အသေးစား၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်မှု စီမံကိန်းအဆင့် (၂) အတွက် JICA ထံမှ ဂျပန်ယန်း ၁၄ ဒသမ ၉၄၉ ဘီလျံချေးယူမည်ဖြစ်ပြီး လုပ်ငန်းရှင်တစ်ဦးလျှင် အများဆုံး ကျပ်သန်း ၅၀၀ ထုတ်ချေးနိုင်မည်

အသေးစား၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်မှုစီမံကိန်းအဆင့် (၂) အတွက် JICA ထံမှ ဂျပန်ယန်း ၁၄ ဒသမ ၉၄၉ ဘီလျံချေးယူမည်ဖြစ်ပြီး လုပ်ငန်းရှင်တစ်ဦးလျှင် အများဆုံးအဖြစ် ကျပ်သန်း ၅၀၀ ထုတ်ချေးနိုင်မည်ဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးမောင်မောင်ဝင်းက ပြောကြားသည်။

ဖေဖော်ဝါရီ ၁၃ ရက်ကပြုလုပ်သည့် ပြည်ထောင်စုလွှတ်တော် အစည်းအဝေးတွင် စီမံကိန်းနှင့်ဘဏ္ဍာရေးဝန်ကြီးဌာန ဒုတိယ၀န်ကြီးက ဂျပန်နိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီထံမှ ချေးငွေရယူရန်နှင့်ပတ်သက်ပြီး ပြည်ထောင်စုလွှတ်တော်သို့ ရှင်းလင်းတင်ပြခဲ့သည်။

ဒုတိယ၀န်ကြီးက အသေးစား၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးစီမံကိန်းအဆင့် (၂) အတွက် ဂျပန်နိုင်ငံ JICA ထံမှ ချေးငွေဂျပန်ယန်း ၁၄ ဒသမ ၉၄၉ ဘီလျံ (မြန်မာကျပ်ငွေ ၁၈၀ ဘီလျံခန့်)ချေးယူမည်ဖြစ်ကြောင်း၊ စီမံကိန်းအဆင့် (၁) အတွက် ဂျပန်ယန်း ၅ ဒသမ ၀၃၃ ဘီလျံ (မြန်မာကျပ်ငွေ ၆၁ ဒသမ ၆၅၄ ဘီလျံခန့်) ရယူဆောင်ရွက်ခဲ့ကြောင်း၊ မြန်မာနိုင်ငံတွင် မှတ်ပုံတင်ထားသည့် SMEs လုပ်ငန်းပေါင်း ၆၀၀၀၀ ကျော်ရှိသည့်အတွက် ချေးငွေပံ့ပိုးရန် လိုအပ်မှုများရှိနေကြောင်း၊ ထို့အတွက် နိုင်ငံတော်က အဆင့် (၂) စီမံကိန်းအဖြစ် ဆက်လက်အကောင်အထည်ဖော်ခြင်းဖြစ်ကြောင်း၊ ယခုချေးငွေသည် ဆိုင်းငံ့ကာလ ၁၀ နှစ်၊ ပြန်ဆပ်ကာလ နှစ် ၃၀ ဖြစ်ကာ ချေးငွေသက်တမ်းနှစ် ၄၀ ဖြစ်ကြောင်း၊ အတိုးနှုန်းအနေဖြင့် တစ်နှစ်လျှင် ၀ ဒသမ ၀၁ ရာခိုင်နှုန်းဖြစ်ကြောင်း၊ အတိုးကျသင့်ငွေကို တစ်နှစ်နှစ်ကြိမ်ဆပ်ရမည်ဖြစ်ကြောင်း၊ အရင်းပြန်လည်ပေးဆပ်မှုအား ဆိုင်းငံ့ကာလကျော်ပါက တစ်နှစ်နှစ်ကြိမ်နှုန်း ပေးဆပ်ရမည်ဖြစ်ကြောင်း ဒုတိယ၀န်ကြီးက ပြောကြားသည်။

ယခုစီမံကိန်းအဆင့် (၂) အကောင်အထည်ဖော်ရာတွင် ချေးငွေအတွက်လိုအပ်သည့် အာမခံပစ္စည်း အပြည့်အ၀တင်ပြနိုင်ခြင်းမရှိသော SMEs လုပ်ငန်းရှင်များသို့ Credit Guarantee Insurance စနစ်အားအသုံးပြု၍ ထုတ်ချေးနိုင်ရန်ချေးငွေ၏ ၁၀ ရာခိုင်နှုန်းအား သတ်မှတ်ပေးထားကြောင်း၊ ငွေထုတ်ချေးသူ JICA ၏ မေတ္တာရပ်ခံချက်အရ ဂျပန်ကုမ္ပဏီများနှင့် ဆက်သွယ်လုပ်ကိုင်နေသည့် SMEs လုပ်ငန်းရှင်များသို့ ထုတ်ချေးရန်ချေးငွေ၏ ရာခိုင်နှုန်း ၂၀ အသုံးပြုရမည်ဖြစ်ကြောင်း၊ စီမံကိန်းအား ထပ်ဆင့်ချေးငွေပုံစံဖြင့် ဆောင်ရွက်ရာတွင် SMEs လုပ်ငန်းရှင်များထံမှ ကောက်ခံမည့်အတိုးနှုန်းမှာ တစ်နှစ်လျှင် ၈ ဒသမ ၅ ရာခိုင်နှုန်းဖြစ်ကြောင်း၊ ယင်းသို့သတ်မှတ်ရခြင်းမှာ မြန်မာနိုင်ငံတွင် အပ်ငွေအပေါ်ပေးသည့်အတိုးနှုန်းမှာ တစ်နှစ်လျှင် ရှစ်ရာခိုင်နှုန်းဖြစ်သည့်အတွက် JICA နှင့်ညှိနှိုင်းသဘောတူညီချက်အရ သတ်မှတ်ရခြင်းဖြစ်ကြောင်း ၎င်းက ဆက်လက်ပြောကြားသည်။

ချေးငွေထုတ်ချေးသည့်အခါ သက်ဆိုင်ရာဌာနအဖွဲ့အစည်းက ထုတ်ပေးထားသည့် လုပ်ငန်းလုပ်ကိုင်ခွင့် လိုင်စင်ရှိသူများကိုသာ ထုတ်ချေးမည်ဖြစ်ပြီး ချေးငွေအတွက်လုံလောက်သည့် အာမခံပစ္စည်း တင်ပြနိုင်သူများကိုသာ ဘဏ်စည်းမျဉ်း၊ စည်းကမ်းများနှင့်အညီ ထုတ်ချေးမည်ဖြစ်ကြောင်း၊ အာမခံပစ္စည်းမပေးနိုင်သော်လည်း လုပ်ငန်းကောင်းသူများအတွက် CGI စနစ်ဖြင့်ရယူနိုင်ရန် လမ်းဖွင့်ပေးထားကြောင်း၊ CGI စနစ်ဖြင့် ချေးသည့်အခါ ဆုံးရှုံးနိုင်ခြေစီမံခန့်ခွဲမှုအရ ချေးငွေပမာဏအား အကန့်အသတ်ဖြင့် ကျပ်သိန်း ၂၀၀ အထိသာ ထားရှိရခြင်းဖြစ်ကြောင်း၊ ဤချေးငွေအစီအစဉ်အရ လုပ်ငန်းရှင်တစ်ဦးလျှင် အများဆုံး ကျပ်သန်း ၅၀၀ အထိ ထုတ်ချေးနိုင်မည်ဖြစ်ပြီး ချေးငွေသက်တမ်းသည် သုံးနှစ်မှ ငါးနှစ်အထိဖြစ်ကြောင်း ဒုတိယ၀န်ကြီးက ပြောကြားသည်။

စီမံကိန်းအဆင့် (၁) အကောင်အထည်ဖော်ခဲ့သည့် အတွေ့အကြုံအရ ချေးငွေကို တိုင်းဒေသကြီးနှင့်ပြည်နယ်အားလုံးသို့ ရောက်ရှိရေး၊ နိုင်ငံတော်၏ စီးပွားရေးမူဝါဒများနှင့် ညီညွတ်ရေး၊ SMEs လုပ်ငန်းရှင်အစစ်အမှန်များထံ ချေးငွေရောက်ရှိရေးအတွက် စီမံကိန်းအဆင့် (၂) တွင် JICA နှင့်ညှိနှိုင်း၍ PFLs များလိုက်နာရမည့် စည်းကမ်းသတ်မှတ်ချက်များကို ထပ်မံပြင်ဆင်သွားမည်ဖြစ်ကြောင်း၊ ဂျပန်မှပေးသော ချေးငွေသည် နှစ် ၄၀ ဖြစ်ပြီး လုပ်ငန်းရှင်တစ်ဦးချင်းသို့ နှစ်တို သုံးနှစ်၊ နှစ်လတ်ငါးနှစ်သက်တမ်းဖြင့် ထုတ်ချေးနိုင်သည့်အတွက် တစ်ဦးပြန်ဆပ်ငွေကို နောက်တစ်ဦးသို့ ထုတ်ချေးနိုင်သည့်ပုံစံဖြင့် အကြိမ်ကြိမ်ထုတ်ချေးနိုင်ခြင်းဖြစ်ကြောင်း၊ စီမံကိန်းသတ်မှတ်ချက်များအရ တစ်ကြိမ်ထုတ်ယူပြီးသူသည် နောက်တစ်ကြိမ်ရမည်မဟုတ်ကြောင်း၊ JICA ၏ရည်ရွယ်ချက်အရလည်း Customer အသစ်များကိုသာ ထုတ်ချေးစေလိုကြောင်း၊ များပြားလှသည့် SMEs လုပ်ငန်းများထဲမှ သတ်မှတ်ချက်များနှင့်အညီ ရွေးချယ်၍ ချေးငွေပံ့ပိုးခြင်းဖြင့် အကူအညီပေးရန် ရည်ရွယ်ထားပြီး ချေးငွေလျှောက်ထားသည့် ရည်ရွယ်ချက်အတိုင်း သုံးစွဲခြင်း ရှိ မရှိကို စောင့်ကြည့်ကြပ်မတ်သွားမည်ဖြစ်ကြောင်း ဒုတိယ၀န်ကြီးက ပြောကြားသည်။

ယင်းချေးငွေနှင့်ပတ်သက်ပြီး ဆွေးနွေးမည့် ကိုယ်စားလှယ်များအနေဖြင့် အမည်စာရင်းတင်သွင်းနိုင်ပြီး ဖေဖော်ဝါရီ ၁၆ ရက်တွင်ပြုလုပ်မည့် ပြည်ထောင်စုလွှတ်တော် အစည်းအဝေးတွင် ဆုံးဖြတ်မည်ဖြစ်ကြောင်း ပြည်ထောင်စုလွှတ်တော်နာယက မန်းဝင်းခိုင်သန်းက ဆိုသည်။

လက်နက်များ ခဏဘေးဖယ်ပြီး တွေ့ဆုံဆွေးနွေးရေး စားပွဲဝိုင်းများတွင် မိသားစုအချင်းချင်း ပွင့်ပွင့်လင်းလင်း ဆွေးနွေးကြည့်ကာ ဖက်ဒရယ်ပြည်ထောင်စု တည်ထောင်ရေးစတင်မှု အသစ်တစ်ခု အစပြုပေးရန် နိုင်ငံတော်၏ အတိုင်ပင်ခံပုဂ္ဂိုလ် ပြောကြား

ဖေဖော်ဝါရီ ၁၃ ရက်က နေပြည်တော်တွင် ပြုလုပ်သော NCA စာချုပ်တွင် မွန်ပြည်သစ်ပါတီနှင့် လားဟူဒီမိုကရက်တစ် အစည်းအရုံးတို့ ပါဝင်လက်မှတ်ရေးထိုးပွဲ အခမ်းအနား၌ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က မိန့်ခွန်းပြောကြားစဉ် (ဓာတ်ပုံ-ဇေယျာထွန်း)

လက်နက်များ ခဏဘေးဖယ်ပြီး တွေ့ဆုံဆွေးနွေးရေး စားပွဲဝိုင်းများတွင် မိသားစုအချင်းချင်း ပွင့်ပွင့်လင်းလင်း ဆွေးနွေးကြည့်ကာ ဖက်ဒရယ် ပြည်ထောင်စု တည်ထောင်ရေး စတင်မှု အသစ်တစ်ခုကို အစပြုပေးရန် အမျိုးသား ပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန ဥက္ကဋ္ဌ၊ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

နေပြည်တော် MICC-2 တွင် ဖေဖော်ဝါရီ ၁၃ ရက်က တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) တွင် မွန်ပြည်သစ်ပါတီနှင့် လားဟူဒီမိုကရက်တစ် အစည်းအရုံးတို့ ပါဝင်လက်မှတ် ရေးထိုးပွဲ အခမ်းအနားတွင် မိန့်ခွန်းပြောကြားရာတွင် ၎င်းကထိုသို့ ပြောကြားခြင်းဖြစ်သည်။

NCA လက်မှတ်ရေးထိုးသည့် အဖွဲ့အရေအတွက် မများလှသော်လည်း ယခုလက်မှတ်ရေးထိုးပွဲ အခမ်းအနား ထမြောက်အောင်မြင်အောင် လျှောက်လှမ်းလာခဲ့သည့်ခရီးသည် မလွယ်ကူလှကြောင်း၊ အမျိုးသားပြန်လည် သင့်မြတ်ရေးနှင့် ပြည်ထောင်စု ငြိမ်းချမ်းရေးအတွက် အနာဂတ်တွင် ပေါ်ထွန်းလာမည့် ဒီမိုကရေစီ ဖက်ဒရယ်ပြည်ထောင်စုကြီး၏ အုတ်မြစ်ကို အတူတကွ လက်တွဲပြီး စိုက်ထူကြရန် စိတ်ပိုင်းဖြတ်လိုက်သော ခြေလှမ်းတစ်လှမ်း ဖြစ်သည့်အတွက် အဆိုပါ ခြေတစ်လှမ်းကို ရဲရဲကြီး တက်လှမ်းလိုက်သည့် မွန်ပြည်သစ်ပါတီနှင့် လားဟူဒီမိုကရက်တစ် အစည်းအရုံးတို့ကို ၀မ်းမြောက်ဝမ်းသာ ကြိုဆိုဂုဏ်ပြုကြောင်း နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

ထို့ပြင် NCA သည် ငြိမ်းချမ်းရေးဖြစ်စဉ်၏ လမ်းဆုံးမဟုတ်ဘဲ ငြိမ်းချမ်းရေးဖြစ်စဉ်၏ အစ၊ နိုင်ငံရေး ဆွေးနွေးပွဲများ အစ၊ လက်နက်ကိုင်ပဋိပက္ခ လျှော့ချခြင်းများ၏အစ၊ တွေ့ဆုံဆွေးနွေးမှုမှတစ်ဆင့် နိုင်ငံရေး ပြဿနာများကို ညှိနှိုင်းတိုင်ပင် အဖြေရှာမည့် နိုင်ငံရေးဖြစ်စဉ်၏ အစပင်ဖြစ်ကြောင်း၊ နှစ်ဖက်အဖွဲ့အစည်းများ အကြား အပြန်အလှန် သဘောတူညီချက် (Bilateral Agreement) များရှိခဲ့သည်မှာ မှန်သော်လည်း ပြည်သူများအား သိစေချင်သည်မှာ အဆိုပါ သဘောတူညီချက်များနှင့် ပတ်သက်၍ တစ်ဖက်နှင့်တစ်ဖက် အငြင်းပွားဖွယ်ရာများ ဖြစ်လာပါက မည်သို့ညှိနှိုင်း ဖြေရှင်းမည် ဆိုသည်ကို ဖြေရှင်းရေးယန္တရားများ မပါကြောင်း၊ NCA ဆိုသည်မှာ လက်နက်ကိုင် ပဋိပက္ခများ လျော့နည်းသွားအောင်၊ အငြင်းပွားမှုများ ပေါ်ပေါက်လာခဲ့ပါက တစ်ဖက်နှင့် တစ်ဖက် လက်နက်ကိုင်ဖြေရှင်းခဲ့သည့် အခြေအနေမှသည် စားပွဲဝိုင်းတွင် ညှိနှိုင်းဆွေးနွေး ဖြေရှင်းနိုင်အောင် စတင်လိုက်သည့် စတင်ခြင်းအသစ်ဟု ပြောချင်ကြောင်း ၎င်းကဆိုသည်။

“အတိတ်က သံသယတွေ၊ အာဃာတတွေ ပစ္စုပ္ပန်အပေါ် အရိပ်ထိုးတတ် ကြပါတယ်။ ဒါဟာ လူ့သဘာဝအရ ဖြစ်တတ်ပါတယ်။ ဒါပေမဲ့ ကျွန်မတို့အားလုံး ပြီးခဲ့တဲ့ အတိတ်ကို သင်ခန်းစာယူပြီး တိုင်းပြည်ရဲ့ အနာဂတ်အတွက်၊ ကျွန်မတို့ ပြည်သူတွေရဲ့ အနာဂတ်အတွက် ရှေ့ကိုခြေလှမ်းတစ်လှမ်း ရဲရဲကြီး လှမ်းလိုက်ဖို့ ပြောချင်ပါတယ်။ လက်နက်တွေ ခဏဘေးဖယ်ပြီး တွေ့ဆုံဆွေးနွေးရေး စားပွဲဝိုင်းတွေမှာ မိသားစုအချင်းချင်း ပွင့်ပွင့်လင်းလင်း ဆွေးနွေးကြည့်ကြဖို့၊ ဖက်ဒရယ်ပြည်ထောင်စု တည်ထောင်ရေးအတွက် စတင်မှုအသစ် တစ်ခုကို အစပြုပေးကြဖို့ ပြောကြားလိုပါတယ်။ ကျွန်မတို့ အမျိုးသားဒီမိုကရေစီ အဖွဲ့ချုပ်အနေနဲ့ အားလုံးသဘောတူ လက်ခံနိုင်တဲ့ ဒီမိုကရေစီ ဖက်ဒရယ်ပြည်ထောင်စုကြီး ပေါ်ထွန်းရေးအတွက် ဦးတည်ကြိုးပမ်းနေတဲ့ (၂၁) ရာစု ပင်လုံညီလာခံ လမ်းကြောင်းကို မမှိတ်မသုန် ဆက်လက် လျှောက်လှမ်းသွားဖို့ သန္နိဋ္ဌာန်ချထားပြီး ဖြစ်ပါတယ်။ ဘယ်လိုအခက်အခဲမျိုး၊ ဘယ်လို စိန်ခေါ်မှုမျိုး ကြုံတွေရသည်ဖြစ်စေ ဖက်ဒရယ်ပန်းတိုင် အပျောက်မခံဘဲ ခြေလှမ်းမှန်မှန်နဲ့ ရှေ့ကိုဆက်ပြီး လျှောက်လှမ်းသွားမှာ ဖြစ်ကြောင်း အလေးအနက် ပြောလိုပါတယ်” ဟု  ဒေါ်အောင်ဆန်းစုကြည်က ပြောကြားသည်။

ထို့ပြင် မိမိတို့၏ အမျိုးသားပြန်လည် သင့်မြတ်ရေးပန်းတိုင် ဖက်ဒရယ်ခရီးသည် ချောချောမွေ့မွေ့ သာသာယာယာနှင့် ဖြတ်သန်းရမည် မဟုတ်ဘဲ ငြိမ်းချမ်းရေးခရီးသည် တာဝေးခရီး ဖြစ်သည့်အတွက် စိတ်ဓာတ်နှင့် ယုံကြည်မှုသည် အရင်းခံဖြစ်ကြောင်း၊ လက်ရှိအချိန်တွင် ဖက်ဒရယ် ဆိုသည်မှာ သမိုင်း၏ လိုအပ်ချက်တစ်ရပ်၊ ပြည်ထောင်စု၏ ထွက်ရပ်လမ်း တစ်ရပ်အဖြစ် ရောက်ရှိနေခဲ့ပြီးဖြစ်ကြောင်း၊ မည်သည့် ဖက်ဒရယ်မျိုးနည်းဟု မေးပါက မိမိတို့နိုင်ငံ၊ မိမိတို့နိုင်ငံ ပြည်သူများအတွက် ရေရှည်တည်တံ့ခိုင်မြဲမည့် ညီညွတ်သော ပြည်ထောင်စုကြီးကို ထိန်းသိမ်းပေးနိုင်မည့် ဖက်ဒရယ်မျိုးပင် ဖြစ်ကြောင်း၊ ကမ္ဘာပေါ်တွင် နိုင်ငံအားလုံးအတွက် အံဝင်ခွင်ကျဖြစ်စေမည့် တစ်ခုတည်းသော ဖက်ဒရယ်စနစ် မရှိကြောင်း နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

“ကျွန်မတို့နိုင်ငံ၊ ကျွန်မတို့ နိုင်ငံသားတွေ ညီညွတ်ဖို့လိုတယ်။ ညီညွတ်တဲ့ ပြည်ထောင်စုတွေကသာ ဖက်ဒရယ်ကို ခိုင်ခိုင်မာမာ ရေရှည်ကျင့်သုံး ထိန်းသိမ်းနိုင်တာ ဖြစ်ပါတယ်။ ညီညွတ်ရေးကို တည်ဆောက်နိုင်ဖို့ အတွက် နားလည်မှုနဲ့ ယုံကြည်မှုတွေကို ဦးစွာတည်ဆောက်ကြရမှာ ဖြစ်ပါတယ်။ ဒါကြောင့်လည်း ကျန်ရှိနေသေးတဲ့ အဖွဲ့အစည်းတွေကို ကျွန်မတို့ရဲ့ နိုင်ငံရေးဆွေးနွေးပွဲ စားပွဲဝိုင်းတွေကို လာရောက်ကြဖို့ ညှိနှိုင်းနေ၊ ဖိတ်ခေါ်နေတာ ဖြစ်ပါတယ်” ဟု ဒေါ်အောင်ဆန်းစုကြည်က ပြောကြားသည်။

လက်ရှိတွင် ပြည်သူများက ၂၁ ရာစု ပင်လုံညီလာခံကို မျှော်လင့်ချက်ကြီးကြီးဖြင့် စောင့်ကြည့်နေကြပြီး မိမိတို့၏ တုဖက်ပြိုင်ဆိုင်မှုများ၊ မာန်မာနနှင့် အာဃာတ တိုးတိုက်မှုများကို ပြည်သူများက အကဲဖြတ်ကြမည် ဖြစ်ကြောင်း၊ အတိတ်၌သာခဲ့သည်များ၊ နာခဲ့သည်များ ပြန်လည်သယ်ဆောင်နေဦးမည် ဆိုပါက မိမိတို့၏ ညီညွတ်ရေးကို ပိုမိုကွဲဟစေမည်ဖြစ်ကြောင်း နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

UNFC အဖွဲ့ဝင် မွန်ပြည်သစ်ပါတီ (NMSP) နှင့် လားဟူဒီမိုကရက်တစ်အစည်းအရုံး (LDU) တို့ NCA တွင် လက်မှတ်ရေးထိုး

NCA သဘောတူစာချုပ်တွင် မွန်ပြည်သစ်ပါတီနှင့် လားဟူဒီမိုကရက်တစ်အစည်းအရုံးတို့ ပါဝင်လက်မှတ်ရေးထိုးပွဲအခမ်းအနား၌ စုပေါင်းဓာတ်ပုံရိုက်ကူးစဉ်

ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ (UNFC) အဖွဲ့ဝင် မွန်ပြည်သစ်ပါတီ (NMSP) နှင့် လားဟူဒီမိုကရက်တစ်အစည်းအရုံး (LDU) တို့ တစ်နိုင်ငံလုံး ပစ်ခတ်တိုက်ခတ်မှုရပ်စဲရေး သဘောတူစာချုပ် (NCA) တွင် ဖေဖော်ဝါရီ ၁၃ ရက်က ပါဝင်လက်မှတ်ရေးထိုးခဲ့သည်။

မွန်ပြည်သစ်ပါတီနှင့် လားဟူဒီမိုကရက်တစ်အစည်းအရုံးတို့ NCA စာချုပ်တွင်ပါဝင် လက်မှတ်ရေးထိုးခြင်းအခမ်းအနားအား နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းစင်တာ (MICC-2) ၌ ဖေဖော်ဝါရီ ၁၃ ရက် မွန်းလွဲ ၂ နာရီတွင် စတင်ကျင်းပခဲ့ပြီး အဆိုပါအခမ်းအနားတွင် နိုင်ငံတော်သမ္မတ ဦးထင်ကျော်ကိုယ်တိုင် တက်ရောက်ခဲ့ပြီး နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်အောင်လှိုင်၊ မွန်ပြည်သစ်ပါတီနှင့် လားဟူဒီမိုကရက်တစ်အစည်းအရုံးကိုယ်စား မွန်ပြည်သစ်ပါတီဥက္ကဋ္ဌ နိုင်ထောမွန်က မိန့်ခွန်းအသီးသီး ပြောကြားခဲ့သည်။

ထို့နောက် NCA စာချုပ်အနှစ်ချုပ်အား ငြိမ်းချမ်းရေးကော်မရှင်ဥက္ကဋ္ဌ ဒေါက်တာတင်မျိုးဝင်းနှင့် မွန်ပြည်သစ်ပါတီ အထွေထွေအတွင်းရေးမှူး နိုင်အောင်မင်းတို့က တစ်ပိုဒ်ချင်းအလှည့်ကျဖတ်ကြားခဲ့ပြီး NCA စာချုပ်လက်မှတ်ရေးထိုးခြင်း အစီအစဉ်ပြုလုပ်ခဲ့သည်။

NCA စာချုပ်အား လက်မှတ်ရေးထိုးရာတွင် အစိုးရဘက်မှ နိုင်ငံတော်သမ္မတ ဦးထင်ကျော်၊ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ဒုတိယသမ္မတများဖြစ်ကြသည့် ဦးမြင့်ဆွေနှင့် ဦးဟင်နရီဗန်ထီးယူ၊ ပြည်သူ့လွှတ်တော်ဥက္ကဋ္ဌ ဦးဝင်းမြင့်၊ အမျိုးသားလွှတ်တော်ဥက္ကဋ္ဌ မန်းဝင်းခိုင်သန်း၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ဒုတိယတပ်မတော်ကာကွယ်ရေးဦးစီးချုပ် ဒုတိယဗိုလ်ချုပ်မှူးကြီး စိုးဝင်း၊ နိုင်ငံတော်အတိုင်ပင်ခံရုံးဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေ၊ ပြည်ထောင်စုရှေ့နေချုပ် ဦးထွန်းထွန်းဦး၊ ငြိမ်းချမ်းရေးကော်မရှင်ဥက္ကဋ္ဌ ဒေါက်တာတင်မျိုးဝင်းတို့ ပါဝင်လက်မှတ်ရေးထိုးခဲ့သည်။

ထို့အတူ မွန်ပြည်သစ်ပါတီဘက်မှ ဥက္ကဋ္ဌ နိုင်ထောမွန်၊ အထွေထွေအတွင်းရေးမှူး နိုင်အောင်မင်း၊ စစ်ဦးစီးချုပ် နိုင်လယီကောင်း၊ လားဟူဒီမိုကရက်တစ်ပါတီအစည်းရုံးဘက်မှ ဥက္ကဋ္ဌကြာခွန်ဆာ၊ ဒုတိယဥက္ကဋ္ဌ ကြာဆော်လမွန်၊ ဗဟိုကော်မတီဝင် နာဗစ်ဘွန်တို့ NCA စာချုပ်ရေးထိုးရာတွင် ပါဝင်ခဲ့သည်။

ယင်းနောက် NCA စာချုပ်ရေးထိုးခြင်း အသိသက်သေများအနေဖြင့် ပြည်တွင်းအသိ သက်သေ ၁၀ ဦးနှင့် ပြည်ပသက်သေများအဖြစ် ကုလသမဂ္ဂဒုတိယအတွင်းရေးမှူးချုပ်၊ တရုတ်နိုင်ငံ၊ ဂျပန်နိုင်ငံ၊ အိန္ဒိယနိုင်ငံ၊ ထိုင်းနိုင်ငံ၊ ဥပရောပသမဂ္ဂတို့မှ ကိုယ်စားလှယ် စုစုပေါင်းခြောက်ဦး ပါဝင်လက်မှတ်ရေးထိုးခဲ့သည်။

NCA သဘောတူစာချုပ်တွင် လက်မှတ်ရေးထိုးသည့် မွန်ပြည်သစ်ပါတီ၊ လားဟူဒီမိုကရက်တစ်အစည်းအရုံးတို့နှင့် ငြိမ်းချမ်းရေးကော်မရှင်နှင့် ၁၈ လအတွင်း အလွတ်သဘောဆွေးနွေးမှု ကိုးကြိမ်၊ တရားဝင်ဆွေးနွေးမှုပေါင်းကိုးကြိမ် စုစုပေါင်း ၁၈ ကြိမ် တွေ့ဆုံဆွေးနွေးခဲ့ပြီးနောက် ယခုကဲ့သို့ NCA သဘောတူစာချုပ် လက်မှတ်ရေးထိုးခဲ့ခြင်းဖြစ်ကြောင်း သိရသည်။

NCA ရေးထိုးနိုင်ရေးအတွက် ငြိမ်းချမ်းရေးကော်မရှင်နှင့် UNFC ၏ နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့ (DPN) တို့ကြား အဆိုပြုချက်ရှစ်ချက်အပေါ် NCA စာချုပ်ချုပ်ဆိုခြင်းအခမ်းအနား မစတင်မီ ငြိမ်းချမ်းချမ်းရေးကော်မရှင်နှင့် မွန်ပြည်သစ်ပါတီ၊ လားဟူဒီမိုကရက်တစ်အစည်းအရုံးတို့က သီးခြားလက်မှတ်ရေးထိုးခြင်း အစီအစဉ်ပြုလုပ်ခဲ့သည်။

NCA ရေးထိုးရခြင်းမရှိသေးသည့် တိုင်းရင်းသားလက်နက်ကိုင်အဖွဲ့များအနက် မွန်ပြည်သစ်ပါတီနှင့် လားဟူဒီမိုကရက်တစ်အစည်းအရုံးတို့သည် NLD ပါတီဦးဆောင်သော အစိုးရလက်ထက်တွင် NCA စာချုပ်တွင် ပါဝင်လက်မှတ်ရေးထိုးသည့် ပထမဆုံးအဖွဲ့များဖြစ်သည်။

ယခင်သမ္မတ ဦးသိန်းစိန်အစိုးရလက်ထက်တွင် NCA ရေးထိုးထားသည့် တိုင်းရင်းသားလက်နက်ကိုင်ရှစ်ဖွဲ့မှာ ကရင်အမျိုးသားအစည်းအရုံး (KNU)၊ ရှမ်းပြည်ပြန်လည်ထူထောင်ရေးကောင်စီ (RCSS)၊ ပအိုဝ်းအမျိုးသားလွတ်မြောက်ရေးအဖွဲ့ချုပ် (PNLO)၊ ချင်းအမျိုးသားတပ်ဦး (CNF)၊ မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး (ABSDF)၊ ရခိုင်ပြည်လွတ်မြောက်ရေးပါတီ (ALP)၊ DKBA၊ KNU/KNLA-PC တို့ဖြစ်ပြီး ယခုနှစ်ဖွဲ့အပါအ၀င် NCA ရေးထိုးထားသည့်အဖွဲ့ ၁၀ ရှိပြီဖြစ်သည်။

လမ်းပိုင်းပြတ်တောက်ကာ ရိက္ခာပြတ်လပ်မှုကြောင့် ပူတာအိုဒေသခံ ရာနှင့်ချီ ဆန္ဒပြ

ပူတာအိုဒေသခံများ ဖေဖော်ဝါရီ ၁၃ ရက်က ဆန္ဒပြကြစဉ်

လမ်းပိုင်းပြတ်တောက်ကာ ရိက္ခာပြတ်လပ်မှုကြောင့် ပူတာအိုဒေသခံ ရာနှင့်ချီ ဆန္ဒပြမှု ဖေဖော်ဝါရီ ၁၃ ရက်က ဆန္ဒပြမှုဖြစ်ပေါ်ခဲ့ကြောင်း သတင်းရရှိသည်။ ယင်းဆန္ဒဖော်ထုတ်မှုကို ရ၀မ်၊ လီဆူ၊ ဂျိန်းဖောစသည့် စာပေနှင့် ယဉ်ကျေးမှုခေါင်းဆောင်များက ဦးဆောင်ခဲ့ပြီး ငြိမ်းချမ်းရေး အမြန်တည်ဆောက်ပါ။ စက်ယန္တရားများ ဖျက်ဆီးခြင်းချက်ချင်းရပ်၊ စစ်ရေးကိုအကြောင်းပြပြီး ဈေးတင်ရောင်းချမှုမလိုလား၊ လမ်းတံတားဖျက်ဆီးသူတို့ရန်သူ၊ လူထုဆန္ဒသဘောထား အောင်ရမည်၊ ပြည်ထောင်စုမပြိုကွဲရေး တို့အရေး၊ တိုင်းရင်းသား စည်းလုံးညီညွတ်မှုမပြိုကွဲရေး တို့အရေး၊ အချုပ်အခြာအာဏာတည်တံ့ခိုင်မြဲရေး တို့အရေး စသည့်ကြွေးကြော်သံများဖြင့် လမ်းလျှောက်ဆန္ဒပြခဲ့ခြင်းဖြစ်ကြောင်း သိရသည်။

ဆန္ဒထုတ်ဖော်ရာတွင် ပါဝင်သူတစ်ဦးဖြစ်သူ ဦးချန်းဂျောင်ဆားက “ဆန္ဒပြတဲ့အကြောင်းရင်းကတော့ လမ်းပိုင်းတွေ ပြတ်တောက်တယ်။ ရိက္ခာပြတ်တယ်။ အဲဒါကြောင့်ပါ။ မနက် ၈ နာရီနှင့် ၉ နာရီကြားမှာ ဆန္ဒဖော်ထုတ်ကြတာ။ တရားဝင်လုပ်ကြတာပါ။ ဒီမှာက ဆီဈေးတက်နေတော့ ရွာကလူတွေက မလာနိုင်ကြဘူး။ ခြေလျင်ခရီးက ဝေးတယ်လေ။ ၃၀၀ ကျော်လောက် ပါဝင်ပါတယ်။ ကုန်ဈေးနှုန်းတွေက တဖြည်းဖြည်းချင်းကိုတက်သွားတာ။ ဓာတ်ဆီတစ်ဂါလန်ကို တစ်သောင်းခွဲနှင့် နှစ်သောင်းကြားရောက်သွားပြီ။ အရောင်းဆိုင်တွေလည်း ကုန်ကြပြီ။ ဒီအတိုင်းသွားရင် အဆိုးချည်းပဲ။ စားသောက်ကုန်လည်း ဒီအတိုင်းပဲ။ ပြည်သူတွေ အားလုံးလည်းငြီးနေကြပြီ။ အဓိကတော့ ငြိမ်းချမ်းရေးရစေချင်ပြီ။ လမ်းတံတားတွေဖျက်တာလည်း ရပ်စေချင်ပြီ” ဟုပြောကြားသည်။

ကချင်ပြည်နယ်အစိုးရအဖွဲ့က ပူတာအိုဒေသသို့ ဆန်အိတ်များ အကူအညီပေးရန် စီစဉ်နေကြောင်း ကချင်ပြည်နယ်အစိုးရအဖွဲ့ဝင် လူမှုရေးဝန်ကြီးဒေါက်တာ သင်းလွင်က ဆိုသည်။

ကချင်တိုင်းရင်းသားလက်နက်ကိုင်အဖွဲ့ KIA က ဖျက်ဆီးခဲ့သော မြစ်ကြီးနား-ဆွမ်ပရာဘွမ်-ပူတာအိုလမ်းပိုင်းအား လျင်မြန်စွာပြုပြင်ပေးနိုင်ရေး ကချင်ပြည်နယ်လွှတ်တော်တွင် အရေးကြီးအဆိုကို ဖေဖော်ဝါရီ ၇ ရက်က တင်သွင်းခဲ့သည်။

အဆိုရှင်ဖြစ်သူ ဦးခန်လင်က ပူတာအိုခရိုင်ဟာ မြန်မာနိုင်ငံမြောက်ဘက်အကျဆုံး ခရိုင်ဖြစ်ပြီး ဖွံ့ဖြိုးမှုအနည်းဆုံး ခရိုင်တစ်ခုဖြစ်ပါကြောင်း၊ ပူတာအိုမြို့သို့ ကုန်းကြောင်း၊ လေကြောင်းသွားလာနိုင်သော်လည်း ကုန်စည်အတွက် မြစ်ကြီးနား-ဆွမ်ပရာဘွမ်-ပူတာအိုလမ်းကြောင်းကို အဓိကအသုံးပြုနေရတာဖြစ်ပါကြောင်း၊ ဇန်န၀ါရီ ၂၈ ရက်မှ ၃၀ ရက်အတွင်း ကေအိုင်အေလက်နက်ကိုင်အဖွဲ့က ဆွမ်ပရာဘွမ်မြို့နယ်အပိုင်းတွင် ဆီနင်ခတံတားနှင့် လမ်းပိုင်းနှစ်နေရာကို ဖျက်ဆီးခဲ့ပြီး မော်တော်ယာဉ်များ သွားလာမရဖြစ်လာခဲ့ပါကြောင်း၊ လမ်းလုပ်သားများ ထွက်ပြေးတိမ်းရှောင်နေရကြောင်း၊ ဒုက္ခရောက်ကြသည်မှာ လမ်းလုပ်သားများသာမက ပူတာအိုခရိုင်အတွင်းရှိ ၀န်ထမ်းများ၊ ဒေသခံပြည်သူများဖြစ်ပါကြောင်း၊ ဓာတ်ဆီတစ်ပုံးကို ကျပ်တစ်ထောင်မှ သုံးထောင်အထက် တက်သွားကြောင်း၊ ဆန်နို့ဆီသုံးဘူး တစ်ထောင်ကျပ်အထိ ဈေးတက်လာကြောင်း၊ ယခုအဖြစ်ဆိုးကြောင့် လောင်စာဆီပြတ်လပ်ခြင်း၊ ကုန်ဈေးနှုန်းကြီးမြင့်ခြင်း၊ ကုန်စည်ပြတ်လပ်ခြင်းများကို ကြုံတွေ့နေရပြီဖြစ်ကြောင်း၊ ထို့ကြောင့် လမ်းပိုင်းကို ဆောလျင်စွာပြုပြင်ခြင်းပြုလုပ်ပြီး လုံခြုံရေးတာဝန်များကို အပြည့်အ၀ချထားစေလိုပါကြောင်း၊ ထို့ကြောင့် ယခုအဆိုကို တင်သွင်းခဲ့ခြင်းဖြစ်ကြောင်း လွှတ်တော်တွင် တင်ပြခဲ့သည်။

ကချင်ပြည်နယ် လီဆူတိုင်းရင်းသားရေးရာဝန်ကြီးက လတ်တလောအခြေအနေများနှင့်ပတ်သက်ပြီး အရေးကြီးသည့် ဆန်၊ ဆီ၊ ဆား ဈေးမတက်စေရေးအတွက် ပြည်နယ်အစိုးရနှင့် ပြည်ထောင်စုအစိုးရတွင် တာဝန်ရှိနေပြီး ရက်ပိုင်းအတွင်း လေကြောင်းအကူအညီဖြင့် ဖြေရှင်းပေးနိုင်ရန်၊ စီစဉ်ထားကြရန် လွှတ်တော်တွင် တိုက်တွန်းခဲ့သည်။

ပူတာအိုခရိုင်တွင် မြို့နယ်ခြောက်မြို့နယ်ရှိပြီး ၂၀၁၄ သန်းခေါင်စာရင်းအရ ၉၁၂၅၇ ဦး နေထိုင်ကြောင်းသိရပြီး လမ်းပန်းဆက်သွယ်ရေးခက်ခဲ့ခြင်း၊ ဖွံ့ဖြိုးမှုအားနည်းခြင်း စသည့်အခြေအနေများကြောင့် မြန်မာနိုင်ငံတွင် တစ်နှစ်အောက် ကလေးသေနှုန်း အမြင့်ဆုံးခရိုင်တစ်ခုဖြစ်သည်။

နေပြည်တော် ဥတ္တရသီရိ မြို့နယ်တွင် ကလေးငယ်တစ်ဦး ဗုံးသီးဟောင်းအား ဆော့ကစားရာမှ ပေါက်ကွဲမှုဖြစ်ပွား

နေပြည်တော် ဥတ္တရသီရိမြို့နယ်၌ ကလေးငယ်တစ်ဦး ဗုံးသီးဟောင်းအား ဆော့ကစားရာမှ ပေါက်ကွဲသည့်ဖြစ်စဉ် ဖေဖော်ဝါရီလ ၁၃ ရက် နံနက် ၈ နာရီအချိန်ခန့်က ဖြစ်ပွားခဲ့ကြောင်း သိရသည်။

ဥတ္တရသီရိမြို့နယ်၊ သရက်တောကျေးရွာအုပ်စု၊ စည်ပင်သာကျေးရွာ၊ ကြပ်မြှောင်တဲစုနေ အသက် ၁၀ နှစ်အရွယ် မောင်ကံထူးမောင်က ကောက်ယူရရှိခဲ့သော ၄၀ မမ ဗုံးသီးအဟောင်းအား ဆော့ကစားရင်း မီးလှုံနေသော မီးဖိုအတွင်းသို့ ပစ်ချမိခဲ့ရာမှ ပေါက်ကွဲမှု ဖြစ်ပွားခဲ့ခြင်းဖြစ်ကြောင်း ဥတ္တရသီရိမြို့နယ်ရဲတပ်ဖွဲ့မှူး၊ ယာယီရဲမှူးစိန်ဝင်းက ပြောကြားသည်။

အဆိုပါပေါက်ကွဲမှုနှင့် ပတ်သက်ပြီး နေပြည်တော် MICC 2 ခန်းမတွင်  တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် NCA လက်မှတ်ရေးထိုးပွဲ အခမ်းအနား ကျင်းပချိန်နှင့် တိုက်ဆိုင်နေသည့်အတွက် ဝေဖန်ပြောဆိုမှုများ ရှိနေသော်လည်း မည်သည့်အရောင်အသွေးမှ မပါဘဲ ဗုံးသီးအဟောင်းအား ဆော့ကစားရာမှ ပေါက်ကွဲမှု ဖြစ်ပွားခဲ့ခြင်းသာ ဖြစ်ကြောင်း ၎င်းက ပြောကြားသည်။

“မဆိုင်ပါဘူးဗျ၊  ကလေးတွေက ဆော့စရာအောက်မေ့လို့ ကောက်ရလို့ ဆော့ရင်းနဲ့ဖြစ်တာ၊ ကျန်တဲ့ ဘာအသွေးအရောင်မှ မပါ ပါဘူးခင်ဗျ” ဥတ္တရသီရိမြို့နယ် ရဲတပ်ဖွဲ့မှူး၊ ရဲမှူးစိန်ဝင်းက ပြောကြားသည်။

“NCA လက်မှတ်ရေးထိုးတဲ့ နေရာနဲ့လည်း တခြားစီပါ၊ အဝေးကြီး မိုင် ၄၀၊ ၅၀ လောက်ဝေးတယ်” ဟု ၎င်းက ဆက်လက်ပြောသည်။

အဆိုပါပေါက်ကွဲမှုကြောင့် မီးပုံအနီး ၁၀ ပေခန့်အကွာတွင် နေပူစာလှုံနေသော ၁၃ နှစ်အရွယ် မိန်းကလေးငယ် တစ်ဦးနှင့် ၎င်းပွေ့ချီထားသော အသက် ၁ နှစ်ခွဲအရွယ် ကလေးငယ်တစ်ဦးတို့တွင် ဗုံးစထိမှန်ဒဏ်ရာ (မစိုးရိမ်ရ) ရရှိခဲ့ပြီး ကုတင် ၁၀၀၀ ဆေးရုံသို့ ပို့ဆောင်ကုသခဲ့ရကြောင်း သိရသည်။

 

UNFC အဖွဲ့ဝင် မွန်ပြည်သစ်ပါတီနှင့် လားဟူဒီမိုကရက်တစ် အစည်းအရုံး ယနေ့ NCA ရေးထိုးမည်

တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် လက်မှတ်ရေးထိုးပွဲ ကျင်းပမည့် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်း ဗဟိုဌာန (၂) ကို ဖေဖော်ဝါရီ ၁၂ ရက်က တွေ့ရစဉ် (ဓာတ်ပုံ – ကျော်မျိုး)

ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) အဖွဲ့ဝင် မွန်ပြည်သစ်ပါတီ (NMSP) နှင့် လားဟူဒီမိုကရက်တစ် အစည်းအရုံး (LDU) တို့ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) တွင် လက်မှတ်ရေးထိုးခြင်း အခမ်းအနားကို ဖေဖော်ဝါရီ ၁၃ ရက် (ယနေ့) တွင် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန-၂ (MICC-2) တွင် ပြုလုပ်မည်ဖြစ်သည်။

အဆိုပါ NCA လက်မှတ်ရေးထိုးမည့် တိုင်းရင်းသား လက်နက်ကိုင်အဖွဲ့ နှစ်ဖွဲ့အား  မတရားအသင်းများ အက်ဥပဒေအရ မတရားအသင်းအဖြစ်မှ ပယ်ဖျက်လိုက်ကြောင်းနှင့် အကြမ်းဖက် တိုက်ဖျက်ရေးဥပဒေအရ အကြမ်းဖက်သူများ မဟုတ်ကြောင်းလည်း ဖေဖော်ဝါရီ ၁၁ ရက်တွင် ပြည်ထဲရေး ၀န်ကြီးဌာနက အမိန့်ကြော်ငြာစာများ ထုတ်ပြန်ခဲ့သည်။

မွန်ပြည်သစ်ပါတီ (NMSP) နှင့် လားဟူဒီမိုကရက်တစ် အစည်းအရုံး (LDU) တို့သည် ဇန်န၀ါရီ ၂၃ ရက်က နေပြည်တော်တွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့နှင့် သီးခြားစီတွေ့ဆုံပြီးနောက် အဆိုပါနေ့၌ပင် NCA စာချုပ်တွင် ပါဝင်လက်မှတ်ရေးထိုးမည် ဖြစ်ကြောင်း သတင်းထုတ်ပြန်ခဲ့ခြင်း ဖြစ်သည်။

ထို့ပြင် ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) ၏ ဒုတိယအကြိမ် ပုံမှန်ကောင်စီ အစည်းအဝေးကို ဖေဖော်ဝါရီ ၁၀ ရက်တွင် စတင်ကျင်းပခဲ့ပြီး အဖွဲ့ဝင် အဖွဲ့အစည်းများဖြစ်သော မွန်ပြည်သစ်ပါတီ (NMSP) နှင့် လားဟူဒီမိုကရက်တစ် အစည်းအရုံး (LDU) တို့အနေဖြင့် NCA လက်မှတ်ရေးထိုးရန် အစီအစဉ်ရှိနေသောကြောင့် အစည်းအဝေးကို ယာယီရပ်ဆိုင်းထားကြောင်းနှင့် အဖွဲ့ဝင်နှစ်ဖွဲ့ လက်မှတ်ရေးထိုးခြင်း အစီအစဉ်ပြီးနောက် ကောင်စီအစည်းအဝေးအား ပြန်လည်စတင် သွားမည်ဖြစ်ကြောင်း ဖေဖော်ဝါရီ ၁၁ ရက် ရက်စွဲဖြင့် သတင်းထုတ်ပြန်ချက်အား ဖေဖော်ဝါရီ ၁၂ ရက်တွင် UNFC ၏ Facebook စာမျက်နှာတွင် ဖော်ပြထားသည်။

အဆိုပါ UNFC ၏ ဒုတိယအကြိမ်ပုံမှန် ကောင်စီအစည်းအဝေးသို့ မွန်ပြည်သစ်ပါတီ (NMSP)၊ ကရင်နီ အမျိုးသား တိုးတက်ရေးပါတီ (KNPP)၊ လားဟူဒီမိုကရက်တစ် အစည်းအရုံး (LDU)၊ ရှမ်းပြည်တိုးတက်ရေး ပါတီ (SSPP)၊ ရခိုင်ပြည် အမျိုးသားကောင်စီ (ANC) တို့မှ ကောင်စီဝင်များအပြင် ဆက်စပ်မဟာမိတ် အဖွဲ့အစည်းဖြစ်သော ကချင်လက်နက်ကိုင်အဖွဲ့ (KIO) မှ ကိုယ်စားလှယ်များလည်း တက်ရောက်ခဲ့ကြောင်း UNFC ၏ ထုတ်ပြန်ချက်အရ သိရသည်။

သို့ရာတွင် ရှမ်းပြည်တိုးတက်ရေးပါတီ (SSPP) သည် UNFC မှ နုတ်ထွက်စာ တင်ထားသည့် အဖွဲ့ဖြစ်ပြီး မြောက်ပိုင်းတိုင်းရင်းသား လက်နက်ကိုင် အဖွဲ့များဖြင့် ဖွဲ့စည်းထားသည့် FPNCC ကော်မတီတွင် အဖွဲ့ဝင်အဖြစ် ပါဝင်လျက်ရှိသည်။

UNFC အဖွဲ့ဝင် ကရင်နီအမျိုးသား တိုးတက်ရေးပါတီ (KNPP) သည် NCA ရေးထိုးရန် အစီအစဉ် ရှိသော်လည်း ၂၀၁၇ ခုနှစ် ဒီဇင်ဘာလအတွင်းက တပ်မတော်သားများနှင့် KNPP အဖွဲ့ဝင်တပ်သားများ ပဋိပက္ခဖြစ်ပွားပြီး KNPP အဖွဲ့ဝင်များ သေဆုံးခဲ့သည့် ဖြစ်စဉ်ကြောင့် NCA ရေးထိုးရန် အဟန့်အတား ဖြစ်ခဲ့သည်။

အဆိုပါဖြစ်စဉ်အပေါ်တပ်မတော်၏ စုံစမ်းစစ်ဆေးနေသည့် အဖြေရလဒ်သည်လည်း KNPP အနေဖြင့် NCA စာချုပ်တွင် ပါဝင်လက်မှတ်ရေးထိုးရန် ထည့်သွင်းစဉ်းစားသည့် အကြောင်းအရာတစ်ခု ဖြစ်ကြောင်း KNPP က ပြောကြားထားသည်။

NCA ရေးထိုးထားသည့် တိုင်းရင်းသား လက်နက်ကိုင်ရှစ်ဖွဲ့မှာ ကရင်အမျိုးသား အစည်းအရုံး (KNU)၊ ရှမ်းပြည်ပြန်လည် ထူထောင်ရေးကောင်စီ (RCSS)၊ ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO)၊ ချင်းအမျိုးသားတပ်ဦး (CNF)၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF)၊ ရခိုင်ပြည် လွတ်မြောက်ရေးပါတီ (ALP)၊ DKBA၊ KNU/KNLA-PC တို့ဖြစ်ကြသည်။

မွန်ပြည်သစ်ပါတီနှင့် လားဟူဒီမိုကရက်တစ် အစည်းအရုံးတို့က NCA စာချုပ်တွင် ပါဝင်လက်မှတ် ရေးထိုးပြီးပါက NCA ရေးထိုးထားသည့်အဖွဲ့ ၁၀ ဖွဲ့အထိ ရှိလာမည်ဖြစ်သည်။

ထို့အတူ UNFC အဖွဲ့ဝင်များအနက် ရခိုင်ပြည် အမျိုးသားကောင်စီ (ANC) သည်လည်း NCA လက်မှတ် ရေးထိုးမည် ဖြစ်ကြောင်း ဖေဖော်ဝါရီ ၁၁ ရက် ညနေပိုင်းက စတင်ကာ သတင်းများ ပေါ်ထွက်ခဲ့သော်လည်း ဖေဖော်ဝါရီ ၁၂ ရက် မွန်းလွဲပိုင်းတွင် ANC ဗဟိုအလုပ်အမှုဆောင် ကော်မတီက NCA လက်မှတ်ရေးထိုးသည့် အခမ်းအနားသို့ ပါဝင်တက်ရောက်နိုင်ခြင်း မရှိကြောင်း သတင်းထုတ်ပြန်ခဲ့သည်။

ANC အဖွဲ့၏ ဖေဖော်ဝါရီ ၁၂ ရက် သတင်းထုတ်ပြန်ချက်တွင် ANC သည် NCA အား ရေးသားပြုစုရာတွင် အခြားတိုင်းရင်းသား လက်နက်ကိုင် တော်လှန်ရေး အဖွဲ့အစည်းများနည်းတူ ကနဦးအစကပင် ပါဝင်လာခဲ့ကြောင်း၊ လက်ရှိအတည်ပြု ကျင့်သုံးလျက်ရှိသော NCA သည် အစိုးရ တပ်မတော်နှင့် တိုင်းရင်းသား လက်နက်ကိုင် တော်လှန်ရေး အဖွဲ့အစည်းများ အားလုံးအကြား နှစ်ဖက်လက်ခံနိုင်သော မူချောအဆင့်သို့ မရောက်ရှိသေးမီ အတည်ပြုခဲ့ခြင်း ဖြစ်သည့်အတွက် ဤစာချုပ်တွင် ၀ိဝါဒကွဲပြားစရာများ ပါရှိနေကြောင်း၊ သို့ဖြစ်၍ NCA စာချုပ် အကောင်အထည်ဖော်ရာတွင် အဆင်ပြေ ချောမွေ့စေရေးအတွက် UNFC မှတစ်ဆင့် ပြည်ထောင်စုငြိမ်းချမ်းရေး ကော်မရှင် (PC) ထံသို့ အဆိုပြုချက် ရှစ်ချက်တင်သွင်းပြီး ၁၇ လ ကျော်ကြာ ဆွေးနွေးညှိနှိုင်းခဲ့ကြောင်း ဖော်ပြထားသည်။

ထိုသို့ UNFC မှ တင်ပြခဲ့သော အဆိုပြုချက် ရှစ်ချက်နှင့် ပတ်သက်၍ ယနေ့အချိန်ထိ ကျေနပ်လောက်သော ရလဒ်ကောင်းများ မရှိခဲ့သည့်တိုင် ထိုဆွေးနွေးပွဲ ရလဒ်များကို နှစ်ဦးနှစ်ဖက် ဂုဏ်သရေရှိစွာဖြင့် စနစ်တကျ နိဂုံးချုပ်နိုင်ရေးအတွက် UNFC အတွင်း၌ လည်းကောင်း၊ အစိုးရနှင့် တပ်မတော် ခေါင်းဆောင်များအား လည်းကောင်း ဆောင်ရွက်သင့် ဆောင်ရွက်ထိုက်သည့် ကိစ္စများကို စဉ်ဆက်မပြတ် အကြံပြု တင်ပြခဲ့ကြောင်း၊ မွန်ပြည်သစ်ပါတီ (NMSP) နှင့် လားဟူဒီမိုကရက်တစ် အစည်းအရုံး (LDU) တို့အနေဖြင့် တစ်ဖွဲ့ချင်း လက်မှတ်ရေးထိုးရန် ဆုံးဖြတ်ခဲ့ချိန်တွင် UNFC အဖွဲ့ဝင် အဖွဲ့အစည်းများအကြား သွေးစည်းညီညွတ်မှု မထိခိုက်စေရန်အတွက် NCA စာချုပ်တွင် အားလုံးလိုက်ပါ ရေးထိုးနိုင်သော အခင်းအကျင်းတစ်ရပ် ဖြစ်ပေါ်လာစေရန် အစွမ်းကုန် ကြိုးပမ်းခဲ့ကြောင်း သတင်းထုတ်ပြန်ချက်တွင် ပါရှိသည်။

ယင်းကဲ့သို့ ကြိုးပမ်းမှု အနိမ့်ဆုံးအဆင့်အားဖြင့် UNFC ထိပ်သီးခေါင်းဆောင်များနှင့် နိုင်ငံတော်၏ အတိုင်ပင်ခံပုဂ္ဂိုလ်၊ တပ်မတော် ကာကွယ်ရေး ဦးစီးချုပ်တို့အကြား အနည်းဆုံး တစ်ကြိမ်ခန့် တွေ့ဆုံညှိနှိုင်းမှု ဖြစ်ပေါ်စေရန်၊ ‘ဖက်ဒရယ်ဒီမိုကရေစီ’ ဆိုသည့် ဝေါဟာရနှင့် ပတ်သက်သော အဓိပ္ပာယ်ဖွင့်ဆိုချက်နှင့် အခြေခံမူများအား နိုင်ငံရေးဆွေးနွေးပွဲ အဆင့်ဆင့်တွင် ဆက်လက်ဆွေးနွေးရမည့် အကြောင်းအရာ တစ်ခုအဖြစ် မှတ်တမ်းတင်ပေးရန်နှင့် KNPP တပ်ဖွဲ့ဝင် သုံးဦးနှင့် ကရင်နီ အရပ်သားတစ်ဦး သတ်ဖြတ်မီးရှို့ ခံရသည့်အပေါ် အမှန်တရားနှင့် တရားမျှတမှုတို့ ပေါ်ပေါက်ရေးအတွက် တန်းတူရေး အခြေခံဖြင့် နှစ်ဖက်ညှိနှိုင်း အဖြေရှာမည်ဟု ကတိက၀တ် ပြုရန်ဆိုသည့် အချက်များအပေါ်တွင် အခြေခံလျက် NCA စာချုပ်အား UNFC အဖွဲ့ဝင် အဖွဲ့အစည်းများအားလုံး တစုတဝေးတည်း လက်မှတ်ရေးထိုးနိုင်ရန် နည်းလမ်းရှာဖွေ ပေးခဲ့ကြောင်း ANC ၏သတင်းထုတ်ပြန်ချက်တွင် ဖော်ပြထားသည်။

သို့ရာတွင် ပြည်ထောင်စုငြိမ်းချမ်းရေး ကော်မရှင် တာဝန်ရှိသူများနှင့် ချိတ်ဆက်ညှိနှိုင်းသည့်အခါ DPN နှင့် PC အဆင့်တွင် တစ်ဆို့နေသော အချက်ကို နှစ်ဖက်ထိပ်သီး ခေါင်းဆောင်များ တွေ့ဆုံညှိနှိုင်းပြီး အဖြေရှာနိုင်ရန် အခွင့်အလမ်း မပေးတော့ဘဲ NCA လက်မှတ်ရေးထိုးမည်ဟု ကြိုတင်ကတိပေးပြီးမှသာ တွေ့ဆုံခွင့်ပေးမည် ဆိုသဖြင့် နှစ်ဖက်ညှိနှိုင်း ဆွေးနွေးသည့်သဘော မဆောင်တော့ခြင်း၊ နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့ (DPN) ၏ အဆိုပြုချက် ရှစ်ချက်အား DPN နှင့် PC အကြား တရားဝင် နိဂုံးချုပ်ရန် အခြေအနေ မပေးခြင်းနှင့် တန်းတူရေး အခြေခံဖြင့် အားလုံးလိုက်ပါနိုင်သော အခင်းအကျင်း မရှိခြင်းတို့ကြောင့် ဖေဖော်ဝါရီ ၁၃ ရက်တွင် ကျင်းပမည့် NCA လက်မှတ်ရေးထိုးပွဲ အခမ်းအနားသို့ ANC အနေဖြင့် ပါဝင်တက်ရောက်နိုင်ခြင်း မရှိကြောင်း ပြည်သူလူထုနှင့် မဟာမိတ်များအား အသိပေးကြောင်း သတင်းထုတ်ပြန်ချက်၌ ရေးသားထားသည်။

လက်ရှိတွင် ၂၁ ရာစုပင်လုံ တတိယ အစည်းအဝေးအား အကြောင်းအမျိုးမျိုးကြောင့် ရွှေ့ဆိုင်းထားပြီး ယခု NCA ရေးထိုးမည့် မွန် ပြည်သစ်ပါတီက ၎င်းတို့ ဦးဆောင်ကျင်းပရမည့် မွန်လူမျိုးအလိုက် အမျိုးသားအဆင့် နိုင်ငံရေး ဆွေးနွေးပွဲ ကျင်းပပြီးမှသာ ၂၁ ရာစု ပင်လုံ တတိယအစည်းအဝေးအား ကျင်းပရန် တောင်းဆိုထားသည်။

ထို့အတူ NCA ရေးထိုးပြီး တိုင်းရင်းသား လက်နက်ကိုင် ရှစ်ဖွဲ့ကလည်း နိုင်ငံရေး ဆွေးနွေးပွဲဆိုင်ရာ လုပ်ငန်းစဉ် အဆင့်ဆင့်ကို အကောင်အထည်ဖော် ဆောင်ရွက်ပြီးမှသာ ၂၁ ရာစုပင်လုံ တတိယ အစည်းအဝေးကို ဆက်လက်ပြုလုပ်ရန် တောင်းဆိုထားသည်။

 

ဘူးသီးတောင်မြို့နယ်နှင့် ရသေ့တောာင်မြို့နယ် အတွင်းရှိ ကျေးရွာ ၁၆ ရွာမှ ဘင်္ဂါလီ ၈၀၀ ကျော် ထပ်မံနေရပ်စွန့်ခွာ

ဘူးသီးတောင်မြို့နယ်နှင့် ရသေ့တောင်မြို့နယ် အတွင်းရှိ ကျေးရွာ ၁၆ ရွာမှ ဘင်္ဂါလီ ရှစ်ရာကျော် ထပ်မံနေရပ်စွန့်ခွာလာကြောင်း ပြည်ထဲရေးမှ သတင်းထုတ်ပြန်ချက်အရ သိရသည်။

အဆိုပါ နေရပ်စွန့်ခွာ ဘင်္ဂါလီများသည် ဘူးသီးတောင်မြို့နယ် သပိတ်တောင်၊ တောင်ရွာ၊ ဆင်ခုန်တိုင်၊ ဖုံညိုလိပ်၊ ဖိုးခေါင်ချောင်း၊ ကံဆိတ်၊သရက်ပြင်၊ စိမ်းညှင်းပြာ၊ အလယ် ချောင်း၊ ဆေးအိုးကျ၊ ဒိုးတန်း၊ မြောင်းနား၊ အာကာတောင်၊ ဖရုံချောင်း၊ ၀က်မကျနှင့် ရသေ့တောင်မြို့နယ် ညောင်ပင်ကြီးကျေးရွာ တို့မှ ဖြစ်ပြီး စုစုပေါင်း  ၈၆၈ ဦးဖြစ်ကြောင်း နှင့် ယင်းတို့ထဲတွင် ကျား ၄၆၁ ဦးနှင့် မ ၄၀၇ ဦးတို့ပါဝင်ကြောင်း၊ အဆိုပါ နေရပ်စွန့်ခွာ ဘင်္ဂါလီများသည် ၂၀၁၈ ခုနှစ် ဖေဖော်ဝါရီ ၁၁ ရက်ညနေ ၆ နာရီ ၄၅ မိနစ်အချိန်တွင် မောင်တောမြို့နယ် မှိုဝင်ချောင်းဝကင်းစခန်းနှင့် ဂေါ်ဒူသာရ ချောင်းဝကင်းစခန်းကြား ပင်လယ်ကမ်းခြေ၌ နေရပ်စွန့်ခွာ ဘင်္ဂါလီများ ရောက်ရှိခဲ့ခြင်း ဖြစ်ကြောင်း သိရသည်။

သတင်းအရ ရှေ့တန်း အမှတ် (၁၁) လုံ ခြုံရေးရဲတပ်ဖွဲ့ခွဲမှ တပ်ဖွဲ့ဝင်များက သွားရောက်စစ်ဆေး မေးမြန်းခဲ့ရာ အကြမ်းဖက် ဖြစ်စဉ်ဖြစ်ပွားပြီးနောက်ပိုင်း စားဝတ်နေရေးနှင့် အလုပ်အကိုင် အခက်အခဲရှိသဖြင့် ၎င်းတို့၏ ဆန္ဒအလျောက် ဘင်္ဂလားဒေ့ရ်ှနိုင်ငံဘက်သို့ သွားရောက်ရန် စိမ်းညှင်းပြာ တောင်ကျော်လမ်းအတိုင်း ထွက်ခွာလာခဲ့ခြင်း ဖြစ်ကြောင်းနှင့် အဆိုပါကမ်းခြေ၌ ဖေဖော်ဝါရီ ၁၁ ရက်ထိ ဘင်္ဂါလီ ၂၇၀ ဦး (ကျား ၁၃၀၊ မ ၁၄၀) တို့ ကျန်ရှိနေထိုင်လျက်ရှိရာ ယခုအခါ စုစုပေါင်း ၁၁၃၈ ဦး(ကျား ၅၉၁၊ မ ၅၄၇)တို့ နေထိုင်လျက် ရှိကြောင်း သတင်းရရှိသည်။

ဖေဖော်ဝါရီ ၄ ရက် ညနေ ၇ နာရီ ၄၅ မိနစ် အချိန် မောင်တောမြို့နယ် ဂေါ်ဒူသာရ ချောင်းဝပင်လယ် ကမ်းခြေသို့ ဘူးသီးတောင်မြို့နယ် သေကံခွဆုံ၊ စိမ်းညှင်းပြာ၊ သိမ်တောင်၊ ဆင်ခုန်တိုင်၊ အနောက်ပြင်၊ ကွန်တိုင်၊ ဖုံညိုလိပ်၊ ဦးလှဖေ၊ ဖိုးခေါင်ချောင်း၊ ရွက်ညိုတောင်၊ ကင်းတောင်၊ ဗဒန်နာ၊ သပိတ်တောင်၊  မြောင်နား၊ ၀ရကျွန်းနှင့် ကကျက်ဘက်ကျေးရွာ ၁၆ ရွာတို့မှ ဘင်္ဂါလီ ၇၈၈ ဦးတို့ ရောက်ရှိခဲ့ကြောင်း ပြည်ထဲရေးမှ သတင်းထုတ်ပြန်ချက်အရ သိရသည်။

လက်ရှိ အဆိုပါ ကမ်းခြေနေရာတွင် ဘင်္ဂလားဒေ့ရ်ှသို့ ဆက်လက်ထွက်ခွာရန် ကျန်နေသေးသည့် ယခင် ၉၃ ဦးရှိသဖြင့် ယခု စုစုပေါင်း ၈၈၁ ဦး နေထိုင်လျက်ရှိကြောင်း သတင်းရရှိပါသည်။

အကြမ်းဖက်ဖြစ်စဉ်ကြောင့် တစ်ဖက်နိုင်ငံသို့ ထွက်ပြေးသွားသူများအား ပြန်လည်လက်ခံရေး အစီအစဉ်ကို မြန်မာနိုင်ငံမှ ဇန်န၀ါရီ ၂၃ ရက်က စတင်နေပြီ ဖြစ်သော်လည်း တစ်ဦးတစ်ယောက်မျှ ပြန်လာခြင်း မရှိသေးကြောင်း၊ ယင်းသို့ ဆောင်ရွက်နေစဉ်အတွင်းမှာပင် ဖေဖော်ဝါရီ ၁ ရက်မှ ဖေဖော်ဝါရီ ၁၀ ရက်အတွင်း နေရပ်စွန့်ခွာ ဘင်္ဂါလီ ၉၀၀ ကျော်သည် လှေများဖြင့် တစ်ဖက်ဘင်္ဂလားဒေ့ရ်ှနိုင်ငံသို့ ဆက်လက်ထွက်ခွာ သွားခဲ့ကြကြောင်း သိရသည်။

တစ်ဖက်နိုင်ငံသို့ ဘင်္ဂါလီများသည် ဖေဖော်ဝါရီ ၁၀ရက်တွင် ၁၀၀ ဦး၊ ဖေဖော်ဝါရီ ၈ ရက်တွင် ၂၀၀ ဦး၊  ဖေဖော်ဝါရီ ၇ ရက်တွင်  ၁၃၀ ဦး၊ ဖေဖော်ဝါရီ ၆ ရက်တွင်  ၁၅၀ ဦး၊ ဖေဖော်ဝါရီ ၃ ရက်တွင် ၂၁၅ ဦး၊ ဖေဖော်ဝါရီ ၂ ရက်တွင် ၅၀ ဦးနှင့် ဖေဖော်ဝါရီ ၁ ရက် တွင် ၁၂၀ ဦး ထွက်ခွာခဲ့ခြင်း ဖြစ်ကြောင်း ပြည်ထဲရေးမှ ထုတ်ပြန်ချက်အရ သိရသည်။

အဆိုပါ နေရပ်စွန့်ခွာ ဘင်္ဂါလီများသည် တစ်ဖက်နိုင်ငံမှ လာခေါ်သည့် စက်လှေများဖြင့် နေ့စဉ်နီးပါး ထွက်ခွာနေခြင်း ဖြစ်ကြောင်းလည်း သိရသည်။

 

ထားဝယ်လေဆိပ်ကို အဆင့်မြှင့်တင်ရန် တိုင်းဒေသကြီး အစိုးက ပြည်ထောင်စုအစိုးရထံ တင်ပြမည်

ထားဝယ်လေဆိပ်ကို တွေ့ရစဉ်

တနသာင်္ရီတိုင်းဒေသကြီး ထားဝယ်မြို့ရှိ ထားဝယ်လေဆိပ်ကို အဆင့်မြှင့်တင်ရန် တိုင်းဒေသကြီး အစိုးရအနေဖြင့် သဘောထားရှိပြီး ပြည်ထောင်စုအစိုးရထံ တင်ပြသွားမည်ဟု သိရသည်။

ပြီးခဲ့သည့်ဖေဖော်ဝါရီ ၆ ရက်က တိုင်းဒေသကြီး အစိုးရအဖွဲ့ရုံးသို့ Hithar Group Holdings Co.,Ltd နှင့် ထိုင်းနိုင်ငံ Bangkok Aviation Services Enterprize (BASE) တို့ မှတာဝန်ရှိသူများ လာရောက်၍ ထားဝယ်လေဆိပ် အဆင့်မြှင့်တင်မည့် စီမံကိန်းနှင့်ပတ်သက်ပြီး လာရောက်ရှင်းလင်း တင်ပြခဲ့ကြပြီး တိုင်းဒေသကြီး အစိုးရအနေဖြင့် အဆင့်မြှင့်တင်ရန် သဘောထားရှိကာ ပြည်ထောင်စုအစိုးရထံ ဆက်လက် တင်ပြသွားရန်ရှိကြောင်း တိုင်းဒေသကြီး လျှပ်စစ်နှင့် စွမ်းအင်ဝန်ကြီး ဦးကြည်လှိုင်က ပြောကြားသည်။

“လက်ရှိအခြေအနေမှာတော့ ထားဝယ်လေယာဉ်ကွင်းကို အဆင့်မြှင့်တင်ဖို့က ပြည်ထောင်စုမှာတော့ မပါသေးဘူး။ အခုဒီနှစ်မှာတော့ ကျွန်တော်သိရသလောက် ကော့သောင်းရယ်၊ မော်လမြိုင်ရယ်၊ ဟဲဟိုးရယ် ဒီလေယာဉ်ကွင်းတွေပဲ ပြည်ထောင်စု တင်ထားတယ်။ ထားဝယ်ကျတော့ တင်ဒါပြိုင်တဲ့ ကုမ္ပဏီတစ်ခုက လာပြီးတော့ ပြောပြထားတဲ့ သဘောရှိတယ်။ ထားဝယ်လေဆိပ်ကို အဆင့်မြှင့်တင်မယ်ဆိုရင် သူတို့အနေနဲ့ တင်ဒါမှာ ၀င်ပြီးယှဉ်ပြိုင်မယ်ဆိုတဲ့ အကြောင်းပေါ့။ သူတို့ကုမ္ပဏီ Profile လာပြောပြတာပေါ့။ ကျွန်တော်တို့ကတော့ ပြည်ထောင်စုကို တင်ပြမယ်ပေါ့။ ဘယ်လိုလုပ်မယ်ပေါ့လေ။ ပြည်ထောင်စုရဲ့ သဘောထားနဲ့ပဲ ဆောင်ရွက်ရမှာပေါ့။ အဆင့်မြှင့်တင်ဖို့တော့ ကျွန်တော်တို့ သဘောထားရှိတယ်။ ဒီတော့ ပြည်ထောင်စုကို ကျွန်တော်တို့ တိုက်တွန်းရမှာပေါ့။ ပြည်ထောင်စုကနေပြီးတော့ ဘယ်လိုပုံစံနဲ့ ဆောင်ရွက်မယ်ဆိုတဲ့ သဘောထားကိုတော့ ကျွန်တော်တို့ မသိနိုင်ဘူးလေ” ဟု တိုင်းဒေသကြီး လျှပ်စစ်နှင့် စွမ်းအင်ဝန်ကြီး ဦးကြည်လှိုင်က ပြောကြားသည်။

တိုင်းဒေသကြီး အတွင်းရှိ ကော့သောင်း လေယာဉ်ကွင်းအား အဆင့်မြှင့်တင်သည့် လုပ်ငန်းကိုလည်း ပြည်ထောင်စုအစိုးရမှ တင်ဒါခေါ်ယူ ဆောင်ရွက်ခဲ့ခြင်း ဖြစ်သောကြောင့် ထားဝယ်လေယာဉ်ကွင်းအား အဆင့်မြှင့်တင်မည် ဆိုပါက မည်သည့်အချိန်တွင် စတင်ဆောင်ရွက်မည် ဆိုသည်မှာ ပြည်ထောင်စုအစိုးရက ဆောင်ရွက်သည်ဖြစ်၍ အတိအကျ မပြောနိုင်ကြောင်း ဦးကြည်လှိုင်က ပြောကြားသည်။

ထားဝယ်လေဆိပ် အဆင့်မြှင့်တင်မည့်လုပ်ငန်း ဆောင်ရွက်ဖြစ်ခဲ့ပါက လေဆိပ်၏ မူလပြေးလမ်းကို ထပ်မံတိုးချဲ့ သွားမည့်အပြင် လေဆိပ်အတွင်းရှိ အဆောက်အအုံများကိုပါ တိုးချဲ့တည်ဆောက် သွားမည်ဖြစ်ပြီး ဒေသခံ လုပ်ငန်းရှင်များကို ဖိတ်ခေါ်ကာ ပူးပေါင်းဆောင်ရွက်သွားရန် အနေအထားရှိကြောင်း သိရသည်။

ပြည်တွင်း၌ လေယာဉ်ကွင်း ၆၉ ကွင်းရှိပြီး ပြည်တွင်းအဆင့် အသုံးပြုနေသော လေဆိပ် ၃၁ ခုနှင့် နိုင်ငံတကာအဆင့် သတ်မှတ်ထားသည့် လေဆိပ်သုံးခု စုစုပေါင်း ၃၄ ခုကိုသာ အသုံးပြုနေသည့်အပြင် ယင်းအနက် လေဆိပ်ခုနစ်ခုမှာ တပ်မတော် (လေ) နှင့် ပူးတွဲအသုံးပြုနေကြောင်း၊ လက်ရှိအချိန်၌ ကော့သောင်း၊ ဟဲဟိုးနှင့် မော်လမြိုင်လေဆိပ်များကို အဆင့်မြှင့်တင်ရန် ပြည်ထောင်စု အစိုးရက ပြီးခဲ့သည့် နှစ်ကုန်ပိုင်းတွင် တင်ဒါခေါ်ယူထားခဲ့ကြောင်း သိရသည်။

ထားဝယ်လေဆိပ်မှာ ဒုတိယကမ္ဘာစစ် အတွင်းက ပြေးလမ်းအရှည်ပေ ၄၅၀၀ x ၅၀ သူရှိခဲ့ပြီး စစ်သုံးလေဆိပ်တစ်ခု ဖြစ်ခဲ့ကြောင်း၊ ၁၉၇၈ ခုနှစ်တွင် ပြေးလမ်းကို ပေ ၅၀၀၀ x ၅၀ အထိတိုးချဲ့ခဲ့ပြီး ၂၀၀၁ ခုနှစ်တွင် မူလပြေးလမ်းမှ ပေ ၅၁၀၀ x ၇၅ ပေအထိ တိုးချဲ့တည်ဆောက်ခဲ့ကြောင်း၊ ၂၀၀၄ ခုနှစ်တွင် တပ်မတော် စစ်အင်ဂျင်နီယာ ညွှန်ကြားရေးမှူးရုံးမှ လက်ရှိအသုံးပြုနေသည့် ပြေးလမ်းအသစ်ကို အရှည်ပေ ၁၂၀၀၀ x ၁၀၀၊ အင်လမ်းပေ ၂၂၀ x ၁၁၀ နှင့် ပေ ၆၀၀ x ၃၀၀ အကျယ်ရှိ လေယာဉ်ရပ်နားရန် ကွင်းတစ်ခု တည်ဆောက်ခဲ့ကာ ၂၀၀၉ ခုနှစ်တွင်ပြီးစီး၍ ယခုအချိန်ထိ အသုံးပြုနေကြောင်း သိရသည်။

လက်ရှိအသုံးပြုနေသော ထားဝယ်လေယာဉ်ကွင်းမှာ ပြေးလမ်းအရှည်ပေ ၁၂၀၀၀ နှင့် အကျယ်ပေ ၁၀၀ ရှိပြီး လေယာဉ်ကွင်း ဧရိယာစုစုပေါင်း ၃၆၄ ဒသမ ၆၇၇ ဧကရှိကြောင်း၊ လေယာဉ်ရပ်နားရန် ပေ ၂၀၀ ကျော် အကျယ်ရှိကွင်း နှစ်ခုနှင့် ပေ ၆၀၀ x ၃၀၀ အကျယ်ရှိ ကွင်းတစ်ခုရှိပြီး ပြည်တွင်း၌ ပြေးဆွဲနေသည့် လေယာဉ်ငါးစင်း တစ်ပြိုင်တည်း ရပ်နားနိုင်သည့်အပြင် လေယာဉ်ပြေးလမ်း၏ ခံနိုင်ဝန်မှာ ပေါင် ၈၇၃၀၀၀ ရှိသည့်အတွက် ပြည်တွင်းလေကြောင်းလိုင်များတွင် အသုံးပြုနေသည့် လေယာဉ်အမျိုးအစား အားလုံးနှင့် နိုင်ငံတကာ လေကြောင်းလိုင်းများတွင် အသုံးပြုနေသည့် Airbus 320 ကဲ့သို့သော လေယာဉ်များပါ ဆင်းသက်နိုင်သည်ဟု သိရသည်။

ထားဝယ်ဒေသတွင် အကောင်အထည် ဖော်နေသည့် ထားဝယ်အထူးစီးပွားရေးဇုန် စီမံကိန်းနှင့် ပတ်သက်၍ ပြည်တွင်းပြည်ပမှ လေယာဉ်များ ဆင်းသက်ပြီး ခရီးသည်ဝင်ရောက်မှု များပြားလာနိုင်သောကြောင့် ထားဝယ် လေယာဉ်ကွင်းကို ပြီးခဲ့သည့် ၂၀၁၂ ခုနှစ်က ထပ်မံတိုးချဲ့ရန် စီစဉ်ခဲ့သေးသော်လည်း ထားဝယ်စီမံကိန်းမှာ ၂၀၁၃ ခုနှစ်တွင် ယာယီရပ်တန့်ခဲ့သောကြောင့် စီမံကိန်းအား အကောင်အထည် မဖော်နိုင်ခဲ့ကြောင်း၊ ထားဝယ်လေဆိပ်သို့ ထိုင်းနိုင်ငံမှတစ်ဆင့် ကိုယ်ပိုင်လေယာဉ်များနှင့် စင်းလုံးငှား လေယာဉ်များလည်း ဆင်းသက်ခဲ့ဖူးသည့်အပြင် နိုင်ငံတကာမှ စစ်လေယာဉ်အချို့လည်း ဆင်းသက်ခဲ့ဖူးသည်ဟု သိရသည်။

တနသာင်္ရီတိုင်းဒေသကြီး အတွင်းတွင် ထားဝယ်၊ မြိတ်၊ ဘုတ်ပြင်းနှင့် ကော့သောင်းမြို့များ၌ လေဆိပ်များရှိပြီး ဘုတ်ပြင်းလေဆိပ်မှလွဲ၍ ကျန်သည့်လေယာဉ်ကွင်း သုံးခုမှာ ပြည်တွင်းလေကြောင်းလိုင်းအချို့ နေ့ စဉ်ပြေးဆွဲနေကြောင်း၊ ယခုနှစ်ပိုင်းအတွင်း တနင်္သာရီတိုင်း ဒေသကြီး အတွင်းရှိ ကျွန်းခရီးစဉ်များကြောင့် လာရောက် လည်ပတ်သူ များပြားနေပြီး လေယာဉ်ပြေးဆွဲမှု များပြားသည်ဟု လေကြောင်း အသိုင်းအ၀ိုင်းထံမှ စုံစမ်းသိရသည်။

 

ပြည်တွင်းလက်နက်ကိုင်ပဋိပက္ခများ အပြီးတိုင်ချုပ်ငြိမ်းရန်နှင့် ဒီမိုကရေစီဖက်ဒရယ်ပြည်ထောင်စုအား ခိုင်မာစွာတည်ဆောင်နိုင်ရေးအတွက် ညှိနှိုင်းအဖြေရှာကြိုးပမ်းဆောင်ရွက်နေကြောင်း နိုင်ငံတော်သမ္မတပြောကြား

နေပြည်တော်တွင် ပြုလုပ်သည့် (၇၁)နှစ်မြောက် ပြည်ထောင်စုနေ့အခမ်းအနားကို တွေ့ရစဉ် (ဓာတ်ပုံ-ကျော်မျိုး)

ပြည်တွင်းလက်နက်ကိုင် ပဋိပက္ခများ အပြီးတိုင်ချုပ်ငြိမ်းရန်နှင့် ဒီမိုကရေစီဖက်ဒရယ်ပြည်ထောင်စုအား ခိုင်မာစွာတည်ဆောက်နိုင်ရေးအတွက် ညှိနှိုင်းအဖြေရှာ ကြိုးပမ်းဆောင်ရွက်နေကြောင်း နိုင်ငံတော်သမ္မတ ဦးထင်ကျော်က (၇၁) နှစ်မြောက် ပြည်ထောင်စုအခမ်းအနားသို့ ပေးပို့သည့် သ၀ဏ်လွှာတွင် ပါရှိသည်။

ဖေဖော်ဝါရီ ၁၂ ရက်တွင် ကျရောက်သည့် (၇၁)နှစ်မြောက်ပြည်ထောင်စုအခမ်းအနားအား နေပြည်တော်၌ ပြုလုပ်ခဲ့ပြီး နိုင်ငံတော်သမ္မတ ပေးပို့သည့် သ၀ဏ်လွှာအား ဒုတိယသမ္မတဦးမြင့်ဆွေက ဖတ်ကြားသည်။

တိုင်းရင်းသားပြည်သူ ညီအစ်ကိုမောင်နှမများ လိုလားတောင့်တနေတဲ့ဆန္ဒနဲ့အညီ ပြည်တွင်းလက်နက်ကိုင်ပဋိပက္ခများ အပြီးတိုင်ချုပ်ငြိမ်းဖို့နဲ့ ဒီမိုကရေစီ ဖက်ဒရယ်ပြည်ထောင်စုကို ခိုင်မာစွာတည်ဆောက်နိုင်ရေးအတွက် ညှိနှိုင်းအဖြေရှာကြိုးပမ်းဆောင် ရွက်နေပြီဖြစ်ပါတယ်။ တွေ့ဆုံဆွေးနွေးညှိနှိုင်းအဖြေရှာတဲ့ နိုင်ငံရေးနည်းလမ်းကို လက်ကိုင်ပြုပြီး ငြိမ်းချမ်းရေးလုပ်ငန်းအဆင့်ဆင့် နဲ့ ပြည်ထောင်စုငြိမ်းချမ်းရေးညီလာခံ (၂၁) ရာစုပင်လုံကိုလည်း ကျင်းပလျက်ရှိရာ ယခုအခါ ဖက်ဒရယ်ဆိုင်ရာအခြေခံမူ ၃၇ ချက် ကို သဘောတူညီမှုရရှိခဲ့ပြီး ပြည်ထောင်စုသဘောတူစာချုပ်ရဲ့အစိတ်အပိုင်း(၁)အဖြစ် စာချုပ်ချုပ်ဆိုနိုင်ပြီဖြစ်ပါတယ်”ဟု နိုင်ငံတော် သမ္မတ၏ သ၀ဏ်လွှာ၌ ဖော်ပြထားသည်။

ပြည်ထောင်စုစိတ်ဓာတ်အား အခြေခံသည့် စုပေါင်းဆွေးနွေးအဖြေရှာဖွေခြင်းဖြင့် ၂၁ ရာစုပင်လုံညီလာခံမှတစ်ဆင့် ပိုမိုခိုင်မာသည့် တိုင်းရင်းသားစည်းလုံးညီညွတ်မှုကိုရရှိပြီး ပြည်တွင်းငြိမ်းချမ်းရေးရရှိခြင်းသာမက  ဒီမိုကရေစီဖက်ဒရယ်ပြည်ထောင်စုအဖြစ် အောင်အောင်မြင်မြင်တည်ဆောက်နိုင်မည်ဟု ယုံကြည်ကြောင်း သမ္မတပေးပို့သည့် သ၀ဏ်လွှာတွင် ပါရှိသည်။

“ပြည်ထောင်စုစိတ်ဓာတ် ရှင်သန်ခိုင်မာမှု မရှိရင် ဒီမိုကရေစီဖက်ဒရယ်ပြည်ထောင်စု တည်ဆောက်ရေးအတွက် အလှမ်းဝေးနေမှာဖြစ်ပါတယ်။ ပြည်တွင်းငြိမ်းချမ်းရေး လုပ်ငန်းစဉ်ရဲ့ အဓိကလိုအပ်ချက်ဟာ တိုင်းရင်းသား အချင်းချင်း အပြန်အလှန် ယုံကြည်မှုရှိ ဖို့ဖြစ်ပါတယ်” ဟု သ၀ဏ်လွှာအား ဒုတိယသမ္မတဦးမြင့်ဆွေက ဖတ်ကြားသည်။

မြန်မာနိုင်ငံ၏ နိုင်ငံရေး၊ စီးပွားရေး၊ လူမှုရေး စသည့်ကဏ္ဍစုံတွင် စဉ်ဆက်မပြတ်ဖွံ့ ဖြိုးတိုးတက်ရန် စီးပွားရေးအခြေခံကောင်းများ ရရှိရန်အရေးကြီးပြီး နိုင်ငံတော်အစိုးရအနေဖြင့် နိုင်ငံ့စီးပွားရေးတွင် ရာခိုင်နှုန်းများစွာ ပါဝင်နေသည့် အသေးစား၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေး စဉ်ဆက်မပြတ် ကြိုးစားအားထုတ်ဆောင်ရွက်လျက်ရှိကြောင်း နိုင်ငံတော်သမ္မတ ပေးပို့သည့် သ၀ဏ်လွှာတွင် ပါရှိသည်။

နေပြည်တော်၌ပြုလုပ်သည့် (၇၁) နှစ် မြောက်ပြည်ထောင်စုနေ့အခမ်းအနားသို့ ပြည်ထဲရေးဝန်ကြီးဌာနပြည်ထောင်စုဝန်ကြီး ကျော်ဆွေ၊ ပြည်ထောင်စုဝန်ကြီးများ၊ လွှတ်တော် ကိုယ်စားလှယ်များနှင့် ၀န်ကြီးဌာနအသီးသီးမှ ၀န်ထမ်းများ တက်ရောက်ခဲ့ကြသည်။