ချောင်းသာကမ်းခြေနှင့် ငွေဆောင်ကမ်းခြေ သာယာလှပရေးနှင့် စည်းကမ်းစနစ်တကျ ရှိစေရေးအတွက် ဒေသန္တရအမိန့် ထုတ်ပြန်

ချောင်းသာကမ်းခြေ တစ်နေရာတွင် အပန်းဖြေ အနားယူနေကြသူများအား တွေ့ရစဉ်

ချောင်းသာကမ်းခြေနှင့် ငွေဆောင်ကမ်းခြေများ သာယာလှပရေးနှင့် စည်းကမ်းစနစ်တကျ ရှိစေရေးအတွက် ခရီးသွားရာသီအမီ ပုသိမ်မြို့နယ် အထွေထွေ အုပ်ချုပ်ချုပ်ရေး ဦးစီးဌာနမှ ဒေသန္တရအမိန့် ၁၅ ချက်အား ထုတ်ပြန်ကြေညာခဲ့ကြောင်း သတင်းရရှိသည်။

ကမ်းခြေတစ်လျှောက်တွင် စည်ပင်သာယာရေးကော်မတီမှ လိုင်စင်ချထားပေးသည့် လုပ်ငန်းများမှအပ ဈေးဆိုင်များ တည်ခင်းရောင်းချခြင်း မပြုရန်၊ အများပြည်သူ ရေကစားရန် သတ်မှတ်ထားသည့် ဧရိယာအတွင်း အပျော်စီး သင်္ဘောများ ရပ်နားခြင်း၊ ခရီးသည် တင်ခြင်းများ မပြုလုပ်ရန်၊ ကမ်းခြေတစ်လျှောက် စက်တပ်ယာဉ်များ စီးနင်းခြင်း မပြုရန်၊ အပန်းဖြေဧရိယာအနီးတွင် ငါးလှန်းစင် များ ဆောက်လုပ်ခြင်း၊ ငါးလှန်းခြင်းများ မပြု လုပ်ရန်၊ မီးပန်းဗြောက်အိုးများ ရောင်းချခြင်း၊ လွှတ်တင်ပစ်ဖောက်ခြင်းများ မပြုလုပ်ရန်၊ ကမ်းခြေနှင့် ကမ်းခြေဆင်းလမ်း တစ်လျှောက် ယာဉ်များ ညအိပ်ရပ်နားခြင်း၊ တဲထိုး၍အိပ် ခြင်းမပြုလုပ်ရန်၊ ကမ်းစပ်သောင်ပြင်တွင် မီးဖိုခြင်း၊ ချက်ပြုတ်စားသောက်ခြင်းနှင့် အ များပြည်သူထိခိုက်နိုင်သည့် ကစားနည်းများ မကစားရန်၊ ကမ်းခြေတစ်လျှောက် အမှိုက်စွန့် ပစ်ခြင်း၊ သစ်ပင်စိုက်ပျိုးခြင်း၊ အဆောက်အအုံ တိုးချဲ့ဆောက်လုပ်ခြင်း၊ သဲကျောက်ထုတ် လုပ်ခြင်းနှင့် သန္တာကျောက်များတူးဖော်ခြင်း များ မပြုလုပ်ရန် စသည့်အချက်များ ပါဝင်သည့် ဒေသန္တရအမိန့်ကို ထုတ်ပြန်ခဲ့ကြောင်း သိရသည်။

“ချောင်းသာရော ငွေဆောင်ရောမှာ သက်ဆိုင်ရာဌာနတွေက ကြီးကြပ်မယ့်အပြင်ကို ကမ်းခြေစည်းကမ်း ထိန်းသိမ်းရေးအဖွဲ့ ရှိမယ်။ ကမ်းခြေစည်းကမ်း ထိန်းသိမ်းရေး ကော်မတီပေါ့။ အဲဒီကော်မတီကနေ ဒီဒေသန္တရ အမိန့်တွေနဲ့ လိုက်နာခြင်း မရှိတဲ့သူတွေကို အရေးယူတာတွေဘာတွေ လုပ်ရမှာပေါ့။ အဲဒီလိုကြီးကြပ်မယ်။ ဒေသန္တရအမိန့် ထုတ်ပြီးတော့ စည်းကမ်းထိန်းသိမ်းရတာကတော့ နှစ်တိုင်းက လုပ်နေကျ လုပ်ရိုးလုပ်စဉ်ပေါ့။ ဒီနှစ်မှာတော့ လုပ်ရိုးလုပ်စဉ် အလုပ်ကိုပဲ ပိုပြီးတော့ အားနည်းချက်တွေ ရှာဖွေပြီးတော့ ပိုမိုစည်းကမ်း ထိန်းသိမ်းနိုင်ဖို့ အောင်မြင်အောင် လုပ်မယ်ပေါ့နော်။ အဲဒီလိုအစီအစဉ်တွေ ချထားပါတယ်။ သက်ဆိုင်ရာ အုပ်ချုပ်ရေး အဖွဲ့တွေကိုလည်း ဆက်လက် လုပ်ဆောင်သွားမယ့် စီမံချက်တွေကိုလည်း ရေးဆွဲတင်ခိုင်းထားပြီး စီမံချက်တွေအတိုင်း လုပ်သွားမယ်လို့ စီစဉ်ထားပါတယ်” ဟု ဧရာဝတီတိုင်းဒေသကြီး အစိုးရအဖွဲ့ဝင် စည်ပင်သာယာဝန်ကြီး ဦးကျော်မြင့်က ပြောကြားသည်။

ဧရာဝတီတိုင်း ဒေသကြီးအတွင်း အပန်းဖြေစခန်းများအနက် ဂေါ်ရန်ဂျီကျွန်းမှာ ခရီးလမ်းသွားလာရေး ခက်ခဲမှုကြောင့် ခရီးသွားများ ၀င်ရောက်မှု နည်းပါးနေသေးပြီး ငွေဆောင်ကမ်းခြေမှာမူ နိုင်ငံခြားသား ခရီးသွားများ ပိုမိုလာရောက်လေ့ရှိကြောင်း၊ ချောင်းသာကမ်းခြေမှာမူ ပြည်တွင်းခရီးသွားများ ၀င်ရောက်မှု အများဆုံးဖြစ်ပြီး ကမ်းခြေအလှ ယိုယွင်းပျက်စီးမှုများ ဖြစ်ပေါ်နေမှုကြောင့် ထိန်းသိမ်းစောင့်ရှောက်ရေး လုပ်ငန်းများ လုပ်ဆောင်နေရသည့် ကမ်းခြေတစ်ခုဖြစ်ကြောင်း သိရသည်။

ရန်ကုန်မြို့ပတ်ရထားလမ်း အဆင့်မြှင့်တင်ခြင်းစီမံကိန်း၏ အင်းစိန်-တညင်းကုန်း လက်ယာရစ်လမ်းပိုင်း အဆင့်မြှင့်တင်မှုစတင်နေပြီး နိုဝင်ဘာ ၃၀ ရက် အပြီးလုပ်ဆောင်မည်

အောက်တိုဘာ ၁၂ ရက်က ရွာသာကြီး-မြစ်ငယ် အမှတ် ၉၂၃ အဆန်ကုန်သေတ္တာရထားအား စမ်းသပ်ခုတ်မောင်းစဉ်

ရန်ကုန်မြို့ပတ်ရထားလမ်း အဆင့်မြှင့် တင်ခြင်းစီမံကိန်း၏ အင်းစိန်-တညင်းကုန်း      ရထားလမ်းပိုင်းပြုပြင်မှုအား နိုဝင်ဘာ ၃၀ ရက်တွင် အပြီးလုပ်ဆောင်မည်ဖြစ်ကြောင်း မြန်မာ့မီးရထားလုပ်ငန်းမှ သိရသည်။

ရန်ကုန်မြို့ပတ်ရထားလမ်း အဆင့်မြှင့်တင်ခြင်း စီမံကိန်းအား မြို့အရှေ့ခြမ်းနှင့် အနောက်ခြမ်းဟူ၍ နှစ်ပိုင်းခွဲခြားပြုပြင်နေခြင်းဖြစ်ပြီး ၂၀၁၈ ခုနှစ် ဖေဖော်ဝါရီ ၂၁ ရက်တွင် အနောက်ဘက်ခြမ်း အဆင့်မြှင့်တင်ခြင်းအား စတင်ခဲ့ပြီး စက်တင်ဘာလကုန်တွင် လုပ်ငန်းများ ပြီးစီးခဲ့ပြီဖြစ်သည်။

အဆင့်မြှင့်တင်သွားမည့် ရန်ကုန်မြို့ပတ်ရထားလမ်းစီမံကိန်း၏ အနောက်ခြမ်းတွင် တညင်းကုန်း-အင်းစိန်၊ အင်းစိန်-ကြည့်မြင်တိုင်နှင့် ကြည့်မြင်တိုင်-ဘုရားလမ်းဟူ၍ ရထားလမ်းပိုင်း သုံးပိုင်းခွဲခြားဆောင်ရွက် သွားမည်ဖြစ်သည်။ အရှေ့ခြမ်းတွင် တညင်းကုန်း-ပုရွက်ဆိတ်ကုန်း၊ ပုရွက်ဆိတ်ကုန်း-ပုဇွန်တောင်ဟူ၍ နှစ်ပိုင်းခွဲခြားဆောင်ရွက်သွားမည် ဖြစ်သည်။

ဖေဖော်ဝါရီ ၂၁ ရက်တွင် စတင်ခဲ့သည့် ရန်ကုန်မြို့ပတ်ရထားလမ်းပိုင်း၏ အနောက်ခြမ်းပြုပြင်မှုများကို အေ၀မ်းကုမ္ပဏီမှ လုပ်ကိုင်ခွင့်ရရှိထားခြင်း ဖြစ်သည်။ အနောက်ခြမ်း အဆင့်မြှင့်တင်မှုတွင် အင်းစိန်-တညင်းကုန်း ရထားလမ်းပိုင်း၏ လက်ဝဲရစ်လမ်းပိုင်းပြုပြင်မှုများမှာ စက်တင်ဘာလကုန်တွင်ပြီးစီးခဲ့ပြီး အောက်တိုဘာ ၁ ရက်တွင် စတင်ကာ လက်ယာရစ်လမ်းပိုင်းပြုပြင်မှုများကို စတင်ခဲ့ခြင်းသည်။

“ကနဦးက မိုးရာသီကာလမှာ ပြုပြင်မှုတွေကို ရပ်နားဖို့ စီစဉ်ထားပေမယ့် လမ်းပိုင်းပြုပြင်မှုတွေလုပ်တဲ့အခါမှာ နှောင့်နှေးမှုတွေ ရှိခဲ့တော့ မနားခဲ့ဘဲ ဆက်တိုက်ဆောင်ရွက်ခဲ့တာပါ။ အင်းစိန်-တညင်းကုန်းရထားလမ်းပိုင်းရဲ့ လက်ဝဲရစ်လမ်းပိုင်း ပြုပြင်မှုတွေ ပြီးစီးခဲ့လို့ အောက်တိုဘာ ၁ ရက်မှာစပြီး လက်ယာရစ် လမ်းပိုင်းပြုပြင်မှုတွေကို စတင်လုပ်ဆောင်နေပါတယ်။ နိုဝင်ဘာ ၃၀ ရက်မှာ အပြီးဆောင်ရွက်သွားမှာ ဖြစ်ပါတယ်” ဟု မြန်မာ့မီးရထားလုပ်ငန်းမှ လက်ထောက်မန်နေဂျာ ဦးကျော်မျိုးလွင်က ပြောကြားသည်။

၁၉၅၈ ခုနှစ်တွင် ဖောက်လုပ်ခဲ့သည့် ရန်ကုန်မြို့ပတ်ရထားလမ်းပိုင်းသည် နှစ်ပေါင်း ၆၀ ခန့်သက်တမ်းရှိပြီဖြစ်သော်လည်း လမ်းပိုင်းအကြီးစားပြုပြင်ခြင်းလုပ်ငန်းကို ယခုနှစ်တွင်မှ ပြုလုပ်နိုင်ခဲ့ခြင်းဖြစ်ပြီး အဆိုပါလမ်းပိုင်းကို ဂျပန်အစိုးရချေးငွေအမေရိကန်ဒေါ် လာ ၂၀၆ သန်းကျော်နှင့် နိုင်ငံတော်ဘတ်ဂျက် အမေရိကန်ဒေါ်လာ ၉၄ သန်းကျော်ဖြင့် အဆင့်မြှင့်တင်သွားမည်ဖြစ်ကြောင်း မြန်မာ့မီးရထားမှ သတင်းထုတ်ပြန်ထားသည်။

လက်ရှိမြို့ပတ်ရထားလမ်းပိုင်းသည် ၂၉ မိုင်ခန့်ရှည်လျားပြီး မြို့တစ်ပတ်ခုတ် မောင်းချိန်အနေဖြင့် နှစ်နာရီနှင့် ၅၀ မိနစ်ကြာ မြင့်ကြောင်းသိရသည်။ ရန်ကုန်မြို့ပတ်ရထားလမ်း အဆင့်မြှင့်တင်ခြင်းစီမံကိန်း ပြီးစီးပါက မြို့တစ်ပတ်ခုတ်မောင်းချိန် တစ်နာရီ မိနစ် ၅၀ ခန့်သာ ကြာမြင့်မည်ဖြစ်ကြောင်း သိရသည်။ မြို့ပတ်ရထားစီးနင်းသူအနေဖြင့် လက်ရှိတွင် တစ်ရက်လျှင် ကိုးသောင်းခန့်ရှိရာမှ စီမံကိန်းပြီးစီးပါက တစ်ရက်လျှင် သုံးသိန်းခန့် ရှိလာနိုင်မည်ဟု သိရသည်။

နေပြည်တော် ခုတင် ၁၀၀၀ ဆေးရုံကြီးတွင် ကျပ်တစ်ဘီလျံကျော်တန်ဖိုးရှိ နှလုံးသွေးကြောပိုက်ထည့် စမ်းသပ်ကုသစက် ၀ယ်ယူပြီး နှလုံးနှင့်သွေးကြောရောဂါလူနာများအား စတင်ကုသ

နေပြည်တော်ဆေးရုံကြီးတွင် အသစ်ဖွင့်လှစ်ထားသည့် နှလုံးသွေးကြောပိုက်ထည့် စမ်းသပ်ခန်းအား တွေ့ရစဉ်

နေပြည်တော် ခုတင် ၁၀၀၀ ဆံ့ ပြည်သူ့ဆေးရုံကြီးတွင် ကျပ်တစ်ဘီလျံကျော်တန်ဖိုးရှိ နှလုံးသွေးကြောပိုက်ထည့် စမ်းသပ်ကုသစက် ၀ယ်ယူထားပြီး နှလုံးနှင့် သွေးကြောရောဂါ ဝေဒနာရှင်များအား ကုသပေးလျက်ရှိကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

ကျန်းမာရေးနှင့် မညီညွတ်သော နေထိုင်စားသောက်မှု ပုံစံများကြောင့်လည်းကောင်း၊ သက်ကြီးရွယ်အိုဦးရေ များပြားလာမှုကြောင့်လည်းကောင်း သွေးတိုးရောဂါ၊ သွေးချို၊ ဆီးချိုရောဂါ စသည့်ရောဂါများ ဖြစ်ပွားခြင်း များပြားလာမှုနှင့်အတူ ယင်းရောဂါများ၏ နောက်ဆက်တွဲပြဿနာများကြောင့် နှလုံးနှင့် သွေးကြောရောဂါများ ဖြစ်ပွားလျက်ရှိကြောင်းနှင့် ထိုသို့များပြားလှသော နှလုံးနှင့် သွေးကြောရောဂါဝေဒနာရှင် လူနာများကို အရည်အသွေးပြည့်ဝစွာ ကုသမှုပေးနိုင်ရန် ၀န်ကြီးဌာနအနေဖြင့် ယခုကဲ့သို့ နှလုံးသွေး ကြောပိုက်ထည့် စမ်းသပ်ကုသခန်းကို တည်ဆောက်ခြင်းဖြစ်ကြောင်း သိရသည်။

နေပြည်တော်ပြည်သူ့ဆေးရုံကြီးသည် အစိုးရရုံးစိုက်ရာနေရာတွင်ရှိခြင်း၊ နေပြည်တော်အနီးတစ်ဝိုက်ဒေသများ အပါအ၀င် အနယ်နယ်အရပ်ရပ်မှ ပြည်သူများအားကိုး၍ ကုသမှုခံယူကြခြင်းတို့ကြောင့် ရန်ကုန်ပြည်သူ့ဆေးရုံကြီးနှင့် မန္တလေးဆေးရုံကြီးများ နည်းတူအဓိကဆေးရုံကြီး ဖြစ်လာစေရန် ၀န်ကြီးဌာနအနေဖြင့် လိုအပ်ချက်များကို ဖြည့်ဆည်းလျက်ရှိကြောင်းနှင့် နေပြည်တော် ဆေးရုံကြီး ခုတင် ၁၀၀၀ တွင် နှလုံးသွေးကြောပိုက်ထည့် စမ်းသပ်ကုသစက်ကို မြန်မာကျပ်ငွေ ၁ ဒသမ ၄၄ ဘီလျံခန့် အကုန်အကျခံ၍ စက်တင်ဘာ ၃၀ ရက်က တပ်ဆင်ပြီးစီးခဲ့ပြီး ယင်းစက်ဖြင့် အောက်တိုဘာ ၄ ရက် နှင့် ၅ ရက်များတွင် နှလုံးနှင့် သွေးကြောရောဂါဝေဒနာရှင် လူနာရှစ်ဦးကို  ခွဲစိတ်ကုသပေးခဲ့ပြီးဖြစ်ကြောင်း သိရသည်။

နှလုံးနှင့် နှလုံးသွေးကြောရောဂါ ဖြစ်ပွားမှု၏ ၇၅ ရာခိုင်နှုန်းသည် မြန်မာအပါအ၀င် ဖွံ့ဖြိုးဆဲနိုင်ငံများတွင် ဖြစ်ပွားနေပြီး ကမ္ဘာတွင် နှစ်စဉ် နှလုံးနှင့် နှလုံးသွေးကြောရောဂါကြောင့် လူပေါင်း ၁၇ သန်းကျော် သေဆုံးနေကြောင်း  စက်တင်ဘာ ၂၇ ရက်က နေပြည်တော်၌ ကျင်းပပြုလုပ်ခဲ့သည့် ကမ္ဘာ့နှလုံး ကျန်းမာရေးနေ့ အခမ်းအနားတွင် ပြောကြားချက်များအရ သိရသည်။

မြန်မာနိုင်ငံအပါအ၀င် ကမ္ဘာ့နိုင်ငံများတွင် နှလုံးနှင့် နှလုံးသွေးကြောရောဂါများ အပါအ၀င် မကူးစက်တတ်သောရောဂါများ ဖြစ်ပွားမှု များပြားလျက်ရှိပြီး နှလုံးနှင့် နှလုံးသွေးကြောရောဂါများကြောင့် ရုတ်တရက် သေဆုံးမှုများလည်း ဖြစ်ပွားစေနိုင်ကြောင်း နှင့် လက်ရှိ နှလုံးသွေးကြောပိတ်လူနာများကို ပိုမိုထိရောက်စွာ ကုသနိုင်ရန် နှလုံးအထူး ကြပ်မတ်ကုသမှုဌာန (Coronary Care Unit) များကို တိုင်းဒေသကြီး / ပြည်နယ်အဆင့် ပြည့်သူ့ဆေးရုံကြီး ခြောက်ရုံတွင် ဖွင့်လှစ်ရန်လျာထားကြောင်း သိရသည်။

ထိုကဲသို့ တိုင်းဒေသကြီး၊ ပြည်နယ်၊ မြို့နယ်အဆင့်ဆေးရုံများတွင် နှလုံးရောဂါနှင့် နှလုံးရောဂါ အရေးပေါ်အခြေအနေများကို ကုသမှုပေးနိုင်ခြင်းဖြင့် လူနာများအနေဖြင့် မန္တလေးအထွေထွေရောဂါကု ဆေးရုံကြီးနှင့်  ရန်ကုန်အထွေထွေရောဂါကုဆေးရုံကြီးများ တွင် သွားရောက်ကုသရန် လိုအပ်မှုလျော့နည်းသွားမည်ဖြစ်ကြောင်းနှင့် လက်ရှိလျာထားသည့် ပြည်သူ့ဆေးရုံကြီးများတွင် ဖွင့်လှစ်နိုင်ရန် ဆေးရုံသုံးပစ္စည်းများ ထောက်ပံ့ခြင်းနှင့် သင်တန်းများဆောင်ရွက်ခြင်းတို့ ဆောင်ရွက်လျက်ရှိကြောင်း သိရသည်။

နှလုံးသွေးကြောရောဂါသည် ကမ္ဘာပေါ်တွင် အများဆုံးသေကျေသောရောဂါဖြစ်ပြီး တစ်နှစ်လျှင် လူပေါင်း ၁၇ ဒသမ ၂ သန်းခန့် သေဆုံးမှုရှိနေကြောင်းနှင့် နှလုံးသွေးကြော ကျဉ်းရောဂါဆိုသည်မှာ နှလုံးသွေးလွှတ်ကြောနံရံများတွင် အဆီများ စုပုံလာရာမှ သွေးကြောနံရံများထူလာပြီး သွေးစီးလမ်းကြောင်းကျဉ်းသွားခြင်း သို့မဟုတ် လုံးဝပိတ်သွားခြင်းတို့ကို ဆိုလိုခြင်းဖြစ်ကြောင်း သိရသည်။

 

တကောင်း ရှေးဟောင်းယဉ်ကျေးမှုနယ်မြေသို့ ပြည်တွင်းခရီးသွား လာရောက်မှု များလာပြီး နိုင်ငံခြားသား ခရီးသွား ၀င်ရောက်မှုနည်းလာ

တကောင်း ရှေးဟောင်းယဉ်ကျေးမှုနယ်မြေသို့ ပြည်တွင်းခရီးသွားလာမှု များပြားလာပြီး နိုင်ငံခြားသားခရီးသွား ၀င်ရောက်မှု နည်းပါးလာကြောင်း သိရသည်။

မန္တလေးတိုင်းဒေသကြီး ပြင်ဦးလွင်ခရိုင် သပိတ်ကျင်းမြို့နယ် တကောင်းမြို့ တကောင်းရှေးဟောင်း ယဉ်ကျေးမှုနယ်မြေသို့ ယခုနှစ်တွင် ပြည်တွင်းခရီးသွား ၀င်ရောက်မှု ပိုမိုးများပြားလာပြီး ပြည်ပခရီးသွား ၀င်ရောက်မှု နည်းပါးလာကြောင်း ရှေးဟောင်းသုတေသနနှင့် အမျိုးသားပြတိုက် ဦးစီးဌာန(တကောင်း)မှ သိရသည်။

တကောင်းယဉ်ကျေးမှု နယ်မြေသို့ ပြည်တွင်းခရီးသွားများသည် မန္တလေး၊ ထီးချိုင့်ဘက်မှ ကုန်းလမ်းခရီးဖြင့် တစ်လလျှင် ခရီးသွား ၄၀၀ မှ ၆၀၀ အကြား လာရောက်လည်ပတ်ပြီး နိုင်ငံခြားသား ခရီးသွားဧည့်သည် များသည် မန္တလေးမြို့မှ ရေလမ်းခရီးဖြင့် လာရောက် လည်ပတ်လေ့ရှိကြောင်း သိရသည်။

“တကောင်း ရှေးဟောင်းယဉ်ကျေးမှု နယ်မြေကို ပြည်တွင်းခရီးသွား လာရောက်မှုက ထီးချိုင့်က ဧရာဝတီမြစ်ကူးတံတား တည်ဆောက်ပြီးနောက်ပိုင်း များလာတယ်။ နောက်ပြီး ဗန်းမောက်မြို့နယ်က ဇလုံတောင်ကို ဘုရားဖူးသွားတဲ့ ခရီးသွားတွေက အပြန်မှာ တကောင်းပြတိုက်နဲ့ တကောင်းယဉ်ကျေးမှုနယ်မြေ ၀င်ရောက်လာမှု ဒီနှစ်ပိုင်း များလာတယ်။ နိုင်ငံခြားသား ခရီးသွားဧည့်သည် ၀င်ရောက်မှုကတော့ နည်းလာပါတယ်။ တစ်လအယောက်၂၀ ၀န်းကျင်လောက်ပဲ လာတော့တယ်။ နိုင်ငံခြားသား ခရီးသွားတွေက ရေလမ်းကပဲ လာတာများပါတယ်” ဟု ရှေးဟောင်း သုတေသနနှင့် အမျိုးသားပြတိုက် ဦးစီးဌာနမှ ဦးစီးအရာရှိ ဒေါ်ခင်ထွေးဝင်းက ဆိုသည်။

တကောင်းရှေးဟောင်းယဉ်ကျေးမှု ပြတိုက်တွင် ပျူခေတ်မှ ရတနာပုံခေတ် ရှေးဟောင်းပစ္စည်းများကို ပြခန်းသုံးနေရာခွဲ၍ ကျောက်၊ ကြေး၊ သံ၊ သစ်သားနှင့် ပြုလုပ်ထားသည့် ရှေးဟောင်းပစ္စည်းများအား ထိန်းသိမ်းပြသထားကြောင်း၊ ပြတိုက်တွင် ပြည်တွင်းပြည်ပ ခရီးသွားများ စိတ်အ၀င်စားဆုံး ပြကွက်သည် လွန်ခဲ့သည့် နှစ်ပေါင်း ၂၀၀၀ ကျော်က သံခေတ်၏ ပြယုဂ်ဖြစ်သော သံချက်ဖိုဖြစ်ကြောင်း၊ ယခင်က တကောင်းယဉ် ကျေးမှုနယ်မြေ ပတ်ဝန်းကျင်တွင် သံချက်ဖို ၁၀၀ ကျော်ရှိခဲ့ကြောင်း၊ ယခုရှေးဟောင်း

သုတေသနနှင့် အမျိုးသားပြတိုက် ဦးစီးဌာနမှ သံချက်ဖို ၁၀ ဖိုကို ထိန်းသိမ်းထားကြောင်း ၎င်းက ဆက်လက်ပြောကြားသည်။

တကောင်းရှေးဟောင်း ယဉ်ကျေးမှုနယ်မြေတွင် တကောင်းရှေးဟောင်း ယဉ်ကျေးမှုပြတိုက်၊ စည်းခုံကြီးဘုရား မြေနေရာ၊ ၁၁ ရာစုက အနော်ရထာမင်းကောင်းမှု လေးမျက်နှာဘုရား၊ ရွှေဇာလီဘုရား၊ ခေါင်းတိုက်ဘုရား၊ ဇိနအောင်မြေဘုရား၊ မြောက်ယဉ်စွန်းတန်း ဖြတ်သန်းသွားသည့်နေရာ၊ တကောင်းမြို့ရိုးစသည့် ရှေးဟောင်း နေရာများသို့ လေ့လာလည်ပတ်နိုင်ကြောင်း သိရသည်။

တကောင်းယဉ်ကျေးမှု နယ်မြေသည် မန္တလေးမြို့မှ ဧရာဝတီမြစ်အတိုင်း ၁၂၇ မိုင်ဝေး၍ မြစ်အရှေ့ဘက်ကမ်း မြေပြန့်ဒေသတွင် တည်ရှိပြီး “မြန်မာအစ၊ တကောင်းက” ဟု ဆိုရိုးရှိပြီး မြန်မာနိုင်ငံတွင် တကောင်းမင်းဆက် စတင်တည်ထောင်သည့်ခေတ်သည် မြန်မာသမိုင်း၏ အစဖြစ်သည်ဟု သမိုင်းဆရာတို့က ယူဆကြ၏။ မြန်မာနိုင်ငံ ပထ၀ီနှင့် သမိုင်း မဟာရာဇ၀င်၌ တကောင်းသည် ဂေါတမမြတ်စွာဘုရား လက်ထက်ကပင်လျှင် တကောင်းဟု ခေါ်တွင်ကြောင်း ဖော်ပြသည်။ မဇ္ဈိမဒေသ သာကီအနွယ်ဖြစ်သော အဘိရာဇာမင်းက စတင်တည်ထောင်ပြီး မင်း ၃၃ ဆက်မြောက် ဘိန္နကမင်း လက်ထက်တွင် ပထမတကောင်း ပျက်စီးခဲ့ကြောင်း၊ ဒုတိယအကြိမ် ဓဇရာဇာမင်းက ပြန်လည်ထူထောင်ကာ မင်းပေါင်း ၁၇ ဆက် စိုးစံခဲ့ကြောင်း၊ ထို့ကြောင့် တကောင်းတွင် မင်းပေါင်း ၅၀ စိုးစံခဲ့ဖူးကြောင်း သမိုင်းမှတ်တမ်းများအရ သိရသည်။

 

ကုလသမဂ္ဂအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် Ms. Christine Schraner Burgener နှင့် အဖွဲ့ဝင်များ ရခိုင်ပြည်နယ်လွှတ်တော်ဥက္ကဋ္ဌထံ လာရောက်တွေ့ဆုံ

ရခိုင်ပြည်နယ်လွှတ်တော်ရုံး ဥက္ကဋ္ဌဧည့်ခန်းမတွင် အောက်တိုဘာ ၁၆ ရက်က လွှတ်တော်ဥက္ကဋ္ဌနှင့် မြန်မာနိုင်ငံဆိုင်ရာ အထူးကိုယ်စားလှယ်အဖွဲ့တို့ တွေ့ဆုံစဉ်

ကုလသမဂ္ဂအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် Ms. Christine Schraner Burgener နှင့် အဖွဲ့ဝင်များသည် အောက်တိုဘာ ၁၆ ရက်က ရခိုင်ပြည်နယ်လွှတ်တော်ရုံး ဥက္ကဋ္ဌဧည့်ခန်းမတွင် ရခိုင်ပြည်နယ်လွှတ်တော် ဥက္ကဋ္ဌ ဦးစံကျော်လှအား လာရောက်တွေ့ဆုံခဲ့ကြောင်း သတင်းရရှိသည်။

ယင်းသို့တွေ့ဆုံရာတွင် လက်ရှိပြုလုပ်နေသော ထိပ်သီးခေါင်းဆောင်များ သီးသန့်အစည်းအဝေးအပေါ် သဘောထားအမြင်များ၊ မြန်မာဆက်ဆံရေးဆိုင်ရာများနှင့် တစ်ဖက်နိုင်ငံသို့ ရောက်ရှိနေသူများအား ပြန်လည်လက်ခံရေးဆိုင်ရာကိစ္စရပ်များ၊ ဒုက္ခသည်စခန်းများ ပိတ်သိမ်းမှုဆိုင်ရာနှင့် ပြန်လည်ထူထောင်ရေး လုပ်ငန်းများအတွက် အလုပ်အကိုင်အခွင့်အလမ်း၊ ကျန်းမာရေး၊ လူမှုရေးဆိုင်ရာများ၊ လွတ်လပ်စွာ ခရီးသွားလာရေးဆိုင်ရာကိစ္စရပ်များ၊ နှစ်ဖက်လူအဖွဲ့အစည်းများကြား သဟဇာတကျစွာ နေထိုင်နိုင်ရေးဆိုင်ရာကိစ္စရပ်များ၊ NVC ကတ်ပြုလုပ်မှုနှင့် ကျန်းမာရေးကုသမှုခံယူရာတွင် တစ်ဖက်အသိုင်းအ၀ိုင်းမှ ကြုံတွေ့ရသော အခက်အခဲများ၊ ကုလသမဂ္ဂအနေဖြင့် ရခိုင်ပြည်နယ် တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးအတွက် ကူညီပေးနိုင်မည့်ကိစ္စရပ်များကို ရင်းနှီးပွင့်လင်းစွာ ဆွေးနွေးခဲ့ကြကြောင်း သိရသည်။

“သူတို့ရဲ့ သဘောထားကတော့ ဒုက္ခသည်တွေကို စခန်းကိုဖျက်ပြီးတော့ သူတို့ရဲ့ ဒေသကိုသွားစေချင်တယ်။ နောက်တစ်ချက်က သူတို့တွေကို ငါ့တို့ရခိုင်တွေလိုပဲ နေရာအသီးသီးကို လွတ်လွတ်လပ်လပ် သွားစေချင်တယ်။ အဓိကတော့ အဲဒါပါပဲ။ ဒီဘက်ကို ဆေးကုသဖို့လာတဲ့အခါမှာလည်း အခက်အခဲတွေရှိတယ်လို့ သူတို့ကပြောတယ်။ လွှတ်တော်ကလည်း အဲဒီအခက်အခဲတွေကို တတ်နိုင်သလောက် ဖြေရှင်းပေးဖို့ ငါတို့ကတော့ အစိုးရအဖွဲ့နဲ့ ညှိနှိုင်းပေးမယ်လို့ ပြောလိုက်တယ်။ နောက်ထပ်ပြောတာက ဟိုဘက်က လူတွေမ၀င်လာသေးဘူး။ အဲဒါကတော့ သူတို့မ၀င်လာတာ ဘယ်တတ်နိုင်မလဲ။ ပြန်လည်နေရာချထားဖို့ဆိုတာနဲ့ပတ်သက်ပြီး ငါတို့သဘောထားကတော့ လွှတ်တော်မှာ ပြောထားပြီးပြီ။ လွှတ်တော်ရဲ့ သဘောထားကို ပြောထားပြီးပြီ။ အဲဒါက ဘာလဲဆိုရင် မောင်တောတောင်ဘက်ပိုင်းမှာ နေရာချဖို့အတွက် လွှတ်တော်မှာ ဆုံးဖြတ်ထားတယ်။ ဒီမူအတိုင်း ငါတို့က သွားမယ်။ သူကတော့ ထင်သလောက် မဆိုးဘူးလို့မြင်တယ်။ သူဒီကိုလာတော့ နိုင်ငံတော်အကြီးအကဲနဲ့လည်း တွေ့တယ်။ တပ်မတော်ပိုင်းနဲ့လည်း တွေ့တယ်။ ဒီအမျိုးသမီး ပြောတာဆိုတာကတော့ ယန်ဟီလီထက် ပိုသဘောကျတယ်။ ပျော့ပျောင်းတာကို တွေ့ရတယ်။ နိုင်ငံတကာအပေါ်မှာ ငါတို့ကလည်း သတိတရားနဲ့ ယုံကြည်နေရတာပေါ့။ လုံးဝအားကိုးတယ်ဆိုတာမျိုးတော့ မရှိဘူး။ သတိနဲ့လက်ခံကြိုဆိုတယ်။ နိုင်ငံတကာက ဖိအားပေးတယ်ဆိုတာက သူတို့အလုပ်။ လိုက်လုပ်မလုပ်က ငါတို့အလုပ်ပဲ။ သူတို့ဖိအားပေးတိုင်း ငါတို့လုပ်စရာအကြောင်းမရှိဘူး” ဟု ယင်း တွေ့ဆုံမှုနှင့်ပတ်သက်ပြီး ရခိုင်ပြည်နယ်လွှတ်တော်ဥက္ကဋ္ဌ ဦးစံကျော်လှက ပြောကြားသည်။

Ms. Christine Schraner Burgener သည် ဒုတိယအကြိမ်အဖြစ် ရခိုင်ပြည်နယ်သို့ ရောက်ရှိလာစဉ်ကာလအတွင်း ဒေသခံရခိုင်လူမှုအဖွဲ့အစည်းများ၊ ဒုက္ခသည်စခန်းများမှ ဘင်္ဂါလီများအပြင် ရခိုင်ပြည်နယ် အစိုးရအဖွဲ့များနှင့်လည်း  တွေ့ဆုံခဲ့ကြောင်း သိရှိရသည်။

ရခိုင်ပြည်နယ်မြောက်ပိုင်းတွင် ဖြစ်နေသည့် ပြဿနာသည် နယ်မြေလိုချင်သူများ နှင့် မိမိတို့၏ အချုပ်အခြာအာဏာပိုင်မြေကို မပေးချင်သောသူများ၏ ပြဿနာသာဖြစ်ကြောင်း၊ ကုလသမဂ္ဂအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် Ms. Christine Schraner Burgener နှင့် တွေ့ဆုံစဉ် ဘူးသီးတောင်မြို့ခံများက ပြောကြားခဲ့သည်ဟု သိရသည်။

ရခိုင်ကိုယ်စားလှယ်များနှင့် တွေ့ဆုံစဉ် အထူးကိုယ်စားလှယ်က ဒေသခံများ၏ စကားကို နားထောင်ရန်လာခြင်းဖြစ်ကြောင်း၊ ခံစားချက်ကို နားထောင်ပြီး ဘင်္ဂလားဒေ့ရ်ှနိုင်ငံကို သွားမည်ဖြစ်ကြောင်း၊ ဘင်္ဂလားဒေ့ရ်ှက ပြန်ဝင်လာမည့် လူ ၄၈၀၀၀ ကို ခေါ်လာမည်ဖြစ် ကြောင်း၊ လူမျိုးနှစ်ဖက်လုံး၏ လုံခြုံရေးကို လိုချင်ကြောင်း၊ လူမျိုးတစ်ဖက်တည်းတွင် ရပ်တည်မည်မဟုတ်ဘဲ ဒေသတည်ငြိမ်အေး ချမ်းရေးကိုဦးတည်ကာ အလယ်တွင် ရပ်မည်ဖြစ်ကြောင်း ပြောကြားခဲ့သည်ဟု သတင်းရရှိသည်။

Ms. Christine Schraner Burgener နှင့် အဖွဲ့ဝင်များသည် ရခိုင်ပြည်နယ်သို့ အောက်တိုဘာ ၁၃ ရက်က ရောက်ရှိခဲ့ပြီး ကျောက်တော်မြို့နယ်ရှိ ပိတ်သိမ်းထားသော နိဒင်ဒုက္ခသည်စခန်းသို့လည်းကောင်း၊ အသိုင်းအ၀ိုင်းနှစ်ခုကြားတွင် သင့်မြတ်စွာနေထိုင်ကြသော ခေါင်းတုတ်ကျေးရွာသို့လည်းကောင်း၊ ဘူးသီးတောင်၊ မောင်တော၊ စစ်တွေမြို့များသို့လည်းကောင်း သွားရောက်၍ ကွင်းဆင်းလေ့လာခဲ့ကြောင်း သတင်းရရှိသည်။

 

ထီးလင်း-ကျင်း-ပေါက်လမ်းမှာ မြေဆက်လက်ပြိုဆဲဖြစ်ပြီး မြေပြိုမှုငြိမ်သွားပါက ယာယီသွားနိုင်ရန် ပြုလုပ်မည်ဖြစ်ပြီး လမ်းအူကြောင်း အသစ်ရှာ၍ လမ်းသစ်ဖောက်မည်ဟု သိရ

မြေပြိုမှုဖြစ်ပွားခဲ့သည့် ထီးလင်း – ကျင်း – ပေါက် လမ်းပိုင်းတစ်နေရာကို တွေ့ရစဉ် (ဓာတ်ပုံ-မြတ်လေးဦး)

မြေပြိုလျက်ရှိသော ထီးလင်း – ကျင်း – ပေါက်လမ်းမှာ ဆက်လက်မြေပြိုဆဲဖြစ်ပြီး မြေပြိုမှုငြိမ်သွားပါက ယာယီသွားလာ၍ ရရန်ပြုလုပ်မည်ဖြစ်ပြီး လမ်းအူကြောင်းသစ်ရှာ၍ လမ်းသစ်ကိုလည်း ဖောက်လုပ်သွားမည်ဟု ထီးလင်းမြို့နယ် ပြည်သူ့လွှတ်တော် ကိုယ်စားလှယ် ဦးမြတ်လေးဦးက ပြောကြားသည်။

“လောလောဆယ်ကတော့ ပြိုတုန်းဆိုတော့ အန္တရာယ်ရှိနေတာ။ ခရီးသွားတွေ ကိုယ်နှိုက်က သွားဖို့မသင့်ဘူး။ လောလောဆယ် သစ်ပင်လဲတာတွေရှိတယ်။ ပြိုတာတွေရှိတယ်။ လောလောဆယ်တော့ ဒီအတိုင်း စောင့်ကြည့်ရဦးမှာပေါ့။ တစ်ပတ်လောက်အထိ မြေပြိုတာ ငြိမ်သွားမှ လမ်းကို ပြန်ပြင်ရမှာပေါ့။ လမ်းကရေရှည် အသုံးပြုလို့တော့ မရတော့ဘူး။ ဒီနှစ်ရာသီအတွက် အသုံးပြုဖို့ပဲရမယ်။ လမ်းအူကြောင်းအသစ် ရွေးရမယ်။ အရေးပါတာ ထီးလင်း – ကျင်း – ပေါက် – ပခုက္ကူလမ်းလေ။ အရင်တုန်းကတည်းက ပေါက်နေတဲ့လမ်းပါ။ ကျားမင်းတို့လည်း အဲဒီလမ်းကနေ လိုင်းဆွဲနေတာ။ တောင်ဖက်ကထီးလင်း – ကျောက်ထု – ပခုက္ကူ လမ်းလောက်တော့ အသုံးပြုမှုက အသွားအလာတော့ နည်းနည်းနဲသွားတာပေါ့။ ကျေးရွာက လောလောဆယ် ကျင်းဒေသတစ်ခုလုံး၊ ၉ အုပ်စု ၁၀ ရွာပေါ့။ ဒီလမ်းက အရေးပါတဲ့လမ်းပဲ မြို့နယ်တွင်းနဲ့ တခြားနယ်ဘက်က လည်းထီးလင်း ပတ်ဝန်းကျင်က ဒီလမ်းကိုပဲ အသုံးပြုနေကြတယ်။ အညာပန်း၊ အကြည်ပန်း၊ အလယ်ပန်း ဘက်ကလည်း ကျင်းဘက်သွားရင် ဒီလမ်းပဲ သုံးနေကြတာပဲ။ အကုန်လုံး သုံးနေတာပေါ့” ဟု ပြည်သူ့လွှတ်တော် ကိုယ်စားလှယ် ဦးမြတ်လေးဦးက ပြောကြားသည်။

ထီးလင်း – ကျင်း – ပေါက် – ပခုက္ကူလမ်း တွင် အောက်တိုဘာ ၁၄ ရက်တွင် အညာပန်းကျေးရွာအနီးတွင် မြေသားပြတ်ရွေ့မှု ဖြစ်ပွားခဲ့ပြီး ယနေ့အထိ ဆက်လက် မြေသား ပြတ်ရွေ့မှု ဖြစ်နေဆဲဟု သိရသည်။

အဆိုပါလမ်းသည် ရှေးယခင်ကတည်းက အသုံးပြုခဲ့သော လမ်းဖြစ်ပြီး ထီးလင်းမြို့နယ်အတွင်းရှိ ကျေးရွာများသည် ထီးလင်း မြို့၊ ပခုက္ကူမြို့တို့နှင့် ဆက်သွယ်ရန်အတွက် အသုံးပြုသော လမ်းမကြီးဖြစ်သည်ဟု သိရသည်။

“ထီးလင်းတောင်ခြမ်း တော်တော်များများ ဒီလမ်းကို အသုံးပြုတယ်။ ထီးလင်းမြောက်ခြမ်းက ပခုက္ကူသွားမယ်ဆို ဒီလမ်းအသုံးပြုနေရတာ။ ရွာပေါင်းနဲ့ ပြောမယ်ဆိုရင်တော့ ကျေးရွာ ၂၀၊ ၂၅ လောက်က အဓိက အသုံးပြုကြတာပေါ့။ ကျင်းရွာမှာလည်း အထက်တန်းကျောင်းရှိတယ်။ ရဲစခန်းရှိတယ်ဆိုတော့ မြို့နဲ့ဆက်သွယ်ရေးနဲ့ တခြားရွာတွေကလည်း ကျန်းမာရေး၊ ပညာရေး အသုံးပြုကြရတာပေါ့။ ပြိုတဲ့နေရာက လေးဖာလုံမဲ့မဲ့နေမှာ (ပေ ၃၆၀၀ ခန့်)၊ လောလောဆယ်တော့ လုပ်ငန်းရပ်ထားမယ်။ ပြိုတာတွေရှိလို့၊ ပြိုတာတွေရပ်မှ ပညာရှင်တွေဆင်းပြီးတော့ တိုင်းထွာတာလုပ်မယ်။ ဒီဟာကတော့ ရာသီသုံးပေါ့။ စက်ကြီးတွေနဲ့ ဒီလမ်းအတိုင်း အသုံးပြုနိုင်အောင် လုပ်ရဦးမှာ။ လမ်းဟောင်းကို အသုံးပြုနိုင်အောင်လုပ်မယ်။ နောက်မှ လမ်းအူကြောင်းအသစ်နဲ့ လမ်းအသစ်ဖောက်ရမှာပေါ့။ လောလောဆယ် ဒေသခံတွေအနေနဲ့တော့ အခက်အခဲ ရှိသွားတာပေါ့။ လောလောဆယ်တော့ အစ်ကိုတို့လည်း ကျင်းကိုဆေးရုံလာစစ်တာ။ ထီးလင်း၊ ကျောက်ထု၊ တပြင်းကနေ ပတ်ဝင်ရတယ်။ သာမန်ဆိုရင် ထီးလင်းကနေ ကျင်းရွာကို ၂၃ မိုင်ပဲရှိတယ်။ အခုလို ပတ်လာရတော့ မိုင် ၅၀ လောက်ရှိတယ်။ တောင်ကနေပတ်လာတော့ မိုင်အရှည် နှစ်ဆလောက်ပိုပြီး သွားနေရတယ်။ မြေကတော့ မငြိမ်သေးဘူး” ဟု ဦးမြတ်လေးဦးက ဆက်လက်ပြောကြားခဲ့သည်။

 

သရုပ်ဆောင်အောင်ရဲထွေး အသတ်ခံရမှုတွင် တရားလိုပြသက်သေအဖြစ် အောင်ရဲထွေး၏ မိဘနှစ်ပါးနှင့် အစ်ကိုဖြစ်သူအား စစ်ဆေး

 

သရုပ်ဆောင်အောင်ရဲထွေး အသတ်ခံရမှုတွင် တရားလိုပြသက်သေအဖြစ် အောင်ရဲထွေး၏ မိဘနှစ်ပါးနှင့်  အစ်ကိုဖြစ်သူအား အောက်တိုဘာ ၁၆ ရက်၌ အရှေ့ပိုင်းခရိုင်တရားရုံးတွင် စစ်ဆေးခဲ့သည်။

ယနေ့ရုံးချိန်းတွင် သေဆုံးသူအောင်ရဲထွေး၏ အမေ၊ အဖေနှင့် အစ်ကိုအကြီးဆုံး ဖြစ်သူတို့အား နှစ်ဖက်ရှေ့နေများက အပြန်အလှန်စစ်ဆေးမှုများ ပြုလုပ်ခဲ့သည်။

တရားခွင်အတွင်း တရားလိုပြသက်သေဖြစ်သည့် အောင်ရဲထွေးအမေနှင့် အဖေဖြစ်သူတို့မှ အခင်းဖြစ်ပွားသည့်နေ့တွင် တွေ့ကြုံ ခဲ့ရသည်များကို ထွက်ဆိုခဲ့သည်။

ရုံးချိန်းအား အောက်တိုဘာ ၃၀ ရက်သို့ ပြန်လည်ချိန်းဆိုထားပြီး အဆိုပါရုံးချိန်းတွင် သေဆုံးသူအောင်ရဲထွေး၏ ရည်းစားဖြစ်သူ အပါအ၀င် သုံးဦးအား စစ်ဆေးမည်ဖြစ်ကြောင်း သိရသည်။

Facebook ပေါ်တွင်​ ဟာသဗီဒီယိုများ တင်ရာမှလူသိများလာခဲ့သည့်​ ဟာသသရုပ် ဆောင်အောင်ရဲထွေးသည်​ နှစ်သစ်ကူးညက The One Entertainment တွင်​ပြုလုပ်သည့် ဖျော်ဖြေရေးပွဲသွားရောက်​ခဲ့ရာ အမည်မသိ လူတစ်စု၏ ၀ိုင်းဝန်းရိုက်နှက်ခံခဲ့ရခြင်းဖြစ်​ပြီး ရိုက်နှက်ခံရခြင်းကြောင့် ဦးခေါင်းခွံကြေမွ ဒဏ်ရာရရှိကာ ရန်ကုန်ဆေးရုံကြီး၌ ဇန်န၀ါရီ ၂ ရက်ညက သေဆုံးခဲ့ခြင်း ဖြစ်​သည်​။

ဖြစ်စဉ်နှင့်ပတ်သက်ပြီး အုပ်စုဖွဲ့ရိုက်နှက်သူများကို ရဲတပ်ဖွဲ့က စုံစမ်းခဲ့ရာ သန်းထွဋ်အောင်(ခ)သားကြီး၊ ပြည့်ဖြိုးအောင်(ခ)အောင်လေး၊ ကျော်ဇောဟန်(ခ)ကျော်ဇော တို့ဖြစ်ကာ ၎င်းတို့အားဖမ်းဆီးရမိခဲ့ကြောင်း ရန်ကုန်တိုင်းဒေသကြီးရဲတပ်ဖွဲ့၏ သတင်းထုတ်ပြန်ချက်အရ သိရသည်​။

အဆိုပါဖြစ်​စဉ်​နှင့်​ပတ်သက်၍ သုဝဏ္ဏနယ်မြေရဲစခန်းက ပုဒ်မ ၃၀၂ ဖြင့် အမှုဖွင့်ကာ ရန်ကုန်အရှေ့ပိုင်းခရိုင် တရားရုံးတွင်​စစ်ဆေးခဲ့ခြင်း ဖြစ်​သည်​။

အမှုကို တရားလိုဘက်မှ အမှုပြန်လည်ရုတ်သိမ်းခဲ့ပြီး တရားလိုပြသက်သေ ၂၂ ဦး အနက် ၁၄ ဦးမှာ ထွက်ဆိုချက်ပေးခဲ့ပြီးနောက် ခိုင်လုံသည့်​ သက်သေထွက်ဆိုချက် ပေါ်ပေါက်ခြင်းမရှိဟုဆိုကာ ပြစ်မှုကျူးလွန်သူ သုံးဦးကို ပြန်လွှတ်ပေးခဲ့ခြင်း ဖြစ်​သည်​။

သရုပ်ဆောင်အောင်ရဲထွေး အသတ်ခံရမှုအား ယခင်က အရှေ့ပိုင်းခရိုင်တရားရုံး၊ ဒုတိယခရိုင်တရားသူကြီး ဦးအောင်ကြည် စစ်ဆေးစဉ်က တရားလိုပြသက်သေ ၁၆ ဦးအား စစ်ဆေးပြီးချိန် စွဲချက်မတင်မီ၌ အမှုရုပ်သိမ်းပြီး သန်းထွဋ်အောင် (ခ) သားကြီး၊ ပြည့်ဖြိုးအောင် (ခ) အောင်လေး၊ ကျော်ဇောဟန် (ခ) ကျော်ဇောတို့အား အမှုမှ တရားရှင် လွှတ်ပေးခဲ့သည်။

ယင်းသို့ လွှတ်ပေးမှုအား စက်တင်ဘာ ၂၄ ရက်တွင် ရန်ကုန်တိုင်းဒေသကြီးတရားလွှတ်တော်က ပယ်ချရန် အမိန့်ချမှတ်ခဲ့ကြောင်း၊ အမှုအား အရှေ့ပိုင်းခရိုင်တရားရုံးတွင် ပြန်လည်စစ်ဆေးရန် အမိန့်ချမှတ်ခဲ့သည်။

အောင်ရဲထွေးအမှုနှင့်ပတ်သက်ပြီး လာဘ်ငွေရယူခြင်းကြောင့် ရန်ကုန်တိုင်းဒေသကြီးအစိုးရအဖွဲ့မှ ဥပဒေအရာရှိချုပ်ဟောင်း ဦးဟန်ထူး အပါအ၀င် ခြောက်ဦးအား အဂတိလိုက်စားမှုတိုက်ဖျက်ရေးကော်မရှင်က အမှုဖွင့်ခဲ့ပြီး လက်ရှိတွင် ဖမ်းဆီးထိန်းသိမ်းထားကြောင်း သိရသည်။

အောင်ရဲထွေးအမှုအား ပြန်လည်ရုပ်သိမ်းခြင်းကြောင့် ပြည်သူများအကြား  ဝေဖန်မှုများ မြင့်တက်ခဲ့ပြီး နိုင်ငံတော်သမ္မတကလည်း ပြန်လည်စစ်ဆေးရန် ညွှန်ကြားခဲ့ရသည့် အမှုတစ်ခုဖြစ်သည်။

 

အမြင့်ဆုံးဆုကြေး ကျပ်သိန်းပေါင်း ၁၅၀၀၀ အထိရရှိမည့် ကျပ် ၁၀၀၀ တန် အောင်ဘာလေထီလက်မှတ်များကို ၂၀၁၉ ခုနှစ် ဖေဖော်ဝါရီတွင် စတင်ရောင်းချမည်ဖြစ်ကြောင်း ပြည်တွင်းအခွန် ထုတ်ပြန်

အောင်ဘာလေထီ ကံစမ်းရန် ကြည့်ရှုနေသူများကို တွေ့ရစဉ် (ဓာတ်ပုံ- ကြည်နိုင်)

ကျပ် ၁၀၀၀ တန် အောင်ဘာလေ သိန်းထီလက်မှတ်များကို လာမည့်နှစ် ဖေဖော်ဝါရီတွင် မြန်မာနိုင်ငံတစ်ဝန်းသို့ စတင်ရောင်းချမည်ဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာန ပြည်တွင်းအခွန်ဦးစီးဌာန အောက်တိုဘာ ၁၆ ရက်တွင် ထုတ်ပြန်ခဲ့သည်။

ကျပ် ၁၀၀၀ တန် အောင်ဘာလေ သိန်းထီလက်မှတ်မှာ အမြင့်ဆုံးဆုကြေး ကျပ်သိန်း ၁၅၀၀၀ အထိရရှိမည်ဖြစ်ပြီး အခြားဆုကြေးများ တိုးမြှင့်သွားမည်ဖြစ်ကြောင်း စီမံကိန်းနှင့် ဘဏ္ဍရေးဝန်ကြီးဌာန ပြည်တွင်းအခွန်ဦးစီးဌာန ညွှန်ကြားရေးမှူးချုပ် ဦးမင်းထွဋ်က ပြောကြားသည်။

“အဓိကတော့ ဆုမဲများများ ပါစေချင်လို့ လုပ်ဆောင်တာပါ။ အများပြည်သူတွေရဲ့ ဆန္ဒကလည်း အဓိက,က ထီပေါက်တယ်ဆို တာလေးကို ဖြစ်စေချင်ကြတယ်။ အဲဒီအတွက် လုပ်ဆောင်တာပါ။ အနည်းဆုံးဆုကြေးက ကျပ် ၅၀၀၀၀ ရရှိမှာဖြစ်ပါတယ်။ ကျပ် ၅၀၀ တန် ထီလက်မှတ်ကလည်း ဆက်လက်ထွက်ရှိနေမှာပါ။ ကျပ်  ၅၀၀ တန် ထီလက်မှတ် နဲ့ ကျပ် ၁၀၀၀ တန်အောင်ဘာလေထီဆု နှစ်ခုစလုံးကို ဖွင့်ပေးသွားမှာဖြစ်ပါတယ်” ဟု   ဦးမင်းထွဋ်က ပြောကြားသည်။

ထီစာအုပ် ၀ယ်ယူရောင်းချလိုသူများအနေဖြင့် ရန်ကုန်တိုင်းဒေသကြီးတွင် နေထိုင်သူများမှာ အောင်ဘာလေသိန်းဆုဌာနခွဲ (ရန်ကုန်)၊ မန္တလေးတိုင်းဒေသကြီး စည်ပင်သာယာနယ်နမိတ်အတွင်း နေထိုင်သူများအနေဖြင့် အောင်ဘာလေသိန်းဆုဌာနခွဲ (မန္တလေးရုံးခွဲ) နှင့် ကျန်တိုင်းဒေသကြီးနှင့် ပြည်နယ်နေထိုင်သူများမှာ မိမိနေထိုင်ရာမြို့နယ်ရှိ အခွန်ဦးစီးဌာနမှူးရုံးများတွင် လျှောက်ထားနိုင်ကြောင်း သိရသည်။

ကျပ် ၁၀၀၀ တန် ထီစာအုပ်များအတွက် ထီစာအုပ်တစ်အုပ်လျှင် အာမခံငွေ (Deposit) ကျပ် ၂၀၀ နှုန်းဖြင့် သုံးလစာကြိုတင်ပေးသွင်း၍ ၀ယ်ယူရမည်ဖြစ်ပြီး ထီစာအုပ်ဝယ်ယူ ရောင်းချလိုသူများအနေဖြင့် တစ်လလျှင် မိမိရောင်းချမည့် ထီစာအုပ်အရေအတွက်အရ ဘဏ္ဍာနှစ် တစ်နှစ်လုံးအတွက် တာဝန်ယူရောင်းချမည့် ထီစာအုပ်အရေအတွက်ကို ဖော်ပြ၍ မပျက်မကွက်ဝယ်ယူမည်ဖြစ်သည့် သဘောတူကတိစာချုပ် ချုပ်ဆိုရမည်ဖြစ်ကြောင်း သိရသည်။

ထို့ပြင် ထီစာအုပ်များ ၀ယ်ယူရောင်းချလိုသူများအနေဖြင့် သဘောတူကတိစာချုပ်ပါ သဘောတူညီချက်များကို လေးစားလိုက်နာရန် ပျက်ကွက်ပါက  ထီစာအုပ်ဝယ်ယူခွင့် ရပ်စဲခြင်းနှင့်  အာမခံငွေ (Deposit) များကို နိုင်ငံတော်ဘဏ္ဍာအဖြစ် သိမ်းယူမည်ဖြစ်ကြောင်း ပြည်တွင်းအခွန်ဦးစီးဌာနက ထုတ်ပြန်ခဲ့သည်။

လက်ရှိ ကျပ်  ၅၀၀ တန် ထီလက်များမှာ အပြင်ဈေးကွက်တွင် မူရင်းသတ်မှတ်ဈေးထက် ကျော်လွန်ရောင်းချနေပြီး ၀ယ်သူများ အနေဖြင့် ထီလက်မှတ်တစ်စောင်လျှင် ကျပ် ၇၀၀ အထိပေး၍ ၀ယ်ယူနေရကာ ထီလက်မှတ်ဈေး မထိန်းချုပ်နိုင်မှုအပေါ် ဝေဖန်မှုများ ရှိနေကြောင်း သိရသည်။

သံလွင်မြစ်ပေါ်တွင် ရေကာတာတည်ဆောက်ခြင်းသည် ဇီဝမျိုးစိတ်များ ပျောက်ကွယ်နိုင်ခြင်း၊ လူနေထိုင်မှုပုံစံနှင့် ယဉ်ကျေးမှုဓလေ့များ ပျောက်ကွယ်နိုင်ခြင်းနှင့် သစ်တောခုတ်ထွင်မှုများကြောင့် ရာသီဥတု ဖောက်ပြန်လာနိုင်သဖြင့် စီမံကိန်းကို ပြင်းထန်စွာကန့်ကွက်ကြောင်း ထုတ်ပြန်

သံလွင်မြစ်ပေါ်တွင် ရေကာတာတည်ဆောက်ခြင်းသည် ဇီဝမျိုးစိတ်များ ပျောက်ကွယ်သွားနိုင်ခြင်း၊ လူနေထိုင်မှုပုံစံများနှင့် ယဉ်ကျေးမှုဓလေ့များ ပျောက်ကွယ်နိုင်ခြင်း နှင့် သစ်တောခုတ်ထွင်မှုများကြောင့် ရာသီဥတု ဖောက်ပြန်လာနိုင်သဖြင့် စီမံကိန်းကို ပြင်းထန်စွာကန့်ကွက်ကြောင်း အောက်တိုဘာ ၁၆ ရက်က ရန်ကုန်မြို့ရှိ Orchid Hotel တွင်ပြုလုပ်သည့် အနာဂတ်လှပဖို့သံလွင်မြစ်ကို ကယ်တင်စို့ဗီဒီယိုမှတ်တမ်း သတင်းစာရှင်းလင်းပွဲနှင့်ပတ်သက်သည့် ထုတ်ပြန်ချက်တွင် ဖော်ပြထားသည်။

ထုတ်ပြန်ချက်တွင် သံလွင်မြစ်တွင် ရေကာတာတည်ဆောက်ခြင်းအားဖြင့် ဇီဝမျိုးစိတ်များ ပျောက်ကွယ်သွားနိုင်ခြင်း၊ လူထုနေထိုင်မှုပုံစံဘ၀ပုံစံများ ပြောင်းလဲသွားနိုင်ခြင်း ထိုမှတစ်ဆင့် ယဉ်ကျေးမှုဆိုင်ရာဓလေ့များ၊ ပျောက်ကွယ်သွားနိုင်ခြင်း၊ သစ်တောများ ခုတ်ထွင်ခြင်းအားဖြင့် ရာသီဥတုဖောက်ပြန်လာနိုင်ခြင်းတို့ကြောင့် ကရင်နီပြည်နယ် (ကယားပြည်နယ်) အပါအ၀င် ရှမ်းပြည်နယ် နှင့် ကရင်ပြည်နယ်တို့တွင် တည်ဆောက်မည့် ရေကာတာစီမံကိန်းများကို ကျွန်ုပ်တို့မှ ပြင်းထန်စွာ ကန့်ကွက်ကြောင်း ဖော်ပြထားသည်။

ထို့ပြင် မြန်မာနိုင်ငံရှိ ကရင်နီပြည်နယ်အပါအ၀င် ရှမ်းပြည်နယ်နှင့် ကရင်ပြည်နယ်များတွင် ရေကာတာစီမံကိန်းများ အကောင်အထည်ဖော်မည့် China Datang Investment  တရုတ်ကုမ္ပဏီ၊ Three Gorges Corporation တရုတ်ကုမ္ပဏီ၊ Sinohydro တရုတ်ကုမ္ပဏီ၊ Authority of Thailand (EGAT) ထိုင်းကုမ္ပဏီနှင့် ရွှေတောင်ကုမ္ပဏီတို့မှ အဓိကပါဝင်ပြီး အခြားပြည်တွင်းပြည်ပ ကုမ္ပဏီများလည်းပါဝင်ပြီး ရင်းနှီးမြှုပ်နှံမှု ပြုလုပ်ကြမည်ဖြစ်ကြောင်း၊ သံလွင်မြစ်ပေါ်တွင် လျှပ်စစ်ဓာတ်အားပမာဏ စုစုပေါင်း ၁၆၄၉၃ မီဂ္ဂါဝပ်ထွက်ရှိမည့် ရေကာတာစီမံကိန်းများနှင့်ပတ်သက်ပြီး ဒေသခံလူထု၏ နေထိုင်မှု ဘ၀များကို နစ်နာဆုံးရှုံးစေသည့်အတွက် ကျွန်ုပ်တို့မှ ပြင်းထန်စွာ ကန့်ကွက်ရှုတ်ချကြောင်း၊ ဧရာဝတီမြစ်သည် မြန်မာနိုင်ငံ၏ တိုင်းရင်းသားလူမျိုးများ၏ မိခင်မြစ်ကြီး တစ်စင်းဖြစ်သည်ဟုမှတ်ယူပြီး သံလွင်မြစ်ကိုလည်း တန်ဖိုးထားမည်ဟု မှတ်ယူကြောင်း ထုတ်ပြန်ချက်တွင်ဖော်ပြထားသည်။

ထို့ပြင် သံလွင်မြစ်ပေါ်တွင် အခြေတည်ပြီး ကရင်နီအမျိုးသားများသည် အသက်မွေးဝမ်းကြောင်းနှင့် စိုက်ပျိုးမွေးမြူရေးများကို ပြုလုပ်ခဲ့သည်မှာ ရာစုနှစ်များစွာကတည်းက ပင်ဖြစ်ကြောင်း၊ သံလွင်မြစ်သည် ဇီဝမျိုးစိတ်များ ပေါကြွယ်ဝခြင်းနှင့်အတူ ကြွယ်ဝသည့် ထောက်ပံ့မှုများကို ဖြတ်သန်းစီးဆင်းရာ တစ်လျှောက်ရှိ ဒေသများသို့အလုပ်အကျွေးပြုသည့် မြစ်တစင်းဖြစ်ကြောင်း၊ မြန်မာနိုင်ငံ၏ နိုင်ငံရေးပြုပြင်ပြောင်းလဲမှု အချိန်ကာလအတွင်းမှ ယနေ့အချိန်ထိ တိုင်းရင်းသားလူမျိုးများ၏ မိခင်ဖြစ်သည့် သံလွင်မြစ်သည် ခြိမ်းခြောက်မှုများဖြင့် ခံနေရပြီး သံလွင်မြစ်ပေါ်တွင် အကြီးစား ရေကာတာ စီမံကိန်းကြီးများ အားဆက်လက်အကောင်အထည်ဖော်မည့် အစီအစဉ်များကြောင့် ဒေသခံတိုင်းရင်းသား လူထုများမှ စိုးရိမ်ပူပန်မှုများဖြစ်ပေါ်နေကြောင်း ထုတ်ပြန်ချက်တွင် ဖော်ပြထားသည်။

ဆက်လက်ပြီး ငြိမ်းချမ်းရေးကိုအကြောင်းပြုပြီး ရေကာတာတည်ဆောက်မည့် ပြည်ပရင်းနှီးမြှုပ်နှံမှုများသည် လက်နက်ကိုင် တိုင်းရင်းသားများအကြား ယုံကြည်မှုကို ထိခိုက်စေသည့်အပြင် စစ်ရေးပဋိပက္ခများကြောင့် လက်ရှိအခြေအနေတွင် ဒေသခံများ လူ့အခွင့်အရေးချိုးဖောက်ခံနေရကြောင်း၊ ထို့အတူ ရေကာတာ စီမံကိန်းကြောင့် နေရပ်စွန့်ခွာသွားကြရသည့် ဒုက္ခသည်များ ပိုမိုတိုးမြင့်လာစေကြောင်း၊ မြန်မာနိုင်ငံ အပါအ၀င် ကမ္ဘာ့တစ်ဝှမ်းမှ ဖြစ်ပေါ်နေသည့် ရာသီဥတု ပြောင်းလဲဖောက်ပြန်မှု၊ သစ်တောပြုန်းတီးမှုများ၊ ရေလွှမ်းမိုးမှုများနှင့် သဘာဝပတ်ဝန်းကျင် ထိခိုက်စေသည်များကို လျစ်လျူရှုကာ လူထုပူးပေါင်းပါဝင်မှု အားနည်းသော နိုင်ငံတကာ စံချိန်စံနှုန်းဖြစ်သည့် EIA နှင့် SIA တို့ကိုအသုံးချကာ ရေကာတာစီမံကိန်းများ ဆက်လက်တည်ဆောက်ရန် ပြည်တွင်းပြည်ပ ရင်းနှီးမြှုပ်နှံသူများ ဆက်လက်ကြိုးပမ်းနေကြဆဲဖြစ်ကြောင်း ထုတ်ပြန်ချက်တွင် ဖော်ပြထားသည်။

တိုင်းရင်းသားတို့၏ ဖြစ်တည်ရေးနှင့် ယဉ်ကျေးမှုဆိုင်ရာ သမိုင်းတစ်လျှောက်တွင် သံလွင်သည် အဓိက စံသတ်မှတ်ထားရသည့် မိခင်ဖြစ်ကြောင်း၊ ကျွန်ုပ်တို့ ကရင်နီအမျိုးသားများ၏ သမိုင်းကြောင်းဆိုင်ရာ နိုင်ငံရေး၊ လူမှုရေး၊ စီးပွားရေးနှင့် ပထ၀ီဖြစ်တည်မှုတို့အပေါ်တွင် သံလွင်မြစ်သည် လွန်စွာအရေးကြီးသည့် အခန်းကဏ္ဍတွင် တည်ရှိနေကြောင်း၊ သံလွင်မြစ်ကို အမှီသဟဲပြုပြီး တိုင်းရင်းသား ခုခံတော်လှန်ရေးတပ်များ၏ အခြေစိုက်နယ် မြေချဲ့ထွင်ခြင်း၊ လုံခြုံရေးဆိုင်ရာအရ တပ်များချထားခြင်း၊ လူထုမှ အိုးအိမ်များပြောင်း ရွှေ့ပေးရခြင်းတို့သည် လက်ရှိတိုင်းပြည်၏ ငြိမ်းချမ်းရေးလုပ်ငန်းများ အကောင်အထည်ဖော် တည်ဆောက်ခြင်းအပေါ်တွင်များစွာ ဆိုးကျိုးသက်ရောက်နိုင်သည်ဟု ကျွန်ုပ်တို့မှ ရှုမြင်ကြောင်း ထုတ်ပြန်ချက်တွင် ဖော်ပြထားသည်။

ကယားပြည်နယ် ဖရူဆိုမြို့နယ် လော်ဂျာကျေးရွာနှင့် နှစ်ဖာလုံအကွာ ကားလမ်းနံဘေး တောင်ယာခင်းအတွင်း ဗုံးသီးတစ်လုံးတွေ့ရှိ

တောင်ယာခင်းအတွင်း ကျရောက်သည့် မပေါက်ကွဲသေးသော ဗုံးသီးကို တွေ့ရစဉ်

ကယားပြည်နယ် ဖရူဆိုမြို့နယ် လော်ဂျာကျေးရွာနှင့် နှစ်ဖာလုံအကွာ ကားလမ်းဘေး တောင်ယာခင်းအတွင်း မပေါက်ကွဲသေးသော ၄၀ မမ ဗုံးသီးတစ်လုံး တွေ့ရှိသဖြင့် အမှတ် (၁၄) စစ်လေ့ကျင့်ရေးကျောင်းမှ တာဝန်ရှိသူများက အောက်တိုဘာ ၁၆ ရက်၌ လာရောက် ဖောက်ခွဲလိုက်ကြောင်း သိရသည်။

“တောင်ယာပိုင်ရှင်က သူ့တောင်ယာ သူသွားတော့တွေ့တာ။ သူက ကျေးရွာအုပ်ချုပ်ရေးမှူး အကြောင်းကြားတော့ အုပ်ချုပ်ရေးမှူးက စဲစခန်းကို အကြောင်းကြားပြီး အမှတ် ၁၄ စစ်သင်တန်းကျောင်းက လူတွေ ၁၁ နာရီခွဲလောက်မှာ လာဖောက်ခွဲပစ်လိုက်တယ်လေ” ဟု လော်ဂျာကျေးရွာမှ ခူးဖူးက ပြောကြားသည်။

စက်တင်ဘာ ၂၃ ရက်တွင်လည်း တောင်ယာခင်းထဲတွင် နွားကျောင်းသားကလေးများမှ ၄၀ မမ ကျည်နှစ်တောင့် တွေ့ရှိသဖြင့် လာရောက်ဖောက်ခွဲခဲ့ကြောင်း လော်ဂျာကျေးရွာ အုပ်ချုပ်ရေးမှူးထံမှ သိရသည်။

၂၀၁၆ ခုနှစ် ဇွန် ၈ ရက်တွင်လည်း ကယားပြည်နယ် ဖရူဆိုမြို့နယ် လော်ဂျာကျေးရွာအနီးရှိ စစ်လေ့ကျင့်ရာမှ မပေါက်ကွဲသေးသည့် လက်နက်ကြီး ကျည်ဆန်များအား တောင်ယာသွားလမ်း အနီးတွင် တွေ့ရသောကြောင့် သက်ဆိုင်ရာများသို့ အကြောင်းကြားခဲ့ရကြောင်း ဒေသခံများထံမှ သိရသည်။

အမှတ် ၁၄ တန်းမြင့် စစ်သင်တန်းကျောင်းမှာ လက်နက်ပစ်ခတ် လေ့ကျင့်ပါက အနည်းဆုံး နှစ်ရက်ခန့် တောင်ယာသွားခွင့် တားမြစ်ထားပြီး လေ့ကျင့်ပြီးပါကလည်း မပေါက်ကွဲသည့် ကျည်ဆန်များအား ချက်ချင်း လာရောက် ရှင်းလင်းခြင်း မရှိသောကြောင့် တောင်ယာလုပ်ငန်းသွားရာတွင် စိုးရိမ်ခဲ့ကြရကြောင်း သိရသည်။

ထိုစစ်သင်တန်းကျောင်း ဆောက်လုပ်ရန်အတွက် အနီးနားရှိ ကျေးရွာများမှ ဘိုးဘွားပိုင် တောင်ယာမြေ ၅၅၀၀ ကျော်အား သိမ်းဆည်းခဲ့ပြီးနောက် ဧက ၇၀၀ နီးပါးသာ ပြန်လည်စွန့်လွှတ်ခဲ့ကြောင်း တောင်သူများမှာ ဌာနေတိုင်းရင်းသား ကယားလူမျိုးများဖြစ်၍ တောင်ယာကိုသာ အဓိကလုပ်ကိုင်ကြကြောင်း ကရင်နီပြည် တောင်သူလယ်သမား သမဂ္ဂထံမှ သိရသည်။