သပိတ်ကျင်းမြို့နယ်တွင် မှုခင်းရှုထောင့် သတင်းမီဒီယာအဖွဲ့မှ အမျိုးသား သုံးဦးက အမျိုးသား တစ်ဦးအား ညစ်ညမ်းစွာဆဲဆိုပြီး သတ်ပစ်မည်ဟု ခြိမ်းခြောက်ပြောဆိုသဖြင့် အမှုဖွင့်အရေးယူ

သပိတ်ကျင်းမြို့နယ်တွင် မှုခင်းရှုထောင့် သတင်းမီဒီယာအဖွဲ့မှ အမျိုးသားသုံးဦးက အမျိုးသားတစ်ဦးအား ညစ်ညမ်းစွာဆဲဆိုပြီး သတ်ပစ်မည်ဟု ခြိမ်းခြောက်ပြောဆိုသဖြင့် အမှုဖွင့် အရေးယူခဲ့ကြောင်း ပြည်ထဲရေး ၀န်ကြီးဌာန၏ ထုတ်ပြန်ချက်အရ သိရသည်။

ဖြစ်စဉ်မှာ သြဂုတ် ၁၅ ရက် ညနေ ၄ နာရီတွင် မန္တလေးတိုင်းဒေသကြီး သပိတ်ကျင်းမြို့နယ် ကြာညှပ်ကျေးရွာနေ ကိုဆန်းမျိုးလွင်(ခ)ဆန်းမျိုးသည် နေအိမ်၌ရှိနေစဉ် တစ်ရွာတည်းနေ မိခင်ဖြစ်သူ ဒေါ်စိန်မြင့် ရောက်ရှိလာပြီး ၎င်းသည် သြဂုတ် ၁၄ ရက် ည ၁၀ နာရီခန့်က ထီးချိုင့်မြို့နယ် မဲဟင်းကျေးရွာမှ စက်လှေဖြင့် လိုက်ပါလာရာ ကြာညှပ်ဆိပ်ကမ်းနား မရောက်မီ အခြားစက်လှေတစ်စင်းနှင့် စက်လှေချင်း ကပ်ချိန်တွင် အဆိုပါ စက်လှေပေါ်ရှိ အမည်မသိ လူတစ်ဦးက ၎င်း၏မျက်နှာအား ဓာတ်မီးဖြင့်ထိုးသဖြင့် စကားများခဲ့သည်ဟု ပြောပြသိရှိရသည်ဟု ထုတ်ပြန်ချက်အရ သိရသည်။

ကိုဆန်းမျိုးလွင်(ခ)ဆန်းမျိုးက အဆိုပါ အမည်မသိလူအား စုံစမ်းရာ မှုခင်းရှုထောင့် သတင်းမီဒီယာအဖွဲ့မှ ကိုသိန်းနိုင်ဝင်းဆိုသူ ဖြစ်ကြောင်း သိရသဖြင့် ဖုန်းဆက်ပြီး မိခင်ဒေါ်စိန်မြင့်နှင့် စကားများသည့်ကိစ္စအပေါ် လာရောက် တွေ့ဆုံရှင်းလင်းရန်နှင့် မတွေ့ဆုံပါက တိုင်တန်းမည်ဖြစ်ကြောင်း ပြောကြားခဲ့ပြီး သြဂုတ် ၁၅ ရက် ညနေ ၄ နာရီ မိနစ် ၄၀ တွင် ကြာညှပ်ကျေးရွာရှိ ရွှေလက်ရာ လက်ဖက်ရည်ဆိုင်တွင် ကိုသိန်းနိုင်ဦး (ခ) ကိုမောင်နိုင်နှင့် အတူထိုင်နေစဉ် မှုခင်းရှုထောင့် သတင်းမီဒီယာအဖွဲ့မှ သိန်းနိုင်ဝင်း၊ ထွန်းနွယ်နှင့် မောင်ငယ်တို့သုံးဦး ရောက်ရှိလာပြီး “မင်းက ဘာကြောင့် တိုင်ချင်တာလဲ” ဟု ပြောဆိုကာ ထွန်းနွယ်က လည်ကုပ်အားဖိ၍ လက်သီးနှင့် ထိုးသဖြင့် ၀ဲဘက်နားထင် ဖူးရောင်ဒဏ်ရာ ရရှိခဲ့ကြောင်း၊ ၎င်း၏ ဘယ်ဘက်လက်ကို သိန်းနိုင်ဝင်းက နောက်မှဆွဲ၍ ညစ်ညမ်းစွာဆဲဆို၍ သတ်ပစ်မည်ဟု ခြိမ်းခြောက် ပြောဆိုခဲ့ကြောင်း၊ ထို့ပြင် သိန်းနိုင်ဝင်း၊ ထွန်းနွယ်နှင့် မောင်ငယ်တို့ သုံးဦးသည် ကိုသိန်းနိုင်ဦး (ခ) ကိုမောင်နိုင်၏ နေအိမ်ခြံဝင်းအတွင်း ကျူးကျော်ဝင်ရောက်ကာ ကိုသိန်းနိုင်ဦး(ခ) ကိုမောင်နိုင်အား လက်သီးနှင့် ထိုးမည်ဟု ပြောဆို၍ နေအိမ်အတွင်းဝင်ရန် ပြုလုပ်နေသဖြင့် ကိုသိန်းနိုင်ဦး(ခ) ကိုမောင်နိုင်၏ဇနီး မရီရီခိုင်က တားမြစ်သောကြောင့် ပြန်လည်ထွက်ခွာသွားကြောင်း ထုတ်ပြန်ချက်အရ သိရသည်။

အဆိုပါဖြစ်စဉ်မှ မှုခင်းရှုထောင့် သတင်းမီဒီယာအဖွဲ့မှ အမျိုးသားသုံးဦးကို တိုင်တန်းထားမှုများအား သပိတ်ကျင်း မြို့မရဲစခန်းက အမှုဖွင့် အရေးယူ ဆောင်ရွက်လျက်ရှိကြောင်း ပြည်ထဲရေး ၀န်ကြီးဌာန၏ ထုတ်ပြန်ချက်အရ သိရသည်။

တိုက်ကြီးမြို့နယ်တွင် လူနှစ်ဦးက အမျိုးသားတစ်ဦးအား ကြိုးဖြင့်ချည်နှောင်ပြီး ဓားဖြင့်အချက်ပေါင်းများစွာ ထိုးသတ်မှု ဖြစ်ပွား

တိုက်ကြီးမြို့နယ်တွင် အမျိုးသားတစ်ဦးအား လူနှစ်ဦးက ကြိုးဖြင့်ချည်နှောင်ပြီး ဓားဖြင့်အချက်ပေါင်းများစွာ ထိုးသတ်မှု ဖြစ်ပွားခဲ့ကြောင်း သြဂုတ် ၁၈ ရက်တွင် မြောက်ပိုင်းခရိုင် ရဲတပ်ဖွဲ့မှ စုံစမ်းသိရသည်။

သြဂုတ် ၁၇ ရက် နံနက် ၈ နာရီခန့်တွင် ပဲခူးတိုင်းဒေသကြီး သာယာဝတီမြို့နယ်နေ ဦး …. (၅၈ နှစ်) သည် နေအိမ်၌ ရှိနေစဉ် တိုက်ကြီးမြို့နယ် ပန်းပင်တန်းကျေးရွာအုပ်စုရှိ ရာဘာစိုက်ပျိုးခြံ နေ့စားအလုပ်သမားအဖြစ် အလုပ်လုပ်နေသည့် သားဖြစ်သူ ကိုခင်စိုး (၂၆ နှစ်) မှာ ဓားထိုးခံရသဖြင့် သေဆုံးကြောင်း သတင်းရသဖြင့် သွားရောက်ခဲ့ကြောင်း သိရသည်။

ထို့နောက် ဦး…. မှာ သားဖြစ်သူ အသတ်ခံရသည့် ကိစ္စနှင့်ပတ်သက်ပြီး စုံစမ်းရာ သားဖြစ်သူ ကိုခင်စိုးမှာ အဆိုပါတဲ၌ သြဂုတ် ၁၆ ရက်ညပိုင်းတွင် အလုပ်အတူ လုပ်ကိုင်သူများဖြစ်သည့် ရန်ပိုင်စိုးနှင့် စိုးသူ (၂၅ နှစ်) တို့နှင့်အတူ အရက်အတူ သောက်ခဲ့ကြောင်း သိရသည်။

ထိုသို့ အရက်အတူသောက်ရာမှ ကိုခင်စိုးအား ရန်ပိုင်စိုးနှင့် စိုးသူတို့က ခြေထောက်နှစ်ချောင်းကို နိုင်လွန်ကြိုးဖြင့် တုပ်နှောင်ပြီး လက်နှစ်ဖက်အား အင်္ကျီစဖြင့် နောက်ပြန်ချည်နှောင်ကာ ဓားဖြင့်ထိုးသတ်ခဲ့ကြောင်း သိရသည်။

ကိုခင်စိုးမှာ ၀မ်းဗိုက်ထိုးသွင်းဒဏ်ရာ သုံးချက်၊ ဆီးခုံထိုးသွင်းဒဏ်ရာ တစ်ချက်၊ လည်ပင်းပြတ်ရှဒဏ်ရာ သုံးချက်၊ ၀ဲမျက်ခုံး ပြတ်ရှဒဏ်ရာ တစ်ချက်၊ အောက်နှုတ်ခမ်းနှင့် မေးစေ့တွင် ပြတ်ရှဒဏ်ရာ သုံးချက်၊ ၀ဲပါးပြတ်ရှဒဏ်ရာသုံးချက် ရရှိကာ သေဆုံးခဲ့ကြောင်း သိရသည်။

“အရက်အတူ ထိုင်သောက်ရာကနေ စကားများပြီး တစ်ယောက်ကို နှစ်ယောက်က သတ်တာပါ။ သေဆုံးတဲ့ အလောင်းကို တွေ့ရှိချိန်မှာတော့ ခြေထောက်ကို ကြိုးနဲ့ချည်ထားပြီး အင်္ကျီစနဲ့ လက်ကိုလည်း ချည်ထားတယ်။ လည်ပင်းမှာလည်း ဓားစိုက်ဝင်နေတာပါ။ ကျုးလွန်သူ နှစ်ဦးအနက် တစ်ဦးကို ဖမ်းဆီးထားပါတယ်” ဟု မြောက်ပိုင်းခရိုင် ရဲတပ်ဖွဲ့မှ ရဲအရာရှိတစ်ဦးက ပြောကြားသည်။

အဆိုပါဖြစ်စဉ်မှ ကျုးလွန်သူနှစ်ဦးအနက် စိုးသူကို ဖမ်းဆီးထားပြီး ရန်ပိုင်စိုးအား ဖမ်းဆီးရမိရန် ဆောင်ရွက်နေပြီး ၎င်းတို့နှစ်ဦးအား ဥက္ကံနယ်မြေရဲစခန်းက ရာဇသတ်ကြီးပုဒ်မ ၃၀၂/၁၁၄ ဖြင့် အမှုဖွင့်ထားသည်။

ရဲတပ်​သားအချင်းချင်းစကားများရာမှ ​ရော်​ဘာကျည်​ ၁၂ ဗို့​ ပြောင်း​ချော​ သေနတ်​ဖြင့်​ ပစ်​ခတ်​​

မန္တ​လေးမြို့ မဟာ​အောင်​​မြေမြို့နယ်​ အမှတ်​ (၇) ရဲစခန်းတွင်​ သြဂုတ် ၁၆ ရက် ည ၉ နာရီခွဲ​ခန့်​က လှည့်​ကင်းလှည့်​ရန်​ ပြင်​ဆင်​​နေစဉ်​ ရဲတပ်​သားအချင်းချင်း စကားများခဲ့ပြီး​​ ၁၂ ဗို့ ပြောင်း​ချော​ သေနတ်​ဖြင့်​ ပစ်​ခတ်​မှုဖြစ်ပွားခဲ့​ကြောင်း သိရသည်​။

မှုခင်းကျဆင်း​ရေးစီမံချက်​ (သိမ်းငှက်​စီမံချက်​) အရ ငါန်းမြာရဲစခန်းမှ အမှတ်​ (၇) ရဲစခန်းပိုင်​ သံလျက်​​မှော်​ အ​ရှေ့ရပ်​ကွက်​ ရဲကင်းတွင်​ တွဲဖက်​တာဝန်​ ချထားခံရသူ ဒုတပ်​ကြပ် ​စိုးလင်းသည်​ ရဲကင်းတွင်​ တာဝန်ထမ်း​ဆောင်​​နေသည့်​ ရဲတပ်​သား ရဲရင့်​​အောင်​နှင့်​ လှည့်​ကင်းကိစ္စ စကားများရာမှ တစ်ဆင့် ရဲတပ်​သား ရဲရင့်​​အောင်​က ၎င်းးကိုင်​​ဆောင်​ထား​သော ရာဘာကျည်​ ထည့်​ထားသည့်​ ၁၂ ဗို့​ပြောင်း​ချော​ သေနတ်​ဖြင့်​ ပစ်​ခတ်ခဲ့​ကြောင်း မန္တ​လေးပြည်​သူ့​ဆေးရုံကြီး အ​ရေး​ပေါ်ဌာနရှိ ရဲအရာရှိတစ်ဦးက ​ပြောကြားသည်​။

“ စကားများတဲ့ အ​ကြောင်းရင်းက စုံစမ်း​နေဆဲပါ။ ၁၂ ဗို့​ပြောင်း​ချောနဲ့ ပစ်​ခတ်​ခံရတာ​ကြောင့်​ ဒုတပ်​ကြပ်​ စိုးလင်းမှာ နဖူး ဖူး​ရောင်​ဒဏ်​ရာ၊ ၀ဲဂျို​စောင်း စုတ်​ပြဲဒဏ်​ရာ၊ ယာ​ပေါင်​ရင်း စုတ်​ပြဲဒဏ်​ရာ​တွေ ရရှိသွားပါတယ်​။ ဒဏ်​ရာ​တွေက အသက်​အန္တရာယ်​ မစိုးရိမ်​ရပါဘူး။ ပြောင်း​ချော​သေနတ်​နဲ့ ပစ်​ခတ်​တဲ့ ရဲတပ်​သားကိုလည်း ဌာနတွင်း စုံခုံဖွဲ့အ​ရေးယူမှု​တွေ လုပ်​သွားမှာပါ” ဟု ၎င်းးအရာရှိက ​ဆိုသည်​။

မန္တ​လေးမြို့တွင်​ လုယက်​မှုများ ယခုနှစ်​ပိုင်းအတွင်း မကြာခဏဖြစ်​ပွားလာ​သော​ကြောင့်​ မှုခင်း​လျော့ပါးရေး စီမံချက်များချမှတ်​ကာ လုပ်​​ဆောင်​​နေ​ရသဖြင့် ​ရဲတပ်ဖွဲ့ဝင်များ မှာ​ နေ့စဉ်တာဝန်​ထမ်း​ဆောင်​​နေရသဖြင့်​ စိတ်​ဖိစီးမှုများ ဖြစ်​​ပေါ်​နေခြင်း​ကြောင့် ယခုကဲ့သို့ အချင်းချင်း စကားများအငြင်းပွားမှုများ ဖြစ်​​ပေါ်လာသည်​ဟု ယူဆမိ​ကြောင်း ရဲအုပ်​တစ်ဦးက ​သုံးသပ်ပြောကြားသည်​။

ညအချိန်လုံခြုံရေးအတွက် ယာဉ်စစ်ရာမှတစ်ဆင့် ဒါရိုက်တာမိုက်တီးအား မူးယစ်ဆေးဝါးများနှင့်အတူ တာမွေမြို့နယ်တွင် ဖမ်းဆီးရမိ

(Photo – Yangon Police)

ညအချိန်လုံခြုံရေးအတွက် ယာဉ်စစ်ရာမှတစ်ဆင့် ဒါရိုက်တာမိုက်တီးအား မူးယစ်ဆေးဝါးများနှင့်အတူ တာမွေမြို့နယ်တွင် ဖမ်းဆီးရမိကြောင်း အရှေ့ပိုင်းခရိုင်ရဲတပ်ဖွဲ့မှ ရဲအရာရှိတစ်ဦးက ပြောကြားသည်။

ဖြစ်စဉ်မှာ သြဂုတ် ၁၆ ရက်ည ၁၁ နာရီခန့်က တာမွေမြို့မရဲစခန်းမှ တာဝန်ရှိသူများသည် အ-ထ-က (၃) တာမွေကျောင်းအနီးတွင် ယာဉ်များအား ပိတ်ဆို့ရှာဖွေ စစ်ဆေးနေစဉ် ဒါရိုက်တာမိုက်တီး (ခ) သန်းထွန်းဇော် တစ်ဦးတည်း မောင်းနှင်လာသောယာဉ်အား စစ်ဆေးရာမှ မူးယစ်ဆေးဝါးများကို ရှာဖွေတွေ့ရှိခဲ့ခြင်း ဖြစ်ကြောင်း သိရသည်။

“သူ့ကို တာမွေထဲမှာ ယာဉ်ပိတ်ဆို့ စစ်ဆေးရင်း ဖမ်းမိတာ။ အခုတော့ စစ်ဆေးနေဆဲပါ။ အသေးစိတ်ကို ပြောလို့မရသေးပါဘူး” ဟု အရှေ့ပိုင်းခရိုင်ရဲတပ်ဖွဲ့မှ ရဲအရာရှိတစ်ဦးက သြဂုတ် ၁၇ ရက် နံနက် ၁ နာရီခွဲခန့်တွင် ပြောကြားသည်။

သြဂုတ် ၁၇ ရက် နံနက် ၁ နာရီခွဲကျော်အထိ ဒါရိုက်တာမိုက်တီးအား ဆက်လက် စစ်ဆေးနေဆဲဖြစ်ကြောင်း သိရပြီး ဖမ်းဆီးရမိသည့် မူးယစ်ဆေးဝါး အမျိုးအစားအား အသေးစိတ်မသိရှိရသေးပေ။

သြဂုတ်လဆန်းပိုင်းမှစပြီး အနုပညာလောကအတွင်း စိတ်ကြွမူးယစ်ဆေးဝါး ဖမ်းဆီးရမိမှုများ ရှိလာခဲ့သည်။

သြဂုတ် ၉ ရက်က ရန်ကင်းမြို့နယ် အမှတ် (၁) ရပ်ကွက် ရန်ကင်းလမ်း၊ Golden City အိမ်ရာနေ အဆိုတော် ရွှေထိုက် (ခ) မဝေလွင်ဇော်နှင့် အမျိုးသားတစ်ဦးအား စိတ်ကြွရူးသွပ်ဆေးပြား ၁၁၉၉၄ ပြား၊ အိုက်စ် ၇၇၃ ဂရမ်၊ ဘိန်းဖြူ ၁၁ ဂရမ်နှင့် ဆေးခြောက် ၁၂ ဂရမ်တို့နှင့်အတူ ဖမ်းဆီးရမိခဲ့ပြီး ရန်ကင်းမြို့မရဲစခန်းက အမှုဖွင့် အရေးယူထားကြောင်း သိရသည်။

အလားတူ သြဂုတ် ၁၅ ရက်ကလည်း အဆိုတော် ​​ရဲမင်းသိန်း(ခ)ရသ အပါအ၀င် သုံးဦးအား မန္တလေးမြို့ ချမ်းမြသာစည်​မြို့နယ်​ထွန်​တုံးရပ်​ကွက်​ အောင်​​ဇေယျလမ်း ၄၉ လမ်းနှင့်​ ၅၀ လမ်းကြားရှိ ဧည့်​ရိပ်​မွန်​တစ်​ခုတွင် စိတ်ကြွရူးသွပ်ဆေးပြား စုစု​ပေါင်း​ ၁၆၅၅ ပြား၊ ကာလတန်​ဖိုး​ ကျပ်​ ၈၂၇၅၀၀၀ တို့နှင့်​အတူ ဖမ်းဆီးရမိခဲ့ပြီး အောင်ပင်လယ်နယ်မြေရဲစခန်းက အမှုဖွင့် အရေးယူထားကြောင်း သိရသည်။

ပြည်ထဲရေးဝန်ကြီးဌာန၏ သတင်းစာရှင်းလင်းပွဲတွင် ဇေယျာဖြိုး ငွေလွှဲနေသည်ဟု ဖော်ပြခဲ့သောပုံမှာ ၎င်းအား ဖမ်းဆီးပြီးမှ ရိုက်ကူးခဲ့သော ဓာတ်ပုံဖြစ်ပြီး ရဲတပ်ဖွဲ့ဝင်များက ငွေနှင့်တန်ဖိုးကြီး စာရွက်စာတမ်းအချို့ သိမ်းဆည်းခဲ့သော်လည်း တရားရုံးသို့ တင်ပြမထားဟု ဇေယျာဖြိုး ထွက်ဆို

ဇေယျာဖြိုးအား သြဂုတ် ၁၆ ရက်က မြောက်ပိုင်းခရိုင် တရားရုံးတွင် ရုံးထုတ်လာစဉ် (ဓာတ်ပုံ- နေမျိုးဝင်း)

ပြည်ထဲရေးဝန်ကြီးဌာန၏ သတင်းစာရှင်းလင်းပွဲတွင် ဇေယျာဖြိုးက ငွေလွှဲရန် ဆောင်ရွက်နေသည့် မှတ်တမ်းဟု ဖော်ပြခဲ့သော ဓာတ်ပုံ (အနီအနက်အဖြူတို့ ပါဝင်သော အင်္ကျီကွက်ကျား ၀တ်ထားပြီး ကတုံးတုံးထားကာ စာရွက်ကိုကိုင်၍ ကြည့်နေသောပုံ) မှာ ၎င်းကို ဖမ်းဆီးပြီးမှ ရိုက်ကူးခဲ့သော ဓာတ်ပုံဖြစ်ပြီး ရဲတပ်ဖွဲ့ဝင်များက ငွေနှင့် တန်ဖိုးကြီး စာရွက်စာတမ်းအချို့ကို ၎င်းအိမ်မှ သိမ်းဆည်းခဲ့သော်လည်း တရားရုံးသို့ သက်သေအဖြစ် တင်ပြထားခြင်း မရှိကြောင်း ဇေယျာဖြိုး က ထွက်ဆိုသည်။

သြဂုတ် ၁၆ ရက်က ၎င်းအား ရန်ကုန် မြောက်ပိုင်းခရိုင် တရားရုံးတွင် ဒုတိယအကြိမ်မြောက် ရုံးထုတ်စစ်ဆေးစဉ် တရားခွင်အတွင်း အထက်ပါအတိုင်း ထွက်ဆိုခဲ့ခြင်း ဖြစ်သည်။

အောင်ဝင်းခိုင် နေပြည်တော်သို့ သွားရာတွင် လိုက်ပါသွားခြင်း မရှိကြောင်း၊ ၎င်းမှာ အိမ်နှင့်နီးသည့် ကျောက်ကုန်းဘုန်းကြီးကျောင်းတွင် ဘုန်းကြီးဝတ်နေကြောင်း၊ နှစ်စဉ် ဘုန်းကြီးဝတ်လေ့ရှိကာ (၉) ကြိမ်မြောက် ရဟန်းခံခြင်း ဖြစ်ကြောင်း၊ ထိုသို့ ပြုလုပ်ရာတွင်လည်း ကျောင်းမှ ရက်ချိန်းယူ၍ ဆွေမျိုး အသိုင်းအ၀ိုင်းများနှင့် တရားဝင် ပြုလုပ်ခဲ့ခြင်းဖြစ်ကြောင်း ဇေယျာဖြိုးက ထွက်ဆိုကာ မှတ်တမ်းဓာတ်ပုံများကို သက်သေအဖြစ် တရားရုံးသို့ တင်ပြခဲ့သည်။

ယင်းသို့ ရဟန်းဝတ်နေစဉ် ၂၀၁၇ ခုနှစ် ဇန်န၀ါရီ ၃ ရက် နံနက် ၁၀ နာရီခန့်တွင် ပူးပေါင်းအဖွဲ့က အောင်ဝင်းခိုင်နှင့် ပတ်သက်၍ ၎င်းအား မေးစရာရှိသည်ဟု ဆိုကာ လူဝတ်လဲ၍ အသင့်ပါလာသည့် အ၀တ်အစားများကို ၀တ်ခိုင်းခဲ့ကြောင်း၊ ယင်းနောက် လက်ထိပ်ခတ် မျက်နှာဖုံးစွတ်၍ ခေါ်ဆောင်သွားကြောင်း၊ ၎င်းအား ဖမ်းဆီးချိန်တွင် ၀ရမ်းမရှိသည့်အပြင် ချုပ်ရက် ရမန်ယူခဲ့ခြင်း မရှိကြောင်း၊ ၆ ရက် ရောက်မှသာ ချုပ်ရမန်ယူခဲ့ခြင်း ဖြစ်ကြောင်း၊ ၂၀၁၇ ခုနှစ် ၂ လပိုင်း ၄ ရက် နေ့လည်ပိုင်းတွင် ရဲတပ်ဖွဲ့ဝင်များက အိမ်ကို ရှာဖွေခဲ့ကြကြောင်း၊ ထိုသို့ ရှာဖွေရာတွင် အိမ်ရှင်ဖြစ်သူ ၎င်း၏ ဇနီးအား အကြောင်းကြားခဲ့ခြင်း မရှိသည့်အပြင် ၎င်းနှင့် အိမ်အကူအမျိုးသမီးကိုလည်း ရှာဖွေရာတွင် လိုက်လံကြည့်ရှုခွင့် မပေးဘဲ ဧည့်ခန်းထဲတွင် ထိုင်ခိုင်းထားကြောင်း၊ ရှာဖွေရာတွင် လိုက်နာရမည့် လုပ်ထုံးလုပ်နည်းများအတိုင်း ဆောင်ရွက်ခြင်း မရှိဘဲ ကြုံသလို အဆင်ပြေသလို ရှာခဲ့ခြင်းဖြစ်ကြောင်း၊ ပစ္စည်းများသိ မ်းဆည်းပြီးသော အခါတွင်မှ ၎င်းအား စာအုပ်ကိုင်ခိုင်း၍ ဓာတ်ပုံရိုက်ခဲ့ခြင်း ဖြစ်ကြောင်း၊ အဆိုပါ ဓာတ်ပုံကို သတင်းစာရှင်းလင်းပွဲတွင် ဇေယျာဖြိုးက ငွေလွှဲရန် ဆောင်ရွက်နေသည့် မှတ်တမ်းဟုဆို၍ မဟုတ်မမှန် ဖော်ပြရှင်းလင်းခဲ့ကြောင်း ဇေယျာဖြိုးက ထွက်ဆိုသည်။

ထို့ပြင် ၎င်းအိမ်မှ သိမ်းဆည်းခဲ့သော ပစ္စည်းများကို ရှာဖွေပုံစံတွင် ပြည့်စုံစွာ ဖော်ပြခဲ့ခြင်း မရှိကြောင်း၊ ၎င်း၏ဇနီး ဘီဒိုထဲမှ တစ်သောင်းတန် ငါးအုပ်ကို ယူဆောင်သွားသကဲ့သို့ စာရွက်စာတမ်း ဖိုင်ထဲမှ မိသားစု၏ ပိုင်ဆိုင်မှုဆိုင်ရာ စာရွက်စာတမ်းများကိုလည်း ယူဆောင်သွားကြောင်း၊ ဒဂုံတက္ကသိုလ်ရှေ့ တက္ကသိုလ်ရိပ်မွန်အိမ်ရာရှိ နေအိမ်တစ်လုံး၏ ဂရန်မူရင်းများ ပါသွားသည့်အပြင် ပြည်တွင်းပြည်ပ၌ ၎င်းဆေးကုထားသည့် နောက်ဆုံး မှတ်တမ်းများကိုလည်း ယူဆောင်သွားကြောင်း၊ ၎င်းအိမ်တွင် CCTV များလည်း တပ်ဆင်ထားကြောင်း၊ ၎င်း၏ အဖိုးတန် စာရွက်စာတမ်းများနှင့် ငွေကြေးများကို တရားမ၀င် ယူဆောင်သွားမှု၊ “တရားမျှတမှုကို ရှာဖွေနေသော အမေရိကန်မှ ရိုဟင်ဂျာများ” ဆိုသည့် စာအုပ်မှာ ၎င်းပိုင် မဟုတ်ဘဲ ယင်းတို့နှင့် ပတ်သက်၍လည်း ၎င်းအိမ်တွင် CCTV မှတ်တမ်းများတွင် ပေါ်ပေါက်ရမည် ဖြစ်ကြောင်း၊ စီအိုင်ဒီ နည်းပညာဌာနမှ တရားရုံးသို့ လာရောက် ထွက်ဆိုရာတွင် CCTV မှ ဗွီဒီယိုဖိုင်ပေါင်း ၆၄၀ တွေ့ရှိခဲ့သည်ဟု ထွက်ဆိုခဲ့သော်လည်း အဆိုပါ ဗွီဒီယိုဖိုင် ပုံရိပ်များမှာ ၀ါးနေသည်ဟုဆိုကာ ရဲတပ်ဖွဲ့က တရားရုံးသို့ တင်ပြနိုင်ခြင်း မရှိဟု ထွက်ဆိုခဲ့ကြောင်း၊ ယင်းကြောင့် ယခုအမှုအတွက် ၎င်းအား တရားခံ မဖြစ်ဖြစ်အောင် စနစ်တကျ လုပ်ကြံဖန်တီးခဲ့ခြင်း ဖြစ်ကြောင်း၊ အိမ်အကူအမျိုးသမီး တစ်ဦးတည်းရှိသော အိမ်၌ အိမ်ရှင်ကို အကြောင်းကြားခြင်း မရှိဘဲ တရားမ၀င် ၀င်ရှာကာ ပစ္စည်းများ ယူဆောင်သွားခြင်းသည် နေ့ခင်းကြောင်တောင် မြို့လယ်ခေါင်တွင် အနုကြမ်းဝင်စီးသည့် လုပ်ရပ်မျိုးဖြစ်ကြောင်း ဇေယျာဖြိုးက ထွက်ဆိုသည်။

ယင်းကိစ္စများနှင့် ပတ်သက်၍ ဇေယျာဖြိုးက တရားခွင်မှ အထွက်တွင် “ကျွန်တော် က ဒီအမှုမှာ ဘယ်နေရာမှ မပါဘူး။ ဒါကို သူတို့က သိပြီးသား။ ကျွန်တော့်ကို ဘာကြောင့် ဖမ်းရလဲဆိုတော့ သူတို့က ကျွန်တော့်ကို ဥပဒေကို ချိုးဖောက်တဲ့ လူတစ်ယောက်လို့ ပုံဖော်တာ။ အစွန်းရောက် မျိုးချစ်စိတ်နဲ့ လုပ်တယ်လို့ သတင်းစာရှင်းလင်းပွဲမှာ လုပ်ခဲ့တယ်လေ။ ဒါကလည်း ဒီစာအုပ် “တရားမျှတမှုကို ရှာဖွေနေသော အမေရိကန်မှ ရိုဟင်ဂျာများ” ဆိုသည့် စာအုပ်တွေကို ဖန်တီးယူပြီးတော့မှ လုပ်တာ။ တကယ်တမ်းကြတော့ ကျွန်တော့် အိမ်မှာ CCTV တွေ တပ်ထားတယ်။ အကုန်ကောင်းတယ်။ ဒါပေမဲ့ သူတို့ မရှင်းနိုင်ဘူး။ ရှာဖွေပုံစံမှာ သူတို့ ထည့်သွင်းတဲ့ဟာတွေ မဟုတ်တာတွေ လုပ်တယ်။ သတင်းစာရှင်းလင်းပွဲက လုံးဝကို မှားတာပါ။ တော်တော်ကို မှားတာပါ။ ရိုးရိုးလေး ဖတ်ကြည့်ရင်ကို အဓိပ္ပာယ် မရှိတာပါ။ ကျွန်တော်နဲ့ ပတ်သက်တဲ့ဟာတွေ အကုန်လုံးက အမှားတွေချည်းပဲ” ဟု ပြောကြားသည်။

အိမ်အကူအမျိုးသမီးအား သေဆုံးသည်အထိ နှိပ်စက်ခဲ့သည်ဟုဆိုသော ဥပဒေအရာရှိအမျိုးသမီး အမှုရုံးချိန်းတွင် တရားလိုပြသက်သေ ၁၀ ဦးအထိ စစ်ဆေးပြီးစီး

လှည်းကူးမြို့နယ်တွင် အိမ်အကူ အမျိုးသမီးအား သေဆုံးသည်အထိ ညှဉ်းပန်းနှိပ်စက်ခဲ့သည်ဟုဆိုသည့် ဥပဒေအရာရှိ အမျိုးသမီးရုံးချိန်းတွင် စုစုပေါင်း တရားလိုပြသက်သေ ၁၀ ဦးအထိ စစ်ဆေးပြီးပြီဖြစ်ကြောင်း သြဂုတ် ၁၆ ရက်တွင် အဆိုပါအမှုအား လိုက်ပါဆောင်ရွက်နေသည့် တရားလွှတ်တော်ရှေ့နေထံမှ စုံစမ်းသိရှိရသည်။

သြဂုတ် ၁၆ ရက်တွင် တောင်ပိုင်းခရိုင် တရားရုံး၌ အဆိုပါအမှုမှ တရားလိုပြသက်သေနှစ်ဦးဖြစ်သည့် အမျိုးသားတစ်ဦးနှင့် အမျိုးသမီးတစ်ဦးတို့အား စစ်ဆေးခဲ့ကြောင်း သိရသည်။

“ဒီနေ့က တရားလိုပြသက်သေနှစ်ဦးကို စစ်ဆေးတယ်။ ခေတ္တရာက မျက်မြင်သက်သေနှစ်ဦးပါ။ ပထမတစ်ယောက် ဦးကျော်မြင့်က သူက မကရင်မကို ဒေါ်သိင်္ဂီစုက လာပို့တဲ့ အချိန်မှာ မကရင်မကို မ,ပြီး ခေါ်ရတဲ့သူပါ။ နောက်တစ်ဦးက ဒေါ်အေးသိန်းပါ။ သူက ကရင်မ သူ့အိမ်ကိုပြန်ရောက်တဲ့အခါ ချက်ချင်းသွားကြည့်တဲ့သူပါ။ ထူးခြားချက် ဘာရှိလဲဆိုတော့ စွပ်စွဲခံထားရသူဘက်က ရှေ့နေက ဧရာဝတီသတင်းဌာနက ကရင်မအမှုဖြစ်တဲ့အချိန်မှာ နယ်ခံအမျိုးသမီးတစ်ဦးကို အင်တာဗျူးထားတဲ့ ဗီဒီယိုဖိုင်ကို ဒေါ်အေးသိန်းကို ပြတယ်။ ဒေါ်အေးသိန်းကလည်း သူဖြေထားတယ်ဆိုတာပြောတယ်။ အမှန်က ဟိုဘက်ရှေ့နေက ဗီဒီယိုဖိုင်ကို သက်သေခံ မတင်သွင်းဘဲနဲ့ မေးတယ်။ သူက အဲဒီဗီဒီယိုဖိုင်ထဲမှာ သတင်းဌာနကို ဖြေကြားခဲ့တဲ့အတိုင်း၊ အကြောင်းအရာတွေကို နည်းနည်းလေးမလွဲဘဲ တရားခွင်မှာ ထွက်ဆိုခဲ့တယ်။ အဲဒီတစ်ချက်ကိုတော့ အားရပါတယ်။ အခုဆိုရင် တရားလိုပြသက်သေ ၁၀ ဦးအထိ စစ်ဆေးပြီးပါပြီ” ဟု သေဆုံးသူ အိမ်အကူအမျိုးသမီးဘက်မှ လိုက်ပါဆောင်ရွက်ပေးနေသည့် တရားလွှတ်တော်ရှေ့နေ ဒေါ်စန်းစန်းမြင့်က ဆိုသည်။

လာမည့် ရုံးချိန်းအား သြဂုတ် ၂၃ ရက်သို့ ပြန်လည်ချိန်းဆိုထားကြောင်း သိရသည်။

ဖြစ်စဉ်မှာ တွံ့တေးမြို့နယ်၊ ခတ္ထိယတိုက်နယ်၊ ခတ္ထိယကျေးရွာအုပ်စု၊ အုတ်ဖိုကျေးရွာနေ မခင်စန္ဒာဦး (ခ) မကရင်မ (၃၈ နှစ်)မှာ ပြီးခဲ့သည့်ခြောက်လခန့်က လှည်းကူးမြို့နယ်၊ အင်းတိုင်၊ သံချပ်ကာ တပ်ရင်းရှိ နေအိမ်တစ်အိမ်တွင် အိမ်အကူအဖြစ် လုပ်ကိုင်ခဲ့သည်။

ယင်းသို့ လုပ်ကိုင်နေခဲ့ပြီးနောက် ၂၀၁၈ ခုနှစ် မေ ၁၉ ရက် မွန်းလွဲပိုင်းတွင် ၎င်းအလုပ်ကိုင်နေသည့်နေအိမ်မှ အိမ်ရှင်အမျိုးသမီးဖြစ်သည့် ဥပဒေအရာရှိ ဒေါ်သိင်္ဂီစု (၃၂ နှစ်) က မကရင်မနှင့်အတူ မကရင်မ နေထိုင်သည့် အုတ်ဖိုကျေးရွာသို့ ရောက်ရှိလာခဲ့ပြီး အိမ်နီးချင်းများနှင့် သက်ဆိုင်ရာ ရာအိမ်မှုးကိုခေါ်ကာ မကရင်မမှာ နေမကောင်းသဖြင့် လာရောက်ပြန်ပို့သည်ဟုဆိုကာ လူနာအား ကောင်းမွန်စွာ လက်ခံရရှိကြောင်းကို လက်မှတ်ထိုးခိုင်းခဲ့ကြောင်း သိရသည်။

ယင်းသို့ မကရင်မအား ထားခဲ့ပြီးနောက် ဒေါ်သိင်္ဂီစု (၃၂ နှစ်) ပြန်သွားသည့်အချိန်တွင် အိမ်နီးချင်းများက မကရင်မအား မေးမြန်းရာ ဆွဲကြိုးခိုးသည်ဟု စွပ်စွဲပြောဆို၍ ၎င်းကို ဒေါ်သိင်္ဂီစု (၃၂ နှစ်) က ခြေထောက်ဖြင့်ကန်ကာ ကျောက်ပြင်ဖြင့် ထုသည်ဟု ပြန်လည် ပြောဆိုခဲ့ကြောင်း သိရပြီး မကရင်မ၏ ဦးခေါင်း၊ မျက်နှာ၊ ရင်ဘတ်တို့တွင် ဒဏ်ရာများ တွေ့ရှိခဲ့ကြောင်း သိရသည်။

ထို့နောက် မကရင်မက ၎င်းကိုဆေးရုံသို့ ပို့ဆောင်ပေးရန် ပြောသဖြင့် အိမ်နီးချင်းများနှင့် သက်ဆိုင်ရာကျေးရွာလူကြီးများက ဆေးရုံသို့ ပို့ဆောင်ရန်ပြုလုပ်နေစဉ် မကရင်မမှာ သေဆုံးသွားခဲ့ကြောင်း သိရသည်။

လားရှိုးတွင် ကျပ်သိန်းပေါင်း ၁၁၀၀၀ ကျော်တန်ဖိုးရှိ စိတ်ကြွဆေးပြား ၅၈၅၀၀၀ ဖမ်းဆီးရမိ

ရှမ်းပြည်နယ် (မြောက်ပိုင်း) လားရှိုးမြို့တွင် သြဂုတ် ၁၅ ရက် ညနေပိုင်းက အဝေးပြေးကားဂိတ်တွင် သိန်းပေါင်းတစ်သောင်းကျော် တန်ဖိုးရှိ စိတ်ကြွရူးသွပ်ဆေးပြားများကို သယ်ဆောင်လာသူများနှင့်အတူ ဖမ်းဆီးရမိခဲ့ကြောင်း သိရသည်။

ဖြစ်စဉ်မှာ သြဂုတ် ၁၅ ရက် ညနေ ၄ နာရီခွဲခန့်က လားရှိုးမြို့ နားမခေါ် အဝေးပြေးကားကြီးကွင်းရှိ ရာဇာထွန်းကားဂိတ်တွင် ရန်ကုန်သို့ ထွက်ခွာမည့်ယာဉ်နှင့်အတူ မူးယစ်ဆေးဝါးများ သယ်ယူမည့် သတင်းအရ မသင်္ကာသူခရီးသည် လူငယ်သုံးဦးကို ၎င်းတို့သယ်ဆောင်လာပြီး ကားဂိတ်တွင်အပ်နှံထားသည့်အိတ်များအား လားရှိုးမြို့မရဲစခန်းမှူးနှင့် ပူးပေါင်းအဖွဲ့က သွားရောက်စစ်ဆေးခဲ့ရာ ခရီးဆောင်အိတ်တစ်အိတ်လျှင် ဆာလာအိတ်ဖြင့် ထုပ်ပိုးလျက် အတွင်း၌ မိုင်းကိုင်စက္ကူအညိုဖြင့် အထုပ်ကြီး ၂၀ ထုပ် ခရီးဆောင်အိတ်တစ်အိတ်လျှင် ဆေးပြား ၁၉၅၀၀၀ ပြား၊ ခရီးဆောင်သုံးအိတ်မှ စုစုပေါင်းဆေးပြား ၅၈၅၀၀၀ ပြား စုစုပေါင်းတန်ဖိုးတစ်ပြားလျှင် ကျပ် ၂၀၀၀ နှုန်းဖြင့် ကျပ်သိန်းပေါင်း ၁၁၇၀၀ ဖိုး ဖမ်းဆီးရမိခဲ့သည်။

“ကျွန်တော်တို့ မနေ့ညနေက တာဝန်သိပြည်သူတစ်ဦးရဲ့ ဖုန်းနဲ့သတင်းပေးပို့ချက်အရ နားမခေါ် အဝေးပြေးကားကြီးကွင်းက ရာဇာထွန်းကားဂိတ်မှာ မသင်္ကာသူခရီးသည်သုံးဦး သယ်ဆောင်လာတဲ့အိတ်ကို သွားရောက် စစ်ဆေးခဲ့ရာမှာ သိန်းပေါင်း ၁၁၀၀၀ ကျော် တန်ဖိုးရှိတဲ့ စိတ်ကြွရူးသွပ်ဆေးပြားတွေကို ဖမ်းဆီးရမိခဲ့တာပါ” ဟု လားရှိုးမြို့မရဲစခန်းမှူး ဒုရဲမှူးကျော်နိုင်က ပြောကြားသည်။

စိတ်ကြွရူးသွပ်ဆေးပြားများနှင့်အတူ တရားခံသုံးဦးဖြစ်သော ဂျီမေ (၂၀ နှစ်)၊ မိုင်းရှူးမြို့နယ်၊ ကျားဖေ (၁၆ နှစ်)၊ မိုင်းရှူးမြို့နယ်၊ ကျအီ (၂၆ နှစ်) မိုင်းရှူးမြို့နယ်နေသူတို့အား လားရှိုးမြို့မရဲစခန်းတွင် မယ(ပ) ၁၆၃/၂၀၁၈၊ မူး/စိတ်ပုဒ်မ ၁၉(က)/၂၁ ဖြင့် အမှုဖွင့်စစ်ဆေး အရေးယူထားသည်။

ရုပ်ရှင်သရုပ်ဆောင် သီဟတင်စိုးအား မုဒိမ်းမှုဖြင့် လိမ်လည် တိုင်တန်းခဲ့သည့် အိမ်အကူနှင့် ပွဲစားအမျိုးသမီးတို့ အာမခံလျှောက်ထားမှု ပယ်ချခံရ

ရုပ်ရှင်သရုပ်ဆောင် သီဟတင်စိုးအား မုဒိမ်းမှုဖြင့် လိမ်လည် တိုင်တန်းခဲ့သည့် အိမ်အကူနှင့် ပွဲစားအမျိုးသမီးတို့ အာမခံလျှောက်ထားမှုအား သြဂုတ် ၁၅ ရက် ရုံးချိန်းတွင် သင်္ဃန်းကျွန်းမြို့နယ် တရားရုံးက ပယ်ချခဲ့သည်။

ပွဲစား ဒေါ်ညိုဘက်မှ အာမခံပေးသည့် အမျိုးသားနှစ်ဦးမှာ သက်သေခိုင်မာမှု မရှိသဖြင့် ပယ်ချခဲ့ခြင်း ဖြစ်ကြောင်း သိရသည်။

အိမ်အကူ ဒေါ်ခင်မာမြင့်နှင့် ပွဲစားဖြစ်သူ ဒေါ်ညိုတို့အား သြဂုတ် ၁၅ ရက် ရုံးထုတ်လာချိန်တွင် အကျဉ်းထောင်မှ အချုပ်ယာဉ်ဖြင့် မဟုတ်ဘဲ ဟွန်ဒါဖစ် အမျိုးအစားယာဉ်ဖြင့် သီးသန့် ရုံးထုတ်ခဲ့ပြီး ရဲအင်အား အများအပြားဖြင့် ရုံးထုတ်ခဲ့သည်။

အိမ်အကူ ဒေါ်ခင်မာမြင့်နှင့် ပွဲစား ဒေါ်ညိုတို့နှစ်ဦးကို သင်္ဃန်းကျွန်းတရားရုံးတွင် ပြီးခဲ့သည့်ရုံးချိန်းက ရာဇသတ်ကြီးပုဒ်မ ၃၈၉/၁၁၄ ဖြင့် တရားစွဲဆိုထားကြောင်း သိရသည်။

ထို့ပြင် လီဆယ်တိုင်ကြားထားသည်ဟု စစ်ဆေးပေါ်ပေါက်ခဲ့သဖြင့် သရုပ်ဆောင် သီဟတင်စိုးကို တိုင်တန်းထားသည့်အမှုအား ပြန်လည် ရုပ်သိမ်းပေးခဲ့ကြောင်း သိရသည်။

ရဲတပ်ဖွဲ့ကလည်း အိမ်အကူ ဒေါ်ခင်မာမြင့်နှင့် ပွဲစား ဒေါ်ညိုတို့နှစ်ဦးကို ရာဇသတ်ကြီးပုဒ်မ ၂၁၁ ဖြင့် သင်္ဃန်းကျွန်းတရားရုံးသို့ ဦးတိုက် လျှောက်ထားမည်ဖြစ်ကြောင်း အရှေ့ပိုင်းခရိုင်ရဲတပ်ဖွဲ့မှ သိရသည်။

မလေးရှားနိုင်ငံသို့ ပို့ဆောင်မည့် မိန်းမစီး ကတ္တီပါဖိနပ်ခွာများအတွင်း ထည့်ယူလာသော စိတ်ကြွရူးသွပ်ဆေးပြား ၁၃၀၀၀ ကျော် ရန်ကုန်အပြည်ပြည်ဆိုင်ရာလေဆိပ်တွင် ဖမ်းမိ

ရန်ကုန်လေဆိပ်တွင် ဖမ်းဆီးရမိသည့် မိန်းမစီး ကတ္တီပါဖိနပ်များအတွင်းမှ မူးယစ်ဆေးဝါးများနှင့်အတူ ကျူးလွန်သူများအား တွေ့ရစဉ် (ဓာတ်ပုံ-ရဲဇာနည်)

မလေးရှားနိုင်ငံသို့ ပို့ဆောင်မည့် မိန်းမစီး ကတ္တီပါဖိနပ်ခွာအတွင်း ထည့်ယူလာသော စိတ်ကြွရူးသွပ်ဆေးပြား ၁၃၀၀၀ ကျော် ရန်ကုန်အပြည်ပြည်ဆိုင်ရာ လေဆိပ်တွင် ဖမ်းမိခဲ့ကြောင်း သြဂုတ် ၁၅ ရက်က မြန်မာနိုင်ငံရဲတပ်ဖွဲ့မှ သိရသည်။

အမှုဖြစ်စဉ်မှာ သြဂုတ် ၁၄ ရက် ည ၁၀ နာရီခွဲတွင် မူးယစ်တပ်ဖွဲ့စု (၄၅) ရန်ကုန်လေဆိပ်မှ တပ်ဖွဲ့ဝင်များ ပါဝင်သော ပူးပေါင်းအဖွဲ့သည် မင်္ဂလာဒုံမြို့နယ် ရန်ကုန်အပြည်ပြည်ဆိုင်ရာလေဆိပ် ပြည်ပထွက်ခွာဆောင် Terminal -1 Inline Reject X-Ray စက်တွင် မလေးရှားလေကြောင်းလိုင်းဖြင့် ရန်ကုန်လေဆိပ်မှ မလေးရှားနိုင်ငံသို့ လိုက်ပါမည့် ခရီးသည် အောင်မျိုးမင်း (ခ) ငမင်း၏ ပါဆယ်ထုပ်ကို X-Ray စက် ဖြတ်သန်းစဉ် မသင်္ကာ၍ အောင်မျိုးမင်း (ခ) ငမင်း၊ ပါဆယ်ထုတ် ထည့်ပေးသူ မမြမြ၀င်းတို့အား ခေါ်ဆောင်၍ ဖွင့်ဖောက် စစ်ဆေးခဲ့ကြောင်း သိရသည်။

ထိုသို့ စစ်ဆေးရာ အိတ်အတွင်း မိန်းမစီး ကတ္တီပါဖိနပ် အရန် ၄၀ နှင့် ပါတိတ်အထည် ၂၀ တွေ့ရှိရပြီး ဖိနပ် ၁၁ ရန်၏ အံဝှက်ပြုလုပ်ထားသည့် ဖိနပ်ခွာများအတွင်းမှ ပလတ်စတစ် ကပ်ခွာအိတ်များဖြင့် ထည့်လျက် စိတ်ကြွရူးသွပ်ဆေးပြား ၁၃,၂၀၀ သိမ်းဆည်းရမိခဲ့ပြီး မမြမြ၀င်းမှာ စိတ်ကြွရူးသွပ်ဆေးပြားများကို ခင်မာလာ (ခ) မော်လီမှ တစ်ဆင့် ဆက်သွယ်၍ ခရီးသည် အောင်မျိုးမင်း (ခ) ငမင်းနှင့် အတူ မလေးရှားနိုင်ငံသို့ ထည့်ပေးခြင်း ဖြစ်ကြောင်း သိရသည်။

အဆိုပါ အမှုဖြစ်စဉ်မှ မမြမြ၀င်း (၅၂ နှစ်)၊ ခင်မာလာ(ခ) မော်လီ (၄၁နှစ်) နှင့် အောင်မျိုးမင်း(၃၀ နှစ်) တို့အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ သက်ဆိုင်ရာ ရဲတပ်ဖွဲ့ က အရေးယူထားကြောင်း သိရသည်။

 

ယခုနှစ် ခုနစ်လအတွင်း နိုင်ငံတစ်ဝန်းတွင် ယာဉ်တိုက်မှုကြောင့် လူပေါင်း ၃၂၀၀ ကျော် သေဆုံးပြီး တစ်ရက်လျှင် ပျမ်းမျှ ၁၅ ဦးနှုန်း သေဆုံး

၂၀၁၈ ခုနှစ် ဇန်န၀ါရီမှ ဇူလိုင်လအထိ ခုနစ်လအတွင်း မြန်မာနိုင်ငံ တစ်ဝန်းတွင် ယာဉ်တိုက်မှုကြောင့် လူဦးရေ ၃၂၀၀ ကျော် သေဆုံးပြီး တစ်ရက်လျှင် ပျမ်းမျှ ၁၅ ဦးနှုန်း သေဆုံးနေကြောင်း မြန်မာနိုင်ငံ ယာဉ်ထိန်းရဲတပ်ဖွဲ့မှ စုံစမ်းသိရှိရသည်။

လအလိုက် ဖြစ်ပွားခဲ့သော ယာဉ်တိုက်မှုများမှာ ဇန်န၀ါရီလအတွင်း ယာဉ်တိုက်မှု ၁၅၆၅ မှုဖြစ်ပွားပြီး ၄၉၁ ဦး သေဆုံးကာ ၂၃၂၁ ဦး ထိခိုက်ဒဏ်ရာ ရရှိခဲ့သည်။ ဖေဖော်ဝါရီလအတွင်း ၁၄၅၃ မှု ဖြစ်ပွားပြီး ၄၀၉ ဦး သေဆုံးကာ ၂၂၃၄ ဦး ထိခိုက်ဒဏ်ရာ ရရှိခဲ့သည်။

မတ်လအတွင်း ယာဉ်တိုက်မှု ၁၅၈၁ မှု ဖြစ်ပွားကာ ၅၄၁ ဦး သေဆုံးပြီး ၂၃၄၃ ဦး ထိခိုက်ဒဏ်ရာ ရရှိခဲ့ကြောင်း သိရသည်။ ဧပြီလအတွင်း ယာဉ်တိုက်မှု ၁၇၉၅ မှု ဖြစ်ပွားကာ ၅၇၂ ဦး သေဆုံးပြီး ၃၃၄၃ ဦး ထိခိုက်ဒဏ်ရာ ရရှိခဲ့ကြောင်း သိရသည်။

မေလအတွင်း ယာဉ်တိုက်မှုကြောင့် ၄၅၅ ဦး သေဆုံးကာ ၂၃၀၃ ဦး ထိခိုက်ဒဏ်ရာ ရရှိခဲ့ကြောင်း သိရသည်။ ဇွန်လအတွင်း ယာဉ်တိုက်မှု ၁၃၃၁ မှု ဖြစ်ပွားကာ ၃၇၆ ဦး သေဆုံးပြီး ၁၈၅၉ ဦး ထိခိုက်ဒဏ်ရာ ရရှိခဲ့ကြောင်း သိရသည်။

ပြီးခဲ့သည့် ဇူလိုင်လအတွင်း ယာဉ်တိုက်မှု ၁၂၉၇ မှု ဖြစ်ပွားကာ ၃၅၇ ဦး သေဆုံးပြီး ၁၈၃၄ ဦး ထိခိုက်ဒဏ်ရာ အသီးသီးရရှိခဲ့ကြောင်း သိရသည်။

မြန်မာနိုင်ငံ တစ်ဝန်းတွင် တစ်ရက်လျှင် ပျမ်းမျှ ယာဉ်တိုက်မှု ၅၀ နှုန်းဖြစ်ပွားနေပြီး အဆိုပါ ယာဉ်တိုက်မှုများကြောင့် တစ်ရက်လျှင် ပျမ်းမျှသေဆုံးသူ ၁၅ ဦးနှုန်း ရှိကြောင်း၊ ဒဏ်ရာရရှိသူ တစ်ရက်လျှင် ပျမ်းမျှ ၇၈ ဦးနှုန်းရှိကြောင်း သိရသည်။