ကချင်လူထုဆန္ဒအရ ပါတီပေါင်းစည်းရေးကို လက်ခံသော်လည်း ပါတီများ၏ မူဝါဒပိုင်းဆိုင်ရာ ရပ်တည်ချက်ခိုင်မာမှုမရှိပါက ပေါင်းစည်းရာတွင် အခက်အခဲရှိနိုင်ကြောင်း KNC ပါတီ ပြောကြား

ကချင်ပြည်သူလူထုဆန္ဒအရ ပါတီပေါင်းစည်းရေးကို လက်ခံမည်ဖြစ်သော်လည်း ပါတီများ၏ မူဝါဒပိုင်းဆိုင်ရာ ရပ်တည်ချက်ခိုင်မာမှုမရှိပါက ပေါင်းစည်းရာတွင် အခက်အခဲများရှိနိုင်ကြောင်း ကချင်အမျိုးသားကွန်ဂရက်ပါတီ (KNC) ဥက္ကဋ္ဌ ဒေါက်တာအန်ကောလက ဒီဇင်ဘာ ၁၁ ရက်တွင် ပြောကြားသည်။

ကချင်နိုင်ငံရေးပါတီများပူးပေါင်းရေးအတွက် လာမည့်ဇန်န၀ါရီတွင် အပြီးသတ်ဆွေးနွေးသွားမည်ဆိုသည့် ကိစ္စနှင့်ပတ်သက်၍ KNC ပါတီထံ ဆက်သွယ်မေးမြန်းခဲ့ရာ ပါတီဥက္ကဋ္ဌက ထိုသို့ဖြေကြားခဲ့ခြင်းဖြစ်သည်။

“ကျွန်တော်တို့ ပါတီညီလာခံလုပ်ဖို့ရှိတယ်။ အဲဒါမတိုင်ခင် ဗဟိုကော်မတီအစည်းအဝေးမှာ ဒါကိုဆုံးဖြတ်ချက်ယူပြီးမှ ဆက်ပြောရမယ်။ ကချင်ပြည်သူလူထုအနေနဲ့ကတော့ ပေါင်းစေချင်တယ်ဆိုတော့ ကျွန်တော်တို့ကပေါင်းရမှာပဲ။ ပေါင်းရမယ်ဆိုပေမယ့် တခြားတိုင်းရင်းသားပါတီတွေကြားထဲမှာလည်း ပါတီပေါင်းစည်းရေးတွေနဲ့ပတ်သက်ပြီး ပြဿနာတွေရှိတယ်။ ကျွန်တော်တို့ကတော့ မူဝါဒရပ်တည်ချက်တွေအပေါ်မှာ မူတည်တယ်။ ချမှတ်ထားတဲ့ မူဝါဒအတိုင်း ခိုင်ခိုင်မာမာဆက်လျှောက်ရမယ်လေ နိုင်ငံရေးပါတီဆိုတာ။ မူဝါဒတွေရမ်းသမ်းပြီး ထင်ရာစိုင်းနေလို့မရဘူး။ အဲဒီလိုမျိုးအနေအထားဆိုတော့ မူဝါဒခိုင်ခိုင်မာမာမရှိတဲ့သူတွေနဲ့ဆိုရင်တော့ ပေါင်းစည်းဖို့ဆိုတဲ့နေရာမှာ အခက်အခဲရှိတယ်။ မူမတူတဲ့အခါမှာ ပါတီတွေပေါင်းပြီးရင် ဦးဆောင်မှုအခန်းကဏ္ဍ ဘယ်လိုဆောင်ရွက်မလဲဆိုတာ မေးခွန်းတွေအများကြီး ညှိနှိုင်းဆွေးနွေးရဦးမယ်လေ။ ရှေ့မှာလည်း တခြားတိုင်းရင်းသားပါတီတွေ ခိုင်ခိုင်မာမာလုပ်ထားပေမယ့် ပြဿနာတွေဖြစ်လာတာပဲလေ။ သင်ခန်းစာတွေရှိတယ်” ဟု ဒေါက်တာအန်ကောလက ပြောကြားသည်။

ကချင်ပြည်သူလူထုအနေဖြင့် ကချင်ပြည်နယ်အခြေစိုက် နိုင်ငံရေးပါတီများ ပေါင်းစည်းရေးကို လိုလားလျက်ရှိနေပြီး လက်ရှိတွင် ကချင်ပြည်နယ်အခြေစိုက် နိုင်ငံရေးပါတီများဖြစ်သည့် ကချင်ဒီမိုကရက်တစ်ပါတီ (KDP)၊ ကချင်ပြည်နယ်ဒီမိုကရေစီပါတီ (KSDP)၊ ကချင်အမျိုးသားကွန်ဂရက်ပါတီ (KNC)၊ လော်ဝေါ်အမျိုးသားစည်းလုံးညီညွတ်ရေးနှင့် ဖွံ့ဖြိုးတိုးတက်ရေးပါတီ (LNUDP) တို့ပူးပေါင်း၍ ကချင်နိုင်ငံရေးပါတီများ ညှိနှိုင်းပူးပေါင်းဆောင်ရွက်ရေးကော်မတီ (KPCC) ကိုဖွဲ့စည်းထားသည်။

“ကျွန်တော်တို့သဘောကတော့ ၂၀၂၀ မတိုင်ခင်မှာ ပေါင်းသွားလည်းပေါင်းမှာပေါ့။ ပေါင်းတာက ပြဿနာမဟုတ်ဘူး။ အချိန်မရွေးပေါင်းလို့ရတယ်။ ကျွန်တော်တို့ကတော့ ပေါင်းမယ်။ အနှေးနဲ့အမြန်ပဲ။ ပေါ်လစီတွေကိုက်ဖို့လိုမယ်။ အမျိုးသားနိုင်ငံရေးကိုတော့ သေချာလုပ်ဖို့လိုမယ်။ အဓိကလူထုအတွက် ဘာမှမလုပ်ဘဲနဲ့ပေါင်းပြီး ငုတ်တုတ်ထိုင်နေလို့တော့မဖြစ်ဘူးလေ။ ပေါင်းစည်းရေးထိုင်အော်နေပြီး အလုပ်မလုပ်တဲ့သူတွေနဲ့ ပေါင်းစည်းဖို့ဆိုတာတော့ခက်တယ်။ ပေါင်းတာတော့ အချိန်မရွေးပေါင်းလို့ရတယ်။ ပြဿနာမရှိဘူး။ ပြဿနာရှိတာက နိုင်ငံရေးပေါ်လစီမကိုက်ရင် ပြဿနာရှိနိုင်တယ်။ လူထုကပေါင်းစေချင်တယ်။ လူထုက ပေါင်းစေချင်တဲ့အတွက် ကျွန်တော်တို့ကပေါင်းမယ်။ ဒါပေမဲ့ ပေါ်လစီတွေတော့ အတော်လေးညှိယူရဦးမယ့်အနေအထားရှိတယ်” ဟု ပါတီပေါင်းစည်းရေးနှင့်ပတ်သက်၍ ဒေါက်တာအန်ကောလက ပြောကြားသည်။

ကချင်အမျိုးသားကွန်ဂရက်ပါတီ (KNC) အနေဖြင့် ပါတီသက်တမ်း နှစ် ၇၀ နီးပါးခန့်ရှိပြီဖြစ်ရာ လာမည့်ဇန်န၀ါရီ ၁၀ ရက် တွင်ကျရောက်သည့် ကချင်ပြည်နယ်နေ့တွင် ပါတီ၏ (၆၉) နှစ်မြောက် နှစ်ပတ်လည်အခမ်းအနားနှင့် ပါတီညီလာခံကို ပူးတွဲကျင်းပသွားရန်ရှိကြောင်းလည်း သိရသည်။

NCA ရေးထိုးနိုင်ရန် တစ်ဆို့နေသည့်ဆွေးနွေးမှုများ အဆင်ပြေစေရေး နိုင်ငံတော်၏ အတိုင်ပင်ခံပုဂ္ဂိုလ်၊ တပ်မတော်ကာကွယ်ရေးဦးစီးချုပ်တို့နှင့် UNFC ထိပ်သီးခေါင်းဆောင်များတွေ့ဆုံရန် UNFC စာဖြင့်ကမ်းလှမ်း

NCA ရေးထိုးနိုင်ရန် တစ်ဆို့နေသည့်ဆွေးနွေးမှုများ အဆင်ပြေစေရေး နိုင်ငံတော်၏ အတိုင်ပင်ခံပုဂ္ဂိုလ်၊ တပ်မတော်ကာကွယ်ရေးဦးစီးချုပ်တို့နှင့် ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ (UNFC) ထိပ်သီးခေါင်းဆောင်များတွေ့ဆုံရန် ဒီဇင်ဘာ ၁၀ ရက်က စာဖြင့်ကမ်းလှမ်းထားကြောင်း UNFC ဗဟိုအလုပ်အမှုဆောင်ကော်မတီဝင် နိုင်အောင်မငေးက ပြောကြားသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့နှင့်ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) ထိပ်သီးခေါင်းဆောင်များတွေ့ဆုံ၍ ကျန်ရှိသောအချက်များ အဖြေရှာနိုင်ရေး ကြိုးပမ်းလျက်ရှိကြောင်း လက်ရှိငြိမ်းချမ်းရေးဖြစ်စဉ်နှင့်ပတ်သက်၍ ဒီဇင်ဘာ ၁၁ ရက်တွင် UNFC က သဘောထားထုတ်ပြန်သည်။

အဆိုပါထုတ်ပြန်ချက်တွင် UNFC ၏ နိုင်ငံရေးဆိုင်ရာညှိနှိုင်းဆွေးနွေးရေး ကိုယ်စားလှယ်အဖွဲ့ (DPN) သည် NLD အစိုးရတက်လာပြီးနောက် ပြည်ထောင်စုငြိမ်းချမ်းရေးညီလာခံ- ၂၁ ရာစုပင်လုံကျင်းပရေးဆပ်ကော်မတီနှင့်လည်းကောင်း၊ ငြိမ်းချမ်းရေးကော်မရှင် (PC) နှင့်လည်းကောင်း ၂၀၁၆ ခုနှစ် အစောပိုင်းကာလမှစတင်၍ ပြည်တွင်းငြိမ်းချမ်းရေးတည်ဆောက်ရာတွင် ပိုမိုအဆင်ပြေမည်ဟု ယုံကြည်ထားသည့် NCA လမ်းကြောင်းပေါ်တွင် တွေ့ဆုံဆွေးနွေးလာခဲ့သည်မှာ ၁၇ လထဲသို့ ရောက်ရှိလာခဲ့ပြီဖြစ်ကြောင်း၊ နိုင်ငံရေးတွေ့ဆုံဆွေးနွေးပွဲသို့ တက်လှမ်းနိုင်ရန်အတွက် DPN မှအဆိုပြုထားသော အဆိုပြုချက်ကိုးချက်ကို DPN နှင့် PC တို့အကြား ဆွေးနွေးညှိနှိုင်းအဖြေရှာနေသည်မှာ အဋ္ဌမအကြိမ်မြောက်အစည်းအဝေးထိတိုင် တရားဝင်ဆွေးနွေးပြီးလည်းဖြစ်ကြောင်း ဖော်ပြထားသည်။

ထို့အတူ နောက်ဆုံးအဖြေရရှိရေးအတွက် ထပ်မံဆွေးနွေးရန် ကျန်ရှိနေသေးသောအချက်များကို န၀မအကြိမ်မြောက် DPN နှင့် PC အစည်းအဝေးကို လွန်ခဲ့သော ၂၀၁၇ ခုနှစ် နိုဝင်ဘာ ၁၆ ရက်တွင် ရန်ကုန်မြို့ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) ရုံး၌ပြုလုပ်ကာ ညှိနှိုင်းအဖြေရှာကြရန် နှစ်ဖက်သဘောတူ ကြိုတင်ပြင်ဆင်ခဲ့ကြကြောင်း၊ သို့ရာတွင် အကြောင်းအမျိုးမျိုးကြောင့် တရားဝင် န၀မအကြိမ်မြောက်အစည်းအဝေးအား ကြိုတင်ညှိနှိုင်းအစည်းအဝေးပုံစံကို ရန်ကုန်မြို့တစ်နေရာ၌ ပြုလုပ်၍ နည်းလမ်းရှာခဲ့ကြကြောင်း သဘောထားထုတ်ပြန်မှုတွင်ပါရှိသည်။

ထို့နောက် အဆိုပါညှိနှိုင်းအစည်းအဝေး ရလဒ်အနေဖြင့် နှစ်ဖက်တာဝန်ရှိသူ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့နှင့် UNFC ထိပ်သီးခေါင်းဆောင်များတွေ့ဆုံ၍ ကျန်ရှိနေသော ဆွေးနွေးရန်အချက်များကို နှစ်ဖက်မှ ညှိနှိုင်းအဖြေရှာနိုင်ရန်အတွက် DPN အဖွဲ့မှ ကြိုးပမ်းလျက်ရှိကြောင်း၊ ပြည်တွင်းငြိမ်းချမ်းရေး၏ အဓိကအရင်းခံပြဿနာမှာ နိုင်ငံရေးပြဿနာပင်ဖြစ်ကြောင်း၊ ထို့ကြောင့် နိုင်ငံရေးပြဿနာကို နိုင်ငံရေးနည်းအရ ညှိနှိုင်းအဖြေရှာနိုင်ရေး UNFC အနေဖြင့် ဆက်လက်ကြိုးပမ်းသွားမည်ဖြစ်ကြောင်း ထုတ်ပြန်ချက်၌ ဖော်ပြပါရှိသည်။

“ကျွန်တော်တို့ တွေ့ဆုံဆွေးနွေးရေးအခြေအနေက ပြီးခဲ့တဲ့အပတ်မှာ နည်းနည်းတစ်ဆို့သွားတယ်လေ။ တစ်ဆို့သွားတယ်ဆိုတော့ ပိုပြီးတော့မြန်ဆန်ရအောင် ပိုပြီးတော့ အလုပ်သဘောအရ ခေါင်းဆောင်တွေတွေ့ရင် ပိုပြီးတော့မြန်ဆန်မယ်။ ထပ်ပြီးတော့ညှိနှိုင်းစရာ မလိုတော့ဘူး။ ထိပ်သီးနဲ့ ထိပ်သီးတွေ့တာဆိုတော့။ ကျွန်တော်တို့ခေါင်းဆောင်တွေက အတိုင်ပင်ခံပုဂ္ဂိုလ်ကို တိုက်ရိုက်တွေ့ဆုံစကားကမ်းလှမ်းတာပါ။ ကျွန်တော်တို့စာရေးပြီးတော့ ကမ်းလှမ်းတာလေ။ ဒါနိုင်ငံတော်ကနေ ဘယ်နေ့ဘယ်အချိန် ဘယ်နေရာမှာတွေ့မယ်ဆိုတာ ပြန်ကမ်းလှမ်းလာမှုကို ကျွန်တော်တို့စောင့်နေတာပေါ့နော်” ဟု နိုင်အောင်မငေးက ပြောကြားသည်။

UNFC အဖွဲ့ဝင် တိုင်းရင်းသားလက်နက်ကိုင်အဖွဲ့များ NCA လက်မှတ်ရေးထိုးနိုင်ရန် အစိုးရသို့အဆိုပြုတင်ပြထားသည့် အချက်ရှစ်ချက်အား ဆွေးနွေးရာတွင် အပြီးသတ်ဆွေးနွေးရန် အချက်တစ်ချက်သာ ကျန်တော့ကြောင်း အဋ္ဌမအကြိမ်ဆွေးနွေးပွဲအပြီး နှစ်ဖက်တာဝန်ရှိသူများက မီဒီယာများအား ပြောကြားထားသော်လည်း မည်သည့်အချက်ကျန်ရှိသည်ကို ထုတ်ဖော်ပြောကြားခြင်းမပြုပေ။

အဆိုပါကျန်ရှိနေသည့်အချက်မှာ အဆိုပြုချက် (၂) ဖြစ်သည့် “လွတ်လပ်မှု၊ တန်းတူညီမျှမှုနှင့် တရားမျှတမှုတို့ကိုအခြေခံပြီး ပင်လုံစိတ်ဓာတ်နှင့်အညီ ဒီမိုကရေစီရေး၊ အမျိုးသားတန်းတူရေးနှင့် ကိုယ်ပိုင်ပြဋ္ဌာန်းခွင့် အခွင့်အရေးများ အာမခံချက်အပြည့်အ၀ရှိသော ဖက်ဒရယ်ဒီမိုကရေစီပြည်ထောင်စုနိုင်ငံကို တည်ဆောက်သွားရန်” အချက်တွင် စကားလုံးအသုံးအနှုန်းအပေါ် အငြင်းပွားလျက်ရှိကြောင်း စုံစမ်းသိရသည်။

“အဲဒါအဓိကပေါ့။ အဲဒါအပြင် ကျွန်တော်တို့ဆွေးနွေးပွဲမှာ ဘာတွေဖြစ်နိုင်မလဲ။ ဘာတွေ ကျွန်တော်တို့ကို ဖြည့်ဆည်းပေးနိုင်မလဲ။ လူကြီးတွေတွေ့ရင် အသေးစိတ်ပြောကြမှာပေါ့” ဟု နိုင်အောင်မငေးက ဆိုသည်။

မူလက အဆိုပါအချက်နံပါတ် (၂) မှာ ညှိနှိုင်းပြေလည်မှုရှိခဲ့သော်လည်း နောက်ပိုင်းတွင် အစိုးရ၊ တပ်မတော်ဘက်မှ NCA စာချုပ် အခြေခံမူများအခန်းပါ “ပြည်ထောင်စုသမ္မတ မြန်မာနိုင်ငံတော်အား ပြည်ထောင်စုမပြိုကွဲရေး၊ တိုင်းရင်းသားစည်လုံးညီညွတ်မှုမပြိုကွဲရေးနှင့် အချုပ်အခြာအာဏာတည်တံ့ခိုင်မြဲရေးတို့ကို ရှေးရှု၍ လွတ်လပ်မှု၊ တန်းတူညီမျှမှုနှင့် တရားမျှတမှုတို့ကိုအခြေခံပြီး ပင်လုံစိတ်ဓာတ်နှင့်အညီ အမျိုးသားတန်းတူရေးနှင့် ကိုယ်ပိုင်ပြဋ္ဌာန်းခွင့် အခွင့်အရေးများ အာမခံချက်များအပြည့်အ၀ရှိသော ဒီမိုကရေစီနှင့် ဖက်ဒရယ်စနစ်တို့ကို အခြေခံသည့် ပြည်ထောင်စုကို နိုင်ငံရေးဆွေးနွေးပွဲရလဒ်များနှင့်အညီ တည်ဆောက်သွားရန်” ပြဋ္ဌာန်းချက်အတိုင်းသာ လက်ခံမည်ဖြစ်ကြောင်း သဘောထားပြန်လည်တင်ပြထားသဖြင့် ညှိနှိုင်းမှုရှေ့ဆက်ရန် အခက်အခဲဖြစ်နေသည်။

UNFC အဖွဲ့ဝင်တိုင်းရင်းသားလက်နက်ကိုင်အဖွဲ့များမှာ ကရင်နီအမျိုးသားတိုးတက်ရေးပါတီ (KNPP)၊ မွန်ပြည်သစ်ပါတီ (NMSP)၊ ရှမ်းပြည်တိုးတက်ရေးပါတီ (SSPP)၊ ရခိုင်ပြည်အမျိုးသားကောင်စီ (ANC)၊ လားဟူဒီမိုကရက်တစ်အစည်းအရုံး (LDU) တို့ဖြစ်သည်။

ရှမ်းပြည်တိုးတက်ရေးပါတီ (SSPP) မှာ မြောက်ပိုင်းတိုင်းရင်းသားလက်နက်ကိုင်အဖွဲ့များ ပါဝင်ဖွဲ့စည်းထားသည့် ပြည်ထောင်စုနိုင်ငံရေးဆွေးနွေး ညှိနှိုင်းရေးကော်မတီ (FPNCC) တွင်လည်း အဖွဲ့ဝင်အဖြစ်ပါဝင်လျက်ရှိသည်။

တတိယအကြိမ် အာရှ-ပစိဖိတ်ရေညီလာခံ ဖွင့်ပွဲအခမ်းအနားသို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်

တတိယအကြိမ် အာရှ-ပစိဖိတ် ရေညီလာခံ ဖွင့်ပွဲအခမ်းအနား၌ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် မိန့်ခွန်းပြောကြားစဉ် (ဓာတ်ပုံ-ချမ်းဝေစိုး)

မြန်မာနိုင်ငံမှ အိမ်ရှင်အဖြစ်လက်ခံကျင်းပသည့် တတိယအကြိမ် အာရှ-ပစိဖိတ် ရေညီလာခံကို ရန်ကုန်မြို့ရှိ Sedona Hotel တွင် ဒီဇင်ဘာ ၁၁ ရက်မှစတင်ကျင်းပရာ ညီလာခံဖွင့်ပွဲအခမ်းအနားသို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်မိန့်ခွန်းပြောကြားသည်။

အဆိုပါအခမ်းအနားသို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့်အတူ ဒုတိယသမ္မတ ဦးဟင်နရီဗန်ထီးယူ၊ ပြည်ထောင်စုဝန်ကြီးများ၊ နိုင်ငံအသီးသီးမှ ညီလာခံကိုယ်စားလှယ်များ တက်ရောက်ကြသည်။ မြန်မာနိုင်ငံအနေနှင့် Asia Pacific Water Forum နှင့်ပူးပေါင်းကာ ရေညီလာခံအား အိမ်ရှင်အဖြစ် လက်ခံကျင်းပခြင်းဖြစ်သည်။

“ဒီထိပ်သီးဆွေးနွေးပွဲက Water for Sustainable Development အား ဆယ်စုနှစ် နှစ်စုအတွင်းမှာ အားလုံးအတွက် အမြင်နဲ့အထင်တွေကို ဆွေးနွေးဖလှယ်ဖို့ လွန်စွာကောင်းသော အခွင့်အရေးတစ်ခုဖြစ်ပါတယ်။ တက်ရောက်တဲ့ အာရှ-ပစိဖိတ်ဒေသထဲက မိတ်ဖက်တွေအကုန်လုံး ကျွန်မတို့နဲ့ ရေအရင်းအမြစ်ကိုအသုံးချနိုင်မယ့် လုပ်ငန်းအကြံဥာဏ်နဲ့ အတွေ့အကြုံတွေကိုမျှဝေပြီး ပိုမိုကောင်းမွန်သော ပူးပေါင်းဆောင်ရွက်မှုတွေကို ဖော်ဆောင်နိုင်မယ်လို့ မျှော်လင့်ပါတယ်” ဟု နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

ထို့ပြင် အာရှ-ပစိဖိတ်ဒေသအတွင်း ကမ္ဘာပေါ်တွင် အဆင်းရဲဆုံးနိုင်ငံအချို့ရှိနေပြီး စိုက်ပျိုးရေးကဏ္ဍအတွက် ရေအရင်းအမြစ်၏ ရာခိုင်နှုန်း ၈၀ ခန့်အား သုံးစွဲနေရဆဲဖြစ်ကြောင်း၊ မြန်မာနိုင်ငံတွင် စိုက်ပျိုးရေးကဏ္ဍအတွက် ၂၁ ရာခိုင်နှုန်းကျော် သုံးစွဲနေကြကြောင်း၊ ကမ္ဘာပေါ်တွင် ၁ ဒသမ ၇ ဘီလျံခန့်ရှိသည့်လူများသည် ယခုအချိန်အထိ ရေနှင့်ပတ်သက်သည့် အခြေခံကျန်းမာသန့်ရှင်းမှုမရှိကြကြောင်း၊ ၂၀၅၀ ပြည့်နှစ်တွင် လူဦးရေ ၅ ဒသမ ၂ ဘီလျံခန့်နှင့် ၂၀၃၀ ပြည့်နှစ်တွင် ၂၂ မီဂါစီးတီးခန့်ပေါ်ထွက်လာမည်ဟု ခန့်မှန်းတွက်ဆမှုများရှိပြီး ရာသီဥတုပြောင်းလဲမှုများစွာကြားထဲ၌ ရေအရင်းအမြစ်များပေါ် အင်မတန်ကြီးမားသည့် ဖိအားများပေါ်လာမည်ဖြစ်ကြောင်း၊ အာရှ-ပစိဖိတ်တစ်ဝန်းတွင် နှစ်စဉ်တိုးတက်မှုများစွာရှိနေသော်လည်း နိုင်ငံဈေးကွက်တစ်ခုနှင့်တစ်ခုယှဉ်ပါက ကြီးမားသောမတူညီမှုများကို တွေ့ရမည်ဖြစ်ကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

ထို့အတူ ဒေသအတွင်း၌ ၃၀၀ မီလျံခန့်ရှိသည့်လူများသည် သန့်ရှင်းသောရေကို လုံလောက်စွာမရရှိဘဲ နှစ်စဉ် Greenhouse Gas ထွက်မှုနှုန်းသည်လည်း တစ်ကမ္ဘာလုံး၏ ပျမ်းမျှထွက်နှုန်းထက် ပိုများပြားနေကြောင်း၊ အာရှ-ပစိဖိတ်ဒေသသည်လည်း ကမ္ဘာပေါ်တွင် ရေနှင့်ပတ်သက်သည့် ဘေးအန္တရာယ်အဖြစ်ဆုံးဖြစ်ကြောင်း၊ ဒေသအတွင်း အစိုးရအားလုံးက ပြင်းထန်သော ရာသီဥတုပြောင်းလဲမှုနှင့်တကွ မကြာခဏပေါ်ပေါက်လာသည့် သဘာဝဘေးအန္တရာယ်များအတွက် ကြိုတင်ပြင်ဆင်ရမည်ဖြစ်ကြောင်း၊ သို့ရာတွင် ADB အစီရင်ခံစာများကိုသုံးသပ်ပါက နိုင်ငံအချို့ကသာ သဘာဝဘေးအန္တရာယ်ကာကွယ်ရေးအတွက် ရင်းနှီးမြှုပ်နှံထားသည်ကို တွေ့ရမည်ဖြစ်ကြောင်း ၎င်းကဆိုသည်။

“ကျွန်မတို့က ရေအရင်းအမြစ်နှင့်ပတ်သက်တဲ့ ဆိုးကျိုးများကိုလျှော့ချပြီး ကောင်းကျိုးများကို မြှင့်တင်တယ်ဆိုရင် အားစိုက်လုပ်ရမည့် အရာနှစ်ခုရှိပါတယ်။ ပထမတစ်ခုက ရေအရင်းအမြစ်အခြေခံ စီးပွားရေးဈေးကွက်ကို တည်ထောင်ရမှာဖြစ်ပြီး နောက်တစ်ခုကတော့ သဘာဝဘေးအန္တရာယ်ကာကွယ်ရေးအတွက် ရင်းနှီးမြှုပ်နှံရမည်ဖြစ်ပါတယ်။ မြန်မာနိုင်ငံမှာ ရေအရင်းအမြစ်များစွာရှိပြီး ရေအားလျှပ်စစ်ကို ကောင်းမွန်စွာ ထုတ်လုပ်နိုင်သော အလားအလာရှိပါတယ်။ ဒါပေမဲ့ ကျွန်မတို့မှာ ရေအရင်းအမြစ်နဲ့ပတ်သက်ပြီး လုံခြုံမှုနည်းပါးသလို ပြဿနာများစွာရှိပါတယ်။ အလွယ်ဆုံး အရှင်းဆုံးပြောရမယ်ဆိုရင် လိုအပ်သောနေရာနဲ့ လိုအပ်သောအချိန်တွေမှာ ကျွန်မတို့ ရေကိုလုံလောက်စွာမရရှိပါဘူး။ မျှတညီညာခြင်းမရှိတဲ့ မိုးရွာသွန်းမှု၊ ရာသီဥတုပြောင်းလဲမှုနဲ့ အခြားသော ရေသယံဇာတနဲ့ပတ်သက်ပြီး ပြောင်းလဲမှုများစွာကြောင့်ပါ” ဟု နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

အလားတူ မြို့ပြများတွင် လူဦးရေများပြားမှုနှင့် သိပ်သည်းမှုကြောင့် ရေသုံးစွဲမှုများစွာမြင့်လာသကဲ့သို့ ကျေးလက်ဒေသများတွင်လည်း စိုက်ပျိုးရေးတိုးချဲ့လာမှုနှင့် အခြားလှုပ်ရှားမှုများကြောင့် မြင့်တက်နေကြောင်း၊ အခြားစီးပွားရေးနယ်မြေများတွင်လည်း ရေသုံးစွဲမှုမြင့်မားနေကြောင်း၊ ရေရရှိရန် လျှပ်စစ်စွမ်းအားလိုအပ်သလို လျှပ်စစ်စွမ်းအားရရှိရန် ရေလိုအပ်ကြောင်း၊ စားနပ်ရိက္ခာ လုံခြုံမှုဆိုသည်မှာလည်း ရေလုံခြုံမှုပေါ်မူတည်ကြောင်း နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

လက်ရှိတွင် Myanmar Water Law ကို ကမ္ဘာ့ဘဏ်နှင့် အတူတူပြင်ဆင်နေဆဲဖြစ်ပြီး ပြည်သူလူထုသိရှိအောင် ကြေညာနိုင်မည့် အဆင့်ရောက်ရှိတော့မည်ဖြစ်ကြောင်း နိုင်ငံတော်၏ အတိုင်ပင်ခံပုဂ္ဂိုလ်က အသိပေးခဲ့သည်။ ထို့နောက် Nauru နိုင်ငံသမ္မတ H.E.Mr.Baron Waga နှင့် Asia Pacific Water Forum (APWF) ဥက္ကဋ္ဌ H.E.Mr.Yoshinori Imai တို့ကလည်း အဖွင့်မိန့်ခွန်းများပြောကြားသည်။

ထိုသို့ ဖွင့်ပွဲအခမ်းအနားပြီးနောက် ညီလာခံအား ခေတ္တနားစဉ် နိုင်ငံတော်၏အတိုင်ပင်ခံပုဂ္ဂိုလ်သည် ညီလာခံသို့တက်ရောက်ရန် မြန်မာနိုင်ငံသို့ ရောက်ရှိနေသည့် တီမောလက်စ်တေနိုင်ငံ သမ္မတဟောင်း ၀ါရင့်ဝန်ကြီး အမျိုးသားလုံခြုံရေးအကြံပေး H.E.Mr. Jose Ramos-Horta အား နံနက် ၁၀ နာရီခွဲ တွင် ဆီဒိုးနားဟိုတယ်အလုံခန်းမ၌ လက်ခံတွေ့ဆုံခဲ့သည်။

ထို့အတူ နိုင်ငံတော်၏ အတိုင်ပင်ခံပုဂ္ဂိုလ်သည် ဂျပန်နိုင်ငံ မြေယာ၊ အခြေခံအဆောက်အအုံ၊ ပို့ဆောင်ရေးနှင့် ခရီးသွားလာရေးဝန်ကြီး H.E.Mr.Keiichi ISHII ဦးဆောင်သော ကိုယ်စားလှယ်အဖွဲ့အား လက်ခံတွေ့ဆုံခဲ့ပြီး မြန်မာနိုင်ငံ၏ အခြေခံအဆောက်အအုံ ဖွံ့ဖြိုးရေးအတွက် မြန်မာ-ဂျပန်နှစ်နိုင်ငံ ပူးပေါင်းဆောင်ရွက်လျက်ရှိသည့် စီမံကိန်းများနှင့်ပတ်သက်၍ ဆွေးနွေးခဲ့ကြကြောင်း နိုင်ငံခြားရေးဝန်ကြီးဌာန၏ ထုတ်ပြန်မှုအရ သိရသည်။

နိုင်ငံတော်၏ အတိုင်ပင်ခံပုဂ္ဂိုလ်သည် နံနက် ၁၁ နာရီခွဲတွင် အိန္ဒိယနိုင်ငံ အိုးအိမ်နှင့် အခြေခံအဆောက်အအုံဖွံ့ဖြိုးတိုးတက်ရေး ၀န်ကြီး H.E.Dr. Seyed Abbas Araghchi ဦးဆောင်သော ကိုယ်စားလှယ်အဖွဲ့အား လက်ခံတွေ့ဆုံခဲ့ပြီး ရေနှင့်ပတ်သက်၍ မြန်မာနိုင်ငံနှင့် အိန္ဒိယနိုင်ငံတို့ ရင်ဆိုင်နေရသော တူညီသည့်စိန်ခေါ်မှုများအား ပူးပေါင်းဖြေရှင်းရန် နှစ်နိုင်ငံ၏ သက်ဆိုင်ရာဝန်ကြီးဌာနများအချင်းချင်း ပိုမိုပူးပေါင်းဆောင်ရွက်ရေး၊ အတွေ့အကြုံများမှ အပြန်အလှန် လေ့လာရေးအပါအ၀င် နှစ်နိုင်ငံပူးပေါင်းဆောင်ရွက်မှု တိုးမြှင့်ရေးကိစ္စရပ်များအပေါ် ဆွေးနွေးခဲ့သည်။

NCA ကတိက၀တ်များ အကောင်အထည်ဖော် ဆောင်ရွက်နိုင်ရေးကို မမှိတ်မသုန် ရပ်တည်ဖော်ဆောင်သွားမည်ဖြစ်ကြောင်း ပအိုဝ်းအမျိုးသားလွတ်မြောက်ရေးအဖွဲ့ချုပ် (PNLO) ထုတ်ပြန်

တစ်နိုင်ငံလုံး ပစ်ခတ်တိုက်ခိုက်မှုရပ်စဲရေးသဘောတူစာချုပ် (NCA) ကတိက၀တ်များ အကောင်အထည်ဖော်ဆောင်ရွက်နိုင်ရေးကို မမှိတ်မသုန် ရပ်တည်ဖော်ဆောင်သွားမည်ဖြစ်ကြောင်း NCA ရေးထိုးထားသည့် ပအိုဝ်းအမျိုးသားလွတ်မြောက်ရေးအဖွဲ့ချုပ် (PNLO) ဗဟိုကော်မတီက ဒီဇင်ဘာ ၁၁ ရက်တွင် ထုတ်ပြန်သည်။

(၆၈) နှစ်မြောက် ပဒေသရာဇ်စနစ် ဆန့်ကျင်တော်လှန်ရေးနေ့ အထိမ်းအမှတ်ကြေညာချက်ထုတ်ပြန်ရာတွင် PNLO အဖွဲ့က အထက်ပါအချက်အား ထည့်သွင်းဖော်ပြထားခြင်းဖြစ်သည်။

အဆိုပါကြေညာချက်၌ ၁၉၄၉ ခုနှစ် ဒီဇင်ဘာ ၁၁ ရက်တွင် ပအိုဝ်းအမျိုးသားလွတ်မြောက်ရေးအဖွဲ့ (ပ.အ.လ.ဖ) ကိုစတင်ဖွဲ့စည်း၍ လက်နက်ကိုင်လမ်းစဉ်ကို အခြေခံထားပြီး နိုင်ငံရေးပြဿနာကို နိုင်ငံရေးနည်းဖြင့် ငြိမ်းချမ်းစွာအဓိကထားဖြေရှင်းနိုင်ရေးအတွက် နည်းလမ်းပေါင်းစုံဖြင့် ပအိုဝ်းပြည်သူတို့က ပအိုဝ်းအမျိုးသားလွတ်မြောက်မှုတော်လှန်ရေးကို ပဒေသရာဇ်စနစ် ဆန့်ကျင်တော်လှန်ရေးနှင့်အတူ ဆင်နွှဲခဲ့သည်မှာ (၆၈) နှစ်တာ ကြာမြင့်ခဲ့ပြီဖြစ်ကြောင်းနှင့် ယနေ့အခါသမယသည် နှစ် (၇၀) မြောက် လွတ်လပ်ရေးနေ့၏ အကြိုကာလလည်းဖြစ်ကြောင်း ဖော်ပြထားသည်။

လွတ်လပ်ရေးရပြီးနောက်ပိုင်းတွင် လွတ်လပ်ရေးတိုက်ပွဲအကြိုကာလ အမျိုးသားအင်အားစုများ အတွင်းထားရှိခဲ့သော ကတိက၀တ်များကို မဖော်ဆောင်နိုင်ခဲ့ကြသောကြောင့်လည်းကောင်း၊ ပြည်ထောင်စုအဖွဲ့ဝင် ရှမ်းပြည်နယ်တွင် ခေတ်ကာလအခြေအနေတို့နှင့် မကိုက်ညီတော့သည့် ပဒေသရာဇ်စနစ် ဆက်လက်တည်ရှိနေသောကြောင့်လည်းကောင်း၊ ဒီမိုကရေစီအုပ်ချုပ်ရေးစနစ်နှင့် တန်းတူရေးကိုမြတ်နိုးသောကြောင့်လည်းကောင်း၊ လက်နက်ကိုင်လမ်းစဉ်နှင့် လူထုလှုပ်ရှားမှုအပါအ၀င် နည်းလမ်းပေါင်းစုံဖြင့် ရှမ်း၊ ဓနု၊ တောင်ရိုး၊ အင်းသား၊ လီဆူး၊ ပအိုဝ်းနှင့် ဂေါ်ရခါးအပါအ၀င် ရှမ်းပြည်တိုင်းရင်းသား လူမျိုးပေါင်းစုံ လူထုလူတန်းစား အလွှာပေါင်းစုံတို့က ပဒေသရာဇ်စနစ်ဆန့်ကျင်တော်လှန်ရေး သွေးမော်ကွန်း ချွေးမော်ကွန်းများကို ရင်းနှီးစိုက်ထူခဲ့ကြရကြောင်း PNLO ၏ကြေညာချက်တွင်ပါရှိသည်။

“လွတ်လပ်ရေးရအောင် ဖဆပလကို ရှမ်းပြည်သူပြည်သားတွေက ၀ိုင်းပြီးတော့ ပူးပေါင်းဆောင်ရွက်ပေးမယ်။ တိုက်ပွဲဝင်ပေးမယ်။ လွတ်လပ်ရေးရပြီးတဲ့အခါကျလို့ရှိရင် ဖဆပလက ရှမ်းပြည်မှာပဒေသရာဇ်စနစ် ချုပ်ငြိမ်းအောင် ဆောင်ရွက်ပေးမယ်ဆိုတာ ဒါလွတ်လပ်ရေးမတိုင်မီက ကတိက၀တ်တွေပါပဲ။ လွတ်လပ်ရေးရပြီးတဲ့အခါကျတော့ အစိုးရဆိုတာအစိုးရပဲ။ ဖဆပလအစိုးရက သူ့ရဲ့အာဏာတည်မြဲရေးအတွက် ပဒေသရာဇ်စနစ်ချုပ်ငြိမ်းရေးကို မလုပ်ပါဘူး။ အဲဒီအချိန်မှာ ပဒေသရာဇ်ဆန့်ကျင်ရေးကိုလုပ်တာ အထူးအားဖြင့် ပအိုဝ်းတွေများတာပေါ့လေ။ လူမျိုးစုံကလုပ်တာပေါ့။ ပအိုဝ်းလူမျိုး တစ်မျိုးတည်းလုပ်တာမဟုတ်ပါဘူး။ ပအိုဝ်းလူမျိုးတွေ အများအပြားပါဝင်ခဲ့တာပေါ့။ အဲဒီပဒေသရာဇ်စနစ်ဆန့်ကျင်လုပ်တဲ့ အထူးအားဖြင့် ပအိုဝ်းတွေကို အဲဒီကာလမှာ ဖမ်းဆီးသတ်ဖြတ်တာတွေ၊ ထောင်ချတာတွေ၊ နှိပ်စက်တာတွေ ပြင်းထန်လာတယ်။ ပြင်းထန်လာတဲ့အခါကျ အဲဒီမှာပဒေသရာဇ်စနစ် ဆန့်ကျင်တော်လှန်ရေး။ စော်ဘွားတွေကို ဆန့်ကျင်တာမဟုတ်ဘူး။ အဓိကအားဖြင့် ပဒေသရာဇ်စနစ် ဆန့်ကျင်ရေးလုပ်ကြမယ်ဆိုပြီး အဲဒီမှာ ကျွန်တော်တို့ ပြင်းထန်ခဲ့တာဖြစ်ပါတယ်” ဟု ပအိုဝ်းအမျိုးသားလွတ်မြောက်ရေးအဖွဲ့ချုပ် (PNLO) ဥက္ကဋ္ဌ ခွန်မြင့်ထွန်းက ပြောကြားသည်။

ထို့ပြင် ယခုအခါ ရှမ်းပြည်တိုင်းရင်းသား လူမျိုးပေါင်းစုံအပါအ၀င် ပြည်ထောင်စုတစ်ဝန်းလုံးရှိ ပြည်သူလူထုတစ်ရပ်လုံးက လိုလားတောင်းတလျက်ရှိသည့် ပြည်တွင်းငြိမ်းချမ်းရေး၊ အမျိုးသားပြန်လည်သင့်မြတ်ရေးနှင့် ပြည်ထောင်စုညီညွတ်ရေးကိုရယူ၍ ဒီမိုကရေစီဖက်ဒရယ်ပြည်ထောင်စုကို ထူထောင်နိုင်ရေးအတွက် ပြည်နယ်အဆင့် ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေး သဘောတူစာချုပ်များအပြင် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေးသဘောတူစာချုပ် (NCA) ကိုလက်မှတ်ရေးထိုးပြီး ငြိမ်းချမ်းရေးလုပ်ငန်းစဉ်အပါအ၀င် နိုင်ငံရေးဆွေးနွေးပွဲအဆင့်ဆင့်တွင် ပြည်ထောင်စုဖွား ညီအစ်ကိုမောင်နှမများနှင့်အတူ ပါဝင်ဆွေးနွေး အကောင်အထည်ဖော်လျက်ရှိကြောင်းနှင့် NCA ၏အခြေခံမူပုဒ်မ ၁ (က) ပါ ဒီမိုကရေစီတန်းတူရေးနှင့် ကိုယ်ပိုင်ပြဋ္ဌာန်းပိုင်ခွင့်အပြည့်အ၀ အာမခံချက်ရှိသော ဒီမိုကရေစီနှင့် ဖက်ဒရယ်စနစ်ကိုအခြေခံသည့် ပြည်ထောင်စုကို နိုင်ငံရေးဆွေးနွေးပွဲရလဒ်များနှင့်အညီ ထူထောင်နိုင်မည့် ပြည်ထောင်စုသဘောတူစာချုပ်ရရှိရေးသို့ ဦးစားပေးအကောင်အထည်ဖော်လျက်ရှိကြောင်းနှင့် မည်ကဲ့သို့သောစိန်ခေါ်မှုများ အခက်အခဲအကျပ်အတည်းများ ကြုံတွေ့ရစေကာမူ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေးသဘောတူစာချုပ် NCA နှင့် NCA ကတိက၀တ်များ အကောင်အထည်ဖော် ဆောင်ရွက်နိုင်ရေးကို မမှိတ်မသုန် ရပ်တည်ဖော်ဆောင်သွားမည်ဖြစ်ကြောင်းလည်း ထုတ်ပြန်ချက်တွင်ပါရှိသည်။

ထို့အတူ တရုတ်ဖြူ ကူမင်တန်များကျူး ကျော်ဝင်ရောက်စဉ်က ပအိုဝ်းအမျိုးသားလွတ်မြောက်ရေးအဖွဲ့ (ပ.အ.လ.ဖ) သည် ပြည်ထောင်စုအစိုးရ ဗမာ့တပ်မတော်တို့နှင့် ယာယီအပစ်အခတ်ရပ်စဲ၍ ပြည်ပရန်ကို ပူးပေါင်းတိုက်ထုတ်ခဲ့သည့် သမိုင်းအစဉ်အလာကောင်းကို ဆက်လက်ထိန်းသိမ်းပြီး မိမိတို့ ပြည်ထောင်စုကြီးအား ပြည်ပကျူးကျော် အန္တရာယ်ကျရောက်မည့်အခါများတွင်လည်း ပအိုဝ်းပြည်သူများအပါအ၀င် ပြည်ထောင်စုဖွား ညီအစ်ကိုမောင်နှမများနှင့်အတူ ကြံ့ကြံ့ခံ ရင်ဆိုင်တွန်းလှန်ရပ်တည်သွားမည်ဖြစ်ကြောင်း PNLO ၏ ကြေညာချက်တွင် ဖော်ပြပါရှိသည်။

အမျိုးသားလွှတ်တော် သတ္တမပုံမှန်အစည်းအဝေးစတင်ချိန်တွင် ဥပဒေကြမ်း ၁၁ ခု၏ အစီရင်ခံစာများတင်သွင်းနိုင်ရန် ဆောင်ရွက်ထားပြီးဖြစ်ကြောင်း ဥပဒေကြမ်းကော်မတီအတွင်းရေးမှူး ပြောကြား

အမျိုးသားလွှတ်တော် ဆဋ္ဌမပုံမှန်အစည်းအဝေးအပြီးတွင် လွှတ်တော်ကိုယ်စားလှယ်များအား တွေ့ရစဉ်

အမျိုးသားလွှတ်တော် သတ္တမပုံမှန်အစည်းအဝေး စတင်ချိန်တွင် ဥပဒေကြမ်း ၁၁ ခု၏ အစီရင်ခံစာများတင်သွင်းနိုင်ရန် ဆောင်ရွက်ထားပြီးဖြစ်ကြောင်း ဥပဒေကြမ်းကော်မတီအတွင်းရေးမှူး ဒေါက်တာမြတ်ဥာဏစိုးက ဒီဇင်ဘာ ၁၁ ရက်က ပြောကြားသည်။

ဒေါက်တာမြတ်ဥာဏစိုးက လွှတ်တော်ရပ်နားသည့်ကာလအတွင်း အမျိုးသားလွှတ်တော်ဥပဒေကြမ်းကော်မတီအနေဖြင့် အသိဥာဏ်ပစ္စည်းဆိုင်ရာ မူပိုင်ခွင့်ဥပဒေကြမ်းလေးခုနှင့် ပတ်သက်၍ သတ္တမအကြိမ်ပြုလုပ်မည့် လွှတ်တော်အစည်းအဝေးတွင် အစီရင်ခံစာတင်သွင်းနိုင်ရန် ဆောင်ရွက်ပြီးဖြစ်ကြောင်း၊ ပြည်သူ့လွှတ်တော်မှအတည်ပြုပြီး ပေးပို့လာသည့် တောရိုင်းတိရစ္ဆာန်နှင့် သဘာဝတောရိုင်းနယ်မြေထိန်းသိမ်းရေး ဥပဒေကြမ်း၊ ခရီးသွားလုပ်ငန်းဥပဒေကြမ်း၊ ကြက်ခြေနီဥပဒေကို ပြင်ဆင်သည့်ဥပဒေကြမ်း၊ မူးယစ်ဥပဒေကိုပြင်ဆင်သည့် ဥပဒေကြမ်းအပါအ၀င် ဥပဒေကြမ်း ၁၁ ခုရှိကြောင်း ပြောကြားသည်။

“ဆောင်ရွက်ဆဲဥပဒေကြမ်များအဖြစ် မြေသိမ်းဥပဒေကို အသစ်ပြန်လည်ရေးဆွဲထားတဲ့ ဥပဒေကြမ်း၊ ပြည်တွင်းပြည်ပအလုပ်ကော်မတီမှ တင်သွင်းထားတဲ့ အလုပ်ရှင်၊ အလုပ်သမား အငြင်းပွားမှုဖြေရှင်းရေး ဥပဒေကြမ်း၊ နိုင်ငံ့ဝန်ထမ်းဥပဒေကို ပြင်ဆင်တဲ့ဥပဒေကြမ်း၊ မူပိုင်ခွင့်ဥပဒေကြမ်း လေးခုကတော့ ကုန်အမှတ်တံဆိပ် မူပိုင်ခွင့်ဥပဒေကြမ်း၊ စက်မှုဒီဇိုင်းမူပိုင်ခွင့်ဥပဒေကြမ်း၊ စာပေနှင့်အနုပညာမူပိုင်ခွင့်ဥပဒေကြမ်း၊ တီထွင်မှုမူပိုင်ခွင့်ဥပဒေကြမ်း၊ မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများ တားဆီးနှိမ်နင်းရေးဥပဒေကို ဒုတိယအကြိမ်ပြင်ဆင်တဲ့ ဥပဒေကြမ်း၊ တောရိုင်းတိရစ္ဆာန်နှင့် သဘာဝအပင်များ ကာကွယ်စောင့်ရှောက်ရေးနှင့် သဘာဝနယ်မြေများ ထိန်းသိမ်းစောင့်ရှောက်ရေးဆိုင်ရာဥပဒေကြမ်း၊ ရှေးဦးအရွယ်ကလေးသူငယ် ပြုစုပျိုးထောင်ရေးဥပဒေကြမ်း၊ မြေလွတ်မြေလပ်နှင့် မြေရိုင်းများစီမံခန့်ခွဲရေးဆိုင်ရာဥပဒေကို ပြင်ဆင်တဲ့ဥပဒေကြမ်း၊ ခရီးသွားလုပ်ငန်းဥပဒေကြမ်း၊ စည်ပင်သာယာအဖွဲ့များဥပဒေကို ရုပ်သိမ်းတဲ့ဥပဒေကြမ်း၊ ကြက်ခြေနီဥပဒေကို ဒုတိယအကြိမ် ပြင်ဆင်တဲ့ဥပဒေကြမ်းတွေ ဖြစ်ပါတယ်။ အဲဒီဥပဒေကြမ်းတွေကို လွှတ်တော်ပြန်စချိန်မှာ အစီရင်ခံစာတွေတင်သွင်းနိုင်ဖို့ ဆောင်ရွက်နေပါတယ်” ဟု ဒေါက်တာမြတ်ဥာဏစိုးက ပြောကြားသည်။

မြေသိမ်းဥပဒေကြမ်းနှင့် အလုပ်ရှင်၊ အလုပ်သမားအငြင်းပွားမှု ဖြေရှင်းရေးဥပဒေကြမ်းများသည် ဆောင်ရွက်ဆဲဖြစ်ကြောင်း၊ နိုင်ငံ့ဝန်ထမ်းဥပဒေကို ဒုတိယအကြိမ်ပြင်ဆင်သည့် ဥပဒေကြမ်းအားဆွေးနွေးခဲ့သည့် ကိုယ်စားလှယ်များနှင့် ပြန်လည်ကြားနာရမည်ဖြစ်ကြောင်း ၎င်းက ဆက်လက်ပြောကြားသည်။

လွှတ်တော် ဆဋ္ဌမပုံမှန်အစည်းအဝေးများသည် နိုဝင်ဘာ ၂၄ ရက်တွင် ရပ်နားခဲ့ခြင်းဖြစ်ပြီး သတ္တမပုံမှန်အစည်းအဝေးများအား ၂၀၁၈ ခုနှစ် ဇန်န၀ါရီတွင် ပြန်လည်ကျင်းပဖွယ်ရှိကြောင်း သိရသည်။

ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော် ဆောင်ရွက်ရေးကော်မတီ၏ အကြံပေးအဖွဲ့ကို ပြည်ပပညာရှင် ငါးဦးအပါအ၀င် ၁၀ ဦးဖြင့်ဖွဲ့စည်း

ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော် ဆောင်ရွက်ရေးကော်မတီ၏ အကြံပေးအဖွဲ့ကို နိုင်ငံတော်သမ္မတက ဖွဲ့စည်းလိုက်ကြောင်း ဒီဇင်ဘာ ၈ ရက်တွင် နိုင်ငံတော်သမ္မတရုံးက အမိန့်ကြော်ငြာစာအမှတ် (၉၈/၂၀၁၇) ဖြင့် ထုတ်ပြန်သည်။ အဆိုပါအကြံပေးအဖွဲ့တွင် ပြည်ပပညာရှင်ငါးဦးအပါအ၀င် ၁၀ ဦးဖြင့် ဖွဲ့စည်းထားခြင်းဖြစ်သည်။

မောင်တောဒေသ စုံစမ်းစစ်ဆေးရေးကော်မရှင်၏ အစီရင်ခံစာနှင့် ရခိုင်ပြည်နယ်ဆိုင်ရာ အကြံပေးကော်မရှင်တို့၏ အပြီးသတ်အစီရင်ခံစာပါ အကြံပြုချက်များကို အကောင်အထည်ဖော်ဆောင်ရွက်နိုင်ရန် ‘ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော် ဆောင်ရွက်ရေးကော်မတီ’ ကို နိုင်ငံတော်သမ္မတက ၂၀၁၇ ခုနှစ် စက်တင်ဘာ ၁၂ ရက်တွင် အမိန့်ကြော်ငြာစာအမှတ် (၇၅/ ၂၀၁၇) ဖြင့် ဖွဲ့စည်းပေးခဲ့သည်။

ယင်းအမိန့်ကြော်ငြာစာတွင် ရခိုင်ပြည်နယ်ဆိုင်ရာကော်မရှင်များ၏ အကြံပြုချက်များနှင့်စပ်လျဉ်း၍ အကောင်အထည်ဖော် ဆောင်ရွက်ရာတွင် မြေပြင်အခြေအနေအပေါ်မူတည်၍ အကျိုးရှိစွာထိထိရောက်ရောက် ဖော်ဆောင်နိုင်ရေးအတွက် လိုအပ်သော အကြံဥာဏ်များရယူနိုင်ရန် အကြံပေးအဖွဲ့ကို ပြည်တွင်းပြည်ပပညာရှင်များ၊ ဘာသာရပ်ဆိုင်ရာ ကျွမ်းကျင်သူများ၊ အတွေ့အကြုံရှိသူများနှင့် ဖွဲ့စည်းရမည်ဟုဖော်ပြခဲ့သဖြင့် လိုအပ်သည့် အကြံဥာဏ်များရယူနိုင်စေရန်အတွက် ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော်ရေးကော်မတီ၏ အကြံပေးအဖွဲ့ကို ပြည်တွင်းပြည်ပပညာရှင်များဖြင့် ဖွဲ့စည်းလိုက်ကြောင်း နိုင်ငံတော်သမ္မတရုံး၏ အမိန့်ကြော်ငြာစာတွင်ပါရှိသည်။

ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော် ဆောင်ရွက်ရေးကော်မတီ၏ အကြံပေးအဖွဲ့ဝင် ပြည်ပပညာရှင်ငါးဦးမှာ (က) Dr. Surakiart Sathirathai Chairman, Asia Peace and Reconciliation Council- APRC Former Deputy Prime Minister and Minister of Foreign Affairs of Thailand၊ (ခ) Mr. Urban AhlinSpeaker, Chair of the Riksdag BoardMember of the Swedish Parliament၊ (ဂ) Governor Bill Richardson Chairman, Richardson Center For Global Engagement Former Governor of New Mexico and Former United States Secretary of Energy၊ (ဃ) Professor Lord Derzi of Denham Former Parliamentary Under-Secretary of State of Health,Department of Health Member of Her Majesty’s Most Honour-able Privy Council၊ (င) Mr. Roelof Petrus (Roelf) Meyer Former Minister of Defence Former Minister of Constitutional Affairs and Communication Former Minister of Constitutional Development and Provincial Affairs South Africa တို့ဖြစ်ကြသည်။

ထို့အတူ အကြံပေးအဖွဲ့ဝင် ပြည်တွင်းပညာရှင်များမှာ ဦးဝင်းမြ (ဥက္ကဋ္ဌ၊ မြန်မာနိုင်ငံ အမျိုးသားလူ့အခွင့်အရေးကော်မရှင်)၊ ဦးထွန်းမြတ် (အငြိမ်းစား၊ ကုလသမဂ္ဂ လက်ထောက်အတွင်းရေးမှူးချုပ်)၊ ဦးခင်မောင်လေး (အဖွဲ့ဝင်၊ မြန်မာနိုင်ငံ အမျိုးသားလူ့အခွင့်အရေးကော်မရှင်)၊ ဦးလှမြင့် (သံအမတ်ကြီး -ငြိမ်းအဖွဲ့ဝင်)၊ အာဆီယံအစိုးရချင်းဆိုင်ရာ လူ့အခွင့်အရေးကော်မရှင်)၊ ဒေါက်တာဒေါ်ခင်ညို (ကျန်းမာရေးနှင့် အားကစားဖွံ့ဖြိုးတိုးတက်ရေးကော်မတီ-ပြည်သူ့လွှတ်တော်) တို့ဖြစ်ကြသည်။

ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော် ဆောင်ရွက်ရေးကော်မတီ၏ အကြံပေးအဖွဲ့သည် သတ်မှတ်ထားသည့် လုပ်ငန်းတာဝန်များနှင့်အညီ အကြံဥာဏ်များပေးနိုင်ရေး ဆောင်ရွက်ရန်ဖြစ်ကြောင်း အမိန့်ကြော်ငြာစာတွင် ဖော်ပြထားသည်။

ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော် ဆောင်ရွက်ရေးကော်မတီ၏ဥက္ကဋ္ဌမှာ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး ဖြစ်သည်။

ထို့ပြင် ကော်မတီ၏လုပ်ငန်းတာဝန်များမှာ မောင်တောဒေသ စုံစမ်းစစ်ဆေးရေးကော်မရှင်နှင့် ရခိုင်ပြည်နယ်ဆိုင်ရာ အကြံပေးကော်မရှင်တို့၏ အကြံပြုချက်များနှင့်စပ်လျဉ်း၍ မြေပြင်အခြေအနေအပေါ်မူတည်ပြီး အကျိုးရှိမည့်ကိစ္စရပ်များကို ထိရောက်စွာ အကောင်အထည်ဖော်ဆောင်ရွက်ရန်၊ တရားဥပဒေစိုးမိုးရေး၊ တည်ငြိမ်အေးချမ်းရေးနှင့် မတူကွဲပြားသည့် လူမှုအသိုက်အ၀န်းများအကြား စိတ်အေးချမ်းသာစွာ အတူတကွနေထိုင်နိုင်ရေးတို့အတွက် ဦးတည်ကြိုးပမ်းဆောင်ရွက်ရန်၊ ရခိုင်ပြည်နယ်အတွင်း လုံခြုံရေး၊ စီးပွားရေး၊ လူမှုရေးဆိုင်ရာကိစ္စရပ်များ အလျင်အမြန် ဖွံ့ဖြိုးလာစေရေးအတွက် မဟာဗျူုဟာစီမံချက်ရေးဆွဲချမှတ်ပြီး ဆောင်ရွက်ရန်တို့ဖြစ်သည်။

အလားတူ တိုင်းရင်းသားကျေးရွာများ ရေရှည်ရပ်တည်နိုင်ရေးနှင့် IDP စခန်းများပိတ်သိမ်းရေးတို့အတွက် ကြိုးပမ်းဆောင်ရွက်ရမည်။

ဒေသခံပြည်သူများသည် အခြားဒေသများသို့ ရွှေ့ပြောင်းထွက်ခွာသွားခြင်းကို ကာကွယ်တားဆီးနိုင်ရန်အတွက် အခြေခံအဆောက်အအုံများ ပေါ်ထွန်းလာစေရေးနှင့် အလုပ်အကိုင်အခွင့်အလမ်းများ တိုးတက်ရရှိလာစေရေး သင့်လျော်သည့်မူဝါဒများ ချမှတ်ဆောင်ရွက်ရန်၊ အကြမ်းဖက်တိုက်ခိုက်မှုပပျောက်ရေးနှင့် မူးယစ်ဆေးဝါးကင်းစင်ရေးနယ်မြေဖြစ်လာစေရန် ဦးစားပေးဆောင်ရွက်ရန်၊ ပြည်တွင်းပြည်ပအဖွဲ့အစည်းများက ပေးအပ်သည့် လူသားချင်းစာနာထောက်ထားမှုဆိုင်ရာ အကူအညီများ၊ အထောက်အပံ့ပစ္စည်းများကို နိုင်ငံတော်ကချမှတ်ပေးသော မူဝါဒနှင့်အညီ ခွဲဝေပေးရေးကြီးကြပ်ရန်၊ ၁၉၈၂ ခုနှစ် မြန်မာနိုင်ငံသားဥပဒေအရ နိုင်ငံသားအဖြစ် အသိအမှတ်ပြုသင့်သူများကို အသိအမှတ်ပြု၍ နိုင်ငံသားအခွင့်အရေးရရှိစေရေး (National Verification Process) ကို အရှိန်အဟုန်ဖြင့် အမြန်ဆုံးဆောင်ရွက်ပေးရန်၊ ရခိုင်ပြည်နယ်အတွင်းရှိ လူမှုအဖွဲ့အစည်းများအား ၎င်းတို့၏ကိုးကွယ်သည့်ဘာသာ၊ လူမျိုးနှင့် နိုင်ငံသား၊ ကျား/မဆိုင်ရာဖြစ်တည်မှုတို့အပေါ် အခြေခံ၍ ခွဲခြားမှုမပြုဘဲ တူညီသော ပညာသင်ကြားခွင့်ရရှိရေးနှင့် ကျန်းမာရေးစောင့်ရှောက်မှုပေးသည့် လုပ်ငန်းများတိုးမြှင့်နိုင်ရေးတို့ကို စီမံဆောင်ရွက်ပေးရန်နှင့် ကော်မတီ၏ အကောင်အထည်ဖော်မှု အခြေအနေများအပေါ် တိုးတက်မှုအစီရင်ခံစာကို ပြည်သူများသို့ လေးလတစ်ကြိမ် ထုတ်ပြန်တင်ပြရန် ကော်မတီ၏ လုပ်ငန်းတာဝန်များတွင် ပါဝင်သည်။

မြန်မာ့ထွက်ကုန်များကို ကုန်ကြမ်းတင်ပို့သည်ထက် တန်ဖိုးမြှင့်တင်ကုန်များထုတ်လုပ်ပြီး ပြည်ပသို့တင်ပို့ရောင်းချနိုင်ရန် လိုအပ်ကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြောကြား

ဒီဇင်ဘာ ၉ ရက်က နေပြည်တော်ရှိ အပြည်ပြည်ဆိုင်ရာ မြန်မာကွန်ဗင်းရှင်းစင်တာ-၂ (MICC-2) တွင်ကျင်းပသည့် မြန်မာနိုင်ငံ လူငယ်စွန့်ဦးတီထွင်လုပ်ငန်းရှင်များအသင်းက ကြီးမှူးကျင်းပသည့် ဒုတိယအကြိမ် Myanmar Enterpreneurship 2017 အခမ်းအနားတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အမှာစကားပြောကြားစဉ်

မြန်မာ့ထွက်ကုန်များကို ကုန်ကြမ်းတင်ပို့သည်ထက် တန်းဖိုးမြှင့်တင်ကုန်များထုတ်လုပ်ပြီး ပြည်ပသို့တင်ပို့ရောင်းချနိုင်ရန် လိုအပ်ကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

“ကျွန်မတို့နိုင်ငံဟာ တကယ်တော့ လယ်ယာထွက်ကုန်၊ သယံဇာတအရင်းအမြစ်တွေ ပေါကြွယ်ဝပါတယ်။ ဒါပေမဲ့ အိမ်နီးချင်းနိုင်ငံတွေ၊ ဒေသတွင်းနိုင်ငံတွေနဲ့ အရည်အသွေးမှာမယှဉ်နိုင်တဲ့အတွက် အခက်အခဲကြုံတွေ့နေရတာကိုလည်း အားလုံးသိကြမှာဖြစ်ပါတယ်။ ဒါကြောင့် ကိုယ့်နိုင်ငံကထွက်ကုန်တွေကို ၀ယ်လိုအားဈေးကွက်အပေါ်အခြေခံပြီး နည်းပညာအသစ်တွေနဲ့ ပိုမိုကောင်းမွန်တဲ့အရည်အသွေးရရှိအောင် တီထွင်ဆန်းသစ်ထုတ်လုပ်ပြဖို့၊ ကုန်ကြမ်းတင်ပို့ရောင်းချတာထက် တန်ဖိုးမြှင့်တင်ကုန်တွေကို ထုတ်လုပ်ပြီး ပြည်ပကိုတင်ပို့ရောင်းချနိုင်ဖို့ လိုအပ်ပါတယ်” ဟု ဒေါ်အောင်ဆန်းစုကြည်က ပြောကြားသည်။

ဒီဇင်ဘာ ၉ ရက်က နေပြည်တော်ရှိ အပြည်ပြည်ဆိုင်ရာ မြန်မာကွန်ဗင်းရှင်းစင်တာ-၂ (MICC-2) တွင်ကျင်းပသည့် မြန်မာနိုင်ငံ လူငယ်စွန့်ဦးတီထွင်လုပ်ငန်းရှင်များအသင်းက ကြီးမှူးကျင်းပသည့် ဒုတိယအကြိမ် Myanmar Enterpreneurship 2017 အခမ်းအနားတွင် နိုင်ငံတော်၏ အတိုင်ပင်ခံပုဂ္ဂိုလ်က အထက်ပါကဲ့သို့ ပြောကြားခဲ့ခြင်းဖြစ်သည်။

မြန်မာနိုင်ငံ၏ စီးပွားရေးလုပ်ငန်း တိုးတက်လာစေရန်အတွက် ငွေကြေး၊ ဈေးကွက်နှင့် လမ်းညွှန်ပေးမှုလိုအပ်ပြီး စွန့်ဦးတီထွင်လုပ်ငန်းရှင်များအတွက် ရင်းနှီးငွေ၊ ချေးငွေရရှိမှုသည် ခက်ခဲနေသည်ကို သိရှိသော်လည်း ဘဏ်ချေးငွေတစ်ခုတည်းမဟုတ်ဘဲ အခြားနည်းလမ်းများအား ကြံဆဆောင်ရွက်ရမည်ဖြစ်ကြောင်း၊ သမားရိုးကျ ဘဏ်ချေးငွေတစ်ခုတည်းကိုသာအားမကိုးဘဲ အောင်မြင်သည့်လုပ်ငန်းရှင်ကြီးများက စတင်စလုပ်ငန်းသစ်လေးများတွင် အစုရှယ်ယာထည့်ဝင်ပြီး လုပ်ငန်းသစ်များ အောင်မြင်ရန် ပူးပေါင်းကူညီပေးရန်လိုအပ်ကြောင်း ဒေါ်အောင်ဆန်းစုကြည်က ပြောကြားသည်။

“လုပ်ငန်းကြီးတွေအနေနဲ့ လုပ်ငန်းလေးတွေ ရေရှည်တည်တံ့နိုင်ဖို့အတွက် ကူညီပံ့ပိုးပေးခြင်းအားဖြင့် ကိုယ်ပိုင်အရင်းအနှီးထည့်ဝင်မှုအခွင့်အလမ်းများ ပိုပြီးတော့လည်း တိုးတက်လာမယ်လို့ ကျွန်မတို့ယုံကြည်ပါတယ်။ ဒုတိယဖြစ်တဲ့ ဈေးကွက် Market နဲ့ပတ်သက်လို့ လုပ်ငန်းရှင်တွေအနေနဲ့ ဈေးကွက်ကလိုအပ်နေတဲ့ ကုန်စည်ဝန်ဆောင်မှုတွေအပေါ်မူတည်ပြီး ထုတ်လုပ်နေရုံသာမက ကိုယ်ထုတ်လုပ်တဲ့ပစ္စည်းတွေအတွက် ဈေးကွက်ဖန်တီးနိုင်ဖို့က အများကြီးအရေးကြီးပါတယ်။ ခိုင်မာတဲ့ဈေးကွက်တစ်ခုရရှိဖို့အတွက် အစိုးရကိုသာ အားကိုးနေရတာမျိုးမဟုတ်ဘဲ လူငယ်လုပ်ငန်းတွေကလည်း ကိုယ့်ရဲ့စွမ်းဆောင်ရည်နဲ့ တစ်ဖက်တစ်လမ်းကနေ ဈေးကွက်ရအောင်ရှာဖို့ လိုအပ်ပါတယ်။ ကိုယ်ထုတ်လုပ်တဲ့ ကုန်ပစ္စည်းပုံစံအရည်အသွေးတွေကို သမားရိုးကျမဟုတ်ဘဲ ဆန်းသစ်တီထွင်မှုတွေ ပေါင်းစပ်ဖြစ်အောင်လုပ်ပြီးတော့ ဈေးကွက်မှာတွင် ကျယ်သွားအောင်၊ ထိုးဖောက်နိုင်အောင် ကြိုးစားရမှာဖြစ်ပါတယ်” ဟု နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

“တတိယကျတော့ လမ်းညွှန်ပေးမှု Mentorship ဖြစ်ပါတယ်။ မြန်မာနိုင်ငံက စွန့်ဦးတီထွင်လူငယ်လုပ်ငန်းရှင်များအနေနဲ့ အာဆီယံဒေသအတွင်း အောင်မြင်နေတဲ့လုပ်ငန်းရှင်များဆီက အကြံဥာဏ်တွေ၊ အထောက်အပံ့တွေ၊ ရနိုင်မယ့်လမ်းညွှန်ပေးမယ့် သူတွေရဲ့ကွန်ရက် Mentorship နက်ဝပ်တစ်ခု တည်ဆောက်နိုင်မှာဖြစ်ပါတယ်။ မြန်မာနိုင်ငံအတွင်းမှာလည်း အောင်မြင်ပြီးသားလုပ်ငန်းရှင်ကြီးများအနေနဲ့ အခုမှလုပ်ငန်းစတင်နေတဲ့ လူငယ်လုပ်ငန်းရှင်အသစ်တွေကို အားပေးကူညီနိုင်ဖို့ လမ်းညွှန်ပေးသူများ၏ ကွန်ရက်တစ်ခုတည်ထောင်သင့်ပါတယ်လို့ ကျွန်မပြောကြားလိုပါတယ်။ အိမ်နီးချင်းနိုင်ငံတွေမှာဆိုရင် စီးပွားရေးလုပ်ငန်းသစ်များ စတင်တည်ထောင်ပေးတဲ့ ဗဟိုဌာနတည်ထောင်ပြီး အဲဒီဌာနတွေကနေ လုပ်ငန်းစတင်လုပ်ကိုင်လိုသူတွေ၊ လုပ်ငန်းငယ်လေးတွေကို သူတို့ရဲ့လုပ်ငန်းစတင်တဲ့အချိန်မှာ အထောက်အကူပြုစေဖို့နဲ့ ဖွံ့ဖြိုးတိုးတက်ဖို့ ကူညီဆောင်ရွက်ပေးနေကြပါတယ်။ ဒီလိုနမူနာကောင်းတွေကိုအတုယူပြီး ကျွန်မတို့မြန်မာနိုင်ငံမှာလည်း စီးပွားရေးလုပ်ငန်းသစ်များ စတင်ပျိုးထောင်ပေးတဲ့ ဗဟိုဌာနတွေ ပေါ်ပေါက်လာအောင် ဆောင်ရွက်ဖို့လိုအပ်ပါတယ်” ဟု ဒေါ်အောင်ဆန်းစုကြည်က ပြောကြားသည်။

လက်ရှိအစိုးရအနေဖြင့် အသေးစားနှင့် အလတ်စားလုပ်ငန်းများ ဖွံ့ဖြိုးတိုးတက်ရေးအတွက် တွန်းအားပေးလုပ်ဆောင်လျက်ရှိပြီး စွန့်ဦးတီထွင်ကဏ္ဍ ဖွံ့ဖြိုးတိုးတက်ရေးအတွက် စွန့်ဦးတီထွင်ကဏ္ဍ ဖွံ့ဖြိုးတိုးတက်ရေးဆိုင်ရာ ဥပဒေမူဝါဒများ ချမှတ်နိုင်ရန် မြန်မာ့စွန့်ဦးတီထွင်လုပ်ငန်းများအသင်းမှဦးဆောင်ကာ သက်ဆိုင်ရာဌာနများဖြင့် ပူးပေါင်းဆောင်ရွက်နေကြောင်း သိရသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က “ကျွန်မတို့နိုင်ငံမှာ ပထ၀ီဝင်အနေအထားအရ မဟာဗျူဟာကျတဲ့ နိုင်ငံတစ်နိုင်ငံဖြစ်ပါတယ်။ လူဦးရေအများဆုံးနိုင်ငံတွေဖြစ်ပြီး စီးပွားရေးအရ အရှိန်အဟုန်နဲ့ တိုးတက်နေတဲ့ တရုတ်နိုင်ငံနဲ့ အန္ဒိယနိုင်ငံတို့အကြားမှာရှိနေပါတယ်။ ဒါဟာ အားသာချက်တွေအများကြီးရှိသလို စိန်ခေါ်မှုတွေလည်း အများကြီးရှိနေပါတယ်။ စိန်ခေါ်မှုတွေကို ကျော်လွှားနိုင်အောင် ကြိုးစားရမှာဖြစ်သလို အားသာချက်တွေကိုလည်း အခွင့်အလမ်းတစ်ရပ်အဖြစ် အသုံးချသွားနိုင်ဖို့ ကြိုးစားရမှာဖြစ်ပါတယ်” ဟုပြောကြားသည်။

ဆက်လက်၍ ဒေါ်အောင်ဆန်းစုကြည်က “ကျွန်မတို့ရဲ့လူငယ်တွေဟာ အနာဂတ်နိုင်ငံတော်ရဲ့ အလင်းနှစ်တွေဖြစ်ပါတယ်။ ကျွန်မတို့နိုင်ငံ၊ ကျွန်မတို့လူမျိုးတွေဟာ နောင်တစ်ခေတ်မှာ ကမ္ဘာ့အလယ်မှာ ဂုဏ်သိက္ခာရှိစွာနဲ့ ရပ်တည်သွားနိုင်ဖို့အတွက် အခုလူငယ်တွေအပေါ်မှာ အများကြီးမူတည်နေပါတယ်။ အလားတူ ကျွန်မတို့နိုင်ငံ သိက္ခာရှိရှိ တောင့်တင်းခိုင်မာစွာ ရည်တည်နိုင်ဖို့ စီးပွားရေးဖွံ့ဖြိုးတိုးတက်ဖို့က အရေးကြီးပါတယ်။ လူငယ်အင်အားနဲ့ စီးပွားရေးအင်အားပေါင်းပြီး ကျွန်မတို့ဖွံ့ဖြိုးတိုးတက်အောင် လုပ်ကြရမှာဖြစ်ပါတယ်။ ကျွန်မတို့ မြန်မာလူငယ်တွေဟာ စူးစမ်းလိုစိတ်၊ တီထွင်ဖန်တီးလိုစိတ် ပွင့်လင်းလွတ်လပ်တဲ့ အတွေးအခေါ်တွေကို လက်တွေ့အကောင်အထည်ဖော်ပြီး အများအကျိုးအတွက် ကြိုးပမ်းဆောင်ရွက်လိုတဲ့ စိတ်ထားတွေရှိကြပါတယ်။ ကျွန်မတို့နိုင်ငံမှာ စွန့်ဦးတီထွင်မှုတစ်ရပ် ဖြစ်ပေါ်လာဖို့အတွက် အစိုးရအပိုင်းအနေနဲ့လည်း ပြည်ထောင်စုအဆင့်သာမက တိုင်းဒေသကြီးအစိုးရအဖွဲ့တွေကပါ ကိုယ့်တိုင်းဒေသမှာရှိကြတဲ့ စွန့်ဦးတီထွင်လုပ်ငန်းတွေအပေါ် အားပေးကြဖို့တိုက်တွန်းပါတယ်” ဟုပြောကြားသည်။

မြန်မာနိုင်ငံလုပ်ငန်းရှင်များအနေဖြင့် ဒေသဆိုင်ရာအစီအစဉ်များမှရရှိလာသည့် အတွေ့အကြုံများအား ကိုယ့်နိုင်ငံမှလူငယ်များကို ပြန်လည်မျှဝေရန်လိုအပ်မည်ဖြစ်ပြီး အဆိုပါအတွေ့အကြုံများအားအခြေခံကာ တီထွင်ဆန်းသစ်မှုများပြုလုပ်ကြရန် လိုအပ်မည်ဖြစ်ကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

လူသားတိုင်း လူ့အခွင့်အရေးကို အပြည့်အ၀ခံစားရရှိနိုင်ရေးအတွက် လူ့အခွင့်အရေးကော်မရှင်၏ လွတ်လပ်စွာဆောင်ရွက်အကြံပြုနိုင်မှုကို နားလည်သဘောပေါက်ပြီး အစိုးရ၊ ပြည်သူ၊ လူ့အခွင့်အရေးကော်မရှင်တို့ လက်တွဲညီညီ ပူးပေါင်းဆောင်ရွက်သွားနိုင်ရန် လိုအပ်ကြောင်း မြန်မာနိုင်ငံ အမျိုးသားလူ့အခွင့်အရေးကော်မရှင်ဥက္ကဋ္ဌ ပြောကြား

ဒီဇင်ဘာ ၉ ရက်က ရန်ကုန်မြို့၌ကျင်းပသည့် ၂၀၁၇ ခုနှစ် ဒီဇင်ဘာ ၁၀ ရက်တွင်ကျရောက်မည့် အပြည်ပြည်ဆိုင်ရာ လူ့အခွင့်အရေးနေ့ အထိမ်းအမှတ်အခမ်းအနား၌ မြန်မာနိုင်ငံ အမျိုးသားလူ့အခွင့်အရေး ကော်မရှင်ဥက္ကဋ္ဌ ဦးဝင်းမြက ကြိုဆိုနှုတ်ခွန်းဆက်စကား ပြောကြားစဉ်

လူသားတိုင်း လူ့အခွင့်အရေးကို အပြည့်အ၀ခံစားရရှိနိုင်ရေးအတွက် လူ့အခွင့်အရေးကော်မရှင်၏ လွတ်လပ်စွာဆောင်ရွက်အကြံပြုနိုင်မှုကို နားလည်သဘောပေါက်ပြီး အစိုးရ၊ ပြည်သူ၊ လူ့အခွင့်အရေးကော်မရှင်တို့ လက်တွဲညီညီ ပူးပေါင်းဆောင်ရွက်သွားနိုင်ရန် လိုအပ်ကြောင်း မြန်မာနိုင်ငံ အမျိုးသားလူ့အခွင့်အရေးကော်မရှင်ဥက္ကဋ္ဌ ဦးဝင်းမြက ပြောကြားသည်။

ရန်ကုန်တိုင်းဒေသကြီး၊ လမ်းမတော်မြို့နယ်ရှိ Panda Hotel ၌ ဒီဇင်ဘာ ၉ ရက်ကကျင်းပသည့် ၂၀၁၇ ခုနှစ် ဒီဇင်ဘာ ၁၀ ရက်တွင်ကျရောက်မည့် အပြည်ပြည်ဆိုင်ရာ လူ့အခွင့်အရေးနေ့ အထိမ်းအမှတ်အခမ်းအနား၌ ဦးဝင်းမြက ကြိုဆိုနှုတ်ခွန်းဆက်စကားပြောရာတွင် ထည့်သွင်းပြောကြားခဲ့ခြင်းဖြစ်သည်။

“လူ့အခွင့်အရေးနယ်ပယ်ဟာ ကျယ်ဝန်းလှတဲ့အတွက် မြန်မာနိုင်ငံ အမျိုးသားလူ့အခွင့်အရေးကော်မရှင်အနေနဲ့ မိမိတို့တာဝန်ဖြစ်တဲ့ လူ့အခွင့်အရေးမြှင့်တင်ရေးနဲ့ ကာကွယ်စောင့်ရှောက်ရေးလုပ်ငန်းများကို ပြီးပြည့်စုံအောင် ဆောင်ရွက်နိုင်ပြီလို့ မဆိုနိုင်သေးသော်လည်း နိုင်ငံသားများရဲ့ လူ့အခွင့်အရေး အသိပညာတိုးတက်ရေးနဲ့ နိုင်ငံသားများရဲ့ လူ့အခွင့်အရေး ကာကွယ်စောင့်ရှောက်ရေးကဏ္ဍတွေမှာ ကော်မရှင်က စွမ်းအားရှိသလောက် ကျယ်ကျယ်ပြန့်ပြန့် ဖြည့်ဆည်းဆောင်ရွက်လျက်ရှိပါကြောင်း တင်ပြလိုပါတယ်” ဟု ကော်မရှင်ဥက္ကဋ္ဌ ဦးဝင်းမြက ပြောကြားသည်။

ထို့ပြင် ပြည်သူများအနေဖြင့် လူ့အခွင့်အရေးဆိုသည်ကို တဖြည်းဖြည်း သိရှိလာကြပြီဖြစ်သော်လည်း လူ့အခွင့်အရေးစံနှုန်းများကို ပိုမိုနားလည်သိရှိရန်၊ လက်တွေ့ကျင့်သုံးနိုင်ရန် လိုအပ်လျက်ရှိသေးကြောင်း၊ လူ့အခွင့်အရေးကို လူတိုင်းရရှိခံစားနိုင်ခွင့်ရှိသော်လည်း ဥပဒေနှင့်အညီသာ ခံစားပိုင်ခွင့်ရှိကြောင်း၊ လူသားတိုင်း လူ့အခွင့်အရေးကို အပြည့်အ၀ခံစားရရှိနိုင်ရေးအတွက် လူ့အခွင့်အရေးကော်မရှင်၏ လွတ်လပ်စွာဆောင်ရွက်အကြံပြုနိုင်မှုကို နားလည်သဘောပေါက်ပြီး အစိုးရ၊ ပြည်သူ၊ လူ့အခွင့်အရေးကော်မရှင်တို့ လက်တွဲညီညီ ပူးပေါင်းဆောင်ရွက်သွားနိုင်ရန် လိုအပ်ကြောင်း ကော်မရှင်ဥက္ကဋ္ဌကဆိုသည်။

မြန်မာနိုင်ငံ အမျိုးသားလူ့အခွင့်အရေးကော်မရှင်အနေဖြင့် နိုင်ငံသားများ၏ လူ့အခွင့်အရေး အသိပညာတိုးမြင့်လာစေရန်နှင့် လူ့အခွင့်အရေး ချိုးဖောက်မှုများမရှိစေရန်အတွက် အဓိကတာဝန်ကြီးနှစ်ရပ်ဖြစ်သည့် လူ့အခွင့်အရေးမြှင့်တင်ရေးလုပ်ငန်းနှင့် လူ့အခွင့်အရေး ကာကွယ်စောင့်ရှောက်ရေးလုပ်ငန်းများကို လွတ်လပ်တက်ကြွစွာ ဆောင်ရွက်လျက်ရှိကြောင်း ဦးဝင်းမြက ပြောကြားသည်။

၂၀၁၇ ခုနှစ်အတွင်း မြန်မာနိုင်ငံ အမျိုးသားလူ့အခွင့်အရေးကော်မရှင်သို့ တိုင်တန်း ချက်ပေါင်း ၃၀၀ ကျော်ရောက်ရှိပြီး မြေယာသိမ်းဆည်းမှုနှင့်ဆိုင်သောကိစ္စ၊ ရဲတပ်ဖွဲ့နှင့်ဆိုင်သောကိစ္စ၊ တရားရေးနှင့်ဆိုင်သောကိစ္စများမှာ အများဆုံးပါဝင်ကြောင်းသိရပြီး ကော်မရှင်အနေဖြင့် တိုင်တန်းချက်များနှင့်ပတ်သက်၍လည်း ကွင်းဆင်းစစ်ဆေးမှုများပြုလုပ်ကြောင်း သိရသည်။

ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော် ဆောင်ရွက်ရေးကော်မတီ၏ အကြံပေးအဖွဲ့ ဖွဲ့စည်းခြင်း

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတရုံး အမိန့်ကြော်ငြာစာအမှတ်၊ ၉၈/၂ဝ၁၇ အရ ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော်ရေး ကော်မတီ၏ အကြံပေးအဖွဲ့ကို အောက်ပါ ပြည်တွင်း/ပြည်ပ ပညာရှင်များ (၁၀)ဦးဖြင့် ဖွဲ့စည်းလိုက်ကြောင်း နိုင်ငံတော်သမ္မတရုံး၏ ထုတ်ပြန်ချက်အရ သိရပါသည်။

ထုတ်ပြန်ချက် အပြည့်အစုံမှာ –

 

ပြည်ထောင်စုသမ္မတမြန်မာနိုင်ငံတော်

နိုင်ငံတော်သမ္မတရုံး

အမိန့်ကြော်ငြာစာ

အမှတ်၊ ၉၈/၂ဝ၁၇

၁၃၇၉ ခုနှစ်၊ နတ်တော်လပြည့်ကျော် ၅ ရက်

(၂ဝ၁၇ ခုနှစ်၊ ဒီဇင်ဘာလ ၈ ရက်)

ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော်

————————————————————————–

ဆောင်ရွက်ရေးကော်မတီ၏ အကြံပေးအဖွဲ့ ဖွဲ့စည်းခြင်း

———————————————————–

၁။ ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော် ဆောင်ရွက်ရေးကော်မတီကို ဤရုံး၏ ၁၂-၉-၂ဝ၁၇ ရက်စွဲပါ အမိန့်ကြော်ငြာစာအမှတ်၊ ၇၅/ ၂ဝ၁၇ ဖြင့် နိုင်ငံတော်သမ္မတက ဖွဲ့စည်းပေးပြီးဖြစ်ပါသည်။

၂။ ယင်းအမိန့်ကြော်ငြာစာတွင် ရခိုင်ပြည်နယ်ဆိုင်ရာကော်မရှင်များ၏ အကြံ ပြုချက်များနှင့် စပ်လျဉ်း၍ အကောင်အထည်ဖော်ဆောင်ရွက်ရာတွင် မြေပြင် အခြေအနေအပေါ် မူတည်၍ အကျိုးရှိစွာ ထိထိရောက်ရောက်ဖော်ဆောင်နိုင်ရေး အတွက် လိုအပ်သော အကြံဥာဏ်များကို ရယူနိုင်ရန် အကြံပေးအဖွဲ့ကို ပြည်တွင်း/ ပြည်ပ ပညာရှင်များ၊ ဘာသာရပ်ဆိုင်ရာ ကျွမ်းကျင်သူများ၊ အတွေ့အကြုံရှိသူများ နှင့် ဖွဲ့စည်းရမည်ဟု ဖော်ပြခဲ့ပါသည်။

၃။ အထက်အပိုဒ်(၂)ပါအတိုင်း လိုအပ်သည့် အကြံÓဏ်များ ရယူနိုင်စေရန် အတွက် ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော်ရေး ကော်မတီ၏ အကြံပေးအဖွဲ့ကို အောက်ပါ ပြည်တွင်း/ပြည်ပ ပညာရှင်များဖြင့် ဖွဲ့စည်းလိုက်ပါသည် –

 

(က) Dr. Surakiart Sathirathai

Chairman, Asia Peace and Reconciliation Council- APRC Former Deputy Prime Minister and Minister of Foreign Affairs of Thailand

 

(ခ) Mr. Urban Ahlin

Speaker, Chair of the Riksdag Board

Member of the Swedish Parliament

 

(ဂ) Governor Bill Richardson

Chairman, Richardson Center For Global Engagement Former Governor of New Mexico and Former United States Secretary of Energy

 

(ဃ) Professor Lord Derzi of Denham

Former Parliamentary Under-Secretary of State of Health,

Department of Health

Member of Her Majesty’s Most Honourable Privy Council

 

(င) Mr. Roelof Petrus (Roelf) Meyer

Former Minister of Defence

Former Minister of Constitutional Affairs and Communication Former Minister of Constitutional Development and Provincial Affairs

South Africa

 

(စ) ဦးဝင်းမြ

ဥက္ကဋ္ဌ၊ မြန်မာနိုင်ငံ အမျိုးသားလူ့အခွင့်အရေးကော်မရှင်

 

(ဆ) ဦးထွန်းမြတ်

အငြိမ်းစား၊ ကုလသမဂ္ဂလက်ထောက်အတွင်းရေးမှူးချုပ်

 

(ဇ) ဦးခင်မောင်လေး

အဖွဲ့ဝင်၊ မြန်မာနိုင်ငံ အမျိုးသားလူ့အခွင့်အရေးကော်မရှင်

 

(ဈ) ဦးလှမြင့်

သံအမတ်ကြီး(ငြိမ်း)

အဖွဲ့ဝင်၊ အာဆီယံအစိုးရချင်းဆိုင်ရာ လူ့အခွင့်အရေးကော်မရှင်

 

(ည) ဒေါက်တာ ဒေါ်ခင်ညို

ကျန်းမာရေးနှင့် အားကစားဖွံ့ဖြိုးတိုးတက်ရေးကော်မတီ

ပြည်သူ့လွှတ်တော်

 

၎။ ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော် ဆောင်ရွက်ရေးကော်မတီ၏ အကြံပေးအဖွဲ့သည် သတ်မှတ်ထားသည့် လုပ်ငန်း တာဝန်များနှင့်အညီ အကြံဥာဏ်များပေးနိုင်ရေး ဆောင်ရွက်ရန်ဖြစ်ကြောင်း ဖော်ပြအပ်ပါသည်။

(ပုံ)ထင်ကျော်

နိုင်ငံတော်သမ္မတ

ပြည်ထောင်စုသမ္မတမြန်မာနိုင်ငံတော်

လူမှုရေးကိစ္စဖြင့် စွပ်စွဲခံရသည့် မကွေးတိုင်းဒေသကြီး အစိုးရအဖွဲ့ဝင်ဝန်ကြီး ဦးနေမျိုးကျော်အား NLD ပါတီက စုံစမ်းစစ်ဆေးပြီးနောက် ပါတီတာဝန်များ ရပ်ဆိုင်း

လူမှုရေးကိစ္စဖြင့် စွပ်စွဲခံရသည့် မကွေးတိုင်းဒေသကြီး အစိုးရအဖွဲ့ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီး ဦးနေမျိုးကျော်အား အမျိုးသားဒီမိုကရေစီအဖွဲ့ချုပ် (NLD) ပါတီပိုင်းက စုံစမ်းစစ်ဆေးပြီးနောက် ပါတီတာဝန် ထမ်းဆောင်ခြင်းအား ရပ်ဆိုင်းလိုက်ကြောင်း သတင်းရရှိသည်။

ဦးနေမျိုးကျော်သည် NLD ပါတီ မကွေးတိုင်းဒေသကြီး အတွင်းရေးမှူးတာဝန် ထမ်းဆာင်လျက်ရှိပြီး ၂၀၁၅ ရွေးကောက်ပွဲတွင် မကွေးတိုင်းဒေသကြီး မင်းဘူးမဲဆန္ဒနယ် အမှတ်(၂) လွှတ်တော်ကိုယ်စားလှယ်အဖြစ် ရွေးချယ်ခံရကာ မကွေးတိုင်းဒေသကြီး အစိုးရအဖွဲ့တွင် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးအဖြစ် တာဝန်ထမ်းဆောင်နေခြင်း ဖြစ်သည်။

ဝန်ကြီး ဦးနေမျိုးကျော်အား ပါတီဝင်အဖြစ်မှ ထုတ်ပယ်ခြင်း မဟုတ်ဘဲ ပါတီအဆင့်မြင့် တာဝန်များအား ရပ်ဆိုင်းထားခြင်း ဖြစ်ကြောင်း၊ မည်သည့်အတွက်ကြောင့် အရေးယူသည်ကို ပါတီတွင်းကိစ္စဖြစ်သဖြင့် ပြော၍မရကြောင်း NLD ပါတီ လွှတ်တော်ကိုယ်စားလှယ် တိုင်ကြားစာဌာန တာဝန်ခံ ဗဟိုအလုပ်အမှုဆောင်အဖွဲ့ဝင် ဒေါက်တာမျိုးညွန့်က ဒီဇင်ဘာ ၈ ရက်တွင် ပြောကြားသည်။

“(လူမှုရေးကိစ္စ) အဲဒီကိစ္စအတွက် ကျွန်တော်တို့ Inquiry ဖွဲ့ပေးလိုက်တယ်။ Inquiry စစ်ဆေးပြီးတော့ အဲဒီတွေ့ရှိချက် Report ပေါ်မှာ မူတည်ပြီးတော့ ဒီရလဒ် ထွက်တာပါ” ဟု ပါတီဗဟိုအလုပ်အမှုဆောင် အတွင်းရေးမှူးအဖွဲ့ဝင် ဦးဉာဏ်ဝင်းက ပြောကြားသည်။

ထိုသို့ ပါတီတွင်း အရေးယူသည့်အပေါ် ၀န်ကြီးဦးနေမျိုးကျော်အား မေးမြန်းခဲ့ရာတွင် ယင်းကိစ္စအား လုံးဝမမေးပါရန် ဖြေကြားသည်။

သို့ရာတွင် ဦးနေမျိုးကျော် တာဝန်ထမ်းဆောင်နေသည့် အုပ်ချုပ်ရေးပိုင်းက မည်သို့ ဆောင်ရွက်မည်ကို မသိရှိကြောင်း ဦးဉာဏ်ဝင်းက ပြောကြားသည်။

“အဲဒါကျတော့ ကျွန်တော်တို့နဲ့ မဆိုင်ဘူး။ အစိုးရအဖွဲ့နဲ့ပဲ ဆိုင်ပါတယ်” ဟု ဦးဉာဏ်ဝင်းက ဆက်လက်ပြောကြားသည်။

အဆိုပါကိစ္စနှင့် ပတ်သက်၍ မကွေးတိုင်းဒေသကြီး အစိုးရအဖွဲ့ဝန်ကြီးချုပ် ဒေါက်တာ အောင်မိုးညိုအား The Daily Eleven သတင်းစာက ဖုန်းဖြင့် ဆက်သွယ်မေးမြန်းခဲ့ရာ “အဲဒီကိစ္စနဲ့ ပတ်သက်လို့ ဘာမှမသိဘူးဗျ။ ကျွန်တော်တို့ကတော့ အထက်က ညွှန်ကြားတဲ့အတိုင်းပဲ ဆောင်ရွက်ဖို့ပါပဲ။ ကျွန်တော့်အနေနဲ့လည်း ဘာမှသီးသန့်ပြောစရာ မရှိပါဘူး”ဟု ပြောကြားသည်။

လူမှုရေးကိစ္စနှင့် ပတ်သက်၍ Facebook စာမျက်နှာတွင် ပျံ့နှံ့နေသည့် သတင်းများသည် ၎င်းတို့နှစ်ဦးအား နိုင်ငံရေးအရ၊ လူမှုရေးအရ စွပ်စွဲတိုက်ခိုက်မှုများသာ ဖြစ်ကြောင်း၊ အစိုးရအဖွဲ့ဝန်ကြီး တစ်ဦးအား စွပ်စွဲပြစ်တင်ခြင်းသည် အစိုးရအဖွဲ့၏ ဂုဏ်သိက္ခာကိုပါ ထိခိုက်သောကြောင့် ထပ်မံစွပ်စွဲမှုများ ရှိလာပါက ဥပဒေအရ ဆောင်ရွက်မည်ဟု စက်တင်ဘာ ၂ ရက်တွင် ၀န်ကြီးဦးနေမျိုးကျော် အပါအ၀င် စွပ်စွဲခံရသည့် ကာယကံရှင်တို့က သတင်းစာရှင်းလင်းပွဲ ပြုလုပ်စဉ်က ပြောကြားခဲ့သည်။