လတ်တလောတွင် မြန်မာကျပ်ငွေတန်ဖိုး ကျဆင်းမှုနှင့် ကုန်ဈေးနှုန်း မြင့်တက်မှုများ ဖြစ်ပေါ်နေသော်လည်း ၂၀၁၈-၂၀၁၉ ဘဏ္ဍာနှစ်၏ ပျမ်းမျှငွေကြေးဖောင်းပွမှုနှုန်း ၅ ဒသမ ၉၁ ရာခိုင်နှုန်းရှိမည်ဟု ခန့်မှန်း

ကျပ်ငွေတန်ဖိုးကျဆင်းမှုနှင့် ငွေကြေးဖောင်းပွမှုဖြစ်ပွားပြီး ကုန်ဈေးနှုန်းများ မြင့်တက်ပါက ပိုမိုခံစားရသည့် အခြေခံလူတန်းစားအချို့၏ လုပ်ငန်းခွင်တစ်ခုကို တွေ့ရစဉ်

လတ်တလောတွင် မြန်မာကျပ်ငွေတန်ဖိုး ကျဆင်းမှုနှင့် ကုန်ဈေးနှုန်းမြင့်တက်မှုများ ဖြစ်ပေါ်နေသော်လည်း အောက်တိုဘာ ၁ ရက်တွင် စတင်မည့် ၂၀၁၈-၂၀၁၉ ဘဏ္ဍာနှစ်၏ ပျှမ်းမျှငွေကြေးဖောင်းပွမှုနှုန်း ၅ ဒသမ ၉၁ ရာခိုင်နှုန်းသာ ရှိမည်ဟု ခန့်မှန်းထားသည်ဟု စီမံကိန်းနှင့် ဘဏ္ဍာရေးဝန်ကြီးဌာနမှ သိရသည်။

၂၀၁၇-၂၀၁၈ ဘဏ္ဍာနှစ်တွင် ပျမ်းမျှငွေကြေးဖောင်းပွမှု ၇ ဒသမ ၉ ရာခိုင်နှုန်း ဖြစ်ပေါ်နိုင်ကြောင်း ၂၀၁၇-၂၀၁၈ ဘဏ္ဍာနှစ် အမျိုးသားစီမံကိန်းတွင် ခန့်မှန်းထားရာမှ ၂၀၁၈ ခုနှစ် ဘဏ္ဍာနှစ်တို ခြောက်လကာလတွင် ဖြစ်ပေါ်မည့် ပျှမ်းမျှငွေဖောင်းပွမှုနှုန်းကို ၄ ဒသမ ၈၉ ရာခိုင်နှုန်းသာ ဖြစ်ပေါ်မည်ဟု လျှော့ချခန့်မှန်းခဲ့ရာမှ ၂၀၁၈-၂၀၁၉ ဘဏ္ဍာနှစ်၏ ပျှမ်းမျှငွေကြေးဖောင်းပွမှုနှုန်းကို ၅ ဒသမ ၉၁ ရာခိုင်နှုန်းသို့ တိုးမြှင့်ခန့်မှန်းခဲ့ခြင်း ဖြစ်သည်။

“ငွေကြေးဖောင်းပွမှုနှုန်းကို ထိန်းသိမ်းနိုင်ရန် ပြည်သူတို့လိုအပ်နေသည့် ကုန်စည်များ ထုတ်လုပ်မှု၊ စားသုံးမှု၊ ကုန်စည်စီးဆင်းမှုစသည့် နယ်ပယ်အသီးသီးတို့က ပူးပေါင်း ဆောင်ရွက်ခြင်းတို့ကို ဆောင်ရွက်သွားမှာ ဖြစ်ပါတယ်။ ၂၀၁၈-၂၀၁၉ ဘဏ္ဍာရေးနှစ်တွင် ပျှမ်းမျှငွေကြေးဖောင်းပွမှုနှုန်း ၅ ဒသမ ၉၁ ရာခိုင်နှုန်း ရှိမည်ဟု ခန့်မှန်းထားပါတယ်” ဟု စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီးဦးစိုးဝင်းက ပြည်ထောင်စု လွှတ်တော်သို့ ရှင်းလင်းတင်ပြစာတွင် ပြောကြားသည်။

လက်တလောတွင်၂၀၁၈ ခုနှစ် မေလအထိ တစ်နှစ်အတွင်းပျမ်းမျှ ငွေကြေးဖောင်းပွမှုနှုန်းမှာ ၄ ဒသမ ၂၉ ရာခိုင်နှုန်း ဖြစ်နေပြီး ၂၀၁၈ ခုနှစ် ဧပြီလတွင် ငွေကြေးဖောင်းပွမှုနှုန်း ၄ ဒသမ ၁၂ ရာခိုင်နှုန်းနှင့် နှိုင်းယှဉ်ပါကငွေ ကြေးဖောင်းပွမှုနှုန်း အနည်းငယ် ပြန်လည်မြင့်တက်လာကြောင်း ဗဟိုစာရင်းအင်းအဖွဲ့မှ သိရသည်။

လတ်တလောတွင် အခြေခံစားကုန်များမှာ ပျှမ်းမျှ ခုနစ်ရာခိုင်နှုန်းခန့် ဈေးနှုန်းမြင့်တက်နေပြီး မြန်မာကျပ်ငွေတန်ဖိုးမှာလည်း တစ်ဒေါ်လာ ၁၅၆၀ ကျပ်အထိ မြင့်တက်ခဲ့သဖြင့် ၁၃ ရာခိုင်နှုန်းခန့် တန်ဖိုးကျဆင်းမှု ဖြစ်ပေါ်နေကာ ငွေကြေးဖောင်းပွမှုနှုန်းမှာ ၂၀၁၈ ခုနှစ် ဇွန်လအထိ တစ်နှစ်အတွင်းပျှမ်းမျှ ၄ဒသမ ၅၈ရာခိုင်နှုန်း ဖြစ်ပေါ်နေသည်။

တစ်နိုင်ငံလုံးအတွက် ၂၀၁၂ ခုနှစ် အခြေခံနှစ်ဖြင့် စားသုံးသူဈေးဆနှုန်းအပေါ် အခြေခံတွက်ချက်ထားသော ငွေကြေးဖောင်းပွမှုနှုန်းမှာ ၂၀၁၇ ခုနှစ် ဒီဇင်ဘာအထိ တစ်နှစ်ပျမ်းမျှ ၄ ဒသမ ၆၁ ရာခိုင်နှုန်းရှိပြီး ၂၀၁၇ ခုနှစ် ဒီဇင်ဘာနှင့် ၂၀၁၆ ခုနှစ် ဒီဇင်ဘာ၏ နှစ်အလိုက်ပြောင်းလဲမှုကို နှိုင်းယှဉ်ပါက (Year on Year Inflation) မှာ ၄ ဒသမ ၄၅ ရာခိုင်နှုန်းရှိကာ လတ်တလော Year on Year Inflation မှာ ၆ ဒသမ ၄၅ ရာခိုင်နှုန်းနှင့် Annual Rate of Inflation မှာ ၄ ဒသမ ၅၈ ရာခိုင်နှုန်းရှိကြောင်း သိရသည်။

အခွန်စည်းကြပ်မခံတဲ့ နိုင်ငံခြားကုမ္ပဏီ၊ ဈေးတက်တဲ့ ဆေးဝါးနဲ့ မြန်မာ့စီးပွားရေးကိုနှိပ်စက်တဲ့ ဒေါ်လာ

ရွှေပြည့်စုံဈေးတွင် ရောင်းချနေသည့် ဆေးဝါးအရောင်းဆိုင်အချို့ကို တွေ့ရစဉ် (ဓာတ်ပုံ-လွင်မျိုးသူ)

World Justice Project စစ်တမ်းအရ မြန်မာနိုင်ငံရဲ့ တရားဥပဒေ စိုးမိုးရေးအညွှန်းကိန်း ပြီးခဲ့တဲ့ နှစ်ကထက် ကျဆင်းနေတယ်လို့ ထုတ်ပြန်ခဲ့တဲ့ ဒီရက်သတ္တပတ်မှာ မြန်မာတစ်နိုင်ငံလုံးကို ဂယက်ရိုက် အထိနာစေတာကတော့ မြန်မာကျပ်ငွေတန်ဖိုး ကျဆင်းမှုပါ။

နိုင်ငံခြားရင်းနှီးမြှုပ်နှံမှုလျော့ကျ၊ ပြည်ပခရီးသွားဝင်ရောက်မှု လျော့ကျလို့ နိုင်ငံခြားငွေရလမ်း ပျောက်ရှနေချိန်မှာ ပြည်သူတွေကြားမှာ ကြီးမြင့်လာတဲ့ ဆန်ဈေးတွေကြောင့် အမှုအခင်း ရင်ဆိုင်နေရ သူတွေတောင် ရှိလာနေပြီဖြစ်ပါတယ်။

တစ်ဖက်မှာလည်း ပြည်ပကြွေးမြီ လက်ကျန်အခြေအနေက များလာနေတာကြောင့် ကြွေးမြီ ခံနိုင်ရည်ရှိ မှုအတိုင်းအတာအတွင်း ဖြစ်နေသေးပေမယ့် နောင်အချိန်မှာ ငွေချေးယူလိုရင် အခက်အခဲတွေရှိလာမှာကို စိုးရိမ်ပူပန်ရတဲ့ အခြေအနေ ဆိုက်ရောက်နေချိန်မှာ တင်ဒါတွေ မစိစစ်နိုင်တဲ့ ဂယက်တွေနဲ့ ပြည်ပအကူအညီ ချေးငွေတွေနဲ့ ရယူဆောင်ရွက်တဲ့ စီမံကိန်းတွေကို လျာထားချက်နဲ့အညီ အကောင်အထည်ဖော်နိုင်မှုမရှိတဲ့ အခြေအနေတွေကို ကြပ်မတ်ဆောင်ရွက်ဖို့ ပြည်ထောင်စုလွှတ်တော်မှာ အကြံပြုဆွေးနွေးရတဲ့အဆင့်ကို ရောက်နေတာ တွေ့ရပြန်ပါတယ်။

တစ်ဖက်မှာလည်း မြန်မာနိုင်ငံရဲ့ လက်ရှိအခြေအနေကို အထွေထွေ အကျပ်အတည်းအဖြစ် ပြောဆိုမှုတွေ ရှိလာနေချိန်မှာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ အထူးစီးပွားရေး အကြံပေး ရှောင်တာနယ်က ကမ္ဘာတစ်ဝန်းလုံးမှာ ဒေါ်လာဈေး ဆက်လက်မြင့်တက်နေပြီး မြန်မာကျပ်ငွေတန်ဖိုး ကျဆင်းမှု ဆက်ဖြစ်နေမယ်ဆို အထွေထွေကျပ်တည်းမှုတွေ ရှိလာမယ်လို့ ပြောလာခဲ့တဲ့ ဒီရက်သတ္တပတ်ရဲ့ စီးပွားရေးသုံးသပ်ချက်မှာ အခွန်စည်းကြပ်မခံတဲ့ နိုင်ငံခြားကုမ္ပဏီတွေအကြောင်း၊ ဈေးတက်တဲ့ ဆေးဝါးတွေနဲ့ မြန်မာ့စီးပွားရေးနဲ့ ပြည်သူကို နှိပ်စက်တဲ့ ဒေါ်လာဈေး မြင့်တက်မှုဂယက်တွေ အကြောင်းကို ဖော်ပြချင်ပါတယ်။

 

■ အခွန်စည်းကြပ်မခံတဲ့ နိုင်ငံခြားကုမ္ပဏီ

တစ်နှစ်ထက်တစ်နှစ် အခွန်အခတွေ ပိုရလာနေတယ်ဆိုပေမယ့် တကယ်အဓိကပေးနေရတာက ပြည်သူတွေပါ။ အခွန် Baee ချဲ့မယ်ဆိုတဲ့ ကြွေးကြော်သံနဲ့ အခွန်တွေ ကောက်လာရာမှာ ကုမ္ပဏီတွေ ဘက်က အခွန်ရှောင်တာရှိသလို အခွန်ဝန်ထမ်းတွေဘက်မှာလည်း အဂတိပြဿနာ ရှိနေပြန်ပါတယ်။ တစ်ဖက်မှာလည်း အခွန်စည်းကြပ်တဲ့ စနစ်တွေက ခေတ်မမီတော့တဲ့ ပြဿနာရင်ဆိုင်နေရချိန်မျိုးမှာ တိုင်းပြည်ရဲ့ အခွန်ရရှိရေး ၀န်ထုပ်ဝန်ပိုးဟာ ပြည်သူတွေရဲ့ ခေါင်းပေါ်မှာ တရစ်ဝဲ၀ဲပါ။ ပြည်တွင်းမှာ ကုမ္ပဏီတွေကို ကြည့်မယ်ဆို ပြည် တွင်းကုမ္ပဏီတွေက အခွန်စည်းကြပ်မှု မခံတာရှိသလို ပြည်ပကုမ္ပဏီတွေကလည်း အခွန်စည်းကြပ်မခံ တာတွေရှိနေပြီး ပြည်ပကုမ္ပဏီတွေမှာဆို ၆၀၀၀ ကျော်မှာ ၁၀၀၀ လောက်ပဲ အခွန်စည်းကြပ်စိစစ်မှု ခံယူနေပါတယ်။

အခွန်ရှောင်လွှဲလို့မရတဲ့ ပြည်သူတွေက အခွန်ပိုပေးနေရတယ်လို့ ခံစားနေရချိန်တွေမှာ ဒီလိုအခွန် စည်းကြပ်စိစစ်မှု မခံယူဘဲ လွတ်နေတဲ့ကုမ္ပဏီတွေ ရှိနေတာက ဆိုးရွားလှသလို အခွန်ထမ်းနေရတဲ့ ပြည်သူတွေကို စိတ်ပျက်စေမှုတွေသာ ပေးစွမ်းပါတယ်။

အခွန်စည်းကြပ်စိစစ်မှု ခံယူနေတဲ့ နိုင်ငံခြားကုမ္ပဏီတွေမှာလည်း အခွန်တကယ်ပေးဆောင်နေတာက ရာဂဏန်းပဲရှိနေတာမို့ အခွန်စည်းကြပ်မှုက ကင်းလွတ်နေတဲ့နိုင်ငံခြားကုမ္ပဏီတွေကို ဘယ်လိုဆောင်ရွက် မှုမျိုးနဲ့ အခွန်စည်းမျဉ်းပေါ်ဆွဲ ခေါ် ပြမလဲဆိုတာ သိချင်မိပါတယ်။

 

■ ဈေးတက်တဲ့ ဆေးဝါး

ဒေါ်လာဈေးတက်ရင် ဆေးဈေးတက်မယ်။ ဒေါ်လာဈေးကျရင် ဆေးဈေးမကျဘူးဆိုတာ မြန်မာနိုင်ငံမှာ ပုံမှန်အခြေအနေလို ဖြစ်နေတာပါ။ တစ်ခါ ဆေးဈေးတွေကို ဒေါ်လာဈေးကြည့်ပြီး ရောင်းချင်သလို ရောင်းနေတော့ မဖြစ်မနေ၀ယ်ယူသုံးစွဲရတဲ့ ပြည်သူတွေ ၀န်ပိစေပါတယ်။

“အဓိကကတော့ ကုမ္ပဏီတွေ က ၁၅ ရက်တစ်ခါ ရာခိုင်နှုန်းတစ်မျိုးစီ ပြောင်းပြီး ဈေးနှုန်းချပြီး ရောင်း ချပေးနေတယ်။ အရောင်းအ၀ယ်ကတော့ လုံးဝမရှိဘူး။ ဈေးနှုန်းတက်နေတာကတော့ လက်ရှိကုမ္ပဏီတွေ ကနေပြီး ငွေဈေးပေါ်ကြည့်ပြီး ဈေးနှုန်းတွေ သုံးရက်တစ်ခါ၊ ငါးရက်တစ်ခါ ပြောင်းလဲမှုတွေတော့ ရှိတယ်။ ဆေးတွေကိုတော့ ကုမ္ပဏီတွေက ကန့်သတ်ချက်၊ အရေအတွက်နဲ့ နည်းနည်းပဲပေးတော့တယ်။ ရာခိုင်နှုန်းတင်ပြီး ရောင်းတာပေါ့။ ကြိုက်သလိုဝယ်ခွင့်မပေးဘူးပေါ့။ အမြဲတမ်းဝယ်တဲ့သူကိုတောင် အရေအတွက် နည်းနည်းပဲပေးတယ်။ ဆေးဝါးလောကကတော့ စီးပွားရေးကျဆင်းနေတယ်” လို့ Golden Tamarind ဆေးဆိုင်ပိုင်ရှင် ဦးမြင့်လှိုင်က ဆိုပါတယ်။

ဆေးဈေးတွေ တက်နေသလို တစ်ဖက်မှာလည်း ကုမ္ပဏီအချို့က အရောင်းအ၀ယ်တွေ ပိတ်ထားကြ ပါသေးတယ်။ ဈေးကွက်ထဲ မထည့်ဘဲ အရောင်းအ၀ယ်ပိတ်ထားချိန်မှာ ဆေးတွေက ဈေးကွက်ထဲမှာ ပြတ် မယ်။ ၀ယ်လိုအား၊ ရောင်းလိုအားသဘောအရ အ၀ယ်များလာတာနဲ့ ဈေးပိုပြီးတက်မယ်ဆိုတဲ့ အခြေအ နေမျိုးက နောက်ဆုံးမှာ ပြည်သူတွေပဲ ခံနေရပြီး ဒီလိုမျိုးဖြစ်စဉ်တွေအ တွက်တော့ စားသုံးသူ အကာအ ကွယ်ပေးရေးအဖွဲ့အစည်းတွေ၊ ဥပဒေတွေနဲ့ ယှဉ်ပြိုင်မှုဥပဒေတွေ နှုတ်ဆိတ်နေတာကတော့ ပြည်သူတွေပဲ ပိုပြီးအထိနာစေတာ မြင်ရမှာ ဖြစ်ပါတယ်။

“တရုတ်လိုင်းက ကုမ္ပဏီတွေကတော့ လိုသလောက် ရောင်းပေးတယ်။ ဈေးကတော့ တခြားနိုင်ငံခြား ဆေးတွေနဲ့ မတူဘူး။ ဈေးနည်းနည်းပဲတက်တယ်။ အစ်မတို့ ရောင်းတဲ့အခါမှာလည်း လိုသလောက်ရောင်း ပေးတယ်။ တက်တဲ့ဈေးနဲ့ပေါ့။ အရင်က ၂၈၅၀ နဲ့ ဝယ်တဲ့ဟာတွေက အခု ၃၁၅၀ နဲ့ ၀ယ်ရတယ်။ အစ်မတို့ ပြန်ရောင်းတဲ့အခါမှာကျတော့ ၃၁၅၀ နဲ့ ၀ယ်ထားတဲ့ဟာဆိုရင် ၃၂၀၀ နဲ့ ရောင်းပေးတယ်။ ပုံမှန်ပဲ အစ်မတို့အမြတ်ယူတာက ၅၀ လောက်ပဲ။ ဆေးတွေကကျတော့ အများကြီးဈေးတက်ပြီးရောင်းလို့ မရဘူးလေ။ ဈေးတက်တာက မကြာသေးဘူး။ တရုတ်လိုင်းဘက်ကကျ တစ်ပတ်လောက်ပဲ ရှိသေးတယ်။ ဒါပေမဲ့ နိုင်ငံခြားဆေးလိုင်းတွေကတော့ တက်တာကြာပြီ။ နိုင်ငံခြား ဆေးလိုင်းတွေကကျတော့ အရောင်းပိတ်ထားတာတွေရှိတယ်။ ကန့်သတ်ပြီး ရောင်းနေတာတွေ ရှိတယ်။ ဒေါ်လာဈေးတက်တယ်ဆိုတော့ ကုန် သွားလို့ရှိရင် မရောင်းရတော့မှာစိုးလို့ အချို့က ကန့်သတ်ရောင်းနေတာတွေရှိတယ်။ ဆေးအရောင်း အ၀ယ်ကကျတော့ ဒေါ်လာဈေးတက်ပြီးကတည်းက အရောင်းပါးတယ်။ အရင်ဝယ်နေကျ ၁၀ ဘူးဝယ်ရင် အခု ငါးဘူးပဲ ၀ယ်တော့တယ်။ ကုမ္ပဏီတချို့က ဈေးတက်ပြီးသွားရင် ဈေးကျဖို့ အစီအစဉ် သိပ်မရှိတော့ဘူး။ သူတို့ကုမ္ပဏီက ၁၀၀၀ တက်ထားတဲ့ပစ္စည်းဆိုရင် ဒေါ်လာဈေးကျသွားရင် သူတို့က အဲဒီတစ်ထောင်ကို ဈေးမချတော့ဘဲ တစ်ထောင်နဲ့တန်းတူ ဆေးထပ်ပြီး ပေးတာတွေရှိတယ်” လို့ ရွှေပြည့်စုံဈေးမှာ ဆေးရောင်းချနေတဲ့ ကိုဖိုးလှဆေးဆိုင်က မမိုးမိုးက ပြောပါတယ်။

ဆေးဈေးကွက်ကို ပြန်ကြည့် မယ်ဆိုရင် ပြည်ပက တရားဝင်တင်သွင်းနေတာကိုက တစ်နှစ်မှာ ဒေါ် လာသန်း ၄၀၀ ဖိုးလောက်ရှိနေပါ တယ်။ တရားမ၀င် တင်သွင်းနေတဲ့ ဆေးဝါးတွေ၊ FDA ခွင့်ပြုချက်မရဘဲ ရောင်းချနေတဲ့ ဆေးဝါးတွေနဲ့ MLM ကုမ္ပဏီတွေကနေ ထင်သလို ကြေညာပြီး ရောင်းချနေတဲ့ ဆေးဝါးတွေကို ပြန်ကြည့်မယ်ဆိုရင် ဒေါ်လာသန်းထောင်ဂဏန်းဆီ ရောက်သွားနိုင်ပါတယ်။ ဒီလိုဖြစ်နေတဲ့ ဈေးကွက်ဟာ လူအများကြီး လက်ထဲမှာတော့မဟုတ်ဘဲ လူအနည်းစုကပဲ ထိန်းချုပ်ထားတဲ့ အခြေအနေမျိုးပါ။ ဒေါ်လာဈေးတက်တိုင်း ဆေးဈေးတက်၊ ဒေါ်လာဈေးကျတော့ ဆေးဈေးမကျသလို ဘာပဲဖြစ်ဖြစ် ရောင်းလိုအား၊ ၀ယ်လိုအား အကြောင်းပြ ဈေးကွက်စီးပွားရေးမို့လို့ပါလို့ပဲ ကြွေးကြော်တတ်ကြတဲ့ အခြေအနေဆိုးကနေ အမြန်ဆုံးလွတ်မြောက်ကြပါစေလို့ပဲ တက်လာတဲ့ ဆေးဈေးတွေကြားမှာ ဆုတောင်းပေးချင်ပါတယ်။

 

■ မြန်မာ့စီးပွားရေးကိုနှိပ်စက်တဲ့ ဒေါ်လာ

ပြီးခဲ့တဲ့ ရက်သတ္တပတ်တစ်ခုလုံးမှာ လှုပ်ခတ်နေတာက မြန်မာကျပ်ငွေတန်ဖိုး စံချိန်တင်ကျဆင်းပြီး ဒေါ်လာဈေးမြင့်တက်မှုဂယက်ပါ။ ဆန်ဈေး၊ စက်သုံးဆီဈေး အပါအ၀င် ဘက်စုံကုန်ဈေးနှုန်းမြင့်တက်မှုတွေနဲ့  လှုပ်ခတ်နေတဲ့ အခြေအနေတွေဟာ ကျပ်ငွေတန်ဖိုး ကျပ် ၁၅၆၀ အထိ ထိုးဆင်းခဲ့မှုအထိ ဖြစ်ခဲ့ပါတယ်။

တစ်ဖက်မှာ ဒေါ်လာဈေးမြင့် တက်မှုအခြေအနေနဲ့ ပတ်သက်ပြီး နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ စီးပွားရေးနယ်ပယ်ကပုဂ္ဂိုလ်တွေ တွေ့ဆုံမယ်လို့ သတင်းထွက်မှုမှာ ကျပ် ၁၅၆၀ အထိ ဖြစ်လာတဲ့ ဒေါ်လာဈေးက ခုန်ဆင်းခဲ့ပြီး ၁၅၃၀ အထိ ဖြစ်သွားခဲ့တာကို မြင်ခဲ့ရပါတယ် ။ ဒီလို မြင်ခဲ့ရမှုဟာ ဘာကိုပြသလဲဆိုရင် ဒေါ်လာဈေးဟာ ဖြစ်သင့်ဖြစ်ထိုက်တဲ့ မြင့်တက်မှုမဟုတ်ဘဲ အထိန်းအကွပ် မရှိလို့ ဈေးကစားသူတွေကြောင့် ဖြစ်နေခဲ့တဲ့ နှုန်းထားဆိုတာကို မြင်ရတဲ့သဘောဖြစ်သလို နာရီပိုင်းအတွင်း ခုန်ဆင်းခုန်တက်နေတဲ့ပုံစံကလည်း ဈေးကွက်ပေါက်ဈေးမဟုတ်ဘဲ ဈေးကစားတဲ့ ပုံစံဆိုတာကို မြင်သာစေ ခဲ့ပါတယ်။

ဒီလိုဈေးကစားချင်တိုင်း ကစားနေတဲ့ ဒေါ်လာဈေးကို ဈေးကွက်စီးပွားရေးစနစ်မို့လို့ ထိန်းဖို့ မဖြစ်နိုင်ဘူးတို့၊ အရင်အစိုးရတုန်းက လုပ်ခဲ့တာတွေကြောင့်တို့၊ ကမ္ဘာ့ကုန်သွယ်ရေးစစ်ပွဲတို့၊ အရန်ငွေမရှိဘူးတို့ဆိုတဲ့ ဆင်ခြေတွေနဲ့ လွှတ်ပေးလို့မရတာကို သတိချပ်ဖို့ လိုအပ်ပါတယ်။ မြန်မာ့စီးပွားရေးဟာ သေးကွေးလွန်းသလို ဈေးကစားတဲ့ဒဏ်ကို တောင့်ခံနိုင်စွမ်းမရှိပါဘူး။ မဖြစ်သင့်တဲ့ ဒေါ်လာဈေး ကျပ် ၁၅၀၀ အထက် မြင့်တက်မှုမှာ  ပြည်သူတွေ ပဲ အထိနာသလို အစိုးရဘက်က တာဝန်ရှိသူတွေ ပြောနေသလို ပို့ကုန်သမားတွေအတွက်လည်း ထူးထူးခြားခြားအကျိုးမဖြစ်တာ မြင်ရမှာပါ။ တိုင်းပြည်တစ်ပြည်အတွက် လိုအပ်နေတာက ငွေလဲနှုန်းတည် ငြိမ်ရေးပါ။ ၁၅၀၀ ဖြစ်မှ၊ ၂၀၀၀ ဖြစ်မှ စီးပွားရေးတိုးတက်မယ်ဆိုတဲ့ စကားသံမျိုးကို အစိုးရတစ်ရပ်အနေ နဲ့ မယုံဖို့လိုအပ်ပါတယ်။ အထူးသဖြင့် မြန်မာနိုင်ငံလို ဒေါ်လာဈေးကို ခဏခဏဆွဲတင်နေတဲ့ နိုင်ငံမျိုးမှာ အရင်တုန်းက ဒေါ်လာဈေးဆွဲတင်တော့ ဘယ်သူတွေမှာ အကျိုးရှိခဲ့လဲ။ ပြည်သူနဲ့ အစိုးရအကျိုးရှိခဲ့လား တွေးဆတတ်ဖို့လိုအပ်ပါတယ်။ အနီးစပ်ဆုံး တိုင်းပြည်အထိနာမှု ပြောရရင် လက်ရှိ ၂၀၁၈ ဘဏ္ဍာ နှစ်တိုအတွက် ဘတ်ဂျက်ကို ကျပ် ၁၃၈၀ နဲ့ ဆွဲထားတာပါ။ အခု ၁၅၀၀ အထက် ဖြစ်လာနေချိန်မှာ တစ်ဒေါ်လာကို အနည်းဆုံး ၁၅၀ လောက် နစ်နာနေပြီဖြစ်ပါတယ်။ တစ်ဖက်မှာလည်း တိုင်းသူပြည်သားတွေရဲ့ ၀င်ငွေနဲ့ ပိုင်ဆိုင်မှုအပေါ် ဆိုးဆိုးရွားရွား သွားပြီးထိခိုက်ပါတယ်။ ဒီလိုမျိုး ဘက်စုံဆိုးကျိုးဖြစ်စေတဲ့ ဒေါ်လာဈေးကို ဘယ်သူ့အတွက် ကြည့်ပြီးတော့မှ ဆွဲမတင်ကြပါနဲ့။ ဈေးကစားနေတာတွေကိုလည်း ဈေး ကွက်စီးပွားရေးအကြောင်းပြပြီး လက်ပိုက်ကြည့်မနေဘဲ တည်ဆဲဥပဒေအရ အရေးယူဆောင်ရွက်ပါလို့ တိုက်တွန်းရင်း ဒီတစ်ပတ်ရဲ့ စီးပွားရေးသုံးသပ်ချက်ကို ရပ်နားလိုက်ပါတယ်။

 

 

မြန်မာနိုင်ငံ၌ ၂၀၁၈ ခုနှစ် နှစ်ကုန်အထိ လေးနှစ်အတွင်း ဒေါ်လာ ၂ ဒသမ ၄ ဘီလျံ ရင်းနှီးမြှုပ်နှံထားကြောင်း အူရီဒူး CEO ပြောကြား

မြန်မာနိုင်ငံ၌ လေးနှစ်တာ ကာလအတွင်း ၂၀၁၈ နှစ်ကုန်အထိ ဒေါ်လာ ၂ ဒသမ ၄ ဘီလျံ ရင်းနှီးမြှုပ်နှံထားကြောင်း အူရီဒူး CEO ဖြစ်သူ Mr. Vikram Sinda က သြဂုတ် ၁၆ ရက်တွင် ပြုလုပ်သည့် အူရီဒူး လေးနှစ်ပြည့် အခမ်းအနားတွင် ပြောကြားသည်။

အူရီဒူးအနေဖြင့် ၂၀၁၃ ခုနှစ် နှစ်ကုန်ပိုင်းတွင် လုပ်ငန်းစတင်ရန် ဆောင်ရွက်ခဲ့ပြီး ဒေါ်လာ ၁ ဒသမ ၃ ဘီလျံ စတင် ရင်းနှီးမြှုပ်နှံခဲ့ကြောင်း၊ ၂၀၁၄ ခုနှစ်တွင် အူရီဒူးမြန်မာ ဆက်သွယ်ရေး ၀န်ဆောင်မှု စတင်ခဲ့ကြောင်း သိရသည်။

အူရီဒူး CEO Mr. Vikram Sinda က “ကျွန်တော်တို့ ရင်းနှီးမြှုပ်နှံမှုဟာဆိုရင် အဲဒီအချိန်မှာ အမေရိကန် ဒေါ်လာ ၁ ဒသမ ၃ ဘီလျံကို မြှုပ်နှံခဲ့ပါတယ်။ ၂၀၁၈ အကုန်မှာဆိုရင် အမေရိကန်ဒေါ်လာ ၂ ဒသမ ၈ ဘီလျံကို ရင်းနှီးမြှုပ်နှံပြီးသား ဖြစ်ပါလိမ့်မယ်။ မြှုပ်နှံမှုတင် မဟုတ်ဘဲ အူရီဒူးအနေနဲ့ ရောက်တဲ့ နိုင်ငံမှာရှိတဲ့ ပြည်သူတွေရဲ့ အကျိုးစီးပွားကို CSR အနေနဲ့ ပြန်ပြီးတော့ လုပ်ထားခဲ့တာ ဒေါ်လာ ခြောက်မီလျံနီးပါး ရှိပါတယ်” ဟု ပြောကြားသည်။

ရင်းနှီးမြှုပ်နှံမှုများတွင် ဒီဂျစ်တယ်နှင့် နည်းပညာပိုင်းများစွာကို ရင်းနှီးမြှုပ်နှံထားကြောင်း၊ ပြည်သူ့အကျိုးပြု CSR လုပ်ငန်းများတွင် အဓိကအားဖြင့် ပညာရေးနှင့် ကျန်းမာရေး ကဏ္ဍနှစ်ရပ်တွင် ဆောင်ရွက်သွားမည် ဖြစ်ကြောင်း ၎င်းက ဆက်လက်ပြောကြားသည်။

ထို့ပြင် အူရီဒူးအနေဖြင့် 5G နည်းပညာတွင် ရင်းနှီးမြှုပ်နှံမည် ဖြစ်ကာ စတင် အကောင်အထည်ဖော်နေပြီ ဖြစ်ကြောင်း၊ ကနဦးခြေလှမ်းအနေဖြင့် 4G Pro ကို မန္တလေးတွင် စမ်းသပ်ခဲ့ပြီး 500 MB/s ထိ ဒေါင်းလုတ် လုပ်၍ရသည်အထိ စမ်းသပ်နိုင်ခဲ့ကြောင်း၊ ရန်ကုန်မြို့တွင်လည်း ဆောင်ရွက်နေကြောင်း သိရသည်။

“မြန်မာနိုင်ငံမှာ အမြန်ဆုံး Network နဲ့ အကျယ်ဆုံး Network ကို ယူဆောင်လာခဲ့တဲ့ အတွက်ကြောင့် ဒီနှစ် ဇန်န၀ါရီမှာ 4G Pro ကို Test လုပ်ခဲ့ပါတယ်။ Test လုပ်ခဲ့ရာမှာ ကျွန်တော်တို့ 500 Mb အထိ ဒေါင်းလုတ် လုပ်လို့ရအောင် နည်းပညာအသင့် ဖြစ်နေပါတယ်” ဟု အူရီဒူး CEO Mr. Vikram Sinda က ပြောကြားသည်။

5G နည်းပညာနှင့် ပတ်သက်၍ အစိုးရထံ တင်ပြပြီး ခွင့်ပြုရန်အတွက် ဆောင်ရွက်ရမည်ဖြစ်ကာ အသုံးပြုရန် လက်ရှိဖုန်းများတွင် အသင့် မဖြစ်သေးကြောင်း၊ မည်သည့်ကာလတွင် ကြေညာမည်ကို အောက်တိုဘာလတွင် ပြန်လည် ပြောကြားနိုင်ကြောင်း သိရသည်။

၂၀၁၈ နှစ်ကုန်တွင် အူရီဒူးမြန်မာသည် တစ်နိုင်ငံလုံးရှိ မြို့နယ်ပေါင်း ၃၀၀ ကျော်တွင် 4G Plus ကွန်ရက် လွှမ်းခြုံပေးမည် ဖြစ်ကြောင်းနှင့် တစ်နိုင်ငံလုံး အတိုင်းအတာဖြင့် ဖိုင်ဘာဆက်သွယ် ချိတ်ဆက်မှု ကီလိုမီတာ ၁၅၀၀၀ အထိ ဖြန့်ကြက်နိုင်မည် ဖြစ်ကြောင်း သိရသည်။

 

ဒေါ်လာဈေးမြင့်တက်မှုကြောင့် ပြည်တွင်းရွှေဈေးနှုန်း ကျပ် ၉၅၆၀၀၀ အထိ ရောက်လာပြီး စံချိန်တင်ဈေးကိုမီရန် ကျပ် ၁၀၀၀ ကျော်သာလို

ကမ္ဘာ့ရွှေဈေးသည် သြဂုတ် ၁၆ ရက်တွင် ၁၁၇၇ ဒေါ်လာဝန်းကျင်အထိ ဆက်လက် ကျဆင်းသွားသော်လည်း ဒေါ်လာဈေးကြောင့် ပြည်တွင်းရွှေဈေးနှုန်း ကျပ် ၉၅၆၀၀၀ အထိ ရောက်လာပြီး စံချိန်တင်ဈေးကိုမီရန် ကျပ် ၁၀၀၀ ကျော်သာလိုကြောင်း ရွှေရောင်းဝယ်သူများထံမှ သိရသည်။

ပြည်တွင်းရွှေဈေးသည် ပြီးခဲ့သည့် ၂၀၁၇ ဇူလိုင် ၂၁ ရက်မှ စတင်ကာ ကျပ် ၉၀၀၀၀၀ အထက်ရောက်ခဲ့ပြီး ကမ္ဘာ့ရွှေဈေး မြင့်တက်မှုနှင့်အတူ စံချိန်တင်ဈေးနှုန်းများအဖြစ် သြဂုတ်လအတွင်းနှင့် စက်တင်ဘာလလယ်အထိ ဆက်တိုက် မြင့်တက်ခဲ့ကာ ၂၀၁၇ ခုနှစ် စက်တင်ဘာ ၁၅ ရက်တွင် ၉၅၇၃၀၀ ဖြင့် စံချိန်တင်ထားသည်။

ပြီးခဲ့သည့် ၂၀၁၇ ခုနှစ် ဒီဇင်ဘာ ၃၀ ရက်တွင် ၉၃၇၀၀၀၊ ဇန်န၀ါရီ ၉ ရက်တွင် ၉၃၈၀၀၀ ၀န်းကျင်ဖြစ်ပေါ်နေသော ရွှေဈေးသည် ဇန်န၀ါရီ ၂၅ ရက်တွင် ၉၅၅၇၀၀ အထိ မြင့်တက်ခဲ့ကာ ဖေဖော်ဝါရီ ၁၅ ရက်တွင် ၉၄၄၆၀၀၊ မတ် ၇ ရက်တွင် ၉၄၁၂၀၀၊ မတ် ၃၁ ရက်တွင် ၉၃၉၅၀၀၊ ဧပြီ ၁၉ ရက်တွင် ၉၄၈၄၀၀၊ မေ ၉ ရက်တွင် ကျပ် ၉၃၈၀၀၀၊ မေ ၃၁ ရက်တွင် ၉၃၄၇၀၀၊ ဇွန် ၆ ရက်တွင် ၉၃၂၉၀၀၊ ဇွန် ၂၇ ရက်တွင် ၉၃၇၀၀၀၊ ဇူလိုင် ၃ ရက်တွင် ၉၃၄၁၀၀၊ ဇူလိုင် ၂၆ ရက်တွင် ကျပ် ၉၅၀၅၀၀၊ သြဂုတ် ၁၆ ရက်တွင် ကျပ် ၉၅၆၀၀၀ ၀န်းကျင် ဖြစ်ပေါ်ခဲ့သည်။

ပြီးခဲ့သည့်သုံးလက ရွှေဈေးကို ပြန်ကြည့်ပါက မေလအတွင်း ပြည်တွင်းရွှေဈေးနှုန်း အနိမ့်ဆုံးနှုန်း ကျပ် ၉၃၁၈၀၀ (မေ ၂၁ ရက်)၊ အမြင့်ဆုံးနှုန်း ကျပ် ၉၄၂၂ ၀၀ (မေ ၁ ရက်)၊ ဇူလိုင်လအတွင်း ပြည်တွင်းရွှေဈေး အနိမ့်ဆုံးနှုန်း ကျပ် ၉၃၄၁၀၀ (ဇူလိုင် ၃ ရက်)၊ အမြင့်ဆုံးနှုန်း ကျပ် ၉၅၀၅၀၀ (ဇူလိုင် ၂၆ ရက်) တို့ဖြစ်သည်။

ကမ္ဘာ့ရွှေဈေးနှုန်းကို ပြန်ကြည့်ပါက ၂၀၁၇ ခုနှစ် ဧပြီလမှစ၍ အတက်အဆင်း ကြမ်းလျက်ရှိပြီး လတစ်လအတွင်း အမြင့်ဆုံးနှင့် အနိမ့်ဆုံးနှုန်းသည် ဒေါ်လာ ၃၀ ခန့်မှ ဒေါ်လာ ၇၀ ခန့်အထိ ကွာခြားခဲ့သည်။ လအလိုက် ဖြစ်ပေါ်ခဲ့သော အနိမ့်ဆုံးနှင့် အမြင့်ဆုံး ကမ္ဘာ့ရွှေဈေးနှုန်းများမှာ ဇန်န၀ါရီတွင် ၁၃၁၀-၁၃၆၄ ဒေါ်လာ၊ ဖေဖော်ဝါရီတွင် ၁၃၁၇-၁၃၄၇ ဒေါ်လာ၊ မတ်တွင် ၁၃၁၂-၁၃၅၅ ဒေါ်လာ၊ ဧပြီတွင် ၁၃၂၃-၁၃၅၄ ဒေါ်လာ၊ မေတွင် ၁၂၈၈-၁၃၁၉ ဒေါ်လာ၊ ဇွန် တွင် ၁၂၅၂-၁၂၉၉ ဒေါ်လာ၊ ဇူလိုင်တွင် ၁၂၁၁-၁၂၅၇ ဒေါ်လာဝန်းကျင် ဖြစ်ပေါ်ခဲ့ပြီး ကွာဟချက် ဒေါ်လာ ၃၀ ၀န်းကျင်မှ ၅၀ ကျော်အထိ ရှိခဲ့သည်။ ကမ္ဘာ့ရွှေဈေးသည် ဇွန်လဆန်းမှစ၍ အကျပိုင်းသို့ ရောက်လာပြီး သြဂုတ် ၁၆ ရက်တွင် ၁၁၇၇ ဒေါ်လာဝန်းကျင်အထိ ကျဆင်းခဲ့သည်။

ဗဟိုဘဏ်က လေလံဈေးကွက်မှတစ်ဆင့် ဒေါ်လာလေးသန်း ထုတ်ရောင်းပြီး နိုင်ငံခြားငွေလဲနှုန်း တစ်ဒေါ်လာ ကျပ် ၁၅၆၀ အထိ စံချိန်တင် ဆက်တက်ခဲ့သော်လည်း မွန်းလွဲပိုင်းတွင် ကျပ် ၁၅၃၀ သို့ ပြန်လည်ကျဆင်း

ရန်ကုန်မြို့ရှိ ငွေလွှဲကောင်တာတစ်ခုကို တွေ့ရစဉ် (ဓာတ်ပုံ-အောင်မျိုးသန့်)

မြန်မာနိုင်ငံတော်ဗဟိုဘဏ်က သြဂုတ် ၁၆ ရက်တွင် လေလံဈေးကွက်မှတစ်ဆင့် ဒေါ်လာလေးသန်း ထုတ်ရောင်းခဲ့ပြီး နိုင်ငံခြားငွေလဲနှုန်း တစ်ဒေါ်လာ ကျပ် ၁၅၆၀ အထိ စံချိန်တင် ဆက်လက်မြင့်တက်ခဲ့သော်လည်း မွန်းလွဲပိုင်းတွင် ကျပ် ၁၅၃၀ သို့ ပြန်လည်ကျဆင်းခဲ့ကြောင်း နိုင်ငံခြားငွေကြေး ရောင်းဝယ်သူများထံမှ သိရသည်။

ဗဟိုဘဏ်က ၎င်း၏ ရည်ညွှန်းနိုင်ငံခြားငွေလဲနှုန်းကို သြဂုတ် ၁၆ ရက်တွင် ၁၄၉၈ ကျပ်အထိ မြှင့်တင်ခဲ့ပြီး သြဂုတ် ၁၅ ရက် နှုန်းထက် ၂၃ ကျပ် ပိုမိုများပြားသည်။ ပြီးခဲ့သည့် ရက်သတ္တပတ်များအတွင်း တစ်ရက်လျှင် ဒေါ်လာတစ်သိန်းသာ ထုတ်ရောင်းလျက်ရှိရာမှ နိုင်ငံခြားငွေရောင်းဝယ်ရာတွင် ဗဟိုဘဏ်၏ သတ်မှတ်ချက်ဘောင် ပယ်ဖျက်ပြီးနောက် သြဂုတ် ၁၅ ရက်တွင် ဒေါ်လာ ၁ ဒသမ ၆၅ သန်း၊ သြဂုတ် ၁၆ ရက်တွင် ဒေါ်လာ လေးသန်းအထိ လေလံဈေးကွက်၌ ထုတ်ရောင်းခဲ့ခြင်းဖြစ်သည်။

ကမ္ဘာ့ကုန်သွယ်ရေးစစ်ပွဲ တင်းမာမှုများအတွက် တရုတ်နှင့် အမေရိကန်အစိုးရ ညှိနှိုင်းမှုများ ပြုလုပ်မည်ဆိုသော သတင်းကြောင့် ဒေါ်လာဆက်တိုက်မြင့်တက်နေရာမှ အားပြန်လျော့လာကာ ဆွေးနွေးမှု အဆင်ပြေပါက ထွန်းသစ်စနိုင်ငံများ၏ ငွေကြေးတန်ဖိုး ကျဆင်းမှုများအတွက် အသက်ရှူပေါက် ရနိုင်မည်ဖြစ်သည်။ သြဂုတ် ၆ ရက် မွန်းလွဲပိုင်းအထိ တူရကီငွေကြေးအကျပ်အတည်းနှင့် တရုတ်စီးပွားရေးကျဆင်းမှုတို့အပေါ် ဈေးကွက်စိုးရိမ်မှုများ ဆက်ရှိနေမှုနှင့်အတူ ဒေါ်လာညွှန်းကိန်းမှာလည်း ၉၆ ပွိုင့်အကျော် အမြင့်တန်းတွင် ဆက်ရှိနေသည်။ တရုတ်ယွမ်ငွေမှာ သြဂုတ် ၁၆ ရက်တွင် ဒေါ်လာနှင့်ယှဉ်လျှင် တစ်ဒေါ်လာ ၆ ဒသမ ၉၁ ယွမ်ဝန်းကျင် ဖြစ်နေကာ ကျပ် ၁၀၀ လျှင် ၀ ဒသမ ၄၆ ယွမ်ဝန်းကျင် ဖြစ်သည်။

ပြီးခဲ့သည့် ငါးလအတွင်း အမြင့်ဆုံးဖြစ်ပေါ်ခဲ့သော ကမ္ဘာ့ဒေါ်လာဈေးအညွှန်းကိန်းများမှာ ဖေဖော်ဝါရီတွင် ၉၀ ဒသမ ၄၃ ပွိုင့်၊ မတ်တွင် ၉၀ ဒသမ ၃၇ ပွိုင့်၊ ဧပြီတွင် ၉၁ ဒသမ ၇၁ ပွိုင့်၊ မေတွင် ၉၄ ဒသမ ၈၃ ပွိုင့်၊ ဇွန်တွင် ၉၅ ဒသမ ၂၁ ပွိုင့်ဖြစ်ပြီး ဇူလိုင်တွင် ၉၅ ဒသမ ၃၉ ပွိုင့်ဝန်းကျင် ဖြစ်ပေါ်ခဲ့ကာ သြဂုတ် ၁၅ ရက်တွင် ၉၆ ဒသမ ၆၆ ပွိုင့်ဝန်းကျင် ဖြစ်ပေါ်ခဲ့သည်။

၂၀၁၆ ခုနှစ် ဒီဇင်ဘာ ၁၆ ရက်တွင် ဖြစ်ပေါ်ခဲ့သည့် တစ်ဒေါ်လာ ၁၄၃၈ ကျပ်စံချိန်ကို ဇူလိုင် ၃၀ ရက်တွင် ကျပ် ၁၄၄၀ ဖြင့် ချိုးခဲ့ပြီး ဇူလိုင် ၃၁ ရက်တွင် ၁၄၄၃ ကျပ်၊ သြဂုတ် ၁ ရက်တွင် ၁၄၄၇ ကျပ်၊ သြဂုတ် ၂ ရက်တွင် ၁၄၅၁ ကျပ်၊ သြဂုတ် ၃ ရက်တွင် ၁၄၆၅ ကျပ်၊ သြဂုတ် ၇ ရက်တွင် ၁၄၇၅ ကျပ်၊ သြဂုတ် ၁၄ ရက်တွင် ၁၄၈၈ ကျပ်၊ သြဂုတ် ၁၅ ရက်တွင် ၁၅၂၇ ကျပ်၊ သြဂုတ် ၁၆ ရက်တွင် ကျပ် ၁၅၆၀ အထိ စံချိန်တင် ဆက်လက်မြင့်တက်ခဲ့သည်။ ၂၀၁၈ ခုနှစ် ဇွန် ၁၁ ရက်တွင် ဖြစ်ပေါ်သော တစ်ဒေါ်လာ ၁၃၄၆ ကျပ်နှင့် သြဂုတ် ၁၆ ရက်တွင် ဖြစ်ပေါ်သော တစ်ဒေါ်လာ ကျပ် ၁၅၆၀ နှင့် နှိုင်းယှဉ်ပါက နှစ်လကျော်အတွင်း ၂၁၄ ကျပ်၊ ၁၆ ရာခိုင်နှုန်းခန့်အထိ ကျပ်ငွေတန်ဖိုး ကျဆင်းခဲ့သည်။

၂၀၁၈ ခုနှစ် မေလမှစတင်ကာ ကမ္ဘာ့ဒေါ်လာဈေး အညွှန်းကိန်း သိသိသာသာ ပြန်လည်မြင့်တက်ခဲ့ခြင်းဖြစ်ပြီး ပြည်တွင်းဈေးကွက်၌ ငါးလအတွင်း လအလိုက်ဖြစ်ပေါ်သော နိုင်ငံခြားငွေလဲနှုန်း အနိမ့်ဆုံးနှင့် အမြင့်ဆုံးနှုန်းများမှာ ဇန်န၀ါရီတွင် ၁၃၂၃-၁၃၅၄ ကျပ်၊ ဖေဖော်ဝါရီတွင် ၁၃၂၃-၁၃၃၁ ကျပ်၊ မတ်တွင် ၁၃၂၆-၁၃၃၄ ကျပ်၊ ဧပြီတွင် ၁၃၂၄-၁၃၃၂ ကျပ်၊ မေတွင် ၁၃၃၂-၁၃၅၁ ကျပ်၊ ဇွန်တွင် ၁၃၄၅-၁၄၀၇၊ ဇူလိုင်တွင် ၁၃၈၄-၁၄၄၃ တို့ဖြစ်ပြီး ဇွန်လတွင် ကွာဟချက် အများဆုံးဖြစ်ခဲ့သည်။

ပြည်တွင်းဈေးကွက်အတွင်း သြဂုတ် ၁၆ ရက်တွင် ဖြစ်ပေါ်သော အခြားနိုင်ငံခြားငွေကြေးများ၏ လဲလှယ်မှုနှုန်းထားများမှာ ယူရို ၁၇၁၀ ကျပ်၊ စင်ကာပူဒေါ်လာ ၁၁၀၀ ကျပ်၊ မလေးရှားရင်းဂစ် ၃၆၅ ကျပ်၊ ထိုင်းဘတ် ၄၇ ကျပ်၊ တရုတ်ယွမ် ၂၁၈ ကျပ်၊ ဂျပန် ယန်း ၁၃ ဒသမ ၅၀ ကျပ်၊ တောင်ကိုရီးယား ၀မ် ၁ ဒသမ ၄၀ ကျပ်ဖြစ်သည်။

ဗဟိုဘဏ်က လေလံဈေးကွက်မှတစ်ဆင့် ဒေါ်လာ ၁ ဒသမ ၆၅ သန်း ထုတ်ရောင်းသော်လည်း နိုင်ငံခြားငွေလဲနှုန်း တစ်ဒေါ်လာ ၁၅၀၈ ကျပ်အထိ စံချိန်တင် ဆက်လက်မြင့်တက်

ရန်ကုန်မြို့ရှိ နိုင်ငံခြားငွေ လဲလှယ်ရောင်းဝယ်ရေး ကောင်တာတစ်ခုကို တွေ့ရစဉ် (ဓာတ်ပုံ-ကျော်ဇင်ဖြိုး)

 

မြန်မာနိုင်ငံတော်ဗဟိုဘဏ်က သြဂုတ် ၁၅ ရက်တွင် လေလံဈေးကွက်မှ တစ်ဆင့် ဒေါ်လာ ၁ ဒသမ ၆၅ သန်း ထုတ်ရောင်းသော်လည်း ကမ္ဘာ့ဈေးကွက်တွင် ဒေါ်လာဈေး ဆက်တက်လာခြင်းကြောင့် နိုင်ငံခြား ငွေလဲနှုန်း တစ်ဒေါ်လာ ၁၅၀၈ ကျပ်အထိ စံချိန်တင် ဆက်လက်မြင့်တက်ခဲ့ကြောင်း နိုင်ငံခြားငွေကြေး ရောင်းဝယ်သူများထံမှ သိရသည်။

ဗဟိုဘဏ်က ၎င်း၏ ရည်ညွှန်းနိုင်ငံခြား ငွေလဲနှုန်းကို သြဂုတ် ၁၅ ရက်တွင် ၁၄၇၅ ကျပ်အထိ မြှင့်တင်ခဲ့ပြီး သြဂုတ် ၁၄ ရက်နှုန်းထက် ၁၅ ကျပ် ပိုမိုများပြားသည်။ ပြီးခဲ့သည့် ရက်သတ္တပတ်များအတွင်း တစ်ရက်လျှင် ဒေါ်လာတစ်သိန်းသာ ထုတ်ရောင်းလျက်ရှိရာမှ နိုင်ငံခြားငွေရောင်းဝယ်ရာတွင် ဗဟိုဘဏ်၏ သတ်မှတ်ချက်ဘောင် ပယ်ဖျက်ပြီး ဒုတိယနေ့တွင် ဒေါ်လာ ၁ ဒသမ ၆၅ သန်း အထိ လေလံဈေးကွက်၌ ထုတ်ရောင်းခဲ့ခြင်း ဖြစ်သည်။

ကမ္ဘာ့ဈေးကွက်တွင် တူရကီ ဘဏ္ဍာရေးအခြေအနေကြောင့် ဒေါ်လာဝယ်လိုအား ပိုတက်လာပြီး သြဂုတ် ၁၅ ရက်တွင် ကမ္ဘာ့ဒေါ်လာဈေး အညွှန်းကိန်း ၉၆ ဒသမ ၆၅ ပွိုင့်အထိရောက်ခဲ့ကာ ၁၃ လအတွင်း အမြင့်ဆုံးနှုန်းဖြစ်သည်။ ဥရောပဘဏ်များတွင် တူရကီလိုင်ယာငွေများ ပိုက်မိနေခြင်းကြောင့် ယူရိုငွေဈေးကိုပါ ကျဆင်းစေပြီး ဒေါ်လာဈေး ပိုမိုမြင့်တက်စေခြင်းကြောင့် တရုတ်ယွမ်ငွေ အပါအ၀င် အာရှငွေကြေးအချို့လည်း ဒေါ်လာနှင့်ယှဉ်ပါက ကျဆင်းလျက်ရှိသည်။ တရုတ်ယွမ်ငွေမှာ သြဂုတ် ၁၅ ရက်တွင် ဒေါ်လာနှင့် ယှဉ်လျှင် တစ်ဒေါ်လာ ၆ ဒသမ ၉၁ ယွမ်ဝန်းကျင်ဖြစ်နေကာ ကျပ် ၁၀၀ လျှင်  ၀ ဒသမ ၄၆ ယွမ်ဝန်းကျင်ဖြစ်သည်။

ပြီးခဲ့သည့် ငါးလအတွင်း အမြင့်ဆုံး ဖြစ်ပေါ်ခဲ့သော ကမ္ဘာ့ဒေါ်လာဈေးအညွှန်း ကိန်းများမှာ ဖေဖော်ဝါရီတွင် ၉၀ ဒသမ ၄၃ ပွိုင့်၊ မတ်တွင် ၉၀ ဒသမ ၃၇ ပွိုင့်၊ ဧပြီတွင်  ၉၁ ဒသမ ၇၁ ပွိုင့်၊ မေတွင် ၉၄ ဒသမ ၈၃ ပွိုင့်၊ ဇွန်တွင် ၉၅ ဒသမ ၂၁ ပွိုင့်ဖြစ်ပြီး ဇူလိုင်တွင် ၉၅ ဒသမ ၃၉ ပွိုင့်ဝန်းကျင်ဖြစ်ပေါ်ခဲ့ကာ သြဂုတ် ၁၅ ရက်တွင် ၉၆ ဒသမ ၆၆  ပွိုင့်ဝန်းကျင်ဖြစ်ပေါ်ခဲ့သည်။

ဈေးကွက်အတွင်း ဒေါ်လာဈေးမြင့်တက်မှုကြောင့် နိုင်ငံတော်ဗဟိုဘဏ်သည် ပြည်တွင်းဘဏ်များ လေလံဈေးကွက်မှတစ်ဆင့် သြဂုတ် ၁၅ ရက်တွင် ဒေါ်လာ ၁ ဒသမ ၆၅ သန်းအထိ ထုတ်ရောင်းခဲ့ပြီး  ပုဂ္ဂလိက ဘဏ်များကို ဒေါ်လာများထုတ်ချေးရန်နှင့်  သွင်းကုန်လုပ်ငန်းရှင်များကို ဒေါ်လာထုတ်ရောင်းရန် စီစဉ်နေကြောင်း သတင်းများထွက်ပေါ်လျက်ရှိသည်။

၂၀၁၆ ခုနှစ် ဒီဇင်ဘာ ၁၆ ရက်တွင် ဖြစ် ပေါ်ခဲ့သည့် တစ်ဒေါ်လာ ၁၄၃၈ ကျပ် စံချိန်ကို ဇူလိုင် ၃၀ ရက်တွင် ကျပ် ၁၄၄၀  ဖြင့် ချိုးခဲ့ပြီး ဇူလိုင် ၃၁ ရက်တွင် ၁၄၄၃ ကျပ်၊ သြဂုတ် ၁ ရက်တွင် ၁၄၄၇ ကျပ်၊ သြဂုတ် ၂ ရက်တွင် ၁၄၅၁ ကျပ်၊ သြဂုတ် ၃ ရက်တွင် ၁၄၆၅ ကျပ်၊ သြဂုတ် ၇ ရက်တွင် ၁၄၇၅ ကျပ်၊ သြဂုတ် ၁၄ ရက်တွင် ၁၄၈၈ ကျပ်၊ သြဂုတ် ၁၅ ရက်တွင် ၁၅၀၈ ကျပ်အထိ စံချိန်တင် ဆက်လက်မြင့်တက်ခဲ့သည်။ ၂၀၁၈ ခုနှစ် ဇွန် ၁၁ ရက်တွင် ဖြစ်ပေါ်သော တစ်ဒေါ်လာ ၁၃၄၆ ကျပ်နှင့် သြဂုတ် ၁၅ ရက်တွင်ဖြစ်ပေါ်သော တစ်ဒေါ် လာ ၁၅၀၈ ကျပ်နှင့်နှိုင်းယှဉ်ပါက နှစ်လကျော်အတွင်း ၁၆၂ ကျပ်၊ ၁၂ ရာခိုင်နှုန်းအထိ ကျပ် ငွေတန်ဖိုး ကျဆင်းခဲ့သည်။

၂၀၁၈ ခုနှစ် မေလမှစတင်ကာ ကမ္ဘာ့ဒေါ်လာဈေး အညွှန်းကိန်း သိသိသာသာပြန်လည်မြင့်တက်ခဲ့ခြင်းဖြစ်ပြီး  ပြည်တွင်းဈေးကွက်၌ ငါးလအတွင်း လအလိုက်ဖြစ်ပေါ်သော နိုင်ငံခြားငွေလဲနှုန်းအနိမ့်ဆုံးနှင့် အမြင့်ဆုံးနှုန်းများမှာ ဇန်န၀ါရီတွင် ၁၃၂၃-၁၃၅၄ ကျပ်၊ ဖေဖော်ဝါရီတွင် ၁၃၂၃-၁၃၃၁ ကျပ်၊ မတ်တွင် ၁၃၂၆-၁၃၃၄ ကျပ်၊ ဧပြီတွင် ၁၃၂၄-၁၃၃၂ ကျပ်၊ မေတွင် ၁၃၃၂-၁၃၅၁ ကျပ်၊ ဇွန်တွင် ၁၃၄၅-၁၄၀၇၊ ဇူလိုင်တွင် ၁၃၈၄-၁၄၄၃ တို့ဖြစ်ပြီး ဇွန်လတွင် ကွာဟ ချက်အများဆုံးဖြစ်ခဲ့သည်။

ပြည်တွင်းဈေးကွက်အတွင်း သြဂုတ် ၁၅ ရက်တွင်ဖြစ်ပေါ်သော အခြား နိုင်ငံခြားငွေကြေးများ၏ လဲလှယ်မှုနှုန်းထားများမှာ ယူရို ၁၆၉၀ ကျပ်၊ စင်ကာပူဒေါ်လာ ၁၀၈၈ ကျပ်၊ မလေးရှားရင်းဂစ် ၃၆၀ ကျပ်၊ ထိုင်းဘတ် ၄၅ ဒသမ ၇၀ ကျပ်၊ တရုတ်ယွမ် ၂၁၆  ကျပ်၊ ဂျပန် ယန်း ၁၃ ဒသမ ၃၀ ကျပ်၊ တောင်ကိုရီးယားဝမ် ၁ ဒသမ ၄၀ ကျပ်ဖြစ်သည်။

လက်ရှိ မြန်မာ့စီးပွားရေး ကျဆင်းလာရာ လာမည့် ၁၂ လအတွင်း လုပ်ငန်းများ ပြန်လည်ဦးမော့စေရန် ငွေကြေးစနစ်အတွက် ငွေကြေးထိန်းချုပ်ရေးနှင့် ဘဏ္ဍာရေးမူဝါဒများ တိုးမြှင့်ဆောင်ရွက်ရန် အပါအ၀င် အချက် ၁၂ ချက် အစိုးရထံတင်ပြ

ရန်ကုန်မြို့ ကမ်းနားလမ်းရှိ အပြည်ပြည်ဆိုင်ရာဆိပ်ကမ်း တစ်နေရာကို တွေ့ရစဉ်

လက်ရှိအချိန်တွင် မြန်မာ့စီးပွားရေးလုပ်ငန်းများ ကျဆင်းလာခဲ့ရာ လာမည့် ၁၂ လအတွင်း လုပ်ငန်းများ ပြန်လည်ဦးမော့ လာစေရန်အတွက် ငွေကြေးစနစ်အတွက် ငွေကြေးထိန်းချုပ်ရေးမူဝါဒနှင့် ဘဏ္ဍာရေး မူဝါဒများကို တိုးမြှင့်ဆောင်ရွက်ရန် အပါအ၀င် အချက် ၁၂ ချက်အား အစိုးရမှ ပြင်ဆင်ဆောင်ရွက်ပေးရန် မြန်မာနိုင်ငံ ကုန်သည်များနှင့် စက်မှု လက်မှု လုပ်ငန်းရှင်များ အသင်းချုပ်မှ ထုတ်ပြန်သည့် First Quarter Report တွင် တင်ပြထားသည်။

အစိုးရထံ ပြင်ဆင်ဆောင်ရွက်ပေးရန် တင်ပြချက်များတွင် Infrastructure မြှင့်တင်ရေးကို ဦးစားပေး ဆောင်ရွက်ရန်၊ တိကျသည့် ငွေကြေးစီမံခန့်ခွဲမှုနှင့် ပွင့်လင်းမြင်သာမှုရှိသည့် ငွေကြေးအရင်းအမြစ် တည်ဆောက်ရန်၊ လူ့စွမ်းအား အရင်းအမြစ် ဖွံ့ဖြိုးတိုးတက်ရေးအတွက် ပညာရေးနှင့် အသက်မွေးဝမ်းကျောင်း ပညာကို မြှင့်တင်ပေးရန်၊ နိုင်ငံပိုင်စီးပွားရေး လုပ်ငန်းများကို တာဝန်ယူမှု တာဝန်ခံမှု အားကောင်းအောင် အပြောင်းအလဲများ ပြုလုပ်ရန် ပြည်တွင်းလုပ်သားများနှင့် ရွှေ့ပြောင်းလုပ်သားများကို ပြန်လည်နေရာချထား ပေးနိုင်မည့် အလုပ်အကိုင် အခွင့်အလမ်းများ ဖန်တီးပေးရန်၊ စိုက်ပျိုးရေးနှင့် မွေးမြူရေးလုပ်ငန်း ကဏ္ဍကို ပိုမိုအားကောင်းအောင် ထောက်ပံ့ပေးရန်တို့ ပါဝင်သည်။

ထို့ပြင် နိုင်ငံခြား ရင်းနှီးမြှုပ်နှံမှုများကို ကြိုဆိုသည့် သီးခြားဥပဒေနှင့် မူဝါဒများ ချမှတ်ရန်၊ ငွေကြေးစနစ်အတွက် ငွေကြေးထိန်းချုပ်ရေး မူဝါဒနှင့် ဘဏ္ဍာရေးမူဝါဒများကို တိုးမြှင့်ဆောင်ရွက်ရန်၊ အခွန်ကောက်ခံရာတွင် အချိန်ငွေကုန် သက်သာသည့် လုပ်ငန်းဆောင်ရွက်မှု စနစ်ဖြစ်ရန်နှင့် နိုင်ငံတော်၏ အခွန်ကဏ္ဍကို ပိုမိုတိုးပွားအောင် ဆောင်ရွက်ရန်၊ မြို့တော်ဖွံ့ဖြိုး တိုးတက်ရေးအတွက် ပြည်သူ့ဝန်ဆောင်မှုများ အများပြည်သူနားနေရာ အပန်းဖြေသည့် နေရာများနှင့် ယဉ်ကျေးမှု၊ အမွေအနှစ်များကို အဆင့်မြှင့်တင် ထိန်းသိမ်းရန်၊ နည်းပညာများ ဆန်းသစ်တီထွင်မှုများ၏ ဥာဏပစ္စည်း မူပိုင်ခွင့်အတွက် ဥပဒေ၊ လုပ်ထုံးလုပ်နည်းဆိုင်ရာ စနစ်တစ်ခု တည်ဆောက်ရန်နှင့် ဒေသတွင်း နိုင်ငံများနှင့်သာမက နိုင်ငံတကာ စီးပွားရေးသို့ ၀င်ရောက်နိုင်အောင် ပြည်တွင်းစီးပွားရေးကဏ္ဍကို မြှင့်တင်ပေးရန်တို့လည်း တင်ပြထားသည်။

မြန်မာနိုင်ငံ၏ စီးပွားရေး အခြေအနေသည် ၂၀၁၆ ခုနှစ်က စတင်ပြီး ကဏ္ဍအားလုံးနီးပါး ကျဆင်းလျက် ရှိသည်ကို တွေ့ရှိရကြောင်း၊ ထိုသို့ကျဆင်းလာခြင်း၏ အကြောင်းရင်းများမှာ ကျပ်ငွေတန်ဖိုး ကျဆင်းခြင်း၊ အခွန်နှင့် သွင်းကုန်စည်းကြပ်ခွန်၊ ငွေကြေးရရှိမှုနှင့် ဘဏ်လုပ်ငန်းများ၊ ကျွမ်းကျင်လုပ်သားမရှိခြင်း၊ ဥပဒေနှင့်မူဝါဒများ မတည်ငြိမ်ခြင်း၊ ပြည်တွင်း အသုံးစရိတ် မြင့်တက်ပြီး ငွေကြေးဖောင်းပွခြင်း၊ နိုင်ငံခြား ကုမ္ပဏီများနှင့် ယှဉ်ပြိုင်နိုင်စွမ်း၊ အခြေခံ အဆောက်အအုံ လိုအပ်ချက်၊ ပို့ကုန်/သွင်းကုန် ရုံးလုပ်ငန်းများကိစ္စနှင့် ဈေးကွက်ဝယ်လိုအား စသည့်အချက် ၁၀ ချက်ဖြင့် တိုင်းတာမေးမြန်းခဲ့ခြင်း ဖြစ်ကြောင်း သိရသည်။

ကုန်သည်စက်မှု အသင်းချုပ်၊ ပြည်တွင်းစီးပွားရေး လုပ်ငန်းများ ဖွံ့ဖြိုးတိုးတက်ရေး ကော်မတီမှ စီးပွားရေး လုပ်ငန်းများ၏ လက်ရှိစီးပွားရေးအခြေအနေ ကောင်း မကောင်း၊ အဘယ်ကြောင့် ကောင်းမွန်ရသည်/မကောင်းမွန်သည်နှင့် လာမည့် ၁၂ လအတွင်း ဖြစ်လာနိုင်သည့် အခြေအနေနှင့် လုပ်ငန်းများ တိုးတက်ရန် လိုအပ်နေသည့် အချက်များကို ပကတိ အနေအထားအတိုင်း သိရှိရန် အခြေအနေများကို စစ်တမ်းကောက်ယူခဲ့ခြင်း ဖြစ်သည်။

မြန်မာနိုင်ငံ၏ စီးပွားရေး ပိုမိုအားကောင်းလာစေရန် ပုဂ္ဂလိကစီးပွားရေး လုပ်ငန်းများ၏ မောင်းနှင်အားသည် အဓိကကျသဖြင့် ကုန်သည်စက်မှု အသင်းချုပ်မှ စီးပွားရေးလုပ်ငန်းများတွင် တွေ့ကြုံနေရသည့် အခက်အခဲများ၊ စိန်ခေါ်မှုများကို ဖြေရှင်းပေးရန် ကူညီဆောင်ရွက်ခဲ့ကြရာ ကိစ္စရပ်အားလုံးကို ဖြေရှင်းရန် တိကျခိုင်လုံသည့် သတင်း၊ အချက်အလက်များ လိုအပ်နေသည်။ ထို့ကြောင့် စီးပွားရေး လုပ်ငန်းများမှ တိကျသည့် သတင်းအချက်အလက်များ တိုက်ရိုက်ရရှိစေရန် B4 B Insights Forum ကို သုံးလလျှင်တစ်ကြိမ် ကျင်းပပြီး စနစ်တကျ စာတမ်းများပြုစု၍ သက်ဆိုင်ရာ အဖွဲ့အစည်းများသို့ အကြံပြုတင်ပြပြီး ပူးပေါင်း အကောင်အထည်ဖော် ဆောင်ရွက်သွားမည်ဖြစ်သည်။

 

ဗဟိုဘဏ်က ပုဂ္ဂလိကဘဏ်များထံ ဒေါ်လာ သန်းရာဂဏန်း ထုတ်ချေးမည်ဟု သတင်းထွက်သော်လည်း ကမ္ဘာ့ဈေးကွက်တွင် ဒေါ်လာဈေး ဆက်တက်ခြင်းကြောင့် နိုင်ငံခြားငွေလဲနှုန်း တစ်ဒေါ်လာ ၁၄၇၅ ကျပ် အထိပြန်တက်

မြန်မာနိုင်ငံတော် ဗဟိုဘဏ်က နိုင်ငံခြားငွေ ရောင်းဝယ်ခွင့်ရလိုင်စင်ရှိသော ပုဂ္ဂလိကဘဏ်များကို ဒေါ်လာ သန်း ၃၀၀ မှ ၄၀၀ အထိ ချေးငွေ ထုတ်ပေးမည်ဟု သတင်းများ ထွက်ပေါ်လာသော်လည်း ကမ္ဘာ့ဈေးကွက်တွင် ဒေါ်လာဈေး ဆက်တက်ခြင်းကြောင့် သြဂုတ် ၁၃ ရက် နံနက်ပိုင်းတွင် ၁၄၆၆ ကျပ် ဖြစ်ပေါ်နေရာမှ မွန်းလွဲပိုင်းတွင် ၁၄၇၅ ကျပ်အထိ ပြန်လည် မြင့်တက်ခဲ့ကြောင်း နိုင်ငံခြားငွေကြေး ရောင်းဝယ်သူများထံမှ သိရသည်။

သြဂုတ် ၁၃ ရက်တွင် ကမ္ဘာ့ဒေါ်လာဈေး အညွှန်းကိန်း ၁၃ လအတွင်း အမြင့်ဆုံးနှုန်းအဖြစ် ၉၆ ဒသမ ၃၅ ပွိုင့်ဝန်းကျင် ရောက်ပြီး ပြည်တွင်းဈေးကွက်တွင် နိုင်ငံခြားငွေလဲနှုန်း လေးရက်အတွင်း ကျပ် ၂၀ ၀န်းကျင် ပြန်တက်ခဲ့ခြင်း ဖြစ်သည်။

အမေရိကန်-တရုတ် ကုန်သွယ်ရေးစစ်ပွဲ အရှိန်ကောင်းစဉ် တူရကီဘဏ္ဍာရေး အကျပ်အတည်း ဖြစ်ပေါ်လာမှုက ဒေါ်လာကို ပိုမို အားကောင်းစေခဲ့သည်။ တူရကီ လိုင်ရာငွေတန်ဖိုး ကစဉ့်ကလျား ဖြစ်နေစဉ် ယူရိုငွေပါ တစ်နှစ်အတွင်း အနိမ့်ဆုံးနှုန်းသို့ ထိုးဆင်းသွားပြီး ကမ္ဘာ့ဈေးကွက်တွင် ဒေါ်လာ၊ ယန်း နှင့် ဆွစ်ဖရန့်ငွေများ ၀ယ်လိုအား တက်နေသည်။ တရုတ်ဗဟိုဘဏ်က ယွမ်ငွေအား အလွန်အကျွံ မကျအောင် ထိန်းသိမ်းနေသည့် ကြားမှာပင် ယွမ်ငွေသည် ၁၄ လအတွင်း အနိမ့်ဆုံးသို့ ကျဆင်းခဲ့သည်။ တရုတ်ယွမ်ငွေမှာ သြဂုတ် ၁၃ ရက်တွင် ဒေါ်လာနှင့် ယှဉ်လျှင် တစ်ဒေါ်လာ ၆ ဒသမ ၈၇ ယွမ်ဝန်းကျင် ဖြစ်နေကာ ကျပ် ၁၀၀ လျှင် ၀ ဒသမ ၄၆ ယွမ်ဝန်းကျင် ဖြစ်သည်။

၂၀၁၆ ခုနှစ် ဒီဇင်ဘာ ၁၆ ရက်တွင် ဖြစ်ပေါ်ခဲ့သည့် တစ်ဒေါ်လာ ၁၄၃၈ ကျပ် စံချိန်ကို ဇူလိုင် ၃၀ ရက်တွင် ကျပ် ၁၄၄၀ ဖြင့် ချိုးခဲ့ပြီး ဇူလိုင် ၃၁ ရက်တွင် ၁၄၄၃ ကျပ်၊ သြဂုတ် ၁ ရက်တွင် ၁၄၄၇ ကျပ်၊ သြဂုတ် ၂ ရက်တွင် ၁၄၅၁ ကျပ်၊ သြဂုတ် ၃ ရက်တွင် ၁၄၆၅ ကျပ်၊ သြဂုတ် ၇ ရက်တွင် ၁၄၇၅ ကျပ်အထိ စံချိန်တင် ဆက်လက် မြင့်တက်ခဲ့သည်။ သြဂုတ် ၁၀ ရက်တွင် ၁၄၅၅ ကျပ်အထိ ကျဆင်းခဲ့သော်လည်း သြဂုတ် ၁၃ ရက်တွင် ၁၄၇၅ ကျပ်အထိ ပြန်လည် မြင့်တက်ခဲ့သည်။

ဈေးကွက်အတွင်း ဒေါ်လာဈေး မြင့်တက်မှုကြောင့် နိုင်ငံတော် ဗဟိုဘဏ်သည် ပြည်တွင်းဘဏ်များ လေလံဈေးကွက်မှ တစ်ဆင့် နေ့စဉ် ဒေါ်လာတစ်သိန်း ထုတ်ရောင်းနေရာမှ ပုဂ္ဂလိကဘဏ်များကို ဒေါ်လာများ ထုတ်ချေးရန် စီစဉ်လာခြင်း ဖြစ်သည်။ ဗဟိုဘဏ်က ပုဂ္ဂလိကဘဏ်များအား ဒေါ်လာထုတ်ချေးမည့်ကိစ္စနှင့် ပတ်သက်၍ Daily Eleven က မြန်မာနိုင်ငံတော် ဗဟိုဘဏ် နိုင်ငံခြားသုံးငွေ စီမံခန့်ခွဲမှုဌာန ညွှန်ကြားရေးမှူးချုပ် ဒေါ်မေတိုးဝင်းထံ ဖုန်းဖြင့် ဆက်သွယ် မေးမြန်းသော်လည်း အစည်းအဝေးများ ဆက်တိုက်လုပ်နေသဖြင့် ဖြေကြားပေးနိုင်ခြင်း မရှိဟု ၎င်း၏ ရုံးဝန်ထမ်းက ပြောကြားသည်။

ကမ္ဘာ့ရွှေဈေးဆက်ကျသော်လည်း ဒေါ်လာဈေးကြောင့် ပြည်တွင်းရွှေဈေးနှုန်း ကျပ် ၉၅၀၂၀၀ ၀န်းကျင်အထိ မြင့်တက်

ကမ္ဘာ့ရွှေဈေးသည် သြဂုတ် ၁၃ ရက်တွင် ၁၂၀၄ ဒေါ်လာဝန်းကျင်အထိ ဆက်လက်ကျဆင်းသော်လည်း ဒေါ်လာဈေးမြင့်မားနေခြင်းကြောင့် ပြည်တွင်းရွှေဈေးနှုန်း ကျပ် ၉၅၀၂၀၀ ၀န်းကျင်အထိ မြင့်တက်ခဲ့ကြောင်း ရွှေရောင်းဝယ်သူများထံမှ သိရသည်။

ပြည်တွင်းရွှေဈေးသည် ပြီးခဲ့သည့် ၂၀၁၇ ဇူလိုင် ၂၁ ရက်မှ စတင်ကာ ကျပ် ၉၀၀၀၀၀ အထက်ရောက်ခဲ့ပြီး ကမ္ဘာ့ရွှေဈေး မြင့်တက်မှုနှင့်အတူ စံချိန်တင်ဈေးနှုန်းများအဖြစ် သြဂုတ်လအတွင်းနှင့် စက်တင်ဘာလလယ်အထိ ဆက်တိုက်မြင့်တက်ခဲ့ကာ ၂၀၁၇ ခုနှစ် စက်တင်ဘာ ၁၅ ရက်တွင် ၉၅၇၃၀၀ ဖြင့် စံချိန်တင်ထားသည်။

ပြီးခဲ့သည့် ၂၀၁၇ ခုနှစ် ဒီဇင်ဘာ ၃၀ ရက်တွင် ၉၃၇၀၀၀၊ ဇန်န၀ါရီ ၉ ရက်တွင် ၉၃၈၀၀၀ ၀န်းကျင်ဖြစ်ပေါ်နေသော ရွှေဈေးသည် ဇန်န၀ါရီ ၂၅ ရက်တွင် ၉၅၅၇၀၀ အထိ မြင့်တက်ခဲ့ကာ ဖေဖော်ဝါရီ ၁၅ ရက်တွင် ၉၄၄၆၀၀၊ မတ် ၇ ရက်တွင် ၉၄၁၂၀၀၊ မတ် ၃၁ ရက်တွင် ၉၃၉၅၀၀၊ ဧပြီ ၁၉ ရက်တွင် ၉၄၈၄၀၀၊ မေ ၉ ရက်တွင် ကျပ် ၉၃၈၀၀၀၊ မေ ၃၁ ရက်တွင် ၉၃၄၇၀၀၊ ဇွန် ၆ ရက်တွင် ၉၃၂၉၀၀၊ ဇွန် ၂၇ ရက်တွင် ၉၃၇၀၀၀၊ ဇူလိုင် ၃ ရက်တွင် ၉၃၄၁၀၀၊ ဇူလိုင် ၂၆ ရက်တွင် ကျပ် ၉၅၀၅၀၀၊ သြဂုတ် ၁၃ ရက်တွင် ကျပ် ၉၅၀၂၀၀ ၀န်းကျင် ဖြစ်ပေါ်ခဲ့သည်။

ပြီးခဲ့သည့်သုံးလက ရွှေဈေးကို ပြန်ကြည့်ပါက မေလအတွင်း ပြည်တွင်း ရွှေဈေးနှုန်း အနိမ့်ဆုံးနှုန်း ကျပ် ၉၃၁၈၀၀ (မေ ၂၁ ရက်)၊ အမြင့်ဆုံးနှုန်း ကျပ် ၉၄၂၂ ၀၀ (မေ ၁ ရက်)၊ ဇွန်လအတွင်း ပြည်တွင်းရွှေဈေး အနိမ့်ဆုံးဈေးနှုန်း ကျပ် ၉၃၁၇၀၀ (ဇွန် ၅ ရက်)၊ အမြင့်ဆုံးဈေးနှုန်း ကျပ် ၉၃၉၅၀၀ (ဇွန် ၁၅ ရက်)၊ ဇူလိုင်လအတွင်း ပြည်တွင်းရွှေဈေး အနိမ့်ဆုံးနှုန်းကျပ် ၉၃၄၁၀၀ (ဇူလိုင် ၃ ရက်)၊ အမြင့်ဆုံးနှုန်းကျပ် ၉၅၀၅၀၀ (ဇူလိုင် ၂၆ ရက်) တို့ဖြစ်သည်။

ကမ္ဘာ့ရွှေဈေးနှုန်းကို ပြန်ကြည့်ပါက ၂၀၁၇ ခုနှစ် ဧပြီလမှစ၍ အတက်အဆင်း ကြမ်းလျက်ရှိပြီး လတစ်လအတွင်း အမြင့်ဆုံးနှင့် အနိမ့်ဆုံးနှုန်းသည် ဒေါ်လာ ၃၀ ခန့်မှ ဒေါ်လာ ၇၀ ခန့်အထိ ကွာခြားခဲ့သည်။ လအလိုက် ဖြစ်ပေါ်ခဲ့သော အနိမ့်ဆုံးနှင့် အမြင့်ဆုံး ကမ္ဘာ့ရွှေဈေးနှုန်းများမှာ ဇန်န၀ါရီတွင် ၁၃၁၀-၁၃၆၄ ဒေါ်လာ၊ ဖေဖော်ဝါရီတွင် ၁၃၁၇-၁၃၄၇ ဒေါ်လာ၊ မတ်တွင် ၁၃၁၂-၁၃၅၅ ဒေါ်လာ၊ ဧပြီတွင် ၁၃၂၃-၁၃၅၄၊ မေတွင် ၁၂၈၈-၁၃၁၉၊ ဇွန်တွင် ၁၂၅၂-၁၂၉၉၊ ဇူလိုင်တွင် ၁၂၁၁-၁၂၅၇ ၀န်းကျင် ဖြစ်ပေါ်ခဲ့သည်။ ကမ္ဘာ့ရွှေဈေးသည် ဇွန်လဆန်းမှစ၍ အကျပိုင်းသို့ ရောက်လာပြီး သြဂုတ် ၁၃ ရက်တွင် ၁၂၀၄ ဒေါ်လာဝန်းကျင် ဖြစ်ပေါ်ခဲ့သည်။

မြန်မာ့သဘာဝရေပြင်မှ ဖမ်းယူရရှိသော ပုစွန်များ အမေရိကန်ပြည်ထောင်စုသို့ တင်ပို့ခွင့်ရရှိပြီဖြစ်ကြောင်း အမေရိကန်သံရုံး အကြောင်းကြား

မြန်မာနိုင်ငံ၏ သဘာဝရေပြင်မှ ဖမ်းယူရရှိသော ပုစွန်များ အမေရိကန်ပြည်ထောင်စုသို့ တင်ပို့ခွင့် ရရှိပြီ ဖြစ်ကြောင်းနှင့် ပုစွန်နှင့် ပုစွန်ထွက်ကုန်ပစ္စည်းများ တင်ပို့ရာတွင် တင်ပို့မှုတိုင်းအတွက် လက်မှတ်ရေးထိုးရမည့် ‘ပုစွန် တင်ပို့/တင်သွင်းသူ ကြေညာလွှာ’ (DS – 2031 form) ပုံစံပူးတွဲကို ပေးပို့ရမည်ဟု အမေရိကန်သံရုံးက အကြောင်းကြားလာကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ သိရသည်။

အမေရိကန်သံရုံးမှ ပေးပို့လာသော ‘ပုစွန်တင်ပို့/တင်သွင်းသူ ကြေညာလွှာ’ ပုံစံ ဖြည့်စွက်ရန်အတွက် လမ်းညွှန်ချက်မှာ အဆိုပါပုံစံကို အမေရိကန် ပြည်ထောင်စုသို့ ပုစွန်နှင့် ပုစွန်ထွက်ကုန်ပစ္စည်းများ တင်ပို့မှု အားလုံးအတွက် ဖြည့်စွက်တင်ပြရန် လိုအပ်မည် ဖြစ်သည်။ ထို့ပြင် တင်ပို့မှု တစ်ခုချင်းစီတိုင်းအတွက်  လက်မှတ်အကွက်များ အားလုံးတွင် မူရင်းလက်မှတ်များ ပါဝင်ရမည်ဖြစ်ကြောင်း သိရသည်။ အဆိုပါပုံစံသည် အမေရိကန် အစိုးရ အရာရှိများက လိုအပ်၍ တောင်းဆိုသည့်အခါ ပြသနိုင်ရန်အတွက် အမေရိကန် တင်သွင်းသူအနေဖြင့် တင်သွင်းသည့်နေ့မှစ၍ သုံးနှစ်ကြာ ထိန်းသိမ်းထားရမည် ဖြစ်သည်။

ထို့ပြင် ပုံစံတွင်ပါရှိသောသတင်း အချက်အလက်၊ လက်မှတ်၊ လိပ်စာ အစရှိသော ဖြည့်စွက်ရန် လိုအပ်သည့် အချက်အလက်များကို မဖြစ်မနေ ဖြည့်စွက်ရမည်ဖြစ်ပြီး ပြည့်စုံမှုမရှိသော ပုံစံများကို လက်ခံမည် မဟုတ်ကြောင်းနှင့် ပုံစံတွင် ပါဝင်သည့် အချက်အလက်များအားလုံးကို လွယ်ကူရှင်းလင်း ပြတ်သားစွာ ဖော်ပြရမည်ဖြစ်သည်။ ထို့ပြင် ပုံစံများကို ဒေသအလိုက် ထုတ်ပေးနိုင်သော်လည်း  ပြန်လည်ထုတ်ပေးထားသော မည်သည့်ပုံစံမဆို ရှင်းလင်းပြတ်သားမှုရှိရန်မှာ တင်ပို့သူ၏ တာဝန်ဖြစ်သည်။

ထို့ပြင် အဆိုပါပုံစံတွင်ဖြည့် စွက်ရမည့် အကွက်ပေါင်း ကိုးကွက်ပါရှိပြီး ၎င်းအကွက်များအတွက် ညွှန်ကြားချက်များမှာ အကွက် အမှတ် (၁) တွင် ပါရှိသော ဖမ်းယူသည့်နိုင်ငံ ဆိုသည်မှာ (၁) အဆိုပါ နိုင်ငံအတွင်းကန်ဖြင့် မွေးမြူထားသော ပုစွန် (သို့မဟုတ်) (၂) အဆိုပါ နိုင်ငံ၏ ရေပိုင်နက်အတွင်း ဖမ်းယူရရှိသော ပုစွန်ဟု ဆိုလိုခြင်းဖြစ်သည်။

အကွက် (၂) တွင် (အကယ်၍ အဆင်ပြေပါက) တင်ပို့မည့် ပုစွန်၏ မွေးမြူရာကန်နှင့် မည်သည့်နေရာ မှဖမ်းယူခဲ့ကြောင်း အမည်နှင့်လိပ်စာ ဖြည့်စွက်ပေးရန် လိုအပ်ပြီး အကွက်အမှတ် (၃) ပါ တင်ပို့သူ ဆိုသည်မှာ နိုင်ငံခြားရှိ ၀ယ်ယူသူ (ဥပမာ-အမေရိကန် (သို့မဟုတ်) တတိယနိုင်ငံမှ ၀ယ်ယူသူ) ထံသို့ တင်ပို့ ရောင်းချမည့် ဖမ်းယူသည့်နိုင်ငံမှ တစ်ဦးချင်း (သို့မဟုတ်) ကုမ္ပဏီ ဖြစ်သည်။

အကွက်အမှတ် (၄) တွင် အမေရိကန်မှ တင်သွင်းသူ (သို့မဟုတ်) မူရင်းကုန်စည် လက်ခံသူ၏ အမည်နှင့် လိပ်စာတို့ကို ထည့်သွင်းရေးသား ရမည်ဖြစ်ကာ အကွက်အမှတ် (၅)ပါ တင်ပို့မည့်ရက် ဆိုသည်မှာ တင်ပို့မည့် ကိစ္စအတွက် ဖမ်းယူရရှိသည့် နိုင်ငံ၏ နောက်ဆုံးဆိပ်ကမ်းမှ သင်္ဘောတင် ထွက်ခွာသည့်နေ့ကို ဆိုလိုခြင်းဖြစ်ပြီး အကွက်အမှတ် (၆) တွင် အမေရိကန်ပြည်ထောင်စု၏ စည်းဝါးညီ အကောက်ခွန်ဇယား နံပါတ် (HTS) အလိုက် ကုန်သေတ္တာများ/အမှုတွဲများအလိုက် (သို့မဟုတ်) အခြားသော သီးခြား သတ်မှတ်ထားသည့် သင်္ဘောလိုင်းများ အလိုက်နှင့် ကီလိုဂရမ်နှင့် ဖော်ပြထားသော  အသားတင် အလေးချိန်အလိုက် သက်ဆိုင်ရာ အကွက်တွင် ဖြည့်စွက်ပေးရမည်ဖြစ်သည်။

အကွက်အမှတ်(၇) တွင်မူ ရေးသားထားသည်များကို သေချာစွာ လေ့လာဖတ်ရှုပြီး သင့်လျော်သော အကွက်တွင် အမှတ်အသား ပြုလုပ်ပေးရမည်ဖြစ်ကာ ၎င်းအကွက်တွင် ရွေးချယ်ရန်အတွက် ရေးသားထားသည်မှာ ပုစွန်သည် (က) ပင်လယ်လိပ်များအား ဆိုးရွားစွာ အကျိုးသက်ရောက်မှု မရှိစေမည့် နည်းလမ်းများဖြင့် ဖမ်းဆီးထားခြင်းဖြစ်ရမည်။ သို့မဟုတ် (ခ) နိုင်ငံတစ်နိုင်ငံ၏ ရေပြင်အတွင်း  ဖမ်းဆီးခြင်းသည် အခန်း ၆၀၉ ၏ P.L. 101 – 162 နှင့်အညီ ဖမ်းဆီးသည့် နိုင်ငံ၏ တင်ပို့သည့်ရက်စွဲအရ  အသိအမှတ်ပြုပြီး ဖြစ်ရမည်ဖြစ်သည်။

အကွက်အမှတ်( ၇ )၏ အမှတ် စဉ် (က) ကို ရွေးချယ်မည် ဆိုပါက (၁) ဖမ်းဆီးခြင်းမပြုမီ ကန်များဖြင့် အနည်းဆုံး ရက်ပေါင်း ၃၀ ကြိုတင် မွေးမြူထားသော ပုစွန်ဖြစ်ရန်၊ (၂) ဖမ်းယူရာတွင် လိပ်များ ပါရှိနိုင်သည့်အတွက် ၎င်းတို့ကို ဖယ်ထုတ်ပေးသော ကိရိယာကို အသုံးပြုခြင်းကဲ့သို့သော စီးပွားဖြစ် ဆွဲပိုက်ချ သင်္ဘောများဖြင့် ဖမ်းယူထားသော ပုစွန်ဖြစ်ရန်၊ (၃) စက်ကိရိယာများကို အသုံးပြု၍ ငါးဖမ်းပိုက်များဖြင့် ဖမ်းယူခြင်း (သို့မဟုတ်) လျှပ်စစ်လှိုင်းတန်း ဆူးချိတ်များ ပါဝင်သော ငါးဖမ်းသင်္ဘောများနှင့် ဒလက်များ ပါဝင်သော ငါးဖမ်းသင်္ဘောများဖြင့် ဖမ်းယူထားခြင်း မဟုတ်သော အထူးသီးသန့် ဖမ်းယူထားသော ပုစွန်ဖြစ်ရန်နှင့် (၄) ပုစွန်ဖမ်းယူခြင်းဆိုင်ရာ အခြေအနေများအား ပင်လယ်လိပ်များ ပြန့်ပွားမှုကို မထိခိုက်စေရန် အမေရိကန် Department of State  က စစ်ဆေးဆုံးဖြတ်မည်ဖြစ်သည်။

အကွက်အမှတ်(၈) ၌ အကွက် အမှတ် (၇) အား  စစ်ဆေးပြီးပါက ယခုအပိုင်းတွင် ကုန်ပို့နိုင်ငံ၏ အစိုးရ အသိအမှတ်ပြု တာဝန်ရှိသူ လက်မှတ်ရေးထိုးရမည် ဖြစ်ကြောင်းနှင့် တာဝန်ရှိသူ ဆိုသည်မှာ ကုန်ပို့နိုင်ငံ အစိုးရက အချိန်ပြည့် တာဝန်ထမ်းဆောင်ရန် တာဝန်ပေးအပ်ထားသော မည်သည့်အရာရှိမဆို ဖြစ်နိုင်သော်လည်း ပုဂ္ဂလိကကဏ္ဍ (သို့မဟုတ်) အစိုးရထံတွင် အချိန်ပိုင်း အလုပ်လုပ်ကိုင်သူများ မဖြစ်စေရန် လိုအပ်မည်ဖြစ်သည်။

အကွက်အမှတ်(၉)တွင် အမေရိကန် ပြည်ထောင်စု၏ သွင်းကုန်တင်သွင်းသူ (သို့မဟုတ်) အကောက်ခွန် ကိစ္စရပ်များ ကိုယ်စားရှင်းလင်းသူသည် ဤပုံစံကို လက်ဝယ်ရရှိပြီးချိန်မှစ၍ ကုန်ပစ္စည်းများ သင်္ဘောတင်မည့် ကိစ္စနှင့် သက်ဆိုင်သော အချက်အလက်များဖြစ်သည့် ၀င်ရောက်သည့် နေ့စွဲ၊ ၀င်ရောက်သည့် ဆိပ်ကမ်း၊ ၀င်ရောက်သည့် နံပါတ်နှင့် လက်မှတ်တို့အား  ဖြည့်သွင်းရန် လိုအပ်မည်ဖြစ်သည်။

အဆိုပါ အချက်များမှာ မြန်မာနိုင်ငံမှ အမေရိကန် ပြည်ထောင်စုသို့ ပုစွန်နှင့် ပုစွန်ထွက်ကုန်ပစ္စည်းများ  တင်ပို့လိုသူ ကုန်သည်လုပ်ငန်းရှင်များ မဖြစ်မနေ လိုက်နာကျင့်သုံးရမည့် စည်းကမ်းဖြစ်သည့်အတွက် သတိပြု ဆောင်ရွက်နိုင်ရန် လိုအပ်မည်ဖြစ်ပြီး အဆိုပါ (DS – 2031 form) သည် ၂၀၁၉ ခုနှစ်ဧပြီ ၃၀ ရက်အထိ ထပ်မံအကြောင်းကြားမှု မပြုမချင်း အကျိုးသက်ရောက်မည် ဖြစ်သည်။