မြန်မာတပ်မတော်မှ ကျူးလွန်ခဲ့မှုများအပေါ် ပြည်တွင်းတွင် တာဝန်ယူပြီးမြောက်မှုမရှိပါက နိုင်ငံတကာရာဇ၀တ်ခုံရုံး ICC သို့ လွှဲပြောင်းခြင်း အပါအ၀င် အခြားသောနည်းလမ်းများဖြင့် လုပ်ဆောင်မည်ဖြစ်ကြောင်း ဗြိတိန်နိုင်ငံခြားရေးဝန်ကြီး ပြောကြား

စက်တင်ဘာ ၂၀ ရက်က ဗြိတိန်နိုင်ငံခြားရေးဝန်ကြီး ဂျရမီးဟန့် (၀ဲ) နှင့် ဒေါ်အောင်ဆန်းစုကြည်တို့ နေပြည်တော်၌ တွေ့ဆုံနေစဉ် (Photo: AFP)

မြန်မာတပ်မတော်မှ ကျူးလွန်ခဲ့မှုများအပေါ် ပြည်တွင်းတွင် တာဝန်ယူပြီးမြောက်မှု မရှိပါက နိုင်ငံတကာရာဇ၀တ်ခုံရုံး ICC သို့ လွှဲပြောင်းခြင်း အပါအ၀င် အခြားသောနည်းလမ်းများဖြင့် လုပ်ဆောင်မည်ဖြစ်ကြောင်း ဗြိတိန်နိုင်ငံခြားရေးဝန်ကြီး ဂျရမီးဟန့်က မြန်မာခရီးစဉ်အပြီးတွင် ရိုက်တာသတင်းဌာနသို့ ပြောကြားခဲ့ကြောင်း သိရသည်။

မြန်မာနိုင်ငံအနေဖြင့် ရေရှည်နာမည်ပျက်ခြင်းအား ရှောင်ကျဉ်နိုင်ရန် ဘင်္ဂါလီများအပေါ် ပြစ်မှုများကျူးလွန်ခဲ့သောသူများအတွက် ပုန်းကွယ်၍ ရနိုင်မည့်နေရာမရှိအောင် လုပ်ဆောင်ရမည်ဖြစ်ကြောင်း ဗြိတိန်နိုင်ငံခြားရေးဝန်ကြီး ဂျရမီဟန့်က စက်တင်ဘာ ၂၀ ရက်တွင် ရိုက်တာသတင်းဌာနသို့ ပြောကြားခဲ့မှုကို New York Times က ဖော်ပြခဲ့သည်။

မြန်မာအရပ်သားအစိုးရခေါင်းဆောင် ဒေါ်အောင်ဆန်းစုကြည်အား ဗြိတိန်နိုင်ငံခြားရေးဝန်ကြီးက မြန်မာစစ်တပ်မှ ကျူးလွန်ခဲ့သော ရက်စက်ကြမ်းကြုတ်ခဲ့မှုများအတွက် တာဝန်ခံရန် အရေးကြီးကြောင်းနှင့် မြန်မာပြည်တွင်းထဲမှာပင် တာဝန်ယူမှု မဖြစ်မြောက်ခဲ့ပါက နိုင်ငံတကာရာဇ၀တ်ခုံရုံး (ICC) သို့ လွှဲပြောင်းခြင်းမျိုး အပါအ၀င် အခြားသော နည်းလမ်းများဖြင့် သုံးသပ်လုပ်ဆောင်မည်ဖြစ်ကြောင်း ပြောကြားခဲ့သည်ဟုလည်း ယင်းသတင်းတွင် ဖော်ပြထားမှုအရ သိရသည်။

“ပြည်တွင်းလုပ်ငန်းစဉ်တွေနဲ့ တာဝန်ယူပြီးမြောက်မှုမရှိခဲ့ရင် နိုင်ငံတကာ အသိုင်းအ၀ိုင်းအနေနဲ့ အဲဒီမှာပဲ အဆုံးသတ်သွားစေမှာ မဟုတ်ဘူး။ ကျူးလွန်ခဲ့တဲ့ ရက်စက် ယုတ်မာမှုတွေအတွက် ဘယ်သူမဆို ပုန်းကွယ်ဖို့ နေရာမရှိဘူးဆိုတာကို ပြတ်ပြတ်သားသား ပြနိုင်ဖို့လိုပါတယ်” ဟု ဟန့်က ၎င်း၏နှစ်ရက်ကြာ မြန်မာခရီးစဉ်အပြီး တွေ့ဆုံမှုတွင် ပြောကြားခဲ့ကြောင်း သိရသည်။

ထို့ပြင် ဘင်္ဂါလီဒုက္ခသည်များ ပြန်လာရေးအတွက် ၎င်းတို့အပေါ် ကျူးလွန်ခဲ့မှုများအား တရားနည်းလမ်းတကျ တာဝန်ယူမှုကို ပြသနိုင်ရန် လိုအပ်ကြောင်းနှင့် အကယ်၍ ၎င်းတို့အပေါ် ကျူးလွန်ခဲ့မှုများနှင့် ပတ်သက်ပြီး တာဝန်ယူမှုနှင့် တရားမျှတမှု မရှိခဲ့ပါက တချိန်က ကမ္ဘောဒီးယားတွင် ခမာများ မတရားကျူးလွန်ခံခဲ့ရသော ဖြစ်စဉ်ကဲ့သို့ မြန်မာ့သမိုင်းတွင်လည်း ကြီးမားသော အမည်းစက်တစ်ခုအဖြစ် ကျန်ရစ်ခဲ့လိမ့်မည်ဟုလည်း ဟန့်က ပြောကြားခဲ့သည်။

နိုင်ငံတကာရာဇ၀တ်ခုံရုံးသို့ လွှဲပြောင်းရန် ကုလလုံခြုံရေးကောင်စီ၏ သဘောတူညီမှု မရရှိခဲ့ပါက အခြားသောနည်းလမ်းများကို အသုံးပြုသွားရန် စဉ်းစားလုပ်ဆောင်ရမည် ဖြစ်သည်ဟုလည်း ၎င်းက အခိုင်အမာ ပြောကြားခဲ့ပြန်သည်။

ကုလသမဂ္ဂစုံစမ်းစစ်ဆေးသူများက ရခိုင်ကိစ္စနှင့်ပတ်သက်၍ လူမျိုးတုံးသတ်ဖြတ်မှုအတွက် မြန်မာစစ်ဗိုလ်ချုပ်များကို တရားစွဲဆိုသင့်ကြောင်း ပြောကြားခဲ့ပြီး နောက် ၄၈ နာရီအကြာတွင် ဗြိတိန်နိုင်ငံခြားရေးဝန်ကြီးသည် နှစ်ရက်ကြာ ခရီးစဉ်အဖြစ် မြန်မာနိုင်ငံသို့ ရောက်ရှိလာခြင်းဖြစ်သည်။

ကုလသမဂ္ဂ၏ လွတ်လပ်သော အချက်အလက် ရှာဖွေရေး မစ်ရှင်အဖွဲ့၏ အစီရင်ခံစာကို တစ်ဖက်သတ်ဟုဆိုကာ မြန်မာနိုင်ငံက ပယ်ချခဲ့သည်။ ယခုသီတင်းပတ်အတွင်း အပြည်ပြည်ဆိုင်ရာ ရာဇ၀တ်ခုံရုံး (ICC) ၏ တရားစွဲဆိုရေးအကြီးအကဲက ရခိုင်ကိစ္စနှင့် ပတ်သက်၍ အကြိုစုံစမ်းစစ်ဆေးမှုတစ်ရပ် စတင်ပြုလုပ်မည်ဖြစ်ကြောင်း ပြောကြားခဲ့ပြီးနောက် မြန်မာနိုင်ငံအပေါ် ကမ္ဘာ့ဖိအားများ ကျရောက်လျက်ရှိသည်။

ဂျရမီးဟန့်က ဘင်္ဂါလီ (မူရင်း၌ ရိုဟင်ဂျာဟု ဖော်ပြ) မွတ်စလင်များ၏ အတိဒုက္ခများသာမက ထောင်ဒဏ်ချမှတ်ခံထားရသော ရိုက်တာဂျာနယ်လစ်နှစ်ဦး၏ အမှုကိစ္စကိုပါ ဒေါ်အောင်ဆန်းစုကြည်နှင့် တွေ့ဆုံစဉ် မြှင့်တင်ပြောဆိုမည်ဖြစ်ကြောင်းလည်း ကတိပေးထားခဲ့သည်။

ဖေဖော်ဝါရီလအတွင်းက ယခင်နိုင်ငံခြားရေးဝန်ကြီး ဘောရစ်ဂျွန်ဆင် လာရောက်ခဲ့ပြီးနောက် ယခုနိုင်ငံခြားရေးဝန်ကြီး ဂျရမီဟန့်၏ လာရောက်မှုသည် ဗြိတိန်နိုင်ငံ၏ ရာထူးအမြင့်ဆုံး ပုဂ္ဂိုလ်တစ်ဦး လာရောက်မှု ဖြစ်လာသည်။

“ရိုဟင်ဂျာတွေ ရင်ဆိုင်နေရတဲ့ လူသားချင်းစာနာထောက်ထားမှုဆိုင်ရာ အကျပ်အတည်းနဲ့ ပတ်သက်တဲ့ အကြောင်းအရာတချို့ကို ပထမဆုံးအဖြစ်ကြည့်ဖို့ ဒီအပတ်အတွင်း ကျွန်တော်မြန်မာနိုင်ငံမှာ ရှိပါမယ်” ဟု ဟန့်က Twitter တွင် ရေးသားခဲ့သည်။

“ကျွန်တော် စစ်ဘက်နဲ့ အရပ်ဘက် ခေါင်းဆောင်တချို့ကို တွေ့ဆုံသွားပါမယ်” ဟုလည်း ၎င်းက ပြောကြားခဲ့သည်။

ယင်းနောက်က သူက မြန်မာနိုင်ငံမှ အခြေအနေရပ်များနှင့် ပတ်သက်၍ သိလိုသည်များကို Twitter မှတစ်ဆင့် မေးမြန်းကြရန်လည်း လူမှုမီဒီယာ အသုံးပြုသူများကို ဖိတ်ခေါ်ခဲ့သည်။

ကုလသမဂ္ဂ စုံစမ်းစစ်ဆေးသူများက ဒေါ်အောင်ဆန်းစုကြည်အား တရားစွဲဆိုမှုကို ရင်ဆိုင်ရန်အတွက် တောင်းဆိုမှု ပြုလုပ်ခဲ့ခြင်း မရှိသော်လည်း ၎င်းတို့၏ လုပ်ရပ်များနှင့် ပျက်ကွက်မှုများသည် ရက်စက်ကြမ်းကြုတ်သော ရာဇ၀တ်မှုများ ကျူးလွန်မှုအပေါ် ထည့်ဝင်ခြင်းဖြစ်ကြောင်း အရပ်သား အစိုးရအာဏာပိုင်များကို ဝေဖန်ရှုတ်ချခဲ့သည်။ ယခုအထိ ကုလသမဂ္ဂက မြန်မာတပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် အခြားထိပ်တန်းစစ် ဗိုလ်ချုပ်ငါးဦးတို့အား လူမျိုးတုံးသတ်ဖြတ်မှု၊ စစ်ရာဇ၀တ်မှု၊ လူသားဆန်မှုကို ချိုးဖောက်သော ရာဇ၀တ်မှုများဖြင့် တရားစွဲဆိုရန် တောင်းဆိုထားသည်။

ကုလသမဂ္ဂစုံစမ်းစစ်ဆေးသူများက လူမျိုးတုံးသတ်ဖြတ်မှုအတွက် မြန်မာဗိုလ်ချုပ်များကို တရားစွဲဆိုသင့်သည်ဟု ပြောကြားခဲ့ပြီးနောက် မြန်မာနိုင်ငံသို့ ရောက်ရှိနေသည့် ဗြိတိန်နိုင်ငံခြားရေးဝန်ကြီး ဂျရမီးဟန့်က ဘင်္ဂါလီကိစ္စကို မြှင့်တင်ပြောဆိုရန် ဒေါ်အောင်ဆန်းစုကြည်နှင့် စက်တင်ဘာ ၂၀ ရက် ညနေ ၃ နာရီခွဲတွင် နေပြည်တော်ရှိ နိုင်ငံခြားရေးဝန်ကြီးဌာန၌ တွေ့ဆုံခဲ့ကြောင်း သိရသည်။

ထိုသို့တွေ့ဆုံစဉ် မြန်မာနိုင်ငံ၏ ဒီမိုကရေစီ အသွင်ကူးပြောင်းရေး အခြေအနေ၊ နေရပ်စွန့်ခွာသူများအား ပြန်လည်လက်ခံရေးကိစ္စ၊ ရခိုင်ပြည်နယ်၏ ဖြစ်ပေါ်တိုးတက်မှု အခြေအနေနှင့် ကုလသမဂ္ဂမျက်နှာစာတွင် ယင်းကိစ္စနှင့်ပတ်သက်၍ ဆွေးနွေးနေမှု အခြေအနေများနှင့် ပတ်သက်၍ ရင်းနှီးပွင့်လင်းစွာ သဘောထားအမြင်ချင်း ဖလှယ်ခဲ့ကြသည်ဟု နိုင်ငံတော်အတိုင်ပင်ခံရုံးက သတင်းထုတ်ပြန်ခဲ့သည်။

ဗြိတိန်နိုင်ငံခြားရေ၀န်ကြီး ဂျရမီဟန့်သည် ၎င်း၏ နှစ်ရက်ကြာခရီးစဉ်အတွင်း မြန်မာတပ်မတော် တာဝန်ရှိသူများနှင့် ရခိုင်အရေးကိစ္စများအပေါ် တစ်စုံတစ်ရာ တွေ့ဆုံဆွေးနွေးနိုင်ခဲ့ခြင်း မရှိကြောင်းလည်း သတင်းထုတ်ပြန်မှုများအရ သိရသည်။

 

ကျောက်နီမော်အုပ်စုတွင် ကမန်အမည်ဖြင့် ဘင်္ဂါလီများအား မှတ်ပုံတင်ထုတ်ပေးခြင်းအပေါ် ပြန်လည်စိစစ်ပေးပါရန် ပြည်ထောင်စုအစိုးရအား တိုက်တွန်းကြောင်းအဆို ပြည်နယ်လွှတ်တော်တွင် ဆက်လက်ဆွေးနွေးရန်အတည်ပြု

စက်တင်ဘာ ၁၉ ရက်က ပြုလုပ်သော ရခိုင်ပြည်နယ် လွှတ်တော်အစည်းအဝေးကို တွေ့ရစဉ်

ရခိုင်ပြည်နယ် ရမ်းဗြဲမြို့နယ် ကျောက်နီမော်အုပ်စုမှ ဘင်္ဂါလီများကို ကမန်အမည်ဖြင့် ၁၁/ရဗန(နိုင်) မှတ်ပုံတင်ကတ်ပြား ၃၃၀၆ ကတ် ထုတ်ပေးထားသည့်ကိစ္စ ပြန်လည်ဆန်းစစ်ရန်နှင့် လူမျိုးအမည် မှားယွင်းစွာ ဖော်ပြထားသည့်ကတ်များကို ပြန်လည်ရုပ်သိမ်းပေးပါရန် ရခိုင်ပြည်နယ်အစိုးရမှတစ်ဆင့် ပြည်ထောင်စုအစိုးရသို့ တိုက်တွန်းကြောင်းအဆို စက်တင်ဘာ ၁၉ ရက်က ကျင်းပသည့် ဒုတိယအကြိမ် ရခိုင်ပြည်နယ်လွှတ်တော် အဋ္ဌမပုံမှန်အစည်းအဝေး အဋ္ဌမနေ့တွင် ရမ်းဗြဲမြို့မှ ပြည်နယ်လွှတ်တော်ကိုယ်စားလှယ် ဦးသန်းမောင်ဦးက တင်သွင်းခဲ့ခြင်းဖြစ်ကြောင်း သိရသည်။

“ကမန်အမည်ဖြင့် နိုင်ငံသားထုတ်ပေးခြင်းသည် ဥပဒေနှင့် ညီ၊မညီဆိုသည်ကို သဘောပေါက်ရန် ခက်ခဲနေကြောင်း၊ ထိုလုပ်ရပ်များသည် နောင်တွင် ပြဿနာဖြစ်လာနိုင်သော ကိစ္စရပ်ဖြစ်ကြောင်း၊ ကမန်အမည် ဖြင့် နိုင်ငံသားကတ် ထုတ်ပေးထားမှုသည် ကမန်တိုင်းရင်းသားများမှ လက်မခံနိုင်သကဲ့သို့ ဒေသခံရခိုင်တိုင်းသားများကလည်း လက်မခံနိုင်ဘူး။ ယင်းအတွက် အမြန်ဆုံး ပြန်လည်ရုပ်သိမ်းပေးစေလိုတဲ့အတွက် အခုလိုမျိုး အဆိုတင်သွင်းရတာ ဖြစ်ပါတယ်”  ဟု ဦးသန်းမောင်ဦးက ပြောကြားသည်။

ယင်းအဆိုနှင့်ပတ်သက်ပြီး ပြည်ထောင်စုမြန်မာနိုင်ငံတော်၏ အချုပ်အခြာအာဏာကို တစ်ချိန်ချိန်တွင် ထိခိုက်စေနိုင်သည့် အကြောင်းခြင်းရာဖြစ်နေ၍ လွှတ်တော်က လက်ခံဆွေးနွေးသင့်ပါကြောင်း မင်းပြားမြို့နယ် မဲဆန္ဒနယ်အမှတ်(၂)မှ ပြည်နယ်လွှတ်တော် ကိုယ်စားလှယ် ဦးလှအောင်ညွန့်က ထောက်ခံ၍ အဆိုတင်သွင်းခဲ့ပြီး ကန့်ကွက်သူမရှိ လက်ခံဆွေးနွေးရန် အတည်ပြုခဲ့ကြောင်း သိရသည်။

ရမ်းဗြဲမြို့နယ် ကျောက်နီမော်ကျေးရွာအုပ်စုတွင် ဗုဒ္ဓဘာသာကိုးကွယ်သူ အိမ်ထောင်စု ၄၆၀ ခန့်နှင့် ဘင်္ဂါလီအိမ်ထောင်စု ၈၀၀ ခန့်တို့ အတူတကွနေထိုင်လျက် ရှိကြောင်း၊ အစ္စလာမ်ဘာသာကိုးကွယ်သူ နှစ် ထောင်ခန့်ရှိမည်ဟု ခန့်မှန်းရရှိကြောင်း၊ ယင်းတို့အနက် ကမန် ၂၀၀ ခန့်သာရှိပြီး ကျန် အစ္စ လာမ်ဘာသာဝင်များမှာ ဘင်္ဂါလီများသာ ဖြစ်ကြကြောင်း၊ ဒေသ၏ ခေတ်အဆက်ဆက် အခေါ်အဝေါ် အသုံးအနှုန်းမှာကုလားနှင့် ကမန်သာဖြစ်ကြောင်း၊ ဒုတိယကမ္ဘာစစ်မတိုင်မီက ကျောက်နီမော်ဆိပ်ကမ်းမှ ထွက် ခွာရန် ဘင်္ဂါလီမိသားစု ၃၀ ကျော် ရောက်ရှိလာခဲ့ကြောင်း၊ ဆရာတော်တစ်ပါးက ဒကာများကိုမိန့်ကြားကာ သနားညှာတာစွာဖြင့် ကျောက်ထရံရွာတွင် နေရာချထားပေးခဲ့သည်ဟု သမိုင်းကြောင်းအရ သိရကြောင်း ဦးသန်းမောင်ဦးက လွှတ်တော်သို့တင်ပြပြောကြားခဲ့သည်။

ထိုအချိန်မှယနေ့အထိ အတူယှဉ်တွဲနေထိုင်ခဲ့ကြောင်း၊ ယင်းအတွက် ကျောက်နီမော်ကျေးရွာသားများက ဤသူကား ကမန်၊ ဤသူကား ဘင်္ဂါလီဖြစ်သည်ကို မျိုးရိုးရာဇ၀င်ကအစ သိရှိထားကြကြောင်း၊ ၂၀၁၈ ခု ဇန်န ၀ါရီတွင် လက်ထောက်ညွှန်ကြားရေးမှူး ဦးကျော်ဇော ဦးဆောင်သော လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေးဦးစီး ဌာနအထူးအဖွဲ့တစ်ဖွဲ့သည် ကျောက်နီမော်သို့ ရောက်ရှိကာ နိုင်ငံသားကတ်ပြားများ ထုတ်ပေးနေကြောင်းသိရပြီး အဆိုပါပုဂ္ဂိုလ်များနှင့်လည်း တွေ့ဆုံပြောဆိုမှုများရှိခဲ့ကြောင်း ဦးသန်းမောင်ဦးကပြောကြားသည်။

လက်ရှိတွင် ကမန်လူမျိုးအမည်ဖြင့် နိုင်ငံသားကတ်ထုတ်ပေးထားသူ ၃၃၀၀ ကျော် ရှိကြောင်း၊ ယင်းသို့ ထုတ်ပေးရာတွင် ဒေသခံတိုင်းရင်းသားများနှင့်ကမန်များက အဆိုပြုခဲ့ခြင်း၊ ထောက်ခဲ့ခြင်း မရှိခဲ့ကြောင်းလည်း သိရသည်။

 

မူဆယ်မြို့နယ် နမ့်တောင်းမှ ပန်ဆိုင်းမြို့သို့သွားသော လမ်းမကြီးဘေးတွင် မိုင်းပေါက်ကွဲမှု ဖြစ်ပွားပြီး တစ်ဦးသေဆုံး၊ တစ်ဦး ဒဏ်ရာရ

ဓါတ်ပုံ – M – အေဂျေ (NTU)

 

ရှမ်းပြည်နယ်(မြောက်ပိုင်း)၊ မူဆယ်မြို့နယ် နမ့်တောင်းကျေးရွာမှ ပန်ဆိုင်း(ကြူကုတ်)မြို့သို့ သွားသော ပြည်ထောင်စုလမ်းမကြီးဘေးတွင် စက်တင်ဘာ ၁၉ ရက် နေ့လယ်ပိုင်းက မိုင်း ၂ လုံး ပေါက်ကွဲမှု ဖြစ်ပွားခဲ့ပြီး တစ်ဦးသေဆုံးကာ တစ်ဦးဒဏ်ရာရရှိခဲ့ကြောင်း သိရသည်။

ပထမအကြိမ် မိုင်းပေါက်ကွဲမှုမှာ မွန်းလွဲ ၁ နာရီခန့်တွင် ဖြစ်ပွားခဲ့ပြီး အဆိုပါ ပေါက်ကွဲမှုမှာ တစ်စုံတစ်ဦး ထိခိုက်ဒဏ်ရာရရှိမှု မရှိခဲ့သော်လည်း မွန်းလွဲ ၃ နာရီ ၂၀ အချိန်ခန့်တွင် ပထမအကြိမ်ပေါက်ကွဲမှုဖြစ်ပွားရာ နေရာအနီးတွင် ထပ်မံပေါက်ကွဲမှု ဖြစ်ပွားရာ ပန်ဆိုင်း(ကြူကုတ်)ဘက်မှ ဆိုင်ကယ်စီးပြန်လာသူ နှစ်ဦး မိုင်းဆန်ထိမှန်ခဲ့ခြင်းဖြစ်ကြောင်း သိရသည်။

“ပေါက်ကွဲမှုဖြစ်ပွားတာက ၁၀၅ မိုင်ကနေ ပန်ဆိုင်း(ကြူကုတ်) သွားတဲ့လမ်း နမ့်တောင်းရွာအနီးမှာ ပေါက်ကွဲမှုဖြစ်ပွားတာပါ။ နမ့်တောင်းရွာကနေ ပန်ဆိုင်း(ကြူကုတ်) ဘက်အထွက် ကားလမ်းဘေးမှာ ဖြစ်တာပါ။ တစ်နာရီလောက်မှ တစ်လုံးကွဲတယ်။ တယ်လီဖုန်းတိုင်ထောင်ထားတဲ့အနီးမှာကွဲတာ။ သုံးနာရီကျော်မှာ ဒုတိယတစ်ကြိမ်ကွဲတယ်။ ဒုတိယအကြိမ် ပေါက်ကွဲတဲ့အချိန်မှာ ပန်ဆိုင်းဘက်ကနေ ပြန်လာတဲ့ အမျိုးသမီး(၂)ဦး ထိမှန်ပြီး ဒဏ်ရာရပါတယ်။ မိုင်းပေါက်ကွဲဒဏ်ရာကြောင့် တစ်ဦးသေဆုံးပြီး တစ်ဦးကတော့ ဒဏ်ရာပြင်းထန်စွာ ရသွားပါတယ်။” ဟု မူဆယ်မြို့နေသူ M-အေဂျေ ၏ ပြောကြားချက်အရသိရသည်။

ထိုအပြင် “နမ့်တောင်းနဲ့ပန်ဆိုင်းကြားမှာ မိုင်းကွဲတာပါ။ ထိမှန်ဒဏ်ရာရရှိမှုကတော့ နှစ်ယောက်ဖြစ်ပြီး အဲ့ဒီထဲက တစ်ဦးကတော့ သေဆုံးပါတယ်။ တစ်ဦးကတော့ မူဆယ်ပြည်သူ့ဆေးရုံကြီးမှာ တက်ရောက်ကုသနေရပါတယ်။ မူဆယ်ကနေ ပန်ဆိုင်းကို သွားရင် နမ့်တောင်း ကျေးရွာအရင်ရောက်ပါတယ်။ နမ့်တောင်း နဲ့ ပန်ဆိုင်းကြားမှာ မိုင်းပေါက်ကွဲမှု ဖြစ်တာပါ။ နမ့်တောင်းနဲ့တော့ ပိုနီးပါတယ်။” ဟု မူဆယ်မြို့မရဲစခန်းမှ တာဝန်ရှိသူတစ်ဦးကလည်းအတည်ပြု ပြောကြားခဲ့သည်။

မိုင်းပေါက်ကွဲမှုကြောင့် နမ့်တောင်းကျေးရွာနေသူ ဒေါ်လွန်းထု (၅၉)နှစ် နှင့် မအားနာ (၂၈) နှစ် ဖြစ်သူတို့ ထိခိုက်ဒဏ်ရာရရှိခဲ့ကာ ဒေါ်လွန်းထု အသက်(၅၉) နှစ်မှာ သေဆုံးခဲ့ရပြီး မအားနာ (၂၈)နှစ်မှာ လည်ပင်းနှင့် မေးစေ့ပေါက်ပြဲဒဏ်ရာများဖြင့် မူဆယ်ပြည်သူ့ ဆေးရုံကြီးတွင် ဆေးကုသနေရကြောင်း သိရသည်။

၂၀၀၈ ဖွဲ့စည်းပုံအခြေခံဥပဒေအား တစ်ဆင့်ပြီးတစ်ဆင့် ပြင်ဆင်နိုင်မှသာ အသွင်ကူးပြောင်းရေးကို အစိုးရအနေဖြင့် အာမခံနိုင်မည်ဟု ပြည်ထောင်စုဝန်ကြီး ဦးကျော်တင့်ဆွေ လွှတ်တော်တွင် ပြောကြား

နိုင်ငံတော်၏ အခြေအနေအရပ်ရပ်နှင့်စပ်လျဉ်း၍ ပြည်ထောင်စုအစိုးရအဖွဲ့ကိုယ်စား ပြည်ထောင်စုဝန်ကြီးဦးကျော်တင့်ဆွေက စက်တင်ဘာ ၁၉ ရက်က ပြုလုပ်သည့် ပြည်ထောင်စုလွှတ်တော်အစည်းအဝေးတွင် ရှင်းလင်းတင်ပြစဉ်

၂၀၀၈ ခုနှစ် ဖွဲ့စည်းပုံအခြေခံဥပဒေကို ဆွေးနွေးညှိနှိုင်းပြီး အစိုးရမျှော်မှန်းထားသည့်အတိုင်း တစ်ဆင့်ပြီးတစ်ဆင့် ပြင်ဆင်နိုင်မှသာ အသွင်ကူးပြောင်းရေးကို အစိုးရအနေဖြင့် အာမခံနိုင်မည်ဟု ပြည်ထောင်စုဝန်ကြီး ဦးကျော်တင့်ဆွေက ပြည်ထောင်စုလွှတ်တော်တွင် ရှင်းလင်း ပြောကြားခဲ့သည်။

နေပြည်တော်၌ စက်တင်ဘာ ၁၉ ရက်က ပြုလုပ်သည့် ပြည်ထောင်စုလွှတ်တော် အစည်းအဝေးတွင် နိုင်ငံတော်၏ အခြေအနေ အရပ်ရပ်နှင့်စပ်လျဉ်း၍ ပြည်ထောင်စုအစိုးရအဖွဲ့ကိုယ်စား နိုင်ငံတော်အတိုင်ပင်ခံရုံးဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေက ပြည်ထောင်စုလွှတ်တော်သို့ ရှင်းလင်း တင်ပြစဉ် အထက်ပါအတိုင်း ထည့်သွင်း ပြောကြားခဲ့ခြင်းဖြစ်သည်။

“၂၀၀၈ ခုနှစ် ဖွဲ့စည်းပုံအခြေခံဥပဒေကို ဆွေးနွေးညှိနှိုင်းပြီး ကျွန်တော်တို့အစိုးရ မျှော်မှန်းထားတဲ့အတိုင်း တစ်ဆင့်ပြီးတစ်ဆင့် ပြင်ဆင်နိုင်မှသာလျှင် အသွင်ကူးပြောင်းရေးကို အာမခံနိုင်မှာ ဖြစ်ပါတယ်။ ထို့အတူ တိုင်းရင်းသားလူမျိုးစုတွေ အကြားမှာလည်း လွတ်လပ်မှု၊ တန်းတူညီမျှမှုနဲ့ အပြန်အလှန် လေးစားမှုတို့ကို တည်ဆောက်နိုင်မှသာ ဒီမိုကရေစီဖက်ဒရယ်ပြည်ထောင်စု တည်ဆောက်ရေးကို အကောင်အထည်ဖော်နိုင်မှာ ဖြစ်ပါတယ်” ဟု ပြည်ထောင်စုဝန်ကြီး ဦးကျော်တင့်ဆွေက ပြောကြားသည်။

နိုင်ငံတော်အစိုးရအနေဖြင့် ငြိမ်းချမ်းရေးလုပ်ငန်းစဉ်ကို အဓိကမူဝါဒတစ်ရပ်အနေနှင့် ချမှတ်ဆောင်ရွက်ခဲ့ခြင်းဖြစ်ကြောင်း၊ ငြိမ်းချမ်းရေးလုပ်ငန်းစဉ်ကို ဗဟိုပြုပြီး အမျိုးသားပြန်လည်သင့်မြတ်ရေးကို ရယူနိုင်မည်ဆိုပါက မြန်မာနိုင်ငံ၏ ဒီမိုကရေစီ အသွင်ကူးပြောင်းရေးနှင့် ပြည်ထောင်စု တည်ဆောက်ရေးကို တည်ငြိမ်ခိုင်မာစွာဖြင့် အောင်မြင်စွာ ဖော်ဆောင်နိုင်မည်ဖြစ်ကြောင်း၊ လက်ရှိကြိုးပမ်းနေသည့် ငြိမ်းချမ်းရေးလုပ်ငန်းစဉ်၏ အဓိကရည်မှန်းချက်ပန်းတိုင်မှာ အနာဂတ်ဒီမိုကရေစီ ဖက်ဒရယ်ပြည်ထောင်စု တည်ဆောက်ရေးအတွက် နိုင်ငံရေးသဘောတူညီချက်များ ရရှိနိုင်ရန် ပြည်ထောင်စုသဘောတူစာချုပ် ခိုင်ခိုင်မာမာချုပ်ဆိုပြီး ဆက်လက် အကောင်အထည်ဖော်နိုင်ရန်ဖြစ်ကြောင်း၊ နိုင်ငံရေးဆွေးနွေးပွဲများမှတစ်ဆင့် ဘုံသဘောတူ လက်ခံနိုင်သည့် အခြေခံမူများ ထွက်ပေါ်လာအောင် ဆောင်ရွက်နေခြင်းဖြစ်ကြောင်း ပြည်ထောင်စုဝန်ကြီးက ဆက်လက် ပြောကြားသည်။

စက်တင်ဘာ ၁၉ ရက်က ကျင်းပသည့် ပြည်ထောင်စုလွှတ်တော်အစည်းအဝေးတွင် နိုင်ငံတော်၏ အခြေအနေ အရပ်ရပ်နှင့်စပ်လျဉ်း၍ ပြည်ထောင်စုအစိုးရအဖွဲ့ကိုယ်စား ပြည်ထောင်စုဝန်ကြီး ဦးကျော်တင့်ဆွေက ရှင်းလင်းတင်ပြနေစဉ် (ဓာတ်ပုံ-သမ္မတရုံး)

“လက်ရှိကြိုးပမ်းဖော်ဆောင်နေတဲ့ ငြိမ်းချမ်းရေးလုပ်ငန်းစဉ် အောင်မြင်ဖို့ တပ်မတော်ရဲ့ အခန်းကဏ္ဍကလည်း အရေးပါပါတယ်။ အားလုံးဟန်ချက်ညီတဲ့ ငြိမ်းချမ်းရေးဖြစ်စဉ်တစ်ခု ခိုင်ခိုင်မာမာ ဖြစ်လာအောင် ကြိုးပမ်းရာမှာ စိန်ခေါ်မှုတွေ အများကြီးကို ကျော်ဖြတ်ရပါတယ်။ နိုင်ငံတော်အစိုးရအနေနဲ့ မျှော်မှန်းထားတဲ့ ဒီမိုကရေစီစံနှုန်းတွေကို ရောက်အောင်သွားဖို့၊ ဖက်ဒရယ်ပြည်ထောင်စုကြီး တည်ဆောက်နိုင်ဖို့အတွက် အချိန်အပိုင်းအခြားနဲ့ အဆင့်လိုက်ရှေ့ဆက်ရမှာ ဖြစ်ပါတယ်။ အခက်အခဲတွေ၊ စိန်ခေါ်မှုတွေ ရှိနေပေမဲ့လည်း ဘုံရည်မှန်းချက်ဖြစ်တဲ့ ဒီမိုကရေစီဖက်ဒရယ်ပြည်ထောင်စု ပန်းတိုင်ကတော့ ပျောက်ပျက်သွားလို့ မရပါဘူး” ဟု ဦးကျော်တင့်ဆွေက ပြောကြားသည်။

နိုင်ငံတော်အစိုးရအနေဖြင့် နိုင်ငံတော် တည်ငြိမ်ရေး၊ ငြိမ်းချမ်းရေးနှင့် ဒီမိုကရေစီဖက်ဒရယ်ပြည်ထောင်စု တည်ဆောက်ရေးများကို ဆောင်ရွက်နေချိန်တွင် စိန်ခေါ်မှုများ ရှိနေဆဲဖြစ်ကြောင်း၊ ဒီမိုကရေစီ အသွင်ကူးပြောင်းရေးမှ ဒီမိုကရေစီ ရင့်သန်ခိုင်မာသည့် အဆင့်ကို ရောက်ရှိရန် ကြိုးပမ်းနေရဆဲဖြစ်ကြောင်း၊ ကမ္ဘာပေါ်တွင် အသွင်ကူးပြောင်းရေးနိုင်ငံများ၏ ဖြစ်စဉ်များကို လေ့လာသုံးသပ်ချက်များအရ တရားဥပဒေစိုးမိုးမှု ခိုင်မာအောင် တည်ဆောက်နိုင်ရန် အနည်းဆုံးပျမ်းမျှ ၁၀ နှစ်အထိ အချိန်ယူရသည်ကို တွေ့ရကြောင်း ၎င်းက ဆိုသည်။

နိုင်ငံတော်အစိုးရအနေဖြင့် နိုင်ငံသားအားလုံးက အမြတ်တနိုး တန်ဖိုးထားကြရသည့် ပြည်ထောင်စုတည်ဆောက်ရေးကို ပြီးမြောက်အောင် ဆောင်ရွက်နေကြောင်း၊ တစ်ဖက်တွင်လည်း တည်ငြိမ်ခိုင်မာ အောင်မြင်သည့် ဒီမိုကရေစီ အသွင်ကူးပြောင်းရေးဆိုသည့် စိန်ခေါ်မှုကြီးကို ကျော်လွှားရန် ရှိနေကြောင်း ပြည်ထောင်စုဝန်ကြီးက ပြောကြားသည်။

နိုင်ငံတော်အစိုးရအနေဖြင့် တရားဥပဒေစိုးမိုးရေးနှင့် ပြည်သူများ၏ လူမှု-စီးပွားဘ၀ တိုးတက်မြင့်မားရေး၊ အမျိုးသားပြန်လည်သင့်မြတ်ရေးနှင့် ပြည်တွင်းငြိမ်းချမ်းရေး၊ ဒီမိုကရေစီဖက်ဒရယ် ပြည်ထောင်စုကြီး တည်ဆောက်ရေးအတွက် အခြေခံအုတ်မြစ်ဖြစ်သည့် ဖွဲ့စည်းပုံအခြေခံဥပဒေ ပြင်ဆင်ရေးတို့ကို ဦးတည်ချက် ခိုင်ခိုင်မာမာထားပြီး ဆက်လက်အကောင်အထည်ဖော် ကြိုးပမ်းဆောင်ရွက်သွားမည်ဖြစ်ကြောင်း ပြည်ထောင်စုဝန်ကြီး ဦးကျော်တင့်ဆွေက ပြောကြားသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကလည်း ပြီးခဲ့သည့် သြဂုတ် ၂၁ ရက်က စင်ကာပူနိုင်ငံ ISEAS (Institute of South East Asian Studies) တွင် ပြုလုပ်သည့် Democratic Transition: Challenges and Way Forward ဟောပြောပွဲတွင် ၂၀၀၈ ဖွဲ့စည်းပုံအခြေခံဥပဒေနှင့် ပတ်သက်၍ ရွေးချယ်ခံမဟုတ်သည့် တပ်မတော်သားကိုယ်စားလှယ် ၂၅ ရာခိုင်နှုန်းကို လွှတ်တော်အတွင်းမှ လုံးဝဖယ်ရှားသွားမည်ဖြစ်ပြီး အမျိုးသားပြန်လည်သင့်မြတ်ရေးအတွက် စဉ်းစား၍ စေ့စပ်ညှိနှိုင်းမှုမှတစ်ဆင့် လုပ်ဆောင်သွားမည်ဖြစ်ကြောင်း ပြောကြားခဲ့သည်။

ယင်းဟောပြောပွဲသို့ တက်ရောက်လာသူတစ်ဦးက စစ်တပ်အုပ်ချုပ်ရေးစနစ်မှ ပြည်သူ့အုပ်ချုပ်ရေးစနစ်သို့ ပြောင်းလဲမှုအပေါ် မပြီးပြည့်စုံသေးဟု သုံးသပ်ကြောင်း၊ ပြည်သူ့အုပ်ချုပ်ရေးစနစ်သို့ ပြီးမြောက်စွာ ပြောင်းလဲနိုင်ရန် မည်ကဲ့သို့ လုပ်ဆောင်မည်နည်းဟု မေးခွန်းမေးမြန်းသည့်အပေါ် ဒေါ်အောင်ဆန်းစုကြည်က ပြန်လည်ဖြေကြားရာ၌ ထည့်သွင်း ပြောကြားခဲ့ခြင်းဖြစ်သည်။

“ဖွဲ့စည်းပုံအခြေခံဥပဒေကို ကြည့်လိုက်မယ်ဆိုရင် ဥပဒေပြုအာဏာရှိတဲ့ နေရာတိုင်းမှာ တပ်မတော်က ရွေးချယ်ထားသည့် ကိုယ်စားလှယ်များ ၂၅ ရာခိုင်နှုန်းကို တွေ့ရပါလိမ့်မယ်။ ကျွန်မတို့က ဘယ်အချိန်မဆို ၇၅ ရာခိုင်နှုန်းအတွက်ပဲ ရွေးချယ်တင်မြှောက်ခွင့် ရှိပါတယ်။ ကျွန်မအရင်က ပြောခဲ့သလိုပါပဲ။ ကျွန်မတို့ဆီမှာ ၇၅ ရာခိုင်နှုန်း အာဏာပဲရှိပြီး ခံယူရတဲ့ တာဝန်ကတော့ ၁၀၀ ရာခိုင်နှုန်းပါ။ ကျွန်မတို့အဲဒါကို အရင်ပြင်ရပါမယ်။ ကျွန်မတို့ပြင်ချင်တယ်လို့လည်း အရင်တုန်း ကတည်းက တရားဝင် တင်ပြပြောကြားခဲ့ပါပြီ။ ကျွန်မတို့က ပြည်သူတွေ မရွေးကောက်ထားတဲ့ ကိုယ်စားလှယ်များကို ဖယ်ရမယ်။ ဒါပေမဲ့ ဖယ်ရှားတာက အမျိုးသားပြန်လည်သင့်မြတ်ရေးအတွက် စဉ်းစားပြီး တစ်ဆင့်ပြီးတစ်ဆင့် ညှိနှိုင်းဆွေးနွေးမှုတွေ လုပ်ဆောင်သွားမှာပါ။ ဖွဲ့စည်းပုံအခြေခံဥပဒေ အစိတ်အပိုင်းတစ်ချို့ကလည်း ဒီမိုကရေစီမဆန်တဲ့အပိုင်းဖြစ်နေပြီး စစ်တပ်ရဲ့ အာဏာနဲ့သက်ဆိုင်ပါတယ်။ အဲဒါတွေ အကုန်လုံးအပေါ် ကျွန်မတို့ ညှိနှိုင်း ဆွေးနွေးမှုတွေ ပြုလုပ်ပြီး ပြုပြင်ရမှာဖြစ်ပါတယ်။ ကျွန်မတို့ရဲ့ ပြည်သူပြည်သားတွေ မနာကျင်စေတဲ့ နည်းလမ်းတွေ လုပ်ရမှာပါ။ မြန်မာပြည်မှာ ဒုက္ခတွေ၊ ဆူပူမှုတွေဖြစ်ခဲ့တာ များပြားလွန်းခဲ့ပြီး ပြည်သူပြည်သားတွေ ခံစားခဲ့ရတာ များပြားလွန်းခဲ့ပြီ။ ကျွန်မတို့ တိုင်းပြည်တစ်ခုလုံး ဗြောင်းဆန်သွားမယ့် တော်လှန်ရေးတွေ မဖြစ်စေချင်ပါဘူး။ ကျွန်မတို့ စိတ်ရှည်ရှည် ဇွဲကောင်းကောင်းနဲ့ တရားဥပဒေဘောင်ထဲကပဲ လုပ်မှာပါ” ဟု ဒေါ်အောင်ဆန်းစုကြည်က ပြောကြားသည်။

ဆက်လက်ပြီး ပွဲသို့တက်ရောက်လာသည့် ကျောင်းသားတစ်ဦးက မေးမြန်းရာတွင် NLD အစိုးရ တာဝန်ယူအုပ်ချုပ်နေသော်လည်း မြန်မာတပ်မတော်၏အာဏာအား ထိန်းချုပ်နိုင်ခြင်းမရှိဟု ဝေဖန်မှုများပြားနေသည်ဟု ထောက်ပြပြီး စစ်တပ်မှ အာဏာသိမ်းဖို့အား အလားအလာရှိသလားဟု မေးမြန်းခြင်းအပေါ် လက်ရှိအစိုးရယန္တရားတွင် ဗိုလ်ချုပ်ကြီးများနှင့် ညှိနှိုင်းလုပ်ဆောင်နေသည့်အတွက် အာဏာသိမ်းမှုနှင့် ပတ်သက်ပြီး စိုးရိမ်စရာမရှိကြောင်း နိုင်ငံတော်၏အတိုင်ပင်ခံပုဂ္ဂိုလ်က ဖြေကြားခဲ့သည်။

ထို့ပြင် ဒေါ်အောင်ဆန်းစုကြည်က အမျိုးသားပြန်လည်သင့်မြတ်ရေးနှင့် ပတ်သက်၍ လက်ရှိအချိန်တွင် ပင်လုံအစည်းအဝေး သုံးကြိမ်မြောက် လုပ်ဆောင်ခဲ့ပြီး တစ်ကြိမ်ပြီး မြောက်ပါက အဖိုးတန်သော တိုးတက်မှုများ ရရှိခဲ့ကြောင်း၊ တပ်မတော်၊ တိုင်းရင်းသားလက်နက်ကိုင် အဖွဲ့အစည်းများနှင့် မတူညီသော တိုင်းရင်းသားလက်နက်ကိုင်များအကြားတွင် ပစ်ခတ်တိုက်ခိုက်မှုများ ဆက်လက် ပေါ်ပေါက်နေသော်လည်း တစ်နိုင်လုံး အပစ်အခတ်ရပ်စဲရေး ရရှိနိုင်ရန် စကားဝိုင်းများ၊ ညှိနှိုင်းမှုများအား အသုံးချပြီး ယုံကြည်မှုနှင့် နားလည်မှုများကို ဆက်လက်တည်ဆောက်သွားမည်ဟု ပြောကြားခဲ့သည်။

ကမ္ဘာ့ဒေါ်လာဈေး အညွှန်းကိန်း ၉၄ ပွိုင့်ဝန်းကျင်သာ ရှိသော်လည်း နိုင်ငံခြားငွေလဲနှုန်း တစ်ဒေါ်လာ ၁၆၂၂ ကျပ်အထိ စံချိန်သစ်ထပ်တင်

ရန်ကုန်မြို့ရှိ နိုင်ငံခြားငွေကြေးလဲလှယ် ရောင်းဝယ်ရေး ကောင်တာတစ်ခုတွင် ငွေလဲလှယ်နေသည်ကို တွေ့ရစဉ် (ဓာတ်ပုံ-ကျော်ဇင်ဖြိုး)

စက်တင်ဘာ ၁၉ ရက်တွင် ကမ္ဘာ့ဒေါ်လာဈေး အညွှန်းကိန်း ၉၄ ပွိုင့်ဝန်းကျင်သာ ဖြစ်ပေါ်ခဲ့သော်လည်း ပြည်တွင်းဈေးကွက်တွင် နိုင်ငံခြားငွေလဲနှုန်း တစ်ဒေါ်လာ ၁၆၂၂ ကျပ်အထိ စံချိန်တင် ဆက်လက် မြင့်တက်ခဲ့ကြောင်း နိုင်ငံခြားငွေကြေး ရောင်းဝယ်သူများထံမှ သိရသည်။

မြန်မာကျပ်ငွေတန်ဖိုးသည် ဒေါ်လာဈေးမြင့်တက်မှုနှင့်အတူ ထိုင်းဘတ်၊ တရုတ် ယွမ်နှင့် စင်ကာပူဒေါ်လာ စသည့် ငွေကြေးများနှင့်နှိုင်းယှဉ်ပါက သိသိသာသာ ဆက်လက်အားပျော့နေသည်။

ပြည်တွင်းဈေးကွက်တွင် နိုင်ငံခြားငွေလဲနှုန်း ဇွန်လမှစတင်ကာ သိသိသာသာ မြင့်တက်ခဲ့ရာ၂၀၁၆ ခုနှစ် ဒီဇင်ဘာ ၁၆ ရက်တွင် ဖြစ်ပေါ်ခဲ့သည့် တစ်ဒေါ်လာ ၁၄၃၈ ကျပ် စံချိန်ကို ဇူလိုင် ၃၀ ရက်တွင် ကျပ် ၁၄၄၀ ဖြင့် ချိုးခဲ့ပြီး သြဂုတ် ၁၆ ရက်တွင် ကျပ် ၁၅၇၀ ဖြင့် စံချိန်တင်ထားကာ စက်တင်ဘာ ၁၈ ရက်တွင် ၁၅၈၅ ကျပ်၊ စက်တင်ဘာ ၁၉ ရက်တွင် ၁၆၂၂ ကျပ်ဖြင့် အမြင့်ဆုံး စံချိန်ထပ်တင်ခဲ့သည်။ ဒေါ်လာဈေးသည် သြဂုတ် ၂၀ ရက်တွင် ကျပ် ၁၄၈၀ အထိ ကျဆင်းခဲ့သော်လည်း သြဂုတ် ၂၈ ရက်တွင် ကျပ် ၁၅၆၀၊ စက်တင်ဘာ ၁၂ ရက်တွင် ကျပ် ၁၅၇၀၊ စက်တင်ဘာ ၁၈ ရက်တွင် ၁၅၈၅ ကျပ်၊ စက်တင်ဘာ ၁၉ ရက်တွင် ၁၆၂၂ ကျပ်အထိ ပြန်လည်မြင့်တက်ခဲ့ခြင်းဖြစ်သည်။ ၂၀၁၈ ခုနှစ် ဇွန် ၁၁ ရက်တွင် ဖြစ်ပေါ်သော တစ်ဒေါ်လာ ၁၃၄၆ ကျပ်နှင့် စက်တင်ဘာ ၁၉ ရက်တွင် ဖြစ်ပေါ်သော တစ်ဒေါ်လာ ၁၆၀၅ ကျပ်နှင့်နှိုင်းယှဉ်ပါက သုံးလကျော်အတွင်း ၂၇၆ ကျပ်၊ ရာခိုင်နှုန်း ၂၀ ကျော် ကျပ်ငွေတန်ဖိုး ကျဆင်းခဲ့သည်။

၂၀၁၈ ခုနှစ် မေလမှစတင်ကာ ကမ္ဘာ့ဒေါ်လာဈေး အညွှန်းကိန်း သိသိသာသာ ပြန်လည်မြင့်တက်ခဲ့ခြင်းဖြစ်ပြီး ပြည်တွင်းဈေးကွက်၌ ငါးလအတွင်း လအလိုက်ဖြစ်ပေါ်သော နိုင်ငံခြားငွေလဲနှုန်း အနိမ့်ဆုံးနှင့် အမြင့်ဆုံးနှုန်းများမှာ ဧပြီတွင် ၁၃၂၄-၁၃၃၂ ကျပ်၊ မေတွင် ၁၃၃၂-၁၃၅၁ ကျပ်၊ ဇွန်တွင် ၁၃၄၅-၁၄၀၇၊ ဇူလိုင်တွင် ၁၃၈၄-၁၄၄၃၊ သြဂုတ်တွင် ၁၄၄၂-၁၅၇၀ တို့ဖြစ်ပြီး သြဂုတ်လတွင် ကွာဟချက် အများဆုံးဖြစ်ခဲ့သည်။ စက်တင်ဘာ ၁၉ ရက်တွင် ဗဟိုဘဏ်ရည်ညွှန်း ငွေလဲနှုန်းမှာ တစ်ဒေါ်လာ ကျပ် ၁၅၅၇ ဖြစ်ပြီး စက်တင်ဘာ ၁၇ ရက်ဈေးနှုန်းထက် ခုနစ်ကျပ် မြှင့်တင်ခဲ့သည်။

ပြည်တွင်းဈေးကွက်အတွင်း စက်တင်ဘာ ၁၉ ရက်တွင် ဖြစ်ပေါ်သော အခြားနိုင်ငံခြားငွေကြေးများ၏ လဲလှယ်မှုနှုန်းထားများမှာ ယူရို ၁၈၄၀ ကျပ်၊ စင်ကာပူဒေါ်လာ ၁၁၅၀ ကျပ်၊ မလေးရှားရင်းဂစ် ၃၈၀ ကျပ်၊ ထိုင်းဘတ် ၄၉ ဒသမ ၂၀ ကျပ်၊ တရုတ်ယွမ် ၂၂၉ ကျပ်၊ ဂျပန်ယန်း ၁၄ ကျပ်၊ တောင်ကိုရီးယား ၀မ် ၁ ဒသမ ၅၀ ကျပ်ဖြစ်သည်။

မိုးသည်းထန်စွာ ရွာသွန်းမှုကြောင့် တာချီလိတ် မယ်ဆိုင်ချောင်း ရေကြီးပြီး ထိုင်း-မြန်မာ နှစ်နိုင်ငံ နယ်စပ်ဈေးများ ရေနစ်မြုပ်ကာ ယာယီပိတ်ထား

မယ်ဆိုင်ချောင်း ရေကြီးမှုကြောင့် ဈေးများရေနစ်မြုပ်နေစဉ် (ဓာတ်ပုံ-သက်ဦး)

ရှမ်းပြည်နယ်အရှေ့ပိုင်း၊ တာချီလိတ် မယ်ဆိုင်ချောင်း ရေကြီးသဖြင့် ထိုင်းနိုင်ငံနှင့် တာချီလိတ်ရှိ တာလော့ဈေးများ ရေနစ်မြုပ်ခြင်းကြောင့် ဈေးဆိုင်များ ယာယီပိတ်ထားရကြောင်း တာချီလိတ်ဒေသခံများထံမှ စက်တင်ဘာ ၁၈ ရက် ညနေပိုင်းတွင် သိရသည်။

တာချီလိတ်မြို့တွင် စက်တင်ဘာ ၁၈ ရက် နံနက်အစောပိုင်းက ရွာသွန်းခဲ့သောမိုးကြောင့် မယ်ဆိုင်ချောင်း ရေကြီးခဲ့သဖြင့် ထိုင်းနိုင်ငံနှင့် မြန်မာနိုင်ငံတို့ နယ်နိမိတ်တံတားအနီး ချောင်းဘေးပတ်ဝန်းကျင် ဈေးများ ရေကြီးနစ်မြုပ်ခဲ့သဖြင့် ဈေးဆိုင်များ ပိတ်ထားရခြင်းဖြစ်ကြောင်း၊ အဆိုပါ ဈေးတို့မှာ ရေ၀ပ်ဧရိယာတွင် ကျရောက်နေသဖြင့် နှစ်စဉ်တိုင်းရေကြီးချိန် နစ်မြုပ်လေ့ရှိပြီး၊ ထိုသို့ ဆိုင်ပိတ်လေ့ရှိကာ တစ်ရက် နှစ်ရက်နေလျှင် ရေပြန်ကျသွားတတ်ကြောင်း၊ တာချီလိတ်တွင် ရေကြီးခြင်းကြောင့် မက္ကာဟိုခမ်းရပ်ကွက်နှင့် တာလော့ရပ်ကွက်ရှိ တာလော့ဈေး ရေနစ်မြုပ်နေပြီး မယ်ဆိုင်ဘက်တွင် စိုင်းလုံးကျွဲဈေးတွင် ရေကြီးနစ်မြုပ်မှု ဖြစ်ခဲ့ပြီး ဆိုင်ခန်းများ ပိတ်ထားကြောင်း သိရသည်။

“မယ်ဆိုင်ချောင်း ရေကြီးတာပေါ့။ ခုနစ်ပေ ရှစ်ပေလောက် နက်တယ်။ အခုချိန်မှာ ပေ ၂၀ လောက်တော့ ရှိမှာပေါ့။ မနက်ကမှ စတက်တယ်၊ ဒီတိုင်းပဲ ခဏလောက် တက်ပြီးတော့ ပြန်ကျသွားတယ်။ တစ်ရက် နှစ်ရက်ပြီးရင် ပြန်ကျတယ်။ အကြာကြီး မဟုတ်ဘူး။ ဟိုဘက် ဒီဘက် တံတားနားမှာပေါ့။ ဈေးပေါ်တက်တာပေါ့။ အရင်က ရေ၀ပ်ဧရိယာတွေပဲ ဟိုဘက်ချဲ့ ဒီဘက်ချဲ့ပေါ့။ နှစ်ဖက်လုံးပါတယ်။ ဟိုဘက်က တောင်စောင်းပေါ်မှာရှိတဲ့ ဈေးကိုတက်တာ၊ ဒီဘက်ကမှာတော့ တံတားဘယ်ဘက်ခြမ်းမှာရှိတဲ့ ဈေးကို ရေတက်တာပေါ့။ တချို့တော့ နည်းနည်းတော့ ရေမြုပ်တာပေါ့။ ရေမြုပ်တာ ကျော်တယ်။ တစ်ဈေးလုံး တက်တယ်။ လမ်းမကြီး မရောက်ခင်အထိကို တက်တယ်။ ဒီတိုင်းပဲ အကြာကြီး မဟုတ်ဘူး” ဟု တာချီလိတ်ဒေသခံ ကိုသန့်ဇင်က ပြောကြားသည်။

ထိုင်းနိုင်ငံ မယ်ဆိုင်မြို့တွင် ရေကြီးမှုကြောင့် ချစ်ကြည်ရေး တံတား(၁) အနီး တင်ကျန်ခဲ့သည့် ရွှံ့များကို သက်ဆိုင်ရာက ရေများဖြင့် ပြန်လည်ဆေးကြောခြင်းကို စက်တင်ဘာ ၁၈ ရက် နံနက်ပိုင်းက မြင်တွေ့ရကြောင်း ဒေသခံများထံမှ သိရသည်။

တောင်ကြီးမြို့တွင်လည်း ၁၇ ရက်ညက လေပြင်းတိုက်ခတ်ခြင်းကြောင့် ညောင်ဖြူနယ်မြေ (၆) သော်ကလမ်းတွင် ဓာတ်တိုင်အချို့ လဲပြိုခြင်း ရှိခဲ့ကြောင်း သိရသည်။

စက်တင်ဘာ ၁၈ ရက် နံနက်ပိုင်းတွင် ရှမ်းပြည်နယ် အရှေ့ပိုင်းကို မုန်တိုင်းချဉ်းကပ်ရောက်ရှိလာကာ မုန်တိုင်း ၀င်ရောက်စဉ် တစ်နာရီ ၄၆ မိုင်နှုန်း၊ လေပြင်းတိုက်ချိန် ၅၄ မိုင် အထိရှိပြီး မုန်တိုင်းအရှိန်ကြောင့် ရှမ်းပြည်နယ် တစ်ခုလုံး လေပြင်းတိုက်ခတ်ခြင်း၊ မိုးသည်ထန်ခြင်းနှင့် ကြုံတွေ့ရတတ်ကြောင်း မိုးလေ၀သနှင့် ဇလဗေဒ ဦးစီးဌာနမှ သိရသည်။

“အခု တတိယ ၁၀ ရက်ပတ်မှာ ရှမ်းတောင်မှာ ရွာသွန်းမြဲအောက်ကို လျော့မယ်။ ရှမ်းပြည်နယ် မြောက်ပိုင်းနဲ့ အရှေ့ပိုင်းမှာ ရွာသွန်းမြဲထက်ကို ရွာနိုင်တယ်။ အခု တတိယ ၁၀ ရက်ပတ်မှာ လေးရက်ကနေ ငါးရက်ခန့် မိုးထစ်ချုန်း ရွာနိုင်တယ်။ စက်တင်ဘာ ၂၂ ရက်ကနေ ၂၇ ရက်အထိ မြန်မာနိုင်ငံ အလယ်ပိုင်းမှာ မုတ်သုန်ဆုတ်ခွာမယ်လို့ ဌာနကနေ ခန့်မှန်းထားတယ်။ မိုးတိမ်တောင်တွေ ဖြစ်ထွန်းတယ်ဆိုရင် မိုးရွာတာ၊ မိုးသီးကြွေတာ၊ မိုးချုန်းတာ၊ မိုးကြိုးပစ်တာတို့ ဒီအန္တရာယ်တွေတော့ စိုးရိမ်ရတယ်။ ရေကြီးတာတို့ တောင်ကုန်း တောင်တန်းတွေမှာ အဲလို ဖြစ်တယ်လေ။ အမြင့်ပိုင်းကနေ ရွာချလိုက်တဲ့ မိုးကြောင့် လျှပ်တစ်ပြက် ရေကြီးတယ်။ ကာကွယ်ဖို့ရာ အချိန်မလုံလောက်ဘူးပေါ့။ အဖျက်စွမ်းအားများတယ်။ မုတ်သုန်ထွက်မယ့် အချိန်အခါမျိုးမှာတောင် စောင်းတောင်တန်းမှာနေကြတဲ့ ပြည်သူတွေ ဂရုစိုက်ဖို့ လိုတာပေါ့။ မြေပြိုတာတွေ ရေကြီးရေလျှံတာတွေ ဖြစ်တာပေါ့” ဟု ရှမ်းပြည်နယ် မိုးလေ၀သနှင့် ဇလဗေဒ ဦးစီးဌာနမှ ဦးစီးအရာရှိ ဦးကိုကိုလေးက ပြောကြားသည်။

ဘိုကလေးမြို့မရဲစခန်း အချုပ်ခန်း ဖောက်ထွင်းကာ အချုပ်ကျနေသည့် ရဲတပ်သားတစ်ဦး အပါအဝင် အချုပ်သားသုံးဦး ထွက်ပြေးလွတ်မြောက်

ဘိုကလေးမြို့မရဲစခန်း အချုပ်ခန်း ဖောက်ထွင်းကာ အချုပ်ကျနေသည့် ရဲတပ်သားတစ်ဦး အပါအဝင် အချုပ်သားသုံးဦး ထွက်ပြေးလွတ်မြောက်ခဲ့ကြောင်း သတင်းရရှိသည်။

ဘိုကလေးမြို့၊ မြို့မရဲစခန်းအတွင်းရှိ ဗဟိုရဲကင်း အချုပ်ခန်း (၄) ခုအနက် အချုပ်ခန်း အမှတ် (၂) မှာ စက်တင်ဘာ ၁၈ ရက် နံနက် ၃ နာရီခွဲခန့်တွင် အချုပ်ခန်း ဖောက်ထွင်းခံရမှု ဖြစ်ပွားပြီး ယင်းသို့ ထွက်ပြေးလွတ်မြောက် ခဲ့ခြင်းဖြစ်သည်။

ဖြစ်စဉ်မှာ စက်တင်ဘာ ၁၈ ရက်တွင် ဘိုကလေးမြို့မရဲစခန်း ဗဟိုရဲကင်းရှိ အချုပ်ခန်း(၁)တွင် အချုပ်သား ၃၄ ဦး၊ အချုပ်ခန်း (၂) တွင် အချုပ်သား ၃၄ ဦး၊ အချုပ်ခန်းအမှတ်(၃) တွင် အချုပ်သား ၁၁ ဦး၊ အမျိုးသမီးသီးသန့် အချုပ်ခန်းတွင် အချုပ်သား ၁၀ ဦးအား ယာယီထိန်းသိမ်းထားပြီး ရဲတပ်သားနှစ်ဦးကို ကင်းစောင့်တာဝန် ချထားကြောင်း၊ အစောင့်ရဲတပ်သား မျိုးဇော်ကိုနှင့် ရဲတပ်သား သန်းထိုက်စိုးတို့ အိပ်ပျော်နေစဉ် အချုပ်ခန်း အမှတ်(၃) ရှိ ချုပ်ခန်းအား ကာရံထားသော သစ်သားတိုင် အမှတ် ၉၃ မှာ မြေပြင်မှ အမြင့်ပေ သုံးပေခန့် အကွာတွင် သံဖြတ်လွှဖြင့် ဖြတ်ထားသည်ကို ရဲတပ်သား သန်းထိုက်စိုးက တွေ့ရှိရသဖြင့် တာဝန်မှူးထံ သတင်းပို့ပြီးနောက် အချုပ်သားများကို စစ်ဆေးရာတွင် ရာဇသတ်ကြီးပုဒ်မ ၃၈၀ ဖြင့် အချုပ်ကျနေသူ မောင်အာကာဂျူး အသက် ၂၃နှစ်၊ ရာဇသတ်ကြီးပုဒ်မ ၃၇၇ ဖြင့် အချုပ်ကျနေသူကိုလှဦး အသက် (၃၃) နှစ်နှင့် ရာဇသတ်ကြီးပုဒ်မ ၃၈၂/ ၁၁၄ ဖြင့် အချုပ်ကျနေသူ ကိုနန္ဒအောင်(ခ) ဖိုးဖြူ အသက် (၁၉)နှစ် တို့မှာ အချုပ်မှ ထွက်ပြေးသွားခဲ့သည်ကို သိရှိရကြောင်း သိရသည်။

၎င်းတို့အား ရဲတပ်ဖွဲ့မှ လိုက်လံရှာဖွေခဲ့ရာတွင် ထွက်ပြေးခဲ့သည့် အချုပ်သားသုံးဦးမှာ ဘိုကလေးမြို့နယ် ပိုက်စလကျေးရွာအနီး ကားလမ်းပေါ်တွင် ဘိုကလေးမြို့ဖက်မှ မော်လမြိုင်ကျွန်းမြို့ဘက်သို့ မောင်းနှင်လာသော ဆိုင်ကယ်တစ်စီးအား လုယူ၍ မော်လမြိုင်ကျွန်းဘက်သို့ ထွက်ပြေးသွားသည်ကို သိရှိရသောကြောင့် လိုက်လံဖမ်းဆီးရာတွင် ထွက်ပြေးခဲ့သည့် အချုပ်သားသုံးဦးအနက် နှစ်ဦးအား ပြန်လည်ဖမ်းဆီး ရမိခဲ့ကြောင်း သိရသည်။

“သုံးဦးထွက်ပြေးတာ နှစ်ဦးမိပြီ။ ကျောင်းဆရာမစုံတွဲကို ဓားထောက်လုတဲ့အမှုနဲ့ ရောက်နေတဲ့ နန္ဒအောင်မိပြီ၊ ရဲပြေးက အချုပ်ကျနေတဲ့ အာကာဂျူးလည်းမိပြီ။ လှဦးတစ်ယောက်ပဲကျန်တယ်။ အဲ့ဒါကိုလည်း ဆက်ပြီးတော့ ရှာဖွေနေတယ်” ဟု ဘိုကလေးမြို့နယ် ရဲတပ်ဖွဲ့မှူး ရဲမှူးတင်မျိုးဝင်းက စက်တင်ဘာ ၁၈ ရက်မွန်းလွဲ ၁ နာရီခန့်တွင် ပြောကြားသည်။

အချုပ်ခန်းဖောက်ပြေးမှု ဖြစ်ပွားခဲ့သည့် ဘိုကလေးမြို့နယ် မြို့မရဲစခန်းရှိ ရဲတပ်ဖွဲ့ဝင်များကိုလည်း တာဝန်ပေါ့လျော့မှုဖြင့် စစ်ဆေးဆောင်ရွက်နေပြီး ထွက်ပြေးတိမ်းရှောင်နေသည့် အချုပ်သား တစ်ဦးကိုလည်း ဖမ်းဆီးရမိရေး ဆက်လက်ဆောင်ရွက်နေကြောင်း သိရသည်။

 

 

နိုင်ငံတော်၏ အတိုင်ပင်ခံပုဂ္ဂိုလ်ကို ဆဲဆိုဝေဖန် ပုတ်ခတ်သည့်စာများ Facebook တွင် ရေးသားသည်ဟု ဆိုကာ ပုဒ်မ ၁၂၄ (က) ဖြင့် စွဲချက်တင်ခံရသော ငါးမင်းဆွေကို ထောင် ၇ နှစ်နှင့် ဒဏ်ငွေ ကျပ်တစ်သိန်း ပေးဆောင်ရန် အမိန့်ချပြီး ဒဏ်ငွေမဆောင်ပါက ထောင်ဒဏ်တစ်နှစ် ထပ်မံကျခံစေရန် အမိန့်ချ

နိုင်ငံတော်၏ အတိုင်ပင်ခံပုဂ္ဂိုလ်ကို ဆဲဆိုဝေဖန် ပုတ်ခတ်သည့်စာများ Facebook တွင် ရေးသားသည်ဟု ဆိုကာ ပုဒ်မ ၁၂၄ (က) ဖြင့် စွဲချက်တင်ခံရသော ငါးမင်းဆွေကို ထောင် ၇ နှစ်နှင့် ဒဏ်ငွေ ကျပ်တစ်သိန်း ပေးဆောင်ရန် အမိန့်ချပြီး ဒဏ်ငွေမဆောင်ပါက ထောင်ဒဏ်တစ်နှစ် ထပ်မံကျခံစေရန် အမိန့်ချမှတ်လိုက်ကြောင်း အနောက်ပိုင်းခရိုင်တရားရုံးမှ သိရသည်။

ငါးမင်းဆွေအား စက်တင်ဘာ ၁၈ ရက်တွင် အနောက်ပိုင်းခရိုင် တရားရုံး၌ ရုံးထုတ်ခဲ့ပြီး ယင်းသို့အပြီးသတ် အမိန့်ချမှတ်ခဲ့ခြင်း ဖြစ်သည်။

ငါးမင်းဆွေကို လှိုင်မြို့နယ် လှိုင်မြင့်မိုရ်အိမ်ရာ မာဃလမ်း ၁၀ ရပ်ကွက်ရှိ နေအိမ်တွင် ဇူလိုင် ၁၂ ရက် ညနေ ၅ နာရီခွဲခန့်တွင် ရဲတပ်ဖွဲ့က ဖမ်းဆီးခဲ့ခြင်းဖြစ်ပြီး နှစ်လခန့်အကြာတွင် ယင်းသို့ အမိန့်ချမှတ်ခဲ့ခြင်း ဖြစ်သည်။

ပုဒ်မ-၁၂၄ (က) မှာ မည်သူမဆို နှုတ်ဖြင့်ဖြစ်စေ၊ စာဖြင့်ဖြစ်စေ၊ အမှတ်အသားဖြင့်ဖြစ်စေ၊ ထင်ရှားသော ပုံသဏ္ဌာန်ဖြင့် ဖြစ်စေ၊ အခြားနည်းဖြင့် ဖြစ်စေ၊ ပြည်ထောင်စုအတွက်၊ သို့တည်းမဟုတ် ပြည်ထောင်စု အဖွဲ့ဝင်များအတွက် ဥပဒေအရ တည်ထောင်ထားသော အစိုးရကို မုန်းထားအောင်သော် လည်းကောင်း၊ မလေးမစားအောင်သော် လည်းကောင်း ပြုလျှင်၊ သို့တည်းမဟုတ် မေတ္တာပျက်အောင်၊ လှုံ့ဆော်လျှင် သို့တည်းမဟုတ် ထိုသို့လှုံ့ဆော်ရန် အားထုတ်လျှင်၊ ထိုသူကို ငွေဒဏ်နှင့်တကွ တစ်သက်တစ်ကျွန်းဒဏ်ဖြစ်စေ၊ ငွေဒဏ်နှင့်တကွ သုံးနှစ်အထိ ထောင်ဒဏ်ဖြစ်စေ၊ ငွေဒဏ်သက်သက်ဖြစ်စေ ချမှတ်နိုင်ကြောင်း ရာဇသတ်ကြီး အဓိပ္ပာယ်ဖွင့်ဆိုချက်အရ သိရသည်။

ထို့ပြင် မေတ္တာပျက်စေခြင်းဆိုသည့် စကားတွင် သစ္စာမဲ့ခြင်းနှင့် အငြိုးထားသောစိတ်လည်း ပါဝင်ကြောင်း၊ မုန်းထားအောင်သော် လည်းကောင်း မလေးစားအောင်သော် လည်းကောင်း၊ မေတ္တာပျက်အောင်သော် လည်းကောင်း ဖြစ်စေရန် လှုံ့ဆော်ခြင်း သို့တည်းမဟုတ် လှုံ့ဆော်ရန် အားထုတ်ခြင်းမရှိဘဲ အစိုးရ၏ ဆောင်ရွက်မှု အစီအစဉ်ကို ဥပဒေနှင့်ညီသောနည်းဖြင့် ပြောင်းလဲပြုပြင်စေရန် ရည်ရွယ်လျက် ထိုဆောင်ရွက်မှုကို သဘောမကျကြောင်း ထုတ်ဖော်ခြင်းသည် ဤပုဒ်မအရ ပြစ်မှုမမြောက်၊ မုန်းထားအောင်သော် လည်းကောင်း မလေးစားအောင်သော် လည်းကောင်း၊ မေတ္တာပျက်အောင်သော် လည်းကောင်း ဖြစ်စေရန် လှုံ့ဆော်ခြင်း သို့တည်းမဟုတ် လှုံ့ဆော်ရန် ကြံစည်အားထုတ်ခြင်း မရှိဘဲ အစိုးရ၏ စီရင်အုပ်ချုပ်ရေးဆိုင်ရာ ဆောင်ရွက်မှုကို သို့တည်းမဟုတ် အခြားဆောင်ရွက်မှုကို သဘောမကျကြောင်း ထုတ်ဖော်ခြင်းသည် ဤပုဒ်မအရ ပြစ်မှုမမြောက်ဟု ဖော်ပြထားသည်။

ဘွက်ကြီး ဆည်တာပေါင် မြေသားနိမ့်ကျမှု ထပ်မံဖြစ်ပွားသဖြင့် ဆည်အောက်ရှိ ကျေးရွာအချို့ ရွာလုံးကျွတ် ပြောင်းရွှေ့နေ

ဘွက်ကြီးဆည်တာပေါင် မြေသားနိမ့်ကျမှု ထပ်မံဖြစ်ပွားသည့်နေရာကို ကြည့်ရှုစစ်ဆေးနေကြစဉ်

ဘွက်ကြီး ဆည်တာပေါင် မြေသားနိမ့်ကျမှု ထပ်မံဖြစ်ပွားသဖြင့် ဆည်အောက်ရှိ ကျေးရွာအချို့ ရွာလုံးကျွတ် ပြောင်းရွှေ့နေကြောင်း ဒေသခံများထံမှ သိရသည်။

ဘွက်ကြီးဆည်မှာ မကွေးတိုင်း သရက်ခရိုင် အောင်လံမြို့နယ်တွင် တည်ရှိပြီး စက်တင်ဘာ ၁၆ ရက် ညပိုင်းက ထပ်မံနိမ့်ကျမှု ဖြစ်ပွားခဲ့ကြောင်း သိရသည်။

စက်တင်ဘာ လဆန်းပိုင်းတွင် ဘွက်ကြီးဆည် အနောက်ဘက်ခြမ်း တာဘောင်မြေသား နိမ့်ကျမှုဖြစ်ပွားခဲ့ပြီး စက်တင်ဘာ ၁၆ ရက် ညပိုင်းက ယခင်မြေသား နိမ့်ကျထားသည့် နေရာအထက်ရှိ မြေသားများ ထပ်မံနိမ့်ကျခဲ့သဖြင့် ဆည်အောက်ရှိ ဒေသခံများ စိုးရိမ်မှုမြင့်တတ်လာကာ ကျေးရွာအချို့မှာ ကုန်းမြင့်များပေါ်သို့ ရွာလုံးကျွတ် ပြောင်းရွှေ့ခဲ့ကြောင်း သိရသည်။

“ထပ်နိမ့်ကျသွားတဲ့ နေရာက တစ်နေ့ကတုန်းက ပပ်ကြားအက်လေးပဲ ဖြစ်နေတာ။ မနေ့ညလောက်ကမှ မြေသားအရှည် ပေ ၆၀ လောက်က အောက်ကို နှစ်ပေလောက် ထပ်နိမ့်ကျသွားတာ။ ဆည်ကလည်း ရေပိုလွှဲက ရေကျော်ကျနေပါသေးတယ်။ ဒီလိုဖြစ်တာကြောင့် ဆည်အောက် တချို့ရွာတွေ ပြောင်းတာ ရွှေ့တာတွေ လုပ်နေကြတယ်” ဟု ဒါန်းဒေါင့်ကျေးရွာ အုပ်ချုပ်ရေးမှူး ဦးတင်ကြိုင်က ပြောကြားသည်။

လက်ရှိတွင် မြေသားနိမ့်ကျမှုများနှင့် ပတ်သက်ပြီး ဆည်မြောင်း တာဝန်ရှိသူများက စစ်ဆေးနေကာ ပြုပြင်ရေးလုပ်ငန်းများ လုပ်ဆောင်ရန် ဆောင်ရွက်လျက် ရှိသည်။

ပြုပြင်ရေး လုပ်ငန်းများ လုပ်ဆောင်နေသည့် အခြေအနေနှင့် ပတ်သက်ပြီး မကွေးတိုင်း ဆည်မြောင်းညွှန်ကြားရေးမှူး ဦးသောင်းထိုက်က “နိမ့်ကျသွားတဲ့ နေရာတွေကို မိုးကာနဲ့ ဖုံးထားတာက ရေ၀င်မှာစိုးလို့ပါ။ ဘာကိုမှ ဖုံးကွယ်ထားတာ မဟုတ်ပါဘူး။ တာပေါင်အောက်က နိမ့်ကျသွားတာ ဆိုတော့ အပေါ်ဘက်ကပါ ထပ်နိမ့်ကျလာတဲ့ သဘောပါ။ နိမ့်ကျနေတဲ့ အပေါ်ကို မြေကြီးတွေ ထပ်ဖို့လို့လည်း မရဘူး။ ဒီလိုဖို့လိုက်ရင် ထပ်နိမ့်ကျသွားဖို့ ရှိပါတယ်။ ဒါကြောင့် အခုလုပ်မယ့် အခြေအနေက မြေကြီးတွေ ထပ်လျှော့မကျသွားအောင် အောက်ပိုင်းကနေ ထောက်နဲ့ ထောက်ထားဖို့ လုပ်မှာပါ” ဟုပြောကြားသည်။

အလယ်ရွာကျေးရွာမှ ဒေသခံများ ရွှေ့ပြောင်းနေကြစဉ်

ဆည်တာပေါင် မြေသား ထပ်မံနိမ့်ကျမှုကြောင့် ဆည်အောက်ရှိ တံခွန်တိုင်ကျေးရွာ၊ မောင်းမလှုပ်ကျေးရွာ၊ အလယ်ရွာကျေးရွာ၊ ဆင်တဲကျေးရွာစသော ကျေးရွာတွင် နေထိုင်သူများက ရေလွှတ်နိုင်သည့် ကုန်းမြင့်များပေါ်သို့ ရွှေ့ပြောင်းမှုများ လုပ်ဆောင်လျက် ရှိကြသည်။

“အဒေါ်တို့ ပြောင်းလာတာကတော့ တစ်နေ့ကတည်းကပါ။ မနေ့က ရွာကလူတွေ ဆည်သွားကြည့်တော့ အခြေအနေ ကောင်းတယ်တဲ့။ ဒီနေ့ကျတော့ ထပ်နိမ့်လာတယ်လို့ ကြားတော့ ဒီနေ့ တစ်ရွာလုံးနီးပါး ပြောင်းလာကြတယ်။ နွားရှိတဲ့ လူကတော့ နွားနဲ့ ပြောင်းတာပေါ့။ မရှိတဲ့လူကတော့ ခေါင်းနဲ့ရွက်ပြီး ရွှေ့ရ ပြောင်းရတာပေါ့။ ဆည်က စိတ်ချရပြီဆိုမှ ရွာထဲ ပြန်နေရမှာပါပဲ” ဟု အလယ်ရွာကျေးရွာနေ ဒေါ်သိန်းအေးက ပြောကြားသည်။

အဆိုပါ ဘွက်ကြီးဆည်မှာ စက်တင်ဘာ ၂ ရက် ညနေက ဆည်မြေသား တာပေါင် အလျားပေ ၁၀၀ ကျော်၊ အနံ ၄၀ ပေခန့်မှာ ငါးပေခန့်အထိ ကျွံကျခဲ့ပြီး တာဝန်ရှိသူများက မြေကျွံကျသည့် နေရာအား ပြင်ဆင်မှုများပြုလုပ်ကာ ပူပန်စရာမရှိကြောင်း ထုတ်ပြန်ထားသော်လည်း လူသေဆုံးမှု၊ အိုးအိမ်ပျက်စီးမှုများ ဖြစ်ပေါ်ခဲ့သည့် ဆွာတမံကျိုးကျမှု ဖြစ်စဉ်ကြောင့် ဒေသခံအများစုက စိုးရိမ်နေကြပြီး ရွှေ့ပြောင်းမှုများ လုပ်ဆောင်နေခြင်း ဖြစ်သည်။

အဆိုပါ ဘွက်ကြီးဆည်သည် လယ်မြေ ၆၉၆၆ ဧကအား ဆည်ရေပေး စိုက်ပျိုးနိုင်ရန်အတွက်၂၀၀၁-၂၀၀၂ ခုနှစ်ခန့်က စတင် တည်ဆောက်ခဲ့ကာ အလျားပေ ၄၆၂၀၊ အမြင့် ၁၁၃ ပေရှိပြီး ရေလှောင်ပမာဏ ဧက ၇၃၁၉၀ ရှိကြောင်း သိရသည်။

ရန်ကုန်တိုင်းအတွင်းရှိ ကိုယ်ပိုင် စာသင်ကျောင်းများသည် နှစ်စဉ် မှတ်ပုံတင်ကြေးသာ ပေးသွင်းရပြီး အခွန်ကောက်ယူခြင်း မရှိကြောင်း လူမှုရေးဝန်ကြီး ဦးနိုင်ငံလင်း ပြောကြား

စက်တင်ဘာ ၁၇ ရက်တွင် ပြုလုပ်သည့် ရန်ကုန်တိုင်းဒေသကြီး လွှတ်တော်အစည်းအဝေးအား တွေ့ရစဉ် (ဓာတ်ပုံ-ပြည့်ဖြိုးအောင်)

ရန်ကုန်တိုင်းအတွင်းရှိ ကိုယ်ပိုင် စာသင်ကျောင်းများသည် မှတ်ပုံတင်ကြေးသာ ပေးသွင်းရပြီး အခွန်ကောက်ယူခြင်း မရှိကြောင်း ရန်ကုန်တိုင်းဒေသကြီး အစိုးရအဖွဲ့ လူမှုရေးဝန်ကြီး ဦးနိုင်ငံလင်းက စက်တင်ဘာ ၁၇ ရက်တွင် ပြုလုပ်သည့် ဒုတိယအကြိမ် ရန်ကုန်တိုင်းဒေသကြီးလွှတ်တော် သတ္တမ ပုံမှန်အစည်းအဝေး တတိယနေ့တွင် ပြောကြားသည်။

ဒဂုံမြို့နယ် မဲဆန္ဒနယ် အမှတ် (၂) တိုင်းဒေသကြီး လွှတ်တော်ကိုယ်စားလှယ် ဦးကျော်ဇေယျက “ ရန်ကုန်တိုင်းဒေသကြီး၌ ၂၀၁၈-၂၀၁၉ ပညာသင်နှစ်အတွင်း တရားဝင် ခွင့်ပြုထားသည့် ကိုယ်ပိုင် စာသင်ကျောင်းပေါင်း နှင့် ဆရာ/ဆရာမ၊ ကျောင်းသား/ကျောင်းသူများ၏ အရေအတွက်အား အထက်တန်း၊ အလယ်တန်း၊ အဆင့်လိုက် တိကျစွာ သိရှိလိုကြောင်း၊ အဆိုပါ ကိုယ်ပိုင် စာသင်ကျောင်းများမှ ၂၀၁၈-၂၀၁၉ ပညာသင်နှစ်အတွက် ရရှိမည့် မှတ်ပုံတင်ကြေးနှင့် အခွန်ပေးဆောင်ငွေ စုစုပေါင်းမည်မျှ ရရှိသည်ကို သိရှိလိုပါကြောင်း၊ ရန်ကုန်တိုင်းဒေသကြီးအတွင်း ဖွင့်လှစ်ထားသော ကိုယ်ပိုင် စာသင်ကျောင်းများနှင့် ညအိပ် ဘော်ဒါဆောင်များအား သတ်မှတ်ထားရှိသည့် စည်းမျဉ်း၊ ဥပဒေများနှင့် ကိုက်ညီမှု ရှိစေရေးအတွက် တာဝန်ရှိသူများက မည်ကဲ့သို့ စီမံဆောင်ရွက်ထားသည်ကို သိရှိလိုကြောင်း မေးခွန်းအား ၀န်ကြီးမှ ပြန်လည်ဖြေကြားရာတွင် ထည့်သွင်းပြောကြားခဲ့ခြင်း ဖြစ်သည်။

၂၀၁၈-၂၀၁၉ ပညာသင်နှစ်တွင် ရန်ကုန်တိုင်းဒေသကြီးအတွင်း ပညာရေးဝန်ကြီးဌာနက ဖွင့်လှစ်ခွင့်ပြုထားသည့် ကိုယ်ပိုင် အထက်တန်းကျောင်း ၁၅၉ ရှိကြောင်း၊ အလယ်တန်းကျောင်း ၁၂ ကျောင်း ရှိပြီး၊ မူလတန်းကျောင်း ၃၇ ကျောင်း၊ ကိုယ်ပိုင်ကျောင်းဆရာ မှတ်ပုံတင်လက်မှတ်ရ အထက်တန်းပြ ၁၃၅၇ ဦး၊ အလယ်တန်းပြ ၈၅၂ ဦး၊ မူလတန်းပြ ၈၀၀ ဦး ရှိကြောင်း၊ ကိုယ်ပိုင် စာသင်ကျောင်းများတွင် အထက်တန်းအဆင့် ကျောင်းသား၊ ကျောင်းသူ ၂၂၁၇၁ ဦး၊ အလယ်တန်းအဆင့် ကျောင်းသား၊ ကျောင်းသူ ၁၃၆၀၁ ဦး၊ မူလတန်းအဆင့် ကျောင်းသား၊ ကျောင်းသူ ၂၁၄၇၉ ဦး စာသင်ကြားလျက် ရှိကြောင်း သိရသည်။

“ကိုယ်ပိုင်ကျောင်းများအနက်မှ ၂၀၁၈- ၂၀၁၉ ပညာသင်နှစ်မှာ အသစ်ဖွင့်လှစ်ခွင့်ရတဲ့ ကျောင်းက ၁၉ ကျောင်း ရှိပါတယ်။ ယခင်နှစ်တွေမှာ စမ်းသပ် တစ်နှစ် အသစ်ဖွင့်လှစ်ခွင့်ရတဲ့ ကျောင်း ၁၉ ကျောင်း ရှိပါတယ်။ ယခင်နှစ်တွင် စမ်းသပ်တစ်နှစ် ဖွင့်လှစ်ခွင့်ရပြီး စမ်းသပ်တစ်နှစ် ထပ်တိုး ဖွင့်လှစ်ခွင့်ရတဲ့ ကျောင်းက ၅၀ ဖြစ်ပါတယ်။ ယာယီ နှစ်နှစ်ထပ်မံ ဖွင့်လှစ်ခွင့်ရတဲ့ ကျောင်းကတော့ ခြောက်ဆယ် ရှိပါတယ်။ သက်တမ်းကျန် ကျောင်းအားလုံး ၇၉ ကျောင်း ရှိပါတယ်” ဟု ၀န်ကြီး ဦးနိုင်ငံလင်းက ပြောကြားသည်။

စမ်းသပ် တစ်နှစ် အသစ်ဖွင့်လှစ်ခွင့်ရသည့် ကျောင်း ၁၉ ကျောင်းသည် ကိုယ်ပိုင်ကျောင်း မှတ်ပုံတင်ကြေး ငါးသိန်းနှင့် နှစ်စဉ်ကြေး သုံးသိန်း ပေးသွင်းရကြောင်း၊ သက်တမ်းတိုး ဆက်လက် ဖွင့်လှစ်ခွင့်ရသည့် ကျောင်းများသည် စမ်းသပ် တစ်နှစ် ဖွင့်လှစ်ခွင့်ရပါက နှစ်စဉ်ကြေး ကျပ်သုံးသိန်း၊ ယာယီ ဖွင့်လှစ်ခွင့်ရပါက ကျပ်ခြောက်သိန်း ပေးသွင်းရကြောင်း၊ ၂၀၁၈-၂၀၁၉ ပညာသင်နှစ်တွင် ကိုယ်ပိုင်ကျောင်းများမှ ရငွေအဖြစ် နိုင်ငံတော်သို့ပေးသွင်းမှုသည် အသစ်ဖွင့်လှစ်ခွင့် ရရှိသည့် ကျောင်း ၁၉ ကျောင်းမှ ကျပ် ၉၅ သိန်း၊ နှစ်စဉ်ကြေး တစ်နှစ် ၁၉ ကျောင်းမှ ၅၇သိန်း၊ စမ်းသပ် တစ်နှစ် ဖွင့်လှစ်ခွင့်ရရသည့် ကျောင်း ၅၀ မှ သိန်း ၁၅၀၊ ယာယီ သက်တမ်းတိုး ဖွင့်လှစ်ခွင့်ရသည့် ကျောင်း ၆၀ မှ နှစ်စဉ်ကြေး နှစ်နှစ်စာအတွက် ကျပ် သိန်း ၃၆၀၊ စုစုပေါင်း ကျပ် ၆၆၂ သိန်းအား နိုင်ငံတော်မှ ရရှိခဲ့ကြောင်း ဦးနိုင်ငံလင်း က ပြောကြားသည်။

“ပညာရေးဝန်ကြီးဌာနအနေနဲ့ ကိုယ်ပိုင် အထက်တန်းကျောင်းတွေကို အခွန်ကောက်ယူခွင့် မရှိပါဘူး” ဟု ၀န်ကြီး ဦးနိုင်ငံလင်းက ပြောကြားသည်။

ထို့ပြင် ရန်ကုန်တိုင်းဒေသကြီးအတွင်းရှိ ကိုယ်ပိုင်ကျောင်းများအား ရန်ကုန်တိုင်းဒေသကြီး ပညာရေးမှူးရုံးမှ ဒုတိယညွှန်ကြားရေးမှူးချုပ် ဦးဆောင်ပြီး ကိုယ်ပိုင်ကျောင်းများ မှတ်ပုံတင်ခွင့် စီစစ်ရေးအဖွဲ့မှ ကိုယ်ပိုင်ကျောင်းများ မှတ်ပုံတင်လျှောက်လွှာတွင် ဖော်ပြထားသည့် အချက်များ အမှန်တကယ် ပြည့်စုံမှု ရှိ မရှိ၊ ကိုယ်ပိုင်ကျောင်း မှတ်ပုံတင်ဥပဒေ၊ နည်းဥပဒေများ ပြည့်စုံမှု ရှိ မရှိ၊ မှတ်ပုံတင်ခွင့် လျှောက်ထားသော ကျောင်းများအား သတ်မှတ်ချက်ဖြင့် ကိုက်ညီသော ကျောင်းများကို တိုင်းဒေသကြီး အစိုးရအဖွဲ့ထံ ကျောင်းဖွင့်လှစ်ခွင့် သဘောထားမှတ်ချက် တင်ပြတောင်းခံရပြီး တိုင်းဒေသကြီး အစိုးရအဖွဲ့၏ သဘောထားမှတ်ချက် ရရှိပါက အခြေခံပညာ ဦးစီးဌာနသို့ သတ်မှတ်ရက်အတွင်း ပေးပို့ရကြောင်း၊ ဖွင့်လှစ်ခွင့်ရသည့် ကျောင်းများမှ ပညာရေးဝန်ကြီးဌာန၏ မူဝါဒများ၊ လုပ်ထုံးလုပ်နည်းများအား ခေါ်ယူတွေ့ဆုံ ရှင်းလင်းခြင်း၊ ပညာရေးမှူးရုံးမှ တာဝန်ပေးအပ်သူများ အခါအားလျော်စွာ စစ်ဆေးခြင်း၊ ကျောင်းစစ်ဆေးရေးအဖွဲ့များမှ တစ်နှစ်တစ်ကြိမ် စစ်ဆေးခြင်း၊ ဘော်ဒါရှိသော ကျောင်းများမှ ဖော်ပြလျှောက်ထားရပြီး ကျောင်းစစ်ဆေးသည့် အခါတွင်လည်း ဥပဒေပါအချက်များ ကိုက်ညီရမည် ဖြစ်ကြောင်း ၀န်ကြီးက ပြောကြားသည်။