Instagram က YouTube ကို ဗီဒီယိုဖြင့် ယှဉ်ပြိုင်ရန် ကြိုးပမ်း

Photo: AP

ပုံမှန်အသုံးပြုသူ တစ်ဘီလျံကျော်ရှိနေပြီဖြစ်ကြောင်း ဇွန် ၂၀ ရက်တွင် ကြေညာခဲ့သည့် Instagram က YouTube မှ ဗီဒီယိုတင်သူများကို ဆွဲဆောင်ရန် ကြိုးပမ်းသည့် အနေဖြင့် အချိန်ကြာကြာ ကြည့်နိုင်သော ဗီဒီယိုအစီအစဉ်တစ်ခုကို မိတ်ဆက်ကြေညာခဲ့သည်။ ပြီးခဲ့သည့် စက်တင်ဘာက အသုံးပြုသူ သန်း ၈၀၀ ရှိခဲ့သော Instagram သည် Facebook က ပိုင်ဆိုင်သည့် အသုံးပြုသူ တစ်ဘီလျံကျော်သွားသော စတုတ္ထမြောက် ဆော့ဝဲလ်ဖြစ်လာခဲ့သည်။

Instagram သည် Twitter နှင့် Snap Chat ကဲ့သို့သော ပြိုင်ဘက်လူမှုမီဒီယာများကို ကျော်တက်ပြီး လူငယ်များကို ပို၍ဆွဲဆောင်နိုင်ခဲ့သည်။ Instagram သည် YouTube ကို တိုက်ရိုက်ယှဉ်ပြိုင်ရန်အတွက် IGTV ကို ထုတ်ဖော်ပြသခဲ့ပြီး ယင်းဆော့ဝဲလ်ကို အသုံးပြုသူများသည် အချိန်ပိုကြာသော ဗီဒီယိုများကို ယင်းနေရာ၌ လွှင့်တင် အသုံးပြုနိုင်မည်ဖြစ်သည်။ ထို့ပြင် YouTube ကဲ့သို့ပင် ဗီဒီယိုဖန်တီးသူများအတွက်လည်း ရုပ်သံလိုင်း အစီအစဉ်များ ပါဝင်မည် ဖြစ်သည်။ IGTV သည် ၁၀ မိနစ်အထိကြာသော ဗီဒီယိုများအား အသုံးပြုသူတိုင်းကို တင်ခွင့်ပေးမည်ဖြစ်ပြီး အချို့ကို တစ်နာရီကြာ ဗီဒီယိုများအထိ တင်ခွင့်ပေးမည်ဖြစ်သည်။ Facebook သည် ၂၀၁၂ ခုနှစ်တွင် Instagram ကို ဒေါ်လာ တစ်ဘီလျံနှင့် ၀ယ်ယူခဲ့ပြီး ထိုနောက်ပိုင်းတွင် Instagram သည် အသုံးပြုသူနှင့် ကြော်ငြာဝင်ငွေအတွက် အဓိကတွန်းအား ဖြစ်နေသည်။

Ref: AFP

ကမ္ဘာ၏ သစ်တောများ အလျင်အမြန် ပျောက်ကွယ်နေဟု သိပ္ပံပညာရှင်များ ပြောကြား

မတ် ၃ ရက်က အင်ဒိုနီးရှားနိုင်ငံ တောင်ပိုင်းအာချေးရှိ ရာဝါဆင်းကီဘေးမဲ့တော ဧရိယာတွင် ဆီအုန်းစိုက်ခင်းတစ်ခု (ယာ) ကို တွေ့ရစဉ် (Photo: AFP)

ကမ္ဘာမြေ၏ မူလအတိုင်းရှိနေသေးသော သစ်တောများသည် သြစတြီးယား ဧရိယာထက်ကြီးသော ပမာဏကို ၂၀၁၄ ခုနှစ် မှ ၂၀၁၆ ခုနှစ်အတွင်း နှစ်စဉ်ဆုံးရှုံးသွားခဲ့ကြောင်း၊ ထိုနှုန်းသည် ယခင်ဆယ်စုနှစ်ကထက် ရာခိုင်နှုန်း ၂၀ ပို၍မြန်သောနှုန်းဖြစ်ကြောင်း သိပ္ပံပညာရှင်များက ဇွန် ၂၀ ရက်တွင် ပြောကြားခဲ့သည်။

သစ်တောပြုန်းတီးမှုကို ဟန့်တားရန် ဆယ်စုနှစ်နှင့်ချီ၍ ကြိုးပမ်းခဲ့သော်လည်း ၂၀၀၀ ပြည့်နှစ် နောက်ပိုင်းမှစပြီး သစ်တောများ၏ ၁၀ ရာခိုင်နှုန်းနီးပါးသည် ခုတ်လှဲခံရခြင်း၊ ပြုန်းတီးခြင်းတို့ ရှိနေခဲ့ကြောင်း ဂြိုဟ်တုပုံရိပ်များကို လေ့လာသုံးသပ်မှုက တွေ့ရှိခဲ့သည်။ ယခုရာစုနှစ်၏ ပထမ ၁၇ နှစ်တွင် နေ့စဉ် သစ်တောများဆုံးရှုံးမှုသည် စတုရန်းကီလိုမီတာ ၂၀၀ ကျော် (စတုရန်းမိုင် ၇၅ မိုင်) ရှိခဲ့ကြောင်း ယင်းလေ့လာမှုက ဆိုသည်။

အောက်စဖို့ဒ်၌ ယခုသီတင်းပတ်တွင် တင်သွင်းမည့် သုတေသနကို အဓိက ကူညီခဲ့သော ကမ္ဘာ့ရင်းမြစ်သိပ္ပံ WRI မှ ဂုဏ်ထူးဆောင် သိပ္ပံပညာရှင် ဖရန့်ဆေမာက သစ်တောများသည် ကာဗွန်များကို ရယူသိုလှောင်ရန်အတွက် ဘေးကင်းလုံခြုံပြီး စရိတ်သက်သာသည့်တစ်ခုတည်းသော အခြေခံ အဆောက်အအုံဖြစ်ဟု ဆိုခဲ့သည်။

ကုလသမဂ္ဂဖွံ့ဖြိုးရေး အစီအစဉ် UNDP နှင့် သဘာဝပတ်ဝန်းကျင် ထိန်းသိမ်းရေးအဖွဲ့ကြီး ငါးဖွဲ့က ဖန်လုံအိမ်အာနိသင် ဓာတ်ငွေ့ထုတ်လွှတ်မှုကို လျှော့ချရာတွင် မြေယာအသုံးပြုမှု ကောင်းမွန်ရေး ရည်ရွယ်သည့် Nature4 Climate အစီအစဉ်ကို ကြေညာခဲ့ချိန်တွင် ယခုတွေ့ရှိချက်များ ထုတ်ပြန်ခဲ့ခြင်းဖြစ်သည်။

ကမ္ဘာကြီး ပူနွေးမှုကို ကာကွယ်ရေးအပြင် သစ်တောများသည် ဇီဝမျိုးကွဲမျိုးစုံ ထိန်းသိမ်းရေး၊ ရာသီဥတုတည်ငြိမ်ရေး၊ သန့်ရှင်းသော လေနှင့်ရေတို့ ရရှိရေးတို့တွင် အဓိကကျသည်။ ကမ္ဘာတစ်ဝန်းရှိ လူသန်း ၅၀၀ ခန့်သည် ၎င်းတို့၏ လူနေမှုဘ၀အတွက် သစ်တောများကို တိုက်ရိုက်မှီခိုနေရသည်။

ဂြိုဟ်တုဓာတ်ပုံများတွင် စတုရန်း ကီလိုမီတာ ၅၀၀ အတွင်း မမြင်တွေ့နိုင်သော သစ်တောဧရိယာများတွင် စိမ့်မြေများနှင့် သဘာဝမြက်ခင်းတို့ ပါဝင်ပြီး လမ်းများ၊ စက်မှုစိုက်ပျိုးဧရိယာများ၊ သတ္တုတွင်းများ၊ ရထားလမ်းများ၊ တူးမြောင်းများနှင့် ဓာတ်အားလိုင်းတို့ မရှိသည့်နေရာများဖြစ်သည်။ ကမ္ဘာတစ်ဝန်းတွင် ယင်းကဲ့သို့ သစ်တောမျိုးသည် ၂၀၁၇ ခုနှစ် ဇန်န၀ါရီလတွင် စတုရန်းကီလို မီတာ ၁၁ ဒသမ ၆ သန်းခန့်သာရှိကြောင်း လေ့လာမှုက တွေ့ရှိခဲ့ခြင်းဖြစ်သည်။

လာမည့် ၁၅ နှစ်မှ နှစ် ၂၀ အတွင်း နိုင်ငံအများစုသည် သစ်တောစိမ့်မြေအားလုံးကို ဆုံးရှုံးသွားဖွယ်ရှိကြောင်း သုတေသနကို ဦးဆောင်ခဲ့သည့် မေရီလင်းတက္ကသိုလ်မှ တွဲဖက်ပါမောက္ခ ပီတာပိုတာပေါ့က ပြောကြားခဲ့သည်။ လက်ရှိအတိုင်း ဆက်လက်ဖြစ်နေမည် ဆိုပါက ၂၀၃၀ ပြည့်နှစ်မတိုင်မီတွင် ပါရာဂွေး၊ လာအိုနှင့် အီကွေတိုရီရယ်ဂီနီတို့တွင် ပကတိအတိုင်းရှိနေသည့် သစ်တောများ ပျောက်ကွယ်သွားနိုင်ပြီး ၂၀၄၀ ပြည့်နှစ် မတိုင်မီတွင် မြန်မာ၊ ကမ္ဘောဒီးယား၊ အင်ဂိုလာ၊ နီကာရာဂွါနှင့် ဗဟိုအာဖရိကနိုင်ငံတို့တွင် ယင်းသစ်တောများ ပျောက်ကွယ်သွားနိုင်သည်။

Ref: AFP

အပြည်ပြည်ဆိုင်ရာ ယောဂနေ့အခမ်းအနားကို ကမ္ဘာတစ်ဝန်းတွင် ကျင်းပ

ဇွန် ၂၁ ရက်က Dehradun မြို့ရှိ သစ်တောသုတေသန အင်စတီကျုတွင် ယောဂအစီအစဉ်၌ ၀န်ကြီးချုပ်မိုဒီက ပူးပေါင်းပါဝင်နေစဉ် (Photo: AFP)

ဟိမ၀န္တာတောင်တန်းဒေသများတွင်၊ ဝေဟင်ပေါ်တွင်၊ သင်္ဘောများပေါ်တွင် အပါအ၀င် ကမ္ဘာတစ်ဝန်းတွင် အပြည်ပြည်ဆိုင်ရာ ယောဂနေ့အခမ်းအနားကို ဇွန် ၂၁ ရက်၌ ဆင်နွှဲခဲ့ကြသည်။ ယောဂအစီအစဉ်များအား ကမ္ဘာလုံးဆိုင်ရာ အခမ်းအနားအဖြစ် အသိအမှတ်ပြုရန် အဆိုပြုခဲ့ပြီးနောက် ၂၀၁၄ ခုနှစ်တွင် ကုလသမဂ္ဂထံမှ အတည်ပြုမှု ရယူနိုင်ခဲ့သည့် အိန္ဒိယ၀န်ကြီးချုပ် နရင်ဒရာမိုဒီကဦးဆောင်၍ နိုင်ငံမြောက်ပိုင်း Dehradun မြို့ရှိ ပြန့်ကြဲနေသော သစ်တောသုတေသန အင်စတီကျုတွင် အခြားလူ ၅၀၀၀၀ ကျော်နှင့်အတူ ယောဂအခမ်းအနားကို နံနက်ပိုင်း၌ ဆင်နွှဲခဲ့သည်။

ထို့ပြင် မြို့တော်နယူးဒေလီတစ်ဝန်းတွင် အခြားစုဝေးမှုများ၌ စိတ်အားထက်သန်သူ ၁၀၀၀၀ ခန့်က ပါဝင်မှုအပြင် အာမက်ဒါဘတ်၊ မွမ်ဘိုင်းနှင့် ပတ်နာတို့အပါအ၀င် နိုင်ငံတစ်ဝန်းမှ ဒေသများတွင် ထိုအခမ်းအနား ၅၀၀၀ ကျော်ကို ပြုလုပ်ခဲ့ကြသည်။ မြို့တော်ဒေလီတွင် လေထုညစ်ညမ်းမှုသည် ကျန်းမာရေးနှင့် မညီသည့်အဆင့်သို့ ရောက်ရှိနေပြီး ရာသီဥတုသည် ပူပြင်း၊ ထိုင်းမှိုင်းနေသော်လည်း လူရာပေါင်းများစွာက Lodi Gardens ပန်းခြံ၌ ယောဂအစီအစဉ်တွင် ပါဝင်ခဲ့ကြသည်။

ယောဂသည် အိန္ဒိယမှ ဦးစွာထွက်ပေါ်လာခဲ့ပြီး ယခုအခါ ကမ္ဘာတစ်ဝန်းတွင် ပြုလုပ်နေကြပြီဖြစ်ကြောင်း ပါဝင်သူတစ်ဦးဖြစ်သည့် အသက် ၂၃ နှစ်ရှိ ဆင်းဟာ့တ်ဆင်းက ပြောကြားခဲ့သည်။

ထို့ပြင် ပစိဖိတ်သမုဒ္ဒရာတွင် စစ်ရေးလေ့ကျင့်မှုများ၌ ပါဝင်ခဲ့သော ဂျပန်ရေတပ်သင်္ဘော JS Ise နှင့် အိန္ဒိယရေတပ်သင်္ဘော INS Sahyadri တို့ပေါ်တွင်လည်း အပြည်ပြည်ဆိုင်ရာ ယောဂနေ့အခမ်းအနားကို ပါဝင်ဆင်နွှဲခဲ့ကြကြောင်း အိန္ဒိယရေတပ်က ထုတ်ပြန်ခဲ့သည်။ ထို့ပြင် အိန္ဒိယရေငုပ်သင်္ဘော တစ်စင်းမှ အမှုထမ်းများက ထိုအခမ်းအနားတွင် ပါဝင်ဆင်နွှဲနေသည့်ဓာတ်ပုံများအား ရေတပ်က ထုတ်ပြန်ခဲ့သည်။ အိန္ဒိယလေတပ်မှ လေထီးခုန်နည်းပြများက မြေပေါ်သို့ဆင်းလာစဉ် ယောဂကျင့်သည့်ပုံစံ သရုပ်ဖော်မှု လုပ်ဆောင်ခဲ့ကြောင်း ဓာတ်ပုံများကိုလည်း Twitter တွင် ဖော်ပြခဲ့ကြသည်။

ပင်လယ်ရေမျက်နှာပြင်အထက် ပေ ၁၈၀၀၀ (မီတာ ၅၅၀၀) ရှိ ဟိမ၀န္တာဒေသရှိ ကန္တာရကုန်းပြင်မြင့်တွင် အင်ဒို-တိဘက် နယ်စပ်ရဲတပ်ဖွဲ့ဝင်များက အလွန်အေးမြနေသည့် ရာသီဥတုကို အံတုလျက် ယောဂအစီအစဉ်တွင် ပါဝင်ခဲ့ကြသည်။

ဂျပန်နိုင်ငံ တိုကျိုတွင် အသက် ၆၀ ကျော်နှင့် ၇၀ ကျော် အများစုပါဝင်သည့် လူ ၈၀ ခန့်က Zojoji ဘုရားကျောင်းတွင် အထူးယောဂအစီအစဉ်ကို ပြုလုပ်ခဲ့ကြသည်။ မြန်မာနိုင်ငံ ရန်ကုန်မြို့ရှိ ပြည်သူ့ရင်ပြင်တွင်လည်း လူ ၃၀၀ ခန့်က အရုဏ်ချိန်၌ ယောဂ အစီအစဉ်ကို ဆင်နွှဲခဲ့ကြသည်။ ထို့ပြင် အိုင်ယာလန်ရှိ ကီကင်နီ၊ အီတလီရှိ မီလန်၊ နယူးယောက်ရှိ တိုင်းမ်စကွဲတို့တွင်လည်း အပြည်ပြည်ဆိုင်ရာယောဂနေ့ကို ဆင်နွှဲကြမည်ဖြစ်သည်။ သို့သော် ဇွန် ၂၁ ရက်တွင် ကျရောက်သည့် အပြည်ပြည်ဆိုင်ရာ ယောဂနေ့မတိုင်မီ ပြီးခဲ့သော သီတင်းပတ်ကုန်ကတည်းက ပါရီ၊ ဆိုးလ်နှင့် ဒါဘန်တို့အပါအ၀င် မြို့ကြီးအချို့တွင် ထိုအခမ်းအနားကို ဆင်နွှဲခဲ့ကြပြီးဖြစ်သည်။ ယောဂကျင့်မှုအား ပြုလုပ်သူအရေအတွက်သည် မကြာသေးမီ ဆယ်စုနှစ်များစွာအတွင်း သန်းပေါင်းများစွာ သန်းပေါင်း ၃၀၀ အထိ တစ်ရှိန်ထိုးမြင့်တက်ခဲ့သည်။ သို့သော် အနောက်တိုင်းတွင်မူ ယောဂကို စိတ်ပိုင်းဆိုင်ရာ လေ့ကျင့်မှုဆိုသည်ထက် ကိုယ်လက်ကြံ့ခိုင်မှု လေ့ကျင့်ခန်းလုပ်သည်ဟုသာ ပိုမိုသဘောထားခဲ့သည်။

Ref: AFP

နယူးဇီလန်ဝန်ကြီးချုပ် သမီးမိန်းကလေး မွေးဖွား

ဧပြီ ၂၀ ရက်က လန်ဒန်တွင် အလိဇဘတ်ဘုရင်မကြီး၏ ညစာစားပွဲသို့ နယူးဇီလန်ဝန်ကြီးချုပ် အာဒန် (၀ဲ) က တက်ရောက်လာစဉ် (Photo: AFP)

နယူးဇီလန်ဝန်ကြီးချုပ် ဂျာဆင်ဒါအာဒန်သည် ဇွန် ၂၁ ရက်တွင် အောက်ကလန်ရှိ ဆေးရုံတစ်ရုံတွင် ကျန်းမာသန်စွမ်းသည့် သမီးမိန်းကလေးတစ်ဦး မွေးဖွားခဲ့ပြီး တာဝန်ထမ်းဆောင်စဉ်အတွင်း ကလေးမွေးဖွားသည့် ဒုတိယမြောက် ကမ္ဘာ့ခေါင်းဆောင် တစ်ဦးဖြစ်လာခဲ့သည်။

၃ ဒသမ ၃ ကီလိုဂရမ် (၇ ဒသမ ၃ ပေါင်) ရှိသည့် ယင်းကလေးသည် အသက် ၃၇ နှစ်အရွယ်ရှိ ဂျာဆင်ဒါအာဒန်နှင့် ၎င်း၏အတူနေ အဖော် ကလက်ဂေးဖို့ဒ်တို့အတွက် ပထမဆုံးကလေးဖြစ်သည်။

“အခုမှ ပူပူနွေးနွေးမိဘဖြစ်လာတဲ့ သူတွေရဲ့ အတွေ့အကြုံအားလုံးကို ကျွန်မတို့ ခံစားသိရှိပါပြီ။ ကြင်နာစိတ်နဲ့ ဆုတောင်းပေးမှုတွေအတွက်လည်း ကျေးဇူးတင်ပါတယ်” ဟု အာဒန်က ပြောကြားခဲ့သည်။

အာဒန်က ကျန်းမာသန်စွမ်းသည့် ကလေး၏ ဓာတ်ပုံကို Instagram တွင် ဖော်ပြခဲ့သည်။ “အောက်ကလန်မြို့ဆေးရုံက ကျွမ်းကျင်တဲ့ဆေးရုံဝန်ထမ်းအဖွဲ့ကိုလည်း ကျွန်မတို့ ကျေးဇူးတင်ပါတယ်” ဟု အာဒန်က ရေးသားခဲ့သည်။

အာဒန်သည် ဇွန် ၁၇ ရက်တွင် မီးဖွားမည်ဟု ရက်သတ်မှတ်ထားသော်လည်း ဇွန် ၂၁ ရက် နံနက်မှသာ ဆေးရုံတက်ပြီး ကလေးမွေးဖွားခဲ့ခြင်းဖြစ်သည်။

သြဇာလွှမ်းမိုးမှုရှိသည့် အာဒန်သည် ၁၉၉၀ ပြည့်နှစ်က ပါကစ္စတန်၏၀န်ကြီးချုပ်ဖြစ်သည့် ဘနာဇီယာဘူတိုပြီးလျှင် တာဝန်ထမ်းဆောင်စဉ်အတွင်း ကလေးမွေးဖွားသည့် ဒုတိယမြောက်အမျိုးသမီးခေါင်းဆောင် ဖြစ်လာသော်လည်း ၎င်းက ယင်းအရေးပါမှုကို မှိန်ပစ်ခဲ့သည်။ ၂၀၀၇ ခုနှစ်တွင် လုပ်ကြံခံခဲ့ရသည့် ဘူတိုသည် သမီးဖြစ်သူ Bakhtawar ကို ၁၉၉၀ ပြည့်နှစ် ဇန်န၀ါရီတွင် မွေးဖွားခဲ့သည်။ Bakhtawar က ၎င်းသည် တာဝန်ထမ်းဆောင်နေသည့် အမျိုးသမီးဝန်ကြီးချုပ်က မွေးဖွားသည့် ပထမဆုံးကလေးဟု Twitter တွင် ရေးသားခဲ့သည်။

“လူအတော်များများက သူတို့ရဲ့ ကိုယ်ရေးကိုယ်တာနဲ့ ကိုယ်ပိုင်ဘ၀တွေမှာ အရာများများကို မဖြစ်ဖြစ်အောင် စီစဉ်လုပ်ဆောင်ခဲ့ကြတယ်။ ကျွန်မက တစ်မူထူးခြားတဲ့သူ မဟုတ်ပါဘူး။ ကျွန်မရှေ့မှာ အလုပ်တာဝန် အများကြီးလုပ်ခဲ့တဲ့ အမျိုးသမီးတွေတစ်ပုံကြီး ရှိပါတယ်” ဟု အာဒန်က ကိုယ်ဝန်ရှိနေပြီဟု ဇန်န၀ါရီတွင် အသိပေးခဲ့စဉ်က ပြောကြားခဲ့သည်။ အာဒန်သည် ရွေးကောက်ပွဲ မဲဆွယ်သည့်ကာလအတွင်း မိခင်ဘ၀အတွက် အစီအစဉ်များကို ဆွေးနွေးမှုကို ငြင်းဆိုခဲ့သည်။

အာဒန် မီးဖွားခွင့်ယူထားသည့် သီတင်းခြောက်ပတ်တွင် ၎င်း၏ လက်ထောက်ဖြစ်သော ဒုတိယ၀န်ကြီးချုပ် ၀င်စတန်ပီတာက ယာယီဝန်ကြီးချုပ်အဖြစ် တာဝန်ထမ်းဆောင်မည်ဖြစ်သော်လည်း အရေးပါသည့်အကြောင်း ကိစ္စများနှင့် ပတ်သက်ပြီး ၎င်းက အကြံဥာဏ် ပေးမည်ဖြစ်သည်။

“ကလေးယူဖို့ ဆုံးဖြတ်တယ်ဆိုတာ အမျိုးသမီးတစ်ယောက်ရဲ့ ဆုံးဖြတ်ချက်ပါ။ ဒါ နဲ့ပတ်သက်ပြီး သူတို့အလုပ်ရတယ် (ဒါမှမဟုတ်) အလုပ်အကိုင် အခွင့်အလမ်းတွေ ရတယ်ဆိုတာကို ကြိုတင်ဟောကိန်း မထုတ်သင့်ပါဘူး” ဟု အာဒန်က ယင်းအချိန်က ပြောကြားခဲ့သည်။

Ref: AFP

နျူကလီးယား ဖျက်သိမ်းရေး အစီအစဉ်ကို ထုတ်ပြန်ရန် တောင်ကိုရီးယားက မြောက်ကိုရီးယားအား တိုက်တွန်း

ဇွန် ၂၁ ရက်က ပေကျင်းမှ ပြန်လည်ထွက်ခွာမည့် မြောက်ကိုရီးယားခေါင်းဆောင် ကင်ဂျုံအွန် (၀ဲ) အား တရုတ်သမ္မတ ရှီကျင်ပင်းနှင့်ဇနီးတို့က နှုတ်ဆက်နေစဉ် (Photo: AFP)

နျူကလီးယား ဖျက်သိမ်းရေးအား ဦးတည်သော ခိုင်မာသည့်ခြေလှမ်းများကို လှမ်းရန်အတွက် အစီအစဉ်တစ်ခုအား ချပြရန် တောင်ကိုရီးယားက မြောက်ကိုရီးယားကို ဇွန် ၂၀ ရက်တွင် တိုက်တွန်းခဲ့ပြီး တရုတ်သမ္မတ ရှီကျင်ပင်းနှင့် တွေ့ဆုံခဲ့သည့် မြောက်ကိုရီးယားခေါင်းဆောင် ကင်ဂျုံအွန်ကို ဖိအားတိုးမြှင့်ခဲ့သည်။ ကင်နှင့် ရှီတို့သည် ပေကျင်းရှိ Diaoyutai နိုင်ငံတော်ဧည့်ဂေဟာ၌ ဒုတိယမြောက်နေ့ တွေ့ဆုံဆွေးနွေးမှုသည် အလွန်အမင်းနီးကပ်ပြီး ရင်းရင်းနှီးနှီးရှိခဲ့ကြောင်း တရုတ်အစိုးရသတင်းအေဂျင်စီ ဆင်ဟွာက ဖော်ပြခဲ့သည်။

ကင်နှင့်တွေ့ဆုံစဉ် နွေးထွေးသော မိတ်ဖက်ဖြစ်မှုအား ရှီက ဂုဏ်ပြုခဲ့ကြောင်း ဆင်ဟွာက ဖော်ပြခဲ့သော်လည်း ကိုရီးယားကျွန်းဆွယ်တွင် နျူကလီးယား ဖျက်သိမ်းရေးကို တိုးတက်မှုရှိစေရန်အတွက် လုပ်ဆောင်ရန် အထူးပြုသည့် မည်သည့်ဆွေးနွေးမှုကိုမျှ ရည်ညွှန်းမဖော်ပြခဲ့ပေ။ ကိုရီးယားကျွန်းဆွယ်တွင် ညှိနှိုင်းဆွေးနွေးမှုအတွက် အရှိန်ရနေမှုနှင့် တင်းမာမှုလျော့ကျလာမှုတို့ကို တရုတ်က ကျေနပ်နေကြောင်း ရှီက ပြောကြားခဲ့သည်ဟုလည်း ဆင်ဟွာက ဖော်ပြခဲ့သည်။

မြောက်ကိုရီးယားသည် ၎င်း၏နျူကလီးယား စီမံကိန်းအား မည်သို့ဖျက်သိမ်းမည့် အကြောင်းကို အစီအစဉ် ထုတ်ပြန်ပေးရန်၊ အမေရိကန်အတွက် တူညီသောအရေးယူ ဆောင်ရွက်မှုများကို အလျင်အမြန် လုပ်ဆောင်ရန် တောင်ကိုရီးယားသမ္မတ မွန်းဂျေအင်းက တိုက်တွန်းခဲ့သည်။ နျူကလီးယား ဖျက်သိမ်းရေးအတွက် ပိုမိုခိုင်မာသော အစီအစဉ်များကို မြောက်ကိုရီးယားက ထုတ်ပြန်ရန် လိုအပ်ကြောင်း၊ ယင်းအစီအစဉ်သည် ကျယ်ပြန့်သော အရေးယူဆောင်ရွက်မှုများကို အလျင်အမြန် လုပ်ဆောင်နိုင်ရန်အတွက် အမေရိကန်အတွက်လည်း လိုအပ်ကြောင်း မွန်းက ယခုသီတင်းပတ်နှောင်းပိုင်းတွင် မော်စကိုသို့ မသွားရောက်မီ ရုရှားမီဒီယာသို့ ပြောကြားခဲ့သည်။

ကင်ဂျုံအွန်သည် ခိုင်မာစိတ်ချရသော လုံခြုံရေးအာမခံချက်များ ရရှိပါက ၎င်းတို့၏ နျူကလီးယားလက်နက် စီမံကိန်းများအား စွန့်လွှတ်ပြီး စီးပွားရေးဖွံ့ဖြိုးတိုးတက်ရေးအတွက် ပိုမိုအာရုံစိုက်ရန် လိုလားနေကြောင်း မကြာသေးမီလများအတွင်း ကင်နှင့် နှစ်ကြိမ် တွေ့ဆုံခဲ့သည့် မွန်းက ပြောကြားခဲ့သည်။ ကင်သည် ပွင့်လင်းသော၊ သတိရှိသော၊ ယဉ်ကျေးသောသူတစ်ဦးဖြစ်သည်ဟု မွန်းက ခိုင်းနှိုင်းခဲ့သည်။

မြောက်ကိုရီးယားသည် နျူကလီးယား အစီအစဉ်များအား ချက်ချင်းနှင့် နောက်ပြန်လှည့်၍မရသော အလုံးစုံဖျက်သိမ်းမှု လုပ်ဆောင်ရန် ၀ါရှင်တန်၏ တောင်းဆိုချက်အား ဆန့်ကျင်လျက် နျူကလီးယား ဖျက်သိမ်းရေးအား တစ်ဆင့်ချင်းနှင့် တစ်ပြိုင်တည်း ပြုလုပ်ရန်အတွက် မြောက်ကိုရီးယား၏ တောင်းဆိုမှုကို ပေကျင်းက ထောက်ခံခဲ့သည်။ မြောက်ကိုရီးယားက နျူကလီးယားလက်နက်များနှင့် တာဝေးပစ်ဒုံးစီမံကိန်းများအား စွန့်လွှတ်ရန်အတွက် ဆွေးနွေးမှုများတွင် တိုးတက်မှုရှိပါက ပြုံယမ်းတွင် ကုန်သွယ်ရေးနှင့် ရင်းနှီးမြှုပ်နှံမှုများ ပိုမိုပြုလုပ်မည်ဟု ပေကျင်းက စည်းရုံးခဲ့သည်။ မြောက်ကိုရီးယား၏ ပြည်ပကုန်သွယ်မှုအား အလွန်အမင်းထိခိုက်စေခဲ့သော ကုလသမဂ္ဂ၏ ပိတ်ဆို့အရေးယူမှုများအား ဖြေလျှော့ပေးရန်အတွက် တရုတ်က ကူညီပေးရန်အတွက် ကင်က ယခုနှစ်အတွင်း တရုတ်သို့ ၎င်း၏သုံးကြိမ်မြောက် ခရီးစဉ်အတွင်း တောင်းဆိုခဲ့ဖွယ်ရှိကြောင်း ခန့်မှန်းခဲ့ကြသည်။

Ref: AP

ဖိလစ်ပိုင်စစ်တပ် အဆင့်မြှင့်ရန်အတွက် ဒေါ်လာ ၅ ဒသမ ၆ ဘီလျံ အသုံးစရိတ်ကို သမ္မတဒူတာတေး အတည်ပြု

၂၀၁၇ ခုနှစ် ဇွန် ၂၈ ရက်က ကလက်လေတပ်စခန်းတွင် တရုတ်မှ ကူညီသည့် လက်နက်များ ပေးအပ်သည့် အခမ်းအနား၌ သမ္မတဒူတာတေးကို တွေ့ရစဉ် (Photo: AP)

ခေတ်နောက်ကျနေသော ဖိလစ်ပိုင်စစ်တပ်အား ခေတ်မီစေရန် အဆင့်မြှင့်တင်မည့် အစီအစဉ်အတွက် ပီဆိုဘီလျံ ၃၀၀ (ဒေါ်လာ ၅ ဒသမ ၆ ဘီလျံ) သုံးစွဲမည့် ငါးနှစ်စီမံကိန်းကို သမ္မတရိုဒရီဂိုဒူတာတေးက အတည်ပြုခဲ့ကြောင်း ကာကွယ်ရေးတာဝန်ရှိသူများက ဇွန် ၂၀ ရက်တွင် ပြောကြားခဲ့သည်။

ယခင် ၁၅ နှစ်ကြာ စစ်တပ်အဆင့်မြှင့်တင်ရေး အစီအစဉ်သည် ၁၉၉၀ ပြည့်လွန် နှစ်အလယ်ပိုင်းနှစ်များတွင် မအောင်မြင်ခဲ့ဘဲ ဖိလစ်ပိုင်စစ်တပ်တွင် ဒုတိယကမ္ဘာစစ်မှ စစ်သင်္ဘောများနှင့် ဗီယက်နမ်စစ်ပွဲတွင် အမေရိကန်က အသုံးပြုခဲ့သည့် ရဟတ်ယာဉ်များ အပါအ၀င် ခေတ်နောက်ကျသည့် စစ်လက်နက်များကို သုံးစွဲနေရသည်။

ဖိလစ်ပိုင်စစ်တပ်၏ ကာကွယ်ရေးစွမ်းရည်ကို အရှိန်မြှင့်တင်ရန်အတွက် တိုက်လေယာဉ်များ၊ မောင်းသူမဲ့လေယာဉ်များ၊ အပေါ့စားတင့်ကားများ၊ ရေဒါစနစ်၊ ဖရီးဂိတ် သင်္ဘောနောက်ထပ်တစ်စင်း၊ ရေငုပ်သင်္ဘော တစ်စင်းတို့ အပါအ၀င် စစ်လက်နက်သစ်များအား ယခုအခါ ၀ယ်ယူရမည်ဖြစ်ကြောင်း မီဒီယာသို့ ထုတ်ဖော်ပြောရန် အခွင့်မရှိသဖြင့် အမည်မဖော်လိုသည့် ထိုကာကွယ်ရေး တာဝန်ရှိသူက ပြောကြားခဲ့သည်။

၂၀၁၀ ပြည့်နှစ်မှ ၂၀၁၆ ခုနှစ်အထိ သမ္မတအဖြစ် ထမ်းဆောင်ခဲ့သည့် ဘီနစ်နိုအကွီနိုအစိုးရလက်ထက်တွင် တစ်ပတ်ရစ် သင်္ဘောများနှင့် လေယာဉ်အများစုအား ၀ယ်ယူမှု အပါအ၀င် ကာကွယ်ရေး အသုံးစရိတ်အဖြစ် ဒေါ်လာ ၁ ဒသမ ၇ ဘီလျံဝန်းကျင်ကို သုံးစွဲခဲ့သည်။

စစ်တပ်ခေတ်မီစေရန်အတွက် ဒေါ်လာ ၅ ဒသမ ၆ ဘီလျံသုံးစွဲရန် အစီအစဉ်ကို ပြီးခဲ့သောလတွင် ကာကွယ်ရေးနှင့် စစ်ဘက်ထိပ်တန်းတာဝန်ရှိသူများနှင့် ဆွေးနွေးပွဲတစ်ခုတွင် ဒူတာတေးက အတည်ပြုခဲ့ခြင်း ဖြစ်သည်။ ပြည်တွင်းလုံခြုံရေးအား အာရုံစိုက်ပြီး ကျယ်ပြောသော ကျွန်းစုနိုင်ငံ၏ ရေကြောင်းနယ်နိမိတ်များကို ကာကွယ်ရန်အတွက် ခေတ်မီစီမံကိန်း ၃၃ ခုအား ဒူတာတေးက အတည်ပြုခဲ့ကြောင်း ဗိုလ်ချုပ်တစ်ဦးက ပြောကြားခဲ့သည်။ ၎င်းတို့သည် မောင်းသူမဲ့ လေယာဉ်များ၊ ခရီးဝေးသွား ကင်းလှည့်လေယာဉ်များ၊ ကမ်းလွန်ကင်းလှည့်သင်္ဘောများနှင့် လျှပ်စစ်-ဒီဇယ်စွမ်းအင်ရောသုံး ရေငုပ်သင်္ဘောတစ်စင်းတို့အတွက် ပရီမီယံကြေးများ သွင်းထားကြောင်းလည်း ထိုဗိုလ်ချုပ်က ပြောကြားခဲ့သည်။

ဖိလစ်ပိုင်သည် ၂၀၂၃ ခုနှစ်နောက်ပိုင်း ရေငုပ်သင်္ဘောလေးစင်းဝယ်ရန် စီစဉ်ထားကြောင်း ကာကွယ်ရေးဌာနပြောခွင့်ရပုဂ္ဂိုလ် အာဆင်နီယိုအန်ဒိုလောင်က ပြောကြားခဲ့သည်။ ထို့ပြင် ရဟတ်ယာဉ်သစ်များနှင့် အပေါ့စားတင့်ကားများ ၀ယ်ရန်အတွက် ဒေါ်လာတစ်ဘီလျံကို ဒူတာတေးက ချန်ထားသော်လည်း ၀ယ်ယူမှုကိုမူ မလုပ်ရသေးပေ။ ဖိလစ်ပိုင်သည် အများအားဖြင့် သဘာဝဘေးအန္တရာယ် တုံ့ပြန်ကယ်ဆယ်ရေး၊ စစ်သွေးကြွများနှင့် ပင်လယ်ဓားပြများအား နှိမ်နင်းရေးတို့အတွက် သြစတြေးလျ၊ တရုတ်၊ ဂျပန်၊ ရုရှားနှင့် အမေရိကန်တို့ထံမှ စစ်လက်နက် အကူအညီများ ရရှိခဲ့သည်။

ဖိလစ်ပိုင်ရှိ တစ်ခုတည်းသော အစ္စလာမ်မြို့ဖြစ်သည့် မာရာဝီ၌ ပြီးခဲ့သောနှစ်တွင် IS လိုလားသည့် စစ်သွေးကြွများက စစ်တပ်နှင့် ငါးလကြာ တိုက်ခိုက်ခဲ့ပြီးနောက် ဖိလစ်ပိုင်စစ်တပ်သည် IS ကို အားကျသော နောက်ထပ်တိုက်ခိုက်မှုများမှ ကြိုတင်ကာကွယ်နိုင်ရန် အာရုံစိုက်လုပ်ဆောင်နေသည်။ ထို့ပြင် တောင်တရုတ်ပင်လယ်ရှိ ရေပိုင်နက် အငြင်းပွားမှုအတွက် ဖိလစ်ပိုင်သည် တရုတ်၏စိန်ခေါ်မှုနှင့်လည်း ရင်ဆိုင်နေရသည်။

Ref: Reuters

အီရတ်ရွေးကောက်ပွဲရလဒ်အား တစ်နိုင်ငံလုံး၌ ပြန်လည်ရေတွက်ရန် ဆုံးဖြတ်ချက်ကို တရားရုံးချုပ်က အတည်ပြု

မေ ၁၀ ရက်က ဘဂ္ဂဒက်တွင် မဲရုံတစ်ရုံရှေ့၌ ကြိုတင်မဲပေးရန် စောင့်ဆိုင်းနေသည့် လုံခြုံရေးတပ်ဖွဲ့ဝင်များအား တွေ့ရစဉ် (Photo: AFP)

လူကြိုက်များသည့် ရှီအိုက်ဘာသာရေး ခေါင်းဆောင် မော့တာဒါအယ်ဆာဒါးက အံ့အားသင့်ဖွယ် အနိုင်ရရှိခဲ့သည့် ပြီးခဲ့သောမေတွင် ကျင်းပခဲ့သော အီရတ် ပါလီမန်ရွေးကောက်ပွဲရလဒ်များအား နိုင်ငံတစ်ဝန်း၌ လက်ဖြင့် ပြန်လည်ရေတွက်ရန် ညွှန်ကြားခဲ့သော ပါလီမန်၏ ဆုံးဖြတ်ချက်ကို တရားရုံးချုပ်က ဇွန် ၂၁ ရက်တွင် အတည်ပြုခဲ့သည်။

သို့သော် ပြည်ပရောက်နေသူများ၊ နေရပ်စွန့်ခွာခဲ့ရသူများ၊ ပက်ရ်ှမာဂါ တိုက်ခိုက်ရေးသမားများ၏ မဲများအား ပယ်ဖျက်ရန် ဆုံးဖြတ်ခဲ့မှုသည် ဖွဲ့စည်းပုံအခြေခံဥပဒေနှင့် မညီညွတ်ကြောင်း တရားရုံးချုပ်က ဆုံးဖြတ်ခဲ့သည်။

ထိုရွေးကောက်ပွဲ၌ မဲမသမာမှုများ ရှိခဲ့ကြောင်း နိုင်ငံရေးပါတီအချို့၏ စွပ်စွဲချက်များ ထွက်ပေါ်ခဲ့ပြီးနောက် မဲများအား ပြန်လည်ရေတွက်ရန်အတွက် ပါလီမန်က ညွှန်ကြားခဲ့သည်။ ထို့ပြင် ယခုလအတွင်း ရွေးကောက်ပွဲဥပဒေအား ပြင်ဆင်ဖြည့်စွက်ခဲ့မှုအရ ပြည်ပရောက်နေသူများနှင့် နေရပ်စွန့်ခွာခဲ့ရသူများကဲ့သို့ လူများ၏မဲအချို့ကိုလည်း ပယ်ဖျက်ခဲ့သည်။

လွတ်လပ်သော အီရတ်ရွေးကောက်ပွဲကော်မရှင်ထံမှ လုပ်ပိုင်ခွင့်ကို တရားသူကြီးများက လွှဲပြောင်းယူခဲ့ပြီးနောက် စတင်နေပြီဖြစ်သော မဲများပြန်လည်ရေတွက်မှု လုပ်ငန်းစဉ်ကို တရားရုံးချုပ်က အတည်ပြုခဲ့ခြင်းဖြစ်သည်။ ထို့ပြင် တရားရုံးချုပ်၏ စီရင်ချက်သည် နောက်ဆုံးဖြစ်ပြီး အယူခံဝင်ခွင့်မရှိဟု သိရသည်။

ရွေးကောက်ပွဲဥပဒေ ပြင်ဆင်ဖြည့်စွက်မှုအား အီရတ်သမ္မတ၊ ရွေးကောက်ပွဲကော်မရှင်ဥက္ကဋ္ဌ၊ ကာ့ဒ်ပါတီတို့က စိန်ခေါ်ခဲ့ပြီးနောက် ထိုကိစ္စအတွက် တရားရုံးချုပ်က ယခုဆုံးဖြတ်ချက်ကို ချမှတ်ခဲ့ခြင်းဖြစ်သည်။ ရွေးကောက်ပွဲဥပဒေ၏ ကျန်သောအပိုင်းများသည် ဖွဲ့စည်းပုံအခြေခံဥပဒေနှင့် ညီညွတ်ကြောင်း တရားရုံးချုပ် တရားသူကြီး မက်ဟတ်အယ်မာမွတ်က စီရင်ချက်တွင် ပြောကြားခဲ့သည်။

IS ဂျီဟတ်အဖွဲ့အား အီရတ်အစိုးရက အနိုင်ရခဲ့ကြောင်း ကြေညာခဲ့ပြီးနောက် အီရတ်တွင် ပထမဆုံးအကြိမ် ကျင်းပခဲ့သော ထိုရွေးကောက်ပွဲသည် သမိုင်းတစ်လျှောက် မဲလာထည့်သူ စံချိန်တင်နည်းပါးခဲ့မှုနှင့် မဲမသမာမှုများ ရှိခဲ့ကြောင်း စွပ်စွဲမှုများ ထွက်ပေါ်ခဲ့ပြီးနောက် အိုပက်အဖွဲ့ဝင်နှင့် ရေနံအဓိကထုတ်လုပ်သော နိုင်ငံတစ်နိုင်ငံဖြစ်သည့် အီရတ်တွင် နိုင်ငံရေး မရေရာမှုများ ရင်ဆိုင်နေရသည်။

ထိုရွေးကောက်ပွဲတွင် မဲအများဆုံးနှင့် ဒုတိယ မဲအများဆုံးရရှိခဲ့ကြသည့် အမျိုးသားရေးဝါဒီ ဘာသာရေးဆရာ မော့တာဒါ အယ်ဆာဒါးနှင့် အီရန်ကျောထောက်နောက်ခံပြု ပြည်သူ့စစ်အဖွဲ့ခေါင်းဆောင် ဟာဒီအယ်အမီရီတို့က ၎င်းတို့နှစ်ဖွဲ့အကြား နိုင်ငံရေးညွန့်ပေါင်း ဖွဲ့စည်းမည်ဟု ကြေညာထားခဲ့သည်။ သို့သော် မည်သည့်အစိုးရကိုမျှ မဖွဲ့ရသေးဘဲ ယခုကဲ့သို့ မဲများပြန်လည်ရေတွက်မှုအား တရားရုံးချုပ်က အတည်ပြုခဲ့ခြင်းဖြစ်သည်။

Ref: AFP

ရွှေ့ပြောင်းအခြေချ မိသားစုများအား မိဘနှင့် ကလေးခွဲထားမှုကို အဆုံးသတ်ရန် ထရန့် ညွှန်ကြား

ဇွန် ၁၉ ရက်က တက္ကဆက်ပြည်နယ် တော်နီလိုဆိပ်ကမ်းဝင်ပေါက်အနီး မကြာသေးမီက တည်ဆောက်ထားသော ယာယီစခန်းတစ်ခုအား တွေ့ရစဉ် (Photo: AFP)

အမေရိကန်နယ်စပ်တွင် ရွှေ့ပြောင်းအခြေချဝင်လာသူများအား မိဘနှင့် ကလေး သီးခြားခွဲထားမှုကို အဆုံးသတ်ရန် အမေရိကန်သမ္မတ ဒေါ်နယ်ထရန့်က ဇွန် ၂၀ ရက်တွင် ညွှန်ကြားခဲ့ရာ ၎င်း၏ရီပက်ဘလီကင် ပါတီတွင်းမှ သာမက ဒီမိုကရက်များနှင့် အပြည်ပြည်ဆိုင်ရာ အသိုင်းအ၀ိုင်းမှ ဖိအား အလွန်အမင်းပေးနေသည့် အလွန်အမင်း ပြင်းထန်သောမူဝါဒကို ပြောင်းလဲလိုက်ခြင်း ဖြစ်သည်။

ပြီးခဲ့သော မေ ၅ ရက်နောက်ပိုင်း နယ်စပ်ကို တရားမ၀င် ဖြတ်ကျော်ဝင်ရောက်ခဲ့ပြီးနောက် ကလေး ၂၃၀၀ ကျော်သည် ၎င်းတို့၏မိဘများ၊ အရွယ်ရောက်သူ အုပ်ထိန်းသူများနှင့် သီးခြားခွဲထားခံရပြီး အဆက်အသွယ် မပြုလုပ်နိုင်ဘဲ တဲစခန်းများနှင့် အခြားနေရာများတွင် ထိန်းသိမ်းခံခဲ့ရပြီးနောက် ယင်းကဲ့သို့ အပြောင်းအလဲ ဖြစ်ပေါ်ခဲ့ခြင်းဖြစ်သည်။ ထရန့်က ယင်းကဲ့သို့ အမိန့်ထုတ်ပြန်လိုက်သော်လည်း မိဘများနှင့်ခွဲထားခံခဲ့ရသည့် ကလေးထောင်ပေါင်းများစွာက ပြန်လည်ပေါင်းစည်းနိုင်ရန်အတွက် အစီအစဉ် မရှိသေးကြောင်း ကျန်းမာရေးနှင့် လူသားချင်းဆိုင်ရာ ၀န်ဆောင်မှုဌာန (HHS) မှ တာဝန်ရှိသူများအား ကိုးကား၍ အမေရိကန်မီဒီယာများက ဖော်ပြခဲ့ကြသည်။

လူဝင်မှုကြီးကြပ်ရေးဆိုင်ရာ စိစစ်မှုများ ဆောင်ရွက်နေစဉ်အတွင်း စစ်ဆေးမေးမြန်းမှုများအရ ထိုကလေးများသည် ၎င်းတို့၏မိဘများနှင့် ဆက်လက်ခွဲထားခံရမည်ဖြစ်ကြောင်း နယူးယောက်တိုင်းမ်က ဖော်ပြခဲ့သည်။

ထရန့်က မိသားစုဝင်များအား ပြန်လည် ပေါင်းစည်းခွင့်ပေးမည် ဖြစ်သော်လည်း နယ်စပ်ကိုမူ ဆက်လက်တင်းကျပ်သွားမည်ဖြစ်ကြောင်း မိသားစုဝင်များအား ခွဲထားမှုကို ရပ်ဆိုင်းရန် ညွှန်ကြားသည့်သမ္မတအမိန့်ကို ထုတ်ပြန်ခဲ့ပြီးနောက် ပြောကြားခဲ့သည်။ ပြိုင်ဘက်ဒီမိုကရက်များသည် အမေရိကန် နိုင်ငံသားများထက် တရားမ၀င် ရွှေ့ပြောင်းအခြေချများအား ရှေ့တန်းတင်ခဲ့ကြောင်း ထရန့်က စွပ်စွဲခဲ့သည်။

ထရန့်က ကလေးများအား မိဘများနှင့် ခွဲထားမှုအား အဆုံးသတ်ရန် မညွှန်ကြားမီ ဥပဒေကြောင်းအရ လိုက်နာခြင်းသာဖြစ်ပြီး ကွန်ဂရက်ကသာ ထိုပြဿနာကို ဖြေရှင်းနိုင်မည်ဖြစ်ကြောင်း သီတင်းပတ်များစွာ ပြောကြားလာခဲ့သည်။ ထရန့်၏သမီးဖြစ်ပြီး အကြံပေးဖြစ်သူ အီဗန်ကာထရန့်က ထိုခွဲထားမှုအား အဆုံးသတ်ရန် ထရန့်ကို တိုက်တွန်းခဲ့ကြောင်း သတင်းထွက်ခဲ့ပြီး ထရန့်၏ ဇနီး မီလန်နီယာထရန့်ကလည်း အမေရိကန်နိုင်ငံသည် နှလုံးသားဖြင့် အုပ်ချုပ်ရန်လည်း လိုအပ်ကြောင်း ရှားရှားပါးပါး နိုင်ငံရေးဆိုင်ရာ မေတ္တာရပ်ခံမှု ပြုလုပ်ခဲ့သည်။

ယခုသမ္မတအမိန့်အရ ယခင်မူဝါဒအား အကောင်အထည်ဖော်ရသည့် တရားရေးဌာနနှင့် HHS ဌာနတို့က တာဝန်ယူရမည် မဟုတ်တော့ဘဲ အမိမြေလုံခြုံရေးဌာနက ထိုရွှေ့ပြောင်းအခြေချမိသားစုအရေးကို ကိုင်တွယ်သွားမည်ဖြစ်သည်။ ထို့ပြင် ကလေးများအား ရက် ၂၀ ကြာ ထိန်းသိမ်းခွင့် ကန့်သတ်ထားသည့် လက်ရှိကျင့်သုံးနေသည့် 1997 Flores Settlement ပြဋ္ဌာန်းချက်အား စိန်ခေါ်လျက် အမေရိကန်အစိုးရက ရွှေ့ပြောင်းအခြေချမိသားစုများအား အကန့်အသတ်မရှိ ထိန်းသိမ်းထားရန် ဆန္ဒရှိမှုကို ထိုအမိန့်တွင် ဖော်ပြခဲ့သည်။

ထရန့်က နယ်စပ်မှ တရားမ၀င် ၀င်ရောက်လာမှုများအား လုံးဝ လက်သင့်မခံမှုဆိုင်ရာ မူဝါဒသည် တရားမ၀င် ၀င်ရောက်လာသူများက ကျူးလွန်ခဲ့သည်ဟု ၎င်းက ဆိုခဲ့သော ရာဇ၀တ်မှုများမှ ကြိုတင်ကာကွယ်ရန်ဖြစ်သည်ဟု ကာကွယ်ပြောကြားခဲ့သည်။

Ref: AFP

အိန္ဒိယနှင့် ဘင်္ဂလားဒေ့ရ်ှတွင် ရေကြီးမှုများကြောင့် လူဒါဇင်များစွာသေဆုံးပြီး တစ်သန်းကျော် အိုးအိမ်စွန့်ခွာရ

ဇွန် ၁၅ ရက်က ထရိပူရပြည်နယ် မြို့တော်အပြင်ဘက်ရှိ ဘယ်ဒါခယ်ရွာတွင် ရေလွှမ်းနေစဉ် သွားလာနေသူများကို တွေ့ရစဉ် (Photo: AFP)

တောင်အာရှတွင် မုတ်သုံမိုးသည်းထန်စွာ ရွာသွန်းမှုကြောင့် ရေကြီးမှုများဖြစ်ပေါ်ခဲ့ပြီး လူဒါဇင်များစွာသေဆုံး၍ တစ်သန်းကျော် အိုးအိမ်စွန့်ခွာခဲ့ရကြောင်း၊ အများစုသည် အိန္ဒိယအရှေ့မြောက်ပိုင်းနှင့် ဘင်္ဂလားဒေ့ရ်ှတို့မှဖြစ်ကြောင်း အာဏာပိုင်များက ဇွန် ၁၉ ရက်တွင် ပြောကြားခဲ့သည်။

ဟိမ၀န္တာမှ အိန္ဒိယသို့ စီးဆင်းပြီး ယင်းမှတစ်ဆင့် ဘင်္ဂလားဒေ့ရ်ှသို့ ဖြတ်သန်းသည့် ဗြဟ္မပုတြမြစ်၏ မြစ်ကမ်းပါးများ ကျိုးပေါက်မှု ဖြစ်ပွားခဲ့မှုကြောင့် ပြီးခဲ့သည့်သီတင်းပတ်တွင် အိန္ဒိယ၏အာသံပြည်နယ်ရှိ ကျေးရွာ ၁,၅၀၀ ကျော်တွင် ရေလွှမ်းခဲ့သည်။

“ရေကြီးတဲ့အခြေအနေက စိုးရိမ်ရတဲ့ အခြေအနေ ရှိနေသေးတယ်” ဟု အာသံပြည်နယ်၏ ရေအရင်းအမြစ်ဝန်ကြီး ကီရှက်မာ ဟန်တက ရိုက်စ်တာသတင်းဌာနသို့ ပြောကြားခဲ့သည်။

လာမည့် ၄၈ နာရီအတွင်း မိုးပိုမိုသည်းထန်စွာ ရွာသွန်းမည်ဟု မိုးလေ၀သဌာနက ခန့်မှန်းထားသည်ဟု မာဟန်တက ပြောကြားခဲ့သည်။ အာသံပြည်နယ်တွင် အမြင့်ဆုံး သတိပေးချက် ထုတ်ပြန်ထားပြီး ကယ်ဆယ်ရေးများအတွက် စစ်တပ်က ရဟတ်ယာဉ်များ အသင့်ထားထားသည်ဟု ၎င်းက ပြောကြားခဲ့သည်။

ရေကြီးမှုများကြောင့် အိန္ဒိယပြည်နယ်များဖြစ်သည့် အာသံ၊ ထရီပူရနှင့် မဏိပူရ်တို့တွင် လူ ၂၀ ခန့်သေဆုံးပြီး ၈၀၀,၀၀၀ ခန့် အိုးအိမ်စွန့်ခွာခဲ့ရသည်။ ဗြဟ္မပုတြမြစ်တွင် မြစ်ရေသည် ယခုသီတင်းပတ်မကုန်မီအထိ မြင့်တက်ဖွယ်ရှိသည်ဟု အိန္ဒိယ၏ ဗဟိုရေ အရင်းအမြစ်ကော်မရှင်က ထုတ်ပြန်ခဲ့သည်။

ဘင်္ဂလားဒေ့ရ်ှရှိ ရေစုန်တွင် လူ ၁၁ ဦး သေဆုံးပြီး လူ ၂၅၀,၀၀၀ ကျော် အိုးအိမ်စွန့်ခွာခဲ့ရ (သို့မဟုတ်) ရေကြီးမှုဒဏ်ကို ခံခဲ့ရသည်ဟု တာဝန်ရှိသူများက ပြောကြားခဲ့သည်။

ပြီးခဲ့သည့်သီတင်းပတ်တွင် ဘင်္ဂလားဒေ့ရှ် အရှေ့တောင်ပိုင်းတွင် မိုးသည်းထန်စွာ ရွာသွန်းမှုကြောင့် မြေပြိုမှုများနှင့် အခြားမတော်တဆမှုများ ဖြစ်ပွားခဲ့ရာတွင် နယ်စပ်အနီးရှိ စခန်းများတွင် နေထိုင်သည့် ဘင်္ဂါလီဒုက္ခသည် (မူရင်းတွင် ရိုဟင်ဂျာမွတ်စလင်ဟု သုံးထား) နှစ်ဦး အပါအ၀င် ၁၂ ဦးထက်မနည်း သေဆုံးခဲ့သည်။

Ref: Reuters

ဆေးခြောက်များ တရားဝင် ထုတ်လုပ်ခြင်းနှင့် သုံးစွဲခြင်းကို ကနေဒါအထက်လွှတ်တော် အတည်ပြု

ကနေဒါတွင် ဆေးခြောက်များ တရားဝင် ထုတ်လုပ်သုံးစွဲခွင့်ကို ဇွန် ၁၉ ရက်တွင် ကနေဒါအထက် လွှတ်တော်က မဲခွဲဆုံးဖြတ်ခဲ့ရာတွင် အမတ် ၅၂ ဦးအနက် ထောက်ခံမဲ ၂၉ မဲဖြင့် အတည်ပြုနိုင်ခဲ့သည်။ ကနေဒါသည် စိတ်ကိုပြောင်းလဲစေသော ဆေးဝါးများ ထုတ်လုပ်ခြင်းနှင့် သုံးစွဲခြင်းကို တရားဝင် ခွင့်ပြုပေးလိုက်သော ပထမဆုံး ဂျီ-၇နိုင်ငံဖြစ်လာရန် နီးစပ်နေပြီဖြစ်သည်။

ကနေဒါအောက်လွှတ်တော်တွင် ဇွန် ၁၉ ရက်က ယင်းဥပဒေကြမ်းအား မဲခွဲဆုံးဖြတ်ခဲ့ရာ ထောက်ခံမဲ ၈၂ မဲဖြင့် အတည်ပြုခဲ့သည်။

ဥပဒေသစ်အဖြစ် မပြဋ္ဌာန်းမီ ဘုရင်ခံချုပ်၏ တော်ဝင်သဘောတူညီချက်ကို စက်တင်ဘာလထက် နောက်မကျဘဲရရှိရမည်ဖြစ်ပြီး ယင်းမှာ ကနေဒါ၏ လုပ်ရိုးလုပ်စဉ်တစ်ခုပင် ဖြစ်သည်။

ဥပဒေကြမ်းအား အထက်လွှတ်တော်တွင် အဆိုတင်သွင်းရာ၌ နှောင့်နှေးကြန့်ကြာမှုများ ရှိခဲ့သော်လည်း ဥပဒေပြဋ္ဌာန်းခြင်းကို အတားအဆီးမဖြစ်ခဲ့ပေ။ ကနေဒါတွင် ၁၉၂၃ ခုနှစ်ကတည်းက ချမှတ်ထားသော ဆေးခြောက်သုံးစွဲမှု ပိတ်ပင်တားဆီးသည့် လှုပ်ရှားမှုသည် အဆုံးသတ်တော့မည်ဖြစ်သည်။

သို့သော် ဆေးခြောက်အား ဆေးကုသမှုများတွင် တရားဝင် အသုံးပြုခွင့်ပေးထားသည်မှာ နှစ် ၂၀ နီးပါးရှိနေပြီဖြစ်သည်။ ၂၀၁၅ ခုနှစ်တွင် မဲဆွယ်လှုပ်ရှားစဉ်က ၀န်ကြီးချုပ် ဂျက်စတင်ထရူဒိုးသည် ဆေးခြောက်ကို တရားဝင်ပြုလုပ်ပေးမည်ဟု ကတိပြု စည်းရုံးခဲ့ဖူးသည်။

Ref: AFP