မြန်မာအသင်းရဲ့ ပထမခြေလှမ်း အောင်မြင်ခဲ့ပြီ

Photo: ညီညီစိုးညွန့်

မလေးရှားနိုင်ငံမှာ ကျင်းပနေတဲ့ ဆီးဂိမ်းစ် အမျိုးသားဘောလုံးပြိုင်ပွဲ အုပ်စုပွဲစဉ်တွေဟာ မကြာခင် ပြီးစီးတော့မှာဖြစ်ပြီး မြန်မာ ယူ-၂၂ အသင်းဟာ နိုင်ပွဲတွေ ဆက်ပြီး ဆီမီးဖိုင်နယ်ကို ခြေတစ်လှမ်း ချနိုင်ခဲ့ပြီ ဖြစ်ပါတယ်။ မြန်မာအသင်းအနေနဲ့ နှစ်ပေါင်းများစွာ ဝေးကွာနေတဲ့ ဆီးဂိမ်းစ် ရွှေဆုအိပ်မက်ကို အကောင်အထည်ဖော်ဖုိ့ ဒီနှစ်ပြိုင်ပွဲက အကောင်းဆုံး အနေအထားဖြစ်နေပြီး လက်ရှိ အနေအထားအရတော့ ပထမအဆင့် အောင်မြင်ခဲ့ပြီလို့ ဆိုရမှာပါ။

မြန်မာ ယူ-၂၂ အသင်းဟာ အုပ်စု (က) မှာ အိမ်ရှင် မလေးရှားအသင်းနဲ့ တစ်အုပ်စုတည်း ကျရောက်နေပြီး အိမ်ရှင်အသင်းနဲ့ မကစားရသေးပေမယ့် ဆီမီးဖိုင်နယ်ကို ကြိုတင် တက်ရောက်ခွင့် ရခဲ့တာဖြစ်ပါတယ်။ မြန်မာအသင်းဟာ အုပ်စုပွဲ သုံးပွဲဆက်တိုက် အနိုင်ရခဲ့ပြီး သြဂုတ် ၁၇ ရက်မှာ ယှဉ်ပြိုင်ကစားခဲ့တဲ့ပွဲမှာ လာအိုအသင်း နိုင်ပွဲပျောက်ခဲ့လို့ ဆီမီးဖိုင်နယ်ကို အစောဆုံး တက်ရောက်နိုင်ခဲ့တာလည်း ဖြစ်ပါတယ်။ မြန်မာအသင်းဟာ ပထမပွဲမှာ စင်ကာပူကို (၂-၀) ဂိုး၊ ဒုတိယပွဲမှာ လာအိုကို (၃-၁) ဂိုး၊ တတိယပွဲမှာ ဘရူနိုင်းအသင်းကို (၆-၀) ဂိုးနဲ့ အနိုင်ရခဲ့တာ ဖြစ်ပါတယ်။
မြန်မာအသင်းဟာ သုံးပွဲဆက် အနိုင်ရခဲ့သလို အုပ်စုပွဲတွေကို ဆက်တိုက် ကစားရတာကြောင့် ဆီမီးဖိုင်နယ်ကို စောစီးစွာ တက်ရောက်နိုင်ခဲ့တာ ဖြစ်ပါတယ်။ မြန်မာအသင်းဟာ အုပ်စု ပထမနေရာအတွက် အိမ်ရှင် မလေးရှားအသင်းနဲ့ အဆုံးအဖြတ်ပွဲ ကစားရမှာဖြစ်ပြီး ဒီပွဲကတော့ ပြိုင်ဆိုင်မှု ပြင်းထန်ဖို့ ရှိပါတယ်။ မြန်မာအသင်းဟာ နိုင်ပွဲတွေ ဆက်နေပေမယ့် အကောင်းဆုံးပုံစံ ရဖို့တော့ ကြိုးစားရဦးမှာဖြစ်ပြီး ကစားကွက်နဲ့ ကစားဟန်က လိုအပ်ချက်တချို့တော့ ရှိနေပါသေးတယ်။ တိုက်စစ်မှာ အောင်သူတစ်ဦးတည်း သုံးဂိုး သွင်းထားပြီး လာအို၊ ဘရူနိုင်းတို့ကို အနိုင်ရခဲ့တဲ့ ပွဲတွေမှာတော့ အခြားတိုက်စစ် ကစားသမားတွေ ဂိုးရခဲ့တာကြောင့် ဂိုးရဖို့ အောင်သူ တစ်ယောက်တည်းကို မှီခိုနေရတာ လျော့သွားခဲ့ပါတယ်။ ဒါပေမဲ့ မျှော်လင့်ထားတဲ့ အဓိက ကစားသမားတချို့ ပုံစံကောင်း မပြသနိုင်သေးဘဲ သူတို့တွေ ခြေစွမ်းပြနိုင်ခဲ့ရင်တော့ မြန်မာအသင်းရဲ့ကစားပုံက ပိုကောင်းလာနိုင်ပါတယ်။ လက်ရှိ ဆီးဂိမ်းစ်ပြိုင်ပွဲ ယှဉ်ပြိုင်နေတဲ့ အသင်းတွေထဲမှာ မြန်မာနဲ့ ဗီယက်နမ်အသင်းက လက်ရွေးစင် ကစားသမားအများစုနဲ့ အင်အား အတောင့်တင်းဆုံးဖြစ်နေပြီး လက်ရှိချန်ပီယံ ထိုင်းအသင်းရဲ့ လက်ရှိခြေစွမ်းနဲ့ ရလဒ်ပိုင်းတွေအရ ဒီနှစ်သင်းက ပိုပြီး ရေပန်းစားနေတာ ဖြစ်ပါတယ်။

အုပ်စု(ခ) မှာ ဗီယက်နမ်အသင်းက နှစ်ပွဲဆက် အနိုင်ရထားပြီး ထိုင်းနဲ့ အင်ဒိုနီးရှားတို့ကတော့ နှစ်ပွဲကစား လေးမှတ်စီ ရထားပါတယ်။ ဗီယက်နမ်အသင်းဟာ နိုင်ပွဲ ဆက်နေပေမယ့် ကမ္ဘောဒီးယား၊ တီမောတို့ကို အနိုင်ရထားတာ ဖြစ်ပြီး လက်ရှိ ချန်ပီယံ ထိုင်းအသင်းကတော့ အင်ဒိုနီးရှားနဲ့ သရေကျကာ တီမောကိုလည်း (၁-၀) ဂိုးနဲ့ပဲ အနိုင်ရထားပါတယ်။ လက်ရှိအနေအထား အရတော့ အုပ်စု (ခ) မှာ ဗီယက်နမ်၊ ထိုင်းနဲ့ အင်ဒိုနီးရှားအသင်းတို့ ဆီမီးဖိုင်နယ်တက်ဖို့ အပြိုင်လုရဖွယ် ရှိပါတယ်။ အုပ်စု (က) မှာ မြန်မာနဲ့အတူ အိမ်ရှင်မလေးရှားအသင်း ဆီမီးဖိုင်နယ်တက်ဖို့ သေချာသလောက် ရှိနေပြီး ပထမနေရာအတွက်ကတော့ ဒီနှစ်သင်းတွေ့ဆုံမယ့် သြဂုတ် ၂၁ ရက်ပွဲက အဆုံးအဖြတ်ဖြစ်လာမှာပါ။ ဆီမီးဖိုင်နယ် တက်ရောက်ပြီးဖြစ်တဲ့ မြန်မာအသင်းအနေနဲ့ ပထမနေရာအတွက် မလေးရှားအသင်းကို အနိုင်ကစားမလား၊ ဒါမှမဟုတ် ဆီမီးဖိုင်နယ်အတွက် အမာခံ ကစားသမားတွေကို အနားပေးမလား ဆိုတာ စောင့်ကြည့်ရပါမယ်။ တစ်ဖက်အုပ်စု အနေအထားကတော့ ဘယ်အသင်း အုပ်စုပထမရမလဲ ဆိုတာ မှန်းဆရခက်ခဲပြီး မြန်မာအသင်းအနေနဲ့ မလေးရှားပွဲမှာ ဘယ်လိုပုံစံနဲ့ ပွဲထွက်လာမလဲဆိုတာ စိတ်ဝင်စားဖို့ ကောင်းပါတယ်။ တစ်ခုရှိတာက မြန်မာအသင်းအနေနဲ့ အုပ်စုနောက်ဆုံးပွဲကို သြဂုတ် ၂၁ ရက်မှာ ကစားရမှာဖြစ်ပြီး ဆီမီးဖိုင်နယ်ပွဲကိုတော့ သြဂုတ် ၂၆ ရက်မှာ ကစားရမှာ ဖြစ်တာကြောင့် ကြားထဲမှာ နားရက် လေးရက် ရှိပါတယ်။ ကြီးကြီးမားမား ဒဏ်ရာမရခဲ့ဘူးဆိုရင် ဆီမီးဖိုင်နယ်အတွက် လုံလောက်မှု ရှိပါတယ်။ ဆီမီးဖိုင်နယ်ကတော့ မြန်မာအသင်းရဲ့ ဒုတိယခြေလှမ်းဖြစ်ပြီး တတိယခြေလှမ်းဖြစ်တဲ့ ဗိုလ်လုပွဲကို တက်ရောက်နိုင်မှာ ဖြစ်ပါတယ်။

မြန်မာအသင်းရဲ့ အုပ်စုသုံးပွဲ ကစားခဲ့တဲ့ ခြေစွမ်းကိုကြည့်ရင် လိုအပ်ချက်တွေ ရှိနေပါသေးတယ်။ သုံးပွဲစလုံးမှာ ပွဲထွက် လူစာရင်းကို အနည်းငယ်သာ အပြောင်းအလဲ ပြုလုပ်ခဲ့ပါတယ်။ တိုက်စစ်နဲ့ ကွင်းလယ် ကစားသမားတွေထဲမှာ အပြောင်းအလဲ အနည်းငယ်ပြုလုပ်ထားတာကို တွေ့ရပြီး မလေးရှားနဲ့ ပွဲမှာ ဘယ်လိုအသုံးပြုမလဲဆိုတာ နည်းပြ ဂတ်ဖရိုင်းဒရစ် သြဂုတ် ၁၉ နဲ့ ၂၀ ရက်မှာ ဆုံးဖြတ်ရမှာ ဖြစ်ပါတယ်။ မြန်မာအသင်း တိုက်စစ်ကို ဦးဆောင်တာကတော့ အောင်သူဖြစ်ပြီး သူဒဏ်ရာမရဖို့ဘဲ စောင့်ကြည့်ရမှာပါ။ အိမ်ရှင် မလေးရှားနိုင်ငံဟာ မြန်မာဆိုရင် ဘောင်အတွင်းက ညစ်တာမျိုးတွေ ရှိနေပြီး မလေးရှားနဲ့ နောက်ဆုံးပွဲမှာလည်း ဒီထက်ပိုဆိုးတဲ့ အနေအထားတွေနဲ့ ကြုံတွေ့ရနိုင်ပါတယ်။ မြန်မာအသင်းအပြင် လာရောက်အားပေးတဲ့ သူတွေအားလုံးပါ ဒါတွေကို ကြိုပြင်ဆင်ထားဖို့ လိုပါတယ်။

မြန်မာအသင်းဟာ အုပ်စုပွဲစဉ်တွေ မပြီးဆုံးသေးခင် ဆီမီးဖိုင်နယ် တက်ရောက်ခဲ့ပြီ ဖြစ်တာကြောင့် မြန်မာဘောလုံး ပရိသတ်တွေကို ပျော်ရွှင်မှုတွေ ဆက်တိုက်ပေးစွမ်းနေပါတယ်။ ပထမအဆင့် အောင်မြင်ခဲ့ပြီ ဖြစ်ပေမယ့် ဆုတံဆိပ် ရရှိဖို့အတွက် ဒုတိယနဲ့ တတိယခြေလှမ်းတွေ ဖြတ်သန်းဖို့ လိုပါသေးတယ်။ လက်ရှိ လူစာရင်းအနေအထားအရ မြန်မာအသင်းဟာ တောင့်တင်းမှု ရှိနေပြီး ၂၀၁၅ ယူ-၂၀ ကမ္ဘာ့ဖလားပြိုင်ပွဲ ယှဉ်ပြိုင်ခဲ့တဲ့ ကစားသမားနဲ့ နည်းပြချုပ်တို့ ကိုင်တွယ်လာတဲ့ မြန်မာ ယူ-၂၂ အသင်းအနေနဲ့ မြန်မာရဲ့ ဒုတိယအိမ်ကွင်းလို့ သတ်မှတ်နိုင်တဲ့ မလေးရှားမြေမှာ ဘယ်လို အောင်ပွဲဆင်နိုင်မလား ဆိုတာ…။

မြန်မာအမျိုးသမီးအသင်းရဲ့ နောက်ဆုံးမျှော်လင့်ချက်

၂၀၁၇ မလေးရှားဆီးဂိမ်းစ်ပြိုင်ပွဲ ယှဉ် ပြိုင်နေတဲ့ မြန်မာအမျိုးသမီးဘောလုံးအသင်း ဟာ အဖွင့်ပွဲမှာ အဓိကပြိုင်ဘက် ထိုင်းကို ရှုံးပြီး နှစ်ပွဲကစားအပြီးမှာ သုံးမှတ်သာရသေး ပေမယ့် ချန်ပီယံလမ်းကြောင်းကနေ အလုံးစုံ သွေဖယ်သွားတာတော့ မဟုတ်သေးပါဘူး။

မြန်မာအသင်းအနေနဲ့ နောက်ဆုံးမျှော်လင့် ချက်တစ်ခုရှိပါသေးတယ်။ သြဂုတ် ၂၀ ရက်မှာ ကစားရမယ့် ဗီယက်နမ်အသင်းနဲ့ပွဲမှာ အနိုင် ရခဲ့မယ်ဆိုရင် ချန်ပီယံလမ်းကြောင်းမှာ ဆက် ရှိနေမှာဖြစ်ပြီး ရှုံးနိမ့်ခဲ့မယ်ဆိုရင်တော့ ကြေး ဆုအတွက်ပဲ ကြိုးစားရတော့မှာဖြစ်ပါတယ်။ ၂၀၁၇ မလေးရှားဆီးဂိမ်းစ်ပြိုင်ပွဲ ယှဉ် ပြိုင်နေတဲ့ မြန်မာအမျိုးသမီးဘောလုံးအသင်း ဟာ အဖွင့်ပွဲမှာ အဓိကပြိုင်ဘက် ထိုင်းကို ရှုံးပြီး နှစ်ပွဲကစားအပြီးမှာ သုံးမှတ်သာရသေး ပေမယ့် ချန်ပီယံလမ်းကြောင်းကနေ အလုံးစုံ သွေဖယ်သွားတာတော့ မဟုတ်သေးပါဘူး။

မြန်မာအသင်းအနေနဲ့ နောက်ဆုံးမျှော်လင့် ချက်တစ်ခုရှိပါသေးတယ်။

သြဂုတ် ၂၀ ရက်မှာ ကစားရမယ့် ဗီယက်နမ်အသင်းနဲ့ပွဲမှာ အနိုင် ရခဲ့မယ်ဆိုရင် ချန်ပီယံလမ်းကြောင်းမှာ ဆက် ရှိနေမှာဖြစ်ပြီး ရှုံးနိမ့်ခဲ့မယ်ဆိုရင်တော့ ကြေး ဆုအတွက်ပဲ ကြိုးစားရတော့မှာဖြစ်ပါတယ်။ မြန်မာအသင်းဟာ အုပ်စုအဖွင့်ပွဲမှာ ထိုင်းအသင်းကို (၂-၃) ဂိုးနဲ့ ရှုံးနိမ့်ခဲ့ပြီး ဒုတိယ ပွဲမှာတော့ အိမ်ရှင်မလေးရှားအသင်းကို (၅-၀) ဂိုးနဲ့ ဂိုးပြတ်အနိုင်ရခဲ့ပါတယ်။ မြန်မာအသင်း အနေနဲ့ ထိုင်းကိုရှုံးခဲ့တဲ့ အဖွင့်ပွဲက ချန်ပီယံဆု အတွက် များစွာသက်ရောက်မှုရှိခဲ့ပြီး အခွင့် အရေးနည်းသွားတဲ့အပြင် တခြားအသင်းတွေ ရဲ့ ရလဒ်တွေကိုလည်း စောင့်ကြည့်ရမယ့် အနေအထားဖြစ်သွားခဲ့ပါတယ်။ မြန်မာအသင်း အနေနဲ့ ကိုယ့်ကြမ္မာကိုယ်ဖန်တီးနိုင်ဖို့ထက် ဗီယက်နမ်နဲ့ပွဲမှာ အနိုင်ရဖို့ အရင်ဆုံးကြိုးစား ရတော့မှာပါ။ မြန်မာအသင်းဟာ အာဆီယံ ဒေသတွင်းပြိုင်ပွဲတွေမှာ အဓိကပြိုင်ဘက် နှစ်သင်းဖြစ်တဲ့ ထိုင်း၊ ဗီယက်နမ်တို့နဲ့တွေ့ရင် ရလဒ်မကောင်းတာကြာပါပြီ။ ဗီယက်နမ် အသင်းကိုလည်း ပြီးခဲ့တဲ့ ဧပြီက ကျင်းပခဲ့တဲ့  အာရှဖလားခြေစစ်ပွဲမှာ (၀-၂) ဂိုးနဲ့ ရှုံးထားပါ တယ်။ ဒီပွဲဟာ မြန်မာအမျိုးသမီးအသင်းရဲ့ ချန်ပီယံဆုအတွက် နောက်ဆုံးမျှော်လင့်ချက် ဖြစ်တာကြောင့် ဖောင်ဖျက်တိုက်ရမယ့်ပွဲဖြစ် ပါတယ်။ နိုင်ရင် ရွှေဆုအပါအ၀င် အနိမ့်ဆုံး ငွေဆုလောက်အထိ မျှော်မှန်းလို့ ရနိုင်တဲ့ အနေ အထားမျိုးဖြစ်သွားနိုင်ပြီး ရှုံးခဲ့ရင်တော့ ကြေး ဆုအတွက်ပဲ ကစားရတော့မှာပါ။

မြန်မာအမျိုး သမီးအသင်းအနေနဲ့ ဆီးဂိမ်းစ်ပထမဆုံး ရွှေ ဆုအတွက် အားခဲထားပေမယ့် ပထမပွဲမှာ ထိုင်းကို ရှုံးနိမ့်ခဲ့တာကြောင့် ပြိုလဲလုဖြစ်ခဲ့ရ ပါတယ်။ ဒုတိယပွဲဖြစ်တဲ့ မလေးရှားနဲ့ပွဲမှာ ဂိုးပြတ်အနိုင်ရခဲ့ပေမယ့် ထိုင်းကို ရှုံးနိမ့်ခဲ့တဲ့ ပွဲကအရှိန်တွေက သက်ရောက်မှုတွေရှိနေပြီး  ပထမပိုင်းမှာ ပုံစံကောင်းမပြသနိုင်ခဲ့ပါဘူး။ ဒုတိယပိုင်းမှာ မလေးရှားအသင်းရဲ့ လက် ဆောင်ဂိုးရပြီးမှ အနိုင်ဂိုးတွေ ဆက်ရခဲ့တာ ဖြစ်ပါတယ်။ မြန်မာအသင်းအနေနဲ့ ဗီယက်နမ် ကို အနိုင်ကစားဖို့ဆိုရင် လက်ရှိခြေစွမ်းနဲ့တော့ မဖြစ်နိုင်ပါဘူး။

မြန်မာအသင်းရဲ့ ခြေစွမ်းဟာ ပြီးခဲ့တဲ့ ၂၀၁၆ အာဆီယံ အမျိုးသမီးချန်ပီယံ ရှစ်ပြိုင်ပွဲမှာ တတိယနေရာဆုရခဲ့တဲ့ ခြေစွမ်း ကိုတောင် မမီသေးပါဘူး။ အဲဒီပြိုင်ပွဲမှာ မြန်မာ အသင်းဟာ ဗီယက်နမ်အသင်းနဲ့ ဆီမီးဖိုင်နယ် မှာ တွေ့ဆုံခဲ့ပြီး သုံးဂိုးစီသရေကျနေကာ ပယ် နယ်တီကျမှ အရေးနိမ့်ခဲ့တာဖြစ်ပါတယ်။ မြန်မာအမျိုးသမီးအသင်းမှာ တစ်ခုရှိတာက နောက်ဆုံးမိနစ်အထိ ဇွဲမလျော့ဘဲ ကြိုးစားတဲ့ စိတ်လေးပါ။ ဒါကိုတော့ ချီးကျူးရပါမယ်။ နောက်ဆုံးအချိန်သွင်းဂိုးတွေနဲ့ မြန်မာအမျိုး သမီးအသင်း အနိုင်ရခဲ့တာ၊ အဖိုးတန်ချေပဂိုး ရခဲ့တာတွေ ရှိခဲ့ပါတယ်။ အခုပွဲမှာလည်း ဒီလို မျိုးစွမ်းဆောင်မှုတွေ မိနစ် ၉၀ စလုံး အနိုင်မခံ အရှုံးမပေးစိတ်ဓာတ်တွေ မြင်တွေရဖို့ လိုပါ တယ်။ နှစ်ပွဲမှာ သုံးမှတ်ပဲရသေးပေမယ့် မြန် မာအမျိုးသမီးအသင်းရဲ့ ချန်ပီယံမျှော်လင့် ချက်က အဆုံးမသတ်သေးပါဘူး။ အမျိုးသား ယူ-၂၂ အသင်း နှစ်ပွဲဆက်အနိုင်ရတဲ့အချိန် မှာ ဆုကြေးငွေ ဒေါ်လာ(၈၀၀၀၀) လောက် ချီးမြှင့်ခဲ့ပေမယ့် မြန်မာအမျိုးသမီးအသင်းကို တော့ ဆုကြေးချီးမြှင့်တာတွေ မတွေ့ရသေးပါ ဘူး။ မလေးရှားကို အနိုင်ရတဲ့ပွဲမှာ တတိယပွဲ ဖြစ်တဲ့ ဗီယက်နမ်နဲ့ပွဲအတွက် စိတ်ဓာတ်မြှင့် တင်မှုတွေ လုပ်သင့်ပါတယ်။ မြန်မာအမျိုး သမီးအသင်းအနေနဲ့ ဗီယက်နမ်ကိုနိုင်ရင် ချန်ပီယံဆုမျှော်လင့်လို့ ရနိုင်ပါသေးတယ်။

ဒီအချိန်က သူတို့ကို စိတ်ဓာတ်မြှင့်တင်ပြီး အနိုင်ရအောင် လုပ်ပေးရမယ့်အချိန်ပါ။ မြန်မာအမျိုးသမီးအသင်းဟာ ဆီးဂိမ်းစ် ပြိုင်ပွဲမှာ အမြင့်ဆုံးငွေတံဆိပ်ရဖူးသေးပြီး ၂၀၀၉နဲ့ ၂၀၁၃ ပြိုင်ပွဲတွေမှာ ကြေးတံဆိပ်နဲ့ပဲ ကျေနပ်ခဲ့ရပါတယ်။ အခုပြိုင်ပွဲမှာလည်း ဗီယက်နမ်ကို အနိုင်မရခဲ့ရင် ကြေးဆုနဲ့ပဲ ကျေနပ်ရဖို့များပြီး ချန်ပီယံဆုအတွက် နောက်ဆုံး မျှော်လင့်ချက်မှာ မြန်မာအမျိုးသမီးအသင်း ဘာတွေလုပ်ပြနိုင်မလဲဆိုတာ…..

အဖွင့်ပွဲ ရှုံးနိမ့်ပြီး မြန်မာအမျိုးသမီးအသင်းရဲ့ အလားအလာ

ဆီးဂိမ်းစ်အမျိုးသမီးဘောလုံးပြိုင်ပွဲကို  သြဂုတ် ၁၅ ရက်က စတင်ကျင်းပခဲ့ပြီး မြန်မာအသင်းဟာ ချန်ပီယံဆုအတွက် အဓိကပြိုင်ဘက် ထိုင်းအသင်းကို (၂-၃) ဂိုးနဲ့ အရေးနိမ့်ခဲ့ပါတယ်။ မြန်မာအမျိုးသမီးအသင်းအနေနဲ့ ထိုင်းကို ရှုံးနိမ့်ခဲ့တာ ချန်ပီယံဆုအတွက် ထိ ခိုက်မှုရှိခဲ့ပြီး လက်ကျန်ပွဲတွေမှာ အမှားလုပ်လို့ မရတော့ပါဘူး။ မြန်မာအမျိုးသမီးအသင်းဟာ အုပ်စုဒုတိယပွဲအဖြစ် သြဂုတ် ၁၇ ရက် (ယနေ့) မှာ အိမ်ရှင်မလေးရှားအသင်းနဲ့ ယှဉ်ပြိုင်ကစားရမှာဖြစ်ပါတယ်။ ဒီပွဲဟာ မြန်မာအသင်းအတွက် အရေးပါတဲ့ပွဲဖြစ်နေပြီး အနိုင်ရမှ ချန်ပီယံဆုအပါအ၀င် ဆုတံဆိပ်ရရှိဖို့ မျှော်လင့်နိုင်မှာဖြစ်ပါတယ်။

မြန်မာအသင်းနဲ့ကစားရမယ့် အိမ်ရှင် မလေးရှားအသင်းဟာ ပြင်ဆင်မှုတွေပြုလုပ်ထားပေမယ့် အဖွင့်ပွဲမှာ ဖိလစ်ပိုင်အသင်းကို ရှုံးနိမ့်ခဲ့ပါတယ်။ အုပ်စုတွင်းမှာ အင်အားအနည်းဆုံး ဖိလစ်ပိုင်အသင်းနဲ့ စတင်ကစားဖို့ ပွဲစဉ်ရေးဆွဲခဲ့ပေမယ့် အနိုင်ရလဒ်တော့မယူ နိုင်ခဲ့ပါဘူး။ ဒါကြောင့် ဒီပွဲဟာ အဖွင့်ပွဲရှုံးပွဲ ကြုံတွေ့ထားတဲ့ နှစ်သင်း ရုန်းကန်ကြမယ့်ပွဲလည်း ဖြစ်ပါတယ်။ မြန်မာအသင်းဟာ ထိုင်းနဲ့ အုပ်စုအဖွင့်ပွဲမှာ အနိမ့်ဆုံးသရေတစ်မှတ် ရယူသင့်ပေမယ့် အမှတ်ဗလာနဲ့ အဖွင့်ပွဲကို ဖြတ်သန်းခဲ့ရပါတယ်။ မိနစ် ၆၀ ကျော်အထိ တစ်ဂိုးအသာနဲ့ ဦးဆောင်နိုင်ခဲ့သလို ၈၂ မိနစ်မှာ နှစ်ဂိုးစီသရေကျမယ့် ချေပဂိုးပြန်ရခဲ့ပေမယ့် လိုအပ်နေတဲ့အမှတ် အရမယူနိုင်ခဲ့ပါဘူး။  မြန်မာအသင်း ရှုံးနိမ့်ခဲ့ရတဲ့အချက်တွေထဲမှာ ခံစစ်ပိုင်းအားနည်းမှုတွေ အများကြီးတွေ့ရတဲ့ အပြင် နည်းပြရဲ့ လူစားလဲမှုတွေကလည်း လိုအပ်ချက်တွေအများကြီး ရှိခဲ့ပါတယ်။ ပေးလိုက်ရတဲ့ ဂိုးသုံးဂိုးစလုံးက နောက်ခံလူနဲ့ ဂိုးသမားတို့ အမှားမကင်းပါဘူး။ ပထမပေးလိုက်ရတဲ့ ဂိုးမှာ စမှားတာက ကွင်းလယ်လူ သန်းသန်းထွေးဖြစ်ပြီး သူ့ရဲ့လူပေးမှားတာကနေ ထိုင်း အသင်းရသွားပြီး ကန်သွင်းခဲ့တာပါ။ ဒီဘောလုံးကို ဂိုးသမားမြဖူးငုံ ကာကွယ်ရာ ကန်ချက်ပျော့ပေမယ့် လက်ကလွတ်သွားလို့  ထိုင်းကစားသမားက ပိတ်သွင်းယူခဲ့တာဖြစ်ပါတယ်။ ဒုတိယဂိုးကလည်း နောက်ခံလူတွေရဲ့အမှားကနေ ထိုင်းက သွင်းယူသွားတာဖြစ်ပြီး နောက်ဆုံးဂိုးကတော့ ဂိုးသမားနဲ့ နောက်ခံလူတို့ နားလည်မှု လွဲတာကနေ ပေးလိုက်ရတာပါ။ မြန်မာဂိုးသမား မြဖူးငုံနဲ့ နောက်ခံလူ ဇင်မာဝင်းတို့ နားလည်မှုလွဲတာကတစ်ဆင့် ဆူလာမူနီရပြီး သွင်းယူသွားခဲ့တာဖြစ်ပါတယ်။ မြန်မာအမျိုးသမီးအသင်းရဲ့ခြေစွမ်းဟာ သာမန်သာရှိခဲ့ပြီး ကစားပုံအရလည်း အကောင်းဆုံးမှာရှိမနေခဲ့ပါဘူး။ နောက်ထပ်အမှားကတော့ နည်းပြ ရော်ဂျာရိုင်နာရဲ့ လူစားလဲမှုတွေက အမှားများခဲ့ပါတယ်။ (၁-၂) ဂိုးရလဒ်နဲ့ ရှုံးနိမ့်နေတဲ့ အချိန်မှာ အဓိကတိုက်စစ်မှူးတစ်ဦးဖြစ်တဲ့ ရီရီဦးကို ထည့်သွင်းကစားသင့်ပေမယ့် လူငယ်ကစားသမား ဂျူလိုင်ကျော်ကိုပဲ လဲခဲ့ပါတယ်။ ဂျူလိုင်ကျော်အနေနဲ့ ပွဲအတွေ့အကြုံနည်းသေးတာကြောင့် အခုလို ထိုင်းအသင်းနဲ့ ကစားရမယ့် ပွဲမျိုးမှာကစားဖို့ အဆင်သင့်မဖြစ်သေးပါဘူး။ ရီရီဦးဟာ ခြေစမ်းပွဲတုန်းက တောက် လျှောက်ပွဲထွက်ခွင့်ရလာပေမယ့် အခုပွဲမှာတော့ လူစားဝင်ကစားသမားအဖြစ်တောင် ကစားခွင့်မရခဲ့ပါဘူး။ ဘာပဲဖြစ်ဖြစ် အမှားတွေအပေါ် အမှားတွေဆင့်ပြီး မြန်မာအသင်းကတော့ ထိုင်းအသင်းကို ရှုံးသွားခဲ့ပါပြီ။ မြန်မာ အမျိုးသမီးအသင်းအနေနဲ့ ထိုင်းအသင်းကို ဆီးဂိမ်းစ်ပြိုင်ပွဲမှာ မိနစ် ၉၀ အ တွင်း ဒုတိယအကြိမ် ရှုံးခဲ့တာဖြစ်ပြီး ပယ်နယ်တီတစ်ကြိမ် အပါအ၀င်ဆိုရင် သုံးကြိမ်ရှိသွား ပြီဖြစ်ပါတယ်။ မြန်မာအသင်း ဟာ ၁၉၉၇ ဆီးဂိမ်းစ်ပြိုင် ပွဲ ဗိုလ်လုပွဲမှာ (၁-၅) ဂိုး ရလဒ်နဲ့ ရှုံးနိမ့်ပြီးနောက်ပိုင်း နှစ်ပေါင်း ၂၀ အကြာမှာ ပြန်လည်ရှုံးနိမ့်ခဲ့တာ ဖြစ်ပါတယ်။ မြန်မာအသင်းအနေနဲ့ ထိုင်းကို ရှုံးခဲ့ပေမယ့် ရွှေတံဆိပ် မျှော်လင့်ချက်အားလုံး အဆုံးသတ်သွားတာတော့ မဟုတ်သေးပါဘူး။ လက်ကျန်သုံးပွဲစလုံး အနိုင်ရခဲ့ရင် မျှော်လင့်နိုင်ပါတယ်။ ထိုင်းအသင်းဟာ ဗီယက်နမ်အသင်းနဲ့ကစားဖို့ ကျန်သေးပြီး ဒီပွဲရလဒ်က မြန်မာအသင်းရဲ့ချန်ပီယံမျှော်လင့်ချက်အတွက် အရေးပါနေပါတယ်။ မြန်မာအမျိုးသမီးအသင်းအတွက် ဒီနေ့ယှဉ်ပြိုင်ရမယ့် မလေးရှားနဲ့ပွဲဟာ အရမ်းအရေးပါနေပါတယ်။ ဒီပွဲမှာ အနိုင်သုံးမှတ်အပြင် ဂိုးတွေလည်း ရသလောက် သွင်းယူထားနိုင်ဖို့လို ပါတယ်။ မြန်မာအမျိုးသမီးအသင်းအနေနဲ့  မလေးရှားကို ဂိုးပြတ်မနိုင်ဘူးဆိုရင် ချန်ပီယံ အိပ်မက်တွေ အဆုံးသတ်လိုက်ရတော့မှာပါ။

ဒါကြောင့် မြန်မာအမျိုးသမီးအသင်းအနေနဲ့ ချန်ပီယံဆု နောက်ဆုံးမျှော်လင့်ချက်အတွက် မလေးရှားအသင်းကို အနိုင်ကစားရမှာပါ။ မလေးရှားအသင်းကို အနိုင်ကစားနိုင်မှ ဗီယက်နမ်နဲ့ပွဲအတွက် စိတ်ဓာတ်အပြည့်နဲ့ ကစားနိုင်မှာပါ။ မြန်မာအမျိုးသမီးအသင်းဟာ မလေးရှားအသင်းကို နောက်ဆုံးအနိုင်ရခဲ့တာကတော့ ၂၀၁၆ အာဆီယံအမျိုးသမီးချန်ပီယံရှစ်ပြိုင်ပွဲမှာဖြစ်ပြီး (၂-၁) ဂိုးနဲ့ အနိုင်ရခဲ့ပေမယ့် ဦးဆောင်ဂိုးပေးလိုက်ရတာကြောင့် ခက်ခက်ခဲခဲ ကစားခဲ့ရပါတယ်။ မြန်မာအသင်းနဲ့ မလေးရှားအသင်းတို့ဟာ ဆီးဂိမ်းစ်ပြိုင်ပွဲမှာ ရှစ်ကြိမ်မြောက် တွေ့ဆုံတာဖြစ်ပြီး ပြီးခဲ့တဲ့ ခုနစ်ကြိမ်မှာ မြန်မာအသင်းက ခြောက်ပွဲအထိ နိုင်ခဲ့ပါတယ်။ မြန်မာအသင်းဟာ ဆီးဂိမ်းစ်ပြိုင်ပွဲမှာ ပထမဆုံးဝင်ရောက်ယှဉ်ပြိုင်တဲ့ ၁၉၉၅ ပြိုင်ပွဲတစ်ကြိမ်သာ (၃-၅) ဂိုးနဲ့ ရှုံးနိမ့်ခဲ့ဖူးပြီး ကျန်တဲ့အကြိမ်တွေမှာတော့ ဂိုးပြတ်အနိုင်ရလဒ်တွေ နဲ့ အများစုအနိုင်ရခဲ့ပါတယ်။ မြန်မာအသင်းဟာ မလေးရှားအသင်းကို  ၁၉၉၇၊ ၂၀၀၁၊ ၂၀၀၃၊ ၂၀၀၇၊ ၂၀၀၉၊ ၂၀၁၃

ပြိုင်ပွဲတွေမှာ အနိုင်ရခဲ့တာဖြစ်ပြီး ၂၀၀၃ ပြိုင်ပွဲ ဆီမီးဖိုင်နယ်မှာ (၈-၀) ဂိုးနဲ့ ဂိုးအပြတ်ဆုံး အနိုင်ရခဲ့ပါတယ်။ မြန်မာနဲ့ မလေးရှားအသင်းဟာ ဆီးဂိမ်းစ်ပြိုင်ပွဲယှဉ်ပြိုင်တဲ့ ကိုးကြိမ်မှာ ရှစ်ကြိမ်အထိ တွေ့ဆုံခဲ့ပြီး ၂၀၀၅ ပြိုင်ပွဲတစ်ကြိမ်သာ မတွေ့ဆုံတာဖြစ်ပါတယ်။

မလေးရှားနဲ့ အုပ်စုဒုတိယပွဲဟာ မြန်မာအမျိုးသမီးအသင်းအတွက် အရမ်းကို အရေးပါပါတယ်။ ထိုင်းအသင်းကို ရှုံးနိမ့်ခဲ့တဲ့ အဖွင့်ပွဲက အရှုံးကို အိမ်ရှင် မလေးရှားကို အနိုင်ယူပြီး ပြန်လည်

ကုစားနိုင်မလား

ဆိုတာ . . .

မြန်မာတို့ရဲ့ မျှော်လင့်ချက်

 

မလေးရှားနိုင်ငံက အိမ်ရှင်အဖြစ် လက်ခံကျင်းပနေတဲ့ (၂၉) ကြိမ်မြောက် ဆီးဂိမ်းစ်ပြိုင်ပွဲကို စတင်ကျင်းပနေပြီဖြစ်ပါတယ်။ မြန်မာအားကစားအဖွဲ့အတွက် စိန်ခေါ်မှု ကြီးမားတဲ့ပြိုင်ပွဲဖြစ်ပြီး အောင်မြင်မှုတွေ ထပ်မံရယူနိုင်ဖို့  အရေးကြီးတဲ့ကာလကို ရောက်ရှိနေပြီဖြစ်ပါတယ်။ မြန်မာအားကစားသမားတွေရဲ့ လက်ရှိအနေအထား၊ ပြင်ဆင် ဆောင်ရွက်ထားမှု၊ ပြိုင်ဘက်နိုင်ငံတွေရဲ့ တိုးတက်မှုတွေကို ကြည့်ရင် မြန်မာအားကစားအဖွဲ့အနေနဲ့ ရွှေတံဆိပ်အများကြီးရဖို့ ခက်ခဲနိုင်ပါတယ်။ အခက်အခဲတွေကြားက မြန်မာကစားသမားတွေရဲ့ ရွှေဆုရယူနိုင်ဖို့ ရုန်းကန်မှု၊ နိုင်လိုစိတ် ပြင်းထန်မှု၊ ကြိုးစားအားထုတ်မှုတို့ကို တွေ့မြင်ရတော့မှာဖြစ်ပါတယ်။

မြန်မာအားကစားအဖွဲ့အနေနဲ့ အခု ပြိုင်ပွဲမှာ အားကစားနည်း ၂၉ မျိုး ၀င်ရောက် ယှဉ်ပြိုင်နေပြီး ပွဲစဉ်ရေးဆွဲထားမှုအရ ဖွင့်ပွဲမတိုင်မီ ရွှေဆုရမှာဖြစ်ပါတယ်။ မြန်မာ့ရိုးရာ အားကစားနည်းဖြစ်တဲ့ ခြင်းလုံးပြိုင်ပွဲကို ပိုက်ကျော်ခြင်းပြိုင်ပွဲရဲ့ အစမှာ ထည့်သွင်းကျင်းပ မှာဖြစ်တာကြောင့် မြန်မာနိုင်ငံအနေနဲ့ ရွှေဆုရဖို့ ကျိန်းသေသွားခဲ့တာဖြစ်ပါတယ်။ မြန်မာနိုင်ငံအနေနဲ့ အားကစားနည်း (၂၉) မျိုးမှာ ၀င်ရောက်ယှဉ်ပြိုင်မှာဖြစ်ပေမယ့် ရွှေရနိုင်တဲ့ အားကစားနည်းကတော့ ၁၀ မျိုးထက် မပိုပါဘူး။ ရွှေတံဆိပ်မျှော်မှန်းနိုင်တဲ့ အား ကစားနည်းတွေထဲမှာ ခြင်းလုံး၊ မြားပစ်၊ ပိုက်ကျော်ခြင်း၊ ဂျူဒို၊ ၀ူရှူး၊ တိုက်ကွမ်ဒို၊ သေနတ်ပစ်၊ ပီတန်း၊ ဘိလိယက် အားကစားနည်းတို့ ပါဝင်နေပါတယ်။ ရွှေမျှော်မှန်းထားတဲ့ အားကစားနည်းတွေထဲမှာ ချွတ်ချော်မှုရှိခဲ့ရင်တောင် အများစုကတော့ အနည်းဆုံးတစ်ခုစီ ရယူနိုင်မှာ သေချာပါတယ်။ ဒီအားကစားနည်းတွေရဲ့ ပြီးခဲ့တဲ့ဆယ်စုနှစ်အတွင်း စွမ်းဆောင်မှုတွေကိုကြည့်ရင် ဂျူဒိုအားကစားအဖွဲ့ရဲ့စွမ်းဆောင်မှုက မြင့်မားနေတာကိုတွေ့ ရပါတယ်။ မြန်မာအားကစားအဖွဲ့ရဲ့ လက်ရှိအနေအထားကို အနီးစပ်ဆုံး သုံးသပ်နိုင်ဖို့အတွက် ၂၀၀၇ ပြိုင်ပွဲကနေ ၂၀၁၅ ပြိုင်ပွဲ အထိ ဆီးဂိမ်းစ်ပြိုင်ပွဲ ရလဒ်တွေကိုကြည့်ရင် ဂျူဒိုအဖွဲ့က အကြိမ်တိုင်း ရွှေဆုရထားတာကို တွေ့ရမှာပါ။ ၂၀၀၇ ကနေ ၂၀၁၅ ခုနှစ်အထိ ဆီးဂိမ်းစ်ပြိုင်ပွဲ ငါးကြိမ်မှာဂျူဒိုအဖွဲ့က ငါးကြိမ်စလုံး ရွှေဆုရယူနိုင်ခဲ့ပါတယ်။ မြန်မာဂျူဒိုအဖွဲ့ရဲ့ စွမ်းဆောင်မှုတွေကိုကြည့်ရင် ၂၀၀၇ ပြိုင်ပွဲမှာ အေးအေးအောင်၊ ၂၀၀၉ ပြိုင်ပွဲမှာ ဟိန်းလတ်ဇော်နဲ့ ဇင်လင်းအောင်၊ ၂၀၁၁ ပြိုင်ပွဲမှာ အေးအေးအောင်၊ ၂၀၁၃ ပြိုင်ပွဲမှာ ဇင်လင်းအောင်၊ အေးအေးအောင်၊ ရန်နိုင်စိုးနဲ့ ဆဲလ်ဝီး၊ ၂၀၁၅ ပြိုင် ပွဲမှာ ရန်နိုင်စိုးနဲ့ ခင်မျိုးသူတို့က ရွှေဆုရယူ နိုင်ခဲ့ပါတယ်။ ရွှေဆုရယူပေးခဲ့တဲ့ ဂျူဒိုကစားသမားတွေထဲက အေးအေးအောင်တစ်ဦးတည်းသာ ပြန်ပါလာပြီး ကျန်ကစားသမားတွေကတော့ အသစ်ဖြစ်ပါတယ်။ ဒါကြောင့် မြန်မာဂျူဒိုအဖွဲ့ ရွှေဆုရဖို့က အေးအေးအောင်အပေါ်မှာ လုံးဝမူတည်နေပါတယ်။ အိမ်ရှင် မလေးရှားနိုင်ငံဟာ သူတို့အားနည်းတဲ့ ၀ိတ်တန်းအကြီးတွေ ထည့်သွင်းကျင်းပမှာမဟုတ်တာကြောင့် မြန်မာအသင်းအတွက် နစ်နာသွားခဲ့ရပါတယ်။ မြန်မာဂျူဒိုအဖွဲ့က ၀ိတ်တန်းအကြီးတွေမှာ ပိုပြီးအားသာတာဖြစ်ပါတယ်။ ဆယ်စုနှစ်တစ်ခုအတွင်း မြန်မာနိုင်ငံအတွက် ရွှေဆုပုံမှန်ရယူပေးနေတဲ့ မြန်မာ ဂျူဒိုအဖွဲ့ အောင်မြင်မှုအစဉ်အလာကို ဆက်ထိန်းထားနိုင်ဖို့ပဲလိုပါတယ်။ ကျန်တဲ့အားကစားနည်းတွေရဲ့ ပြီးခဲ့တဲ့ ဆီးဂိမ်းစ်ပြိုင်ပွဲ ငါးကြိမ် စွမ်းဆောင်မှုကိုကြည့်ရင် အနည်းဆုံးတစ်ကြိမ်နဲ့ နှစ်ကြိမ် ရွှေဆုလက်လွှတ်ခဲ့ရတာမျိုး ရှိပါတယ်။ တိုက်ကွမ်ဒိုအဖွဲ့ဆိုရင် ၂၀၀၇ ကနေ ၂၀၁၃ အထိ ရွှေဆုဆက်တိုက်ရခဲ့ပေမယ့် ပြီးခဲ့တဲ့ ၂၀၁၅ ပြိုင်ပွဲမှာ ရွှေဆုနဲ့ဝေးခဲ့ရပါတယ်။ ၀ူရှူးအဖွဲ့ဟာ ပြီးခဲ့တဲ့ ဆီးဂိမ်းစ်ပြိုင်ပွဲမှာ မြန်မာနိုင်ငံအတွက် ဆုတံဆိပ်အများဆုံး ရယူပေးနိုင်ခဲ့ပြီး လက်ရှိမှာလည်း အားထားရတဲ့ ကစားသမားတွေဖြစ်တဲ့ စန္ဒီဦး၊ အေးသစ္စာမြင့်နဲ့ မြတ်သက်ဆုဝေဖြိုးတို့ ပါဝင်နေတာကြောင့် ရွှေဆုလက်လွတ်ရဖို့ တော့ မရှိပါဘူး။ ပိုက်ကျော်ခြင်း အားကစားနည်းကတော့ ပြီးခဲ့တဲ့ ၂၀၁၅ စင်ကာပူဆီး ဂိမ်းစ်ပြိုင်ပွဲမှာ ရွှေဆုတစ်ခုပဲရခဲ့တာကြောင့် ဒီနှစ်မှာ ပိုပြီးအားထုတ်ထားပြီး နှစ်ယောက်တွဲပြိုင်ပွဲရော လေးယောက်တွဲ ပြိုင်ပွဲမှာပါ ရွှေတံဆိပ်မျှော်မှန်းနိုင်ပါတယ်။ လေးယောက်တွဲပြိုင်ပွဲဟာ အိမ်ရှင်မလေးရှားနိုင်ငံက ပထမဆုံး ထည့်သွင်းကျင်းပတဲ့ပြိုင်ပွဲဖြစ်ပြီး ပြီးခဲ့တဲ့ ဆီးဂိမ်းစ်အကြိုပြိုင်ပွဲမှာတော့ မြန်မာအသင်းက ရွှေဆုရယူနိုင်ခဲ့ပါတယ်။ ဘိလိယက်အားကစားနည်းကလည်း ရွှေဆုရယူနိုင်မယ့် အားကစားနည်းတစ်ခုဖြစ်ပြီး နှစ်ယောက်တွဲပြိုင်ပွဲရော တစ်ဦးချင်းပြိုင်ပွဲမှာပါ မျှော်လင့်လို့ ရပါတယ်။ မြန်မာကစားသမားတွေရဲ့ အဓိကပြိုင်ဘက်တွေကတော့ ထိုင်းက ပရာပွတ်၊ စင်ကာပူက ပီတာဂေးလ်ခရစ်တို့ဖြစ်ပြီး သူတို့က မကြာခဏယှဉ်ပြိုင်နေကျဖြစ်လို့ အမှားမရှိရင် ရွှေဆုရယူနိုင်မှာပါ။  ဖွင့်ပွဲ အခမ်းအနားမတိုင်ခင် သြဂုတ် ၁၉ ရက် မတိုင်ခင် ရွှေဆုရယူထားနိုင်မယ့် မြန်မာအားကစားအဖွဲ့ရဲ့ အဆုံးသတ်ကတော့ ဖွင့်ပွဲအပြီး နောက်ပိုင်းနေ့ရက်တွေ ဖြစ်လာနိုင်ပါတယ်။ ငွေဆုသာ မျှော်မှန်းထားတဲ့ အားကစားနည်းတွေထဲက သုံး၊ လေးမျိုးလောက် ရွှေဆုရယူနိုင်ခဲ့မယ်ဆိုရင် မြန်မာအားကစားအဖွဲ့ ရွှေတံဆိပ်ရရှိမှုက တိုးတက်လာနိုင်ပါတယ်။

မြန်မာ အားကစားအဖွဲ့အနေနဲ့ ရွှေဆုရနိုင်တဲ့ အားကစားအဖွဲ့ထဲက ရွှေဆုပုံမှန်ရယူပြီး တခြားအားကစားနည်းတွေကလည်း ရွှေဆုရယူနိုင်ခဲ့မယ်ဆိုရင် အများကြီး အခြေအနေ ကောင်းသွားနိုင်ပါတယ်။ စင်ကာပူ ဆီးဂိမ်းစ်မှာရခဲ့တဲ့ ရွှေဆု ၁၂ ခုထက် ပိုများ ဖို့တော့ မြန်မာအားကစားအဖွဲ့ ကြိုးစားရမှာပါ။