NCA ရေးထိုးရန် ကျန်ရှိသည့် တိုင်းရင်းသား လက်နက်ကိုင်အဖွဲ့များနှင့် ညှိနှိုင်းဆွေးနွေးရန် အသင့်ရှိကြောင်း တရုတ် အာရှရေးရာ အထူးကိုယ်စားလှယ်နှင့် တွေ့ဆုံစဉ် တပ်မတော်ကာကွယ်ရေးဦးစီးချုပ် ပြောကြား

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် တရုတ်နိုင်ငံခြားရေးဝန်ကြီးဌာန အာရှရေးရာ အထူးကိုယ်စားလှယ် မစ္စတာဆွန်ကော့ရှန်တို့ တွေ့ဆုံစဉ် (ဓာတ်ပုံ-တပ်မတော်ကာကွယ်ရေး ဦးစီးချုပ်ရုံး)

တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) တွင် လက်မှတ်ရေးထိုးရန်ကျန်ရှိသည့် တိုင်းရင်းသားလက်နက်ကိုင် အဖွဲ့များနှင့် ညှိနှိုင်းဆွေးနွေးရန် အသင့်ရှိကြောင်း တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က အောက်တိုဘာ ၁၇ ရက်တွင် ပြောကြားသည်။

တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် တရုတ်ပြည်သူ့သမ္မတနိုင်ငံ နိုင်ငံခြားရေးဝန်ကြီးဌာန အာရှရေးရာ အထူးကိုယ်စားလှယ် မစ္စတာဆွန်ကော့ရှန်အား အောက်တိုဘာ ၁၇ ရက် နံနက်ပိုင်းက နေပြည်တော်ရှိ ဘုရင့်နောင်ရိပ်သာ ဧည့်ခန်းမဆောင်၌ လက်ခံတွေ့ဆုံစဉ် ထိုသို့ထည့်သွင်း ပြောကြားခဲ့ခြင်းဖြစ်ကြောင်း တပ်မတော် ကာကွယ်ရေးဦးစီးချုပ်ရုံး၏ သတင်းထုတ်ပြန်မှုတွင် ပါရှိသည်။

NCA သည် ငြိမ်းချမ်းရေးအတွက် ကနဦးခြေလှမ်းဖြစ်ကြောင်း၊ ပစ်ခတ်တိုက် ခိုက်မှုရပ်စဲပြီးမှသာ နိုင်ငံရေးအရ ဆွေးနွေးညှိနှိုင်းမှုများ ဆက်လက်ပြုလုပ်ရမည်ဖြစ် ကြောင်း၊ နိုင်ငံရေးတွင် လက်နက်ကိုင်လမ်းစဉ်ဖြင့်သွား၍ မရနိုင်ကြောင်း၊ သို့ဖြစ်၍ NCA လက်မှတ်ရေးထိုးရန်မှာ ကနဦးလိုအပ်ချက် ဖြစ်ကြောင်း၊ တပ်မတော်အနေဖြင့် လက်မှတ်ရေးထိုးရန် ကျန်ရှိသည့် တိုင်းရင်းသား လက်နက်ကိုင်အဖွဲ့များနှင့် ညှိနှိုင်းဆွေးနွေးရန် အသင့်ရှိကြောင်း ဗိုလ်ချုပ်မှူးကြီး မင်းအောင်လှိုင်က ပြောကြားသည်။

တရုတ်နိုင်ငံအစိုးရ၏ ရပ်တည်ချက်မှာ မြန်မာနိုင်ငံ၏ ငြိမ်းချမ်းရေးဖြစ်စဉ်ကို ခိုင်ခိုင်မာမာ ထောက်ခံကြောင်း၊ မြန်မာနိုင်ငံ၏ ငြိမ်းချမ်းရေးဖြစ်စဉ်မှာ ကောင်းမွန်သည့် အလားအလာများ ရှိသည်ဟုလည်း ယုံကြည်ကြောင်း ပြောကြား၍ မြန်မာနိုင်ငံမြောက်ပိုင်းရှိ တိုင်းရင်းသား လက်နက်ကိုင်အဖွဲ့များနှင့်  ပိုမိုနီးကပ်စွာ ဆက်ဆံ၍ ငြိမ်းချမ်းရေးအတွက် ညှိနှိုင်းဆောင်ရွက်ပေးနေမှု အခြေအနေများ၊ ရခိုင်ပြည်နယ်အရေးကိစ္စတွင် မြန်မာနိုင်ငံအစိုးရနှင့် တပ်မတော်အနေဖြင့် နိုင်ငံ၏ လွတ်လပ်ရေးနှင့် အချုပ်အခြာအာဏာ တည်တံ့ခိုင်မြဲရေး အတွက် ထိန်းသိမ်းလုပ်ဆောင်နေသည်ကို သိရှိထောက်ခံပြီး အိမ်နီးချင်းမိတ်ဆွေကောင်း ပီသစွာဖြင့် ဆက်လက်ရပ်တည် ကူညီလုပ်ဆောင်သွားမည့် အခြေအနေများ၊ အကြမ်းဖက်မှု ကာကွယ်တားဆီးရေး လုပ်ငန်းများတွင် နီးကပ်စွာ ပူးပေါင်းဆောင်ရွက်မှု အပါအ၀င် နှစ်နိုင်ငံဆက်ဆံရေးနှင့် ပူးပေါင်းဆောင်ရွက်မှု မြှင့်တင်ရေး ကိစ္စရပ်များ၊ တရုတ်နိုင်ငံတွင် ပြုလုပ်တော့မည့် (၁၉) ကြိမ်မြောက် တရုတ်ကွန်မြူနစ်ပါတီ ကွန်ဂရက်နှင့် ပတ်သက်သည်များကို မစ္စတာဆွန်ကော့ရှန်က ဆွေးနွေးပြောကြားကြောင်း သိရသည်။

ထိုသို့ ဆွေးနွေးမှုများအပေါ် တပ်မတော်ကာကွယ်ရေး ဦးစီးချုပ်က မြန်မာနိုင်ငံ၏ ငြိမ်းချမ်းရေး လုပ်ငန်းစဉ်များတွင် ပူးပေါင်းပါဝင် ဆောင်ရွက်မှု၊ ရခိုင်ပြည်နယ် အရေးကိစ္စနှင့် ပတ်သက်ပြီး ကုလသမဂ္ဂ အပါအ၀င် နိုင်ငံတကာ မျက်နှာစာတွင် မြန်မာနိုင်ငံဘက်မှ မှန်ကန်စွာ ထောက်ခံရပ်တည်ခဲ့မှုများအတွက် ကျေးဇူးတင်ရှိကြောင်း ပြန်လည်ပြောကြားခဲ့ပြီး နိုင်ငံတည်ငြိမ်အေးချမ်းမှုအတွက် ငြိမ်းချမ်းရေး မဖြစ်မနေ ရရှိအောင် ဆောင်ရွက်ရန်လိုအပ်မှု၊ တိုင်းရင်းသားလက်နက် ကိုင်အဖွဲ့အစည်း ၁၆ ဖွဲ့နှင့် တွေ့ဆုံဆွေးနွေးပြီး NCA ကို အကောင်အထည်ဖော် ဆောင်ရွက်ခဲ့သော်လည်း အဖွဲ့ ရှစ်ဖွဲ့နှင့်သာ လက်မှတ်ရေးထိုးနိုင်ခဲ့မှု၊ ပါတီစုံဒီမိုကရေစီ လမ်းကြောင်းနှင့် ဒို့တာဝန်အရေးသုံးပါးကို လက်ခံထိန်းသိမ်းလိုမှုအပေါ် အခြေခံပြီး တိုင်းရင်းသား လက်နက်ကိုင်အဖွဲ့အားလုံး NCA တွင် ပါဝင်လက်မှတ်ရေးထိုး နိုင်ရေးအတွက် တပ်မတော်အနေဖြင့် လက်မှတ်ရေးထိုးရန် ကျန်ရှိသည့်အဖွဲ့များနှင့် ဆွေးနွေးညှိနှိုင်းမှုများ ပြုလုပ်ရန် အသင့်ရှိမှုများအား ဆွေးနွေးပြောကြားခဲ့ကြောင်း သိရသည်။

ထို့အတူ ရခိုင်ပြည်နယ်အရေးကိစ္စနှင့် ပတ်သက်၍ နိုင်ငံတော်အစိုးရနှင့် တပ်မတော်အနေဖြင့် တရားဥပဒေနှင့်အညီ မှန်ကန်စွာ လုပ်ဆောင်နေသော်လည်း နိုင်ငံတကာမှ သိရှိထားသည့် အချက်အလက်များမှာ မှားယွင်းနေကြောင်း၊ တရုတ်နိုင်ငံ သံအမတ်ကြီးတို့ကိုယ်တိုင် ယင်းဒေသကို ရောက်ရှိပြီး မျက်မြင်တွေ့ရှိခဲ့ပြီးဖြစ်၍ ပြီးပြည့်စုံသည် မဟုတ်သည့်တိုင် ခိုင်မာသည့် သက်သေ အထောက်အထားအချို့ ရရှိမည်ဟု ယုံကြည်ကြောင်း၊ ရခိုင်ဒေသ အခြေအနေမှန်များကို နိုင်ငံတကာမှ မှန်ကန်စွာ သိရှိစေရန် ၀ိုင်းဝန်းကူညီ လုပ်ဆောင်ပေးစေလိုကြောင်း တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောကြားသည်။

ဆက်လက်၍ တပ်မတော်ကာကွယ်ရေး ဦးစီးချုပ်က မြန်မာနိုင်ငံအနေဖြင့် ဘင်္ဂလားဒေ့ရ်ှနိုင်ငံ အပါအ၀င် အိမ်နီးချင်းနိုင်ငံ အားလုံးနှင့် ချစ်ကြည်ရင်းနှီးစွာ ဆက်ဆံ၍ ပူးပေါင်းဆောင်ရွက်မှုများ မြှင့်တင်လုပ်ဆောင် နေကြောင်း၊ ထိုသို့လုပ်ဆောင်ရာတွင် မြေပြင်တွင်ဖြစ်ပျက်နေသည့် အရှိတရားများကို မှန်မှန်ကန်ကန် သိရှိလက်ခံရန် အရေးကြီးကြောင်း၊ ဘင်္ဂလားဒေ့ရ်ှနိုင်ငံဘက်သို့ ထွက်ပြေးသည့် ဘင်္ဂါလီများနှင့်ပတ်သက်၍ ရပ်တည်ပြောဆိုချက် အချို့မှာ ပုံကြီးချဲ့ပြောဆိုမှုများရှိပြီး မမှန်ကန်ကြောင်း၊ မိမိတို့အနေဖြင့် အပြုသဘောဆောင်သော ကောင်းမွန်သည့် လုပ်ဆောင်ချက်များကို ညှိနှိုင်းလုပ်ဆောင် သွားမည်ဖြစ်ကြောင်း၊ အကြမ်းဖက်မှု ကာကွယ်တားဆီးရေးတွင် နီးကပ်စွာ ပူးပေါင်းဆောင်ရွက်မှု အပါအ၀င် နှစ်နိုင်ငံ တပ်မတော် နှစ်ရပ်အကြား ပူးပေါင်းဆောင်ရွက်မှုများလည်း ပိုမိုမြှင့်တင် လုပ်ဆောင်သွားမည် ဖြစ်ကြောင်း ရှင်းလင်းပြောကြား၍ တရုတ်ပြည်သူ့ကွန်မြူနစ်ပါတီ၏ (၁၉) ကြိမ်မြောက် ကွန်ဂရက်နှင့်ပတ်သက်ပြီး အောင်မြင်ပါစေကြောင်း ပြောကြားသည်။

အဆိုပါတွေ့ဆုံမှုသို့  တပ်မတော် ကာကွယ်ရေးဦးစီးချုပ်နှင့်အတူ ကာကွယ်ရေး ဦးစီးချုပ်ရုံး (ကြည်း) မှ ဒုတိယဗိုလ်ချုပ်ကြီး စိုးထွဋ်နှင့် တပ်မတော်အရာရှိကြီးများ တက်ရောက်ကြပြီး တရုတ်ပြည်သူ့သမ္မတနိုင်ငံ နိုင်ငံခြားရေး ၀န်ကြီးဌာန အာရှရေးရာ အထူးကိုယ်စားလှယ်နှင့်အတူ မြန်မာနိုင်ငံဆိုင်ရာ တရုတ်နိုင်ငံ သံအမတ်ကြီး H.H. Mr Hong Liang၊ စစ်သံမှူးနှင့် တာဝန်ရှိသူများ တက်ရောက်ကြောင်း သိရသည်။

တရုတ်နိုင်ငံ အာရှရေးရာ အထူးကိုယ်စားလှယ် မစ္စတာဆွန်ကော့ရှန်သည် မြန်မာအစိုးရနှင့် မြောက်ပိုင်း တိုင်းရင်းသား လက်နက်ကိုင် အဖွဲ့များအကြား ငြိမ်းချမ်းရေးဆိုင်ရာ ကိစ္စရပ်များတွင် ကြားဝင်ဆောင်ရွက်နေသူ တစ်ဦးဖြစ်သည်။

လက်ရှိကျင့်သုံးလျက်ရှိသော ဘဏ္ဍာနှစ်အား အောက်တိုဘာ ၁ ရက်မှ စက်တင်ဘာ ၃၀ ရက်အဖြစ် ၂၀၁၈-၂၀၁၉ ဘဏ္ဍာနှစ်မှစ၍ ပြောင်းလဲရန် ပြည်ထောင်စုလွှတ်တော်သို့ တင်ပြပြီး ပြည်ထောင်စု၏ ဖြည့်စွက်ခွင့်ပြုငွေအဖြစ် ကျပ် ၂၅၄၄ ဒသမ ၇၃၇ ဘီလျံ တောင်းခံ

အောက်တိုဘာ ၁၇ ရက်က နေပြည်တော်တွင် ပြုလုပ်သော ပြည်ထောင်စုလွှတ်တော် အစည်းအဝေးသို့ တက်ရောက် လာသူများကို တွေ့ရစဉ် (ဓာတ်ပုံ-မျိုးမင်းထက်)

လက်ရှိကျင့်သုံးလျက်ရှိသော ဘဏ္ဍာ နှစ်အား ဧပြီ ၁ ရက်မှ မတ် ၃၁ ရက်အထိ အစား အောက်တိုဘာ ၁ ရက်မှ စက်တင်ဘာ ၃၀ ရက်အဖြစ် ၂၀၁၈-၂၀၁၉ ဘဏ္ဍာနှစ်မှစ၍ ပြောင်းလဲပြင်ဆင်သတ်မှတ်ရန် ပြည် ထောင်စုလွှတ်တော်သို့ အောက်တိုဘာ ၁၇ ရက်က တင်ပြခဲ့သည်။

ထိုသို့ပြောင်းလဲပြင်ဆင် သတ်မှတ်ရန် နိုင်ငံတော်သမ္မတက ပြည်ထောင်စုလွှတ် တော်နာယကထံ စက်တင်ဘာ ၂၉ ရက် ရက် စွဲဖြင့် သ၀ဏ်လွှာပေးပို့ခဲ့ခြင်းဖြစ်ပြီး ပြည်ထောင်စုအစိုးရအဖွဲ့ကိုယ်စား စီမံကိန်းနှင့် ဘဏ္ဍာရေး ၀န်ကြီးဌာန ဒုတိယ၀န်ကြီး ဦးမောင် မောင်ဝင်းက လွှတ်တော်သို့ ရှင်းလင်းတင်ပြ ခဲ့သည်။

နိုင်ငံတစ်နိုင်ငံ၏ ဘဏ္ဍာနှစ်သတ်မှတ် ရာတွင် နိုင်ငံ၏စီးပွားရေးရည်မှန်းချက်၊ ငွေကြေးမူဝါဒ၊ ဘဏ္ဍာရေး မူဝါဒတို့ကို ချမှတ်ဆောင်ရွက်ရာတွင် ချမှတ်သည့် ရည်မှန်းချက်အတိုင်း အထမြောက်အောင်မြင်စေရန် အဓိကထား၍ သတ်မှတ်ကြခြင်းဖြစ်ကြောင်း၊ ထို့ပြင် နိုင်ငံ၏ ရာသီဥတု အခြေအနေ၊ အစိုးရကဏ္ဍ၊ ပုဂ္ဂလိကကဏ္ဍ၊ နှစ်ချုပ်ဘဏ္ဍာရေးငွေစာရင်းများနှင့် နှစ်ချုပ်ကုန်ထုတ်လုပ်မှုဆိုင်ရာ စာရင်းများ ရေးဆွဲမှုတို့နှင့်လည်း လိုက်လျောညီထွေဖြစ်စေရန် သတ်မှတ်ကြကြောင်း၊ ဘဏ္ဍာနှစ် ဘတ်ဂျက်နှစ်ဟူသည် တစ်နှစ်တာ သို့မဟုတ် ၁၂ လကာလအတွက် အစိုးရ၏ ဘဏ္ဍာငွေအရအသုံးကိစ္စများ လျာထား အကောင်အထည်ဖော်ရန် အချိန်ကာလသတ် မှတ်ချက်ဖြစ်ကြောင်း၊ ကမ္ဘာ့နိုင်ငံ ၂၂၇ နိုင်ငံ တွင် ကာလသတ်မှတ်မှုများမှာ အဓိကအားဖြင့် လေးမျိုးခွဲခြား တွေ့ရှိရကြောင်း၊ ဇန်န၀ါရီ ၁ ရက်မှ ဒီဇင်ဘာ ၃၁ ရက်အထိ (ပြက္ခဒိန်နှစ်အတိုင်း) သတ်မှတ်သည့်နိုင်ငံ ၁၅၆ နိုင်ငံရှိကြောင်း၊ ဧပြီ ၁ ရက်မှ မတ် ၃၁ ရက်အထိ သတ်မှတ်သည့်နိုင်ငံ ၃၃ နိုင်ငံရှိကြောင်း၊ ဇူလိုင် ၁ ရက်မှ  ဇွန် ၃၀ ရက်အထိ သတ်မှတ်သည့်နိုင်ငံ ၂၀ ရှိပြီး အောက်တိုဘာ ၁ ရက်မှ စက်တင်ဘာ ၃၀ ရက်အထိ သတ်မှတ်သည့် နိုင်ငံ ၁၂ နိုင်ငံရှိကြောင်း ဒုတိယ၀န်ကြီးက ဆိုသည်။

မြန်မာနိုင်ငံ၏ ဘဏ္ဍာနှစ် သတ်မှတ်ခဲ့သည့် သမိုင်းကြောင်းကို လေ့လာပါက ဒုတိယ ကမ္ဘာစစ်မတိုင်မီက ဘဏ္ဍာနှစ်သည် ဧပြီ ၁ ရက်မှ မတ် ၃၁ ရက်အထိဖြစ်ပြီး ဒုတိယကမ္ဘာစစ်ပြီးနောက် မြန်မာနိုင်ငံအား ဗြိတိသျှတို့ ပြန်လည်အုပ်ချုပ်သည့် ၁၉၄၅ ခုနှစ်မှ လွတ်လပ်ရေးရရှိသည့် အချိန်အထိ ဘဏ္ဍာနှစ်ကို အောက်တိုဘာ ၁ ရက်မှ စက်တင်ဘာ ၃၀ ရက်အထိ သတ်မှတ်ခဲ့ကြောင်း၊ လွတ်လပ်ရေး ရရှိပြီးသည့် အချိန်မှစ၍လည်း ၁၉၇၃ ခုနှစ်အထိ အောက်တိုဘာ ၁ ရက်မှ စက်တင်ဘာ ၃၀ ရက်အထိကိုသာ ဘဏ္ဍာနှစ်အဖြစ် ဆက်လက် သတ်မှတ်ခဲ့ကြောင်း၊ ၁၉၇၄ ခုနှစ် ပြည်သူ့လွှတ်တော်ကာလတွင် ဘဏ္ဍာနှစ်ကို ဧပြီ ၁ ရက်မှ မတ် ၃၁ ရက်အထိသို့ ပြန်လည်ပြင်ဆင် သတ်မှတ်ခဲ့ခြင်းဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးမောင်မောင်ဝင်းက လွှတ်တော်သို့ ရှင်းလင်းတင်ပြခဲ့သည်။

၁၉၇၄ ခုနှစ်တွင် ဘဏ္ဍာနှစ်ကို ပြန်လည်ပြင်ဆင် သတ်မှတ်ခဲ့စဉ်က အဓိကအားဖြင့် မြန်မာနိုင်ငံသည် လယ်ယာစိုက်ပျိုးရေးကို အဓိကထား ဆောင်ရွက်သည့်နိုင်ငံ ဖြစ်ခြင်းကြောင့် လယ်ယာစိုက်ပျိုးရေး လုပ်ငန်းများ မစတင်မီ တောင်သူလယ်သမားများအား စိုက်ပျိုးစရိတ် ထုတ်ချေးပေးနိုင်ရေး၊ မြန်မာနိုင်ငံ၏ ဘဏ္ဍာနှစ်ကို မြန်မာသက္ကရာဇ်တို့နှင့် ညီညွတ်စေရေးတို့အတွက် ဖြစ်သည်ဟု သိရှိရကြောင်း ဦးမောင်မောင်ဝင်းက ဆိုသည်။

လက်ရှိကျင့်သုံးလျက်ရှိသည့် ဘဏ္ဍာနှစ်သည် ဧပြီ ၁ ရက်မှ စတင်သည့်အတွက်ကြောင့် တည်ဆောက်ရေး လုပ်ငန်းများကို မိုးရာသီကာလကျော်လွန်မှသာ လုပ်ငန်းစတင်နိုင်သဖြင့် လုပ်ငန်းဆောင်ရွက်ချိန် နည်းပါးခြင်း၊ ပြည်ပချေးငွေ၊ ပြည်ပအကူအညီ ရငွေများရယူရာတွင် ပေးအပ်သည့် နိုင်ငံ/အဖွဲ့အစည်း၏ ဘဏ္ဍာနှစ်နှင့် မကိုက်ညီပါက အချိန်များညှိနှိုင်းရခြင်း၊ အထွေထွေ ရွေးကောက်ပွဲကျင်းပသည့်နှစ်တွင် နောင်အစိုးရအတွက် ဘတ်ဂျက်ကို လက်ရှိအစိုးရက ရေးဆွဲပေးရခြင်း စသည့်အားနည်းချက်များရှိကြောင်း၊ ဘဏ္ဍာနှစ်ကို ပြင်ဆင်သတ်မှတ်ပါက တည်ဆောက်ရေး၊ ၀ယ်ယူရေး စသည့်လုပ်ငန်းများတွင် တစ်ဆက်တည်း ရှစ်လခန့် ပွင့်လင်းရာသီ ရရှိနိုင်ခြင်း၊ ဘဏ္ဍာနှစ် စတင်ချိန်နှင့် နှစ်သစ်ကူးရုံးပိတ်ရက်များ တိုက်ဆိုင်နေမှုမရှိတော့ခြင်း၊ ပွင့်လင်းရာသီ အစတွင် လုပ်ငန်းများအရှိန်အဟုန်မြှင့် ဆောင်ရွက်နိုင်ပြီး ဘတ်ဂျက်ကုန်ဆုံးခါနီး မိုးရာသီတွင် လုပ်ငန်းများအပြီးသတ်ဆောင် ရွက်နိုင်ခြင်း၊ သုံးလပတ်အလိုက်ဘဏ္ဍာငွေ သုံးစွဲမှု ပိုမိုညီညွတ်မျှတလာနိုင်ခြင်း အစရှိ သည့် အားသာချက်များရရှိမည်ဖြစ်ကြောင်း စီမံကိန်းနှင့်ဘဏ္ဍာရေးဝန်ကြီးဌာန ဒုတိယ ၀န်ကြီးက ဆိုသည်။

သို့ရာတွင် ၂၀၁၅ ခုနှစ် ပြည်ထောင်စု လွှတ်တော် ဥပဒေအမှတ် ၄၂ ဖြင့် အတည်ပြု ပြဋ္ဌာန်းထားသည့် ပြည်ထောင်စု၏ဘဏ္ဍာ ငွေအရအသုံးရေးဆွဲတင်ပြခြင်းဆိုင်ရာ ဥပဒေပါ ဘတ်ဂျက်ရေးဆွဲတင်ပြရမည့်အချိန် နှင့်မကိုက်ညီတော့သဖြင့် အဆိုပါဥပဒေအား ပြင်ဆင်ရေးဆွဲရန်လိုအပ်ခြင်း၊ ပြည်ပအကူ အညီ၊ ချေးငွေများအတွက် မိမိဘဏ္ဍာနှစ်နှင့် မကိုက်ညီသည့်နိုင်ငံ၊ အဖွဲ့အစည်းများနှင့် အချိန်ညှိနှိုင်းရခြင်း၊ အထွေထွေ ရွေးကောက်ပွဲ ကျင်းပသည့်နှစ်တွင် လက်ရှိအစိုးရက ရေး ဆွဲ၍ အကောင်အထည်ဖော်ဆောင်ရွက် လျက်ရှိသော ဘတ်ဂျက်သည် အစိုးရသစ်သို့ တာဝန်လွှဲပြောင်းပေးချိန်တွင် အကောင် အထည်ဖော် ဆောင်ရွက်မှု ခြောက်လသာ ရှိသေးခြင်း စသည့်အားနည်းချက်များရှိကြောင်း ဒုတိယ၀န်ကြီး၏ ပြောကြားချက်အရ သိရသည်။

ထို့ပြင် အောက်တိုဘာ ၁၇ ရက်တွင်ပြု လုပ်သည့် ပြည်ထောင်စုလွှတ်တော်အစည်း အဝေးတွင် စီမံကိန်းနှင့်ဘဏ္ဍာရေးဝန်ကြီး ဌာနက ပြည်ထောင်စုအစိုးရအဖွဲ့ကိုယ်စား ၂၀၁၇-၂၀၁၈ ဘဏ္ဍာနှစ် ပြည်ထောင်စု၏ ဖြည့်စွက်ငွေအပါအ၀င် ပြည်ထောင်စု၏ နောက်ထပ်ဘဏ္ဍာငွေခွဲဝေသုံးစွဲရေးဥပဒေ ကြမ်းနှင့်စပ်လျဉ်း၍ လွှတ်တော်သို့ တင်သွင်းခဲ့သည်။

စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး၏ ရှင်းလင်းတင်ပြချက်အရ ၂၀၁၇-၂၀၁၈ ဘဏ္ဍာနှစ်အတွက် ပြည်ထောင်စုဌာန အဖွဲ့အစည်းအလိုက် ဖြည့်စွက်ခွင့်ပြုငွေ တောင်းခံမှုမှာ ဗဟိုအဖွဲ့အစည်းများမှ ကျပ် ၀ ဒသမ ၆၆၉ ဘီလျံ၊ ၀န်ကြီးဌာနများမှ ကျပ် ၂၄၁၈ ဒသမ ၃၂၆ ဘီလျံ၊ မြန်မာ နိုင်ငံတော်ဗဟိုဘဏ်မှ ကျပ် ၅၆ ဒသမ ၅၇၉ ဘီလျံ၊ တပ်မြို့စည်ပင်သာယာရေးအဖွဲ့များ မှ ၀ ဒသမ ၀၅၀ ဘီလျံ၊ နေပြည်တော်ကောင်စီ မှ ၉ ဒသမ ၆၈၄ ဘီလျံ၊ နေပြည်တော် စည်ပင်သာယာရေး ကော်မတီမှ ကျပ် ၄ ဒသမ ၃၁၆ ဘီလျံ၊ ပြည်ထောင်စုဘဏ္ဍာရန်ပုံငွေ ပြင်ပမှ ဆောင်ရွက်သော နိုင်ငံပိုင်စီးပွားရေး အဖွဲ့အစည်းများ ဖြစ်သည့် ပို့ဆောင်ရေးနှင့် ဆက်သွယ်ရေးမှ ကျပ် ၂၈ ဒသမ ၉၂၇ ဘီလျံ၊ ရန်ကုန် လျှပ်စစ်ဓာတ်အားပေးရေး ကော်ပိုရေးရှင်းမှ ကျပ် ၂၂ ဒသမ ၇၃၃ ဘီလျံ၊ ပြည်ထောင်စုဘဏ္ဍာရန်ပုံငွေ အစီအစဉ်ပြင်ပမှ ဆောင်ရွက်သော ၀န်ကြီးဌာနနှင့် ဦးစီးဌာနများ (လူမှုဖူလုံရေးအဖွဲ့) မှ ကျပ် ၃ ဒသမ ၄၅၃ ဘီလျံ စုစုပေါင်း ကျပ် ၂၅၄၄ ဒသမ ၇၃၇ ဘီလျံဖြစ်ကြောင်း သိရသည်။

အလားတူ ပြည်ထောင်စု အစိုးရအပ်ငွေ စာရင်း၏ လိုငွေအား ဖြည့်ဆည်းရန် မြန်မာနိုင်ငံတော်ဗဟိုဘဏ်မှ ကျပ်ဘီလျံ ၁၂၀၀ ကို ထုတ်ချေးရန် လွှတ်တော်သို့ တင်ပြခဲ့သည်။

နိုင်ငံတော်သမ္မတထံမှ ပေးပို့သော ၂၀၁၇-၂၀၁၈ ဘဏ္ဍာနှစ် ပြည်ထောင်စု အစိုးရအပ်ငွေစာရင်း၏ လိုငွေအား ဖြည့်ဆည်းရန်အတွက် မြန်မာနိုင်ငံတော်ဗဟိုဘဏ်မှ ချေးငွေရယူရန်ကိစ္စနှင့် ပတ်သက်ပြီး မြန်မာနိုင်ငံတော် ဗဟိုဘဏ် ဒုတိယဥက္ကဋ္ဌ ဦးစိုးသိန်းက ပြည်ထောင်စု လွှတ်တော်သို့ ရှင်းလင်းတင်ပြ ခဲ့ခြင်းဖြစ်သည်။

ဗဟိုဘဏ် ဒုတိယဥက္ကဋ္ဌ ဦးစိုးသိန်းက “ပြည်ထောင်စု အစိုးရအနေနဲ့ ဘဏ္ဍာနှစ်အတွင်းမှာ ချေးငွေ ကျပ် ၅၂၀၀ ဘီလျံထက် မပိုစေရလို့ ပြဋ္ဌာန်းထားပါတယ်။ စီမံကိန်းနဲ့ ဘဏ္ဍာရေး ၀န်ကြီးဌာနဟာ ပြည်တွင်းမှ ချေးယူရန် လျာထားသည့် ပမာဏ ကျပ် ၃၄၄၆ ဘီလျံအနက် ကျပ် ၁၂၀၀ ဘီလျံကို မြန်မာနိုင်ငံတော် ဗဟိုဘဏ်မှ ငွေချေးယူရန် လျာထားပါတယ်။… ပြည်ထောင်စုအစိုးရ၏ ၂၀၁၇-၂၀၁၈ ဘဏ္ဍာနှစ်တွင် ဖြစ်ပေါ်လာမည့် ပြည်ထောင်စုအစိုးရ၏ အပ်ငွေစာရင်း လိုငွေအနက် ကျပ် ၁၂၀၀ ဘီလျံကို မြန်မာ နိုင်ငံတော်ဗဟိုဘဏ်က အစိုးရငွေတိုက် လက်မှတ်များ ၀ယ်ယူခြင်းဖြင့် ဖြည့်ဆည်းပေးမည်ဖြစ်ရာ ပြည်ထောင်စုလွှတ်တော်၏ သဘောတူညီမှုကိုရယူရန် တင်ပြခြင်း ဖြစ်ပါတယ်” ဟု လွှတ်တော်သို့ တင်ပြခဲ့သည်။

 

အနည်းဆုံး အခကြေးငွေ သတ်မှတ်ရေးဆိုင်ရာ အမျိုးသားကော်မတီ တတိယအကြိမ် အစည်းအဝေးတွင် ကျပ် ၄၀၀၀ မှ ၄၈၀၀ ကြား ဆုံးဖြတ်ခဲ့သည့်အပေါ် ပြည်ထောင်စုဝန်ကြီး၏ ပြောကြားမှု မှားယွင်းနေကြောင်း ရှင်းလင်း

အနိမ့်ဆုံး အခကြေးငွေဆိုင်ရာ CTUM ၏ သဘောထားထုတ်ပြန်ချက် ရှင်းလင်းပွဲတွင် ဦးဝင်းဇော် ပြောကြားနေသည်ကို တွေ့ရစဉ်

အနည်းဆုံးအခကြေးငွေ သတ်မှတ်ရေးဆိုင်ရာ အမျိုးသားအဆင့်ကော်မတီ တတိယအကြိမ်မြောက် အစည်းအဝေးတွင် တစ်ရက်လျှင် ကျပ် ၄၀၀၀ မှ ၄၈၀၀ ကြား ဆုံးဖြတ်ခဲ့ကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေ၏ ပြောကြားမှုမှာ မှားယွင်းနေကြောင်း မြန်မာနိုင်ငံလုံးဆိုင်ရာ အလုပ်သမားသမဂ္ဂများအဖွဲ့ချုပ် CTUM က အောက်တိုဘာ ၁၇ ရက်က ရှင်းလင်းခဲ့သည်။

ရန်ကုန်မြို့ Orchid ဟိုတယ်၌ CTUM က ပြုလုပ်သည့် အနည်းဆုံး အခကြေးငွေဆိုင်ရာ သဘောထားထုတ်ပြန်ချက် သတင်းစာရှင်းလင်းပွဲတွင် အနည်းဆုံးအခကြေးငွေ သတ်မှတ်ရေး အမျိုးသားကော်မတီဝင်၊ CTUM ဗဟိုကော်မတီဝင် ဦးဝင်းဇော်က အောက်တိုဘာ ၂ ရက်တွင်ပြုလုပ်ခဲ့သည့် တတိယအကြိမ်မြောက် အနည်းဆုံးအခကြေးငွေဆိုင်ရာ အမျိုးသားအဆင့်အစည်းအဝေးတွင် ဆုံးဖြတ်ခဲ့သည်မှာ အနိမ့်ဆုံးလုပ်ခလစာကို လုပ်ငန်းအမျိုးအစားမခွဲခြားဘဲ တစ်နိုင်ငံလုံး တစ်ပြေးညီသတ်မှတ်ရေး၊ ၂၀၁၅ ခုနှစ်က သတ်မှတ်ခဲ့သည့် အလုပ်သမား ၁၅ ဦးနှင့်အထက်ကိုသာ အနိမ့်ဆုံးလုပ်ခလစာ နှုန်းထားအတိုင်းပေးသည်ကို ပြင်ဆင်သတ်မှတ်ရေးကိုသာ အစည်းအဝေးတွင် သဘောတူညီခဲ့ခြင်းဖြစ်ကြောင်းနှင့် ပြည်ထောင်စုဝန်ကြီး ပြောကြားခဲ့သည့်အချက်မှာ မှားယွင်းနေကြောင်း ရှင်းလင်းပြောကြားသည်။

“ပြည်ထောင်စုဝန်ကြီး ဦးသိန်းဆွေ တင်ပြနေတဲ့ အဓိကအကျဆုံးအချက်ဖြစ်တဲ့ ၄၀၀၀ က ၄၈၀၀ ကြား အမျိုးသားကော်မတီက သဘောတူဆုံးဖြတ်ပါတယ်ဆိုတာက မှားယွင်းနေပါတယ်ဆိုတာ ကျွန်တော် ဒီနေရာကနေ အတိအကျ ပြောပါတယ်။ ၄၀၀၀ က ၄၈၀၀ ကြားကို ၀န်ကြီးအနေနဲ့ အဆိုပြုနှုန်းထားတစ်ရပ်ကို အသားပေးမဆွဲထားသင့်ဘူးလို့ ကျွန်တော်တို့အစည်းအဝေးမှာ တရားဝင်ဆွေးနွေးခဲ့ပါတယ်။ သက်ဆိုင်ရာ တိုင်းဒေသကြီးနဲ့ ပြည်နယ်တွေ တင်ပြလာတာက ၄၀၀၀ က ၆၄၀၀ ကြားရှိတယ်။ အဲဒါကြောင့် ၄၀၀၀ က ၆၄၀၀ ကြားကို သက်ဆိုင်ရာတိုင်းဒေသကြီးနဲ့ ပြည်နယ်တွေက အစိုးရ၊ အလုပ်ရှင်၊ အလုပ်သမား သုံးပွင့်ဆိုင်ဖိုရမ်တစ်ခုကို ဒီဇင်ဘာမတိုင်ခင်မှာ ကျင်းပပေးပါ။ အဲဒီပွဲမှာ အမျိုးသားကော်မတီကနေမှတ်တမ်းရယူပြီး လေးကြိမ်မြောက်ဖြစ်တဲ့ ဒီဇင်ဘာလမှာ အဆိုပြုနှုန်းထားတစ်ရပ်ကို အတည်ပြု ဆုံးဖြတ်မယ်လို့ ကျွန်တော်တို့ ဒီအစည်းဝေးမှာ တရားဝင်ပြောလိုက်ပါတယ်။ ဒါပေမဲ့ ပွဲပြီးသွားတဲ့အခါမှာ ဦးသိန်းဆွေနဲ့ အင်တာဗျူးတဲ့နေရာမှာ ၄၀၀၀ မှ ၄၈၀၀ ကြားကို အမျိုးသားကော်မတီက သဘောတူဆုံးဖြတ်ခဲ့ပါတယ်ဆိုတာ မဟုတ်ပါဘူးဆိုတာကို ကျွန်တော်က တရားဝင် ပြန်လည်ရှင်းလင်းတင်ပြခြင်း ဖြစ်ပါတယ်” ဟု ဦးဝင်းဇော်က ပြောကြားသည်။

မြန်မာနိုင်ငံလုံးဆိုင်ရာ အလုပ်သမားသမဂ္ဂများအဖွဲ့ချုပ်က ၂၀၁၇ ခုနှစ် ဇွန်မှသြဂုတ်လအထိ တိုင်းဒေသကြီးလေးခုနှင့် ပြည်နယ်နှစ်ခုတို့တွင် တစ်ဦးချင်းတစ်ရက် ပျမ်းမျှအနည်းဆုံး အသုံးစရိတ်နှင့် မိသားတစ်စု၏ တစ်လလျှင် ပျမ်းမျှနေထိုင်စားသောက်စရိတ် ကုန်ကျမှုတို့ကို စစ်တမ်းကောက်ယူခဲ့ပြီး ၎င်းစစ်တမ်းအရ CTUM ၏သတ်မှတ်ချက်မှာ တစ်ရက်လျှင် အနိမ့်ဆုံးလုပ်ခလစာ ကျပ် ၆၆၀၀ နှုန်းဖြစ်ကြောင်း သိရသည်။

 

MDCF အဖွဲ့ခေါင်းဆောင် ကိုထင်ကျော်၏ သမ္မတဟောင်း ဦးသိန်းစိန်အပါအ၀င် ၁၁ ဦးအား အရေးယူပေးရန် မြို့နယ်တရားရုံးသို့ ဦးတိုက်လျှောက်ထားမှု အမှုဖွင့်စစ်ဆေးရန် လုံလောက်သည့် အကြောင်းအချက်မရှိဟုဆိုကာ ပလပ်

MDCF (ဒီမိုကရေစီအရေး စဉ်ဆက်မပြတ်လှုပ်ရှားမှု အင်အားစု) အဖွဲ့ခေါင်းဆောင် ကိုထင်ကျော်၏ သမ္မတဟောင်း ဦးသိန်းစိန်အပါအ၀င် ၁၁ ဦးအား အရေးယူပေးရန် မြောက်ဥက္ကလာပမြို့နယ်တရားရုံးသို့ ဦးတိုက်လျှောက်ထားမှုကို အောက်တိုဘာ ၁၇ ရက်တွင် တရားရုံးကပလပ်ခဲ့ကြောင်း သိရသည်။

MDCF အဖွဲ့က သမ္မတဟောင်းနှင့် အစိုးရဟောင်းတာဝန်ရှိသူ ၁၁ ဦးအား တရားစွဲဆိုရန်အတွက် ၎င်းတို့တွင် ခိုင်မာသည့် အချက်အလက်များရှိသည်ဟုဆိုကာ ယခုလပထမပတ်အတွင်းမှစ၍ မြို့နယ်တရားရုံးနှင့် မြို့မစခန်းများသို့ အမှုဖွင့်တိုင်ကြားမှုများ ပြုလုပ်နေခြင်းဖြစ်ကြောင်း သိရသည်။

တရားရုံးသို့ ဦးတိုက်လျှောက်ထားမှုနှင့် ပတ်သက်၍ မြောက်ဥက္ကလာပမြို့နယ် တရားသူကြီး၏ အကြောင်းပြန်စာတွင် “ယခုလျှောက်ထားမှုပါ အကြောင်းအရာများသည် ကျန်တရားရုံးသို့ ဇန်န၀ါရီ ၁၁ ရက်က MDCF အဖွဲ့ခေါင်းဆောင်ကိုထင်ကျော်မှ ဦးသိန်းစိန်ပါ သုံးဦးအပေါ် လျှောက်ထားချက်ပါ အကြောင်းအရာများနှင့် ထပ်တူကျလျက်ရှိပြီး ယခင်လျှောက်ထားစဉ်က လျှောက်လွှာပါအချက်များမှာ သက်ဆိုင်ရာတရားရုံးမှ ပြစ်ဒဏ်အသီးသီး ကျခံနေရသည့် အကျဉ်းသားများမှ ပြောပြသည့်အချက်များအပေါ် အခြေပြုလျက် တရားစွဲဆိုခြင်းဖြစ်ကြောင်းနှင့် အမှုဖွင့်စစ်ဆေးရန် လုံလောက်သည့် အကြောင်းအချက်မရှိသဖြင့် တိုင်လျှောက်လွှာအား ပြန်ပေးခဲ့ပြီးဖြစ်သည်။ ဤလျှောက်လွှာမှာလည်း အဆိုပါအကြောင်းအရာကိုပင် ထပ်မံလျှောက်ထားခြင်းဖြစ်၍ ယခုလျှောက်လွှာအား ပြန်ပေးသည်” ဟုဖော်ပြပါရှိသည်။

ထို့ပြင် မြောက်ဥက္ကလာပမြို့မ ရဲစခန်းကလည်း MDCF အဖွဲ့၏တိုင်ကြားမှုမှာ သက်ဆိုင်ရာတရားရုံးများမှ စစ်ဆေးစီရင် အမိန့်ချမှတ်ပြီးပြတ်ပြီးဖြစ်သဖြင့် အမှုအား စုံစမ်းထောက်လှမ်းရန် အကြောင်းမလုံလောက်သည့်အတွက် ရာဇ၀တ်ကျင့်ထုံးဥပဒေပုဒ် မ-၁၅၇ (၁)(ခ)အရ အမှုဖွင့်စစ်ဆေးရန် ငြင်းပယ်ကြောင်း အကြောင်းပြန်စာ ပေးပို့ထားကြောင်း သိရသည်။

“ဦးတိုက်လျှောက်ထားလို့မရဘူးဆိုရင် ကျင့် ၁၅၄ ကို ကျွန်တော်တို့ ပြန်ကျင့်သုံးရမယ်။ အဲဒီအတွက်ကို စခန်းမှာ ရာဇ၀တ်ကြောင်းနဲ့အမှုဖွင့်တယ်။ အဲဒီတော့ ပြီးခဲ့တဲ့ ၁၂ ရက်က မြောက်ဥက္ကလာပရဲစခန်းမှာ အမှုဖွင့်တယ်။ အဲဒီမှာဘာထူးခြားချက်ရှိလဲဆိုတော့ မနေ့ကနေ့လည် ၁ နာရီမှာ စခန်းမှူးကနေပြီးတော့ အထက်ကိုတင်ပြတဲ့ ရဲမှုခင်းဆိုင်ရာကို နံပါတ်ပေးတယ်။ အဲဒီနံပါတ်ကိုပေးပြီးတော့ မနေ့က ည ၉ နာရီမှာ အမှုကိုတိုင်လျှောက်ချက်ကို ငြင်းပယ်ကြောင်း စာလာပေးတယ်။ အဲဒီတော့ ဘာကြောင့်ငြင်းလဲ အကြောင်းပြချက်ပြဆိုတော့ ဒီဟာတွေက တရားရုံးက ဆုံးဖြတ်ပြီးသားဖြစ်တယ်။ ဘာတွေဆုံးဖြတ်ထားလဲ ကျွန်တော့်ကိုပြဆိုတော့ အတွင်းစာကတော့ဗျာ တရားရုံးက အမိန့်ချထားပြီးဖြစ်တော့ အမှုဖွင့်လို့မရဘူးလို့ဆိုတယ်” ဟု MDCF အဖွဲ့ခေါင်းဆောင် ကိုထင်ကျော်က အောက်တိုဘာ ၁၇ ရက်တွင် ပြောကြားသည်။

ထိုသို့လျှောက်ထားမှု ပယ်ချခံထားရသော်လည်း တရားစွဲဆိုခွင့်ရရှိရေးအတွက် အထက်သို့ အဆင့်ဆင့်တိုင်ကြားသွားမည်ဖြစ်ကြောင်း MDCF အဖွဲ့ခေါင်းဆောင် ကိုထင်ကျော်က ပြောကြားသည်။