ဒီမိုကရေစီကျင့်စဉ်တွင် ပြည်သူကို ဗဟိုပြုရမည်ဖြစ်ပြီး ဒီမိုကရေစီသမားဟုပြောကာ ပြည်သူကိုဗဟိုမပြုဘဲ ဖိစီးညှဉ်းပန်း နှိပ်စက်သည့် အုပ်ချုပ်ရေးယန္တရားမျိုး မဖြစ်စေလိုကြောင်း နိုင်ငံတော်သမ္မတဦးဝင်းမြင့် ပြောကြား

နိုင်ငံတော်သမ္မတ ဦးဝင်းမြင့် သြဂုတ် ၁၈ ရက်က စစ်ကိုင်းတိုင်းဒေသကြီး မုံရွာမြို့၌ ဌာနဆိုင်ရာ ၀န်ထမ်းများ၊ လွှတ်တော်ကိုယ်စားလှယ်များနှင့် တွေ့ဆုံမှု ပြုလုပ်နေစဉ်

ဒီမိုကရေစီကျင့်စဉ်တွင် ပြည်သူကို ဗဟိုပြုရမည်ဖြစ်ပြီး ဒီမိုကရေစီသမားဟု ပြောကာ ပြည်သူကို ဗဟိုမပြုဘဲ ဖိစီးညှဉ်းပန်းနှိပ်စက်သည့် အုပ်ချုပ်ရေး ယန္တရားမျိုး မဖြစ်စေလိုကြောင်း နိုင်ငံတော်သမ္မတ ဦးဝင်းမြင့်က ပြောကြားသည်။

စစ်ကိုင်းတိုင်းဒေသကြီး မုံရွာခရိုင် မုံရွာမြို့တော်ခန်းမဆောင်တွင် သြဂုတ် ၁၈ ရက် နံနက် ၁၀ နာရီက ဌာနဆိုင်ရာများ၊ တိုင်းဒေသကြီး လွှတ်တော်ကိုယ်စားလှယ်များနှင့် တွေ့ဆုံစဉ် နိုင်ငံတော်သမ္မတက ထိုသို့ပြောကြားခြင်း ဖြစ်သည်။

တရားဥပဒေ စိုးမိုးရေး၊ ဒီမိုကရေစီအရေး၊ လူ့အခွင့်အရေးဆိုသည့် အချက်သုံးချက်သည် ဒွန်တွဲနေကြောင်း၊ တရားဥပဒေ စိုးမိုးမှုမရှိဘဲ တရားဥပဒေအား ချိုးဖောက်ခံရလျှင် လူ့အခွင့်အရေးသည်လည်း ချိုးဖောက်ခံရခြင်း ဖြစ်ကြောင်း၊ ထို့ကြောင့် တရားဥပဒေ စိုးမိုးရေးအား အထောက်အကူပြုသည့် အုပ်ချုပ်ရေးပိုင်း ဖြစ်စေလိုကြောင်း နိုင်ငံတော်သမ္မတ ဦးဝင်းမြင့်က ပြောကြားသည်။

“တရားဥပဒေ စိုးမိုးရေးကို အထောက်အကူပြုတဲ့ အုပ်ချုပ်ရေးမဏ္ဍိုင် ဖြစ်စေချင်တယ်။ ကျွန်တော်တို့အနေနဲ့ အုပ်ချုပ်တဲ့အခါမှာ စီမံခန့်ခွဲတဲ့အခါမှာ နိုင်ငံသူနိုင်ငံသားတွေကို ဖိနှိပ်ချုပ်ချယ်တဲ့ ဖိစီးနှိပ်စက်တဲ့ ယန္တရားမျိုး မဖြစ်စေလိုပါဘူး။ ဒီမိုကရေစီကျင့်စဉ်မှာ ပြည်သူကို ဗဟိုပြုရမယ်။ ပြည်သူကို ဗဟိုပြုတဲ့ အခါကျတော့ ဒီမိုကရေစီသမားလို့ ပြောပြီးတော့ ပြည်သူကို ဗဟိုမပြုဘဲနဲ့ ဖိစီးနှိပ်စက်မယ်။ ညှင်းပန်းနှိပ်စက်မယ်။ အုပ်ချုပ်ရေး ယန္တရားမျိုး မဖြစ်စေလိုပါဘူး။ ဒါဟာ ကျွန်တော်တို့ရဲ့ ဆန္ဒပါ” ဟု နိုင်ငံတော်သမ္မတ ဦးဝင်းမြင့်က ပြောကြားသည်။

ထို့ပြင် မည်သည့်အခါမျှ အာဏာရှင်စနစ် ပြန်လည်ထွန်းကားခြင်း မရှိစေရဆိုသည့် မူဝါဒချမှတ်ခဲ့ကြောင်း၊ ယင်းကဲ့သို့ မူဝါဒချမှတ်ပြီးနောက် မိမိတို့အုပ်ချုပ်စီမံသည့် အခါတွင် ပြည်သူကို ဟိန်းဟောက်ခြင်း၊ ခြောက်လှန့်ခြင်း၊ ဖိစီးခြင်း၊ နှိပ်စက်ခြင်းများသည် မိမိတို့ ချမှတ်ခဲ့သည့် မူဝါဒအား ပြန်လည်ဖျက်ဆီးရာ ရောက်ကြောင်း ၎င်းကဆက်လက် ပြောကြားသည်။

ဒီမိုကရေစီ အသွင်ကူးပြောင်း ဆောင်ရွက်ရန် ဆိုသည်မှာ နိုင်ငံသူ၊ နိုင်ငံသားအားလုံး၏ လိုလားတောင့်တနေသည့် ဆန္ဒဖြစ်ပြီး ယင်းဆန္ဒကို အကောင်အထည် ဖော်ဆောင်ရာတွင် အားလုံးတာဝန်ရှိပြီး အချို့သည် ပြုပြင်ပြောင်းလဲမှုတွင် တွန့်ဆုတ်ခြင်း၊ ၀န်လေးနေခြင်း၊ ပြုပြင်ပြောင်းလဲမှုအတွက် စိုးရိမ်နေခြင်းများ ရှိနေသကဲ့သို့ ပြုပြင်ပြောင်းလဲမှုသည် စိုးရိမ်စရာ မဟုတ်ကြောင်းလည်း နိုင်ငံတော်သမ္မတက ပြောကြားသည်။

“အချို့ကလည်း ပြုပြင်ပြောင်းလဲမှုဟာ ခြိမ်းခြောက်မှုတစ်ခုလို့ ထင်ကောင်းထင်နိုင်ပါတယ်။ ပြုပြင်ပြောင်းလဲမှုဟာ အမှန်တကယ်တော့ ခြိမ်းခြောက်မှု မဟုတ်ပါဘူး။ ကျွန်တော်တို့နိုင်ငံ ဖွံ့ဖြိုးတိုးတက်ဖို့ အတွက်နဲ့ ကျွန်တော်တို့နိုင်ငံသူ၊ နိုင်ငံသားတွေ ဒီမိုကရေစီနဲ့ လူ့အခွင့်အရေး ရရှိဖို့အတွက် အခွင့်ကောင်း အခါကောင်းတွေ ဖြစ်ပါတယ်။ ဒီပြုပြင်ပြောင်းလဲမှုဟာ ကျွန်တော်တို့နိုင်ငံအတွက် မရှိမဖြစ် မလုပ်မဖြစ် တကယ်လိုအပ်တဲ့ အလုပ်တစ်ခု ဖြစ်ပါတယ်။ ဒါကို အားလုံးကို နားလည်သဘောပေါက် စေချင်ပါတယ်။ အနာဂတ် ပြည်ထောင်စုကြီး တည်ဆောက်နိုင်ရန်အတွက် ကျွန်တော်တို့ မူဝါဒတွေ ချခဲ့ပါတယ်။ မူဝါဒတွေချတဲ့ အခါမှာ ကျွန်တော်တို့ အနေနဲ့ မူဝါဒတွေကို စိတ်ကူးတည့်တိုင်း ရော်ရမ်းမှန်းဆပြီးတော့ ချခဲ့တာ မဟုတ်ပါဘူး” ဟု နိုင်ငံတော်သမ္မတ ဦးဝင်းမြင့်က ပြောကြားသည်။

ထို့အတူ ပြုပြင်ပြောင်းလဲမှု၏ ရေစီးကြောင်းတွင် လိုက်ပါကာ ဆောင်ရွက်နိုင်မှု မရှိပါက နိုင်ငံတော်တွင် ဖွံ့ဖြိုးတိုးတက်မည် မဟုတ်ကြောင်း၊ အလားတူ နိုင်ငံသူ၊ နိုင်ငံသား အားလုံးသည်လည်း လူနေမှု အဆင့်အတန်းများ မြင့်မားကာ ပညာရေး၊ ကျန်းမာရေးများလည်း ဖွံ့ဖြိုးတိုးတက်မည် မဟုတ်ကြောင်း ၎င်းကဆက်လက် ပြောကြားသည်။

ထို့ပြင်တိုင်းပြည်တွင် တာဝန်ရှိသည့် ခေါင်းဆောင်ပိုင်း အသီးသီးများ အနေဖြင့် ဒီမိုကရေစီ ဖက်ဒရယ် ပြည်ထောင်စု တည်ဆောက်ရန်အတွက် ပန်းတိုင်ရှိကြောင်း၊ အနာဂတ်အတွက် ကြိုတင်မြင်နိုင်သည့် မြင်ကွင်းလည်းရှိကြောင်း၊ အုပ်ချုပ်ရေးနှင့် ပတ်သက်၍ နိုင်ငံရေး တရားမျှတမှု၊ စီးပွားရေး တရားမျှတမှု၊ လူမှုရေး တရားမျှတမှုများဖြစ်အောင် စီမံကြောင်း၊ ထို့အတူ အခွင့်အလမ်း ညီမျှမှု၊ အဆင့်အတန်း ညီမျှမှု၊ တရားဥပဒေ အရာများတွင်လည်း ညီမျှမှုများဖြစ်အောင် စီစဉ်ကြောင်း နိုင်ငံတော်သမ္မတ ဦးဝင်းမြင့်က ဆက်လက်ပြောကြားသည်။

 

ရခိုင်ပြည်နယ်ဆိုင်ရာ အကြံပေးကော်မရှင်၏ ဥက္ကဋ္ဌတာဝန်ယူခဲ့သူ ကုလသမဂ္ဂအတွင်းရေးမှူးချုပ်ဟောင်း ကိုဖီအာနန် အသက် ၈၀ အရွယ်၌ ကွယ်လွန်

ကိုဖီအာနန် (၀ဲ) နှင့် နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည် ရန်ကုန်မြို့ရှိ ငြိမ်းချမ်းရေးစင်တာ$ ၂၀၁၆ ခုနှစ် စက်တင်ဘာ ၅ ရက်က တွေ့ဆုံစဉ် (Photo: AFP)

ရခိုင်ပြည်နယ်ဆိုင်ရာ အကြံပေးကော်မရှင်၏ ဥက္ကဋ္ဌ တာဝန်ယူခဲ့သူ ကုလသမဂ္ဂ အတွင်းရေးမှူးချုပ်ဟောင်း ကိုဖီအာနန်သည် သြဂုတ်လ ၁၈ ရက်တွင် ဆွစ်ဇာလန်နိုင်ငံ၌ ကွယ်လွန်သွားပြီဖြစ်ကြောင်း ကိုဖီအာနန် ဖောင်ဒေးရှင်းက တရားဝင်ထုတ်ပြန်ကြေညာခဲ့သည်။

ကိုဖီအာနန်သည် နာမကျန်းဖြစ်မှုအချိန်တိုကလေးသာ ဖြစ်ပွားပြီးနောက် ကွယ်လွန်သွားခြင်းဖြစ်ပြီး ကွယ်လွန်ချိန်တွင် အသက် ၈၀ အရွယ်ရှိပြီဖြစ်သည်။

“ကုလသမဂ္ဂအတွင်းရေးမှူးချုပ်ဟောင်းနှင့် ငြိမ်းချမ်းရေးနိုဘယ်ဆုရှင် ကိုဖီအာနန်ဟာ နာမကျန်းဖြစ်မှုအချိန်တိုကလေး ဖြစ်ပွားပြီးတဲ့နောက် သြဂုတ် ၁၈ ရက် စနေနေ့မှာ ငြိမ်းချမ်းစွာ ကွယ်လွန်သွားပြီဖြစ်ကြောင်း အာနန်မိသားစုနဲ့ ကိုဖီအာနန်ဖောင်ဒေးရှင်းက ကြီးစွာသော ၀မ်းနည်းကြေကွဲမှုနဲ့အတူ ကြေညာအပ်ပါတယ်”  ဟု ကိုဖီအာနန်ဖောင်ဒေးရှင်း၏ ထုတ်ပြန်ချက်၌ ပြောကြားထားသည်။

“သူ့ရဲ့ဇနီး နာနီနဲ့ သူ့ရဲ့ရင်သွေးတွေဖြစ် တဲ့ အေမာ၊ ကိုဂျိုနဲ့ နီနာတို့အားလုံးဟာ သူ့ရဲ့ နောက်ဆုံးနေ့တွေအတွင်း သူ့ရဲ့နံဘေးမှာ ရှိနေခဲ့ပါတယ်”  ဟုလည်း ထုတ်ပြန်ချက်၌ ပြောကြားထားသည်။

ဆွစ်ဇာလန်နိုင်ငံ၌ နေထိုင်သော ဂါနာနိုင်ငံသား ကိုဖီအာနန်သည် ကုလသမဂ္ဂအတွင်းရေးမှူးချုပ်အဖြစ် သက်တမ်းနှစ်ဆက်တာဝန်ယူစဉ်အတွင်း ကမ္ဘာ့နိုင်ငံရေး၌ ကုလသမဂ္ဂ၏ ပုံရိပ်ကို မြှင့်တင်နိုင်သည့်အတွက် အကြီးအကျယ်ချီးကျူးခံရသူဖြစ်သည်။

ကိုဖီအာနန်သည် ရုပ်မြင်သံကြားပြသမှုများ၌ လူအများအကျွမ်းဝင်သည့် မျက်နှာပိုင်ရှင်တစ်ဦး အလျင်အမြန်ဖြစ်လာပြီး သတင်းစာခေါင်းစီးများ၌ သူ၏အမည်က နေရာယူ၍ လာခဲ့သည်။

ကိုဖီအာနန်သည် ကမ္ဘာ့ထိပ်တန်းသံတမန်ရာထူးဖြစ်သည့် ကုလသမဂ္ဂအတွင်းရေးမှူးချုပ်ရာထူးကို ရရှိသည့် ပထမဆုံး အာဖရိကန်လူမည်းတစ်ဦးဖြစ်ပြီး ၁၉၉၇ ခုနှစ်မှ ၂၀၀၆ ခုနှစ်ထိ တာဝန်ထမ်းဆောင်ခဲ့သူဖြစ်သည်။

လက်ရှိကုလသမဂ္ဂအတွင်းရေးမှူးချုပ် အန်တိုနီယိုဂူတာရက်က သူ၏ရှေ့မှ အတွင်းရေးမှူးချုပ် အာနန်သည် ကောင်းမှုအတွက် လမ်းပြအင်အားတစ်ရပ်ဟု ဖော်ပြကာ အာနန်ကွယ်လွန်သည့်သတင်းအား အလွန်အ မင်းဝမ်းနည်းကြေကွဲမိကြောင်း ပြောကြားခဲ့သည်။

“နည်းလမ်းပေါင်းများစွာမှာ ကိုဖီအာနန်ဟာ ကုလသမဂ္ဂဖြစ်ခဲ့ပါတယ်။ သူဟာ ပြိုင်ဘက်မရှိ ဂုဏ်သိက္ခာ၊ ဆုံးဖြတ်ချက်တွေ နဲ့အတူ ထောင်စုနှစ်သစ်ဆီ အဖွဲ့အစည်းကို ဦးဆောင်ဖို့ ပေါ်ထွက်လာခဲ့ပါတယ်။ တခြား သူတွေအများကြီးလိုပဲ ကျွန်တော်ဟာ ကိုဖီအာနန်ကို မိတ်ဆွေကောင်းနဲ့ ဆရာကောင်းအဖြစ် ခေါ်ဆိုရတာကို ဂုဏ်ယူပါတယ်”  ဟု ဂူတာရက်က ပြောကြားခဲ့သည်။

ကိုဖီအာနန်က ရခိုင်ပြည်နယ်ဆိုင်ရာ အကြံပေးကော်မရှင်၏ အပြီးသတ် အစီရင်ခံစာအား နိုင်ငံတော် သမ္မတ ဦးထင်ကျော်ထံသို့ ၂၀၁၇ ခုနှစ် သြ ဂုတ် ၂၃ ရက်တွင် ပေးအပ်စဉ် (ဓာတ်ပုံ-နိုင်ငံတော်သမ္မတရုံးဝက်ဘ်ဆိုက်)

ဆာဟာရအောက်ပိုင်း အာဖရိကဒေသမှ ပထမဆုံး အတွင်းရေးမှူးချုပ်ဖြစ်သည့် အာနန်သည် အီရတ်စစ်ပွဲဖြစ်ပွားသည့် သဘောထားကွဲလွဲနေသည့်နှစ်များအတွင်း ကုလသမဂ္ဂကို ဦးဆောင်ခဲ့သူဖြစ်ပြီး နောက်ပိုင်းတွင် စားနပ်ရိက္ခာနှင့် ရေနံ လဲလှယ်ခိုင်းသည့်အရှုပ်တော်ပုံ၌ ပါဝင်လျက် အဂတိလိုက်စားသည်ဟု စွပ်စွဲခံခဲ့ရသည်။

၉/၁၁ တိုက်ခိုက်မှုကြောင့် တစ်ကမ္ဘာလုံးတုန်လှုပ်နေသည့် ၂၀၀၁ ခုနှစ်တွင် အာနန်သည် ပိုမိုငြိမ်းချမ်းသော ကမ္ဘာကြီးအတွက် အဖွဲ့အစည်းကို ပိုမိုကောင်းမွန်အောင် စုစည်းသူအဖြစ် ငြိမ်းချမ်းရေးနိုဘယ်ဆု ချီးမြှင့် ခြင်းခံခဲ့ရသည်။

အာနန်ကို ဂါနာနိုင်ငံ အေရှန်တီဒေသ ၏ မြို့တော် ကူမာစီ၌ မွေးဖွားခဲ့ပြီး သူ၏ဖခင်သည် ဥရောပကုန်သွယ်ရေးကုမ္ပဏီကြီးဖြစ်သော United Africa ၏ အလုပ်အမှုဆောင်တစ်ဦး ဖြစ်သည်။

အာနန်သည် အတွင်းရေးမှူးချုပ် ရာထူး ဒုတိယသက်တမ်းပြီးနောက် ကင်ညာနှင့် ဆီးရီးယားနိုင်ငံဆိုင်ရာ ကုလသမဂ္ဂအထူး သံတမန်အဖြစ်လည်း ထမ်းဆောင်ခဲ့ပြီး ပဋိပက္ခကို အဆုံးသတ်ရန်အတွက် ငြိမ်းချမ်း သောနည်းလမ်းတစ်ရပ်ကို ရှာဖွေရန် အားထုတ်မှုများ၌ ဦးဆောင်ခဲ့သည်။

ကိုဖီအာနန်သည် လူသားချင်းစာနာထောက်ထားမှုဆိုင်ရာ လုပ်ရပ်များအတွက် ငြိမ်းချမ်းရေးနိုဘယ်ဆု ရရှိခဲ့ဖူးသည်လည်း ဖြစ်သည်။

၂၀၁၆ ခုနှစ် စက်တင်ဘာလတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ မေတ္တာရပ်ခံချက်ကြောင့် ကိုဖီအာနန်ဖောင်ဒေးရှင်းနှင့် နိုင်ငံတော်၏ အတိုင်ပင်ခံရုံးတို့သည် ရခိုင်ပြည်နယ်ဆိုင်ရာ အကြံပေးကော်မရှင်တစ်ရပ်ကို ဖွဲ့စည်းထူထောင်ခဲ့သည်။ ယင်းနောက် ရခိုင်ပြည်နယ်ဆိုင်ရာ အကြံပေးကော်မရှင်ဥက္ကဋ္ဌ ကိုဖီအာနန်က ရခိုင်ပြည်နယ်ဆိုင်ရာ အကြံပေးကော်မရှင်၏ အပြီးသတ် အစီရင်ခံစာအား နိုင်ငံတော်သမ္မတ ဦးထင်ကျော်ထံသို့ ၂၀၁၇ ခုနှစ် သြဂုတ် ၂၃ ရက်တွင် ပေးအပ်ခဲ့သည်။

နိုင်ငံရေးလှုပ်ရှားမှုများကြောင့် ဖမ်းဆီးထိန်းသိမ်းခံထားရသူနှင့် ထောင်ပြင်ပမှ တရားရင်ဆိုင်နေရသူစုစုပေါင်း ၂၇၅ ဦး ရှိကြောင်း AAPP ထုတ်ပြန်

ငြိမ်းစုစီဥပဒေပုဒ်မ ၁၉၊ လမ်းတံတားဥပဒေပုဒ်မ ၂၂၊ ၂၃ တို့ဖြင့် အမှုဖွင့်ဖမ်းဆီးခံထားရသည့် ဒေသခံများအား သြဂုတ် ၁၆ ရက်က ရုံးထုတ်လာသည်ကို တွေ့ရစဉ်

နိုင်ငံရေးလှုပ်ရှားမှုကြောင့် ဖမ်းဆီးထိန်းသိမ်းခံထားရသူနှင့် ထောင်ပြင်ပမှ တရားရင်ဆိုင်နေရသူ စုစုပေါင်း ၂၇၅ ဦးရှိကြောင်း နိုင်ငံရေးအကျဉ်းသားများကူညီ စောင့်ရှောက်ရေးအသင်း (AAPP) က ဇူလိုင်လအတွက် ထုတ်ပြန်သည့်အစီရင်ခံစာ၌ ဖော်ပြထားသည်။

၂၀၁၈ ခုနှစ် ဇူလိုင်လကုန်တွင် မြန်မာနိုင်ငံအတွင်း၌ နိုင်ငံရေးလှုပ်ရှားမှုများကြောင့် ဖမ်းဆီးထိန်းသိမ်းခံထားရသူနှင့် ထောင်ပြင်ပမှ တရားရင်ဆိုင်နေရသူ စုစုပေါင်း ၂၇၅ ဦးရှိ ကြောင်း၊ ၎င်းတို့ထဲတွင် နိုင်ငံရေးအကျဉ်းသား စုစုပေါင်း ၃၃ ဦး အကျဉ်းကျခံနေရပြီး တက်ကြွလှုပ်ရှားသူ ၅၃ ဦးသည် ထောင်တွင်းမှနေ၍ တရားရင်ဆိုင်နေရကြောင်း ၁၈၉ ဦးသည် ထောင်ပြင်ပမှနေ၍ တရားရင်ဆိုင်နေရကြောင်း AAPP ၏ ဇူလိုင်လအတွက် အစီရင်ခံစာအနှစ်ချုပ်တွင် ဖော်ပြထားသည်။

ထို့ပြင် ဇူလိုင်လအတွင်း တက်ကြွလှုပ်ရှားသူများ၊ လယ်ယာမြေအရေးလှုပ်ရှားသူများ၊ အရပ်သားများ စုစုပေါင်း ၃၇ ဦးသည် တရားစွဲဆိုခြင်းခံရကြောင်း၊ ထို ၃၇ ဦးအနက် မှ ၂၃ ဦးသည် ကယားပြည်နယ်တွင် ဗိုလ်ချုပ်ကြေးရုပ်စိုက်ထူခြင်းကို ကန့်ကွက်ဆန္ဒထုတ် ဖော်ခဲ့ခြင်းအတွက် နိုင်ငံတော်အကြည်ညိုပျက်စေမှု၊ ရာဇသတ်ကြီးပုဒ်မ ၅၀၅ (ခ)(ဂ)၊ ငြိမ်း၊စု၊စီ ဥပဒေ ပုဒ်မ ၁၉၊ ၂၀ တို့ဖြင့် တရား စွဲဆိုခံရခြင်းဖြစ်ကြောင်း၊ ထို့ပြင် သုံးဦးမှာ သိမ်းဆည်းခံလယ်ယာမြေများ ပြန်လည်ရရှိရန် ဆန္ဒထုတ်ဖော်ခဲ့ခြင်းအတွက် ငြိမ်းစုစီ ဥပဒေပုဒ်မ ၁၉ ဖြင့် တရားစွဲဆိုခြင်းခံခဲ့ရပြီး ၁၁ ဦးသည် ကျောက်မီးသွေးသုံး ဘိလပ်မြေစက်ရုံ တည်ဆောက်နေမှုအား အပြီးတိုင် ဖျက်သိမ်းပေးရန် ကန့်ကွက်တောင်းဆိုခဲ့ခြင်းအတွက် ငြိမ်းစုစီဥပဒေပုဒ်မ ၁၉၊ လမ်းတံတား ဥပဒေပုဒ်မ ၂၂ ဖြင့် တရားစွဲဆိုခြင်းခံခဲ့ရခြင်းဖြစ်ကြောင်း AAPP အစီရင်ခံစာတွင် ဖော်ပြထားသည်။

ထို့အတူ ဇူလိုင်လတွင်း ဖမ်းဆီးခြင်းခံခဲ့ရသူ ခုနစ်ဦးရှိသည့်အနက်မှ ကယားပြည်နယ်မှ တက်ကြွလှုပ်ရှားသူ လေးဦးသည် ရာဇသတ်ကြီးပုဒ်မ ၅၀၅ (ခ)(ဂ)၊ ငြိမ်းစုစီဥပဒေ ပုဒ်မ ၁၉၊ ၂၀ တို့ဖြင့် ဖမ်းဆီးခြင်းခံခဲ့ရသူများဖြစ်ပြီး အရပ်သားသုံးဦးသည်  လမ်းတံတား ဥပဒေပုဒ်မ ၂၂ ဖြင့် ဖမ်းဆီးခြင်းခံခဲ့ရသူများ ဖြစ်ကြောင်း အစီရင်ခံစာတွင် ပါရှိသည်။

ထို့ပြင် ဇူလိုင်လတွင်း စုစုပေါင်းခုနစ်ဦး ပြစ်ဒဏ်ချမှတ်ခြင်းခံခဲ့ရကြောင်း၊ ယင်းခုနစ် ဦးအနက်မှ  လယ်သမားငါးဦးသည် ပိုင်နက်ကျူးလွန်မှု၊ အကျိုးဖျက်ဆီးမှု၊ ရာဇသတ်ကြီး ပုဒ်မ ၄၄၇၊ ၄၂၇ တို့ဖြင့် ပြစ်ဒဏ်ချမှတ်ခြင်းခံခဲ့ရပြီး တက်ကြွလှုပ်ရှားသူ နှစ်ဦးမှာ ငြိမ်းစုစီဥပဒေပုဒ်မ ၁၉ ဖြင့် ပြစ်ဒဏ်ချမှတ်ခြင်း ခံခဲ့ရကြောင်း၊ ဇူလိုင်လအတွင်း တက်ကြွလှုပ်ရှားသူ စုစုပေါင်း ငါးဦးလွတ်မြောက်ခဲ့ကြောင်း  AAPP က အစီရင်ခံစာ ထုတ်ပြန်သည်။

AAPP ၏  ဇူလိုင်လအစီရင်ခံစာတွင် တပ်မတော်နှင့် တိုင်းရင်းသားလက်နက်ကိုင် တပ်ဖွဲ့များကြား ပဋိပက္ခများ ဆက်လက်ဖြစ်ပွားနေခြင်း၊ လယ်သမားများ၏ လယ်ယာမြေအခွင့်အရေးများ ဆက်လက်ချိုးဖောက်ခံနေရခြင်း၊ အကျဉ်းထောင်အခြေအနေများ ဆက်လက်ဆိုးရွားဆဲဖြစ်ခြင်းနှင့် နိုင်ငံသားများ၏ လွတ်လပ်စွာထုတ်ဖော်ပြောဆိုခွင့်နှင့် နိုင်ငံရေးနှင့် နိုင်ငံသားအခွင့်အရေးများကို ကန့်သတ်ထားမှုများ ဆက်လက်ရှိနေခြင်းတို့ကို ဖော်ပြထားသည်။

ထို့ကြောင့် AAPP မှ အစိုးရအား နိုင်ငံသားများ၏ နိုင်ငံရေးနှင့် နိုင်ငံသားအခွင့်အရေးကို ကာကွယ်ပေးရန်အတွက် ဖိနှိပ်ထားသော ဥပဒေများကို ပြန်လည်သုံးသပ်၍ ပြင်ဆင်ဖြည့်စွက်ခြင်းကို ဦးစားပေးအနေဖြင့် ဆောင်ရွက်ပါရန် တိုက်တွန်းကြောင်း၊  ထိုသို့ ပြင်ဆင်ဖြည့်စွက်ခြင်းအားဖြင့် အမျိုးသားငြိမ်းချမ်းရေးနှင့် ပြန်လည်သင့်မြတ်ရေး ရရှိနိုင်မည်ဖြစ်ကြောင်း၊ ထိုမျှသာမက အစိုးရအား လက်ကျန်နိုင်ငံရေးအကျဉ်းသားများကို အမြန်ဆုံးလွှတ်ပေးရန် တိုက်တွန်းကြောင်း အစီရင်ခံစာတွင် ပါရှိသည်။

ရန်ကုန်-မန္တလေး အမြန်လမ်းမကြီးပေါ်တွင် ခရီးသည်တင်မှန်လုံယာဉ်တစ်စီး တိမ်းမှောက်မှုဖြစ်ပွားခဲ့ပြီး ယာဉ်ပေါ်လိုက်ပါသူ ခရီးသည် ၁၀ ဦးထက်မနည်း ထိခိုက်ဒဏ်ရာရ

ရန်ကုန်-မန္တလေး အမြန်လမ်းမကြီး ၁၀၀ မိုင် ၁ ဖာလုံနှင့် ၂ ဖာလုံအကြားတွင် သြဂုတ် ၁၇ ရက် (ယနေ့) ညနေ ၃ နာရီခွဲခန့်က ရန်ကုန်ဘက်မှ နေပြည်တော်ဘက်သို့ထွက်ခွာလာသော မျိုးဆက်သစ် ခရီးသည်တင် မှန်လုံယာဉ်တစ်စီး တိမ်းမှောက်မှုဖြစ်
ပွားခဲ့ပြီး ယာဉ်ပေါ်လိုက်ပါသူ ခရီးသည်များအနက် ခရီးသည် ၁၀ ဦးထက်မနည်း ထိခိုက်ဒဏ်ရာရရှိသွားခဲ့ကြောင်း အမြန်လမ်းမကြီး ရဲစခန်းမှ တာဝန်ရှိသူတစ်ဦးက ပြောကြားသည်။

ယာဉ်မတော်တဆမှု အခြေအနေနှင့်ပတ်သက်ပြီး အမြန်လမ်းရဲတပ်ဖွဲ့စခန်းမှ တာဝန်ရှိသူတစ်ဦးက “ကားက လမ်းချော်ပြီးတော့ စလစ်ဖြစ်ပြီးတော့ မှောက်သွားတာပါ၊ လူနာပဲရှိပါတယ်၊ အသေအပျောက်မရှိပါဘူးခင်ဗျ၊ ကျိုးတာပဲ့တာရှိပါတယ်၊ လောလောဆယ်တော့လူနာတွေကို ဆေးရုံကိုပို့ထားတယ်၊ ဆေးရုံကကျွန်တော်တို့ကို ပြန်ပြီးတော့ မကျနိုင်သေးဘူး၊ ကားက ရန်ကုန် နေပြည်တော်လမ်းကြောင်းပါခင်ဗျ၊ ဖြစ်တဲ့အချိန်က ၃ နာရီနဲ့ ၄ နာရီကြားမှာ အဲ့ဒီပတ်လည်မှာဖြစ်တာ၊ ထိခိုက်ဒဏ်ရာရတာ
က ၁၀ ဦးကျော်လောက်ရှိမယ်၊ အဲ့ဒါတွေအကုန်လုံး ဖြူးဆေးရုံကိုပို့ထားတယ်၊ ပါတဲ့ခရီးသည်ကတော့ အားလုံး ၂၇ ယောက်ပါ” ဟု ပြောကြားသည်။

အဆိုပါယာဉ်မတော်တဆမှုဖြစ်ပွားရာသို့ ၁၁၅ မိုင် အမြန်လမ်းမကြီး ရဲစခန်းမှ စခန်းမှူး ရဲအုပ်လှိုင်ဇော်ဦးနှင့်အဖွဲ့၊ မြို့ချောင်းအမြန်လမ်းမကြီးရဲစခန်းမှ မီးသတ်တပ်ဖွဲ့ဝင်များ၊ ဖြူးအမြန်လမ်းမီးသတ်စခန်းမှ မီးသတ်တပ်ဖွဲ့ဝင်များက သွားရောက်ကူညီဆောင်ရွက်ပေးခဲ့ကြပြီး၊ ထိခိုက်ဒဏ်ရာရရှိသူများအား အမြန်လမ်းတပ်ဖွဲ့ပိုင် မော်တော်ယာဉ်၊ပရဟိတမော်တော်ယာဉ်များ၊ ၁၉၂ မော်တော်ယာဉ်များဖြင့် ဖြူးမြို့နယ် ပြည်သူ့ဆေးရုံသို့ပို့ဆောင်ကုသပေးလျက်ရှိကြောင်း သိရသည်။

ထောင်ဒဏ် ငါးနှစ် မှ ၁၀ နှစ်အထိ ကျခံနိုင်သည့် မူးယစ်ပုဒ်မ ၁၆(ဂ) ဖြင့် အမှုဖွင့်ထားသည့် ဒါရိုက်တာမိုက်တီးအား တာမွေတရားရုံးတွင် ချုပ်ရက် ရမန်ယူပြီး ကွင်းဆက်ကျူးလွန်သူများ ဖမ်းဆီးရမိရေး ဆောင်ရွက်နေ

မူးယစ်ဆေးဝါးမှုဖြင့် ဖမ်းဆီးခံထားသည့် ဒါရိုက်တာ မိုက်တီး(ခေါ်)သန်းထွန်းဇော်အား တာမွေမြို့နယ်တရားရုံးတွင် သြဂုတ်လ ၁၇ ရက် မွန်းလွဲ ၁ နာရီခွဲတွင် ပထမဆုံးအကြိမ်ချုပ်ရမန်ရယူခဲ့ပြီး ကွင်းဆက်တရားခံများအား ဖမ်းဆီးရမိရေး ဆောင်ရွက်သွားမည်ဖြစ်ကြောင်း ရန်ကုန်တိုင်းဒေသကြီးရဲတပ်ဖွဲ့မှ ရဲအရာရှိတစ်ဦးက ပြောကြားသည်။

” တာမွေ မြို့နယ်ရဲတပ်ဖွဲ့မှူးရယ် အမှတ်(၂၅)ယာဉ်ထိန်းရဲတပ်ဖွဲ့စုရယ် အမှတ်(၄၁) မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့ပူးပေါင်းအဖွဲ့က သတင်းအရ မိုက်တီးကို မူးယစ်ဆေးဝါးတွေနဲ့ ဖမ်းမိခဲ့တာပါ။ သြဂုတ်လ ၁၇ ရက် နံနက်ပိုင်းမှာတော့ ၄င်းကို ရွာသာကြီး စိတ်ကျန်းမာရေးဆေးရုံသို့ခေါ်ဆောင်ကာ ဆေးစစ်ဆေးခဲ့တယ်။ နေ့လည်ပိုင်းမှာတော့ တာမွေမြို့နယ်တရားရုံးမှာ သြဂုတ်လ ၃၁ ရက်နေ့အထိ ချုပ်ရက်ရမန်ယူတယ်။ နောက်ပြီး ကွင်းဆက်တရားခံများအား ဖမ်းဆီးရမိရေး ဆောင်ရွက်နေပါတယ် ”ဟု ရန်ကုန်တိုင်းဒေသကြီးရဲတပ်ဖွဲ့မှ ရဲအရာရှိတစ်ဦးက ပြောကြားသည်။

သြဂုတ်လ ၁၆ ရက် ည ၁၁နာရီခန့်တွင် တာမွေမြို့နယ် ၊ တာမွေကြီး(ခ)ရပ်ကွက် ၊ အမှတ်(၃)အခြေခံပညာအထက်တန်းကျောင်းရှေ့၌ တာမွေအဝိုင်းထိပ်ဘက်မှ ရွှေထွဋ်တင်ကွင်းဘက်သို့ ရန်ကင်းမြို့နယ် (၁၆)ရပ်ကွက်နေ သန်းထွန်းဇော်(၅၃)နှစ်
(ရုပ်ရှင်ဒါရိုက်တာ မိုက်တီး)မောင်းနှင်လာသည့် 9D/×××× MAZDA DEMIO ယာဉ်အား ရပ်တန့်စစ်ဆေးခဲ့ကြောင်း၊ ထိုအချိန်တွင် ယာဉ်မောင်းထိုင်ခုံနှင့်ကျောမှီကြားရှိ မျက်မှန်ဘူးအတွင်းမှ WY စိတ်ကြွဆေးပြား(၂၆)ပြား၊ အလေးချိန်(၂.၆)ဂရမ်၊ လက်ကိုင်ဖုန်းနှစ်လုံး၊ ယာဉ်မောင်းလိုင်စင်တစ်ခု၊၀ှီးတက်တစ်ခု နှင့် မူးယစ်ဆေးဝါးသုံးစွဲရာတွင်အသုံးပြုသည့် ဆက်စပ်ပစ္စည်းများအား တွေ့ရှိသိမ်းဆည်းရမိခဲ့ကြောင်း ရန်ကုန်တိုင်းဒေသကြီးရဲတပ်ဖွဲ့က သတင်းထုတ်ပြန်ခဲ့သည်။

အဆိုပါ မူးယစ်ဆေးဝါးတွေနှင့်အတူ ဖမ်းဆီးရမိခဲ့သည့် ဒါရိုက်တာမိုက်တီး(ခေါ်) သန်းထွန်းဇော်ကို တာမွေမြို့မရဲစခန်းမှာမူးယစ်(ပ) ၂၉/၂၀၁၈ ၊ မူးယစ်ဆေးဝါးနှင့်စိတ်ကိုပြောင်းလဲစေတတ်သောဆေးဝါးများဆိုင်ရာဥပဒေပုဒ်မ ၁၆(ဂ)နဲ့အမှုဖွင့်ထားပြီး ကွင်းဆက်ကျူးလွန်သူတွေ ဆက်လက်ဖော်ထုတ်နိုင်ဖို့အတွက် စစ်ဆေးမှုတွေဆက်လက်လုပ်ဆောင်နေကြောင်း ရန်ကုန်တိုင်းဒေသကြီးရဲတပ်ဖွဲ့က သတင်းထုတ်ပြန်ခဲ့သည်။

မူးယစ်ဥပဒေ ပုဒ်မ ၁၆ (ဂ) တွင် မူးယစ် ဆေးဝါး သို့မဟုတ် စိတ်ကိုပြောင်းလဲစေသော ဆေးဝါးကို လက်ဝယ်ထားခြင်း၊ သယ်ယူပို့ ဆောင်ခြင်း၊ တစ်ဆင့်ပေးပို့ခြင်း၊ လွှဲပြောင်း ခြင်းတို့ပြုလုပ်ပါက ထိုသူအား ထောင်ဒဏ် အနည်းဆုံး ငါးနှစ်မှ အများဆုံး ၁၀ နှစ်အထိ ချမှတ်နိုင်သည့်အပြင် ငွေဒဏ်လည်း ချမှတ်နိုင်ကြောင်း ဖော်ပြထားသည်။

သြဂုတ်လဆန်းပိုင်းမှစပြီး အနုပညာ လောကအတွင်း စိတ်ကြွ မူးယစ်ဆေးဝါး ဖမ်းဆီးရမိမှုများ ရှိလာခဲ့သည်။ သြဂုတ် ၉ ရက်က ရန်ကင်းမြို့နယ် အမှတ် (၁) ရပ်ကွက် ရန်ကင်းလမ်း၊ Golden City အိမ်ရာနေ အဆိုတော် ရွှေထိုက် (ခ) မဝေလွင်ဇော်နှင့် အမျိုးသားတစ်ဦးအား စိတ်ကြွ ရူးသွပ်ဆေးပြား ၁၁၉၉၄ ပြား၊ အိုက်စ် ၇၇၃ ဂရမ်၊ ဘိန်းဖြူ ၁၁ ဂရမ်နှင့် ဆေးခြောက် ၁၂ ဂရမ်တို့နှင့်အတူ ဖမ်းဆီးရမိခဲ့ပြီး ရန်ကင်းမြို့မ ရဲစခန်းက အမှုဖွင့် အရေးယူထားကြောင်း သိရသည်။

အလားတူ သြဂုတ် ၁၅ ရက်ကလည်း အဆိုတော် ​​ရဲမင်းသိန်း(ခ)ရသ အပါအ၀င် သုံးဦးအား မန္တလေးမြို့ ချမ်းမြသာစည်​မြို့နယ်​ထွန်​တုံးရပ်​ကွက်​ အောင်​​ဇေယျလမ်း ၄၉ လမ်း နှင့်​ ၅၀ လမ်းကြားရှိ ဧည့်​ရိပ်​မွန်​တစ်​ခုတွင် စိတ်ကြွ ရူးသွပ် ဆေးပြား စုစု​ပေါင်း​ ၁၆၅၅ပြား၊ ကာလတန်​ဖိုး​ ကျပ်​ ၈၂၇၅၀၀၀ တို့နှင့်​အတူ ဖမ်းဆီးရမိခဲ့ပြီး အောင်ပင်လယ်နယ်မြေရဲစခန်းက အမှုဖွင့် အရေးယူထားကြောင်း သိရသည်။

 

 

ရခိုင်ပြည်နယ်အတွင်း အကြမ်းဖက်အဖွဲ့အစည်းများက သင်တန်းပေးခြင်း၊ လေ့ကျင့်နေခြင်း၊ နယ်စပ်စည်းရိုးအနီး ရောက်နေခြင်း သတင်းများကြောင့် ရဲတပ်ဖွဲ့နှင့် တပ်မတော် ပူးပေါင်း လုံခြုံရေးယူ

ရဲတပ်ဖွဲ့ဝင်များနှင့် တပ်မတော်သားများ ပူးပေါင်း၍ သြဂုတ် ၁၅ ရက် ညနေပိုင်းက စစ်တွေမြို့တွင် လှည့်ကင်းပတ်ကင်း ဆောင်ရွက်နေစဉ်

ရခိုင်ပြည်နယ်အတွင်း အကြမ်းဖက် အဖွဲ့အစည်းများက သင်တန်းပေးခြင်း၊ လေ့ကျင့်နေခြင်း၊ နယ်စပ်ခြံစည်းရိုးအနီး ရောက်ရှိနေခြင်း သတင်းများကြောင့် ရဲတပ်ဖွဲ့ဝင်များနှင့် တပ်မတော်သားများ ပူးပေါင်းပြီး လှည့်ကင်းလုံခြုံရေး ဆောင်ရွက်လျက်ရှိကြောင်း သိရသည်။

ထိုသို့ ဆောင်ရွက်ခြင်းသည် လက်ရှိဖြစ်ပေါ်နေသော သတင်းများအပေါ် အခြေခံပြီး လှည့်ကင်းပတ်ကင်းများ၊ စောင့်ကင်းများကို ပုံမှန် လုပ်ဆောင်လျက်ရှိရာ သြဂုတ် ၁၅ ရက် ညနေပိုင်းက ရဲတပ်ဖွဲ့ဝင်များနှင့် တပ်မတော်သားများ ပူးပေါင်းပြီး စစ်တွေမြို့တွင် လှည့်ကင်း ဆောင်ရွက်ခဲ့ခြင်း ဖြစ်ကြောင်း၊ ယင်းသို့ ဆောင်ရွက်ရာတွင် တပ်မတော်သားများနှင့် ရဲတပ်ဖွဲ့ဝင် ၃၀၀ ခန့်က ကားအစီး ၂၀ ကျော်ဖြင့် လှည့်လည်ခဲ့ခြင်း ဖြစ်ကြောင်း သိရသည်။

ယင်းသို့ လုံခြုံရေးယာဉ်များ လှည့်လည်မှုနှင့် ပတ်သက်၍ ရခိုင်ပြည်နယ် ရဲတပ်ဖွဲ့မှူးရုံးမှ ပြောရေးဆိုခွင့်ရှိသူ တစ်ဦးက “နယ်စပ်ကရရှိတဲ့ သတင်းတွေအရပေါ့။ အကြမ်းဖက် အဖွဲ့အစည်းတွေက သင်တန်းပေးခြင်း၊ လေ့ကျင့်မှုများ လုပ်နေခြင်း၊ နယ်စပ်ခြံစည်းရိုးအနီးမှာ ရောက်နေတယ်ဆိုတဲ့ သတင်းတွေ ရတယ်။ သတင်းကတော့ အတည်ပြုဆဲပေ့ါ။ သြဂုတ်လ ၂၂ ရက်ဆိုရင် အိဒ်နေ့ပေါ့။ ဘာလုပ်မယ် ညာလုပ်မယ် ဆိုတာမျိုးတွေ သတင်းထွက်နေတယ်။ ပြီးတော့ သြဂုတ် ၂၅ ရက်မှာ ရဲစခန်း ၃၀ ကျော် တိုက်ခိုက်ခံရတဲ့နေ့လည်း ဖြစ်တယ်။ အဲဒါမတိုင်မီ ဖောက်ခွဲမှုတွေ လုပ်နိုင်တယ်လို့ သတင်းတွေ ရနေတဲ့အတွက် လုပ်ဆောင်တာ ဖြစ်ပါတယ်။ လုံခြုံရေး ပိုမို ကောင်းမွန်အောင် မြို့ပေါ်မှာ လှည့်ကင်း ဆောင်ရွက်တာပါ။ တပ်မတော်နဲ့ ရဲတပ်ဖွဲ့နဲ့ ပေါင်းပြီး လှည့်ကင်းလုပ်တာပါ။ အခုနယ်စပ်ဒေသမှာ ဖြစ်ပေါ်နေတဲ့ သတင်းတွေအရ ဒီသြဂုတ် ၂၅ ရက်နေ့က နှစ်ပတ်လည်နေ့။ သူတို့ ဒီလ သြဂုတ် ၂၂ ရက်နေ့ကလည်း အိဒ်နေ့။ စခန်း ၃၀ ကျော် အကြမ်းဖက် တိုက်ခိုက်ခံရတဲ့ နှစ်ပတ်လည်နေ့က လာမယ့် ၂၅ ရက်နေ့ ဖြစ်တယ်။ အဲဒီမတိုင်ခင် ဘူးသီးတောင်နဲ့ မောင်တောမြို့ နယ်စပ်ဒေသမှာ တပ်မတော် နဲ့ ရဲနဲ့ပေါင်းပြီး လှည့်ကင်းလုံခြုံရေး လုပ်နေပါတယ်” ဟုပြောကြားသည်။

အဆိုပါ လှည့်ကင်း ဆောင်ရွက်ရာတွင် ရခိုင်ပြည်နယ် ရဲတပ်ဖွဲ့မှူးနှင့် တပ်မတော်မှ အရာရှိကြီးတစ်ဦး ဦးဆောင် ပါဝင်ခဲ့ကြောင်း၊ ယင်းသို့ လှည့်ကင်း ဆောင်ရွက်ခြင်းများကို ဘူးသီးတောင်နှင့် မောင်တောမြို့များတွင်လည်း အခါအားလျော်စွာ လုပ်ဆောင်ခြင်းများရှိကြောင်း ပြည်နယ်ရဲတပ်ဖွဲ့မှူးရုံးမှ သိရသည်။

“စစ်တွေမြို့ အပါအ၀င် မြို့ကြီးအချို့ မှာ ဗုံးခွဲတိုက်ခိုက်နိုင်တယ် ဆိုတဲ့ သတင်းတွေ ရပါတယ်။ သတင်းကတော့ အတည်ပြုဆဲပေါ့။ အဲဒါကြောင့် ရခိုင်ပြည်သူတွေ တည်ငြိမ်အေးချမ်းရေးနဲ့ လုံခြုံရေးအတွက် တပ်မတော်သားတွေနဲ့ ရခိုင်ပြည်နယ် ရဲတပ်ဖွဲ့နဲ့ ပူးပေါင်းပြီး မော်တော်ယာဉ်တင် လှည့်ကင်း ဆောင်ရွက်တာ ဖြစ်ပါတယ်။ ဘူးသီးတောင်၊ မောင်တောနဲ့ ကျန်တဲ့မြို့တွေမှာလည်း လုပ်တယ်ပေါ့။ စစ်တပ် ပါတာလည်း ရှိတယ်။ မပါတာလည်း ရှိတယ်။ လှည့်ကင်း ဆောင်ရွက်နေပါတယ်”ဟု ရခိုင်ပြည်နယ် ရဲတပ်ဖွဲ့မှူးရုံးမှ ပြောရေးဆိုခွင့်ရှိသူက ပြောကြားသည်။

ရခိုင်ပြည်နယ်အတွင်း စစ်တွေမြို့ အပါအ၀င် မြို့အချို့တွင် ဖောက်ခွဲခြင်း၊ တိုက်ခိုက်ခြင်းများ လုပ်ဆောင်မည့် အစီအစဉ်ရှိနေကြောင်း သတင်းများ ကြားသိရသည့်အတွက် ထိုသို့ လုပ်ဆောင်ခြင်း ဖြစ်ကြောင်းလည်း သိရသည်။

ထို့ပြင် မောင်တောမြောက်ပိုင်းဒေသများရှိ ကျေးလက်နေ ပြည်သူများအနေဖြင့်လည်း စိုးရိမ်မှုများ ရှိနေကြောင်း၊ မည်သို့ဖြစ်ပေါ်လာမည်ကို မသိရသေးကြောင်း ဒေသခံများက ဆိုသည်။

ပြည်ထဲရေးဝန်ကြီးဌာန၏ သတင်းစာရှင်းလင်းပွဲတွင် ဇေယျာဖြိုး ငွေလွှဲနေသည်ဟု ဖော်ပြခဲ့သောပုံမှာ ၎င်းအား ဖမ်းဆီးပြီးမှ ရိုက်ကူးခဲ့သော ဓာတ်ပုံဖြစ်ပြီး ရဲတပ်ဖွဲ့ဝင်များက ငွေနှင့်တန်ဖိုးကြီး စာရွက်စာတမ်းအချို့ သိမ်းဆည်းခဲ့သော်လည်း တရားရုံးသို့ တင်ပြမထားဟု ဇေယျာဖြိုး ထွက်ဆို

ဇေယျာဖြိုးအား သြဂုတ် ၁၆ ရက်က မြောက်ပိုင်းခရိုင် တရားရုံးတွင် ရုံးထုတ်လာစဉ် (ဓာတ်ပုံ- နေမျိုးဝင်း)

ပြည်ထဲရေးဝန်ကြီးဌာန၏ သတင်းစာရှင်းလင်းပွဲတွင် ဇေယျာဖြိုးက ငွေလွှဲရန် ဆောင်ရွက်နေသည့် မှတ်တမ်းဟု ဖော်ပြခဲ့သော ဓာတ်ပုံ (အနီအနက်အဖြူတို့ ပါဝင်သော အင်္ကျီကွက်ကျား ၀တ်ထားပြီး ကတုံးတုံးထားကာ စာရွက်ကိုကိုင်၍ ကြည့်နေသောပုံ) မှာ ၎င်းကို ဖမ်းဆီးပြီးမှ ရိုက်ကူးခဲ့သော ဓာတ်ပုံဖြစ်ပြီး ရဲတပ်ဖွဲ့ဝင်များက ငွေနှင့် တန်ဖိုးကြီး စာရွက်စာတမ်းအချို့ကို ၎င်းအိမ်မှ သိမ်းဆည်းခဲ့သော်လည်း တရားရုံးသို့ သက်သေအဖြစ် တင်ပြထားခြင်း မရှိကြောင်း ဇေယျာဖြိုး က ထွက်ဆိုသည်။

သြဂုတ် ၁၆ ရက်က ၎င်းအား ရန်ကုန် မြောက်ပိုင်းခရိုင် တရားရုံးတွင် ဒုတိယအကြိမ်မြောက် ရုံးထုတ်စစ်ဆေးစဉ် တရားခွင်အတွင်း အထက်ပါအတိုင်း ထွက်ဆိုခဲ့ခြင်း ဖြစ်သည်။

အောင်ဝင်းခိုင် နေပြည်တော်သို့ သွားရာတွင် လိုက်ပါသွားခြင်း မရှိကြောင်း၊ ၎င်းမှာ အိမ်နှင့်နီးသည့် ကျောက်ကုန်းဘုန်းကြီးကျောင်းတွင် ဘုန်းကြီးဝတ်နေကြောင်း၊ နှစ်စဉ် ဘုန်းကြီးဝတ်လေ့ရှိကာ (၉) ကြိမ်မြောက် ရဟန်းခံခြင်း ဖြစ်ကြောင်း၊ ထိုသို့ ပြုလုပ်ရာတွင်လည်း ကျောင်းမှ ရက်ချိန်းယူ၍ ဆွေမျိုး အသိုင်းအ၀ိုင်းများနှင့် တရားဝင် ပြုလုပ်ခဲ့ခြင်းဖြစ်ကြောင်း ဇေယျာဖြိုးက ထွက်ဆိုကာ မှတ်တမ်းဓာတ်ပုံများကို သက်သေအဖြစ် တရားရုံးသို့ တင်ပြခဲ့သည်။

ယင်းသို့ ရဟန်းဝတ်နေစဉ် ၂၀၁၇ ခုနှစ် ဇန်န၀ါရီ ၃ ရက် နံနက် ၁၀ နာရီခန့်တွင် ပူးပေါင်းအဖွဲ့က အောင်ဝင်းခိုင်နှင့် ပတ်သက်၍ ၎င်းအား မေးစရာရှိသည်ဟု ဆိုကာ လူဝတ်လဲ၍ အသင့်ပါလာသည့် အ၀တ်အစားများကို ၀တ်ခိုင်းခဲ့ကြောင်း၊ ယင်းနောက် လက်ထိပ်ခတ် မျက်နှာဖုံးစွတ်၍ ခေါ်ဆောင်သွားကြောင်း၊ ၎င်းအား ဖမ်းဆီးချိန်တွင် ၀ရမ်းမရှိသည့်အပြင် ချုပ်ရက် ရမန်ယူခဲ့ခြင်း မရှိကြောင်း၊ ၆ ရက် ရောက်မှသာ ချုပ်ရမန်ယူခဲ့ခြင်း ဖြစ်ကြောင်း၊ ၂၀၁၇ ခုနှစ် ၂ လပိုင်း ၄ ရက် နေ့လည်ပိုင်းတွင် ရဲတပ်ဖွဲ့ဝင်များက အိမ်ကို ရှာဖွေခဲ့ကြကြောင်း၊ ထိုသို့ ရှာဖွေရာတွင် အိမ်ရှင်ဖြစ်သူ ၎င်း၏ ဇနီးအား အကြောင်းကြားခဲ့ခြင်း မရှိသည့်အပြင် ၎င်းနှင့် အိမ်အကူအမျိုးသမီးကိုလည်း ရှာဖွေရာတွင် လိုက်လံကြည့်ရှုခွင့် မပေးဘဲ ဧည့်ခန်းထဲတွင် ထိုင်ခိုင်းထားကြောင်း၊ ရှာဖွေရာတွင် လိုက်နာရမည့် လုပ်ထုံးလုပ်နည်းများအတိုင်း ဆောင်ရွက်ခြင်း မရှိဘဲ ကြုံသလို အဆင်ပြေသလို ရှာခဲ့ခြင်းဖြစ်ကြောင်း၊ ပစ္စည်းများသိ မ်းဆည်းပြီးသော အခါတွင်မှ ၎င်းအား စာအုပ်ကိုင်ခိုင်း၍ ဓာတ်ပုံရိုက်ခဲ့ခြင်း ဖြစ်ကြောင်း၊ အဆိုပါ ဓာတ်ပုံကို သတင်းစာရှင်းလင်းပွဲတွင် ဇေယျာဖြိုးက ငွေလွှဲရန် ဆောင်ရွက်နေသည့် မှတ်တမ်းဟုဆို၍ မဟုတ်မမှန် ဖော်ပြရှင်းလင်းခဲ့ကြောင်း ဇေယျာဖြိုးက ထွက်ဆိုသည်။

ထို့ပြင် ၎င်းအိမ်မှ သိမ်းဆည်းခဲ့သော ပစ္စည်းများကို ရှာဖွေပုံစံတွင် ပြည့်စုံစွာ ဖော်ပြခဲ့ခြင်း မရှိကြောင်း၊ ၎င်း၏ဇနီး ဘီဒိုထဲမှ တစ်သောင်းတန် ငါးအုပ်ကို ယူဆောင်သွားသကဲ့သို့ စာရွက်စာတမ်း ဖိုင်ထဲမှ မိသားစု၏ ပိုင်ဆိုင်မှုဆိုင်ရာ စာရွက်စာတမ်းများကိုလည်း ယူဆောင်သွားကြောင်း၊ ဒဂုံတက္ကသိုလ်ရှေ့ တက္ကသိုလ်ရိပ်မွန်အိမ်ရာရှိ နေအိမ်တစ်လုံး၏ ဂရန်မူရင်းများ ပါသွားသည့်အပြင် ပြည်တွင်းပြည်ပ၌ ၎င်းဆေးကုထားသည့် နောက်ဆုံး မှတ်တမ်းများကိုလည်း ယူဆောင်သွားကြောင်း၊ ၎င်းအိမ်တွင် CCTV များလည်း တပ်ဆင်ထားကြောင်း၊ ၎င်း၏ အဖိုးတန် စာရွက်စာတမ်းများနှင့် ငွေကြေးများကို တရားမ၀င် ယူဆောင်သွားမှု၊ “တရားမျှတမှုကို ရှာဖွေနေသော အမေရိကန်မှ ရိုဟင်ဂျာများ” ဆိုသည့် စာအုပ်မှာ ၎င်းပိုင် မဟုတ်ဘဲ ယင်းတို့နှင့် ပတ်သက်၍လည်း ၎င်းအိမ်တွင် CCTV မှတ်တမ်းများတွင် ပေါ်ပေါက်ရမည် ဖြစ်ကြောင်း၊ စီအိုင်ဒီ နည်းပညာဌာနမှ တရားရုံးသို့ လာရောက် ထွက်ဆိုရာတွင် CCTV မှ ဗွီဒီယိုဖိုင်ပေါင်း ၆၄၀ တွေ့ရှိခဲ့သည်ဟု ထွက်ဆိုခဲ့သော်လည်း အဆိုပါ ဗွီဒီယိုဖိုင် ပုံရိပ်များမှာ ၀ါးနေသည်ဟုဆိုကာ ရဲတပ်ဖွဲ့က တရားရုံးသို့ တင်ပြနိုင်ခြင်း မရှိဟု ထွက်ဆိုခဲ့ကြောင်း၊ ယင်းကြောင့် ယခုအမှုအတွက် ၎င်းအား တရားခံ မဖြစ်ဖြစ်အောင် စနစ်တကျ လုပ်ကြံဖန်တီးခဲ့ခြင်း ဖြစ်ကြောင်း၊ အိမ်အကူအမျိုးသမီး တစ်ဦးတည်းရှိသော အိမ်၌ အိမ်ရှင်ကို အကြောင်းကြားခြင်း မရှိဘဲ တရားမ၀င် ၀င်ရှာကာ ပစ္စည်းများ ယူဆောင်သွားခြင်းသည် နေ့ခင်းကြောင်တောင် မြို့လယ်ခေါင်တွင် အနုကြမ်းဝင်စီးသည့် လုပ်ရပ်မျိုးဖြစ်ကြောင်း ဇေယျာဖြိုးက ထွက်ဆိုသည်။

ယင်းကိစ္စများနှင့် ပတ်သက်၍ ဇေယျာဖြိုးက တရားခွင်မှ အထွက်တွင် “ကျွန်တော် က ဒီအမှုမှာ ဘယ်နေရာမှ မပါဘူး။ ဒါကို သူတို့က သိပြီးသား။ ကျွန်တော့်ကို ဘာကြောင့် ဖမ်းရလဲဆိုတော့ သူတို့က ကျွန်တော့်ကို ဥပဒေကို ချိုးဖောက်တဲ့ လူတစ်ယောက်လို့ ပုံဖော်တာ။ အစွန်းရောက် မျိုးချစ်စိတ်နဲ့ လုပ်တယ်လို့ သတင်းစာရှင်းလင်းပွဲမှာ လုပ်ခဲ့တယ်လေ။ ဒါကလည်း ဒီစာအုပ် “တရားမျှတမှုကို ရှာဖွေနေသော အမေရိကန်မှ ရိုဟင်ဂျာများ” ဆိုသည့် စာအုပ်တွေကို ဖန်တီးယူပြီးတော့မှ လုပ်တာ။ တကယ်တမ်းကြတော့ ကျွန်တော့် အိမ်မှာ CCTV တွေ တပ်ထားတယ်။ အကုန်ကောင်းတယ်။ ဒါပေမဲ့ သူတို့ မရှင်းနိုင်ဘူး။ ရှာဖွေပုံစံမှာ သူတို့ ထည့်သွင်းတဲ့ဟာတွေ မဟုတ်တာတွေ လုပ်တယ်။ သတင်းစာရှင်းလင်းပွဲက လုံးဝကို မှားတာပါ။ တော်တော်ကို မှားတာပါ။ ရိုးရိုးလေး ဖတ်ကြည့်ရင်ကို အဓိပ္ပာယ် မရှိတာပါ။ ကျွန်တော်နဲ့ ပတ်သက်တဲ့ဟာတွေ အကုန်လုံးက အမှားတွေချည်းပဲ” ဟု ပြောကြားသည်။

ရှမ်းမြောက်ဒေသတွင် တိုက်ပွဲများနှင့် စစ်ရေးတင်းမာမှုများ ဆက်လက်ဖြစ်ပွားနေပြီး ဒေသခံတစ်ထောင်ကျော် စစ်ဘေးတိမ်းရှောင်

သီပေါဘိုးတော်ကျောင်းသို့ ရောက်ရှိနေသည့် စစ်ဘေးရှောင်ပြည်သူများအား သြဂုတ် ၁၅ ရက်က တွေ့ရစဉ် (ဓာတ်ပုံ- Nang Mwe Seng)

ရှမ်းပြည်နယ် (မြောက်ပိုင်း)၊ နမ္မတူမြို့နယ်နှင့် သီပေါမြို့နယ်တွင် တိုက်ပွဲများနှင့် စစ်ရေးတင်းမာမှုများ ဆက်လက်ဖြစ်ပွားနေပြီး ဒေသခံတစ်ထောင်ကျော်မှာ နေရပ်စွန့်ခွာ ထွက်ပြေးတိမ်းရှောင်နေကြောင်း ဒေသခံများထံမှ သိရသည်။

သီပေါမြို့နယ်၊ နမ္မတူ-သီပေါ ကားလမ်းဘေးရှိ ပန်လုံရွာတွင် သြဂုတ် ၁၅ ရက် နံနက်ပိုင်းက ရှမ်းပြည်တိုးတက်ရေးပါတီ (SSPP)၊ တအန်းလက်နက်ကိုင်အဖွဲ့ (TNLA) ပူးပေါင်းအဖွဲ့နှင့် ရှမ်းပြည်ပြန်လည်ထူထောင်ရေးကောင်စီ (RCSS) တို့ တိုက်ပွဲများဖြစ်ပွားခဲ့ကြပြီး ယခုရက်ပိုင်းအတွင်း တိုက်ပွဲများ ဆက်တိုက်ဖြစ်ပွားနေသည့်အတွက် ဒေသခံ တစ်ထောင်ကျော်မှာ မန်စံကျေးရွာတွင် စစ်ဘေးတိမ်းရှောင်နေရကြောင်း သိရသည်။

“တိုက်ပွဲက ရင်ဆိုင်တွေ့တာ မဟုတ်ဘဲ ရွေ့လျားနေရာယူကြရင်းနဲ့ ပစ်ပြစိန်ခေါ်ပြတာတွေရှိတယ်။ အစက RCSS နဲ့ SSPP၊ TNLA တပ်ပေါင်းစုပဲဖြစ်တာ။ သြဂုတ် ၁၄ ရက်ကစပြီးတော့ တပ်မတော်ရဲ့ လှုပ်ရှားမှုတွေလည်း တွေ့လာရတယ်။ တိုက်ပွဲကတော့ နေ့စဉ်နီးပါးဖြစ်တယ်။ ဒါပေမဲ့ မနေ့ (သြဂုတ် ၁၄ ရက်) ကတော့ RCSS ဘက်က ကတုတ်ကျင်းတူးပြီး စောင့်နေတယ်။ မိုးပေါ်သေနတ်ထောင်ဖောက်ပြီး စိန်ခေါ်တဲ့အနေနဲ့ လုပ်ပြလိုက်တော့ မန်ဆာတစ်ရွာလုံးနီးနီး မန်စံစစ်ရှောင်စခန်းကို ရောက်သွားကြတယ်” ဟု ဒေသခံတစ်ဦးက ပြောကြားသည်။

ရှမ်းပြည်နယ် (မြောက်ပိုင်) ၊ နမ္မတူမြို့နယ်၊ မိုင်းမုကျေးရွာနှင့် မန်စံကျေးရွာတွင် RCSS နှင့် SSPP/TNLA ပူးပေါင်းအဖွဲ့တို့ သြဂုတ် ၁၁ ရက်မှ စတင်ကာ တိုက်ပွဲများ ရက်ဆက်ဖြစ်ပွားခဲ့ခြင်းဖြစ်ပြီး တိုက်ပွဲများတွင် နှစ်ဖက်ထိခိုက် ဆုံးရှုံးမှုများရှိကြောင်း သိရသည်။

“သြဂုတ် ၁၅ ရက် နံနက်ကဆို (SSPP/TNLA) တပ်ပေါင်းစုရှိတဲ့ မန်ခယ်ရွာကနေ RCSS ရှိမယ်လို့ ယူဆတဲ့ ပန်လုံရွာမန်ကျန်းရပ်ကွက်ထဲကို လက်နက်ကြီး သုံးလေးလုံးပစ်ပြီး စိန်ခေါ်နေတယ်။ အဲဒါကြောင့် ပန်လုံရွာဘက်မှာလည်း လှုပ်လှုပ်ခတ်ခတ် ဖြစ်နေပါတယ်။ အဲဒီတော့ စစ်ရှောင်တွေက တိုက်ပွဲဖြစ်လို့ ရှောင်တာထက် တိုက်ပွဲမဖြစ်ခင် လန့်ပြီးရှောင်ကြတာက ပိုများပါတယ်” ဟု ဒေသခံတစ်ဦးက ပြောကြားသည်။

ထိုသို့ သီပေါမြို့နယ်ထဲတွင် တိုက်ပွဲများ ပြင်းထန်လာမည်ကို စိုးရိမ်သည့်အတွက် သီပေါမြို့နယ်အတွင်းရှိ ပန်လုံရွာ၊ မန်ဆာရွာ၊ မန်ချယ်ရွာ၊ မန်ကျန်းရွာ စသည့်ရွာများမှ ဒေသခံများမှာ သီပေါမြို့ပေါ်သို့ လာရောက်ကာ စစ်ဘေးတိမ်းရှောင်နေကြပြီး ဒေသခံအနည်းငယ်သာ ကျေးရွာများတွင် ရွာစောင့်အနေဖြင့် ကျန်ရစ်ခဲ့ကြောင်း သိရသည်။

“စစ်ဘေးသင့်ပြည်သူတွေ သီပေါဘိုးတော်ကျောင်းကို ရောက်လာပါတယ်။ မြို့တွင်း မြို့နီးနားမှ မိတ်ဆွေများ စားသောက်စရာဟင်းများ လာရောက်လှူဒါန်းပေးဖို့ ဖိတ်ခေါ်ထားပါတယ်။ ရက်ကြာရှည်တော့မှ လိုအပ်တဲ့ အကူအညီတွေ ထပ်ပြီးတော့ တင်ပြမယ်။ ခုတော့ စားဝတ်နေရေး အရေးကြီးတယ်” ဟု သီပေါမြို့နယ် မဲဆန္ဒနယ် (၁) ပြည်နယ် လွှတ်တော်ကိုယ်စားလှယ် နန်းစမ်းစမ်းအေးက သြဂုတ် ၁၅ ရက်တွင် ပြောကြားသည်။

သီပေါမြို့နယ်၊ ဘိုးတော်ကျောင်းသို့ စစ်ဘေးရှောင် ၁၅၃ ဦး ရောက်ရှိလာပြီး အချို့မှာ အဆင်ပြေသော နေရာများတွင် ခိုလှုံနေရကြောင်း သိရသည်။

ရှမ်းပြည်နယ်အတွင်း ဖြစ်ပွားနေသော တိုက်ပွဲများ ရပ်တန့်နိုင်ရေးအတွက် ပြီးခဲ့သည့် သြဂုတ် ၉ ရက်နှင့် ၁၀ ရက်တို့တွင် ရှမ်းပြည်ပူးပေါင်းဆောင်ရွက်ရေးကော်မတီ၏ ကြားဝင်ညှိနှိုင်းပေးမှုဖြင့် ရှမ်းပြည်ပြန်လည်ထူထောင်ရေးကောင်စီ (RCSS) နှင့် ရှမ်းပြည်တိုးတက်ရေးပါတီ (SSPP) တို့ တောင်ကြီးမြို့တွင် တွေ့ဆုံဆွေးနွေးခဲ့ကြသည်။

ထိုသို့ တွေ့ဆုံရာတွင် အဆိုပါ လက်နက်ကိုင်အဖွဲ့အစည်းနှစ်ခု၏ သတင်းနှင့်ပြန်ကြားရေးဌာနပိုင် Facebook စာမျက်နှာများက ရန်လိုသော အရေးအသားများ ရေးသားခြင်း မပြုရန်နှင့် နှစ်ဖက်အဖွဲ့အစည်းကြား တိုက်ပွဲများ ရပ်တန့်ရေးအတွက် ဆက်လက်တွေ့ဆုံ ဆွေးနွေးကြရန် သဘောတူခဲ့ကြကြောင်း သိရသည်။

အဆို​တော်​ရသ အပါအ၀င်​ သုံးဦးကို မူးယစ်​​ဆေးဝါးများနှင့်​အတူ မန္တ​လေးမြို့တွင် ဖ​မ်းဆီးရမိ

အဆို​တော်​ရသ အပါအ၀င်​ သုံးဦးကို မူးယစ်​​ဆေးဝါးများနှင့်​အတူ မန္တ​လေးမြို့ရှိ ဧည့်​ရိပ်​မွန်​ တစ်​ခုတွင်​ သြဂုတ်​လ ၁၅ ရက်​ နံနက်​ ၁ နာရီဝန်းကျင်​က ဖမ်းဆီးရမိထား​ကြောင်း သတင်းရရှိသည်​။

အဆို​တော်​ရသကို ချမ်းမြသာစည်​မြို့နယ်​ အတွင်းရှိ ဧည့်​ရိပ်​မွန်​ တစ်​ခုတွင်​ မူးယစ်​​ဆေးဝါးများနှင့်​အတူ ​ရောက်ရှိ​နေ​ကြောင်း သတင်းရရှိသဖြင့်​ မူးယစ်​ရဲတပ်​ဖွဲ့မှ ၀င်​​ရောက်​ဖမ်းဆီးခဲ့ခြင်း ဖြစ်​​ကြောင်း သိရသည်​။

မူးယစ်​တပ်​ဖွဲ့စု ၁၈ မှ ရဲအုပ်လင်းထွန်းနှင့်​အဖွဲ့သည်​ မူးယစ်​သတင်းအရ မူးယစ်​​ဆေးဝါးနှင့်​ အိမ်​၀င်​​ရောက်​ ရှာဖွေခွင့်​ဝရမ်းတို့ဖြင့်​ ချမ်းမြသာစည်​မြို့နယ်​၊ ထွန်​တုံးရပ်​ကွက်​၊​ အောင်​​ဇေယျလမ်း၊ ၄၉ လမ်းနှင့်​ ၅၀ လမ်းကြားရှိ ဧည့်​ရိပ်​မွန်​ တစ်​ခုသို့ ၀င်​​ရောက်​ရှာ​ဖွေခဲ့ရာ အခန်းတစ်ခုတွင် ​​​ရဲမင်းသိန်း(ခ)ရသနှင့်​အတူ မျိုးတင့်​၊​ခေမီ(ခ)ဗျာတာမီး တို့သုံးဦးကို ​တွေ့ရှိရပြီး အိပ်​ရာ​ဘေး စားပွဲ​ပေါ်တွင်​ WY​ လိ​​မ္မော်​​ရောင်​​ဆေးပြား သုံးဆယ်​ ပိုက်​နှစ်​ပိုက်​၊ အနီ​ရောင်​ပိုက်​အတွင်း ထည့်​ထား​သော စိတ်​ကြွရူးသွပ်​​ဆေးပြား နှစ်​ဆယ့်​ငါးပြားပါ တစ်​ပိုက်​၊ အနီရောင်​ ပိုက်​အတွင်း​ ဆေးပြားငါးပြားပါနှစ်​ပိုက်​ စုစု​ပေါင်း ကိုးဆယ့်​ငါးပြား၊ မူးယစ်​​ဆေးဝါး သုံးစွဲရာတွင်​အသုံးပြုသည့်​ ပစ္စည်းများ၊ ထို့​နောက်​ ​ရေချိုးခန်း မှန်​တင်​ခုံ​ပေါ်မှ တစ်​သျူးအစိုဘူးတွင်း ထည့်​ထားသည့်​ အပြာရောင်​ ပလတ်​စတစ်​အိတ်​ တစ်​ထုပ်​လျှင်​ WY လိ​မ္မော်​​ရောင်​ စိတ်​ကြွရူးသွပ်​​ဆေးပြား ၂၀၀ ပါ ၇ ထုတ်​၊ ၁၆၀ ပြား ၂ ထုတ်​၊​ ပေါင်း ၁၆၀ ပြားပါ ၁ ထုတ်​၊​ ပေါင်း ၁၅၆၀ ပြားပါ အ​လေးချိန်​ ၁၅၆ဂရမ်​ခန့်​၊ စုစု​ပေါင်း​ဆေးပြား ၁၆၅၅ပြား၊ အ​လေးချိန်​ ၁၆၅.၅ ဂရမ်​ ကာလတန်​ဖိုး​ငွေကျပ်​ (၈၂၇၅၀၀၀) တို့နှင့်​အတူ လက်ကိုင်​​ဖုန်း သုံးလုံးတို့ကို သိမ်းဆည်း​​ဖမ်းဆီး ရမိခဲ့သည်​ဟု သိရသည်​။

အဆိုပါ ဖြစ်​စဉ်​နှင့်​ပတ်​သက်​၍ သက်​ဆိုင်​ရာ ​အောင်​ပယ်​လယ်​ရဲစခန်းသို့ ​မေးမြန်းခဲ့ရာ “အဆို​တော်​ရသအပါအ၀င်​ သုံးဦးကို မူးယစ်​မှုနဲ့ စခန်းမှာ လာ​ရောက်​ အမှုဖွင့်​ထားပါတယ်​။ မူးယစ်​တပ်​ဖွဲ့က ဖမ်းဆီးခဲ့တာပါ” ဟု စခန်းမှူးရဲအုပ်​ စိန်​ထွန်းဦးက ​ပြောကြားခဲ့သည်​။

မူးယစ်​​ဆေးဝါးများနှင့်​အတူ​ တွေ့ရှိခဲ့သည့်​ ရဲမင်းသိန်း(ခ)ရသ (၃၅)နှစ်၊ မျိုးတင့်​(၂၆နှစ်​)နှင့်​ ​ခေမီ(ခ)ဗျာတာမီး(၂၀နှစ်​) တို့ကို​အောင်​ပင်​လယ်​ နယ်​​မြေရဲစခန်းတွင်​ မယ(ပ)၁၁/၂၀၁၈၊ မူးစိတ်​ပုဒ်​မ-၁၉က/၂၁ တို့ဖြင့်​ အမှုဖွင့်​ အ​ရေးယူထား​ကြောင်း သိရသည်​။

 

သရုပ်ဆောင် သီဟတင်စိုးအား စွဲဆိုထားသည့်အမှုကို ဥပဒေရုံးက ပိတ်သိမ်းသင့်သည်ဟု အကြံပြုပြီး အမှုပိတ်သိမ်းရန် ရဲလုပ်ထုံးလုပ်နည်းဖြင့် ဆက်လက်ဆောင်ရွက်နေ

အိမ်အကူ ဒေါ်ခင်မာမြင့်နှင့် ပွဲစားတို့အား သြဂုတ် ၁ ရက်တွင် သင်္ဃန်းကျွန်းမြို့နယ် တရားရုံးသို့ ရုံးထုတ်လာစဉ်

သီဟတင်စိုးက သားမယားပြုကျင့်သည် ဟုဆိုကာ အိမ်အကူ၏ လီဆယ်တိုင် တန်းထားမှုကို မြို့နယ်ဥပဒေရုံးက ပိတ်သိမ်းသင့်သည်ဟု အကြံပြုချက်ကို မြို့နယ်ရဲတပ်ဖွဲ့သို့ ပေးအပ်ခဲ့ပြီး အမှုပိတ်သိမ်းနိုင်ရန်အတွက် ရဲလုပ်ထုံးလုပ်နည်းနှင့်အညီ ဆက်လက် ဆောင်ရွက်နေကြောင်း အရှေ့ပိုင်းခရိုင် ရဲတပ်ဖွဲ့မှ သြဂုတ် ၁၄ ရက်တွင် စုံစမ်းသိရှိရသည်။

“အမှုဖွင့်ထားတာကို ဆက်လက် လုပ်ဆောင်နိုင်ဖို့အတွက် ဥပဒေရုံးကို အကြံပြုချက် တောင်းခံတာပေါ့။ ဥပဒေရုံးကတော့ အမှုပိတ်သိမ်းသင့်တယ်လို့ အကြံပြုတယ်လို့ သိရပါတယ်။ အဲဒါကို မြို့နယ်ရဲတပ်ဖွဲ့က အမှုပိတ်သိမ်း နိုင်ဖို့အတွက် ရဲလုပ်ထုံးလုပ်နည်းနဲ့အညီ ဆောင်ရွက်နေတယ်လို့ သိရပါတယ်” ဟု အရှေ့ပိုင်းခရိုင် ရဲတပ်ဖွဲ့မှ ရဲအရာရှိတစ်ဦးက ပြောကြားသည်။

ထို့ပြင် သရုပ်ဆောင် သီဟတင်စိုးက သားမယား ပြုကျင့်သည် ဟုဆိုကာ ရဲစခန်းတွင် လီဆယ်တိုင်တန်းခဲ့သည့် အိမ်အကူ ဒေါ်ခင်မာမြင့် (ခ)ခင်မာညို၊ အိမ်အကူပွဲစား ဒေါ်ညိုတို့အား သြဂုတ် ၁၅ ရက် (ယနေ့) တရားရုံးချိန်းတွင် ရာဇသတ်ကြီးပုဒ်မ ၃၈၉/၁၁၄ ဖြင့် စတင်တရားစွဲဆိုမည်ဖြစ်ပြီး ရဲတပ်ဖွဲ့ကလည်း စခန်းတွင် လီဆယ်တိုင်တန်းသည့် ဒေါ်ခင်မာမြင့်ကို ရာဇသတ်ကြီးပုဒ်မ ၂၁၁ ဖြင့် တရားစွဲဆိုရန် ဦးတိုက်လျှောက်မည် ဖြစ်ကြောင်း သိရသည်။

ရာဇသတ်ကြီးပုဒ်မ ၃၈၉ မှာ ၁၀ နှစ်အထိ ချမှတ်နိုင်သည့်ပုဒ်မဖြစ်ပြီး ရာဇသတ်ကြီးပုဒ်မ ၂၁၁ မှာ  ထောင်ဒဏ်နှစ်နှစ်အထိ ချမှတ်နိုင်ကြောင်း သိရသည်။

အမှုဖွင့်ပြီး မကြာမီ အိမ်အကူက လီဆယ်တိုင်တန်းထားကြောင်း စစ်ဆေးပေါ်ပေါက်သဖြင့် သရုပ်ဆောင် သီဟတင်စိုးကို အမှုမပိတ်သိမ်းမီတွင် ရာဇ၀တ်ကျင့်ထုံး ဥပဒေပုဒ်မ ၄၉၇ အရ သိန်း ၅၀၀၀ ခံဝန်ချုပ်ဖြင့် အခြားလူနှစ်ဦးက အာမခံပေးထားကြောင်း သိရသည်။

ဖြစ်စဉ်မှာ သရုပ်ဆောင် သီဟတင်စိုးက သားမယားပြုကျင့်သည် ဟုဆိုကာ အိမ်အကူ အမျိုးသမီးဖြစ်သည့် မကွေးတိုင်းဒေသကြီးနေ ဒေါ်ခင်မာမြင့် (၄၀ နှစ်) က ဇူလိုင် ၁၄ ရက်ညပိုင်းတွင် သက်ဆိုင်ရာ သုဝဏ္ဏနယ်မြေ ရဲစခန်းသို့ သွားရောက် တိုင်တန်းခဲ့ခြင်းဖြစ်ပြီး ရဲစခန်းက (ပ) ၃၈၆/၂၀၁၈၊ ရာဇသတ်ကြီးပုဒ်မ ၃၇၆ ဖြင့်အမှုဖွင့်ကာ စစ်ဆေးဆောင်ရွက်ခဲ့ခြင်း ဖြစ်ကြောင်း သိရသည်။

ထိုသို့ တိုင်တန်းသဖြင့် ရဲတပ်ဖွဲ့က ရဲလုပ်ငန်းစဉ်များအတိုင်း စစ်ဆေးဆောင်ရွက်ခဲ့ရာ တရားလို ဒေါ်ခင်မာမြင့်မှာ အခြားနာမည်နှစ်မျိုး ထပ်မံရှိပြီး ၎င်းနာမည်နှစ်မျိုးမှာ ညိုညိုဆိုသည့်နာမည်နှင့် ဇင်မာမြင့်ဆိုသည့် နာမည်တို့ဖြစ်ကြောင်း၊ ပြီးခဲ့သည့် လေးနှစ်ခန့်က ခင်ပွန်းဖြစ်သူ လေဖြတ်ခဲ့ပြီးနောက် စားဝတ်နေရေး အဆင်မပြေသဖြင့် အိမ်အကူ အလုပ်ကို လုပ်ကိုင်ရန် ဒေါ်ညိုဆိုသူနှင့် ဆက်သွယ်ခဲ့ကြောင်း၊ ထို့နောက် ဒေါ်ညိုက သရုပ်ဆောင် သီဟတင်စိုး၏ နေအိမ်တွင် အလုပ်လုပ်ကိုင်ရန် ဆက်သွယ်ပေးခဲ့ပြီး ဇူလိုင် ၅ ရက်တွင် အဆိုပါ နေအိမ်၌ အလုပ်ဝင်ခဲ့ကာ ဒေါ်ဇင်မာဦး၏ မိခင်ဖြစ်သူကို ပြုစုရသည့် အလုပ်လုပ်ကိုင်ခဲ့ကြောင်း၊ ယင်းသို့ လုပ်ကိုင်နေစဉ် ဒေါ်ဇင်မာဦးမရှိခိုက် သီဟတင်စိုးက ၎င်းအား သားမယား ပြုကျင့်သည်ဟု လိမ်ညာပြောဆိုပြီး အမှုဖွင့်ရန် ဒေါ်ညိုက သင်ကြားပေးသဖြင့် ထိုသို့ အမှုဖွင့်ရခြင်း ဖြစ်သည်ဟု ရဲတပ်ဖွဲ့၏ ထုတ်ပြန်ချက်အရ သိရသည်။

အိမ်အကူလုပ်ရန် ဆက်သွယ်ပေးသူ ဒေါ်ညို (၆၅ နှစ်) ကို စစ်ဆေးရာ ၎င်းကခင်မာမြင့်(ခ)ညိုညို (ခ) ဇင်မာမြင့်အား သီဟတင်စိုးက သားမယားပြုကျင့်ခဲ့သည် ဟုဆိုကာ ရဲစခန်းတွင် သွားရောက် အမှုဖွင့်ရန်နှင့် ငွေကြေးညှိနှိုင်းပါက ၎င်းက ဈေးစကားပြောပေးမည်ဟု ပြောဆိုခဲ့ကြောင်း၊ ယင်းနောက် သီဟတင်စိုးက သားမယား ပြုကျင့်ခဲ့သည်ဟုဆိုပြီး ၎င်း၏ဇနီးဖြစ်သူ ဒေါ်ဇင်မာဦးထံသို့ သွားရောက်ကာ အဆိုပါ နစ်နာမှုအတွက် ကျပ်သိန်း ၁၀၀ ပေးပါက ကျေနပ်မည်ဖြစ်ကြောင်း သွားရောက်ညှိနှိုင်းရာ အဆင်မပြေသဖြင့် ရဲစခန်းသို့ သွားရောက် အမှုဖွင့်တိုင်တန်းခဲ့ခြင်း ဖြစ်သည်ဟု စစ်ဆေးပေါ်ပေါက်ခဲ့ကြောင်း သိရသည်။