ရွေးကောက်ပွဲ ၀င်ရောက်စွက်ဖက်မှုများကို ဖြေရှင်းရန် Facebook က သတင်းစစ်ပွဲခန်းမ တည်ထောင်မည်

Photo: AFP

Facebook သုံး၍ လာမည့်ရွေးကောက်ပွဲများ၌ ၀င်ရောက်စွက်ဖက်မှုများကို ဖြေရှင်းရေးအတွက် သတင်းစစ်ပွဲခန်းမတစ်ခုကို တည်ထောင်သွားမည်ဖြစ်ကြောင်း Facebook က စက်တင်ဘာ ၁၉ ရက်တွင် ပြောကြားခဲ့သည်။ ဘရာဇီးနှင့် အမေရိကန်ရွေးကောက်ပွဲများအတွက် ဆီလီကွန်ဗေးလီးတွင် သတင်းစစ်ပွဲခန်းမတစ်ခု တည်ထောင်နေကြောင်း အရပ်ဖက် ထိတွေ့ဆက်ဆံရေးဆိုင်ရာ ဒါရိုက်တာ ဆာမစ်ချာကရာဘာတီက ပြောကြားခဲ့သည်။

အချိန်နှင့်တစ်ပြေးညီ ဆုံးဖြတ်ချက်များ ဆောင်ရွက်ရန် လိုအပ်သည့်အခါ ယင်းခန်းမအား ကွပ်ကဲရေးစင်တာအဖြစ် အသုံးပြုသွားမည်ဖြစ်ကြောင်း ၎င်းက ပြောကြားခဲ့သည်။ သို့သော်လည်း သတင်းစစ်ပွဲခန်းမ စတင်လည်ပတ်မည့်အချိန်ကို ပြောကြားရန် ၎င်းက ငြင်းဆိုခဲ့သည်။

သတင်းတုများ အစုအပြုံလိုက် တက်လာခြင်း၊ စာတိုပေးပို့ခြင်းမှတစ်ဆင့် မဲပေးနိုင်သည်ဟု လူများကို မှားယွင်းမှတ်ထင်စေခြင်းတို့ ကဲ့သို့သော ဖြစ်နိုင်ခြေ အလားအလာများအား တုံ့ပြန်ရန်အတွက် Facebook က ဆောင်ရွက်နေကြောင်း အမှုဆောင်အရာရှိများက ဆိုသည်။ Facebook ကိုသုံး၍ ရွေးကောက်ပွဲ ၀င်ရောက်စွက်ဖက်မှုများကို ကာကွယ်ရေးအား ကုမ္ပဏီတွင်းမှ အဖွဲ့ပေါင်းစုံ ပူးပေါင်းကြိုးပမ်းမှုဖြင့် ဆောင်ရွက်နေကြောင်း ချာကရာဘာတီက ပြောကြားခဲ့သည်။ လူလုပ်အသိဥာဏ်တု၏ အကူအညီဖြင့် Facebook သည် ပြီးခဲ့သည့်နှစ် မတ်လမှ အောက်တိုဘာလအတွင်း အကောင့်တု ၁.၃ ဘီလျံနီးပါးကို ပိတ်ပင်ခဲ့ကြောင်း ၎င်းက ပြောကြားခဲ့သည်။

Ref: AFP

ဖိလစ်ပိုင်တွင် မြေပြိုမှု ထပ်မံဖြစ်ပွားခြင်းကြောင့် လူ ၁၂ ဦးသေဆုံးပြီး ဒါဇင်များစွာ ပျောက်ဆုံးနေ

စက်တင်ဘာ ၂၀ ရက်တွင် စီဘူးကျွန်းစုရှိ နာဂါမြို့၌ မြေပြိုသည့်နေရာတွင် ကယ်ဆယ်ရေးများ ဆောင်ရွက်နေကြစဉ် (Photo: AFP)

အင်အားပြင်းမုန်တိုင်း ၀င်ရောက် တိုက်ခတ်ခြင်းခံခဲ့ရသော ဖိလစ်ပိုင်နိုင်ငံတွင် စက်တင်ဘာ ၂၀ ရက်က မုတ်သုံမိုးများ ရွာသွန်းခြင်းကြောင့် မြေပြိုမှုထပ်မံဖြစ်ပွားခဲ့ပြီး လူ ၁၂ ဦးသေဆုံးခဲ့ကာ လူဒါဇင်ပေါင်းများစွာ ပျောက်ဆုံးနေဆဲဖြစ်ကြောင်း သိရသည်။ အဆိုပါ ဖြစ်ရပ်ဆိုးကြီးသည် ၂၀၁၈ ခုနှစ်၏ အင်အားအပြင်းဆုံးတိုင်ဖွန်းမန်ခွပ် ၀င်ရောက်ပြီး ရက်အနည်းငယ်အကြာတွင် ဖြစ်ပွားခဲ့ခြင်းဖြစ်ပြီး ယခုဖြစ်ရပ်မတိုင်မီကလည်း အီတိုဂွန်မြို့တွင် မြေပြိုမှု ဖြစ်ပွားခဲ့ခြင်းကြောင့် လူဒါဇင်ပေါင်းများစွာ သေဆုံးခဲ့ပြီးဖြစ်သည်။

ဖိလစ်ပိုင်နိုင်ငံ အလယ်ပိုင်း စီဘူကျွန်းပေါ်တွင် တည်ရှိသော တီနာအန်ကျေးရွာ၌ ဖြစ်ပွားခဲ့သည့် မြေပြိုမှုကြီးကြောင့် အရေးပေါ်ကယ်ဆယ်ရေးလုပ်သားများနှင့် ဒေသခံပြည်သူများသည် ဂေါ်ပြား၊ ငန်းပြားများကို ကိုင်ဆောင်၍ အသက်ရှင်ကျန်သူများအား ရှာဖွေရန် အပတ်တကုတ် လုပ်ဆောင်နေကြသည်။

မုတ်သုံမိုးသည်းထန်စွာ ရွာသွန်းခြင်းသည် ထုံးကျောက်မြေလွှာများအား လျှောကျနိမ့်ဆင်းစေခြင်းနှင့် ကျိုးပဲ့ခြင်းတို့ကို ဖြစ်ပေါ်စေသောကြောင့် မြေပြိုမှုဖြစ်ပွားရခြင်းဖြစ်ပြီး စက်တင်ဘာ ၂၀ ရက် အစောပိုင်းက ဖြစ်ပွားသွားသော မြေပြိုမှုအတွင်းတွင် နေအိမ် ၁၀ လုံး ပျက်စီးသွားခဲ့ကြောင်းနှင့် မြေပြိုမှုသည် လူအများ အိပ်စက်နေသည့်အချိန်တွင် ဖြစ်ပွားခဲ့ခြင်းဖြစ်ကြောင်း သိရသည်။

ထိခိုက်ဒဏ်ရာရရှိခဲ့သည့် အသက်ရှင်ကျန်ရစ်သူများကို လူနာတင်ကားဖြင့် သယ်ဆောင်သွားခဲ့ကြပြီး သေဆုံးသွားသူများကို မူတီနာအန်ကျေးရွာဘုရားကျောင်းတစ်ခု အတွင်းရှိ ခုံတန်းရှည်များပေါ်တွင် တင်ထားကြောင်း သိရသည်။ “လူ ၆၄ ဦး ပျောက်ဆုံးနေပြီးတော့ လူ ၁၂ ဦး သေဆုံးသွားပါပြီ။ ထိခိုက်ဒဏ်ရာရတဲ့သူက ကိုးဦးပါ။ ဒဏ်ရာတွေကတော့ မစိုးရိမ်ရပါဘူး။ မြေပြိုမှုဖြစ်ပွားတဲ့ နေရာမှာ ကယ်ဆယ်ရေးလုပ်သား ၁၀၀ ကျော် ရှိပါတယ်။ မြေတူးစက်တွေ၊ အခြားစက်ပစ္စည်းတွေ အသုံးပြုပြီးတော့ ရှာဖွေနေပါတယ်” ဟု ဖိလစ်ပိုင်ပြည်သူကာကွယ်ရေးဝန်ကြီးဌာနမှ ပြောခွင့်ရပုဂ္ဂိုလ် ဂျူးလီးယက်စ်ရန်ဂျာက အေအက်ဖ်ပီသို့ ပြောကြားခဲ့သည်။

စီဘူးကျွန်းတွင် ဖြစ်ပွားခဲ့သော မြေပြိုမှုအတွင်း အသက်ရှင်ကျန်ရစ်သူများကို ရှာဖွေတွေ့ရှိခဲ့ခြင်းကြောင့် ပထမဆုံးမြေပြိုမှု ဖြစ်ပွားခဲ့သည့် အီတိုဂွန်မြို့တွင်လည်း အလောင်းရှာဖွေမှုကို ဆက်လက်လုပ်ဆောင်နေခဲ့သည်။ ရွှေတူးဖော်ခြင်း လုပ်ငန်းများ လုပ်ကိုင်ကြသည့် အီတိုဂွန်မြို့နှင့် အခြားမြို့များ တည်ရှိနေသော Cordillera တောင်တန်းဒေသတွင် မြေပြိုမှုများ ဖြစ်ပွားခြင်းကြောင့် လူများစွာ သေဆုံးရခြင်းဖြစ်သည်။

အီတိုဂွန်တွင် ဖြစ်ပွားခဲ့သည့် မြေပြိုမှုအတွင်း လူသေလောင်းများ ထပ်မံတွေ့ရှိနေခြင်းကြောင့် သေဆုံးသူအရေအတွက်မှာ ၈၈ ဦးထိ မြင့်တက်လာကြောင်း ဖိလစ်ပိုင်ရဲတပ်ဖွဲ့က စက်တင်ဘာ ၂၀ တွင် ပြောကြားခဲ့သည်။

Ref: AFP

မလေးရှားဝန်ကြီးချုပ်ဟောင်းနာဂျစ် 1MDB အရှုပ်တော်ပုံအတွက် စွဲချက်သစ် ၂၅ ခု စွဲဆိုခံရ

စက်တင်ဘာ ၂၀ ရက်တွင် ကွာလာလမ်ပူရှိ တရားရုံးသို့ ၀န်ကြီးချုပ်ဟောင်း နာဂျစ် (လယ်) ကို စောင့်ကြပ်ခေါ်ဆောင်လာစဉ် (Photo: AFP)

ဒေါ်လာဘီလျံပေါင်းများစွာ ပါဝင်သော မလေးရှားအစိုးရ ရင်းနှီးမြှုပ်နှံမှုလုပ်ငန်း 1MDB အရှုပ်တော်ပုံအတွက် ဖမ်းဆီးခံခဲ့ရပြီးနောက် ၀န်ကြီးချုပ်ဟောင်း နာဂျစ် ရာဇက်သည် ၎င်း၏ဘဏ်စာရင်းထဲသို့ ဒေါ်လာ ၆၈၁ သန်း လွှဲပြောင်းထားမှုနှင့် ပတ်သက်၍ စက်တင်ဘာ ၂၀ ရက်တွင် ငွေကြေးခ၀ါချမှုဆိုင်ရာ စွဲချက်သစ် ၂၅ ခု စွဲဆိုခံခဲ့ရကြောင်း ရဲတပ်ဖွဲ့က ထုတ်ပြန်ခဲ့သည်။

အကျင့်ပျက်ခြစားမှု တိုက်ဖျက်ရေး စုံစမ်းစစ်ဆေးသူများက စက်တင်ဘာ ၁၉ ရက်တွင် ထိန်းသိမ်းခဲ့သော နာဂျစ်သည် စက်တင်ဘာ ၂၀ ရက်၌ ကွာလာလမ်ပူရှိ တရားရုံးတွင် ၎င်းအား စွဲဆိုခဲ့သော စွဲချက်များ၌ အပြစ်မရှိကြောင်း ငြင်းဆိုခဲ့သည်။ နာဂျစ်သည် အာမခံငွေ ရင်းဂစ် ၃.၅ သန်းပေးရန် သဘောတူခဲ့ပြီးနောက် ပြန်လွတ်လာခဲ့သည်။ ပြီးခဲ့သောမေ ရွေးကောက်ပွဲတွင် မမျှော်လင့်ဘဲ ရှုံးနိမ့်ခဲ့ပြီးနောက်ပိုင်း နာဂျစ်သည် 1MDB နှင့်ပတ်သက်၍ စွဲချက်ခုနစ်ခု စွဲဆိုခံထားရပြီးဖြစ်သည်။

ရဲတပ်ဖွဲ့က စက်တင်ဘာ ၂၀ ရက် နံနက်တွင် နာဂျစ်အား စစ်ဆေးမေးမြန်းခဲ့ပြီး ၎င်း၏ ဘဏ်စာရင်းထဲသို့ ဒေါ်လာ ၆၈၁ သန်း ရောက်ရှိနေမှုနှင့် ပတ်သက်၍ စွဲချက် ၂၁ ခုအထိ စွဲဆိုရန် ပြင်ဆင်ထားပြီးဖြစ်ကြောင်း ဒုတိယအမျိုးသားရဲချုပ် နိုအာရာ ရှစ်အီဘရာဟင်က အစောပိုင်းတွင် ထုတ်ပြန်ခဲ့သည်။ တရားမ၀င်ငွေကြေးများကို လက်ခံခြင်း၊ အသုံးပြုခြင်းနှင့် လွှဲပြောင်းခြင်းတို့နှင့် ဆက်နွှယ်၍ ငွေကြေးခ၀ါချမှုတိုက်ဖျက်ရေး ဥပဒေများအရ ထိုစွဲချက်များကို စွဲဆိုခြင်းဖြစ်ကြောင်း ၎င်းက ပြောကြားခဲ့သည်။

နာဂျစ်သည် ၎င်းထူထောင်ခဲ့သော 1MDB ၏ ကုမ္ပဏီခွဲဟောင်းတစ်ခုထံမှ ဒေါ်လာ ၁၀ သန်းခန့်ကို ကဲ့ယူခဲ့ကြောင်း စွပ်စွဲချက်များအတွက် ငွေကြေးခ၀ါချမှု၊ ယုံကြည်မှု အလွဲသုံးစားပြုမူနှင့် အာဏာအလွဲသုံးစားပြုမှု စသည့် စွဲချက်များ စွဲဆိုခံထားရ ပြီးဖြစ်သည်။ နာဂျစ်ကမူ မည်သည့်အမှား အယွင်းမျှ မလုပ်ဆောင်ခဲ့ကြောင်း ငြင်းဆိုထားသည်။

သို့သော် ၂၀၁၃ ခုနှစ်တွင် အငြင်းပွားဖွယ် ရွေးကောက်ပွဲများ မကျင်းပမီ နာဂျစ်၏ ဘဏ်စာရင်းများထဲသို့ ငွေအမြောက်အမြား ရောက်ရှိနေသည့် ကြာမြင့်နေပြီဖြစ်သော ထိုအရှုပ်တော်ပုံနှင့်ဆက်နွှယ်၍ ယခုကဲ့သို့ ဖမ်းဆီးခံခဲ့ရခြင်းဖြစ်သည်။ ဘဏ်စာရင်းများထဲသို့ ငွေများ လွှဲပြောင်းပေးထားကြောင်း သတင်းများသည် ၂၀၁၅ ခုနှစ်တွင် ထွက်ပေါ်လာခဲ့ပြီး 1MDB အရှုပ်တော်ပုံတွင် အလှည့်အပြောင်းဖြစ်ခဲ့ကာ နာဂျစ်နှင့် ၎င်း၏ အတွင်းစည်းကို ဖိအားအလွန်အမင်း မြင့်တက်ခဲ့သည်။ နာဂျစ်သည် မည်သည့်အမှားအယွင်းမျှ မလုပ်ခဲ့ကြောင်း ယင်းအချိန်က ရှေ့နေချုပ်က ဆုံးဖြတ်ခဲ့ပြီး ထိုငွေကြေးများသည် ဆော်ဒီဘုရင်မိသားစုက သီးသန့် လှူဒါန်းထားခြင်းဖြစ်ကြောင်းဆိုလျက် ပြည်တွင်း၌ စုံစမ်းစစ်ဆေးမှုများကို ပိတ်ပစ်ခဲ့သည်။

သို့သော် အသက် ၉၃ နှစ်ရှိပြီဖြစ်သော ၀န်ကြီးချုပ်ဟောင်း မဟာသီယာမိုဟာမက်က တစ်ကျော့ပြန် အာဏာရရှိလာခဲ့ချိန်တွင် ထိုအရှုပ်တော်ပုံအား စုံစမ်းစစ်ဆေးမှုကို ပြန်လည်စတင်ခဲ့ပြီး နာဂျစ်အား တရားခွင်တင်နိုင်ရန် ကြိုးပမ်းမည်ဟု ကတိပြုခဲ့သည်။ ၂၀၀၉ ခုနှစ်တွင် ထူထောင်ခဲ့သော 1MDB ထံမှ နာဂျစ်နှင့် ၎င်း၏ခရိုနီများသည် ဒေါ်လာဘီလျံများစွာ ခိုးယူခဲ့သည်ဟု စွပ်စွဲခံထားရသည်။

Ref: AFP

ဟန်ဂေရီသည် ရွှေ့ပြောင်းအခြေချများ၏ နိုင်ငံတစ်နိုင်ငံ မည်သည့်အခါမျှ ဖြစ်လာမည်မဟုတ်ကြောင်း နိုင်ငံခြားရေးဝန်ကြီး ပြောကြား

စက်တင်ဘာ ၁၉ ရက်တွင် သြစတြီးယား၌ ကျင်းပသော ဥရောပသမဂ္ဂထိပ်သီးကို တက်ရောက်ရန် ဟန်ဂေရီဝန်ကြီးချုပ်အော်ဘန် ရောက်ရှိလာစဉ် (Photo: AFP)

ဘူဒါပက်၏ ရွှေ့ပြောင်းအခြေချဆန့်ကျင်သည့် မူဝါဒများအား ဝေဖန်ပြီး အလိမ်အညာများ ဖြန့်ဝေနေသည်ဟု ကုလသမဂ္ဂ တာဝန်ရှိသူများကို ဟန်ဂေရီ နိုင်ငံခြားရေးဝန်ကြီးက စက်တင်ဘာ ၁၉ ရက်တွင် စွပ်စွဲခဲ့ပြီး ဟန်ဂေရီသည် ရွှေ့ပြောင်းအခြေချများ၏ နိုင်ငံတစ်နိုင်ငံအဖြစ် မည်သည့်အခါမျှ အဖြစ်ခံမည် မဟုတ်ကြောင်းလည်း ၎င်းက ပြောကြားခဲ့သည်။

ဟန်ဂေရီသည် ၎င်း၏ ပိုင်နက် နယ်မြေထဲသို့ တရားမ၀င် ရွှေ့ပြောင်းအခြေချတစ်ဦးကိုမျှ ၀င်ရောက်ခွင့်ပြုသွားမည် မဟုတ်ကြောင်း၊ ဟန်ဂေရီသည် ဟန်ဂေရီပြည်သူများအတွက်သာ ရှိနေမည်ဖြစ်ကြောင်း၊ ဟန်ဂေရီတွင် နှစ်ပေါင်း ၁၀၀၀ ကျော် သက်တမ်းရှိ သမိုင်းကြောင်း၊ ခရစ်ယာန်ယဉ်ကျေးမှုနှင့် ထုံးတမ်းအစဉ်အလာများကို ဂုဏ်ယူဖွယ် ပိုင်ဆိုင်ထားကြောင်း နိုင်ငံခြားရေးဝန်ကြီး ပီတာဇက်ဂျာတိုက ဂျီနီဗာတွင် ကုလသမဂ္ဂ လူ့အခွင့်အရေးကောင်စီ၌ ပြောကြားခဲ့သည်။

ကုလသမဂ္ဂ လူ့အခွင့်အရေးကောင်စီတွင် မိန့်ခွန်းပြောမည်ဟု နာရီအနည်းငယ်သာအလိုမှ သိခဲ့ရသော ဇက်ဂျာတိုက ကုလသမဂ္ဂ တာဝန်ရှိသူများကိုမူ အမည်ဖော်၍ မစွပ်စွဲခဲ့ပေ။ သို့သော် ဟန်ဂေရီ၏ မူဝါဒများအား ကုလသမဂ္ဂ လူ့အခွင့်အရေးအကြီးအကဲ မီရှယ်ဘာချီလက်နှင့် ကုလသမဂ္ဂ လူ့အခွင့်အရေး ကျွမ်းကျင်ပညာရှင်များက ဝေဖန်ခဲ့ပြီးနောက် ဇက်ဂျာတို၏ မိန့်ခွန်း ပြောကြားခဲ့ခြင်းဖြစ်သည်။

ကုလသမဂ္ဂ တာဝန်ရှိသူများသည် ဟန်ဂေရီနှင့်ပတ်သက်၍ အဓိပ္ပာယ်မရှိသည့် အရာများကို ပြောကြားနေကြောင်း၊ အလိမ်အညာများ စုဆောင်းထားမှုထက် မပိုသော မှတ်တမ်းများကိုလည်း ထုတ်ပြန်နေကြောင်း ဇက်ဂျာတိုက ပြင်းပြင်းထန်ထန် ဝေဖန်ခဲ့သည်။ ထိုမှတ်တမ်းများတွင် ဟန်ဂေရီပြည်သူများ၏ ရင့်ကျက်မှုကို ပုံမှန်အားဖြင့် မေးခွန်းထုတ်ခဲ့ပြီး ဟန်ဂေရီအား ထိန်းချုပ်စောင့်ရှောက်မှုအောက်တွင်ထားရှိလျှင် ပိုမိုကောင်းမွန်မည်ဟု ကုလသမဂ္ဂတာဝန်ရှိသူများက အကြံပြုထားကြကြောင်း ဇက်ဂျာတိုက ပြောကြားခဲ့သည်။

ဟန်ဂေရီအား ဝေဖန်နေသည့် ကုလသမဂ္ဂတာဝန်ရှိသူများသည် ၎င်းတို့က အဖွဲ့ဝင်နိုင်ငံများမှ သီးခြားကင်းလွတ်စွာ ရပ်တည်ကြောင်း ပုံမှန်ပြောကြားလေ့ရှိသည်ဟု ဇက်ဂျာတိုက ပြောကြားခဲ့သည်။ သို့သော် ၎င်းတို့သည် အမှန်တရားမှ သီးခြားမရပ် တည်သင့်ကြောင်း၊ ထို့ပြင် ၎င်းတို့၏ နေရာကို အသုံးချ၍ အဖွဲ့ဝင်နိုင်ငံများ၏ နိုင်ငံသားများနှင့် ပြည်သူများကို မစော်ကားသင့်ကြောင်းလည်း ၎င်းက ပြောကြားခဲ့သည်။

ဟန်ဂေရီ-ဆားဘီးယားနယ်စပ်တွင် ကြားခံဇုန်များ၌ ထိန်းသိမ်းခံထားရသော ရွှေ့ပြောင်းအခြေချများအား စားစရာမပေးဘဲ ထားရှိခဲ့ကြောင်း ထိတ်လန့်ဖွယ်သတင်းများကို ရည်ညွှန်းလျက် ဘာချီလက်က စက်တင်ဘာ ၁၀ ရက်တွင် လူ့အခွင့်အရေးကောင်စီ၌ မိန့်ခွန်းပြောကြားခဲ့သည်။ ထို့ပြင် လူတစ်ဦးအား ဟန်ဂေရီ၌ ခိုလှုံခွင့်တောင်းခံနိုင်ရန်၊ နေထိုင်ခွင့်ရရှိစေရန် သို့မဟုတ် အခြားဥပဒေ အကူအညီများ အပြည့်အ၀ရရှိစေရန် ကူညီပေးသည်ဟု သံသယရှိခံရသည့် ရှေ့နေ၊ အကြံပေး၊ စေတနာ့ဝန်ထမ်း သို့မဟုတ် တရားဝင် နေထိုင်ခွင့်ရရှိထားသည့် မည်သူ့ကိုမဆို အာဏာပိုင်များက ဖမ်းဆီးခြင်း၊ စွဲချက်တင်ခြင်းနှင့် နယ်စပ်မှ ချက်ချင်းဖယ်ရှားခြင်း ပြုလုပ်ခွင့်ပေးသည့် ဟန်ဂေရီအစိုးရ၏ ပြီးခဲ့သောဇွန်တွင် ထုတ်ပြန်ခဲ့သော လုပ်ထုံးလုပ်နည်းများကို ဘာချီလက်က မှတ်ချက်ပြု ဝေဖန်ခဲ့သည်။

Ref: AFP

ရွှေ့ပြောင်းအခြေချများအား ဟန့်တားရန် ဥရောပသမဂ္ဂက အီဂျစ်၊ အာဖရိကနိုင်ငံအချို့တို့နှင့် ဆွေးနွေးမည်

စက်တင်ဘာ ၂၀ ရက်တွင် သြစတြီးယားနိုင်ငံ၌ ဥရောပသမဂ္ဂ အလွတ်သဘောထိပ်သီးတွင် အဖွဲ့ဝင်နိုင်ငံခေါင်းဆောင်များ စုပေါင်းဓာတ်ပုံ ရိုက်နေစဉ် (Photo: AFP)

ဥရောပသို့ ရွှေ့ပြောင်းအခြေချများ ၀င်ရောက်မှုအား ဟန့်တားရန် နောက်ထပ်အရေးပါသော ခြေလှမ်းအဖြစ် အီဂျစ်နှင့် မြောက်အာဖရိကမှ နိုင်ငံအချို့တို့နှင့် ဆွေးနွေးရန် ဥရောပသမဂ္ဂခေါင်းဆောင်များက သဘောတူခဲ့ကြကြောင်း သြစတြီးယားဝန်ကြီးချုပ် ဆီဘက်စတန်ကာ့ဇ်က စက်တင်ဘာ ၂၀ ရက်တွင် ပြောကြားခဲ့သည်။ ပြီးခဲ့သော နှစ်နှစ်ကျော်အတွင်း နိုင်ငံထဲမှ ရွှေ့ပြောင်းအခြေချများ ထွက်ခွာမှုကို နှိမ်နင်းခဲ့ပြီးနောက် အီဂျစ်သည် ဥရောပသမဂ္ဂနှင့် ဆွေးနွေးမှုကို အရှိန်မြှင့်ရန် အသင့်ရှိနေခဲ့ပြီးနောက် ထိုအစီအစဉ်ကို သြစတြီးယား၏ ဆယ်ဘာ့ဂ်မြို့တွင် ဆွေးနွေးပွဲ၌ ခေါင်းဆောင်များက သဘောတူခဲ့ကြကြောင်း ကာ့ဇ်က ပြောကြားခဲ့သည်။

၂၀၁၅ ခုနှစ်တွင် ဥရောပသို့ ရွှေ့ပြောင်းအခြေချများအား အလုံးအရင်းဖြင့် ၀င်ရောက်ခဲ့ပြီးနောက်ပိုင်း ဥရောပသမဂ္ဂသည် ရွှေ့ပြောင်းအခြေချ ၀င်ရောက်မှုအား အလွန်အမင်း လျှော့ချနိုင်ခဲ့သည့် တူရကီ၊ လစ်ဗျားတုိ့နှင့် ပူးပေါင်းဆောင်ရွက်ရေး သဘောတူညီချက်များ ရရှိထားသည်။ ယခုအခါ မြောက်အာဖရိကရှိ နိုင်ငံအားလုံးနှင့် သဘောတူညီချက်များ ရရှိနိုင်ရန် ဥရောပသမဂ္ဂက လိုလားနေသည်။

အီဂျစ်အပြင် မြောက်အာဖရိကရှိ နိုင်ငံအချို့နှင့်လည်း ဆွေးနွေးမှုများ ပြုလုပ်ရန် ၎င်း၏ အဆိုပြုချက်ကို ခေါင်းဆောင်အားလုံးက သဘောတူခဲ့ကြကြောင်း ကာ့ဇ်က စက်တင်ဘာ ၁၉ ရက်တွင် ထိပ်သီးညစာစားပွဲမတိုင်မီ ပြောကြားခဲ့သည်။ ထိပ်သီးဒုတိယမြောက်နေ့ဖြစ်သော စက်တင်ဘာ ၂၀ ရက်တွင် ဥရောပသမဂ္ဂသည် ရွှေ့ပြောင်းအခြေချအရေး၊ လုံခြုံရေးနှင့် Brexit ညှိနှိုင်းမှုများကို ဆွေးနွေးကြမည်ဖြစ်သည်။

ဥရောပသမဂ္ဂ၏ ခြောက်လကြာ အလှည့်ကျဥက္ကဋ္ဌရာထူးကို ရယူထားသော ကာ့ဇ်က ဥရောပသမဂ္ဂထိပ်သီးများကို ကျင်းပသည့် ဥရောပကောင်စီဥက္ကဋ္ဌ ဒေါ်နယ်တက်နှင့် ၎င်းတို့သည် ထိုနိုင်ငံများနှင့် ဆွေးနွေးရန် ကမ်းလှမ်းမည်ဖြစ်ကြောင်း ပြောကြားခဲ့သည်။ အီဂျစ်သည် ဥရောပသမဂ္ဂနှင့် ဆွေးနွေးမှု အရှိန်မြှင့်ရန် အသင့်ဖြစ်နေသော မြောက်အာဖရိကရှိ ပထမဆုံးနိုင်ငံဖြစ်ကြောင်း၊ အီဂျစ်သည် နိုင်ငံ၏ ကမ်းခြေများသို့ ရောက်လာသော လှေများအား ဟန့်တားခြင်း သို့မဟုတ် အတင်းအကျပ် ပြန်စေလွှတ်ခြင်း ပြုလုပ်ခဲ့ပြီး ထိထိရောက်ရောက် ဟန့်တားနိုင်မှုကို ပြသခဲ့ကြောင်း ကာ့ဇ်က ပြောကြားခဲ့သည်။

မကြာသေးမီက အီဂျစ်သို့ တက်နှင့်အတူ သွားရောက်ခဲ့သည့် ကာ့ဇ်က အီဂျစ်သည် ဥရောပသမဂ္ဂနှင့် ဆက်ဆံရေးတိုးမြှင့်ရန် လိုလားနေမှုကို ဥရောပသမဂ္ဂက အခွင့်အရေး ယူသင့်ကြောင်း ပြောကြားခဲ့သည်။ အီဂျစ်သည် တူနီးရှား၊ အယ်လ်ဂျီးရီးယား၊ မော်ရိုကို တို့ကဲ့သို့ မြောက်အာဖရိကမှ အဖွဲ့ဝင်နိုင်ငံများအပြင် လစ်ဗျားလည်း ပါဝင်သည့် အာရပ်အဖွဲ့ချုပ်၏ ဌာနချုပ်ကို ဖွင့်လှစ်ထားသည်။ ရွှေ့ပြောင်းအခြေချများအား ဟန့်တားရန် ဥရောပသမဂ္ဂသည် အာရပ်အဖွဲ့ချုပ်နှင့် ဆွေးနွေးရန် ပိုလန်ဝန်ကြီးချုပ်ဟောင်း တက်က တိုက်တွန်းထားသည်။

Ref: AFP

ကလက်ရ်ှနီကော့ဗ်ရိုင်ဖယ်ဖြင့် ရုရှားသမ္မတပူတင်က စနိုက်ပါစွမ်းရည်ကို ထုတ်ဖော်ပြသ

စက်တင်ဘာ ၁၉ ရက်တွင် မော်စကိုအပြင်ဘက်ရှိ Patriot Park ၌ ချူကာဗင်လက်ဖြောင့် သေနတ်ကို ချိန်နေသော သမ္မတပူတင်အား တွေ့ရစဉ် (Photo: AFP)

ကလက်ရ်ှနီကော့ဗ် စနိုက်ပါရိုင်ဖယ် သေနတ်သစ်ကို စမ်းသပ်ပစ်ခတ်ကာ ရုရှားသမ္မတဗလာဒီမာပူတင်သည် စက်တင်ဘာ ၁၉ ရက်တွင် ၎င်း၏လက်ဖြောင့်စွမ်းရည်ကို ထုတ်ဖော်ပြသခဲ့သည်။ ပူတင်သည် ပစ်ချက်တစ်ဝက်ကျော်ကို ထိမှန်အောင် ပစ်ခတ်နိုင်ခဲ့သည်ဟု ဆိုသည်။ မော်စကိုမြို့ပြင်ရှိ ကလက်ရ်ှနီကော့ဗ် သေနတ်ပစ်ကွင်းတွင် မျက်မှန်၊ နားကြပ်တို့ကိုတပ်ကာ ငုတ်ထုတ်ထိုင်လျက် ပူတင်က ငွေရောင်ရိုင်ဖယ်ပစ်နေမှုကို ရုရှားအစိုးရရုပ်သံက ပြသခဲ့သည်။

“ပစ်မှတ်ကို အဝေးဆုံးမှာ လက်တွေ့ကျကျ စီစဉ်ထားပါတယ်” ဟု Rossiya 24 ရုပ်သံက ထုတ်လွှင့်ပြသခဲ့ရာတွင် ပူတင်သည် ပရော်ဖက်ရှင်နယ်စနိုက်ပါများကဲ့သို့ နှလုံးခုန်၊ အသက်အောင့်လျက် သေနတ်မောင်းကို ဆွဲခဲ့ပုံရကြောင်း ပြောကြားခဲ့သည်။ ပူတင်သည် ငါးကြိမ်ပစ်ခဲ့ရာတွင် တစ်ဝက်ကျော်သည် ပစ်မှတ်ကို ထိမှန်ခဲ့သည်ဟု အဆိုပါ ရုပ်သံက ကြေညာခဲ့သည်။ ပူတင်ပစ်ခဲ့သော မောင်းပြန်ရိုင်ဖယ်သည် ရုရှားစနိုက်ပါများအတွက် ခေတ်ရှေ့ပြေးလွန်းသော ရိုင်ဖယ်ဖြစ်သည်ဟု ရုရှားကာကွယ်ရေးဝန်ကြီးဌာနပိုင် TV Zvezda ရုပ်သံလိုင်းက ဖော်ပြခဲ့သည်။ AK-47 မောင်းပြန်ရိုင်ဖယ်ကြောင့် ထင်ရှားသော ကလက်ရ်ှနီကော့ဗ်သည် ခေတ်ဟောင်းပုံစံ လျှပ်စစ်ကားအတွက် ရှေ့ပြေးပုံစံကို ထုတ်ဖော်ပြသခဲ့ခြင်းအားဖြင့် ပြီးခဲ့သောလတွင် စောင့်ကြည့်သူများကို အံ့အားသင့်စေခဲ့သည်။

ရုရှား၏ အကောင်းဆုံးလက်နက်များကို ခင်းကျင်းပြသထားပြီး စစ်တပ်ဒစ္စနေးလန်းဟု ထင်ရှားသော Patriot Park တွင် ပြတိုက်များလည်းရှိပြီး လူပေါင်း၂၀၀၀၀ ၀င်ဆံ့သည့်နေရာတစ်ခုဖြစ်သည်။ ရုရှားအော် သိုဒေါ့ဘုရားရှိခိုးကျောင်းအတွက် အုတ်မြစ်ချရန် ပူတင်သည် အဆိုပါစစ်ပန်းခြံသို့ သွားရောက်ခဲ့ခြင်းဖြစ်သည်။ ၎င်းနှင့်အတူ ရုရှားကာကွယ်ရေးဝန်ကြီးလည်း လိုက်ပါလာခဲ့သည်။ ရုရှားနိုင်ငံ၏ ပြတ်သားသော ခေါင်းဆောင်သည် တောင့်တင်းသန်မာသူတစ်ဦး ဖြစ်လာရန် ကြိုးစားနေသူဖြစ်ပြီး အမဲလိုက်ခြင်း၊ ရေငုပ်ခြင်းနှင့် ဂျူဒိုကစားခြင်း စသော စွန့်စားလုပ်ရသည့်အရာများကို လုပ်ခဲ့ဖူးသည်။ ပူတင်သည် အဆိုပါ စစ်ပန်းခြံသို့ သွားရောက်ခဲ့သောခရီးစဉ်တွင် စနိုက်ပါရိုင်ဖယ်ကို စမ်းသပ် ပစ်ခတ်ခဲ့ခြင်းဖြစ်သည်။

Ref: AFP

ဂျပန်ဝန်ကြီးချုပ်အာဘေး အာဏာရပါတီခေါင်းဆောင် ရွေးချယ်ပွဲတွင် ထပ်မံရွေးချယ်ခံရ

စက်တင်ဘာ ၂၀ ရက်တွင် တိုကျိုရှိ LDP ပါတီရုံးချုပ်၌ ပါတီခေါင်းဆောင်အဖြစ် ရွေးချယ်ခံရပြီး အောင်ပွဲခံနေသော ၀န်ကြီးချုပ် အာဘေးကို တွေ့ရစဉ် (Photo: AFP)

ဂျပန်ဝန်ကြီးချုပ် ရှင်ဇိုအာဘေးသည် စက်တင်ဘာ ၂၀ ရက်တွင် အာဏာရပါတီ ခေါင်းဆောင်ရွေးချယ်ပွဲ၌ သက်သောင့်သက်သာ ပြန်လည်ရွေးချယ်ခံခဲ့ရပြီး ဂျပန်၏ သက်တမ်းအရှည်ဆုံး ၀န်ကြီးချုပ်ဖြစ်လာရန် အခြေအနေ ကောင်းနေသဖြင့် ဖွဲ့စည်းပုံ အခြေခံဥပဒေကို ပြုပြင်ပြောင်းလဲရန် ၎င်း၏ အိပ်မက်ကို အမှန်တကယ် အကောင်အထည် ဖော်နိုင်တော့မည်ဖြစ်သည်။

အသက် ၆၃ နှစ်ရှိ ကွန်ဆာဗေးတစ်ဝါဒီအာဘေးသည် လစ်ဘရယ်ဒီမိုကရက် တစ်ပါတီ (LDP) ခေါင်းဆောင် ရွေးချယ်ပွဲ၌ ထောက်ခံမဲ ၅၅၃ မဲ ရရှိခဲ့ပြီး ထောက်ခံမဲ ၂၅၄ မဲ ရရှိခဲ့သော တစ်ဦးတည်းသော ပြိုင်ဘက်ဖြစ်သူ ကာကွယ်ရေးဝန်ကြီးဟောင်း ရှီဂီရူအက်စ်ဟီဘာကို အနိုင်ရခဲ့သည်။ ယင်းကဲ့သို့ ထပ်မံရွေးချယ်ခံရမှုကြောင့် အာဘေးသည် ၀န်ကြီးချုပ်အဖြစ် နောက်ထပ်သက်တမ်းသုံးနှစ်ကို ထမ်းဆောင်ခွင့်ရမည်ဖြစ်ပြီး ၁၉၀၁ ခုနှစ်မှ ၁၉၁၃ ခုနှစ်အတွင်း ၀န်ကြီးချုပ်အဖြစ် သုံးကြိမ်ထမ်းဆောင်ခဲ့ဖူးသည့် တာရိုကက်ဆူရာ၏ သက်တမ်းအရှည်ဆုံး ၀န်ကြီးချုပ် စံချိန်ကို ချိုးဖျက်ရန် အခွင့်အရေး ရရှိခဲ့ပြီဖြစ်သည်။

ထိုပါတီခေါင်းဆောင် ရွေးချယ်ပွဲသည် အာဘေးက အောင်မြင်စွာ စေ့စပ်ညှိနှိုင်းနိုင်ခဲ့ကြောင်း စံချိန်ကို ပြသမှုတစ်ခုဖြစ်သည်ဟု တိုကျိုရှိ မေဂျီတက္ကသိုလ်မှ နိုင်ငံရေးပါမောက္ခ ရှီနီချီနီရှီကာဝါက ပြောကြားခဲ့သည်။ သို့သော် ခရိုနီဝါဒကျင့်သုံးမှုနှင့် ဖုံးကွယ်ထားသော အရှုပ်တော်ပုံများ တစ်သီတစ်တန်း ကြုံတွေ့ခဲ့ရပြီးနောက် ဆက်လက် ရှင်သန်ရန် စီမံနိုင်ခဲ့သော အာဘေးသည် လူထုထောက်ခံမှုကိုလည်း ပြန်လည်ရရှိရန် လုပ်ဆောင်နိုင်ခဲ့သည်။

အာဏာအတွက် ထပ်မံအတည်ပြုချက် ရခဲ့ပြီးနောက် အာဘေးသည် ကုလသမဂ္ဂအထွေထွေ ညီလာခံ တက်ရောက်ရန်နှင့် အမေရိကန်သမ္မတ ဒေါ်နယ်ထရန့်နှင့် ထိပ်သီးကျင်းပရန်အတွက် ယခုသီတင်းပတ်အကုန်တွင် နယူးယောက်သို့ သွားရောက်မည် ဖြစ်သည်။ ဂေါက်ကွင်းတွင် တွဲဖက်ဖြစ်ခဲ့ပြီး သံတမန်ရေးရာ အနီးကပ်မဟာမိတ်များဖြစ်သော အာဘေးနှင့် ထရန့်တို့သည် နောက်ဆုံးပြုလုပ်ခဲ့သော ကိုရီးယားထိပ်သီးကို သုံးသပ်လေ့လာမည်ဟု ယူဆရသည်။ သို့သော် မမျှတသော ကုန်သွယ်ရေးမိတ်ဖက် နိုင်ငံများတွင် ဂျပန်လည်း ပါဝင်သည်ဟု ထရန့်က ရှုမြင်ထားချိန်၌ ၎င်းတို့နှစ်ဦးသည် မြင့်တက်လာသော ကုန်သွယ်ရေး အငြင်းပွားမှုကိုလည်း ညှိနှိုင်းဖြေရှင်းရမည်ဖြစ်သည်။

ဂျပန်မဲဆန္ဒရှင်များက နိုင်ငံစီးပွားရေးနှင့် လူမှုဖူလုံရေးတို့ကို ၎င်းတို့၏ ဦးစားပေးများအဖြစ် သတ်မှတ်ထားစဉ် အာဘေးက ယခုပါတီခေါင်းဆောင်ရွေးချယ်ပွဲကို အသုံးချ၍ ဒုတိယကမ္ဘာစစ်အလွန် ငြိမ်းချမ်းရေး လိုလားသည့် ဖွဲ့စည်းပုံအခြေခံဥပဒေအား ပြု ပြင်ပြောင်းလဲရန် ၎င်း၏ စိတ်ကူးကို တွန်းအားပေးမည်ဖြစ်သည်။ စစ်ပွဲတွင် အနိုင်ရခဲ့သည့် အမေရိကန်သိမ်းပိုက်သူများက ရေးဆွဲခဲ့သည့် ထိုဖွဲ့စည်းပုံအခြေခံဥပဒေကို ပြန်ပြင်ရန် ဆန္ဒရှိကြောင်း အမျိုးသားရေးဝါဒီ အာဘေးက အကြိမ်ကြိမ် ပြောကြားခဲ့သည်။

သို့သော် စစ်ပွဲအား ထာဝရစွန့်လွှတ်ရန် ဖိအားပေးထားပြီး ဂျပန်၏ လက်နက်ကိုင်တပ်များအား မည်သည့်အခါမျှ မပံ့ပိုးရန် ပြဋ္ဌာန်းခဲ့သည့် ထိုဖွဲ့စည်းပုံအခြေခံဥပဒေအား မည်သည့်ပြင်ဆင်ပြောင်းလဲမှုမဆို ငြိမ်းချမ်းရေး လိုလားသည့် ဂျပန်တွင် အလွန်အမင်း အကဲဆတ်မည်ဖြစ်ပြီး ၂၀ ရာစုတွင် ဂျပန်၏ ကျူးကျော်မှုခံခဲ့ရသော တရုတ်နှင့် ကိုရီးယားတို့ကို လုံးဝဒေါသထွက်စေမည် ဖြစ်သည်။

Ref: AFP

စည်းလုံးညီညွတ်မှုကို ပြသမှုအဖြစ် တောင်နှင့်မြောက်ကိုရီးယားခေါင်းဆောင်နှစ်ဦး Paektu တောင်သို့ သွားရောက်

စက်တင်ဘာ ၂၀ ရက်တွင် Paektu တောင်ထိပ်၌ ကိုရီးယားနှစ်နိုင်ငံခေါင်းဆောင်များနှင့် ၎င်းတို့၏ဇနီးများကို တွေ့ရစဉ် (Photo: AFP)

တောင်နှင့်မြောက်ကိုရီးယား ထိပ်သီးဆွေးနွေးပွဲက အမေရိကန်နှင့် မြောက်ကိုရီးယား၏ စေ့စပ်ဆွေးနွေးပွဲအတွက် တွန်းအားသစ်တစ်ခု ဖြစ်စေခဲ့ပြီးနောက် ကင်ဂျုံအွန်နှင့် မွန်းဂျေအင်းတို့က စည်းလုံးညီညွတ်မှုကို ပြသမှုအဖြစ် ကိုရီးယားနိုင်ငံတည်ထောင်သူ မွေးဖွားခဲ့သည့် Paektu တောင်သို့ စက်တင်ဘာ ၂၀ ရက်တွင် သွားရောက်ခဲ့သည်။

အလံနှင့်ပန်းများ ဝှေ့ယမ်းကိုင်ဆောင်ပြီး အဖနိုင်ငံတော် ပေါင်းစည်းရေးဟု သံပြိုင်သီဆိုသည့် လူအုပ်များစီတန်းနေသည့် ပြုံယမ်းလမ်းများကို မွန်း၏ယာဉ်တန်းက ဖြတ်သန်းလာပုံကို ဗီဒီယိုဖိုင်များတွင် ပြသခဲ့သည်။

နှစ်နိုင်ငံခေါင်းဆောင်များသည် Samjiyon အရပ်မှတစ်ဆင့် တရုတ်နယ်စပ်ရှိ Paektu တောင်သို့ သွားရောက်ခဲ့သည်ဟု တောင်ကိုရီးယားသမ္မတရုံး၏ ပြောခွင့်ရပုဂ္ဂိုလ်တစ်ဦးက ပြောကြားခဲ့သည်။

အမြင့် ၂,၇၄၄ မီတာ( ပေ ၉,၀၀၃) ရှိသည့် ယင်းတောင်ထိပ်သည် ပထမကိုရီးယားဘုရင့်နိုင်ငံ၏ အထင်ကရထူထောင်သူ Dangun ကို မွေးဖွားသည့်နေရာအဖြစ် ကိုရီးယားအားလုံးက အလေးအမြတ်ထားသည့် နေရာဖြစ်သည်။

ပြုံယမ်း၏ ဇာတ်လမ်းပုံပြင်အရ ယင်းတောင်သည် ၁၉၁၀-၄၅ ခုနှစ် ကိုလိုနီအုပ်ချုပ်မှုအတွင်း မြောက်ကိုရီးယားနိုင်ငံတည်ထောင်သူ ကင်အီဆွန်းက ၎င်း၏ ဂျပန်နှိမ်နင်းရေး ပြောက်ကျားစစ်ဆင်ရေးများအတွက် လျှို့ဝှက်စစ်စခန်းတစ်ခု ထားရှိရာနေရာဖြစ်သည်ဟု သိရသည်။

အဆိုပါ ခရီးပြီးလျှင် မွန်းသည် မြောက်ကိုရီးယားသို့ သုံးရက်သွားရောက်သည့် ခရီးစဉ်ကို အဆုံးသတ်ပြီး ဆိုးလ်သို့ တိုက်ရိုက်ပြန်မည်ဟု ပြောခွင့်ရပုဂ္ဂိုလ်တစ်ဦးက ဆိုသည်။

မွန်းနှင့် ကင်သည် ပြုံယမ်းထိပ်သီးဆွေးနွေးပွဲ၌ တောင်-မြောက်ဆက်ဆံရေး ခိုင်မာရန် ကြိုးပမ်းခဲ့သည်။ ယင်းထိပ်သီးဆွေးနွေးပွဲတွင် မြောက်ကိုရီးယားခေါင်းဆောင် ကင်က ဆိုးလ်သို့ မကြာမီလာရောက်မည်ဟု ကတိပေးခဲ့သည်။ ယင်းသမိုင်းဝင်ခရီးစဉ်သည် ယခုနှစ်နှောင်းပိုင်းတွင် ဖြစ်နိုင်ခြေရှိသည်ဟု မွန်းက ပြောကြားခဲ့သည်။ ယင်းခရီးစဉ်သည် ၁၉၅၃ ခုနှစ်တွင် စစ်ရပ်ဆိုင်းရန် နှစ်ဘက်သဘောတူညီမှုဖြင့် ကိုရီးယားစစ်ပွဲ အဆုံးသတ်ခဲ့ပြီးနောက် မြောက်ကိုရီးယား ခေါင်းဆောင်တစ်ဦးက တောင်ကိုရီးယားသို့ ပထမဆုံး သွားရောက်မှုလည်း ဖြစ်လာမည်ဖြစ်သည်။

မိသားစုဝင်များ ပြန်လည်ဆုံတွေ့ရေးအတွက် အမြဲတမ်းအဆောက်အအုံတစ်ခု ဖွင့်လှစ်ရန်၊ ကားလမ်းနှင့် မီးရထားကွန်ရက်များ ချိတ်ဆက်ရေးအတွက် လုပ်ဆောင်ရန်နှင့် ၂၀၃၂ ခုနှစ် အိုလံပစ်ကို ပူးတွဲကျင်းပရန်အတွက် ကြိုးပမ်းရန် တောင်နှင့်မြောက် ကိုရီးယားခေါင်းဆောင်နှစ်ဦးက သဘောတူခဲ့ကြသည်။

အပြည်ပြည်ဆိုင်ရာ လေ့လာသူများရှေ့တွင် ဒုံးကျည်စမ်းသပ်သည့်နေရာ Tongchang-ri ကို ပိတ်ပစ်ရန် မြောက်ကိုရီးယားခေါင်းဆောင်ကင်ဂျုံအွန်က စက်တင်ဘာ ၁၉ ရက်တွင် သဘောတူခဲ့သည်။ ယင်းသဘောတူညီမှုကို အမေရိကန်က ကြိုဆိုခဲ့ပြီး ၂၀၂၁ ခုနှစ် ဇန်န၀ါရီမတိုင်မီ မြောက်ကိုရီးယားနျူကလီးယား လက်နက်ကင်းစင်ရေးကို ရည်ရွယ်သည့် ဆွေးနွေးပွဲများအတွက် အသင့်ဖြစ်နေပြီဟု ထုတ်ပြန်ခဲ့သည်။

Ref: AFP

1MDB နှင့် ဆက်နွှယ်သည့် ဒေါ်လာ ၆၂၈ သန်းအတွက် မလေးရှားဝန်ကြီးချုပ်ဟောင်းနာဂျစ် ဖမ်းဆီးတရားစွဲဆိုခံရ

၂၀၁၁ ခုနှစ် နိုဝင်ဘာ ၁၇ ရက်တွင် ဘာလီ၌ အာဆီယံထိပ်သီးဖွင့်ပွဲ မတိုင်မီ မလေးရှားဝန်ကြီးချုပ် နာဂျစ်နှင့် ၎င်း၏ ဇနီးကို တွေ့ရစဉ် (Photo: AFP)

မလေးရှားဝန်ကြီးချုပ်ဟောင်း နာဂျစ်ရာဇက်သည် စက်တင်ဘာ ၁၉ ရက်က ဖမ်းဆီးခံလိုက်ရသည်ဟု အစိုးရတာဝန်ရှိသူများက ပြောကြားခဲ့သည်။ ဖမ်းဆီးခံလိုက်ရသည့် နာဂျစ်သည် အစိုးရရင်းနှီးမြှုပ်နှံမှုလုပ်ငန်း 1MDB နှင့် ဆက်နွှယ်နေသည့် ဒေါ်လာ ၆၂၈ သန်းမှာ ၎င်း၏ပုဂ္ဂလိကဘဏ်စာရင်းများထဲသို့ ရောက်သွားသည်ဆိုသည့် စွပ်စွဲမှုများနှင့်ပတ်သက်၍ တရားစွဲခံရမည်ဟု သိရသည်။

မလေးရှားခြစားမှု တိုက်ဖျက်ရေးအဖွဲ့ (MACC) က နာဂျစ်ကို မေးမြန်းမှုများ ပြုလုပ်ရန် ဆင့်ခေါ်ပြီး နှစ်နာရီအကြာတွင် နာဂျစ်ဖမ်းခံလိုက်ရသည်ဟု သိရသည်။ MACC ၏ ထုတ်ပြန်ချက်အရ နာဂျစ်ကို ကွာလာလမ်ပူမြို့တော်ရှိ ဂျလန်ဒူတာဒေသထဲမှ တရားရုံးတွင် စွဲချက်တင်မည်ဖြစ်သည်။

နာဂျစ်သည် မေလရွေးကောက်ပွဲတွင် မမျှော်လင့်ဘဲ ရှုံးနိမ့်ခဲ့ပြီးနောက်ပိုင်းမှစ၍ တစ်ကြိမ်အဖမ်းခံခဲ့ရပြီးဖြစ်ကာ 1MDB ၏ လက်ခွဲဟောင်း လုပ်ငန်းထံမှ ဒေါ်လာ ၁၀ သန်းကဲ့ဝှက်မှုနှင့် ပတ်သက်ပြီး စွဲချက်ခုနစ်ခု တင်ခံထားရပြီး ဖြစ်သည်။ စက်တင်ဘာ ၁၉ ရက်က နာဂျစ်၏ ဖမ်းဆီးခံရမှုမှာမူ 1MDB အရှုပ်တော်ပုံထဲမှ အဓိကစွပ်စွဲချက်တစ်ခုနှင့် တိုက်ရိုက်ဆက်နွှယ်နေသဖြင့် ပိုမိုထင်ရှားမှုရှိသည်။ ယင်းမှာ ၂၀၁၃ ခုနှစ် ရွေးကောက်ပွဲမတိုင်မီက နာဂျစ်၏ ဘဏ်စာရင်းထဲသို့ 1MDB မှ ငွေအမြောက်အမြား ရောက်ရှိသွားသည် ဆိုသည့်ကိစ္စဖြစ်သည်။

1MDB ရန်ပုံငွေနှင့် နာဂျစ်ဘဏ်စာရင်းထဲသို့ ရင်းဂစ် ၂ ဒသမ ၆ ဘီလျံ (၆၂၈ သန်း) ရောက်နေမှုအပေါ် စုံစမ်းစစ်ဆေးနေခြင်း၏ တစ်စိတ်တစ်ပိုင်းအနေဖြင့် နာဂျစ်ကို ထိန်းသိမ်းလိုက်ခြင်းဖြစ်သည်ဟု MACC ၏ ထုတ်ပြန်ချက်တွင် ဖော်ပြခဲ့သည်။ နာဂျစ်သည် စက်တင်ဘာ ၂၀ ရက် မွန်းလွဲပိုင်းတွင် တရားရုံးသို့လာရမည်ဖြစ်ပြီး အာဏာအလွဲသုံးစားပြုမှုနှင့် ဆက်စပ်သော စွဲချက်အချို့နှင့် ရင်ဆိုင်ရဖွယ်ရှိသည်ဟု ထိုထုတ်ပြန်ချက်ထဲ၌ ဖော်ပြခဲ့သည်။

ယခုတစ်ကြိမ်နာဂျစ် ဖမ်းဆီးခံလိုက်ရခြင်းသည် ယခင်တစ်ခေါက်ဖမ်းဆီးခံရခြင်း ထက်များစွာ ပို၍ထင်ရှားမှုရှိသည်ဟု Tasmania တက္ကသိုလ်မှ မလေးရှားအရေး ကျွမ်းကျင်သူ ဂျိမ်းစ်ချင်က ပြောကြားခဲ့သည်။ “1MDB နဲ့ပတ်သက်ပြီး အစိုးရရဲ့ လှုပ်ရှား ဆောင်ရွက်ချက်တွေဟာ လျင်လျင်မြန်မြန် မရှိဘူးလို့ မကျေနပ်ချက်တွေ ရှိခဲ့ပါတယ်။ ကျွန်တော့်အထင်တော့ မလေးရှားပြည်သူတွေ အရမ်း၊ အရမ်းကို ပျော်သွားကြပါလိမ့်မယ်” ဟု ၎င်းက ပြောကြားခဲ့သည်။

နာဂျစ်ဘဏ်စာရင်းထဲသို့ ငွေရောက်ရှိနေသည့်ဆိုသည့် သတင်းသည် ၂၀၁၅ ခုနှစ်က စတင်ပေါ်ပေါက်ခဲ့ခြင်းဖြစ်သည်။ ထိုအချိန်မှစပြီး နာဂျစ်နှင့် ၎င်း၏ အတွင်းစည်းထဲမှ ပုဂ္ဂိုလ်များနှင့်ပတ်သက်သော အရှုပ်တော်ပုံမှာ တစ်ဟုန်ထိုး ကြီးထွားလာခဲ့သည်။

သို့သော် ထိုစဉ်ကရှေ့နေချုပ်ဖြစ်ခဲ့သူက နာဂျစ်သည် မည်သည့် အမှားမျှ မလုပ်ဆောင်ခဲ့ဟုဆိုကာ ဖြေရှင်းပေးခဲ့ပြီး ယင်းငွေများသည် ဆော်ဒီ တော်ဝင်မိသားစုထံမှ ပုဂ္ဂိုလ်ရေးအရ လှူဒါန်းမှုဟုလည်း ပြောကြားခဲ့သည်။ ထို့နောက် ပြည်တွင်း၌ ယင်းကိစ္စနှင့် ပတ်သက်ပြီး ထိုစုံစမ်းမှုများကို ရပ်တန့်လိုက်သည်။

Ref: AFP

စတော်ဘယ်ရီထဲ၌ အပ်ထည့်သည့်ကိစ္စသည် အကြမ်းဖက်မှုမြောက်သည်ဟု သြစတြေးလျဝန်ကြီးချုပ် ပြောကြား

Photo: AFP

စူပါမားကတ်များပေါ်တွင် တင်ရောင်းသော စတော်ဘယ်ရီများထဲ၌ အပ်များထည့်သွင်းခြင်းသည် အကြမ်းဖက်မှုနှင့် တန်းတူ သတ်မှတ်နိုင်သည်ဟု သြစတြေးလျဝန်ကြီးချုပ်က စက်တင်ဘာ ၁၉ ရက်တွင် ပြောကြားခဲ့သည်။ တစ်နိုင်ငံလုံးကို စိုးရိမ်ထိတ်လန့်စေသည့် ထိုကိစ္စကို တုံ့ပြန်သည့်အနေဖြင့် ယင်းကဲ့သို့ အမှုများကို ထောင်ဒဏ် ၁၅ နှစ်အထိ ချမှတ်ပေးရန်လည်း ၀န်ကြီးချုပ် စကော့မော် ရစ်ဆင်က တောင်းဆိုခဲ့သည်။

သို့သော် အကျပ်အတည်းဆိုက်နေသော လယ်သမားများကို ကူညီရန်အတွက် ယခုသီတင်းပတ်ကုန်ရက်တွင် စတော်ဘယ်ရီ Pavlova မုန့်တစ်ခု (သြစတြေးလျအချိုမုန့် တစ်မျိုး) လုပ်စားကြရန် ၀န်ကြီးချုပ်က ပြည်သူများကို တိုက်တွန်းခဲ့သည်။ စတော်ဘယ်ရီသီးများထဲတွင် အပ်ချုပ်အပ် သို့မဟုတ် ပင်အပ်များကို တွေ့ရှိပြီးနောက် မော်ရစ်ဆင်က ယခုကဲ့သို့ ပြောခဲ့ခြင်းဖြစ်သည်။

ကျူးလွန်သူသည် သူရဲဘောကြောင်သူ၊ ပေါက်လွှတ်ပဲစားတစ်ဦးဖြစ်သည်ဟု ၀န်ကြီးချုပ်က ခေါ်ဆိုသည်။ ယင်းကဲ့သို့ အစားအသောက်များကို ရည်ရွယ်ချက်ရှိရှိ ညစ်ညမ်းစေသောအမှုများ၌ ကျူးလွန်သူများအပေါ် ချမှတ်သည့် အမြင့်ဆုံးထောင်ဒဏ်ကို ၁၀ နှစ်မှ ၁၅ နှစ်သို့ အလျင်အမြန် တိုးမြှင့်ကြရန်လည်း ပါလီမန်ကို ၀န်ကြီးချုပ်က တောင်းဆိုခဲ့သည်။

ထိုသို့တိုးမြှင့်နိုင်လျှင် ယင်းရာဇ၀တ်မှုသည် အသက်မပြည့်သေးသူတို့ ပါဝင်သည့် အပြာရုပ်ရှင်များအား လက်ဝယ်ပိုင်ဆိုင်မှု၊ အကြမ်းဖက်မှုအား ငွေကြေးပံ့ပိုးမှု အစရှိသည့် အမှုများနှင့် တန်းတူဖြစ်သွားမည်ဖြစ်ကြောင်း၊ ထိုမျှလောက် ယခုကိစ္စကို ပြင်းထန်သည်ဟု ယူဆကြောင်း ၀န်ကြီးချုပ်က ဖြည့်စွက်ပြောကြားသည်။

အလန့်တကြားဖြစ်မှုများကြောင့် စူပါမားကတ်များပေါ်မှ စတော်ဘယ်ရီများကို ပြန်သိမ်းရသည့် ဖြစ်စဉ်များဖြစ်ပေါ်ခဲ့သည့်အပြင် နယူးဇီလန်ရှိအချို့သော ဈေးဆိုင်များတွင် သြစတြေးလျ စတော်ဘယ်ရီရောင်းချမှုကို ယာယီ ပိတ်ပင်ထားသည်။

ထို့ကြောင့် အရောင်းများကျလာသည့်အပြင် လက်ကားဈေးနှုန်းများလည်း ကျဆင်းလာသဖြင့် လယ်သမားများသည် မတတ်သာဘဲ သစ်သီးများကို အနှစ်လုပ်ပစ်လိုက်ရခြင်း၊ အသီးဆွတ်ခူးသူများကို အလုပ်နားထားရခြင်းတို့ လုပ်ဆောင်နေရသည်။

“အရင်တုန်းကလိုပဲ စတော်ဘယ်ရီတွေကို ပြန်သွားဝယ်လိုက်ပါ။ သတိလေးထားရုံပါပဲ” ဟု မော်ရစ်ဆင်က သြစတြေးလျများကို ရုပ်သံမိန့်ခွန်းတစ်ခုမှနေပြီး ပြောကြားခဲ့သည်။ ယင်းနောက် မော်ရစ်ဆင်၏ ဇနီးဂျန်သည် ၎င်းတို့နေအိမ်၌ တော်ဘယ်ရီ Pavlova မုန့်အား လုပ်ပြနေသည့် ဗီဒီယိုတစ်ခုကို ပြသခဲ့သည်။ အာဏာပိုင်များကမူ ပြည်သူများကို စတော်ဘယ်ရီများအား မစားမီထက်ခြမ်းခွဲကြရန် အကြံဥာဏ်ပေးခဲ့သည်။

ယခုဖြစ်စဉ်များ၏ လက်သည်ကို ရှာနေဆဲဖြစ်သလို လုပ်ဆောင်ရသည့်အကြောင်းရင်းကိုလည်း မသိရှိသေးဟု ရဲများက စက်တင်ဘာ ၁၈ ရက်တွင် ပြောကြားခဲ့သည်။ ပြည်သူများကို ကူညီပေးရန် တောင်းဆိုထားပြီး ဆုကြေးငွေကို ထပ်မံတိုးမြှင့်လိမ့်မည်ဟု ခန့်မှန်းနေကြသည်။

တစ်ဖက်တွင်လည်း အာဏာပိုင်များသည် စနောက်မှုများစွာနှင့်လည်း ကြုံနေရသည်။ ထို့ကြောင့် Facebook ပေါ်တွင် အပ်ပါသည့် အသီးများတွေ့သည်ဟု နောက်ပြောင်တင်သူများသည်လည်း တရားစွဲခံရကာ ထောင်ကျနိုင်သည်ဟု ရဲများက သတိပေးနေကြသည်။

Ref: AFP