<

သဘင်ပညာရပ်ပိုင်းဆိုင်ရာ ထိန်းသိမ်းစောင့်ရှောက်မြှင့်တင်ရေးအဖွဲ့များ ကဏ္ဍခြောက်ခုအတွက် ဖွဲ့စည်းလိုက်ခြင်း

မြန်မာနိုင်ငံ သဘင်ပညာရှင်များအစည်းအရုံး (ဗဟို) မှ ဦးဆောင်ကာ သဘင်ပညာရပ်များနှင့်ပတ်သက်သည့် ထိန်းသိမ်းစောင့်ရှောက်မှု မြှင့်တင်ရေးအဖွဲ့များကို သဘင်ကဏ္ဍခြောက်ခုအတွက် ဖွဲ့စည်းထားပြီးဖြစ်ကြောင်း သိရသည်။ ယင်းကော်မတီများအနေဖြင့် သက်ဆိုင်ရာကဏ္ဍအလိုက် ရိုးရာထိန်းသိမ်းမှုဆိုင်ရာ ဖျော်ဖြေရေးနှင့် ပတ်သက်သည့် လိုက်နာရမည့်စည်းကမ်းချက်များကို ထုတ်ပြန်သွားမည်ဖြစ်ပြီး ထိန်းသိမ်းမြှင့်တင်ရေးဆိုင်ရာ လုပ်ငန်းစဉ်များ ကိုဆက်လက်လုပ်ကိုင်သွားမည်ဟု သိရသည်။

“အစ်မတို့ မြန်မာနိုင်ငံသဘင်အစည်းအရုံး (ဗဟို) အနေနဲ့ မြန်မာ့သဘင်ရဲ့ ကဏ္ဍအလိုက်၊ ပညာရပ်အလိုက် ဖျော်ဖြေမှုတွေနဲ့ ပတ်သက်တာတွေ၊ သဘင်ပညာရပ်အလိုက် ထိန်းသိမ်းစောင့်ရှောက်ရမယ့် အကြောင်းအရာတွေအတွက် သဘင်ပညာရပ်အလိုက် ထိန်းသိမ်းမြှင့်တင် စောင့်ရှောက်ရေးကော်မတီတွေကို ဖွဲ့စည်းခဲ့တာပါ။ နောက်ပိုင်းမှာတော့ ဒီကော်မတီအဖွဲ့တွေကနေပြီး ဆိုင်းဆိုရင်လည်း ဆိုင်းအတွက် သက်ဆိုင်ရာပညာရှင်တွေကနေပြီး ရိုးရာထိန်းသိမ်းမှုနဲ့ သက်ဆိုင်တာတွေ ဆန်းသစ်တီထွင်မှုနဲ့ ပတ်သက်တာတွေ သတိထားလိုက်နာရမယ့်အချက်တွေကို ဆက်လက်လုပ်ဆောင်သွားကြမှာပါ” ဟု မြန်မာနိုင်ငံသဘင်ပညာရှင်များအစည်းအရုံး (ဗဟို)၏ ပြန်ကြားရေးမှူး မပတ္တမြားကေခိုင်က ဆိုသည်။

မြန်မာနိုင်ငံ သဘင်ပညာရှင်များအစည်းအရုံး (ဗဟို) အနေဖြင့် ဆိုင်းပညာရပ်ဆိုင်ရာ ထိန်းသိမ်းမြှင့်တင်ပြန့်ပွားရေးကော်မတီ၊ ရာမယဏ ပညာရပ်ဆိုင်ရာ ထိန်းသိမ်းမြှင့်တင်ပြန့်ပွားရေးကော်မတီ၊ ဆပ်ကပ်မျက်လှည့်ပညာရပ်ဆိုင်ရာ ထိန်းသိမ်းမြှင့်တင်ပြန့်ပွားရေး ကော်မတီ၊ နတ်ဒေ၀ါပညာရပ်ဆိုင်ရာ ထိန်းသိမ်းမြှင့်တင်ပြန့်ပွားရေး ကော်မတီ၊ ဇာတ်သဘင်ပညာရပ်ဆိုင်ရာ ထိန်းသိမ်းမြှင့်တင်ပြန့်ပွားရေးကော်မတီနှင့် မြန်မာ့ရုပ်သေးပညာရပ်ဆိုင်ရာ ထိန်းသိမ်းမြှင့် တင်ပြန့်ပွားရေးကော်မတီတို့ကို ဖွဲ့စည်းလိုက်ခြင်းဖြစ်သည်။

 

 

December 24, 2017














Copy Protected by Chetan's WP-Copyprotect.