ပြည်တွင်း ကမ်းဝေးငါးဖမ်း ရေယာဉ်များတွင် VMS (Vessel Monitoring System) စနစ် တပ်ဆင်ခြင်း အကောင်အထည်ဖော် ဆောင်ရွက်နိုင်ရန် စီမံလျက်ရှိကြောင်း ဒုတိယ၀န်ကြီး ပြောကြား

ပြည်တွင်း ကမ်းဝေးငါးဖမ်း ရေယာဉ်များတွင် VMS (Vessel Monitoring System) စနစ် တပ်ဆင်ခြင်းကို အကောင်အထည်ဖော် ဆောင်ရွက်သွားနိုင်ရန် စီမံလျက်ရှိကြောင်း စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယ၀န်ကြီး ဦးလှကျော်က လွှတ်တော်၌ ပြောကြားသည်။

ဇွန် ၁၆ ရက်က ပြုလုပ်သည့် အမျိုးသားလွှတ်တော် အစည်းအဝေးတွင် တနင်္သာရီတိုင်းဒေသကြီး မဲဆန္ဒနယ်အမှတ် ၈ မှ ဦးဥက္ကာမင်းက ငါးလုပ်ငန်း ဦးစီးဌာန အနေဖြင့်  ကမ်းဝေးငါးဖမ်း ရေယာဉ်များအား နိုင်ငံတကာ စံနှုန်းများနှင့်အညီ VMS (Vessel Monitoring System) တပ်ဆင်ရန်အတွက် အမိန့်၊ ညွှန်ကြားချက်များ ထုတ်ပြန်၍ ဆောင်ရွက်ပေးရန် အစီအစဉ် ရှိ မရှိ မေးမြန်းသည်။

ဒုတိယ၀န်ကြီး ဦးလှကျော်က “ပြည်တွင်းကမ်းဝေး ငါးဖမ်းရေယာဉ်တွေမှာ VMS စနစ် တပ်ဆင်ခြင်းကို အကောင်အထည်ဖော် ဆောင်ရွက်သွားနိုင်ဖို့ စီမံလျက် ရှိပါတယ်။ စီမံကိန်း အကောင်အထည်ဖော်တာနဲ့ လိုအပ်တဲ့ လုပ်ငန်းစဉ်တွေအတွက် ဆောင်ရွက်ဖို့တွေကို ထုတ်ပြန်ဆောင်ရွက်သွားမှာ ဖြစ်ပါတယ်” ဟု လွှတ်တော်၌ ပြောကြားသည်။

ငါးလုပ်ငန်း ဦးစီးဌာန အနေဖြင့် ၂၀၁၂ ခုနှစ်မှစကာ ကမ်းဝေးငါးဖမ်းရေယာဉ်များ ကမ်းနီးရေပြင်သို့ ၀င်ရောက်ဖမ်းဆီးခြင်း အပါအ၀င် တရားမ၀င် ငါးဖမ်းဆီးမှုများကို တားဆီးကာကွယ် တိုက်ဖျက်နိုင်ရေးအတွက် ကမ်းဝေး ငါးဖမ်းရေယာဉ်များတွင် ငါးဖမ်းရေယာဉ်များ စောင့်ကြည့်ထိန်းချုပ်ရေးစနစ် VMS (Vessel Monitoring System) ကို တပ်ဆင်ရန် ဆောင်ရွက်ခဲ့ကြောင်း၊ ပြည်တွင်းငါးဖမ်းရေယာဉ် ၄၇ စီးတွင် စမ်းသပ်တပ်ဆင်ခြင်း၊ Fishing Right စနစ်နှင့် Joint Venture စနစ်ဖြင့် ဆောင်ရွက်သော ပြည်ပငါးဖမ်းရေယာဉ်များအား VMS စနစ် တပ်ဆင်စေပြီးမှသာ ဆောင်ရွက်စေခြင်းကို စတင်ဆောင်ရွက်ခဲ့ကြောင်း ဒုတိယ၀န်ကြီးက ပြောကြားသည်။

၂၀၁၇ ခုနှစ် မတ်လတွင် F & S ကုမ္ပဏီနှင့် ငါးလုပ်ငန်းဦးစီးဌာနတို့ အတိုင်ပင်ခံလုပ်ငန်း ပဋိညာဉ်စာချုပ်ကို လက်မှတ်ရေးထိုးခဲ့ကြောင်း၊ စီမံကိန်းဖြစ်နိုင်ခြေ လေ့လာမှုအား ပြင်သစ်နိုင်ငံ French Development Agency (AFD) ၏ အထောက်အပံ့ဖြင့် ဆောင်ရွက်ပြီးဖြစ်ကြောင်း၊ စီမံကိန်းဖြစ်နိုင်ခြေ လေ့လာမှု အစီရင်ခံစာ ရရှိပါက စီမံကိန်းကို အကောင်အထည်ဖော် ဆောင်ရွက်နိုင်ရန်အတွက် AFD ထံမှ ထောက်ပံ့ငွေ ရယူခြင်း သို့မဟုတ် သက်သာသော အတိုးနှုန်းဖြင့် ချေးငွေ ရယူခြင်း စသည့် ဘဏ္ဍာရေးဆိုင်ရာ ကိစ္စရပ်များ အပါအ၀င် စီမံကိန်း လုပ်ငန်းများအား အသေးစိတ် ညှိနှိုင်းဆောင်ရွက်သွားမည်ဖြစ်ကြောင်း ဒုတိယ၀န်ကြီး ဦးလှကျော်က ပြောကြားသည်။

VMS (Vessel Monitoring System) စနစ်သည် ပင်လယ်ပြင်အတွင်း မိုးလေ၀သ ခန့်မှန်းမှု အခြေအနေကို ငါးဖမ်းရေယာဉ်များမှ ကြိုတင်သိရှိပြီး မုန်တိုင်းအန္တရာယ်မှ ကာကွယ်ရန်၊ သတင်းအချက်အလက်များ ရယူ၍ တရားမ၀င် ငါးဖမ်းရေယာဉ်များနှင့် လိုင်စင်မဲ့ ငါးဖမ်းရေယာဉ်များကို ထောက်လှမ်းအရေးယူနိုင်ရန်၊ ပင်လယ်ပြင်ကို စောင့်ကြပ်စစ်ဆေးခြင်းဖြင့် ငါးသယံဇာတ တိုးပွားလာစေရေးနှင့် ကမ်းဝေးငါးဖမ်းလုပ်ငန်း ဖွံ့ဖြိုးတိုးတက်လာစေရေး ပေါင်းစပ်ဆောင်ရွက်သော ငါးလုပ်ငန်း စောင့်ကြည့်ရေးစနစ်ဖြစ်ကြောင်း ဒုတိယ၀န်ကြီးက ပြောကြားသည်။

Writer: 
စိုးမင်းထိုက်