်စားလှယ် ဦးနိုင်နိုင်ဝင်းက ပြောကြားသည်။

အဆိုပါကိစ္စနှင့် ပတ်သက်၍ ၂၀၁၇ ခုနှစ် စက်တင်ဘာ ၂၀ ရက်မှ ၂၄ ရက်အထိ အိန္ဒိယနိုင်ငံ ဒီရာဒွန်းမြို့တွင် ပြုလုပ်ခဲ့သည့် မြန်မာ-အိန္ဒိယ နှစ်နိုင်ငံ နယ်နိမိတ်လုပ်ငန်းအဖွဲ့ ဒုတိယအကြိမ်အစည်းအဝေးတွင် နယ်နိမိတ် မှတ်တိုင်အမှတ် ၇၇ အနီး မြေစာများ စုပုံထားခြင်းကို ထည့်သွင်းဆွေးနွေးခဲ့ရာ နှစ်ဖက် ဒေသအာဏာပိုင်များအကြား ညှိနှိုင်းဆောင်ရွက်ရန် သဘောတူညီခဲ့ပြီး အမြန်ဆုံး ဆောင်ရွက်နိုင်ရေး ဒေသအာဏာပိုင်ထံသို့ ဆက်လက်ညွှန်ကြားထားပြီး ဖြစ်ပါသည်ဟု လွှတ်တော်ကိုယ်စားလှယ်၏ မေးမြန်းမှုကိုဖြေကြားသည်။

 

 

၂၀၁၇-၂၀၁၈ ဘဏ္ဍာနှစ်အတွက် ကျပ် ၂၅၄၄ ဒသမ ၇၃၇ ဘီလျံ ဖြည့်စွက်တောင်းခံထားသည့်အနက် ကျပ် ၆၆၄၀၂ ဒသမ ၄၈၃ သန်းလျှော့ချခွင့်ပြုရန် ပြည်သူ့ငွေစာရင်း ပူးပေါင်းကော်မတီ လွှတ်တော်သို့ တင်ပြ

အောက်တိုဘာ ၃၁ ရက် ပြည်ထောင်စုလွှတ်တော် အစည်းအဝေးသို့ တက်ရောက်လာသော ကိုယ်စားလှယ်များကို တွေ့ရစဉ်

၂၀၁၇-၂၀၁၈ ဘဏ္ဍာနှစ်အတွက် ကျပ် ၂၅၄၄ ဒသမ ၇၃၇ ဘီလျံ ဖြည့်စွက်တောင်းခံထားသည့်အနက် ကျပ် ၆၆၄၀၂ ဒသမ ၄၈၃ သန်းလျှော့ချခွင့်ပြုရန် ပြည်သူ့ငွေစာရင်း ပူးပေါင်းကော်မတီက ပြည်ထောင်စုလွှတ်တော်သို့ တင်ပြခဲ့သည်။

အောက်တိုဘာ ၃၁ ရက်ကပြုလုပ်သည့် ပြည်ထောင်စုလွှတ်တော် အစည်းအဝေးတွင် ၂၀၁၇-၂၀၁၈ ဘဏ္ဍာနှစ် ပြည်ထောင်စု၏ နောက်ထပ်ဘဏ္ဍာငွေ ခွဲဝေသုံးစွဲရေးဥပဒေကြမ်းပါ ပြည်ထောင်စုအဆင့်ဌာန၊ အဖွဲ့အစည်းများ၏ ဖြည့်စွက်တောင်းခံငွေများအပေါ် စိစစ်ရေးပူးပေါင်းအဖွဲ့ ၁၇ ဖွဲ့နှင့် ပြည်သူ့ငွေစာရင်း ပူးပေါင်းကော်မတီတို့က စိစစ်လျှော့ချထားသည့်အတိုင်း အတည်ပြုပေးရန် ပြည်ထောင်စုလွှတ်တော်သို့ တင်ပြခဲ့ခြင်းဖြစ်သည်။

၂၀၁၇-၂၀၁၈ ဘဏ္ဍာနှစ် ပြည်ထောင်စု၏ နောက်ထပ်ဘဏ္ဍာငွေ ခွဲဝေသုံးစွဲရေးဥပဒေကြမ်းပါ ပြည်ထောင်စုအဆင့်ဌာန၊ အဖွဲ့အစည်းများ၏ ဖြည့်စွက်တောင်းခံငွေများအပေါ် စိစစ်ရေးပူးပေါင်းအဖွဲ့ ၁၇ ဖွဲ့နှင့် ပြည်သူ့ငွေစာရင်း ပူးပေါင်းကော်မတီတို့က စိစစ်လျှော့ချထားသည့်အတိုင်း အတည်ပြုပေးရန်၊၂၀၁၇ ခုနှစ် ပြည်ထောင်စု၏ ဘဏ္ဍာငွေအရအသုံးဆိုင်ရာ ဥပဒေပုဒ်မများအရ ပြည်ထောင်စုအဆင့်ဌာန၊ အဖွဲ့အစည်းများ၏ နောက်ထပ်အသုံးစရိတ်လိုငွေကျပ် ၂၄၇၈၃၃၄ သန်းအားခွင့်ပြုပေးရန်၊ ၂၀၁၇ ခုနှစ် ပြည်ထောင်စု၏ ဘဏ္ဍာငွေအရအသုံးဆိုင်ရာ ဥပဒေပုဒ်မ ၁၁၊ ပုဒ်မ ၁၄ (က) တို့အရ အထက်ပါ ဖြည့်စွက်ခွင့်ပြုငွေ တောင်းခံမှုတွင်ပါဝင်သော ပြည်ပအကူအညီရငွေ၊ ချေးငွေတို့ဖြင့် ဆက်နွှယ်ထားသည့် လုပ်ငန်းအသုံးစရိတ် ကျပ် ၂၄၉၉၄၃ သန်းအား ခွင့်ပြုပေးရန်၊ ဖွဲ့စည်းပုံအခြေခံဥပဒေပုဒ်မ ၂၃၀ ပုဒ်မ ခွဲ (ဂ) ပုဒ်မခွဲငယ် (၁) အရ တိုင်းဒေသကြီး/ ပြည်နယ်အဆင့်ဌာန၊ အဖွဲ့အစည်းများ၏လိုငွေကို မူလကျပ်သန်း ၁၇၀၇၅၈၀ မှ ကျပ် ၁၇၂၂၉၂၄ သန်းသို့ ပြုပြင်လျာထားပြီးဖြစ်သည့်အတွက် ထပ်မံလိုအပ်သည့် ကျပ် ၁၅၃၄၄ သန်းကို ပြည်ထောင်စု ဘဏ္ဍာရန်ပုံငွေမှ ထောက်ပံ့ပေးနိုင်ရေးအား ခွင့်ပြုပေးရန် ပြည်သူ့ငွေစာရင်း ပူးပေါင်းကော်မတီက ပြည်ထောင်စုလွှတ်တော်သို့ တင်ပြခဲ့သည်။

၂၀၁၇-၂၀၁၈ ဘဏ္ဍာနှစ် ဖြည့်စွက်ခွင့်ပြုငွေတွင် ကုန်သွယ်လုပ်ငန်းခွန်အတွက် ကျပ် ၁၃၁ ဒသမ ၀၀၁ ဘီလျံတောင်းခံမှုကို စိစစ်ရာတွင် ၂၀၁၄-၂၀၁၅၊ ၂၀၁၅-၂၀၁၆၊ ၂၀၁၆-၂၀၁၇ ဘဏ္ဍာနှစ်အတွက် ပေးရန်ရှိ အခွန်ကြွေးကျန်များပါရှိသည့်အပြင် ၂၀၁၇-၂၀၁၈ ဘဏ္ဍာနှစ် လုပ်ငန်းများအတွက်ပါ တောင်းခံထားသည်ကို တွေ့ရှိရကြောင်း၊ စီမံကိန်းနှင့် ဘဏ္ဍာရေးဝန်ကြီးဌာနအနေဖြင့် ကုန်သွယ်လုပ်ငန်းခွန်ကြွေးကျန်များကို ၂၀၁၆- ၂၀၁၇ ဘဏ္ဍာနှစ်တွင် အပြီးအပြတ် တောင်းခံပေးသွင်းသွားရန်၊ တည်ဆောက်ရေးနှင့် ပစ္စည်းဝယ်ယူရေးလုပ်ငန်းအတွက် လုပ်ငန်းတန်ဖိုးများ ခန့်မှန်းတွက်ချက်ရာတွင် ကုန်သွယ်လုပ်ငန်းခွန်ကိုပါ တစ်ပါတည်း ထည့်သွင်းတောင်းခံသွားရန် ညွှန်ကြားချက် ထုတ်ပြန်ပြီးဖြစ်သည်ဟု သိရှိရကြောင်း၊ ပြည်ထောင်စုအစိုးရအဖွဲ့အနေဖြင့် မူလခန့်မှန်းခြေစာရင်း ရေးဆွဲချိန်ကပင် ကုန်သွယ်လုပ်ငန်းခွန်ကို ထည့်သွင်းတွက်ချက်ရေးဆွဲစေရေး ကြပ်မတ်ဆောင်ရွက်သွားရန်နှင့် ဖြည့်စွက်ခွင့်ပြုငွေတွင် ထည့်သွင်းတောင်းခံခြင်းကို ခွင့်မပြုသင့်ဟု သဘောထားမှတ်ချက်ပြုကြောင်း ပြည်သူ့ငွေစာရင်း ပူးပေါင်းကော်မတီက အစီရင်ခံစာတင်သွင်းခဲ့သည်။

ဝန်ထမ်းသစ်များခန့်ထားရန် လစာနှင့် စရိတ်ဖြည့်စွက်ခွင့်ပြုတောင်းခံခြင်းနှင့် စပ်လျဉ်းပြီး ပြည်သူ့ငွေစာရင်း ပူးပေါင်းကော်မတီအနေဖြင့် အောက်ပါအချက်များနှင့် ညီညွတ်သည့် တောင်းခံငွေများကိုသာခွင့်ပြုရန် ထောက်ခံတင်ပြသွားမည်ဖြစ်ကြောင်း၊ နှစ်စဉ် စီမံကိန်းနှင့် မူလခန့်မှန်းခြေစာရင်းတွင် မပါဝင်ဘဲ ဖြည့်စွက်ခွင့်ပြုငွေ တောင်းခံရရှိပြီးမှသာ ခန့်ထားခွင့်ရရှိရေး လုပ်ထုံးလုပ်နည်းနှင့်အညီ ဆောင်ရွက်ရမည့်ကိစ္စရပ်များအတွက် ထောက်ခံခွင့်ပြုသွားမည်မဟုတ်ကြောင်း၊ နှစ်စဉ် စီမံကိန်းနှင့် မူလခန့်မှန်းခြေစာရင်းတွင် လျာထားခွင့်ပြုချက်ရရှိပြီးသော ၀န်ထမ်းသစ်များ၊ နှစ်စဉ်စီမံကိန်းနှင့် မူလခန့်မှန်းခြေစာရင်းတွင် မပါဝင်သော်လည်း လုပ်ငန်းလိုအပ်ချက်အရ ပြည်ထောင်စုအစိုးရအဖွဲ့၏ ခန့်ထားရန် သဘောတူခွင့်ပြုချက်ရရှိပြီးသော ၀န်ထမ်းသစ်များဟု သဘောထားမှတ်ချက်ပြုထားသည်။

၂၀၁၇-၂၀၁၈ ဘဏ္ဍာနှစ်အတွက် မူလခန့်မှန်းခြေတောင်းခံမှုတွင် ကျပ် ၂၀၅၉၄ ဒသမ ၁၆၅ ဘီလျံတောင်းခံထားခဲ့ပြီး ဖြည့်စွက်ခွင့်ပြုငွေ တောင်းခံမှုတွင် ကျပ် ၂၅၄၄ ဒသမ ၇၃၇ ဘီလျံ တောင်းခံထားကြောင်း သိရသည်။

၂၀၁၇-၂၀၁၈ ဘဏ္ဍာနှစ်တွင် ဘဏ္ဍာရေးကော်မရှင်မှ ထောက်ခံတင်ပြလာသော ပြည်ထောင်စုအဆင့်ဌာန၊ အဖွဲ့အစည်းများ၏ ဖြည့်စွက်ခွင့်ပြုငွေ ကျပ် ၂၅၄၄ ဒသမ ၇၃၇ ဘီလျံသည် ၂၀၁၇-၂၀၁၈ ဘဏ္ဍာနှစ် မူလခန့်မှန်းခြေ အသုံးစရိတ် ကျပ် ၂၀၅၉၄ ဒသမ ၁၆၅ ဘီလျံ၏ ၁၂ ဒသမ ၄ ရာခိုင်နှုန်းရှိကြောင်း၊ ၂၀၁၁-၂၀၁၂ ဘဏ္ဍာနှစ်မှ ၂၀၁၆-၂၀၁၇ ဘဏ္ဍာနှစ်များနှင့် နှိုင်းယှဉ်ပါက ဖြည့်စွက်ခွင့်ပြုငွေပမာဏသည် တစ်နှစ်ထက်တစ်နှစ် တိုးမြင့်လျက်ရှိသည်ကို လေ့လာတွေ့ရှိရကြောင်း ပြည်သူ့ငွေစာရင်းပူးပေါင်းကော်မတီက အစီရင်ခံစာတင်သွင်းခဲ့သည်။

ထို့ပြင် ဖြည့်စွက်ခွင့်ပြုငွေများသည် ဘဏ္ဍာနှစ်မကုန်ဆုံးမီ သုံးလမှလေးလအတွင်းတွင်သာ သုံးစွဲရသော အသုံးစရိတ်များဖြစ်ပြီး ၎င်းကာလသည် ပြည်ထောင်စုအဆင့်ဌာန၊ အဖွဲ့အစည်းများ၏သုံးငွေ အများဆုံးကာလလည်းဖြစ်ကြောင်း၊ ထို့အတွက် ဖြည့်စွက်ခွင့်ပြုငွေကို အတတ်နိုင်ဆုံး စိစစ်ခွင့်ပြုခြင်းအားဖြင့် ပြည်တွင်းမှ ဖြည့်ဆည်းပေး (ချေးယူ) ရသည့် ပမာဏကို လျော့ကျစေနိုင်ပြီး ပြည်တွင်းငွေကြေးဖောင်းပွမှုနှုန်းအပေါ် သက်ရောက်မှုကို လျော့နည်းသက်သာစေမည်ဖြစ်ကြောင်း ပြည်သူ့ငွေစာရင်းပူးပေါင်းကော်မတီက အစီရင်ခံစာတင်သွင်းခဲ့သည်။

 

လက်ရှိဘဏ္ဍာနှစ် ပြောင်းလဲပြင်ဆင် သတ်မှတ်သည့်ကိစ္စ ပြည်ထောင်စုလွှတ်တော်တွင် မှတ်တမ်းတင်ခဲ့ပြီး ထိုသို့မှတ်တမ်းတင်ခြင်းကို တပ်မတော်သားကိုယ်စားလှယ် ကန့်ကွက်

မြန်မာနိုင်ငံ၏ လက်ရှိဘဏ္ဍာနှစ်ဖြစ်သည့် ဧပြီ ၁ ရက်မှ မတ် ၃၁ ရက်အထိအစား အောက်တိုဘာ ၁ ရက်မှ စက်တင်ဘာ ၃၀ ရက်အထိ ပြောင်းလဲပြင်ဆင်သတ်မှတ်မှုကို အောက်တိုဘာ ၃၁ ရက်က ပြည်ထောင်စုလွှတ်တော်တွင် မှတ်တမ်းတင်ခဲ့သည်။

ထိုသို့ဘဏ္ဍာနှစ် ပြောင်းလဲပြင်ဆင် သတ်မှတ်သည့်ကိစ္စကို တပ်မတော်သား လွှတ်တော်ကိုယ်စားလှယ် ဒုတိယဗိုလ်မှူးကြီး သောင်းစိန်က ကန့်ကွက်ခဲ့ပြီး ပြည်ထောင်စုလွှတ်တော်နာယက မန်းဝင်းခိုင်သန်းက ထိုသို့ဆောင်ရွက်ခြင်းသည် ဖွဲ့စည်းပုံအခြေခံဥပဒေနှင့် ပြည်ထောင်စုလွှတ်တော် ဥပဒေတို့အရ ဆောင်ရွက်ခဲ့ခြင်းဖြစ်ကြောင်း ပြန်လည်ရှင်းလင်းပြောကြားသည်။

“အခုဟာက နိုင်ငံတော်သမ္မတက မှတ်တမ်းတင်ပေးဖို့ ပြည်ထောင်စုလွှတ်တော် နာယကထံဆီ သ၀ဏ်လွှာပေးပို့တာပါ။ ခုနကရှင်းပြချက်အတိုင်းပဲ ဒီလွှတ်တော်ကိုယ်စားလှယ်တွေရဲ့ ဒီဟာသိတဲ့ဟာကို အကြံပြုနိုင်အောင် ကျွန်တော်တို့ လွှတ်တော်ကနေ ပြီးတော့ ဆွေးနွေးတဲ့အစီအစဉ် ထည့်ပေးလိုက်တာပါ။ အဓိက,ကတော့ နိုင်ငံတော်သမ္မတက သ၀ဏ်လွှာပေးပို့လာရင် ဒီဆွေးနွေးပွဲလုပ်စရာမလိုဘဲ မှတ်တမ်းတင်ပေးရမှာ ဖြစ်ပါတယ်။ ဒါပေမဲ့ခုနကလိုပေါ့။ အများပြည်သူကလည်း ဒါလေးသိရှိနိုင်အောင် ပြည်ထောင်စုလွှတ်တော်က ဆွေးနွေးတဲ့အစီအစဉ်လေး ထည့်ပေးလိုက်တာပါ။ ဟိုပထမ တစ်ခါကတည်းက ဒီသ၀ဏ်လွှာပို့ဖို့ဟာကို မှတ်တမ်းတင်လိုက်ရင် ပြီးတဲ့ကိစ္စပါ။ ဒါပေမဲ့ ခုနကလိုပေါ့။ အများကလည်း ဒီမှာအကြံပြုနိုင်အောင်၊ အကြံပြုတဲ့အတိုင်းလည်း အစိုးရအဖွဲ့က လိုက်လံဆောင်ရွက်နိုင်အောင် လွှတ်တော်က ဆွေးနွေးပွဲလေး ထည့်ပေးလိုက်တာပါ” ဟု ပြည်ထောင်စုလွှတ်တော်နာယက မန်းဝင်းခိုင်သန်းက ပြောကြားသည်။

မြန်မာနိုင်ငံ၏ ဘဏ္ဍာနှစ် ပြောင်းလဲပြင်ဆင်သတ်မှတ်မှုကို ၂၀၁၈-၂၀၁၉ ဘဏ္ဍာနှစ်မှစ၍ ဆောင်ရွက်မည်ဖြစ်ကြောင်း နိုင်ငံတော်သမ္မတက ပြည်ထောင်စုလွှတ်တော်နာယကထံ စက်တင်ဘာ ၂၉ ရက်က သ၀ဏ်လွှာပေးပို့ခဲ့ပြီး အောက်တိုဘာ ၂၃ ရက်က ပြည်ထောင်စုလွှတ်တော်တွင် ဆွေးနွေးခဲ့ရာ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊ ရခိုင်အမျိုးသားပါတီနှင့် တပ်မတော်သား လွှတ်တော်ကိုယ်စားလှယ်များက ဘက်ပေါင်းစုံမှ ပြန်လည်စဉ်းစားသုံးသပ်ရန်လိုကြောင်း ဆွေးနွေးခဲ့ပြီး NLD ပါတီမှ ကိုယ်စားလှယ်များက ထောက်ခံဆွေးနွေးခဲ့ကြသည်။

အဆိုပါကိစ္စနှင့်ပတ်သက်၍ အောက်တိုဘာ ၃၁ ရက်တွင် ပြုလုပ်သည့် ပြည်ထောင်စုလွှတ်တော် အစည်းအဝေးတွင် စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးမောင်မောင်ဝင်းက ပြန်လည်ရှင်းလင်းတင်ပြခဲ့ရာ ပြည်ထောင်စုအစိုးရအဖွဲ့အနေဖြင့် ဘဏ္ဍာနှစ်ပြောင်းလဲသတ်မှတ်လိုသည့် အဓိကအကြောင်းရင်းမှာ ပြည်သူတို့၏ လူမှုစီးပွားဖွံ့ဖြိုးတိုးတက်ရန် ဆောင်ရွက်ရာတွင် လိုအပ်နေသော အခြေခံအဆောက်အအုံများ အရှိန်အဟုန်ဖြင့် တည်ဆောက်ရန် လိုအပ်နေသည့်အချိန်ဖြစ်သဖြင့် ပြည်ထောင်စုနှင့် တိုင်းဒေသကြီး သို့မဟုတ် ပြည်နယ်အစိုးရများ၏ တည်ဆောက်ရေးနှင့် ၀ယ်ယူရေးလုပ်ငန်းများ ဆောင်ရွက်ရာတွင် တစ်ဆက်တည်းဖြစ်သော ပွင့်လင်းရာသီအများဆုံး ရရှိနိုင်စေရန်ဖြစ်ကြောင်း ပြောကြားသည်။

“ဘဏ္ဍာနှစ် ပြောင်းလဲသည့်အခါ စနစ်ဟောင်းမှ စနစ်သစ်ကို ကူးပြောင်းချိန်အတွင်း ပထမပိုင်းမှာ ဖြစ်ပေါ်နိုင်တဲ့ အခြေအနေအရပ်ရပ်ဟာ စီမံခန့်ခွဲမှုနည်းလမ်းအသွယ်သွယ်နဲ့ ဖြေရှင်းဆောင်ရွက်နိုင်မှာဖြစ်ပြီး ကာလရှည်မှာ ကောင်းမွန်တဲ့ အကျိုးရလဒ်များသာ စဉ်ဆက်မပြတ် ရရှိနိုင်မှာဖြစ်ပါတယ်။ ဘဏ္ဍာနှစ်ပြောင်းလဲမှုနှင့် ပတ်သက်၍ ဆောင်ရွက်ရမည့်လုပ်ငန်းစဉ်များကို ပြည်ထောင်စုအစိုးရအဖွဲ့က လွှတ်တော်နဲ့ ညှိနှိုင်းဆောင်ရွက်သွားမှာဖြစ်ပါတယ်” ဟု စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးမောင်မောင်ဝင်းက ပြောကြားသည်။

ထို့ပြင် ပြည်ထောင်စု၏ ဘဏ္ဍာငွေအရအသုံး ရေးဆွဲတင်ပြခြင်းဆိုင်ရာ ဥပဒေတွင် လက်ရှိဘဏ္ဍာနှစ်နှင့် ဆီလျော်ညီညွတ်စေရန် ဘတ်ဂျက်ပြင်ဆင်မှုအတွက် အချိန်ကာလသတ်မှတ်ချက်များကို ထည့်သွင်းပြဋ္ဌာန်းထားပြီး အဆိုပါ အချိန်ကာလ သတ်မှတ်ချက်များကို ပြောင်းလဲသည့်ဘဏ္ဍာနှစ်နှင့် ညီညွတ်စေရန် ပြန်လည်ပြင်ဆင် အစားထိုးပြဋ္ဌာန်းရန်ကိစ္စမှာ များစွာအခက်အခဲမရှိနိုင်ကြောင်း၊ ပြည်ပချေးငွေများနှင့် ပတ်သက်၍လည်း မည်သည့်ဘဏ္ဍာနှစ်ကို သတ်မှတ်သည်ဖြစ်စေ နှစ်ဦးနှစ်ဖက် ညှိနှိုင်းဆောင်ရွက်သွားခြင်းဖြင့် ပြေလည်စေမည်ဖြစ်ကြောင်း၊ ဘဏ္ဍာနှစ်ပြောင်းလဲရန် လုပ်ငန်းစဉ်များနှင့်စပ်လျဉ်း၍ ပြည်ထောင်စုအဆင့်ဌာန၊ အဖွဲ့အစည်းများ၊ တိုင်းဒေသကြီးနှင့် ပြည်နယ်အဆင့်ဌာန၊ အဖွဲ့အစည်းများနှင့် အသေးစိတ် ညှိနှိုင်းဆွေးနွေးပြီးဖြစ်သည့်အတွက် အဆင်ပြေချောမွေ့စွာ လိုက်ပါပြောင်းလဲနိုင်မည်ဖြစ်ကြောင်းလည်း သဘောထားမှတ်ချက်များရရှိပြီးဖြစ်ကြောင်း ဒုတိယ၀န်ကြီး ဦးမောင်မောင်ဝင်းက ပြောကြားသည်။

 

ဧရာဝတီတိုင်းအတွင်း စက်ရုံမှထွက်ရှိမည့် ရေဆိုးများမှတစ်ဆင့် လျှပ်စစ်ဓာတ်အားထုတ်လုပ်နိုင်သည့် ပီလောပီနံစက်ရုံ တည်ဆောက်မည်

 

ဧရာဝတီတိုင်းဒေသကြီးအတွင်း ထိုင်းကုမ္ပဏီတစ်ခုမှ ကန်ထရိုက်လယ်ယာမြေစနစ်ဖြင့် ပီလောပီနံစိုက်ခင်းများ စိုက်ပျိုးပြီး ပီလောပီနံစက်ရုံမှ ထွက်ရှိလာမည့် ရေဆိုးများမှတစ်ဆင့် လျှပ်စစ်ဓာတ်အားကိုပါထုတ်လုပ်နိုင်သည့် ပီလောပီနံစက်ရုံတစ်ခုအား လာမည့်နှစ်အတွင်း တည်ဆောက်နိုင်ရန် မြေနေရာရှာဖွေလျက်ရှိကြောင်း တိုင်းဒေသကြီး စိုက်ပျိုးရေးနှင့်မွေးမြူရေး ၀န်ကြီးဦးဘဟိန်းက ပြောကြားသည်။

အောက်တိုဘာ ၃၁ ရက်တွင် ပြုလုပ်သည့် ဒုတိယအကြိမ် ဧရာဝတီတိုင်းဒေသကြီးလွှတ်တော် အဋ္ဌမပုံအစည်းအဝေးတွင် လေးမျက်နှာမြို့နယ် မဲဆန္ဒနယ် (၁) မှ ဦးစိုးခိုင်က တိုင်းအတွင်း ပီလောပီနံစိုက်ပျိုးနေသည့်  တောင်သူများကို အစိုးရမှ ကူညီဆောင်ရွက်ပေးရန် လွှတ်တော်တွင်း မေးခွန်းမေးမြန်းရာတွင် ၀န်ကြီးမှ ထိုင်းနိုင်ငံကုမ္ပဏီတစ်ခုမှ ဒေသခံ တောင်သူများနှင့် အကျိုးတူ ပူးပေါင်းကာ ကန်ထရိုက်လယ်ယာမြေစနစ်ဖြင့် ပီလောပီနံစိုက်ခင်း ဧက ၅၀၀၀ ကို စိုက်ပျိုးသွားမည်ဖြစ်ကြောင်း၊ စိုက်ပျိုးပြီးထွက်ရှိလာသည့် ပီလောပီနံများကို ဈေးကွက်ဝင်ရောင်းချနိုင်ရေးအတွက် အမှုန့်ကြိတ်စက်များကိုပါ ထည့်သွင်း တည်ဆောက်သွားမည်ဖြစ်ပြီး ယင်းစက်ရုံမှ ထွက်ရှိလာသည့် ရေဆိုးများမှတစ်ဆင့် လျှပ်စစ် ဓာတ်အား ထုတ်လုပ်ခြင်းကိုပါ လုပ်ဆောင် သွားမည်ဖြစ်ကြောင်း၊ ယခုအချိန်တွင် လုပ်ငန်းများ စတင်အကောင်အထည်ဖော်ဆောင်ရွက်ရန် လိုအပ်နေသည့် မြေနေရာများကို အဖွဲ့များ ဖွဲ့ကာ ရှာဖွေလျက်ရှိပြီး လုပ်ငန်းများ စတင် လည်ပတ်ပါက တိုင်းဒေသကြီးအတွင်း မူလ စိုက်ပျိုးနေသည့် ပီလောပီနံစိုက် တောင်သူများ အနေဖြင့်ပါ အကျိူးတူ ကန်ထရိုက်လယ်ယာ မြေစနစ်ဖြင့် ပူးပေါင်း လုပ်ဆောင်နိုင်မည်ဖြစ်ကြောင်း ထည့်သွင်းပြောကြားခဲ့ခြင်း ဖြစ်သည်။

“လာမည့်နှစ်တွင် ထိုင်းနိုင်ငံကုမ္ပဏီနှင့် ပီလောပီနံမျိုးစေ့များ အသုံးပြုပြီးတော့ အကျိုးတူ ကန်ထရိုက်လယ်ယာစနစ်နဲ့ တိုးချဲ့ပြီး စိုက်ပျိုးသွားမှာဖြစ်ပါတယ်။ ပီလောပီနံ တိုးချဲ့စိုက်ပျိုးနိုင်ရေးအတွက် ထိုင်းနိုင်ငံ ကုမ္ပဏီအနေနဲ့ ပီလောပီနံ မျိုးကောင်းမျိုးသန့် ထုတ်လုပ်နိုင်ရန် ဧက ၅၀၀၊ ထွက်ရှိလာတဲ့ မျိုးများကို စိုက်ပျိုး နိုင်ရန် ဧက ၅၀၀၀ ကို ရရှိမည်ဆိုပါက တစ်ဧကကို ပေါက်ဂဏန်းဖြင့် ကန်ထရိုက်လယ်ယာ စနစ်ဖြင့် စိုက်ပျိုးထုတ်လုပ်ရန် ကုန်ချောထုတ် လုပ်ရန် စက်ရုံများ တည်ဆောက်ခြင်း ဆောင်ရွက်မည်ဖြစ်ပြီး မြေနေရာများ ရှာဖွေခြင်း အဖွဲ့များဖွဲ့ပြီး လုပ်ငန်းများဆောင်ရွက်လျက် ရှိပါတယ်၊ စိုက်ပျိုးနည်းစနစ် မျိုးဓာတ်မြေသြဇာပံ့ပိုးရေး ပစ္စည်းများကို စိုက်ပျိုးရေးဦးစီးဌာနနဲ့ ညှိနှိုင်းပြီး အကောင်အထည်ဖော် ဆောင်ရွက်သွားမှာဖြစ်ပါတယ်။ အဆိုပါ စီမံကိန်းဟာ ပီလောပီနံ စက်ရုံများ တည်ဆောက်ရေး ပါဝင်ပြီး စွန့်ပစ်ရေများ ရေဆိုးများ သဘာဝပတ်ဝန်းကျင် မထိခိုက်စေရေးအတွက် လျှပ်စစ်ဓာတ်အား ထုတ်လုပ်မှုနဲ့ လုပ်ငန်းအစီအစဉ်တွေ ထည့်သွင်းဆောင်ရွက်သွားမည်ဖြစ်ပြီး ပီလောပီနံ ဈေးကောင်းရရှိရေးနဲ့ သိုလှောင်မှုလွယ်ကူစေရန် အမှုန့်ကြိတ်စက်များကိုလည်း တည်ထောင်သွားရန် အစီအစဉ်ရှိပါတယ်။ ဒီလိုလုပ်တဲ့အခါမှာ လျှပ်စစ်ဓာတ်အားကို လိုအပ်ချက်ကို ပီလောပီနံစက်ရုံက ထွက်ရှိလာတဲ့ ရေဆိုးတွေကို လျှပ်စစ်ဓာတ်အားအဖြစ်နဲ့ ပြောင်းလဲမယ့်လုပ်ငန်း အစီအစဉ်တွေလည်း ထည့်သွင်းထားတဲ့အတွက် ပတ်ဝန်းကျင် ထိခိုက်နစ်နာမှု များလည်း မရှိနိုင်ကြောင်းလည်းဖြေကြားအပ်ပါတယ်” ဟု ဦးဘဟိန်းက ပြောကြားသည်။

လွှတ်တော်အသီးသီးတွင် တာဝန်ထမ်းဆောင်နေသည့် တပ်မတော်သား လွှတ်တော်ကိုယ်စားလှယ် ၄၁ ဦး အစားထိုးပြောင်းလဲ

ပြည်သူ့လွှတ်တော်၊ အမျိုးသားလွှတ်တော်၊ တိုင်းဒေသကြီး သို့မဟုတ် ပြည်နယ်လွှတ်တော်တွင် လွှတ်တော်ကိုယ်စားလှယ် တာဝန်ထမ်းဆောင်နေသည့် တပ်မတော်သား လွှတ်တော်ကိုယ်စားလှယ် ၄၁ ဦးအား အစားထိုးပြောင်းလဲကြောင်း အောက်တိုဘာ ၃၀ ရက် ရက်စွဲဖြင့် ပြည်ထောင်စု ရွေးကောက်ပွဲကော်မရှင်က ထုတ်ပြန်သည်။

ထိုသို့အစားထိုးပြောင်းလဲရာတွင် ပြည်သူ့လွှတ်တော်တွင် တပ်မတော်သား လွှတ်တော်ကိုယ်စားလှယ် ငါးဦးဖြစ်ပြီး ဒုတိယဗိုလ်မှူးကြီးတစ်ဦးနှင့် ဗိုလ်မှူးလေးဦးပါဝင်ကာ ၎င်းတို့ရာထူးနှင့် အဆင့်တူများဖြင့် အစားထိုးပြောင်းလဲခြင်းဖြစ်သည်။

ထို့ပြင် အမျိုးသားလွှတ်တော်တွင် တပ်မတော်သား လွှတ်တော်ကိုယ်စားလှယ် ခြောက်ဦးဖြစ်ပြီး ဗိုလ်မှူးချုပ်တစ်ဦး၊ ဗိုလ်မှူးကြီးတစ်ဦး၊ ဒုတိယဗိုလ်မှူးကြီးတစ်ဦး၊ ဗိုလ်မှူးသုံးဦးပါဝင်ကာ ဗိုလ်မှူးချုပ်နေရာတွင် ဒုတိယဗိုလ်မှူးကြီးဖြင့် အစားထိုးပြောင်းလဲခြင်းမှလွဲ၍ ကျန်တပ်မတော်သား လွှတ်တော်ကိုယ်စားလှယ်များအား ၎င်းတို့နှင့်အဆင့်တူများဖြင့် အစားထိုးပြောင်းလဲခြင်းဖြစ်သည်။

ထို့အတူ ပြည်နယ်လွှတ်တော် တပ်မတော်သား လွှတ်တော်ကိုယ်စားလှယ်များ အစားထိုးပြောင်းလဲရာတွင် ကချင်ပြည်နယ်လွှတ်တော်တွင် တစ်ဦး၊ ချင်းပြည်နယ်လွှတ်တော် တစ်ဦး၊ မွန်ပြည်နယ်လွှတ်တော်တွင် တစ်ဦး၊ ရခိုင်ပြည်နယ်လွှတ်တော်တွင် သုံးဦး၊ ရှမ်းပြည်နယ်လွှတ်တော်တွင် လေးဦး အသီးသီးအစားထိုးခဲ့ကြောင်း သိရသည်။

ရန်ကုန်တိုင်းဒေသကြီး လွှတ်တော်တွင် အစားထိုးပြောင်းလဲလိုက်သည့် တပ်မတော်သား လွှတ်တော်ကိုယ်စားလှယ်မှာ ဗိုလ်မှူးချုပ် သိန်းနိုင်တစ်ဦးတည်းသာဖြစ်ပြီး ၎င်းအစား ဗိုလ်မှူးကျော်ကျော်ဝိုင်းဖြင့် အစားထိုးခဲ့ခြင်းဖြစ်ကာ ယခုအစားထိုးပြောင်းလဲခဲ့သော ဗိုလ်မှူးချုပ်သိန်းနိုင်သည် တပ်မတော် (လေ) မှဖြစ်ပြီး ဗိုလ်ချုပ်မှူးကြီး ဦးသန်းရွှေ (ငြိမ်း) ၏ သမက်တော်စပ်သူတစ်ဦးလည်းဖြစ်ကြောင်း သိရသည်။

အလားတူ တပ်မတော်သား လွှတ်တော်ကိုယ်စားလှယ်များအား စစ်ကိုင်းတိုင်းဒေသကြီး လွှတ်တော်တွင် နှစ်ဦး၊ တနင်္သာရီတိုင်းဒေသကြီး လွှတ်တော်တွင် သုံးဦး၊ ပဲခူးတိုင်းဒေသကြီး လွှတ်တော်တွင် ခြောက်ဦး၊ မကွေးတိုင်းဒေသကြီး လွှတ်တော်တွင် နှစ်ဦး၊ မန္တလေးတိုင်းဒေသကြီး လွှတ်တော်တွင် သုံးဦး၊ ဧရာဝတီတိုင်းဒေသကြီး လွှတ်တော်တွင် သုံးဦး အသီးသီးအစားထိုးပြောင်းလဲခဲ့သည်။

ပြင်ဦးလွင် မဟာအံ့ထူးကံသာ ဆုတောင်းပြည့်ဘုရား တန်ဆောင်တိုင်ပွဲတော် (၁၃) ကြိမ်မြောက် မီးပုံးပျံပြိုင်ပွဲ ဖွင့်ပွဲကျင်းပ

မန္တလေးတိုင်း ပြင်ဦးလွင်မြို့ရှိ မဟာအံ့ထူးကံသာ ဆုတောင်းပြည့်ဘုရား တန်ဆောင်တိုင်ပွဲတော် ၁၃ ကြိမ်မြောက် မီးပုံးပျံပြိုင်ပွဲ ဖွင့်ပွဲအခမ်းအနားကို အောက်တိုဘာ ၃၁ ရက် ညပိုင်းက ဘုရားကုန်းတော်၏ တောင်ဘက် နှစ်စဉ်ကျင်းပမြဲဖြစ်သော ကွင်းပြင်၌ ကျင်းပပြုလုပ်ခဲ့ကြောင်း သိရသည်။

ဖွင့်ပွဲသို့ ပြိုင်ပွဲဝင်မည့် မီးပုံးပျံအဖွဲ့များနှင့် ကျောင်းသူလေးများမှ ပြင်ဦးလွင်မီးပုံးပျံပွဲတော်ကိုယ်စားပြုသီချင်းဖြင့် သရုပ်ဖော်ကပြခြင်း၊ မီးရူးမီးပန်းများ ပစ်ဖောက်ခြင်း၊ မီးပုံးပျံပြိုင်ပွဲ အစီအစဉ်အတိုင်း စတင်၍ ဖွင့်ပွဲအထိမ်းအမှတ် စိန်နားပန် မီးပုံးဖြင့် ပူဇော်ခြင်းများ ဆောင်ရွက်ခဲ့ကြောင်း သိရသည်။

“မီးပုံးပျံပြိုင်ပွဲ ထည့်သွင်းကျင်းပရတဲ့ ရည်ရွယ်ချက်က ဆုတောင်းပြည့်ဘုရား ဘုန်းကျက်သရေ တိုးတက်စေဖို့နဲ့ တိုင်းရင်းသား လူမျိုးပေါင်းစုံ စည်းစည်းလုံးလုံး ပါဝင်ပြီး ရိုးရာဓလေ့ မပျောက်ကွယ်ဖို့ အတွက်ပါ။ မီးပုံးပျံပြိုင်ပွဲမှာ ဝင်ရောက်ယှဉ်ပြိုင်ကြရင်း တစ်ဦးနဲ့တစ်ဦး အပေးအယူ နားလည်မူ၊ စည်းလုံးညီညွှတ်စွာနဲ့ ပူးပေါင်းဆောင်ရွက်တတ်တဲ့ အလေ့အထတွေ ရသွားစေချင်တယ်။ အဲလိုအလေ့အထတွေကို ပြည်တွင်း၊ ပြည်ပ ခရီးသွားတွေ မြင်တွေ့သွားပြီး ဂုဏ်ယူတန်ဖိုးထား လာမယ်ဆိုရင် အားလုံးအတွက် ကျေနပ်စရာ ဖြစ်လာမှာပါ” ဟု မီးပုံးပျံပြိုင်ပွဲကျင်းပရေး ကော်မတီအဖွဲ့ဝင် တစ်ဦးက ပြောကြားသည်။

ယခုနှစ်ပြင်ဦးလွင် မီးပုံပျံပြိုင်ပွဲကို အောက်တိုဘာ ၃၁ ရက်မှစတင်၍ နိုဝင်ဘာ ၄ ရက်အထိ ၅ ရက်တိုင် ကျင်းပပြုလုပ် သွားမည်ဖြစ်ပြီး ယခုနှစ်၌ နေ့ရုပ်အလှမီးပုံးပျံ အလုံး (၅၀)၊ စိန်နားပန်မီးပုံးပျံ (၁၇)လုံးနှင့် ညမီးကျည် မီးပုံးပျံ(၁၁)လုံး စုစုပေါင်းမီးပုံးပျံအလုံးရေ ၇၈ လုံး ဝင်ရောက်ယှဉ်ပြိုင် သွားမည်ဖြစ်ကြောင်း၊ ပြီးခဲ့သည့် ၂၀၁၆ ခုနှစ် ပြင်ဦးလွင် မီးပုံးပျံပြိုင်ပွဲတွင် နေ့၊ ည မီးပုံးပျံ အလုံးရေ စုစုပေါင်း ၁၃၀ ကျော် ဝင်ရောက်ယှဉ်ပြိုင်ခဲ့ကြောင်း သိရသည်။

ပြင်ဦးလွင် တန်ဆောင်တိုင် မီးပုံးပျံပွဲတော်ကို ၂၀၀၅ ခုနှစ်မှစတင်၍ ကျင်းပပြုလုပ်ခဲ့ရာ ပြိုင်ပွဲဝင် ၁၁ ဦးသာ ရှိခဲ့ပြီး ညပြိုင်ပွဲ တစ်ခုတည်းသာ ကျင်းပနိုင်ခဲ့ကြောင်း၊ ၂၀၀၆ ခုနှစ်မှစတင်၍ နေ့အလှ မီးပုံးပျံပြိုင်ပွဲများလည်း ထည့်သွင်းကျင်းပ လာနိုင်ခဲ့ပြီး တစ်နှစ်ထက်တစ်နှစ် စည်ကားလာခဲ့ရာ ယခုနှစ်တွင် ပြိုင်ပွဲဝင် မီးပုံးပျံ အရေအတွက် ထက်ဝက်နီးပါး လျော့နည်းခဲ့ကြောင်း သိရသည်။

ပြင်ဦးလွင် မီးပုံပျံပွဲတော်သို့ ဒေသခံများအပြင် မန္တလေးမြို့ အနီးဝန်းကျင် ဒေသများနှင့် ရှမ်းပြည်နယ် မြောက်ပိုင်း နောင်ချို၊ ကျောက်မဲ၊ သီပေါ၊ လာရိူး စသည့်တိုင်းရင်းသားများလည်း လာရောက် ဆင်နွှဲလေ့ ရှိသောကြောင့် နှစ်စဉ်စည်ကားလျက်ရှိသည်။

မီးပုံးပျံ လွှတ်တင်ပြိုင်ပွဲအပြင် လေယာဉ်ပျံငယ်များ ပျံသန်းမူပြိုင်ပွဲနှင့် နေ့ခင်းပိုင်း၌ အားကစားပြိုင်ပွဲများ ဖြစ်သည့် ပိုက်ကျော်ခြင်း၊ ဘော်လီဘော၊ ခေါင်းအုံးရိုက်ပြိုင်ပွဲများလည်း ပါဝင်ကြောင်း၊ ညပိုင်းအချိန်တွင် ဇာတ်ပွဲများလည်း ပါဝင်ပြီး မဟာအံထူးကံသာ ဆုတောင်းပြည့် ဂေါပကအဖွဲ့ အနေဖြင့်လည်း မသိုးသင်္ကန်း ရက်လုပ်လှူဒါန်းမူများ၊ ဆွမ်းလောင်းလှူမူများ၊ ဆီမီးတစ်ထောင် ပူဇော်မူများလည်း ပြုလုပ်ဆောင်ရွက် သွားမည်ဖြစ်ကြောင်း သိရသည်။

ဆီးခွက်ဖြင့်ပစ်ပေါက်သည့် စပါးပရိသတ်နှစ်ဦးကို ရာသက်ပန်ပိတ်ပင်

Photo: sickchirpse

စပါးအသင်းသည် ၀က်စ်ဟမ်းအသင်းနှင့် ယှဉ်ပြိုင်ကစားခဲ့သည့် လိဂ်ဖလား စတုတ္ထအဆင့်ပွဲစဉ်အတွင်း ပြိုင်ဘက် ၀က်စ်ဟမ်းပရိသတ်များထံသို့ ဆီးခွက်ဖြင့်ပစ်ပေါက်ခဲ့သည့် အသင်းပရိသတ်နှစ်ဦးကို ရာသက်ပန်ပွဲ ကြည့်ရှုခွင့် ပိတ်ပင်ခဲ့ကြောင်း သိရသည်။

ယင်းဖြစ်ရပ်နှင့်ပတ်သက်ပြီး လူမှုကွန်ရက်တွင် အခြားတစ်ဦးမှ ဧည့်သည့်ပရိသတ်များထံသို့ မပစ်ပေါက်မီ လူပုဂ္ဂိုလ်တစ်ဦးက ခွက်ထဲသို့ ဆီးများပေါက်ထည့်နေသည့် ဗီဒီယိုဖိုင် ပျံ့နှံ့ခဲ့သည်။

စပါးအသင်းက စုံစမ်းစစ်ဆေးမှုများ ပြုလုပ်ခဲ့ပြီးနောက် ယင်းပုဂ္ဂိုလ်နှစ်ဦးကို ရာသက်ပန်ပွဲကြည့်ရှုခွင့် ပိတ်ပင်ခဲ့သော်လည်း ၎င်းတို့၏အမည်များကို ထုတ်ပြန်ကြေညာခဲ့ခြင်းမရှိကြောင်း သိရသည်။

“ဒီအပြုအမူမျိုးဟာ လုံးဝလက်ခံနိုင်စရာ မရှိပါဘူး။ လူမှုကွန်ရက်မှာ ပျံ့နှံ့နေတဲ့ ဗီဒီယိုဖိုင်မှာ ပါဝင်နေသူ နှစ်ဦးစလုံးကို ဘောလုံးပွဲကြည့်ရှုခွင့် ရာသက်ပန်ပိတ်ပင်ဖို့ ကျွန်တော်တို့ ဆုံးဖြတ်ချက်ချခဲ့ပါတယ်”ဟု စပါးအသင်းပြောရေးဆိုခွင့်ရှိသူ တစ်ဦးက အောက်တိုဘာ ၃၀ ရက်တွင် ထုတ်ဖော်ပြောကြားခဲ့သည်။

ယင်းပွဲတွင် စပါးအသင်းမှာ (၂-၀)ဂိုးဖြင့်ဦးဆောင် နေရာမှ သုံးဂိုးပြန်ပေးခဲ့ရပြီး (၂-၃)ဂိုးဖြင့် အိမ်ကွင်းတွင် အရေးနိမ့်ခဲ့ရသည်။