ဘင်္ဂလားဒေ့ရ်ှနိုင်ငံမှ ပြန်လည်ဝင်ရောက်လာပြီး မောင်တောမြောက်ပိုင်း သစ်တုံးနားခွဆုံကျေးရွာတွင် နေထိုင်သော အငှားနွားကျောင်းသူ မြိုတိုင်းရင်းသားတစ်ဦး အသတ်ခံရ

ဘင်္ဂလားဒေ့ရ်ှနိုင်ငံမှ ၀င်ရောက်လာပြီး မောင်တောမြောက်ပိုင်း သစ်တုံးနားခွဆုံကျေးရွာတွင် နေထိုင်သည့် အငှားနွားကျောင်းသူတစ်ဦး အသတ်ခံရကြောင်း၊ သတ်ဖြတ်ခံရသူမှာ ဦးဒီလု (ဘ) ဦးကော်လိုင် (၄၀ နှစ်) ဖြစ်ပြီး လည်ပင်း၊ လက်မောင်းတစ်ဖက်တစ်ချက်၊ ဒူးဆစ်တို့တွင် ဓားခုတ်ဒဏ်ရာငါးချက်ဖြင့် သေဆုံးခဲ့ခြင်းဖြစ်ပြီး သားသမီးလေးဦး ကျန်ခဲ့ကြောင်း သိရသည်။

ဦးဒီလုသည် စက်တင်ဘာ ၁၉ ရက်က နွားကျောင်းသွားရင်း ပျောက်ဆုံးနေခဲ့ရာမှ ကျေးရွာသားများက ရှာဖွေခဲ့ရာ စက်တင်ဘာ ၂၀ ရက် နံနက် ၈ နာရီခွဲအချိန်တွင် သစ်တုံးနားခွဆုံကျေးရွာမှ တစ်မိုင်ခွဲအကွာ သစ်တုံးနားခွဆုံကျေးရွာနှင့် အာဇံဘော်ကျေးရွာ အကြားတွင် ဓားခုတ်ဒဏ်ရာများဖြင့် သေဆုံးနေသည်ကို တွေ့ရှိခဲ့ရခြင်းဖြစ်ကြောင်း သစ်တုံးနားကျေးရွာ အုပ်ချုပ်ရေးမှူး ဦးထွန်းရွှေက ပြောကြားသည်။

“မနေ့က နွားကျောင်းသွားရင်းနဲ့ နေ့လယ် ၁ နာရီလောက်ကတည်းက ပျောက်သွားတာ ဖြစ်ပါတယ်။ ရွာသားတွေက ၀ိုင်းဝန်းလိုက်ရှာကြတော့ ဒီကနေ့ နံနက် ၈ နာရီခွဲအချိန်မှာ သစ်တုံးနားခွဆုံကျေးရွာနဲ့ တစ်မိုင်ခွဲအကွာမှာ လည်ပင်းပြတ်ရှဒဏ်ရာနဲ့ သေဆုံးနေတာကို တွေ့ပါတယ်။ နွားနှစ်ကောင်ကိုတော့ ပြန်ရှာမတွေ့ပါဘူး။ သေဆုံးသွားသူဟာ ဘင်္ဂလားဒေ့ရ်ှကနေ သုံးလပိုင်းက ၀င်လာပြီး သစ်တုံးနားခွဆုံကျေးရွာမှာ နေထိုင်နေတဲ့ မြိုလူမျိုး ဖြစ်ပါတယ်။ ဒါဟာ အကြမ်းဖက်သမားတွေ သတ်ဖြတ်သွားတာလို့ ယူဆပါတယ်။ အကြမ်းဖက်သမားတွေ ၀င်နိုင်တဲ့ အနေအထားလည်း အများကြီး ရှိပါတယ်။ ဒီဖြစ်စဉ် မတိုင်ခင်ကလည်း ကျွန်တော်တို့ရွာနားကို နွားခိုးတွေ ၀င်လာတာ ရှိပါတယ်။ သက်ဆိုင်ရာက လာစစ်ဆေးပြီးတော့ အကြမ်းဖက်သမားတွေကို ရှာဖွေရေး လုပ်နေပါတယ်။ လေးလပိုင်းကလည်း လေးမြို့ကေဒီကျေးရွာကတစ်ယောက် အသတ်ခံရတာ ရှိပါတယ်။ ဒီမတိုင်ခင် လွန်ခဲ့တဲ့ ခုနစ်လပိုင်း ၂၇၊ ၂၈ ရက်ပိုင်းက အကြမ်းဖက်သမားတွေ ၀င်နိုင်တယ်ဆိုတဲ့ သတင်းတွေကို သက်ဆိုင်ရာလူကြီးတွေက ကျွန်တော့်ကို အသိပေးထားတာ ရှိပါတယ်။ ဒါကြောင့်ရွာမှာ ကင်းစောင့်ကြပါတယ်” ဟု သစ်တုံးနားခွဆုံ ကျေးရွာအုပ်ချုပ်ရေးမှူး ဦးထွန်းရွှေက ပြောကြားသည်။

အဆိုပါ ဦးဒီလုသည် ၂၀၁၈ ခုနှစ် မတ်လအတွင်းက ဘင်္ဂလားဒေ့ရ်ှနိုင်ငံမှ မြန်မာနိုင်ငံသို့ ၀င်ရောက်လာသူဖြစ်ပြီး သစ်တုံးနားခွဆုံကျေးရွာတွင် နေထိုင်ကာ ကျေးရွာသားများ၏ နွားများကို အငှားကျောင်းနေသူတစ်ဦး ဖြစ်ကြောင်း သိရသည်။

စစ်တွေမြို့နယ်အတွင်း ကြိုးတုပ်ထားသည့် လူသေအလောင်းတစ်လောင်း တွေ့ရှိသဖြင့် စစ်ဆေးလျက်ရှိကြောင်း သိရ

ရခိုင်ပြည်နယ်၊ စစ်တွေမြို့နယ်၊ သုံးဆောင်ကျေးရွာအနီး ရွှေမင်းဂံချောင်းရေစပ်တွင် ကြိုးတုပ်ထားသည့် လူသေအလောင်းတစ်လောင်း တွေ့ရှိသဖြင့် စစ်ဆေးလျက်ရှိကြောင်း သိရသည်။

အဆိုပါ အလောင်းအား စက်တင်ဘာ ၂၀ ရက် နံနက်ပိုင်းက ကျေးရွာသားများ တွေ့ရှိသဖြင့် သက်ဆိုင်ရာသို့ အကြောင်းကြားခဲ့ပြီး စစ်တွေမြို့နယ် မီးသတ်စခန်းမှ ဦးစီးအရာရှိ ဦးဟန်စိုးဦးဆောင်၍ ရှာကယ်တပ်ဖွဲ့ဝင် ၁၀ ဦးနှင့် လူနာတင်ယာဉ်တစ်စီးဖြင့် သွားရောက်ခဲ့ပြီး မြန်မာနိုင်ငံ ရဲတပ်ဖွဲ့ဝင်များ၊ ကျေးရွာအုပ်ချုပ်ရေးမှူးနှင့် စစ်တွေပြည်သူ့ဆေးရုံမှ နာရေးကူညီမှုကားဖြင့် စစ်တွေပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။

ယင်းအလောင်းတွေ့ရှိမှုနှင့် ပတ်သက်ပြီး စစ်တွေမြို့ အမှတ်(၂)ရဲစခန်းမှ စခန်းမှူး ရဲအုပ် အေးကျော်က “သေဆုံးနေတာကတော့ ရခိုင်လူမျိုးလို့ထင်ရတဲ့ အသက် ၄၀ လောက် လူတစ်ယောက် ဖြစ်ပါတယ်။ ၀ဲယာလက်မောင်းတွေမှာ ပန်းကနုတ်ပုံဆေးမင်ကြောင်တွေ ထိုးထားတယ်။ ၀ဲဘက်လက်မောင်းမှာ ၁၁၊ စတန ၀၆၇၅၆၈ ဆိုပြီး ရေးထားတယ်။ ဆိုတော့ အဲဒီစာသားတွေအရ လ၀ကရုံးကို သွားကြည့်တော့ အမျိုးသမီးတစ်ယောက်ရဲ့ နာမည်ဖြစ်နေတယ်။ အဲဒီအမျိုးသမီးက စစ်တွေမှာ နေထိုင်ခဲ့ပေမယ့် အခုရှာမတွေ့တော့ဘူး။ စစ်တွေကျေးတောနဲ့ ဆင်ကူးလမ်းမှာ နေခဲ့တယ်လို့ သိရတယ်။ မှတ်ပုံတင်အရတော့ အဲဒီအမျိုးသမီးကလည်း အသက် ၄၀ ၀န်းကျင် ဖြစ်နေတယ်။ ရန်ကုန်ကိုပြောင်းသွားပြီလို့သာ သိရတယ်။ လည်ပင်းမှာ ကြိုးတစ်ပင်ပါတယ်၊ ဘယ်ဘက်လက်ကောက်ဝတ်မှာ တစ်ခုချည်ထားတာကိုလည်း တွေ့ရတယ်။ ပြင်ပဒဏ်ရာတော့ မတွေ့ရဘူး။ ဒါကြောင့် လူသတ်မှုနဲ့ အမှုဖွင့်ထားပါတယ်” ဟု ပြောကြားသည်။

အဆိုပါ သေဆုံး၏ အမည်နှင့်နေရပ်တို့အား ရှာဖွေစုံစမ်းနေဆဲဖြစ်ကြောင်းနှင့် စစ်တွေမြို့ အမှတ် (၂) ရဲစခန်းမှ(ပ)၈၈/၂၀၁၈ ရာဇသတ်ကြီးဥပဒေပုဒ်မ ၃၀၂အရ အမှုဖွင့် စုံစမ်းနေကြောင်း သိရသည်။

ကချင်ပြည်နယ် မိုးကောင်းမြို့နယ် ဆားမှော်ကျေးရွာတွင် မူးယစ်ဆေးဝါးဖမ်းဆီးစဉ် တစ်ဦးသေဆုံး

ကချင်ပြည်နယ် မိုးကောင်းမြို့နယ် ဆားမှော်ကျေးရွာတွင် စက်တင်ဘာ ၁၇ ရက်က မူးယစ်ဆေးဝါးဖမ်းဆီးစဉ် အမျိုးသားတစ်ဦးမှာ သေနတ်ဒဏ်ရာဖြင့် သေဆုံးခဲ့ကြောင်း သတင်းရရှိသည်။

ရဲမှတ်တမ်းများအရ ဖြစ်စဉ်မှာ ဆားမှော်ရဲကင်းမှ ရဲတပ်ဖွဲ့ဝင်များ၊ ဆားမှော်ကျေးရွာမှ အုပ်ချုပ်ရေးမှူးများနှင့် ဒေသခံပြည်သူ့စစ်အဖွဲ့ဝင်များနှင့်အတူ ဆားမှော်ကျေးရွာ၊ ဆွပ်ငိုင်ရပ်ကွက်ထိပ်ရှိ ကြက်ခြံသွားသည့်လမ်းသို့ ရောက်ရှိခဲ့ကြောင်း၊ ပူးပေါင်းအဖွဲ့သည် ၉ နာရီခန့်တွင် အသက် ၃၅ နှစ်အရွယ်ရှိ အမျိုးသားတစ်ဦးအား မသင်္ကာဖွယ်တွေ့ရှိ၍ စစ်ဆေးရန် ဆောင်ရွက်စဉ် အရိုးအသွား ၈ လက်မခန့် ဓားဖြင့်ပြေးထိုးသည့်အတွက်
ရဲတပ်သား စည်သူအောင်၏ ၀ဲဘက်လက်မောင်းတွင် ၃ လက်မခန့် ပြတ်ရှဒဏ်ရာတစ်ချက် (မစိုးရိမ်ရ)၊ နောက်ပြန်လှည့်ထွက်ပြေးရာတွင် ရဲဒုတပ်ကြပ် ၀င်းနိုင်ထွန်းအား ဓားဖြင့်ထပ်မံထိုးပြေးသည့်အတွက် လက်ဖျံတွင်
တစ်လက်မခွဲခန့် ဒဏ်ရာတစ်ချက် ရရှိခဲ့ကြောင်း၊ ထပ်မံရန်ပြုရာတွင် ရဲတပ်သား အောင်ရဲကျော်က ၎င်းကိုင်ဆောင်သည့် ဘီအေ ၆၃ သေနတ်ဖြင့် ခြောက်လှန့်ပစ်ခတ်ရာတွင် အမည်မသိ အမျိုးသားမှာ ယာဘက်ရင်အုံဖောက်ဝင်၍ ကျောဘက်ဖောက်ထွက် ဒဏ်ရာတစ်ချက် ရရှိကာ လဲကျသွားကြောင်း ဖော်ပြထားသည်။

လဲကျသွားသည့် အမျိုးသားအား ဆားမှော်တိုက်နယ်သို့ ပို့ဆောင်စဉ် သေဆုံးခဲ့ကြောင်း သိရပြီး ဒဏ်ရာရရှိခဲ့သည့် ရဲတပ်ဖွဲ့ဝင်နှစ်ဦးမှာ ဆားမှော်တိုက်နယ်ဆေးရုံတွင် ဆေးကုသမှုခံယူနေရကြောင်း သိရသည်။
ယင်းဖြစ်စဉ်နှင့်ပတ်သက်၍ သေဆုံးသူကို ဆက်လက် စုံစမ်းလျက်ရှိကြောင်း သိရသည်။

ယင်းဖြစ်စဉ်နှင့်ပတ်သက်၍ ဒေသခံ မျက်မြင်များပြောစကားရ မိုးကောင်းမြို့အနီးတွင် မူးယစ်ဆေးဝါးနှိမ်နှင်းမှုများ ဆက်တိုက် လုပ်ဆောင်ပြီးနောက် အများစုမှာဒေသတွင်း ကျေးရွာများတွင် ၀ယ်ယူနေရကြောင်း၊ ကျေးရွာအတွင်း ဖမ်းဆီးမှုများလည်း ဆက်တိုက်ဖြစ်နေကြောင်း၊ ယခုဖြစ်စဉ်မှာ ဖမ်းဆီးခံရပြီးနောက် ဖြစ်ပွားခဲ့ခြင်းဖြစ်ပြီး ရဲတပ်ဖွဲ့မှတ်တမ်းများနှင့် ကွဲလွဲနေကြောင်း သိရသည်။

ဆယ်တန်းကျောင်းသူ မိန်းကလေးကို မုဒိမ်းကျင့်သတ်ဖြတ်ပြီး အလောင်းဖျောက်ဖျက်ခဲ့သော ကျူးလွန်သူနှစ်ဦးအား မသေမချင်း ကြိုးကွင်းစွပ်သတ်ရန် အမိန့်ချမှတ်

မသေမချင်း ကြိုးကွင်းစွပ်သတ်ရန် အမိန့်ချမှတ်ခံရသူအား တွေ့ရစဉ်

ကျိုင်းတုံတွင် ၁၉ နှစ်အရွယ် ဆယ်တန်းကျောင်းသူကို မုဒိန်းကျင့်သတ်ဖြတ်ပြီး အလောင်းမီးရှို့ ဖျောက်ဖျက်ခဲ့သော ကျူးလွန်သူနှစ်ဦးဖြစ်သည့် စိုးလွင် (၄၀ နှစ်) နှင့် စိုင်းရှဲန် (၂၉ နှစ်) တို့ကို ကျိုင်းတုံခရိုင် ဒုတိယတရားရုံးက မသေမချင်း ကြိုးကွင်းစွပ်သတ်ရန် အမိန့်ချမှတ်လိုက်ကြောင်း ရှမ်းပြည်နယ် ရဲတပ်ဖွဲ့မှ သတင်းရရှိသည်။

စက်တင်ဘာ ၁၇ ရက် မွန်းလွဲ ၃ နာရီခွဲတွင် ကျိုင်းတုံခရိုင်တရားရုံးမှ အမိန့်ချမှတ်ခဲ့ခြင်းဖြစ်ပြီး၊ ကျိုင်းတုံခရိုင်တွင်း ပထမဆုံးချမှတ်ခဲ့သည့် အမြင့်ဆုံး ပြစ်ဒဏ်ပင်ဖြစ်ကြောင်း ရှမ်းပြည်နယ်ရဲတပ်ဖွဲ့မှ တာဝန်ရှိသူတစ်ဦးက ပြောကြားသည်။

“ကျိုင်းတုံမှာ ဖြစ်ခဲ့တဲ့အမှု လူသတ်မီးရှို့ပြီး အလောင်းဖျောက်ဖျက်မှုပေါ့။ လက်စွပ်လေးကနေ တဆင့်တရားခံ သုံးဦးကို ဆက်လက် စုံစမ်းဖော်ထုတ်ပြီးတော့ တရားခံစိုးလွင်နဲ့ အိုက်ရှဲန်တို့ကို တရားရုံးစွဲတင်ပို့ခဲ့တာ ဖြစ်ပါတယ်။ ဒီအမှုကိုဆိုရင် ဒီနေ့မှာ ကျိုင်းတုံခရိုင် တရားရုံးကနေ မသေမချင်း ကြိုးကွင်းစွပ်သတ်ပြီး သေစေဆိုတဲ့ အမိန့်ကိုချမှတ်ခဲ့တာ ဖြစ်ပါတယ်” ဟု ရှမ်းပြည်နယ်ရဲတပ်ဖွဲ့မှ တာဝန်ရှိသူတစ်ဦးက ပြောကြားသည်။

ဒီဇင်ဘာ ၂၂ ရက်က ရှမ်းပြည်နယ် အရှေ့ပိုင်း ကျိုင်းတုံမြို့ လွိုင်မွေဘက်သွားသည့် လမ်းနံဘေးတစ်နေရာ နမ့်လပ်ရေအားလျှပ်စစ်စက်ရုံနားတွင် မီးရှို့ခံထားရသည့် အမည်မသိ အမျိုးသမီးအလောင်းတစ်လောင်း တွေ့ရှိခဲ့ရခြင်း ဖြစ်သည်။

မသေမချင်း ကြိုးကွင်းစွပ်သတ်ရန် အမိန့်ချမှတ်ခံရသူအား တွေ့ရစဉ်

စုံစမ်းမှုများအရ အဆိုပါ မီးရှို့ခံထားရသော အလောင်းသည် ၁၈ နှစ်အရွယ် မိန်းကလေးတစ်ဦးဖြစ်ပြီး ကျိုင်းတုံမြို့နေသူဖြစ်ကြောင်းကို အလောင်းတွင်တွေ့ရှိရသည့် လက်စွပ်အရ ရဲတပ်ဖွဲ့က အတည်ပြုနိုင်ခဲ့ကြောင်း၊ အဆိုပါ မိန်းကလေးသည် နေအိမ်မှ ငါးရက်ခန့် ပျောက်ဆုံးနေခြင်းဖြစ်ကြောင်း သိရသည်။

ယင်းအမှုမှ ကျူးလွန်သူဖြစ်သော စိုးလွင်ကို ဒီဇင်ဘာ ၂၅ ရက်တွင် ကျိုင်းတုံမြို့၌ ရဲတပ်ဖွဲ့က ဖမ်းဆီးရမိခဲ့ပြီးနောက် စစ်ဆေးချက်များအရ ပြစ်မှုကျူးလွန်ကြောင်း ဒီဇင်ဘာ ၂၆ ရက်တွင် တရားခံကိုယ်တိုင် ခံဝန်ချက်ပေးရာမှ ပေါ်ပေါက်ခဲ့ခြင်းဖြစ်ကြောင်း သိရသည်။

ကျူးလွန်သူတစ်ဦးဖြစ်သည့် အိုက်ပီး (ခ) စိုင်းရှဲန်မှာ သာစည်မြို့တွင် ယာဉ်တိုက်မှုအတွက် သွားရောက်၍ တရားရင်ဆိုင်နေစဉ် သာစည်ရဲတပ်ဖွဲ့က ဖမ်းဆီးထိန်းသိမ်းခဲ့ကြောင်း သိရသည်။

အဆိုပါ ဖြစ်စဉ်နှင့်ပတ်သက်၍ ကျိုင်းတုံမြို့မရဲစခန်းတွင် ဒီဇင်ဘာ ၂၂ ရက်က (ပ) ၂၃၂/၂၀၁၇၊ ရာဇသတ်ကြီးပုဒ်မ ၃၀၂/၂၁၀ ဖြင့် အမှုဖွင့် အရေးယူ ဆောင်ရွက်ထားခြင်းဖြစ်သည်။

ကျိုင်းတုံခရိုင်တရားရုံးမှ အမိန့်ချမှတ်ခဲ့သည်မှာ ပုဒ်မ ၃၀၂ (၁) (ဂ) /၃၄ နှင့် ကျူးလွန်သူ တရားခံနှစ်ဦးစလုံးကို မသေမချင်း ကြိုးကွင်းစွပ်သတ်ရန် အမိန့်ချမှတ်လိုက်ခြင်း ဖြစ်သည်။

ဘားအံအကျဉ်းထောင်ဖောက်ရာတွင် ဦးဆောင်သူဖြစ်သည့် လွတ်ရက်မရှိ ပြစ်ဒဏ်ကျ အကျဉ်းသားအား အသေပစ်ခတ် ဖမ်းဆီးရမိပြီး ထောင်မှူးအား နေအိမ်အကျယ်ချုပ်ဖြင့် စစ်ဆေးနေ

ဘားအံအကျဉ်းထောင်ဖောက်ရာတွင် ဦးဆောင်သူဖြစ်သည့် လွတ်ရက်မရှိ ပြစ်ဒဏ်ကျ အကျဉ်းသားအား အသေပစ်ခတ် ဖမ်းဆီးရမိပြီး ထောင်မှူးအား နေအိမ်အကျယ်ချုပ်ဖြင့် စစ်ဆေးနေကြောင်း သိရသည်။

ဘားအံအကျဉ်းထောင်တွင် စက်တင်ဘာ ၁၆ ရက် နံနက်ပိုင်းက အကျဉ်းထောင် ဓမ္မာရုံအနီးရှိ စိုက်ခင်းအတွင်း စုပုံထားသော အမှိုက်များတင်ဆောင်ရန် အကျဉ်းဝန်ထမ်း ဒုကြီးကြပ်ရေးမှူးအဆင့်ရှိ ဦးစိုးဝင်း အသက် (၅၄) နှစ် မောင်းနှင်သည့် အပြာရောင်ကင်တာအမျိုးအစား ယာဉ်အမှတ် 7N/9847 ယာဉ်အားရပ်ထားစဉ် အကျဉ်းသားများက ယာဉ်မောင်းအကျဉ်းဝန်ထမ်း ဒုကြီးကြပ်ရေးမှူး ဦးစိုးဝင်းအား ၀ိုင်းဝန်းထိုးကြိတ်ပြီး ထောင်ဝင်တံခါးလေးပေါက်အား တိုက်ဖြို မောင်းနှင် ထွက်ပြေးခဲ့သည်။

ယင်းဖြစ်စဉ်နှင့်ပတ်သက်ပြီး ပြည်ထဲရေးဝန်ကြီးဌာန လက်အောက်ရှိ အကျဉ်းဦးစီးဌာန ဒုညွန်ကြားရေးမှုးနှင့်အဖွဲ့ ရောက်ရှိကာ ထောင်အုပ်ချုပ်မှုလုပ်ငန်းများကို ထိန်းသိမ်းကိုင်တွယ် ဆောင်ရွက်နေပြီး ထောင်ဝန်ထမ်းအရာရှိနှင့် အခြားအဆင့်ထောင်ဝန်ထမ်းများကိုလည်း စစ်ဆေးမေးမြန်းမှုများ ပြုလုပ်နေကြောင်း ပြည်နယ်အစိုးရအဖွဲ့ထံမှ သိရသည်။

တောင်ကလေး အကျဉ်းထောင်ဖောက်ပြေးသည့် အကျဉ်းသား ၄၁ ဦးတွင် နှစ်ရှည်ပြစ်ဒဏ်ကျတရားခံ ၂၉ ဦး၊ အချုပ်တရားခံ ၁၂ ဦးပါဝင်ပြီး ၎င်းတို့အား ထောင်မကြီးဝင်းအပြင်တွင် အပြင်ဘုတ်ထုတ်ကာ အလုပ်ခိုင်းစေမှုအတွက် တာဝန်ရှိသူ ထောင်မှူးဒုညွန်ကြားရေးမှူး ဦးခင်မောင်ဝင်းအား ထောင်တွင်းနေအိမ်လိုင်းခန်းတွင် ထိန်းသိမ်းကာ စစ်ဆေးမေးမြန်းမှုများ ပြုလုပ်နေခြင်း ဖြစ်သည်ဟု ပြည်နယ်အစိုးရအဖွဲ့ထံမှ သိရသည်။

ထွက်​​ပြေးလွတ်​​မြောက်​သည့်​ အကျဉ်းသား ၄၁ ဦးကို ဖမ်းဆီးရမိ​ရေးအတွက်​ ပြည်နယ်ရဲမှူးကြီး ​အောင်​မြတ်​မိုးက အနီးကပ်​ကွပ်​ကဲ၍ ဒုပြည်​နယ်​ရဲတပ်​ဖွဲ့မှူး၊ ပြည်​နယ်​ရဲအကူတပ်​ဖွဲ့ခွဲမှူး၊ ဦးစီးပထမတန်း(ဦး။ရေး။ထောက်​)၊ ဘားအံခရိုင်​ရဲတပ်​ဖွဲ့မှူးနှင့် မြို့နယ်​ရဲတပ်​ဖွဲ့မှူး၊ မြို့မရဲစခန်းမှူးတို့ ကြီးကြပ်​ကွပ်​ကဲသည့်​ အဖွဲ့များခွဲ၍ နယ်​​မြေခံ တပ်​မ​တော်​သားများနှင့်​အတူ မိတ်​ဘက်အဖွဲ့များ၊ ရပ်​ကွက်​၊ ကျေးရွာအုပ်​ချုပ်​ရေးအဖွဲ့များ ပါဝင်​​သော ပူး​ပေါင်းအဖွဲ့များက ထွက်​​ပြေးရာ လမ်း​ကြောင်းတစ်​​လျှောက်​ကို လိုက်​လံရှာ​ဖွေပိတ်​ဆို့ခြင်း၊ ကရင်​ပြည်​နယ်​အတွင်းမှ လမ်းတံတားများတွင် ​လုံခြုံ​ရေး​ဆောင်​ရွက်​​နေသည့်​ ရဲတပ်​ဖွဲ့ဝင်​များ၊ နယ်မြေခံရဲစခန်းများမှ ရဲတပ်​ဖွဲ့ဝင်များက ပူး​ပေါင်းအဖွဲ့များဖြင့်​ ပိတ်​ဆို့ကာ ရှာ​ဖွေ စစ်ဆေးခြင်းများကို ကွက်​ပြည့်​နင်း ​ဆောင်​ရွက်​ခဲ့​ကြောင်း သိရသည်​။

ဘားအံအကျဉ်းထောင်အတွင်း စက်တင်ဘာ ၁၆ ရက် နံနက်ပိုင်းက အကျဉ်းထောင်အတွင်း တံခါးလေးပေါက်ကို ကားဖြင့်တိုက်ဖြို ထွက်ပြေးတိမ်းရှောင်နေသူ အကျဉ်းသား ၄၁ ဦးအနက် အကျဉ်းသား ၁၃ ဦးကို အခင်းဖြစ်ပြီး နာရီပိုင်းအတွင်း ပြန်လည်ဖမ်းဆီးမိပြီး ဦးဆောင်သူ လွတ်ရက်မရှိ ပြစ်ဒဏ်အကျဉ်းသား ကျော်မိန်လ (ခ) အရှောင်အား ယင်းနေ့ ည ၁၁ နာရီကျော်က လှိုင်းဘွဲမြို့နယ် ထီလုံကျေးရွာ ရော်ဘာတောစပ်အတွင်း အသေပစ်ခတ် ရရှိခဲ့ကြောင်း သိရသည်။

ထွက်ပြေးလွတ်မြောက်ခဲ့သည့် အကျဉ်းသား ၄၁ ဦးတွင် အပြစ်ကျတရားခံ ၂၉ ဦး၊ အမှုစစ်ဆေးဆဲ အချုပ်သားတရားခံ ၁၂ ဦး ပါဝင်ကာ ဦးဆောင်သူ ကျော်မိန်လ(ခ)အရှောင်မှာ မူးယစ်ပုဒ်မ ၁၅ ဖြင့် ထောင်ဒဏ်လေးနှစ်၊ မူးစိတ်ပုဒ်မ ၁၉(က)/၂၂(ခ)နှင့် ထောင်ဒဏ် နှစ်အကန့်အသတ်မရှိ ပြစ်ဒဏ်အပြင် ပြစ်မှုဆိုင်ရာဥပဒေပုဒ်မ ၃၂၆ ဖြင့် ထောင်ဒဏ် ၁၀ နှစ် အသီးသီး ပြစ်ဒဏ်ကျခံနေရပြီး လွတ်ရက်မရှိ ပြစ်ဒဏ်ကျခံရသူဖြစ်ကာ ကရင်ပြည်နယ် ဘားအံမြို့နယ် ကော့စိန်ဘန်(အောက်)ကျေးရွာအုပ်စု ရွှေပြည်တောင်ကျေးရွာတွင် နေထိုင်သူဖြစ်ကာ အသက် ၃၃ နှစ်ရှိကြောင်း သိရသည်။

ထိုသို့ဝိုင်းဝန်းပိတ်ဆို့ ရှာဖွေရာ အခင်းဖြစ် ညနေပိုင်းတွင် ဘားအံမြို့နယ် သံလွင်မြစ်အရှေ့ခြမ်း မိဇံရွာနှင့် ကော့ကူးရွာအကြား လျှိုအတွင်း၌ ထွက်ပြေးလွတ်မြောက် အကျဉ်းသားသုံးဦးကို ဖမ်းဆီးရရှိပြီး ည ၇ နာရီခန့်တွင် ကျုံပကိုကျေးရွာ လယ်တောအနီး၌ အကျဉ်းသား ၁၀ ဦးကို တွေ့ရှိဖမ်းဆီးရရှိပြီး ည ၁၁ နာရီကျော်တွင် ဦးဆောင်သူ ကျော်မိန်လ (ခ) အရှောင်အား လှိုင်းဘွဲမြို့နယ် ထီလုံအပိုင် ရော်ဘာတောအတွင်း အသေပစ်ခတ် ဖမ်းဆီးရရှိကြောင်း သိရသည်။

ဖြစ်စဉ်နှင့်ပတ်သက်၍ ဘားအံစက်မူဇုန် နယ်မြေရဲစခန်းမှ စခန်းမှူးရဲအုပ်လှဟန်က “အတိအကျတော့ ပြောလို့မရသေးဘူး။ ကြားတာတော့ကြားတယ်။ ဆေးရုံကိုပို့လိုက်တယ်လို့ ကြားတယ်။ ကျွန်တော်တို့အဖွဲ့နဲ့ ထိပ်တိုက်တွေ့တာတော့ မဟုတ်ဘူး။ ကရင်ပြည်နယ် ရဲတပ်ဖွဲ့ကလည်း အကျဉ်းသားဓာတ်ပုံတွေ ဖြန့်ဝေထားပြီး ပြည်သူတွေကို အကူအညီ တောင်းခံထားပါတယ်။ မကြာခင် အကျဉ်းသားအားလုံးကို ပြန်လည်ဖမ်းဆီးရရှိမှာပါ” ဟု ဖြေကြားသည်။

စက်တင်ဘာ ၁၇ ရက် ညပိုင်းတွင် ရရှိသော သတင်းများအရ ထွက်ပြေးလွတ်မြောက်နေသည့် အကျဉ်းသား ၄၁ ဦးအနက် ၂၁ ဦးအား ဖမ်းဆီးရမိပြီဖြစ်ကြောင်း သိရသည်။

စက်တင်ဘာ ၁၇ ရက်တွင် ည ၇ နာရီခန့်တွင် မြ၀တီမြို့ အမှတ်(၅)ရပ်ကွက် ဖားခြောက်ကောင်ဘုန်းကြီးကျောင်းဝင်း အနောက်ဘက်တွင် ၀င်းသိန်း(ခ)အရှည်ကြီး ကိုလည်းကောင်း၊ ည ၈ နာရီခန့်တွင် လှိုင်းဘွဲမြို့နယ် ကျုံပကိုကျေးရွာအုပ်စု နော်ပနားမိန်ကျေးရွာအနီး ရာဘာခြံအတွင်းမှ အချုပ်သား စောမြင့်စိုး(ခ)စောသံမဏိနှင့် အကျဉ်းသား အောင်မြင့်လင်း(ခ) မြင့်လင်းတို့အား လည်းကောင်း အသီးသီး ဖမ်းဆီးရမိခဲ့ခြင်းဖြစ်ရာ စုစုပေါင်း ၂၁ ဦး ဖမ်းမိပြီဖြစ်သည်။

စစ်ကိုင်း မြစ်ငယ်ကားလမ်းတွင် ရဲတပ်ဖွဲ့ဝင် တစ်ဦးအား ရိုက်နှက်ပြီး ဆိုင်ကယ်လုယူမှု ဖြစ်ပွား

မန္တလေးမြို့ အမရပူရမြို့နယ် စစ်ကိုင်း -မြစ်ငယ် ကားလမ်းတွင် ရဲတပ်ဖွဲ့ဝင် တစ်ဦးအား ရိုက်နှက်ပြီး ဆိုင်ကယ်လုယက်မှုတစ်ခု စက်တင်ဘာ ၁၄ ရက် နံနက်အစောပိုင်းက ဖြစ်ပွားခဲ့ကြောင်း၊ လုယက်ခံရသည့် ရဲတပ်ဖွဲ့ဝင်မှာ စစ်ကိုင်းမြို့မရဲစခန်းတွင် တာဝန်ထမ်းဆောင်နေသူ တစ်ဦးဖြစ်ကြောင်း သိရသည်။

“စစ်ကိုင်းမြို့မရဲစခန်းကလို့ သိရပါတယ်။ ကျူးလွန်သူတွေကို ဖမ်းမိဖို့ ဆောင်ရွက်နေပါတယ်။ ရဲတပ်သား အခြေနေကတော့ စောင့်ကြည့်နေရတုန်းပါ” ဟု အမရပူရမြို့နယ် ရဲတပ်ဖွဲ့မှူး ရဲမှူးသိန်းဝင်းက ပြောကြားသည်။

အဆိုပါ စစ်ကိုင်းမြို့မရဲစခန်းမှ ရဲတပ်သား အေးကျော်သည် မန္တလေးမြို့ရှိ ကျွဲဆည်ကန်ကားကြီးကွင်းသို့  သူငယ်ချင်းသွားကြိုရာ မတွေ့ရသဖြင့် စစ်ကိုင်းသို့ တစ်ဦးတည်း ပြန်လာစဉ် ဆိုင်ကယ်နှစ်စီးဖြင့် လူများက ဦးခေါင်းကိုတုတ်ဖြင့် ရိုက်နှက်ခဲ့ကြောင်း၊ ထို့နောက် လက်ဝဲဘက်နံစောင်းသို့ ချွန်ထက်သည့်အရာဖြင့် ထိုးသွင်းခံခဲ့ရကာ ဆိုင်ကယ်ယူသွားခဲ့သည်ဟု သိရသည်။

ဖြစ်စဉ်နှင့် ပတ်သက်ပြီး ရဲတပ်သားအေးကျော်အား တုတ်ဖြင့် ရိုက်နှက်ခြင်း၊ ထိုးသွင်းခြင်း စသည်တို့ ကျူးလွန်ပြီး ဆိုင်ကယ်ယူဆောင်သွားသူတို့ကို အမရပူရမြို့နယ် မြစ်ငယ်ရဲစခန်းတွင် ပုဒ်မ ၃၉၄ ဖြင့် အမှုဖွင့်ထားကြောင်း သိရသည်။

 

ဖောင်ကြီး ရဲစခန်း၌ ထိန်းသိမ်းထားသည့် အမျိုးသားတစ်ဦး ဆွဲကြိုးချ သတ်သေမှုကို မယုံကြည်သဖြင့် သေဆုံးသူ၏ မိသားစုက သတင်းစာရှင်းလင်းပွဲ ပြုလုပ်ပြီး သေဆုံးရခြင်း အကြောင်းရင်းကို ဖော်ထုတ်ပေးရန် တောင်းဆို

သေဆုံးသူ၏ မိသားစုဝင်များ သတင်းစာရှင်းလင်းပွဲ ပြုလုပ်စဉ်

ဖောင်ကြီးရဲစခန်း၌ ထိန်းသိမ်းထားသည့် အမျိုးသားတစ်ဦး ဆွဲကြိုးချ သတ်သေမှုဖြစ်စဉ်တွင် သေဆုံးသူ၏ မိသားစုက သေဆုံးသူသည် ဆွဲကြိုးချ သတ်သေခြင်း ဖြစ်သည်ဟု မယုံကြည်သဖြင့် စက်တင်ဘာ ၁၂ ရက်တွင် ရန်ကုန်မြို့ ပုဇွန်တောင်မြို့နယ်ရှိ မြန်မာဂျာနယ်လစ်ကွန်ရက် ရုံးခန်း၌ သတင်းစာရှင်းလင်းပွဲ ပြုလုပ်၍ သေဆုံးရခြင်း အကြောင်းရင်းမှန်အား သက်ဆိုင်ရာ တာဝန်ရှိသူများက ဖော်ထုတ်ပေးရန် တောင်းဆိုခဲ့ကြောင်း သိရသည်။

အဆိုပါ သတင်းစာရှင်းလင်းပွဲတွင် ဧပြီ ၁၉ ရက်က ဖောင်ကြီးရဲစခန်း၌ ထိန်းသိမ်းခံခဲ့ရပြီးနောက် ဧပြီ ၂၀ ရက်တွင် ရဲစခန်းအချုပ်ခန်း လျှောက်လမ်းအပေါ်ရှိ ထုတ်တန်းပေါ်တွင် ချည်သားအင်္ကျီ လက်ရှည်ဖြင့် ဆွဲကြိုးချ သေဆုံးသည့် အမျိုးသားတစ်ဦး၏ ဖြစ်စဉ်အား သေဆုံးသူ၏ မိသားစုများက သေဆုံးသူသည် ဆွဲကြိုးချ သတ်သေခြင်းကြောင့် သေဆုံးသည်ဟု မယုံနိုင်သဖြင့် သက်ဆိုင်ရာ တာဝန်ရှိသူများမှ အမှုမှန်ပေါ်ပေါက်နိုင်ရေး ဖော်ထုတ်ပေးရန် တောင်းဆိုခဲ့သည်။

“ကျွန်မမောင်လေးက ဖောင်ကြီးရဲစခန်းမှာ ဧပြီ ၁၉ ရက်က ထိန်းသိမ်းခံရတယ်လို့ ၂၀ ရက် နံနက်ပိုင်းမှာ ကျွန်မမောင်လေး ဖုန်းကိုကိုင်တဲ့ ဖောင်ကြီးရဲစခန်းက ရဲတစ်ယောက်က ပြောတယ်။ ပြီးတော့ အဲဒီနေ့မှာပဲ မောင်လေးက ရဲစခန်းမှာ ဆွဲကြိုးချ သေသွားလို့ ဖောင်ကြီးတိုက်နယ်ဆေးရုံကို ရောက်နေတယ်လို့ ပြောတယ်။ ရပ်ကွက်လူကြီးရဲ့ မိန်းမက လာပြောတာ။ ရဲစခန်းက အကြောင်းကြားတာ မဟုတ်ဘူး။ ကျွန်မတို့ သွားကြည့်တော့ မောင်လေးရဲ့ အလောင်းကို ရင်ခွဲရုံမှာ တွေ့တယ်။ တွေ့တော့ အလောင်းက တောင့်နေပြီ။ အခြားဒဏ်ရာတွေလည်း တွေ့တယ်။ ကျွန်မတို့ကတော့ ကျွန်မ မောင်လေး ဆွဲကြိုးချသတ်သေတယ် ဆိုတာကို မယုံဘူး။ ဒါကြောင့် မောင်လေး သေဆုံးရတဲ့ အကြောင်းအရင်းမှန်ကို သိချင်တယ်။ အမှုမှန် ပေါ်စေချင်တယ်။ ကျွန်မတို့မိသားစု လိုချင်တာက အမှန်တရားပါပဲ” ဟု ဖောင်ကြီးရဲစခန်း၌ ထိန်းသိမ်းခံရစဉ် သေဆုံးခဲ့ရသူ အမျိုးသား၏ အစ်မက ပြောကြားသည်။

ဖောင်ကြီးရဲစခန်းမှ စခန်းမှူးဖြစ်သူ၏ ပြောကြားချက်အရ ဖောင်ကြီး အနောက်ရပ်ကွက် အုပ်ချုပ်ရေးမှူး ဦးမြင့်ထွေး၏ အိမ်သို့ တောင်းပန်ရန် သေဆုံးသူက လာရောက်ရာတွင် ဦးမြင့်ထွေးက ပြန်ခိုင်းရာ လက်မခံသဖြင့် ဖောင်ကြီးရဲစခန်းသို့ သေဆုံးသူအား လာရောက် ပို့ဆောင်ခဲ့ပြီး တိုင်ချက်ဖွင့်ရန် လုပ်ဆောင်နေစဉ် အချုပ်ခန်းနံဘေးရှိ လျှောက်လမ်းပေါ် ထုပ်တန်း၌ သေဆုံးသူက ဆွဲကြိုးချ သတ်သေခဲ့ခြင်း ဖြစ်ကြောင်း သိရသည်။

“လွန်ခဲ့သည့် သုံးလေးနှစ်လောက်က ဖောင်ကြီးအနောက် အုပ်ချုပ်ရေးမှူးသမီးနဲ့ Viber , Facebook တို့နဲ့ စကားပြောခဲ့တယ် ပြောတာပဲလို့ ကျွန်တော် ကြားတာပါ။ အဲဒီလို ပို့တဲ့ကိစ္စတွေကို သွားတောင်းပန်မယ် ဆိုပြီး သွားတယ်လို့ ပြောတယ်။ အဲဒီအထိတော့ ကျွန်တော်တို့ မသိရသေးပါဘူး။ သွားတော့ အုပ်ချုပ်ရေးမှူးက မင်းဘာလို့ လာတာလဲ။ သူ့ကိုလည်း သားလို့ပဲ ခေါ်တာပါ။ သေဆုံးသူက ပြောတယ်၊ လွန်ခဲ့တဲ့ သုံးနှစ်လောက်က စာတွေပို့တဲ့အတွက် အရှက်ရစေလို့ လာတောင်းပန်တာပါလို့ ပြောပါတယ်။ အုပ်ချုပ်ရေးမှူးက ရပါတယ်လို့ပြောပြီး ပြန်ပါလို့ ပြောတာကို မပြန်ဘူးလို့ သေဆုံးသူက ပြောပါတယ်။ အဲ့ဒါကြောင့် ရဲစခန်းကို ခေါ်လာရတာပါ။ စခန်းကို ဦးမြင့်ထွန်း ရောက်လာပြီး ဦးမြင့်ထွန်းကို အကျိုးအကြောင်း မေးနေပြီး တိုင်ချက်ကောက်နေချိန် သူ့ကို အချုပ်ခန်းရဲ့ ဘေးထိုင်ခုံလေးနားမှာ ထိုင်ခိုင်းထားတယ်။ အချုပ်ခန်းရဲ့ ဘေးပတ်လည်မှာ လျှောက်လမ်းရှိတယ်။ လျှောက်လမ်းရဲ့ အပေါ်ထပ်မှာ သူ့အင်္ကျီလက်ရှည်နဲ့ အုန်းဆိုတဲ့ အသံပဲကြားရပြီး သူကိုယ်တိုင် ဆွဲကြိုးချသွားတာပါ” ဟု ဖောင်ကြီးရဲစခန်းမှ စခန်းမှူးက ပြောကြားသည်။

အဆိုပါဖြစ်စဉ်နှင့် ပတ်သက်ပြီး ဖောင်ကြီးရဲစခန်းမှ ရဲတပ်ဖွဲ့ဝင်များအား သက်ဆိုင်ရာ တာဝန်ရှိ အဖွဲ့အစည်းများမှ လာရောက် စစ်ဆေးလျက်ရှိကြောင်း ဖောင်ကြီးရဲစခန်းမှ စခန်းမှူးက ဆက်လက် ပြောကြားသည်။

လက်ရှိတွင် အဆိုပါဖြစ်စဉ်နှင့် ပတ်သက်ပြီး သေဆုံးသူ၏ မိသားစုက နိုင်ငံတော်သမ္မတရုံးနှင့် မြန်မာနိုင်ငံ အမျိုးသားလူ့အခွင့်အရေးကော်မရှင်တို့ အပါအ၀င် သက်ဆိုင်ရာ တာဝန်ရှိသူများထံသို့ တိုင်ကြားစာများ ပေးပို့ တိုင်ကြားထားကာ အမှုမှန်ပေါ်ပေါက်နိုင်ရေးအတွက် လိုလားလျက် ရှိကြောင်း သိရသည်။

ချစ်သူချင်းခိုးယူ ပေါင်းသင်းခဲ့သော်လည်း အသက်မပြည့်သေးသောကြောင့် အုပ်ထိန်းသူက အမှုဖွင့်ရာ သက်ငယ်မုဒိမ်းမှုဖြင့် အရေးယူခံရမှု ဘားအံမြို့နယ်တွင် ဖြစ်ပွား

ကရင်ပြည်နယ် ဘားအံမြို့နယ် အိန္ဒုနယ်မြေရဲစခန်းအပိုင်တွင် အလယ်တန်း အဆင့်ကျောင်းသူတစ်ဦးအား ၎င်း၏ချစ်သူက နှစ်ဦးသဘောတူ ခိုးယူ​ပေါင်းသင်းခဲ့သော်လည်း အုပ်​ထိန်းသူက အမှုဖွင့်​တိုင်တန်းသည့် ​သက်​ငယ်မုဒိမ်းမှုဖြစ်​စဉ်​တစ်​ခု ဖြစ်ပွားခဲ့ကြောင်း အိန္ဒုနယ်​​မြေရဲစခန်းမှ သတင်းရရှိသည်​။

ဘားအံမြို့နယ် သာယာကုန်းကျေးရွာအုပ်စု ​—-ကျေးရွာနေ ဦး—-+ ဒေါ်—- တို့၏ သမီးဖြစ်သူ မ—- အသက် (၁၂) နှစ်သည် စက်တင်ဘာ ၈ ရက် ည ၇ နာရီခန့်က ရုတ်​တရက် ​​ပျောက်​ဆုံး​နေသဖြင့် အုပ်​ထိန်းသူများက လိုက်လံစုံစမ်းခဲ့ရာ စက်တင်ဘာ ၉ ရက် ည​နေ ၃နာရီခန့်တွင် ​ကော့စိန်​ဘန်း​ကျေးရွာအုပ်​စု တံတားဦးရွာ​နေ ​မောင်​မိုက်​ခဲ (ခ) မိုက်​ရိုင်း၏ ​နေအိမ်​တွင် ​​တွေ့ရှိရကြောင်း သိရသည်။

မိန်းကလေး၏ မိဘအုပ်​ထိန်းသူများက ​မေးမြန်းရာ လွန်​ခဲ့​သောတစ်​နှစ်​ခန့်​ကတည်းက ချစ်​သူရည်းစားဖြစ်​​နေ​သော ​မောင်​လာကု (ခ) ထက်​လင်း​အောင်​နှင့်​ ခိုးရာလိုက်​​ပြေးခြင်းဖြစ်​​ကြောင်း သိရပြီး သားမယားအဖြစ်​ သုံးကြိမ်​ဆက်​ဆံခဲ့​ကြောင်း ​မေးမြန်း သိရှိရသည်​ဟုဆိုသည်။

ဖြစ်စဉ်နှင့်ပတ်သက်​ပြီး အုပ်​ထိန်းသူ​ ဒေါ်—– က အရွယ်​မ​ရောက်​​သေးသည့် သမီးဖြစ်​သူ မ —– အသက် ၁၂ နှစ် နှစ်လ – မွေးသက္ကရာဇ် ၂၁-၇-၂၀၀၆ ခုနှစ် – ဆဋ္ဌမတန်းကျောင်းသူအား ခိုးယူခေါ်ဆောင်သွားကာ သားမယားအဖြစ် ​ပေါင်းသင်း​နေထိုင်​ခဲ့သူ မောင်လာကု (ခ) ထက်​လင်း​အောင်​ (၂၀ နှစ်​)၊ ဘားအံမြို့နယ်​သာယာကုန်း ကုလားစု​နေသူကို အ​ရေးယူ​ပေးရန်​ တရားလိုပြုလုပ် ​တိုင်​တန်းခဲ့ခြင်းဖြစ်​​ကြောင်း သိရသည်​။

“သက်​ငယ်​မုဒိမ်းမှုကို အရင်က ရာဇသတ်ကြီး ဥပဒေပုဒ်မ ၃၇၅ ရဲ့ ပဉ္စမပိုဒ်မှာ ဖွင့်​ဆိုထားတာက အသက် ၁၄ နှစ်အောက် ကလေးငယ်ကို အလိုတူသည်ဖြစ်စေ၊ မတူသည်ဖြစ်စေ မုဒိမ်းမှုမြောက်တယ်လို့ ဖွင့်​ဆိုခဲ့​ပေမယ့်​ ၂၀၁၆ ခုနှစ် ဇန်န၀ါရီ ၇ ရက်က ပြည်ထောင်စု ဥပဒေအမှတ် (၆) ပြင်ဆင်လိုက်တဲ့အခါ ၁၆ နှစ်အောက် မိန်းကလေးများကို အလိုတူသည်ဖြစ်စေ၊ မတူသည်ဖြစ်စေ မုဒိမ်းမှုမြောက်တယ်လို့ ပြင်ဆင်​ထားတဲ့အတွက် ​အသက် ၁၆ နှစ်အောက် မိန်းကလေး​တွေဟာ သူတို့ရဲ့ရည်းစားကောင်လေး​တွေနဲ့ လိုက်ပြေးတယ်။ ဒါကို အုပ်​ထိန်းသူမိဘတွေက အမှုဖွင့်တဲ့အခါမှာ ၃၆၃၊ ၃၇၆ နဲ့ ရေးဖွင့်ရတာ ဖြစ်​တယ်​” ဟု အိန္ဒုနယ်​​မြေ ရဲစခန်းမှူး ရဲအုပ်​မင်း​အောင်ထွန်းက ပြောကြားသည်​။

သို့ဖြစ်၍ မောင်လာကု(ခ) ထက်လင်းအောင် ( ၂၀) နှစ်အား အိန္ဒုနယ်မြေရဲစခန်း က(ပ)၁၂၂/၂၀၁၈ ရာဇသတ်ကြီးပုဒ်မ ၃၇၆၊ ၃၆၃ဖြင့်​ အမှုဖွင့် စစ်ဆေးလျက်​ရှိ​ကြောင်း သိရသည်​။

ကရင်​ပြည်​နယ်​အတွင်း သက်​ငယ်​မုဒိမ်းမှု ဖြစ်​ပွားသည့်​အ​ရေအတွက်​ နှိုင်းယှဉ်​ရာတွင်​ ၂၀၁၆ခုနှစ်​က ၁၁ မှု၊ ၂၀၁၇ ခုနှစ်​တွင်​ ၁၇ မှု၊ ၂၀၁၈ခုနှစ်​ သြဂုတ်​လ​နောက်​ဆုံးပတ်​အထိ ၁၇ မှုဖြစ်​ပွားခဲ့​ကြောင်း သိရပြီး တစ်နှစ်ထက်တစ်နှစ် ပိုမိုများလာဖွယ်ရှိကြောင်း ကရင်​ပြည်​နယ်​ရဲတပ်​ဖွဲ့၏ မှုခင်းမှတ်​တမ်းများအရ သိရသည်​။

ကျပ်သိန်း ၃၀၀၀ ဆု အောင်ဘာလေ ထီလက်မှတ်ကို လိမ်လည် ခိုးယူသွားသည့် အမျိုးသားအား ပေါက်မြို့နယ် ရေပြာနယ်မြေရဲစခန်းတွင် အမှုဖွင့်

(၁၈) ကြိမ်မြောက်တွင် သိန်း ၃၀၀၀ ကံထူးသော ထီလက်မှတ်ကို လိမ်လည် ခိုးယူသွားသည့် အမျိုးသားအား ပေါက်မြို့နယ် ရေပြာနယ်မြေ ရဲစခန်းတွင် အမှုဖွင့်ထားကြောင်း အဆိုပါ နယ်မြေရဲစခန်းမှ စုံစမ်းသိရသည်။ အဆိုပါ ဖြစ်စဉ်မှာ မကွေးတိုင်းဒေသကြီး၊ ပေါက်မြို့နယ် သရက်ကန်ကျေးရွာအုပ်စု၊ လက်ပံတိုရွာမှ အသက် ၃၇ နှစ်ရှိ မတင်စန်း နှင့် မိသားစုသည် ပြီးခဲ့သည့် သြဂုတ်အတွင်း က မိုးယံထီဆိုင်မှ ၄၆ စောင်ပါ ထီအုပ် တစ်အုပ်ကို ကံစမ်းခဲ့ကြောင်း သိရသည်။

ထို့နောက် အောင်ဘာလေထီ ထွက်ရှိသည့် စက်တင်ဘာ ၁ ရက်တွင် ထီပေါက်စဉ် အလွယ်တကူ မရှိသောကြောင့် ထိုးထားသည့် ထီကို မတိုက်ဘဲ အမှုမဲ့အမှတ်မဲ့ နေခဲ့ကြောင်း၊ စက်တင်ဘာ ၆ ရက်တွင် အမည်မသိ အမျိုးသားတစ်ဦး (ထီရောင်းသူဟု ဆိုသူ) နေအိမ်သို့ ရောက်လာပြီး ထီပေါက်စဉ် တိုက်ပေးမည်ဟု ဆိုကာ ထီလက်မှတ်များကို တောင်းခံခဲ့ကြောင်း၊ တိုက်ကြည့်ပြီး မပေါက်ကြောင်းပြော၍ ပြန်ထွက်သွားခဲ့ကြောင်း သိရသည်။

အဆိုပါ အမျိုးသား ပြန်ထွက်သွားချိန်တွင် ထီ ၄၆ ရွက်အနက် ယ- ၈၆၉၁၈၂ ထီလက်မှတ် တစ်ခု ပျောက်ဆုံးနေ၍ ထီပေါက်စဉ်နှင့် ပြန်စစ်ကြည့်ရာ သိန်း ၃၀၀၀ ပေါက်သည့် လက်မှတ်ဖြစ်နေသဖြင့် ထီလက်မှတ်အား လိမ်လည် ယူဆောင်သွားခဲ့သည့် အမျိုးသားအား စုံစမ်းစစ်ဆေးပေးပါရန် သက်ဆိုင်ရာသို့ တိုင်ကြားခဲ့ကြောင်း သိရသည်။

သိန်း ၃၀၀၀ ထီပေါက်သူ၏ မိသားစုဝင်တစ်ဦးက “ရွာခံ မဟုတ်ပါဘူး။ ရွာကလည်း မသိဘူး။ သူ့ကိုယ်သူ ရွှေမြန်မာက ထီရောင်းတဲ့သူ လို့တော့ ပြောတယ်၊ ပြီးတော့ ထီတိုက်တယ်၊ မပေါက်ဘူးဆိုပြီး ပြန်သွားတယ်၊ ပြန်ရမလားတော့ မသိဘူး။ ရန်ကုန်က အောင်ဘာလေကိုတော့ ထုတ်မပေးဖို့ အကြောင်းကြားထားတယ်”ဟု သိန်း ၃၀၀၀ ထီပေါက်သူ၏ မိသားစုဝင်တစ်ဦးက ပြောကြားသည်။

ယင်းကဲ့သို့ ထီပေါက်သည်ကို ရောင်းသူက အကြောင်းမကြားမီ လိမ်လည် ခိုးယူသွားခဲ့ခြင်းဖြစ်ကြောင်း အဆိုပါ ထီပေါက်သည့် မိသားစုထံမှ သိရသည်။

“ထီက နှစ်ဖွဲ့ ဖြစ်နေတာပေါ့။ တစ်ဖွဲ့က ရောင်းခဲ့တယ်၊ တစ်ဖွဲ့က လာပြီး ခိုးသွားတယ်၊ အဲဒီလိုဖြစ်တာ ကျွန်တော်တို့ကတော့ ပိတ်ပစ်ခဲ့တယ်။ ဒီထီလက်မှတ်နဲ့ လာထုတ်ရင် မထုတ်ပေးဖို့ကို လျှောက်လွှာတင်ခဲ့တယ်။ ထီဆိုင်တွေကတော့ လက်ကားကြီးတွေ ဖြန့်တာဆိုတော့ အတိအကျကြီး မလိုက်ပေးနိုင်ဘူးပေါ့”ဟု လက်ပံတိုရဲစခန်းမှ ရဲအရာရှိတစ်ဦးက ပြောကြားသည်။

အဆိုပါ အမှုဖြစ်စဉ်မှ ထီလက်မှတ် လိမ်လည် ခိုးယူခဲ့သူအား ရေပြာနယ်မြေ ရဲစခန်းတွင် (ပ) ၈၂/၂၀၁၈၊ ရာဇသတ်ကြီး ဥပဒေပုဒ်မ ၃၈၀ ဖြင့် အမှုဖွင့်ထားပြီး ဖမ်းဆီးရမိရေး စုံစမ်းဆောင်ရွက်လျက် ရှိကြောင်း သိရသည်။

ကျပ်ငါးရာတန် အောင်ဘာလေထီ ဖွင့်လှစ်သည့် ခြောက်လအတွင်း ကျပ်သိန်း သုံးထောင်ဆု အပါအ၀င် ဆုငွေ လာရောက်ထုတ်ယူခြင်း မရှိသည့် ထီလက်မှတ် ခုနစ်သောင်းကျော် ရှိကြောင်းနှင့် ယခုလ ပထမအပတ်အတွင်း ပြည်တွင်း အခွန်များဦးစီးဌာနမှ ထုတ်ပြန်ထားပြီး ဆုမဲများကို ထီဖွင့်လှစ်သည့်နေ့မှ တစ်နှစ်အတွင်း လာရောက်ထုတ်ယူခြင်း မရှိပါက ယင်းဆုငွေအား နိုင်ငံတော်ဘဏ္ဍာအဖြစ် သိမ်းမည်ဖြစ်ကြောင်း ကြေညာထားသည်။

 

မန္တလေးမြို့တွင် မူးယစ်ဆေးဝါးနှင့် ပတ်သက်၍ ကျော်စောမှုဖြင့် တိမ်းရှောင်နေသူ၏ဇနီးအား သုံးနှစ်ခံဝန်ချုပ်ဆို နေထိုင်ရန် အောင်မြေသာစံမြို့နယ်တရားရုံးက အမိန့်ချ

မန္တလေးမြို့တွင် မူးယစ်ဆေးဝါး ကျော်စောမှုဖြင့် ထွက်ပြေးတိမ်းရှောင်နေသော ဘိုစနေ၏ဇနီးအား သုံးနှစ်ခံဝန်ဖြင့် ချုပ်ဆိုနေထိုင်စေရန် အောင်မြေသာစံမြို့နယ် တရားရုံးမှ စက်တင်ဘာ ၁၀ ရက်က အမိန့်ချမှတ်ခဲ့ကြောင်း သတင်းရရှိသည်။

မန္တလေးမြို့ အောင်မြေသာစံမြို့နယ်အတွင်းရှိ ကမ်းနားလမ်းတစ်လျှောက် မူးယစ်ဆေးဝါး ရောင်းချမှုနှင့် ပတ်သက်ပြီး ကျော်စောလျက်ရှိသော ဘိုစနေဆိုသူအား ဖမ်းဆီးနိုင်ရန် ရဲတပ်ဖွဲ့မှ စုံစမ်းရှာဖွေလျက်ရှိရာ သြဂုတ် ၂၅ ရက်က ချမ်းမြသာစည်မြို့နယ် ထွန်တုံးရပ်ကွက်အတွင်းရှိ ၎င်းတို့ နေအိမ်သို့ ၀င်ရောက်ရှာဖွေခဲ့ကြောင်း သိရသည်။

ထိုသို့ရှာဖွေစဉ် မူးယစ်ဆေးဝါးအမှုဖြင့် ထွက်ပြေးတိမ်းရှောင်နေသူ ဘိုစနေအား မတွေ့ရဘဲ မူးယစ်ဆေးဝါးရောင်းချမှုများ ဆောင်ရွက်ပေးသော ၎င်း၏ဇနီးဖြစ်သူ မနန်းသန္တာတင့်(ခ)မိနန်းအား မူးယစ်ဆေးဝါး တစ်စုံတစ်ရာ မတွေ့ရသော်လည်း အောင်မြေသာစံမြို့နယ် မူးယစ်ဆေးဝါး တားဆီးနှိမ်နင်းရေးအဖွဲ့၏ အစည်းအဝေး ဆုံးဖြတ်ချက်အရ မူးယစ်ဆေးဝါးရောင်းချမှုဖြင့် ကျော်စောသတင်းရှိသူဖြစ်ရာ ပြင်ပတွင် လွတ်လပ်စွာ ထားရှိပါက မူးယစ်ဆေးဝါးများ ဆက်လက် ရောင်းချနိုင်သောကြောင့် မနန်းသန္တာတင့်ကို အောင်မြေသာစံမြို့မရဲစခန်းတွင် မယ (ပ)၂၃/၂၀၁၈ မူး/စိတ်ပုဒ်မ၂၅(က)ဖြင့် အမှုဖွင့် ဖမ်းဆီးစစ်ဆေးခဲ့သည်ဟု တိုင်းရဲတပ်ဖွဲ့မှ သိရသည်။

ထိုကဲ့သို့ အမှုဖွင့် အရေးယူမှုနှင့်ပတ်သက်ပြီး အောင်မြေသာစံမြို့နယ်ရဲတပ်ဖွဲ့မှူး ရဲမှူးဇော်နိုင်သို့ မေးမြန်းခဲ့ရာ “ဘိုစနေက အောင်မြေသာစံမြို့နယ်ထဲက မင်းတဲ အီကင်းမှာနေတာ။ ဘိုစနေရဲ့မိန်းမဆိုတော့ သူလည်း မူးယစ်ဆေးဝါး ရောင်းချမှုနဲ့ ဆက်စပ်နေမယ်။ ယောက်ကျားက ကျော်စောမှတော့ မိန်းမက မသိဘူးဆိုတာ မရှိဘူး။ ဒါကြောင့် မူးယစ်ကျော်စောမှုနဲ့ တရားစွဲတင်လိုက်တာပါ။ သုံးနှစ်အတွင်း ကောင်းမွန်စွာ နေထိုင်မယ်ဆိုတဲ့ ခံဝန်ချုပ်ဆိုတယ်လို့တော့ သိရတယ်။ တရားရုံးကပဲ အမိန့်ချတာပါ” ဟု ပြောကြားခဲ့သည်။

ထိုသို့ မူးယစ်ကျော်စောမှုဖြင့် အမှုဖွင့်ခံထားရသည့် မနန်းသန္တာတင့်ကို ရဲစခန်းစွဲချက်အမှတ် ၇၅၄/၂၀၁၈ဖြင့် အောင်မြေသာစံမြို့နယ် တရားရုံးသို့ စက်တင်ဘာလ ၇ ရက်က တရားစွဲတင်ပို့ခဲ့ရာ စက်တင်ဘာလ ၁၀ ရက်တွင် မနန်းသန္တာကို မူး/စိတ် ပုဒ်မ၂၅(က)အရ သုံးနှစ်တာကာလအတွင်း ကောင်းမွန်စွာနေထိုင်စေရန် ကျပ်သိန်း ၁၀၀ တန် ခံဝန်သူနှစ်ဦးဖြင့် ခံဝန်ချုပ်ဆိုစေရန် အမိန့်ချမှတ်ခဲ့ကြောင်း သိရသည်။

မန္တလေးမြို့တွင် မူးယစ်ဆေးဝါးသုံးစွဲနေသည့် ဗီဒီဖိုင်များမကြာခဏဆိုသလို ပျံ့နှံ့လျက်ရှိပြီး အဆိုပါ သတင်းထွက်ပေါ်နေသည့် နေရာများသို့ ရဲတပ်ဖွဲ့မှ သွားရောက်ရှာဖွေ ဖမ်းဆီးခြင်းများ အဆက်မပြတ် ပြုလုပ်နေသလို မူးယစ်ဆေးဝါး သုံးစွဲသူများ ခိုအောင်းရာဟု နာမည်ရှိသည့်ကျူးကျော်တဲများ၊ နေအိမ်များကိုလည်း စည်ပင်သာယာရေးဥပဒေဖြင့် ဖျက်သိမ်းမှုများ ပြုလုပ်နေကြောင်း သိရသည်။