ဧပြီ ၁ ရက်မှစ၍ မှတ်ပုံမတင်ရသေးသော ဆင်းမ်ကတ်များကို ယာယီလိုင်းပိတ်မည်ဖြစ်ပြီး သုံးလအတွင်း မှတ်ပုံတင်နိုင်ကာ ယင်းကာလ ကျော်လွန်ပါက လိုင်းအပြီး သတ်ပိတ်သိမ်းမည်

ဧပြီ ၁ ရက်မှစ၍ မှတ်ပုံမတင်ရသေးသော ဆင်းမ်ကတ်များကို ယာယီလိုင်းပိတ်မည်ဖြစ်ပြီး သုံးလအတွင်း မှတ်ပုံတင်နိုင်ကာ ယင်းကာလကျော်လွန်ပါက လိုင်းအပြီးသတ် ပိတ်သိမ်းမည်ဖြစ်ကြောင်း  သိရသည်။

ဆင်းမ်ကတ်များကို မတ် ၃၁ ရက် နောက်ဆုံးထားပြီး မှတ်ပုံတင်ရန် သတ်မှတ်ထားသောကြောင့် ဧပြီ ၁ ရက်မှစ၍ မှတ်ပုံမတင်ရသေးသော ဆင်းမ်ကတ်များကို ယာယီလိုင်းပိတ်မည်ဖြစ်ပြီး ဧပြီ၊ မေ၊ ဇွန် စသည့် သုံးလအတွင်း မှတ်ပုံတင်ခြင်းကိစ္စရပ်များကို ဆောင်ရွက်နိုင်ကာ ယင်းကာလကျော်လွန်သည်အထိ မှတ်ပုံတင်ရခြင်း မရှိသေးသော ဆင်းမ်ကတ်များကို လိုင်းအပြီး ပိတ်သိမ်းသွား မည်ဖြစ်ကြောင်း ဆက်သွယ်ရေးညွှန်ကြားမှု ဦးစီးဌာနမှ သတင်းရရှိသည်။

“ဧပြီ ၁ ရက်ကစပြီး မှတ်ပုံမတင်ရသေးတဲ့ ဆင်းမ်ကတ်တွေကို ယာယီလိုင်းပိတ်သွားမယ်။ ပြီးရင် သုံးလ အချိန်ထပ်ပေးမှာပါ။ ယာယီ လိုင်းပိတ်တဲ့ ကာလအတွင်းမှာ ဖုန်းခေါ်ဆိုမှုတွေ လုပ်လို့မရပေမယ့် အင်တာနက် သုံးလို့ရမှာဖြစ်ပါတယ်။ ဒါကလည်း ဆက်သွယ်ရေး အော်ပရေတာတွေက အွန်လိုင်းကနေ မှတ်ပုံတင်နိုင်အောင် လုပ်ပေးထားတာရှိပါတယ်။ ဒီကာလအတွင်းမှာ အွန်လိုင်းကနေ ကိုယ့်ဘာသာ မှတ်ပုံတင်နိုင်အောင် အင်တာနက် အသုံးပြုခွင့် ပေးထားတာဖြစ်ပါတယ်။ မှတ်ပုံတင်ပြီးရင်တော့ ဖုန်းခေါ်ဆိုမှုတွေအတွက် လိုင်းပြန်ဖွင့်ပေးမှာ ဖြစ်ပါတယ်။ ဒီသုံးလကျော်လွန်တဲ့ အချိန်အထိ မှတ်ပုံမတင်ရသေးဘူးဆိုရင်တော့ အဲဒီဆင်းမ်ကတ်ကို လိုင်းအပြီး ပိတ်သိမ်းသွားမှာဖြစ်ပါတယ်။ အဲဒီ ဖုန်းနံပါတ်ကိုပိုင်ဆိုင်ခွင့်ရှိတော့မှာ မဟုတ်ပါဘူး”  ဟု ဆက်သွယ်ရေး ညွှန်ကြားမှုဦးစီးဌာန မှ တာဝန်ရှိသူက ပြောကြားသည်။

ထို့ကြောင့် မတ် ၃၁ ရက် ကျော်လွန်သည်အထိ မှတ်ပုံမတင်ရသေးသော ဆင်းမ်ကတ်များအနေဖြင့် ဧပြီ၊ မေ၊ ဇွန်တို့တွင် မှတ်ပုံတင်ခြင်းကို ဆက်လက် လုပ်ဆောင်နိုင်မည်ဖြစ်ပြီး ဇွန်လ ကျော်လွန်ပါက မှတ်ပုံတင်ရခြင်း မရှိသေးသည့် ဆင်းမ်ကတ်အားလုံးကို အပြီးပိတ်သိမ်းသွားမည်ဖြစ်ကြောင်း ဆက်သွယ်ရေးညွှန်ကြားမှုဦးစီးဌာနမှ သိရသည်။

ဆင်းမ်ကတ်များကို မတ်လကုန်နောက်ဆုံးထားပြီး မှတ်ပုံတင်ကြရန် ၂၀၁၆ သြဂုတ်လကတည်းကစတင် ကြေညာခဲ့သော်လည်း လက်ရှိအချိန်အထိ မှတ်ပုံမတင်ရသေးသော ဆင်းမ်ကတ်များစွာ ကျန်ရှိနေသေးကြောင်း သိရသည်။

ဆင်းမ်ကတ်များ မှတ်ပုံတင်ရန်မှာ ဥပဒေကြောင်းအရ သတ်မှတ်ပြဋ္ဌာန်းချက် တစ်ခုဖြစ်ပြီး ဆင်းမ်ကတ်ကို မှတ်ပုံတင်ထားခြင်းဖြင့် သုံးစွဲသူများအနေဖြင့် မိုဘိုင်းဖုန်းမှတစ်ဆင့် ဆောင်ရွက်နိုင်သော ငွေရေးကြေးရေး ၀န်ဆောင်မှုများကို လုံခြုံစိတ်ချစွာ အသုံးပြုနိုင်မည်ဖြစ်ပြီး ဆင်းမ်ကတ်ပျောက်ဆုံးခြင်း သို့မဟုတ် ၀န်ဆောင်မှုဆိုင်ရာ ပြဿနာများ ရှိလာပါက ဖြေရှင်းနိုင်သည့် အကျိုးကျေးဇူးများကို ရရှိနိုင်ကြောင်း သိရသည်။                                                

Writer: 
နေမျိုးထွန်း