ဝေဖန်မှုများကြောင့် Rub and Tug ဇာတ်ကားရိုက်ကူးရေးမှ စကားလက်ဂျိုဟန်ဆန် နုတ်ထွက်

 

အမျိုးသားအဖြစ် ခွဲစိတ်ပြုပြင်ထားသည့် ဇာတ်ဆောင်နေရာတွင် ပါဝင်သရုပ်ဆောင်ရန် ကမ်းလှမ်းချက်ကို လက်ခံခဲ့မှုကြောင့် LGBT အသိုင်းအ၀ိုင်း၏ ဒေါသတကြီးဝေဖန်မှုနှင့် ရင်ဆိုင်ခဲ့ရပြီးနောက် ယင်းဇာတ်ကားရိုက်ကူးရေးအစီအစဉ်မှ နုတ်ထွက်ခဲ့သည်ဟု စကားလက်ဂျိုဟန်ဆန်က ဇူလိုင် ၁၃ ရက်တွင် ထုတ်ဖော်ပြောကြားခဲ့သည်။

၁၉၇၀ နှင့် ၁၉၈၀ ပြည့်လွန်နှစ်များတွင် အနှိပ်ခန်းဖွင့်လှစ်ခဲ့သည့် ပြည့်တန်ဆာဂိုဏ်း ခေါင်းဆောင် Dante ‘Tex’ Gill အကြောင်း ရိုက်ကူးမည့် Rub & Tug ဇာတ်ကားတွင် စကားလက်ဂျိုဟန်ဆန်က အမျိုးသမီးတစ်ဦးအဖြစ် မွေးဖွားခဲ့သော်လည်း အမျိုးသားတစ်ဦးအဖြစ် ပြောင်းလဲခံယူခဲ့သည့် Dante’Tex’Gill ဇာတ်ဆောင်အဖြစ် သရုပ်ဆောင်ရန် မူလက လက်ခံခဲ့သည်။

ယင်းဇာတ်ဆောင်နေရာတွင် စကားလက်ဂျိုဟန်ဆန်အစား လိင်ပြောင်းထားသည့် သရုပ်ဆောင်တစ်ဦးသာ ပါဝင်သင့်သည်ဆိုသော ဝေဖန်မှုများနှင့် ရင်ဆိုင်ခဲ့ရသည်။ ဂျိုဟန်ဆန်ကို ယင်းဇာတ်ဆောင်အတွက် ကမ်းလှမ်းခြင်းသည် လိင်ပြောင်းသရုပ်ဆောင်များကို အကန့်အသတ်ရှိသော အခွင့်အရေးသာပေးမှုကို ပြသခြင်းဖြစ်ကြောင်း ဝေဖန်သူအချို့က ဆိုသည်။

Amazon ကထုတ်လွှင့်သည့် Transparent ဇာတ်လမ်းတွဲတွင်ပါဝင်ခဲ့သည့် သရုပ်ဆောင် ထရေ့စ်လိုင်ဆက်တီက ယင်းသည် ဟောလိဝုဒ်တွင် ကျယ်ပြန့်သည့်ပြဿနာတစ်ခုကို ကိုယ်စားပြုမှုဖြစ်သည်ဟု ပြောကြားခဲ့သည်။

Dante’Tex’Gill  အဖြစ် သရုပ်ဆောင်မယ်လို့ ပထမဆုံး ထုတ်ပြောပြီးတဲ့နောက်မှာ LGBT အသိုင်းအ၀ိုင်းရဲ့ ဝေဖန်မှုတွေကို ကျွန်မ ကြားသိခဲ့ရတယ်။ Dante ရဲ့ ဘ၀ဇာတ် ကြောင်းကို ပုံဖော်ရိုက်ကူးဖို့ အခွင့်အရေးကို ကျွန်မ သဘောကျတဲ့အချိန်မှာ ဒီဇာတ်ဆောင်အတွက် လိင်ပြောင်းထားတဲ့ သရုပ်ဆောင်တစ်ဦးသာ သရုပ်ဆောင်သင့်တယ်လို့ ပြောကြတာကို ကျွန်မ နားလည်လာတယ်” ဟု ဂျိုဟန်ဆန်က Out မဂ္ဂဇင်းသို့ ပြောကြားခဲ့သည်။

Rub & Tug ဇာတ်ကား ရိုက်ကူးရေးအစီအစဉ်မှ ဂျိုဟန်ဆန်နုတ်ထွက်ခဲ့မှုနှင့်ပတ်သက်ပြီး ထုတ်လုပ်ရေးကုမ္ပဏီက မှတ်ချက်မပေးသေးပေ။

ဂျိုဟန်ဆန်၏ နှုတ်ထွက်ခဲ့မှုနှင့်ပတ်သက်ပြီး လိင်ပြောင်းလဲခံယူထားသူများ အသိုင်းအ၀ိုင်းက ချီးကျူးခဲ့ကြသော်လည်း တန်းတူညီမျှ အခွင့်အရေးအတွက် ကာလကြာခရီးနှင်ရဦးမည်ဟု ပြောကြားခဲ့သည်။

အသက် ၃၃ နှစ်အရွယ်ရှိ ဂျိုဟန်ဆန်သည် နာမည်ကျော် ဂျပန် စိတ်ကူးယဉ်သိပ္ပံဇာတ်ကားကို အခြေပြုရိုက်ကူးသည့် Ghost in the Shell ဇာတ်ကားတွင် ပါဝင်သည့် ဇာတ်ကောင်ကြောင့်လည်း ၂၀၁၆ ခုနှစ်တွင် ဝေဖန်ခံခဲ့ရသည်။

ထူးခြားဆန်းသစ်သည့် ဂီတတင်ဆက်ဖျော်ဖြေမှုများဖြင့် NUAC Music Showcase 2018 ဖျော်ဖြေပွဲပြုလုပ်ခဲ့ပြီး အနုပညာရှင်များနှင့် ပရိသတ်အများအပြား လာရောက်အာပေးကြည့်ရှု

NUAC Music Showcase 2018 ဖျော်ဖြေပွဲကို ဇူလိုင် ၁၃ရက် ညပိုင်း၌ ရန်ကုန်မြို့၊ မြို့မကျောင်းလမ်းရှိ အမျိုးသားကဇာတ်ရုံတွင် ပြုလုပ်ခဲ့ပြီး အနုပညာရှင်များနှင့် ပရိသတ်အများအပြား လာရောက်အားပေးကြည့်ရှုခဲ့သည်။

အကယ်ဒမီ ဓီရာမိုရ် ဦးဆောင်သည့် သံစုံတီးဝိုင်းအဖွဲ့သည့် ၂၀၁၆ ခုနှစ်မှ စတင်က အမျိုးသားကဇာတ်ရုံတွင် စိုင်းစိုင်းခမ်းလှိုင်၊ ဂျေမီ၊ ဟန်ထူးလွင် စသည့် ဂီတပညာရှင်များနှင့် ပူးပေါင်း၍ နှစ်စဉ်ဖျော်ဖြေပွဲများကို ပြုလုပ်ခဲ့ပြီး  ယခု ပြုလုပ်သည့် ဖျော်ဖြေပွဲသည် တတိယအကြိမ်မြောက် ဖြစ်သော်လည်း ယခင်နှစ်ကြိမ်တွင် လာရောက်ဖျော်ဖြေသည့် တေးသံရှင်များအား အားဖြည့် ဖျော်ဖြေသည့် ပုံစံဖြစ်သည်။

ယခု ပြုလုပ်သည့် NUAC Music Showcase 2018  ဖျော်ဖြေပွဲတွင် အကယ်ဒမီဓီရာမိုရ်က  အမျိုးသားယဉ်ကျေးမှုနှင့် အနုပညာ တက္ကသိုလ်(NUAC) မှ သူ၏ ဂီတမျိုးဆက်သစ် လူငယ်များစွာတို့ဖြင့် NUAC Ochestra အဖွဲ့၏ ဂီတအဆင့်အတန်းကို ပြသခဲ့ပြီး သံစုံတီးဝိုင်းအဖွဲ့၏ ဖျော်ဖြေမှုအား နာမည်ကျော်တေးသံရှင်များက အားဖြည့်ဖျော်ဖြေသည့် ပုံစံမျိုးကို မြင်တွေ့ရသည်။

ဖျော်ဖြေပွဲတွင် ဓီရာမိုရ်ကိုယ်တိုင် Musi Director အဖြစ် စီစဉ်တင်ဆက်သည့် တက္ကသိုလ်နောက်ခံ ဂီတဇာတ်လမ်းဖြင့် ဖျော်ဖြေပွဲကို စတင်ခဲ့ပြီး နာမည်ကျော် တေးသံရှင် နီနီခင် ဇော် နှင့် အောင်ထက်တို့က တေးသရုပ်ဖော်မှုများ ပြုလုပ်ပေးခဲ့သည်။

ထို့နောက်တွင် ဓီရာမိုရ် ၏ တပည့် ဖြစ်သူက Music Diector အဖြစ် စီစဉ်ဆောင်ရွက်ပြီး ဒီဂျေဝိုင်းနဲ့အတူ အစွမ်းပြ ဖျော်ဖြေတင်ဆက်မှုများ ပြုလုပ်ခဲ့ရာတွင် အကယ်ဒမီ ဓီရာမိုရ်က တယောတီးခတ်ပြီး ပါဝင်ဖျော်ဖြေတင်ဆက်ခဲ့သည်။

ဂီတပညာရေးကို အခြေခံ တင်ဆက်သည့် NUAC Music Showcase 2018  ဖျော်ဖြေပွဲတွင် အခြားသော နာမည်ကျော် တေးသံရှင်များ ဖြစ်သည့်  R ဇာနည်၊ ၀ိုင်းစုခိုင်သိန်းတို့ လည်း လာရောက်ဖျော်ဖြေခဲ့ပြီး ရဲလေး၊ ဂျို ကာ စသည့် နာမည်ကျော် အနုပညာရှင်များနှင့် ပရိသတ် အများအပြား လာရောက် အားပေးကြည့်ရှုခဲ့ကြောင်း သိရသည်။

 

 Game of Thrones ဇာတ်လမ်းတွဲက Emmy ဆန်ခါတင်စာရင်းတွင် ဆု ၂၂ ဆုဖြင့် ဦးဆောင်

ရုပ်သံလောက၏ဂုဏ်သတင်းကြီးသော ဆုပေးပွဲတစ်ခုဖြစ်သည့် Emmy ဆုပေးပွဲအတွက် ဆန်ခါတင်စာရင်းများကို ဇူလိုင် ၁၂ ရက်က ထုတ်ပြန်ခဲ့ရာ HBO ရုပ်သံ၏ စိတ်ကူးယဉ်ဇာတ်လမ်းတွဲ Game of Thrones က အကောင်းဆုံး ဒရာမာဇာတ်လမ်းတွဲဆု အပါအ၀င် ဆု ၂၂ ဆုဖြင့် ဦးဆောင်ခဲ့သည်။

ခုနစ်ပြည်ထောင်မှ တော်ဝင်မိသားစုဝင်များက Iron Throne အတွက် သွေးထွက်သံယို အာဏာယှဉ်ပြိုင်မှုအကြောင်း ရိုက်ကူးထားသည့် Game of Thrones ဇာတ်လမ်းတွဲသည်  အဓိကဆုများအတွက် Saturday Night Live အစီအစဉ်နှင့် Westworld ဇာတ်လမ်းတွဲတို့နှင့် ယှဉ်ပြိုင်ရမည်ဖြစ်သည်။

အာဏာယှဉ်ပြိုင်မှု၊ အကြမ်းဖက်မှုနှင့် အဖော်အချွတ်ဇာတ်ဝင်ခန်းများအတွက် ဝေဖန်ခံခဲ့ရသော်လည်း ယင်းဇာတ်လမ်းတွဲသည်  HBO ရုပ်သံအတွက် စံချိန်တင်သည့် ရုပ်သံကြည့် ပရိသတ်နှုန်းကို ရရှိစေခဲ့သည်။ ၂၀၁၁ ခုနှစ်က စတင်ထုတ်လွှင့်ခဲ့သည့် ယင်းဇာတ်လမ်းတွဲသည် Emmy ဆု  ၃၈ ဆု ရရှိခဲ့သည်။ Game of Thrones ၏ Season 8 ကို ၂၀၁၉ ခုနှစ်တွင် ထုတ်လွှင့်မည်ဖြစ်သည်။

NBC ရုပ်သံမှထုတ်လွှင့်သည့် Saturday Night Live ရုပ်သံအစီအစဉ်နှင့် HBO ရုပ်သံမှ ထုတ်လွှင့်သည့် စိတ်ကူးယဉ်သိပ္ပံဇာတ်လမ်းတွဲ Westworld သည် ဆု ၂၁ ဆုစီအတွက် လျာထားခံခဲ့ရသည်။

ပြီးခဲ့သည့်နှစ် Emmy ဆုပေးပွဲတွင် အကောင်းဆုံး ဇာတ်လမ်းတွဲဆု ရရှိခဲ့သည့် A Handmaid’s Tale က ဆု ၂၀ အတွက် လျာထားခံခဲ့ရသည်။

FX ရုပ်သံက ထုတ်လွှင့်သည့်ဖြစ်ရပ်မှန် မှုခင်းဇာတ်လမ်းတွဲ The Assassination of Gianni Versace သည် Emmy ဆု ၁၈ ဆု အတွက် လျာထားခံခဲ့ရသည်။ ဒါရန်းခရစ်၊ ပီနီလုခရုဇ်၊ အက်ဂါရာမီရက်ဇ်နှင့် ရစ်ကီမာတင်တို့ ပါဝင်သည့် ယင်းဇာတ်လမ်းတွဲသည် ယခုနှစ် Emmy ဆုပေးပွဲ၏ သရုပ်ဆောင်ဆုများကို သိမ်းပိုက်နိုင်ခြေရှိသည်ဟု ခန့်မှန်းထားသည်။

ယခုနှစ် Emmy ဆုဆန်ခါတင်စာရင်းတွင် Netflix က စုစုပေါင်းဆု ၁၁၂ ဆုဖြင့် ဦးဆောင်ခဲ့ပြီး ယင်းနောက်တွင် HBO က ၁၀၈ ဆုဖြင့် ဒုတိယနေရာနှင့် NBC က ဆု ၇၈ ဆုဖြင့် တတိယနေရာတွင် ရပ်တည်ခဲ့သည်။

ခိုင်လီဂျန်နာက အမေရိကန်၏ အသက်အငယ်ဆုံး ကိုယ်ထူးကိုယ်ချွန်ဘီလျံနာတစ်ဦးဖြစ်လာတော့မည်

ကာဒစ်ရှန်မိသားစု၏ အသက်အငယ်ဆုံး မိသားစုဝင်ဖြစ်သည့် ခိုင်လီဂျန်နာသည် အမေရိကန်၏ အသက်အငယ်ဆုံး ကိုယ်ထူးကိုယ်ချွန်ဘီလျံနာတစ်ဦး ဖြစ်လာတော့မည်ဟု Forbes မဂ္ဂဇင်းက ဇူလိုင် ၁၁ ရက်တွင် ထုတ်ပြန်ခဲ့သည်။ ဖေဖော်ဝါရီတွင် သမီးတစ်ဦးမွေးဖွားခဲ့သည့် အသက် ၂၀ အရွယ်ရှိ ဂျန်နာသည် လွန်ခဲ့သည့် သုံးနှစ်တွင် Kylie Cosmetics ကုမ္ပဏီကိုထူထောင်ခဲ့ပြီး အလှပြင်ပစ္စည်းများ ထုတ်လုပ်ရောင်းချခဲ့ရာ ဒေါ်လာ သန်း ၆၃၀ ကျော် ရရှိခဲ့သည်ဟု Forbes က ထုတ်ပြန်ခဲ့သည်။

ဂျန်နာ၏ Kylie Cosmetics ကုမ္ပဏီသည် ဒေါ်လာ သန်း ၈၀၀ ခန့် တန်ဖိုးရှိပြီး ဂျန်နာသည် ယင်းကုမ္ပဏီ အပြင် ရုပ်သံအစီအစဉ်ရိုက်ကူးမှုနှင့် ကြော်ငြာရိုက်ကူးမှုတို့မှ စုစုပေါင်းဝင်ငွေ ဒေါ်လာ သန်း ၉၀၀ ရရှိခဲ့သည်ဟု  Forbes က ခန့်မှန်းခဲ့သည်။ ဂျန်နာသည် ၂၉ ဒေါ်လာတန် နှုတ်ခမ်းနီနှင့် နှုတ်ခမ်းအနားကွပ် တစ်စုံပါဝင်သည့် Lip Kit ဖြင့် စတင်ခဲ့သည့် Kylie Cosmetics ကုမ္ပဏီကို တစ်ဦးတည်းပိုင်ဆိုင်သူ ဖြစ်သည်။

ဂျန်နာသည် Forbes မဂ္ဂဇင်းက ထုတ်ပြန်သည့် အချမ်းသာဆုံးကိုယ်ထူးကိုယ်ချွန် အမေရိကန်အမျိုးသမီး စာရင်းတွင် အသက်အငယ်ဆုံးအမျိုးသမီးအဖြစ် ဖော်ပြခံခဲ့ရပြီးဖြစ်သည်။ ဂျန်နာသည် အသက် ၂၃ နှစ် အရွယ်တွင် ကိုယ်ထူးကိုယ်ချွန်ဘီလျံနာဖြစ်လာသည့် မက်ဇူကာဘတ်ကို ကျော်တက်ပြီး အသက်အငယ်ဆုံး ကိုယ်ထူးကိုယ်ချွန်ဘီလျံနာတစ်ဦး ဖြစ်လာတော့မည် ဖြစ်သည်။ လူမှုမီဒီယာတွင် သြဇာအရှိန်အ၀ါ ကြီးထွားမှုသည်လည်း ဂျန်နာကို အောင်မြင်စေသည့် အကြောင်းအရာဖြစ်သည်။ ဂျန်နာသည် Instagram တွင် Follower သန်း ၁၁၀ ကျော်၊ Twitter တွင် Follower ၂၅ ဒသမ ၆ သန်းရှိသည်။

ဂျန်နာသည် ခရစ်ကာဒစ်ရှန်နှင့်  အိုလံပစ်ရွှေတံဆိပ်ဆုရှင် ၀ီလျံဘရုစ်ဂျန်နာ (ယခုအခါ ခွဲစိတ် ပြီး အမျိုးသမီးအဖြစ်ခံယူကာ Caitlyn Jenner ဟု အမည်ပြောင်းခဲ့သည်။) တို့၏ သမီးအငယ်ဆုံးဖြစ်သည်။ စူပါမော်ဒယ်ကင်ဒဲဂျန်နာသည် ခိုင်လီဂျန်နာ၏ အစ်မဖြစ်သည်။ ကင်ကာဒစ်ရှန်၊ Kourtney နှင့် ကိုးလ်ကာဒစ်ရှန်တို့သည် ဂျန်နာ၏ အမေတူအဖေကွဲအစ်မများ ဖြစ်သည်။

Keeping Up With the Kardashians ရုပ်သံအစီအစဉ်သည် ခိုင်လီဂျန်နာ အသက် ၁၀ နှစ်အရွယ်တွင် စတင်ခဲ့သည်။ ဂျန်နာသည်  အသက် ၁၇ နှစ်အရွယ်တွင် Kylie Cosmetics ကို စတင်ထူထောင်ခဲ့သည်။  ဂျန်နာသည် ပထမဆုံး Lip Kit  ၁၅,၀၀၀ ထုတ်လုပ်ရန်အတွက် မော်ဒယ်လုပ်ငန်းမှရရှိသည့်ဝင်ငွေ ဒေါ်လာ ၂၅၀,၀၀၀ ကို အသုံးပြုခဲ့သည်ဟု Forbes က ထုတ်ပြန်ခဲ့သည်။ ဂျန်နာက ယင်းနှုတ်ခမ်းနီများ စမ်းသပ်အသုံးပြုမှုအား Instagram တွင် လနှင့်ချီ ပြသခဲ့သည်။ ထို Lip Kit ကို ၂၀၁၅ ခုနှစ် နိုဝင်ဘာတွင် စတင်ရောင်းချခဲ့ရာတွင် တစ်မိနစ်မပြည့်မီ လက်ကျန်မရှိ ရောင်းကုန်ခဲ့သည်။ ၂၀၁၅ ခုနှစ်က ထုတ်လွှင့်ခဲ့သည့် Keeping Up With the Kardashians အစီအစဉ်တစ်ခုတွင် ဂျန်နာက ၎င်း၏ပင်ကိုနှုတ်ခမ်းကြောင့် ယုံကြည်စိတ်ချမှုမရှိ ဖြစ်ရသည့်အတွက် ယာယီ Filler လုပ်ချင်သည်ဟု ပြောကြားခဲ့သည်။ နှုတ်ခမ်းကို ယာယီ Filler လုပ်ခဲ့သည်ဟု ယခုနှစ် မေတွင် ၀န်ခံခဲ့သည်။ နှုတ်ခမ်းစူစူပုံမျိုးဖြစ်အောင် နှုတ်ခမ်းကို ဆေးထိုးမှုအား စွန့်လွှတ်တော့မည်ဟု ဂျန်နာက ဇူလိုင် ၇ ရက်တွင် ပြောကြားခဲ့သည်။

ပြည်တွင်း ရုပ်ရှင်ပွဲတော်၌ မြောက်ကိုရီးယားဇာတ်ကားများ ပြသရန် တောင်ကိုရီးယားက ခွင့်ပြု

တောင်ကိုရီးယားနှင့်မြောက်ကိုရီးယား ခေါင်းဆောင်များအကြား အထင်ကရ ထိပ်သီး ဆွေးနွေးပွဲနှစ်ကြိမ်ပြုလုပ်ခဲ့ပြီး သံတမန်ဆက်ဆံရေး ပျော့ပျောင်းလာစဉ်အတွင်း ပြည်တွင်းရုပ်ရှင်ပွဲတော်တစ်ခု၌ မြောက်ကိုရီးယားဇာတ်ကားများပြသရန် တောင်ကိုရီးယားအစိုးရက ဇူလိုင် ၁၀ ရက်တွင် မကြုံစဖူးခွင့်ပြုခဲ့သည်။

ငြိမ်းချမ်းရေးစာချုပ်ချုပ်ဆိုခြင်းမရှိဘဲ အဆုံးသတ်ခဲ့သည့် ၁၉၅၀-၅၃ ခုနှစ် ကိုရီးယားစစ်ပွဲအပြီး တောင်နှင့်မြောက်ကိုရီးယားနိုင်ငံသည် စစ်ဖြစ်နေဆဲဖြစ်ပြီး နှစ်နိုင်ငံအစိုးရ၏ ထောက်ခံချက်မရဘဲ ခရီးသွားလာမှုများ၊ စာအဆက်အသွယ်ပြုမှုနှင့် အီးမေးလ်ပို့မှုများ ပါဝင်သည့် နယ်စပ်ဖြတ်ကျော်အရပ်သား ထိတွေ့ဆက်ဆံမှုအားလုံးကို ပိတ်ပင်ခဲ့သည်။

သို့သော်ဆိုးလ်မြို့စွန်၌  ဇူလိုင် ၁၂ ရက်မှစပြီး ကျင်းပမည့် Bucheon International Fantastic ရုပ်ရှင်ပွဲတော်တွင် မြောက်ကိုရီးယား ရုပ်ရှင်ဇာတ်ကားသုံးကားနှင့် ဇာတ်လမ်းတို ရုပ်ရှင်ခြောက်ကားပြသမည်ကို  တောင်ကိုရီးယားတာဝန်ရှိသူများက ခွင့်ပြုပေးခဲ့သည်ဟု ပွဲစီစဉ်သူများက ပြောကြားခဲ့သည်။

မြောက်ကိုရီးယားရုပ်ရှင်ဇာတ်ကား သုံးကားတွင်၂၀၁၆ ခုနှစ်က ဖြန့်ချိခဲ့သည့် မိဘမဲ့ မောင်နှမသုံးဦးက အတူနေထိုင်ရန် ကြိုးစားသည့်အကြောင်း ရိုက်ကူးထားသည့် The Story of Our Home နှင့် ၂၀၁၂ ခုနှစ်က ဖြန့်ချိခဲ့သည့် ကျွမ်းဘားသမားတစ်ဦးဖြစ်လိုသည့် ရည်မှန်းချက်ကို အကောင်အထည်ဖော်ခဲ့သည့် မိုင်းအလုပ်သမားတစ်ဦးအကြောင်း ရိုက်ကူးထားသည့် အချစ်ဇာတ်မြူးဇာတ်ကား Comrade Kim Goes Flying တို့ ပါဝင်မည်ဖြစ်သည်။ ဗြိတိန်၊ ဘယ်လ်ဂျီယံနှင့် မြောက်ကိုရီးယားတို့ ပူးတွဲထုတ်လုပ်ခဲ့သည့် The Latter ဇာတ်ကားကို တိုရွန်တိုအပြည်ပြည်ဆိုင်ရာရုပ်ရှင်ပွဲတော်နှင့်တောင်ကိုရီးယားတွင် ကျင်းပခဲ့သည့် ဘူဆန် အပြည်ပြည်ဆိုင်ရာရုပ်ရှင်ပွဲတော်တို့တွင် ယခင်ကပြသခဲ့ဖူးသည်။

မြောက်ကိုရီးယားဒါရိုက်တာများကိုလည်း ဖိတ်ကြားရန်ကြိုးစားခဲ့သော်လည်း  တရားဝင်ခွင့်ပြုချက်ကို စောင့်ဆိုင်းနေသည်ဟု ပွဲစီစဉ်သူများက ပြောကြားခဲ့သည်။

မြောက်ကိုရီးယား၏ ယဉ်ကျေးမှုနှင့်  ရုပ်ပုံများကို လူထုကို ပြသမှုအတွက် ကိုရီးယား ပူးပေါင်းဆောင်ရွက်ရေးဝန်ကြီးဌာနနှင့် ထောက်လှမ်းရေးအေဂျင်စီအပါအ၀င်  အစိုးရအဖွဲ့အစည်းများထံမှ ခွင့်ပြုချက်များရရှိရန် လိုအပ်သည်။

တောင်ကိုရီးယား သမ္မတမွန်းဂျေအင်း လက်ထက်တွင် နယ်စပ်ဖြတ်ကျော် ဆက်ဆံ ရေးနွေးထွေးမှုရှိလာခဲ့ပြီး ဧပြီတွင် မြောက်ကိုရီးယားခေါင်းဆောင် ကင်ဂျုံအွန်နှင့်ထိပ်သီးဆွေးနွေးပွဲပြုလုပ်ခဲ့သည်။တောင်ကိုရီးယား အစိုးရ၏ဖိတ်ကြားချက်အရ ပြုံယမ်းက မြောက်ကိုရီးယားအားကစားသမားများနှင့် အကြီးတန်းတာဝန်ရှိသူများကို တောင်ကိုရီးယား ဆောင်းရာသီအားကစားပွဲတော်သို့ စေလွှတ်ခဲ့သည်။ တောင်ကိုရီးယားဘတ်စကက် ဘောကစားသမားများသည်လည်း ပြီးခဲ့သည့် သီတင်းပတ်တွင် ပြုံယမ်းသို့  သွားရောက်ခဲ့သည်။

BTS အဖွဲ့၏ အယ်လ်ဘမ် Billboard တွင် သီတင်းခုနစ်ပတ်အထိ ဆက်လက်ဖော်ပြခံရ

 

ကေပေါ့ပ်အမျိုးသားအဆိုတော်အဖွဲ့ BTS ၏ နောက်ဆုံးထွက်ရှိသည့် Love Your self: Tear အယ်လ်ဘမ်သည်  Billboard 200 စာရင်းတွင် သီတင်းပတ်ခုနစ်ပတ်အထိ ဆက်လက်ဖော်ပြခံနေရဆဲ ဖြစ်သည်။

မေ ၁၈ ရက်က ဖြန့်ချိခဲ့သည့် ယင်းအယ်လ်ဘမ်သည် ဇူလိုင် ၁၁ ရက်တွင် Billboard 200 စာရင်း၏ နံပါတ် ၄၇ နေရာ၌ ဖော်ပြခံခဲ့ရသည်။ ယင်းအယ်လ်ဘမ်တွင် ပါဝင်သည့်  Fake Love သီချင်းသည်လည်း Hot 100  စာရင်းတွင် သီတင်းခြောက်ပတ်ဆက်တိုက် ဖော်ပြခံနေရဆဲဖြစ်သည်။

အဖွဲ့ဝင် ခုနစ်ဦးပါဝင်သည့် BTS အဖွဲ့၏အယ်လ်ဘမ်သည် ၂၀၁၈ ခုနှစ် ပထမနှစ်ဝက်တွင် အမေရိကန်၌ရောင်းအားအကောင်းဆုံး အယ်လ်ဘမ်အဖြစ်လည်း စံချိန်တင်ခဲ့သည်။ Love Yourself: Tear အယ်လ်ဘမ်သည် ဇွန်လကုန်တွင် အမေရိကန်၌ချပ်ရေ ၁၃၂,၀၀၀ ရောင်းချနိုင်ခဲ့သည်ဟု Forbes မဂ္ဂဇင်း က ဖော်ပြခဲ့သည်။

“BTS အဖွဲ့ကို အောင်မြင်မှုရစေတဲ့ အချက်အလက်တွေ အများကြီးရှိတယ်။ သူတို့ရဲ့ဂီတအရည်အသွေးနဲ့ ပူးပေါင်းဆောင်ရွက်မှုအပြင် သူတို့ရဲ့ပရိသတ် ARMY အပေါ်မှာ အလေးအနက်ထားတာတွေက အယ်လ်ဘမ်ရောင်းအားမြင့်တက်မှုကို အထောက်အပံ့ဖြစ်စေခဲ့တယ်။ လူမှုမီဒီယာမှာ BTS အဖွဲ့ရဲ့ ကြီးမားတဲ့သြဇာလွှမ်းမိုးမှုဟာလည်း သူတို့အဖွဲ့ အမေရိကန်မှာ အောင်မြင်မှုရစေတဲ့ အဓိကအချက်လည်း ဖြစ်တယ်” ဟု  Forbes က ဖော်ပြခဲ့သည်။

ယင်းအဖွဲ့သည် ၂၀၁၈ ခုနှစ် ဇွန်တွင် တိုင်းမ်မဂ္ဂဇင်းက ထုတ်ပြန်ခဲ့သည့် အင်တာနက်တွင် သြဇာလွှမ်းမိုးမှုအရှိဆုံးပုဂ္ဂိုလ် ၂၅ ဦး စာရင်းတွင်လည်း ပါဝင်ခဲ့သည်။

BTS အဖွဲ့သည်  တတိယမြောက်စတူဒီယို အယ်လ်ဘမ် Love Yourself: Tear အတွက်ကမ္ဘာလှည့်ဖျော်ဖြေပွဲခရီးစဉ်ကို သြဂုတ် ၂၅ ရက်တွင် ဆိုးလ်တောင်ပိုင်းရှိ Jamsil အိုလံပစ်အားကစားရုံတွင် စတင်မည်ဖြစ်ပြီး အမေရိကန်၊ ကနေဒါ၊ ဗြိတိန်နှင့် နယ်သာလန်တို့တွင်လည်း ဖျော်ဖြေမည်ဖြစ်သည်။

တောင်အာဖရိကတွင် ပြုလုပ်မည့် ဆင်းရဲမွဲတေမှုတိုက်ဖျက်ရေး ဖျော်ဖြေပွဲ၌ ဘီယွန်းစေးနှင့် ဂျေဇီးက အဓိကအဆိုတော်များအဖြစ် ပါဝင်မည်

ကွယ်လွန်သူ လူဖြူလူမည်း ခွဲခြားမှုဆန့်ကျင်ရေးပြယုဂ် နယ်ဆင်မင်ဒဲလား၏ အသက် ၁၀၀ ပြည့်မွေးနေ့အတွက် တောင်အာဖရိကမြို့တော် ဂျိုဟန်နက်စဘက်၌ ပြုလုပ်မည့် ဆင်းရဲမွဲတေမှုတိုက်ဖျက်ရေး ဖျော်ဖြေပွဲတွင် ဘီယွန်းစေးနှင့် ဂျေဇီးတို့က အဓိကအဆိုတော်များအဖြစ် ဖျော်ဖြေမည်ဟု ဆင်းရဲမွဲတေမှု တိုက်ဖျက်ရေးလှုပ်ရှားမှု Global Citizen က ထုတ်ပြန်ခဲ့သည်။

ဘီယွန်းစေးသည် ၂၀၀၃ ခုနှစ်တွင် HIV၊ AIDS နှင့်ပတ်သက်ပြီး ပညာပေးရန်အတွက် မင်ဒဲလားစီစဉ်သည့် ဖျော်ဖြေပွဲတစ်ခုတွင် ဖျော်ဖြေခဲ့ဖူးသည်။ ယင်းဖျော်ဖြေပွဲကျင်းပခဲ့ပြီး နှစ်နှစ်အကြာတွင် လန်ဒန်ရှိ Trafalgar Square ၌ ဆင်းရဲမွဲတေမှု တိုက်ဖျက်ရေးအတွက် ဖျော်ဖြေပွဲများပြုလုပ်ရန် မင်ဒဲလားက တိုက်တွန်းခဲ့သည်။

ဒီဇင်ဘာ ၂ ရက်တွင် FNB အားကစားကွင်း၌ ပြုလုပ်မည့် ယင်းဖျော်ဖြေပွဲတွင် အက်ဒ်ရှီးရန်၊ ဖာရဲဝီလျံ၊ ခရစ်မာတင်၊ D’banj၊ ဖီမီကူတီ၊ ရှိုမက်ဂျိုဇီ၊ တီဝါဆာဗေ့ဂ်ျ၊ ၀ဇ်ကစ်ဒ်နှင့် Pearl Jam အဖွဲ့၏ အဆိုတော် အက်ဒီဗက်ဒါတို့လည်း ပါဝင်ဖျော်ဖြေမည်ဖြစ်ပြီး ကမ္ဘာ့အဆိုးရွားဆုံး ဆင်းရဲမွဲတေမှုကို တိုက်ဖျက်ရန်အတွက် ကြိုးပမ်းမှုတွင် ကမ္ဘာ့ခေါင်းဆောင်များပါဝင်ရန် စည်းရုံးမည်ဟု Global Citizen က ဇူလိုင် ၉ ရက်တွင် ထုတ်ပြန်ခဲ့သည်။

ယင်းဖျော်ဖြေပွဲတွင် တောင်အာဖရိက ဟစ်ဟော့ထုတ်လုပ်သူ Cassper Nyovest အပါအ၀င် အာဖရိကတိုက်၏ အထင်ရှားဆုံး ဂီတပညာရှင်များလည်း ပါဝင်မည်ဖြစ်သည်။ ကမ္ဘာ့အဆင်းရဲဆုံးနိုင်ငံကို အကူအညီပေးရန်အတွက် ယင်းဖျော်ဖြေပွဲတွင် လှူဒါန်းငွေ ဒေါ်လာ တစ်ဘီလျံခန့် ရရှိနိုင်ခြေ ရှိသည်ဟု ခန့်မှန်းထားသည်။

၂၀၃၀ ပြည့်နှစ်မတိုင်မီ အလွန်အမင်း ဆင်းရဲမွဲတေမှုအဆုံးသတ်ရန် ရည်ရွယ်သည့် Global Citizen လှုပ်ရှားမှုအဖြစ် ဖျော်ဖြေပွဲများကို ၂၀၁၂ ခုနှစ် ကုလသမဂ္ဂ အထွေထွေညီလာခံကျင်းပစဉ်အတွင်း နယူးယောက်ရှိ Central Park တွင် စတင် ကျင်းပခဲ့သည်။

ဂျိုဟန်နက်စဘက်တွင် ပြုလုပ်မည့် ဖျော်ဖြေပွဲသည် Global Citizen ၏ အကြီးဆုံး ဖျော်ဖြေပွဲဖြစ်ကြောင်း ယင်းလှုပ်ရှားမှုကို ထူထောင်သူ၊ အမှုဆောင်အရာရှိချုပ် ဟျုအီဗန်က ပြောကြားခဲ့သည်။

သမားရိုးကျ ပရဟိတဖျော်ဖြေပွဲများနှင့် မတူသည်မှာ Global Citizen ဖျော်ဖြေပွဲ လက်မှတ်များသည် နိုင်ငံတကာဖွံ့ဖြိုးတိုးတက်မှုတွင် ကူညီပံ့ပိုးပေးရန် အစိုးရများကို စာရေးသားတိုက်တွန်းခြင်း အစရှိသည့် လှုပ်ရှားမှုများအား လုပ်ဆောင်ခဲ့သူများကို အခမဲ့ ပေးဝေခဲ့ခြင်းဖြစ်သည်။

ဂျက်စတင်ဘီဘာနှင့် မော်ဒယ်ဟိုင်လေဘိုဒွင်တို့ စေ့စပ်

ပြဿနာများသော ပေါ့အဆိုတော် ဂျက်စတင်ဘီဘာသည် မော်ဒယ်ဟိုင်လေ ဘိုဒွင်ကို လက်ထပ်ခွင့်တောင်းခံခဲ့သည့်အတွက် မကြာမီတွင် အိမ်ထောင်သည် အမျိုးသားတစ်ဦးဖြစ်လာတော့မည်ဖြစ်ကြောင်း  ဇူလိုင် ၈ ရက်က သတင်းများတွင် ဖော်ပြခဲ့သည်။

ဘီဘာသည် ဘိုဒွင်နှင့် ယခင်က တွဲခဲ့ဖူးပြီး နောက်ပိုင်းတွင် အဆက်အသွယ်ပြတ်သွားခဲ့သည်။ ထို့နောက် ၎င်းတို့နှစ်ဦးပြန်တွဲပြီး တစ်လအကြာတွင် စေ့စပ်သည့် သတင်းထွက်ပေါ်လာခြင်း ဖြစ်သည်။ ဘီဘာသည် ဆလီနာဂိုမက်ဇ်နှင့် ပြတ်သွားခဲ့ပြီးနောက် ယခုကဲ့သို့ ဘိုဒွင်နှင့်ပြန်တွဲခဲ့ခြင်းလည်း ဖြစ်သည်။

ကနေဒါနိုင်ငံမှ အသက် ၂၄ နှစ်အရွယ် ပျိုတိုင်းကြိုက်သည့် နှင်းဆီခိုင်ဖြစ်သော ဘီဘာသည် ဇူလိုင် ၇ ရက်ညပိုင်းက ဘဟားမားစ်ရှိ စားသောက်ဆိုင်တစ်ဆိုင်တွင် အသက် ၂၁ နှစ်အရွယ် ဘိုဒွင်ကို လက်ထပ်ခွင့်တောင်းခံခဲ့ခြင်း ဖြစ်သည်။

ထိုသို့ လက်ထပ်ခွင့်တောင်းခံနေပုံကို မရိုက်ကူးကြရန် ဘီဘာ၏ လုံခြုံရေးအဖွဲ့က စားသောက်ဆိုင်ထဲမှလူများကို တောင်းဆိုခဲ့သည်ဟု သိရသည်။

ယခုသတင်းကို ဘီဘာ၏ မိသားစုဝင်များက အတည်ပြုခဲ့ပြီး အဖေနှင့်အမေတို့ကလည်း  ဂုဏ်ပြုကြောင်း လူမှုမီဒီယာတွင် ရေးသားခဲ့ကြသည်။

မော်ဒယ်တစ်ဦးဖြစ်သော ဟိုင်လေဘိုဒွင်သည် ရုပ်ရှင်သရုပ်ဆောင် စတီဖင်ဘိုဒွင်၏ သမီးဖြစ်ပြီး အဲလစ်ဘိုဒွင်၏ တူမဖြစ်သည်။ ရောင်းအားအကောင်းဆုံး အဆိုတော်တစ်ဦးဖြစ်သော ဘီဘာသည် နာမည်ကျော် အမျိုးသမီးငယ်များစွာနှင့် တွဲခဲ့ဖူးသူတစ်ဦး ဖြစ်သည်။

ဝှစ်တနီဟူစတန်၏ မှတ်တမ်းရုပ်ရှင်ကို အမေရိကန်တွင် ဖြန့်ချိ

ကွယ်လွန်သူ အဆိုတော် ၀ှစ်တနီဟူစတန်၏ ၀မ်းနည်းပူဆွေးဖွယ် ဘ၀အကြောင်း ရိုက်ကူးထားသည့် မှတ်တမ်းရုပ်ရှင် Whitney ကို ဇူလိုင် ၆ ရက်တွင် အမေရိကန်၌ ဖြန့်ချိခဲ့သည်။

ဟူစတန် ကလေးအရွယ်တွင် လိင်ပိုင်းဆိုင်ရာ စော်ကားခံရမှု အကြောင်းထည့်သွင်း ရိုက်ကူးထားသည့် ယင်းမှတ်တမ်းရုပ်ရှင် ရိုက်ကူးရေးတွင် ၎င်း၏ မိသားစုဝင်များက ပူးပေါင်းပါဝင်ခဲ့သည်။ အော်စကာဆုရ ဒါရိုက်တာ ကီဗင်မက်ဒေါ်နယ် ရိုက်ကူးသည့် ယင်းမှတ်တမ်းရုပ်ရှင်ကို မေတွင် ကျင်းပခဲ့သည့် ကိန်းရုပ်ရှင်ပွဲတော်၌ ပွဲဦးထွက် ပြသခဲ့သည်။

ယင်းမှတ်တမ်းရုပ်ရှင်တွင် ဟူစတန်၏ တစ်ကြိမ်မျှ ထုတ်ပြန်ခဲ့ဖူးခြင်း မရှိသည့် ဗီဒီယိုများနှင့် ခင်ပွန်းဖြစ်သူ ရက်ပ်အဆိုတော် ဘော်ဘီဘရောင်းနှင့် ဆက်ဆံရေး အဆင်မပြေဖြစ်ခဲ့သည့် အကြောင်းအရင်းကိုလည်း ထည့်သွင်းရိုက်ကူးထားသည်။ ဟူစတန်နှင့် ဘရောင်းသည် ၁၉၉၂ ခုနှစ်တွင် လက်ထပ်ခဲ့ပြီး အိမ်ထောင်သက် ၁၄ နှစ်အကြာတွင် ကွာရှင်းခဲ့သည်။

ဟူစတန် သေဆုံးမှုသည် မူးယစ်ဆေးသုံးစွဲမှုနှင့် ပတ်သက်မှုမရှိဟု ဘရောင်းက ပြောကြားခဲ့သော်လည်း သေမှုသေခင်း စုံစမ်းစစ်ဆေးရေး အရာရှိကမူ မူးယစ်ဆေးသည် အဓိကအချက်အဖြစ် ပါဝင်ခဲ့သည်ဟု ပြောကြားခဲ့သည်။

ယင်းမှတ်တမ်းရုပ်ရှင်တွင် ဟူစတန်နှင့် ဘရောင်းတို့က သမီးဖြစ်သူ ဘော်ဘီခရစ္စတီးနားဘရောင်းကို ပစ်ပယ်ထားမှုကိုလည်း ထည့်သွင်းရိုက်ကူးထားသည်။

“ဟူစတန်နဲ့ တွေ့ဆုံမေးမြန်းခဲ့ရာမှာ သူ့ရဲ့အဆင်မပြေဖြစ်ခဲ့တဲ့ အကြောင်းအရင်းတွေ အများကြီးကို သိခဲ့ရတယ်” ဟု ကီဗင်မက်ဒေါ်နယ်က ပြောကြားခဲ့သည်။

ဟူစတန်သည် ၁၉၉၂ ခုနှစ်တွင် The Bodyguard ဇာတ်ကားဖြင့် သရုပ်ဆောင်လောကသို့ ၀င်ရောက်ခဲ့သည်။ ၁၉၉၀ ပြည့်လွန်နှစ်များတွင် ကျော်ကြားသည့် ပေါ့ပ်အဆိုတော်တစ်ဦးဖြစ်သော ဟူစတန်သည် ၂၀၁၂ ခုနှစ် ဖေဖော်ဝါရီ ၁၁ ရက်တွင် ဘီဗာလီဟေး၊ ဟီလ်တန် ဟိုတယ်ရှိ ရေချိုးကန်ထဲတွင် သေဆုံးခဲ့သည်။

နှလုံးရောဂါနှင့် ကိုကင်း သုံးစွဲမှုသည် ဟူစတန်သေဆုံးရသည့် အဓိက အကြောင်းရင်းဖြစ်သည်ဟု သေမှုသေခင်းစုံစမ်းရေး အရာရှိ၏ အစီရင်ခံစာတွင် ဖော်ပြခဲ့သည်။

Spider-Man နှင့် Doctor Strange ဇာတ်ကောင်တို့ကို ပူးတွဲဖန်တီးခဲ့သည့် ကာတွန်းဆရာ စတီဗ်ဒစ်ကို ကွယ်လွန်

မာဗယ်၏ စူပါဟီးရိုးဇာတ်ကောင်များဖြစ်သည့် Spider-Man နှင့် Doctor Strange တို့ကို စတန်းလီနှင့်အတူ ပူးတွဲဖန်တီးခဲ့သည့် အမေရိကန်ကာတွန်းဆရာ စတိဗ်ဒစ်ကိုသည် ဇွန် ၂၉ ရက်တွင် ကွယ်လွန်ခဲ့သည်ဟု တာဝန်ရှိသူများက ဇူလိုင် ၆ ရက်တွင် ထုတ်ပြန်ခဲ့သည်။

အသက် ၉၀ အရွယ်ရှိ ဒစ်ကိုသည် မက်ဟက်တန်ရှိ ၎င်း၏တိုက်ခန်းတွင် သေဆုံးခဲ့ခြင်းဖြစ်သည်ဟု Hollywood Reporter က ဖော်ပြခဲ့သော်လည်း အသေးစိတ်ကို အတည်မပြုခဲ့ပေ။

၁၉၂၇ ခုနှစ်တွင် မွေးဖွားခဲ့သည့် ဒစ်ကိုသည် Marvel Comic ၏ အမှုဆောင်အရာရှိချုပ်ဖြစ်လာမည့် စတန်းလီနှင့် ၁၉၆၀ ပြည့်လွန် အစောပိုင်းနှစ်များတွင် ကာတွန်းဇာတ်ကောင်များကို ပူးတွဲဖန်တီးခဲ့သည်။ ဒစ်ကိုသည် Spider-Man ၏ အထင်ကရ အနီရောင်နှင့်အပြာ ရောစပ်ထားသည့်ဝတ်စုံနှင့် ၎င်း၏လက်ကောက်ဝတ်တွင် ၀တ်ဆင်သည့် web-shooters ကိရိယာကို ဖန်တီးခဲ့သူဖြစ်သည်။

“စတိဗ်ကွယ်လွန်သွားတဲ့အတွက် မာဗယ်မိသားစုက ၀မ်းနည်းပူဆွေးရပါတယ်။ စတိဗ်က Marvel Universe ကို ပြောင်းလဲစေခဲ့သူပါ။ သူဖန်တီးတဲ့အနုပညာတွေက ဘယ်တော့မှမေ့လျော့မှာ မဟုတ်ပါဘူး” ဟု Marvel Entertainment ၏ ဥက္ကဋ္ဌ Dan Buckley က ဇူလိုင် ၇ ရက်တွင် ကြေညာချက် ထုတ်ပြန်ခဲ့သည်။

ဒစ်ကိုသည် လီသည် သဘောထားကွဲလွဲမှု ဖြစ်ပွားမှုကြောင့် ၁၉၆၆ ခုနှစ်တွင် မာဗယ်မှ ထွက်ခွာခဲ့သည်။ ၎င်းသည် DC Comics အပါအ၀င် အခြားထုတ်ဝေသူများအတွက် ကာတွန်းဇာတ်ကောင်များ ဖန်တီးပေးခဲ့သည်။ ၁၉၇၉ ခုနှစ်တွင် မာဗယ်အတွက် ကာတွန်းဇာတ်ကောင်ကို ထပ်မံရေးဆွဲပေးခဲ့သည်။

“စတိဗ်က Spider-Man ဇာတ်ကောင်ကို ပူးတွဲဖန်တီးသူအဖြစ်ပဲ ကျော်ကြားတာမဟုတ်ပါဘူး။ DC အတွက် Question နဲ့ Hawk and Dove ဇာတ်ကောင်တွေကို ဖန်တီးသူအဖြစ်လည်း ကျော်ကြားခဲ့တဲ့ အနုပညာရှင်တစ်ဦးပါ” ဟု DC Entertainment ၏ အမှုဆောင် တီထွင်ဖန်တီးမှုအရာရှိ ဂျင်လီက Twitter တွင် ရေးသားခဲ့သည်။