MMA ကစားသမားဘ၀ ၁၀ နှစ်ကျော်တွင် မစ်ဒယ်ဝိတ်တန်းကမ္ဘာ့ချန်ပီယံဖြစ်လာသူ အောင်လအန်ဆန်

ကမ္ဘာ့ချန်ပီယံဆုရရှိအပြီး အောင်လအန်ဆန် အောင်ပွဲခံနေစဉ် (ဓာတ်ပုံ-ညီညီစိုးညွန့်)

အမေရိကန်နိုင်ငံတွင် နေထိုင်ကာ MMA ဘက်စုံကိုယ်ခံပညာသုံး အားကစားနည်းဖြင့် နာမည်ကျော်ကြားလာသည့် ကချင်တိုင်းရင်းသား အောင်လအန်ဆန်အတွက် ၂၀၁၇ ခုနှစ်မှာ ထူးခြားသည့်နှစ်တစ်နှစ်ဖြစ်ခဲ့ပြီး ကစားသမားဘ၀ ဆယ်နှစ်ကျော်ကာလတွင် ပထမဆုံးအကြိမ် မစ်ဒယ်ဝိတ်တန်း ကမ္ဘာ့ချန်ပီယံအဖြစ် ရပ်တည်နိုင်ခဲ့သည်။

အောင်လအန်ဆန်သည် နှစ်ဆန်းပိုင်းက ထိုးသတ်သည့်ပွဲတွင် ရှုံးပွဲကြုံတွေ့ခဲ့သော်လည်း စိတ်မကျေပွဲ ပြန်လည်ထိုးသတ်သည့်ရာတွင် ရုရှားနိုင်ငံသား ဗစ်တာလီဘစ်ဒက်ရ်ှကို အမှတ်ဖြင့်အနိုင်ယူကာ ကမ္ဘာ့ချန်ပီယံ ဖြစ်ခဲ့ခြင်းဖြစ်သည်။ အောင်လအန်ဆန်သည် ကစားသမားဘ၀ ပထမဆုံးကမ္ဘာ့ချန်ပီယံဆုကို မိမိနိုင်ငံ၌ ရယူနိုင်ခဲ့သဖြင့် ပြီးပြည့်စုံသည့် အောင်ပွဲတစ်ခုဖြစ်ခဲ့ပြီး ၂၀၁၇ ခုနှစ်၏ ထင်ရှားကျော်ကြား ကဏ္ဍတွင် ထည့်သွင်းဖော်ပြရခြင်းဖြစ်သည်။ အောင်လအန်ဆန်သည် ၂၀၁၅ ခုနှစ်မှစ၍ မြန်မာနိုင်ငံတွင် ပြိုင်ပွဲများ လာရောက်ထိုးသတ်ခဲ့ပြီး မိခင်နိုင်ငံတွင် ထိုးသတ်တိုင်းအနိုင်ရသည့် အစဉ်အလာကောင်းကို ယခုနှစ်တွင်လည်း ထိန်းသိမ်းနိုင်ခဲ့သည်။ ဇန်န၀ါရီဒုတိယပတ်တွင် အင်ဒိုနီးရှားနိုင်ငံ၌ ဗစ်တာလီဘစ်ဒက်ရ်ှနှင့် ထိုးသတ်ခဲ့ရသည့် ပထမအကြိမ် ကမ္ဘာ့ချန်ပီယံလုပွဲမှာ အောင်လအန်ဆန်အတွက် တွန်းအားဖြစ်စေမည့် ရှုံးပွဲ ဖြစ်ပြီး ဒုတိယအကြိမ် ပြန်လည်ထိုးသတ်ရာတွင် အနိုင်ရရန် များစွာအထောက်အကူ ဖြစ်စေခဲ့သည်။ ပထမအကြိမ် စိန်ခေါ်ပွဲမှာ အောင်လအန်ဆန် ထိုးသတ်ရမည့်ပြိုင်ပွဲမဟုတ်ဘဲ ဗစ်တာလီဘစ်ဒက်ရ်ှနှင့် ယှဉ်ပြိုင်ထိုးသတ်ရန် စီစဉ်ထားသည့် ပြိုင်ဘက်ကစားသမား ထိုးသတ်နိုင်ခြင်း မရှိသောကြောင့် အစားထိုးယှဉ်ပြိုင်ရခြင်းဖြစ်သည်။ ၎င်းသည် ပြင်ဆင်ချိန်  နည်းပါးသောကြောင့် လက်ရည်ကွာပြီး အလဲအကွဲခံခဲ့ရသော်လည်း အမှတ်ဖြင့် ရှုံးခဲ့သောကြောင့် နောက်တစ်ကြိမ် စိန်ခေါ်ပွဲ ထိုးသတ်ခွင့်ရခဲ့သည်။ ဇွန်လကုန်ပိုင်းတွင် ရန်ကုန်မြို့ရှိ အမျိုးသားအားကစား ပြိုင်ပွဲရုံ-၁ သုဝဏ္ဏ၌ အောင်လအန်ဆန်နှင့် ဗစ်တာလီဘစ်ဒက်ရ်ှတို့၏ ဒုတိယအကြိမ် ကမ္ဘာ့ချန်ပီယံဆုစိန်ခေါ်ပွဲ ကျင်းပခဲ့ပြီး အောင်လအန်ဆန်က အမှတ်ဖြင့် အနိုင်ယူကာ မြန်မာပရိသတ်များရှေ့မှောက်တွင် အောင်ပွဲခံနိုင်ခဲ့သည်။  အောင်လအန်ဆန်သည် ပထမပွဲမှ အမှားများကို အကောင်းဆုံးပြင်ဆင်နိုင်ခဲ့ပြီး ထိုက်ထိုက်တန်တန် အနိုင်ယူကာ မြန်မာနိုင်ငံသား တစ်ဦးအနေဖြင့် MMA ပြိုင်ပွဲတွင် ပထမဆုံး ကမ္ဘာ့ချန်ပီယံဆု ရရှိသူဖြစ်လာခဲ့သည်။ အောင်လအန်ဆန်သည် ကမ္ဘာ့ချန်ပီယံ ဖြစ်ပြီး နိုဝင်ဘာလဆန်းပိုင်းတွင် အထူးစိန်ခေါ်ပွဲတစ်ပွဲကို ရန်ကုန်မြို့၌ ထိုးသတ်ခဲ့ပြီး ၀ိတ်တန်းကြီးသည့် ကင်မရွန်းနိုင်ငံဖွား အန်ဂယ်လာနီကို ပထမအချီမှာပင် ၎င်း၏နာမည်ကျော် ချုပ်ကွက်ဖြင့် အနိုင်ယူခဲ့သည်။

အောင်လအန်ဆန်သည် MMA ပြိုင်ပွဲများ တာဝန်ယူကျင်းပနေသည့် ONE Championships အဖွဲ့အစည်းနှင့် သုံးနှစ်စာချုပ် ချုပ်ဆိုထားရာ ၂၀၁၉ ခုနှစ်အထိ ပြိုင်ပွဲများ ထိုးသတ်မည်ဖြစ်သည်။ အောင်လအန်ဆန်သည် လာမည့်နှစ်ဆန်းပိုင်းတွင် ပထမဆုံးအကြိမ် ကမ္ဘာ့ချန်ပီယံဆု ကာကွယ်ပွဲ ထိုးသတ်ရမည်ဖြစ်သည်။

FIFA ဥက္ကဋ္ဌ အင်ဖန်တီနိုနှင့် ဘောလုံးသမားဟောင်းများ၏ ခရီးစဉ်

FIFA ဥက္ကဋ္ဌ အင်ဖန်တီနို (ဓာတ်ပုံ-ညီညီစိုးညွန့်)

မြန်မာနိုင်ငံဘောလုံးအဖွဲ့ချုပ်(MFF) သည် နိုင်ငံတကာ ဘောလုံးအသိုင်းအ၀ိုင်း နှင့် ထိတွေ့ဆက်ဆံမှု ကောင်းမွန်လာခြင်း နှင့်အတူ ကမ္ဘာ့ဘောလုံးအသိုင်းအ၀ိုင်းမှ တာဝန်ရှိသူများ၊ ကမ္ဘာကျော်ဘောလုံးသမားဟောင်းများမှာ မြန်မာနိုင်ငံသို့ လာရောက်၍ ဘောလုံးနှင့်ပတ်သက်သည့် အစီအစဉ်များ ဆောင်ရွက်ပေးခဲ့သည်။

မိုရီယန်တေးစ် ခြင်းလုံးသရုပ်ပြကစားစဉ်

လက်ရှိ ကမ္ဘာ့ဘောလုံးအဖွဲ့ချုပ် (FIFA) ဥက္ကဋ္ဌ အင်ဖန်တီနိုသည် ဖေဖော်ဝါရီတွင် အမျိုးသားဘောလုံး အကယ်ဒမီ (ရန်ကုန်) ဖွင့်ပွဲသို့ တက်ရောက်ခဲ့ပြီး အကယ်ဒမီ ကျောင်းအား ဖွင့်လှစ်ပေးခဲ့သည်။ FIFA ဥက္ကဋ္ဌ အင်ဖန်တီနိုနှင့် MFF ဥက္ကဋ္ဌ ဦးဇော် ဇော်သည် ဆက်ဆံရေးကောင်းများရှိသောကြောင့် မြန်မာ့ဘောလုံးတိုးတက်ရေးအတွက် လိုအပ်သည့်ပံ့ပိုးမှုများ ပြုလုပ်ပေးလျက်ရှိပြီး FIFA ၏ အကူအညီဖြင့် တည်ဆောက်ထားသည့် အမျိုးသားဘောလုံးအကယ်ဒမီ (ရန်ကုန်) ဖွင့်ပွဲသို့ တက်ရောက်ခဲ့ခြင်းဖြစ်သည်။ ၂၀၁၁ ခုနှစ်က မြန်မာဘောလုံးအကယ်ဒမီ (မန္တလေး) ဖွင့်ပွဲကိုလည်း FIFA ဥက္ကဋ္ဌဟောင်း ဆပ်ဘလတ္တာ တက်ရောက် ဖွင့်လှစ်ပေးခဲ့ဖူးသည်။ ၂၀၁၇ ခုနှစ်တွင် အင်ဖန်တီနိုကဲ့သို့ မြန်မာနိုင်ငံသို့ လာရောက်ခဲ့သည့် ကမ္ဘာကျော် ဘောလုံးသမားဟောင်းများမှာ မန်ယူနောက်ခံလူဟောင်း ရွန်နီဂျွန်ဆင်နှင့် ရီးရဲယ်မက်ဒရစ်တိုက်စစ်မှူးဟောင်း မိုရီယန်တေးစ်တို့ဖြစ်သည်။ မိုရီယန်တေးစ်သည် ချန်ပီယံလိဂ်ဗိုလ်လုပွဲ လာရောက်ကြည့်ရှုခြင်းဖြစ်ပြီး ဘောလုံး နှင့် မြန်မာ့ရိုးရာ ခြင်းလုံး အားကစားနည်းအား သရုပ်ပြကစားခဲ့သည်။ ဂျွန်ဆင်မှာမူ Football Clinic အစီအစဉ်အရ လာရောက်ခြင်းဖြစ်ပြီး ရန်ကုန်နှင့် ပုသိမ်မြို့၌ သင်ကြားပေးခဲ့သည်။

အာဆီယံပြိုင်ပွဲ၌ အောင်မြင်မှု လမ်းကြောင်းပေါ် တက်လှမ်းလာနိုင်ပြီး အာရှခြေစစ်ပွဲ ပထမဆုံးအကြိမ်အောင်မြင်ခဲ့သည့် မြန်မာဖူဆယ်အသင်း

ဓာတ်ပုံ – MFF

နိုင်ငံတကာပြိုင်ပွဲများတွင် အောင်မြင်မှု နှင့် ဝေးကွာနေသည့် မြန်မာ့လက်ရွေးစင် ဖူဆယ်အသင်းသည် ၂၀၁၇ ခုနှစ်တွင် အောင်မြင်မှု လမ်းကြောင်းပေါ်ရောက်ရှိလာခဲ့ပြီး အာဆီယံ ဖူဆယ်ချန်ပီယံရှစ်ပြိုင်ပွဲများတွင် အောင်မြင်မှုများ ရယူနိုင်ခဲ့သည်။

အာဆီယံဘောလုံးအဖွဲ့ချုပ် (AFF) သည် ၂၀၁၆  အာဆီယံဖူဆယ်ပြိုင်ပွဲကို ၂၀၁၇ ခုနှစ် နှစ်ဆန်းပိုင်းသို့ ပြောင်းလဲကျင်းပခဲ့ရာ ယခုနှစ်တွင် အာဆီယံ ဖူဆယ်ချန်ပီယံရှစ် ပြိုင်ပွဲ နှစ်ကြိမ်ကျင်းပခဲ့ပြီး နှစ်ကြိမ်စလုံး ဆုရရှိခဲ့သည်။ မြန်မာဖူဆယ်အသင်းသည် ၂၀၁၆ ပြိုင်ပွဲတွင် ဒုတိယ၊ ၂၀၁၇ ပြိုင်ပွဲတွင် တတိယရခဲ့ပြီး အောင်မြင်သည့် နှစ်တစ်နှစ်ဖြစ်ခဲ့သလို  နှစ်ကြိမ်စလုံးကို ပြည်တွင်းနည်းပြဖြစ်သည့် ဦးဌေးမြင့်က ကိုင်တွယ်ခဲ့ရာ ဂုဏ်ယူစရာဖြစ်ခဲ့သည်။ ဦးဌေးမြင့်သည် နှစ်ကြိမ်စလုံး ယာယီ နည်းပြအဖြစ်သာ ကိုင်တွယ်ခွင့်ရခဲ့သော်လည်း ၂၀၁၆ ပြိုင်ပွဲတွင် မြန်မာဖူဆယ် သမိုင်းတစ်လျှောက် အမြင့်ဆုံးအောင်မြင်မှုဖြစ်သည့် ဒုတိယနေရာရအောင် စွမ်းဆောင်ပေးနိုင်ခဲ့ပြီး ၂၀၁၇ ပြိုင်ပွဲတွင်မူ တတိယဆု နှင့်အတူ ၂၀၁၈ အာရှဖူဆယ်ချန်ပီယံရှစ် ပြိုင်ပွဲဝင်ခွင့်ကိုပါ ရယူပေးနိုင်ခဲ့သည်။ မြန်မာ အမျိုးသား လက်ရွေးစင် ဖူဆယ်အသင်းသည် ယင်းပြိုင်ပွဲ နှစ်ခုကြားတွင် မလေးရှားနိုင်ငံ၌ ကျင်းပသည့် (၂၉) ကြိမ်မြောက် ဆီးဂိမ်းစ် ပြိုင်ပွဲတွင်မူ အောင်မြင်မှုမရဘဲ အုပ်စုအဆင့်မှ ထွက်ခဲ့ရသည်။ မြန်မာနိုင်ငံဘောလုံးအဖွဲ့ချုပ်သည် ဆီးဂိမ်းစ်ပြိုင်ပွဲယှဉ်ပြိုင်သည့် အသင်းအား အီရန်နိုင်ငံသားနည်းပြကို တာဝန်ပေးခဲ့ခြင်းဖြစ်ပြီး အောင်မြင်မှု ရယူနိုင်ခြင်းမရှိခဲ့ပေ။ ယင်းပြိုင်ပွဲအပြီးတွင် အီရန်နည်းပြနှင့် လမ်းခွဲခဲ့ပြီး ဦးဌေးမြင့်ကို ပြန်လည်တာဝန်ပေးအပ်ခဲ့ရာ ၂၀၁၇ အာဆီယံဖူဆယ်ချန်ပီယံရှစ် ပြိုင်ပွဲ၌ အောင်မြင်မှုရခဲ့ခြင်းဖြစ်သည်။ ထို့ကြောင့် ပြည်တွင်းနည်းပြ ဦးဌေးမြင့်နှင့် နိုင်ငံတကာ ပြိုင်ပွဲများတွင် အောင်မြင်မှုရအောင် စွမ်းဆောင်ပေးနိုင်ခဲ့သည့် မြန်မာ အမျိုးသားဖူဆယ်အသင်းကို ၂၀၁၇ ခုနှစ်၏ မြန်မာအားကစား ထင်ရှားကျော်ကြားကဏ္ဍတွင် ထည့်သွင်းဖော်ပြပေးခြင်းဖြစ်သည်။

ကမ္ဘာ့ပြိုင်ပွဲနှင့် အာရှပြိုင်ပွဲတွင် ရွှေဆုရယူခဲ့သည့် ကာယဗလ ကစားသမား ထွန်းထွန်းအောင်

မြန်မာ ကာယဗလ ကစားသမားတစ်ဦးဖြစ်သူ ထွန်းထွန်းအောင်သည် ယခုနှစ်အတွင်း ကျင်းပခဲ့သည့် အာရှနှင့် ကမ္ဘာ့အဆင့်ပြိုင်ပွဲတွင် ရွှေတံဆိပ်များရယူနိုင်ခဲ့သည်။ မြန်မာ အားကစားသမားများအနေဖြင့် အာရှအဆင့်၊ ကမ္ဘာ့အဆင့်ပြိုင်ပွဲများ၌ အောင်မြင်မှုရရန် ရုန်းကန်လာရချိန်တွင် ထွန်းထွန်းအောင်၏ အောင်မြင်မှုမှာ မြန်မာ့အားကစားလောကအတွက် ဂုဏ်ယူစရာဖြစ်သောကြောင့် ၂၀၁၇ မြန်မာ့အားကစား ထင်ရှားကျော်ကြားကဏ္ဍတွင် ဖော်ပြခြင်းဖြစ်ပါသည်။

ထွန်းထွန်းအောင်သည် သြဂုတ်တွင် တောင်ကိုရီးယားနိုင်ငံ၌ ကျင်းပသည့် အာရှ ကာယဗလပြိုင်ပွဲတွင် ရွှေတံဆိပ်တစ်ခုနှင့် ငွေတံဆိပ်တစ်ခု၊ အောက်တိုဘာတွင် မွန်ဂိုလီးယားနိုင်ငံ၌ကျင်းပသည့် ကမ္ဘာ့ကာယဗလ ပြိုင်ပွဲတွင် ရွှေတံဆိပ်တစ်ခု ရယူနိုင်ခဲ့သည်။ ထွန်းထွန်းအောင်သည် ငယ်စဉ်ကတည်းက ကာယဗလအားကစားနည်းကို စိတ်ပါဝင်စားခဲ့သူဖြစ်ပြီး ၁၉၉၅ ခုနှစ်တွင် ပထမဆုံးနိုင်ငံတကာပြိုင်ပွဲအဖြစ် အာရှအငယ်တန်း ကာယဗလပြိုင်ပွဲတွင် ၀င်ရောက်ယှဉ်ပြိုင်ခဲ့ရာ ရွှေ တံဆိပ်ရယူနိုင်ခဲ့သည်။ ထွန်းထွန်းအောင်သည် နောက်ပိုင်းယှဉ်ပြိုင်ခဲ့သည့် နိုင်ငံတကာပြိုင်ပွဲများတွင် အောင်မြင်မှုများရယူနိုင်ခဲ့ပြီး  အဆင့်မြင့်ဆုံးပြိုင်ပွဲနှစ်ခုဖြစ်သည့် အာရှနှင့် ကမ္ဘာ့ပြိုင်ပွဲများတွင် ရွှေတံဆိပ်ရယူနိုင်ခဲ့သည့် ၂၀၁၇ ခုနှစ်မှာ ထူးခြားသည့်နှစ်တစ်နှစ်ဖြစ် ခဲ့သည်။ မြန်မာကာယဗလ ကစားသမားများသည် နိုင်ငံတကာအဆင့်ပြိုင်ပွဲများတွင် အောင်မြင်မှုများ ဆက်တိုက်ရယူလာနိုင်ပြီး ထွန်းထွန်းအောင်အတွက် အောင်မြင်သည့် နှစ်ဖြစ်သလို မြန်မာနိုင်ငံ ကာယဗလနှင့် ကာယ ကြံ့ခိုင်မှုအဖွဲ့ချုပ်အတွက်လည်း အောင်မြင်မှုများ ရယူနိုင်ခဲ့သည့်နှစ် ဖြစ်စေခဲ့သည်။

ထိုင်းနိုင်ငံ၏ အဆင့်မြင့်ဆုံးလိဂ်ပြိုင်ပွဲတွင် ဆုကြေးစားသွားရောက်ကစားခွင့်ရခဲ့သည့် အောင်သူနှင့် ကျော်ကိုကို

Police Tero အသင်းတွင် တစ်ရာသီအငှားစာချုပ်ဖြင့် သွားရောက်ကစားမည့် အောင်သူ (၀ဲပုံ)နှင့် ချင်းရိုင်အသင်းသို့ ပြောင်းရွှေ့မည့် ကျော်ကိုကို (ဓာတ်ပုံ-ညီညီစိုးညွန့်)

ယခုနှစ်ကုန်ပိုင်းတွင် မြန်မာဘောလုံးသမားများအတွက် အာဆီယံဒေသတွင်း၌ အဆင့်မြင့်ဆုံးလိဂ်ဖြစ်သည့် ထိုင်းလိဂ်-၁  တွင် ကစားခွင့်ရမည့် အခွင့်အရေးများပေါ်လာခဲ့ပြီး လက်ရှိ မြန်မာ့အကောင်းဆုံး ဘောလုံးသမားများအဖြစ် သတ်မှတ်နိုင်သည့် အောင်သူနှင့် ကျော်ကိုကိုတို့မှာ ဆုကြေးစား သွားရောက်ကစားခွင့်ရခဲ့သည်။ မြန်မာ့လက်ရွေးစင် တိုက်စစ်မှူးများဖြစ်သည့် ရတနာပုံတိုက်စစ်မှူး အောင်သူမှာ Police Tero အသင်း၊ ရန်ကုန်တိုက်စစ်မှူး ကျော်ကိုကိုမှာ ချင်းရိုင်ယူနိုက်တက်အသင်းသို့ တစ်ရာသီ အငှားစာချုပ်ဖြင့် ပြောင်းရွှေ့ကစားမည်ဖြစ်သည်။ ထို့ကြောင့် ထိုင်းကလပ်အသင်းများတွင် သွားရောက်ကစားမည့် လက်ရွေးစင် တိုက်စစ်မှူး အောင်သူနှင့် ကျော်ကိုကိုအား ၂၀၁၇ ခုနှစ်အတွက် မြန်မာ့အားကစား ထင်ရှားကျော်ကြားကဏ္ဍတွင် ထည့်သွင်းဖော်ပြပေးလိုက်ပါသည်။

မြန်မာ့ဘောလုံး ပရော်ဖက်ရှင်နယ်စနစ် ကူးပြောင်းပြီးနောက်ပိုင်းတွင် မြန်မာဘောလုံးသမားအချို့ ထိုင်းအောက်တန်းလိဂ်ကလပ်များ၊ မလေးရှားနှင့် စင်ကာပူကလပ်အသင်းများတွင် သွားရောက်ကစားခဲ့ပြီး ၎င်းတို့နှစ်ဦးသည် ထိုင်းလိဂ်-၁ (ယခင် ထိုင်းပရီးမီးယားလိဂ်)  ပထမဆုံး သွားရောက်ကစားခွင့်ရသည့် မြန်မာ ပရော်ဖက်ရှင်နယ်ဘောလုံးသမားများ ဖြစ်လာခဲ့သည်။ ၁၉၉၀ ပြည့်နှစ်နောက်ပိုင်းတွင် မြန်မာ့ဘောလုံးလောက၌ နာမည်ကြီးခဲ့သည့် အောင်ထွန်းထွန်း၊ မျိုးလှိုင်ဝင်း၊ သန်းတိုးအောင်၊ ကြည်လွင်၊ ၀င်းအောင်၊ စိုးနိုင်၊ အောင်နိုင် စသည့်ကစားသမားများသည် ထိုင်းနှင့် မလေးရှားကလပ်အသင်းများတွင် သွားရောက်ကစားခဲ့ဖူးသော်လည်း ပရော်ဖက်ရှင်နယ်စနစ် ကူးပြောင်းအပြီးတွင် အောင်သူနှင့် ကျော်ကိုကိုမှာ ထိုင်းလိဂ်-၁ ၌ ပထမဆုံး ကစားခွင့်ရမည့် မြန်မာကစားသမားများ ဖြစ်လာခဲ့သည်။ အောင်သူသည် မြန်မာဘောလုံးအကယ်ဒမီ (မန္တလေး) မှ ထွက်ပေါ်လာသည့် ကစားသမားတစ်ဦးဖြစ်ပြီး မြန်မာ ယူ-၁၉ အသင်း ၂၀၁၅ ယူ-၂၀ ကမ္ဘာ့ဖလားပြိုင်ပွဲ ၀င်ခွင့်ရခဲ့ခြင်းနှင့်အတူ ပိုမိုနာမည်ကျော်ကြားလာခဲ့သူဖြစ်သည်။  အောင်သူသည် ၂၀၁၅ ခုနှစ်အတွက် အာဆီယံ လူငယ်အကောင်းဆုံး ဘောလုံးသမားဆုရခဲ့ပြီး မြန်မာကစားသမားများတွင် ပထမဆုံး ရရှိသူလည်းဖြစ်သည်။ ထို့ပြင် အောင်သူသည် မြန်မာနေရှင်နယ်လိဂ်ပြိုင်ပွဲ၏ အကောင်းဆုံးဘောလုံးသမားဆုကို ၂၀၁၅၊ ၂၀၁၆၊ ၂၀၁၇ သုံးရာသီဆက်တိုက် ရယူနိုင်ခဲ့သည်။

အား/ကာသိပ္ပံ (မန္တလေး) မှ ထွက်ပေါ်ခဲ့သည့် တိုက်စစ်မှူး ကျော်ကိုကိုသည် ဇေယျာရွှေမြေအသင်းတွင် ပရော်ဖက်ရှင်နယ်ကစားသမားဘ၀ စတင်ခဲ့ပြီး ၂၀၁၃ ရာသီတွင် ရန်ကုန်အသင်းသို့ ပြောင်းရွှေ့ခဲ့သည်။ ကစားသမားဘ၀တွင် ပြည်ပကလပ်အသင်းများ၏ ကမ်းလှမ်းမှုများရရှိခဲ့သော်လည်း ယခုမှသာ ပြောင်းရွှေ့ခဲ့ခြင်းဖြစ်သည်။ ယင်းကစားသမားနှစ်ဦးသည် သက်ဆိုင်ရာကလပ်အသင်းများတွင် လစာအဖြစ် တစ်လလျှင် ဒေါ်လာ ၇၀၀၀ (မြန်မာငွေ ကျပ်သိန်း ၉၀ ကျော်) ရရှိ မည်ဖြစ်ပြီး မြန်မာကစားသမားများအနက် လစာငွေ အများဆုံးရရှိသူများ ဖြစ်လာမည် ဖြစ်သည်။

အသင်းဖျက်သိမ်းမှုများနှင့် စိုးရိမ်ဖွယ်ရာ မြန်မာ့ဘောလုံးအနာဂတ်

လစာကြွေးကျန်ပြဿနာများကြောင့် အသင်းဖျက်သိမ်းခဲ့ရသည့် နေပြည်တော်အသင်း

၂၀၁၆ ခုနှစ်ကတည်းက အသင်းဖျက်သိမ်းမှုများရှိခဲ့သည့် မြန်မာပရော်ဖက်ရှင်နယ် လိဂ်မှာ ၂၀၁၇ ခုနှစ်တွင်လည်း အလားတူ ဖြစ်ရပ်များ ထပ်မံဖြစ်ပေါ်ခဲ့ပြီး ကလပ်အသင်း လေးသင်းအထိ ဖျက်သိမ်းခဲ့သည်။

၂၀၁၇ ရာသီတွင် နေပြည်တော်၊ ချင်း ယူနိုက်တက်၊ သန်လျင်ယူနိုက်တက်နှင့် စီးတီး ရန်ကုန်အသင်းတို့ ဖျက်သိမ်းခဲ့ပြီး နေပြည်တော်၊ သန်လျင်ယူနိုက်တက်နှင့် ချင်းယူနိုက်တက်အသင်းတို့မှာ ငွေကြေးပိုင်း အခက်အခဲကြောင့် ဖျက်သိမ်းခဲ့ရခြင်းဖြစ်သည်။ နှစ်ရာသီအတွင်း ကလပ်အသင်းခြောက်သင်းအထိ ဖျက်သိမ်းခဲ့ခြင်းမှာ မြန်မာ့ဘောလုံးအတွက် ကောင်းမွန်သည့် လက္ခဏာမဟုတ်ဘဲ စိုးရိမ်ဖွယ်ရာဖြစ်လာပြီး ပြည်တွင်းလိဂ်ပြိုင်ပွဲများ ဆက်လက်ကျင်းပနိုင်ရန် အခက်အခဲများ ရှိလာခဲ့သည်။ MNL တွင် အသင်းများ လျော့ကျခဲ့သောကြောင့် MNL-2 (ပထမတန်း) အမှတ်ပေးပြိုင်ပွဲမှ အသင်းများကို တန်းတင်ကာ ၂၀၁၈ ရာသီတွင် ၁၂ သင်းပြည့်အောင် စီစဉ်ထားသော်လည်း အောက်တန်းဖြစ်သည့် ပထမတန်းပြိုင်ပွဲမှာ အသင်းအရေအတွက် ပိုမိုနည်းပါးလာခဲ့သည်။ ပထမတန်းကလပ် သန်လျင်ယူနိုက်တက်အသင်းသည် ငွေကြေး အခြေအနေကြောင့် ပထမအကျော့မပြီးဆုံးမီ ထွက်ခွာခဲ့ပြီး လစာကြွေးကျန်များ ဖြေရှင်းနိုင်ခြင်း မရှိသည့် MNL ကလပ် နေပြည်တော်အသင်းကိုလည်း ပြိုင်ပွဲပြီးဆုံးခါနီးတွင် ထုတ်ပယ်ခဲ့သည်။ ချင်းယူနိုက်တက်အသင်းသည် ပြိုင်ပွဲပြီးဆုံးသည်အထိ ယှဉ်ပြိုင်ခဲ့သော်လည်း ဆက်လက်ရပ်တည်ရန် မဖြစ်နိုင်သဖြင့် လာမည့် ရာသီတွင် မယှဉ်ပြိုင်ခြင်းဖြစ်ပြီး ပထမတန်းချန်ပီယံ စီးတီးရန်ကုန်အသင်း ဖျက်သိမ်းခဲ့ခြင်းမှာ ငွေကြေးကြောင့် မဟုတ်ဘဲ အသင်းဘုတ်အဖွဲ့ဝင်များအား တူရကီနိုင်ငံမှ Black List သွင်းပြီး ဗီဇာသက်တမ်း မတိုးရန်တောင်းဆိုခဲ့သောကြောင့် အသင်းပျက်သွားရခြင်းဖြစ်သည်။ မြန်မာနိုင်ငံဘောလုံး အဖွဲ့ချုပ်အနေဖြင့် လိဂ်ပြိုင်ပွဲ ရေရှည်ရပ်တည်နိုင်ရန် အဖြေရှာရတော့မည်ဖြစ်သည်။

အာဆီယံဘောလုံးအဖွဲ့ချုပ် (AFF) ၏ အမြင့်ဆုံးဆုတံဆိပ်ချီးမြှင့်ခံရသည့် MFF ဥက္ကဋ္ဌ ဦးဇော်ဇော်

Photo : www.aseanfootball.org

မြန်မာနိုင်ငံဘောလုံးအဖွဲ့ချုပ် (MFF) ဥက္ကဋ္ဌ ဦးဇော်ဇော်သည် အာဆီယံဘောလုံးအဖွဲ့ချုပ် (AFF) က ချီးမြှင့်သည့် အမြင့်ဆုံး ဆုတံဆိပ်တစ်ခုဖြစ်သော AFF Goodwill Awards ဆုကို ဆွတ်ခူးရရှိခဲ့သည်။ ဦးဇော်ဇော်သည် မြန်မာ့ဘောလုံးတိုးတက်ရေးအတွက် ငွေကြေးအကုန်အကျခံကာ ဆောင်ရွက်နေသလို လူမှုရေးလုပ်ငန်းများကိုလည်း စွမ်းစွမ်းတမံ ဆောင်ရွက်နေသောကြောင့် AFF က ၂၀၁၇ ခုနှစ်အတွက် AFF Goodwill Awards ချီးမြှင့်ခဲ့ခြင်းဖြစ်သည်။

ဦးဇော်ဇော်သည် AFF ၏ ဒုဥက္ကဋ္ဌ အဖြစ် ဆောင်ရွက်လျက်ရှိပြီး ဘောလုံးနှင့် ပတ်သက်သည့်ဆောင်ရွက်မှုများအပြင် လူမှုရေး ကိစ္စရပ်များတွင်လည်း ပံ့ပိုးကူညီခဲ့သောကြောင့် ယခုကဲ့သို့ ချီးမြှင့်ခံရခြင်းဖြစ်သည်။ AFF သည် အကောင်းဆုံးဆုပေးပွဲကို သုံးကြိမ်သာ ကျင်းပခဲ့ပြီး အမြင့်ဆုံးဆုတံဆိပ်ဖြစ်သည့်  AFF Goodwill Awards ဆုကိုမူ နှစ်ကြိမ်သာ ချီးမြှင့်ရသေးသည်။ ယင်းဆုကို ပထမဆုံး ရရှိသူမှာ မလေးရှားနိုင်ငံသား ဆူလ်တန်အာမက်ရှာဖြစ်ပြီး အာရှဘောလုံးအဖွဲ့ချုပ် (AFC) ၊ အာဆီယံဘောလုံးအဖွဲ့ချုပ် (AFF) တို့တွင် ဥက္ကဋ္ဌအဖြစ် ဆောင်ရွက်ခဲ့ဖူးကာ မလေးရှားဘောလုံးလောက ဖွံ့ဖြိုးတိုးတက်ရန် ဦးစီး ဆောင်ရွက်ခဲ့သူဖြစ်သည်။ အင်ဒိုနီးရှားနိုင်ငံ ဘာလီကျွန်း၌ ကျင်းပခဲ့သည့် အာဆီယံဘောလုံးအဖွဲ့ချုပ် အကောင်းဆုံး ဆုပေးပွဲတွင် MFF ဥက္ကဋ္ဌ ဦးဇော်ဇော်က AFF Goodwill Awards ဆု လက်ခံရယူခဲ့သည်။ ဦးဇော်ဇော်သည် လက်ရှိ FIFA ဥက္ကဋ္ဌ အင်ဖန်တီနိုနှင့် ဆက်ဆံရေးကောင်းများ ရှိသောကြောင့် အာဆီယံနိုင်ငံများ၌     လူငယ်ကမ္ဘာ့ဖလားပြိုင်ပွဲနှင့် ကမ္ဘာ့ဖလားပြိုင်ပွဲများ အိမ်ရှင်အဖြစ် လက်ခံကျင်းပခွင့်ရရန် ဦးဆောင်ကြိုးပမ်းလျက်ရှိသည်။ ထို့ကြောင့် အာဆီယံဘောလုံးအဖွဲ့ချုပ်၏ အမြင့်ဆုံးဆုတံဆိပ် ချီးမြှင့်ခံရသော မြန်မာနိုင်ငံ ဘောလုံးအဖွဲ့ချုပ်ဥက္ကဋ္ဌ ဦးဇော်ဇော်ကို ၂၀၁၇ ခုနှစ်၏ မြန်မာ့အားကစား ထင်ရှား ကျော်ကြား ကဏ္ဍတွင် ထည့်သွင်းဖော်ပြရခြင်း ဖြစ်ပါသည်။

တစ်ရာသီအတွင်း ချန်ပီယံဆု နှစ်ခုစလုံးယူနိုင်သော ဒုတိယမြောက် အသင်းဖြစ်လာသည့် ရှမ်းယူနိုက်တက်

ဓာတ်ပုံ – Shan United FC

ပရော်ဖက်ရှင်နယ်စနစ်ကူးပြောင်းပြီး ကျင်းပလျက်ရှိသည့် ပြည်တွင်းဘောလုံးပြိုင်ပွဲများဖြစ်သော အမှတ်ပေးပြိုင်ပွဲနှင့်ရှုံးထွက်ပြိုင်ပွဲ ချန်ပီယံဆုနှစ်ခုစလုံးကို တစ်ရာသီအတွင်း ရယူနိုင်သည့် ကလပ်အသင်းနှစ်သင်းသာရှိပြီး ရှမ်းယူနိုက်တက်အသင်းသည် ၂၀၁၇ ရာသီတွင် ရန်ကုန်အသင်း ပိုင်ဆိုင်ထားသည့် မှတ်တမ်းကောင်းအား လိုက်မီခဲ့သည်။

ရှမ်းယူနိုက်တက်အသင်းသည် ပြိုင်ပွဲ နှစ်ခုစလုံးတွင် ပထမဆုံးအကြိမ် ဗိုလ်စွဲခဲ့ခြင်းဖြစ်ပြီး တစ်ရာသီအတွင်း ချန်ပီယံဆုနှစ်ခု ရယူနိုင်သည့် မှတ်တမ်းကောင်း ပိုင်ဆိုင်ခဲ့သောကြောင့် ၂၀၁၇ ထင်ရှားကျော်ကြား ကဏ္ဏတွင် ထည့်သွင်းဖော်ပြခြင်းဖြစ်သည်။

ရှမ်းယူနိုက်တက်အသင်းသည် လူငယ်နည်းပြ ဦးစိုးမြတ်မင်း၊ နည်းစနစ်ဒါရိုက်တာ ဦးဆန်းဝင်းတို့၏ လက်အောက်တွင် တိုးတက်မှုများရှိလာခဲ့ပြီး အမှတ်ပေးပြိုင်ပွဲ စတင်ကတည်းက ကြီးစိုးခဲ့သည့် ရန်ကုန်နှင့် ရတနာပုံအသင်းတို့၏ အစဉ်အလာကို တွန်းလှန်ကာ ချန်ပီယံဆုအား ရယူနိုင်ခဲ့ခြင်းဖြစ်သည်။

အလားတူ ဗိုလ်ချုပ်အောင်ဆန်းဒိုင်း ရှုံးထွက်ပြိုင်ပွဲတွင်လည်း ဒုတိယအဆင့်မှလွဲ၍ ကျန်အဆင့်များတွင် အသင်းကြီးများနှင့် တွေ့ဆုံခဲ့ပြီး ခက်ခက်ခဲခဲ ကျော်ဖြတ်ခဲ့ရခြင်းဖြစ်သည်။ ကွာတားဖိုင်နယ်တွင် မကွေးအသင်း၊ ဆီမီးဖိုင်နယ်တွင် ပြိုင်ပွဲ၏ အအောင်မြင်ဆုံးအသင်းဖြစ်သည့် ချန်ပီယံ သုံးကြိမ်ရ ဧရာဝတီအသင်း၊ ဗိုလ်လုပွဲတွင် ရန်ကုန်အသင်းတို့ကို ကျော်ဖြတ်ကာ ချန်ပီယံ ဆုရယူနိုင်ခဲ့ခြင်းဖြစ်သည်။ ပြီးခဲ့သည့်ရာသီတွင် အောင်မြင်မှုရခဲ့သည့် ရှမ်းယူနိုက်တက်အသင်းသည် လာမည့်ရာသီတွင် အာရှချန်ပီယံလိဂ်ခြေစစ်ပွဲနှင့် AFC Cup ပြိုင်ပွဲ ယှဉ်ပြိုင်ရမည်ဖြစ်သည်။

၂၀၁၇ ခုနှစ်အတွင်း ကမ္ဘာ့အားကစားလောကမှ ထင်ရှားကျော်ကြားဖြစ်ရပ် (၁၁) ခု

၁။ ဘောလုံးတွင် ဘာမဆိုဖြစ်နိုင်ကြောင်း သက်သေပြခဲ့သည့် နေမာ၏ အပြောင်းအရွှေ့

ဘောလုံးတွင် ဘာမဆိုဖြစ်နိုင်သည့် စကားကို နေမာ၏ ကမ္ဘာ့စံချိန်တင် အပြောင်းအရွှေ့က ထပ်မံသက်သေပြခဲ့သည်။ ဘရာဇီးလ်တိုက်စစ်မှူး နေမာသည် ဘာစီလိုနာအသင်းအား စာချုပ်လျော်ကြေး ယူရို ၂၂၂ သန်းပေးချေ၍ PSG အသင်းသို့ ပြောင်းရွှေ့ခဲ့ပြီး ၂၀၁၆ ခုနှစ်က ပေါ့ဘာ၏ ယူရို ၁၀၅ သန်း စံချိန်ကို တစ်နှစ်အကြာမှာပင် ချိုးဖျက်ကာ စံချိန်သစ်တင်ခဲ့သည်။

၂။ ကမ္ဘာ့ဖလားပြိုင်ပွဲအား ၃၂ သင်းမှ ၄၈ သင်းအထိ တိုးမြှင့်ခဲ့သည့် FIFA ဆုံးဖြတ်ချက်

ကမ္ဘာ့ဘောလုံးအဖွဲ့ချုပ် (FIFA) ဥက္ကဋ္ဌ အင်ဖန်တီနိုသည် ရွေးကောက်ပွဲအကြို ကတိပြုထားသည့်အတိုင်း ကမ္ဘာ့ဖလားပြိုင်ပွဲအား ၃၂ သင်းမှ ၄၈ သင်းပြိုင်ပွဲအဖြစ် တိုးမြှင့်ကျင်းပမည့် ဆုံးဖြတ်ချက်ကို ဇန်န၀ါရီတွင် ဆုံးဖြတ်နိုင်ခဲ့သည်။ ၂၀၂၆ ကမ္ဘာ့ဖလားပြိုင်ပွဲမှစ၍ ၄၈ သင်းပြိုင်ပွဲအဖြစ် ကျင်းပမည်ဖြစ်ပြီး အိမ်ရှင်နိုင်ငံကို ၂၀၁၈ ခုနှစ် ဇွန်တွင် ရွေးချယ်မည်ဖြစ်သည်။

၃။ Duo Decima ချန်ပီယံ ရီးယဲလ်မက်ဒရစ်နှင့် အကောင်းဆုံးဆုများရှင် စီရော်နယ်လ်ဒို

ရီးယဲလ်မက်ဒရစ်အသင်းသည် ချန်ပီယံလိဂ်ပြိုင်ပွဲ၌ (၁၂) ကြိမ်မြောက် (Duo Decima) ဗိုလ်စွဲသည့်အပြင် ချန်ပီယံလိဂ်အမည်ဖြင့် နှစ်ကြိမ်ဆက် ဗိုလ်စွဲသည့် ပထမဆုံးအသင်း ဖြစ်လာသည်။ ရီးယဲလ်အသင်းသည် တစ်နှစ်အတွင်း ဖလားငါးလုံး ပထမဆုံး ရရှိခဲ့သလို စီရော်နယ်လ်ဒိုကလည်း FIFA The Best ဆုနှင့် Ballon d’ Or ဆုကို ငါးကြိမ်မြောက်စီ ဆွတ်ခူးရရှိခဲ့သည်။

၎။ စပိန်ဘောလုံးလောကအပေါ် ဆက်လက်ရိုက်ခတ်နေသည့် အခွန်ရှောင်မှု ပြဿနာများ

အခွန်ရှောင်မှုပြဿနာများကို ပြန်လည်ဖော်ထုတ် စစ်ဆေးနေသည့် စပိန် အခွန်အာဏာပိုင်များသည် နာမည်ကြီးအေးဂျင့် ဂျော့ခ်ျမန်ဒက်စ်နှင့် ချိတ်ဆက်ထားသည့် မော်ရင်ဟို၊ စီရော်နယ်လ်ဒို၊ ဖယ်လ်ကာအို၊ ဒီမာရီယာ တို့ကို စွဲချက်တင် စစ်ဆေးခဲ့သည်။ စီရော်နယ်လ်ဒိုသည် ယင်းဖြစ်ရပ်ကြောင့် စပိန်မှပြောင်းရွှေ့ရန်အထိ စဉ်းစားခဲ့ကြောင်း သတင်းများ ထွက်ပေါ်ခဲ့သည်။

၅။ ဆရီနာဝီလျံ၏ စံချိန်သစ်၊ ဂန္ထ၀င်ဖက်ဒါရာနှင့် နဒါးလ် တစ်ကျော့ပြန်လာနိုင်ခဲ့သည့် ၂၀၁၇ ခုနှစ်

ဆရီနာဝီလျံ (အမေရိကန်) သည် သြစတြေးလျအိုးပင်းပြိုင်ပွဲ၌ ဗိုလ်စွဲပြီး ဂရင်းစလင်းချန်ပီယံဆု (၂၃) ကြိမ်ဖြင့် Open Era တွင် အအောင်မြင်ဆုံး တင်းနစ်မယ် ဖြစ်လာသည်။ ထို့ပြင် ဖက်ဒါရာ(ဆွစ်ဇာလန်)သည် သြစတြေးလျအိုးပင်းနှင့် ၀င်ဘယ်လ်ဒန်၊ နဒါးလ်(စပိန်)သည် ပြင်သစ်နှင့် ယူအက်စ်အိုးပင်း ပြိုင်ပွဲ၌ ဗိုလ်စွဲပြီး ကမ္ဘာ့အဆင့် ထိပ်ဆုံးနှစ်နေရာ ပြန်လည်ရယူနိုင်ခဲ့သည်။

၆။ ဇာတ်သိမ်းမလှခဲ့သည့် ယူစိန်ဘော့နှင့် မိုဖာရက်

တာတိုအပြေး ကမ္ဘာ့စံချိန်ရှင် ယူစိန်ဘော့သည် ကစားသမားဘ၀ နောက်ဆုံးယှဉ်ပြိုင်သည့် ကမ္ဘာ့ချန်ပီယံရှစ် မီတာ ၁၀၀ ပြိုင်ပွဲ၌ ကြေးတံဆိပ်ဆုဖြင့်သာ ကျေနပ်ခဲ့ရသည်။ အိုလံပစ် တာဝေးချန်ပီယံ မိုဖာရက်မှာလည်း မီတာ ၁၀,၀၀၀ ပြိုင်ပွဲ၌ ရွှေဆု ကာကွယ်နိုင်သော်လည်း မီတာ ၅၀၀၀ ပြိုင်ပွဲ၌ ငွေတံဆိပ်သာရပြီး အနိုင်နှင့် နှုတ်ဆက်ခွင့် လက်လွှတ်ခဲ့ရသည်။

၇။ လက်ဝှေ့ပရိသတ်များကို ဆွဲဆောင်နိုင်ခဲ့သည့် ဂျိုရှူအာ-ကလစ်ရ်ှကို၊ မေ၀ယ်သာ-မက်ဂရီဂေါ်ပွဲစဉ်

ဝင်ဘလေကွင်း၌ ကျင်းပသည့် WBA နှင့် IBF ဟဲဗီးဝိတ် စိန်ခေါ်ပွဲတွင် ဒုတိယကမ္ဘာစစ်နောက်ပိုင်း အများဆုံးအဖြစ် ပရိသတ် ၉၀,၀၀၀ အထိ ကြည့်ရှုခဲ့ပြီး ဂျိုရှူအာက ကလစ်ရ်ှကို ကို ၁၁ ချီတွင် အလဲထိုး အနိုင်ရခဲ့သည်။ တစ်ကျော့ပြန်ထိုးသည့် မေ၀ယ်သာနှင့် UFC ချန်ပီယံ မက်ဂရီဂေါ်တို့ပွဲမှာလည်း အမေရိက၌ ဒုတိယ၀င်ငွေအများဆုံး ပွဲဖြစ်ပြီး ဒေါ်လာသန်း ၆၀၀ ရရှိခဲ့သည်။

၈။ ကမ္ဘာ့အဆင့်နှင့် ဥရောပအဆင့်တွင် ချန်ပီယံဆုများ ရရှိခဲ့သည့် အင်္ဂလန်လူငယ်အသင်း

အင်္ဂလန်လက်ရွေးစင် ဘောလုံးအသင်းသည် ၁၉၆၆ ကမ္ဘာ့ဖလားပြိုင်ပွဲ နောက်ပိုင်း အောင်မြင်မှုရယူနိုင်ခြင်း မရှိသော်လည်း အင်္ဂလန် လူငယ်အသင်းများသည် FIFA ယူ-၂၀ ကမ္ဘာ့ဖလားပြိုင်ပွဲနှင့် ယူ-၁၇ ကမ္ဘာ့ဖလားပြိုင်ပွဲ၌ ပထမဆုံးအကြိမ် ဗိုလ်စွဲခဲ့သလို ဥရောပ ယူ-၁၉ ချန်ပီယံရှစ်ပြိုင်ပွဲတွင်လည်း (၁၀) ကြိမ်မြောက်ဗိုလ်စွဲပြီး ပူးတွဲ အအောင်မြင်ဆုံးအသင်း ဖြစ်လာသည်။

၉။ ပရီးမီးယားလိဂ် သမိုင်းတစ်လျှောက် နိုင်ပွဲဆက်မှု အများဆုံးစံချိန်တင်ခဲ့သည့် မန်စီးတီး

မန်စီးတီးအသင်းသည် နည်းပြ ဂွါဒီယိုလာလက်ထက် ပထမရာသီတွင် ဖလားလက်မဲ့ ဖြစ်ခဲ့သော်လည်း ယခုရာသီတွင်မူ အမှတ်ပေးပွဲ ၁၇ ပွဲဆက် အနိုင်ရထားပြီး ပြိုင်ပွဲသမိုင်းတစ်လျှောက် နိုင်ပွဲဆက်မှု အများဆုံးအဖြစ် စံချိန်တင်ထားသည်။ မန်စီးတီးအသင်းသည် အာဆင်နယ်အသင်း၏ ၁၄ ပွဲဆက် (၂၀၀၂ ဖေဖော်ဝါရီမှ သြဂုတ်) စံချိန်ကို ချိုးဖျက်နိုင်ခဲ့ခြင်း ဖြစ်သည်။

၁၀။ နယ်ပယ်အသီးသီးတွင် ထွက်ပေါ်လာသည့် သက်ငယ် လိင်ပိုင်းဆိုင်ရာ ကျူးလွန်မှု

အင်္ဂလန်ဘောလုံးလောကအား တုန်လှုပ်ချောက်ချားစေခဲ့သည့် လိင်ပိုင်းကျူးလွန်မှု ဖြစ်စဉ်များ၏ နောက်ဆက်တွဲအဖြစ် အားကစားလောကအတွင်း ငယ်စဉ်က လိင်ပိုင်း အမြတ်ထုတ်ခံရဖူးကြောင်း ၀န်ခံပြောကြားသူများစွာ ထွက်ပေါ်လာခဲ့သည်။
အမေရိကန် ကျွမ်းဘားအသင်းဆရာဝန် နာဆာသည် လိင်အမြတ်ထုတ်မှုကြောင့် ထောင်ဒဏ်နှစ် ၆၀ ချမှတ် ခံထားရသည်။

၁၁။ တားမြစ်ဆေးကြောင့် ၂၀၁၈ ဆောင်းရာသီအိုလံပစ် ယှဉ်ပြိုင်ခွင့် ပိတ်ပင်ခံရသည့် ရုရှားအသင်း

နိူင်ငံတကာ အိုလံပစ်ကော်မတီ (IOC) သည် ၂၀၁၄ ခုနှစ်က ကျင်းပသည့် ဆိုချီဆောင်းရာသီအိုလံပစ်ပြိုင်ပွဲ၌ အိမ်ရှင်ရုရှားအသင်းက တားမြစ်ဆေး ကျရှုံးမှုရလဒ်များအား ဖုံးကွယ်ထားသည့် ဖြစ်ရပ်ကြောင့် ၂၀၁၈ ဖယွန်းချန်း ဆောင်းရာသီ အိုလံပစ်ပြိုင်ပွဲယှဉ်ပြိုင်ခွင့် တားမြစ်ပိတ်ပင်ခဲ့ပြီး ဆေးအောင်သူများအနေဖြင့် အိုလံပစ်အလံကိုယ်စားပြု ယှဉ်ပြိုင်ရမည် ဖြစ်သည်။