ဆီးဂိမ်းစ်ပိုလိုပြိုင်ပွဲတွင် မလေးရှားအားကစားဝန်ကြီး ပါဝင်ယှဉ်ပြိုင်မည်

 

photo – The Rakyat Post

မလေးရှားအားကစားဝန်ကြီး ခါအီရီဂျာ မူလက်ဒင်သည် ဆီးဂိမ်းစ်ပြိုင်ပွဲ ယှဉ်ပြိုင်မည့် မလေးရှားပိုလိုလက်ရွေးစင်အသင်းတွင် ပါဝင် ယှဉ်ပြိုင်မည်ဖြစ်ကြောင်း သိရသည်။

အသက် ၄၁ နှစ်အရွယ်ရှိ ဂျာမူလက်ဒင် သည် ၂၀၁၃ ခုနှစ် ရွေးကောက်ပွဲတွင် အနိုင်ရ ပြီးနောက် လူငယ်နှင့် အားကစားဝန်ကြီးအဖြစ် ခန့်အပ်ခံရသူဖြစ်ပြီး ယခင်ကလည်း ပိုလိုပြိုင် ပွဲများတွင် ပါဝင်ယှဉ်ပြိုင်ခဲ့ဖူးကြောင်း သိရ သည်။ ၎င်းင်းသည် ဆီးဂိမ်းစ်ပြိုင်ပွဲ ယှဉ်ပြိုင်မည့် မလေးရှားအားကစားသမား ၈၇၁ ဦးစာရင်း တွင် ပါဝင်မည်ဖြစ်ကြောင်း မလေးရှားအိုလံ ပစ်ကောင်စီ က ဇူလိုင်လအတွင်း အတည်ပြုထုတ်ပြန်ထားပြီး မြင်းစီးပိုလိုပြိုင်ပွဲ ယှဉ်ပြိုင်မည့် ခုနစ်ဦးစာရင်းတွင် ထည့်သွင်း ရွေးချယ်မည်ဖြစ်သည်။

သို့သော် ပိုလိုအသင်း မန်နေဂျာဖြစ်သူ အီဘရာဟင်ကမူ ၀န်ကြီး အနေဖြင့် လူရွေးချယ်ရာတွင် အထူးအခွင့် အရေးယူမည်မဟုတ်ဟု ပြောကြားသည်။ပိုလိုပြိုင်ပွဲကို သြဂုတ် ၂၂ ရက်တွင် စတင် ကျင်းပမည်ဖြစ်ပြီး အိမ်ရှင်မလေးရှား၊ စင် ကာပူ၊ ထိုင်းနှင့် ဘရူနိုင်းအသင်းတို့ ပါဝင်ယှဉ် ပြိုင်မည်ဖြစ်ကာ သြဂုတ် ၂၉ ရက်တွင် ရွှေ တံဆိပ်ဆု ချီးမြှင့်မည်ဖြစ်သည်။

မြန်မာအသင်းရဲ့ ပထမခြေလှမ်း အောင်မြင်ခဲ့ပြီ

Photo: ညီညီစိုးညွန့်

မလေးရှားနိုင်ငံမှာ ကျင်းပနေတဲ့ ဆီးဂိမ်းစ် အမျိုးသားဘောလုံးပြိုင်ပွဲ အုပ်စုပွဲစဉ်တွေဟာ မကြာခင် ပြီးစီးတော့မှာဖြစ်ပြီး မြန်မာ ယူ-၂၂ အသင်းဟာ နိုင်ပွဲတွေ ဆက်ပြီး ဆီမီးဖိုင်နယ်ကို ခြေတစ်လှမ်း ချနိုင်ခဲ့ပြီ ဖြစ်ပါတယ်။ မြန်မာအသင်းအနေနဲ့ နှစ်ပေါင်းများစွာ ဝေးကွာနေတဲ့ ဆီးဂိမ်းစ် ရွှေဆုအိပ်မက်ကို အကောင်အထည်ဖော်ဖုိ့ ဒီနှစ်ပြိုင်ပွဲက အကောင်းဆုံး အနေအထားဖြစ်နေပြီး လက်ရှိ အနေအထားအရတော့ ပထမအဆင့် အောင်မြင်ခဲ့ပြီလို့ ဆိုရမှာပါ။

မြန်မာ ယူ-၂၂ အသင်းဟာ အုပ်စု (က) မှာ အိမ်ရှင် မလေးရှားအသင်းနဲ့ တစ်အုပ်စုတည်း ကျရောက်နေပြီး အိမ်ရှင်အသင်းနဲ့ မကစားရသေးပေမယ့် ဆီမီးဖိုင်နယ်ကို ကြိုတင် တက်ရောက်ခွင့် ရခဲ့တာဖြစ်ပါတယ်။ မြန်မာအသင်းဟာ အုပ်စုပွဲ သုံးပွဲဆက်တိုက် အနိုင်ရခဲ့ပြီး သြဂုတ် ၁၇ ရက်မှာ ယှဉ်ပြိုင်ကစားခဲ့တဲ့ပွဲမှာ လာအိုအသင်း နိုင်ပွဲပျောက်ခဲ့လို့ ဆီမီးဖိုင်နယ်ကို အစောဆုံး တက်ရောက်နိုင်ခဲ့တာလည်း ဖြစ်ပါတယ်။ မြန်မာအသင်းဟာ ပထမပွဲမှာ စင်ကာပူကို (၂-၀) ဂိုး၊ ဒုတိယပွဲမှာ လာအိုကို (၃-၁) ဂိုး၊ တတိယပွဲမှာ ဘရူနိုင်းအသင်းကို (၆-၀) ဂိုးနဲ့ အနိုင်ရခဲ့တာ ဖြစ်ပါတယ်။
မြန်မာအသင်းဟာ သုံးပွဲဆက် အနိုင်ရခဲ့သလို အုပ်စုပွဲတွေကို ဆက်တိုက် ကစားရတာကြောင့် ဆီမီးဖိုင်နယ်ကို စောစီးစွာ တက်ရောက်နိုင်ခဲ့တာ ဖြစ်ပါတယ်။ မြန်မာအသင်းဟာ အုပ်စု ပထမနေရာအတွက် အိမ်ရှင် မလေးရှားအသင်းနဲ့ အဆုံးအဖြတ်ပွဲ ကစားရမှာဖြစ်ပြီး ဒီပွဲကတော့ ပြိုင်ဆိုင်မှု ပြင်းထန်ဖို့ ရှိပါတယ်။ မြန်မာအသင်းဟာ နိုင်ပွဲတွေ ဆက်နေပေမယ့် အကောင်းဆုံးပုံစံ ရဖို့တော့ ကြိုးစားရဦးမှာဖြစ်ပြီး ကစားကွက်နဲ့ ကစားဟန်က လိုအပ်ချက်တချို့တော့ ရှိနေပါသေးတယ်။ တိုက်စစ်မှာ အောင်သူတစ်ဦးတည်း သုံးဂိုး သွင်းထားပြီး လာအို၊ ဘရူနိုင်းတို့ကို အနိုင်ရခဲ့တဲ့ ပွဲတွေမှာတော့ အခြားတိုက်စစ် ကစားသမားတွေ ဂိုးရခဲ့တာကြောင့် ဂိုးရဖို့ အောင်သူ တစ်ယောက်တည်းကို မှီခိုနေရတာ လျော့သွားခဲ့ပါတယ်။ ဒါပေမဲ့ မျှော်လင့်ထားတဲ့ အဓိက ကစားသမားတချို့ ပုံစံကောင်း မပြသနိုင်သေးဘဲ သူတို့တွေ ခြေစွမ်းပြနိုင်ခဲ့ရင်တော့ မြန်မာအသင်းရဲ့ကစားပုံက ပိုကောင်းလာနိုင်ပါတယ်။ လက်ရှိ ဆီးဂိမ်းစ်ပြိုင်ပွဲ ယှဉ်ပြိုင်နေတဲ့ အသင်းတွေထဲမှာ မြန်မာနဲ့ ဗီယက်နမ်အသင်းက လက်ရွေးစင် ကစားသမားအများစုနဲ့ အင်အား အတောင့်တင်းဆုံးဖြစ်နေပြီး လက်ရှိချန်ပီယံ ထိုင်းအသင်းရဲ့ လက်ရှိခြေစွမ်းနဲ့ ရလဒ်ပိုင်းတွေအရ ဒီနှစ်သင်းက ပိုပြီး ရေပန်းစားနေတာ ဖြစ်ပါတယ်။

အုပ်စု(ခ) မှာ ဗီယက်နမ်အသင်းက နှစ်ပွဲဆက် အနိုင်ရထားပြီး ထိုင်းနဲ့ အင်ဒိုနီးရှားတို့ကတော့ နှစ်ပွဲကစား လေးမှတ်စီ ရထားပါတယ်။ ဗီယက်နမ်အသင်းဟာ နိုင်ပွဲ ဆက်နေပေမယ့် ကမ္ဘောဒီးယား၊ တီမောတို့ကို အနိုင်ရထားတာ ဖြစ်ပြီး လက်ရှိ ချန်ပီယံ ထိုင်းအသင်းကတော့ အင်ဒိုနီးရှားနဲ့ သရေကျကာ တီမောကိုလည်း (၁-၀) ဂိုးနဲ့ပဲ အနိုင်ရထားပါတယ်။ လက်ရှိအနေအထား အရတော့ အုပ်စု (ခ) မှာ ဗီယက်နမ်၊ ထိုင်းနဲ့ အင်ဒိုနီးရှားအသင်းတို့ ဆီမီးဖိုင်နယ်တက်ဖို့ အပြိုင်လုရဖွယ် ရှိပါတယ်။ အုပ်စု (က) မှာ မြန်မာနဲ့အတူ အိမ်ရှင်မလေးရှားအသင်း ဆီမီးဖိုင်နယ်တက်ဖို့ သေချာသလောက် ရှိနေပြီး ပထမနေရာအတွက်ကတော့ ဒီနှစ်သင်းတွေ့ဆုံမယ့် သြဂုတ် ၂၁ ရက်ပွဲက အဆုံးအဖြတ်ဖြစ်လာမှာပါ။ ဆီမီးဖိုင်နယ် တက်ရောက်ပြီးဖြစ်တဲ့ မြန်မာအသင်းအနေနဲ့ ပထမနေရာအတွက် မလေးရှားအသင်းကို အနိုင်ကစားမလား၊ ဒါမှမဟုတ် ဆီမီးဖိုင်နယ်အတွက် အမာခံ ကစားသမားတွေကို အနားပေးမလား ဆိုတာ စောင့်ကြည့်ရပါမယ်။ တစ်ဖက်အုပ်စု အနေအထားကတော့ ဘယ်အသင်း အုပ်စုပထမရမလဲ ဆိုတာ မှန်းဆရခက်ခဲပြီး မြန်မာအသင်းအနေနဲ့ မလေးရှားပွဲမှာ ဘယ်လိုပုံစံနဲ့ ပွဲထွက်လာမလဲဆိုတာ စိတ်ဝင်စားဖို့ ကောင်းပါတယ်။ တစ်ခုရှိတာက မြန်မာအသင်းအနေနဲ့ အုပ်စုနောက်ဆုံးပွဲကို သြဂုတ် ၂၁ ရက်မှာ ကစားရမှာဖြစ်ပြီး ဆီမီးဖိုင်နယ်ပွဲကိုတော့ သြဂုတ် ၂၆ ရက်မှာ ကစားရမှာ ဖြစ်တာကြောင့် ကြားထဲမှာ နားရက် လေးရက် ရှိပါတယ်။ ကြီးကြီးမားမား ဒဏ်ရာမရခဲ့ဘူးဆိုရင် ဆီမီးဖိုင်နယ်အတွက် လုံလောက်မှု ရှိပါတယ်။ ဆီမီးဖိုင်နယ်ကတော့ မြန်မာအသင်းရဲ့ ဒုတိယခြေလှမ်းဖြစ်ပြီး တတိယခြေလှမ်းဖြစ်တဲ့ ဗိုလ်လုပွဲကို တက်ရောက်နိုင်မှာ ဖြစ်ပါတယ်။

မြန်မာအသင်းရဲ့ အုပ်စုသုံးပွဲ ကစားခဲ့တဲ့ ခြေစွမ်းကိုကြည့်ရင် လိုအပ်ချက်တွေ ရှိနေပါသေးတယ်။ သုံးပွဲစလုံးမှာ ပွဲထွက် လူစာရင်းကို အနည်းငယ်သာ အပြောင်းအလဲ ပြုလုပ်ခဲ့ပါတယ်။ တိုက်စစ်နဲ့ ကွင်းလယ် ကစားသမားတွေထဲမှာ အပြောင်းအလဲ အနည်းငယ်ပြုလုပ်ထားတာကို တွေ့ရပြီး မလေးရှားနဲ့ ပွဲမှာ ဘယ်လိုအသုံးပြုမလဲဆိုတာ နည်းပြ ဂတ်ဖရိုင်းဒရစ် သြဂုတ် ၁၉ နဲ့ ၂၀ ရက်မှာ ဆုံးဖြတ်ရမှာ ဖြစ်ပါတယ်။ မြန်မာအသင်း တိုက်စစ်ကို ဦးဆောင်တာကတော့ အောင်သူဖြစ်ပြီး သူဒဏ်ရာမရဖို့ဘဲ စောင့်ကြည့်ရမှာပါ။ အိမ်ရှင် မလေးရှားနိုင်ငံဟာ မြန်မာဆိုရင် ဘောင်အတွင်းက ညစ်တာမျိုးတွေ ရှိနေပြီး မလေးရှားနဲ့ နောက်ဆုံးပွဲမှာလည်း ဒီထက်ပိုဆိုးတဲ့ အနေအထားတွေနဲ့ ကြုံတွေ့ရနိုင်ပါတယ်။ မြန်မာအသင်းအပြင် လာရောက်အားပေးတဲ့ သူတွေအားလုံးပါ ဒါတွေကို ကြိုပြင်ဆင်ထားဖို့ လိုပါတယ်။

မြန်မာအသင်းဟာ အုပ်စုပွဲစဉ်တွေ မပြီးဆုံးသေးခင် ဆီမီးဖိုင်နယ် တက်ရောက်ခဲ့ပြီ ဖြစ်တာကြောင့် မြန်မာဘောလုံး ပရိသတ်တွေကို ပျော်ရွှင်မှုတွေ ဆက်တိုက်ပေးစွမ်းနေပါတယ်။ ပထမအဆင့် အောင်မြင်ခဲ့ပြီ ဖြစ်ပေမယ့် ဆုတံဆိပ် ရရှိဖို့အတွက် ဒုတိယနဲ့ တတိယခြေလှမ်းတွေ ဖြတ်သန်းဖို့ လိုပါသေးတယ်။ လက်ရှိ လူစာရင်းအနေအထားအရ မြန်မာအသင်းဟာ တောင့်တင်းမှု ရှိနေပြီး ၂၀၁၅ ယူ-၂၀ ကမ္ဘာ့ဖလားပြိုင်ပွဲ ယှဉ်ပြိုင်ခဲ့တဲ့ ကစားသမားနဲ့ နည်းပြချုပ်တို့ ကိုင်တွယ်လာတဲ့ မြန်မာ ယူ-၂၂ အသင်းအနေနဲ့ မြန်မာရဲ့ ဒုတိယအိမ်ကွင်းလို့ သတ်မှတ်နိုင်တဲ့ မလေးရှားမြေမှာ ဘယ်လို အောင်ပွဲဆင်နိုင်မလား ဆိုတာ…။

ရွှေဆုရရှိရန် လာရောက်ယှဉ်ပြိုင်ခြင်းဖြစ်ပြီး တစ်ပွဲချင်းအလိုက် ပြင်ဆင်မည်ဟု ရော်ဂျာ ဆို

မြန်မာ့လက်ရွေးစင် အမျိုးသမီးအသင်း နည်းပြချုပ် ရော်ဂျာရိုင်နာက မိမိတို့အပါ အ၀င် အသင်းအားလုံး ရွှေတံဆိပ်ဆုရရှိရန် လာရောက်ယှဉ်ပြိုင်ခြင်းဖြစ်ပြီး တစ်ပွဲချင်း အလိုက်သာ ပြင်ဆင်သွားမည် ဖြစ်ကြောင်း သုံးသပ်ပြောကြားသည်။ သြဂုတ် ၁၇ ရက်က အိမ်ရှင် မလေးရှားအသင်းအား ငါးဂိုးပြတ် အနိုင်ရခဲ့သည့် အုပ်စု ဒုတိယပွဲစဉ်အပြီး သတင်းစာရှင်းလင်းပွဲတွင် ရော်ဂျာက ယခုလို ပြောကြားခဲ့ခြင်း ဖြစ်သည်။

” ဒီပြိုင်ပွဲ မတိုင်ခင်တုန်းကလည်း ပြောခဲ့ဖူးပါတယ်။ နည်းပြတိုင်း၊ ကစားသမားတိုင်း၊ အသင်းတိုင်းကတော့ ရွှေတံဆိပ်ဆု လိုချင်ကြတာပဲ။ ဒါကြောင့်လည်း ကွာလာလမ်ပူကိုလာပြီး ယှဉ်ပြိုင်ကြတာပါ။ ကျွန်တော်ကတော့ တစ်ပွဲချင်းအလိုက်ပဲ ပြင်ဆင်သွားပါမယ်။ ပထမပွဲမှာ ထိုင်းကို ရှုံးနိမ့်ခဲ့တာကတော့ စိတ်ပျက်စရာပါပဲ။ ဒီနေ့ မလေးရှားနဲ့ပွဲကို အာရုံစိုက်ပြင်ဆင်ခဲ့သလိုပဲ နောက်တစ်ရက် နံနက် ရောက်တာနဲ့ ဗီယက်နမ်နဲ့ပွဲအတွက် အာရုံစိုက်ပြီး ပြင်ဆင်သွားမှာပါ။ ဗီယက်နမ်နဲ့ပွဲက ကျွန်တော်တို့အတွက် အရေးကြီးဆုံးပါပဲ” ဟု ၎င်းက ပြောကြားသည်။

ထို့ပြင် မလေးရှားနှင့်ပွဲမှ ကစားသမားများ၏ စွမ်းဆောင်ရည်နှင့် ပတ်သက်၍ ရော်ဂျာက ”ပထမပိုင်း ၁၅၊ ၁၆၊ ၁၇ မိနစ်အထိ ကစားခဲ့တဲ့ပုံစံက ကျွန် တော်လိုချင်တဲ့ ပုံစံမျိုးပါ။ ဒါပေမဲ့ အဲဒီနောက်ပိုင်းမှာ မလိုအပ်ဘဲ အမှားတွေ တစ်ကြိမ်မက ကျူးလွန်ခဲ့တယ်။ ပထမပိုင်းအပြီးမှာ နေရာလွတ်ရှာဖွေမှု မှားယွင်းတာ၊ ဖြတ်တင်ဘောတွေ တိကျမှုမရှိတာနဲ့ ပတ်သက်လို့ ဆွေးနွေး ပြောပြခဲ့ပါတယ်။ အဲဒီသဘောတရားကို သူတို့နားလည်သွားချိန်မှာ ဂိုးတွေ ဆက်တိုက်ရခဲ့တာပါပဲ။ ပွဲချိန်အများစုမှာတော့ အသင်းရဲ့ စွမ်းဆောင်ရည်ကို ကျေနပ်မိပါတယ်။ ကျွန်တော်တို့ ဒီထက် ပိုကောင်းလာဦးမှာပါ။ ဗီ ယက်နဲ့ ပွဲမှာလည်း ပွဲကောင်းလာဖို့ ပြင်ဆင်သွားမှာပါ ” ဟု ဆက်လက်ပြောကြားသည်။

မြန်မာအမျိုးသမီးအသင်းသည် အုပ်စုပွဲစဉ် နှစ်ပွဲကစားအပြီးတွင် တစ်ပွဲနိုင်၊ တစ်ပွဲရှုံးဖြင့် သုံးမှတ် ရရှိထားပြီး လက်ကျန်ပွဲစဉ်များအဖြစ် သြဂုတ် ၂၀ ရက်တွင် ဗီယက်နမ်အသင်းနှင့် လည်းကောင်း၊ သြဂုတ် ၂၂ ရက်တွင် ဖိလစ်ပိုင်အသင်းနှင့် လည်းကောင်း ဆက်လက် ယှဉ်ပြိုင်ရမည် ဖြစ်သည်။

Compound Mixed-Team ငွေဆုရ အောင်ငှိမ်းနှင့် တွေ့ဆုံခြင်း

Photo – အောင်မင်းသန့်

၂၀၁၇ ဆီးဂိမ်းစ်ပြိုင်ပွဲမှာ မြန်မာမြားပစ်အဖွဲ့အတွက် ပထမဆုံးဆုတံဆိပ်ကို Compound Mixed-team ပြိုင်ပွဲမှာ ရဲမင်းဆွေနဲ့ အောင်ငှိမ်း အတွဲက ရယူပေးနိုင်ခဲ့ပါတယ်။ ရွှေတံဆိပ်လွဲချော်ပြီး ငွေဆုနဲ့သာကျေနပ်ခဲ့ရတဲ့ အောင်ငှိမ်းကို ပြိုင်ပွဲအပြီးမှာ Daily Eleven သတင်းစာက တွေ့ဆုံ မေးမြန်းခဲ့ပါတယ်။

“အောင်ငှိမ်းဆိုရင် ရွှေရပြီဆိုပြီး ယုံကြည်ထားတဲ့သူတွေအတွက် စိတ်မကောင်းဖြစ်မိပါတယ်”

မေး- ဒီနေ့ပြိုင်ပွဲမှာ ငွေတံဆိပ်ပဲရတဲ့အတွက် ဘာများ ပြောချင်လဲ။
ဖြေ -ကိုယ်ကလည်း အရမ်းညံ့နေတာမျိုး မဟုတ်ဘဲနဲ့ ကံမကောင်းဘူးလို့ပဲ ပြောရမှာ ပါ။ စိတ်တော့မကောင်းပါဘူး။ အမှန်တကယ် လည်း ရွှေတံဆိပ်ရဖို့မှန်းထားပါ။ လက်ရည် က ကွာတာမျိုးမဟုတ်ဘဲ၊ ကိုယ်ကလည်း အရမ်းညံ့တာမျိုးမဟုတ်ဘဲနဲ့ မြားတစ်ချောင်း အမှားဖြစ်သွားတဲ့အတွက် ရှုံးနိမ့်ခဲ့ရတာပါ။

မေး – ဒီပြိုင်ပွဲက အစ်မအတွက် ဘယ်နှကြိမ်မြောက် ဆီးဂိမ်းစ်ပြိုင်ပွဲလဲ။ အရင်ကရော Mixed-Team ပြိုင်ပွဲမှာ ဆုတွေရဖူးလား။
ဖြေ -ဒီပြိုင်ပွဲက ငါးကြိမ်မြောက်ပါ။ (၂၆) ကြိမ်မြောက် အင်ဒိုနီးရှားဆီးဂိမ်းစ်တုန်းက Mixed-teamမှာ ရွှေရခဲ့ဖူးပါတယ်။

မေး – တစ်ဦးချင်းနဲ့ အသင်းလိုက်ပွဲတွေမှာရော ရလဒ် မကောင်းခဲ့တာ ဘာကြောင့်လို့ထင်လဲ။
ဖြေ – တစ်ဦးချင်းပြိုင်ပွဲမှာတော့ အစ်မညံ့လို့ လို့ ပြောရမှာပေါ့။ ပထမတစ်ခေါက်မှာ မြား တစ်ချောင်း သေချာပစ်ရဲ့သားနဲ့ ရှစ်မှတ်ကို ထွက်သွားတယ်။ အဲဒီမြားတစ်ချောင်းကြောင့် ပဲ ပွဲစဉ်တစ်လျှောက် ရှုံးသွားခဲ့တာပါ။ ကိုယ် ရတဲ့ အမှတ်ကိုကြည့်တော့လည်း အရမ်းကြီး ညံ့တာတော့မဟုတ်ဘူး။ ဒါပေမဲ့ ပြိုင်ဘက်က လည်း လုံးဝအမှားမရှိဘူး။ အဲဒီအချိန်မှာ သူ က မမှားဘဲနဲ့ ကိုယ့်အမှားကိုပဲအသုံးချပြီး နိုင် သွားတာပါ။ အသင်းလိုက်ပြိုင်ပွဲကလည်း တော်တော်အမှတ်ကောင်းပါတယ်။ ဒီရမှတ် က အစ်မတို့ Training လုပ်နေရင်တောင် အမြဲတမ်းမရဘူး။ အမြဲတမ်းပုံမှန်ရနေတဲ့ အမှတ်မဟုတ်ဘဲ၊ ကိုယ်ကလည်းကောင်းနေ ရဲ့သားနဲ့ ပြိုင်ဘက်က အရမ်းကောင်းသွား တာပါ။ ရှုံးတာကလည်း တစ်မှတ်တည်းနဲ့ကပ် ရှုံးတာပါ။ တော်တော်လည်း စိတ်မကောင်း ဖြစ်ပါတယ်။ အသင်းလိုက်ကိုလည်း အင်ဒိုနီး ရှားနဲ့ ပစ်တဲ့အချိန်မှာ နိုင်မယ်လို့ထင်ထား တာပေါ့။

မေး -လာမယ့်ဆီးဂိမ်းစ်ပြိုင်ပွဲမှာရော ထပ်ပြိုင်ဖို့ အစီ အစဉ်ရှိသေးလား။
ဖြေ – အဲဒါကတော့ အခုအချိန်မှာပြောလို့မရ သေးပါဘူး။

မေး – ကစားသမားဘ၀က ပြန်နားဖြစ်ရင်ရော နည်းပြ အဖြစ် ပြန်လုပ်ဖို့ စီစဉ်ထားလား။
ဖြေ – အသင်းအတွက် လိုအပ်ချက်ရှိရင်ပေါ့။ ကိုယ်ကလည်း လုပ်နိုင်တဲ့အခြေအနေရှိရင် တော့ လုပ်ရင်လည်း လုပ်ဖြစ်မှာပါ။ ပုံသေ တော့ ပြောလို့မရသေးပါဘူး။

မေး – မြန်မာနိုင်ငံကနေ အားပေးနေတဲ့ ပရိသတ်တွေ ကိုလည်း နှုတ်ဆက်စကားပြောပေးပါဦး။
ဖြေ -အရင်ကတော့ မြားပစ်မှာ အောင်ငှိမ်း ပါရင် ရွှေရမှာပဲဆိုပြီး ပရိသတ်တော်တော် များများ အားပေးကြတာတွေ့ရတယ်။ အဲဒီ အတွက် အားလည်းရှိတယ်။ အရမ်းဝမ်းသာ ပါတယ်။ ဒါပေမဲ့ အခုရွှေတံဆိပ်မယူပေးနိုင် တဲ့အတွက် အရမ်းပဲ စိတ်မကောင်းဘူး။ ရွှေ တံဆိပ်မရခဲ့တာလည်း ကိုယ်အရမ်းညံ့လို့လား ဆိုတော့ မဟုတ်ဘူး။ ပစ်ခဲ့တဲ့ရမှတ်တွေကို ကြည့်ရင်လည်း အရင်ဆီးဂိမ်းစ်ထက်တောင် လက်ရည်ကတက်လာတယ်။ အရင်ဆီးဂိမ်းစ် ထက်စာရင် ကိုယ့်ရဲ့အမှတ်တွေက မြင့်နေရဲ့ သားနဲ့ ပြိုင်ဘက်တွေက အရမ်းကောင်းလာ ကြတယ်။ အဓိကပြိုင်ဘက်လို့မထင်ထားတဲ့ နိုင်ငံတွေက အမှတ်တွေအရမ်းကောင်းလာ တယ်၊ တက်လာတယ်။ ဒီလောက်နဲ့မရသေး ဘူးဆိုတဲ့ သင်ခန်းစာယူရမှာပါ။ အားပေးကြ တဲ့ ပရိသတ်တွေအကုန်လုံးအတွက်တော့ စိတ်မကောင်းပါဘူး။ အောင်ငှိမ်းဆိုရင် ရွှေ ရပြီဆိုတဲ့ ယုံကြည်ချက်ကို မစွမ်းဆောင်နိုင် တဲ့အတွက် တောင်းပန်ပါတယ်။