ပရီးမီးယားလိဂ် ထိပ်တန်းနည်းပြများနှင့် ယှဉ်ပြိုင်ရန် ချယ်လ်ဆီးနည်းပြ ဆာရီ စိတ်လှုပ်ရှားနေ

Photo: AP

ချယ်လ်ဆီးအသင်းနည်းပြသစ် ဆာရီက ၎င်းအနေဖြင့် ပရီးမီးယားလိဂ်ထိပ်သီးနည်းပြများနှင့် ယှဉ်ပြိုင်ရန် အလွန်စိတ်လှုပ်ရှားနေကြောင်း ၀န်ခံပြောကြားခဲ့သည်။

ဆာရီသည် ချယ်လ်ဆီးအသင်းက ထုတ်ပယ်လိုက်သည့် နည်းပြ ကွန်တီ၏နေရာတွင် ဆက်ဆံခဲ့သူဖြစ်ပြီး ဆွဲဆောင်မှုရှိသည့်ကစားဟန်ဖြင့် အသင်းကို တည်ဆောက်မည်ဟု ပြောကြားထားသူ ဖြစ်သည်။

ဆာရီက “ပရီးမီးယားလိဂ်မှာ ဥရောပရဲ့ အတော်ဆုံးနည်းပြတွေ ရှိပါတယ်။ သူတို့ဟာ ကမ္ဘာ့ပေါ်မှာ အတော်ဆုံးနည်းပြတွေလို့တောင် ပြောနိုင်တဲ့သူတွေပါ။ ဂွါဒီယိုလာ၊ ပိုချက်တီနို၊ မော်ရင်ဟို၊ ကလော့ပ်တို့အပြင် အခြားနည်းပြတွေနဲ့ ရင်ဆိုင်ဖို့ ကျွန်တော် အရမ်းစိတ်လှုပ်ရှားနေပါတယ်”ဟု ပြောကြားခဲ့သည်။

ထို့ပြင် ဆာရီက ချယ်လ်ဆီးမှာ အသင်းကောင်းတစ်သင်းဖြစ်ပြီး ၎င်း၏ ကစားဟန်ကို အသက်သွင်းရန် အပြောင်းအလဲ တစ်ခု၊ နှစ်ခုလောက် လုပ်ရန် လိုအပ်ကြောင်းလည်း ပြောကြားခဲ့သည်။

“ချယ်လ်ဆီးဟာ အသင်းကောင်းတစ်သင်းလို့ ကျွန်တော် ထင်ပါတယ်။ ဒါပေမဲ့ ပြဿနာက အင်္ဂလန်မှာ အခြားအသင်းကောင်းတွေကလည်း (၅)သင်း၊ (၆)သင်းလောက်ကို ရှိနေတာပါ။ ကျွန်တော် ကစားဟန်ကို အသက်သွင်းဖို့ဆိုရင် အပြောင်းအလဲ တစ်ခု၊ နှစ်ခုလောက်တော့ လုပ်ဖို့ လိုပါတယ်”ဟု ဆာရီက ပြောကြားခဲ့သည်။

ချယ်လ်ဆီးအသင်းသည် လက်ရှိတွင် နာပိုလီကွင်းလယ်လူ ယော်ဂင်ဟိုကို ခေါ်ယူထားပြီး ဂျူဗင်တပ်စ်အသင်းမှ အာဂျင်တီးနားတိုက်စစ်မှူး ဟီဂွါအင်ကိုလည်း ခေါ်ယူရန် စီစဉ်နေကြောင်း သိရသည်။

ရုရှားကွင်းလယ်လူ ဂိုလိုဗင်အား မိုနာကိုအသင်း ကမ်းလှမ်း

Photo: Getty Images

ပြင်သစ်ကလပ် မိုနာကိုအသင်းဒု-ဥက္ကဋ္ဌ ဗာဆယ်ယက်ဗ်က ရုရှားကလပ် CSKA ကွင်းလယ်လူ ဂိုလိုဗင်အား ကမ်းလှမ်းခဲ့ကြောင်း အတည်ပြုပြောကြားခဲ့သည်။

ဂိုလိုဗင် (၂၂ နှစ်)သည် ၂၀၁၈ ကမ္ဘာ့ဖလားပြိုင်ပွဲတွင် အိမ်ရှင်ရုရှားအသင်းအတွက် ခြေစွမ်းပြကစားနိုင်ခဲ့ခြင်းကြောင့် တောက်ပလာသူဖြစ်ပြီး ၎င်းအား ခေါ်ယူရန် အာဆင်နယ်၊ ချယ်လ်ဆီးအသင်းတို့ အပါအ၀င် ဥရောပထိပ်တန်းအသင်းများက စိတ်ဝင်စားနေကြကြောင်း သိရသည်။

မိုနာကိုအသင်းဒု-ဥက္ကဋ္ဌ ဗာဆယ်ယက်ဗ်က “ဂိုလိုဗင်အတွက် CSKA မော်စကိုအသင်းထံ ကျွန်တော်တို့ ကမ်းလှမ်းထားပါတယ်။ ဘယ်လောက်နဲ့ ကမ်းလှမ်းထားတယ်ဆိုတာတော့ ကျွန်တော် မပြောချင်ပါဘူး။ ဒါပေမဲ့ ထိုက်သင့်တဲ့ကြေးနဲ့ ကမ်းလှမ်းထားတာပါ”ဟု ပြောကြားခဲ့သည်။

ဈေးကွက်ကျွမ်းကျင်သူများ၏ သုံးသပ်ချက်အရ ဂိုလိုဗင်၏ တန်ကြေးမှာ ယူရို(၁၈)သန်းရှိကြောင်း သိရသည်။

ဂိုလိုဗင်သည် ပြီးခဲ့သည့် ၂၀၁၈ ကမ္ဘာ့ဖလားပြိုင်ပွဲတွင် အိမ်ရှင် ရုရှားအသင်းအတွက် ပွဲစဉ် (၅)ပွဲစလုံးပါဝင်ကစားခဲ့ပြီး (၁)ဂိုးသွင်းကာ ဂိုးဖန်တီးမှု (၂)ကြိမ် ပြုလုပ်နိုင်ခဲ့ကြောင်း သိရသည်။

လာမည့်ရက်ပိုင်းတွင် ရီးယဲလ်မက်ဒရစ်အသင်းနှင့် ကော်တိုအာ၏အပြောင်းအရွှေ့ကိစ္စကို ကြေညာဖွယ်ရှိသည်ဟု မီဒီယာများ ဖော်ပြ

Photo: Marca

ချယ်လ်ဆီးအသင်း၏ ဘယ်လ်ဂျီယံလက်ရွေးစင်ဂိုးသမား ကော်တိုအာနှင့် ရီးယဲလ်မက်ဒရစ်အသင်းတို့၏ အပြောင်းအရွှေ့ကို လာမည့်ရက်ပိုင်းအတွင်း အပြီးသတ်ကြေညာဖွယ်ရှိကြောင်း မီဒီယာများကဖော်ပြလျက်ရှိသည်။

ချယ်လ်ဆီးအသင်းနှင့် ရီးယဲလ်မက်ဒရစ်အသင်းတို့သည် ကော်တိုအာ၏အပြောင်းအရွှေ့အတွက် သဘောတူညီမှုရခဲ့ပြီဟု သတင်းများထွက်ပေါ်ခဲ့ပြီး မကြာခင်အတည်ပြုကြေညာဖွယ်ရှိနေသည်။

၂၀၁၈ ကမ္ဘာ့ဖလား ရွှေလက်အိတ်ဆုရှင်ကော်တိုအာသည် ကမ္ဘာ့ဖလားမတိုင်ခင်ကတည်းက ချယ်လ်ဆီးအသင်းနှင့် စာချုပ်သက်တမ်းမတိုးဘဲ အသင်းမှထွက်ခွာရန် စီစဉ်လျက်ရှိနေသည်ဟု သတင်းများထွက်ပေါ်နေသူဖြစ်ပြီး လက်ရှိအချိန်တွင် ရီးယဲလ်သို့ပြောင်းရွှေ့ရန်နီးစပ်နေခြင်း ဖြစ်သည်။

အက်သလက်တီကိုအသင်းတွင် (၃)ရာသီကြာ အငှားသွားရောက်ကစားခဲ့ဖူးသည် ကော်တိုအာသည် မက်ဒရစ်မြို့သို့ပြောင်းရွှေ့လို သည်ဟု ထုတ်ဖော်ပြောကြားခဲ့ဖူးပြီး သူ၏မိသားစုမှာလည်း မက်ဒရစ်တွင် အခြေချနေထိုင်လျက်ရှိကြောင်း သိရသည်။

ရီးယဲလ်မက်ဒရစ်အသင်းသည် မန်ယူအသင်းဂိုးသမား ဒီဂီယာအား ခေါ်ယူရန် ကြိုးပမ်းခဲ့သော်လည်း မအောင်မြင်သောကြောင့် ကော်တိုအာကို ပစ်မှတ်ထားခဲ့ခြင်းဖြစ်ပြီး ပြောင်းရွှေ့ကြေး ပေါင် (၃၁)သန်း (ယူရို ၃၅)သန်းဖြင့် ကမ်းလှမ်းခဲ့ရာ ချယ်လ်ဆီးအသင်းက လက်ခံခဲ့ဖြစ်ကြာင်း စပိန်သတင်းစာ Marca က ဖော်ပြခဲ့သည်။

အသင်းနှင့် စာချုပ်သက်တမ်း (၁)နှစ်သာ ကျန်ရှိတော့သည့် အသက် (၂၆)နှစ်အရွယ်ရှိကော်တိုအာအား ချယ်လ်ဆီးအသင်းသည် စာချုပ်သစ်ချုပ်ဆိုရန် စီစဉ်ခဲ့သော်လည်း လစာငွေပြဿနာနှင့် ကစားသမားကိုယ်တိုင် အသင်းမှ ထွက်ခွာရန် စိတ်အားထက်သန်နေခြင်းကြောင့် အဆင်မပြေခဲ့ကြောင်း သိရသည်။

ကော်တိုအာသည် ချယ်လ်ဆီးအသင်းအတွက် (၄)ရာသီအတွင်း ပြိုင်ပွဲစုံ (၁၅၄)ပွဲအထိ ကစားပေးခဲ့ပြီး ပရီးမီးယားလိဂ်ဖလား (၂)ကြိမ်၊ FA ဖလား (၁)ကြိမ်နှင့် လိဂ်ဖလား (၁) ကြိမ်ရယူနိုင်ခဲ့သည်။

ရိုးမားဂိုးသမား အယ်လစ်ဆန်အား ပေါင် (၆၂)သန်းဖြင့် လီဗာပူးလ်အသင်း ကမ်းလှမ်း

Photo: Getty Images

လီဗာပူးလ်အသင်းသည် ရိုးမားအသင်းမှ ဘရာဇီးလ်ဂိုးသမား အယ်လစ်ဆန်ကို ပေါင် (၆၂)သန်းဖြင့် ကမ်းလှမ်းခဲ့ကြောင်း ဗြိတိန်သတင်းစာ BBC က ဖော်ပြခဲ့သည်။

ရိုးမားအသင်းသည် အယ်လစ်ဆန်အတွက် လီဗာပူးလ်အသင်း၏ ပေါင်(၆၂)သန်းဖြင့် ကမ်းလှမ်းမှုကို လက်ခံစားရန် စဉ်းစားနေသော်လည်း သဘောတူညီမှုမရသေးဘဲ ပေါင်(၆၆)သန်းအထိ အလိုရှိနေသည်။

အသက် (၂၅)နှစ်အရွယ်ရှိ အယ်လစ်ဆန်သည် ပြီးခဲ့သည့်ရာသီက ရိုးမားအသင်းတွင် လက်စွမ်းပြနိုင်ခဲ့သည့် နာမည်ကျော်ကြားလာခဲ့ပြီး လီဗာပူးလ်နှင့် ရီးယဲလ်မက်ဒရစ်အသင်းတို့က ခေါ်ယူရန် ကြိုးစားနေကြခြင်း ဖြစ်သည်။

အကယ်၍ လီဗာပူးလ်အသင်း၏ ကမ်းလှမ်းမှုကိုသာ ရိုးမားအသင်းက လက်ခံမည်ဆိုပါက အယ်လစ်ဆန်သည် ကမ္ဘာ့ကြေးအကြီးဆုံးဂိုးသမားအဖြစ် မှတ်တမ်းဝင်မည်ဖြစ်ပြီး ၂၀၁၇ ခုနှစ် ဇွန်လက မန်စီးတီးအသင်းသို့ ပေါင် (၃၅)သန်းဖြင့် ပြောင်းရွှေ့ခဲ့ပြီး ကမ္ဘာ့ပေါ်တွင် ပြောင်းရွှေ့ကြေးအမြင့်ဆုံးဖြစ်နေသည့် ဂိုးသမား အီဒါဆင်၏ စံချိန်ကို ကျော်ဖြတ်နိုင်မည် ဖြစ်သည်။

လီဗာပူးလ်အသင်းနည်းပြ ကလော့ပ်သည် ပြီးခဲ့သည့် ချန်ပီယံလိဂ်ဗိုလ်လုပွဲစဉ်တွင် အမှားများခဲ့သည့် ဂျာမန်ဂိုးသမား ကာရီးယပ်စ်ဘက်မှ ကာကွယ်ပေးခဲ့သော်လည်း ရာသီကြိုပွဲစဉ်များတွင် အမှားများနေသည့်အတွက် အယ်လစ်ဆန်ကို ခေါ်ယူရန် ဆုံးဖြတ်ခဲ့ခြင်း ဖြစ်ကြောင်း မီဒီယာများက ဖော်ပြခဲ့ကြသည်။

ခရိုအေးရှားအသင်းမှ ပါရီဆစ်နှင့် ရယ်ဘစ်အား ပေါင် (၉၃)သန်းဖြင့် ခေါ်ယူရန် မန်ယူအသင်း စီစဉ်

Photo: The Sun

မန်ယူအသင်းသည် ၂၀၁၈ ကမ္ဘာ့ဖလားပြိုင်ပွဲတွင် ဒုတိယရရှိခဲ့သည့် ခရိုအေးရှားအသင်းမှ ပါရီဆစ်နှင့် ရယ်ဘစ်တို့အား ပေါင် (၉၂)သန်းဖြင့် ခေါ်ယူရန် စီစဉ်နေကြောင်း သိရသည်။

အသက် (၂၉)နှစ်အရွယ်ရှိ ပါရီဆစ်နှင့် ရယ်ဘစ်(၂၄ နှစ်)တို့သည် ပြီးခဲ့သည့် ၂၀၁၈ ကမ္ဘာ့ဖလားပြိုင်ပွဲတွင် ခရိုအေးရှားအသင်းနှင့်အတူ အကောင်းဆုံးခြေစွမ်းပြခဲ့သူများဖြစ်ပြီး မိခင်နိုင်ငံအား ဗိုလ်လုပွဲသို့ တက်ရောက်နိုင်အောင် အကောင်းဆုံးစွမ်းဆောင်ပေးနိုင်ခဲ့သည်။

The Sun ၏ဖော်ပြချက်အရ မန်ယူအသင်းနည်းပြ မော်ရင်ဟိုသည် ကမ္ဘာ့ဖလားပြိုင်ပွဲတွင် ခြေစွမ်းပြခဲ့ကြသည့် ပါရီဆစ်နှင့် ရယ်ဘစ်တို့ကို ခေါ်ယူရန် သဘောကျနေခြင်းဖြစ်ကြောင်း သိရသည်။

မော်ရင်ဟိုသည် ပြီးခဲ့သည့်ရာသီက အင်တာမီလန်အသင်း၏ တောင်ပံကစားသမား ပါရီဆစ်အားခေါ်ယူရန်  ကြိုးပမ်းခဲ့သော်လည်း မအောင်မြင်ခဲ့ဘဲ ယခုအခါထပ်မံကြိုးပမ်းဖွယ်ရှိနေခြင်းဖြစ်သည်။

ဖရန့်ဖတ်တောင်ပံကစားသမား ရယ်ဘစ်မှာလည်း ကမ္ဘာ့ဖလားတွင် ခရိုအေးရှားအသင်းနှင့်အတူ တောက်ပခဲ့ခြင်းကြောင်း မန်ယူအသင်းအပြင် ဥရောပအသင်းများ၏ စိတ်ဝင်စားခြင်းကိုခံနေရသူ ဖြစ်သည်။

ပါရီဆစ်သည် ကမ္ဘာ့ဖလားပြိုင်ပွဲတွင် ခရိုအေးရှားအသင်းအတွက် (၃)ဂိုးသွင်းယူကာ (၁)ဂိုးဖန်တီးပေးနိုင်ခဲ့ပြီး၊ ရယ်ဘစ်မှာလည်း (၁)ဂိုးသွင်းယူကာ အသင်း၏တိုက်စစ်ပိုင်းတွင် ကစားဖော်များနှင့် အကောင်းဆုံးတွဲဖက်ကစားနိုင်ခဲ့သည်။

အာဆင်နယ်အသင်းတွင် (၂၂)နှစ်ကြာ နေထိုင်ခဲ့ခြင်းမှာ အကြီးမားဆုံးအမှားဖြစ်သည်ဟု နည်းပြဟောင်း အာစင်ဝင်းဂါး ၀န်ခံ

Photo: RTL

အာဆင်နယ်အသင်းနည်းပြဟောင်း အာစင်ဝင်းဂါးက အာဆင်နယ်အသင်းတွင် (၂၂)နှစ်ကြာ ကိုင်တွယ်နည်းပြခဲ့သည်မှာ ၎င်း၏ဘ၀တစ်လျှောက် အကြီးမားဆုံးအမှားဖြစ်ကြောင်း ဂျာမန်ရုပ်သံလိုင်း RTL နှင့် တွေ့ဆုံရာတွင် ၀န်ခံပြောကြားခဲ့သည်။

အသက် (၆၈)နှစ်အရွယ်ရှိ အာစင်ဝင်းဂါးသည် အာဆင်နယ်အသင်းကို ၁၉၉၆ မှ ၂၀၁၈ ခုနှစ်အထိ (၂၂)ကြာ ကိုင်တွယ်ခဲ့ပြီး ပရီးမီးယားလိဂ် (၃)ကြိမ်နှင့် FA ဖလား (၇)ကြိမ် ရယူပေးနိုင်ခဲ့ကာ ၂၀၀၃-၀၄ ရာသီက ပရီးမီးယားလိဂ်တွင် အာဆင်နယ်အသင်းကို ရှုံးပွဲမရှိစံချိန်ဖြင့် ချန်ပီယံ ဖြစ်စေခဲ့သူ ဖြစ်သည်။

RTL ရုပ်သံလိုင်းမှ အစီအစဉ်တင်ဆက်သူ ခရစ္စတိန်းကယ်လီက ဘ၀တွင် အကြီးမားဆုံးအမှားကို မေးမြန်းခဲ့ရာ အာစင်ဝင်းဂါးက “အသင်းတစ်သင်းတည်းမှာ (၂၂)နှစ်ကြာ နေထိုင်ခဲ့တာ
ဖြစ်ပါလိမ့်မယ်။ ကျွန်တော်က ဟိုဒီသွားရတာကို နှစ်သက်သူဖြစ်သလို စိန်ခေါ်မှုတွေကိုလည်း ကြိုက်ပါတယ်။ အာဆင်နယ်မှာတုန်းကတော့ ကျွန်တော့်ဟာ ကိုယ်ပိုင်စိန်ခေါ်မှုတွေနဲ့ အကျဉ်းကျနေခဲ့တာပါ”ဟု ပြောကြားခဲ့သည်။

ထို့ပြင် အာစင်ဝင်းဂါးက အာဆင်နယ်အသင်းကို နှစ်ပေါင်းများစွာကိုင်တွယ်နိုင်ရန်စွန့်လွှတ်အနစ်နာခံရမှုများစွာ ရှိခဲ့ပြီး ယင်းအတွက် နောင်တရမိကြောင်းလည်း ထုတ်ဖော်ပြောကြားခဲ့သည်။

“အာဆင်နယ်အသင်းကို နှစ်ပေါင်းများစွာ ကိုင်တွယ်ဖို့အတွက် ကျွန်တော် ရင်းခဲ့ရတာတွေ အများကြီးပါ။ အဲဒါအတွက် နောင်တရမိပါတယ်။ ဘာလို့လဲဆိုတော့ ကျွန်တော့်ကြောင့် ကျွန်တော့်အနီးအနားလူတွေ နာကျင်ခဲ့ရပါတယ်။ ကျွန်တော်ဟာ အာဆင်နယ်အသင်းမှ အာရုံစိုက်ခဲ့တာကြောင့် မိသားစုတွေ၊ ချစ်ခင်ရသူတွေအားလုံးကို လစ်လျူရှုခဲ့မိပါတယ်”ဟု ပြောကြားခဲ့သည်။

အိုက်စလန်အသင်းနည်းပြရာထူးမှ ဟယ်ဂရင်းဆန် နုတ်ထွက်

Photo: Getty Images

အိုက်စလန်အသင်းနည်းပြ ဟယ်ဂရင်းဆန်သည် ရာထူးမှ နုတ်ထွက်လိုက်ပြီဖြစ်ကြောင်း သိရှိရသည်။

အသက် (၅၁)နှစ်အရွယ်ရှိ ဟယ်ဂရင်းဆန်သည် အိုက်စလန်အသင်းကို ယူရိုပြိုင်ပွဲနှင့် ကမ္ဘာ့ဖလားပြိုင်ပွဲများတွင် ၀င်ရောက်ယှဉ်ပြိုင်ခွင့်ရအောင် စွမ်းဆောင်ပေးနိုင်ခဲ့သည့် တစ်ဦးတည်းသော နည်းပြအဖြစ် မှတ်တမ်းဝင်နေသူလည်း ဖြစ်သည်။

အိုက်စလန်အသင်းသည် ၂၀၁၈ ကမ္ဘာ့ဖလားပြိုင်ပွဲတွင် အုပ်စုအဆင့်မှ ထွက်ခွာခဲ့ရသော်လည်း ယူရို ၂၀၁၆ ပြိုင်ပွဲတွင် ဟယ်ဂရင်းဆန်သည် အသင်းကို ကွာတားဖိုင်နယ်အထိ ပို့ဆောင်ပေးနိုင်ခဲ့သည်။

ဟယ်ဂရင်းဆန်သည် နည်းပြရာထူးမှ နုတ်ထွက်ရန် တောင်းဆိုခဲ့ခြင်းဖြစ်ကြောင်း အိုက်စလန်ဘောလုံးအဖွဲ့ချုပ်က Twitter စာမျက်နှာတွင် ထုတ်ပြန်ကြေညာခဲ့သည်။

အိုက်စလန်ဘောလုံးအဖွဲ့ချုပ်၏ ထုတ်ပြန်ချက်တွင် “အိုက်စလန်အမျိုးသားလက်ရွေးစင်အသင်းကို ဟယ်ဂရင်းဆန် ဆက်လက်ကိုင်တွယ်တော့မှာ မဟုတ်ကြောင်း အိုက်စလန်ဘောလုံးအဖွဲ့ချုပ်က
အတည်ပြုထုတ်ပြန်လိုက်ပါတယ်။ ဟယ်ဂရင်းဆန်ဟာ အိုက်စလန်ကို ၂၀၁၁ ခုနှစ်က စတင်ရောက်ရှိလာခဲ့ပြီး (၇)နှစ်အကြာမှာ နည်းပြရာထူးက နုတ်ထွက်ဖို့ ကိုယ်တိုင်တောင်းဆိုခဲ့တာ ဖြစ်ပါတယ်”ဟု ပါရှိသည်။

ဟယ်ဂရင်းဆန်သည် အိုက်စလန်အသင်းကို ၂၀၁၁ ခုနှစ်က နည်းပြလာဂါဘတ်ခ်၏ လက်ထောက်နည်းပြအဖြစ် စတင်ရောက်ရှိလာခဲ့ပြီး ၂၀၁၃ မှ ၂၀၁၈ ခုနှစ်အထိ နည်းပြချုပ် တာဝန်ယူကိုင်တွယ်ခဲ့သူ ဖြစ်သည်။

အတိတ်က တရားမ၀င် မြေယာသိမ်းယူမှုများအား ပြန်လည်ဖြေရှင်းပေးသင့်ဟု လူ့အခွင့်အရေးဆိုင်ရာ စောင့်ကြည့်ရေးအဖွဲ့ (HRW) အစီရင်ခံစာက ဖော်ပြ

မြန်မာအစိုးရအနေဖြင့် အတိတ်က တရားမ၀င် မြေယာသိမ်းယူမှုများအား ပြန်လည်ဖြေရှင်းပေးရန် ချက်ချင်း အားပေးထောက်ခံသင့်သည်ဟု လူ့အခွင့်အရေးဆိုင်ရာ စောင့်ကြည့်ရေးအဖွဲ့ ((HRW) ၏ အစီရင်ခံစာတွင် ဇူလိုင် ၁၇ ရက်က ဖော်ပြခဲ့သည်။ မြန်မာအစိုးရအနေဖြင့် လယ်သမားများနှင့်  အခြားအသေးစား မြေယာပိုင်ဆိုင်သူများ၏ အခွင့်အရေးကို အနာဂတ်၌ မတရားသိမ်းယူမှုများမှနေ၍ အကာအကွယ်ပေးသည့် ဥပဒေများနှင့် စည်းမျဉ်းစည်းကမ်းများကို အသက်ဝင်လာအောင်လည်း ပြုလုပ်သင့်သည်ဟု အဆိုပါ အစီရင်ခံစာက ဖော်ပြခဲ့သည်။

လွန်ခဲ့သည့် နှစ်ပေါင်း ၃၀ အတွင်း မြန်မာအစိုးရနှင့် စစ်ဘက်ဆိုင်ရာအရာရှိများသည် လယ်သမားများထံမှ မြေယာပမာဏများစွာကို သိမ်းယူခဲ့ကြောင်း၊ လျော်ကြေး လုံးဝမပေးခြင်း သို့မဟုတ် လုံလောက်စွာ မပေးခြင်းတုိ့ ရှိခဲ့ကြောင်းနှင့် ယင်းသည် အခြေခံဝန်ဆောင်မှုများ အသုံးပြုနိုင်ခွင့်ကို ပျက်စီးစေပြီး လယ်သမားတို့၏ဘ၀ကို ငြင်းပယ်ရာရောက်ကြောင်း အစီရင်ခံစာက ဖော်ပြခဲ့သည်။

မြန်မာလယ်သမားများစွာတို့သည် ၎င်းတို့ထံမှ သိမ်းယူသွားသော မြေယာများပေါ်တွင် အလုပ်ရပ်ဆိုင်းရန် သို့မဟုတ် ထွက်ခွာရန် ငြင်းဆိုခြင်းနှင့် တရားမျှတစွာ ဖြေရှင်းပေးမှု မရှိခြင်းကို ကန့်ကွက်ဆန္ဒပြခြင်းတို့ကြောင့်  ရာဇ၀တ်မှုဖြင့် တရားစွဲဆိုခြင်းခံရကြောင်းလည်း အစီရင်ခံစာက ဖော်ပြသည်။

“မြန်မာတစ်လွှားမှာ မြေယာသိမ်းယူမှုတွေ အကြီးအကျယ် ပြုလုပ်ခြင်းတွေက ကျေးလက်နေပြည်သူတွေကို များပြားတဲ့ နည်းလမ်းတွေနဲ့ ဆယ်စုနှစ်တွေ ချီပြီးကြာအောင် ထိခိုက်စေခဲ့ပါတယ်။ ဒေါ်အောင်ဆန်းစုကြည် အစိုးရအဖွဲ့အနေနဲ့ တရားမ၀င် မြေယာသိမ်းယူမှုတွေကို ချက်ချင်းဖြေရှင်းပေးသင့်ပါတယ်။ ထိခိုက်နစ်နာတဲ့ဘက်တွေကို လျော်ကြေးပေးခြင်းနဲ့ အနာဂတ်မှာ မတရားလုပ်လို့မရအောင် လူတွေကို ကာကွယ်စောင့်ရှောက်ပေးဖို့ ဥပဒေပြုပြင်ပြောင်းလဲမှုတွေ လုပ်သင့်ပါတယ်”  ဟု HRW ၏ အာရှရေးရာ လက်ထောက်ညွှန်ကြားရေးမှူး  ဖီးလ်ရောဘတ်ဆင်က ပြောကြားခဲ့သည်။

“ကျွန်ုပ်တို့မြေအတွက် ဘာမျှမရှိ-မြန်မာနိုင်ငံ၌ မြေယာသိမ်းယူမှုများက လယ်သမားများအပေါ် ရိုက်ခတ်ချက်များ” ဟူသည့် စာမျက်နှာ ၃၃ မျက်နှာရှိသော အစီရင်ခံစာတွင် မြန်မာနိုင်ငံ ရှမ်းပြည်နယ်တောင်ပိုင်း၊ ဧရာဝတီတိုင်းဒေသကြီးနှင့် ရန်ကုန်တိုင်းဒေသကြီးတို့မှ လယ်သမားများအပေါ်  မြေယာသိမ်းယူမှုများ၏ ထိခိုက်စေသည့် သက်ရောက်မှုများကို မှတ်တမ်းတင်ထားသည်။ ယင်း၌ လယ်သမားများက ၎င်းတို့၏  အသက်မွေးဝမ်းကျောင်းမှု ဆုံးရှုံးခဲ့ရပုံများ ၊ ကျန်းမာရေးစောင့်ရှောက်မှုနှင့် ကလေးများ၏ ပညာရေးအနေအထားများနှင့် ဖမ်းဆီးခံရခြင်းဖြင့်သာ ကြိမ်ဖန်များစွာ အဆုံးသတ်ခဲ့ရသည့် တရားမျှတစွာ ဖြေရှင်းပေးရန် အားထုတ်မှုများကို ပြောကြားထားသည်။

ယင်းအစီရင်ခံစာကို သုတေသနပြုရာတွင် HRW သည် မြန်မာနိုင်ငံမှ လယ်သမား ၃၉ ဦးနှင့် တွေ့ဆုံမေးမြန်းထားသကဲ့သို့ မြေယာဆိုင်ရာ ကျွမ်းကျင်သူများ၊ အရပ်ဘက် လူ့အဖွဲ့အစည်းများနှင့်လည်း တွေ့ဆုံမေး မြန်းထားသည်။

စစ်အစိုးရများလက်အောက်တွင် မြန်မာနိုင်ငံမှ ကျေးလက်နေပြည်သူများသည် မြေယာသိမ်းယူမှုများကြောင့် ကာလကြာရှည်စွာ ဒုက္ခဖြစ်ခဲ့ကြရသည်။ တရားဝင်စာ ရင်းဇယားများက ၁၉၉၀ ပြည့်လွန်နှစ်များ အစောပိုင်းမှစ၍ အစိုးရက လယ်မြေဧက ပေါင်းသိန်းနှင့်ချီလျက်ကို သိမ်းယူခဲ့ကြောင်း အတည်ပြုထားပြီး တက်ကြွလှုပ်ရှားသူများက  လယ်မြေဧကပေါင်း သန်းနှင့်ချီလျက် သိမ်းယူခံခဲ့ရသည်ဟု ယုံကြည်ကြသည်။

မြန်မာနိုင်ငံတွင် စစ်အစိုးရလက်ထက်က မြေယာသိမ်းယူမှုများသည် အနည်းငယ်မျှသာ သို့မဟုတ် လုံးဝ သတိပြုမိခြင်းမခံရဘဲ  လျော်ကြေးလုံလောက်စွာ မရရှိဘဲ ဖြစ်ပွားခဲ့ပြီး သက်ရောက်ခံရသူများအပေါ် ကြီးစွာသော ထိခိုက်မှုများ ဖြစ်ပေါ်စေခဲ့သည်ဟု ဆိုသည်။

မြေယာသိမ်းယူမှုများနှင့်ပတ်သက်၍ မကောင်းသော ရိုက်ခတ်ချက်များသည် လယ်သမားများ၏ အခြားမျက်နှာစာများကိုလည်း အကြီးအကျယ် ထိခိုက်စေခဲ့ပြီး ကျန်းမာရေး စောင့်ရှောက်မှုရရှိနိုင်ခြင်းနှင့် ကလေးများကို ပညာသင်ကြားရေးအတွက် ထောက်ပံ့ပေးနိုင်ခြင်းတို့အတွက် အကြီးအကျယ် အကန့်အသတ်ရှိသွားစေခဲ့ကြောင်းနှင့် ကလေးများသည် ကျောင်းမှ မဖြစ်မနေ ထွက်လိုက်ရပြီး  အလုပ်လုပ်ခဲ့ရကြောင်း အစီရင်ခံစာက ဖော်ပြသည်။

မြေယာဆုံးရှုံးသွားသူ အများအပြားသည် အလုပ်ကြမ်းသမားများအဖြစ် လုပ်ကိုင်ကြရပြီး တစ်နေ့လျှင် မြန်မာကျပ်ငွေ ထောင်အနည်းငယ်မျှ (အမေရိကန် နှစ်ဒေါ်လာမျှ) သာ ရရှိသည်ဟု ဆိုသည်။

အာဏာရပါတီဖြစ်သော အမျိုးသားဒီမိုကရေစီအဖွဲ့ချုပ် (NLD) ပါတီ၏ ကြေညာစာတမ်းပါ အဓိကရပ်တည်ချက်တစ်ခု၌ စစ်အစိုးရလက်အောက်၌ ဆောင်ရွက်ခဲ့သော မြေယာအကြီးအကျယ် သိမ်းယူမှုများ၏ ပျက်စီးစေသော သက်ရောက်မှုများကို အဆုံးသတ်ရန်ဟူသည့် အချက်ပါရှိခဲ့သည်ဟု ဆိုသည်။  အစိုးရအဖွဲ့အသစ်က စုံစမ်းစစ်ဆေးရေးအဖွဲ့ ဖွဲ့စည်းခြင်းနှင့် အရေးကြီးသော ဥပဒေများ ပြုပြင်ပြောင်းလဲခြင်းတို့ဖြင့် အရေးကြီးသော ခြေလှမ်းများ လှမ်းခဲ့သည်။ အကန့်အသတ်ရှိသည့် အောင်မြင်မှုအချို့ ရရှိသော်လည်း လယ်သမားများစွာတို့အနေဖြင့် မည်သည့်ရလဒ်ကိုမျှ မမြင်ရသေးကြောင်းလည်း  HRW ၏ အစီရင်ခံစာက ဖော်ပြသည်။

HRW  က တွေ့ဆုံမေးမြန်းခဲ့သော လယ်သမားအများစုက ၎င်းတို့ တိုင်ကြားထားမှုများသည် တုံ့ပြန်မှု ရရှိခြင်းမရှိဘဲ နှစ်များချီ လျက်ကြာခဲ့ကြောင်း ပြောကြားခဲ့သည်။ လူများစွာတို့က ခြစားမှုနှင့် စွမ်းဆောင်ရည် မပြည့်ဝမှုတို့အပေါ် ပြုပြင်ပြောင်းလဲမှု ပြုလုပ်ရန် ပျက်ကွက်ခြင်းအား အပြစ်တင်ခဲ့ကြသည်။

မြန်မာနိုင်ငံတစ်လွှားမှ မြေယာများ ပြန်လည်ရရှိရန် သို့မဟုတ် လျော်ကြေးရရှိရန် စောင့်ဆိုင်းနေရခြင်းကို စိတ်ပျက်နေသည့် ရာနှင့်ချီသော လယ်သမားများသည် အစိုးရကို ဆန့်ကျင်ရန် လူထုဆန္ဒပြပွဲများကို စည်းရုံးလှုပ်ရှားခြင်းနှင့် ပါဝင်ခြင်းတုိ့ကြောင်းလည်းကောင်း၊ ၎င်းတို့ပိုင်ဆိုင်သည့် မြေယာများပေါ်သို့ ကျူးကျော်ဝင်ရောက်မှုဖြင့်လည်းကောင်း တရားစွဲဆိုခြင်း ခံခဲ့ရသည်ဟု ဆိုသည်။ ရာဇ၀တ်ကြောင်းအရ တရားစွဲဆိုခံရသူများသည် ကာလကြာရှည်သော အမှုစစ်ဆေးမှုများ၏ ဒဏ်ကိုခံရပြီး ငွေကြေးကုန်ကျစရိတ် ၀န်ပိမှုများ ထပ်မံဖြစ်ပေါ်ခဲ့ရသည်ဟု ဆိုသည်။

မြေယာပိုင်ဆိုင်မှုဆိုင်ရာ  တက်ကြွလှုပ်ရှားသူများအား ထင်သလို ဖမ်းဆီးနေမှုများအား ရပ်တန့်ရန်နှင့် မြေယာသိမ်းယူမှုများနှင့် ပတ်သက်၍ ငြိမ်းချမ်းစွာ ဆန္ဒပြခဲ့ခြင်းအတွက် အမှုစစ်ဆေးခြင်းကို စောင့်ဆိုင်းနေရသူများ အားလုံးအား ချက်ချင်းလွှတ်ပေးရန် HRW က မြန်မာအစိုးရကို တောင်းဆိုခဲ့သည်။

မြန်မာအစိုးရအနေဖြင့် ဥပဒေနှင့်မညီသော မြေယာသိမ်းယူမှုများနှင့်ပတ်သက်၍  စွပ်စွဲမှုများကို သမာသမတ်ကျစွာ စုံစမ်းစစ်ဆေးမှုများ ပြုလုပ်သင့်ကြောင်း၊ တွေ့ရှိချက်များကို လူသိရှင်ကြား ထုတ်ပြန်သင့်ကြောင်း၊ မြေယာပိုင်ဆိုင်ခွင့်ကို အလွဲသုံးစား လုပ်မှုအတွက် တာဝန်ရှိသူများကို တရားစွဲဆိုသင့်ကြောင်းနှင့် လယ်သမားများနှင့် မြေယာမတရားဆုံးရှုံးခဲ့ရသည့် အခြားသူများကို လျော်ကြေးလုံလောက်စွာ ပေးသင့်ကြောင်း HRW က တောင်းဆိုခဲ့သည်။

“အလှူရှင်အစိုးရအဖွဲ့တွေကို မြန်မာနိုင်ငံမှာ မြေယာပြုပြင်ပြောင်းလဲမှုတွေ ပြုလုပ်နေပါတယ်ဆိုပြီး ပျာပျာသလဲ ပြောခြင်း နဲ့ အရူးမလုပ်သင့်ပါဘူး။ မြန်မာအစိုးရအနေနဲ့ အတိတ်က မြေယာ မတရား အသိမ်းခံ  ရသူတွေအတွက် တရားမျှတစွာ ဖြေရှင်းပေးရေးကို ထောက်ခံအားပေးဖို့ လိုအပ်ပါတယ်။  အနာဂတ်မှာ လယ်သမားမိသားစုတွေရဲ့ အခွင့်အရေးတွေကို ကာကွယ်ပေးမယ့် ဥပဒေ အသစ်တွေရှိအောင် အာမခံဖို့လိုပါတယ်” ဟု ရောဘတ်ဆင်က ပြောကြားခဲ့သည်။

Ref; HRW

ရိုက်တာသတင်းဌာနမှ အင်းဒင်သတင်း ထုတ်ပြီးနောက် ရဲမှူးချုပ်တင်ကိုကို၊ ရဲမှူးကြီးမျိုးသူစိုး ပါဝင်သည့်အဖွဲ့က သတင်းမှန်ကန်မှုရှိကြောင်း အင်းစိန်ထောင်အတွင်း အတည်ပြုချက် လက်မှတ်ရေးထိုးခိုင်းဟု ရိုက်တာသတင်းထောက် ကိုဝလုံး ထွက်ဆို

ဇူလိုင် ၁၇ ရက်က ရုံးထုတ်လာသည် ရိုက်တာသတင်းထောက် တစ်ဦးအား တွေ့ရစဉ်

ရိုက်တာသတင်းဌာနမှ အင်းဒင်သတင်း ထုတ်ပြီးနောက် ရဲမှူးချုပ်တင်ကိုကို၊ ရဲမှူးကြီးမျိုးသူစိုး ပါဝင်သည့်အဖွဲ့က သတင်းမှန်ကန်မှုရှိကြောင်း အင်းစိန်ထောင်အတွင်း အတည်ပြုချက် လက်မှတ်ရေးထိုးခိုင်းဟု ရိုက်တာသတင်းထောက် ကိုဝလုံး ထွက်ဆိုခဲ့ကြောင်း ၎င်း၏ရှေ့နေ တရားလွှတ်တော်ရှေ့နေ ဦးသန်းဇော်အောင်က ဇူလိုင် ၁၇ ရက်တွင် မီဒီယာများအား ဖြေကြားသည်။

မြန်မာနိုင်ငံ အစိုးရလျှို့ဝှက်ချက်များ အက်ဥပဒေ ပုဒ်မ ၃ (၁) (ဂ) ဖြင့် တရားစွဲဆိုခံရသော  ရိုက်တာသတင်းဌာနမှ မြန်မာသတင်းထောက် ကိုသက်ဦးမောင် (ခ) ကိုဝလုံးနှင့် ကိုကျော်စိုးဦး (ခ) ကိုမိုးအောင်တို့ကို မြောက်ပိုင်းခရိုင် တရားရုံးတွင် ၃၁ ကြိမ်မြောက်ရုံး ထုတ်ခဲ့ပြီး စွပ်စွဲခံရသူများဘက်မှ တင်သွင်းသော သက်သေများကို စစ်ဆေးမှုစတင်နေရာ ကိုဝလုံးအား ဦးစွာစစ်ဆေးနေခြင်း ဖြစ်ကြောင်း သိရသည်။

တရားလွှတ်တော်ရှေ့နေ ဦးသန်းဇော်အောင်က “သူရဲ့ထွက်ဆိုချက်အရ ဖေဖော်ဝါရီ ၁၀ ရက်နဲ့ ၁၁ ရက်မှာ ရိုက်တာသတင်းဌာနက အင်းဒင်သတင်းကို ထုတ်ပြီးတဲ့ နောက်ပိုင်းမှာ ထောင်ထဲကိုလာတယ်။ ရဲမှူးချုပ်တင်ကိုကို၊ ရဲမှူးကြီးမျိုးသူစိုးပါတဲ့ အဖွဲ့က လာပြီးတော့ ဒီသတင်းက မှန်ကန်မှုရှိတယ်ဆိုတဲ့ အကြောင်းကို အတည်ပြုချက် ရယူပြီးတော့ လက်မှတ်ထိုးခိုင်းသွားတယ်” ဟု မီဒီယာများအား ဖြေကြားသည်။

ထို့ပြင် အဆိုပါ သတင်းများနှင့် ပတ်သက်၍ ရေးသားမှု ရာခိုင်နှုန်း ၈၀ ရှိချိန်တွင် အစိုးရသက်ဆိုင်ရာက အတည်ပြုချက် တောင်းခံရန် ဆောင်ရွက်နေချိန် ဖမ်းဆီးခံရခြင်းဖြစ်ကြောင်း သတင်းထောက် ကိုဝလုံးက ထွက်ဆိုခဲ့ဟု ဦးသန်းဇော်အောင်က ပြောကြားသည်။

“သူသတင်းမီဒီယာ ကျင့်ဝတ်နဲ့အညီ ရေးသားခဲ့တယ်။ ရေးသားရင်းနဲ့ ဒီလို ဖမ်းဆီးခံရတယ်။ အဲဒီလိုမျိုး သူရေးတဲ့သတင်းက Complete ရာခိုင်နှုန်း ၈၀ ပြည့်စုံနေပြီ။ အစိုးရ အဖွဲ့တွေကို အတည်ပြုချက် တောင်းခံမလို့ လုပ်နေတဲ့ အချိန်မှာပဲ သူအဖမ်းခံရတယ်ဆိုတဲ့ အကြောင်းကို ထွက်ဆိုသွားတယ်။ သူတို့ကို အောင်သပြေ စစ်ကြောရေးမှာ စစ်ကြောမေးမြန်းတယ်။ အဲဒီအချိန်မှာပဲ သူတို့ကို စစ်ကြောတဲ့လူကလည်း မြေပြင်မောင်တောမှာ သွားပြီးတော့ စုံစမ်းတယ်။ စုံစမ်းလို့ရတဲ့ အချက်အလက်တွေနဲ့ အစိုးရက အရင်ဦးဆုံး သတင်းထုတ်ပြန်ခဲ့တာပေါ့။ ဒါကလည်း သက်သေခံတွေအရ ထင်ရှားပြီးဖြစ်တယ်” ဟု တရားလွှတ်တော်ရှေ့နေ ဦးသန်းဇော်အောင်က ပြောကြားသည်။

ဆက်လက်၍ ယနေ့ထွက်ဆိုချက်၏ ထူးခြားချက် တစ်ခုအနေဖြင့် သတင်းထောက် ကိုဝလုံးနှင့် ကိုကျော်စိုးဦးတို့ကို အောင်သပြေ စစ်ကြောရေးတွင် စစ်ကြောနေစဉ် ကာလအတွင်း အင်းဒင်သတင်း မထုတ်ခဲ့လျှင် ညှိနှိုင်းမည့်အကြောင်း ကိုဝလုံးက ထွက်ဆိုခဲ့ကြောင်းနှင့် မည်သူများ စစ်ဆေးခဲ့သည်ဆိုခြင်း အတိအကျ မပေါ်ခဲ့ကြောင်း ဦးသန်းဇော်အောင်က ပြောကြားသည်။

ကိုဝလုံးနှင့် ကိုကျော်စိုးဦးသည် မင်္ဂလာဒုံမြို့နယ်ရှိ စားသောက်ဆိုင် တစ်ဆိုင်တွင် ရဲဒုတပ်ကြပ်နှင့် တွေ့ဆုံပြီး စာရွက်စာတမ်း အပေးခံရပြီးနောက် ဆိုင်အပြင် အရောက်တွင် ဖမ်းဆီးခံခဲ့ရကြောင်း ကိုဝလုံးက ထွက်ဆိုခဲ့ကြောင်း သိရသည်။

“သေချာတာတစ်ခုက သူ့ရဲ့ထွက်ဆိုချက်ကပဲ ဒုတပ်ကြပ်နိုင်လင်းက ဆောင်းရိပ်မွန် စားသောက်ဆိုင်မှာ ဒီစာရွက်စာတမ်းတွေကို ပေးတယ်။ စာရွက်စာတမ်းတွေ ပေးတဲ့ဟာနဲ့ ပတ်သက်ပြီး ဘယ်သူ့ကိုမှ ဖမ်းဆီးခံထားရတာ မရှိဘူး။ ဒီစာရွက်စာတမ်းတွေက ဘာမှန်း မသိလိုက်ခင်မှာပဲ လက်ထဲကရတယ်။ ရပြီးတော့ စားသောက်ဆိုင်အပြင် အထွက်မှာပဲ အဖမ်းခံလိုက်ရတယ်ဆိုတဲ့ အနေအထားမျိုး ပေါ်ပေါက်တယ်” ဟု ဦးသန်းဇော်အောင်က ပြောကြားသည်။

ရိုက်တာသတင်းထောက် ကိုဝလုံးက တရားရုံးချိန်းပြီးနောက် မီဒီယာများအား ပြောကြားရာတွင် “ကျွန်တော် အခုလို တရားရုံးတော်မှာ အမှန်အတိုင်း ထွက်ဆိုခွင့်ရလို့ အရမ်းကျေနပ် အားရပါတယ်။ ဘာဖြစ်လို့လဲဆို ဒီကိစ္စက ခုနစ်လ၊ ရှစ်လလောက်ရှိပြီ။ ကျွန်တော်တို့ မတရားခံခဲ့ရတာကို မျိုသိပ်ခဲ့ရပါတယ်။ ဒီကိစ္စတွေကို ပြောပြပေးမယ်လို့ ဘယ်သူမှ ကျွန်တော်တို့ကို အာဏာပိုင် အဖွဲ့အစည်းက အရေးယူ ဆောင်ရွက်တာမျိုး နားထောင်တာမျိုး မလုပ်ခဲ့တာကြ အခုလိုမျိုး တရားရုံးတော်မှ အမှန်အတိုင်း ပြောခွင့်ရတာ အရမ်းကျေနပ် အားရပါတယ်။ ကျွန်တော်တို့ မတရားခံခဲ့ရတာတွေ ဒီနေ့ ပြောခွင့်ရပါတယ်” ဟု ပြောကြားသည်။

တရားရုံးချိန်းကို ဇူလိုင် ၂၃၊ ၂၄ ရက်သို့ ပြန်လည်ချိန်းဆိုခဲ့ပြီး ရိုက်တာသတင်းထောက် ကိုကျော်စိုးဦးကို စစ်ဆေးသွားမည် ဖြစ်သည်။ ရိုက်တာသတင်းဌာနမှ ကိုဝလုံးနှင့် ကိုကျော်စိုးဦးတို့ကို မြန်မာနိုင်ငံအစိုးရ လျှို့ဝှက်များ အက်ဥပဒေ ပုဒ်မ ၃ (၁) (ဂ) ဖြင့် စွဲချက်တင်ကြောင်း မြောက်ပိုင်းခရိုင် တရားရုံးက ဇူလိုင် ၉ ရက်တွင် အမိန့်ချမှတ်ခဲ့ကြောင်း သိရသည်။