၂၀၁၇ ခုနှစ်အတွင်း ထင်ရှားသည့် နိုင်ငံတကာအနုပညာသတင်းများ

■ Song-Song စုံတွဲ၏ လက်ထပ်ပွဲ

Descendants of the Sun ဇာတ်လမ်းတွဲတွင် စစ်ဗိုလ်နှင့် ဆရာဝန်ဇာတ်ကောင်များအဖြစ် ပါဝင်ခဲ့ပြီးနောက် Song-Song စုံတွဲဟုခေါ်ဆိုခံခဲ့ရသည့် ဆောင်ဂျွန်ကီနှင့် ဆောင်းဟေကိုတို့က ၎င်းတို့နှစ်ဦးတွဲနေကြောင်း ဇူလိုင် ၅ ရက်တွင် အတည်ပြုခဲ့ပြီး အောက်တိုဘာ ၃၁ ရက်တွင် မင်္ဂလာပွဲကျင်းပမည်ဟု အံ့အားသင့်ဖွယ်ကြေညာခဲ့သည်။

၎င်းတို့၏မင်္ဂလာပွဲကို ရှီလာဟိုတယ် မြက်ခင်းပြင်တွင် အကျဉ်းချုံးကျင်းပခဲ့ပြီး လုံခြုံရေးတင်းကျပ်ခဲ့သည်။ မင်္ဂလာပွဲသို့ တက်ရောက်ခဲ့သူများထဲတွင် တရုတ်မင်းသမီး ကျန်းကျိယီလည်း ပါဝင်ခဲ့သည်။ မင်္ဂလာအခမ်းအနားအတွက် မီဒီယာရှင်းလင်းချက် (သို့ မဟုတ်) ဓာတ်ပုံရိုက်သည့်ကဏ္ဍများ မပါဝင်ခဲ့သော်လည်း ၎င်းတို့၏မင်္ဂလာပွဲဓာတ်ပုံသည် ကိုရီးယားနှင့် တရုတ်မီဒီယာများတွင် ပျံ့နှံ့ခဲ့သည်။

■ အကောင်းဆုံးဇာတ်ကားဆုကို မှားယွင်းကြေညာခဲ့သည့် ၂၀၁၇ ခုနှစ် အော်စကာဆုပေးပွဲ

အော်စကာဆုပေးပွဲတွင် La La Land ဇာတ်ကားထုတ်လုပ်သူများက ဆုလက်ခံစကားပြောကြားနေစဉ်

၂၀၁၇ ခုနှစ် ဖေဖော်ရီဝါ ၂၆ ရက်ကကျင်းပခဲ့သည့် (၈၉) ကြိမ်မြောက် အော်စကာဆုပေးပွဲတွင် သရုပ်ဆောင် ၀ါရင်းဘတ်တီနှင့် ဖေးဒန်နဝေးတို့က အကောင်းဆုံးဇာတ်ကားဆုကို မှားယွင်းကြေညာမှုက အော်စကာဆုသမိုင်းတစ်လျှောက်တွင် ကမောက်ကမဖြစ်စဉ်တစ်ခုအဖြစ် သမိုင်းတွင်ခဲ့သည်။

La La Land ကို အကောင်းဆုံးဇာတ်ကားအဖြစ် ကြေညာခဲ့ပြီးနောက် ထုတ်လုပ်သူဂျော်ဒန်ဟိုရိုဝစ်ဇ်က ဆုလက်ခံစကားပြောဆိုနေစဉ် စင်မြင့်ထက်တွင် ရုတ်ရုတ်သဲသဲအခြေအနေဖြစ်ခဲ့ပြီး အမှန်တကယ် အကောင်းဆုံးဇာတ်ကားဆုကို Moonlight က ရရှိခဲ့သည်ဟု ပြန်လည်ကြေညာခဲ့ရသည်။ အံ့အားသင့်တုန်လှုပ်မှုဖြစ်သွားချိန်တွင် La La Land ဇာတ်ကားမှ သရုပ်ဆောင်များက စင်ပေါ်မှဆင်းလာခဲ့ပြီး Moonlight အဖွဲ့သားများက စင်မြင့်ပေါ်တက်လာခဲ့သည်။ (၈၉) ကြိမ်မြောက် အော်စကာဆုပေးပွဲတွင် ဂီတဇာတ်မြူးဇာတ်ကား La La Land က အကောင်းဆုံးဇာတ်ကားဆု၊ အမျိုးသမီးသရုပ်ဆောင်ဆု၊ ရုပ်ရှင်အတတ်ပညာရှင်ဆုအပါအ၀င် ဆုခြောက်ဆု ဆွတ်ခူးခဲ့သည်။

■ ဗြိတိန်တော်ဝင်မိသားစု၏ မင်္ဂလာသတင်းများ

ဗြိတိန်တော်ဝင်မင်းသား ဟာရီနှင့် အမေရိကန်သရုပ်ဆောင် မက်ဂန်မာခယ်တို့ စေ့စပ်လိုက်ပြီး မင်္ဂလာပွဲကို ၀င်ဆာရဲတိုက်ရှိ စိန့်ဂျော့ခ်ျဝတ်ပြုဆုတောင်းခန်းမ၌ မေ ၁၉ ရက်တွင်ကျင်းပမည်ဟု ကင်ဆင်တန်နန်းတော်က ထုတ်ပြန်ခဲ့သည်။

လက်ထပ်ခွင့်ကို ကင်ဆင်တန်နန်းတော်တွင် တောင်းဆိုခံခဲ့ရသည်ဟု စေ့စပ်ကြောင်းလမ်းမှုကို အတည်ပြုခဲ့သည့်နေ့တွင် ဟာရီနှင့် မက်ခယ်က ဘီဘီစီသို့ ပြောကြားခဲ့သည်။

ဝီလျံမင်းသား၏ ကြင်ရာတော် ကိတ်မစ်ဒယ်တန်တွင် တတိယမြောက်ကိုယ်ဝန်လွယ်ထားရပြီဟု နန်းတော်က စက်တင်ဘာ ၅ ရက်တွင် ထုတ်ပြန်ခဲ့သည်။

■ ဖျော်ဖြေပွဲများ တိုက်ခိုက်ခံရမှု

လူ ၂၁,၀၀၀ ဆံ့သည့် မန်ချက်စတာအားကစားကွင်း၌ မေ ၂၂ ရက်ကပြုလုပ်ခဲ့သည့် အမေရိကန် လူငယ်အဆိုတော် အရီယားနားဂရန်ဒီ၏ ဖျော်ဖြေပွဲအတွင်း အသေခံဗုံးခွဲသမားတစ်ဦး၏ တိုက်ခိုက်မှုကြောင့် အသက် ၈ နှစ်အရွယ်ရှိ ကလေးငယ်တစ်ဦး အပါအ၀င် ၂၂ ဦးသေဆုံးပြီး ၆၀ ကျော် ထိခိုက်ဒဏ်ရာရရှိခဲ့သည့်ဖြစ်စဉ်က ထိတ်လန့်တုန်လှုပ်မှုဖြစ်စေခဲ့သည်။

ယင်းဖြစ်ရပ်ဖြစ်ပွားခဲ့ပြီး ငါးလခန့်အကြာ အောက်တိုဘာ ၁ ရက်တွင် အမေရိကန်ပြည်ထောင်စု လပ်စ်ဗီးဂတ်၌ပြုလုပ်ခဲ့သည့် ကန်းထရီးဂီတပွဲတော်တွင်လည်း ပစ်ခတ်မှုဖြစ်ပွားခဲ့သည်။ အဆိုတော် ဂျေဆန်အယ်လ်ဒင်း ဖျော်ဖြေနေစဉ် သေနတ်သမားတစ်ဦးက ၎င်းတည်းခိုသည့် လပ်စ်ဗီးဂတ်ရှိ ဟိုတယ်ခန်းမှ ဂီတပွဲတော်ကျင်းပသည့်နေရာသို့ သေနတ်ဖြင့် တရစပ်ပစ်ခတ်ခဲ့မှုကြောင့် လူ ၅၉ ဦးထက်မနည်း သေဆုံးပြီး ၅၀၀ ထိခိုက်ဒဏ်ရာရရှိခဲ့သည်။ ယင်းပစ်ခတ်မှုသည် အမေရိကန်သမိုင်းတွင် သေဆုံးမှုအများဆုံး ပစ်ခတ်မှုဖြစ်ခဲ့သည်။

■ အထင်ကရထုတ်လုပ်သူဝိန်းစတိန်း၏ လိင်ပိုင်းဆိုင်ရာအရှုပ်တော်ပုံ

အထင်ကရထုတ်လုပ်သူ ဟာဗေးဝိန်းစတိန်းက လိင်ပိုင်းဆိုင်ရာ အနှောင့်အယှက်ပေးမှု (သို့မဟုတ်) လိင်ပိုင်းဆိုင်ရာ စော်ကားမှုကျူးလွန်ခဲ့သည်ဟု ‘အေ’ စာရင်းဝင်သရုပ်ဆောင်များအပါအ၀င် ဒါဇင်နှင့်ချီသည့် အမျိုးသမီးများက အောက်တိုဘာနှင့် နိုဝင်ဘာအတွင်း ထုတ်ဖော်ပြောကြားမှုကြောင့် ဟောလိဝုဒ်တွင် အံ့သြတုန်လှုပ်ခဲ့ကြသည်။ အင်ဂျလီနာဂျိုလီ၊ ဂွီးနက်ပတ်ထရိုး၊ အက်ရ်ှလေဂျုဒ်၊ လူပီတာညောင်အိုနှင့် သရုပ်ဆောင်များစွာက ၎င်းတို့သည် ၀ိန်းစတိန်း၏ ချဉ်းကပ်ခြင်းကို ကြုံတွေ့ခဲ့ရသည်ဟု ထုတ်ဖော်ပြောကြားခဲ့သည်။

သရုပ်ဆောင်ရို့စ်မက်ဂိုဝန်က ၀ိန်းစတိန်းသည် မိမိကိုမုဒိမ်းကျင့်ခဲ့သည်ဟု စွပ်စွဲခဲ့သည်။ အောက်တိုဘာလလယ်တွင် ၀ိန်းစတိန်း၏ လိင်ပိုင်းဆိုင်ရာစော်ကားမှုများကို ဖွင့်ဟသည့် #Me Too လှုပ်ရှားမှုက လူမှုမီဒီယာတွင် လွှမ်းမိုးခဲ့သည်။ အဆိုပါအရှုပ်တော်ပုံ ပေါ်ပေါက်ခဲ့ပြီးနောက် ၀ိန်းစတိန်းသည် Weinstein ကုမ္ပဏီမှထုတ်ပယ်ခံခဲ့ရသည်။ ၀ိန်းစတိန်း၏ ဇနီးဖြစ်သူကလည်း ကွာရှင်းခွင့်တောင်းဆိုခဲ့သည်။ ၀ိန်းစတိန်းက ဆိုးရွားသည့်အပြုအမူအချို့ကို ကနဦးတွင် ၀န်ခံခဲ့သော်လည်း ၎င်း၏ရှေ့နေများက ဖြစ်စဉ်တိုင်းသည် နှစ်ဦးနှစ်ဖက် သဘောတူသောဖြစ်စဉ်များဟု အခိုင်အမာပြောကြားခဲ့သည်။ လက်ရှိတွင် ၀ိန်းစတိန်းကိုစွပ်စွဲထားသည့် အမျိုးသမီး ၁၀၀ ကျော်ရှိလာခဲ့ပြီး တရားစွဲဆိုမှုနှစ်ခု ရှိလာပြီဖြစ်သည်။

ထူးခြားသည့်ဆိုဟန်ဖြင့် ဂီတချစ်သူများကြားတွင် ရေပန်းစားခဲ့သူ လူငယ်တေးသံရှင် Mary

အွန်လိုင်းအသုံးပြုကာ တေးသီချင်းနားဆင်သူ ဂီတပရိသတ်များကြားတွင် ၂၀၁၇ ခုနှစ်အတွင်း ရေပန်းအစားဆုံး လူငယ်တေးသံရှင်တစ်ဦးမှာ Mary ဖြစ်သည်။ ‘၀ဲ’ နှင့် ‘Mask’ ဟု အမည်ပေးထားသည့် တေးသီချင်းနှစ်ပုဒ်အား ထူးခြားသည့်ဆိုဟန်ဖြင့် သီဆိုမှုကို နားဆင်ခံစားရပြီးနောက် ပရိသတ်စိတ်ဝင်စားအားပေးမှု အများအပြားရရှိခဲ့သူ လူငယ်တေးသံရှင် Mary အား ယခုနှစ်အတွင်း ထင်ရှားသည့် မျက်နှာသစ်လူငယ် တေးသံရှင်တစ်ဦးအဖြစ် ရွေးချယ်ဖော်ပြအပ်ပါသည်။

တေးသံရှင် Mary သည် ဂျပန်နိုင်ငံတွင် ရောက်ရှိနေထိုင်လျက်ရှိသော မြန်မာလူငယ်တေး သံရှင်တစ်ဦးဖြစ်ပြီး ထူးခြားသည့်အသံ၊ ကိုယ်ပိုင်ဟန်တို့ဖြင့် သီဆိုထားသည့် ‘၀ဲ’ တေးသီချင်းကို အွန်လိုင်းတွင် စတင်လွှင့်တင်စဉ်ကတည်းကပင် ပရိသတ်စိတ်ဝင်စားအားပေးမှု များပြားစေခဲ့ခြင်းဖြစ်သည်။ အလားတူ ဝေဖန်တိုက်ခိုက်မှုအချို့လည်း ကြုံတွေ့ရသဖြင့် တေးသံရှင် Mary သည် Facebook Account အား ခဏတာ de Activate လုပ်ပြီးနောက် တစ်ကျော့ပြန်လှုပ်ရှားမှုအဖြစ် ‘Mask’တေးသီချင်းသစ်အား အွန်လိုင်းတွင် လွှင့်တင်ခဲ့ရာ၌လည်း ပရိသတ်အားပေးမှု ထပ်မံရရှိခဲ့သည်။ ထို့နောက် တေးသံရှင် Mary သည် မြန်မာနိုင်ငံသို့ ခေတ္တအလည်အပတ် ပြန်လည်ရောက်ရှိလာခဲ့ကာ ပရိသတ်များနှင့်တွေ့ဆုံခဲ့ပြီး ဂီတဖန်တီးမှုများနှင့်ပတ်သက်၍လည်း မီဒီယာများအား ရှင်းလင်းခဲ့သည်။ တေးသံရှင် Mary သည် တေးသံရှင်ကျားပေါက်နှင့် ပူးပေါင်း၍ ဂီတဖန်တီးမှုကိုပြုလုပ်ခဲ့ရာ၌လည်း ပရိသတ် နှစ်သက်အားပေးခဲ့ကြပြန်သည်။ တေးသံရှင် Maryသည် ဂီတဖျော်ဖြေပွဲအချို့တွင် ပါဝင်ဖျော်ဖြေခဲ့ပြီးနောက် ဂျပန်နိုင်ငံတွင် ကျောင်း ဆက်လက်တက်ရောက်ရန် ပြန်လည် ထွက်ခွာသွားခဲ့ခြင်းဖြစ်သည်။

‘‘ဂီတကို ၀ါသနာပါပေမယ့် ပထမတော့ လုပ်ဖို့အစီအစဉ် မရှိဘူး။ ၀ဲသီချင်းလေး စလုပ်ဖြစ်တဲ့အခါ ပရိသတ်အားပေးမှုရလာတဲ့အတွက် စိတ်ကလည်း ပိုပြီးခိုင်မာလာပြီး လုပ်မယ်ဆိုပြီး စိတ်ဆုံးဖြတ်ဖြစ်သွားတာ။ ဆိုဟန်ထူးခြားတယ်ဆိုတာကလည်း သက်သက်ကြီး လုပ်တာမဟုတ်ဘဲ ကိုယ်ခံစားတတ်တဲ့ ပုံစံကိုက အေးအေးဆေးဆေးပဲ ခံစားတတ်တာဆိုတော့ အဲဒီဟန်အတိုင်းပဲ ပြန်ဆိုဖြစ်တာပါ။ မေရီနှစ်သက်တဲ့ Cover Songs လေးတွေဆိုလည်း ဒီပုံစံပဲ ဆိုဖြစ်သလို  ကိုယ်တိုင်ရေးဖြစ်တဲ့ သီချင်းတွေကိုလည်း ဒီပုံစံအတိုင်းပဲ အေးအေးဆေးဆေးဆိုဖြစ်ပါတယ်။ ပရိသတ်တွေ အားပေးတဲ့အတွက်တော့ သီချင်းတွေအများကြီး ထပ်လုပ်ချင် ပါတယ်။ ကိုယ်တိုင်ရေးဖြစ်တာတွေလည်း ပါမှာဖြစ်သလို တခြားသီချင်းရေးဆရာတွေနဲ့လည်း အလုပ်အတူ ပူးပေါင်းလုပ်ချင်တယ်’’ဟု တေးသံရှင် Mary က ဆိုသည်။

တေးသံရှင် Mary သည် လတ်တလောတွင် ဂျပန်နိုင်ငံ၌ ရောက်ရှိနေထိုင်လျက်ရှိပြီး ခရစ်စမတ်ကာလအတွင်း မြန်မာနိုင်ငံသို့ အလည်အပတ် ပြန်လာရန် စီစဉ်ထားကြောင်း သိရသည်။ လတ်တလော ဂီတလှုပ်ရှားမှုအဖြစ် မျက်နှာများတဲ့မောင် တေးသီချင်းအား Cover Songs ပြန်လည်သီဆို လွှင့်တင်ခဲ့ရာ၌လည်း ပရိသတ်အားပေးမှုများပြားခဲ့သည်။ Mary သည် ရန်ကုန်မြို့သို့ ပြန်လည်ရောက်ရှိလာချိန်တွင် အနုပညာလှုပ်ရှားမှုအချို့ ပြုလုပ်သွားမည်ဖြစ်ကြောင်း ၎င်းအသုံးပြုသည့် လူမှုကွန်ရက်စာမျက်နှာမှတစ်ဆင့် အသိပေးထားသည်။

ပရိသတ်များ၏ စိတ်ဝင်စားမှုရရှိခဲ့သည့် သရုပ်ဆောင်ရဲတိုက်၏ ထောင်မှအပြန်

၂၀၁၇ ခုနှစ်အတွင်းတွင် အနုပညာလောကအတွင်း ပရိသတ်စိတ်ဝင်စားမှု အများဆုံးဖြစ်ရပ်များအနက် သရုပ်ဆောင်ရဲတိုက်အကျဉ်းကျခံနေရမှုမှ ပြန်လည်လွတ်မြောက်လာခြင်းအား ထင်ရှားသည့် ဖြစ်ရပ်တစ်ခုအဖြစ်ရွေးချယ် ဖော်ပြအပ်ပါသည်။ မူးယစ်ဆေးဝါး လက်ဝယ်တွေ့ရှိမှု၊ သာသနာ ညှိုးနွမ်းစေမှု တို့ဖြင့် ဖမ်းဆီးအကျဉ်းကျခံနေရသည့် သရုပ်ဆောင်ရဲတိုက် ပြန်လည်လွတ်မြောက်လာတော့မည်ဟူသည့် သတင်းမှာ ၂၀၀၇ နှစ်စပိုင်းကတည်းကပင် မကြာခဏကြားခဲ့ရခြင်းဖြစ်ပြီး နိုဝင်ဘာ ၁၆ ရက်တွင် တောင်ငူအကျဉ်းထောင်မှ အမှန်တကယ် လွတ်မြောက်လာခဲ့ရာ မြန်မာနိုင်ငံတစ်ဝန်းမှ ပရိသတ်များက ၀မ်းမြောက်စွာ ကြိုဆိုခဲ့ကြခြင်းဖြစ်သည်။

ဆာတိုရီရုပ်ရှင်ထုတ်လုပ်ရေး၏ စင်တင်မင်းသားတစ်ဦးဖြစ်ပြီး ပီပြင်သည့်အမူအရာ၊ စွဲမက်ဖွယ်ဟန်ပန်၊ စူးရှသည့်အကြည့်တို့ဖြင့် ပရိသတ် အခိုင်အမာ ရယူထားနိုင်သည့် သရုပ်ဆောင်ရဲတိုက်သည် ပရိသတ်နှစ်သက်အားပေးသည့် ဇာတ်ကားအများအပြားတွင် ပါဝင်သရုပ်ဆောင်ခဲ့သူဖြစ်သည်။ ရဲတိုက် ဖောင်ဒေးရှင်းအဖြစ် တည်ထောင်ကာ ပရဟိတလုပ်ငန်းများ လုပ်ဆောင်ခဲ့သူ ဖြစ်ပြီး NLD ပါတီဝင်တစ်ဦးအနေဖြင့် ကျရာတာဝန်အချို့ကို အစောပိုင်းကာလများကတည်းက ဆောင်ရွက်ခဲ့သူလည်းဖြစ်သည်။ သရုပ်ဆောင်ရဲတိုက်သည် အနုပညာအင်အားကောင်းစွာဖြင့် ပရိသတ်အခိုင်အမာ ရရှိနေချိန်တွင်ပင် ဆေးခြောက်တစ်ကျပ်သား လက်ဝယ်တွေ့ရှိမှုဖြင့် ဖမ်းဆီးခံရပြီးနောက် မူးယစ်ဆေးဝါးလက်ဝယ်တွေ့ရှိမှု၊ သာသနာညှိုးနွမ်းစေမှုများဖြင့် ထောင်ဒဏ် ခြောက်နှစ် အပြစ်ပေးခံခဲ့ရခြင်းဖြစ်သည်။ သရုပ်ဆောင်ရဲတိုက် စတင်အပြစ်ပေး အကျဉ်းချခံရစဉ်ကတည်းကပင် ပြန်လည်လွတ်မြောက်လာစေရန်အတွက် အနုပညာရှင်များနှင့် ပရိသတ်များက ၀ိုင်းဝန်းဆန္ဒပြု ဆုတောင်းခဲ့ကြသော်လည်း အချိန်လေးနှစ်ကျော်ခန့် အကျဉ်းချခံခဲ့ရသည်။

သရုပ်ဆောင်ရဲတိုက် အကျဉ်းထောင်မှ ၂၀၁၇ ခုနှစ် နိုဝင်ဘာ ၁၆ ရက်ပြန် လည်လွတ်မြောက်လာချိန်တွင် ဆာတိုရီ ထုတ်လုပ်ရေးအဖွဲ့သားများ၊ ဒါရိုက်တာမင်းထင်ကိုကိုကြီး၊ ဓာတ်ပုံ ဥာဏနှင့် ရဲတိုက်၏ ဖခင်ဖြစ်သူတို့ကသွားရောက်ကြိုဆိုခဲ့သည့်အပြင် မီဒီယာအများအပြားကလည်း သွားရောက် စောင့်ဆိုင်း မေးမြန်းခဲ့ကြသည်။ ထို့အပြင် ရန်ကုန်မြို့သို့ ပြန်လည်ရောက်ရှိ လာချိန်တွင်လည်း မီဒီယာအများအပြားက စောင့်ကြိုမေးမြန်းခဲ့ကြပြီး အွန်လိုင်းမှတစ်ဆင့်၊ ရုပ်သံလိုင်းများမှတစ်ဆင့် တင်ဆက်ခဲ့ရာ  ပရိသတ်အများအပြား အားပေးကြည့်ရှုခဲ့ကြသည်။

သရုပ်ဆောင်ရဲတိုက်သည် အကျဉ်းထောင်မှ ပြန်လည်လွတ်မြောက်လာချိန်တွင် အနုပညာလုပ်ငန်းများ ပြန်လည်လုပ်ကိုင်ရန် ဆန္ဒပြင်းပြကာ ခေတ္တအနားယူမည်ဟု ပြောကြားခဲ့သော်လည်း လက်ရှိတွင်မူ ပရိသတ်များ၏ဆန္ဒအရ အနားမယူတော့ဘဲ အနုပညာလုပ်ငန်းများ ဆက်လက်လုပ်ကိုင်တော့မည်ဟု ပရိသတ်များထံ အသိပေးထားသည်။ ၎င်း၏ပထမဆုံး အနုပညာလှုပ်ရှားမှုအဖြစ် သရုပ်ဆောင်နေမင်း၊ ခင်ဝင့်ဝါတို့နှင့်အတူ မြိတ်ကျွန်းစုနှင့် ကော့သောင်းတို့တွင် ခရီးသွားအစီအစဉ် သွားရောက်ရိုက်ကူးခဲ့ပြီးဖြစ်သည်။ ဆာတိုရီ ရုပ်ရှင်နှင့်ဗီဒီယိုထုတ်လုပ်ရေး၊ 7 Sense ရုပ်ရှင်ထုတ်လုပ်ရေးတို့နှင့် ပူးပေါင်းကာ ဇာတ်ကားရိုက်ကူးမှုပြုလုပ်ရန် စီစဉ်ထားပြီး တစ်ချိန်က ထင်ရှားခဲ့သည့် ‘ရင်ခွင်နန်းတော်’ ရုပ်ရှင်ဇာတ်ကားကို ပြန်လည်ရိုက်ကူးရန် စီစဉ်ထားသည်ဟု သိရသည်။ သရုပ်ဆောင်ရဲတိုက်သည် အကျဉ်းထောင်မှ ပြန်လည်လွတ်မြောက်လာချိန်တွင် ကျန်းမာရေးစစ်ဆေးမှုများ ခံယူခဲ့ရသော်လည်း လက်ရှိအချိန်တွင်မူ ကျန်းမာနေပြီဖြစ်ကြောင်း ပရိသတ်များအား ပြောကြားခဲ့သည်။

ရဲတိုက်သည်လက်ရှိအချိန်အထိ ပရိသတ်အခိုင်အမာဖြင့် ရပ်တည်နိုင်ဆဲ အနုပညာရှင်တစ်ဦးဖြစ်သည်။

ဗိုလ်အောင်ဒင်နှင့် ပရိသတ်ကို ခပ်ကြမ်းကြမ်း သိမ်းပိုက်နိုင်ခဲ့သူ တေးသံရှင်မနော

(ဓာတ်ပုံ – မနော Facebook)

၂၀၁၇ ခုနှစ်အတွင်း မြန်မာနိုင်ငံတစ်ဝန်း နေရာအနှံ့အပြား၌ အကြားရဆုံးတေးသီချင်းမှာ ဗိုလ်အောင်ဒင်လို လူကြမ်း တေးသီချင်းပင် ဖြစ်သည်။ အလှူမင်္ဂလာပွဲများ၊ အလှူခံများအပါအ၀င် ကျေးလက် ဒေသများသာမက မြို့ကြီးများတွင်ပါ အကြားရဆုံး တေးသီချင်းတစ်ပုဒ်ဖြစ်သည့် ဗိုလ်အောင်ဒင်လို လူကြမ်း တေးသီချင်း၏ ပိုင်ရှင် တေးသံရှင်မနောအား ယခုနှစ်အတွင်း ထင်ရှားသည့် အနုပညာရှင် တစ်ဦးအဖြစ် ရွေးချယ်ဖော်ပြအပ်ပါသည်။ ဗိုလ်အောင်ဒင်လို လူကြမ်းတေးသီချင်းမှာ တေးသံရှင်မနော၏ ချမ်းမြေ့ပါစေအမေ တေးအယ်လ်ဘမ်တွင် ပါဝင်ထားသည့် တေးသီချင်းတစ်ပုဒ်ဖြစ်သည်။

တေးသံရှင်မနောသည် စတီရီယိုတေးသီချင်းများနှင့် ဂီတလောကအတွင်း စတင်ရောက်ရှိလာခဲ့ခြင်းဖြစ်ပြီး တေးရေး သဟာအောင် ရေးသားသည့် မြန်မာသံစဉ် တေးသီချင်းများအား သီဆိုခြင်းမှအစပြုကာ ပရိသတ်အခိုင်အမာရရှိခဲ့ခြင်းဖြစ်သည်။ တေးသံရှင်မနောသီဆိုသည့် ‘ဗိုလ်အောင်ဒင်’ တေးသီချင်းသည် မြန်မာနိုင်ငံတစ်ဝန်း နေရာအနှံ့အပြား၌ အကြားရဆုံးတေးသီ ချင်းတစ်ပုဒ်အဖြစ် ရပ်တည်ခဲ့ကာ ‘မိချော’၊ ‘ကျွန်တော်တို့ရွာ’ ၊ ‘ကြာဖြူ’၊ ‘သနပ်ခါးလေးနဲ့ မောင့်ချစ်သူ’ စသည့် အခြားသော တေး သီချင်းများစွာကိုလည်း ပရိသတ်လက်ခံအားပေးခဲ့ကြသည်။ တေးသံရှင်မနောသည် ဖျော်ဖြေပွဲပေါင်းများစွာကို လက်ခံဖျော်ဖြေခွင့်ရရှိသည်အထိ အောင်မြင်ခဲ့သည်။

‘‘ကျွန်တော်က ဂီတကိုဝါသနာပါလို့ ဒီလမ်းကြောင်းပေါ်ရောက်လာခဲ့တာပါ။ ပထမတော့ ကိုလှိုင်ဦးမော်တို့နဲ့တွဲပြီး အခွေအရင်လုပ်ဖြစ်တယ်။ စတီရီယိုသီချင်းတွေပေါ့။ အဲဒီမှာလည်း ကျွန်တော့်အသံနဲ့ လိုက်ဖက်တဲ့ သီချင်းလေးတွေဆိုဖြစ်တယ်။ တချို့သီချင်းတွေ ပရိသတ် အနည်းငယ်သိတယ်ပေါ့။ နောက်တော့ ကိုသဟာအောင်ရေးတဲ့ မြန်မာသံစဉ် သီချင်းတွေကိုတွေ့ တဲ့အခါလည်း ကျွန်တော်ခံစားပြီး သီဆိုဖြစ်တယ်။ ဒါက ပရိသတ်တွေကြားထဲ ရောက်သွားပြီး လက်ခံအားပေးတဲ့အခါ ၀မ်းသာရပါတယ်။ မြန်မာသံစဉ် သီချင်းကိုရော စတီရီယိုသီချင်းကိုပါ နှစ်မျိုးစလုံးကိုတော့ ဆက်ပြီးဆိုသွားမှာပါ။ ဗိုလ်အောင်ဒင်သီချင်းကလည်း အဲဒီ မြန်မာသံစဉ်အခွေလုပ်တုန်းက ပါဝင်ခဲ့တဲ့ သီချင်းပါပဲ။ ဒီသီချင်းက ဒီလောက်အထိပျံ့နှံ့သွားတဲ့အခါ ကျွန်တော်လည်း အံ့သြ၀မ်းသာဖြစ်ရပါတယ်။ နေရာတိုင်းမှာဖွင့်ကြလွန်းလို့ ကျွန်တော် ကိုယ်တိုင်တောင် နားညည်းမိတဲ့အထိပါပဲ။ ဘာပဲဖြစ်ဖြစ် ချစ်ခင်အားပေးကြတဲ့ ပရိသတ်တွေအားလုံးကို ကျေးဇူးတင်ပါတယ်။ ပရိသတ်အားပေးမှုကြောင့်လည်း ကျွန်တော်ရပ်တည်နိုင်တာပါ။ ဆက်လက်ပြီးတော့လည်း ကြိုးစားသွားပါမယ်’’ဟု တေးသံရှင်မနောက ဆိုသည်။

တေးသံရှင်မနောသည် လက်ရှိတွင် တေးသီချင်းအသစ်များ ဖန်တီးလျက်ရှိပြီး မြန်မာသံစဉ်သီချင်းအသစ်များသာမက စတီရီယိုတေးသီချင်းအသစ်များကိုပါ ဖန်တီးထွက်ရှိသွား မည်ဖြစ်ကြောင်း သိရသည်။ မနောသည် မြို့ကြီးအများအပြား၌ လှည့်လည်ဖျော်ဖြေခွင့်ရရှိကာ ၂၀၁၈ ခုနှစ် အတွင်းတွင် ဖျော်ဖြေပွဲများ လက်ခံထားကြောင်း သိရသည်။ တေးသံရှင်မနော၏ ‘ဗိုလ်အောင်ဒင်’ သီချင်းမှာမူ လက်ရှိအချိန်ထိ အလှူမင်္ဂလာပွဲများနှင့် အလှူခံမဏ္ဍပ်များတွင် မပါအဖြစ် သီချင်းတစ်ပုဒ်အဖြစ် ရပ်တည်နေဆဲပင်ဖြစ်သည်။ လတ်တလောတွင် တေးရေးသဟာအောင် ရေးသားသည့် တေးသီချင်း အသစ်တချို့အား တေးသံရှင်မနော သီဆိုထွက်ရှိရန်ပြင်ဆင်လျက်ရှိကြောင်း သိရသည်။

 

စာပေ ဆိုင်ရာ လှုပ်ရှားမှု များပြားခဲ့သည့် ၂၀၁၇ ခုနှစ်

ယခု ၂၀၁၇ ခုနှစ်အတွင်းတွင် စာပေလောကအတွင်းရှိ စာရေးသူ၊ ထုတ်ဝေသူ၊ စာအုပ်ဆိုင်များ အစရှိသည့် နယ်ပယ်စုံ အသီးသီးမှ စာပေဆိုင်ရာဖွံ့ဖြိုးတိုးတက်ရေးအတွက် စာပေလှုပ်ရှားမှု အများအပြားရှိခဲ့သည်။

၂၀၁၇ ခုနှစ် ဇန်န၀ါရီ ၇ ရက် တွင် ရန်ကုန်မြို့ရှိ ပြည်သူလူထုများအတွက် အပတ်စဉ် စာပေရပ်ဝန်းတစ်ခုဖြစ်စေရန်နှင့် လမ်းဘေးတွင် ရောင်းချနေရသည့် စာအုပ် အဟောင်းဆိုင်များအတွက် စာအုပ်ရောင်းချရန် နေရာတစ်နေရာ ဖြစ်ပေါ်လာစေရန် ရည်ရွယ်ကာ စတင်ဖွင့်လှစ်ခဲ့သည်။ ယင်းစာအုပ်တန်းတွင် စာအုပ်အဟောင်းဆိုင်များ၊ ထုတ်ဝေရေးတိုက်များမှ လာ ရောက် ဖွင့်လှစ်သည့် စာအုပ်အရောင်းဆိုင်များဖြင့် ဆိုင်ခန်းပေါင်း ၁၀၀ ကျော်ဖြင့် ဖွင့်လှစ်ခဲ့ခြင်းဖြစ် သည်။ အပတ်စဉ်အားလပ်ရက်တွင် ဖွင့်လှစ်ခြင်း၊ ထုတ်ဝေရေးတိုက်များကိုယ်တိုင် လာရောက်ဖွင့်လှစ်ခြင်းများနှင့် အထူးလျှော့ဈေးနှုန်းများဖြင့် ရောင်းချခြင်းကြောင့် စာဖတ်သူ ပရိသတ်များကြား စနေ၊ တနင်္ဂနွေ သိမ်ဖြူစာအုပ်တန်းမှာ စိတ်ဝင်စားမှုများပြားခဲ့သည်။

ထို့ပြင် ထုတ်ဝေရေးတိုက်များမှ ဖွင့်လှစ်သည့် စာအုပ်ဆိုင်များ၊ စာအုပ်ဖတ်ရှုရန် နေရာများ၊ စာပေဆိုင်ရာပြခန်းများ၊ စာအုပ်မိတ်ဆက်ပွဲများ ပြုလုပ်ရန်နေရာ၊ ကော်ဖီဆိုင်များအစရှိသည့် ၀န်ဆောင်မှုများဖြင့် ရန်ကုန်စာအုပ်ပလာဇာကို ရန်ကုန်မြို့ လမ်းမတော် (သံဈေး)တွင် ဖွင့်လှစ်ခဲ့သည်။ ရန်ကုန် စာအုပ်ပလာဇာတွင်၂၀၁၇ ခုနှစ် တစ်နှစ်တာအတွင်း စာအုပ်မိတ်ဆက်ပွဲ၊ ကဗျာရွတ်ပွဲ၊ စာရေးဆရာ၊ဆရာမကြီးများ၏ အမှတ်တရဂုဏ်ပြုပွဲ အများအပြား ပြုလုပ်ခဲ့သည်။ ယင်းစာအုပ်ပလာဇာတွင် လူထုဒေါ်အမာ၊ ဂျာနယ်ကျော်မမလေး၊ ဇော်ဂျီ၊ မင်းသုဝဏ်၊ တင်မိုး၊ မောင်ချောနွယ်၊ တက္ကသိုလ်ဘုန်းနိုင်၊ ဟံသာဝတီဦးဝင်းတင်၊ ခင်နှင်းယု၊ မောင်သော်က၊ ဇော်ဇော်အောင်နှင့် မင်းလူတို့၏ အမှတ်တရ အထိမ်းအမှတ်ပြခန်းများဖြင့် သက်ဆိုင်ရာ စာရေးဆရာအလိုက် ကိုယ်ရေးအကျဉ်း၊ လက်ရေးစာမူနှင့် ပုံတူကားချပ်တို့ကိုထားရှိပြီး စာအုပ်အဟောင်းတန်း၏ ရသအတိုင်းခံစားနိုင်စေရန်လည်း စာအုပ်အဟောင်းတန်းများကို ထည့်သွင်း ဖွင့်လှစ်ခဲ့သည်။

၂၀၁၇ခုနှစ်သည် မြန်မာဝတ္ထုတိုပေါ်ပေါက်ခဲ့သည့် နှစ် ၁၀၀ ပြည့်မြောက်သည့် နှစ်တစ်နှစ်လည်းဖြစ်သည်။ ၁၉၁၇ ခုနှစ် တွင်ထွက်ရှိခဲ့ပြီး သူရိယမဂ္ဂဇင်းတွင် ဖော်ပြပါရှိခဲ့သည့် ဆရာကြီးရွှေဥဒေါင်း ရေးသားသော ‘မောင်သိန်းတင် မသိန်းရှင်’၀တ္ထုတိုကို ပထမဆုံးမြန်မာဝတ္ထုတိုအဖြစ် သတ်မှတ်ထားပြီး ယင်းဝတ္ထုထွက်ရှိခဲ့သည့် မတ်လကို မြန်မာဝတ္ထုတိုနှစ် ၁၀၀ ပြည့်အဖြစ် သတ်မှတ်ထားခြင်းဖြစ်သည်။ ထို့ကြောင့် ယခုတစ်နှစ်တာအတွင်း မြန်မာဝတ္ထုတိုနှစ်ရာပြည့် အထိမ်းအမှတ်ပွဲတော်များလည်း အများအပြား ပြုလုပ်ခဲ့သည်။ ထို့ပြင်၂၀၁၇ ခုနှစ်အတွင်း စာပေဆိုင်ရာ အဖွဲ့အစည်းအသင်းအဖွဲ့များအဖြစ် မြန်မာစာရေးဆရာကလပ်နှင့် မြန်မာနိုင်ငံ ဘာသာပြန်စာပေကွန်ရက်တို့ စတင်ဖွဲ့စည်းခဲ့ကာ စာပေဆိုင်ရာပွဲတော်များတွင် ပါဝင်ခြင်း၊ အလုပ်ရုံဆွေးနွေးပွဲများ၊ ဘာသာပြန် သင်တန်းများ စသည်တို့ကို ပြုလုပ်ခဲ့သည်။

၂၀၁၇ ခုနှစ်အတွင်း စာရေးဆရာ၊ ဆရာမကြီးတို့၏ အမှတ်တရပွဲများစွာကိုလည်း ပြုလုပ်ခဲ့သည်။ ဟံသာဝတီဦးဝင်းတင်၊ ဂျာနယ်ကျော်မမလေး၊ ဆရာဇော်ဂျီ၊ လင်းယုန်မောင်မောင်၊ ဗန်းမော်တင်အောင်၊  မင်းလူ၊ မောင်ချောနွယ်၊ မောင်သော်က၊ လူထုစိန်ဝင်း၊ ဦးနု စသည့် စာရေးဆရာကြီးများ၏ အထိမ်းအမှတ်ပွဲများ ၂၀၁၇ ခုနှစ်အတွင်း ပြုလုပ်ခဲ့ကာ စာပေလက်ရာများကိုလည်း အမှတ်ရဖွယ် ပြန်လည်ဖော်ထုတ်ခဲ့သည်။

ထို့ကြောင့် ၂၀၁၇ခုနှစ်သည် စာပေဆိုင်ရာ နယ်ပယ်အသီးသီးမှ ပူးပေါင်းလုပ်ဆောင်မှုများဖြင့် စာပေဆိုင်ရာ လှုပ်ရှားမှု  များပြားခဲ့သည်။

 

 

ရုပ်ရှင်ချစ်ပရိသတ်များ၏ရင်ကို စူးနစ်စေခဲ့သည့် ရင်ဘတ်ထဲကဓား

မြန်မာရုပ်ရှင်ဇာတ်ကားများအား ပရိသတ်စိတ်ဝင်စား အားပေးမှုများပြားလာသည့်အနက် ယခုနှစ်အတွင်းတွင် ရုပ်ရှင်ချစ်ပရိသတ်များ စံချိန်တင်အားပေးမှုကိုရရှိခဲ့သည့် ‘ရင်ဘတ်ထဲကဓား’ ရုပ်ရှင်ဇာတ်ကားကို ထင်ရှားသည့် အနုပညာဖန်တီးမှုတစ်ခုအဖြစ် ရွေးချယ်ဖော်ပြအပ်ပါသည်။ စာရေးဆရာမ လမင်းမိုမို၏ ‘အမှောင်ထဲမှာ’ လုံးချင်းဝတ္ထုအား အကယ်ဒမီဒါရိုက်တာဝိုင်းက ပုံဖော်ထားခြင်းဖြစ်ပြီး သရုပ်ဆောင် အကယ်ဒမီ ပြေတီဦး၊ အကယ်ဒမီအိန္ဒြာကျော်ဇင်၊ အကယ်ဒမီထွန်းအိန္ဒြာဗို၊ မြတ်ကေသီအောင်၊ အကယ်ဒမီခင်မို့မိုအေး၊ မေကဗျာနှင့် အနုပညာရှင်များစွာတို့ ပါဝင်ထားခြင်းဖြစ်သည်။

‘ရင်ဘတ်ထဲကဓား’ ရုပ်ရှင်ဇာတ်ကားတွင် ဖခင်ဖြစ်သူအား သတ်လိုက်သည်ကို မြင်တွေ့ခဲ့ရသည့် မိခင်ဖြစ်သူကို ကလေးဘ၀တည်းကပင်စိတ်နာကာ မိမိကိုယ်ကိုယ် ရပ်တည်နိုင်ရန်ကြိုးစားလာခဲ့သူ လရိပ်ဝေးမှာ မိမိကိုယ်ကိုယ် ရပ်တည်နိုင်လာချိန်တွင် ချစ်သူ ဆေးကျောင်းသား သီဟနိုင်နှင့် လက်ထပ်ရန်ပြင်ဆင်ပုံ၊ ယင်းအချိန်တွင် ထောင်မှ လွတ်လာသည့် မိခင်ဖြစ်သူအား စိမ်းကားစွာပင် ကြိုဆိုခဲ့ပြီးနောက် အိမ်ထောင်ပြုပြီးချိန်တွင်လည်း တစ်အိမ်စီသာ နေခဲ့ပုံ၊  အိမ်ထောင်တစ်ခုကို ပြီးပြည့်စုံအောင် တည်ဆောက်ချင်သည့် လရိပ်ဝေး၏အိမ်ထောင်ဖက်မှာ ကလေးဆန်ကာ တစ်ကိုယ်ကောင်းဆန်သူဖြစ်ပြီး ပျော့ညံ့တွေဝေသူတစ်ဦး ဖြစ်နေသည့်အပြင် ယောင်းမနှင့် ယောက္ခမတို့၏ သွေးထိုးမှုများကြောင့် တစ်ဦးနှင့်တစ်ဦး ဝေးကွာလာခဲ့ပုံ၊ အိမ်ထောင်ဖက် သီဟနိုင်၏ ဖောက်ပြန်မှုကို သိရှိလာပြီးနောက် ရွံရှာမုန်းတီးသော်လည်း မိမိရင်သွေးလေး၏မျက်နှာဖြင့် ခွင့်လွှတ်နိုင်ရန် ကြိုးပမ်းရပုံတို့ကို ပုံဖော်ထားကာ အိမ်ထောင်တစ်ခု တည်ထောင်ပြီးချိန်တွင် သာယာလှပစေလိုသော်လည်း မျှော်လင့်သည်နှင့် လွဲချော်သည့်အခါ အမျိုးသမီးတစ်ဦး၏ ခံစားချက်၊ မိမိအိမ်ထောင်ဖက်ထံမှ အထင်ကြီးလေးစားမှုကိုမရဘဲ အတွင်းစိတ် သိမ်ငယ်မှုဖြင့် အမှားများစွာ ကျူးလွန်သူ အမျိုးသား၏ခံစားချက်၊ မိမိဒေါသကြောင့် ခင်ပွန်းဖြစ်သူကို သတ်မိသည့် အပြစ်အတွက် သမီးဖြစ်သူ၏ အမုန်းကိုရခဲ့သည့် မိခင်တစ်ဦး၏ကြေကွဲမှုများအား သရုပ်ဆောင်တစ်ဦးချင်းက ပီပြင်စွာပုံဖော်ထားခြင်းဖြစ်သည်။ ‘ရင်ဘတ်ထဲကဓား’ ရုပ်ရှင်ဇာတ်ကားမှာ အမျိုးသမီးပရိသတ်အများစု နှစ်သက်အားပေးခဲ့ကြသည့် ဇာတ်ကားဖြစ်ပြီး အဓိက ဇာတ်ဆောင်နှစ်ဦးဖြစ်သည့် အကယ်ဒမီ ပြေတီဦးနှင့် အကယ်ဒမီအိန္ဒြာကျော်ဇင်တို့အတွက် အကယ်ဒမီ ရေပန်းစားနေသည့် ဇာတ်ကားတစ်ကားလည်းဖြစ်သည်။

အကယ်ဒမီအိန္ဒြာကျော်ဇင်က “ဒီဇာတ်ကားက လုပ်ကွက်လည်း တော်တော်လေးရသလို ကိုယ်တိုင်လည်း အားရတဲ့ဇာတ်ကားတစ်ကားပေါ့။ သူ့ဇာတ်ရုပ်က လုပ်ရတာလည်း တော်တော်ခက်တယ်။ စိတ်ထဲက ခံစားမှုတွေအားလုံးကို ပေါ်လွင်အောင်ကြိုးစားရတာပေါ့။ တော်တော်ကြီးကိုကျေနပ်တဲ့ ဇာတ်ကားပါ။ ပရိသတ်တွေက အကယ်ဒမီရစေချင်တယ်လို့ ပြောကြတဲ့အတွက်လည်း ပျော်ပါတယ်။ ကိုယ်တိုင်ကတော့ တကယ်ရပြီဆိုမှပဲ ပျော်နိုင်မှာပါ”ဟု ဆိုသည်။

‘ရင်ဘတ်ထဲကဓား’ ရုပ်ရှင်ဇာတ်ကားသည် စတင်ရုံတင်ပြသစဉ်ကတည်းကပင် ပွဲစဉ်တိုင်း ရုံပြည့်ရုံလျှံ အားပေးခြင်းခံခဲ့ရပြီး ရုပ်ရှင်ရုံအချို့တွင် ပွဲစဉ်များ ထပ်တိုးပြသရသည်အထိ ပရိသတ်အားပေးမှု များပြားခဲ့သည်။ ‘ရင်ဘတ်ထဲက ဓား’ ရုပ်ရှင်ဇာတ်ကားကို နှစ်သက်အားပေးခဲ့သည့် ပရိသတ်များအနေဖြင့် ၂၀၁၈ မတ်လတွင်ပြုလုပ်မည့် အကယ်ဒမီထူးချွန်ဆုပေးပွဲတွင် ဆုဘယ်နှဆု အရယူနိုင်မည်ကိုလည်း ကြိုတင်ခန့်မှန်း ရင်ခုန်လျက်ရှိသည်။

၂၀၁၇ ခုနှစ်အတွင်း ကြွေလွင့်သွားခဲ့သည့် စာအုပ်ပေါင်း ၅၀၀ ကျော်ရေးသားခဲ့သော စာရေးဆရာ မောင်စူးစမ်း

၂၀၁၇ ခုနှစ်အတွင်းတွင်  ‘မြန်မာ့စီးပွားရေးစစ်တမ်း၊ လက်နက်နှင့် ဒီမိုကရေစီလဲလှယ်ရေး အယူအဆ (ချမ်းအေး စစ်တမ်း)’ အစရှိသည့် စာအုပ်များအပါအ၀င် စာအုပ်ပေါင်း  ၅၀၀ ကျော် ရေးသားခဲ့သည့် စာရေးဆရာ မောင်စူးစမ်း ကြွေလွင့်ခဲ့သည်။ စာရေးဆရာ မောင်စူးစမ်းသည်  (၂၄-၉-၁၉၇၂) ခုနှစ်တွင် ပျဉ်းမနားမြို့၌ မွေးဖွားခဲ့ခြင်းဖြစ်ပြီး မွေးချင်းခုနစ်ယောက်အနက် အကြီးဆုံးသားဖြစ်ကာ အမည်အရင်းမှာ ဦးချမ်းအေးဖြစ်ကြောင်း သိရသည်။ ၎င်းကွယ်လွန်ချိန်တွင် ဇနီးဖြစ်သူ ဒေါ်ခင်ချစ် (၈၃)နှစ်နှင့် သမီးတစ်ဦး၊ မြေးတစ်ဦးရှိကြောင်း သိရသည်။ စာရေးဆရာ မောင်စူးစမ်းသည် တက္ကသိုလ်ကျောင်းသားဘ၀ (အိုင်အေ ဂုဏ်ထူးတန်း) တက်ရောက်နေသည့်အချိန်တွင် သက်ဆိုင်ရာ ဆရာများက Ph.D အတွက် (London School of Economic) သို့ ပို့ဆောင်ရန်စီစဉ်ထားခဲ့သော်လည်း ၎င်းမှာ ဗကသကိုဦးဆောင်ကာ ဗမာကွန်မြူနစ်ပါတီနှင့်အတူ တောခိုသွားခဲ့သူဖြစ်ကြောင်း သိရသည်။

၁၉၄၇ ခုနှစ်မှစတင်ပြီး စာပေနယ်ပယ်ထဲသို့ ၀င်ရောက်လာကာ ‘မြန်မာ့ စီးပွားရေးစစ်တမ်း’၊ ‘လက်နက်နှင့် ဒီမိုကရေစီလဲလှယ်ရေး အယူအဆ (ချမ်းအေးစစ်တမ်း)’ တို့အပြင် ၁၉၅၅ ခုနှစ်မှစ၍ ရန်ကုန်တက္ကသိုလ် စီးပွားရေးပညာဌာနတွင် လက်ထောက်ကထိက တာဝန်ထမ်းဆောင်ရင်း ‘ဘောဂဗေဒအခြေပြ’ နှစ်တွဲ၊ ‘National Income’ စသည့် ကျောင်းစာအုပ်များကိုလည်း ရေးသားခဲ့သည်။ ၎င်းနောက်ဆုံး ထုတ်ဝေခဲ့သည့် စာအုပ်မှာ ၂၀၁၄ ခုနှစ်တွင် Thomas Friedman ရဲ့ The Lexus and The Olive Tree စာအုပ်အား ‘လက်ဇပ်ကားနှင့် သံလွင်ပင်’ အမည်ဖြင့် အမေရိကန် ပြန်ကြားရေးဌာနမှတစ်ဆင့် ထုတ်ဝေခဲ့သည်။ စာရေးဆရာမောင်စူးစမ်းသည် စီးပွားရေးတက္ကသိုလ်၏ ပညာရေးဆီးနိတ်အဖွဲ့ဝင်၊ အမျိုးသားစီမံကိန်းဝန်ကြီးဌာန အထူးအရာရှိ၊ နိုင်ငံတော်ကူးသန်းရောင်းဝယ်ရေးဘဏ် ဒါရိုက်တာ၊ အမျိုးသားဒီမိုကရေစီအဖွဲ့ချုပ်၏ ပထမဆုံး ဗဟိုကော်မတီဝင် အဖွဲ့ဝင်အဖြစ် ထမ်းဆောင်ခဲ့သည်။

သဘင်ပညာရပ်ပိုင်းဆိုင်ရာ ထိန်းသိမ်းစောင့်ရှောက်မြှင့်တင်ရေးအဖွဲ့များ ကဏ္ဍခြောက်ခုအတွက် ဖွဲ့စည်းလိုက်ခြင်း

မြန်မာနိုင်ငံ သဘင်ပညာရှင်များအစည်းအရုံး (ဗဟို) မှ ဦးဆောင်ကာ သဘင်ပညာရပ်များနှင့်ပတ်သက်သည့် ထိန်းသိမ်းစောင့်ရှောက်မှု မြှင့်တင်ရေးအဖွဲ့များကို သဘင်ကဏ္ဍခြောက်ခုအတွက် ဖွဲ့စည်းထားပြီးဖြစ်ကြောင်း သိရသည်။ ယင်းကော်မတီများအနေဖြင့် သက်ဆိုင်ရာကဏ္ဍအလိုက် ရိုးရာထိန်းသိမ်းမှုဆိုင်ရာ ဖျော်ဖြေရေးနှင့် ပတ်သက်သည့် လိုက်နာရမည့်စည်းကမ်းချက်များကို ထုတ်ပြန်သွားမည်ဖြစ်ပြီး ထိန်းသိမ်းမြှင့်တင်ရေးဆိုင်ရာ လုပ်ငန်းစဉ်များ ကိုဆက်လက်လုပ်ကိုင်သွားမည်ဟု သိရသည်။

“အစ်မတို့ မြန်မာနိုင်ငံသဘင်အစည်းအရုံး (ဗဟို) အနေနဲ့ မြန်မာ့သဘင်ရဲ့ ကဏ္ဍအလိုက်၊ ပညာရပ်အလိုက် ဖျော်ဖြေမှုတွေနဲ့ ပတ်သက်တာတွေ၊ သဘင်ပညာရပ်အလိုက် ထိန်းသိမ်းစောင့်ရှောက်ရမယ့် အကြောင်းအရာတွေအတွက် သဘင်ပညာရပ်အလိုက် ထိန်းသိမ်းမြှင့်တင် စောင့်ရှောက်ရေးကော်မတီတွေကို ဖွဲ့စည်းခဲ့တာပါ။ နောက်ပိုင်းမှာတော့ ဒီကော်မတီအဖွဲ့တွေကနေပြီး ဆိုင်းဆိုရင်လည်း ဆိုင်းအတွက် သက်ဆိုင်ရာပညာရှင်တွေကနေပြီး ရိုးရာထိန်းသိမ်းမှုနဲ့ သက်ဆိုင်တာတွေ ဆန်းသစ်တီထွင်မှုနဲ့ ပတ်သက်တာတွေ သတိထားလိုက်နာရမယ့်အချက်တွေကို ဆက်လက်လုပ်ဆောင်သွားကြမှာပါ” ဟု မြန်မာနိုင်ငံသဘင်ပညာရှင်များအစည်းအရုံး (ဗဟို)၏ ပြန်ကြားရေးမှူး မပတ္တမြားကေခိုင်က ဆိုသည်။

မြန်မာနိုင်ငံ သဘင်ပညာရှင်များအစည်းအရုံး (ဗဟို) အနေဖြင့် ဆိုင်းပညာရပ်ဆိုင်ရာ ထိန်းသိမ်းမြှင့်တင်ပြန့်ပွားရေးကော်မတီ၊ ရာမယဏ ပညာရပ်ဆိုင်ရာ ထိန်းသိမ်းမြှင့်တင်ပြန့်ပွားရေးကော်မတီ၊ ဆပ်ကပ်မျက်လှည့်ပညာရပ်ဆိုင်ရာ ထိန်းသိမ်းမြှင့်တင်ပြန့်ပွားရေး ကော်မတီ၊ နတ်ဒေ၀ါပညာရပ်ဆိုင်ရာ ထိန်းသိမ်းမြှင့်တင်ပြန့်ပွားရေး ကော်မတီ၊ ဇာတ်သဘင်ပညာရပ်ဆိုင်ရာ ထိန်းသိမ်းမြှင့်တင်ပြန့်ပွားရေးကော်မတီနှင့် မြန်မာ့ရုပ်သေးပညာရပ်ဆိုင်ရာ ထိန်းသိမ်းမြှင့် တင်ပြန့်ပွားရေးကော်မတီတို့ကို ဖွဲ့စည်းလိုက်ခြင်းဖြစ်သည်။

 

 

ဂျင်းကောင်စကားလုံးကို လူအများကြား တွင်ကျယ်စေခဲ့သူ သရုပ်ဆောင် မြင့်မြတ်

ယခုနှစ်အတွင်း လူကြီးလူငယ်များကြားတွင် ရေပန်းအစားဆုံး စကားလုံးတစ်ခုဖြစ်သော ဂျင်းကောင်ဟူသည့် စကားလုံးနှင့်တွဲဖက်ကာ ပရိသတ်နှစ်သက် အားပေးမှုအများအပြားရရှိခဲ့သူ သရုပ်ဆောင်မြင့်မြတ်အား ၂၀၁၇ ခုနှစ်အတွင်း ထင်ရှားသည့် အမျိုးသားသရုပ်ဆောင်တစ်ဦးအဖြစ် ရွေးချယ် ဖော်ပြအပ်ပါသည်။

ဒါရိုက်တာကိုပေါက်ရိုက်ကူးသည့် ‘ဗိုလ်အောင်ဒင်ချစ်သော မိန်းမများ’ ဗီဒီယိုဇာတ်ကားတွင် ထူးခြားသည့် ကိုယ်ပိုင်ဟန်တစ်မျိုးဖြင့်ပါဝင်ခဲ့ကာ ဂျင်းကောင်ဆိုသည့် စကားလုံးအား ပရိသတ်များကို ရင်းနှီးသဘောကျစေခဲ့သူမှာ သရုပ်ဆောင် မြင့်မြတ်ဖြစ်သည်။ ယင်းဇာတ်ကားတွင် သရုပ်ဆောင် ပိုင်ဖြိုးသုနှင့်အတူ တွဲဖက်သရုပ်ဆောင်ခဲ့ခြင်းဖြစ်ပြီး စကားပြောသည့်ဟန်ပန်၊ အသံတို့မှအစ ပြောင်းလဲကာ ဇာတ်ရုပ်အောင်ဒင်အဖြစ် ပီပြင်စွာပြောင်းလဲပုံဖော်ခဲ့ပြီး ဂျင်းကောင်ဟူသည့် စကားလုံးအား ပရိသတ်များအားလုံး သဘောကျနှစ်သက်စေသည်အထိ အမူအရာပီပြင်ခဲ့သူလည်းဖြစ်သည်။ ယင်းဇာတ်ကားမှာ ပရိသတ်အားပေးကြည့်ရှုမှုနှုန်း များပြားခဲ့သည့်အပြင် အွန်လိုင်းအသုံးပြုသူများကြားတွင်လည်း ဂျင်းကောင်စကားလုံးမှာ အသုံးပြုမှု တွင်ကျယ်ပျံ့နှံ့ခဲ့သည်။ ထို့ပြင် ဂျင်းကောင်ဟူသည့် စကားလုံးအား ရိုက်နှိပ်ထားသည့် တီရှပ်များ၊ အသုံးအဆောင်ပစ္စည်းများ ရောင်းချသည်အထိ လူထုကြားတွင် ပျံ့နှံ့စေခဲ့သည်။

“ဂျင်းကောင်ဆိုတဲ့ စကားလုံးက အရမ်းပျံ့နှံ့သွားသလို ဗိုလ်အောင်ဒင်ချစ်သော မိန်းမများဇာတ်ကားကလည်း ပရိသတ်တွေ ကြိုက်ကြတယ်ဆိုတော့ ၀မ်းသာပါတယ်။ ကျွန်တော်တို့အားလုံး ကြိုးစားရကျိုးနပ်တာပေါ့။ အဓိကတော့ ဇာတ်ကောင်စရိုက်တစ်ခုအနေနဲ့ ကြိုးစားပြီးဖန်တီးခဲ့တာပါ။ ဒီလောက်အထိ ပရိသတ်တွေ ကျေနပ်အားပေးကြမယ်လို့ မမျှော်လင့်ထားဘူး။ အခုတော့ ၀မ်းသာရပါတယ်။ နောက်ထပ် အနုပညာဖန်တီးမှုတွေအတွက် ခွန်အားတွေလည်း ရစေပါတယ်။ ဂျင်းကောင်ဆိုတဲ့နာမည်နဲ့ ရုပ်ရှင်ကားကြီးတစ်ကား ရိုက်ဖို့တော့ စီစဉ်ထားတယ်။ ဇန်န၀ါရီလထဲမှာ ရိုက်မှာပါ။ လောလောဆယ်တော့ ဇာတ်အတွက် အားလုံးပေါင်းပြီး စဉ်းစားနေကြတယ်။ ပရိသတ်တွေအတွက် အကောင်းဆုံး ဖန်တီးတင်ဆက်နိုင်ဖို့လည်း ကြိုးစားသွားမှာပါ”ဟု သရုပ်ဆောင် မြင့်မြတ်က ဆိုသည်။

သရုပ်ဆောင်မြင့်မြတ်သည် ‘ဗိုလ်အောင်ဒင်ချစ်သော မိန်းမများ’ ဇာတ်ကားတွင် မြင်တွေ့နေကျဟန်ပန်နှင့် ကွဲပြားသည့် သရုပ်ဆောင်မှုများဖြင့် ပရိသတ်လက်ခံအားပေးမှုကို ရရှိစေခဲ့ခြင်းဖြစ်သည်။

နှုတ်ခမ်းနီမလေးများ၏ရင်ကို စွဲကိုင်လှုပ်ခဲ့သော မိုရီဆာကီဝင်း

၂၀၁၇ ခုနှစ်ထဲမှာ မြန်မာပရိသတ်တွေကြားမှာ ရေပန်းစားခဲ့သူတစ်ဦးကတော့ မိုရီဆာကီဝင်းပါ။ မိုရီဆာကီဝင်းက ဂျပန်နိုင်ငံက အမျိုးသားပေါ့ပ်ဂီတအဖွဲ့တစ်ဖွဲ့ဖြစ်တဲ့ Prizma X အဖွဲ့ရဲ့ အဖွဲ့ဝင်တစ်ဦးအဖြစ် ဂျပန်နိုင်ငံအနုပညာလောကမှာ အောင်မြင်မှုတစ်ခုကိုရယူထားနိုင်သူ တစ်ဦးဖြစ်ပါတယ်။ မိုရီဆာကီဝင်းကို မြန်မာပရိသတ်တွေကြားမှာ သိလာစေခဲ့တာကတော့ My Country My Home (ဇာတိမြေ) လို့ အမည်ပေးထားတဲ့ ဂျပန်နိုင်ငံနဲ့ မြန်မာနိုင်ငံက အနုပညာရှင်၊ အတတ်ပညာရှင်တွေ ပူးပေါင်းရိုက်ကူးမယ့် ဇာတ်ကားမှာ အဓိကဇာတ်ဆောင်တစ်ဦးအဖြစ် ပါဝင်မယ်ဆိုတဲ့ စာနယ်ဇင်း မိတ်ဆက်ပွဲကနေတစ်ဆင့် သိလာစေခဲ့တာဖြစ်ပါတယ်။ အဲဒီ ဇာတ်ကား မိတ်ဆက်ပွဲမတိုင်ခင်မှာ ဂျပန်-မြန်မာ ချစ်ကြည်ရေးဖျော်ဖြေပွဲမှာလည်း Prizma X အဖွဲ့နဲ့အတူ မိုရီဆာကီဝင်းက မြန်မာနိုင်ငံမှာ ပထမဆုံးဖျော်ဖြေမှုတွေ လုပ်ခဲ့တယ်လို့ သိရပါတယ်။

My Country My Home (ဇာတိမြေ) ဇာတ်ကားက ဂျပန် နိုင်ငံရောက် မြန်မာနိုင်ငံသားတစ်ဦးရဲ့ မိသားစုဘ၀နဲ့ ဖြတ်သန်းမှုတွေကို သူ့ရဲ့မျိုးဆက်အထိ ရိုက်ကူးထားတာဖြစ်ပြီး အဲဒီဇာတ်ကားမှာ မိုရီဆာကီဝင်းကလည်း ဂျပန်နိုင်ငံရောက် မြန်မာနိုင်ငံသား လူငယ်တစ်ဦးအဖြစ် ပါဝင်သရုပ်ဆောင်ထားတယ်လို့ သိရပါတယ်။

မြန်မာပရိသတ်တွေက အ၀င်းလို့ ချစ်စနိုးခေါ်ကြတဲ့ မိုရီဆာကီဝင်း ၁၀ နှစ်သားလောက်မှာ မိဘတွေရှိတဲ့ ဂျပန်ကိုထွက်ခွာသွားခဲ့ပါ။  ဂျပန်နိုင်ငံမှာ ပညာသင်ကြားနေရင်း ၁၄ နှစ်သားလောက်မှာ အနုပညာအလုပ်တွေ စပြီးလုပ်ဖြစ်ခဲ့တယ်လို့ သိရပါတယ်။ Stardust Promotion မှာအရွေးခံရပြီး Prizma X အဖွဲ့မှာ ပါဝင်ခွင့်ရခဲ့တယ်လို့ သိရပါတယ်။ J Pop လို့ခေါ်တဲ့ Prizma X အဖွဲ့မှာ မိုရီဆာကီဝင်းက သူကိုယ်တိုင်ရေးထားတဲ့ သီချင်းလေးတွေလည်း ဆိုဖြစ်ပြီး Prizma X အဖွဲ့ထဲကိုရောက်တာ ခြောက်နှစ်ကျော် အနုပညာသက်တမ်းအတွင်း ၂၀၁၇ ခုနှစ် သြဂုတ် ၃၁ ရက်မှာ တော့ Prizma X အဖွဲ့ရဲ့ ရှစ်ချပ်မြောက်အယ်လ်ဘမ်ကို ဖြန့်ချိခဲ့ပါတယ်။

မိုရီဆာကီဝင်းအနေနဲ့ ဂျပန်နိုင်ငံမှာ ဂီတအနုပညာအပြင် သရုပ်ဆောင် တစ်ဦးအနေနဲ့လည်း ဇာတ်ကားသုံးကားလောက် ရိုက်ကူးဖြစ်ခဲ့ပြီး ဇာတ်ကား အများစုက ကျောင်းသားဇာတ်လမ်းတွေဖြစ်ပြီး ဇာတ်ကားတစ်ကားမှာသာ ခေါင်းဆောင်မင်းသားအဖြစ် ပါဝင်ထားတယ်လို့ သိရပါတယ်။

My Country My Home (ဇာတိမြေ) ဇာတ်ကားကစတင်ပြီး မြန်မာအနုပညာရှင်တွေနဲ့ ဇာတ်ကားတွေ တွဲဖက်ရိုက်ကူးခဲ့သလို ဘ၀တစ်စိတ်တစ်ပိုင်းကို ပုံဖော်ထားတဲ့ My Dream My Life ရုပ်သံဇာတ်လမ်းတွဲကိုလည်း MNTV ရုပ်သံလိုင်း၌ ထုတ်လွှင့်ပြသဖို့ စီစဉ်ထားပါတယ်။ မိုရီဆာကီဝင်းအနေနဲ့  နီနီခင်ဇော်၏ Good Kisser Music Video မှာလည်း ပါဝင်ထားပြီး အဲဒီ Music Video ကလည်း ပရိသတ်တွေကြားမှာ ရေပန်းစားလျက်ရှိပါတယ်။