အစာကုန်ကြမ်းရှားပါးပြီး ဈေးနှုန်းမြင့်တက်မှုကြောင့် ငါးမွေးမြူရေး လုပ်ငန်းရှင်များ အခက်တွေ့

မြိတ်မြို့ရှိ သား၊ ငါး အအေးခန်းစက်ရုံ တစ်ခုကို တွေ့ရစဉ်

အစာကုန်ကြမ်းရှားပါးပြီး ဈေးနှုန်းမြင့်တက်နေမှုကြောင့် ငါးမွေးမြူရေး လုပ်ငန်းရှင်များ အခက်တွေ့နေကြောင်း ဇူလိုင် ၁၀ ရက်တွင် ပြုလုပ်သည့် ငါးလုပ်ငန်းအဖွဲ့ချုပ် ပုံမှန်အစည်းအဝေးတွင် ငါးမွေးမြူရေး လုပ်ငန်းရှင်များအသင်း ဘဏ္ဍာရေးမှူး ဦးဇော်လင်းက ပြောကြားသည်။

“ဒီတစ်ပတ်နှစ်ပတ်အတွင်း ဖွဲနုဈေးဖြတ်တဲ့အမြင့်အပေါ်မှာ မွေးမြူထုတ်လုပ်သူ အနေအထားနဲ့ ငွေရှိသော်လည်း ကုန်ကြမ်းက ပျောက်သလို ဖြစ်နေတယ်။ ဖွဲနုရှာရခက်သွားပါပြီ။ အခြေခံအားဖြင့် ဖွဲနုကို အဓိကထားပြီး ကျွေးတာဖြစ်တဲ့အတွက် အစာကျွေးတဲ့ အနေအထားမှာ အခက်အခဲအများကြီး ဖြစ်ပြီးတော့ ငါးဈေးကွက်ထဲကို မလိုလားအပ်ဘဲနဲ့ ငါးတွေပြုံထိုးပြီး ၀င်လာတဲ့ သဘောရှိတယ်။ ကျွေးစရာမရှိတဲ့ အချိန်မှာ ဖော်စရာပဲရှိတဲ့ သဘောမျိုး သက်ရောက်နေပါတယ်။ ငါးဈေးကွက် အနေအထားအရ ကြည့်မြင်တိုင်၊ ရွှေပိတောက်ငါးဈေးတွေမှာ အရင်တုန်းကဆို လှေပုံမှန်ဝင်ရင် အမြင့်ဆုံးလှေအစင်း ၃၀ ကနေ ၄၀ ၀င်တယ်။ ဒီတစ်ပတ် နှစ်ပတ်အတွင်း ယှဉ်ကြည့်တဲ့အခါ တစ်နေ့ထက်တစ်နေ့ လှေအစင်းရေက အစင်း ၇၀ ပတ်လည်လောက် ဖြစ်နေတယ်။ မနက်ကနေ တစ်ညလုံး ရောင်းတဲ့အထိကို ငါးတွေက မကုန်နိုင်ဘူး။ အဲဒီအခက်အခဲတွေက ဘာဖြစ်လို့ဖြစ်တာလဲ သုံးသပ်တဲ့အခါမှာ အခြေခံဖြစ်တဲ့ ငါးအစာကုန်ကြမ်း တစ်မုဟုတ်ချင်း ဈေးမြင့်တက်လာတာရယ်၊ အစာကုန်ကြမ်း ၀ယ်လိုအား ရှိသော်လည်း ကုန်ကြမ်းပစ္စည်း ပျောက်နေတဲ့ သဘောရှိတာရယ်၊ ကျွေးနိုင်သည့်အင်အား နည်းသွားတာရယ်၊ ရှေ့ဆက်ပြီး လုပ်ငန်းရှင်တစ်ယောက် အနေဖြင့် မွေးမြူဖို့ ခက်ခဲသည့်အခြေအနေ ရောက်နေပြီ” ဟု ငါးမွေးမြူရေး လုပ်ငန်းရှင်များအသင်း ဘဏ္ဍာရေးမှူး ဦးဇော်လင်းက ပြောကြားသည်။

လက်ရှိအချိန်တွင် ငါးအစာကုန်ကြမ်းဖြစ်သည့် ဖွဲနုဈေးသည် တစ်ပေါင်လျှင် ၁၄၅ ကျပ်အထိရှိနေပြီး ယခင်က ကျပ် ၁၁၀၊ ၁၁၅ ကျပ်သာရှိကြောင်း သိရသည်။

“လက်ရှိအနေအထားအရ မွေးတဲ့ငါးအနေအထားနဲ့ ကျွေးရတဲ့ အစာအပြောင်းအလဲပါ။ အခု မြန်မာနိုင်ငံမှာ ငါးစာဖြစ်တဲ့ ကုန်ကြမ်းဖွဲနုဈေးက တစ်မုဟုတ်ချင်း ဆိုသလို ကျပ် ၁၁၀၊ ၁၁၅ ကျပ်ကနေ ဒီနေ့၁၄၅ကျပ် အထိ ရောက်သွားတဲ့ သဘောရှိတယ်။ စပါးတွေ တိုက်ရိုက်ထွက်တာရှိတယ်။ ဖွဲနုတွေ တိုက်ရိုက် ထွက်တာရှိတယ်။ နောက်တစ်ခုက စပါးကို လုံးတီးကြိတ်ပြီး ထွက်တာရှိတယ်။ အကြောင်းအမျိုးမျိုး ထွက်သွားတာတွေရှိတယ်။ မြန်မာနိုင်ငံက စပါးထွက်တဲ့နိုင်ငံ အနေအထားနဲ့ စိုက်ပျိုးရေး၊ မွေးမြူရေး နိုင်ငံမှာ ပါပါတယ်။ သို့သော်လည်း စပါးဘေးထွက်ပစ္စည်းဖြစ်တဲ့ ဖွဲနုက ဒီနေ့ထိ တစ်ပေါင်ကို ၁၄၅ ကျပ် ဖြစ်တဲ့အခါကျတော့ ဒီကုန်ကြမ်းဈေးကြီးကို အခြေခံပြီးကျွေးတဲ့ ငါးလုပ်ငန်း အနေအထားနဲ့က လုပ်ငန်းပေါ်မှာ အများကြီး ထိခိုက်နစ်နာမှုတွေရှိပါတယ်။ ဈေးကွက်နဲ့ မွေးမြူရတဲ့ ကုန်ထုတ်စရိတ် မကိုက်တဲ့ အခြေအနေကို ရောက်သွားပါပြီ” ဟု ဦးဇော်လင်းက ပြောကြားသည်။

လက်ရှိတွင် မြန်မာနိုင်ငံ၏ သားငါးကဏ္ဍမှာ ကျဆင်းမှုများနှင့် ကြုံတွေ့ရလျက်ရှိပြီး အစိုးရအနေဖြင့် ကူညီထောက်ပံ့မှုများ ဆောင်ရွက်ပေးနိုင်ရန် ငါးလုပ်ငန်း လုပ်ကိုင်သူများ၏ ပြောကြားချက်အရ သိရသည်။

မြန်မာနိုင်ငံ၏ အဓိက ငါးဈေးကွက် တစ်ခုဖြစ်သည့် ဆော်ဒီနိုင်ငံမှလည်း ငါးတင်သွင်းခွင့်များကို ပိတ်ပင်ထားခြင်းကြောင့် ငါးဈေးကွက်မှာ အကျပ်အတည်းများနှင့် ရင်ဆိုင်ရလျက်ရှိသည်။

ဒေါ်လာဈေးအညွှန်းကိန်း အားပျော့နေပြီး တရုတ်ယွမ်ငွေ တန်ဖိုးတက်လာကာ ပြည်တွင်းဈေးကွက်တွင် နိုင်ငံခြားငွေလဲနှုန်း တစ်ဒေါ်လာ ကျပ် ၁၄၀၀ အထိ ပြန်လည်မြင့်တက်

ဇူလိုင် ၁၀ ရက်တွင် ဒေါ်လာဈေးအညွှန်းကိန်း အားပျော့နေပြီး တရုတ်ယွမ်ငွေတန်ဖိုး တက်လာကာ ပြည်တွင်းဈေးကွက်တွင် နိုင်ငံခြားငွေလဲနှုန်း တစ်ဒေါ်လာ ကျပ် ၁၄၀၀ အထိ မြင့်တက်ခဲ့ကြောင်း နိုင်ငံခြားငွေကြေး ရောင်းဝယ်သူများထံမှ သိရသည်။

ဇူလိုင် ၁၀ ရက်တွင် ကမ္ဘာ့ဒေါ်လာဈေး အညွှန်းကိန်း ၉၄ ပွိုင့်အောက်ဆက်ရှိပြီး တရုတ်ယွမ်ငွေက ယခင်ရက်များထက်တန်ဖိုး မြင့်တက်ခဲ့ခြင်းဖြစ်သည်။ ဇူလိုင် ၁၀ ရက်တွင် မြန်မာငွေ ၁၀၀ ကျပ်နှင့် ယွမ်ငွေလဲလှယ်နှုန်း ၀ ဒသမ ၄၇၃၅ ရှိပြီး ဇူလိုင် ၉ ရက်တွင် ၀ ဒသမ ၄၇၆၅ ရှိရာ နှိုင်းယှဉ်ပါက မြန်မာကျပ် ငွေတန်ဖိုး ပြန်လည်ကျဆင်း လာခဲ့သည်။

ပြီးခဲ့သည့် ငါးလအတွင်း အမြင့်ဆုံးဖြစ်ပေါ်ခဲ့သော ကမ္ဘာ့ဒေါ်လာဈေး အညွှန်းကိန်းများမှာ ဖေဖော်ဝါရီတွင် ၉၀ ဒသမ ၄၃ ပွိုင့်၊ မတ်တွင် ၉၀ ဒသမ ၃၇ ပွိုင့်၊ ဧပြီတွင်  ၉၁ ဒသမ ၇၁ ပွိုင့်၊ မေတွင် ၉၄ ဒသမ ၈၃ ပွိုင့်၊ ဇွန်တွင် ၉၅ ဒသမ ၂၁ ပွိုင့်ဖြစ်ပြီး ဇူလိုင် ၁၀ ရက်တွင် ၉၃ ဒသမ ၉၄ ပွိုင့်အထိ အမြင့်ဆုံး ဖြစ်ပေါ်ခဲ့သည်။

၂၀၁၈ ခုနှစ် မေလမှစတင်ကာ ကမ္ဘာ့ဒေါ်လာဈေး အညွှန်းကိန်း သိသိသာသာ ပြန်လည်မြင့်တက် ခဲ့ခြင်းဖြစ်ပြီး ပြည်တွင်းဈေးကွက်၌ ငါးလအတွင်း လအလိုက်ဖြစ်ပေါ်သော နိုင်ငံခြားငွေလဲနှုန်း အနိမ့်ဆုံးနှင့် အမြင့်ဆုံးနှုန်းများမှာ ဇန်န၀ါရီတွင် ၁၃၂၃-၁၃၅၄ ကျပ်၊ ဖေဖော်ဝါရီတွင် ၁၃၂၃-၁၃၃၁ ကျပ်၊ မတ်တွင် ၁၃၂၆-၁၃၃၄ ကျပ်၊ ဧပြီတွင် ၁၃၂၄-၁၃၃၂ ကျပ်၊ မေတွင် ၁၃၃၂-၁၃၅၁ ကျပ်၊ ဇွန်တွင် ၁၃၄၅ -၁၄၀၇ တို့ဖြစ်ပြီး ဇွန်လတွင် ကွာဟချက် အများဆုံး ဖြစ်ပေါ်ခဲ့သည်။

ပြီးခဲ့သည့် မတ်လအတွင်း အမြင့်ဆုံး ဈေးနှုန်းအဖြစ် မတ် ၂၁ ရက်တွင် ၁၃၃၄ ကျပ်ဖြစ်ပေါ်ခဲ့သော ဒေါ်လာဈေးသည် မတ် ၂၉ ရက် တွင် ၁၃၂၈ ကျပ်အထိ၊ ဧပြီလဆန်းတွင် ၁၃၂၄ ၀န်းကျင်အထိ ကျဆင်းခဲ့သည်။ ထို့ နောက် ဧပြီလကုန်ပိုင်း ၂၈ ရက်တွင် ၁၃၃၁  ကျပ်၊ မေ ၂၁ ရက်တွင် ၁၃၅၁  ကျပ်အထိမြင့် တက်ခဲ့ပြီး ဇွန် ၁၁ ရက်တွင် ၁၃၄၆ ကျပ်၊ ဇွန် ၁၅ ရက်တွင် ၁၃၅၅ ကျပ်၊  ဇွန် ၁၆ ရက်တွင် ၁၃၆၅ ကျပ်၊ ဇွန် ၂၀ ရက်တွင်  ၁၃၆၈ ကျပ်၊ ဇွန် ၂၁ ရက်တွင် ၁၃၇၅ ကျပ်၊ ဇွန် ၂၆ ရက် တွင် ၁၃၈၃၊ ဇွန် ၂၇ ရက်တွင် ၁၃၉၅၊ ဇွန် ၂၈ ရက်တွင် ၁၄၀၇ ကျပ်ဝန်းကျင်ဖြစ်ပေါ်ခဲ့ သည်။ ဇူလိုင် ၁ ရက်တွင် ၁၃၈၄ ကျပ်အထိကျ ဆင်းခဲ့ပြီး ဇူလိုင် ၃ ရက်နှင့် ၁၀ ရက်တို့တွင် ကျပ် ၁၄၀၀ အထိပြန်လည်မြင့်တက်ခဲ့ခြင်း ဖြစ်သည်။ ဇူလိုင် ၁၀ ရက်တွင် သတ်မှတ်ထားသော ဗဟိုဘဏ်ရည်ညွှန်းငွေလဲနှုန်းမှာ ၁၃၉၈ ကျပ်ဖြစ်ကြောင်း သိရသည်။

ပြည်တွင်းဈေးကွက်အတွင်း ဇူလိုင် ၁၀ ရက်တွင်ဖြစ်ပေါ်သော အခြားနိုင်ငံခြားငွေကြေးများ၏ လဲလှယ်မှု နှုန်းထားများမှာ ယူရို ၁၆၃၈ ကျပ်၊ စင်ကာပူဒေါ်လာ ၁၀၃၀ ကျပ်၊ မလေးရှားရင်းဂစ် ၃၄၅ ကျပ်၊ ထိုင်းဘတ် ၄၂ ဒသမ ၅၅ ကျပ်၊ တရုတ်ယွမ် ၂၁၁ ကျပ်၊ ဂျပန်ယန်း ၁၂ ဒသမ ၆၀ ကျပ်၊ တောင်ကိုရီး ယားဝမ် ၁ ဒသမ ၃၀ ကျပ်ဖြစ်ပြီး ယခင်ရက်နှင့် နှိုင်းယှဉ်ပါက ယူရိုနှင့် စင်ကာပူဒေါ်လာဈေးများ ဆက်လက် မြင့်တက်ခဲ့ကြောင်း သိရသည်။

မြန်မာ-တရုတ် နှစ်နိုင်ငံ စီးပွားရေးစင်္ကြံလမ်း ဖောက်လုပ်ရန် MoU ကို နှစ်နိုင်ငံ အပြီးသတ် သဘောတူညီမှု ရရှိထားပြီး ယခုနှစ်အတွင်း လက်မှတ်ရေးထိုးနိုင်မည်

မြန်မာ-တရုတ်နှစ်နိုင်ငံ စီးပွားရေးစင်္ကြံလမ်း ဖောက်လုပ်မည့် စီမံကိန်းအတွက် နားလည်မှု စာချွန်လွှာ (MoU) ကို နှစ်နိုင်ငံ အပြီးသတ် သဘောတူညီမှု ရရှိထားပြီး ယခုနှစ်အတွင်း လက်မှတ်ရေးထိုးနိုင်မည် ဖြစ်ကြောင်း ဇူလိုင် ၉ ရက် မြန်မာနိုင်ငံ ရင်းနှီးမြှုပ်နှံမှု ကော်မရှင်ရုံး၌ ပြုလုပ်သည့် သတင်းစာရှင်းလင်းပွဲ အခမ်းအနားတွင် မြန်မာနိုင်ငံ ရင်းနှီးမြှုပ်နှံမှု ကော်မရှင်၏ အတွင်းရေးမှူး ဦးအောင်နိုင်ဦးက ပြောကြားသည်။

“တရုတ်-မြန်မာ စီးပွားရေးစင်္ကြံကတော့ ပြီးခဲ့တဲ့ ဖေဖော်ဝါရီလထဲက တရုတ်ပြည်သွားပြီးတော့မှ နားလည်မှု စာချွန်လွှာကို အပြီးသတ် ညှိထားခဲ့ပြီးပြီ။ လက်မှတ်ထိုးဖို့ ကျန်တယ်ပေါ့။ လက်မှတ်ထိုးမယ့်ဟာကတော့ နှစ်ဦးနှစ်ဖက် မဆုံးဖြတ်ရသေးဘူး။ ဖြစ်နိုင်ခြေရှိတာကတော့ ၂၀၁၈ ခုနှစ်ထဲမှာ လက်မှတ်ထိုးဖြစ်မယ်လို့ ကျွန်တော်တို့ မျှော်လင့်ပါတယ်။ ရက်ဘာညာကတော့ နှစ်ဦးနှစ်ဖက် သတ်မှတ်ထားတာ မရှိသေးဘူး။ ညှိနှိုင်းထားပြီးတော့မှ အားလုံးနှစ်ဦးနှစ်ဖက်က သဘောတူပြီးပြီ။ ကျွန်တော်တို့ အစိုးရဘက်က MoU ကို အတည်ပြုထားပြီးပြီ။ အလားတူပဲ တရုတ်နိုင်ငံဘက်ကလည်း သူတို့ရဲ့ လုပ်ထုံးလုပ်နည်းနဲ့ အတည်ပြုတဲ့ လုပ်ငန်းတွေ လုပ်ထားပြီးသွားပြီ နှစ်ဖက်စလုံးကတော့ အဆင်သင့်ဖြစ်နေပြီ” ဟု ၎င်းက ပြောကြားသည်။

အဆိုပါ မြန်မာ-တရုတ် နှစ်နိုင်ငံ စီးပွားရေးစင်္ကြံန်လမ်း ဖောက်လုပ်ရေး လုပ်ငန်းအတွက် ၂၀၁၈ ခုနှစ်အတွင်း လက်မှတ်ရေးထိုးနိုင်မည် ဖြစ်ကြောင်း သိရသည်။

“နှစ်ဖက်အကြီးအကဲတွေအားလုံး အကြောင်းညီညွတ်တဲ့နေ့ပေါ့။ ဒါက နှစ်နိုင်ငံလုံးအတွက် အရေးကြီးတဲ့လုပ်ငန်း ဖြစ်တဲ့အတွက် နှစ်ဖက်အကြီးအကဲတွေရဲ့ ရှေ့မှောက်မှာ ကျွန်တော်တို့က လက်မှတ်ထိုးဖြစ်ဖို့ပေါ့။ ဒီနှစ်ထဲဖြစ်ဖို့များပါတယ်” ဟု ဦးအောင်နိုင်ဦးက ဆိုသည်။

နိုင်ငံခြားဘဏ်များနှင့် ဖက်စပ်လုပ်ကိုင်မည့် ပြည်တွင်းဘဏ်များ၌ နိုင်ငံခြားသားပိုင်ဆိုင်မှု ၃၅ ရာခိုင်နှုန်း ထည့်ဝင်ခြင်းအတွက် မည်ကဲ့သို့ ခွင့်ပြုမည်ကို ဗဟိုဘဏ်၏ စိစစ်မှုခံယူရမည်

ပုဂ္ဂလိကဘဏ်လုပ်ငန်း တစ်ခု၏ ရန်ကုန်မြို့ရှိ ဘဏ်ခွဲတစ်ခုကို တွေ့ရစဉ် (ဓာတ်ပုံ-စည်သူအောင်)

နိုင်ငံခြားဘဏ်များနှင့် ဖက်စပ်လုပ်ကိုင်မည့် ပြည်တွင်းဘဏ်များ၌ နိုင်ငံခြားသား ပိုင်ဆိုင်မှု ၃၅ ရာခိုင်နှုန်း ထည့်ဝင်ခြင်းအတွက် မည်ကဲ့သို့ ခွင့်ပြုပေးသွားမည်ကို ဗဟိုဘဏ်၏ စိစစ်မှု ခံယူရမည်ဖြစ်ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာနမှ ညွှန်ကြားရေးမှူးချုပ် ဦးအောင်နိုင်ဦးက ပြောကြားသည်။

“ဥပဒေဖြစ်တဲ့အတွက် အမိန့်ကြော်ငြာစာ ထုတ်စရာမလိုဘူး။ ဥပဒေအတိုင်း သွားဖို့ပဲရှိတယ်။ သို့သော် ဘဏ်တွေပေါ့ ကုမ္ပဏီဥပဒေအရဆိုရင် ဘဏ်တွေက ၃၅ ရာခိုင်နှုန်း နိုင်ငံခြားသားတွေရဲ့ ပိုင်ဆိုင်မှုကို ထည့်လို့ရတယ်။ ဘဏ်တွေရဲ့ အခန်းကဏ္ဍသည် ဗဟိုဘဏ်ကနေ ဘဏ်တွေအားလုံးကို စိစစ်ထိန်းကြောင်းတာဖြစ်လို့ ဗဟိုဘဏ်အနေနဲ့ ဥပဒေအရ ၃၅ ရာခိုင်နှုန်းတော့ ပေးမှာပဲ။ ပေးမယ့်အပိုင်းကို ဘယ်လိုပေးမယ် ဆိုတာကို လိုအပ်သလို သူနဲ့ မြန်မာနိုင်ငံသားနဲ့ လုပ်မယ့် အခြားဘဏ်ရဲ့ အခြေအနေတွေ အနေအထားတွေ ဒါတွေကို လိုအပ်တဲ့ စစ်ဆေးမှု လုပ်ကောင်း လုပ်ပါလိမ့်မယ် လုပ်ပြီးမှ သူတို့ခွင့်ပြုပေးမှာ ဗဟိုဘဏ်ရဲ့ စိစစ်မှုတော့ လုပ်ရမှာပေါ့နော်” ဟု ဦးအောင်နိုင်ဦးက ပြောသည်။

မြန်မာနိုင်ငံ ကုမ္ပဏီများ အက်ဥပဒေအရ ပြည်တွင်းပြည်ပ ဖက်စပ်လုပ်ငန်းများ၌ နိုင်ငံခြားသား ပိုင်ဆိုင်မှု ၃၅ ရာခိုင်နှုန်း ပိုင်ဆိုင်ခွင့် ပေးထားသည်။ သို့သော်လည်း ဖက်စပ်လုပ်ကိုင်မည့် ပြည်တွင်းဘဏ်များသည် ဗဟိုဘဏ်၏ ထိန်းကျောင်းမှုအောက်တွင် ရှိသောကြောင့် နိုင်ငံခြားသား ၃၅ ရာခိုင်နှုန်း ပိုင်ဆိုင်မှုကို မည်ကဲ့သို့ ပေးသွားမည်ကို ဗဟိုဘဏ်က ဆုံးဖြတ်ပေးမည်ဖြစ်ကြောင်း သိရသည်။

လက်ရှိအချိန်တွင်လည်း ပြည်တွင်းငွေလဲလှယ်နှုန်း အတက်အကျများ ဆက်တိုက် ဖြစ်ပေါ်နေသောကြောင့် နိုင်ငံတကာမှ ပြည်တွင်း၌ တိုက်ရိုက်လာရောက် ရင်းနှီးမြှုပ်နှံမည့် ရင်းနှီးမြှုပ်နှံသူများနှင့် ဖက်စပ်လုပ်ကိုင်မည့် ရင်းနှီးမြှုပ်နှံသူများ၏ ယုံကြည်မှုကို လျော့ကျလာနိုင်ကြောင်း ဦးအောင်နိုင်ဦးက ပြောကြားထားသည်။

မြန်မာနိုင်ငံတော် ဗဟိုဘဏ်အနေဖြင့် ယခုလက်ရှိကာလတွင် ငွေကြေးဖောင်းပွမှုကို ထိန်းသိမ်းရန် ရည်ရွယ်၍ ငွေကြေးမူဝါဒများအဖြင့် သီးသန့်ငွေလိုအပ်ချက် အတိုးနှုန်း မှုဝါဒနှင့် ငွေကြေးဈေးကွက်တွင် ငွေချေးစာချုပ်များကို ရောင်းဝယ်ခြင်း၊ နိုင်ငံခြားငွေလဲနှုန်းအတွက် Exchange သတ်မှတ်ပေးခြင်းနှင့် ပြည်တွင်းဘဏ်များ၌ နိုင်ငံခြားငွေ ရောင်းဝယ်လိုခြင်းများအတွက် နေ့စဉ် Auction ဆောင်ရွက်၍ ဈေးနှုန်းတည်ငြိမ်အောင် ဆောင်ရွက်ခြင်း၊ နိုင်ငံတော်၏ နိုင်ငံခြားသီးသန့်ငွေ (Foreign Exchange Reserve) အား စီမံခန့်ခွဲခြင်းစသော နည်းလမ်းများကို အသုံးပြုကာ ပြောင်းလဲလာသော ဈေးကွက် စီးပွားရေးစနစ်နှင့် ကိုက်ညီသည့် ငွေရေးကြေးရေးကဏ္ဍကို တည်ငြိမ်စေလျက် ဈေးနှုန်းများ တည်ငြိမ်ရေးကို ထိန်းသိမ်းရန်နှင့် မြန်မာကျပ်ငွေတန်ဖိုး ခိုင်ခံ့တည်မြဲစေရန် ကြိုးပမ်းဆောင်ရွက် လျက်ရှိကြောင်း သိရသည်။

 

၂၀၁၈-၂၀၁၉ ဘဏ္ဍာနှစ် ဇွန် ၂၉ ရက်အထိ ပြည်ပသို့ ဆန်နှင့်ဆန်ကွဲတန်ချိန် ခြောက်သိန်းကျော် တင်ပို့နိုင်ခဲ့ပြီး ဒေါ်လာ ၂၁၉ သန်းကျော်ရရှိ

မကွေးတိုင်းဒေသကြီး ပွင့်ဖြူမြို့နယ်ရှိ လယ်ယာစိုက်ပျိုးရေး လုပ်ငန်းခွင် တစ်ခုကို တွေ့ရစဉ် (ဓာတ်ပုံ-စည်သူအောင်)

၂၀၁၈-၂၀၁၉ ဘဏ္ဍာနှစ် ဇွန် ၂၉ ရက်အထိ ဆန်နှင့် ဆန်ကွဲ ပြည်ပတင်ပို့မှု တန်ချိန် ၆ ဒသမ ၃ သိန်းကျော် (၆၃၈၄၆၈ ဒသမ ၈၆ တန်) ရှိပြီး တန်ဖိုးဒေါ်လာ ၂၁၉ သန်းကျော် (၂၁၉ ဒသမ ၅၂၁ သန်း) ရရှိခဲ့ကြောင်း  စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ ထုတ်ပြန်ထားသော စာရင်းများအရ သိရသည်။

လက်ရှိဘဏ္ဍာနှစ် တစ်လကျော် ကာလအတွင်း ပင်လယ်ရေကြောင်း ကုန်သွယ်မှုမှ ဆန်နှင့် ဆန်ကွဲတန်ချိန် ၂၉၅၆၀၅ ကျော်၊ နယ်စပ်ကုန်သွယ်မှုမှ ဆန်နှင့် ဆန်ကွဲ တန်ချိန် ၃၄၂၈၆၂ ကျော် တင်ပို့ခဲ့ခြင်းဖြစ်သည်။

ဘဏ္ဍာနှစ်အလိုက် ဆန်နှင့် ဆန်ကွဲတင်ပို့မှု အခြေအနေမှာ ၂၀၁၂-၂၀၁၃ တွင် တန်ချိန် ၁ ဒသမ ၄၂၃ သန်း (ဒေါ်လာ ၅၅၁ သန်း)၊ ၂၀၁၃-၂၀၁၄ တွင် တန်ချိန် ၁ ဒသ မ ၂၆၂ သန်း (ဒေါ်လာ ၄၇၅ သန်း)၊ ၂၀၁၄-၂၀၁၅ တွင် တန်ချိန် ၁ ဒသမ ၈၄၀ သန်း (ဒေါ်လာ ၆၆၀ သန်း)၊ ၂၀၁၅-၂၀၁၆ တွင် တန်ချိန် ၁ ဒသမ ၄၉၃ သန်း (ဒေါ်လာ ၅၂၆ သန်း)၊ ၂၀၁၆-၂၀၁၇ တွင် တန်ချိန် ၁ ဒသမ ၇၅၀ သန်း (ဒေါ်လာ ၅၅၃ သန်း)၊ ၂၀၁၇- ၂၀၁၈ တွင် တန်ချိန် ၃ ဒသမ ၅၇၆ သန်း (ဒေါ်လာ ၁၁၃၆ သန်းကျော်)ဖြစ်ပြီး လက်ရှိ ဘဏ္ဍာနှစ် ဇွန်လပတ်အထိ ပြည်ပသို့ ဆန်နှင့် ဆန်ကွဲတန်ချိန် ခြောက်သိန်းကျော် တင်ပို့မှုမှ ဒေါ်လာ ၂၁၉ သန်းကျော် ရရှိခဲ့ခြင်းဖြစ်သည်။

မြန်မာ့ဆန် ပြည်ပတင်ပို့မှုတွင် ပင်လယ်ရေကြောင်းမှ တင်ပို့မှုထက် နယ်စပ်ကုန်သွယ်ရေး စခန်းများမှ တင်ပို့မှု ပိုမိုများပြားနေဆဲဖြစ်ပြီး အထက်ပါ ဘဏ္ဍာနှစ်များအလိုက် တင်ပို့မှုများအတွင် နယ်စပ်စခန်းများမှ တင်ပို့သော ရာခိုင်နှုန်းများမှာ ၂၀၁၂-၂၀၁၃ တွင် ရာခိုင်နှုန်း ၆၀၊ ၂၀၁၃-၂၀၁၄ တွင် ၇၂ ရာခိုင်နှုန်း၊ ၂၀၁၄-၂၀၁၅ တွင် ၇၇ ရာခိုင်နှုန်း၊ ၂၀၁၅-၂၀၁၆ တွင် ၈၁ ရာခိုင်နှုန်း၊ ၂၀၁၆-၂၀၁၇ တွင် ၇၂ ရာခိုင်နှုန်း ရှိခဲ့ကာ ၂၀၁၇-၂၀၁၈ ဘဏ္ဍာနှစ်တွင် ၅၂ ရာ ခိုင်နှုန်းခန့် ရှိခဲ့သည်။

၂၀၁၇-၂၀၁၈ ဘဏ္ဍာနှစ်အတွင်း ဈေးကွက်သစ်များ တိုးချဲ့တင်ပို့နိုင်ခြင်းကြောင့် ပြည်ပသို့ မြန်မာ့ဆန် တန်ချိန် ၃ ဒသမ ၆ သန်းနီးပါး တင်ပို့နိုင်ခဲ့ခြင်းဖြစ်သည်။

မြန်မာနိုင်ငံမှ ပြည်ပသို့ ဆန်တင်ပို့မှုတွင် ယခင်နှစ်များက နယ်စပ်ကုန်သွယ်မှုမှ ဆန်တင်ပို့မှုမှာ စုစုပေါင်းတင်ပို့မှု၏ ရာခိုင်နှုန်း ၇၀ ကျော်အထိ များပြားခဲ့ပြီး ပင်လယ်ရေကြောင်း ကုန်သွယ်မှုမှာ ရာခိုင်နှုန်း ၃၀ ခန့်သာ တင်ပို့နိုင်ခဲ့သည်။

၂၀၁၇-၂၀၁၈ ဘဏ္ဍာနှစ်အတွင်း ပြည်ပဈေးကွက်သစ်များ တိုးချဲ့ရရှိမှုတို့ကြောင့် ပင်လယ်ရေကြောင်း ကုန်သွယ်မှုမှ ဆန်တင်ပို့မှုမှာ ယခင်နှစ်များထက် မြင့်တက်လာပြီး စုစုပေါင်း ဆန်တင်ပို့မှု၏ ၄၈ ရာခိုင်နှုန်းအထိ ရှိလာခဲ့သည်။

မြန်မာ့ဆန်စပါး ကဏ္ဍအတွက် ဦးစားပေး ဆောင်ရွက်မည့် ရည်မှန်းချက်အရ လာမည့် သုံးနှစ်အတွင်း ဆန်တန်ချိန် လေးသန်းအထိ ပြည်ပသို့ တိုးမြှင့်တင်ပို့နိုင်ရန် ရည်မှန်းထားပြီး ၀င်ငွေ ဒေါ်လာ ၁ ဒသမ ၅ ဘီလျံအထိ ရရှိနိုင်ကြောင်း မြန်မာနိုင်ငံ ဆန်စပါးအသင်းချုပ်မှ သိရသည်။

ပြည်ပသို့ ဆန်နှင့် ဆန်ကွဲ ပိုမိုတင်ပို့နိုင်ရန်အတွက် နိုင်ငံတကာ ဈေးကွက်များကို ပိုမိုရှာဖွေခဲ့ရာ ပြီးခဲ့သည့် ၂၀၁၇-၂၀၁၈ ဘဏ္ဍာနှစ်တွင် နိုင်ငံပေါင်း ၉၀ အထိ တိုးချဲ့တင်ပို့နိုင်ခဲ့ကာ ယခင်ဘဏ္ဍာနှစ်များထက် နိုင်ငံပေါင်း ၃၀ ခန့် တိုးချဲ့တင်ပို့နိုင်ခဲ့သည်။ လက်ရှိ ၂၀၁၈-၂၀၁၉ ဘဏ္ဍာနှစ် သုံးလနီးပါး ကာလအတွင်း နိုင်ငံပေါင်း ၅၂ နိုင်ငံသို့ မြန်မာနိုင်ငံမှ ဆန်နှင့် ဆန်ကွဲ တင်ပို့နိုင်ခဲ့ကြောင်း သိရသည်။

ငွေလဲလှယ်မှုနှုန်းထား အတက်အကျ ဆက်တိုက်ဖြစ်နေမည် ဆိုပါက မြန်မာနိုင်ငံအပေါ် နိုင်ငံခြား ရင်းနှီးမြှုပ်နှံသူများ၏ ယုံကြည်မှု လျော့ကျလာနိုင်သည့်အတွက် အမြန်ဆုံး ထိန်းချုပ်နိုင်ရန်လိုအပ်

ငွေလဲလှယ်မှုနှုန်းထား အတက်အကျ ဆက်တိုက်ဖြစ်နေမည် ဆိုပါက မြန်မာနိုင်ငံအပေါ် နိုင်ငံခြား ရင်းနှီးမြှုပ်နှံသူများ၏ ယုံကြည်မှု လျော့ကျလာနိုင်သည့်အတွက် အမြန်ဆုံးထိန်းချုပ်နိုင်ရန် လိုအပ်ကြောင်း  ဇူလိုင် ၉ ရက် မြန်မာနိုင်ငံ ရင်းနှီးမြှုပ်နှံမှုကော်မရှင်၌ ပြုလုပ်သည့် သတင်းစာရှင်းလင်းပွဲ အခမ်းအနားတွင် ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာနမှ ညွှန်ကြားရေးမှူးချုပ် ဦးအောင်နိုင်ဦးက ပြောကြားသည်။

“ငွေလဲလှယ်နှုန်း ကျခြင်းတက်ခြင်းကတော့ ရင်းနှီးမြှုပ်နှံမှုကို တိုက်ရိုက်တော့ ချက်ချင်းလက်ငင်း သက်ရောက်မှုတော့ မရှိဘူး။ သို့သော်လည်းပဲ တက်လိုက်ကျလိုက် မကြာခဏ ဖြစ်နေရင်တော့ ရင်းနှီးမြှုပ်နှံသူတွေရဲ့ ယုံကြည်မှုပေါ့။ စိတ်ချယုံကြည်မှုကိုတော့ နည်းနည်းထိတာပေါ့။ လတ်တလော ငွေကြေး ရုတ်တရက်တက်သွားလို့ ကျသွားလို့ ရင်းနှီးမြှုပ်နှံမှုမှာတော့ ချက်ချင်းသက်ရောက်မှုတော့ မရှိဘူး။ ခဏခဏ တက်လိုက်ကျလိုက် ဖြစ်နေရင် ယုံကြည်မှုပေါ့။ မြန်မာနိုင်ငံမှာ ငွေကြေးနဲ့ ပတ်သက်ပြီး မတည်ငြိမ်ဘူးဆိုတဲ့ ယုံကြည်မှု ထိခိုက်လာနိုင်တာမျိုးတော့ ရှိလာနိုင်ပါတယ်” ဟု ဦးအောင်နိုင်ဦးက ပြောကြားသည်။

ပြီးခဲ့သည့် ဇွန်လကစတင်ကာ နိုင်ငံခြားငွေလဲလှယ်နှုန်းများ မြင့်တက်ခဲ့ပြီး တစ်ဒေါ်လာကို မြန်မာငွေကျပ် ၁၄၀၀ ကျော်အထိ မြင့်တက်ခဲ့ပြီး ဇူလိုင် ၉ ရက်တွင် ကမ္ဘာ့ဒေါ်လာဈေး အညွှန်းကိန်း ၉၄ ပွိုင့်အောက် ဆက်ရှိပြီး ပြည်တွင်းဈေးကွက်အတွင်း တစ်ဒေါ်လာ ၁၃၉၃ ကျပ်ဝန်းကျင် ဖြစ်ပေါ်ခဲ့ကြောင်း နိုင်ငံခြားငွေကြေး ရောင်းဝယ်သူများထံမှ သိရသည်။

၂၀၁၆ ခုနှစ်တွင်လည်း ယင်းကဲ့သို့ ငွေလဲလှယ်နှုန်း အတက်အကျ ဆက်တိုက်ဖြစ်ပေါ် မှုများကြောင့် တစ်ဒေါ်လာလျှင် ကျပ်ငွေ ၁၄၃၀ ကျော်အထိ ဖြစ်ခဲ့ကြောင်း သိရသည်။

ယင်းအချိန်ကာလများတွင် ငွေလဲလှယ်နှုန်း အတက်အကျ ဖြစ်ပေါ်မှုများကို အချိန်မီ ထိန်းသိမ်းထားနိုင် ခဲ့သည့်အတွက် ရင်းနှီးမြှုပ်နှံမှု လုပ်ငန်းများကို ထိခိုက်မှု မရှိခဲ့ကြောင်း၊ လက်ရှိဖြစ်ပေါ်နေသည့် ငွေကြေးမတည်ငြိမ်မှုများကိုလည်း အမြန်ဆုံး ထိန်းချုပ်ရန် လိုအပ်ကြောင်း သိရသည်။

“ဒါမျိုးဖြစ်စဉ်မျိုးက ယခင်ကာလမှာလည်း ဖြစ်ခဲ့ဖူးတယ်။ မနှစ်က ဖြစ်ခဲ့တဲ့အချိန်တုန်းက ဘာမှသက်ရောက်မှု မရှိလိုက်ဘူး။ ကာလလည်းတိုတယ်။ ချက်ချင်း ကျွန်တော်တို့က ထိန်းချုပ်နိုင်တယ်ဆိုတော့ ဒီကာလလည်း လက်ရှိတော့ ပြီးခဲ့တဲ့ လတွေထက်စာရင် တက်လာတာပေါ့နော်။ သို့သော်လည်း လက်ရှိအချိန်အထိ ဘာမှသက်ရောက်မှု မရှိသေးဘူး။ ဒါလေးကိုတော့ မြန်မြန်ထိန်းချုပ် နိုင်ရင်တော့ ပိုကောင်းတာပေါ့။ ကျွန်တော်ခြုံပြောမယ် ဆိုရင်တော့ ငွေကြေးဖောင်းပွမှုသည် ရုတ်တရက် တက်ခြင်းကျခြင်းကြောင့် ရင်းနှီးမြှုပ်နှံမှု အပေါ်မှာတော့ ချက်ချင်းသိသာတဲ့ သက်ရောက်မှုမရှိဘူး။ မကြာခဏ ဖြစ်ရင်တော့ ရင်းနှီးမြှုပ်နှံသူတွေရဲ့ ယုံကြည်မှုကို ကျဆင်းတဲ့ သက်ရောက်မှု ရှိလာနိုင်တယ်” ဟု ဦးအောင်နိုင်ဦးက သုံးသပ်ပြောကြားသည်။

၂၀၁၈ ခုနှစ် မေလမှစတင်ကာ ကမ္ဘာ့ဒေါ်လာဈေး အညွှန်းကိန်း သိသိသာသာ ပြန်လည်မြင့်တက် ခဲ့ခြင်းဖြစ်ပြီး ပြည်တွင်းဈေးကွက်၌ ငါးလအတွင်း လအလိုက်ဖြစ်ပေါ်သော နိုင်ငံခြားငွေလဲနှုန်း အနိမ့်ဆုံးနှင့် အမြင့်ဆုံးနှုန်းများမှာ ဇန်န၀ါရီတွင် ၁၃၂၃-၁၃၅၄ ကျပ်၊ ဖေဖော်ဝါရီတွင် ၁၃၂၃-၁၃၃၁ ကျပ်၊ မတ်တွင် ၁၃၂၆-၁၃၃၄ ကျပ်၊ ဧပြီတွင် ၁၃၂၄-၁၃၃၂ ကျပ်၊ မေတွင် ၁၃၃၂-၁၃၅၁ ကျပ်၊ ဇွန်တွင် ၁၃၄၅  -၁၄၀၇ တို့ဖြစ်ပြီး ဇွန်လတွင် ကွာဟချက် အများဆုံး ဖြစ်ပေါ်ခဲ့သည်။

 

ဘဏ္ဍာနှစ် ကြားကာလ နှစ်လခွဲအတွင်း ပြည်ပသို့ CMP အထည်ချုပ်တင်ပို့မှုမှ ဒေါ်လာသန်း ၇၆၀ နီးပါး ရရှိထားပြီး ယခင်နှစ် ကာလတူနှင့် နှိုင်းယှဉ်ပါက ဒေါ်လာ ၃၈၂ သန်းပိုမိုရရှိထား

ရန်ကုန်မြို့ ရွှေပြည်သာမြို့နယ်ရှိ အထည်ချုပ်စက်ရုံ တစ်ရုံကို တွေ့ရစဉ် (ဓာတ်ပုံ-ဇေယျာငြိမ်း)

ဘဏ္ဍာနှစ် ကြားကာလ နှစ်လခွဲအတွင်း ပြည်ပသို့ CMP အထည်ချုပ် (ချုပ်ပြီးအထည်) တင်ပို့မှုမှ အမေရိကန်ဒေါ်လာ သန်း ၇၆၀ နီးပါး ရရှိထားပြီး ယခင်နှစ်ကာလတူနှင့် နှိုင်းယှဉ်ပါက ထက်ဝက်အထိ ပိုမိုရရှိထားကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ သိရသည်။

“ချုပ်ပြီးအထည်က မနှစ်က ဒေါ်လာ ၃၇၇ ဒသမ ၀၃၁ သန်း ဒီနှစ်က ၇၅၉ ဒသမ ၁၇၂ သန်း သူကတော့ ထက်ဝက်လောက်ကို တက်လာတယ်။ ၃၈၂ သန်းလောက်ကို ပိုရထားတယ်” ဟု စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ လက်ထောက်အတွင်းဝန် ဦးခင်မောင်လွင်က ပြောကြားသည်။

စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ မြန်မာနိုင်ငံ၏ ပို့ကုန်ကဏ္ဍတိုးမြှင့်ရေး လုပ်ငန်များကို ဆောင်ရွက်ရာတွင် အထည်လိပ်လုပ်ငန်း (အထည်ချုပ်) ကဏ္ဍကို အဓိကဦးစားပေး အနေဖြင့် ဆောင်ရွက်နေကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ သိရသည်။

မြန်မာနိုင်ငံ၏ တတိယအကြီးဆုံး ပို့ကုန်အမျိုးအစားဖြစ်သော CMP အထည်ချုပ် လုပ်ငန်းသည် မြန်မာနိုင်ငံ စီးပွားရေး ဖွံ့ဖြိုးတိုးတက်ရန် အထောက်အကူပြုရာ၌ သိသာထင်ရှားသော အခန်းကဏ္ဍက ပါဝင်သည်။

လက်ရှိအချိန်တွင် မြန်မာ့အထည်အလိပ်ကဏ္ဍမှာ အရှိန်အဟုန်ဖြင့် တိုးတက်လာနေကြောင်းနှင့် မြန်မာနိုင်ငံမှ ထုတ်လုပ်သည့် အ၀တ်အထည်များကို ဥရောပနိုင်ငံများနှင့် အာရှနိုင်ငံများမှ သုံးစွဲမှု မြင့်တက်လာကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန၊ ဒုတိယ၀န်ကြီး ဦးအောင်ထူးက ပြောကြားထားသည်။

မြန်မာနိုင်ငံအနေဖြင့် ပြည်ပသို့ အထည်ချုပ် (ချုပ်ပြီးအထည်) တင်ပို့မှုကို လေ့လာကြည့်ပါက ၂၀၁၀ ပြည့်နှစ်တွင် အထည်ချုပ် တင်ပို့မှုတွင် အမေရိကန်ဒေါ်လာ  ၃၃၇ သန်း ရှိခဲ့ရာမှ ၂၀၁၄ ခုနှစ်တွင် သုံးဆအထိမြင့် တက်လာခဲ့ပြီး ဒေါ်လာတစ်ဘီလီယံ နီးပါးခန့်အထိ ရောက်ရှိလာခဲ့ကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ သိရသည်။

ထို့ပြင် ၂၀၁၅ ခုနှစ်တွင် ချုပ်ပြီးအထည် တင်ပို့မှုသည် အမေရိကန်ဒေါ်လာ ၁ ဒသမ ၄၆ ဘီလီယံအထိ ရှိလာခဲ့ပြီး မြန်မာနိုင်ငံ၏ စုစုပေါင်း ပို့ကုန်တန်ဖိုး၏ ၁၀ ရာခိုင်နှုန်းအထိ ရောက်ရှိလာသည်အထိ အထည်ချုပ် လုပ်ငန်းများ တစ်ရှိန်ထိုး တိုးတက်လာခဲ့ကြောင်း၊ ပို့ကုန်ဈေးကွက်တွင်လည်း အီးယူဈေးကွက်သို့ တင်ပို့မှုမှာ ယခင်နှစ်များထက် ၂၀၁၅ ခုနှစ်တွင် ရာခိုင်နှုန်း ၈၀ အထိ မြင့်တက်လာခဲ့ကြောင်း သိရသည်။

မြန်မာနိုင်ငံတွင် အထည်ချုပ် လုပ်ငန်းများကို ပြည်တွင်းလုပ်ငန်းရှင်များ အနေဖြင့် နိုင်ငံသားပိုင် စက်ရုံများနှင့် နိုင်ငံခြား ကုမ္ပဏီများနှင့် အကျိုးတူ ဖက်စပ်လုပ်ကိုင်သည့် ပြည်တွင်းပြည်ပ ဖက်စပ်ကုမ္ပဏီများအဖြစ် ဆောင်ရွက်နေခြင်းဖြစ်သည်။ ဖက်စပ်လုပ်ကိုင်သည့် ပြည်ပနိုင်ငံများတွင် ဂျပန်၊ တရုတ်၊ ကိုရီးယားနှင့် ထိုင်ဝမ်နိုင်ငံတို့မှ အများဆုံး လာရောက်လုပ်ကိုင် နေခြင်းဖြစ်ကြောင်း သိရသည်။

မြန်မာနိုင်ငံတွင် အထည်လိပ်နှင့် အထည်ချုပ်လုပ်ငန်းများကို ပြည်တွင်းလုပ်ငန်းရှင်များ အနေဖြင့် နိုင်ငံသားပိုင် စက်ရုံများနှင့် နိုင်ငံခြားကုမ္ပဏီများနှင့် အကျိုးတူဖက်စပ် လုပ်ကိုင်သည့် ပြည်တွင်းပြည်ပ ဖက်စပ်ကုမ္ပဏီများအဖြစ် ဆောင်ရွက်နေခြင်းဖြစ်သည်။ ဖက်စပ်လုပ်ကိုင်သည့် ပြည်ပနိုင်ငံများတွင် ဂျပန်၊ တရုတ်၊ ကိုရီးယားနှင့် ထိုင်ဝမ်နိုင်ငံတို့မှ အများဆုံး လာရောက်လုပ်ကိုင် နေခြင်းဖြစ်ကြောင်း သိရသည်။

ယခင်က အထည်ချုပ် စက်ရုံပေါင်း ၃၅၀ ကျော်သာ ရှိခဲ့ရာမှ လက်ရှိအချိန်တွင် မြန်မာနိုင်ငံ အထည်ချုပ်လုပ်ငန်း ကဏ္ဍ၌ စက်ရုံပေါင်း ၄၀၀ ကျော်အထိ တိုးတက်လာခဲ့ကြောင်း သိရသည်။

မြန်မာကျပ်ငွေတန်ဖိုး ဆက်လက်ကျဆင်းနေဆဲဖြစ်ပြီး နိုင်ငံခြားငွေလဲနှုန်း နှစ်ပတ်အတွင်း ၃၇ ကျပ်မြင့်တက်ကာ တစ်ဒေါ်လာ ၁၃၈၃ ကျပ်အထိ ရောက်ရှိ

ရန်ကုန်မြို့ရှိ နိုင်ငံခြားငွေလဲလှယ် ရောင်းဝယ်ရေးစင်တာတစ်ခုကို တွေ့ရစဉ် (ဓာတ်ပုံ-ကျော်ဇင်ဖြိုး)

ကမ္ဘာ့ဈေးကွက်တွင် ဒေါ်လာဈေး အားကောင်းနေသောကြောင့် ပြည်တွင်းဈေးကွက်တွင် နိုင်ငံခြားငွေလဲနှုန်း နှစ်ပတ်အတွင်း ၃၇ ကျပ်မြင့်တက်ခဲ့ပြီး ကျပ်ငွေတန်ဖိုး ၂ ဒသမ ၇ ရာခိုင်နှုန်းကျဆင်းခဲ့ကာ တစ်ဒေါ်လာ ၁၃၈၁ ကျပ်အထိ ရောက်ရှိလာကြောင်း ဈေးကွက်အတွင်း နိုင်ငံခြားငွေကြေးရောင်းဝယ်နေသူများထံမှ သိရသည်။

အမေရိကန်သည် တရုတ်နိုင်ငံသာမက  အဓိကမဟာမိတ်ဖြစ်သော ဥရောပနိုင်ငံများကိုပါ သွင်းကုန်ခွန်မြှင့်တင်မှုနှင့် ယင်းနိုင်ငံများ၏ ပြန်လည်တုံ့ပြန်မှုများကြောင့် အခြေအနေများတင်းမာလာခဲ့ပြီး ကမ္ဘာလုံးဆိုင်ရာ ကုန်သွယ်ရေးစစ်ပွဲအသွင် ဖြစ်ပေါ်နေကြောင်း သိရသည်။ ယင်းအတောအတွင်း အမေရိကန် နိုင်ငံအတွင်း စီးပွားရေးအခြေအနေကောင်း မွန်မှုကြောင့် ဇွန် ၁၃ ရက်တွင် အတိုးနှုန်း ၀ ဒသမ ၂၅ ရာခိုင်နှုန်းတိုးမြှင့်ခဲ့ပြီး ဘဏ်တိုးနှုန်းသည် နှစ်ရာခိုင်နှုန်းအထိ ရှိလာပြီဖြစ်သည်။ ထို့ပြင် ၂၀၁၈ ခုနှစ်အတွင်း နောက်ထပ်အတိုးနှုန်း နှစ်ကြိမ်တိုးမြှင့်ဦးမည်ဟု အမေရိကန်ဗဟိုဘဏ်ဥက္ကဋ္ဌက ပြောကြားထားပြီး ကုန်သွယ်ရေးစစ်ပွဲအရှိန်နှင့် အမေရိကန် အတိုးနှုန်းကိစ္စက ဒေါ်လာကို ဆက်လက်အား ကောင်းစေသည့် အဓိကအချက်များ ဖြစ်သည်။

အမေရိကန်နိုင်ငံ ရွေးကောက်ပွဲပြုလုပ်ခဲ့သည့် ၂၀၁၆ ခုနှစ် နိုဝင်ဘာလနောက်ပိုင်း ၂၀၁၇ ဇန်န၀ါရီ ၃ ရက်တွင် ၁၀၃ ဒသ မ ၈၂  ပွိုင့်အထိမြင့်တက်ခဲ့ပြီး ၂၀၁၈ ခုနှစ် ဇန်န၀ါရီ ၂၅ ရက်တွင် ၈၈ ဒသမ ၆၃ ပွိုင့် အထိကျဆင်းခဲ့သည်။ ပြီးခဲ့သည့် ငါးလအတွင်း အမြင့်ဆုံးဖြစ်ပေါ်ခဲ့သော ကမ္ဘာ့ဒေါ်လာဈေးညွှန်းကိန်းများမှာ ဒီဇင်ဘာလတွင် ၉၄ ဒသမ ၁၈ ပွိုင့်၊ ဇန်န၀ါရီလတွင် ၉၂ ဒသမ ၃၆ ပွိုင့်၊ ဖေဖော်ဝါရီလတွင် ၉၀ ဒသမ ၄၃ ပွိုင့်၊ မတ်လတွင် ၉၀ ဒသမ ၃၇ ပွိုင့်၊ ဧပြီလတွင်  ၉၁ ဒသမ ၇၁ ပွိုင့်၊ မေလတွင် ၉၄ ဒသမ ၈၃ ပွိုင့်ဖြစ်ပြီး  ဇွန် ၂၁ ရက်တွင် ၉၅ ဒသမ ၁၆ ပွိုင့် ၀န်းကျင်သို့ ရောက်ရှိခဲ့ခြင်း ဖြစ်သည်။

၂၀၁၈ ခုနှစ် မေလမှစတင်ကာ ကမ္ဘာ့ဒေါ်လာဈေးအညွှန်းကိန်း သိသိသာသာ ပြန်လည်မြင့်တက်ခဲ့ခြင်းဖြစ်ပြီး  ပြည်တွင်းဈေးကွက်၌ ငါးလအတွင်း လအလိုက်ဖြစ်ပေါ်သော နိုင်ငံခြားငွေလဲနှုန်းအနိမ့်ဆုံးနှင့် အမြင့်ဆုံးနှုန်းများမှာ ဇန်န၀ါရီတွင် ၁၃၂၃-၁၃၅၄ ကျပ်၊ ဖေဖော်ဝါရီလတွင် ၁၃၂၃-၁၃၃၁ ကျပ်၊ မတ်လတွင် ၁၃၂၆-၁၃၃၄ ကျပ်၊ ဧပြီလတွင် ၁၃၂၄-၁၃၃၂ ကျပ်၊ မေလတွင် ၁၃၃၂-၁၃၅၁ တို့ဖြစ်ပြီး ဇန်န၀ါရီတွင် ကွာဟချက်အများဆုံး ဖြစ်ပေါ်ခဲ့သည်။

ပြီးခဲ့သည့် မတ်လအတွင်း အမြင့်ဆုံး ဈေးနှုန်းအဖြစ် မတ် ၂၁ ရက်တွင် ၁၃၃၄ ကျပ်ဖြစ်ပေါ်ခဲ့သော ဒေါ်လာဈေးသည် မတ် ၂၉ ရက်တွင် ၁၃၂၈ ကျပ်အထိ ၊ ဧပြီလဆန်းတွင် ၁၃၂၄ ၀န်းကျင်အထိ ကျဆင်းခဲ့သည်။ ထို့နောက် ဧပြီလကုန်ပိုင်း ၂၈ ရက်တွင် ၁၃၃၁  ကျပ်၊ မေ ၂၁ ရက်တွင် ၁၃၅၁  ကျပ်အထိမြင့် တက်ခဲ့ပြီး ဇွန် ၉ ရက်တွင် ၁၃၄၆ ကျပ်၊ ဇွန် ၁၅ ရက်တွင် ၁၃၅၅ ကျပ်၊ ဇွန် ၁၆ ရက်တွင် ၁၃၆၅ ကျပ်၊ ဇွန် ၂၀ ရက်တွင်  ၁၃၆၈ ကျပ်၊ ဇွန် ၂၁ ရက်တွင် ၁၃၇၅ ကျပ်၊ ဇွန် ၂၆ ရက်တွင် ၁၃၈၃ ကျပ်ဝန်းကျင် ဖြစ်ပေါ်ခဲ့သည်။ ဇွန် ၂၆ ရက်တွင် သတ်မှတ်ထားသော ဗဟိုဘဏ်ရည်ညွှန်း ငွေလဲနှုန်းမှာ ၁၃၈၀ ကျပ်ဖြစ်ကြောင်း သိရသည်။

၂၀၁၆ ခုနှစ် ဒီဇင်ဘာ ၁၆ ရက်တွင် သမိုင်းတစ်လျှောက် အမြင့်ဆုံးငွေလဲနှုန်းထား အဖြစ် ၁၄၃၈ ကျပ်အထိ ရောက်ရှိခဲ့ပြီး ၂၀၁၈ ခုနှစ် ဇွန် ၂၆ ရက်တွင် ဖြစ်ပေါ်သော တစ်ဒေါ်လာ ၁၃၈၃ ကျပ် ဈေးနှုန်းသည် ၂၀၁၆ ခုနှစ် ဒီဇင်ဘာ ၂၃ ရက်နောက်ပိုင်း အမြင့်ဆုံးဈေးနှုန်းဖြစ်သည်။

ပြည်တွင်းဈေးကွက်အတွင်း ဇွန် ၂၆ ရက်တွင်ဖြစ်ပေါ်သော အခြားနိုင်ငံခြားငွေကြေးများ၏ လဲလှယ်မှုနှုန်းထားများမှာ ယူရို ကျပ် ၁၆၀၀၊ စင်ကာပူဒေါ်လာ ၁၀၁၃ ကျပ်၊ မလေးရှားရင်းဂစ် ၃၄၁ ကျပ်၊ ထိုင်းဘတ် ၄၂ ဒသမ ၂၅ ကျပ်၊ တရုတ်ယွမ် ၂၁၀ ကျပ်၊ ဂျပန်ယန်း ၁၂ ဒသမ ၄၅ ကျပ်၊ တောင် ကိုရီးယားဝမ် ၁ ဒသမ ၂၇ ကျပ် ဖြစ်သည်။

သီလ၀ါဆိပ်ကမ်းရှိ ဂျပန်အိုဒီအေချေးငွေဖြင့် တည်ဆောက်နေသည့် ကုန်သေတ္တာနှင့် အထွေထွေကုန်တင် ဆိပ်ကမ်း၌ ၂၀၁၉ ခုနှစ် မတ်တွင် သင်္ဘောများ စတင်ဆိုက်ကပ်နိုင်မည်

သီလ၀ါရှိ MITT ဆိပ်ကမ်းဝင်း တစ်နေရာကို တွေ့ရစဉ်

သီလ၀ါဆိပ်ကမ်းရှိ ဂျပန်အိုဒီအေ ချေးငွေဖြင့် တည်ဆောက်နေသည့် ကုန်သေတ္တာနှင့် အထွေထွေ ကုန်တင်ဆိပ်ကမ်း၌ ၂၀၁၉ နှစ်ဆန်းပိုင်းတွင် သင်္ဘောများ စတင်ဆိုက်ကပ်နိုင်မည်ဖြစ်ကြောင်း သတင်းရရှိသည်။

သီလ၀ါဆိပ်ကမ်းရှိ မြန်မာ့ဆိပ်ကမ်း အာဏာပိုင်မြေကွက် ၂၅၊ ၂၆ ၌ ဂျပန်နိုင်ငံ၏ အိုဒီအေချေးငွေဖြင့် တည်ဆောက်နေသည့် ဆိပ်ကမ်းတည်ဆောက်ရေး လုပ်ငန်းများ လာမည့် ဒီဇင်ဘာတွင် ပြီးစီးနိုင်မည် ဖြစ်ကြောင်း မြန်မာ့ဆိပ်ကမ်း အာဏာပိုင်မှ သတင်းရရှိသည်။

“လက်ရှိ သီလ၀ါဒေသ မြေကွက် ၂၅ နဲ့ ၂၆ ပေါ်မှာ ဆောင်ရွက် နေတဲ့ ဆိပ်ကမ်းတည်ဆောက်ရေး စီမံကိန်းတွေကို ၂၀၁၈ ခုနှစ် ဒီဇင်ဘာ မှာ စီမံကိန်းလုပ်ငန်းတွေ ပြီးစီးပြီး ၂၀၁၉ မတ်လလောက်မှာ သင်္ဘော ဆိုက်ကပ်မှုတွေ လက်ခံနိုင်မယ်လို့ ခန့်မှန်းထားတယ်။ ပြီးတာနဲ့ ကျန်တဲ့ မြေကွက်၂၂၊ ၂၃ နဲ့ ၂၄ ပေါ်မှာ ဆိပ် ကမ်းသစ်တွေ တည်ဆောက်တာကို ဆက်ပြီး လုပ်သွားဖို့ရှိပါတယ်” ဟု မြန်မာ့ဆိပ်ကမ်း အာဏာပိုင် ဒုတိယ အထွေထွေမန်နေဂျာ ဒေါက်တာမျိုးငြိမ်းအေးက ပြောကြားသည်။

သီလ၀ါဆိပ်ကမ်းဒေသရှိ မြန်မာ့ဆိပ်ကမ်း အာဏာပိုင် မြေကွက်အမှတ် ၂၅ နှင့် ၂၆ တွင် ဂျပန်နိုင်ငံ၏ အိုဒီအေ ချေးငွေဖြင့် ဆောင်ရွက်နေသည့် ဆိပ်ကမ်းတည်ဆောက်မှုတွင် ဆိပ်ခံတံတား တည်ဆောက်ခြင်း၊ နောက်ခံမြေပေါ်တွင် ဆိပ်ကမ်းဆိုင်ရာ အဆောက်အအုံများ တည်ဆောက်ခြင်းတို့ ပါဝင်ပြီး စီမံကိန်းပထမအ ဆင့်လုပ်ငန်းများ ဆောင်ရွက်နေကြောင်း သေိရသည်။

ရန်ကုန်တိုင်း ကျောက်တန်းမြို့နယ် သီလ၀ါဒေသတွင် ဂျပန်နိုင်ငံ၏ တရားဝင်ဖွံ့ဖြိုးမှု အကူအညီဖြစ်သည့် ဂျပန်ယန်း သန်း ၂၃၆၈၀ ဖြင့် တည်ဆောက်နေသည့် ဆိပ်ကမ်းတည်ဆောက်ရေး လုပ်ငန်းများတွင် ၄၀၀ မီတာ x ၄၀ မီတာရှိ ပင်မတံတား (Steel Jacket Type)၊ ၈၀-၉၀ မီတာ_ ၁၅-၂၀ မီတာရှိ ချဉ်းကပ်တံတားသုံးစင်း၊ ဆိပ်ကမ်းဆိုင်ရာ နောက်ခံမြေ ၃၇ ဧကပေါ်တွင် ဆိပ်ကမ်းဆိုင်ရာ အဆောက်အအုံများ တည်ဆောက်ခြင်း၊ ကုန်ကိုင်တွယ်စက် ကိရိယာများဖြစ်သည့် Quary Crane နှစ်စင်း၊ RTG ခြောက်စင်း၊ Reach Stacker သုံးစင်း၊ Trailer ခြောက်စင်းနှင့် Chassis ခြောက်စင်းအား ၀ယ်ယူတပ်ဆင်ခြင်းတို့ ပါဝင်ကြောင်း သိရသည်။

စီမံကိန်း တည်ဆောက်ရေး ကာလမှာ ၂၀၁၆ ခုနှစ် ဇွန်တွင် စီမံကိန်းလုပ်ငန်းများ စတင်အကောင်ထည် ဖော်ဆောင်ရွက်ခဲ့ပြီး ၂၀၁၈ ခုနှစ် ဒီဇင်ဘာတွင် စီမံကိန်းလုပ်ငန်းများ ပြီးစီးမည်ဖြစ်သည်။

သီလ၀ါဧရိယာ အခြေခံအဆောက်အအုံများ ဖွံ့ဖြိုးတိုးတက်ရေး သီလ၀ါဆိပ်ကမ်းဒေသသို့ ရန်ကုန်ဆိပ်ကမ်း တိုးချဲ့တည်ဆောက်ရေး စီမံကိန်း ပထမအဆင့်အတွက် ဂျပန်အစိုးရနှင့် မြန်မာအစိုးရအကြား ချေးငွေစာချုပ်များကို ၂၀၁၃ ခုနှစ်နှင့် ၂၀၁၅ ခုနှစ်များတွင် စာချုပ် ချုပ်ဆို၍ စီမံကိန်းအတွက် အတိုင်ပင်ခံ အဖွဲ့အစည်းအဖြစ် နီပွန်ကိုအိ ကုမ္ပဏီမှ Consulting Services လုပ်ငန်းများကို ၂၀၁၄ ခုနှစ်တွင် စတင်ဆောင်ရွက်ခဲ့ပြီး၂၀၁၅ ခုနှစ် စက်တင်ဘာတွင် နီပွန်ကိုအိကုမ္ပဏီနှင့် မြန်မာ့ဆိပ်ကမ်း အာဏာပိုင်အကြား နှစ်ဖက်သဘောတူစာချုပ် လက်မှတ်ရေးထိုး ခဲ့ခြင်းဖြစ်ကြောင်း သိရသည်။

 

၂၀၁၈-၂၀၂၀ အတွင်း နှစ်စဉ် ဆန်တန်ချိန် သုံးသန်းကျော် တင်ပို့ရန် ရည်မှန်းပါက Beyond Yangon ကို စဉ်းစားပြင်ဆင်ရန်နှင့် စစ်တွေဆိပ်ကမ်း၊ ပုသိမ်ဆိပ်ကမ်းတို့မှ ပြန်လည်တင်ပို့နိုင်ရေး ဆောင်ရွက်ရန်လိုအပ်

ရန်ကုန်မြို့ရှိ ဆိပ်ကမ်းတစ်ခုတွင် လုပ်ငန်းများ ဆောင်ရွက်နေသည်ကို တွေ့ရစဉ် (ဓာတ်ပုံ-ကြည်နိုင်)

၂၀၁၈-၂၀၂၀ အတွင်း ဆန်တန်ချိန် သုံးသန်းကျော် နှစ်စဉ်တင်ပို့ရန် ရည်မှန်းပါက Beyond Yangon ကို စဉ်းစားပြင်ဆင်ရန် လိုအပ်ပြီး စစ်တွေဆိပ်ကမ်း၊ ပုသိမ်ဆိပ်ကမ်းတို့မှ ပြန်လည်တင်ပို့နိုင်ရေး ဆောင်ရွက်ရန် လိုအပ်ကြောင်း ဇွန် ၂၃ ရက်က ကုန်သည်စက်မှုအသင်းချုပ်ရှိ မြန်မာနိုင်ငံ ဆန်စပါးအသင်းချုပ်တွင်  ကျင်းပသည့် မြန်မာ့ဆန်စပါး ဥပဒေတစ်ရပ် ပြဋ္ဌာန်းနိုင်ရေး မြန်မာနိုင်ငံ ဆန်စပါးအသင်းချုပ်က ပြုစုထားသော အခြေခံ (မူကြမ်း) နှင့်စပ်လျဉ်း၍ ရှင်းလင်းဆွေးနွေးပွဲမှ သိရသည်။

“မြန်မာနိုင်ငံ၏ ဆိပ်ကမ်းကုန်ကျစရိတ်မှာ ဒေသတွင်းနိုင်ငံများဖြစ်သည့် ထိုင်း၊ ဗီယက်နမ်နိုင်ငံတို့နှင့် နှိုင်းယှဉ်ပါက နှစ်ဆမြင့်မားနေသောကြောင့် နိုင်ငံတကာမှ ဆန်ပမာဏများများ ၀ယ်ယူသူများသည် ယင်းနိုင်ငံများမှ ဆန်ဝယ်ယူလို့ မရမှသာလျှင် မြန်မာနိုင်ငံမှဆန်ကို ၀ယ်ယူခြင်းအပြင် ဆန်တစ်တန်ကို အမေရိကန်ဒေါ်လာ ၃၀ ခန့်အထိ ဈေးနှုန်းလျော့၍ ရရှိမှသာ ၀ယ်ယူနေတာ ဖြစ်ပါတယ်” ဟု မြန်မာနိုင်ငံ ဆန်စပါးအသင်းချုပ်မှ တာဝန်ရှိသူတစ်ဦးက ပြောကြားသည်။

တန်ချိန် နှစ်သောင်းဝင် သင်္ဘောကြီးများ ဆိပ်ကမ်းသို့ ဆိုက်ကပ်ရပ်နားရသည့် ကုန်ကျစရိတ်မှာ ပြည်ပသို့ ဆန်အဓိက တင်ပို့နေသည့် နိုင်ငံများဖြစ်သည့် ထိုင်းနိုင်ငံတွင် ဒေါ်လာ ၆၅၀၀၊ ဗီယက်နမ်နိုင်ငံတွင် ဒေါ်လာ ၆၀၀၀၊ အိန္ဒိယနိုင်ငံတွင် ဒေါ်လာ ၇၅၀၀ နှင့် ပါကစ္စတန်နိုင်ငံတွင် ဒေါ်လာ ၁၁၀၀၀ အသီးသီး ကုန်ကျကြောင်း မြန်မာနိုင်ငံ ဆန်စပါးအသင်းချုပ်မှ တင်ပြသည့် စာတမ်းတွင် ဖော်ပြထားသည်။

သို့သော်လည်း မြန်မာနိုင်ငံ၏ နိုင်ငံတကာ ဆိပ်ကမ်းဖြစ်သည့် ရန်ကုန်အပြည်ပြည်ဆိုင်ရာ ဆိပ်ကမ်းသို့ တန်ချိန်နှစ်သောင်းဝင် သင်္ဘောများ ဆိုက်ကပ်ရပ်နားရသည့် ကုန်ကျစရိတ်သည် ဒေါ်လာ ၁၄၅၀၀ အထိ ကုန်ကျသည့်အတွက် ယင်းပမာဏသည် ထိုင်းနိုင်ငံနှင့် ဗီယက်နမ်နိုင်ငံများထက် ထက်ဝက်ကျော် ပိုများနေသည့် ကုန်ကျစရိတ် ဖြစ်နေကြောင်း သိရသည်။

ထို့ကြောင့် နိုင်ငံတကာမှ ဆန်ပမာဏများစွာ ၀ယ်ယူသူများသည် အခြားနိုင်ငံများ ၀ယ်၍မရမှသာလျှင် မြန်မာနိုင်ငံမှ ၀ယ်ယူရန် နောက်ဆုံးမှ စဉ်းစားကြောင်း၊  အထူးသဖြင့် ထိုင်း၊ ဗီယက်နမ်၊ အိန္ဒိယနှင့် ပါကစ္စတန် နိုင်ငံတို့တွင် ၀ယ်ယူရန် အဆင်မပြေမှသာ မြန်မာနိုင်ငံမှ ၀ယ်ယူရန် စဉ်းစားခြင်း (သို့မဟုတ်) ဈေးလျှော့ဝယ်ယူခြင်း ဖြစ်ကြောင်း ဖော်ပြထားသည်။

ထို့ပြင် မြန်မာ့ဆန်သည် အမျိုးအစားတူ၊ အရည်အသွေးတူ ဖြစ်သော်လည်း အဆိုပါနိုင်ငံများ၏ Quoted Price  ထက် အမြဲဆိုသလို တစ်တန်လျှင် အမေရိကန်ဒေါ်လာ ၂၀ မှ ၃၀ ခန့် လျော့နည်းလေ့ရှိကြောင်း ထုတ်ပြန်ထားသည်။

လယ်ယာပို့ကုန်နှင့် ဆန်ဝယ်ယူသူများအတွက် Think Myanmar Last မှ Think Myanmar First ဖြစ်စေရန် နိုင်ငံတကာနှင့် ယှဉ်ပြိုင်နိုင်သော ဆိပ်ကမ်းစရိတ်စက ဖြစ်စေရေး မြန်မာနိုင်ငံ ဆန်စပါးအသင်းချုပ်က လေ့လာအကြံပြုခြင်း၊ နိုင်ငံတော်အစိုးရနှင့် ပူးပေါင်းဆောင်ရွက်ခြင်းတို့ ဆောင်ရွက်လျက်ရှိကြောင်း သိရသည်။

မြန်မာ့ဆန်စပါး ကဏ္ဍအတွက် လာမည့် ၂၀၂၀-၂၀၂၁ တွင် ဆန်တန်ချိန်လေးသန်း တင်ပို့ရေးနှင့် ဆန်တင်ပို့မှုမှ အမေရိကန်ဒေါ်လာ ၁ ဒသမ ၅ ဘီလျံအထိ ၀င်ငွေရရှိစေရန် ရည်မှန်းဆောင်ရွက်မည်ဖြစ်ကြောင်း သိရသည်။