ကျွန်းငယ်လေးမှသည် ကမ္ဘာကြီးဆီသို့ (၃၆)

ခရစ္စတီယာနိုရော်နယ်လ်ဒို၏အတ္ထုပ္ပတ္တိ (RONALDO THE BIOGRAPHY) စာအုပ်ကို နာမည်ကျော်စပိန်ဘောလုံးဂျာနယ်လစ်တစ်ဦးဖြစ်သူ ဂွယ်လ်လမ်ဘာလာဂွယ်ကရေးသားခဲ့ပြီး ဗြိတိန်အခြေစိုက် The Cross Sports Book Award ဆုရွေးချယ်ရေးအဖွဲ့ကချီးမြှင့်သော ၂၀၁၆ခုနှစ်အတွက် အကောင်းဆုံးအားကစားစာအုပ်ဆု (Football Book of the Year Award) ကို ဆွတ်ခူးရရှိခဲ့သည်။ စီရော်နယ်လ်ဒိုနှင့် သူ၏မိသားစု၊ သူနှင့် ပတ်သက်သူများအကြောင်း၊ အတိတ်ဘ၀ဖြတ်သန်းမှုများကို ခရေစေ့တွင်းကျကျဖော်ပြထားသည့် ယင်းဆုရစာအုပ်အား First Eleven Sports Journal နှင့် First Eleven Sports Journal များတွင် အခန်းဆက်အဖြစ် ဖော်ပြလျက်ရှိနေပြီး Eleven Sports Facebook ပရိသတ်များ ဖတ်ရှုနိုင်ရန် ဆက်လက်ဖော်ပြလိုက်ပါသည်။

written by: မြတ်ထွဋ်

■ အပေးအယူမျှသူ နှစ်ဦး
ရီးယဲလ်မက်ဒရစ်အသင်းရဲ့ အရင်နည်းပြတွေဖြစ်တဲ့ မော်ရင်ဟို၊ ဘင်နီတက်ဇ်တို့နဲ့ ဆက်ဆံရေးမှာ စီရော်နယ်လ်ဒိုအတွက်အတွင်းကြိတ် အဖုအထစ်လေးတွေရှိခဲ့ပေမယ့် လက်ရှိနည်းပြ ဇီဒန်းနဲ့သူ့အကြားမှာတော့ ဆက်ဆံရေးအတော်ပြေလည်တယ်လို့ ဆိုရမှာပါ။ စီရော်နယ်လ်ဒိုရဲ့စိတ်ကိုသိနေတဲ့ ဇီဒန်းကမီဒီယာတွေနဲ့တွေ့ဆုံရာမှာ သူ့အကြိုက်စကားလုံးလှလှလေးတွေနဲ့ တန်ဆာဆင်ပြီးပြောတတ်သလို၊ တစ်ခါတစ်ရံ စပိန်မီဒီယာတွေက မသိမသာသွေးထိုးတဲ့ အဆူအဖွမေးခွန်းတွေမေးလာခဲ့ရင်လည်း ဆင်ဝှေ့ရန်ရှောင်အသာအယာတိမ်းရှောင်ပြီး ပညာသားပါပါ ဖြေကြားခဲ့ပါတယ်။ ဒါကြောင့် ဇီဒန်းလက်ထက်မှာ ရီးယဲလ်အသင်းရလဒ်ကောင်းလာသလို စီရော်နယ်လ်ဒိုရဲ့ စွမ်းဆောင်ရည်ကလည်း ဘင်နီတက်ဇ်လက်ထက် ပထမရာသီဝက်ထက်ပိုပြီး ကောင်းမွန်လာခဲ့ပါတယ်။ ဇီဒန်းအနေနဲ့အသင်းမှာ စီရော်နယ်လ်ဒိုရဲ့အရေးပါမှုကို အသိအမှတ်ပြုခဲ့တာကိုလည်း အင်တာဗျူးအချို့မှာ ထင်ထင်ရှားရှားတွေ့ မြင်ရပါတယ်။ စီရော်နယ်လ်ဒိုဟာ အသင်းအတွက် အဓိကအကျဆုံးကစားသမားတစ်ဦးလားလို့ စပိန်သတင်းစာတစ်စောင်က မေးမြန်းခဲ့ရာမှာ ဇီဒန်းက “မှန်ပါတယ်။ သူ့အနေနဲ့ ဒါနဲ့ထိုက်တန်တယ်လို့လည်း ကျွန်တော်ယူဆပါတယ်။ ဘာဖြစ်လို့လဲဆိုတော့ သူ့ရဲ့ပုံရိပ်နဲ့ စွမ်းဆောင်မှုတွေကြောင့်ပါ။ သူမကစားနိုင်တဲ့အခါမှသာ အသင်းမှာ သူအနားယူပါတယ်။ ပွဲကစားရင်လည်း အာရုံစူးစိုက်မှုအပြည့်နဲ့ ကြိုးစားကစားသူပါ” လို့ ဇီဒန်းက ဖြေကြားခဲ့ပါတယ်။

စီရော်နယ်လ်ဒိုအနေနဲ့ ဇီဒန်းရဲ့နည်းပြအလုပ်မှာ ၀င်ရောက်စွက်ဖက်ခဲ့တာတောင် ဇီဒန်းကမာန်မာနမထားဘဲ ခွင့်ပြုခဲ့သလို၊ အပြန်အလှန်အားဖြင့် ဇီဒန်းရဲ့ဆုံးဖြတ်ချက်တွေကိုလည်း စီရော်နယ်လ်ဒိုက အရင်နည်းပြတွေနဲ့မတူဘဲ အသာတကြည်လိုက်နာခဲ့ပါတယ်။ ဗလင်စီယာနဲ့ကစားတဲ့ပွဲမှာ ဇီဒန်းဟာ ကွင်းထဲကဂျိမ်းစ်ရိုဒရီဂွက်ဇ်ကို ဟယ်ဆေးနဲ့လူစားလဲဖို့ စီစဉ်ခဲ့ပေမယ့် စီရော်နယ်လ်ဒိုရဲ့ အကြံပြုချက်ကြောင့် ဗက်ဇ်ကေးကို လူစားလဲခဲ့ကြောင်း စပိန်ဘောလုံးရုပ်သံအစီအစဉ်တစ်ခုဖြစ်တဲ့ El Dia Despues မှာ ရုပ်ပုံနဲ့တကွ ဖော်ပြခဲ့ပါတယ်။ စီရော်နယ်လ်ဒိုဟာ ကွင်းဘေးစည်းက နည်းပြထိုင်ခုံနားကို ရောက်ရှိလာပြီး ကွင်းထဲက ဘယ်သူ့ကို ထုတ်သင့်တယ်ဆိုတာ ဇီဒန်းကို ပြောကြားခဲ့တယ်လို့ ဒီသတင်းစာကဖော်ပြခဲ့တာပါ။ ဒါပေမဲ့ သိပ်မကြာခင်မှာပဲ ဇီဒန်းဟာ စီရော်နယ်လ်ဒိုကို နောက်ခံလူ အာဘီလိုအာနဲ့ လူစားလဲခဲ့ပါတယ်။ ဒီလိုဆုံး ဖြတ်ရာမှာတော့ ဇီဒန်းဟာ စီရော်နယ်လ်ဒိုနဲ့ တိုင်ပင်ခြင်းမရှိဘဲ သူ့သဘောနဲ့သူ လူစားလဲခဲ့တာပါ။ ဒီလူစားလဲမှုဟာ အဲဒီရာသီလာလီဂါပြိုင်ပွဲမှာ စီရော်နယ်လ်ဒိုအတွက် ပထမဆုံးလူစားလဲခံရမှုလည်းဖြစ်ပါတယ်။ စီရော်နယ်လ်ဒိုအနေနဲ့ သူ့ကို လူစားလဲမှန်းသိချိန်မှာ အံ့အားသင့်သွားခဲ့ပေမယ့် ထူးထူးခြားခြားမတုံ့ပြန်ခဲ့ဘဲ ပခုံးလှုပ်ပြတာလောက်ပဲ ပြုလုပ်ခဲ့ပါတယ်။ သူ့အနေနဲ့ နည်းပြဖြစ်သူဇီဒန်းရဲ့ ဆုံးဖြတ်ချက်ကို ကြိုက်သည်ဖြစ်စေ၊ မကြိုက်သည်ဖြစ်စေ နာခံတဲ့သဘောကို စီရော်နယ်လ်ဒိုက ပြသခဲ့တာလည်းဖြစ်ပါတယ်။ ဒါကြောင့် ရီးယဲလ်ရဲ့ ဂန္ထ၀င်ကစားသမားဇီဒန်းနဲ့ တစ်ချိန်မှာဂန္ထ၀င်ဖြစ်လာမယ့် စီရော်နယ်လ်ဒိုတို့ရဲ့ နည်းပြ-ကစားသမားဆက်ဆံရေးဟာ အပေးအယူမျှတနေပြီး အသင်းရဲ့အောင်မြင်မှုအတွက် အကျိုးရှိစေခဲ့ပါတယ်။

■ စံချိန်တင်နိုင်ပွဲဆက်
ရီးယဲလ်မက်ဒရစ်အသင်းကို ဇီဒန်းရောက်ရှိပြီး (၄)လအကြာမှာ အသင်းအနေနဲ့ ပြိုင်ပွဲစုံ (၁၉)ပွဲနိုင်ပွဲရရှိခဲ့ပြီး ရှုံးပွဲက (၂)ပွဲသာရှိခဲ့ပါတယ်။ စီရော်နယ်လ်ဒိုအနေနဲ့လည်း ဒီကာလအတွင်းကစားခဲ့တဲ့ ပွဲစဉ် (၂၂)ပွဲမှာ (၂၂)ဂိုးသွင်းယူခဲ့ပြီး အသင်းရဲ့ရလဒ်ကောင်းတွေကို သူ့ရဲ့သွင်းဂိုးတွေနဲ့ ဖန်တီးပေးခဲ့ပါတယ်။ ရီးယဲလ်မက်ဒရစ်အသင်းအနေနဲ့ ပထမရာသီဝက်လာလီဂါပြိုင်ပွဲမှာ ရလဒ်တွေဆိုးရွားခဲ့ပြီး အဓိကပြိုင်ဘက်ဘာစီလိုနာ၊ မြို့ခံပြိုင်ဘက် အက်သလက်တီကိုမက်ဒရစ်တို့နဲ့ အမှတ်ကွာဟခဲ့ပေမယ့် ပွဲစဉ်(၂၇)ကစပြီး ရာသီကုန်အထိ နိုင်ပွဲဆက်တိုက်ယူနိုင်ခဲ့တာကြောင့် ရာသီကုန်ဆုံးချိန်မှာ ချန်ပီယံဘာစီလိုနာနဲ့ တစ်မှတ်အကွာ ဒုတိယနေရာကို ရရှိခဲ့ပါတယ်။ နောက်ဆုံးပွဲစဉ်မှာ ချန်ပီယံဖြစ်ဖို့ အခွင့်အရေးရှိခဲ့ပြီး ဒီပို့တီဗိုအသင်းကို အဝေးကွင်းမှာ(၂-၀)ဂိုးနဲ့ အနိုင်ကစားခဲ့ပေမယ့် ဇယားထိပ်ဆုံးက ဘာစီလိုနာကလည်း နောက်ဆုံးပွဲစဉ်မှာ အမှားအယွင်းအဖြစ်မခံဘဲ ဂရန်နာဒါအသင်းကို အနိုင်ကစားခဲ့တာကြောင့် ရီးယဲလ်အသင်းအနေနဲ့ ဒုတိယနေရာနဲ့သာ ကျေနပ်ခဲ့ရတာဖြစ်ပါတယ်။ ဘာပဲပြောပြော မြို့ခံပြိုင်ဘက်အသင်းကို ပြန်ပြီးကျော်တက်နိုင်ခဲ့တာက ရီးယဲလ်မက်ဒရစ်ပရိသတ်တွေအတွက် စိတ်ကျေနပ်စရာဖြစ်ခဲ့ပါတယ်။

နောက်ထပ်ကျေနပ်စရာတစ်ခုကတော့ ချန်ပီယံလိဂ်ပြိုင်ပွဲမှာ ဗိုလ်လုပွဲထိတက်ရောက်နိုင်ခဲ့တာပါပဲ။ ဆီမီးဖိုင်နယ်အဖြစ် မန်စီးတီးနဲ့ ကစားခဲ့ရာမှာ ပထမအကျော့အဝေးကွင်းမှာ ဂိုးမရှိသရေ၊ ဒုတိယအကျော့ အိမ်ကွင်းမှာ(၁-၀) ဂိုးရလဒ်နဲ့ ဗိုလ်လုပွဲကို တက်ရောက်ခဲ့တာဖြစ်ပြီး၊ ပြီးခဲ့တဲ့ ၂၀၁၄ ဗိုလ်လုပွဲလိုပဲ မြို့ခံပြိုင်ဘက် အက်သလက်တီကိုမက်ဒရစ်အသင်းနဲ့ ထိပ်တိုက်ပြန်ပြီးဆုံတွေ့ခဲ့ပါတယ်။ ဒီချန်ပီယံလိဂ်ဗိုလ်လုပွဲက စီရော်နယ်လ်ဒိုအတွက် (၄)ကြိမ် မြောက်ဗိုလ်လုပွဲဖြစ်ပြီး ဒီရာသီဖလားက သူ့အတွက် (၃)ကြိမ်မြောက်ရယူရမယ့် ဖလားလည်း ဖြစ်ပါတယ်။ ရီးယဲလ်အသင်းအတွက် ချန်ပီယံလိဂ်အောင်ပွဲက အရေးကြီးသလို စီရော်နယ်လ်ဒိုအတွက်လည်း၂၀၁၆ ကမ္ဘာ့အကောင်းဆုံးဘောလုံးသမားဆုရယူဖို့အတွက် ဒီအောင်မြင်မှုက အတိုင်းအတာတစ်ရပ်အနေနဲ့ အရေးပါနေပါတယ်။ အီတလီနိုင်ငံ၊ မီလန်မြို့က ဆန်စီရိုကွင်းမှာ ကစားခဲ့တဲ့ ဗိုလ်လုပွဲမတိုင်မီ စီရော်နယ်လ်ဒိုက သူ့အနေနဲ့ ၂၀၁၄ ဗိုလ်လုပွဲထက် ပိုကြံ့ခိုင်မှုပြည့်ဝနေတယ်လို့ ပြောခဲ့ပါတယ်။ ရီးယဲလ်အသင်း (၁၀)ကြိမ်မြောက် La Decima ဖလားရခဲ့တဲ့ ၂၀၁၄ ဗိုလ်လုပွဲတုန်းက စီရော်နယ်လ်ဒိုဟာ တံကောက်ကြောဒဏ်ရာရှိနေတဲ့ကြားထဲက ကစားခဲ့ရတာပါ။ လက်ရှိအချိန်မှာတော့ စီရော်နယ်လ်ဒိုတင်မကဘဲ ရီးယဲလ်အသင်းအနေနဲ့လည်း ကစားသမားစုဖွဲ့မှု၊ လက်ရှိခြေစွမ်း၊ အသင်းသားအချင်းချင်းနားလည်မှု၊ နည်းပြနဲ့ ကစားသမားအပေးအယူမျှတမှု၊ အရံကစားသမားအင်အားတောင့်တင်းမှု အစရှိတာတွေနဲ့ ပြီးပြည့်စုံပြီး အားရစရာကောင်းတဲ့ အခြေအနေတစ်ရပ်ဖြစ်ပါတယ်။ အသင်းကွင်းလယ်မှာ အရင်နည်းပြဘင်နီတက်ဇ် ယုံယုံကြည်ကြည်ပွဲ ထုတ်ခဲ့တဲ့ ဘရာဇီးလ်ကွင်းလယ်လူကက်စမဲရိုးက အသင်းအတွက်များစွာ အကျိုးပြုနေသလို ဟယ်ဆေး၊ အစ္စကို၊ ဗက်ဇ်ကေးအစရှိတဲ့ အရံကစားသမားတွေကလည်း ပထမကစားသမားတွေရဲ့နေရာကို အစားထိုးပြီး အသင်းပုံစံမပျက်အောင် ကစားနိုင်သူတွေဖြစ်ကြပါတယ်။ ဒါပေမဲ့ မြို့ခံပြိုင်ဘက် အက်သလက်တီကိုမက်ဒရစ်အသင်းကလည်း ဂရစ်ဇ်မန်း၊ တောရက်စ်၊ ဆာအူလ်၊ ကာရက်စ်ကို၊ ကိုကေအစရှိတဲ့ ကစားသမားတွေစုဖွဲ့မှုနဲ့ ခြေစွမ်းမြင့်မားတဲ့အသင်း တစ်သင်းဖြစ်တာကြောင့် ရီးယဲလ်အသင်းအတွက် လွယ်ကူတဲ့ ပွဲတစ်ပွဲတော့မဟုတ်ခဲ့ပါဘူး။

၂၀၁၄ ဗိုလ်လုပွဲတုန်းက နောက်ဆုံးမိနစ်မှချေပဂိုးပေးခဲ့ရပြီး အချိန်ပိုမှာ(၁-၄)ဂိုးနဲ့ရှုံးနိမ့်ခဲ့ရတဲ့ အက်သလက်တီကိုမက်ဒရစ်အသင်းဟာ ရီးယဲလ်အသင်းကို ချန်ပီယံလိဂ်ရှုံးကြွေးဆပ်နိုင်အောင်ကြိုးစားခဲ့ပါတယ်။ ပွဲချိန်(၁၅)မိနစ်မှာ ရီးယဲလ်နောက်ခံလူရာမို့စ်က အငြင်းပွားဖွယ် လူကျွံဘောအနေအထားကနေဦးဆောင်ဂိုးသွင်းယူခဲ့ပြီး၊ အက်သလက်တီကိုအသင်းအတွက်လူစားဝင်လာတဲ့ ကာရက်စ်ကိုက ပွဲချိန်(၇၉)မိနစ်မှာပြန် ချေပခဲ့ပါတယ်။ ဒုတိယပိုင်းအစမှာ အက်သလက်တီကိုရရှိတဲ့ပယ်နယ်တီကို ဂရစ်ဇ်မန်းဝင်အောင်မသွင်းနိုင်ခဲ့တာကလည်း ရီးယဲလ်အသင်းအတွက် ကံကောင်းစေခဲ့ပါတယ်။

■ ရင်ခုန်လှိုက်မောရတဲ့ ပယ်နယ်တီ
အချိန်ပိုအပါအ၀င် ပွဲချိန်(၁၂၀)မိနစ်အထိ (၁-၁)ဂိုးနဲ့သရေကျနေတာကြောင့် ပယ်နယ်တီအဆုံးအဖြတ်ခံယူရဖို့ ဖြစ်လာပါတယ်။ ပယ်နယ်တီအတွက်စာရင်းပေးရာမှာ နောက်ဆုံးအနိုင်ဂိုး ဖြစ်စေမယ့် (၅)လုံးမြောက်ပယ်နယ်တီကို သူကန်မယ်လို့ နည်းပြဖြစ်သူဇီဒန်းထံ စီရော်နယ်လ်ဒိုက တောင်းဆိုခဲ့ပါတယ်။ စီရော်နယ်လ်ဒိုဟာ ယူရို-၂၀၁၂ ဆီမီးဖိုင်နယ် စပိန်-ပေါ်တူဂီပွဲတုန်းကလည်း အခုလိုပဲ (၅)လုံးမြောက်ပယ်နယ်တီကို ကန်ဖို့စာရင်းပေးခဲ့ဖူးပါတယ်။ အဲဒီတုန်းက သူ့ရှေ့ကကန်တဲ့ မော်တင်ဟိုနဲ့ ဘရူနိုအဲလ်ဗတ်စ်တို့မ၀င်ခဲ့တာကြောင့် နောက်ဆုံးပယ်နယ်တီကို မကန်ခဲ့ရဘဲ ပေါ်တူဂီအသင်းအရေးနိမ့်ခဲ့ပါတယ်။ အဲဒီတုန်းက စီရော်နယ်လ်ဒိုဟာ သူရဲကောင်းဖြစ်ချင်တာကြောင့် နောက်ဆုံးပယ်နယ်တီအနိုင်ဂိုးကို ကန်သွင်းလိုတာလို့ ပေါ်တူဂီမီဒီယာတွေက ဝေဖန်ခဲ့ဖူးပါတယ်။ ဒါကိုအမှတ်မရှိတဲ့ စီရော်နယ်လ်ဒိုဟာ ဒီဗိုလ်လုပွဲမှာ နောက်ဆုံးပယ်နယ်တီကန်ဖို့ ထပ်ပြီးစီစဉ်ခဲ့တာပါ။

ဒီဗိုလ်လုပွဲအတွက် သူအသင့်ဖြစ်နေပြီလို့ ပွဲမတိုင်ခင် ကြုံးဝါးခဲ့ပေမယ့် တကယ်ပွဲကစားရာမှာတော့ စီရော်နယ်လ်ဒိုဟာခြေစွမ်းသိပ်မပြနိုင်ဘဲ ခြေထောက်နာကျင်တဲ့ ဒဏ်ကိုလည်းခံစားခဲ့ရပါတယ်။ ပယ်နယ်တီမကန်ခင် အကြောဖြေလျှော့မှု ပြုလုပ်ရာမှာ စီရော်နယ်လ်ဒိုက သူ့ရဲ့ခြေထောက်တွေနာကျင်တာကြောင့် “သွားပါပြီကွာ၊ ငါ့ခြေထောက်တွေတော့ သုံးစားမရတော့ပါဘူး၊ သူတို့ (အက်သလက်တီကိုအသင်း)တော်တော်ကစားနိုင်တာပဲ။ ငါတော်တော်ရုန်းလိုက်ရတယ်” လို့ အသင်းဖော်တွေကိုညည်းတွားပြောကြားခဲ့ပါတယ်။ ဒီပွဲမှာ ရီးယဲလ်က ပထမပယ်နယ်တီ(၄)လုံးစလုံးဂိုးဝင်ခဲ့ပြီး အက်သလက်တီကိုအသင်းက စတုတ္ထမြောက်ပယ်နယ်တီကို ဟွမ်ဖရန်လွဲချော်ခဲ့ပါတယ်။ ဒါကြောင့် (၅)လုံးမြောက်ကန်ရမယ့် ပယ်နယ်တီဟာ ရီးယဲလ်အသင်းချန်ပီယံလိဂ် ဖလားရရှိဖို့ အဆုံးအဖြတ်ပယ်နယ်တီဖြစ်လာပါ တယ်။ စီရော်နယ်လ်ဒိုဟာ ၂၀၀၈ ချန်ပီယံလိဂ်ဗိုလ်လုပွဲတုန်းက ချယ်လ်ဆီးအသင်းဘက်ကို ပယ်နယ်တီလွဲချော်တဲ့ တစ်ဦးတည်းသော မန်ယူကစားသမားဖြစ်ခဲ့သလို၊ ၂၀၁၂ ချန်ပီယံလိဂ်ဆီမီးဖိုင်နယ် ရီးယဲလ်-ဘိုင်ယန်မြူးနစ်ပွဲမှာလည်း ပထမဆုံးပယ်နယ်တီကို လွဲချော်ခဲ့သူပါ။ ပယ်နယ်တီမကန်ခင် “သူ့ရဲ့ခြေထောက်တွေသွားပါပြီ”လို့ စီရော်နယ်လ်ဒိုညည်းတွားခဲ့တာနဲ့ သူ့ရဲ့ပယ်နယ်တီ အတိတ်အမည်းစက်က ရီးယဲလ်အသင်းဖော်တွေအတွက် စိုးရိမ်စရာဖြစ်ခဲ့ပြီး ဒီပယ်နယ်တီကို ရင်ဖိုလှိုက်မောစွာနဲ့ စောင့်ကြည့်ခဲ့ကြရပါတယ်။ စီရော်နယ်လ်ဒိုဟာ အက်သလက်တီကိုဂိုးသမား အိုဘလက်ခ်ရဲ့ ဘယ်ဘက်ကိုအမှားအယွင်းမရှိ ကန်သွင်းယူလိုက်ပြီး ရီးယဲလ်မက်ဒရစ်အသင်းကို (၁၁)ကြိမ်မြောက်ချန်ပီယံလိဂ်အောင်ပွဲရယူပေးလိုက်ပါတယ်။ ဆန်စီရိုကွင်းရဲ့ မြက်ခင်းပြင်ပတ်လမ်းတစ်လျှောက်ပြေးလွှားခဲ့ပြီး အင်္ကျီကိုချွတ်ကာ အော်ဟစ်အောင်ပွဲခံပြီးနောက် စီရော်နယ်လ်ဒိုက “ဒီပယ်နယ်တီမလွဲနိုင်ဘူးဆိုတာ ကျွန်တော်ကြိုသိနေပါတယ်”လို့ သတင်းထောက်တွေကို ၀ံ့ဝံ့ကြွားကြွားပြောကြားခဲ့ပါတယ်။

စီရော်နယ်လ်ဒိုအနေနဲ့ သူ့ရဲ့ကစားသမားဘ၀မှာ သမိုင်းမှတ်တိုင်တစ်ခုရေးထိုးနိုင်ခဲ့တာလည်းဖြစ်ပြီး သူ့အနေနဲ့ဘောလုံးသမိုင်းမှာ တတ်နိုင်သရွေ့အောင်မြင်မှုတွေရယူပြီး မော်ကွန်းရေးထိုးသွားမယ်လို့ ကြုံးဝါးခဲ့တဲ့စကားအတိုင်း ရီးယဲလ်အသင်းမှာ တစ်ဦးချင်းအောင်မြင်မှုတွေရော ကလပ်အသင်းအောင်မြင်မှုတွေပါ ရယူနိုင်ခဲ့တာ ဖြစ်ပါတယ်။ ၂၀၁၅-၁၆ ဘောလုံးရာသီပြိုင်ပွဲစုံမှာ စီရော်နယ်လ်ဒိုဟာ သွင်းဂိုးစုစုပေါင်း(၅၁)ဂိုး သွင်းယူနိုင်ခဲ့ပါတယ်။ ချန်ပီယံလိဂ်ပြိုင်ပွဲမှာ(၁၆) ဂိုးသွင်းယူခဲ့ပြီး (၄)ရာသီဆက်ဂိုးသွင်းဘုရင်ဖြစ်ခဲ့ပါတယ်။

■ အနာဂတ်အစီအစဉ်များ
စီရော်နယ်လ်ဒိုဟာ ဘောလုံးလောကမှာ အောင်မြင်မှုတွေရရှိနေချိန်မှာတောင် သာယာမနေဘဲ သူ့ရဲ့အနာဂတ်လက်ကျန်ဘ၀အတွက်လည်း ကြိုတင်ပြင်ဆင်မှုတွေပြုလုပ်နေတယ်ဆိုတာ ပရိသတ်တွေကိုအသိပေးခဲ့ပါတယ်။ “ဘောလုံးလောကမှာ ရရှိတဲ့အောင်မြင်မှုတွေက ကျွန်တော့်ကို ကျေနပ်ပျော်ရွှင်စေပါတယ်။ ဒါပေမဲ့ ကျွန်တော် လုပ်စရာတွေများစွာ ရှိနေပါသေးတယ်။ ငယ်တုန်း ရွယ်တုန်း အနာဂတ်အတွက် ကြိုတင်ပြင်ဆင်တည်ဆောက်ရတာပါ။ ကျွန်တော့်အသက်(၂၇)နှစ်အရွယ်ကတည်းက ကျွန်တော့်ရဲ့ကိုယ်ပိုင်ဖက်ရှင် လမ်းကြောင်းတစ်ခုကို စတင်ခဲ့တာပါ။ ကျွန်တော့် အနေနဲ့ ကိုယ်ပိုင်အမှတ်တံဆိပ်တစ်ခုကို ကမ္ဘာတစ်လွှားပျံ့နှံ့စေဖို့ အလိုရှိပါတယ်။ ဘာဖြစ်လို့လဲဆိုတော့ နောက်ထပ်(၆)နှစ်၊ (၇)နှစ်လောက်ကြာရင် ကျွန်တော့်ရဲ့ဘောလုံးသမားဘ၀က ပြီးဆုံးသွားမှာပါ။ အဲဒီအချိန်မှာ ကျွန်တော့်ရဲ့ နောက်ဘ၀တစ်ခုကို စတင်ရမှာပါ။ အဲဒီအချိန်မှ စလုပ်မယ်ဆိုရင် ခက်ခဲလိမ့်မယ်လို့ ထင်ပါတယ်။ ကျွန်တော့်ကို ဘောလုံးသမားဘ၀ကနားရင် နည်းပြလုပ်မှာလား လို့ မေးခဲ့မယ်ဆိုရင်တော့ No လို့ပဲ ဖြေရပါလိမ့်မယ်။ အသင်းဒါရိုက်တာ၊ အသင်းဥက္ကဋ္ဌအစရှိတာ တွေလည်းမလုပ်ချင်ပါဘူး”လို့ ပြောကြားခဲ့ပါတယ်။

စီရော်နယ်လ်ဒိုဟာ ၂၀၁၅ နှစ်ကုန်ပိုင်းကတည်းက သူ့ရဲ့ဇာတိမြေမာဒဲရားကျွန်းက သန်း ကြွယ်သူဌေး ဒီယိုနီစီယိုပတ်စ်တာနာပိုင်ဆိုင်တဲ့ Pestana Hotel Group နဲ့ ပါတနာဖွဲ့ခဲ့ပြီး နှစ်ဦးနှစ်ဖက်အကျိုးတူလုပ်ငန်းတွေပြုလုပ်ဖို့ လက်မှတ်ရေးထိုးခဲ့ပါတယ်။ Pestana နဲ့ သူ့ရဲ့ CR7 အမှတ်တံဆိပ်နှစ်ခုပူးပေါင်းပြီး Pestana CR7 ဟိုတယ်ကြီးတွေကိုဖန်ချယ်လ်၊ လစ္စဘွန်း၊ မက်ဒရစ်၊ နယူးယောက်အစရှိတဲ့မြို့တွေမှာ ဖွင့်လှစ်ခဲ့ပါတယ်။ ဖန်ချယ်လ်မြို့မှာဖွင့်လှစ်ခဲ့တဲ့ Pestana CR7 ဟိုတယ်ဘေးမှာ စီရော်နယ်လ်ဒိုရဲ့ကစား သမားဘ၀ဖြတ်သန်းမှုဓာတ်ပုံတွေ၊ အမှတ်တရ ပစ္စည်းတွေနဲ့ ဆုတံဆိပ်တချို့ကိုပြသထားတဲ့ ပြတိုက်လည်းရှိပါတယ်။ အဲဒီရှေ့မြေကွက်လပ်မှာ စီရော်နယ်လ်ဒိုရဲ့ ကြီးမားတဲ့ကြေးရုပ်တုကြီးကိုလည်း တည်ဆောက်ပြသထားပါတယ်။ ဧရိယာ အကျယ်အ၀န်း(၁၄၀၀)စတုရန်းမီတာကျယ်ဝန်းတဲ့ မြေကွက်လပ်ကြီးပေါ်မှာ ဒီပြတိုက်နဲ့ ဟိုတယ်ကို ခမ်းခမ်းနားနားတည်ဆောက်ထားတာဖြစ်ပါတယ်။

စီရော်နယ်လ်ဒိုက သူ့ကို ဟောလိဝုဒ်ရုပ် ရှင်လောကက ကမ်းလှမ်းမှုရှိခဲ့တယ်ဆိုတာလည်း သူ့ရဲ့အင်တာဗျူးတစ်ခုမှာ ထည့်သွင်းဖြေကြားခဲ့ပါတယ်။ “တစ်နေ့နေ့တစ်ချိန်ချိန် ဟောလိဝုဒ် ရုပ်ရှင်ဇာတ်ကားတွေမှာ ပါဝင်သရုပ်ဆောင်နိုင်သလား”ဆိုတဲ့ သတင်းထောက်တစ်ဦးရဲ့မေးခွန်းကို စီရော်နယ်လ်ဒိုက “ဘာလို့မဖြစ်နိုင်ရမှာလဲ။ အရင်ကလည်း ကျွန်တော့်ကို ကမ်းလှမ်းမှုတွေရှိခဲ့ပါတယ်။ တစ်နေ့နေ့မှာဖြစ်လာလိမ့်မယ်လို့ ကျွန်တော်ထင်ပါတယ်။ လက်ရှိမှာတော့ ကျွန်တော့်ရဲ့ စီမံကိန်းတွေတိုးတက်လာတာကိုပဲ ကျွန်တော် ပျော်ရွှင်နေပါတယ်။ ဖိနပ်၊ ဘောင်းဘီ၊ အင်္ကျီ၊ လက်ဝှေ့အိတ်၊ နားကြပ်အစရှိတဲ့ ပစ္စည်းအသီးသီးကို ကျွန်တော့်ရဲ့နာမည်ပါတဲ့အမှတ်တံဆိပ်နဲ့ နေရာအသီးသီးကို ဖြန့်ဖြူးရောင်းချသွားမှာဖြစ်ပါတယ်။ “ခရစ္စတီယာနိုရော်နယ်လ်ဒို” ဆိုတဲ့အမည်ဟာ ထာဝရတည်မြဲနေမှာပါ”လို့ပြောခဲ့ပါတယ်။

■ ရီးယဲလ်မှာပဲ အဆုံးသတ်မလား
၂၀၁၅ ခုနှစ်အတွင်း ရီးယဲလ်အသင်းက ထွက်မယ်လို့ လေသံပစ်ခဲ့ဖူးတဲ့ စီရော်နယ်လ်ဒိုဟာ ၂၀၁၆ ခုနှစ်အတွင်း နည်းပြဇီဒန်းနဲ့ အဆင်ပြေလာ၊ အသင်းအောင်မြင်မှုတွေရရှိလာရာမှာတော့ ရီးယဲလ်မှာပဲ သူ့ရဲ့ကစားသမားဘ၀ကို အဆုံးသတ်တော့မယ်လို့ ဆိုလာပြန်ပါတယ်။ တကယ်တမ်းပြောရရင် စီရော်နယ်လ်ဒိုရဲ့ တစ်နှစ်လစာငွေ ယူရို(၂၅)သန်းနဲ့ ယူရိုသန်း(၇၀)ထက် မနည်းနိုင်တဲ့ပြောင်းရွှေ့ကြေးကိုပေးနိုင်တဲ့အသင်းက နည်းပါးလွန်းပါတယ်။ မန်ယူ၊ PSG အစရှိတဲ့ အသင်းတွေက သူ့ကိုခေါ်ဖို့စိတ်ဝင်စားတယ်လို့ သတင်းတွေတော့ ထွက်ခဲ့ပါတယ်။ ဒါပေမဲ့ လူငယ်တွေအပေါ်မှာသာ ပိုပြီးရင်းနှီးမြှုပ်နှံဖို့ဆန္ဒရှိတဲ့ မန်ယူအသင်းက အသက်(၃၀)နှစ်ကျော်ပြီဖြစ်တဲ့ စီရော်နယ်လ်ဒိုကို များပြားတဲ့ငွေပမာဏပေးပြီး ပြန်ခေါ်ဖို့ ဖြစ်နိုင်ခြေသိပ်မရှိသလို၊ PSG အသင်းဥက္ကဋ္ဌ အယ်လ်ခီလိုင်ဖီ ကိုယ်တိုင်က ရီးယဲလ်ဥက္ကဋ္ဌ ပီရက်ဇ်နဲ့တွေ့ဆုံရာမှာ စီရော်နယ်လ်ဒိုကိုမခေါ်ပါဘူးလို့ ကတိပေးခဲ့ပါတယ်။

အခြေအနေနဲ့ အချိန်အခါကို တွက်ချက်တတ်တဲ့ စူပါအေးဂျင့် မန်ဒက်စ်က သူ့ကစားသမားကို ရီးယဲလ်နဲ့သက်တမ်းတိုးတာသာ အကောင်းဆုံးလို့ သိမြင်ခဲ့ပါတယ်။ ဒါကြောင့် စီရော်နယ်လ်ဒိုကို စာချုပ်သစ်ချုပ်ဆိုဖို့ ရီးယဲလ်အသင်းတာဝန်ရှိသူတွေကို ကမ်းလှမ်းခဲ့ပါတယ်။ မန်ဒက်စ်အတွက် အားသာစေတဲ့အချက်တစ်ချက်က ရီးယဲလ်မက်ဒရစ်အသင်းဟာ လူငယ်ကစားသမားတွေကိုခေါ်ယူရာမှာ စည်းမျဉ်းတွေကို ချိုးဖောက်ခဲ့တာကြောင့် ဖီဖာရဲ့အပြောင်းအရွှေ့ပိတ်ပင်မှုကို ခံထားရတာပါပဲ။ ၂၀၁၇ ခုနှစ်မတိုင်ခင် ကစားသမားသစ်ခေါ်ယူခွင့်မရှိတာကြောင့် အသင်းက အဓိကကျောရိုး ကစားသမားတွေကို မဆုံးရှုံးရဖို့ကြိုးစားနေရတဲ့ ရီးယဲလ်အသင်းဟာ မန်ဒက်စ်ရဲ့ တောင်းဆိုမှုတွေကို မငြင်းဆန်နိုင်ဘဲ စီရော်နယ်လ်ဒိုကို ၂၀၂၀ (သို့ မဟုတ်) ၂၀၂၁ ခုနှစ်အထိ သက်တမ်းရှိစေမယ့် စာချုပ်သစ်တစ်ရပ်ချုပ်ဆိုလိုက်ရပါတယ်။ စာချုပ်ချုပ်ဆိုပွဲအပြီးမှာ ရီးယဲလ်ဥက္ကဋ္ဌပီရက်ဇ်က စီရော်နယ်လ်ဒိုဟာ ရီးယဲလ်မက်ဒရစ်အသင်းရဲ့ အဓိကမဏ္ဍိုင်ကစားသမားတစ်ဦးဖြစ်တာကြောင့် ဒီအသင်းမှာ သူ့ရဲ့ကစားသမားဘ၀ ကုန်ဆုံးတဲ့အထိရှိစေလိုကြောင်း ပြောကြားခဲ့ပါတယ်။ စီရော်နယ်လ်ဒိုကလည်း “လာလီဂါဟာ ကမ္ဘာပေါ်မှာ အကောင်းဆုံးလိဂ်ပြိုင်ပွဲတစ်ခုပါ။ ကျွန်တော် ပရီးမီးယားလိဂ်မှာ ကစားခဲ့ဖူးပါတယ်။ ဒါပေမဲ့ အကြိတ်အနယ်ရှိပြီး ကမ္ဘာ့ထိပ်တန်းကစားသမားတွေ စုပြုံကစားနေတာ ဒီမှာပါ။ ကျွန်တော့်အနေနဲ့ ရီးယဲလ်အသင်းမှာပဲ ကစားသမားဘ၀ပြီးဆုံးသွားနိုင်ပါတယ်” လို့ ပြောခဲ့ပါတယ်။

ဆက်လက်ဖော်ပြပါမည်။

Photos: AFP,Gettyimages,CR7,Daily Mail,Mirror,The Sun …

ကျွန်းငယ်လေးမှသည် ကမ္ဘာကြီးဆီသို့ (၃၄)

ခရစ္စတီယာနိုရော်နယ်လ်ဒို၏အတ္ထုပ္ပတ္တိ (RONALDO THE BIOGRAPHY) စာအုပ်ကို နာမည်ကျော်စပိန်ဘောလုံးဂျာနယ်လစ်တစ်ဦးဖြစ်သူ ဂွယ်လ်လမ်ဘာလာဂွယ်ကရေးသားခဲ့ပြီး ဗြိတိန်အခြေစိုက် The Cross Sports Book Award ဆုရွေးချယ်ရေးအဖွဲ့ကချီးမြှင့်သော ၂၀၁၆ခုနှစ်အတွက် အကောင်းဆုံးအားကစားစာအုပ်ဆု (Football Book of the Year Award) ကို ဆွတ်ခူးရရှိခဲ့သည်။ စီရော်နယ်လ်ဒိုနှင့် သူ၏မိသားစု၊ သူနှင့် ပတ်သက်သူများအကြောင်း၊ အတိတ်ဘ၀ဖြတ်သန်းမှုများကို ခရေစေ့တွင်းကျကျဖော်ပြထားသည့် ယင်းဆုရစာအုပ်အား First Eleven Sports Journal နှင့် First Eleven Sports Journal များတွင် အခန်းဆက်အဖြစ် ဖော်ပြလျက်ရှိနေပြီး Eleven Sports Facebook ပရိသတ်များ ဖတ်ရှုနိုင်ရန် ဆက်လက်ဖော်ပြလိုက်ပါသည်။

 

■ အသည်းကွဲတဲ့ ရောဂါ

၂၀၁၅-၁၆ဘောလုံးရာသီ ပထမရာသီဝက်ကာလအတွင်း စီရော်နယ်လ်ဒို ခြေစွမ်းမတည်မငြိမ်ဖြစ်ပြီး ကွင်းထဲမှာ ပြိုင်ဘက်ကစားသမားတွေကို ရန်လိုတဲ့ အပြုအမူတွေ ပြုလုပ်တာနဲ့ ပတ်သက်လို့ စပိန်မီဒီယာတွေက အမျိုးမျိုးသုံး သပ်ဖော်ပြကြပါတယ်။ စီရော်နယ်လ်ဒိုဟာ ရုရှားလူမျိုးချစ်သူ အိုင်ရီနာရှက်ခ်ရဲ့လမ်းခွဲမှုကို ခံရတာကြောင့် အူနုကျွဲခတ်ခံရသလိုဖြစ်ပြီး စိတ်အချဉ်ပေါက်ကာ ကွင်းထဲက သူ့ရဲ့ခြေစွမ်း၊ အပြုအမူတွေကိုပါ ထိခိုက်လာတယ်ဆိုတဲ့ သုံးသပ်မှုတွေကများပါတယ်။ ဒီသုံးသပ်ချက်က အမှန်ကန်ဆုံးနဲ့ အနီးစပ်ဆုံးဖြစ်နိုင်တယ်ဆိုတာ စီရော်နယ်လ်ဒိုရဲ့ ကွင်းပြင်ပလုပ်ရပ်တွေကလည်း သက်သေပြခဲ့ပါတယ်။ အသည်းကွဲသူအများစု စိတ်ဖြေဖျောက်ရာက ယမကာအရက်ဖြစ်သလို၊ စီရော်နယ်လ်ဒိုလည်း အိုင်ရီနာရှက်ခ်နဲ့လမ်းခွဲပြီးနောက် သူ့ခန္ဓာကိုယ်ထဲ တစ်ခါမှအ၀င်မခံခဲ့တဲ့ အယ်လ်ကိုဟောကို ၀င်ခွင့်ပြုခဲ့ပါတယ်။ ဒါပေမဲ့ အယ်လ်ကိုဟောပါဝင်မှုနှုန်းများတဲ့ ပြင်းထန်တဲ့အရက်သောက်တာမဟုတ်ဘဲ အပျော့စားဝိုင်သောက်ပြီး သူ့ရဲ့အသည်းကွဲရောဂါကို ကုစားခဲ့တာပါ။

သူ့ရဲ့နောက်ထပ်ကုစားမှုတစ်ခုကတော့ သူငယ်ချင်းအပေါင်းအသင်းတွေနဲ့ ပျော်မြူးတာဖြစ်ပြီး၊ မော်ရိုကိုက သူ့ရဲ့သူငယ်ချင်း လက်ဝှေ့သမား ဘာဒါဟာရီဆီကို ကိုယ်ပိုင်သီးသန့် လေယာဉ်နဲ့ မကြာခဏသွားတဲ့ စီရော်နယ်လ်ဒိုကို ပရိသတ်တွေ တွေ့ခဲ့ရပါတယ်။ ဘာဒါဟာရီက သူ့ရဲ့ Instagram Post တစ်ခုမှာ စီရော်နယ်လ်ဒိုနဲ့ လက်ချင်းချိတ်တဲ့ပုံကိုဖော်ပြခဲ့ပြီး အောက်မှာ”ခုမှ လက်ထပ်စ စုံတွဲ၊ ဟားဟားဟား၊ မင်းကိုအမြဲတမ်းကြိုဆိုနေပါတယ် . . .ဘရို”လို့ ရေးသားခဲ့ပါတယ်။ ဒီပုံအပြင် စီရော်နယ်လ်ဒိုကို ဘာဒါဟာရီက မိန်းကလေးတစ်ဦးလို ပွေ့ချီထားတဲ့ပုံလည်း လူမှုကွန်ရက်စာမျက်နှာတွေမှာ ထွက်ပေါ်လာခဲ့ပြီး သူတို့နှစ်ဦးရဲ့ ဆက်ဆံရေးအပေါ် ပရိသတ်တွေ အံ့အားသင့်ခဲ့ရပါတယ်။ ဒီလို သူငယ်ချင်းအပေါင်းအသင်းတွေနဲ့ ပျော်မြူးနေတာတွေကို အနီးအနားတွေ့မြင်သူတွေက ဖုန်းတွေနဲ့ ဗီဒီယိုရိုက်ကူးမှတ်တမ်းတင်ကြပါတယ်။ ဒီဘက်ခေတ်မှာ လူမှုကွန်ရက်ဝက်ဘ်ဆိုက်တွေရဲ့ ပျံ့နှံ့မှုအားကောင်းလာတာကြောင့် ဒီဗီဒီယိုဖိုင်တွေကို ပရိသတ်တော်တော်များများက တွေ့မြင်လာရပြီး ဝေဖန်မှုတွေများလာပါတယ်။ ဒါကြောင့် နောက်ပိုင်းမှာတော့ စီရော်နယ်လ်ဒိုဟာ သူငယ်ချင်းအပေါင်းအသင်းတွေနဲ့ ပျော်ပါးမှုတွေကို လျှော့ချခဲ့ရပါတယ်။ ပေါ်တူဂီမီဒီယာတချို့ကတော့ စီရော်နယ်လ်ဒိုရဲ့ အသည်းကွဲရောဂါကုစားမှုထဲမှာ ဘဟားမားစ်အလှမယ်တိုရီယာနီကိုးလ်ပန်လည်း ပါဝင်ခဲ့ပြီး သူတို့(၂)ဦးကြား လျှို့ဝှက်တဲ့ ဆက်သွယ်မှုတွေရှိတယ်လို့ ဖော်ထုတ်ခဲ့ကြပါတယ်။

၂၀၁၅၊ နိုဝင်ဘာလအတွင်း ဆီဗီလာကို (၂-၃)ဂိုးနဲ့ ရှုံးနိမ့်ခဲ့တဲ့ ပွဲအပြီးမှာ စီရော်နယ်လ်ဒိုအပေါ် ကြီးမားတဲ့ ဝေဖန်မှုတွေကျရောက်လာပါတယ်။ ဒီပွဲဟာ ဒီရာသီ ရီးယဲလ်အသင်းအတွက် ပထမဆုံးလာလီဂါရှုံးပွဲဖြစ်ခဲ့ပြီး စီရော်နယ်လ်ဒိုအနေနဲ့လည်း အသင်းအတွက် ဂိုးမသွင်းနိုင်တာ (၉)ပွဲမြောက်ရှိလာခဲ့ပြီဖြစ်ပါတယ်။ သူ မကစားချင်တဲ့ ဗဟိုတိုက်စစ်မှူးနေရာမှာ ကစားစေခဲ့တဲ့ လုပ်ရပ်အတွက် နည်းပြဘင်နီတက်ဇ်ကို စီရော်နယ်လ်ဒို ပြန်ပညာပြနေတယ်လို့လည်း စပိန်မီဒီယာတချို့က ဖော်ပြကြပါတယ်။ စီရော်နယ်လ်ဒိုဟာ အသင်းမှာဂိုးမသွင်းရုံမက အသင်းရဲ့ တိုက်စစ်ပိုင်းကိုလည်း ထိထိရောက်ရောက်ပံ့ပိုးမှုမရှိဘဲ ကစားနေတယ်ဆိုတဲ့ စွပ်စွဲမှုတွေလည်းရှိခဲ့ပါတယ်။

■ Ronaldo မှတ်တမ်းရုပ်ရှင်

ဆီဗီလာကိုရှုံးနိမ့်ပြီး နောက်တစ်ရက်ဖြစ်တဲ့ ၂၀၁၅၊နိုဝင်ဘာ(၉)ရက်နေ့မှာ စီရော်နယ်လ်ဒိုရဲ့ ဘ၀တစ်စိတ်တစ်ပိုင်းကိုဖော်ပြတဲ့ Ronaldo မှတ်တမ်းရုပ်ရှင်ဇာတ်ကား ထွက်ပေါ်လာခဲ့ပါတယ်။ ဟောလိဝုဒ်နာမည်ကြီး ရုပ်ရှင်ထုတ်လုပ်ရေး Universal က ထုတ်လုပ်ဖြန့်ချိတဲ့ ဒီဇာတ်ကားကို လန်ဒန်မြို့က Leicester Square ရုပ်ရှင်ရုံမှာ အထူးပွဲအဖြစ်ပြသခဲ့ရာမှာ စီရော်နယ်လ်ဒိုတက်ရောက်လာခဲ့ပြီး ရုပ်ရှင်မပြမီ မန်ယူနောက်ခံလူဟောင်း ဂယ်ရီနဗီးလ်က သူ့ကို ပွဲကြည့်ပရိသတ်တွေရှေ့ အင်တာဗျူးခဲ့ပါတယ်။ ဒီအထူးပွဲကို ရီးယဲလ်နည်းပြဟောင်း (ထိုစဉ်က ချယ်လ်ဆီးအသင်းကို ကိုင်တွယ်နေသည့်) မော်ရင်ဟိုလည်း လာရောက်အားပေးကြည့်ရှုခဲ့သလို၊ စီရော်နယ်လ်ဒိုရဲ့ အေးဂျင့်ဖြစ်သူ ဂျော့ခ်ျမန်ဒက်စ်ကလည်း ရုပ်ရှင်ရုံရဲ့ ဟိုးနောက် တစ်နေရာကနေ လူမြင်သူမြင်မခံဘဲ ကြည့်ရှုခဲ့ပါတယ်။ ဒီမှတ်တမ်းရုပ်ရှင်ကားရဲ့ ဇာတ်ဝင်ခန်း တော်တော်များများမှာ မန်ဒက်စ်လည်းပါဝင်ခဲ့ပါတယ်။ ၂၀၁၄ ချန်ပီယံလိဂ်ဗိုလ်လုပွဲမှာ စီရော်နယ်လ်ဒိုအောင်ပွဲခံတဲ့ ပြကွက်တွေနဲ့ ဒီရုပ်ရှင်ကားကိုစတင်ခဲ့ပြီး၊ သူ့ကို အကောင်းဘက်က ဖော်ပြထားတဲ့ ပြကွက်များစွာနဲ့ ဒီဇာတ်ကားကို တန်ဆာဆင်ထားပါတယ်။ စီရော်နယ်လ်ဒိုက ဒီဇာတ်ကားဟာ သူ့ဘ၀အစစ်မှန်ကို ပရိသတ်တွေသိရှိစေခဲ့တယ်လို့ အင်တာဗျူးမှာဖြေကြားခဲ့ပါတယ်။ ထူးခြားတာတစ်ခုကတော့ ဒီအထူးပွဲကို ရီးယဲလ်မက်ဒရစ်အသင်းက တာဝန်ရှိသူတစ်ဦး တစ်ယောက်မှ မတက်ရောက်ခဲ့တာပါပဲ။ အဲဒီအချိန်တုန်းက ရီးယဲလ်အသင်းဟာ ဆီဗီလာအသင်းကို အဝေးကွင်းမှာရှုံးခဲ့တာကြောင့် အမှတ်ပေးဇယားမှာအပြိုင်ဖြစ်နေတဲ့ ဘာစီလိုနာနဲ့ (၃)မှတ်ကွာသွားပြီး အသင်းအနေနဲ့ ဖိအားများနေတဲ့ အချိန်လည်း ဖြစ်ပါတယ်။

ဘာပဲပြောပြော ဒီမှတ်တမ်းရုပ်ရှင်ကားဟာ စီရော်နယ်လ်ဒိုရဲ့ ဘ၀တစ်စိတ်တစ်ပိုင်းကို သူ့ရဲ့ ပရိသတ်တွေသိရှိစေခဲ့ပြီး စီရော်နယ်လ်ဒိုအနေနဲ့ မိခင်နဲ့ ဖခင်အပေါ် တာဝန်ကျေတဲ့ သားတစ်ဦးအဖြစ်ရော၊ သားဖြစ်သူခရစ္စတီယာနိုဂျူနီယာကို လိုအပ်တာမှန်သမျှ ဖြည့်ဆည်းပေးတဲ့ ဖခင်ကောင်းတစ်ဦးအဖြစ်ပါ ဖော်ညွှန်းထားတဲ့ ဇာတ်ကွက်တွေကို ပရိသတ်တွေတွေ့ခဲ့ရပါတယ်။ ဒီမှတ်တမ်းရုပ်ရှင်ထဲမှာ မက်ဆီကို ရန်သူတစ်ဦးလို သဘောမထားဘဲ ပြိုင်ဘက်ကောင်းတစ်ဦးအဖြစ်သာ သဘောထားတယ်ဆိုတဲ့ အချက်ကိုလည်း စီရော်နယ်လ်ဒိုအတွက် ရုပ်ရှင်ဖန်တီးသူတွေက ထည့်သွင်းပေးခဲ့ပါတယ်။ ဒါပေမဲ့ လက်တွေ့ဘ၀မှာတော့ မက်ဆီဟာ စီရော်နယ်လ်ဒိုအတွက် အမြဲတမ်းခါးသီးနေတဲ့ ပြိုင်ဘက်တစ်ဦးသာဖြစ်ခဲ့ပါတယ်။

■ လူသိမခံတဲ့ အမုန်းတရား

ဘာစီလိုနာအသင်းရဲ့ ပွဲစဉ်တစ်ပွဲကို ရီးယဲလ်အသင်းဖော်တွေနဲ့အတူ ညစာစားရင်း TV က ကြည့်နေတဲ့ စီရော်နယ်လ်ဒိုဟာ မက်ဆီဂိုးသွင်းချိန်မှာ မဆီမဆိုင်ဒေါသပေါက်ကွဲခဲ့ဖူးပါတယ်။ အဲဒီတုန်းက ပွဲကြည့်နေရာကနေ သူ့ရဲ့ လက်ကိုင်ပုဝါကို လွှင့်ပစ်လိုက်ပြီး သူထိုင်နေတဲ့ ခုံကိုကျော်ခွကာ ဒေါသတကြီးနဲ့ အော်ဟစ်ပြီး သူ့ရဲ့အခန်းကို ၀င်သွားခဲ့တာပါ။ လူမမြင်ကွယ်ရာမှာ မက်ဆီနဲ့ ပတ်သက်လာရင် ဒီလိုခါးသီးတဲ့ အမုန်းတရားတွေရှိနေပေမယ့် လူရှေ့သူရှေ့ရောက်ရင်တော့ စီရော်နယ်လ်ဒိုဟာ သူ့ရင်ထဲက စိတ်ထားအမှန်ကို ဖုံးကွယ်နိုင်အောင်ကြိုးစားလေ့ရှိပါတယ်။ ၂၀၁၅ ဖီဖာကမ္ဘာ့အကောင်းဆုံးဘောလုံးသမားဆုအတွက် စီရော်နယ်လ်ဒိုနဲ့ ဘာစီလိုနာကစားသမား မက်ဆီ၊ နေမာတို့ ပဏာမ(၃)ဦးအဖြစ်ရွေးချယ်ခံခဲ့ရပါတယ်။ ဆုပေးပွဲအခမ်းအနားမှာ စီရော်နယ်လ်ဒိုက ဒီဘာစီလိုနာကစားသမား (၂)ဦးနဲ့ ရင်းရင်းနှီးနှီးဆက်ဆံပြခဲ့ပြီး မက်ဆီနဲ့ နေမာအကြား သူကစကားပြန်တောင် ပြုလုပ်ပေးခဲ့ပါသေးတယ်။ အဲဒီဆုပေးပွဲမှာတော့ မဲအရေအတွက်စုစုပေါင်းရဲ့ (၄၁.၃၃%)ရရှိတဲ့ မက်ဆီက ၂၀၁၅ ဖီဖာကမ္ဘာ့အကောင်းဆုံး ဘောလုံးသမားဆုကို (၅)ကြိမ်မြောက်အဖြစ် ရယူနိုင်ခဲ့ပါတယ်။ (၃)ကြိမ်ဆွတ်ခူးထားတဲ့ စီရော်နယ်လ်ဒိုက မဲရာခိုင်နှုန်း(၂၇.၇၆%)နဲ့ ဒုတိယနေရာသာရခဲ့ပြီး၊ အကောင်းဆုံးဆုပဏာမစာရင်းကို ပထမဆုံးပါဝင်လာတဲ့ နေမာက (၇.၈၇%) ရခဲ့ပါတယ်။

နည်းပြဘင်နီတက်ဇ်ကို ခန့်အပ်စဉ်ကတည်းက ရီးယဲလ်ပရိသတ်တော်တော်များများဟာ အလိုမကျဖြစ်ခဲ့ကြပြီး အသင်းရလဒ်တွေ စတင်ဆိုးရွားလာချိန်မှာ အသင်းအပေါ်ဖိအားတွေ ပိုများလာပါတယ်။ အသင်းမှာလည်း ဘင်နီတက်ဇ်နဲ့ ရီးယဲလ်ကစားသမားတချို့အကြား မပြေလည်မှုက ပိုမိုကြီးထွားလာပြီး သူနဲ့ဆက်ဆံရေးအဆိုးရွားဆုံးဖြစ်ခဲ့တာက စီရော်နယ်လ်ဒို ဖြစ်ပါတယ်။ စီရော်နယ်လ်ဒိုဟာ ဆီဗီလာကို ရှုံးတဲ့ပွဲမှာ အသင်းဖော်နောက်ခံလူရာမို့စ်ကို “ဒီလိုပုံစံသာ ကစားနေလို့ကတော့ ဒီရာသီမှာဘာဖလားမှ ရမှာမဟုတ်ဘူး”လို့ ပြောခဲ့ကြောင်း စပိန်ရုပ်သံလိုင်း Cuatro က သူတို့ (၂)ဦး ကွင်းထဲက ပါးစပ်လှုပ်ပြောဆိုပုံကို အဓိပ္ပါယ်ကောက် ဖော်ပြခဲ့ပါတယ်။ အသင်းကြီးတွေနဲ့ ထိပ်တိုက်တွေ့ဆုံတဲ့ပွဲတွေမှာ ဘင်နီတက်ဇ်ဟာ ရှုံးမှာကြောက်ပြီး ခံစစ်အားသန်တဲ့ နည်းဗျူဟာနဲ့ ကစားခဲ့ကြောင်း၊ ဘင်နီတက်ဇ်အနေနဲ့ ဘောလုံးနည်းပြရာမှာ ရဲရင့်သူတစ်ဦးမဟုတ်ကြောင်း စီရော်နယ်လ်ဒိုက ပြောဆိုခဲ့တယ်လို့ စပိန်မီဒီယာတချို့က ဖော်ပြကြပါတယ်။

ဆီဗီလာကို ရှုံးနိမ့်တဲ့ပွဲအပြီး နောက်ထပ်ကစားရတဲ့ လာလီဂါပွဲစဉ်ကတော့ ပြိုင်ဘက်ထိပ်သီး ဘာစီလိုနာနဲ့ ကစားရတဲ့ El Clásico ပွဲစဉ်ပဲဖြစ်ပါတယ်။ ဒီပွဲကို ရီးယဲလ်အသင်းရဲ့ ဘာနေဗျူးကွင်းမှာ ကစားခဲ့တာဖြစ်ပြီး ပွဲမတိုင်ခင် စပိန်သတင်းစာတစ်စောင်ဖြစ်တဲ့ El Confidencial က သတင်းတစ်ခုကိုဖော်ပြခဲ့ပါတယ်။ အဲဒါကတော့ အသင်းဥက္ကဋ္ဌပီရက်ဇ်က စီရော်နယ်လ်ဒိုလိုပဲ “ဘင်နီတက်ဇ်နဲ့ ရှေ့ဆက်နေရင် ဘာဖလားမှ ရမှာမဟုတ်ဘူး”လို့ ပြောခဲ့ကြောင်း ဖော်ပြခဲ့တာဖြစ်ပါတယ်။

ဒီဖော်ပြမှုကို စီရော်နယ်လ်ဒိုရော၊ ပီရက်ဇ်ပါ ငြင်းဆိုခဲ့ကြပါတယ်။ ဒါပေမဲ့ ရီးယဲလ်အသင်းမှာ ဘင်နီတက်ဇ်ဟာ သူကစားချင်တဲ့ လူအခင်းအကျင်းနဲ့ မကစားရဘဲ ပီရက်ဇ်စိတ်ကြိုက်ကစားသမားတွေနဲ့ အသင်းကိုဖွဲ့စည်းနေရတယ်ဆိုတဲ့ ပြောဆိုမှုတွေလည်း ရှိခဲ့ပါတယ်။ ဘာစီလိုနာနဲ့ကစားခဲ့တဲ့ပွဲမှာလည်း ဘင်နီတက်ဇ်ဟာ ကတ်စ်မဲရိုး၊ အစ္စကိုအစရှိတဲ့ကစားသမားတွေကိုအသုံးပြုဖို့ မူလကရည်ရွယ်ခဲ့ပေမယ့် တကယ့်လက်တွေ့ပွဲထွက်လူစာရင်းမှာတော့ ပီရက်ဇ်အကြိုက်ကွင်းလယ်ကစားသမားတွေဖြစ်တဲ့ တိုနီကရူးစ်၊ မိုဒရစ်၊ ဂျိမ်းစ်ရိုဒရီဂွက်ဇ်တို့ကိုသာ အသုံးပြုခဲ့ရပါတယ်။ အသင်းမှာ ဥက္ကဋ္ဌရဲ့စွက်ဖက်မှုကို ဘင်နီတက်ဇ်က စိတ်ပျက်၊ အသင်းရဲ့ရလဒ်ဆိုးတွေကို ပီရက်ဇ်က စိတ်ညစ်၊ ဘင်နီတက်ဇ်ကစားခိုင်းတဲ့ ဗဟိုတိုက်စစ် ကစားသမားနေရာမှာမကစားချင်လို့ စီရော်နယ်လ်ဒိုက မကျေနပ်၊ အသင်းက ဗဟိုတိုက်စစ်မှူးတစ်ဦးဝယ်ဖို့ ငြင်းဆန်ခဲ့တာကြောင့် အသင်းဥက္ကဋ္ဌကို စီရော်နယ်လ်ဒိုနဲ့ ဘင်နီတက်ဇ်ကမကျေနပ် အစရှိသဖြင့် ရီးယဲလ်အသင်းရဲ့အဓိကပုဂ္ဂိုလ်တွေကြားမှာ အစာမကြေတာတွေက လုံးလည်ချာလည် လိုက်နေပါတယ်။

ဒီလိုအသင်းအတွင်း မပြေလည်မှုတွေများနေခြင်းက အသင်းရဲ့ရလဒ်တွေကိုလည်း သိသိသာသာထိခိုက်စေခဲ့ပါတယ်။ ဆီဗီလာကို (၂-၃) ဂိုးနဲ့ရှုံးနိမ့်ခဲ့တဲ့ပွဲအပြီး ရီးယဲလ်အသင်းဟာ ဘာစီလိုနာအသင်းကို အိမ်ကွင်းမှာ (၀-၄)ဂိုးနဲ့ ဂိုးပြတ်ဆက်အရေးနိမ့်ခဲ့ပါတယ်။ ဒီရှုံးပွဲအပြီးမှာ စီရော်နယ်လ်ဒိုက “El Clásico ပွဲမှာ ဒီလို (၀-၄)ဂိုးနဲ့ ရှုံးတာ တစ်မျိုးကောင်းပါတယ်။ ကျွန်တော်တို့အသင်းကို လှုပ်နှိုးလိုက်သလိုဖြစ်သွားတာပေါ့။ ဒီလို ရှုံးနိမ့်မှုမျိုးဖြစ်လာရင် အသင်းကို မဖြစ်မနေအပြောင်းအလဲပြုလုပ်ရတော့မှာပါ”လို့ ပြောလိုက်ပြီး၊ နည်းပြနေရာအပြောင်းအလဲလုပ်ဖို့ လိုအပ်ပြီလို့ မပြောရုံတမယ်နှပ်ကြောင်း ပေးလိုက်ပါတယ်။ ဒါပေမဲ့ အဲဒီအချိန်မှာ ရီးယဲလ်အသင်းထိပ်တန်းတာဝန်ရှိသူတွေက ဘင်နီတက်ဇ်ဘက်က အံ့အားသင့်ဖွယ်ကာကွယ်ခဲ့ပြီး တကယ်လို့ လိုအပ်လာမယ်ဆိုရင် စီရော်နယ်လ်ဒိုကို အရံခုံထိုင်ခိုင်းချင်လည်း ထိုင်ခိုင်းလို့ရတယ်ဆိုတဲ့ ညွှန်ကြားချက်ထွက်ပေါ်လာခဲ့ပါတယ်။

■ ဖိအားကိုယ်စီနဲ့ (၃)ဦး

၂၀၁၅၊ ဒီဇင်ဘာလ(၂၀)ရက်နေ့မှာကစားတဲ့ ဗယ်လက်ကာနိုနဲ့ပွဲစဉ်ဟာ ဘင်နီတက်ဇ်၊ စီရော်နယ်လ်ဒို၊ ပီရက်ဇ်တို့အတွက် ဖိအားတွေများပြားခဲ့ပြီး သူတို့(၃)ဦးစလုံး အသင်းကနေ ချက်ချင်းထွက်သွားရတော့မလောက် အော်ဟစ်သံတွေ ဆူညံခဲ့တဲ့ပွဲစဉ်ဖြစ်ခဲ့ပါတယ်။ ဒီပွဲမတိုင်ခင် ဗီလာရီးယဲလ်ကို(၀-၁)ဂိုးနဲ့ရှုံးခဲ့တာကြောင့် ရီးယဲလ်အသင်းဟာ ပွဲစဉ်(၁၅)မှာပဲ ရှုံးပွဲ(၃)ပွဲထိရှိသွားခဲ့ပြီး အဲဒီရာသီလာလီဂါချန်ပီယံဆုကို မေ့ပစ်ရတော့မယ့်အနေအထားမျိုးဖြစ်သွားခဲ့ပါတယ်။ ဗယ်လက် ကာနိုနဲ့ပွဲစဉ်မှာလည်း (၃)မိနစ်မှာ အဖွင့်ဂိုးရရှိခဲ့ပေမယ့် (၁၀)မိနစ်နဲ့ (၁၂)မိနစ်တွေမှာ ချေပဂိုးနဲ့ဦးဆောင်ဂိုးတွေပြန်ပေးခဲ့ရလို့ (၁-၂)ဂိုးနဲ့ နောက်ကလိုက်ကစားခဲ့ရပါတယ်။ အဲဒီအချိန်မှာ ပွဲကြည့်စင်ပေါ်က “ဘင်နီတက်ဇ်ထွက်သွား”၊ “ပီရက်ဇ်ထွက်သွား”ဆိုတဲ့အသံတွေနဲ့ စီရော်နယ်လ်ဒိုအပေါ် လှောင်ပြောင်သံတွေက ဆူညံနေခဲ့ပါတယ်။ ရီးယဲလ်ပရိသတ်တွေအနေနဲ့ ရလဒ်မကောင်းတာကြောင့် နည်းပြဘင်နီတက်ဇ်ကို အလိုမရှိတော့သလို၊ ဘင်နီတက်ဇ်ကိုခန့်အပ်ခဲ့တာအပြင် ကာကွယ်ခဲ့တဲ့လုပ်ရပ်အတွက် အသင်းဥက္ကဋ္ဌပီရက်ဇ်ကိုပါ ဒေါသထွက်နေတာဖြစ်ပါတယ်။ ဒါ့အပြင် အသင်းမှာခြေစွမ်းကျဆင်းလာတဲ့ စီရော်နယ်လ်ဒိုကိုလည်း ရှုတ်ချလှောင်ပြောင်ခဲ့ကြတာဖြစ်ပါတယ်။

ဒီပွဲမှာ ပိုဆိုးသွားတာက သည်းခံစိတ်မရှိတဲ့ စီရော်နယ်လ်ဒိုဟာ ပရိသတ်တွေကိုပိုပြီး ဒေါသထွက်အောင်တုံ့ပြန်လိုက်တာပါပဲ။ သူ့ရဲ့လက်ချောင်းတစ်ခုကိုထောင်ပြီး ပရိသတ်ကိုဝှေ့ယမ်းပြလိုက်ရာမှာ ရီးယဲလ်ပရိသတ်တွေ ပိုဒေါသထွက်ပြီး သူ့ကိုပိုမိုပစ်မှတ်ထားကာ ပြင်းပြင်းထန်ထန် လှောင်ပြောင်ခဲ့ကြပါတယ်။ အဲဒီပွဲမှာ ရီးယဲလ်အသင်းဟာ ပွဲချိန်(၂၅)မိနစ်အထိ (၁-၂)ဂိုးနဲ့ ရှုံးနိမ့်နေပေမယ့် နောက်ပိုင်းမိနစ်တွေမှာတော့ (၉)ဂိုးအထိသွင်းယူကာ နှစ်ဦးထုတ်ပယ်ခံရတဲ့ ဗယ်လက်ကာနိုအသင်းကို (၁၀-၂)ဂိုးနဲ့ အနိုင်ရရှိခဲ့ပါတယ်။ ဒီပွဲမှာ စီရော်နယ်လ်ဒိုဟာ(၂)ဂိုး သွင်းယူခဲ့ပေမယ့် (ပရိသတ်တွေကို မကျေမနပ်ဖြစ်နေတာကြောင့်) ဂိုးသွင်းအပြီးအောင်ပွဲခံမှုမပြုလုပ်ဘဲ နေခဲ့ပါတယ်။ ပွဲအပြီးမှာ စီရော်နယ်လ်ဒိုက ရီးယဲလ်အသင်းက ထွက်ခွာတော့မယ်လို့ပြောခဲ့ကြောင်း စပိန်ရေဒီယိုတစ်ခုက ထုတ်လွှင့်ခဲ့ပါတယ်။ အဲဒီအချိန်တုန်းက စီရော်နယ်လ်ဒိုနဲ့ ရီးယဲလ်ပရိသတ်တွေရဲ့ကြား အဆင်မပြေမှုက အဆိုးရွားဆုံးအခြေအနေကို ရောက်ရှိလာတယ်လို့ဆိုနိုင်ပြီး ရုပ်သံလိုင်းတွေမှာ စီရော်နယ်လ်ဒိုရဲ့ပုံကိုတွေ့မြင်ရရင် ရီးယဲလ်ပရိသတ်အများစုက ဆက်မကြည့်ဘဲလိုင်းပြောင်းပစ်တာကို ရုပ်သံလိုင်းအချက်အလက်မှတ်တမ်းတွေအရ တွေ့ခဲ့ရပါတယ်။

■ ဘင်နီတက်ဇ်လမ်းခွဲချိန်

၂၀၁၆၊ ဇန်န၀ါရီလ(၃)ရက်နေ့မှာ ဗလင်စီယာအသင်းနဲ့ (၂-၂)ဂိုးသရေကျပြီးနောက် အသင်းနည်းပြ ဘင်နီတက်ဇ်အပေါ် ရီးယဲလ်ဥက္ကဋ္ဌပီရက်ဇ်ရဲ့ စိတ်ရှည်သည်းခံမှုဟာ ကုန်ဆုံးသွားခဲ့ပါတယ်။ သတင်းတွေအရတော့ ဒီပွဲမတိုင်ခင်ကတည်းက ဘင်နီတက်ဇ်နဲ့လမ်းခွဲဖို့ ပီရက်ဇ်က ကြိုတင်ဆုံးဖြတ်ထားပြီး အသင်းခေါင်းဆောင် နောက်ခံလူ ရာမို့စ်နဲ့ စီရော်နယ်လ်ဒိုတို့ကို သီးခြားစီတွေ့ဆုံကာ သူ့ရဲ့အစီအစဉ်အချို့ကိုပြောကြားခဲ့တယ်လို့ ဆိုပါတယ်။ အသင်းမှာ စီနီယာကစားသမားတွေနဲ့ အဆင်မပြေမှုကြီးထွားလာတဲ့ နည်းပြဘင်နီတက်ဇ်ကိုလမ်းခွဲခြင်းကသာ အကောင်းဆုံးနည်းလမ်းလို့ ပီရက်ဇ်စဉ်းစားမိခဲ့ပြီး ဗလင်စီယာနဲ့ သရေကျအပြီးမှာ သူ့ရဲ့ဆုံးဖြတ်ချက်ကို အကောင်အထည်ဖော်ခဲ့တာဖြစ်ပါတယ်။ ၂၀၁၆၊ ဇန်န၀ါရီ(၄) ရက်နေ့မှာ နည်းပြ ဘင်နီတက်ဇ်နဲ့ လမ်းခွဲပြီဖြစ်ကြောင်း ရီးယဲလ်အသင်းက တရားဝင်ကြေညာချက်ထုတ်ပြန်လိုက်ပြီး အသင်းရဲ့ဂန္ထ၀င်ကစားသမားတစ်ဦးဖြစ်သူ ဇီဒန်းကိုနည်းပြသစ်အဖြစ် ခန့်အပ်လိုက်ပါတယ်။ နည်းပြ အန်ဆယ်လော့တီရဲ့ လက်အောက်မှာ လက်ထောက်နည်းပြလုပ်ဖူးပြီး ရီးယဲလ်မက်ဒရစ်(B)အသင်းမှာ (၂)နှစ်ကြာ နည်းပြအဖြစ်တာဝန်ယူခဲ့တဲ့ ဇီဒန်းဟာ ရီးယဲလ်မက်ဒရစ်ပရိသတ်တွေတန်ဖိုးထားလေးစားတဲ့ သူတစ်ဦးဖြစ်သလို ရီးယဲလ်ကစားသမားတွေအပေါ်ကို သြဇာညောင်းသူတစ်ဦးလည်းဖြစ်ပါတယ်။

ဒါကြောင့် ဒီတစ်ခါပီရက်ဇ်ရဲ့ နည်းပြအပြောင်းအလဲကို ရီးယဲလ်မက်ဒရစ်ပရိသတ်တွေ ကလိုလိုလားလားလက်ခံကြပြီး၊ ကစားသမားတွေကြားမှာလည်း ဘာသံမှထွက်မလာဘဲ ဇီဒန်းကို ကြိုဆိုတဲ့လက္ခဏာပဲပြခဲ့ပါတယ်။ ရီးယဲလ်နည်းပြ အဖြစ်ထုတ်ပယ်ခံရတဲ့ ဘင်နီတက်ဇ်ကတော့ ရီးယဲလ်အသင်းဆိုတာ အဖိုးတစ်ဦး (ပီရက်ဇ်)အုပ်ချုပ်နေတဲ့နေအိမ်မှာ မြေး(၂၅)ဦးရှိနေပြီး သူတို့ရဲ့ဖခင်ဖြစ်ဖို့ နည်းပြတစ်ဦးက ခက်ခက်ခဲခဲကြိုးပမ်းနေရတာနဲ့ တူနေတယ်လို့ မှတ်ချက်ပြုခဲ့ပါတယ်။ လူ့လောကမှာရှိစဉ်တုန်းက တည့်အောင်မနေဘဲ မရှိတော့မှ အကောင်းပြောလေ့ရှိတဲ့ လူ့သဘောသဘာဝအတိုင်း ရီးယဲလ်နည်းပြရာထူးက ဘင်နီတက်ဇ်ထုတ်ပယ်ခံရမှ စီရော်နယ်လ်ဒိုက ဘင်နီတက်ဇ်ရဲ့ကောင်းကြောင်းတွေကို စပိန်ဂျာနယ်လစ်ပတ်ရဲရိုးလ်နဲ့ပြုလုပ်ခဲ့တဲ့ အင်တာဗျူးမှာ ပြောကြားခဲ့ပါတယ်။ “နည်းပြတိုင်းဆီက မတူညီတဲ့အရာတွေကို သင်ကြားရလေ့ရှိပါတယ်။ ဘင်နီတက်ဇ်ဟာ ကျွန်တော့်ကို ဖရီးကစ်တွေ ဘယ်လိုကန်ရမလဲဆိုတာ သင်ကြားပြသပေးခဲ့ရုံတင်မကပါဘူး။ ဘောလုံးကိုဘယ်လိုဆွဲပြေးရမလဲ၊ ဘယ်လိုဂိုးသွင်းရမလဲဆိုတဲ့ နည်းစနစ်နည်းဗျူဟာများစွာကိုပါ ပြသပေးခဲ့ပါတယ်”လို့ ပြောကြားခဲ့ပါတယ် … ။

ဆက်လက်ဖော်ပြပါမည်။

Photos: AFP,Gettyimages,CR7,Daily Mail,Mirror,The Sun …