သရုပ်ဆောင်အကယ်ဒမီ ၀တ်မှုန်ရွှေရည်နှင့်တွေ့ဆုံခြင်း

‘ကိုယ်တိုင်လည်း အမေကိုချစ်တဲ့ သမီးတစ်ယောက်အနေနဲ့ အမေ့မေတ္တာကို ပိုနားလည်ပြီး Heart ထိရပါတယ်’

လှပ ချစ်ခင်ဖွယ်ကောင်းသည့် ဆယ်ကျော်သက်မော်ဒယ်လ်တစ်ဦးအဖြစ် ပရိသတ် စတင်သိရှိစေခဲ့သူ သရုပ်ဆောင်ဝတ်မှုန်ရွှေရည်သည် လက်ရှိတွင် ကျရာဇာတ်ရုပ်တိုင်း၌ ပီပြင်စွာ ပုံဖော်နိုင်သည့် အမူအရာကောင်းသူ အကယ်ဒမီ သရုပ်ဆောင်တစ်ဦးအဖြစ် ပရိသတ် လက်ခံအားပေးမှု အများအပြား ရရှိစေခဲ့ပြီးဖြစ်သည်။ လတ်တလော ရုံတင်ပြသလျက်ရှိသည့် ‘ထာဝရအမေ’ ရုပ်ရှင်ဇာတ်ကားတွင် ဒေါက်တာခင်မောင်ဝင်း၏ဇနီးဖြစ်သူ ဒေါ်ခင်လေးရီ ဇာတ်ရုပ်၌ ပီပြင်စွာပုံဖော်ထားကာ မကြာခင်က ရိုက်ကူးပြီးစီးခဲ့သည့် ‘ဇာတိမြေ’ ရုပ်ရှင်ဇာတ်ကားနှင့် ‘လိပ်ပြာစံအိမ်’ ရုပ်ရှင်ဇာတ်ကားများ၌လည်း ပီပြင်စွာ ပုံဖော်ထားပါသည်။ ‘ထာဝရအမေ’ ရုပ်ရှင်ဇာတ်ကားကိုကြည့်ရှုကာ မိခင်ဖြစ်သူ၏ မေတ္တာကို ပိုမိုနားလည်ပြီး ခံစားရပါသည်ဟု ဖွင့်ဟပြောဆိုခဲ့သည့် သရုပ်ဆောင် အကယ်ဒမီ ၀တ်မှုန်ရွှေရည်နှင့် တွေ့ဆုံ၍ ‘ထာဝရအမေ’ ဇာတ်ကားနှင့်ပတ်သက်သည့် အမှတ်တရများ၊ ရိုက်ကူးပြီးစီးခဲ့သည့် ဇာတ်ကားအချို့နှင့် ပတ်သက်သည့် အတွေ့အကြုံများ၊ ရှေ့ဆက်လုပ်ဆောင်သွားမည့် အနုပညာလုပ်ငန်းများအပေါ် ပြင်ဆင်ထားမှုများအား မေးမြန်းဖြစ်ခဲ့ပါသည်။

 

မေး – ထာဝရအမေ ရုပ်ရှင်ဇာတ်ကားမှာ ပါဝင်သရုပ်ဆောင်ခွင့်ရတဲ့ ခံစားချက်လေး အရင်ဆုံးပြောပြပေးပါဦး။

ဖြေ –  အရမ်းပျော်ပါတယ်။ ဒီဇာတ်ကားက ဆရာကြီးဒေါက်တာ ခင်မောင်ဝင်းရဲ့မိခင်ဖြစ်သူ အန်တီဒေါ်ခင်ခင်ရဲ့ မိခင်မေတ္တာ ကြီးမားမှုကိုသာမကဘဲ မိခင်တွေအားလုံးရဲ့ မေတ္တာကိုပါဖော်ကျူးထားတဲ့ ဇာတ်ကားဖြစ်ပါတယ်။ ဒီလိုဇာတ်ကားမျိုးမှာ ပါဝင်ခွင့်ရတဲ့အတွက် ကစ်အရမ်းလည်း ပျော်ရသလို အမှတ်တရလည်း ဖြစ်ရပါတယ်။ ဇာတ်ကားမှာ ပါဝင်ဖို့ကမ်းလှမ်းပေးခဲ့တဲ့ ဆရာကြီး ဒေါက်တာခင်မောင်ဝင်းနဲ့ ဒါရိုက်တာဖြစ်တဲ့ ဦးစင်ရော်မောင်မောင်တို့ကိုလည်း ကျေးဇူးအများကြီး တင်ပါတယ်။

 

မေး – ဇာတ်ကားကို ပြန်ကြည့်ချိန်မှာရော ဘယ်လိုခံစားရလဲ။

ဖြေ – ကိုယ်တိုင်လည်း အမေကိုချစ်တဲ့ သမီးတစ်ယောက်အနေနဲ့ အမေ့မေတ္တာကိုပိုနားလည်ပြီး Heart ထိရပါတယ်။ တော်တော်လေး ခံစားရတယ်။ မိခင်တွေရဲ့သားသမီးတွေအပေါ် ထားတဲ့မေတ္တာကိုလည်း ပိုပြီးခံစားနားလည်လာသလို တန်ဖိုးလည်း ပိုထားတတ်လာပါတယ်။ မိခင်ကိုပိုပြီး ဂရုစိုက်ဖို့၊ မိခင်မေတ္တာကို တန်ဖိုးထားဖို့အများကြီးပါပဲ။ ဒီဇာတ်ကား လေးကြည့်လိုက်တဲ့ သူတိုင်းကလည်း ကစ်လိုပဲခံစားကြရမယ်လို့ ယုံကြည်ပါတယ်။

 

မေး –  ဒီဇာတ်ကားမှာ သရုပ်ဆောင်တဲ့အခါမှာရော ဘယ်လောက်ထိ ပင်ပန်းခဲ့ရလဲ။

ဖြေ – ဒီဇာတ်ကားမှာက ငယ်ရွယ်စဉ်အချိန်နဲ့ အရွယ်ရောက်ပြီးချိန်တွေကို သရုပ်ဆောင်ရတာဆိုတော့ အရွယ်အလိုက် ခံစားမှုပြောင်းလဲလာတာတွေ၊  မိခင်မေတ္တာကို ကိုယ်တိုင် မိခင်တစ်ယောက်ဖြစ်လာချိန်မှာ ပိုပြီးနားလည်လာရတာတွေ၊ ယောက္ခမဆိုပေမယ့်လည်း မိခင်မေတ္တာ ကြီးမားလွန်းသူမို့ လေးစားရတာတွေဆိုတဲ့ ခံစားချက်တွေ အများကြီးထည့်ပြီး သရုပ်ဆောင်ရပါတယ်။ အပြင်အဆင်ပိုင်းဆိုလည်း ကျောင်းသူအရွယ်နဲ့ လိုက်ဖက်တဲ့ ၀တ်စားဆင်ယင်မှု၊ အိမ်ထောင်ကျပြီးသွားတဲ့အခါ အရွယ်နဲ့လိုက်ဖက်တဲ့ ၀တ်စားဆင်ယင်မှုတွေ ရွေးချယ်ဝတ်ဆင်ခဲ့ရပါတယ်။ ဇာတ်ကားရိုက်ကူးစဉ်မှာကတော့ အမှတ်တရတွေ အများကြီးပါပဲ။

 

မေး –  လိပ်ပြာစံအိမ် ဇာတ်ကားကရော ရိုက်ကူးပြီးသွားပြီလား။

ဖြေ – လွန်ခဲ့တဲ့ တစ်ပတ်လောက်ကပဲ လိပ်ပြာစံအိမ် ဇာတ်ကားက ရိုက်ကူးပြီးသွားပါတယ်။ ဒီဇာတ်ကားကလည်း မတူကွဲပြားတဲ့ ခေတ်ကာလတစ်ခုကို ရိုက်ကူးတာဖြစ်တဲ့အပြင် မိသားစုအပေါ် သံယောဇဉ်ကြီးမားတဲ့ အမျိုးသမီးတစ်ယောက်အနေနဲ့ ပါဝင်ခဲ့ရတာပါ။ ၀ိညာဉ်ဇာတ်ကားလည်းဖြစ်တော့ မတူကွဲပြားတဲ့ ပုံစံမျိုးတွေ သရုပ်ဆောင်ရပါတယ်။ ဒီဇာတ်ကားကို ရိုက်ကူးတဲ့ ထိုင်းဒါရိုက်တာကတော့ From Bangkok to Mandalay ဇာတ်ကားမှာ ကတည်း က ဆုံဖူးပြီးသားဆိုတော့ သူအလုပ်လုပ်တဲ့ ပုံစံကိုလည်း ကစ်နားလည်သလို အပြန်အလှန် ညှိနှိုင်းလို့လည်းရပါတယ်။ ဒီဇာတ်ကားမှာလည်း ကစ်အကောင်းဆုံး ကြိုးစားထားပါတယ်။

 

မေး –  အောင်ရဲလင်း၊ မိုရီဆာကီဝင်းတို့နဲ့ တွဲဖက်ရိုက်ကူးထားတဲ့ ဇာတိမြေ ဇာတ်ကားနဲ့ ပတ်သက်လို့ အားရ ကျေနပ်မှုဆိုရင်ရော။

ဖြေ –  အဲဒီဇာတ်ကားလေးက အချိန်ယူ ရိုက်ကူးခဲ့ရသလို အရမ်းလည်း ပင်ပန်းပါတယ်။  ဂျပန်မှာ ရိုက်ကူးခဲ့စဉ်တစ်လျှောက်လုံးလည်း ပင်ပန်းခဲ့သလို မြန်မာနိုင်ငံမှာ ထပ်မံ ရိုက်ကူးတော့လည်း ပင်ပန်းပါတယ်။ အရမ်းလည်း ကြိုးစားခဲ့ရတယ်။ ဒါပေမဲ့ အခုအဲဒီဇာတ်ကားကို ကားဆက်ပြီးတဲ့အချိန်မှာ ဇာတ်ကားက ကောင်းတယ်ဆိုတဲ့ တုံ့ပြန်မှုတွေ ပြန်ကြားရတဲ့အတွက် ပင်ပန်းရကျိုး နပ်တယ်လို့ ဆိုရမှာပါ။ ပရိသတ်တွေ ကြည့်ခွင့်ရတဲ့အခါလည်း စိတ်ကျေနပ်စရာ ဇာတ်ကား တစ်ကားဖြစ်မယ်လို့ ယုံကြည်ပါတယ်။

 

မေး –  နောက်ထပ် အနုပညာလှုပ်ရှားမှုဆိုရင်ရော ဘာတွေ ထပ်လုပ်ဖြစ်မလဲ။

ဖြေ –  ကစ် လောလောဆယ်တော့ ကြော်ငြာရိုက်ကူးမှုတွေ လက်ခံထားသလို ရုပ်ရှင်ကားကြီး ရိုက်ဖို့လည်း လက်ခံထားတာ ရှိပါတယ်။ ရုပ်ရှင်ကားကြီးကလည်း မတူကွဲပြားတဲ့ ကာရိုက်တာမျိုးနဲ့ ပါဝင်ဖြစ်မှာပါ။

 

မေး –  အနုပညာသက်တမ်းဖြတ်သန်းမှု များလာတာနဲ့အမျှ ဇာတ်ရုပ်ပိုင်းဆိုင်ရာ ရွေးချယ်မှုက ဘယ်လိုပြောင်းလဲလာလဲ။

ဖြေ –  အဓိကတော့ တစ်ကားနဲ့တစ်ကား ပုံစံမတူအောင်ရွေးဖြစ်တယ်။ ဇာတ်ရုပ်တိုင်းနဲ့ အံဝင်ခွင်ကျဖြစ်အောင်၊ တစ်ထပ်တည်းကျအောင် လုပ်နိုင်တယ်ဆိုတာမျိုးလည်း ဖြစ်ချင်တယ်။ ဒါကြောင့် တစ်ကားနဲ့တစ်ကားကတော့ ပုံစံကွဲပြားတာမျိုးကို ဦးစားပေး ရွေးချယ်ဖြစ်တယ်။ ကစ်နဲ့လည်း လိုက်ဖက်နိုင်တာမျိုးပေါ့။ ကစ်နဲ့လုံးဝ မလိုက်ဖက်တာမျိုးကိုတော့ မလုပ်ဖြစ်ပါဘူး။ အဓိကတော့ ကစ်နဲ့လိုက်ဖက်ပြီး ကြိုးစားလုပ်ဆောင်နိုင်မယ့် ဇာတ်ကောင်စရိုက်မျိုး၊ ပရိသတ်တွေ အတွက်လည်း အနုပညာခံစားမှု သေချာလေးပေးနိုင်မယ့် ဇာတ်လမ်းမျိုးကို ရွေးချယ်ဖြစ်ပါတယ်။

 

မေး –  ကစ်ရဲ့ Fan တွေနဲ့ အမှတ်တရလုပ်မယ့် အစီအစဉ်မျိုးတွေရော ရှိဦးမလား။

ဖြေ – ကစ် Fan တွေနဲ့က အလှူတစ်ခုခု အတူလုပ်တာမျိုး၊ အမှတ်တရ အစီအစဉ်မျိုးတွေ ကြိုးစားပြီး လုပ်ဖြစ်ပါတယ်။ ၂၀၁၈ ထဲမှာလည်း လုပ်ဖြစ်ဖို့ကြိုးစားပါမယ်။

 

မေး –  ၂၀၁၇ တစ်နှစ်တာလုံးက ကစ်အတွက် စိတ်ကျေနပ်စရာနှစ်တစ်နှစ်လို့ ပြောလို့ရလား။

ဖြေ – ကစ်ကတော့ ဘယ်အရာမဆို ကိုယ်လုပ်နေတဲ့အချိန်အတွင်းမှာ ကောင်းအောင်ကြိုးစားတယ်။ ကိုယ်လုပ်တဲ့ အလုပ်တစ်ခုချင်းစီတိုင်းကို ကောင်းအောင်ပဲ လုပ်ခဲ့တဲ့ ၂၀၁၇ မှာလည်း လုပ်ဖြစ်ခဲ့တဲ့အရာတိုင်းကို ကြိုးစားပြီး လုပ်ခဲ့တယ်လို့ ပြောလို့ရပါတယ်။

 

မေး –  ပရိသတ်တွေအတွက် နှစ်သစ် ဆုတောင်းလေးပြောပေးပါဦး။

ဖြေ –  မကြာခင်မှာ နှစ်သစ်တစ်ခုကို ရောက်တော့မယ်ပေါ့နော်။ နှစ်သစ်မှာ ချစ်ခင်ရတဲ့ ပရိသတ်အားလုံး လိုအင်ဆန္ဒတွေပြည့်ဝပြီး ကျန်းမာရွှင်လန်းကြပါစေလို့ ဆုတောင်းပေးချင်ပါတယ်။

 

မေး –  ၂၀၁၈ အတွက်ရော အနုပညာနဲ့ပတ်သက်ပြီး ဘာတွေပြင်ဆင်ထားလဲ။

ဖြေ – ၂၀၁၈ မှာလည်း ကစ်ကိုအားပေးချစ်ခင်တဲ့ ပရိသတ်တွေအတွက် ကစ်အများကြီး ကြိုးစားလုပ်ဆောင်သွားမှာပါ။ အဲဒီအတွက်လည်း အများကြီးပြင်ဆင်ထားပါတယ်။

ရုပ်ရှင်နှင့် ဗီဒီယို သရုပ်ဆောင် အလင်းရောင်နှင့် တွေ့ဆုံခြင်း

အနုပညာရပ်ဝန်းမှာ မော်ဒယ်တစ်ယောက်အဖြစ်နဲ့ အနုပညာခြေလှမ်းတွေကိုစတင်ခဲ့ပြီး ဒီနေ့အချိန်မှာ မော်ဒယ်၊ မင်းသား၊ အဆိုတော်စတဲ့ အနုပညာအလုပ်တွေကိုလုပ်ကိုင်ရင်း ပရိသတ်တွေရဲ့ အသိအမှတ်ပြုအား ပေးမှုတွေရရှိလာသူ အနုပညာရှင်တစ်ဦးကတော့ အလင်းရောင်ပါ။ ‘ရည်းစားဦး’ ‘ ဘယ်ရည်းစားကိုအချစ်ဆုံးလဲ’ စတဲ့ ရုပ်ရှင်ဇာတ်ကားတွေနဲ့ ‘မနေ့ကဖြစ်သည်’ ရုပ်သံဇာတ်လမ်းတွဲတွေမှာ ပရိသတ်တွေရဲ့ ချစ်ခင်အားပေးမှုရရှိခဲ့သလို သူ့ရဲ့တစ်ကိုယ်တော်စီးရီး Oh My Crush အတွက်လည်း အမ်တီဗီထွက်ရှိနိုင်ဖို့ ပြင်ဆင်နေတဲ့ အလင်းရောင်က သူပါဝင် သရုပ်ဆောင်ထားတဲ့ ‘3G’ ဇာတ်ကားကိုလည်း ဒီဇင်ဘာ ၁၅ ရက်မှာ ရုံတင်ပြသတော့မှာဖြစ်သလို လက်ရှိမှာလည်း ရုပ်ရှင်ဇာတ်ကားကြီးတွေ ဆက်တိုက်ရိုက်ဖြစ်နေတဲ့ အလင်းရောင်နဲ့ တွေ့ဆုံမေးမြန်းဖြစ်ခဲ့ပါတယ်။

 

မေး – လတ်တလော အနုပညာ လှုပ်ရှားမှုတွေကို အရင်သိပါရစေ။

ဖြေ – ကျွန်တော် ဒါရိုက်တာ ကိုဝိုင်း၊ မဖွေးဖွေးတို့နဲ့ ‘သတို့သမီး လျှို့ဝှက်ချက်’ ဆိုတဲ့ ရုပ်ရှင်ကားကြီး ရိုက်ကူးနေပါတယ်။ ဒီဇာတ်ကားကြီးက ဒါရိုက်တာကိုဝိုင်းနဲ့အတူ တွဲဖက်ရိုက်ကူးခွင့်ရတဲ့ ငါးကားမြောက်ရုပ်ရှင်ကားကြီးဖြစ်သလို မဖွေးဖွေးနဲ့ အတူတွဲဖက်သရုပ်ဆောင်ခွင့်ရတဲ့ ငါးကားမြောက် ရုပ်ရှင်ကားကြီးပါ။

 

မေး – ‘ သတို့သမီး လျှို့ဝှက်ချက်’ ဇာတ်ကားအတွက် ဘယ်လိုတွေပြင်ဆင်ခဲ့ရလဲ ပြောပြပေးပါဦး။

ဖြေ –  ဒီဇာတ်ကားမရိုက်ခင်မှာ ဇာတ်ကောင်စရိုက်နဲ့ ပတ်သက်ပြီး ကိုယ်သရုပ်ဆောင်ရမယ့် အပိုင်းတွေအတွက် ထရိန်နင်တွေလုပ်ဖြစ်ပါတယ်။ နောက်ပြီးအ၀တ်အစားပိုင်းအတွက် ကြိုတင်ပြင်ဆင်ရတာတွေလည်း လုပ်ဖြစ်ခဲ့တယ်။

 

မေး – ဒီဇင်ဘာ ၁၅ ရက်မှာ ပရိသတ်တွေကြည့်ခွင့်ရတော့မယ့် ‘3G’ ဇာတ်ကားရိုက်ဖြစ်ခဲ့တဲ့ အကြောင်း လေးလည်း ပြောပြပေးပါဦး။

ဖြေ – ဒီဇာတ်ကားလေးက ကျွန်တော်ရုပ်ရှင်ကားကြီး နှစ်ကား ရိုက်ကူးခဲ့ပြီးနောက်ပိုင်းမှာ ထုတ်လုပ်ရေးနဲ့ စာချုပ်ပြဿနာတွေရှိခဲ့ပြီး ဘာအနုပညာလှုပ်ရှားမှုမှ မလုပ်ရဘဲ နှစ်နှစ်နီးပါးလောက် ထိုင်နေရတဲ့အချိန်မှာ ကျွန်တော့်ဆီကို ပထမဆုံးလာပြီး ကမ်းလှမ်းခဲ့တဲ့ ရုပ်ရှင်ဇာတ်ကားကြီးပါ။ ဒါ့ကြောင့် ဒီဇာတ်ကားမှာ ကျွန်တော့်ပါဝင်ခွင့်ရခဲ့တာက ကျွန်တော့်ရဲ့ တစ်ကျော့ပြန် အနုပညာလှုပ်ရှားမှုတွေအတွက် ခြေလှမ်းသစ်တစ်ခု ဖြစ်ခဲ့သလို တွဲဖက်သရုပ်ဆောင်ရတဲ့ သူတွေကလည်း တကယ့်ဝါရင့်အနုပညာရှင်တွေ၊ အောင်မြင်နေတဲ့သူ တွေ ဒါရိုက်တာကလည်း ကိုဝိုင်းဖြစ်နေတဲ့အတွက် ကျွန်တော် ဒီဇာတ်ကားရိုက်ကူးချိန်မှာ အရမ်းကို တက်ကြွ ပျော်ရွှင်ခဲ့ရပါတယ်။ တစ်ဖက်ကလည်း ဒီဇာတ်ကား ရိုက်ကူးချိန် တစ်လျှောက်လုံးမှာ ပျော်ရွှင်တက်ကြွတဲ့ စိတ်ဖြစ်သလို အရမ်းလည်းရင်ခုန်ရပါတယ်။ ဒါ့ကြောင့် တချို့ဇာတ်ဝင်ခန်းတွေဆိုရင် အမှားနည်းနည်းရှိခဲ့တယ်။

 

မေး – ကိုယ့်အတွက် ရင်ခုန်စိတ်လှုပ်ရှားစွာနဲ့ ရိုက်ကူးခဲ့ရတဲ့ ‘3G’ ဇာတ်ကားရိုက်ကူးတုန်းက အမှတ်တရတွေရှိရင် လည်းပြောပြပေးပါဦး။

ဖြေ –  အမှတ်တရတွေကတော့ အများကြီးပါပဲ။ တစ်ခုကတော့ မအိချောပိုကို ချီပြီးပြေးရတဲ့အခန်းပေါ့။ အဲဒီအခန်းမရိုက်ခင် ရီဟာဇယ် သုံး၊ လေး၊ ငါးခါလုပ်ခဲ့ရတော့ တကယ်ရိုက်တဲ့အခေါက်မှာ ကျွန်တော်က ခြေခေါက်ပြီးလဲသွားတယ်။ ကျွန်တော့်ကြောင့် မအိချောလည်း ခြေထောက်ဒဏ်ရာ ရသွားခဲ့တာရှိတယ်။ အဲဒီအတွက်လည်း စိတ်မကောင်းဖြစ်ခဲ့ရပါတယ်။

 

မေး – အလင်းရောင်အနေနဲ့ Oh My Crush စီးရီးထွက်ပြီးနောက်ပိုင်း ဂီတဘက်မှာ လှုပ်ရှားမှု နည်းသွားတာလေးကိုလည်း သိပါရစေ။

ဖြေ –  ကျွန်တော်က အနုပညာလောကမှာ လူသစ်တန်းတစ်ယောက်ဖြစ်တဲ့အတွက် ဂီတနဲ့ ရုပ်ရှင်အနုပညာ နယ်ပယ် နှစ်ခုစလုံးမှာ ဘက်မျှအောင်လုပ်နိုင်ဖို့ဆိုတာ ကျွန်တော့်အတွက် ခက်ခဲပါတယ်။ ၂၀၁၇ ခုနှစ်ထဲမှာတော့ ကျွန်တော်က သရုပ်ဆောင် အလုပ်ဘက်ကို ပိုပြီးလုပ်ဖြစ်ခဲ့တယ်။ ဒါကလည်း ကိုယ့်ဆီကိုရောက်လာတဲ့ အခွင့်အရေးတစ်ခုပါ။ ဒါပေမဲ့ ကားရိုက်တွေအားတဲ့အချိန်မှာ ပွဲတွေ ကျွန်တော်ဆိုဖြစ်ပါတယ်။ နောက်ပြီး Oh My Crush စီးရီးအတွက်လည်း MTV လေးတွေ ရိုက်ကူးဖြစ်နေပါတယ်။

 

မေး – Oh My Crush အတွက် MTV ရိုက်ကူးမှုက ဘယ်လောက်ပြီးသွားပြီလဲ။

ဖြေ – Oh My Crush အတွက် MTV ရိုက်နေတာက သုံးပုဒ်လောက်ပဲ ပြီးသေးတယ်။ ဒီဇင်ဘာလကုန်ပိုင်းလောက်မှာတော့ တစ်ပုဒ်ထပ်ပြီး ရိုက်ကူးဖို့စီစဉ်ထားပါတယ်။

 

မေး – Oh My Crush အတွက် MTV ကိုရော ဘယ်တော့လောက်ထွက်ဖို့ စဉ်းစားထားလဲ။

ဖြေ – အဲဒါတော့ ကျွန်တော်စဉ်းစားနေတုန်းပဲ။ Oh My Crush စီးရီးရဲ့ MTV တွေ ကို Facebook ကနေတစ်ဆင့်ပဲ ပရိသတ်တွေဆီကို လက်ဆောင်ပေးမလား။ DVD Album ထွက်ဖြစ်မလားတော့ သေချာမဆုံးဖြတ်ရသေးဘူး။

 

မေး – ၂၀၁၇ ခုနှစ်ထဲမှာ သရုပ်ဆောင်ဘက်မှာ ပိုပြီးလုပ်ဖြစ်ခဲ့တယ်ဆိုတော့ ၂၀၁၈ ခုနှစ်မှာရော ဂီတနဲ့ပတ်သက်ပြီး ဘာတွေလုပ်ဖို့စီစဉ်ထားလဲ။

ဖြေ –  ကျွန်တော့်ရဲ့ ပထမဆုံးတစ်ကိုယ်တော်စီးရီးအတွက် MTV ကို ပရိသတ်ဆီပေးဖို့ရှိမယ်။ နောက်ပြီး ကျွန်တော့်ရဲ့ ဒုတိယမြောက် တစ်ကိုယ်တော်စီးရီးကို Mini Album အဖြစ်ထွက်ဖို့လည်း စီစဉ်ထားပါတယ်။

 

မေး – ဒုတိယစီးရီးအတွက် ဘယ်လိုတွေပြင်ဆင်နေလဲ သိပါရစေ။

ဖြေ –  Mini Album အဖြစ်ထွက်မယ့် ကျွန်တော့်ရဲ့ဒုတိယမြောက် တစ်ကိုယ်တော်စီးရီးအတွက် လောလောဆယ် သီချင်းခုနစ်ပုဒ်ကိုတော့ရထားပါပြီ။ သီချင်းက ခြောက်ပုဒ်လောက်ပါမယ့် Mini Album ဖြစ်ပေမယ့် သီချင်းတွေကို ထပ်စုပြီးမှ သေချာပြန်ရွေးဖို့ လုပ်နေပါတယ်။ အရင်ပထမစီးရီး Oh My Crush တုန်းက သီချင်းအမြူးတွေပါပေမယ့် သီချင်းအနှေးလေးတွေပိုများတယ်။ အဲဒီတော့ ပွဲတွေဆိုတဲ့အခါကျတော့ သီချင်းမြူးလေးတွေဆိုဖို့ သီချင်းရှားနေတာမျိုး ကြုံရတယ်။ ဒ့ါကြောင့် Mini Album မှာတော့ သီချင်းအမြူးလေးတွေ ပိုပြီးထည့်ဖို့ စီစဉ်ထားပါတယ်။

 

မေး – အခုချိန်မှာ ကိုယ့်ရဲ့ သရုပ်ဆောင်မှုတွေနဲ့ပတ်သက်လို့ ကိုယ့်ကိုကိုယ် ဘယ်လိုပြန်ပြီးသုံးသပ်မိလဲ။

ဖြေ – ပထမဆုံး ရိုက်ကူးခဲ့တဲ့ ‘ရည်းစားဦး’ တို့၊ ‘ဘယ်ရည်းစားကို အချစ်ဆုံးလဲ’ တို့ ဇာတ်ကားတွေမှာတော့ ကျွန်တော် တတ်ထား၊ သိထားသလောက်နဲ့ အကောင်းဆုံးလုပ်ခဲ့တာပါ။ တတိယ ဇာတ်ကားဖြစ်တဲ့ 3G က စပြီးတော့ သေချာသင်ကြားမှုတွေရလာခဲ့တယ်။ နောက်ထပ်ရိုက်ခဲ့တဲ့ ‘ရွှေကြာ’၊ ‘ကာဗွန်ဒိုင်အောက်ဆိုက်’ စတဲ့ဇာတ်ကားတွေမှာလည်းလေ့ ကျင့်မှုတွေလုပ်ရတယ်ဆိုတော့ တိုးတက်မှုရှိလာတယ် လို့ထင်ပါတယ်။ 3G ဇာတ်ကားကစလို့ နောက်ပိုင်းမှာကျွန်တော့်ရဲ့ ကိုယ်ပိုင်လေ့လာမှုမှာလည်း တိုးတက်မှုတွေရှိလာတယ်။ ကိုဝိုင်းတို့ မဖွေးတို့ကလည်း သင်ပေးတယ်။ အများကြီး အထောက်အပံ့တွေရခဲ့တယ်။ ကိုယ့်ကိုယ်ကိုယ်တော့ သရုပ်ဆောင်ပိုင်းမှာ အရင်ထက်ပိုပြီးကောင်းလာတယ်လို့ ခံစားမိသလိုပဲ ဒီထက်ကောင်းဖို့ လိုသေးတယ်လို့လည်း ခံယူထားပါတယ်။ အများကြီးဆက်ပြီး ကြိုးစားရဦးမှာပါ။

 

မေး – ‘3G’ ဇာတ်ကားကိုလာကြည့်မယ့် ပရိသတ်တွေအတွက် ပြောချင်တာရှိရင်။

ဖြေ –  ကျွန်တော့်အတွက် ဒီဇာတ်ကားလေးက ဒါရိုက်တာကိုဝိုင်းနဲ့ရော မဖွေးဖွေးတို့၊ မအိချောပိုတို့နဲ့ပါ ပထမဆုံးတွဲ ဖက်ခွင့်ရတဲ့ ဇာတ်ကားပါ။ ကျွန်တော့်ရဲ့ အနုပညာလမ်းကြောင်းမှာ ပျော်ရွှင်ရင်ခုန်ရတဲ့အချိန်မှာ ရိုက်ကူးခဲ့တဲ့ကားပါ။ အားလုံးက ၀ိုင်းဝန်း ကြိုးစားထားကြလို့ ပရိသတ်တွေအတွက် ဇာတ်ကားကောင်းတစ်ကား ဖြစ်စေမှာပါ။

 

မေး – အလင်းရောင်ကို အားပေးနေတဲ့ပရိသတ်တွေအတွက် ပြောချင်တဲ့စကားရှိရင်။

ဖြေ – အားပေးနေတဲ့ပရိသတ်တွေကို ကျေးဇူးအများကြီးတင်ပါတယ်။ ဂီတမှာရော သရုပ်ဆောင်ဘက်မှာပါ အများ ကြီးကြိုးစားနေပါတယ်။ ၂၀၁၈ နှစ်သစ်မှာလည်း ပရိသတ်တွေအားလုံး စိတ်ကူးသစ်၊ အကြံဥာဏ်သစ်၊ အတွေးသစ်တွေနဲ့အတူ အောင်မြင်ကြီးပွားကြပါစေ။ ပရိသတ်တွေအားလုံး ကျန်းမာချမ်းသာကြပါစေ။

 

ဒေါက်တာနိုင်ဆွေဦးနှင့် တွေ့ဆုံခြင်း

‘R2P မှာ ပြည်သူလူထု (Population)လို့ ဆိုထားပြီး နိုင်ငံသား (Citizen) လို့ ကန့်သတ်ထားတာ မရှိတာမို့ အထူးသတိထားရမယ့် အချက်ဖြစ်ပါတယ်’

ရခိုင်ပြည်နယ်မြောက်ပိုင်းကို ဘင်္ဂါလီ အစွန်းရောက်တွေရဲ့ အကြမ်းဖက်တိုက်ခိုက်မှုတွေ ဖြစ်ပွားခဲ့ပြီးနောက် ပိုင်းမှာ အမျိုးသားလုံခြုံရေးအခန်းကဏ္ဍဟာ ပိုမိုပြီးရှေ့တန်းရောက်လာခဲ့တယ်လို့ဆိုရပါမယ်။ ဘင်္ဂါလီအစွန်းရောက်တွေရဲ့ အကြမ်းဖက်မှုပြဿနာအပြင် နိုင်ငံတကာရဲ့ ခေါင်းစဉ်တပ်ဖိအားပေးမှုတွေနဲ့ ဘင်္ဂါလီတွေ ပြန်လည်လက်ခံရေး၊ မောင်တောဒေသ ပြန်လည်ထူထောင်ရေးကိစ္စတွေကိုလုံးပန်းနေရတဲ့အပြင် နိုင်ငံရေးအရထိုးနှက်ချက်တွေ စီးပွားရေးကျဆင်းမှုတွေနဲ့ တိုင်းပြည်ရဲ့ မျက်မှောက်အခြေအနေကတော့ အားရစရာကောင်းလှတယ်လို့ မဆိုနိုင်ပါဘူး။ ဒါ့ကြောင့် မျက်မှောက်ကာလမှာ အမျိုးသားလုံခြုံရေးအခန်းကဏ္ဍက ဘယ်လောက်ထိအရေးပါနေလဲ၊ RESPONSIBILITY TO PROTECT တာဝန်အရ ကာကွယ်ပေးခြင်းဆိုတဲ့ ခေါင်းစဉ်အောက်ကနေ တကယ်ပဲ ၀င်ရောက်စွက်ဖက်လို့ရနိုင်လား။ ဘယ်လောက်အတိုင်းအတာထိစိုးရိမ်ရလဲ။ ပြည်ထောင်စုကြီးရဲ့ အနာဂတ်အရေးကရော စိုးရိမ်ဖွယ်ရာ အခြေအနေမှာရှိနေပြီလားဆိုတာကို သေနင်္ဂမဟာဗျူဟာလေ့လာရေးအဖွဲ့ရဲ့ ဒါရိုက်တာတစ်ဦးဖြစ်တဲ့ ဒေါက်တာနိုင်ဆွေဦးနဲ့ တွေ့ဆုံမေးမြန်းထားတာကို ဖော်ပြပေးလိုက်ပါတယ်။

 

မေး – ပထမဆုံးအနေနဲ့ ဒီနေ့ကာလမှာ အမျိုးသားလုံခြုံရေးအခန်းကဏ္ဍက ဘယ်လောက်အထိ အရေးပါလာ လဲဆိုတာ အရင်ဆုံးပြောရအောင်ဆရာ၊ ပြီးခဲ့တဲ့ နိုဝင်ဘာ ၂၅ ရက်ကပဲ ဆရာတို့သေနင်္ဂအင်စတီကျုက ပညာရှင်တချို့ကိုဖိတ်ကြားပြီး အမျိုးသားလုံခြုံရေးနဲ့ ပြည်ထောင်စုအနာဂတ်အရေးကိစ္စတွေကို ဆွေးနွေးသွားတာရှိတော့ ဒီနေ့ကာလ အမျိုးသားလုံခြုံရေးနဲ့ပတ်သက်တဲ့ အနေအထားအပေါ်မှာ ဘယ်လိုရှုမြင်သုံးသပ်လဲဆိုတာ ပြောပြပေးပါ။

ဖြေ။     အမျိုးသားလုံခြုံရေး (National Security) ဆိုတာ သိပ်ကိုကျယ်ပြန့်ပါတယ်။ အမျိုးသားလုံခြုံရေး (National Security) ဆိုတာ နိုင်ငံတစ်နိုင်ငံရဲ့ အချုပ်အခြာအာဏာ နယ်နိမိတ် တည်တံ့ခိုင်မြဲရေးနဲ့ ပိုင်နက်နယ်မြေ တည်တံ့ခိုင်မြဲရေး၊ နိုင်ငံအတွင်းမှာရှိတဲ့ ပြည်သူလူထုတွေရဲ့ ငြိမ်းချမ်းအေးချမ်းစွာနဲ့ ဘ၀ကိုဖွံ့ဖြိုးတိုးတက်ရေးကိစ္စရပ်တွေ၊ နိုင်ငံသားဖြစ်မှုတွေ၊ သူတို့နိုင်ငံရဲ့ လူမှုစီးပွားရေးဘ၀ခိုင်မာရေး၊ ဒီလိုမျိုးကိစ္စရပ်တွေမှာ ခြိမ်းခြောက်ခံလာရတယ် သို့မဟုတ် ဒီလိုကိစ္စရပ်တွေမှာ မိမိကိုယ်ပိုင်ဆုံးဖြတ်ချက်နဲ့ ဆုံးဖြတ်ခွင့်မရှိဘဲနဲ့ တစ်နည်းတစ်လမ်းနဲ့ ခြိမ်းခြောက်ပြီးတော့ဖြစ်စေ၊ သြဇာလွှမ်းမိုးပြီးတော့ပဲဖြစ်စေ သို့မဟုတ် စစ်ရေးအရ ခြိမ်းခြောက်ပြီးတော့ပဲဖြစ်စေ၊ စစ်အင်အား အသုံးပြုပြီးတော့ပဲဖြစ်စေ၊ ဒီကိစ္စရပ်တွေကို ထိပါးလာမယ်၊ ကျူးကျော်လာမယ်၊ ခြိမ်းခြောက်ဖို့ကြံစည်လာတာတွေ သေချာတယ်ဆိုရင် ဒီကိစ္စတွေဟာ အမျိုးသားလုံခြုံရေးနဲ့ သက်ဆိုင်သွားပါတယ်။ အမျိုးသားလုံခြုံရေးမှာ ပါဝင်သက်ဆိုင်နေတဲ့ အရာတွေရှိ ပါတယ်။ အဲဒါတွေက Military security, Economic security, Resource security, Border Security, Demographic security, Disaster security, Energy security, Geost-rategic security, Informational security, Food security, Health security, Ethnic security, Environmental security, Cyber security, Genomic security စတာတွေဖြစ်ပါတယ်။ ဒါ့ကြောင့် နိုင်ငံတစ်နိုင်ငံလုံးမှာရှိတဲ့ ကာကွယ်ရေးအင်အားစုဖြစ်တဲ့ တပ်မတော်တစ်ရပ်တည်းရဲ့စစ်အင်အားနဲ့ ကာကွယ်ဖို့ဆိုတာထက် နိုင်ငံမှာရှိတဲ့ နိုင်ငံရေး၊ စီးပွားရေး၊ သံတမန်ရေး၊ ကာကွယ်ရေး ဒီအင်အားစုအားလုံးဟာ စုပေါင်းပြီး ဘက်စုံထောင့်စုံကနေ တက်ညီလက်ညီ ဆောင်ရွက်ရမယ့်ကိစ္စဖြစ်ပါတယ်။ အမျိုးသားလုံခြုံရေးဟာ နိုင်ငံတစ်နိုင်ငံအတွက် အသက်တမျှ အရေးကြီးပါတယ်။ ဒီလိုအမျိုးသားလုံခြုံရေးမှာပါဝင်နေတဲ့ စောစောကအချက်တွေကိုကြည့်မယ်ဆိုရင် ဒီထဲက တစ်ခုခုသာ ချို့ယွင်းသွားမယ်၊ ယိုယွင်းသွားမယ်၊ ခြိမ်းခြောက်ခံရမယ်ဆိုရင် ကျွန် တော်တို့ လုံခြုံရေးအန္တရာယ်ထိပါးပြီလို့ ကျွန်တော်တို့ပြောလို့ရပါတယ်။ လက်ရှိဖြစ်ပေါ်နေတဲ့အနေအထားတွေ၊ အခြေအနေတွေကို ကြည့်မယ်ဆိုလို့ရှိရင်လည်း အမျိုးသားလုံခြုံရေးအတွက် ထိပါးလာမယ့် အလားအလာတွေ အန္တရာယ်တွေ၊ နိုင်ငံတကာကနေပြီးတော့ ပါဝင်ပတ်သက်ပြီးတော့ ဖိအားပေးမှုတွေ၊ တောင်းဆိုမှုတွေဖြစ်လာတဲ့အခြေအနေတွေကို တွေ့ရမှာဖြစ်ပါတယ်။ ဒါဟာ အမျိုးသားလုံခြုံရေးကို ခြိမ်းခြောက်နေတယ်၊ အမျိုးသားလုံခြုံရေးအတွက် အန္တရာယ်ရှိနိုင်တဲ့ အလားအလာတွေကို တွေ့ရှိနေရတယ်ဆိုတဲ့ အချိန်အခါကို ရောက်နေပြီဖြစ်ပါတယ်။ နေရာဒေသတစ်ခုခုမှာ ဖြစ်စဉ်တွေဖြစ်လာတယ်၊ အထူးသဖြင့်တော့ ပြည်ပစွက်ဖက်မှုတွေ၊ ပြည်ပသြဇာသက်ရောက်မှုတွေ ပါလာတယ် ဆိုရင်တော့ ဒီအခြေအနေ အနေအထားတွေဟာ ကမ္ဘာ့နိုင်ငံရေးအခြေအနေ၊ ကမ္ဘာ့ပထ၀ီ ၀င်နိုင်ငံရေးအခြေအနေ၊ ကမ္ဘာ့အင်အားပြိုင်ဆိုင်မှု အခြေအနေ ဒါတွေနဲ့လည်း ကျွန်တော်တို့ ထည့်သွင်းချိန်ထိုးရမှာဖြစ်ပါတယ်။ ကျွန်တော်တို့ နိုဝင်ဘာ ၂၇ ရက်က အမျိုးသားလုံခြုံရေးနှင့် ပြည်ထောင်စု၏ အနာဂတ်ဆွေးနွေးပွဲကို ကျင်းပရတဲ့ ရည်ရွယ်ချက်ကလည်း ပြည်ထောင်စုသမ္မတ မြန်မာနိုင်ငံတော်တွင် လက်ရှိဖြစ်ပေါ်နေသောဖြစ်စဉ်များကို အမျိုးသားလုံခြုံရေးဆိုင်ရာရှုထောင့်မှ ဆွေးနွေးသုံးသပ် အဖြေရှာပြီး အကြံပြုတင်ပြနိုင်ရန် ပြုလုပ်ခဲ့ခြင်းဖြစ်ပါတယ်။

 

မေး- ပြည်ထောင်စုဝန်ကြီးတစ်ဦးဖြစ်လာတဲ့ ဦးသောင်းထွန်းက R2P ကိစ္စပြောလာတော့ လူအတော်များများ စိတ်ဝင်တစားရှိလာတာကိုတွေ့ရပါတယ်။ အရှေ့တောင်အာရှမှာဆို သီရိလင်္ကာနဲ့ မြောက်ကိုရီးယားတို့ထက် မြန်မာပြည်က R2P နဲ့ပတ်သက်ရင် ထိပ်ဆုံးကရှိနေတယ်လို့သိရတယ်။ နိုဝင်ဘာ ၁၆ ရက်က တင်သွင်းထားပြီး ရက်ပေါင်း ၃၀ အတွင်း စောင့်ကြည့်မယ်ဆိုတော့ ဒီဇင်ဘာ ၁၆ ရက်ဆိုရင် သတ်မှတ်ကာလ ပြည့်ပြီဖြစ် ပါတယ်။ တကယ်ပဲ  RESPONSIBILITY TO PROTECT တာဝန်အရ ကာကွယ်ပေးခြင်းဆိုတဲ့ ခေါင်းစဉ်အောက်ကနေ စွက်ဖက်လို့ရနိုင်လား။ ဘယ်လောက်အတိုင်းအတာအထိ စိုးရိမ်ရလဲ။

ဖြေ – ကာကွယ်ရန်တာဝန်ရှိမှု RESPONSIBILITY TO PROTECT ကို  R2P သို့မဟုတ် R to P လို့ လူသိများပါတယ်။ လူသားချင်းစာနာထောက်ထားမှုကိုအကြောင်းပြပြီး နိုင်ငံတစ်နိုင်ငံရဲ့ ပြည်တွင်းရေးကို ၀င်ရောက်စွက်ဖက်တာကို နိုင်ငံအများစုမှ လက်ခံနိုင်ခြင်း မရှိတာကြောင့် R2P အယူအဆသစ်တစ်ရပ်ကို ကုလသမဂ္ဂက ဦးဆောင်ဖော်ထုတ်ခဲ့ခြင်းဖြစ်ပါတယ်။ကုလသမဂ္ဂအတွင်းရေးမှူးချုပ် ကိုဖီအာနန်နဲ့ ကနေဒါအစိုးရတို့ရဲ့ ကြိုးပမ်းမှုကြောင့် ၂၀၀၀ ပြည့်နှစ်အစောပိုင်းမှာ စတင်ပေါ်ပေါက်ခဲ့တာပါ။ အချုပ်အခြာအာဏာ (Sovereignty) နှင့် လူ့အခွင့်အရေး (Human Rights) တို့ အားပြိုင်တဲ့သဘောဖြစ်ပြီး ကုလသမဂ္ဂအတွင်း အငြင်းပွားဖွယ်ရာ ကိစ္စတစ်ရပ် ဖြစ်နေတယ်ဆိုတာကိုလည်း လေ့လာတွေ့ရှိရပါတယ်။ အချုပ်အခြာအာဏာပိုင် နိုင်ငံတစ်နိုင်ငံအနေနဲ့ မိမိနိုင်ငံအတွင်း နေထိုင်ကြသူများအားလုံးအပေါ်တာဝန်ရှိကာ “Sovereignty as Responsibility” အရ သက်ဆိုင်ရာ နိုင်ငံတစ်နိုင်ငံအနေနဲ့ ယင်းနိုင်ငံအတွင်း နေထိုင်ကြတဲ့ ပြည်သူလူထု (Populations) ကို အကာအကွယ်မပေးလို၍ဖြစ်စေ၊ အကာအကွယ် မပေးနိုင်တဲ့အချိန်ဖြစ်စေ၊ ကာကွယ်ရန် တာဝန်သည် နိုင်ငံတကာအသိုက်အ၀န်းထံ၌ ရှိသည်ဆိုတဲ့ အယူအဆအရ R to P ကို ပြဋ္ဌာန်းခဲ့တာဖြစ်တယ်လို့ လေ့လာတွေ့ရှိရပါတယ်။ အဲဒီလိုပြဋ္ဌာန်းရာမှာ သတိပြုရန်အချက်က ပြည်သူလူထု (Populations) ဟု ခြုံငုံဆိုထားပြီး နိုင်ငံသား (Citizens) လို့ ကန့်သတ်ထားတာ မရှိဘူးလို့ တွေ့ရှိရပါတယ်။ ဒါကြောင့် ဒီအချက်ဟာ အထူးသတိထားရမယ့် အချက်ဖြစ်ပါတယ်။ R2P ကို၂၀၀၅  ခုနှစ်က ကုလသမဂ္ဂ အထွေထွေညီလာခံမှာ အတည်ပြုခဲ့ပြီး UN World Summit Out come Documentရဲ့ စာပိုဒ်-၁၃၈၊ ၁၃၉  နဲ့ ၁၄၀ တို့၌ ဖော်ပြထားပါတယ်။ အဲဒီလို ဖော်ပြရာမှာ လက်ရှိအချိန်အထိ R2P ပြုလုပ်ရန် အတွက် ပြစ်မှုလေးမျိုးနဲ့ သတ်မှတ်ထားကြောင်း တွေ့ရမည်ဖြစ်ပါသည်။ အဲဒီပြစ်မှုလေးမျိုးကတော့-

(၁) လူမျိုးသုဉ်းသတ်ဖြတ်မှု (Genocide)

(၂) စစ်ရာဇ၀တ်မှု (War Crime)

(၃) လူမျိုးစုသုတ်သင်ရှင်းလင်းမှု(Ethnic Cleansing)

(၄) လူသားမျိုးနွယ်အပေါ် ကျူးလွန်သည့်ပြစ်မှုများ (Crimes against Humanity)

မြန်မာနိုင်ငံကို ရခိုင်ပြည်နယ်အရေးနဲ့ ကချင်ပြည်နယ်၊ ရှမ်းပြည်နယ်အတွင်း ဖြစ်ပွားနေတဲ့ ငြိမ်းချမ်းရေးဖြစ်စဉ်တွေကိုအကြောင်းပြုပြီး ကုလသမဂ္ဂ၊ နိုင်ငံတကာနဲ့ တချို့မီဒီယာတွေက ဖိအားပေးဆောင်ရွက်မှုတွေ ရှိနေတာတွေရှိပါတယ်။ R to P ပြစ်မှု မြောက်စေသည့်အချက်တွေနဲ့ ကျုံးသွင်းပြောဆိုပြီး ဖိအားပေးနေတယ်ဆိုတာကို လေ့လာတွေ့ရှိရမှာဖြစ်ပါတယ်။ ဘင်္ဂါလီအရေး လှုပ်ရှားသူတွေကလည်း ကုလသမဂ္ဂမှာ မြန်မာနိုင်ငံကို R to P အရ အရေးယူနိုင်ရေးအတွက် သူတို့ရဲ့ အဆက်အသွယ်တွေနဲ့ ကြိုးပမ်းဆောင်ရွက်လျက်ရှိနေတာကိုတွေ့ရပါတယ်။

R2P မှာ ဥပဒေအရ ချုပ်နှောင်မှုမရှိသလို လက်တွေ့ဘယ်လိုကျင့်သုံးမယ်ဆိုတာနဲ့ ပတ်သက်ပြီး နိုင်ငံတကာမှာလည်း သဘောတူညီမှုမရှိသေးပါ။ ဒီအတွက်ကြောင့် သူတို့ဝင်ချင်ရင် အချိန်မရွေး အကြောင်းပြချက်မျိုးစုံပြပြီး မိမိနိုင်ငံရဲ့ အချုပ်အခြာအာဏာကို တိုက်ခိုက်ထိပါး စော်ကားခွင့်ရှိနေပြန်ပါတယ်။ ဒါက အသေအချာစဉ်းစားပြီး ဆန့်ကျင်ကာကွယ်ရမယ့်အချက်ဖြစ်ပါတယ်။ လက်ရှိအခြေအနေမှာ မြန်မာနိုင်ငံကို လူမျိုးတစ်မျိုးလုံးကို အစုလိုက်အပြုံလိုက်သတ်ဖြတ်မှု (Genocide)၊ စစ်ရာဇ၀တ်မှုကျူးလွန်မှု (War Crime)၊ လူမျိုးသုဉ်းသတ်ဖြတ်မှု (Ethnic Cleansing)၊ လူသားဖြစ်တည်မှုကိုဆန့်ကျင်မှု (Crimes against Humanity) အစရှိတဲ့ စွဲချက်တွေနဲ့ အန္တရာယ်အရှိဆုံး တိုင်းပြည်အဖြစ် အနီရောင်အဆင့် သတ်မှတ်ထားတယ်။

 

မေး – နောက်တစ်ခုက ၁၉၈၂ နိုင်ငံသားဥပဒေကိစ္စပေါ့။ ကိုဖီအာနန်က ပြောခဲ့ပါတယ်။ ၁၉၈၂ နိုင်ငံသားဥပဒေကို နိုင်ငံတကာစံချိန်စံညွှန်းနဲ့အညီ ပြင်ဆင်သင့်တယ်ဆိုတာ ဘာကြောင့်ပြောတယ်လို့ထင်လဲ။

ဖြေ – မြန်မာနိုင်ငံရဲ့ နိုင်ငံသားဥပဒေကိုမပြောခင် နိုင်ငံတကာစံချိန်စံညွှန်းမီတဲ့ ဥပဒေဆိုတာ ဘယ်လိုဥပဒေမျိုးလဲဆိုတာ ကိုဖီအာနန်ကိုပြန်မေးရမယ်။ အခြားအခြားသောနိုင်ငံတွေမှာရှိတဲ့ နိုင်ငံသားဥပဒေတွေဟာလည်း နိုင်ငံတကာစံချိန်စံညွှန်းနဲ့အညီ ပြဋ္ဌာန်းထားတာလား။ နိုင်ငံတိုင်းဟာ မိမိနိုင်ငံနဲ့ သင့်တော်မယ့် နိုင်ငံသားဖြစ်မှုဥပဒေတွေကို ပြဋ္ဌာန်းထားကြတာချည်းပါပဲ။နိုင်ငံတကာ စံချိန်စံညွှန်း ဆိုတာ ဘယ်လိုသတ်မှတ်ထားတာပါလဲ။ တကယ်လို့များ အမေရိကန်နိုင်ငံက နိုင်ငံသားဥပဒေဟာ နိုင်ငံတကာစံချိန်စံညွှန်းနဲ့ မမီလို့ဆိုပြီး ပြင်ခိုင်းမယ်၊ အမေရိကန်နိုင်ငံသား ဥပဒေဟာ အမေရိကန်နယ်စပ်တစ် လျှောက်က၀င်လာမယ့် အခြားနိုင်ငံသားတွေအတွက် နိုင်ငံတကာစံချိန်နဲ့မကိုက်လို့ ပြင်ခိုင်းပေမဲ့ အဲဒီဥပဒေဟာ အမေရိကန် နိုင်ငံသားတွေအတွက် စံချိန်ညီတယ် လိုက်နာနိုင်တယ်၊ အမေရိကန်နိုင်ငံသားဖြစ်မှုကို အကာအကွယ်ပေးထားတယ်ဆိုရင် အဲဒီနိုင်ငံသားဥပဒေကို အမေရိကန်ပြည်သူလူထုနဲ့ တရားစီရင်ရေးက အလွယ်တကူပြင်ပေးမလားဆိုတာ ပြန်စဉ်းစားရပါမယ်။ ၁၉၈၂ မြန်မာနိုင်ငံသားဥပဒေက အများကြီး ပျော့ပျောင်းတယ်လို့မြင်ပါတယ်။ နိုင်ငံသားအဖြစ် ခံယူမယ်ဆိုရင် တိုင်းရင်းသားဘာသာစကား တစ်ခုတတ်ကျွမ်းရမယ်လို့ပါပေမဲ့ မည်သည့် စာမေးပွဲစနစ်ဖြင့် စစ်ဆေးမယ်ဆိုတာမပါဘူး။ အခြားနိုင်ငံတွေမှာ နိုင်ငံသားဖြစ်ဖို့ဆိုရင် ဖြေရမယ့်စာမေးပွဲတွေရှိပါတယ်။  မြန်မာနိုင်ငံသားဥပဒေဟာ မြန်မာနိုင်ငံသားတွေ နဲ့ကိုက်ညီနေပေမဲ့ တခြားခိုးဝင်လာမယ့်လူတွေနဲ့ မကိုက်ညီလို့ ပြင်ခိုင်းမယ်ဆိုတရားပါသလား။ မြန်မာနိုင်ငံသားဥပဒေမှာ တိုင်းရင်းသား မိဘနှစ်ပါးက မွေးဖွားလာတာမဟုတ်ဘဲ နိုင်ငံသားခံယူချင်တယ်ဆိုရင် မည်သို့စိစစ်ပြီး နိုင်ငံသားအဖြစ် လျှောက်ထားနိုင်တယ်ဆိုတာပါပြီးသားပါ။ အဲဒီအတိုင်းစိစစ်ပြီး သေချာတယ်ဆို မြန်မာနိုင်ငံသားဖြစ်မှာပါ။ကိုယ့်နိုင်ငံရဲ့ တရားဝင်အတည်ပြုထားတဲ့ ဥပဒေကို ပြုပြင်ခွင့်၊ ပြင်ဆင်ခွင့်ဆိုတာ ကိုယ့်နိုင်ငံက တရားဥပဒေပြုရေးနဲ့ လွှတ်တော်က လုပ်ရမယ့်ကိစ္စပါ။ ကိုယ့်နိုင်ငံ ဥပဒေဟာ တရားမ၀င် ၀င်လာသူတွေအတွက် အဆင်မပြေလို့ဆိုပြီး အခြားဘယ်နိုင်ငံကမှ ပြုပြင်ဖို့ဖိအားပေးဖို့အကြောင်း မရှိပါဘူး။

 

မေး – ကျွန်တော်တို့လည်း ဘူးသီးတောင်၊ မောင်တော အကြမ်းဖက်တိုက်ခိုက်ခံရမှုဖြစ်စဉ်တွေနဲ့ ပတ်သက်ပြီး မျက်ခြည်မပျက် ထဲထဲဝင်ဝင်သတင်းယူခဲ့ပါတယ်။ အဲဒီမှာ ဘာတွေရလဲဆိုတော့ ဒီ ARSA အဖွဲ့မှာ ဒေသခံ ဘင်္ဂါလီတွေအပြင် ပါကစ္စတန်တို့၊ အရှေ့အလယ်ပိုင်းတို့ကလို အကြမ်းဖက်သမားတွေ စိမ့်ဝင်နေပြီး သူတို့က ဦးဆောင်မှုပေးတဲ့ အနေအထားဖြစ်နေတယ်။ တစ်ဖက်မှာလည်း နိုင်ငံတကာရဲ့ ဖိအားကလည်း ရှိနေတယ်ဆို တော့ အစိုးရနဲ့ တပ်မတော်မှာလည်း လုပ်ရကိုင်ရခက်တဲ့ အနေအထားဖြစ်နေတယ်။ ဒီလိုအခြေအနေတွက အကြမ်းဖက်တိုက်ခိုက်မှုတွေကို ရေရှည်မှာ ပိုမိုအားကောင်းလာနိုင်တဲ့ သဘောဖြစ်နေမလား။

ဖြေ – အရှေ့အလယ်ပိုင်းမှာ ISIS တို့ရဲ့ မြို့တော် ရက်ကာကျဆုံးပြီး ဒီအဖွဲ့က တဖြည်းဖြည်း စတင်ပြိုကွဲနေတာ မြင်ရပါတယ်။ အဲဒီအတွက် နိုင်ငံတကာက သွားရောက်တိုက်ခိုက်နေကြတဲ့ အကြမ်းဖက်သမားတွေက မူရင်းနေရပ်ဒေသတွေကို ပြန်လာနေကြတယ်။ ဒါဟာ ကျွန်တော်တို့ နိုင်ငံအတွက်သာမက ဒေသတွင်းလုံခြုံရေးအတွက်ပါ စိုးရိမ်စရာအချက် ဖြစ်နေတယ်။ နောက်တစ်ချက်က ISIS တွေဟာ အကြမ်းဖက်လုပ်ငန်းတွေ လုပ်ဆောင်ဖို့အတွက် ခြေကုပ်နယ်မြေသစ်တွေကို အာဖရိကတိုက်၊ ဥရောပအရှေ့ပိုင်းနဲ့ အာရှဒေသက ဆင်းရဲတဲ့ နိုင်ငံတွေမှာ ရှာထားပြီး ဖြစ်နေတယ်။

ကျွန်တော်တို့ နိုင်ငံသမိုင်းကို ပြန်ကြည့်ရင်လည်း ၁၉၉၄ ခုနှစ်လောက်က အင်ဒိုနီးရှားအခြေစိုက် JI အဖွဲ့ဟာ PSO တွေနဲ့ ပေါင်းပြီး ရခိုင်ပြည်နယ်မှာ အကြမ်းဖက်လေ့ကျင့်ရေးကျောင်း တည်ထောင်ဖို့ကြိုးစားခဲ့ဘူးပါတယ်။ ရခိုင်ဒေသရဲ့ ရေမြေတောတောင်ထူထပ်မှုကြောင့် တည်ထောင်နိုင်ခြင်းမရှိတော့ဘဲ ဖိလစ်ပိုင်းနိုင်ငံတောင်ပိုင်းကို ရွှေ့ပြောင်း အခြေစိုက်ခဲ့ကြောင်း လေ့လာသိရှိရပါတယ်။ဖိလစ်ပိုင်းနိုင်ငံတောင်ပိုင်းကို ရွှေ့ပြောင်းအခြေစိုက်ခဲ့ကြောင်း လေ့လာသိရှိရပါတယ်။

လက်ရှိ ကျွန်တော်တို့ကြုံတွေ့နေရတဲ့ ခြိမ်းခြောက်မှုက ARSA လို့ခေါ်တဲ့ Arakan Rohingya Salvation Army ဖြစ်ပါတယ်။ ဒီအဖွဲ့ကို သူတို့ အခွင့်အရေးရဖို့ သက်သက် တောင်းဆိုတိုက်ပွဲဝင်နေတဲ့ သာမန်အဖွဲ့ သက်သက်အဖြစ် သတ်မှတ်လို့ မရပါဘူး။ ၂၀၁၆ ဖြစ်စဉ်နဲ့ ၂၀၁၇ သြဂုတ်လဖြစ်စဉ်တွေကို နှိုင်းယှဉ်ကြည့်မယ်ဆိုရင် ဒီအဖွဲ့ဟာ ပိုမိုစနစ်ကျစွာ စုဖွဲ့လာတယ်။ စနစ်တကျ ကွပ်ကဲ တိုက်ပွဲဝင်လာတယ်။ စစ်နည်းဗျူဟာတွေကို စနစ်ကျစွာ အသုံးပြုလာတာတွေကို မြင်တွေ့ရမှာ ဖြစ်ပါတယ်။ လက်လုပ်ဗုံးလုပ်တဲ့ နည်းပညာတွေလည်း ပိုမိုကောင်းမွန်လာတာကို တွေ့မြင်ရမှာ ဖြစ်ပါတယ်။ ဒါအပြင် မေယုတောင်ကြောပေါ်မှာ လိုဏ်ခေါင်းတူးပြီး လေ့ကျင့်ရေးစခန်း တည်ဆောက်ထားတာကိုလည်း လုံခြုံရေးတပ်ဖွဲ့ဝင်တွေက သိမ်းဆည်းရရှိခဲ့ပါတယ်။

နောက်တစ်ချက်ကတော့ ၂၀၁၇ သြဂုတ်လ ဖြစ်စဉ်မတိုင်ခင် ရက်ပိုင်းအလိုမှာ ပါကစ္စတန်တပ်မတော် ထောက်လှမ်းရေး (ISI) ၊ ဆီရီးယားမှာရှိတဲ့ ISIS ခေါင်းဆောင်တွေနဲ့ အာဆာအဖွဲ့တို့ တယ်လီဖုန်းဆက်သွယ် ပြောဆိုခဲ့တာကို အိန္ဒိယနဲ့ ဘင်္ဂလားဒေ့ရှ် ထောက်လှမ်းရေးအဖွဲ့တွေ ကြားဖြတ် ဖမ်းယူရမိခဲ့တာတွေ ရှိပါတယ်။ ဒါတွေကို ကြည့်ခြင်းဖြင့် ကျွန်တော်တို့ နိုင်ငံရဲ့လုံခြုံရေးကို ပြည်ပကပါ ခြိမ်းခြောက်လာတာဖြစ်ကြောင်း သုံးသပ်မိပါတယ်။

အခုလောလောဆယ်မှာ ARSA ဟာ ငြိမ်နေပေမယ့် တစ်ချိန်မှာ နောက်က ကြိုးကိုင်သူတွေ အမိန့်ပေးလိုက်တာနဲ့ ဒီနာမည်နဲ့ပဲ ဖြစ်စေ၊ နာမည်အသစ်ခံယူပြီးပဲဖြစ်စေ ပြန်လည် ခေါင်းထောင်လာဦးမှာ ဖြစ်ပါတယ်။

 

မေး – အခုဆိုရင် အစိုးရအနေနဲ့ ပြန်လည်နေရာချထားရေး ကိစ္စတွေ ပြန်လည်ထူထောင်ရေးကိစ္စတွေကို  ဆောင်ရွက်နေပေမယ့် ဘင်္ဂါလီတွေက တစ်ဖက် ဘင်္ဂလားဒေ့ရ်ှနိုင်ငံကို ထွက်ခွာနေကြဆဲဖြစ်တာ တွေ့ရတယ်။ အကြမ်းဖက်မှုနောက်ပိုင်း နေစရာစားစရာနဲ့အလုပ်အကိုင်ရှားပါးလို့ အခုလို ထွက်ခွာနေကြတာလို့ ပြောကြတယ်။ ဒါပေမဲ့ နိုင်ငံတကာရဲ့ အမြင်မှာကျတော့ တစ်မျိုးဖြစ်သွားမယ်လို့ ထင်တယ်။ ဒီအခြေအနေတွေ ကို ဘယ်လိုကိုင်တွယ်သင့်တယ်လို့ မြင်လဲ။

ဖြေ – လက်ရှိအခြေအနေကို ကိုင်တွယ်ဖို့ မဟာဗျူဟာ (Comprehensive Strategy) တစ်ခု ချမှတ်ဖို့တော့ လိုအပ်ပါတယ်။ ကိုဖီအာနန်အစီရင်ခံတစ်ခုတည်းကိုတော့ Road Map အဖြစ် ယူရမယ်လို့တော့ မထင်ပါဘူး။ ယခင် ပထမ ရခိုင်ကော်မရှင်ရဲ့ အစီရင်ခံစာလည်း ရှိပါတယ်။ ကောင်းတဲ့အချက်တွေ သင့်တော်တဲ့ အချက်တွေကို ထုတ်နုတ်ပြီး မဟာဗျူဟာတစ်ခု ရေးဆွဲသင့်တယ်လို့ မြင်ပါတယ်။ ၁၉၈၂ မြန်မာနိုင်ငံသား ဥပဒေအရ စိစစ်လက်ခံရမယ်။ နေရာချထားပေးတာ လုပ်ပေးရပါမယ်။ လက်ရှိ လုပ်ပေးနေတာတွေလည်း ရှိပါတယ်။ သို့သော်လည်း ဒေသခံ တိုင်းရင်းသားတွေဖြစ်တဲ့ ရခိုင်၊ မြိုနဲ့ ဟိန္ဒူဘာ သာဝင်တွေရဲ့ လုံခြုံရေးကို အာမခံချက်ပေးနိုင်ဖို့ကလည်း အရေးကြီးပါတယ်။ ပြန်ဝင်လာကြတဲ့ သူတွေထဲမှာ အေးအေးချမ်းချမ်းနေချင်တဲ့ သူတွေပါမှာဖြစ်သလို အကြမ်းဖက်လုပ်ရပ်တွေလုပ်မယ့် အကြမ်းဖက်သမားတွေလည်း ပြန်ဝင်လာမှာပဲ ဖြစ်ပါတယ်။ ဒေသတွင်းမှာ နေထိုင်မယ့်သူတွေ ပြန်လည်ထူ ထောင်ဖို့ စီးပွားရေး တိုးတက်အောင်လုပ်ဖို့ဆို တာလည်း လုံခြုံရေးအာမခံချက်ပေးနိုင်မှ ဖြစ်မှာပါ။ ဒါကြောင့် ဘက်ပေါင်းစုံစဉ်းစားပြီး ရေတိုအတွက်မဟုတ်ဘဲ ရေရှည်အတွက် မဟာဗျူဟာ (Comprehensive Strategy) တစ်ခု ရေးဆွဲဖို့ လိုအပ်တယ်လို့ပဲ မြင်ပါတယ်။

 

မေး – ရခိုင်ပြည်နယ်မြောက်ပိုင်းမှာ ဖြစ်ပျက်နေတဲ့ အကြမ်းဖက် တိုက်ခိုက်မှုတွေဟာဆိုရင် လူ့အဖွဲ့အစည်း နှစ်ခုအကြားက ပဋိပက္ခပုံစံမျိုးမဟုတ်ဘဲ နယ်မြေလုယူလိုတဲ့ အခြေအနေဖြစ်လာတယ်။ အကြမ်းဖက်မှုအပြင် ရိုဟင်ဂျာဆိုတဲ့ အမည်တစ်ခုနဲ့ ဘင်္ဂါလီတွေကို နိုင်ငံရေးအရ သွေးထိုးလှုံ့ဆော်မှုတွေကလည်း ရှိနေတယ်။ တစ်ဖက်မှာလည်း ပြည်နယ်အသီးသီးမှာ တိုင်းရင်းသား လက်နက်ကိုင်တွေ ရှိနေတယ်။ ငြိမ်းချမ်းရေးကလည်း ထင်သလောက် ခရီးမပေါက်ဖြစ်နေတယ်။ ဒီအပေါ်မှာ ပြည်ထောင်စုရဲ့ အနာဂတ်အတွက် စိုးရိမ်ရတဲ့ အနေအထားဖြစ်နေမလား။

ဖြေ – အခုဆိုရင် နိုင်ငံတကာကလည်း ရခိုင်ကိစ္စကို အကြောင်းပြုပြီး ကျွန်တော်တို့ နိုင်ငံကို ဖိအားပေးနေပါတယ်။ အကြမ်းဖက်မှုက ရခိုင်မြောက်ပိုင်းမှာပဲ ကျွန်တော်တို့က အာရုံစူးစိုက်နေသော်ငြားလည်း အကြမ်းဖက်မှုလုပ်နိုင်တဲ့ အဖွဲ့အစည်းတွေဟာ မြန်မာတစ်နိုင်ငံလုံးအနှံ့မှာ ရှိပြီးသားဖြစ်ပါတယ်။ နယ်စပ်တွေမှာလည်းပဲ ရှိပြီးသားဖြစ်ပါတယ်။ ဒီနယ်စပ်တွေမှာ လက်နက်တွေကို လိုသလို အလွယ်တကူရနိုင်တဲ့ နေရာတွေလည်းပဲ အများကြီးရှိပါတယ်။ ဒါတွေဟာ အချိန်ကျလာလို့ရှိရင် တစ်တိုင်းပြည်လုံးအနှံ့မှာ မဖောက်ခွဲဘူးလို့ မပြောနိုင်ပါဘူး။ ဒါကြောင့်လည်း ဒါကို အထူးသတိထားဖို့၊ ကြိုတင်ပြီးတော့ စောင့်ကြည့်ထားပြီးတော့ ကာကွယ်ထားဖို့ လိုပါတယ်။ ငြိမ်းချမ်းရေးကလည်း ထင်သလောက် ခရီးမပေါက်သေးဘူးလို့ သုံးသပ်နေကြတာရှိပါတယ်။ ဒါပေမဲ့ အတိုင်းအတာတစ်ခုအထိတော့ ရောက်လာပြီလို့ မြင်ပါတယ်။

ဒါတွေအားလုံးကို စုပေါင်းပြီး ကြည့်မယ်ဆိုရင်တော့ စိုးရိမ်စရာအနေအထား တစ်ခုအဖြစ် မြင်လို့ရပါတယ်။ ဒီလိုအခြေအနေမျိုးတွေကြောင့် အရေးအခင်းတစ်ခုခု ဖြစ်လာမှ ထလုပ်တာမျိုးမဟုတ်ဘဲ စနစ်တကျ တုံ့ပြန်နိုင်ဖို့အတွက် အမျိုးသားလုံခြုံရေးမူဝါဒ (National Security Policy) တစ်ရပ်ချ မှတ်ဖို့ လိုအပ်ပါတယ်။ အစိုးရက ဦးဆောင်ပြီး ပညာရှင်အားလုံးပါဝင်မယ့် All Inclusive Approach နဲ့ ရေးဆွဲသင့်တယ်လို့ သုံးသပ်မိပါတယ်။

 

မေး – နောက်ဆုံးအနေနဲ့ အမျိုးသားလုံခြုံရေး၊  ပြည်ထောင်စုအနာဂတ်အရေးကိစ္စတွေနဲ့ ပတ်သက်ပြီး ဖြည့် စွက်ပြောကြားလိုတာ ဘာများရှိပါလဲ။

အမျိုးသားလုံခြုံရေး ခြိမ်းခြောက်ခံတဲ့ အန္တရာယ်ကို ပြည်သူတွေဒီထက်ပိုပြီးကျယ် ကျယ်ပြန့်ပြန့်သိဖို့ လိုအပ်ပါတယ်။ လုံခြုံရေးကဏ္ဍတွေမှာ အားလုံးက တာဝန်သိစွာ ပူးပေါင်းကူညီဖို့ လိုအပ်ပါတယ်။ အစိုးရအနေနဲ့လည်း လွတ်လပ်တဲ့ နိုင်ငံတစ်နိုင်ငံရဲ့အချုပ် အခြာအာဏာပိုင် အစိုးရပီသစွာ နိုင်ငံတကာက အခြေအမြစ်မရှိတဲ့ စွပ်စွဲမှုတွေကို စနစ် တကျ တွန်းလှန်ဖို့လုပ်ဆောင်ရမှာ ဖြစ်ပါတယ်။ ပြည်သူလူထုရဲ့ စိုးရိမ်ပူပန်မှုတွေကို နှစ်သိမ့်ပေးနိုင်မယ့် အနေအထားမျိုးလုံခြုံရေးဆိုင်ရာ အာမခံချက်ပေးနိုင်မယ့် အနေအထားမျိုးကို ပွင့်လင်းမြင်သာစွာ လုပ်ဆောင်ဖို့ လိုအပ်တယ်လို့ ပြောကြားလိုပါတယ်။

မြန်မာနိုင်ငံ ဆောက်လုပ်ရေးလုပ်ငန်းရှင်များအသင်း အလုပ်အမှုဆောင် ဦးမျိုးမြင့်နှင့် တွေ့ဆုံမေးမြန်းခြင်း

လက်ရှိအချိန်မှာ ဆောက်လုပ်ရေး လုပ်ငန်းများအနေနဲ့ အရောင်းအ၀ယ်ကျဆင်းမှု၊ လုပ်ငန်းများ ဆက်လက်လုပ်ဆောင်ရန် ငွေကြေးလည်ပတ်စီးဆင်းမှုဆိုင်ရာတွေမှာ အခက်အခဲများနဲ့ ရင်ဆိုင်နေရပါတယ်။ တစ်ဖက်မှာလည်း နိုင်ငံတော်အပိုင်းက ပြည်သူလူထု အလွှာပေါင်းစုံအသီးသီး လူနေမှုဘ၀ တိုးတက်မြင့်မားစေဖို့အတွက် တန်ဖိုးသင့်၊ တန်ဖိုးနည်းအိမ်ရာ စီမံကိန်းများကို ဖော်ဆောင်လျက်ရှိရာ ယင်းစီမံကိန်းများမှာ ပုဂ္ဂလိကဆောက်လုပ်ရေး လုပ်ငန်းရှင်များအနေဖြင့် ၀င်ရောက်လုပ်ကိုင်လာခြင်းက နည်းပါးနေပါတယ်။ ဒါကြောင့် ပြည်တွင်းဆောက်လုပ်ရေးလုပ်ငန်းများ လက်ရှိကြုံတွေ့နေရတဲ့ အခက်အခဲများနဲ့ အနာဂတ်တွင် မည်ကဲ့သို့ အလားအလာကောင်းများ ရှိနေသလဲဆိုတာကို မြန်မာနိုင်ငံ ဆောက်လုပ်ရေးလုပ်ငန်းရှင်များအသင်း၏ အလုပ်အမှုဆောင်နှင့် Young Developer Association (YDA) ၏ ဥက္ကဋ္ဌဖြစ်သူ ဦးမျိုးမြင့်နှင့် တွေ့ဆုံမေးမြန်းထားသည်များကို ဖော်ပြလိုက်ပါတယ်။

နိုင်ငံတော်က စိုက်ထုတ်ပေးတဲ့ဟာတောင် သိန်း ၃၀ ပဲ အရင်သွင်းပါဆိုတာတောင် ပြည်သူအများစုက မ၀ယ်နိုင်သေးဘူး။ ပြည်သူတွေ ပြန်ပြီးငွေသွင်းမယ့်စနစ်ကို ဘယ်သူက အာမခံပေးမှာလဲ။ အဲဒီတစ်ခုကလည်း ကျွန်တော်တို့အတွက် စိုးရိမ်စရာ ဖြစ်တယ်ပေါ့နော် . . .

 

■ မေး – လက်ရှိမှာ ရန်ကုန်မြို့က ဆောက်လုပ်ရေး လုပ်ငန်းတွေ အကျပ်အတည်း အခက်အခဲများ ရှိနေတယ်လို့ သိရပါတယ်။ ဒီအကြောင်းနဲ့ ပတ်သက်ပြီးရှင်းပြပေးပါ။

■ ဖြေ ။ ကျွန်တော်တို့ရဲ့ လက်ရှိ ရန်ကုန်မြို့ရဲ့ ဆောက်လုပ်ရေးအတွက် အကျပ်အတည်းကတော့ ပထမဆုံး အရောင်းအ၀ယ် ကျဆင်းလာတဲ့ အခက်အခဲပေါ့နော်။ ဒါပေမဲ့ ကျွန်တော်ခုနက ပြောသလိုလာမယ့် ၂၀၁၈ မှာတော့ ကျွန်တော်တို့ အများကြီး မျှော်လင့်ထားပါတယ်။ လက်ရှိအခြေအနေက အရောင်းအ၀ယ် ကျဆင်းတယ်။ ကျဆင်းပြီး ခက်ခဲတဲ့အတွက် ဘာဖြစ်လဲဆိုတော့ ငွေကြေးလည်ပတ်မှု ခက်ခဲတယ်။ နောက်ပြီးတော့လဲ အတိုးနှုန်းတွေ မြင့်မားတဲ့အတွက်လည်း ဒီအတိုးတွေကိုလဲ ထမ်းဆောင်နေရတယ်။ နောက်တစ်ခါကျတော့ ကျွန်တော်တို့ ၀န်ထမ်းတွေကို ထိန်းသိမ်းရတဲ့ အခက်အခဲပေါ့။ နောက်တစ်ခါ ကျန်ရှိနေတဲ့ နဂိုစာချုပ်ချုပ် ဆိုပြီးတော့ တည်ဆောက်မယ့် အဆောက်အအုံတွေတောင်မှ ခွင့်ပြုမိန့် တောင်းခံတဲ့အခါမှာ၊ စည်ပင်သာယာမှာ ခွင့်ပြုမိန့်တောင်းခံတာ အင်မတန် အခက်အခဲ ဖြစ်ပါတယ်။ နောက်တစ်ခု အခက်အခဲကတော့ လျှပ်စစ်နဲ့ပတ်သက်တဲ့ အခက်အခဲတွေ ဖြစ်ပါတယ်။ နောက်တစ်ခါ အခွန်အခနဲ့ ပတ်သက်တဲ့ အခက်အခဲတွေ ဖြစ်ပါတယ်။ လက်ရှိမှာ ကျွန်တော်တို့က တကယ့်ကို ဘက်ပေါင်းစုံရဲ့ ထိုးနှက်ခြင်းခံနေရတဲ့ အနေအထားမျိုးမှာ ကျွန်တော်တို့က ရုန်းကန်လှုပ်ရှားနေရတာပါ။ ဒါကြောင့်မို့ ကျွန်တော်တို့ လက်ရှိရုန်းကန် လှုပ်ရှားရင်းနဲ့ ကျန်ခဲ့တဲ့ ကုမ္ပဏီတွေကတော့ တကယ့်လူစွမ်းကောင်း တွေပဲလို့ပြောရမှာ ဖြစ်ပါတယ်။

■ မေး – ဆောက်လုပ်ရေးလုပ်ငန်းတွေက ဒီအတိုင်းဆက်သွားမယ်ဆိုရင် လုပ်ငန်းကဏ္ဍ တစ်ခုလုံး ပြိုလဲသွားနိုင်တယ်လို့ သုံးသပ်မှုတွေရှိတယ်။ အဲဒီအခြေအနေကို သုံးသပ်ပေးပါ။

■ ဖြေ ။ ကျွန်တော်တို့ အိမ်ခြံမြေက အခွန်တွေ ဒီအတိုင်းနှုန်းထားတွေ တက်နေမယ်။ ဒီထဲမှာမှ တချို့လုပ်ငန်းတွေဆိုရင် ရင်းနှီးမြှုပ်နှံတဲ့ ပမာဏက အရမ်းကြီးတယ်။ အဲဒီတော့ ဘယ်နိုင်ငံပဲဖြစ်ဖြစ် ယေဘုယျပြောမယ်ဆိုရင် အမေရိကန်နိုင်ငံဆို ကမ္ဘာမှာ အချမ်းသာဆုံးဖြစ်ပြီးတော့ သူသည်ကမ္ဘာမှာ ကြွေးမြီအထူထပ်ဆုံးနိုင်ငံပဲ။ ဒီလိုပဲ Contruction Industry မှာလဲ ဒီလိုပဲ  Developer တွေကလဲ ကြီးလာတာနဲ့အမျှ သူတို့ရဲ့ ရင်းနှီးမြှုပ်နှံတဲ့ ပမာဏများလာတယ်။ ရင်းနှီးမြှုပ်နှံမှု ပမာဏများတာ သူတို့ငွေနဲ့ချည်းပဲ ရင်းနှီးမမြှုပ်နှံနိုင်ဘူး။ အဲဒီအချိန်မှာ ဘဏ်ကို အားကိုးအားထားလုပ်ရတယ်။ အဲဒီချိန်မှာ သူတို့ပြန်လည် လည်ပတ်တဲ့ငွေသည် ရင်းနှီးမြှုပ်နှံတယ်။ တည်ဆောက်တယ်။ ပြီးရင် ပြန်ရောင်းချတယ်။ ရောင်းတဲ့ငွေနဲ့ ပြန်ထည့်တယ်။ အဲဒီချိန်မှာ ရောင်းတဲ့ငွေက မရောင်းရဘူး။ အကယ်၍ ရင်းနှီးမြှုပ်နှံထားတဲ့ ငွေတွေက ကိုယ့်ငွေတွေတင် မဟုတ်ဘဲနဲ့ ဘဏ်တွေက ယူထားတဲ့ဟာတွေဆိုရင် ဘဏ်တွေကို အတိုးနှုန်းပေးရမယ်။ ဘဏ်တွေကို အတိုးနှုန်း မပေးနိုင်ခဲ့ရင် နောက်ပြီးတော့ ဘဏ်တွေလည်း သူတို့ထုတ်ပေးထားတဲ့ ငွေတွေကို ပြန်တောင်းခဲ့ရင်ပေါ့။ ပထမက ဒီနှစ်ကုန် ဇန်န၀ါရီလောက်မှာ ဒီခြောက်လပြည့်သွားတဲ့ဟာတွေကို အားလုံးမြေကွက်တွေကို ဘဏ်တွေကို အကြွေးဆပ်ရတော့မယ်ဆိုပြီး သတင်းထွက်ပေါ်လာပါတယ်။ အခုရက်ထဲမှာတော့ ဒါတွေကိုပြန် မဆပ်ဘဲနဲ့ သုံးနှစ်ပေါ့နော်။ ပြန်ဆပ်ပြီးတော့ ချေးယူလို့ရမယ်လို့ ဗဟိုဘဏ်က ပြန်လည်ပြင်ဆင် သတ်မှတ်ပေးလိုက်တယ်လို့ သိရပါတယ်။ အကယ်၍များ အဲဒီလိုသာ ဖြစ်ခဲ့မယ်ဆိုရင် ကျွန်တော်က အစောကြီးတုန်းက ပြောထားတုန်းက အဲဒီလိုအခြေအနေ ဖြစ်နေတဲ့အတွက် တကယ်လို့ပြန်ဆပ်ရမယ်။ ပြန်လည်းမဆပ်နိုင်ဘူးဆိုရင် ဘဏ်တွေက ဘာလုပ်မလဲ ဒီမြေကွက်တွေကို လေလံတင် ရောင်းချတာတွေ၊ လျှော့ဈေးနဲ့ရောင်းချတာတွေ ဖြစ်ပြီးတော့နော်။ အကယ်၍မှ အဲဒီလိုရောင်းချတဲ့အချိန်မှာ လူကပေါရင် မ၀ယ်ဘူး။ စီးပွားရေး သဘောတရားအရ ကျွန်တော်တို့ ဈေးတက်ပြီဆိုဝယ်တယ်။ စီးပွားရေးလုပ်တဲ့သူက ကျမယ်ဆိုရင် ထပ်များကျမလားဆိုတဲ့ စိတ်ရှိတယ်။ အဲဒီသဘော တရားရှိတဲ့အတွက် ကျွန်တော်တို့က တကယ်များ အဲဒီလိုမျိုးဖြစ်ခဲ့ရင် ဘဏ်တွေမှာကလည်း ငွေမရှိတော့ဘူး။ မြေကွက်တွေပဲရှိနေမယ် အတိုးတွေလဲ မရတော့ဘူး။ အဲဒီအခါမှာ ပြည်သူလူထုကလည်း အပ်ထားတဲ့ငွေတွေကို ဘဏ်တွေကို စိုးရိမ်ပြီးထုတ်ယူမယ်ဆိုရင် ဘဏ်တွေဖြစ်မယ်။ ဘဏ်တွေဖြစ်ရင်ဘာနဲ့ တူလဲဆိုရင် နိုင်ငံရဲ့ စီးပွားရေးဖြစ်တာနဲ့ အတူတူပဲ။ ဖြစ်လာမယ်လို့ ပြောတာမဟုတ်ဘူး။ အကယ်၍များ ခုနကလို ဒီလဆန်းဒီနှစ်ဆန်းမှာသာ တကယ်အပ်ခိုင်းရင် ဖြစ်လာနိုင်တယ်ပေါ့နော်။

■ မေး – လက်ရှိ ဆောက်လုပ်ရေးလုပ်ငန်းတွေ ပြန်ပြီးကောင်းလာဖို့ဆိုရင် ဘာတွေလုပ်ဆောင် သင့်ပါသလဲ။

■ ဖြေ – နံပါတ် (၁) ကတော့ နိုင်ငံတော်အနေနဲ့ သက်မှတ်တဲ့ အခွန်နှုန်းထားတွေ လျှော့သင့်တယ်။ အခုက သိန်း ၁၀၀၀ ကျော်ရင် ၃၀ ရာခိုင်နှုန်းကောက်တော့ ၀ယ်မယ့်သူက မ၀ယ်နိုင်ဘူး။ နောက်နံပါတ် (၂) တောင်းဆိုတာက ကွန်ဒို Law မြန် မြန်ထွက်ဖို့ ကွန်ဒို Law ကလဲ ထွက်တော့မယ်ဆိုတော့ ဒါကတော်တော်လေး အခြေအနေတစ်ခု ရသွားတယ်ပေါ့နော်။ ကွန်ဒို Law ထွက်ရင် ကျွန်တော်တို့က နိုင်ငံခြားသားကို ရာခိုင်နှုန်း ၄၀ ရောင်းလို့ရမယ်။ ကြားထဲမှာတော့ သူ့လုပ်ငန်းစဉ်တွေ ရှိတာပေါ့။ နံပါတ် (၃) အချက်ကတော့ ဘဏ်အတိုးနှုန်းတွေ လျော့ချပေးဖို့။ အဲဒီတော့ ကျွန်တော်တို့ က ၁၃ ရာခိုင်နှုန်း ဘဏ်အတိုးနှုန်းက သာမန်ငွေနည်းတဲ့သူချေးတာ မသိတာပေမယ့်ငွေကို ဘီလျံနဲ့ချီ ချေးပြီးတော့ ဆောင်ရွက်ရတဲ့ သူတွေမှာကျတော့ ဘာဖြစ်လဲဆိုရင်သူ့ရဲ့ ၀န်ထုပ်ဝန်ပိုးကိုက မနည်းဘူး။ တစ်လတစ်လကို သိန်းထောင်နဲ့ချီပြီးတော့ ဒီဘဏ်တွေကို Interest Rate ပေးနေရတယ်။ အဲဒီလိုပေးနေရတဲ့အတွက် ဒီ Interest က ကြာရင်ကြာသလို နှစ်နဲ့ချီလာရင် အတိုးလဲမဆပ်နိုင်၊ အရင်းလဲမဆပ်နိုင် အခြေအနေမျိုး ရောက်သွားနိုင်တယ်။ ဒါကြောင့်မို့ ဘဏ်အတိုးနှုန်းတွေကို နိုင်ငံတော်က ပြန်ကြည့် ရှုပေးဖို့လိုတယ်။ နောက်တစ်ခု နံပါတ် (၄) အချက် ကျွန်တော်ပြောချင်တာက ဘာလုပ်ဖို့လိုလဲဆိုရင် သူတို့အစိုးရရဲ့ဥပဒေတွေ နည်းဥပဒေတွေကို ဆောက်လုပ်ရေးနဲ့ ပတ်သက်တဲ့ ဥပဒေတွေ နည်းဥပဒေတွေ တင်ဒါနဲ့ပတ်သက်တဲ့ဥပဒေတွေ နည်းဥပဒေတွေ ဒါတွေကိုလုပ်သာကိုင်သာရှိအောင် တကယ်မြေပြင်မှာ တစ်ခါတလေကျရင် ဥပဒေက စာအုပ်ထဲမှာရှိတယ်။ မြေပြင်မှာ တကယ်လုပ်လို့ မလွယ်ဘူး။ မြေပြင်မှာ တကယ်လုပ်လို့လွယ်တဲ့ ဥပဒေတွေ။ ဥပဒေတွေတင်မဟုတ်ဘူး လုပ်ထုံးလုပ်နည်းပေါ့။ တကယ့်လုပ်တဲ့ Process တွေမှာ အဲဒီလုပ်ကိုင်တဲ့ ၀န်ကြီးဌာနအသီးသီးရဲ့ ၀န်ထမ်းတွေရဲ့ တကယ့် Mind – set တွေကို Change ပေးဖို့က နည်းနည်းကြန့်ကြာမယ်။ Change ပေးနိုင်ရင်တော့ အကောင်းဆုံးပါ။ အဲဒီလိုတွေပါ လုပ်ဆောင်လိုက်မယ် ဆိုရင်တော့ဒီ Interest က ပြန်လည် တိုးတက်နိုင်ပါတယ်။

■ မေး – ပြည်တွင်း ဆောက်လုပ်ရေးလုပ်ငန်း အလားအလာ အခြေအနေများကိုလည်း သုံးသပ်ပေးစေလိုပါတယ်။

■ ဖြေ – ကျွန်တော်တို့ ၂၀၁၈ ကို ပြန်ကောင်းလာနိုင်တယ်လို့ မှန်းရတဲ့ အကြောင်းရင်းကတော့ ပထမ ကွန်ဒို Law ထွက်လာမယ်ပေါ့နော်။ ကောင်းမယ်ဆိုတာက တစ်ခါတည်း ၀ုန်းဒိုင်းနဲ့ ကျွန်တော်တို့ ၂၀၁၂ -၂၀၁၃ လိုမျိုး၊ အဲဒီလိုမျိုး ပြန်ကောင်းမယ့် အခြေအနေတော့ မဟုတ်ဘူး။ ဒါပေမဲ့ ထိုက်သင့်တဲ့ ကောင်းမွန်မှု တည်ငြိမ်လာမယ်ပေါ့။ နောက်တစ်ခု ဆောက်လုပ်ရေး လောကသားစစ်စစ် မဟုတ်တဲ့သူတွေကလည်း ဒီလောကထဲက ထွက်ပြီးတော့ တကယ့်ကို လက်ရွေးစင်တွေ ကျန်ခဲ့မယ့် သဘောရှိတာပေါ့။ ကွန်ဒို Law ထွက်လာမယ်။ ဘဏ်အတိုးနှုန်းတွေ  Commercial Tax ကျန်တာတွေလဲ လျှော့ချမယ်လို့ ကျွန်တော်တို့ ကြားနေရတယ်။ ကွန်ဒို Law ကတော့ ကျိန်းသေသွားပြီ။ အခွန်လျှော့ချ မယ်ဆိုတာ တကယ်ဖြစ်မဖြစ်ကတော့ မသိဘူး။ တကယ်လဲ လျှော့ချမယ်။ ကျန်တဲ့မူဝါဒတွေလည်း လျှော့ချနိုင်တယ်လို့ သုံးသပ်ရရှိတဲ့အတွက် ဒါကြောင့်မို့ နောင်လာမယ့်နှစ်တွေမှာ ကောင်းနိုင်တယ်လို့ မျှော်လင့်တာ။ ဒါပေမဲ့ ကျွန်တော်တို့ မျှော်လင့်ထားသလို အခွန်တွေ ကလဲ မလျှော့ချဘူး။ ကွန်ဒို Law က ထွက်တော့ထွက်လာတယ်၊ လုပ်လို့ကိုင်လို့ မလွယ်ဘဲနဲ့ သူတို့ရဲ့ Process တွေက ရှုပ်ထွေးနေရင်တော့ ကျွန်တော်တို့ အချိန်တစ်ခုတော့ စောင့်ဆိုင်းရမှာ။ ဘာပဲဖြစ်ဖြစ် ကျွန်တော်တို့ ရောင်နီလေးတော့ မြင်နေရတဲ့သဘောပါ။

■ မေး – တန်ဖိုးနည်းအိမ်ရာ ဆောက်လုပ်ရေးစီမံကိန်းတွေမှာ ဆောက်လုပ်ရေးလုပ်ငန်းရှင်တွေက ၀င်ရောက်လုပ်ကိုင်နိုင်တာ သိပ်မတွေ့ရဘူး။ ဒီအခြေအနေအပေါ်ကိုလည်း သုံးသပ်ပေးပါ။

■ ဖြေ – တန်ဖိုးနည်းအိမ်ရာက ဘာဖြစ်လဲဆိုရင် ကျွန်တော်တို့ ဆောက်လုပ်ရေးက နှုန်းကိုပဲထား။ တစ်ပေ ပတ်လည်ကို ၂၅၀၀၀ ထား။ ဒီ ၂၅၀၀၀ ဆို Squarefeet ၄၀၀ လောက်ရှိတဲ့ အခန်းဆိုရင် ကျွန်တော်တို့က အရင်းတင် သိန်း ၁၀၀ ကျော်တယ်။ အခြေခံအဆောက်အုံ မပါသေးဘူး။ မြေတန်ဖိုး မပါသေးဘူး။ ဒီလုပ်ငန်းရှင်တွေအနေနဲ့ နိုင်ငံတော်က မြေမပေးဘဲနဲ့ ကိုယ့်မြေသာ စိုက်ထုတ်လိုက်ပြီးရောင်းမယ်ဆိုရင် ဘယ်လောက်ပဲရှိတဲ့နေရာမှာပဲ သွားဆောက်ဆောက် တစ်ခန်းတစ်ခန်းကို သိန်း၂၀၀ နဲ့  ၃၀၀ လောက်ကိုရမှ ရောင်းနိုင်တဲ့ အနေအထားဖြစ်တယ်။ သူလမ်းတွေ မီးပေးတာတွေ၊ ရေပေးတာတွေ၊ အဲဒါတွေနဲ့ တည်ဆောက်တဲ့ စရိတ်တွေနဲ့ ပေါင်းလိုက်လို့ရှိရင် ဘာလို့လဲဆိုတော့ ကျွန်တော်တို့က မြေက ပေ ၁၀၀ ပတ်လည်ဆိုရင် ပေ ၁၀၀ ပတ်လည် အပြည့်သုံးလို့မရဘူး။ ၁၀ ဧကဆို ၁၀ ဧက အပြည့်သုံးလို့မရဘူး။ သူရဲ့ထိုက်သင့်တဲ့ အခြေခံအဆောက်အအုံအတွက် ၂၀ ရာခိုင်နှုန်း၊ ၃၀ ရာခိုင်နှုန်း၊ ၄၀ ရာခိုင်နှုန်းသူအတွက် တကယ်အဆင့် မြင့်လေမြင့်လေ သူအတွက် ရာခိုင်နှုန်းအများကြီး မြေကွက်တွေ၊ လမ်းတွေ၊ လမ်းကြားတွေ အဲဒီအတွက် ချန်ရတာတွေ ရှိတယ်။ အဲဒါကြောင့်မို့ အဲဒီမြေကွက် ရင်းနှီးရတဲ့တန်ဖိုးရယ်၊ အခြေခံအဆောက်အအုံအတွက် ရင်းနှီးရတဲ့တန်ဖိုးရယ်၊ တည်ဆောက်တဲ့ တန်ဖိုးတွေက မြင့်မားနေတဲ့အတွက် အဲဒီဟာက တကယ်တမ်း အိုးအိမ်တို့ ဆောက်လုပ်ရေးတို့ ရောင်းတဲ့ဟာ သိန်း ၁၀၀ ကျော်သည် သူတို့က တိုက်ခန်းဈေးပဲရှိတယ်။ မြေလဲအလကားပေးတယ်။ မြေလဲအလကားရတယ်။ အခြေခံ အဆောက်အအုံအတွက်ကလည်း နိုင်ငံတော်က စိုက်ထုတ်ပေးတဲ့ဟာတောင် သိန်း ၃၀ ပဲ အရင်သွင်းပါဆိုတာတောင် ပြည်သူအများစုက မ၀ယ်နိုင်သေးဘူး။ ပြည်သူတွေပြန်ပြီး ငွေသွင်းမယ့်စနစ်ကို ဘယ်သူက အာမခံပေးမှာလဲ။ အဲဒီတစ်ခုကလည်း ကျွန်တော်တို့အတွက် စိုးရိမ်စရာ ဖြစ်တယ်ပေါ့နော်။

■ မေး – ဒီတန်ဖိုးနည်းအိမ်ရာ စီမံကိန်းတွေမှာ ပြည်တွင်းဆောက်လုပ်ရေး လုပ်ငန်းရှင်တွေ ပါဝင်လုပ်ကိုင်ပေးဖို့ဆို ဘာတွေလိုအပ်သလဲ။

■ ဖြေ – ကျွန်တော်တို့လည်း ဘာပဲဖြစ်ဖြစ် ကိုယ့်နိုင်ငံသားဖြစ်တဲ့အတွက် ကိုယ့်နိုင်ငံသားတွေအနေနဲ့ ဒီအိမ် ကျူးကျော်တွေ ဖြစ်နေတာတွေကို ကျွန်တော်တို့လည်း စိတ်မကောင်းပါဘူး။ ကျွန်တော်တို့ အနေနဲ့လည်း လုပ်ပေးချင်တဲ့ ဆန္ဒရှိပါတယ်။ နိုင်ငံတော်က ပံ့ပိုးပေးရမယ့်အပိုင်းက မြေပံ့ပိုးပေးရမယ်။ အခြေခံအဆောက်အအုံ ပံ့ပိုးပေးရမယ်။ တန်ဖိုးနည်းအိမ်ရာတွေနဲ့ ပတ်သက်လာလို့ရှိရင် ကျွန်တော်တို့သွင်းတဲ့ ပစ္စည်းတွေကို အခွန်အခ ကင်းခကင်းလွတ်ခွင့်တွေပေးမယ်။ ဒီတန်ဖိုးနည်းအိမ်ရာ ၀ယ်တဲ့သူတွေဆို အခွန်မကောက်ဘူး။ ကျွန်တော်တို့တွေလည်း တန်ဖိုးနည်းအိမ်ရာဆောက်ရင် အခွန်တစ်မျိုးဖြစ်မယ်။ စသဖြင့် သူတို့ဘက်ကလဲ ဒီတန်ဖိုးနည်းအိမ်ရာ ပေါ်ပေါက်လာဖို့ အထောက်အပံ့ပေးမယ်ဆိုရင်တော့ ကျွန်တော်တို့ဘက်ကလည်း အရင်းလောက်ရသည့်တိုင်အောင် ကျွန်တော်တို့ ၀န်ထမ်းတွေလဲ အလုပ်ရမယ်။ နိုင်ငံတော်ရဲ့လိုအပ်ချက်ကိုလည်း ဖြည့်ဆည်းပေးတဲ့အနေနဲ့  လုပ်ငန်းရှင်တွေက လုပ်ကိုင်ချင်တဲ့ စေတနာရှိပါတယ်။ လောလောဆယ် အနေအထားကတော့ လုပ်ကိုင်နိုင်စွမ်း မရှိသေးပါဘူး။

■ မေး – တန်ဖိုးနည်းအိမ်ရာသာဆိုတယ် တစ်ခန်းကို သိန်း ၁၀၀ အထက်မှာချည်းပဲ ဖြစ်နေတယ်။ ဒီထက်တန်ဖိုးသက်သာတဲ့ နှုန်းထားများထက် ရောင်းနိုင်အောင် ဘာတွေလုပ်ဆောင်သင့်သလဲ။

■ ဖြေ – ကျွန်တော်တို့ သံချောင်းသွင်းမယ် ဒီသံချောင်းကို အခွန်မကောက် နဲ့။ ဒီအိမ်ရာအတွက် သီးသန့်ပေါ့။ သံချောင်းတန် ၁၀၀၀ ကုန်မယ်၊ တန် ၁၀၀၀၀ ကုန်မယ်။ ဒီအိမ်ရာကလွဲ ပြီးမသုံးနဲ့ လုံးဝအခွန်မကောက်နဲ့။ ထို့နည်းတူစွာ ဘိလပ်မြေအခွန် မကောက်နဲ့၊ ထို့နည်းတူစွာ Developer တွေကို အခွန်မကောက်နဲ့။ နောက်နိုင်ငံတော်က ငွေကိုထုတ်ချေးပေး။ လုပ်ငန်းရှင်က သူ့ငွေနဲ့ သူရင်းနှီးရတယ်ဆိုရင် နောက်ပြီး အတိုးကိုလျှော့ပေး။ နောက်တစ်ခါဝယ်တဲ့ သူတွေကိုလည်း နိုင်ငံတော်က ထုတ်ချေးပေး။ ၀ယ်တဲ့သူကလည်း စစ၀ယ်ချင်းမှာပဲ ကျွန်တော် တို့ကို ၁၀ ရာခိုင်နှုန်း ၂၀ ရာခိုင်နှုန်း သွင်းသွင်းသွားရင် ကျွန်တော်တို့လည်း နိုင်ငံတော်ကို သိပ်ပြီးတော့ ပိုက်ဆံချေးစရာမလိုဘူး။ ကျွန်တော်တို့ အတိုးအတွက် သိပ်မပေးရတော့ဘူး။ ၀ယ်တဲ့သူနဲ့ ထိုက်သင့်တဲ့ဟာလေးကို ၀ယ်တဲ့သူဘက်ကိုလည်း ဘဏ်တွေက ချေးပေးမယ်ဆိုရင် ဘာပဲပြောပြော တန်ဖိုးနည်းအိမ်ရာက သိန်း ၁၀၀ အောက်ကျသွားနိုင်တယ်။

သရုပ်ဆောင်ပိုင်ဖြိုးသုနှင့် တွေ့ဆုံခြင်း

“မီနဲ့ပတ်သက်လို့ အမှန်အတိုင်းပြောရရင် သုသုကြောက်ပါတယ်။ ကာရိုက်တာ အရမ်းကြီးတယ်။ ဟိုတလောကဆိုရင် လုပ်နိုင်ပါ့မလား၊ မီဖြစ်ပါ့မလားဆိုတာတွေတွေးပြီး စိတ်ဓာတ်ကျတဲ့အထိတောင်ဖြစ်တယ်”

ဆယ်ကျော်သက် သရုပ်ဆောင်တစ်ဦးအဖြစ် အနုပညာလောကအတွင်း စတင်ရောက်ရှိလာခဲ့ပြီးနောက် အနုပညာပျိုးခင်း (၂) ၏ စင်တင်မင်းသမီးတစ်ဦးအဖြစ် ဇာတ်ကားများ ဆက်တိုက်ရိုက်ကူးလာသူ၊ သရုပ်ဆောင်ပီပြင်သူတစ်ဦးအဖြစ် ပရိသတ်အသိအမှတ်ပြုအားပေးလာခဲ့သူ သရုပ်ဆောင်ပိုင်ဖြိုးသုသည် ဗီယက်နမ်နိုင်ငံတွင်ပြုလုပ်သည့် အာဆီယံရုပ်ရှင်ပွဲတော်တွင် ‘ဧဒင်ရဲ့နတ်သမီး’ ရုပ်ရှင်ဇာတ်ကားတွင် ပါဝင်သူတစ်ဦးအဖြစ် တက်ရောက်ခွင့်ရရှိခဲ့ပါသည်။ ဒီဇင်ဘာ ၁၅ ရက်မှစတင်ကာ ကိုယ်ပိုင်ထုတ်လုပ်ရေးဖြစ်သည့် ဗစ်တိုးရီးယား ထုတ်လုပ်ရေးမှ ရိုက်ကူးမည့် စာရေးဆရာမကြည်အေး၏ ‘မီ’ ရုပ်ရှင်ဇာတ်ကားအတွက် ပြင်ဆင်လျက်ရှိသည့် သရုပ်ဆောင်ပိုင်ဖြိုးသုနှင့်တွေ့ဆုံ၍ ‘မီ’ ဇာတ်ကားအတွက် ပြင်ဆင်နေမှု များ၊ စိန်ခေါ်မှုများနှင့် ဆက်လက်လုပ်ဆောင်သွားမည့်အနုပညာလုပ်ငန်းများအကြောင်းအား မေးမြန်းဖြစ်ခဲ့ပါသည်။

 

မေး – အာဆီယံရုပ်ရှင်ပွဲတော်ကို တက်ဖြစ်ခဲ့တဲ့အကြောင်းလေး အရင်ပြောပြပေးပါဦး။

ဖြေ – ဗီယက်နမ် ဒါနမ်းမြို့မှာလုပ်တဲ့ အာဆီယံရုပ်ရှင်ပွဲတော်ကို ညီမကိုလွှတ်တာကတော့ ရုပ်ရှင်လုပ်ငန်းနဲ့ ထုတ်လုပ်သူမခင်စန္ဒာမြင့်ပေါ့။ သူတို့ရဲ့ ‘ဧဒင်ရဲ့နတ် သမီး’ ဇာတ်ကားပြတာဖြစ်တဲ့အတွက် ကိုယ်စားတက်ရောက်ပေးရတာပါ။

 

မေး – ‘ဧဒင်ရဲ့နတ်သမီး’ ဇာတ်ကားကိုကြည့်ပြီးတဲ့အခါမှာရော ဘယ်လိုတုံ့ပြန်မှုတွေကြားရလဲ။

ဖြေ – သူတို့လည်း သိချင်တာတွေ အများကြီးမေးတယ်။ Press Conference လုပ်ပေးတဲ့အခါမှာလည်း မေးကြတယ်။ ကိုယ့်ဘက်က အကြောင်းတွေပြောပြရတာ တွေရှိသလို သူတို့ဆီကအကြောင်းတွေကိုလည်း အများကြီး လေ့လာခွင့်ရပါတယ်။

 

မေး – Film Industry နဲ့ပတ်သက်လို့ရော ဘာတွေသိချင်တာများ ရှိကြလဲ။

ဖြေ – သူတို့စိတ်ဝင်စားတယ်။ ရုပ်ရှင်တစ်ကားမှာ Budget ဘယ်လောက်သုံးသလဲ ဆိုတာမျိုးတွေမေးတယ်။ သုသုအဓိကပြောပြခဲ့တာကတော့ မြန်မာရုပ်ရှင်တွေအနေနဲ့ လက်ရှိမှာကောင်းအောင်ကြိုးစားနေကြတယ်ဆိုတာပါ။သူတို့ဘက်ကလည်း ပူးပေါင်းလုပ်ချင်တယ်ဆိုတဲ့ စကားလေးတွေလည်း ကြားခဲ့ရတယ်။

 

မေး – ညီမလေးရဲ့ထုတ်လုပ်ရေးကနေရိုက်ကူးမယ့် ‘မီ’ ဇာတ်ကားအတွက် ပြင်ဆင်နေတာတွေကို ပြောပြပေးပါဦး။

ဖြေ – ‘မီ’ က ဒီဇင်ဘာ ၁၅ ရက်မှာစရိုက်မှာပါ။ ဟိုနေ့က Preshoot လုပ်တယ်။ အဲဒီဇာတ်ကားမှာဝတ်မယ့် အ၀တ်အစားအတိုင်း၊ အသုံးအဆောင်အတိုင်း လုပ်ကြည့်တယ်။ အဓိက,ကတော့ အားနည်းချက်၊ အားသာချက်တွေ သိချင်တာပေါ့နော်။

 

မေး – ဒီဝတ္ထုက ရုပ်ရှင်အဖြစ်ဖန်တီးဖို့ တာဝန်ကြီးတယ်ဆိုတော့ ဇာတ်ကားအတွက် စိတ်လှုပ်ရှားမှုနဲ့ ပြင်ဆင်ပြီးသလောက် ကိုယ့်ကိုယ်ကိုယ် ကျေနပ်မှုကိုလည်း သိချင်ပါတယ်။

ဖြေ – ‘မီ’ နဲ့ပတ်သက်လို့ အမှန်အတိုင်းပြောရရင် သုသုကြောက်ပါတယ်။ ကာရိုက်တာ အရမ်းကြီးတယ်။ ဟိုတလောကဆိုရင် လုပ်နိုင်ပါ့မလား၊ မီဖြစ်ပါ့မလားဆိုတာ တွေတွေးပြီး စိတ်ဓာတ်ကျတဲ့အထိတောင်ဖြစ်တယ်။ ဆရာမကြီးကြည်အေးက သုသုအရမ်းကြိုက်ပြီး လေးစားရတဲ့ စာရေးဆရာမကြီးဖြစ်တယ်။ ‘မီ’ တို့၊ ‘နွမ်းလျ အိမ်ပြန်’ တို့ဆိုတာက ဆရာမကြီးရေးခဲ့တဲ့ ကာရိုက်တာတွေထဲမှာ အရမ်းဟဲဗီးဖြစ်တယ်။ ဒါရိုက်တာ ကိုဏကြီးက သုသုကို အများကြီး Support ပေးပါတယ်။ Character Development တွေလည်း လုပ်ရတယ်။ ‘မီ’  ဇာတ်ရုပ်နဲ့ပတ်သက်လို့ ဒိုင်ယာရီ ရေးခိုင်းတယ်။ အများကြီးတော့ ကြိုးစားထားပါတယ်။ Preshoot လုပ်တုန်းကလည်း ‘မီ’ ဆိုတဲ့ဇာတ်ကောင်ဖြစ်သွားတယ်လို့ ခံစားရတယ်။ တကယ်ရိုက်ရင်တော့ ဘယ်လိုအခက်အခဲတွေကြုံရဦးမလဲတော့ မသိဘူးပေါ့နော်။ တတ်နိုင်သလောက် အကောင်းဆုံးတော့ကြိုးစားနေပါတယ်။

 

မေး – တစ်ခါတလေမှာ ဇာတ်ကောင်ရဲ့လွှမ်းမိုးမှု အားကြီးလွန်းတာလည်းရှိတတ်တော့ ‘မီ’ က အဲဒီလို ဇာတ်ကောင်မျိုးလို့ ပြောလို့ရလား။

ဖြေ – ဟုတ်ပါတယ်။ ‘မီ’ က စိတ်ထဲမှာခံစားချက်တွေရှိမှ လုပ်လို့ရမယ့်ဇာတ်ရုပ်မျိုးပါ။

 

မေး – ဒီဇာတ်ကားအတွက် မျှော်လင့်နေတဲ့ပရိသတ်တွေကို အကြိုပြောချင်တာများ ရှိမလား။

ဖြေ – ဒီဇာတ်ကားမှာ ဒါရိုက်တာကိုဏကြီး၊ ပါဝင်မယ့်အနုပညာရှင်တွေ အကုန်လုံးက ကြိုးစားနေကြပါတယ်။ အ၀တ်အစားတွေ၊ အသုံးအဆောင်တွေကအစ လွဲမှားမှာစိုးလို့ သေချာလေးပြင်ဆင်နေတယ်။ အစစအရာရာ ပီပြင်အောင်၊ ပြည့်စုံအောင်၊ Location ကအစ သေချာလေးပြင်ဆင်ထားတယ်။ Pre Production ပိုင်းကို သေချာပြင်ဆင်ထားတဲ့ဇာတ်ကားပါ။ Production နဲ့ Post Production ပိုင်းမှာလည်း အစွမ်းကုန်ကြိုးစား သွားမှာပါ။ ပါဝင်မယ့်သူ တစ်ယောက်ချင်းက အပြည့်အ၀ အားထုတ်ကြမှာဖြစ်လို့ ဇာတ်ကား ထွက်လာတဲ့အခါ အားပေးစေချင်ပါတယ်။

 

မေး – ဆရာမကြည်အေးရဲ့ကာရိုက်တာတွေကို အများအားဖြင့် မတို့မထိရဲတာ များတယ်နော်။ အဲဒီအတွက် စိတ်ဖိစီးမှုတွေ၊ စိန်ခေါ်မှုတွေ ပိုများတယ်လို့ ပြောလို့ရမလား။

ဖြေ – အမှန်အတိုင်းပြောရရင် ညီမကိုယ်တိုင်လည်း ကြောက်တယ်။ ယုံကြည်တာတစ်ခုက ‘မီ’ ရဲ့ခံစားချက်တွေကို တကယ်ခံစားလို့ရတယ်။ ပုံမှန်ဆို သုသုက ဆေးလိပ်သောက်တာ၊ အရက်သောက်တာ မကြိုက်ဘူး။ ဆေးပညာကို သိထားတဲ့အတွက် ဆိုးကျိုးတွေ အများကြီးဆိုတာ သိထားတယ်လေ။ ညီမအတွက် ကိုယ့်ကိုယ်ကိုယ် အများကြီးပြောင်းလဲပစ်ရမယ့် ဇာတ်ကားပါ။ ကိုယ်မကြိုက်တာတွေနဲ့ Use to ဖြစ်အောင် လေ့ကျင့်ရတယ်။ ဆေးလိပ်သောက်ကျင့်ရတယ်။ ဇာတ်ကားရိုက်နေရင်းနဲ့လည်း တဖြည်းဖြည်း ပိန်ရမှာ ဆိုတော့ ရိုက်နေရင်းနဲ့ ၀ိတ်ချဖို့ပြင်ဆင်ထားရတယ်။ စနစ်တကျလေးဖြစ်အောင် အစွမ်းကုန်ကြိုးစားနေပါတယ်။

 

မေး – ဒါရိုက်တာနဲ့ရော ဘယ်လောက်ထိ ငြင်းခုံရပြီးပြီလဲ။

ဖြေ – ငြင်းခုန်တာတွေရော၊ ရန်ဖြစ်တာတွေရော ရှိပါတယ်။ သူ့အတွက်လည်း ဖိအားများပါတယ်။ ဘာပဲလုပ် လုပ် သူကအရမ်းကောင်းချင်တယ်။ သုသုကလည်း ကြောက်နေတာတွေနဲ့ ရန်ဖြစ်ရ၊ ငြင်းခုံရပါတယ်။

 

မေး – အကယ်ဒမီအတွက် စပြီးရင်ခုန်ကြပြီဆိုတော့ အကယ်ဒမီ ရင်ခုန်သံကိုလည်း ပြောပြပါဦး။

ဖြေ – အမှန်အတိုင်း ပွင့်ပွင့်လင်းလင်း ပြောရမယ်ဆိုရင် ‘ရင်ဘတ်ထဲကဓား’ ဇာတ်ကားနဲ့ မအူဝဲကို ရစေ ချင်တယ်။ ဒီနှစ်က မအူဝဲဖြစ်စေချင်တယ်။

 

မေး – ၂၀၁၈ မှာ ဘယ်လိုကွဲပြားတဲ့ပုံစံတွေနဲ့ တွေ့ခွင့်ရမလဲ။

ဖြေ – ၂၀၁၈ မှာ သုသုရဲ့ဗစ်တိုးရီးယား ထုတ်လုပ်ရေးက ဖန်တီးမယ့် ဇာတ်ကားတွေလည်းရှိမယ်။ တခြားထုတ်လုပ်ရေးတွေက ကမ်းလှမ်းထားတာလည်းရှိပါတယ်။ မတူကွဲပြားတဲ့ ပုံစံလေးတွေနဲ့ မြင်ခွင့်ရမှာပါ။

 

မေး – မကြာခင်ရောက်တော့မယ့် နှစ်သစ်အတွက် ဆုတောင်းစကားလေး ပြောပေးပါဦး။

ဖြေ – ပရိသတ်တွေအတွက် ဖြစ်နေတာနဲ့ ဖြစ်ချင်တာတွေ အမြဲတမ်း တစ်ထပ်တည်း ကျပါစေလို့ ဆုတောင်း ပေးချင်ပါတယ်။

ဇော်ဝင်းထွဋ်နှင့် တွေ့ဆုံခြင်း

မြန်မာ့ ဂီတလောကရဲ့ ရော့ခ်ကာကြီးတစ်ဦးအဖြစ် ယနေ့တိုင် အောင်မြင်မှု အနုပညာမှတ်တိုင်တစ်ခု စိုက်ထူထားနိုင်ခဲ့သူ အနုပညာရှင်တစ်ဦးကတော့ ချစ်ခင်သူများက ညီထွဋ်ဟု ခေါ်ကြသည့် တေးသံရှင်ကြီး ဇော်ဝင်းထွဋ်ဖြစ်သည်။ အနုပညာအင်အားကောင်းကောင်းဖြင့် ဖျော်ဖြေတင်ဆက်မှုများ ပြုလုပ်လျက်ရှိပြီး မျိုးဆက်သစ်

ရော့ခ်ဂီတသမားများကိုလည်း ချစ်ခင်ရင်းနှီးစွာဖြင့် တွဲခေါ်နိုင်ရန် ကြိုးစားသူတစ်ဦးဖြစ်သည့် ဇော်ဝင်းထွဋ်သည် THE JOURNEY လို့ခေါ်တဲ့ တေးစီးရီးအယ်လ်ဘမ်ကို ဒီဇင်ဘာ ၁ ရက်တွင် စတင်ဖြန့်ချိခဲ့သည်။ တစ်ချိန်က ရော့ခ်ဂီတသမိုင်းကြောင်းတွင် အောင်မြင်ခဲ့သည့်တေးသီချင်းများကို ပြန်လည်ထုတ်ဝေခဲ့သည့်အပြင် တေးသီချင်းသစ်များကို ပရိသတ်ထံရောက်ရှိရန် စီစဉ်နေသည့် ရော့ခ်ကာကြီး ဇော်ဝင်းထွဋ်၏ အနုပညာလှုပ်ရှားမှုများကို မေးမြန်းဖြစ်ခဲ့ပါတယ်။

 

မေး – THE JOURNEY စီးရီးလေး စီစဉ်ဖြစ်ခဲ့တဲ့ အကြောင်းလေးကို သိပါရစေ။

ဖြေ – ဒီခွေလေးကို လွန်ခဲ့တဲ့သုံးနှစ်လောက်ကတည်းက ကျွန်တော်တို့ စီစဉ်နေခဲ့တာပါ။ ကျွန်တော်ဆိုခဲ့တဲ့သီချင်းတွေထဲမှ တေးရေး တစ်ယောက်ချင်းစီရဲ့ သီချင်းတွေ ကို ပြန်စုပြီး တီးဝိုင်းနဲ့ အသစ်ပြန်တီးပြန်ဆိုပြီး လုပ်ထားတဲ့သီချင်းတွေပါ။ ကိုယ့်ဘ၀အ တွက် ကိုယ့်အနုပညာအတွက် အမှတ်တရ ဖြစ်အောင် ပြန်ပြီးလုပ်တဲ့သဘောပါပဲ။ ဒီစီးရီးကို The Journey လို့ နာမည်ပေးဖြစ်တာကလည်း ကျွန်တော်တို့ဖြတ်သန်းခဲ့တဲ့ သွားခဲ့တဲ့ ခရီးတွေကို ရည်ရွယ်တာပါ။  ဒီသီချင်းတွေက ကျွန်တော်နဲ့ မင်းချစ်သူ အတူဖန်တီးခဲ့ကြတဲ့ သီချင်းတွေထဲကမှ သီချင်းကောင်းတွေ ဘ၀နဲ့ပတ်သက်တဲ့ ဒဿနတွေပါတဲ့သီချင်းတွေကို ဦးစားပေးပြီး အရင်ထုတ်ထားတာပါ။ အတီးပိုင်းမှာလည်း ကျွန်တော်တို့တွေ အရင်နဲ့မတူတဲ့ပုံစံသစ်တွေပါမှာပါ။ ဒီခွေနဲ့ပတ်သက်ပြီး ကျွန်တော့်ဘက်က ဘာမှသိပ်ပြီး မျှော်လင့်ထားတာမရှိတဲ့အတွက် အမ်တီဗွီလည်း ရိုက်ဖြစ်မှာ မဟုတ်ပါဘူး။ ကျွန်တော့်ပရိသတ်တွေအတွက်ရော ကျွန်တော့်အတွက်ပါ အမှတ်တရဖြစ်ချင်တဲ့အတွက် တေးရေး၊ တီးဝိုင်းနဲ့ ထုတ်လုပ်သူတွေ မူပိုင်ခွင့်အတွက် Royalties စနစ်ကို လုပ်ချင်တဲ့အတွက်ပါ ဒီခွေလေးလုပ်ဖြစ်တာပါ။ ကိုယ်တိုင်လည်း အမှတ်တရ ပြန်ပြီးသိမ်းချင်တယ်။ ကိုယ့်အနုပညာကို အမှတ်တရ ပြန်ပြီးချန်ခဲ့ချင်တာကြောင့် လုပ်ဖြစ်ခဲ့တာပါ။

 

မေး – အခြားသော တေးရေးတွေတစ်ယောက်ချင်းစီရဲ့ သီချင်းတွေကိုရော ဘယ်လိုစီစဉ်နေလဲ။

ဖြေ – တေးရေးတစ်ယောက်ချင်းစီရဲ့ သီချင်းတွေကို ပြန်လုပ်နေပါတယ်။ အပုဒ်လေးငါးဆယ်လောက် ပြီးနေပြီ။ အဲဒီထဲကနေမှ မင်းချစ်သူသီချင်းတွေချည်း အပုဒ် ၂၀ ကို ခွေအရင်ထွက်ဖြစ်တာပါ။ ပြီးရင်တော့ တစ်ခွေချင်းထွက်မှာပါ။ ခူဆဲ (စောခူဆဲ) သီချင်းတွေဆိုရင်လည်း အများကြီးပဲလေ။ အကုန်လုံးကိုတော့ အသစ်ပြန်သွင်းဖို့လုပ်နေပါတယ်။ ပြန်တီး၊ ပြန်ဆို၊ ပြန်သွင်းတဲ့အခါမှာ ကိုယ်ပိုင်ဖြစ်တဲ့ပုံစံလေးတွေကို ပိုပြီးအလေးထားလုပ်ထားတယ်။ ဆင်တူနေတာလေးတွေကို ပြန်ဖယ်ပြီး ပုံစံသစ်လေးတွေ လုပ်ထားတယ်။

 

မေး     –         ခုနောက်ပိုင်းမှာ သီဆိုဖျော်ဖြေမှုတွေအပေါ် ဦးညီထွဋ်ရဲ့ ခံစားချက်က ဘယ်လိုတွေပြောင်းလဲသွားတာရှိလဲ။

ဖြေ      –         THE JOURNEY မှာပါတဲ့သီချင်းတွေရော နောက်ထပ် အသံသွင်း၊ ပြန်တီးလုပ်နေတဲ့ သီချင်းတွေကိုရော အသံသွင်းတဲ့အခါ အရင်တုန်းကလို အတီးသတ်သတ် တီး၊ ကိုယ်က အဆိုသီးသန့် အသံသွင်းပြီး စိတ်ကြိုက်မဖြစ်မချင်း ပြန်ဆိုတာမျိုးတွေ မလုပ်ဖြစ်ဘူး။ တီးဝိုင်းက တစ်ခါတီး ကိုယ်ကလည်း တစ်ခါတည်း ဆိုတယ်။ ဒီသီချင်းတွေဆိုတာကလည်း အကြိမ်များစွာ သီဆိုလာပြီးသားတွေဆိုတော့ တချို့နေရာလေးတွေမှာ ပုံစံလေးတွေ နည်းနည်းပြောင်းဆိုတယ်။ ဒါပေမဲ့ အရင်လိုပြန်ပြီးပြင်တာတွေ မလုပ်ဘဲ အသံသွင်းဖြစ်ခဲ့တာ။ သီဆိုဖျော်ဖြေမှုပိုင်းဆိုရင်လည်း  တီးဝိုင်းတွေအများကြီးနဲ့ အဆိုတော်တွေအများကြီး ဖျော်ဖြေရတာမျိုးကိုပဲ ကြိုက်နေတယ်။ ခုနောက်ပိုင်းမှာ တီးဝိုင်းတစ်ခုတည်းနဲ့ ကိုယ်တစ်ယောက် ဆိုရတာမျိုးဆိုရင် ပျင်းနေရော။ ဒါကြောင့် ဖျော်ဖြေပွဲတွေဆိုရင် တီးဝိုင်းလည်း အနည်းဆုံးနှစ်ဝိုင်းလောက်ပါမှ အဆိုတော်လည်း သုံးလေးငါးယောက် အနည်းဆုံးမှရှိမှ ဆိုချင်တော့တယ်။

 

မေး     –         အသစ်စီစဉ်ထားတဲ့ သီချင်းတွေရှိရင်လည်း သိချင်ပါတယ်။

ဖြေ      –         ‘ကောင်းသတင်း’ ဆိုတဲ့ Mini Album လေး စီစဉ်ထားပါတယ်။ အဲဒီ Album သီချင်းတွေအားလုံး သွင်းပြီးသွားပြီး အချောလည်းသပ်နေပြီ။ အဲဒီ စီးရီးလေးကိုတော့ ၂၀၁၈ ခုနှစ် နှစ်သစ်မှာ ပရိသတ်တွေကို လက်ဆောင်ပေးချင်တာကြောင့် ဇန်န၀ါရီ ၁ ရက်မှာ ထွက်ဖို့ပြင်ထားတယ်။

 

မေး     –         ‘ကောင်းသတင်း’ Mini Album လေးစီစဉ်ဖြစ်ခဲ့တဲ့ အကြောင်းကိုလည်း ပြောပြပေးပါဦး။

ဖြေ      –         ကိုဆောင်းဦးနဲ့က အွန်လိုင်းမှာလည်း အမြဲတွေ့ဖြစ်ပြီး အဆက်အသွယ်အမြဲရှိပါတယ်။ သူရေးပြီး ပို့ထားတဲ့ သီချင်းသစ်တွေချည်း ၁၂ ပုဒ်လောက်ရှိတယ်။ တစ်ပုဒ်မှတော့ မသွင်းရသေးဘူး။ အဲဒီထဲကနေ ကောင်းသောသတင်း၊ ကောင်းသောသီချင်းဆိုတဲ့ သီချင်းကိုတော့ ကိုယ်တစ်ယောက်တည်းဆိုရမှာ ပျင်းတဲ့အတွက် R ဇာနည်နဲ့ ဝေလတို့ကိုပါ ခေါ်ပြီးအသံသွင်းခဲ့တာ။ အဲဒီသီချင်းလေးဆိုပြီးတော့ မထူးပါဘူးဆိုပြီး နောက်ထပ် တစ်ယောက် တစ်ပုဒ်စီထပ်ထည့်ပြီး Mini Album လေးလုပ်ဖို့ စီစဉ်လိုက်တာပါ။ နှစ်သစ်မှာ ပရိသတ်တွေရော ကျွန်တော်တို့အတွက်ရော အမှတ်တရလေးဖြစ်မှာပါ။

 

မေး     –         ဖျော်ဖြေပွဲတွေအနေနဲ့ရော ဘယ်ပွဲတွေဆိုဖို့ရှိမလဲ။

ဖြေ      –         THE JOURNEY စီးရီးထွက်တဲ့ အထိမ်းအမှတ်အနေနဲ့ ပရိတ်တွေကို အားရပါးရဖျော်ဖြေမယ်။ ပျော်ပျော်ရွှင်ရွှင်တွေ့ဆုံမယ့်ပွဲလေးတော့ လုပ်ဖို့စီစဉ်နေပါတယ်။ ဒီဇင်ဘာ လဆန်းပိုင်းထဲမှာပဲ လုပ်ဖြစ်မှာပါ။ ရန်ကုန်မှာရော မန္တလေးမှာပါ လုပ်ဖို့စီစဉ်ထားပေမယ့် နေရာစီစဉ်နေတုန်းပါ။

 

မေး     –         ဒီနေ့ခေတ်ရဲ့ ရော့ခ်ဂီတရေစီးအပေါ် ဦးညီထွဋ်ရဲ့ အမြင်ကိုလည်း သိပါရစေ။

ဖြေ      –         ရော့ခ်ဂီတကရှိနေပေမဲ့ တကယ့်ရော့ခ်အင်ရိုးဂီတကို ပီပီပြင်ပြင်ဆိုတဲ့သူ နည်းနေတယ်လို့ ကျွန်တော် မြင်တယ်။

 

မေး     –         ရော့ခ်ဂီတရဲ့ မျိုးဆက်သစ်လူငယ်တွေအပေါ် ဘယ်လိုအားပေးချင်လဲ။

ဖြေ      –         သူတို့ကို ကျွန်တော်ပြောချင်တာက ကိုယ်ယုံကြည်ရာကို ကိုယ်လုပ်ပါ။ ကျွန်တော်တို့တုန်းကလည်း ဘယ်သူမှ မထောက်ပံ့ပေးဘဲ ကိုယ့်ဘာသာကိုယ် ရုန်းကန်ရင်း ဖြစ်လာခဲ့တာပါ။ ကမ္ဘာမှာလည်း တကယ့်နာမည်ကြီး ရော့ခ်တီးဝိုင်းတွေမှာ ငတ်ပြတ်နေတဲ့ ကောင်တွေရှိတယ်။ ကျွန်တော်တို့က ဒီဘ၀ကို ရွေးချယ်ပြီးပြီဆိုတော့ သတ္တိ ရှိရှိနဲ့ ဆက်ပြီးရပ်တည်ပါ။ ရော့ခ်အင်ရိုးက ကျွန်တော်တို့တွေကို ဘ၀မှာ ယုံယုံကြည်ကြည်နဲ့ ပျော်ပျော်ရွှင်ရွှင် နေသွားရအောင်တော့ လုပ်ပေးမှာပါ။

 

မေး     –         ပရိသတ်တွေအတွက် အမှတ်တရစကားလေး ပြောပေးပါ။

ဖြေ      –         ဒီနေ့အထိ အားပေးလာကြတဲ့အတွက် အမြဲတမ်း အမှတ်တရနဲ့ ကျေးဇူးတင်ပါတယ်။

ဝိုင်းစုခိုင်သိန်းနှင့် တွေ့ဆုံခြင်း

‘၀ိုင်းစုရဲ့တစ်ကိုယ်တော်ပွဲလေးအတွက် အချိန်တွေအများကြီးယူပြီး ပြင်ဆင်နေပါတယ်။ ပရိသတ်တွေလည်း ကျေနပ်မယ့်ပွဲမျိုး၊ တင်ဆက်မှုမျိုးဖြစ်အောင် ကြိုးစားသွားမှာပါ’

သရုပ်ဆောင်တေးသံရှင်အဖြစ် ဂီတနှင့်ရုပ်ရှင် အနုပညာလုပ်ငန်းနှစ်ခုအား တွဲဖက်လုပ်ကိုင်နေသည့် အနုပညာရှင် များစွာအနက် ပရိသတ်နှစ်သက်အားပေးသည့် တေးသီချင်းများစွာကို သီဆိုထားနိုင်သည့် သရုပ်ဆောင်တေးသံရှင် ၀ိုင်းစုခိုင်သိန်းလည်း အပါအ၀င်ဖြစ်သည်။ အောင်မြင်သည့် တစ်ကိုယ်တော် တေးစီးရီးများအား ထွက်ရှိထားပြီးဖြစ်သည့် ၀ိုင်းစုခိုင်သိန်းက  ဒီဇင်ဘာ ၂၄ ရက် ၎င်း၏ မွေးနေ့တွင် ရန်ကုန်မြို့၌ တစ်ကိုယ်တော်ဖျော်ဖြေပွဲပြုလုပ်ရန် စီစဉ်ထားသည့်အပြင် ဇန်န၀ါရီလအတွင်းတွင်လည်း မန္တလေးမြို့၌ တစ်ကိုယ်တော်ဖျော်ဖြေပွဲ ပြုလုပ်ရန် စီစဉ်ထားပြန်သည်။ တစ်ကိုယ်တော်ဖျော်ဖြေပွဲများ ပြုလုပ်ရန် ပြင်ဆင်လျက်ရှိသည့် သရုပ်ဆောင်တေးသံရှင် ၀ိုင်းစုခိုင်သိန်းနှင့်တွေ့ဆုံ၍ တစ်ကိုယ်တော်ပွဲအတွက်ပြင်ဆင်နေမှုများ၊ ယခင်ပြုလုပ်ခဲ့ပြီးသည့် တစ်ကိုယ်တော်ပွဲများနှင့် ကွာခြားသွားမည့်တင်ဆက်မှုများ၊ တေးသံရှင်အောင်လနှင့် စုံတွဲတေးသီချင်းတွဲဖက်တင်ဆက်ရန် ပြင်ဆင်ထားမှုများ အပါအ၀င် သိလိုသည်များအား မေးမြန်းဖြစ်ခဲ့ပါသည်။

 

မေး – ၀ိုင်းစုရဲ့တစ်ကိုယ်တော်ပွဲတွေကိုစီစဉ်ဖြစ်တာလေး အရင်ဆုံးပြောပြပေးပါဦး။

ဖြေ – ၀ိုင်းစုတစ်ကိုယ်တော်ပွဲမလုပ်ဖြစ်တာလည်း နည်းနည်းကြာသွားပြီ။ ကြား ထဲမှာလည်း သီချင်းအသစ်တွေတော့ ထွက်ဖြစ်တယ်ပေါ့နော်။ ဒီနှစ်မှာတော့ ပရိ သတ်တွေနဲ့လည်းဆုံချင်တာကြောင့် တစ်ကိုယ်တော်ပွဲလုပ်မယ်လို့ စိတ်ကူးတဲ့အခါ ပရိသတ်တွေကိုမေးကြည့်တော့ ပိုပြီးအမှတ်တရဖြစ်အောင် မွေးနေ့ဖြစ်တဲ့ ဒီဇင် ဘာ ၂၄ ရက်မှာလုပ်ဖို့ အားလုံးက၀ိုင်းပြီးတိုက်တွန်းကြတာနဲ့ စီစဉ်ဖြစ်သွားတာပါ။

မေး – မန္တလေးမှာလုပ်ဖို့ပါ စီစဉ်ဖြစ်သွားတာကရော။

ဖြေ – ရန်ကုန်မှာ မွေးနေ့ကို ပွဲလုပ်ဖို့စီစဉ်တဲ့အခါ မန္တလေးကပရိသတ်တွေကလည်း  တစ်ပွဲလုပ်ဖို့ ၀ိုင်းပြောကြတယ်။ နှစ်ပွဲဆက်တိုက်လုပ်တဲ့အတွက် ပင်ပန်းမှာဖြစ်ပေ မယ့် ပရိသတ်တွေကလည်း အရမ်းတောင်းဆိုကြတာကြောင့် လုပ်ဖြစ်သွားတာပါ။

မေး – သီချင်းတွေအများကြီးရှိတယ်ဆိုတော့ သီချင်းရွေးချယ်တဲ့အပိုင်းကိုရော ဘယ်လိုစီစဉ်ထားလဲ။

ဖြေ – ၀ိုင်းစု ဒီပွဲလုပ်မယ်လို့စပြီးဆုံးဖြတ်ပြီးကတည်းက ပရိသတ်တွေနားထောင် ချင်တဲ့ သီချင်းလေးတွေကို Facebook ကနေ မေးထားတာတွေရှိတယ်။ သူတို့နား ထောင်ချင်တဲ့သီချင်းတွေလည်းဆိုမှာဖြစ်သလို ၀ိုင်းစုဆိုပြချင်တဲ့သီချင်းတွေလည်း ဆိုဖြစ်မယ်။ ပွဲတွေမှာ မဆိုဖြစ်တာကြာတဲ့ သီချင်းလေးတွေလည်း ဆိုပြချင်ပါတယ်။ သီချင်းတွေကတော့ ရွေးထားတာအများကြီးပါပဲ။ ပွဲမလုပ်ဖြစ်တာကြာပြီဆိုတော့  သီချင်းတွေတ၀ကြီး ဆိုချင်ပါတယ်။

မေး – ရန်ကုန်ပွဲနဲ့ မန္တလေးပွဲက သီချင်းတွေ အတူတူပဲ ဆိုမလား။ ဒါမှမဟုတ် ပြောင်းဖြစ်မလား။

ဖြေ – အားလုံးတစ်ပုံစံတည်းတော့ တူမှာမဟုတ်ပါဘူး။ ရန်ကုန်မှာဆိုတဲ့သီချင်းတွေ ထဲက တချို့တစ်ဝက်ကို မန္တလေးမှာလည်း ဆိုဖြစ်မှာပါ။ တချို့သီချင်းတွေလည်း ပြောင်းပြီးဆိုဖြစ်မယ်။

မေး – တစ်ကိုယ်တော်ပွဲမှာ တခြားအနုပညာရှင်တွေရော ပါဝင်အားဖြည့်ဖို့ရှိမလား။

ဖြေ – ပါဖြစ်မှာပါ။ ၀ိုင်းစု ကြိုတော့ကြေညာမထားချင်ဘူး။ ပရိသတ်တွေ အံ့အားသင့် စရာဖြစ်အောင် တင်ဆက်ချင်တာကြောင့်ပါ။ ၀ိုင်းစုရဲ့အနုပညာမောင်နှမတွေက လည်း ပါဝင်အားဖြည့်ဖို့အဆင်သင့်ရှိပါတယ်။ ပရိသတ်တွေအတွက် ထူးခြားတဲ့ တင်ဆက်မှုတွေဖြစ်အောင် ကြိုးစားတင်ဆက်သွားမှာပါ။

မေး – အောင်လနဲ့ရော စုံတွဲသီချင်းအနေနဲ့ တင်ဆက်ဖို့ရှိမလား။

ဖြေ – ရှိပါတယ်။ သူနဲ့လည်း စုံတွဲသီချင်းတွဲဖက်သီဆိုဖို့စီစဉ်ထားတာရှိတယ်။ ပရိသတ်တွေတောင်းဆိုထားတဲ့ သီချင်းတွေလည်းရှိတယ်။ လောလောဆယ်တော့ ပြင်ဆင်နေကြပါတယ်။

မေး – အရင်လုပ်ခဲ့တဲ့ တစ်ကိုယ်တော်ပွဲတုန်းက ပါဖောမန့်စ်တွေအရမ်းများတော့ ပင်ပန်းခဲ့တယ်နော်။  အခုတစ်ခေါက်ပွဲအတွက်ရော ဘယ်လိုကြိုတင်ပြင်ဆင်ထားလဲ။

ဖြေ – အရင်လုပ်ခဲ့တဲ့ပွဲတုန်းက ပရိသတ်တွေအတွက် လုပ်ပြချင်တဲ့ ပါဖောမန့်စ်တွေအရမ်းများတဲ့အတွက် စိတ်ရောလူပါ  ပင်ပန်းခဲ့ရတယ်။ ကျန်းမာရေးလည်း အရမ်းကြီး ဂရုမစိုက်နိုင် ခဲ့ဘူးပေါ့။ အခုတစ်ခေါက်ကတော့ အချိန်ယူပြင်ဆင်ထားပါတယ်။ အသံပိုင်းဆိုင်ရာအတွက်လည်း လေ့ကျင့်ပြင်ဆင်ထားသလို ပါဖောမန့်စ် ပိုင်းအတွက်လည်း သေချာလေးပြင်ဆင်ထားပါတယ်။ ပရိသတ်တွေ ပွဲအစအဆုံး စီးဝင်မျောပါနိုင်အောင် တင်ဆက်နိုင်ဖို့ စီစဉ်ထားပါတယ်။

မေး – တစ်ကိုယ်တော်ပွဲလုပ်တယ်ဆိုတာ ပရိသတ်နဲ့ကိုယ့်ကြားက မှတ်တိုင်ဆိုတော့ အခုတစ်ခေါက်ပွဲတွေအတွက်ရော ဘယ်လောက်ထိမျှော်လင့်ထားလဲ။

ဖြေ – အဓိက,ကတော့ မှတ်တိုင်ဆိုတာထက် အမှတ်တရပါ။ ၀ိုင်းစုကို ချစ်တဲ့ပရိသတ်တွေအတွက် ၀ိုင်းစုရဲ့ပွဲလေးမှာ ပျော်စေချင်တယ်။ သူတို့နားထောင်ချင်တဲ့သီချင်းလေးတွေကို တ၀ကြီးဆိုပြချင်တယ်။ ပွဲ အစအဆုံး အပေးအယူမျှမျှနဲ့ အမှတ်တရတွေအများကြီး ဖြစ်တာမျိုးကိုတော့ မျှော်လင့်ပါတယ်။ အဲဒီလိုဖြစ်မယ်လို့လည်း ယုံကြည်ပါတယ်။ ဒီတစ်ခေါက်ပွဲက အရင်အတွေ့အကြုံတွေရှိပြီးသားဆိုတော့ အရင်ကြုံခဲ့ဖူးတဲ့အား နည်းချက်တွေ၊ အမှားအယွင်းတွေကို ပြင်ဆင်နိုင်အောင်လည်း ကြိုးစားထားတယ်။ အကောင်းဆုံးတင်ဆက်နိုင်အောင် ကြိုးစားနေတဲ့အတွက် အမှတ်တရတွေအများကြီးနဲ့ ပျော်စရာကောင်းတဲ့ပွဲလေးဖြစ်ဖို့ တော့ မျှော်လင့်ပါတယ်။

မေး – ရုပ်သံကနေလွှင့်ဖို့အစီအစဉ်ရော ပါဖြစ်မလား။

ဖြေ – အဲဒါတော့ သိပ်မသေချာသေးပါဘူး။

မေး – ပွဲကိုလာကြည့်မယ့်ပရိသတ်တွေကို အကြိုသတင်းစကား ပါးချင်တာရှိမလား။

ဖြေ – ၀ိုင်းစုရဲ့တစ်ကိုယ်တော်ပွဲလေးအတွက် အချိန်တွေအများကြီးယူပြီး ပြင်ဆင်နေပါတယ်။ ပရိသတ်တွေလည်း ကျေနပ်မယ့်ပွဲမျိုး၊ တင်ဆက်မှုမျိုးဖြစ်အောင် ကြိုးစားသွားမှာပါ။ ၀ိုင်းစုနဲ့အတူ အမှတ် တရအချိန်လေးတွေဖြတ်သန်းဖို့အတွက် ဖိတ်ခေါ်ချင်ပါတယ်။

မေး – အချစ်ရေးနဲ့ပတ်သက်လို့ရော သတင်းစကား ပါးချင်တာများရှိမလား။

ဖြေ – အချစ်ရေးကတော့ အေးဆေးပါပဲ။ နှစ်ယောက်စလုံးက အနုပညာအလုပ်တွေကို အာရုံစိုက်ပြီးလုပ်နေကြသလို တစ်ယောက်ကို တစ်ယောက်လည်း နားလည်မှု အပြည့်အ၀ရှိတာကြောင့် စိတ်ချမ်းသာ ရပါတယ်။ ၀ိုင်းစုလည်း ပရိသတ်တွေအတွက် အနုပညာအလုပ်တွေကို အစွမ်းကုန်ကြိုးစားနေပါတယ်။

အကယ်ဒမီ ဒါရိုက်တာဝိုင်းနှင့် တွေ့ဆုံခြင်း

လတ်တလောတွင် စတုတ္ထမြောက် ရက်သတ္တပတ်အဖြစ် ရုံတင်ပြသလျက်ရှိပြီး ပရိသတ်အားပေးမှု အပြည့်အလျှံရရှိခဲ့သည့် ‘ရင်ဘတ်ထဲကဓား’ ရုပ်ရှင်ဇာတ်ကားအား ဖန်တီးသူ ဒါရိုက်တာ အကယ်ဒမီဝိုင်းမှာ မကြာမီတွင် အိမ်ထောင်ရေးကို အခြေခံသည့် ၀ိညာဉ်ဇာတ်ကားတစ်ကား ဖန်တီးရန် ပြင်ဆင်လျက်ရှိပါသည်။ ရိုက်ကူးဖန်တီးသည့် ဇာတ်ကားတိုင်းတွင် ပရိသတ်လက်ခံအားပေးမှု များပြားပြီး မှတ်တိုင်များစွာ စိုက်ထူထားနိုင်သည့်အပြင် ဇာတ်ကားတွင် ပါဝင်သည့်သရုပ်ဆောင်များအား အကယ်ဒမီထူးချွန်ဆုများ ဆွတ်ခူးစေခဲ့သည့် ဒါရိုက်တာဝိုင်းက ဇာတ်ကားတစ်ကားချင်းစီတိုင်းအတွက် အပြည့်အ၀ အားစိုက်ထုတ် ကြိုးပမ်းတတ်သူတစ်ဦးလည်းဖြစ်သည်။ ယခုနှစ်အတွင်း ရုံတင်ပြသခဲ့သည့် ဒါရိုက်တာဝိုင်းဖန်တီးခဲ့သော ဇာတ်ကားများနှင့် ထပ်မံရုံတင်ပြသရန်ရှိသည့် ဇာတ်ကားများထဲမှ သရုပ်ဆောင်များ အကယ်ဒမီဆုအတွက် ပြိုင်ဆိုင်မှုပြင်းထန်နေကြသည်ဟုလည်း ပရိသတ်များက ထင်ကြေးပေး ခန့်မှန်းခံရသူတစ်ဦးဖြစ်သည်။ အကယ်ဒမီ ဒါရိုက်တာဝိုင်းနှင့် တွေ့ဆုံဖြစ်သည့်အခိုက် ထပ်မံဖန်တီးမည့်ဇာတ်ကားအတွက် ပြင်ဆင်နေမှုများ၊ ရင်ဘတ်ထဲကဓား ဇာတ်ကားအတွက် ကျေနပ်ပီတိဖြစ်မှုများ၊ လက်ရှိကျင့်သုံးလျက်ရှိသော ရုံရှင် ကားရှင် ညှိနှိုင်းပြသမှုစနစ်အပေါ် အမြင်များအား မေးမြန်းဖြစ်ခဲ့ပါသည်။

 

မေး –  နောက်ရိုက်မယ့် ဇာတ်ကားအတွက် ကြိုတင်ပြင်ဆင်မှုတွေ လုပ်နေတယ်ဆိုတော့ အဲဒီအတွက် ပြင်ဆင်နေတဲ့အပိုင်းတွေ သိချင်ပါတယ်ရှင့်။

ဖြေ- လောလောဆယ်တော့ Location ရှာတာပြီးသွားပြီ။ Special Effect မိတ်ကပ်တွေ၊ တခြားလိုအပ်တာ တွေပြင်ဆင်ဖို့တော့ ကျန်ပါသေးတယ်။

 

မေး-  ဒီဇာတ်ကားနဲ့ပတ်သက်လို့ စိတ်ဝင်စားနေကြတယ်ဆိုတော့ ဘယ်လိုပုံစံမျိုး ဖန်တီးဖြစ်မလဲဆိုတာလည်း သိချင်ပါတယ်ရှင့်။

ဖြေ- ဒီဇာတ်ကားကတော့ အိမ်ထောင်ရေး  Horror အမျိုးအစားပါ။

 

မေး-  ဒီဇာတ်ကားမှာ သရုပ်ဆောင်တွေ ရွေးချယ်ထားတာနဲ့ပတ်သက်ပြီးလည်း သိချင်ပါတယ်ရှင့်။

ဖြေ- ဒီဇာတ်ကားမှာ မင်းသားနဲ့မင်းသမီးရဲ့ တာဝန်ယူမှုက ပိုများပါတယ်။ ဘာလို့လည်းဆိုတော့ လူငါးယောက်လောက်ပဲ အဓိကအနေနဲ့ပါမှာပါ။ ဖွေးဖွေးဆိုလည်း နောက်ဆုံးဇာတ်ဝင်ခန်းမှာဆိုရင် သူတစ်ခါမှ မလုပ်ဖူးသေးတဲ့ အမူအရာမျိုး သူလုပ်ရမှာပါ။

 

မေး-  အရှေ့မှာလည်း ၀ိညာဉ်ဇာတ်ကားတွေ ရိုက်ခဲ့ဖူးတော့ အခုတစ်ခေါက်ရိုက်မယ့် ဇာတ်ကားမှာရော ဘယ်လိုကွဲပြားတဲ့ပုံစံမျိုးတွေ ပါနိုင်မလဲ။

ဖြေ- အဓိကတော့ အစ်ကိုတို့သရဲကားဆိုတာ ရိုက်တဲ့အချိန်မှာ Timing ကိုက်ဖို့အရေးကြီးပါတယ်။ ပြီးတော့ လူတွေကို ကြောက်လန့်အောင် ခြောက်ရတဲ့အခါ သူတို့ တကယ်ကြောက်နိုင်လောက်တဲ့ အခြေအနေတစ်ခု ရှိနိုင်လားဆိုတာ စဉ်းစားရတယ်။ သရဲကားဆိုတာ ခြောက်လှန့်နေရုံနဲ့လည်းမပြီးသေးဘူးလေ။ ပရိသတ်တွေကို ဘယ်လိုအချက်အလက်တွေ ပေးနိုင်သေးလဲဆိုတာကိုပါ ထည့်စဉ်းစားပြီး ဖန်တီးရပါတယ်။ အခုတစ်ခေါက်ဖန်တီးမယ့် ဇာတ်ကားမှာလည်း အဲဒီလို အချက်တွေပါမှာပါ။

 

မေး-  သရဲကားတွေဖန်တီးတဲ့အခါ သရုပ်ဆောင်တွေရဲ့အမူအရာအပြင် နောက်ထပ်ပံ့ပိုးရတဲ့အပိုင်းတွေ အများကြီးရှိတော့ ကိုယ်လိုချင်တဲ့အတိုင်းရပြီလို့ ပြောလို့ရမလား။

ဖြေ- နောက်ခံတေးဂီတအပိုင်းကတော့ မလေးရှားကဂီတမှူးနဲ့ ညှိနှိုင်းမှာပါ။ Special Effect မိတ်ကပ်ကတော့ ပြည်တွင်းက မိတ်ကပ်ပညာရှင်တွေနဲ့ ညှိနှိုင်းပြီး လုပ်မယ်။ ကျန်တဲ့အထောက်အကူပြုပစ္စည်းတွေဘာ တွေလုပ်လို့ရမယ်ဆိုတာကတော့ မလေးရှားခရီးစဉ်မှာ တစ်ခါတည်း ရှာဖွေခဲ့မှာပါ။

 

မေး-  မကြာခင်ရိုက်ကူးတော့မယ့် ဇာတ်ကားနဲ့ပတ်သက်လို့ ပရိသတ်ကို အကြိုပြောချင်တာရှိမလား။

ဖြေ- အစ်ကို့အနေနဲ့ဒီဇာတ်ကားမှာလည်း အရင်ဖန်တီးနေကျကားနဲ့ မတူတဲ့ပုံစံမျိုးတွေ ဖန်တီးဖြစ်မှာပါ။ ပရိသတ်တွေ မထင်မှတ်တဲ့ အလှည့်အပြောင်းတွေ၊ ယူစရာသင်ခန်းစာတွေ၊ ပိုက်ဆံပေးကြည့်ရတာ နှစ်နာရီအတွင်း တန်တယ်ဆိုတဲ့ ခံစားချက်မျိုးရရှိအောင် ကြိုးစားမှာပါ။

 

မေး-  တာတေကြီးဇာတ်ကားမှာ ကိုနေတိုးရဲ့ အမူအရာပိုင်းတွေကို အရမ်းအားရနေကြတယ်ဆိုတော့ ဒီဇာတ် ကားနဲ့ပတ်သက်တဲ့ အမှတ်တရလည်း ပြောပြပါဦး။

ဖြေ- တာတေကြီးဇာတ်ကားက ပုံမှန်ဇာတ်ကားနှစ်ကားစာလောက် ကုန်ကျခံရိုက်ကူးခဲ့တဲ့ ဇာတ်ကားပါ။ ကြိုတင်ပြင်ဆင်မှုအပိုင်းရော။ တာတေကြီးဆိုတဲ့ စာတန်းလေးပေါ်ဖို့ကို ကိုးလလောက် ကြိုးစားခဲ့ရတယ်။ ကျေနပ်အားရမှုရှိတယ်။ ပရိသတ်တွေဆီကလည်း မျှော်လင့်နေကြတဲ့ အသံတွေကြားရတော့ အစ်ကိုတို့ ပင်ပန်းရကျိုး နပ်မယ်လို့ ယုံကြည်ပါတယ်။

 

မေး-  ရင်ဘတ်ထဲကဓား ဇာတ်ကားက လေးပတ်ဆက်တိုက် ရုံတင်ရတဲ့အထိ အောင်မြင်နေတဲ့အပေါ် ခံစားချက်လည်း သိချင်ပါတယ်။

ဖြေ-  အဓိကတော့ အခုနောက်ပိုင်းခေတ်မှာ အိမ်ထောင်ရေး ဒရာမာဇာတ်ကားကို ပရိသတ်က ပျင်းစရာကြီးဆိုပြီး မကြည့်ကြတဲ့အချိန်မှာ ဒီဇာတ်ကားက ဒီလိုအောင်မြင်တယ်ဆိုတော့ အစ်ကိုတို့ရဲ့ဖန်တီးမှု၊ သရုပ်ဆောင်တွေရဲ့ စိတ်နှစ်သရုပ်ဆောင်နိုင်မှုက ပေါ်လွင်သလို ပရိသတ်ကလည်း တကယ်သေချာလုပ်ထားတဲ့ ဇာတ်ကားကို တကယ်အားပေးတယ်ဆိုတာ သိနိုင်ပါတယ်။ နောက်ပိုင်းကို ဒရာမာဇာတ်ကားတွေ ရိုက်တော့မယ်ဆိုရင်လည်း သရုပ်ဆောင်တွေကို ဒီလို အမြဲတမ်း အာရုံစိုက်နိုင်အောင်၊ ဇာတ်ညွှန်းပိုင်းကိုလည်း ခေတ်နဲ့လိုက်လျောညီထွေဖြစ်ပြီး ဆက်ကြိုးစားသွားဖို့ အင်အားတွေရသွားတာတော့ အမှန်ပါ။ ပရိသတ်တွေက တကယ်ပေးဆပ်ရင် တကယ်အားပေးတယ်ဆိုတာ သိရလို့ ပီတိဖြစ်ရပါတယ်။

 

မေး-  ၂၀၁၈ မှာရော ဘယ်လိုဖန်တီးမှုမျိုးတွေ ဆက်ကြည့်ခွင့်ရမလဲ။

ဖြေ- ပထမဆုံးအနေနဲ့ ဆရာမင်းလူရဲ့ကံ့ကော်နီကို ဖန်တီးဖြစ်ပါမယ်။ ဆရာမ စပယ်ဖြူနုရဲ့ ဇာတ်လမ်းတစ်ပုဒ်ကို အူဝဲ၊ ဖွေးဖွေးတို့နဲ့အတူ ဖန်တီးဖြစ်ပါမယ်။ အလှည့်အပြောင်းတွေဖြစ်မယ့် နောက်ထပ်ဇာတ်လမ်းနှစ်ခုကိုလည်း ရိုက်ဖို့စီစဉ်ထားပါသေးတယ်။

 

မေး-   ရုံရှင်ကားရှင် ညှိနှိုင်းပြသစနစ်က စတင်နေပြီပေါ့နော်။ အဲဒီအပေါ်အမြင်ကိုလည်း သိချင်ပါတယ်။

ဖြေ- အရေးကြီးတာက အနုပညာလားငွေလား။ ခက်တာတစ်ခုက ရုပ်ရှင်ဆိုတာသည် အနုပညာနဲ့ စီးပွားရေးရောပြီး တည်ဆောက်ထားတာ။ အနုပညာ ကျဆုံးလို့ မရသလို စီးပွားရေး ကျဆုံးလို့မရဘူး။ ဒါကြောင့် ရုံရှင်ကားရှင် ညှိနှိုင်းစနစ်ကို ကြိုဆိုပါတယ်။ ဒါပေမဲ့ သုံးကားပြိုင်ပြီး ပြသဖို့ဆိုတာတော့ ဘယ်လိုမှမဖြစ်နိုင်ဘူး။ မြန်မာကားသုံးကား တိုက်ပြီးပြရလောက်အောင်တော့ ဈေးကွက်မှာ ရုံမရှိသေးဘူး။ ဒါကြောင့် C စနစ်ကိုတော့ အစ်ကိုကန့်ကွက်ပါတယ်။

 

မေး-  ဇာတ်ကား ရိုက်ကူးမှုအရေအတွက် များတဲ့အပေါ်ရော ပြောချင်တာများရှိမလား။

ဖြေ- လုပ်သင့်လုပ်ထိုက်တာကို မလုပ်ရင် Overlimit တွေကရှိနေမှာပါ။ အဲဒါကို စည်းမျဉ်း စည်းကမ်းဥပဒေနဲ့ မထိန်းချုပ်နိုင်ရင် အလေအလွင့် အပျက်အစီးများမှာပါ။

 

မေး-  အကယ်ဒမီနဲ့ပတ်သက်လို့ရော အစ်ကို့ဇာတ်ကားထဲက သရုပ်ဆောင်အချင်းချင်း ပြိုင်ရမှာတွေလည်းရှိ တော့ အစ်ကို့ခံစားချက်လည်း ပြောပြပါဦး။

ဖြေ-  ဘာပဲဖြစ်ဖြစ်ပါ။ အစ်ကို့ဇာတ်ကားထဲက နေတိုးနဲ့ အစ်ကို့ကားထဲက ပြေတီဦးနဲ့ ပြိုင်ရရင်လည်း သူတို့အတွက် တရားသော ယှဉ်ပြိုင်မှုပါ။ အစ်ကို့ကားထဲက အူဝဲနဲ့ ဒီဘက်က သုသု (ပိုင်ဖြိုးသု) တို့ ဖွေးဖွေးတို့နဲ့ ယှဉ်ပြိုင်ရလို့ အူဝဲ အနိုင်ရသွားတယ်ဆိုရင်လည်း အစ်ကိုတို့အနေနဲ့ လက်ခုပ်တီးသလို ကျန်တဲ့နှစ်ယောက်လုံးကလည်း လက်ခုပ်တီးဖို့ ၀န်လေးမှာ မဟုတ်ဘူး။ ရိုးသားစွာယှဉ်ပြိုင်တာပါ။ ဒီဆုအပေါ်မှာ အငြင်းပွားစရာမရှိဘူးလို့ ယုံကြည်ပါတယ်။

 

မေး-  ကိုယ်တိုင်အတွက်ရော အကယ်ဒမီရင်ခုန်သံလေး သိချင်ပါတယ်။

ဖြေ- ဒီဆုကို လိုချင်ပါတယ်။ အစ်ကို့ရဲ့အနေအထိုင် အပြောအဆိုတွေကြောင့် အမြင်ကပ်ခံရတာကြောင့် စိတ်လျှော့ထားပါတယ်။

 

မေး-  ပရိသတ်ကိုပြောချင်တဲ့ စကားလက်ဆောင်ရှိရင် ပြောပေးပါဦး။

ဖြေ- အမှန်ကန်ဆုံးသောစကားပါ။ အစ်ကို အသေအလဲ ကြိုးစားနေပါတယ်။

ရွှေထူးနှင့် တွေ့ဆုံခြင်း

 

ဂီတလောကရဲ့ငွေကြယ်ပွင့်တစ်ဦးအဖြစ် အချိန်တိုအတွင်းမှာ ရပ်တည်လာနိုင်ခဲ့သူ လူငယ်အဆိုတော်တစ်ဦးထဲမှာ ရွှေထူးလည်း အပါအ၀င်ဖြစ်ပါတယ်။ လူငယ်ပရိသတ်တွေအကြိုက် တေးသီချင်းတွေနဲ့ အောင်မြင်ခဲ့သူ ရွှေထူးက နှုတ်ခမ်းနီမလေးတွေရဲ့အသည်းစွဲ အနုပညာရှင်တစ်ဦးလည်း ဖြစ်ပါတယ်။ ဂီတလောကမှာ အောင်မြင်မှုတွေသိမ်းပိုက်လာနိုင်တဲ့ ရွှေထူးအနေနဲ့ သူရဲ့ ဒုတိယမြောက်တစ်ကိုယ်တော်စီးရီးကို ပြင်ဆင်သူပါ။ ဒ့ါအပြင် နိုဝင်ဘာ ၁၇ ရက်နေ့ကစတင်ပြီး ရုံတင်ပြသနေတဲ့ ‘ပက်ပက်စက်စက်ညှို့’ ရုပ်ရှင်ဇာတ်ကားမှာ ရာဇဘွားဆိုတဲ့ လူငယ်တစ်ဦးအဖြစ် ပါဝင်သရုပ်ဆောင်ထားပြီး ရုပ်ရှင်အနုပညာနယ်ပယ်မှာ သရုပ်ဆောင်တစ်ဦးအဖြစ်လည်း အသိအမှတ်ပြုမှုတွေရရှိခဲ့ပြီဖြစ်တဲ့ ရွှေထူးနဲ့တွေ့ဆုံခိုက် သူ့အနုပညာလှုပ်ရှားမှုတွေအကြောင်း မေးမြန်းဖြစ်ခဲ့ပါတယ်  . . .

မေး     – 7 Sense ရုပ်ရှင်ထုတ်လုပ်ရေးနဲ့ လက်တွဲပြီး ဇာတ်ကားတွေရိုက်ဖို့ စာချုပ်ချုပ်ဆိုဖြစ်ခဲ့တဲ့အကြောင်းလေးကို သိပါရစေ။

ဖြေ      – ပက်ပက်စက်စက်ညှို့ဇာတ်ကားကို ပထမဆုံး လက်တွဲပြီး ရိုက်ကူးခဲ့တယ်။ အဲဒီဇာတ်ကားရိုက်ကူးဖို့ အမေက တိုက်တွန်းခဲ့သလို ကျွန်တော်ကိုယ်တိုင်ကလည်း ရလာတဲ့အခွင့်အရေးတစ်ခုကို ကိုယ့်ဘက်က ကြိုးစားကြည့်မယ်ဆိုပြီး စရိုက်ခဲ့တာပါ။ အဲဒီဇာတ်ကားရိုက်ကူးချိန်မှာ ကိုနေတိုးရော ကိုသားညီရောက ကျွန်တော့်ကို သေချာသင်ပေးတယ်။ လက်တွဲခေါ်တယ်။ ရုပ်ရှင်စက်အဖွဲ့သားတွေ မီးထိုး၊ မှန်ထိုးတွေကအစ အားလုံးက ချစ်ချစ်ခင်ခင်နဲ့ ၀ိုင်းဝန်းအားပေးကြတဲ့အတွက်လည်း သရုပ်ဆောင်အလုပ်ကို ဆက်ပြီး လုပ်ကိုင်သွားဖို့အတွက် အင်အားဖြစ်စေခဲ့တာပါ။ ကျွန်တော့်မှာ လိုအပ်ချက်တွေရှိနေသေးပေမယ့် ဇာတ်ကားတွေ ဆက်ပြီးရိုက်ကူးဖို့ အခွင့်အရေးပေးတဲ့ ယုံကြည်ပေးတဲ့အတွက် 7 Sense နဲ့ စာချုပ်ချုပ်ခဲ့တာပါ။ အဲဒီလိုအခွင့်အရေးပေးတဲ့ ယုံကြည်ပေးတဲ့အတွက်လည်း 7 Sense ရုပ်ရှင်ထုတ်လုပ်ရေးကို ကျေးဇူးအများကြီးတင်ပါတယ်။

မေး     – ပက်ပက်စက်စက်ညှို့ဇာတ်ကားမှာ ကိုယ့်ကိုအားပေးကြတဲ့တော့ ဘယ်လိုခံစားရလဲ။

ဖြေ      – ဒီဇာတ်ကားကောင်းဖို့အတွက် အားလုံးက ၀ိုင်းဝန်းကြိုးစားခဲ့ကြတာပါ။ ကျွန်တော်ရော၊ ကိုသားညီ ရော၊ မိုးစက်ဝိုင်ရော သုံးယောက်စလုံးရဲ့ ပထမဆုံးရုံ တင်ဇာတ်ကားကြီးဖြစ်လို့ ပရိသတ်တွေလာအားပေးဖို့ လည်း ဖိတ်ခေါ်ပါတယ်။ လာအားပေးတဲ့အတွက်လည်း ကျေးဇူးအများကြီးတင်ပါတယ်။ အရမ်းလည်း ၀မ်းသာပါတယ်။ သရုပ်ဆောင်ပိုင်းနဲ့ပတ်သက်ပြီး လိုအပ်ချက်တွေရှိနေသေးပေမယ့် အားပေးချစ်ခင်ကြတဲ့ ပရိ သတ်တွေကိုလည်း ကျေးဇူးအများကြီးတင်ပါတယ်။

မေး     – ပက်ပက်စက်စက်ညှို့ဇာတ်ကားမှာ သရုပ်ဆောင်ချိန်မှာ ကိုယ့်အတွက်ကြုံရတဲ့ အဓိကအခက်အခဲက ဘာဖြစ်မလဲ။

ဖြေ      – အမ်တီဗွီတွေမှာ သရုပ်ဆောင်တုန်းကတော့ သီချင်းနဲ့ဆိုတော့ စကားပြောပြီး သရုပ်ဆောင်မဟုတ် ဘူးလေ။ ရုပ်ရှင်ရိုက်တဲ့အခါမှာတော့ စကားတွေမမေ့အောင်ပြောရင်းနဲ့ သရုပ်ဆောင်ရတာဖြစ်လို့ ကျွန်တော့်အတွက် တော်တော်ခက်ခဲပါတယ်။ အရမ်းလည်း လေ့ကျင့်ခဲ့ရတယ်။ နောက်ပြီး ကိုယ်ငယ်ငယ်ကတည်း က နှစ်သက်ရတဲ့ ကိုနေတိုးနဲ့ တွဲဖက်သရုပ်ဆောင်ရတာဖြစ်တဲ့အတွက် ရှိန်နေတာတွေလည်းရှိတယ်။ တ ကယ်တော့ ရုပ်ရှင်ရိုက်တယ်ဆိုတာ၊ ရုပ်ရှင်ကောင်းသည်ဖြစ်စေ၊ မကောင်းသည်ဖြစ်စေ ဇာတ်ကားတစ်ကားဖြစ်လာက လုံးဝကိုမလွယ်ဘူးဆိုတာတော့ သေချာသိလာရတယ်။

မေး     – ပက်ပက်စက်စက်ညှို့ဇာတ်ကား ရိုက်ကူးချိန်မှာ ကြုံရတဲ့အမှတ်တရရှိရင်လည်း ပြောပြပေးပါဦး။

ဖြေ      – အမှတ်တရလည်းဖြစ်သလို ရယ်လည်းရယ်ရတဲ့ဟာသပါပဲ။ မျက်ရည်ကျတဲ့အခန်း ရိုက်ရတုန်းက ပေါ့။ မျက်ရည်ကျဖို့ ငိုဖို့ကျ ကျွန်တော်မလုပ်နိုင်ဘူးလေ။ အဲဒီအခန်းမှာ မျက်ရည်တုလေးသုံးတယ်။ မျက်စိထောင့်နား ပရုပ်ဆီလေးနည်းနည်းပွတ်ဆိုတာ ပရုတ်ဆီက အဖတ်လိုက်ဝင်သွားရော။ ဒါရိုက်တာကိုသား ညီက ရိုက်မယ်လည်းဆိုရော ကိုယ်က မျက်ရည်တင် မဟုတ်ဘူး နှပ်ချေးတွေပါထွက်လာရော။ ကိုယ့်အတွက် အမှတ်တရဖြစ်သလို နောက်လည်း ဘယ်လိုကြိုးစားရမယ်၊ ပြင်ဆင်ရမယ်ဆိုတာတွေ သိသွားစေပါတယ်။

မေး     – ဒုတိယမြောက် တစ်ကိုယ်တော်တေးစီးရီးလေးကရော ဘယ်လောက်ပြီးနေပြီလဲ။

ဖြေ      – ဒုတိယမြောက်တစ်ကိုယ်တော် တေးစီးရီးသစ်ကို အသံသွင်းတာတွေလုပ်နေပါပြီ။ ဒုတိယခွေမှာ တော့ ပထမခွေဖြစ်တဲ့ စိတ်ကူးယဉ်စာအုပ်မှာဆိုခဲ့တဲ့ သီချင်းပုံစံတွေ Underground မှာဆိုခဲ့တဲ့ သီချင်းပုံစံ တွေနဲ့မတူတဲ့ သီချင်းပုံစံတွေပိုပြီးပါမှာပါ။ သီချင်းပုံစံ အဆန်းလေးတွေကို Rap တို့ R&B တို့လိုပုံစံလေး တွေကိုမှ ဆိုနေကြမဟုတ်တဲ့ ပုံစံလေးတွေလုပ်ထားပါတယ်။ ကျွန်တော့်ကို စီကီးထဲက မထွက်ဘူးဆိုတဲ့ ဝေဖန်မှုတွေလည်းရှိတယ်။ ကျွန်တော်ကိုယ်တိုင်လည်း မထွက်တာဖြစ်တဲ့အတွက် လက်ခံတယ်။ အဲဒါတွေကို လည်း ပုံစံကွဲအောင် တီးခတ်ဖန်တီးပေးဖို့ တခြားမြူးဇစ် ပရိုဂျူဆာတွေဆီမှာ အပ်တယ်။ သေချာဖန်တီးထားတယ်။ ကျွန်တော်ဆိုနေကျမဟုတ်တဲ့ သီချင်းပုံစံတွေ ပါမှာဖြစ်သလို ပရိသတ်အကြိုက်တေးသီချင်းတွေလည်း ပါမှာပါ။ စီးရီးကိုဖြစ်နိုင်ရင် ဒီဇင်ဘာလ ဒါမှမဟုတ် ၂၀၁၈ ဇန်န၀ါရီလထဲမှာ ထွက်နိုင်ဖို့အတွက် စီစဉ်နေပါတယ်။

မေး     – ဝေဖန်မှုတွေကြံရချိန်မှာ ဘယ်လိုရင်ဆိုင်ပြီးဖြတ်သန်းလဲ။

ဖြေ      – ဝေဖန်မှုတွေကတော့ ခံရမှာပေါ့လေ။ အရင်က ကျွန်တော်က စိတ်ဆတ်တယ်။ ဂျစ်ကန်ကန်နိုင်တယ်။ သူများက ကိုယ့်ကိုယ်တစ်ခုခုပြောရင် မကြိုက်ဘူး။ လူငယ်လည်း လူငယ်ဆိုတော့ ခံပြင်းစိတ်တွေဖြစ်တယ်။ ဒါပေမဲ့ ကိုယ်မှမဟုတ်ဘူး။ အနုပညာရှင်တိုင်းက ဝေဖန်မှုတွေခံရမှာပဲ။ ချစ်တဲ့သူရှိသလို မုန်းတဲ့သူ လည်းရှိမှာပဲဆိုတာကို နားလည်းလက်ခံပြီး ဝေဖန်မှုတွေကို လက်ခံတယ်။ မကောင်းတဲ့ဝေဖန်မှုတွေကိုလည်း ပြန်ဆန်းစစ်ပြီး ပြင်စရာရှိတာပြင်တယ်။ ဒါပေမဲ့ ဝေဖန်တာမျိုးမဟုတ်ဘဲ ကဲ့ရဲ့တာမျိုးတွေကိုတော့ ခေါင်းထဲသိပ်မထည့်ဘူး။

မေး     – အဆိုတော်အလုပ်နဲ့ သရုပ်ဆောင်အလုပ် နှစ်ခုဖြစ်လာပြီဆိုတော့ နောက်ပိုင်းမှာ ဘယ်အနု ပညာအလုပ်တွေကို ပိုလုပ်ဖြစ်မလဲ။

ဖြေ      – နှစ်ခုစလုံးကိုတော့ မျှအောင် လုပ်သွားမှာပါ။ ကျွန်တော့်ရဲ့ပင်မက အဆိုတော်ဖြစ်သလို ရုပ်ရှင်ကားတွေ ရိုက်ကူးဖို့လည်း လက်ခံထားတာဖြစ်လို့ နှစ်ဖက်စလုံးမှာ သေချာကြိုးစားပြီး မလစ်ဟင်းရအောင် ပြင်ဆင်သွားပါမယ်။

မေး     – 7 Sense နဲ့ ရိုက်ကူးမယ့်ဇာတ်ကားတွေမှာ ကိုယ့်လုပ်ချင်တဲ့ဇာတ်ကောင်မျိုး ရိုက်ခွင့်ရမယ်ဆိုတော့ ဘယ်လိုဇာတ်ကောင်မျိုးကို သရုပ်ဆောင်ချင်လဲ။

ဖြေ      – ကျွန်တော်က ဗီလိန်ဇာတ်ကောင်ကိုပဲ သရုပ်ဆောင်ချင်တာ။ ငယ်ငယ်ကတည်းကလည်း ဇာတ်ကားတွေကြည့်ရင် ဗီလိန်ဇာတ်ကောင်တွေကိုပဲ ကြိုက်တယ်။ ကျွန်တော်ကိုယ်တိုင် စိတ်ကြိုက်ဆိုရင်တော့ သူ့ဇာတ်ကောင်စရိုက်နဲ့ လုပ်ကွက်သေချာရှိပြီး အထာကျတဲ့ ဗီလိန်ဇာတ်ရုပ်မျိုး ရိုက်ချင်တယ်။

မေး     – ကိုယ့်ရဲ့ပရိသတ်တွေကို ပြောချင်တဲ့စကားရှိရင်။

ဖြေ      – ကျွန်တော်က အဆိုတော်ရွှေထူးဘ၀ကနေ ရုပ်ရှင်သရုပ်ဆောင်တစ်ဦးအဖြစ် ဇာတ်ကားတွေ စရိုက်လာခဲ့တယ်။ ကျွန်တော့်မှာ လိုအပ်ချက်တွေအများကြီးရှိနေဦးမှာပါ။ အဲဒီအတွက် ပရိသတ်တွေက ဝေဖန်ပေးပါ။ ထောက်ပြပေးပါ။ ဝေဖန်မှုတွေကိုတော့ ကျွန်တော် ကြိုဆိုပြီး ကျွန်တော့်ဘက်က လိုအပ်တာတွေ ကိုလည်း အကောင်းဆုံးကြိုးစားသွားပါမယ်။ ကျွန်တော်က နည်းနည်းဂျစ်ကန်ကန်ဖြစ်ပေမယ့် အရမ်းသဘောကောင်းပါတယ်လို့ ပြောချင်ပါတယ်။

Miss Universe Myanmar 2017 အလှမယ်ဇွန်သံစဉ်နှင့် တွေ့ဆုံခြင်း

၂၀၁၃ ခုနှစ်မှစတင်ကာ ကမ္ဘာ့ထိပ်တန်း အလှမယ်စင်မြင့်တစ်ခုဖြစ်သည့် Miss Universe အလှမယ်ပြိုင်ပွဲသို့ မြန်မာကိုယ်စားပြုအလှမယ်များ နှစ်အလိုက် ပါဝင်ယှဉ်ပြိုင်ခွင့် ရရှိခဲ့သည်မှာ ယခုနှစ်တွင် ငါးကြိမ်တိုင်ခဲ့ပြီဖြစ်သည်။ ယခုနှစ်အတွက် မြန်မာကိုယ်စားပြု ရွေးချယ်ထားသည့် အလှမယ် ဇွန်သံစဉ်မှာ တစ်နှစ်တာကာလအတွင်းတွင် လေ့ကျင့်ပြင်ဆင်မှုများစွာ ပြုလုပ်ထားပြီးနောက် နိုဝင်ဘာ ၉ ရက်တွင် ပြိုင်ပွဲကျင်းပမည့် အမေရိကန်နိုင်ငံသို့ သွားရောက်ယှဉ်ပြိုင်တော့မည်ဖြစ်သည်။ Miss Universe 2016 ပြိုင်ပွဲတွင် Best National Costume ဆုကိုရရှိခဲ့သည့် မြန်မာနိုင်ငံအနေဖြင့် ယခုနှစ်တွင်လည်း မြန်မာ့ရိုးရာဆိုင်းဝိုင်းကို ပုံဖော်ထားသည့် National Costume ဖြင့်ဝတ် ဆင်ယှဉ်ပြိုင်မည်ဖြစ်သည်။ ကမ္ဘာ့နိုင်ငံအသီးသီးမှ အလှမယ်များကြားတွင် မြန်မာကိုယ်စားပြုပုံရိပ်ကောင်းများ ထင်ဟပ်စေရန် ကြိုးပမ်းပြင်ဆင်လျက်ရှိသည့် အလှမယ်ဇွန်သံစဉ်နှင့်တွေ့ဆုံ၍ မြန်မာကိုယ်စားပြု အလှမယ်တစ်ဦးအဖြစ် ပြင်ဆင်ထားမှုများ၊ ပြိုင်ပွဲအတွက် မျှော်လင့်ရင်ခုန်မှုများ အပါအ၀င် သိလိုသည်များအား မေးမြန်းဖြစ်ခဲ့ပါသည်။

 

■ မေး – Miss Universe ပြိုင်ပွဲကိုရက်ပိုင်းအတွင်း သွားပြိုင်ရတော့မယ်ဆိုတော့ ဘယ်လိုအပိုင်းတွေကို အဓိကထားပြီး ပြင်ဆင်ထားပြီးပြီလဲဆိုတာ အရင်သိချင်ပါတယ်။

ဖြေ – တစ်နှစ်အချိန်ရတယ်ဆိုတော့ ညီမအတွက် Body၊ Beauty၊ Brain အပိုင်းသုံး ပိုင်းစလုံးကိုအချိန်ယူပြီး ပြင်ဆင်နိုင်ခဲ့တယ်။ အ၀တ်အစားပိုင်းကအစ သေချာပြင်ဆင်ထားသလို ပါဖောမန့်စ်ပိုင်းတွေကိုလည်း သေချာပြင်ဆင်ထားနိုင်တယ်။ ကိုယ့်ကိုယ်ကိုယ်လည်း ကျေနပ်အားရမှု အပြည့်အ၀ ရှိပါတယ်။ ပြင်ဆင်ချိန်တစ်နှစ်တာကာလအတွင်းမှာ အပြည့်အ၀ပြင်ဆင်ထားတယ်။  ကျန်တာကတော့ ကံတရားရဲ့မျက်နှာသာပေးမှုအတိုင်းပဲ အကောင်းဆုံးဖြစ်လာစေဖို့ ဆုတောင်းနေပါတယ်။ ညီမဘက်ကတော့ အစွမ်းကုန်ကြိုးစားမှာပါ။

 

■ မေး – အခုနှစ်ရဲ့ National Costume က မြန်မာ့ရိုးရာဆိုင်းဝိုင်းကို အခြေခံတဲ့ ၀တ်စုံ ဖန်တီးမှုနဲ့ပြိုင်ရမှာဆိုတော့ အဲဒီစိတ်ကူးအကြောင်းကိုလည်း ပြောပြပါဦး။

ဖြေ – National Costume ၀တ်စုံရဲ့စိတ်ကူးကတော့ Miss Universe Myanmar National Director ဒေါ်စိုးယုဝေရဲ့စိတ်ကူးပေါ့နော်။ အဲဒါကို ဒီဇိုင်နာ မသဇင်ခင်နဲ့ ပူးပေါင်းပြီး ဖန်တီးပေးကြပါတယ်။ ညီမနဲ့လည်း လိုက်ဖက်မှုရှိအောင်၊ ညီမအတွက် အရမ်းလည်း ခက်ခက်ခဲခဲမဖြစ်ဘဲ စိတ်ဝင်စားစရာ ဖြစ်အောင်ပြသနိုင်ဖို့ ဖန်တီးပေးထားပါတယ်။ ညီမအနေနဲ့ကတော့ မြန်မာ့ဆိုင်းဝိုင်း ရဲ့ ပါဖောမန့်စ်တွေ၊ ဆိုင်းတီးတဲ့ ပါဖောမန့်စ် တွေကို သေချာလေးလေ့ကျင့်ထားပါတယ်။

 

■ မေး – စောင်းတီးသင်ထားတာလည်းတွေ့တော့ Talent Show မှာ တီးပြဖြစ်မလား။

ဖြေ – စောင်းတီးတာကတော့ ၀ါသနာအရ သင်ထားဖြစ်တာပါ။ National Costume နဲ့တော့မဆိုင်ပါဘူး။ ဒါပေမဲ့ Talent Show လုပ်ဖြစ်မယ်ဆိုရင်တော့ စောင်းတီးတာလေးနဲ့ပဲ ပြိုင်ဖြစ်မှာပါ။

 

■ မေး – မနှစ်တုန်းက Miss Universe ပြိုင်ပွဲမှာ မြန်မာနိုင်ငံက Best National Costume ဆုရ ထားတယ်ဆိုတော့ အခုနှစ်မှာ ပိုပြီးတာဝန်ကြီးတယ်လို့ ပြောလို့ရမလား။

ဖြေ – အဓိက,ကတော့ မနှစ်တုန်းက Best National Costume ဆုကို မြန်မာနိုင်ငံက ရခဲ့တာဆိုတော့ အခုနှစ်မှာလည်း မြန်မာနိုင်ငံက ဘယ်လို National Costume နဲ့ယှဉ်ပြိုင်မလဲဆိုတာကို တစ်ကမ္ဘာလုံးက စောင့်ကြည့်အားပေးကြမှာပဲလေ။ ညီမအနေနဲ့ မြန်မာ့ဆိုင်းဝိုင်းရဲ့အနှစ်သာရကို ပေါ်လွင်အောင်၊ မြန်မာ့ရိုးရာ အနုပညာကို သေချာလေးတင် ပြနိုင်အောင် ကြိုးစားသွားမှာပါ။ ဆုရတာ မရတာထက် မြန်မာ့အနုပညာကို တန်ဖိုးထားတတ်လာအောင်၊ စိတ်ဝင်တစားနဲ့ စောင့်ကြည့်ရကျိုးနပ်အောင် မြန်မာ့ဆိုင်းဝိုင်းကို ထည်ထည်ဝါ၀ါနဲ့ အခမ်းအနားဆုံး ဖြစ်အောင်တင်ဆက်သွားမှာပါ။ ဆုရခဲ့ရင်တော့ အကောင်းဆုံးပေါ့။ ကြိုးစားမှုရဲ့ရလဒ်တော့ ရမယ်လို့ယုံကြည်ထားတယ်။ မနှစ်တုန်းက ရုပ်သေးရုပ်ဆိုရင်လည်း ထက်ထက်ထွန်းအတွက် ခက်ခဲတဲ့အပိုင်းလေးတွေ ရှိတယ်ပေါ့နော်။ အခုဆိုင်းဝိုင်းမှာလည်း ဖြုတ်ရတပ်ရ လုပ်ရတဲ့အပိုင်းတွေ များတဲ့အခါကျတော့ နည်းနည်းတော့ အလုပ်များမယ်ပေါ့ နော်။ ဒါပေမဲ့ ဒီဇိုင်နာ မသဇင်ခင်ကတော့ ညီမအတွက်ကို လွယ်ကူအဆင်ပြေအောင် အများကြီးကြိုးစားပေးထားပါတယ်။ တစ်ခုနဲ့တစ်ခု အဆင်ပြေပြေနဲ့ ၀တ်ဆင်ပြသနိုင်အောင် ဖန်တီးပေးထားတာကြောင့် အဆင်ပြေမယ်လို့လည်း ယုံကြည်ပါတယ်။

 

■ မေး- မြန်မာကိုယ်စားပြုစလွယ်ကို သိုင်းပြီး သွားရမယ်ဆိုတဲ့အခါ ဘယ်လိုအချက်တွေကို ကိုယ်စားပြု တင်ပြသွားချင်လဲ။

ဖြေ – အဓိကတော့ မြန်မာအမျိုးသမီးတစ်ယောက်က သွက်လက်တယ်။ ထက်မြက်တယ်။ ဥာဏ်ရည်ဥာဏ်သွေး မြင့်မားတယ်။ တက်တက်ကြွကြွနဲ့ အလုပ်လုပ်တယ်။ အာရုံစိုက်ပြီး အလုပ်လုပ်တယ်။ ဖော်ရွေကူညီတတ်တယ်ဆိုတာကို ကမ္ဘာ့နိုင်ငံအသီးသီး က အလှမယ်တွေသိစေချင်တယ်။ မြန်မာအလှမယ်တွေကလည်း ထက်မြက်သွက်လက်တယ်၊ ကြိုးစားအားထုတ်မှု အပြည့်အ၀ရှိ တယ်ဆိုတဲ့ ပုံရိပ်ကို ထင်ဟပ်နိုင်အောင် ညီမဘက်က အပြည့်အ၀ ကြိုးစားသွားမှာပါ။

 

■ မေး – နိုင်ငံတကာအလှမယ်တွေနဲ့ တွေ့တဲ့အခါ ဘယ်လို အတွေ့အကြုံကောင်းတွေ ရမယ်လို့ ယုံကြည်လဲ။

ဖြေ – တချို့ကျတော့ ဘာသာစကားမှာ ကျွမ်းကျင်သလို တချို့ကျတော့ ဥာဏ်ရည်ဥာဏ်သွေး ထက်မြက်တယ်။ တချို့ကျတော့လည်း မယှဉ်နိုင်အောင် လှပတယ်။ တချို့ကျတော့လည်း ဖော်ရွေပျူငှာတယ်။ နိုင်ငံကိုယ်စားပြု အလှမယ်အားလုံးက မတူညီတဲ့ Talent ကိုယ်စီနဲ့ လာပြိုင်ကြတာဖြစ်တဲ့အတွက် ညီမအနေ နဲ့မတူကွဲပြားတဲ့ အတွေ့အကြုံကောင်းတွေ အများကြီးရမယ်လို့ ယုံကြည်ပါတယ်။

 

■ မေး- အခုဆို အလှမယ်တွေကို ပရိသတ်တွေက အားပေးတာရှိသလို ဝေဖန်တာလည်းရှိတဲ့အတွက် အဲဒီအပေါ် ဘယ်လိုခံယူထားလဲ။

ဖြေ-အဲဒါကတော့ အလှမယ်ဖြစ်မှ မဟုတ်ပါဘူး။ အနုပညာရှင်ဖြစ်လာပြီဆိုတနဲ့ ဝေဖန် မှုဆိုတာတော့ ရှိစမြဲပါ။ သူတို့က ကောင်းစေချင်လို့ ဝေဖန်ပေးကြတာဖြစ်တဲ့အတွက် ဝေဖန်တဲ့စကားသံကိုတော့ အမြဲနားထောင်ဖြစ်  တယ်။ ကိုယ့်ဘက်က ပြင်ဆင်စရာရှိရင်လည်း ပြင်ဆင်ဖြစ်တယ်။ ကိုယ့်ကိုမုန်းလို့ မကြိုက်လို့ ပြောတဲ့စကားမျိုးဆိုရင်တော့လည်း စိတ်ထဲမထားဘဲနေဖြစ်ပါတယ်။ ဖြစ်စေချင်လို့ ကောင်းစေချင်လို့ ဝေဖန်တာကိုတော့ ညီမနားထောင်ပြီး ပြင်ဆင်ပြောင်းလဲပါတယ်။

 

■ မေး – ဘယ်ရက်မှာစပြီး သွားဖြစ်မလဲ။

ဖြေ- ပြိုင်ပွဲက နိုဝင်ဘာလကုန်ပိုင်းမှာ ဖြစ်တဲ့အတွက် ညီမ နိုဝင်ဘာ ၉ ရက်မှာ စတင် ထွက်ခွာဖြစ်မှာပါ။

 

■ မေး- ပရိသတ်တွေကိုပြောချင်တဲ့ စကားလက်ဆောင်လေးရှိရင် ပြောပေးပါဦး။

ဖြေ-ပရိသတ်အားလုံးလည်း မြန်မာနိုင်ငံအတွက် အများကြီးမျှော်လင့်ထားကြတယ်။ Miss Universe ပြိုင်ပွဲမှာ ဆုတစ်ခုခု၊  Top Top တစ်ခုခု၊ နေရာတစ်ခုခုရလာအောင် ကြိုးစားနေပါတယ်။ Beauty Queen တွေ ကြားထဲမှာ မြန်မာဆိုတာ မျက်နှာမငယ်အောင် အမြဲတမ်းကြိုးစားမှာပါ။