ကမ္ဘာ့ရွှေဈေး အကျပိုင်းတွင် ဆက်ရှိနေပြီး ပြည်တွင်းရွှေဈေးနှုန်း ကျပ် ၈၉၁၀၀၀ ၀န်းကျင်သို့ ပြန်ရောက်လာ

ဇူလိုင် ၁၄ ရက်တွင် ကမ္ဘာ့ရွှေဈေး ကျဈေးဖြင့် ငြိမ်နေပြီး ပြည်တွင်းရွှေဈေးနှုန်းသည် ယခင်ရက်နှင့် နှိုင်းယှဉ်ပါက အနည်းငယ် ကျဆင်းခဲ့ပြီး ကျပ် ၈၉၁၀၀၀ ၀န်းကျင် ဖြစ်ပေါ်ခဲ့ကြောင်း သိရသည်။

ထို့နောက် ဇူလိုင်လအတွင်း ဆက်တိုက်အားပျော့ခဲ့ပြီး ဇူလိုင် ၃ ရက်တွင် ၁၂၃၅ ဒေါ်လာ၊ ဇူလိုင် ၄ ရက်တွင် ၁၂၁၇ ဒေါ်လာ၊ ဇူလိုင် ၅ ရက်တွင် ၁၂၂၀ ဒေါ်လာ၊ ဇူလိုင် ၆ ရက်တွင် ၁၂၂၂ ဒေါ်လာ၊ ဇူလိုင် ၇ ရက်တွင် ၁၂၀၈ ဒေါ်လာအထိ ကျဆင်းခဲ့ကာ ဇူလိုင် ၁၀ ရက်တွင် ၁၂၁၂ ဒေါ်လာ၊ ဇူလိုင် ၁၁ ရက်တွင် ၁၂၁၀ ဒေါ်လာအထိ ရောက်ခဲ့သည်။ ထို့နောက် ဇူလိုင် ၁၂ ရက်တွင် ၁၂၂၀ ဒေါ်လာအထိ ပြန်တက်ခဲ့ပြီး ဇူလိုင် ၁၄ ရက်တွင် ၁၂၁၇ ဒေါ်လာဝန်းကျင် ဖြစ်ပေါ်ခဲ့သည်။

ကမ္ဘာ့ရွှေဈေးနှုန်းသည် ဧပြီလမှစ၍ အတက်အဆင်း ကြမ်းလျက်ရှိပြီး လတစ်လအတွင်း အမြင့်ဆုံးနှင့် အနိမ့်ဆုံးနှုန်းသည် ဒေါ်လာ ၄၀ ခန့်မှ ဒေါ်လာ ၈၀ ခန့်အထိ ကွာခြားလျက်ရှိသည်။ ပြီးခဲ့သည့် ဇွန်လအတွင်း အမြင့်ဆုံးနှုန်းသည် ၁၂၉၄ ဒေါ်လာဖြစ်ပြီး အနိမ့်ဆုံးနှုန်းသည် ၁၂၄၀ ဒေါ်လာဖြစ်ခြင်းကြောင့် ဒေါ်လာ ၅၀ ကျော် ကွာဟခဲ့သည်။

ပြည်တွင်းရွှေဈေးနှုန်းသည် မေ ၁၆ ရက်မှစပြီး ဇူလိုင် ၂ ရက်အထိ ကျပ် ၉၀၀၀၀၀ အထက်သို့ ရောက်ရှိခဲ့သည်။ ကမ္ဘာ့ရွှေဈေး မြင့်တက်ခြင်းကြောင့် ဇွန် ၇ ရက်တွင် ပြည်တွင်းရွှေဈေး ကျပ် ၉၁၃၄၀၀ အထိ စံချိန်တင်ခဲ့ပြီးနောက် ဈေးပြန်ကျခဲ့ရာ ဇွန် ၂၉ ရက်တွင် ကျပ် ၉၀၄၄၀၀ ဇွန် ၃၀ ရက်တွင် ၉၀၀၆၀၀ အထိ ကျဆင်းခဲ့ပြီး ဇူလိုင် ၃ ရက်တွင် မေ ၁၆ ရက်နောက်ပိုင်း ပထမဦးဆုံးအကြိမ်အဖြစ် ကျပ် ၉၀၀၀၀၀ အောက်အထိ ကျဆင်းခဲ့ကြောင်း သိရသည်။ ထို့နောက် ဇူလိုင် ၈ ရက်မှ စတင်ကာ ကျပ် ၈၉၀၀၀၀ အောက် ရောက်ခဲ့ပြီး ဇူလိုင် ၁၂ ရက်တွင် ပြန်တက်ခဲ့ကာ ဇူလိုင် ၁၄ ရက်တွင် ကျပ် ၈၉၁၀၀၀ ၀န်းကျင် ဖြစ်ပေါ်ခဲ့သည်။