၂၁ ရာစု ပင်လုံတတိယ အစည်းအဝေးအား ဇူလိုင်လလယ်တွင်ပြုလုပ်ရန် အပါအ၀င် ဆက်စပ်အစည်းအဝေးများ ပြုလုပ်မည့် အဆိုပြုရက်များကို တိုင်းရင်းသားလက်နက်ကိုင်အဖွဲ့များက အစိုးရထံ တရားဝင်စာပေးပို့

ဇွန် ၁၁ ရက်က ထိုင်းနိုင်ငံတွင် ၂၁ ကြိမ်မြောက် PPST အစည်းအဝေး ပြုလုပ်နေသည်ကို တွေ့ရစဉ်

ပြည်ထောင်စုငြိမ်းချမ်းရေး ညီလာခံ -၂၁  ရာစုပင်လုံ တတိယအစည်းအဝေးအား ဇူလိုင်လလယ်တွင် ပြုလုပ်ရန်အပါအ၀င် ဆက်စပ်အစည်းအဝေးများ ပြုလုပ်မည့်အဆို ပြုရက်များကို NCA လက်မှတ်ရေးထိုးထားသော တိုင်းရင်းသား လက်နက်ကိုင်အဖွဲ့များက ပြည်ထောင်စုအစိုးရအဖွဲ့ထံ ဇွန် ၁၂ ရက် တွင် တရားဝင်စာဖြင့် ပေးပို့လိုက်ပြီဖြစ်ကြောင်း မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး (ABSDF)  ဒုတိယ ဥက္ကဋ္ဌ ရဲဘော်မျိုးဝင်းက ပြောကြားသည်။

၂၁ ရာစုပင်လုံ တတိယအစည်းအဝေး ကျင်းပနိုင်ရေးနှင့် ပတ်သက်၍ NCA လက်မှတ်ရေးထိုးထားသော တိုင်းရင်းသားလက်နက်ကိုင်အဖွဲ့ခေါင်းဆောင်များဖြင့် ဖွဲ့စည်းထားသော ငြိမ်းချမ်းရေးလုပ်ငန်းစဉ်ဦးဆောင် အဖွဲ့ (PPST)  ၏ (၂၁) ကြိမ်မြောက်အစည်း အဝေးကို ထိုင်းနိုင်ငံ၊ ချင်းမိုင်တွင် ဇွန် ၁၁ ရက်က ပြုလုပ်ခဲ့ပြီး အဆိုပါအစည်းအဝေးတွင် ဆုံးဖြတ်ခဲ့သော ဆုံးဖြတ်ချက်များကို အစိုးရထံ စာပေးပို့ခဲ့ခြင်းဖြစ်ကြောင်း သိရသည်။

“PPST အစည်းအဝေးကတော့ ပင်လုံကျင်းပမယ့် ရက်ရယ်၊ လုပ်ငန်းကော်မတီ အစည်းအဝေးကျင်းပမယ့်ရက်ရယ်၊ UPDJC  အစည်းအဝေး ကျင်းပမယ့်ရက်ရယ်ကိုလာပြီး အဆိုပြုတာပေါ့နော်။ ဒါက EAO တွေရဲ့ အဆိုပြုချက်ပဲ ရှိသေးတယ်။ အဲဒီတော့ ကျွန်တော်တို့ အဲဒီမှာရတဲ့ သဘောထားတွေကို အစိုးရဘက်ကို တရားဝင်စာနဲ့ ပို့ထားပြီးပြီ” ဟု ရဲဘော်မျိုးဝင်းက ပြောကြားသည်။

ထို့ပြင် ၂၁ ရာစုပင်လုံ တတိယအစည်း အဝေးကို ဇူလိုင်လလယ်တွင် ကျင်းပရန် တိုင်းရင်းသားလက်နက်ကိုင်အစုအဖွဲ့များက အဆိုပြုထားပြီး အဆိုပါညီလာခံတွင် ပြည်ထောင်စုမှ ခွဲမထွက်ရေး၊ ကိုယ်ပိုင်ပြဋ္ဌာန်းခွင့်နှင့် ပြည်နယ်ဖွဲ့စည်းပုံအခြေခံ ဥပဒေရေးဆွဲရေးစသည့် ခက်ခဲသော ကိစ္စရပ်များ မဆွေးနွေးရန် PPST အစည်းအဝေးက ဆုံးဖြတ်ခဲ့ကြောင်း သိရသည်။

ပင်လုံညီလာခံကို ယခုလကုန်ပိုင်းတွင် ကျင်းပရန်အစိုးရနှင့် NCA လက်မှတ်ရေးထိုးထားသော တိုင်းရင်းသား လက်နက်ကိုင်အဖွဲ့များ၏ အလွတ်သဘော တွေ့ဆုံဆွေးနွေးရေးအဖွဲ့တို့ ကနဦးသဘောတူညီထားသော်လည်း ကြားကာလတွင် ပြုလုပ်ဆောင်ရွက်ရမည့် ပြည်ထောင်စုငြိမ်းချမ်းရေး ဆွေးနွေးမှုပူးတွဲကော်မတီ (UPDJC) လုပ်ငန်း ကော်မတီ အစည်းအဝေးများနှင့် UPDJC အစည်းအဝေးများ ကျင်းပရန်အတွက် အချိန်ယူရမည့်ဖြစ်သဖြင့် ဇူလိုင်လလယ်တွင် ကျင်းပရန် EAOs ဘက်က ဆုံးဖြတ်ခဲ့ခြင်းဖြစ်ကြောင်းလည်း သိရသည်။

ပင်လုံညီလာခံနှင့် ဆက်စပ်အစည်းအဝေးများ ကျင်းပမည့်ရက်များနှင့်ပတ်သက်၍ အစိုးရထံ ပေးပို့ထားသော တိုင်းရင်းသား လက်နက်ကိုင်အဖွဲ့များ၏ ဆုံးဖြတ်ချက်များ အတည်ပြုချက်ရယူရန် အစိုးရနှင့်တိုင်းရင်းသား လက်နက်ကိုင်အဖွဲ့များ မကြာမီ ထပ်မံတွေ့ဆုံညှိနှိုင်းကြမည်ဖြစ်ကြောင်း ရဲဘော်မျိုးဝင်းက ပြောကြားသည်။

ပြည်တွင်းငြိမ်းချမ်းရေးနှင့် အမျိုးသား ပြန်လည်သင့်မြတ်ရေးကို ဖော်ဆောင်နိုင်သော သဘောတူညီချက်များ စုပေါင်းရယူရေး၊ ယုံကြည်မှုတည်ဆောက်ခြင်းနှင့် နိုင်ငံရေးတိုးတက်မှု ဖြစ်ပေါ်လာမှုကို ပေါ်လွင်စေရေး၊ ဒီမိုကရေစီနှင့်ဖက်ဒရယ်စနစ်ကို အခြေခံသော ပြည်ထောင်စုတည်ဆောက်ရေးကို အထောက်အကူပြုသော သဘောတူညီချက်များ ဖော်ဆောင်ရေးနှင့်၂၀၀၈ ဖွဲ့စည်းပုံ အခြေခံဥပဒေပါ ပြဋ္ဌာန်းချက်အချို့ကို အသုံးပြု၍ ဒီမိုကရေစီနှင့် ဖက်ဒရယ်စနစ်ကို အမှန်တကယ် အကောင်အထည်မဖော်နိုင်သော သဘောတူညီချက်များ မရရှိအောင်ဆောင်ရွက်ရေးတို့ကိုလည်း (၂၁) ကြိမ်မြောက် PPST အစည်းအဝေးတွင် ဆုံးဖြတ်ခဲ့ကြောင်း သိရသည်။

မကွေး၊ စစ်ကိုင်း၊ ပဲခူးတိုင်းဒေသကြီးနှင့် ရခိုင်ပြည်နယ်တို့တွင် မိုးသည်းထန်စွာရွာသွန်းမှုကြောင့် တံတားများကျိုးကျခြင်း၊ လမ်းများပျက်စီးပြတ်တောက်ကာ သွားလာရခက်ခဲပြီး လူသေဆုံးမှုအချို့ ရှိခဲ့

မိုးသည်းထန်စွာ ရွာသွန်းမှုကြောင့် မောင်တောမြောက်ပိုင်းသွားကားလမ်းပိုင်းတချို့  ပျက်စီးနေစဉ်

မကွေး၊ စစ်ကိုင်း၊ ပဲခူးတိုင်းဒေသကြီးနှင့် ရခိုင်ပြည်နယ်တို့တွင် မိုးသည်းထန်စွာရွာသွန်းမှုကြောင့် တံတားများကျိုးကျ ပျက်စီးခြင်း၊ နေအိမ်များအတွင်း ရေ၀င်ရောက်ခြင်း၊ လမ်းများပျက်စီးပြတ်တောက်ကာ သွားလာရခက်ခဲပြီး လူသေဆုံးမှုအချို့ရှိခဲ့ကြောင်း သိရသည်။

ဟုမ္မလင်းမြို့နယ်အတွင်း မိုးသည်းထန်စွာ ရွာသွန်းမှုကြောင့် နောင်ပိုအောင်-ဆပ်ကယား ကြိုးတံတားပျက်စီးပြီး ကျေးရွာပေါင်း ၁၀ ရွာခန့် သွားလာရခက်ခဲ

စစ်ကိုင်းတိုင်းဒေသကြီး ဟုမ္မလင်းမြို့ နယ်အတွင်း မိုးအဆက်မပြတ် သည်းထန်စွာ ရွာသွန်းမှုကြောင့် နောင်ပိုအောင်-ဆပ်ကယား ကြိုးတံတားပျက်စီးပြီး ကျေးရွာ ၁၀ ရွာ ခန့်သွားလာရခက်ခဲနေကြောင်း သိရသည်။

နောင်ပိုအောင်-ဆပ်ကယား ကြိုးတံတားသည် နန်ထိန်ကွန်းချောင်းကို ဖြတ်ကူးဆောက်လုပ်ထားပြီး တံတားစတင်ပျက်စီးသည်မှာ သုံးရက်ခန့်ကြာမြင့်နေပြီဖြစ်ကာ ထိုတံတားသည် ဆပ်ကယားကျေးရွာနှင့် အနီး ပတ်ဝန်းကျင်ရှိရွာများ အဓိကအားထားနေသော တံတားတစ်ခုဖြစ်သောကြောင့်  သွားလာရေး အခက်အခဲဖြစ်နေကြောင်း ဆပ်ကယားကျေးရွာသူတစ်ဦး၏ ပြောကြားချက်အရ သိရသည်။

“ချောင်းရေကသန်တော့ တိုင်တွေက ကျွတ်ထွက်သွားတာ။ တစ်ဖက်က စောင်းသွားပြီ။ သွားလို့မရတော့ဘူး။ ချောင်းက အရမ်းမကြီးပေမယ့် ရေတိုးရင်ရေစီးကသန်တော့ ဖြတ်လို့မရဘူး။ နောင်ပိုအောင်ဘက်သွားရင် အဲဒီတံတားကနေပဲ ဖြတ်ပြီးသွားရတာ။ တခြားသွားစရာလမ်း၊ တံတားလည်း မရှိတော့ အခုဒုက္ခရောက်နေကြတယ်။ မိုးစရွာကတည်းက ဖြစ်တာပဲ။ ၀ိုင်းပြီးပြင်နေကြပေမယ့် ရေကလည်းသန်တော့ လူ ၂၀၊ ၃၀ လောက် ၀ိုင်းပြင်နေကြတာ ပြင်နေတာလည်း သုံးရက်ရှိပေမယ့် မိုးကရွာတိုင်တွေ၊ သစ်တွေကရှားဆိုတော့ အခုထိ မပြီးနိုင်သေးဘူး။ နောင်ပိုအောင်ကိုမသွားနိုင်တာ သုံးရက်ရှိပြီ။ ကျွန်မတို့ရွာကဆန်ထွက်တော့ ရွာကဆန်ကိုနောင်ပိုအောင်ကို သွားရောင်း နောင်ပိုအောင်က ဟင်းချက်စရာအစားအသောက်၊ ဆေးဝါး၊ တခြားပစ္စည်းတွေကို နောင်ပိုအောင်မှာ ပြန်ဝယ် အဲဒီလိုလုပ်ကြတာဆိုတော့ အခုကြိုးတံတားပျက်သွားတော့ ကျွန်မတို့ရွာရော အနီးအနားက ရွာတွေပါ ဒုက္ခရောက်နေကြတယ်” ဟု ဆပ်ကယားကျေးရွာသူတစ်ဦးက ပြောကြားသည်။

ဆပ်ကယားကျေးရွာနှင့်အနီး ပတ်ဝန်းကျင်ရှိ ကျေးရွာများဖြစ်သော ရေကျော်၊ မှန်ကင်း၊ နောင်မော်၊ မန်မော်၊ ငေါက်စား စသဖြင့် ကျေးရွာပေါင်း ၁၀ ရွာခန့်သည် ထိုကြိုးတံတားကို အသုံးပြုနေကြပြီး ခိုင်ခံ့သော တံတားဆောက်ပေးရန် သက်ဆိုင်ရာသို့ တင်ပြထားသော်လည်း ယခုချိန်အထိမရရှိသေးကြောင်း  ဆပ်ကယားကျေးရွာသူတစ်ဦးက ဆက်လက်ပြောကြားသည်။

“တံတားကတော့ ကိုယ်ထူကိုယ်ထရွာကပဲ ဆောက်တဲ့တံတားပါ။ ကိုယ်ထူကိုယ်ထဆိုတော့ ရွာကငွေအင်အားလည်း သိပ်မတတ်နိုင်ဘူးလေ။ တတ်နိုင်သလောက်လေးနဲ့ ဆောက်ရတော့ ခိုင်ခံ့မှု သိပ်မရှိဘူး ထင်တယ်။ မနှစ်ကလည်း ဒီလိုဖြစ်လို့ တစ်ခါပြင် ထားရပြီးပြီ။ စဆောက်တာကတော့ ၂၀၁၆ တုန်းကဆောက်ထားတာ။ ကားတော့သွားလို့ မရဘူး။ ဆိုင်ကယ်နဲ့ သုံးဘီးပဲသွားလို့ရတယ်။ တံတားဆောက်ပေးဖို့ အစိုးရဆီမှာလည်း စာတင်တာပဲ။ စာတင်တော့လည်း ဆောက်ပေးတော့မယ်ဆိုသလိုလိုကြားရပြီး အခုချိန်ထိ မဆောက်ပေးသေးဘူး”ဟု ထိုကျေးရွာသူတစ်ဦးက ပြောကြားသည်။

မိုးသည်းထန်စွာ ရွာသွန်းမှုကြောင့် သံတွဲမြို့တွင် နေအိမ်များ ရေနစ်မြုပ်နေစဉ် (ဓာတ်ပုံ – ၀င်းကျော်လှိုင်)

တမူးမြို့တွင် မိုးသည်းထန်စွာ ရွာသွန်းမှုကြောင့် မြို့ပေါ်ရပ်ကွက်အတွင်းရှိ နေအိမ်အချို့ ရေနစ်မြုပ်ခဲ့

တမူးမြို့တွင် ဇွန် ၁၁ ရက်ညပိုင်းတွင် မိုးသည်းထန်ရွာသွန်းမှုကြောင့် မြို့ပေါ်ရပ်ကွက်အတွင်းရှိ နေအိမ်အချို့ရေနစ်မြုပ်မှုတွေ ဖြစ်ပွားခဲ့သည်ဟု သိရသည်။

“ခုမနက်တော့ ရေက ကျသွားပါပြီ။ ကျတယ်ဆိုတာက အပေါ်ပိုင်းတွေက ကျတာ။ ရေ၀ပ်တဲ့နေရာတွေတော့ မြုပ်တုန်းရပ်ကွက်က ဈေးတန်း ၉၊ ၁၀ ပေါ့။ ဒါ မိုးရာသီ အစ ရှိသေးတယ်။ မိုးများရင် ရေလျှံဦးမှာပဲ။ စစ်တပ်ကုန်း ဂေါက်ကွင်းလမ်းအဆင်းကနေ အောင်တော်မူ အကြားပေါ့။ အာရှလမ်းမကြီးက ပိတ်ထားတော့ ကန်ကြီးလို ဖြစ်နေသလိုဖြစ်နေပြီး ရေ၀ပ်တော့တာ။ ခန့်မှန်းအိမ်ခြေ ၂၀၀ လောက်ရှိမယ်။ မြို့ထဲက အနိမ့်ပိုင်းတွေလည်း ရေ၀င်တာပဲ။ ရေ၀င်တော့ ကျောင်းသူ ကျောင်းသားတွေ ကျောင်းသွားဖို့ ခက်ခဲတာပေါ့။ ခြင်ကိစ္စ၊ ရေကိစ္စနဲ့ အိမ်သာကိစ္စတွေ နောက်ဆက်တွဲ ပြဿနာတွေ ဖြစ်လာမှာ စိုးရိမ်ရတယ်” ဟု တမူးမြို့ခံ ကိုအောင်သူချမ်းက ပြောကြားသည်။

တမူးမြို့တွင် မိုးရွာသွန်းမှုကြောင့် ရေနစ်မြုပ်သည့် ဒဏ်ခံစားရသော ရပ်ကွက်များမှာ ဈေးတန်း ၉ ရပ်ကွက်၊ ဈေးတန်း ၁၀ ရပ် ကွက်၊ ဈေးတန်း ၁၁ ရပ်ကွက်၊ မြို့မ ၁၂ ရပ်ကွက်၊ စော်ဘွား ၆ ရပ်ကွက်တို့ ဖြစ်သည်ဟု ဒေသခံများမှ ပြောကြားခဲ့သည်။ ရေဘေးသင့်သော ဒေသခံများထံသို့ သောက်ရေသန့်များကိုလည်း လူမှုအဖွဲ့အစည်းမှ ကူညီပေးခဲ့ကြကြောင်း သိရသည်။

“ရေကတော့ ကျသွားပါပြီ။ ရေနုတ်မြောင်းတွေ မကောင်းလို့ အဲဒီလို ဖြစ်တာလေ။ ရေနုတ်မြောင်းတွေ လုပ်ထားပေမယ့်လည်း မိုးကတအားများလို့ ဖြစ်တာပါ။ ရေနှုတ်မြောင်းတွေက မိုးမရွာခင် တစ်ရက်က စက်ကြီးတွေနဲ့ ရေနှုတ်မြောင်းတွေ ဖော်ထားပေမယ့် မိုးများသွားတယ်။ အခုအချိန်အထိ မိုးကမရပ်သေးဘူး။ ရေကတော့ လမ်းပေါ်မှာ မရှိတော့ဘူး။ ကျန်တဲ့နေရာတော့ ကျန်သေးပါတယ်။ ရုံးတောင်မှ ခါးလောက် ရောက်သွားတယ်။ အခုတော့ ကြမ်းပေါ်ပါပြီ။ လူမှုအဖွဲ့အစည်းတွေကလည်း ရေသန့်တွေ လိုက်ဝေပေးနေတယ်” ဟု တမူမြို့ NLD ပါတီ ဥက္ကဋ္ဌ ဦးမြင့်ဇော်က ပြောကြားသည်။

မိုးသည်းထန်စွာ ရွာသွန်းသဖြင့် မောင်တော မြောက်ပိုင်းသွားကားလမ်းပိုင်းတချို့  ပျက်စီး

မိုးသည်းထန်စွာ ရွာသွန်းသဖြင့် မောင်တောမြောက်ပိုင်းသွား ကားလမ်းပိုင်းတချို့ ပျက်စီးမှုဖြစ်ပေါ်နေကြောင်း သတင်းရရှိသည်။

မောင်တော-ကြိမ်ချောင်းလမ်းပိုင်းတွင် ငါးစားကြူးကျေးရွာနှင့် ၀က်ပိုက်ကျေးရွာကြားတွင် လမ်းပျက်စီးမှုဖြစ်နေပြီး ကြိမ်ချောင်း – တမန်းသားလမ်းပိုင်းတွင် သက်ကိုင်ညာကျေးရွာနှင့် လောင်းဘုတ်ကျေးရွာကြားတွင် လမ်းရေကျော်နေပြီး ကားတစ်စီးဗွက်နစ် နေသည့်အတွက် မော်တော်ကားများသွားလာ၍ မရဖြစ်နေကြောင်းနှင့် ဆက်သွယ်သွားလာ မှု ပြတ်တောက်နေကြောင်း သိရသည်။

သက်ကိုင်ညာကျေးရွာအနီးကားလမ်းတွင် ဗွက်နစ်နေသည့်ကားမှ ကားသမားတစ်ဦးက “လမ်းကတော်တော်ကို ဆိုးတယ်။ ဒီနေရာမှာ ကားဗွက်နစ်နေတာ နှစ်ရက်လောက် ရှိပြီ။ ဆွဲတင်လည်း မရဘူး။ လမ်းက မြေသားတွေကိုဖို့ပြီး လုပ်ထားတော့ လာသမျှ ကားဗွက်နစ်တာပဲ။ အခြေအနေက တော်တော်ကို ဆိုးတယ်” ဟု ပြောကြားသည်။

“အခု ကြိမ်ချောင်း- တမန်းသားသွားလာလို့မရတာ နှစ်ရက်ရှိပါပြီ။ သက်ကိုင်ညာနဲ့ လောင်းဘုတ်ကြားကလမ်းမှာ ရေကျော်နေတယ်။ ကားတစ်စီးကလည်း ဗွက်နစ်နေတော့  လုံးဝကားဖြတ်လို့မရဘူး။ အဲဒီလမ်းမှာ တံတားတစ်စင်းကလည်း လုပ်နေဆဲပဲဖြစ်ပြီးတော့ ရေကျော်ရေခေါင်းကလည်းမပြီးသေးတော့ ကားတွေဖြတ်သွားလို့မရဘူး။ ကျွန်တော်တို့ဒေသခံတွေက သွားလာရခက်နေတယ်။ အခုကျောင်းဖွင့်ရာသီမှာ ဆရာ ဆရာမတွေလည်း ကျောင်းတွေကိုလာနေကြတာမှာ လမ်းမကောင်းလို့ မောင်တောမှာသောင်တင်နေတာ ရှိတယ်။ မိုးကဆက်ရွာနေတော့ သွားဖို့လာဖို့ အဆင်မပြေဘူး” ဟု တမန်းသားကျေးရွာသားတစ်ဦးက ပြောကြားသည်။

မိုးသည်းထန်စွာရွာသွန်းသဖြင့် သံတွဲမြို့ပေါ် မြေနိမ့်ပိုင်းရပ်ကွက်အချို့မှ ဒေသခံများ ပြောင်းရွှေ့ နေရပြီး ကားလမ်းပိုင်းအချို့  ရေကျော်

ရခိုင်ပြည်နယ်အတွင်း မိုးသည်းထန်စွာ ရွာသွန်းသဖြင့် သံတွဲမြို့ပေါ် မြေနိမ့်ပိုင်းရပ် ကွက်အချို့မှ ဒေသခံများပြောင်းရွှေ့နေရပြီး ကားလမ်းပိုင်းအချို့ ရေကျော်မှုဖြစ်ပွားကာ ကားများစောင့်ဆိုင်းနေရကြောင်း သိရသည်။

ဇွန် ၁၂ ရက် ညပိုင်းက သံတွဲမြို့ မြို့ပြင်  ရပ်ကွက်အချို့တွင် ချောင်းရေ လေးပေခန့် ၀င်ရောက်လာ ရေပြည့်တက်လာသဖြင့် သံတွဲ မြို့၊ အမှတ် (၄) ရပ်ကွက်၊ ညောင်ပင်ဈေးရွာ၊ တမုတ်ချောင်းရွာတို့တွင် ရေကြီးမှုကြောင့် ကျား ၄၁ ဦး၊ မ ၄၉ ဦး၊ အိမ်ထောင်စု ၂၃ စုအား အမှတ် (၄) ရပ်ကွက် ရွှေဆံတော်ဘုရား ဓမ္မာရုံသို့ ရွှေ့ပြောင်းထားရကြောင်းနှင့် ရွာသားများမှာ တောင်ပေါ်စေတီသို့ ပြောင်းရွှေ့ခဲ့ရကြောင်း၊ မိုးရွာသွန်းမှုများပြားသဖြင့် သံတွဲချောင်းရေမှာ မြင့်တက်နေပြီး ဒွါရာဝတီ တံတားမှာ နစ်မြုပ်လုံးနီးပါးအခြေအနေတွင် ရှိခဲ့ကြောင်း သိရသည်။

“ညတုန်းကတော့ တစ်မြို့လုံးမြုပ်သွားတဲ့ အနေအထားပေါ့၊ အခုတော့ ရေပြန်ကျသွားပြီ၊ ဒါပေမဲ့ ညောင်ပင်ဈေး၊ တမုတ်ချောင်း စတဲ့ရွာတွေကတော့ နှစ်တိုင်းလိုပဲ အများဆုံး မြုပ်တာပေါ့၊ သူတို့ ရွာသားတွေကလည်း ဆံတော်တောင်ဘုရားတောင်ပေါ်ကို ပြောင်း ရွှေ့နေထိုင်ကြရတယ်။ လူမှုအဖွဲ့အစည်းတွေကလည်း ထမင်းထုပ်တွေ လိုက်ပြီး ဝေငှပေးနေကြတာ ရှိတယ်” ဟု သံတွဲမြို့မှ ဦးမြင့်မိုးက ပြောကြားသည်။

အလားတူစွာပင် ဂါယ်လောင်ရွာအနီး အမ်း-တပ်တောင်ကားလမ်း ရေကျော်မှုဖြစ်ပွားနေပြီး ကားများသွားလာ၍ မဆင်မပြေဘဲ ဖြစ်နေကြောင်းနှင့် မဲလက်မောင်းအနီး အမ်း-စစ်တွေ ကားလမ်း ရေကျော်နေသဖြင့် ကားများသွားလာ၍ မရဖြစ်နေကြောင်းလည်း ဒေသခံများက ပြောဆိုကြသည်။

ဇွန် ၁၀ ရက်နှင့် ၁၁ ရက်နေ့တို့တွင် မိုးသည်းထန်စွာရွာသွန်းခဲ့သည့်အပြင် ဇွန် ၁၂ ရက်တွင်လည်း မြို့နယ်အချို့တွင် မိုးဆက်လက်ရွာသွန်းနေသဖြင့် တောင်ကျရေများမှာ ကားလမ်းများက ဖြတ်ကျော်နေကြဆဲဖြစ်ရာ ကုန်တင်ကားများ၊ ခရီးသည်တင်ကားများနှင့် မိသားစုစီးကားများမှာလည်း စောင့်ဆိုင်းသွားလာနေကြရကြောင်း သိရသည်။

“အမ်း-တပ်တောင်အပိုင်းမှာဆိုရင် ဂါယ်လောင်ရွာအနီးမှာ ရေကျော်နေလို့ ကားတွေ သွားလာလို့ အဆင်မပြေမှုတွေ ဖြစ်ပေါ်နေတယ်။ တချို့ကားကြီးတွေကတော့ အရဲစွန့်ပြီးဖြတ်ကြတယ်လို့ သိရတယ်။ နောက်ပြီးတော့ အမ်း-စစ်တွေ အပိုင်းမှာဆိုရင် မဲလက်မောင်းတောင်အနီးမှာ ရေတွေကျော်လို့ကားတွေ ပိတ်နေတယ်။ ကားတွေသွားလာလို့မရဘူး။ မိုးကအစပဲ ရှိသေးတယ် ကားလမ်းရေကျော်တာတွေ စတင်ဖြစ်ပေါ်နေပြီ။ လမ်းတွေ ပိုင်းနေပြီဆိုတော့ ခရီးသွားလာရေးအတွက် အတော်လေးအဆင်မပြေမှုတွေ ဖြစ်လာနိုင်ပါတယ်။ လမ်းရေကျော်တာကလည်း နှစ် တိုင်းကျော်နေတာဖြစ်ပေမယ့် ရေမကျော်အောင် အခုထိ မလုပ်နိုင်သေးဘူး ဖြစ်နေတယ်၊ ကုန်စည်ပြတ်တောက်မှုတွေ မဖြစ်ပေါ်အောင် လမ်းတွေ အမြန်ဆုံးသွားလာလို့ရစေချင်တယ်” ဟုလည်း အမ်းမြို့နယ်မှ ကိုမျိုးလွင်က ပြောကြားသည်။

သံတွဲရေကြီးနစ်မြုပ်နေမှု အနေအထားကို ရခိုင်ပြည်နယ်အစိုးရအဖွဲ့မှ ပြည်နယ်ဝန်ကြီးချုပ် ဦးညီပုနှင့်လူမှုရေး ၀န်ကြီးဒေါက်တာ ချမ်းသာတို့က ဇွန် ၁၂ ရက် နံနက်ပိုင်းတွင် ကွင်းဆင်းကြည့်စစ်ဆေးခဲ့သည်။

မင်းလှမြို့နယ်ရှိ ကြိုးတံတားတစ်စင်း ရေကြီးနစ်မြုပ်နေသည်ကို တွေ့ရစဉ်
ဟုမ္မလင်းမြို့နယ်အတွင်း မိုးသည်းထန်စွာရွာသွန်းမှုကြောင့် နောင်ပိုအောင်-ဆပ်ကယား ကြိုးတံတား ပျက်စီးစဉ်

တောင်ကုတ်မြို့နယ်အတွင်း လေပြင်းတိုက်ခတ်မှုကြောင့် အဆောက်အအုံ ခုနစ်လုံးနှင့်နေအိမ် ၃၄ လုံး ပျက်စီး

ရခိုင်ပြည်နယ် တောင်ကုတ်မြို့နယ် ရွာမတန်းလွဲတိုက်နယ် မြို့တောင်ကျေးရွာတွင် လေဆင်နှာမောင်း ၀င်ရောက်တိုက်ခတ်မှုကြောင့် အများပိုင်အဆောက်အဦခုနစ်လုံး နှင့်လူနေအိမ်ခြေ ၃၄ လုံး ပျက်စီးဆုံးရှုံးသွားကြောင်း သတင်းရရှိသည်။

တောင်ကုတ်မြို့ အနောက်ဘက် မိုင် ၂၀ ကျော်ခန့်ဝေးသည့် မြို့တောင်ကျေးရွာ အုပ်စု မြို့တောင်ကျေးရွာနှင့် နန်းရာကုန်း ကျေးရွာတွင် ဇွန် ၁၁ ရက် နံနက် ၂ နာရီက လေဆင်နှာမောင်းဝင်ရောက် တိုက်ခတ်မှုကြောင့် ဘုန်းတော်ကြီးကျောင်း၊ စာသင်ကျောင်း အဆောင် (၁)၊ အဆောင် (၂)၊ ကျေးလက်ကျန်းမာရေးဌာနခွဲ အဆောက်အအုံ၊ ၀န်ထမ်းအိမ်ရာ အဆောက်အအုံများနှင့် လူနေအိမ်ခြေ  ၃၄ လုံးပျက်စီးသွားခဲ့ပြီး နန်းရာကုန်းကျေးရွာတွင် ဓမ္မာရုံ၊ အများသောက် သုံးရေလှောင်ကန် အမိုးဆောင်တို့ ပျက်စီးသွားခြင်းဖြစ်ကြောင်း မြို့တောင်ကျေးရွာအုပ်ချုပ်ရေးမှူးက ပြောကြားသည်။

“ဒီနေ့ မနက်ပိုင်း ၂ နာရီလောက်မှာ လေဆင်နှာမောင်းဝင်တိုက်တာပါ။ အပျက်အစီးကတော့ တော်တော်လေး ပျက်စီးသွားတယ်။ ဘုန်းတော်ကြီးကျောင်း၊ စာသင်ကျောင်း၊ ကျေးလက်ကျန်းမာရေး အဆောက်အဦး၊ ၀န်ထမ်းအိမ်ရာတွေနဲ့ လူနေအိမ်ခြေက  ၃၄ လုံးပျက်စီးသွားတယ်။ နောက်ကျွန်တော်တို့အုပ်စု နန်းရာကုန်းကျေးရွာမှာတော့ ဓမ္မာရုံတစ်ဆောင်နဲ့ အများသောက်သုံးရေလှောင်ကန် အမိုးဆောင်ပျက်စီးသွားပါတယ်” ဟု မြို့တောင်ကျေးရွာအုပ်စု အုပ်ချုပ်ရေးမှူး ဦးသောင်းညွန့်က ပြောကြားသည်။

အဆိုပါ လေဆင်နှာမောင်း တိုက်ခတ်ခြင်းခံရပြီး ပျက်စီးသွားသည့် အများပိုင်အဆောက်အအုံများနှင့် လူနေအိမ်များအား အပျက်အစီးစာရင်းများ ကောက်ယူကာ သက်ဆိုင်ရာမြို့နယ်၊ ခရိုင်၊ ပြည်နယ်အထိ  ပျက်စီးဆုံးရှုံးမှုများအား အစီရင်ခံတင်ပြသွား မည်ဖြစ်ကြောင်းလည်း တောင်ကုတ်မြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ သိရသည်။

“လေဆင်နှာမောင်းတိုက်လို့ ပျက်စီးသွားတာတွေကိုတော့ စာရင်းပြုစုနေတယ်။ ပြီးရင် သက်ဆိုင်ရာကို တင်ပြသွားမယ်။ ပျက်စီးသွားတာက အများပိုင်အဆောက်အအုံ ခုနစ်လုံး အမိုးလန်ပျက်စီးသွားတယ်။ လူနေ အိမ်တွေကတော့ လုံးဝပျက်စီးသွားတာ လေးလုံး၊ အမိုးအားလုံးပျက်စီးတာက ၁၈ လုံး၊ အမိုးတစ်ပိုင်း တစ်စပျက်စီးတာက ၁၁ လုံး ပျက် စီးသွားတယ်လို့ သိရတယ်” ဟု တောင်ကုတ်မြို့ ကျေးလက်ဒေသဖွံ့ဖြိုးရေးဦးစီးဌာနမှ ယာယီဦးစီးမှူး ဦးဝင်းနိုင်က ပြောကြားသည်။

လေဆင်နှာမောင်းတိုက်ခတ်ခံရသည့် လေဘေးသင့်သူများအား မိသားစုဝင်နေအိမ်များတွင် ယာယီနေထိုင်နေကြရပြီး၊ လေဆင်နှာမောင်းတိုက်ခတ်မှုကြောင့် တောင်ကုတ်မြို့နယ် အုပ်ချုပ်ရေးမှူးနှင့်အဖွဲ့တို့မှ  မြို့တောင်ကျေးရွာသို့သွားရောက်ကာ ပျက်စီးဆုံးရှုံးမှုများလာရောက်စစ်ဆေးပြီး  ကယ်ဆယ်ရေးလုပ်ငန်းများ ဆောင်ရွက်ပေးနိုင်ရန် စီစဉ်နေကြောင်းနှင့်လက်ရှိ ခမရ (၃၄၆)တပ်ရင်းမှ စစ်သည်များလာရောက်ကာ ပြိုကျပျက်စီးသွားသည့် နေအိမ်အဆောက်အအုံများ ရှင်းလင်းနေကြကြောင်း  မြို့တောင်ကျေးရွာ အုပ်ချုပ်ရေးမှူးက ပြောကြားသည်။

မိုးသည်းထန်စွာရွာသွန်းနေမှုကြောင့် တောင်ကုတ်-မအီကားလမ်းများရေကျော်ပြီး လမ်းပိတ်ဆို့မှုဖြစ်ပေါ်ကာ စာသင်ကျောင်း အချို့ပိတ်ထားရကြောင်းသိရ

ရခိုင်ပြည်နယ်အတွင်း မိုးသည်းထန်စွာ ရွာသွန်းနေမှုကြောင့် တောင်ကုတ်-မအီကားလမ်းအချို့တွင် ရေကျော်နေမှု၊ တံတားများ ပျက်စီးနေမှုတို့ကြောင့် လမ်းပိတ်ဆို့မှုများဖြစ်ပေါ်ကာ ကျေးရွာစာသင်ကျောင်းအချို့နှင့် မြို့ပေါ်မြေနိမ့်ပိုင်ရပ်ကွက်အချို့ရှိ စာသင်ကျောင်းများ ပိတ်ထားရကြောင်း သိရသည်။

“တောင်ကုတ်-မအီကားလမ်းအပိုင်းမှာ နေ့လည်ပိုင်းက ကင်းတောင်ကျေးရွာ ကင်းတောင်တံတားအနီးမှာ ရေကျော်နေတဲ့အတွက် ကားတွေပိတ်မိနေတယ်။ ဆားပြင်အုပ်စု ကမာရွာနားက တံတားချဉ်းကပ်လမ်းမှာ လည်းရေတိုက်စားတဲ့အတွက် ကားတွေသွား လို့မရဘူး ဖြစ်နေတယ်။ မိုးအဆက်မပြတ် ရွာနေတော့ တောင်ကျရေတွေက တအားဆင်းလာပြီး ရေကျော်နေတာပေါ့။ ဆားပြင်ရွာဆိုရင် မနေ့ကပဲ ရွာထဲအထိ ရေပြည့်နေတာ ကျောင်းတွေလည်း ပိတ်ထားရတယ်။ ကင်းတောင်ကျေးရွာမှာလည်း ချောင်းရေတွေ ပြည့်လျှံနေတော့ တောင်ကုတ်-မအီကားလမ်းကို ရေကျော်နေတယ်။ အခုထိ လမ်းမှာကားတွေ ပိတ်နေတယ်သွားလို့ မရသေးဘူး” ဟု ကားဒရိုင်ဘာ ကိုဇော်ဇော်က ဆိုသည်။

မိုးသည်းထန်စွာရွာသွန်းမှုကြောင့် တောင်ကုတ်မြို့တွင် အခြေခံပညာ
ကျောင်းတစ်ကျောင်းအတွင်း ရေ၀င်ရောက်နေစဉ် (ဓာတ်ပုံ -ကိုဇော်ဇော်-တောင်ကုတ်)

သရက်ခရိုင်အတွင်း မိုးအဆက်မပြတ် ရွာသွန်းပြီး ချောင်းရေကြီးမှုကြောင့် လမ်းပန်းဆက်သွယ်ရေး ပြတ်တောက်ကာ တံတားတချို့  ပျက်စီး

သရက်ခရိုင်အတွင်း မိုးအဆက်မပြတ် ရွာသွန်းမြို့ချောင်းရေကြီးမှုကြောင့် လမ်းပန်း ဆက်သွယ်ရေး ပြတ်တောက်ခြင်းတံတားတချို့ ပျက်စီးခြင်းများဖြစ်ပေါ်နေကြောင်း သတင်းရရှိသည်။

သရက်ခရိုင်အတွင်း သရက်မင်းလှမင်းတုန်း စသောမြို့နယ်များတွင် မိုးအဆက်မပြတ် ရွာသွန်းမှုကြောင့် လမ်းတချို့ပျက်စီး ခြင်းတံတားအချို့ပျက်စီးခြင်းများ ဖြစ်ပေါ်နေကြပြီး ဒေသခံပြည်သူများ လမ်းပန်းဆက်သွယ်ရေး ပြတ်တောက်မှုများနှင့် ရင်ဆိုင်နေရကြောင်း သိရသည်။

“မင်းတုန်းချောင်းရေက မနှစ်ကထပ် တောင်ပိုများတယ်လို့ ပြောလို့ရပါတယ်။ လက်ရှိအချိန်အထိတော့ ပျက်စီးထိခိုက်တဲ့ သတင်းမျိုးတွေတော့ မကြားရသေးပါဘူး။ ဒါပေမဲ့ မင်းတုန်းကနေ မကွေးကိုသွားတဲ့လမ်း ပိုင်းမင်းဘူးမြို့နယ် အပိုင်ပဒါန်း-မင်းဘူးကားလမ်း လေးပင်ချောင်းရေကျမှုကြောင့် အဝေးပြေးကားတွေကော အိမ်စီးကားတွေပါတစ် နေကုန်ပိတ်မိနေတယ်။ အခုညနေပိုင်းအထိ ကားလေးတွေ ဖြတ်ကူးလို့ မရသေးပါဘူး” ဟု မင်းတုန်းမြို့နယ်တိုင်းလွှတ်တော်အမတ် ဦးအေးလှိုင်ဦးက ပြောကြားသည်။

“မိုးအဆက်မပြတ်ရွာသွန်းမှုကြောင့် မင်းလှမြို့နယ် ဘန့်ပြင်ရွာရေကြည်ချောင်းကမ်းပါပြိုမှုကြောင့် နေအိမ်နှစ်လုံးပြောင်းရွှေ့ ထားရပါတယ်။ နောက်မြို့မင်းလှမြို့နယ်ထဲမှာရှိတဲ့ လယ်လျားရှည်ကြိုးတံတားက ချောင်းရေလွှမ်းခံနေရတယ်။ ဒီထက်ရေပိုများလာရင် ပျက်စီးနိုင်ခြေရှိတယ်။ လောလောဆယ်တော့ ဒေသခံတွေဖြတ်သန်းလို့မရတဲ့ အခြေအနေပါ။ ဒီတံတားကတောင်ပေါ်ရွာတွေနဲ့ ဆက်သွယ်ထားတဲ့တံတားပါ။ ကျောင်းသားတွေလည်း အသုံးပြုနေရတဲ့တံတားပါ။ နောက်တစ်ခုက ရှမ်းတပ်ရွာတံတားပေါ့ ဒီတံတားလည်း နောက်ထပ်မိုးနည်းနည်းများလာ ရင်ပျက်စီးနိုင်တဲ့ အခြေအနေတွေရှိပါတယ်” ဟု မင်းလှမြို့နယ်ဒေသခံ ကိုကျော်သူရက ပြောကြားသည်။

အလားတူမိုးရွာသွန်းမှုကြောင့် သရက် မင်းလှလမ်းပိုင်းတစ်နေရာ ပျက်စီးမှုဖြစ်ပွားခဲ့ပြီး လက်ရှိတွင် သရက်ခရိုင်အတွင်း ဒေသခံများ မိုးဆက်လက်ရွာသွန်းမြို့သဘာဝဘေး အန္တရာယ်ကျရောက်မည်ကို စိုးရိမ်နေကြကြောင်း သိရသည်။

ပေါင်းတည်မြို့ပေါ် ရပ်ကွက်များ အတွင်း ရေကြီးရေလျှံမှုဖြစ်ပေါ်နေသည်ကို တွေ့ရစဉ် (ဓာတ်ပုံ-ဝေလင်း)

မင်းဘူး(စကု)မြို့တွင် မန်းချောင်းနှင့် နွားကူးချောင်းရေ၀င်ရောက်မှုကြောင့် ရေဘေးရှောင်စခန်းငါးခု၌ လူဦးရေ ၁၀၀၀ နီးပါးခိုလှုံနေရပြီး တစ်နှစ်ကျော်အရွယ် ကလေးငယ်တစ်ဦး ရေနစ်သေဆုံးခဲ့

မကွေးတိုင်းဒေသကြီး မင်းဘူး (စကု)မြို့တွင် မန်းချောင်းနှင့် နွားကူးချောင်းရေ ၀င်ရောက်မှုကြောင့် ရေဘေးရှောင်စခန်းငါးခု၌ လူဦးရေ ၁၀၀၀ နီးပါးခိုလှုံနေရပြီး ဇွန် ၁၁ ရက်က တစ်နှစ်ကျော်အရွယ် ကလေးငယ်တစ်ဦး ရေနစ်သေဆုံးခဲ့ကြောင်း စကုမြို့နယ် အထွေထွေအုပ်ချုပ်ရေးမှူး ဦးကြည်မင်းက ပြောကြားသည်။

ဇွန် ၁၀ ရက် ညနေပိုင်းမှစ၍ မန်းချောင်းရေများ မြင့်တက်လာကာ ကမ်းလုံးပြည့်စီးဆင်းခဲ့ကြောင်း၊ ချောင်းရေ၀င်ရောက်မှုကြောင့် စကုမြို့ အမှတ် (၁)နှင့် အမှတ် (၃) ရပ်ကွက်များအတွင်းမှ အိမ်ထောင်စု ၂၄၀ ခန့်သည် နီးစပ်ရာရေဘေးရှောင်စခန်းများသို့ ပြောင်းရွှေ့နေကြရကြောင်း၊ ဇွန် ၁၁ ရက် က စကုမြို့ အမှတ် (၃)ရပ်ကွက် ရွှေပေါက်ကန်ရပ်မှ အသက်တစ်နှစ်ကျော်အရွယ် ကလေးငယ်တစ်ဦးသည် မိခင်အိပ်ပျော်၍ ဖခင်ကအပြင်သို့သွားစဉ် နေအိမ်အောက်သို့ပြုတ်ကျကာ ရေနစ်သေဆုံးခဲ့ကြောင်း ဦးကြည်မင်းထံမှ သိရသည်။

ဇွန် ၁၁ ရက်မှ ၁၂ ရက်အထိ စကုမြို့သို့ မင်းဘူးမြို့ဘက်မှ အ၀င်ကားလမ်း၏ မိုင်တိုင်အမှတ် ၇ နှင့် ၈ အကြားတွင် နွားကူးချောင်းမှ ရေကျော်နေသောကြောင့် ကားနှင့် ဆိုင်ကယ်များ အန္တရာယ်မဖြစ်စေရန် ကြက်ခြေနီ၊ မီးသတ်၊ ထွေအုပ်နှင့် တပ်မတော်သားများက ကူညီပေးလျက်ရှိကြောင်း၊ ယင်းနေရာတွင် ဇွန် ၁၁ ရက်က လယ်ယာသုံးယန္တရား တစ်စီးတင်ဆောင်လာသည့် ဆယ်ဘီးကား တစ်စီးသဲနစ်ခဲ့ပြီး ဇွန် ၁၂ ရက်အထိ မဆယ်ထုတ်နိုင်သေးကြောင်း၊ နွားကူးချောင်းမှရေများ စကုမြို့ဆေးရုံသို့ ၀င်ရောက်မည်ကို စိုးရိမ်သောကြောင့် လူနာများအား အမြင့်ပိုင်း ဆေးရုံအဆောင်သစ်များသို့ ပြောင်းရွှေ့ထားခဲ့ရကြောင်း၊ ဇွန် ၁၂ ရက်အထိ ရေဘေးသင့်ပြည်သူများသည် ရေဘေးရှောင်စခန်းများတွင် ခိုလှုံနေရဆဲဖြစ်ကြောင်း သိရသည်။

“အမှတ် (၃) ရပ်က ရွှေပေါက်ကန်ရပ်မှာ အမေဖြစ်သူက အိပ်ပျော်နေတုန်း၊ အဖေက နေအိမ်ရဲ့အပြင်ဘက်ကို ရောက်ရှိနေတုန်းမှာ ကလေးက တစ်နှစ်သားကျော်ကျော် လေးဆိုတော့ လေးဖက်ထောက်သွားရင်းနဲ့ ပြုတ်ကျပြီး ရေနစ်သေသွားတဲ့သဘောပါ” ဟု ဦးကြည်မင်းက ပြောကြားသည်။

ဦးကြည်မင်းက ဆက်လက်၍ “ရေဘေး ရှောင်ပြည်သူတွေအတွက် ကျွန်တော်ရယ်၊ ရပ်ကွက်အုပ်ချုပ်ရေးတွေရယ်၊ ဂေါ်ဆွမ်း ဆွမ်းလောင်းအသင်းရယ် ပူးပေါင်းပြီး မနေ့ (ဇွန် ၁၁ ရက်)က အစားအသောက်အတွက် ထမင်းဟင်း စီမံဆောင်ရွက်ပေးပါတယ်။ နောက်တစ်ချက်က ဒီနေ့ (ဇွန် ၁၂ ရက်)မှာ တိုင်းဒေသကြီး သဘာဝဘေးစီမံခန့်ခွဲရေးဦး စီးဌာနကနေပြီး ရေမျောသွားတဲ့ နေအိမ်ခြောက်လုံးအတွက် တစ်အိမ်ကိုကျပ်တစ် သိန်းနှုန်း၊ နောက်ဆန်ဖိုးအဖြစ် လူ ၁၈ ဦး အတွက် သီးခြား တစ်ဦးကိုကျပ် ၂၁၀၀ နှုန်း ပံ့ပိုးပေးထားပါတယ်။ မနေ့က သေဆုံးခဲ့တဲ့ ကလေးငယ်အတွက်လည်း သဘာဝဘေးစီမံ ခန့်ခွဲရေးကနေ ကျပ်သုံးသိန်း ထောက်ပံ့ပေးထားပါတယ်” ဟု ပြောကြားသည်။

စကုမြို့ သကျမဉ္ဇူဘုရားရေဘေး ရှောင်စခန်းတွင် ခိုလှုံနေသည့် အမှတ် (၁) ရပ်မှ ဒေါ်သန်းဌေးက “အန်တီ့အိမ်က လက် ခုပ်တစ်ဖောင်လွတ်တဲ့ အိမ်တောင်မှပဲ ရေက ကြမ်းရောက်ဖို့ တစ်ထွာလောက်ပဲ လိုတယ်။ ပစ္စည်းတွေလည်း အကုန်ပါသွားပြီ။ နေစရာ မရှိတော့ တစ်ရပ်ကွက်လုံးက ဒီဘုရားပေါ်မှာ ခိုလှုံနေရပါတယ်။ သူများပေးလှူတာ လေးတွေပဲ မျှော်ပြီးစားနေရတဲ့ အခြေအနေပါ။ ကိုယ့်အိမ်ကို ပြန်ချင်တော့လည်း အခုလောလောဆယ် ပြန်လို့မရသေးဘူး။ ဘာပြုလဲဆို ရေကမလျော့သေးဘူး။ အဒေါ်ကြီး တို့အိမ်ဆို ရေက ခါးလောက်အထိ ကျန်သေးတယ်” ဟု ပြောကြားသည်။

ဇွန် ၁၂ ရက်မှစ၍ မန်းချောင်းအထက်ပိုင်းရှိ အိုင်းမရေလွှဲဆည်ထိပ်တွင် ရေကြီးရေ အမှတ်အောက် ပြန်လည်ကျဆင်းလာပြီး စကုမြို့ပေါ်ရှိ ရေ၀င်ရောက်နေသော နေအိမ်များတွင်လည်း ရေပြန်လည်ကျဆင်းလာကြောင်း သိရသည်။

မင်းဘူး(စကု)မြို့အ၀င် ကားလမ်းတွင် နွားကူးချောင်းမှ ရေကျော်နေစဉ်
(ဓာတ်ပုံ-အောင်သူငြိမ်း)

မကွေးတိုင်းဒေသကြီးအတွင်း ဇွန် ၉  ရက်မှ ၁၂ ရက်အထိ မိုးရက်ဆက်ရွာသွန်းမှုကြောင့် ချောင်းအများစုတွင် ရေပြည့်ရေလျှံ စီးဆင်းခဲ့ကြောင်း၊ ထို့ကြောင့် ကျေးရွာချင်း ဆက်လမ်းများအပါအ၀င် ကားလမ်းအများစုတွင် ရေကျော်ခြင်း၊ ရေကျော်များတွင် ချောင်းရေကျော်ခြင်းတို့ကြောင့် လမ်းပန်းဆက်သွယ်ရေး ပြတ်တောက်မှုများ ဖြစ်ပေါ်ခဲ့ကြောင်း၊ မိုးများလွန်းမှုကြောင့် မကွေးမြို့နှင့် မင်းဘူးမြို့ပေါ်တွင် သက်တမ်းရင့်သစ်ပင်ကြီးများ ပြိုလဲကာ လူ၊ ကားနှင့် ဆိုင်ကယ်များ ထိခိုက်ပျက်စီးမှုအချို့ရှိခဲ့ကြောင်း၊ ၂၀၁၅ ခုနှစ်က ရေကြီးရေလျှံမှုများ ဖြစ်ပေါ်ခဲ့သည့် မုန်းချောင်းနှင့် မန်းချောင်းများတစ်လျှောက်ရှိ ဆည်တမံကြီးများတွင် ရေအလုံးအရင်းဖြင့် ၀င်ရောက်လျက်ရှိသော်လည်း စိုးရိမ်ရသည့် အခြေအနေမရှိကြောင်း ဒေသခံများနှင့် ဆည်မြောင်းဌာန တာဝန်ရှိသူများထံမှ သိရသည်။

 

ပေါင်းတည်မြို့ ရန်ကုန်-ပြည် ကားလမ်း အရှည်တစ်မိုင်နီးပါးခန့် ရေကျော်နစ်မြုပ်နေပြီး မြို့ပေါ်ရပ်ကွက် ၁၂ ရပ်ကွက်နှင့် ကျေးရွာပေါင်း ၂၀၀ ကျော် ရေလွှမ်း

ပဲခူးတိုင်းဒေသကြီး(အနောက်ပိုင်း) ပြည်ခရိုင် ပေါင်းတည်မြို့ ရန်ကုန်-ပြည်ကားလမ်း အရှည်တစ်မိုင်နီးပါးခန့် ရေကျော်နစ်မြုပ်နေပြီး မြို့ပေါ်ရပ်ကွက် ၁၂ ရပ်ကွက်နှင့် ကျေးရွာပေါင်း ၂၀၀ ကျော်ရေလွှမ်းမိုးလျက်ရှိကြောင်း ဒေသခံများထံမှ သိရသည်။

အဆိုပါရေလွှမ်းမိုးမှာ ဇွန် ၁၁ ရက်က စတင်ခဲ့ပြီး ဇွန် ၁၂ ရက် နံနက်ပိုင်းတွင် ရန်ကုန်-ပြည်ကားလမ်းမပိုင်းတွင် ကားလေးများ ဖြတ်သန်းမှုခက်ခဲခဲ့ကြောင်း၊ နေ့လယ်ပိုင်းတွင် ကားလမ်းပေါ်၌ ရေအနည်းငယ် ပြန်လည်ကျဆင်းခဲ့သော်လည်း မြို့ပေါ်ရပ်ကွက်များနှင့် ကျေးရွာများတွင် ဆက်လက် ရေလွှမ်းမိုးလျက်ရှိနေသေးကြောင်း ဒေသခံများက ပြောကြားသည်။

“အခြေအနေကတော့ ကျေးရွာ ၂၀၀ ကျော်မှာ ၂၀၀ လောက်မြုပ်ပါတယ်။ မြို့ပေါ်က ကျွန်တော်တို့ ၃၈ လမ်းဆို ညက ရေတွေမြုပ်တယ်။ တစ်ခါမှ အဲဒီလိုမဖြစ်ဖူးဘူး။ အိမ်ထဲကို ရေ၀င်တဲ့အထိ ဖြစ်တယ်။ တစ်မြို့လုံး တစ်ကွင်းလုံး နစ်တယ်။ နွေစပါးတွေကော မိုးစပါးတစ်တန်ကြဲတွေကော။ ချက်ချင်းစာရင်းကောက်လို့မရဘူး။ တစ်ကွင်းလုံးနစ်နေတဲ့ အနေအထားဆိုတော့ ပြန်ပေါ်လာမှပဲ ဘာတွေကတော့ ပျက်စီးဆုံး ရှုံးတယ်ဆိုတာမျိုး သိရမယ်။ ရုံးမှာအစည်း အဝေးလည်း ခေါ်ထားပါတယ်” ဟု ပေါင်းတည်မြို့နယ် တိုင်းဒေသကြီးလွှတ်တော် ကိုယ်စားလှယ်ကို ဦးထွန်းထွန်းဦးက ပြောကြားသည်။

ပျက်စီးဆုံးရှုံးမှုများအား စာရင်းကောက်ယူနိုင်ခြင်းမရှိသေးဘဲ စာသင်ကျောင်းအချို့အားလည်း တရားဝင်ပိတ်ထားခြင်းမရှိသော်လည်း ရေကြီးနစ်မြုပ်နေသည့်အတွက် ဖွင့်လှစ်နိုင်ခြင်းမရှိကြောင်း ၎င်းက ဆက်လက်ပြောကြားသည်။

မင်းဘူး(စကု)မြို့အ၀င် ကားလမ်းတွင် နွားကူးချောင်းမှ ရေကျော်နေစဉ်
(ဓာတ်ပုံ-အောင်သူငြိမ်း)

“မနက် ၅ နာရီလောက်ကနေစပြီး ရေက တအားထိုးတက်လာတာ။ ကျွန်တော်တို့ စစချင်း ဒီတာလမ်းကို ဘယ်တုန်းကမှရေ မကျော်ခဲ့ဘူး။ ရေတွေက တ၀ုန်းဝုန်းနဲ့ဆင်းလာပြီး ကားတွေကို လမ်းကြောင်းရှင်းဖို့ မနက်ကတည်းက လုပ်နေတယ်။ ပြီးမှ မီးသတ်ရဲဘော်တွေရောက်လာပြီး ရှင်းနေတယ်။ ကျေးရွာအကုန်လုံး နစ်နေပြီ။ မြို့ပေါ်ရပ်ကွက်အချို့နေရာတွေဆို ဘုန်းကြီးကျောင်းတွေကို ထွက်ပြေးကုန်တယ်။ တခြားမြို့က ကယ်ဆယ်ရေးတွေကိုလည်း လာပြီးအကူအညီပေးဖို့ ပြောထားတယ်။ အခုကအကုန် ရွှေ့ထားရတယ်။ ပိုးမွှားတိရစ္ဆာန်တွေတက်လာတယ်။ မြွေတွေပါပါတယ်။ ဒီနေ့ ထမင်းစားဖို့ခက်သွားပြီ။ ချက်ဖို့နေနေသာသာ အလုအယက် ထွက်ပြေးနေရတယ်” ဟု ပေါင်းတည်မြို့ဒေသခံ ဦးချစ်ကိုက ပြောကြားသည်။

မြို့ပေါ်ရပ်ကွက်နှင့်ကျေးရွာအချို့တွင်  လူနှင့် အိမ်မွေးတိရစ္ဆာန်များအား ရေလွတ်ရာသို့ ရွှေ့ပြောင်းနေကြပြီး လတ်တလောတွင် ချက်ပြုတ်စားသောက်ရန် အခက်အခဲရှိနေကြောင်း၊ ဒေသအနှံ့တွင် ရေကြီးနေခြင်းကြောင့် ကူညီကယ်ဆယ်နိုင်ခြေလည်းနည်းပါးကြောင်း ဒေသခံများက ပြောကြားသည်။

 

စစ်ကိုင်းတိုင်းဒေသကြီးတွင် မိုးသည်းထန်စွာ ရွာသွန်းမှုကြောင့် သီးနှံစုံစိုက်ခင်း ဧက ၇၀၀၀၀ နီးပါး ရေကြီးနစ်မြုပ်ဟု တိုင်းလယ်/ဆည်ဝန်ကြီး ပြောကြား

မိုးသည်းထန်စွာ ရွာသွန်းမှုကြောင့် စစ်ကိုင်းတိုင်းဒေသကြီး အတွင်းရှိ ရေနစ်မြုပ်နေသော သီးနှံစိုက်ခင်း အချို့ကို တွေ့ရစဉ်

စစ်ကိုင်းတိုင်းဒေသကြီးတွင် ဇွန်လဆန်းပိုင်းမှ ဇွန် ၁၂ ရက်အထိ မိုးသည်းထန်စွာ ရွာသွန်းမှုကြောင့် သီးနှံစုံစိုက်ခင်း ဧက ၇၀၀၀၀ နီးပါး ရေကြီးနစ်မြုပ်မှု ဖြစ်ပွားခဲ့ကြောင်း စစ်ကိုင်းတိုင်းဒေသကြီး စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးကမ်ဇာမုံက ပြောကြားသည်။

ထို့ပြင် ရေကြီးနစ်မြုပ်မှုကြောင့် ပျက်စီးသွားသည့် သီးနှံစိုက်ခင်းများရှိကြောင်း ရွှေဘိုခရိုင် ၀က်လက်မြို့နယ် အတွင်းက သီးနှံများသည် အများဆုံး ထိခိုက်ပျက်စီးမှု ဖြစ်ပွားခဲ့ကြောင်း ၎င်းကဆိုသည်။

“အခုတစ်လော ရေမြုပ်တာက ဧကခုနစ်သောင်းနီးပါးပါ။ ရေမြုပ်တာကနေ ပြန်ပေါ်တာက ခြောက်သောင်း နီးပါးပါ။ ထိခိုက်တာကလည်း ခြောက်သောင်းကျော်ရှိတယ်။ လုံးဝပျက်စီးတာကတော့ ၉၃၇ ဧကရှိတယ်။ ထိခိုက်တဲ့ သီးနှံစုံစိုက်ခင်း တွေကတော့ နောက်ထပ်လည်း ပျက်စီးဖို့ ရှိနေတယ်။ မိုးကလည်း ဆက်တိုက်ရွာနေတယ်။ အခြေအနေကတော့ ပြောင်းလဲမယ့် သဘောရှိတယ်။ အဓိက ပျက်စီးတာကတော့ ရွှေဘိုခရိုင် ၀က်လက်မြို့နယ်ထဲက များတယ်။ အခြား မြို့နယ်တွေက ဖြစ်တော့ဖြစ်တယ်။ သိပ်ပြီးတော့ များများစားစား မရှိဘူး” ဟု ဦးကမ်ဇာမုံက ပြောကြားသည်။

စစ်ကိုင်းတိုင်းဒေသကြီး အတွင်းရှိ မြို့ နယ်အချို့တွင် ရေကြီးရေလျှံမှု အချို့ရှိကြောင်း၊ တမူးမြို့တွင် ရွှေ့ပြောင်းရသည့် လူနေအိမ် နှစ်လုံးရှိကြောင်း၊ အခြားသီးနှံစိုက်ခင်း အများအပြား ရေကြီးနစ်မြုပ်ခဲ့ကြောင်း၊ ရေကြီးမှုကြောင့် ကမ်းပြိုမှုများလည်းရှိကြောင်း စစ်ကိုင်းတိုင်းဒေသကြီး ဘေးအန္တရာယ် စီမံခန့်ခွဲမှု ဦးစီးဌာန တိုင်းညွှန်ကြားရေးမှူး ဦးစ၀ီလီဖရန့်က ပြောကြားသည်။

“တမူးမှာတော့ အရေးပေါ် လူနေအိမ်နှစ်လုံး ပြောင်းရွှေ့ရတယ်။ အခြားမြို့နယ် တွေမှာတော့ ကယ်ဆယ်ရေး လုပ်ရမယ့် အနေအထားအထိ မရှိသေးဘူး။ သီးနှံတွေကတော့ အတော်ရေကြီး နစ်မြုပ်တယ်။ မိုးက ဆက်တိုက်ရွာနေတော့ ကမ်းပါးပြိုတာတွေတော့ရှိတယ်။ ကနီမြို့နယ်မှာတော့ ဆည်ကျိုးတော့ သီးနှံတွေ ရေနစ်မြုပ်တယ်။ ဒီပဲယင်းမြို့နယ်မှာကော ၀က်လက်မြို့နယ်မှာကော သီးနှံတွေ ရေနစ်မြုပ်တာတော့ရှိတယ်။ ထူးတာကတော့ ကျွန်တော်တို့လည်း မကြားမိသေးဘူး” ဟု ၎င်းကဆက်လက် ပြောကြားသည်။

စစ်ကိုင်းတိုင်းဒေသကြီးတွင် မိုးဆက်လက် ရွာသွန်းနေမှုကြောင့် ရေကြီးပြီး သီးနှံစုံစိုက်ခင်းများ ရေနစ်မြုပ်မှု ဖြစ်ပွားနေသည့် မြို့နယ်များသည် စစ်ကိုင်းမြို့နယ်၊ ရွှေဘိုမြို့နယ်၊ ယင်းမာပင်မြို့နယ်၊ ကနီမြို့နယ်၊ ကောလင်းမြို့နယ်၊ ဒီပဲယင်းမြို့ စသည့်မြို့နယ်တို့ ဖြစ်ကြောင်း သိရသည်။

 

မကွေး-ကန်ပြား-နေပြည်တော်လမ်းရှိ ချောင်းရေကျော်များတွင် ရေစီးအလွန်သန်နေသဖြင့် ခရီးသည်တင်ယာဉ်အများစု နေ့တစ်ဝက်ကျော် စောင့်ဆိုင်းခဲ့ရပြီး ယင်းသို့စောင့်ဆိုင်းနေရစဉ် လူနာတင်ယာဉ်တစ်စီးပေါ်၌ မွေးလူနာတစ်ဦး ကလေးအသေမီးဖွား

မကွေး-ကန်ပြား-နေပြည်တော်ကားလမ်း ဖိုလေးလုံးရွာအနီး လိပ်ကန်းချောင်းရေကျော်တွင် ချောင်းရေများစီးဆင်းနေစဉ်

မကွေးတိုင်းဒေသကြီးအတွင်း ဇွန် ၉ ရက်မှစ၍ မိုးအဆက်မပြတ် ရွာသွန်းနေမှုကြောင့် မကွေး-ကန်ပြား-နေပြည်တော်ကားလမ်း မကွေးနှင့် မြို့သစ်မြို့အကြားရှိ ချောင်းရေကျော်များတွင် ဇွန် ၁၁ ရက် နံနက် ၂ နာရီမှ ညနေ ၃ နာရီကျော်အထိ ခရီးသည်တင်ယာဉ်အများစုနှင့် မိသားစုခရီးသွားကားများ ရပ်တန့်စောင့်ဆိုင်းနေခဲ့ရပြီး ယင်းသို့ စောင့်ဆိုင်းနေရစဉ် လူနာတင်ယာဉ်တစ်စီးပေါ်မှ မွေးလူနာတစ်ဦး ကလေးအသေ မွေးဖွားခဲ့ကြောင်း သိရသည်။

မကွေး-ရန်ကုန်နှင့် မကွေး-နေပြည်တော် ပြေးဆွဲသည့် ခရီးသည်တင်ယာဉ်အများစုသည် အဆိုပါကားလမ်းမှ အများဆုံး မောင်းနှင်လေ့ရှိကြောင်း ဇွန် ၁၀ ရက် ညပိုင်းမှစ၍ မကွေးမြို့နှင့် မြို့သစ်မြို့အကြားရှိ ချောင်းများတွင် ရေပမာဏများစွာ စီးဆင်းနေမှုကြောင့် ရန်ကုန်မှ မကွေးသို့ ဇွန် ၁၁ ရက် နံနက်စောပိုင်းက ၀င်ရောက်ရမည့် ခရီးသည်တင်ယာဉ်များ မွန်းလွဲပိုင်းအထိ ရပ်တန့် စောင့်ဆိုင်းနေရကြောင်း ယင်းလမ်းပိုင်းမှ မကွေး-ရန်ကုန်နှင့် မကွေး-နေပြည်တော် ခရီးသည်တင်ယာဉ်များသာမက စလင်း၊ ဆင်ဖြူကျွန်း၊ ပွင့်ဖြူ၊ မင်းလှ၊ မင်းဘူး၊ စကုမြို့များမှ ရန်ကုန်၊ နေပြည်တော်သို့ ပြေးဆွဲသည့် ခရီးသည်တင်ယာဉ်အများစုလည်း ဖြတ်သန်းလေ့ရှိကြောင်း မကွေးမှ ရန်ကုန်သို့ ဇွန် ၁၁ ရက် ညနေပိုင်းတွင် ထွက်ခွာရမည့် ခရီးသည်တင်ယာဉ်များအတွက်လည်း အဆိုပါ လမ်းပိုင်းမှဖြတ်သန်းရန် အခက်အခဲများ ဖြစ်ပေါ်နေကြောင်း သိရသည်။

အဆိုပါကဲ့သို့ ကားများပိတ်မိနေချိန်တွင် မြို့သစ်မြို့မှ မကွေးမြို့သို့ သယ်ဆောင်လာသည့် ကိုယ်ဝန်ဆိပ်သင့်နေသော လူနာတစ်ဦးက ကလေးတစ်ဦး အသေမွေးဖွားခဲ့ကြောင်း ချောင်းရေကူးနိုင်ရန် စောင့်ဆိုင်းနေခဲ့သည့် ခရီးသည်တင် Express ကားများပေါ်တွင် လိုက်ပါလာခဲ့သည့် ဆရာဝန်များနှင့် ပြည်သူများ ၀ိုင်းဝန်းကူညီပေးခဲ့မှုကြောင့် လူနာမိခင်၏အသက်ကို ကယ်တင်နိုင်ခဲ့ကြောင်း သိရသည်။

ရန်ကုန်မှ မကွေးသို့ ပြန်လာစဉ် ချောင်းရေကျော်တွင် စောင့်ဆိုင်းနေခဲ့ရသည့် ဒေါက်တာ ညီညီအောင်က “ကျွန်တော်တို့ကားတွေ ပိတ်မိနေတုန်း ကျွန်တော်တို့စီးလာတဲ့ကားပေါ်ကို “ဆရာဝန်တွေပါလား” ဆို လာမေးပြီး အကူအညီတောင်းပါတယ်။ အရေးပေါ် လူနာတင်ယာဉ်ပေါ်မှာ အမျိုးသမီး မီးဖွားလူနာတစ်ယောက် ကလေးမွေးရင်း အခက်အခဲဖြစ်နေလို့။ ကားကလည်း ရေကျော်ကို ဖြတ်လို့မရဘူး။ ကျွန်တော်တို့က ၈ နာရီခွဲ ခိုင်မန္တလေးကား။ အဲဒီအပေါ်မှာ ဆရာဝန်တွေ အများကြီးပဲ။ ရှေ့ဆုံးမှာက OG တွေပါရှိတယ်။ အဲဒီမှာ တချို့တွေ ဆင်းလိုက်သွားကြတယ်။ ခိုင်မန္တလေး ၈ နာရီကားမှာလည်း ဆရာဝန်တွေ OG တွေပါပါတယ်။ ခဏနေတော့ ကျွန်တော်တို့ကားပေါ်က ဓာတ်မှန်ဆရာဝန်ကြီးပါ ဆင်းသွားပြီး ပြန်လာတယ်။ ပြန်လာတော့ အမျိုးသမီးကို ဆီးခြူချင်လို့ ဆီးခြူပိုက်အဖြစ်သုံးဖို့ အချိုရည်စုပ်တဲ့ ပိုက်ကလေးတွေရှိလားဆိုတော့ ကျွန်တော်တို့ ကားတွေမှာလိုက်မေးပြီး လူနာတင်ယာဉ်နားကို ကျွန်တော်က ရောက်သွားတယ်” ဟု ပြောကြားသည်။

ချောင်းရေကျမှုကြောင့် ယာဉ်များ စောင့်ဆိုင်းနေရစဉ်

ဒေါက်တာညီညီအောင်က ဆက်လက်၍ “အဲဒီမှာ လူနာက ဆရာဝန်တွေရောက်တဲ့ အချိန်မှာ အသေမွေးပြီးသွားပြီ။ အဲဒီမှာ ဆရာဝန်တွေက အချင်းကို ချပေးတယ်။ လူနာရဲ့ပြဿနာက မြို့သစ်ကနေ မကွေးကိုလွှဲတာက ကိုယ်ဝန်ဆိပ်တက်ပြီး တက်နေတဲ့ လူနာမလို့ပါ။ လူနာက ဆီးအိတ်ကြီး တင်းနေပြီးတော့ သွေးသွန်နိုင်တဲ့ အနေအထားမျိုး ရှိပါတယ်။ အခြားဆရာဝန်တွေက သွေးကျဆေးရှာပေးသူတွေက ပေးကြတယ်။ ပိုးသတ်ဆေးတွေ ရှာသူကလည်း ရှာပေးကြတယ်။ လူနာက ကံကောင်းတာက သွေးသွန်တာလည်း မရှိဘဲ၊ အတက်လည်း ကျသွားခဲ့ပါတယ်။ နောက်ကားပေါ်က လူတစ်ယောက်က မကွေးတိုင်းဆေးရုံကြီးကို လိုအပ်မယ့်ဆေးတွေ လှမ်းမှာတော့ လာပို့ပေးခဲ့ပါတယ်” ဟု ပြောကြားသည်။

“ကျွန်တော်သိရသလောက်တော့ ဇွန် ၁၁ ရက် မွန်းလွဲပိုင်းအထိ အဝေးပြေးကားကြီးကွင်းထဲမှာ ကားအ၀င်အထွက်တွေ ပါးလွန်းပြီး ခြောက်ကပ်နေပါတယ်။ ကားအများစုက ကန်ပြားလမ်းကပဲသွားကြတော့ အဲဒီမှာ အကုန်သွားပြီး ဘလော့ဖြစ်နေတာပါ။ လူတွေကိုကူးခိုင်းပြီး ဒီဘက်က ကားတွေနဲ့ သွားကြိုဖို့ကလည်း ရေကများလွန်းနေတော့ လူလွတ်ကို ကူးရဲဖို့ မလွယ်ပါဘူး” ဟု မကွေးမြို့ မထသဥက္ကဋ္ဌ ဦးမြင့်စိုးက ပြောကြားသည်။

မကွေးမြို့မှ ဦးစံလင်းထွန်းက “ကျွန်တော်တို့က မနေ့ကညနေက ရန်ကုန်က ပြန်လာတော့ ကန်ပြားလမ်းကချောင်းတွေ ရေကျနိုင်တာသိလို့ အမြန်လမ်းကအဆင်းမှာ ကန်ပြားလမ်းဘက်မဆင်းဘဲ ကျောက်ပန်းတောင်းဘက်က လှည့်မောင်းလာခဲ့တာပါ။ အခုမနက်မှာ ကားတွေပိတ်မိနေတဲ့နေရာကို သွားကြည့်တော့ ရန်ကုန်ဘက်က အ၀င်ကားတွေနဲ့ အခြားကားတွေ အစီး ၁၀၀ ကျော်လောက် ပိတ်မိနေတာ တွေ့ခဲ့ရပါတယ်” ဟု ဆိုသည်။

မကွေးမြို့နှင့် မြို့သစ်မြို့အကြား ဖိုလေးလုံးကျေးရွာအနီးရှိ လိပ်ကန်းချောင်းရေကျော်တွင် ကားအများစု ပိတ်မိနေကြောင်း မြို့သစ်မြို့အနီး ကန်ပြား-နေပြည်တော်ကားလမ်းတွင် ချောင်းတစ်ခုကို တံတားတည်ဆောက်ဆဲ ဖြစ်သောကြောင့် ထိုတံတားအောက်မှ ယာယီလမ်းတွင်လည်း ချောင်းရေများစီးဆင်းနေကြောင်း ရေစီးနေသောကြောင့် သွားလာရေးများ ယာယီရပ်တန့်ထားရကြောင်း ဒေသခံများထံမှ သိရသည်။

ရိုက်တာသတင်းထောက်နှစ်ဦးသည် ရခိုင်အရေးကို သတင်းယူသည့်အတွက် ဖမ်းဆီးခံခဲ့ရခြင်းမဟုတ်ကြောင်းနှင့် နိုင်ငံတော်လျှို့ဝှက်ချက်ဥပဒေကို ချိုးဖောက်သည့်အတွက် အဖမ်းခံရခြင်းဖြစ်ကြောင်း နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြောကြား

Photo: Myanmar State Counsellor Office

ရိုက်တာသတင်းထောက်နှစ်ဦးသည် ရခိုင်အရေးကို သတင်းယူသည့်အတွက် ဖမ်းဆီးခံခဲ့ရခြင်း မဟုတ်ကြောင်းနှင့် နိုင်ငံတော် လျှို့ဝှက်ချက်ဥပဒေကို ချိုးဖောက်သည့်အတွက် အဖမ်းခံရခြင်းဖြစ်ကြောင်း နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က NHK သတင်းဌာနနှင့် သီးသန့်တွေ့ဆုံ မေးမြန်းခြင်း အစီအစဉ်တွင် ပြောကြားခဲ့သည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား NHK သတင်းဌာနက ရခိုင်ကိစ္စနှင့်ပတ်သက်၍ ရိုက်တာသတင်းဌာန၏ သတင်းထောက်နှစ်ဦး အဖမ်းခံခဲ့ရကြောင်း၊ မြန်မာနိုင်ငံသည် ဒီမိုကရေစီနှင့် ဆန့်ကျင်လာပြီး လွတ်လပ်စွာ ဖော်ထုတ်ခွင့်ကို ကန့်သတ်မှုများ ရှိလာသည်ဟု ဝေဖန်ခံနေရကြောင်း၊ ရခိုင်တွင် လူ့အခွင့်အရေးဆိုင်ရာ အကြောင်းအရာများနှင့် ပတ်သက်ပြီး သတင်းယူရင်း အဖမ်းခံခဲ့ရခြင်းဖြစ်ကြောင်း၊ ဝေဖန်မှုများအပေါ် မည်သို့တုံ့ပြန်ချင်ပါသနည်း၊ သို့မဟုတ် နိုင်ငံတကာအသိုင်းအ၀ိုင်းက နားလည်လက်ခံထားသည့် မြန်မာနိုင်ငံ၏ ဒီမိုကရေစီဟာ ကွာဟနေလားဟု မေးမြန်းခဲ့သည်။

“ရခိုင်အရေးကို သတင်းယူလို့ ဖမ်းဆီးခံခဲ့ရတာ မဟုတ်ပါဘူး။ နိုင်ငံတော်လျှို့ဝှက်ချက်ဥပဒေကို ချိုးဖောက်တဲ့အတွက်သာ သူတို့အဖမ်းခံရတာပါ။ တရားစီရင်စစ်ဆေးမှုနဲ့ ပတ်သက်လို့ လူတိုင်းမှာ လွတ်လွတ်လပ်လပ် ပြန်ကြားသိခွင့်ရှိနေတယ်ဆိုတာကို ရှင်သတိထားမိမယ် ထင်ပါတယ်။ ဒီဖြစ်စဉ်တွင်း ကိစ္စတိုင်းက လုပ်ထုံးလုပ်နည်းတွေအတိုင်းပဲ လုပ်ဆောင်နေတာပါ။ NHK ရဲ့ သတင်းထောက်တွေလည်း ဒီအမှုရဲ့ရုံးချိန်းတွေမှာ ပုံမှန်တက်ရောက် စောင့်ကြည့်နေမယ်လို့ ကျိန်းသေပြောရဲပါတယ်။ ဒီနေရာမှာ ဘာအရေးကြီးလဲဆိုတော့ ကျွန်မတို့ဟာ လုပ်ထုံးလုပ်နည်းတွေနဲ့အညီ၊ တရားဥပဒေနဲ့အညီ လုပ်ဖို့ပါ။ နိုင်ငံတော် လျှို့ဝှက်ချက်ဥပဒေကို ချိုးဖောက်မှုအတွက် သူတို့အဖမ်းခံခဲ့ရပါတယ်။ အခုလောလောဆယ် သူတို့ဟာ အပြစ်ကင်းတယ်၊ မကင်းဘူးဆိုတာ ကျွန်မတို့ မပြောနိုင်ပါဘူး။ အဲဒါဟာ တရားစီရင်ရေးနဲ့ပဲဆိုင်ပြီး တရားစီရင်မှုကပဲ ဆုံးဖြတ်ရမှာဖြစ်ပါတယ်။ ရခိုင်ကိစ္စကို သတင်းယူလို့ ဖမ်းတယ်ဆိုတာတော့ မဟုတ်ပါဘူး” ဟု နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြန်လည် ဖြေကြားသည်။

ရိုက်တာသတင်းထောက်နှစ်ဦး ဖမ်းဆီးခံရခြင်းသည် ထောင်ခြောက်ဆင် ဖမ်းဆီးခံရခြင်းဖြစ်ကြောင်း ပြောဆိုမှုများလည်းရှိသည်။

ထို့ပြင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က UNDP၊ UNHCR တို့နှင့် MoU လက်မှတ်ရေးထိုးခြင်းနှင့်ပတ်သက်၍ သေသေချာချာ ဆွေးနွေးညှိနှိုင်းပြီးမှသာ သဘောတူညီချက်ရလာခြင်းဖြစ်ကြောင်း၊ အချို့အစိတ်အပိုင်းများကို အချိန်မဆိုင်းဘဲ သဘောတူညီခဲ့ကြောင်းနှင့် အချို့အပိုင်းများကို အခက်အခဲ အတားအဆီးများကို ကျော်လွှားခဲ့ရကြောင်း တွေ့ဆုံမေးမြန်းခန်းတွင် ပြောကြားသည်။

ရခိုင်ပြည်နယ်မှ နေရပ်စွန့်ခွာသွားသူများအား ပြန်လည်လက်ခံရေးလုပ်ငန်းစဉ်ကို အထောက်အပံ့ပြုနိုင်ရေးအတွက် မြန်မာအစိုးရနှင့် ကုလသမဂ္ဂအေဂျင်စီများအကြား နားလည်မှုစာချွန်လွှာကို ဇွန် ၆ ရက်က လက်မှတ်ရေးထိုးခဲ့သည်။

ရခိုင်ပြည်နယ်အတွက် လွတ်လပ်သော စုံစမ်းစစ်ဆေးရေးကော်မရှင်တစ်ရပ် ဖွဲ့စည်းရန် ကိစ္စနှင့်ပတ်သက်၍ ဒေါ်အောင်ဆန်းစုကြည်က “ကျွန်မအနေနဲ့ကတော့ ဒီအချိန်၊ ဒီအခါရောက်မှ အရေးယူဆောင်ရွက်ရတယ်လို့တော့ မထင်မြင်ပါဘူး။ ဒါက အဆင့်ဆင့် သွားရတဲ့လုပ်ငန်းစဉ် ဖြစ်ပါတယ်။ ကုလသမဂ္ဂ အဖွဲ့အစည်းတွေနဲ့ ကျွန်မတို့ သဘောတူနိုင်တဲ့ MoU မျိုးရရှိဖို့ ဆွေးနွေးညှိနှိုင်းနေခဲ့တယ်ဆိုတဲ့အချက်ကို အများမသိခဲ့ကြဘူး။ ဒီကိစ္စ စတင်တာက ကျွန်မတို့ ဒေါက်တာကိုဖီအာနန် ကော်မရှင်ရဲ့ အကြံပြုချက်တွေ ရရှိစဉ်ကတည်းက ဖြစ်ပါတယ်။ အခုနောက်ဆုံး နိုင်ငံတော်အဆင့် စုံစမ်းစစ်ဆေးရေးအဖွဲ့ ဖွဲ့စည်းရေးသည်လည်း ကျွန်မတို့ အကြံပေးအဖွဲ့ရဲ့ အကြံပြုချက်နဲ့အညီ လုပ်ဆောင်တာပါ။ ဒီအကြံပြုချက်ကို ကျွန်မတို့ အထူးအလေးအနက်ထားပါတယ်။ ဒီအဖွဲ့အနေနဲ့ ပကတိ အခြေအနေအပေါ် အမှန်အတိုင်း ရှုမြင်သုံးသပ်နိုင်စွမ်းရှိတယ်လို့ ကျွန်မတို့ ယုံကြည်တာကြောင့် အဲဒီအဖွဲ့ကို တာဝန်ပေးအပ်ခဲ့ခြင်း ဖြစ်ပါတယ်” ဟု NHK နှင့် အင်တာဗျူးတွင် ထည့်သွင်းပြောကြားသည်။

ထို့ပြင် ရခိုင်ပြည်နယ်ကို ဘေးကင်းလုံခြုံစွာဖြင့် တရားဥပဒေနှင့်အညီ ပြန်လာနိုင်ကြောင်း ဒုက္ခသည်များမသိကြပါက မိမိတို့အနေဖြင့် ဒုက္ခသည်ဌာနေပြန်ရေးလုပ်ငန်းစဉ် အလျင်အမြန် တိုးတက်ရန် ဆောင်ရွက်နိုင်မည်မဟုတ်ကြောင်း၊ ထို့ကြောင့် နှစ်ဦးနှစ်ဖက် အပြန်အလှန် ဆောင်ရွက်ရမည့်လုပ်ငန်းစဉ် ဖြစ်ကြောင်း၊ အသီးသီးက တာဝန်ယူမှုများကို အကောင်အထည်ဖော်ကြရန်လိုကြောင်း နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ထည့်သွင်းပြောကြားခဲ့သည်။

ရခိုင်ပြည်နယ်အတွက် ဖွဲ့စည်းမည့်ကော်မရှင်သည် အုပ်ချုပ်ရေးပိုင်းအထိ စစ်ဆေးနိုင်မည့် အခြေအနေရှိပြီး ဖွဲ့စည်းပုံအခြေခံဥပဒေနှင့် ကိုက်ညီမှုမရှိကြောင်းနှင့် တရားရေးအာဏာကို နိုင်ငံခြားအဖွဲ့အစည်း တစ်ခုကို အပ်နှင်းလိုက်ကဲ့သို့ ဖြစ်နေမည်ကို သတိပြုရန် တပ်မတော်သား လွှတ်တော်ကိုယ်စားလှယ် ဆွေးနွေး

တပ်မတော်သား လွှတ်တော်ကိုယ်စားလှယ် ဒုတိယဗိုလ်မှူးကြီးစိုးမြင့်အောင် ဆွေးနွေးနေစဉ်ကို တွေ့ရစဉ်

ရခိုင်ပြည်နယ်အတွက် ဖွဲ့စည်းမည့်ကော်မရှင်သည် အုပ်ချုပ်ရေးပိုင်းအထိ စစ်ဆေးနိုင်မည့် အခြေအနေရှိပြီး ဖွဲ့စည်းပုံအခြေခံဥပဒေနှင့် ကိုက်ညီမှုမရှိကြောင်းနှင့် တရားရေးဆိုင်ရာ အချုပ်အခြာအာဏာကို နိုင်ငံခြားအဖွဲ့အစည်း တစ်ခုကို အပ်နှင်းလိုက်ကဲ့သို့ ဖြစ်နေမည်ကို သတိပြုရန် တပ်မတော်သား လွှတ်တော်ကိုယ်စားလှယ် ဒုတိယဗိုလ်မှူးကြီး စိုးမြင့်အောင်က ထောက်ပြ ဆွေးနွေးခဲ့သည်။

မိုင်းပန်မဲဆန္ဒနယ် ပြည်သူ့လွှတ်တော် ကိုယ်စားလှယ် တင်သွင်းသည့် ”နိုင်ငံတော်အစိုးရ အနေဖြင့် ရခိုင်ပြည်နယ်အတွက် လွတ်လပ်သော ကော်မရှင်တစ်ခုကို နိုင်ငံတကာမှ ပုဂ္ဂိုလ်ကြီးတစ်ဦး အပါအ၀င် အဖွဲ့ဝင် သုံးဦးဖြင့် ဖွဲ့စည်းခြင်းနှင့် စပ်လျဉ်း၍ UNSC ကိုယ်စားလှယ်အဖွဲ့၏ အကြံပြုချက်တွင် ပြည်ပအဖွဲ့ဖြင့် စစ်ဆေးခြင်းနှင့် ပြည်တွင်းအဖွဲ့ဖြင့် စစ်ဆေးခြင်းနည်းလမ်း နှစ်သွယ်ပါရှိရာ လွတ်လပ်သော နိုင်ငံတော်၏ အချုပ်အခြာအာဏာနှင့် နိုင်ငံသားပြည်သူများ၏ ဂုဏ်သိက္ခာကို လေးစား ယုံကြည်သောအားဖြင့် ပြည်တွင်းမှ ကျွမ်းကျင်ပညာရှင်များဖြင့်သာ ဖွဲ့စည်းဆောင်ရွက်ရေးကို ပြန်လည်စဉ်းစား ဆုံးဖြတ်ပေးရန် ပြည်ထောင်စု အစိုးရအား တိုက်တွန်းကြောင်း” အရေးကြီးအဆိုကို ဇွန် ၁၁ ရက်က ပြုလုပ်သည့် ပြည်သူ့လွှတ်တော် အစည်းအဝေး၌ လွှတ်တော်ကိုယ်စားလှယ်များက ဆွေးနွေးရာတွင် ၎င်းက ထည့်သွင်းပြောကြားခြင်း ဖြစ်သည်။

”အဖွဲ့ဝင်သုံးဦး ပါဝင်ဖွဲ့စည်းမည့် စစ်ဆေးရေးကော်မရှင်မှာ နိုင်ငံတကာပုဂ္ဂိုလ်တစ်ဦး ပါဝင်မှုဆိုတာ ကျွန်တော်တို့ရဲ့ ဖွဲ့စည်းပုံ အခြေခံဥပဒေနှင့် ညီ မညီ စိစစ်ကြည့်ရန် လိုအပ်ပါတယ်။ ဖွဲ့စည်းပုံ အခြေခံဥပဒေ ပုဒ်မ ၄ မှာ နိုင်ငံတော်၏ အချုပ်အခြာအာဏာသည် နိုင်ငံသားများထံမှ ဆင်းသက်ပြီး နိုင်ငံတော်တစ်ဝန်းလုံး၌ တည်သည်ဟု အတိအလင်း ပြဋ္ဌာန်းထားပြီး ဖြစ်တဲ့အတွက် နိုင်ငံတော်ရဲ့အချုပ်အခြာအာဏာ အုပ်ချုပ်ရေးပိုင်းအထိ ယခုဖွဲ့စည်းသော ကော်မရှင်က စစ်ဆေးနိုင်မယ့် အခြေအနေရှိတဲ့အတွက် နိုင်ငံတော်သားများထံမှ ဆင်းသက်လာသော ကော်မရှင် မဟုတ်ဘဲ နိုင်ငံခြားသားထံမှ ဆင်းသာလာသော ကော်မရှင်ဖြစ်လာမည်ကို သတိပြုရမည် ဖြစ်သောကြောင့် နိုင်ငံတကာပုဂ္ဂိုလ် ပါဝင်သာ စစ်ဆေးရေး ကော်မရှင်ဟာ နိုင်ငံတော် ဖွဲ့စည်းပုံအခြေခံဥပဒေနှင့် ကိုက်ညီမှု မရှိကြောင်း ပထမဦးစွာ တွေ့ရပါတယ်။ ယင်းကော်မရှင်ဟာ မြန်မာနိုင်ငံသားများကို ခေါ်ယူခြင်း တွေ့ဆုံခြင်း မေးမြန်းခြင်းတို့ကို ပြုလုပ်ရမှာ ဖြစ်ပါတယ်။ နိုင်ငံသား တစ်ဦးဦးကို ဥပဒေရဲ့ ခွင့်ပြုချက်မှတစ်ပါး မည်သူကမှ မေးမြန်းပိုင်ခွင့် မရှိပါဘူး။ ၎င်းအာဏာမှာ တရားရေးအာဏာသာ ဖြစ်ပါတယ်။ တရားရေး အာဏာကို ကော်မရှင်သို့ ပေးအပ်ပါက မြန်မာနိုင်ငံရဲ့ တရားရေးဆိုင်ရာ အချုပ်အခြာအာဏာကို နိုင်ငံခြား အဖွဲ့အစည်းတစ်ခုကို အပ်နှင်းလိုက်သလို ဖြစ်နေမှာ သတိပြုရမှာ ဖြစ်ပါတယ်။ မြန်မာနိုင်ငံ Sovereign Decision ကို နိုင်ငံခြားသားက ချမှတ်ပါက မမျှော်လင့်သော ရှုပ်ထွေးမှုများ ဖြစ်ပေါ်လာနိုင်ပြီး ကျွန်တော်တို့ ပြည်နယ်တစ်ခုရဲ့ လုံခြုံရေးပိုင်းဆိုင်ရာ ကျိုးပေါက်သွားနိုင်သကဲ့သို့ နိုင်ငံတော်ရဲ့ အချုပ်အခြာကိုပါ ထိပါး စွက်ဖက်လာနိုင်တာကိုပါ သတိပြုရမှာ ဖြစ်ပါတယ်”ဟု ဒုတိယဗိုလ်မှူးကြီး စိုးမြင့်အောင် က ပြောကြားသည်။

ထို့ပြင် အာဆာအကြမ်းဖက်မှု ကာလနောက်ပိုင်းအား စုံစမ်းမယ်ဆိုသည့်အတွက် ၎င်းကာလသည် ဒေသတွင်း တည်ငြိမ်းအေးချမ်းမှု မရှိချိန်၊ အစိုးရ၏ အုပ်ချုပ်မှုယန္တရား ပျက်ပြားနေချိန်၊ ဒေသခံ ပြည်သူများ စိုးရိမ်ကြောက်လန့်ပြီး တစ်ဦးနှင့်တစ်ဦး၊ လူမျိုး တစ်မျိုးနှင့်တစ်မျိုး နာကျင်ခံစားပြီး သံသယကြီးနေချိန် ဖြစ်ကြောင်း၊ အစိုးရ၏ အုပ်ချုပ်ရေးအဖွဲ့အစည်းများ၊ လုံခြုံရေးတပ်ဖွဲ့ဝင်များ၊ လုံခြုံရေးတပ်ဖွဲ့ဝင်များနှင့် ပူးပေါင်းဆောင်ရွက်နေကြသည့် ဒေသခံပြည်သူများဖြင့် ဒေသတွင်း တည်ငြိမ်ရေး၊ အုပ်ချုပ်ရေးယန္တရား လည်ပတ်နိုင်ရေး၊ အချုပ်အခြာအာဏာ ထပ်မံမဆုံးရှုံးရေး၊ ပြည်သူလူထု အိုးအိမ်စည်းစိမ် ထပ်မံမထိခိုက်စေရေး၊ လုံခြုံရေးနှင့် တရားဥပဒေစိုးမိုးရေးတို့ကို အဓိကထား လုပ်ဆောင်နေချိန် ကာလဖြစ်၍ ၎င်းကာလကို နိုင်ငံခြားသား ပုဂ္ဂိုလ်တစ်ဦးအနေဖြင့် သမိုင်းနောက်ခံ အခြေအနေမသိ၊ ဒေသခံများ၏ ခံစားနေရသည့် ဒုက္ခကိုမသိဘဲ လူ့အခွင့်အရေး၊ လူသားချင်း စာနာထောက်ထားမှု ခေါင်းစဉ်များဖြင့် သုံးသပ် စစ်ဆေးလာမည်ဆိုပါက နိုင်ငံတော်အစိုး၏ ပုံရိပ်ကို ထိခိုက်လာနိုင်သည်ကို ထည့်သွင်း စဉ်းစားရမည်ဖြစ်ကြောင်း ၎င်းကဆက်လက် ဆွေးနွေးသည်။

”မြန်မာနိုင်ငံရဲ့ ပြည်တွင်းရေးကို မြန်မာနိုင်ငံသားများကသာ ကွပ်ကဲစီရင်ပိုင်ခွင့် ရှိပြီးတော့ ပြည်ပနိုင်ငံသားများ ပါဝင်စေခြင်းဟာ ပြည်ပမှ ၀င်ရောက်စွက်ဖက်မှုကို မိမိကိုယ်တိုင် ကြိုဆိုနေသလို ဖြစ်နေတာကို သတိပြုရမှာ ဖြစ်ပါတယ်။ မြန်မာနိုင်ငံကို မြန်မာအစိုးရကသာ အုပ်ချုပ်နေတာဖြစ်ပြီးတော့ UN က လာရောက် အုပ်ချုပ်နေတာ မဟုတ်ကြောင်း သတိပြုရမှာ ဖြစ်ပါတယ်”ဟု တပ်မတော်သား လွှတ်တော်ကိုယ်စားလှယ် ဒုတိယဗိုလ်မှူးကြီး မင်းသော်အေး ကပြောကြားသည်။

ရခိုင်ပြည်နယ်အတွက် လွတ်လပ်သော စုံစမ်းစစ်ဆေးရေးကော်မရှင်တစ်ခုကို ပြည်တွင်းမှ ကျွမ်းကျင်ပညာရှင်များဖြင့်သာ ဖွဲ့စည်းဆောင်ရွက်ရေး အရေးကြီးအဆိုအား ပြည်သူ့လွှတ်တော်တွင် မဲခွဲဆုံးဖြတ်ရာတွင် ရှုံးနိမ့်သွားသည့် မဲရလဒ်အား တွေ့ရစဉ်

ယခုကဲ့သို့ နောက်ကြောင်းပြန် ဆောင်ရွက်ခြင်းသည် ကျယ်ပြန့် နက်ရှိုင်းပြီး ပြည်ပ ပယောဂများ အဖျက်အမှောင့်များ မတည်ငြိမ်မှုများ စသည့် ကဏ္ဍပေါင်းစုံမှ ဆက်နွှယ်လာနိုင်သည်ကို သတိပေး ဆွေးနွေးလိုကြောင်း၊ ကော်မရှင်အနေဖြင့် မြန်မာနိုင်ငံအကျိုးကို ထည့်သွင်းမစဉ်းစားဘဲ လူ့အခွင့်အရေးကို ဇောင်းပေးကာ ဒေသခံ တိုင်းရင်းသားများ၏အရေးကို မျက်ကွယ်ပြုပြီး ၎င်းတို့ဖြစ်စေချင်သည့် အကြောင်းအရာများကိုသာ စစ်ဆေး ဖော်ထုတ်လာပါက ပြည်တွင်းရေး ပြဿနာကို တရားနည်းလမ်းကျ ဖြေရှင်းရာမရောက်ဘဲ နိုင်ငံတကာသို့ ကျယ်ပြန့်စွာ လှုံ့ဆော်ဖန်တီးမှုမျိုး ဖြစ်လာနိုင်ကြောင်း၊ နိုင်ငံခြားသား ပါဝင်သည့် ကော်မရှင်ဖွဲ့စည်းခြင်းကို နိုင်ငံတော်အစိုးရ အနေဖြင့် နက်နက်နဲနဲ စဉ်းစားသင့်ကြောင်း၊ ပြဿနာများကို ပိုမို ကျယ်ပြန့်စေခြင်း၊ အခြေအနေ ပိုမိုရှုပ်ထွေး ဆိုးရွားသွားစေခြင်း မရှိစေရန်နှင့် တစ်ဖက်နှင့် တစ်ဖက် အမုန်းတရားများ မဖြစ်ပေါ်စေရေး ထိန်းသိမ်းရန်မှာ ပြည်ထောင်စုအစိုးရ၏ တာဝန်သာ ဖြစ်ကြောင်း ဒုတိယဗိုလ်မှူးကြီး စိုးမြင့်အောင်က ပြောကြားသည်။

”လုံခြုံရေး၊ တည်ငြိမ်အေးချမ်းရေးနဲ့ တရားဥပဒေ စိုးမိုးရေးကို အခြေခံကျကျ စဉ်းစားပြီး အစိုးရရဲ့ အခွင့်အာဏာအတွင်းမှ နိုင်ငံတော်နဲ့နိုင်ငံသားများ၊ ဒေသခံ တိုင်းရင်းသားများရဲ့ မွေးရာပါ အခွင့်အရေးများနဲ့ အကျိုးစီးပွားကို ရှေးရှုသော ကော်မရှင်တစ်ရပ် ဖွဲ့စည်းရေးကိုသာ ဦးစားပေး ဆောင်ရွက်သင့်ပါတယ်။ ရခိုင်ပြည်နယ်အရေးကိစ္စဟာ မြန်မာပထ၀ီဝင် အနေအထားအရ နိုင်ငံခြားသားများနဲ့ ဖြေရှင်းရမယ့်ကိစ္စ မဟုတ်ဘဲ မိမိနိုင်ငံရဲ့ အမျိုးသား အကျိုးစီးပွားဖြစ်တဲ့ တိုင်းပြည် တည်ငြိမ်အေးချမ်းရေး တိုင်းရင်းသား စည်းလုံးညီညွတ်ရေးနဲ့ ဖွံ့ဖြိုးတိုးတက်ရေးအတွက် စိတ်ရင်း စေတနာအမှန်နဲ့ ဆောင်ရွက်လိုသူများ၊ မြန်မာနိုင်ငံ အတိတ်သမိုင်းကြောင်းကို သိရှိလက်ခံနိုင်သည့် မိမိနိုင်ငံသား အသိပညာရှင်များ၊ အတက်ပညာရှင်များနဲ့သာ ဖြေရှင်းနိုင်တဲ့ ကိစ္စတစ်ခု ဖြစ်ပါတယ်။ နိုင်ငံတော်အတွင်းမှာရှိတဲ့ ပညာရှင်နိုင်ငံသားများနဲ့သာ ပါဝင်ဖွဲ့စည်းသော ကော်မရှင်တစ်ခုကို ပြည်သူတို့ရဲ့ ဆန္ဒနဲ့အညီ ဖွဲ့စည်းဆောင်ရွက်သင့်ပါတယ်။ ထိုသို့ ကော်မရှင် ဖွဲ့စည်းသောကိစ္စဟာ နိုင်ငံတော်အတွက် အထူးအရေးကြီးပြီး အတိမ်းအစောင်း မခံသည့်ကိစ္စဖြစ်၍ လုပ်ဆောင်မှု နည်းလမ်းမှားယွင်းခဲ့ရင် ဒေသခံ ပြည်သူလူထုများ ထိခိုက်နစ်နာပြီး မလိုလားအပ်သော ပြဿနာများ နစ်နာဆုံးရှုံးမှုများ နက်ရှိုင်းစွာ ဖြစ်ပေါ်လာနိုင်ခြင်း၊ နိုင်ငံတော်ရဲ့ လုံခြုံရေးနှင့် အမျိုးသားအကျိုးစီးပွားများကို ထိခိုက်လာနိုင်ခြင်းတို့ကြောင့် နိုင်ငံတော်နှင့် နိုင်ငံသားများအကျိုးအတွက် ပွင့်လင်းမြင်သာစွာနဲ့ ပြည်သူ့ကိုယ်စားလှယ်ဖြစ်သော လွှတ်တော် ကိုယ်စားလှယ်များတို့ရဲ့ အတည်ပြုချက်ရယူပြီး အထူးဂရုပြု ဆောင်ရွက်သင့်တဲ့ကိစ္စ ဖြစ်ပါတယ်”ဟု ဒုတိယဗိုလ်မှူးကြီး စိုးမြင့်အောင်က ပြောကြားသည်။

ထို့ပြင် ကုလသမဂ္ဂ လူ့အခွင့်အရေးကောင်စီက ရခိုင်ပြည်နယ်အတွင်း စုံစမ်းစစ်ဆေးနိုင်ရန် အချက်အလက် ရှာဖွေဖော်ထုတ်ရေးအဖွဲ့ကို ဖွဲ့စည်း၍ မြန်မာနိုင်ငံကို စေလွှတ်ရန် ၂၀၁၇ ခုနှစ် မတ် ၂၄ ရက်တွင် မဲခွဲမှု မလုပ်ဘဲ အတည်ပြု ဆုံးဖြတ်ခဲ့ကြောင်း၊ ထို့အတူ မြန်မာနိုင်ငံအပေါ် R2P ဆောင်ရွက်ရန် တွန်းအားပေးမှုများ ပြုလုပ်ခြင်း၊ ဆွေးနွေးပွဲများ ကျင်းပခြင်း၊ နိုင်ငံတကာ တက္ကသိုလ်ကောလိပ်များတွင် ဘွဲ့လွန်စာတမ်းများ ပြုစုခြင်းတို့ကိုပါ အချိန်ကိုက် ဆောင်ရွက်လာကြကြောင်း၊ ကိုဖီအာနန် ကော်မရှင်သည် အကြံပေးရန်ဟု ဆိုခဲ့သော်လည်း ဖွဲ့စည်းဆောင်ရွက်ပြီးသည့်နောက်တွင် ကော်မရှင်၏ အကြံပြုချက်များကို UN တွင် တင်ပြခဲ့ပြီး တရားဝင်အတည်ဖြစ်ကာ ယခုအခါတွင် ရခိုင်အရေး လမ်းပြမြေပုံအဖြစ်သို့ ရောက်ရှိနေပြီ ဖြစ်ကြောင်း၊ အဆိုပါဖြစ်စဉ်သည် ကိုဖီအာနန် ကော်မရှင်ဆိုသည့် နိုင်ငံခြားသားများ ပါဝင်လာသည့် အကျိုးဆက်ဖြစ်ပြီး မိအေးနှစ်ခါနာ သာမက ၁၀ ခါမကနာသည့်အဖြစ်သို့ ရောက်နေကာ မိမိနိုင်ငံသူ၊ နိုင်ငံသားများကိုလည်း မယုံကြည်ရာ ရောက်ကြောင်း ဒုတိယဗိုလ်မှူးကြီး မင်းသော်အေး ကပြောကြားသည်။

မြန်မာနိုင်ငံသည် ကမ္ဘာ့ကုလသမဂ္ဂ အဖွဲ့ဝင်နိုင်ငံဖြစ်သည်နှင့်အညီ မြန်မာနိုင်ငံအပေါ် ဥပဒေအရ စည်းနှောင်မှုရှိသည့် ပြဋ္ဌာန်းချက်များ၊ ဆုံးဖြတ်ချက်များကို လိုက်နာ ဆောင်ရွက်ရမည် ဖြစ်သော်လည်း ဥပဒေအရ စည်းနှောင်မှု မရှိသည့် ကုလသမဂ္ဂ၏ တိုက်တွန်း အကြံပြုချက်များကို အလုံးစုံလိုက်နာ ဆောင်ရွက်ရန်မလိုဘဲ မိမိနိုင်ငံ၏ အခြေအနေအရ ဆောင်ရွက်သင့်သည်များကိုသာ ဆောင်ရွက်ရန်ဖြစ်ပြီး မဆောင်ရွက်နိုင်သည့် ကိစ္စများကို မဆောင်ရွက်ဘဲ ထားရှိသင့်ကြောင်းနှင့် ရွေးချယ်စရာ နည်းလမ်းများနှင့် အကောင်းဆုံး ရွေးချယ်မှုကို မိမိနိုင်ငံ၏ အမျိုးသားအကျိုးစီးပွား ထိခိုက်နစ်နာမှု မရှိစေနိုင်သော အခြေခံအချက်အပေါ် မူတည်ပြီး ရွေးချယ် ဆောင်ရွက်သင့်ကြောင်း ဗိုလ်မှူးကြီး ခင်မောင်ချိုက ပြောကြားသည်။

အဆိုပါ အရေးကြီးအဆိုအား တပ်မတော်သား လွှတ်တော်ကိုယ်စားလှယ်များ၊ ပြည်ထောင်စုကြံ့ခိုင်ရေးနှင့်ဖွံဖြိုးရေးပါတီဝင် လွှတ်တော်ကိုယ်စားလှယ်များ၊ ရခိုင်အမျိုးသားပါတီဝင် လွှတ်တော်ကိုယ်စားလှယ်များက ထောက်ခံဆွေးနွေးခဲ့ပြီး အမျိုးသားဒီမိုကရေစီအဖွဲ့ချုပ် လွှတ်တော်ကိုယ်စားလှယ်များက ကန့်ကွက်ဆွေးနွေးခဲ့ကာ နိုင်ငံတော်အတိုင်ပင်ခံရုံးဝန်ကြီးဌာန ဒုတိယ၀န်ကြီးက အစိုးရ၏ ဆောင်ရွက်ချက်များကို ရှင်းလင်း၍ အဆိုအား အတည်မပြုရန် သဘောထားတင်ပြခဲ့ပြီးနောက် အဆိုအပေါ် မဲခွဲဆုံးဖြတ်ရာတွင် ကန့်ကွက်မဲများသည့်အတွက် အဆိုတင်သွင်းခြင်း ရှုံးနိမ့်ခဲ့သည်။

မြောက်ကိုရီးယားအား နျူကလီးယားလက်နက် စွန့်လွှတ်စေရေးအတွက် ဆယ်စုနှစ်များချီလျက် ကြိုးပမ်းမှု

ဆယ်စုနှစ် သုံးခုနီးပါးကြာအောင် အမေရိကန်သမ္မတ အဆက်ဆက်၊ အခြားကမ္ဘာ့ ခေါင်းဆောင်များနှင့် ကုလသမဂ္ဂတို့က မြောက်ကိုရီးယားအား  နျူကလီးယားလက် နက်စီမံကိန်းကို စွန့်လွှတ်ရန် ချော့တစ်ခါ ခြောက်တစ်လှည့်ဖြင့် ကြိုးပမ်းခဲ့ကြသော်လည်း အချည်းနှီးသာ ဖြစ်ခဲ့သည်။

ယခုအခါ ဒေါ်နယ်ထရန့်က မြောက်ကိုရီးယားခေါင်းဆောင် ကင်ဂျုံအွန်နှင့် ဇွန် ၁၂ ရက်တွင် စင်ကာပူတွင် ပြုလုပ်မည့် မမျှော်လင့်ဘဲဖြစ်လာသည့် ထိပ်သီးဆွေးနွေးပွဲ၌ တွေ့ဆုံကာ သူ၏ရှေ့မှ သမ္မတများ မအောင်မြင်ခဲ့သော သဘောတူညီချက် ရရှိရေးအတွက် ကြိုးပမ်းမည်ဖြစ်သည်။

ယခင် ကြိုးပမ်းမှုများကို အောက်ပါအတိုင်း တွေ့နိုင်သည်။

■ သဘောတူခဲ့သည့် မူဘောင်

မြောက်ကိုရီးယားသည် ၁၉၈၅ ခုနှစ် တွင် နျူကလီးယားမပြန့်ပွားရေးသဘောတူ စာချုပ် (NPT) ၌ ပါဝင်ခဲ့သည်။ သို့သော် သဘောတူညီချက်နှင့်ပတ်သက်၍ လှည့်စားခဲ့သည်ဟူသည့် သံသယများ ကြီးထွားလာသည်။

၁၉၈၉ ခုနှစ်တွင် အမေရိကန်ဂြိုဟ်တု ဓာတ်ပုံများက ယုံဗြွန်းရှိ နျူကလီးယား စက်ရုံတစ်ရုံကို ဖော်ထုတ်ပြသခဲ့သည်။

နောက်လေးနှစ်ကြာသောအခါ မြောက်ကိုရီးယားက ၎င်းအနေဖြင့် NTP မှ နုတ်ထွက်ကြောင်း ကြေညာခဲ့ပြီး အမေရိကန်က ညှိနှိုင်းဆွေးနွေးရန် ကြိုးပမ်းခဲ့သည်။

၁၉၉၄ ခုနှစ် အောက်တိုဘာလတွင်  ကလင်တန်အစိုးရလက်ထက်၌ လက်မှတ်ရေးထိုးခဲ့ပြီး ‘သဘောတူခဲ့သည့် မူဘောင်’ဟု ခေါ်ဆိုသော သဘောတူညီချက်တစ်ရပ်အောက်၌ မြောက်ကိုရီးယားသည် တည်ရှိ ဆဲ နျူကလီးယားစက်ရုံများကို ရပ်ဆိုင်းထားရန်အပြင် အခါအားလျော်စွာ ဖျက်သိမ်းရန်အထိပင် သဘောတူခဲ့သည်။ ယင်းနျူကလီးယားစက်ရုံများသည် ပလူတိုနီယမ်ကို အလွယ်တကူ ထုတ်နိုင်သော်လည်း မြောက်ကိုရီးယားက ယင်းတို့အား လျှပ်စစ်ဓာတ်အား ထုတ်ယူရန်သာ ရည်ရွယ်ခြင်းဖြစ်ကြောင်း ပြောကြားခဲ့သည်။

အမေရိကန်သည် အပေးအယူသဘော ဖြင့် တစ်နှစ်လျှင် အခြားနည်းလမ်းမှ ရသည့် စွမ်းအင်အဖြစ် လောင်စာဆီ တန်ချိန် ၅၀၀,၀၀၀ ပေးရန်အပြင် ၂၀၀၃ ခုနှစ်သို့ အရောက်တွင် နျူကလီးယားလက်နက် မလုပ်နိုင်သည့် Light-Water ဓာတ်ပေါင်းဖိုနှစ်ခု တည်ဆောက်ပေးရန် ကတိပေးခဲ့ရသည်။

ကွန်ဂရက်တွင် ရီပက်ဘလီကင်တို့အကြား မလိုလားမှုများကြောင့် များစွာသော လောင်စာဆီများကို သင်္ဘောဖြင့် ပို့ပေးမှုများ ကြန့်ကြာခဲ့ပြီး Light-Water ဓာတ်ပေါင်း ဖိုနှစ်ခု တည်ဆောက်ပေးရေးသည်လည်း နှစ်အတန်ကြာအောင် ရွှေ့ဆိုင်းထားရသည်။ နောက်ဆုံးတွင် အမေရိကန်က မြောက်ကိုရီးယားကို ယူရေနီယမ်သန့်စင်ရေးစီမံချက်အား လျှို့ဝှက်ဆောင်ရွက်နေသည်ဟု စွပ်စွဲခဲ့ပြီးနောက် ၂၀၀၂ ခုနှစ်တွင် သဘောတူညီချက် ကျိုးပျက်သွားခဲ့ရသည်။

၂၀၁၈ ခုနှစ် ဇွန် ၁၀ ရက်က စင်ကာပူ၌ အမေရိကန်-မြောက်ကိုရီးယား ထိပ်သီးဆွေးနွေးပွဲမတိုင်မီ မီဒီယာအသိအမှတ်ပြုကတ်များ ထုတ်ယူရန်အတွက် ဂျာနယ်လစ်များ တန်းစီနေစဉ် (Photo: AFP)

■ ခြောက်နိုင်ငံဆွေးနွေးပွဲ

၂၀၀၃ ခုနှစ်တွင် စတင်သည့် ခြောက် နိုင်ငံ ဆွေးနွေးပွဲကို တရုတ်က အိမ်ရှင်အဖြစ် လက်ခံခဲ့ပြီး မြောက်ကိုရီးယား၊ တောင်ကိုရီးယား၊ ရုရှား၊ ဂျပန်နှင့် အမေရိကန်နိုင်ငံတို့ တက်ရောက်ခဲ့သည်။ အတိုင်းအတာ ကျယ်ပြောသော သဘောတူညီချက်များကို ညှိနှိုင်းရခြင်းနှင့်အတူ ဆွေးနွေးပွဲများကို ၂၀၀၅ ခု နှစ် စက်တင်ဘာလအထိ အကြိမ်ကြိမ် ကျင်းပခဲ့ရသည်။

မြောက်ကိုရီးယားက သူ၏ နျူကလီးယားစီမံကိန်းကို ရပ်ဆိုင်း၍ NPT သို့ ပြန်လည်ဝင်ရောက်ရန်နှင့် ပြည်ပမှ နျူကလီးယားထိန်းချုပ်စောင့်ကြည့်သူများကို လက်ခံရန် သဘောတူခဲ့ပြီး အပြန်အလှန်အနေဖြင့်  စားနပ်ရိက္ခာနှင့် စွမ်းအင်အကူအညီများအပြင် အမေရိကန်နှင့် အခါအားလျော်စွာ ပုံမှန်ဆက်ဆံရေး ရရှိမှုကို မြောက်ကိုရီးယားအတွက် အာမခံပေးရသည်။ ကိုရီးယားစစ်ပွဲကို တရားဝင်အဆုံးသတ်ရေးအတွက် ငြိမ်းချမ်းရေးစာချုပ်ချုပ်ရန်လည်း သဘောတူ ထားခဲ့သည်။

သို့သော် မြောက်ကိုရီးယားအတွက် ငွေကြေးခ၀ါချမှု ပြုလုပ်ပေးသည်ဟုဆိုကာ မကာအိုရှိ ဘဏ်တစ်ခုကို အမေရိကန်က ကန့်သတ်ပိတ်ဆို့မှုများ ချမှတ်လိုက်သည့်အခါ၌ ဆွေးနွေးမှုများမှာ အလျင်အမြန် တုံ့ဆိုင်းသွားခဲ့ရသည်။ ၂၀၀၆ ခုနှစ် အောက်တိုဘာလ တွင် မြောက်ကိုရီးယားသည် ပထမဆုံးနျူကလီးယား စမ်းသပ်မှုကို ပြုလုပ်ခဲ့သည်။

၂၀၀၇ ခုနှစ် ဖေဖော်ဝါရီလတွင် ဆွေးနွေးပွဲ အသစ်ကို ပြန်လည်ကျင်းပခဲ့ရာ၌ သဘောတူညီချက်တစ်ရပ်ရရှိခဲ့ရာ မြောက်ကိုရီးယားက သူ၏ နျူကလီးယားအစီအစဉ်ကို ရပ်ဆိုင်းပေးရန်နှင့် အပြန်အလှန်အဖြစ် သူ့အား အကူအညီပေးရန်နှင့် မြောက်ကိုရီးယား၏ ငွေများ မကာအိုဘဏ်မှ ထုတ်ပေးရန်တို့အတွက် သဘောတူခဲ့ကြသည်။

အဆိုပါနှစ် အနှောင်းပိုင်းတွင် မြောက်ကိုရီးယားသည် ယုံဗြွန်းရှိ နျူကလီးယားစက်ရုံကို စတင်ပိတ်သိမ်းခဲ့ပြီး အမေရိကန်ကျွမ်းကျင်ပညာရှင်များ စောင့်ကြည့်နေသည့် အောက်၌ ထောင်နှင့်ချီသော လောင်စာချောင်းများကို ဖယ်ရှားခဲ့သည်။

၂၀၀၈ ခုနှစ်တွင် မြောက်ကိုရီးယားသည် အမေရိကန်ထံသို့ သူ၏ နျူကလီးယား အစီအစဉ်နှင့်ပတ်သက်သည့် များပြားသော အသေးစိတ်အချက်အလက်များကို လွှဲပြောင်းပေးခဲ့ပြီး ပြည်ပမီဒီယာများရှေ့မှောက်၌ ယုံဗြွန်း အအေးခံမျှော်စင်ကို ဖောက်ခွဲပြခဲ့သည်။  ဘုရ်ှအစိုးရအဖွဲ့က ပိတ်ဆို့မှုများကို ဖြေလျှော့ခဲ့ပြီး မြောက်ကိုရီးယားကို နိုင်ငံတော်က ထောက်ပံ့သော အကြမ်းဖက်နိုင်ငံစာရင်းမှ ဖယ်ရှားပေးခဲ့သည်။

သို့သော် နှစ်ဦးနှစ်ဖက်သည် လက်နက်ဖျက်သိမ်းရေး အတည်ပြုရန် လုပ်ငန်းစဉ်များ၌ သဘောတူညီချက်မရဘဲ ၂၀၀၈ ခုနှစ်အကုန်တွင် မြောက်ကိုရီးယားသည် သူ၏ နျူကလီးယား အစီအစဉ်ကို ပြန်လည်စတင်ခဲ့ပြီး နျူကလီးယားဆိုင်ရာကြည့်ရှုစစ်ဆေးသူများကို ပြည်ဝင်ခွင့် ပိတ်ပင်ခဲ့သည်။

ခြောက်နိုင်ငံဆွေးနွေးပွဲ၏ နောက်ဆုံး အကျော့ကို ၂၀၀၈ ခုနှစ် ဒီဇင်ဘာလအတွင်း ၌ ကျင်းပခဲ့ပြီး ၂၀၀၉ ခုနှစ်အတွင်း မြောက်ကိုရီးယားသည် များစွာသော ဒုံးကျည်စမ်းသပ်မှုများအပြင် ဒုတိယမြောက် နျူကလီးယားစမ်းသပ်မှုကို ပြုလုပ်ခဲ့သည်။

၂၀၁၀ ပြည့်နှစ်တွင် မြောက်ကိုရီးယားက အမေရိကန်ကျွမ်းကျင်ပညာရှင်တစ်ဦးအား ယူရေနီယမ် သန့်စင်ရေးစက်ရုံသစ်တစ်ခုနှင့် ယုံဗြွန်းရှိ Light-Water ဓာတ်ပေါင်းဖိုတို့ကို ပြသခဲ့သည်။

 

■ နေ့တွင်းချင်း သဘောတူညီမှု

၂၀၁၂ ခုနှစ် ဖေဖော်ဝါရီ ၂၉ ရက်တွင် ကြေညာခဲ့သော သဘောတူညီချက်တစ်ရပ်အရ အိုဘားမားအစိုးရအဖွဲ့က စဉ်ဆက်မပြတ် စားနပ်ရိက္ခာထောက်ပံ့ပေးရန် ကမ်းလှမ်းခဲ့ပြီး အပြန်အလှန်အားဖြင့် မြောက်ကိုရီးယားက ယူရေနီယမ်သန့်စင်မှုနှင့် ဒုံးကျည် စမ်းသပ်မှုများကို ရပ်ဆိုင်းရန်နှင့် ယုံဗြွန်းသို့  နျူကလီးယားစစ်ဆေးသူများကို ပြန်ဝင်ခွင့်ပြုရန် သဘောတူခဲ့သည်။ ထို့ကြောင့် ခြောက် နိုင်ငံ ဆွေးနွေးပွဲ ပြန်လည်စတင်ခဲ့သည်။

၁၆ ရက်ကြာပြီးနောက် မြောက်ကိုရီးယားသည် ဂြိုဟ်တုလွှတ်တင်ရန် အစီအစဉ်များကို ကြေညာခဲ့ပြီး ဧပြီလ၌ ဆောင်ရွက်ခဲ့သောကြောင့် သဘောတူညီချက်များ ပျက်ပြယ်ခဲ့ရသည်။

မြရိပ်ညိုစီမံကိန်းဧရိယာရှိ ကုက္ကိုင်းရေလှောင်ကန် ဆက်စပ်မြေနေရာများ ထိခိုက်ပျက်စီးခဲ့ခြင်း ရှိ မရှိ နိုင်ငံတကာ အသိအမှတ်ပြု လွတ်လပ်သည့်ကြားနေအဖွဲ့အစည်းများ၏ စစ်ဆေးအတည်ပြုချက်ရယူရန် တောင်းဆိုမှုများရှိနေ

မြရိပ်ညိုစီမံကိန်းအတွင်းပိုင်းတစ်နေရာကို ဇွန်လဆန်းပိုင်းက တွေ့ရစဉ် (ဓာတ်ပုံ-နေ၀န်းထက်)

မြရိပ်ညိုစီမံကိန်းဧရိယာရှိ ကုက္ကိုင်း ရေလှောင်ကန်နှင့် ဆက်စပ်မြေနေများ ထိခိုက် ပျက်စီးခဲ့ခြင်း ရှိ မရှိကို စစ်ဆေးခြင်းများ ပြုလုပ်လာပါက အစိုးရနှင့် ဇေကမ္ဘာကုမ္ပဏီဘက်မှ ဆောင်ရွက်သည့် စစ်ဆေးအတည်ပြုမှုများထက် နိုင်ငံတကာ အသိအမှတ်ပြု  လွတ်လပ်သည့် ကြားနေအဖွဲ့အစည်းတချို့၏ စစ်ဆေးအတည်ပြုချက်များအား ရေလှောင်ကန်အနီးရှိ ရပ်ကွက်များတွင် နေထိုင်သည့် ပြည်သူများက တောင်းဆိုမှုများ  ရှိနေကြောင်း သိရသည်။

ကုက္ကိုင်းရေလှောင်ကန် အနီးတွင် နေထိုင်သည့် ပြည်သူများက ရန်ကုန်တိုင်းဒေသကြီး အစိုးရက ခွင့်ပြုထားသည့် စီမံကိန်းကို စစ်ဆေးရာတွင် အစိုးရဘက်မှ တာဝန်ရှိသူများနှင့် ဇေကမ္ဘာကုမ္ပဏီဘက်တို့ ပြုလုပ်သည့် စစ်ဆေးအတည်ပြုချက်များထက် လွတ်လပ်သည့် နိုင်ငံတကာ အသိအမှတ်ပြု အဖွဲ့များ၏ လာရောက်စစ်ဆေး အတည်ပြုချက်ကိုသာ ရယူပေးရန်အတွက် တောင်းဆိုမှုမျာ ရှိနေခဲ့ပြီး စစ်ဆေးမှု ရလာဒ်များအား တာဝန်ယူ၊ တာဝန်ခံနိုင်သည့် အဖွဲ့အစည်းမျိုး ဖြစ်ရန်လိုကြောင်း သိရသည်။

“Third Party ဆိုတာ အရင်ဆုံး EIA SIA စစ်ရတယ်။ Third Party က ပတ်ဝန်းကျင်အနေအထားက အကုန်စစ်ရတယ်။ ဇေကမ္ဘာက လုပ်တာကို ဇေကမ္ဘာဘက်ကရှာတဲ့သူနဲ့ပဲတွဲပြီး  စစ်တာကတော့ သဘာဝမကျဘူးလေ။ ဦးကျော်ဇေယျပြောသလို CDC စစ်တာဆို ဘယ်သူညွှန်ကြားချက်နဲ့ လုပ်တာလဲ။ YCDC ကနေပြီး ညွှန်ကြားလိုက်တယ်။ ဘာတွေလုပ်ရမယ်ဆိုတာကို။ အဲ့ဒီတော့ သူတို့ညွှန်ကြားချက်ကရော ဘယ်သူက ပြောတာလဲ။ YCDC ကလည်း အရမ်း ကြီးတော့ လုပ်ခိုင်းမှာ မဟုတ်လောက်ဘူး။ တကယ်ပြောချင်တဲ့သူတွေက ညွှန်ကြားလို့ပဲလေ။ YCDC က လုပ်ခိုင်းတာကို ဦးခင်ရွှေတို့ဘက်က လုပ်တယ်။ ဒါပေမဲ့ ဘယ်သူက သက်သေလုပ်ပေးမှာလဲ။ နိုင်ငံတကာမှာဆို   Third Party က စစ်ဆေးပြီးတော့ တစ်ခုခု ဖြစ်ပေါ်ခဲ့ရင် အဲ့ဒီစစ်ဆေးတဲ့အဖွဲ့ကပဲ တာဝန်ခံရတယ်။ တရားစွဲလို့ရတယ်။ ဒီတော့  လွတ်လပ်တဲ့ ကြားနေအဖွဲ့အစည်း ဖြစ်ဖို့တော့ လိုတယ်။ အစိုးရရော ဦးခင်ရွှေဘက်ကရော အန်ကယ်တို့ဘက်ကပါ ဖြစ်လို့မရ ဘူး” ဟု ကုက္ကိုင်းရိပ်သာလမ်းတွင် နေထိုင်သည့် ဦးဝင်းဗိုလ်က ပြောကြားသည်။

အဆိုပါ ကိစ္စနှင့်ပတ်သက်ပြီး ဇေကမ္ဘာကုမ္ပဏီမှ ဒါရိုက်တာ ဦးထွန်းဝင်းဟန်က “ ကျွန်တော်တို့တွေ Third Party ရဲ့ ညွှန်ကြားချက်တွေအတိုင်းပဲ ဆောင်ရွက်နေတာပါ”  ဟု ပြောကြားသည်။

ယခုနှစ် မေလကုန်ပိုင်းတွင် မိုးများရွာသွန်းခဲ့ပြီးနောက် ရေဂါလန်နှစ်သန်းဆံ့သည့်  ကုက္ကိုင်းရေလှောင်ကန် ဆက်စပ်နေရာများ၌ မြေသားပျက်စီးမှုများ ဖြစ်ပေါ်ခဲ့သည်ဟု  ကုက္ကိုင်းရိပ်သာလမ်းရှိ  ပြည်သူအချို့က မြင်တွေ့ထင်မြင်ခဲ့သဖြင့် စိုးရိမ်မှု များစွာရှိနေခဲ့ပြီး  ဇေကမ္ဘာကုမ္ပဏီဘက်က  အဆိုပါ ဖြစ်စဉ်များနှင့်ပတ်သတ်ပြီး တရုတ် ထိပ်တန်းဆောက်လုပ်ရေးကုမ္ပဏီတစ်ခုမှ  ရေလှောင်ကန် ရေထိန်းနံရံတည်ဆောက်မှုကို တာဝန်ယူဆောင်ရွက်လျက်ရှိပြီး သက်ဆိုင်ရာတာဝန်ရှိသူများ၏ ညွှန်ကြားမှုများအတိုင်း ဆောင်ရွက်လျက်ရှိသည့်အတွက် ပြည်သူများ စိုးရိမ်ရန်မလိုကြောင်း ရှင်းလင်းထားသည်။

ထိုသို့  ပြည်သူများ၏  စိုးရိမ်မှုများရှိခဲ့ပြီး နောက်ပိုင်းတွင် ရန်ကုန်တိုင်းဒေသကြီး လွှတ်တော်ဘဏ္ဍာရေးနှင့် စီမံကိန်းကော်မတီက ဇွန် ၈ ရက်၌  မြရိပ်ညိုစီမံကိန်းအတွင်းရှိ ကုက္ကိုင်းရေလှောင်ကန်နေရာသို့ သွားရောက် စစ်ဆေးခဲ့ကြောင်းသိရပြီး ရန်ကုန်တိုင်းဒေသကြီး အစိုးရအဖွဲ့၏ ခွင့်ပြုချက်ဖြင့် လုပ်ကိုင်နေခြင်းဖြစ်သည့်အတွက် အစိုးရအဖွဲ့ထံ တင်ပြနိုင်ရန်  လာရောက်စစ်ဆေးခြင်း ဖြစ်ကြောင်း၊ စစ်ဆေးပြီးနောက် ရန်ကုန်မြို့တော် စည်ပင်သာယာရေးကော်မတီအား  ရေလှောင်ကန်၏ ရေအခြေအနေကို စစ်ဆေးရန်အတွက် တွန်းအားပေးထားကြောင်း၊ ဇေကမ္ဘာကုမ္ပဏီဘက်က ပြည်သူများ နားလည်အောင် ရှင်းပြရန်လိုကြောင်း ဘဏ္ဍာရေးနှင့်  စီမံကိန်းကော်မတီ၏ စစ်ဆေးမှုနှင့် ပတ်သက်ပြီး တိုင်းဒေသကြီးလွှတ်တော်ကိုယ်စားလှယ် ဦးကျော်ဇေယျက ဇွန် ၉ ရက်က The Daily Eleven သတင်းစာသို့ ပြောကြားထားသည်။

လက်ရှိတွင် ကုက္ကိုင်းရေလှောင်ကန် အနီးတွင်နေထိုင်သည့် ပြည်သူများက ရေလှောင်ကန် ရေထိန်းနံရံနှင့် ပတ်သက်ပြီး စိုးရိမ်ထိတ်လန့်ခြင်းမျိုးမဟုတ်ကြောင်း၊ စီမံကိန်းဆောက်လုပ်မှုများ ပြုလုပ်ရာမှတစ်ဆင့်  ရေလှောင်ကန်နှင့် အနီးတစ်ဝိုက်ရှိ ဆက်စပ် မြေသားများ ပျက်စီးမှုများ ဖြစ်ပေါ်သည်ကို တွေ့မြင်နေရခြင်းကြောင့် မြေသားများ ထပ်မံပျက်စီးမှုမရှိစေရေးအတွက် စိုးရိမ်နေခြင်း ဖြစ်ပြီး မြေသားပျက်စီးမှုများ ဖြစ်ပေါ်မှုများ  ဆက်လက်ဖြစ်ပွားနေပါက ရေလှောင်ကန် ကျိုးပေါက်နိုင်ခြင်းကို စိုးရိမ်နေခြင်းလည်း ဖြစ်ကြောင်း သိရသည်။

ရန်ကုန်တိုင်းဒေသကြီး ၀န်ကြီးချုပ်၏  သဘောတူညီမှုဖြင့် မြရိပ်ညိုစီမံကိန်းအား ဇေကမ္ဘာကုမ္ပဏီဘက်က လုပ်ဆောင်နေခြင်းဖြစ်ပြီး ကုက္ကိုင်းရေလှောင်ကန်နှင့် ပတ်သက်သည့်ကိစ္စရပ်များ အပါအ၀င် အငြင်းပွားဖွယ်ရာကိစ္စများ ဖြစ်ပေါ်လျက်ရှိသည်။ အနီးစပ်ဆုံးအနေဖြင့် ကာကွယ်ရေးဝန်ကြီးဌာနက ပြန်လည်တည်ဆောက်ရန် ညွှန်ကြားထားသည့် ရန်ကုန်မြို့တော်ဝန်များ နေထိုင်ခဲ့သည့် နေအိမ်နှင့်ပတ်သက်၍လည်း  Yangon Heritage Trust ကဲ့သို့ အများပြည်သူ ယုံကြည်ရသည့် အဖွဲ့အစည်းမျိုးက ကိုလိုနီခေတ်တွင် တည်ဆောက်ခဲ့ကြောင်း ဆိုထားသော်လည်း ဇေကမ္ဘာကုမ္ပဏီဘက်မှ လွတ်လပ်ရေးရပြီးနောက်ပိုင်းတွင် တည်ဆောက်ခဲ့သည့် အဆောက်အအုံများဖြစ်ခြင်းကြောင့် ရှေးဟောင်းအဖြစ် သတ်မှတ်၍ မရကြောင်း နှင့် မြို့တော်ဝန်အိမ်နှင့် Guest House  နှစ်လုံးကို ဖျက်ခဲ့ပြီးဖြစ်ပြီး မြို့တော်ဝန်အိမ်ကိုသာ  ပြန်လည်တည်ဆောက်ရန်အတွက်ရှိကြောင်း ပြောကြားထားသည်။

အာဏာလက်ရှိဖြစ်နေတဲ့သူတွေကို အရေးမယူနိုင်တဲ့အချက် ပါဝင်နေသလား

နေပြည်တော်တွင် ဇွန် ၉ ရက်က ပြုလုပ်သော အဂတိလိုက်စားမှု တိုက်ဖျက်ရေးကော်မရှင် သတင်းစာရှင်းလင်းပွဲကို တွေ့ရစဉ်

အဂတိလိုက်စားမှု တိုက်ဖျက်မယ်ဆိုတဲ့ ကြွေးကြော်သံနဲ့ တက်လာခဲ့တဲ့ NLD အစိုးရဟာ နှစ်နှစ်ပြည့်ချိန်မှာတော့ ကျောသားရင်သား ခွဲခြားနေသလားဆိုတဲ့ ဝေဖန်သံက ပြည်သူတွေကြား ဆူညံနေပါပြီ။

စီမံကိန်းနဲ့ ဘဏ္ဍာရေးဝန်ကြီးဖြစ်ခဲ့တဲ့ ဦးကျော်ဝင်းနဲ့ သားဖြစ်သူကို အထူးစုံစမ်းစစ်ဆေးရေးဦးစီးဌာနနဲ့ အဂတိလိုက်စားမှု တိုက်ဖျက်ရေးကော်မရှင်က စစ်ဆေးခဲ့ပေမယ့် ဒေါ်အောင်ဆန်းစုကြည် ဦးဆောင်တဲ့ အစိုးရအဖွဲ့က လက်ရှိအချိန်အထိ အရေးမယူဘဲ၊ ပြည်သူကို ရှင်းလင်းပြောကြားမှုမရှိဘဲ တာဝန်ကနေ နုတ်ထွက်ခွင့်ပဲ ပေးလိုက်တဲ့ဖြစ်စဉ်မျိုးဟာ ကျောသားရင်သားတင်မက ဒေါ်အောင်ဆန်းစုကြည် ပြောခဲ့တယ်ဆိုတဲ့ “လာဘ်မစားနဲ့၊ အဂတိမလိုက်စားနဲ့။ လာဘ်စားရင်၊ အဂတိလိုက်စားရင် ထောင်ပဲနော်” ဆိုတဲ့ စကားကိုပါ ပြက်ရယ်ပြုသလို ဖြစ်သွားစေခဲ့ပါတယ်။

အစိုးရတစ်ရပ်ရဲ့ ခြစားမှု၊ အုပ်ချုပ်သူလူတန်းစားရဲ့ အဂတိလိုက်စားမှုဟာ နိုင်ငံတစ်ခုကို မြောင်းထဲထိုးချနိုင်သလို အစိုးရတစ်ရပ်ကို ဖြုတ်ချနိုင်တဲ့အထိ ပြည်သူလူထုရဲ့ စိတ်နာကြည်းမှုခံရနိုင်တဲ့ ဖြစ်စဉ်မျိုးတွေကို အစိုးရတစ်ရပ်က သတိမူဖို့ လိုအပ်ပါတယ်။ ဒီလိုသတိမူဖို့ လိုအပ်ပေမယ့် မြန်မာနိုင်ငံက အုပ်ချုပ်သူ အစိုးရတွေကတော့ လွယ်လွယ်နဲ့ သတိမူနိုင်မှာ မဟုတ်ပါဘူး။ ဘာကြောင့်လဲဆိုတော့ မြန်မာနိုင်ငံရဲ့ တည်ဆဲအဂတိလိုက်စားမှု တိုက်ဖျက်ရေးဥပဒေဟာ အုပ်ချုပ်သူအစိုးရတွေကို လွယ်လွယ်အရေးယူဖို့အတွက် ခွင့်ပြုမထားလို့ပါ။

အုပ်ချုပ်သူအစိုးရရဲ့ အဂတိလိုက်စားမှုကို အရေးမယူနိုင်တဲ့ ဥပဒေနဲ့ အဂတိတိုက်ဖျက်နေရတဲ့ မြန်မာနိုင်ငံရဲ့ အကျင့်ပျက်ခြစားမှုဟာ အိတ်ပေါက်နဲ့ ဖားကောက်သလိုဖြစ်နေတဲ့ အခြေအနေပါ။ ဒီလို အခြေအနေဆိုးတွေနဲ့ အမြစ်တွယ်နေတဲ့ အဂတိလိုက်စားမှု တိုက်ဖျက်ရေးဟာ အောင်မြင်ပါ့မလားဆိုတဲ့ သံသယ ပြည်သူတွေရဲ့စိတ်သန္တာန်ဆီ ၀င်ရောက်လာချိန်မှာ ပြည်သူတွေဆီက မမှန်မကန် ငွေသိန်း ၁၀၀ တောင်းခံမှုပြုခဲ့တဲ့ ဧရာဝတီတိုင်းဒေသကြီးက အိမ်မဲလွှတ်တော် ကိုယ်စားလှယ်ကို အဂတိလိုက်စားမှု တိုက်ဖျက်ရေးကော်မရှင်က အရေးမယူနိုင်ဘူးဆိုတဲ့ အခြေအနေ၊ ပြည်သူ့လွှတ်တော်ကိုယ်စားလှယ်အဖြစ်ကနေ စီမံကိန်းနဲ့ ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းကို အဂတိလိုက်စားမှု တိုက်ဖျက်ရေးကော်မရှင်က သူ့ဥပဒေအရ အရေးမယူနိုင်လို့ တိုင်ကြားချက်တွေ မမှန်ကန်ဘူးလို့ ဆုံးဖြတ်ခဲ့ရပေမယ့် “ဦးကျော်ဝင်း အပြစ်မရှိဘူးလို့ မပြောပါဘူး” လို့ ပြောနေချိန်မျိုးမှာ NLD ကိုယ်စားလှယ်ဖြစ်ရင် အဂတိလိုက်စားလည်း အရေးမယူနိုင်ဘူးလား။ အဂတိလိုက်စားမှု တိုက်ဖျက်ရေးဥပဒေမှာ NLD ကိုယ်စားလှယ်ဖြစ်ရင် အရေးမယူဘူးလို့များ ပြဋ္ဌာန်းထားသလားလို့ မေးငေါ့သံတွေ ထွက်လာပါတယ်။

ဒီလို မေးငေါ့သံထွက်လာအောင်လည်း NLD အစိုးရအဖွဲ့က အပြောင်းအလဲလုပ်တဲ့ ပြည်ထောင်စုအဆင့်ဝန်ကြီး၊ ပြည်နယ်နဲ့ တိုင်းဒေသကြီးဝန်ကြီးတွေနဲ့ NLD ကိုယ်စားလှယ်တွေရဲ့ အဂတိလိုက်စားမှုကို တိုင်ကြားခံရတဲ့ဖြစ်စဉ်တွေက သက်သေခံနေပြီး ၀န်ကြီးတစ်ယောက် အနားပေးတိုင်း အဂတိနဲ့ ပတ်သက်သံ ထွက်ပေါ်ခဲ့ပေမယ့် NLD အစိုးရက ဖြေရှင်းမှုမရှိသလို မသိကျိုးကျွန် နေနေတာတွေကလည်း NLD အစိုးရ “ကျောသားရင်သား ခွဲခြားနေသလား” ထင်မြင်သံ ညံစေခဲ့ပါတယ်။

ရိုးသားတဲ့ သမ္မတ ဦးထင်ကျော်နဲ့ ဒုဝန်ကြီးဒေါက်တာထွန်းဝင်း၊ ပြည်နယ်ဝန်ကြီးတွေ ဆလိုင်းအိုင်းဇက်ခင်၊ ဦးမင်းထင်အောင်ဟန်တို့ အစိုးရအဖွဲ့က ထွက်ခွာသွားချိန်မှာ သူတို့လာဘ်မစားကြောင်း ပြည်သူတွေကို ပြောခဲ့သလိုမျိုး တခြားနုတ်ထွက်သူ၊ အနားယူသူတွေမှာ အဂတိလိုက်စားမှုနဲ့ ဆက်နွှယ်မှုတွေ ရှိတယ်လို့ NLD တာဝန်ရှိသူတွေကပြောခဲ့ပေမယ့် ဒီလို လူစားလဲမှုတွေမှာ ရှင်းလင်းတဲ့ ထုတ်ပြန်ချက်တစ်ခုမှ မရှိခဲ့ဘဲ ပြည်သူတွေက သို့လောသို့လောနဲ့ စောင့်ကြည့်နေရတာပါ။ ဒီလိုအခြေအနေမျိုးမှာ NLD အစိုးရအဖွဲ့ နှစ်နှစ်သက်တမ်းအတွင်း NLD ကိုယ်စားလှယ်တွေကို တိုင်ကြားမှု ၃၅၀ ကျော်ရှိပြီး အဂတိလိုက်စားမှု တိုင်စာတွေလည်း ပါဝင်နေတယ်လို့ NLD ပါတီရဲ့ တိုင်ကြားစာကော်မတီတာဝန်ခံနဲ့ ပါတီပြောရေးဆိုခွင့်ရှိသူ ဒေါက်တာမျိုးညွန့်က ပြောလာချိန်မှာ NLD ကိုယ်စားလှယ်တွေရဲ့ အဂတိလိုက်စားကြောင်း တိုင်ကြားစာတွေကို ဘာလို့မထုတ်ပြန်တာလဲ။ ဘာလို့ NLD ပါတီကဆုံးဖြတ်နေတာလဲ။ အဂတိလိုက်စားမှု တိုက်ဖျက်ရေး ဥပဒေအထက်မှာ NLD ကိုယ်စားလှယ်တွေ ရှိနေသလားလို့ မေးငေါ့သံတွေ ထွက်လာပြန်ပါတယ်။

နေပြည်တော်တွင် ဇွန် ၉ ရက်က ပြုလုပ်သော အဂတိလိုက်စားမှု တိုက်ဖျက်ရေးကော်မရှင် သတင်းစာရှင်းလင်းပွဲကို တွေ့ရစဉ်

“အဂတိလိုက်စားမှု တိုက်ဖျက်ရေးကို အခုငါးကြီးကြီးဖမ်းမယ်။ ကော်မရှင်ကြီးတွေဖွဲ့တယ်။ နိုင်ငံတော်အဆင့်ကနေပြီးတော့ ပြည်ထောင်စုအဆင့်ဝန်ကြီးနဲ့ တန်းတူ ဒါကိုလုပ်တယ်။ ဒါပေမဲ့ အခုတကယ်လုပ်တဲ့အခါလည်းကျရော ကျောသားရင်သား မခွဲခြားဘဲ လုပ်ရမှာဖြစ်တဲ့အခါကျတော့ NLD အခု အာဏာရပါတီ ပါလာမယ်။ နောက်အာဏာရတဲ့ အဖွဲ့အစည်းတွေလည်း ပါလာမှာပဲ။ အရင်အာဏာရတဲ့ အဖွဲ့အစည်းတွေ။ အဂတိလိုက်စားတယ်ဆိုတာ အာဏာရတဲ့သူတွေက အများဆုံး လိုက်စားတာလေ။ ဟုတ်တယ်မလား။ အဲဒီတော့ ပါလာမယ့်အခါကျတော့ ဘာတွေဖြစ်လာလဲဆိုတဲ့ အခါကျတော့ ငှဲ့ရမယ့်ဟာတွေ။ နောက် ကြောက်ရမယ့်ဟာတွေပေါ့။ အဂတိကို အဂတိလိုက်တာပေါ့။ အဂတိတိုက်စားမှု တိုက်ဖျက်ပါတယ်ဆိုမှ အဂတိအတိုင်းဆက်ပြီး လိုက်နေရတယ်။ ဘယာဂတိပေါ့။ အဂတိလိုက်စားမှု တိုက်ဖျက်ရေးက သတ္တိဗျတ္တိလည်း ရှိရမယ်။ ကျောသားရင်သား မခွဲခြားဘဲလည်း လုပ်ရမယ်ဆိုတဲ့ အခါကျတော့ သူကိုယ်တိုင်က ဟိုငှဲ့ဒီငှဲ့နဲ့ သူကိုယ်တိုင် အဂတိလိုက်စားတာပဲဗျ။ ပိုက်ဆံယူတာမှ အဂတိလိုက်စားတာ မဟုတ်ဘူး။ အဂတိလိုက်စားတယ်ဆိုတာ ဘယာဂတိ၊ ဆန္ဒာဂတိ၊ မောဟဂတိ၊ ဒေါသဂတိ ဒါအဂတိလေးပါး ရှိတယ်။ အဲဒီတော့ ပြောချင်တာက ဒီပုံစံသွားမယ်ဆိုရင် မဖြစ်နိုင်ဘူး။ ဘယ်လိုမှမဖြစ်နိုင်ဘူး။ ပတ်ဝန်းကျင်နိုင်ငံမှာ အဂတိလိုက်စားမှုကို နောက်ဆုံးဗျာ ကျွန်တော်တို့နဲ့ တစ်ချိန်တုန်းက အတူတူ ၁၉၈၈ မှာ အရေးအခင်းတွေဖြစ်တယ်။ ကွမ်ကျိုးလူသတ်မှုတွေ ဖြစ်ခဲ့တဲ့ ချွန်ဒူးဝမ်တို့ဆိုရင် အဂတိလိုက်စားမှုနဲ့ သမ္မတကနေဆင်းရော သေဒဏ်ပေးခံရတယ်။ ဆိုင်းငံ့သေဒဏ်တွေဘာတွေ၊ နောက်ဆုံး လက်ရှိသမ္မတကြီးကို အဂတိလိုက်စားမှုနဲ့လုပ်ပြီး ချက်ချင်းထောင်ချပစ်လိုက်တယ်လေ။ ဒါက ကိုးရီးယားပေါ့။ ဗီယက်နမ်ဆိုလည်း တစ်ပါတီစနစ် ဆိုပေမယ့် အဂတိလိုက်စားမှု တိုက်ဖျက်ရေးကို အထိုက်အလျောက် လုပ်နိုင်တာဖြစ်တဲ့အတွက် စီးပွားရေး ရှေ့တန်းရောက်လာတယ်။ အဂတိလိုက်စားမှု တိုက်ဖျက်ရေးက ပေါ့ပေါ့လုပ်လို့မရဘူး။ အဂတိလိုက်စားမှု တိုက်ဖျက်ရေးလုပ်မယ်ဆိုတဲ့ လူတွေကိုယ်တိုင် အဂတိကင်းမှရမယ်။ သတ္တိရှိမှရမယ်။ အစိုးရတစ်ရပ် ဖယ်လိုက်တာနဲ့ နောက်အစိုးရတစ်ရပ်တက်လာရုံနဲ့ တိုးတက်ဖို့ဆိုရင် ဒီအဂတိလိုက်စားမှု တိုက်ဖျက်ရေးကို ပြတ်ပြတ်သားသား လုပ်ရင်တော့ အဲဒီကျလို့ရှိရင် အမိန့်ညွှန်ကြားချက်တွေက ဥပဒေအတိုင်း ထွက်လာမှာပေါ့။ အဂတိလိုက်စားမှု ခံနေရင်တော့ ဘာမှလုပ်လို့ရမှာမဟုတ်ဘူး။ ကဏ္ဍတိုင်းမှာ ဒါတွေကို ပြောနေကြတာပဲ။ အဲဒီတော့ တိုင်းသူပြည်သားတွေကလည်း အစိုးရအပေါ်မှာ ယုံကြည် အားထားမှုတွေ လျော့လာမယ်။ နောက်ဆုံး ဘယ်လိုဖြစ်လာမလဲ ဆိုတော့ လူထုကိုယ်တိုင် စိတ်ဓာတ်ပျက်ပြားပြီးတော့ အဂတိလိုက်စားမှု သံသရာထဲကို လူထုက ဘာထူးမှာလဲကွာ ငါတို့လည်း ငွေရေးကြေးရေး၊ သြဇာ၊ အာဏာ၊ အရှိန်အ၀ါနဲ့ ရှင်းမယ်ဆိုပြီး အဂတိလိုက်စားမှု သံသရာထဲ ထပ်ခုန်ဆင်းသွားမှာပဲ။ ဒီအဂတိလိုက်စားမှု တိုက်ဖျက်ရေးက ငါးပွက်ရာငါးစာချလို့လည်း မရသလို၊ ဟန်ပြလည်းလုပ်လို့ မရသလို၊ သတ္တိမရှိဘဲလုပ်လို့ မရဘူး။ ကျောသားရင်သား ခွဲခြားပြီး လုပ်လို့လည်းမရဘူး” လို့ တောင်သူလယ်သမားအရေး ဆောင်ရွက်နေသူ ဦးဇော်ရန်းက ပြောပါတယ်။

ဦးကျော်ဝင်းနဲ့ အိမ်မဲကိုယ်စားလှယ်အရေး

စီမံ/ဘဏ္ဍာဝန်ကြီးဖြစ်ခဲ့တဲ့ ဦးကျော်ဝင်းအရေးဟာ တော်တော်ရှုပ်ထွေးပါတယ်။ ပိုရှုပ်နေတာက အဂတိလိုက်စားမှု တိုက်ဖျက်ရေး ဥပဒေမှာ အစိုးရအုပ်ချုပ်သူ လူတန်းစားကို အရေးယူနိုင်ဖို့ လုံလောက်တဲ့ ပြဋ္ဌာန်းချက် မပါတာပါ။ အဲဒါကြောင့်လည်း အဂတိလိုက်စားမှု တိုက်ဖျက်ရေးကော်မရှင်က သူတို့အဂတိလိုက်စားမှု တိုက်ဖျက်ရေးဥပဒေဥပဒေနဲ့ အရေးယူဖို့ မလုံလောက်လို့ သမ္မတဆီ တင်ပြခဲ့ပြီး သမ္မတက နုတ်ထွက်စေခဲ့တာပါ။

ဦးကျော်ဝင်းကိစ္စကို အဂတိလိုက်စားမှု တိုက်ဖျက်ရေးကော်မရှင်က ပြောသမျှ အနှစ်ချုပ်ရမယ်ဆိုရင် ဦးကျော်ဝင်းနဲ့ သူ့သားကို အဂတိလိုက်စားမှု တိုက်ဖျက်ရေးကော်မရှင်က စစ်ဆေးတယ်။ စုစုပေါင်း အချက်ရှစ်ချက်နဲ့ တိုင်ကြားပြီး တိုင်ကြားချက်မှာ အဂတိလိုက်စားမှု တိုက်ဖျက်ရေးဥပဒေနဲ့ အရေးယူလို့ရမယ့်အချက်က နှစ်ချက်ပါတယ်။ သုံး ချက်က လူမှုရေးကိစ္စ။ နှစ်ချက်က မမှန်မကန် တိုင်ကြားမှု။ နောက်တစ်ချက်က လုပ်ငန်းရှင်ကြီးတစ်ယောက်က ငွေပေးပြီး စီမံ/ဘဏ္ဍာ အမည်ခံနဲ့ ဂေါက်ရိုက်ပြိုင်ပွဲ စပွန်ဆာလက်ခံမှု။

အဂတိလိုက်စားမှုနဲ့ သေချာပေါက် အရေးယူနိုင်မယ့် အချက်နှစ်ချက်မှာ ပုဂ္ဂလိကဘဏ်တစ်ခု ဖွင့်ဖို့တင်ပြလာတဲ့ ငွေကြေးတွေက ငွေကြေးခ၀ါချမှုနဲ့ ငြိစွန်းနေတယ်ဆိုတဲ့ စွပ်စွဲချက်။ အဲဒီ ပုဂ္ဂလိကဘဏ်ကို လိုင်စင်ခွင့်ပြုခဲ့တာက ဦးသိန်းစိန်မဆင်းခင် ၂၀၁၅ ခုနှစ် နိုဝင်ဘာလ ၁၇ ရက်။ ဒီတော့ ဒီပြသနာမှာ ဦးကျော်ဝင်း ပါဝင်ပတ်သက်မှု မရှိနိုင်ဘူးလို့ အဂတိလိုက်စားမှု တိုက်ဖျက်ရေးကော်မရှင်က ဆုံးဖြတ်တယ်။ ဒီနေရာမှာ ပြဿနာတစ်ခုက ဦးသိန်းစိန်မဆင်းခင် ခွင့်ပြုခဲ့တဲ့ ဘဏ်လေးခုရှိပြီး ဒီနေ့အထိ အဲဒီဘဏ်လေးခုဟာ ဒီနေ့အချိန်အထိ ဖွင့်လှစ်ကြခြင်း မရှိသေးဘဲ ပြန်လည်သုံးသပ်နေဆဲပါ။ ဒါပေမဲ့ ဒီပြဿနာမှာ ရိုးရှင်းမှုရှိတယ်လို့ ဗဟိုဘဏ်က ဆုံးဖြတ်တယ်လို့တော့ အဂတိလိုက်စားမှုတိုက်ဖျက်ရေး ကော်မရှင်က ဆုံးဖြတ်ပါတယ်။

ဒုတိယက လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန လက်အောက်က မြန်မာ့လယ်ယာ ဖွံ့ဖြိုးရေးဘဏ်ကို စီမံ/ဘဏ္ဍာ အောက်ရွှေ့တာပါ။ ဒီလိုရွှေ့ရာမှာလည်း ဦးသိန်းစိန်ကာလမှာ လုပ်ခဲ့ပြီး ဦးကျော်ဝင်းက ခေါင်းဆောင်တာ မဟုတ်ဘဲ စီမံ/ဘဏ္ဍာဒုတိယ၀န်ကြီးက ခေါင်းဆောင်ပြီး ပြည်ထောင်စုအစိုးရအဖွဲ့က ဆုံးဖြတ်တာမို့ ဦးကျော်ဝင်း အပြစ်မရှိဘူးလို့ ကော်မရှင်က ဆုံးဖြတ်တာပါ။ လူမှုရေးတိုင်ကြားမှုသုံးချက်မှာ တစ်ချက်က ဦးကျော်ဝင်းရဲ့ သားဖြစ်သူနဲ့ ဆက်နွှယ်နိုင်ပြီး ဦးကျော်ဝင်းသားမှာ ဇိမ်ခံကားများစွာပိုင်နေတယ်လို့ တိုင်ခဲ့တာ ဖြစ်နိုင်ပါတယ်။ ဦးကျော်ဝင်းရဲ့ သားကို စစ်ဆေးရာမှာလည်း ဒီကားတွေက ဇိမ်ခံကားအဆင့်မဟုတ်တာ။ တစ်ဦးတည်းပိုင်တာ မဟုတ်တာ။ လုပ်ကိုင်နေတဲ့လုပ်ငန်းသဘောနဲ့ ဆက်စပ်နေတာကြောင့် ဦးကျော်ဝင်းမှာ အပြစ်မရှိဘူးလို့ ဆုံးဖြတ်ခဲ့တာပါ။ ကျန်တဲ့ လူမှုရေးကိစ္စနှစ်ချက်ကတော့ ကော်မရှင်က ထုတ်ပြောမှု မရှိဘဲ လျှို့ဝှက်ထားတာမို့ လူမှုရေး ပြဿနာမှန်သမျှ ဘာမဆိုတွေးနိုင်ပါတယ်။

မမှန်ကန်တဲ့ တိုင်ကြားချက် နှစ်ချက်ဖယ်လိုက်ရင် လုပ်ငန်းရှင်ကြီးတစ်ယောက်က ငွေပေးပြီး စီမံ/ဘဏ္ဍာအမည်ခံနဲ့ ဂေါက်ရိုက်ပြိုင်ပွဲစပွန်ဆာ လက်ခံမှုပဲ ကျန်ပါတယ်။ အဲဒီတိုင်ကြားချက်မှာလည်း ဂေါက်ရိုက်ပြိုင်ပွဲ ငွေကုန်ခံ စပွန်ဆာပေးတဲ့ လုပ်ငန်းရှင်က ဘာအကျိုးအမြတ်မှရတာ မတွေ့ရလို့ အဂတိလိုက်စားမှု တိုက်ဖျက်ရေးဥပဒေအရ အရေးမယူနိုင်ဘူးလို့ ဆုံးဖြတ်ခဲ့တယ်လို့ ကော်မရှင်က ရှင်းလင်းပါတယ်။ ဒါပေမဲ့ ဒီတွေ့ရှိချက်တွေက ဦးကျော်ဝင်းမှာ အပြစ်လုံးဝမရှိဘူးလို့ ဆိုလိုတာမဟုတ်ဘဲ ကျဉ်းမြောင်းလှတဲ့ အဂတိလိုက်စားမှု တိုက်ဖျက်ရေးဥပဒေနဲ့ အရေးမယူနိုင်ဘူးဆိုတဲ့ တွေ့ရှိချက်ပဲ ဖြစ်ပါတယ်။

ဒါကြောင့်လည်း အဂတိလိုက်စားမှု တိုက်ဖျက်ရေးကော်မရှင် ဥက္ကဌ ဦးအောင်ကြည်က “ကျွန်တော်တို့က အပြစ်မရှိဘူးလို့ ပြောဆိုခြင်းမဟုတ်ပါဘူး။ တိုင်ကြားချက်မှာ ဖော်ပြထားတဲ့ တိုင်တန်းချက်ဟာ ကျွန်တော်တို့ ဥပဒေနဲ့ ငြိစွန်းဖို့အတွက် ခိုင်လုံတဲ့ အထောက်အထား မရှိဘူးလို့ ပြောခြင်းဖြစ်ပါတယ်။ ဒါကြောင့် ကျွန်တော်တို့က အရေးယူ ဆောင်ရွက်ခွင့်မရှိတဲ့ သဘောပါ။ အဲဒီတော့ ကျွန်တော်တို့ သမ္မတကြီးဆီတင်ပြတဲ့အခါမှာလည်း ဒီအတိုင်းပဲတင်ပြခဲ့တာ ဖြစ်ပါတယ်။ ကျန်တဲ့အပိုင်းက ကျွန်တော်တို့ကိစ္စ မဟုတ်ပါဘူး။ ဒါက နိုင်ငံတော်သမ္မတနဲ့ အစိုးရအဖွဲ့က နုတ်ထွက်ခွင့်ပြုခြင်း၊ မပြုခြင်းဟာ အုပ်ချုပ်ရေးပိုင်းကဆိုင်တဲ့ ကိစ္စဖြစ်ပါတယ်။ ကျွန်တော်တို့နဲ့ လုံးဝ ပတ်သက်မှု မရှိပါဘူး” လို့ ဇွန် ၉ ရက် သတင်းစာ ရှင်းလင်းပွဲမှာ ပြောခဲ့တာပါ။

ဦးအောင်ကြည်ဦးဆောင်တဲ့ အဂတိလိုက်စားမှု တိုက်ဖျက်ရေး ကော်မရှင်ရဲ့ ရှင်းလင်းချက်ကို ကြည့်မယ်ဆိုရင် ဦးကျော်ဝင်းကို အရေးယူရေး၊ မယူရေးဟာ ကော်မရှင်နဲ့ မဆိုင်တော့ဘဲ သမ္မတ၊ နိုင်ငံတော်၏အတိုင်ပင်ခံပုဂ္ဂိုလ်၊ ပြည်ထောင်စုအစိုးရအဖွဲ့နဲ့ တိုက်ရိုက်သက်ဆိုင်တဲ့ သဘောပါ။ ဒါကြောင့်မို့လည်း Eleven Media Group အနေနဲ့ “ဦးကျော်ဝင်းကို တိုင်ကြားချက်အပေါ် ကော်မရှင်က မမှန်ကန်သော တိုင်ကြားချက်များ ဖြစ်နေပေမယ့် အပြစ်မရှိဘူး ပြောကြားတာမဟုတ်ကြောင်း ပြောဆိုမှုကြောင့် ဦးကျော်ဝင်းကို အရေးယူခြင်း၊ မယူခြင်းတာဝန်ဟာ သမ္မတထံ ရောက်သွားမှာဖြစ်ပြီး ဒေါ်အောင်ဆန်းစုကြည်က လာဘ်စားရင် ထောင်ဝင်စာတွေ့မယ် ပြောကြားထားမှု၊ သမ္မတသစ်ဦးဝင်းမြင့်က အဂတိလိုက်စားမှု အဓိကတိုက်ဖျက်မယ် ပြောကြားထားတဲ့ အခြေအနေတွေကြောင့် ဦးကျော်ဝင်းကို တာဝန်ကပဲ နုတ်ထွက်စေခြင်းဟာ ပြည်သူလူထု နှစ်လိုမှာ မဟုတ်ကြောင်းနဲ့ တာဝန်ကနုတ်ထွက်စေရုံနဲ့ ဒီအဂတိမှု ပြီးဆုံးသွားမယ်။ လက်ရှိအစိုးရ ရပ်တည်ချက်အပေါ် ပြည်သူက အမြင်ကြည်လင်ပါ့မလား” ဆိုတာတွေ မေးခဲ့ပါတယ်။ ဒါ့အပြင် တပ်မတော်က ကူးပြောင်းလာတဲ့ FDA ညွှန်ချုပ် ဒေါက်တာသန်းထွဋ်ကို တိုင်စာရရချင်းဖမ်းပြီး NLD ကိုယ်စားလှယ်အဖြစ်က ၀န်ကြီးဖြစ်လာတဲ့ ဦးကျော်ဝင်းကို တာဝန်က နုတ်ထွက်စေရုံနဲ့ အနားပေးတာဟာ ပြည်သူတွေကြားမှာ “သူ့လူကျ အရေးယူတယ်၊ ငါ့လူကျ အရေးမယူဘူး” ဆိုတဲ့ အမြင်တွေ ဖြစ်စေနိုင်မှုရှိ၊ မရှိ မေးမြန်းခဲ့ပါတယ်။

ဒီမေးမြန်းချက်အပေါ် ဦးအောင်ကြည်က “ကျွန်တော်တို့ ကော်မရှင်အနေနဲ့က တိုင်တန်းချက်အပေါ် မူတည်ပြီးမှ ဥပဒေနဲ့ ငြိစွန်းသလား၊ မငြိစွန်းဘူးလားဆိုတာ စစ်ဆေးရတဲ့အလုပ်ပဲ ရှိပါတယ်။ ဒီအပေါ်မူတည်ပြီး ကျွန်တော်တို့က ကျွန်တော်တို့ ဥပဒေ ၁၆ (င) အရ နိုင်ငံတော်သမ္မတနဲ့ လွှတ်တော်ဥက္ကဋ္ဌများကို ကျွန်တော်တို့ရဲ့ တွေ့ရှိချက် တင်ပြရခြင်း ဖြစ်ပါတယ်။ ကျန်တဲ့အပိုင်းက ကျွန်တော်တို့နဲ့ ဘာမှမသက်ဆိုင်ပါဘူးလို့ ပြောကြားလိုပါတယ်။ ဘယ်လိုမှ သက်ဆိုင်စရာ အကြောင်းလည်း မရှိဘူးလေ။ ကျွန်တော်တို့က လွတ်လပ်တဲ့ သီးခြားအဖွဲ့အစည်းပဲ။ အစိုးရလည်းမဟုတ်ဘူး။ အစိုးရအဖွဲ့ဝင်လည်း မဟုတ်ဘူး။ ဒီကိစ္စနဲ့ ပတ်သက်ပြီး ကျွန်တော်တို့က ဘာမှပြောဖို့မရှိပါဘူး။ သက်ဆိုင်မှု မရှိပါဘူးလို့ ပြောလိုပါတယ်” လို့ ဆိုပါတယ်။

ဦးကျော်ဝင်းကို အဂတိလိုက်စားမှု တိုက်ဖျက်ရေးကော်မရှင်က သူတို့ရဲ့ အဂတိလိုက်စားမှု တိုက်ဖျက်ရေးဥပဒေနဲ့ အရေးယူမရဘူး။ ဒါပေမဲ့ အပြစ်မရှိဘူးလို့ပြောတာ မဟုတ်ဘူးလို့ဆိုတာကြောင့် အဂတိလိုက်စားမှုကို တကယ်တိုက်ဖျက်ချင်ရိုးမှန်ရင် လက်ရှိအစိုးရအဖွဲ့ကို အကြံပြုချင်တာက ဦးကျော်ဝင်းနဲ့ ပတ်သက်ပြီး သတင်းစာ ရှင်းလင်းပွဲလုပ်ဖို့နဲ့ ဘယ်လိုဆက်လက် ဆောင်ရွက်မယ်ဆိုတာကို ပွင့်လင်းမြင်သာမှုရှိစွာ သက်သေပြပါလို့ တောင်းဆိုချင်ပါတယ်။ ဦးကျော်ဝင်းမှာ အပြစ်မရှိဘူးဆိုရင်လည်း ပြည်သူတွေသိအောင် ထုတ်ပြန်ပါလို့ တောင်းဆိုရမှာဖြစ်ပြီး ကြာရင်မေ့သွားပါလိမ့်မယ်ဆိုတာမျိုးနဲ့ မြုံစိစိလုပ်နေမယ်ဆို အစိုးရရဲ့ အဂတိတိုက်ဖျက်ရေးလုပ်ငန်းစဉ်ကို ဘယ်သူကမှယုံမှာမဟုတ်တဲ့ အဖြစ်မျိုးကြုံပြီး အခွင့်ကြုံတိုင်း ထောက်ပြနေပါလိမ့်မယ် ဆိုတာ အသိပေးချင်ပါတယ်။ အစိုးရတစ်ရပ်ရဲ့ သမိုင်းဆိုတာ မေ့သွားရိုး ထုံးစံမရှိပါဘူး။

အိမ်မဲကိုယ်စားလှယ်ရဲ့ ကျပ်သိန်း ၁၀၀ တောင်းခံမှုနဲ့ ပတ်သက်တာကလည်း ရှုပ်ထွေးပါတယ်။ ဖြစ်စဉ်က အိမ်မဲမြို့နယ် ညောင်ကုန်းချောင်းဖျားကျေးရွာမှာ ကျေးရွာမီးလင်းရေးအတွက် ဘတ်ဂျက် ခေါင်းစဉ်ပြောင်းလဲခအဖြစ် မြို့နယ်နဲ့ တိုင်းအဆင့်ဌာနဆိုင်ရာတွေကို ငွေကြေးပေးရမယ်ဆိုပြီး အိမ်မဲမြို့နယ်မဲဆန္ဒနယ် အမှတ်(၂) က ဦးအောင်ကျော်မြိုင်က ကျပ်သိန်းသုံးရာ တောင်းခံပြီး ကျပ်သိန်း ၁၀၀ ယူဆောင်ခဲ့မှုကို အဂတိလိုက်စားမှု တိုက်ဖျက်ရေးကော်မရှင်ဆီ တိုင်ကြားခဲ့တာပါ။ ဒီဖြစ်စဉ်ကို ဒေသခံတွေက အသံဖမ်းထားပြီး သတင်းရေးဖို့ သွားရောက်သတင်းယူတဲ့ ဦးသူရစိုးကိုလည်း သတင်းမရေးဖို့ ငွေကြေးပေးမယ့် ညှိနှိုင်းမှုတွေ လုပ်ခဲ့တာကြောင့် ကော်မရှင်က စစ်ဆေးအပြီးမှာ ကော်မရှင်၏ စစ်ဆေးမှုအရ လွှတ်တော်ကိုယ်စားလှယ်ဟာ လုပ်ပိုင်ခွင့်ကို အလွဲသုံးစားပြုပြီး ငွေကျပ်သိန်းတစ်ရာကို မမှန်မကန် တောင်းခံရယူခဲ့ပေမယ့် သူ့ကိုယ်ကျိုးအတွက် သုံးစွဲခဲ့မှုမရှိတာနဲ့ လာဘ်ပေးလာဘ်ယူပြုလုပ်ကြောင်း အထောက်အထား ခိုင်မာမှုမရှိတာကြောင့်ဆိုပြီး အဂတိလိုက်စားမှု တိုက်ဖျက်ရေးကော်မရှင်က အရေးယူ ဆောင်ရွက်ခြင်းမပြုဘဲ လွှတ်တော်ကပဲ အရေးယူ ဆောင်ရွက်ဖို့ ဧရာဝတီတိုင်းဒေသကြီး လွှတ်တော် ဥက္ကဋ္ဌထံ အကြောင်းကြားစာ ပြန်လည်ပေးပို့ခဲ့ပါတယ်။

ငွေမမှန်မကန် တောင်းခံတယ်။ ငွေမမှန်မကန်တောင်းလို့ သတင်းရေးမယ့်သူကို မရေးဖို့ ငွေနဲ့ညှိတယ်။ ဒါပေမဲ့ အဂတိလိုက်စားမှု တိုက်ဖျက်ရေးဥပဒေနဲ့ အရေးယူမရဘူး။ တိုင်းလွှတ်တော်ပြန်လွှဲရတယ်ဆိုတဲ့ ဖြစ်စဉ်ဟာ ခံရတဲ့ပြည်သူဘက်က ကြည့်မယ်ဆိုရင် မခံချိ မခံသာဖြစ်စရာပါ။ ပိုဆိုးတာက တိုင်ကြားတဲ့သူတွေကို စစ်ဆေးတဲ့သူတွေက တရားခံတစ်ယောက်လို စစ်ဆေးသွားတာပါ။ ဒီဖြစ်စဉ်ဟာ လျှို့ဝှက်မို့လို့ တခြားပါတီတွေ သိရင်လည်း မကောင်းဘူးလို့ ပြောတာမျိုးကြုံခဲ့ရတယ်လို့ တိုင်ကြားသူ ဦးသူရစိုးက ပြောခဲ့သလို ညောင်ကုန်းချောင်းဖျားကျေးရွာ ဒေသခံမီးလင်းရေးကော်မတီ အဖွဲ့ဝင် ဦးအောင်သိန်းဝင်းကို စစ်ဆေးရာမှာလည်း “ကိုအောင်သိန်းဝင်းကို စစ်ဆေးနေစဉ်ပေါ့လေ။ ကိုအောင်သိန်းဝင်းကလည်း သူ့အသိလေးတွေကို ပြောတဲ့အခါကျတော့ ဟေ့ကောင် ငါမေးတာဖြေ၊ ငါစိတ်က တိုနေတာ၊ ငါဖြတ်ရိုက်ပစ်လိုက်မယ် ငါဘာဖြစ်တယ်ညာဖြစ်တယ် ဆိုပြီးတော့ ကိုအောင်သိန်းဝင်းတောင် အဟောက်ခံခဲ့ရသေးတယ်ပေါ့” လို့ ဦးသူရစိုးက ပြောပါတယ်။

ပိုဆိုးတာက အဂတိကနေ တိုင်းလွှတ်တော်ကို ပြန်လွှဲတဲ့အချိန်မှာ စစ်ဆေးတဲ့သူတွေက တိုင်ကြားသူကို စစ်ဆေးမှုမရှိသေးဘဲ ကိုယ်စားလှယ်ကိုပဲ စစ်ဆေးတာပါ။ ဒီလိုကိုယ့်လူကိုယ်စစ်ဆေးပြီး တိုင်ကြားသူ မစစ်ဆေးတာနဲ့ ပတ်သက်ပြီး ဦးသူရစိုးက “တိုင်ကြားသူတွေအနေနဲ့ ဘယ်လိုအခက်အခဲမျိုးတွေ ကြုံတွေ့လာရလဲဆိုတော့ အဲဒီတော့ ဒီလိုမသမာမှုတွေ ကိုယ်စားလှယ်တွေနဲ့ ပတ်သက်ပြီးတော့ အစိုးရအဖွဲ့တွေနဲ့ ပတ်သက်ပြီးတော့ တစ်စုံတစ်ခု အမှားအယွင်းတစ်ခု အပြစ်လုပ်လာလို့ရှိရင် အမြင့်ဆုံးဆိုတဲ့ တိုင်ကြားစရာနေရာ ဘာမှမရှိတော့ဘူး။ မရှိတော့တဲ့အခါမှာ သူတို့တွေက ဒီတစ်ချိန်မှားတယ် မှားလို့ဆိုရင် နမူနာစံပြအနေနဲ့ အပြစ်ပေးစေချင်တယ်၊ ဒါကိုမှ အပြစ်မပေးဘူး စံပြလည်းမရှိဘူးဆိုရင် နောက်နောင် ဒီလိုမျိုးကိုယ်စားလှယ်တွေ အများကြီး ပေါ်လာနိုင်တယ်။ အလားတူဖြစ်ရပ်မျိုးတွေ အများကြီးဖြစ်လာနိုင်တယ်။ အဲဒီလို ဖြစ်လာခဲ့လို့ရှိရင် အစ်ကိုတို့ ပြည်သူအနေနဲ့ ဘယ်လိုလုပ်မလဲ။ အစိုးရကတော့ အစိုးရအဖွဲ့အနေနဲ့ အစိုးရလိုပဲ စဉ်းစားမယ်။ ပြည်သူကလည်း ပြည်သူလိုစဉ်းစားမယ်။ ပြည်သူလို စဉ်းစားတဲ့အခါမျိုးကျရင် အစ်ကိုတို့က ဘယ်သူကို အားကိုးရမလဲ။ ဘယ်သူကို သွားတိုင်ကြားရမလဲ။ ဒီလို လွှတ်တော်ကိုယ်စားလှယ် တစ်ယောက်ရဲ့ မှားယွင်းမှုတွေက ဘယ်လိုအရေးယူမလဲ။ နောက်ဆုံး ၂၀၀၈ ဖွဲ့စည်းပုံမှာတောင်မှ လွှတ်တော်ကိုယ်စားလှယ်တစ်ယောက်ကို တန်းပြီးဖြုတ်နိုင်တဲ့ အနေအထား မရှိဘူးလေ။ အဲဒီတော့ ဒီစနစ်ကြီးတစ်ခုလုံးကို တို့တွေက ဘယ်လိုတွန်းလှန်မလဲ။ ဒါတွေကို တွေးမိတယ်။ အခက်အခဲဆိုတာကလည်း ဒီလိုဖြစ်ရပ်မျိုးတွေ ထပ်ဖြစ်လာမယ်ဆိုရင် အစ်ကိုတို့က အားကိုးရာမဲ့သွားပြီလို့ပဲ ကိုယ့်ကိုယ်ကိုယ် ပြည်သူတစ်ယောက်အနေနဲ့ပဲ ဆုံးဖြတ်လိုက်တယ်၊ တွေးလိုက်တယ်” လို့ ဆက်ပြောပါတယ်။

NLD ကိုယ်စားလှယ်ဟာ ရွာသားတွေဆီက မမှန်မကန် ယူသွားတဲ့ သိန်း ၁၀၀ ကို ချက်ချင်းပြန်ပေးနိုင်တဲ့ အခြေအနေမဟုတ်ဘဲ သိန်း ၉၀ ပဲ အများရှေ့မှာ ပြန်ပေးနိုင်ခဲ့တာပါ။ ဒီလို အခြေအနေတွေနဲ့ ပတ်သက်ပြီး ညောင်ကုန်းချောင်းဖျားကျေးရွာ ဒေသခံမီးလင်းရေး ကော်မတီအဖွဲ့ဝင် ဦးအောင်သိန်းဝင်းက “ကျွန်တော်တို့ တိုင်တန်းထားတာ မှားလား။ မှားတယ်ဆို ကျွန်တော်တို့ကို အရေးယူဆောင်ရွက်။ NLD ကိုယ်စားလှယ်တစ်ယောက်ကို ကျွန်တော်တို့ ဂုဏ်သိက္ခာ ကျဆင်းအောင်၊ NLD ပါတီ မှေးမှိန်အောင် ကျွန်တော်တို့ တိုင်ပါတယ်။ မဟုတ်မမှန် လုပ်ကြံတိုင်ပါတယ်ဆို ကျွန်တော်တို့ကို အရေးယူ တရားစွဲထောင်ချ။ အရေးယူ ဆောင်ရွက်။ ကျွန်တော်တို့ဘက်က မှန်ပါလျက်နဲ့ ဒီလိုလိမ်လည်မှုကို လက်ခံနေမယ်ဟေ့ဆိုရင် မဟုတ်ဘူး။ ဆက်လက်ပြီးတော့ ဒီလိုငွေကိုယူသွားတာ အဂတိမမြောက်ပါဘူး။ သူယူသွားတာ ကိုယ်ရေးကိုယ်တာအတွက် သုံးစွဲတာ မဟုတ်ပါဘူးဆိုလို့ရှိရင် ရှေ့မှာသူယူသွားတာ ပါရမီဒေါင့်ကျေးရွာပါ ရှိသေးတယ်။ ဘတ်ဂျက်ခေါင်းစဉ်ပြောင်း ဘာညာဆိုပြီးတော့ အဲဒီလိုပဲ လုပ်သွားတာ။ အဲဒါတွေကိုလည်း လိုက်လံပြီးတော့ စစ်ဆေးမယ်ဟေ့ဆိုရင် အခုလွှတ်တော်ကနေ အရေးယူ ဆောင်ရွက်ပေးမှလား” လို့ မေးခွန်းထုတ်ပါတယ်။

ဖြစ်စဉ်တွေကို ကြည့်မယ်ဆိုရင် အစိုးရတွေရဲ့ ဖိစီးမှုဒဏ် ခံစားနေရတဲ့ ပြည်သူတွေဘက်က ကြည့်မယ်ဆိုရင် ဒီလိုအခြေအနေတွေဟာ NLD အစိုးရတွေ၊ NLD ကိုယ်စားလှယ်တွေဟာ ဥပဒေအထက်မှာ နေနေသလားဆိုတဲ့ မေးခွန်းထုတ်မှုမျိုးကိုပဲ ကြုံရနိုင်ပါတယ်။

“ပထမတစ်ချက်က ဒါကတော့ အစိုးရအုပ်ချုပ်ရေးမဏ္ဍိုင်တို့၊ တရားစီရင်ရေးမဏ္ဍိုင်တို့ ဒီအပေါ်မှာ Check & Balance လုပ်နိုင်တယ်။ စောင့်ကြည့်မှုလုပ်နိုင်တယ်ဆိုတဲ့ ယန္တရားတစ်ခုကတော့ ဒီပြင် နိုင်ငံထက် ကျွန်တော်တို့နိုင်ငံက မတူတဲ့ဟာက ဘာလဲဆိုတော့ အဂတိလိုက်စားမှု တိုက်ဖျက်ရေး ကော်မရှင်က အစိုးရနဲ့ လွှတ်တော်ဥက္ကဋ္ဌက ရွေးချယ်လိုက်တဲ့ ပုဂ္ဂိုလ်တွေဖြစ်တယ်။ ကျွန်တော်ဆိုလိုတာက သူတို့သည် တကယ်ကို သီးခြားလွတ်လပ်တဲ့ ပုံစံမျိုး၊ Third Party ပုံစံမျိုးမဟုတ်ဘူး။ ဒီလိုမျိုး ကြည့်လိုက်ရင် သီးခြားလွတ်လပ်တယ်လို့ ယူဆရသော်လည်းပဲ အမှန်တကယ်က အုပ်ချုပ်ရေးယန္တရားနဲ့ ဒီဘက်က ဥပဒေပြုရေးအဖွဲ့အစည်းတွေနဲ့ ရွေးချယ်လိုက်တဲ့အပေါ်မှာ ဘာပဲပြောပြော မျက်နှာနာစရာ၊ မျက်နှာထောက်စရာ ဒီလိုဟာမျိုးတွေတော့ ရှိနေတာပေါ့။ နောက်ပြီးတော့ သက်တမ်းကလည်း အကုန်လုံး အတူတူဖြစ်နေတော့ အချို့နိုင်ငံတွေမှာတော့ အဂတိလိုက်စားမှု တိုက်ဖျက်ရေးကို သီးခြားပုံစံမျိုးနဲ့ ရှိတယ်။ သူတို့က ပိုပြီးတော့တောင့်တင်း ခိုင်မာမှုရှိတယ်။ အဲဒီတော့ တောင့်တင်းခိုင်မာမှုရှိတဲ့အလျောက် သူတို့ရဲ့ ထိရောက်စွာ ခေါ်ယူစစ်ဆေး မေးမြန်းပြီး လိုအပ်ရင်တရားစွဲဆိုတဲ့ ကိစ္စတွေက ပိုပြီးခိုင်မာတယ်။ အနီးစပ်ဆုံး အင်ဒိုနီးရှားနိုင်ငံဆိုရင် တကယ့်ထိတ်ထိတ်ကြဲ ငါးကြီးကြီးတွေကို မိတယ်ဆိုတဲ့ဟာမျိုး သူတို့က အမြဲတမ်းထွက်ပြနေတာပေါ့။ ကျွန်တော်တို့ဆီမှာ ပထမတစ်ချက် အဲဒါတစ်ခုလို့ မြင်တယ်။ နောက်တစ်ခုဘာလဲဆိုတော့ ပါတီပိုင်းပေါ့။ ပါတီကဘာပဲပြောပြော ဦးဆောင်ပါတီတစ်ခုအနေနဲ့ကျတော့ သူ့အစိုးရကိုသူဖွဲ့မှာပဲ။ ဒီအစိုးရဖွဲ့တဲ့အချိန်မှာ အစိုးရယန္တရားထဲမှာ ဒီလိုဖြစ်တာမျိုး ရှိလာရင်တောင် အကယ်၍သူအနေနဲ့ တရားဝင် ဘာကြောင့်အနားယူ ခွင့်ပြုလိုက်တာ။ တာဝန်က ရပ်စဲစေလိုက်တာ ဆိုတဲ့ဟာတွေက ထုတ်ပြောဖို့ဆိုတဲ့ ကိစ္စကတော့ ပါတီရဲ့ပုံရိပ်ကို ထိခိုက်စေနိုင်တဲ့ အနေအထားမျိုး အများကြီးရှိတယ်။ ဒါကြောင့်မို့လို့ အဲဒီလိုမျိုး သူတို့ဘယ်တော့မှ ထုတ်ပြောမှာ မဟုတ်ဘူးလို့ယူဆတယ်။ ယေဘုယျနှစ်ခုတော့ မြင်တယ်။ နောက်တစ်ခုကတော့ ခြုံငုံပြီးပြောလိုက်ရရင်တော့ ဒီကနေ့ အရင်သက်တမ်းနဲ့ ယခုသက်တမ်းအရ ကြည့်လိုက်ရင်တော့ အဂတိလိုက်စားမှု တိုက်ဖျက်ရေးကော်မရှင်က အတော်အတန် ခေါ်ယူအပြစ်ပေး အရေးယူမှုတွေ၊ စစ်ဆေးမေးမြန်းမှုတွေ အားကောင်းလာတာ တွေ့တယ်။ အဲဒါ တစ်ချက်တွေ့တယ်။ သို့သော်လည်း ၀န်ထမ်းယန္တရားကြားထဲမှာရော အုပ်ချုပ်ရေးအဖွဲ့အစည်း၊ တရားစီရင်ရေး အဖွဲ့အစည်းတွေ ကြားထဲမှာရော အောက်ခြေပိုင်းမှာတော့ ဒီအကျင့်ပျက်ခြစားမှုတွေ ပြောရရင်တော့ သိသိသာသာကြီး လျော့ကျသွားတယ်ဆိုတဲ့ဟာမျိုးတော့ လူထုကြားထဲမှာ အဲဒီခံစားမှုမရသေးဘူး။ ကျွန်တော့်အမြင်ပေါ့နော်။ အဲဒီက အဂတိလိုက်စားမှု တိုက်ဖျက်ရေးကော်မရှင်ကို ဖွဲ့စည်းတဲ့နေရာမှာ အစိုးရနဲ့ လွှတ်တော်က ရွေးချယ် အဆိုပြု ဖွဲ့စည်းတာမျိုးထက်ကို နိုင်ငံရေးအရ နိုင်ငံရေးပါတီတွေ အားလုံးဘက်က အဆိုပြုပါဝင်ခွင့်ရှိတဲ့ပုဂ္ဂိုလ်တွေနဲ့လည်း ဖွဲ့စည်းသင့်တယ်လို့မြင်တယ်။ ဒါဆိုရင်တော့ ပိုပြီးတော့ သီးခြားလွတ်လပ်တဲ့ တစ်ခုခုကို အစိုးရအဖွဲ့ဖြစ်စေ၊ တရားစီရင်ရေးအရဖြစ်စေ၊ ဥပဒေပြုရေး လွှတ်တော်မဏ္ဍိုင်ဖြစ်စေ သူ့မှာမျက်နှာနာနေစရာမျိုးတို့၊ ငဲ့ညာထောက်ထားနေစရာမျိုးတို့ ကင်းသွားနိုင်တယ်။ အဲဒီသူ့ရဲ့ ငဲ့ညာထောက်ထားမှုတွေ၊ မျက်နှာနာမှုတွေ ပိုပြီးကင်းလာလေ။ သူတို့အတွက် ပိုပြီးတော့ Strong ဖြစ်လေလို့ ယူဆတယ်။ အခုနေကတော့ ဒီလိုမျိုးတဲ့ကြီး မျက်နှာထောက်မှုရှိတယ်လို့၊ ဒါမှမဟုတ်ရင် မကင်းရာ မကင်းကြောင်းရှိတယ်လို့ ပြောသော်လည်းပဲ တကယ့်ဥပဒေနဲ့ ပြန်ကြည့်တဲ့ အခါကျတော့ ကင်းသလို ထင်ရတယ်။ ဥပဒေပိုင်းအရကြည့်ရင် ကင်းသလိုရှိတယ်လို့ ယူဆရတယ်။ ဒါပေမဲ့ အဖွဲ့အစည်းတာဝန်ပေးတဲ့ သဘောသဘာဝအရတော့ မကင်းသလို ဖြစ်နေတာမျိုးတွေ ရှိနေတယ်။ မျက်နှာထောက်စရာမျိုးတွေ ရှိနေတယ်” လို့ မွန်ပြည်နယ်လွှတ်တော် ဒုတိယဥက္ကဋ္ဌ ဒေါက်တာအောင်နိုင်ဦးက သုံးသပ်ပါတယ်။

အဂတိလိုက်စားမှု တိုက်ဖျက်ရေးဥပဒေမှာ NLD ကိုယ်စားလှယ်ဖြစ်ရင် အရေးမယူနိုင်ဘူးဆိုတဲ့အချက် ပါဝင်သလား

ဥပဒေတစ်ရပ်ရဲ့ ထုံးစံဟာ တာဝန်နဲ့ အခွင့်အရေး မျှတရပါတယ်။ စစ်အာဏာရှင်စနစ်နှစ်ပေါင်း ၅၀ ကျော်ကြာခဲ့ပြီး ခရိုနီနဲ့ စစ်အာဏာရှင်ဟောင်းတွေ ကာကွယ်ရေး အသားပေး ရေးဆွဲလေ့ရှိတဲ့ မြန်မာ့ဥပဒေတွေရဲ့ ပြဿနာက ပြည်သူတွေက လိုက်နာရမယ့် တာဝန်တွေချည်း ဖြစ်နေတာပါ။ ပိုဆိုးတာက မြန်မာ့ဥပဒေအများစုဟာ ကိုင်တွယ်သုံးစွဲသူတွေအတွက် ထွက်ပေါက်ပေးထားပြီး လိုက်နာရမယ့် ပြည်သူတွေအတွက် လိုရာဆွဲ အရေးယူနိုင်အောင် လုပ်ဆောင်ထားတဲ့ ဥပဒေတွေ ဖြစ်နေတာပါ။ ဒီလို မတရားတဲ့၊ မမျှတတဲ့ ဥပဒေတွေဟာ အမြန်ဆုံး ပြင်ဆင်နိုင်ဖို့ လိုအပ်ပါတယ်။ အထူးသဖြင့် စနစ်တစ်ခုလို အမြစ်တွယ်နေတဲ့ အဂတိလိုက်စားမှုတိုက်ဖျက်ရေးဥပဒေတွေဟာ ခိုင်မာအားကောင်းဖို့ လိုအပ်ပါတယ်။ နောက်တစ်ခုက အဂတိလိုက်စားမှုတိုက်ဖျက်ရေး ကော်မရှင်က လုပ်ဆောင် ဆုံးဖြတ်ရမယ့်ကိစ္စမျိုးကို လွတ်လပ်စွာ လုပ်ကိုင်ခွင့်ပေးရပါမယ်။ ဥပမာအားဖြင့် မကွေးတိုင်းဝန်ကြီးချုပ် ဦးဘုန်းမော်ရွှေရဲ့ ရေနံလက်ယက်တွင်းရန်ပုံငွေ ကိစ္စမျိုးဟာ အဂတိလိုက်စားမှု တိုက်ဖျက်ရေးကော်မရှင်က လုပ်ဆောင်ရမှာဖြစ်ပေမဲ့ တကယ်တမ်းမှာတော့ မကွေးတိုင်းဒေသကြီး အစိုးရအဖွဲ့က လုပ်ဆောင်သွားတာပါ။ ဒီလိုမျိုး လုပ်ဆောင်မှုတွေဟာ အဂတိလိုက်စားမှု တိုက်ဖျက်ရေးကော်မရှင်နဲ့ အဂတိလိုက်စားမှုတိုက်ဖျက်ရေး ဥပဒေရဲ့ အားနည်းချက်တွေကို ပေါ်လွင်စေပါတယ်။

၂၀၁၃ ခုနှစ်မှာ စတင်ပြဋ္ဌာန်းခဲ့တဲ့ အဂတိလိုက်စားမှုတိုက်ဖျက်ရေး ဥပဒေဟာ ဒီနေ့မှာဆို စတုတ္ထအကြိမ် ပြင်ဆင်ပြဋ္ဌာန်းဖို့အထိ ဖြစ်လာခဲ့ပါပြီ။ ကျော်စောသတင်းထွက်သူတွေကို စစ်ဆေးအရေးယူမယ်ဆိုတဲ့အချက် ထည့်သွင်းလာပေမဲ့ စတုတ္ထအကြိမ် ပြင်ဆင်ပြဋ္ဌာန်းတဲ့ ဥပဒေဖြစ်လာရင်တောင် ခိုင်မာကောင်းမွန် တောင့်တင်းတဲ့ ဥပဒေဖြစ်လာဖို့ မသေချာသေးပါဘူး။ ဘာကြောင့်လဲဆိုတော့ အဂတိလိုက်စားမှု တိုက်ဖျက်ရေးဥပဒေရဲ့ လုပ်ပိုင်ခွင့်ဟာ အကန့်အသတ်နဲ့ရှိနေပြီး ပုဒ်မ ၂၂ မှာ ပြဋ္ဌာန်းချက်တွေဖြစ်တဲ့ တိုင်ကြားတဲ့ကိစ္စတွေကို ကော်မရှင်က စုံစမ်းစစ်ဆေးပြီးရင်၊ အရေးကြီးတဲ့ သက်သေခံချက်တွေ မပါရင်၊ ထပ်မံတိုင်ကြားပေမဲ့ အရေးကြီးတဲ့ သက်သေခံချက်အသစ်တွေ မပါရင် စစ်ဆေးလို့ မရပါဘူး။

ဒီအချက်တွေထက် ပိုဆိုးတဲ့ အဂတိလိုက်စားမှုတိုက်ဖျက်ရေး ကော်မရှင်က စစ်ဆေးလို့မရတဲ့ အချက်တွေလည်း ရှိနေပါသေးတယ်။ အဲဒီအချက်တွေက အဂတိလိုက်စားမှုဖြစ်ပေမဲ့ ဒီဥပဒေမပြဋ္ဌာန်းခင် ၂၀၁၃ ခုနှစ် သြဂုတ် ၇ ရက်ရှေ့က ဖြစ်ခဲ့တာတွေကို စိစစ်အရေးယူလို့ မရတာတွေနဲ့ အုပ်ချုပ်သူ လူတန်းစားဖြစ်တဲ့ အာဏာရှိသူတွေကို စစ်ဆေးအရေးယူခွင့် ကန့်သတ်ထားတဲ့ ပုဒ်မ အဂတိလိုက်စားမှု တိုက်ဖျက်ရေးဥပဒေ (၃၀) အကျပ်အတည်းပါ။

ပုဒ်မ (၃၀) မှာဆိုရင် “ကော်မရှင်သည် –

(က) လုပ်ပိုင်ခွင့်အာဏာရှိသူအပေါ် တရားစွဲဆိုအရေးယူရန် အကြောင်းပေါ်ပေါက်ကြောင်း ဆုံးဖြတ်သည့်ကိစ္စတွင် ယင်းကိစ္စအတွက် မိမိ၏ အစီရင်ခံစာကို ပုဒ်မ ၂၁ ပုဒ်မခွဲ (က) အရ တာဝန်ပေးသည့် နိုင်ငံတော်သမ္မတထံသို့ လည်းကောင်း၊ ပုဒ်မ ၂၁ ပုဒ်မခွဲ (ခ) အရ တာဝန်ပေးသည့် သက်ဆိုင်ရာ လွှတ်တော်ဥက္ကဋ္ဌနှင့် တိုင်ကြားသော နစ်နာသူထံသို့ လည်းကောင်း၊ ထိုသူအား ပြည်ထောင်စုရှေ့နေချုပ်ရုံး၏ အစီအစဉ်အရ ဆက်လက်အရေးယူနိုင်ရန် ပြည်ထောင်စုအစိုးရ အဖွဲ့ရုံးသို့လည်းကောင်း ပေးပို့ရမည်။

(ခ) စုံစမ်းစစ်ဆေးချက်အရ စွပ်စွဲခံရသူအပေါ် ၀န်ထမ်းစည်းကမ်းအရသာ အရေးယူသင့်သည်ဟု ယူဆပါက ယင်း၏ ၀န်ထမ်းအကြီးအကဲထံ အကြောင်းကြားရမည်” ဆိုပြီး အကာအကွယ်ပေးထားမှုပါ။ ဦးကျော်ဝင်းကို ကော်မရှင်က အရေးယူလို့မရတာ ဒီအကျပ်အတည်းပါ။ ဒီလိုအခြေအနေတွေကို ပြင်ဆင်နိုင်ဖို့ လိုအပ်ပါတယ်။

“အစိုးရယန္တရားတစ်ခုမှာဆိုရင် ၀န်ကြီးတွေပေါ့။ လွှတ်တော်လည်း ပါတာပေါ့ဗျာ။ အဂတိလိုက်စားမှုက အနည်းနဲ့အများရှိမှာပဲ။ နည်းတာများတာပဲ ကွာမှာပေါ့။ လုံးဝ ကင်းရှင်းတာကတော့ မရှိနိုင်ပါဘူး။ ဘယ်နိုင်ငံမှာမှ။ ဒါပေမဲ့ ဒီဟာကို ထိထိမိမိ အရေးယူနိုင်ဖို့ အရေးကြီးတယ်။ နို့မို့လို့ရှိရင် သေးသေးလေးကနေ ကြီးထွားလာနိုင်တယ်။ အဲဒါကြောင့် အခုက NLD အနေနဲ့ တိုင်ကြားမှုတွေ ရရှိထားတဲ့အပေါ်မှာ အဂတိလိုက်စားမှုတိုက်ဖျက်ရေးကို ကော်မရှင်ဖွဲ့ပြီး လုပ်ဆောင်လာတာ ပြည်သူတွေက တော်တော်လေးကို အားရနေကြတယ်။ နားထောင်နေကြတာပေါ့။ အဲဒါကို စနစ်တကျ လုပ်ဖို့လိုတယ်။ မျက်နှာလိုက်တဲ့ပုံစံမျိုး မသင့်တော်ဘူး။ သူများကိုလုပ်မယ်။ ကိုယ့်အတွက် လုပ်စရာမလိုဘူးဆိုတာမျိုးဆိုရင် ဒါတော့မမှန်ဘူးပေါ့။ အဂတိလိုက်စားမှု တိုက်ဖျက်ရေး ကော်မရှင်ဟာ အားလုံးအတွက် ဖြစ်စေရမှာပေါ့။ အဲဒါမှပဲ ထိရောက်မှုရှိမယ်။ အကျိုးသက်ရောက်မှုရှိမယ်။ နို့မို့လို့ဆိုရင် နာမည်ပိုပျက်ဖို့ရှိတယ်။ နာမည်ကောင်းရဖို့က ဝေလာဝေးပဲ။ အဲဒါကြောင့်မို့လို့ သက်ဆိုင်ရာအနေနဲ့ မျက်နှာမလိုက်ဘဲနဲ့ အားလုံးပေါ်မျှမျှတတ အရေးယူ ဆောင်ရွက်ပေးသင့်တာပေါ့။ ဒီလိုမှမလုပ်နိုင်ဘူးဆိုရင် ကိုယ့်နာမည်ကိုယ် ပြန်ဖျက်ယူတဲ့သဘောမျိုး ဖြစ်သွားနိုင်တာပေါ့” လို့ ကချင်ပြည်နယ်ဒီမိုကရေစီပါတီဥက္ကဋ္ဌ ဒေါက်တာမနာမ်တူးဂျာက သုံးသပ်ပါတယ်။

အဂတိလိုက်စားမှုတိုက်ဖျက်ရေး ဥပဒေအထက်မှာ ဘယ်သူမှ မရှိဖို့ဆိုရင်

အဂတိလိုက်စားမှု တိုက်ဖျက်ရေးဥပဒေဟာ အားနည်းချက် အများအပြား ရှိနေသလို ပေးထားချက် ကျဉ်းမြောင်းတဲ့ ဥပဒေကြောင့်လည်း အဂတိလိုက်စားမှု တိုက်ဖျက်ရေး ကော်မရှင်အဖွဲ့ဟာ စိန်ခေါ်မှု အများအပြားနဲ့ လုပ်ကိုင်ရ အကျပ်အတည်း အများအပြား ရှိပါတယ်။ ဒီလို အကျပ်အတည်းတွေမှာ ပိုဆိုးနေတာက အုပ်ချုပ်သူ လူတန်းစား အများစုက မမှန်မကန်ချမ်းသာတဲ့ မြန်မာနိုင်ငံမှာ လုပ်ပိုင်ခွင့်အာဏာရှိသူအပေါ် အရေးယူဆောင်ရွက်နိုင်မှု ကန့်သတ်ထားချက်ပါ။ ပိုဆိုးတာက အာဏာရပါတီနဲ့ ဆက်နွှယ်ရင်၊ လွှတ်တော်ကိုယ်စားလှယ်ဖြစ်ရင် အရေးယူဖို့ ခက်ခဲတာပါ။ ဒီလို ခက်ခဲမှုတွေရှိနေပေမယ့် အဂတိလိုက်စားမှု တိုက်ဖျက်ရေးကော်မရှင် ဥက္ကဋ္ဌ ဦးအောင်ကြည်ကတော့ သူတို့ကော်မရှင်အနေနဲ့ အဂတိလိုက်စားမှု တိုက်ဖျက်ရေးကော်မရှင်နဲ့ အကျုံးဝင်နေသရွေ့ အကုန်အရေးယူမှာဖြစ်ပြီး ဘယ်သူ့ကိုမှ ခွဲခြားဆက်ဆံခြင်း မပြုပါဘူးလို့ အိမ်မဲမြို့နယ် မဲဆန္ဒနယ် အမှတ် (၂) က ဦးအောင်ကျော်မြိုင်နဲ့ ပတ်သက်မှုအပြင် NLD ဘက်ကမို့ အရေးမယူတာလားဆိုတဲ့ အမြင်တွေအပေါ် ဖြေကြားပါတယ်။

“ခင်ဗျားမေးတဲ့ လွှတ်တော်ကိုယ်စားလှယ်မို့ အရေးမယူတာလား။ NLD ဘက်ကမို့ အရေးမယူတာလားဆိုတဲ့ကိစ္စရယ်။ ကျွန်တော်တို့က ဘယ်သူ့ကိုမှ ခွဲခြားဆက်ဆံခြင်း မပြုပါဘူး။ ဘယ်သူ့ကိုမဆို၊ မည်သူမဆိုလို့ပဲ ကျွန်တော်တို့ဥပဒေမှာ ခွင့်ပြုထားတာ ရှိပါတယ်။ ဒီဥပဒေနဲ့ အကျုံးဝင်လာရင်တော့ အကုန်အရေးယူမှာပါ။ အခုနက ကိစ္စသည် ကျွန်တော်တို့ဥပဒေနဲ့ အကျုံးမ၀င်တဲ့အတွက် အကျုံးမ၀င်သော်လည်းပဲ သက်ဆိုင်ရာသူ့ကို ကွပ်ကဲတဲ့ သက်ဆိုင်ရာ လွှတ်တော်ဥက္ကဋ္ဌကို ဒီလိုကိစ္စမျိုးတော့ ကျွန်တော်တို့ဆီ တိုင်ကြားစာ ရောက်လာပါတယ်။ ဒီဥစ္စာဟာ ကျွန်တော်တို့ ဥပဒေနဲ့ အကျုံးမ၀င်ဘူး။ သို့ရာတွင် သူ့မှာ ချို့ယွင်းချက် ရှိနိုင်တယ်။ ဒါကို လိုအပ်သလို အရေးယူ ဆောင်ရွက်ပါဆိုပြီး သဘောရိုးပဲ ကျွန်တော်တို့ရေးတာ။ သူ့ဘာအမှုနဲ့ အကျုံးဝင်တယ်။ ညာအမှုနဲ့ အကျုံးဝင်တယ် ကျွန်တော်တို့က ပြောပိုင်ခွင့်မရှိဘူး။ ကျွန်တော်တို့က ရဲမဟုတ်ဘူး။ တရားစွဲတဲ့ အဖွဲ့အစည်းမျိုးလည်း မဟုတ်ဘူး။ ကျွန်တော်တို့က သင့်တော်သလို စာရွက်စာတမ်းတွေ့တယ်ဆိုရင်လဲ စာရွက်စာတမ်းတွေ့လို့၊ ပစ္စည်းတွေ့တယ် ဆိုရင်လည်း ခိုးရာပါပစ္စည်းတွေ့လို့ ကြိုက်သလို သင့်တော်တဲ့ ဥပဒေနဲ့ တရားစွဲလို့ရတယ်။ သူတို့ကျတော့ ကျွန်တော်တို့ ဥပဒေနဲ့ အကျုံးဝင်သလား။ မ၀င်ဘူးလားဘဲ ပြောလို့ရတယ်။ ကျွန်တော်တို့က မသိတာ မဟုတ်ဘူးပေါ့။

ကျွန်တော်တို့က ဥပဒေသမားတွေဘဲ။ ဥပဒေသမားတွေဆိုတော့ သိပါတယ်။ ဒါပေမဲ့ ထုတ်ဖော်ပြောလို့တော့ မရဘူး။ ပြောပိုင်ခွင့် မရှိဘူး။ မရှိတဲ့အတွက် သက်ဆိုင်ရာဌာန အကြီးအကဲ လွှတ်တော်ဥက္ကဋ္ဌဆီ ကျွန်တော်တို့ အကြောင်းကြားရတဲ့ သဘောပါပဲ။ ဒီဥစ္စာဟာ လွှတ်တော် ကိုယ်စားလှယ်ဖြစ်ခြင်း၊ မဖြစ်ခြင်းနဲ့ ဘာမှမဆိုင်ဘူး။ စာထဲမှာ ရေးထားတာလည်း လွှတ်တော်ကိုယ်စားလှယ်ဖြစ်လို့ မဖြစ်လို့ဆိုတာ မပါပါဘူး။ သူ ကျူးလွန်တဲ့ကိစ္စသည် အဂတိလိုက်စားမှုနဲ့ မပတ်သက်လို့ ဆိုတာပဲ ဖော်ပြထားတာ ဖြစ်ပါတယ်။ အဓိပ္ပာယ် အယူအဆလေး လွဲသွားမှာ စိုးရိမ်လို့ပါ။ ဒီဥပဒေနဲ့သာ အကျုံးဝင်မယ်ဆိုရင် ကျွန်တော်တို့ ထပ်ပြောပါဦးမယ်။ ဘယ်သူ့ကိုမဆို အရေးယူမှာပါ။ ၂၀၁၃ ခုနှစ် စက်တင်ဘာ ၁၇ ရက်နောက်ပိုင်းမှာ ကျူးလွန်ခဲ့တဲ့ အဂတိလိုက်စားမှုမှန်သမျှ ခိုင်လုံတဲ့ အထောက်အထားနဲ့ တိုင်ကြားလာရင် အဲဒီတိုင်ကြားချက်အတိုင်း အတိအကျ အရေးယူမှာပါ။ ကျွန်တော်တို့ ဘယ်သူ့မှ မျက်နှာလိုက်ခြင်း၊ ဘက်လိုက်ခြင်း မရှိပါဘူး။ ကျွန်တော်တို့ စောစောက ပြောသွားသလိုပဲ ကျွန်တော်တို့ဟာ ဘက်လိုက်ခြင်းကင်းတဲ့ စံနှုန်းတွေကို အမြင့်ဆုံး တင်ထားပါတယ်လို့ ပြောချင်ပါတယ်။ ဘက်လိုက်ခြင်းကင်းတဲ့ စံနှုန်းတွေကို အမြင့်ဆုံး တင်ထားပါတယ်။ ဒီထက်ရှင်းအောင် ဘယ်လိုပြောရပါမလဲ” လို့ ဦးအောင်ကြည်က ပြောကြားပါတယ်။

အဂတိလိုက်စားမှု တိုက်ဖျက်ရေး ကော်မရှင်ဟာ ဘက်လိုက်ခြင်းကင်းတဲ့ စံနှုန်းတွေ အမြင့်ဆုံး တင်ထားပေမယ့် လုပ်ကိုင်ခွင့် အကန့်အသတ်နဲ့ရှိနေတဲ့ အခြေအနေဟာ အမြန်ဆုံးပြင်ဆင်နိုင်ဖို့ လိုအပ်ပါတယ်။ ဒီလို အကန့်အသတ်တွေ မဖြေရှင်းနိုင်သရွေ့ ငါးကြီးကြီးကြော်နိုင်မှာ မဟုတ်သလို မိထားတဲ့ငါးတောင် ကြော်ဖို့ဆီမရှိလို့ ပြန်လွှတ်ပေးရတာမျိုး ဆက်ဖြစ်နေမှာပါ။

“တို့ဘက် (ကရင်ပြည်နယ်)မှာတော့ အဂတိနဲ့ပတ်သက်ပြီး ဖြစ်ပျက်နေတာတွေ မရှိဘူးပေါ့။ လောက်လောက်လားလား မရှိဘူးပေါ့ဘူး။ နောက် ဦးကျော်ဝင်းတို့အဆင့် ဘာညာကျတော့ကာ ဒါကနုတ်ထွက် ခွင့်ပြုလိုက်ပြီဆိုရုံနဲ့ မလုံလောက်သင့်ဘူးလို့ စိတ်ထဲမှာခံစားမိတယ်။ သူရဲ့အဂတိလိုက်စားမှု အတိုင်းအတာက ဘယ်လောက်အထိ ပေါက်ရောက်သလဲ။ ဘယ်လောက်အထိ ဖြစ်ပျက်သွားပြီလဲဆိုတာ အမှန်က စေ့စေ့စပ်စပ်လေး။ စေ့စေ့စုံစုံလေး စုံစမ်းဖို့လိုတယ်။ အဲဒီအပေါ်မှာမှ တစ်စုံတစ်ခုသော အရေးယူမှုပေါ့။ အခုအဲဒီလူလည်း ဖတ်ကြည့်တာ အတော်လေးကို ချမ်းသာတယ်လို့ ထင်ရတယ်။ ၀န်ကြီးကနေ နုတ်ထွက်လည်းသူ့အတွက် ဘာမှမထူးဘူးပေါ့။ အဂတိတိုက်ဖျက်ရေးရယ်လို့ လုပ်ချင်သပဆိုရင် ဒါထိထိရောက်ရောက်နဲ့ ဒါထက်ပိုတဲ့အရေးယူမှုတွေ ဆောင်ရွက်ဖို့လိုတယ်” လို့ ကရင်အမျိုးသားဒီမိုကရက်တစ်ပါတီ ဥက္ကဋ္ဌ မန်းအောင်ပြည်စိုးက ပြောကြားပါတယ်။

အဂတိလိုက်စားမှု တိုက်ဖျက်ရေးကော်မရှင်ရဲ့ သမိုင်းကို ပြန်ကြည့်မယ်ဆိုရင် ငါးကြီးကြီးဖမ်းနိုင်တဲ့ ဖြစ်စဉ်ဆိုလို့ သိန်းထောင်ချီ လာဘ်စားမှုကြောင့် ကရင်ပြည်နယ် အုပ်ချုပ်ရေးမှူး ဦးပြုံးချိုနဲ့ ပြည်ထဲရေးအရာရှိတွေ အပါအ၀င် စုစုပေါင်း လူခြောက်ဦးကို ဖမ်းဆီးမှုပါ။ ကျန်တာတွေက သိန်းဆယ်ဂဏန်းလောက်နဲ့ မစားလောက်လို့ ယူတဲ့သူ အများစုပါ။ ဦးအောင်ကြည်ကို တာဝန်ပေးအပ်အပြီးမှာ တိုင်စာရရချင်း FDA ညွှန်ချုပ်ကို ဖမ်းဆီးလိုက်တဲ့ ကိစ္စနဲ့ NLD ၀န်ကြီး ဦးကျော်ဝင်းနဲ့ သားဖြစ်သူကို စစ်ဆေးမှုပါ။ ဒါပေမဲ့ ဒီဖြစ်စဉ်မှာတော့ ကော်မရှင်ရဲ့ ကျဉ်းမြောင်းတဲ့ဥပဒေနဲ့ အရေးယူမရတာမို့ အဖျားရှူးနေပြီလားလို့ ထင်မြင်စရာ ဖြစ်နေပါတယ်။

“အဓိကပြောချင်တာက အဂတိလိုက်စားမှုကို တိုက်ဖျက်တယ်၊ တိုက်ခဲ့တယ်လို့ အစိုးရတိုင်းကတော့ ကြွေးကြော်ခဲ့တာပဲ။ သို့သော်လည်း အဂတိလိုက်စားမှု တိုက်ဖျက်ရေးကို လုပ်တဲ့နေရာမှာ ဒီအဂတိလိုက်စားမှု တိုက်ဖျက်ရေးကော်မရှင် အဆင့်ဆင့်ဟာ မအောင်မြင်ခဲ့ဘူး။ ဘာကြောင့်မအောင်မြင်ခဲ့လဲဆိုရင် ပြောလို့ရှိရင် အဂတိလိုက်စားမှု တိုက်ဖျက်ရေး ကော်မရှင်တွေကိုယ်၌ ကိုယ်က အဂတိမကင်းခဲ့ဘူး။ ပြောချင်တာက အဆင့်တစ်ခုရောက်တဲ့ အခါမှာ ဘယာဂတိကြောင့် ဘယာဂတိဆိုတာ ကိုယ့်အပေါ်မှာ အန္တရာယ်ဖြစ်လာမှာ စိုးလို့ဆိုတာမျိုးနဲ့ အဂတိလိုက်စားမှု တိုက်ဖျက်ရေးကို သေသေချာချာ မလုပ်နိုင်တဲ့အခါမှာ အဂတိလိုက်စားမှု တိုက်ဖျက်ရေးဆိုတာက လူအထင်သေးဖြစ်တာပဲ ခံလိုက်ရတယ်။ တကယ်ထိထိရောက်ရောက် မဖြစ်လာဘူးပေါ့နော်။ အဲဒီတော့ အဂတိလိုက်စားမှု တိုက်ဖျက်ရေးက လူတွေကိုယ်တိုင်က အဂတိကင်းဖို့လိုတယ်။ ဥပမာ ရှင်ဘုရင်မို့လို့ ရွှေဖော့ရိုးနဲ့ ဆုံးမချင်ပြီးတော့ အောက်ခြေ၀န်ထမ်းမို့လို့ ၀ါးရင်းတုတ်နဲ့ ရိုက်ချင်တာမျိုးတာကတော့ အဂတိလိုက်စားမှုမှာ မဖြစ်သင့်ဘူးလို့ မြင်တယ်။ ဒါက ခုနကပြောတဲ့ ဦးကျော်ဝင်းကို ဆိုလိုတာမဟုတ်ဘူး။ အဂတိလိုက်စားမှု တိုက်ဖျက်ရေးကော်မရှင်တွေ အနေနဲ့ ရှိသင့်ရှိအပ်တဲ့ဥစ္စာကို ပြောတာ။ အဲဒီတော့ ခုနကပြောတဲ့ အဲဒီလို တစ်ပြေးညီကိုင်တွယ်မှု မရှိနိုင်ဘဲနဲ့ အဂတိလိုက်စားမှု တိုက်ဖျက်ရေးကို ဘယ်လိုလုပ်မယ်၊ ဘယ်ဝါလုပ်မယ်လို့ ကြိမ်းဝါးနေရင်တော့ အဂတိလိုက်စားမှု တိုက်ဖျက်ရေး ကော်မရှင်ဆိုတာ အများအမြင်မှာ ရယ်စရာသက်သက်ပဲ ဖြစ်နေလိမ့်မယ်လို့ ပြောချင်တယ်။ ဒါ ဦးကျော်ဝင်းကိစ္စရယ်လို့ မဆိုလိုဘူး။ အဂတိလိုက်စားမှု တိုက်ဖျက်ရေးကော်မရှင်ကို လုပ်တဲ့လူတွေကိုယ်တိုင်က အဂတိကင်းဖို့ လိုတယ်။ အဂတိဆိုတာက လေးမျိုးရှိတယ်။ ဆန္ဒာ၊ ဒေါသ၊ ဘယာ၊ မောဟ လေးမျိုးရှိတယ်။ ဒီဟာ လေးမျိုးကို အဂတိလိုက်စားမှု တိုက်ဖျက်ရေးကော်မရှင်ကို လူတွေကိုယ်တိုင်ကကင်းမှ အဂတိလိုက်စားမှု တိုက်ဖျက်ရေးဆိုတာကို လူတွေက ယုံကြည်မှာ။ နို့မို့ဆိုရင်တော့ ကွယ်ရာမှာ လူရယ်စရာဖြစ်နေမှာပဲ။ ရှေ့တင် ပြောင်ပြောင်တင်းတင်း မပြောသော်လည်း။ ဒါကို အဂတိလိုက်စားမှု တိုက်ဖျက်ရေးကော်မရှင်က လူတွေရော အဲဒီတာဝန်ပေးတဲ့လူတွေရော အဆင့်ဆင့်သော ပုဂ္ဂိုလ်တွေက ဒါတွေကို သတိချပ်ဖို့လိုတယ်” လို့ နိုင်ငံရေးအကျဉ်းဟောင်းများအဖွဲ့ ဦးဆောင်ကော်မတီဝင် ဦးတင်မောင်ဦးက ဆိုပါတယ်။

အနှစ်ချုပ် ပြောရမယ်ဆိုရင် စနစ်တစ်ခုလို အမြစ်တွယ်နေတဲ့ အဂတိလိုက်စားမှုကို သိသိသာသာ လျော့ကျစေချင်တယ်ဆိုရင် လက်ရှိအဂတိလိုက်စားမှု တိုက်ဖျက်ရေးကော်မရှင်နဲ့ အဂတိလိုက်စားမှု တိုက်ဖျက်ရေးဥပဒေရဲ့ အားနည်းချက်ကို ပညာရှင်တွေနဲ့ ၀ိုင်းဝန်းသုံးသပ် ပြင်ဆင်ပြီး ကိုရီးယားလို၊ ထိုင်းနိုင်ငံလို၊ အင်ဒိုနီးရှားလို၊ တရုတ်လို၊ နိုင်ငံတကာမှာလို သမ္မတကနေ လွှတ်တော်ဥက္ကဋ္ဌတွေ၊ ၀န်ကြီးချုပ်တွေ၊ ၀န်ထမ်းတွေအထိပါ စစ်ဆေးအရေးယူနိုင်တဲ့ ဥပဒေမျိုးဖြစ်လာတဲ့အထိ အဆင့်မြှင့်တင်ဖို့ လိုအပ်ပါတယ်။ အဂတိလိုက်စားမှု တိုက်ဖျက်ရေး ကော်မရှင် နှစ်ဆက်ရဲ့ စွမ်းဆောင်မှုတွေကို ပြန်ကြည့်မယ်ဆိုရင် ကော်မရှင်ဟောင်းရဲ့ သုံးနှစ်ကျော်ကာလအတွင်း တိုင်ကြားစာ ၄၅၀၀ လောက် ရောက်ရှိခဲ့ပြီး အမှု ၅၀ လောက် စုံစမ်းစစ်ဆေးနိုင်ခဲ့မှုနဲ့ ကော်မရှင်သစ် ခြောက်လအတွင်းမှာ တိုင်ကြားစာ ၃၉၀၀ လောက်ရောက်ခဲ့တာနဲ့ယှဉ်ရင် ပြည်သူ့ယုံကြည်မှု မြင့်တက်လာတာကို မြင်ရမှာဖြစ်ပါတယ်။ ဒီလို ပြည်သူ့ယုံကြည်မှု မြင့်တက်လာတဲ့ အခြေအနေကို ဖန်တီးခဲ့တဲ့ အစိုးရဟာ သူ့လူငါလူခွဲ၊ လုပ်ပိုင်ခွင့် အကျပ်အတည်းနဲ့ အဂတိလိုက်စားမှု တိုက်ဖျက်ရေးကော်မရှင်ဟာ ငါတို့လုပ်ပိုင်ခွင့်ထဲက ငါတို့ဥပဒေနဲ့ အကျုံးဝင်မှ အရေးယူမယ်။ ဘက်လိုက်မှုစံနှုန်း အမြင့်ဆုံးတင်ထားတယ် ဆိုရုံနဲ့တော့ ငါးကြီးကြီးဖမ်းနိုင်မှာ မဟုတ်သလို ရထားတဲ့ ပြည်သူ့ယုံကြည်မှုတောင် လျော့ကျသွားပါလိမ့်မယ်။

မန္တလေးမြို့အနီး စီမံကိန်းတွေက ဒေသဖွံ့ဖြိုးရေးအတွက် ဘာမျှော်လင့်နိုင်မလဲ

မန္တလေးမြို့၏ စက်မှုဇုန်ဝန်းကျင်ကို တွေ့ရစဉ်

မန္တလေးမြို့အနီးဝန်းကျင်မှာ အကောင်အထည်ဖော် လုပ်ဆောင်နေကြတဲ့ စီမံကိန်းတွေ အများအပြား ရှိပါတယ်။ တချို့စီမံကိန်းတွေက အရင်အစိုးရလက်ထက်က ချထားခဲ့ပြီး ဆက်လက်လုပ်ဆောင်နေကြတာတွေရှိသလို အရင်အစိုးရက ချထားပေးခဲ့ပြီး လက်ရှိအစိုးရလက်ထက်မှာ စီမံကိန်းတွေကို ပြန်လည်စိစစ်ရေးအဖွဲ့နဲ့ ပြန်လည်စိစစ်တဲ့အခါမှာ လုပ်ငန်းပိုင်းဆိုင်ရာ လိုအပ်ချက်တွေ သတ်မှတ်ထားတဲ့စံနှုန်းကို ကျော်လွန်နေတာကြောင့် ပြန်လည်ပြင်ဆင်နေရတာ၊ ရပ်ဆိုင်းထားရတာတွေလည်း ရှိပါတယ်။

မန္တလေးမြို့ပေါ် အပါအ၀င် တိုင်းဒေသကြီးအတွင်းမှာရှိတဲ့ စီမံကိန်းတွေကို လေ့လာကြည့်မယ်ဆိုရင် အရင်ပြည်ခိုင်ဖြိုး အစိုးရလက်ထက်က ချထားပေးခဲ့တဲ့ စီမံကိန်းတွေ အများအပြား ရှိခဲ့ပါတယ်။

စီမံကိန်းတွေကို ချထားပေးခဲ့စဉ်က ဥပဒေလုပ်ထုံးလုပ်နည်းတွေနဲ့အညီ ချထားပေးခဲ့တာတွေ ရှိခဲ့သလို လက်သိပ်ထိုးပုံစံနဲ့ ချထားပေးခဲ့တဲ့ စီမံကိန်းတွေ (ဥပမာ အစိုးရသစ်မတက်ခင် လပိုင်းအလို) အများအပြား ရှိခဲ့တယ်လို့ စုံစမ်းရရှိထားတဲ့ အချက်အလက်တွေအရ သိရပါတယ်။

ငွေကြေးရင်းနှီးမြှုပ်နှံမှု ပမာဏများစွာနဲ့ အကောင်အထည်ဖော်နေတဲ့ စီမံကိန်းတွေ၊ ဝေဖန်ကန့်ကွက်မှုတွေကြားထဲက လုပ်ဆောင်နေကြတဲ့ စီမံကိန်းတွေ၊ ဒေသအနာဂတ်အတွက် အလားအလာ ကောင်းမွန်လာနိုင်တဲ့ စီမံကိန်းတွေစတဲ့ တိုင်းဒေသကြီးအတွင်းမှာ အကောင်အထည်ဖော် ဆောင်ရွက်နေတဲ့ စီမံကိန်းတွေဟာ ဒေသဖွံ့ဖြိုးတိုးတက်ရေး၊ တိုင်းဒေသကြီးအကျိုးစီးပွား၊ နိုင်ငံတော်အကျိုးစီးပွားကို ဘယ်လောက်အထိ ဖြစ်ထွန်းစေလာနိုင်မလဲဆိုတာ ဆက်လက် စောင့်ကြည့်သွားရဦးမှာ ဖြစ်ပါတယ်။

NLD အစိုးရလက်ထက်မှာ စီမံကိန်းတွေ ဘယ်လောက်အထိ ချထားပေးပြီးပြီလဲ။

ပြီးခဲ့တဲ့မတ်လအတွင်းက ကျင်းပခဲ့တဲ့ ဒုတိယအကြိမ် မန္တလေးတိုင်းဒေသကြီးလွှတ်တော် န၀မပုံမှန်အစည်းအဝေးမှာ တိုင်းဒေသကြီးအတွင်း အကောင်အထည်ဖော် လုပ်ဆောင်နေတဲ့ စီမံကိန်းတွေနဲ့ ပတ်သက်ပြီး လွှတ်တော်မှာ မေးခွန်းမေးမြန်းမှုတွေ လုပ်ဆောင်ခဲ့ပါတယ်။ အောင်မြေသာစံမြို့နယ် မဲဆန္ဒနယ် အမှတ် (၁) တိုင်းဒေသကြီး လွှတ်တော်ကိုယ်စားလှယ် ဒေါက်တာညီမင်းဟန်က “မန္တလေးတိုင်းဒေသကြီး အစိုးရအနေဖြင့် တိုင်းဒေသကြီးအတွင်း ဆောင်ရွက်နေသည့် စီမံကိန်းကြီးများကို တိုင်းဒေသကြီးလွှတ်တော်သို့ တင်ပြ၍ အတည်ပြုချက် ရယူရန် အစီအစဉ် ရှိ မရှိ” မေးခွန်း မေးမြန်းခဲ့ပါတယ်။

တိုင်းဒေသကြီးလွှတ်တော်ကိုယ်စားလှယ် မေးမြန်းတဲ့မေးခွန်းကို မန္တလေးတိုင်းဒေသကြီး အစိုးရအဖွဲ့ စီမံကိန်းနှင့်ဘဏ္ဍာရေးဝန်ကြီး ဦးမြတ်သူက “မန္တလေးတိုင်းဒေသကြီး အတွင်းမှာ အကောင်အထည်ဖော် ဆောင်ရွက်နေတဲ့ စီမံကိန်းတွေဟာ ယခင်အစိုးရလက်ထက်က ခွင့်ပြုထားခဲ့တဲ့ စီမံကိန်းတွေကိုသာ ဆက်လက် အကောင်အထည်ဖော် ဆောင်ရွက်နေတာဖြစ်ပြီး လက်ရှိ ဒုတိယအကြိမ်လွှတ်တော် သက်တမ်းအတွင်းမှာ စီမံကိန်းများကို လုပ်ဆောင်ရန် စိတ်ဝင်စားသူများက လာရောက်လေ့လာနေသည့် အဆင့်သာရှိနေသေးကြောင်း၊ တိုင်းဒေသကြီးအစိုးရအဖွဲ့ အနေဖြင့် မည်သည့်စီမံကိန်းကိုမှ သဘောတူညီမှု ပြုလုပ်ထားခြင်း မရှိသေးသဖြင့် တိုင်းဒေသကြီးလွှတ်တော်သို့ တင်ပြ အတည်ပြုချက်ရယူရန် အစီအစဉ် မရှိသေးပါကြောင်း” ကို ၀န်ကြီးက ပြန်လည်ဖြေကြားခဲ့တာ တွေ့ရပါတယ်။

တိုင်းဒေသကြီး စီမံဘဏ္ဍာဝန်ကြီးရဲ့ လွှတ်တော်မှာ ဖြေဆိုသွားတဲ့အဖြေကို သုံးသပ်ကြည့်မယ်ဆိုရင် မန္တလေးတိုင်းဒေသကြီးအစိုးရအဖွဲ့အနေနဲ့ စီမံကိန်းအသစ်တွေကို ထပ်မံချထားပေးတာမျိုး မပြုလုပ်သေးဘဲ အရင်သမ္မတဟောင်း ဦးသိန်းစိန်အစိုးရ၊ တိုင်းဒေသကြီးဝန်ကြီးချုပ် ဦးရဲမြင့်လက်ထက်မှာ ချထားပေးခဲ့တဲ့ စီမံကိန်းတွေကိုသာ ပြန်လည်စိစစ်ပြီး ဆက်လက် အကောင်အထည်ဖော် ဆောင်ရွက်နေတယ်လို့ အဓိပ္ပာယ် ကောက်ရပါတယ်။ လက်ရှိ NLD အစိုးရသစ်လက်ထက်မှာ အရင်အစိုးရလက်ထက်က ချထားပေးခဲ့တဲ့ စီမံကိန်းတွေကို စီမံကိန်းတစ်ခုချင်းစီ အလိုက်ပြန်လည် သုံးသပ်တာ၊ စစ်ဆေးတာတွေ လုပ်ဆောင်ခဲ့ပါတယ်။ မန္တလေးတိုင်းဒေသကြီးဝန်ကြီးချုပ် ဒေါက်တာဇော်မြင့်မောင်က အစိုးရသစ်တက်ခါစကာလမှာ မန္တလေးတိုင်းဒေသကြီးအတွင်း လုပ်ဆောင်နေတဲ့ စီမံကိန်းတွေနဲ့ ပတ်သက်ပြီး ပြောကြားခဲ့တာက အရင်အစိုးရဆင်းခါနီးရက်ပိုင်း အလိုမှာပဲ မန္တလေးမြို့ပေါ်နဲ့ တိုင်းဒေသကြီးအတွင်းမှာ စီမံကိန်းတွေကို မြန်မြန်ဆန်ဆန် ချထားပေးခဲ့တာ စိစစ်တွေ့ရှိခဲ့ရတယ်လို့ ပြောကြားခဲ့ပါတယ်။ အဲဒီလို လုပ်ထုံးလုပ်နည်းကို ကျော်လွန်ပြီး လုပ်ဆောင်ခဲ့တဲ့ စီမံကိန်းအချို့ကို တိုင်းဒေသကြီး အစိုးရအဖွဲ့က လုပ်ငန်းပိုင်းဆိုင်ရာတွေကို သွားရောက်စစ်ဆေးတာ၊ စီမံကိန်းအချို့ကို ယာယီရပ်ဆိုင်းစေခဲ့တာတွေ တွေ့ရပါတယ်။

စီမံဘဏ္ဍာဝန်ကြီး လွှတ်တော်မှာ ဖြေဆိုသွားသလို NLD အစိုးရ လက်ထက်မှာ စီမံကိန်းတွေကို အသစ်ချထားပေးတာ မတွေ့ရသေးပေမယ့် အရင်အစိုးရလက်ထက်ကပွင့် လင်းမြင်သာမှုအားနည်းစွာနဲ့ လုပ်ဆောင်စေခဲ့တဲ့ စီမံကိန်းတွေ၊ အရင်အစိုးရဆင်းခါနီး လပိုင်းအလိုနဲ့ ရက်ပိုင်းအလိုမှာ ချထားပေးခဲ့တဲ့စီမံကိန်း အချို့ကိုတော့ စိစစ်မှုတွေ လုပ်ဆောင်ပြီး လုပ်ငန်းဆက်လက် အကောင်အထည်ဖော် ဆောင်ရွက်ခွင့် ပြုထားတာ တွေ့ရပါတယ်။ အချို့သော အငြင်းပွားဖွယ်ရာ စီမံကိန်းအချို့မှာဆိုရင် သဘာဝပတ်ဝန်းကျင်ဆိုင်ရာ၊ ယဉ်ကျေးမှုပိုင်းဆိုင်ရာ၊ ရှေးဟောင်းအမွေအနှစ်ပိုင်းဆိုင်ရာတွေနဲ့ ငြိစွန်းနေတဲ့ စီမံကိန်းအချို့ကို ဆက်လက်လုပ်ကိုင် ခွင့်ပြုခဲ့တဲ့အတွက် ဝေဖန်မှုတွေလည်း ထွက်ပေါ်နေပါတယ်။

၂၀၀၈ ဖွဲ့စည်းပုံအခြေခံဥပဒေ၊ အခန်း (၅) အုပ်ချုပ်ရေးကဏ္ဍ၊ ဥပဒေပုဒ်မ ၂၅၁ မှာ တိုင်းဒေသကြီး သို့မဟုတ် ပြည်နယ်အစိုးရသည် ပြည်ထောင်စုအစိုးရက ချမှတ်ထားသည့် မူဝါဒများနှင့်သော်လည်းကောင်း၊ ပြည်ထောင်စုဥပဒေများနှင့် သော်လည်းကောင်း မဆန့်ကျင်စေဘဲ တိုင်းဒေသကြီး သို့မဟုတ် ပြည်နယ်အတွင်း အကောင်အထည်ဖော် ဆောင်ရွက်မည့်လုပ်ငန်းများနှင့် စပ်လျဉ်းသည့် စီမံကိန်းများကို သက်ဆိုင်ရာတိုင်းဒေသကြီး သို့မဟုတ် ပြည်နယ်လွှတ်တော်၏ သဘောတူညီချက်ဖြင့် အကောင်အထည်ဖော် ဆောင်ရွက်ရမည်ဟု ဖော်ပြထားပါတယ်။

မန္တလေးမြို့အနီး အကြီးဆုံး ရင်းနှီးမြှုပ်နှံမှု ပြုလုပ်ထားသည့် အမရပူရမြို့ပြဖွံ့ဖြိုးရေး စီမံကိန်း

မန္တလေးမြို့အနီးမှာ လက်ရှိအစိုးရက စိစစ်ပြီး ဆက်လက်ခွင့်ပြုချက်နဲ့ အကောင်အထည်ဖော်နေတဲ့ စီမံကိန်းတွေ ရှိပါတယ်။ အဲဒီစီမံကိန်းတွေထဲက မကြာသေးခင်ကမှ လုပ်ငန်းစတင်လုပ်ဆောင်နေတဲ့ အမရပူရမြို့ပြဖွံ့ဖြိုးရေး စီမံကိန်းကလည်း တစ်ခုအပါအ၀င် ဖြစ်ပါတယ်။ အမရပူရမြို့ပြဖွံ့ဖြိုးရေး စီမံကိန်းဟာ အရင်အစိုးရလက်ထက်မှာပဲ စာချုပ်ချုပ်ဆိုခဲ့တဲ့ စီမံကိန်းတစ်ခုဖြစ်ပြီး လက်ရှိ NLD အစိုးရလက်ထက်မှာ စာချုပ်ပါ အချက်အလက်တွေကို ပြန်လည်စိစစ်ပြီး စီမံကိန်းနဲ့ ပတ်သက်တဲ့ သဘာဝပတ်ဝန်းကျင်ဆိုင်ရာ အချက်အလက်တွေကို ပြန်လည်စစ်ဆေးခဲ့တယ်လို့ သိရပါတယ်။ NLD အစိုးရတက်လာချိန်မှာ လုပ်ထုံးလုပ်နည်းတွေနဲ့အညီ စီမံကိန်းကို သေသေချာချာစိစစ်ပြီး ခွင့်ပြုပေးလိုက်တာ ဖြစ်တယ်လို့ မန္တလေးတိုင်းဒေသကြီး အစိုးရအဖွဲ့ဝန်ကြီးချုပ် ဒေါက်တာဇော်မြင့်မောင်က ၂၀၁၇ ခုနှစ် ဇူလိုင်လအတွင်းက ပြုလုပ်ခဲ့တဲ့ အခမ်းအနားတစ်ခုမှာ ပြောကြားခဲ့ပါတယ်။

“ဒီစီမံကိန်းဟာ အရင်အစိုးရနဲ့ချုပ်ဆိုခဲ့တဲ့ စီမံကိန်း ဖြစ်ပါတယ်။ အသံတွေကတော့ မျိုးစုံထွက်နေတာပါပဲ။ ဒါပေမဲ့ အရင်အစိုးရနဲ့ ချုပ်ဆိုထားတဲ့ စာချုပ်ကိုအကောင်အထည်ဖော်ဖို့ နောင်အစိုးရတာဝန်ပါ။ ဒါပေမဲ့ စည်းနဲ့ကမ်းနဲ့ နည်းနဲ့လမ်းနဲ့ လုပ်ထုံးလုပ်နည်းနဲ့ ညီရပါမယ်။ ဒီဖွံ့ဖြိုးရေး စီမံကိန်းကို သေချာစိစစ်ပါတယ်။ အဖွဲ့တွေ ဖွဲ့ကွင်းဆင်းပြီး သဘာဝပတ်ဝန်းကျင်ကို ဘယ်လောက်ထိခိုက်နိုင်မလဲဆိုတာ ပညာရှင်တွေနဲ့ တွေ့ဆုံညှိနှိုင်းပြီးတော့မှ ခွင့်ပြုပေးခဲ့တာဖြစ်တယ်။ ဒီနေရာမှာ ပြောစရာရှိတာက အစိုးရအနေနဲ့ ဖွံ့ဖြိုးရေးတွေ လုပ်တဲ့အခါမှာ စီမံကိန်း ဖော်ဆောင်သူတွေနဲ့ ဆက်ဆံရပါတယ်။ မဆက်ဆံလို့ မရပါဘူး။ ဒါကိုပွင့်ပွင့်လင်းလင်း ပြောရလို့ရှိရင် အစိုးရဟာ ခရိုနီတွေနဲ့ ဆက်ဆံတယ်။ ခရိုနီတွေနဲ့ ဆက်ဆံတယ်လို့ ပြောနေကြတာပါ။ ဖွံ့ဖြိုးရေး စီမံကိန်းမလုပ်ဘဲ ဘယ်လိုလုပ်ပြီး တိုးတက်မလဲ” လို့ မန္တလေးတိုင်းဒေသကြီးဝန်ကြီးချုပ် ဒေါက်တာဇော်မြင့်မောင်က အမရပူရမြို့ပြဖွံ့ဖြိုးရေး စီမံကိန်း အပါအ၀င် တိုင်းဒေသကြီးအတွင်းက စီမံကိန်းတွေနဲ့ ပတ်သက်ပြီး ၂၀၁၇ ခုနှစ်အတွင်းက ပြောဆိုထားတာ ဖြစ်ပါတယ်။

အမရပူရ မြို့ပြဖွံ့ဖြိုးရေး စီမံကိန်းတည်နေရာဟာ အမရပူရမြို့နယ်၊ ရှမ်းကလေးကျွန်းကျေးရွာ အနီးမှာရှိတဲ့ မြေဧက ၂၀၀၀ ကျော်ပေါ်မှာ ကနဦးမတည်ငွေအနေနဲ့ ငွေကျပ် ဘီလျံ ၅၀၀ အသုံးပြုပြီး ရင်းနှီးမြှုပ်နှံမှု ပြုလုပ်ထားတဲ့ စီမံကိန်းတစ်ခု ဖြစ်ပါတယ်။ စီမံကိန်းကို အကောင်အထည်ဖော် ဆောင်ရွက်နေတဲ့ ကုမ္ပဏီက MBCCD(Mandalay Business Capital City Development) ဖြစ်ပြီး စီးပွားရေးလုပ်ငန်းရှင် ဦးမောင်ဝိတ်က ကုမ္ပဏီဥက္ကဋ္ဌအဖြစ် တာဝန်ယူ လုပ်ဆောင်နေတဲ့ စီမံကိန်းဖြစ်ပါတယ်။ စီမံကိန်းထဲမှာ ဟိုတယ်ဇုန်၊ စီးပွားရေးဇုန်၊ ကုန်တင်သင်္ဘောတွေ ဆိုက်ကပ်နိုင်မယ့် ဆိပ်ကမ်း၊ ပညာရေးဇုန် (ကိုယ်ပိုင်ကျောင်း အပါအ၀င် အသက်မွေးဝမ်းကျောင်းများ)၊ ဆေးရုံ၊ မီးသတ်၊ ၀န်ထမ်းအိမ်ရာ၊ လူနေအိမ်ရာ စတဲ့ ဇုန်ခုနစ်ခုကို အပိုင်း (၇) ပိုင်းနဲ့ အကောင်အထည်ဖော် ဆောင်ရွက်သွားမှာဖြစ်ပြီး စီမံကိန်းကာလကို ၁၀ နှစ် သတ်မှတ်ထားတယ်လို့ အမရပူရမြို့ပြဖွံ့ဖြိုးရေး စီမံကိန်း သတင်းနဲ့ ပြန်ကြားရေး တာဝန်ခံက သတင်းမီဒီယာတွေကို ပြောဆိုထားပါတယ်။

လက်ရှိအချိန်မှာ စီမံကိန်းဧရိယာထဲက မြေဧက ၄၀ ကိုသာ မြေယာပြုပြင်တာတွေ လုပ်ဆောင်နေသေးတာ ဖြစ်ပါတယ်။ မြေဧက ၄၀ ပေါ်မှာပဲ ကနဦး စီမံချက်အနေနဲ့ လူနေအဆောက်အအုံ၊ အသက်မွေး ၀မ်းကျောင်းတွေ၊ စီပွားရေးဇုန်တွေကို ဖော်ဆောင်သွားမယ်လို့ သိရပါတယ်။ အမရပူရမြို့ပြဖွံ့ဖြိုးရေး စီမံကိန်းဟာ အရင်အစိုးရလက်ထက်က ချထားပေးခဲ့တဲ့ စီမံကိန်းတစ်ခုဖြစ်ပြီး လက်ရှိအစိုးရလက်ထက်မှာ ပြန်လည်စိစစ်ပြီး လုပ်ငန်းဆောင်ရွက် ခွင့်ပြုပေးထားတဲ့ စီမံကိန်း ဖြစ်ပါတယ်။ စီမံကိန်းနဲ့ ပတ်သက်ပြီး ကနဦးကာလမှာ ဝေဖန်မှုတွေ ကန့်ကွက်မှုတွေ ထွက်ပေါ်ခဲ့ပါသေးတယ်။ ဧရာဝတီမြစ်ရဲ့ နှစ်စဉ်မြစ်ရေတက်လေ့ရှိတဲ့ ရေဝေရေလဲ ဧရိယာတစ်ခုအပေါ်မှာ မြေဖို့ပြီးတော့ စီမံကိန်းကို အကောင်အထည် ဖော်သွားမှာဖြစ်တဲ့အတွက် ကမ်းပြိုမှုတွေ၊ မြစ်ရေတက်ချိန်ကာလမှာ ရေကြီးမှုဒဏ်တွေ ပိုမိုခံစားလာနိုင်ဖွယ် ရှိတာကြောင့် သဘာဝပတ်ဝန်းကျင်နဲ့ ပတ်သက်ပြီး လှုပ်ရှားနေသူတွေက ထောက်ပြဝေဖန်မှုတွေ ရှိခဲ့ပါတယ်။ စီမံကိန်းဧရိယာဟာ မြေဧက ၂၀၀၀ ကျော် ရှိနေတာကြောင့် ရာနှုန်းပြည့် အကောင်အထည် ဖော်ဆောင်နိုင်ခဲ့မယ်ဆိုပါက ဧရာဝတီမြစ်ရဲ့ ရေလမ်းကြောင်း ပြောင်းလဲလာတာ၊ ကမ်းပြိုမှုတွေ၊ မြစ်ရေကြီးမှုဒဏ်တွေစတဲ့ သဘာဝပတ်ဝန်းကျင်နဲ့ သက်ဆိုင်တဲ့ ဘေးထွက်ဆိုးကျိုးတွေနဲ့ ရင်ဆိုင်လာရမှာကို ဒေသခံတွေကြားမှာ စိုးရိမ်မှုတွေ ရှိနေကြပါတယ်။

“စီမံကိန်းနဲ့ပတ်သက်ပြီး အစိုးရအဖွဲ့က ဒေသခံတွေရဲ့ သဘောထား ကောက်ခံခဲ့လားဆိုတော့ ကောက်ခံခဲ့တယ်ဗျ။ ဘယ်လိုကောက်ခံခဲ့လဲဆိုတော့ အစည်းအဝေးတစ်ခုမှာ စီမံကိန်းကို ကန့်ကွက်မယ့်သူတွေ ခေါ်မလာခဲ့နဲ့ ထောက်ခံပေးမယ့်သူတွေပဲ ခေါ်လာခဲ့ပါဆိုတာ ကြားရတဲ့အတွက် ကျွန်တော်တို့က သဘောမတူလို့ မသွားခဲ့ဘူး။ ဒီစီမံကိန်းကြီးကြောင့် မြစ်ရေကြီးမှုဒဏ် ပိုပြီးခံစားလာရမှာနဲ့ သဘာဝပတ်ဝန်းကျင်ကို ထိခိုက်သွားမှာ စိုးရိမ်နေကြတယ်” လို့ အမရပူရဒေသခံ လုပ်ငန်းရှင်တစ်ဦးက စီမံကိန်းနဲ့ပတ်သက်လို့ သူကြုံတွေ့ခဲ့တာကို ပြောပြခဲ့ပါတယ်။

အမရပူရမြို့ပြဖွံ့ဖြိုးရေး စီမံကိန်းနဲ့ ပတ်သက်ပြီး သဘာဝပတ်ဝန်းကျင်အတွက် စိုးရိမ်မှုတွေ ရှိနေပေမယ့် စီမံကိန်းဘက်ကတော့ သဘာဝပတ်ဝန်းကျင်ထိခိုက်မှု စစ်တမ်းတွေကို နိုင်ငံတကာကပညာရှင်တွေ စစ်တမ်းကောက်ယူခဲ့ပြီး စီမံကိန်းနဲ့ သက်ဆိုင်တဲ့ သုတေသန စာတမ်းအချက်အလက်တွေကို အစိုးရအဖွဲ့ထံ တင်ပြထားပြီးဖြစ်တယ်လို့ စီမံကိန်းဘက်က သိရပါတယ်။ တစ်နေ့တခြားလူဦးရေ ထူထပ်လာတဲ့ မန္တလေးမြို့မှာ မြို့ပြဖွံ့ဖြိုးရေး စီမံကိန်းတွေ၊ အိမ်ရာစီမံကိန်းတွေ အစရှိတဲ့ မြို့ပြဖွံ့ဖြိုးတိုးတက်ရေးနဲ့ သက်ဆိုင်တဲ့ စီမံကိန်းတွေ မရှိမဖြစ် လိုအပ်လာတာ အမှန်ပင် ဖြစ်ပါတယ်။ ဒါပေမဲ့ လိုအပ်ချက်အတွက် စီမံကိန်းတွေကို အကောင်အထည်ဖော် လုပ်ဆောင်ရာမှာ သက်ဆိုင်ရာဒေသအတွက် အမှန်တကယ် အကျိုးရှိစေနိုင်မယ့် စီမံကိန်းတွေဖြစ်လာဖို့က အဓိကအကြောင်းအရာ အချက်ပဲဖြစ်ပါတယ်။ သဘာဝပတ်ဝန်းကျင်ကို ထိခိုက်မှု အနည်းဆုံးဖြစ်စေဖို့ကလည်း အရေးကြီးပြန်ပါတယ်။ အရင်အစိုးရလက်ထက်က စီမံကိန်းတွေနဲ့ပတ်သက်ပြီး ဖြစ်စဉ် သာဓကတွေ အများကြီးရှိခဲ့ဖူးပါတယ်။ ဟိုတယ်ဇုန်စီမံကိန်း၊ စက်မှုဇုန်စီမံကိန်းစတဲ့ စီမံကိန်းအသံ ဟစ်ပြပြီး မြေယာတွေကို ဈေးကစားသွားခဲ့တာကြောင့် ဥပမာ မြေတစ်ဧက ၁၀ သိန်းခန့် ရှိနေတဲ့မြေယာတွေက ကျပ်သိန်း ရာဂဏန်းကျော်ထိ ရောက်သွားတာတွေ ဖြစ်ခဲ့ဖူးပါတယ်။ ဒါပေမဲ့ စီမံကိန်းကတော့ လေထဲမှာပြောပြီးလေထဲမှာပဲ ပျောက်ကွယ်သွားပါတယ်။ ဒါကြောင့် စီမံကိန်းတွေဟာ ဒေသအတွက် အမှန်တကယ် အကျိုးပြုစေမယ့် စီမံကိန်းတွေဖြစ်လာဖို့က အဓိကဖြစ်ပါတယ်။ အမရပူရမြို့ပြစီမံကိန်းဟာ ဒေသအတွက်၊ မန္တလေးမြို့ပြရဲ့ လိုအပ်ချက်တွေအတွက် ဘယ်လောက် အတိုင်းအတာအထိ အထောက်အကူပြုနိုင်မလဲ၊ အမှန်တကယ် အကျိုးပြုလာနိုင်၊ မလာနိုင်ဆိုတာ ဆက်လက်စောင့်ကြည့်သွားရဦးမှာ ဖြစ်ပါတယ်။

“အမရပူရမြို့ပြစီမံကိန်းဟာ သယံဇာတတွေ ထုတ်ယူသွားမယ့်လုပ်ငန်းတွေလို လုပ်ငန်းအမျိုးအစားတွေ မဟုတ်ပါဘူး။ အဆောက်အအုံတွေ၊ လမ်းတွေ၊ တံတားတွေဟာ သယံဇာတတွေလို ဘယ်လိုမှသယ်ယူသွားလို့ မရပါဘူး။ ဒီမြေဒီဒေသမှာပဲ တည်ရှိနေမှာ ဖြစ်ပါတယ်။ ကျွန်တော်တို့ဟာ စကားနည်းနည်းပြောပြီး မြေပြင်ဖွံ့ဖြိုးမှု လုပ်ငန်းတွေကို အမြန်ဆုံးနဲ့ အကောင်းဆုံး လုပ်ဆောင်သွားမှာပါ” လို့ အမရပူရမြို့ပြစီမံကိန်းကို အကောင်အထည် ဖော်ဆောင်ခွင့်ရရှိထားတဲ့ MBCCD ကုမ္ပဏီဥက္ကဋ္ဌ ဦးမောင်ဝိတ်က ၂၀၁၇ ခုနှစ်အတွင်းက စီမံကိန်းနဲ့ ပတ်သပ်ပြီး ဝေဖန်ပြောဆိုနေမှုတွေကို တုံ့ပြန်ပြောကြားခဲ့ပါတယ်။

မန္တလေးမြို့တွင် တည်ဆောက်ဆဲ စီမံကိန်းလုပ်ငန်းခွင်အချို့ကို တွေ့ရစဉ်

တောင်သမန်အင်းထိပ်က တောင်သမန်သစ္စာစီမံကိန်း

တောင်သမန်သစ္စာစီမံကိန်းဟာ အရင်အစိုးရလက်ထက်က ခွင့်ပြုပေးခဲ့တဲ့ စီမံကိန်းတွေထဲက တစ်ခု အပါအ၀င် ဖြစ်ပါတယ်။ စီမံကိန်း စတင်ကတည်းက ဝေဖန်ကန့်ကွက်မှုတွေနဲ့အတူ ပွဲဦးထွက်လာခဲ့တဲ့ စီမံကိန်းတစ်ခုဖြစ်ပြီး လက်ရှိအစိုးရ လက်ထက်မှာတော့ ညွှန်ကြားချက်တွေကို မလိုက်နာတဲ့အတွက် စီမံကိန်းကို ယာယီရပ်ဆိုင်းခိုင်းတဲ့အထိ ဖြစ်ခဲ့ပါတယ်။ စီမံကိန်းဟာ တောင်သမန်အင်းအရှေ့ဘက်၊ ဦးပိန်တံတားတောင်ဘက်အနီး၊ အင်းမြေပေါ်မှာမြေဖို့ပြီး တည်ဆောက်နေတဲ့ စီမံကိန်းဖြစ်ပါတယ်။ မြေဧက ၂၀၀ ကျော်ပေါ်မှာ အကောင်အထည်ဖော် တည်ဆောက်နေတာဖြစ်ပြီး ကနဦးစီမံကိန်းအပိုင်း (၁) မှာ ဟိုတယ်၊ လူနေဆိုင်ခန်း၊ အရောင်းပြခန်းတွေ ပါဝင်မှာဖြစ်ပါတယ်။ စီမံကိန်းကို အပိုင်းလေးပိုင်းခွဲပြီးတော့ ဆောင်ရွက်နေတာ ဖြစ်ပါတယ်။

အရင်အစိုးရလက်ထက်က ခွင့်ပြုပေးခဲ့တဲ့ တောင်သမန်သစ္စာစီမံကိန်းဟာ မြေဧက ၁၀၀ ၀န်းကျင်ကို ပြီးခဲ့တဲ့အစိုးရလက်ထက်အတွင်းမှာပဲ ဂရန်ရရှိခဲ့တယ်လို့ ကုမ္ပဏီဘက်က ပြောဆိုထားပါတယ်။ လက်ရှိ NLD အစိုးရတက်လာချိန်မှာတော့ စီမံကိန်းဟာ ခွင့်ပြုချက်ထက် အဆောက်အဦးတွေကို ကျော်လွန်ဆောက်လုပ်ထားတာ၊ ဦးပိန်တံတားနားအထိ မြေဖို့ပြီးလမ်းဖောက်လုပ်တာ စတဲ့ သတ်မှတ်ချက်ထက် ကျော်လွန်လုပ်ဆောင်လာတာကြောင့် ၂၀၁၆ ခုနှစ်ထဲမှာပဲ အစိုးရအဖွဲ့က စီမံကိန်းကို စစ်ဆေးမှုတွေပြုလုပ်ဖို့ ယာယီရပ်ဆိုင်းလိုက်ပါတယ်။ သတ်မှတ်ချက်ထက် ကျော်လွန်ဆောက်လုပ်ထားတဲ့ အဆောက်အအုံတွေကို ပြန်ဖျက်ခိုင်းပြီး ဦးပိန်တံတားအနီးမြေဖို့ လမ်းဖောက်နေတာကိုလည်း ဖယ်ရှားခိုင်းခဲ့ပါတယ်။ သက်ဆိုင်ရာဌာနအလိုက် စိစစ်ရေးအဖွဲ့ဖွဲ့ပြီး စီမံကိန်းကို စစ်ဆေးမှုတွေ လုပ်ဆောင်ခဲ့ပြီး လက်ရှိအချိန်မှာတော့ တိုင်းဒေသကြီးအစိုးရအဖွဲ့ ပြန်လည်ခွင့်ပြုချက်နဲ့ လုပ်ငန်းတွေ ဆက်လက်လုပ်ဆောင်နေပါတယ်။ ဒါ့အပြင် စီမံကိန်းဟာ မြန်မာနိုင်ငံ ရင်းနှီးမြှုပ်နှံမှုကော်မရှင် (MIC) က ခွင့်ပြုချက် မရရှိသေးတဲ့အတွက် ခွင့်ပြုချက် ရရှိဖို့တင်ပြထားတယ်လို့ စီမံကိန်းဘက်က ၂၀၁၇ ခုနှစ်က ပြုလုပ်ခဲ့တဲ့ သတင်းစာရှင်းလင်းပွဲမှာ ပြောဆိုထားပါတယ်။ လတ်တလောမှာတော့ MIC ခွင့်ပြုချက်ရရှိ၊ မရှိဆိုတာ ကုမ္ပဏီဘက်ကို ဆက်သွယ်မေးမြန်းလို့ မရသေးပါဘူး။

“တောင်သမန်သစ္စာစီမံကိန်းက တိုင်းဒေသကြီးအစိုးရအဖွဲ့ရဲ့ အစည်းအဝေး ဆုံးဖြတ်ချက်နဲ့ ပြန်လည်ခွင့်ပြုထားတာပါ။ တိုင်းဒေသကြီးအစိုးရအဖွဲ့ရဲ့ လမ်းညွှန်ချက်အတိုင်းပဲ လုပ်ငန်းဆောင်ရွက်ရမှာ ဖြစ်ပါတယ်။ အဆောက်အအုံတွေကလဲ မြန်မာမှုဟန်ပန်အတိုင်းပဲ လုပ်ဆောင်ရမှဖြစ်သလို အမြင့်ပေက ပေ ၄၀ ထက်ကျော်လို့မရဘူး။ အင်းရဲ့ သဘာဝပတ်ဝန်းကျင်၊ တံတားနဲ့ ယဉ်ကျေးမှု အမွေအနှစ်တွေကို ထိခိုက်လို့မရပါဘူး” လို့ တောင်သမန်သစ္စာ စီမံကိန်းနဲ့ပတ်သက်ပြီး မန္တလေးတိုင်းဒေသကြီး အစိုးရအဖွဲ့၊ သစ်တော၊ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီး ဦးမျိုးသစ်က စီမံကိန်းနဲ့ပတ်သက်ပြီး ပြောကြားထားတာ ဖြစ်ပါတယ်။

တောင်သမန်သစ္စာ ကုမ္ပဏီကနေ ဦးပိန်တံတားတောင်ဘက် တောင်သမန်အင်းအတွင်းမြေဖို့ပြီး တည်ဆောက်နေတဲ့ တောင်သမန်ကျေးလက် အပန်းဖြေစီမံကိန်းဟာ လက်ရှိအချိန်မှာတော့ NLD အစိုးရရဲ့ ပြန်လည်စိစစ်ခွင့်ပြုချက်နဲ့ စီမံကိန်းလုပ်ငန်းတွေ ဆက်လက်လုပ်ဆောင်နေပါတယ်။ စီမံကိန်းဟာ နာမည်ကျော် တောင်သမန်အင်းနဲ့ ဦးပိန်တံတား၊ စီမံကိန်းအရှေ့ဘက်က ကျောက်တော်ကြီးဘုရား အစရှိတဲ့ ယဉ်ကျေးမှု အမွေအနှစ်တွေကြားမှာ တည်ဆောက်နေတဲ့စီမံကိန်း ဖြစ်ပါတယ်။ စီးပွားရေးအနေနဲ့ တွက်ချက်ကြည့်မယ်ဆိုရင် အလွန်ပဲ အချက်အချာနေရာကောင်း ဖြစ်ပါတယ်။ သဘာဝပတ်ဝန်းကျင်ဆိုင်ရာ ရှေးဟောင်းယဉ်ကျေးမှု အမွေအနှစ်ပိုင်းဆိုင်ရာတွေနဲ့ ပြန်လည်တွက်ချက် ကြည့်မယ်ဆိုရင် စီမံကိန်းဘက်ကို မေးခွန်းထုတ်စရာတွေက အများကြီး ဖြစ်ပါတယ်။ တောင်သမန်အင်းအတွင်း မြေဖို့ပြီး စီမံကိန်းကို တည်ဆောက်နေတာ၊ ရှေးဟောင်းအမွေအနှစ် ဦးပိန်တံတားနဲ့ နီးကပ်နေတာ၊ အင်းအတွင်းမြေဖို့ပြီး စီမံကိန်းတည်ဆောက်ထားတာကြောင့် မိုးရာသီကာလမှာ တောင်သမန်အင်းပတ်ဝန်းကျင်မှာ ရေကြီးရေလျှံမှုတွေ ပိုမိုဖြစ်ပွားလာတာစတဲ့ ယဉ်ကျေးမှုပိုင်းဆိုင်ရာ၊ သဘာဝပတ်ဝန်းကျင်ပိုင်းဆိုင်ရာတွေ ထိခိုက်ပျက်စီးမှုတွေ ရှိလာနိုင်တာကြောင့် စီမံကိန်းအပေါ် အမရပူရဒေသခံတွေ အပါအ၀င် တောင်သမန်အင်းနဲ့ ဦးပိန်တံတားရဲ့ ယဉ်ကျေးမှုတန်ဖိုးတွေကို တန်ဖိုးထားလေးစားကြသူတွေ၊ သဘာဝပတ်ဝန်းကျင် ထိန်းသိမ်းရေး လှုပ်ရှားနေသူတွေက စိုးရိမ်မှုတွေ ရှိနေကြပါတယ်။ စီမံကိန်းစတင်ကတည်းက သတ်မှတ်ချက်တွေ၊ ညွှန်ကြားချက်တွေကို မလိုက်နာခဲ့တာကြောင့် စီမံကိန်းကို ခေတ္တရပ်ဆိုင်းခိုင်းရတဲ့အထိ ဖြစ်ပွားထားတဲ့ သက်သေသာဓကတွေ ရှိထားတာကြောင့် စီမံကိန်းအပေါ်ပိုပြီးတော့ စိုးရိမ်မှုတွေ ရှိနေကြတာလည်း ဖြစ်ပါတယ်။ ဒါကြောင့် တောင်သမန်သစ္စာစီမံကိန်းဟာ တောင်သမန်အင်းအပေါ် ဘယ်လောက်အထိ အကျိုးသက်ရောက်မှုတွေ ရှိလာမလဲ၊ ဦးပိန်တံတားကို ဘယ်လောက်အထိ အကျိုးသက်ရောက်မှုတွေ ရှိလာနိုင်မလဲ၊ သဘာဝပတ်ဝန်းကျင်အပေါ် ဘယ်လောက်အထိ အကျိုးသက်ရောက်မှုရှိစေမလဲ၊ ဒေသအတွက် ဘယ်လောက်အထိ ဖွံ့ဖြိုးတိုးတက်မှုကို အကျိုးပြုနိုင်မလဲဆိုတာ စောင့်ကြည့်ရဦးမှာပဲ ဖြစ်ပါတယ်။

“တောင်သမန်သစ္စာစီမံကိန်းရဲ့ လုပ်ငန်းဆောင်ရွက်မှုက မန္တလေးတိုင်းဒေသကြီးအစိုးရအဖွဲ့ရဲ့ ၄/၂၀၁၇၊ အပိုဒ် ၃၁ အရ ပြန်လည် ခွင့်ပြုပေးထားတဲ့ ဧရိယာထဲမှာပဲ လုပ်ငန်းလုပ်ဆောင်နေတာပါ။ ပေ ၅၀ ရှိတဲ့ အဆောက်အအုံက အရင်အစိုးရလက်ထက်မှာ တည်ဆောက်ခဲ့တာပါ။ အစိုးရသစ်လက်ထက်မှာ ပေ ၄၀ ထက်မကျော်ရဘူးလို့ ညွှန်ကြားထားတဲ့အတွက် ကျော်နေတဲ့ အဆောက်အအုံတွေကို ပြန်ဖျက်သွားမှာပါ။ လက်ရှိအစိုးရလက်ထက်မှာ စီမံကိန်းကိုပိတ်ပြီး အဖွဲ့ပေါင်းစုံပါဝင်တဲ့ အဖွဲ့နဲ့ စစ်ဆေးမှုတွေ ပြုလုပ်ခဲ့တာ ရှစ်လကျော် ကြာခဲ့ပါတယ်။ ပြန်လည်ခွင့်ပြုခဲ့တာက ၂၀၁၇ ဖေဖော်ဝါရီမှာ ဖြစ်ပါတယ်။ မြေဂရန်ကတော့ အရင်အစိုးရလက်ထက်မှာပဲ ဧကပေါင်း ၉၉ ဧကကျော် မြေဂရန်ရရှိထားပြီး ဖြစ်ပါတယ်။ ကျွန်တော်တို့စီမံကိန်းကို အွန်လိုင်းတွေပေါ်မှာ ဝေဖန်နေတာတွေ ရှိပါတယ်။ ကျွန်တော်တို့ဆီကို အပြုသဘောနဲ့ ဝေဖန်မှုတွေ ထောက်ပြမှုတွေကို လက်ခံပါတယ်။ ဒီစီမံကိန်းဟာ တောင်သမန်အင်းနဲ့ ဦးပိန်တံတား၊ သဘာဝပတ်ဝန်းကျင် ထိခိုက်တယ်ဆိုရင် ကျွန်တော့်တို့ကို ကြိုက်သလို အရေးယူ အပြစ်ပေးပါ။ အဲဒီလိုထိခိုက်တယ်ဆိုရင် ကျွန်တော်တို့ စီမံကိန်းရဲ့ စီးပွားရေးကိုပါ လာပြီးတော့ထိခိုက်မှာပါ။ ဒါကြောင့် သဘာဝပတ်ဝန်းကျင်၊ အင်းနဲ့ တံတားကို မထိခိုက်အောင် လုပ်ဆောင်သွားမှာပါ” လို့ တောင်သမန်သစ္စာ စီမံကိန်းဒါရိုက်တာ ဦးထွန်းဝင်းနောင်က စီမံကိန်းနဲ့ပတ်သက်တဲ့ သတင်းစာရှင်းလင်းပွဲတစ်ခုမှာ သတင်းမီဒီယာတွေကနေတစ်ဆင့် တုံ့ပြန်ပြောကြားထားပါတယ်။

မန္တလေးမြို့အနီးက စီမံကိန်းတွေ ဘာလဲ၊ ဘယ်လဲ

မန္တလေးမြို့အနီးက စီမံကိန်းတွေ တိုင်းဒေသကြီးအတွင်းက စီမံကိန်းတွေဟာ ဒေသဖွံ့ဖြိုးတိုးတက်ရေး၊ တိုင်းဒေသကြီးနဲ့ နိုင်ငံအတွက် အဓိကအကျိုးဖြစ်ထွန်းစေဖို့ လိုအပ်သလို အမှန်တကယ် အကျိုးပြုနိုင်ဖို့ အဓိကဖြစ်ပါတယ်။ တိုင်းဒေသကြီးအစိုးရအဖွဲ့ရဲ့ အပြည့်အ၀ ခွင့်ပြုချက်မရရှိဘဲ အကောင်အထည် ဖော်ဆောင်နေတဲ့ စီမံကိန်းတွေ၊ လုပ်ငန်းတွေရှိနေခဲ့မယ်ဆိုရင် ဒေသအပါအ၀င် တိုင်းဒေသကြီး အစိုးရအတွက် ရသင့်ရထိုက်တဲ့ အခွန်ဘဏ္ဍာငွေတွေ ဆုံးရှုံးနေမှာ ဖြစ်ပါတယ်။ စီမံကိန်းကို အကောင်အထည် ဖော်ဆောင်ရာမှာ အသုံးပြုမယ့် ငွေကြေးဟာလည်း ငွေကြေးခ၀ါချမှုတွေ၊ ငွေဖြူငွေမည်းပြဿနာ၊ ၀င်ငွေခွန်ပေးဆောင်ထားခြင်း ရှိ၊ မရှိ အစရှိတဲ့အချက်တွေကို ပြန်လည်စိစစ်သုံးသပ်ဖို့လည်း လိုအပ်ပါတယ်။

မန္တလေးအနီးဝန်းကျင်နဲ့ တိုင်းဒေသကြီးအတွင်းမှာ စီမံကိန်းလုပ်ငန်း အကောင်အထည်ဖော် ဆောင်ရွက်နေတာ အများကြီးရှိပါတယ်။ မန္တလေးမြို့အနီးဝန်းကျင်မှာဆိုရင် ဒုဋ္ဌ၀တီမြစ်နဲ့ ဧရာဝတီမြစ်တို့ မြစ်နှစ်စင်းဆုံရာမှာ တည်ဆောက်နေတဲ့ စက်သုံးဆီဆိပ်ကမ်း စီမံကိန်း၊ အမရပူရမြို့ပြဖွံ့ဖြိုးရေးစီမံကိန်း၊ တောင်သမန်သစ္စာစီမံကိန်း၊ မန္တလေး-ပြင်ဦးလွင် လမ်းသစ်စီမံကိန်း၊ စက်ရုံစီမံကိန်း၊ အိမ်ရာစီမံကိန်းအစရှိတဲ့ စီမံကိန်းတွေ အကောင်အထည် ဖော်နေတာ ဖြစ်ပါတယ်။ ဒုဋ္ဌ၀တီမြစ်နဲ့ ဧရာဝတီမြစ်ဆုံနေရာမှာ တည်ဆောက်သွားမယ့် စက်သုံးဆီဆိပ်ကမ်း စီမံကိန်းဟာ ဆီကန်တစ်ကန်မှာ ဆီဂါလန်နှစ်သန်းဆံ့ပြီး ဆီကန်ပေါင်း ၃၂ ကန်ပါဝင်မှာ ဖြစ်ပါတယ်။ အဲဒီစီမံကိန်းဟာ မြစ်နှစ်စင်းဆုံတဲ့ နေရာမှာတည်ရှိနေတာ၊ အင်းဝမြို့ဟောင်းနဲ့ အလွန်နီးကပ်နေတာ၊ ကမ်းပြိုမှုအန္တရာယ်တွေနဲ့ ရင်ဆိုင်လာရနိုင်တာ၊ သဘာဝပတ်ဝန်းကျင် ထိခိုက်နိုင်တာစတဲ့ အချက်တွေကြောင့် စီမံကိန်းကို အလုံးစုံ ခွင့်ပြုပေးထားခြင်းမရှိသေးဘဲ စိစစ်စစ်ဆေးတာတွေ လုပ်ဆောင်နေတယ်လို့ သိရပါတယ်။ ဒါ့အပြင် မန္တလေး-ပြင်ဦးလွင်လမ်းသစ်ဖြစ်တဲ့ စီမံကိန်းကိုလည်း အစိုးရအဖွဲ့က စစ်ဆေးမှုတွေ လုပ်ဆောင်ထားပါတယ်။ လမ်းဖောက်လုပ်ရာမှာ ကျွန်းပင်အပါအ၀င် အပင်ပေါင်းများစွာကို ခုတ်လှဲရမှာ ဖြစ်ပါတယ်။ ဒီစီမံကိန်းဟာလည်း အရင်အစိုးရလက်ထက်က ခွင့်ပြုပေးခဲ့တာ ဖြစ်ပါတယ်။ ဒါ့အပြင် တိုင်းဒေသကြီးအတွင်းမှာဆိုရင် စီမံကိန်းလုပ်ငန်းကြီးတွေ ရှိပါတယ်။ မြင်းခြံခရိုင်အတွင်းမှာ အကောင်အထည်ဖော် လုပ်ဆောင်နေတဲ့ မြို့သာစက်မှုဥယျာဉ်စီမံကိန်းတို့လို စီမံကိန်းလုပ်ငန်းကြီးတွေ ရှိပါတယ်။ ဒီစီမံကိန်းဟာလည်း အရင်အစိုးရလက်ထက်က စတင်အကောင်အထည်ဖော်ခဲ့တာဖြစ်ပြီး ဒေသခံတောင်သူတွေရဲ့ ယာမြေတွေကို ၀ယ်ယူထားပြီး မြေယာပြုပြင်မှုတွေ လုပ်ဆောင်ပြီး စီမံကိန်း အကောင်အထည် ဖော်နေတာ ဖြစ်ပါတယ်။

စီမံကိန်းတွေနဲ့ပတ်သက်ပြီး ဒေသခံတွေ ကန့်ကွက်ဆန္ဒပြနေတဲ့ စီမံကိန်းတွေလည်း ရှိနေပါတယ်။ မကြာသေးခင်က မတ္တရာမြို့နယ်အတွင်းမှာ တည်ဆောက်လည်ပတ်နေတဲ့ တစ်ရက်ကို တန်ချိန် ၅၀၀၀ ကျ ကျောက်မီးသွေးစွမ်းအင်သုံး အယ်လ်ဖာဘိလပ်မြေစက်ရုံ စီမံကိန်းကို ဒေသခံတွေက သဘာဝပတ်ဝန်းကျင်ကို ထိခိုက်တယ်ဆိုပြီး ကန့်ကွက် ဆန္ဒထုတ်ဖော်ခဲ့ကြပါတယ်။ စက်ရုံဟာ ကျေးရွာနှစ်ရွာအနီးမှာတည်ရှိပြီး လက်ရှိအချိန်မှာတော့ ကုန်ပစ္စည်း အချို့ကို ထုတ်လုပ်နေပြီ ဖြစ်ပါတယ်။ ဒီစီမံကိန်းဟာလည်း ယခင်အစိုးရလက်ထက် ၂၀၁၅ ခုနှစ်မှာ ခွင့်ပြုပေးခဲ့တာဖြစ်ပြီး လက်ရှိအစိုးရလက်ထက်မှာလည်း ဆက်လက်ခွင့်ပြုပေးထားတာ ဖြစ်ပါတယ်။ လက်ရှိအချိန်အထိ စက်ရုံစီမံကိန်းအနီးက ဒေသခံတွေဟာ စီမံကိန်းကိုကန့်ကွက်နေကြပြီး ထောက်ခံတဲ့ဒေသခံအချို့လည်း ရှိနေကြပါတယ်။ ဒေသခံကျေးရွာသားတွေကတော့ စက်ရုံဟာ ကျေးရွာအနီးမှာ တည်ဆောက်လည်ပတ်မှာ ဖြစ်တာကြောင့် ကျောက်မီးသွေး လောင်စာစွမ်းအင်ရဲ့ အန္တရာယ်ကို စိုးရိမ်နေကြတာ ဖြစ်ပါတယ်။

မန္တလေးမြို့အနီးဝန်းကျင်နဲ့ တိုင်းဒေသကြီးအတွင်း အကောင်အထည်ဖော်ဆောင်နေတဲ့ စီမံကိန်းတွေအားလုံးဟာ လက်ရှိအစိုးရလက်ထက်မှာ ချထားပေးခဲ့တဲ့ စီမံကိန်းတွေတော့ မဟုတ်ပါဘူး။ ယခင်အစိုးရအဖွဲ့နဲ့ သဘောတူစာချုပ်ချုပ်ဆိုပြီး လုပ်ငန်းအကောင်အထည် ဖော်ဆောင်နေကြတာ ဖြစ်ပါတယ်။ လက်ရှိအချိန်အထိ သဘောတူ ခွင့်ပြုပေးထားတဲ့ စီမံကိန်းလုပ်ငန်း အသစ်မရှိသေးဘူးလို့ အစိုးရအဖွဲ့က ပြောဆိုထားပါတယ်။ NLD အစိုးရသစ်တက်လာချိန်မှာ အရင်အစိုးရက ချထားပေးခဲ့တဲ့ စီမံကိန်းတွေ အားလုံးနီးပါလိုလို ပြန်လည်စိစစ်တာတွေ လုပ်ဆောင်ခဲ့ပါတယ်။ တချို့စီမံကိန်းတွေက လက်ရှိအချိန်ထိ ရပ်ဆိုင်းထားရဆဲဖြစ်သလို အချို့စီမံကိန်းတွေကတော့ ခွင့်ပြုချက်နဲ့ ဆက်လက်အကောင်အထည် ဖော်နေကြပါတယ်။

အရင်အစိုးရအဖွဲ့က ချထားပေးခဲ့တဲ့ စီမံကိန်းတွေကို NLD အစိုးရလက်ထက်မှာ ပြန်လည်စိစစ်ခဲ့တာက သဘာဝကျတယ်လို့ ဆိုရပါမယ်။ ဘာကြောင့်ဆို အရင်အစိုးရလက်ထက်က ပွင့်လင်းမြင်သာမှု အားနည်းခဲ့တဲ့ စီမံကိန်းတွေ အမြောက်အမြား ရှိခဲ့ပါတယ်။ ဒါကြောင့် ပြည်သူက ရွေးချယ်တင်မြှောက်ထားတဲ့ ပြည်သူ့အစိုးရလက်ထက်မှာ စီမံကိန်းတွေကို သက်ဆိုင်ရာကဏ္ဍအလိုက် စိစစ်ခဲ့တဲ့အတွက် အချို့သောစီမံကိန်းတွေဟာ ယခင်ကလုပ်ဆောင်မယ့်ပုံစံနဲ့ ပြောင်းပြန်အသွင်ပြောင်းသွားခဲ့တာတွေ တွေ့ရပါတယ်။ သို့သော် အရင်အစိုးရက ချထားပေးခဲ့တဲ့ စီမံကိန်းဆိုပေမဲ့ လက်ရှိအစိုးရမှာလည်း တာဝန်အပြည့်အ၀ ရှိပါတယ်။ သူ့ကြောင့်ဆိုပြီး လက်ညှိုးထိုးပြနေမယ့်အစား ပြည်သူ့မဲနဲ့အစိုးရအဖြစ် ရွေးကောက်တင်မြှောက်ထားချိန်မှာ ပြည်သူတွေ သဘောမကျတဲ့၊ သဘောမတူတဲ့ စီမံကိန်းတွေကိုတော့ ပြည်သူ့အစိုးရအနေနဲ့ ဒေသအတွက်၊ တိုင်းဒေသကြီးနဲ့ နိုင်ငံအတွက် အကျိုးမရှိဘူးဆိုရင် ပြတ်ပြတ်သားသား ငြင်းဆန်ရမှာ ဖြစ်ပါတယ်။ သို့မှသာလျှင် ပြည်သူ့ဆန္ဒနဲ့ ထပ်တူကျတဲ့အစိုးရဖြစ်မှာပါ။ စီမံကိန်းလုပ်ဆောင်မယ့်၊ လုပ်ဆောင်နေတဲ့ လုပ်ငန်းရှင်တွေ အနေနဲ့ကလည်း မိမိကိုယ်ကျိုးထက် ဒေသဖွံ့ဖြိုးတိုးတက်ရေး၊ နိုင်ငံဖွံ့ဖြိုးတိုးတက်ရေးကို အဓိကဦးစားပေးပြီး မိမိအကျိုးကို တရားမျှတစွာ ရယူခံစားသင့်ပါတယ်။

သို့သော် မန္တလေးမြို့အနီး ၀န်းကျင်မှာတော့ အစိုးရခွင့်ပြုချက်နဲ့ ဆက်လက်အကောင်အထည်ဖော်နေတဲ့ စီမံကိန်းတွေ ရှိနေပါတယ်။ အချို့သောစီမံကိန်းတွေဟာ သဘာဝပတ်ဝန်းကျင်ဆိုင်ရာ၊ ယဉ်ကျေးမှု အမွေအနှစ်ပိုင်းဆိုင်ရာစတဲ့ ဝေဖန်အငြင်းပွားဖွယ်ရာတွေ ရှိနေဆဲ ဖြစ်ပါတယ်။ ဒါကြောင့် ဒေသခံ ပြည်သူတွေအနေနဲ့ စိုးရိမ်စိတ်နဲ့ စောင့်ကြည့်နေရတဲ့ စီမံကိန်းတွေ ရှိနေဆဲပါ။ အကောင်အထည် ဖော်ဆောင်နေတဲ့ စီမံကိန်းတွေဟာ ဒေသဖွံ့ဖြိုးရေး၊ သဘာဝပတ်ဝန်းကျင်ထိခိုက်မှု အနည်းဆုံး၊ ယဉ်ကျေးမှု အမွေအနှစ်ကို ထိခိုက်နိုင်မှုမရှိတာ စတဲ့ ထိခိုက်ဆုံးရှုံးမှု အနည်းဆုံးဖြစ်မယ်ဆိုရင် ဖွံ့ဖြိုးတိုးတက်မှု လိုအပ်ချက်အတွက် ဆောင်ရွက်သင့်တာ အမှန် ဖြစ်ပါတယ်။ သို့သော် အဆိုပါအချက်တွေနဲ့ ပြောင်းပြန်အချိုးကျနေမယ်ဆိုရင်တော့ ခွင့်ပြုခဲ့တဲ့အစိုးရတွေရဲ့ တာဝန်၊ သက်ဆိုင်ရာ စီမံကိန်း အကောင်အထည်ဖော်သူတွေရဲ့ တာဝန်ဖြစ်တဲ့အပြင် ဒေသ အပါအ၀င် နိုင်ငံအတွက် ထိခိုက်ဆုံးရှုံးနစ်နာမှုတစ်ခုပဲ ဖြစ်ပါတယ်။ ဒါကြောင့် စီမံကိန်းတွေဟာ ဘာလဲ၊ ဘယ်လဲဆိုတာ စောင့်ကြည့်သွားရမယ့် အခြေအနေမှာ ရှိနေဆဲဖြစ်ပါတယ်။