ဆာတိုရီထုတ်လုပ်ရေးရဲ့ ဒုတိယမြောက် စင်တင်မင်းသား ဒေါင်းရဲ့ ငယ်ဘ၀ဖြတ်သန်းရာ

ဝါသနာဗီဇအပေါ်အခြေခံထားတဲ့ မိမိတို့ရဲ့စိတ်ကူးအိပ်မက်တွေကို ခွန်အားအပြည့်နဲ့ပုံဖော်နေကြတဲ့ လူငယ်တွေများစွာရှိပါတယ်။ ဒီလို လူငယ်တွေဆီမှာ မရေတွက်နိုင်တဲ့ အခက်အခဲတွေ၊ စိန်ခေါ်မှုတွေ၊ ပြဿနာတွေလည်း ရှိနေတတ်ကြစမြဲပါပဲ။ မိမိရဲ့ဝါသနာဗီဇကို မိဘများက အထင်အမြင်လွဲမှားပြီး မိမိယုံကြည်ရာကို တစွတ်ထိုးကြိုးစားခဲ့ရသလို အခက်အခဲပေါင်းများစွာကနေ ပြဿနာတွေကို မှန်ကန်စွာဖြေရှင်းနိုင်တဲ့ လူငယ်များလည်းရှိနေပါတယ်။ အံ့အားသင့်စရာခွန်အားတွေ၊ စိတ်ကူးအိပ်မက်တွေအတွက် စွန့်လွှတ်မှုတွေအပြည့်နဲ့ လူငယ်တွေကြားက တစ်ယောက်ကတော့ သရုပ်ဆောင်ဒေါင်းဖြစ်ပါတယ်။ ဆာတိုရီ ရုပ်ရှင်ထုတ်လုပ်ရေးရဲ့ ဒုတိယမြောက် စင်တင်မင်းသားဖြစ်ပါတယ်။ ငယ်စဉ်ဘ၀ရဲ့အိပ်မက် အဆိုတော်တစ်ယောက်အဖြစ် ကြိုးစားနိုင်ဖို့ ဘောလုံးသမားဘ၀နဲ့ ငွေကြေးရှာဖွေခဲ့သလို အဆိုတော်တစ်ယောက်ဖြစ်မလာခဲ့ဘဲ ဘ၀ရဲ့အချိုးအကွေ့တစ်ခုဖြစ်လာခဲ့တဲ့ သရုပ်ဆောင် ဒေါင်းပြောပြတဲ့ ငယ်စဉ်ဘ၀ရဲ့အမှတ်တရတွေကို တင်ဆက်ပေးချင်ပါတယ်။

ဘ၀ရဲ့ထူးခြားတဲ့အဖြစ်အပျက်တွေကို အမှတ်တရအနေနဲ့ မှတ်သားထားတတ်တဲ့ သရုပ်ဆောင်ဒေါင်းက မွေးနေ့ဖြစ်တဲ့ မတ် ၃၀ ရက်ဟာ အရမ်းနှစ်သက်ရတဲ့ ပန်းချီဆရာကြီးဗင်းဆင့် ဗန်ဂိုးနဲ့မွေးနေ့တူနေတာကြောင့် အမှတ်တရ တစ်ခုပါလို့ ပထမဆုံးပြောပြခဲ့ပါတယ်။ ဒေါင်းကို ပြည်မြို့မှာမွေးဖွားခဲ့ပြီး လေးနှစ်အရွယ်လောက်က စတင်လို့ ငယ်စဉ်ဘ၀တစ်လျှောက်မှာတော့ မိတ္ထီလာမြို့မှာဖြတ်သန်းခဲ့တယ်လို့ ဆိုပါတယ်။ မွေးချင်းငါးယောက်ရှိပြီး အစ်ကိုနှစ်ယောက်၊ အစ်မတစ်ယောက်နဲ့ အသက် ၁၀ နှစ်ကွာတဲ့ ညီမငယ်တစ်ယောက် ရှိတယ်လို့ဆိုတယ်။

ဒေါင်းရဲ့ငယ်စဉ်ဘ၀ ထူးခြားတဲ့အမှတ်တရတစ်ခုကတော့ ဖိနပ်လေးတစ်ရံဖြစ်တယ်လို့ဆိုပါတယ်။ ဖခင်ဖြစ်သူရဲ့စစ်ဖိနပ်ကို အမြဲတမ်းယူစီးတတ်တဲ့ ဒေါင်းအတွက် မိဘများက ရှူးဖိနပ် ၀ယ်ပေးချင်ပေမယ့် စီးပွားရေးမပြေလည်တာကြောင့် ၀ယ်မပေးနိုင်ခဲ့ဘူးလို့ဆိုပါတယ်။ တစ်ရက်မှာတော့ ဒေါင်းအတွက် ရှူးဖိနပ်အဖြူလေးတစ်ရံကို မိဘများက ယူလာခဲ့ပေးပါတယ်။ ဒီဖြစ်ရပ်နဲ့ပတ်သက်လို့ “ကျွန်တော့်အတွက်ဆိုပြီး မေမေက ရှူးဖိနပ်အဖြူလေးကို Suprise လုပ်ပြီးပေးတယ်။ ကျွန်တော်လည်း တွေ့တွေ့ချင်း အရမ်းသဘောကျတယ်။ ဒါပေမဲ့ အသစ်မဟုတ်မှန်း သိသွားတော့ ဘယ်ကရလဲလို့ မေးတယ်။ ဖေဖေကပြောပြတယ်။ သူတို့မိတ်ဆွေ ရဲ့သားက ပေးတယ်ဆိုတာကို။ အဲဒီလို ပြောပြီးကတည်းက ကျွန်တော် အဲဒီဖိနပ်လေးကိုမစီးတော့ဘူး။ ကျွန်တော် ဒီဖိနပ်ကိုဘယ်ကရလဲလို့မေးလိုက်တဲ့အချိန်မှာ ကျွန်တော့်မိဘနှစ်ပါးရဲ့ခံစားမှုကို ကျွန်တော်ခံစားလိုက်ရတယ်။ ကျွန်တော်လည်း ခံစားရတယ်။ အဲဒီခံစားမှုကို ကျွန်တော်အခုချိန်အထိလည်း တွေးတိုင်းဝမ်း နည်းနေတုန်းပဲ”လို့ ဒေါင်းကဆိုပါတယ်။

ဒေါင်းက ကျောင်းပညာရေးနဲ့ပတ်သက်လို့တော့ ထူးချွန်သူတစ်ယောက်မဟုတ်ခဲ့ပါဘူး။ ငယ်စဉ်သိတတ်စ အရွယ်ကတည်းက သီချင်းတွေအော်ဆိုနေတတ်တဲ့ ဒေါင်းက လေးနှစ်သားအရွယ်မှာ စည်းနဲ့ဝါးကို စတင်သင်ယူခဲ့ပါတယ်။ ကျောင်းတက်စဉ်တစ်လျှောက်လုံးမှာလည်း ဂီတနဲ့ပတ်သက်လို့သာ စိတ်ဝင်စားခဲ့လို့ ကျောင်းစာသင်ယူဖို့ကို စိတ်မ၀င်စားခဲ့ဘူးလို့ဆိုပါတယ်။ ကိုးတန်းအထိ သာမန် အလယ်အလတ်ပညာရေး အနေနဲ့ပဲ ဖြတ်သန်းခဲ့ပြီးချိန်မှာတော့ ရန်ကုန်မြို့ကို ပြောင်းရွှေ့လာခဲ့ရပါတယ်။ ရန်ကုန်ကိုရောက်ရှိလာချိန်မှာတော့ ကျောင်းပညာရေးကိုစိတ်မ၀င်စားတာကြောင့် တက္ကသိုလ်ဝင်တန်းစာမေးပွဲ မဖြေဆိုဖြစ်ခဲ့ဘူးလို့ ဆိုပါတယ်။

မိဘများနဲ့ပဋိပက္ခဖြစ်ရတဲ့ အဲဒီအချိန်ကာလရဲ့အမှတ်တရကိုတော့ “၁၀ တန်းရောက်တော့ ကျွန်တော့်ဘ၀ရဲ့အချိုးအကွေ့ဖြစ်ခဲ့တယ်။ ကျွန်တော်နှစ်သက်တာတွေကို လုပ်နေတဲ့အချိန်မှာ ပဋိပက္ခတွေ အများကြီးရှိတယ်။ ၀ါသနာပါတာတွေနဲ့ ပတ်သက်တဲ့ကျောင်းတွေတက်ချင်တယ်လို့ အဖေ့ကိုပြောဖူးတယ်။ ဆယ်တန်းအောင်မှပြောလို့ အဖြေပြန်ပေးတယ်။ ကျွန်တော် နားမလည်ဘူး။ ဒါပေမဲ့မန္တလေးမှာနေရတဲ့အတွက်ဖြေသာသေးတယ်။ ရန်ကုန်ကိုပြောင်းတဲ့အချိန်မှာ အရာအားလုံး ဆုံးရှုံးလိုက်ရတယ်။ ဒါကြောင့် ကျွန်တော်ကျောင်းစာမလုပ်ဘူး။ စာမေးပွဲလည်း မဖြေဘူး”လို့ ပြောပြခဲ့ပါတယ်။

ဒီနောက်မှာတော့ ဂီတကိုဝါသနာပါလွန်းသူ ဒေါင်းအတွက် တေးရေး ကေအေတီနဲ့တွေ့ ဆုံခွင့်ရခဲ့ပြီး ဘ၀ရဲ့အချိုးအကွေ့တစ်ခု စတင်ခဲ့ပါတယ်။ စိတ်ဓာတ်ခွန်အားတွေ ပြန်လည်ရရှိလာပြီး မိဘများ စိတ်ချမ်းသာဖို့ တက္ကသိုလ်ဝင်တန်းအောင်မြင်အောင် ပြန်လည်ဖြေဆိုခဲ့တယ်လို့ ဆိုပါတယ်။ ၀ါသနာပါရာ ဂီတအလုပ်တွေ လုပ်ဖို့ ကိုယ်ပိုင်ဝင်ငွေ လိုအပ်တာကြောင့် ဘောလုံးအသင်းတစ်ခုမှာ သုံးနှစ်ဝင်ကန်ဖြစ်ခဲ့တယ်လို့ဆိုပါတယ်။ ဒေါင်းက ဂီတလုပ်ငန်းတွေကို အားကြိုးမာန်တက်လုပ်ကိုင်ဖို့ ပြင်ဆင်ထားချိန်မှာပဲ အားထားရတဲ့ ဆရာကေအေတီ ကွယ်လွန်ခဲ့ပါတယ်။ ဒီအချိန်မှာပဲ ဒေါင်းအတွက် နောက်ထပ်အချိုးအကွေ့တစ်ခု စတင်ခဲ့တယ်လို့ဆိုပါတယ်။

“ဦးလေး(ဆရာကေအေတီ)ရုတ်တရက်ခွဲခွာသွားတာက ကျွန်တော့်အတွက်တော့ အားလုံး ဆုံးရှုံးသွားတာပဲ။ အဲဒီအချိန်မှာပဲ နောက်ထပ်အချိုးအကွေ့တစ်ခု ထပ်ဖြစ်ခဲ့ပါတယ်။ ဆရာ့ရဲ့ဈာပနမှာ ဆာတိုရီထုတ်လုပ်ရေးက ဂီတကိုအခြေခံတဲ့ ဇာတ်ကားတစ်ကားအတွက် သရုပ်ဆောင်သစ်တွေ ခေါ်နေတယ်ဆိုတဲ့ သတင်းကြားတယ်။ အဲဒါနဲ့ လျှောက်ဖြစ်ခဲ့ပါတယ်။ ကိုမျိုးဇော်နဲ့ စကားပြောဖြစ်တဲ့အခါ ဆရာကေအေတီ နောက်တစ်ယောက်ကို ထပ်တွေ့လိုက်ရသလိုပါပဲ။ လူငယ်တွေကိုWelcome လုပ်တဲ့သူတွေကို မြင်ခွင့်ရခဲ့တယ်” လို့ ဒေါင်းက ဆိုပါတယ်။

လတ်တလောမှာတော့ ပုဂံမြို့သူ ရုပ်သံဇာတ်လမ်းတွဲကို ပုဂံမှာသွားရောက်ရိုက်ကူးနေပါတယ်။ သရုပ်ဆောင် ဒါရိုက်တာကျော်သူက ရိုက်ကူးထားတာဖြစ်ပြီး သုံးလကြာ အချိန်ယူ ဖန်တီးနေတာဖြစ်ပါတယ်။ ဦးကျော်သူနဲ့ တွဲဖက်ရိုက်ကူးခွင့်ရတဲ့အတွက် အမှတ်တရ တစ်ခုပါ လို့ ဒေါင်းကဆိုပါတယ်။ ငယ်စဉ်ဘ၀ရဲ့ဂီတအိပ်မက်တွေကို အကောင်အထည်ဖော်ဖို့အတွက်လည်း ပြင်ဆင်နေပြီး ဆရာရင်းဖြစ်သူ ကေအေတီ ရှိစဉ်ကတည်းကပြင်ဆင်ထားတဲ့ သီချင်း သစ်တွေကိုတစ်ကိုယ်တော် တေးစီးရီးထွက်ရှိဖို့ ပြင်ဆင်နေတာပါ။ သရုပ်ဆောင်အလုပ်ကို သဘောကျသလို ဂီတကိုလည်း ရူးသွပ်စွဲလန်းပါတယ်လို့ ဒေါင်းက ဆိုပါတယ်။ ဒီနေ့ဖတ်ရှုခဲ့ကြရတာက ငယ်စဉ်ဘ၀ရဲ့စိတ်ကူးအိပ်မက်တွေကို တစိုက်မတ်မတ် ကြိုးစားအကောင်အထည်ဖော်လာခဲ့တဲ့ သရုပ်ဆောင်ဒေါင်းရဲ့အမှတ်တရပုံရိပ်တွေဖြစ်ပါတယ်။ နောက်တစ်ပတ်မှာ ဘယ်အနုပညာရှင်ရဲ့ အမှတ်တရတွေကိုဖော်ပြပေးမလဲဆိုတာ စောင့်မျှော်ဖတ်ရှုပါဦးလို့ ။

Myanmar Idol မှာယှဉ်ပြိုင်ခွင့်ရခဲ့တာက ဘ၀တစ်ဆစ်ချိုး ဖြစ်စေခဲ့တာပါလို့ ဆိုခဲ့သူ Myanmar Idol Winner ဆုရှင် သားငယ်ရဲ့ ငယ်ဘ၀ဖြတ်သန်းရာ

အနာဂတ်ရဲ့မျိုးဆက်လို့ဆိုကြတဲ့လူငယ်တိုင်းမှာ မွေးဖွားကတည်းကပါဝင်လာတဲ့ ၀ါသနာဗီဇကိုအခြေခံလို့ မိမိတို့ရဲ့ မျှော်လင့်ချက်အိပ်မက်တွေပိုင်ဆိုင်ထားတတ်ကြပါတယ်။ လူငယ်တချို့ကလည်း ၀ါသနာအိပ်မက်ကို အလှပဆုံးပုံဖော်နိုင်သလို တချို့တွေကျတော့ ဘ၀အခြေအနေရပ်တည်မှုအရ အိပ်မက်တွေကို သိမ်းဆည်းထားကြရသူတွေလည်း ရှိနေတတ်ပါတယ်။ ကြိုးစားနေတဲ့လူငယ်တိုင်းအတွက် ထိုက်တန်တဲ့ နေရာတစ်ခုရှိတယ်ဆိုတာကို သာဓကပြလိုက်နိုင်သူတစ်ဦးကတော့ Myanmar Idol ရဲ့ Winner ဆုရှင် သားငယ်ပဲဖြစ်ပါတယ်။ ဇနီးဖြစ်သူရဲ့ ပဲကြော်လုပ်ငန်းကို ကူညီလုပ်ကိုင်ရင်း ၀ါသနာပါရာ ဂီတလုပ်ငန်းအတွက် အမြဲတမ်းကြံဆနေတတ်တဲ့ လူငယ်လေးတစ်ဦးအဖြစ်ကနေ လက်ရှိအချိန်မှာတော့ မြန်မာ နိုင်ငံတစ်ဝန်းသာမက ကမ္ဘာ့နိုင်ငံအသီးသီးကိုရောက်ရှိနေတဲ့ မြန်မာပရိသတ်တွေကပါ အားပေးချစ်ခင်ကြတဲ့လူငယ်မျက်နှာသစ် တေးသံရှင်တစ်ယောက်အဖြစ် ပြောင်းလဲနိုင်ခဲ့ပါပြီ။ ဒီလို ဘ၀စာမျက်နှာသစ် ဖွင့်လှစ်နိုင်ခဲ့တဲ့ Myanmar Idol Season-2 Winner ဆုရှင် သားငယ်ရဲ့ ငယ်ဘ၀ဖြတ်သန်းမှု အမှတ်တရတွေကို တင်ဆက်ပေးချင်ပါတယ်။

သားငယ်ကို ၁၉၉၅ ခုနှစ် ဖေဖော်ဝါရီ ၇ ရက်မှာ ရခိုင်ပြည်နယ် မာန်အောင်ကျွန်းမှာ မွေးဖွားခဲ့ပါတယ်။ မွေးချင်းအစ်ကိုတစ်ယောက်ရှိပြီး ငယ်စဉ်ကတည်းက သီချင်းတွေကို စည်းချက်ကျကျ သီဆိုတတ်သူတစ်ယောက်လို့ မိဘဆွေမျိုးတွေက အသိအမှတ်ပြုရသူပါ။ ငယ်စဉ် ကလေးဘ၀တစ်လျှောက်လုံးနဲ့ ကျောင်းတက်စဉ်ကာလတွေမှာ ကျောင်းကပွဲတွေမှာ ပါဝင်ခဲ့သလို ပြဇာတ်တွေ၊ တေးသရုပ်ဖော်အစီအစဉ်တွေမှာလည်း ပါဝင်ခဲ့ဖူးတယ် လို့ဆိုပါတယ်။

“ဂီတကတော့ ငယ်ငယ်ကတည်းကရူးတာဗျ။ သီချင်းကတော့အမြဲဆိုနေတာ။ ကျောင်းကပွဲတိုင်းလည်း ပါတယ်။ ထူးခြားတာက ကျွန်တော်က ဟာသဥာဏ်လည်းရှိတယ်။ ပြဇာတ်တွေမှာ ရယ်မောစရာ ပုံစံတွေလည်း ပါဝင်ခဲ့ဖူးတယ်။ အနုပညာ ၀ါသနာကြီးတယ်လို့ဆိုရမှာပါ”လို့ တေးသံရှင် သားငယ်က ဆိုပါတယ်။

သားငယ်က သူငယ်တန်းကနေ အဋ္ဌမတန်းအထိကို မာန်အောင်ကျွန်းမှာတက်ရောက်ခဲ့ပြီး န၀မတန်းနဲ့တက္ကသိုလ်ဝင်တန်းကိုတော့ ရန်ကုန်မှာ လာတက်ခဲ့တယ်လို့ဆိုပါတယ်။ ကျောင်းပညာရေးကို တက္ကသိုလ်ဝင်တန်းမှာ နားခဲ့ပြီးချိန်မှာတော့ အိမ်ထောင်ဖက်ဖြစ်သူနဲ့ စတင်တွေ့ဆုံခဲ့တယ်လို့ ဆိုပါတယ်။ အိမ်ထောင်ဖက်ဇနီးကို ဖျာပုံမြို့ကိုခိုးပြေးသွားခဲ့ပြီး ဆန်စက်တစ်ခုမှာအလုပ်ဝင်လုပ်ရင်းက ဇနီးဖြစ်သူရဲ့ မိဘများရှိရာ ပြင်ဦးလွင်ကို သွားရောက်နေထိုင်ခဲ့ရတယ်လို့ ဆိုပါတယ်။

“ကျွန်တော့်ဇနီးမိဘတွေက အရင်ကတည်းက ပြင်ဦးလွင်မှာ ပဲကြော်လုပ်ငန်းလုပ်တာပါ။ ကျွန်တော်လည်း ဇနီးနောက်ကို လိုက်သွားတဲ့အခါ သူ့လုပ်ငန်းတွေကို ဦးစီးပြီး လုပ်ပေးရတာပေါ့။ ပဲကြော်တွေကြော်နေရလည်းပဲ သီချင်းတွေကတော့ ဆိုနေတာပါပဲ။ သီချင်းဆိုချင်တဲ့ အိပ်မက်ကိုတော့ ဘယ်တုန်းကမှ မစွန့်လွှတ်ခဲ့ဘူး။ အဆိုတော်လည်း အရမ်းဖြစ်ချင်တယ်။ ဘယ်လမ်းကြောင်းကနေ သွားရမလဲဆိုတာကို အမြဲတမ်းကြံစည်နေခဲ့ပါတယ်” လို့ သားငယ်က ပွင့်ပွင့်လင်းလင်းဆိုပါတယ်။

ဂီတအိပ်မက်တွေကို အကောင်အထည်ဖော်ဖို့ လမ်းကြောင်းကို အမြဲတမ်းရှာဖွေနေခဲ့သူသားငယ်က Myanmar Idol Season -1 ကိုကြည့်ခွင့်ရချိန်မှာ ပါဝင်လိုစိတ်တွေ ပြင်းပြလာခဲ့တယ်လို့ဆိုပါတယ်။ ဇနီးဖြစ်သူကလည်း အားပေးခဲ့တာကြောင့် Myanmar Idol Season 2 မှာ ပါဝင်ယှဉ်ပြိုင်ဖို့ဆုံးဖြတ်ခဲ့တယ်လို့ဆိုပါတယ်။ ငယ်ရွယ်တဲ့အချိန်မှာ အိမ်ထောင်ဦးစီးတစ်ယောက်ဖြစ်နေသူ၊ မိသားစုစီးပွားရေးအတွက် ဦးဆောင်နေရသူတစ်ယောက်အနေနဲ့ မရေရာတဲ့လမ်းတစ်ခုကို စတင်လျှောက်လှမ်းဖို့ ခက်ခဲခဲ့တယ်လို့ ဆိုပါတယ်။ အသံစစ်ရွေးချယ်မှုကို သွားရောက်ယှဉ်ပြိုင်ဖို့ လမ်းစရိတ်အခက်အခဲကြုံရတဲ့အထိ ဘ၀ကကြမ်းတမ်းခဲ့တယ်လို့ သားငယ်က ဆိုပါတယ်။

“ဒီလမ်းကိုဝါသနာအရမ်းပါပေမယ့် ဘယ်လောက်အထိဖြစ်လာမယ်ဆိုတာ ဘာမှမသေချာဘူး။ လောလောဆယ်ကတော့ မိသားစုစီးပွားရေးကိုလည်း မျက်ကွယ်ပြု ထားခဲ့ရမယ့်အနေအထားပေါ့။ ဇနီးကလည်းအများကြီး အားပေးပါတယ်။ ကျွန်တော်ကိုယ်တိုင်ကလည်း စိတ် ပြင်းပြတယ်။ ရသလောက် အကောင်းဆုံးကြိုးစားမယ် ဆိုတဲ့စိတ်၊ ကြုံလာသမျှ အခက်အခဲကိုရင်ဆိုင်မယ်ဆိုတဲ့ စိတ်တွေနဲ့ ယှဉ်ပြိုင်ခဲ့ရတာပါ” လို့ ပြိုင်ပွဲရဲ့ အစခရီးကို ပြန်လည်မျှဝေခဲ့ပါတယ်။

Myanmar Idol ပြိုင်ပွဲရဲ့အဆင့်ဆင့် ရွေးချယ်မှုတွေကို ဖြတ်သန်းအပြီးမှာတော့ Top 10 ပြိုင်ပွဲဝင်ထဲက တစ်ယောက်အနေနဲ့ ပါဝင်ခဲ့ရပါတယ်။ ပထမဆုံးရက်သတ္တပတ် ယှဉ်ပြိုင်မှုမှာ အငဲရဲ့ ‘အိမ်’ သီချင်းကိုခံစားသက်ဝင်မှုဖြည့်စွက်ပြီး သီဆိုနိုင်ခဲ့တာကြောင့် ပရိသတ် သတိပြုအားပေးမှုကို စတင်ရရှိခဲ့ပါတယ်။ ဒီနောက်မှာတော့ အပတ်စဉ် ယှဉ်ပြိုင်မှုတွေမှာ အကောင်းဆုံးကြိုးစားယှဉ်ပြိုင်ခဲ့သလို စွယ်စုံရအနုပညာရှင်ဝင်းဦးရဲ့ သီချင်းများနဲ့  ယှဉ်ပြိုင်မှုမှာတော့ ‘မမမိုး’ သီချင်းနဲ့ သားငယ်ရဲ့ယှဉ်ပြိုင်မှုက မြန်မာတစ်နိုင်ငံလုံးက ပရိသတ်တွေရဲ့ချစ်ခင်မှုကို ပိုမိုရရှိစေခဲ့ပါတယ်။ ဒါ့အပြင် ဝေလရဲ့  ‘မိတ်ကပ် မကြိုက်သောသီချင်းများ’ ကို ကိုယ်ပိုင်ဟန်တစ်မျိုးနဲ့ သီဆိုမှုကလည်း ပရိသတ်အကြိုက်တွေ့စေခဲ့ပြန်ပါတယ်။

ပြိုင်ပွဲတစ်လျှောက် ယှဉ်ပြိုင်ခဲ့မှုမှာ Bottom တစ်ကြိမ်မှမထိုင်ရတဲ့ တစ်ယောက်တည်းသော ပြိုင်ပွဲဝင်တစ်ဦးအနေနဲ့ နောက်ဆုံးအဆင့်ပြိုင်ပွဲကို တက်လှမ်းလာခဲ့ပါတယ်။ သားငယ်က ပရိသတ်ချစ်ခင်အားပေးမှုကြောင့် Bottom တစ်ကြိမ်မှ မထိုင်ခဲ့ရတာဖြစ်တဲ့အတွက် ပရိသတ်များရဲ့ ချစ်ခင်အားပေးမှုကိုကျေးဇူးတင်ရသလို စိတ်ဓာတ်ခွန်အားတွေလည်း ဖြစ်စေခဲ့တယ်လို့ ဆိုပါတယ်။

“ပြိုင်ပွဲယှဉ်ပြိုင်စဉ်မှာ အခက်အခဲတွေကတော့ အများကြီးပါပဲ။ မိသားစုတာဝန်တွေကိုလည်း ဥပေက္ခာ ပြုထားရတော့ အရမ်းစိတ်မကောင်းဖြစ်ရတယ်။ စိတ်အားငယ်တဲ့အချိန်တွေလည်း အများကြီးပဲ။ ဒါပေမဲ့ တစ်နိုင်ငံလုံးက ပရိသတ်တွေအားပေးကြတယ်ဆိုတာ သိရတော့ စိတ်ဓာတ်ခွန်အားတွေ အများကြီးရခဲ့ပါတယ်” လို့ သားငယ်က သူ့ရဲ့ခံစားမှုကိုဖွင့်ဟခဲ့ပါတယ်။

နောက်ဆုံးအဆင့်ပြိုင်ပွဲမှာတော့ အငဲရဲ့တေးသီချင်းနဲ့ ယှဉ်ပြိုင်မှု၊ ဖိုးကာရဲ့တေးသီချင်းနဲ့ယှဉ်ပြိုင်မှု၊ ရဲလေး ရေးစပ်ပေးထားတဲ့ တေးသီချင်းနဲ့ယှဉ်ပြိုင်မှုတွေမှာ အားနည်းချက်တချို့ ကြုံခဲ့ရပေမယ့် ပရိသတ်အတွက် အကောင်းဆုံးဖျော်ဖြေမယ်ဆိုတဲ့ စိတ်တစ်ခုတည်းနဲ့သာ တင်ဆက်ခဲ့တယ်လို့ သားငယ်ကဆိုပါတယ်။

သားငယ်က လတ်တလောမှာတော့ ‘လမ်းကလေး’ လို့နာမည်ပေးထားတဲ့ တစ်ကိုယ်တော်အယ်လ်ဘမ်ကို ထွက်ရှိထားပြီး ရော့ခ်တေးသီချင်းအများစုပါဝင်ထားသလို ပရိသတ်နှစ်သက်အားပေးခဲ့တဲ့ သီချင်းဟောင်းတချို့ကိုလည်း ပြန်လည်ထည့်သွင်းခဲ့ပါတယ်။ ဒီအခွေလေးက သားငယ်ရဲ့ပရိသတ်တွေအတွက် ကျေနပ်ရတဲ့ အယ်လ်ဘမ်တစ်ခွေဖြစ်လို့နေပါတယ်။ ဒီနေ့ဖတ်ရှုခဲ့ကြရတာကတော့ ပြင်ဦးလွင်မြို့ကပဲကြော်လုပ်ငန်းမှာ ဘ၀ရပ်တည်ရေးအတွက် ရုန်းကန်နေရတဲ့ဘ၀ကနေ မိမိဝါသနာပါရာဂီတလမ်းကြောင်းပေါ်ရောက်ရှိဖို့ ကြိုးစားလျှောက်လှမ်းလာတဲ့ Myanmar Idol Season 2 ရဲ့ Winner ဆုရှင်သားငယ်ရဲ့ ဘ၀ဖြတ်သန်းမှု အမှတ်တရတချို့ပဲဖြစ်ပါတယ်။ ငယ်ရွယ်သူတစ်ယောက်ဖြစ် ပေမယ့် ကြုံလာတဲ့ဘ၀ရဲ့လောကဓံကိုအန်တုရင်း မိမိရည်ရွယ်ရာလမ်းဆီ အရောက်လှမ်းနိုင်ခဲ့တာကိုလည်း သိမြင်ခံစားနိုင်မှာပါ။ နောက်တစ်ပတ်တွေမှာလည်း ဘယ်အနုပညာရှင်တွေရဲ့ ငယ်ဘ၀ဖြတ်သန်းမှုတွေကို တင်ဆက်ပေးမယ်ဆိုတာ ဆက်လက်စောင့်မျှော် ဖတ်ရှုပါဦးလို့။

 

 

လူငယ်ကစားသမား တမ်မီအေဘရာဟမ်အား တစ်ပတ် ပေါင်(၅၀၀၀၀)ဖြင့် ချယ်လ်ဆီး စာချုပ်သစ် ချုပ်ဆိုပြီး ဆွမ်ဆီးသို့ အငှားချ

ချယ်လ်ဆီးအသင်းသည် အသင်း၏ လူငယ်တိုက်စစ်မှူး တမ်မီ အေဘရာဟမ်အား တစ်ပတ်လစာ ငွေ ပေါင်(၅၀၀၀၀)ဖြင့် (၅)နှစ်စာချုပ် ချုပ်ဆိုခဲ့ပြီး သူ့အား ဆွမ်ဆီးအသင်း သို့ အငှားချခဲ့ကြောင်း သိရှိရသည်။

ယင်းစာချုပ်အရ တမ်မီအေဘရာဟမ်သည် ချယ်လ်ဆီးအသင်းနှင့် ၂၀၂၂ ခုနှစ်အထိ စာချုပ်သက်တမ်း ရှိနေမည်ဖြစ်သည်။ အေဘရာဟမ် သည် ပြီးခဲ့သည့် ၂၀၁၆-၁၇ ဘောလုံး ရာသီကလည်း လိဂ်ချန်ပီယံရှစ် ကလပ် ဘရစ္စတိုးလ်စီးတီးအသင်းတွင် အငှားစာချုပ်ဖြင့် သွားရောက် ကစားခဲ့ပြီး ပြိုင်ပွဲစုံ (၄၈)ပွဲကစားရာ၌ (၂၆) ဂိုးအထိ သွင်းယူပေးနိုင် ခဲ့သူဖြစ်သည်။

ချယ်လ်ဆီးအကယ်ဒမီမှ ထွက် ပေါ်လာသော တမ်မီအေဘရာဟမ် သည် ချယ်လ်ဆီးအသင်းကြီးအတွက် ပရီးမီးယားလိဂ်ပွဲစဉ် (၂)ပွဲသာ ကစား ခွင့်ရရှိခဲ့ပြီး ချယ်လ်ဆီးအသင်းက သူ့ အား ပွဲကစားခွင့် အတွေ့ အကြုံ များ ရရှိစေရန်အတွက် ပုံမှန်ကစားခွင့်ရရှိ မည့်အသင်းများသို့ အငှားချထားခြင်း ဖြစ်သည်။

အေဘရာဟမ်သည် အင်္ဂလန် ယူ-၁၈၊ ယူ-၁၉၊ ယူ-၂၁ အသင်းများ တွင် ကစားခဲ့သူဖြစ်ပြီး ပြီးခဲ့သည့် ဥရောပ ယူ-၂၁ ချန်ပီယံရှစ်ပြိုင်ပွဲတွင် အင်္ဂလန် ယူ-၂၁ အသင်းတွင် ပါဝင် ကစားခဲ့သူဖြစ်သည်။ ယင်းပြိုင်ပွဲတွင် သူ၏အင်္ဂလန် ယူ-၂၁ အသင်းမှာ ဂျာမနီအသင်းကို ဆီမီးဖိုင်နယ်တွင် ပယ်နယ်တီအဆုံးအဖြတ်ဖြင့် ရှုံးနိမ့်ခဲ့ပြီး ဗိုလ်လုပွဲတက်ရောက်ခွင့်နှင့် လွဲခဲ့ရသည်။

အေဘရာဟမ်သည် ဘရစ္စတိုးလ်စီးတီးအသင်းတွင် ကစားစဉ် လိဂ်ချန်ပီယံရှစ်တစ်လတာအကောင်း ဆုံးဆုကို (၂)ကြိမ်ဆက် (၂၀၁၆ သြ ဂုတ်လနှင့် စက်တင်ဘာလ) ဆွတ်ခူးရရှိခဲ့ပြီး ဘရစ္စတိုးလ်စီးတီးအသင်း၏ တစ်နှစ်တာအကောင်းဆုံးကစား သမားဆု၊ တစ်နှစ်တာအကောင်းဆုံး လူငယ်ကစားသမားဆု၊ အသင်း၏ဂိုးသွင်းအများဆုံးဆုများကို ရာသီကုန် တွင် ဆွတ်ခူးရရှိခဲ့သည်။

တူရကီကလပ် ဘာဆက်ဆီဟာအသင်းနှင့် ကလစ်ချီ ဆွေးနွေးနေ

မန်စီးတီးအသင်းနှင့် စာချုပ်သက်တမ်းစေ့၍ လမ်းခွဲခဲ့သော ပြင်သစ်နောက်ခံလူ ကလစ်ချီသည် တူရကီကလပ် ဘာဆက်ဆီဟာ အသင်းနှင့် ဆွေးနွေးလျက် ရှိနေကြောင်း သိရှိရသည်။

ကလစ်ချီသည် မန်စီးတီးအသင်းတွင် ၂၀၁၁ ခုနှစ်မှ စတင်၍ (၆)ရာသီကြာကစားခဲ့ပြီးနောက် အသင်းနှင့် လမ်းခွဲခဲ့ခြင်းဖြစ်ပြီး ၎င်းအား
ပြင်သစ်လီဂူးကလပ်အသင်းများကလည်း စိတ်ဝင်စားနေကြောင်း သိရသည်။

ဘာဆက်ဆီဟာအသင်းသည် ပြီးခဲ့သည့်ရာသီက တူရကီလိဂ်ပြိုင်ပွဲ တွင် အဆင့်(၂)ရခဲ့ပြီး လာမည့်ရာသီ ချန်ပီယံလိဂ်ခြေစစ်ပွဲ ၀င်ခွင့် ရရှိထားသည်။

လိုင်ယွန်နောက်ခံလူ မမ်မာနာကို လီဗာပူးလ် ကမ်းလှမ်း

လီဗာပူးလ်အသင်းသည် ပြင်သစ်ကလပ် လိုင်ယွန်အသင်း၏ နောက်ခံလူ အီမန်နျူယယ်မမ်မာနာ (၂၁ နှစ်)ကို ပြောင်းရွှေ့ကြေး
ပေါင်(၁၄.၉)သန်းဖြင့် ကမ်းလှမ်းလိုက်ကြောင်း သိရှိရသည်။

လီဗာပူးလ်အသင်းသည် အာဂျင်တီးနား လက်ရွေးစင်နောက်ခံလူ မမ်မာနာကို အသင်း၏ ပြင်သစ်နောက်ခံလူ ဆာခို၏ နေရာတွင်
အစားထိုးရန် ရည်ရွယ်ခြင်းဖြစ်ကြောင်း သိရှိရသည်။

လီဗာပူးလ်အသင်းသည် မမ်မာနာအတွက် သဘောတူညီမှုရရှိပါက ၎င်းအား တစ်ပတ်လစာ ငွေ ပေါင်(၅၄၀၀၀)ဖြင့် (၅)နှစ်စာချုပ်ချုပ်ဆို သွားမည်ဖြစ်ကြောင်း သိရှိရသည်။

မမ်မာနာသည် ပြီးခဲ့သည့် ၂၀၁၆ နွေရာသီက ရေးဗားပလိတ် အသင်းမှ လိုင်ယွန်အသင်းသို့ ရောက်ရှိလာသူဖြစ်သည်။

မက်ဒရစ်မြို့ခံပြိုင်ဘက် အက်သလက်တီကိုအသင်းဘယ်နောက်ခံလူ သီယိုဟာနန်ဒက်ဇ်ကို ယူရို သန်း(၃၀)၀န်းကျင်ဖြင့် ရီးယဲလ်အသင်း ခေါ်ယူ

ရီးယဲလ်အသင်းသည်မက်ဒရစ်မြို့ခံပြိုင်ဘက်အက်သလက်တီကိုအသင်းမှ
ပြင်သစ်ဘယ်နောက်ခံလူ သီယိုဟာနန်ဒက်ဇ်ကို
ယူရို သန်း(၃၀)၀န်းကျင်ဖြင့်ခေါ်ယူရန် သဘောတူညီမှုရရှိခဲ့သည်။
အသက် (၁၉)နှစ်အရွယ် သီယိုဟာနန်ဒက်ဇ်သည် အက်သလက်တီကိုအသင်းသို့အသက် (၁၁)နှစ်အရွယ်ကတည်းက ရောက်ရှိခဲ့သော်လည်းရာသီကြိုခြေစမ်းပွဲစဉ်အချို့မှလွဲ၍ အက်သလက်တီကိုအသင်းအတွက် ပွဲထွက်ကစားခွင့်ရရှိခဲ့ခြင်းမရှိကြောင်း သိရသည်။
ပြီးခဲ့သည့်ဘောလုံးရာသီ၌ သီယိုဟာနန်ဒက်ဇ်သည် အလာဗတ်စ်အသင်းတွင် အငှားသွားရောက်ကစားခဲ့ပြီး ခြေစွမ်းပြနိုင်သဖြင့် ဥရောပကလပ်အသင်းများ၏မျက်စိကျခြင်းကိုခံခဲ့ရသည်။
အက်သလက်တီကိုအသင်းသည် သီယိုဟာနန်ဒက်ဇ်ကို စာချုပ်သစ်ချုပ်ဆိုရန် ကမ်းလှမ်းခဲ့သော်လည်း ကစားသမားဖြစ်သူက ငြင်းပယ်ခဲ့ပြီး ရီးယဲလ်အသင်းသို့ ပြောင်းရွှေ့ရန်ဆုံးဖြတ်ခဲ့ခြင်းဖြစ်ကြောင်း အက်သလက်တီကိုအသင်းက ကြေညာခဲ့သည်။
လာမည့် ဇူလိုင်လ (၁၀)ရက်(တနင်္လာနေ့)၌ သီယိုဟာနန်ဒက်ဇ်သည် ဘာနေဗျူးကွင်းတွင် ရီးယဲလ်အသင်းသားအဖြစ် တရားဝင်မိတ်ဆက်ပွဲပြုလုပ်သွားမည်ဖြစ်ပြီး (၆)နှစ်စာချုပ်ချုပ်ဆိုသွားမည်ဖြစ်ကြောင်းသိရသည်။
သီယိုဟာနန်ဒက်ဇ်၏ ဖခင်ဖြစ်သူ ယန်းဟာနန်ဒက်ဇ်သည် တူးလူး၊ မာဆေးလ်နှင့် အက်သလက်တီကိုအသင်းများတွင် ကစားခဲ့ဖူးသလို၊ ၎င်း၏ အစ်ကိုဖြစ်သူလူးကပ်စ်ဟာနန်ဒက်ဇ်သည်လည်း အက်သလက်တီကိုအသင်းတွင် ကစားခဲ့ဖူးသည်။
ရီးယဲလ်အသင်းသည် အသင်းမှ ဘရာဇီးလ်ဘယ်နောက်ခံလူ မာဆယ်လို၏နေရာတွင်ကာလရှည်အစားထိုးရန်အတွက် သီယိုဟာနန်ဒက်ဇ်ကို ခေါ်ယူခဲ့ခြင်းဖြစ်သည်။