အများပြည်သူ အထိတ်တလန့် ဖြစ်ခဲ့ရသည့် ဇီကာဗိုင်းရပ်စ် ဂယက်

မြန်မာနိုင်ငံ အပါအ၀င် နိုင်ငံပေါင်း ၇၃ နိုင်ငံတွင် ကူးစက် ပျံ့နှံ့နေသည့် ဇီကာဗိုင်းရပ်စ် ရောဂါကို နိုင်ငံတိုင်းက ဦးစားပေး တိုက်ဖျက်ရမည့် နံပါတ် (၁) ရောဂါအဖြစ် ကမ္ဘာ့ကျန်းမာရေး အဖွဲ့က ၂၀၁၆ ခုနှစ် စက်တင်ဘာက ကျင်းပသည့် အရေးပေါ် ကော်မတီ အစည်းအဝေးတွင် ဆုံးဖြတ်ခဲ့သည်။  

ကမ္ဘာ့ကျန်းမာရေး အဖွဲ့က ဇီကာဗိုင်းရပ်စ်ရောဂါနှင့် ပတ်သက်သော ဆောင်ရွက်ရမည့် ကိစ္စများကိုလည်း နိုင်ငံအလိုက် တိတိကျကျ ထုတ်ပြန်ခဲ့ပြီး လိုအပ်သည့် လူ့စွမ်းအား အရင်းအမြစ်များ၊ ဆေးဝါးများ ၀ယ်ယူနိုင်ရန် ရန်ပုံငွေ ရရှိရေး ကြိုးပမ်းနေသည်။

ကမ္ဘာ့ကျန်းမာရေး အဖွဲ့ (IHR Emergency Committee) သည် ၂၀၁၆ ခုနှစ် ဖေဖော်ဝါရီ ၁ ရက်တွင်  ကျင်းပသော အရေးပေါ် အစည်းအဝေးတွင် ဇီကာဗိုင်းရပ်စ်ပိုး သယ်ဆောင်သော အေးဒီးစ်ခြင်ကျား ကိုက်ခြင်းမှ တစ်ဆင့် ကူးစက် ပျံ့နှံ့သော ဇီကာဗိုင်းရပ်စ် ရောဂါနှင့် Microcephaly အပါအ၀င် အခြား Neurologic disorders ဖြစ်ပွားနိုင်မှုတို့ ဆက်စပ်နိုင်ခြေရှိမှုနှင့် အခြား အကြံပြု တင်ပြချက်များအပေါ် အခြေခံ၍ ကမ္ဘာ့ကျန်းမာရေးအဖွဲ့ ညွှန်ကြားရေးမှူးချုပ်က အပြည်ပြည်ဆိုင်ရာ ပြည်သူ့ကျန်းမာရေး အရေးပေါ် အခြေအနေ (Public Health Emergency of International Concern)အဖြစ် သတ်မှတ် ကြေညာခဲ့သည်။

ဇီကာရောဂါ လက္ခဏာ သံသယရှိသူ နိုင်ငံခြားသူ ကိုယ်ဝန်ဆောင် အမျိုးသမီး တစ်ဦးကို ရန်ကုန်မြို့၌ တွေ့ရှိသဖြင့် လိုအပ်သော ဓာတ်ခွဲစမ်းသပ်မှုများ ဆောင်ရွက်ခဲ့ရာ စစ်ဆေးမှု ရလဒ်များအရ ဇီကာရောဂါ ဖြစ်ပွားလျက် ရှိကြောင်း အောက်တိုဘာ ၂၇ ရက်က ကျန်းမာရေးနှင့် အားကစား ၀န်ကြီးဌာနမှ အတည်ပြု ပြောကြားခဲ့သည်။

ရောဂါပိုး ကူးစက်ခံခဲ့ရသည့် နိုင်ငံခြားသူ ကိုယ်ဝန်ဆောင် အမျိုးသမီးမှာ လွန်ခဲ့သော လပိုင်းအတွင်းက ဇီကာရောဂါ ဖြစ်ပွားနေသည့် နိုင်ငံများသို့ သွားရောက်ဖူးကြောင်း၊ ဇီကာသံသယ လက္ခဏာများ တွေ့ရှိခဲ့ခြင်းကြောင့် အဆိုပါ ကိုယ်ဝန်ဆောင် အမျိုးသမီး ကိုယ်တိုင် ကျန်းမာရေး ဌာနသို့ အကြောင်းကြားခဲ့ခြင်းကြောင့် လိုအပ်သည့် ကျန်းမာရေး စစ်ဆေးမှုများ ပြုလုပ်ခဲ့သည့် အတွက် ရောဂါကို တွေ့ရှိခဲ့ခြင်း ဖြစ်ကြောင်း၊ ကျန်းမာရေး အခြေအနေ ကောင်းမွန်ပြီး စိုးရိမ်ရသည့် အနေအထားတွင် မရှိကြောင်း ပြည်သူ့ကျန်းမာရေး ဦးစီးဌာန ဗဟိုကူးစက်ရောဂါ တိုက်ဖျက်ရေး ဌာနက ထုတ်ပြန် ကြေညာခဲ့သည်။

မြန်မာနိုင်ငံတွင် ဇီကာရောဂါ စတင်တွေ့ရှိပြီးနောက် ပိုးလောက်လန်းနှင့် ခြင်နှိမ်နှင်းရေး လုပ်ငန်းများ၊ ခြင်များတွင် ရောဂါပိုး ကူးစက်မှု ရှိ၊ မရှိ ရှာဖွေ သုတေသနပြုသည့် လုပ်ငန်းများ အရှိန်မြှင့် လုပ်ဆောင်ခဲ့သည်။

မြန်မာနိုင်ငံတွင် ဇီကာကူးစက်ခံရသူ မတွေ့မီ ကတည်းက ရောဂါနှင့် ပတ်သက်၍ ကြိုတင်ကာကွယ်ရေး လုပ်ငန်းများ လုပ်ဆောင်ခဲ့ပြီး လက်ရှိ နိုင်ငံတကာ ခရီးသွား အ၀င်အထွက် များသည့် ရန်ကုန်တိုင်းဒေသကြီးကို ဇီကာဗိုင်းရပ်စ်ရောဂါ ဖြစ်ပွားနိုင်ခြေ အများဆုံး တိုင်းဒေသကြီးအဖြစ် သတ်မှတ်၍ ပိုးလောက်လန်းနှင့် ခြင်နှိမ်နှင်းရေး လုပ်ငန်းများကို အရှိန်မြှင့် လုပ်ဆောင်ခဲ့သည်။

ကိုယ်ဝန်ဆောင်များနှင့် ကိုယ်ဝန်ယူရန် စီစဉ်ထားသည့် ဇနီးမောင်နှံများ အနေဖြင့်လည်း ရောဂါ ဖြစ်ပွားနေသည့် နိုင်ငံများသို့ မသွားရန်နှင့် မဖြစ်မနေ သွားရောက်ရန် ရှိပါက ခြင်ကိုက်မခံရအောင် နေထိုင်ရန် တိုက်တွန်းထားပြီး ရောဂါဖြစ်ပွားမှု ရှိနေသည့် နိုင်ငံများမှ ပြန်လာသူ ဇနီးမောင်နှံများ အနေဖြင့်လည်း လေးလမှြေ့ခာက်လအတွင်း ကိုယ်ဝန် မယူရန် ပညာပေး တိုက်တွန်းမှုများလည်း ပြည်သူ့ကျန်းမာရေး ဦးစီးဌာနမှ လုပ်ဆောင်ခဲ့သည်။

ပြည်သူ့ကျန်းမာရေး ဦးစီးဌာနက ဇီကာဗိုင်းရပ်ရောဂါ ကြိုတင်ကာကွယ်ရေး အနေဖြင့် လူထုအခြေပြုနှင့် ဆေးရုံအခြေပြု ရောဂါစောင့်ကြပ် ကြည့်ရှုခြင်း လုပ်ငန်းများ လုပ်ဆောင်ခဲ့ပြီး သံသယလူနာ ၃၀ ထံမှ သွေးနှင့် ဆီး ဓာတ်ခွဲနမူနာများ ရယူ၍ ရောဂါ ရှိ၊ မရှိ စမ်းသပ် စစ်ဆေးခဲ့သည်။ ဇီကာဗိုင်းရပ်စ် ရောဂါလက္ခဏာရှိသူ ၃၀ အား စစ်ဆေးခဲ့ပြီး ၃၁ ဦးမြောက်တွင် ဇီကာဗိုင်းရပ်စ် ကူးစက်ခံရသူ တွေ့ရှိခဲ့ခြင်း ဖြစ်သည်။

လက်ရှိ အချိန်အထိ သံသယ လူနာ ၅၀ ထံမှ သွေးနှင့်ဆီး ဓာတ်ခွဲနမူနာများ ရယူ၍ အမျိုးသား ကျန်းမာရေး ဓာတ်ခွဲမှုဆိုင်ရာ ဌာန (ရန်ကုန်) တွင် ဇီကာဗိုင်းရပ်စ်ရောဂါ ရှိ၊ မရှိ စမ်းသပ်စစ်ဆေးခဲ့ရာ လူနာအားလုံးတွင် ဇီကာဗိုင်းရပ်စ်ရောဂါ ဖြစ်ပွားမှု မတွေ့ရှိရကြောင်းနှင့် ဆေးရုံအခြေပြု ရောဂါစောင့်ကြပ် ကြည့်ရှုမှု အရ ဇီကာဗိုင်းရပ်စ်ရောဂါကြောင့် ဖြစ်ပွားသည့် ဦးခေါင်းသေးငယ်သော ကလေးမွေးဖွားမှုများ လက်ရှိအချိန်အထိ မတွေ့ရှိရကြောင်း ပြည်သူ့ကျန်းမာရေး ဦးစီးဌာနမှ ထုတ်ပြန် ကြေညာခဲ့သည်။

ကမ္ဘာ့နိုင်ငံ အချို့တွင် ဇီကာဗိုင်းရပ်စ်ရောဂါ ဖြစ်ပွားနှုန်း လျော့နည်းသွားခဲ့ခြင်းကြောင့် နိုဝင်ဘာ ဒုတိယပတ်တွင် ကမ္ဘာ့ကျန်းမာရေး အဖွဲ့က အပြည်ပြည်ဆိုင်ရာ ပြည်သူ့ကျန်းမာရေး အရေးပေါ် အခြေအနေ အဖြစ်မှ ပယ်ဖျက်ခဲ့သည်။ အရေးပေါ် အခြေအနေ အဖြစ်မှ ပယ်ဖျက်လိုက်သော်လည်း ရောဂါထိန်းချုပ်ရေး လုပ်ငန်းများကို နိုင်ငံအလိုက် ဆက်လက်လုပ်ဆောင်ရန် ညွှန်ကြားခဲ့ပြီး သတ်မှတ်လုပ်ဆောင်လျက် ရှိသည်ဟု သိရသည့်အတွက်၂၀၁၆ ခုနှစ်၏ ထင်ရှားကျော်ကြား ကဏ္ဍတွင် ပြန်လည် ဖော်ပြအပ်ပါသည်။

Writer: 
အိသဉ္ဇာကျော်