အောက်တိုဘာ ၁၉ ရက်တွင် ကမ္ဘာ့ရွှေ ဈေး ၁၂၈၄ ဒေါ်လာအထိ ပြန်တက်ခဲ့သော် လည်း ပြည်တွင်းဈေးကွက်အတွင်း ရွှေဈေးနှုန်း ကျပ် ၉၃၁၄၀၀ အထိ ပြန်လည်ကျဆင်းခဲ့ကြောင်း ဈေးကွက်အတွင်း ရွှေရောင်းဝယ်သူများထံမှ သိရသည်။
ပြီးခဲ့သည့် ဇူလိုင် ၂၁ ရက်မှစတင်ကာ ပြည်တွင်းရွှေဈေးနှုန်း ကျပ် ၉၀၀၀၀၀ အထက် ရောက်ခဲ့ပြီး ကမ္ဘာ့ရွှေဈေးမြင့်တက်မှုနှင့်အတူ စံချိန်တင်ဈေးနှုန်းများအဖြစ် သြဂုတ်လအတွင်းနှင့် စက်တင်ဘာလလယ်အထိ ဆက်တိုက်မြင့်တက်ခဲ့ကာ စက်တင်ဘာ ၁၅ ရက် တွင် ၉၅၇၃၀၀ ဖြင့် စံချိန်တင်ထားသည်။ ထို့နောက် စက်တင်ဘာ ၁၇ ရက်အထိ ၉၅၀၀၀၀ အထက်ရှိခဲ့ပြီး စက်တင်ဘာ ၂၇ ရက်မှ အောက်တိုဘာ ၁ ရက်အထိ ၉၃၀၀၀၀ ကျော်မှ ၉၃၅၀၀၀ ကျော်ကြားဖြစ်ပေါ်ခဲ့ကာ အောက်တိုဘာ ၃ ရက်တွင် ၉၂၂၁၀၀ အထိ ကျဆင်းခဲ့သည်။ အောက်တိုဘာ ၆ ရက်တွင် ၉၂၆၁၀၀ ဝန်းကျင်ဖြစ်ပေါ်ခဲ့ပြီး အောက်တိုဘာ ၇ ရက်တွင် ၉၃၀၀၀၀ အထက်၊ အောက်တိုဘာ ၁၄ ရက်တွင် ၉၄၀၀၀၀ အထက်သို့ ပြန်ရောက်ခဲ့ပြီး အောက်တိုဘာ ၁၇ ရက်တွင် ၉၃၆၂၀၀၊ အောက်တိုဘာ ၁၉ ရက်တွင် ၉၃၁၄၀၀ အထိ ပြန်လည်ကျဆင်းခဲ့ခြင်း ဖြစ်သည်။
အောက်တိုဘာ ၁ ရက်တွင် ၁၂၇၉ ဒေါ်လာဝန်းကျင်ရှိသော ကမ္ဘာ့ရွှေဈေးနှုန်းသည် အောက်တိုဘာ ၆ ရက် နံနက်ပိုင်းတွင် ၁၂၆၁ ဒေါ်လာအထိ ကျဆင်းခဲ့သော်လည်း အောက်တိုဘာ ၆ ရက်တွင် ၁၂၇၆ ဒေါ်လာ၊ အောက်တိုဘာ ၉ ရက်တွင် ၁၂၈၄ ဒေါ်လာ၊ အောက်တိုဘာ ၁၂ ရက်တွင် ၁၂၉၆ ဒေါ်လာ၊ အောက် တိုဘာ ၁၃ ရက်တွင် ၁၃၀၃ ဒေါ်လာအထိ ပြန်လည်မြင့်တက်ခဲ့ကာ အောက်တိုဘာ ၁၉ ရက်တွင် ၁၂၈၄ ဒေါ်လာဖြစ်ပေါ်ခဲ့သည်။
