NCA ကို အဓိပ္ပာယ်အမျိုးမျိုးဖွင့်ဆိုနေသည့်အတွက် ဆက်လက်ဆွေးနွေးရန်အခွင့်အလမ်းများ ပိတ်ဆို့လျက်ရှိပြီး ငြိမ်းချမ်းရေး အခြေအနေသည်လည်းတစ်ဆို့နေဟု NCA ပြောကြား

တစ်နိုင်ငံလုံး ပစ်ခတ်တိုက်ခိုက်မှုရပ်စဲရေးသဘောတူစာချုပ် (NCA) ကို အဓိပ္ပာယ် အမျိုးမျိုးဖွင့်ဆိုနေသည့်အတွက် ၎င်းကိုဆက်လက်ဆွေးနွေးရန် အခွင့်အလမ်းများ ပိတ်ဆို့လျက်ရှိနေပြီး လက်ရှိငြိမ်းချမ်းရေးအခြေအနေသည်လည်း တစ်ဆို့နေသည့် အခြေအနေတွင် ရှိနေသည်ဟု ကရင်အမျိုးသားအစည်းအရုံး (KNU) က ပြောကြားသည်။

၂၀၁၈ ခုနှစ် စက်တင်ဘာ ၂၁ ရက်တွင် ကျရောက်သည့် အပြည်ပြည်ဆိုင်ရာငြိမ်းချမ်းရေးနေ့ အခမ်းအနားသို့ ပေးပို့သည့် သ၀ဏ်လွှာတွင် KNU က ထိုသို့ထည့်သွင်း ပြောကြားထားခြင်းလည်း ဖြစ်သည်။

“ယနေ့အခါ မြန်မာနိုင်ငံတွင် ငြိမ်းချမ်းရေးကို ရှုထောင့်အမျိုးမျိုးဖြင့် ရှုမြင်နေကြပြီး NCA ကိုလည်း အဓိပ္ပာယ်အမျိုးမျိုး ဖွင့်ဆိုနေကြပါသည်။ သို့ဖြစ်သောကြောင့် ၎င်းကို ဆက်လက်ဆွေးနွေးရန် အခွင့်အလမ်း များ ပိတ်ဆို့လျက်ရှိနေရာ လက်ရှိငြိမ်းချမ်းရေး အခြေအနေသည်လည်း တစ်ဆို့နေသည့် အခြေအနေတွင် ရှိနေပါသည်”  ဟု KNU က ထည့်သွင်းဖော်ပြခဲ့ခြင်းဖြစ်သည်။

လူတိုင်းသည် ငြိမ်းချမ်းရေးဟု ကြွေးကြော်နေသော်လည်း ငြိမ်းချမ်းရေးကို နားလည်ထားမှုနှင့် ငြိမ်းချမ်းရေး၏ အဓိပ္ပာယ်ဖွင့်ဆိုမှုများမှာ မတူညီကြကြောင်း၊ စစ်မှန်ပြီး ရေရှည်တည်တံ့ခိုင်မြဲသော ငြိမ်းချမ်းရေးနှင့် ဆက်စပ်လျက်ရှိသော ငြိမ်းချမ်းရေးတည်ဆောက်မှုဆိုင်ရာ အရည်အချင်းများအပြင် စိတ်နေသဘောထားများကို ခေါင်းဆောင်များ၊ အဖွဲ့အစည်းများ၊ လူမှုအဖွဲ့အစည်းများအပြင် လူပုဂ္ဂိုလ် တစ်ဦးချင်းစီတိုင်းတွင်လည်း  တည်ဆောက်သွားနိုင်ရန် လိုအပ်နေသည်ဟု KNU ၏ သ၀ဏ်လွှာတွင် ဖော်ပြထားသည်။

လူတိုင်းသည် ကွဲပြားခြားနားခြင်းများကို အခွင့်အရေးအဖြစ် အသုံးချပြီး အုပ်ချုပ်ခဲ့သောခေတ်၊ စနစ်များ၏ ပုံသွင်းမှုသားကောင် ဖြစ်ခဲ့ရသည့်အတွက် ကွဲပြားခြားနားခြင်းများကို အသိအမှတ်ပြုပြီး တန်းတူရေးကို လက်ခံ သော လူမှုအဖွဲ့အစည်းတစ်ရပ် ဖြစ်လာရေးကို တည်ဆောက်ရမည်ဖြစ်သည်ဟု KNU က ၎င်း၏ သ၀ဏ်လွှာတွင် ပြောကြားသည်။

မြန်မာနိုင်ငံတွင် လက်နက်ကိုင်ပဋိပက္ခ၏ ပြဿနာအရင်းအမြစ်သည် နိုင်ငံရေး ပြဿနာကြောင့် ဖြစ်ပွားရခြင်းဖြစ်သည့်အတွက် နိုင်ငံရေးတွေ့ဆုံဆွေးနွေးရေးနည်းလမ်းဖြင့် ပြဿနာများကို အဖြေရှာလာခဲ့ကြ ရာမှ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) ကို လက်မှတ် ရေးထိုးနိုင်ခဲ့သည့် အခြေအနေကို ရောက်ရှိလာခဲ့ကြသည်ဟု KNU ၏ သ၀ဏ်လွှာတွင် ဖော်ပြခဲ့သည်။

“ယခု NCA စာချုပ်သည် ပြည်တွင်း ငြိမ်းချမ်းရေး တည်ဆောက်ရေးအတွက် လမ်းစတစ်ခု ဖြစ်ခဲ့ပါသည်” ဟု KNU က သ၀ဏ်လွှာတွင် ရေးသားထားသည်။

KNU အနေဖြင့် နိုင်ငံရေးပြဿနာများကို နိုင်ငံရေးနည်းဖြင့် ငြိမ်းချမ်းစွာအဖြေရှာပြီး စစ်မှန်သော ငြိမ်းချမ်းရေးကို တည်ဆောက်ရန် မူဝါဒများကို KNU က ချမှတ်ထားသည့်အတိုင်း နိုင်ငံရေးပြဿနာများကို ငြိမ်းချမ်းသောနည်းလမ်းဖြင့် ဖြေရှင်းနိုင်ရန် အစဉ်တစိုက်ကြိုးစားနေသည်ဟု KNU က ၎င်း၏ သ၀ဏ်လွှာတွင် ဖော်ပြခဲ့သည်။

တိုင်းရင်းသားလက်နက်ကိုင်အဖွဲ့အစည်းတစ်ခုဖြစ်သည့် ကရင်အမျိုးသားအစည်းအရုံး KNU သည် ၂၀၁၅ ခုနှစ် အောက်တိုဘာလတွင်း အခြားသောတိုင်းရင်းသားလက်နက်ကိုင်အဖွဲ့အစည်း ခုနစ်ဖွဲ့နှင့်အတူ တစ် နိုင်ငံလုံး ပစ်ခတ်တိုက်ခိုက်မှုရပ်စဲရေးသဘော တူစာချုပ် (NCA) တွင် လက်မှတ်ရေးထိုးခဲ့သည်။

အာဏာရပါတီ အနေဖြင့်ဆောင်ရွက်ချက်များကို ပြည်သူသို့တင်ပြရာတွင် ရိုးသားရန်လိုကြောင်း ပြည်ခိုင်ဖြိုးပါတီဥက္ကဋ္ဌ မဲဆွယ်စည်းရုံးဟောပြော

မြင်းခြံမြို့တွင် ပြည်ခိုင်ဖြိုးပါတီ ဥက္ကဋ္ဌ ဦးသန်းဌေး စက်တင်ဘာ ၂၂ ရက်က မဲဆွယ်စည်းရုံးဟောပြောနေစဉ် (Photo: U Than Htay Page)

အာဏာရပါတီအနေဖြင့် ဆောင်ရွက်ချက်များအား ပြည်သူသို့ တင်ပြရာတွင် ရိုးသားရန်လိုကြောင်း ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဥက္ကဋ္ဌ ဦးသန်းဌေးက ပြောကြားသည်။

ကြားဖြတ်ရွေးကောက်ပွဲအတွက် စက်တင်ဘာ ၂၂ ရက်က မြင်းခြံမြို့တွင် ဟောပြောပွဲပြုလုပ်ရာ၌ ပြည်ခိုင်ဖြိုးပါတီဥက္ကဋ္ဌ ထိုသို့ထည့်သွင်းပြောကြားခဲ့ခြင်းဖြစ်သည်။

လက်ရှိတွင် ကြားဖြတ်ရွေးကောက်ပွဲအတွက် မြန်မာ့အသံနှင့် ရုပ်မြင်သံကြားမှတစ်ဆင့် ပါတီအသီးသီးက စည်းရုံးဟောပြောလျက်ရှိကြောင်း၊ အာဏာရပါတီက ပြောသွားသည့်အထဲတွင် နှစ်နှစ်ခွဲတာကာလအတွင်း အလုပ်များမည်သို့ဆောင်ရွက်ခဲ့မှုများပါဝင်ကြောင်း၊ တံတားဘယ်နှစင်း၊ ဆေးရုံဆေးခန်း ဘယ်နှခုစသည်တို့ကို ရိုးသားစွာ ပြည်သူလူထုအား တင်ပြဖို့ လိုလိမ့်မည်ဖြစ်ကြောင်း၊ ကိန်းဂဏန်းများအား တစ်ယောက် တစ်မျိုးပြောနေကြပြီး လူများကလည်း အကုန်လုံးနားထောင်မိမည် မဟုတ်ကြောင်း၊  တစ်ယောက်တစ်မျိုး ပြောနေကြသဖြင့် ကိုယ့်ကာလတွင် လုပ်ဆောင်ခဲ့သည့်ပုံစံဖြစ်နေကြောင်း ဦးသန်းဌေးက ပြောကြားသည်။

“ကျွန်တော်တင်ပြချင်တာက မပြောနဲ့ မဟုတ်ပါဘူး။ ပြောခွင့်ရှိပါတယ်။ အခြေခံဥပဒေက အားလုံးကို ပြောဆိုခွင့်ပေးထားပါတယ်။ သို့သော် ရိုးသားဖို့ လိုတယ်။ ဆိုပါစို့ သံလွင်မြစ်ကူးတံတားကြီးချောင်းဆုံ ကျွန်တော်တို့ ပေးခဲ့တဲ့နာမည်၊ ကျွန်တော်တို့ဆောက်ခဲ့တယ်။ လက်ရှိတာဝန်ရှိသူများက ဖဲကြိုးဖြတ်ပြီး သွားဖွင့်တယ်။ တံတားနာမည်ပြောင်းပစ်လိုက်တယ်။ အဲဒီမှာ ၀န်ခံရမယ်လေ။ ဒီတံတားကြီးက ပြည်ခိုင်ဖြိုးအစိုးရ ဆောက်ပေးခဲ့တာ။ မနေ့တစ်နေ့က ရန်ကုန်မှာ ဒလမြစ်ကူးတံတားဖွင့်တယ်။ ဘယ်တုန်း ကစပြီးတော့ ပန္နက်ရိုက်ခဲ့တယ်။ ဒီလိုတော့ ရိုးသားစွာဝန်ခံလိုတယ်။ ဒီနေ့ပြောပြောနေတဲ့ ပေ ၈၀ တံတားကြီးက ဘယ်လောက်၊ ဘယ်ဟာက ဘယ်လောက်။ ကျောင်းက ဘယ်လောက်ဆိုတဲ့အထဲမှာ ယခင်အစိုးရက မည်မျှဆောင်ရွက်ခဲ့ကြောင်း ဒါတွေလည်း ရိုးသားစွာဝန်ခံဖို့လိုတယ်။ အဲဒီတော့ အဲဒီလိုရိုးရိုး သားသားမပြောလို့ ကျွန်တော်တို့က ပြန်ပြောရတဲ့အခါကျတော့ တစ်ယောက်နဲ့ တစ်ယောက် ဝေဖန်တယ်။ တိုက်ခိုက်တယ်။ အပုပ်ချတယ် ဒီလိုဖြစ်တယ်။ မဟုတ်ဘူး။ အဲဒီလိုဆိုရင် ဘောလုံးပွဲစကားနဲ့ပြောရင် Fair Play မဟုတ်ဘူး။ တန်းတူရည်တူမရှိဘူး။ ကိုယ်ပဲပြောမယ်။ ကိုယ့်လုပ်တာလို့ပြောမယ်။ ကျန် တဲ့ဟာတွေ မှိန်ထားမယ်။ မဟုတ်တာတွေကျတော့ အရင်လူတွေကြောင့် မဟုတ်တာ အကုန်အရင်လူတွေပဲ ထိုးချမယ်ဆိုရင်တော့ အဲဒါတရားမျှတမှုမရှိဘူး။ ဒီလိုဆိုရင် ဒါကိုတော့ ပြန်လည်ချေပခွင့်၊ နှိုင်းယှဉ်သုံးသပ်ခွင့် ရှိပါတယ်”  ဟု ဦးသန်းဌေးက ပြောကြားသည်။

ထို့ကြောင့် အဆိုပါကိစ္စရပ်များအား အသေးစိတ်မပြောလိုသော်လည်း လူထုအသိပင်ဖြစ်ကြောင်း၊ လုပ်ဆောင်၍မရသည့်ကိစ္စရပ်များအား ယခင်အစိုးရဖျက်သွားခြင်း၊ ခိုးသွားခြင်းစသည်ဖြင့် ပြောဆိုကြကြောင်း၊ အဆိုပါခိုးသွားသည်ဟု ၎င်းတို့ပြောဆိုသည့် ပုဂ္ဂိုလ်များ လုပ်ဆောင်သွားသည့် ဆောင်ရွက်ချက်များ တစ်နိုင်ငံလုံးနှင့် မြို့နယ်အနှံ့တွင်များစွာရှိကြောင်း၊ မခိုးဘူးဟု ပြောနေသော်လည်း စီမံခန့်ခွဲမှုမတတ်၍ တိုင်းပြည်ဘဏ္ဍာဆုံးရှုံးပါက ပိုဆိုးကြောင်းကို နားလည်စေချင်ကြောင်း ၎င်းက ဆက်လက်ပြောကြားသည်။

“ဒီတော့ကျွန်တော်တို့ကာလ ကျွန်တော် တို့ ဒီကြားဖြတ်ရွေးကောက်ပွဲမှာ အနိုင်ရလို့ ကျွန်တော်တို့လွှတ်တော်ကိုယ်စားလှယ်တွေ လွှတ်တော်ထဲရောက်သွားရင် နံပါတ်တစ် ဟန်ချက်ပျက်နေသော လွှတ်တော်ကို အတိုင်းအတာတစ်ခုထိ ပြန်ပြီးတော့ ထိန်းကျောင်းလို့ ရပါမယ်” ဟု ဦးသန်းဌေးက ပြောကြားသည်။

ထို့ပြင် နေ့စဉ်အမျှ ရင်ဆိုင်နေရသည့် ဆန်တစ်ပြည်ဈေး၊ ဆီတစ်ဆယ်သားဈေး၊ ကြက်သွန်တစ်ပိဿာဈေးများကို လက်ရှိ အခြေအနေထက် ပိုကောင်းသည့် အနေအထားဖြစ်အောင် လုပ်ပေး၍ရကြောင်း၊ လက်ရှိ ကျဆင်းနေသည့် သီးနှံဈေးနှုန်းနှင့် လုပ်ခလစာကိစ္စများကို ပြည်ခိုင်ဖြိုးပါတီအစိုးရ တာဝန်ယူခဲ့သည့် ငါးနှစ်အတွင်း နှစ်အလိုက် ဆောင်ရွက်ပြခဲ့ပြီး ထိုသို့စွမ်းရည်များ လုပ်ဆောင်နိုင်သည့်ပုဂ္ဂိုလ်များ လက်ရှိတွင် မိမိတို့ထံတွင် စုစည်းမပျက်ရှိနေဆဲဖြစ်ကြောင်း ၎င်းက ဆက်လက်ပြောကြားသည်။

“ဒီနေ့အားလုံး သိကြပါလိမ့်မယ်။ လူတွေက နိုင်ငံခြားသားကို အရမ်းအထင်ကြီးတယ်။ ကိုယ်က အင်္ဂလိပ်ကျွန်ဖြစ်ခဲ့တာကိုး။ အဲဒီအခါကျတော့ အင်္ဂလိပ်စကားပြောတတ်တယ်။ လူရာဝင်တယ်လို့ ထင်တယ်။ အဲဒီလို ပြောပြီးတော့ နောက်က ဘာကောင်ကြီးပဲ ပါလာလာ။ ဟိုနိုင်ငံမှာ သူ့ဘာသာသူ ကတ်ထူစက္ကူပုံးထဲပဲဝင်အိပ်နေနေ မြန်မာပြည် ရောက်လာရင်တော့ နိုင်ငံခြားသားကြီးပဲ။ အဲဒါကို နိုင်ငံတကာလို့ လက်ညှိုးထိုးပြီးတော့  စီမံခန့်ခွဲပေးရင် အရမ်းအထင်ကြီးတယ်။ ဒီနေ့ ကျွန်တော်တို့တိုင်းပြည်ကို ဒုက္ခပေးနေတာ အဲဒီနိုင်ငံတကာဆိုတဲ့ စကားလုံးပဲ။  ဒါ ကြောင့်မို့လို့ အရှင်းဆုံး ကျွန်တော်ကတိပေးပါမယ်။ ကျွန်တော်တို့ကို ပြည်သူက ပြန်ပြီးတော့တာဝန်ပေးလို့ရှိရင် တိုင်းပြည်အတွက် ထိရောက်မှုမရှိတဲ့၊ တိုင်းပြည်ရဲ့ဘဏ္ဍာကို ဖြုန်းနေတဲ့ အကြံသာပေးပြီးတော့ အဖြေမထွက်ဘဲနဲ့ အရှုပ်ထဲကို တဖြည်းဖြည်းနစ် ၀င်သွားသည့်  အဲဒီနိုင်ငံတကာဆိုတဲ့ပူးပေါင်းဆောင်ရွက်မှုတွေကို ကျွန်တော်တို့ပြန်သုံးသပ်ပါ့မယ်” ဟု ဦးသန်းဌေးက ဆိုသည်။

ထို့အတူ လုပ်ချင်ရာလုပ်လို့ရသည့် ဒီမိုကရေစီမဟုတ်ဘဲ မျက်နှာကြည့်၍ ပြောနိုင်ဆိုနိုင်ခွင့်ရှိသည့် ဒီမိုကရေစီကို အာမခံကြောင်း၊ ဖွဲ့စည်းပုံအခြေခံဥပဒေအရ ခွင့်ပြုပေးထားသည့် ယုံကြည်ကိုးကွယ်မှုအား ဟန်ချက်မပျက်စေရကြောင်း၊  ဘာသာရေးကို နိုင်ငံရေးတွင် ရောထွေးခြင်းမဟုတ်ဘဲ ဖွဲ့စည်းပုံအခြေခံဥပဒေအရ ပေးထားချက်ဖြစ် ပြီး လက်ရှိတွင် ဟန်ချက်ပျက်မည့်အနေအထားမြင်နေရကြောင်း၊ ထိုသို့အခြေအနေများ ယခင်အတိုင်း ဟန်ချက်မပျက်အောင် မိမိတို့ အနေဖြင့် တာဝန်ယူမည်ဖြစ်ကြောင်း စသည်ဖြင့် ဟောပြောခဲ့ပြီး ပြည်ခိုင်ဖြိုးပါတီကိုယ်စားလှယ်လောင်းအား ရွေးချယ်ပေးရန် မဲဆွယ် စည်းရုံးခဲ့သည်။

 

 

မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး (ABSDF) ဥက္ကဋ္ဌအဖြစ် ရဲဘော်သံခဲအား ပြန်လည်ရွေးချယ်

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) ဥက္ကဋ္ဌ အဖြစ် ရဲဘော်သံခဲအား ပြန်လည်ရွေးချယ်ခဲ့ကြောင်း သတင်းရရှိသည်။

ကရင်ပြည်နယ် ဘားအံခရိုင်ရှိ ABSDF ၏ ဒေါင်းတမန်ဌာနချုပ်တွင် စက်တင်ဘာ ၁၆ ရက်မှ ၂၀ ရက်ထိ ကျင်းပခဲ့သည့် (၁၁)ကြိမ်မြောက် ABSDF ညီလာခံတွင် ဦးဆောင်ကော်မတီနှင့် ဗဟိုကော်မတီဝင်အသစ်များ ပြန်လည်ရွေးချယ်မှု ပြုလုပ်ခဲ့သည်။

အသစ်ပြန်လည်ရွေးချယ်လိုက်သော ABSDF ကော်မတီသစ်တွင် ဥက္ကဋ္ဌအဖြစ် ရဲဘော်သံခဲ၊ ဒုတိယဥက္ကဋ္ဌအဖြစ် ရဲဘော်မျိုးဝင်း၊ အထွေထွေအတွင်းရေးမှူးအဖြစ် ရဲဘော်ဆန်နီ၊ တွဲဖက်အတွင်းရေးမှူး (၁) အဖြစ် ရဲဘော်မြင့်ဦး (ခ) မြင့်ဟိန်း၊ တွဲဖက် အတွင်းရေးမှူး (၂) အဖြစ် ရဲဘော်ရဲထွတ် (ခ) လှဌေး၊ ဗဟိုဦးဆောင်ကော်မတီဝင်များ အဖြစ် ရဲဘော်ကျော်ကို၊ ရဲဘော်မိဆူးပွင့် (ခ)မလေးလုံ၊ ရဲဘော်မင်းဇော်တို့အပါအ၀င်  ဗဟိုကော်မတီဝင် ၂၅ ဦး ပါဝင်သည်။

“ကျွန်တော်တို့တွေဟာ ၁၉၈၈ ခု ဒီမိုကရေစီအရေးတော်ပုံကြီးကနေ ပေါက်ဖွားလာတဲ့ အဖွဲ့တစ်ဖွဲ့  ဖြစ်ပါတယ်။ ကျွန်တော်တို့ကြီးပြင်းလာရတဲ့ဘ၀ကလည်း တိုင်းရင်းသားလက်နက်ကိုင်တွေနည်းတူ တော်လှန် ရေးတိုက်ပွဲဝင်ရင်း ရုန်းကန်ခဲ့ရပါတယ်။ ဒါ ကြောင့် လူထုက လိုချင်တဲ့ပြည်တွင်းငြိမ်းချမ်းရေး၊ အမျိုးသားပြန်လည်သင့်မြတ်ရေး၊ ဒီမိုကရက်တစ်ဖက်ဒရယ်ပြည်ထောင်စု ထွန်းကားရေးတို့ဆိုတာ မဖြစ်မနေ ဆွေးနွေးအဖြေ ရှာပြီးတော့မှ တိုင်းပြည်အတွက် အဖြေထုတ်ရမယ့်ကာလလည်း ဖြစ်ပါတယ်” ဟု ABSDF ဥက္ကဋ္ဌ ရဲဘော်သံခဲက ပြောကြားသည်။

တိုင်းပြည်အတွင်း ဖြစ်ပွားနေသော စစ်ပွဲများ ရပ်ဆိုင်းရေးနှင့် လူထုခံစားနေရသော အခက်အခဲ၊ အကျပ်အတည်းများကို ဆွေးနွေးပွဲများမှတစ်ဆင့် အမြန်ဆုံးဖြေရှင်းပေးရန် လိုကြောင်းလည်း ၎င်းက ပြောကြားသည်။

“တိုင်းပြည်မှာလက်တွေ့ကျတဲ့ လူထုအ ထွေထွေ ကြုံတွေ့နေရတဲ့ စစ်ပွဲတွေ၊ အကျပ်အတည်းတွေကို အမြန်ဆုံး အဖြေရှာပေးဖို့ အချိန်ဖြစ်ပါတယ်။ တစ်ဆက်တည်းမှာပဲ အားလုံးလိုလားတဲ့ ဒီမိုကရေစီဖက်ဒရယ်  ပြည်ထောင်စုကြီးကို နိုင်ငံရေးဆွေးနွေးပွဲ တွေကနေတစ်ဆင့် ကောင်းမွန်တဲ့ နိုင်ငံရေး ရလဒ်တွေ အဖြေရှာပေးဖို့ တောင်းဆိုလိုပါ တယ်” ဟု ABSDF ဥက္ကဋ္ဌ ရဲဘော်သံခဲက ပြောကြားသည်။

ABSDF အဖွဲ့သည် အခြားသောတိုင်းရင်းသားလက်နက်ကိုင်ခုနစ်ဖွဲ့နှင့်အတူ ယခင် သမ္မတဦးသိန်းစိန်အစိုးရလက်ထက်က NCA စာချုပ်တွင် ပါဝင်လက်မှတ်ရေးထိုးထားသည့် အဖွဲ့လည်းဖြစ်သည်။

မောင်တောမြို့နယ်သည် ၀င်ချင်သလို ၀င်၊ ထွက်ချင်သလို ထွက် သာလာယံဇရပ်ကဲ့သို့ ဖြစ်နေကြောင်း မောင်တောမြို့နယ် လွှတ်တော်ကိုယ်စားလှယ် သုံးသပ်

မောင်တောမြို့နယ်သည်  ၀င်ချင်သလို ၀င်၊ ထွက်ချင်သလိုထွက် သာလာယံဇရပ်ကဲ့သို့ ဖြစ်နေကြောင်း မောင်တောမြို့နယ်မှ ပြည်နယ် လွှတ်တော်ကိုယ်စားလှယ် ဦးမောင်အုန်းက သုံးသပ်ပြောကြားသည်။

အကြမ်းဖက်ဖြစ်စဉ်များ ဖြစ်ပွားပြီးနောက် လက်ရှိတွင် ပြန်လည်လက်ခံရေး လုပ်ငန်းများကို အစိုးရက အကောင်အထည်ဖော် ဆောင်ရွက်နေသော်လည်း မောင်တောမြို့နယ်အတွင်း ခိုးဝင်လာသူများ ရှိနေကြောင်းနှင့် ယင်းသို့ ခိုးဝင်လာသူ များလာရခြင်းမှာ တရားဥပဒေစိုးမိုးမှု မရှိခြင်းကြောင့် ဖြစ်ကြောင်း ပြည်နယ်လွှတ်တော် ကိုယ်စားလှယ် ဦးမောင်အုန်းက ပြောကြားသည်။

“တရားမ၀င် ဖြတ်ကျော်တာတွေ၊ နယ်စပ်ဖြတ်ကျော် ခိုးဝင်တာတွေ ရှိနေပါတယ်။ ဒါကို မနေ့က ဒေါက်တာ ၀င်းမြတ်အေးကိုလည်း ပြောလိုက်ပါတယ်။ မောင်တောမှာက နတ်မြစ်ထဲမှာလည်း Navy တွေရှိတယ်။ ကမ်းခြေမှာလည်း လုံခြုံရေးလည်းရှိတယ်။ ဘယ်လိုခိုးဝင်လို့ရမလဲ။ အခုက တရားဝင် သွားလာနေသလို ၀င်ချင်သလိုဝင်၊ ထွက်ချင်သလိုထွက် ကျွန်တော်တို့ မောင်တောမြို့နယ်ဟာ သာလာယံဇရပ်လို ဖြစ်နေပါတယ်။ ဘာကြောင့် အဲဒီလိုဖြစ်နေလဲဆိုရင် တရားဥပဒေ စိုးမိုးမှုမရှိလို့ ဖြစ်ရတာ” ဟု ပြည်နယ်လွှတ်တော် ကိုယ်စားလှယ် ဦးမောင်အုန်းက ပြောကြားသည်။

ထို့ပြင် မောင်တောဒေသ၏ လုံခြုံရေးကို တင်းတင်းကျပ်ကျပ် ချထားပေးရန်နှင့် လုံခြုံရေး တာဝန်ရှိသူများလည်း တရားဥပဒေ စိုးမိုးရန် လိုအပ်ကြောင်း ၎င်းကဆက်လက် ပြောကြားသည်။

“ကျွန်တော်ကတော့ လုံခြုံရေး တင်းတင်းကျပ်ကျပ် ချထားပေးဖို့။ အဲဒီလုံခြုံရေးကို တာဝန်ရှိသူတွေကလည်း တရားဥပဒေစိုးမိုးဖို့ လိုတယ်ဆိုပြီး ဖြည့်စွက်ပြောလိုပါတယ်” ဟု ပြည်နယ်လွှတ်တော် ကိုယ်စားလှယ် ဦးမောင်အုန်းက ပြောကြားသည်။

လက်ရှိတွင် တရားဝင် ပြန်လည်ဝင်ရောက်လာသူ အနည်းငယ်သာ ရှိသော်လည်း ခိုးဝင်လာသူ အများအပြားမှာ မောင်တောမြို့ပေါ် ရပ်ကွက်များ၊ ကျေးရွာများတွင် မြင်တွေ့နေရကြောင်းနှင့် ယင်းသို့ တစ်စတစ်စ များပြားလာပါက အကြမ်းဖက်မှုများ၊ လူနည်းစု တိုင်းရင်းသားများ သတ်ဖြတ်ခံရမည်ကို စိုးရိမ်စရာ ဖြစ်လာကြောင်း မောင်တောဒေသခံများက သုံးသပ်ပြောကြားကြသည်။

တစ်ဖက်နိုင်ငံသို့ ထွက်ပြေးသွားကြသူများအနက် တစ်နှစ်တာ ကာလအတွင်း မြန်မာနိုင်ငံသို့ ပြန်လည် ၀င်ရောက်လာပြီး UEHRD လုပ်ငန်းစဉ်ဖြင့် တရားဝင် ပြန်လည်လက်ခံခဲ့သူ စုစုပေါင်း ၁၇၁ ဦးသာရှိကြောင်း သိရသည်။

ဝင်ရောက်လာသူများအနက် ၂၀၁၈ ခုနှစ် ဧပြီ ၁၄ ရက်တွင် တောင်ပြိုလက်ခံရေး စခန်းမှ ၀င်ရောက်လာသူ ငါးဦး၊ တစ်ဖက်နိုင်ငံသို့ ထွက်ပြေးသွားခဲ့ပြီးနောက် ပြန်လည် ခိုးဝင်လာသဖြင့် ဖမ်းဆီးအရေးယူ ခံခဲ့ရပြီးနောက် နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် လွတ်မြောက်လာခဲ့သူ ၆၂ ဦး၊ ဇွန်အတွင်းက ရသေ့တောင် ကမ်းခြေသို့ စက်လှေပျက်ပြီး ရောက်ရှိလာသူ ၉၂ ဦး နှင့် ဇူလိုင် ၂၁ ရက်က ငါးခူရ ပြန်လည်လက်ခံရေး စခန်းမှ ပြန်လည် ၀င်ရောက်လာသူ ခြောက်ဦး၊ စက်တင်ဘာ ၄ ရက်က တောင်ပြိုလက်ခံရေးစခန်းမှ ပြန်လည် ၀င်ရောက်လာသူ ခြောက်ဦး စုစုပေါင်း ၁၇၁ ဦး ဖြစ်ကြောင်း သိရသည်။

ပြန်လည် ၀င်ရောက်လာသူများထဲတွင် တရားဝင် သက်ဆိုင်ရာ ပြန်လည်လက်ခံရေး စခန်းကို အကြောင်းကြားပြီး ပြန်ဝင်လာသူမှာ ၁၇ ဦးသာရှိပြီး အခြားဝင်ရောက်လာသူများမှာ တရားမ၀င် ၀င်ရောက်လာသူများ ဖြစ်ကြောင်း သိရသည်။

 

စီရော်နယ်လ်ဒို၏ တစ်နှစ်လစာက ဖရိုဆီနိုနီအသင်းတစ်သင်းလုံး၏ တစ်နှစ်လစာထက် (၃)ဆနီးပါးပိုများနေ

Photo: Getty Images

ဂျူဗင်တပ်စ်အသင်းတိုက်စစ်မှူး စီရော်နယ်လ်ဒို၏ တစ်နှစ်လစာမှာ ဖရိုဆီနိုနီအသင်း တစ်သင်းလုံး၏ တစ်နှစ်လစာထက် (၃)ဆနီးပါးပိုမိုများပြားနေကြောင်း သိရသည်။

စီးရီးအေ ပွဲစဉ် (၅)၏ ပွဲစဉ်တစ်ပွဲဖြစ်သည့် ဖရိုဆီနိုနီနှင့် ဂျူဗင်တပ်စ်ပွဲကို စက်တင်ဘာလ (၂၄) ရက်နေ့တွင် ယှဉ်ပြိုင်မည်ဖြစ်သည်။

ပြီးခဲ့သည့် နွေရာသီအပြောင်းအရွှေ့အတွင်း ဂျူဗင်တပ်စ်အသင်းသို့ ရီးယဲလ်မက်ဒရစ်အသင်းမှ ယူရိုသန်း (၁၀၀) ဖြင့်ရောက်ရှိလာသည့် စီရော်နယ်လ်ဒိုသည် ဂျူဗင်တပ်စ်အသင်းတွင် တစ်နှစ်လစာ ယူရို (၃၁)သန်းအထိရရှိနေသည်။

ဖရိုဆီနိုနီအသင်းတစ်သင်းလုံး၏ တစ်နှစ်လစာမှာ ယူရို (၁၁)သန်းသာရှိကြောင်း သိရသည်။ ထို့ကြောင့် စီရော်နယ်လ်ဒို၏ လစာမှာ ဖရိုဆီနိုနီအသင်းတစ်သင်းလုံး၏ လစာထက် (၃)ဆနီးပါး ပိုများနေခြင်းဖြစ်သည်။

ဖရိုဆီနိုနီအသင်းတွင် တစ်နှစ်လစာအများဆုံး ရရှိနေသည့် ကစားသမားမှာ အာဆင်နယ်အသင်းမှ ပြောင်းရွှေ့လာသည့် ကော်စတာရီကာတိုက်စစ်မှူး ဂျိုယဲလ်ကမ်းဘဲလ်ဖြစ်ပြီး ယူရို (၈၅၀၀၀၀) ဖြစ်သည်။

စီရော်နယ်လ်ဒို၏ တစ်ပတ်လစာမှာမူ ယူရို (၆၄၆၀၀၀) ဖြစ်သည်။ စီရော်နယ်လ်ဒိုသည် ဂျူဗင်တပ်စ်အသင်း၏ စီးရီးအေအဖွင့်ပွဲစဉ် (၃)ပွဲတွင် ဂိုးရရန်ရုန်းကန်ခဲ့ရသော်လည်း ပြီးခဲ့သည့် ဆာဆူအိုလိုနှင့်ပွဲစဉ်တွင်မူ အသင်းအတွက် (၂) ဂိုးသွင်းယူပေးနိုင်ခဲ့သည်။

စီးရီးအေတွင် စီရော်နယ်လ်ဒိုသည် အသင်းပေါင်း (၁၀)သင်းထက် တစ်နှစ်လစာ ပိုမိုရရှိနေသူဖြစ်ပြီး ယင်းအတွက် ပြိုင်ဘက်အသင်းများနှင့် ပရိသတ်အချို့၏ ဝေဖန်မှုများနှင့် ရင်ဆိုင်ခဲ့ရကြောင်းလည်း သိရသည်။

မုံရွာမြို့တွင် တက္ကသိုလ်စာမေးပွဲ ဖြေဆိုနေသည့် ရှမ်းနီတိုင်းရင်းသား ကျောင်းသားသုံးဦး ဓားဖြင့်အထိုးခံရပြီး ကျောင်းသားတစ်ဦး စိုးရိမ်ရ

စစ်ကိုင်းတိုင်းဒေသကြီး မုံရွာခရိုင် မုံရွာမြို့တွင် တက္ကသိုလ်စာမေးပွဲ ဖြေဆိုနေကြသည့် ရှမ်းနီတိုင်းရင်းသား ကျောင်းသားသုံးဦး ဓားထိုးခံရပြီး ကျောင်းသားတစ်ဦး စိုးရိမ်ရကြောင်း သိရသည်။

စက်တင်ဘာ ၂၁ ရက် ည ၉ နာရီခန့်က တက္ကသိုလ်ကျောင်းအနီးရှိ အမျိုးသမီး ဘော်ဒါဆောင်ရှေ့တွင် အဆိုပါ ဓားထိုးခံရသည့် ကျောင်းသားများက ဂစ်တာတီးနေချိန်တွင် အမည်မသိ လူတစ်ဦးက ဓားဖြင့်ထိုးခဲ့ခြင်း ဖြစ်ကြောင်း သိရသည်။

“ဓားထိုးခံရတာက သုံးယောက်ပါ။ သုံးယောက်စလုံးက ရှမ်းနီတိုင်းရင်းသားတွေ ချည်းပါပဲ။ တစ်ယောက်ကတော့ စိုးရိမ်ရတဲ့အတွက် ခွဲစိတ်ခန်းထဲကို ပို့လိုက်ပါပြီ။ ကျန်တဲ့နှစ်ယောက်ကတော့ မစိုးရိမ်ရပါဘူး။ သူတို့ကတော့ အပြင်မှာပဲ ဆေးကုသနေတယ်။ စာမေးပွဲဖြေဆိုတာ နှစ်ဘာသာတောင် ပြီးနေပြီ။ တက္ကသိုလ်ကျောင်း အနီးနားမှာ အမျိုးသမီး ဘော်ဒါဆောင် တစ်ခုရှိတယ်။ ဓားထိုးခံရတဲ့ ကျောင်းသားတွေက အဆောင်ရှေ့မှာ ဂစ်တာထိုင်တီး နေတာတဲ့။ ကျောင်းသားတွေက အမျိုးသမီး အဆောင်ရှေ့မှာ စုပြီးတော့ ဂစ်တာတီးတာလို့ပြောတယ်။ ဂစ်တာတီးနေတဲ့အချိန်မှာ အမည်မသိလူတစ်ဦးက ဂစ်တာတီးနေတဲ့ ကျောင်းသားတွေထဲကို ၀င်လာပြီး ဓားနဲ့ရမ်းတာတွေ လုပ်တယ်ပြောတယ်။ ပြီးတော့ ဓားနဲ့လည်း ထိုးသွားတာလို့လည်း ပြောပါတယ်” ဟု စစ်ကိုင်းတိုင်းဒေသကြီး အစိုးရအဖွဲ့ဝင် ရှမ်းတိုင်းရင်းသားရေးရာဝန်ကြီး ဒေါ်နန်းမွှေးမွှေးခင်၏ PSO ဖြစ်သူ ကိုစိုင်းအုန်းလွင်က ပြောကြားသည်။

ဓားထိုးခံရသည့် တက္ကသိုလ်ကျောင်းသား သုံးဦးသည် ဆန်းသော် (စတုတ္ထနှစ် ဓာတုဗေဒ၊ မုံရွာတက္ကသိုလ်)၊ ဟုမ္မလင်းမြို့နယ် ပင်းဖဖာကျေးရွာ၊ အောင်မြင့်ဗိုလ် (ဒုတိယနှစ် ပထ၀ီ၊ မုံရွာတက္ကသိုလ်)၊ ဟုမ္မလင်းမြို့နယ် ပင်းဖဖာကျေးရွာ၊ နေထူးအောင် (တတိယနှစ် ဘူမိဗေဒ၊ မုံရွာတက္ကသိုလ်) ဟုမ္မလင်းမြို့နယ် ကသာကျေးရွာတို့ သုံးဦးဖြစ်ကြောင်း သိရသည်။

ဆန်းသော်နှင့် အောင်မြင့်ဗိုလ်တို့ နှစ်ဦးသည် ဓားဒဏ်ရာ အနည်းငယ်စီ ရရှိခဲ့သော်လည်း စိုးရိမ်ရသည့် အနေအထားတွင် မရှိကြောင်း၊ နေထူးအောင်သည် ညာဘက်ရင်အောက်၊ ဘယ်ဘက်ရင်အောက် စသည့်နေရာ အတော်များများတွင် ဓားထိုးဒဏ်ရာ ရရှိခဲ့သောကြောင့် ၎င်းမှာ စိုးရိမ်ရကြောင်း သိရသည်။

 

ရဲစည်းကမ်း ဖောက်ဖျက်မှုများကြောင့် ဧရာဝတီတိုင်းဒေသကြီး၌ ယခုနှစ် ရှစ်လအတွင်း ရဲတပ်ဖွဲ့ဝင် ၁၇၉ ဦး အရေးယူခံရ

ရဲစည်းကမ်း ဖောက်ဖျက်မှုများကြောင့် ဧရာဝတီတိုင်းဒေသကြီး၌ ယခုနှစ် ရှစ်လအတွင်း ရဲတပ်ဖွဲ့ဝင် ၁၇၉ ဦးအား အရေးယူခံခဲ့ရကြောင်း၊ ကိုယ်ကျိုးရှာမှု၊ တရားခံညှဉ်းပန်းမှု၊ တရားခံပြေးမှု၊ တာဝန်ပေ့ါလျော့ ပျက်ကွက်မှု၊ ကိုယ်ကျင့်ပျက်မှု၊ ခွင့်မဲ့ပျက်ကွက်မှု၊ ရဲပြေးမှုနှင့် အခြားအမှုများ ကျူးလွန်မှုကြောင့် ရဲစည်းကမ်း ဥပဒေဖြင့် အရေးယူခဲ့ခြင်း ဖြစ်ကြောင်း တိုင်းရဲတပ်ဖွဲ့ ပြောရေးဆိုခွင့်ရှိသူထံမှ သိရသည်။

“အရေးယူခံထားရတဲ့ ရဲအရာရှိတွေကတော့ ဒုရဲအုပ်အဆင့်ကနေ ရဲမှူးအဆင့်ထိပါ ပါတယ်။ အခြားအဆင့်တွေကတော့ ရဲတပ်သားကနေ တပ်ကြပ်ကြီး အဆင့်ထိပါပါတယ်။ တိုင်ကြားလာမှု မှန်ကန်လို့ အရေးယူတာ၊ စိစစ်တွေ့ရှိလို့ အရေးယူတာတွေ ဆောင်ရွက်ခဲ့တာ ဖြစ်ပါတယ်။ တိုက်ရိုက်ပေါ်ပေါက်လို့ အရေးယူခဲ့တဲ့ ဖြစ်စဉ်တွေရှိသလို စုံစမ်းစစ်ဆေးပြီး အရေးယူခဲ့တဲ့ ဖြစ်စဉ်တွေလည်း ရှိပါတယ်” ဟု ဧရာဝတီတိုင်းဒေသကြီး ရဲတပ်ဖွဲ့မှ ဒုရဲမှူးကြီးထွန်းရွှေက ပြောကြားသည်။

တိုင်းရဲတပ်ဖွဲ့ထံမှ ရရှိသည့် စာရင်းအရ ယခုနှစ် ဇန်န၀ါရီလမှ သြဂုတ်လကုန်အထိ အမှုပေါင်း ၁၃၆ မှု၌ ရဲတပ်ဖွဲ့ဝင် အရာရှိ ၆၉ ဦး၊ အခြားအဆင့် ရဲတပ်ဖွဲ့ဝင် ၁၁၀ ဦးအား ရဲစည်းကမ်းအရ အရေးယူခဲ့သည်။

“ရဲစည်းကမ်း ဥပဒေအရ မှတ်တမ်းဝင် သတိပေးတာ၊ ရာထူးလျှော့ချတာ၊ တပ်ဖွဲ့ကနေထုတ်တာ၊ ထောင်ဒဏ် ချမှတ်တာတွေ အပြစ်ပေးနိုင်ပါတယ်။ အခုဖြစ်စဉ်တွေမှာလည်း စိစစ်တွေ့ရှိချက်အပေါ် မူတည်ပြီး ထိုက်သင့်တဲ့ အပြစ်ဒဏ်တွေ ချမှတ်ထားပါတယ်” ဟု ဒုရဲမှူးကြီး ထွန်းရွှေက ဆိုသည်။

ကိုယ်ကျိုးရှာမှုကြောင့် ရဲအရာရှိ ခြောက်ဦး၊ အခြားအဆင့် ရဲတပ်ဖွဲ့ဝင် ငါးဦးကို အရေးယူထားကြောင်း၊ တရားခံ ညှဉ်းပန်းမှုကြောင့် ရဲအရာရှိ ငါးဦး၊ အခြားအဆင့် ရဲတပ်ဖွဲ့ဝင် ခုနစ်ဦးကို အရေးယူထားကြောင်း၊ တရားခံပြေးမှုကြောင့် ရဲအရာရှိ သုံးဦး၊ အခြားအဆင့် ရဲတပ်ဖွဲ့ဝင်လေးဦးကို အရေးယူထားကြောင်း၊ တာဝန်ပေါ့လျော့ ပျက်ကွက်မှုကြောင့် ရဲအရာ ရှိ ၄၀၊ အခြားအဆင့် ရဲတပ်ဖွဲ့ဝင် ခုနစ်ဦးကို အရေးယူထားကြောင်း၊ ကိုယ်ကျင့်ပျက်မှုကြောင့် ရဲအရာရှိ နှစ်ဦး၊ အခြားအဆင့် ရဲတပ်ဖွဲ့ဝင် ငါးဦးကို အရေးယူထားကြောင်း၊ ခွင့်မဲ့ပျက်ကွက်မှုကြောင့် ရဲအရာရှိ တစ်ဦး၊ အခြား အဆင့်ရဲတပ်ဖွဲ့ဝင် ၂၂ ဦးကို အရေးယူထားကြောင်း၊ ရဲပြေးမှုကြောင့် ရဲအရာရှိနှစ်ဦး၊ အခြားအဆင့် ရဲတပ်ဖွဲ့ဝင် ၂၆ ဦးကို အရေးယူထားကြောင်း၊ အခြားအမှုများကြောင့် ရဲအရာရှိ ၁၀ ဦး၊ အခြားအဆင့် ရဲတပ်ဖွဲ့ဝင် ၃၄ ဦးကို အရေးယူထားကြောင်း သိရသည်။

ကိုယ်ကျိုးရှာမှု၊ တရားခံညှဉ်းပန်းမှု၊ တာဝန်ပေါ့လျော့ ပျက်ကွက်မှုနှင့် ကိုယ်ကျင့်ပျက်မှုတို့ကြောင့် ဧရာဝတီတိုင်း ဒေသကြီး၌ ရဲတပ်ဖွဲ့ဝင်များ အရေးယူခံရမှုမှာ ပြီးခဲ့သည့်နှစ် ကာလတူထက် ယခုနှစ်တွင် များပြားခဲ့ပြီး တရားခံပြေးမှု၊ ခွင့်မဲ့ပျက်ကွက်မှု၊ ရဲပြေးမှုနှင့် အခြားအမှုများကြောင့် အရေးယူခံရမှုမှာ ယခုနှစ်တွင် လျော့နည်းလာကြောင်း သိရသည်။

အီရန်စစ်ရေးပြပွဲသို့ သေနတ်သမားများ ၀င်ရောက်ပစ်ခတ်ခဲ့ရာ လူ ၂၄ ဦးသေဆုံး၊ အစိုးရက အမေရိကန် မဟာမိတ်အား အပြစ်တင်

စက်တင်ဘာ ၂၂ ရက်တွင် အီရန်တောင်ပိုင်း အာဗစ်မြို့၌ ပစ်ခတ်မှုဖြစ်ပွားခဲ့သည့်နေရာတွင် အကာအကွယ်ယူနေသူများကို တွေ့ရစဉ်

အီရန်နိုင်ငံ အနောက်တောင်ပိုင်းဒေသတွင် စက်တင်ဘာ ၂၂ ရက်က စစ်ရေးပြချီတက်ပွဲတစ်ခုပြုလုပ်စဉ် စစ်သွေးကြွများ၏ ပစ်ခတ်မှုဖြစ်ပွားခဲ့ရာ လူ ၂၄ ဦးထက်မနည်း သေဆုံးခဲ့သည်။ ရှားရှားပါးပါးဖြစ်ပွားသည့် ထိုတိုက်ခိုက်မှုနှင့် ပတ်သက်ပြီး အီရန်အစိုးရက ဒေသတွင်းမှ အမေရိကန်မဟာမိတ်အပေါ် အပြစ်တင်ထားသည်။

အာဏာပိုင်များက အကြမ်းဖက်တိုက်ခိုက်မှုဟု နာမည်တပ်ထားသည့် ထိုဖြစ်စဉ် နှင့် ပတ်သက်ပြီး တာဝန်ရှိကြောင်း မည်သူကမျှ မထုတ်ပြန်သေးပေ။ တိုက်ခိုက်မှုအတွင်း ဒဏ်ရာရသွားသူ ၅၄ ဦးထက်မနည်း ရှိခဲ့သည်။

ယခုပစ်ခတ်မှုသည် ခူဇီစတန်ပြည်နယ်ထဲရှိ အာဗစ်မြို့ထဲ၌ ဖြစ်ပွားခဲ့ခြင်းဖြစ်သည်။ အီရတ်နှင့်နယ်နိမိတ်ချင်း ထိစပ်နေသော ခူဇီစတန်ပြည်နယ်ထဲတွင် အာရပ်မျိုးနွယ်စုဝင် အများအပြား နေထိုင်ကြပြီး ယခင်က ယင်း ပြည်နယ်ထဲ၌ ခွဲထွက်ရေး အကြမ်းဖက်ဖြစ်စဉ်များစွာ ဖြစ်ပွားခဲ့ဖူးသည်။

အာဗစ်မြို့ပစ်ခတ်မှုနှင့်ပတ်သက်ပြီး ဒေသတွင်းမှ အမေရိကန်မိတ်ဖက်နိုင်ငံတစ် နိုင်ငံတွင် တာဝန်ရှိသည်ဟု အီရန်နိုင်ငံခြားရေး ၀န်ကြီး မိုဟာမက်ဂျာဗက်ဇာရစ်က ပြောကြားခဲ့သည်။ နိုင်ငံခြား တိုင်းပြည်တစ်ခုကနေ လူစုဆောင်း၊ လက်နက်တပ်ဆင်၊ လေ့ကျင့်၊ ငွေပေးနေတဲ့ အကြမ်းဖက်သမားတွေက အာဗစ်ကို တိုက်ခိုက်ခဲ့ကြတာ ဖြစ်ပါတယ်။ ဒီလိုတိုက်ခိုက်မှုတွေမှာ ဒေသတွင်းက အကြမ်းဖက်သမား ထောက်ပံ့သူတွေနဲ့ သူတို့ရဲ့ဆရာ အမေရိကန်မှာ တာဝန်ရှိတယ်လို့ အီရန်အနေနဲ့ ယူဆပါတယ်” ဟု ဇာရစ်က Twitter တွင် ရေးသားခဲ့သည်။

သေဆုံးသူများတွင် ဂျာနယ်လစ်တစ်ဦးနှင့်အတူ အစိုးရတပ်ဖွဲ့ဝင်ရှစ်ဦးမှ ကိုးဦးအထိ ပါဝင်သည်ဟုသိရပြီး သေဆုံးသူဦးရေ ထပ်မံတိုးမြင့်လာနိုင်သည်ဟု တာဝန်ရှိသူများက ပြောခဲ့ကြသည်။

ဖြစ်စဉ်မှာ ၁၉၈၀-၈၈ ခုနှစ်အတွင်းက ဖြစ်ပွားခဲ့သည် အီရန်-အီရတ်စစ်ပွဲကြီး စတင်ခဲ့ချိန်၏ နှစ်ပတ်လည်အထိမ်းအမှတ်အဖြစ် စစ်ရေးပြ အခမ်းအနားပြုလုပ်စဉ် နံနက် ၉ နာရီတွင် စစ်သွေးကြွ လေးဦးက လာရောက် ပစ်ခတ်ခဲ့ကြခြင်းဖြစ်သည်။ တိုက်ခိုက်သူနှစ်ဦးမှာ သေဆုံးပြီး ကျန်နှစ်ဦးကို ဖမ်းဆီးမိခဲ့သည်။

သတင်းများတွင် ဖော်ပြချက်အရတိုက်ခိုက်သူများသည် အီရန်စစ်ယူနီဖောင်းများ ၀တ်ဆင်ကာ ရုပ်ဖျက်လာကြသည်ဟု သိရသည်။ သေနတ်သမားများသည် စစ်ရေးပြပွဲအား ကြည့်ရှုသူများကို မတိုက်ခိုက်နိုင်မီမှာပင် လုံခြုံရေးတပ်ဖွဲ့များက ၎င်းတို့ကို ထိန်းချုပ်လိုက်နိုင်ခဲ့သည်ဟု သိရသည်။

ဆော်ဒီကို လက်ညှိုးထိုး နိုင်ငံခြားရေးဝန်ကြီး ဇာရစ်သည် ပစ်ခတ်မှုအတွက် မည်သည့်ဒေသတွင်းအစိုးရတွင် တာဝန်ရှိဟု မပြောခဲ့သော်လည်းအီရန် တော်လှန်ရေးအစောင့်တပ်ဖွဲ့က တိုက်ခိုက်ရေးသမားများသည် ဆော်ဒီမှ ထောက်ပံ့သူ များဖြစ်သည်ဟု ဆိုကြသည်။ အီရန်သည် အမြန်ဆုံးတုံ့ပြန်ကာ နိုင်ငံသားများ၏ အသက်ကို ကာကွယ်သွားရန် ဆုံးဖြတ်ထားသည်ဟုလည်း ထိုအစောင့်တပ်မှ ပြောခွင့်ရပုဂ္ဂိုလ်တစ်ဦးက ဆိုသည်။

ယခုတိုက်ခိုက်မှုဖြစ်ပွားချိန်တွင် မြို့တော်တီဟီရန်၌ အဓိကနှစ်ပတ်လည်စစ်ရေး ပြတစ်ခုကို ကျင်းပနေခဲ့ပြီး ယင်းပွဲသို့အီရန် သမ္မတဟက်ဆန်ရိုဟာနီနှင့် အခြားပုဂ္ဂိုလ်များ တက်ရောက်ခဲ့ကြသည်။

ခူဇီစတန်ပြည်နယ်သည် ၁၉၈၀ ပြည့်လွန်နှစ် စစ်ပွဲကာလအတွင်းက အဓိက စစ်မြေပြင်ဖြစ်ခဲ့သည့်နေရာဖြစ်သည်။ ထိုကြောင့် အာဗစ်စစ်ရေးပြပွဲကို တိုက်ခိုက်ခြင်းသည် သိသာထင်ရှားသော သင်္ကေတ တန်ဖိုးရှိနေသည်။

မန်ယူအသင်း၏ပွဲစဉ်ကို ဂန္ထ၀င်နည်းပြကြီး ဖာဂူဆန် လာရောက်ကြည့်ရှုမည်

Photo: Man Utd via Getty Images

မန်ယူအသင်း၏ ဂန္ထ၀င်နည်းပြကြီး ဆာအဲလက်စ်ဖာဂူဆန်သည် ဦးနှောက်ခွဲစိတ်ကုသမှု ခံယူပြီးနောက် ယနေ့ည မြန်မာစံတော်ချိန် (၈း၃၀)နာရီတွင် ကစားမည့် မန်ယူနှင့် ၀ုလ်ဗ်ပွဲကို ပထမဆုံးအကြိမ် လာရောက်ကြည့်ရှုမည်ဖြစ်ကြောင်း သိရသည်။

အသက် (၇၆)နှစ်အရွယ်ရှိ ဆာအဲလက်စ်ဖာဂူဆန်သည် ပြီးခဲ့သည့်မေလက ဦးနှောက်တွင်း သွေးယိုစိမ့်မှုကြောင့် ခွဲစိတ်ကုသမှု ခံယူခဲ့ရသည်။

ထို့နောက် ဖာဂူဆန်သည် ပြန်လည်ကျန်းမာလာရန် အချိန်ယူခဲ့ရပြီး ယခုအခါ ပထမဆုံးအကြိမ် လူမြင်ကွင်းသို့ ထွက်ခဲ့ခြင်းဖြစ်ကာ ယနေ့ည မြန်မာစံတော်ချိန် (၈း၃၀)နာရီတွင် ကစားမည့် မန်ယူနှင့် ၀ုလ်ဗ်တို့ကို ပရီးမီးယားလိဂ်ပွဲစဉ်ကို ကြည့်ရှုရန်
အိုးလ်ထရက်ဖို့ဒ်ကွင်းသို့ ရောက်ရှိနေကြောင်း သိရသည်။

Photo: Man Utd via Getty Images

ဖာဂူဆန်က “အခုလို ပြန်လည်ကျန်းမာလာတာ အရမ်းကို ကောင်းပါတယ်။ နေမကောင်းဖြစ်တဲ့ ကာလက အရမ်း ကြာခဲ့ပါတယ်။ ဒါပေမဲ့ ကျွန်တော် ပြန်လာနိုင်ပါပြီ။ ကျွန်တော့်သားနဲ့ ဆရာဝန်တွေရဲ့ ပြောကြားချက်အရတော့ ကျွန်တော့်ရဲ့ ကျန်းမာရေးကအတော်လေး ကောင်းပါတယ်။ တကယ်တော့ ကျွန်တော် နည်းနည်းကြောက်ခဲ့ပါတယ်။ ပြီးခဲ့တဲ့ ဧပြီလက မန်ယူနဲ့ အာဆင်နယ်ပွဲကို ကျွန်တော် နောက်ဆုံး ကြည့်ခဲ့ရတာဆိုတော့ တော်တော်လေးကြာသွားပြီပေါ့။ အခုတော့ မန်ယူအသင်းရဲ့ ပွဲစဉ်ကိုကြည့်ရှုဖို့ ကျွန်တော် ပြန်လာနိုင်ခဲ့ပါပြီ။ ဒီနေ့ပွဲစဉ်မှာ ကျွန်တော်တို့အသင်း အနိုင်ရဖို့ မျှော်လင့်ပါတယ်”ဟု ပြောကြားခဲ့ပါတယ်။

စကော့တလန်လူမျိုးနည်းပြ ဖာဂူဆန်သည် မန်ယူအသင်းကို (၂၆)နှစ်ကျော်ကြာ ကိုင်တွယ်ခဲ့ပြီး ချန်ပီယံလိဂ် (၂)ကြိမ်၊ ပရီးမီးယားလိဂ် (၁၃)ကြိမ် အပါအ၀င် ဆုဖလားများစွာ ရယူပေးနိုင်ခဲ့သည်။

 

 

 

အင်းဝရှိ ​​ဒုဋ္ဌ၀တီမြစ် ကမ်းပါးပြိုကာကွယ်ရေး ကျောက်စီကမ်းထိန်းလုပ်​ငန်းမှာ လပိုင်းအတွင်း ပျက်​စီးမှု ဖြစ်ပေါ်ခဲ့သည့်​အတွက်​ လုပ်​ကိုင်​သည့်​ ကုမ္ပဏီအား တင်​ဒါစည်းကမ်းအရ အ​ရေးယူသွားမည်​

ဒုဋ္ဌ၀တီမြစ်ကမ်းပါးပြို ကာကွယ်ရေး ကျောက်စီရေထိန်းတမံကို တွေ့ရစဉ်

မန္တလေးတိုင်းဒေသကြီး အစိုးရအဖွဲ့ ခွင့်ပြုရန်​ပုံ​ငွေဖြင့်​ ​ဆောင်​ရွက်​ခဲ့သည့်​ တံတားဦ မြို့နယ် အင်းဝရှေး​ဟောင်း နယ်​မြေ​ဈေးချိုရပ်ကွက်အနီး ဒုဋ္ဌ၀တီမြစ်ကမ်းပါးပြို ကာကွယ်ရေး ကျောက်စီရေထိန်းတမံ တည်ဆောက်ရေး​ဆောင်​ရွက်​ခဲ့သည့်​ ကုမ္ပဏီအား တင်ဒါစည်းကမ်းအရ အရေးယူမည် ဖြစ်ကြောင်း ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေး ဦးစီးဌာနမှ သိရသည်​။

ကမ်းထိန်းတည်​​ဆောက်​ခဲ့ရာတွင်​ လုပ်​ကိုင်​ခွင့်​ရခဲ့သည့်​ ​ကုမ္ပဏီမှ သတ်မှတ်ကာလအတွင်း မြစ်ရေတက်လာ​သော​ကြောင့်​ လုပ်​ငန်းရာနှုန်းပြည့်​ ပြီးစီးခြင်းမရှိဘဲ ၆၅ ရာခိုင်နှုန်းသာ ပြီးစီး၍ ကျောက်စီတမံ ပျက်စီးမှုများ ဖြစ်ပေါ်ခဲ့ခြင်းဖြစ်ကာ လက်​ရှိတွင်​ ဌာနမှ သွား​ရောက်​စစ်​​ဆေးမှုများ ပြုလုပ်​ခဲ့ပြီး တိုင်းအစိုးရအဖွဲ့ ညွှန်​ကြားချက်အဖြစ်​ အ​ရေးယူ​ ဆောင်​ရွက်​ခြင်းများ ပြုလုပ်​သွားမည်​ဖြစ်​ကာ ပျက်စီးမှုများကိုလည်း ​ရေကျချိန်​တွင်​ ကုမ္ပဏီမှ ပြန်​လည်​တည်​​ဆောက်​​ ပေးရမည်​ ဖြစ်​​ကြောင်း သိရသည်​။

“အရေးယူဖို့ တိုင်းအစိုးရအဖွဲ့က စ ထုတ်​ထားတယ်​။ ပြီးအောင်လုပ်မထားခဲ့ဘူး။ အောက်ခြေထိန်းတွေ ကောင်းကောင်းမပြီးတဲ့အတွက် ဖြစ်တာ။ ကုမ္ပဏီက လုပ်​ငန်း ၈၀ ရာခိုင်​နှုန်းပြီးတယ်​​ ပြော​ပေမယ့်​ စစ်​​ဆေးချက်​အရ ၆၅ ဒသမ ၅ ရာခိုင်​နှုန်းပဲ ပြီးစီးတယ်​။ တင်​ဒါစည်းကမ်းအရ အ​ရေးယူဖို့ကို ဌာနက ​ဆောင်​ရွက်​သွားမယ်​။ တိုင်းအစိုးရအဖွဲ့ ညွှန်​ကြားချက်​အရလည်း လုပ်​ငန်းရဲ့ငါးရာခိုင်နှုန်းဘဏ်​မှာ သွင်းခိုင်းထားတဲ့​ငွေကို တိုင်းအစိုးရအဖွဲ့က သိမ်းမယ်​။ ပြီးတင်​ဒါပြိုင်​တဲ့ အခါမှာလည်း ကုမ္ပဏီကို ၁၅ မှတ်​​လျော့မယ်​။ ပျက်​စီးမှုကို​တော့ တာဝန်​ယူပြီး ပြန်​​ဆောက်​​ပေးရမယ်​” ဟု ​မန္တ​လေးတိုင်းဒေသကြီး ​ရေအရင်းမြစ်​နှင့်​ မြစ်​​ချောင်းများ ဖွံ့ဖြိုးတိုးတက်​ရေး ဦးစီးဌာနမှ ဒုတိုင်းဦးစီးမှူးက ဆိုသည်​။

ယင်း ကမ်းပြိုကာကွယ်ရေး လုပ်ငန်းမှာ အလျား ပေ ၆၃၀ တွင် သံခြင်းအခြေပြု ကျောက်စီရေထိန်းတမံ ပြုလုပ်ခြင်းဖြစ်​ပြီး ငွေကျပ်သိန်းပေါင်း ၁၈၆၉ ခွင့်ပြုခဲ့​ကြောင်း လက်​ရှိတွင်​ လုပ်ငန်း၏ ၆၅ ဒသမ ၅ ရာခိုင်နှုန်းသာ ပြီးစီးခဲ့​ကြောင်း သိရသည်။

ကျန်​သည့်​ ၃၅ ဒသမ ၅ ရာခိုင်နှုန်းကို ၂၀၁၈-၂၀၁၉ ဘဏ္ဍာနှစ်၊ ကမ်းပြိုကာကွယ်ရေး လုပ်ငန်း ၁၅ ခုမှ တင်ဒါ ပိုလျှံငွေဖြင့် ဆောင်ရွက်သွားမည်ဖြစ်​​ကြောင်း သိရသည်။

ပြီးခဲ့သည့်​နှစ်​ ကမ်းပြိုကာကွယ်​ရေး တည်​​ဆောက်​​ရေး လုပ်​ငန်းများကို စဉ့်​ကူးမြို့နယ်​ရှိ ဆီသည်​၊ ဟင်္သာဖို၊ ရွာသာယာ၊ ဆင်​​သေ၊ မတ္တရာမြို့နယ်​တွင်​ ဇီးဖြူကုန်း၊ ရွာတန်း ရှည်​၊ ပုဂံစု၊ ကုန်းတန်းကြီး၊ တံတားဦး အင်းဝ ​ဒေသတွင်​ အိုးတုတ္ထန်း၊ ​ဈေးချို၊ မြင်းခြံမြို့နယ်​တွင်​ ​လေးအိမ်​တန်းရွာ၊ ငါန်းဇွန်​မြို့နယ်​တွင်​ ငါန်းဇွန်​နှင့်​ ရက္ခဒီပ၊​ ညောင်​ဦးမြို့နယ်​တွင်​ ​လောကနန္ဒာဘုရား ကမ်းပြိုကာကွယ်​​ရေးနှင့် အမရပူရမြို့နယ်​တွင်​ ဖရဲကျွန်းအ​ရှေ့၊ ဖရဲ ကျွန်း​အ​နောက်​နှင့်​ သပိတ်​တန်းစသည့်​​နေရာ များတွင်​​ ရေလမ်း​ကြောင်း​ပေါ် မူတည်​၍ တိုက်​ရိုက်​ကာကွယ်​ ကမ်းထိန်းနံရံ တည်​​ဆောက်​ခြင်းများနှင့်​ ​ရေလွှဲ၊ ​ရေကာ ​ဆောင်​ရွက်​ခြင်း လုပ်​ငန်းများကို​ ဆောင်​ရွက်​လျက်​ရှိပြီး ​ရေလမ်း​ကြောင်းအရ အ​ရေးကြီးကာ အဆင့်​ဆင့်​​ ဆောင်​ရွက်​ရမည့်​​ နေရာများကို ​ရေရင်းမြစ်​နှင့်​ မြစ်​​ချောင်းများ ဖွံ့ဖြိုးတိုးတက်​​ရေး ဦးစီးဌာနမှ တာဝန်​ယူ​ ဆောက်​လုပ်​ခြင်း ဖြစ်​​ကြောင်း သိရသည်​။