နိုင်ငံခြားငွေလဲနှုန်း စံချိန်တင် မြင့်တက်မှုကြောင့် ဆေးဝါးဈေးကွက်တွင် ဆေးဝါးအများစု ဈေးမြင့်တက်လျက်ရှိပြီး ကုမ္ပဏီအချို့က အရောင်းအ၀ယ်များ ပိတ်ထားဟု ဆေးဝါးရောင်းချသူများဆို

ရွှေပြည့်စုံဈေးတွင် ရောင်းချနေသည့် ဆေးဝါး အရောင်းဆိုင်အချို့ကို တွေ့ရစဉ် (ဓာတ်ပုံ-လွင်မျိုးသူ)

နိုင်ငံခြားငွေလဲနှုန်း ဆက်တိုက် မြင့်တက်မှုကြောင့်ဆေးဈေးကွက်အတွင်း ဆေးဝါးအများစု ဈေးနှုန်းမြင့်တက်နေပြီး အချို့ဆေးကုမ္ပဏီများက အရောင်းအ၀ယ်များ ပိတ်ထားကြောင်း ရွှေပြည့်စုံဈေးရှိ ဆေးကုန်သည်များက ပြောကြားသည်။

“အဓိကကတော့ ကုမ္ပဏီတွေက ၁၅ ရက်တစ်ခါ ရာခိုင်နှုန်း တစ်မျိုးစီ ပြောင်းပြီး ဈေးနှုန်းချပြီး ရောင်းချပေးနေတယ်။ အရောင်းအ၀ယ်ကတော့ လုံးဝမရှိဘူး။ ဈေးနှုန်း တက်နေတာကတော့ လက်ရှိ ကုမ္ပဏီတွေကနေပြီး ငွေဈေးပေါ်ကြည့်ပြီး ဈေးနှုန်းတွေ သုံးရက်တစ်ခါ၊ ငါးရက်တစ်ခါ ပြောင်းလဲမှုတွေတော့ ရှိတယ်။ ဆေးတွေကိုတော့ ကုမ္ပဏီတွေက ကန့်သတ်ချက်၊ အရေအတွက်နဲ့ နည်းနည်းပဲ ပေးတော့တယ်။ ရာခိုင်နှုန်းတင်ပြီး ရောင်းတာပေါ့။ ကြိုက်သလို ၀ယ်ခွင့် မပေးဘူးပေါ့။ အမြဲတမ်း ၀ယ်တဲ့သူကိုတောင် အရေအတွက် နည်းနည်းပဲပေးတယ်။ ဆေးဝါးလောက ကတော့ စီးပွားရေး ကျဆင်းနေတယ်” ဟု Golden Tamarind ဆေးဆိုင်ပိုင်ရှင် ဦးမြင့်လှိုင်က ပြောကြားသည်။

လက်ရှိ ဆေးဈေးကွက်အတွင်း ဒေါ်လာဈေး မြင့်တက်မှုကြောင့် ဆေးကုမ္ပဏီအချို့က ဆေးဝါးရောင်းချမှုကို ရပ်ဆိုင်းထားပြီး ဈေးနှုန်းအတက်အကျမှာ လှုပ်ခတ်လျက် ရှိနေကာ လက်ရှိတွင် သုံး ရာခိုင်နှုန်းမှ ခုနစ် ရာခိုင်နှုန်းအထိ မြင့်တက်လျက်ရှိကြောင်း သိရသည်။

“ငွေဈေး အတက်ကြမ်းတဲ့အပေါ်မှာ ကုမ္ပဏီကလည်း နိုင်ငံခြားက မှာယူရတဲ့နေရာမှာ ဈေးကြီးတယ်ဆိုတော့ သူတို့လည်း ဈေးနှုန်းတွေကို ပြင်ဆင်ပြီး ကျွန်တော်တို့ကို ဈေးနှုန်းတင်ပြီး ဖောက်သည် ပြန်ပေးတာပေါ့။ ဆေးရောင်းတဲ့ သက်တမ်းမှာတော့ ဒါမျိုးမကြုံဘူး။ ဒီလိုဈေးတွေ တက်လာတဲ့အတွက်ကြောင့် ကျွန်တော်တို့က ကုမ္ပဏီတွေဆီကနေ ဈေးမြင့်ဝယ်ရတော့ စားသုံးသူ ပြည်သူတွေကို ပြန်ရောင်းပေးတဲ့အခါ ဈေးနှုန်းတွေ တက်သွားနိုင်တာ ရှိတယ်။ အကျိုးရလဒ်က ဘယ်လိုဖြစ်သွားမလဲ ဆိုတော့ စားသုံးသူတွေ နစ်နာတယ်။ ရောင်းလိုအားတွေလည်း ကျသွားတယ်။ ၀ယ်လိုအားတွေလည်း နည်းသွားတယ်။ အဲဒီလိုပုံစံမျိုး ဖြစ်သွားတယ်။ ကျွန်တော်တို့ကတော့ ရောင်းချတဲ့သူတွေရော၊ စားသုံးသူတွေရော အစစအရာရာ အဆင်ပြေမယ်လို့ မျှော်မှန်းပါတယ်”ဟု ဦးမြင့်လှိုင်က ပြောကြားသည်။

၂၀၁၆ ခုနှစ်က ကျန်းမာရေးနှင့် အားကစားဝန်ကြီးဌာန၏ တရားမ၀င် ဆေးဝါး၊ ဆေးဝါးအတုနှင့် စံမမီဆေးဝါးများ တိုက်ဖျက်သည့် စီမံချက်ပြီးနောက် ဆေးဈေးကွက်အတွင်း ဆေးဝါးအများစုမှာ ရာခိုင်နှုန်း ၂၀ မှ ၅၀ အထိ မြင့်တက်ခဲ့ဖူးသည်။

မြန်မာနိုင်ငံတွင် နှစ်စဉ် ဒေါ်လာ သန်း ၄၀၀ ခန့်အထိ ဆေးဝါးနှင့် ဆေးပစ္စည်းများကို ပြည်ပမှ တင်သွင်းနေရပြီး ပြည်တွင်းဆေးဝါး ထုတ်လုပ်မှုမှာ လိုအပ်ချက်၏ ၁၀ ရာခိုင်နှုန်းခန့်သာ ရှိကြောင်း သိရသည်။

“တရုတ်လိုင်းက ကုမ္ပဏီတွေကတော့ လိုသလောက် ရောင်းပေးတယ်။ ဈေးကတော့ တခြား နိုင်ငံခြားဆေးတွေနဲ့ မတူဘူး။ ဈေးနည်းနည်းပဲ တက်တယ်။ အစ်မတို့ ရောင်းတဲ့အခါမှာလည်း လိုသလောက် ရောင်းပေးတယ် တက်တဲ့ဈေးနဲ့ပေါ့။ အရင်က ၂၈၅၀ နဲ့ ဝယ်တဲ့ဟာတွေက အခု ၃၁၅၀ နဲ့ ၀ယ်ရတယ်။အစ်မတို့ ပြန်ရောင်းတဲ့ အခါမှာကျတော့ ၃၁၅၀ နဲ့ ၀ယ်ထားတဲ့ဟာဆိုရင် ၃၂၀၀ နဲ့ ရောင်းပေးတယ်။ ပုံမှန်ပဲ အစ်မတို့ အမြတ်ယူတာက ၅၀ လောက်ပဲ။ ဆေးတွေကကျတော့ အများကြီးဈေးတက်ပြီး ရောင်းလို့ မရဘူးလေ။ ဈေးတက်တာက မကြာသေးဘူး။ တရုတ်လိုင်းဘက်ကကျတော့ တစ်ပတ်လောက်ပဲ ရှိသေးတယ်။ ဒါပေမဲ့ နိုင်ငံခြား ဆေးလိုင်းတွေကတော့ တက်တာကြာပြီ။ နိုင်ငံခြား ဆေးလိုင်းတွေကကျတော့ အရောင်းပိတ်ထားတာတွေ ရှိတယ်။ ကန့်သတ်ပြီး ရောင်းနေတာတွေ ရှိတယ်။ ဒေါ်လာဈေး တက်တယ်ဆိုတော့ ကုန်သွားလို့ရှိရင် မရောင်းရတော့မှာစိုးလို့ အချို့က ကန့်သတ် ရောင်းနေတာတွေ ရှိတယ်။ ဆေးအရောင်းအ၀ယ်က ကျတော့ ဒေါ်လာဈေး တက်ပြီးကတည်းက အရောင်းပါးတယ်။ အရင်ဝယ်နေကျ ၁၀ ဘူးဝယ်ရင် အခု ငါးဘူးပဲ ၀ယ်တော့တယ်။ ကုမ္ပဏီတချို့ က ဈေးတက်ပြီးသွားရင် ဈေးကျဖို့ အစီအစဉ် သိပ်မရှိတော့ဘူး။ သူတို့ကုမ္ပဏီက တစ်ထောင် တက်ထားတဲ့ ပစ္စည်းဆိုရင် ဒေါ်လာဈေးကျသွားရင်သူတို့က အဲဒီတစ်ထောင်ကို ဈေးမချတော့ဘဲ တစ်ထောင်နဲ့တန်းတူ ဆေးထပ်ပြီး ပေးတာတွေ ရှိတယ်” ဟု ရွှေပြည့်စုံဈေးတွင် ဆေးရောင်းချနေသော ကိုဖိုးလှဆေးဆိုင်မှ မမိုးမိုးက ပြောကြားသည်။

လက်ရှိတွင် ပြည်ပမှ တရားဝင် တင်သွင်းနေသည့် ဆေးဝါးများစွာ ရှိသကဲ့သို့ နယ်စပ်ဂိတ်များမှ တစ်ဆင့်သော် လည်းကောင်း၊ အကြောင်းအမျိုးမျိုးဖြင့် တရားမ၀င် တင်သွင်းနေသည့် ဆေးဝါးများလည်း အမြောက်အမြား ရှိနေကြောင်း သိရသည်။

မြန်မာနိုင်ငံသို့ တင်သွင်းနေသည့် တရားမ၀င် ဆေးဝါးအများစုမှာ အိမ်နီးချင်း ထိုင်း၊ တရုတ်၊ အိန္ဒိယနိုင်ငံများ၌ အခြေစိုက် ထုတ်လုပ်သည့် ဆေးကုမ္ပဏီများမှ ဆေးဝါးများ ဖြစ်ကြောင်းနှင့် မြန်မာနိုင်ငံသို့ ပြည်ပမှ ဆေးဝါးတင်သွင်းမှုများ သိသိသာသာ တိုးတက် မြင့်မားလာသည့်နည်းတူ နယ်စပ်ဒေသများမှ မမှန်မကန် တင်သွင်းလာသည့် အဆင့်မမီ ဆေးဝါးများကိုလည်း တွေ့ရှိနေရကြောင်း နှင့် အဆင့်မမီ ဆေးဝါးအများစုကို မြန်မာ-တရုတ် နယ်စပ်၊ မြန်မာ-အိန္ဒိယ နယ်စပ်များတွင် စစ်ဆေးတွေ့ရှိနေရကြောင်း မြန်မာနိုင်ငံ အစားအသောက်နှင့် ဆေးဝါးကွပ်ကဲရေးဦးစီးဌာနမှ သိရသည်။

မြန်မာနိုင်ငံတော် ဗဟိုဘဏ်က သြဂုတ် ၁၆ ရက်တွင် လေလံဈေးကွက်မှ တစ်ဆင့် ဒေါ်လာလေးသန်း ထုတ်ရောင်းခဲ့ပြီး နိုင်ငံခြား ငွေလဲနှုန်း တစ်ဒေါ်လာ ကျပ် ၁၅၆၀ အထိ စံချိန်တင် ဆက်လက် မြင့်တက်ခဲ့သော်လည်း မွန်းလွဲပိုင်းတွင် ကျပ် ၁၅၃၀ အထိ ပြန်လည် ကျဆင်းခဲ့ကြောင်း နိုင်ငံခြားငွေကြေးရောင်းဝယ်သူများထံမှ သိရသည်။

ဗဟိုဘဏ်က ၎င်း၏ ရည်ညွှန်း နိုင်ငံခြားငွေလဲနှုန်းကို သြဂုတ် ၁၆ ရက်တွင် ၁၄၉၈ ကျပ်အထိ မြှင့်တင်ခဲ့ပြီး သြဂုတ် ၁၅ ရက်နှုန်းထက် ၂၃ ကျပ် ပိုမိုများပြားသည်။ ပြီးခဲ့သည့် ရက်သတ္တပတ်များအတွင်း တစ်ရက်လျှင် ဒေါ်လာတစ်သိန်းသာ ထုတ်ရောင်းလျက်ရှိရာမှ နိုင်ငံခြားငွေ ရောင်းဝယ်ရာတွင် ဗဟိုဘဏ်၏ သတ်မှတ်ချက်ဘောင် ပယ်ဖျက်ပြီးနောက် သြဂုတ် ၁၅ ရက်တွင် ဒေါ်လာ ၁ ဒသမ ၆၅ သန်း၊ သြဂုတ် ၁၆ ရက်တွင် ဒေါ်လာ လေးသန်းအထိ လေလံဈေးကွက်၌ ထုတ်ရောင်းခဲ့ခြင်း ဖြစ်သည်။

ကမ္ဘာ့ကုန်သွယ်ရေးစစ်ပွဲ တင်းမာမှုများအတွက် တရုတ်နှင့် အမေရိကန်အစိုးရတို့ ညှိနှိုင်းမည်ဆိုသော သတင်းကြောင့် ဒေါ်လာဈေး ဆက်တိုက် မြင့်တက်နေရာမှာ အားပြန်လျော့လာကာ ဆွေးနွေးမှု အဆင်ပြေပါက ထွန်းသစ်စနိုင်ငံများ၏ ငွေကြေးတန်ဖိုး ကျဆင်းမှုများအတွက် အသက်ရှူပေါက် ရနိုင်မည်ဖြစ်သည်။ သြဂုတ် ၆ ရက် မွန်းလွဲပိုင်းအထိ တူရကီငွေကြေး အကျပ်အတည်းနှင့် တရုတ်စီးပွားရေး ကျဆင်းမှုတို့အပေါ် ဈေးကွက်စိုးရိမ်မှုများ ဆက်ရှိနေမှုနှင့်အတူ ဒေါ်လာညွှန်းကိန်းမှာလည်း ၉၆ ပွိုင့်အကျော် အ မြင့်တန်းတွင် ဆက်ရှိနေသည်။ တရုတ်ယွမ်ငွေမှာ သြဂုတ် ၁၆ ရက်တွင် ဒေါ်လာနှင့် ယှဉ်လျှင် တစ်ဒေါ်လာ ၆ ဒသမ ၉၁ ယွမ် ၀န်းကျင် ဖြစ်နေကာ ကျပ် ၁၀၀ လျှင် ၀ ဒသမ ၄၆ ယွမ် ၀န်းကျင် ဖြစ်သည်။

ဗီယက်နမ်နိုင်ငံသို့ ၀င်ရောက်မည့် မုန်တိုင်းမှ အကြွင်းအကျန် တိမ်တိုက်များကြောင့် မြန်မာနိုင်ငံ တောင်ပိုင်းဒေသများတွင် မိုးကြီးနိုင်

ဗီယက်နမ်နိုင်ငံသို့ ၀င်ရောက်မည့် မုန်တိုင်းမှ မုန်တိုင်းအကြွင်းအကျန် တိမ်တိုက်များကြောင့် မြန်မာနိုင်ငံ တောင်ပိုင်းဒေသများတွင် မိုးကြီးနိုင်ကြောင်း မိုးလေ၀သနှင့် ဇလဗေဒညွှန်ကြားမှုဦးစီးဌာနမှ ညွှန်ကြားရေးမှူးချုပ် ဒေါက်တာ ဦးကျော်မိုးဦးက ပြောကြားသည်။

“ဗီယက်နမ်ကမ်းခြေမှာ ဖြစ်နေတဲ့ မုန်တိုင်းအကြွင်းအကျန် တိမ်တိုက်တွေက မနက်ဖြန်လောက်ဆိုရင် ဒီဘက်ကို ရောက်တော့မှာ။ အဲဒီအချိန်ကျရင် မြန်မာနိုင်ငံ တောင်ပိုင်းဒေသတွေပေါ့။ အထူးသဖြင့် မွန်၊ ကရင်၊ တနင်္သာရီ၊ ပဲခူးတိုင်းဒေသကြီးတွေမှာ မိုးပိုလာမယ့် အနေအထားရှိတယ်” ဟု ဒေါက်တာဦးကျော်မိုးဦးက ပြောကြားသည်။

မိုးလေ၀သနှင့် ဇလဗေဒညွှန်ကြားမှု ဦးစီးဌာန၏ သြဂုတ် ၁၆ ရက် ထုတ်ပြန်ချက်၌ ကယားပြည်နယ်တွင် နေရာကွက်ကျား၊ စစ်ကိုင်းတိုင်းဒေသကြီး အောက်ပိုင်း၊ မန္တလေးတိုင်းဒေသကြီး၊ ရှမ်းပြည်နယ် အရှေ့ပိုင်းတို့တွင် နေရာကျဲကျဲ၊ စစ်ကိုင်းတိုင်းဒေသကြီး အထက်ပိုင်း၊ မကွေးတိုင်းဒေသကြီး၊ တနင်္သာရီတိုင်းဒေသကြီးနှင့် ရှမ်းပြည်နယ်မြောက်ပိုင်းတို့တွင် နေရာစိပ်စိပ်နှင့် ကျန်တိုင်းဒေသကြီး နှင့် ပြည်နယ်တို့တွင် နေရာအနှံ့အပြား မိုးထစ်ချုန်း ရွာသွန်းခဲ့ပြီး မွန်ပြည်နယ်တွင် ဒေသအလိုက်နှင့် ပဲခူးတိုင်းဒေသကြီး၊ ရန်ကုန်တိုင်းဒေသကြီးနှင့် ဧရာဝတီတိုင်းဒေသကြီးတို့တွင် နေရာကွက် မိုးကြီးခဲ့ကြောင်း သိရသည်။

မှတ်သားဖွယ်ရာ မိုးရေချိန်များ အနေဖြင့် ရန်ကုန် (ဒဂုံမြို့သစ်မြောက်ပိုင်း) တွင် ၄ ဒသမ ၅၃ လက်မ၊ ကျိုက္ခမီမြို့တွင် ၃ ဒသမ ၉၀ လက်မ၊ ချောင်းတုံမြို့တွင် ၃ ဒသမ ၇၈ လက်မ၊ ဇောင်းတူမြို့တွင် ၃ ဒသမ ၃၉ လက်မ၊ မုဒုံမြို့တွင် ၃ ဒသမ ၁၅ လက်မ၊ ဖျာပုံမြို့တွင် ၃ ဒသမ ၀၇ လက်မ၊ ရန်ကုန်မြို့လယ်တွင် ၂ ဒသမ ၈၉ လက်မ၊ လောင်းလုံမြို့တွင် ၂ ဒသမ ၆၀ လက်မ၊ ကျိုက်မရောမြို့တွင် ၂ ဒသမ ၅၆ လက်မ၊ ထားဝယ်မြို့တွင် ၂ ဒသမ ၅၂ လက်မ၊ ကြာအင်းဆိပ်ကြီးမြို့တွင် ၂ ဒသမ ၃၄ လက်မ၊ မာန်အောင်မြို့တွင် ၂ ဒသမ ၂၀ လက်မ၊ ကွမ်းခြံကုန်းမြို့တွင် ၂ ဒသမ ၀၉လက်မ၊ ဟိုင်းကြီးကျွန်းမြို့တွင် ၂ ဒသမ ၀၁ လက်မနှင့် ရန်ကုန် (ကမ္ဘာအေး)တွင် ၁ ဒသမ ၉၇ လက်မစီ ရွာသွန်းခဲ့ကြောင်း သိရသည်။

ထို့ပြင် ဘင်္ဂလားပင်လယ်အော် မြောက်ပိုင်းတွင် မုတ်သုံလေ အားအသင့်အတင့်မှ အားကောင်းနေပြီး ကပ္ပလီပင်လယ်ပြင်နှင့် ကျန်ဘင်္ဂလား ပင်လယ်အော်တို့တွင် မုတ်သုံလေ အားအသင့်အတင့် ရှိနေကြောင်း သိရသည်။

ထူးခြားသည့် မိုးလေ၀သအခြေအနေသည် တောင်တရုတ် ပင်လယ်ပြင်တွင် ဖြစ်ပေါ်နေသော အပူပိုင်းမုန်တိုင်းဘက် ဘင်ကာသည် တုံကင်ပင်လယ်ကွေ့သို့ ရောက်ရှိခဲ့ပြီး ဗီယက်နမ်နိုင်ငံ ဟနွိုင်းမြို့၏ အရှေ့-အရှေ့ တောင်ဘက် မိုင် ၁၃၀ ခန့်အကွာ ပင်လယ်ပြင်ကို ဗဟိုပြုနေပြီး အနောက်တောင်ဘက်သို့ ဆက်လက်ရွေ့လျားမည် ဖြစ်ကြောင်း မိုးဇလမှ ထုတ်ပြန်ထားသည်။

သြဂုတ် ၁၇ ရက် မိုးရွာသွန်းနိုင်မှု အခြေအနေသည် စစ်ကိုင်းတိုင်းဒေသကြီး အောက်ပိုင်း၊ မန္တလေးတိုင်းဒေသကြီး၊ မကွေးတိုင်းဒေသကြီးနှင့် ရှမ်းပြည်နယ် မြောက်ပိုင်းတို့တွင် နေရာကျဲကျဲ စစ်ကိုင်းတိုင်းဒေသကြီး အထက်ပိုင်းနှင့် ကချင်ပြည်နယ်တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး ကချင်ပြည်နယ်တွင် ဒေသအလိုက်နှင့် ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ရခိုင်ပြည်နယ်နှင့် မွန်ပြည်နယ်တို့တွင် နေရာကွက်မိုးကြီးနိုင်ပြီး ရွာရန်ရာနှုန်းပြည့် ဖြစ်ကြောင်း သိရသည်။

မိုရန်ဒီတံတားပြိုကျမှုကြောင့် ဂျီနိုအာမြို့ခံကလပ်များ၏ စီးရီးအေပွဲစဉ်များ ရွှေ့ဆိုင်း

စီးရီးအေကလပ်များဖြစ်သည့် ဂျီနိုအာအသင်းနှင့် ဆမ်ဒိုးရီးယားအသင်းတို့အခြေစိုက်ရာ ဂျီနိုအာမြို့ရှိ မိုရန်ဒီတံတားပြိုကျမှုကြောင့် လာမည့်ရက်သတ္တပတ်တွင် ကစားမည့် ယင်းအသင်းများ၏လိဂ်ပွဲစဉ်များကို ရက်ရွှေ့ဆိုင်းလိုက်ကြောင်း သိရသည်။

Photo:AFP

အဆိုပါတံတားသည် ပြီးခဲ့သည့်အင်္ဂါနေ့နံနက်ပိုင်းက ပြိုကျခဲ့ခြင်းဖြစ်ပြီး လက်ရှိအချိန်အထိ လူပေါင်း (၃၈)ဦးသေဆုံးခဲ့သည်ဟု သတင်းထုတ်ပြန်ထားပြီး သေဆုံးသူအရေအတွက်မှာ ပိုတိုးလာနိုင်သေးကြောင်း သိရသည်။ သို့ဖြစ်ရာ စီးရီးအေအဖွင့်ပွဲစဉ်များတွင် ယင်းဖြစ်ရပ်အတွက် ပွဲမကစားမီ ၀မ်းနည်းခြင်းအထိမ်းအမှတ်အဖြစ် (၁)မိနစ်ခန့် ငြိမ်သက်ဆုတောင်းမှုများပြုလုပ်သွားမည်ဖြစ်သည်။

Photo: AFP

လာမည့် စနေ့ညတွင် စတင်ကျင်းပမည့် ၂၀၁၇-၁၈ ဘောလုံးရာသီစီးရီးအေပြိုင်ပွဲတွင် ဂျီနိုအာအသင်းသည် အေစီမီလန်အသင်းအား အဝေးကွင်းတွင် သွားရောက်ရင်ဆိုင်ရမည်ဖြစ်ပြီး ဆမ်ဒိုးရီး ယားအသင်းမှာလည်း ဖီအိုရင်တီးနားအသင်းကို အိမ်ကွင်း၌ ဧည့်ခံကစားရမည်ဖြစ်သည်။ သို့ရာတွင် မိုရန်ဒီတံတားပြိုကျခဲ့မှုကြောင့် ဂျီနိုအာမြို့ခံအသင်းများဖြစ်သည့် ဂျီနိုအာနှင့် ဆမ်ဒိုးရီးယားတို့က ၎င်းတို့
ကစားမည့်ပွဲစဉ်များကို ရွှေ့ဆိုင်းပေးရန် စီးရီးအေပြိုင်ပွဲကျင်းပရေးတာဝန်ရှိသူများထံတောင်းဆိုခဲ့ခြင်းဖြစ်ပြီးယခုအခါ ယင်းပွဲစဉ်(၂)ပွဲအားရွှေ့ဆိုင်းသွားမည်ဖြစ်သော်လည်း ကျန်ပွဲစဉ်များကိုမူ အပြောင်းအလဲမရှိဘဲ ကျင်းပသွားမည်ဖြစ်ကြောင်း သိရသည်။

Photo: AFP

စီးရီးအေပြိုင်ပွဲကျင်းပရေးတာဝန်ရှိသူများသည် ဆမ်ဒိုးရီးယား-ဖီအိုရင်တီးနား၊ အေစီမီလန်- ဂျီနိုအာ တို့ယှဉ်ပြိုင်မည့် စီးရီးအေရာသီအဖွင့်ပွဲစဉ်(၂)ပွဲကို ရွှေ့ဆိုင်းလိုက်ကြောင်း အတည်ပြုထုတ်ပြန်ခဲ့ပြီး လာမည့်ရက်ပိုင်းအတွင်း အဆိုပါပွဲစဉ်များ ပြန်ကစားမည့်ရက်ကို ထုတ်ပြန်သွားမည်ဖြစ်ကြောင်း ကိုယ်ပိုင်ဝက်ဘ်ဆိုက်တွင် ရေးသားဖော်ပြခဲ့သည်။

 

သံဖြူဇရပ်မြို့နယ် ဆင်တောင်ကျေးရွာအုပ်စု ကဒတ်ထောက်ကျေးရွာကမ်းခြေ ရဲလှအပိုင်း၌ ထူးကဲဒီရေလှိုင်း ရိုက်ခတ်မှုကြောင့် လူနေအိမ်အချို့နှင့် ကမ်းခြေလမ်း ပျက်စီး

ထူးကဲဒီရေလှိုင်း ရိုက်ခတ်မှုကြောင့် ပျက်စီးခဲ့သည့် အိမ်အချို့ကို တွေ့ရစဉ်

မွန်ပြည်နယ် သံဖြူဇရပ်မြို့ နယ် ဆင်တောင်ကျေးရွာအုပ်စု ကဒတ်ထောက်ကျေးရွာကမ်းခြေ ရဲလှအပိုင်း၌ သြဂုတ် ၁၂ ရက်မှ ၁၅ ရက်အထိ ထူးကဲဒီရေလှိုင်း ရိုက်ခတ်မှုကြောင့် လူနေအိမ်များနှင့် ကျေးရွာ၏ အဓိက ကမ်းခြေလမ်း ပျက်စီးခဲ့ပြီး အကူအညီများ လိုအပ်နေကြောင်း သိရသည်။

“သြဂုတ် ၁၂ ရက်မှာ ရေတက်လာတဲ့ အနေအထားက မကြုံစဖူးထူးကဲဒီရေတွေ တက်လာတယ်။ ဒါမျိုးကျွန်တော်တို့လည်း မတွေ့ဖူးပါဘူး။ ရေလှိုင်းဒဏ်၊ လေဒဏ်တွေကြောင့် လူနေအိမ်တွေ၊ ငါးပိ၊ ငါးခြောက်လှန်းစင်တွေ ပျက်စီးဆုံးရှုံးမှုတွေ ဖြစ်ပေါ်ခဲ့ပါတယ်။ နောက်ဒီကျေးရွာရဲ့ အဓိကလမ်း ပျက်စီးဆုံးရှုံးသွားပါတယ်။ သြဂုတ် ၁၂ ရက်ကနေ ၁၅ ရက်အထိကို အဲဒီလှိုင်းဒဏ် လေဒဏ်ခံစားခဲ့ရပါတယ်။ ထိခိုက်ပျက်စီးမှုတွေဖြစ်ခဲ့တဲ့ နေအိမ်ပေါင်းက ၂၄ လုံးပါ။ ကျား ၃၆ ဦး၊ မ ၂၈ ဦး ရှိပါတယ်။ ငါးပိ၊ ငါးခြောက်လှန်းတဲ့စင်ပေါင်း ၂၆ စင်လောက် ပျက်စီးဆုံးရှုံးမှုတွေနဲ့ ပတ်သက်လို့ နိုင်ငံတော်က ဘယ်လိုမျိုးကူညီထောက်ပံ့မလဲ ဆိုတာကိုတော့ မျှော်လင့်နေပါတယ်။ ဒီကမ်းခြေပိုင်းမှာရှိတဲ့ လူတွေကို ကုန်းပေါ်တွေကို ရွှေ့ပြောင်းပေးထားရပါတယ်။ ဒီကမ်းခြေမှာ ရေအခြေအနေက ထပ်တိုးမလား စိုးရိမ်စိတ်နဲ့ နေ့ရော၊ ညပါ လူတွေနဲ့ စောင့်ကြည့်နေရဆဲပါ” ဟု ဆင်တောင်ကျေးရွာအုပ်စု အုပ်ချုပ်ရေးမှူး ဦးခင်သိန်းက ပြောကြားသည်။

“လက်ရှိအချိန်အထိကို ကူညီထောက်ပံ့ရေးတွေ မရောက်လာသေးပါဘူး။ ဒီကမ်းခြေအနိမ့်ပိုင်းမှာ အိမ်ခြေပေါင်း ၁၀၀ ကျော် ရှိပါတယ်။ လူဦးရေ ၅၀၀ ကျော် ရှိပါတယ်။ ကမ်းခြေအနိမ့်ပိုင်းမှာ နေထိုင်ကြတဲ့သူတွေကို လာမယ့် နွေရာသီမှာ ပြောင်းရွှေ့နိုင်ရေးကိုလည်း လျာထားပါတယ်။ ဒါကို လွှတ်တော်ကိုယ်စားလှယ်တွေနဲ့ ညှိနှိုင်းပြီးတော့ ဆက်လက်ဆောင်ရွက်သွားမှာပါ” ဟု ဦးခင်သိန်းက ဆက်လက်ပြောကြားသည်။

“၀ါဆိုလကွယ် (သြဂုတ် ၁၁ ရက်) မတိုင်ခင်က ရေကတက်ပေမယ့် လမ်းတွေ ဘာတွေရှိနေသေးတော့ သွားလို့လာလို့ရနေသေးတယ်။ ၀ါခေါင်လဆန်း ၁ ရက် (သြဂုတ် ၁၂ ရက်) နေ့လယ်ပိုင်းကစပြီးတော့ ၀ါခေါင်လဆန်း ၄ ရက် (သြဂုတ် ၁၅ ရက်) အထိကို ထူးကဲဒီရေတွေတက်ပြီးတော့ အခုလို ပျက်စီးဆုံးရှုံးမှုတွေ ဖြစ်ပေါ်ခဲ့တာပါ။ ဒီလှိုင်းရိုက်ပြီး ကမ်းခြေကသဲတွေဆွဲချသွားတော့ လမ်းတွေရော ကာထားတဲ့ တာရိုးတွေပါ အကုန်မျောကုန်တာ။ အခုဆိုရင် ကားတွေရော၊ လူတွေပါ သွားလို့၊ လာလို့မရ ဖြစ်နေပါတယ်။ လမ်းတွေပျက်စီးခဲ့တော့ သယ်ယူပို့ဆောင်ရေးက တစ်ဆင့်ပြီးတစ်ဆင့် သယ်ဆောင်နေရတယ်။ နောက်ကလေးတွေ ကျောင်းသွား၊ ကျောင်းပြန်ကလည်း စိတ်မချရတဲ့ အခြေအနေတွေ ဖြစ်လာပါတယ်။ လမ်းလုပ်ထားတာက အနှစ် ၂၀ ကျော်လောက်ရှိသွားပြီ အခုမှပဲ ဒီလှိုင်းရိုက်ပြီး ပျက်စီးသွားတာပါ” ဟု ကဒတ်ထောက်ကျေးရွာကမ်းခြေ ရဲလှအပိုင်းနေ ဦးမျိုးလွင်က ပြောကြားသည်။

ဒီလှိုင်းများ ရိုက်ခတ်မှုကြောင့် နေအိမ်တချို့နှင့် ငါးခြောက်လှန်းစင်များအားလုံး ပျက်စီးကုန်ကြောင်း၊ သြဂုတ် ၁၂ ရက် ညပိုင်း ရေပြန်ကျသည့်အချိန်မှ နေအိမ်များရှိ ပစ္စည်းများအား ယူဆောင်ပြီး ရေလွတ်လောက်သည့်နေရာကို သွားရောက် ပို့ဆောင်ထားရကြောင်းနှင့် ယခုလိုအဖြစ်အပျက်မျိုး ယခင်က တွေ့ကြုံဖူးခြင်းမရှိပါကြောင်း အဆိုပါ ကဒတ်ထောက်ကျေးရွာ ကမ်းခြေ ရဲလှအပိုင်းနေ ဒေါ်ရီဝင်းက ပြောကြားသည်။

“လိုအပ်ချက်က အစ်မတို့မှာ နေစရာမရှိဘူး။ အခုဒီကမ်းပြိုသွားရင် ဘယ်မှာသွားနေရမှန်း မသိဘူးဖြစ်နေတယ်။ အပေါ်မှာတော့ သူ့ခြံနဲ့ သူရှိနေကြတာပေါ့။ အစ်မတို့ အနေနဲ့ နေရေးထိုင်ရေးက အရေးအကြီးဆုံးပါပဲ။ နောက်ကမ်းခြေလမ်းက ပျက်သွားတော့ သွားရေးလာရေး အခက်အခဲ ရှိနေတယ်။ အခုလည်း နောက်ထပ်လှိုင်းတွေ လေတွေထပ်လာမှာကို စိုးရိမ်နေရပါတယ်” ဟု ဒေါ်ရီဝင်းက ဆက်လက်ပြောကြားသည်။

သြဂုတ် ၁၂ ရက်မှစတင်ပြီး ထူးကဲဒီရေတက်ကာ ဒီလှိုင်းများ ရိုက်ခတ်မှုကြောင့် မွန်ပြည်နယ် ပေါင်မြို့နယ် အလှပ်ကျေးရွာ၊ ချောင်းဆုံမြို့နယ် ဆယ်ပလာကျေးရွာနှင့် ဇီးကုန်းကျေးရွာ၊ သံဖြူဇရပ်မြို့ နယ် ကော့လေးကျေးရွာအုပ်စု ဂျောကျေးရွာ၊ ဆင်တောင်ကျေးရွာအုပ်စု ကဒတ်ထောက်ကျေးရွာနှင့် ရေးမြို့နယ် အကျီးချောင်းဝကျေးရွာ၊ ရင်းဒိန်းကျေးရွာ၊ ဇီးဖြူသောင်ကျေးရွာ စသည်ဖြင့် ပင်လယ်ကမ်းစပ်နှင့်နီးသည့် ကျေးရွာများ၌ လူနေအိမ်များ ပျက်စီးဆုံးရှုံးမှု ဖြစ်ပေါ်ခဲ့ကြောင်း သိရသည်။

ခန္တီးမြို့နယ် တိုက်တီးကျေးရွာသား ရာခိုင်နှုန်း ၅၀ ခန့် ရာသီတုပ်ကွေး ဖျားနာနေ၍ ကျန်းမာရေးအဖွဲ့ သွားရောက်ကုသခဲ့ရ

တိုက်တီးကျေးရွာတွင် ကျန်းမာရေးအဖွဲ့က ဆေးဝါးကုသမှုပေးနေစဉ်

စစ်ကိုင်းတိုင်းဒေသကြီး ခန္တီးမြို့နယ် တိုက်တီးကျေးရွာတွင် ရွာသူရွာသား ရာခိုင်နှုန်း ၅၀ ခန့် ရာသီတုပ်ကွေးဖျားနာမှု ဖြစ်ပွားခဲ့ပြီး ဆေးဝါးကုသရန် ကျန်းမာရေးအဖွဲ့ စေလွှတ်ပေးခဲ့ရကြောင်း သိရသည်။

တိုက်တီးကျေးရွာအုပ်ချုပ်ရေးမှူး၏ အကြောင်းကြားချက်အရ ခန္တီးမြို့နယ်ဆေးရုံမှ ကျန်းမာရေးအဖွဲ့နှင့် တပ်နယ်မှ ကျန်းမာရေးအဖွဲ့တို့ကို စေလွှတ်ပေးခဲ့ရကြောင်း ခန္တီးမြို့နယ် အထွေထွေအုပ်ချုပ်ရေးမှူး ဦးခင်မောင်ဆင့်၏ ပြောကြားချက်အရ သိရသည်။

“လွန်​ခဲ့တဲ့နှစ်ရက်​​လောက်​က အဲဒီက အုပ်ချုပ်ရေးမှူးကနေပြီး လူကြုံနဲ့ ကျွန်တော်တို့ကို လှမ်းပြီးအကြောင်းကြားတော့ သူတို့အကြောင်းကြားချက်ရပြီး နောက်ရက်မှာ ဒီကကျန်းမာ​ရေးအဖွဲ့စီစဉ်ပြီး လွှတ်ပေးလိုက်တာ။ ရွာလုံးကျွတ်​ဖျားတာ​တော့ မဟုတ်​ဘူး။ ရာခိုင်​နှုန်း​ ၅၀ လောက်​ ဖျားနာကြတာ​ပေါ့။ ဟိုမှာက ကျန်းမာ​ရေး​ဆေး​ပေးခန်း​နဲ့ ကုသ​ပေးနိုင်​တဲ့လူ မရှိဘူး​လေ။ ခန္တီးဆေးရုံက ကျန်းမာရေးအဖွဲ့ ၁၈ ​​ယောက်​နဲ့ တပ်နယ်က ကျန်းမာရေးဆေးအဖွဲ့တွေ ရှစ်ယောက်​​ လွှတ်​ပေးလိုက်​တာ​ပေါ့။ ဆေးရုံက ကျန်းမာရေးအဖွဲ့တွေတော့ မနေ့ ည ၇ နာရီလောက်က ပြန်ရောက်လာပြီ။ ဒုတိယမြို့နယ် အုပ်ချုပ်ရေးမှူးနဲ့ ဆေးတပ်ဖွဲ့တွေတော့ အခြေအနေ စောင့်ကြည့်ဖို့ ကျန်နေရစ်တယ်” ဟု ဦးခင်မောင်ဆင့်က ပြောကြားသည်။

ရာသီတုပ်ကွေးဖျားနာမှုဖြစ်ပြီး လူအသေအပျောက် မရှိကြောင်းနှင့် တိုက်တီးကျေးရွာအနီးတ၀ိုက်ရှိ ကျေးရွာများတွင် ကျန်းမာရေး အသိပညာပေးခြင်းများ ဆက်လက် လုပ်ဆောင်နေကြောင်း သိရသည်။

“ရိုးရိုးရာသီတုပ်ကွေးပါပဲ။ မိုးကလည်း အဆက်မပြတ်ရွာတော့ ဖျားတာနာတာ များတာပေါ့ဗျာ။ အခြေအနေကောင်းပါတယ် အသေအပျောက်လည်း မရှိပါဘူး။ အခုတော့ အားလုံးသက်သာသွားပါပြီ။ တိုက်တီးတစ်ရွာတည်းပါပဲ ကျန်တဲ့ရွာတွေမပါဘူး။ ဒါပေမဲ့ တိုက်တီးက ကျဲဆန်ဆိုတဲ့ရွာကို မနေ့ကသွားပြီး ဆေးဝါးစမ်းသပ်မှုတွေ လုပ်ပေး၊ ကျန်းမာရေးဟောပြောပွဲတွေ လုပ်ပေးခဲ့တယ်” ဟု ဦးခင်မောင်ဆင့်က ဆိုသည်။

တိုက်တီးကျေးရွာသည် ခန္တီးမြို့မှ မိုင် ၅၀ ခန့်ကွာဝေးပြီး ချင်းတွင်းမြစ်​အထက်​ပိုင်း​ဒေသရှိ ​ကျေးရွာဖြစ်​သည်​။ ထို​ကျေးရွာတွင်​ နာဂတိုင်းရင်းသားများနှင့်​ ​ရွှေ့ပြောင်းအလုပ်​သမားများ ​နေထိုင်​ကြပြီး ရေကြောင်းခရီးဖြင့်သာ သွားလာ၍ရကာ လမ်းပန်းဆက်​သွယ်​​ရေး ခက်​ခဲ​သော​ဒေသဖြစ်​ကြောင်း သိရသည်။

ဧရာဝတီတိုင်းဒေသကြီးအတွင်း သွေးလွန်တုပ်ကွေးရောဂါဖြစ်ပွားမှု သိသာစွာ လျော့နည်းသွားခြင်း မရှိသော်လည်း သေဆုံးမှုနှုန်း သိသာစွာ ကျဆင်းခဲ့

ဧရာဝတီတိုင်းဒေသကြီးအတွင်း သွေးလွန်တုပ်ကွေးရောဂါဖြစ်ပွားသူဦးရေမှာ ယမန်နှစ်များနှင့် နှိုင်းယှဉ်ပါက သိသာစွာ လျှော့နည်းသွားခြင်း မရှိသော်လည်း ရောဂါကြောင့် သေဆုံးသူဦးရေမှာ သိသာစွာ ကျဆင်းသွားခဲ့ကြောင်း ပြည်သူ့ကျန်းမာရေး ဦးစီးဌာနထံမှ သတင်းရရှိသည်။

၂၀၁၇ ခုနှစ်အတွင်း သွေးလွန်တုပ်ကွေး ရောဂါဖြစ်ပွားသူ ဦးရေမှာ ၃၀၂၈ ဦးရှိခဲ့ပြီး သွေးလွန်တုပ်ကွေးရောဂါကြောင့် ၃၃ ဦးအထိ သေဆုံးခဲ့ကြောင်း၊ ၂၀၁၈ ခုနှစ် ဇန်န၀ါရီလ ၁ ရက်မှ သြဂုတ်လဆန်းပိုင်းထိ သွေးလွန်တုပ်ကွေး ရောဂါဖြစ်ပွားသူ ဦးရေမှာ ၂၂၁၀ ရှိခဲ့ပြီး ခုနစ်ဦးသာ အသက်ဆုံးပါးခဲ့ကြောင်း၊ ၂၀၁၇ခုနှစ်အတွင်း သွေးလွန်တုပ်ကွေးရောဂါ ဖြစ်ပွားခဲ့သည့် အသက် ၁၅ နှစ်အထက် ဦးရေမှာ ၇၀ သာ ရှိခဲ့သော်လည်း ယခု ၂၀၁၈ ခုနှစ်အတွင်းတွင်မူ ၉၄ ဦးအထိ မြင့်တက်ခဲ့ကြောင်း၊ သွေးလွန်တုပ်ကွေး ရောဂါဖြစ်ပွားမှု အများဆုံးမြို့နယ်များမှာ ဟင်္သာတမြို့နယ်၊ ပုသိမ်မြို့နယ်၊ ဖျာပုံမြို့နယ်၊ လပွတ္တာမြို့နယ်တို့ဖြစ်ပြီး ယင်းမြို့နယ်များတွင် ရောဂါဖြစ်ပွားမှုနှုန်း ကျဆင်းရေးအတွက် စီမံကိန်းများဖြင့် ရေးဆွဲလုပ်ဆောင်နေလျက်ရှိကြောင်း သိရသည်။

“ကျွန်တော်တို့ ဧရာဝတီတိုင်းဒေသကြီးဟာ မြန်မာနိုင်ငံအတွင်းမှာဆိုလို့ရှိရင် လူဦးရေအများဆုံး တိုင်းတစ်တိုင်းလည်းဖြစ်တယ်။ သွေးလွန်တုပ်ကွေးနဲ့ ပတ်သက်ရင်လည်း အရင်နှစ်တွေကဆို အဖြစ်အများဆုံးနှင့် သေဆုံးမှုအများဆုံးဆိုတဲ့ တိုင်းထဲမှာပါပါတယ်။ ဒီနှစ်မှာဆိုလည်း ကျွန်တော်တို့တိုင်းဟာ တစ်နိုင်ငံလုံးမှာ အဖြစ်များဆုံး တိုင်းထဲမှာပါနေတုန်းပါပဲ။ ဒီနှစ် ၁ ရက် ၁ လ ၂၀၁၈ ကနေက ကျန်ခဲ့တဲ့အပတ်အထိ ဖြစ်ပွားမှုနှုန်းဟာ ၂၂၁၀ အထိ ဖြစ်ပွားခဲ့ပြီး သေဆုံးသူကတော့ ခုနစ်ယောက်သာ ရှိခဲ့ပါတယ်။ မနှစ်ကနဲ့ နှိုင်းယှဉ်လိုက်မယ်ဆိုရင် မနှစ်ကတော့ ၃၀၂၈ ဦးရှိပြီးတော့ သေဆုံးသူက ၃၃ ဦးရှိပါတယ်” ဟု ဧရာဝတီတိုင်းဒေသကြီး ပြည်သူ့ကျန်းမာရေးဦးစီးဌာနမှ ဒုတိယတိုင်းဒေသကြီးဦးစီးမှူး ဒေါက်တာသီဟအောင်က ပြောကြားသည်။

ဗိုလ်ချုပ်ရုပ်တု မတည်ဆောက်ရန်နှင့် ကရင်နီသမိုင်းအမှန်စာရွက်များ ဖြန်ဝေမှုကြောင့် ပုဒ်မ ၅၀၅ (ခ)(ဂ) ဖြင့် ကရင်နီလူငယ်များအား ဒီးမော့ဆိုမြို့နယ်တရားရုံး၌ လေးကြိမ်မြောက် ရုံးထုတ်

ဗိုလ်ချုပ်ရုပ်တု မတည်ဆောက်ရန်နှင့် ကရင်နီသမိုင်းအမှန်စာရွက်များ ဖြန်ဝေမှုကြောင့် ပုဒ်မ ၅၀၅ (ခ)(ဂ) ဖြင့် ကရင်နီလူငယ်များအား ဒီးမော့ဆိုမြို့နယ်တရားရုံး၌ လေးကြိမ်မြောက် ရုံးထုတ်လာစဉ်

ကယားပြည်နယ် ဒီးမော့ဆိုမြို့နယ် တရားရုံးတွင် ဗိုလ်ချုပ်ရုပ်တု မတည်ဆောက်ရန်နှင့် ကရင်နီသမိုင်း အမှန်စာရွက်များ ဖြန့်ဝေမှုဖြင့် ပုဒ်မ ၅၀၅(ခ)(ဂ) ဖြင့် သြဂုတ် ၁၆ ရက် လေးကြိမ်မြောက်ရုံးချိန်းတွင် အာမခံမယူဘဲ ထောင်ချုပ်ဖြင့် တရားရင်ဆိုင်နေသော လူငယ်လေးဦးမှာ အာမခံပြန်လည် လျှောက်ထားရာ အာမခံရရှိပြီး ၀ရမ်းထုတ်မည်ဟူဆိုသော လူငယ်သုံးဦးကိုမူ အချက်အလက် မသေချာသောကြောင့် မထုတ်ဖြစ်သေးကြောင်း သိရသည်။

“ဖားဆောင်းရယ်၊ ဘောလခဲရယ် နှစ်မှုမှာ သူတို့ အာမခံရမထားဘူး။ အဲဒီတော့ လွိုင်ကော်နဲ့ဒီးမော့ဆိုမှာ ရပြီးနော်။ ကျွန်မကတော့ သူတို့ကိုပြောခဲ့တာ ကျွန်မတို့သည် အများအကျိုးအတွက် နိုင်ငံအကျိုးအတွက် လုပ်နေတဲ့သူတွေဖြစ်တယ်။ ကျွန်မတို့ အခွင့်အရေးတစ်ခုရရင် ရတဲ့အခွင့်အရေးကို ကျွန်မတို့ ဆုပ်ကိုင်ရမယ်။ ပြီးရင်နောက်မရသေးတဲ့ အခွင့်အရေးကိုရအောင် ကျွန်မတို့ ဆက်လုပ်မယ်။ ဆက်လုပ်ရင်းနဲ့ ပေါင်းစပ်သွားမယ်။ နေရာတကာမှာပေါ့နော် ကျွန်မတို့နိုင်ငံရေးလုပ်တဲ့သူတွေ နေရာတကာမှာ ခေါင်းမာပြီးတော့ ဟိုမှာမရလို့ ဒီမှာမလျှောက်ဘူးဆိုတဲ့ သဘောမထားပါနဲ့လို့ ကျွန်မသူတို့ကို ပြောပြခဲ့တယ်။ သူတို့လုပ်ရပ်တွေ သူတို့ ဆန္ဒတွေနဲ့ ကျွန်မတို့ တိုင်းရင်းသားဒေသက ပြည်သူလူထုအနေနဲ့ ထပ်တူပဲရှိတယ်ဆိုတာ ပြောပြခဲ့တယ်။ နောက်ထပ် ဖားဆောင်းတို့ ဘောလခဲတို့မှာ အာမခံမရတာကို ကျွန်မတို့ထပ်လျှောက်မယ်။ ပယ်ချင်ပယ် ပယ်လို့ရှိရင် ကျွန်မတို့ရဲ့အခွင့်အရေးက သူ့ထက်မြင့်တဲ့ ခရိုင်တရားရုံးကို တက်နိုင်တယ်။ ပြည်နယ်လွှတ်တော်ကို တက်နိုင်တယ်။ အဲဒီအခွင့်အရေးတွေ ကျွန်မတို့မှာရှိတယ်။ ကျွန်မတို့ရတဲ့ အခွင့်အရေး ဆုပ်ကိုင်မယ်။ မရသေးတဲ့ အခွင့်အရေးအတွက် ဆက်ပြီးလုပ်မယ်” ဟု တရားစွဲခံ ကရင်နီလူငယ်များအတွက် ရှေ့နေအဖြစ် ကူညီလိုက်ပါ ဆောင်ရွက်ပေးမည့် မြန်မာနိုင်ငံ တရားမျှတရေး၏ ဦးဆောင်ကော်မတီဝင်နှင့် မြန်မာနိုင်ငံ လွတ်လပ်သောရှေ့နေအသင်း၏ အတွင်းရေးမှူး တရားလွှတ်တော် ရှေ့နေဒေါ်ခင်မိုးမိုးက ပြောကြားသည်။

ထို့ပြင် အာမခံရသည့် ဒီးဒီပါ လေးဦးအပြင် ကျန်လူငယ် ခွန်းဂျွန်သန်းပါ သုံးဦးအား ယခုရုံးချိန်းတွင် တရားခွင်သို့ မလာရောက်ပါက တရားသူကြီးမှ ဖမ်းဝရမ်းထုတ်မည်ဟု ဆိုသော်လည်း အချက်အလက် မသေချာသောကြောင့် ၀ရမ်းမထုတ်ဖြစ်သေးကြောင်း သိရသည်။

“နိုင်ငံတော်အာဏာသိမ်းဖို့ နိုင်ငံတော်ပုန်ကန်ဖို့ နိုင်ငံတော် အကြမ်းဖက်ဖို့ မဟုတ်ဘူးပေါ့။ ဒါပေမဲ့ ကျွန်တော်တို့ကို နိုင်ငံတော်အကြည်ညိုပျက်စေမှုနဲ့ စွဲတယ်။ နောက်ပြီးတော့ မပါတဲ့ လူလည်းစွဲပေါ့။ ဒီထဲမှာလှုပ်ရှားတဲ့ လူတွေ နီးစပ်တဲ့ လူတွေပါ စွဲတယ်ပေါ့။ ဒီလိုလုပ်ခြင်းအားဖြင့် ပြည်နယ်အစိုးရရဲ့ ဂုဏ်သိက္ခာလည်း ကျဆင်းတယ်။ ပြည်နယ်ရဲ့သိက္ခာလည်း ကျဆင်းတာပေါ့။ ဒီအပေါ်မှာ နိုင်ငံတော်သမ္မတနဲ့
အတိုင်ပင်ခံဒေါ်အောင်ဆန်းစုကြည်တို့ ဒီအပေါ်မှာ အလေးအနက် ပြန်သုံးသပ် စဉ်းစားပေးဖို့ လိုပါတယ်” ဟု တရားစွဲခံရသော ကယားပြည်ကျောင်းသားသမဂ္ဂအတွင်းရေးမှူး ခွန်းမျိုးလှိုင်ဝင်းက ပြောကြားသည်။

ပုဒ်မ ၅၀၅ (ခ) (ဂ) ဖြင့် လွိုင်ကော်၊ ဒီးမော့ဆို၊ ဘောလခဲ၊ ဖားဆောင်းမြို့နယ်အသီးသီးတွင် ကရင်နီလူငယ် ကိုးဦးမှာ တရားရင်ဆိုင်နေကြရကြောင်း သိရသည်။

ကာကွယ်ရေးဝန်ကြီးသည် ပြည်သူက ရွေးကောက်တင်မြှောက်ခံရသူဖြစ်ပါက သိမ်းဆည်းခံ လယ်ယာမြေများအရေး ဆောင်ရွက်ရာတွင် ပိုမိုလျင်မြန်လာမည်ဟု ယုံကြည်ကြောင်း မကွေးတိုင်းဝန်ကြီးချုပ် ပြောကြား

မကွေးတိုင်းဒေသကြီးအစိုးရအဖွဲ့ဝန်ကြီးချုပ်က မကွေးမြို့ ပညာရေးကောလိပ်အတွက် သိမ်းယူခဲ့သည့်မြေများ ပြန်လည်ပေးအပ်ပွဲတွင် တောင်သူများအား မြေယာလုပ်ကိုင်ခွင့် လက်မှတ်များ ပေးအပ်စဉ်

ကာကွယ်ရေးဝန်ကြီးသည် ပြည်သူက ရွေးကောက်တင်မြှောက်ခံရသူဖြစ်ပါက သိမ်းဆည်းခံ လယ်ယာမြေများအရေး ဆောင်ရွက်ရာတွင် ပိုမိုလျင်မြန်လာမည်ဟု ယုံကြည်သည်ဟု မကွေးတိုင်းဒေသကြီး ၀န်ကြီးချုပ် ဒေါက်တာအောင်မိုးညိုက ပြောကြားခဲ့ကြောင်း သိရသည်။

သြဂုတ် ၁၆ ရက် နံနက်က မကွေးမြို့နယ် မကြီးကန်ကျေးရွာ အေးစေတီကျောင်းတိုက်တွင် ပြုလုပ်သည့် မကွေးမြို့ ပညာရေး ကောလိပ်အတွက် သိမ်းဆည်းထားခဲ့ပြီး အသုံးမပြုသည့်ယာမြေများအား မူလပိုင်ရှင်များထံ ပြန်လည်ပေးအပ်ပွဲအပြီး မီဒီယာများက မကွေးတိုင်းအတွင်း သိမ်းဆည်းခံလယ်ယာမြေများ အခြေအနေကို မေးမြန်းစဉ် ဒေါက်တာအောင်မိုးညိုက အဆိုပါကဲ့သို့ ပြောကြားခဲ့ကြောင်း သိရသည်။

“သိမ်းဆည်းခံလယ်ယာမြေတွေ ပြန်ပေးရေး ဆောင်ရွက်ရာမှာ အကန့်အသတ်တွေ ရှိနေတယ်။ ဥပမာပြောရရင် မကွေးတိုင်းမှာ ကာကွယ်ရေးပစ္စည်းစက်ရုံ (ကပစ) က သိမ်းတာတွေလည်းရှိတယ်။ အများကြီးသိမ်းတယ်။ နိုင်ငံတော်ကာကွယ်ရေးအတွက် လိုအပ်လို့ သိမ်းတာတွေကတော့ ပြည်သူတစ်ရပ်လုံးကို ကာကွယ်ဖို့ လိုအပ်လို့သိမ်းတာကတော့ ကျွန်တော်က ဘာမှပြောစရာအကြောင်းမရှိဘူး။ သို့သော်လည်းပဲ ဒီသိမ်းတာတွေက ဧကနည်းပါတယ်။ ဧကများပါတယ်။ ဒါတွေကို အသုံးချပါတယ်။ အသုံးမချပါဘူး။ ဒါတွေကုို ဖြေရှင်းတဲ့အခါမှာ ကြိုးစားရတာ အခက်အခဲလေးတွေတော့ ရှိပါတယ်” ဟု ဒေါက်တာ အောင်မိုးညိုက မီဒီယာများသို့ ပြောကြားသည်။

ဝန်ကြီးချုပ်က ဆက်လက်၍ “အကယ်၍များ ကာကွယ်ရေးဝန်ကြီးသည် ရွေးကောက်ပွဲကနေပြီး ပြည်သူကတင်မြှောက် ရွေးချယ်ခံရတဲ့ပုဂ္ဂိုလ်ဖြစ်မယ်ဆိုရင် ဒီကိစ္စတွေက အများကြီးကို နားလည်မှုရှိပြီးတော့ ပိုပြီးလျင်မြန်လာမယ်လို့ ကျွန်တော်က ယုံကြည်တယ်။ ခုကတော့ ကာကွယ်ရေးဝန်ကြီးသည် ပြည်သူက ရွေးချယ်တင်မြှောက်ခြင်းခံရတဲ့ လွှတ်တော်ကိုယ်စားလှယ်၊ ပြည်သူကို ကိုယ်စားပြုတဲ့လူမဟုတ်တော့ ဒါတွေကို လုပ်ရကိုင်ရတာတွေမှာ မနည်းကြိုးစားပြီး လုပ်နေရပါတယ်။ ဒီလောက်ပဲ ပြောလို့ရပါတယ်” ဟု ပြောကြားခဲ့သည်။

မကွေးမြို့ ပညာရေးကောလိပ်အတွက် ၁၉၉၈ ခုနှစ်က နွားကူးနှင့် သန်းတောကုန်းကျေးရွာ တောင်သူများ၏ ယာမြေဧက ၁၀၀ ခန့်ကို သိမ်းဆည်းခဲ့ကြောင်း၊ ထိုမြေများမှ အမှန်တကယ် လိုအပ်သည့်မြေ ဧက ၅၀ ခန့်ကိုချန်၍ ကျန်မြေများအား မူလပိုင်ရှင် တောင်သူများထံ ၀န်ကြီးချုပ်နှင့် လယ်ယာစိုက်ပျိုးရေးဝန်ကြီးတို့က ပြန်လည်ပေးအပ်ခဲ့ကြောင်း၊ ယင်းသို့ပေးအပ်ရာတွင် ယာမြေများ ပြန်လည်ရရှိရေးအတွက် ငွေပေးရသည်ဟူသည့်ကိစ္စကိုလည်း တရားရုံးတွင် ဖြေရှင်းလျက်ရှိကြောင်း၊ ယင်းကိစ္စတွင် ၀န်ကြီးချုပ်အနေဖြင့် ငွေတစ်ပြားတစ်ချပ်မျှ ရယူထားခြင်းမရှိဟု ၀န်ကြီးချုပ်က အဆိုပါ အခမ်းအနား၌ တောင်သူများရှေ့တွင် သစ္စာပြုခဲ့ကြောင်း သိရသည်။

မကွေးတိုင်းဒေသကြီးအတွင်းရှိ သိမ်းဆည်းခံမြေများအနက် ယခင်အစိုးရလက်ထက်က ဧက ၂၂၀၀၀ ကျော် ပြန်လည်စွန့်လွှတ်ခဲ့ကြောင်း၊ ထိုမြေများတွင် စိုက်ပျိုးမြေ ဧက ၉၃၀၀ ကျော်နှင့် အခြားမြေဧက ၁၃၀၀၀ ကျော် ပါဝင်ကြောင်း၊ ယခုအစိုးရလက်ထက်တွင် ပြန်လည်စွန့်လွှတ်သည့်မြေ ဧက ၃၉၀၀ ကျော်ရှိပြီး စိုက်ပျိုးမြေ ဧက ၁၅၀၀ ကျော် ပါဝင်ကြောင်း၊ အဆိုပါအခမ်းအနားတွင် မကွေးတိုင်းဒေသကြီး အစိုးရအဖွဲ့ လယ်ဆည်ဝန်ကြီး ဦးဝင်းမော်ဌေးက ပြောကြားခဲ့ကြောင်း သိရသည်။

ဒေါ်လာဈေးနှင့်အတူ ထိုင်းဘတ်ငွေဈေး ရုတ်တရက် မြင့်တက်ခြင်းကြောင့် မြန်မာကျပ်ငွေလက်ဝယ်ရှိသူ ကုန်သည်အချို့ ကျပ်သိန်းဆယ်ဂဏန်းထိ အရှုံးပေါ်နေဟုဆို

မြ၀တီ ချစ်ကြည်ရေးတံတားအနီးမှ တစ်နိုင်တစ်ပိုင် ငွေလဲလုပ်ကိုင်နေသူအား တွေ့ရစဉ်

ဒေါ်လာဈေးနှင့်အတူ ထိုင်းဘတ်ငွေဈေး ရုတ်တရက် မြင့်တက်ခြင်းကြောင့် မြန်မာကျပ်ငွေ လက်ဝယ်ရှိသူကုန်သည်အချို့ကျပ် သိန်းဆယ်ဂဏန်းထိ အရှုံးပေါ်နေကြောင်း မြ၀တီနယ်စပ်မှ ကုန်သည်လုပ်ငန်းရှင်များထံမှ သိရသည်။

မြန်မာ-ထိုင်းနယ်စပ် မြ၀တီမြို့၏ အဓိကငွေကြေးဈေးကွက်ရပ်ဝန်းတွင် ထိုင်းဘတ်ငွေနှင့် မြန်မာကျပ်ငွေ နှစ်မျိုးစလုံး သုံးစွဲလျက်ရှိသော်လည်း ထိုင်းကုန်ပစ္စည်းများဝယ်ယူမှုတွင် ဘတ်ငွေနှင့်သာ ၀ယ်ယူသုံးစွဲကြရကြောင်း သိရသည်။

အမေရိကန်ဒေါ်လာ ငွေလဲလှယ်နှုန်းမှာ သြဂုတ် ၁၆ ရက် နံနက်က တစ်ဒေါ်လာကျပ် ၁၅၃၀ ထိ မြင့်တက်သွားသလို ထိုင်းဘတ်ငွေဈေးမှာလည်း ဘတ်တစ်ရာလျှင် ၄၅၆၆ ကျပ်ထိ ဘတ်ဈေး မြင့်တက်သွားခဲ့သည်။

မြ၀တီမြို့ ငွေကြေးရောင်းဝယ်မှု ဈေးကွက်တွင် သြဂုတ် ၁၄ ရက်က မြန်မာကျပ်ငွေ ၁၀၀ လျှင် ထိုင်းဘတ် ၂ ဒသမ ၂၇ ဘတ်ဖြစ်ခဲ့ ရာမှ သြဂုတ် ၁၆ ရက်တွင် ကျပ် ၁၀၀လျှင် ၂ ဒသမ ၁၉ ဘတ် (အ၀ယ်) ၂ ဒသမ ၁၇ ဘတ် (အရောင်း) ဖြစ်သွားသည့်အတွက် ယမန်နေ့က မြန်မာကျပ်ငွေဝယ်ယူထားသူများ ကျပ်သိန်း ဆယ်ဂဏန်းထိ အရှုံးပေါ်သွားသည်ဟု ဆိုသည်။

“မနေ့က မြန်မာငွေကျပ် သိန်း ၅၀၀ ၀ယ်ထားလိုက်တယ်၊ ဒီနေ့ ဘတ်ပြန်လဲတော့ ကျပ်ငွေ တစ်သိန်းကို ဘတ် ၇၀ ၀န်းကျင်ရှုံးတဲ့အတွက် ကျပ် ၁၀ သိန်းကျော် အရှုံးပေါ်သွားပါတယ်။ ထို့အတူပဲ နယ်ကလာတဲ့ ကုန်သည်တွေ၊ မြန်မာငွေနဲ့ဆိုတော့ သူတို့တွေလည်း အရှုံးနဲ့ ကြုံနေရပါတယ်” ဟု မြ၀တီချစ်ကြည်ရေးတံတားအနီးမှ တစ်နိုင်တစ်ပိုင် ငွေလဲလုပ်ကိုင်နေသူတစ်ဦးက ပြောကြားသည်။

ထို့ပြင် မြ၀တီမြို့ရှိ ကုန်စည်ရောင်းဝယ်ရေး ဈေးဆိုင်များမှာလည်း ထိုင်းဘတ်ငွေဈေး မြင့်တက်နေခြင်းကြောင့် ကုန်ပစ္စည်းအသစ် ၀ယ်ယူမှု ရပ်နားထားကာ လက်ကျန်ပစ္စည်းများကိုသာ ရောင်းချလျက်ရှိကြောင်းနှင့် လက်ရှိငွေဈေးအရ ကျပ်တစ်သိန်းတန်ဖိုးရှိ ပစ္စည်းတစ်မယ်လျှင် ကျပ်၂၅၀၀ ထိ ဈေးတက်လာနိုင်ဖွယ် ရှိသည်ဟုဆိုသည်။

သြဂုတ် ၁၆ ရက် ညနေ ၃ နာရီ ၂၅ မိနစ်တွင် မြန်မာငွေ ကျပ် ၁၀၀ လျှင် ထိုင်းဘတ်ငွေ ၂ ဒသမ ၂၁ ဘတ်သို့ ပြန်လည်ကျဆင်းခဲ့ကြောင်း သိရသည်။

ထိုင်းဘတ်ငွေဈေး မြင့်တက်နေခြင်းကြောင့် မြန်မာ့ရွှေ့ပြောင်း လုပ်သားများ၏ နေရပ်ပြန်ပို့ငွေပမာဏမှာ ယခင်နှစ်ကထက် များစွာမြင့်တက်လာခဲ့ကြောင်းလည်း ထိုင်းနိုင်ငံရောက် မြန်မာ့ရွှေ့ပြောင်းလုပ်သားများက ပြောကြားသည်။

မောင်တော၊ ဘူးသီးတောင်နှင့် ရသေ့တောင်မြို့နယ်များအတွင်း ဇန်န၀ါရီ ၁ ရက်မှ သြဂုတ် ၁၄ ရက်အထိ စိတ်ကြွဆေးပြား ၁၁ သန်းကျော် ဖမ်းဆီးရမိ

မောင်တော၊ ဘူးသီးတောင်နှင့် ရသေ့တောင်မြို့နယ်များအတွင်း၌ ၂၀၁၈ ခုနှစ် ဇန်န၀ါရီ ၁ ရက်မှ သြဂုတ် ၁၄ ရက်အထိ စိတ်ကြွဆေးပြားပေါင်း ၁၁သန်းကျော် ဖမ်းဆီးရမိခဲ့ကြောင်း သတင်းထုတ်ပြန်ရေးကော်မတီမှ သတင်းထုတ်ပြန်ချက်အရ သိရသည်။

မောင်တော၊ ဘူးသီးတောင်နှင့် ရသေ့တောင်မြို့နယ်များသည် ရခိုင်ပြည်နယ်တွင် မူးယစ်ဆေးပြား အများဆုံး ဖမ်းဆီးရမိသည့်ဒေသဖြစ်ပြီး စိတ်ကြွဆေးပြား ၁၁၃၁၄၇၀၁ ပြား၊ စိတ်ကြွအကြေမှုန့် ၂ ဒသမ ၅၉၀၃ ကီလိုနှင့် ဆေးခြောက် ၀ ဒသမ ၁၅၄၉ ကီလိုတို့ကို ဖမ်းဆီးရမိခဲ့ပြီး အမှုပေါင်း ၈၄ မှု ဖွင့်လှစ် အရေးယူနိုင်ခဲ့ကာ တရားခံ ၁၂၈ ဦးအား ဖမ်းဆီးရမိခဲ့ခြင်းဖြစ်ကြောင်း သိရသည်။

၂၀၁၈ ခုနှစ် မေ ၂ ရက်မှ သြဂုတ် ၁၃ ရက်အထိ မူးယစ်ဆေးဝါးမျိုးစုံ ဖမ်းဆီးရမိမှုမှာ စိတ်ကြွဆေးပြား ၄၁၉၁၄၃၀ ပြား၊ စိတ်ကြွအကြေမှုန့် ၀ ဒသမ ၀၀၃၅ ကီလို၊ ဆေးခြောက် ၁၃ ဒသမ ၇၆၈၀၂ ကီလို စသည့် မူးယစ်ဆေးဝါး စုစုပေါင်းတန်ဖိုး ကျပ်သိန်း ၁၂၅၇၇၃ ဒသမ ၇၉၅ သိန်းဖိုးတို့ကို သိမ်းဆည်းရမိခဲ့ပြီး အမှုပေါင်း ၉၄ မှု ဖွင့်လှစ် အရေးယူနိုင်ခဲ့ကာ တရားခံ ၁၃၂ ဦးအား ထပ်မံဖမ်းဆီးရမိခဲ့သည်။

ရခိုင်ပြည်နယ်အတွင်း ၂၀၁၁ ခုနှစ်မှ ၂၀၁၈ ခုနှစ် မေ ၁ ရက်အထိ စိတ်ကြွဆေးပြား၊ စိတ်ကြွအကြေမှုန့်၊ ဆေးခြောက်၊ ဗျူပရီနော်ဖင်း၊ အယ်ပရာဇိုလမ်ဆေးပြား၊ ဒိုင်ရာဇီပမ်၊ ဒိုင်ရာဇီပမ်ထိုးဆေး၊ မော်ဖင်းထိုးဆေး၊ Lutigesic၊ Zoliuncarpa zolarn၊ ကတ်တမင်း၊ Fantanyl နှင့် အက်ဖီဒရင်းစသည့် မူးယစ်ဆေးဝါးမျိုးစုံ စုစုပေါင်းတန်ဖိုး ကျပ်သိန်းပေါင်း ၁၈၃၆၉၂၅ ဒသမ ၉၃၄ သိန်းဖိုး ဖမ်းဆီးရမိခဲ့ပြီး အမှုပေါင်း ၆၃၁ မှု ဖွင့်လှစ်အရေးယူနိုင်ခဲ့ကာ တရားခံ ၁၀၁၁ ဦးအား ဖမ်းဆီးရမိခဲ့ကြောင်း သတင်းထုတ်ပြန်ချက်အရ သိရသည်။

ရခိုင်ပြည်နယ်အတွင်း ၂၀၁၁ ခုနှစ်မှ ၂၀၁၈ ခုနှစ် သြဂုတ် ၁၃ ရက်အထိ စိတ်ကြွဆေးပြား၊ စိတ်ကြွအကြေမှုန့်၊ ဆေးခြောက်၊ ဗျူပရီနော်ဖင်း၊ အယ်ပရာဇိုလမ်ဆေးပြား၊ ဒိုင်ရာဇီပမ်၊ ဒိုင်ရာဇီပမ်ထိုးဆေး၊ မော်ဖင်းထိုးဆေး၊ Lutigesic၊ Zoliuncarpa zolarn၊ ကတ်တမင်း၊ Fantanyl နှင့် အက်ဖီဒရင်းစသည့် မူးယစ်ဆေးဝါးမျိုးစုံ စုစုပေါင်းတန်ဖိုး ကျပ်သိန်းပေါင်း ၁၉၆၂၆၉၉ ဒသမ ၇၂၉ ဖိုး ဖမ်းဆီးရမိခဲ့ပြီး အဆိုပါ မူးယစ်ဆေးဝါးများနှင့် ပတ်သက်၍ အမှုပေါင်း ၇၂၅ မှု ဖွင့်လှစ် အရေးယူနိုင်ခဲ့ကာ တရားခံ ၁၁၄၃ ဦးအား ဖမ်းဆီးရမိခဲ့ကြောင်း သိရသည်။