ထိုင်းကလပ် Police Tero အသင်းသို့ အောင်သူ ပြောင်းရွှေ့ကစားရန် အပြီးသတ် သဘောတူညီမှုရ

ရတနာပုံအသင်း၏ မြန်မာ့လက်ရွေးစင် တိုက်စစ်မှူး အောင်သူသည် ထိုင်း League T1 ကလပ် Police Tero အသင်းသို့ ပြောင်းရွှေ့ရန် အပြီးသတ်သဘောတူညီမှုရရှိခဲ့ပြီ ဖြစ်ကြောင်း သိရသည်။

ရတနာပုံအသင်းပိုင်ရှင် ဒေါက်တာစိုင်းဆမ်ထွန်းနှင့် Police Tero အသင်းပိုင်ရှင် ဘရိုင်ယန်မာကာသည် နိုဝင်ဘာ ၂၁ ရက်က ရန်ကုန်မြို့၌ တွေ့ဆုံပြီးနောက် အောင်သူ၏ အပြောင်းအရွှေ့ကိစ္စအတွက် အပြီးသတ် သဘောတူညီမှုရခဲ့ခြင်းဖြစ်သည်။

အောင်သူသည် လာမည့်ရာသီတွင် ထိုင်း League T1 သို့ ပြောင်းရွှေ့ကစားမည် ဖြစ်ပြီး Police Tero အသင်းသည် ၎င်းင်းအား လစာအပြင် နေထိုင်သွားလာမှုကုန်ကျစရိတ် များကိုပါ ကျခံပေးမည်ဖြစ်ကြောင်း သိရသည်။

အောင်သူသည် မြန်မာ ယူ-၁၉ အသင်းမှ ထွက်ပေါ်လာသည့် ကစားသမားတစ်ဦးဖြစ် ပြီး ၂၀၁၄ အာရှ ယူ-၁၉ ချန်ပီယံရှစ်ပြိုင်ပွဲ၊ ၂၀၁၅ ယူ-၂၀ ကမ္ဘာ့ဖလားပြိုင်ပွဲနှင့် ၂၀၁၆ အာဆီယံ ဆူဇူကီးဖလားပြိုင်ပွဲ စသည့် အဓိက နိုင်ငံတကာပြိုင်ပွဲများတွင် ခြေစွမ်းပြကစား နိုင်ခဲ့သောကြောင့် ပြည်ပကလပ်အသင်းများ ၏ စိတ်ဝင်စားမှုကို ခံခဲ့ရကာ ကစားသမားဘ၀ ပထမဆုံးပြည်ပထွက်ကစားခြင်းဖြစ်သည်။

စပါးတစ်သင်းတည်း၌သာကစားရန် ဆန္ဒရှိဟု ဟာရီကိန်း ပြောကြား

Photo: Telegraph

စပါးအသင်း၏ အင်္ဂလန်လက်ရွေးစင် တိုက်စစ်မှူး ဟာရီကိန်းက ကစားသမားဘ၀တစ်လျှောက်လုံး စပါးအသင်း၌သာ ကစားသွားရန် ဆန္ဒရှိကြောင်း ထုတ်ဖော်ပြောကြားသည်။

ပရီးမီးယားလိဂ်ရွှေဖိနပ်ဆုကို နှစ်ရာသီဆက်တိုက် ဆွတ်ခူးရရှိထားပြီး ယခုရာသီ ပြိုင်ပွဲစုံတွင် ၁၄ ပွဲကစား ၁၃ ဂိုးသွင်းယူထားသည့် ဟာရီကိန်းအား ရီးယဲလ်အသင်းက ခေါ်ယူရန် စိတ်ဝင်စားနေကြောင်း သတင်းများထွက်ပေါ်လျက်ရှိသည်။

သို့သော် ဂျာမနီအခြေစိုက် Bild အားကစားသတင်းစာနှင့် တွေ့ဆုံစဉ် ၎င်းက “ကျွန်တော့်ရဲ့ ရည်မှန်းချက်က ကစားသမားဘ၀တစ်လျှောက်လုံး တော့တင်ဟမ်မှာပဲ ကစားခွင့်ရဖို့ ဖြစ်ပါတယ်။ ကျွန်တော်တို့မှာ အံ့အားသင့်ဖွယ် လူစာရင်း၊ ထိပ်တန်းနည်းပြနဲ့ ပရော်ဖက်ရှင်နယ်လေ့ကျင့်ရေးစင်တာလည်း ပိုင်ဆိုင်ထားပါတယ်။ အရာအားလုံးက ကျွန်တော်နဲ့ အံဝင်ခွင်ကျဖြစ်နေပါတယ်”ဟု ပြောကြားသည်။

နှာခေါင်းကျိုးဒဏ်ရာကြောင့် ချန်ပီယံလိဂ်ပွဲကို ရာမို့စ် လွဲချော်မည်

Photo: EPA

ရီးယဲလ်မက်ဒရစ်အသင်းခေါင်းဆောင် နောက်ခံလူ ရာမို့စ်သည် နှာခေါင်းကျိုးဒဏ်ရာကြောင့် နိုဝင်ဘာ ၂၁ ရက် (ယနေ့) ကစားရမည့် ချန်ပီယံလိဂ်ပွဲစဉ်ကို လွဲချော်မည်ဖြစ်ကြောင်း သိရသည်။

ရာမို့စ်သည် မက်ဒရစ်မြို့ခံပြိုင်ဘက် အက်သလက်တီကိုအသင်းနှင့် ဂိုးမရှိသရေကျသည့်ပွဲတွင် ပြိုင်ဘက်နောက်ခံလူ ဟာနန်ဒက်ဇ်၏ဖိနပ်နှင့် ထိခိုက်မိရာမှ ဒဏ်ရာရရှိ ခဲ့ခြင်းဖြစ်ပြီး ပထမပိုင်းအပြီးတွင် လူစားလဲခဲ့ရသည်။

ဒဏ်ရာအား စစ်ဆေးပြီးနောက် နှာခေါင်းကျိုးသွားခြင်းဖြစ်ကြောင်း ရီးယဲလ်အသင်းက နိုဝင်ဘာ ၁၉ ရက်တွင် အတည်ပြုထုတ်ပြန်ခဲ့ပြီး အနားယူရမည့်ကာလကိုမူ ကြေညာခြင်းမရှိကြောင်း သိရသည်။

ရာမို့စ်အနေဖြင့် အပိုးလ်နီကိုးရှားနှင့်ကစားမည့် ချန်ပီယံလိဂ်ပွဲကို လွဲချော်မည်ဖြစ်သော်လည်း မာလာဂါနှင့်ပွဲတွင်မူ မျက်နှာဖုံးတပ်၍ ပြန်လည်ကစားဖွယ်ရှိကြောင်း စပိန်ထုတ် Marca သတင်းစာက ဖော်ပြခဲ့သည်။

တရုတ်လူ့အခွင့်အရေးရှေ့နေတစ်ဦး ထောင်ဒဏ်နှစ်နှစ် ချမှတ်ခံရ

သြဂုတ် ၂၂ ရက်တွင် ချန်ရှားပြည်သူ့တရားရုံးမှ ထုတ်ပြန်ခဲ့သည့် ဗီဒီယိုမှ ရယူထားသော ဓာတ်ပုံ၌ တရုတ်ရှေ့နေ ကျန်းတျန်ယောင်အား တွေ့ရစဉ် (Photo – AFP)

ထင်ရှားသော တရုတ်လူ့အခွင့်အရေး ရှေ့နေတစ်ဦးသည် အဖျက်အမှောင့်လုပ်ရပ်များ လုပ်ဆောင်ရန် လှုံ့ဆော်ခဲ့သည်ဟု စွဲချက်ဖြင့် နိုဝင်ဘာ ၂၁ ရက်တွင် ထောင်ဒဏ်နှစ်နှစ် ချမှတ်ခံခဲ့ရရာ တရုတ်တွင် လူ့အခွင့်အရေး လှုပ်ရှားသူများနှင့် တက်ကြွလှုပ်ရှားသူများအား အရှိန်မြှင့်ဖြိုခွင်းနေမှုတွင် နောက်ဆုံး ထောင်ဒဏ်ချမှတ်ခံခဲ့ရသူ ဖြစ်လာခဲ့သည်။

အသက် ၄၆ နှစ်ရှိ ကျန်းတျန်ယောင်သည် Falun Gong လေ့ကျင့်ကြသူများ၊ တိဘက်အရေး ဆန္ဒပြသူများနှင့် ၂၀၀၈ ခုနှစ် အဆိပ်သင့်ကလေးနို့မှုန့် အရှုပ်တော်ပုံတွင် ခံစားခဲ့ရသူများအတွက်အပါအ၀င် ထင်ရှားသော အမှုများစွာအား လိုက်ပေးခဲ့ပြီး ၂၀၀၉ ခုနှစ်တွင် ရှေ့နေလိုက်ခွင့် ပိတ်ပင်ခံခဲ့ရသည်။ ချန်ရှားပြည်သူ့တရားရုံးတွင် ကြားနာမှု၌ တရားသူကြီးက ကျန်းသည် နိုင်ငံရေးတွင် ပါဝင်ပတ်သက်မှုကို သုံးနှစ်ကြာ ပိတ်ပင်ခံရမည်ဖြစ်ကြောင်းလည်း စီရင်ချက်ကို ဖတ်ပြခဲ့သည်ဟု တရားရုံးက ထုတ်ပြန်ခဲ့သည့် ဗီဒီယို၌ ဖော်ပြခဲ့သည်။

ကျန်းတျန်ယောင်သည် တရုတ်ဆန့်ကျင်သည့် အင်အားစုများ၏ ကာလရှည်ကြာ သြဇာလွှမ်းမိုးခံခဲ့ရပြီး တရုတ်နိုင်ငံ၏ ရှိရင်းစွဲ နိုင်ငံရေးစနစ်အား ဖယ်ရှားရန် စိတ်ကူးသည် တဖြည်းဖြည်းဖြစ်ပေါ်ခဲ့ကြောင်း တရားသူကြီးက ပြောကြားခဲ့သည်။ ကျန်းသည် ၎င်းရည်မှန်းချက် ပြည့်မီစေရန်အတွက် လေ့ကျင့်ရန် ပြည်ပသို့ သွားရောက်ခဲ့ကြောင်း၊ တရုတ်ဆန့်ကျင်သည့် ပြည်ပအင်အားစုများမှ ဘဏ္ဍာရေးထောက်ပံ့မှုများကို အသုံးချခဲ့ကြောင်းလည်း တရားသူကြီးက ဆိုသည်။

ကျန်းသည် ထိန်းသိမ်းမခံခဲ့ရမီ တရုတ်လူ့အခွင့်အရေး အခြေအနေများအား ပြည်ပတာဝန်ရှိသူများ၊ နိုင်ငံရေးသမားများနှင့် အကြိမ်ကြိမ် ဆွေးနွေးခဲ့ကြောင်း သိရသည်။ ယခင်က တျန်ပျောက်ဆုံးခဲ့မှုသည် ၎င်းက ကုလကျွမ်းကျင်ပညာရှင်များအား အကူအညီများပေးမှုကို လက်တုံ့ပြန်မှုဖြစ်မည်ကို စိုးရိမ်မိခဲ့ကြောင်း လူ့အခွင့်အရေးဆိုင်ရာ အခြေအနေများအား ပြုစုပြီး အစီရင်ခံစာ တင်သွင်းရသည့် ကုလသမဂ္ဂအထူးကိုယ်စားလှယ်က ပြောကြားခဲ့သည်။

ကျန်းသည် ထိန်းသိမ်းခံထားရသော လူ့အခွင့်အရေးရှေ့နေ ရှဲယန်အကြောင်းအား စုံစမ်းရန်အတွက် ပေကျင်းမှ ချန်ရှားသို့ သွားရောက်စဉ် ပြီးခဲ့သော နိုဝင်ဘာတွင် ရုတ်တရက် ပျောက်ကွယ်သွားခဲ့ပြီးနောက် ပိုင်းကျန်း၏ မိသားစုက ၎င်းနှင့် အဆက်အသွယ်ပြတ်သွားခဲ့ကြောင်း သိရသည်။ ရှဲသည် ၂၀၁၅ ခုနှစ် ဇူလိုင်က အစိုးရ၏ ဖြိုခွင်းမှုတွင် ထိန်းသိမ်းခံခဲ့ရပြီး စစ်မေးစဉ်အတွင်း ညှဉ်းပန်းနှိပ်စက်ခံခဲ့ရသည်ဟု ၎င်း၏ ပြောကြားမှုများကို ကျန်းက ဖော်ထုတ်ပြောကြားခဲ့ရာ နိုင်ငံတကာက စိုးရိမ်ခဲ့ကြသည်။ အစိုးရ၏ ယင်းဖြိုခွင်းမှုအတွင်း အရပ်ဘက် လူ့အခွင့်အရေးအမှုများအား လိုက်ပါဆောင်ရွက်သည့် ရှေ့နေများအပါအ၀င် လူ ၂၀၀ ကျော် ထိန်းသိမ်းခံခဲ့ရသည်။

Ref ; AFP

ဟောင်ကောင်တွင် တိုက်ခန်းနှစ်ခန်းအား စံချိန်တင်ဈေး ဒေါ်လာ ၁၄၉ သန်းကျော်ဖြင့် ရောင်းချ

နိုဝင်ဘာ ၂၁ ရက်က ဟောင်ကောင်ရှိ နီခိုဆန်တောင် (ယာထိပ်) တွင် ဇိမ်ခံအိမ်ရာတစ်ခုအား ရိုက်ကူးထားသော ဓာတ်ပုံ (Photo: AFP)

ဟောင်ကောင်တွင် တိုက်ခန်းတစ်ခန်းတည်းကို ဒေါ်လာ ၇၁ သန်းကျော်နှင့်  အရောင်းအ၀ယ်ဖြစ်ခဲ့ပြီး ယင်းဈေးနှုန်းက စံချိန်သစ်တင်သွားခဲ့သည်။

ချမ်းသာသူတစ်ဦးသည် တောင်ထိပ် တစ်ခုပေါ်၌ရှိသော တိုက်တစ်လုံးမှ ဘေးချင်းကပ်တိုက်ခန်းနှစ်ခန်းကို ၀ယ်လိုက်ရာ နှစ်ခန်းပေါင်းတန်ဖိုးသည် မျက်ရည်လည်စရာ ဒေါ်လာ ၁၄၉ ဒသမ ၁ သန်းဖြစ်သွားခဲ့သည်။ ထိုတိုက်ခန်းတစ်ခန်းစီ၏ အကျယ် မှာ စတုရန်းပေ ၄၀၀၀ ကျော် (၃၇၀ စတု ရန်းမီတာ) ရှိကြောင်း သိရသည်။

ထို တိုက်ခန်းတစ်ခန်းစီ၏ တန်ဖိုးသည် ဒေါ်လာ ၇၁ ဒသမ ၇ သန်းနီးပါး ရှိနေသဖြင့် တစ်စတုရန်းပေလျှင် ဒေါ်လာ ၁၇၀၀၀ ကျသင့်သွားသည်ဟု Bloomberg က ဖော်ပြခဲ့သည်။ ထို့ကြောင့် ယင်းတိုက်ခန်းသည် အကျယ်အ၀န်းအားဖြင့် တွက်ပါက အာရှတွင် ဈေးနှုန်းအမြင့်ဆုံး တိုက်ခန်းဖြစ်သွားခဲ့ပြီဖြစ်သည်။

ယခု တိုက်ခန်းဈေးနှုန်းသည် အလွန်အမင်း ထိုးတက်နေသည့် ဟောင်ကောင်အိမ်ခြံမြေဈေးကွက်မှ ယခင်စံချိန်တင်ဈေးနှုန်းအား ချိုးဖျက်သွားနိုင်ခဲ့သည်။ ယခင်စံချိန်မှာ စက်တင်ဘာလက ရောင်းချခဲ့သော တစ်စတုရန်းပေလျှင် ဒေါ်လာ ၁၃၄၃၉ ရှိသည့် နှစ်ခန်းတွဲတိုက်ခန်းဖြစ်သည်။

ထို့နောက် တစ်လအကြာတွင် ဟောင်ကောင်မြို့ထဲမှ ရုံးအဆောက်အအုံတစ်လုံးကို စံချိန်တင်ဈေးနှုန်းဖြစ်သည့် ဒေါ်လာ ငါးဘီလျံဖြင့် ရောင်းချနိုင်ခဲ့သည်။ ဇွန် လကလည်း ကားပါကင်ထိုးသည့် နေရာတစ်ခုသည် ဒေါ်လာ ၆၆၄၂၀၀ ဖြင့် ရောင်းထွက် သွားခဲ့သည်။ ထိုဖြစ်စဉ်များသည် ပြည်မကြီးမှ ချမ်းသာသော ရင်းနှီးမြှုပ်နှံသူများ၊ ဆောက်လုပ်ရေးလုပ်ငန်းရှင်များ အစုလိုက် အပြုံလိုက် ၀င်လာရာမှအစပြုပြီး ဟောင်ကောင်အိမ်ခြံမြေနှင့် စီးပွားဖြစ်အဆောက်အအုံ ဈေးနှုန်းများ ထိုးတက်လာခြင်း၏ တစ်စိတ်တစ်ပိုင်းဖြစ်သည်။

ထို့ကြောင့် အိမ်ခြံမြေဈေးကွက် မြင့် တက်မှုသည် ဟောင်ကောင်တွင် နိုင်ငံရေး အကြောင်းအရာတစ်ခုဖြစ်လာခဲ့သည်။ ကမ္ဘာပေါ်တွင် ဈေးနှုန်းအကြီးမြင့်ဆုံးမြို့များ၌ ပါဝင်သည့် ဟောင်ကောင်၌ နေထိုင်မှုစရိတ်များမှာလည်း ဆက်လက်မြင့်တက်နေသည်။

ပြီးခဲ့သည့်သီတင်းပတ်က ထွက်လာသော အစိုးရလေ့လာမှုတစ်ရပ်အရ လူဦးရေ ၇ ဒသမ ၃၅ သန်းနေထိုင်သော ဟောင်ကောင်တွင် ရာခိုင်နှုန်း ၂၀ နီးပါးမှာ ဆင်းရဲ မွဲတေမှု သတ်မှတ်မျဉ်းအောက်၌ နေထိုင် နေကြရသည်။

ထရန့်က မြောက်ကိုရီးယားအား အကြမ်းဖက်မှုကို အားပေးသည့် နိုင်ငံများစာရင်းသို့ ထည့်သွင်း

အပြစ်ပေးခံရသည်ဟု သတင်းထွက်ခဲ့သော ဟွမ်ပြောင်ဆို(ယာ)အား ၂၀၁၅ ခုနှစ် ဖေဖော်ဝါရီ ၂ ရက်က စကားပြောနေသည့် ကင်ဂျုံအွန် (Photo – AFP)

မြောက်ကိုရီးယားခေါင်းဆောင် ကင်ဂျုံအွန်အစိုးရနှင့် နျူကလီးယားဆိုင်ရာ လိပ်ခဲတည်းလည်း အခြေအနေအား အဆုံးသတ်နိုင်ရန်အတွက် ညှိနှိုင်းဆွေးနွေးရန် မျှော်လင့်ချက်အား ၀ါရှင်တန်က လက်မလျှော့သေးဟု အမေရိကန်နိုင်ငံခြားရေးဝန်ကြီးက  ပြောကြားထားချိန်တွင် သမ္မတဒေါ်နယ်ထရန့်က မြောက်ကိုရီးယားအား အကြမ်းဖက်မှုကို အားပေးသည့် နိုင်ငံများစာရင်းသို့ ထည့်သွင်းကြောင်း နိုဝင်ဘာ ၂၀ ရက်တွင် ကြေညာခဲ့သည်။ အီရန်နှင့် ဆီးရီးယားတို့က ယခင်က ဦးဆောင်နေသည့် ယင်းအမည်ပျက်စာရင်းတွင် မြောက်ကိုရီးယားအားထည့်ပြီးနောက် ပိတ်ဆို့အရေးယူမှုများအား အမေရိကန် ဘဏ္ဍာရေးဌာနက အလျင်အမြန်ချမှတ်နိုင်ရန်အတွက် လုပ်ဆောင်သွားမည်ဟု ထရန့်က ကတိပေးခဲ့သည်။

မြောက်ကိုရီးယားအား ယင်းစာရင်းသို့ ကာလကြာရှည်ကတည်းက ထည့်သွင်းသင့်ကြောင်း၊ လွန်ခဲ့သောနှစ်များစွာကတည်းက ထည့်သွင်းသင့်ကြောင်း ထရန့်က ပြောကြားခဲ့သည်။ မြောက်ကိုရီးယားတွင်ထောင်ထဲ၌ ထိန်းသိမ်းခံထားရစဉ် အမေရိကန်ကျောင်းသားတစ်ဦး သေဆုံးခဲ့ရမှု၊ ကင်ဂျုံအွန်၏ အဖေတူ အမေကွဲအစ်ကိုဖြစ်သူ ကင်ဂျုံနန်အား ပြည်ပတွင် အာရုံကြောထိခိုက်စေသည့် အဆိပ်ဖြင့် လုပ်ကြံခဲ့မှုတို့သည် မြောက်ကိုရီးယားအား ယင်းစာရင်းသို့ ထည့်သွင်းရန် အကြောင်းပြချက်များဖြစ်ကြောင်း ထရန့်က ပြောကြားခဲ့သည်။ နိုင်ငံခြားရေးဝန်ကြီး တေလာဆင်က ပိတ်ဆို့အရေးယူမှုနှင့် သံတမန်ရေးများသည် နျူကလီးယားလက်နက် စွန့်လွှတ်ရေးဆွေးနွေးပွဲသို့ ပါဝင်လာစေရန် ကင်အား ဖိအားပေးနိုင်ဆဲဖြစ်ကြောင်း ပြောကြားခဲ့သည်။ မြောက်ကိုရီးယားအား ချမှတ်ထားပြီးဖြစ်သည့် ပြင်းထန်သော ပိတ်ဆို့အရေးယူမှုများသည် ပြုံယမ်း၏ စီးပွားရေးအားကြီးမားသော သက်ရောက်မှုရှိခဲ့ပြီဖြစ်ကြောင်း တေလာဆင်က ပြောကြားခဲ့သည်။

ယင်းစာရင်းသို့ ထည့်သွင်းကြောင်း ထရန့်က မကြေညာမီ မြောက်ကိုရီးယား အာဏာရပါတီသတင်းစာ ရိုဒေါင်ရှင်မွန်သတင်းစာ အယ်ဒီတာ့အာဘော်တွင် ထရန့်သည် အမေရိကန်အား ငရဲခန်းသို့ ဦးတည်သော ပြန်မလှည့်နိုင်သည့် လမ်းကြောင်းသို့ ဆွဲချနေသည့် ငွေမက်သော စိတ်ဖောက်ပြန်နေသူဖြစ်ကြောင်း ဝေဖန်တိုက်ခိုက်ခဲ့သည်။ အမေရိကန်မြို့များအထိ ရောက်နိုင်သော နျူကလီးယား ထိပ်ဖူးတပ်တိုက်ချင်းပစ်ပဲ့ ထိန်းဒုံးများအား မြောက်ကိုရီးယားက စမ်းသပ်ခြင်း သို့မဟုတ် ဖြန့်ကြက်ခြင်းတို့ကို အမေရိကန်က လက်သင့်ခံမည်မဟုတ်ကြောင်း အိမ်ဖြူတော်က ထုတ်ပြန်ခဲ့သည်။

ထရန့်၏ ကြေညာချက်အား ကြိုဆိုထောက်ခံကြောင်း ဂျပန်က ထုတ်ပြန်ခဲ့သည်။ အမေရိကန်၏ လုပ်ရပ်သည် ပြင်းထန်သော ပိတ်ဆို့အရေးယူမှုများနှင့် ဖိအားများမှတစ်ဆင့် မြောက်ကိုရီးယားအား နျူကလီးယား ဖျက်သိမ်းရေးလမ်းကြောင်းပေါ်သို့ ခေါ်ဆောင်ရန် နိုင်ငံတကာအသိုင်းအ၀ိုင်း၏ ဘုံကြိုးပမ်းမှုများမှ အစိတ်အပိုင်းဖြစ်ကြောင်း တောင်ကိုရီးယား နိုင်ငံခြားရေးဝန်ကြီးဌာနက ထိန်းထိန်းသိမ်းသိမ်း ထုတ်ပြန်ခဲ့သည်။

မြောက်ကိုရီးယားကမူ ယင်းလုပ်ရပ်အား စစ်ပွဲကြေညာချက်ကဲ့သို့ သဘောထားနိုင်ပြီး မကြာမီကာလတွင် တိုက်ချင်းပစ်ပဲ့ ထိန်းဒုံးစမ်းသပ်မှုပြုလုပ်ပြီး တုံ့ပြန်နိုင်ခြေရှိကြောင်း ဆိုးလ်ရှိ မြောက်ကိုရီးယား လေ့လာရေးဆိုင်ရာ တက္ကသိုလ်ပါမောက္ခယန်မိုဂျင်က သုံးသပ်ခဲ့သည်။ မြောက်ကိုရီးယားအစိုးရသည် ပြင်းထန်သည့် အရေးယူမှုများ ချမှတ်ခံထားရပြီးဖြစ်၍ ယင်းစာရင်းထည့်သွင်းမှုသည် စီးပွားရေးအား ချက်ချင်းသက်ရောက်မှု မရှိနိုင်ဟု သိရသည်။

Ref ; AFP

မအူပင်မြို့ မလက်တိုကျေးရွာအုပ်စုမှ ဒေသခံအင်အား ၆၀၀ ခန့်က ကျေးရွာအုပ်ချုပ်ရေးမှူးအား တရားစွဲဆိုထားသည့် အော့ချက်ကုမ္ပဏီအား အလိုမရှိကြောင်း ဆန္ဒထုတ်ဖော်

မအူပင်မြို့တွင် နိုဝင်ဘာလ ၂၁ ရက် (ယနေ့) နံနက် ၁၀ နာရီခန့်က မလက်တိုကျေးရွာအုပ်စုရှိ ကျေးရွာ ၁၅ ရွာမှ ဒေသခံပြည်သူ အင်အား ၆၀၀ ခန့်က ကျေးရွာအုပ်ချုပ်ရေးမှူးဖြစ်သူအား တရားစွဲဆိုထားသည့် အော့ချက်ကုမ္ပဏီအား အလိုမရှိကြောင်းနှင့် ဒေသတွင်း ဖြစ်ပွါးနေသည့် မြေယာပြသနာများကို တိုင်းဒေသကြီးအစိုးရနှင့် နိုင်ငံတော်သမ္မတမှ ဖြေရှင်းဆောင်ရွက်ပေးစေလိုကြောင်း ဆန္ဒထုတ်ဖော်မှုတစ်ခုကို ပြုလုပ်ခဲ့ကြကြောင်း သတင်းရရှိသည်။

အော့ချက်ကုမ္ပဏီမှ မလက်တိုကျေးရွာအုပ်စုအတွင်း ငါးမွေးမြူရေးလုပ်ငန်းများ လုပ်ဆောင်ရန်အတွက်ဟုဆိုကာ မြေယာများစွာကို ရယူထားကြောင်း၊ မြေယာပိုင်ဆိုင်မှု အငြင်းပွါးမှု ပြသနာများကြောင့် လွန်ခဲ့သော ငါးနှစ်ခန့်က ဒေသခံများနှင့် ကုမ္ပဏီအကြား ပဋိပက္ခများဖြစ်ပွါးခဲ့သေးပြီး ထိုအချိန်က ရဲတပ်ဖွဲ့ဝင်တစ်ဦး သေဆုံးခဲ့သေးကြောင်း၊ ယင်းမြေနေရာအငြင်းပွါးနေသည့် နေရာတွင် အော့ချက်ကုမ္ပဏီမှ လုပ်ငန်းများ ဆက်လက်ဆောင်ရွက်နေမှုကို မလက်တိုကျေးရွာ အုပ်ချုပ်ရေးမှူးဖြစ်သူ ဦးလှကြိုင်မှ ပဋိပက္ခများဆက်လက်မဖြစ်ပွါးစေရေးအတွက် တားမြစ်ခဲ့သည်ကို အော့ချက်ကုမ္ပဏီမှ လုပ်ငန်းများအကောင်ထည်ဖော် ဆောင်ရွက်နေမှုကို နှောင့်ယှက်မှုများ ပြုသည်ဟုဆိုကာ၂၀၁၇ ခုနှစ် အောက်တိုဘာလ ၂၃ ရက်နေ့က ပုဒ်မ ၂၈ ဖြင့် တရားစွဲဆိုခဲ့ကြောင်း၊ ယင်းကဲ့သို့ ကုမ္ပဏီမှ တရားစွဲဆိုခဲ့မှုကို မကျေနပ်သောကြောင့် ဒေသခံပြည်သူများမှ ယခုကဲ့သို့ ဆန္ဒထုတ်ဖော်ရခြင်းဖြစ်ကြောင်း၊ ဆန္ဒထုတ်ဖော်သူများသည့် မအူပင်မြို့ မဟာဗောဓိဘုရားကြီးရှေ့တွင် စတင်စုဝေးကာ ကမ်းနားလမ်းတလျှောက် ဒေသခံပြည်သူများကို အကျိုးမပြုသော အော့ချက်ကုမ္ပဏီ အလိုမရှိ၊ မလက်တိုကျေးရွာအုပ်ချုပ်ရေးမှူးကို တရားစွဲဆိုထားသော ဒေါက်တာမြင့်စိန် အလိုမရှိ၊ မြေသိမ်း အော့ချက်ကုမ္ပဏီ အရေးယူပေး၊ တရားမျှတမှု ပေါ်ပေါက်ရေး၊ တရားစွဲဆိုခံထားရသည့် ဦးကြိုင်ကိစ္စ ဖြေရှင်းပေးရေး ဒို့အရေး စသည့်ကြွေးကြော်သံများ ဟစ်ကြွေးကာ နိုင်ငံတော်သမ္မတကြီး အနေဖြင့် မြေသိမ်း အော့ချက်ကုမ္ပဏီကိစ္စ စုံစမ်းစစ်ဆေးပေးပါ။ တိုင်းဒေသကြီးဝန်ကြီးချုပ်အနေဖြင့် တရားမျှတမှုကို ဖော်ဆောင်ပေးပါ၊ အော့ချက်ကုမ္ပဏီသည် အမိနှင့်အဖ မဟုတ် ပြည်သူသာ အမိ ပြည်သူသာ အဖဖြစ်သည်၊ ပြည်သူ့ဆန္ဒဖြင့် ရွေးချယ်ထားသည့် မလက်တိုကျေးရွာအုပ်စု အုပ်ချုပ်ရေးမှူးအား တရားစွဲဆိုထားမှုကို တိုင်းဒေသကြီး ဝန်ကြီးချုပ်မှ ပြန်လည်စိစစ်ပေးပါ စသည့် ဆိုင်းဘုတ်များ ကိုင်ဆောင်ကာ ဆန္ဒထုတ်ဖော်ခဲ့ကြကြောင်း သိရသည်။

“ရည်ရွယ်ချက်ကတော့ဗျာ ကျွန်တော်ကျေးရွာအုပ်ချုပ်ရေးမှူးက အော့ချက်ကုမ္ပဏီက အဆောက်အဦးတွေ ဆောက်နေတာကို အရင်လို ပဋိပက္ခဖြစ်မှာဆိုးလို့ သွားတားတယ် ဒါကို တရားစွဲဆိုတယ် ဒါ့ကြောင့်မို့ ကျွန်တော်တို့က ဒီလိုတရားစွဲဆိုတာကို အလိုမရှိကြောင်း အခုဖြစ်နေတဲ့ မြေသိမ်းပြသနာတွေကို နိုင်ငံတော်သမ္မတကြီးဖြေရှင်းပေးဖို့ရယ်တောင်းဆိုတာပါ အော့ချက်က လုပ်ဆောင်နေပါတယ်ဆိုတဲ့ မွေးမြူရေးလုပ်ငန်းကလည်း လုပ်ငန်းပျက်ကြီးဖြစ်နေပါပြီ”ဟု ဆန္ဒထုတ်ဖော်ရာတွင် ပါဝင်ခဲ့သည့် ဒေသခံတစ်ဦးဖြစ်သူ ဦးငြိမ်းမောင်ကပြောသည်။

အော့ချက်ကုမ္ပဏီမှလည်း လက်ရှိလုပ်ငန်းများလုပ်ဆောင်နေသည့် မြေနေရာများမှ ဒေသခံတောင်သူများအား နစ်နာကြေးများ ပေးကာ ဝယ်ယူလုပ်ဆောင်ထားသည့် မြေနေရာများသာဖြစ်ကြောင်း သတင်းစာရှင်းလင်းပွဲများ ပြုလုပ်ကာ ပြောကြားထားမှုများလည်း ရှိသည်။

မင်းသူဝင်းထွဋ်

မြန်မာနိုင်ငံသည် ဘင်္ဂါလီမွတ်စလင်များအပေါ် လူမျိုးရေးခွဲခြားမှု ချမှတ်ထားသည်ဟု အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့က စွပ်စွဲ

နိုဝင်ဘာ ၁၆ ရက်က ဘင်္ဂလားဒေ့ရ်ှရှိ တန်ခါလီဒုက္ခသည်စခန်းအား ရိုက်ကူးထားသောဓာတ်ပုံ (Photo- AFP)

မြန်မာနိုင်ငံက ဘင်္ဂါလီမွတ်စလင်များအပေါ် ထိန်းချုပ်မှုများဖြင့် တင်းကျပ်ထားခြင်းသည် လူမျိုးရေးခွဲခြားမှုမြောက်သည်ဟု အပြည်ပြည်ဆိုင်ရာ လွတ်ငြိမ်းချမ်းသာခွင့် အဖွဲ့ (AI) က ဒုက္ခသည် ၆၂၀,၀၀၀ ဘင်္ဂလားဒေ့ရ်ှသို့ ထွက်ပြေးရသည့် အကျပ်အတည်း၏ အကြောင်းရင်းဇာစ်မြစ်ကို စုံစမ်းစစ်ဆေးမှုတစ်ရပ်၌ နိုဝင်ဘာ ၂၁ ရက်တွင် ပြောကြားခဲ့သည်။

ဘင်္ဂလားဒေ့ရှ် ဒုက္ခသည်စခန်းများရှိ အခွင့်အရေးများ ဆုံးရှုံးနေသော ဘင်္ဂါလီ မွတ်စလင်များအရေးနှင့်ပတ်သက်၍ ကမ္ဘာတစ်လွှားက ဒေါသထွက်ခဲ့ကြသည်။ ၎င်းတို့သည် သြဂုတ်လကတည်းက ရခိုင်ပြည်နယ်မှ ထွက်ပြေးလာကြပြီး မြန်မာလုံခြုံရေးတပ်များ၏ သတ်ဖြတ်၊ မုဒိမ်းကျင့်၊ မီးရှို့ခံရမှုများအကြောင်း ပြန်ပြောပြခဲ့ကြသည်။

မြန်မာနှင့် ဘင်္ဂလားဒေ့ရ်ှတို့သည် ဘင်္ဂါလီ မွတ်စလင်ဒုက္ခသည်အချို့ကို ပြန်လည် လက်ခံရေးနှင့်ပတ်သက်၍ သဘောတရားအရ သဘောတူညီပြီးဖြစ်သော်လည်း လွန်ခဲ့သည့် သီတင်းပတ်တွင် မြန်မာတပ်မတော် ကာကွယ်ရေးဦးစီးချုပ်သည် ဘင်္ဂလားဒေ့ရ်ှက အဆိုပြုသော ဒုက္ခသည်အရေအတွက်ကို လက်ခံရန် မဖြစ်နိုင်ဟု ပြောကြားခဲ့မှုနှင့်အတူ အသေးစိတ် အချက်အလက်များနှင့် ပတ်သက်၍ သဘောတူညီချက်ရရှိခြင်း မရှိသေးပေ။

AI အဖွဲ့က ယခုအကျပ်အတည်းဆီသို့ ဦးတည်လာစေသည့် နှိပ်ကွပ်ခံရမှုနှစ်များအကြောင်း အသေးစိတ်ကို အစီရင်ခံဖော်ပြခဲ့သည်။

နှစ်များ ချီလျက်ကြာသည့် နိုင်ငံတော်က ထောက်ပံ့သော လှုပ်ရှားမှုတစ်ရပ်က ဘင်္ဂါလီမွတ်စလင်တို့၏ ဘ၀မျက်နှာစာအားလုံးကို ထိန်းချုပ်ကန့်သတ်ခဲ့ပြီး ဗုဒ္ဓဘာသာဝင်များ အဓိကနေထိုင်သော မြန်မာနိုင်ငံတွင် လူနည်းစုမွတ်စလင်များသည် အောက်တန်းနောက်တန်းကျသော ဘ၀သို့ရောက်အောင် ဘောင်ခတ်ခံရသည်ဟု AI ၏ လေ့လာချက်က ဖော်ပြသည်။

နှစ်နှစ်ကြာ သုတေသနပြုမှုအပေါ် အခြေခံသည့် စာမျက်နှာ ၁၀၀ ပါရှိသော အစီရင်ခံစာတွင် လူမျိုးရေးခွဲခြားမှုဖြင့် လူသားဆန်မှုကို ချိုးဖောက်သော ရာဇ၀တ်မှု၏ ဥပဒေရေးရာစံနှုန်းနှင့် ကိုက်ညီအောင် ထိန်းချုပ်မှုများ ပြုလုပ်ခဲ့သည်ဟု ဖော်ပြခဲ့သည်။

“ရခိုင်ပြည်နယ်ဟာ ရာဇ၀တ်မှုဖြစ်ပွားရာ ဒေသတစ်ခုပါ။ လွန်ခဲ့တဲ့သုံးလက တပ်မတော်ရဲ့ ရက်စက်တဲ့ အကြမ်းဖက်စစ်ဆင်ရေးမတိုင်မီ အချိန်အကြာကြီးကတည်းက ဒီကိစ္စဟာ ရှိခဲ့တယ်” ဟု AI အဖွဲ့မှ သုတေသနဆိုင်ရာ အကြီးတန်းညွှန်ကြားရေးမှူး အင်နာနေးစတက်က ပြောကြားခဲ့သည်။

မြန်မာအာဏာပိုင်များသည် ဘင်္ဂါလီမွတ်စလင် အမျိုးသား၊ အမျိုးသမီးနှင့် ကလေးများကို လူမျိုးရေးခွဲခြားသည့် လူ့ဂုဏ်သိက္ခာ ကင်းမဲ့စေသော စနစ်တစ်ရပ်ဖြင့် ခွဲခြားကန့်သတ်ကာ ချိုးနှိမ်၍ ထားခဲ့သည်ဟုလည်း အင်နာနေးစတက်က ပြောကြားခဲ့သည်။

Ref ; AFP

အကူအညီပေးရေးအဖွဲ့များက ဘင်္ဂါလီမွတ်စလင်အရေးနှင့်ပတ်သက်၍ ကုလသမဂ္ဂ လူ့အခွင့်အရေးကောင်စီ၏ ကြားနာစစ်ဆေးမှုပြုလုပ်ရန် တောင်းဆို

နိုဝင်ဘာ ၁၉ ရက်က ကော့ဘဇားရှိ ကူတူပါလောင်ဒုက္ခသည်စခန်းသို့ သွားရောက်ခဲ့သော ဥရောပသမဂ္ဂ နိုင်ငံခြားရေးမူဝါဒရေးရာ အကြီးအကဲ ဖက်ဒရီကာမိုဂေရီနီ (Photo – AFP)

နိုဝင်ဘာ ၂၀ ရက်တွင် အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့နှင့် အခြားလူသားချင်း စာနာထောက်ထားမှုဆိုင်ရာ အဖွဲ့ပေါင်း ၃၄ ဖွဲ့က ကုလသမဂ္ဂ လူ့အခွင့်အရေးကောင်စီအား မြန်မာနိုင်ငံမှ ဘင်္ဂါလီ မွတ်စလင်အရေးနှင့်ပတ်သက်၍ အထူးကြားနာ စစ်ဆေးမှုတစ်ရပ် ပြုလုပ်ရန် တောင်းဆိုခဲ့သည်။

“မြန်မာနိုင်ငံမှာ လူ့အခွင့်အရေးဆိုင်ရာ အနေအထား ယိုယွင်းလာမှုနဲ့ပတ်သက်ပြီး ကုလသမဂ္ဂ လူ့အခွင့်အရေးကောင်စီအနေနဲ့ အထူးကြားနာစစ်ဆေးမှုတစ်ရပ် ခေါ်ယူဖို့ ကျွန်တော်တို့ ပြင်းပြင်းထန်ထန် ထောက်ခံပါတယ်။ အဲဒီလိုကြားနာစစ်ဆေးမှုတစ်ရပ်ကို ဖြစ်နိုင်သမျှ အမြန်ဆုံး ပြုလုပ်ရေးကို ထောက်ပံ့ဖို့ သင့်ရဲ့ကိုယ်စားလှယ်တွေကို တောင်းဆိုပါတယ်” ဟု လူ့အခွင့်အရေးကောင်စီသို့ လိပ်မူတပ်ထားသော အိတ်ဖွင့်ပေးစာတစ်စောင်၌ ဖော်ပြထားသည်။

“လူ့အခွင့်အရေး ချိုးဖောက်မှုတွေအကြောင်း လေးနက်တဲ့ အစီရင်ခံစာတွေက ဖော်ပြခဲ့တာမို့ တိကျတဲ့ အရေးယူမှု စတင်ဖို့နဲ့ အနေအထားကို အပြည်ပြည်ဆိုင်ရာရဲ့ စိစစ်မှုနဲ့ ထိန်းချုပ်စောင့်ကြည့်မှု သေချာစေဖို့ အထူးကြားနာစစ်ဆေးမှုတစ်ရပ်က အလွန်အရေးကြီးတယ်လို့ ကျွန်တော်တို့ ယုံကြည်ပါတယ်” ဟုလည်း အိတ်ဖွင့်ပေးစာ၌ ဖော်ပြထားသည်။

အဆိုပါအဖွဲ့များက လူသားဆန်မှုကို ချိုးဖောက်သော ရာဇ၀တ်မှုများအပါအ၀င် လူ့အခွင့်အရေး ချိုးဖောက်မှုများအားလုံးကို ချက်ချင်းရပ်စဲရန်နှင့် လူ့အခွင့်အရေးအဖွဲ့များအား မြန်မာနိုင်ငံ၏ အစိတ်အပိုင်းအားလုံးသို့ ပြီးပြည့်စုံပြီး အနှောင်အဖွဲ့ကင်းသည့် ၀င်ရောက်ခွင့်များပေးရန် မြန်မာအစိုးရကို တောင်းဆိုမည့် ဆုံးဖြတ်ချက်တစ်ရပ်ကို လူ့အခွင့်အရေးကောင်စီက အတည်ပြုသင့်ကြောင်းလည်း ပြောကြားခဲ့သည်။

နိုင်ငံပေါင်း ၄၇ နိုင်ငံပါဝင်သည့် လူ့အခွင့်အရေးကောင်စီသည် အထူးကြားနာ စစ်ဆေးမှုတစ်ရပ် ပြုလုပ်မှု ရှားပါးလှသည်။ အားလုံးထဲ၌ ယင်းကုလသမဂ္ဂအဖွဲ့သည် ၂၀၀၆ ခုနှစ်တွင် စတင်ဖွဲ့စည်းပြီးနောက်ပိုင်း ၂၆ ကြိမ်သာ ခေါ်ယူခဲ့ဖူးသည်။

လူ့အခွင့်အရေးကောင်စီ အဖွဲ့ဝင်နိုင်ငံပေါင်း အနည်းဆုံး သုံးပုံတစ်ပုံ သို့မဟုတ် ၁၆ နိုင်ငံက တောင်းဆိုပါက အထူးကြားနာ စစ်ဆေးမှုတစ်ရပ် ခေါ်ယူနိုင်သည်။ ယခုလ အစောပိုင်းတွင် ကုလသမဂ္ဂလုံခြုံရေးကောင်စီသည် တရုတ်၏ပြင်းပြင်းထန်ထန် ဆန့်ကျင်မှုကို ခံရသောကြောင့် မြန်မာနိုင်ငံတွင် အကြမ်းဖက်မှုများကို အဆုံးသတ်ရန် တောင်းဆိုသော ဆုံးဖြတ်ချက်တစ်ရပ်ကို အတည်ပြုရန် အစီအစဉ်များကို စွန့်လွှတ်ခဲ့ရသည်။

သြဂုတ်လအနှောင်းပိုင်းတွင် ရက်စက်ကြမ်းကြုတ်သော မြန်မာတပ်မတော်၏ စစ်ဆင်ရေးကြောင့် ဘင်္ဂါလီမွတ်စလင် ၆၀၀,၀၀၀ ကျော်သည်  ဘင်္ဂလားဒေ့ရ်ှသို့ ထွက်ပြေးကာ ဒုက္ခသည်စခန်းများ၌ နေထိုင်နေရသည်။

Ref ; AFP

ဆေးဝါးစက်ရုံ (အင်းစိန်) တွင် အိပ်ခ်ျအိုင်ဗွီ၊ အသည်းရောင်အသားဝါဘီပိုး ကုသဆေးနှင့် ကင်ဆာလူနာများအတွက် နာကျင်မှုသက်သာစေသည့် ဆေးဝါးအမည်သစ်များ စတင်ထုတ်လုပ်

အင်းစိန်ဆေးဝါးစက်ရုံမှ အသစ်ထုတ်လုပ်ထားသော ဆေးအမည်သစ်များအား တွေ့ရစဉ်

မြန်မာ့ဆေးဝါးလုပ်ငန်း၊ ဆေးဝါးစက်ရုံ (အင်းစိန်) မှ အိပ်ခ်ျအိုင်ဗွီနှင့် အသည်းရောင်အသားဝါ ဘီပိုးကုသဆေးဝါးများနှင့် ကင်ဆာလူနာများအတွက် နာကျင်မှုသက်သာစေသည့် ဆေးဝါးအမည်သစ်များကို နိုဝင်ဘာမှစ၍ ထုတ်လုပ်ဖြန့်ချိမည်ဖြစ်ကြောင်း ဆေးဝါးစက်ရုံ (အင်းစိန်) မှ သိရသည်။

ယခုထုတ်လုပ်ဖြန့်ချိမည့် ဆေးအမည်သစ်များမှာ Drugs အုပ်စုဝင် အကိုက်အခဲပျောက်ဆေး Mefenamic Acid Caplet 500 mg ၊ အိပ်ခ်ျအိုင်ဗွီနှင့် အသည်းရောင်အသားဝါ ဘီပိုးကုသဆေး Tenofovir Caplet 300 mg နှင့် ကင်ဆာရောဂါဝေဒနာရှင်များအတွက် နာကျင်မှုသက်သာစေသော ဆေး Tramadol Capsule 50 mg Opioid Analgesic (မူးယစ်အနွယ်ဝင် အကိုက်အခဲပျောက်ဆေး) များကို ထုတ်လုပ်မည်ဖြစ်ကြောင်းနှင့် မူးယစ်အနွယ်ဝင်ဆေးများ ထုတ်လုပ်ရာတွင် ကျန်းမာရေးနှင့် အားကစားဝန်ကြီးဌာန၏ အမှာစာကိုသာ အဓိကထား ထုတ်လုပ်လျက်ရှိပြီး ပိုလျှံပါက ပြင်ပသို့ရောင်းချရာတွင် အထူးထိန်းချုပ်ဆေးဝါးလိုင်စင်ရှိသော  ပုဂ္ဂလိကဆေးရုံကြီးများ၏ လိုင်စင်အား စိစစ်ပြီးမှသာ ရောင်းချလျက်ရှိကြောင်း သိရသည်။

Tenofovir Tablet ဆေးမှာ ဗိုင်းရပ်စ်သတ်ဆေးဖြစ်ပြီး ခန္ဓာကိုယ်အတွင်းရှိ ဗိုင်းရပ်စ်ပိုးကောင်ရေများကို ကျဆင်းစေနိုင်ကြောင်း၊ စမ်းသပ်ထုတ်လုပ်မှုကြာချိန် သုံးလမှ ခြောက်လအတွင်း ကြာမြင့်ခဲ့ပြီး ဆေးဝါးမှတ်ပုံတင်လိုင်စင်ကို မြန်မာနိုင်ငံအစားအသောက်နှင့် ဆေးဝါးကွပ်ကဲရေးဦးစီးဌာနမှ ပေးပြီးဖြစ်ကြောင်းနှင့် ယင်းဆေးထုတ်လုပ်နိုင်ရန် အိန္ဒိယနိုင်ငံမှ ဖော်မြူလာကို ၀ယ်ယူခဲ့ပြီး အိန္ဒိယပညာရှင်များနှင့် ပူးပေါင်းထုတ်လုပ်ခြင်းဖြစ်ကြောင်း သိရသည်။

စက်မှုဝန်ကြီးဌာန၊ မြန်မာ့ဆေးဝါးလုပ်ငန်း၊ ဆေးဝါးစက်ရုံ (အင်းစိန်) အတွင်းခေတ်နှင့် မလျော်ညီသော ဆေးဝါးထုတ်လုပ်မှု၊ အဆောက်အအုံနှင့် စက်ပစ္စည်းကိရိယာများကို ရေရှည်တွင် ပုဂ္ဂလိကလုပ်ငန်းရှင်များနှင့် တစ်ဆင့်ချင်း အကျိုးတူပူးပေါင်းလုပ်ဆောင်နိုင်ရန် မျှော်မှန်းထားပြီး  ပြည်သူများ BPI ဆေးဝါးများ အလွယ်တကူဝယ်နိုင်ရန် BPI ဆေးဝါးအရောင်းဆိုင်များကိုလည်း တိုးချဲ့ဖွင့်လှစ်သွားမည်ဖြစ်ကြောင်း သိရသည်။

ဆေးဝါးစက်ရုံ (အင်းစိန်) သည်  ၁၉၅၈ ခုနှစ်မှစ၍ ထိုးဆေး၊ သောက်ဆေးအမျိုးမျိုးနှင့် ပဋိဇီဝပိုးသတ်ဆေးများကို ထုတ်လုပ်လျက်ရှိပြီး လက်ရှိ၌ ဆေးပြား၊ ဆေးတောင့်အမျိုးပေါင်း ၇၀၊ ဆေးရည် ၂၂ မျိုး၊ လိမ်းဆေး၁၀ မျိုး၊ ဆေးမှုန့်သုံးမျိုး၊ ထိုးဆေးအမျိုး ၅၀၊ သွေးကြောသွင်းဆေးအမျိုး ၅၀၊ ပဋိဇီဝဆေး ၁၁ မျိုး၊ စုစုပေါင်း ၁၈၁ မျိုးကို ထုတ်လုပ်လျက်ရှိကြောင်းနှင့် ဖေဖော်ဝါရီလအတွင်းက ဖွင့်လှစ်ခဲ့သည့် ထိုးဆေးထုတ်လုပ်မှု အဆောက်အအုံနှင့် ပဋိဇီဝဆေးဝါးထုတ်လုပ်မှု အဆောက်အအုံသစ်များအား ဖွင့်လှစ်ခြင်းကြောင့် နိုင်ငံတကာ ဆေးဝါးစက်ရုံများအတိုင်း GMP Guideline နှင့် အညီခေတ်မီဆေးဝါးအမည်သစ်များ နှစ်ဆထုတ်လုပ်မည်ဖြစ်ကြောင်း သိရသည်။

ဆေးဝါးစက်ရုံမှ ထုတ်လုပ်သည့် ဆေးဝါးများကို ကျန်းမာရေးနှင့် အားကစားဝန်ကြီးဌာန၊ ကာကွယ်ရေးဝန်ကြီးဌာနနှင့် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနတို့ကို အဓိကဖြန့်ဖြူးရောင်းချပေးလျက်ရှိပြီး ပိုလျှံသည့် ဆေးဝါးများကို ၂၀၁၆ ခုနှစ်တွင် အရောင်းကိုယ်စားလှယ်များကို တင်ဒါခေါ်ယူခဲ့ပြီး ယင်းတို့အနက်မှ ငါးဦးကို ရွေးချယ်ခဲ့ကြောင်းနှင့် ယင်းတရားဝင် ကိုယ်စားလှယ်များမှာ UOK Trading Co. Ltd ၊ PHAMEDIC Co.Ltd ၊ EMP ၊MEDI – TECH BIZ Co.ltd ၊ Bio Trust တို့ဖြစ်ကြောင်း သိရသည်။