Apple က အဆင့်မြှင့်တင်ထားသော ဈေးနှုန်းအမြင့်ဆုံး iPhone အပါအ၀င် iPhone သစ်သုံးမျိုးကို မိတ်ဆက်

Apple က အဆင့်မြှင့်တင်ထားသော ဈေးနှုန်းအမြင့်ဆုံး iPhone အပါအ၀င် iPhone သစ်သုံးမျိုးနှင့်အတူ မျိုးဆက်သစ် Smartwatch ကို စက်တင်ဘာ ၁၂ ရက်တွင် မိတ်ဆက်ခဲ့သည်။

ကယ်လီဖိုးနီးယား နည်းပညာကုမ္ပဏီကြီး Apple သည် ပြီးခဲ့သောနှစ်တွင် မိတ်ဆက်ခဲ့သည့် ဖုန်းများအား အဆင့်မြှင့်ထားသော iPhone XS၊ iPhone XS Max နှင့် iPhone XR တို့ကို မိတ်ဆက်ခဲ့ခြင်းဖြစ်သည်။

iPhone XS နှင့် iPhone XS Max တို့သည် မျက်နှာပြင်အကျယ် ၅.၈ လက်မနှင့် ၆.၅ လက်မ အသီးသီးရှိပြီး OLED display ကို အသုံးပြုထားသည်။ ထိုဖုန်းသစ်နှစ်မျိုးစလုံးသည် မှတ်ဥာဏ်ပါဝင်မှု 4 GB စီရှိပြီး သိုလှောင်နိုင်မှုမှာ 64GB၊ 256GB နှင့် 512GB တို့ ပါဝင်သည်။ iPhone XS နှင့် iPhone XS Max တို့၏ ကျောဖက်တွင် ကင်မရာနှစ်လုံးစီပါဝင်ပြီး A12 Bionic ချပ်စ်ကို အသုံးပြုထားသည်။ သိုလှောင်မှုပမာဏ အလိုက် iPhone XS ဈေးနှုန်းသည် ၉၉၉ ဒေါ်လာမှ ၁၃၄၉ ဒေါ်လာအထိ ရှိမည်ဖြစ်ပြီး iPhone XR သည် ၇၄၉ ဒေါ်လာမှ ၈၉၉ ဒေါ်လာအထိ ရှိမည်ဖြစ်သည်။ ၁၀၉၉ ဒေါ်လာဖြင့် စတင်ပြီး ၁၄၄၉ ဒေါ်လာအထိ ကျသင့်မည့် iPhone XS Max သည် Apple ၏ ဖုန်းများထဲတွင် ဈေးနှုန်းအမြင့်ဆုံးဖုန်း ဖြစ်လာမည်ဖြစ်သည်။

နောက်ဆုံးမိတ်ဆက်ခဲ့သော iPhone XR ၏ မျက်နှာပြင်အကျယ်သည် ၆.၁ လက်မ ရှိပြီး မှတ်ဥာဏ်ပါဝင်မှု 3GB ရှိကာ ပရော်ဆက်ဆာ A12 ကို အသုံးပြုထားသည်။ LCD display အသုံးပြုထားသည့် iPhone XR ၏ သိုလှောင်နိုင်မှုသည် 64GB၊ 128 GB နှင့် 256 GB တို့ ဖြစ်ကာ အရောင်ခြောက်မျိုးအထိ ထုတ်လုပ်ခဲ့သည်။

နိုင်ငံတကာတွင် iPhone XS နှင့် iPhone XS Max တို့ကို စက်တင်ဘာ ၂၁ ရက်၌ စတင်ရောင်းချမည်ဖြစ်ပြီး iPhone XR ကိုမူ အောက်တိုဘာ ၂၆ ရက်တွင် စတင်ရောင်းချမည်ဖြစ်သည်။

ဒီဇိုင်းပြန်လည်ပြင်ဆင်ထားသော စတုတ္ထမြောက်မျိုးဆက် Apple Watch တွင် ဆေးဘက်နှင့် ကျန်းမာရေးဆိုင်ရာကိရိယာအဖြစ် စွမ်းဆောင်မှုကို တိုးတက်စေရန် ဖန်တီးထားသော လုပ်ဆောင်မှုများစွာ ပါဝင်ကြောင်း သိရသည်။ ထိုနာရီကို အမေရိကန်တွင် ၃၉၉ ဒေါ်လာဖြင့် စတင်ရောင်းချသွားမည်ဖြစ်ပြီး စက်တင်ဘာ ၂၁ ရက်တွင် အရောင်းပြခန်းများ၌ ရနိုင်မည်ဖြစ်သည်။

တာမွေဈေးရှေ့တွင် ဖြစ်ပွားခဲ့သည့် လူသတ်မှုမှ ပြစ်မှုကျူးလွန်သူများကို ဖမ်းဆီးရမိ

ဓာတ်ပုံ – Yangon Police

တာမွေမြို့နယ်၊ တာမွေဈေးရှေ့တွင် စက်တင်ဘာလ ၁၁ ရက်နေ့ ည ၁၀ နာရီ ၁၅ မိနစ်ခန့်က အုပ်စုနှစ်စု ခိုက်ရန်ဖြစ်ပွားရာမှ ဓားခုတ်ခံရမှုကြောင့် တစ်ဦးသေဆုံးခဲ့ရသည့် ဖြစ်စဉ်မှ လူသတ်မှု ပြစ်မှုကျူးလွန်သူများ ဖော်ထုတ်ဖမ်းဆီး ရမိပြီဖြစ်ကြောင်း ရဲတပ်ဖွဲ့ ထုတ်ပြန်ချက်အရ သိရသည်။

ဖြစ်စဉ်မှာ စက်တင်ဘာလ ၁၁ ရက် ညနေ ၅ နာရီအချိန်က တာမွေမြို့နယ်၊ (က) ရပ်ကွက်နေ ဒေါ်———၏ အတူနေ သမီးဖြစ်သူ မ——- နှင့် သမီး၏ ခင်ပွန်းဖြစ်သူ ကတုံးမ(ခ) ဇော်ဟိန်းသူ၊ (၃၀)နှစ်တို့သည် ကျိုက္ကဆံလမ်းမပေါ်ရှိ ——- ကလေးကစားသည့်ဆိုင်တွင် ဂိမ်းဆော့ရင်း ဆိုင်ရှေ့တွင် ၎င်း၏ကလေးအား အနီးရှိ ကလေးတစ်ဦးမှ ကစားစရာ သေနတ်ဖြင့် ဦးခေါင်းအား ထုနေသောကြောင့် မထုရန် ပြောဆိုရာမှ အဆိုပါကလေး၏ မိခင်ဖြစ်သူနှင့် စကားများရန်ဖြစ်ခဲ့ကြောင်း သိရသည်။

အဆိုပါ ကိစ္စနှင့် ပတ်သက်၍ ည ၁၀ နာရီ ၁၅ မိနစ် အချိန်ခန့်တွင် ၀င်းထွဋ်ဝင်း ဆိုသူမှ ဒေါ်——- ၏ ခင်ပွန်းဖြစ်သူ ဦး——–အား ဖုန်းဆက်၍ “မင်းတို့ေ-ာက်ချိုးမပြေဘူး။ မင်းတို့ကို လာခုတ်မယ်” ဟု ပြောကြားခဲ့ပြီး ဖုန်းထဲတွင် အပြန်အလှန် စကားများခဲ့ကြောင်း၊ ယင်းနောက် ဒေါ်—-တို့မိသားစုများမှာ တိုက်အောက်သို့ ဆင်းလာစဉ် မျက်နှာချင်းဆိုင် လမ်းတစ်ဖက်တွင် ကား (၃) စီးမောင်းနှင်လာပြီး ရပ်တန့်၍ ကားပေါ်မှ လူတစ်စု ဆင်းလာခဲ့ကြောင်း သိရသည်။

ဓာတ်ပုံ – Yangon Police

ထို့နောက် ၎င်းတို့လက်ထဲတွင် လှံ၊ ဓားများကိုင်ဆောင်ကာ ပြေးဝင်ထိုးခုတ်မှုကြောင့် ဒေါ်———၏ ခင်ပွန်းဖြစ်သူ ဦး——မှာ ယာလက်ထိုးသွင်းဒဏ်ရာဖြင့် လည်းကောင်း၊ ၎င်းတို့အိမ်မှ အလုပ်သမားဖြစ်သူ ကို—- တွင် ၀ဲပခုံးထိုးသွင်းဒဏ်ရာ၊ ၀ဲမျက်ရိုး ထိုးသွင်းဒဏ်ရာ၊ ဦးခေါင်းနောက်စေ့ ပြတ်ရှဒဏ်ရာများဖြင့် လည်းကောင်း၊ သမက်ဖြစ်သူ ကတုံးမ(ခ) ဇော်ဟိန်းသူမှာ ဦးခေါင်းနောက်စေ့ ပြတ်ရှဒဏ်ရာ၊ ၀ဲမျက်ခုံး ဖူးရောင်ဒဏ်ရာ၊ ၀ဲမျက်လုံးပြတ်ရှဒဏ်ရာ၊ ရင်ညွန့်ထိုးသွင်းဒဏ်ရာ၊ ၀ဲနံဘေး ထိုးသွင်းဒဏ်ရာ၊ ကျောကုန်းဝဲဘက် ထိုးသွင်းဒဏ်ရာ၊ ယာပေါင်ပြတ်ရှ ဒဏ်ရာများဖြင့် ရန်ကုန်ပြည်သူ့ ဆေးရုံကြီးသို့ ပို့ဆောင်စဉ် သမက်ဖြစ်သူ ကတုံးမ(ခ) ဇော်ဟိန်းသူမှာ လမ်း၌သေဆုံးသွားပြီး ခင်ပွန်းဖြစ်သူနှင့် အလုပ်သမား ဖြစ်သူတို့မှာ ဆေးရုံတွင် ကုသလျက်ရှိကြောင်း သိရသည်။

ယင်းကြောင့် နာကျင်ဒဏ်ရာများ ရရှိအောင် ပြုလုပ်သူနှင့် သမက်ဖြစ်သူအား သေဆုံးအောင် ပြုလုပ်သူတို့အား အရေးယူပေးရန် တိုင်ကြားသဖြင့် တာမွေမြို့မရဲစခန်း (ပ)၈၈၃/၂၀၁၈၊ ရာဇသတ်ကြီးပုဒ်မ ၃၀၂/၃၂၆/၁၁၄ ဖြင့် အမှုဖွင့်လှစ်ပြီး တရားခံဖမ်းဆီး ရမိရေးအတွက် စုံစမ်းခဲ့ကြောင်း ထုတ်ပြန်ချက်အရ သိရသည်။

ဓာတ်ပုံ – Yangon Police

ပြစ်မှုကျူးလွန်သူများကို ဖမ်းဆီးရမိရေးအတွက် ရန်ကုန်တိုင်းဒေသကြီး ရဲတပ်ဖွဲ့မှူး၏ ညွှန်ကြားချက်နှင့် အရှေ့ပိုင်းခရိုင် ရဲတပ်ဖွဲ့မှူး၏ အနီးကပ် ကြီးကြပ်မှုဖြင့် အရှေ့ပိုင်းခရိုင် ရဲတပ်ဖွဲ့မှူးရုံး၊ မှုခင်းနှိမ်နင်းရေးဌာနစုမှ တပ်ဖွဲ့ဝင်များနှင့် ပူးပေါင်းအဖွဲ့မှ အခင်းဖြစ်နေရာသို့ သွားရောက်စစ်ဆေးရာ အခင်းဖြစ်နေရာရှိ ပြစ်မှုကျူးလွန်သူများ ကျန်ရှိခဲ့သော DD/——– Toyota Succeed အပြာရောင် အငှားယာဉ်ပေါ်မှ ဓားရှည်(၉)ချောင်း၊ ဓားတို(၂)ချောင်း၊ လှံ (၂)ချောင်း၊ ပေါက်စိန် (၁)လက်၊ သံလက်သီး ကွင်း(၁)ခုနှင့် တာမွေယာယီဈေးရှေ့ အမှိုက်ပုံအနီးမှ ဓားရှည် ၂ ချောင်း၊ တာမွေယာယီဈေးနောက် လူဝင်ပေါက်အနီးမှ ဓားရှည်(၂) ချောင်းတို့အား အသီးသီးတွေ့ရှိ သိမ်းဆည်းရမိခဲ့ကြောင်း သိရသည်။

ဆက်လက်၍ ည ၁၁ နာရီ ၂၅ မိနစ်အချိန်တွင် ဒဂုံမြို့သစ်(တောင်ပိုင်း) မြို့နယ်၊ (၂၆)ရပ်ကွက်၊ ပြည်ထောင်စုလမ်း မပေါ်တွင် AA/——– Toyota Caldina အငှားယာဉ်ပေါ်မှ ဒဂုံမြို့သစ်(တောင်ပိုင်း)မြို့နယ်၊ (၂၂) ရပ်ကွက်နေ ဖြူတုတ်(ခ)သိန်းထွေး၊ (၄၀)နှစ်အား ရန်ဖြစ်စဉ်တွင် ရရှိသော ၀ဲလက်ဖ၀ါး ပြတ်ရှဒဏ်ရာဖြင့် လည်းကောင်း၊ သာကေတမြို့နယ်၊ (၈)ရပ်ကွက်နေ သံဗုဒ္ဓေ(ခ)၀င်းနိုင်၊ (၄၁)နှစ်၊ ဒဂုံမြို့သစ် (ဆိပ်ကမ်း)မြို့နယ်၊ (၂၂)ရပ်ကွက်နေ သီဟအောင်၊(၃၅)နှစ်၊ ဒဂုံမြို့သစ်(ဆိပ်ကမ်း)မြို့နယ်၊ (၉၄)ရပ်ကွက်နေ ယဉ်မိုး(ခ)မိုးကြီး၊(၄၁)နှစ်တို့အား ဖမ်းဆီးရမိခဲ့ပြီးနောက် ဒဂုံမြို့သစ်(တောင်ပိုင်း)မြို့နယ်၊ (၇၇)ရပ်ကွက်နေ ၀င်းမြင့်၊ (၄၂)နှစ်မှာ 7J/——– Toyota Alphard အဖြူရောင်ယာဉ်နှင့် ထွက်ပြေးသောကြောင့် ရဲတပ်ဖွဲ့ဝင်များမှ လိုက်လံဖမ်းဆီးရာ ည ၁၁ နာရီ ၃၀ မိနစ်အချိန်တွင် သာကေတမြို့နယ်၊ (၉)ရပ်ကွက်၊ န၀ရတ်လမ်းပေါ်တွင် ကားရပ်၍ ကားပေါ်မှ ဆင်းလာပြီး ပြန်လည်ခုခံသဖြင့် ပန့်အက်ရှင် သေနတ်ဖြင့် ပစ်ခတ်ဖမ်းဆီးခဲ့ရာ ၎င်း၏ ကျောကုန်းနှင့် လက်မောင်းနှစ်ဖက်တွင် ဒဏ်ရာများရရှိပြီး ဖမ်းဆီးရမိခဲ့ကြောင်း သိရသည်။

ဓာတ်ပုံ – Yangon Police

ထို့နောက် စက်တင်ဘာ ၁၂ ရက်နေ့ နံနက် ၀၀၅၀ နာရီအချိန်တွင် သာကေတမြို့နယ်၊ ၁၀/မြောက်ရပ်ကွက်နေ သိန်းထိုက်အောင်(ခ) အန်းကုန်း၊ (၂၉)နှစ်၊ ဒဂုံမြို့သစ်(ဆိပ်ကမ်း)မြို့နယ်၊ (၁၆၈)ရပ်ကွက်နေ မင်းအောင်၊ (၄၂) နှစ်တို့အား ဒဂုံမြို့သစ်(တောင်ပိုင်း)မြို့နယ်၊ (၅၆)ရပ်ကွက်၊ မင်္ဂလာလမ်းပေါ်တွင် လည်းကောင်း၊ ယင်းနေ့ နံနက် ၀၂၀၅ နာရီအချိန် သာကေတမြို့နယ်၊ (၈)ရပ်ကွက်နေ ၀င်းထွဋ်ဝင်း၊ (၄၂)နှစ်အား ဒဂုံမြို့သစ် (ဆိပ်ကမ်း) မြို့နယ်၊ (၆၇)ရပ်ကွက်၊ ရထားသံလမ်းအနီး၊ ဗေလုဝကွေ့တွင် လည်းကောင်း အသီးသီး ဖမ်းဆီးရမိခဲ့ကြောင်း သိရသည်။

ဖမ်းဆီးရမိသူများဖြစ်သည့် ၀င်းထွဋ်ဝင်းပါ (၈) ဦးတို့အား ပြစ်မှုကျူးလွန်ရာတွင် အသုံးပြုသည့် သက်သေခံ ပစ္စည်းများနှင့် ပြန်လည်သိမ်းဆည်းနိုင်ခဲ့ပြီး ၎င်းတို့အား ဥပဒေနှင့်အညီ ဆက်လက် အရေးယူသွားမည် ဖြစ်ကြောင်း ရဲတပ်ဖွဲ့ ထုတ်ပြန်ချက်အရ သိရသည်။

တာမွေမြို့နယ် တာမွေဈေးရှေ့တွင် အုပ်စုနှစ်စု ခိုက်ရန်ဖြစ်ပွားပြီး ဓားခုတ်ခံရသောကြောင့် တစ်ဦးသေ၊ နှစ်ဦးဒဏ်ရာရ

အခင်းဖြစ်နေရာအား တာဝန်ရှိသူများ လာရောက်စစ်ဆေးနေသည်ကို တွေ့ရစဉ် (ဓာတ်ပုံ – ကြည်နိုင်)

တာမွေမြို့နယ် တာမွေဈေးရှေ့တွင် အုပ်စုနှစ်စု ခိုက်ရန်ဖြစ်ပွားပြီး  ဓားခုတ်ခံရသောကြောင့် အခင်းဖြစ်နေရာတွင် တစ်ဦးသေဆုံးခဲ့ပြီး နှစ်ဦးဒဏ်ရာရရှိမှု  စက်တင်ဘာ ၁၁ ရက် ည ၁၀ နာရီခန့်က ဖြစ်ပွားခဲ့ကြောင်း ကနဦးသတင်းများအရ သိရသည်။

ယင်းနှင့်ပတ်သက်၍ တာမွေမြို့မ ရဲစခန်းသို့ သွားရောက်မေးမြန်းခဲ့ရာ ကျူးလွန်သူများကို လိုက်လံဖမ်းဆီးဆဲဖြစ်ပြီး အခင်းဖြစ်စဉ် အသေးစိတ်အား ရန်ကုန်တိုင်းဒေသကြီးရဲတပ်ဖွဲ့မှ သတင်းထုတ်ပြန် ရေးကိုမေးမြန်းရန် ပြန်လည်ဖြေကြားခဲ့သည်။

“တစ်ယောက်သေပြီး နှစ်ယောက်ဒဏ်ရာရတယ်၊ အခုတော့ ကျူးလွန်တဲ့သူတွေကို လိုက်ဖမ်းနေဆဲဖြစ်တယ်။ ဖြစ်စဉ်ကို တိုင်းရဲတပ်ဖွဲ့ သတင်းထုတ်ပြန်ရေးကိုမေးပါလို့ တာဝန်မှူးကပြောတယ်” ဟု တာမွေ မြို့မရဲစခန်းမှ တာဝန်ကျရဲတပ်ဖွဲ့ဝင်တစ်ဦးက ည ၁၁ နာရီ ၄၅ မိနစ်ခန့်က ပြောသည်။

ရန်ဖြစ်ပြီး ဓားခုတ်မှုဖြစ်ပွားသည့် နေရာမှ ဓားအရှည်နှင့် ဓားအတို လေးချောင်းခန့် တာမွေမြို့နယ်ရဲတပ်ဖွဲ့မှ တာဝန်ရှိသူများ သိမ်းဆည်းရမိသည်ကို  Daily Eleven  မှ သတင်းသွားယူရာတွင် တွေ့မြင်ခဲ့ရသည်။

တာမွေဈေးအနီးနေထိုင်သူတစ်ဦးက “အုပ်စုနှစ်စု ရန်ဖြစ်တာမှာ ဓားတွေနဲ့ ၀ိုင်းခုတ်ကြတယ်လို့ သိရတယ်။ တခြားမြို့နယ်က လူတွေနဲ့ တာမွေမြို့နယ်က လူတွေလို့တော့ ကြားတယ်။ ညနေကတည်းက ဂိမ်းဆိုင်တစ်ခုမှာ ရန်ဖြစ်ခဲ့ကြသေးတယ်လို့လည်း ကြားမိတယ်” ဟု ပြောကြားသည်။

ဖြစ်ပွားခဲ့သည့် ဖြစ်စဉ်အား တာမွေမြို့မရဲစခန်းမှ ဆက်လက်စစ်ဆေးလျက်ရှိပြီး ကျုးလွန်သူများအား ဖမ်းဆီးရမိရန် ဆောင်ရွက်နေကြောင်း သိရသည်။

အုပ်စုနှစ်ဖွဲ့၏ အခင်းဖြစ်ပွားမှုမှ ရရှိသည့် စစ်ဆေးဖော်ထုတ်ချက်များကို ဆက်လက်ဖော်ပြသွားပါမည်။

အာဆီယံဒေသဆိုင်ရာ (၂၇) ကြိမ်မြောက် ကမ္ဘာ့စီးပွားရေး ဖိုရမ်တက်ရောက်ရန် နိုင်ငံတော်၏အတိုင်ပင်ခံပုဂ္ဂိုလ် ဗီယက်နမ်နိုင်ငံသို့ရောက်ရှိ

အာဆီယံဒေသဆိုင်ရာ (၂၇) ကြိမ်မြောက် ကမ္ဘာ့စီးပွားရေးဖိုရမ် တက်ရောက်ရန်နိုင်ငံတော်၏အတိုင်ပင်ခံပုဂ္ဂိုလ် ဗီယက်နမ်နိုင်ငံသို့ ရောက်ရှိလာစဉ် (ဓာတ်ပုံ-နိုင်ငံတော်အတိုင်ပင်ခံရုံး)

အာဆီယံဒေသဆိုင်ရာ  ၂၇ ကြိမ်မြောက် ကမ္ဘာ့စီးပွားရေးဖိုရမ်တက်ရောက်ရန် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် စက်တင်ဘာ ၁၁ ရက်က ဗီယက်နမ်နိုင်ငံသို့ရောက်ရှိကြောင်း နိုင်ငံတော်အတိုင်ပင်ခံရုံးက သတင်းထုတ်ပြန်သည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ဗီယက်နမ်ဆိုရှယ် လစ်သမ္မတနိုင်ငံ ၀န်ကြီးချုပ် မစ္စတာငုယင်စွမ်းဖု၏ ဖိတ်ကြားချက်အရ ဗီယက်နမ်ဆိုရှယ် လစ်သမ္မတနိုင်ငံ ဟနွိုင်းမြို့၌ ကျင်းပမည့် အာဆီယံဒေသဆိုင်ရာ ၂၇ ကြိမ်မြောက် ကမ္ဘာ့စီးပွားရေးဖိုရမ်သို့ တက်ရောက်ရန် စက်တင်ဘာ ၁၁ ရက် နံနက်ပိုင်းက အထူးလေယာဉ်ဖြင့် နေပြည်တော်မှ ဟနွိုင်းမြို့သို့ ထွက်ခွာကြောင်း နိုင်ငံတော်အတိုင်ပင်ခံရုံး သတင်းထုတ်ပြန်ချက်တွင် ပါရှိသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်သည့် ကိုယ်စား လှယ်အဖွဲ့အား နေပြည်တော်ကောင်စီဥက္ကဋ္ဌ ဒေါက်တာမျိုးအောင်၊ သမ္မတရုံးဝန်ကြီးဌာန ဒုတိယ၀န်ကြီး ဦးမင်းသူ၊ မြန်မာနိုင်ငံရဲတပ်ဖွဲ့ ရဲချုပ်ဒုတိယဗိုလ်ချုပ်ကြီး အောင်ဝင်းဦး၊ မြန်မာနိုင်ငံဆိုင်ရာ ဗီယက်နမ်ဆိုရှယ်လစ် သမ္မတနိုင်ငံ သံအမတ်ကြီး Dr.Luan Thyu Duong နှင့် တာဝန်ရှိသူများက နေပြည်တော် အပြည်ပြည်ဆိုင်ရာလေဆိပ်၌ ပို့ဆောင်နှုတ်ဆက်ကြကြောင်း နိုင်ငံတော်အတိုင်ပင်ခံရုံး သတင်းထုတ်ပြန်ချက်အရ သိရသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့်အတူ ပြည်ထောင်စု အစိုးရအဖွဲ့ရုံးဝန်ကြီးဌာန ပြည်ထောင်စုဝန်ကြီး ဦးသောင်းထွန်း၊ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကျော်တင်၊ စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးဆက်အောင်၊ နိုင်ငံခြားရေးဝန်ကြီးဌာနမှ အဆင့်မြင့်အရာရှိကြီးများနှင့် တာဝန်ရှိသူ များ လိုက်ပါသွားကြကြောင်း နိုင်ငံတော်အတိုင်ပင်ခံရုံးက  သတင်းထုတ်ပြန်သည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့်အဖွဲ့သည် ဒေသစံတော်ချိန် နံနက် ၁၁ နာရီ မိနစ် ၄၀ တွင် ဟနွိုင်းမြို့သို့ရောက်ရှိရာ ဗီယက်နမ်နိုင်ငံ ဂုဏ်ပြုတပ်ဖွဲ့နှင့်အတူ ဗီယက်နမ်နိုင်ငံ သတင်းအချက်အလက်နှင့် ဆက်သွယ်ရေး ၀န်ကြီးဌာန ခေတ္တ၀န်ကြီးမစ္စတာ ငုယင်မန့်ဟုမ်၊ ဗီယက်နမ်နိုင်ငံဆိုင်ရာ မြန်မာသံ အမတ်ကြီး ဦးကျော်စိုးဝင်းနှင့်ဇနီး၊ မြန်မာသံရုံးမှ တာဝန်ရှိသူများက ဟနွိုင်းမြို့ NoiBai  အပြည်ပြည်ဆိုင်ရာလေဆိပ်၌ ကြိုဆိုကြကြောင်း၊ ထို့နောက် နိုင်ငံတော်၏အတိုင် ပင်ခံပုဂ္ဂိုလ်နှင့်အဖွဲ့သည် ခေတ္တတည်းခိုမည့် ဟနွိုင်းမြို့ရှိ Daewoo Hotel သို့ ရောက်ရှိကြကြောင်း နိုင်ငံတော်အတိုင်ပင်ခံရုံးက သတင်းထုတ်ပြန်သည်။

၂၇ ကြိမ်မြောက် အာဆီယံဒေသဆိုင်ရာ ကမ္ဘာ့စီးပွားရေးဖိုရမ်ကို စက်တင်ဘာ ၁၁ ရက်မှ ၁၃ ရက်အထိ သုံးရက်ကြာ ပြုလုပ်သွားမည်ဖြစ်သည်။ နိုင်ငံတော်၏အတိုင်ပင်ခံပုဂ္ဂိုလ်၏ ယခုသွားရောက်သည့်ခရီးစဉ်သည် ၂၀၁၈ ခုနှစ် အတွင်း ဗီယက်နမ်နိုင်ငံသို့ ဒုတိယ အကြိမ်သွားရောက်ခြင်း ဖြစ်သည်။

ဗီယက်နမ်နိုင်ငံဝန်ကြီးချုပ် မစ္စတာ ငုယွင်စွမ်းဖု၏ ဖိတ်ကြားချက်အရ နိုင်ငံတော်၏အတိုင်ပင်ခံပုဂ္ဂိုလ်သည် ၂၀၁၈ ခုနှစ် ဧပြီ ၁၉ ရက်မှ ၂၀ ရက်အထိ  ဗီယက်နမ်နိုင်ငံသို့ တရားဝင်ချစ်ကြည်ရေးခရီး သွားရောက်ခဲ့သည်။

စက်သုံးဆီဈေး သုံးလကျော်အတွင်း ၁၂ ရာခိုင်နှုန်းကျော် မြင့်တက်ခဲ့ပြီး တစ်ဂါလန် စံချိန်တင်ဈေးနှုန်းများ အနေဖြင့် 92 Ron ၄၄၉၄ ကျပ်၊ 95 Ron ၄၆၇၆ ကျပ်၊ ဒီဇယ် ၄၅၈၅ ကျပ်၊ ပရီမီယံဒီဇယ် ကျပ် ၄၆၃၀ အထိ ရောက်ရှိ

ရန်ကုန်မြို့ရှိ စက်သုံးဆီ အရောင်းဆိုင်တစ်ဆိုင်ကို တွေ့ရစဉ်(ဓာတ်ပုံ – ကျော်ဇင်ဖြိုး)

စက်သုံးဆီဈေးနှုန်း သုံးလကျော်အတွင်း ၁၂ ရာခိုင်နှုန်းကျော် မြင့်တက်ခဲ့ပြီး တစ်ဂါလန် စံချိန်တင်ဈေးနှုန်းများ အနေဖြင့် 92 Ron ၄၄၉၄ ကျပ်၊ 95 Ron ၄၆၇၆ ကျပ်၊ ဒီ ဇယ် ၄၅၈၅ ကျပ်၊ ပရီမီယံဒီဇယ် ကျပ် ၄၆၃၀ အထိ ရောက်ရှိခဲ့ကြောင်း စက်သုံးဆီ အရောင်းဆိုင်များမှ သိရသည်။

ပြည်တွင်းဈေးကွက်တွင် ၂၀၁၈ ခုနှစ် စက်တင်ဘာ ၁၁ ရက်တွင် မြန်မာနိုင်ငံ စက်သုံးဆီ တင်သွင်းရောင်းချ ဖြန့်ဖြူးရေး အသင်းမှ အမြင့်ဆုံးနှုန်းအဖြစ် သတ်မှတ်ထားသော စက်သုံးဆီ လက်လီဈေးများမှာ ဒီဇယ်တစ်လီတာ ကျပ် ၁၀၁၀ (တစ်ဂါလန် ၄၅၈၅ ကျပ်) ပရီမီယံဒီဇယ် တစ်လီတာ ကျပ် ၁၀၂၀ (တစ် ဂါလန် ကျပ် ၄၆၃၀)၊ အောက်တိန်း 92 Ron တစ်လီတာ ကျပ် ၉၉၀ (တစ်ဂါလန် ၄၄၉၄ ကျပ်) အောက်တိန်း 95 Ron တစ်လီတာ ကျပ် ၁၀၃၀ (တစ်ဂါလန် ၄၆၇၆ ကျပ်) ဖြစ်သည်။ ပြီးခဲ့သည့် ဇွန် ၃ ရက်တွင် ဖြစ်ပေါ်သော ဈေးနှုန်းများနှင့် နှိုင်းယှဉ်ပါက သုံးလကျော်အတွင်း ဒီဇယ် ၁၀ ဒသမ ၉၈ ရာခိုင်နှုန်း၊ ပရီမီယံဒီဇယ် ၁၀ ဒသမ ၂၇ ရာခိုင်နှုန်း၊ 92 Ron ၁၂ ဒသမ ၅ ရာခိုင်နှုန်း၊ 95 Ron ၁၀ ဒသမ ၇၅ ရာခိုင်နှုန်း ဈေးမြင့်တက်ခဲ့ခြင်း ဖြစ်သည်။

၂၀၁၇ ခုနှစ် အောက်တိုဘာလ ဒုတိယပတ်မှစတင်၍ ကမ္ဘာ့ရေနံဈေးနှုန်း သိသိသာသာ စတင်မြင့်တက်ခဲ့ပြီး ၂၀၁၇ ခုနှစ် သြဂုတ်လဆန်းပိုင်းက ၄၉ ဒေါ်လာ ၀န်းကျင်ရှိသော ကမ္ဘာ့ရေနံဈေးနှုန်းသည် အောက်တိုဘာလ ဆန်းပိုင်းတွင် ၅၁ ဒေါ်လာ၊ နိုဝင်ဘာလဆန်းတွင် ၅၅ ဒေါ်လာ၊ ဒီဇင်ဘာလဆန်းတွင် ၅၈ ဒေါ်လာ၊ ဇန်န၀ါရီလဆန်းတွင် ၆၁ ဒေါ်လာ၊ ဖေဖော်ဝါရီလဆန်းတွင် ၆၄ ဒေါ်လာ၊ ဧပြီလကုန်ပိုင်းတွင် ၆၈ ဒေါ်လာ၊ မေ ၂၁ ရက်တွင် ၇၂ ဒေါ်လာ၊ ဇူလိုင် ၁၀ ရက်တွင် ၇၄ ဒေါ်လာအထိ မြင့်တက်ခဲ့သည်။ သြဂုတ် ၇ ရက်တွင် ၆၉ ဒေါ်လာ၊ သြဂုတ် ၂၀ ရက်တွင် ၆၅ ဒေါ်လာအထိ ကျဆင်းခဲ့သော်လည်း သြဂုတ် ၃၀ ရက်တွင် ဒေါ်လာ ၇၀ ကျော်အထိ ပြန်တက်ခဲ့ပြီး စက်တင်ဘာ ၁၁ ရက်တွင် ၆၈ ဒေါ်လာဝန်းကျင် ရှိနေသည်။

နိုင်ငံခြား ငွေလဲနှုန်းသည် ဇွန်လမှစတင်၍ သိသိသာသာ မြင့်တက်ခဲ့ပြီး ဇွန် ၁၁ ရက်တွင် ၁၃၄၆ ကျပ်ဝန်းကျင် ဖြစ်ပေါ်နေသော ဒေါ်လာဈေးသည် သြဂုတ် ၁၆ ရက်တွင် ကျပ် ၁၅၇၀ အထိ စံချိန်တင် မြင့်တက်ကာ စက်တင်ဘာ ၁၁ ရက် မွန်းလွဲပိုင်းတွင် ၁၅၆၈ ကျပ်ဝန်းကျင် ဖြစ်ပေါ်ခဲ့သည်။

ပြည်တွင်းဈေးကွက်အတွင်း ရောင်းချလျက်ရှိသော စက်သုံးဆီ ဈေးနှုန်းသည် ကမ္ဘာ့စက်သုံးဆီဈေးနှုန်း၊ နိုင်ငံခြားငွေလဲနှုန်းနှင့် သယ်ယူပို့ဆောင်ရေး စရိတ်အပေါ် အခြေခံပြီး ဈေးနှုန်းအပြောင်းအလဲ ဖြစ်ပေါ်ခြင်း ဖြစ်သည်ဟု စက်သုံးဆီ တင်သွင်းနေသည့် လုပ်ငန်းရှင်များက ဆိုသည်။ ပြီးခဲ့သည့် ဇူလိုင် ၁၀ ရက်ဈေးနှင့် နှိုင်းယှဉ်ပါက ကမ္ဘာ့ရေနံဈေးသည် ခြောက်ရာခိုင်နှုန်းကျော် လျော့နည်းခဲ့ပြီး ဒေါ်လာဈေးသည် နှစ်လကျော်အတွင်း ၁၆ ရာခိုင်နှုန်းကျော် မြင့်တက်ခဲ့ခြင်းဖြစ်သည်။

မြန်မာနိုင်ငံ စက်သုံးဆီတင်သွင်းရောင်းချ ဖြန့်ဖြူးရေးအသင်းက ထုတ်ပြန်ထားသော စက်တင်ဘာ ၁၀ ရက်တွင် ပြည်ပမှဝယ်ယူရသည့် စက်သုံးဈေးနှုန်း (တစ်စည်) MOPS Price များမှာ 92 Ron ၈၅ ဒသမ ၉၃ ဒေါ်လာ၊ 95 Ron ၈၇ ဒသမ ၆၅ ဒေါ်လာ၊ ဒီဇယ် ၉၁ ဒသမ ၈၅ ဒေါ်လာ၊ ပရီမီယံဒီဇယ် ၉၂ ဒသမ ၅၂  ဒေါ်လာ တို့ဖြစ်သည်။

ပြည်တွင်းဈေးကွက်တွင် ၂၀၁၆ ခုနှစ် ဧပြီ ၁ ရက်တွင် ဖြစ်ပေါ်သော စက်သုံးဆီ လက်လီဈေးများမှာ ဒီဇယ်တစ်လီတာ ကျပ် ၅၀၀ (တစ်ဂါလန် ၂၂၇၀ ကျပ်) ပရီမီယံဒီဇယ် တစ်လီတာ ကျပ် ၅၄၀ (တစ်ဂါလန် ၂၄၅၁ ကျပ်)၊ အောက်တိန်း 92 Ron တစ်လီတာ ကျပ် ၅၅၀ (တစ်ဂါလန် ၂၄၉၇ ကျပ်) အောက်တိန်း 95 Ron တစ်လီတာ ၆၅၀ ကျပ် (တစ်ဂါလန် ၂၉၅၁ ကျပ်) ဖြစ်ရာ ၂၀၁၈ ခုနှစ် စက်တင်ဘာ ၁၁ ရက်ဈေးနှုန်း နှိုင်းယှဉ်ပါက လပေါင်း ၃၀ ၀န်းကျင်အတွင်း ဒီဇယ် ၁၀၂ ရာခိုင်နှုန်း၊ ပရီမီယံဒီဇယ် ၈၉ ရာခိုင်နှုန်း၊ 92 Ron ၈၀ ရာခိုင်နှုန်း၊ 95 Ron ၅၈ ရာခိုင်နှုန်း ဈေးနှုန်းမြင့်တက်ခဲ့ကြောင်း သိရသည်။

ကမ္ဘာ့ရွှေဈေး ၁၁၉၆ ဒေါ်လာဝန်းကျင်ရှိပြီး ဒေါ်လာဈေးပြန်တက်ခြင်းကြောင့် ပြည်တွင်းရွှေဈေးနှုန်း ကျပ် ၉၉၁၇၀၀ အထိ စံချိန်တင်မြင့်တက်

ရန်ကုန်မြို့လယ်ရှိ ရွှေအရောင်းဆိုင်တစ်ဆိုင်ကို တွေ့ရစဉ်

ကမ္ဘာ့ရွှေဈေးသည် စက်တင်ဘာ ၁၁ ရက်တွင် ၁၁၉၆ ဒေါ်လာဝန်းကျင်ဖြစ်ပေါ်ခဲ့ပြီး ဒေါ်လာဈေးပြန်တက်ခြင်းကြောင့် ပြည်တွင်းရွှေဈေးနှုန်း ကျပ် ၉၉၁၇၀၀ အထိ စံချိန်တင်မြင့်တက်ခဲ့ကြောင်း သိရသည်။

ပြည်တွင်းရွှေဈေးသည် ပြီးခဲ့သည့် ၂၀၁၇ ဇူလိုင် ၂၁ ရက်မှ စတင်ကာ ကျပ် ၉၀၀၀၀၀ အထက်ရောက်ခဲ့ပြီး ကမ္ဘာ့ရွှေဈေး မြင့်တက်မှုနှင့်အတူ စံချိန်တင်ဈေးနှုန်းများအဖြစ်  သြဂုတ်လအတွင်းနှင့် စက်တင်ဘာလလယ်အထိ ဆက်တိုက်မြင့်တက်ခဲ့သည်။ ၂၀၁၇ ခု နှစ် စက်တင်ဘာ ၁၅ ရက်တွင် ၉၅၇၈၀၀ ဖြင့် စံချိန်တင်ထားကာ ၂၀၁၈ ခုနှစ် သြဂုတ် ၂၃ ရက်တွင် ကျပ် ၉၅၈၉၀၀၊ သြဂုတ် ၂၄ ရက်တွင်  ကျပ် ၉၆၁၃၀၀၊ သြဂုတ် ၂၅ ရက်တွင် ကျပ် ၉၆၃၅၀၀၊ သြဂုတ် ၂၆ ရက်တွင် ကျပ် ၉၆၄၅၀၀၊   သြဂုတ် ၂၇ ရက်တွင် ကျပ် ၉၆၉၄၀၀၊ သြဂုတ် ၂၈ ရက်တွင် ၉၈၅၀၀၀ ဖြင့် ခြောက်ရက်ဆက်တိုက် စံချိန်ချိုးခဲ့သည်။ သြဂုတ် ၃၀ ရက်တွင် ကျပ် ၉၆၉၀၀၀ အထိ ပြန်လည်ကျဆင်းခဲ့ပြီး  စက် တင်ဘာ ၁၀ ရက်တွင် ကျပ် ၉၈၉၂၀၀ ၊ စက်တင်ဘာ ၁၁ ရက်တွင် ကျပ် ၉၉၁၇၀၀ ဖြင့် အမြင့်ဆုံးစံချိန်တင်ခဲ့သည်။

ပြီးခဲ့သည့် ၂၀၁၇ ခုနှစ် ဒီဇင်ဘာ ၃၀ ရက်တွင် ၉၃၇၀၀၀၊ ဇန်န၀ါရီ ၉ ရက်တွင် ၉၃၈၀၀၀ ၀န်းကျင်ဖြစ်ပေါ်နေသော ပြည်တွင်းရွှေဈေးသည် ဇန်န၀ါရီ ၂၅ ရက်တွင် ၉၅၅၇၀၀ အထိမြင့်တက်ခဲ့ကာ ဖေဖော်ဝါရီ ၁၅ ရက်တွင် ၉၄၄၆၀၀၊ မတ် ၇ ရက်တွင် ၉၄၁၂၀၀၊ မတ် ၃၁ ရက်တွင် ၉၃၉၅၀၀၊ ဧပြီ ၁၉ ရက်တွင် ၉၄၈၄၀၀၊ မေ ၉ ရက်တွင်  ကျပ်  ၉၃၈၀၀၀၊ ဇွန် ၆ ရက်တွင် ၉၃၂၉၀၀၊ ဇူလိုင် ၃ ရက်တွင် ၉၃၄၁၀၀၊ ဇူလိုင် ၂၆ ရက်တွင် ကျပ်  ၉၅၀၅၀၀၊ သြဂုတ် ၂၈ ရက်တွင် ၉၈၅၀၀၀ ကျပ်၊ စက်တင်ဘာ ၁၁ ရက်တွင် ကျပ် ၉၉၁၇၀၀ ဖြင့် စံချိန်သစ်ဖြစ်ပေါ်ခဲ့သည်။

ပြီးခဲ့သည့်သုံးလက ရွှေဈေးကို ပြန်ကြည့်ပါက ဇွန်လအတွင်း ပြည်တွင်းရွှေဈေး အနိမ့်ဆုံးဈေးနှုန်း ကျပ် ၉၃၁၇၀၀ (ဇွန် ၅ ရက်)၊ အမြင့်ဆုံးဈေးနှုန်း ကျပ် ၉၃၉၅၀၀ (ဇွန် ၁၅ ရက်)၊ ဇူလိုင်လအတွင်း ပြည်တွင်းရွှေဈေး အနိမ့်ဆုံးနှုန်း ကျပ်  ၉၃၄၁၀၀ ( ဇူလိုင် ၃ ရက်)၊ အမြင့်ဆုံးနှုန်း ကျပ် ၉၅၀၅၀၀ (ဇူလိုင် ၂၆ ရက်)၊ သြဂုတ်လအတွင်း ပြည်တွင်းရွှေ ဈေးနှုန်းအနိမ့်ဆုံးနှုန်း ကျပ် ၉၄၇၃၀၀ (သြဂုတ် ၆ ရက်)၊ အမြင့်ဆုံးနှုန်း ကျပ် ၉၈၅၀၀၀ (သြ ဂုတ် ၂၈ ရက်) တို့ဖြစ်သည်။

ကမ္ဘာ့ရွှေဈေးနှုန်းကို ပြန်ကြည့်ပါက  ၂၀၁၇ ခုနှစ်ဧပြီလမှစ၍ အတက်အဆင်း ကြမ်းလျက်ရှိပြီး လတစ်လအတွင်း အမြင့်ဆုံးနှင့် အနိမ့်ဆုံးနှုန်းသည် ဒေါ်လာ ၃၀ ခန့်မှ ဒေါ်လာ ၇၀ ခန့်အထိ ကွာခြားခဲ့သည်။ လအလိုက်ဖြစ်ပေါ်ခဲ့သော အနိမ့်ဆုံးနှင့်အမြင့်ဆုံး ကမ္ဘာ့ရွှေဈေးနှုန်းများမှာ ဇန်န၀ါရီတွင် ၁၃၁၀-၁၃၆၄ ဒေါ်လာ၊ ဖေဖော်ဝါရီတွင် ၁၃၁၇-၁၃၄၇ ဒေါ်လာ၊ မတ်တွင် ၁၃၁၂-၁၃၅၅ ဒေါ်လာ၊ ဧပြီတွင် ၁၃၂၃ -၁၃၅၄၊ မေတွင် ၁၂၈၈-၁၃၁၉၊ ဇွန်တွင် ၁၂၅၂- ၁၂၉၉၊ ဇူလိုင်တွင် ၁၂၁၁-၁၂၅၊ သြဂုတ် ၁၁၇၄- ၁၂၂၁ ဒေါ်လာဝန်းကျင်ဖြစ်ပေါ်ခဲ့ပြီး ကွာဟချက်ဒေါ်လာ ၃၀ ၀န်းကျင်မှ ၅၀ ကျော် အထိရှိခဲ့သည်။ ကမ္ဘာ့ရွှေဈေးသည်  သြဂုတ်လလယ်တွင် ၁၁၇၄ ဒေါ်လာဝန်းကျင်အထိ ကျဆင်းခဲ့ကာ သြဂုတ် ၃၁ ရက်တွင် ၁၂၀၆ ဒေါ်လာ၊ စက်တင်ဘာ ၁၁ ရက်တွင် ၁၁၉၆ ဒေါ်လာဝန်းကျင် ဖြစ်ခဲ့သည်။

ကြားဖြတ်ရွေးကောက်ပွဲအပေါ် ပြည်သူတွေ ဘယ်လောက် စိတ်ဝင်စားကြမလဲ

၂၀၁၇ ခုနှစ် ဧပြီ ၁ ရက်က ကျင်းပသော ကြားဖြတ်ရွေးကောက်ပွဲတွင် မိုင်းရှူးမြို့နယ် မော်မေ့ကျေးရွာ၌ လာရောက်မဲပေးနေကြသော ပြည်သူများအား တွေ့ရစဉ် (ဓာတ်ပုံ-စည်သာ)

(၁)

၂၀၁၈ နိုဝင်ဘာ ၃ ရက်မှာ ကြားဖြတ်ရွေးကောက်ပွဲကို ကျင်းပတော့မှာ ဖြစ်ပါတယ်။ လွှတ်တော် ကိုယ်စားလှယ် လစ်လပ်နေတဲ့ ပြည်သူ့လွှတ်တော် လေးနေရာ၊ အမျိုးသားလွှတ်တော် တစ်နေရာ၊ တိုင်း ဒေသကြီးနဲ့ ပြည်နယ်လွှတ်တော် ခုနစ်နေရာနဲ့ ရှမ်းတိုင်းရင်းသားရေးရာဝန်ကြီး တစ်နေရာ စုစုပေါင်း ၁၃ နေရာအတွက် ကြားဖြတ်ရွေးကောက်ပွဲကို ကျင်းပမှာ ဖြစ်ပါတယ်။

လွှတ်တော်ကိုယ်စားလှယ်လစ်လပ်နေတဲ့ ပြည်သူ့လွှတ်တော်မဲဆန္ဒနယ်မြေတွေကတော့ ချင်းပြည်နယ် ကန်ပက်လက်မဲဆန္ဒနယ်၊ မန္တလေးတိုင်းဒေသကြီး မြင်းခြံမဲဆန္ဒနယ်၊ ရန်ကုန်တိုင်းဒေသကြီး တာမွေမဲဆန္ဒနယ်နဲ့ ရှမ်းပြည်နယ် လဲချားမဲဆန္ဒနယ်တို့ပဲ ဖြစ်ပါတယ်။

အမျိုးသားလွှတ်တော် မဲဆန္ဒနယ်မြေကတော့ ကချင်ပြည်နယ် မြစ်ကြီးနားမဲဆန္ဒနယ်ဖြစ်ပြီး တိုင်းဒေသကြီးနဲ့ ပြည်နယ် မဲဆန္ဒနယ်မြေတွေကတော့ ချင်းပြည်နယ် မတူပီမဲဆန္ဒနယ်အမှတ်(၁)၊ စစ်ကိုင်းတိုင်းဒေသကြီး တမူးမဲဆန္ဒနယ်အမှတ်(၂)၊ ပဲခူးတိုင်းဒေသကြီး အုတ်တွင်းမဲဆန္ဒနယ်အမှတ်(၁)၊ မကွေးတိုင်းဒေသကြီး မင်းဘူး မဲဆန္ဒနယ်အမှတ်(၂)၊ မန္တလေးတိုင်းဒေသကြီး သပိတ်ကျင်းမဲဆန္ဒနယ် အမှတ်(၁)၊ ရခိုင်ပြည်နယ် ရသေ့တောင်မဲဆန္ဒနယ်အမှတ်(၂)နဲ့ ရန်ကုန်တိုင်းဒေသကြီး ဆိပ်ကမ်းမဲဆန္ဒနယ်အမှတ်(၂)တို့ပဲ ဖြစ်ကြပါတယ်။

မန္တလေးတိုင်းဒေသကြီး လွှတ်တော်က ရှမ်းတိုင်းရင်းသားရေးရာဝန်ကြီးနေရာကလည်း လစ်လပ် နေတဲ့အတွက် ကြားဖြတ်ရွေးကောက်ပွဲ ကျင်းပမှာဖြစ်ပါတယ်။

၂၀၁၇ ကြားဖြတ်ရွေးကောက်ပွဲပြီးနောက်ပိုင်းမှာ NLD လွှတ်တော်ကိုယ်စားလှယ် ၁၀ ဦး၊ ရှမ်း တိုင်းရင်းသားများ ဒီမိုကရေစီအဖွဲ့ ချုပ် ပြည်သူ့လွှတ်တော်ကိုယ်စားလှယ်တစ်ဦးနဲ့ ရခိုင်အမျိုးသား ပါတီဝင် ပြည်နယ်လွှတ်တော် ကိုယ်စားလှယ်တစ်ဦး ကွယ်လွန်ခဲ့တာကြောင့် လွှတ်တော်အသီးသီးမှာ ကွယ်လွန်သူ ၁၂ ဦးရှိလာပါတယ်။

လစ်လပ်မဲဆန္ဒနယ် ၁၃ နေရာမှာ တာမွေမြို့နယ် ပြည်သူ့လွှတ်တော်ကိုယ်စားလှယ် ဦးဝင်းမြင့်က နိုင်ငံတော်သမ္မတ ဖြစ်သွားတာကြောင့် လစ်လပ်တစ်နေရာ၊ မင်းဘူးမြို့နယ် မကွေးတိုင်း လွှတ်တော် မဲဆန္ဒနယ်အမှတ် (၂) ကိုယ်စားလှယ် ဦးနေမျိုးကျော်က နုတ်ထွက်ခဲ့တဲ့အတွက် လစ်လပ်တစ်နေရာဖြစ်ပြီး ကျန်မဲဆန္ဒနယ်တွေက ကိုယ်စားလှယ်တွေကတော့ ကွယ်လွန်ခဲ့တာကြောင့် လစ်လပ်မဲဆန္ဒနယ်တွေ ဖြစ်နေတာပါ။

(၂)

လာမယ့် ၂၀၁၈ ကြားဖြတ်ရွေးကောက်ပွဲ ၀င်ရောက်ယှဉ်ပြိုင်ဖို့ ပါတီအသီးသီးနဲ့ တစ်သီးပုဂ္ဂလ ကိုယ်စားလှယ်စုစုပေါင်း  ၆၉ ဦးက ၀င်ရောက်ယှဉ်ပြိုင်မှာဖြစ်တယ်လို့  ပြည်ထောင်စုရွေးကောက်ပွဲ ကော် မရှင်ကနေ ထုတ်ပြန်ထားပါတယ်။

နိုင်ငံရေးပါတီ ၂၄ ခုက ကိုယ်စားလှယ်လောင်း ၆၂ ဦးနဲ့ တစ်သီးပုဂ္ဂလ ကိုယ်စားလှယ်လောင်း ခုနစ်ဦး စုစုပေါင်း ၆၉ ဦးက ၂၀၁၈ ကြားဖြတ်ရွေးကောက်ပွဲကို ၀င်ရောက်ယှဉ်ပြိုင်ကြမှာပါ။

လစ်လပ် ၁၃ နေရာအတွက်ကျင်းပမယ့် ကြားဖြတ်ရွေးကောက်ပွဲမှာ NLD ပါတီကသာ နေရာပြည့် ယှဉ်ပြိုင်မှာဖြစ်ပြီး အဓိကပြိုင်ဘက် ပါတီဖြစ်တဲ့ ပြည်ခိုင်ဖြိုးပါတီကတော့ လစ်လပ် ၁၀ နေရာမှာသာ ၀င်ရောက် ယှဉ်ပြိုင်ဖို့ ရှိနေပါတယ်။

ဒီနှစ် နိုဝင်ဘာ ၃ ရက်မှာ ကျင်းပမယ့် ကြားဖြတ်ရွေးကောက်ပွဲအတွက် NLD ပါတီနဲ့ ပြည်ခိုင်ဖြိုးပါတီအပြင် တိုင်းရင်းသားစည်းလုံးညီညွတ်ရေးပါတီ၊ အမျိုးသားဒီမိုကရေစီအင်အားစု၊ အမျိုးသားတိုးတက်ရေးပါတီ၊ ဒီမိုကရက်တစ်ပါတီ (မြန်မာ)၊ ရှမ်းတိုင်းရင်းသားများ ဒီမိုကရေစီအဖွဲ့ချုပ်၊ ရှမ်းတိုင်းရင်းသားများ ဒီမိုကရက်တစ်ပါတီတို့ကလည်း ၀င်ရောက်ယှဉ်ပြိုင်မှာ ဖြစ်ပါတယ်။

ဒါ့ပြင် မြန်မာ့လူ့ဘောင်သစ် ဒီမိုကရက်တစ်ပါတီ၊ ရခိုင်အမျိုးသားပါတီ၊ ချင်းဒီမိုကရေစီအဖွဲ့ချုပ်၊ ချင်းတိုးတက်ရေးပါတီ၊ ချင်းအမျိုးသားဒီမိုကရက်တစ်ပါတီ၊ ကချင်ဒီမိုကရက်တစ်ပါတီ၊ မြန်မာနိုင်ငံ တောင်သူလယ်သမား ဖွံ့ဖြိုးတိုးတက်ရေးပါတီ၊ ပြည်ထောင်စု လယ်သမား၊ အလုပ်သမား အင်အားစုပါတီ၊ ရှမ်းနီ(တိုင်းလိုင်)နဲ့ မြောက်ပိုင်း ရှမ်းမျိုးနွယ်စုများ သွေးစည်းညီညွတ်ရေးပါတီ၊ လူ့ဘောင်သစ် ဒီမိုကရက်တစ်ပါတီ၊ အမျိုးသားညီညွတ်သော ဒီမိုကရက်တစ်ပါတီ၊ မြိုတိုင်းရင်းသား ဒေသခံဖွံ့ဖြိုးရေး ပါတီတို့ကလည်း ၀င်ရောက်ယှဉ် ပြိုင်ကြမှာပါ။

ဒီကြားဖြတ်ရွေးကောက်ပွဲ ယှဉ်ပြိုင်ဖို့ ကိုယ်စားလှယ်လောင်း အမည်စာရင်းတင်သွင်းထားတဲ့ ပါတီတွေအထဲက မြန်မာပြည်သူ့ ဒီမိုကရက်တစ်ပါတီ၊ ပြည်ထောင်စု တိုင်းရင်းသားများ ဖက်ဒရယ်ဒီမိုကရေစီပါတီ၊  ပြည်သူ့ အလုပ်သမားပါတီနဲ့ ရခိုင်ဒီမိုကရေစီအဖွဲ့ချုပ် ပါတီတို့က ၂၀၁၇ ကြားဖြတ်ရွေးကောက်ပွဲနောက်ပိုင်း တည်ထောင်ခွင့်ရတဲ့ ပါတီတွေဖြစ်ပြီး ရွေးကောက်ပွဲ ပထမဆုံး ယှဉ်ပြိုင်မယ့် မျက်နှာသစ်ပါတီတွေလည်း ဖြစ်ပါတယ်။

(၃)

၂၀၁၈ နိုဝင်ဘာ ၃ ရက်မှာလုပ်မယ့် ကြားဖြတ်ရွေးကောက်ပွဲအတွက် မဲဆန္ဒရှင်စာရင်းတွေကို ဇူလိုင် ၉ ရက်ကနေ ၂၂ ရက်အထိ ၁၄ ရက်ကြာ သက်ဆိုင်ရာ ရပ်ကွက်/ ကျေးရွာအုပ်စု ရွေးကောက် ပွဲအဖွဲ့ခွဲတွေနဲ့ ကျေးရွာအုပ်စုအတွင်းက ကျေးရွာတွေမှာ ပထမအကြိမ်အဖြစ် ကပ်ထားမယ်လို့ ပြည်ထောင် စုရွေးကောက်ပွဲကော်မရှင်က ကြေညာထားပြီး မဲဆန္ဒရှင်တွေအနေနဲ့ မဲစာရင်း လာရောက်ကြည့်ရှုဖို့ကို လည်း တိုက်တွန်းထားပါတယ်။

ဒါ့ပြင် မဲဆန္ဒရှင်တွေအနေနဲ့ မဲစာရင်းကို လာရောက်ကြည့်ရှုပြီး မိမိအမည် မဲစာရင်းမှာ မပါဝင်ပါက ပုံစံ(၃)နဲ့ မဲစာရင်းမှာ အမည်ထည့်သွင်းဖို့ တောင်းဆိုခြင်း၊ မပါဝင်သင့်သူတွေ ပါဝင်နေပါက ပုံစံ(၄)နဲ့ ကန့်ကွက်ခြင်း၊ မဲစာရင်းပါအချက် အလက်မှားယွင်းပါက ပုံစံ(၄-ဂ)နဲ့ ပြင် ဆင်လွှာတင်သွင်းခြင်းတို့ကို ဆောင်ရွက်ဖို့ တိုက်တွန်းထားပါတယ်။

ဒီလို ပထမအကြိမ် မဲစာရင်းကပ်ထားပြီးချိန်မှာ ဖြည့်စွက်ခြင်း၊ ပယ်ဖျက်ခြင်း၊ ပြင်ဆင်ခြင်းစတဲ့ အချက်တွေ ဆောင်ရွက်ပြီးပါက အောက်တိုဘာမှာ နောက်ဆုံးအကြိမ်အဖြစ် ၁၄ ရက်ကြာ မဲစာရင်းတွေကို ထပ်မံကပ်ထားပြီး ကြေညာသွားမှာ ဖြစ်ပါတယ်။ အဲဒီအချိန်မှာလည်း မဲဆန္ဒရှင်တွေက လိုအပ်တဲ့ တောင်းဆိုမှု၊ ပြင်ဆင်မှု၊ ကန့်ကွက်မှုတွေကို ထပ်မံဆောင်ရွက်နိုင်တယ်လို့ ပြည်ထောင်စုရွေးကောက်ပွဲ ကော်မရှင်က ကြေညာထားပါတယ်။

(၄)

၂၀၁၈ နိုဝင်ဘာ ၃ ရက်မှာ ကျင်းပမယ့် ကြားဖြတ်ရွေးကောက်ပွဲဟာ NLD အစိုးရလက်ထက်မှာ ဒုတိယအကြိမ်ကျင်းပတဲ့ ကြားဖြတ်ရွေးကောက်ပွဲလည်း ဖြစ်ပါတယ်။

ပထမအကြိမ် ကြားဖြတ်ရွေးကောက်ပွဲကိုတော့ ၂၀၁၇ ဧပြီ ၁ ရက်က ပြုလုပ်ခဲ့ပါတယ်။ ပထမအကြိမ်တုန်းက လစ်လပ်မဲဆန္ဒနယ် ၁၉ ခု ရှိပြီး ပြည်သူ့လွှတ်တော် ကိုးနေရာ၊ အမျိုးသားလွှတ်တော် သုံးနေရာနဲ့ တိုင်းဒေသကြီးနဲ့ ပြည်နယ်လွှတ်တော် ခုနစ်နေရာ ရှိခဲ့ပါတယ်။

ပါတီ ၂၄ ပါတီက ကိုယ်စား လှယ်လောင်း ၉၄ ဦးနဲ့ တစ်သီးပုဂ္ဂလ ကိုယ်စားလှယ်လောင်း ခုနစ်ဦး ၀င် ရောက်ယှဉ်ပြိုင်ခဲ့ကြပါတယ်။

ပြည်သူ့လွှတ်တော် ကိုးနေရာမှာ NLD ပါတီက ငါးနေရာ၊ SNLD ပါတီက နှစ်နေရာ၊ USDP ပါတီနဲ့ ANP ပါတီက တစ်နေရာစီ အသီးသီး အနိုင်ရရှိခဲ့ကြပါတယ်။

အမျိုးသားလွှတ်တော် သုံးနေရာမှာတော့ NLD ပါတီကပဲ သုံးနေရာလုံးကို အနိုင်ရရှိခဲ့ပါတယ်။

တိုင်းဒေသကြီးနဲ့ ပြည်နယ်လွှတ်တော် ခုနစ်နေရာမှာတော့ SNLD ပါတီက လေးနေရာ၊ NLD ၊ USDP နဲ့ AND ပါတီတို့က တစ်နေရာစီ အနိုင်ရရှိခဲ့ကြပါတယ်။

(၅)

မြန်မာနိုင်ငံမှာ ၂၀၁၀ အထွေထွေရွေးကောက်ပွဲပြီးနောက်ပိုင်း လက်ရှိအချိန်အထိ ကြားဖြတ်ရွေးကောက်ပွဲ နှစ်ကြိမ်လုပ်ခဲ့ပါတယ်။

အရင် သမ္မတဟောင်း ဦးသိန်းစိန် အစိုးရလက်ထက်က ၂၀၁၂ မှာ ကြားဖြတ်ရွေးကောက်ပွဲ တစ်ကြိမ် လုပ်ခဲ့ပြီး အခု NLD အစိုးရ လက်ထက် ၂၀၁၇ မှာ ကြားဖြတ်ရွေးကောက်ပွဲ တစ်ကြိမ်လုပ်ခဲ့ပြီး ဖြစ်ပါတယ်။

၂၀၁၂ ကြားဖြတ်ရွေးကောက်ပွဲမှာ ပြည်သူ့လွှတ်တော် ၃၇ နေရာ၊ အမျိုးသားလွှတ်တော် ခြောက်နေရာနဲ့ တိုင်းဒေသကြီးနဲ့ ပြည်နယ်လွှတ်တော် နှစ်နေရာ စုစုပေါင်း ၄၅ နေရာအတွက် ပြုလုပ်ခဲ့ပါတယ်။

အဲဒီအချိန်တုန်းက NLD ပါတီအနေနဲ့ ၂၀၁၂ ကြားဖြတ်ရွေးကောက်ပွဲကို စတင်ဝင်ရောက် ယှဉ်ပြိုင်တဲ့ အတွက် မဲပေးတဲ့ မဲဆန္ဒရှင်ဦးရေ ရာခိုင်နှုန်းဟာ သိသိသာသာ များခဲ့ပါတယ်။

ပြည်သူ့လွှတ်တော် ၃၇ နေရာအတွက် စုစုပေါင်းမဲပေးနိုင်သူ ၄,၆၈၃,၂၃၁ ဦး ရှိခဲ့ပြီး လာရောက် မဲပေးသူဦးရေက ၂,၈၇၇,၄၆၅ ဦး ရှိတဲ့အတွက် ရာခိုင်နှုန်းအားဖြင့် ထက်ဝက်ကျော်ရှိခဲ့ပါတယ်။

အမျိုးသားလွှတ်တော် ခြောက်နေရာအတွက် စုစုပေါင်း မဲပေးနိုင်သူ ဦးရေ ၁,၄၉၂,၇၂၄ ရှိတဲ့ အထဲမှာ လာရောက်မဲပေးသူဦးရေက ၉၃၅,၄၅၁ ရှိတဲ့အတွက် ၇၅ ရာခိုင်နှုန်းကျော် မဲပေးခဲ့ပါတယ်။

တိုင်းဒေသကြီးနဲ့ ပြည်နယ် လွှတ်တော် နှစ်နေရာအတွက် မဲပေးပိုင်ခွင့်ရှိသူဦးရေ ၁၃၃,၃၃၀ ရှိတဲ့ အထဲမှာ ၇၅,၀၁၉ ရှိတဲ့အတွက် ရာခိုင်နှုန်းထက်ဝက်ကျော်က မဲပေးခဲ့ပါတယ်။

(၆)

၂၀၁၇ ကြားဖြတ်ရွေးကောက်ပွဲမှာတော့ ၂၀၁၂ ကြားဖြတ်ရွေးကောက်ပွဲထက် လစ်လပ်မဲဆန္ဒနယ် နေရာလျော့နည်းသွားသလို မဲပေးသူဦးရေကလည်း ကျဆင်းခဲ့ပါတယ်။

၂၀၁၇ ကြားဖြတ်ရွေးကောက်ပွဲမှာ ပြည်သူ့လွှတ်တော် ကိုးနေရာအတွက် မဲပေးပိုင်ခွင့်ရှိသူဦးရေ ၁,၂၁၂,၄၀၀ ရှိတဲ့အထဲမှာ လာရောက်မဲပေးသူက ၄၃၀,၄၁၉ သာ ရှိတဲ့အတွက် ရာခိုင်နှုန်းအားဖြင့် ၃၅ ဒသမ ၅ ရာခိုင်နှုန်းလောက်သာ မဲပေးခဲ့ပါတယ်။

အမျိုးသားလွှတ်တော် သုံးနေရာအတွက် မဲပေးပိုင်ခွင့်ရှိသူဦးရေ ၆၉၉,၉၆၅ ရှိတဲ့အထဲမှာ ၂၄၃, ၅၉၀ သာ လာရောက်မဲပေးတဲ့အတွက် ရာခိုင်နှုန်းအားဖြင့် ၃၄ ဒသမ ၈၀ ရာခိုင်နှုန်းသာရှိခဲ့ပါ တယ်။

တိုင်းဒေသကြီးနဲ့ ပြည်နယ်လွှတ်တော် ခုနစ်နေရာအတွက် မဲပေးပိုင်ခွင့်ရှိသူဦးရေ ၂၂၆,၁၅၃ ရှိတဲ့အထဲမှာ ၁၁၀, ၉၀၀ ကသာ မဲလာပေးတဲ့အတွက် ၄၉ ဒသမ ၀၃ ရာခိုင်နှုန်းလောက်ပဲ ရှိခဲ့ပါတယ်။

၂၀၁၇ ကြားဖြတ် ရွေးကောက်ပွဲမှာ မဲပေးတဲ့သူအရေအတွက်က ၂၀၁၂ ကြားဖြတ်ရွေးကောက်ပွဲနဲ့ နှိုင်းယှဉ်ပါက အမှန်တကယ် ကျဆင်းခဲ့တာ အသေအချာပါပဲ။

ဒီကိန်းဂဏန်းတွေက ကြားဖြတ်ရွေးကောက်ပွဲအပေါ်မှာ မဲဆန္ဒရှင်ပြည်သူတွေရဲ့ စိတ်ဝင်စားမှု လျော့ကျလာတာကို ညွှန်းဆိုနေပါတယ်။

(၇)

လာမယ့် နိုဝင်ဘာ ၃ ရက်မှာ ကြားဖြတ်ရွေးကောက်ပွဲကို ကျင်းပတော့မှာ ဖြစ်ပါတယ်။ ဒီကြားဖြတ် ရွေးကောက်ပွဲမှာ ပြည်သူလူထုရဲ့ စိတ်ပါဝင်စားမှုက ဘယ်လိုရှိနိုင်ပါသလဲ။

ရွေးကောက်ပွဲဆိုင်ရာပြည်သူ့လှုပ်ရှားမှုအဖွဲ့ (PACE) က ၂၀၁၈ ဇူလိုင် ၁၃ ရက်မှာ ၂၀၁၈ ကြားဖြတ် ရွေးကောက်ပွဲအကြို စစ်တမ်းတစ်စောင်ကို ထုတ်ပြန်ခဲ့ပါတယ်။

၂၀၁၈ နိုဝင်ဘာမှာ ပြုလုပ်မယ့် ကြားဖြတ်ရွေးကောက်ပွဲ ဖြစ်စဉ်နဲ့ ပတ်သက်လို့ နိုင်ငံသားတွေရဲ့ သိရှိမှုနဲ့ ပါဝင်လိုစိတ်အတိုင်းအတာကို သိရှိနိုင်ဖို့ ဇွန် ၂၉ ရက်နဲ့ ၃၀ ရက် မှာ ရွေးကောက်ပွဲဆိုင်ရာပြည်သူ့ လှုပ်ရှားမှုအဖွဲ့PACE ကနေ ရွေးကောက်ပွဲအကြိုကာလ စစ်တမ်းတစ်ခုကို လစ်လပ်မဲဆန္ဒနယ် ၁၂ ခု (မန္တလေးတိုင်းဒေသကြီး ရှမ်းတိုင်းရင်းသား မဲဆန္ဒနယ်မပါ)ကောက်ယူခဲ့ရာမှာ စစ်တမ်းကောက်ယူသူ ၁၂၂ ဦးနဲ့ တွေ့ဆုံမေးမြန်းမှုပေါင်း ၁၂၂၀ ကို ပြုလုပ်ပြီး ကောက်ယူခဲ့တာ ဖြစ်ပါတယ်။

ကြားဖြတ်ရွေးကောက်ပွဲ ပြုလုပ်မှာကို လစ်လပ်မဲဆန္ဒနယ် ၁၂ နေရာက လူဦးရေ ၄၈ ရာခိုင်နှုန်းသာ သိရှိခဲ့ပြီး မဲစာရင်းကြေညာမှာကိုလည်း လူဦးရေ ၃၃ ရာခိုင်နှုန်းလောက်ကသာ ကြားမိတယ်လို့ PACE အဖွဲ့ရဲ့ စစ်တမ်းမှာ ဖော်ပြထားပါတယ်။

“အကျဉ်းချုပ်ကတော့ ရွေးကောက်ပွဲကျင်းပမယ် ဆိုတာကို သိရှိတဲ့သူက တစ်ဝက်နီးပါးလောက်ပဲရှိတယ်။ ပိုပြီးအရေးကြီးတာက မဲဆန္ဒရှင်စာရင်း ကြေညာပြသနေတာကို သိသလားလို့ပြောတဲ့အခါမှာ သုံးပုံတစ်ပုံလောက်ကသိတယ်။ အဲဒီအရေအတွက်က အရမ်းမနည်းပေမယ့် နည်းတယ်လို့ ပြောလို့ရတယ်” လို့ ရွေးကောက်ပွဲဆိုင်ရာ ပြည်သူ့လှုပ်ရှားမှုအဖွဲ့(PACE) ရဲ့ အမှုဆောင်ဒါရိုက်တာ စိုင်းရဲကျော်စွာမြင့်က ဇူလိုင် ၁၃ ရက်က ရန်ကုန်မြို့ ပတ်ရွိုင်ရယ်ဟိုတယ်မှာ ပြုလုပ်တဲ့ “ ရွေးကောက်ပွဲအကြို ကာလ  သဘောထားအမြင်စစ်တမ်း ကနဦး အစီရင်ခံစာ” ရှင်းလင်းပွဲမှာ ပြောကြားပါတယ်။

ဒါ့ပြင် ၂၀၁၅ အထွေထွေရွေးကောက်ပွဲမှာ မဲပေးသူ ၆၉ ရာခိုင်နှုန်းပဲရှိပြီး ၂၀၁၇ ကြားဖြတ်ရွေး ကောက်ပွဲမှာတော့ မဲပေးသူ ၃၄ ရာ ခိုင်နှုန်းသာ ရှိခဲ့တယ်လို့ သူက ပြောပါတယ်။ ဒါကြောင့် လက်ရှိ ၂၀၁၈ ကြားဖြတ်ရွေးကောက်ပွဲကို သိရှိသူက ၄၈ ရာခိုင်နှုန်းသာ ရှိတဲ့အတွက် ၂၀၁၇ နဲ့ နှိုင်းယှဉ်ပါက မဲဆန္ဒရှင်တွေ သိရှိမှုနဲ့ စိတ်ဝင်စားမှုက နည်းသွားတယ်လို့ ဆိုပါတယ်။

“၂၀၁၇ ကြားဖြတ်ရွေးကောက်ပွဲနဲ့ နှိုင်းယှဉ်မယ်ဆို နိုင်ငံသားတွေရဲ့ သိရှိမှုက စိတ်ဝင်စားမှု ပိုပြီးတော့ နည်းသွားတယ်ဆိုတဲ့ အဓိပ္ပာယ်ကို ကျွန်တော်တို့ ကောက်လို့ရတယ်”လို့ ရွေးကောက်ပွဲဆိုင်ရာ ပြည်သူ့လှုပ်ရှားမှုအဖွဲ့(PACE) ရဲ့ အမှုဆောင်ဒါရိုက်တာ စိုင်းရဲကျော်စွာမြင့်က ဆိုပါတယ်။

(၈)

PACE အဖွဲ့ရဲ့ စစ်တမ်းနဲ့ပြောကြားချက်တွေအရ ၂၀၁၅ အထွေထွေရွေးကောက်ပွဲ နောက်ပိုင်း ကျင်းပတဲ့ ၂၀၁၇ ကြားဖြတ်ရွေးကောက်ပွဲမှာ မဲပေးသူဦးရေဟာ ကျဆင်းခဲ့တယ်လို့ သိရပါတယ်။ ၂၀၁၈ ကြားဖြတ်ရွေးကောက်ပွဲကိုလည်း ကျင်းပမယ့် မဲဆန္ဒနယ် ၁၂ နေရာက မဲဆန္ဒရှင် ၄၈ ရာခိုင်နှုန်း ကပဲ သိတယ်ဆိုတော့ မဲပေးသူ ရာခိုင်နှုန်း ဆက်လက်ကျဆင်းဖို့ ရှိနေတဲ့ အနေအထားပါ။

၂၀၁၈ ကြားဖြတ်ရွေးကောက်ပွဲ ကျင်းပမယ့် မဲဆန္ဒနယ်တချို့က ဒေသခံတွေအချို့နဲ့ ရပ်ကျေးအုပ် ချုပ်ရေးမှူးတချို့ကို Eleven Media Group က ဆက်သွယ်မေးမြန်းရာမှာ အားလုံးနီးပါးက ကြားဖြတ် ရွေးကောက်ပွဲအပေါ်မှာ ပြည်သူတွေက စိတ်ဝင်စားမှု လျော့ကျတယ်လို့ ဖြေဆိုကြပါတယ်။

ဘာကြောင့် မဲဆန္ဒရှင်ပြည်သူတွေအနေနဲ့ ကြားဖြတ်ရွေးကောက်ပွဲတွေအပေါ်မှာ စိတ်ဝင်စားမှုလျော့ကျလာရပါသလဲ။

ကြားဖြတ်ရွေးကောက်ပွဲကျင်းပမယ့် မဲဆန္ဒနယ်အချို့က ဒေသခံအများစု ဖြေဆိုတာကတော့ ၂၀၁၅ အထွေထွေရွေးကောက်ပွဲမှာ မဲပေးရွေးချယ်လိုက်တဲ့ လွှတ်တော် ကိုယ်စားလှယ်တွေရဲ့ လုပ်ကိုင်ဆောင် ရွက်မှုတွေက အားနည်းမှုတွေရှိနေတဲ့အတွက် ပြည်သူတွေ စိတ်ဝင်စားမှု နည်းပါးလာတာလို့ မှတ်ချက်ပေး ကြပါတယ်။

“ဘာလို့ စိတ်မ၀င်စားကြတာလဲဆိုတော့ အဲဒါက လက်ရှိလုပ်ဆောင်ချက်နဲ့ ဆိုင်တယ်လို့ ထင်တယ်။ ပြည်သူတွေက ဘယ်လိုဖြစ်နေလဲဆိုတော့ ကျွန်တော့်အုပ်စုမှာ လက်ရှိအစိုးရနဲ့ ပတ်သက်တဲ့ လုပ်ဆောင်မှုက အားနည်းတဲ့အတွက် စိတ်ဝင်စားမှု လျော့လာတာပေါ့။ အဓိကကတော့ ၂၀၁၅ မှာ ရွေးချယ်ပေးလိုက်တဲ့ လွှတ်တော်ကိုယ်စားလှယ်တွေက လုပ်ဆောင်မှု အားနည်းတဲ့အတွက် ကြားဖြတ်ရွေးကောက်ပွဲတွေကို ပြည်သူတွေက စိတ်ဝင်စားမှု လျော့နည်းသွားတယ်” လို့ ပဲခူးတိုင်းဒေသကြီး အုတ်တွင်းမြို့နယ် ညောင်ပင်ကြီးကျေးရွာအုပ်စု အုပ်ချုပ်ရေးမှူး ဦးမိုးကျော်က ပြောပါတယ်။

မန္တလေးတိုင်းဒေသကြီး သပိတ်ကျင်းမြို့နယ် ဒေသခံ ဦးတင် ဇော်ဦး က “ကြားဖြတ်ရွေးကောက်ပွဲကို ပြည်သူတွေက ဘာလို့ စိတ်မ၀င်စားတော့တာလဲဆိုတော့ ၂၀၁၅ တုန်းက ပြည်သူတွေက အိတ်သွန်ဖာမှောက် အကုန်လုံးက စိတ်ဝင်တစားနဲ့ ပေးခဲ့ကြတယ်။ ဒါပေမဲ့ အရွေ့တစ်ခုက နေရာတော်တော်များများမှာ ဖြစ်မလာဘူးဆိုတဲ့အခါကျတော့ ဒါကြီးက ငါတို့သွားပေးလည်း အလကားပါပဲဆိုတာမျိုး၊ နောက်ပြီး သူတို့ လွှတ်တော်ကိုယ်စားလှယ်ဖြစ်ရေးပဲ။ လွှတ်တော်ကိုယ်စားလှယ်ဖြစ်တော့လည်း ငါတို့ပြည်သူတွေအပေါ်မှာ စာနာခြင်းမရှိဘူး။ ဘာမှလုပ်ပေးတာလည်း မရှိဘူး။ အဲဒီမက်ဆေ့ခ်ျက သူတို့ထဲ ရောက်နေတယ်။ ဒါတွေက ဆက်စပ်ပြီးတော့ ဖြစ်ပေါ်လာတာတွေလို့ ပြောချင်တယ်”လို့ ဆိုပါတယ်။

နောက်ထပ်အကြောင်းပြ ချက်တစ်ခုကတော့ ကြားဖြတ်ရွေးကောက်ပွဲ ဖြစ်တဲ့အတွက် အစိုးရတစ်ရပ်ကို အပြောင်းအလဲမလုပ်နိုင်တာကြောင့်လည်း ပြည်သူတွေက စိတ်ဝင်စားမှု နည်းသွားတယ်လို့ သုံးသပ်ကြပါတယ်။

“ပြည်သူတွေ ကြားဖြတ်ရွေးကောက်ပွဲကို ဘာကြောင့် စိတ်မ၀င်စားသလဲဆိုတော့ အခုလုပ်မှာက နေရာ ၁၃ နေရာအတွက်ပဲ ဆိုတော့ အစိုးရတစ်ရပ်ဖွဲ့လောက်အောင်၊ အပြောင်းအလဲဖြစ်လောက်အောင် အရေးမကြီးတာလည်း ပါမယ်ထင်ပါတယ်။ နေရာ အရေအတွက်ကလည်း နည်းလွန်းအားကြီးတယ်။ နေရာအရေအတွက် နည်းလွန်းတာရယ်၊ အစိုးရအပြောင်းအလဲ မဖြစ်နိုင်ဘူးဆိုတာရယ်၊ နောက်တစ်ချက်က ၂၀၁၅ အထွေထွေ ရွေးကောက်ပွဲမှာ ပြည်သူတွေက တာဝန်ကျေပြီ ဆိုတာမျိုး ဖြစ်သွားတာလည်း ပါမယ် ထင်တယ်။ နိုင်ငံရေးစိတ်ဝင်စားမှုအရှိန်က တော်တော်လျော့သွားတယ်။ နောက်ပြီး ဒေသတွင်း စီးပွားရေးအခြေအနေကလည်း နိုင်ငံရေးကို စိတ်ဝင်စားလောက်အောင်၊ တက်တက်ကြွကြွ ဖြစ်လောက်အောင် ကောင်းမွန်တဲ့ အနေအထားလည်း မရှိဘူး။ အဲဒါလည်း ပါမယ်ထင်ပါတယ်”လို့ စစ်ကိုင်းတိုင်းဒေသကြီး တမူးမြို့နယ် တမူးလူငယ်ကွန်ရက်မှ ကိုအောင်သူချမ်းက ဆိုပါတယ်။

ကြားဖြတ်ရွေးကောက်ပွဲအပေါ် လူထုစိတ်ဝင်စားမှု နည်းပါးတာဟာ လစ်လပ်နေရာနည်းပြီး ပါတီတွေရဲ့ စည်းရုံးလှုံဆော်မှု အားနည်းမှုတွေကြောင့်ဖြစ်တယ်လို့ ပြောကြားလာသူက မန္တလေးတိုင်း ဒေသကြီး မြင်းခြံမြို့နယ် အမှတ်  ၆ ရပ်ကွက် အုပ်ချုပ်ရေးမှူး ဦးစောထွန်း ဖြစ်ပါတယ်။

“ကိုယ်တို့ မြင်းခြံမှာက လွှတ်တော်အမတ်နေရာ တစ်နေရာအတွက် ပါတီက လေးခုပြိုင်တယ်။ အဲဒီတော့ နေရာကလည်း တစ်နေရာတည်းဆိုတော့ လူထုက စိတ်ဝင်စားမှုကလည်း နည်းတယ်။ အခုတောင် ကိုယ်တို့ရပ်ကွက်မှာ လာစည်းရုံးသွားတာ NLD ပါတီနဲ့ လူ့ ဘောင်သစ်ပါတီပဲ လာပြီးစည်းရုံးထားတာ ရှိတယ်။ စည်းရုံးတဲ့နေရာမှာလည်း လာပြီးပြန်သွားတဲ့ သဘောလောက်ပဲ ရှိတယ်။ ပါတီတွေဘက်ကလည်း လူထုစိတ်ဝင်စားအောင် လုပ်နိုင်မှုက နည်းသေးတယ်” လို့  ဦးစောထွန်းက သူ့အမြင်ကို ပြောပါတယ်။

၁၉၉၀ ပြည့်နှစ် အထွေထွေ ရွေးကောက်ပွဲ၊ ၂၀၁၀ အထွေထွေ ရွေးကောက်ပွဲနဲ့ ၂၀၁၅ အထွေထွေ ရွေးကောက်ပွဲတွေမှာမဲပေးခဲ့တဲ့ ကန်​ပက်​လက်​မြို့နယ် မြို့မ ၂ ရပ်​ကွက်​မှာနေထိုင်သူ ဦးကီးဘူက         “ကြားဖြတ်ရွေးကောက်ပွဲကို လူထုက ဘာလို့ စိတ်ဝင်စားမှု နည်းလာသလဲဆိုတာ ကျွန်တော့်အမြင်ကို ပြောရရင် လွှတ်တော်ကိုယ်စားလှယ်ဖြစ်လာကြတဲ့သူတွေက ဒေသအတွက် ထူးထူးခြားခြား ပြောင်း လဲပစ်အောင် လုပ်နိုင်တာလည်းမရှိသေးဘူး။ အဲဒီတော့ ဘယ်သူပဲရရ ဘာမှမထူးပါဘူးဆိုတဲ့ စိတ်က ကျွန် တော်တို့ လူထုထဲမှာ ၀င်သွားတယ်လို့ ခန့်မှန်းမိတယ်”လို့ ဆိုပါတယ်။

(၉)

လက်ရှိအချိန်မှာတော့ ကြားဖြတ်ရွေးကောက်ပွဲကျင်းပချိန်မှာ မဲဆန္ဒရှင်အများအပြား မဲပေးမှု မြင့်မားရေးဟာ ဒီမိုကရေစီရွေးကောက်ပွဲတွေအတွက် အဓိကစိန်ခေါ်မှုတစ်ခု ဖြစ်နေပါတယ်။

ရွေးကောက်ပွဲတွေအပေါ်မှာ ပြည်သူလူထုက စိတ်ဝင်စားမှုလျော့နည်းခဲ့ရင် ဒါမှမဟုတ် မဲလာပေးဖို့ စိတ်ဆန္ဒမရှိခဲ့ရင် ဒါမှမဟုတ် ရွေးကောက်ပွဲတွေကို ကျောခိုင်းခဲ့ရင် ဒီမိုကရေစီစနစ် ရှင်သန်ရေးဟာ စိုးရိမ်ရေမှတ်ကို ရောက်ရှိသွားနိုင်ပါတယ်။

ဘာအကြောင်းကြောင့်ပဲဖြစ်ဖြစ် ကြားဖြတ်ရွေးကောက်ပွဲတွေကို ပြည်သူလူထု စိတ်ဝင်စားမှုလျော့ နည်းလာတာဟာ ကောင်းတဲ့လက္ခဏာတော့ မဟုတ်ပါဘူး။ ဒီမိုကရေစီစနစ်ကိုအကောင်အထည်ဖော်ဖို့ဆိုရင် အရေးအကြီးဆုံးက တရားမျှတပြီး လွတ်လပ်တဲ့ ရွေးကောက်ပွဲတွေ ကျင်းပပေးဖို့ လိုပါတယ်။ အဲဒီလို ကျင်းပတဲ့အခါမှာလည်း မဲပေးသူပြည်သူတွေအနေနဲ့ ရွေးကောက်ပွဲကို စိတ်ဝင်စားမှသာ ကိုယ့်ဒေသ အကျိုးသယ်ပိုးနိုင်တဲ့ ကိုယ်စားလှယ်လောင်းကို မှန်မှန်ကန်ကန် ရွေးချယ်နိုင်မှာ ဖြစ်ပါတယ်။

ဒါကြောင့် ကြားဖြတ်ရွေးကောက်ပွဲတွေကို ပြည်သူတွေ စိတ်ပါဝင်စားမှုရှိလာအောင်လို့ ပြည်ထောင်စု ရွေးကောက်ပွဲကော်မရှင်၊ ပါတီတွေနဲ့ အရပ်ဖက်အဖွဲ့အစည်းတွေက လိုက်လံစည်းရုံးပြီး လှုံ့ဆော်မှုများများလုပ်ဖို့ လိုအပ်နေတယ်လို့ သုံးသပ်တွေကလည်း ရှိနေပါတယ်။

“ပြည်သူတွေ စိတ်ဝင်စားမှု ရှိလာအောင်ဆိုရင် ပါတီတွေကပဲ လှုံ့ဆော်မှရမယ်။ ပါတီတွေက မဲစာရင်းတွေကို တစ်အိမ်တက်ဆင်း ပြောပေးမယ်။ ပြီးရင် စိတ်ဝင်စားအောင် နှိုးဆော်မှုတွေ လုပ်မယ်ဆိုရင် ဖြစ်နိုင်ပါတယ်။ ပါတီတွေ အားလုံးကလည်း အားနည်းတာပါတယ်။ သူတို့ လှုပ်ရှားမှုတွေက တော်တော်အားနည်းတယ်။ ဒီကြားဖြတ်က သူတို့အတွက်လည်း အရေးမကြီးလို့ လားတော့ မသိဘူး” လို့ စစ်ကိုင်းတိုင်းဒေသကြီး တမူးမြို့နယ် တမူးလူငယ်ကွန်ရက်မှ ကိုအောင်သူချမ်းက ဆိုပါတယ်။

ဒါ့ပြင် PACE အဖွဲ့က ပြည်ထောင်စုရွေးကောက်ပွဲကော်မရှင်အနေနဲ့ နိုင်ငံသားတွေ ပိုမိုစိတ်ဝင် တစားသိရှိရေးအတွက် ဆောင်ရွက်နေတဲ့ မဲဆန္ဒရှင် အသိပညာပေးလုပ်ငန်းစဉ်တွေထဲမှာ အမျိုးသမီးတွေ၊ ကျေးလက်ဒေသနဲ့ အသက် ၁၈-၃၅ နှစ်အကြား လူငယ်တွေကို ဦးတည်တဲ့လုပ်ငန်းစဉ်တွေကို တိုး မြှင့်ဆောင်ရွက်ဖို့နဲ့ မဲဆန္ဒရှင်စာရင်း ပိုမိုမှန်ကန်တိကျစေရေးအတွက် သတင်းအချက်အလက်နဲ့ ဆက် သွယ်ရေးနည်းပညာတွေကို အသုံးပြုပြီး SMS ၊ Mobile App ၊  Online (အင်တာနက်၊ ၀က်ဘ်ဆိုက်) စတာ တွေနဲ့ မဲစာရင်းအလွယ်တကူ စစ်ဆေးနိုင်တဲ့ နည်းလမ်းတွေသုံးဖို့ ရွေးကောက်ပွဲအကြိုကာလ သဘော ထားအမြင်စစ်တမ်း ကနဦးအစီရင်ခံစာမှာ အကြံပြုထားပါတယ်။

လက်ရှိအချိန်မှာ ကြားဖြတ်ရွေးကောက်ပွဲ ကျင်းပဖို့အချိန်က နှစ်လလောက်သာ လိုပါတော့တယ်။ ပြည်ထောင်စုရွေးကောက်ပွဲ ကော်မရှင်အနေနဲ့ကလည်း ဒုတိယ မဲစာရင်းတွေကို အောက်တိုဘာလထဲမှာ ထပ်ပြီးကြေညာသွားမယ်လို့ ထုတ်ပြန်ထားပါတယ်။

ဒါကြောင့် မကြာခင်ကျင်းပတော့မယ့် ၂၀၁၈ ကြားဖြတ်ရွေးကောက်ပွဲဟာ ၂၀၁၇ ကြားဖြတ် ရွေးကောက်ပွဲလိုမျိုး လာရောက်မဲပေးသူ နည်းမလား၊ ဒါမှမဟုတ် ပြည်သူလူထုက စိတ်ဝင်တစားနဲ့ လာရောက်မဲပေးမှု များမလားဆို တာကတော့ ဆက်လက်စောင့်ကြည့်ရမှာဖြစ်ပါတယ်။

“ကြားဖြတ်မှမဟုတ်ဘူး။ လာမယ့် ငါးနှစ်တစ်ကြိမ်လုပ်တဲ့ ရွေးကောက်ပွဲတွေမှာ ပါတီကို ကိုယ်စားပြုမယ့် လွှတ်တော်ကိုယ်စားလှယ်တွေက ရှင်းရှင်းပြောရရင် ကျွန်တော်တို့က နိုင်ငံရေးသမားကောင်းပဲ လိုချင်တာ။ နိုင်ငံရေးပါးဝတဲ့သူတွေ မလိုချင်ဘူး။ တချို့ကကျတော့ နိုင်ငံရေးပါးဝတဲ့သူတွေချည်းပဲ ဖြစ်နေတာ။ သူတို့ လွှတ်တော်ကိုယ်စားလှယ်ဖြစ်ရေးလောက်ပဲ သူတို့လုပ်တာ။ တကယ့်ဒေသခံအရေးကို ထဲထဲဝင်ဝင်လုပ်မယ်၊ ကူညီဆောင် ရွက်ပေးမယ်ဆိုရင် စည်းရုံးစရာ မလိုပါဘူး။ နောက်ပိုင်း ပြည်သူက တကယ်ကြိုက်တယ်ဆို ပေးမှာပါ” လို့ မန္တလေးတိုင်းဒေသကြီး သပိတ်ကျင်း မြို့နယ် ဒေသခံ ဦးတင်ဇော်ဦး က ဆိုပါတယ်။

မန္တလေးမြို့ကို စွဲကပ်နေတဲ့ကင်ဆာ ဆေးမြီးတိုဖြင့် မပျောက်နိုင်ပါ

မန္တလေးမြို့ ချမ်းမြသာစည်မြို့နယ် ပြင်ဦးလွင်-မန္တလေး ကားလမ်းနံဘေး ၀ဲယာရှိ ကျူးကျော်နေအိမ်များအား စက်တင်ဘာ ၉ ရက်နံနက်က ရှင်းလင်းဖယ်ရှားစဉ်

လက်ရှိ မန္တလေးမြို့တွင် ဖြစ်ပွားနေသော လုယက်မှုပုံစံများသည် လွန်ခဲ့သော နှစ်သုံးဆယ်ခန့်က လက်တင် အမေရိကနိုင်ငံများ ဖြစ်သော ဘရာဇီး၊ ကိုလံဘီယာစသည့် နိုင်ငံများတွင် ကြုံတွေ့နေရသော အခြေအနေများနှင့် ထပ်တူနီးပါး ဖြစ်သည်။ အနည်းငယ် ကွဲလွဲသည်မှာ အဆိုပါနိုင်ငံများတွင် ဖြစ်ပွားခဲ့သော လုယက်မှုများက သေနတ်ကို ဖောဖောသီသီ အသုံးပြုကြခြင်းဖြစ်ပြီး မန္တလေးမြို့တွင်မူ ဆိုင်ကယ်ကို အသုံးပြုခြင်းဖြစ်သည်။ ထပ်မံ ကွဲလွဲမှုတစ်ခုတော့ ရှိပါသေးသည်။ ယင်းမှာ မြို့တာဝန်ရှိသူများက လုယက်မှုများ လျော့ပါးရေးအတွက် ကိုင်တွယ်မှု ပုံစံဖြစ်သည်။

မန္တလေးမြို့ကဲ့သို့ပင် ဘရာဇီးနိုင်ငံ၏ ရီယိုဒီဂျနေးရိုး မြို့တော်သည် ဒုတိယမြို့တော်ဖြစ်ပြီး ဒုတိယလူဦးရေ အများဆုံးသော မြို့တော်ကြီး တစ်ခုလည်းဖြစ်သည်။ ၁၉၉၀ ခုနှစ်များအတွင်း ရီယိုဒီဂျနေးရိုး မြို့တော်၌ လမ်းမများပေါ်တွင် ဖြစ်ပွားသော ရာဇ၀တ်မှုများ (Street Crimes) များ အဆမတန် တိုးပွားလာခဲ့သည်။ ဘရာဇီးနိုင်ငံသည်လည်း မူးယစ်ဆေးဝါးကို ဖြန့်ဖြူးရောင်းချသော နိုင်ငံတစ်ခု ဖြစ်သည့်အလျောက် မူးယစ်ဆေးဝါးနှင့် ဆက်နွှယ်သော ပြစ်မှုများ ဖြစ်မည်ဟု မြို့ခံများ၊ တာဝန်ရှိသူများက သုံးသပ်ခဲ့ပြီး နှိမ်နင်းမှုများ ဆက်တိုက်ပြုလုပ်ခဲ့သည်။ သို့သော်လည်း ရာဇ၀တ်မှုများမှာ လျော့ပါးမသွားဘဲ ပို၍ ပို၍သာ တိုးပွားလာခဲ့သည်မှာ အဘယ့်ကြောင့်နည်း ဆိုသော မေးခွန်းများ စဉ်ဆက်မပြတ် ထွက်ပေါ်လာခဲ့သည်။ မြို့ခံများက မူးယစ်ဆေးဝါး၏ နောက်ဆက်တွဲ ဆိုးကျိုးဟု ယူဆခဲ့ကြပြီး ဘရာဇီးသည်လည်း မြန်မာနိုင်ငံ ကဲ့သို့ပင် ကမ္ဘာတွင် မူးယစ်ဆေးဝါး အများအပြား ထုတ်လုပ်ရောင်းချသော နိုင်ငံတစ်ခုလည်း ဖြစ်ပါသည်။

မန္တလေးမြို့တွင် လုယက်မှု ကျုးလွန်ကြသူများအတွက် မြို့ခံများက မှတ်ချက်ပေးကြသည်မှာ ဒါဟာ မူးယစ်ဆေးဝါးကြောင့် လုပ်ကြတာပဲဖြစ်မယ် ဆိုသည့် မှတ်ချက်ဖြစ်သည်။ သို့သော်လည်း လုယက်မှု တရားခံများကို ဖမ်းဆီးစစ်ဆေးကာ မှတ်တမ်းယူကြသည့် အမှုစစ် အရာရှိများကမူ ယင်းအချက်ကို အပြည့်အ၀ လက်ခံမည် မဟုတ်ပါ။

“ဒီနှစ်ပိုင်း မန္တလေးမှာ လမ်းပေါ်က လုယက်မှုတွေ ကျုးလွန်တဲ့ သူတွေရဲ့ အသက်တွေက ၁၅ နှစ်ကနေ နှစ်ဆယ်ကြားပဲရှိပြီး သူတို့လိပ်စာတွေကို ပြန်လိုက်ကြည့်တဲ့အခါ  မန္တလေးမြို့ရဲ့ အရှေ့တောင်နဲ့ တောင်ဘက်က ပြည်ကြီးတံခွန်နဲ့ မြရည်နန္ဒာဘက်က များတယ်။ ပြည်ကြီးတံခွန်မြို့နယ် ဆိုရင်လည်း မြို့တွင်းနဲ့နီးတဲ့ဘက် မဟုတ်ဘူး။ တိုးချဲ့လာတဲ့ ဟိုးဘက် ရတနာပုံမြို့သစ်တို့၊ ဇီးအုပ်တို့လို မြို့အစွန်ဆုံးဘက်မှာ နေတာတွေ့ရတယ်။ ချမ်းမြသာစည်ဘက် ဆိုရင်လည်း မြရည်နန္ဒာတို့ ကန်သာယာတို့ ဘက်တွေပေါ့။ သူတို့မှာ အိမ်ပိုင်ယာပိုင် မရှိကြဘူး။ အိမ်ငှားနေကြတယ်။ ကျုးကျော်နေကြတယ်။ အဲဒါမျိုးတွေ တွေ့ရတယ်။ တခြားနယ်ကနေ မန္တလေးကိုလာပြီး လုပ်ငန်းလာလုပ်ကြတဲ့ သူတွေများပြီး မန္တလေးမြို့ခံတွေ ပါဝင်ကျုးလွန်တာက မရှိသလောက် နည်းတယ်။ အဖွဲ့နဲ့ ကျုးလွန်တဲ့ကိစ္စ တွေမှာလည်း မြို့ခံတွေ တစ်ယောက် နှစ်ယောက် ပါလေ့ရှိတယ်။ ဒါပေမဲ့ အဖော်ကောင်းလို့ နောက်ကလိုက်တဲ့ သဘောပဲ တွေ့ရပြီး တကယ် လက်ရဲဇက်ရဲ ဦးဆောင်ကျုးလွန်တဲ့ ကောင်တွေက တခြားနယ်က လူတွေပဲ ဖြစ်နေတယ်။ ကျုးလွန်တဲ့ အကြောင်းရင်းက အစက ထင်တာက မူးယစ်ဆေးဝါးသုံးဖို့ ငွေလိုလို့လုပ်တယ် ထင်ခဲ့ပေမယ့် တော်တော်များများက ဆိုလိုတာက ကျုးလွန်တဲ့ လူတစ်ရာမှာ ရှစ်ဆယ်လောက်က မူးယစ်ဆေးဝါးကြောင့် မဟုတ်ဘူး။ ဒီကောင်တွေက အလုပ်မရှိကြတာ တွေ့ရတယ်။ ပညာမတတ်တာကို တွေ့ရတယ်။ သူတို့က လမ်းပေါ်မှာ လုယက်တယ်။ ရလာတဲ့ငွေတွေကို KTV တွေမှာ ဘီယာဆိုင်တွေမှာ သူဋ္ဌေးသုံး သုံးကြတာ။ KTV က ကောင်မလေးတွေနဲ့ ပတ်သက်ကြ။ တချို့ဆို လုယက်တယ်။ ရလာတဲ့ငွေတွေနဲ့ သူတို့နဲ့ပိုင်တဲ့ အဆင်ပြေတဲ့ KTV တွေမှာ နေ့ရော ညပါ နေကြတာ။ အဲဒါတွေကို တွေ့ရတယ်။ တော်တော်များများက အဲဒီပုံစံတွေပဲ။ မူးယစ်ကြောင့် ဖြစ်တဲ့လူလည်း ပါပေမယ့် အလုပ်လက်မဲ့ ဖြစ်လို့ လုယက်ကြတဲ့ကောင်တွေ၊ လွယ်လွယ်နဲ့ ငွေရှာတဲ့ကောင်တွေ ဖြစ်တာများတယ်။ လုတဲ့နေရာနဲ့ လုယက်တဲ့သူနဲ့ လုယက်တဲ့ တရားခံတွေသာ ကွဲသွားတယ်။ သူတို့ရဲ့ နောက်ခံသမိုင်းကြောင်းက ဒါမျိုးဆင်တူယိုးမှား တွေချည်းပဲ” ဟု အဆိုပါ လုယက်မှု တရားခံများကို စစ်ဆေးမှတ်တမ်းယူရသည့် အမှုစစ် အရာရှိတစ်ဦးက ပြောကြားသည်။

နယ်အသီးသီးမှ ဘ၀မျှော်လင့်ချက်အတွက် မန္တလေးမြို့သို့ ရွှေ့ပြောင်းလာကြသူများ နေထိုင်ရန် ရွေးချယ်ကြသည်မှာ မန္တလေးမြို့ တောင်ဘက်နှင့် အရှေ့တောင်ဘက်ရှိ ဆင်ခြေဖုံး အစွန်အဖျား ရပ်ကွက်များ ဖြစ်ကြသည်။ ထိုနေရာ တ၀ိုက်တွင် ကျုးကျော်များ အစုလိုက် အပြုံလိုက် နေထိုင်ကြပြီး အိမ်ငှားခ၊ မြေငှားခများ အဆမတန် ဈေးချိုသည်။ ထို့အတွက် လူစုံနေထိုင်ကြပြီး ရာဇ၀တ်မှု အများအပြား ဖြစ်ပွားသော နေရာများလည်း ဖြစ်သည်။ မူးယစ်ဆေးဝါး ရောင်းဝယ်ဖောက်ကားသော ပင်မနေရာ တစ်ခုလည်းဖြစ်သည်။ သက်ဆိုင်ရာ တာဝန်ရှိသူများ မကြာခဏ နယ်မြေ၀င်ရောက် ရှင်းလင်းခဲ့သော်လည်း ရှင်းလင်းပြီး ခဏအတွင်း ပြန်လည် ကျုးကျော်ကြသည့် ကျုးကျော်သံသရာ လည်နေသော နေရာတစ်ခုလည်းဖြစ်သည်။ မန္တလေးမြို့တွင် ဖြစ်ပွားလျက်ရှိသော ဆိုင်ကယ်ဖြင့် လုယက်မှုများ အဖြစ်များဆုံး နေရာမှာလည်း မြို့အရှေ့တောင်ဘက်ခြမ်းနှင့် တောင်ဘက်ခြမ်းတွင် ဖြစ်သည်။ မြို့မြောက်ဘက်နှင့် အနောက်ဘက်ပိုင်းမှာ ဖြစ်ပွားမှု အနည်းဆုံးဖြစ်ပြီး ဖြစ်ပွားမှု နည်းရသည့် အကြောင်းရင်းမှာ ရိုးရှင်းပါသည်။ မြို့မြောက်ဘက်နှင့် အနောက်ဘက်ပိုင်းမှာ မြို့ခံများ စဉ်ဆက်မပြတ် နေလာခဲ့သော နေရာများဖြစ်ပြီး ကျုးကျော်များ ၀င်ရောက်နေထိုင်ရန် နေရာနည်းပါးသောကြောင့် ဖြစ်သည်။ မြို့အနောက်မြောက်ဘက် ကျွဲစွန်းရှိ ကျုးကျော်များကိုလည်း ဖယ်ရှားကာ တိုက်ခန်းအငှား ချပေးပြီးနောက် ဈေးသစ်ကြီးလည်း ပေါ်ထွက်လာသဖြင့် ယင်းနေရာများတွင်လည်း လုယက်မှု နည်းပါးသွားခဲ့ပြီး ကျွဲစွန်းမြောက်ဘက်ရှိ ညောင်ကွဲသာ ယခုအထိ စည်ပင်က မရှင်းနိုင် သေးသောကြောင့် ကျုးကျော်များ ဆက်လက်တည်ရှိ နေခြင်းဖြစ်သည်။ လုယက်မှု ဖြစ်ပွားသည့် နေရာများကို ပြန်လည်စစ်ဆေးကြည့်လိုက်လျှင် မြို့တောင်ဘက်နှင့် အရှေ့တောင်ဘက် ခြမ်းတွင်သာ အများဆုံး ဖြစ်သည်ကို ထင်ထင်ရှားရှား တွေ့ရမည်ဖြစ်သည်။

 

လုယက်မှုတွေများလာတာ ရဲတပ်ဖွဲ့မှာပဲ တာဝန်ရှိသလား

မန္တလေးမြို့တွင် ဖြစ်ပွားနေသော လုယက်မှုများ မည်မျှပင် နာမည်ဆိုးဖြင့် ကျော်ကြားလာသနည်း ဆိုလျှင်  မြန်မာနိုင်ငံရဲတပ်ဖွဲ့၊ ဒုတိယ ရဲချုပ်ကြီး ၁ ရဲဗိုလ်ချုပ်မျိုးဆွေဝင်းနှင့် ရဲမှူးချုပ်ဝင်းဗိုလ်တို့ ကိုယ်တိုင် မန္တလေးမြို့အထိ ဆင်းလာကာ မြို့လုံခြုံရေးအတွက် လာရောက်ကွပ်ကဲ ပေးနေသည်ကို မြင်နိုင်ပါသည်။ ၎င်းတို့မလာခင်ကပင် သိမ်းငှက်စစ်ဆင်ရေး ချမှတ်ကာ မန္တလေးမြို့ရှိ ရဲအင်အားသာမက မန္တလေးတိုင်း အတွင်းရှိ ရဲစခန်းများထံမှ တွဲဖက်အနေဖြင့် ရဲအင်အားတောင်းကာ မန္တလေးမြို့လုံခြုံရေးအတွက် ဆောင်ရွက်နေခဲ့ခြင်း ဖြစ်သည်။ သိမ်းငှက် စစ်ဆင်ရေး စီမံချက်အား ပြီးခဲ့သည့် ဇွန် ၂၅ ရက်က စတင်ဆောင်ရွက်ခဲ့ပြီး ဖောက်ထွင်းမှု၊ လုယက်မှု၊ မူးယစ်မှုကျုးလွန်သူ တရားခံ အများအပြားကိုလည်း ဖမ်းဆီးရရှိခဲ့သည်။ ပြစ်မှုကျုးလွန်သူ တရားခံများမှာ အသက် ၁၅ နှစ်မှ ၂၅ နှစ်ကြား အရွယ်ကောင်း လူငယ်လူရွယ်များလည်း ဖြစ်ကြသည်။ မည်မျှပင် ဖမ်းဆီးနေစေကာမူ လုံခြုံရေး လျော့ရဲသွားသည့် အခြေအနေမျိုးတွင် လုယက်မှုများ ဆက်လက်ဖြစ်ပေါ်နေဆဲသာ ဖြစ်နေသည်။ မန္တလေးမြို့ လူငယ်သင်တန်း ကျောင်းတွင် ထိန်းသိမ်းပြုပြင် ပေးထားသည့် ကလေးသုံးရာကျော် (၃၅၉) ဦး ရှိပြီး ခိုးမှုဖြင့် ၁၀၆ ဦး၊ ဖောက်ထွင်း ခိုးယူမှုဖြင့် ၄၆ ဦး၊ ပုဒ်မ ၃၇၆ (မုဒိမ်းမှု) ဖြင့် ၃၇ ဦး၊ မူးယစ်မှုဖြင့် ၃၆ ဦး၊ လူသတ်မှုဖြင့် ၁၃ ဦး၊ လ၀က အက်ဥပဒေပုဒ်မ ၆ (၃)ဖြင့် ၅၈ ဦး၊ အခြားပုဒ်မများဖြင့် ၅၃ ဦးရှိသည်။ ယင်းစာရင်းကို ကြည့်ပါက မူးယစ်မှု ကျုးလွန်သူ လူငယ်များထက် ခိုးမှုကျုးလွန်သူ၊ ဖောက်ထွင်းခိုးယူမှု ကျုးလွန်သူ လူငယ်က ပိုမိုများပြားကြောင်း တွေ့ရမည်ဖြစ်သည်။ လူငယ်တွေ ရာဇ၀တ်မှု ပိုမိုကျုးလွန်လာတာ ဘာကြောင့်လဲ၊ ဖမ်းဆီးထောင်ချ အရေးယူရုံဖြင့် ယင်းပြသနာများ ပြေလည်သွားမည်လားဆိုသည့် မေးခွန်းများ အများအပြား ကျန်နေပါသေးသည်။

 

လမ်းပေါ် ရာဇ၀တ်မှု များပြားတဲ့ ပြဿနာကို တခြားနိုင်ငံမှာ ဘယ်လိုဖြေရှင်းကြသလဲ

ဘရာဇီးနိုင်ငံ ရီယိုဒီဂျနေးရိုး မြို့၊ ဆောပေါ်လို (SaoPaulo) စသည့် မြို့ကြီးများသည် လမ်းပေါ် ရာဇ၀တ်မှု အများပြားဆုံးသော မြို့ကြီးများဖြစ်ပြီး  ရာဇ၀တ်မှု ကျုးလွန်သည့် လူငယ်များကို ခပ်ကြမ်းကြမ်း ကိုင်တွယ်သော စနစ်ကို ကျင့်သုံးသည့် မြို့ကြီးတစ်မြို့လည်းဖြစ်သည်။ ယင်းစနစ်မှာ မအောင်မြင်ခဲ့ပဲ ရာဇ၀တ်မှုများကို ပိုမိုတိုးပွား လာစေခဲ့သည်။ ထို့နောက်တွင်တော့ လူတန်းစား မညီမျှမှုများကို လျှော့ချခြင်း၊ ကျောင်းထွက်နှုန်း နည်းပါးအောင် ပြုလုပ်ခြင်း (ကျောင်းတက်စေရန် မက်လုံးပေးခြင်း) နှင့် အလုပ်အကိုင် အခြေအနေများ တိုးတက်အောင် ပြုလုပ်ပေးခြင်းစသည့် နည်းစနစ်များကို အသုံးပြုခဲ့ကြသည်။

အဆိုပါ နည်းစနစ်များတွင် ဘရာဇီးနိုင်ငံ အတွင်းရှိ မြို့ငယ်လေးများ၊ ကျေးလက်ဒေသများမှ မြို့ကြီးများထံ ပြောင်းရွှေ့လာသည့် ရွှေ့ပြောင်းလုပ်သားများကို ဒေသခံများနှင့် တစ်သားတည်းဖြစ်အောင် လုပ်ပေးသည့် စနစ်လည်း ပါဝင်ပါသည်။ ယင်းဗျုဟာကို အသုံးပြုသည့် တာဝန်ရှိသူများက စဉ်းစားသည်မှာ လူငယ်များ ရာဇ၀တ်မှုကို လက်ရဲ ဇတ်ရဲ ကျုးလွန်ရဲကြသည်မှာ ရာဇ၀တ်မှု ကျုးလွန်သည့် နေရာ၊ ဒေသသည် ၎င်းတို့မွေးရပ်မြေဒေသ မဟုတ်ဟု သတ်မှတ်ထားသောကြောင့် ဖြစ်သည်။ ဒါ သူတို့မြို၊ ငါ့မြို့မဟုတ်ဘူး ဆိုသည့် စိတ်အခံရှိသော လူငယ်တစ်ယောက်သည် ရုန့်ရင်းကြမ်းတမ်းသော ရာဇ၀တ်မှုများကို ကျုးလွန်ရန် ၀န်လေးမည် မဟုတ်ပေ။ သို့သော် ဒါဟာ ငါ့မြို့၊ ငါ့ဒေသ၊ ဒီလူတွေက ငါတို့မြို့သားတွေဆိုသည့် စိတ်အခံ ရှိသွားလျှင်မူ အဆိုပါ လူငယ်သည် ရာဇ၀တ်မှုများကို ကျုးလွန်ရန် အခွင့်အလမ်း နည်းသွားမည်ဟု ယူဆကာ အကောင်အထည် ဖော်ခဲ့ကြခြင်းဖြစ်သည်။ တခြားဒေသမှ လာသော ကျုးကျော်နေထိုင်ကြသည့် လမ်းပျော် လူငယ်များ အတွက် အသက်မွေးဝမ်းကျောင်း သင်တန်းများ၊ နားခိုရန် ဂေဟာများ ဖွင့်လှစ်ပေးကြသည်။ ၎င်းတို့နေထိုင်ရန် တိုက်ခန်းတွဲကြီးများ ဆောက်လုပ်ပေးကြပြီး အငှားစနစ်ဖြင့် နေထိုင်စေသည်။ အလုပ်အကိုင်များကို အစိုးရက ဦးစီးဦးဆောင်ပြုကာ အလုပ်ရှာပေးသည်။ ကျုးကျော်များ၊ လမ်းပျော်လူငယ်များကို အလုပ်ပေးသည့် ပုဂ္ဂလိက လုပ်ငန်းရှင်များအား ဂုဏ်ပြုဆုများ ချီးမြှင့်ပေးခြင်း၊ အခွန်လျှော့ကောက်ခြင်း စသည့်မက်လုံးများ ဖန်တီးပေးသည်။ ဒေသခံများနှင့် အပေါင်းအသင်းဖြစ်ကာ ၀င်ဆံ့စေရန် ဘုရားကျောင်းများသို့ ဖိတ်ခေါ်စေခြင်း၊ ဘောလုံးကလပ်များ၊ တင်းနစ်၊ စစ်တုရင်၊ ရေကူးစသည့် အားကစားကလပ်များသို့ လမ်းပျော်လူငယ်များကို အသင်းဝင်စေကာ ဒေသခံလူငယ်များနှင့် ရင်းနှီးမှု ရယူစေသည်။ မှုခင်းဖြစ်ပွားမှု အများဆုံး နေရာများကို အထူးကြပ်မတ်ကာ လုံခြုံရေး တင်းတင်းကျပ်ကျပ်ချသည်။ ပြစ်မှုကျုးလွန်သည့် လူငယ်များကို ထောင်ထဲတွင် အသက်မွေးဝမ်းကျောင်း သင်တန်းများ မသင်မနေရ သင်ယူစေသည်။ ထောင်မှ ထွက်လာပြီးနောက် ပြန်လည်ထူထောင်ရေး စခန်းများတွင် ၎င်းတို့ဘ၀ကို ပြန်စရန် ကူညီပေးသည်။ ရာဇ၀တ်မှု ကျုးလွန်သူများကို ရှောင်ကြဉ်မှု မရှိစေပဲ နွေးထွေးစွာ ကြိုဆိုစေသည်။ လုံခြုံရေးကဏ္ဍတွင်လည်း ပြစ်မှုများ ဖြစ်ပွားပြီးမှ လုံခြုံရေး တင်းကျပ်ခြင်းထက် ပြစ်မှုမဖြစ်ပွားစေရန် လိုအပ်သည့် အစီအမံများကို ပိုမိုလုပ်ဆောင်ရင်း ကာကွယ်ရေးကို ဦးစားပေးခဲ့သည်။ လုံခြုံရေးတာဝန် ထမ်းဆောင်နေသည့် ရဲအရာရှိများကိုလည်း ကောင်းမွန်သည့် အထောက်အပံ့များ ပေးအပ်ကာ ၎င်းတို့ကို စိတ်ဓာတ်တက်ကြွ စေခဲ့သည်။ ယင်းပရိုဂရမ်အား နှစ်ပေါင်းများစွာ ဆောင်ရွက်ခဲ့ရခြင်း ဖြစ်သည်။ ရီယိုဒီဂျနေးရိုးမြို့တွင် ရှေ့ပြေးအစီအစဉ် (Pilot Programme) အဖြစ် ဆောင်ရွက်ခဲ့ပြီး အောင်မြင်သည့် အလျောက် တခြားမြို့ကြီးများတွင်လည်း ယင်းအစီအစဉ်များကို ဆက်လက်ကျင့်သုံး ခဲ့ကြသည်။ ရလဒ်အနေဖြင့် ၂၀၀၀ ပြည့်နှစ် ၂၀၁၀ ကြား ၁၀ နှစ်တာကာလ မှုခင်းဖြစ်ပွားမှုနှုန်းကို သုံးသပ်ကြည့်ပါက ဆော်ပေါ်လိုမြို့တွင် လူသတ်မှု ဖြစ်ပွားနှုန်းသည် ၆၇ ရာခိုင်နှုန်း ကျဆင်းလာခဲ့ပြီး ဘဟီးယား (Bahia) ပြည်နယ်တွင် ၃၀၃ ရာခိုင်နှုန်း၊ အလာဂို့စ် (Alagoas) တွင် ၁၆၀ ရာခိုင်နှုန်း၊ ပါရာ (Para) တွင် ၂၅၃ ရာခိုင်နှုန်းထိ ကျဆင်းလာခဲ့ကြောင်း ကမ္ဘာ့ဘဏ် (The World Bank) က သတင်းထုတ်ပြန်ခဲ့သည်။

 

မန္တလေးမြို့ကို ရွှေ့ပြောင်းလာတဲ့ လူငယ်တွေ အဆင်ပြေကြရဲ့လား

ကျေးလက်ဒေသ အသီးသီးတွင် အထွေထွေ လိုအပ်ချက်များကြောင့် ထိုင်း၊ မလေးရှား စသည့်နိုင်ငံများကို လူငယ်အများအပြား အလုပ်သွားရောက် လုပ်ကိုင်နေကြသည်မှာ အများသိပြီးသားဖြစ်သည်။ တချို့လူငယ်များကတော့ နိုင်ငံရပ်ခြားသို့ အလုပ်သွားရောက် မလုပ်ကြဘဲ မန္တလေး၊ ရန်ကုန် စသည့်မြို့ကြီးများသို့ ပြောင်းရွှေ့လာကြသည်။ ထိုလူငယ်များ၊ မိသားစုများ အဆင်ပြေကြပါရဲ့လား။

မန္တလေးမြို့တွင် အလုပ်လျှောက်မည်ဆိုလျှင် အနိမ့်ဆုံး သန့်ရှင်းရေး ၀န်ထမ်းအဖြစ် လျှောက်ထားမည်ဆိုလျှင် အကျင့်စာရိတ္တ ကောင်းမွန်ကြောင်း ရပ်ကွက်ထောက်ခံစာနှင့် ရဲစခန်းထောက်ခံစာ လိုအပ်မည်ဖြစ်သည်။ ထိုထောက်ခံစာများ ရရှိရန်အတွက် အိမ်ထောင်စုစာရင်း ရှိရမည်ဖြစ်သည်။ တောကျေးလက် ဒေသများတွင် အိမ်ထောင်စုစာရင်း၊ မှတ်ပုံတင်ရှိသူ အလွန်နည်းပါးပါသည်။ အထူးသဖြင့် တောရွာများမှ မြို့ပေါ်သို့ ရရာအလုပ် လုပ်ကိုင်ရန် ထွက်ခွာလာခဲ့သူများမှာ ယင်းလို အပ်ချက်ကို ဖြည့်ဆည်းရန် ပိုမိုခဲယဉ်း နေကြပါသည်။ အ၀တ် တစ်ထည်၊ ကိုယ်တစ်ခုဖြင့် ထွက်လာခဲ့ကြသူ များပါသည်။ မည်ကဲ့သို့ ထောက်ခံစာ ယူကြပါမည်နည်း။ အလုပ်ပေါသည့် ဈေးချိုတော်ကဲ့သို့ နေရာမျိုးတွင် ၀င်အလုပ်ရှာရန်လည်း ခဲယဉ်းပါသည်။ မန္တလေးသည် ယခုထိ လူရင်းမှသာ ယုံကြည်တတ်သောအကျင့် ရှိပါသေးသည်။ မည်သည့် ဒေသက လာမှန်းမသိသော၊ မည်သည့် အထောက်အထားမှ မရှိသော လူများကို အလုပ်ပေးရန်အတွက် လုပ်ငန်းရှင် အများအပြားက ငြင်းဆန်လေ့ ရှိတတ်သောကြောင့် အဝေးနယ်များမှ လာရောက်ကာ ၀င်ငွေတခု ရရှိနိုင်မည့် အလုပ်များကို ရှာဖွေနေသော လူငယ်များအတွက် အလုပ်တခုရရန် အလွန်ခဲယဉ်းလှပါသည်။ ၎င်းတို့ပုံမှန် လုပ်ကိုင်ရသည်မှာ ထောက်ခံစာ မလိုအပ်သော လမ်းလုပ်သား၊ ပန်းရန်လုပ်သား၊ ကျောက်သယ်၊ မြေတူး၊ စက်ရုံအခြေခံလုပ်သား စသည့် အလုပ်ကြမ်းများသာဖြစ်ပြီး ၎င်းတို့ကဲ့သို့ ရွှေ့ပြောင်းလာသူ အချင်းချင်းသာ ပေါင်းသင်းနေကြရသည်။ ယခုနောက်ပိုင်း စီးပွားရေး အဆင်မပြေမှုများ ကြုံတွေ့လာရပြီးနောက် လုပ်ငန်းရှင် အများအပြားလည်း လုပ်ငန်းကို “မှေး” ထားကြသည့်အတွက် အလုပ်သစ်ရှာရသည်မှာ ယခင်ကကဲ့သို့ လွယ်ကူမှု မရှိတော့ပေ။ ထိုအခါ ရွှေ့ပြောင်းလာသည့် လူငယ်များသည် ရရာအလုပ်ကို လုပ်ကြရင်း ရသည့်နည်းဖြင့် ငွေရှာရန် ကြိုးစားလာကြတော့သည်။ ဤသည်လည်း လမ်းပေါ်ရာဇ၀တ်မှု တိုးပွားလာစေသည့် အကြောင်းခြင်းရာတစ်ခု ဖြစ်လာပါတော့သည်။

 

လမ်းပေါ်ရာဇ၀တ်မှု တိုးပွားလာစေသည့် ဒုတိယအကြောင်းရင်းတစ်ခု

လမ်းပေါ်ရာဇ၀တ်မှု တိုးပွားလာစေသည့် ဒုတိယအကြောင်းရင်း တစ်ခုမှာ သိမ်းငှက်စစ်ဆင်ရေးနှင့် ဆက်စပ်နေပါသည်။ မန္တလေးမြို့တွင် ငါးမန်းဂိမ်းဆိုင်များ ယခင်က အလုံးအရင်းနှင့် ရှိခဲ့ပါသည်။ ဈေးချိုတော် အနီးအနားတွင်ပင် ငါးမန်းဂိမ်းဆိုင်များ ငါးဆိုင်နှင့် အထက်မှာရှိပြီး ၆၂လမ်း၊ မနော်ဟရီ၊ မြို့သစ်ဘက်များတွင် ငါးမန်းဂိမ်းဆိုင်များ ၁၀ ဆိုင်နှင့် အထက်တွင် ရှိပါသည်။ အဆိုပါ ငါးမန်းဂိမ်းဆိုင်များ၏ ငွေဝင်၊ ငွေထွက်မှာ ကြမ်းတမ်းလှသည့်အတွက် ငွေကြေးရှုံးနိမ့်သူများက ဆိုင်ရှင်ကို ရန်ရှာခြင်း၊ ပြန်လည် လုယက်ခြင်း စသည့် ဖြစ်စဉ်များ ဖြစ်ပေါ်ခဲ့သည့်အတွက် ဆိုင်ရှင်များက လူမိုက်များအား အုပ်စုလိုက်ငှားရမ်းကာ အစောင့်အကြပ် ချထားခဲ့ကြသည်။ ငါးမန်းဂိမ်းဆိုင် တစ်ဆိုင်လျှင် လူမိုက်ငါးယောက် အနိမ့်ဆုံးရှိပြီး နေ့ဆိုင်း ညဆိုင်းဖြင့် လဲလှယ် စောင့်ကြပ်ကြသည်။ သိမ်းငှက်စစ်ဆင်ရေး စတင်ပြီးနောက် ယခင်ကကဲ့သို့ ညှိနှိုင်းမရတော့ပဲ ငါးမန်းဂိမ်းဆိုင်များအားလုံး လုံးဝပိတ်သိမ်း လိုက်ရသည်။ ယင်းမှာ သိမ်းငှက်စစ်ဆင်ရေး၏ ကောင်းကျိုးတစ်ရပ် ဖြစ်သော်လည်း နောက်ဆက်တွဲ မေးခွန်းမှာ ငါးမန်းဂိမ်းဆိုင်များက အလုပ်ခန့်ထားသော ရာဂဏန်းရှိသည့် လူမိုက်များ ယခု ဘာလုပ်နေကြသလဲဆိုသည့် မေးခွန်းဖြစ်သည်။ လုယက်မှု ဖြစ်စဉ်များကို ပြန်အစကောက်ကြည့်လျှင် ယခင်က ဖြစ်ပွားခဲ့သော လုယက်မှုများမှာ ပစ္စည်းရလိုမှုသာ များပြားပြီး ယခုနောက်ပိုင်းတွင်မူ လက်ရဲဇက်ရဲ ကျုးလွန်သော လုယက်မှုများ ပိုမိုများပြား လာသည်ကို တွေ့ရမည်ဖြစ်သည်။ ယင်းလူမိုက်များကို ကိုင်တွယ်ထိန်းချုပ် ပြုပြင်ရန်အတွက် သင့်လျော်သော နည်းလမ်းတစ်ခုကို ထည့်သွင်း စဉ်းစားရမည်ဖြစ်သည်။ ထို့အတူပင် မူးယစ်ဆေးဝါး ရောင်းချသူ အများစုမှာလည်း သိမ်းငှက်စစ်ဆင်ရေးကို ကြောက်လန့်သည့်အတွက် မူးယစ်ဆေးဝါး ရောင်းချမှုများကို ရပ်နားထားကြကြောင်း သိရသည်။ မူးယစ်ဆေးဝါး ရောင်းချသူများသည်လည်း လူမိုက်များကို ငှားရမ်းထားပြီးမှ ရောင်းချကြခြင်းဖြစ်သည်။ ၎င်းတို့ အလုပ်မရှိတော့သည့်အခါ ၎င်းတို့ငှားရမ်းထားသည့် လူမိုက်များ ဘယ်ကို ရောက်သွားမည်နည်း။ သေချာပါသည်။ လမ်းပေါ် တက်လာမည် ဖြစ်ပါသည်။ လုံခြုံရေးအင်အား တင်းကျပ်နေသော အချိန်မျိုးတွင် အသာလျှိုနေမည်ဖြစ်ပြီး လုံခြုံရေးအင်အား အနည်းငယ် လျော့သွားသည်နှင့် ပြန်လည် လုယက်ကြမည်သာ ဖြစ်သည်။ ၎င်းတို့အတွက် မန္တလေးမြို့သည် တစိမ်းမြို့တစ်မြို့၊ ငွေလွယ်လွယ်ကူကူ ရှာ၍ရသောမြို့တစ်မြို့ အဖြစ်သာ မြင်နေကြပြီး မန္တလေးမြို့၊ ငါ့မြို့ဟူသော စိတ်ခံစားချက် မရှိကြသေးသည်ကို အလွယ်တကူ တွေ့နိုင်ပါသည်။ လုံခြုံရေးယူထားသော ရဲတပ်ဖွဲ့ဝင်များမှာလည်း သိမ်းငှက် စစ်ဆင်ရေး ကာလအတွင်း လွန်စွာပင်ပန်းနေကြပြီဖြစ်သည်။ ညဦးပိုင်း လှည့်ကင်းလှည့်ရသည်။ ထို့နောက် ယာဉ်စစ်ဆေးရာတွင် ပါဝင်ရသည်။ ထို့နောက် သန်းခေါင်ယံ လှည့်ကင်းတစ်ကြိမ် လှည့်ရသည်။ နံနက်ရောက်သောအခါ တရားခံရုံးထုတ် လိုက်ပို့ရသည်။ တရားခံ အဖမ်းထွက်ရသည်။ လုံလောက်သော အနားယူချိန်၊ လုံလောက်သော အထောက်အပံ့ မရှိဘဲ လုပ်ကိုင်နေရသည့် ရဲတပ်ဖွဲ့ဝင်များသည် လုံလောက်သော စွမ်းဆောင်မှုကို ပြသနိုင်ဖို့ မသေချာတော့ပါ။

 

ရွှေ့ပြောင်းလာသူတွေကို မက်လုံးပေးပါ မျှော်လင့်ချက်ပေးပါ

မန္တလေးမြို့တွင် ညပိုင်း လုယက်မှုများ အဆက်မပြတ် ဖြစ်လာပြီးနောက် မြို့ခံအများစုလည်း အတော်လေး ကြောက်ရွံ့သွားပုံပေါ်သည်။ အထူးသဖြင့် မနော်ရမ္မံရှေ့တွင် ဆိုင်ကယ်ပေါ်ထိုင်ကာ ဖုန်းပြောနေစဉ် လည်ပင်းကိုဓားဖြင့် စိမ်ပြေနပြေလှီး၍ ဆိုင်ကယ်ယူ ပြေးသွားသည့်ဖြစ်စဉ်၊ စက်မှုဇုန်ထဲတွင် မိမိဘာသာမိမိ ဆိုင်ကယ်စီးသွားနေစဉ် ကလေးအရွယ် လူငယ်အုပ်စုက ဓားဖြင့် အသားလွတ် ၀င်ခုတ်သည့် ဖြစ်စဉ်များ စဉ်ဆက်မပြတ် လူမှုကွန်ရက် Facebook တွင် တက်လာပြီးနောက် မြို့ခံလူငယ်များ ကိုယ်တိုင် ည ၁၂ နာရီ နောက်ပိုင်း အပြင်ထွက်ရန် ကြောက်လန့် ကုန်ကြတော့သည်။ ယခင်ကဆိုလျှင် ည ၁၂ နာရီ၊ ၁ နာရီထိ စည်ကားနေသော ကျုံးတောင်ဘက်မှာ ယခု ၁၁ နာရီခန့် ဆိုလျှင်ပင် လူငယ်များ တော်တော်နည်းပါးသွားပြီ ဖြစ်သည်။ ၈၄ လမ်း၊ ၂၆ လမ်း၊ ၃၅ လမ်း စသည့် မန္တလေးမြို့၏ အစည်ကားဆုံးသော လမ်းမကြီးများတွင် ည ၁၁ နာရီခန့်ဆိုလျှင် လူသွားလူလာ တော်တော်လေးကို နည်းပါးသွားပြီဖြစ်သည်။ လုယက်မှုများ ဖြစ်ပွားပြီးနောက် မြန်မာနိုင်ငံ ရဲတပ်ဖွဲ့ အနေဖြင့်လည်း အထူးအင်အားစိုက်ကာ လုံခြုံရေးတာဝန်များ ထမ်းဆောင်နေကြပါသည်။ သို့သော် ယင်းသို့လုပ်ဆောင်နေခြင်းသည် ဆေးမြီးတိုမျှသာဖြစ်သည်။ အလုပ်လက်မဲ့ ဖြစ်နေသော၊ ပညာမတတ်သော ကျုးကျော်များ၊ ရွှေ့ပြောင်း လုပ်သားများသည် မန္တလေးမြို့တွင် အမှန်တကယ် စွဲကပ်နေသော လုယက်မှု ကင်ဆာရောဂါဆိုးကြီးဖြစ်ပြီး လုယက်မှုများ ဆက်တိုက်ဖြစ်ပွားမှ ဘီယာဆိုင်များကို စောစောပိတ်စေခြင်း၊ လမ်းဆုံလမ်းခွများတွင် ဆိုင်ကယ်များအား ပိတ်ဆို့စစ်ဆေးခြင်း၊ ရဲတပ်ဖွဲ့ဝင်များအား လှည့်ကင်းများ ပိုမိုလှည့်စေခြင်း စသည့် လုပ်ဆောင်ချက် ဆေးမြီးတိုများသည် ယင်းကင်ဆာရောဂါ ဆိုးကြီးအား ခေတ္တခဏသာ သက်သာစေမည်ဖြစ်သည်။ အချိန်တန်လျှင် ပြန်ပေါ်လာမည်ဖြစ်သည်။ အရေးကြီးသည်မှာ ယင်းအလုပ်လက်မဲ့ ဖြစ်နေသော၊ ပညာမတတ်သော ကျုးကျော်များ၊ ရွှေ့ပြောင်း လုပ်သားများသည် မြန်မာနိုင်ငံ သား စစ်စစ်များဖြစ်ကြသည့်အတွက် ၎င်းင်း တို့ကို မန္တလေးမြို့ အသိုင်းအ၀ိုင်းမှ ဖယ်ထုတ်ရှောင်ကြဉ်သည့်နည်းသည် အဆင်မပြေနိုင်ပါ။ ၎င်းတို့ကို အလုပ်အကိုင် ဖန်တီးခြင်း၊ ပညာသင်ပေးခြင်း၊ မန္တလေးမြို့ လူမှုအသိုင်းအ၀ိုင်းသို့ ဆွဲခေါ်ကာ ဒါမန္တလေးမြို့ မဟုတ်ဘူး။ မင်းတို့မြို့၊ မင်းတို့ဒီမြို့မှာ နေစရာရှိတယ်။ အလုပ်ရှိတယ်။ မင်းဘ၀အတွက် မျှော်လင့်ချက် ရှိတယ်ဆိုသည့် ဘ၀တစ်သက်စာ မျှော်လင့်ချက် (life-long hope) ပေးခြင်းကသည်သာ အကောင်းဆုံး ဖြေရှင်းနည်း ဖြစ်ကြောင်း ယခင်မရမ်းခြံ၊ ကျွဲစွန်းရှိ တရိုးဘေး ကျုးကျော်နေရသည့်ဘ၀မှ ယခုတိုက်ပေါ် ရောက်သွားသည့် ကျုးကျော်များကြား ရာဇ၀တ်မှု နည်းပါးလာခြင်းက အကောင်းဆုံး သက်သေပြနေပြီ ဖြစ်သည်။

 

လူဦးရေ ခုနစ်သန်းကျော်အတွက် ၀န်ဆောင်မှုနဲ့ စီမံခန့်ခွဲမှုပြဿနာ

ရန်ကုန်မြို့ ကမ်းနားလမ်း ကားမှတ်တိုင်တစ်ခုတွင် ခရီးသည်များ YBS စောင့်ဆိုင်းနေသည့်မြင်ကွင်းကို သြဂုတ်လအတွင်းက တွေ့ရစဉ် (ဓာတ်ပုံ-ကြည်နိုင်)

ကမ္ဘာ့နိုင်ငံအသီးသီးတွင် နိုင်ငံ တစ်နိုင်ငံ၏ မြို့တော်သည် တိုင်းပြည်၏ ဂုဏ်သိက္ခာရှိမှု၊ စည်းကမ်း ရှိမှုနှင့်နေထိုင်ချင့်စဖွယ် ပုံရိပ်တစ်ခုဖြစ်သည်။

ထို့နည်းတူပင် မြန်မာနိုင်ငံ၏ အဓိကမြို့တော်ဖြစ်သော ရန်ကုန်မြို့သည် လူဦးရေတိုးတက်လာမှုနှင့်အတူ လူနေထိုင်မှု သိပ်သည်းသော မြို့တော်ဖြစ်သည်။ ရန်ကုန်မြို့ကို ခေတ်အဆက်ဆက်အစိုးရများက ဖွံ့ဖြိုးတိုးတက်အောင်ဆောင်ရွက်ခဲ့ကြသည်။

ပြည်သူရွေးချယ်မှုဖြင့် တင်မြှောက်ထားသည့် NLD အစိုးရလက်ထက်တွင် ရန်ကုန်မြို့တော်ကို ခေတ်မီဖွံ့ဖြိုးတိုးတက်အောင် ဆောင်ရွက်မှုများ လုပ်ဆောင်နေသော်လည်း ပြည်သူအများမျှော်လင့်ထားသည့် မြို့တော်အင်္ဂါရပ်ကို ဖော်ဆောင်နိုင်ခြင်း မရှိသေးသည်ကို မြင်တွေ့နေရသည်။

ရန်ကုန်မြို့သည် ရှေးဟောင်းအမွေအနှစ်များဖြင့် စိမ်းလန်းပြီး နေချင်စဖွယ် စီးပွားရေးမြို့တော်ကြီးဖြစ်ကြောင်း ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းက ဖေဖော်ဝါရီ ၁၆ ရက်က ရန်ကုန်မြို့တွင် ပြုလုပ်သည့် တရုတ်နှစ်ကူးပွဲတွင် ပြောကြားထားသည်။

၂၀၁၄ သန်းခေါင်စာရင်းအရ ရန်ကုန်မြို့တွင် နေထိုင်သည့် လူဦးရေသည် ၅ ဒသမ ၂ သန်းရှိသည်။ လူဦးရေထူထပ်မှုနှင့်အတူ အမှိုက်စွန့်ပစ်မှု၊ သန့်ရှင်းသော ရေရှိမှု၊ လမ်းစနစ်များအဆင်ပြေမှု၊ လမ်းတံတား တည်ဆောက်မှုများသည် အရှေ့တောင်အာရှနိုင်ငံများနှင့် နှိုင်းယှဉ်ပါက နိမ့်ကျလျက်ရှိနေသည်။ အဆိုပါကိစ္စများကို ဖြေရှင်းရန် ရန်ကုန်မြို့တော်စည်ပင်သာယာရေးကော်မတီမှ တာဝန်ရှိသည်။

၂၀၁၈ ဘဏ္ဍာနှစ်စာရင်းအရ ရန်ကုန်မြို့တွင် လူဦးရေ ၇ ဒသမ ၃ သန်းကျော်ရှိသည်။ လူဦးရေတိုးတက်လာပြီး စည်ပင်အသုံးစရိတ် မြင့်တက်လာသော်လည်း မြို့ပြသန့်ရှင်းမှုနှင့် လှပမှုများပျောက်ရှနေဆဲဖြစ်သည်။

■ ပြစ်မှု ပြစ်ဒဏ် အသစ်များနဲ့ စည်ပင်ဥပဒေသစ်

ရန်ကုန်မြို့တော်စည်ပင်သာယာဥပဒေကို ၂၀၁၈ ဇွန် ၂၅ ရက် နှင့် ၂၇ ရက်က ရန်ကုန်တိုင်းဒေသ ကြီးလွှတ်တော်အစည်းအဝေးတွင် ဥပဒေပါ အခန်း၊ အပိုဒ်ခွဲ၊ အပိုဒ်ခွဲ ငယ်များ၊ ပယ်ဖျက်ခြင်း၊ ပြင်ဆင်ခြင်း၊ အသစ်ဖြည့်စွက်ခြင်းများကို ဆွေးနွေးပြီး အတည်ပြုပြဋ္ဌာန်းခဲ့ပြီး ဇွန် ၂၈ ရက်တွင် ရန်ကုန်တိုင်းဒေသ ကြီးဝန်ကြီးချုပ် ဦးဖြိုးမင်းသိန်းက အတည်ပြုလက်မှတ်ရေးထိုးခဲ့သည်။

အဆိုပါ ဥပဒေသစ်တွင် ဥပမာအားဖြင့် စည်ပင်ခွင့်ပြုချက်မရှိဘဲ ဆောက်လုပ်ရေးလုပ်ငန်းများ လုပ်ဆောင်ပါက ပထမအဆင့်အနေ ဖြင့် ဒဏ်ကြေးသတ်မှတ်ပြီး လိုက်နာခြင်းမရှိဘဲ ဆောင်ရွက်မှုများရှိ နေပါက ဒုတိယအဆင့်အနေဖြင့် ထောင်ဒဏ်အထိ ချမှတ်နိုင်သည့် အချက်များ ထည့်သွင်းထားသည်။

ရန်ကုန်မြို့တော်စည်ပင်သာယာရေး ဥပဒေသစ်အား ယခုနှစ် အောက်တိုဘာလမှစ၍ ကျင့်သုံး တော့မည်ဖြစ်ကြောင်း ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်း သိန်းက ပြောကြားထားသည်။

“ဥပဒေအသစ်မှာ ထူးခြားတာကတော့ မလိုက်နာလို့ရှိရင် တချို့ဥပဒေမှာ ထောင်ဒဏ်တွေ ပါလာတယ်။ ဥပမာ စည်ပင်သာယာပိုင်တဲ့မြေနေရာတွေကို ကျူးကျော်ဆောက်လုပ်လို့ရှိရင် ဒဏ်ကြေးကသုံးသိန်းကနေ သိန်း ၃၀ လောက်အထိဖြစ်တယ်။ ပြီးလို့ရှိရင် မလိုက်နာဘူး ထပ်ကျူးလွန်ရင် ထောင်ဒဏ်ခြောက်လ ဆိုတာပါတယ်။ အဲဒီလိုမျိုးပဲ ဘော်ဒါဆောင်တွေကို ခွင့်ပြုချက်မရှိဘဲ ဆောင်ရွက်လို့ရှိရင် ဒဏ်ငွေတွေများလာတယ်။ သုံးသိန်းကနေ ၁၅ သိန်း အထိများလာတယ်။ အဲဒါမလိုက်နာလို့ ထပ်ကျူးလွန်ရင် ထောင်ဒဏ် ခြောက်လဆိုတာ ပါလာတယ်” ဟု ပန်းဘဲတန်းမြို့နယ် မဲဆန္ဒနယ် အမှတ် (၁) မှ တိုင်းဒေသကြီး လွှတ် တော်ကိုယ်စားလှယ် ဦးသန်းနိုင်ဦး ကဆိုသည်။

စည်ပင် ဥပဒေသစ်တွင် စည်းကမ်းမဲ့အမှိုက်စွန့်ပစ်ခြင်း၊ စည်းကမ်းမဲ့ အညစ်အကြေးစွန့်ပစ်ခြင်း၊ စည်းကမ်းမဲ့ ကွမ်းတံတွေးထွေးခြင်းများကို ငွေဒဏ်အဖြစ် သတ်မှတ်ထားသည်။ ယင်းကဲ့သို့ ဆောင်ရွက်မှုများကို ငွေဒဏ်အပြင် လူမှုရေး ပြစ်ဒဏ်များပါချမှတ်သင့်ကြောင်း ကျောက်တံတားမြို့နယ်တွင် နေထိုင်သည့် မလွင်မာက ပြောကြားသည်။

“ငွေဒဏ်လောက်နဲ့ဆို လူတွေက သိပ်လိုက်နာမှာ မဟုတ်ဘူး။ ထိရောက်တဲ့ လူမှုရေးပြစ်ဒဏ်တစ်ခုခုပါ ဥပဒေထဲထည့်ထားရင် လူတွေစည်းကမ်းမဲ့တော့မှာ မဟုတ်ဘူး”  ဟု မလွင်မာက ပြောကြားသည်။

လက်ရှိအချိန်တွင် စည်ပင်သာယာဥပဒေသစ်တွင် ပါရှိသည့် အချက်များအား ပြည်သူများသိရှိ နိုင်ရန်အတွက်လက်ကမ်းစာစောင်များ ဖြန့်ဝေခြင်း အသိပညာပေးခြင်းများ လိုက်လံဆောင်ရွက်နေသည်။

“ကိုယ်စားလှယ်တွေနဲ့ ပူးပေါင်းပြီး စည်ပင်သာယာဥပဒေကို လိုက်လံရှင်းပြတာတွေ လုပ်နေတယ်။ ဒါက အစဉ်အလာမရှိခဲ့ဘူး။ ဒီလိုမျိုး လူထုကို အလေးအနက်ထားပြီး လိုက်ရှင်းပြတာမျိုးတွေ မရှိခဲ့ဘူး” ဟု မင်္ဂလာတောင်ညွန့်မြို့နယ်မှတိုင်းဒေသကြီးလွှတ်တော် ကိုယ်စားလှယ် ဦးရန်အောင်ကပြောကြားသည်။

“အစ်ကိုတို့ကတော့ အစပိုင်းတော့ ရှင်းလင်းပြောကြားပေးလို့ရ မယ်။ နောက်ပိုင်းမှာ အရေးယူမှု ဆောင်ရွက်မှုအပိုင်း ထိပ်တိုက်တွေ့ ရမယ့်အပိုင်းတွေက စည်ပင်သာယာဝန်ထမ်းတွေနဲ့  ဥပဒေအတွင်း သက်ရောက်နေတဲ့ ဈေးရောင်းတဲ့သူတွေ မြေနေရာကျူးကျော်တဲ့သူတွေ၊ စည်းမဲ့ကမ်းမဲ့အမှိုက်ပစ်တဲ့ သူတွေပေ့ါ။ လူထုကတော့ စည်ပင်သာယာဥပဒေကို ၅၀ ရာခိုင်နှုန်း ကျော်ကျော်က လိုက်နာဆောင် ရွက်ရင် ရန်ကုန်က ကောင်းတဲ့အနေအထားတစ်ခုကိုရမယ်။ ဘာဖြစ်လို့ အဲဒီလိုပြောရလည်း တကယ်ပဲ ပျက်ယွင်းနေပြီ။ မော်တော်ကား လမ်းကူးတာကအစ လူတွေကတံတားပေါ်က မကူးဘူး အောက်က ကူးတယ်” ဟု ဦးသန်းနိုင်ဦးက ပြောကြားသည်။

■ စည်ပင်ရွေးကောက်ပွဲ ဘယ်အချိန်စတင်နိုင်မလဲ

ရန်ကုန်မြို့တော်စည်ပင်သာယာရေးကော်မတီအဆင့်ဆင့် ရွေးကောက်တင်မြှောက်ခြင်းဆိုင်ရာ နည်းဥပဒေပြင်ဆင်သည့် နည်းဥပဒေအား ၂၀၁၆ ခုနှစ် မေ ၁၇ ရက် တွင် လက်ရှိမြို့တော်ဝန်ဦးမောင် မောင်စိုးက ရွေးကောက်ခံစည်ပင်ကော်မတီဝင်သုံးဦးနှင့်ခရိုင်၊ မြို့နယ်ကော်မတီဥက္ကဋ္ဌနှင့် အဖွဲ့ဝင် ၁၁၅ ဦးကို လုပ်ငန်းတာဝန်မှ ရပ်စဲကြောင်း အမိန့်ကြော်ငြာစာတစ် စောင်ထုတ်ပြန်ခဲ့သည့်အချိန်တွင် ဝေဖန်မှုများ မြင့်တက်ခဲ့သည်။

ထိုအချိန်မှစ၍ ပြည်သူရွေးသော စည်ပင်ကော်မတီဝင်များ ပျောက်ရှသွားကာ အစိုးရရွေးချယ်သော ကော်မတီဝင်များနှင့်သာ လုပ်ဆောင်နေသည်မှာ ယနေ့တိုင် ဖြစ်သည်။မည်သည့်အချိန်မှ လုပ်နိုင်မည်ကို အတိအကျ မသိရသေးသော်ငြား အစိုးရ သက်တမ်းကုန် ဆုံးတော့မည်ဖြစ်သလို ဦးသိန်းစိန် လက်ထက်လုပ်ဆောင်ခဲ့သလို သက်တမ်းကုန်လုချိန်မှ ကျင်းပမည့်အခြေအနေလည်း ဖြစ်သွားနိုင်သည်။

လက်ရှိအချိန်တွင် စည်ပင်သာယာ ကော်မတီဝင်များအား ပြည်သူများက ရွေးချယ်နိုင်ရန်အတွက် ဥပဒေအသစ်တွင် ထည့်သွင်းထားသည်။ ရန်ကုန်မြို့တော်စည် ပင်သာယာရေးကော်မတီတွင် မြို့တော်ဝန်သည်ဥက္ကဋ္ဌဖြစ်ကြောင်း၊ အစိုးရအဖွဲ့မှ ကော်မတီဝင်လေးဦးအား ခန့်အပ်တာဝန်ပေးမည်ဖြစ်ပြီး မြို့တော်နယ်နမိတ်အတွင်း ရွေးကောက်တင်မြှောက်ခံရမည့် ကော်မတီဝင် အရေအတွက်သည် ခြောက် ဦးဖြစ်သည်။

ရွေးကောက်တင်မြှောက်ခြင်းခံရသော ကော်မတီဝင် ခြောက်ဦးအနက်မှတစ်ဦးအား ဒုတိယမြို့တော်ဝန်အဖြစ် ကော်မတီဝင် ၁၁ ဦးက လျှို့ဝှက်မဲစနစ်ဖြင့် ရွေးချယ်ရမည်ဖြစ်သည်။

ရန်ကုန်မြို့တော်စည်ပင်သာယာရေးဥပဒေသစ်တွင် အစိုးရအ ဖွဲ့သည် ကော်မတီဝင်များ၊ မြို့နယ် စည်ပင်သာယာရေးအဖွဲ့ဝင်များ ရွေးကောက်တင်မြှောက်နိုင်ရန်အ တွက် ရွေးကောက်ပွဲကော်မရှင်ကို ဖွဲ့စည်းရမည်။ ကော်မရှင်သည် စည်ပင်သာယာရွေးကောက်ပွဲများ ကျင်းပရေးအတွက် မြို့တော်နယ်နိ မိတ်အတွင်းရှိ မြို့နယ်များအလိုက် မဲပေးပိုင်ခွင့်ရှိသူဦးရေအပေါ်မူတည်၍ မဲဆန္ဒနယ်မြေများကို သတ် မှတ်ရမည်။ ကော်မတီဝင်များနှင့် မြို့နယ်စည်ပင်သာယာရေး ကော်မတီဝင်များကို ရွေးကောက်တင် မြှောက်ရာတွင် ရွေးကောက်ပွဲစတင်ကျင်းပသည့်နေရပ်၌ အသက် ၁၈ နှစ်ပြည့်ပြီး ဥပဒေအရ သတ်မှတ် ထားသည့် အရည်အချင်း ပျက်ယွင်းသူ မဟုတ်သည့်အပြင် ဆန္ဒမဲပေးပိုင်ခွင့်ရှိသော နိုင်ငံသားနှင့် ဥပဒေအရ ဆန္ဒမဲပေးခွင့်ရှိသူတိုင်းသည် ဆန္ဒမဲပေးခွင့် ရှိသည်။ ဆန္ဒမဲပေးပိုင်ခွင့်ရှိသောနိုင်ငံသားနှင့် ဥပဒေအရ ဆန္ဒမဲပေးပိုင်ခွင့်ရှိသူတိုင်းသည် ရွေးကောက်ပွဲတစ်ရပ်၌ မဲဆန္ဒနယ်တစ်နယ်တွင် မြို့နယ်စည်ပင်သာယာရေး ကော်မတီဝင် ကိုယ်စားလှယ်လောင်းတစ်ဦးနှင့် မြို့နယ်စည်ပင်သာယာရေးကော်မတီ ၀င်ကိုယ်စားလှယ်လောင်းသုံးဦးကို ဆန္ဒမဲတစ်မဲသာပေးပိုင်ခွင့်ရှိပြီး လျှို့ဝှက်ဆန္ဒမဲပေးခြင်းစနစ်ကို ကျင့်သုံးရမည်ဟု ဖော်ပြထားသည်။

“အရင်စည်ပင်သာယာဥပဒေမှာ ဘယ်ကာလမှာ စည်ပင်သာယာ ရွေးကောက်ပွဲလုပ်ရမယ်ဆိုပြီး မပါခဲ့ဘူး။ အခုဥပဒေသစ်မှာ အစိုးရဖွဲ့ပြီးသည်နှင့် နောက်နေ့မှ စတင်ကာ ရက်ပေါင်း ၉၀ အတွင်းရွေး ကောက်ပွဲလုပ်ရမယ်ဆိုပြီး ဥပဒေမှာ ပြဋ္ဌာန်းလိုက်နိုင်တယ်။ အားနည်းချက် ချို့ယွင်းချက်တွေ အနည်းငယ်တော့ရှိနိုင်တယ်။ စည်ပင်သာယာဥပဒေက ၂၀၀၈ ဖွဲ့ စည်းပုံလောက်ပြင်ရမခက်ခဲနိုင်ဘူး။ လူ့ အဖွဲ့အစည်းနဲ့ လိုက်လျောညီထွေမရှိနိုင်ဘူးဆိုရင် ပြင်ဆင်နိုင်တယ်။ အရင်တုန်းက တစ်အိမ်ထောင်ကို မဲတစ်မဲပဲပေးလို့ ရတာကနေ အခုဆိုရင် တစ်အိမ်ထောင်ကို ၁၈ နှစ် ပြည့်ပြီးသူတိုင်း မဲပေးပိုင်ခွင့်ရှိတယ်”  ဟု မင်္ဂလာတောင်ညွန့်မြို့နယ်မှ တိုင်းဒေသကြီးလွှတ်တော် ကိုယ်စားလှယ် ဦးရန်အောင်ကပြောကြားသည်။

၂၀၁၈ စက်တင်ဘာ ၃ ရက်တွင် ရန်ကုန်တိုင်းဒေသကြီး အစိုးရအဖွဲ့ရုံး၌ ဟိုတယ်ခရီး၊ အဆောက်အအုံကိစ္စ ပြည်သူ့စကားဝိုင်းနှင့် စည်ပင်သာယာရွေးကောက်ပွဲ နည်းဥပဒေ (ဒုတိယ) မူကြမ်းနှင့် ပတ်သက်ပြီး ညှိနှိုင်းအစည်းအဝေး ပြုလုပ်ခဲ့သည်။

စည်ပင်သာယာရေးကော်မတီ ရွေးကောက်ပွဲများကျင်းပခြင်း အတွက် ရွေးကောက်ပွဲဆိုင်ရာ အချိန်ဇယားတစ်ရပ်အား ကြိုတင်သတ်မှတ်ထားရှိသင့်ကြောင်း၊ အဆိုပါအချက်အား ဥပဒေ၊ နည်းဥပ ဒေများတွင် သတ်မှတ်ပြဋ္ဌာန်းထားသင့်ကြောင်း၊ အထူးသဖြင့် မြို့နယ် စည်ပင်သာယာရေး ကော်မတီ ရွေးကောက်ပွဲများနှင့်ပတ်သက်ပြီး မြို့နယ်များတွင် သင့်လျော်သည့်အချိန်၌ ရွေးကောက်ပွဲကျင်းပသည့် ပုံစံမဟုတ်ဘဲ မြို့နယ်များအားလုံး တူညီသောလုပ်ငန်းစဉ်မူဘောင်အတွင်းရွေးကောက်ပွဲကျင်းပမည့် နေ့ရက်အပါအ၀င် ရွေးကောက်ပွဲ လုပ်ငန်းစဉ်များအား သတ်မှတ်၍ ကြိုတင်ထုတ်ပြန်ကြေညာထားသင့် ကြောင်း စည်ပင်သာယာရေးကော်မတီ ရွေးကောက်တင်မြှောက်ခြင်းဆိုင်ရာ အစီရင်ခံစာတွင် ဖော်ပြ ထားသည်။

ထို့ပြင် လူတိုင်းမဲပေးခွင့်အား သေချာစေမည့် ပြုပြင်ပြောင်းလဲမှုများအား ရန်ကုန်နှင့် မန္တလေးမြို့ တော်စည်ပင်သာယာရေး ကော်မတီ ရွေးကောက်ပွဲများအတွက် ထည့်သွင်းစဉ်းစားသင့်ကြောင်း၊ ကိုယ်စားလှယ်လောင်း (ကော်မတီဝင်လောင်း) အရည်အချင်းများတွင် ဒေသန္တရအဆင့်ရွေးကောက်ပွဲများ၌ လူငယ်လူရွယ်များပါဝင်ခွင့်ရရှိ စေရန် အသက်အရွယ်ကန့်သတ်ချက်အား လျှော့ချပေးသင့်ကြောင်း၊ ပိုင်းခြားသတ်မှတ်ရန် ခက်ခဲသော အခြားကန့်သတ်ချက်များလည်း ဖြေလျှော့ပေးသင့်ကြောင်း၊ ပိုမို ကောင်းမွန်သည့် စည်ပင်သာယာရေးကော်မတီ ရွေးကောက်ပွဲများ ဖြစ်ပေါ်လာစေရန်အတွက် ဘက်မလိုက်သည့် ရွေးကောက်ပွဲစောင့်ကြည့်လေ့လာသူများကို အသိအမှတ်ပြုမှုလုပ်ငန်းစဉ်တစ်ရပ် ထား ရှိသင့်ပြီး ၎င်းတို့အား ဖိတ်ခေါ်သင့်ကြောင်း အစီရင်ခံစာတွင် ဖော်ပြထားသည်။

■  စည်ပင်သာယာ ဆောင်ရွက်မှုများကို ပြည်သူတွေ စိတ်ကျေနပ်မှုရှိသလား

စည်ပင်သာယာ၏ ဆောင်ရွက်ရသည့် နယ်ပယ်သည်ကျယ် ပြန့်လှသည်။ အမှိုက်သိမ်းစနစ်၊ ရေမြောင်းစနစ်၊ လမ်းများ၊ လမ်းတံတားများ၊ မိလ္လာစွန့်ပစ်မှု စနစ်များကို ကိုင်တွယ်ဆောင်ရွက်ပေးနေရသည်။

အဆိုပါကိစ္စများနှင့် ပတ်သက်ပြီးအလင်းစေတမန်အဖွဲ့က ကောက်ယူထားသည့် ရန်ကုန်မြို့တော်စည် ပင်သာယာရေးကော်မတီ၏ဌာနနှင့်သက်ဆိုင်သော လူထုသဘောထား စစ်တမ်းအစီရင်ခံစာတွင် အမှိုက်သိမ်းစနစ်အား ကောင်းမွန်သည်ဟုဖြေဆိုသူ ၁၁ ရာခိုင်နှုန်းရှိပြီး ၄၆ ရာခိုင်နှုန်းသည် ညံ့သည်ဟု ဖြေဆိုထားသည်။

ယင်းအပြင် ရေမြောင်းစနစ်ကောင်းမွန်သည်ဟု ဖြေဆိုသူ ၁၅ ရာခိုင်နှုန်းသာရှိပြီး အဆင်မပြေဟု ဖြေဆိုသူ ၆၄ ရာခိုင်နှုန်းရှိသည်။လမ်းများ၊ ပလက်ဖောင်းများ သန့်ရှင်း သပ်ရပ်မှုရှိပါသလားဟု မေးခွန်းတွင်လည်း သပ်ရပ်မှုရှိသည်ဟု ဖြေဆိုသူ ၁၃ ရာခိုင်နှုန်းသာရှိပြီး သပ်ရပ်မှုမရှိဟု ဖြေဆိုသူ ၆၅ ရာ ခိုင်နှုန်း အထိရှိပေသည်။

“စည်ပင်ကနေပြီးတော့ သုံးလတစ်ခါကောက်တယ်။ သုံးလကို ၁၃၅၀ ပေးရတယ်။ သန့်ရှင်းရေးခွန်ဆိုပြီး လာကောက်တယ်။ ဒါပေမဲ့ မိလ္လာစွန့်ပစ်ဖို့အတွက် စည်ပင်ကနေ မိလ္လာကား ခေါ်ရင် တစ်စီး ကို သုံးသောင်းလောက်ပေးရတယ်။ စည်ပင်ရဲ့ ၀န်ဆောင်မှုအပိုင်းမှာ ထင်သာမြင်သာရှိလာတာဆိုတဲ့ အမှိုက်သိမ်းတဲ့စနစ် တစ်ခုပဲရှိတယ်။ ကျန်တဲ့အပိုင်းကတော့ အရင်အတိုင်းပဲ” ဟု လှိုင်မြို့နယ်တွင် နေ ထိုင်သည့် ဦးမောင်နီက ပြောကြားသည်။

အချို့သော ဌာနဆိုင်ရာဝန်ထမ်းများသည် လုပ်ထုံးလုပ်နည်းအဟောင်းများဖြင့်သာ လုပ်ကိုင်နေမှု များရှိနေပြီး ပြည်သူလူထုအား သစ္စာခံမှုမရှိကြောင်း မင်္ဂလာတောင်ညွန့် မြို့နယ်မဲဆန္ဒနယ် အမှတ် (၂) မှ တိုင်းဒေသကြီးလွှတ်တော်ကိုယ်စားလှယ် ဦးရန်အောင်က ဆိုသည်။

“အခုကတော့ နေရာကွက်ကွက်လေးကို ကြည့်လို့မရဘူး။ စည်ပင်မှ မဟုတ်ဘူး။ အခြားဌာနဆိုင် ရာတွေကိုလည်း အခုလက်ရှိအနေအထားကိုကြည့်ပြီး ဆုံးဖြတ်လို့မရဘူ။ ယခင်တည်ဆောက်ခဲ့တဲ့အ နေအထားကိုကြည့်မှရမယ်။ ဌာနဆိုင်ရာတွေမှာလည်း ၀န်ထမ်းဟောင်းအချို့က အရင်တုန်းက အတွေးအခေါ်အယူအဆ လုပ်ထုံး လုပ်နည်းအဟောင်းတွေနဲ့ လုပ်ကိုင်နေတာအဆင် မပြေဘူး။ သူတို့ က ပြည်သူလူထုကိုလည်း သစ္စာမခံဘူး။ သူတို့ သစ္စာခံတာက သူတို့တွေရဲ့ အကျိုးစီးပွားဒါကိုပဲ သစ္စာခံတယ်။ ဒါကတစ်ချက်ပေါ့၊ နောက်တစ်ချက်က တစ်ဦးချင်းတစ်ယောက်ချင်းစီရဲ့ စနစ်သစ်ကိုလည်း လိုလားဟန်သိပ်မရှိဘူး။ အကြောင်းစုံ မသိနိုင်သေးတဲ့ လူထုက အားမလိုအားမရ ဖြစ်တာကတော့အမှန်ပဲ” ဟု မင်္ဂလာတောင်ညွန့်မြို့နယ် မဲဆန္ဒနယ်အမှတ် (၂) မှ တိုင်းဒေသကြီး လွှတ်တော်ကိုယ်စားလှယ် ဦးရန် အောင်က ပြောကြားသည်။

နိုင်ငံတော်၏ လိုအပ်ချက်အရ လမ်းများတိုးချဲ့ပါက မီးတိုင်များကို ပြောင်းရွှေ့ခြင်း၊ ဆက်သွယ်ရေးကြိုးများ ပြောင်းရွှေ့ခြင်း၊ ရေပိုက်လိုင်းများ ပြောင်းရွှေ့ခြင်းများကိုလည်း ဌာနအချင်းချင်း ပူးပေါင်းမှုများမရှိခြင်းကြောင့် လုပ်အားခ ပစ္စည်းဝယ်ယူခများတွင် မလိုအားအပ်ဘဲ ပြည်သူ့ဘဏ္ဍာများ ဆုံးရှုံးနေသည်။

“နိုင်ငံတော်ဖွံ့ဖြိုးရေးလုပ်ငန်းများ လုပ်ဆောင်နေသည့် ယခု အချိန်မျိုးတွင် သက်ဆိုင်ရာဌာနများက ဌာနချင်းချိတ်ဆက်သည့် အပိုင်းမှာ အလွန်အားနည်းနေသည်ကို တွေ့ရပါတယ်။ ဥပမာ လမ်းတစ်လမ်းကိုခင်းခြင်း၊ တိုးချဲ့ခြင်း လုပ်တဲ့အခါမှာ ၎င်းလမ်းရဲ့ သက်ဆိုင်ရာဌာနကလည်း ရေရှည် အကျိုးဖြစ်ထွန်းမှုကို မကြည့်ဘဲသူ့လမ်း ပြီးစီးရေးကိုတာ ဆောင်ရွက်နေတာတွေ့ရတယ်”ဟု ရန်ကုန်တိုင်း ဒေသကြီးလွှတ်တော် ဆဋ္ဌမပုံမှန် အစည်းအဝေး ၄၇ ရက်မြောက်နေ့ တွင် ဒဂုံမြို့သစ်မြောက်ပိုင်းမြို့နယ် မဲဆန္ဒနယ်အမှတ် (၁) မှ ဦးတင် ထွန်းနိုင်က ပြောကြားထားသည်။

“အခုလက်ရှိ ရန်ကုန်မြို့ တော်စည်ပင်ကို အစိုးရလက်ထက်ထဲက ပြည်သူလူထု ရွေးချယ်တင်မြှောက် ထားတဲ့ကော်မတီဝင် မရှိတော့တဲ့အတွက် အစိုးရခန့်ပဲရှိတဲ့အတွက် အဲဒီအချိန်ထဲက အားရကျေနပ်မှု မရှိခဲ့တာ ယနေ့အထိပဲ။ ဥပဒေအသစ်ရ ရွေးကောက်ပွဲလုပ်တော့မှာ ရွေးကောက်ပွဲပေါ်လာမှ ပြည်သူ လူထုရဲ့ကိုယ်စားတွေနဲ့ ကိုယ်စားလှယ်တွေထဲမှာလည်း ဒုတိယမြို့တော်ဝန်တစ်ယောက် ပါလာမှပဲ ပိုကောင်းမယ်ထင်ပါတယ်။ ဒီအချိန်ထိတော့စည်ပင်ကို သိပ်မကြိုက်ပါဘူး” ဟု ဒဂုံမြို့နယ် မဲဆန္ဒနယ်အမှတ် (၂) မှတိုင်းဒေသကြီးလွှတ်တော် ကိုယ်စားလှယ် ဦးကျော်ဇေယျက ပြောကြားသည်။

မိုးသည်းထန်စွာရွာသွန်းခြင်းကြောင့် မြို့နယ်တစ်ခုအတွင်း ရေကြီးရေလျှံစဉ် မျောပါလာသော အမှိုက်များကို တွေ့ရစဉ် (ဓာတ်ပုံ-ကြည်နိုင်)

■ ရန်ကုန်တိုင်းတွင် အများဆုံးအသုံးပြုသည့် စည်ပင်ဘတ်ဂျက်

ရန်ကုန်တိုင်းအတွင်း အစိုးရမှ ရရှိသည့် အခွန်ငွေများအနက် ရန်ကုန်မြို့ တော်စည်ပင်သာယာ ရေးကော်မတီမှ ရှာဖွေမှုများသည် အများဆုံးဖြစ်သည်။ သို့သော် စည်ပင်မှ ပြန်လည်အသုံးပြုသည့် ငွေ သည်လည်း တိုင်းဒေသကြီးတွင် အများဆုံးဖြစ်သည်။

ရန်ကုန်တိုင်းအတွင်း စည်ပင်မှ ရရှိသည့် အခွန်ရငွေနှင့် သုံးစွဲငွေများသည် ၂၀၁၅-၂၀၁၆ ဘဏ္ဍာ နှစ်တွင် ရငွေကျပ်ဘီလျံ ၂၇၉ ဒသမ ၃၅၈၈ ရှိခဲ့ပြီး သုံးငွေသည် ၂၈၄ ဒသမ၈၂၆ သန်းရှိခဲ့သည်။

ယင်းအပြင် ၂၀၁၆-၂၀၁၇ ဘဏ္ဍာနှစ်တွင် စည်ပင်မှရငွေ ကျပ် ၂၃၄ ဒသမ ၈၁၉ ဘီလျံရှိခဲ့ပြီး သုံးငွေသည် ၂၃၄ ဒသမ ၈၁၉ ဘီလျံ ဖြစ်သဖြင့် ယင်းနှစ်တွင် ဘက်ညီ ဘတ်ဂျက်ဖြစ်ခဲ့ကာ ၂၀၁၇-၂၀၁၈ ဘဏ္ဍာနှစ်တွင် ရငွေကျပ် ၂၅၀ ဒသမ ၅၇၉ ဘီလျံသာရှိခဲ့သော်လည်း သုံးငွေသည်ကျပ် ၂၇၈ ဒသမ ၅၆၂ ဘီလျံအထိ အသုံးပြုခဲ့သည်။

ရန်ကုန်မြို့တော်စည်ပင်သာယာမှ ရငွေများသည် အဆောက်အအုံပုံစံစစ်ဆေးခ၊ အမည်ပြောင်းခ၊ ပရီမီယံကြေး၊ အခွန်ဌာန၏ လိုင်စင်အမည်ပြောင်းနှင့် လိပ်စာပြောင်းဝင်ငွေ၊ စီမံရေးရာဌာနတွင် အငှားချထားသောဆိုင်၊ မြေအမည်ပြောင်းခြင်း၊ လုပ်ငန်းပြောင်းခြင်းများအတွက် ၀န်ဆောင်ခများ၊ ဈေး များတွင် ယာဉ်ရပ်နားခများ၊ ပိုက်ဖောက်ခများ၊ ဌာနအသီးသီးမှ ပုံစံရောင်းရငွေများ၊ မြို့တော်သတင်းစာ ရောင်းရငွေများ၊ ကျန်းမာရေးဌာန၏ ဓာတ်ခွဲခန်းခ၀င်ငွေများ၊ မြို့၊ မြေဌာန၏ မြေယာအမည် ပြောင်း၊ မြေဂရန်၊ ဂရန်သက်တမ်း တိုး ရငွေများ၊ အထူးဂရန်၊ ၃ (က) အမည်ပြောင်း၊ မြေအမည်ပေါက်၊ အိမ်တိုင်ရာရောက်၊ ဂရန်စာအုပ်ဖိုး၊ သုသာန်များတွင် သုသာန်ခုံငှားခ၊ ဗီဒီယိုရိုက်ခ၊ နိဗ္ဗာန်ယာဉ်ငှားခ၊ ခန်းမငှားခ၊ ကုလားထိုင်ငှားခ၊ စွန့်ပစ်မြေမြှုပ်ခ၊ အမှိုက်မီးရှို့ဒဏ်ကြေး၊ အဆောက်အအုံပြီးစီးကြောင်း သက်သေခံလက်မှတ် ထုတ်ပေးခရငွေ၊ အမှိုက်ပုံးရောင်းရငွေ၊ အခြားကုမ္ပဏီများမှ သယ်ယူလာသော အမှိုက်စွန့်ပစ်ခများ ပါဝင်သည်။

သုံးငွေများအနေဖြင့် ရေမြောင်းများ တူးဖော်ခြင်း၊ လမ်းများအသစ် ပြန်လည်ပြုပြင်ခြင်း၊ လမ်းများဖာထေးခြင်း၊ တံတားများဖောက်လုပ်ခြင်း၊ ရုံးသုံးပစ္စည်းများ ၀ယ်ယူခြင်း၊ အမှိုက်သိမ်းလုပ်ငန်းအတွက် ယာဉ်၊ယန္တရားများဝယ်ယူခြင်း၊ ရေဖြန့် ဖြူးရေးလုပ်ငန်းများအတွက် ပိုက်များဝယ်ယူခြင်း အစရှိသည်တို့တွင် ပြန်လည်အသုံးပြုခြင်းဖြစ်သည်။

စည်ပင်ဌာန၏ ရငွေနှင့် အသုံးစရိတ်များ၊ စီမံကိန်းများနှင့် ပတ်သက်ပြီးလူထုအနေဖြင့် သတင်းအချက်အလက်များ ရရှိဟူသော မေးခွန်းတွင် ဖြေဆိုသူ ခုနစ်ရာခိုင်နှုန်းသာရှိပြီး စည်ပင်ဘတ်ဂျက် ရေးဆွဲရာတွင်လည်း ပြည်သူများ ပါဝင်ခွင့်ရသလား ဟူသောမေးခွန်း တွင် ပါဝင်ခွင့်ရှိသည်ဟု ဖြေဆိုသူ လေးရာခိုင်နှုန်းသာရှိကြောင်း ရန်ကုန်မြို့တော်စည်ပင်သာယာရေး ကော်မတီ၏ ဌာနနှင့်သက်ဆိုင်သော လူထုသဘောထား စစ်တမ်း အစီရင်ခံစာတွင် ဖော်ပြထားသည်။

စည်ပင်မှ ရငွေနှင့် သုံးငွေ သည် ရန်ကုန်တိုင်းဒေသကြီးတွင် အများဆုံးဖြစ်သည့်အပြင် ပြည်သူများအား ၀န်ဆောင်မှုပေးရသည့် ဌာနတစ်ခုဖြစ်သဖြင့် ပြည်သူများ၏ လိုအပ်ချက်အား ယခု ထက်ထပ် မံဖြည့်တင်းပေးရန် လိုအပ်နေသည်။

■ စီမံမှုအလွဲတွေနဲ့ ကမ်းနားလမ်းညဈေးတန်း

ကမ်းနားလမ်း ညဈေးတန်းကို ကျောက်တံတား၊ ပန်းဘဲတန်း၊ လသာနှင့် လမ်းမတော်မြို့နယ်များအတွင်းရှိ လမ်းမကြီးများတွင် ရောင်း ချနေသည့် ဈေးသည်များ ရောင်းချနိုင်ရန် ကျပ်သိန်း ၇၀၀၀ ခန့် အကုန်အကျခံပြီး ၂၀၁၆ နိုဝင်ဘာ ၂၆ ရက်တွင် စတင်ဖွင့်လှစ်ခဲ့သည်။

အဆိုပါ ညဈေးတန်းစတင်ဖွင့်လှစ်ခဲ့သည့်အချိန်တွင် ဈေးသည် ၁၅၀၀ ခန့် ရှိခဲ့သော်လည်း သွား လာရခက်ခဲခြင်း၊ ယာဉ်ကြောရှုပ်ထွေးသည့်နေရာဖြစ်သောကြောင့် စားသုံးသူများနည်းပါးသဖြင့် ဈေးသည်များ တဖြည်းဖြည်းလျော့ပါး ခဲ့ပြီး လက်ရှိအချိန်တွင် ဈေးသည် တစ်ရာကျော်ခန့်သာရှိသည်။

“ဖွင့်တဲ့အချိန်တုန်းကတော့ အရမ်းရောင်းကောင်းတယ်။ တဖြည်းဖြည်းနဲ့ လူကနည်းသွားတယ်။ စားသုံးသူတွေ သိပ်မရှိတော့ ဒီမှာ လာရောင်းချင်တဲ့သူတွေ မရှိဘူးလေ”  ကမ်းနားလမ်းညဈေးတွင် တရုတ် အစားအစာ ရောင်းချသည့် အမျိုးသမီးတစ်ဦးက ပြောကြားသည်။

အဆိုပါ ကမ်းနားလမ်းညဈေး အား ငွေကုန်ကျခံ ဆောင်ရွက်ခဲ့သော်လည်း မိုးတွင်းကာလတွင် ရေ ၀င်ရောက်မှုများကိုလည်း တားဆီးနိုင်ခြင်းမရှိခြင်း၊ မြို့တွင်း လေးမြို့ နယ်တွင် ပြန်လည်ရောင်းချနေသည့် ဈေးသည်များကိုလည်း ကမ်းနားလမ်းညဈေးတွင် ရောင်းချနိုင်ရန် စွဲဆောင်နိုင်ခြင်းမရှိသည့် အပေါ်တွင်လည်း ဝေဖန်မှုများမြင့်တက်နေသည်။

ထို့ပြင် ကမ်းနားလမ်းညဈေး၏ အနောက်ဘက်ခြမ်းတွင် ကုန်တင်ယာဉ်များသီးသန့်သွားရန် ဖောက်လုပ်ထားသည့် လမ်းမကြီး တစ်ခုရှိသည်။ အဆိုပါ လမ်းမကြီး နှင့်ညဈေးသည် ကပ်လျက်ဖြစ်နေ သဖြင့် ဈေးရောင်းချသူများအတွက် စိတ်ချမှုမရှိကြောင်း ဈေးသည်များ၏ ပြောကြားချက်အရ သိရသည်။

ယာဉ်တိုက်မှုဖြစ်စဉ်သည် ကုန်တင်ယာဉ်များ သီးသန့်သွားနိုင်ရန်ဖောက်လုပ်ထားသည့် လမ်း တွင် အရှိန်ပြင်းစွာမောင်းနှင်လာသည့် ကွန်တိန်နာယာဉ်တစ်စီးက ရန်ကုန်မြို့ ကမ်းနားလမ်းညဈေးရှိ ထမင်းဆိုင်တစ်ဆိုင်ကို   ၀င်တိုက်မိပြီး အမျိုးသားတစ်ဦး ပြင်းထန်စွာ ဒဏ်ရာရရှိမှုဖြစ်ပွားခဲ့သည်။

လက်ရှိအချိန်အထိ ညဈေးသည် ပြည်သူ့ဘဏ္ဍာသိန်း ၇၀၀၀ ကျော် အလဟဿ ဖြုန်းတီးလိုက် သည့်အသွင်ဖြစ်နေပြီး ကျီးနှင့်ဖုတ်ဖုတ်ဖြစ်နေသော ညဈေးသည် မြို့တော်အင်္ဂါရပ်နှင့်မညီသည့် သန့် ရှင်းသပ်ရပ်မှုမရှိသော နေရာတစ်ခုအသွင်ဖြစ်လာကာ နောင်အခါ လုပ်ဆောင်မည့် ညဈေးများတွင် အခြားသော နိုင်ငံများမည်ကဲ့သို့ ညဈေးလုပ်သည်ကို လေ့လာရန် မီးမောင်းထိုး ပြနေသည်။

■ ရေကြီးရေလျှံမှုနှင့်လမ်းပျက်စီးမှုကို မထိန်းသိမ်းနိုင်သေးသည့် စည်ပင်

ရန်ကုန်တိုင်းတွင် မိုးရာသီ ကာလရောက်သည်နှင့် ကြုံတွေ့ နေသည့် ပြဿနာသည် ရေကြီးရေလျှံမှုပင် ဖြစ်သည်။

၂၀၁၁-၂၀၁၂ ဘဏ္ဍာနှစ်မှ လက်ရှိ ၂၀၁၈ ခုနှစ် ဧပြီမှ စက်တင်ဘာလအထိ ခြောက်လအတွင်း ရန် ကုန်တိုင်းဒေသကြီး၏ လမ်း၊ တံတား၊ လျှပ်စစ်မီးနှင့်ရေရရှိရေးအသုံးစရိတ်များအရ လမ်းလုပ်ငန်းများအတွက် သုံးစွဲမှုများအနေဖြင့်  ၂၀၁၁-၂၀၁၂ ခုနှစ်ဘဏ္ဍာနှစ် အမှန်စာရင်းအရ ကျပ် ၁၂၃၅၆ ဒသမ ၄၀၂ သန်း၊ ၂ ၀၁၂-၂၀၁၃ ခုနှစ် ဘဏ္ဍာတွင် ကျပ် ၄၉၁၃၀ ဒသမ ၆၀၀ သန်း၊ ၂၀၁၃-၂၀၁၄ ခုနှစ် တွင် ကျပ် ၄၉၈၁၉ ဒသမ ၆၃၆ သန်း ၊ ၂၀၁၄- ၂၀၁၅ ခုနှစ်တွင် ကျပ် ၉၃၈၈ ၃ဒသမ ၅၀၆ သန်း၊၂၀၁၅-၂၀၁၆ ခုနှစ်တွင် ကျပ် ၉၇၈၈၇ ဒသမ ၃၀၈ သန်းသုံးစွဲခဲ့ကြောင်း သိရသည်။

ယင်းအပြင် ရန်ကုန်တိုင်းအတွင်း ရေကြီးရေလျှံမှု၊ သဘာဝဘေး အန္တရာယ်ရန်ပုံငွေနှင့် အဆောက်အ အုံများဘေးကင်းလုံခြုံစွာဆောင်ရွက်ရေးလုပ်ငန်းများအတွက် ကမ္ဘာ့ဘဏ်ချေးငွေ ဒေါ်လာ ၁၂၄ သန်း မှ ၇၇ သန်းအား ရေကြီးရေလျှံမှုအတွက် အသုံးပြုမည်ဖြစ်ကြောင်း ရန်ကုန်မြို့တော်ဝန်ဦးမောင်မောင်စိုး က ၂၀၁၇ သြဂုတ် ၃၁ ရက်တွင် ပြုလုပ်သည့်ရန်ကုန်တိုင်းဒေသကြီး လွှတ်တော်တွင် ပြောကြားထားသည်။

ရေကြီးရေလျှံမှုအတွက် အသုံးပြုမည့် ဒေါ်လာ ၇၇ သန်းသည် Down Town ခြောက်မြို့နယ်တွင် တိုက်ရိုက်အကျိုးခံစားရမည်ဖြစ်ပြီး အဆိုပါ မြို့နယ်များနှင့် ထိစပ်နေသည့် ဆိပ်ကမ်း၊ ဒဂုံ၊ အလုံ၊ ဗဟန်း နှင့် မင်္ဂလာတောင်ညွန့်မြို့နယ်များ သည်လည်း သွယ်ဝိုက်အကျိုးခံစား ခွင့်ရှိမည်ဖြစ်သည်။

သို့သော် ရန်ကုန်မြို့အတွက် ရေကြီးရေလျှံမှုနှင့် လမ်းတံတားများ ပြုပြင်ရန်သုံးစွဲသည့်ဘတ်ဂျက်ငွေ နှင့် ချေးငွေများပြားသော်လည်း လက်ရှိတွင် အဆိုပါ ပြဿနာကို ဖြေရှင်းနိုင်ခြင်းမရှိသေးပေ။

ရေကြီးရေလျှံမှုမဖြစ်ပွားစေရန် ရန်ကုန်တိုင်းအတွင်းရှိ မြစ်၊ ချောင်းများအား ရေထိန်းတံခါးများ တပ်ဆင်သွားမည်ဖြစ်ကြောင်း ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက ၂၀၁၈ ခုနှစ် သြဂုတ် ၂၄ ရက်တွင် ရန်ကုန်တိုင်းဒေသကြီးအစိုးရအဖွဲ့ရုံး၌ ကျင်းပသည့် ရန်ကုန်တိုင်းဒေသကြီးအစိုးရအဖွဲ့ ဒုတိယတစ်နှစ်တာ ဆောင်ရွက်ချက်များ သတင်းစာရှင်းလင်းပွဲတွင် ပြောကြားထားသည်။

ထို့ပြင် ရန်ကုန်မြို့အတွင်း ရေနုတ်မြောင်းများကို ပြုပြင်ရမည်ဖြစ်ကြောင်း၊ JICA  နှင့် ဆောင်ရွက်မှု များပြုလုပ်နေကြောင်း၊ ကမ္ဘာ့ဘဏ်မှ အမေရိကန် ဒေါ်လာ ၇၈ သန်း၊ ပြည်ထောင်စုအစိုးရက မြို့တော် စည်ပင်သာယာအား ချေးငွေစနစ်တစ်ခုဖြင့် ပြင်ဆင်နေကြောင်း၊ ရေနုတ်မြောင်းများ ပြင်ဆင်နိုင်ပါက ရန်ကုန်မြို့တွင် ရေကြီးရေလျှံမှုကို ထိန်းနိုင်မည်ဖြစ်ကြောင်း ၀န်ကြီး ချုပ် ဦးဖြိုးမင်းသိန်းက ပြောကြားခဲ့သည်။

■ မန္တလေးစည်ပင်ကို အတုယူသင့်သည့် ရန်ကုန်စည်ပင်

ရန်ကုန်မြို့တော်စည်ပင်သာယာရေး ကော်မတီနှင့်မန္တလေးမြို့တော်စည်ပင်သာယာရေးကော်မတီကို နှိုင်းယှဉ်မည်ဆိုပါက မန္တလေးမြို့တော်ဝန်သည် ပြည်သူများ၏ လိုအပ်ချက်ကို အစဉ်အမြဲစောင့်ကြည့်ကာ ဖြည့်ဆည်းမှုများလုပ်ဆောင်ပေးနေသဖြင့်  ပြည်သူများအကြားတွင် အမှတ်ကောင်း ရရှိနေသူတစ်ဦးဖြစ်သည်။ ရန်ကုန်မြို့တော်ဝန်သည်ကား ရှိမှန်းပင်မသိရလောက်အောင် တိတ်ဆိတ်နေသည်ဟု သုံးသပ်မှုများရှိနေသည်။

မန္တလေးစည်ပင်ကလုပ်ဆောင်ချက်များထဲမှ လုပ်ဆောင်ချက်တစ်ခုဖြစ်သည့် မန္တလေးမြို့တော်အတွက် သန့်စင်သော ရေရရှိနိုင်ရန် ဧရာဝတီမြစ်ရေကို စုပ်ပြီး  ပြန်လည်သန့်စင်ကာ မြို့အတွင်း ပြန်လည် ဖြန့်ဝေသည့် ရေသန့်စက်တစ်လုံး တပ်ဆင်ခဲ့သည်။

ထို့ပြင် ပြည်သူများ အနားယူအပန်းဖြေနိုင်ရန်အတွက် မန္တလေး ကျုံးတွင်အလှဆင်ခြင်းများပြုလုပ် ခဲ့သည်။ရေစီးရေလာကောင်းမွန်စေရန်အတွက်လည်း မန္တလေးမြို့တွင် ရေစီးရေလာကောင်းသည့် PRECAST DRAINS ရေမြောင်း တစ်ခုအား ပေ ၁၀၀ ခန့် စမ်းသပ်တည်ဆောက်ခဲ့ပြီး ရေစီးရေလာကောင်းမွန်ခဲ့သဖြင့် လာမည့် ဘတ်ဂျက်တွင် မန္တလေးရှိမြောင်းများကို ယင်းစနစ် အသုံးပြုပြီးတည်ဆောက်ရန် မန္တလေးမြို့တော်စည် ပင်သာယာက စီမံထားသည်။

ရန်ကုန်မြို့တော်သည် မြန်မာနိုင်ငံ၏ စီးပွားရေးမြို့တော်ဖြစ်သည်နှင့်အညီ ရန်ကုန်မြို့တော်အတွင်း အခြေခံအဆောက်အအုံများဖြစ်သည့် လမ်း၊ ရေမြောင်း၊ တံတားများကို စနစ်တကျကောင်းမွန်ဆောင် ရွက်ရမည်မှာ တိုင်းဒေသကြီးအစိုးရ နှင့်မြို့တော်စည်ပင်သာယာရေး ကော်မတီ၏ တာဝန်ပင် ဖြစ်သည်။

ထို့ပြင် လက်ရှိစည်ပင်သာယာရေး ဥပဒေအသစ်အရ စည်ပင်သာယာဝန်ထမ်းများ၏ လုပ်ဆောင် ချက်များသည် ဥပဒေနှင့်အညီ ဆောက်ရွက်ရန်တာဝန်ရှိသည်။ပြည်သူများအနေဖြင့် စည်ပင်သာ ယာဥပဒေအသစ်တွင် ပြဋ္ဌာန်းထားသည့် ပြစ်မှုပြစ်ဒဏ်များကို ဥပဒေပါအချက်များဖြင့် လိုက်နာဆောင် ရွက်ပါက ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်း ပြောကြားသကဲ့သို့ နေချင့်စဖွယ်မြို့တော် ဖြစ်လာနိုင်မည်ဖြစ်သည်။ သို့သော် ထိုသို့သော နေချင့်စဖွယ် မြို့တော်မှာ လက်ရှိလုပ်ဆောင်ပုံ၊ လက်ရှိ လူအင်အား၊ လက်ရှိပုံစံများနှင့်သာ ဆက်သွားနေပါက ရွှေပြည်တော် မျှော်တိုင်းဝေးနေဦးမည်ဖြစ်သည်။