ကနေဒါတွင် ဆေးခြောက်အား အပန်းဖြေရန်အတွက် အသုံးပြုခြင်းကို တရားဝင်ခွင့်ပြု

အောက်တိုဘာ ၁၆ ရက်တွင် မွန့်ရီယယ်မြို့၌ ဆိုင်တစ်ဆိုင်တွင် ဆေးခြောက်ဆိုင်ရာ ပစ္စည်းများကို တွေ့ရစဉ် (Photo: AFP)

ကနေဒါနိုင်ငံသည် အောက်တိုဘာ ၁၇ ရက်က ဆေးခြောက်အား ရောင်းချခြင်းနှင့် အပန်းဖြေရာတွင် အသုံးပြုခြင်းတို့ကို တရားဝင် ခွင့်ပြုလိုက်သည့် ပထမဆုံး အနောက်နိုင်ငံကြီးတစ်နိုင်ငံဖြစ်လာခဲ့ကာ ရာစုနှစ်တစ်ခုနီးပါးကြာ ဆေးခြောက်အသုံးပြုမှု ပိတ်ပင်ထားခြင်းသည် အဆုံးသတ်သွားခဲ့ပြီဖြစ်သည်။

ကနေဒါတွင် ဆေးခြောက်အား ဆေးကုသမှုပိုင်း၌ အသုံးပြုခြင်းကို ၂၀၀၁ ခုနှစ်ကတည်းက ခွင့်ပြုခဲ့ခြင်းဖြစ်သည်။

ယခုအပြောင်းအလဲသည် ဆေးခြောက်ဝါသနာရှင်များ၊ ရင်းနှီးမြှုပ်နှံသူများ၏ ချီးမွမ်းအားပေးမှုကို ရရှိခဲ့ပြီး တိုရွန်တိုနှင့် နယူးယောက် စတော့ဈေးကွက်တွင် ဆေးခြောက်နှင့်ပတ်သက်သည့် ရှယ်ယာများဈေးနှုန်း ထိုးတက်ခဲ့သည်။ အချို့သော ကျန်းမာရေးကျွမ်းကျင်သူများနှင့် အတိုက်အခံနိုင်ငံရေးသမားများကလည်း အဆိုပါ အပြောင်းအလဲကို မေးခွန်းထုတ်မှုများ မြင့်တက်လာသည်။

“ကျွန်တော်တို့ရဲ့ ကျန်းမာရေးအတွက် ကောင်းတယ်ထင်လို့ ဆေးခြောက်ကို တရားဝင် ခွင့်ပြုပေးလိုက်တာ မဟုတ်ပါဘူး။ ဒါဟာ ကျွန်တော်တို့ကလေးတွေအတွက် မကောင်းဘူးဆိုတာသိလို့ ဒီလိုလုပ်ခဲ့ရတာပါ” ဟု ၀န်ကြီးချုပ်ဂျက်စတင်ထရူဒိုးက ကြေညာမှုမတိုင်မီ ပြောကြားခဲ့သည်။ “ကလေးတွေကို ကာကွယ်ဖို့နဲ့ လူဆိုးဂိုဏ်းတွေဆီ ရောက်သွားမယ့် များပြားလှတဲ့ အမြတ်ငွေတွေကို လျှော့ချဖို့အတွက် ပိုကောင်းတဲ့အလုပ်တစ်ခုလုပ်ဖို့ လိုအပ်တယ်ဆိုတာ ကျွန်တော်တို့ သိပါတယ်” ဟု ၎င်းက ပြောကြားခဲ့သည်။

ထရူဒိုးသည် ၂၀၁၅ ခုနှစ် ရွေးကောက်ပွဲအတွက် မဲဆွယ်စည်းရုံးစဉ်ကတည်းက ဆေးခြောက်ကို တရားဝင် ခွင့်ပြုပေးမည်ဟု ကတိပြုခဲ့ခြင်းဖြစ်သည်။ ယခုအခါ ကနေဒါသည် ဥရုဂွေးပြီးလျှင် ဆေးခြောက်ကို တရားဝင်ခွင့်ပြုသည့် ဒုတိယနိုင်ငံဖြစ်လာခဲ့ပြီဖြစ်သည်။ ယခုအပြောင်းအလဲကို ၂၀၁၉ ခုနှစ် ရွေးကောက်ပွဲမတိုင်မီ ကနေဒါပြည်သူများက ဂရုတစိုက် စောင့်ကြည့်ကြကြမည်ဖြစ်ပြီး အခြားနိုင်ငံများကလည်း ထိုအစီအစဉ်ကို စောင့်ကြည့်ကြလိမ့်မည်ဖြစ်သည်။

စည်းမျဉ်းအသစ်အရ အသက် ၁၈ နှစ် သို့မဟုတ် ၁၉ နှစ်အရွယ်ရှိသူတစ်ဦးသည် ဆေးခြောက် ၃၀ ဂရမ်အထိ ၀ယ်ယူနိုင်ကာ နေအိမ်တွင်လည်း ဆေးခြောက်လေးပင်အထိ စိုက်ပျိုးနိုင်မည်ဖြစ်သည်။

ထရူဒိုးသည် ပါလီမန်၌ ရွေးကောက်ခံရပြီးနောက် သူငယ်ချင်းများနှင့် ညစားစားပွဲတွင် တစ်ကြိမ်အပါအ၀င် ဆေးခြောက်ငါးကြိမ်၊ ခြောက်ကြိမ်အထိ အသုံးပြုခဲ့ဖူးကြောင်း ၂၀၁၃ ခုနှစ်က ၀န်ခံခဲ့ဖူးသည်။

Ref: AFP

ပျောက်ဆုံးဂျာနယ်လစ်ကိစ္စတွင် သံသယရှိခံရသူများ ဆော်ဒီအိမ်ရှေ့မင်းသားနှင့် ဆက်နွှယ်နေ

အောက်တိုဘာ ၁၇ ရက်တွင် အစ္စတန်ဘူရှိ ဆော်ဒီအာရေဗျကောင်စစ်ဝန်ရုံး၌ လုံခြုံရေး အရန်အတားများကို ချထားစဉ် (Photo: AFP)

ဆော်ဒီဂျာနယ်လစ် ဂျမယ်ခါရှိုဂီ ပျောက်ဆုံးမှုနှင့်ပတ်သက်၍ တူရကီဘက်မှ သံသယသူတစ်ဦးသည် သြဇာကြီးဆော်ဒီအိမ်ရှေ့မင်းသား မိုဟာမက်ဘင်ဆယ်မန်နှင့် မကြာခဏတွဲ၍ တွေ့ရသော အဖော်တစ်ဦး ဖြစ်နေသည်ဟု နယူးယောက်တိုင်းမ်က အောက်တိုဘာ ၁၆ ရက်တွင် ဖော်ပြခဲ့သည်။

အခြားသံသယရှိသူ သုံးဦးမှာလည်း မင်းသားမိုဟာမက်၏ လုံခြုံရေးပိုင်းနှင့် ဆက်စပ်နေကြကာ ပဉ္စမမြောက်သံသယရှိသူမှာမူ သေမှုသေခင်း စစ်ဆေးရေးဆိုင်ရာ ထိပ်တန်း ဆရာဝန်တစ်ဦးဖြစ်သည်ဟု တိုင်းမ်က ဖော်ပြခဲ့သည်။ ထိုယူဆဖော်ပြချက်နှင့် ၀ါရှင်တန်ပို့စ်တွင် ဖော်ပြခဲ့သော အလားတူ သတင်းတစ်ပုဒ်တို့ကြောင့် ခါရှိုဂီပျောက်ဆုံးမှုသည် လူဆိုးလူသတ်သမားများတွင် တာဝန်ရှိဖွယ်ရသည်ဟု အမေရိကန်သမ္မတ ဒေါ်နယ်ထရန့်၏ ပြောကြားချက်နှင့် ပတ်သက်၍ သံသယများ မြင့်တက်လာစေသည်။

အစ္စတန်ဘူသို့ အထူးတာဝန်ဖြင့် စေလွှတ်လိုက်သော ဆော်ဒီအစိုးရအရာရှိ ၁၅ ဦးပါ အဖွဲ့က ဂျာနယ်လစ်ကို သတ်လိုက်ကြသည်ဟု တူရကီရဲများက ယုံကြည်နေသည်။ ထို ၁၅ ဦးအနက် ကိုးဦးထက်မနည်းမှာ ဆော်ဒီလုံခြုံရေး၊ စစ်ရေးနှင့် အခြားအစိုးရဌာနများတွင် အလုပ်လုပ်သူများဖြစ်ကြောင်း အတည်ပြုထားသည်ဟု တိုင်းမ်က ဆိုသည်။

သံသယရှိသူများနှင့်ပတ်သက်၍ ထပ်ဆောင်း အချက်အလက်များကို မျက်နှာသိမှတ်နိုင်သော ဆော့ဖ်ဝဲများ၊ ဆော်ဒီဆဲလ် ဖုန်းနံပါတ်တို့၏ အချက်အလက်များ၊ ပေါက်ကြားခဲ့သော ဆော်ဒီအစိုးရ အချက်အလက်များ၊ မျက်မြင်သက်သေများ၊ မီဒီယာများမှ တစ်ဆင့် စုဆောင်းထားခြင်းဖြစ်သည်ဟု တိုင်းမ်သတင်းစာက ဆိုသည်။

သံသယရှိသူတစ်ဦးမှာ ၂၀၀၇ ခုနှစ်က လန်ဒန်ရှိ ဆော်ဒီသံရုံးတွင် သံတမန်တစ်ဦးအဖြစ် တာဝန်ပေးခြင်းခံရသော မာဟာအဗ္ဗ ဒူလာဇစ် မူထရပ်ဖြစ်သည်ဟု ဗြိတိန်သံတမန်တာဝန်ကျ စာရင်းတစ်ခုကို ကိုးကားပြီး သတင်းစာတွင် ဖော်ပြခဲ့သည်။ မူထရပ်ကို မက်ဒရစ်နှင့် ပါရီခရီးစဉ်များအတွင်း မင်းသားမိုဟာမက်နှင့်အတူ လေယာဉ်ပေါ်၌ အတူလိုက်ပါလာသည့်ဓာတ်ပုံများကို တွေ့ရပြီး သက်တော်စောင့်တစ်ဦး အနေနှင့်ပါလာခြင်း ဖြစ်ဖွယ်ရသည်။ ထို့အတူ ၎င်းသည် မင်းသား၏ အမေရိကန်ခရီးစဉ်အတွင်း အစောင့်အဖြစ် လိုက်ပါလာပုံကို ရိုက်ကူးထားသည့် ဓာတ်ပုံများလည်းရှိသည်။

အခြားသံသယရှိသူသုံးဦးမှာ အဗ္ဗဒူလာ ဇဇ်မိုဟာမက်အယ်ဟောဆာဝီ (မင်းသား မိုဟာမက်နှင့်အတူ ခရီးများတွင် လိုက်ပါသည့် လုံခြုံရေးအဖွဲ့ထဲမှ အဖွဲ့ဝင်တစ်ဦး)၊ ဂီလက် အယ်ဟာဘီနှင့် မူဟာမက်ဆေယက်အယ် ဇာရာနီတို့ဖြစ်ကြသည်။ ဆော်ဒီတော်ဝင် အစောင့်တပ်ထဲတွင် အယ်ဟာဘီနှင့် အယ်ဇာရာနီ အမည်ရှိသည့် အဖွဲ့ဝင်နှစ်ဦးရှိသည်ဟု သိရသည်။

ငါးဦးမြောက်သံသယရှိသူမှာ Twitter တွင် ဆော်ဒီသေမှုသေခင်းဆိုင်ရာ သိပ္ပံကောင်စီအကြီးအကဲဟု ဖော်ပြထားသော ဆာလာအယ်တူဘိုင်ဂျီ ဖြစ်သည်ဟု တိုင်းမ်တွင် ဖော်ပြခဲ့သည်။ အဆိုပါ ပုဂ္ဂိုလ်သည် ပြည်ထဲရေးဝန်ကြီးဌာနနှင့် ဆော်ဒီ၏ ထိပ်တန်းဆေးပညာကျောင်းတို့တွင်လည်း ထိပ်ပိုင်းရာထူးများ ရရှိထားသည်။

ဝါရှင်တန်ပို့စ်၏ သတင်းတွင်လည်း တူရကီ၏ သံသယရှိသူ ၁၅ ဦးထဲမှ ၁၁ ဦးသည် ဆော်ဒီလုံခြုံရေးဌာနများနှင့် ဆက်စပ်မှုရှိနေသော ခါရှိုဂီအသတ်ခံရမှုတွင် ပါဝင်ဖွယ်ရှိသည်ဟု ဖော်ပြခဲ့သည်။

Ref: AFP

ကာကွယ်ဆေးအရှုပ်တော်ပုံမှ ဆေးဝါးကုမ္ပဏီတစ်ခုအား တရုတ်အစိုးရက ငွေဒဏ်ဒေါ်လာတစ်ဘီလျံကျော် ချမှတ်

ဇူလိုင် ၂၆ ရက်တွင် ချန်းချွန်၌ တရုတ်ကာကွယ်ဆေးထုတ်လုပ်သည့် ကုမ္ပဏီ Changchun Changsheng Biotechnology ၏ ၀င်ပေါက်ကို တွေ့ရစဉ် (Photo: Reuters)

ပြည်တွင်းထုတ် ဆေးဝါးများ၏ ဘေးကင်းမှုအား ပြည်သူများ၏ စိုးရိမ်ထိတ်လန့်မှုကို မြင့်တက်စေခဲ့သည့် ကာကွယ်ဆေး အရှုပ်တော်ပုံအတွက် ဆေးဝါးထုတ်လုပ်သည့် ကုမ္ပဏီတစ်ခုအား ပြစ်ဒဏ်အဖြစ် တရုတ်အာဏာပိုင်များက စုစုပေါင်းဒေါ်လာ ၁.၃ ဘီလျံချမှတ်ခဲ့ကြောင်း ဆေးဝါးစည်းမျဉ်း ထုတ်လုပ်သူများက အောက်တိုဘာ ၁၆ ရက်တွင် ပြောကြားခဲ့သည်။

ယင်းသည် ချွတ်ယွင်းချက်ရှိသော ခွေးရူးပြန်ကာကွယ်ဆေးများအတွက် နိုင်ငံအရှေ့မြောက်ပိုင်း ကျိလင်ပြည်နယ် အခြေစိုက် Changchun Changsheng Biotechnology ကုမ္ပဏီအား အာဏာပိုင်များက နောက်ဆုံးပြုလုပ်သော ငွေဒဏ်ချမှတ်မှုနှင့် ပိုင်ဆိုင်မှုများအား သိမ်းယူမှု ဖြစ်လာခဲ့သည်။ ပြီးခဲ့သော ဇူလိုင်တွင် ပေါ်ပေါက်ခဲ့သော ထိုအရှုပ်တော်ပုံနှင့်ဆက်နွှယ်၍ ယင်းကုမ္ပဏီ၏ ဥက္ကဋ္ဌ အမျိုးသမီးနှင့် အခြားလူ ၁၄ ဦးတို့သည် ဖမ်းဆီးခံခဲ့ရပြီး နိုင်ငံအဆင့်၊ ပြည်နယ်အဆင့်နှင့် ဒေသအဆင့်မှ တာဝန်ရှိသူတစ်ဒါဇင်ကျော်သည် ရာထူးမှ ထုတ်ပယ်ခံခဲ့ရသည်။

မှတ်တမ်းများအား မမှန်မကန် ဖန်တီးထားကြောင်း စစ်ဆေးတွေ့ရှိခဲ့ပြီးနောက် ခွေးရူးပြန်ကာကွယ်ဆေးများ ထုတ်လုပ်သည့် ထိုကုမ္ပဏီအား ဆေးများထုတ်လုပ်မှုကို ရပ်ဆိုင်းရန် အာဏာပိုင်များက ညွှန်ကြားခဲ့သည်။ သို့သော် ထိုသံသယဖြစ်ဖွယ် ခွေးရူးပြန်ကာ ကွယ်ဆေးများသည် ဈေးကွက်ထဲသို့ မရောက်ရှိခဲ့ကြောင်း အာဏာပိုင်များက ပြောကြားခဲ့သည်။

သို့သော် ထိုအမှုသည် ထုတ်ကုန်များ အထူးသဖြင့် ဆေးဝါးထုတ်လုပ်မှုကဏ္ဍတွင် ဘေးကင်းလုံခြုံမှုဆိုင်ရာ အရှုပ်တော်ပုံများ ပြန်ဖြစ်နေမှုအား ဒေါသထွက်နေကြသည့် စားသုံးသူများကို ယမ်းပုံမီးကျစေခဲ့သည်။

ထိုကုမ္ပဏီအတွက် ငွေဒဏ်နှင့် ပိုင်ဆိုင်မှုပစ္စည်းများ သိမ်းယူခံခဲ့ရမှုသည် စုစုပေါင်း ဒေါ်လာ ၁.၃ ဘီလျံ (ယွမ် ၉.၁ ဘီလျံ) ရှိကြောင်း တရုတ်အမျိုးသား ဆေးဝါးစီမံထိန်းချုပ်ရေးအဖွဲ့ (CNDA) နှင့် ကျိလင် စားသောက်ကုန်နှင့် ဆေးဝါးစီမံထိန်းချုပ်ရေးအဖွဲ့တို့က အောက်တိုဘာ ၁၆ ရက်တွင် ထုတ်ပြန်ခဲ့ကြသည်။ ထိုပမာဏတွင် ယင်းကာကွယ်ဆေးများ ရောင်းချရမှုမှရရှိသော ယွမ် ၁.၈၉ ဘီလျံအား ပြစ်ဒဏ်အဖြစ် သိမ်းယူခဲ့မှုလည်း ပါဝင်သည်။

ထိုကုမ္ပဏီသည် ကုန်များအား မှားယွင်းစွာ ရောနှောခြင်း၊ စက်ဒလက်များအား ပြုပြင်မွမ်းမံထားခြင်း၊ တရားမ၀င် လုပ်ရပ်များအား ဖုံးကွယ်နိုင်ရန် hard driver များနှင့် အထောက်အထားများအား ဖျက်ဆီးပစ်ခြင်းတို့ ဆောင်ရွက်ခဲ့သည်ဟု စွပ်စွဲခံထားရကြောင်း ဆေးဝါးထုတ်လုပ်ရေး စည်းမျဉ်းထိန်းသိမ်းရေး အဖွဲ့များက ပူးတွဲကြေညာချက် တစ်ရပ်ကို ထုတ်ပြန်ခဲ့သည်။

ဘေးကင်းလုံခြုံရေးဆိုင်ရာ ပြဿနာများအား ဖြေရှင်းပေးမည်ဟု တရုတ်အစိုးရက အကြိမ်ကြိမ် ကတိပြုထားသော်လည်း စံမမီသော သို့မဟုတ် အဆိပ်သင့်စေသော စားသောက်ကုန်၊ ဆေးဝါးနှင့် အခြားထုတ်ကုန်များ ပါဝင်သော အရှုပ်တော်ပုံများသည် ပုံမှန်ဖြစ်ပွားနေခဲ့သည်။ ယခုနောက်ဆုံး ဆေးဝါးအရှုပ်တော်ပုံ ပေါ်ပေါက်လာချိန်တွင် ကာကွယ်ဆေးများ ထုတ်လုပ်သောနိုင်ငံ တစ်ဝန်းရှိ လုပ်ငန်းများအား စုံစမ်းစစ်ဆေးမည်ဟု အာဏာပိုင်များက ကြေညာခဲ့သည်။ သို့သော် ၎င်းတို့၏ကလေးများအား ထိုးနှံ၊ တိုက်ကျွေးနေရသော ဆေးဝါးများကို အယုံအကြည် မရှိတော့ကြောင်း တရုတ်နိုင်ငံရှိ မိဘအများအပြားက ပြောကြားခဲ့ကြသည်။ ထိုအရှုပ်တော်ပုံ အရှိန်အမြင့်ဆုံးကာလတွင် အလွန်အမင်း စိုးရိမ်နေကြသော တရုတ်ပြည်မကြီးမှ မိဘများ၏ ၀ယ်ယူမှုများကြောင့် အိမ်နီးချင်းဟောင်ကောင်ရှိ ဆေးခန်းများတွင် ဆေးဝါးများ ပြတ်တောက်သည်အထိ ဖြစ်သည်။

Ref: AFP

ကမ္ဘာ့လူဦးရေ ထက်ဝက်နီးပါးသည် တစ်နေ့လျှင် ၅.၅ ဒေါ်လာထက်နည်းသောဝင်ငွေဖြင့် ရပ်တည်နေကြရကြောင်း ကမ္ဘာ့ဘဏ်ပြောကြား

ဇူလိုင် ၂၅ ရက်တွင် ဘန်ဂလိုမြို့၌ ကြက်သွန်ဖြူအိတ်များ တင်ဆောင်ထားသည့် နွားလှည်းတစ်စီးကို အိန္ဒိယအမျိုးသားတစ်ဦးက ဆွဲလာစဉ် (Photo: AFP)

ဆင်းရဲမွဲတေမှုနှုန်း လျှော့ချခြင်းတွင် တိုးတက်မှု တစ်စုံတစ်ရာ ရှိခဲ့သော်လည်း ကမ္ဘာ့လူဦးရေ ထက်ဝက်နီးပါးသည် တစ်နေ့လျှင် ဒေါ်လာ ၅.၅၀ ထက်မပိုသော ၀င်ငွေဖြင့် ရပ်တည်နေကြရကြောင်း အောက်တိုဘာ ၁၇ ရက်တွင် ထုတ်ပြန်ခဲ့သော ကမ္ဘာ့ဘဏ်၏ အစီရင်ခံစာက ဖော်ပြထားသည်။

တစ်နှစ်လျှင် နှစ်ကြိမ်ထုတ်ပြန်သော ယင်းအစီရင်ခံစာ၌ ဖွံ့ဖြိုးမှုနှုန်း နှေးကွေးသည့်နိုင်ငံများတွင် ဆင်းရဲမွဲတေမှုနှုန်းမှာ မကြာသေးမီနှစ်များအတွင်း ဆက်လက်ကျဆင်းနေခဲ့ကြောင်း၊ သို့သော် စီးပွားရေးဖွံ့ဖြိုး တိုးတက်မှု၏ အသီးအပွင့်များကို နိုင်ငံနှင့် ဒေသတစ်ဝန်းတို့တွင် ညီညီမျှမျှ ခွဲဝေရရှိခြင်း မရှိသောကြောင့် ကမ္ဘာတစ်ဝန်းရှိ ဆင်းရဲမွဲတေမှုနှုန်းမှာ လက်ခံနိုင်စရာမရှိအောင် မြင့်တက်နေဆဲဖြစ်ကြောင်း ဖော်ပြထားသည်။

၂၀၁၃ မှ ၂၀၁၅ ခုနှစ်ကြားကာလတွင် ကမ္ဘာ့စီးပွားရေး ဖွံ့ဖြိုးတိုးတက်မှုနှုန်း နှေးကွေးနေခဲ့သော်လည်း ကမ္ဘာတစ်ဝန်းရှိ လူဦးရေ ၆၈ သန်းကျော်မှာ ဆင်းရဲခြင်းမှ လွတ်ကင်းခဲ့ကြကြောင်း၊ ယင်းအရေအတွက်သည် ထိုင်းနိုင်ငံ သို့မဟုတ် ဗြိတိန်၏ လူဦးရေနှင့် အကြမ်းဖျင်းအားဖြင့် ညီမျှနေကြောင်း၊ သို့သော် ယခုထွက်ပေါ်လာသည့် ရလဒ်များအရ အချို့သော နိုင်ငံများ၌ အလွန်အမင်းဆင်း ရဲမွဲတေမှုသည် အမြစ်တွယ်နေသကဲ့သို့ ရှိနေပြီး ဆင်းရဲမှုနှုန်း လျှော့ချရာတွင်လည်း သိသိသာသာ အရာထင်လာခဲ့ခြင်းမရှိသည်မှာ ၀မ်းနည်းဖွယ်ဖြစ်ကြောင်း ကမ္ဘာ့ဘဏ် အစီရင်ခံစာ၌ ဖော်ပြထားသည်။

ထိုကဲ့သို့သော အကြောင်းခြင်းရာများကြောင့် ၂၀၃၀ ပြည့်နှစ်တွင် ဆင်းရဲမွဲတေမှုနှုန်းကို ကမ္ဘာ့လူဦးရေ၏ သုံးရာခိုင်နှုန်းထိ လျှော့ချပစ်မည့် ကမ္ဘာ့ဘဏ်၏ မျှော်လင့်ချက်သည် ယိုင်နဲ့နဲ့ဖြစ်လာနိုင်ကြောင်း အစီရင်ခံစာက ဆိုသည်။ ၁၉၉၀ ပြည့်နှစ်မှ ၂၀၁၅ ခု နှစ်ကြားကာလအတွင်း ကမ္ဘာတစ်ဝန်း ဆင်းရဲမှုနှုန်းသည် ၆၇ ရာခိုင်နှုန်းမှ ၄၆ ရာခိုင်နှုန်းထိ ကျဆင်းခဲ့သည်။

ပြီးခဲ့သည့်လက ထုတ်ပြန်ခဲ့သည့် ကမ္ဘာ့ဘဏ်၏ အစီရင်ခံစာ၌ ၂၀၁၅ ခုနှစ်အတွင်း ဆင်းရဲမွဲတေမှုနှုန်းမှာ ၁၀ ရာခိုင်နှုန်းထိ ကျဆင်းခဲ့ကြောင်း၊ တရုတ်နိုင်ငံတွင်မူ ဆင်းရဲမှုနှုန်း မြင့်တက်လာခဲ့ကြောင်း ဖော်ပြထားသည်။

ထို့ပြင် အရှေ့အာရှနှင့် ပစိဖိတ်နိုင်ငံများတွင် ဆင်းရဲမှုနှုန်း လျှော့ကျသွားခဲ့သော်လည်း ယင်းနိုင်ငံများ၏ စီးပွားရေးဖွံ့ဖြိုးမှုမှာ နှေးကွေးနေခြင်းကြောင့် ရလဒ်ကောင်းကို ဆက်လက်ထိန်းထားနိုင်သည့် အလားအလာ မရှိကြောင်းနှင့် ဆာဟာရအာဖရိကတွင်မူ လူဦးရေ ၈၄.၅ ရာခိုင်နှုန်းမှာ တစ်နေ့လျှင် ဒေါ်လာ ၅.၅၀ ထက်မပိုသော ၀င်ငွေဖြင့် ရပ်တည်နေကြရကြောင်း ဖော်ပြထားသည်။

လွန်ခဲ့သောနှစ် ၂၀ ကာလအတွင်း၌ ကမ္ဘာ့လူဦးရေ ၆၀ ရာခိုင်နှုန်းသည် ၀င်ငွေနည်းပါးသောနိုင်ငံများတွင် နေထိုင်ကြရပြီး ၂၀၁၅ ခုနှစ်တွင်မှု ယင်းအရေအတွက်ထက် ၉ ရာခိုင်နှုန်း လျော့ကျသွားခဲ့သည်။

Ref: AFP

အာဖဂန်တွင် ဗုံးခွဲတိုက်ခိုက်မှုအတွင်း ရွေးကောက်ပွဲကိုယ်စားလှယ်လောင်းတစ်ဦး အပါအ၀င် လေးဦးသေဆုံး

အောက်တိုဘာ ၁၅ ရက်တွင် ကဘူး၌ကိုယ်စားလှယ်လောင်း အယ်ဟာအမီယာဂူရှာဟင်းအား ထောက်ခံသူများအား တွေ့ရစဉ် (Photo: AFP)

အာဖဂန်နစ္စတန်နိုင်ငံတွင် အောက်တိုဘာ ၁၇ ရက်က ဆိုဖာခုံအောက်၌ထားရှိထားသည့် ဗုံးတစ်လုံးကြောင့် ရွေးကောက်ပွဲကိုယ်စားလှယ်လောင်းတစ်ဦး အပါအ၀င် လူလေးဦး သေဆုံးခဲ့ရသည်။ အောက်တိုဘာ ၂၀ ရက်တွင် ကျင်းပမည့် ပါလီမန်ရွေးကောက်ပွဲများမတိုင်မီ နိုင်ငံထဲ၌ အကြမ်းဖက်ဖြစ်စဉ်များ မြင့်တက်လာစဉ် ယခုပေါက်ကွဲမှု ဖြစ်ပွားခဲ့သည်။

ယင်းပေါက်ကွဲမှုနှင့်ပတ်သက်ပြီး တာလီဘန်တို့က ၎င်းတို့၏လက်ချက်ဖြစ်သည့်အကြောင်း လျင်မြန်စွာ ထုတ်ပြန်ခဲ့သည်။ ထို့ကြောင့် ရွေးကောက်ပွဲ မဲဆွယ်စည်းရုံးရေး ကာလအတွင်း သေဆုံးခဲ့ရသော ကိုယ်စားလှယ်လောင်းဦးရေမှာ ဆယ်ဦးထက်မနည်း ရှိပြီဖြစ်သည်။

ဖြစ်စဉ်မှာ တာလီဘန်တို့ အားကောင်းရာနယ်မြေဖြစ်သည့် နိုင်ငံတောင်ပိုင်း ဟယ်မန်ပြည်နယ်တွင် အဗ္ဗဒူဂျာဘာကွာရာမန်သည် မဲဆွယ်စည်းရုံးရေးရုံး၌ ထောက်ခံသူများနှင့် တွေ့ဆုံစဉ် ဆိုဖာအောက်၌ ၀ှက်ထားသော ဗုံးတစ်လုံး ပေါက်ကွဲသွားခဲ့ခြင်း ဖြစ်သည်။ ပြည်နယ်မြို့တော်လက်ရ်ှကာဂါ၌ ဖြစ်ပွားခဲ့သည့် ယခုပေါက်ကွဲမှုအတွင်း ကွာရာမန်အပါအ၀င် လေးဦးသေဆုံးပြီး ခုနစ်ဦးဒဏ်ရာရကာ သံသယရှိသူသုံးဦး ဖမ်းဆီးခံခဲ့ရသည်။

ကွာရာမန်ကို တာလီဘန်တို့အား နှိမ်နင်းရာတွင် ကူညီရန် သံတမန်တစ်ဦးအဖြစ် သမ္မတအရှရစ်ဂါနီက ၂၀၁၆ ခုနှစ်တွင် ဟယ်မန်သို့ စေလွှတ်ခဲ့သည်။ နောက်ပိုင်းတွင်မူ ကွာရာမန်သည် ရာထူးမှ နုတ်ထွက်ခဲ့သည်။ ကွာရာမန်သေဆုံးခဲ့ရသည့် တိုက်ခိုက်မှုကို သမ္မတကလည်း အပြစ်တင်ကြောင်း ထုတ်ပြန်ခဲ့သည်။

အောက်တိုဘာ ၁၇ ရက်က ဖြစ်ပွားခဲ့သည့် ရွေးကောက်ပွဲနှင့် ဆက်စပ်သော အခြားတိုက်ခိုက်မှုတစ်ခုသည် မြို့တော်ကဘူးအနီးရှိ လိုဂါပြည်နယ်၌ ဖြစ်ပွားခဲ့ခြင်းဖြစ်ပြီး ကိုယ်စားလှယ်လောင်းတစ်ဦး စီးနင်းလာသည့် ယာဉ်တန်းကို သေနတ်သမားတို့က ခြုံခို တိုက်ခိုက်ကြခြင်းဖြစ်သည်။ ယင်းနောက်ပိုင်းတွင်လည်း လိုဂါပြည်နယ်မြို့တော် ပူလီအလန်တွင် အခြားသော ကိုယ်စားလှယ်လောင်းတစ်ဦး၏ မဲဆွယ်စည်းရုံးရေး လူထုစုဝေးပွဲတစ်ခုအနီး၌ လက်လုပ်ဖောက်ခွဲရေး ပစ္စည်းတစ်ခု ပေါက်ကွဲခဲ့ပြန်သည်။ သို့သော် အဆိုပါဖြစ်စဉ်နှစ်ခုစလုံးတွင် သေဆုံးသူ မရှိခဲ့ပေ။ လာမည့်ရွေးကောက်ပွဲအတွက် တရားဝင်မဲဆွယ်စည်းရုံးမှုများသည် အောက်တိုဘာ ၁၇ ရက်ညသန်းခေါင်တွင် အဆုံးသတ်မည်ဖြစ်သည်။

စာသင်ကျောင်းများအား မဲရုံများအဖြစ် အသုံးပြုစေခြင်း၊ ကျောင်းဆရာနှင့် ကျောင်းသားကျောင်းသူများ ရွေးကောက်ပွဲ လုပ်အားပေးဝန်ထမ်းများအဖြစ် ပါဝင်ခြင်းတို့ကို မလုပ်ကြရန် တာလီဘန်တို့သည် အောက်တိုဘာ ၁၇ ရက်မှာပင် သတိပေးချက် အသစ်တစ်ခု ထုတ်ပြန်ခဲ့သည်။ ယင်းမတိုင်မီကလည်း ကိုယ်စားလှယ်လောင်းများကို ပါလီမန်ရွေးကောက်ပွဲဝင်ပြိုင်မှုမှ နုတ်ထွက်ကြရန် တာလီဘန်တို့က သတိပေးခဲ့သေးသည်။

ကာလရှည်ကြာနှောင့်နှေးနေခဲ့သည့် ရွေးကောက်ပွဲမတိုင်မီ အကြမ်းဖက်မှု ဖြစ်ပွားမှု မြင့်တက်လာကာ နိုင်ငံတစ်ဝန်းတွင် ရွေးကောက်ပွဲနှင့် ဆက်စပ်၍ သေဆုံးသူ၊ ဒဏ်ရာရသူဦးရေမှာ ရာနှင့်ချီရှိပြီဖြစ်သည်။ ရွေးကောက်ပွဲကျင်းပရန် ရက်ပိုင်းသာလိုတော့စဉ် မဲရုံသုံးပစ္စည်းများကို မဲရုံပေါင်း ၅၀၀၀ ကျော်သို့ ဖြန့်ဝေပေးရေးအတွက် ရုန်းကန်နေရဆဲဖြစ်သည်။

Ref: AFP

ပါလက်စတိုင်းဘက်မှ ရော့ကတ်ဖြင့် ပစ်ခတ်မှုကြောင့် အစ္စရေးက ဂါဇာကို လေကြောင်းမှ တုံ့ပြန်တိုက်ခိုက်

အောက်တိုဘာ ၁၇ ရက်တွင် ဂါဇာကမ်းမြောင်တောင်ပိုင်း ရာဖာမြို့၌ အစ္စရေး၏ လေကြောင်းတိုက်ခိုက်မှုကြောင့် မီးခိုးလုံး ထွက်ပေါ်နေစဉ် (Photo: AFP)

သီတင်းပတ်များစွာအတွင်း ပါလက်စတိုင်းနယ်မြေတစ်ခုမှနေ၍ အစ္စရေး၏ မြို့တစ်မြို့ကို ရော့ကတ်ဖြင့် ပထမဆုံးအကြိမ် ပစ်ခတ်မှု ဖြစ်ပွားခဲ့ပြီးနောက် အစ္စရေး စစ်လေယာဉ်များသည် အောက်တိုဘာ ၁၇ ရက်တွင် ဂါဇာကမ်းမြောင်ကို လေကြောင်းမှ တိုက်ခိုက်ခဲ့ရာ စစ်ပွဲသစ်အား ရှောင်လွှဲနိုင်ရန် ကြိုးပမ်းမှုများကို ထိုးနှက်ချက်ဖြစ်ခဲ့သည်။ ဂါဇာအား အုပ်ချုပ်သော အစ္စလာမ္မစ် ဟားမားစ်အဖွဲ့က ရော့ကတ်ဖြင့် ပစ်ခတ်မှုအား ငြင်းပယ်ခဲ့ပြီး ရေရှည်တည်တံ့သော သဘောတူညီချက်တစ်ခု ရရှိနိုင်ရန် အီဂျစ်၏ ကြိုးပမ်းမှုများအား အားလျော့စေရန် တာဝန်ခံမှုမရှိသည့် လုပ်ရပ်အားလုံးကို ပယ်ချကြောင်းလည်း ထုတ်ပြန်ခဲ့သည်။

သို့သော် ပါလက်စတိုင်းနယ်မြေမှ မည်သူက ပစ်ခတ်သည်ဖြစ်စေ၊ ရော့ကတ်ပစ်ခတ်မှုအားလုံးအတွက် ဟားမားစ်တွင် တာဝန်ရှိသည်ဟု သတ်မှတ်ထားသော အစ္စရေးက ဂါဇာရှိ ပစ်မှတ် ၂၀ ကို လေကြောင်းမှ တိုက်ခိုက်ခဲ့ရာ ပါလက်စတိုင်းတစ်ဦး သေဆုံးခဲ့ကြောင်း ဟားမားစ်က လည်ပတ်နေသော ကျန်းမာရေးဝန်ကြီးဌာနက ထုတ်ပြန်ခဲ့သည်။ ရော့ကတ်ဖြင့် ပစ်ခတ်မှုအား လက်တုံ့ပြန်မှုအဖြစ် အစ္စရေးက ဂါဇာနှင့် ထိစပ်နေသော နယ်စပ်ဖြတ်သန်းစခန်းနှစ်ခုကိုလည်း ပိတ်ပစ်ခဲ့ရာ နယ်စပ်တစ်လျှောက် အကြမ်းဖက်ဆန္ဒပြမှုများကို ဖြစ်ပေါ်စေသည့် နေထိုင်ရမှုအခြေအနေ ဆိုးရွားနေသော ထိုဒေသကို ပိုမို အထီးကျန်စေခဲ့သည်။

ဂါဇာရှိ စစ်သွေးကြွများက အရုဏ်မတက်မီ ရော့ကတ်နှစ်စင်းကို ပစ်ခတ်ခဲ့ရာ တစ်စင်းသည် အစ္စရေးတောင်ပိုင်း ဘီယာရှီဘာမြို့တွင် လူနေအိမ်တစ်ခု၏ ဥယျာဉ်ကို ထိမှန်ပျက်စီးခဲ့ကြောင်း အစ္စရေးစစ်ဘက်က ထုတ်ပြန်ခဲ့သည်။ ထိုနေအိမ်မှ ကလေးသုံးဦးရှိသည့် မိသားစုသည် ဒဏ်ရာမရခဲ့သော်လည်း ထိတ်လန့်မှုအတွက် ကုသပေးခဲ့ရကြောင်း အစ္စရေး မီဒီယာများက ဖော်ပြခဲ့သည်။ အစ္စရေးစံတော်ချိန် နံနက်လေးနာရီတွင် ဂါဇာကမ်းမြောင်မှနေ၍ အစ္စရေးဘက်သို့ နောက်ထပ်ရော့ကတ်တစ်စင်း ပစ်ခတ်ခဲ့မှုကြောင့် ဘီယာရှီဘာရှိ ဒေသခံများသည် ဗုံးခိုကျင်းများ၌ ထွက်ပြေးခိုလှုံခဲ့ရကြောင်း၊ ထိုရော့ကတ်သည် ဂါဇာမှ ၄၅ မိုင်အကွာ မြို့တော် တဲအဗစ်အလွန် ပင်လယ်ထဲသို့ ကျရောက်ခဲ့ကြောင်း အစ္စရေးစစ်ဘက်က ထုတ်ပြန်ခဲ့သည်။

ထိုတာလတ်ပစ်ဒုံးများ ပစ်ခတ်မှုအတွက် ဟားမားစ်အဖွဲ့တွင် တာဝန်အပြည့်အ၀ရှိကြောင်း အစ္စရေးစစ်ဘက်ပြောခွင့်ရပုဂ္ဂိုလ် ယော်နသန်ကွန်ရီကက်စ်က ပြောကြားခဲ့သည်။ ယင်းကဲ့သို့ ရော့ကတ်များကို ဂါဇာတွင် ဟားမားစ်နှင့် ၎င်း၏ မဟာမိတ် ပါလက်စတိုင်းအစ္စလာမ္မစ်ဂျီဟတ် စသည့် အဖွဲ့နှစ်ဖွဲ့ကသာ ပိုင်ဆိုင်ထားကြောင်းလည်း ၎င်းက ပြောကြားခဲ့သည်။

အစ္စရေးသည် ဟားမားစ်က တိုက်ခိုက်မှုပြုလုပ်သည့် ဥမင်တစ်ခုနှင့် အဆင့်မြင့် လက်နက်များ ထုတ်လုပ်သည့်နေရာတစ်ခု တို့အပါအ၀င် ဂါဇာရှိ ပစ်မှတ် ၂၀ ကို တိုက်ခိုက်ခဲ့ကြောင်း ကွန်ရီကတ်စ်က ပြောကြားခဲ့သည်။ အစ္စရေးဘက်သို့ ရော့ကတ်ဖြင့် ပစ်ခတ်ရန် စီစဉ်နေသည့် အမျိုးသားတစ်ဦးသည် အစ္စရေးက ဒုံးဖြင့်ပစ်ခတ်မှုကြောင့် ဂါဇာမြောက်ပိုင်းတွင် သေဆုံးခဲ့ကြောင်း အစ္စရေးက ထုတ်ပြန်ခဲ့သည်။

ရော့ကတ်များဖြင့် ပစ်ခတ်မှုများကြောင့် ဂါဇာသို့ ဖြတ်သန်းသော နယ်စပ်နေရာတစ်ခုကို ပိတ်ပစ်ရန် အစ္စရေးကာကွယ်ရေးဝန်ကြီး အဗစ်ဒေါလစ်ဘာမန်းက ညွှန်ကြားခဲ့ရာ ဂါဇာသည် ပြင်ပကမ္ဘာနှင့် ချိတ်ဆက်ရန် အီဂျစ်နှင့် ထိစပ်နေသော လုံခြုံရေး အလွန်အမင်း တင်းကျပ်သည့် ရာဖာနယ်စပ်ဖြတ်သန်းရေစခန်းတစ်ခုသာ ရှိတော့ကြောင်း သိရသည်။

Ref: AFP

ရာသီဥတုပြင်းထန်သောကြောင့် ၂၀၁၈ ခုနှစ်တွင် ဆွစ်ရေခဲမြစ်များ အရွယ်ကျုံ့သွားခဲ့

ဆောင်းရာသီတွင် ထူးထူးခြားခြား နှင်းဖုံးလွှမ်းခဲ့သော်လည်း ယခုနှစ်တွင် ဆွစ်ရေခဲမြစ်များ၏ ထုထည် ၂ ဒသမ ၅ ရာခိုင်နှုန်း ဆုံးရှုံးခဲ့သည်ဟု အောက်တိုဘာ ၁၆ ရက်က ထုတ်ပြန်သည့် လေ့လာမှုတစ်ခုအရ သိရသည်။ ယင်းလေ့လာမှုတွင် ၂၀၁၈ ခုနှစ်ကို ရာသီဥတုအစွန်းရောက်သည့်နှစ်ဟု အမည်ပေးခဲ့သည်။

ယခုနှစ်၏ စံချိန်ချိုးသည့်အပူချိန်ကြောင့် ရေခဲမြစ်များ၏ ထုထည်သည် ဆယ်စုနှစ်တစ်ခုကျော်အတွင်း ငါးပုံတစ်ပုံခန့် ဆုံးရှုံးခဲ့ရသည်ဟု ဆွစ်သိပ္ပံအကယ်ဒမီက ထုတ်ပြန်သည့် ရေခဲမြစ်များ၏ အခြေအနေနှင့် ပတ်သက်သည့် နှစ်အလိုက် လေ့လာမှုအရ သိရသည်။ တောင်ထူထပ်သည့်နိုင်ငံတွင် သုံးနှစ်ဆက်တိုက် နှင်းအနည်းငယ်သာကျခဲ့ပြီးနောက် ၂၀၁၇ ခုနှစ်၊ ၂၀၁၈ ခုနှစ် ဆောင်းရာသီအတွင်း နှင်းအလွန်အမင်းကျဆင်းခဲ့သည်။ နှင်းသည် ရေခဲမြစ်များအရည် မပျော်စေရန် တားဆီးပေးသည့် အကာအကွယ် တစ်ခုကဲ့သို့ အသုံးဝင်သည်။

“မတ်လအကုန်အထိ နှင်းက ပုံမှန်ထက်နှစ်ဆကျော် ပိုများခဲ့ပြီး ပင်လယ်ရေ မျက်နှာပြင်ထက် ၂,၀၀၀ မီတာ ( ၆ç၅၆၀ ပေ) အထက်မှာရှိတယ်” ဟု ယင်း လေ့လာမှုတွင် ပါဝင်သူများက ပြောကြားခဲ့သည်။

နှစ်စတွင် ထူးထူးခြားခြားနှင်းကျခဲ့မှုသည် အပူချိန်မြင့်တက်လာမှုနှင့် ညီမျှကြောင်း၊ မတ်လကုန်နောက်ပိုင်း ဆီးနှင်းကျသည့် ပမာဏမရှိသလောက်နည်းပါးသွားခဲ့ကြောင်း လေ့လာမှုတွင် ဖော်ပြခဲ့သည်။

ဆွစ်မိုးလေ၀သဌာန၏ ထုတ်ပြန်ချက်အရ ဇွန်နှင့်သြဂုတ်လအတွင်းကာလသည် ၂၀၀၃ ခုနှစ်နှင့် ၂၀၁၅ ခုနှစ်ပြီးလျှင် စံချိန်တင်သည့် အပူဆုံးကာလတွင် ပါဝင်သည်ဟု ဆိုခဲ့သည်။                          Ref ; AFP

မိုက်ခရိုဆော့ဖ်ပူးတွဲတည်ထောင်သူ ပေါအယ်လန် အသက် ၆၅ နှစ်အရွယ်တွင် ကွယ်လွန်

၂၀၀၀ ပြည့်နှစ် မေ ၂၆ ရက်တွင် ပို့တ်လန်း၌ ဘတ်စ်ကတ်ဘောပြိုင်ပွဲကြည့်ရှုနေသော ဘီလ်ဂိတ်(လယ်) နှင့် ပေါအယ်လန် (၀ဲ)ကို တွေ့ရစဉ် (Photo – AFP)

၁၉၇၀ ပြည့်လွန်နှစ်များက  ဘီလ်ဂိတ်နှင့်အတူ Microsoft  ကုမ္ပဏီကို ပူးတွဲထူထောင်ခဲ့ပြီး နောက်ပိုင်းတွင် ရင်းနှီးမြှုပ်နှံသူ၊ ပရဟိတလုပ်ငန်းရှင်၊ အားကစားအသင်းများ ပိုင်ရှင်ဖြစ်လာခဲ့သော ပေါအယ်လန်သည် အောက်တိုဘာ ၁၆ ရက်က ကင်ဆာရောဂါဖြင့် ကွယ်လွန်သွားခဲ့ပြီ ဖြစ်သည်။

အယ်လန်သည် လွန်ခဲ့သည့် ကိုးနှစ်က သက်သာသွားခဲ့ပြီးမှ ရောဂါပြန်ထလာသော သွေးကင်ဆာတစ်မျိုးဖြစ်သည့် non-Hodg-kin’ Lymphoma ကို ပြန်လည်ခံစားနေရသည်ဟု လူသိရှင်ကြား ထုတ်ပြန်ခဲ့ပြီး သီတင်းနှစ်ပတ်အကြာတွင် ကွယ်လွန်ခဲ့ခြင်း ဖြစ်သည်။

အယ်လန်သည် ဆီယက်တယ်၌ ဘီလ်ဂိတ်၏ အထက်တန်းကျောင်းနေဖက် သူငယ်ချင်းတစ်ဦးဖြစ်ပြီး နောက်ပိုင်းတွင် ကွန်ပျူတာ ပရိုဂရမ်မာတစ်ဦး ဖြစ်လာခဲ့သည်။ အလန်သည် Microsoft  ကုမ္ပဏီကို တည်ထောင်ရန်အတွက် ဘီလ်ဂိတ်ကို ဟားဗက်မှ ကျောင်းထွက်ရန် လည်းဆွဲဆောင်ခဲ့သူဖြစ်သည်။ ၁၉၉၀ ပြည့်လွန်နှစ်များတွင်မူ Microsoft  သည် ကမ္ဘာ့တန်ဖိုးအမြင့်ဆုံး ကုမ္ပဏီ ဖြစ်လာခဲ့သည်။

အယ်လန်ကွယ်လွန်မှုနှင့် ပတ်သက်၍ ၀မ်းနည်းကြေကွဲနေသော ဂိတ်က အယ်လန်သည် ၎င်း၏ အချစ်ခင်ရဆုံးသူငယ်ချင်း တစ်ဦးဖြစ်ကြောင်းပြောကြားခဲ့သည်။  “တစ်ကိုယ်ရည်သုံးကွန်ပျူတာ (PC) ဟာ သူမရှိဘဲ ဖြစ်မလာနိုင်ပါဘူး” ဟု ဂိတ်က ဖြည့်စွက်ပြောကြားခဲ့သည်။

အယ်လန်သည် ၁၉၈၃ ခုနှစ်တွင် ကျန်းမာရေးအကြောင်းပြချက်ဖြင့် Microsoft  မှ နုတ်ထွက်ခဲ့သည်။  သို့သော် အယ်လန်သည် Microsoft  ရှယ်ယာများပိုင်ဆိုင်ထားဆဲဖြစ်သဖြင့်  ယင်းရှယ်ယာများက ၎င်းပိုင်ဆိုင်မှု ကိုအများအပြား တိုးပွားစေခဲ့သည်။ အယ်လန်၏ စုစုပေါင်းပိုင်ဆိုင်မှုသည် ဒေါ်လာ ဘီလျံ ၂၀ ခန့်ရှိလိမ့်မည်ဟု ခန့်မှန်းရသည်။

ကမ္ဘာ့အချမ်းသာဆုံး ဘီလျံနာတစ်ဦး ဖြစ်သည့်အယ်လန်သည် အာကာသလုပ်ငန်း Stratolaunch Systems ကိုလည်း တည်ထောင်ခဲ့သည်။ Stratolaunch Systems သည် အနာဂတ်အာကာသခရီးသွားလာရေး တစ်ခုအဖြစ် အမွှမ်းတင်ခံထားရသည့် အာကာသထဲသို့ ယာဉ်လွှတ်တင်မှု စနစ်သစ်တစ်မျိုးဖြစ်ပြီး ယင်းစနစ်တွင် အသုံးပြုရန် ကမ္ဘာအကြီးဆုံး လေယာဉ်ကြီးကိုလည်း တည်ဆောက်ထားသည်။ အဆိုပါ လေယာဉ်ကြီးသည် အစောဆုံး ၂၀၁၉ ခုနှစ် အစောပိုင်းတွင် ပထမဆုံးသရုပ်ပြပျံသန်းမှု လုပ်ဆောင်မည်ဟု ခန့်မှန်းရသည်။

အယ်လန်သည် ပြီးခဲ့သည့် နှစ်များအတွင်းကမူ NFL ၏ Seattle Seahawks နှင့် NBA ၏ Portland Trail Blazers အသင်းပိုင် ရှင်အဖြစ်လူသိများပြီး Seattle Sounders ဘောလုံးအသင်းကိုလည်း တစ်စိတ်တစ်ပိုင်း ပိုင်ဆိုင်သည်။ အယ်လန်သည် အခြားစီးပွားရေး လုပ်ငန်းအများအပြား နှင့် ပရဟိတလုပ်ငန်းများစွာကိုလည်း လုပ်ဆောင်နေသူဖြစ်သည်။

Ref ; AFP

မက်ခရွန်က အစိုးရအဖွဲ့အပြောင်းအလဲပြုလုပ်ပြီး ကံကြမ္မာပြန်လည်ကောင်းမွန်လာစေရန် ကြိုးပမ်း

အောက်တိုဘာ ၁၅ ရက်တွင် ပြင်သစ်သမ္မတနန်းတော်၌ ပြင်သစ်သမ္မတမက်ခရွန်(ယာ)နှင့် တောင်ကိုရီးယားသမ္မတ မွန်း(၀ဲ)တို့ကို တွေ့ရစဉ် (Photo – AFP)

၎င်းအစိုးရ၏ ကျဆင်းနေသော ကံကြမ္မာများကို ပြန်လည်အားကောင်းလာစေရန် လူသစ်များကို သီတင်းပတ်များစွာ ရှာဖွေခဲ့ပြီးနောက် ပြင်သစ်သမ္မတ အီမန်နျူရယ်မက်ခရွန်သည် အောက်တိုဘာ ၁၆ ရက် တွင် အစိုးရအဖွဲ့အပြောင်းအလဲပြုလုပ်ခဲ့ပြီး ပြည်ထဲရေး၊ လယ်ယာစိုက်ပျိုးရေးနှင့် ယဉ်ကျေးမှုဝန်ကြီးများကို အသစ်ခန့်အပ်ခဲ့သည်။

ဝါရင့်နိုင်ငံရေးသမား Gerard Collomb  က ပြည်ထဲရေးဝန်ကြီးအဖြစ်မှ မမျှော်လင့်ဘဲ နုတ်ထွက်သွားခဲ့ပြီးနောက် နှစ်ပတ်အကြာတွင် မက်ခရွန်သည် ၎င်း၏ Republic on the Move Party မှ သစ္စာအလွန်ရှိသည့်  ခေါင်းဆောင် ခရစ္စတိုဖီကာစတန်နာအား အစားထိုးခန့်အပ်ခဲ့သည်။

ကျွမ်းကျင်ပညာရှင်များနှင့် ပိုမိုအတွေ့အကြုံ  ကြွယ်ဝသော နိုင်ငံရေးသမားများအား ရောစပ်ထားသော အစိုးရအဖွဲ့အတွင်း အားနည်းချက်များဟု ရှုမြင်ခံရသည့် လယ်ယာစိုက်ပျိုးရေးနှင့် ယဉ်ကျေးမှုဝန်ကြီးများကိုလည်း ဗဟိုဝါဒီမက်ခရွန်က ထုတ်ပယ်ခဲ့သည်။ အောက်တိုဘာ ၂ ရက်တွင် Collomb ၏ ရာထူးမှ နုတ်ထွက်မှုသည် မက်ခရွန်အတွက် ထိုးနှက်ချက်ဖြစ်ခဲ့သည်။ လက်ထောက်ဟောင်းတစ်ဦး ပါဝင်သော အရှုပ်တော်ပုံ၊ အပြောအဆိုမှားမှုများနှင့် စိတ်ပျက်ဖွယ်စီးပွားရေး အချက်အလက်များက ပြီးခဲ့သော နွေရာသီတွင် အရိပ်မိုးခဲ့ပြီးနောက် မက်ခရွန်ကို လူထုထောက်ခံမှု ကျဆင်းနေချိန်တွင် ယင်းနုတ်ထွက်မှု ဖြစ်ပွားခဲ့ခြင်း ဖြစ်သည်။

၎င်း၏ အစိုးရအဖွဲ့နှင့် ပူးပေါင်းရန် ထင်ရှားသူများကို ဆွဲဆောင်နိုင်ရန် ခက်ခဲနေမှုကလည်း တစ်စိတ်တစ်ပိုင်း ပါဝင်မှုကြောင့်အစိုးရအဖွဲ့  အပြောင်းအလဲပြုလုပ်ရန် မက်ခရွန်၏ နှောင့်နှေးနေမှုသည် ပထမ နှစ်သက်တမ်းတွင် အရှိန်ရခဲ့ပြီးနောက် အစိုးရသည် အားလျော့သွားခဲ့ကြောင်း လေ့လာသူများက သုံးသပ်ခဲ့ကြသည်။

ဝန်ကြီးချုပ်၊ စီးပွားရေးဝန်ကြီးနှင့် နိုင်ငံခြားရေးဝန်ကြီးများအား ယခင်အတိုင်းထားရှိသော ပြန်လည်ပြင်ဆင်ခဲ့သည့် အစိုးရအဖွဲ့သည် အခြေအနေဆိုးရွားသောလများကို ဖြတ်သန်းခဲ့ပြီးနောက် စာမျက်နှာသစ် ဖွင့်လှစ်နိုင်မည်ဟု အသက် ၄၀ ရှိ မက်ခရွန်က မျှော်လင့်ထားသည်။ ၂၀၁၇ ခုနှစ် မေတွင် ရွေးကောက်ခံရချိန်နောက်ပိုင်း ထောက်ခံမှု အဆိုးရွားဆုံး ကျဆင်းမှုအဖြစ် ယခုအခါ မဲဆန္ဒရှင် ရာခိုင်နှုန်း ၃၀ ခန့်ကသာ မက်ခရွန်ကို အပြုသဘောရှုမြင်ကြကြောင်း သဘောထားစစ်တမ်းများက ဖော်ပြခဲ့ကြသည်။

အသက် ၅၂ နှစ်ရှိ ဆိုရှယ်လစ်အမတ်ဟောင်း ခရစ္စတိုဖီကာစတန်နာသည် Collomb ၏ နေရာအား အစားဝင်မည့်သူဟု ကျယ်ကျယ်ပြန့်ပြန့် ရှုမြင်ခံခဲ့ရသည်။ မီဒီယာတွင် ယုံကြည်မှုရှိရှိ ပြုမူခဲ့ပြီး ပါရီနိုင်ငံရေး အထက်လွှာအပြင်ဘက်မှလာသော ကာစတန်နာသည် မက်ခရွန်၏ အတွင်းစည်း၌ အခရာကျသူဖြစ်သော်လည်း နိုင်ငံမူဝါဒများ သို့မဟုတ် လုံခြုံရေးကိစ္စများတွင် အတွေ့အကြုံနည်းသည်။

ပြင်သစ်ပြည်တွင်းထောက်လှမ်းရေး အေဂျင်စီ လက်ရှိဥက္ကဋ္ဌ Laurent Nunez သည် ပြည်ထဲရေးဝန်ကြီးဌာန၌ ကာစတန်နာ၏ နေရာတွင် အရန်သင့် အစားထိုးနိုင်ရန် ခန့်အပ်ခံခဲ့ရသည်။ ဆိုရှယ်လစ်ဟောင်း တစ်ဦးဖြစ်သော Didier Guillaume အား လယ်ယာစိုက်ပျိုးရေးဝန်ကြီးနှင့် ဗဟိုလက်ယာ ယိမ်းရီပက်ဘလီကင ဥပဒေပြုအမတ်ဟောင်း Franck Riester ကို ယဉ်ကျေးမှုဝန်ကြီးအဖြစ် အစားထိုးခန့်အပ်ခဲ့သည်။

Ref; AFP

တရုတ်၏ အမြတ်ကြီးစားလုပ်ရပ်များကြောင့် အမေရိကန်က ထိတ်လန့်မိသည်ဟု ကာကွယ်ရေးဝန်ကြီးမာတစ် ပြောကြား

အောက်တိုဘာ ၁၆ ရက်တွင် ဟိုချီမင်းသို့ အမေရိကန်ကာကွယ်ရေးဝန်ကြီး မာတစ်(ယာ) ရောက်ရှိလာစဉ် (Photo -AFP)

အာရှတိုက်ရှိ နိုင်ငံငယ်များအား တရုတ်၏ စစ်ရေးအင်အားပြမှုများ တိုးမြှင့်လာခြင်းနှင့် စီးပွားရေးအမြတ်ကြီးစားခြင်းတို့က အမေရိကန်ကို အထိတ်တလန့် ဖြစ်စေသည်ဟု အမေရိကန်ကာကွယ်ရေးဝန်ကြီး ဂျင်မာတစ်က အာရှသို့ သွားနေစဉ် ပြောကြားခဲ့သည်။

မာတစ်သည် ဗီယက်နမ်နှင့် စင်ကာပူသို့ သံတမန်ရေးခရီး သွားရောက်နေစဉ် အမေရိကန်အစိုးရက ၎င်း၏ ပစိဖိတ်ပြိုင်ဘက်တရုတ်ကို ထိန်းချုပ်ထားခြင်းမဟုတ်ကြောင်း ပြောကြားခဲ့သည်။ “မြင်တဲ့အတိုင်းပါပဲ။ ကျွန်တော်တို့ တရုတ်ကို ထိန်းချုပ်နေတာ မဟုတ်ပါဘူး။ ကျွန်တော်တို့ဟာ လုံးဝကွဲပြားတဲ့ရပ်တည်ချက်ကို စွဲကိုင်နေကြတာ ဖြစ်ပါတယ်” ဟု မာတစ်က သတင်းထောက်များကို ပြောကြားခဲ့သည်။ အင်အားကြီးနှစ် နိုင်ငံဖြစ်သည့် အမေရိကန်နှင့် တရုတ်တို့သည် ဆက်ဆံရေးကို အပြုသဘောဆောင်စွာ ထိန်းချုပ်ရန် နည်းလမ်းရှာရမည်ဟုလည်း ပြောကြားခဲ့သည်။

သို့သော် အမေရိကန်နှင့် တရုတ်၏ ထိပ်တိုက်တွေ့နေရသည့် အကြောင်းရင်းများသည် တရုတ်အိမ်နီးချင်းအချို့ကို လှုပ်ခတ်စေသည့် အကြောင်းရင်းတို့နှင့် အတူတူပင် ဖြစ်နေသည်ဟု မာတစ်က ဆိုသည်။

“တောင်တရုတ်ပင်လယ်ထဲမှာ စစ်ရေးတိုးချဲ့နေမှုတွေ ဆက်လက်လုပ်ဆောင်နေတာနဲ့ပတ်သက်ပြီး ကျွန်တော်တို့ဘက်က တော်တော်လေးစိုးရိမ်နေတုန်းပါပဲ” ဟု မာတစ်က ဟိုချီမင်းမြို့သို့ သွားနေသည့် လေယာဉ်ပေါ်တွင် ပြောကြားခဲ့သည်။ ဟိုချီမင်းသည် အမေရိကန်တို့ ထောက်ခံသည့် ဗီယက်နမ် တောင်ပိုင်းဒေသ၏ မြို့တော်ဖြစ်ခဲ့ဖူးသည်။

စီးပွားရေးအရ ငွေပြန်ဆပ်ရန် အခက်အခဲရှိသော နိုင်ငံများအား ငွေအများအပြား ချေးထားသည့် တရုတ်၏ လုပ်ရပ်များသည် စီးပွားရေးအမြတ်ကြီးစားနေခြင်း ဖြစ်နေသည်ဟုလည်း မာတစ်က ထောက်ပြပြောကြားခဲ့သည်။ ဥပမာအားဖြင့် သီရိလင်္ကာသည် ဒေါ်လာ ၁ . ၄ ဘီလျံ တန်ဖိုးရှိ ၎င်း၏ ရေနက်ဆိပ်ကမ်း တည်ဆောက်ရေးစီမံကိန်းအတွက် တရုတ်ချေးငွေများကို ပြန်မဆပ်နိုင်သဖြင့် တရုတ်ကို ယင်းရေနက်ဆိပ်ကမ်းအား ၉၉ နှစ်ကြာ အငှားချပေးလိုက်ရသည်။

အမေရိကန်နှင့် တရုတ်တို့ကြားတွင် ကုန်သွယ်ရေးကဏ္ဍနှင့်ပတ်သက်၍ တင်းမာမှုများ မြင့်တက်နေစဉ် မာတစ်၏ယခုခရီးစဉ် ဖြစ်ပေါ်လာခဲ့သည်။ တရုတ်၏ စစ်ရေးအင်အားမှာ ကြီးထွားသထက်ကြီးထွားလာပြီး အမေရိကန်တို့ကလည်း လာမည့်ကြားဖြတ်ရွေးကောက်ပွဲအတွက် တရုတ်က ကြားဝင်စွက်ဖက်နေသည်ဟု စွပ်စွဲနေကြသည်။ မာတစ်သည် ယခုလနှောင်းပိုင်းတွင်တရုတ် ထံသို့သွားရန် စီစဉ်ထားခဲ့သော်လည်း ထိုတင်းမာမှုများကြောင့် ခရီးစဉ်ကို ဖျက်သိမ်းခဲ့သည်။

ဗီယက်နမ်မှာမူ တောင်တရုတ်ပင်လယ်ထဲမှ ရေပိုင်နက်အရေးကိစ္စနှင့် ပတ်သက်ပြီး တရုတ်နှင့် ပဋိပက္ခဆက်လက်ဖြစ်ပွားနေဆဲဖြစ်သဖြင့် ရန်သူဟောင်း အမေရိကန်နှင့် စစ်ရေးဆက်နွှယ်မှု ပိုမိုမြှင့်တင်ရန် ကြိုးပမ်းနေသည်။ မတ်လကပင် ဗီယက်နမ်ဆိပ်ကမ်း ဒါနန်သို့ အမေရိကန်လေယာဉ်တင်သင်္ဘောကြီးတစ်စင်း လာရောက်ဆိုက်ကပ်ခဲ့သေးသည်။ လေ့လာသူများက ယင်းသည် ရှင်းရှင်းလင်းလင်း အင်အားပြမှုနှင့် တရုတ်အား အချက်ပြမှုဖြစ်သည်ဟု သုံးသပ်ပြောကြားခဲ့ကြသည်။ မာတစ်သည် ဇန်န၀ါရီလကလည်း  ဟနွိုင်းသို့ သွားရောက်ခဲ့သဖြင့် ယခုခရီးစဉ်သည် မာတစ်အတွက် ယခုနှစ်အတွင်း ဒုတိယမြောက် ဗီယက်နမ်ခရီးစဉ် ဖြစ်လာခဲ့သည်။           Ref ; AFP