ရခိုင်ပြည်နယ်ရှိ ဆေးရုံနှင့် ကျန်းမာရေးဌာနများအားလုံးကို အကာအကွယ်ပေးထားသည့် နယ်မြေများအဖြစ် စတင်သတ်မှတ်ထားပြီး ရခိုင်၊ ဘင်္ဂါလီ၊ အင်္ဂလိပ်ဘာသာဖြင့် ဆိုင်းဘုတ်များထောင်၍ အသိပေးထား

ရခိုင်ပြည်နယ်အတွင်း ကျန်းမာရေးစောင့်ရှောက်မှုပေးနေသည့် ကျန်းမာရေးဝန်ထမ်းများအား တွေ့ရစဉ်

ရခိုင်ပြည်နယ်အတွင်းရှိ ဆေးရုံနှင့် ကျန်းမာရေးဌာနများအားလုံး၌ မည်သူမဆို ကျန်းမာရေးစောင့်ရှောက်မှု လာရောက်ခံယူနိုင်ကြောင်း၊  ဆေးကုသမှုခံယူသူများ လုံခြုံမှုရှိစေရန်အတွက် ပြည်နယ်အတွင်း ကျန်းမာရေးစောင့်ရှောက်မှုပေးသည့် ဆေးရုံ၊ ဆေးပေးခန်း၊ ကျန်းမာရေးဌာနများအားလုံးကို      ‘အကာအကွယ်ပေးထားသည့် နယ်မြေ (Protected Zone)’ များအဖြစ် သတ်မှတ်ထားပြီး ရခိုင်၊ ဘင်္ဂါလီ၊ အင်္ဂလိပ်ဘာသာဖြင့် ဆိုင်းဘုတ်များထောင်ကာ အသိပေးထားကြောင်း ကျန်းမာရေးနှင့်အားကစားဝန်ကြီးဌာနမှ သိရသည်။

ရခိုင်ပြည်နယ်အတွင်း ရရှိနေသည့် ကျန်းမာရေးစောင့်ရှောက်မှုအဆင့်သည် နိမ့်ကျနေပြီး ကမ္ဘာ့ကျန်းမာရေးအဖွဲ့ကြီးက နိုင်ငံတစ်နိုင်ငံတွင် ထိရောက်သည့် ကျန်းမာရေး စောင့်ရှောက်မှု စနစ်တစ်ခုရှိရန်အတွက် လူတစ်သောင်းလျှင် ကျန်းမာရေးလုပ်သား အနည်းဆုံး ၂၂ ဦးရှိရန် လိုအပ်သည်ဟု အကြံပြုထားကြောင်း၊ တစ်နိုင်ငံလုံး၏ ပျမ်းမျှနှုန်းအရ မြန်မာတစ်နိုင်ငံလုံး၌ ကျန်းမာရေး လုပ်သားအင်အားသည် လူတစ်သောင်း လျှင် ၁၆ ဦးခန့်ရှိသော်လည်း ရခိုင်ပြည်နယ်တွင် လူတစ်သောင်းလျှင် ကျန်းမာရေးလုပ်သား ငါးဦးသာရှိကြောင်း၊ ရခိုင်ပြည်နယ်ရှိ ကလေးသေနှုန်းသည်လည်း တစ်နိုင်ငံလုံး၏ ပျမ်းမျှနှုန်းထက်မြင့်နေကြောင်း၊ ကလေးမွေးဖွားသည့် အမျိုးသမီးများ၏ ၁၉ ရာခိုင်နှုန်းသာလျှင် ကျွမ်းကျင်သည့် ကျန်းမာရေးဝန်ထမ်းများရှိသည့် ဆေးရုံဆေးပေးခန်းများတွင် မွေးဖွားကြကြောင်းနှင့် ကာကွယ်ဆေးထိုးရုံဖြင့် ကာကွယ်နိုင်သည့် ရောဂါအများအပြား မကြာမီနှစ်များအတွင်းက အထူးသဖြင့် ရခိုင်ပြည်နယ်မြောက်ပိုင်းတွင် ဖြစ်ပွားခဲ့သည်ကို တွေ့ရပြီး ၂၀၁၆ ခုနှစ်က ရခိုင်ပြည်နယ်တစ်ခုလုံးတွင် ပြုလုပ်ခဲ့သည့် သုတေသနစစ်တမ်းတွင် ပါဝင်ဖြေဆိုခဲ့သူများ၏ ၅၂ ရာခိုင်နှုန်းသည် ၎င်းတို့အနေဖြင့် ကျန်းမာရေးစောင့်ရှောက်မှုကို လုံလောက်စွာရရှိခြင်းမရှိကြောင်း ဖြေဆိုခဲ့သည်။

ရခိုင်ပြည်နယ်အတွင်း ကလေးသူငယ်များ၏ အာဟာရပြည့်ဝနှုန်းသည်လည်း တစ်နိုင်ငံလုံးတွင် အနိမ့်ဆုံးအခြေအနေတွင်ရှိနေပြီး ကလေးသူငယ်များ၏ ၃၈ ရာခိုင်နှုန်းသည် ဖွံ့ဖြိုးမှုနိမ့်ကျကာ ၃၄ ရာခိုင်နှုန်းသည် ကိုယ်အလေးချိန် ရှိသင့်သလောက်မရှိသည်ကို တွေ့ရကြောင်း သိရသည်။

ထို့ပြင် ရခိုင်ပြည်နယ်အတွင်း ပြန်လည်ဝင်ရောက်လာသူများအတွက် ကျန်းမာရေးစောင့်ရှောက်မှုပေးခြင်း အစီအစဉ်တွင် ပါဝင်မည့် ဒေသခံဝန်ထမ်းများ၊ အခြားဒေသမှ လာရောက်တာဝန်ထမ်းဆောင်မည့် ကျန်းမာရေးဝန်ထမ်းများ၊ ကွင်းဆင်းကြီးကြပ်အဖွဲ့ဝင်များအတွက် လိုအပ်မည့် နေ့တွက်စရိတ်၊ ခက်ခဲဒေသခွင့်ပြုစရိတ် ၊ခရီးစရိတ်စသည်များကို ကျန်းမာရေးနှင့်အားကစားဝန်ကြီးဌာနက ထောက်ပံ့ပေးသွားမည်ဖြစ်ကြောင်း သိရသည်။

ကျန်းမာရေးနှင့် အားကစားဝန်ကြီးဌာနအနေဖြင့် ပြန်လည်လက်ခံရေးစခန်းများ (တောင်ပြိုလက်ဝဲနှင့် ငါးခူရ)နှင့် ယာယီပြန်လည်နေရာချထားမည့် ဒါးကြီးဇားကျေးရွာတို့၌ ကျန်းမာရေးစောင့်ရှောက်မှုလုပ်ငန်းများ ဆောင်ရွက်ရန်အတွက် လိုအပ်သောဆေးအဖွဲ့များကို ဖွဲ့စည်းထားကြောင်းနှင့်ဆေး အဖွဲ့များကို အဆင့်ဆင့် ဖွဲ့စည်းထားပြီးဖြစ်ရာ နယ်စပ်ဝင်ထွက်ပေါက် ဆေးခန်းအဖွဲ့ဝင်များ အနေဖြင့် ကျန်းမာရေးစစ်ဆေးခြင်းနှင့် ကူးစက်ရောဂါစောင့်ကြပ်ကြည့်ရှုခြင်း၊ သာမာန်နေမကောင်းသူများအား ဆေးကုသပေးခြင်း၊ ဆေးရုံသို့ လွှဲပြောင်းရန်လိုအပ်သည့် လူနာများအား အရေးပေါ်ဆေးကုသပေး၍ လွှဲပြောင်းပေးခြင်း၊ ကိုယ်ဝန်ဆောင်စောင့်ရှောက်မှုပေးခြင်း၊ ကလေးငယ်များအား ပိုလီယိုနှင့်ဝက်သက်ကာကွယ်ဆေးများ ထိုးနှံတိုက်ကျွေးခြင်းများကို လုပ်ဆောင်ပေးသွားမည်ဖြစ်ကြောင်း သိရသည်။

ဝင်ငွေခွန်ဥပဒေသစ် မူကြမ်းအဆင့်ရောက်နေပြီဖြစ်ပြီး လက်ရှိဝင်ငွေခွန်ကောက်ခံနေသည့် ခေါင်းစဉ်ခုနစ်မျိုးအနက် လေးမျိုးလျှော့ချကာ စီးပွားရေးလုပ်ငန်းမှရငွေ၊ အခြေပစ္စည်းမှမြတ်စွန်းငွေ၊ လစာရငွေတို့သာပါဝင်မည်

ရန်ကုန်မြို့ ပန်းဆိုးတန်းလမ်းရှိ ပြည်တွင်းအခွန်များ ဦးစီးဌာနရုံးကို တွေ့ရစဉ်

ဝင်ငွေခွန်ဥပဒေကို အသစ်ပြန်လည်ရေးဆွဲနေပြီး မူကြမ်းအဆင့်ရောက်နေပြီဖြစ်ကာ လက်ရှိဝင်ငွေခွန် ခေါင်းစဉ်ခုနစ်မျိုးအနက် လေးမျိုးလျှော့ချကာ စီးပွားရေးလုပ်ငန်းမှ ရငွေ၊ အခြေပစ္စည်းမှမြတ်စွန်းငွေ၊ လစာရငွေတို့သာ ပါဝင်မည်ဖြစ်ကြောင်း ပြည်တွင်းအခွန်များဦးစီးဌာန ညွှန်ကြားရေးမှူးချုပ် ဦးမင်းထွဋ်က ပြောကြားသည်။

“လက်ရှိဝင်ငွေခွန်နဲ့ပတ်သက်တဲ့ ခေါင်းစဉ် ခုနစ်ခုရှိတယ်။ အခြေပစ္စည်းမှမြတ်စွန်းငွေတို့၊ စီးပွားရေးလုပ်ငန်းမှရငွေတို့၊ အခြေပစ္စည်းမှဝင်ငွေတို့၊ စည်းကြပ်မှုမှလွတ်ကင်းငွေတို့၊ အခြားတို့ အဲဒီလို ခုနစ်ခုရှိတာပေါ့။ အခု ၀င်ငွေခွန်ဥပဒေကို အသစ်ပြန်ဆွဲနေတယ်။ အခု မူကြမ်းတော့ရပြီ။ အဲဒီဝင်ငွေခွန် ဥပဒေအသစ် ထွက်လာတဲ့အခါကျရင် ၀င်ငွေခွန်နဲ့ပတ်သက်တဲ့ ခေါင်းစဉ်က သုံးမျိုးပဲပါတော့မယ်။ အဲဒီသုံးမျိုးကတော့ စီးပွားရေးလုပ်ငန်းမှရငွေ၊ အခြေပစ္စည်းမှမြတ်စွန်းငွေ၊ လစာရငွေတို့ဖြစ်ပါတယ်” ဟု ၎င်းက ပြောကြားသည်။

လက်ရှိ ၀င်ငွေခွန်ဥပဒေကို ၁၉၇၄ ခုနှစ်တွင် စတင်ပြဋ္ဌာန်းခဲ့ပြီး ၁၉၉၉ ခုနှစ်၊ ၂၀၁၄ ခုနှစ်တို့တွင် ၀င်ငွေခွန်ဥပဒေပြင်ဆင်သည့် ဥပဒေများဖြင့် ပြင်ဆင်ဖြည့်စွက်ခဲ့ခြင်း ဖြစ်သည်။ ယင်းဝင်ငွေခွန်ဥပဒေပါ ၀င်ငွေခွန် ခေါင်းစဉ်ခုနစ်မျိုးမှာ လစာ၊ အသက်မွေးဝမ်း ကျောင်းပညာလုပ်ငန်း၊ စီးပွားရေးလုပ်ငန်း၊ ပစ္စည်း၊ အခြေပစ္စည်းမှမြတ်စွန်းငွေ၊ ၀င်ငွေရလမ်း မဖော်ပြနိုင်သည့်ဝင်ငွေ၊ အခြားရလမ်းမှ ၀င်ငွေတို့ဖြစ်ပြီး လက်ရှိရေးဆွဲနေသည့် ၀င်ငွေခွန်ဥပဒေသစ်တွင် ခေါင်းစဉ်သုံးမျိုးသာ ထည့်သွင်းတော့မည် ဖြစ်သည်။

“ဒီဥပဒေပြဋ္ဌာန်းနိုင်ဖို့က အချိန်တစ်နှစ်ကျော်လောက် ယူရမှာပါ။ အခုကျွန်တော်တို့ လာမယ့်နှစ်မှာ ၀င်ငွေခွန်ကို ဖြေလျှော့ပေးထားတယ်။ အဲဒီပေးထားတဲ့ အချိန်တစ်နှစ်ပြီးသွားရင် နောက်ပိုင်း အိမ်ဝယ်တာပဲ ဖြစ်ဖြစ်၊ ကားဝယ်တာပဲဖြစ်ဖြစ်၊ ရှယ်ယာထည့်တာပဲဖြစ်ဖြစ်မှာ ၀င်ငွေရလမ်းရှိတဲ့ငွေ ရှိရင် ရှိ၊ ဒါမှမဟုတ် အခွန်ဆောင်ပြီးရထားတဲ့ Certificate လက်မှတ်ရှိရင်ရှိပေါ့။ အဲဒါမှ မရှိရင် မလာခဲ့နဲ့တော့။ နိုင်ငံတကာလို တရားဝင် ရင်းနှီးမြှုပ်နှံနိုင်တဲ့ငွေမရှိရင် ရင်းနှီးမြှုပ်နှံလို့ မရတော့ဘူးပေါ့။ အခုပေးထားတဲ့ အခွင့်အရေးအရ ကိုယ့်ရင်းနှီးမြှုပ်နှံမှုမှာအကြောင်း အမျိုးမျိုးကြောင့် အခွန်လျော့နည်းခဲ့တာရှိ တယ်ဆိုရင် အခုတစ်နှစ်အတွင်း ကျွန်တော်တို့ဆီမှာ လာဆောင်၊ အခွန်ရုံးက Certificate ပေးမယ်။ နောက်ပိုင်း တစ်ခုခုပြန်ရင်း နှီးမြှုပ်နှံတယ်ဆိုရင် ဒီ Certificate ရှိရင် အခွန်သက်သာမှာပေါ့။ တဖြည်းဖြည်းနဲ့ အခွန်လမ်းကြောင်းကို နိုင်ငံတကာအဆင့်ဖြစ်အောင် သွားနေပါတယ်” ဟု ဦးမင်းထွဋ်က ပြောကြားသည်။

ဝင်ငွေရလမ်း မပြနိုင်သည့်စည်းကြပ်မှုမှ လွတ်ကင်းနေသော ၀င်ငွေအပေါ် ၀င်ငွေခွန်အဖြစ် ယခင်က ၁၅ ရာခိုင်နှုန်းမှ ရာခိုင်နှုန်း ၃၀ အထိ ကောက်ခံခဲ့ရာမှ ၂၀၁၈ စည်းကြပ်နှစ်မှ စတင်ပယ်ဖျက်လိုက်ပြီး ယခင်အခွန် မဆောင်ခဲ့သည့် ၀င်ငွေနှင့် ပိုင်ဆိုင်မှုများ အားလုံးအတွက် ၂၀၁၈ ခုနှစ် ဧပြီ ၁ ရက်မှ ခြောက်လအတွင်း အခွန်ပေးဆောင်မည်ဆိုပါက သုံးရာခိုင်နှုန်းနှင့် အဆိုပါပထမခြောက်လအပြီး ဒုတိယခြောက်လတွင် အခွန်ထမ်းဆောင်မည်ဆိုပါက အခွန်နှုန်း ငါးရာခိုင်နှုန်း ထမ်းဆောင်ရန် ပြင်ဆင်လျှော့ချလိုက်ကြောင်း ၂၀၁၈ ခုနှစ် ပြည်ထောင်စု၏ အခွန်အကောက်ဥပဒေကြမ်းတွင် ဖော်ပြထားမှုအရ သိရသည်။

ထိုသို့ စည်းကြပ်မှုမှ လွတ်ကင်းနေသော ၀င်ငွေအပေါ် အခွန်နှုန်း ရာခိုင်နှုန်း ၃၀ မှ ငါးရာခိုင်နှုန်းအထိ လျှော့ချသည့် အစီအစဉ် အကောင်အထည်ဖော် ဆောင်ရွက်ရန်ပေးထားသည့် အချိန်မှာ ၂၀၁၈ ခုနှစ် ဧပြီ ၁ ရက်မှ ၂၀၁၉ ခုနှစ် ဧပြီ ၁ ရက်အထိဖြစ်ပြီး နောင်တွင် ၀င်ငွေခွန်ဥပဒေ၌ စည်းကြပ်မှုမှ လွတ်ကင်းနေသော ၀င်ငွေကို ပယ်ဖျက်ကာ ၀င်ငွေခွန်ဥပဒေသစ်အတိုင်းသာ အခွန်ပေးဆောင်ရမည်ဖြစ်ပြီး နောင်တွင် အခွန်တိမ်းရှောင်မှုများအတွက် ထိရောက်စွာ အရေးယူမည်ဖြစ်ကြောင်းနှင့် စည်းကြပ်မှုမှ လွတ်ကင်းနေသော ၀င်ငွေများကို ၀င်ငွေခွန်ဥပဒေအရ အရေးမယူဘဲ အခွန်ပြန်လည်ပေးဆောင်နိုင်မည့် နောက်ဆုံးအခွင့် အရေးဖြစ်ကြောင်း စီမံကိန်းနှင့် ဘဏ္ဍာရေး ၀န်ကြီးဌာန ဒုတိယ၀န်ကြီး ဦးမောင်မောင်ဝင်းက ဖေဖော်ဝါရီ ၁၃ ရက်တွင် ပြည်ထောင်စုလွှတ်တော်၌ ပြောကြားသည်။

၂၀၁၈ ခုနှစ် ပြည်ထောင်စု၏ ဘဏ္ဍာငွေအရအသုံးဆိုင်ရာ ဥပဒေကြမ်းတွင် ကျပ် ၁၀၆၇၇၆၉၈ ဒသမ ၁၇၄ သန်း တောင်းခံထားသည့်အနက် ကျပ် ၁၃၀၁၀၄ ဒသမ ၁၃၂ သန်းကို ပူးပေါင်းအဖွဲ့များ စိစစ်လျှော့ချထား

ဖေဖော်ဝါရီ ၁၆ ရက်က နေပြည်တော်တွင်ပြုလုပ်သော ပြည်ထောင်စုလွှတ်တော်အစည်းအဝေး မစတင်မီတက်ရောက်လာသူများကို တွေ့ရစဉ်

၂၀၁၈ ခုနှစ် ပြည်ထောင်စု၏ ဘဏ္ဍာငွေအရအသုံးဆိုင်ရာဥပဒေကြမ်းတွင် ကျပ်သန်းပေါင်း ၁၀၆၇၇၆၉၈ ဒသမ ၁၇၄ တောင်းခံထားသည့်အနက် ကျပ်သန်းပေါင်း ၁၃၀၁၀၄ ဒသမ ၁၃၂ အား ပူးပေါင်းအဖွဲ့များက စိစစ် လျှော့ချထားကြောင်း ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ က အစီရင်ခံစာ တင်သွင်းခဲ့သည်။

၂၀၁၈ ခုနှစ် ဧပြီမှ စက်တင်ဘာ ၃၀ ရက်အထိ ပြည်ထောင်စုအဆင့်အဖွဲ့များမှ သာမန်နှင့်ငွေလုံးငွေရင်းအသုံးစရိတ် လျာထားချက် ကျပ်သန်းပေါင်း ၁၀၆၇၇၆၉၈ ဒသမ ၁၇၄ တောင်းခံထားသည့်အနက် ကျပ်သန်းပေါင်း ၁၃၀၁၀၄ ဒသမ ၁၃၂ အား ပူးပေါင်းအဖွဲ့များက စိစစ်လျှော့ချထားပြီး စိစစ်လျှော့ချပြီး ကျန်ငွေ ကျပ်သန်းပေါင်း ၁၀၅၄၇၅၉၄ ဒသမ ၀၄၂ ဖြစ်ကြောင်း ပြည်သူ့ငွေစာရင်းပူးပေါင်းကော်မတီက ဖေဖော်ဝါရီ ၁၆ ရက်ကပြုလုပ်သည့် ပြည်ထောင်စုလွှတ်တော် အစည်းအဝေးသို့ အစီရင်ခံစာ တင်သွင်းခဲ့သည်။

၂၀၁၈ ခုနှစ် ဧပြီမှ စက်တင်ဘာအထိ ခြောက်လအတွက် ပြည်ထောင်စု၏ အရအသုံး ခန့်မှန်းခြေငွေစာရင်းနှင့်၂၀၁၈ ခုနှစ် ပြည်ထောင်စု၏ ဘဏ္ဍာငွေအရအသုံးဆိုင်ရာ ဥပဒေကြမ်းအပေါ် စိစစ်တွေ့ရှိချက်များအရ သာမန်ရငွေတွင် ကျပ် ၅၀၆၀၂ ဒသမ ၄၈၀ သန်း တိုးမြှင့်ပြီး သုံးငွေစိစစ်လျှော့ချမှုကြောင့် ရငွေကျပ် ၁၃၂၁၆ ဒသမ ၃၂၀ သန်းလျော့နည်းခြင်းနှင့် သုံးငွေစိစစ်လျှော့ချမှု ကျပ် ၁၃၀၁၀၄ ဒသမ ၁၃၂ သန်းတို့ကို အတည်ပြုသင့်ကြောင်း ပြည်သူ့ငွေစာရင်းပူးပေါင်းကော်မတီက သဘောထားမှတ်ချက်ပြုခဲ့သည်။

၂၀၁၈ ခုနှစ်ဧပြီမှ စက်တင်ဘာ ခြောက်လအထိ တောင်းခံငွေများတွင် ပူးပေါင်းစိစစ်ရေးအဖွဲ့များက စိစစ်ဖြတ်တောက်ခြင်းမရှိခဲ့သည့် ဌာနများအနေဖြင့် နိုင်ငံတော်သမ္မတရုံး၊ နိုင်ငံတော်ဖွဲ့စည်းပုံ အခြေခံဥပဒေဆိုင်ရာခုံရုံး၊ ပြည်ထောင်စုရွေးကောက်ပွဲကော်မရှင်၊ ပြည်ထောင်စုရှေ့နေချုပ်ရုံး၊ ပြည်ထောင်စုစာရင်းစစ်ချုပ်ရုံး၊ ပြန်ကြားရေး (နိုင်ငံတော်ပိုင်စီးပွားရေးအဖွဲ့အစည်းများ)၊ ပို့ဆောင်ရေး နှင့် ဆက်သွယ်ရေး (နိုင်ငံတော်ပိုင်စီးပွားရေး အဖွဲ့အစည်းများ) ပြည်ထောင်စုဘဏ္ဍာရန် ပုံငွေပြင်ပ၊ သယံဇာတနှင့်သဘာဝပတ်ဝန်းကျင်ထိန်းသိမ်းရေး (နိုင်ငံတော်ပိုင်စီးပွားရေး အဖွဲ့အစည်းများ) မိမိဘဏ္ဍာရန်ပုံငွေ၊ လျှပ်စစ်နှင့်စွမ်းအင် (နိုင်ငံတော်ပိုင်စီးပွားရေးအဖွဲ့အစည်းများ) ပြည်ထောင်စုဘဏ္ဍာရန်ပုံငွေ ပြင်ပ၊ ရန်ကုန်နှင့် လျှပ်စစ်ဓာတ်အားပေးကော်ပိုရေးရှင်းများမှ တောင်းခံထားမှုများအား ဖြတ်တောက်ခဲ့ခြင်း မရှိကြောင်း အစီရင်ခံစာအရ သိရသည်။
ပြည်ထဲရေးဝန်ကြီးဌာနမှ တောင်းခံထားသည့် သာမန်အသုံးစရိတ်အား ဖြတ်တောက်ခြင်းမရှိဘဲ ငွေလုံးငွေရင်းတောင်းခံ လျာထားသည့် ကျပ်သန်းပေါင်း ၁၄၆၈၆၂ ဒသမ ၀၆၈မှ ကျပ်သန်းပေါင်း ၆၂၂၈ ဒသမ ၂၇၁ အား စိစစ်ဖြတ်တောက်ထားကြောင်း၊ ကာကွယ်ရေးဝန်ကြီးဌာန တောင်းခံထားသည့် သာမန်လျာထားချက် ကျပ်သန်းပေါင်း ၇၂၀၂၉၅ ဒသမ ၄၄၄ မှ ကျပ်သန်းပေါင်း ၂၀၀ ဒသမ ၀၀၀၊ ငွေလုံးငွေရင်း ကျပ်သန်းပေါင်း ၆၁၁၀၈၇ ဒသမ ၃၆၆ မှ ကျပ်သန်း ပေါင်း ၈၅၂၅ ဒသမ ၀၀၀ စိစစ်ဖြတ်တောက်ထားကြောင်း၊ နယ်စပ်ရေးရာဝန်ကြီးဌာန တောင်းခံထားသည့် ငွေလုံးငွေရင်း ကျပ်သန်းပေါင်း၄၄၇၄၉ ဒသမ ၆၁၂ မှ ကျပ်သန်းပေါင်း ၇၂၈၉ ဒသမ ၆၂၃ ဖြတ်တောက်ထားကြောင်း၊ ပြန်ကြားရေးဝန်ကြီးဌာန (ဦးစီးဌာနများ)ငွေလုံးငွေရင်း ကျပ်သန်းပေါင်း ၁၁၉၅ ဒသမ ၀၆၈ မှ ကျပ်သန်းပေါင်း ၄၂၀ ဒသမ ၅၈၄ စိစစ်ဖြတ်တောက်ထားကြောင်း၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန တောင်းခံထားသည့် သာမန် ကျပ်သန်းပေါင်း ၁၂၆၃၃၉ ဒသမ ၃၃၀မှ ကျပ်သန်းပေါင်း ၃၇၀၄ ဒသမ ၆၅၆ စိစစ်ထားကြောင်း၊ ငွေလုံး ငွေရင်းကျပ်သန်းပေါင်း ၁၄၉၈၈၈ ဒသမ ၁၀၇ မှ ကျပ်သန်းပေါင်း ၁၉၉၉၀ ဒသမ ၈၅၃ စိစစ်ဖြတ်တောက်ထားကြောင်း အစီရင်ခံစာအရ သိရသည်။

ပညာရေးဝန်ကြီးဌာန တောင်းခံထားသည့် သာမန်ကျပ်သန်းပေါင်း ၆၆၃၈၁၁ ဒသမ ၉၈၉ အား ဖြတ်တောက်ခြင်းမရှိဘဲ ငွေလုံးငွေရင်း ကျပ်သန်းပေါင်း ၁၃၉၂၈၀ ဒသမ ၆၀၅ မှ ကျပ်သန်းပေါင်း ၅၁၇၄ ဒသမ ၁၆၉ စိစစ်ဖြတ်တောက်ထားကြောင်း၊ ကျန်းမာရေး နှင့်အားကစားဝန်ကြီးဌာနမှ တောင်းခံထားသည့် သာမန် ကျပ်သန်းပေါင်း ၂၉၁ ဒသမ ၅၅၀ မှ ကျပ်သန်းပေါင်း ၇ ဒသမ ၉၃၁ နှင့် ငွေလုံးငွေရင်း ကျပ်သန်းပေါင်း ၁၂၆၃၉၈ ဒသမ ၁၃၃ မှ ကျပ်သန်းပေါင်း ၁၀၇၅၄ ဒသမ ၇၉၃ စိစစ်ဖြတ်တောက်ထားကြောင်း၊ ဆောက်လုပ်ရေးဝန်ကြီးဌာန တောင်းခံထားသည့် သာမန် ကျပ်သန်းပေါင်း ၃၄၉၅၂ ဒသမ ၂၃၄ မှ ကျပ်သန်းပေါင်း ၁၆၆၀ ဒသမ ၂၉၄ နှင့် ငွေလုံးငွေရင်းကျပ်သန်းပေါင်း ၁၈၄၄၁၂ ဒသမ ၈၅၉ မှ ကျပ်သန်းပေါင်း ၁၉၄၉၀ ဒသမ ၉၂၃ စိစစ်ဖြတ်တောက်ထားကြောင်း၊ နေပြည်တော်ကောင်စီ တောင်းခံထားသည့် သာမန် ကျပ်သန်းပေါင်း ၂၆၉ ဒသမ ၅၉၃ အား ဖြတ်တောက်ခြင်း မရှိဘဲ ငွေလုံးငွေရင်း ကျပ်သန်းပေါင်း ၄၂၁၃ ဒသမ ၉၄၃ မှ ကျပ် သန်းပေါင်း ၁၂၅၉ ဒသမ ၃၁၂ စိစစ်ဖြတ်တောက်ထားကြောင်း၊ နေပြည်တော်စည်ပင် သာယာရေးကော်မတီ တောင်းခံထားသည့် သာမန် ကျပ်သန်းပေါင်း ၉၁၉၆ ဒသမ ၀၄၁ အား ဖြတ်တောက်ခြင်းမရှိဘဲ ငွေလုံးငွေရင်း ကျပ်သန်းပေါင်း ၂၀၃၃ ဒသမ ၆၅၆ မှ ကျပ် သန်းပေါင်း ၆၈၁ ဒသမ ၂၇၂ စိစစ်ဖြတ် တောက်ထားကြောင်း ပြည်သူ့ငွေစာရင်းပူး ပေါင်းကော်မတီ၏ အစီရင်ခံစာတွင် ဖော်ပြထားချက်အရ သိရသည်။

၂၀၁၈ ခုနှစ် ပြည်ထောင်စု၏ ဘဏ္ဍာငွေ အရအသုံးဆိုင်ရာ ဥပဒေကြမ်းနှင့်စပ်လျဉ်းပြီး မူနှင့်အခြေခံသဘောအပါအ၀င် ရငွေ သုံးငွေများအပေါ် ဆွေးနွေးမည့်ကိုယ်စားလှယ်များအနေဖြင့် ဖေဖော်ဝါရီ ၂၀ ရက် နောက်ဆုံးထားကာ အမည်စာရင်း တင်သွင်းနိုင်ကြောင်း ပြည်ထောင်စုလွှတ်တော်နာယက မန်းဝင်းခိုင်သန်းက ပြောကြားသည်။

ဘင်္ဂါလီမွတ်စလင်များအား ပြန်လည်လက်ခံရန် အဆင်သင့်ဖြစ်ပြီဟု မြန်မာပြည်ထဲရေးဝန်ကြီးက ဘင်္ဂလားဒေ့ရ်ှသမ္မတအား ပြောကြား

ဘင်္ဂလားဒေ့ရ်ှနိုင်ငံ ကော့ဘဇားအနီးရှိ ဒုက္ခသည်စခန်းတစ်ခုတွင် မိသားစုအတွက် ပရိုတင်းဓာတ်များစွာပါသော ဘီစကစ်များ၊ ဆန်နှင့် ပဲနီလေးတို့ ရောချက်ထားသည့် Khicdhi ဟင်းအထုပ်များကို ယူဆောင်လာသည့် ဘင်္ဂါလီမွတ်စလင်ဒုက္ခသည်တစ်ဦးကို ဇန်န၀ါရီ ၁၇ ရက်က တွေ့ရစဉ် (Photo: AP)

မြန်မာနိုင်ငံ ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ကျော်ဆွေက ၎င်း၏ နိုင်ငံသည် ဘင်္ဂလားဒေ့ရ်ှနိုင်ငံမှ ဘင်္ဂါလီ မွတ်စလင်များကို ဖြည်းဖြည်းချင်းပြန်လည် လက်ခံရယူရန် အသင့် ပြင်ထားကြောင်း ပြောကြားခဲ့သည်။

ဒုတိယဗိုလ်ချုပ်ကြီး ကျော်ဆွေသည် ဘင်္ဂလားဒေ့ရ်ှသမ္မတ အမ်ဒီအဗ္ဗဒူဟာမစ်နှင့် ဘင်္ဂလားဒေ့ရ်ှနိုင်ငံ ဒါကာမြို့၌ ဖေဖော်ဝါရီ ၁၅ ရက် တွင် တွေ့ဆုံရာ၌ ယင်းကဲ့သို့ ပြောကြားခဲ့ ခြင်းဖြစ်ကြောင်း သမ္မတ၏ ပြန်ကြားရေး အတွင်းဝန် ဂျွိုင်းနယ်အဘေဒင်က မီဒီယာများသို့ ပြောကြားခဲ့သည်။

သူ၏နိုင်ငံသည် ဘင်္ဂါလီမွတ်စလင်များကို ပြန်လည်လက်ခံရေးစတင်ရန် အဆင်သင့်ဖြစ်နေပြီကြောင်းနှင့် လွန်ခဲ့သည့်လက နှစ်နိုင်ငံ သဘောတူညီထားသည့် အစီအစဉ်အတိုင်း စခန်းတစ်ခုတည်ဆောက်ပြီးဖြစ်ကြောင်း ဒုတိယဗိုလ်ချုပ်ကြီး ကျော်ဆွေက ပြောကြားခဲ့သည် ဟု ဂျွိုင်းနယ်က ဆိုသည်။

“သူ (ဒုတိယဗိုလ်ချုပ်ကြီး ကျော်ဆွေ) က သူ့အစိုးရအဖွဲ့ ဟာ ကိုဖီအာနန်ကော်မရှင်က အကြံပြုထား တာတွေကို ဖြည်းဖြည်းချင်း အကောင်အထည်ဖော်သွားမယ်လို့လည်း ပြောပါတယ်” ဟု သမ္မတ၏ ပြန်ကြားရေးအတွင်းဝန်က ပြောကြားခဲ့သည်။

ရခိုင်ပြည်နယ်၌ အကြမ်းဖက်နှိပ်ကွပ်မှုများကြောင့် ဘင်္ဂါလီမွတ်စလင် တစ်သန်းကျော်သည် ဘင်္ဂလားဒေ့ရ်ှနိုင်ငံသို့ထွက်ပြေးကာ ဒုက္ခသည်များအဖြစ် နေထိုင်နေရသည်။

၎င်းတို့အနက် ၇၀၀,၀၀၀ ခန့်သည် ရခိုင်ပြည်နယ်တွင် အကြမ်းဖက်သမားများက လုံခြုံရေးစခန်းများကို တိုက်ခိုက်ခဲ့ပြီးနောက် လွန်ခဲ့သည့်နှစ် သြဂုတ် ၂၅ ရက်တွင်  မြန်မာတပ်မတော်က ဘင်္ဂါလီမွတ်စလင်များအပေါ် လူမျိုးစုလိုက်သုတ်သင်မှုဟု စွပ်စွဲခံရသည့် စစ်ဆင်ရေးစတင်ခဲ့သည့်အတွက် နယ်ခြားကို ဖြတ်ကျော်ကာ ထွက်ပြေးလာခဲ့ ကြခြင်းဖြစ်သည်။

“မြန်မာနိုင်ငံက ရိုဟင်ဂျာတွေကို အတင်းအဓမ္မ မောင်းထုတ်ခဲ့တာက ဘင်္ဂလားဒေ့ရ်ှနိုင်ငံအတွက် အဓိကပြဿနာတစ်ရပ် ဖြစ်ပါတယ်” ဟု သမ္မတဟာမစ်က အစည်းအဝေး၌ ပြောကြားခဲ့ကြောင်း ဂျွိုင်းနယ်က  ပြောပြခဲ့သည်။

ဘင်္ဂလားဒေ့ရ်ှသမ္မတက ဒုက္ခသည်များ ဘေးကင်းလုံခြုံစွာနှင့် ဂုဏ်သိက္ခာရှိစွာ ပြန်လာနိုင်ရေးအတွက် အဆင့်လိုက်ဆောင်ရွက်ရန် မြန်မာအစိုးရကို တောင်းဆိုခဲ့သည်။

သမ္မတက မြန်မာအစိုးရအနေဖြင့် နိုင်ငံအတွင်းတွင် ၎င်းတို့အတွက်အဆင်ပြေသော ၀န်းကျင်တစ်ရပ် ဖန်တီးပေးခြင်းအားဖြင့် ဘင်္ဂါလီမွတ်စလင်များထံမှ ယုံကြည်မှုရယူရန် အထူးပြုသင့်သည်ဟုလည်း ပြောကြားခဲ့သည်ဟု ဆိုသည်။

ဘင်္ဂလားဒေ့ရှ် သမ္မတက မြန်မာအစိုးရအနေဖြင့် ဒုက္ခသည်များ ပြန်လည်ထူထောင်ရေးနှင့် ၎င်းင်းတို့မြေများဆီသို့ ပြန်နိုင်ရေးတို့အတွက်လည်း အဆင့်လိုက် ဆောင်ရွက်လိမ့်မည်ဟု မျှော်လင့်ကြောင်းလည်း ပြောကြားခဲ့သည်။ လွန်ခဲ့သည့်နှစ်က သဘောတူညီချက် တစ်ရပ်ကို လက်မှတ်ရေးထိုးခဲ့ပြီးနောက် မြန်မာနှင့် ဘင်္ဂလားဒေ့ရ်ှနှစ်နိုင်ငံသည် ဒုက္ခသည်များ ပြန်လည်လက်ခံရေးအတွက် ပူးတွဲ အလုပ်အဖွဲ့ကို ဖွဲ့စည်းခဲ့သည်။

ထိုင်းဘုရင်မင်းမြတ်ကပေးအပ်မည့် “The Knight Grand Cross (First Class) of the Most Exalted Order Of the White Elephant” အား လက်ခံရယူရန် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ထိုင်းနိုင်ငံသို့သွားရောက်

တပ်မတော်ကာကွယ်ရေးဦးစီးချုပ်အား ထိုင်းဘုရင့်တပ်မတော် ကာကွယ်ရေးဦးစီးချုပ်နှင့် ထိုင်းဘုရင့်တပ်မတော်အရာရှိကြီးများ ကြိုဆိုစဉ် (ဓာတ်ပုံ-တပ်မတော်ကာကွယ်ရေးဦးစီးချုပ်ရုံး)

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်သည် ထိုင်းဘုရင်မင်းမြတ်မှပေးအပ်မည့် ‘The Knight Grand Cross (First Class) of the Most Exalted Order Of the White Elephant’ အား လက်ခံရယူရန်နှင့် ချစ်ကြည်ရေးခရီးသွားရောက်ရန် ဖေဖော်ဝါရီ ၁၅ ရက် နံနက်ပိုင်းက နေပြည်တော်လေဆိပ်မှ ထိုင်းနိုင်ငံသို့ ထွက်ခွာသွားကြောင်း တပ်မတော်ကာကွယ်ရေးဦးစီးချုပ်ရုံး၏ သတင်းထုတ်ပြန်ချက်အရ သိရသည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်သည် ထိုင်းဘုရင့် တပ်မတော်ကာကွယ်ရေးဦးစီးချုပ် Gen. Tarnchaiyan Srisuwan ၏ ဖိတ်ကြားချက်အရ ထိုင်းနိုင်ငံသို့ ချစ်ကြည်ရေးခရီးသွားရောက်ရန်နှင့် ထိုင်းဘုရင်မင်းမြတ်မှ ပေးအပ်မည့်  ‘The Knight Grand Cross (First Class) of the Most Exalted Order Of the White Elephant’ အပ်နှင်းခြင်းအခမ်းအနား တက်ရောက်ရန် သွားရောက်ခြင်းဖြစ်ကြောင်း သိရသည်။

တပ်မတော်ကာကွယ်ရေးဦးစီးချုပ် ဦးဆောင်သည့် ကိုယ်စားလှယ်အဖွဲ့အား ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်း၊ ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီး မြထွန်းဦး၊ ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများ၊ နေပြည်တော်တိုင်းစစ်ဌာနချုပ်တိုင်းမှူး၊ မြန်မာနိုင်ငံဆိုင်ရာ ထိုင်းနိုင်ငံသံရုံးမှ  သံရုံးယာယီတာဝန်ခံ Mr.Narong Boonsatheanwong ထိုင်းဘုရင့်တပ်မတော် လေတပ်စစ်သံမှူးနှင့် တာဝန်ရှိသူများက လေဆိပ်တွင် ပို့ဆောင်နှုတ်ဆက်ခဲ့ကြသည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ဦးဆောင်သည့် မြန်မာ့တပ်မတော်ကိုယ်စားလှယ်အဖွဲ့တွင် အဖွဲ့ဝင်များအဖြစ် ဇနီးဒေါ်ကြူကြူလှ၊ ကာကွယ်ရေးဦးစီးချုပ်ရုံး (ကြည်း) မှ တပ်မတော်အရာရှိကြီးများနှင့် ရန်ကုန်တိုင်းစစ်ဌာနချုပ် တိုင်းမှူးတို့ အဖွဲ့ဝင်အဖြစ် လိုက်ပါသွားကြပြီး ခရီးစဉ်အတွင်း ထိုင်းဘုရင်မင်းမြတ်မှ ပေးအပ်မည့်  ‘The Knight Grand Cross (First Class) of the Most Exalted Order Of the White Elephant’ အား လက်ခံရယူခြင်းနှင့် အထင်ကရနေရာများအား လှည့်လည်ကြည့်ရှု လေ့လာသွားမည်ဖြစ်ကြောင်း သိရသည်။

ထို့နောက် တပ်မတော်ကာကွယ်ရေးဦးစီးချုပ်နှင့် ဇနီး ဦးဆောင်သည့် မြန်မာ့တပ်မတော်ကိုယ်စားလှယ်အဖွဲ့သည် မွန်းလွဲပိုင်းတွင် ထိုင်းနိုင်ငံ ဘန်ကောက်မြို့ရှိ ဒွန်မောင်း တပ်မတော်လေဆိပ် (Wing-6) သို့ ရောက်ရှိရာ ထိုင်းဘုရင့်တပ်မတော်ကာကွယ်ရေးဦးစီးချုပ် Gen. Tarnchaiyan Srisuwan  နှင့်ဇနီး၊ ထိုင်းဘုရင့်တပ်မတော်အရာရှိကြီးများ၊ ထိုင်းနိုင်ငံဆိုင်ရာ မြန်မာနိုင်ငံသံအမတ်ကြီး ဦးမျိုးမြင့်သန်း၊ မြန်မာစစ်သံ (ကြည်း၊ ရေ၊ လေ) ဗိုလ်မှူးချုပ်ခင်ဇော်နှင့် တာဝန်ရှိသူများက လေဆိပ်၌ ကြိုဆိုနှုတ်ဆက်ခဲ့ကြကြောင်း သတင်းထုတ်ပြန်ချက်အရ သိရသည်။

The Knight Grand Cross (First Class) of the Most Exalted Order Of the White Elephant ဘွဲ့တံဆိပ်သည် ထိုင်းဘုရင်မင်းမြတ်မှ နိုင်ငံ့အကျိုးသယ်ပိုးသည့် မင်းမျိုးမင်းနွယ်၊ စစ်ဘက်ခေါင်းဆောင်၊ အရပ်ဘက် ခေါင်းဆောင်၊ ပြည်ပပုဂ္ဂိုလ်များအား ပေးအပ်ချီးမြှင့်သည့် ဘွဲ့တံဆိပ်တစ်ခုဖြစ်ပြီး the Most Exalted Order Of the White Elephant ဘွဲ့တံဆိပ်အတန်းအစားရှစ်မျိုးအနက် ပထမအဆင့်ဖြစ်ကြောင်း သိရသည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်အနေဖြင့် ယခုရရှိမည့်ဘွဲ့တံဆိပ်သည် ထိုင်းဘုရင်မင်းမြတ် ပေးအပ်ချီးမြှင့်သည့် ဒုတိယမြောက်ဘွဲ့တံဆိပ်ဖြစ်ပြီး ၂၀၁၃ ခုနှစ်ကလည်း The Knight Grand Cross (First Class) of the Most Noble Order of the Crown of Thailand တော်ဝင်ဘွဲ့တံဆိပ်ကို လက်ခံရရှိထားခဲ့ကြောင်း သိရသည်။

ပြီးခဲ့သည့် ဖေဖော်ဝါရီ ၅ ရက်ကလည်း ထိုင်းဘုရင့်တပ်မတော် ကာကွယ်ရေးဦးစီးချုပ် Gen. Tarnchaiyan Srisuwan သည် မြန်မာနိုင်ငံသို့ ချစ်ကြည်ရေးခရီးစဉ်အဖြစ် လာရောက်ခဲ့ပြီး ခရီးစဉ်၌ တပ်မတော်ကာကွယ်ရေးဦးစီးချုပ်က နေပြည်တော်ရှိ ဇေယျာသီရိဗိမာန်ရှေ့၌ ဂုဏ်ပြုတပ်ဖွဲ့ဖြင့်ကြိုဆိုခဲ့သည်။

ထို့နောက် နှစ်ဖက်တွေ့ဆုံ၍ နှစ်နိုင်ငံ တပ်မတော်နှစ်ရပ်အကြား ချစ်ကြည်ရင်းနှီးမှု ပိုမိုတိုးတက်ခိုင်မာရေးဆိုင်ရာကိစ္စရပ်များ၊ သင်တန်းသားများစေလွှတ်ရေးနှင့် နှစ်နိုင်ငံ တပ်မတော်ယဉ်ကျေးမှုအဖွဲ့နှင့် အားကစား အဖွဲ့များ အပြန်အလှန်စေလွှတ်ရေး၊ စစ်သင်္ဘောများ အပြန်အလှန်လည်ပတ်ရေး၊ တပ်မတော်နှစ်ရပ်အကြား အဆင့်အလိုက်  အပြန်အလှန် ပူးပေါင်းဆောင်ရွက်ရေးကိစ္စရပ်များနှင့် မြန်မာနိုင်ငံ၏ ထာဝရငြိမ်းချမ်းရေး ရရှိအောင် ဆောင်ရွက်နေမှုအခြေအနေ များအား အပြန်အလှန်ဆွေးနွေးခဲ့ကြသည်။