နိုင်ငံတော်သမ္မတရုံးက တိုက်ရိုက်တာဝန်ယူသည့် မူးယစ်အထူးသတင်း တိုင်ကြားရေးဌာနသို့ ပြည်သူများက သတင်းပေးပို့ ကူညီနေသော်လည်း ပမာဏကြီးမားသည့် မူးယစ်သတင်းရရှိမှု၊ ဖမ်းဆီးရမိမှု နည်းပါးနေဆဲဖြစ်ကြောင်း အတိုင်ပင်ခံရုံးဝန်ကြီး ပြောကြား

နိုင်ငံတော်သမ္မတရုံးမှ တိုက်ရိုက်တာဝန်ယူသည့် မူးယစ်အထူးသတင်း တိုင်ကြားရေးဌာနသို့ ပြည်သူများက သတင်းပေးပို့ ကူညီနေသော်လည်း ထုနှင့်ထည်နှင့် ပမာဏကြီးမားသည့် မူးယစ်သတင်းရရှိမှု၊ ဖမ်းဆီးရမိမှု နည်းပါးနေဆဲဖြစ်ကြောင်း နိုင်ငံတော်အတိုင်ပင်ခံရုံးဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေက ပြောကြားသည်။

နေပြည်တော်၌ စက်တင်ဘာ ၁၉ ရက်က ပြုလုပ်သည့် ပြည်ထောင်စုလွှတ်တော် အစည်းအဝေးတွင် နိုင်ငံတော်၏ အခြေအနေ အရပ်ရပ်နှင့်စပ်လျဉ်း၍ ပြည်ထောင်စုအစိုးရအဖွဲ့ကိုယ်စား နိုင်ငံတော်အတိုင်ပင်ခံရုံးဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေက လွှတ်တော်သို့ ရှင်းလင်းတင်ပြရာ၌ ထည့်သွင်းပြောကြားခဲ့ခြင်းဖြစ်သည်။

“နိုင်ငံတော်သမ္မတရုံးကနေ တိုက်ရိုက်တာဝန်ယူတဲ့ မူးယစ်အထူးသတင်း တိုင်ကြားရေးဌာနကို ပြည်သူတွေက အစဉ်အမြဲသတင်းတွေ ပေးပို့ပြီး ကူညီပံပိုးနေကြတာကို အားရဖွယ် တွေ့မြင်နေရပါတယ်။ ဒါပေမဲ့လည်း ထုနဲ့ထည်နဲ့ ပမာဏကြီးမားတဲ့ မူးယစ်သတင်းတွေ ရရှိမှု၊ ဖမ်းဆီးရမိမှုတွေ နည်းပါးနေတုန်း ဖြစ်ပါတယ်” ဟု ပြည်ထောင်စုဝန်ကြီး ဦးကျော်တင့်ဆွေက ပြောကြားသည်။

မူးယစ်အထူးသတင်း တိုင်ကြားရေးဌာနကို စတင်ဖွင့်လှစ်ခဲ့သည့် ၂၀၁၈ ခုနှစ် ဇွန် ၂၇ ရက်မှ ၂၀၁၈ ခုနှစ် စက်တင်ဘာ ၁၇ ရက်အထိ တိုင်ကြားပေးပို့လာသည့် တိုင်ကြားမှု စုစုပေါင်း ၆၉၈ မှုအနက် အမှုပေါင်း ၅၁၄ မှုကို စုံစမ်းဖော်ထုတ်ခဲ့ရာတွင် ဖော်ထုတ် ဖမ်းဆီးရမိမှုမှာ ၁၇၄ မှုဖြစ်ကြောင်း၊ တရားခံ ကျား ၃၅၆ ဦး၊ မ ၇၀ ဦး၊ စုစုပေါင်း ၄၂၆ ဦး ဖမ်းဆီးရမိခဲ့ပြီး ဘိန်းဖြူ ၂၆၂၆ ဒသမ ၉၇ ဂရမ်၊ ICE ၁၆ ဒသမ ၇၁ ဂရမ်၊ ဘိန်း ၃၄၈၉၆ ဒသမ ၈၅ ဂရမ်၊ စိတ်ကြွဆေးပြား စုစုပေါင်း ၁၄၄၇၈၁ ပြား၊ ဆေးခြောက် ၃၃၅၆ ဒသမ ၇၄ ဂရမ်၊ သေနတ်မျိုးစုံ ၁၀ လက်၊ ကျည်မျိုးစုံ ၁၇၉ တောင့်၊ လက်ပစ်ဗုံးတစ်လုံးတို့ကို ဖော်ထုတ် ဖမ်းဆီးရမိခဲ့ကြောင်း ပြည်ထောင်စုဝန်ကြီးက ဆိုသည်။

မူးယစ်ဆေးဝါးနှင့် စိတ်ကိုပြောင်းလဲစေတတ်သော ဆေးဝါးများ သုံးစွဲသူများအား ဆေးကုသပေးရေး၊ အသိပညာပေးရေး၊ ကူညီထောက်ပံ့မှုများပေးရေး၊ ကောင်းမွန်သည့် လူမှုဘ၀သို့ ပြန်လည်ရောက်ရှိစေရေး၊ ရုပ်ပိုင်းဆိုင်ရာ၊ စိတ်ပိုင်းဆိုင်ရာ ပြန်လည်ထူထောင်စေရေး၊ အသက်မွေးဝမ်းကျောင်း ပညာရပ်များ သင်ကြားပေးရေးတို့အတွက် မူးယစ်ဗဟိုမှ တိုက်ရိုက်ကြီးကြပ်သည့် လူငယ်များ ပြုစုပျိုးထောင်ရေးစခန်း သုံးခုနှင့် လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာနမှ ကြီးကြပ်သော ပြန်လည်ထူထောင်ရေးစခန်း ကိုးခုတို့ကို ဖွင့်လှစ်ပြီး စီမံဆောင်ရွက်လျက်ရှိကြောင်း ၎င်းက ဆက်လက်ပြောကြားသည်။

ထို့ပြင် တရားဥပဒေ စိုးမိုးရေးအတွက် အဓိကအရေးပါသည့် မြန်မာနိုင်ငံရဲတပ်ဖွဲ့ကို ပြုပြင်ပြောင်းလဲရေးဆောင်ရွက်ရာတွင် ဖွဲ့စည်းပုံအဆင့်မြှင့်တင်တိုးချဲ့ခြင်း၊ ခေတ်မီလက်နက်များ ပြောင်းလဲတပ်ဆင်ခြင်း၊ နိုင်ငံတကာ အဖွဲ့အစည်းများနှင့် ပူးပေါင်းပြီး သင်တန်းကျောင်းများ အဆင့်မြှင့်တင်ခြင်းများ ဆောင်ရွက်ပေးခဲ့ကြောင်း၊ မှုခင်းသုံးနည်းပညာပစ္စည်းများ၊ DNA ဓာတ်ခွဲခန်းသုံး ပစ္စည်းများ၊ လုံခြုံရေးနှင့် ဆက်သွယ်ရေးဆိုင်ရာ ပစ္စည်းကိရိယာများကို နိုင်ငံတော်မှ ဖြည့်ဆည်း ဆောင်ရွက်ပေးလျက်ရှိကြောင်း၊ အသွင်ကူးပြောင်းခဲ့သည့်နိုင်ငံများ၏ ဖြစ်စဉ်များကို လေ့လာသုံးသပ်ချက်အရ တရားဥပဒေစိုးမိုးမှု ခိုင်မာအောင် တည်ဆောက်နိုင်ရန် အနည်းဆုံး ပျမ်းမျှ ၁၀ နှစ်အထိ အချိန်ယူရသည်ဆိုသည်ကို တွေ့ရှိရကြောင်း၊ တိုင်းရင်းသားပြည်သူအားလုံး လုံခြုံအေးချမ်း စိတ်ချမ်းသာစွာ နေထိုင်နိုင်ကြရန် တရားဥပဒေစိုးမိုးမှု ခိုင်မာအားကောင်းသည့် လူ့ဘောင်အဖွဲ့အစည်း အတွင်းတွင် နေထိုင်ရှင်သန်နိုင်ရန် အရှိန်အဟုန်မြှင့်ပြီး ရေရှည်ကြိုးပမ်း ဆောင်ရွက်ရမည့် လုပ်ငန်းစဉ်တစ်ခုဖြစ်ကြောင်း ပြည်ထောင်စုဝန်ကြီး ဦးကျော်တင့်ဆွေက ပြောကြားသည်။

ဘင်္ဂါလီမွတ်စလင်များအပေါ် ကျူးလွန်ခဲ့သည့် ရာဇ၀တ်မှုများနှင့် ပတ်သက်၍ ICC က မြန်မာနိုင်ငံကို အကြိုစုံစမ်းစစ်ဆေးမှု စတင်

လူသတ်မှုများ၊ လိင်ပိုင်းဆိုင်ရာ အကြမ်းဖက်မှုများနှင့် အတင်းအကျပ် နှင်ထုတ်ခြင်းများ အပါအ၀င် ဘင်္ဂါလီမွတ်စလင် (မူရင်းတွင် ရိုဟင်ဂျာမွတ်စလင်ဟု ဖော်ပြ ထား) များအပေါ် မြန်မာနိုင်ငံ၏ ရာဇ၀တ်မှုများကို အပြည်ပြည်ဆိုင်ရာ ရာဇ၀တ်ရုံး၏ ရှေ့နေက စက်တင်ဘာ ၁၈ ရက်တွင် အကြိုစုံစမ်း စစ်ဆေးမှု စတင်ခဲ့သည်။

အိမ်နီးချင်းဘင်္ဂလားဒေ့ရ်ှနိုင်ငံသို့ ဘင်္ဂါလီ ၇၀၀၀၀၀ ခန့် ထွက်ပြေးသွားစေခဲ့ရသည့် မြန်မာ့စစ်တပ်၏ ဖြိုခွင်းမှုကို အပြည့်အ၀စုံ စမ်းစစ်ဆေးမည့် ၀ရမ်းထုတ်ပေးရန် လုံလောက်သော သက်သေအထောက်အထား ရှိ၊ မရှိ ရှေ့နေဖာတူးဘင်ဆူဒါက စုံစမ်း စစ်ဆေးသွားလိမ့်မည်ဖြစ်သည်။ မြန်မာနိုင်ငံသည် သည်ဟိဂ်အခြေစိုက် ICC နှင့် လက်မှတ်ရေးထိုးထားခြင်း မရှိသည့်တိုင် ဘင်္ဂလားဒေ့ရ်ှသည် ICC အဖွဲ့ဝင်ဖြစ်သောကြောင့် ဘင်္ဂါလီများအပေါ် ကျူးလွန်သည့် ရာဇ၀တ်မှုများကို အပြည်ပြည်ဆိုင်ရာ ရာဇ၀တ်ရုံး အနေဖြင့် တရားစီရင်ခွင့်ရှိနေဆဲဖြစ်ကြောင်း တရားသူကြီးများက ဆုံးဖြတ်ခဲ့ပြီးနောက် သီတင်းနှစ်ပတ်နီးပါးအကြာတွင် အကြိုစုံစမ်း စစ်ဆေးမှုကို စတင်ခဲ့ခြင်းဖြစ်သည်။ “လုပ်ငန်းစဉ်ရဲ့ နောက်တစ်ဆင့်ကို ဆက်လက် ဆောင်ရွက်သွားဖို့နဲ့ အခြေအနေကို လက်တွေ့ကျကျ အပြည့်အ၀ အကြိုစုံစမ်း စစ်ဆေးတာကို လုပ်ဆောင်ဖို့ ကျွန်မဆုံးဖြတ်ခဲ့တာ ဖြစ်ပါတယ်” ဟု ဘင်ဆူဒါက ကြေညာချက်တွင် ပြောကြားထားသည်။

ဘင်္ဂါလီမွတ်စလင်တို့ကို အတင်းအကျပ်အိမ်ရာ စွန့်ပစ်ပေးစေခဲ့ရသည့် နိုင်ထက်စီးနင်းပြုမူမှုများကို ကနဦးစုံစမ်း စစ်ဆေးမှုက ထည့်သွင်းစဉ်းစားဖွယ်ရှိနေပြီး ထိုအထဲတွင် ဘင်္ဂါလီတို့၏ အခြေခံ အခွင့်အရေးများ ကိုပိတ်ပင်ထားခြင်း၊ သတ်ဖြတ်ခြင်း၊ လိင်ပိုင်းဆိုင်ရာ အကြမ်းဖက်ခြင်း၊ အတင်းအကျပ် ဖမ်းဆီးခေါ်ဆောင်ခြင်း၊ ဖျက်ဆီးခြင်း၊ ဖောက်ထွင်းခိုးယူခြင်းတို့လည်း ပါဝင်သည်ဟု ဘင်ဆူဒါက ပြောကြားခဲ့သည်။ ညှဉ်းပန်းနှိပ်စက်ခြင်း၊ အခြားလူမဆန်သောလုပ်ရပ်များ စသည်တို့ကဲ့သို့ အခြားရာဇ၀တ်မှုများကို ဘင်္ဂါလီများ၏ အတိဒုက္ခတွင် ထည့်သွင်းခြင်းပြုမပြုဆိုသည်ကိုလည်း စဉ်းစားသွားမည်ဖြစ်ကြောင်း ၎င်းက ဆက်လက် ပြောကြားခဲ့သည်။ ပဏာမစုံစမ်းစစ်ဆေးမှုသည် စစ်ရာဇ၀တ်မှုများနှင့် လူသားအပေါ် ကျူးလွန်သော ရာဇ၀တ်မှုများအား စုံစမ်းစစ်ဆေးရန် ၂၀၀၂ ခုနှစ်တွင် ထူထောင်ခဲ့သော ICC အတွက် တရားဝင်စုံစမ်းစစ်ဆေးမှုဆီသို့ ဦးတည်သွားစေနိုင်ပြီး ယင်းနောက်စွဲချက်တင်မှုများ ဖြစ်လာနိုင်စရာ ရှိနေသည်။

မြန်မာစစ်တပ်သည် ဘင်္ဂလီမွတ်စလင်များအပေါ် နားလည်ရန် အလွန်ခက်ခဲသော အကြမ်းဖက်နည်း အဆင့်ဆင့်ကို အသုံးပြုခဲ့ခြင်းဖြစ်ပြီး လူမျိုးဖြုတ်သတ်ဖြတ်သည့်အတွက် တရားစီရင်သင့်ကြောင်း ကုလသမဂ္ဂ စုံစမ်းစစ်ဆေးသူများက ပြောကြားခဲ့သည့် နေ့နှင့်တစ်ရက်တည်းမှာပင် ICC ကြေညာချက် ထွက်ပေါ်လာခဲ့သည်။ ဘင်္ဂါလီများအပေါ် ရာဇ၀တ်မှု ကျူးလွန်ခြင်းများအား ICC သို့ လွှဲပြောင်းပေးရမည်ဆိုသော အကြံပြုချက်များကို ကုလမဂ္ဂ အချက်အလက် ရှာဖွေရေးမစ်ရှင်က ထပ်တလဲလဲ ပြောကြားခဲ့သည်။ အပြည်ပြည်ဆိုင်ရာ ရာဇ၀တ်ရုံးက ဘင်္ဂါလီများအတွက် တရားမျှတမှုဆီသွားသော အရေးပါသည့်လမ်းကြောင်းကို ဖွင့်ပေးခဲ့ခြင်းသည် ကြီးကျယ်လှကြောင်း အပြည်ပြည်ဆိုင် ရာလွတ်ငြိမ်းချမ်းသာခွင့်အဖွဲ့က ပြောကြားခဲ့သည်။ “နိုင်တကာဥပဒေအရ ရာဇ၀တ်မှုအားလုံးကို စုံစမ်းစစ်ဆေးနိုင်အောင်လို့ ကုလသမဂ္ဂလုံခြုံရေးကောင်စီဟာ မြန်မာနိုင်ငံက အခြေအနေကို ICC ထံလွှဲပြောင်းပေးဖို့ လိုအပ်တယ်ဆိုတဲ့ အရှိန်အဟုန်ကို ဆက်လက်ထိန်းထားပါ” ဟု နိုင်ငံတကာလွတ်ငြိမ်းချမ်းသာခွင့်အဖွဲ့က ၎င်းတို့၏ တွစ်တာတွင် ပြောကြားခဲ့သည်။

Ref: AFP

၂၀၀၈ ဖွဲ့စည်းပုံအခြေခံဥပဒေအား တစ်ဆင့်ပြီးတစ်ဆင့် ပြင်ဆင်နိုင်မှသာ အသွင်ကူးပြောင်းရေးကို အစိုးရအနေဖြင့် အာမခံနိုင်မည်ဟု ပြည်ထောင်စုဝန်ကြီး ဦးကျော်တင့်ဆွေ လွှတ်တော်တွင် ပြောကြား

နိုင်ငံတော်၏ အခြေအနေအရပ်ရပ်နှင့်စပ်လျဉ်း၍ ပြည်ထောင်စုအစိုးရအဖွဲ့ကိုယ်စား ပြည်ထောင်စုဝန်ကြီးဦးကျော်တင့်ဆွေက စက်တင်ဘာ ၁၉ ရက်က ပြုလုပ်သည့် ပြည်ထောင်စုလွှတ်တော်အစည်းအဝေးတွင် ရှင်းလင်းတင်ပြစဉ်

၂၀၀၈ ခုနှစ် ဖွဲ့စည်းပုံအခြေခံဥပဒေကို ဆွေးနွေးညှိနှိုင်းပြီး အစိုးရမျှော်မှန်းထားသည့်အတိုင်း တစ်ဆင့်ပြီးတစ်ဆင့် ပြင်ဆင်နိုင်မှသာ အသွင်ကူးပြောင်းရေးကို အစိုးရအနေဖြင့် အာမခံနိုင်မည်ဟု ပြည်ထောင်စုဝန်ကြီး ဦးကျော်တင့်ဆွေက ပြည်ထောင်စုလွှတ်တော်တွင် ရှင်းလင်း ပြောကြားခဲ့သည်။

နေပြည်တော်၌ စက်တင်ဘာ ၁၉ ရက်က ပြုလုပ်သည့် ပြည်ထောင်စုလွှတ်တော် အစည်းအဝေးတွင် နိုင်ငံတော်၏ အခြေအနေ အရပ်ရပ်နှင့်စပ်လျဉ်း၍ ပြည်ထောင်စုအစိုးရအဖွဲ့ကိုယ်စား နိုင်ငံတော်အတိုင်ပင်ခံရုံးဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေက ပြည်ထောင်စုလွှတ်တော်သို့ ရှင်းလင်း တင်ပြစဉ် အထက်ပါအတိုင်း ထည့်သွင်း ပြောကြားခဲ့ခြင်းဖြစ်သည်။

“၂၀၀၈ ခုနှစ် ဖွဲ့စည်းပုံအခြေခံဥပဒေကို ဆွေးနွေးညှိနှိုင်းပြီး ကျွန်တော်တို့အစိုးရ မျှော်မှန်းထားတဲ့အတိုင်း တစ်ဆင့်ပြီးတစ်ဆင့် ပြင်ဆင်နိုင်မှသာလျှင် အသွင်ကူးပြောင်းရေးကို အာမခံနိုင်မှာ ဖြစ်ပါတယ်။ ထို့အတူ တိုင်းရင်းသားလူမျိုးစုတွေ အကြားမှာလည်း လွတ်လပ်မှု၊ တန်းတူညီမျှမှုနဲ့ အပြန်အလှန် လေးစားမှုတို့ကို တည်ဆောက်နိုင်မှသာ ဒီမိုကရေစီဖက်ဒရယ်ပြည်ထောင်စု တည်ဆောက်ရေးကို အကောင်အထည်ဖော်နိုင်မှာ ဖြစ်ပါတယ်” ဟု ပြည်ထောင်စုဝန်ကြီး ဦးကျော်တင့်ဆွေက ပြောကြားသည်။

နိုင်ငံတော်အစိုးရအနေဖြင့် ငြိမ်းချမ်းရေးလုပ်ငန်းစဉ်ကို အဓိကမူဝါဒတစ်ရပ်အနေနှင့် ချမှတ်ဆောင်ရွက်ခဲ့ခြင်းဖြစ်ကြောင်း၊ ငြိမ်းချမ်းရေးလုပ်ငန်းစဉ်ကို ဗဟိုပြုပြီး အမျိုးသားပြန်လည်သင့်မြတ်ရေးကို ရယူနိုင်မည်ဆိုပါက မြန်မာနိုင်ငံ၏ ဒီမိုကရေစီ အသွင်ကူးပြောင်းရေးနှင့် ပြည်ထောင်စု တည်ဆောက်ရေးကို တည်ငြိမ်ခိုင်မာစွာဖြင့် အောင်မြင်စွာ ဖော်ဆောင်နိုင်မည်ဖြစ်ကြောင်း၊ လက်ရှိကြိုးပမ်းနေသည့် ငြိမ်းချမ်းရေးလုပ်ငန်းစဉ်၏ အဓိကရည်မှန်းချက်ပန်းတိုင်မှာ အနာဂတ်ဒီမိုကရေစီ ဖက်ဒရယ်ပြည်ထောင်စု တည်ဆောက်ရေးအတွက် နိုင်ငံရေးသဘောတူညီချက်များ ရရှိနိုင်ရန် ပြည်ထောင်စုသဘောတူစာချုပ် ခိုင်ခိုင်မာမာချုပ်ဆိုပြီး ဆက်လက် အကောင်အထည်ဖော်နိုင်ရန်ဖြစ်ကြောင်း၊ နိုင်ငံရေးဆွေးနွေးပွဲများမှတစ်ဆင့် ဘုံသဘောတူ လက်ခံနိုင်သည့် အခြေခံမူများ ထွက်ပေါ်လာအောင် ဆောင်ရွက်နေခြင်းဖြစ်ကြောင်း ပြည်ထောင်စုဝန်ကြီးက ဆက်လက် ပြောကြားသည်။

စက်တင်ဘာ ၁၉ ရက်က ကျင်းပသည့် ပြည်ထောင်စုလွှတ်တော်အစည်းအဝေးတွင် နိုင်ငံတော်၏ အခြေအနေ အရပ်ရပ်နှင့်စပ်လျဉ်း၍ ပြည်ထောင်စုအစိုးရအဖွဲ့ကိုယ်စား ပြည်ထောင်စုဝန်ကြီး ဦးကျော်တင့်ဆွေက ရှင်းလင်းတင်ပြနေစဉ် (ဓာတ်ပုံ-သမ္မတရုံး)

“လက်ရှိကြိုးပမ်းဖော်ဆောင်နေတဲ့ ငြိမ်းချမ်းရေးလုပ်ငန်းစဉ် အောင်မြင်ဖို့ တပ်မတော်ရဲ့ အခန်းကဏ္ဍကလည်း အရေးပါပါတယ်။ အားလုံးဟန်ချက်ညီတဲ့ ငြိမ်းချမ်းရေးဖြစ်စဉ်တစ်ခု ခိုင်ခိုင်မာမာ ဖြစ်လာအောင် ကြိုးပမ်းရာမှာ စိန်ခေါ်မှုတွေ အများကြီးကို ကျော်ဖြတ်ရပါတယ်။ နိုင်ငံတော်အစိုးရအနေနဲ့ မျှော်မှန်းထားတဲ့ ဒီမိုကရေစီစံနှုန်းတွေကို ရောက်အောင်သွားဖို့၊ ဖက်ဒရယ်ပြည်ထောင်စုကြီး တည်ဆောက်နိုင်ဖို့အတွက် အချိန်အပိုင်းအခြားနဲ့ အဆင့်လိုက်ရှေ့ဆက်ရမှာ ဖြစ်ပါတယ်။ အခက်အခဲတွေ၊ စိန်ခေါ်မှုတွေ ရှိနေပေမဲ့လည်း ဘုံရည်မှန်းချက်ဖြစ်တဲ့ ဒီမိုကရေစီဖက်ဒရယ်ပြည်ထောင်စု ပန်းတိုင်ကတော့ ပျောက်ပျက်သွားလို့ မရပါဘူး” ဟု ဦးကျော်တင့်ဆွေက ပြောကြားသည်။

နိုင်ငံတော်အစိုးရအနေဖြင့် နိုင်ငံတော် တည်ငြိမ်ရေး၊ ငြိမ်းချမ်းရေးနှင့် ဒီမိုကရေစီဖက်ဒရယ်ပြည်ထောင်စု တည်ဆောက်ရေးများကို ဆောင်ရွက်နေချိန်တွင် စိန်ခေါ်မှုများ ရှိနေဆဲဖြစ်ကြောင်း၊ ဒီမိုကရေစီ အသွင်ကူးပြောင်းရေးမှ ဒီမိုကရေစီ ရင့်သန်ခိုင်မာသည့် အဆင့်ကို ရောက်ရှိရန် ကြိုးပမ်းနေရဆဲဖြစ်ကြောင်း၊ ကမ္ဘာပေါ်တွင် အသွင်ကူးပြောင်းရေးနိုင်ငံများ၏ ဖြစ်စဉ်များကို လေ့လာသုံးသပ်ချက်များအရ တရားဥပဒေစိုးမိုးမှု ခိုင်မာအောင် တည်ဆောက်နိုင်ရန် အနည်းဆုံးပျမ်းမျှ ၁၀ နှစ်အထိ အချိန်ယူရသည်ကို တွေ့ရကြောင်း ၎င်းက ဆိုသည်။

နိုင်ငံတော်အစိုးရအနေဖြင့် နိုင်ငံသားအားလုံးက အမြတ်တနိုး တန်ဖိုးထားကြရသည့် ပြည်ထောင်စုတည်ဆောက်ရေးကို ပြီးမြောက်အောင် ဆောင်ရွက်နေကြောင်း၊ တစ်ဖက်တွင်လည်း တည်ငြိမ်ခိုင်မာ အောင်မြင်သည့် ဒီမိုကရေစီ အသွင်ကူးပြောင်းရေးဆိုသည့် စိန်ခေါ်မှုကြီးကို ကျော်လွှားရန် ရှိနေကြောင်း ပြည်ထောင်စုဝန်ကြီးက ပြောကြားသည်။

နိုင်ငံတော်အစိုးရအနေဖြင့် တရားဥပဒေစိုးမိုးရေးနှင့် ပြည်သူများ၏ လူမှု-စီးပွားဘ၀ တိုးတက်မြင့်မားရေး၊ အမျိုးသားပြန်လည်သင့်မြတ်ရေးနှင့် ပြည်တွင်းငြိမ်းချမ်းရေး၊ ဒီမိုကရေစီဖက်ဒရယ် ပြည်ထောင်စုကြီး တည်ဆောက်ရေးအတွက် အခြေခံအုတ်မြစ်ဖြစ်သည့် ဖွဲ့စည်းပုံအခြေခံဥပဒေ ပြင်ဆင်ရေးတို့ကို ဦးတည်ချက် ခိုင်ခိုင်မာမာထားပြီး ဆက်လက်အကောင်အထည်ဖော် ကြိုးပမ်းဆောင်ရွက်သွားမည်ဖြစ်ကြောင်း ပြည်ထောင်စုဝန်ကြီး ဦးကျော်တင့်ဆွေက ပြောကြားသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကလည်း ပြီးခဲ့သည့် သြဂုတ် ၂၁ ရက်က စင်ကာပူနိုင်ငံ ISEAS (Institute of South East Asian Studies) တွင် ပြုလုပ်သည့် Democratic Transition: Challenges and Way Forward ဟောပြောပွဲတွင် ၂၀၀၈ ဖွဲ့စည်းပုံအခြေခံဥပဒေနှင့် ပတ်သက်၍ ရွေးချယ်ခံမဟုတ်သည့် တပ်မတော်သားကိုယ်စားလှယ် ၂၅ ရာခိုင်နှုန်းကို လွှတ်တော်အတွင်းမှ လုံးဝဖယ်ရှားသွားမည်ဖြစ်ပြီး အမျိုးသားပြန်လည်သင့်မြတ်ရေးအတွက် စဉ်းစား၍ စေ့စပ်ညှိနှိုင်းမှုမှတစ်ဆင့် လုပ်ဆောင်သွားမည်ဖြစ်ကြောင်း ပြောကြားခဲ့သည်။

ယင်းဟောပြောပွဲသို့ တက်ရောက်လာသူတစ်ဦးက စစ်တပ်အုပ်ချုပ်ရေးစနစ်မှ ပြည်သူ့အုပ်ချုပ်ရေးစနစ်သို့ ပြောင်းလဲမှုအပေါ် မပြီးပြည့်စုံသေးဟု သုံးသပ်ကြောင်း၊ ပြည်သူ့အုပ်ချုပ်ရေးစနစ်သို့ ပြီးမြောက်စွာ ပြောင်းလဲနိုင်ရန် မည်ကဲ့သို့ လုပ်ဆောင်မည်နည်းဟု မေးခွန်းမေးမြန်းသည့်အပေါ် ဒေါ်အောင်ဆန်းစုကြည်က ပြန်လည်ဖြေကြားရာ၌ ထည့်သွင်း ပြောကြားခဲ့ခြင်းဖြစ်သည်။

“ဖွဲ့စည်းပုံအခြေခံဥပဒေကို ကြည့်လိုက်မယ်ဆိုရင် ဥပဒေပြုအာဏာရှိတဲ့ နေရာတိုင်းမှာ တပ်မတော်က ရွေးချယ်ထားသည့် ကိုယ်စားလှယ်များ ၂၅ ရာခိုင်နှုန်းကို တွေ့ရပါလိမ့်မယ်။ ကျွန်မတို့က ဘယ်အချိန်မဆို ၇၅ ရာခိုင်နှုန်းအတွက်ပဲ ရွေးချယ်တင်မြှောက်ခွင့် ရှိပါတယ်။ ကျွန်မအရင်က ပြောခဲ့သလိုပါပဲ။ ကျွန်မတို့ဆီမှာ ၇၅ ရာခိုင်နှုန်း အာဏာပဲရှိပြီး ခံယူရတဲ့ တာဝန်ကတော့ ၁၀၀ ရာခိုင်နှုန်းပါ။ ကျွန်မတို့အဲဒါကို အရင်ပြင်ရပါမယ်။ ကျွန်မတို့ပြင်ချင်တယ်လို့လည်း အရင်တုန်း ကတည်းက တရားဝင် တင်ပြပြောကြားခဲ့ပါပြီ။ ကျွန်မတို့က ပြည်သူတွေ မရွေးကောက်ထားတဲ့ ကိုယ်စားလှယ်များကို ဖယ်ရမယ်။ ဒါပေမဲ့ ဖယ်ရှားတာက အမျိုးသားပြန်လည်သင့်မြတ်ရေးအတွက် စဉ်းစားပြီး တစ်ဆင့်ပြီးတစ်ဆင့် ညှိနှိုင်းဆွေးနွေးမှုတွေ လုပ်ဆောင်သွားမှာပါ။ ဖွဲ့စည်းပုံအခြေခံဥပဒေ အစိတ်အပိုင်းတစ်ချို့ကလည်း ဒီမိုကရေစီမဆန်တဲ့အပိုင်းဖြစ်နေပြီး စစ်တပ်ရဲ့ အာဏာနဲ့သက်ဆိုင်ပါတယ်။ အဲဒါတွေ အကုန်လုံးအပေါ် ကျွန်မတို့ ညှိနှိုင်း ဆွေးနွေးမှုတွေ ပြုလုပ်ပြီး ပြုပြင်ရမှာဖြစ်ပါတယ်။ ကျွန်မတို့ရဲ့ ပြည်သူပြည်သားတွေ မနာကျင်စေတဲ့ နည်းလမ်းတွေ လုပ်ရမှာပါ။ မြန်မာပြည်မှာ ဒုက္ခတွေ၊ ဆူပူမှုတွေဖြစ်ခဲ့တာ များပြားလွန်းခဲ့ပြီး ပြည်သူပြည်သားတွေ ခံစားခဲ့ရတာ များပြားလွန်းခဲ့ပြီ။ ကျွန်မတို့ တိုင်းပြည်တစ်ခုလုံး ဗြောင်းဆန်သွားမယ့် တော်လှန်ရေးတွေ မဖြစ်စေချင်ပါဘူး။ ကျွန်မတို့ စိတ်ရှည်ရှည် ဇွဲကောင်းကောင်းနဲ့ တရားဥပဒေဘောင်ထဲကပဲ လုပ်မှာပါ” ဟု ဒေါ်အောင်ဆန်းစုကြည်က ပြောကြားသည်။

ဆက်လက်ပြီး ပွဲသို့တက်ရောက်လာသည့် ကျောင်းသားတစ်ဦးက မေးမြန်းရာတွင် NLD အစိုးရ တာဝန်ယူအုပ်ချုပ်နေသော်လည်း မြန်မာတပ်မတော်၏အာဏာအား ထိန်းချုပ်နိုင်ခြင်းမရှိဟု ဝေဖန်မှုများပြားနေသည်ဟု ထောက်ပြပြီး စစ်တပ်မှ အာဏာသိမ်းဖို့အား အလားအလာရှိသလားဟု မေးမြန်းခြင်းအပေါ် လက်ရှိအစိုးရယန္တရားတွင် ဗိုလ်ချုပ်ကြီးများနှင့် ညှိနှိုင်းလုပ်ဆောင်နေသည့်အတွက် အာဏာသိမ်းမှုနှင့် ပတ်သက်ပြီး စိုးရိမ်စရာမရှိကြောင်း နိုင်ငံတော်၏အတိုင်ပင်ခံပုဂ္ဂိုလ်က ဖြေကြားခဲ့သည်။

ထို့ပြင် ဒေါ်အောင်ဆန်းစုကြည်က အမျိုးသားပြန်လည်သင့်မြတ်ရေးနှင့် ပတ်သက်၍ လက်ရှိအချိန်တွင် ပင်လုံအစည်းအဝေး သုံးကြိမ်မြောက် လုပ်ဆောင်ခဲ့ပြီး တစ်ကြိမ်ပြီး မြောက်ပါက အဖိုးတန်သော တိုးတက်မှုများ ရရှိခဲ့ကြောင်း၊ တပ်မတော်၊ တိုင်းရင်းသားလက်နက်ကိုင် အဖွဲ့အစည်းများနှင့် မတူညီသော တိုင်းရင်းသားလက်နက်ကိုင်များအကြားတွင် ပစ်ခတ်တိုက်ခိုက်မှုများ ဆက်လက် ပေါ်ပေါက်နေသော်လည်း တစ်နိုင်လုံး အပစ်အခတ်ရပ်စဲရေး ရရှိနိုင်ရန် စကားဝိုင်းများ၊ ညှိနှိုင်းမှုများအား အသုံးချပြီး ယုံကြည်မှုနှင့် နားလည်မှုများကို ဆက်လက်တည်ဆောက်သွားမည်ဟု ပြောကြားခဲ့သည်။

ဆေးပညာရပ် နယ်ပယ်အသီးသီး၌ သုတေသနလုပ်ငန်းများ ဆောင်ရွက်ရန် ကျန်းမာရေးဝန်ကြီးဌာနက ၂၀၁၈-၂၀၁၉ ဘဏ္ဍာနှစ်အတွက် ကျပ်သန်း ၁၅၀၀ ခွဲဝေပေး

ရန်ကုန်မြို့ရှိ ဆေးသုတေသနဦးစီးဌာနကို တွေ့ရစဉ် (ဓာတ်ပုံ-အိသဉ္ဇာကျော်)

ဆေးပညာရပ် နယ်ပယ်အသီးသီး၌ သုတေသနလုပ်ငန်းများ ဆောင်ရွက်ရန်အတွက် ၂၀၁၈-၂၀၁၉ ဘဏ္ဍာနှစ်တွင် ဘဏ္ဍာငွေ ကျပ်သန်း ၁၅၀၀ ခွဲဝေချထားပြီးဖြစ်ကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

၂၀၁၇-၂၀၁၈ ဘဏ္ဍာနှစ်အတွင်းက သုတေသနရန်ပုံငွေအဖြစ် ကျပ်သန်း ၁၀၀၀ ခွဲဝေချထားနိုင်ခဲ့ပြီး ပြီးခဲ့သည့် ၂၀၁၈ ခုနှစ် (ဧပြီမှ စက်တင်ဘာအထိ) ကို ဘဏ္ဍာငွေကျပ် သန်း ၅၀၀ ခွဲဝေချထားပေးခဲ့ကြောင်းနှင့် သုတေသနလုပ်ငန်းများ ဆောင်ရွက်ရာတွင် ကုန်ကျစရိတ်များပြီး အချိန်တိုအတွင်း လက်တွေ့အကျိုးရလဒ်ရရှိရန် ခက်ခဲသော Basic Research များပြုလုပ်ခြင်းထက် ပြည်သူ့ကျန်းမာရေး၊ ကုသရေး၊ တိုင်းရင်းဆေး၊ အားကစားစသည်ဖြင့် လုပ်ငန်းများတွင် လက်တွေ့ ပြန်လည်အသုံးချနိုင်မည့် သုတေသနများ ပိုမိုပြုလုပ်မည်ဖြစ်ကြောင်း သိရသည်။

“ကျန်းမာရေးကဏ္ဍက အဓိကအားဖြင့် ကုသရေး၊ ရောဂါကာကွယ်ရေး၊ နှိမ်နင်းရေးအပိုင်းတွေမှာ ကျန်းမာရေးအသုံးစရိတ်ကို အဓိက အသုံးပြုနေတာဖြစ်တဲ့အတွက် သုတေသနပိုင်းမှာ အသုံးစရိတ်တွေကို မှန်းသလောက် မပေးနိုင်ခဲ့ပါဘူး။ သို့သော်လည်း ပြီးခဲ့တဲ့ ဘဏ္ဍာနှစ်ကစပြီး သုတေသနလုပ်ငန်းတွေအတွက် အသုံးစရိတ်တွေကို တိုးမြှင့်သုံးစွဲပေးခဲ့တာ တစ်ရာခိုင်နှုန်းအောက် ရနေရာကနေ တစ်ရာခိုင်နှုန်းနဲ့ နှစ်ရာခိုင်နှုန်းကြား ရလာတယ်။ ပြီးခဲ့တဲ့ ၂၀၁၇-၂၀၁၈ ဘဏ္ဍာနှစ်က သုတေသန ထောက်ပံ့ကြေးတွေနဲ့ ပတ်သက်ပြီး ကျပ်ငွေ တစ်ဘီလျံ (ကျပ်သန်း ၁၀၀၀) ပေးခဲ့တယ်။ အဓိက,ကတော့ ကျန်းမာရေးဆိုင်ရာ တက္ကသိုလ်တွေဖြစ်တဲ့ ဆေးတက္ကသိုလ်တွေနဲ့ ဆေးဘက်ဆိုင်ရာ နှီးနွှယ်တက္ကသိုလ် စုစုပေါင်း ၁၆ ခု ရှိပါတယ်။ အဲဒီ ၁၆ ခုမှာ သုတေသနဆောင်ရွက်နေကြတဲ့ ပညာရှင်တွေ၊ သူတို့ရဲ့ သုတေသနစာတမ်းတွေအတွက် ဒါကိုဦးတည်ပြီးတော့ ပေးတဲ့အတွက် ဒီရန်ပုံငွေကို တက္ကသိုလ် ၁၆ ခုက သုတေသီတွေကို ခွဲဝေထောက်ပံ့ပါတယ်။ ၀န်ကြီးဌာန အနေနဲ့ ဒီနှစ်မှာလည်း သုတေသနလုပ်ငန်းတွေအတွက် ရန်ပုံငွေကျပ်သန်း ၁၅၀၀ အထိ တိုးပေးထားပြီး လက်တွေ့ပြန်လည်အသုံးချလို့ရနိုင်မယ့် သုတေသနတွေကို ပိုမိုပြုလုပ်နိုင်ဖို့ ရည်ရွယ်ပါတယ်” ဟု ဆေးသုတေသနဦးစီးဌာန တာဝန်ရှိသူတစ်ဦးက ပြောကြားသည်။

ကျန်းမာရေးနှင့် အားကစားဝန်ကြီးဌာနသည် သုတေသနလုပ်ငန်းများ ဆောင်ရွက်ရာတွင် ကုန်ကျစရိတ်နှင့် လျော်ညီသော အသုံးဝင်ထိရောက်သော၊ အရည်အသွေးပြည့်မီသော သုတေသနလုပ်ငန်းများကို ရွေးချယ် ထောက်ပံ့နိုင်ရန်အတွက် သုတေသန အဆိုပြုလွှာများကို ရှုထောင့်ပေါင်းစုံမှသုံးသပ်၍ ရွေးချယ်ထောက်ပံ့နိုင်မည့်အဖွဲ့ကို ၂၀၁၇ ခုနှစ် ဇွန် ၂၃ ရက် ရက်စွဲပါစာအမှတ် (၃၃/ ၂၀၁၇) ဖြင့် ဖွဲ့စည်းခဲ့ကြောင်း သိရသည်။

ပြည်တွင်းရွှေဈေးနှုန်း ကျပ် ၁၀၂၉၂၀၀ အထိ စံချိန်တင် ဆက်လက်မြင့်တက်

ကမ္ဘာ့ရွှေဈေးသည် စက်တင်ဘာ ၁၉ ရက်တွင် ၁၂၀၄ ဒေါ်လာဝန်းကျင်အထိ ပြန်တက်လာပြီး ဒေါ်လာဈေးဆက်တက်နေခြင်းကြောင့် ပြည်တွင်းရွှေဈေးနှုန်း ကျပ် ၁၀၂၉၂၀၀ အထိ စံချိန်တင် ဆက်လက်မြင့်တက်ခဲ့ကြောင်း သိရသည်။

ပြည်တွင်းရွှေဈေးသည် ပြီးခဲ့သည့် ၂၀၁၇ ဇူလိုင် ၂၁ ရက်မှ စတင်ကာ ကျပ် ၉၀၀၀၀၀ အထက်ရောက်ခဲ့ပြီး ကမ္ဘာ့ရွှေဈေး မြင့်တက်မှုနှင့်အတူ စံချိန်တင်ဈေးနှုန်းများအဖြစ် သြဂုတ်လအတွင်းနှင့် စက်တင်ဘာလလယ်အထိ ဆက်တိုက် မြင့်တက်ခဲ့သည်။ ၂၀၁၇ ခုနှစ် စက်တင်ဘာ ၁၅ ရက်တွင် ၉၅၇၈၀၀ ဖြင့် စံချိန်တင်ထားကာ ၂၀၁၈ ခုနှစ် သြဂုတ် ၂၃ ရက်တွင် ကျပ် ၉၅၈၉၀၀၊ သြဂုတ် ၂၄ ရက်တွင် ကျပ် ၉၆၁၃၀၀၊ သြဂုတ် ၂၅ ရက်တွင် ကျပ် ၉၆၃၅၀၀၊ သြဂုတ် ၂၆ ရက်တွင် ကျပ် ၉၆၄၅၀၀၊ သြဂုတ် ၂၇ ရက်တွင် ကျပ် ၉၆၉၄၀၀၊ သြဂုတ် ၂၈ ရက်တွင် ၉၈၅၀၀၀ ဖြင့် ခြောက်ရက်ဆက်တိုက် စံချိန်ချိုးခဲ့သည်။ သြဂုတ် ၃၀ ရက်တွင် ကျပ် ၉၆၉၀၀၀ အထိ ပြန်လည်ကျဆင်းခဲ့ပြီး စက်တင်ဘာ ၁၁ ရက်တွင် ကျပ် ၉၉၁၇၀၀၊ စက်တင်ဘာ ၁၂ ရက်တွင် ကျပ် ၉၉၃၂၀၀၊ စက်တင်ဘာ ၁၃ ရက်တွင် ကျပ် ၉၉၆၂၀၀၊ စက်တင်ဘာ ၁၇ ရက်တွင် ကျပ် ၉၉၈၅၀၀၊ စက်တင်ဘာ ၁၈ ရက်တွင် ကျပ် ၁၀၀၇၅၀၀၊ စက်တင်ဘာ ၁၉ ရက်တွင် ကျပ် ၁၀၂၉၂၀၀ ဖြင့် အမြင့်ဆုံး စံချိန်ထပ်တင်ခဲ့သည်။

ကမ္ဘာ့ရွှေဈေးသည် ဇွန်လဆန်းမှစ၍ အကျပိုင်းသို့ရောက်လာပြီး သြဂုတ်လလယ်တွင် ၁၁၇၄ ဒေါ်လာဝန်းကျင်အထိ ကျဆင်းခဲ့ကာ စက်တင်ဘာ ၁၉ ရက်တွင် ၁၂၀၄ ဒေါ်လာဝန်းကျင် ဖြစ်ပေါ်ခဲ့သည်။

ရန်ကုန်မိုးပျံ အမြန်လမ်းစီမံကိန်းကို ရန်ကုန်မြို့၏ ယာဉ်ကြောပိတ်ဆို့မှု လျှော့ချနိုင်ရေးသာမက အလုပ်အကိုင် အခွင့်အလမ်း အများအပြားရရန်ကိုပါ ရည်မှန်းထားပြီး ၂၀၁၉ ခုနှစ်အတွင်း စတင်အကောင်အထည်ဖော်မည်

ရန်ကုန်မြို့၏ ယာဉ်ကြောပိတ်ဆို့မှုကို လျှော့ချနိုင်ရေးအတွက် အကောင်အထည် ဖော်ဆောင်မည့် ရန်ကုန်မိုးပျံ အမြန်လမ်းစီမံကိန်း လုပ်ဆောင်ရန် IFC နှင့် ညှိနှိုင်းခဲ့ပြီး ယင်းစီမံကိန်းကို ယာဉ်ကြောပိတ်ဆို့မှု လျှော့ချနိုင်ရေးသာမက အလုပ်အကိုင် အခွင့်အလမ်း အများအပြားရရန်ကိုပါ ရည်မှန်းထားပြီး ၂၀၁၉ ခုနှစ်အတွင်း စတင်အကောင်အထည် ဖော်မည်ဖြစ်ကြောင်း နိုင်ငံတော်အတိုင်ပင်ခံရုံးဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေက စက်တင်ဘာ ၁၉ ရက်တွင် ပြောကြားသည်။

ရန်ကုန်မြို့တောင်ဘက်ပိုင်းရှိ ရန်ကုန်ဆိပ်ကမ်း၊ သီလ၀ါအထူးစီးပွားရေးဇုန်နှင့် မြောက်ပိုင်းရှိ ရန်ကုန်အပြည်ပြည်ဆိုင်ရာ လေဆိပ်၊ ရန်ကုန်စက်မှုဥယျာဉ်နှင့် ရန်ကုန်-မန္တလေး အမြန်လမ်းတို့ကို ချိတ်ဆက်မည့် ၂၇ ကီလိုမီတာခန့် အရှည်ရှိ ရန်ကုန်အဆင့်မြင့် မိုးပျံအမြန်လမ်းမကြီး စီမံကိန်း တည်ဆောက်ရန် ဒေါ်လာ သန်း ၄၀၀ ၀န်းကျင် သုံးစွဲသွားမည်ဖြစ်သည်။

“ရန်ကုန်မြို့ရဲ့ ယာဉ်ကြောပိတ်ဆို့မှုကို ဖြေရှင်းနိုင်ရုံသာမက အလုပ်အကိုင် အခွင့်အလမ်း အမြောက်အမြား ထွက်ပေါ်လာရေးကိုပါ ရည်မှန်းဆောင်ရွက်နေပါတယ်” ဟု ဦးကျော်တင့်ဆွေက ပြောကြားသည်။

ရန်ကုန်မြို့တောင်ဘက်ပိုင်းရှိ ရန်ကုန်ဆိပ်ကမ်း၊ သီလ၀ါအထူးစီးပွားရေးဇုန်နှင့် မြောက်ပိုင်းရှိ ရန်ကုန်အပြည်ပြည်ဆိုင်ရာ လေဆိပ်၊ ရန်ကုန်စက်မှုဥယျာဉ်နှင့် ရန်ကုန်-မန္တလေး အမြန်လမ်းတို့ကို ချိတ်ဆက်မှု တိုးတက် ကောင်းမွန်စေမည့် ရန်ကုန်အဆင့်မြင့် မိုးပျံအမြန်လမ်းမတစ်ခုကို အကောင်အထည် ဖော်ဆောင်ရန်အတွက် အကြံပေးဝန်ဆောင်မှုပြုရန် ဆောက်လုပ်ရေးဝန်ကြီးဌာနနှင့် ကမ္ဘာ့ဘဏ်အုပ်စုဝင် အဖွဲ့အစည်းဖြစ်သော IFC (International Finance Corporation) တို့ ယခုနှစ် ဇန်န၀ါရီ ၁၁ ရက်တွင် သဘောတူညီချက် လက်မှတ်ရေးထိုးခဲ့ခြင်း ဖြစ်သည်။

ရန်ကုန်အဆင့်မြင့် မိုးပျံအမြန်လမ်းမ စီမံကိန်း သဘောတူညီချက်အရ ဆောက်လုပ်ရေးဝန်ကြီးဌာနအနေဖြင့် IFC ကို မြန်မာနိုင်ငံ၏ လူဦးရေအများဆုံးနှင့် စီးပွားရေး အချက်အချာအကျသည့် ရန်ကုန်မြို့အတွင်း အဆင့်မြင့် အခွန်ကောက်ခံမှုဖြင့် ပြုပြင်ထိန်းသိမ်းမည့် ၂၇ ကီလိုမီတာခန့် ရှည်လျားမည့် ရန်ကုန်မြို့တောင်ဘက်မှ မြောက်ဘက်သို့ ဆက်သွယ်သည့် လေးလမ်းသွား မိုးပျံအမြန် လမ်းမတည်ဆောက်မှုတွင် ဦးဆောင်အကြံပေးအဖြစ် ခန့်အပ်ခဲ့သည်။

အဆိုပါလုပ်ငန်း၏ အစိတ်အပိုင်းတစ်ရပ်အဖြစ် IFC အနေဖြင့် ပြီးပြည့်စုံသော တည်ဆောက်မှု၊ စီမံခန့်ခွဲမှု၊ လုပ်ငန်းလည်ပတ်မှုနှင့် အခြားဝန်ဆောင်မှုများကို စနစ်တကျ ပြုပြင်ထိန်းသိမ်းပေးနိုင်သည့် အတွေ့အကြုံကောင်းများစွာ ပိုင်ဆိုင်သော အရည်အသွေးပြည့်ဝသည့် ပုဂ္ဂလိကဆောက်လုပ်ရေး ကုမ္ပဏီတစ်ခု ရွေးချယ်ရန် နိုင်ငံတကာ အဆင့်မီတင်ဒါယှဉ်ပြိုင်မှု တစ်ရပ်ကို ဆောင်ရွက်သွားမည်ဖြစ်သည်။

မိုးပျံအမြန်လမ်းစီမံကိန်းသည် တောင်ဘက်ပိုင်းရှိ ရန်ကုန်ဆိပ်ကမ်းနှင့် သီလ၀ါအထူးစီးပွားရေးဇုန်၊ မြောက်ပိုင်းရှိ ရန်ကုန်အပြည်ပြည်ဆိုင်ရာလေဆိပ်၊ ရန်ကုန်စက်မှုဥယျာဉ်နှင့် ရန်ကုန်-မန္တလေးအမြန်လမ်းတို့ ချိတ်ဆက်မှု တိုးတက်ကောင်းမွန်စေခြင်းဖြင့် စီးပွားရေးဖွံ့ဖြိုး တိုးတက်မှုကို အထောက်အကူပြုမည့် စီမံကိန်းတစ်ရပ်ဖြစ်ကြောင်း IFC ၏ ထုတ်ပြန်ချက်တွင်အရ သိရသည်။

“အခြေခံအဆောက်အအုံတွေအပေါ် ကြီးမားတဲ့ ရင်းနှီးမြှုပ်နှံမှု။ အထူးသဖြင့် အဓိက သယ်ယူပို့ဆောင်ရေး ဧရိယာတွေမှာ ရင်းနှီးမြှုပ်နှံမှုဟာ မြန်မာနိုင်ငံရဲ့ ရေရှည်ခိုင်မြဲတဲ့ စီးပွားရေးတိုးတက်မှုအတွက် အထူးအရေးပါပါတယ်။ ဘာကြောင့်လဲဆိုရင် ဒါဟာနိုင်ငံရဲ့ ဈေးကွက်ချိတ်ဆက်မှုနဲ့ လူမှုရေးဆိုင်ရာ ၀န်ဆောင်မှုတွေကို မြှင့်တင်ပေးလို့ပါ” ဟု ဆောက်လုပ်ရေးဝန်ကြီးဌာနမှ ဒုတိယညွှန်ကြားရေးမှူးချုပ် (စီမံကိန်း) ဦးကြည်ဇော်မြင့်က ပြောကြားထားသည်။

PPP (Public-private partnership) လုပ်ငန်းဖော်ဆောင်မှု၌ IFC ၏ အတွေ့အကြုံများနှင့်အတူ အဆိုပါ စီမံကိန်းအနေဖြင့် အောင်မြင်စွာ တင်ဒါရယူနိုင်ပြီး အကောင်အထည်ဖော်နိုင်မည်ဆိုပါက ရန်ကုန်မြို့၏ အတွင်းအပြင် လမ်းပိုင်းများအတွက် နမူနာယူ အကောင်အထည် ဖော်ဆောင်ရမည့် စီမံကိန်းတစ်ရပ် ဖြစ်လာမည်ဖြစ်သည်။

မြန်မာနိုင်ငံ၏ သယ်ယူပို့ဆောင်ရေး အခြေခံအဆောက်အအုံအပေါ် ရင်းနှီးမြှုပ်နှံမှုသည် ၂၀၃၀ ပြည့်နှစ်အထိ ဒေါ်လာ ၄၈ ဘီလျံ လိုအပ်မည်ဟု ခန့်မှန်းထားသည်။ လက်ရှိ ရန်ကုန်အဆင့်မြင့် မိုးပျံလမ်းမကြီး တည်ဆောက်မှု စီမံကိန်းအတွက် ပုဂ္ဂလိက အခန်းကဏ္ဍမှ ဒေါ်လာ သန်း ၃၅၀ မှ ၄၀၀ အထိ အသုံးပြုသွားမည်ဖြစ်ပြီး အစိုးရ၏ ရင်းနှီးမြှပ်နှံမှု ၀န်ထုတ်ဝန်ပိုးကိုလည်း လျှော့ချပေးနိုင်မည်ဖြစ်သည်။

ရန်ကုန်အဆင့်မြင့် မိုးပျံလမ်းမကြီး တည်ဆောက်မှု စီမံကိန်းတင်ဒါအနိုင်ရရှိသူ အနေဖြင့် ၂၀၁၉ ခုနှစ် နှစ်စပိုင်းတွင် စတင် အကောင်အထည်ဖော်နိုင်မည်ဖြစ်ပြီး စီမံကိန်းကာလမှာ ၂ နှစ်မှ ၃ နှစ်ဖြစ်သည်။

အဆိုပါ စီမံကိန်းအတွက် ဆောက်လုပ်ရေးဝန်ကြီးဌာနနှင့် IFC တို့အကြား ယခုနှစ်ဆန်းပိုင်းက လက်မှတ်ရေးထိုးထားသော်လည်း လက်ရှိအချိန်အထိ စီမံကိန်းပထမအပိုင်း၏ Design၊ Engineering ပိုင်းဆိုင်ရာကဏ္ဍ၊ ငွေကြေးပိုင်းဆိုင်ရာကဏ္ဍ၊ ဆောက်လုပ်ရေးကဏ္ဍ၊ လုပ်ငန်းလည်ပတ်ခြင်းနှင့် ပြုပြင်ထိန်းသိမ်းမှုစသည့် ကဏ္ဍများအတွက် ဆန်ခါတင် အရည်အသွေးပြည့်မီရေး စိတ်ဝင်စားသူများကို ဖိတ်ကြားသည့်အဆင့်သာ လုပ်ဆောင်နေဆဲအဆင့်ဖြစ်သည်။

မဟာဗန္ဓုလပန်းခြံတွင် ငြိမ်းချမ်းရေးကဗျာရွတ်ဆိုခဲ့သူသုံးဦးအား ပုဒ်မ ၁၉ ဖြင့် ဒဏ်ငွေ ကျပ် ၂၀၀၀၀ (သို့မဟုတ်) ထောင်ဒဏ် ၁၅ ရက်ကျခံစေရန် အမိန့်ချ

ရန်ကုန်မြို့ မဟာဗန္ဓုလပန်းခြံတွင် ငြိမ်းချမ်းရေးကဗျာရွတ်ဆိုခဲ့မှုကြောင့် ပုဒ်မ-၁၉ ဖြင့် အမိန့်ချမှတ်ခံရသူသုံးဦးကို တွေ့ရစဉ် (ဓာတ်ပုံ-မင်းသု)

ကျောက်တံတားမြို့နယ် တရားရုံးက ရန်ကုန်မြို့ မဟာဗန္ဓုလပန်းခြံတွင် ငြိမ်းချမ်းရေးကဗျာရွတ်ဆိုခဲ့သူ သုံးဦးအား ငြိမ်း၊ စု၊ စီ  ပုဒ်မ-၁၉ ဖြင့် ဒဏ်ငွေ၂၀၀၀၀ (သို့မဟုတ်)ထောင်ဒဏ် ၁၅ ရက် ကျခံစေရန် စက်တင်ဘာ ၁၉ ရက်က အမိန့်ချမှတ်ခဲ့ကြောင်း သိရသည်။

အမိန့်ချခံခဲ့ရသည့် ငြိမ်းချမ်းရေးကဗျာ ရွတ်ဆိုခဲ့သူများမှာ ကိုဇေယျာလွင်၊ ကိုရွှေကြယ်မိုး (ခ) ရဲဝင့်အောင်နှင့် ကိုခန့်မင်းထက် တို့ဖြစ်ကြောင်း သိရသည်။

ထိုသို့ အမိန့်ချမှတ်မှုအား ကိုရွှေကြယ်မိုး (ခ) ရဲဝင့်အောင်နှင့် ကိုခန့်မင်းထက်တို့မှာ တရားရုံးသို့ ငွေဒဏ်ကျပ်၂၀၀၀၀ ဆောင်ပြီး ၎င်းတို့အနက် ကိုဇေယျာလွင်မှာ ငွေဒဏ်စား  ထောင်ဒဏ် ၁၅ ရက်ကိုသာ ရွေးချယ်ခဲ့ကြောင်း သိရသည်။

“အမိန့်နဲ့ပတ်သက်လို့တော့ ကျွန်တော်နဲ့ ကိုခန့်မင်းထက်နဲ့က ကဗျာဆရာရဲ့ ရပ်တည်မှုအရ ငွေဒဏ်ကို ဆောင်ခဲ့ပါတယ်။ ကိုဇေယျာလွင်ကတော့ နိုင်ငံရေးရပ်တည်ချက်နဲ့ ထောင်ဒဏ်ကို ရွေးချယ်ခဲ့ပါတယ်” ဟု ကိုရွှေကြယ်မိုး (ခ) ရဲဝင့်အောင်က ပြောကြားသည်။

ကိုဇေယျာလွင်အနေဖြင့် ထောင်ဒဏ်ကို ရွေးချယ်ရခြင်းမှာ ယခုကဲ့သို့ အမိန့်ချမှတ်မှုသည် တိုင်းပြည်၏ ငြိမ်းချမ်းရေးကို စော်ကားသည်ဟု ၎င်းအနေဖြင့် ယူဆခြင်း၊  တရားစီရင်ရေးစနစ် ပျက်ယွင်းနေသည်ဟု ယူဆ ခြင်းနှင့် နိုင်ငံသားတစ်ယောက်အနေဖြင့် လွတ်လပ်စွာပြောဆိုပိုင်ခွင့်ကို ကန့်သတ်ခံရသည်ဟု ယူဆသည့်အတွက် ထောင်ဒဏ်ကိုသာ ရွေးချယ်ခဲ့ခြင်းဖြစ်ကြောင်း သိရသည်။

“တရားသူကြီးကတော့ ငွေဒဏ်နဲ့ ထောင်ဒဏ်ကို ရွေးချယ်ခွင့်ပေးပါတယ်။ ကျွန်တော်တစ်ဦးတည်း သဘောထားနဲ့ကတော့ ထောင်ဒဏ်ကို ရွေးချယ်ခဲ့ပါတယ်။ ဘာလို့လဲ ကျွန်တော်တို့နိုင်ငံမှာ တရားဥပဒေ စိုးမိုးမှုဟာ ဘုန်းဘုန်းလဲနေပြီဆိုတာ ပြသချင်လို့ပါ။ ဒီအခြေအနေမှာ ဒဏ်ငွေဆောင်ရုံနဲ့ တရားဥပဒေကို အထောက်အပံ့ မပေးချင်ပါဘူး။ ဒဏ်ငွေဆောင်ခဲ့တဲ့သူတွေကိုလည်း တရားဥပဒေကို အထောက်အပံ့ပေးတယ်လို့ မဆိုချင်ပါဘူး။ သူတို့မှာလဲ သူတို့ရပ်တည်ချက်နဲ့ ကိုယ်ပိုင်ဆုံးဖြတ်ချက်တွေရှိပါတယ်။ကျွန်တော်အနေနဲ့က နိုင်ငံရေးရပ်တည်ချက်နဲ့ရော လွတ်လပ်စွာပြောဆိုမှုအပေါ်မှာ ရပ်တည်တဲ့အနေနဲ့ပါ ငွေဒဏ်ကို မဆောင်ခဲ့ခြင်း ဖြစ်ပါတယ်” ဟု ကိုဇေယျာလွင်က ဆိုသည်။

ပြီးခဲ့သည့် မေ ၁၄ ရက်က ရန်ကုန်မြို့ မဟာဗန္ဓုလပန်းခြံတွင် ငြိမ်းချမ်းရေးကဗျာ ရွတ်ဆိုပွဲအားပြုလုပ်ခဲ့ပြီး ထိုသို့ လုပ်ဆောင်ခဲ့သူများအနက် ကိုရွှေကြယ်မိုး (ခ) ရဲဝင့်အောင်နှင့် ကိုခန့်မင်းထက်တို့မှာ ခွင့်ပြုချက် မရှိဘဲ လုပ်ဆောင်ခဲ့သည်ဟုဆိုကာ သက်ဆိုင်ရာမှ  ငြိမ်း၊ စု၊ စီ ပုဒ်မ-၁၉ ဖြင့် တရားစွဲဆိုခဲ့ခြင်းဖြစ်သည်။