အခွန်အမှတ်တံဆိပ် ကပ်နှိပ်မှုမရှိသည့် အထူးကုန်စည်များကို သတင်းပေး တိုင်ကြားသူများအား တပ်ရိုက်ဒဏ်ကြေး၏ ရာခိုင်နှုန်း ၂၀ ဆုချီးမြှင့်မည်ဖြစ်ကြောင်း ပြည်တွင်းအခွန် ကြေညာ

အခွန်အမှတ်တံဆိပ် ကပ်နှိပ်မှုမရှိသည့် အထူးကုန်စည်များကို တွေ့ရှိသတင်းပေး တိုင်ကြားသူများ တပ်ရိုက်ဒဏ်ကြေး၏ ရာခိုင်နှုန်း ၂၀ ဆုချီးမြှင့်မည်ဖြစ်ကြောင်း ပြည်တွင်းအခွန်များဦးစီးဌာနက အသိပေးချက် ထုတ်ပြန်ထားသည်။

အရက်အမျိုးမျိုး၊ စီးကရက်အမျိုးမျိုး၊ ၀ိုင်အမျိုးမျိုးနှင့် ဆေးပေါ့လိပ် အမျိုးမျိုးတို့ကို အခွန်အမှတ်တံဆိပ် ကပ်နှိပ်ရောင်းချရမည့် ကုန်စည်များအဖြစ် အမိန့်ကြော်ငြာစာ ထုတ်ပြန်သတ်မှတ်ထားပြီးဖြစ်ပြီး ယင်းအထူးကုန်စည် အမျိုးအစားများနှင့် စပ်လျဉ်း၍ အခွန်အမှတ်တံဆိပ်များ ကပ်နှိပ်ထားမှုမရှိခြင်း၊ အခွန်အမှတ်တံဆိပ် ကပ်နှိပ်ထားသော်လည်း ထိုကပ်နှိပ်ထားသည့် အမှတ်တံဆိပ်မှာ အတုဟု ယူဆနိုင်ဖွယ်ရာရှိခြင်း၊ အခွန်အမှတ်တံဆိပ်အတုများ ထုတ်လုပ်ဆောင်ရွက်သည်ကို တွေ့ရှိခြင်း၊ ပြည်ပမှ တရားမ၀င်တင်သွင်း ရောင်းချမှုများတွေ့ရှိရခြင်း စသည့် အချက်များကို တွေ့ရှိပါက ပြည်တွင်းအခွန်များဦးစီး ဌာနသို့ သတင်းပေးတိုင်ကြားနိုင်ပြီး ဆုကြေး ငွေထုတ်ယူနိုင်မည်ဖြစ်သည်။

ထိုသို့ သတင်းပေးတင်ပြသူအား မည်သူမည်ဝါဖြစ်ကြောင်းကို အစိုးရကိစ္စမှတစ်ပါး ထုတ်ဖော်ခြင်းပြုမည်မဟုတ်ဘဲ သတင်းပေးသူအား ချီးမြှင့်မည့်ဆုကြေးပမာဏမှာ အထူးကုန်စည်ခွန်ဥပဒေပုဒ်မ ၂၂ ပုဒ်မခွဲ(ဂ) အရ တပ်ရိုက်သည့် ဒဏ်ငွေအဖြစ် ကောက်ခံရရှိငွေ၏ ၂၀ ရာခိုင်နှုန်းချီးမြှင့်မည်ဖြစ်ပြီး ဆက်သွယ်တိုင်ကြားရမည့် တိုင်းဒေသကြီး၊ ပြည်နယ်အခွန်ရုံးများ၏ ဖုန်းနံပါတ်များမှာ ကချင် ၀၇၄-၂၂၈၉၃၊ ကယား ၀၈၃-၂၂၂၁၆၉၄၊ ကရင် ၀၅၈-၂၁၀၈၅၊ ချင်း ၀၇၀-၂၁၉၄၂၊ စစ်ကိုင်း ၀၇၁-၂၃၃၂၅၊ တနင်္သာရီ ၀၅၉-၂၃၅၈၀၊ ပဲခူး ၀၅၂-၂၂၀၀၀၆၁၊ မကွေး ၀၆၃-၂၀၂၃၂၁၄၊ မန္တလေး ၀၂-၄၀၆၁၄၉၅၊ မွန် ၀၅၇-၂၃၀၁၈၊ ရခိုင် ၀၄၃-၂၃၃၇၆၊ ရန်ကုန် ၀၁-၂၅၂၅၁၆၊ ရှမ်း ၀၈၁-၂၀၂၁၇၂၊ ဧရာဝတီ ၀၄၂-၂၄၅၂၉၊ ပြည်ထောင်စုနယ်မြေ ၀၆၇-၅၅၀၁၆၇ တို့ကို ဆက်သွယ် တိုင်ကြားနိုင်မည်ဖြစ်ကြောင်း ပြည်တွင်းအခွန်များဦးစီးဌာနမှ သိရသည်။

သရုပ်​​ဆောင် အောင်ရဲထွေး အသတ်ခံရသည့်​အမှုအား အ​ရှေ့ပိုင်းခရိုင် ​တရားရုံးတွင်​ ပြန်​လည်​စစ်​​ဆေးရန် အမိန့်ချမှတ်

အမိန့်ချမှတ်သည့် ရန်ကုန်တိုင်းတရားလွှတ်တော်သို့ လာရောက်ခဲ့သည့် အမှုရုပ်သိမ်းခဲ့သူများ၏ မိသားစုဝင်အချို့ကို တွေ့ရစဉ်

သရုပ်​​ဆောင် အောင်ရဲထွေး အသတ်ခံရသည့်​အမှုအား အ​ရှေ့ပိုင်းခရိုင် ​တရားရုံးတွင်​ ပြန်​လည်​စစ်​​ဆေးရန် ရန်​ကုန်​တိုင်း​ဒေသကြီး တိုင်းတရားလွှတ်​​တော်​​က စက်တင်ဘာ ၂၄ ရက်က အမိန့်ချမှတ်ခဲ့​ကြောင်း သိရသည်​။

အမိန့်​ချမှတ်​သည့်​​နေ့တွင်​ ရန်​ကုန်​တိုင်း​ဒေသကြီး တိုင်းတရားလွှတ်​​တော်​သို့ ပြင်​ဆင်​ချက်​​ လျှောက်​ထားခံရသူများ ဖြစ်​သည့်​ သန်းထွဋ်အောင် (ခ) သားကြီး၊ ပြည့်ဖြိုးအောင် (ခ) အောင်လေး၊ ကျော်ဇောဟန် (ခ) ကျော်ဇောတို့ လာ​ရောက်​ခြင်း မရှိဘဲ ၄င်းတို့၏ မိသားစုဝင်​အချို့သာ လာ​ရောက်​ခဲ့သည်​။

အဆိုပါ ပြင်ဆင်မှုလျှောက်ထားချက် တင်သွင်းမှုကို တိုင်းဒေသကြီး တရားလွှတ်တော်မှ ရာဇဝတ်​ပြင်​ဆင်​မှု အမှတ်​ ၂၉၆ (ခ) /၂၀၁၈ ဖြင့်​ အမှုကိုလက်ခံကာ ပြန်လည်စစ်ဆေးရန် အမိန့်​ချမှတ်​ခဲ့ခြင်း ဖြစ်​သည်​။

Facebook ပေါ်တွင်​ ဟာသဗီဒီယိုများတင်ရာမှ လူသိများလာခဲ့သည့်​ ဟာသသရုပ်ဆောင် အောင်ရဲထွေးသည်​ နှစ်သစ်ကူးညက The One Entertainment တွင်​ ပြုလုပ်သည့်​ ဖျော်ဖြေရေးပွဲ သွားရောက်​ခဲ့ရာ အမည်မသိ လူတစ်စု၏ ဝိုင်းဝန်းရိုက်နှက် ခံခဲ့ရခြင်းဖြစ်​ပြီး ရိုက်နှက်ခံရခြင်း​ကြောင့် ဦးခေါင်းခွံကြေမွဒဏ်ရာ ရရှိခဲ့ကာ ရန်ကုန်ဆေးရုံကြီး၌ ဇန်နဝါရီ ၂ ရက် ညနေက သေဆုံးခဲ့ခြင်း ဖြစ်​သည်​။

ဖြစ်စဉ်နှင့်​ ပတ်သတ်ပြီး အုပ်စုဖွဲ့ရိုက်နှက်သူများကို ရဲတပ်ဖွဲ့က စုံစမ်းခဲ့ရာ သန်းထွဋ်အောင် (ခ) သားကြီး၊ ပြည့်ဖြိုးအောင် (ခ) အောင်လေး၊ ကျော်ဇောဟန် (ခ) ကျော်ဇောတို့ဖြစ်ကြောင်း သိရပြီး ဖမ်းဆီးရမိခဲ့​ကြောင်း ရန်ကုန်တိုင်းဒေသကြီး ရဲတပ်ဖွဲ့၏ သတင်းထုတ်ပြန်ချက်အရ သိရသည်​။

အဆိုပါဖြစ်​စဉ်​နှင့်​ ပတ်သတ်၍ သုဝဏ္ဏနယ်မြေရဲစခန်းက ပုဒ်မ ၃၀၂ နဲ့ အမှုဖွင့်ခဲ့ကာ ရန်ကုန်အရှေ့ပိုင်းခရိုင်တရားရုံးတွင် ​အမှုစစ်ဆေးခဲ့ခြင်း ဖြစ်​သည်​။

အဆိုပါအမှုကို တရားလိုဘက်မှ အမှုပြန်လည် ရုတ်သိမ်းခဲ့ပြီး တရားလိုပြသက်သေ ၂၂ ဦးအနက် ၁၄ ဦးမှာ ထွက်ဆိုချက်ပေးခဲ့ပြီးနောက် ခိုင်လုံသည့်​ သက်သေထွက်ဆိုချက် ပေါ်ပေါက်ခြင်း မရှိဟုဆိုကာ ၄င်းတို့ သုံးဦးကို ပြန်လွှတ်ပေးခဲ့ခြင်း ဖြစ်​သည်​။

အဆိုပါဖြစ်စဉ်ကို လူမှုကွန်ရက်ပေါ်တွင်​သာမက ပြင်ပတွင်​လည်း လူထုက များစွာ ဝေဖန်ခဲ့ပြီးနောက် အမှုရုတ်သိမ်းထားခြင်းကို ပြည်ထောင်စုဥပဒေချုပ်ရုံး၏ ညွှန်ကြားချက်ဖြင့်​ ရန်ကုန်တိုင်း ဥပဒေချုပ်ရုံးမှ ပြင်ဆင်မှု လျှောက်ထားချက် တင်သွင်းကာ တိုင်းတရားလွှတ်တော်မှ အမှုအား ကြားနာခဲ့ခြင်း ဖြစ်​သည်​။

မန်းရွှေစက်တော်ဘုရား ရွှေမိုက်ထုတ်ခြင်းမှ သန့်စင်ရွှေသား ၂၉ ကျပ်သားကျော် ရရှိ

ယခုနှစ် မန်းရွှေစက်တော်ဘုရားပွဲကာ လအတွင်းရရှိသည့် စွန့်ပစ်ရွှေလှောင်စက္ကူ များကိုပြာချပြီး သန့်စင်ရွှေသားထုတ်ယူမှု ပြုလုပ်ရာ သန့်စင်ရွှေသား ၂၉ ကျပ် သားကျော် ရရှိခဲ့ကြောင်း သိရသည်။

မန်းရွှေစက်တော်ဘုရားမှ ရွှေမိုက်ထုတ်ခြင်းကို ယခုနှစ်တွင် မန္တလေး မဟာမုနိဘုရား တွင် နှစ်စဉ်ရွှေမိုက်ထုတ်ယူခြင်းဆောင်ရွက် ပေးသည့် မိုက်သူကြီး ဦးအောင်မိုးအဖွဲ့က သွားရောက်ဆောင်ရွက်ပေးခဲ့ခြင်းဖြစ်ကာ  ရွှေမိုက်ထုတ်ယူခြင်းကို စက်တင်ဘာ ၁၁ ရက်မှ စက်တင်ဘာ ၁၇ ရက်အထိ ပြုလုပ်ခဲ့ခြင်းဖြစ်ကြောင်း သိရသည်။

“ရွှေစက်တော် ဘုရားပွဲကာလအတွင်း လှူဒါန်းသူတွေရဲ့ စွန့်ပစ်ရွှေလှောင်စက္ကူတွေကို စုထားပြီး ရွှေမိုက်ထုတ်ယူခဲ့တာပါ။ အရင်က ဘုရားဂေါပကအနေနဲ့ လေလံအပြတ် ရောင်းခဲ့တာဖြစ်ပေမယ့် ပြီးခဲ့တဲ့ ၂၀၁၇ ကနေစပြီး ရွှေမိုက်ထုတ်ယူစုဆောင်းတာလုပ်ခဲ့တာ ဖြစ်တယ်။ မနှစ်ကလည်း ရွှေ ၂၀ ကျပ်သားကျော် ရခဲ့ပြီး ဒီနှစ်မှာ မနှစ်ကထက် ပိုရတယ်။ ဒါတောင် စုဆောင်းထားတဲ့ မိုက်ပစ္စည်းက ဘုရားကြီးလို အမျိုးအစားအများကြီးမဟုတ်ဘဲ ရွှေလှောင်စက္ကူတစ်မျိုးတည်းကပဲ ထုတ်ယူခဲ့တာဖြစ်ပါတယ်”ဟု မိုက်သူကြီး ဦးအောင်မိုးက ပြောကြားသည်။

သန့်စင်ရွှေသားထုတ်ယူခြင်းကို ဂေါပကအဖွဲ့က ပေးအပ်သည့် ရွှေလှောင်စက္ကူ အိတ် အလုံး ၃၀ အလေးချိန် ၁၃၇ ပိဿာ ၄၁ ကျပ်သား၊ ခြေတော်ရာအတွင်း မြေမှုန့် ခြောက်ပိဿာ လေးကျပ်သားကို မီးရှို့ ပြာချခဲ့ရာ ပြာ အလေးချိန် ၃၃ ပိဿာရရှိခဲ့ပြီး ယင်းပြာ ၃၃ ပိဿာကို ပေါင်းထိုးဘိုင်ကိုင်၍ မကျွတ်ရွှေ ထုတ်ယူခြင်းပြုလုပ်ရာတွင် မကျွတ်ရွှေ ၃၄ ကျပ် ခြောက်ပဲရရှိခဲ့ကြောင်း၊ မကျွတ်ရွှေအား မီးလင်းအဆင့်ရောက်အောင် ရွှေလှော်ခြင်း လုပ်ငန်းဆောင်ရွက်ရပြီး အပြီးသတ်တွင် သန့်စင်မီးလင်းရွှေသား ၂၉ ကျပ် ၉ ပဲ၂ ရွေးတိတိ ထုတ်လုပ်ရရှိခဲ့ကြောင်း သိရသည်။

 

မင်းပြားမြို့နယ် ပန်းမြောင်းကြီးချောင်းအထက်ပိုင်းတွင် မည်သည့်ရောဂါမှန်းမသိဘဲ ကျွဲအကောင်ရေ ရာနှင့်ချီ သေဆုံးမှုဖြစ်ပွား

မင်းပြားမြို့နယ် ပန်းမြောင်းကြီးချောင်းအထက်ပိုင်းတွင် မည်သည့်ရောဂါမှန်းမသိဘဲ သေဆုံးနေသည့် ကျွဲများအား တွေ့ရစဉ် (ဓာတ်ပုံ-ထွန်းကြည်)

ရခိုင်ပြည်နယ် မင်းပြားမြို့နယ် ပန်းမြောင်းကြီးချောင်းအထက်ပိုင်းတွင် ကျွဲအကောင်ရေ ရာနှင့်ချီပြီး သေဆုံးမှု ယခုလပိုင်းအတွင်း ဖြစ်ပွားနေကြောင်း သိရပြီး  ယင်းသေဆုံးမှုသည် မည်သည့်အတွက်ကြောင့် သေဆုံးသည်ဆိုသည်ကို ဒေသခံများ မသိရှိရသေးကြောင်း ပြောဆိုကြသည်။

ယင်းဒေသအတွင်း လယ်ပြီးသည်နှင့် ကျွဲများကို တောင်ပေါ်တွင် လွှတ်တင်ထားပြီး တစ်ပတ်တစ်ကြိမ်ခန့်သာ သွားရောက်စစ်ဆေးလေ့ရှိကြောင်း၊ ယင်းသို့သွားရောက်စဉ်တွင် ဟိုနေရာတစ်ကောင်၊ သည်နေရာနှစ်ကောင် စသည်ဖြင့် သေဆုံးနေသည်ကို တွေ့ရှိရကြောင်း၊ တချို့သော ကျွဲများမှာ ပုပ်ပွကာ အသားများမရှိတော့သည့် အနေအထားကိုလည်းတွေ့ရကြောင်း၊ ပြင်ပဒဏ်ရာဒဏ်ချက် တစ်ခုမှ မတွေ့ရသဖြင့် ရောဂါတစ်ခုကြောင့်သာ သေဆုံးသွားခြင်းဖြစ်နိုင်ကြောင်း ဒေသခံများက သုံးသပ်ကြသည်။

အိုးပျဉ်တောင်ကျေးရွာမှာ ကျွဲ ၁၁ ကောင် သေဆုံးခဲ့သူ ဦးသန်းနိုင်က “ကျွန်တော်တို့ အိုးပျဉ်တောင်ကျေးရွာ တစ်ခုတည်းမှာတောင် အကောင် ၆၀ လောက် သေသွားပြီ။ ဘာကြောင့်သေတယ်ဆိုတာ ကျွန်တော်တို့ မပြောတတ်ဘူး။ ကျွဲတွေကို ရွာနဲ့ဆိုရင် မိုင် ၂၀ လောက်ဝေးတယ်။ မဂိုချောင်းလို့ခေါ်တဲ့ နေရာမှာ ကျွဲတွေကို လွှတ်တင်ထားတယ်။ တစ်ပတ်လောက်မှ တစ်ခါသွားကြည့်တာဆိုတော့ ဟိုနေ့ တစ်ကောင်သေ၊ နှစ်ကောင်သေဆိုတာမျိုးကို တွေ့တယ်။ အဓိက အကောင်ကြီးတွေ သေတာများတယ်။ ရောဂါတစ်ခုဖြစ်ပြီး သေတာလို့ သုံးသပ်မိတယ်။ သေဆုံးတဲ့အခါမှာလည်း လျှာတွေထွက်ပြီး သေဆုံးနေတာကို တွေ့ရတယ်။ သေဆုံးနေတဲ့နေရာတွေကို လိုက်လံကြည့်တော့ တစ်မိုင်ပတ်လည်မှာ သေဆုံးနေတာတွေကို တွေ့ရတယ်။ လည်ပင်းရောင်တဲ့ လက္ခဏာလိုမျိုးလည်း တွေ့ရတယ်။ ဒါကြောင့် သက်ဆိုင်ရာဌာနအနေနဲ့ အမြန်ဆုံး စစ်ဆေးပေးစေလိုပါတယ်။ ကျွဲပိုင်ရှင်တွေ ကလည်း စိုးရိမ်နေကြတယ်။ ဒါက တခြားရွာတွေရဲ့စာရင်းကို ကောက်ယူထားတာ မဟုတ်တဲ့အတွက် အကောင်ရေ ဘယ်လောက်ဆိုတာ ပြောဖို့ခက်ပါတယ်။ ကျွန်တော့်မှာလည်း ၁၁ ကောင် သေဆုံးသွားတယ်” ဟု ပြောကြားသည်။

လက်ရှိအနေအထားတွင် ကျွဲနွားများနှင့်ပတ်သက်ပြီး ကျန်းမာရေးဆိုင်ရာအဖွဲ့များ လာရောက်စစ်ဆေးခြင်း မရှိသေးကြောင်း၊ ကျွဲပိုင်ရှင်များအနေဖြင့် စိုးရိမ်မှုများ ရှိနေကြောင်း၊ ကျွဲတစ်ကောင်၏ တန်ဖိုးမှာ  ကျပ်ကိုးသိန်းမှ ၁၀ သိန်းအထိရှိသဖြင့် ဆုံးရှုံးနစ်နာမှုများရှိနေကြောင်း လယ်သမားများက ပြောဆိုကြသည်။

နမ့်ဘော်ဝမ် ရှမ်း ( က) အုပ်စု ၉ နေထိုင်သူများအား ကျူးကျော်အဖြစ် သတ်မှတ်ဖယ်ရှားခိုင်းသောကြောင့် ဖိနှိပ်ခံပြည်သူ မြေယာပိုင်ဆိုင်ရေး ပြောင်းဖူးလှုပ်ရှားမှုအဖြစ် လွိုင်ကော်မြို့တွင် ဆန္ဒပြ

ဖိနှိပ်ခံပြည်သူ မြေယာပိုင်ဆိုင်ရေး ပြောင်းဖူးလှုပ်ရှားမှုအဖြစ် လွိုင်ကော်မြို့တွင် စက်တင်ဘာ ၂၃ ရက်က ဆန္ဒထုတ်ဖော်စဉ်

နမ့်ဘော်ဝမ် ရှမ်း ( က)အုပ်စု ၉ နေထိုင်သူများအား အစိုးရက ကျူးအဖြစ်သတ်မှတ် ဖယ်ရှားခိုင်းသောကြောင့် ဖိနှိပ်ခံပြည်သူ မြေယာပိုင်ဆိုင်ရေး ပြောင်းဖူးလှုပ်ရှားမှုအဖြစ် စက်တင်ဘာ ၂၃ ရက်တွင် လွိုင်ကော်မြို့တွင်း လှည့်လည်ဆန္ဒထုတ်ဖော်ကြောင်း သိရသည် ။

ခွင့်ပြုမိန့်တင်ဆန္ဒထုတ်ဖော်ရာတွင် ပြောင်းဖူးများကိုင်ဆောင်၍ အစိုးရကတာဝန်ယူမှု တာဝန်ခံမှုရရှိရေး၊  ပြည်သူများ လွတ်လပ်စွာနေထိုင်ခွင့်ရှိရေး မြေယာသိမ်းဆည်းမှု အလိုမရှိ၊ ဒီမိုကရေစီနှင့် ဆန့်ကျင်သော လုပ်ရပ်များအလိုမရှိ စသည့်ကြွေးကြော်သံ ဆိုင်းပုဒ်များကိုင်ဆောင်ပြီး ရပ်ကွက်နေ ကျောင်းသားကျောင်းသူများ ပါဝင်ဆန္ဒထုတ်ဖော်ကြကြောင်း၊ ကရင်နီအင်အားစု လူငယ်များလည်း လာရောက်ဝန်းရံအားပေးကြကြောင်း သိရသည် ။

“ကျွန်တော် ဒီထဲမှာ ပါဝင်လာတာက အိမ်ကမိဘတွေ ခက်ခက်ခဲခဲ ပင်ပင်ပန်းပန်း ရှာထားတဲ့အိမ်ကို အစိုးရက သိမ်းမယ်ဆိုတော့ အဲဒီအိမ်မှသိမ်းသွားပြီဆို ကျွန်တော်တို့ကျောင်းလည်း ဆက်တက်လို့ရမှာ မဟုတ်ဘူး။ ဒါကြောင့်မို့ ကျွန်တော်ဒီထဲမှာ ပါဝင်လာရတာ” ဟု ဆန္ဒထုတ်ဖော်ရာတွင်ပါဝင်သူ တက္ကသိုလ်ကျောင်းသား မောင်အာကာဦးက ပြောသည် ။

ဆန္ဒထုတ်ဖော်ရာလမ်းတွင် အဖိနှိပ်ခံ ပြည်သူမြေယာပိုင်ဆိုင်ရေး ပြောင်းဖူးသပိတ်ဆိုသည့်စာတမ်းမှာ ခွင့်ပြုမိန့်တင်စဉ်က မပါရှိသောကြောင့်လည်းကောင်း၊ ဒေါ်အောင်ဆန်းစုကြည်ပုံအား ကိုင်ဆောင်သည်မှာ ပုဂ္ဂိုလ်ရေး ထိခိုက်မည်စိုးသောကြောင့်ဟုလည်းကောင်း ပြန်လည်ဖြုတ်သိမ်းပေးရန် အာဏာပိုင်များက တောင်းဆိုသောကြောင့် ဖြုတ်သိမ်းပေးခဲ့ရကြောင်း သိရသည် ။

ပြောင်းဖူးများကိုင်ဆောင်ပြီး လွိုင်ကော်မြို့တွင် ဆန္ဒထုတ်ဖော်နေစဉ်

“အစိုးရကကျွန်တော်တို့ကိုကြား ၀င်ဖျန်ဖြေပေးမှုမရှိဘူး ။ ကျွန်တော်တို့ ကျေနပ်လောက်တဲ့ ပြည်သူတွေ တောင်းဆိုတဲ့ အရာတွေပေးနိုင်တာမရှိဘူး၊ ဒါကြောင့်လမ်းပေါ် ထွက်ဆန္ဒပြရခြင်း ဖြစ်ပါတယ်။ အစိုးကိုတောင်းဆိုတာ လေးချက်ရှိပါတယ်ဗျ။ ပထမတစ်ချက်က ၁၈၈ လာထောင်ထားတယ်ဗျ။ ပုဒ်မ ၁၈၈ ကို ဖြုတ်သိမ်းပေးဖို့နဲ့၊ ဒုတိယကျွန်တော်တို့ မြေဂရန်ပေးဖို့။ တတိယက ကျွန်တော်တို့ကို အိုးအိမ်ရောင်းပိုင်ခွင့် ၀ယ်ပိုင်ခွင့်ပေးဖို့နဲ့ စတုတ္ထအချက်ကတော့ ကျွန်တော်တို့ကို အုပ်စုခွဲထွက်ပေးဖို့ ရပ်ကွက်အဖြစ်သီးသန့် ခွဲထွက်ပေးဖို့ပေါ့” ဟု ဆန္ဒထုတ်ဖော်ရာတွင် ပါဝင်သူတစ်ဦးမှ ထုတ်ဖော်ပြောဆိုသည်။

လွိုင်ကော်မြို့ နမ့်ဘော်ဝမ် ရှမ်း( က) အုပ်စု ၉ ရပ်ကွက်အားကျူးကျော်အဖြစ် သတ်မှတ်သဖြင့် အိမ်ခြေ ၁၅၀ ခန့်အား သာသနာ့နယ်မြေအတွင်း ကျရောက်သည်ဟုဆိုသဖြင့် ပြည်နယ်စီမံကိန်းနှင့်ဘဏ္ဍာရေးဝန်ကြီးမှ ဖယ်ရှားပေးရန် ပြောဆိုသဖြင့် သတင်းစာရှင်းလင်းပွဲအား စက်တင်ဘာ ၁၁ ရက်တွင် ရပ်ကွက်တွင်း ကျင်းပခဲ့သည်ဟု သိရသည်။

၂၀၁၅ ရွေးကောက်ပွဲကာလတွင် နမ့်ဘော်ဝမ် ရှမ်း(က) အုပ်စု (၉)အဖြစ် သတ်မှတ်ပြီး မဲထည့်ဝင်ခဲ့ကြပြီး လမ်းမီးတိုင်များ ရရှိထားသည့်အပြင် အိမ်ထောင်စုစာရင်းများလည်း ရရှိခဲ့ကြသော်လည်း ၂၀၁၆ မှ စတင်၍ ကျူးမြေဟုသတ်မှတ်ကာ အာဏာပိုင်များက ဖယ်ရှားပေးရန်ပြောဆိုခဲ့ကြသည့်အပြင် ပွင့်လင်းမြင်သာမှု မရှိသောကြောင့် ရှင်းလင်းပွဲလုပ်ရခြင်းဖြစ်ကြောင်း သတင်းစာရှင်းလင်းပွဲ တက်ရောက်သော ရပ်ကွက်သားများမှ ပြောဆိုခဲ့ကြသည်။

 

၂၀၀၈ ဖွဲ့စည်းပုံယန္တရား NLD ပြင်နိုင်မလား

၂၀၁၈ ဖွဲ့စည်းပုံအခြေခံဥပဒေကို အလိုမရှိကြောင်းနှင့် ၂၁ ရာစု ပြည်ထောင်စုငြိမ်းချမ်းရေးညီလာခံ အောင်မြင်ရေး မန္တလေးမြို့တွင် မတ် ၁၈ ရက် မွန်းလွဲက ဆန္ဒထုတ်ဖော်စဉ် (ဓာတ်ပုံ-ဌေးလှအောင်)

(၁)

“အာဏာလွှဲပြောင်းပေးတဲ့ နေရာမှာ ပိုမိုခိုင်မာစိတ်ချရအောင်၊ အာဏာရယူခဲ့တဲ့ တပ်ခေါင်းဆောင်များနဲ့ အစိုးရအဖွဲ့ဝင်ဟောင်းများအတွက် လုံခြုံစိတ်ချရအောင် ၂၀၀၈ ဖွဲ့စည်းပုံအခြေခံဥပဒေဖြင့် ဒီမိုကရေစီ ပြုပြင်ပြောင်းလဲရေး စခဲ့တယ်”

ဒီစကားကို ဒီဗွီဘီဒီဘိတ် အကယ်ဒမီမှာ ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ် ရေးကော်မရှင်ဥက္ကဋ္ဌ သူရဦးရွှေမန်းက ပြောကြားခဲ့တာပါ။

သူရဦးရွှေမန်းရဲ့ ပြောစကားအရ ၁၉၉၃ ခုနစ်ကစလို့ ၁၄ နှစ် ကြာ အချိန်ယူကျင်းပခဲ့တဲ့ ညောင်နှစ်ပင်ညီလာခံကနေ ထွက်ပေါ်လာတဲ့ ဖွဲ့စည်းပုံအခြေခံဥပဒေကြမ်းဟာ တကယ်တော့ အရင်တပ် မတော်အစိုးရ အဖွဲ့ဝင်ဟောင်းတွေရဲ့ လုံခြုံရေးအတွက် ရေးဆွဲခဲ့တယ်ဆိုတာ ပေါ်လွင်နေပါတယ်။

ဖွဲ့စည်းပုံအခြေခံဥပဒေမူကြမ်းကို အတည်ပြုဖို့ ပြည်လုံးကျွတ်ဆန္ဒခံယူပွဲတွေကို ၂၀၀၈ မေ ၁၀ ရက်နဲ့ ၂၄ ရက်မှာ ပြုလုပ်ခဲ့ပြီး ဆန္ဒမဲပေးပိုင်ခွင့်ရှိသူ ၂၇ သန်း ကျော်ထဲက ၉၈ ရာခိုင်နှုန်းကျော်က လာရောက်မဲပေးရာမှာ ၉၂ ရာခိုင်နှုန်းကျော်က ထောက်ခံခဲ့တဲ့အတွက် အတည်ပြုတယ်လို့ တပ်မတော်အစိုးရက ၂၀၀၈ မေ ၂၉ ရက်က ထုတ်ပြန်ခဲ့ပါတယ်။ အတည်ပြုလိုက်တဲ့ ၂၀၀၈ ဖွဲ့စည်းပုံမှာလည်း မြန်မာ့နိုင်ငံရေးမှာ တပ်မတော်ကို အဓိကအခန်းကဏ္ဍကနေ ပါဝင်စေခဲ့ပါတယ်။

ဖွဲ့စည်းပုံကို အတည်ပြုပြီး နှစ်နှစ်အကြာ ၂၀၁၀ မှာတော့ အထွေထွေရွေးကောက်ပွဲကို ကျင်းပခဲ့ပါတယ်။ ဒီလိုအထွေထွေရွေးကောက်ပွဲကျင်းပခဲ့ပေမဲ့ ဒီမိုကရက်တစ်နိုင်ငံရေးအင်အားစုတွေကြားမှာ ၂၀၀၈ ဖွဲ့စည်းပုံအခြေခံဥပဒေနဲ့ ပတ်သက်လို့ နိုင်ငံရေးအယူအဆကွဲပြားမှုတွေ ဖြစ်ခဲ့ပါတယ်။

ဖွဲ့စည်းပုံအောက်မှာ ကျင်းပတဲ့ ရွေးကောက်ပွဲကို ၀င်ရောက် ယှဉ်ပြိုင်ဖို့ သင့်၊ မသင့်က ဒီမိုကရက် တစ်နိုင်ငံရေးအင်အားစုတွေကို နှစ်ခြမ်းကွဲစေခဲ့ပါတယ်။ ရွေးကောက်ပွဲကို ၀င်ရောက်ယှဉ်ပြိုင်ပြီး ဖွဲ့စည်း ပုံပြင်ဆင်ရေးကို ကြိုးပမ်းသင့်တယ်ဆိုတဲ့ ဒီမိုကရက်တစ်အုပ်စုနဲ့ ဖွဲ့ စည်းပုံကို အသစ်ပြန်လည်ရေးဆွဲ ခြင်း ဒါမှမဟုတ် ပြင်ဆင်ပြီးမှ ရွေးကောက်ပွဲဝင်သင့်တယ်ဆိုတဲ့ ဒီမိုကရက်တစ်အုပ်စုဆိုပြီး နှစ်ခြမ်းကွဲခဲ့တာပါ။

NLD ပါတီကတော့ ၂၀၀၈ ဖွဲ့ စည်းပုံကို မထောက်ခံတဲ့အပြင် ဒေါ်အောင်ဆန်းစုကြည်ကလည်း နေအိမ်အကျယ်ချုပ်ကျနေတဲ့အတွက် ၂၀၁၀ အထွေထွေရွေးကောက်ပွဲကို ၀င်မပြိုင်ဘဲ သပိတ်မှောက်ခဲ့ပါ တယ်။

(၂)

၂၀၁၂  ကြားဖြတ်ရွေးကောက်ပွဲမှာတော့ NLD ပါတီက ဖွဲ့စည်းပုံလမ်းကြောင်းအတိုင်း ၀င်ရောက် ယှဉ်ပြိုင်ခဲ့ပါတယ်။

၂၀၁၂ ကြားဖြတ်ရွေးကောက်ပွဲမတိုင်မီ NLD ပါတီအတွင်း ၂၀၀၈ ဖွဲ့စည်းပုံအခြေခံဥပဒေနဲ့ ပတ်သက်လို့ ဆန္ဒခံယူပွဲ တစ်ရပ်ကျင်းပခဲ့ပြီး အများစုက ပြင်ဆင်ဖို့ကို ဆန္ဒပြုခဲ့ကြပါတယ်။

၂၀၁၂ ကြားဖြတ်ရွေးကောက်ပွဲမတိုင်မီ NLD ပါတီရဲ့ မဲဆွယ်ဆောင်ပုဒ်ဖြစ်တဲ့ ဖွဲ့စည်းပုံပြင်ဆင်ရေးက လူထုလိုလားနေတဲ့ အချက်ဖြစ်တာကြောင့် ၂၀၁၂ ကြားဖြတ်မှာ NLD ပါတီက လွှတ်တော်ကိုယ် စားလှယ်လောင်း ၄၅ နေရာ ၀င်ရောက်ယှဉ်ပြိုင်ခဲ့ရာမှာ ၄၃ နေရာအထိ အနိုင်ရရှိခဲ့ပါတယ်။

၂၀၁၂ ကြားဖြတ်ရွေးကောက်ပွဲအပြီးမှာတော့ ဒေါ်အောင်ဆန်းစုကြည် ဦးဆောင်တဲ့ NLD လွှတ် တော်ကိုယ်စားလှယ်တွေဟာ လွှတ်တော်ထဲကို ရောက်ရှိသွားချိန်ကစလို့ ဖွဲ့စည်းပုံပြင်ဆင်ရေးကို  ပြင်ဖို့ အတွက် နည်းမျိုးစုံနဲ့ ကြိုးပမ်းခဲ့ကြပါတယ်။

လေးပွင့်ဆိုင်တွေ့ဆုံမှုကနေ ဖွဲ့စည်းပုံပြင်ဆင်ဖို့ ကြိုးစားရာမှာ အောင်မြင်မှုမရှိခဲ့သလို NLD ပါ တီနဲ့ ၈၈ ငြိမ်းပွင့်တို့ ပူးပေါင်းပြီး ဖွဲ့စည်းပုံအခြေခံဥပဒေ ပုဒ်မ ၄၃၆ ပြင်ဆင်ရေးအတွက် လူထုဆန္ဒကောက်ခံရာမှာ လက်မှတ်ငါးသန်းကျော် ကောက်ခံရရှိခဲ့ပေမယ့်လည်း အချည်းနှီးသာ ဖြစ်ခဲ့ပါတယ်။

နောက်ဆုံးမှာ သူရဦးရွှေမန်းနဲ့ ပူးပေါင်းပြီး နှစ်နှစ်ကျော်လောက် အချိန်ယူကာ လွှတ်တော်အတွင်း ဖွဲ့စည်းပုံပြင်ဆင်ဖို့ ကြိုးပမ်းခဲ့ပေမဲ့လည်း သမ္မတအရည်အချင်းပြဋ္ဌာန်းချက်မှာ စစ်ရေးအမြင်အစား ကာကွယ်ရေးအမြင်ဆိုတဲ့ စကားလုံးတစ်လုံးကိုသာ ပြောင်းလဲနိုင်ခဲ့ပြီး အဆုံးသတ်ခဲ့ပါတယ်။

(၃)

၂၀၁၅ အထွေထွေရွေးကောက်ပွဲမတိုင်မီ NLD ပါတီရဲ့ ရွေးကောက်ပွဲ ကြေညာစာတမ်းထဲက အဓိက အချက်တွေထဲမှာ ‘တိုင်းရင်းသားပြည် သူတစ်ရပ်လုံး အေးချမ်းလုံခြုံစွာ လက်တွဲနေထိုင်ရေးကို အာမခံချက် ပေးနိုင်မည့် ဖွဲ့စည်းပုံအခြေခံဥပ ဒေတစ်ရပ် ပေါ်ထွန်းရေး’ ဆိုတဲ့ ဖွဲ့စည်းပုံပြင်ဆင်ရေးအချက်က ပြန်လည်ပါဝင်လာခဲ့ပါတယ်။

ဒေါ်အောင်ဆန်းစုကြည်ရဲ့ မဲဆွယ်စည်းရုံးရေးခရီစဉ်တွေမှာ လူကိုမကြည့်ဘဲ ပါတီကိုကြည့်ပြီး မဲပေးဖို့နဲ့ ၁၀၀ ရာခိုင်နှုန်း အနိုင်ရချင်တယ်ဆိုတဲ့ ဟောပြောမှုတွေကြောင့် ၂၀၁၅ အထွေထွေရွေးကောက်ပွဲမှာလည်း NLD ပါတီက သောင်ပြိုကမ်းပြိုအနိုင်ရရှိခဲ့ပါတယ်။

NLD ပါတီ အနိုင်ရရှိပြီးနောက်ပိုင်း ဖွဲ့စည်းပုံအခြေခံဥပဒေ ပုဒ်မ ၅၉ (စ)ကြောင့် ဒေါ်အောင်ဆန်းစုကြည် သမ္မတမဖြစ်နိုင်တဲ့အတွက် သမ္မတဘယ်သူဖြစ်မလဲဆိုတဲ့ ခန့်မှန်းမှုတွေကလည်း ပြည်သူတွေကြားမှာ မြင့်တက်ခဲ့ပါတယ်။

နိုင်ငံတော်သမ္မတအဖြစ် ဦးထင်ကျော်ကို ရွေးချယ်တင်မြှောက်ပြီးချိန်မှာတော့ ၂၀၁၆ မတ် ၃၀ ရက်က ကျင်းပတဲ့ ပြည်ထောင်စုလွှတ်တော်မှာ မိန့်ခွန်းပြောကြားခဲ့ပါတယ်။

သမ္မတမိန့်ခွန်းထဲမှာ အစိုးရမူဝါဒတွေနဲ့ ပတ်သက်လို့ ‘ဒီမိုကရေစီ ဖက်ဒရယ်ပြည်ထောင်စုဖြစ်ပေါ် ရေးကိုရှေးရှုတဲ့ ဖွဲ့စည်းပုံ အခြေခံဥပဒေတစ်ခုပေါ်ပေါက်ရေး’ ဆိုပြီး ထည့်သွင်းပြောကြားခဲ့ပါတယ်။

ဖွဲ့စည်းပုံနဲ့ပတ်သက်လို့ သမ္မတပြောကြားတာကို ကြည့်ရင် ပြင်ဆင်ရေး၊ ဖျက်သိမ်းရေးစတဲ့ စကားအစား ဒီမိုကရေစီဖက်ဒရယ်ပြည်ထောင်စုကို ရှေးရှုတဲ့ ဖွဲ့စည်းပုံအခြေခံဥပဒေ တစ်ခုပေါ်ပေါက်ရေးလို့ သုံးသွား တာကို တွေ့ရပါတယ်။

ဒါဟာ NLD ပါတီ အာဏာရရှိချိန်မှာ ဖွဲ့စည်းပုံနဲ့ ပတ်သက်လို့ညင်သာပျော့ပျောင်းတဲ့ အစိုးရမူဝါဒ ချမှတ်ခဲ့တာကို တွေ့ရမှာပါ။

(၄)

NLD အစိုးရ အာဏာရရှိချိန်ကစလို့ ဒေါ်အောင်ဆန်းစုကြည်အနေနဲ့ တစိုက်မတ်မတ်လုပ်ဆောင်ခဲ့တာကတော့ ငြိမ်းချမ်းရေးပဲ ဖြစ်ပါတယ်။

ပထမအကြိမ်လွှတ်တော်သက်တမ်း လွှတ်တော်တွင်း ဖွဲ့စည်းပုံပြင်ဆင်ရေးကို ကြိုးပမ်းခဲ့ရာမှာ အောင်မြင်မရှိတဲ့အတွက် NLD အစိုးရက ငြိမ်းချမ်းရေး ကြိုးပမ်းမှုကတစ်ဆင့် ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေး လုပ်မယ်ဆိုတဲ့ လမ်းကို ရွေးထားပါတယ်။

ဒီကိစ္စနဲ့ ပတ်သက်လို့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ၂၀၁၇ ဘီဘီစီသတင်းဌာနနဲ့ သီးသန့်တွေ့ဆုံ မေးမြန်းခန်းမှာ အခုလို ဖြေထားပါတယ်။

“ဖွဲ့စည်းပုံအခြေခံဥပဒေမှာ စစ်ရေးစစ်ရာကိစ္စတွေကို တပ်မ‌တော်ကသာ စီမံခန့်ခွဲပိုင်ခွင့် ပြဋ္ဌာန်းထားတယ်လေ။ ဒါ့ကြောင့်လည်း ကျွန်မတို့အနေနဲ့ အခြေခံဥပဒေကို ပြောင်းဖို့ကြိုးစားနေတာပေါ့။ အခြေခံဥပဒေကို ပြင်ဆင်နိုင်ဖို့ဆိုတာ ကျွန်မတို့ရဲ့ရည်မှန်းချက်တွေထဲက တစ်ခုပေါ့။ ဘာဖြစ်လို့လဲဆိုတော့ NCA ရဲ့ နောက်ဆုံးပန်းတိုင်က ဖက်ဒရယ်စနစ်အခြေခံတဲ့ ဖွဲ့စည်းပုံ အ‌ခြေခံဥပဒေကို ပြဋ္ဌာန်းနိုင်ဖို့လေ “ လို့ ဒေါ်အောင်ဆန်းစုကြည်က ဆိုပါတယ်။

ငြိမ်းချမ်းရေးကို ဦးတည်ပြီး ဖွဲ့စည်းပုံအခြေခံဥပဒေ ပြင်ဆင်မယ်ဆိုတဲ့လမ်းဟာ တကယ်တော့ မလွယ်ပါဘူး။ သက်တမ်းငါးနှစ်ပဲ တာဝန်ထမ်းဆောင်ရမယ့် အစိုးရအဖွဲ့အဖို့ ပိုပြီးမလွယ်တဲ့ အခြေအနေပါ။

NLD အစိုးရသက်တမ်း နှစ်နှစ်ခွဲရှိလာပေမဲ့ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) မှာ ဦးသိန်းစိန်လက်ထက်က လက်မှတ်ရေးထိုးခဲ့တဲ့ တိုင်းရင်းသားလက်နက်ကိုင် ရှစ်ဖွဲ့အပြင် မွန်နဲ့ လားဟူ နှစ်ဖွဲ့ကသာ ထပ်မံရေးထိုးတဲ့အတွက် တိုင်းရင်းသားလက်နက်ကိုင်အဖွဲ့ ၁၀ ဖွဲ့သာ ရှိပါသေးတယ်။

မြောက်ပိုင်းမဟာမိတ်အဖွဲ့တွေဖြစ်တဲ့ ‘၀’အဖွဲ့၊ မိုင်းလားအဖွဲ့၊ ကချင်အဖွဲ့၊ ရှမ်းအဖွဲ့၊ တအန်းအဖွဲ့၊ ကိုးကန့်အဖွဲ့နဲ့ ရခိုင်အဖွဲ့အပြင် ကရင်နီအဖွဲ့ပါ ကျန်နေသေးတဲ့အတွက် NLD အစိုးရ လက်ကျန် သက်တမ်းအတွင်းမှာ တိုင်းရင်းသားလက်နက်ကိုင်အားလုံး (NCA) မှာ လက်မှတ်ရေးထိုးလာရေးဟာ မလွယ်ကူတဲ့ အနေအထားဖြစ်နေပါတယ်။

ဒါ့အပြင် ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံ တတိယအကြိမ် အစည်းအဝေးအ ထိပြုလုပ်ခဲ့ပေမယ့် NCA လက်မှတ်ရေးထိုးထားတဲ့ တိုင်းရင်းသားလက်နက်ကိုင်တွေထဲက တချို့ဒေသတွေမှာ အမျိုးသားအဆင့် နိုင်ငံရေးဆွေးနွေးပွဲတွေကို ပိတ်ပင်ခဲ့တဲ့အတွက် မလုပ်နိုင်သေးပါဘူး။

အဆိုးဆုံးကတော့ ပြည်ထောင်စုငြိမ်းချမ်းရေးညီလာခံ ၂၁ ရာစု ပင်လုံ ဒုတိယအကြိမ်အစည်းအဝေးမှာ သဘောတူညီချက် ၃၇ ချက်နဲ့ တတိယအကြိမ်အစည်းအဝေးမှာ သဘောတူညီချက် ၁၄ ချက် စုစု ပေါင်းသဘောတူညီချက် ၅၁ ချက် ရရှိခဲ့ပေမဲ့ အရေးကြီးတဲ့ ခွဲမထွက်ရေးနဲ့ နိုင်ငံတစ်နိုင်ငံမှာ တပ်မတော် တစ်ခုသာ ထားရှိရေးဆိုတဲ့ လုံခြုံရေးနဲ့ပတ်သက်တဲ့ အချက်တွေကိုတော့ သဘောတူညီမှု မရသေးတဲ့ အတွက်ဆွေးနွေးဖို့ ထပ်ရွှေ့နေရတုန်းပဲ ဖြစ်ပါတယ်။

ပြည်ထောင်စုငြိမ်းချမ်းရေး ညီလာခံ -၂၁ ရာစုပင်လုံ တတိယအကြိမ်အစည်းအဝေးမှာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က မိန့်ခွန်းပြောကြားရာမှာ ၂၀၁၈ အတွင်းမှာ နောက်ထပ် ညီလာခံတစ်ကြိမ်နဲ့ ၂၀၁၉ မှာ နောက်ထပ် ညီလာခံနှစ်ကြိမ် ကျင်းပသွားဖို့ရှိပြီး ဒီလိုကျင်းပမယ့် ညီလာခံ သုံးကြိမ်မှာအရေးကြီးလှတဲ့ ဒီမိုကရေစီနဲ့ ဖက်ဒရယ်စနစ်ဆိုင်ရာ အခြေခံမူတွေကို အပြီးအပြတ်ချမှတ်ပြီး အနာဂတ် ဒီမိုကရေစီ ဖက်ဒရယ်ပြည်ထောင်စုအတွက် အခြေခံအုတ်မြစ်တွေကို ခိုင်ခိုင်မာမာ တည်ဆောက်ပေးနိုင်ဖို့ မျှော်မှန်းထားတယ်လို့ ဆိုပါတယ်။ ဒီလို ဒေါ်အောင်ဆန်းစုကြည်က ပြောကြားခဲ့ပေမယ့် လက်တွေ့မှာ မလွယ်လောက်ဘူးလို့ တိုင်းရင်းသားတွေနဲ့ နိုင်ငံရေးလေ့လာသူတွေက သုံးသပ်နေကြပါတယ်။

“မလွယ်ကူဘူး။ ခက်ခဲမယ်။ စိန်ခေါ်မှုတွေများမယ်ဆိုတာ ကျွန်မတို့ အစကတည်းက သိခဲ့ပါတယ်” လို့ ဒေါ်အောင်ဆန်းစုကြည်က ငြိမ်းချမ်းရေးလုပ်ငန်းစဉ်နဲ့ ပတ်သက်လို့ ၂၀၁၈ ခုနှစ် ဖေဖော်ဝါရီ ၁၃ ရက် က ကျင်းပတဲ့ မွန်နဲ့ လားဟူအဖွဲ့ NCA စာချုပ် လက်မှတ်ရေးထိုးပွဲ အခမ်းအနားမှာ ပြောကြားခဲ့ပါတယ်။

(၅)

NLD အစိုးရအနေနဲ့ သက်တမ်းနှစ်နှစ်အတွင်းမှာ ဖွဲ့စည်းပုံပြင်ဆင်ရေးနဲ့ ပတ်သက်ပြီး အသံ တိတ်နေတဲ့အတွက် ဝေဖန်မှုတွေကလည်း မြင့်တက်လာခဲ့ပါတယ်။

“ရွေးကောက်ပွဲကမ်ပိန်းတုန်းက ပြည်သူကို သူတို့ ကတိပေးထားတာရှိတယ်။ ဖွဲ့စည်းပုံအခြေခံဥပ ဒေပြင်ဆင်တဲ့ ကိစ္စနဲ့ပတ်သက်လို့။ ဖွဲ့စည်းပုံအခြေခံဥပဒေပြင်ဆင်ရေးကို မလုပ်နိုင်ဘူး။ မပြောနိုင်ဘူး ဆိုလို့ရှိရင်  ကျွန်တော်တို့ တိုင်းပြည်က ဒီမိုကရေစီတိုင်းပြည်၊ ဒီမိုကရေစီ လူ့အဖွဲ့အစည်း ဖြစ်စရာအကြောင်း ဘာမှမှရှိဘူး။ ၂၀၀၈ ဖွဲ့ စည်းပုံပြင်ဖို့အတွက် ပြည်သူတစ်ရပ်လုံးက ထောက်ခံခဲ့တယ်လို့ ကျွန်တော်ထင်တယ်။ သို့သော်လည်းပဲ ဒီနေ့အခြေအနေကျတော့ ဒီကိစ္စကို ပြောသံဆိုသံ ကျွန်တော်တို့ မကြားရဘူး။ ရွေးကောက်ပွဲ မတိုင်ခင်တုန်းကတော့ ကတိပေးတယ်။ ဒါပေမဲ့ လွှတ်တော်ထဲရောက်တာ၊ အစိုးရဖြစ်တာ နှစ်နှစ်ကျော် သုံးနှစ်ကြာတဲ့အခါမှာတော့ ဒီကိစ္စကို ပြောသံမကြားရဘူး။ ပြောသံမကြားရတဲ့အပြင်ကို ဘာပြောလာ လဲဆိုတဲ့အခါကျတော့ ငြိမ်းချမ်းရေးရမှ ဖွဲ့စည်းပုံပြင်မယ်ဆိုတဲ့ကိစ္စမျိုး ပြောဆိုလာတာတွေ့ရတယ်။ ငြိမ်းချမ်းရေးရမှ ဖွဲ့စည်းပုံပြင်မယ်ဆိုရင်တော့ တပ်မတော်က ပြောနေတဲ့ စကားနဲ့က တစ်ထပ်တည်းလို ဖြစ်နေတယ်။ ငြိမ်းချမ်းရေးခရီးစဉ်ကလည်း မှုန်ဝါးဝါးဆိုတော့ ၂၀၀၈ ဖွဲ့စည်းပုံအခြေခံဥပဒေပြင်ရေးကိစ္စက လက်ရှိအစိုးရရဲ့ လက်ရှိ အာဏာရပါတီရဲ့ ခေါင်းထဲမှာ သေသေချာချာ ရှိသေးလား မရှိဘူးလားဆိုတာ ကျွန်တော်တို့ပြောဖို့ ဆိုဖို့က နည်းနည်းခက်နေတဲ့ အနေအထားရှိတယ်”လို့ လူ့ဘောင်သစ် ဒီမိုကရက်တစ်ပါတီဥက္ကဋ္ဌ ဦးအောင်မိုးဇော်က ထောက်ပြပါတယ်။

နိုင်ငံရေးလေ့လာသူ ဦးမောင်မောင်စိုးက “လောလောဆယ် NLD အစိုးရအနေနဲ့ အခြေခံဥပဒေပြင်ဆင်ရေးနဲ့ ပတ်သက်ပြီး အားနည်းနေတာတော့ အမှန်ပါပဲ။ ဒီထက်ပို အားစိုက်လုပ်သင့်တယ်လို့ အားလုံးက မြင်ကြတယ်။ လက်တွေ့မှာလည်း NLD အနေနဲ့ အခြေခံဥပဒေပြင်ဆင်ရေးကို လွှတ်တော်ထဲမှာ လုပ်ဖို့ အခွင့်အလမ်း မရှိပါဘူး။ အဲဒီအချိန်မှာ ၂၁ ပင်လုံညီလာခံမှာ လုပ်ဖို့ဆိုတဲ့ဟာကို နိုင်ငံရေးပါတီပေါင်းစုံလည်းပါတယ်။ တပ်ကလည်းပါ တယ်။ အစိုးရကလည်းပါတယ်။ အဲဒီမှာ ညှိနှိုင်းတဲ့ အချက်အလက်ကနေပြီးတော့ အခြေခံဥပဒေပြင်ဆင်ရေးကို သွားမယ်လို့ ပြောတယ်။ ဒါပေမဲ့ အဲဒီမှာလည်းပဲ NLD ရဲ့ အ ခြေခံဥပဒေပြင်ဆင်ရေးနဲ့ ပတ်သက်ပြီး ကြိုးပမ်းအားထုတ်မှုက အားရစရာ အခြေအနေမရှိတာတော့ အမှန်ပါပဲ။ ကျွန်တော်တို့ အနေနဲ့ ကတော့ ဒါကို ပီပီပြင်ပြင်ဆက်ပြီး ဆောင်ရွက်စေချင်တယ်။ ဘာလို့ဆိုတော့ ဒါက လူထုအများစုရဲ့ ဆန္ဒဖြစ်တာကိုး။ NLD ကို မဲပေးလိုက်တယ်ဆိုတာ အပြောင်းအလဲ တစ်ခုအတွက်လည်း ဖြစ်တယ်။ ၂၀၀၈ ဖွဲ့စည်းပုံပြင်ဆင်ရေးအတွက်လည်း ဖြစ်တာကြောင့် NLD အနေနဲ့ဒီကိစ္စကို အလေးဂရုပြု ထားသင့်တယ်လို့ ထင်ပါတယ်”လို့ ပြောပါတယ်။

ဒါပေမဲ့ NLD အစိုးရ သက်တမ်းနှစ်နှစ်ပြည့်ချိန်မှာတော့ သမ္မတ အပြောင်းအလဲဖြစ်ခဲ့ပြီး သမ္မတ ဦးထင်ကျော်နေရာမှာ သမ္မတသစ် ဦးဝင်မြင့်က တာဝန်ယူခဲ့ပါတယ်။

ပြီးခဲ့တဲ့ ၂၀၁၈ မတ် ၃၀ ရက်က ကျင်းပတဲ့ ပြည်ထောင်စုလွှတ်တော်မှာ နိုင်ငံတော်သမ္မတသစ် ဦးဝင်းမြင့်က မိန့်ခွန်းပြောကြားရာမှာ  ဒီမိုကရေစီဖက်ဒရယ်ပြည်ထောင်စုကြီး တည်ဆောက်ရေးအတွက် အခြေခံအုတ်မြစ်ဖြစ်တဲ့ ဖွဲ့စည်းပုံအခြေခံဥပဒေပြင်ဆင်ရေးကို  ပြည်ထောင်စုအစိုးရအဖွဲ့ရဲ့ ဦးစားပေး ရည်မှန်းချက်ပန်းတိုင်အဖြစ် ဆောင်ရွက်သွားမယ်လို့ ပြောကြားခဲ့ပါတယ်။

သမ္မတနှစ်ဦးရဲ့ ပထမဆုံး မိန့်ခွန်းနှစ်ခုကို ယှဉ်ကြည့်ရင် ဖွဲ့စည်းပုံနဲ့ပတ်သက်လို့ အစိုးရရည်မှန်းချက်က ပြောင်းလဲလာတာကို တွေ့ရပါတယ်။

သမ္မတဟောင်း ဦးထင်ကျော်ရဲ့ ပထမဆုံးမိန့်ခွန်းမှာတော့ ဒီမိုကရေစီဖက်ဒရယ် ပြည်ထောင်စု ဖြစ်ပေါ်ရေးကို ရှေးရှုတဲ့ဖွဲ့စည်းပုံအခြေခံဥပဒေတစ်ခု ပေါ်ပေါက်ရေးလို့ ပြောကြားခဲ့ပေမဲ့ သမ္မတသစ်ဦးဝင်မြင့်ရဲ့ ပထမဆုံးမိန့်ခွန်းမှာတော့ ဒီမိုကရေစီဖက်ဒရယ်ပြည်ထောင်စုကြီး တည်ဆောက်ရေးအတွက် အခြေခံအုတ်မြစ်ဖြစ်တဲ့ ဖွဲ့စည်းပုံအခြေခံဥပဒေပြင်ဆင်ရေးဆိုပြီး ပြောကြားခဲ့တဲ့အတွက် ဖွဲ့စည်း ပုံပြင်ဆင်ရေးက ပြည်သူတွေကြားမှာ တဖန်ပြန်လည်လှုပ်ခတ်လာပါတယ်။

ဒါ့အပြင် သမ္မတသစ် ဦးဝင်းမြင့် မိန့်ခွန်းရဲ့ နိဂုံးချုပ်မှာ ပြည်သူတွေ မြင်ချင်တွေ့ချင်တဲ့ အပြောင်းအလဲတွေကို မျက်ဝါးထင်ထင် တွေ့မြင်နိုင်အောင် ပြည်သူတွေနဲ့အတူ မမှိတ်မသုန် ကြိုးပမ်းဆောင်ရွက်သွားမယ် ဆိုတာကို အလေးအနက် ကတိပြုပြောကြားခဲ့တဲ့အတွက် ဖွဲ့စည်းပုံပြင်ဆင်ရေးကို အစိုးရက တကယ်လုပ်တော့မလားဆိုတဲ့ မျှော်လင့်ချက်တွေက ပြည်သူတွေကြားမှာ ပြန်လည်ရှင်သန်လာပါတယ်။

ဒါ့ပြင် NLD ပါတီ ထိပ်ပိုင်း ခေါင်းဆောင်တွေက ဖွဲ့စည်းပုံအခြေခံဥပဒေပြင်ဆင်နိုင်ရေး အစဉ်အမြဲကြိုးပမ်းနေတယ်လို့ NLD ပါ တီ ဒုတိယအကြိမ် နိုင်ငံလုံးဆိုင်ရာ ညီလာခံအပြီး ကျင်းပတဲ့ သတင်းစာရှင်းလင်းပွဲမှာ ပါတီရဲ့ ဗဟိုအလုပ်အမှုဆောင်အဖွဲ့ အတွင်းရေးမှူးအဖွဲ့ဝင် ဦးဉာဏ်ဝင်းက ပြောကြားပါတယ်။

“ကျွန်တော်တို့က ထိုင်ကြည့်နေတာမဟုတ်ဘူး။ ထိုင်စောင့်နေတာမဟုတ်ဘူး။ ကြိုးစားသင့်သလောက် အမြဲတမ်းကြိုးစားနေပါတယ်။ ဖွဲ့စည်းပုံ အခြေခံဥပဒေကို အပြည့်အစုံ မပြင်နိုင်မချင်း ဒီမူဝါဒကို အမြဲတမ်း ကိုင်စွဲသွားပါမယ်” လို့ ဦးဉာဏ်ဝင်းက ဆိုပါတယ်။

ဒါ့ပြင် ဖွဲ့စည်းပုံအခြေခံဥပဒေ ပြင်ဆင်နိုင်ရေး ကြိုးပမ်းရာမှာ ပြည်သူတွေ ထိခိုက်မှုအနည်းဆုံး နည်းလမ်းနဲ့ တည်ငြိမ်အေးချမ်းစွာ ကြိုးပမ်းမယ်လို့ NLD ပါတီ ဒုဥက္ကဋ္ဌ (၂) ဒေါက်တာဇော်မြင့်မောင်က ဆိုပါတယ်။

(၆)

၂၀၁၈ စက်တင်ဘာ ၁၉ ရက်က ကျင်းပတဲ့ ပြည်ထောင်စုလွှတ်တော်မှာ နိုင်ငံတော်ရဲ့ အခြေအနေအရပ်ရပ်နဲ့ ပတ်သက်လို့ ပြည်ထောင်စု အစိုးရအဖွဲ့ကိုယ်စား နိုင်ငံတော်အတိုင်ပင်ခံရုံးဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေက ရှင်းလင်းခဲ့ပါတယ်။

အဲဒီလို ရှင်းလင်းရာမှာ ၂၀၀၈ ခုနှစ် ဖွဲ့စည်းပုံအခြေခံဥပဒေကို ဆွေးနွေးညှိနှိုင်းပြီး အစိုးရမျှော်မှန်းထားတဲ့အတိုင်း တစ်ဆင့်ပြီးတစ်ဆင့် ပြင်ဆင်နိုင်မှသာ အသွင်ကူးပြောင်းရေးကို အစိုးရအနေနဲ့ အာမခံနိုင်မယ်လို့ ထည့်သွင်းပြောကြားခဲ့ပါတယ်။

“၂၀၀၈ ခုနှစ် ဖွဲ့စည်းပုံအခြေခံဥပဒေကို ဆွေးနွေးညှိနှိုင်းပြီး ကျွန်တော်တို့အစိုးရ မျှော်မှန်းထားတဲ့ အတိုင်း တစ်ဆင့်ပြီးတစ်ဆင့် ပြင်ဆင်နိုင်မှသာလျှင် အသွင်ကူး ပြောင်းရေးကို အာမခံနိုင်မှာ ဖြစ်ပါတယ်။ ထို့အတူ တိုင်းရင်းသား လူမျိုးစုတွေ အကြားမှာလည်း လွတ်လပ်မှု၊ တန်းတူညီမျှမှုနဲ့ အပြန်အလှန်လေးစားမှုတို့ကို တည်ဆောက်နိုင်မှသာ ဒီမိုကရေစီဖက်ဒရယ် ပြည်ထောင်စု တည်ဆောက်ရေးကို အကောင်အထည်ဖော်နိုင်မှာ ဖြစ်ပါတယ်” လို့ ဦးကျော်တင့်ဆွေက ဆိုပါတယ်။

အစိုးရ ဖော်ဆောင်နေတဲ့  ငြိမ်းချမ်းရေးလုပ်ငန်းစဉ် အောင်မြင်ဖို့အတွက် တပ်မတော်ရဲ့ အခန်းကဏ္ဍကလည်း အရေးပါတယ်လို့ သူက ဆက်ပြောပါတယ်။

“လက်ရှိကြိုးပမ်းဖော်ဆောင်နေတဲ့ ငြိမ်းချမ်းရေးလုပ်ငန်းစဉ် အောင်မြင်ဖို့ တပ်မတော်ရဲ့ အခန်းကဏ္ဍကလည်း အရေးပါပါတယ်။ အားလုံးဟန်ချက်ညီတဲ့ ငြိမ်းချမ်းရေးဖြစ်စဉ်တစ်ခု ခိုင်ခိုင်မာမာ ဖြစ်လာအောင် ကြိုးပမ်းရာမှာ စိန်ခေါ်မှုတွေ အများကြီးကို ကျော်ဖြတ်ရပါတယ်။ နိုင်ငံတော်အစိုးရအနေနဲ့ မျှော်မှန်းထားတဲ့ ဒီမိုကရေစီစံနှုန်း တွေကို ရောက်အောင်သွားဖို့၊ ဖက်ဒရယ်ပြည်ထောင်စုကြီး တည်ဆောက်နိုင်ဖို့အတွက် အချိန်အပိုင်းအခြားနဲ့ အဆင့်လိုက်ရှေ့ဆက်ရမှာ ဖြစ်ပါတယ်။ အခက်အခဲတွေ၊ စိန်ခေါ်မှုတွေ ရှိနေပေမဲ့လည်း ဘုံရည်မှန်းချက်ဖြစ်တဲ့ ဒီမိုကရေစီ ဖက်ဒရယ်ပြည်ထောင်စု ပန်းတိုင်ကတော့ ပျောက်ပျက်သွားလို့ မရပါဘူး” လို့ ဦးကျော်တင့်ဆွေက ဆိုပါတယ်။

နိုင်ငံတော်၏ အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်ကလည်း ပြီးခဲ့တဲ့ သြဂုတ် ၂၁ ရက်က စင်ကာပူနိုင်ငံ  ISEAS (Institute of South East Asian Studies) မှာ ပြုလုပ်တဲ့ Democratic Transition: Challenges and Way Forward ဟောပြောပွဲမှာ ၂၀၀၈ ဖွဲ့စည်းပုံအခြေခံဥပဒေနဲ့ ပတ်သက်လို့ ရွေးချယ်ခံမဟုတ်တဲ့ တပ်မတော်သားကိုယ်စားလှယ် ၂၅ ရာခိုင်နှုန်းကို လွှတ်တော်အတွင်းကနေ လုံးဝဖယ်ရှားသွားမှာဖြစ်ပေမဲ့ အမျိုးသားပြန်လည်သင့်မြတ်ရေးအတွက် စေ့စပ်ညှိနှိုင်းမှုကနေတစ်ဆင့် လုပ်ဆောင်သွားမယ်လို့ ပြောကြားခဲ့ပါတယ်။

အဲဒီဟောပြောပွဲကို တက်ရောက်လာသူတစ်ဦးက စစ်တပ်အုပ်ချုပ်ရေးစနစ်ကနေ ပြည်သူ့အုပ်ချုပ်ရေးစနစ်ကို ပြောင်းလဲမှုအပေါ်မပြီးပြည့်စုံသေးဘူးလို့ သုံးသပ်ခဲ့ပြီးပြည်သူ့အုပ်ချုပ်ရေးစနစ်ကို ပြီးမြောက်စွာ ပြောင်းလဲနိုင်ဖို့ ဆိုရင် ဘယ်လိုလုပ်ဆောင်မလဲလို့ မေးမြန်းတဲ့အပေါ် ဒေါ်အောင်ဆန်းစုကြည်က ပြန်လည်ဖြေကြားရာမှာ ပြောကြားခဲ့တာ ဖြစ်ပါတယ်။

“ဖွဲ့စည်းပုံအခြေခံဥပဒေကို ကြည့်လိုက်မယ်ဆိုရင် ဥပဒေပြုအာဏာရှိတဲ့ နေရာတိုင်းမှာ တပ်မတော်က ရွေးချယ်ထားသည့် ကိုယ်စားလှယ်များ ၂၅ ရာခိုင်နှုန်းကို တွေ့ရပါလိမ့်မယ်။ ကျွန်မတို့က ဘယ်အချိန်မဆို ၇၅ ရာခိုင်နှုန်း အတွက်ပဲ ရွေးချယ်တင်မြှောက်ခွင့်ရှိပါတယ်။ ကျွန်မအရင်က ပြောခဲ့သလိုပါပဲ။ ကျွန်မတို့ဆီမှာ ၇၅ ရာခိုင်နှုန်း အာဏာပဲရှိပြီး ခံယူရတဲ့ တာဝန်ကတော့ ၁၀၀ ရာခိုင်နှုန်းပါ။ ကျွန်မတို့အဲဒါကို အရင်ပြင်ရပါမယ်။ ကျွန်မတို့ ပြင်ချင်တယ်လို့လည်း အရင်တုန်းကတည်းက တရားဝင် တင်ပြပြောကြားခဲ့ပါပြီ။ ကျွန်မတို့က ပြည်သူတွေမရွေးကောက်ထားတဲ့ ကိုယ်စားလှယ်များကို ဖယ်ရမယ်။ ဒါပေမဲ့ ဖယ်ရှားတာက အမျိုးသားပြန်လည်သင့်မြတ်ရေးအတွက်စဉ်းစားပြီး တစ်ဆင့်ပြီးတစ်ဆင့် ညှိနှိုင်းဆွေးနွေးမှုတွေ လုပ်ဆောင်သွားမှာပါ။ ဖွဲ့စည်းပုံအခြေခံဥပဒေ အစိတ်အပိုင်းတချို့ကလည်း ဒီမိုကရေစီမဆန်တဲ့အပိုင်း ဖြစ်နေပြီး စစ်တပ်ရဲ့အာဏာနဲ့ သက်ဆိုင်ပါတယ်။ အဲဒါတွေ အကုန်လုံးအပေါ် ကျွန်မတို့ ညှိနှိုင်းဆွေးနွေးမှုတွေ ပြုလုပ်ပြီး ပြုပြင်ရမှာဖြစ်ပါတယ်။ ကျွန်မတို့ရဲ့ ပြည်သူပြည်သားတွေ မနာကျင်စေတဲ့ နည်းလမ်းတွေ လုပ်ရမှာပါ။ မြန်မာပြည်မှာ ဒုက္ခတွေ၊ ဆူပူမှုတွေဖြစ်ခဲ့တာ များပြားလွန်းခဲ့ပြီး ပြည်သူ ပြည်သားတွေ ခံစားခဲ့ရတာများ ပြားလွန်းခဲ့ပြီ။ ကျွန်မတို့ တိုင်းပြည်တစ်ခုလုံးဗြောင်းဆန်သွားမယ့် တော်လှန်ရေးတွေ မဖြစ်စေချင်ပါဘူး။ ကျွန်မတို့စိတ်ရှည်ရှည် ဇွဲကောင်းကောင်းနဲ့ တရားဥပဒေဘောင်ထဲကပဲ လုပ်မှာပါ”လို့ ဒေါ်အောင်ဆန်းစုကြည်က ဆိုပါတယ်။

ဆက်လက်ပြီးပွဲကိုတက်ရောက်လာတဲ့ကျောင်းသားတစ်ဦးက မေးမြန်းရာမှာ NLD အစိုးရ တာဝန်ယူ အုပ်ချုပ်နေပေမဲ့ တပ်မတော်ရဲ့ အာဏာကို ထိန်းချုပ်နိုင်ခြင်းမရှိဘူးလို့ ဝေဖန်မှုများပြားနေတဲ့အပေါ် ထောက်ပြပြီး တပ်မတော်က အာဏာသိမ်းဖို့ အလားအလာရှိသလားလို့ မေးမြန်းတဲ့အပေါ် လက်ရှိ အစိုးရယန္တရားမှာ ဗိုလ်ချုပ်ကြီးတွေနဲ့ ညှိနှိုင်းလုပ်ဆောင်နေတဲ့အတွက်စိုးရိမ်စရာမရှိဘူးလို့ ဒေါ် အောင်ဆန်းစုကြည်က ပြန်လည်ဖြေကြားခဲ့ပါတယ်။

(၇)

“လောဘတကြီးနဲ့ ဒီမိုကရေစီကို အကုန်လုံးပေး။ မပေးဘူးဆိုလို့ ရှိရင်ဆိုတဲ့ အနေအထားမျိုးနဲ့ ဆိုရင် ခုနက ရင်ကြားစေ့ရေးတွေရော၊ အမျိုးသားပြန်လည်သင့်မြတ်ရေးရော ထိခိုက်သွားနိုင်တဲ့အတွက် အမြော်အမြင်ရှိရှိ ဆောင်ရွက်ဖို့လိုတယ်။ အဲဒါမှ မဟုတ်ဘဲနဲ့ လောဘကြီးရင် အရနည်းသလိုပဲ မြန်မြန်လုပ်တဲ့အခါမှာ ခြေချော်ပြီးတော့ ဒီမိုကရေစီကို ကျော်ပြီးတော့ အာဏာရှင် ပြန်ရောက်မသွားနိုင်ဖို့ကလည်း သတိထားဆောင်ရွက်ရမှာဖြစ်တယ်” လို့ သူရဦးရွှေမန်းက ဒီဗွီဘီဒီဘိတ် အကယ်ဒမီမှာ ပြောကြားခဲ့ပါတယ်။

ဆိုလိုရင်းကတော့ ဖွဲ့စည်းပုံပြင်ရာမှာ အလောတကြီး မလုပ်ဖို့နဲ့ လောဘတကြီးလုပ်ပါက အမျိုးသားပြန်လည်သင့်မြတ်ရေး ထိခိုက်သွားနိုင်တဲ့အတွက် အာဏာရှင်ဘက်ကို ပြန်ရောက်မသွားအောင် လို့လည်း သတိထားဖို့လိုတာကို သတိပေးပြောလိုက်တာပါ။

NLD ပါတီ၂၀၁၅ ရွေးကောက်ပွဲအနိုင်ရပြီးချိန် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က တွေ့ဆုံမေးမြန်းခန်းတစ်ခုမှာ ဖွဲ့စည်းပုံအခြေခံဥပဒေပြင်ဆင်ရေးနဲ့ ပတ်သက်လို့ နိုင်ငံတွင်း ရင့်ကျက်ခိုင်မာတည်ငြိမ်တဲ့ နိုင်ငံရေးလိုပြီး အခုချိန်ကအသင့်မဖြစ်သေးတဲ့အတွက် တဖြည်းဖြည်း ပြောင်းလဲသွားဖို့လိုတယ်လို့ ပြောကြားထားပါတယ်။

ရန်ကုန်မြို့တော်ဝင်နှင်းဆီမှာ ၂၀၁၇ ဒီဇင်ဘာ ၁၇ ရက်က နိုင်ငံရေး အကျဉ်းသားဟောင်းများအဖွဲ့ (FPPS) က ဦးဆောင်ပြီး”မြန်မာ့ဒီမိုကရေစီရေးရဲ့ အဓိကဒေါက်တိုင်တွေ ပြိုလဲကုန်ပြီလား” ခေါင်းစဉ်နဲ့ ပြုလုပ်တဲ့ ဆွေးနွေးပွဲမှာ NLD အစိုးရလက်ထက် အရပ်ဘက်-စစ်ဘက် ဆက်ဆံရေးနဲ့ အပြန်အလှန် ယုံကြည်မှု အခြေအနေကအရင်အစိုးရသက်တမ်းကထက် ကျဆင်းလာတယ်လို့ တမ္ပဒီပ အင်စတီကျုဒ် ဒါရိုက်တာ ဒေါက်တာခင်ဇော်ဝင်းက ဆိုပါတယ်။

ဒီဆွေးနွေးပွဲမှာ စာရေးဆရာ ဦးကျော်ဝင်းက NCA စာချုပ်က ဖွဲ့စည်းပုံအခြေခံဥပဒေပြင်ဆင်နိုင်ရေးအတွက် ကယ်ပေါက်တစ်ခုဖြစ်တယ်လို့ ဆိုပါတယ်။

“အခြေခံဥပဒေကို ပါးပါးနပ်နပ်နဲ့ ဖြတ်နိုင်ရင် ဒါကိုကျော်နိုင်တဲ့ ကယ်ပေါက်တစ်ခုရှိတယ်လို့ မြင်ပါတယ်။ ကယ်ပေါက်လို့ပြောတာ ရည်ရွယ်ချက်ရှိရှိ ပြောတာပါ။ ပါးပါးနပ်နပ်နဲ့ ဖြတ်နိုင်ရင် ကျော်သွားနိုင်တယ်။ မပါးမနပ်နဲ့ဆိုရင်တော့ ပိတ်မိသွားမယ်” လို့ ဦးကျော်ဝင်းက ပြောပါတယ်။

ဒါပေမဲ့ နိုင်ငံရေးလေ့လာသူတချို့ကတော့ ငြိမ်းချမ်းရေးကနေ ဖွဲ့စည်းပုံပြင်ဆင်ရေးလမ်းကြောင်း သွားနေတာက အခက်အခဲရှိနေသေးတယ်လို့ ဆိုကြပါတယ်။

“လက်ရှိကာလ ငြိမ်းချမ်းရေးလုပ်ငန်းစဉ်ထဲမှာ ပါဝင်နိုင်တဲ့ တိုင်းရင်းသားလက်နက်ကိုင်အဖွဲ့က ရှစ် ဖွဲ့လောက်ကျန်နေသေးတဲ့အတွက် ပြည်ထောင်စုငြိမ်းချမ်းရေးဆွေးနွေးပွဲကနေ သွားဖို့ဆိုတာတော့ အခက် အခဲရှိဆဲပဲလို့ ပြောရမယ်”လို့  နိုင်ငံရေးလေ့လာသူ ဦးမောင်မောင်စိုးက မှတ်ချက်ပေးပါတယ်။

ရန်ကုန်တိုင်းဒေသကြီး လွှတ်တော်ကိုယ်စားလှယ်ဟောင်း ဒေါက်တာညိုညိုသင်းက “ငြိမ်းချမ်းရေး လုပ်ငန်းစဉ်ကနေ ဖွဲ့စည်းပုံအခြေခံဥပဒေကို ပြင်ဆင်ဖို့ကြိုးစားမယ်ဆိုရင်တော့ ကျန်တဲ့အစိုးရရဲ့ သက် တမ်းအတွင်းမှာ အောင်မြင်နိုင်ဖို့ အနေအထားမှာ မရှိဘူး”လို့ သုံးသပ်ပါတယ်။

ဘယ်လိုနည်းလမ်းမျိုးမဆို အသုံးပြုစေကာမူ တကယ့်ဖွဲ့စည်းပုံ ပြင်ဆင်ရေးရဲ့အဓိပတိချုပ်က တပ်မတော်သာ ဖြစ်ပါတယ်။ တပ်မတော်က ပြင်ဆင်ခွင့်ပေးမှသာ ပြင်ဆင်နိုင်မှာဖြစ်ပြီး တပ်မတော်ဘက်က ပြင်ဆင်ခွင့်မပေးပါက ဘာမှမတတ်နိုင်တဲ့ အနေအထားမျိုးဖြစ်ပါတယ်။

ဒါကြောင့်လည်း ဒီဗွီဘီဒီဘိတ်အကယ်ဒမီမှာ သူရဦးရွှေမန်းက“ဖွဲ့စည်းပုံအခြေခံဥပဒေပြောင်းဖို့အတွက် အဓိက ဘယ်သူ့မှာ တာဝန်ရှိလဲ။ ဘယ်သူပြောင်းလဲနိုင်လဲ။ ဒီဟာကို ကျွန်တော်တို့ လေ့လာဖို့ လိုတယ်” လို့ ပြောကြားခဲ့ပါတယ်။

ဖွဲ့စည်းပုံပြင်ဆင်ရေးကို NLD အစိုးရအနေနဲ့ ပြင်ဆင်ဖို့ ကြိုးစားနေပေမဲ့ လက်တွေ့မှာ ဖြစ်နိုင်တဲ့ အကြောင်းအချက် မတွေ့ဘူးလို့ နိုင်ငံရေးလေ့လာသူ ဦးသန်းစိုးနိုင်က မှတ်ချက်ပြုပါတယ်။

“၂၀၁၅ ခုနစ် ရွေးကောက်ပွဲမှာ သူတို့ အာဏာရလို့ရှိရင် NLD ပါတီလုပ်မယ့် အဓိကလုပ်ငန်းစဉ်ထဲမှာ ဖွဲ့စည်းပုံအခြေခံဥပဒေပြုပြင်ပြောင်းလဲရေးကလည်းပါတယ်။ ဒါပေမဲ့ သူ့ရဲ့ အမျိုးသားပြန်လည်သင့် မြတ်ရေး လုပ်ငန်းစဉ်အောက်မှာ ဒီဖွဲ့စည်းပုံပြုပြင်ပြောင်းလဲရေးက တပ်မတော်က သဘောမတူညီရင် သူတို့အနေနဲ့ ဘာမှ လုပ်ပိုင်ခွင့်ကရှိတာ မဟုတ်ဘူး။ ခုထက်ထိလည်း မလုပ်နိုင်ပါဘူး။ အဲဒါကို သူတို့ မျှော်မှန်းတာက အဓိကကတော့ ၂၁ ရာစု ပင်လုံအစည်းအဝေးကနေတစ်ဆင့် အဲဒါကို ပြင်နိုင်အောင် ကြိုးစားဖို့ပါပဲ။ သို့သော်လည်း ၂၁ ရာစု ပင်လုံကလည်း ပထမတစ်ကြိမ်ထက် ဒုတိယတစ်ကြိမ်၊ ဒုတိယတစ်ကြိမ်ထက် တတိယတစ်ကြိမ်ဆိုတာက အရေးကြီးတဲ့ နိုင်ငံရေးပြဿနာတွေ ဘာမှ ဆွေးနွေးဆုံးဖြတ်နိုင်ခွင့် မရှိဘူး။ ဘာဖြစ်လို့လဲဆိုတော့ အမျိုးသားအဆင့် ဆွေးနွေးပွဲတွေကို တပ်မတော်က ကန့်ကွက်တဲ့အခါကျတော့ အုပ်ချုပ်ရေးပိုင်းတွေကပါ လိုက်ပိတ်ဆို့တဲ့အခါကျတော့  ဒီဖွဲ့စည်းပုံအခြေခံဥပဒေပြုပြင်ပြောင်းလဲရေးကိစ္စ လူထုအသံတွေက ၂၁ ရာစုပင်လုံအစည်းအဝေးကို ဘယ်လိုလုပ် ရောက်မှာလဲ။ အဲဒီတော့ အဲဒါကလည်း ရပ်တန့်နေတယ်လို့ ပြောရမယ်။ ဒီအကြောင်းအချက်တွေအောက်မှာ အခု သုံးနှစ်နီးပါး ဖွဲ့စည်းပုံပြင်ဆင်ရေးဆိုတာက အသံတိတ်နေတာပေါ့။ ဒါပေမဲ့ နောက်နှစ်ဆိုလို့ရှိရင် ၂၀၂၀ အတွက် ပြင် ရတော့မယ်ဆိုတော့ ၂၀၁၅ ခုနှစ်က အနေအထားမျိုးပြန်ရအောင် NLD ပါတီအနေနဲ့ ကြိုးစားတာပေါ့။ ဒါပေမဲ့ အသံသာထွက်တာပါ။ တကယ့်လက်တွေ့ကတော့ ဖြစ်နိုင်စရာ အကြောင်းအချက်အလက် ကျွန်တော်တော့ သိပ်မမြင်ဘူး”လို့  ဦးသန်းစိုးနိုင်က ဆိုပါတယ်။

၂၀၁၈ စက်တင်ဘာ ၁၉ ရက် က ကျင်းပတဲ့ ပြည်ထောင်စုလွှတ်တော်မှာ နိုင်ငံတော်ရဲ့ အခြေအနေအရပ်ရပ်နဲ့ ပတ်သက်လို့ ပြည်ထောင်စုအစိုးရအဖွဲ့ကိုယ်စား နိုင်ငံတော်အတိုင်ပင်ခံရုံး ၀န်ကြီးဌာန ပြည်ထောင်စုဝန်ကြီး ဦးကျော်တင့်ဆွေက ရှင်းလင်းရာမှာ နိုင်ငံတော်အစိုးရရဲ့ ရည်မှန်းချက်ပန်းတိုင်သုံးရပ်အဖြစ် တရားဥပဒေစိုးမိုးရေးနဲ့ ပြည်သူတွေရဲ့ လူမှု-စီးပွားဘ၀ တိုး တက်မြင့်မားရေး၊ အမျိုးသားပြန် လည်သင့်မြတ်ရေးနဲ့ ပြည်တွင်းငြိမ်းချမ်းရေး၊ ဒီမိုကရေစီဖက်ဒရယ် ပြည်ထောင်စုကြီး တည်ဆောက် ရေးအတွက် အခြေခံအုတ်မြစ်ဖြစ်တဲ့ ဖွဲ့စည်းပုံအခြေခံဥပဒေ ပြင်ဆင်ရေးတို့ကို ဦးတည်ချက် ခိုင်ခိုင်မာမာထားပြီး ဆက်လက်အကောင်အထည်ဖော် ကြိုးပမ်းဆောင်ရွက်သွားမယ်လို့ ပြောကြားခဲ့ပါတယ်။

နိုင်ငံတော်အစိုးရရဲ့ ရည်မှန်းချက်ပန်းတိုင် သုံးရပ်ကို အကောင်အထည်ဖော်ဖို့ဆိုရင် အဓိကအကျဆုံးကတော့ ဖွဲ့စည်းပုံပြင်ဆင်နိုင်မှသာ ကျန်တဲ့အချက်တွေကို အကောင်အထည်ဖော်ရာမှာ ပြည့်ပြည့်၀၀ဆောင်ရွက်နိုင်မှာ ဖြစ်ပါတယ်။ တကယ်လို့သာ NLD အစိုးရရဲ့ လက်ကျန်သက်တမ်းအတွင်း ၂၀၀၈ ဖွဲ့စည်းပုံကို မပြင်နိုင်ခဲ့ဘူး ဆိုရင်တော့ ကျန်တဲ့ ရည်မှန်းချက်ပန်းတိုင်တွေကိုလည်း ပြည့်ပြည့်၀၀ အကောင်အထည်ဖော်နိုင်ဖို့ဆိုတာက အခက်အခဲ အတားအဆီးတွေ ဖြစ်နေမယ်လို့ အားလုံးက ယုံကြည်နေကြပါတယ်။

“ကျွန်တော် မြင်တာကတော့ ၂၀၀၈ အခြေခံဥပဒေကြီးက အဓိက အကာအကွယ်ဖြစ်နေတယ်။ အခက်အခဲအတားအဆီး ဖြစ်နေတယ်။ ဒါကို မပြင်နိုင်သရွေ့ကတော့ ကျွန်တော်တို့ လိုချင်တဲ့ ဖက်ဒရယ်ဒီမိုကရေစီ ပြည်ထောင်စုစနစ်ကတော့ ရရှိနိုင်မယ်လို့ မထင်ဘူး”လို့ ရှမ်းတိုင်းရင်းသားများ ဒီမို ကရေစီအဖွဲ့ချုပ်ပါတီ အထွေထွေအတွင်းရေးမှူး ဦးစိုင်းညွန့်လွင်က သုံးသပ်ပါတယ်။

ထားဝယ်ခရိုင် ကံပေါက်ဒေသတွင် မိုးကြိုးပစ်ခံရ၍ နှစ်ဦးသေဆုံးပြီး တစ်ဦးဒဏ်ရာရ

တနင်္သာရီတိုင်းဒေသကြီး ထားဝယ်ခရိုင် ကံပေါက်ဒေသရှိ မောရ၀တီရေတပ်စခန်း ဌာနချုပ်အနီး ဟိန်းဇဲချောင်းအတွင်းတွင် စက်တင်ဘာ ၂၂ ရက် ညနေ ၆ နာရီကျော်က ကျောက်ချရပ်နားထားသော ငါးဖမ်းလှေတစ်စင်း မိုးကြိုးပစ်ခံရမှုကြောင့် နှစ်ဦးသေဆုံးကာ တစ်ဦးဒဏ်ရာရရှိခဲ့ကြောင်း သိရသည်။

ရေဖြူမြို့နယ် ကံပေါက်ဒေသရှိ အုန်းပင်ကွင်းရွာနေ ဦးဝင်းရွှေ၊ မောင်ရီဝင်းထွန်း နှင့် ဦးထွန်းမြင့်တို့ သုံးဦးမှာ စက်တင်ဘာ ၂၁ ရက်မှစ၍ အုန်းပင်ကွင်းချောင်းမှတစ်ဆင့် ဟိန်းဇဲချောင်းအတွင်းသို့ ငါးဖမ်းပိုက်ထောင်ရန်ထွက်ခွာသွားခဲ့ပြီး စက်တင်ဘာ ၂၂ ရက်ညနေ ၅ နာရီတွင် မောရ၀တီရေတပ်စခန်း ဌာနချုပ်ဆိပ်ခံတံတား (အမှတ်-၂ ဗျူဟာစစ်ရေယာဉ်စုဆိပ်ခံတံတား) ၏ တစ်ဖက်ကမ်း၌ ပိုက်ချ၍ ကျောက်ချရပ်နားထားခဲ့ကာအလျား ၁၈ ပေ အနံ ၆ ပေရှိ လှေအတွင်း အိပ်နေခဲ့ကြောင်း၊ ညနေ ၆ နာရီ ၁၅ မိနစ်တွင် သုံးဦးတန်းစီ၍ အိပ်ပျော်နေသည့် ငါးဖမ်းလှေကို မိုးကြိုးပစ်ခြင်းခံခဲ့ရပြီး မောင်ရီဝင်းထွန်းနှင့် ဦးထွန်းမြင့်တို့ သေဆုံး၍ ဦးဝင်းရွှေ၌ ခြေတောက်တွင်ဒဏ်ရာရရှိ၍ ဆေးကုသမှုခံယူနေရသည်ဟု သိရသည်။ “စစ်သင်္ဘောတွေရှိတဲ့ဘက်ကို အကူအညီတောင်းဖို့ဆိုပြီးတော့။ ရေလယ်လောက်ရောက်တော့ စက်ကပျက်သွားတယ်။ ဒီတော့လှော်တက်နဲ့လှော်လာပြီးတော့မှ ကယ်ကြပါဦးအော်ပြီး စစ်သင်္ဘောနားကိုရောက်တော့မှ စစ်ရေယာဉ်အမှတ်  ၅၅၈ က ဗိုလ်မှူးပြည့်စုံအောင်နဲ့ စစ်သည်တွေကနေပြီး သူတို့ကိုကယ်တာ။ ကယ်ပြီးကုန်းပေါ်တင်၊ ရှေးဦးလူနာပြုစုနည်းတွေနဲ့ ပြုစုပြီး တောက်လျှောက်မော်တော်ယာဉ်တွေနဲ့ အမှတ် ၁၃ တပ်မတော်ဆေးရုံကို ပို့လိုက်တယ်။ ဆေးရုံရောက်လို့ ဆရာဝန်တွေ စမ်းသပ်ကြည့်တော့ ရီဝင်းထွန်းနဲ့ ဦးထွန်းမြင့်တို့က သေနေပြီ။ ဦးဝင်းရွှေမှာတော့ ခြေတောက်ပဲနည်းနည်း ဒဏ်ရာရတာပေါ” ဟု ကံပေါက်နယ်မြေ ရဲစခန်းမှူး ဒုရဲအုပ်ဝင်းမြင့်စံက ဆိုသည်။

စံတော်ချိန်နေ့စဉ်သတင်းစာပါ ‘ပြောမိတော့မှာပဲ’ ဆောင်းပါးနှင့်ပတ်သက်၍ အယ်ဒီတာချုပ်နှင့် ဆောင်းပါးရှင်အား ပုဒ်မ ၂၉၅ ဖြင့် အမှုဖွင့်ထားကြောင်း သိရ

စံတော်ချိန်နေ့စဉ်သတင်းစာပါ ရွှေတိဂုံစေတီတော်နှင့် မဟာမြတ်မုနိဘုရား အကြောင်းအရာပါဝင်သော ပြောမိတော့မှာပဲ ဆောင်းပါးနှင့် ပတ်သက်၍ အယ်ဒီတာချုပ် နှင့် ဆောင်းပါးရှင်အား မင်္ဂလာတောင်ညွန့် မြို့မရဲစခန်းတွင်  ပုဒ်မ -၂၉၅ ဖြင့် အမှုဖွင့်ထားကြောင်း စက်တင်ဘာ ၂၃ ရက်တွင် တိုင်းဒေသကြီးရဲတပ်ဖွဲ့မှ စုံစမ်းသိရသည်။

အဆိုပါ ပြောမိတော့မှာပဲ ဆောင်းပါး နှင့် ပတ်သက်၍  အယ်ဒီတာချုပ်နှင့် ဆောင်းပါးရှင်အား အရေးယူပေးရန် မြောက်ဥက္ကလာပမြို့နယ်နေ ဦးစိုးမင်းဦးဆိုသူက မင်္ဂလာတောင်ညွန့်ရဲစခန်းတွင် စက်တင်ဘာ ၂၁ ရက်က တိုင်ကြားခဲ့ပြီး စက်တင်ဘာ ၂၂  ရက်တွင် အမှုဖွင့်လှစ်ခဲ့ကြောင်း သိရသည်။

အမှုဖွင့်အကြောင်းရင်းမှာ ဦးစိုးမင်ဦးသည် ၎င်း၏နေအိမ်၌  စက်တင်ဘာ ၁၇ ရက်၊ တနင်္လာနေ့ထုတ် စံတော်ချိန်နေ့စဉ် သတင်းစာ၊ အတွဲ(၆)၊ အမှတ်(၁၉၅၆)၊ စာ မျက်နှာ (၂၁) ရှိ ဆောင်းပါးရှင် ကောင်းဆက်နိုင် ရေးသော ပြောမိတော့မှာပဲ ခေါင်းစဉ်ပါ ဆောင်းပါးတွင် ပါဝင်သည့် ရွှေတိဂုံစေတီတော်အား ငွေတိဂုံ၊ ဘော်တိဂုံဟု လှောင်ပြောင်ခေါ်ဆိုသုံးစွဲခြင်းသည် လည်းကောင်း၊ ဆောင်းပါး၏ ပဉ္စမမြောက်အပိုဒ်တွင် “ဒါတော့ဒါပေါ့ဗျာ၊ ကျတ်သရေချင်းက ကွာသေးတယ်လေ၊ နိုင်ငံခြားသားတွေဆိုရင် လက်ညိုးတထိုးထိုးနဲ့ ဗုဒ္ဓဘာသာဝင်တွေက သူတို့ဘုရားတောင် ချမ်းသာမပေးဘူး၊ ဘုရားကို ဂျင်း(ချင်း)ထည့်သွားပုံများ၊ ဒါနဲ့တောင် သူ့ကိုယ်သူ တန်ခိုးကြီးဘုရားတဲ့လားဆိုပြီး အတင်းပြောနေကြတာဗျ၊ သိက္ခာကျလိုက်တာဗျာ” ဟုလည်းကောင်း တွေ့မြင်ဖတ်ရှုခဲ့ရသဖြင့်  ဗုဒ္ဓဘာသာဝင်များ ယုံကြည်ကိုးကွယ်ဝတ်ပြုသော ရွှေတိဂုံစေတီတော်နှင့် မဟာမြတ်မုနိရုပ်ရှင်တော်ဘုရားတို့၏ ဘုန်းတန်ခိုးတို့ကို ယုတ်ညံ့စေနိုင်သည့် အသုံးအနှုန်းများဖြင့် ရေးသားဖြန့်ဝေခဲ့သည်ဟုဆိုကာ အမှုဖွင့် လှစ်တိုင်ကြားခြင်းဖြစ်ကြောင်း သိရသည်။

ထို့ကြောင့် စံတော်ချိန်နေ့စဉ် သတင်းစာတိုက်မှ အယ်ဒီတာချုပ်(စုံစမ်းဆဲ)နှင့် ဆောင်းပါးရှင် ကောင်းဆက်နိုင်(စုံစမ်းဆဲ)တို့နှစ်ဦးကို အရေးယူပေးရန် တရားလို ဦးစိုးမင်းဦး၏ တိုင်တန်းချက်အရ ရာဇသတ်ကြီး ပုဒ်မ -၂၉၅ ဖြင့် အမှုဖွင့်လှစ်ခဲ့ပြီး အမှုစစ်အဖြစ် မင်္ဂလာတောင်ညွန့်မြို့မရဲစခန်းမှူး ဒုရဲမှူးဇော်ဝင်းနိုင်က ဆောင်ရွက်လျက်ရှိကြောင်း သိရသည်။ မင်္ဂလာတောင်ညွန့်မြို့မရဲစခန်းမှူး ဒုရဲမှူးဇော်ဝင်းနိုင်က “အခု အယ်ဒီတာချုပ်နဲ့ ဆောင်းပါးရှင်းကို အမှုဖွင့်ထားပါတယ်။ အယ်ဒီတာချုပ်နဲ့ အဆက်အသွယ်ရပါပြီ။ ဆောင်းပါးရှင်နဲ့တော့ အဆက်အသွယ် မရသေးပါဘူး။  ဆက်လက်ဆောင်ရွက်သွား ပါမယ်”ဟု ပြောကြားသည်။

ရွှေဘိုခရိုင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဥက္ကဋ္ဌ ဦးစိုးအေး တရားစွဲဆိုခံရမှုနှင့်ပတ်သက်၍ ဥပဒေဘောင်အတွင်းမှ ဆောင်ရွက်မည်ဟု USDP ပါတီ ပြောရေးဆိုခွင့်ရှိသူ ပြောကြား

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် စစ်ကိုင်းတိုင်းဒေသကြီးဝန်ကြီးချုပ်တို့အား အကြည်ညိုပျက်စေအောင် ပြောကြားသည်ဟုဆိုကာ ရွှေဘိုခရိုင် ပြည်ထောင်စုကြံ့ခိုင်ရေးနှင့်ဖွံ့ ဖြိုးရေးပါတီ ဥက္ကဋ္ဌ ဦးစိုးအေးအား ပုဒ်မ ၅၀၅ (ခ) ဖြင့် တရားစွဲဆိုခံထားရခြင်းနှင့်ပတ်သက်၍ ဥပဒဘောင်အတွင်းမှ ဆောင်ရွက်သွားမည်ဟု ပြည်ခိုင်ဖြိုးပါတီ ပြောရေးဆိုခွင့်ရှိသူ ဦးသိန်းထွန်းဦးက ပြောကြားသည်။

စက်တင်ဘာ ၈ ရက်က ရွှေဘိုမြို့နယ် ပလိုင်းကျေးရွာရှိ ဒေါ်ကေသီခိုင်၏ အိမ်ခြံဝင်းအတွင်း ဦးစိုးအေးနှင့် အဖွဲ့သည် တောင်သူများနှင့် တွေ့ဆုံပွဲတစ်ခုပြုလုပ်ခဲ့ပြီး အဆိုပါ တွေ့ဆုံပွဲ၌ ဦးစိုးအေးက “မိမိအဖွဲ့မှာ ပြည်ခိုင်ဖြိုးပါတီဖြစ်ကာ ဒေါ်အောင်ဆန်းစုကြည် အဖွဲ့နှင့်မတူကြောင်း၊ ပါတီအနေဖြင့် အမျိုး၊ ဘာသာ၊ သာသနာကို စောင့်ရှောက်နေသည် မှာ ပြည်သူများ အသိပင်ဖြစ်ကြောင်း၊ ရခိုင်တွင် ကျောင်းဆရာမတစ်ဦးအား ဘင်္ဂါလီများမှ မတရားကျင့်ကြံခဲ့ကြောင်း၊ အဆိုပါဘင်္ဂါလီများ နေထိုင်ရန် နိုင်ငံတော်အတိုင်ပင်ခံပုဂ္ဂိုလ်မှ နေအိမ်များ၊ ကွန်ကရစ်လမ်းများ အပြည့်အစုံ ဆောက်လုပ်ပေးထားကြောင်း၊ စစ်ကိုင်းတိုင်းဒေသကြီး ၀န်ကြီးချုပ် ဒေါက်တာမြင့်နိုင်မှလည်းပဲ နေအိမ်အလုံး ၈၀ ဆောက်လုပ်ပေးရကြောင်း၊ ရန်ကုန်မြို့တွင် နေထိုင်ရန် ဘင်္ဂါလီ ၄၀၀၀ ခန့်အား ဒေါ်အောင်ဆန်းစုကြည်မှ ခေါ်ယူကာ နေထိုင်ခွင့်ပေးထားကြောင်း၊ ဘင်္ဂါလီလူမျိုးများအား ခေါ်သွင်းလာပါက ဘင်္ဂါလီတိုင်းပြည်ဖြစ်တော့မှာပဲဟု ပြောကြားခဲ့ကြောင်း၊ ဗုဒ္ဓမြတ်စွာဘုရားမှာ ကုလားမဟုတ်ကြောင်း၊ ကိုယ့်လေကိုယ့်ရေ ကိုယ့်မြေကို တစ်စက်မျှမပေးနိုင်ကြောင်း၊ ရခိုင်တွင် ကုလားတစ်ယောက်မှာ မိန်းမလေး ယောက်ယူ၍ရကြောင်း၊ ထို့ကြောင့် အမျိုးဘာသာ သာသနာကို စောင့်ရှောက်ကြရန်နှင့် တစ်လင်တစ်မယားစနစ်ကို ကျင့်သုံးရန် လိုအပ်ကြောင်း” စသည်ဖြင့် အဖွင့်အမှာစကားတွင် ထည့်သွင်းပြောဆိုခဲ့ကြောင်း ပြည်ခိုင်ဖြိုးပါတီ ပြောရေးဆိုခွင့်ရှိသူ ဦးသိန်းထွန်းဦး၏ ပြောကြားချက်အရ သိရသည်။

နိုင်ငံတော်အထိတ်တလန့်ဖြစ်စေမှု၊ လူမျိုးရေးခွဲခြား ပြောဆိုဟောပြောမှုတို့ကြောင့် ရာဇသတ်ကြီးပုဒ်မ ၅၀၅ (ခ) ဖြင့် ရွှေဘိုမြို့နယ် စီမံခန့်ခွဲမှုကော်မတီ၏ ဆုံးဖြတ်ချက်အရ ရဲတပ်ဖွဲ့က တရားလိုပြုလုပ်ကာ အရေးယူ ဆောင်ရွက်ခဲ့ခြင်းဖြစ်ပြီး ယင်းဖြစ်စဉ်နှင့်ပတ်သက်၍  ဥပဒေဘောင်အတွင်းမှ ဆောင်ရွက်မည်ဟု ပြည်ခိုင်ဖြိုးပါတီ၏ ပြောရေးဆိုခွင့်ရှိသူက ပြောကြားခဲ့ခြင်း ဖြစ်သည်။

“ဒီလိုဆောင်ရွက်နေမှုကို ဒီလိုပြောခဲ့ပါတယ်ဆိုပြီးတော့ စွပ်စွဲပြီးတော့ လုပ်ဆောင်မှုသည် ဒီမိုကရေစီကို အညွှန့်ချိုးတယ်လို့ ကျွန်တော်တို့ ပါတီက ဒါသုံးသပ်ထားပြီးသား ဖြစ်ပါတယ်။ ဆိုလိုတာကတော့ မပြောရဲ မဆိုရဲ မလုပ်ရဲ မကိုင်ရဲအောင် တစ်နည်းအားဖြင့် ဦးစိုးအေးသည် ပြည်ခိုင်ဖြိုးပါတီ ရွှေဘိုခရိုင်မှာ ဒါတက်တက်ကြွကြွဆောင်ရွက်နေတဲ့ ပုဂ္ဂိုလ်တစ်ယောက်ဖြစ်တယ်။ နောက်ထူးခြားတာက အဲဒီဖြစ်စဉ် ဦးစိုးအေးဆောင်ရွက်တဲ့နယ်က ၀န်ကြီးချုပ်ရဲ့ မဲဆန္ဒနယ်ဆိုတာလည်း ကျွန်တော်တို့ သိရတယ်။ ဒီအပေါ်မှာ ဦးစိုးအေးအပေါ်မှာ တစိုက်မတ်မတ်နဲ့ နောက်ယောင်ခံပြီး လိုက်နေတယ်လို့ ကျွန်တော်တို့က ဒီလိုပဲ သုံးသပ်ရမှာ ဖြစ်ပါတယ်။ ဥပဒေဘောင်အတွင်းက ပြောသင့်ပြောအပ်တာ လုပ်သင့်လုပ် အပ်တာကို လုပ်သွားမှာပါ” ဟု ဦးသိန်းထွန်းဦးက ပြောကြားသည်။

ဦးစိုးအေးအနေဖြင့် ၎င်း၏ ပြောကြားချက်ကို အွန်လိုင်းပေါ်တွင် တင်ခဲ့ခြင်း မရှိသည့်အတွက် ဦးစိုးအေးနောက်သို့ နောက်ယောင်ခံလိုက်သည်မှာ သေချာနေပြီး ထိုသို့ ဖြစ်ပါက တည်ဆဲနောက်ခယောင်ခံ ဥပဒေအရ နောက်ယောင်ခံရန် ၀ရမ်းမပါ၊ အမိန့် ပေးစေခိုင်းခြင်း မရှိဘဲ ဆောင်ရွက်ပါက တာဝန်ရှိသူကို တရားစွဲဆို၍ ရကြောင်းလည်း ဦးသိန်းထွန်းဦးက ပြောကြားသည်။

ကြားဖြတ်ရွေးကောက်ပွဲမဲဆွယ်ရာတွင် နိုင်ငံတော်သမ္မတနှင့် ဒေါ်အောင်ဆန်းစုကြည်ပုံ သုံးခြင်းသည် ဥပဒေနှင့်လွတ်ကင်းသည့်အပြင် ရှေးထုံးရှိသည့်အတွက် ဆက်လက်သုံးစွဲမည်ဟု NLD ပါတီ ပြောရေးဆိုခွင့်ရှိသူပြောကြား

မီဒီယာများ၏ မေးမြန်းမှုအား NLD ပါတီ၏ ပြောရေးဆိုခွင့်ရှိသူ ဒေါက်တာမျိုးညွန့် ပြန်လည်ဖြေကြားစဉ်

ကြားဖြတ်ရွေးကောက်ပွဲမဲဆွယ်ရာတွင် နိုင်ငံတော်သမ္မတဦးဝင်းမြင့်နှင့် ဒေါ်အောင်ဆန်းစုကြည် ပုံသုံးခြင်းသည် ဥပဒေနှင့် လွတ်ကင်းသည့်အပြင် ရှေးထုံးရှိသည့်အတွက် ဆက်လက်သုံးစွဲသွားမည်ဟု NLD ပါတီပြောရေးဆိုခွင့်ရှိသူ ဒေါက်တာမျိုးညွန့်က ပြောကြားသည်။

စက်တင်ဘာ ၂၃ ရက်တွင် နေပြည်တော်ရှိ စည်ပင်ဧည့်ရိပ်သာဝင်းအတွင်း ပြုလုပ်သည့် အမျိုးသားဒီမိုကရေစီ အဖွဲ့ချုပ်ပါတီ၏ လစဉ်ပြုလုပ်နေကျ ဗဟိုအလုပ်အမှု ဆောင်အစည်းအဝေးအပြီးတွင် ဒေါက်တာမျိုးညွန့်က သတင်းထောက်များအား ပြောကြားခဲ့ခြင်း ဖြစ်သည်။

အဆိုပါအစည်းအဝေးအပြီးတွင် ကြားဖြတ်ရွေးကောက်ပွဲမဲဆွယ်ရာတွင် နိုင်ငံတော်သမ္မတဦးဝင်းမြင့်နှင့် ဒေါ်အောင်ဆန်းစုကြည်တို့၏ ဓာတ်ပုံသုံးစွဲ၍ မဲဆွယ်သည့်အတွက် ဝေဖန်တိုင်ကြားနေမှုများနှင့်ပတ်သက်ပြီး ပါတီအနေဖြင့် မည်သို့လုပ်ဆောင် ရန်ရှိသလဲဟု မေးမြန်းခဲ့ခြင်း ဖြစ်သည်။

အဆိုပါမေးမြန်းမှုအား ဒေါက်တာ မျိုးညွန့်က “ဒါတွေက ကျွန်တော်ပြောခဲ့ပြီးပါပြီ။ ကျွန်တော်တို့က ဒီလိုပုံတွေသုံးစွဲလို့ရတယ်ဆိုတဲ့ ခွင့်ပြုချက် မပေးခင်မှာ ဥပဒေပညာရှင်တွေနဲ့ အထပ်ထပ် ဆွေးနွေးပြီးပါပြီ။ နောက်ပြီးတော့ ယခင် သမ္မတကြီး ဦးသိန်းစိန် လက်ထက်မှာလည်း သမ္မတရွှေစလွယ်နဲ့ ပုံတွေသုံးပြီးတော့ မဲဆွယ်ခဲ့တာ အထင်အရှားပါပဲ။ အဲဒီကိစ္စနဲ့ ပတ်သက်ပြီးတော့ အခုသမ္မတကြီး ဦးဝင်းမြင့်က လွှတ်တော်မှာ မေးခဲ့တဲ့အတွက် နိုင်ငံတော်သမ္မတရုံးဝန်ကြီး ကိုယ်တိုင်ဖြေထားခဲ့တဲ့ အဖြေတွေလည်း ကျွန်တော်တို့မှာ ရှိနေပါတယ်။ အဲဒီလို ရှေးထုံးပေါ့နော်။ ကျွန်တော်တို့ ဒါကို ရဲရဲရင့်ရင့်နဲ့ လုပ်ပါလို့ ပြောတာပါ။ ဒါတောင် ကျွန်တော်တို့ဟာ အင်မတန်သတိထားပြီးတော့ သမ္မတကြီး ဦးဝင်းမြင့်ရဲ့ပုံမှာ အုပ်ချုပ်ရေး အာဏာရဲ့ အထိမ်းအမှတ်ဖြစ်တဲ့ ရွှေစလွယ်မပါတဲ့ပုံပဲ သုံးရမယ်လို့ ကျွန်တော်တို့ စနစ်တကျ အမိန့်ချထားတာပါ” ဟု သတင်းထောက်များအား ပြောကြားခဲ့သည်။

သတင်းထောက်တစ်ဦးက ဝေဖန်မှုတွေ ရှိပေမယ့် ကြားဖြတ်ရွေးကောက်ပွဲမှာ ဒါတွေ ဆက်သုံးသွားဦးမလားဆိုသည့် မေးမြန်းချက်အပေါ်တွင် “သုံးမှာပါ။ ကျွန်တော်တို့ ဥပဒေနဲ့ လွတ်ကင်းကြောင်း ကျွန်တော်တို့ စိတ်ချယုံကြည်တဲ့အတွက် ကျွန်တော်တို့ ဆက်လက်ပြီးတော့ ရဲရဲရင့်ရင့် သုံးစွဲသွားမှာပါ” ဟု ဒေါက်တာမျိုးညွန့်က ပြန်လည်ဖြေကြားသည်။

ကြားဖြတ်ရွေးကောက်ပွဲအတွက် မဲဆွယ်စည်းရုံးရာတွင် အမျိုးသားဒီမိုကရေစီအဖွဲ့ချုပ်ပါတီ၏ တာမွေမြို့နယ် ပြည်သူ့လွှတ်တော်ကိုယ်စားလှယ်လောင်းဖြစ်သူ ဦးတိုးဝင်းအနေဖြင့် နိုင်ငံတော်သမ္မတ ဦးဝင်းမြင့်နှင့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့၏ ဓာတ်ပုံများကို အသုံးပြုသည်ဟုဆိုကာ ပြည်ထောင်စုကြံ့ခိုင် ရေးနှင့်ဖွံ့ဖြိုးရေးပါတီ၏ တာမွေမြို့နယ် ပြည်သူ့လွှတ်တော်ကိုယ်စားလှယ်လောင်းဖြစ်သူ ဦးမျိုးဝင်းကျော်က တာမွေမြို့နယ် ရွေးကောက်ပွဲကော်မရှင်အဖွဲ့ခွဲရုံးတွင် ကန့်ကွက်ထားကြောင်း သိရသည်။