တိုင်းရင်းသားများ၏ အခွင့်အရေးကို လက်မခံ၊ အသိအမှတ် မပြုခြင်းသည် ပြည်တွင်းစစ် ဖြစ်ပွားနေရခြင်း၏ အဓိက အရင်းခံပြဿနာဟု TNLA အထွေထွေအတွင်းရေးမှူး ပြောကြား

ကချင်ပြည်နယ်အတွင်း တိုက်ပွဲများကြောင့် ထွက်ပြေးလာကြသူ ဒေသခံများအား နမ္မတီးမြို့ နှစ်ခြင်းဘုရားကျောင်းအတွင်း ဧပြီလအတွင်းက တွေ့ရစဉ် (ဓာတ်ပုံ-မုန်ဆန်အောင်)

လူမျိုးပေါင်းစုံနေထိုင်သည့် မြန်မာနိုင်ငံတွင် လူမျိုးစုများ၏ နိုင်ငံရေးအခွင့်အရေး ဆိတ်သုဉ်းပျက်စီးနေခြင်း၊ တိုင်းရင်းသား အခွင့်အရေးကို လက်မခံ၊ အသိအမှတ် မပြုခြင်းများသည် ပြည်တွင်းစစ် ဖြစ်ပွားနေရခြင်း၏ အဓိက အရင်းခံပြဿနာ ဖြစ်သည်ဟု တအန်းလက်နက်ကိုင်အဖွဲ့ (TNLA) ၏ အထွေထွေ အတွင်းရေးမှူးဖြစ်သူ ဗိုလ်မှူးချုပ်တားဘုန်းကျော်က ပြောကြားသည်။

TNLA သတင်းနှင့် ပြန်ကြားရေးဌာနက လစဉ်ထုတ်ဝေသည့် စာစောင်တွင် “မြန်မာပြည်တွင်းစစ် ရာစုနှစ်ထိအောင် ရှည်ကြာမှာလား” ဟူသော ခေါင်းစဉ်ဖြင့် TNLA အထွေထွေအတွင်းရေးမှူး ဗိုလ်မှူးချုပ် တားဘုန်းကျော်က ဆောင်းပါးရေးသားခဲ့ပြီး ၎င်းက အဆိုပါ ဆောင်းပါးတွင် ထိုသို့ထည့်သွင်း ရေးသားခဲ့ခြင်းဖြစ်သည်။

မြန်မာနိုင်ငံအတွင်းရှိ တိုင်းရင်းသားများ အနေဖြင့် ၎င်းတို့၏ ကိုယ်ပိုင်ပြဋ္ဌာန်းခွင့် နိုင်ငံရေး အခွင့်အရေးကို ကျင့်သုံးခွင့်ရရှိမည်ဆိုပါက ဗြိတိသျှကိုလိုနီများ မည်သို့ပင် သိမ်ဖျင်းသော သွေးခွဲအုပ်ချုပ်မှုမျိုး လုပ်ခဲ့ပါစေ၊ အဆိုပါ သွေးခွဲမှုသည် အလုပ်ဖြစ်မည် မဟုတ်သကဲ့သို့ ပြည်တွင်းစစ်လည်း ဖြစ်ပွားမည်မဟုတ်ဘဲ မြန်မာနိုင်ငံတွင် တိုင်းရင်းသား လူမျိုးများ၏ ကိုယ်ပိုင်ပြဋ္ဌာန်းခွင့်နှင့် နိုင်ငံရေး အခွင့်အရေးကို အတိအကျ အသိအမှတ်ပြုကာ အကောင်အထည်ဖော်ဆောင်ရန် လိုအပ်နေသည်ဟု ဗိုလ်မှူးချုပ် တားဘုန်းကျော်က ပြောကြားသည်။

ထို့ပြင် မြန်မာအစိုးရ အဆက်ဆက်သည်လည်း တိုင်းရင်းသားလူမျိုး အခွင့်အရေးကို အနည်းငယ်သာ အသိအမှတ်ပြုချင်ပြီး ဟန်ပြအသုံးချရုံလောက်သာ သဘောထားရှိခဲ့ကာ တော်လှန်ရေးလှုပ်ရှားသည့် အင်အားစုများကလည်း တိုင်းရင်းသားများ၏ ကိုယ်ပိုင်ပြဋ္ဌာန်းခွင့် ပြဿနာအပေါ် နားလည်လက်ခံသလို ရှိသော်လည်း အရေးကြုံ ဆုံးဖြတ်ချက်ပေးရမည့် အချိန်တွင်မူ မှန်ကန်သော ပြဿနာဖြေရှင်းသည့်ဘက်မှ ပြတ်ပြတ်သားသား မရပ်တည်ဝံ့ဟု ၎င်းက အဆိုပါဆောင်းပါးတွင် ဝေဖန်ထောက်ပြထားသည်။

“မြန်မာနိုင်ငံ လွတ်လပ်ရေးရပြီးကတည်းက အခုအချိန်အထိ တိုင်းရင်းသားအရေးကိစ္စကို တကယ်ကိုင်တွယ် ဖြေရှင်းဝံ့သူ ဗမာခေါင်းဆောင်၊ ဗမာနိုင်ငံရေးပါတီ မရှိသေးပါ။ သူတို့ကိုယ်ကျိုးနဲ့ ပါတီအကျိုးအတွက်ပဲ တိုင်းရင်းသားတွေကို ခရီးသွားဟန်လွဲ အသုံးချခဲ့ကြတာကို တွေ့ရမှာပါ” ဟု ဗိုလ်မှူးချုပ် တားဘုန်းကျော်က ပြောဆိုသည်။

အချို့သော တိုင်းရင်းသား အင်အားစုများနှင့် ဒီမိုကရေစီအင်အားစုများသည် ကိုယ့်ကြမ္မာကိုယ် မဖန်တီးနိုင်တော့သည့်အတွက် ဒေါ် အာင်ဆန်းစုကြည်နှင့် ၂၀၀၈ ဖွဲ့စည်းပုံ အခြေခံဥပဒေထံ ပုံအပ်လိုက်ကြပြီး ထိုသုိ့ပုံအပ်မှုကြောင့် တိုင်းရင်းသားများနှင့် ဒီမိုကရေစီ အင်အားစုများအကြား အဓိက ဆုံးရှုံးမှုသည် တော်လှန်ရေး တိုက်ဖော် တိုက်ဖက် စိတ်ဓာတ်ဟု ဗိုလ်မှူးချုပ် တားဘုန်းကျော်က ပြောကြားသည်။

ဒေါ်အောင်ဆန်းစုကြည်အနေဖြင့် အမျိုးသားပြန်လည် သင့်မြတ်ရေးကို တပ်မတော်နှင့်သာ လုပ်ဆောင်ရန် ကြိုးပမ်းခဲ့ပြီး အခက်အခဲများကြားတွင် နှစ်ကာလ ကြာရှည်စွာ အတူရုန်းကန်ခဲ့ကြသည့် ဘ၀တူ မဟာမိတ် တိုင်းရင်းသားပါတီများအပေါ် လစ်လျူရှူ ခွဲခြားဆက်ဆံခဲ့သည်ဟု ဗိုလ်မှူးချုပ် တားဘုန်းကျော်က ပြောကြားသည်။

“တိုင်းပြည်တည်ဆောက်ရေး အတွက် အတူလက်တွဲလုပ်ဆောင်ဖို့ တန်ဖိုးထားမှု မရှိတာဟာ တိုင်းပြည်အတွက် တကယ် အင်မတန် နစ်နာတဲ့ဆုံးရှုံးမှု ဖြစ်ပါတယ်” ဟု ဗိုလ်မှူးချုပ် တားဘုန်းကျော်က ပြောကြားသည်။

၂၀၀၈ ဖွဲ့စည်းပုံ အခြေခံဥပဒေအရ ၂၀၁၆ ခုနှစ်တွင် အစိုးရဖြစ်လာသော NLD ပါတီအနေဖြင့် ဆိုးဝါးသော အစိုးရဖွဲ့စည်းမှုနှင့် ပြည်ထောင်စုမဆန်သော လုပ်နည်းလုပ်ဟန်နှင့် ရပ်တည်ချက်များကြောင့်   တိုင်းရင်းသား လူမျိုးများ၏ ယုံကြည်မှုကို ပျက်ယွင်းစေခဲ့ပြီး လက်ရှိ နိုင်ငံ့ခေါင်းဆောင်များ၏ တိုင်းရင်းသားများအပေါ် သဘောထားသည် စစ်မှန်သော ပြည်ထောင်စု တည်ဆောက်ရေးအတွက် အဆင့်မီ ပြည့်စုံခြင်းမရှိဟု ၎င်းက ထောက်ပြဝေဖန်ခဲ့သည်။

ပြည်တွင်းစစ်သည် တိုင်းပြည်၏ ဒီမိုကရေစီ အခြေခံအဆောက်အအုံများကို အင်အားချည့်နဲ့စေပြီး တိုင်းပြည် ဖွံ့ဖြိုးတိုးတက်မှုကို နှေးကွေးနောက်ကျစေကာ အဆိုပါ ပြည်တွင်းစစ် ရပ်တန့်နိုင်ရေးသည် တိုင်းရင်းသားများ၏ ကိုယ်ပိုင်ပြဋ္ဌာန်းခွင့်နှင့် တန်းတူရေး၊ နိုင်ငံရေးပြဿနာကို ဖြေရှင်းနိုင်မှသာ ဖြစ်မည်ဟု ဗိုလ်မှူးချုပ် တားဘုန်းကျော်က ၎င်း၏ “မြန်မာပြည်တွင်းစစ် ရာစုနှစ်ထိအောင် ရှည်ကြာမှာလား” ဟူသော ဆောင်းပါးတွင် သုံးသပ်ရေးသားခဲ့သည်။

 

ကချင်လေးပါတီ ပေါင်းစည်းပြီး ကချင်ပြည်နယ်ပါတီ (Kachin State Party – KSP) ဟုအမည်ပေး

ကချင်လေးပါတီ ပေါင်းစည်း၍ ကချင်ပြည်နယ်ပါတီ (Kachin State Party – KSP) ဟု အမည်ပေးခဲ့ခြင်းကို သြဂုတ် ၁၁ ရက် အစည်းအဝေးတွင် ဆုံးဖြတ်ခဲ့ကြောင်း သတင်းရရှိသည်။ ဆွေးနွေးပွဲတွင် ကချင်ဒီမိုကရက်တစ်ပါတီ KDP၊ ကချင်ပြည်နယ် ဒီမိုကရေစီပါတီ KSDP၊ ကချင်အမျိုးသား ကွန်ကရက်ပါတီ KNC၊ စည်းလုံးညီညွတ်ရေးနှင့် ဖွံ့ဖြိုးရေးပါတီ UPKS စသည့် လေးပါတီ ခေါင်းဆောင်များနှင့် ပေါင်းစည်းရေး ကော်မတီဝင် ၁၇ ဦးက ပါတီအမည်၊ ပါတီအလံ၊ တံဆိပ်များကို ရွေးချယ်နိုင်ခဲ့ခြင်းဖြစ်ကြောင်း သိရသည်။

သဘောတူညီမှုများနှင့် ပတ်သက်၍ ကချင်အမျိုးသား ကွန်ဂရက်ပါတီမှ ဒေါက်တာ အမ်ကောန်လက “ပါတီ နာမည်၊ တံဆိပ်၊ အလံ အတည်ပြုတာပေါ့။ ကချင်ပြည်နယ်ပါတီ (Kachin State Party – KSP) ဆိုပြီး ပါတီအမည်ပေါ့။ လိုဂိုနှင့် အလံပေါ့။ အလံက အပေါ်က အနီ၊ အဖြူ၊ အပြာပေါ်မှာ ကချင်ပြည်နယ်မြေပုံ၊ ပါတီနာမည် အတိုကောက် KSP ထည့်မှာပေါ့။ သဘောထား ကွဲလွဲတာ မရှိပါဘူး။ ဒါက ၁၇ ဦးကော်မတီကို ရွေးခိုင်းတာ။ နောက်ပြီး အလုပ်အဖွဲ့ကော်မတီ (Working Committee) ဖွဲ့ဖို့ သဘောတူထားတယ်။ ပညာတတ်အုပ်စုတွေပါတဲ့ ကချင်ပြည်နယ်ထဲက နိုင်ငံသားအားလုံးကို ဖိတ်ခေါ်မယ်။ အဲဒါပြီးမှ ဗဟိုကော်မတီ ဖွဲ့မယ်။ ၂၀၁၈ ကြားဖြတ်ကို မမီတော့ဘူး။ လေးပါတီပေါင်းအဖွဲ့က ပါဝင်ဖို့ အမည်စာရင်း မသွင်းနိုင်ခဲ့ဘူး။ ဒီနှစ်ကုန်ပြီး ၂၀၁၉ နှစ် ဆန်းပိုင်းမှ မှတ်ပုံတင် လုပ်နိုင်မယ် ထင်ပါတယ်။ လူရွေးတာတွေ၊ ဆပ်ကော်မတီတွေ ထပ်လုပ်ရဦးမယ်။ အားလုံးပါဝင်ဖို့ဆိုရင် အချိန်ယူရဦးမယ်။ ဖိတ်ခေါ်ကာလကို သီးသန့်လုပ်မှရမယ်လို့ စဉ်းစားထားပါတယ်” ဟု ပြောကြားသည်။

ပါတီပေါင်းစည်းရေးအတွက် ၂၀၁၈ ခုနှစ် ဧပြီ ၁၀ ရက် မနောကွင်း မဂျွယ်ခန်းမတွင် သုံးပါတီ ပေါင်းစည်းရေး ဆောင်ရွက်ချိန်တွင် စည်းလုံးညီညွတ်ရေးနှင့် ဖွံ့ဖြိုးရေးပါတီ  UDKS ပါဝင်လာပြီး ပါတီလုပ်ငန်းစဉ်တွင် ဆောင်ရွက်ရန် လူထုရွေးချယ်သည့် ၁၇ ဦး ကော်မတီကို ရွေးချယ်ခဲ့သည်။

ကချင်တိုင်းရင်းသား နိုင်ငံရေးပါတီများ ပေါင်းစည်းရေးအတွက် ၂၀၁၄ ခုနှစ်တွင် စတင်ခဲ့သော်လည်း ၂၀၁၈ ဇန်န၀ါရီ ၁၃ ရက်တွင် သုံးပါတီပေါင်းစည်းမည်ဟု မြစ်ကြီးနား YMCA ခန်းမတွင် လက်မှတ်ထိုးနိုင်ခဲ့သည်။

လာမည့် ၂၀၁၈ နိုဝင်ဘာ ၃ ရက်တွင် ပြုလုပ်မည့် ကြားဖြတ်ရွေးကောက်ပွဲတွင် မြစ်ကြီးနားမြို့နယ် တစ်ခုလုံး အကျုံးဝင်သည့် (အမျိုးသားလွှတ်တော် မဲဆန္ဒနယ်အမှတ် ၂) အတွက် ပါတီပေါင်းစည်းရာတွင် ပါဝင်ခဲ့သည့် ကချင်ဒီမိုကရက်တစ်ပါတီမှ ဦးအောင်ခမ်းက ကိုယ်စားလှယ်လောင်းအဖြစ် တင်သွင်းထားကြောင်း သိရသည်။

ကချင်ပြည်နယ်တွင် ၂၀၁၅ ရွေးကောက်ပွဲအတွက် ပါတီ ၁၇ ခုဝင်ရောက်ယှဉ်ပြိုင်ခဲ့ပြီး ကချင်ပြည်နယ် အခြေစိုက် ပါတီများဖြစ်သည့် ကချင်ဒီမိုကရက်တစ်ပါတီ၊ ကချင်ပြည်နယ် ဒီမိုကရေစီပါတီ၊ ကချင်အမျိုးသားများ ဒီမိုကရေစီ ကွန်ဂရက်ပါတီ၊ လီဆူအမျိုးသားများ ဖွံ့ဖြိုးတိုးတက်ရေးပါတီ၊ လဝေါ်အမျိုးသားများ ဖွံ့ဖြိုးတိုးတက်ရေးပါတီ၊ ရှမ်းနီအမျိုးသားများ ဖွံ့ဖြိုးတိုးတက်ရေးပါတီနှင့် တိုင်းလိုင် (ရှမ်းနီ) နှင့် မြန်မာပြည်မြောက်ပိုင်း ရှမ်းမျိုးနွယ်စုများ သွေးစည်းညီညွတ်ရေးပါတီ စသည့် တိုင်းရင်းသားပါတီ ခုနစ်ခုကို ပြည်ထောင်စုရွေးကောက်ပွဲ ကော်မရှင်မှ မှတ်ပုံတင် ရရှိခဲ့သည်။

 

၂၀၁၇-၂၀၁၈ ဘဏ္ဍာနှစ်အတွက် ဘတ်ဂျက် တောင်းခံရာတွင် ပြုပြင်ပြီး ခန့်မှန်းခြေနှင့် ဖြည့်စွက် ခွင့်ပြုငွေအဖြစ် ဘတ်ဂျက်လိုငွေ ကျပ် ၆၄၀၁ ဘီလျံကျော်အထိ စံချိန်တင် များပြားစွာ တောင်းခံခဲ့သော်လည်း ယာယီ အမှန်စာရင်းအရ လိုငွေ ကျပ် ၂၀၉၆ ဘီလျံကျော်သာ ဖြစ်ပေါ်

၂၀၁၇-၂၀၁၈ ဘဏ္ဍာနှစ်တွင် အစိုးရနှင့် ၀န်ကြီးဌာနများအတွက် ဘတ်ဂျက်များ တောင်းခံရာတွင် စုစုပေါင်းလိုငွေ ကျပ် ၆၄၀၁ ဘီလျံကျော်အထိ ဖြစ်ပေါ်ကာ အများဆုံး ဘတ်ဂျက် တောင်းခံမှုအဖြစ် စံချိန်တင် ဘတ်ဂျက် တောင်းခံခဲ့သော်လည်း ၂၀၁၇-၂၀၁၈ ဘဏ္ဍာနှစ် ယာယီ အမှန်စာရင်းအရ ကျပ် ၂၀၉၆ ဘီလျံကျော်သာ လိုငွေ ဖြစ်ပေါ်ခဲ့ကြောင်း သိရသည်။

၂၀၁၇-၂၀၁၈ ဘဏ္ဍာနှစ် မူလ ခန့်မှန်းခြေတွင် ရငွေကျပ် ၁၆၆၀၅ ဘီလျံကျော်သာရှိပြီး သုံးငွေမှာ ကျပ် ၂၀၅၉၄ ဘီလျံအထိ ရှိခဲ့ကာ လိုငွေကျပ် ၃၉၈၉ ဘီလျံကျော်အထိ ရှိခဲ့သော်လည်း ပြုပြင်ပြီး ခန့်မှန်းခြေတွင် ရငွေ ကျပ် ၁၈၈၃၂ ဘီလျံသို့ မြင့်တက်ကာ သုံးငွေ ကျပ် ၂၂၇၆၀ ဘီလျံ ဖြစ်လာသဖြင့် လိုငွေကျပ် ၃၉၂၈ ဘီလျံကျော်အထိ ဖြစ်ပေါ်ခဲ့သည်။

ထို့နောက် ၂၀၁၇ နှစ် နိုဝင်ဘာလအတွင်း ပြည်ထောင်စုအစိုးရ အဖွဲ့အစည်းများမှ ဘတ်ဂျက် ကျပ် ၂၅၄၄ ဘီလျံကျော်အထိ ထပ်မံတောင်းခံပြီး ကျပ် ၇၀ ဒသမ ၆၃ ဘီလျံ စိစစ်ဖြတ်တောက်ခဲ့သဖြင့် ဖြည့်စွက် ခွင့်ပြုငွေ ၂၄၇၃ ဘီလျံအထိ ဖြစ်ပေါ်ခဲ့သည်။

ထိုသို့ ဖြစ်ပေါ်ခဲ့သော်လည်း ၂၀၁၇-၂၀၁၈ ဘဏ္ဍာနှစ် ယာယီအမှန်စာရင်းတွင် ဘတ်ဂျက်လိုငွေ ကျပ် ၂၀၉၆ ဘီလျံကျော်သာ ဖြစ်ပေါ်ခဲ့ပြီး လိုငွေနှင့် ဂျီဒီပီအချိုးမှာလည်း ၂ ဒသမ ၃၂ ရာခိုင်နှုန်းသို့ လျော့ကျခဲ့ကြောင်း စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးစိုးဝင်း၏ ပြည်ထောင်စုလွှတ်တော်သို့ ရှင်းလင်း တင်ပြသည့် အစီရင်ခံစာတွင် ဖော်ပြထားမှုအရ သိရသည်။

ဘတ်ဂျက်များကို အမှန်တကယ် သုံးစွဲနိုင်မှုမရှိဘဲ ၀န်ကြီးဌာနများက များပြားစွာ တောင်းခံနေမှုနှင့် လွှတ်တော် ကိုယ်စားလှယ်များက ထိရောက်စွာ ဖြတ်တောက်နိုင်မှု အားနည်းချက်ကြောင့် ပြည်သူများ၏ လူနေမှုဘ၀ကို ထိခိုက်စေသည့် ငွေဖောင်းပွမှု၊ ကုန်ဈေးနှုန်း မြင့်တက်မှုများစွာ ဖြစ်ပေါ်နေရကြောင်း ဝေဖန်မှုများ ရှိနေသည်။

ပြီးခဲ့သည့် အစိုးရ လက်ထက် ၂၀၁၁-၂၀၁၂ ဘဏ္ဍာနှစ်မှ ၂၀၁၇- ၂၀၁၈ ဘဏ္ဍာနှစ်အထိ ယခင် ဘဏ္ဍာနှစ် ခုနစ်ခုတွင် ဖြည့်စွက် ခွင့်ပြုငွေကျပ် ဘီလျံ ၁၃၀၀၀ ကျော် တောင်းခံကာ ဘီလျံ ၁၁၀၀၀ ကျော် ပြန်လည် အပ်နှံမှု ဖြစ်ပေါ်ခဲ့ကြောင်း ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ၏ အစီရင်ခံစာအရ သိရသည်။

၂၀၁၁-၂၀၁၂ ဘဏ္ဍာနှစ်မှ ၂၀၁၇- ၂၀၁၈ ဘဏ္ဍာနှစ်အထိ နှစ်အလိုက် နောက်ဆက်တွဲ ဘတ်ဂျက်ခွင့်ပြုငွေ စုစုပေါင်း ကျပ် ၁၃၀၇၃ ဘီလျံဖြစ်ပြီး ဘတ်ဂျက် ပိုလျှံငွေများ ပြန်လည်အပ်နှံငွေ ကျပ် ၁၄၆၂၃ ဘီလျံ ဖြစ်ကာ အပ်နှံငွေမှ လွှဲပြောင်းသုံးငွေ ကျပ် ၃၀၂၂ ဘီလျံ ဖြစ်သည့်အတွက် အသားတင် အပ်နှံငွေမှာ ကျပ် ၁၁၆၀၁ ဘီလျံ ဖြစ်ကြောင်း ကော်မတီ အစီရင်ခံစာအရ သိရသည်။

သမ္မတဟောင်း ဦးသိန်းစိန်အစိုးရ လက်ထက် ၂၀၁၁-၂၀၁၂ ဘဏ္ဍာနှစ်မှ စတင်၍ ၂၀၁၅-၂၀၁၆ ဘဏ္ဍာနှစ်အထိ နောက်ဆက်တွဲ ဘတ်ဂျက်ခွင့်ပြုငွေ စုစုပေါင်း ကျပ် ၉၃၇၁ ဘီလျံဖြစ်ပြီး အသားတင် ပြန်လည် အပ်နှံငွေမှာ ကျပ် ၉၉၁၄ ဘီလျံ ဖြစ်သည်။

ထို့ပြင် ယခင်သမ္မတ ဦးထင်ကျော် အစိုးရလက်ထက် ၂၀၁၆-၂၀၁၇ ဘဏ္ဍာနှစ်တွင် နောက်ဆက်တွဲ ဘတ်ဂျက် ခွင့်ပြုငွေမှာ ၁၂၈၄ ဘီလျံဖြစ်ပြီး အသားတင် ပြန်လည်အပ်နှံငွေမှာ ကျပ် ၁၆၈၇ ဘီလျံ ဖြစ်ကြောင်း ပြည်သူ့ငွေစာရင်း ပူးပေါင်းကော်မတီက ဆိုသည်။

ဘတ်ဂျက် ခွင့်ပြုငွေများကို အပြည့်အ၀ သုံးစွဲနိုင်မှု မရှိခြင်းကြောင့် အထွေထွေပိုလျှံ ရန်ပုံငွေသို့ နှစ်စဉ် ကျပ်ဘီလျံ ထောင်ဂဏန်းအထိ ပြန်လည် အပ်နှံလျက်ရှိရာ ဌာနများအနေဖြင့် ဘတ်ဂျက် တိုးမြင့်ရရှိမှုနှင့် လိုက်လျောညီထွေဖြစ်ရန် အကောင်အထည်ဖော် ဆောင်ရွက်နိုင်မှု မရှိခြင်းကို သေချာစွာ ဆန်းစစ်လေ့လာ သုံးသပ်ရန် လိုအပ်နေပြီ ဖြစ်ကြောင်း ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီက အကြံပြုထားသည်။

လာမည့် ၂၀၁၈-၂၀၁၉ ဘဏ္ဍာနှစ်အတွက် ဘတ်ဂျက် တောင်းခံရာတွင်လည်း ကနဦး တောင်းခံမှုတွင် မူလခန့်မှန်းခြေမှာ ကျပ် ၄၉၀၃ ဘီလျံအထိ ဖြစ်ပေါ်နေပြီး ဦးသိန်းစိန် အစိုးရလက်ထက်နှင့် NLD အစိုးရ လက်ထက်နှစ်ဆက် မူလခန့်မှန်းခြေများတွင် အများဆုံးတောင်းခံမှု ဖြစ်ပေါ်နေသည်။ ထိုသို့ များပြားစွာ တောင်းခံထားသော်လည်း ၀န်ကြီးဌာနများမှ စီမံကိန်းများ အမှန်တကယ် လုပ်ဆောင်နိုင်ခြင်း မရှိခြင်း၊ ဘတ်ဂျက်နှင့် ပတ်သက်ပြီး ဆီးသီးဗန်းမှောက် ဘတ်ဂျက်ဟု ဝေဖန်ခံရမှုများ ရှိနေခြင်း၊ ကျပ်ငွေတန်ဖိုး လွန်မင်းစွာ ကျဆင်းနေခြင်း၊ နှစ်စဉ် ကျပ်ဘီလျံ ထောင်ပေါင်းများစွာ ပြန်လည်အပ်နှံနေခြင်း စသည့်အချက်များကြောင့် ပြည်ထောင်စု လွှတ်တော်အနေဖြင့် NLD အစိုးရ၏ ၀န်ကြီးဌာနများမှ များပြားသော ဘတ်ဂျက် တောင်းခံမှုများကို ထိရောက်စွာ ဖြတ်တောက်နိုင်ရန် လိုအပ်နေကြောင်း သုံးသပ်မှုများ ရှိနေသည်။

တိုင်းပြည်ဆင်းရဲတွင်းနက်နေခြင်း၊ တရားဥပဒေစိုးမိုးမှု အားနည်းခြင်း၊ သတင်းလွတ်လပ်ခွင့် ကင်းမဲ့ခြင်းနှင့် အကျင့်ပျက်ခြစားမှုသည် ထင်ရှားသော အခက်အခဲများဖြစ်ဟု ရန်ကုန်မြို့ ရှစ်လေးလုံး နိုင်ငံရေးဆွေးနွေးပွဲ၌ ထုတ်ပြန်

ရန်ကုန်တက္ကသိုလ်တွင် သြဂုတ် ၈ ရက်က ရှစ်လေးလုံး အရေးတော်ပုံ နှစ် ၃၀ ပြည့် အခမ်းအနား ကျင်းပနေစဉ်

၂၀၀၈ ဖွဲ့စည်းပုံအခြေခံဥပဒေအရ ရွေးကောက်ခံအစိုးရတစ်ရပ် ပေါ်ပေါက်လာကာ ငြိမ်းချမ်းရေးဆွေးနွေးမှု လုပ်ငန်းစဉ်များနှင့် ဒေသအချို့တွင် လမ်းပန်းဆက်သွယ်ရေး အပါအ၀င် ဖြစ်ထွန်းတိုးတက်မှုအချို့ ရှိသော်လည်း တိုင်းပြည်ဆင်းရဲတွင်းနက်နေခြင်း၊ တရားဥပဒေစိုးမိုးမှု အားနည်းခြင်း၊ သတင်းလွတ်လပ်ခွင့် ကင်းမဲ့ခြင်းနှင့် အကျင့်ပျက်ခြစားမှုများသည် ထင်ရှားမြင်သာသော အခက်အခဲများဖြစ်ကြောင်း ရန်ကုန် ရှစ်လေးလုံး နိုင်ငံရေးဆွေးနွေးပွဲက ပြည်သူသို့ အကြံပြုသည်။

ရှစ်လေးလုံး အရေးတော်ပုံ နှစ် ၃၀ ကာလ ပြန်လည်သုံးသပ်ခြင်း ဆွေးနွေးပွဲကို ရန်ကုန်တက္ကသိုလ် ၀ိဇ္ဇာခန်းမ၌ သြဂုတ် ၆ ရက်နှင့် ၇ ရက်တို့တွင် ပြုလုပ်ခဲ့ပြီး အဆိုပါ နိုင်ငံရေးဆွေးနွေးပွဲမှ ရရှိလာသော အချက်များကို အခမ်းအနားဖြစ်မြောက်ရေး ကော်မတီက ပြည်သူလူထုသို့ အကြံပြုထုတ်ပြန် ကြေညာရာတွင် ထိုသို့ ထည့်သွင်းအကြံပြု ထုတ်ပြန်ခဲ့ခြင်းဖြစ်သည်။

နှစ်ရက်တာ နိုင်ငံရေးဆွေးနွေးပွဲတွင် ဒီမိုကရေစီအရေး နှစ် ၃၀ ခရီး၊ တိုင်းရင်းသားများ တန်းတူရေးနှင့် ဖက်ဒရယ်ပြည်ထောင်စု၊ မြန်မာ့နိုင်ငံရေးနှင့် စစ်အာဏာရှင်စနစ်ဟူသော ခေါင်းစဉ်သုံးခုကို သြဂုတ် ၆ ရက်တွင် ရဟန်းရှင်လူ ပြည်သူနှင့် နိုင်ငံရေးတက်ကြွလှုပ်ရှားသူ စုစုပေါင်း ၅၂၁ ဦးတို့ကလည်းကောင်း၊ သြဂုတ် ၇ ရက်တွင် ၂၁၇ ဦးတို့ကလည်းကောင်း စုပေါင်းဆွေးနွေးခဲ့ကြခြင်းဖြစ်ကြောင်း သိရသည်။

ထိုသို့ ဆွေးနွေးချက်များအရ နှစ် ၃၀ ကာလအတွင်း တောင်းဆိုချက်များအဖြစ် စစ်အာဏာရှင်စနစ် ဖယ်ရှားရေး၊ ဒီမိုကရေစီ ရရှိရေး၊ ၁၉၉၀ ရွေးကောက်ပွဲရလဒ် အကောင်အထည်ဖော်ရေး၊ အရပ်သားအစိုးရ ပေါ်ပေါက်ရေးမှ စတင်ခဲ့ပြီး နောက်ပိုင်းတွင် ၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေးနှင့် ဖျက်သိမ်းရေး အပါအ၀င် ငြိမ်းချမ်းရေး၊ အမျိုးသား ပြန်လည်သင့်မြတ်ရေးနှင့် အမျိုးသားတန်းတူရေးတို့ကို တောင်းဆိုခဲ့ကြောင်း သိရသည်။

ထို့ပြင် ဌာနဆိုင်ရာများ၏ လုပ်ထုံးလုပ်နည်းများ ပြောင်းလဲမှုမရှိသေးခြင်း၊ အစိုးရအနေဖြင့် ၀န်ကြီးဌာနအားလုံးကို စီမံဆောင်ရွက်ခွင့်မရခြင်း၊ ဒီမိုကရေစီအရ လွတ်လပ်စွာ ရေးသားထုတ်ဖော် ပြောဆိုခွင့်များအတွက် အာမခံချက်များ မရေရာခြင်း၊ အစိုးရနှစ်ရပ်ရှိနေ သကဲ့သို့ ဖြစ်နေခြင်းနှင့် ငြိမ်းချမ်းရေး လုပ်ငန်းစဉ်များ ဖော်ဆောင်ရာတွင် တိုးတက်မှုများ နှေးကွေးနေခြင်းတို့သည် အခက်အခဲနှင့် စိန်ခေါ်မှုများအဖြစ် ရှိနေကြောင်း ယခုဆွေးနွေးပွဲ၏ အကြံပြု ထုတ်ပြန်ချက်အရ သိရသည်။

စိန်ခေါ်မှုများနှင့် အခက်အခဲများကို ရင်ဆိုင်ကျော်လွှားနိုင်ရန်အတွက် နိုင်ငံရေးပါတီများ အနေဖြင့် အရည်အသွေးကို မြှင့်တင်တည်ဆောက်သင့်ပြီး အစိုးရအနေဖြင့်လည်း ဖွံ့ဖြိုးတိုးတက်မှုကို ရေတိုရေရှည် စီမံကိန်းများချမှတ်၍ အောင်မြင်အောင် အကောင်အထည်ဖော် ဆောင်ရွက်သင့်ကာ နိုင်ငံရေးပါတီများသည် ပြည်သူ့အကျိုးကို ရှေးရှု၍ ပြည်သူ့ဘက်တွင် အမြဲရပ်တည်သင့်သည်ဟု အဆိုပါ အကြံပြု ထုတ်ပြန်ချက်တွင် ဖော်ပြထားသည်။

ထို့ပြင် ငြိမ်းချမ်းရေးဖြစ်စဉ်များ အဆင်ပြေချောမွေ့စေရန် NCA လုပ်ငန်းစဉ်များကို လိုအပ်ပါက ပြန်လည်သုံးသပ်ခြင်း၊ အစိုးရလုပ်ပိုင်ခွင့်များကို အပြည့်အ၀ အသုံးချနိုင်ရန် အားထုတ်ခြင်း၊ အုပ်ချုပ်ရေးအာဏာကို ပြည်သူလူထု အကျိုးအတွက် ထိရောက်စွာ အသုံးချနိုင်ရန် အစိုးရအနေဖြင့် ကြိုးပမ်းခြင်းနှင့် ဘတ်ဂျက်ကိစ္စများတွင် ပွင့်လင်းမြင်သာစွာ ဆောင်ရွက်ရန် ရန်ကုန်ရှစ်လေးလုံး နိုင်ငံရေးဆွေးနွေးပွဲက အကြံပြု ထုတ်ပြန်ခဲ့သည်။

တိုင်းရင်းသားများ တန်းတူရေးနှင့် ဖက်ဒရယ်ပြည်ထောင်စုဟူသော ခေါင်းစဉ်တွင် တိုင်းရင်းသားတန်းတူရေးအပေါ် အဓိပ္ပာယ် ဖွင့်ဆိုကြရာ၌ ပင်လုံကတိက၀တ်များနှင့် သဘောတူညီချက်များကို အကောင်အထည် ဖော်နိုင်လျှင် တန်းတူရေးရရှိနိုင်သည်ဟု ဆွေးနွေးတင်ပြချက်များ တွေ့ရှိရပြီး ဖက်ဒရယ်ပြည်ထောင်စု တည်ဆောက်ရေးအတွက် ၂၀၀၈ ဖွဲ့စည်းပုံအခြေခံဥပဒေသည် ကြီးမားသော အတားအဆီးတစ်ခုဖြစ်သည်ဟု ယခုဆွေးနွေးပွဲတွင် ဆွေးနွေးခဲ့ကြသည်။

ထို့ကြောင့် အနာဂတ်ဖက်ဒရယ်ပြည်ထောင်စု တည်ဆောက်မည့် နည်းလမ်းများအား ဆွေးနွေးကြရာတွင် အားလုံးလက်ခံ သဘောတူနိုင်သည့် အဓိပ္ပာယ်ဖွင့်ဆိုချက် လိုအပ်ကြောင်း၊ ဖွံ့ဖြိုးမှုတွင်လည်း ဒေသအားလုံး တစ်ပြေးညီ တူညီနိုင်ရန်ကိုလည်း လိုအပ်မည်ဖြစ်ကာ အစိုးရအနေဖြင့် ကြားမနေဘဲ ၎င်းကိုယ်တိုင် တပ်မတော်နှင့်ဆွေးနွေးပြီး နည်းလမ်းရှာသင့်ကြောင်း ရန်ကုန်ရှစ်လေးလုံး နိုင်ငံရေးဆွေးနွေးပွဲက အကြံပြု ထုတ်ပြန်ခဲ့သည်။

နှစ် (၃၀) ပြည့် ရှစ်လေးလုံး ဒီမိုကရေစီအရေးတော်ပုံ အခမ်းအနားများ မြန်မာနိုင်ငံ ဒေသအနှံ့တွင် ကျင်းပ

ရှစ်လေးလုံးဒီမိုကရေစီ အရေးတော်ပုံ နှစ် (၃၀) ပြည့်အခမ်းအနားကို သြဂုတ် ၈ ရက်က ရန်ကုန်တက္ကသိုလ်ဝင်းအတွင်းရှိ အပန်းဖြေရိပ်သာတွင် ကျင်းပစဉ် (ဓာတ်ပုံ-ကြည်နိုင်)
နှစ် (၃၀) ပြည့် ရှစ်လေးလုံး ဒီမိုကရေစီအရေးတော်ပုံ အခမ်းအနားများ မြန်မာနိုင်ငံဒေသအနှံ့တွင် ကျင်းပခဲ့ကြောင်း သိရသည်။

■ နှစ် (၃၀) ပြည့် ရှစ်လေးလုံး ဒီမိုကရေစီ အရေးတော်ပုံနေ့ အထိမ်းအမှတ် ရန်ကုန်မြို့တော်ခန်းမအနီး မဟာဗန္ဓုလပန်းခြံရှေ့တွင် ပြုလုပ်

နှစ် (၃၀) ပြည့် ရှစ်လေးလုံး ဒီမိုကရေစီ အရေးတော်ပုံနေ့ အထိမ်းအမှတ်နှင့် ကျဆုံးခဲ့သော အာဇာနည်ခေါင်းဆောင်များအား ဂုဏ်ပြုခြင်း၊ လွမ်းသူ့ပန်းခွေချခြင်းနှင့် အမျှပေးဝေခြင်း အခမ်းအနားကို သြဂုတ် ၈ ရက် နံနက် ၈ နာရီ ၈ စက္ကန့်တွင် ရန်ကုန်မြို့တော်ခန်းမအနီး မဟာဗန္ဓုလပန်းခြံရှေ့တွင် ပြုလုပ်ခဲ့ကြောင်း သိရသည်။

အဆိုပါ အခမ်းအနားကို ဒီမိုကရေစီအရေး လှုပ်ရှားသည့် အဖွဲ့အစည်းများက ပူးပေါင်းဆောင်ရွက်ပြီး အခမ်းအနားတွင် နိုင်ငံတော်အလံအား အလေးပြုခြင်း၊ ဗိုလ်ချုပ်အောင်ဆန်းနှင့်တကွ အာဇာနည်ခေါင်းဆောင်များအား အလေးပြုခြင်း၊ ခေတ်အဆက်ဆက် ဒီမိုကရေစီ လှုပ်ရှားမှုများတွင် ကျဆုံးခဲ့သော ရဟန်းရှင်လူ ကျောင်းသားကျောင်းသူများအား အလေးပြုခြင်းတို့ ပြုလုပ်ခဲ့ကြသည်။

“ကျေးဇူးဆပ်သော်အားဖြင့် Public အခမ်းအနား လုပ်ပြီးတော့ သူတို့အတွက် ဂုဏ်ပြုတယ်။ လွမ်းသူ့ပန်းခွေ ချတယ်။ အမျှပေးဝေတယ်။ ဒါပေမဲ့ ဒီလိုလုပ်လိုက်ရုံနဲ့ ပြီးပြီလား။ သူတို့အတွက် တာဝန်ကျေပြီးလား ဆိုတော့ ကျွန်တော်တို့ အလေးအနက် ယုံကြည်တာက တာဝန်မကျေသေးပါဘူး။ ကျွန်တော်တို့ သက်ရှိထင်ရှား ရှိနေတဲ့အချိန်မှာ အတိတ်သမိုင်းတွေကို သင်ခန်းစာယူမယ်။ မျိုးဆက်သစ်ကို သမိုင်းတွေနဲ့ ပတ်သက်လို့ လက်ဆင့်ကမ်းမယ်။ တိုင်းပြည်မှာ အရင်တုန်းက ရှိခဲ့တဲ့ တစ်ပါတီ စစ်အာရှင်စနစ်ပဲ ဖြစ်ဖြစ် စစ်အာဏာရှင် အရိပ်ငွေ့တွေဖြစ်ဖြစ် မြန်မာ့မြေပေါ်မှာ နောက်ဆုံးပျောက်ဆုံး ဆိတ်သုဉ်းသွားတဲ့အထိ လုပ်ဖို့ တာဝန်ရှိပါတယ်။ အဲဒီအတွက်ကြောင့်မို့လို့ ဒီအခမ်းအနားတွေကို ဒီလူတွေ သတိတရ အောက်မေ့ရုံနဲ့ မပြီးသေးပါဘူး။ တာဝန်ကျေဖို့အတွက်က သူတို့အားလုံး မျှော်မှန်းခဲ့တဲ့ စစ်မှန်တဲ့ ဒီမိုကရေစီ ဖက်ဒရယ် ပြည်ထောင်စု ဖြစ်ထွန်းပေါ်ပေါက်ရေးအတွက် ကျွန်တော်တို့ အားလုံး တစ်ဦးချင်းစီမှာ တာဝန်ရှိတယ်လို့ ခံယူပြီးတော့ ဆက်လက်ပြီးတော့ သယ်ယူဆောင်ဖို့ လိုလိမ့်မယ်။အဲဒါမှသာလျှင် ကျွန်တော်တို့ တာဝန်ကျေမယ်လို့ ခံယူပါတယ်” ဟု နိုင်ငံရေး အကျဉ်းသားဟောင်းများအဖွဲ့ ဦးဆောင်ကော်မတီဝင် ဦးထွန်းကြည်က ပြောကြားသည်။

နှစ် (၃၀) ပြည့် ရှစ်လေးလုံး အထိမ်းအမှတ် ရန်ကုန်မြို့တော်ခန်းမအနီး မဟာဗန္ဓုလပန်းခြံတွင် ပြုလုပ်စဉ် (ဓာတ်ပုံ-ပြည့်ဖြိုးအောင်)

ထို့ပြင် ရှစ်လေးလုံး အရေးတော်ပုံတွင် ကျဆုံးခဲ့သော ရဟန်းရှင်လူ၊ ကျောင်းသား ကျောင်းသူ ပြည်သူများအတွက် ဘာသာပေါင်းစုံက ဆုတောင်းမေတ္တာပို့ အမျှဝေခြင်း၊ လွမ်းသူ့ပန်းခွေ ပန်းများချခြင်းနှင့် အဖွဲ့အစည်းအသီးသီးက ပေးပို့လာသော ဂုဏ်ပြုသ၀ဏ်လွှာများ ဖတ်ကြားခဲ့ကြသည်။

“ယနေ့ အရပ်သားစစ်စစ် အစိုးရဆိုတာက ၈၈ က မွေးဖွားပေးလိုက်တာပါ။ လွှတ်တော်ထဲမှာရှိတဲ့ လွှတ်တော် ကိုယ်စားလှယ်အများစုအားလည်း ရှစ်လေးလုံးမှာ ပါဝင်ဖြတ်သန်းခဲ့တဲ့သူတွေ ဖြစ်သလို နိုင်ငံရေး အကျဉ်းသားဟောင်းတွေလည်း အများကြီးပါ။ အဲဒီအတွက်ကြောင့် သူတို့ လွှတ်တော်ထဲမှာ အစိုးရအဖွဲ့အထဲမှာ ရှိခြင်းအားဖြင့် ဒီနေ့သည် တကယ်တော့ နိုင်ငံတော်၏ ရုံးပိတ်ရက်လည်း ဖြစ်ရမယ်။ မြန်မာ့ ဒီမိုကရေစီနေ့လည်း ဖြစ်ရမယ်”ဟု ဦးထွန်းကြည်က ပြောကြားသည်။

ပြီးခဲ့သည့် နှစ်အတွင်းကလည်း ရှစ်လေးလုံး အရေးတော်ပုံနေ့ကို မြန်မာ့ဒီမိုကရေစီနေ့အဖြစ် သတ်မှတ်ပြဋ္ဌာန်းပေးနိုင်ရန် ပြည်သူ့လွှတ်တော်နှင့် အမျိုးသားလွှတ်တော်တို့မှ လွှတ်တော်ကိုယ်စားလှယ်အချို့အား လွှတ်တော်အတွင်း အရေးကြီးအဆို တင်သွင်းပေးရန် ဒီမိုကရေစီအရေး လှုပ်ရှားသူများက တိုက်တွန်း တောင်းဆိုခဲ့သော်လည်း ယနေ့အချိန်အထိ ဖြစ်မလာသေးကြောင်း သိရသည်။

■ ရန်ကုန်တက္ကသိုလ်တွင် သြဂုတ် ၆ ရက်မှ ၈ ရက်အထိ ပြုလုပ်ခဲ့သည့် နှစ် (၃၀) ပြည့် ရှစ်လေးလုံး ဒီမိုကရေစီအရေးတော်ပုံ နှစ်ပတ်လည် အခမ်းအနား

နှစ် (၃၀) ပြည့် ရှစ်လေးလုံး ဒီမိုကရေစီ အရေးတော်ပုံ နှစ်ပတ်လည် အခမ်းအနားကို ရန်ကုန်တက္ကသိုလ်တွင် သြဂုတ် ၆ ရက်မှ ၈ ရက်အထိ ပြုလုပ်ခဲ့သည်။ အဆိုပါ အရေးတော်ပုံနှင့် ပတ်သက်၍ ရန်ကုန်တက္ကသိုလ်တွင် ပထဆုံးအကြိမ် ပြုလုပ်ခြင်းလည်း ဖြစ်သည်။

ယင်းတက္ကသိုလ်အတွင်းရှိ အပန်းဖြေရိပ်သာတွင် အခမ်းအနား ကျင်းပပြီး ထိုရိပ်သာထဲတွင် ပြခန်းများ ထားရှိကာ ရှစ်လေးလုံး ဒီမိုကရေစီ အရေးတော်ပုံသမိုင်း နှင့်သက်ဆိုင်သော ဓာတ်ပုံမှတ်တမ်းများ၊ အရေးတော်ပုံတွင် ကျဆုံးခဲ့သူများ၏ ဓာတ်ပုံများ၊ အရေးတော်ပုံကာလက အသုံးပြုခဲ့သည့် အသုံးအဆောင်ပစ္စည်းများ စသည်များဖြင့် ခင်းကျင်းပြသထားပြီး အရေးအခင်းကာလက ရိုက်ကူးထားသော ရုပ်သံမှတ်တမ်းများကို တီဗီများဖြင့် ပြသခဲ့ကြောင်း သိရသည်။

“ဘာကြောင့်လဲဆိုတော့ ဒီနေရာ၊ ဒီပတ်ဝန်းကျင်မှာ ဒီလိုအခမ်းအနားမျိုး ကျင်းပဖို့ဆိုတာ ကျွန်တော်တို့အတွက် အင်မတန် အိပ်မက်ဆန်ခဲ့ပါတယ်။ အဓိပတိလမ်းတစ်လျှောက် လွင့်ပျံ့နေတဲ့ ခွပ်ဒေါင်းတွေ အစီအရီကို ကြည့်ပြီးတော့ အဲဒီ ခွပ်ဒေါင်းအလံ တစ်လက်နဲ့ ထောင်ခုနစ်နှစ် ကျသွားတဲ့ ရဲဘော်တွေ ၊ ဗိုလ်ချုပ်အောင်ဆန်း ဓာတ်ပုံနဲ့ ထောင်ခုနစ်နှစ် ကျသွားတဲ့ ရဲဘော်တွေ၊ သခင်ကိုယ်တော်မှိုင်း ဓာတ်ပုံနဲ့ ထောင်ခုနစ်နှစ် ကျသွားတဲ့ ရဲဘော်တွေကို ကျွန်တော်တို့ ကိုယ်တိုင်ကိုယ်ကျ တွေ့ကြုံခံစားရတဲ့အခါကျတော့ ဒီနေ့ ဒီမြင်ကွင်းကို ကြည့်ပြီးတော့ ဒါဟာ လွန်ခဲ့တဲ့နှစ် (၃၀) က နေပြီးတော့ ပြောင်းလဲ တိုးတက်လာတဲ့ ခရီးရှည်ကြီးကို ပြသနေတဲ့ သင်္ကေတလို့ ကျွန်တော် နားလည်ပါတယ်။ ခံယူပါတယ်”ဟု ရှစ်လေးလုံး ဒီမိုကရေစီအရေးတော်ပုံ နှစ် (၃၀) ပြည့် အခမ်းအနား ဖြစ်မြောက်ရေးကော်မတီ ကိုယ်စား ကျေးဇူးတင်စကား ပြောကြားရာတွင် ဦးကိုကိုကြီး ပြောကြားသည်။

အခမ်းအနား ပထမနေ့နှင့် ဒုတိယနေ့တွင် နိုင်ငံရေးဆွေးနွေးပွဲများ ပြုလုပ်ပြီး ရရှိလာသည့် ဆွေးနွေးချက်များကို နောက်ဆုံးနေ့၌ အခမ်းအနားတွင် တင်ပြကာ ကြေညာချက် ထုတ်ပြန်ခဲ့ကြောင်း သိရသည်။

■ ရှစ်လေးလုံး အရေးတော်ပုံ နှစ် (၃၀) ပြည့် အထိမ်းအမှတ် ကျောက်တိုင်ရုပ်တု မြောက်ဥက္ကလာပမြို့နယ် ကန်သာယာ ပြည်သူ့ပန်းခြံတွင် ဖွင့်လှစ်

ရန်ကုန်တိုင်းဒေသကြီး မြောက်ဥက္ကလာပမြို့နယ်ရှိ ကန်သာယာပြည်သူ့ပန်းခြံတွင် ရှစ်လေးလုံး အရေးတော်ပုံ နှစ် (၃၀) ပြည့် အထိမ်းအမှတ် ကျောက်တိုင်ရုပ်တုအား ၂၀၁၈ ခုနှစ် သြဂုတ် ၈ ရက်တွင် ဖွင့်လှစ်ခဲ့ကြောင်း သိရသည်။

ရှစ်လေးလုံး ဒီမိုကရေစီအရေးတော်ပုံ နှစ် (၃၀) ပြည့် အခမ်းအနား မြောက်ဥက္ကလာပမြို့နယ်အတွင်း ပြုလုပ်စဉ် (ဓာတ်ပုံ-ဝေထွန်းနောင်)

ထို့ပြင် ရှစ်လေးလုံး အရေးတော်ပုံနှင့် သက်ဆိုင်သည့် သမိုင်းဓာတ်ပုံများအား ပြသခြင်း၊ အရေးတော်ပုံ သမိုင်းကြောင်းနှင့် သမိုင်းအချက်အလက်များကို ရှစ်လေးလုံး ကာလကို ဖြတ်သန်းခဲ့ကြသူများက ဟောပြောခဲ့ကြပြီး မြောက်ဥက္ကလာပမြို့နယ် ကျောင်းသားများသမဂ္ဂက “ကမ္ဘာမကြေဘူး” သီချင်းသံပြိုင် သီဆိုခဲ့ကြကြောင်း သိရသည်။

■ မန္တလေးမြို့၌ နှစ်ရက်ကြာ ပြုလုပ်ခဲ့သည့် နှစ် (၃၀) ပြည့် ရှစ်လေးလုံး လူထုဒီမိုကရေစီ အရေးတော်ပုံ အခမ်းအနား

မန္တလေးမြို့တွင် နှစ်ရက်ကြာ ပြုလုပ်ခဲ့သည့် နှစ် ၃၀ ပြည့် ပုလဲရတု အထိမ်းအမှတ် ရှစ်လေးလုံး လူထုဒီမိုကရေစီ အရေးတော်ပုံ အခမ်းအနားတွင် ပြည်တွင်းငြိမ်းချမ်းရေး၊ လုံခြုံရေးနှင့် တရားဥပဒေစိုးမိုးရေး၊ ဖက်ဒရယ် ပြည်ထောင်စု ပေါ်ပေါက်ရေးနှင့် ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေး အစရှိသည့် နိုင်ငံရေးဆိုင်ရာ အကြောင်းအရာများကို စုပေါင်းဆွေးနွေးခဲ့ကြောင်း သိရသည်။

ရှစ်လေးလုံးဒီမိုကရေစီအရေးတော်ပုံ နှစ် (၃၀) ပြည့် အခမ်းအနား မန္တလေးမြို့တွင် ပြုလုပ်စဉ် (ဓာတ်ပုံ-ဌေးလှအောင်)

နှစ် (၃၀) ပြည့် ရှစ်လေးလုံး လူထုဒီမိုကရေစီ အရေးတော်ပုံအခမ်းအနားကို မန္တလေးမြို့ရှိ ဓမ္မသာလခန်းမ၌ သြဂုတ် ၇ ရက်မှ ၈ ရက်အထိ နှစ်ရက်ကြာ ပြုလုပ်လျက်ရှိရာ ပထမနေ့ ဖြစ်သည့် သြဂုတ် ၇ ရက် နံနက်ပိုင်းတွင် အခမ်းအနားကို နံနက် ၉ နာရီတွင် စတင်ဖွင့်လှစ်ခဲ့ပြီး မွန်းလွဲပိုင်းတွင် ၂၁ ရာစု ပင်လုံညီလာခံနှင့် ငြိမ်းချမ်းရေးအလားအလာ ခေါင်းစဉ်ဖြင့် ဆွေးနွေးခဲ့ကြသည်။ ယင်းနေ့ ညပိုင်းတွင် နိုင်ငံရေး တေးသီချင်းများ၊ အငြိမ့်ပြဇာတ်၊ တေးသရုပ်ဖော်များဖြင့် ဖျော်ဖြေ တင်ဆက်ခဲ့ကြသည်။

■ ပဲခူးမြို့

ပဲခူးမြို့၌ သြဂုတ် ၈ ရက် နံနက်ပိုင်းတွင် ရှစ်လေးလုံး ပြည်သူ့အရေးတော်ပုံ နှစ်(၃၀) ပြည့် အထိမ်းအမှတ် အခမ်းနားနှင့်အတူ ဒီမိုကရေစီအထိမ်းအမှတ် ကျောက်တိုင်ဖွင့်ပွဲ အခမ်းအနား ကျင်းပခဲ့ကြောင်း သိရသည်။

အခမ်းအနားကို နံနက် ၉ နာရီတွင် စတင်ခဲ့ပြီး ပဲခူးတိုင်းဝန်ကြီးချုပ်နှင့် အစိုးရအဖွဲ့များ၊ ပဲခူးတိုင်းဒေသကြီး လွှတ်တော်ဥက္ကဋ္ဌနှင့် လွှတ်တော် ကိုယ်စားလှယ်များ၊ နိုင်ငံရေး အကျဉ်းသားဟောင်းများ၊ နိုင်ငံရေးပါတီများမှ ပါတီဝင်များနှင့် ပြည်သူများ အပါအ၀င်အင်အား ၁၀၀၀ ခန့် တက်ရောက်ခဲ့ကြကြောင်း သိရသည်။

ရှစ်လေးလုံးဒီမိုကရေစီအရေးတော်ပုံ နှစ် (၃၀) ပြည့် အခမ်းအနား ပဲခူးမြို့တွင် ပြုလုပ်စဉ် (ဓာတ်ပုံ-မောင်အေး)

အခမ်းအနားတွင် ဒီမိုကရေစီကျောက်တိုင် စိုက်ထူရေးကော်မတီ နာယက နိုင်ငံရေးအကျဉ်းသားဟောင်း ဦးကျော်ကျော်၊ နိုင်ငံရေးအကျဉ်းသားဟောင်း ကိုဘိုတောက်၊ ၀န်ကြီးချုပ် ဦးဝင်းသိန်း၊ ပဲခူးတိုင်း NLD ပါတီဥက္ကဋ္ဌ ဦးသိန်းဒန်၊ လွှတ်တော် ဥက္ကဋ္ဌနှင့် ဒုဥက္ကဋ္ဌများက ရှစ်လေးလုံး ပြည်သူ့အရေးတော်ပုံ နှစ် (၃၀) ပြည့် အခမ်းအနား ဖြစ်ပေါ်လာပုံနှင့် ကျင်းပရသော ရည်ရွယ်ချက်များ၊ ဒီမိုကရေစီ အထိမ်းအမှတ် ကျောက်တိုင်စိုက်ထူရခြင်း၏ ရည်ရွယ်ချက်များကို ပြောကြားခဲ့ကြောင်း သိရသည်။

ရှစ်လေးလုံး နှစ်(၃၀) ပြည့် အခမ်းအနားတွင် ၀န်ကြီးချုပ်နှင့် အစိုးရအဖွဲ့က ဒီမိုကရေစီကျောက်တိုင်ကို ဖွင့်လှစ်ပေးခြင်း၊ တက်ရောက်လာသော အစိုးရအဖွဲ့နှင့် နိုင်ငံရေးလှုပ်ရှားမှု အင်အားစုများက ရှစ်လေးလုံး သမိုင်းကြောင်းများ ပြောကြားခြင်း၊ ဧည့်ခံဖျော်ဖြေခြင်းများ ပြုလုပ်ပြီး မွန်းတည့် ၁၂ နာရီတွင် ပြီးဆုံးခဲ့ကြောင်း သိရသည်။

■ ဟင်္သာတမြို့

နှစ် (၃၀) မြောက် ပုလဲရတု ရှစ်လေးလုံး ဒီမိုကရေစီ ပြည်သူ့အရေးတော်ပုံ နှစ်ပတ်လည် အခမ်းအနားကို သြဂုတ် ၈ ရက်တွင် ဟင်္သာတမြို့၌ ပြုလုပ်ခဲ့သည်။

အဆိုပါ အခမ်းအနားကို ဦးအောင်မြတ်ကျော် ခန်းမ၌ ပြုလုပ်ခဲ့ခြင်းဖြစ်ပြီး ရှစ်လေးလုံး ဒီမိုကရေစီ ပြည်သူ့အရေးတော်ပုံ၌ ပါဝင်ခဲ့သူများနှင့် အဖွဲ့အစည်း အသီးသီးမှ ပုဂ္ဂိုလ်များ၊ စိတ်ပါဝင်စားသူ ပြည်သူများ ခန်းမအပြည့် တက်ရောက်ခဲ့ကြသည်။

အခမ်းအနားသို့ အမေရိကန်နိုင်ငံမှ ပြန်လည် ရောက်ရှိလာသော သဘာပတိ ဒေါက်တာမန်းမြင့်ဆိုင်က “အုပ်ချုပ်ရေးယန္တရား အကုန်ပျက်သွားတယ်။ ပရမ်းပတာပဲ။ ဓားတွေ၊ တုတ်တွေ၊ လှံတွေ ရဲလည်း မနိုင်ဘူး။ တပ်လည်း မသိဘူး။ အဲဒီအချိန်မှာ ကျွန်တော်တို့မြို့ရဲ့လုံခြုံရေး၊ ကျွန်တော်တို့ ညီအစ်ကို မောင်နှမတွေရဲ့ အသက်အိုးအိမ်စည်းစိမ် မဆုံးရှုံးရေးအတွက် ကျွန်တော်တို့ ၀ိုင်းပြီး ထိန်းကျောင်းပေးတာ။ ကိုယ့်မှာ တာဝန်ရှိတယ်။ တာဝန်ကျေတဲ့ ပြည်သူပြည်သား တစ်ယောက်အနေနဲ့ လုပ်တာ။ အဲဒီလိုပဲ ခင်ဗျားတို့ ရှေ့ဆက်လုပ်ရမယ့် လုပ်ငန်းတွေ ရှိသေးတယ်။ အစိုးရအဖွဲ့ထဲမှာ လူမှန်နေရာမှန်တွေ မရောက်တာ အများကြီး။ ရောက်သင့် ရောက်ထိုက်လျက်သားနဲ့ ဘေးချောင်ထိုး ခံရတဲ့သူတွေ အများကြီး။ လူတိုင်းကို မပြောဘူးနော်။ တကယ်တော်တဲ့ သူတွေလည်း ရှိတယ်။ တကယ့်ကို အလုပ်ကို လုံးဝမလုပ်တဲ့ ကိုယ်စားလှယ်တွေလည်း ရှိတယ်”ဟု ပြောကြားသည်။

ရှစ်လေးလုံးဒီမိုကရေစီအရေးတော်ပုံ နှစ် (၃၀) ပြည့် အခမ်းအနား ဟသာင်္တမြို့တွင် ပြုလုပ်စဉ် (ဓာတ်ပုံ-အောင်ကျေ်မျိုး)

၁၉၉၀ ရွေးကောက်ပွဲအနိုင်ရ လွှတ်တော် ကိုယ်စားလှယ် ဒေါက်တာဇော်မြင့်က “တိုင်းပြည်မှာ ဖိနှိပ်အုပ်ချုပ်တာကို ပြည်သူလူထုက မခံချင်တာနဲ့ ရှစ်လေးလုံးက စဖြစ်ခဲ့တယ်။ မြန်မာတစ်ပြည်လုံးမှာ ဖြစ်တယ်။ ဟင်္သာတမြို့မှာလည်း ဖြစ်တယ်။ သပိတ်စခန်းမှာ သပိတ်ကော်မတီတွေ ဖွဲ့တယ်။ ကျွန်တော်က သပိတ်ကော်မတီထဲမှာ အပါအ၀င်ဖြစ်ခဲ့တယ်။ ကျွန်တော်တို့ သပိတ်ကော်မတီက ရပ်ရွာအေးချမ်းရေးအတွက်ကို စောင့်ရှောက်ပြီး လုပ်ခဲ့တယ်။ ထောင်မပေါက်အောင် ကြိုးစားပြီး လုပ်ခဲ့တယ်။တခြားမြို့တွေမှာ ထောင်ပေါက်တယ်။ ဟင်္သာတမှာ ထောင်မပေါက်ဘူး။ သို့သော် ဒီအတိုင်းတော့ လုပ်ခဲ့ရတာ မဟုတ်ဘူး။ ထောင်မပေါက်အောင် ထောင်သားတွေ မဆူအောင် သံဃာတော်တွေက ထောင်သားတွေနဲ့အတူ ထောင်မှာသွားပြီး နေခဲ့ရတယ်။ အဲဒီတော့မှ ထောင်သားတွေက ငြိမ်တယ်။ ထောင်သားတွေ စားဖို့ ရပ်ရွာကနေ ကောက်ခံလို့ရတဲ့ အစားအစာတွေ ထောင်ကိုပို့ခဲ့တယ်။ အဲဒါကြောင့် ဟင်္သာတက ထောင်မပေါက်ဘူး။ တခြားမြို့တွေဆို ထောင်ပေါက်ပြီး ထိန်းမနိုင်သိမ်းမရ ဖြစ်တယ်။ ဟင်္သာတမှာက အဲဒီလိုမဟုတ်ဘူး။ သေသေချာချာ စည်းစနစ်တကျ ရှိခဲ့တယ်။ ဒါပေမဲ့ စက်တင်ဘာ ၁၈ အာဏာသိမ်းတဲ့ အခါကျတော့ ဟင်္သာတမြို့မှာ ပစ်ခတ်မှုတွေ ဖြစ်ခဲ့တယ်။ ဒီသပိတ်မှာပါတဲ့ သပိတ်ရဲဘော် လေးယောက် ကျဆုံးခဲ့တယ်”ဟု ပြောကြားသည်။

အလားတူ ရှစ်လေးလုံး အရေးတော်ပုံ နှစ် (၃၀) ပြည့် အခမ်းအနားများကို ပုသိမ်မြို့ နှင့် မြောင်းမြမြို့တို့တွင်လည်း ပြုလုပ်ခဲ့ကြောင်း သိရသည်။

■ ကလေးမြို့

ကလေးမြို့တွင် ရှစ်လေးလုံး အရေးတော် ပုံနှစ် (၃၀) ပြည့် အခမ်းအနားကို ကလေးမြို့ မြို့တော်ခန်းမတွင် သြဂုတ် ၈ ရက်နံနက် ၈ နာရီတွင် ကျင်းပခဲ့သည်ဟု သိရသည် ။

“ရှစ်လေးလုံး ဖြစ်တာ နှစ်ပေါင်း ၃၀ ကြာပါပြီ ။ ရှစ်လေးလုံးရဲ့ ရည်မှန်းချက်ဖြစ်တဲ့ ပါတီစုံ ဒီမိုကရေစီ ထွန်းကားရေးဆိုတာက ဒီနေ့အထိ အကောင်အထည်ဖော်ဖို့ ဆိုတာက မှေးမှိန်နေပါသေးတယ်။ ဘာနဲ့တူလဲ ဆိုတာက မပြီးသေးတဲ့ ပန်းချီကားလို ဆက်လက်ပြီး ခြယ်မှုန်းကြပါဦးလို့။ တစ်ဖက်ကလည်း ဒီမိုကရေစီကို ဒီကနေ့ ကျရောက်လာတဲ့ ပုဂ္ဂိုလ်တွေကို ကြည့်ရင် အရင်တုန်းကလို တက်တက်ကြွကြွတွေ အားများနည်းနေသလားလို့ ယူဆရပါတယ် ။ ရှစ်လေးလုံးစိတ်ဓာတ် နည်းတာနဲ့ တစ်ပြိုင်နက် တစ်ဖက်က အတိုက်အခံ အင်အားစုက များလာမှာ ဖြစ်မှာပါတယ်။ ဒါကသဘာဝပါ။ ကျွန်တော်တို့က ရှစ်လေးလုံးရဲ့ စိတ်ဓာတ်ကို အားသွင်းနေရမှာ ဖြစ်ပါတယ်။ မပြတ် နှိုးဆော်နေရမှာ ဖြစ်ပါတယ်” ဟု ရှစ်လေးလုံး အရေးတော်ပုံတွင် ပါဝင်ခဲ့သူ အငြိမ်းစားကျောင်းအုပ်ကြီး ဦးတင်ဝင်းက ပြောကြားသည်။

ရှစ်လေးလုံး ဒီမိုကရေစီအရေးတော်ပုံ နှစ် (၃၀) ပြည့် အခမ်းအနား ကလေးမြို့တွင် ပြုလုပ်စဉ် (ဓာတ်ပုံ-အောင်သူထွန်း)

ရှစ်လေးလုံး အရေးတော်ပုံ (၃၀) ပြည့်နှစ် အခမ်းအနား ကျင်းပရခြင်းနှင့် ပတ်သက်၍ ၈၈ငြိမ်းပွင့် (ကလေးမြို့) မှ ဦးဘကြူးက “ရှစ်လေးလုံး အရေးတော်ပုံ နှစ် (၃၀) ပြည့် အခမ်းအနား ကျင်းပရခြင်းအကြောင်းက အချက် နှစ်ချက် ရှိပါတယ်။ (၁) မြန်မာ့သမိုင်းမှာ လူငယ်ကျောင်းသား မျိုးဆက်သစ်တွေဟာ ရှစ်လေးလုံး အရေးတော်ပုံကို မသိဘဲနဲ့ ပျက်ပြယ်သွားမှာစိုးလို့ ဒီအခမ်းအနားကို ကျင်းပရခြင်း ဖြစ်တယ်။ (၂) နောက်ပေါ်ပေါက်လာမယ့် ရှစ်လေးလုံးကို ကြုံနိုင်သေးတဲ့ တွေ့ကြုံခဲ့ရတဲ့ လူငယ်မျိုးဆက်တွေကို ဆက်လက် လက်ဆင့်ကမ်းချင်လို့ ကျင်းပရခြင်း ဖြစ်ပါတယ်” ဟု ပြောကြားသည် ။

“သေဒဏ်ကျပြီး ထောင်က ပြန်လွတ်လာပြီးတော့ ရှစ်လေးလုံး အင်အားစု နိုင်ငံရေး အကျဉ်းသားများအဖွဲ့ ဆိုပြီးတော့ အစဉ်တစိုက် ရှစ်လေးလုံးနေ့ အောက်မေ့ဖွယ်ရာ အခမ်းအနားကို အမြဲတမ်း ကျင်းပခဲ့ပါတယ်။ အခုနှစ်မှာတော့ ပထမဆုံးအကြိမ် မြို့တော်ခန်းမမှာ အားလုံးရဲ့ ပံ့ပိုးကူညီမှုနဲ့ အတူတကွ ခမ်းတနားလုပ်နိုင်ခဲ့တဲ့အတွက် အင်မတန်ကို ကြည်နူးအားရခဲ့ပါတယ်”ဟု ရှစ်လေးလုံး နိုင်ငံရေးအင်အားစုအဖွဲ့မှ ဦးအေးမြင့်က ပြောကြားသည် ။

ရှစ်လေးလုံး အရေးတော်ပုံကာလအတွင်း ကလေးခရိုင် ကလေးမြို့နယ်လုံးဆိုင်ရာ ကျောင်းသားသမဂ္ဂဥက္ကဋ္ဌ တစ်ဦးဖြစ်သူ ကိုချစ်သိန်းထွန်းကလည်း “သွားတဲ့သူတွေလည်း သွားကြပြီ။ ကျန်နေတဲ့ သူတွေလည်း ကျန်နေကြပြီ ။ အားလုံးကို သတိရနေရင်းနဲ့ပဲ ကျွန်တော်တို့ မပြီးဆုံးသေးတဲ့ တိုက်ပွဲကို ဆက်လက်ပြီးတော့ စည်းကမ်းပြည့်ဝသော ဒီမိုကရေစီ နိုင်ငံတော်သစ်ကြီးကို တည်ဆောက်နိုင်ကြဖို့ အတွက် ပြည်သူအားလုံးက ၀န်းရံပေးကြဖို့ တောင်းဆို မေတ္တာရပ်ခံချင်ပါတယ်”ဟု ပြောကြားသည် ။

■ မော်လမြိုင်

မော်လမြိုင်မြို့ တောင်ရိုးတန်းတောင် ပေါက်ဘုန်းကြီးကျောင်းရှိ နှီးဘုရားဓမ္မာရုံတွင် သြဂုတ် ၈ ရက် နံနက် ၉ နာရီတွင် နှစ် (၃၀) ပြည့် ရှစ်လေးလုံး ဒီမိုကရေစီအရေးတော်ပုံ အထိမ်းအမှတ် အခမ်းအနား ကျင်းပခဲ့သည်။

အခမ်းအနားတွင် ဆရာတော်၊ သံဃာတော်များထံမှ သီလခံယူခြင်း၊ အမျှပေးဝေခြင်း၊ နိုင်ငံတော်အလံအား အလေးပြုခြင်း၊ ကျဆုံးလေပြီးသော အာဇာနည်ခေါင်းဆောင်ကြီးများအား အလေးပြုခြင်း၊ ဒီမိုကရေစီ အရေးတော်ပုံကာလများအတွင်း ကျဆုံးခဲ့ကြသူများအား အလေးပြုခြင်းနှင့် ၀မ်းနည်း အောက်မေ့သည့် အနေဖြင့် ငြိမ်သက်ခြင်းများ ပြုလုပ်ခဲ့ကြသည်။

ထို့နောက် အခမ်းအနားသို့ တက်ရောက်လာကြသူများက ရှစ်လေးလုံး အရေးတော်ပုံကာလ အောက်မေ့ သတိရဖွယ်များ ပြောကြားခြင်း၊ အခမ်းအနားသို့ ပေးပို့လာသော သ၀ဏ်လွှာများ ဖတ်ကြားခြင်း၊ ကဗျာရွတ်ဆိုခြင်းနှင့် ရှစ်လေးလုံး ဒီမိုကရေစီအရေးတော်ပုံ ကာလအတွင်း ကျဆုံးခဲ့ကြသူများ၏ မိသားစုဝင်များအား ကူညီထောက်ပံ့ငွေ ပေးအပ်ခြင်းများ ပြုလုပ်ခဲ့ကြသည်။

“အဓိက က ရှစ်လေးလုံး ငွေရတုဆုံးဖြတ်ချက်၊ ရည်ရွယ်ချက်တွေဆိုတာ ရှိပါတယ်။ အဲဒီငွေရတု ဆုံးဖြတ်ချက်တွေမှာ ဒီမိုကရေစီနဲ့  ဖယ်ဒရယ်စနစ်ကို အခြေခံတဲ့ ဖယ်ဒရယ် ဒီမိုကရေစီစနစ် တည်ဆောက်ဖို့ ၊ ဖွဲ့စည်းပုံ အခြေခံဥပဒေ ပြင်ဆင်ဖို့ ၊ နိုင်ငံသားတွေနဲ့ တိုင်းရင်းသားတွေ တန်းတူအခွင့်အရေးတွေ ရရှိဖို့အတွက်ကို နိုင်ငံရေးဆွေးနွေးပွဲတွေ ကျင်းပပေးဖို့ ဆုံးဖြတ်ချက်တွေ ချခဲ့ပါတယ်။ အဲဒီဆုံးဖြတ်ချက်တွေ၊ ရည်ရွယ်တွေအတိုင်းပဲ။ (၂၅) နှစ်မြောက်ကနေ နှစ် (၃၀) မြောက် အချိန်အထိ ဒီအတိုင်းပဲ သွားနေပါတယ်။ ဘာ့ကြောင့်လဲဆိုရင် ဒီရည်ရွယ်ချက်တွေက အခုအချိန်အထိ ပြည့်ပြည့်၀၀ မဖြစ်သေးဘူး။ တချို့လည်း စီမံဆောင်ရွက်ဆဲပဲ ရှိသေးတယ်။ ဖွဲ့စည်းပုံ အခြေခံဥပဒေပြင်ဆင်ရေး ဆိုရင် လုံးဝကို လှုပ်လို့ မရသေးဘူး”ဟု နှစ် (၃၀) ပြည့် ရှစ်လေးလုံး ဒီမိုကရေစီ အရေးတော်ပုံ အထိမ်းအမှတ် အခမ်းအနား ကျင်းပရေးအဖွဲ့ တာဝန်ခံ ဦးဝင်းကျော့မှူးက ပြောကြားသည်။

နှစ် (၃၀) ပြည့် ရှစ်လေးလုံး ဒီမိုကရေစီ အရေးတော်ပုံ အထိမ်းအမှတ် အခမ်းအနားများကို မော်လမြိုင်မြို့၊ မုဒုံမြို့၊ ကျိုက်ထိုမြို့ စသည်ဖြင့် မွန်ပြည်နယ်အတွင်းရှိ မြို့များ၌ ကျင်းပခဲ့ကြောင်း သိရသည်။

■ မြ၀တီမြို့

ကရင်ပြည်နယ် မြ၀တီမြို့တွင် ပြည်ထောင်စု မြန်မာနိုင်ငံတော် အမျိုးသား နိုင်ငံရေးအဖွဲ့ချုပ် (၈၈) ညီနောင်ပါတီက ကြီးမှူး ပြုလုပ်သည့် ရှစ်လေးလုံး အရေးတော်ပုံ နှစ် (၃၀) ပြည့် ပုလဲရတု အခမ်းအနားတွင် တက်ရောက်လာသော နိုင်ငံရေးခေါင်းဆောင်များက ပါတီစုံ ဒီမိုကရေစီစနစ်ကို လိုလားကြောင်း ပြောဆိုခဲ့ကြသည်။

မြ၀တီမြို့ အမှတ် ၃ ရပ်ကွက် ကရင်စာပေနောက်လမ်းတွင် သြဂုတ် ၈ ရက်နံနက်က ပြုလုပ်သည့် အဆိုပါ ရှစ်လေးလုံး အရေးတော်ပုံ ပုလဲရတု အောက်မေ့ဖွယ် အခမ်းအနားသို့ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊ ဒီမိုကရေစီအင်အားစုပါတီ၊ အမျိုးသားတိုးတက်ရေးပါတီ နှင့် ၈၈ ညီနောင်ပါတီတို့မှ ပါတီဝင်များ၊ လူမှုရေးအသင်းအဖွဲ့များ၊ စိတ်ဝင်စားသူများ တက်ရောက်ခဲ့ကြသည်။

အခမ်းအနားတွင် ၈၈ ညီနောင်ပါတီ၏ မြ၀တီမြို့နယ်ဥက္ကဋ္ဌ ဦးမြတ်ကိုက အဖွင့်အမှာစကား ပြောကြားပြီး ပြည်ထောင်စုမြန်မာနိုင်ငံတော် အမျိုးသားနိုင်ငံရေးအဖွဲ့ချုပ်က ပေးပို့သော သ၀ဏ်လွှာကို မြ၀တီမြို့နယ် ၈၈ ညီနောင်ပါတီဝင် ဦးဝင်းမြင့်သိန်းက ဖတ်ကြားခဲ့ကြောင်း သိရသည်။

အဆိုပါ သ၀ဏ်လွှာတွင် လက်ရှိ အစိုးရလက်ထက်၌ အခြေခံဥပဒေကို ပြန်လည် ပြင်ဆင်မှာလား။ အသစ်ရေးဆွဲနိုင်မလား ဆိုသည်ကို အလှမ်းဝေးနေသည့်အတွက် လာမည့် ၂၀၂၀ ရွေးကောက်ပွဲတွင် အားပြိုင်သည့် ရွေးကောက်ပွဲ တစ်ခုဖြစ်လာနိုင်ကြောင်း၊ နိုင်ငံအတွင်း တရားမ၀င် ၀င်ရောက်လာသူများကို ဥပဒေနှင့်အညီ အရေးယူ ဆောင်ရွက်ရန်လိုကြောင်း ဖော်ပြပါရှိခဲ့သည်။

ထို့နောက် ဓမ္မရတနာကျောင်းတိုက် ဆရာတော်၊ အမျိုးဘာသာစောင့်ရှောက်ရေးအဖွဲ့မှ ကိုစိုင်းတို့က အမှတ်တရ ပြောကြားခဲ့သည်။ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ မြို့နယ်ဥက္ကဋ္ဌ ဦးထွန်းနေအောင်က ပါတီစုံ ဒီမိုကရေစီစနစ်ကို ကျင့်သုံးရန်လိုကြောင်းနှင့် ရှစ်လေးလုံး အမှတ်တရ စကားပြောကြားပြီး ခြင်္သေ့ကြီး အိပ်နေပြီလားဟု မေးနေကြသည်ကို ကျန်သည့်ပါတီများတွင်လည်း တာဝန်ရှိကြောင်း၊ မဲပေးပိုင်ခွင့်ရှိသူ ၇၅ ရာခိုင်နှုန်း မဲပေးမှသာ ဒီမိုကရေစီနိုင်ငံတော်ကို တည်ဆောက်နိုင်မည် ဖြစ်ကြောင်း ပြောကြားသည်။

■ မြိတ်မြို့

မြိတ်မြို့တွင် နှစ် ၃၀ ပြည့် ရှစ်လေးလုံး ဒီမိုကရေစီပြည်သူ့ အရေးတော်ပုံ အခမ်းအနားကို ၂၀၁၈ ခုနှစ် သြဂုတ် ၈ ရက်တွင် မြိတ်မြို့ တောရအောက်ကျောင်းတွင် နံနက် ၉ နာရီတွင် ကျင်းပခဲ့ပြီး ကျဆုံးခဲ့သော ရဟန်းရှင်လူ ကျောင်းသားပြည်သူများအား ရေစက်ချ အမျှဝေခြင်းများ ပြုလုပ်ခဲ့ကြောင်း သိရသည်။

■ ပြည်မြို့

ရှစ်လေးလုံး နှစ်(၃၀) ပြည့် လူထုအရေးတော်ပုံ အခမ်းအနားအား နိုင်ငံရေးအင်အားစုများ စုပေါင်း၍ ပဲခူးတိုင်းဒေသကြီး (အနောက်ပိုင်း) ပြည်မြို့တွင် ကျင်းပခဲ့ကြောင်း သိရသည်။ အဆိုပါ အခမ်းအနားကို ပြည်မြို့ ကမ်းနားလမ်းရှိ ဘုရားရှိခိုးကျောင်းတွင် သြဂုတ် ၈ ရက် နံနက်က ပြုလုပ်ခဲ့ပြီး ပဲခူးတိုင်း (အနောက်ခြမ်း) နိုင်ငံရေး အင်အားစုများနှင့် ရှစ်လေးလုံးကာလ ဖြတ်သန်းခဲ့သည့် နိုင်ငံရေးနှင့် နယ်ပယ်အသီးသီးမှ ပုဂ္ဂိုလ်များ၊ ရန်ကုန်နိုင်ငံရေး အင်အားစုများ၊ ဆရာကြီး သခင်ကိုယ်တော်မှိုင်း ငြိမ်းချမ်းရေးကွန်ရက်၊ ရွှေဝါရောင် သံဃာတော်များနှင့် အခြားဖိတ်ကြားထားသူများ တက်ရောက်ခဲ့ကြသည်။

အခမ်းအနားတွင် သ၀ဏ်လွှာများ ဖတ်ကြားခြင်း၊ ကဗျာရွတ်ဆိုခြင်း၊ ရှစ်လေးလုံးကာလ ဖြတ်သန်းမှု အတွေ့အကြုံများကို ပြန်လည်ပြောဆိုခြင်း၊ လက်ရှိနိုင်ငံရေးအပေါ် ဆက်လက် ရပ်တည်သွားမည့် အခြေအနေများကို ပြောကြားဆွေးနွေး သဘောတူမှုများ ရယူခြင်းတို့ကို ပြုလုပ်ခဲ့ကြောင်း သိရသည်။

■ တောင်ငူမြို့

ပဲခူးတိုင်းဒေသကြီး တောင်ငူမြို့တွင် သြဂုတ် ၈ ရက် နံနက်ပိုင်းက နှစ် ၃၀ မြောက် ရှစ်လေးလုံး ဒီမိုကရေစီအရေးတော်ပုံ ပုလဲရတု အခမ်းအနား ကျင်းပခဲ့ကြောင်း သိရသည်။

အခမ်းအနားကို နံနက် ၉ နာရီခန့်မှစ၍ ရှစ်လေးလုံး ဒီမိုကရေစီ အရေးတော်ပုံကြီးတွင် ပါဝင်ခဲ့ပြီး တောင်ငူမြို့သမိုင်းဝင် ရွှေဆံတော်ဘုရားကြီး မုခ်ဦးအနီးတွင် ကျဆုံးခဲ့ကြသူများအတွက် ရည်ရွယ်၍ ဘုရားကြီး အရှေ့ဘက်မုခ်ဦးတွင် အမှတ်တရ ပန်းစည်းများချ၍ ဦးညွတ် အလေးပြုခြင်း၊ ပုလဲရတု အခမ်းအနားသို့ တက်ရောက်လာကြသူများက ရှစ်လေးလုံး ဒီမိုကရေစီအရေးတော်ကြီးနှင့် ပတ်သက်သော အမှတ်တရစကားများ ပြောကြားခြင်းတို့ ပြုလုပ်ခဲ့ကြပြီး နံနက် ၉ နာရီခွဲခန့်၌ တောင်ငူမြို့တွင်းလမ်းများသို့ လမ်းလျှောက် ချီတက်ခဲ့ကြကြောင်း သိရသည်။

ရှစ်လေးလုံး အခမ်းအနားကို တောင်ငူမြို့တွင် ပြုလုပ်စဉ် (ဓာတ်ပုံ-ဇော်ဝင်းချစ်)

ညနေ ၆ နာရီတွင် တောင်ငူမြို့ ကေတုရတနာခန်းမကြီး၌ ရှစ်လေးလုံး တိုက်ပွဲဝင်ကျဆုံး ရဲဘော်များနှင့် နာမကျန်း ရဲဘော်များအား ဂုဏ်ပြုခြင်း၊ အမှတ်တရ ကဗျာရွတ်ဆိုခြင်း၊ ရှစ်လေးလုံး အထိမ်းအမှတ် ဓာတ်ပုံပြပွဲ၊ သံချပ်ဖျော်ဖြေခြင်းနှင့် စာရေး ဆရာမောင်သာချို၊ ကာတွန်းဆရာ အော်ပီကျယ်တို့ ပါဝင်သော စာပေဟောပြောပွဲများ ကျင်းပမည်ဖြစ်ကြောင်း သိရသည်။

ရှစ်လေးလုံး ဒီမိုကရေစီအရေးတော်ပုံ ကာလအတွင်း ၁၉.၈.၈၈ ရက်တွင် တောင်ငူ ရွှေဆံတော်ဘုရားကြီး အရှေ့ဘက်မုခ်အနီးတွင် တောင်ငူမြို့ခံများ ဖြစ်ကြသည့် ကိုဇော်ဝင်းထွန်း၊ အလီ၊ ဒေါ်သိန်းကြည်၊တင်ဦး၊ ကိုစိုးကြီးတို့ ငါးဦးသည် အာဏာရှင်များ၏ သေနတ်ပစ်သတ်ခြင်းကို ခံရပြီး ကျဆုံးခဲ့ရကြောင်း သိရသည်။

■ မြစ်ကြီးနား

ကချင်ပြည်နယ်တွင် ရှစ်လေးလုံး နှစ် (၃၀) ပြည့် အထိမ်းအမှတ်အတွက် အလှူအတန်းလုပ်ခြင်း၊ အမှိုက်ကောက်ခြင်း၊ ဒေသအလိုက် အရေးတော်ပုံ သမိုင်းကြောင်းများ ဟောပြောခြင်းများ ပြုလုပ်ခဲ့ကြောင်း သတင်းရရှိသည်။

ကချင်ပြည်နယ် မြစ်ကြီးနားမြို့ အမျိုးသားဒီမိုကရေစီအဖွဲ့ချုပ် ရုံးဟောင်းတွင် ရှစ်လေးလုံး လူထုအရေးတော်ပုံကြီးအတွင်း ကျဆုံးသွားသော ရဟန်းရှင်လူပြည်သူ ကျောင်းသူကျောင်းသားအပေါင်းတို့အား အောက်မေ့ဖွယ် အခမ်းအနားအတွက် ကောက်ညှင်းပေါင်းဖြင့် စတုဒိတာ ကျွေးမွေးခဲ့ကြောင်း သိရသည်။

ဗန်းမော်မြို့တွင် လွှတ်တော် ကိုယ်စားလှယ်များ၊ ဌာနဆိုင်ရာများ၊ လူမှုအသင်းအဖွဲ့များ စုပေါင်း၍ အင်အား ၁၀၀ ကျော်ဖြင့် မြို့မ၊ ရှပ်ပြေးဂိတ်မှ ခွန်သာရပ်ကွက် ရေရှင်ဘုန်းတော်ကြီးကျောင်းဝင်းအထိ ဧရာဝတီမြစ်ကမ်းတွင် အမှိုက်ကောက်ခြင်း၊ တံမြက်လှဲခြင်း၊ သန့်ရှင်းရေးလုပ်ငန်းများ ဆောင်ရွက်ခြင်းတို့ ပြုလုပ်ခဲ့သည်။

ဗန်းမော်မြို့တွင် ရှစ်လေးလုံးအထိမ်းအမှတ် အမှိုက်ကောက် သန့်ရှင်းရေးပြုလုပ်နေစဉ်

မိုးညှင်းဒေသ နန်းမားမြို့တွင် လူဦးရေ ၅၀၀ ခန့်ဖြင့် ရှစ်လေးလုံး သမိုင်းကြောင်း ဟောပြောခြင်း၊ ဒေသတွင်း အတွေ့အကြုံများ ဟောပြောခြင်း၊ ကိုယ်တွေ့အတွေ့အကြုံများ ဝေမျှခြင်း၊ ကျဆုံးရဲဘော်များကို လွမ်းဆွတ် တမ်းတခြင်းနှင့် အသက်ရှင်နေသည့် ရဲဘော်တို့အား လေးစားချီးကျူးဂုဏ်ပြုခြင်း၊ စုပေါင်း နေ့လယ်စာ လက်ဆုံစားခြင်းများ ပြုလုပ်ခဲ့ကြောင်း သတင်းရရှိသည်။

■ မုံရွာ

စစ်ကိုင်းတိုင်းဒေသကြီး မုံရွာခရိုင် မုံရွာမြို့တော်ခန်းမဆောင်တွင် သြဂုတ် ၈ ရက် နံနက်အစောပိုင်းက ရှစ်လေးလုံး ဒီမိုကရေစီ အရေးတော်ပုံအခမ်းအနား ကျင်းပခဲ့ကြောင်း သိရသည်။ အဆိုပါ အခမ်းအနားမစမီ နံနက် ၆ နာရီခန့်က ရှစ်လေးလုံး အရေးတော်ပုံ ကာလအတွင်း ကျဆုံးခဲ့ကြသည့် ရဟန်းရှင်လူများအား ရည်စူးကာ သံဃာတော်များကို သင်္ဃန်းကပ်ခြင်း၊ ဆွမ်းကပ်ခြင်းများလည်း ပြုလုပ်ခဲ့ကြောင်း သိရသည်။ မုံရွာမြို့ ရှစ်လေးလုံး အရေးတော်ပုံအခမ်းအနားသို့ စစ်ကိုင်းတိုင်းဒေသကြီး အစိုးရအဖွဲ့ဝင်များ ဖြစ်သည့် တိုင်းဒေသကြီးဝန်ကြီးချု ပ်ဒေါက်တာမြင့်နိုင်၊ လူမှုရေးဝန်ကြီး ဒေါက်တာဇော်ဝင်း၊ လျှပ်စစ်၊ စက်မှု၊ လက်မှုနှင့် လမ်းပန်းဆက်သွယ်ရေးဝန်ကြီး ဦးသန်းညွန့်ဝင်း၊ စည်ပင်သာယာရေးဝန်ကြီး ဦးမြင့်ကြည်၊ စိုက်ပျိုးရေး၊ မွေးမြူရေး နှင့်ဆည်မြောင်းဝန်ကြီး ဦးကမ်ဇာမုံ၊ စီမံကိန်း နှင့်ဘဏ္ဍာရေးဝန်ကြီး ဦးစိုးဦး၊ စစ်ကိုင်းတိုင်းဒေသကြီး လွှတ်တော်ဥက္ကဋ္ဌ ဦးသန်းနှင့် တိုင်းဒေသကြီး လွှတ်တော်ကိုယ်စားလှယ်များလည်း တက်ရောက်ခဲ့ကြကြောင်း သိရသည်။

ရှစ်လေးလုံးဒီမိုကရေစီအရေးတော်ပုံ နှစ် (၃၀) ပြည့် အခမ်းအနား မုံရွာမြို့တွင် ပြုလုပ်စဉ် (ဓာတ်ပုံ-ကောင်းခန့်လင်း)

ထို့နောက် မုံရွာမြို့ ရှစ်လေးလုံး အရေးတော်ပုံ ကာလအတွင်းက ပါဝင်ခဲ့ကြသည့် ရဟန်းရှင်လူများနှင့် နိုင်ငံရေး တက်ကြွလှုပ်ရှားသူများ အပါအ၀င် တက္ကသိုလ်ကျောင်းသားအချို့လည်း တက်ရောက်ခဲ့ကြကြောင်း သိရသည်။

■ မြင်းခြံမြို့

ရှစ်လေးလုံး ပြည်သူ့အရေးတော်ပုံ နှစ် (၃၀)ပြည့် ပုလဲရတု အခမ်းအနားကို မြင်းခြံမြို့ မဏိကဉ္စနာခန်းမ၌ သြဂုတ် ၈ ရက် နံနက် ၉ နာရီမှစ၍ ကျင်းပခဲ့ကြောင်း သိရသည်။

“ဒီအခမ်းအနား ကျင်းပရတာကတော့ ရှစ်လေးလုံး အရေးတော်ပုံမှာ ဘယ်လိုဖြစ်ခဲ့တယ်။ ဘယ်လို တိုက်ပွဲဝင်ခဲ့တယ် ဆိုတာ၊ ဘယ်လိုအောင်ပွဲရခဲ့တယ် ဆိုတာ အသက် ၃၀ အောက် လူငယ်တွေ သိအောင် ကျွန်တော်တို့ ကိုယ်တိုင်ဆင်နွှဲခဲ့တဲ့ ပုဂ္ဂိုလ်တွေက ပြောပြချင်တဲ့အတွက် ဒီလိုအခမ်းအနား ကျင်းပရတာ ဖြစ်ပါတယ်”ဟု ရှစ်လေးလုံး အရေးတော်ပုံကာလ၌ မြင်းခြံခရိုင် သပိတ်ကော်မတီတွင် ဒုတိယဥက္ကဋ္ဌအဖြစ် တာဝန်ယူခဲ့သူ ဦးအောင်သူက ပြောကြားသည်။

ရှစ်လေးလုံးဒီမိုကရေစီအရေးတော်ပုံ နှစ် (၃၀) ပြည့် အခမ်းအနား မြင်းခြံမြို့တွင် ပြုလုပ်စဉ်

အဆိုပါ အခမ်းအနားအား ရှစ်လေးလုံး အရေးတော်ပုံကာလ မြင်းခြံသပိတ်ကော်မတီ မှ ဖြန်ချိခဲ့သော “တိုက်ပွဲခေါ်သံ” သီချင်းဖြင့် စတင်ဖွင့်လှစ်ခဲ့ပြီး ကျောင်းသားသမဂ္ဂက “ကမ္ဘာမကြေဘူး” သီချင်း ဆက်လက်သီဆို၍ ကျလေပြီးသော အာဇာနည် ခေါင်းဆောင်ကြီးများအား အလေးပြုခြင်း၊ ကျဆုံးလေပြီးသော ရဟန်းရှင်လူ ကျောင်းသားကျောင်းသူအပေါင်းအား ၀မ်းနည်းခြင်းအားဖြင့် ရှစ်စက္ကန့်ခန့် ငြိမ်သက်ခြင်း၊ မြင်းခြံခရိုင် သပိတ်ကော်မတီဝင်များက သမိုင်းမှတ်တမ်းများ ပြောကြားခြင်းနှင့် နိုင်ငံရေး သုံးသပ်ခြင်း၊ ကျောင်းသားသမဂ္ဂက အမှတ်တရစကား ပြောကြားခြင်း၊ သ၀ဏ်လွှာများ ဖတ်ကြားခြင်း၊နိုင်ငံရေးကဗျာများ ရွတ်ဆိုခြင်းများ ပြုလုပ်ခဲ့ကြောင်း သိရသည်။

 

အစိုးရသက်တမ်း နှစ်နှစ်ကျော်ပြီ ဖြစ်သော်လည်း ဖွဲ့စည်းပုံအခြေခံဥပဒေ ပြင်ဆင်ရေး၊ တရားဥပဒေ စိုးမိုးရေးနှင့် ငြိမ်းချမ်းရေးတို့သည် ဆုတ်ယုတ်ဆိုးရွားသည့် အခြေအနေ ရှိနေကြောင်း SNLD ပါတီဥက္ကဋ္ဌ ဦးခွန်ထွန်းဦး ပြောကြား

လက်ရှိအချိန်တွင် အစိုးရသက်တမ်း နှစ်နှစ်ကျော်သွားပြီ ဖြစ်သော်လည်း ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေး၊ တရားဥပဒေစိုးမိုးရေးနှင့် ငြိမ်းချမ်းရေး ရရှိရေးတို့သည် ဆုတ်ယုတ်ဆိုးရွားသည့် အခြေအနေတွင် ရှိနေကြောင်း ၁၉၉၀ ပြည်သူ့လွှတ်တော် ကိုယ်စားလှယ် ရှမ်းတိုင်းရင်းသား ခေါင်းဆောင်တစ်ဦးဖြစ်သူ ဦးခွန်ထွန်းဦးက ပြောသည်။

ရန်ကုန်မြို့ ပြည်လမ်းရှိ ယုဒဿန်ရိပ်သာတွင် သြဂုတ် ၇ ရက် မွန်းလွဲပိုင်းတွင် ပြုလုပ်ခဲ့သည့် ၁၉၉၀ ပြည်သူ့လွှတ်တော် ကိုယ်စားလှယ်များအဖွဲ့နှင့် မိတ်ဖက်နိုင်ငံရေး အင်အားစုများ ညီလာခံ အဖွင့်မိန့်ခွန်း ပြောကြားရာတွင် ညီလာခံ သဘာပတိဖြစ်သူ ဦးခွန်ထွန်းဦးက ထိုသို့ပြောကြားခဲ့ခြင်း ဖြစ်သည်။

“အခုဆိုရင် အစိုးရသက်တမ်း နှစ်နှစ်ကျော်ရှိခဲ့ပြီ။ ဖွဲ့စည်းပုံပြင်ဆင်ရေး၊ တရားဥပဒေစိုးမိုးရေးနဲ့ ငြိမ်းချမ်းရေးတို့ဟာ ဆုတ်ယုတ်ဆိုးရွားတဲ့ အခြေအနေကို ဆိုက်ရောက်နေပါတယ်။ အမျိုးသား ပြန်လည်ရင်ကြားစေ့ရေးနဲ့ ငြိမ်းချမ်းရေး ဖော်ဆောင်မှုတွေဟာ မပီမပြင် လိုအပ်ချက်တွေနဲ့ ပြည့်နေပါတယ်” ဟု ဦးခွန်ထွန်းဦးက ပြောသည်။

၂၀၀၈ ဖွဲ့စည်းပုံ အခြေခံဥပဒေသည် စစ်အစိုးရက ရေးဆွဲခဲ့သည့် ဖွဲ့စည်းပုံ အခြေခံဥပဒေဖြစ်ပြီး အဆိုပါ ဖွဲ့စည်းပုံအောက်မှ ကျင်းပခဲ့သည့် လွှတ်တော်က ယင်းဖွဲ့စည်းပုံ အခြေခံဥပဒေကို ပြင်ဆင်မည်ဆိုခြင်းမှာ မဖြစ်နိုင်သော လုပ်ဆောင်မှုတစ်ခု ဖြစ်ကြောင်းလည်း ၎င်းကအဖွင့်မိန့်ခွန်း ပြောကြားရာတွင် ထည့်သွင်းပြောဆိုသည်။

ထို့ပြင် အမျိုးသား ပြန်လည်ရင်ကြားစေ့ရေးနှင့် ပတ်သက်၍ တိုင်းရင်းသားပြည်သူ အားလုံးနှင့် ရင်ကြားစေ့နိုင်ရေး လိုအပ်နေပြီး အင်အားရှိသူကိုသာ အလေးပေး ရင်ကြားစေ့နေမည် ဆိုပါက တိုင်းရင်းသား အားလုံးနှင့် အလှမ်းဝေးလာမည်ဖြစ်ဟု ဦးခွန်ထွန်းဦးက သတိပေး ပြောကြားခဲ့သည်။

ငြိမ်းချမ်းရေးကို ဖော်ဆောင်ရာတွင်လည်း ပင်လုံစိတ်ဓာတ် တစ်ခုတည်းဖြင့် လုပ်၍မရကြောင်း၊ ပင်လုံစာချုပ် ပင်လုံကတိက၀တ်များကို အခြေခံသည့် ငြိမ်းချမ်းရေး လုပ်ငန်းစဉ်မျိုးဖြင့်သာ စစ်မှန်သည့် ငြိမ်းချမ်းရေးကို တည်ဆောက်နိုင်မည် ဖြစ်သည်ဟု ဦးခွန်ထွန်းဦးက ဆက်လက်ပြောကြားသည်။

“အားလုံးကို ခြုံငုံသုံးသပ် တင်ပြရမယ်ဆိုရင် ဒီနေ့တိုင်းပြည်ကို စီမံခန့်ခွဲအုပ်ချုပ်နေတဲ့ အစိုးရအနေနဲ့ တိုင်းပြည်ရဲ့ အဓိက လိုအပ်ချက်တွေကို ဖြည့်စွမ်းနိုင်ခြင်း မရှိတာ လက်တွေ့ဖြစ်ရပ်များက ထင်ရှားပေါ်လွင် နေပါတယ်” ဟု ၎င်းကပြောသည်။

ယခုပြုလုပ်ခဲ့သည့် ၁၉၉၀ ပြည်သူ့လွှတ်တော် ကိုယ်စားလှယ်များအဖွဲ့နှင့် မိတ်ဖက်နိုင်ငံရေး အင်အားစုများ ညီလာခံတွင် မိတ်ဖက်အဖွဲ့အစည်းများမှ ပေးပို့သော သ၀ဏ်လွှာများ ဖတ်ကြားခြင်း၊ ဖွဲ့စည်းပုံ အခြေခံဥပဒေ ဖျက်သိမ်းရေးနှင့် ပတ်သက်၍ ရှင်းလင်းတင်ပြခြင်းနှင့် သက်ဆိုင်ရာ အဖွဲ့အစည်းများ၏ အစီရင်ခံစာများအား ဖတ်ကြားတင်သွင်း ခဲ့ကြသည်။

ယခုညီလာခံတွင် ပစ်ပယ်ခံထားရသော (သစ်ခုတ်သမားများ) နိုင်ငံရေး လုပ်ဖော်ကိုင်ဖက်များအား ဖိတ်ခေါ်လက်တွဲ ဆောင်ရွက်သွားခြင်း၊ ဖွဲ့စည်းပုံ အခြေခံဥပဒေ ဖျက်သိမ်းရေးအား ဆက်လက် ကြိုးပမ်းဆောင်ရွက်သွားခြင်းနှင့် လွှတ်တော်တွင်း နိုင်ငံရေးဖြစ်သည့် ၂၀၂၀ ရွေးကောက်ပွဲအား ၀င်ရောက် ယှဉ်ပြိုင်ခြင်းတို့ကို ညီလာခံ အစည်းအဝေး ဆုံးဖြတ်ချက်အဖြစ် ကြေညာခဲ့သည်။

၁၉၉၀ ပြည်သူ့လွှတ်တော် ကိုယ်စားလှယ်များအဖွဲ့ အနေဖြင့် မဟာမိတ်နိုင်ငံရေး အင်အားစုများနှင့် လက်တွဲ၍ ၂၀၂၀ ရွေးကောက်ပွဲတွင်ဝင်ရောက်ယှဉ်ပြိုင်မည် ဖြစ်ကြောင်း ကြေညာ

၁၉၉၀ ပြည်သူ့လွှတ်တော် ကိုယ်စားလှယ်များ အဖွဲ့နှင့် မိတ်ဖက်နိုင်ငံရေး အင်အားစုများ ညီလာခံ ကျင်းပနေစဉ်

၁၉၉၀ ပြည့်နှစ် ရွေးကောက်ပွဲတွင် အနိုင်ရရှိခဲ့သော ပြည်သူ့လွှတ်တော် ကိုယ်စားလှယ်များက ဦးဆောင်၍ မဟာမိတ်နိုင်ငံရေး အင်အားစုများနှင့် လက်တွဲကာ နိုင်ငံရေးပါတီတစ်ခု တည်ထောင်သွားမည်ဖြစ်ပြီး ယင်းပါတီအနေဖြင့် ၂၀၂၀ ရွေးကောက်ပွဲတွင် ၀င်ရောက်ယှဉ်ပြိုင်သွားမည်ဟု ၁၉၉၀ ပြည်သူ့လွှတ်တော် ကိုယ်စားလှယ် ဒေးဗစ်လှမြင့်က ပြောကြားသည်။

ရန်ကုန်မြို့ ပြည်လမ်းရှိ ယုဒဿန်ရိပ်သာတွင် သြဂုတ် ၇ ရက် မွန်းလွဲပိုင်းက ပြုလုပ်သည့် ၁၉၉၀ ပြည်သူ့လွှတ်တော် ကိုယ်စားလှယ်များအဖွဲ့နှင့် မိတ်ဖက်နိုင်ငံရေး အင်အားစုများ ညီလာခံတွင် ဒေးဗစ်လှမြင့်က ထိုသို့ ပြောကြားခဲ့ခြင်းဖြစ်သည်။

“အခုက ကျွန်တော်တို့က ကြေညာရုံပဲ ရှိသေးတာပါ။ ချက်ချင်းအမည်ထုတ်လို့ မရသေးပါဘူး။ ဘယ်လိုတွေ ဆောင်ရွက်မယ် ဆိုတာကို ကျွန်တော်တို့ တိုင်ပင်ရဦးမှာပါ။ ပြီးမှ ၁၀ လပိုင်းလောက်ကျရင် အမည်ထုတ်မှာပါ။ ကျွန်တော်တို့ မှတ်ပုံတင်ဖို့ရှိတယ်။ မှတ်ပုံတင်တာကတော့ ကျွန်တော်တို့ ၂၀၁၈ မကျော်ပါဘူး” ဟု ဒေးဗစ်လှမြင့်က ပြောကြားသည်။

ထိုသို့ ပါတီတစ်ခု တည်ထောင်၍ ရွေး ကာက်ပွဲ ၀င်ရောက်ယှဉ်ပြိုင်ရာတွင် ၁၉၉၀ ပြည်သူ့လွှတ်တော် ကိုယ်စားလှယ်များ အနေဖြင့် ပါတီထိပ်ပိုင်း ဦးဆောင်မှု အခန်းကဏ္ဍမှ တာဝန်ယူဆောင်ရွက် သွားမည်ဖြစ်ပြီး ၎င်းတို့အနေဖြင့်မူ ရွေးကောက်ပွဲတွင် ၀င်ရောက် ယှဉ်ပြိုင်သွားမည် မဟုတ်ကြောင်းလည်း ဒေးဗစ်လှမြင့်က ပြောကြားသည်။

ထို့ပြင် ၁၉၉၀ ပြည်သူ့လွှတ်တော် ကိုယ်စားလှယ်များအဖွဲ့ အနေဖြင့် ၁၉၉၀ ပြည်သူ့လွှတ်တော် ကိုယ်စားလှယ်များ၊ ပြည်သူ့လွှတ်တော် ကိုယ်စားပြု ကော်မတီဝင် တိုင်းရင်းသား ခေါင်းဆောင်များ၊ တိုင်းရင်းသားပါတီ အဖွဲ့အစည်းများ၊ အမျိုးသား ဒီမိုကရေစီအဖွဲ့ချုပ် ပြင်ပရောက်နိုင်ငံရေး လုပ်ဖော်ကိုင်ဖက်များ၊ အသိပညာရှင် အတတ်ပညာရှင်များ၊ ပြည်သူများနှင့်အတူ လက်တွဲ၍ ၂၀၂၀ ရွေးကောက်ပွဲအား ၀င်ရောက်ယှဉ်ပြိုင်မည် ဖြစ်ကြောင်းလည်း ၁၉၉၀ ပြည်သူ့လွှတ်တော် ကိုယ်စားလှယ်များ အဖွဲ့က အခမ်းအနားတွင် ကြေညာချက် ထုတ်ပြန်ခဲ့သည်။

အဆိုပါ ကြေညာချက်တွင် ၂၀၀၈ ဖွဲ့ စည်းပုံ အခြေခံဥပဒေကြောင့် ယနေ့အချိန်တွင် တိုင်းပြည်၏ အခြေအနေ အရပ်ရပ်မှာ ဆုတ်ယုတ်ယိုယွင်း လာနေပြီး ဤအခြေအနေအား ပြောင်းလဲရန်မှာ လွှတ်တော်တစ်ရပ်၊ အစိုးရ တစ်ဖွဲ့တည်းက ဆောင်ရွက်နေရုံမျှဖြင့် မရနိုင်ကြောင်း ၁၉၉၀ ပြည်သူ့လွှတ်တော် ကိုယ်စားလှယ်များ အဖွဲ့က ကြေညာသည်။

လွှတ်တော်ပြင်ပ နိုင်ငံရေးအင်အားစုများ၊ ပြည်သူများနှင့် ဟန်ချက်ညီစွာ ဆောင်ရွက်နိုင်မှ ပြောင်းလဲနိုင်မည် ဖြစ်သော်လည်း လက်ရှိလွှတ်တော်သည် လွှတ်တော်ပြင်ပ နိုင်ငံရေးအင်အားစုများနှင့် အတူလက်တွဲပြီး ဆောင်ရွက်နိုင်ခြင်းမရှိ၊ ယခင်စစ်အစိုးရလက်ထက် လွှတ်တော်တို့နှင့် ထူးမခြားနား၊ တင်ပြ၍လည်းမရ၊ တောင်းဆို၍လည်းမရ၊ အရွေ့လည်းမရှိ၊ အပြောင်းအလဲလည်း မရှိဟု ၎င်းတို့က ကြေညာခဲ့သည်။

ထိုအခြေအနေအား ကျော်ဖြတ်နိုင်ရန် အားလုံးနှင့် တန်းတူရည်တူ လက်တွဲဆောင်ရွက်နိုင်မည့် အပြောင်းအလဲ၊ အရွေ့ကို သွားနိုင်သည့် ပြည်သူ့လွှတ်တော်တစ်ရပ် လိုအပ်နေပြီး ရှောင်လွှဲ၍ မရသည့်အတွက် အဆိုပါတာဝန်ကို ၁၉၉၀ ပြည်သူ့လွှတ်တော် ကိုယ်စားလှယ်များ အဖွဲ့နှင့် မိတ်ဖက်နိုင်ငံရေး အင်အားစုများက ထမ်းဆောင်မည်ဖြစ်ကာ မပြီးဆုံးသေးသော ဒီမိုကရေစီ တော်လှန်ရေးအား ဆက်လက်ဆင်နွှဲမည်ဟု ၁၉၉၀ ပြည်သူ့လွှတ်တော် ကိုယ်စားလှယ်များအဖွဲ့က ကြေညာခဲ့သည်။

 

ပြည်ထောင်စုဥပဒေဆိုင်ရာ အထောက်အကူပေးရေးအဖွဲ့၏ ဥက္ကဋ္ဌနှင့် အဖွဲ့ဝင် ခြောက်ဦးအတွက် လေးလအတွင်း စရိတ်ချီးမြှင့်ငွေ ကျပ်သန်း ၂၀ ကျော်ရှိပြီး နှစ်လအတွင်း မော်တော်ယာဉ် စက်ဆီဖိုး ငွေကျပ် တစ်သန်းကျော်ရှိကြောင်း ပြည်ထောင်စု တရားလွှတ်တော်ချုပ် တရားသူကြီးပြောကြား

ပြည်ထောင်စုဥပဒေဆိုင်ရာ အထောက်အကူပေးရေးအဖွဲ့၏ ဥက္ကဋ္ဌနှင့် အဖွဲ့ဝင် ခြောက်ဦးအတွက် လေးလအတွင်း စရိတ်ချီးမြှင့်ငွေ ကျပ်သန်း ၂၀ ကျော်ရှိပြီး နှစ်လအတွင်း မောတော်ယာဉ် စက်ဆီဖိုး ငွေကျပ် ၁ သန်းကျော်ရှိကြောင်း ပြည်ထောင်စု တရားလွှတ်တော်ချုပ် တရားသူကြီး ဦးသာဌေးက ပြောကြားသည်။

နေပြည်တော်၌ သြဂုတ် ၇ ရက်က ပြုလုပ်သော ဒုတိယအကြိမ် ပြည်ထောင်စုလွှတ်တော် န၀မပုံမှန် အစည်းအဝေး ဆဋ္ဌမနေ့တွင် ပြည်ထောင်စုဥပဒေဆိုင်ရာ အထောက်အကူပေးရေးအဖွဲ့၏ ခြောက်လတာ ကာလအတွင်း လုပ်ငန်းဆောင်ရွက်မှု အစီရင်ခံစာနှင့် စပ်လျဉ်း၍ လွှတ်တော်ကိုယ်စားလှယ်များ၏ ဆွေးနွေးချက်များအပေါ် ပြည်ထောင်စု တရားလွှတ်တော်ချုပ် တရားသူကြီးက ပြန်လည်ရှင်းလင်း ဆွေးနွေးရာတွင် အထက်ပါအတိုင်း ပြောကြားခဲ့ခြင်းဖြစ်သည်။

“ပြည်ထောင်စုဥပဒေဆိုင်ရာ အထောက်အကူပေးရေးအဖွဲ့တွင် တာဝန်ပေးအပ်ခြင်းခံရသော နိုင်ငံ့ဝန်ထမ်း မဟုတ်တဲ့ ဥက္ကဋ္ဌနဲ့ အဖွဲ့ဝင်။ အတွင်းရေးမှူးတို့အတွက် ၂၀၁၇-၂၀၁၈ ဘဏ္ဍာရေးနှစ်အတွက် ချီးမြှင့်ငွေနဲ့ စရိတ်များ အသုံးစရိတ်များကို ပြည်ထောင်စု ဘဏ္ဍာရန်ပုံငွေမှ ကျခံသုံးစွဲနိုင်ရေး လိုအပ်သလို ဆောင်ရွက်ပေးပါရန် ပြည်ထောင်စုဝန်ကြီး၊ စီမံကိန်းနဲ့ ဘဏ္ဍာရေးဝန်ကြီးဌာနကို ညှိနှိုင်းဆောင်ရွက် ခဲ့ပါတယ်။ ထို့အပြင် ပြည်ထောင်စု တရားလွှတ်တော်ချုပ်ရုံးက ၂၀၁၈ ခုနှစ် ဇွန် ၂၂ ရက်နေ့မှာ ပြည်ထောင်စု ဥပဒေဆိုင်ရာ အထောက်အကူပေးရေးအဖွဲ့ ဥက္ကဋ္ဌနဲ့ အဖွဲ့ဝင် ခြောက်ဦးရဲ့ ၂၀၁၇ ခုနှစ် နိုဝင်ဘာ ၁၇  ရက်မှ ၂၀၁၈ ခုနှစ် မတ်လအထိ စရိတ်ချီးမြှင့်ငွေ ကျပ် ၂၀၀၅၄၆၆၆ နဲ့ ၂၀၁၈ ခုနှစ် ဖေဖော်ဝါရီလနဲ့ မတ်လတို့အတွက် စက်ဆီဖိုး ငွေကျပ် ၁၃၃၈၀၀၀ တို့အတွက် ရန်ပုံငွေ လုံလောက်မှု ရှိတဲ့အတွက် နှစ်လွန်အသုံးစရိတ်အဖြစ် ကျခံသုံးစွဲခွင့်ရရှိရေး စီမံကိန်းနဲ့ ဘဏ္ဍာရေးဝန်ကြီးဌာကို တင်ပြခွင့်ပြုချက် တောင်းခံခဲ့ရာ ခွင့်ပြုချက်ရရှိပြီး ဖြစ်ပါတယ်” ဟု ဦသာဌေးက ပြောကြားသည်။

ထို့ပြင် ပြည်ထောင်စု တရားလွှတ်တော်ချုပ်အနေဖြင့် ပြည်ထောင်စုဥပဒေဆိုင်ရာ အထောက်အကူပေးရေး အဖွဲ့အတွက် ရုံးအဆောက်အအုံ သတ်မှတ်စီစဉ်ပေးပါရန်နှင့် ယင်းအဖွဲ့တွင် တာဝန်ပေးအပ်ခြင်းခံရသည့် နိုင်ငံ့ဝန်ထမ်း မဟုတ်သော ပုဂ္ဂိုလ်များအတွက် အဆောင်အယောင် ချီးမြှင့်ငွေနှင့် အဆောင်အယောင် မော်တော်ယာဉ်များ သတ်မှတ်စီစဉ်ပေးပါရန် ပြည်ထောင်စုအစိုးရအဖွဲ့သို့ တင်ပြခဲ့ရာ ပြည်ထောင်စု ဥပဒေဆိုင်ရာ အထောက်အကူပေးရေး အဖွဲ့တွင် တာဝန်ပေးအပ်ခြင်းခံရသည့် နိုင်ငံ့ဝန်ထမ်းမဟုတ်သော ဥက္ကဋ္ဌအတွက် လစဉ်ချီးမြှင့်ငွေ ကျပ်သိန်း ၂၀ နှင့် Wagon တစ်စီး၊ အဖွဲ့ဝင် ခြောက်ဦးအတွက် လစဉ်ချီးမြှင့်ငွေ ကျပ် ၁၀ သိန်းစီနှင့် Micro Bus နှစ်စီး၊ အဆောင်အယောင် မော်တော်ယာဉ်များအတွက် စက်သုံးဆီ၊ ချောဆီ၊ ယာဉ်မောင်း လစာများနှင့် ယာဉ်ပြင်ဆင်ခြင်းကိစ္စကို သက်ဆိုင်ရာ အဖွဲ့အစည်း၏ ဘဏ္ဍာငွေ အသုံးစရိတ်မှ ကျခံရန် သဘောတူ ခွင့်ပြုခဲ့ကြောင်း ၎င်းကဆက်လက် ပြောကြားသည်။

ဆက်လက်ပြီး ပြည်ထောင်စု ဥပဒေဆိုင်ရာ အထောက်အကူပေးရေးအဖွဲ့ ရုံးခန်းဖွင့်လှစ်ရန်နှင့် နေအိမ်များအတွက် ကျန်းမာရေးနှင့် အားကစားဝန်ကြီးဌာန ကြီးကြပ်မှုအောက်ရှိ အားကစား လေ့ကျင့်ရေးစခန်း Gold Camp၊ Cluser – 3 အဆောင် (7) ရှိ (01,02,03,04,12,13,14) တို့တွင် ဖွင့်လှစ်ခွင့်ရရှိရန် ဆောင်ရွက်ပေးခဲ့ကြောင်း သိရသည်။

ပြည်ထောင်စု တရားလွှတ်တော်ချုပ်သည် ပြည်ထောင်စုဥပဒေဆိုင်ရာ အထောက်အကူပေးရေးအဖွဲ့ ဖွဲ့စည်းနိုင်ရေးနှင့် စပ်လျဉ်းပြီး ဥပဒေဆိုင်ရာ အထောက်အကူပေးရေး ဥပဒေပုဒ်မ ၅ တွင် ပြည်ထောင်စု တရားသူကြီးချုပ်သည် ပြည်ထောင်စု ဥပဒေဆိုင်ရာ အထောက်အကူပေးရေး အဖွဲ့ကို ပြည်ထောင်စု အစိုးရအဖွဲ့နှင့် ညှိနှိုင်း၍ ဖွဲ့စည်းရမည်ဟု ပြဋ္ဌာန်းပါရှိရာ အဆိုပါ ပြဋ္ဌာန်းချက်နှင့်အညီ သက်ဆိုင်ရာ ၀န်ကြီးဌာန၊ အဖွဲ့အစည်းများမှ သတ်မှတ်အရည်အချင်းနှင့် ပြည်စုံသည့် ကိုယ်စားလှယ်များနှင့် နိုင်ငံ့ဝန်ထမ်း မဟုတ်သော ပုဂ္ဂိုလ်များကို ပြည်ထောင်စုအစိုးရအဖွဲ့နှင့် ညှိနှိုင်း၍ ဦးဥာဏ်ဝင်း၊ ဥက္ကဋ္ဌအဖြစ် ပါဝင်ပြီး အတွင်းရေးမှူးနှင့် အဖွဲ့ဝင် စုစုပေါင်း ၁၃ ဦးပါရှိသော ပြည်ထောင်စုဥပဒေဆိုင်ရာ အထောက်အကူ ပေးရေးအဖွဲ့ကို ပြည်ထောင်စု တရားလွှတ်တော်ချုပ်၏ ၂၀၁၇ ခုနှစ် နိုဝင်ဘာ ၁၅ ရက်စွဲပါ အမိန့်ကြော်ငြာစာ အမှတ် ၈၆၅/၂၀၁၇ ဖြင့် ဖွဲ့စည်းခဲ့ကြောင်း သိရသည်။

ပြည်ထောင်စု ဥပဒေဆိုင်ရာ အထောက်အကူပေးရေးအဖွဲ့၏ ၆ လတာကာလအတွင်း လုပ်ငန်းဆောင်ရွက်မှု အစီရင်ခံစာနှင့် စပ်လျဉ်း၍ လွှတ်တော်ကိုယ်စားလှယ်များ၏ ဆွေးနွေးချက်များအပေါ် ပြည်ထောင်စုဥပဒေဆိုင်ရာ အထောက်အကူပေးရေးအဖွဲ့ဥက္ကဋ္ဌ ဦးဥာဏ်ဝင်းနှင့် ပြည်ထောင်စု တရားလွှတ်တော်ချုပ် တရားသူကြီး ဦးသာဌေးတို့က သြဂုတ် ၇ ရက် ပြုလုပ်သည့် ပြည်ထောင်စုလွှတ်တော် အစည်းအဝေးတွင် ပြန်လည်ရှင်းလင်း ဆွေးနွေးကာ ပြည်ထောင်စုလွှတ်တော်က မှတ်တမ်းတင်ခဲ့သည်။

 

လယ်ယာဥယျာဉ်ခြံမြေများကို အကွက်ဖော် ရောင်းစားခြင်းနှင့် သက်ဆိုင်သော ကော်မတီအဆင့်ဆင့်၏ လျော့ရဲပြီး အဂတိမကင်းသည့် လုပ်ဆောင်ချက်များကို ထိရောက်စွာ ထိန်းညှိပေးနိုင်မည့် အစီအမံတစ်ခု ရေးဆွဲပေးရန်အဆို အမျိုးသားလွှတ်တော်၌ တင်သွင်း

အမျိုးသားလွှတ်တော် အစည်းအဝေးအပြီး ခန်းမအတွင်းမှ ပြန်လည်ထွက်ခွာလာသည့် လွှတ်တော်ကိုယ်စားလှယ်များအား တွေ့ရစဉ်

လယ်ယာဥယျာဉ်ခြံမြေများကို စည်းကမ်းမဲ့စွာ အကွက်ဖော် ရောင်းစားနေခြင်းကြောင့် စိုက်ပျိုးမြေများ လျော့နည်းလာခြင်း၊ မြေလွတ်များ ပျောက်ဆုံးကုန်ခြင်းစသည်တို့နှင့် သက်ဆိုင်သော စီမံခန့်ခွဲမှုကော်မတီ၊ စည်ပင်သာယာရေးကော်မတီ၊ လယ်ယာမြေစီမံခန့်ခွဲမှု ကော်မတီအဆင့်ဆင့်တို့၏ လျော့ရဲပြီး အဂတိမကင်းသည့် လုပ်ဆောင်ချက်များကို ထိရောက်စွာ ထိန်းညှိပေးနိုင်မည့် အစီအမံတစ်ခု အလျင်အမြန် ရေးဆွဲပြဋ္ဌာန်းပေးရန် အဆိုအား အမျိုးသားလွှတ်တော်သို့ တင်သွင်းခဲ့သည်။

သြဂုတ် ၆ ရက်က ပြုလုပ်သည့် အမျိုးသားလွှတ်တော် အစည်းအဝေးတွင် မွန်ပြည်နယ် မဲဆန္ဒနယ်အမှတ်(၈)မှ ဦးမျိုးဝင်းက ယင်းအဆိုအား တင်သွင်းခဲ့ရာ ကန့်ကွက်သူမရှိသည့်အတွက် အမျိုးသားလွှတ်တော်တွင် ဆွေးနွေးရန် သဘောတူခဲ့သည်။

ဦးမျိုးဝင်းက “ကော်မတီတွေနဲ့ ပြည်သူတွေကြားမှာ ဘာတွေဖြစ်နေလဲဆိုတာ ကိုယ်စားလှယ်များအားလုံး အသိဖြစ်ပါတယ်။ ဒီအဆိုကို လွှတ်တော်က ဆွေးနွေးခွင့်ပြုခဲ့ရင် ပါဝင်ဆွေးနွေးပေးကြပြီး အစိုးရကို ၀ိုင်းဝန်း အကြံပြုစေလိုပါတယ်။ ဘာမှဝေဖန်ပြောဆိုလို့ မရတဲ့ခေတ်တွေမှာ ဒါတွေစဖြစ်ခဲ့တယ်။ ပြီးခဲ့တဲ့ အစိုးရလက်ထက်မှာလည်း ဖြစ်ခဲ့တယ်။ အခု လက်ရှိ အစိုးရလက်ထက်မှာလည်း ပုန်းလျှိုးကွယ်လျှိုးဖြစ်နေဆဲမို့ ဒီအစိုးရလည်း ဘာမှမထူးပါဘူးကွာဆိုတဲ့ အမြင်တွေ၊ အပြောတွေဟာ ပြည်သူတွေကြားမှာ တဖြည်းဖြည်း ကျယ်လောင်လာတာကြောင့် မေးခွန်းအနေနဲ့မေးဖို့ စိတ်ကူးခဲ့ပါတယ်။ ဒါပေမဲ့ ပတ်သက်နေတာက ၀န်ကြီးဌာနတစ်ခုတည်း မဟုတ်ဘဲ ဒီကော်မတီထဲမှာ ၀န်ကြီးဌာန အသီးသီးက နိုင်ငံ့ဝန်ထမ်းတွေသာမက အရပ်ဘက်က ကိုယ်စားလှယ်တွေပါ ပါဝင်တာဖြစ်လို့ အဆိုတင်သွင်းရခြင်း ဖြစ်ပါတယ်” ဟု ပြောကြားသည်။

နိုင်ငံအနေဖြင့် လူနေရပ်ကွက်များ၊ မြေယာအမျိုးမျိုးကို ဥပဒေနှင့်အညီ စနစ်တကျ အသုံးပြုစေအောင် စီမံခန့်ခွဲမှုမပြုနိုင်သည်မှာ ရာစုနှစ်ဝက်ကျိုးလာပြီဖြစ်ကြောင်း၊ စီမံခန့်ခွဲခွင့် တာဝန်ကို ယူထားကြသူများ ကိုယ်တိုင်က လုပ်ပိုင်ခွင့်များကို အလွဲသုံးစားပြု ကိုယ်ကျိုးရှာခဲ့သည့်အတွက် ပရမ်းပတာဖြစ်နေသည့် မြို့ပြလူနေမှုစနစ်များ၊ စည်းစနစ် မရှိသည့် လူနေကွက်သစ်များဖြင့် ထိန်းမနိုင် သိမ်းမရဖြစ်ခဲ့ရသည့်အမွေကို ဆက်ခံခဲ့ရကြောင်း၊ ယခုအစိုးရလက်ထက်တွင် စနစ်တကျဖြစ်အောင် ပြန်လည်ပြုပြင် တည်ဆောက်ကြရမည်ဖြစ်ကြောင်း၊ မိမိတာဝန်ယူစဉ်ကာလတွင် ယင်းအဖြစ်မျိုးများ ထပ်မတိုးလာစေရန် စီမံထိန်းသိမ်းရန် တာဝန်ရှိမည်ဖြစ်ကြောင်း၊ နယ်ဒေသများတွင်လည်း တာဝန်မဲ့သူ၊ ဥပဒေကို အကြောင်းပြုပြီး ကိုယ်ကျိုးရှာသူအချို့ကြောင့် ဖြစ်ပျက်နေမှုများရှိကြောင်း ဦးမျိုးဝင်းက ပြောကြားသည်။

“စိုက်ပျိုးမြေတွေကို ထင်သလို အသုံးချကြတဲ့ဖြစ်ရပ်တွေ ရှိပါတယ်။ ရော်ဘာခြံ၊ ဥယျာဉ်ခြံတွေကို မြေကြီးတူးရောင်း၊ အိမ်ကွက်ဖော် ရောင်းချနေကြမှုများ ရှိပါတယ်။ အချို့အကွက်တွေက အခြားနည်းသုံးစွဲခွင့် လျှောက်လွှာတင်ထားဆဲ ဖြစ်ပါတယ်။ အချို့အကွက်တွေကျတော့ သူများလုပ်တာကိုကြည့်ပြီး မိမိသဘောနဲ့မိမိ လုပ်ချင်လုပ်နေကြတာ ဖြစ်ပါတယ်။ ဒါပေမဲ့ ခွင့်ပြုချက်ကျကျ၊ မကျကျ ခြံကွက်က အိမ်ကွက်ဖြစ်နေပါပြီ။ ဒီအလေ့အထဟာ ခုဆိုပိုခေတ်စားလာပြီး လယ်ယာမြေဥပဒေဆိုတာ စာအုပ်ထဲမှာ ပုန်းနေရတဲ့အဆင့် ရောက်နေပြီဖြစ်ပါတယ်။ သက်ဆိုင်ရာ တာဝန်ရှိသူတွေကလည်း ဥပဒေကျူးလွန်သူကို ပြောနေ၊ တားနေမယ့်အစား Win Win ပေါ်လစီကိုပဲ ကျင့်သုံးကြပါတော့တယ်” ဟု ဦးမျိုးဝင်းက ပြောကြားသည်။

ထို့ပြင် သစ်ပါးလွှာထုတ်လုပ်သည့် စက်ရုံများဖြစ်ကြောင်း၊ မြန်မာနိုင်ငံတွင် စည်းမဲ့ကမ်းမဲ့ အပင်များကို ခုတ်လှဲ၍ ရနေသည့်အပေါ် ခုတ်လှဲခွင့်မရှိသည့် နိုင်ငံများမှ စီးပွားရေးသမားများ ပြည်တွင်းကို ၀င်ရောက်လာနေကြကြောင်း၊ အများစုမှာ သစ်ပါးလွှာထုတ်လုပ်သည့် တရုတ်နိုင်ငံသားများဖြစ်ကြောင်း၊ သစ်ပါးလွှာ ထုတ်လုပ်မည့်စက်ရုံများကို မြေယာလွှဲပြောင်းသုံးစွဲခွင့် မကျသေးခင်မှာပင် မြေကွက်ရှင်၊ မြေညှိ၊ စက်ရုံတည်ဆောက်မှု မပြီးတပြီး ဖြစ်နေပြီဖြစ်ကြောင်း၊ ယင်းစက်ရုံများသည် ရော်ဘာပင်၊ တညင်းပင်၊ ပိန္နဲ၊ သစ်တို၊ မလေးရှားပိတောက်၊ ယူကလစ် စသည်ဖြင့် အပင်ကြီးမှန်သမျှအား အကုန်ဝယ်ယူနေကြောင်း၊ သစ်တင်ကားများကြောင့် လမ်းပျက်စီးမှုများ ဖြစ်ပေါ်နေကြောင်း၊ သစ်ပင်ကြီးများအား ခုတ်လှဲသည့်အတွက် ဂေဟစနစ် ပျက်စီးကြောင်း၊ ခုတ်လှဲပြီးသည့်နေရာတွင် အခြားနည်းသုံးသည့်အတွက် စိုက်ပျိုးမြေများ လျော့နည်းသွားကြောင်း၊ ယင်းကဲ့သို့ ဆက်လက်ဖြစ်နေပါက စိုက်ပျိုးရေးထွက်ကုန်များ ရေရှည်တွင် ထိခိုက်လာမည်ဖြစ်ကြောင်း၊ တာဝန်ရှိသူများက မဆိုင်သလိုနေနေကြကြောင်း အဆိုတင်သွင်းစဉ် ပြောကြားသည်။

မြေယာနှင့်ပတ်သက်သည့်ကိစ္စရပ်များကို အဓိက အကောင်အထည်ဖော် ဆောင်ရွက်နေသည့် ကော်မတီ သုံးရပ်နှင့် ဆက်စပ်နေသည့် ဌာနဆိုင်ရာဝန်ထမ်းများ၏ လုပ်ရပ်များကို အချိန်မီ ထိန်းညှိရန်အတွက်လည်းကောင်း၊ နောင်လာမည့် အနာဂတ်ကာလတွင် စည်းနှောင်မှုအားကောင်းသည့် မြေယာစီမံခန့်ခွဲမှုစနစ်နှင့် ထိုစနစ်ကို တိကျစွာ အကောင်အထည်ဖော်နိုင်မည့် ကော်မတီများ ဖြစ်ထွန်းပေါ်ပေါက်လာစေရန်အတွက်လည်းကောင်း၊ ထိရောက်စွာ ဆောင်ရွက်နိုင်မည့် အစီအမံတစ်ခုကို အလျင်အမြန် ရေးဆွဲချမှတ် အကောင်အထည်ဖော်ပေးရန် ပြည်ထောင်စု အစိုးရအား တိုက်တွန်းကြောင်းအဆို တင်သွင်းရခြင်းဖြစ်ကြောင်း ဦးမျိုးဝင်းက ပြောကြားသည်။

ယင်းအဆိုနှင့်ပတ်သက်ပြီး ဆွေးနွေးမည့် ကိုယ်စားလှယ်များ အနေဖြင့် အမည်စာရင်း တင်သွင်းနိုင်ကြောင်း အမျိုးသားလွှတ်တော်ဥက္ကဋ္ဌက ပြောကြားသည်။

ပို့ဆောင်ရေး ၀န်ကြီးဌာန အနေဖြင့် ၂၀၁၈-၂၀၁၉ ဘဏ္ဍာနှစ်တွင် ရငွေကျပ်၂၀၁၂ ဘီလျံကျော်ရရှိရန် လျာထားပြီး သုံးငွေကျပ် ၁၇၂၅ ဘီလျံကျော် လျာထားသည့်အတွက် ပိုငွေကျပ် ၂၈၆ ဘီလျံကျော် ဖြစ်ကြောင်း ပြည်ထောင်စု လွှတ်တော်သို့တင်ပြ

ဇူလိုင် ၂၃ ရက်က ပြုလုပ်သည့် ပြည်ထောင်စုလွှတ်တော် အစည်းအဝေးအပြီး ပြန်လည်ထွက်ခွာလာသည့် လွှတ်တော်ကိုယ်စားလှယ်များအား တွေ့ရစဉ်

ပို့ဆောင်ရေးဝန်ကြီးဌာန အနေဖြင့် ရငွေကျပ် ၂၀၁၂ ဒသမ ၂၀၄ ဘီလျံ ရရှိရန် လျာထားပြီး သုံးငွေကျပ် ၁၇၂၅ ဒသမ ၅၅၉ ဘီလျံ လျာထားသည့်အတွက် အသားတင်ပိုငွေ ကျပ် ၂၈၆ ဒသမ ၆၄၅ ဘီလျံ ဖြစ်ကြောင်း ပြည်ထောင်စု လွှတ်တော်သို့ တင်ပြခဲ့သည်။

၂၀၁၈-၂၀၁၉ခု ဘဏ္ဍာရေးနှစ် အမျိုးသားစီမံကိန်း ဥပဒေကြမ်းပါ စီမံကိန်းလုပ်ငန်းများနှင့် ပြည်ထောင်စု၏ ဘဏ္ဍာငွေ အရအသုံးဆိုင်ရာ ဥပဒေကြမ်းပါ ရငွေသုံးငွေများနှင့် စပ်လျဉ်းပြီး ပို့ဆောင်ရေးနှင့် ဆက်သွယ်ရေး ၀န်ကြီးဌာန ဒုတိယ၀န်ကြီး ဦးကျော်မျိုးက ပြည်ထောင်စု လွှတ်တော်သို့ တင်ပြခဲ့ခြင်းဖြစ်သည်။

ပို့ဆောင်ရေးနှင့် ဆက်သွယ်ရေး ၀န်ကြီးဌာနတစ်ခုလုံး အနေဖြင့် ရငွေကျပ် ၂၀၁၂ ဒသမ ၂၀၄ ဘီလျံ ရရှိရန် လျာထားပြီး သုံး ငွေကျပ် ၁၇၂၅ ဒသမ ၅၅၉ ဘီလျံ လျာထားသည့်အတွက် အသားတင်ပိုငွေ ကျပ် ၂၈၆ ဒသမ ၆၄၅ ဘီလျံဖြစ်သည်ကို အဆင့်ဆင့်စိစစ်ပြီး ဖြစ်သည့်အတွက် ပြည်ထောင်စု လွှတ်တော်က ဆွေးနွေးအတည်ပြုပေးနိုင်ရန် တင်ပြခြင်းဖြစ်ကြောင်း ဒုတိယ၀န်ကြီး ဦးကျော်မျိုးက ပြောကြားသည်။

ပို့ဆောင်ရေးနှင့် ဆက်သွယ်ရေး ၀န်ကြီးဌာန အနေဖြင့် လုပ်ငန်းလိုအပ်ချက်အရ မဖြစ်မနေ ဆောင်ရွက်ရမည့် လုပ်ငန်းများကိုသာ ဦးစားပေး လျာထားကြောင်း၊ ရငွေများကိုလည်း ရနိုင်သမျှ အစွမ်းကုန် ကြိုးစားရှာဖွေမည်ဖြစ်ကြောင်း၊ ပို့ဆောင်ရေးနှင့် ဆက်သွယ်ရေး ၀န်ကြီးဌာနရှိ ဦးစီးဌာနများ၊ နိုင်ငံတော်ပိုင် စီးပွားရေး အဖွဲ့အစည်းများ အနေဖြင့် ရငွေအပိုင်းတွင် သာမန်ရငွေ ကျပ် ၉၈၀ ဒသမ ၇၅၂ ဘီလျံ၊ ပြည်ပအကူအညီရငွေ ၆၅ ဒသမ ၁၂၅ ဘီလျံ၊ ပြည်ပချေးယူရငွေ ကျပ် ၅၇၆ ဒသမ ၃၃၂ ဘီလျံ၊ စုစုပေါင်း ကျပ် ၁၆၂၂ ဒသမ ၂၀၉ ဘီလျံ လျာထားကြောင်း၊ သုံးငွေအပိုင်းတွင် သာမန်သုံးငွေ ကျပ် ၃၁၀ ဒသမ ၈၄၈ ဘီလျံ၊ ငွေလုံးငွေရင်းသုံးငွေ ကျပ် ၉၈၄ ဒသမ ၁၄၄ ဘီလျံ၊ ကြွေးမြီသုံးငွေ ကျပ် ၃၈ ဒသမ ၆၂၂ ဘီလျံ၊ စုစုပေါင်း ကျပ် ၁၃၃၃ ဒသမ ၆၁၄ ဘီလျံ လျာထားသည့်အတွက် အသားတင်ပိုငွေ ကျပ် ၂၈၈ ဒသမ ၅၉၅ ဘီလျံဖြစ်ကြောင်း ဒုတိယ၀န်ကြီးက ပြည်ထောင်စု လွှတ်တော်တွင် တင်ပြခဲ့သည်။

ထို့အပြင် ပြည်ထောင်စုဘဏ္ဍာရန်ပုံငွေ အစီအစဉ်ပြင်ပမှ ဆောင်ရွက်နေသည့် နိုင်ငံတော်ပိုင် စီးပွားရေး အဖွဲ့အစည်းများ အနေဖြင့် ရငွေပိုင်းတွင် သာမန်ရငွေကျပ် ၂၅၄ ဒသမ ၇၄၁ ဘီလျံ၊ ပြည်ပချေးယူရငွေ ကျပ် ၁၃၅ ဒသမ ၂၅၄ ဘီလျံ၊ စုစုပေါင်း ကျပ် ၃၈၅ ဒသမ ၉၉၅ ဘီလျံ လျာထားကြောင်း၊ သုံး ငွေပိုင်းတွင် သာမန်သုံးငွေ ကျပ် ၂၀၇ ဒသမ ၄၉၇ ဘီလျံ၊ ငွေလုံးငွေရင်း သုံးငွေမှာ ကျပ် ၁၇၁ ဒသမ ၉၈၀ ဘီလျံ၊ေ<ကးမြီသုံးငွေ ကျပ် ၁၂ ဒသမ ၄၆၈ ဘီလျံ၊ စုစုပေါင်း ကျပ် ၃၉၁ ဒသမ ၉၄၅ ဘီလျံ လျာထားသည့်အတွက် အသားတင်လိုငွေ ကျပ် ၁ ဒသမ ၉၅၀ ဘီလျံ ဖြစ်ကြောင်း၊ သာမန်ရငွေတွင် ကုန်းလမ်းပို့ဆောင်ရေး ညွှန်ကြားမှုဦးစီးဌာနနှင့် ဆက်သွယ်ရေး ညွှန်ကြားမှုဦးစီးဌာနတို့၏ အခွန်အကောက်ရငွေ၊ လေကြောင်းပို့ဆောင်ရေး ညွှန်ကြားမှုဦးစီးဌာန၏ လေယာဉ်ဖြတ်ကျော် ဖြတ်သန်းခရငွေ၊ မြန်မာ့ဆက်သွယ်ရေး လုပ်ငန်း၏ ဆက်သွယ်ရေး ၀န်ဆောင်ခရငွေနှင့် မြန်မာ့ဆိပ်ကမ်း အာဏာပိုင်၏ ဆိပ်ကမ်းအခွန်အခ ရငွေတို့သည် အဓိက ရငွေများဖြစ်ကြောင်း ဒုတိယ၀န်ကြီးက ပြောကြားသည်။

ငွေလုံးငွေရင်း ရငွေများတွင် ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေး ဦးစီးဌာန၏ မန္တလေးဆိပ်ကမ်း အဆင့်မြှင့်တင်ရေး စီမံကိန်းနှင့် မဲခေါင်-လန်ချန်း အထူးရန်ပုံငွေ ၀မ်ပုံဆိပ်ကမ်း အဆင့်မြှင့်တင်ခြင်းအတွက် ဖြစ်မြောက်နိုင်စွမ်း လေ့လာခြင်းလုပ်ငန်း၊ လေကြောင်းပို့ဆောင်ရေး ညွှန်ကြားမှု ဦးစီးဌာန၏ ရန်ကုန်၊ မန္တလေးနှင့် နေပြည်တော် လေဆိပ်များတွင် အဆင့်မြင့် ရေဒါစနစ်များ တပ်ဆင်ခြင်း လုပ်ငန်းအတွက် အတိုင်ပင်ခံ ငှားရမ်းခ ပေးချေခြင်း၊ ပြည်တွင်းရေကြောင်း ပို့ဆောင်ရေး၏ ရခိုင်ဒေသ ဖွံ့ဖြိုးတိုးတက်ရေးအတွက် ရေယာဉ်အသစ်များ တည်ဆောက်ခြင်းလုပ်ငန်း၊ ဒလသင်္ဘောကျင်း အဆင့်မြှင့်တင်ခြင်းလုပ်ငန်း၊ မြန်မာ့မီးရထား၏ ရထားပြေးဆွဲမှုကို ဗဟိုဌာနမှ ထိန်းချုပ်သည့် စနစ်နှင့် ဘေးအန္တရာယ် ကင်းရှင်းရေးဆိုင်ရာ ကိရိယာပစ္စည်းများ တပ်ဆင်ရေး စီမံကိန်းတို့အတွက် ရရှိမည့် ပြည်ပအကူအညီ ရငွေများဖြစ်ပြီး ငွေလုံးငွေရင်း အသုံးစရိတ်တွင် ပြန်လည်သုံးစွဲမည် ဖြစ်ကြောင်း၊ မဲခေါင်-လန်ချန်း အထူးရန်ပုံငွေဖြင့် ဆောင်ရွက်သည့် လုပ်ငန်းမှလွဲ၍ ကျန်သည့်လုပ်ငန်း စီမံကိန်းများအားလုံး ဂျပန်နိုင်ငံ အကူအညီ အထောက်အပံ့ဖြင့် ဆောင်ရွက်မည်ဖြစ်ကြောင်း ဒုတိယ၀န်ကြီးက ပြောကြားသည်။

ငွေလုံးငွေရင်း အသုံးစရိတ်တွင် ဧရာဝတီမြစ်ဝှမ်း ဘက်စုံစီမံခန့်ခွဲမှု စီမံကိန်း၊ တွံတေးတူးမြောင်း ဖွံ့ဖြိုးတိုးတက်ရေး စီမံကိန်း၊ ရန်ကုန်-မန္တလေး ရထားလမ်း အဆင့်မြှင့်တင်ရေး စီမံကိန်း၊ မန္တလေး-မြစ်ကြီးနား ရထားလမ်းပိုင်း အဆင့်မြှင့်တင်ရေးလုပ်ငန်း၊ စက်ခေါင်းသစ် သံလမ်းပြုပြင်ရေးစက်များ၊ စက်ခေါင်းသစ် ဆောက်လုပ်ရေးစက်ရုံ၊ လူစီးတွဲ၊ ကုန်တွဲသစ်များ ဆောက်လုပ်ရေးစက်ရုံ တည်ထောင်ခြင်းများ ပါဝင်ကြောင်း ဆက်လက်ပြောကြားသည်။

ပြည်ထောင်စုဘဏ္ဍာ ရန်ပုံငွေဖြင့် ဆောင်ရွက်မည့် လုပ်ငန်းများမှာ ဖလမ်းလေဆိပ်သစ် တည်ဆောက်ရေးလုပ်ငန်း၊ သတင်းအချက်အလက်၊ နည်းပညာနှင့် Cyber လုံခြုံရေး ဦးစီးဌာန၏ မြန်မာဂြိုလ်တုစနစ် စီမံကိန်းအတွက် ရင်းနှီးမြှုပ်နှံမှု ထည့်ဝင်ခြင်း၊ Microsoft လိုင်စင်ခများ ပေးချေခြင်း၊ သက်တမ်းလွန်ရေယာဉ်များ အစားထိုး ဆောင်ရွက်ရန် ရေယာဉ်သစ် တည်ဆောက်ခြင်း၊ ၁၅၀၀ တန် ကုန်တွဲရေယာဉ် တည်ဆောက်ခြင်းများကို အဓိက လျာထားကြောင်း၊ ပြည်ပအကူအညီနှင့် ပြည်ပချေးငွေတို့ဖြင့် ဆောင်ရွက်မည့် လုပ်ငန်းများမှာ နိုင်ငံတော်အပိုင်းမှ ဆက်စပ်ဆောင်ရွက်ရမည့် လုပ်ငန်းများအတွက် မဖြစ်မနေ ကျခံရမည့် အသုံးစရိတ်များကို လျာထားခဲ့ကြောင်း ဒုတိယ၀န်ကြီး ဦးကျော်မျိုးက ပြောကြားသည်။