သရုပ်ဆောင်ကျော်ကျော်ဗိုလ်နှင့် တွေ့ဆုံခြင်း

ကျရာဇာတ်ရုပ်တွင် ပီပြင်စွာပုံဖော်နိုင်သူတစ်ဦးအဖြစ် ပရိသတ်လက်ခံအားပေးမှု ရရှိထားသည့် သရုပ်ဆောင် ကျော်ကျော်ဗိုလ်မှာ ဟာသ၊ ဒရာမာ၊ အက်ရှင်ဇာတ်ဝင်ခန်းအစုံတွင် ပီပြင်စွာပုံဖော်နိုင်သူ ဖြစ်သည်။ လတ်တလောတွင် ရုပ်ရှင်ဇာတ်ကားများအတွင်းမှ ကြမ်းတမ်းသည့် စကားလုံးများ၊ မိန်းမစိတ်ဝင်သူ၊ မသန်စွမ်းသူများအား နှိမ်ချကာ ဟာသပြက်လုံးများအဖြစ် ရိုက်ကူးနေသည်များနှင့်ပတ်သက်၍ ပရိသတ်များက ဝေဖန်ကြပုံအဖြစ် ‘ကျွန်တော် ရှက်လို့’ အမည်ဖြင့် ဗီဒီယိုဖိုင်အား ရိုက်ကူးကာ အွန်လိုင်းတွင် လွှင့်တင်ထားခဲ့သည်။ ယင်းဗီဒီယိုဖိုင် ရိုက်ကူးဖြစ်ခဲ့သည့် အကြောင်းရင်း၊ အနုပညာဖန်တီးမှုများနှင့်ပတ်သက်၍ ခံစားနေရသည့် စိတ်ခံစားချက်၊ ဆက်လက်ဖန်တီးသွားမည့် အနုပညာနှင့်ပတ်သက်သည့် ခံယူချက်များအား သရုပ်ဆောင်ကျော်ကျော်ဗိုလ်နှင့် တွေ့ဆုံမေးမြန်း ဖြစ်ခဲ့ပါသည်။

 

■မေး  – အွန်လိုင်းမှာ ကျွန်တော်ရှက်လို့ဆိုတဲ့နာမည်နဲ့ ဗီဒီယိုဖိုင်လေးတစ်ခု တင်ခဲ့တာနဲ့ပတ်သက်လို့ အရင်ဆုံးပြောပြပေးပါဦး။

■ ဖြေ- ရုပ်ရှင်လောကဆိုတာထက် ကိုယ်ပိုင်အနုပညာလောကအတွက် ကျွန်တော်အဲဒီဗီဒီယိုဖိုင်လေးကို ရိုက်ကူးဖြစ်တာပါ။ အဓိကတော့ ကိုယ့်ကိုယ်ကိုယ် သတိပေးတယ်။ ကိုယ့်ကိုယ်ကိုယ် Attention ပြန်ယူတယ်။ အဲဒီခံစားမှုက ကျွန်တော့်ရင်ထဲမှာ ကိန်းအောင်းနေတာ တော်တော်ကြာပြီ။ အဲဒါလေးကို ပရိသတ်တွေအတွက် ကျွန်တော်က ရုပ်ရှင်သမားဆိုတော့ ရုပ်ရှင်ပုံစံလေးနဲ့ ရိုက်ကူးဖြစ်သွားတာပါ။ ကျွန်တော့်ကိုယ်ကျွန်တော် ပြောင်းချင်တာပေါ့နော်။ ဒီစိတ်နဲ့ ဗီဒီယိုဖိုင်လေးရိုက်ပြီး လွှင့်ပေးဖြစ်တာပါ။

■ မေး – ဒီလိုအတွေးမျိုးတွေကို ဘယ်အချိန်လောက်ကတည်းက စပြီးတွေးဖြစ်ခဲ့တာလဲ။

■ ဖြေ  – ဟိုတုန်းကတော့ သတိမထားမိဘူး။ တဖြည်းဖြည်းနဲ့ ရံဖန်ရံခါလေးဖြစ်လာတယ်။ ကိုယ်ဖန်တီးလိုက်တဲ့အနုပညာက ကိုယ်ကိုယ်တိုင်ကြိုက်ဖို့လိုတယ်။ ကိုယ်တိုင်မကြိုက်ဘဲနဲ့ သူများတွေကို ကြည့်ခိုင်းရမှာကို ကြံ့ရှက်လာလို့လေ။ အဲဒါကြောင့်လည်း အဓိကဖန်တီးဖြစ်တာပေါ့။ ကျန်တာတော့ ဘယ်သူ့အတွက်ရယ်လို့မှ မဟုတ်ဘူး။ ဟောလိဝုဒ်မှာလည်း ဆင်မြူရယ်ဂျက်ဆင်တို့ ရိုက်ထားတာမျိုးလည်း ရှိတာပဲလေ။ သူ့ကြောင့် ကလေးတွေဆဲတတ်သွားတာတို့၊ အဲဒီလိုမျိုး ရိုက်ထားတာတွေရှိတယ်။ ကိုကြံ့ကတော့ ကိုယ့်ကိုယ်ကိုယ် သတိပေးတဲ့ ဗီဒီယိုကလစ်ပေါ့။ အဲဒီလို သုံးသပ်လို့ရပါတယ်။

■ မေး – ဒါဆို ဒီဗီဒီယိုဖိုင်မှာပါသလိုပဲ ရုပ်ရှင်ဇာတ်ကားတွေနဲ့ပတ်သက်တဲ့ ဝေဖန်မှုတွေကို ကြားခဲ့ရတာမျိုးရှိတယ်ပေါ့။

■ ဖြေ  – ရှိတာပေါ့။ ဒါက ရုပ်ရှင်ရဲ့ Presentation အရ အားလုံးကို Detail မဟုတ်ဘဲ အချိန်တိုအတွင်းမှာ ပေးချင်တဲ့ Message ကို ရအောင်ပို့ပေးရတာ။ အရင် အဲဒီလိုပြောခံရတာမျိုးတွေ ရှိတယ်။ ကိုကျော်ကျော်ဗိုလ်ကားက အရမ်းကောင်းတယ်။ ဒါပေမဲ့ ရိုင်းတယ်နော်လို့ ပြောကြတာတွေလည်း ရှိတာပေါ့။ အဲဒီလို Feedback နဲ့ ပြန်ကြားရတာမျိုးတွေ ရှိခဲ့တယ်။

■ မေး – ကိုကြံ့ရဲ့မိသားစုတွေဆီက ရိုက်ကူးထားတဲ့ ဇာတ်ကားတွေနဲ့ပတ်သက်လို့ အကြံပေးတာမျိုး၊ ဝေဖန်တာမျိုး ကြားရတာရောရှိလား။

■ ဖြေ – အဲဒါကြောင့် ကျွန်တော်ပြောတာလေ။ ကျွန်တော်ရိုက်ထားတဲ့ကားကို ကျွန်တော်တစ်ခါတလေ ပြန်မကြည့်ချင်ဘူး။ တချို့ဇာတ်ကားတွေပေါ့။ ကျွန်တော် မကြိုက်လို့။ မကြိုက်ဘဲနဲ့ ဘာလို့ရိုက်လဲဆိုရင်တော့ ကျွန်တော်တို့က ဖြတ်သန်းခဲ့တဲ့ အနုပညာသက်တမ်းတစ်လျှောက်လုံးမှာက အရေအတွက်များမှသာ  ပရိသတ်က ကျွန်တော်တို့ကို မှတ်မိမယ်ဆိုတဲ့စိတ်က ရင်ထဲမှာ သွားစွဲနေတာကိုး။ ပရိသတ်တွေအတွက် အဆိပ်အတောက်ဖြစ်စေလားဆိုတော့ မိသားစုနဲ့ကြည့်ဖို့ မပြောနဲ့။ ကျွန်တော်ကိုယ်တိုင်တောင် ပြန်မကြည့်ချင်ဘူး။ တချို့ဆို ပြန်မကြည့်ဖြစ်ဘူး။ ကျွန်တော်လည်း ဖခင်တစ်ယောက်အနေနဲ့တော့ တချို့ကားတွေမှာ ကလေးသူငယ်တစ်ယောက်အနေနဲ့ကြည့်ဖို့ နားထောင်ဖို့မသင့်တဲ့ စကားလုံးလေးတွေ၊ အပြုအမူလေးတွေရှိတယ်။ အဓိကတော့ ဆင်ဆာမှာ Rating မရှိတာလည်း ပြဿနာတစ်ခုဖြစ်မယ်လို့ ထင်ပါတယ်။

■ မေး – ဒီလိုတွေးမိတဲ့ တခြားသောအနုပညာရှင်တွေရော ရှိနိုင်လား။

■ ဖြေ  – ရှိမှာပါ။ သိတယ် ပြောင်းလဲဖို့အခြေအနေမပေးဘူး။ သိတယ် ပြင်ဆင်ဖို့ အခွင့်မသာဘူး။ အဲဒီလိုလည်း ဖြစ်မှာပါ။

■ မေး- ဗီဒီယိုဖိုင်မှာပါသလိုပဲ ကာရိုက်တာတစ်ခုကို အသက်သွင်းဖို့က နိုင်ငံခြားမှာတော့ အချိန်အများကြီး ယူကြတယ်။ ဒီမှာတော့ ဇာတ်ညွှန်းဖတ်ပြီးတော့ပဲ ရက်ပိုင်းနဲ့ ပြင်ဆင်ကြတာဆိုတော့ အဲဒီအပေါ်မှာလည်း ပြောပေးပါဦး။

■ ဖြေ  – နိုင်ငံတကာမှာတော့ ဇာတ်ရုပ်တစ်ခုကို အသက်သွင်းဖို့ နှစ်နဲ့ချီပြီးပြင်ဆင်ကြတယ်။ ကာရိုက်တာပေါ်တည်ဆောက်တယ်။ ဒီပေါ်မှာ အလုပ်လုပ်ကြတယ်။ ဒီအတွက် အနုပညာကြေးကလည်း ဒေါ်လာသန်းနဲ့ချီပြီးရတော့ လုပ်နိုင်မှာပေါ့လို့ အကြောင်းပြလို့ရတယ်။ ကျွန်တော်တို့ဆီက Market ကလည်း ကြည့်တဲ့သူတစ်သန်း လောက်ဆီကရတဲ့ဝင်ငွေနဲ့ ထုတ်လုပ်သူတွေက ရပ်တည်ကြရတယ်။ ဟိုမှာကတော့ ကမ္ဘာပတ်ပြီးပြကြတာကိုး။ ဒီတော့  Market ကို ဘယ်လိုချဲ့မလဲဆိုတာ စဉ်းစားရတော့မှာပေါ့။ ထိုင်းဇာတ်ကားဆို ထိုင်းတစ်နိုင်ငံလုံးပြနေတာ မဟုတ်တော့ဘူး။ တခြားနိုင်ငံတွေမှာလည်းပြပြီး ၀င်ငွေရှာနေကြတာ။ အဲဒီတော့ မင်းပြင်လိုက် ငါမပြင်သေးဘူးလုပ်လို့ မရဘူး။ အားလုံးစုပြီးပြင်ရမှာ။ ဒီနေ့ ကျွန်တော်ဆင်းရဲသား ကာရိုက်တာမှာ သရုပ်ဆောင်နေပြီး နက်ဖြန် တခြားကားလက်ကျန်မို့လို့ ဆရာဝန် သွားပြေးလုပ်လိုက်ဦးမယ်ဆိုတာမျိုး ဖြစ်နေကြတာလေ။ အဲဒါက လွဲနေတာ။ အနုပညာကို ဒီလိုလေးလုပ်လိုက်လို့ရပါတယ်ဆိုတာမျိုး ဖြစ်နေတယ်လို့ ထင်တယ်လေ။ အနပညာတစ်ခုဖန်တီးတယ်ဆိုတာ မလွယ်ကူဘူး။ အဲဒီခံစားမှုတွေ ရှိလာလို့ ခုလို ဗီဒီယိုဖိုင်ဖြစ်လာတာပါ။

■ မေး – နောက်ပိုင်း ကိုကြံ့လက်ခံဖြစ်မယ့် ဇာတ်ကားတွေနဲ့ပတ်သက်လို့ရော ကိုယ့်ကိုယ်ကိုယ် ကျေနပ်စေမယ့်၊ ပရိသတ်တွေကို မျက်နှာမပူရမယ့်ဇာတ်ကားမျိုးတွေပဲ လက်ခံဖြစ်မလား။

■ ဖြေ  – အဓိကတော့ ရုပ်ရှင်တစ်ကားမှာ အနုပညာရာခိုင်နှုန်း များစေချင်တာပါပဲ။ ကိုကြံ့လက်ခံဖြစ်မယ့် ဇာတ်ကားတွေလည်း အဲဒီလိုပဲဖြစ်စေချင်တယ်။ ရုပ်ရှင်တစ်ကားဖန်တီးရာမှာ အနုပညာရာခိုင်နှုန်း ပိုများလာစေချင်တာပါ။ Balance ချိန်မယ် ဆိုရင် ကိုကြံ့တို့ ရိုက်ခဲ့တဲ့ဇာတ်ကားတွေက အနုပညာရာခိုင်နှုန်း နည်းတယ်လေ။ နောက်ပိုင်းမှာ အနုပညာရာခိုင်နှုန်းသာ များလာမယ်ဆိုရင် ကျေနပ်မိမှာပါ။

■ မေး –  ဒီဗီဒီယိုဖိုင်ကို ကြိုက်တဲ့သူ အားပေးတဲ့သူရှိသလို ဝေဖန်မှုလည်း ရှိမှာပဲလေ။ ဒီအပေါ်  ဘယ်လိုမြင်လဲ။

■ ဖြေ-  ဒီဗီဒီယိုဖိုင်က ကိုယ့်ကိုယ်ကိုယ်သတိပေးတာပါ။ ကိုယ့်ကိုယ်ကိုယ် ဒီလိုတွေးမိပြီဆိုတာကို ပရိသတ်တွေကို ပြောပြချင်တာလည်းပါတယ်။ ဘယ်သူ့ကိုမှလည်း မရည်ရွယ်ပါဘူး။ ကျွန်တော် ဒါကိုမကြိုက်လို့မလုပ်တော့ဘူးဆိုတာ ပရိသတ်တွေကို အသိပေးတာပါ။ အဲဒီအတွက် ကျန်တဲ့သူတွေက ကောင်းတာပဲပြောပြော၊  ဆိုးတာပဲပြောပြော ကိစ္စမရှိပါဘူး။

■ မေး- ပရိသတ်တွေကို ပြောချင်တဲ့စကားလက်ဆောင်များ ရှိမလား။

■ ဖြေ – နောက်ပိုင်းကိုတော့ ကိုယ်တိုင်လည်း ကြိုက်နိုင်မယ့်၊ အနုပညာဖန်တီးမှု ရာခိုင်နှုန်းများမယ့် အနုပညာအလုပ်တွေ ဆက်လုပ်သွားပါမယ်လို့ပဲ ပြောချင်ပါတယ်။

■ မေး – နှင်းဆီအငြိမ့်သစ်ရော ကဖို့ရှိမလား။

■ ဖြေ  – ကဖို့တော့ ရှိပါတယ်။ နှင်းဆီအဖွဲ့တွေ သေချာမစုံကြရသေးတော့ အသေးစိတ်တော့ မသိသေးပါဘူး။

မက္ကဆီကိုဒါရိုက်တာ အယ်လ်ဖွန်ဆိုကာရွန်၏ Roma ဇာတ်ကား ဗင်းနစ်ရုပ်ရှင်ပွဲတော်၏ ရွှေခြင်္သေ့ဆု ဆွတ်ခူး

အီတလီနိုင်ငံတွင် ကျင်းပသည့် (၇၅) ကြိမ်မြောက် ဗင်းနစ်ရုပ်ရှင်ပွဲတော်၏ အမြင့်ဆုံးဆုဖြစ်သော ရွှေခြင်္သေ့ဆုကို အော်စကာဆုရ ဒါရိုက်တာ အယ်လ်ဖွန်ဆိုကာရွန်၏ Roma ဇာတ်ကားက ဆွတ်ခူးခဲ့သည်။

၁၉၇၁ ခုနှစ်တွင် မက္ကဆီကိုစီးတီးရှိ လူလတ်တန်းစား မိသားစုတစ်စုထံတွင် အိမ်အကူလုပ်သည့် အမျိုးသမီးတစ်ဦးအကြောင်း အခြေပြု ရိုက်ကူးထားသည့် Roma ဇာတ်ကားသည် ကာရွန်၏ အပြောင်မြောက်ဆုံး ဇာတ်ကားတစ်ကားဟု ဝေဖန်ရေးသမားများက ချီးကျူးခဲ့သည်။ ယင်းဇာတ်ကားသည် ကာရွန်၏ ကိုယ်ရေးအတ္ထုပ္ပတ္တိ တစ်စိတ်တစ်ပိုင်းလည်းဖြစ်သည်။

ယင်းဇာတ်ကား၏ အဓိကဇာတ်ကောင် Cleo သည် ၎င်းကို ထိန်းကျောင်းခဲ့သည့် ကလေးထိန်းကို အခြေပြုရေးသားခဲ့သည်ဟု ကာရွန်က အေအက်ဖ်ပီသို့ ပြောကြားခဲ့သည်။

Roma ဇာတ်ကားအတွက် ၎င်းကလေးဘ၀က နေထိုင်ခဲ့သည့် နေအိမ်ကို ပြန်လည်တည်ဆောက်ခဲ့ပြီး ယင်းကာလကပုံစံမျိုး ပြန်လည်ဖန်တီးရန် ဆွေမျိုးများထံမှ ပရိဘောဂများ ငှားခဲ့ရသည်ဟု အသက် ၅၆ နှစ်အရွယ်ရှိ ကာရွန်က ပြောကြားခဲ့သည်။

A Little Princess၊ Y Tu Mamá También၊ Harry Potter and the Prisoner of Azkaban၊ Children of Men စသည့် ဇာတ်ကားများဖြင့် အောင်မြင်ခဲ့သည့် ကာရွန်သည် ၂၀၁၃ ခုနှစ် အော်စကာဆုပေးပွဲတွင် Gravity ဇာတ်ကားဖြင့် အကောင်းဆုံး ဒါရိုက်တာဆု ဆွတ်ခူးခဲ့သည်။

“Roma က ရုပ်ရှင်တစ်ကားမျှသာ မဟုတ်ပါဘူး။ စိတ်အာရုံမှာပါ ထင်မြင်လာတဲ့ရုပ်ရှင်ဇာတ်ကားပါ” ဟု Variety မဂ္ဂဇင်း၏ ရုပ်ရှင်ဝေဖန်ရေးသမား Owen Gleiberman က ပြောကြားသည်။

ယခုနှစ်ရုပ်ရှင်ပွဲတော်တွင် ပြင်သစ်ဒါရိုက်တာ Jacques Audiard က The Sisters Brothers ဇာတ်ကားဖြင့် ငွေခြင်္သေ့ဆု ဆွတ်ခူးခဲ့သည်။ အမေရိကန်-အီတလီ သရုပ်ဆောင် Willem Dafoe က ဗင်းဆင့်ဗင်ဂိုးအကြောင်း ရိုက်ကူးထားသည့် At Eternity’s Gate ဇာတ်ကားဖြင့် အကောင်းဆုံး အမျိုးသားသရုပ်ဆောင်ဆုကို ဆွတ်ခူးခဲ့ပြီး ဗြိတိန်သရုပ်ဆောင် အိုလီဗီယာ ကိုမန်က The Favourite ဇာတ်ကားဖြင့် အကောင်းဆုံးအမျိုးသမီး သရုပ်ဆောင်ဆုကို ရရှိခဲ့သည်။

သက်တမ်းအကြာဆုံး ရုပ်ရှင်ပွဲတော်တစ်ခုဖြစ်သည့် ဗင်းနစ်ရုပ်ရှင်ပွဲတော်ကို သြဂုတ် ၂၉ ရက်မှ စက်တင်ဘာ ၈ ရက်အထိ ကျင်းပခဲ့သည်။

ယခုနှစ် ရုပ်ရှင်ပွဲတော်၏ ရွှေခြင်္သေ့ဆုအတွက် ဇာတ်ကား ၂၁ ကား ၀င်ရောက်ယှဉ်ပြိုင်ခဲ့ပြီး ဆုရွေးချယ်ရေးဂျူရီအဖွဲ့ကို မက္ကဆီကို ဒါရိုက်တာ Guillermo del Toro က ဦးဆောင်ခဲ့သည်။

တေးသံရှင် ဇော်ဝင်းထွဋ်နှင့် အင်ပါယာတီးဝိုင်းတို့၏ နှစ်စဉ်ပြုလုပ်မြဲ ဆေးပေါင်းခတဲ့ည ဖျော်ဖြေပွဲကို အစဉ်အလာမပျက် ပြုလုပ်မည်

တေးသံရှင် ဇော်ဝင်းထွဋ်နှင့် အင်ပါယာတီးဝိုင်းတို့၏ နှစ်စဉ်ပြုလုပ်မြဲဖြစ်သည့် ဆေးပေါင်းခတဲ့ည ဂီတဖျော်ဖြေပွဲကို ယခုနှစ်တွင် အစဉ်အလာမပျက် ပြုလုပ်မည်ဖြစ်ကြောင်း သိရသည်။ ယင်းဖျော်ဖြေပွဲကို တန်ဆောင်မုန်းလပြည့်နေ့ညတွင် ရန်ကုန်မြို့၌ ပြုလုပ်မည်ဖြစ်ကာ ပြုလုပ်မည့် နေရာအားပြန်လည် အသိပေး ကြေညာမည်ဖြစ်ကြောင်း သိရသည်။

“ပွင့်လင်းရာသီမှာတော့ ရန်ကုန်မှာ တစ်ပွဲမန္တလေးမှာတစ်ပွဲ လုပ်ဖို့ရှိတယ်။ မန္တလေးမှာက ရော့ခ်တစ္ဆေလို့ နာမည်ပေးထားတဲ့ပွဲလေး လုပ်ဖြစ်မှာပါ။ ရန်ကုန်မှာတော့ ထုံးစံအတိုင်းပဲ ဆေးပေါင်းခတဲ့ညပွဲလုပ်ဖြစ်မယ်။ လုပ်မယ့်နေရာကတော့ ပြန်ပြီးပြောပါမယ်။ ပရိသတ်တွေက မိုးတွင်းမှာလည်း ပွဲမလုပ်ဖြစ်တဲ့အခါကျတော့ နှစ်ပွဲစလုံးမှာ သီချင်းတွေ အများကြီးဆိုမယ်။ သူတို့ဆိုစေချင်တာတွေရော၊ ကျွန်တော်တို့ စင်ပေါ်မှာဆိုနေကျ သီချင်းတွေပါ ဆိုဖြစ်ပါမယ်။ ရန်ကုန်၊ မန္တလေးက ပရိသတ်တွေနဲ့ တွေ့ဆုံချင်ပါတယ်” ဟု တေးသံရှင်ဇော်ဝင်းထွဋ်က ဆိုသည်။

အင်ပါယာတီးဝိုင်းမှ ကိုသန့်ဇော်ကလည်း “ပွင့်လင်းရာသီမှာတော့ ရန်ကုန်မှာရော မန္တလေးမှာပါ ရှိုးရှိပါမယ်။ မန္တလေးပွဲကို ရော့ခ်တစ္ဆေလို့ နာမည်ပေးထားပြီး အမိုက်စားရော့ခ်ပွဲ ပုံစံတင်ဆက်ပါမယ်။ ရန်ကုန်မှာတော့ နှစ်တိုင်းလုပ်နေကျဖြစ်တဲ့ ဆေးပေါင်းခတဲ့ညပွဲ လုပ်မှာပါ။ နှစ်ပွဲလုံးအတွက်တော့ သေချာပြင်ဆင်နေတယ်။ ပရိသတ်တွေလည်း ဒီကြားထဲ ပွဲမလုပ်ထားတော့ မျှော်နေကြတယ် ထင်ပါတယ်။ ပွဲလုပ်မယ့်နေရာတွေ၊ လက်မှတ် ရောင်းချမယ့်ပုံစံတွေ ပြန်ပြီးအသိပေးပါမယ်” ဟုဆိုသည်။

ဆေးပေါင်းခတဲ့ည ဂီတဖျော်ဖြေပွဲမှာ နှစ်စဉ်တိုင်းတွင် တေးသံရှင်ဇော်ဝင်းထွဋ် ဆင်နွှဲလေ့ရှိသည့် ပွဲတစ်ပွဲဖြစ်ကာ ယခင်နှစ်ကမူ အင်ပါယာတီးဝိုင်း၊ The Trees တီးဝိုင်းနှင့် Runner တီးဝိုင်းသုံးဝိုင်းတွဲ ဖက်၍ တေးသံရှင် ဇော်ဝင်းထွဋ်၊
R ဇာနည်နှင့် ဝေလတို့ သုံးဦး တွဲဖက်တင်ဆက်ခဲ့သည်။ ယခုနှစ်တွင်မူ ဆေးပေါင်းခတဲ့ညဂီတဖျော်ဖြေပွဲတွင် တေးသံရှင်ဇော်ဝင်းထွဋ်နှင့် အခြားမည်သည့်တေးသံရှင်များ ပါဝင်ဖြစ်မဖြစ်ကို ပြန်လည်အသိပေးမည်ဖြစ်သည်။

ယခုနှစ်ပွင့်လင်းရာသီကာလတွင် ဖျော်ဖြေပွဲများ ပြုလုပ်နိုင်ရန် စီစဉ်လျက်ရှိကြရာ ထိပ်တန်းတေးသံရှင်များ၏ တစ်ကိုယ်တော်ဖျော်ဖြေပွဲများ၊ အဖွဲ့လိုက်ဖျော်ဖြေ တင်ဆက်မှုများ၊ EDM Festival များ ပြုလုပ်နိုင်ရန် စီစဉ်လျက်ရှိကြောင်း သိရသည်။

တေးသံရှင် စိုင်းစိုင်းခမ်းလှိုင်နှင့် သံစုံတီးဝိုင်း ပူးပေါင်းတင်ဆက်မည့် ဂီတဖျော်ဖြေပွဲအတွက် လက်မှတ်များ မကြာမီ ရောင်းချမည်

တေးသံရှင် စိုင်းစိုင်းခမ်းလှိုင်နှင့် သံစုံတီးဝိုင်း ပူးပေါင်းတင်ဆက်မည့် ဂီတဖျော်ဖြေပွဲအား ရန်ကုန်မြို့ အမျိုးသားကဇာတ်ရုံ၌ အောက်တိုဘာ ၁၄ ရက်တွင် ပြုလုပ်မည်ဖြစ်ကြောင်း သိရသည်။ ယင်းဖျော်ဖြေပွဲအတွက် လက်မှတ်များ မကြာမီရောင်းချလျက်ရှိကာ ထိုင်ခုံအရေအတွက် တစ်ထောင်ကျော်သာရှိသည့်အတွက် လက်မှတ် အရေအတွက်မှာလည်း အကန့်အသတ်ရှိမည်ဖြစ်ကြောင်း သိရသည်။

ယင်းဂီတဖျော်ဖြေပွဲတွင် Dream Lover တီးဝိုင်း၊ ဂီတကဗျာ သံစုံတီးဝိုင်းတို့က ပါဝင်ပံ့ပိုး တီးခတ်ပေးမည်ဖြစ်ကာ ပြီးခဲ့သောဇာတ်လမ်းအကျဉ်းဟု ဖျော်ဖြေပွဲ အမည်ပေးထားကြောင်း သိရသည်။

“တစ်ကိုယ်တော်ပွဲကို ထူးထူးခြားခြား အနေနဲ့ Orchestra ရယ်၊ Dream Lover Band ရယ် ပေါင်းပြီးတင်ဆက်ဖို့ ရှိပါတယ်။ ဒီပွဲကို အချိန်ယူစီစဉ်သွားမှာဖြစ်သလို ထူးခြားတဲ့ တင်ဆက်မှုတွေ၊ ဂီတအရသာတွေ ပေးစွမ်းနိုင်ဖို့ ကြိုးစားသွားမှာပါ။ ပွဲနဲ့ပတ်သက်တဲ့ အသေးစိတ်အချက်တွေ မျှဝေသွားမှာပါ” ဟု တေးသံရှင် စိုင်းစိုင်းခမ်းလှိုင်က ဆိုသည်။

တေးသံရှင် စိုင်းစိုင်းခမ်းလှိုင်သည် သံစုံတီးဝိုင်းနှင့်တွဲဖက်၍ ဖျော်ဖြေပွဲပြုလုပ်မည့်အကြောင်း လူမှုကွန်ရက်စာမျက်နှာမှတစ်ဆင့် ပြန်လည်မျှဝေပေးထားသည်။ စိုင်းစိုင်းခမ်းလှိုင်သည် နှစ်စဉ်တိုင်းတွင် မွေးနေ့ဖြစ်သည့် ဧပြီ ၁၀ ရက်တွင် မွေးနေ့ ဖျော်ဖြေပွဲ ကျင်းပလေ့ရှိကာ ယခုနှစ်တွင် ရန်ကုန်မြို့ Thuwunna Bhumi Event Park ၌ အစဉ်အလာ မပျက်ကျင်းပခဲ့ပြီး ဖြစ်သည်။ ယခုနှစ်တွင် ထူးထူးခြားခြား နောက်ထပ်တစ်ကိုယ်တော် ဖျော်ဖြေပွဲတစ်ပွဲအဖြစ် Dream Lover တီးဝိုင်း၊ ဂီတကဗျာ သံစုံတီးဝိုင်းတို့နှင့် တွဲဖက်တင်ဆက်ရန် စီစဉ်ထားခြင်းဖြစ်သည်။

ယခုနှစ်ပိုင်းအတွင်း တေးသံရှင်များအနေဖြင့် တစ်ကိုယ်တော် ဖျော်ဖြေပွဲများတွင် မိမိတို့သီဆိုခဲ့သည့် တေးသီချင်းများအား သံစုံတီးဝိုင်းဖြင့် ပုံစံပြောင်းလဲတီးခတ်ကာ တင်ဆက်လာခဲ့သည်။ စိုင်းစိုင်း၏ ထူးခြားသည့် တစ်ကိုယ်တော်ပွဲအတွက် ပရိသတ် စိတ်ဝင်စားမှုလည်း မြင့်တက်လျက်ရှိသည်။

မြန်မာသို့ အံ့ဖွယ်ခရီးစဉ် “Incredible Journey” မှတ်တမ်းရုပ်သံဇာတ်လမ်းတွဲကို နိုင်ငံပေါင်း ၁၄ နိုင်ငံတွင်လည်း ထုတ်လွှင့်ပြသသွားရန်စီစဉ်ထား

မြန်မာသို့ အံ့ဖွယ်ခရီးစဉ် ‘Incredible Journey’ ဟုအမည်ပေးထားသည့် မှတ်တမ်းရုပ်သံဇာတ်လမ်းတွဲကို နိုင်ငံပေါင်း  ၁၄ နိုင်ငံတွင်လည်း ထုတ်လွှင့်ပြသသွားရန် စီစဉ်ထားသည်ဟု သိရသည်။

အဆိုပါ မြန်မာသို့ အံ့ဖွယ်ခရီးစဉ် ‘Incredible Journey’ ဟုအမည်ပေးထားသည့် မှတ်တမ်းရုပ်သံဇာတ်လမ်းတွဲကို CANAL + Myanamr FG ၏ ပထမဆုံး မှတ်တမ်းရုပ်သံဇာတ်လမ်းတွဲအဖြစ် စီစဉ်တင်ဆက်ခြင်းဖြစ်သည်ဟု သိရသည်။ ယင်းမှတ်တမ်းရုပ်သံဇာတ်လမ်းတွဲတွင် အစီအစဉ်၏ အဓိက တင်ဆက်သူအဖြစ် Mr.Alex Bescoby က ပါဝင်ထားပြီး အောင်စည်သူက တွဲဖက်ပါဝင်တင်ဆက်ထားခြင်းဖြစ်သည်။ ယင်းအစီအစဉ်ကို သြဂုတ် ၃၀ ရက် မှစတင်ကာ CANAL + SU SAN ရုပ်သံလိုင်း၌ အပတ်စဉ် ကြာသပတေးနေ့တိုင်း ထုတ်လွှင့်ပြသလျက်ရှိသည်။

မြန်မာသို့ အံ့ဖွယ်ခရီးစဉ် ‘Incredible Journey’ ဟုအမည်ပေးထားသည့် မှတ်တမ်းရုပ်သံဇာတ်လမ်းတွဲတွင် မြန်မာနိုင်ငံ မြောက်ဖျားပိုင်းဖြစ်သည့် ပူတာအိုဒေသမှ စတင်ကာ မြန်မာနိုင်ငံအောက်ဖျားပိုင်းဒေသအထိ မြန်မာနိုင်ငံ၏ မြောက်မှတောင်သို့ ခရီးတစ်လျှောက် ထင်ရှားသည့်မြို့များ၊ လှပသည့် နေရာဒေသများ၊ လူသိနည်းနေသေးသည့် သမိုင်းကြောင်းများ၊ နေရာဒေသများ နှင့် ဒေသခံတို့၏ လူနေမှုပုံစံ၊ ဒေသအလိုက် ကွဲပြားသည့် ဓလေ့များကို ထူးခြားသည့် တင်ဆက်မှုပုံစံများနှင့်အတူ ရိုက်ကူးတင်ဆက်ထားသည်ဟု သိရသည်။

“ဒီခရီးစဉ်မှာ ကျွန်တော့်အတွက် အခက်အခဲတွေကတော့များတယ်။ အပျော်ဆုံးအချိန်တွေလည်းရှိတယ်။ ကလောမြို့ရဲ့ တောင်ဆင်းတောင်တက်လမ်းတွေနဲ့ မြန်မာနိုင်ငံအလည်ပိုင်းကို ဂျစ်ကားလေးမောင်းပြီး သွားရတဲ့အချိန်တွေနဲ့ နှင်းတွေဖုံးနေတဲ့ တောင်ထိပ်တွေကို ပထဆုံးမြင်လိုက်ရချိန်တွေပါ။ နောက်ပြီး ပူတာအိုအနီးကဒေသတစ်ခုမှာ ရေခဲနေတဲ့မြစ်ကမ်းနဘေး ယာယီတဲစခန်းချပြီး တစ်ညတာအိပ်စက်ခဲ့ရချိန်ကတော့ မမေ့နိုင်တဲ့အမှတ်တရပါ။ ညဘက်ဆို နဂါးငွေ့တန်းတွေက ကြယ်စင်တွေကို ကြည်လင်စွာမြင်တွေ့ရသလို မနက်ပိုင်းမှာ ဟိမ၀န္တာတောင်ခြေကို လှပစွာမြင်တွေ့ရတဲ့ အဲဒီအရပ်ဒေသလေးကတော့ ကျွန်တော်ရောက်ဖူးသမျှမြန်မာပြည်ရဲ့ ဒေသတွေထဲမှာ အလှပဆုံးနဲ့ မမေ့နိုင်တဲ့အမှတ်တရပါပဲ” ဟု  Mr.Alex Bescoby ကဆိုသည်။

မြန်မာသို့ အံ့ဖွယ်ခရီးစဉ် ‘Incredible Journey’ ၏ အစီအစဉ်တင်ဆက်သူ Mr.Alex Bescoby သည် မှတ်တမ်းရုပ်ရှင်လောကတွင် ဆုရရှိထားသူဖြစ်ပြီး မြန်မာနိုင်ငံ၏ သမိုင်းကြောင်းကျွမ်းကျင်သူတစ်ဦးလည်း ဖြစ်သည်။ မြန်မာနိုင်ငံ၏ ဇာတ်မြုပ်ပျောက်ကွယ်နေသော တော်ဝင်မိသားစုအကြောင်း မှတ်တမ်းရုပ်ရှင်ဖြစ်သည့် ‘We Were Kings’ ကိုရိုက်ကူးခဲ့သူလည်း ဖြစ်သည်။ အဆိုပါအစီအစဉ်၌ပါဝင်သူ အောင်စည်သူသည်လည်း သီပေါမင်း၏ အမျိုးအနွယ်သွေးတော်စပ်သူတစ်ဦးလည်းဖြစ်သည်ဟု သိရသည်။

အမေရိကန်ရက်ပ်အဆိုတော် မက်မီလာ လော့စ်အိန်ဂျလိစ်၌ ကွယ်လွန်

ဆယ်ကျော်သက်အရွယ်တွင် ဂီတလောက၌ ထိုးထွက်အောင်မြင်မှုရရှိခဲ့သည့် ရက်ပ်အဆိုတော်၊ ထုတ်လုပ်သူ မက်မီလာ အသက် ၂၆ နှစ်သည် စက်တင်ဘာ ၇ ရက်တွင် ကွယ်လွန်ခဲ့သည်ဟု ၎င်း၏ မိသားစုဝင်များက ပြောကြားခဲ့သည်။

မီလာကို Studio City အရပ်ရှိ ၎င်း၏နေအိမ်တွင် သေဆုံးလျက်တွေ့ရှိခဲ့သည်ဟု လော့စ်အိန်ဂျလိစ် သေမှုသေခင်းစုံစမ်းရေးရုံးက ထုတ်ပြန်ခဲ့သော်လည်း အသေးစိတ်အချက်အလက်ကို မထုတ်ပြန်ခဲ့ပေ။

အနုပညာသတင်းများကို ဖော်ပြသည့် TMZ ၀က်ဘ်ဆိုက်တွင်မူ မီလာသည် ဆေးလွန်ပြီး သေဆုံးခဲ့ပုံရသည်ဟု ဖော်ပြခဲ့သည်။

မီလာသည် ပွဲဦးထွက်အယ်လ်ဘမ်  Blue Slide Park ကို ဖြန့်ချိခဲ့ချိန်တွင် အသက် ၁၉ နှစ်မျှသာ ရှိသေးသည်။ ယင်းအယ်လ်ဘမ်သည် Billbord သီချင်းရောင်းချမှုစာရင်း၏ နံပါတ်တစ်နေရာတွင် ဖော်ပြခံခဲ့ရသည်။ မီလာသည် ဂျေဇီး၊ Chance the Rapper အပါအ၀င် နာမည်ကြီးရက်ပ်အဆိုတော် များစွာ၏ ချီးမွမ်းမှုလည်း ရရှိခဲ့သည်။

မီလာသည် အဆိုတော် အရီယာနာဂရန်ဒီ နှင့် ၂၀၁၆ ခုနှစ်တွင်တွဲခဲ့ပြီး My Favorite Part နှင့် The Way အပါအ၀င် သီချင်းများစွာကို ပူးတွဲဖန်တီးသီဆိုခဲ့ကြသည်။  ဂရန်ဒီသည် ၎င်း၏သီချင်းများအတွက် စိတ်ကွန့်မြူးမှုဖြစ်စေခဲ့သူဟု မီလာက ယူဆခဲ့သည်။ ၎င်းတို့နှစ်ဦးသည် ရည်းစားသက်တမ်း နှစ်နှစ်ခန့်အကြာ ယခုနှစ် မေတွင် လမ်းခွဲခဲ့ကြသည်။  ဂရန်ဒီနှင့်လမ်းခွဲခဲ့ပြီး မကြာမီ မီလာသည် အရက်မူးပြီး ကားမဆင်မခြင်မောင်းမှုဖြင့် ဖမ်းဆီးခံခဲ့ရသည်။

မီလာကို  တည်ကြည်သူဖြစ်လာအောင် ကာလကြာအကူအညီပေးခဲ့သည်ဟု ဂရန်ဒီက လူမှုမီဒီယာတွင် ရေးသားခဲ့သည်။ သို့သော် မိမိတို့နှစ်ဦး၏အချစ်ရေးသည် ဆိုးရွားသောဆက်ဆံရေး ဖြစ်သည်ဟု ဂရန်ဒီက ပြောကြားခဲ့သည်။

“ကျွန်မက ကလေးထိန်းတစ်ယောက် မဟုတ်သလို မိခင်တစ်ယောက်လည်း မဟုတ်ပါဘူး” ဟု ဂရန်ဒီက ဝေဖန်သူများအား တုံ့ပြန်ရေးသားခဲ့သည်။ ဂရန်ဒီသည် မီလာနှင့် လမ်းခွဲပြီးနောက်  Saturday Night Live အစီအစဉ်တွင် ပါဝင်သည့် သရုပ်ဆောင် Pete Devidson နှင့် တွဲခဲ့သည်။

မီလာ (အမည်ရင်း Malcolm Mc Cormick) သည် မူးယစ်ဆေးစွဲမှုနှင့် ရုန်းကန်နေရကြောင်း ဖွင့်ဟပြောကြားခဲ့ဖူးသည်။  ယခုနှစ် သြဂုတ်တွင် ဖြန့်ချိခဲ့သည့် ၎င်း၏ပဉ္စမမြောက် အယ်လ်ဘမ် Swimming တွင်၎င်း၏ မူးယစ်ဆေး အသုံးပြုမှုနှင့်  စိတ်ခံစားမှုအခြေအနေကြောင်းကို ဖော်ပြခဲ့သည်။

နိုင်ငံပေါင်း ၁၇ နိုင်ငံမှ ဇာတ်ကားများပါဝင်ပြသမည့် ဥရောပရုပ်ရှင်ပွဲတော်ကို စက်တင်ဘာ ၂၁ ရက်မှ ၃၀ ရက်အထိ ရန်ကုန်မြို့တွင် ပြုလုပ်မည်

နိုင်ငံပေါင်း ၁၇ နိုင်ငံမှ ဇာတ်ကားများ ပါဝင်ပြသမည့် ဥရောပရုပ်ရှင်ပွဲတော်ကို စက်တင်ဘာ ၂၁ ရက်မှ ၃၀ ရက်အထိ ရန်ကုန်မြို့တွင် ပြုလုပ်မည်ဖြစ်ကြောင်း သိရသည်။ အဆိုပါ ရုပ်ရှင်ပွဲတော်တွင် ဥရောပနိုင်ငံအသီး သီးမှ ရုပ်ရှင်ဇာတ်ကားကောင်းများအား ရွေးချယ်ပြသရန် စီစဉ်ထားခြင်းဖြစ်ကြောင်း သိရသည်။

“ဥရောပရုပ်ရှင်ပွဲတော်ကို အခုနှစ်မှာ ၂၇ ကြိမ်မြောက်အဖြစ် ကျင်းပသွားပါမယ်။ ဒီနှစ်ရဲ့အစီအစဉ်မှာ နိုင်ငံပေါင်း ၁၇ နိုင်ငံ က ပါဝင်ကြမှာပါ။ ဥရောပနိုင်ငံအသီးသီးရဲ့ ရုပ်ရှင်ဇာတ်ကားကောင်းတွေကို ရသစုံအ ဖြစ်ပြသသွားမှာပါ။ ပြသသွားမယ့်ဇာတ်ကားတွေနဲ့ အသေးစိတ်အချိန်စာရင်းတွေကို ထပ်မံ ကြေညာပေးသွားပါမယ်။ အဓိကတော့ ဒီရုပ်ရှင်ပွဲတော်ကနေတစ်ဆင့် ဥရောပနိုင်ငံအသီးသီးရဲ့ ယဉ်ကျေးမှုတွေ၊ ဓလေ့ထုံးစံတွေ၊ ရုပ်ရှင်ပညာအဆင့်အတန်းတွေနဲ့ ခံစားမှုရသတွေကို ဖော်ထုတ်လေ့လာနိုင်မှာဖြစ်ပါတယ်။ လက်မှတ်ရယူနိုင်မယ့် နည်းလမ်းတွေကိုလည်း အသိပေးသွားမှာပါ။ ရုပ်ရှင်ပွဲတော်ပြုလုပ်သွားမယ့် စက်တင်ဘာ ၂၁ ရက်ကနေ ၃၀ ရက်အထိ လာရောက်အားပေးကြဖို့လည်း ဖိတ်ခေါ်ချင်ပါတယ်” ဟု ဥရောပရုပ်ရှင်ပွဲ တော်မှ တာဝန်ရှိသူတစ်ဦးက ဆိုသည်။

ဥရောပရုပ်ရှင်ပွဲတော်အတွက် ဥရောပနိုင်ငံအသီးသီးမှ ဒရာမာ၊ ဟာသ၊ အက်ရှင် ဇာတ်ကားကောင်းများကို ရွေးချယ်ပြသရန် စီစဉ်ထားခြင်းဖြစ်သည်။ ရုပ်ရှင်ပွဲတော်တွင် ပြသမည့်ဇာတ်ကားများ၏ စာရင်းအသေး စိတ်ကို ထပ်မံကြေညာပေးသွားမည်ဖြစ်ကြောင်း သိရသည်။ ရုပ်ရှင်ပွဲတော်သို့ အခမဲ့ ၀င်ရောက်အားပေးကြည့်ရှုနိုင်မည်ဖြစ်ကာ  ရုပ်ရှင်ဇာတ်ကားမပြသမီတွင် လက်မှတ်များ ရယူနိုင်မည်ဖြစ်ကြောင်း သိရသည်။ ဥရောပရုပ်ရှင်ပွဲတော်ကို ရန်ကုန်မြို့တွင် နှစ်စဉ်ကျင်းပနေခြင်းဖြစ်ကာ ယခုနှစ်တွင် ၂၇ ကြိမ်မြောက် အဖြစ် ကျင်းပမည်ဖြစ်သည်။

ရန်ကုန်မြို့တွင် ဥရောပရုပ်ရှင်ပွဲတော်၊ ကိုရီးယားရုပ်ရှင်ပွဲတော်၊ တရုတ်ရုပ်ရှင်ပွဲ တော်၊ ဂျပန်ရုပ်ရှင်ပွဲတော်၊ အိန္ဒိယရုပ်ရှင်ပွဲ တော်များအား နှစ်စဉ်ကျင်းပလေ့ရှိကာ ဥရောပရုပ်ရှင်ပွဲတော်လည်း အပါအ၀င်ဖြစ်သည်။

အကယ်ဒမီစိုးသူနှင့် တွေ့ဆုံခြင်း

‘အချိန်ကာလတစ်ခုမရောက်ရင် အမှန်တရားဆိုတာ  မပေါ်လာသေးတာရှိတယ်။ အမှန်တရား ပေါ်လာတဲ့အခါကျရင် အားလုံးသိသွားမှာပါ’

 

ပြည်ပမှ မြန်မာနိုင်ငံသို့ပြန်လည်ရောက်ရှိလာပြီးနောက် ဇာတ်ကားရိုက်ကူးခြင်းများ မပြုလုပ် ဖြစ်ဘဲ ဂီတလုပ်ငန်း အနည်းငယ်ကိုသာလုပ်ကိုင်ခဲ့သူ အကယ်ဒမီစိုးသူ၏ ပထမဆုံးပြန်လည်ရိုက်ကူးမှုအဖြစ် ‘တရားလား’ရုပ်ရှင်ဇာတ်ကားတွင် ပါဝင်တော့မည်ဖြစ်သည်။ အကယ်ဒမီပြေတီဦး၊ အကယ်ဒမီ ၀တ်မှုန်ရွှေရည်တို့နှင့်တွဲဖက်ကာ ဇာတ်ကား ရိုက်ကူးမှုများပြုလုပ်သွားမည့် အကယ်ဒမီ စိုးသူက ယင်းဇာတ်ကားတွင် အောင်မြင်သည့် သူဌေးတစ်ဦးဇာတ်ရုပ်တွင် ပါဝင်တော့မည်ဖြစ်သည်။ တစ်ကျော့ပြန် သရုပ်ဆောင်မှုများအားပြန်လည်တွေ့မြင်ရတော့မည်ဖြစ်သည့် အကယ်ဒမီစိုးသူနှင့် တွေ့ဆုံ၍ ဇာတ်ကားအတွက်ပြင်ဆင်ထားမှုများ၊ ကမ်းလှမ်းလာသည့်ဇာတ်ကားများထဲမှ ယခုဇာတ်ကားကို ရွေးချယ်လက်ခံဖြစ်သည့်အကြောင်းနှင့် လတ်တလောတွင် အကယ်ဒမီစိုးသူမှပြန်လည် တရားစွဲဆိုထားသည့်ဖြစ်ရပ်အပေါ် အမြင်များအား မေးမြန်းဖြစ်ခဲ့သည်။

 

မေး- ဒီဇာတ်ကားမှာ ပါဝင်သရုပ်ဆောင်ဖို့ ဘယ်လို ဆုံးဖြတ်ဖြစ်ခဲ့တာလဲ။

ဖြေ- ရိုက်ကြဖို့ပြောထားတဲ့ထဲက တစ်ကားပေါ့နော်။ ဒါကို အရင်ရိုက်ဖြစ်တာပါ။ မရိုက်ဖြစ်တာက ပြည်ပသွားလိုက်တဲ့အချိန်ကတည်းကဆိုတော့ ၂၀၀၁ လောက်ကတည်း ကပေါ့။ ၁၇ နှစ်လောက်ကြာပြီးမှ ပထမဆုံး ပြန်ရိုက်ဖြစ်တာ။ ပြန်ရောက်တော့လည်း သီချင်းတွေဘာတွေပဲ ရိုက်ဖြစ်တယ်။ ဇာတ်လမ်းအနေနဲ့ ပထမဆုံး ပြန်ရိုက်ဖြစ်တာပါ။

 

မေး-ဒီဇာတ်လမ်းကိုမှ ဘာကြောင့်ရွေးဖြစ်ခဲ့တာလဲ ဆိုတာလည်း သိချင်ပါတယ်။

ဖြေ- အကုန်လုံးကခင်နေကြတော့ ရိုက်ပေးချင်တယ်။ ဒါပေမဲ့ ကိုယ့်ဘက်က တာဝန်မကျေမှာစိုးတော့ ငြင်းဖြစ်တာများတယ်။ တိုက်ဆိုင်တဲ့ကားလေးတွေ သုံးလေးကားရွေးထားတဲ့အထဲက အကြောင်းတိုက်ဆိုင်တဲ့ ဒီကားလေး စရိုက်ဖြစ်တာပေါ့။

 

မေး- ဇာတ်ကားထဲမှာ သရုပ်ဆောင်ရမယ့် ကာရိုက်တာကရော။

ဖြေ- စီးပွားရေး လုပ်တယ်။ အောင်မြင်တယ်။ လုပ်တိုင်းအောင်မြင်လာတဲ့အခါမှာ မှားတာ မှန်တာ သိပ်မသိချင်တော့ဘူး။ အတ္တတွေ များလာတဲ့အခါ သူလိုလူတွေနဲ့ ထပ်တွေ့တဲ့အခါ ပေါက်ကွဲကုန်ကြတာပေါ့။ အဲဒီလိုဇာတ်ရုပ်မျိုးပါ။

 

မေး-ဇာတ်လမ်းကနေ ဘယ်လိုရသမျိုးကို ပရိသတ်တွေကို ပေးနိုင်မယ်လို့ရောထင်လဲ။

ဖြေ- ဒီဇာတ်လမ်းကခေတ်နဲ့လည်းကိုက်တယ်။ လူတွေနဲ့လည်း အင်မတန်ကိုက်တယ်။ လူတွေရဲ့ဘ၀ကိုထင်ဟပ်တယ်။ ကြည့်တဲ့ ပရိသတ်တွေအတွက်ရသလည်း ပေးနိုင်မှာဖြစ်သလို အကျိုး ပြုလည်းဖြစ်မယ်လို့ ယုံကြည်တယ်။ အဲဒါကြောင့်လည်း ရိုက်ဖြစ်တာပါ။

 

မေး-ဘယ်ရက်လောက်စရိုက်ဖြစ်မလဲ။

ဖြေ- နောက်လေးရက်လောက်ဆို စရိုက်ပါ ပြီ။ ရန်ကုန်နဲ့ နယ်မြို့တချို့မှာ ရိုက်မှာပါ။

 

မေး- တွဲဖက်သရုပ်ဆောင်မယ့် သရုပ်ဆောင်တွေနဲ့ရော ဘယ်လိုညှိနှိုင်းသရုပ်ဆောင်ဖြစ်မလဲ။

ဖြေ- ကစ်ကစ်နဲ့က ကြော်ငြာလည်း ရိုက်ဖူးတယ်။ မဂ္ဂဇင်းကာဗာလည်းတွဲရိုက်ဖူးတယ်။  တီတီနဲ့ကတွဲမရိုက်ဖူးပေမယ့် အပြင်မှာခင်နေပြီးသားပေါ့။ ဇာတ်ကားထဲမှာကတော့ တစ်ယောက်ချင်းစီရဲ့ကာရိုက်တာအလိုက် သရုပ်ဆောင်ကြမယ်။ အဆင်ပြေမှာပါ။

 

မေး- ပရိသတ်တွေက ကိုစိုးသူဇာတ်ကားရိုက်တာကို တော်တော်လေးစောင့်ခဲ့တယ်ဆိုတော့ သူတို့အတွက် ပြောချင်တာများရှိမလား။

ဖြေ- သူတို့အတွက်ရိုက်ပေးဖြစ်တာက အဓိကပါ။ ပရိသတ်ကကျွန်တော့်ကိုအားပေးကြတယ်ဆိုပေမယ့် ကျွန်တော့်ဘက်က အနုပညာဖန်တီးမှုအသစ်တစ်ခု ရိုက်ကူးတာမျိုး တာဝန်မကျေဘူး။ ဒါကြောင့် သူတို့အတွက် ရိုက်ကူးဖြစ်မှာပါ။ သူတို့အားပေးနေတာကိုလည်း ကျေးဇူးတင်တယ်။

 

မေး-သီချင်းအသစ်တွေရော ထပ်လုပ်ဖြစ်ဖို့ရှိမလား။

ဖြေ- သီချင်းတွေလည်း လုပ်ဖြစ်ပါမယ်။ တီးဝိုင်းက ညီအစ်ကိုတွေရော ကျွန်တော်လည်း လုပ်ချင်တယ်။

 

မေး- ဇာတ်ကားအတွက် ဘယ်လိုပြင်ဆင်ထားလဲ။

ဖြေ- ကာရိုက်တာပိုင်းအတွက်ကတော့ အကြိမ်ကြိမ် တွေ့ဆုံဆွေးနွေးထားပါတယ်။ အားလုံးပြင်ဆင်ပြီးမှပဲ ရိုက်ကူးဖြစ်တာပါ။

 

မေး-ကိုစိုးသူနဲ့ပတ်သက်လို့ အွန်လိုင်းမှာ အားပေးကြတာတွေလည်းရှိသလို ဝေဖန်မှုကြုံရတာလည်း ရှိမှာ ပဲလေ။ အဲဒါတွေအပေါ် ဘယ်လိုမြင်လဲ။

ဖြေ- ဘာမှပြောစရာတော့မရှိပါဘူး။ ဒါက လူတိုင်းကြုံရတဲ့ကိစ္စပဲလေ။ သူတို့မှာလည်း ကိုယ်ပိုင်လွတ်လပ်ခွင့်ရှိတာပဲလေ။ သူတို့အမြင် သူတို့ပြောကြတာပေါ့။ အဲဒီအပေါ်ပြောစရာတော့မရှိပါဘူး။ ကိုယ်ကရိုးသားဖို့လိုတယ်။ မှန်ဖို့လိုတယ်။ ဒီအရွယ်မှာတော့ အကုန်လုံးကိုလည်း နားလည်နိုင်တဲ့အတွက် အရေးမကြီးပါဘူး။ အချိန်တစ်ခုရောက်လာရင်တော့ အားလုံးနားလည်သွားမှာပါ။

 

မေး-လက်ရှိ တရားစွဲဆိုထားတဲ့ကိစ္စနဲ့ပတ်သက်လို့ ပြောပြချင်တာမျိုးရှိမလား။

ဖြေ- အဲဒါကတော့အကျိုးတော်ဆောင်ရှေ့နေကြီးက သူ့ကိုပဲမေးပါလို့ပြောထားပါတယ်။ ကျွန်တော်တို့ကို မဖြေပါနဲ့လို့လည်း ပြောပါတယ်။ သူညွှန်ကြားတာကိုပဲ လိုက်နာပါမယ်။ ကိုယ်က မှန်ဖို့ရိုးသားဖို့ပဲလိုတာပါ။ ဘ၀မှာ လူတိုင်းကြုံကြရတဲ့ကိစ္စပါ။ ကြီးတာနဲ့သေးတာပဲ ကွာမှာပါ။ ဘာသာရေးနဲ့ထိတွေ့မှုလည်းရှိတော့ ခံစားမှုလည်း အထွေအထူး မရှိပါဘူး။ ထေရ၀ါဒဗုဒ္ဓဘာသာဝင်တစ်ယောက်အနေနဲ့ အသက်ရှင်ရပ်တည်နေရ တဲ့အချိန်က တန်ဖိုးရှိပါတယ်။ အကောင်းဆုံး အလုပ်တွေလုပ်နေဖို့ပဲ အရေးကြီးပါတယ်။ ဘက်စုံထောင့်စုံ တာဝန်ကျေတဲ့သူ တစ်ယောက်ဖြစ်ချင်တယ်။ ဒီဆန္ဒပဲရှိပါတယ်။ အချိန်ကာလတစ်ခု မရောက်ရင်အမှန် တရားဆိုတာ မပေါ်လာသေးတာရှိတယ်။ အမှန်တရား ပေါ်လာတဲ့အခါကျရင် အားလုံးသိသွားမှာပါ။

 

ဂရမ်မီဆုပေးပွဲမတိုင်မီ ဒေါ်လီပါတန်ကို MusiCares Person of the Year ဆုဖြင့် ဂုဏ်ပြုမည်

၂၀၁၉ ခုနှစ် ဂရမ်မီဆုပေးပွဲမတိုင်မီ ပြုလုပ်မည့်  MusiCares  ဖောင်ဒေးရှင်း၏ ပရဟိတဖော်ဖြေပွဲတွင် အထင်ကရ ကန်းထရီးအဆိုတော် ဒေါ်လီပါတန်ကို Person of the Year ဆုဖြင့် ဂုဏ်ပြုမည်ဟု ဂရမ်မီဆုပေးပွဲကို ဦးစီးကျင်းပသည Recording Academy က စက်တင်ဘာ ၄ ရက်တွင် ထုတ်ပြန်ခဲ့သည်။

သဘာဝဘေးအန္တရာယ်များဖြစ်ပြီးနောက် တင်နက်စီဒေသခံများကို ကူညီထောက်ပံ့ပေးမှုများအပါအ၀င် ပါတန်၏ ကာလကြာ ပရဟိတလုပ်ဆောင်မှုများကြောင့် အဆိုပါ ဆုပေးအပ်ရန် ဆုံးဖြတ်ခဲ့ခြင်းဖြစ်သည်ဟု Recording Academy က ထုတ်ပြန်ခဲ့သည်။

Coat of Many Colors၊ I Will Always  Love You ၊ Islands in the Stream စသည့် သီချင်းများဖြင့်ကျော်ကြားခဲ့သည့် ပါတန်သည် Imagination စာကြည့်တိုက်ကို ထူထောင်ခဲ့ပြီး ကလေးများကို စာအုပ်များ အခမဲ့ ပေးဝေ၍ စာဖတ်ရန်တိုက်တွန်းခဲ့သည်။

ပါတန်သည် ကန်းထရီးဂီတတွင် ထင်ရှားသည့် အမျိုးသမီးအဆိုတော်တစ်ဦးနှင့် နက်ရ်ှဗေးအခြေစိုက် ကန်းထရီးဂီတ၏ အထင်ရှားဆုံး တေးရေးတစ်ဦးလည်းဖြစ်သည်။ ပါတန်သည်  MusiCares တည်ထောင်ခဲ့သည့် ၂၉ နှစ်အတွင်း ယင်းဆုချီးမြှင့်ခံခဲ့ရသည့် ပထမဆုံး ကန်းထရီးအဆိုတော်ဖြစ်သည်။

အသက် ၇၂ နှစ်အရွယ်ရှိ ပါတန်သည် ဂီတသက်တမ်း ၄၉ နှစ်အတွင်း သီချင်းပုဒ် ရေ ၃,၀၀၀ ကျော် ရေးစပ်ခဲ့ပြီးဂရမ်မီဆု ရှစ်ဆု၊ ကန်းထရီး ဂီတဆု ၁၁ ဆု အပါအ၀င် ဂီတဆုများစွာ ရရှိခဲ့သည်။

ပေါလ်မက္ကာနေ၊ ဘရုစပရင်းတင်း၊ ဘော့ဒီလန်၊စတိဗ်ဝမ်ဒါ၊ ဘီလီဂျိုး၊ ပေါလ်ဆိုင်မွန်နှင့် ဗြိတိန်-အမေရိကန် ရော့ခ်အဖွဲ Fleetwood Mac တို့သည်လည်း အဆိုပါဆုဖြင့် ဂုဏ်ပြုခံခဲ့ရသည်။ ပြီးခဲ့သည့်နှစ် ပရဟိတ ဖျော်ဖြေပွဲကို သမ္မတဟောင်း ဘီလ်ကလင် တန်တက်ရောက်ခဲ့ပြီး လော့ဒ်၊ မိုင်လေဆိုင်းရပ်စ်၊ ဟာရီစတိုင်း၊ ကိတ်အာဘန်နှင့် Haim တို့က ဖျော်ဖြေခဲ့သည်။

ငွေကြေး၊ ပုဂ္ဂိုလ်ရေးနှင့် ဆေးပညာဆိုင်ရာ အခက်အခဲများလိုအပ်နေသည့် ဂီတပညာရှင်များကို အကူအညီပေးရန် ရည်ရွယ်ပြီး MusiCares ဖောင်ဒေးရှင်းကို  ၁၉၈၉ ခုနှစ်တွင် တည်ထောင်ခဲ့သည်။ပြီးခဲ့သည့်နှစ် ဘဏ္ဍာရေးနှစ်တွင် ဂီတလောက ၏မိသားစုဝင် ၈,၅၀၀ ကို စုစုပေါင်း ဒေါ်လာ  ၆ ဒသမ ၄ သန်းအကူ အညီပေးခဲ့သည် ဟု MusiCares က ထုတ်ပြန်ခဲ့သည်။

ဖန်ပင်းပင်းကို အမေရိကန်တွင် ခိုလှုံခွင့်တောင်းခံရန် အကြံပေးခဲ့သည်ဆိုသော စွပ်စွဲချက်များကို ဂျက်ကီချန်း ငြင်းဆို

အခွန်ရှောင်မှု အရှုပ်တော်ပုံ ပေါ်ပေါက်ခဲ့ပြီးနောက် ဖန်ပင်းပင်းကို အမေရိကန်တွင် ခိုလှုံခွင့်တောင်းခံရန် ၎င်းက အကြံပေးခဲ့သည်ဆိုသော စွပ်စွဲချက်များကို ဟောင်ကောင်သရုပ်ဆောင် ဂျက်ကီချန်းက ငြင်းဆိုခဲ့သည်။

နာမည်ကြီး သရုပ်ဆောင်တစ်ဦးဖြစ်သည့် ဖန်ပင်းပင်းကို သြဂုတ် ၃၁ ရက်တွင် လော့စ်အိန်ဂျလိစ် လူဝင်မှုကြီးကြပ်ရေးရုံး၌ တွေ့ရှိခဲ့သည်ဟု ဟောင်ကောင်သတင်းစာ Apple Daily က ဖော်ပြခဲ့သည်။ ဖန်သည် အနုပညာသက်တမ်း နှစ် ၂၀ အတွင်း အကြီးမားဆုံး အရှုပ်တော်ပုံမှ လွတ်မြောက်ရန် ဂျက်ကီချန်း၏ အကြံပေးမှုဖြင့် အမေရိကန်တွင် ခိုလှုံခွင့်တောင်းခံရန် ဆုံးဖြတ်ခဲ့သည်ဟု သတင်းရင်းမြစ်တစ်ဦး၏ ပြောစကားကို Apple Daily က ကိုးကားဖော်ပြခဲ့သည်။

ယင်းကိစ္စတွင် ဂျက်ကီချန်း ပါဝင်ပတ်သက်မှုရှိသည်ဆိုသော ပြောဆိုမှုသည် အဓိပ္ပာယ်မရှိကြောင်း ၎င်း၏ ကုမ္ပဏီက ETtoday သတင်းဝက်ဘ်ဆိုက်ကို ပြောကြားခဲ့သည်။

ဖန်၏ အခွန်ရှောင်မှု အရှုပ်တော်ပုံအား စုံစမ်းစစ်ဆေးမှုသည် ပြီးစီးပြီဖြစ်ကြောင်း၊ စစ်ဆေးတွေ့ရှိမှုကို ထုတ်ပြန်ရန်အတွက် အာဏာပိုင်များက စက်တင်ဘာလလယ်တွင် သတင်းစာ ရှင်းလင်းပွဲတစ်ခု ပြုလုပ်မည်ဖြစ်ကြောင်း Apple Daily က ဖော်ပြခဲ့သည်။ ထိပ်တန်းအမျိုးသမီး သရုပ်ဆောင်တစ်ဦးဖြစ်သည့် ဖန်ပင်းပင်းသည် များပြားသည့် အနုပညာကြေးရရှိမှုကို ဖုံးကွယ်ရန် စာချုပ်လိမ်လည်ချုပ်ဆိုခဲ့သည်ဟု ရုပ်သံသတင်းတင်ဆက်သူ Cui Yongyuan က ဇွန်တွင် အွန်လိုင်း၌ ဖွင့်ချခဲ့သည်။ ဖန်ကမူ ယင်းစွပ်စွဲချက်များကို ငြင်းဆိုခဲ့သည်။

Cui ၏ စွပ်စွဲချက်များ ထွက်ရှိခဲ့ပြီးနောက် အခွန်အာဏာပိုင်များက ကျန်ဆုပြည်နယ်တွင် အနုပညာရှင်များကို စုံစမ်းစစ်ဆေးရန် ညွှန်ကြားခဲ့သည်။ အမည်ထုတ်ပြန်ခဲ့ခြင်း မရှိသော်လည်း ဖန်၏ စတူဒီယိုသည် ကျန်ဆုပြည်နယ်တွင် အခြေစိုက်သည်ဟု သိရသည်။ အသက် ၃၆ နှစ်အရွယ်ရှိ ဖန်သည် အခွန်ရှောင်ရန် Cell Phone 2 ဇာတ်ကားအတွက် သရုပ်ဆောင်ကြေးကို စာချုပ်နှစ်ခုဖြင့် ချုပ်ဆိုခဲ့သည်ဟု Cui က ပြောကြားခဲ့သည်။ ယင်းစွပ်စွဲချက်များ ထွက်ရှိခဲ့ပြီးနောက် ဖန်သည် ဇာတ်ကားရိုက်ကူးမှု သုံးနှစ်ပိတ်ပင်ခံခဲ့ရပြီး တရုတ်နိုင်ငံမှ ထွက်ခွာခွင့်လည်း တားမြစ်ခံခဲ့ရသည်ဆိုသော ကောလာဟလများ ထွက်ရှိခဲ့သည်။

ယခုနှစ် ကိန်းရုပ်ရှင်ပွဲတော်၏ ဂျူရီအဖွဲ့တွင် ပါဝင်ခဲ့သည့် ဖန်သည် Forbes မဂ္ဂဇင်း၏ ၂၀၁၆ ခုနှစ် ၀င်ငွေအကောင်းဆုံး အမျိုးသမီးသရုပ်ဆောင်များစာရင်းတွင် ဒေါ်လာ ၁၇ သန်းဖြင့် နံပါတ်ငါးနေရာတွင် ဖော်ပြခံခဲ့ရသည်။