စီးပွားရေး သတင်းများ

နှစ် ၃၀ အတွင်း ပထမဆုံးမဟာဗျူဟာအဖြစ် ကမ္ဘာ့ဘဏ်၏ မြန်မာနိုင်ငံဆိုင်ရာ ပူးပေါင်းဆောင်ရွက်မှု မူဘောင်အရ ဒေါ်လာ သန်း ၁၆၀၀ ကို နှစ်ရှည်အတိုးမဲ့ချေးငွေ ထောက်ပံ့မည်

၂၀၁၅ ခုနှစ်မှ ၂၀၁၇ ခုနှစ်အတွက် အတည်ပြုလိုက်သည့် မြန်မာနိုင်ငံဆိုင်ရာ ပူးပေါင်းဆောင်ရွက်မှု မူဘောင် (CPF) အရ  ဒေါ်လာ သန်း ၁၆၀၀ အထိရှိမည့်  နှစ်ရှည် အတိုးမဲ့ချေးငွေနှင့် ထောက်ပံ့ငွေများကို ကမ္ဘာ့ဘဏ်၏ အပြည်ပြည်ဆိုင်ရာဖွံ့ဖြိုးရေးအသင်း (IDA) က မြန်မာနိုင်ငံကို ကူညီသွားမည်ဖြစ်ကြောင်း ဧပြီ ၂၃ ရက်စွဲဖြင့် ကမ္ဘာ့ဘဏ်၏ ထုတ်ပြန်ချက်အရ သိရသည်။
 

တရုတ်နှင့် တရားဝင်ဆန်တင်ပို့မှု စတင်ရန်ရှိရာ ယခုနှစ်တွင် ပြည်ပသို့ ဆန်တန်ချိန် နှစ်သန်းအထိ တင်ပို့ရန် မျှော်မှန်းထား

ယခုနှစ် တရုတ်နှင့် တရားဝင်ဆန်တင်ပို့မှု စတင်ရန်ရှိရာ ပြည်ပသို့ ဆန်တန်ချိန် နှစ်သန်းအထိ တင်ပို့ရန် မျှော်မှန်းထားကြောင်း မြန်မာနိုင်ငံ ဆန်စပါးအသင်းချုပ် တွဲဖက်အထွေထွေ အတွင်းရေးမှူး ဒေါက်တာစိုးထွန်းက ပြောကြားသည်။

မြန်မာနိုင်ငံတွင် လုပ်ငန်းလုပ်ကိုင်ခွင့်ရ Bank of Tokyo Mitsubishi UFJ က ဒေါ်လာ သန်း ၁၀၀ စတင် ရင်းနှီးမြှုပ်နှံမည်

မြန်မာနိုင်ငံတွင် ဘဏ်လုပ်ငန်း လုပ်ကိုင်ခွင့်ရ ဂျပန်နိုင်ငံဘဏ် Bank of Tokyo Mitsubishi က ဒေါ်လာ သန်း ၁၀၀ စတင်ရင်းနှီး မြှုပ်နှံမည်ဖြစ်ပြီး ပြည်တွင်း မိတ်ဖက်ဘဏ်အဖြစ် CB ဘဏ်နှင့် တွဲဖက်လုပ်ကိုင်မည်ဖြစ်ကြောင်း အဆိုပါဘဏ်၏ Asia & Oceania CEO Mr. Go Watanabe က ဧပြီ ၂၂ ရက်တွင် ပြောကြားသည်။

ရန်ကုန်ကဲ့သို့ အခြေခံအဆောက်အအုံများ တစ်နိုင်ငံလုံး အတိုင်းအတာဖြင့် တည်ဆောက်ပေးလျှင် အိမ်ခြံမြေဈေးကွက် ပျံ့နှံ့ပြီး တည်ငြိမ်လာနိုင်ဟု ဆို

မြန်မာနိုင်ငံ၏ စီးပွားရေးမြို့တော် ရန်ကုန်ကဲ့သို့ အခြားနေရာ ဒေသများကို အခြေခံ အဆောက်အအုံများ အဆင့်မြှင့်တင် တည်ဆောက်ပေးလျင် အိမ်ခြံမြေဈေးကွက် ပျံ့နှံ့သွားနိုင်ပြီး ဈေးနှုန်းများ ပိုမိုတည်ငြိမ်လာနိုင်သည်ဟု အွန်လိုင်းအခြေပြု အိမ်ခြံမြေရောင်းဝယ်ရေးဝက်ဘ်ဆိုက် House.com.mm မှ မန်နေးဂျင်းဒါရိုက်တာ ဂျန်ဆွမ်းမားဖဒ်က ပြောကြားသည်။

နိုင်ငံစီးပွားရေး ပိုမိုဖွံ့ဖြိုးလာပြီး အိမ်ခြံမြေဈေးကွက် ပိုမိုကျယ်ပြန့်လာစေရန် အခြေခံအဆောက်အအုံများကို အဆင့်မြှင့်တင်ရန် လိုအပ်သည်ဟု ၎င်းက ပြောကြားသည်။

သင်္ကြန်ရုံးပိတ်ရက်အတွင်း နိုင်ငံခြားငွေလဲနှုန်း ပြင်ပဈေး မြင့်တက်ပြီး ဧပြီ ၂၁ ရက်တွင် တစ်ဒေါ်လာ ကျပ် ၁၀၈၀ ဖြစ်လာ

မြန်မာနှစ်သစ်ကူး အတာသင်္ကြန် ရုံးပိတ်ရက်အတွင်း ပြင်ပဈေးကွက်၌ နိုင်ငံခြားငွေလဲနှုန်း မြင့်တက်လျက်ရှိပြီး ဧပြီ ၂၁ ရက်တွင် တစ်ဒေါ်လာလျှင် ၀ယ်ဈေး ကျပ် ၁၀၇၅၊ ရောင်းဈေး ၁၀၈၀ ကျပ်အထိ ဖြစ်ပေါ်ခဲ့ကြောင်း ပြင်ပငွေကြေးဈေးကွက်မှ သတင်းရရှိသည်။

သင်္ကြန်နှစ်သစ်ကူး ရုံးပိတ်ရက်မတိုင်မီ ဗဟိုဘဏ်၏ ရည်ညွှန်းနိုင်ငံခြား ငွေလဲနှုန်းသည် ဧပြီ ၁၀ ရက်က တစ်ဒေါ်လာလျှင် ၁၀၇၀ ကျပ်ဖြစ်ပြီး သိမ်ဖြူကောင်တာ ငွေလဲနှုန်းမှာ ၀ယ်ဈေး ၁၀၇၃ ကျပ်၊ ရောင်းဈေး ၁၀၇၈ ကျပ် ဖြစ်သည်။ ပြင်ပဈေးကွက်တွင် တစ်ဒေါ်လာလျှင် ၀ယ်ဈေး ၁၀၇၅ ကျပ် ရောင်းဈေး ၁၀၇၉ ကျပ်ဖြစ်သည်။

ပြည်ပစတော့အိတ်ချိန်းဝန်ဆောင်မှုကုမ္ပဏီများမှာ DICA တွင် ၀န်ဆောင်မှုကုမ္ပဏီဟုသာ မှတ်ပုံတင်ထားခြင်းဖြစ်ပြီး ငွေကြေးဝန်ဆောင်မှုလုပ်ငန်းလိုင်စင် ချထားပေးခြင်း လုံးဝမရှိကြောင်း SECM ပြောကြား

မြန်မာနိုင်ငံအတွင်းသို့ ရောက်ရှိကာ ၀န်ဆောင်မှုပေးနေသော ပြည်ပစတော့အိတ်ချိန်းဝန်ဆောင်မှု ကုမ္ပဏီများမှာ မြန်မာနိုင်ငံရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန (DICA) တွင် ၀န်ဆောင်မှုကုမ္ပဏီအမျိုးအစားအဖြစ်သာ မှတ်ပုံတင်ထားခြင်းဖြစ်ကြောင်း သိရပြီး ၎င်းတို့ကို ငွေကြေးဝန်ဆောင်မှု လုပ်ငန်းများလုပ်ကိုင်ရန် လိုင်စင်ချထားပေးခြင်းမရှိကြောင်း မြန်မာနိုင်ငံ ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင် SECM မှ သိရသည်။
 

၂၀၁၄-၂၀၁၅ ဘဏ္ဍာနှစ်၌ ရန်ကုန်ဆိပ်ကမ်းသို့ ကုန်သေတ္တာတင် သင်္ဘော ၅၀၀ ကျော်ဖြင့် ပို့ကုန် ကုန်သေတ္တာ သုံးသိန်းကျော်တင်ပို့

၂၀၁၄-၂၀၁၅ ဘဏ္ဍာနှစ်၌ ရန်ကုန် ဆိပ်ကမ်းသို့ ကုန်သေတ္တာတင် သင်္ဘောစင်းရေ ၅၀၀ ကျော်ဖြင့် ပို့ကုန်ကုန်သေတ္တာ အလုံးရေ ၃၀၀၀၀၀ ကျော် သယ်ဆောင်နိုင်ခဲ့ကြောင်း မြန်မာ့ဆိပ်ကမ်းအာဏာပိုင်မှ ထုတ်ပြန်သော သတင်းအချက်လက်များအရ သိရသည်။

ခနောက်စိမ်း၊ ခဲ၊ သွပ်၊ ကြေးနီ၊ သံနှင့် ခရိုမီယမ်သတ္တုများ ထုတ်လုပ်ရန် အမှတ် (၁) သတ္တုတွင်းလုပ်ငန်းနှင့် စာချုပ်ချုပ်ဆိုထားသည့် ကုမ္ပဏီပေါင်း ၁၃၉ ခုရှိ

ခနောက်စိမ်း၊ ခဲ၊ သွပ်၊ ကြေးနီ၊ သံနှင့် ခရိုမီယမ်သတ္တုများ ထုတ်လုပ်ရန်အတွက် အမှတ် (၁) သတ္တုတွင်းလုပ်ငန်းနှင့် စာချုပ်ချုပ်ဆိုထားသည့် ကုမ္ပဏီပေါင်း ၁၃၉ ခုရှိကြောင်း သတ္တုတွင်းဝန်ကြီးဌာနမှ သိရသည်။

အဆိုပါ ကုမ္ပဏီအရေအတွက်မှာ ၂၀၁၄ ခုနှစ် ဒီဇင်ဘာလကုန်အထိ စာရင်းဖြစ်ပြီး အသေးစားနှင့် အကြီးစား ထုတ်လုပ်မှုများအတွက် အမှတ် (၁) သတ္တုတွင်းလုပ်ငန်းနှင့် စာချုပ်ချုပ်ဆိုထားခြင်းဖြစ်ပြီး အသေးစား ထုတ်လုပ်မည့် ကုမ္ပဏီအရေအတွက်မှာ ပိုများကြောင်း သိရသည်။

၂၀၁၄-၂၀၁၅ ဘဏ္ဍာနှစ်အတွင်း ပြည်ပသို့ မြန်မာ့ဆန် တန်ချိန် ၁ ဒသမ ၈ သန်းကျော် တင်ပို့ခဲ့ရာ နှစ် ၅၀ အတွင်း ပထမဆုံး စံချိန်တင်တင်ပို့နိုင်ခြင်းဖြစ်

၂၀၁၄-၂၀၁၅ ဘဏ္ဍာနှစ်အတွင်း ပြည်ပသို့ ဆန်တင်ပို့မှုအနေဖြင့် တန်ချိန် ၁ ဒသမ ၈ သန်းကျော် တင်ပို့ခဲ့ရာ နှစ် ၅၀ အတွင်း စံချိန်တင် တင်ပို့နိုင်ခဲ့ခြင်းဖြစ်ကြောင်း မြန်မာနိုင်ငံ ဆန်စပါးအသင်းချုပ်မှရရှိသော သတင်းများအရ သိရသည်။

မြန်မာနိုင်ငံမှ ပြည်ပသို့ဆန်တင်ပို့မှု အနေဖြင့် ၂၀၁၂-၂၀၁၃ ဘဏ္ဍာနှစ်တွင် ဆန် တန်ချိန် ၁ ဒသမ ၄ သန်း၊ ၂၀၁၃-၂၀၁၄ ဘဏ္ဍာနှစ်တွင် ၁ ဒသမ ၂ သန်း တင်ပို့ခဲ့ကာ ၂၀၁၄-၂၀၁၅ ဘဏ္ဍာနှစ်တွင်မူ ၁ ဒသမ ၈ သန်း တင်ပို့နိုင်ခဲ့ခြင်းဖြစ်သည်။

နိုင်ငံခြားဖြစ်ဝိုင်များ တင်သွင်းခွင့်ပြုရာတွင် တင်သွင်းမည့်ဝိုင်၏ အယ်လ်ကိုဟောပါဝင်မှု ရာခိုင်နှုန်းမှာ ခုနစ်မှ ၂၀ အတွင်း ရှိရမည်ဖြစ်ပြီး ပင်လယ်ရေကြောင်းနှင့် လေကြောင်းမှသာ တင်သွင်းခွင့် ပြုမည်

နိုင်ငံခြားဖြစ်ဝိုင်များအား တင်သွင်းခွင့်ပြုရာတွင် တင်သွင်းမည့်ဝိုင်၏ အယ်လ်ကိုဟောပါဝင်မှု ရာခိုင်နှုန်းမှာ ၇ ရာခိုင်နှုန်းမှ ၂၀ ရာခိုင်နှုန်းအတွင်း ရှိရမည်ဖြစ်ပြီး ပင် လယ်ရေကြောင်းနှင့် လေကြောင်းမှသာ တင်သွင်းခွင့်ပြုမည် ဖြစ်ကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ သိရသည်။

စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနသည် လက်ရှိပြောင်းလဲ တိုးတက်လာသည့် အခြေအနေအရ နိုင်ငံခြားသားဝင်ရောက်မှု များပြားလာခြင်း၊ ပြည်တွင်း ဈေးကွက်လိုအပ်ချက် ရှိလာခြင်းတို့ကြောင့် နိုင်ငံခြားဖြစ် ၀ိုင်အမျိုးမျိုးကို ပြည်ပမှ တရားဝင်တင်သွင်းခွင့် ပြုလိုက်ကြောင်း သိရသည်။

ရန်ကုန်တိရစ္ဆာန်ဥယျာဉ်အား ထူးကုမ္ပဏီသို့ ငှားရမ်းထားသည့်နှုန်းမှာ နည်းပါးသည်ဟု ဝေဖန်ခြင်းကြောင့် ယခင် တစ်နှစ် ကျပ်သိန်း ၇၀၀ မှ ယခု ကျပ်သိန်း ၇၇၀ သို့ တိုးမြှင့်

ထူးကုမ္ပဏီသို့ ငှားရမ်းထားသည့် ရန်ကုန်တိရစ္ဆာန်ဥယျာဉ် ငှားရမ်းခအား ယခင်တစ်နှစ်လျှင် ကျပ်သိန်း ၇၀၀ မှ ယခုဘဏ္ဍာနှစ်တွင် ကျပ်သိန်း ၇၇၀ သို့ တိုးမြှင့်လိုက်ကြောင်း သိရသည်။

ရန်ကုန်တိရစ္ဆာန်ဥယျာဉ်ကို ငှားရမ်းပြီး ၀န်ဆောင်မှုပေးရန် ရည်ရွယ်ချက်ဖြင့် ပတ်ဝန်းကျင်ထိန်းသိမ်းရေးနှင့် သစ်တောရေးရာ ၀န်ကြီးဌာန၊ သစ်တောဦးစီးဌာနက ထူးထရိတ်ဒင်းကုမ္ပဏီသို့ ၂၀၁၁ ခုနှစ် မတ် ၂၈ ရက်တွင် နေပြည်တော်၌ ငှားရမ်းခြင်းစာချုပ် ချုပ်ဆိုငှားရမ်းခဲ့ပြီး ငှားရမ်းသည့်ကာလမှာ ၂၀၁၁ ခုနှစ် ဧပြီ ၁ ရက်မှ ၂၀၂၁ ခုနှစ် မတ် ၃၁ ရက်အထိ ၁၀ နှစ်ဖြစ်ကာ နှစ်နှစ်တစ်ကြိမ် စာချုပ်ချုပ်ဆိုကြောင်း သိရသည်။                

မြန်မာ့အိမ်ခြံမြေဈေးကွက်ပြိုလဲခြင်းရဲ့အစလား၊ စက်မှု (၁) ၀န်ကြီးရုံးဟောင်းနေရာ၌ ဗီယက်နမ်ကုမ္ပဏီကဆောက်လုပ်နေသည့် စီမံကိန်းတွင် ဒေါ်လာသန်း ၅၅၀ မြှုပ်နှံမည့် သဘောတူညီမှုကို စင်ကာပူကုမ္ပဏီဖျက်သိမ်း

ရန်ကုန်မြို့ စက်မှု(၁)လမ်းနှင့် ကမ္ဘာအေးစေတီလမ်းထောင့်ရှိ ယခင်စက်မှု(၁) ၀န်ကြီးရုံးဟောင်းနေရာတွင် ဗီယက်နမ်ကုမ္ပဏီ Hoang Anh Gia Lai Myanmar မှတည်ဆောက်နေသောစီမံကိန်း၌ ဒေါ်လာ သန်း ၅၅၀ မြှုပ်နှံရန် ယခင်သဘောတူညီထားမှုကို စင်ကာပူကုမ္ပဏီဘက်မှ ပြန်လည်ဖျက်သိမ်းလိုက်ကြောင်း Vietnam net သတင်းဝက်ဘ်ဆိုက်တွင် ဖော်ပြထားချက်အရ သိရသည်။

ပြည်ပစတော့ အိတ်ချိန်းများတွင် အရောင်းအ၀ယ်လုပ်နိုင်ရန် ပြည်တွင်းသို့ လာရောက်ဝန်ဆောင်မှု ပေးနေခြင်းမှာ ဥပဒေနှင့်မညီသဖြင့် အဆိုပါကုမ္ပဏီများကို သတိပြုရန်လို

ပြည်ပစတော့အိတ်ချိန်းများတွင် အရောင်းအဝယ်ပြုလုပ်နိုင်ရန် မြန်မာနိုင်ငံအတွင်းသို့ လာရောက်ဝန်ဆောင်မှုပေးသည့် ကုမ္ပဏီများရှိနေပြီး ထိုသို့ဝန်ဆောင်မှုပေးခြင်းမှာ ဥပဒေနှင့်မညီသဖြင့် အဆိုပါကုမ္ပဏီများကို သတိပြုရန်လိုအပ်သည်ဟု ငွေကြေးဈေးကွက်ကျွမ်းကျင်သူ ပညာရှင်များက သုံးသပ်ထားသည်။

ထိုသို့ ပြည်ပစတော့ အိတ်ချိန်းများတွင် ရွှေ၊ ငွေကြေး၊ ရေနံ၊ ကုန်စည်စသည့်ဈေးကွက် များပေါ်တွင် အရောင်းအဝယ်ပြုသည့် ဈေး ကွက်ကို Future Exchange ဈေးကွက်ဟုခေါ်ဆိုပြီး ထိုဈေးကွက်တွင် ဝင်ရောက်အရောင်းအဝယ်လုပ်နိုင်ရန် ကော်မရှင်ခယူကာ ဝန်ဆောင်မှုပေးနေသည့် ကုမ္ပဏီပေါင်းခြောက်ခုခန့် မြန်မာနိုင်ငံ ဈေးကွက်အတွင်းသို့ ရောက်ရှိနေပြီဖြစ်သည်။

နိုင်ငံတော်သို့ ပေးသွင်းရမည့် အခွန်နှင့် ကုန်သွယ်ခွန် ပေးဆောင်ထားသည့် ရွှေထည်များကို လေကြောင်းနှင့် ကုန်းကြောင်းမှ သယ်ယူကာ အရောင်းအ၀ယ် ပြုလုပ်ရန် အခက်အခဲ ရှိပါက ရန်ကုန်တိုင်းဒေသကြီး ရွှေလုပ်ငန်းရှင်များ အသင်းက ကူညီဖြေရှင်းပေးမည်

နိုင်ငံတော်သို့ ပေးသွင်းရမည့် အခွန်နှင့် ကုန်သွယ်ခွန် ပေးဆောင်ထားသည့် ရွှေထည်များကို လေကြောင်းနှင့် ကုန်းကြောင်းမှ သယ်ယူကာ အရောင်းအ၀ယ် ပြုလုပ်ရန် အခက်အခဲရှိပါက ရန်ကုန်တိုင်းဒေသကြီး ရွှေလုပ်ငန်းရှင်များ အသင်းက ကူညီဖြေရှင်းပေးမည်ဖြစ်ကြောင်း ဧပြီ ၈ ရက်တွင် ပြုလုပ်သည့် ရန်ကုန်တိုင်းဒေသကြီး ရွှေလုပ်ငန်းရှင်များ အသင်း၏ အထူးအစည်းအဝေးမှ သိရသည်။

အဆိုပါ အထူးအစည်းအဝေးသို့ အသင်း၏ အလုပ်အမှုဆောင်နှင့် ရွှေလုပ်ငန်းရှင်များ တက်ရောက်ကြပြီး ရွှေအရောင်းအ၀ယ် ပြုလုပ်ခြင်းဆိုင်ရာများနှင့် ရွှေဈေးတည်ငြိမ်မှု ရှိစေရေး စသည်တို့ကို ဆွေးနွေးခဲ့ကြသည်။    

မြန်မာနိုင်ငံ၏ ငွေကြေးလိုအပ်ချက်မှာ ကြီးမားပြီး အခြေခံအဆောက်အအုံကဏ္ဍအတွက် နှစ်စဉ် ဒေါ်လာ ငါးဘီလျံ မှ ခုနစ်ဘီလျံကြား လိုအပ်နေ

မြန်မာနိုင်ငံငွေကြေးလိုအပ်ချက်မှာ ကြီးမားပြီး နှစ်စဉ် GDP တိုးတက်နှုန်း ရှစ်ရာခိုင်နှုန်းရရှိရန်အတွက် အခြေခံအဆောက်အအုံကဏ္ဍအတွက် တစ်နှစ် ဒေါ်လာ ငါးဘီလျံ မှ ခုနစ်ဘီလျံ အကြား လိုအပ်ချက်ရှိကြောင်း မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်တွင် ADB ဘဏ် မှ ၂ဝ၁၇-၂ဝ၂၁ ငါးနှစ်စီမံကိန်းနှင့် ပတ်သက်၍ ရှင်းလင်းရာ၌ အာရှဖွံ့ဖြိုးရေးဘဏ်၏ မြန်မာနိုင်ငံဆိုင်ရာ ဒါရိုက်တာ ဗင်ဖရက်ဗင်ကလိုင်က ပြောကြားသည်။ 
 

မြန်မာနိုင်ငံ၏ နိုင်ငံခြားရင်းနှီးမြှုပ်နှံမှုကဏ္ဍတွင် ၂၀၁၄-၂၁၅ ဘဏ္ဍာနှစ်က ဒေါ်လာ လေးဘီလျံ လျာထားသော်လည်း အမှန်ခွင့်ပြုခဲ့သည့် ပမာဏမှာ ရှစ်ဘီလျံအထိ ရှိခဲ့

မြန်မာနိုင်ငံ၏ နိုင်ငံခြားရင်းနှီးမြှုပ်နှံမှုကဏ္ဍတွင် ၂ဝ၁၄-၂ဝ၁၅ ဘဏ္ဍာနှစ်အတွင်း ဒေါ်လာလေးဘီလျံ ရရှိရန် လျာထားခဲ့သော်လည်း အမှန်ခွင့်ပြုခဲ့သည့်ပမာဏမှာ ရှစ်ဘီလျံအထိ ရရှိခဲ့ကြောင်း  မြန်မာနိုင်ငံရင်းနှီးမြှုပ်နှံမှုကော်မရှင် (MIC) ၏ ထုတ်ပြန်ချက်အရ သိရသည်။
 
၂ဝ၁၅-၂ဝ၁၆ ဘဏ္ဍာနှစ်အတွင်း ဒေါ်လာခြောက်ဘီလျံ ရရှိရန်လျာထားကြောင်းလည်း မြန်မာနိုင်ငံ ရင်းနှီးမြှုပ်နှံမှုကော်မရှင် (MIC)၏ ထုတ်ပြန်ချက်အရ သိရသည်။
 

ထိုင်းနိုင်ငံထုတ် ကားများ မြ၀တီနယ်စပ်မှ တရားဝင်တင်သွင်းမှု မြင့်တက်လာခြင်းကြောင့် သောင်ရင်းကမ်းစပ်ရှိ ဂျပန်တစ်ပတ်ရစ် လိုင်စင်မဲ့ကားများ ဈေးကျပြီး အရောင်းအ၀ယ်အေး

မြဝတီနယ်စပ်မှ ထိုင်းနိုင်ငံထုတ် ကားများ တရားဝင်တင်သွင်းမှု မြင့်တက်လာခြင်းကြောင့် သောင်ရင်းကမ်းစပ်ရှိ ဂျပန်တစ်ပတ်ရစ် Without ကားများ ဈေးလျော့ကျနေပြီး အရောင်းအဝယ် အေးလျက်ရှိကြောင်း ကားဝယ်ရောင်း လုပ်သူများထံမှ သိရသည်။

“ထိုင်းနိုင်ငံက ထုတ်လုပ်တဲ့ Opencab ခေါ် တစ်ခန်းခွဲ Vego Hilux ကားတွေ မြဝတီကုန်သွယ်ရေးဇုန်မှာ အခွန်ဆောင်တင်သွင်းလို့ ရတဲ့အတွက် အဝယ်လိုက်ပါတယ်။ လွန်ခဲ့တဲ့ သုံးလကထက် ဘတ်တစ်သောင်းခွဲလောက် ဈေးတက်သွားပါတယ်။ ဂျပန် Without ကား ဈေးကွက်တော့ အေးနေပါတယ်” ဟု ကားလောကအတွင်း နှံ့စပ်သူတစ်ဦးက ပြောကြားသည်။

ဒေါ်လာ သန်း ၅၀၀ ခန့် ကုန်ကျမည့် မြန်မာနိုင်ငံ ခရီးသွားလုပ်ငန်း ပင်မစီမံကိန်း စတင်အကောင်အထည်ဖော်

ဒေါ်လာသန်း ၅ဝဝ ခန့် ကုန်ကျမည့် မြန်မာနိုင်ငံ ခရီးသွားလုပ်ငန်း ပင်မစီမံကိန်းကို စတင်အကောင်အထည် ဖော်နေပြီဖြစ်ကြောင်း ဟိုတယ်နှင့် ခရီးသွားလာရေးလုပ်ငန်း ဝန်ကြီးဌာနက ထုတ်ပြန်သည်။

အာရှဖွံ့ဖြိုးရေးဘဏ်နှင့် နော်ဝေအစိုးရတို့မှ ထောက်ပံ့မည်ဖြစ်သော ဒေါ်လာသန်း ၅ဝဝ ခန့်ကုန်ကျမည့် ၂ဝ၁၃ ခုနှစ်မှ ၂ဝ၂ဝ ပြည့်နှစ်အထိ ခုနစ်နှစ်တာကြာမည့် စီမံကိန်းဖြစ်ပြီး လက်ရှိအချိန်မှ လက်တွေ့အကောင်အထည်ဖော်ရမည့် ရေတို-ရေရှည် လုပ်ငန်းစီမံကိန်းများကို စတင်အကောင်အထည် ဖော်နေခြင်းဖြစ်ကြောင်း ဟိုတယ်နှင့် ခရီးသွားလာရေးလုပ်ငန်း ဝန်ကြီးဌာန ပြည်ထောင်စုဝန်ကြီး ဦးဌေးအောင်က ပြောကြားသည်။

ဧရာဝဏ်နှင့် ရတနာအိမ်ရာ စီမံကိန်းမှ အိမ်ခန်းများကို ဆောက်လုပ်ရေးနှင့် အိမ်ရာဖွံ့ဖြိုးရေးဘဏ် ချိတ်ဆက်ကာ အရစ်ကျစနစ်ဖြင့် ရောင်းချမည်

ရန်ကုန်တိုင်းဒေသကြီး ဒဂုံဆိပ်ကမ်း မြို့နယ်အတွင်း အကောင်အထည်ဖော်နေသည့် ဧရာဝဏ်နှင့် ရတနာအိမ်ရာ စီမံကိန်းများမှ ပထမအဆင့် ရောင်းချမည့် အခန်းများကို ဆောက်လုပ်ရေးနှင့် အိမ်ရာဖွံ့ဖြိုးရေးဘဏ်နှင့် ချိတ်ဆက်ကာ အရစ်ကျစနစ်ဖြင့် ရောင်းချမည်ဖြစ်ကြောင်း ဆောက်လုပ်ရေးနှင့် အိမ်ရာဖွံ့ဖြိုးရေးဘဏ်မှ စုံစမ်းသိရသည်။

အမျိုးသားပို့ကုန် မဟာဗျူဟာကို ယခုနှစ် စတင်အကောင်အထည် ဖော်မည်ဖြစ်ပြီး ဦးစားပေးကဏ္ဍ အများစုသည် အစိုးရ ငွေကြေးအကူအညီ လိုအပ်နေ

အမျိုးသားပို့ကုန် မဟာဗျူဟာကို ယခုနှစ် စတင်အကောင်အထည် ဖော်မည်ဖြစ်ပြီး ကဏ္ဍအများစုသည် အစိုးရအကူအညီ လိုအပ်နေကြောင်း စီးပွားရေးနှင့် ကူးသန်းရောင်းဝယ်ရေးဝ န်ကြီးဌာနနှင့် International Trade Center တို့ ပူးပေါင်းပြုလုပ်သည့် ၂ဝ၁၅-၂ဝ၁၆ ဘဏ္ဍာနှစ် ဦးစားပေး လုပ်ငန်းစဉ်များနှင့် ပတ်သက်သည့် ဆွေးနွေးပွဲမှ သိရသည်။

အမျိုးသားပို့ကုန် မဟာဗျူဟာကို ၂ဝ၁၃ ခုနှစ်အတွင်း စတင်ရေးဆွဲခဲ့ခြင်းဖြစ်ပြီး ဦးစားပေး ကဏ္ဍများအတွက် နှစ်နှစ်ကြာ ဆွေးနွေးခဲ့ပြီးနောက် ယခုနှစ် စတင်အကောင်အထည် ဖော်ခြင်းဖြစ်ကာ ငါးနှစ်ကြာမြင့်မည်ဖြစ်ကြောင်း သိရသည်။

AFTA ထူထောင်ရေးအတွက် အာဆီယံနိုင်ငံများအတွင်း အကောက်ခွန်နှုန်းများ လျှော့ချလျက်ရှိရာ မြန်မာအပါအ၀င် CLMV လေးနိုင်ငံအနေဖြင့် ၂၀၁၈ မှသာ သုညရာခိုင်နှုန်းအထိ လျှော့ချနိုင်မည်

အာဆီယံ လွတ်လပ်သောကုန်သွယ်မှုဒေသ (ASEAN Free Trade Area-AFTA) ထူထောင်ရေးအတွက် အာဆီယံနိုင်ငံများအတွင်း အကောက်ခွန်နှုန်းများ လျှော့ချလျက်ရှိရာ မြန်မာနိုင်ငံအပါအဝင် ကမ္ဘောဒီးယား၊ လာအိုနှင့်  ဗီယက်နမ်နိုင်ငံတို့တွင် ၂ဝ၁၈  ခုနှစ်ရောက်မှသာ အကောက်ခွန် သုညရာခိုင်နှုန်းအထိ လျှော့ချနိုင်မည်ဖြစ်ကြောင်း အကောက်ခွန်ဦးစီးဌာနမှ သိရသည်။

မြန်မာနိုင်ငံမှ တင်သွင်းမည့် ကုန်ပစ္စည်းများအတွက် ကနေဒါနိုင်ငံက အခွန်ကင်းလွတ်ခွင့် ပြန်လည်ပေးအပ်

မြန်မာနိုင်ငံမှ တင်သွင်းမည့် ကုန်ပစ္စည်းများအတွက် ကနေဒါနိုင်ငံက အခွန်ကင်းလွတ်ခွင့် ပြန်လည် ပေးအပ်လိုက်သည်ဟု နိုင်ငံတကာ သတင်းများအရ သိရသည်။

ကနေဒါနိုင်ငံသည် မြန်မာနိုင်ငံအတွက် အထွေထွေဦးစားပေး အခွန်ကင်းလွတ်ခွင့် (GPT) ကို ပြန်လည်ခံစားခွင့် ပေးအပ်ခြင်းနှင့် ဖွံ့ဖြိုးမှုအနည်းဆုံးနိုင်ငံ၏ အခွန်ကင်းလွတ်ခွင့် အခြေအနေ ပြန်လည်သတ်မှတ် ပေးလိုက်ခြင်းကြောင့် မြန်မာ့ပို့ကုန်များ အခွန်ကင်းလွတ်ခွင့် ပြန်လည်ရရှိခြင်းဖြစ်သည်။

၂၀၁၄-၂၀၁၅ ဘဏ္ဍာနှစ်တွင် ပြည်ပသို့ ပဲမျိုးစုံတန်ချိန် ၁၂၇၇၀၀၀ ကျော် တင်ပို့မှုမှ ဒေါ်လာ ၁၀၄၅ သန်း ရရှိပြီး ယခင်နှစ် တင်ပို့မှုမှ ရငွေထက် ဒေါ်လာ ၁၁၈ သန်း ပိုမို

၂၀၁၄-၂၀၁၅ ဘဏ္ဍာနှစ်တွင် ပြည်ပသို့ ပဲမျိုးစုံတန်ချိန် ၁၂၇၇၀၀၀ ကျော် တင်ပို့မှုမှ ဒေါ်လာ ၁၀၄၅ သန်း ရရှိထားပြီး ယခင်နှစ် တင်ပို့မှုမှ ရငွေထက် ဒေါ်လာ ၁၁၈ သန်းကျော် ပိုမိုရရှိထားကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန၊ ကုန်သွယ်မှုမြှင့်တင်ရေး ဦးစီးဌာနမှ သိရသည်။

၂၀၁၄-၂၀၁၅ ဘဏ္ဍာနှစ်ဖြစ်သည့် ၂၀၁၄ ခုနှစ် ဧပြီ ၁ ရက်မှ ၂၀၁၅ ခုနှစ် မတ် ၂၇ ရက်အထိ ပြည်ပသို့ ပဲမျိုးစုံတင်ပို့မှုမှ ဒေါ်လာ ၁၀၄၅ သန်း ရရှိထားပြီး တင်ပို့မှုတန်ချိန် အတိအကျမှာ ၁၂၇၇၉၀၀ တန်ဖြစ်ကြောင်း၊ ယခင်ဘဏ္ဍာနှစ် ကာလတူ တင်ပို့မှုမှာမူ ပဲမျိုးစုံတန်ချိန် ၁၃၄၁၂၀၀ တန် တင်ပို့မှုမှ ဒေါ်လာ ၉၂၇ သန်း ရရှိထားခြင်းဖြစ်ကြောင်း သိရသည်။

၂၀၁၄-၂၀၁၅ ဘဏ္ဍာနှစ်တွင် မြန်မာနိုင်ငံ၏ နိုင်ငံခြားကုန်သွယ်မှုပမာဏ ဒေါ်လာ ၂၇ ဘီလျံကျော်ရှိပြီး ယခင်ဘဏ္ဍာနှစ် ကုန်သွယ်မှုထက် ဒေါ်လာ သုံးဘီလျံကျော် ပိုမို

၂၀၁၄-၂၀၁၅ ဘဏ္ဍာနှစ်တွင် မြန်မာနိုင်ငံ၏ နိုင်ငံခြားကုန်သွယ်မှုပမာဏ ဒေါ်လာ ၂၇ ဘီလျံကျော်ရှိပြီး ယခင်ဘဏ္ဍာနှစ် ကုန်သွယ်မှုထက် ဒေါ်လာသုံးဘီလျံကျော် ကုန်သွယ်မှု ပိုမိုပြုလုပ်ထားကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ သိရသည်။

ပြည်ပနိုင်ငံများသို့ ပို့ကုန်တင်ပို့မှုမှ ဒေါ်လာ ၁၁၄၃၅ သန်းကျော် ရရှိခဲ့ပြီး သွင်းကုန်တင်သွင်းမှုအတွက် ဒေါ်လာ ၁၆၃၃၅ သန်းကျော် အသုံးပြုခဲ့ကြောင်း သိရသည်။

Pages