သင်္ဃန်းကျွန်းမြို့နယ်ရှိ နေအိမ်တစ်အိမ်တွင် အသက် ၅၀ ကျော်အရွယ် အမျိုးသားတစ်ဦး နေအိမ်ဝရန်တာ၌ ဆွဲကြိုးချသေဆုံး

သင်္ဃန်းကျွန်းမြို့နယ်ရှိ နေအိမ်တစ်အိမ်တွင် အသက် ၅၀ ကျော်အရွယ်ရှိ အမျိုးသားတစ်ဦး နေအိမ်ဝရန်တာ၌ ဆွဲကြိုးချ သေဆုံးမှု ဒီဇင်ဘာ ၁၁ ရက် ညပိုင်းက ဖြစ်ပွားခဲ့ကြောင်း သိရသည်။

ဒီဇင်ဘာ ၁၁ ရက် ည ၈ နာရီခန့်တွင် သင်္ဃန်းကျွန်းမြို့နယ် ရတနာမဉ္ဇူလမ်းရှိ တိုက်ခန်းတစ်ခု၏ သုံးလွှာတွင် အမျိုးသားတစ်ဦး ဆွဲကြိုးချသေဆုံးကြောင်း သတင်းရသဖြင့် သက်ဆိုင်ရာရဲတပ်ဖွဲ့က သွားရောက်စစ်ဆေးရာ သေဆုံးသူမှာ အသက် ၅၀ ကျော်အရွယ် အမျိုးသားတစ်ဦးဖြစ်ကြောင်း သိရသည်။

သေဆုံးသူမှာ ၎င်း၏ နေအိမ်ဝရန်တာ၌ ဆွဲကြိုးချ သေဆုံးခဲ့ခြင်းဖြစ်ပြီး ၎င်းသေဆုံးနေသည်ကို အနီးပတ်ဝန်းကျင်မှ တွေ့မြင်ရသည့် အချိန်မှစ၍ သိရှိခဲ့ခြင်းဖြစ်ကြောင်း သိရသည်။

သေဆုံးသူမှာ အဆိုပါ နေအိမ်တွင် ဇနီးဖြစ်သူ၊ အသက် ၁၅ နှစ်ကျော်ရှိ သားဖြစ်သူတို့နှင့်အတူ နေထိုင်ခြင်းဖြစ်ပြီး ၎င်းဆွဲကြိုးချ သေဆုံးနေသည့်အချိန်တွင် တက္ကသိုလ်ဝင်တန်းကျောင်းသားဖြစ်သူမှာ နေအိမ်တွင် မရှိကြောင်း ပတ်ဝန်းကျင်၌ နေထိုင်သူတစ်ဦး၏ ပြောကြားချက်အရ သိရသည်။

“သူတို့က အိမ်မှာ သူရယ်၊ သူ့မိန်းမရယ်၊ ဆယ်တန်းအရွယ် ကျောင်းသားလေးတစ်ယောက်ရယ် နေတာ။သူဆွဲကြိုးချ သေတဲ့ချိန်မှာ သူ့သားက မရှိဘူး။ သူ့မိန်းမကတော့ နောက်ဖေးမှာ အ၀တ်လျှော်နေတယ်လို့ သိရတယ်။ သေတဲ့သူကတော့ ၀ရန်တာမှာ ဆွဲကြိုးချသေနေတာပါ” ဟု အခင်းဖြစ်ပွားရာ နေရာအနီးတွင် နေထိုင်သူ တစ်ဦးက ပြောကြားသည်။

ဆွဲကြိုးချ သေဆုံးခဲ့သည့် အမျိုးသားမှာ အခင်းဖြစ်ပွားသည့် အခန်းတွင် နေထိုင်သည်မှာ ကြာမြင့်ပြီဖြစ်ကြောင်း သိရသည်။ အဆိုပါ တိုက်တွင် မြေရှင်ဖြစ်ပြီး ၎င်းမှာ အရက်သေစာ သောက်စားတတ်သူဖြစ်ကြောင်း အနီးပတ်ဝန်းကျင်၌ နေသူတစ်ဦးက ပြောကြားသည်။

“သတင်းရတာနဲ့ သက်ဆိုင်ရာရဲစခန်းက ရဲတပ်ဖွဲ့တွေက သွားရောက် စစ်ဆေးမှုတွေ ပြုလုပ်ပြီး အလောင်းကိုဆေးရုံ ပို့ဆောင်ပါတယ်။ သက်ဆိုင်ရာရဲစခန်းက သေမှုသေခင်းဖွင့်ပြီး ဆောင်ရွက်နေပါတယ်” ဟု အရှေ့ပိုင်းခရိုင်ရဲတပ်ဖွဲ့မှ ရဲအရာရှိတစ်ဦးက ပြောကြားသည်။

အဆိုပါ ဖြစ်စဉ်အား သင်္ဃန်းကျွန်းမြို့မ ရဲစခန်းမှ ဆက်လက်စစ်ဆေး ဆောင်ရွက်နေကြောင်း သိရသည်။

မောင်တောမြို့သို့ သွားရောက်မည့် ယာဉ်တစ်စီးပေါ်မှ ဘင်္ဂလားဒေ့ရ်ှနိုင်ငံသုံး တာကာငွေများနှင့်အတူ ဘင်္ဂါလီနှစ်ဦးအား ဖမ်းဆီးရမိ

မောင်တောမြို့နယ် တောင်ပိုင်း ပဒင်းကျေးရွာအုပ်စုမှ မောင်တောမြို့သို့ သွားရောက်မည့် ယာဉ်တစ်စီးပေါ်မှ ဘင်္ဂလားဒေ့ရ်ှနိုင်ငံသုံး တာကာငွေများနှင့်အတူ ဘင်္ဂါလီ နှစ်ဦးအား ဖမ်းဆီးရမိခဲ့ကြောင်း သိရသည်။

ဖြစ်စဉ်မှာ ဒီဇင်ဘာ ၁၁ ရက် နံနက် ၉ နာရီခန့်တွင် နယ်မြေ (၇) ကွပ်ကဲမှုအောက်ရှိ နူရူလ္လာရဲကင်းစခန်းမှ လုံခြုံရေးတပ်ဖွဲ့ဝင်များသည် ယာဉ်များအား ရှောင်တခင်စစ်ဆေးရာ ပဒင်းကျေးရွာအုပ်စုမှ မောင်တောမြို့သို့သွားမည့် ယာဉ်တစ်စီးပေါ်ရှိ ယာဉ်၏ရှေ့ခန်း ဒက်ရ်ှဘုတ်အတွင်းမှ ဘင်္ဂလားဒေ့ရ်ှနိုင်ငံသုံးငွေ တာကာ ၅၀၀ တန် ရွက် ၉၀ အား စစ်ဆေးရှာဖွေ တွေ့ရှိခဲ့ကြောင်း၊ ထို့နောက် ဆက်လက်စစ်ဆေး မေးမြန်းရာ အဆိုပါ ငွေများမှာ ယာဉ်ပေါ်ပါ မောင်တောမြို့နယ် ပဒင်းအုပ်စု၊ ပဒင်းကညင်တန်းကျေးရွာနေ ရှော်ဖီအာမောက် (၃၉ နှစ်) ပိုင် ငွေများဖြစ်သည်ဟု စစ်ဆေးပေါ်ပေါက်ခဲ့ကြောင်း လုံခြုံရေး တပ်ဖွဲ့ဝင်များထံမှ သိရသည်။

ဘင်္ဂလားဒေ့ရ်ှငွေ သယ်ဆောင်လာသူ ရှော်ဖီအာမောက်နှင့် မောင်တောမြို့ (၂) ရပ်ကွက်တွင် နေထိုင်သည့် ယာဉ်မောင်း မော်ဂျူအူလာ (၂၆ နှစ်) တို့ထံမှ သိမ်းဆည်းရမိသော တာကာငွေ ၅၀၀ တန် အရွက် ၉၀၊ မောင်းနှင်လာသည့် 4L/ —- ပရိုဘောက် အဖြူရောင်ယာဉ်တစ်စီး၊ ယာဉ်မှတ်ပုံတင် သက်သေခံ လက်မှတ်တစ်ရွက်၊ ပရီမီယံကြေးပေးသွင်းမှု မှတ်တမ်းစာအုပ်တစ်အုပ်၊ ကားသော့တစ်ချောင်းတို့အား သိမ်းဆည်းရမိပြီး အမှုဖွင့် စစ်ဆေး ဆောင်ရွက်လျက်ရှိကြောင်း သိရသည်။

လှည်းကူးမြို့နယ်တွင် ရေကန်အတွင်း အမှိုက်ဆင်းဆယ်ရာမှ အမျိုးသားတစ်ဦး ရေနစ်သေဆုံး

လှည်းကူးမြို့နယ်တွင် အမျိုးသားတစ်ဦး ရေကန်အတွင်း အမှိုက်ဆင်းဆယ်ရာမှရေနစ် သေဆုံးမှု ဒီဇင်ဘာ ၁၀ ရက် မွန်းလွဲ ၁ နာရီခွဲခန့်က ဖြစ်ပွားခဲ့ကြောင်း ရန်ကုန်တိုင်းဒေသကြီးရဲတပ်ဖွဲ့မှ သိရသည်။

ရေနစ်သေဆုံးသူမှာ လှည်းကူးမြို့နယ် ကျွန်းကလေး ကျေးရွာနေ ဦး…….(၆၂ နှစ်) ဆိုသူဖြစ်ကြောင်း သိရသည်။

ရေနစ်သေဆုံးခဲ့သည့်နေရာမှာ လှည်းကူးမြို့နယ် ကျွန်းကလေးကျေးရွာရှိ အကျယ် အလျား ပေ ၉၀၊ အနံ ပေ ၃၀၊ အနက် ၅ ပေ ခန့်ရှိ ရေကန်အတွင်း အမှိုက်များဆင်းဆယ်ရာမှ ရေနစ်သေဆုံးခဲ့ခြင်းဖြစ်ကြောင်း သိရသည်။

ရေကန်အတွင်းမှ ဆယ်ယူရရှိခဲ့သည့် ၎င်း၏ အလောင်းအား သက်ဆိုင်ရာ ရဲတပ်ဖွဲ့မှ စစ်ဆေးရာ ၎င်းသည် သွေးတိုးရောဂါရှိသူတစ်ဦးဖြစ်ကြောင်းနှင့် ပြင်ပဒဏ်ရာမရှိဘဲ ရေနစ်သေဆုံးခဲ့ခြင်းဖြစ်ကြောင်း သိရသည်။

စစ်ဆေးပြီး အတည်ပြုချက်များ ရရှိခဲ့သည့် အလောင်းအား လှည်းကူးမြို့နယ် ဆေးရုံသို့ ပို့ဆောင်ခဲ့ကြောင်း မြန်မာနိုင်ငံရဲတပ်ဖွဲ့၏ ထုတ်ပြန်ချက်အရ သိရသည်။

ယင်းဖြစ်စဉ်ကို လှည်းကူးမြို့မရဲစခန်းတွင် သေမှုသေခင်းအမှတ်စဉ် (၁၂/၂၀၁၇)ဖြင့် အမှုဖွင့်ထားပြီး စစ်ဆေး ဆောင်ရွက်လျက်ရှိကြောင်း သိရသည်။

မြန်မာနိုင်ငံ၌ ရေနစ်သေဆုံးမှုကြောင့် အသက်ဆုံးရှုံးရသူဦးရေမှာ လျှပ်စစ်ဓာတ်လိုက်မှုကြောင့် သေဆုံးသူဦးရေထက် ပိုမိုများပြားကြောင်း သိရသည်။

လွှတ်တော်အဆောက်အအုံကို Drone ဖြင့် မှတ်တမ်းယူခဲ့သည့် တူရကီအခြေစိုက် သတင်းထောက်နှစ်ဦး အပါအ၀င် လေးဦးအား (၆) ကြိမ်မြောက် ရုံးထုတ်ခဲ့ပြီး တရားလိုနှင့် တရားလိုပြသက်သေများကို စစ်ဆေး

လွှတ်တော်အဆောက်အအုံအား Drone ဖြင့် မှတ်တမ်းယူခဲ့သည့် တူရကီသတင်းထောက်ပါ လေးဦးအား ရုံးထုတ်စဉ်

လွှတ်တော်အဆောက်အအုံအား Drone ဖြင့် မှတ်တမ်းယူခဲ့သည့် တူရကီသတင်းထောက်နှစ်ဦး အပါအ၀င် လေးဦးအား ဒီဇင်ဘာ ၁၁ ရက်က ဇဗ္ဗူသီရိမြို့နယ် တရားရုံးတွင် ခြောက်ကြိမ်မြောက် ရုံးထုတ်ခဲ့ပြီး တရားလိုနှင့် တရားလိုပြသက်သေများအား စစ်ဆေးခဲ့ကြောင်း သိရသည်။

တူရကီ အခြေစိုက် သတင်းထောက်နှစ်ဦး အပါအ၀င် လေးဦးအား ပို့ကုန်၊ သွင်းကုန် ဥပဒေပုဒ်မ ၈ ဖြင့် တရားစွဲဆိုထားသည့်အမှုအတွက် တရားလိုပြသက်သေနှင့် နိုင်ငံခြားသားနှစ်ဦးအား ထပ်မံစွဲဆိုထားသည့် လူဝင်မှုကြီးကြပ်ရေး အက်ဥပဒေပုဒ်မ ၁၃ (၁) အတွက် တရားလိုနှင့် တရားလိုပြသက်သေများအား စစ်ဆေးခဲ့ကြောင်း သိရသည်။

တရားစွဲဆိုခံထားရသူများဘက်မှ လိုက်ပါအကျိုးဆောင်ပေးနေသည့် တရားလွှတ်တော်ရှေ့နေ ဦးခင်မောင်ဇော်က “ဒီနေ့က အမှုနှစ်မှုကြားနာတယ်။ နဂိုကတင်ထားတဲ့ ပို့ကုန်သွင်းကုန်ဥပဒေပုဒ်မ ၈ နဲ့ရော။ နိုင်ငံခြားသားနှစ်ယောက်အပေါ် သပ်သပ်တင်တဲ့ လူဝင်မှုကြီးကြပ်ရေးဥပဒေ ၁၃ (၁) နှစ်ခု လုံးကြားနာတယ်။ တရားလိုကို စစ်လိုက်တော့ တရားလိုကပြောတာကတော့ တရားဝင်ဗီဇာနဲ့ ၀င်လာတယ်။ ၀င်လာပေမယ့် ဒီအထဲ ရောက်တဲ့အခါကျတော့ ပြစ်မှုတစ်ခုကျူးလွန်ပြီး ပြစ်ဒဏ်ကျတယ်။ အဲဒါဟာ ပုဒ်မ ၄ (၂)နဲ့ အကျုံးဝင်တယ်။ ၁၃ (၁) က ပြည်တွင်းကို တရားဝင်ရောက်ပြီးတဲ့နောက်မှာ ဥပဒေကို ချိုးဖောက်ပြီးတော့ ဆက်လက်နေထိုင်ရင်ဆိုတဲ့ကိစ္စမှာ ဥပဒေကိုချိုးဖောက်ရင်ဆိုတာ ယူလိုက်ပြီးတော့၎ (၂) အရ ချိုးဖောက်ထားပြီးပြီ။ ပြစ်မှုတစ်ခုကိုလည်း ကျူးလွန်ပြီးပြီ။ အဲဒါကြောင့် ၁၃ (၁) နဲ့ အကျုံးဝင်တယ်ဆိုပြီး တရားစွဲတယ်လို့ သူတို့ကပြောတယ်” ဟု ပြောကြားသည်။

တူရကီ အခြေစိုက်သတင်းထောက်နှစ်ဦး အပါအ၀င် လေးဦးက လွှတ်တော် အဆောက်အအုံအား Drone ဖြင့် မှတ်တမ်းယူခဲ့သည်ကို ၀န်ခံခဲ့သည့်အတွက် ၁၉၃၄ လေယာဉ်အက်ဥပဒေပုဒ်မ ၁၀ ဖြင့် ထောင်ဒဏ်နှစ်လ ကျခံထားရပြီး ပို့ကုန်၊ သွင်းကုန်ဥပဒေပုဒ်မ ၈ ဖြင့် ဆက်လက် တရားစွဲထားခြင်းအား ပယ်ဖျက်ပေးရန် တရားရုံးသို့ လျှောက်ထားခဲ့မှုအပေါ် နိုဝင်ဘာ ၂၇ ရက်က မြို့နယ်တရားသူကြီးက ပယ်ချခဲ့ပြီး အဆိုပါနေ့တွင် နိုင်ငံခြားသားနှစ်ဦးအား လူဝင်မှုကြီးကြပ်ရေး အက်ဥပဒေပုဒ်မ ၁၃ (၁) ဖြင့် ထပ်မံတရားစွဲခဲ့ကြောင်း သိရသည်။

တူရကီအခြေစိုက် သတင်းထောက်နှစ်ဦး အပါအ၀င် လေးဦးအား လာမည့်ဒီဇင်ဘာ ၂၀ ရက်တွင် ဇဗ္ဗူသီရိမြို့နယ်တရားရုံး၌ ဆက်လက် ရုံးထုတ်စစ်သွားမည်ဖြစ်ကြောင်း သိရသည်။

နေပြည်တော်ရှိ လွှတ်တော်အဆောက်အအုံအား အောက်တိုဘာ ၂၇ ရက်က လျှပ်စစ်နှင့် စွမ်းအင်ဝန်ကြီးဌာနရုံးအမှတ် ၂၇ အနီးမှ Drone ဖြင့် မှတ်တမ်းယူရန် ပြင်ဆင်နေချိန် ပြည်သူ့လွှတ်တော်ဝင်း လုံခြုံရေးဝန်တာဝန်ကျ ၀န်ထမ်းတစ်ဦးက တွေ့ရှိခဲ့သည့်အတွက် သက်ဆိုင်ရာ ရဲစခန်းသို့ ခေါ်ယူစစ်ဆေးခဲ့ကြောင်း သိရသည်။

မိတ္ထီလာမြို့နေ အမျိုးသမီးတစ်ဦးအား မှုခင်းသတင်းထောက်ကတ်ပြား ကိုင်ဆောင်ထားသူများက လိမ်လည် ခြိမ်းခြောက်ပြောဆိုမှု ဖြစ်ပွား

၂၀၁၇ ခုနှစ် နိုဝင်ဘာ ၁ ရက်က မိတ္ထီလာမြို့ ပြည်သာယာရပ်ကွက်နေ ဒေါ်မိမိခိုင် အသက် (၄၅) နှစ်သည် နေအိမ်တွင်ရှိနေစဉ် နေပြည်တော်မူးယစ်အထူးတပ်ဖွဲ့မှဟု ပြောဆိုကာ မိတ္ထီလာမြို့ ပြည်သာယာတောင်၊ (၃) လမ်းရှိ ငွေပိုးဝင်မိုတယ်သို့ လာရောက် တွေ့ဆုံရန် ဖုန်းဆက်ခေါ်ယူသဖြင့် အဖော်ဖြစ်သူ မသန်းသန်းနှင့်အတူ သွားရောက်ခဲ့ရာ အမည်မသိ အမျိုးသားသုံးဦးနှင့် အမျိုးသမီးတစ်ဦးအား တွေ့ရပြီး ၎င်းတို့မှာ နေပြည်တော် မူးယစ်တပ်ဖွဲ့မှဖြစ်ကြောင်း ဒေါ်မိမိခိုင်သည် မူးယစ်ဆေးဝါး ရောင်းချနေကြောင်း အမည်ထွက်နေသဖြင့် တစ်ရက်နှစ်ရက်နေလျှင် နေပြည်တော်သို့ခေါ်ကာ စစ်ဆေးရေးလုပ်မည်ဟုပြော၍ ကိုသိန်းရွှေနှင့်အမှုအား ကျေအေးပေးရန် ပြောကြားသဖြင့် ဒေါ်မိမိခိုင်က အကျိုးအကြောင်း မေးမြန်းခဲ့ရာ ဒေါ်မိမိခိုင်နှင့် အမှုဖြစ်ပွားနေသော ကိုသိန်းရွှေခိုင်းသဖြင့် လုပ်ရကြောင်း သိရှိပြီးနောက်မှ စုံစမ်းသိရှိရသည်မှာ လယ်ဝေးမြို့နေ ကိုသိန်းဇော်ထွန်း အသက် (၃၄) နှစ်၊ ကိုသိန်းမြင့်ဦး အသက် (၂၂) နှစ်၊ ဦးအောင်မြင့်ဦး အသက် (၄၉) နှစ်၊ နေပြည်တော်နေ မသန်းသန်းဦး အသက် (၄၉) နှစ်တို့ဖြစ်ကြောင်း သိရှိရပြီး ခြိမ်းခြောက်ရန် စေခိုင်းသူ မိတ္ထီလာမြို့ ပြည်သာယာရပ်ကွက်နေ ကိုသိန်းရွှေ အသက် (၄၉) နှစ်တို့အား အရေးယူပေးပါရန် ဒီဇင်ဘာ ၁၀ ရက်တွင် အမှုဖွင့် တိုင်တန်းခဲ့ခြင်းဖြစ်ကြောင်း ကနဦး စစ်ဆေးချက်အရ သိရသည်။

စဥ့်ကူးမြို့နယ်ရှိ စက်သုံးဆီ အရောင်းဆိုင်အတွင်း လူသုံးဦး ၀င်ရောက်ကာ ဆိုင်အတွင်းရှိလူများအား ဓားထောက်ချုပ်နှောင်ပြီး ငွေနှင့်ပစ္စည်းများ လုယူမှုဖြစ်ပွား

မန္တလေးတိုင်းဒေသကြီး စဥ့်ကူးမြို့နယ်ရှိ စက်သုံးဆီ အရောင်းဆိုင်အတွင်း လူသုံးဦးမှ ၀င်ရောက်ကာ ဆိုင်အတွင်းရှိ လူများအား ဓားထောက်ချုပ်နှောင်ပြီး ငွေနှင့်ပစ္စည်းများ လုယူမှုဖြစ်ပွားခဲ့ပြီး တရားခံသုံးဦးအား ဖမ်းဆီးထားကြောင်း ရဲကင်းရဲစခန်း (လက်ပန်လှ) မှ စခန်းမှူးက နိုဝင်ဘာ ၁၁ ရက် ညနေပိုင်း ၄ နာရီက ပြောကြားသည်။

ဖြစ်စဉ်မှာ စဥ့်ကူးမြို့နယ် ရွာတော်လေးရွာတွင် ဒီဇင်ဘာ ၉ ရက် နံနက်ပိုင်း ၃ နာရီ ၀န်းကျင်က စက်သုံးဆီ အရောင်းဆိုင်တစ်ဆိုင်ရှေ့တွင် ဆိုင်ဝန်ထမ်းဖြစ်သူ အသက် ၄၂ နှစ်အရွယ်နှင့် အသက် ၁၇ နှစ်အရွယ် အမျိုးသားနှစ်ဦး ရှိနေစဉ် မျက်နှာဖုံးစွပ်များဖြင့် အမျိုးသားသုံးဦး ဆိုင်ကယ်တစ်စီးဖြင့် ဆိုင်အတွင်း ၀င်ရောက်လာပြီး ၀န်ထမ်းနှစ်ဦးအား ဓားပြားဖြင့်ရိုက်ပြီး အော်လျှင်သတ်ပစ်မည်ဟု ခြိမ်းခြောက်ပြောဆိုပြီး ၀န်ထမ်းနှစ်ဦးထံမှ လက်ကိုင်ဖုန်းနှစ်လုံးနှင့် စက်သုံးဆီ ရောင်းရငွေ ကျပ် ၁၀၀၀၀၀ တို့အား ဓားထောက်ယူဆောင်ခဲ့ကြောင်း၊ ၀န်ထမ်းနှစ်ဦးအား ဆီဆိုင်ရုံးခန်းအတွင်းသို့ ခေါ်ဆောင်ထိုင်ခိုင်းပြီး တစ်ဦးက ဓားထောက်လျက် ကျန်နှစ်ဦးက ဆိုင်မန်နေဂျာအိပ်ခန်းအတွင်း ၀င်ရောက်သွားခဲ့ကြောင်း ရဲမှတ်တမ်းအရ သိရသည်။

ထို့နောက် မိနစ် ၂၀ ခန့်အကြာ အိပ်ခန်းအတွင်းမှ ပြန်လည်ထွက်သွားပြီး ရုံးခန်းအတွင်းရှိ သေတ္တာနှင့် ကောင်တာအံဆွဲတို့ကို အခန်းတွင်းရှိ တူဖြင့်ရိုက်ဖျက်ကာ ငွေကျပ် ၈၄၀၀၀၀ ခန့်၊ ပုဆိုးရှစ်ထည်တို့ကို ယူဆောင်ကာ ၎င်းတို့မောင်းနှင်လာသည့် ဆိုင်ကယ်ဖြင့် လက်ပန်လှရွာဘက်သို့ ထွက်ခွာသွားခဲ့ကြောင်း သိရသည်။

အသက် ၃၃ နှစ်အရွယ် ဆိုင်မန်နေဂျာနှင့် အသက် ၂၈နှစ်အရွယ် ဆိုင်ဝန်ထမ်း အမျိုးသားနှစ်ဦးမှာ ၀ိုင်ယာကြိုးဟောင်းများနှင့် လက်နောက်ပြန် တုပ်ချည်နှောင်ထားခဲ့ပြီး မန်နေဂျာ၏ အင်္ကျီအိတ်ကပ်အတွင်း ထည့်ထားသည့် ငွေကျပ် ၂၀၀၀၀ ခန့်နှင့် ဖုန်းတစ်လုံးတို့အား ယူဆောင်သွားခဲ့ကြောင်း ရဲမှတ်တမ်းအရ ဆက်လက်သိရသည်။

ဒီဇင်ဘာ ၁၀ ရက်တွင် ရဲကင်းရဲစခန်း (လက်ပန်လှ) တွင် တိုင်တန်းခဲ့သောကြောင့် တရားခံများအား တာဝန်ရှိရဲများမှ ရှာဖွေခဲ့ရာ နံနက် ၁၁ နာရီ ၁၅ မိနစ်တွင် စဥ့်ကူးမြို့နယ် ကျည်တောက်ပေါက်ရွာ၊ အမှတ် (၈) ရပ်ကွက်ရှိ လူနေထိုင်ခြင်းမရှိသည့် တဲအတွင်း ထွန်းလင်းအောင် ၂၇ နှစ်၊ တောင်သူလုပ်သူနှင့် ကျော်ဆန်းဝင်း ၁၈ နှစ်၊ ရွှေလုပ်သားလုပ်သူနှစ်ဦးအား လက်ကိုင်ဖုန်း နှစ်လုံး၊ ငွေကျပ် ၃၇၀၀၀၀နှင့် အရိုးအသွား ၁၉ လက်မခန့်ရှိ ဓားဦးချွန် တစ်ချောင်းတို့နှင့်အတူ ဖမ်းဆီးရမိခဲ့ပြီး ကျန်တစ်ဦးအား ည ၉နာရီအချိန်တွင် မိုးကုတ်မြို့နယ်၊ ရေပူအုပ်စု၊ ရေပူရပ်ကွက်နှင့် ကတုတ်တက်ကျေးရွာသွားလမ်းမတွင် လူမုန်း (ခ) သန်းထိုက် ၃၀ နှစ် တောင်သူလုပ်သူအား ဖမ်းဆီးရမိခဲ့ကြောင်း တိုင်းဒေသကြီး ရဲတပ်ဖွဲ့မှ သိရသည်။

အဆိုပါဖြစ်စဉ်တွင် သေဆုံးသူနှင့် ဒဏ်ရာရသူများ မရှိကြောင်း သိရပြီး ရဲကင်းရဲစခန်း (လက်ပန်လှ) မှ တရားခံသုံးဦးအား (ပ) ၂၇၁/၂၀၁၇ ရာဇသတ်ကြီးပုဒ်မ ၃၉၂ အရ အမှုဖွင့်ထားကြောင်း သတင်းရရှိသည်။

မြောင်းမြမြို့နယ် တောင်ကလေးကျေးရွာတွင် ဖြစ်ပွားခဲ့သည့် သုံးလောင်းပြိုင် လူသတ်မှုတွင် ထွက်ပြေးတိမ်းရှောင်နေသူ၏ ဓာတ်ပုံအား ရဲတပ်ဖွဲ့မှ ထုတ်ပြန်

မြောင်းမြမြို့ တောင်ကလေးကျေးရွာအုပ်စု တောင်ကလေးကျေးရွာတွင် ဒီဇင်ဘာ ၁၀ ရက် ညနေ ၃ နာရီ ၃၀ မိနစ်ခန့်တွင် ဖြစ်ပွားခဲ့သည့် သုံးလောင်းပြိုင် လူသတ်မှုတွင် ထွက်ပြေးတိမ်းရှောင်သွားသော ကျူးလွန်သူဟု ယူဆရသူ ဦးသန်းဇော် (၄၅ နှစ်) ၏ အား ဖမ်းဆီးရမိရေးအတွက် ဧရာဝတီတိုင်းဒေသကြီး ရဲတပ်ဖွဲ့ရုံးမှ ဦးသန်းဇော်၏ ဓာတ်ပုံအား ဒီဇင်ဘာ ၁၁ ရက်တွင် ထုတ်ပြန်ခဲ့သည်။

ဖြစ်စဉ်မှာ အဆိုပါနေ့တွင် တောင်ကလေးရွာရှိ ဦးသန်းဇော် အသက် (၄၅ နှစ်) ၏ နေအိမ်တွင် ဇနီးဖြစ်သူ မတင်တင်စန်းနှင့်အတူ ကွမ်းရွက်များစီနေစဉ် လင်မယားချင်း စကားများရန်ဖြစ်ခဲ့ကြောင်း၊ စကားများရန်ဖြစ်ရာမှတစ်ဆင့် ဦးသန်းဇော်မှာ အနီးရှိ ဓားမဖြင့် မတင်တင်စန်း အသက် (၃၃ နှစ်) အဖ ဦးလှရီအား သေစေသည်အထိ ခုတ်ပိုင်းခဲ့ကြောင်း၊ မတင်တင်စန်းမှာ ဓားဖြင့်အခုတ်ခံရနေစဉ် အော်ဟစ်အကူညီ တောင်းခံခဲ့သောကြောင့် မတင်တင်စန်း၏ မိခင်ဖြစ်သူ ဒေါ်ခင်ရီအသက် (၆၀ နှစ်) အဖဦးချစ်အောင်မှာ လာရောက်ခဲ့သည်ကို ဦးသန်းဇော်က ဒေါ်ခင်ရီကိုပါ ထပ်မံခုတ်ပိုင်းခဲ့ပြီး ဖျန်ဖြေရန် ထပ်မံလာရောက်ခဲ့သည့် ဒေါ်ခင်ရီ၏ ချွေးမတော်စပ်သူ မစန္ဒာဦးအသက် (၂၅ နှစ်) အဖ ဦးသိန်းဇံကိုပါ ထပ်မံဓားဖြင့် ခုတ်ပိုင်းခဲ့ကြောင်း၊ ယင်းနောက် နေအိမ်ခြံဝင်းအတွင်းတွင် လာရောက်ဆော့ကစားနေသည့် တူတော်စပ်သူ မောင်လင်းလင်းထိုက် အသက် (၁၀ နှစ်) အဖဦးဇော်ထိုက်ကိုပါ ဓားမဖြင့် ထပ်မံခုတ်ပိုင်းခဲ့ကြောင်း၊ ဓားဖြင့် အခုတ်ခံရသူများ အနက် မတင်တင်စန်း၊ ဒေါ်ခင်ရီနှင့် မောင်လင်းလင်းထိုက်တို့မှာ နေရာတွင်ပင် ပွဲချင်းပြီး သေဆုံးခဲ့ပြီး မစန္ဒာဦးမှာ ဦးဝဲလက်၊ ချိုစောင်းပြတ်ရှဒဏ်ရာ တစ်ချက်၊ ၀ဲလက်မပြတ် ရှဒဏ်ရာ တစ်ချက်ရရှိခဲ့ပြီး မြောင်းမြပြည်သူ့ဆေးရုံသို့ တက်ရောက် ဆေးကုသမှု ခံနေရကြောင်း၊ ကျူးလွန်ခဲ့သူဟုယူဆရသူ ဦးသန်းဇော်မှာ အခင်းဖြစ်နေရာမှ ထွက်ပြေး တိမ်းရှောင်သွားခဲ့ပြီး ရဲတပ်ဖွဲ့မှ နယ်မြေပိတ်ဆို့ လိုက်လံရှာဖွေခဲ့သော်လည်း ဖမ်းဆီးရမိသေးခြင်း မရှိခဲ့သောကြောင့် တိုင်းဒေသကြီး ရဲတပ်ဖွဲ့ရုံးမှ ကျူးလွန်သူဟု ယူဆရသူ ဦးသန်းဇော်အား ဖမ်းဆီးရမိရေးအတွက် ဦးသန်းဇော်၏ ဓာတ်ပုံများကို သတင်းထုတ်ပြန်ပေးခဲ့ပြီး တွေ့ရှိပါက ဧရာဝတီတိုင်းဒေသကြီး ရဲတပ်ဖွဲ့ရုံး ဖုန်းနံပတ် ၀၄၂၂၁၀၃၀ အား လည်းကောင်း၊ မြောင်းမြခရိုင် ရဲတပ်ဖွဲ့မှူးရုံး ဖုန်းနံပါတ် ၀၄၂၇၀၅၁၀ အားလည်းကောင်း၊ မြောင်းမြမြို့နယ် ရဲတပ်ဖွဲ့မှူးရုံးဖုန်းနံပါတ် ၀၄၂၇၀၅၁၂ အားလည်းကောင်း၊ မြောင်းမြမြို့မ ရဲစခန်းဖုန်းနံပါတ် ၀၄၂၇၀၃၁၄ အား လည်းကောင်း ဆက်သွယ် သတင်းပေးပို့ပေးပါရန် သတင်းထုတ်ပြန် ကြေညာခဲ့သည်။

“တရားခံရဲ့ ဓာတ်ပုံတွေကို ကျွန်တော်တို့ ဖြန့်ဝေထားပါတယ်။ ကျွန်တော်တို့လည်း အခုထိ နယ်မြေပိတ်ဆို့ ရှာဖွေနေတုန်းပါ၊ အသေးစိတ် အချက်အလက်တွေကိုတော့ ကျွန်တော်တို့ မကြာခင် ထုတ်ပြန်ပေးနိုင်ဖို့ လုပ်နေပါတယ်” ဟု မြောင်းမြမြို့မ ရဲစခန်းမှ တာဝန်ကျ ရဲအရာရှိတစ်ဦးက ဆိုသည်။

ချောင်းသာသို့သွားသည့် လိုက်ထရပ်တစ်စီး ပုသိမ်-မုံရွာလမ်း၌ ယာဉ်မတော်တဆမှု ဖြစ်ပွားခဲ့ပြီး တစ်ဦးသေဆုံး ၁၃ ဦး ဒဏ်ရာရ

ချောင်းသာသို့သွားသည့် လိုက်ထရပ်ကားတစ်စီး ပုသိမ်-မုံရွာလမ်း၌ ယာဉ်မတော်တဆမှု ဖြစ်ပွားခဲ့စဉ်

ချောင်းသာသို့သွားသည့် လိုက်ထရပ်ကားတစ်စီး ပုသိမ်-မုံရွာလမ်း၌ ယာဉ်မတော်တဆမှု ဖြစ်ပွားခဲ့ပြီး တစ်ဦးသေဆုံးကာ ၁၃ ဦး ဒဏ်ရာရရှိခဲ့ကြောင်း သိရသည်။

အဆိုပါ မော်တော်ယာဉ်မှာ ဒီဇင်ဘာ ၁၁ ရက် နံနက် ၅ နာရီခန့်က ပုသိမ်-မုံရွာ ကားလမ်း ၂၆/၁ နှင့် ၂၆/၂ ကြားဂုန်မင်းအုပ်စု၊ လယ်တီစုကျေးရွာအနီး၌ ယာဉ်မတော်တဆမှု ဖြစ်ပွားခဲ့ခြင်းဖြစ်သည်။

“ဟင်္သာတမြို့နယ် ကြက်တွန်ရိုးကျေးရွာ စစ်ကွင်းအုပ်စု အဲဒီကနေ သူတို့က ချောင်းသာကိုသွားကြမှာ။ အသွားမှာဖြစ်တာ။ ဘယ်လိုကြောင့်လဲဆိုတော့ ယာဉ်ရဲ့ ရှေ့ဝဲဘက် ဘီးပေါက်ပြီး တစ်ဖက်ခြမ်းကိုဆွဲတဲ့အချိန်မှာ သူက ကိုယ့်ညာဘက်ခြမ်းကို သိမ်းလိုက်တာပေါ့။ အရှိန်လည်းပါတော့ လမ်းဘေးကျပြီး ရှေ့က မလေးရှားပိတောက်ပင်ကို ၀င်တိုက်တာ။ မလေးရှား ပိတောက်ပင်ကလည်း အဆွေးဆိုတော့ ကိုင်းတွေပါ ကြိုးကျတာပေါ့။ ကားပေါ်ပိတာပေါ့” ဟု လှည်းဆိပ်ရဲကင်းမှူး ရဲအုပ်ညွန့်အောင်က ပြောကြားသည်။

ဒဏ်ရာရရှိခဲ့သူများမှာ ကျောင်းကုန်းဆေးရုံ၌ ကနဦး ဆေးကုသမှုခံယူခဲ့ပြီး အတွင်းလူနာအဖြစ် ဆက်လက် ဆေးကုသမှုခံယူရန် လိုအပ်သူများမှာ ဟင်္သာတခရိုင်ဆေးရုံကြီးသို့ ပြောင်းရွှေ့ကုသလျက်ရှိကြောင်း သိရသည်။

“သေဆုံးတာ တစ်ယောက်ရှိတယ်။ ဒဏ်ရာရတာက ၁၃ ယောက်ပေါ့။ ဒဏ်ရာမရတဲ့သူ သုံးလေးယောက်လောက်ရှိတယ်။ သစ်ပင်ကို ၀င်ဆောင့်လိုက်တဲ့အချိန်မှာ သေဆုံးတဲ့သူက ခေါင်းခန်းရဲ့နောက်က အမှီဘက် ထိုင်နေတာပေါ့။ ရှေ့ဆုံးကနေ အမှီဘက်ပေါ့” ဟု ရဲအုပ်ညွန့်အောင်က ဆက်လက် ပြောကြားသည်။

ယင်းဖြစ်စဉ်နှင့်ပတ်သက်၍ ယာဉ်မောင်းကို ဥပဒေနဲ့အညီ အရေးယူနိုင်ရန် ကျောင်းကုန်းမြို့မရဲစခန်း၌ ရဲအုပ်ညွန့်အောင်က တရားလိုပြုလုပ်ကာ အမှုဖွင့်ထားကြောင်း သိရသည်။

ပြည်မြို့နယ် အားကစားရုံတွင် ကျင်းပနေသော ဘောလုံးပွဲမှ ပြန်ထွက်လာသည့် န၀မတန်းကျောင်းသားများနှင့် ၁၀ တန်း ကျောင်းသားတစ်ဦးတို့ ရန်ဖြစ်ရာမှ ဓားထိုးမှုဖြစ်ပွား

ပဲခူးတိုင်းဒေသကြီးအနောက်ပိုင်း ပြည်မြို့နယ် အားကစားရုံတွင် ကျင်းပနေသော ဘောလုံးပွဲမှ ပြန်ထွက်လာသည့် န၀မတန်း ကျောင်းသားများနှင့် ၁၀ တန်းကျောင်းသားတစ်ဦးတို့ ရန်ဖြစ်ရာက ဓားထိုးမှုဖြစ်ပွားသည်။

အဆိုပါ ပြည်မြို့ ရွှေကူရပ်ကွက် ပန်းဘဲတန်းလမ်း အားကစားကွင်းအတွင်း ဒီဇင်ဘာ ၁၀ ရက်က ကျင်းပပြုလုပ်နေသော အသက် ၁၈ နှစ်အောက် အခြေခံပညာကျောင်းပေါင်းစုံ ဘောလုံးပြိုင်ပွဲ ဗိုလ်လုပွဲအပြီး ညနေ ၆ နာရီခွဲခန့်တွင် အားကစားကွင်းထဲက ထွက်လာသော န၀မတန်းကျောင်းသားများနှင့် ၁၀ တန်းကျောင်းသားတစ်ဦးတို့မှ ရန်ဖြစ်ရာက ၁၀ တန်းကျောင်းသားမှာ ဓားထိုးခံခဲ့ရပြီး ပြည်မြို့ ပြည်သူ့ဆေးရုံကြီးသို့ (မစိုးရိမ်ရ) ပို့ဆောင်ပေးခဲ့ရကြောင်း သိရသည်။

“ဓားထိုးခံရတဲ့နေရာ အထိုးခံရတော့ ကလေးက ဓားဒဏ်ရာနဲ့ပြေးလာပြီး တစ်ချက်လဲတယ်။ တစ်ချက်လဲပြီး ဓနစတိုးဘက်ကို ၀င်ပြေးတယ်။ ဓနစတိုးထဲကျတော့ ကလေးက ဘယ်လိုမှ အခြေအနေ မဟန်တော့ဘူး။ ကျွန်တော်တို့က ဆုပေးပွဲမှာ ဓာတ်ပုံရိုက်ဖို့ အစီအစဉ် လုပ်နေတယ်။ ဓားထိုးခံရလို့ဆိုပြီး ပြေးတော့ တစ်ချက်ထိုးခံရတယ်။ နောက်တစ်ချက်က အားလူးကျောက်နဖူးစီးထဲကို ထည့်ပြီး တစ်ယောက်က ရိုက်တယ်။ တစ်ယောက်က ဓားနဲ့ထိုးတယ်။ ထိုးတဲ့ကောင်က ဓားကိုကိုင်ပြီး တစ်ခါတည်းပြေးတယ်။ ကျောင်းသားချင်း ထ (၁) ကျောင်းသားအချင်းချင်းပဲ” ဟု ဘောလုံးပွဲတွင် ရောက်ရှိနေသည့် ကိုပိုက်တင်က ပြောကြားသည်။

ဓားဖြင့် အထိုးခံရသည့် ကျောင်းသားမှာ ပြည်မြို့ အ.ထ.က (၁) ကျောင်းမှ ၁၀ တန်းကျောင်းသား မောင် … ဖြစ်ပြီး ဓားဖြင့်ထိုးခဲ့သူ မောင်… ကိုးတန်းကျောင်းထွက်ထား အပါအ၀င် န၀မတန်းကျောင်းသား ခြောက်ဦးတို့ဖြစ်ပြီး အရိုး/အသွား ရှစ်လက်မခန့်ရှိ လက်ကိုင်တိပ် အမည်းပတ်ထားသော ဓားဖြင့် ထိုးခဲ့ကြောင်း သိရသည်။

“သူတို့က ကျောင်းသားတွေဖြစ်နေလို့ ၀ိုင်းထိန်းလိုက်တဲ့သဘောပါ။ တစ်ဖက်မိဘကလည်း တော်လို့ပေါ့။ သဘောထားပြည့်ဝတာလည်း ပါပါတယ်။ ဖြစ်တာကလည်း ကျောင်းသားအားကစားပွဲဆိုတော့ လုပ်တဲ့သူဘက်ကလည်း ကျေနပ်အောင် တောင်းပန်လို့ပေါ့ ၁၉ (င) နဲ့တော့ အမှုဖွင့်ထားပါတယ်” ဟု တာဝန်ရှိသူတစ်ဦးက ပြောကြားသည်။

အဆိုပါ ဓားဖြင့်အထိုးခံရသည့် ကျောင်းသားမိဘ အပါအ၀င် အခြားတာဝန်ရှိသူများက ယင်းနေ့ညတွင် တွေ့ဆုံဆွေးနွေးခဲ့ကြပြီး ကျူးလွန်သူများမှာ ကျောင်းသားကလေးများ ဖြစ်ကြသည့်အတွက် ကာယကံရှင်ဖြစ်သူ၏ မိဘက အမှုဖွင့် အရေးယူလိုခြင်း မရှိကြောင်း ပြောကြားခဲ့ပြီး ဖြစ်စဉ်တွင် ဓားကိုင်ဆောင်ခဲ့သူ မောင်—ကိုးတန်းကျောင်းထွက်ထားအား ပြည်အမှတ် (၁) ရဲစခန်းတွင် ဒုရဲအုပ်ခိုင်ဝင်းက တရားလိုပြုလုပ်ကာ ပ-၁၄၂၆/ ၂၀၁၇ လက်နက်ဥပဒေပုဒ်မ (၁၉) င ဖြင့် အမှုဖွင့် အရေးယူထားသည်။

မောင်တောမြို့နယ် ငါးခူရဘင်္ဂါလီကျေးရွာအတွင်းရှိ လူမနေသော နေအိမ်တစ်လုံးမှ ကျပ်သိန်းပေါင်း ၁၉၀၀ တန်ဖိုးရှိ စိတ်ကြွဆေးပြား ၉၅၀၀၀ ပိုင်ရှင်မဲ့ သိမ်းဆည်းရမိ

သိမ်းဆည်းရမိသော စိတ်ကြွဆေးပြားများ

မောင်တောမြို့နယ် ငါးခူရဘင်္ဂါလီကျေးရွာအတွင်းရှိ လူမနေသော နေအိမ်တစ်လုံးမှ စုစုပေါင်း ကာလတန်ဖိုး ကျပ်သိန်းပေါင်း ၁၉၀၀ တန်ဖိုးရှိ စိတ်ကြွဆေးပြား ၉၅၀၀၀ ကို ဒီဇင်ဘာ ၁၀ ရက်က ပိုင်ရှင်မဲ့ သိမ်းဆည်းရမိခဲ့ကြောင်း သတင်းရရှိသည်။

သြဂုတ် ၂၅ ရက် အကြမ်းဖက် တိုက်ခိုက်မှုဖြစ်စဉ်ဖြစ်ပွားပြီး တစ်ဖက်ဘင်္ဂလားဒေ့ရ်ှနိုင်ငံသို့ ထွက်ပြေးတိမ်းရှောင်နေသော မသင်္ကာသူတချို့ ကျေးရွာအတွင်း ရောက်ရှိနေကြောင်း သတင်းအရ ဒီဇင်ဘာ ၁၀ ရက် နံနက် ၁၀ နာရီမှ မွန်းလွဲ ၁ နာရီခွဲအထိ နယ်မြေမှူး ရဲမှူးအောင်ကျော်မြင့် ဦးစီးသော လုံခြုံရေးတပ်ဖွဲ့ဝင်များသည် သက်သေများနှင့်အတူ ပူးပေါင်းအဖွဲ့ဖြင့် မောင်တောမြို့နယ် ငါးခူရကျေးရွာအုပ်စု၊ ငါးခူရဘင်္ဂါလီကျေးရွာရှိ နေထိုင်သူဦးရေ အိမ်ထောင်စုအလိုက် နေအိမ်များအား တစ်အိမ် တက်၊ ဆင်း စိစစ်မှုများ ဆောင်ရွက်ရာ မွန်းလွဲ ၁၂ နာရီ ၄၅ မိနစ်ခန့်တွင် ငါးခူရဘင်္ဂါလီအလယ်ရွာရှိ လူနေထိုင်ခြင်းမရှိသော အိမ်ထောင်စု ၂၂၂ နေ ဆွေယော့ဟူဆိန်း (ဘ) အဒူဂေါ်နီ (၅၉ နှစ်) ၏ နေအိမ်အတွင်းခန်း၌ ဆန်ထည့်ထားသော ပုတ်ခြင်းအတွင်း ဆန်ထဲမြုပ်လျက် ပလတ်စတစ်အိတ်ဖြင့် ထုပ်ထားသော အထုပ်တစ်ထုပ်အား မသင်္ကာဖွယ်ရာ တွေ့ရှိရသဖြင့် သက်သေများရှေ့ ဖွင့်ဖောက်စစ်ဆေးရာ စုစုပေါင်း ကာလတန်ဖိုး ကျပ်သိန်းပေါင်း ၁၉၀၀ တန်ဖိုး ရှိ WY/R ရောရာ စာတန်းပါ ပန်းရောင် စိတ်ကြွဆေးပြား ၉၅၀၀၀ ကို ပိုင်ရှင်မဲ့ သိမ်းဆည်းရမိခဲ့ခြင်းဖြစ်ကြောင်း သိရသည်။

အဆိုပါ သိမ်းဆည်းရမိသော ပိုင်ရှင်မဲ့ စိတ်ကြွဆေးပြားများအား ဥပဒေအရ အရေးယူ ဆောင်ရွက်လျက်ရှိကြောင်း သိရသည်။